བོད་ཡིག

e-texts based on the ACIP/ALL Input

pa ru/ /bcug la dgra yi dur bcug na/ /the tshom med par gang bsgo 'grub/ /klu yong gnas su gang bsgo byed/ /nag po'i 'phan nam rgyal mtshan la/ /sngags dang ming spel byas nas ni/ /mchod rten la btags gang bsgo 'grub/ / gang 'dod yul gyi lha rten nas/ /gnas pa bskyed la gtor ma sbyin/ /gong gsungs bzlas pa tshang bar bya/ /yul du ser ba myur du phob/ /bsgon myur du 'bebs par byed/ /de ru gtor ma gtong du sba/ /yul lha'i steng du nag po gzhag /nag po' sngags bzlas phur bu ni/ /yul lha'i snying gang gang bab bya/ /des ni the tshom/ /med par 'grub/ /byi yi thod pa sha med la/ /sngags dang med sbel dgra khyim sbe/ /de yi dang ni gang bsgo 'grub/ /thal ba'am yungs kar gang la yang/ /bzlas gtor sar sogs 'chad par byed/ /nag po sngags kyi sbyor ba yi/ /yon tan brjod par mi nus so zhes gsungs so/ /dpal nag po'i sgrub thabs slob dpon bram ze mchog sred kyis mdzad pa rdzogs so// //* / /rgya gar skad du/ A d+hig+hA na ma hA kA la sA d+ha naM nA ma(rgyud 'grel phyag drug sprul gyi rgyan gyis rnam par brgyan/ /g.yas pa phreng ba bar ma gri gug 'dzin/ /tha ma Da ma ru ni drag tu 'khrol/ /g.yon pa thod pa dang ni mdung rtse gsum/ /de bzhin zhags pa bzung nas 'dzin par byed/ /drag po'i zhal la mche ba rnam par gtsigs/ /spyan gsum drag po dbu skra gyen du 'bar/ /dpral bar sind+hu yis legs par byugs/ /spyi bor mi bskyod pa yis rgyas btab bard+han/ shing las byon nas gtor ma len par dmigs/ /oM badzra mahA kA la k+Shi k+She tra big+h+nan yin yA ka hUM hUM phaT phaT swAhA/ /lan bdun brjod la gtor ma btang/ /byin gyis brlabs pa'i nag po chen po'i sgrub thabs slob dpon chen po sha ba ri pas mdzad pa rdzogs so// //*/ /rgya gar skad du/ sh+rI ma hA kA la a b+hi Shi nya paM d+hi/ bod skad du/ /dpal nag po chen po'i dbang bskur ba'i chog/ /dpal he ru ka la phyag 'tshal lo/ /srung ma'i mgon po 'khor dang bcas/ /bla ma'i mchog la phyag 'tshal nas/ /dpal ldan nag po chen po yi/ /dbang bskur cho ga bri bar bya/ /slob dpon dbang dang ldan pa yis/ /slob ma'i nus pa bskyed phyir ro/ /de la don ni gsum yin te/ /bsnyen dang dngos bzhi rjes nyid do/ /de la bsnyen pa ni slob dpon mtshan nyid dang ldan pa la/ /slob ma snod dang ldan pa yis mchod pa dang gtor ma dar yon dbul brtsams rdzogs par byas nas/ slob dpon gyis bdag la dang la mgon po nag po'i dkyil 'khor du 'jug pa'i mthu dang/ dngos grub kyi dbang bskur ba dang/ rjes su gnang ba stsal du gsol zhes lan gsum brjod do/ /de nas slob dpon gyis gnad pa bye nas gnas dben par dkyil 'khor la sogs pa dang/ /tshogs kyi 'khor lo la sogs pa'i dam rdzas tshang bar bkor la/ /nag po chen po bskyed par bya ba la sogs pa byas te/ sngags nyis stong ngam 'bum phrag brjod par bya'o/ /de nas dngos gzhi'i tsho ga la 'jug par bya ste/ /sa bzung ba dang/ sta gon dang/ dkyil 'khor du 'jug cing dbang bskur bar bya'o/ /dkyil 'khor gyi khang par sa blangs pa la sogs pa byas nas chag chag btab ste/ bgegs la bka' bsgo pa byas nas/ /bgegs kyi rgyal po rnams la/ dpal rdo rje nag pos phur pa btab la/ srung ba'i 'khor lo bsgom par bya'o/ /de nas dkyil 'khor dang/ lha dang/ bum pa dang/ slob ma rnams sta gon du gnas par bya ste/ dpal nag po chen po'i dkyil 'khor gyi lha rnams