བོད་ཡིག

e-texts based on the ACIP/ALL Input

gyis bsgyur ba'o// // */ /rgya gar skad du/ pi thi shwa ra sto tra/ bod skad du/ zhing gi dbang phyug ma'i bstod pa/ bcom ldan 'das zhing gi dbang phyug ma la phyag 'tshal lo/ /kun rtog thams cad yang dag 'phrog /dngos rnams rang bzhin ngo bo ni/ /sems can kun la phan don du/ /snying rje'i mchog la phyag 'tshal lo/ /'khrul pas khyab pa thams cad du/ /zhabs kyis mnan nas rnam par spangs/ /nyon mongs thams cad bsal ba yi/ /zhing gi dbang phyug phyag 'tshal bstod/ /thams cad gnyis med mchog tu spangs/ /don rnams thams cad yongs su rdzogs/ /rnam pa can ni rnam pa med/ /byang chub gzugs la phyag 'tshal bstod/ /sku mdog dmar mo zhal bzhi ma/ /dga' ba la sogs gzigs pa yi/ /khro mo'i zhal gsum 'od 'phro ma/ /zhi ba'i gzugs la phyag 'tshal bstod/ /phyag 'tshal mgo po'i phreng ba ma/ /lnga lnga steng du yongs su 'dzin/ /skyil krung phyeng pa'i gar gyis gnas/ / g.yon du gzigs la phyag 'tshal bstod/ /snying gi pad+ma'i dbus su ni/ /zla ba'i dkyil 'khor yang dag gnas/ /snying rje yis ni khros pa'i thugs/ /zhing gi dbang phyug phyag 'tshal bstod/ /lhung bzed ral gri rdo rje dang/ /Da ma ru ni g.yas su gnas/ /g.yon na kha TwAM dril bu dang/ /rin chen utpal bsteng phyag 'tshal/ /rlung gi dkyil 'khor nang na gnas/ /stag gis pags pa'i sham thabs can/ /sna tshogs pang zla'i dkyil na gnas/ /sbyan gsum ma la phyag 'tshal bstod/ /rtsa gsum pa yi nang na gnas/ /dgug pa gsum ni yang dag 'phrog /ngo bo gsum ni yang dag len/ /sku gsum bsnyems la phyag 'tshal bstod/ /de nyid gsum gyi gzugs mdzes ma/ /sdug bsngal gsum po spangs pa yi/ /su 'og sa steng sa bla khyab/ /rang bzhin ma la phyag 'tshal bstod/ /nyi shu rtsa bzhi'i zhing rnams su/ /rnal 'byor ma ni nyi shu bzhi/ /nyi shu rtsa bzhi'i gnas na bzhugs/ /nyi shu rtsa lnga phyag 'tshal bstod/ /bu li? ra ma la pa'i zhing/ /legs dga' rnal 'byor dbang phyug ma/ /lha mo dkar mo phyag bzhim/ /spyi bor gnas la phyag 'tshal bstod/ /legs dga' 'dzin ma rnal 'byor ma/ /dzA laM d+ha ra spyi gtsug bzhugs/ /ljang gu mgo bo'i phreng bas na/ /rnal 'byor dbang phyug phyag 'tshal bstod/ /u rgyan du song ze 'brul/ /legs par dga' ba zla ba ma/ /sku mdog dkar mo u rbu'i ste/ /legs dga' phreng ba seng mo ni/ /go ta ba ri nye ba'i zhing/ /rna ba g.yas la yang dag gnas/ /legs par dga' ma zar ma ni/ /sku mdog ser mo phyag 'tshal bstod/ /ra me shwa ra smin mtshams su/ /dkar mo legs dga' 'dod ma ni/ /de bi ko Ti mig gnyis la/ /dmar mo legs dga' khro mo'i gzugs/ / dpung pa'i rtsa gnyis yang dag gnas/ /ma la zhing gi 'dren pa mo/ /lha mo sku mdog sngon yo'i 'od/ /phyag 'tshal legs bla med ma/ /zhing dang nye ba'i zhing dang brgyad/ /zhal gcig phyag ni bzhi ma'o/ /thams cad thod pa'i phreng ba 'dzin/ /phyag 'tshal bla med rnal 'byor ma/ /spyan gsum thong pa kha TwAM ga/ dril bu Da ma ru 'dzin ma/ /thams cad ngo bo rang bzhin bdag /phyag 'tshal rnal 'byor ma phyag 'tshal/ /phyag 'tshal kA ma ru pa la/ /zhing dang mthun gcod ces bya ba/ /mchan khung gnyis la gnas pa'o/ /lha mo gtsug tor bstong phyag 'tshal/ /phyag 'tshal o Ta 'thung gcod la/ /num gnyis na gnas pa yi/ /zhing na yang dag ye shes gzugs/ /rnal 'byor 'jigs ma phyag 'tshal lo/ /nye zhing tra sha ku ne ru/ /gtsug tor cung zad ces bya ba'i/ /rnal 'byor lte ba'i yul na bzhugs/ /phyag 'tshal thams cad 'dod ma la'o/ /ko sa la ni nye ba'i zhing/ /rnal 'byor ma zhes bya ba ye/ /sna rtser gnas pa'i yid kyis bsam/ / phyag 'tshal mchog ni dbang phyug ma/ /ka ling+ga ni kha la gnas/ /phyag 'tshal rnal 'byor ral tshogs ma/ /tshando bzhugs ba'i lha mo la/ /phyag 'tshal lhan cig skyes ma la'o/ /'thung gcod tshando lam ka/ drag mo mgrin bar gnas pa ste/ /ral can nye ba'i tsando la/ /kany+tsi snying ga bla na med/ /li d+ha hi ma la yi gnas/ /u pa tshandor gnas pa'o/ /phyag 'tshal rnal 'byor gtum mo la/ /yang dag rtog pas thams cad bsreg /'du ba pre ta bu ri pa/ /thod can ma ni gsang bar gnas/ /srin pa'i zhal ni gnas pa yi/ /rnal par 'gyur byed ma phyag 'tshal/ /sauraSh+Ta nye 'du ba/ /thor tshugs brla gnyis yang dag gnas/ /gser gling rje ngar gnyis su ni/ /nye ba'i 'du ba gar mkhan ma'o/ /phyag 'tshal sku gsung thugs bdag la/ /rnal 'byor ma ni bcu gnyis dran/ /thod pa kha TwAM ga 'dzin ma/ /'khor lo rdo rje kun tu bsnams/ /thams cad mgo bo'i phreng ba 'dzin/ /spyan gsum skra rtse 'bar ba can/ /gar ma dpa' mo chen me ni/ /bzhad pa'i gsung gi 'ong zer can/ /thabs dang shes rab rang bzhin gyis/ /phyed ni dmar la phyed ni ljang/ /skra brjes legs pa'i sbyan mda' ma/ /phyogs kyi gos can mchog 'dzin pa'o/ /phyag 'tshal phyogs skyong ma rnams la/ /kaM pu dzil sogs pa bzhi/ / zhal gcig spyan ni gsum ma'o/ /phyag bzhi ma ni mjes ma ste/ /sna tshogs pad+ma'i steng na gnas/ /hi ma'i dkyil 'khor la gnas pa/ /bdud bzhi yi ni gdan la bzhugs/ /sna tshogs mdog can phyogs kyi gos/ /rngam pa'i zhal can 'jigs pa'i gzugs/ /g.yas brkyang zhabs kyis yang dag bzhugs/ /dur khrod nye ba'i dur khrong gnas/ /mgo bo'i phreng bas kun nas brgyan/ /thong pa kha TwAM ga 'dzin pa/ /gri gug me yi mgo bo bsnams/ /rkang pa'i bol gong yul du ni/ /kaM bu dzi la phyag 'tshal lo/ /phyag 'tshal lha mo puk+ka pi/ /rkang pa'i mthil du kun nas bzhugs/ /si d+hu'i zhing du bzhugs pa ni/ /rnal 'byor dbang phyug phyag 'tshal bstod/ /de bzhin ma ro'i yul song ba/ /phyag 'tshal rnal 'byor lto de me/ /bus mo gnyis ka'i yul gnas pa'i/ /ma taM gi la phyag 'tshal bstod/ /ze 'bru'i dbus na bzhugs pa yi/ /'khor ba'i 'dren pa rnal 'byor ma/ /thams cad 'byung ba'i nang na gnas/ /sgrol ma'i gzugs la phyag 'tshal bstod/ / 'khor lo bzhi yi ting 'dzin gnas/ /tshangs pa yi ni gnas bzhi ma/ /snying rje chen po yi ni thugs/ /rang bzhin med la phyag 'tshal bstod/ /dang po'i yi ge man ngag zhal/ /A li kA li la gnas gzhan/ /ro ma rkyang ma a bi na/ /gnyis su med la phyag 'tshal bstod/ /rdo rje pad+ma yang dag bsdus/ /snying gi gnas las bzhengs pa yi/ /stong pa snying rje gnyis su med/ /byang chub sems la phyag 'tshal bstod/ /bsam gtan thams cad zla phyed spangs/ /dag bzhi po rnams rtogs pa yi/ / ska rtse brgya che'i rnal 'byor ma/ /mchon nyid med la phyag 'tshal bstod/ /rtog med mtshams med brten pa med/ /rtog med gnas pa med pa yi/ /thogs med yon tan ram mis legs/ /rgyud med rnam pa phyag 'tshal bstod/ /rnam par mi rtog brten pa med/ /bsam gtan bzlas brjod spangs pa yi/ /spangs pa nga rgyal med pa yi/ /rtog tu shar la phyag 'tshal bstong/ /rtog med bcom pa rnam bcom med/ /spang bya med cing gnas pa med/ /rang bzhin med pa snang pa med/ /the tshom med la phyag 'tshal bstod/ /mchog tu zhi ba phra rags med/ /mchog dang bar dang tha ma spangs/ /kun nas ngo bo thams cad bzhugs/ /thams cad 'das ma phyag 'tshal bstod/ /thams cad sems kyi gzugs can ma/ /thams cad mchog tu yongs su ste/ /bgegs rnams rab tu zhi ba ma/ /bgegs med ma la phyag 'tshal bstod/ /tshad med longs spyod med pa la/ /sa 'og sa bla rnam par khyab/ /gnyis med 'chi med lha mo ni/ /mthong ba med la phyag 'tshal bstod/ /sngon nas spangs pa med pa 'dzin/ /gnyis su med dus gzi brjid can/ /tshad med kun nas rang gis rig /ngo bo med la phyag 'tshal bstod/ /grangs med pa yi mi bzad pa/ /shes mig 'jigs pa spangs pa'o/ /'chi ba spangs pa'i dbang phyug mdza' / /dga' ba ma 'phyag 'tshal bstod/ /bla ma'i drin gyis gdul bya bzhin/ /rnal 'byor ma mos spyod lam gyis/ /sems can kun la phan don du/ /zhing gi rnal 'byor phyag 'tshal lo/ /mos pa chen pos rjes su chags/ /bstod pas bstong pa'i rkang pa 'di/ /sgra dang sgra med shes pa med/ /bzod pa mchog gi dbang phyug ma/ /bdag ni byis pa rmongs pa ste/ /mos pas bstod pa shin tu dga' / /zhing gi dbang phyug ma'i bstod pa 'di blon po'i rigs shin tu dga' ba'i paN+Di tas mdzad pa rdzogs so// // paN+Di ta ye shes rdo rje dang/ lo tsa ba nag tsho chen pos bsgyur ba'o// //rgya gar skad du/ badzra g+haN+Da lak+Sha Na nA ma/ bod skad du/ rdo rje dril bu'i mtshan nyid ces bya ba/ sangs rgyas la phyag 'tshal lo/ /rdo rje'i grub pa bshad