བོད་ཡིག

e-texts based on the ACIP/ALL Input

*?/ /'phags ma lha ma sgrol ma'i bstong ba bzhugs// //rgya gar skad du/ Arya tA ra de bi stotra sarba artha sA d+ha na nA ma sto tra rA dza/ bod skad du/ 'phags ma lha mo sgrol ma'i bstod pa/ don thams cad grub pa zhes bya ba bstod pa'i rgyal po/ mgon bo thugs rje chen po dang ldan pa/ /'phags pa spyan ras gzigs dbang phyug la phyag 'tshal lo/ /zla ba skar ma'i tshogs dang mkha' la mdzes/ /mgon po sems dpa' bskor cing 'gron nang mdzes/ /zla ba dri med gdung ba sel ba bzhin/ /mi shes kun spangs 'gro ba'i sdug bsngal sel/ /byang chub phyogs chos sum cu rtsa bdun dang/ /bsam gtan ting 'dzin rnam thar mang po can/ /sum cu rtsa gnyis mtshan gyis brgyan pa la/ /dpe byad bzang po brgyad bcus rab tu brgyan/ /srung byed gsum dang ma 'dris dran gsum dang/ /mi 'jigs bzhi brnyes yongs su dag bzhi mnga' / /stobs bcu'i rtsal ldan skye la thugs rje che/ /bag chags kun bcom mi brnyes rnam kun bcom/ /rigs lnga nyon mongs lnga bcom ye shes lnga/ /sku lnga mngon par byang chub rnam nga brnyes/ /lam lnga sbyor mdzad sangs rgyas lnga'i sku/ /phung po lnga spangs zag zad mngon shes lnga/ /dus gsum rgyal ba kun gyi snying po khyod/ /yon tan kun gyi 'byung gnas rgyu yi mchog /chags sdang la bral 'gro ba'i don gyi phyar ri/ /cha lugs rnam pa sna tshogs 'dzin pa khyod/ /sna tshogs 'phrin las sku mdog ljang khu can/ /dbu la 'od dpag med pas rab tu brgyan/ /'khor lo sgyur pa'i rgyal po'i cha lugs can/ /'gro ba'i ded dpon sgrol ma khyod kyi sku/ /mdzes pa'i ral pa dbu rgyan cod pan dang/ /dar dpyangs zla tshes sna tshogs rdo rjes mdzes/ /rna rgyan mgul rgyan dpung rgyan gdu bu dang/ /ska rags zhabs gdub ba da'i smad dgris mdzes/ /rin chen nor bus spras pa'i do shal dang/ /dpung rgyan se mo dos ni shin tu brgyan/ /bcos bu'i ras dang dang don sna tshogs pa'i/ /dar ding lha yi dar zab na bza' mnabs/ /pad+ma'i rigs ni pad+ma las 'khrugs can/ /sna tshogs pad+ma mchog gi gdan la bzhugs/ /chags sdang zhi sdang gti mug la sogs kyis/ /ma gos dpad+ma dmar po bzhin du dag/ /dpang po gshin rje chu/ lha gnod spin dang/ /'byung po me lha rlung lha srin po dang/ /sa bdag steng gi lha tshogs ma lus rnams/ phyogs skyong 'gro don sprul mdzad khyod kyi sku /tshangs pa khyab 'dzug dbang phyug lha chen dang/ /drag po zhi ba u ma la sogs las/ /rgyal 'gyur lha yi lha ste sgrol ma khyod/ /khams gsum kun gyi dbang phyug chen por grags/ /thod pa mi 'chang thugs rje'i thod pa can/ /ral pa rnams spangs shin tu dga' bas mdzes/ /g.yang gzhi dang bral mtshan dang dpe byad spras/ /thal bas ma bskus byams pa khyab pa'i bdag /dbyug gu gsum spangs bslab pa gsum dang ldan/ /dur khrod gnas dor chos kyi dbyings su rol/ /rked phran cang te'u la sogs sgra spangs nas/ /gsung dbyangs yan lag drug cus chos kun sgrogs/ /tshangs skud mi bsnams mya ngan 'das pa'i sku/ /mtshan spyod spangs nas dus kun mnyam par spyod/ /log sred byung gdung ba'i dka' thub spangs/ /dam pa'i brtul zhugs ma lus rab tu ldan/ mtshon cha dor nas shes rab mtshon cha bsnams/ /zhe sdang rnams spangs sgrub pa'i rtsa rgyun gcod/ /phyogs 'dzin mi mnga' grub mdza' kun gyi bdag /chags pa mi mnga' kun la mkha' ltar spyod/ /mdza' spangs nam mkha' lta bur khyod kyi thugs/ /shes bya'i dkyil 'khor thams cad khyod kyi sku/ /sgra dang brjod par snang ba thams cad gsung/ /sgrol ma chos kun sdus pa'i snying po can/ /zhi dang rgyas dang dbang dang mngon spyod dang/ /dgug dang dgar dang sde rangs bskrad pa dang/ /lkugs dang tshig 'phrog gzugs sgyur bsrung la sogs/ /dus gsum rgyal ba kun gyi 'phrin las can/ /sku yi dbang phyug gsung gi dbang phyug dang/ /thugs kyi dbang phyug 'dod yon dbang phyug ldan/ /rdzu 'phrul kun 'gro yon tan brgyad dang ldan/ /chos sku mkha' ltar dbyer med rtogs gyur kyang/ /gzugs sku 'ja' tshon lta bur 'gro la ston/ /ji srid dkyil 'khor kun gyi bdag po mchog /sgrol ma 'gro ba 'khor ba'i gseb lam sgrol/ /gang gis dran na ngan song 'jigs pa dang/ /rgyal po rkun po me chus 'jigs pa dang/ /seng+ge stag sbrul srin pa'i 'jigs las sgrol/ /'byung ba 'khrugs dang gdon gyis skyeng pa yi/ /srog 'phrog nad kyi bye brag ma lus dang/ /drang srong mkha' 'gro'i dmong gyur kun las sbrol/ /nor bu sngags dang sman sbyor 'dod pa bzhin/ /'gro la 'jig rten 'das pa'i dngos grub kun/ /mos pas dran pa rnams la stsol ba yin/ /rgyal srid 'dod pas g.yul ngor rgyal ba dang/ /longs spyod grags pa 'dod pa de dag dang/ /bkur ba'i dri ngas bral 'dod sbyong ba yin/ /gang gis bstod pas bde gshegs kun la bstod/ /dus gsum sangs rgyas kun gyi skyed mdzad ma/ /sangs rgyas sras bcas ma lus khyod kyi sku/ /rje btsun sgrol ma yon tan phung po can/ /tshangs pa khyab 'jug dbang phyug la sogs dang/ /drag po u ma ka ra sham la sogs/ /skul byed lu gu rgyud dang khro gnyer can/ /mA ma kI dang spyan dang gos dkar mo/ /'gro ba gang gis 'dul ba de don du/ /ji ltar khyad 'phags brjid pa'i cha lugs can/ /thabs tshul rnam pa mdza' yas ston pa'i sku/ /'gro ba'i skyabs mchog rje btsun sgrol ma mchog /spyi bor 'od pag med bzhugs phyag 'tshal lo/ /'jigs pa brgyad skyob sgrol ma'i sku la 'dud/ /grags pa mdza' yas sgrol ma'i sku la 'dud/ /'gro don sgrub pa sgrol ma'i sku la 'dud/ /sdug bsngal nges sel sgrol ma'i sku la 'dud/ /phyag stong spyan stong sgrol ma'i sku la 'dud/ /mkha' ltar mdza' yas sgrol ma'i sku la 'dud/ /mtshan la dpes brgyan sgrol ma'i sku la 'dud/ /zla 'dra'i yan lag sgrol ma'i sku la 'dud/ /nyi ma ltar gsal sgrol ma'i sku la 'dud/ /dus gsum 'gyur med sgrol ma'i sku la 'dud/ /sa ltar rten 'gyur sgrol ma'i sku la 'dud/ /chu ltar 'dzin mdzad sgrol ma'i sku la 'dud/ /me ltar smin mdzad sgrol ma'i sku la 'dud/ /rlung ltar rgyas mdzed sgrol ma'i sku la 'dud/ /sman pa'i rgyal po sgrol ma'i sku la 'dud/ /sman ltar nad 'joms sgrol ma'i skul 'dud/ /thugs rje'i chu rgyun sgrol ma'i sku la 'dud/ /'dul ba'i thabs mkhas sgrol ma'i sku la 'dud/ /sgeg kyang chags bral sgrol ma'i sku la 'dud/ /thar pa'i lam ston sgrol ma'i sku la 'dud/ /stong nyid nam mkha' lta bu'i chos kyi sgra/ /'gro ba ma lus pa la nges sgrogs pas/ /mu stegs ri dgas sgrags mdzad seng+ge che/ /rje btsun sgrol ma'i sku la phyag 'tshal lo/ /mi phyed rdo rje 'dzin pa'i zhags pa dang/ /chos sgrogs dud dang shes rab mnga' 'dzin dang/ /'dren pa'i lcags kyu yid 'od utpa la/ /snying rje gzhu dang lta ba'i sdigs mdzub mdzad/ /thugs kyi rnam par dag pa brda? tshul du/ /rdo rje la sogs rtags su byin brlabs pa'i/ /phyag brgyad mtshan ma brgyad kyis rab brgyan pa'i/ /rje btsun sgrol ma'i sku la phyag 'tshal lo/ /rdo rje sgrol ma rin chen sgrol ma dang/ /pad+ma'i sgrol ma las kyi sgrol ma dang/ /bdug pa'i sgrol ma me tog sgrol ma dang/ ar me'i sgrol ma dril bu'i sgrol ma dang/ /lcags kyu'i sgrol ma zhags pa'i sgrol ma dang/ /lcags sgrog sgrol ma dril bu'i sgrol ma dang/ /bcu gnyis 'khor la'i tshogs kyis rab bskor ba'i/ /rje btsun sgrol ma khyod la phyag 'tshal lo/ /dkon po 'ong dpag med la phyag 'tshal lo/ /phyag na pad+ma khyod la phyag 'tshal lo/ /spyan ras gzigs dbang de la phyag 'tshal lo/ /'jig rten dbang phyug khyod la phyag 'tshal lo/ /don yod zhags pa khyod la phyag 'tshal lo/ /khro rgyal rta mgrin khyod la phyag 'tshal lo/ /'jigs pa brgyad skyob khyod la phyag 'tshal lo/ /phyag stong spyan stong khyod la phyag 'tshal lo/ /thugs rje bcu gcig zhal la phyag 'tshal lo/ /dbang phyug chen po khyod la phyag 'tshal lo/ /rdo rje chos chen khyod la phyag 'tshal lo/ /de nyid don mchog khyod la phyag 'tshal lo/ /'jig rten dbang rab khyod la phyag 'tshal lo/ /rdo rje spyan rgyas khyod la phyag 'tshal lo/ /ral pa gcig ma khyod la phyag 'tshal lo/ /lha mo khro gnyer can la phyag 'tshal lo/ /thugs rje chen po khyod la phyag 'tshal lo/ /bud med sgyu 'phrul khyod la phyag 'tshal lo/ /ku ru ku le khyod la phyag 'tshal lo/ /lha mo gos dkar khyod la phyag 'tshal lo/ /oM tA re tut+tA re tu re swAhA/ /gang zhig sdom pa de bzung nas/ /sgrol ma'i sku gzugs spyan sngar ni/ /khrus byas dad pas rtsa gcig gis/ /bstod pa'i rgyal po 'dis bstong nas/ /gsang sngags bzlas brjod pa'i byas na rje btsun sgrol ma zhal bstan nas/ /gdud ba thams cad sel ba dang/ /dngos grub ma lus byin brlab 'gyur/ /zla ba yar ngo'i chos brgyad la/ /lci ba'i dkyil 'khor dbus su ni/ /rje btsun sgrol ma mchod byas nas/ /bstod dang gsang sngags 'di bzlas na/ /mgon po bzhin du bdag 'gyur te/ sgrib pa rnams dang dral ba dang/ /dri bas skur bdag pa dang/ /rgyud gsum yon tan ma lus 'grub/ /rgyal po g.yul du 'jug pa'i tshe/ /spyi bor snying po 'di bcangs na/ /bstod dang gsang sngags 'di brjod na/ /dgra bo 'dod bzhan dbang du 'gyur/ /bud med gang zhig bud med kyi/ /dngos po las ni bral 'dod dang/ /'jig rten dgos pa mchog dang ni/ /'jig rten 'das pa grub 'dod pas/ /khrus byas gos dkar bgos nas ni/ /bsnyen gnas bsrung bar nges gnas ta/ /yar ngo'i tshes brgyad mchod bstod bzlas/ /de dag the tsom med par 'grub/ /'phags ma lha mo sgrol ma la bstod pa/ don thams cad 'grub pa zhes pa/ bstod pa'i rgyal po rdzogs so// //slob dpon mA tri tsi Tas bstod pa'o// //'phags pa sgyu 'brul dra ba'i rim pa?