བོད་ཡིག

e-texts based on the ACIP/ALL Input

kyis bsgyar te gtan la phab pa'o// //rgya gar skad du/ dz+nyA nA gna dzwA la ho ma bi d+hi nA ma ni/ bod skad du/ ye shes kyi me sbor ba zhes bya ba'i sbyin sreg gi cho ga /dpal nag po chen po la phyag 'tshal lo/ /gang zhig dran pa'i skad cig gis/ /'gro rnams 'jigs byed 'dod chags sogs/ /bud shing sreg pa'i nag po chen/ /ye shes me chen la phyag 'tshal/ /gsal la ma tshangs med bsdus pa'i/ /yang dag rim bzhin bri 'dod pas/ /ye shes me sbor zhes brjod pa'i/ /sbyin sreg cho ga bshad par bya/ /de la cho ga 'di ni nyi ma bzang po la dpal nag po chen po'i rnal 'byor dang ldan pas sngon du gtor ma byin la/ lag pa g.yas pa kha sbub ste brkyang nas rang gi sngags brgya rtsa brgyad bzlas pa ni kun rdzob yang dag par bya ba'i thabs so/ /yang na stong pa nyid kyis so/ /yang na thab khung thams cad bca' ba'i don du sbyang ba'i bye brag dngos grub rin chen 'byung gnas su bshad pa'i cho ga ltar rgyas par sa? pa la sogs pa byas la/ sa bdag klu'i lta ba'i kha phyogs su thab khung rnams bca' bar bya ste/ de rnams las zhi ba las gzhi dkar la bsnum pa rgyar khru gang zlum po'o/ /dbus su rdo rje rtse lnga pas mtshan pa/ thab kyi steng du kha khyer la 'phang dang rgyar sor bzhi pa'o/ /kha dog dkar pos byug me tog dkar pos chal ba byas ste brgyan no/ /rgyas pa'o sa gzhi ser la bsnum pa rgyar khru ngo ba zur brgyad pa rin po che lta bu/ dbus su rdo rjes mtshan pa'i rin po che'o/ /thab kyi steng du kha khyer la 'phang dang rgyar sor brgyad pa la kha dog ser pos byug/ me tog ser pos chal bar byas te/ dbang las gzhi dmar la 'jam par chos 'jam lta bu rdo rje mtshan pa la sogs pa zhi ?? mtshungs pa la kha dog dmar pos byug /me tog dmar pos chal bar dag ma/ /mngon spyod las gzhi dal ba dang tsha sgo can dang rtsub la gnag par rgyar khru gang gru bzhi pa'i dbus pad+ma nag po'i steng du khro bo'i rdo rjes mtshan pa dgod/ /thab khung gi steng kha khyer la 'phang dang rgya sor bzhi pa phyir kha bltas pa la khro bo'i rdo rje spras pa'o/ /sa nag po dang po dang dur khrod kyi thal ba dang/ bong bu dang rnga mo'i spangs la sogs pa dang bdud rtsi lnga dang ldan pa'i chu yis byugs la/ dri med pa dang dri mi zhim pa'i me tog sngon po 'am nas kyi lkogs bas chal par dgra mo/ /'bar ba'i phreng bas bskor ba'i 'jigs par byed pa bcas la mi'i tshil la sogs pa'i mar mes brgyan pa'o/ /yang na rngal? tshan tsam la brten no/ /'di ni thab khung gi mtshan nyid bstan pa'o// //shing pA la sha 'am u duM bA ra la sogs pa'o ma can gyi steng yal ga gsar pa sor bcu gnyis pa mnyam pa bcad pa sbom phra ma the'u chung tsam pa la sbred rtsi dang 'o ma dang mar la sbags pa'i yam shing 'dob ma gnyis dang ldan pa/ rtse mo gcig bya ming med mthe gong gis bzung la bsnun no/ /rul pa dang yon po dang phra ba la sogs pa spang ngo/ /ku sha til mar la spags pa dang 'bras sA? du'i zan dang/ 'o ma dang/ nas dang/ hil dang/ zho dang/ pri yang ku dang/ tsan dan dang/ dur ba dang/ shing dri zhim pa khu ba dang/ me tog dang/ 'bras yos dang/ 'bras bu skyur po can gyi lo na rtse mo gnyis ka sgrad dang 'o ma la sbags la/ ji lta ba bzhin du zhi pa'i sbyin sreg bya'o/ /'dir yang sngon gyi shing rkyed pa na sna skyes pa'i yol ga sbom phra chang par shong pa khru re ba zho dang 'o mar sbags pa'i yam shing dang/ 'bras zho dang me tog brgya bzho dang spags pa dang/ 'bri lo'i 'bras bu dang/ 'bras sA lu dang/ pad+ma ge sar dang/ nA ga ge sar dang/ ka ra ni ka dang/ 'bru sna tshogs rnams kyis rgyas pa la'o/ /zhi pa'i skabs su bshad ma'i shing yon tan ngang ldan pa 'o ma can sor lnga pa 'am/ bri yang ku 'am/ tsam pa ka'i ge sar la sogs pas yam shing ngo/ /me tog dang 'bras bu dmar la skyur ba rnams kyis dbang la'o/ /shing ro tsha ba dang/ kha ba dang/ tsher ma dang ldan pa rnams sam/ ro sregs pa'i shing gses pa sor bcu pa rtsa ba'i phyogs nas bzung ste/ dug dang khrag dang til gyis sbags brtse mo rno ba dang ldan pa yam shing ngo/ /yungs kar dang/ tsha ba'i mar dang/ khrag dang/ tshwa dang/ ske tshe dang/ nim pa'i lo ma dang/ ro bsregs pa'i thal ba dang rkang rjes kyi sa dang/ bong bu dang/ rnga mo la sogs pa'i spangs? dang/ khyi'i zhag dang/ bya rog la sogs pa'i sgro dang/ skra dang/ dri chen dang/ dri chu dang/ tsher ma dang/ rus pa'i phye ma la sogs pa gang rnyed pa rnams la/ dug dang khrag dang/ tshwa rnams sbags pa yis sam/ yang na thal ba dang sol ba dang phub ma la sogs pa rnams la bsgrub bya'i gzugs brnyan byas te dug la sogs pas sbags pas rkang pa g.yon pa'i mthe chung nas rim gyis mtshon rnon pos bcad cing bsnun pa ni bsad pa'i sbyin sreg go/ 'di ni rdzas kyi mtshan nyid bstan pa'o/ /mchod sbyin gyi shing srog chags med pa thab khung bas cung zad dma' ba' am/ bas mdza' i lci ba zhi la'o/ /sngon du gsungs pa'i shing 'bras bu dang bcas pa rgyas pa la'o/ /nim pa 'am/ shing ro skyur ba 'am/ shing gzhan me tog dang ldan pa rnams dbang la'o/ /shing ro tsha ba dang/ kha ba dang/ tsher ma dang/ ldan pa dang/ dri mi zhim pa dang/ dri med pa dang/ dur khrod nas byung ba rnams gang rung ngam/ bong bu dang rnga mo la sogs pa'i sbangs skam po rnams mngon spyod la'o/ /'di ni bud shing gi mtshan nyid bstan pa'o// //gser ram zangs sam mchod sbyin gyi shing las dgang gzar bya ste/ de'i yu ba ni skyes bu tshad dang ldan pa'i sor nyi shu rtsa bzhi pa'o/ /rdo rje la sogs pa dang stabs cig longs spyod du mi stub pa'o/ /steng gi cha pad+ma'i 'dab ma'i rnam pa can srid du sor brgyad pa shin tu mdzes pa la cha'i smad sor bzhi lham pa zabs su sor gnyis dang ldan pa'o/ /nang du rdo rje rtse gsum pa 'am rtse lnga pas brgyan pa/ bcud khung mtheb chung lto gang ba/ de steng rdo rje rtse ldabs spras pa/ yu ba'i 'og gi cha? rin po che rdor rjes brgyan pa'o/ /blugs gzar gyi yul ba'i 'og cha la yang de ltar go bar bya'o/ /rgyu snga ma dang mtshungs so/ /yu ba dgang zar srid du nyam pa la byed kyi phra ba khal rgyar sor gnyis pa pad+ma'i 'dab ma lta bu'o/ /zabs su sor gcig dang ldan pa la rdo rje rtse lnga pas spras pa dgod do/ /dgang gzar dang blugs gzar med na lag pas dgang blugs dang sreg blugs dbul bar bya'o/ /'di ni dgang gzar dang blugs gzar gyi mtshan nyid bstan pa'o// //de nas khrus byas la gos gtsang ma dang rgyan dkar po btags nas/ dpal nag po chen po'i rnal 'byor dang ldan pas dag bcad la/ bde ba'i stan gyi steng du pad+ma'i skyil mo krung bcas te/ dkar po'i tshes gcig gi nub mo srid kyi dus su kha shar du bltas nas bsgrub bya dmigs te zhi ba'i bsam pa dang ldan pas zhi ba'i las bya'o/ /de ltar gos la sogs pa gong las kha dog gi dbye bas shes bar byas la/ tshes bco lnga'i snga dro'i dus su lho ru bltas nas bzang por bsdad de/ 'phangs mtho ba'i bsam pa dang ldan pas rgyas pa'i las bya'o/ /de ltar gos dmar po la sogs pa snga ma ltar byas la chos brgyad kyi nam phyed kyi dus su nub tu bltas nas mthon po'i steng du rdo rje'i skyil mo krung gis bsdad de/ chags pa'i bsam pa dang ldan pas dbang gi las bya'o/ /de ltar gos nag po la khrag gis spras pa dang/ rgyan nag po gdab/ nag po'i dus gnyis gang rung cig gis nyi ma byed dam nam phyed kyi dus su byang du bltos nas/ stan spangs te mkhrang ba'i steng du bsgrub bya'i snying gar tso gcog por gnas la/ shin tu khro ba'i bsam pa dang ldan pa so dkrig mig bgrad khro gnyer bcas te/ dkon mchog gsum la bya ba ma yin pa byed pa rnams thugs rje chen pos bsang ba'i don du bsgrub bya'i snying ga na gnas pa'i srung pa rnams hUM las spros pa'i rdo rje'i lcags kyus bkug nas rang gi sa bon la bstim/ kho rang gi lha thams cad kyis kyang dor bar bsam mo/ /bsgrub bya'i sdig pa dang phral te sangs rgyas gyi zhing du bsgral bar 'dod pas mngon spyod kyi las bya'o/ /'di ni sgrub pa po'i mtshan nyid bstan pa'o// //gsor dang dngul dang rdo dang zangs dang shing dang sa rnams la dung gi dbyibs su byas pa 'am/ dud ngam sho me'i snod du yon cha la sogs pa'i snod do/ /nas dang/ 'o ma dang/ me tog dkar po dang/ til dang ku sha dang/ 'bras g.yos rnams dang/ bri chab dang bdud rtsi lnga dang ldan pa rnams blugs nas rang 'dod lha'i sngags la swAhA sbyar ba phogs brgya bzlas bas zhi ba la'o/ de ltar zho dang me tog ser po dang til dang dri chab kha dog gis shes par bya/ / gzhan gong dang 'dra/ oM btags pas rgyas pa la'o/ /me tog dmar po dang dri chab la sogs pa gong dang 'dra/ ho(rgyud 'grel tog dang dri kha dog nag po/ /dri med pa dri nga ba'i dri chab la sogs pa gong dang 'dra ba/ phaT btags pas mngon spyod la'o/ /'di ni yon chab la sogs pa'i mtshan nyid bstan pa'o// //zhi ba dang rgyas pa dang dbang rnams kyi dbye bas las thams cad ba'i sngags bzlas la/ las thams cad pa'i chu snod dang yon chab la sogs pa g.yon du'o/ /de rnams kyi g.yon du gzer zhal gsum gzhag go/ gsang gtor gyi bsangs la sbyin sreg gi shing la sogs pa'i rdzas g.yas phyogs su gzhag go/ spros pa la dga' na rnam rgyal gyi bum pa dang/ las thams cad pa'i bum pa'i lhag gnas ni dngos grub rin chen 'byung gnas ltar cho ga bya/ spros pa la mi dga' na slob dpon la la dag gis bum pa gnyis pa mi 'dod do/ /mngon spyod la g.yas su yon chab la sogs pa gzhan cing g.yon du rdzas rnams gzhag go/ 'di ni rdzas rnams dgram pa'i mtshan nyid bstan pa'o// //'o ma can gyi shing las byung ba'i me zhi ba la'o/ /rgyal po dang rgyal rigs kyi khyim nas byung ba'am/ nag pa las byung ba 'am/ rin po che las byung ba 'am/ dge 'dun gyi tshang mang las byung ba'i me rgyas pa la'o/ /rje rigs dang smad 'tshong ma'i khyim nas byung ba'i mes dbang la'o/ /mi rus las byung ba 'am/ dur khrod nas byung ba 'am/ rdo las byung ba 'am/ rigs ngan gyi khyim nas byung ba'i mes mngon spyod la'o/ /'di ni me'i mtshan nyid bstan pa'o// //de nas dngos grub rin chen 'byung gnas su bshad pa ltar gtor ma byin la/ srung ba dang ldan pas snod du mi bzung ste/ yi ge gsum gyi sngags bzlas/ /de nas las thams cad pa'i sngags brjod cing mar mes me spar ba dang/ sngags de nyid brjod cing pa'i chus mngon spyod dang gzhan la g.yon dang g.yas su phogs bdun bskor zhing pas bsang gtor byas te/ thab khur? ?? du ba dang bcas pa'am/ du ba yang ?? ?? pa gzhag te/ oM dzwa la hUM zhes pas yang dag par spar ba dang/ 'khor lo'i gtso bo'i snying po brjod cing blug gzar mar gyis bkang ste lan bdun gyis sbar bar bya'o/ /mngon spyod la tsha ba'i mar gyis so/ /zhes ku sha rnams dgram pa ni/ oM badzra satwa a(rgyud 'grel bstan pa'o/ /thab khung du dbul ba ni shar du bstan pa'o/ /gzhan yang rgyas pa dang dbang dang mngon spyod rnams kyi thab la rim pa ji lta ba bzhin shar dang lho dang nub rnams su shes par bya'o/ /de nas lha'i rang bzhin la gnas pa'i rang rang gi sa bon gyis thab bskyed la sbar ba'i bltas nas der bdag med pa bsams la/ yi ge raM las me'i dkyil 'khor gru gsum pa'o/ /de'i steng du pad+ma dang nyi ma dang gnas pa sa bon yi ge rA las byung ba'i lto ba 'phyang ba sha rgyas pa thung ba zhal gsum pa/ zhal re re zhing spyan gsum gsum pa dang ldan pa/ phyag dang po gnyis kyis yum la 'khyud pa/ g.yas kyi gnyis kyis mi 'jigs pa dang bgrang 'phreng 'dzin pa/ g.yon gnyis kyis dbyug pa dang spyi blugs 'dzin pa/ las kyi bye brag gi kha dog dang na bza' dang rgyun dang bsam pa'i bye brag dang 'od zer gyi 'phro 'du dang rgyas gdab rnams go bar bya'o/ /ral pa dang sma ra shin tu rgyas pa/ sa bon raM dang bcas pa'i me'i dkyil 'khor gyis thugs kar spros pa'i me lha bsams la/ thugs ka'i sa bon las 'od 'phros pas/ /dam tshig pa dang mtshungs pa'i ye shes pa 'khor dang bcas pa me mtshams na gnas pa bltas la/ spyan drang ba'i sngags ni/ oM e hye hi mahA b+hu twa de ba ri Shi dwi dza satwa ta ma gri hi twa hUM ti mahA ra smin saM ni hi to b+ha ba(rgyud 'grel tyaM la sogs pa bcug la/ zhabs bsil dang/ zhal bsil dang/ gsang gtor phul te/ las kyi bye brag gi me tog la sogs pa'i bye brag gis mchod par bya'o/ /phyi nas lag pa g.yon pa byang chub mchog gi phyag rgya steng du kha phyogs bas mar gyis gang ba'i dgang gzar bzung la yang lag pa g.yas pa 'og tu kha phyogs pas mar gyis gang ba'i blugs gzar steng du phyogs par bzung ste/ mngon spyod la de las gzhan par go bar bya'o/ /pus mo'i steng na 'khyud pa bzhin pas dgang glugs g.yas dang g.yon du bskor zhing dgang blugs gsuM 'aM bdun dngul ba ni/ /me lha'i lce la roM bkod la/ gsum po kha cung zad kha phye bar dbul/ /mngon spyod la kha shin tu gdangs par dbul ba ni/ /oM hI(rgyud 'grel dbang dang mngon spyod rnams kyi dbye bas/ oM na ma(rgyud 'grel ma yin pas go par byas la/ bsang gtor dang/ srung pa byas pa dang las thams cad pa'i sngags kyi sreg blugs lan bdun byas te/ phyi nas dgang thugs gsum phul la/ blugs gzar la sogs pas lan cig gam gsum 'am bdun dbul bar bya'o/ /yam shing la sogs pa sbyar pa ni/ oM a(rgyud 'grel oM ku ru ku ru swAhA zhes pa rdzas gzhan rnams sbyang ba'i sngags so/ /'dir bsreg pa'i go rim ni dang por me 'bar bzhin pa la yam shing bsreg go /de nas rims gyis mar dang/ til dang/ dUrba dang/ 'bras dang/ 'bras yos dang/ ku sha la sogs pa rang rang gi sngags kyis bsregs te/ phyi nas zhal bsil dang bsang gtor byas la/ me lha de 'bar ba'i rang bzhin du gyur pa la sogs par bya'o/ /de nas yi ge hUM gis yang bsang gtong byas la zhi bar 'dod pas cho ga ji lta ba bzhin zhi bar bya ba ni 'od zer 'phro bzhin pa'i dpal nag po chen por bskyed la/ /phyag na zla ba chu shel gyi bum pa bdud rtsis bkang ba thogs te bsgrub bya la lha mos dbang bskur bas de'i rims nad la sogs pa dag par bya'o rgyas par 'dod pas rgyas par bya ba ni bsgrub bya'i bang mdzod du snga ma ltar gser gyi bum pa nas rin po che'i rgyun bab pas dbul ba las grol bar bya'o/ /dbang du bya bar 'dod pas snga ma ltar utpal kha zum pa lta bu'i mde'u dang ldan pa'i mda' snying gar spros nas dbang du bya'o/ /bsad par 'dod pas khro ba dang bcas te bsgrub bya'i steng du rdo rje'i me'i char pa phab nas de thal bar song bar bsam zhing bsad par bya'o/ /de nas mngon par rtogs pa cho ga ji lta ba bzhin du dam tshig bskyed pa dang ye shes pa gzhug pa dang/ dbang bskur pa yan chad byas la/ me tog dkar po dang/ dri zhim pa la sogs pa'i rang sngags dang/ lha rnams kyi byin gyis brlabs la mchod pa ni zhi ba la'o/ /de bzhin du me tog ser pos rgyas pa la shes par bya'o/ /dbang la dmar pos so/ /drag po la dri mi zhim pa dang/ dri med pas me tog dang dri'o/ /gu gul dkar pos so/ /mi dang nya la sogs pa'i zhag las mar me'o/ /tsha ba dang kha bal sogs pas lha ba shos so/ /arg+ha dang