བོད་ཡིག

e-texts based on the ACIP/ALL Input

rdo rje bzhad pa dang/ sgra bsgyur gyi lo tsa ba chen po rma rin chen mchog gis dbang sgrub dang bcas par bsgyur cing bshad nas/ gtan la phab pa'o// // !/ /sangs rgyas thams cad mnyam la sbyor ba'i dkyil 'khor sgrub pa'i rim pa bzhugs so// rgya gar skad du/ sh+rI sarba bud+d+ha sa ma yo gi maN+Da la sA d+ha na kra ma nA ma/ bod skad du/ dpal sangs rgyas thams cad mnyam par sbyor ba'i dkyil 'khor sgrub pa'i rim pa zhes bya ba/ dpal rdo rje sems dpa' la phyag 'tshal lo ma 'gags rnam 'phrul ye shes chen po'i 'od/ /zab cing rgya che gsungs dbyangs sna tshogs sgrogs/ /yon tan rgyan gyis cho 'phrul bshad mthar phyin/ /rigs drug lha mo'i tshogs bcas rgyal gyur cig /theg chen gsang ba'i laM mchog gsal mdzad pa'i/ /sangs rgyas gnyis pas nges pa'i dgongs mdzad 'grol/ /'khor 'das ma spangs las sgrol rgyal chen po/ /rim bzhin brgyud pa'i dam pa rnams la 'dud/ /rgyud mchog sangs rgyas kun gyi gsang mdzod las// dkyil 'khor chen po'i las la rim pa dag /legs bsdus rnam 'grel sogs kyis gnas byas kyang/ /phyag rgya chen po'i sgrub thabs gsal ma bstan/ /dam pas ma 'ongs rnams la brtser dgongs phyir/ /sgrub pa chen po'i yan lag don sdus te/ /rgya mtsho rgya chen bdud rtsi thigs pa'i tshul/ /yang dag sgrub don yan lag phyogs gcig bshad/ /dam pa'i gsungs dang brgyud pa mi brten cing/ /dges 'brel yan lag 'thad pa'i sgrub med par/ /rang dgar smos tshig khA bzhin smra byed pa/ /gsang don smos phyir log 'dren gtso bor grags/ dgongs pa'i rim pas sgrub don pa bshad kyang/ /tshogs pas las rgyas myur ba'i cho ga yis/ /brten pa'i stobs kyis dus mtshungs grol byed pa/ /khyad par thabs kyi dkyil 'khor gsal bstan bshad/ /rgyal ba rnams kyi dgongs mdzad ji bzhin pa'i/ /yang dag sgrub pa'i bsnyen sgrub cho ga las/ /dang po rten gyi mtshan nyid ldan pa yis/ /sgrub pa chen po'i las la 'jug par bya/ /de dag ji bzhin legs par spyod pa'i mthus/ /tshe 'di las dang dngos rub phun tshogs gnas/ /rig 'dzin gnas thob sangs rgyas sar 'gro zhing/ /zag med yon tan phrin las go bar ston/ /gang zhig rgyal ba rnams kyi rjes su 'jug pa dag gis ni nges pa'i don du bshad pa'i theg pa dag kyang phyag rgya bzhi dang tshad mas bsgrubs te bla ma brgyud pa la brten par bya'o/ /de la dang po rten gyis mtshan nyid ni/ /zhi zhing des la gsong por smra ba dang/ /sgyu sogs med pas gzhan don brtson pa dang/ /nga rgyal khro gtum dang bral ba/ /'gro ba kun gyi yid 'ongs zhing/ /dam pa'i bshes gnyen la brten te/ skyabs su 'gro ba dang/ byang chub mchog tu sems bskyed pa dang/ sdom pa blang pa dag bya'o/ /de nas theg pa chen po la mos pa'i shugs kyis dad pa dang/ brtson 'grus dang/ yang dag pa'i lta bas shes rab gsum bskyed cing snod kyi rim pa dag gsal bar byas nas rdo rje theg pa la mos pas de nyid kyi bla ma dam pa la brten te/ dkyil 'khor du 'jug pa dang/ dbang bzhi rim pa bzhin du thob par bya ba dang/ de dag gi dam tshig ji skad bstan pa bzhin du gnas pas 'gro ba thams cad bsgral zhing byang chub kyi lam la dgod par bya ba'i phyir rdo rje theg pa las bshad pa'i don bzhin du bdag bsgral bar bya ste/ dad pa la skyon dub med pa dang/ brtson 'grus la thang lhod med pa dang/ lta ba la dbye gsal med pa dang/ spyod pa la 'gro 'theb med pas de bzhin gshegs pa'i spyan sngar dam bcas te/ /sgrub pa rim pa'i gdams ngag mnos shing lta bas mtshan nyid dang/ sgom pa'i mtshan nyid dang/ spyod pa'i mtshan nyid dang/ sgrub pa'i mtshan nyid dag the tshom med par nyams su blangs so/ /des bdag dang gzhan dag rjes su gzung ba'i phyir gzugs brnyan gyi dkyil 'khor bya ba'i cho ga dang/ dkyil 'khor ji lta ba bzhin shes shing bsgom pa'i ting nge 'dzin dang/ phyag rgya rnam pa bzhi shes pas rgyas gdab pa dang/ sngags rnam pa bzhis dkyil 'khor sgrub pa dang/ ye shes kyis lha la sogs pa rnams dgug pa dang/ mchod pa gsum gyi rim pa shes pas lha dang slob dpon mnyes par bya ba dang/ las sna tshogs kyi bya ba la sbyor ba'i cho ga dang/ bdag dang gzhan la sogs pa ma lus rnams/ /gang 'dod pa bsrung ba'i cho ga dang/ slar snga ba'i cho ga dang/ gshegs su gsol ba'i cho ga rnams la mkhas shing byang bar byas nas bdud rtsi lnga'i ri bus bcang zhing bsgrub par bya'o/ /de yang rdo rje rgyal po dang/ rgyal 'theb kyis ma zin par gyur nas/ gnas dang byang du gzhol zhing phyogs gzhan mtho bar gyur pa nags tshal phun sum tshogs par 'khor ba dang/ /yul dang/ yo byad dang/ rgyan chas phun sum tshogs pa'i sgo nas las la sbyar ro/ /de la gnas ni rnal 'byor pa nyid dag shin tu nyams dga' bar gyur pa'i sa gzhi pad+ma 'dra ba las dbus mtho zhing nam mkha' 'khor lo rtsibs brgyad pa ltar mngon pa/ shar dang byang du gzhol zhing phyogs gzhan mtho bar gyur pa nags tshal bzang po me tog 'bras bu'i tshogs kyis brgyan cing/ chu rgyun gsal bas mdza' bzhi rgyas pa'i ri 'am/ /ljongs sam/ thang la sogs pa rin po che dang sman 'bras kyis brgyan pa ni shin tu bkra shis par gyur to/ /de las gzhan pa'i las phra mo dag sgrub pa la ni rigs so so'i gnas dang mthun par bya'o/ /der shis pa dang mi shis pa'i ltas brtag pa'i phyir sa pus nub tsam du brkos la slar sa des dga' ba 'am dri chu bzang po dang sbyar bas bkang ste/ mnyam par bzhag pas rdo rje dril bu bzung zhing rang gi sngags brjod nas mi drag par gom par brgya'i gnas log ste blta bar bya'o/ /de las ma legs pa'i mtshan ma mthong ba dag la ni g.yas g.yon gyi gnas su spho bar bya zhing/ pra sren la sogs brtag go /de nas bsod nams kyi tshogs kyis snod dag par bya ba'i phyir/ /sku'i rten gzugs pa dang gsung gi sgra bsgrags pa dang/ /mchod sbyin chen po rgya cher btang zhing/ gtor ma'i tshogs kyis mgron rnams tshim par bya'o/ /de nas yang rnam par shes pa'i phyag rgya 'am/ /ye shes kyi phyag rgyas kyang brtags nas shin tu dge bar gyur pa der bslab par bya'o/ /gal te mtshan ma ngan pa lta bu zhig na ni zhi ba dang drag pos gdul bar bya zhing de dag gi sbyin sreg la sogs pas 'grub par 'gyur ro/ /yul gyi bdag po rgyal po la sogs pa dag ni bslang pa 'am/ rin gyis nyos pa 'am/ mi snang la ni rang gi lha'i sbyor bas gtor ma gtang ste/ mgron rnams tshims nas/ las la bsgo zhing de las khyad par du sa'i lha mo dang/ sa bdag ta pa la'i 'khor rnams la bslangs nas de dag mnyes par bya'o/ /de nas gzhi de dag tu dri chab byin gyis brlabs pa sngags kyis gtor zhing/ ting nge 'dzin gsal ba'i 'phro 'dus bdud rtsi dang/ yi ge gsum gyis sbyang ba byas nas dkyil 'khor ji tsam 'dod pa'i rgyar sa gzhi brkos te/ dngos grub 'bring gi don du/ khru ngo dang/ sor bzhi'i tshad du brkos pa'i tshad 'phang du brtsig par bya'o/ /de'i dus su rus pa dang/ gseg ma dang/ gyo mo dang/ sol ba dang/ sa ro rnams bsal te dri zhim pa'i chu dang/ sa mnyam 'jim pa sbyin po dang bsres nas brtsigs te/ sman dang/ rin po che dang/ dri rnams snying po ru gzhug go /yang chos nyid rnam par dag pa'i don bsam mo/ /oM swa b+hA ba shud+d+ha(rgyud 'grel ldan pa lngas rang nyid rgyan gyis brgyan te/ sa gzhi byin gyis brlab pa'i don du/ bruM ga ga na khaM A(rgyud 'grel rje sa gzhi dang/ ra ba dang/ gur la me 'od dang bcas par bsam mo/ /de nas sgrub pa po dkyil 'khor gyi dbus su gnas pa la phyogs bzhi/ de'i sngags dang phyag rgya ni/ /sna tshogs rdo rje bcings pa sa la bzhag ste/ oM me de ni badzri b+ha ba badzra band+ha hUM zhes pa'o/ /de nas bdag nyid kyi mdun du sa'i lha mo sku mdog ser mo buM pa 'dzin pa bka' nyan pa'i tshul du gnas pa las zhal bsil dang mchod yon phul zhing gsol ba gdab par bya'o/ /skyob pa sangs rgyas thams cad kyis/ /spyod pa'i tshul dang khyad par gyi/ /sa dang pha rol phyin pa dang/ lha mo khyod ni dbang du gyur/ /skyob pa shAkya seng ge yis/ ji ltar bdud kyi sde bcom pa/ /de bzhin bdag gi bdud las ni/ /rgyal bar bya phyir dkyil 'khor bri/ /zhes lan gsum gsol ba btab nas/ ji srid 'dam grub pa'i bar du bzhugs su gsol ba dang/ lha mo dgyes nas mdangs phyung ste slar smras pa/ khyed rnams dkyil 'khor chen po bsgrub par gyis shig ces brjod par bsam mo/ /de nas sgrub pa po dkyil 'khor gyi dbus su gnas pa la phyogs bzhi'i rnal 'byor pa rgyan gyis brgyan zhing/ /lha mo bzhi'i nga rgyal dang bcas pas gsol ba gdab par bya ste/ /oM byams chen nam mkha' i rigs sbyor ba/ /rdo rje 'dzin rgyal 'jigs pa'i skyabs/ / rnam 'byed gsal ba'i chos mchog can/ /yang dag ye shes spyod pa grol/ /a la la la la ho/ /oM snying rje'i gnas mchog dag pa'i dngos/ /mnyam nyid chos kun 'byung ba yis/ /yon tan rin chen mdzod ston pa'i// rnam 'phrul chos las rab tu grol/ /a la la la la ho/ /oM dga' ba'i padmo mtshan ldan pa/ /kun rtog dngos gsal chags pa med/ /rdo rje gsang gsum gnas don pa'i/ /brjod 'byung tshigs las 'das pa'o/ /a la la la la ho/ /oM btang snyoms gnas ngan dra ba sel/ /phrin las bdag po stobs rdzogs pa/ /bya ba'i ye shes mthar mdzad cing/ /sprul pa'i dkyil 'khor bstan du gsol/ /oM a la la la la ho/ /sangs rgyas thams cad mnyam sbyor ba'i// mkha' 'gro sgyu ma'i dkyil 'khor gtso/ /sdig pa thams cad las sgrol zhing/ /bsod nams dngos grub kun 'byung ba'i/ /rgyal ba kun gyi 'byung gnas mchog /mthong dga' thos pas grol byed pa/ /las mchog gsang ba chen po'i tshogs/ /bdag nyid chen po bstan du gsol/ /a la la la la ho/ /zhes brjod par bya'o/ /de nas bdag nyid rdo rje sems dpa' i ting nge 'dzin las khro bo rta mchog rol pa'i skur bsgom zhing phyogs bcur bsgyings pa'i tshul gyis gnas te/ mig g.yas par ma las byung ba'i nyi ma'i mes thams cad bsreg pa dang/ mig g.yon par a las byung ba'i zla ba'i chus ngag pa dang/ sna'i rtse mo las byung ba'i rlung gis thams cad 'thor zhing phyag gis mtshan cha khrol nas spro ba mdzad de/ /oM sum+b+ha ni sum b+ha hUM/ lha klu gnod sbyin 'byung po dang/ /dri za srin po sha za'i tshogs/ /gshin rje ma mo mkha' 'gro bdug /gnod byed drag po ma lus rnams/ /rnam dag sa gzhi 'dir gnas pa/ /srung byed pa yi bdag po'i dka' / /thas pa tsam gyis myur du dengs/ /nga yi dka' las 'da' ma byed/ /gang zhig gnas pa'i mthu bo che/ /rdo rje rdo rje kha TwAM gas/ /thal ba'i tshogs bzhin bshig par byed/ /rab 'bar khro bo'i gnas 'joms pa'o/ /rdo rje 'bar ba'i gzugs 'di yis/ /'dod gsum skyes rnams bsang bya ste/ /'jig par gyur phyir gzhan du gdengs/ /zhes lan gsum brjod cing sa gzhi skor te phyogs skyong bcu drug gnas lngar bsdus te/ khro bo stobs po dang sprin 'dra la sogs pa'i phur bus gdab po/ /oM badzra g+ha(rgyud 'grel mtshams btsams nas brtsam par bya'o/ /de nas dpal he ru kar bsgom zhing mkha' 'gro ma brgyad dang bcas pa'i stang stabs kyis thams cad bsrung bar bya'o/ /de nas las kyi rdo rjes phyi rol gyi stegs bu la mchod gtor bshams te/ dkon mchog gsum dang por bzhag nas/ tshangs pa dang/ brgya byin la sogs pa'i bsrungs ma rnams dgug cing mchod pa dang/ 'gro ba drug pa gnas pa'i lha srin sde brgyad la cha gcig dbul ba dang/ lan chags kyi bgegs rigs rnams la gtor ma sngos nas khyad par gyi gtor ma'i gzhi rgyal po snga bzhi la dbul zhing rten la bzhag ste/ mnga' gsol nas phyi mtshams bcad do/ /de nas stegs bu tshad dang ldan pa legs par brtsig te/ phyogs bzhir sbyin sreg gi thab khung bzhi dang/ /mtshams su rta mchog lhag ma'i dkyil 'khor rtsam par bya'o/ /de nas legs par rtsig cing byugs nas pa'i rnam pa lnga dang/ dri zhim po'i spos dang/ sman rnams bsres te byug cing/ /de'i steng du bdud rtsi lnga'i chu byin gyis brlabs nas byug go /de nas lha rnams kyi gnas su rig pas thig gdab cing bdud rtsi lngas dbus su thig le gru bzhi pa lha mo nyi shu'i gnas su zlum por byas la/ /de la lha so so'i sngags kyis me tog dgram par bya'o/ /de'i rjes su mchod pa'i tshogs dgram zhing/ sbyang ba dang/ bsrung ba dang/ byin gyis brlabs pa dang/ gzhi'i ting nge 'dzin dang/ rten gyi ting nge 'dzin dang/ brten pa'i ting 'dzin gyis rdo rje sems dpa' i dkyil 'khor gsal bar byas nas ye shes kyi dkyil 'khor la dmigs pa dang/ mdun gyi dkyil 'khor la dmigs pas mnyes par byas nas bstod cing gsol ba gdab bo/ /de yang pus mo gnyis sa la btsugs te / g.yas pas spos thogs la/ g.yon pas dril bu dkrol zhing tshig 'di brjod do/ /thugs rje chen po bcom ldan 'das/ /ma lus sems can don mdzad pa'i/ /rgyal ba'i dkyil 'khor sras dang bcas/ /stobs mchog rgyal chen rnams la bstod/ /sangs rgyas thams cad mnyam sbyor ba'i/ /mkha' 'gro sgyu ma'i dkyil 'khor ni/ /mgon gyur las rnams grub pa'i phyir/ /rdo rje bsang ba bdag gis bri/ /brtse bas slob ma rnams phyir dang/ /bdag nyid rnam la mchod pa'i phyir/ /bcom ldan khyod la bdag bus te/ /dgyes mdzad ngos par gyur pa lags/ /bdag cag rnams la dgongs su gsol/ /bya ba chen po 'khor lo'i phyir/ /'bras gnas byang chub sems srogs dang gsang sngags gsang ba'i lha nyid dang/ /'byung tshogs 'jig rten skyong ba dang/ /rdzogs sangs rgyas kyis rjes dga' ba/ /bstan pa dga' ba'i 'gro ba dag /gang dag rdo rje'i spyan ldan pa'i/ /rigs rnams 'dus pa'i dkyil 'khor gtso/ /don grub gsang ba bdag gis brtsam/ /rjes su brtse bar nyer dgongs te/ /gnang bar mdzad pa'i 'od lags so/ /zhes lan gsum gsol ba btab nas/ /yang mchod pa cung zad phul te brtan par bzhugs su gsol lo/ /de nas mchod rdzas dang/ rnal 'byor pa'i rgyan cha dang/ bum pa dang/ yo byad dang/ las kyi phyag rgya dang/ rnal 'byor pa'i tshogs rnams 'tshogs par byas nas de'i rjes la phrin las rnam pa bzhi 'am/ yang na gang dgos pa'i sbyin bsreg bya'o/ /de nas rnal 'byor pa rnams la stan bde ba la gnas te/ dpal rdo rje sems dpa' i sbyor bas lus ngag yid gsum mthu bskyed cing/ bdag dang 'gro ba sbyang ba dang/ dbang po dgug pa dang/ 'phags pa la tshogs bsags pa dang/ sems can thams cad la tshogs bsags pa rnams bya'o/ /yang rigs kyi dkyil 'khor bsgom zhing lha tshogs rnams spyan drangs la/ /bdud rtsi byin gyis brlab pa dang/ /tshogs kyi mchod pas nyams pa bskang pa dang/ /gang dag dam tshig ma 'dres pa dag ni bsre mnan bya zhing gsar bu dag 'jug pa la ni rigs pa'i dbang lnga dam tshig dang bcas pa bzhin no/ /de nas bsrung ba'i 'khor lo'i sbyor bas mtshams kyi las bya ste/ phur pa dar gyi bcod pan can bcu drug la khro bo chen po bcur bskyed cing ye shes kyi khro bo dgug gzhug gnyis su med par byas nas mchod cing bstod do/ /bzlas brjod rdzogs par phul bas mnyes shing brtan par byas nas phyogs skyong gi gzugs la bdug pa'i sems phab ste gdab par bya'o/ /de nas gzugs brnyan gyi dkyil 'khor brtsam par bya ba'i phyir rdo rje rnal 'byor gyi sgrub pa po dag rgyan chas phyag rgya'i tshogs dang/ chos gos lnga dang/ srad bu dang/ thal bas mtshan cing rdo rje rgyal mtheb yum dang bcas pas rang gi lha gsal bar byas la/ thig skud ras sar pa'i rgyu las byung ba sngags kyis byin gyis brlabs nas skal bar bya ste/ /ring thung ni dkyil 'khor nyis 'gyur la/ sbom phra ni sgo'i nyi shu'i tshang ngo/ /de ltar kha dog lnga'i dog pa byas nas rin po che'i snod du bzhag ste/ rigs kyi yi ges lhar bskyed cing sngags kyis byin gyis brlabs nas lha rnams dgug bzhug byas la/ mchod cing bstod nas bsgril bar bya'o/ /oM dI ba ta dri Sh+Ti oM ku sha dza(rgyud 'grel stobs mchog dpa' bo dgongs su gsol/ /rdo rje thig gi sgra ldan pas/ /nam mkha' i dkyil 'khor legs grub cing/ /'gro ba'i don la bskul bar mdzad/ /oM mahA bo d+hi tsit+ta sarba swa hUM/ zhes brjod cing/ thig skor dang bcas pas nam mkha' la btab ste/ dkyil 'khor bkod nas/ bzod sa gzhi la gdab par bya'o/ /de yang dang por shar nas nub tu brkyang ba'i thig go /de'i phyogs mtshams tshad pa'i phyir cha bzhir byas te/ bar mtshams gnyis nas phyed kyi tshad kyis ni lho byang du btsal te/ /der thig gnyis btab pa yang phyed kyi tshad kyis ngos bzhi'i thig rtse nas tshad pas mtshams kyi zur bzhi dod par 'gyur ba'o/ /de'i rjes la shar dang nub dang byang dang lho phyogs bzhi dag dang/ mtshams bzhir gdab cing/ /de las phyogs bzhi'i rtse mo'i tshad kyi ni cha bzhi'i tshad du 'gyur te/ de dag kyang lo ma gtub pa'i thig gis cha chen sum cu rtsa gnyis la cha la bran du so so'i gzhung bzhin dbye zhing/ de'i 'og ma'i he ru ka dang/ rdo rje nyi ma la cha bran gnyis ma phye ba'i snam bu'o/ /ra ba rim pa gsum dang/ khor yug rnams ni cha bran re re'i tshad kyis 'khor lo'i dur khrod dang ni cha bran bzhi'i tshad do/ /de ltar thig gi las rdzogs nas/ /ye shes kyi skud pa la mchod cing bstod de/ /slar gshegs su gsol nas/ /lha'i nga rgyal dang ldan pas mig gnyis la zla ba bsam zhing/ /hI zhes brjod nas lta ba byas nas/ rdo rje slong ba'i phyag rgya bcings te/ oM badzra be ga a kra ma hUM/ zhes pas ri mo de gdeg par bya'o/ /de nas phyogs thams cad mnyam pa nyid du dmigs nas tshig 'dis dag par bya'o/ /oM thams cad rang bzhin rnam 'phrul mchog /dngos med zhi ba 'od ldan gsol/ /rdo rje 'dzin pa gter chen 'byin/ /dkyil 'khor dag par byin gyis rlobs/ /mnyam pa'i sngags blo rnams gsal bas/ /nyes pa'i zug rngu dag par 'gyur/ /zhes brjod cing thams cad lha'i rang bzhin du brtag ste/ des ni cho ga lhag ma dang ma tshang ba kha skong bar byed do/ /de nas cha dbye bar bya ste/ phyi rol gru bzhi sgo dang bcas pa la/ /ra ba rim gsum dur khrod kyis brgyan pa/ /dbus su pho brang rim pas phye ba ste/ /dkyil 'khor so so dbyibs bzhin du/ pho brang gi ra ba dang/ mtshams 'byed pa dang/ gsang lam gyi phreng ba'o/ /de la tshon gyi cho ga ni/ /rin po che sna 'am/ tshon rtsi gang yang rung ba dag snod lnga'i nang du blugs te/ /phyogs phyogs su bzhag nas yi ge la sogs pa'i lha'i skur bskyed cing/ /ye shes kyi dkyil 'khor bkug ste mchod cing bstod nas rang gi gnas su dgram mo/ /oM badzra tsi tra sa ma ya hUM/ /dang po tshon gyi go rims ni lag pa g.yon pas/ dkar po dang/ mthing kha dang/ dmar po dang/ ser po dang/ ljang gu'i rim gyis pany+tsa re khA bris te/ mchod cing thod pas btab nas mtshan ma'i ltas brtag go /'di ni chos dbyings rnam par dag /sems can khams ni rab sgrol byed/ /dpal ldan rgyal po che ge mo'i/ /de bzhin gshegs pa kun gyi gnas/ /yang dag bden pa'i byin rlabs kyis/ /dkyil 'khor las rnams shis par mdzod/ /ces brjod cing bdeg ste blta bar bya'o/ /de yang thig ni phyi nas gdab cing/ /tshon ni nang nas dgye ste/ dang po rdo rje rgyal mtheb kyis bri zhing/ /phyi nas bde bar pri ste mtho zhing drang par bya'o/ /gang zhig re khwa dma' ba dang/ yo ba dang/ chad pa dang/ 'khrul pa dag gis ni mi 'grub po/ /de ltar tshon rtsi lnga'i mchog dag ni dbus su btab ste/ kha dog phyogs kyis phye la/ mu khyud sngon po dag la ni rdo rje dkar po 'bri'o/ /dkyil 'khor de'i phreng ba dmar po la rtsibs mtshan ljang gu dang/ gru chad ser po'o/ /gzhan dag kyang so so'i rigs kyis shes par 'gyur ro/ /sgo bzhi ni dkar po dang/ ser po dang/ dmar po dang/ ljang gu'o/ rta babs ni kha dog nyi shu rtsa lnga'o/ /pad+ma'i phreng ba ni kha dog sna tshogs pa'o/ /rdo rje'i ra ba ni sngo la dkar po'i phreng bas mdzes pa'i/ /me ri ni dmar ser ro/ /dur khrod ni phyogs kyi mdog go /shing dang zhing skyong ni nag go/ phyogs skyong ba dang klu la sogs pa ni rang gi rigs bzhin no/ /'dod 'byung gi gnas ni ser po la phyi'i ra ba ni sngo ngag go /de dag gi gnas rnams su ni rten pa'i mtshan ma gang rung bzhag go /des dkyil 'khor gyi rgyan la sogs pa dag kyang byin gyis brlabs te dgod par bya'o/ /gzhan yang mchod pa thams cad kyi phyag rgya zhes pa dang/ mchod pa thams cad kyi gtor ma'i phyag rgya shes pa rdzas dag kyang byin gyis brlabs te bzhag par bya'o/ /de nas dkyil 'khor la sogs pa bsrung bar bya zhing sta gon gyi lha rnams kyi gnas su dgod do/ /yang rdo rje rgyal po bzhi'i ting nge 'dzin dang rten gyi ting nge 'dzin dang/ dmigs pa dang po gnyis kyis 'khor mnyes par byas nas gsol ba gdab bo/ /de nas rnal 'byor pho mo rgyan dang bcas pas rdo rje dril bu thogs te yi ge brgya pas bskang zhing/ stang stabs dang bcas pas dkyil 'khor la lan bdun du bskor ro/ /de nas rdo rje rgyal po dang/ rgyal mtheb dang/ las kyi phyag rgya dang/ las kyi rdo rje dang/ brda' sbyor ba dang/ rdul phyag la sogs pa so sor bye ste/ so sor gdan bshams zhing dgod par bya'o/ /de dag snga ma'i gnas ji lta ba las/ phyis mi 'gyur bar rang rang gi rnal 'byor gyis 'khor cing phyogs kun nas langs te/ ye shes kyi dkyil 'khor dag gis byin pa gnas/ /gnas dang dkyil 'khor la sogs pa mnga' gsol lo/ /de nas gsang ba'i theg pa'i 'jug sgo shes pas/ gzhan las dbang par bya ba'i phyir brda' sgo dbye/ tha mal gyi tshig sprang zhing/ rdo rje rgyal mtheb kyi sgo nas lus kyi brdal gnas par bya zhing/ phyogs bzhi nas phyag 'tshal zhing gsol ba gdab ste/ sbyor ba'i gar thabs kyis gnas par bya'o/ /gzhan yang dur khrod kyi bdag po la sogs pa gdul ba'i phyir dpal he ru ka la sogs pa'i nga rgyal gyi glang po che'i/ stong g.yogs la sogs pas lus mtshan par bya ste/ sngags kyis sbyar zhing byin gyi brlabs nas/ gti mug dag par bya ba dang/ 'dod chags dag par bya ba dang/ nga rgyal dag par bya ba'i phyir ni mnabs pa'i rgyal/ /zhe sdang dag par bya ba'i phyir dang/ phrag dog dag par bya ba'i phyir ni gdags pa'i rgyan pa bgo'o/ /thugs rje chen po'i chags pa dang/ byang chub kyi sems dang mi 'bral zhing srid pa gsum gdul ba'i phyir ni byug pa'i rgyan pa bgo'o/ /des ni dur khrod dngos po gdul zhing rang gi don ston pa'o/ /de nas phyogs bcu'i sangs rgyas thams cad bdag la bsdus nas dmigs su med pa'i don la gnas pa las/ yang sangs rgyas dang byang chub sems dpa' gzhan dag gis bslang bar bsam nas rdo rje sems dpa' i skur bzhengs te 'dir brjod do/ /rgyal ba rigs lnga'i dkyil 'khor na/ /'byung ba lnga yi mtshan nyid las/ /zhi ba'i lha na lhan ne ba'i/ / thugs rje 'gro kun de las skyes/ /de tshe sems can thams cad ni/ shin tu khro drag gtum par 'gyur/ /de tshe sems can thams cad ni/ shin tu chags shing zhen par 'gyur/ /de tshe sems can thams cad ni/ shin tu gti mug che bar 'gyur/ / de ltar dus gsum brdo ba la/ /zhi bas phan par mi 'gyur te/ /shes rab thabs kyi nyi ma las/ /rnam par rgyal phyir rab tu drag /oM mahA sh+rI he ru ka sa ma ya kro d+ha ha la ha la hUM phaT/ /ces brjod nas/ thams cad gcig tu 'dus pa las/ /rngam pa'i sgra sgrog te/ hUM hUM hUM/ phaT phaT phaT/ hUM mi rtag pa'i mtshan nyid brtan pa'i phyir/ /nam mkha' i khro bo za byed cing/ /'jigs pa'i mtshon cha 'od dpung 'khrigs/ /zhal du stong khams ma lus thim/ /zad par byed cing stong par byed/ /rgas rgud brlag par byed pa'o/ /glog gi 'khor lo zhes bya ba/ /myur ba'i za byed chen po lngas/ /skye rga na 'chi 'joms byed cing/ /brlag cing zad byed stong par byed/ /rigs chen za byed khros pa'i tshe/ /sku ni sngo skya thal ba'i ngang/ /'od zer mang po rab tu 'khrigs/ /ru lu ru lu mang po za/ /'bar ba'i 'kha''gro tshogs bcas pas/ /bsreg cing 'jigs pa 'thor zhing 'khrud/ /gang 'dir bskal pa kun brlag tshe/ /gzhan zhig 'ongs 'jigs ma yin te/ za byed khrod pa lnga po yis/ /zhal du stong khams ma lus thim/ /oM bud+d+ha sh+rI he ru ka /sa ma ya kro d+ha/ oM oM ha ha hUM hUM phaT phaT/ dbu la de bzhin gshegs pa'i khro bo smug gnag /phyag na 'khor lo dang 'dzin/ tho ba khrag 'dzin pa grangs med pa'i tshogs rnams sprul pa dang bcas par gnas so/ /oM badzra sh+rI he ru ka /sa ma ya kro d+ha/ hUM hUM ru lu phaT/ lag pa g.yas pa la rdo rje khro bo sku mdog sngo skya/ lag na rdo rje rtse lnga pa dang/ kha TwAM ga thogs pa grangs med pa'i tshogs sprul pa dang bcas pa'o/ /oM ratna sh+rI he ru ka /sa ma ya kro d+ha/ traM traM he he hUM phaT/ lag pa g.yon pa na rin po che khro bo ser gnag /tri sh+ru la dang/ ral gri thogs pa grangs med pa sprul pa'i tshogs dang bcas par ro/ /oM pad+ma sh+rI tri(rgyud 'grel haM haM rak+Sha hUM phaT/ rkang pa g.yas pa la las kyi khro bo ljang nag /phyag na sna tshogs rdo rje dang/ lcags kyu thogs pa grangs med pa sprul pa dang bcas pa'o/ /oM sh+rI b+hai ra ba hUM ma hUM mahA de ba hUM phaT/ mtshan ma la lha chen po mdog dkar po/ lag na tri shu la dang/ thod pa thogs pa 'khor dang bcas pa'o/ /oM biShu kampa la tsakra hUM phaT/ snying gar khyab 'jug mthing nag /lag na 'khor lo dang/ thod pa thogs pa 'khor dang bcas pa'o/ /oM rAk+Sha da sha gri ba hUM phaT/ mgrin bar srin po'i rgyal po ljang skya/ lag na dgra sna dang/ tho ba thogs pa 'khor dang bcas pa'o/ /oM ma pa sha la hUM phaT/ oM badzra b+hai ra hUM phaT/ brla gnyis la rdo rje 'jigs byed rnam par 'jigs pa ljang skya/ rdo rje rtse gsum dang thod pa thogs pa 'khor dang bcas pa'o/ /de dag kun kyang rang rang gi yum dang 'khril ba'i tshul du gnas so/ /lag pa'i sor mo bcu la mche ba can lnga dang/ sder mo can lnga dang/ sngags 'dis bsal bar bya'o/ /oM ma hA d+he ki shwA ri bi ka ma ru sha ha ha he he ru lu hUM phaT/ ye shes glog gi dkyil 'khor dang/ 'jigs pa'i khro bo gtum po'i tshogs/ /cir yang gyur pa'i mtshon cha yis/ sdug bsngal gnas rnams rab tu bcom/ /ma rung dur khrod gzhig pa'i phyir/ /stong gsum gnas rnams bsgral bar bya/ /'jigs byed drag shul chen po yis/ /khams gsum cig car bsgral nas kyang/ /za byed chen po'i zhal du ni/ /'gro kun yud tsam cig la dren/ /'gro dang mi 'gro'i snod bcud 'di/ /'jigs byed khyed lngas kun za na/ /dngos por gyur pa'i bgegs 'di kun/ /ngas bstabs khyed kyi yul la gsol/ /ngan song gsum gyi 'jigs byed du/ /sems can nyon mongs sdang byed pas/ /de phyir nga ni rdo rje tshe/ /zhe sdang zhes ni grags pa yin/ /ngan song 'jigs pa chen po ru/ /sems can thams cad rmongs byed pa/ /de phyir nga ni gti mug che/ /rtag tu thub pa mchog yin no/ /srid pa'i 'dod chags myos pa rnams/ /'dod chags nyid kyis mtshams sbyor bas/ /de phyir chos kyi rdo rje ni/ /'dod chags chen po'i mchog yin no/ /bde chen sbyin pa'i sprin gyis ni/ /sems can thams cad nga rgyal bskyed/ /nam mkha' bde bas bsdus pa'i phyir/ /bde chen 'dod pa nga yin no/ /ro la sogs pa mnyam sbyor bas/ /phrag dog rdo rje gdon mi za/ /sna tshogs las kyi khro bo'i sku/ /phrag dog chen po'i mchog yin no/ /nga ni dus gsum bzhugs pa yi/ /sangs rgyas kun gyi ye shes sku// ye shes rno? dpal mtshon cha yis/ /log rtog 'khor ba'i rgyun gcod do/ /chos nyid mnyam nyid nam mkha' la/ /ye shes glog gi 'od 'phro ba/ /gnas med dmigs pa yod ma yin/ /rtsa ba med cing brten pa med/ /oM da ha da ha sarba na ra ka ga te te tu na hUM phaT/ oM pa tsa pa tsa sarba na ra ka ga te he tu na hUM phaT/ oM ma tha ma tha sarba na ra ka ga te he tu na hUM phaT/ oM sarba kle sha ts+tshinda ts+tshinda hUM phaT/ sarba birya tshinda hUM phaT/ sarba birya khaD gats+tshinda ts+tshinda hUM phaT/ oM tri bi shwa mu la ts+tshinda ts+tshinda hUM phaT/ dpal chen 'bar ba rgyal ba'i sku/ /rngam brjid khros pa'i cha lugs 'bar/ /gar dgur dur khrod rgyan gyis brgyan/ /shes rab sku dang 'khril sbyor zhing/ /'jo tshul gar mdzad lta bu yi/ /bdud dang srin po 'dul bar mdzad/ / ma tang la sogs bgegs byed rnams/ gzugs dang bcas pa'i tshogs bsdus te/ /sra kri ta yi phyag rgya yis/ /nges par gzugs la dbab par bya/ /gzugs brnyan bri la sogs pa la/ /phyag rgya bzhi yis mnyes byas nas/ /sngags dang 'od 'phro phyag rgya yis/ /de yi 'khor tshogs bsdu bar bya'o/ /rdo rje lcags kyu'i phyag rgya bcings te gyen du bteg nas/ oM ma hA kaM pa la d+ha ri shwa ya hUM/ A karSha ya hUM dza(rgyud 'grel zil gyis mnan cing bstim mo/ /'phags pa thams cad bdag la gson/ /'byung po mang po kun nyon cig /stobs chen dpal ldan he ru ka'i/ /rdo rje rnon po 'jam dpal gyi/ /thugs rje dang ni shes rab dang/ /thabs la mkhas pa'i byin brlabs kyis/ /bdag dang 'gro ba bsrung bar mdzod/ 'gro ba rnams kyi tshe dang srog /gson po bde bar gcod byed pa'i/ /bdud dang srin po'i 'khor bcas kun/ /bcom zhing gsang ba'i gnyen po ni/ /bde gshegs thugs kyi dngos grub mchog /srin gsum thal byed rngam pa des/ /kha TwAM drag pos mi bzad pas/ /bdud dang srin po 'khor bcas dang/ /gshin rje bcom zhing bsad nas ni/ /ro yang lho'i 'dzam gling du/ /bor nas sa gzhir gyur pa ni/ /dur khrod chen po brgyad yin no/ /mgo ni lho nub mtshams su bstan/ /rkang pa byang shar mtshams su bstan/ /lag pa g.yas g.yon mtshams su bstan/ /nyams shing 'bod 'grogs rgyal bar 'gyur/ /oM sarba pA pa ka ra he ta pa bi shwa ma ta ka ru dra hUM phaT/ oM sarba pA pa ka ra he ta pa bi shwa kha TwAM ga ru dra hUM phaT/ oM sarba pA paM ka ra he ta pa bi shwa A karSha ru dra hUM phaT/ gnas kyi sgo ni su yis bcad/ /sems kyi bdag pos bcad dam ci/ /gzung 'dzin rkang pa bsnol ba las/ /yul las 'das pa'i zhabs kyis dbye/ /de nas g.yas su bskor te/ lte ba'i phyogs su e gru gsum gyi sgo phye nas lcags kyu'i phyag rgyas rnam par shes pa drangs te/ oM ma hA po sha phyang zhes/ gnas gsum gyi zhing khams gang rung du rigs kyi lhun gyis grub pa'i sras su bya'o/ /de nas khog pa gzhal yas khang du byas te/ /rnal 'byor pa rnams nang du bzhugs nas/ /nang khrol gyi tshogs rnams dug gsum rnam par dag pa 'dod pa'i longs spyod kyi mchod par dmigs shing/ /dga' ba'i glu gar dang rol mos mchod par bya'o/ /de nas lha thams cad la bstod cing bskul ba'i phyir rdo rje'i glu blang ste/ /kha TwAM ga la rgyab rten bcas/ /nam mkha' i phyag rgya rnal 'byor pas/ /nam mkha' kun las grol ba 'grub/ /dngos po thams cad mkha' byin pa/ /mkha' las sgyu ma kun blangs nas/ /lus pa med par der za'o/ /g+han d+ha ho/ g+han d+ha ho/ g+han d+ha'i sgra yis sgrol bar mdzad/ /la lar mkhas pa'i gzugs kyang 'dzin/ /la lar tshangs pa bzhin du zhi/ /la lar gshin rje bzhin du rngam/ /la lar dus mdza' i me ltar 'bar/ /'jig rten khams ni stong dag na/ /mi sdug rigs kyi gzugs 'dzin pa'i/ /mkha' 'gro 'bar ma'i tshogs bcas kyis/ /ma lus lus pa med par sgrol/ /zhes so/ /gzhan yang sha khrag rus pa'i tshogs rnams dang/ /za byed kyi tshogs dang/ 'jigs byed kyi zhal tu dbul ba ni/ /stabs su gsol cig he ru ka /gang la bya ba'i dngos po 'di/ /phra men gshed ma khyed rnams kyis/ /dbang dang rig sngags byin brlabs te/ /rig sngags kyis ni rmongs mdzad nas/ /drag po las kyis sgrub byed cing/ /'di la sogs pa rnams la yang/ /de dag longs spyod rgyan du 'bul/ /sha dang rkang khrag 'dod pa rnams/ /rig sngags kyis ni byin brlabs nas/ /'tsho ba phrogs nas ci bde bar/ /khyed kyis de la longs spyod cig /can dang bcud yangs zab pa na/ /khor yug tos kyi dngos po 'di/ /bdud rtsi'i rang bzhin yin pa'i phyir/ /'jigs byed dka' zlog dgyes shing rol/ rdo rje gsum dang sku gsung thugs/ /srid gsum 'joms mdzad tri shu rol/ /rdo rje gsum 'bar sku gsung thugs/ /srid gsum 'joms mdzod tri shu la/ /dug gsum rtsad nas bcad pa'i phyir/ /khams gsum cig car bsgral bar bya/ /'jigs byed drag shul chen po yis/ /khams gsum cig car bsgral nas kyang/ /za byed chen po'i zhal du ni/ /'gro kun yud tsam cig la 'dren/ /'gro dang mi 'gro'i snod bcud 'di/ /'jig rten khyed lngas kun za na/ /dngos por gyur pa'i bgegs 'di kun/ /ngas bstabs khyed kyis yul la bzhes/ /oM ma hA sh+rI he ru ka ha ha ha ha ru lu ru lu/ hUM b+hyo hUM b+hyo khA hi khA hi/ /shar phyogs 'jig rten lam sgo na/ /yang dag thar lam gcod byed pa/ /'byung po gtum po nga rgyal can/ /khyod ni sgrib pa kun la sgrib/ /yang dag thar pa ye shes kyi/ /khungs brtag rtsad bcad dag las byung/ /bdag 'dzin bdag gi rtog pa rnams/ /bdag med stong pa'i tho bas gzhom/ /at+mAn hi mahA shU n+ya tA badzra swa b+hA ba At+ma ko haM/ /chos kun rtag tu rang gi ngo bos stong/ /rgyal ba'i sras rnams dngos po rnam par 'jigs/ /srid pa ji bzhin yod ye stong pa ste/ /nyi tshe'i stong nyid mu stegs can rnams kyi'o/ /'dod pa'i khams stong pa nyid do/ /gzugs kyi khams stong pa nyid do/ /gzugs med pa'i khams stong pa nyid do/ /bdag dang sems can thams cad kyi lus stong pa nyid do/ /dag stong pa nyid do/ /sems stong pa nyid do/ /gang dag stong pa nyid mi shes pa/ /de yis mya ngan 'das mi shes/ /de phyir dngos po dngos med pas/ /'jigs pas stong nyid shes par bya/ /chen po stong pa zhes bya ba/ /kun mkhyen ye shes rdzogs byed pa'o/ /de bas rnam pa thams cad du/ /stong nyid rjes su dran par bya/ /oM d+harma d+hA tu swa b+hA ba At+ma ko haM/ zhes pas/ mtshan ma'i rtog tshogs kun mi rtog ye shes kyis gzhom par bya'o/ /de nas band+ha mtshan dang ldan pa dag byin gyis brlab cing/ /rang rang gi gnas su me mar dang bcas pas dgram pa dang/ dur khrod chen po brgyad dag nas dgod de/ shar du rkang pa g.yas pa'o/ /lhor lag pa g.yas pa'o/ /nub tu lag pa g.yon pa'o/ /byang du rkang pa g.yon pa'o/ /shar lhor dbu g.yas pa'o/ /lho nub tu mgo bo'o/ /nub byang du dgu g.yon pa'o/ /byang shar du mtshan ma'o/ /de ltar dug gsum gyi rkyen bsags nas/ /zhing skyong la sogs pa'i gzugs bri bar bya'o/ /gzhan yang dbang sgyur ba chen po'i ting nge 'dzin las 'bruM gyi 'phro 'dus gnas byin gyis brlabs pa dang/ /rnal 'byor pa thams cad rang gi ltar bsgom pa dang/ sgrub rdzas thams cad yi ge gsum gyis byin gyis brlabs pa dang/ /lha mo kro d+hi shwa ris byin gyis brlabs pa'i dri chab kyis dag par bya ba dang/ bdud rtsi sbyang ba dang/ tshogs kyi zhal zas byin gyis brlab pa rnams sngags dang phyag rgya dang ting nge 'dzin gyis rdzogs par byas nas sgrub pa'i dkyil 'khor gyis so so'i gnas su dgram par bya'o// de dag gi ni sgrub pa'i dkyil 'khor gyi sngon du 'gro ba'i yan lag gi cho ga bstan pa yin no/ /da ni bsnyen pa'i cho ga bstan pa'i phyir phyag rgya lngas mtshan cing chos gos lnga bgos te/ 'gro ba'i don du dam bcas nas dpal rdo rje sems dpa' i dkyil 'khor la dmigs te/ gzhi'i ting nge 'dzin dang/ rten gyi ting nge 'dzin dang/ brten pa'i ting nge 'dzin dang/ ye shes kyi dkyil 'khor la dmigs pa'i bya ba dang/ mdun gyi dkyil 'khor la dmigs pa'i bya ba dang/ las sbyor ba dang/ thun mong gi bzlas brjod dang/ khyad par gyi bzlas brjod dang/ de dag rdzogs nas mtshon cing bstod pa byas la/ /lha rnam la thugs dam bskul bar bya/ /gal te rnal 'byor pa mtshan ma thob pa zhig gis 'jug na ni thig le 'am/ phra mo 'am/ rnam par dag pa spyad par bya'o/ /de nas tshogs kyi cho ga dang/ sbyin sreg dang/ lhag pa'i las dag gi bsgom pa dang/ cho ga rdzogs pa'i las la sbyar ro/ /de nas dbang bskur ba'i phyir gong du dkyil 'khor du 'jug pa tsam las ma byas pa ngag la ni snga ma'i dus su bar mtshams su bzhag nas rig pa'i dbang nas bskur ba dang/ de bzhin du gang thob pa nas brtsams te/ rdzogs pa'i bar du spyad par bya'o/ /de dag gi rim pa ni 'di ltar yin te/ dang po gong rol du 'jug pa'i cho ga la/ rdo rje rgyal po dang/ rgyal mtheb cho ga rdzogs pas slob ma yongs su sbyongs pa bar khang gi sgo mtshams su maN+Dal bshams pa la bzhag ste/ byang gi sgo drung na gnas pa'i bum pas bsangs nas rigs kyi lha mchod cing gsol ba btab nas shis par bya'o/ /de nas dmar po 'am/ dkar po dag la/ /A(rgyud 'grel brlabs nas gdong g.yogs te/ rin po che'i phreng ba thogs nas theg pa chen por mos shing/ sems bskyed pas gnas pa la slob dpon gyis dri ste/ kye khyod ci la dga' bas 'dir 'jug pa yin zhes pa dang/ slob mas kyang bdag skal pa bzang po la dga' bas 'jug pa'o zhes so/ /slar brjod pa/ de la khyod la ci dgos zhes so/ /des smras pa/ rdo rje 'dzin pa'i dngos grub 'dod pa'i phyir ro/ /zhes so/ /slar brjod la/ bde gshegs sras bcas dam tshig pas/ yon dbul thugs rjes bdag la dgongs/ sangs rgyas sku gsung rang bzhin mchog /slob dpon mgon la skyabs su mchi/ /skal bzang lha mo'i tshogs bcas pa'i/ /dkyil 'khor tshogs la phyag 'tshal lo/ /thar pa chen po'i grong mchog tu/ /mgon po dag ni gzhug tu gsol/ /zhes pa dang/ slar brjod pa/ rgyal ba kun gyi gnas bzhugs pa'i/ /dkyil 'khor chen po nyams dga' ba/ /snying po'i grong khyer chen po 'dir/ /bdag gi slob ma gzhug par bgyi/ /zhes brjod do/ /de nas las kyi rdo rje lag pa g.yas pa nas bzung ste/ oM sarba yo ga tsit+ta ut+ta pA la ya mi hUM/ zhes brjod cing yol ba'i nang du gzhug ste/ dkyil 'khor gyi shar sgor bzhag la 'di brjod do/ /oM thog ma med dus 'khor ba'i gnas/ /bdag gis bsags pa'i las gang gis/ /bgyid rtsal yi rang dus 'dir bshags/ /phyin chad mi bgyid sdom pa gzung/ /rgyal ba sras sogs dge rtsa bzhi/ /'gro gzhan legs byas gang yin dang/ /de dag kun la rjes yi rang/ /byang chub chen por bdag gis bsngos/ /sangs rgyas chos dang dge 'dun la/ /bdag gis dus 'dir skyabs su gsol/ /nyon mongs sdug bsngal bcad pa dang/ /dge ba'i tshogs mang spel ba'i phyir/ /byang chub bde chen don bskyed nas/ /'gro rnams de ring dus 'dir gnyer/ /sangs rgyas gyur nas bdag gis ni/ /'gro rnams srid pa'i gnas nas gdon/ /zhes brjod do/ /de nas me tog phreng ba dang bcas pa slob ma'i snying gar bzhag ste/ oM bde gshegs kun gyis khyod nyid ni/ /de ring byin gyis brlabs pa na/ /de bzhin gshegs pa'i gsal chen 'di/ /dkyil 'khor dag tu ma zhugs shing/ /dad pa med pa'i mi rnams la/ /nams kyang smra bar bya ba min/ /oM su ra te sa ma ya stwaM ho sid+d+hi badzra ya thA khaM/ oM rdo rje sems dpa' deng khyod kyi/ /snying la yang dag zhugs mdzad de/ /gal te tshul 'di smras na ni/ /de ma thag tu dral te bshegs/ /oM mahA sa ma ya utpa Tha:/ 'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na dngos grub ni/ /rdo rje bdud rtsi chu 'dis 'grub/ /oM A(rgyud 'grel nga la brnyas par ma byed cig /gal te cung zhig brnyas byas na/ /dus min 'chi zhing dmyal bar ltung/ /rgyal pa kun gyi ye shes thugs/ /sku dang gsung 'phrul las mdzad pa/ /phyag rgya'i cho ga gang dag gis/ /de ring bdag la dbab tu gsol// zhes brjod de/ slob ma'i snying gar bde gshegs bzhugs pa dang/ /bdud rtsi byin gyis brlabs pas/ /dngos grub sbyin zhing dam tshig bsgrag par bya/ /de nas snying ga dang rkang mthil dang/ /mgrin pa dang/ spyi'o rnams su 'byung po'i sa bon gyis mtshan ma'i dkyil 'khor bsgom par bya'o/ /de nas yang/ sum+b+ha ni sum+b+ha ni hUM/ zhes bsrung zhing rdo rje dril bu dkrol te/ oM dz+nyA na A be sho ye/ staM b+ha ya/ ra ra ra ra/ tsa la ya tsa la ya hUM/ A ha dzhe/ zhes brgya rtsa brgyad brjod do/ nam zhig ye shes babs pa'i tshe ni sku dang/ gsung dang/ thugs kyi rtags ston par 'gyur ro/ /rdo rje slob dpon gyis bden pa brjed par bya ste/ mgon mchog gsang ba'i dkyil 'khor 'dir/ /slob ma'i mchog 'di gzhug par bgyi/ /rigs kyi lha yi bye brag dang/ bsod nams gang yin de bzhin gshog /de bzhin dngos grub mtshan ma dag /snying po'i gnas 'dir legs par ston/ /zhes brjod cing kha dog dang dbyibs kyi bye brag la brtags te/ /des rang gi las dag grub par shes so/ /de nas phreng ba dkyil 'khor du dor te/ oM pra tIts+tsha badzra? ho/ /zhes pas/ lha gang la babs pa de yi dam du blang bar bya'o/ /de yang gtso bo la bab na ni mchog gi dngos grub 'grub cing// bar mtshams ngag gis ni 'bring gis las 'grub la/ /ra ba las 'das pa dag gis ni slar bskyar te lan gsum du dor zhing/ gang zhig dkyil la ma bab pa ngag ni chus shis par byas te slar gtang bar bya'o/ /yang phreng ba de blangs te slob ma'i mgo la bcings nas/ kye sems dpa' chen po phreng ba 'di dang mi 'bral bar gyis shig /oM ratna mA le ab+hi Shtsi traM/ zhes brjod do/ /yi ge oM gyis brjod pa'i gser gyi thur ma bras mtshan pa yis dri ma bsal nas/ oM rdo rje sems dpa' khyed nyid kyi/ mig 'byed par ni brtson bar mdzad/ /sgrib g.yogs ling thog kun bsal nas/ /rdo rje'i mig ni bla na med/ /oM badzra tsak+Shu dz+nyA na pra pe sha phaT/ ces brjod do/ /gdong g.yogs bsal nas dkyil 'khor bstan pa'i phyir sgo dbye ste/ bu khyod dkyil 'khor legs par ltos/ /thar pa chen po'i grong mchog tu/ /phreng ba gang la bab pa ni/ /de nyid khyod kyi rigs kyi lha/ /zhes te shar phyogs kyi sgo nas brtsams shing gtso bo'i bar du lha rnams kyi ming bstan par bya'o/ /de'i rjes la bza' ba dang btung ba la sogs pa'i tshogs kyis lha dang slob dpon dang/ rnal 'byor bdag mnyes par byas nas/ slob dpon la sems dad pa'i sgo nas bdag gi skal pa ji ltar lags pa bstan du gsol zhes brjod par bya'o/ /der slar brjod pa/ bu khyod dad pa rab tu bskyed/ /dkyil 'khor bzang po 'di la ltos/ /sangs rgyas thams cad mnyam sbyor ba'i/ /mkha' 'gro sgyu ma'i rigs mchog 'dzin/ /'gro ba phun sum tshogs kun dang/ /dngos rnams thams cad mngon du 'gyur/ /dam tshig ting 'dzin rjes chags dang/ /gsang sngags snying po 'dzin par gyis/ /zhes brjod par bya'o/ /de nas dbang bskur ba'i don du/ /slob ma yon dang bcas pas gsol ba gdab ste/ /rgyal ba kun gyis gsang ba'i lam/ /'gro ba skyobs la gzi brjid can/ /mkha' 'gro ma yi 'khor lo mchog /yon tan thams cad 'byung ba'i gnas/ /de ring dbang bskur gnang ba yi/ /dus la bab par 'os pa lags/ / dpa' bo chen pos mi ldog pa'i/ /dbang bskur rim bzhin bdag la stsol/ /rig pa chen pos las bsgrubs nas/ /dngos grub mchog rnams shis pa dang/ /sems can kun gyi don gyi phyir/ /bdag gi rdo rje slob dpon gzung zhes brjod do/ /de nas shar gyi phyogs kyi sgo drung du/ khru do tsam gyis mchod par dbang stegs dkyil 'khor gyi lte ba dang mnyam par brtsigs te/ pad+ma 'dab brgyad sgo dang bcas pa bris nas/ /seng ge'i khri la pad+mas mtshan ma'i gdan la bsham zhing slob ma bzhag ste/ 'phan gdugs dang/ me tog phreng ba dang/ rin po che'i rgyan dang/ gos sna tshogs kyis mdzes par byas nas/ /spos chus sbyangs te/ yungs kar gyi sbyin sreg dang/ ku sha'i chus shis ba'i cho ga bya'o/ /yang bdud rtsi byin gyis brlabs pa'i chu 'thor zhing/ /rta mchog gi sngags kyis bsrungs nas yi ge gsum gyis sbyang bar bya zhing/ chos nyid rnam par dag pa'i rang bzhin las rigs kyi lhar bskyed de/ /mchod dbyangs dang/ rol mo'i sil snyan du bcas pas bum pa'i nang nas chu blangs te/ dung chos la sogs pas blugs la tshigs su bcad pa brjod par bya'o/ /til gyi gang bu bzhin gang ba'i/ /rgyal ba'i bum pa bzung nas ni/ /'di nyid las ni blugs byas las/ /bag chags ma lus ngag gyur cig /ces phyir bum pa'i chus khrus byas nas/ yang sa bon gyi gsang sngags las byung ba'i lcags kyus ye shes kyi dkyil 'khor bkug ste/ mdun rol tu zla ba'i dkyil 'khor du bzhag nas gnyis su med pa'i rol pa mdzad cing/ byang chub kyi sems kyi chu rgyun gyis lha'i bum pa bkang ste/ gar dang dbyangs su bcas pas phyogs bzhi nas khrus mdzad do/ /oM lha yi chu ni dag pa yis/ /rdo rje gsang gsum gnas las byung/ /rig pa'i lha mo tshogs ldan pa'i/ /rang bzhin gcig tu gyur pa yin/ /oM badzra a b+hi Shiny+tsa mi/ /zhes brjod do/ /des ni me long lta bu'i ye shes kyi rang bzhin bcom ldan 'das he ru ka'i byang chub kyi sems kyi ngo bo ston te chu'i dbang bskur ro/ /de nas rin po che'i rgyu las byas pa 'am/ gzhan dag las byung ba gang yang rung ste/ /dbu rgyan rtse mo lnga pa sangs rgyas lnga'i mtshan ma dang/ dar dbyangs su bcas pa byin gyis brlabs te/ tshigs su bcad pa 'dis sbyin par bya'o/ /oM sangs rgyas kun gyis bsngags pa yi/ /rin chen las byung dbu rgyan che/ /thor tshugs cod pan gyis brgyan pa'i/ /dar dbyangs dbang bskur sbyin par bya/ /oM badzra da ra ta badzra a ra li ho/ /a b+hi Shiny+tsa traM/ zhes brjod nas/ de'i rjes la thod pa'i mtshan ma drug dang bcas pa'i dar dpyangs kyis bcings te/ oM sangs rgyas kun gyi ye shes rtags/ /thod pa'i phreng ba'i dbu rgyan gyis/ /rdo rje sems dpa' bdag sngon bskyed/ /rig pa'i ye shes mtshan ma'i rtags/ /hUM badzra ka pA la a bi Shiny+tsa mi/ des ni so sor kun tu rtog pa'i ye shes kyi rang bzhin dpal rdo rje nyi ma byang chub sems kyi ngo bo dbu rgyan gyis dbang bskur ba'o/ /de nas rdo rje rtse lnga pa rnam par sbyang zhing byin gyis brlabs pa/ /lag pa g.yas par gsor zhing/ /slob ma'i snying gar gtugs te/ /'di ni sangs rgyas thams cad kyi/ /rdo rje gsang ba chen po'i don/ /di ring khyod la dbang bskur te/ /rab tu grub phyir gzung bar bgyis/ /oM badzra satwa a b+hi Shiny+tsa mi zhes brjod de/ /slob ma'i lag pa g.yas par btang nas lan gsum gsor te thugs kar bzung ngo/ /oM thog mdza' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /rdo rje snyems tshul bdag po'i bdag /ces brjod cing don bzhin du bsam par bya'o/ /des ni mnyam pa nyid kyi ye shes kyi rang bzhin dpal pad+ma gar gyi dbang phyug gi ngo bo mtshon par byed pa rdo rje'i dbang ngo/ /de nas dril bu sbyang zhing byin gyis brlabs pa dkrol zhing slob ma'i lag pa g.yon bar gtad la/ /'di ni rnal 'byor ma tshogs kyi/ /shes rab dbyangs kyi rjes 'gror bshad/ /khyod kyis rtag tu bcang bar gyis/ /byang chub mchog tu rgyal bas bzhed/ /oM a d+hi pa ti twaM a b+hi Shiny+tsa mi zhes brjod cing de nyid rnam par dag pa bstan pa'i phyir/ /srid pa ngo bo nyid kyis bdag /ngo bo nyid kyis srid bral byas/ /rang bzhin dag pa'i sems can rnams/ /dam pa'i srid pa byed par 'gyur/ /zhes brjod do/ /de nas bya ba grub pa'i ye shes kyi rang bzhin rta mchog rol pa'i ngo bo mtshon par byed pa dril bu'i dbang ngo/ /de nas rdo rje slob dpon gyis rdo rje dril bu gnyis gzung ba'i phyag rgya bstan te/ /thabs dang shes rab sbyor ba'i 'phro 'du dang bcas par slob ma'i mgo bor bzhag nas tshigs su bcad pa 'di brjod par bya'o/ /oM gang phyir chos rnams rnam dag pas/ /sangs rgyas ye shes rang bzhin nyid/ /dbang po'i spyod yul gang dang gang/ /bde mchog sgyu ma'i dkyil 'khor nyid/ /oM dpal che ge mo a b+hi Shiny+tsa mi/ badzra nA ma a b+hi Shiny+tsa mi ka ta ya ho zhes so/ /de ni chos kyi dbyings kyi ye shes kyi rang bzhin dpal rnam par snang mdzad kyi ngo bo mtshon par byed pa ming gi dbang bskur pa'o/ /de ltar dbang bskur ba'i phan yon ni/ /sangs rgyas thams cad mnyam sbyor ba'i/ /mkha' 'gro sgyu ma'i bde mchog kyang/ /rgyas mi thebs shing mi rmongs te/ /de la gnod par mi 'gyur ro zhes so/ /de dam tshig dang sdom pa la sogs pa'i phyir/ /dang por mna' bsgag cing sdom pa sbyin pa ni sangs rgyas thams cad gsung dbyangs gcig pa'i sgo nas gsungs te/ /sangs rgyas thams cad mnyam sbyor bar/ /sdom pa nyams par khyed byed pa/ /ji snyed sangs rgyas thams cad dang/ /byang chub sems dpa' rdo rje 'dzin/ /lha rnams dang ni bdag dang/ /de bzhin rnal 'byor sgrub pa po/ /de dag la ni snying rings nas/ /snying la khrag chen 'thung ba zhig /sems can khams ni ma lus don/ /srid pa shin tu dag bya'i phyir/ /mi 'gog chos nyid sbyor ba yis/ /rtag pa nyid du bsgrub par bya// rang gi ngo bo yongs su spangs shing/ /dka' thub kyis ni gzir mi bya/ /mi bde bar ni bde bar spyad/ /'di ni phyi dus sangs rgyas yin/ /rnal 'byor longs spyod thams cad la/ /cis kyang mi 'jigs dga' bar bgyis/ /sdig med stobs kyis khyed ma 'jigs/ /dam tshig 'da' bar dka' ba'o/ /zhes brjod cing sku gsung thugs kyi dam tshig rnam pa gsum rgyas par bstan par bya'o/ /des ni slob ma'i dbang bskur ba'i cho ga'o/ /de nas rdo rje slob dpon du bya zhing/ /bdag dang gzhan gyi don grub par 'dod pas bla ma la gsol ba gdab par bya ste/ mgon khyod thugs rje'i bka' drin gyis/ dkyil 'khor slob dpon dbang bskur sogs/ /bdag gzhan don du bya ba rnams/ /'grub byed dbang bskur bdag la stsol/ /ces pa dang/ slar brjod pa/ rdo rje dril bu phyag rgya che/ /zung zhig yang dag gzung bar bgyi/ /de ring rdo rje slob dpon che/ /slob ma'i tshogs rnams bsdu bar mdzod/ /'di ni sangs rgyas thams cad nyid/ /rdo rje sems dpa' i phyag na bsnams/ /rtag tu khyod kyis kyang bzung ste/ /phyag na rdo rje'i brtul zhugs brtan/ /oM mahA badzra hUM/ oM badzra ta thA ga badzra satwa sa ma ya tiSh+Tha/ 'di de sangs rgyas thams cad kyis/ /shes rab dbyangs kyis rjes 'gror bshad/ /khyod kyis kyang ni rtag tu bcad/ /byang chub mchog? tu rgyal bas bzhed/ /oM badzra g+haN+Da a/ e Sha twaM d+ha ra ya mi hi hi hi hi ho/ /yid kyi lus ni brtan pa'i phyir/ /dam tshig phyag rgya zhes byar brjod/ /lus kun brtan byed gang zhig ni/ /phyag rgyar rab tu grags pa yin/ /oM mahA kA ya ? bAk+tsit+ta badzra sa ma ya hUM/ zhes brtul zhugs rnam pa gsum byin na/ /mchod pa'i tshogs dang/ bstod pa'i gar thabs kyis lha rnams mnyes bya'o/ /de nas rjes su gnang ba sbyin par bya ste/ /bdag gzhan don sgrub las kyi tshogs/ /thun mong 'bring ba mchog gyur pa'i/ /zhi rgyas dbang drag dgug pa dang/ /sdang gnod rengs pa'i las kun dang/ /dbye rmongs bskrad pa'i cho ga rnams/ /thogs pa med par bsgrub par gyis/ /ral gri mig rnon sa 'og dang/ /thogs med mi 'bying skas 'dzeg dang/ /gser 'gyur ril bu nyi zla gzung/ /char dbab la sogs las kyi tshogs/ /rnam shes sgrub dang ye shes sgrub/ /phyag rgya shes pa'i don grub dag /thams cad dngos grub 'gro ba yi/ /don nyid yang dag sbyor bar gyis/ /rgyal ba kun gyi gnas 'jug cing/ /sku gsung thugs mchog yon tan rgyan/ /'phrin las bdag gzhan gnas sbyor ba'i/ /mkha' 'gro sgyu ma'i dngos grub sgrub/ /ces brjod do/ /de nas yang snga ma bzhin du mig dbye bya ste/ /ji ltar mig mkhan rgyal po yis/ /mig nang ling rtog bsal ba ltar/ /bu khyod kyi ni mi shes pa'i/ /ling tog rgyal bas sel bar mdzad/ /oM badzra ni tra a pa ha ra pa Ta laM h+re/ chos rnams gzugs brnyan lta bu ste/ /dag cing gsal la dri ma med/ /gzung 'dzin rnam bral brjod med du/ /rgyu dang las las kun du 'byung/ /rang bzhin med cing dag med pa/ /chos rnams de bzhin shes byas nas/ / sems can don ni yang dag byos/ /des na sangs rgyas sras su skye/ /zhes brjod de mig phye ba'i rjes la/ /chos thams cad kun rdzob sgyu ma lta bur snang ba la rjes su spyod par gnang ba'o/ /yang don dam pa dang yi dam gyi lha ji ltar gnas pa'i mtshan nyid bstan pa'i phyir/ /thams cad nam mkha' i mtshan nyid de/ /nam mkha' la yang mtshan nyid med/ /nam mkha' dag dang mnyam sbyor bas/ /kun mchog mnyam pa nyid du gsal/ /oM rdo rje sems dpa' me long bzhin dag cing gsal la rnyog pa med/ /bu khyod kyi ni snying la bzhugs/ /rdo rje sems dpa' rang nyid gtso/ /zhes brjod cing/ /de nyid kyi don bstan par bya'o/ /yang lha mo bde mchog mas byin gyis brlabs pa'i mda' gzhu byin te/ /phyogs bzhi dang steng 'og tu 'gengs shing 'phen pa'i tshul byas nas/ /chos kyi 'khor lo mas byin gyis brlabs pa'i gdan la 'dug ste/ /lag pa g.yas par dpal sangs rgyas thams cad dang mnyam par sbyor ba'i glegs bam sbyin zhing/ g.yon par dung byin te sgra bsgrag par bya'o/ /oM pha rol phyin drug las rnams kyis/ /sems can don kun mnyam sbyor zhing/ /'khor ba'i rgyun gcod mya ngan 'das/ /oM chos kyi 'khor lo chen po bskor/ /the tshom rtog tshogs gcod mdzad pa'i/ /chos kyi dung gi sgra sgrags pas/ /gsang sngags gsang chen snying po'i don/ /snod ldan kun la rab tu bshod/ /des ni rgyal ba thams cad la/ /phan 'dogs drin lan mdzad pa yin/ /mkha' 'gro sgyu ma'i dkyil 'khor gyis/ /khyod la rtag tu bsrung bar mdzad/ /ces brjod par bya'o/ /de'i rjes la rigs kyi dkyil 'khor lnga bskor bar gnas pa sbyin pa ni/ /mdor na 'jig rten khams rnams su/ /sems can rnams kyi don gyi phyir/ /ji ltar 'dul ba sna tshogs su/ /rdo rje'i 'khor lo rab tu gsol/ /ces rigs lnga'i gnas su sbyar bar bya'o/ /de ni lung bstan pa las/ dang po slob dpon gyis bsgo ba ni/ /'di ltar nga yis khyod lung bstan/ /rdo rje dpal ldan gsang ba'i bdag /dngos po mchog tu sgrub pa'i phyir/ /srid pa'i ngan 'gro gnas las grol/ /kye che ge mo zhes bya ba'i de bzhin gshegs pa/ /b+hur b+hu ba swa(rgyud 'grel 'di yin te/ /gsang ba bla na med pa'i theg pa la zhugs pas phyag rgya chen po dang/ gsang sngags kyi mthus rigs kyi dkyil 'khor du gnas par 'gyur ro/ /khyod kyis chags pa rnam pa gnyis dang 'bral bar mi bya ste/ de dag gi las la sbyar bar bya'o/ /'dod chags bral ba lta bu'i sdig /khams gsum na ni gzhan med de/ /de bas 'dod la chags bral bar/ /khyod kyis nams kyang bya ba min/ /ma hA sa ma ya hUM phaT/ de ring dkyil 'khor slob dpon dang/ /sngags sogs rgyud rnams 'dzin par 'gyur/ /sangs rgyas byang chub sems dpa' dang/ /lha rnams kun gyis mthun par gsungs/ /sems can kun la rjes brtse bar/ /dkyil 'khor cho ga bzhin du bris/ /rtse gcig nan tan bskyed nas ni/ /sgrub pa po rnams rgyud la sbyor/ /zhes brjod de/ des ni lung bstan pa'o/ /de ni dbugs dbyung ba'i phyir/ /dang po dkyil 'khor mthong ba'i phan yon brjod par bya'o/ /mchog tu gsang ba'i dkyil 'khor 'dir/ /zhugs shing mthong pa la sogs pas/ /sdig pa kun las rnam grol zhing/ /khyed rnams rab tu dge bar gnas zhes brjod/ /de nas don bzhin du spyad pa'i phan yon bstan pa'i phyir/ /bde chen theg pa 'di la ni/ /phyi nas 'chi ba yod med cing/ /mtshungs med thub par mi 'gyur te/ /cis kyang mi 'jigs dga' bar gyis/ /srid pa shin tu dag la nas/ /srid pa'i sdug bsngal las 'das so/ /nga ni de dag gi dam tshig bshad par bya ste/ /byang chub sems ni yong mi speng/ /rdo rje zhes bya'i phyag rgya che/ /gang zhig bskyed pa tsam gyis ni/ /sangs rgyas nyid 'gyur the tshom med/ /dam pa'i chos dag mi smad cing/ /ma gus spang zhing dor mi bya/ /mi shes snod ming rmongs pa la/ /nam yang bstan par mi bya'o/ /rdo rje dril bu mi spang ste/ /slob dpon dag la gus par bgyis/ /zhes pa'i don bstan par bya'o/ /de ltar slob dpon gyi dbang thob pa'i phan yon ni/ /khams gsum gyis ni rgyal srid che/ /bdag po rgyal chen dbang bskur zhing/ /bdud rnams thams cad las rgyal bar/ /grong khyer mchog tu zhugs pa yin/ /'di yis khyed rnams dus 'di ru/ /sangs rgyas thob par the tsom med/ /dbang bskur rjes thob dbugs phyung bas/ /slob ma yon tan bdag por 'gyur/ /slob dpon blo gros dam tshig ldan/ /brtan g.ya'i mdza' la rnam par grol/ /lam mchog 'jug stobs dbugs phyin te/ ngan pa'i gnas ngan kun spangs pa'o/ /zhes brjod par bya'o/ /de nas gdams ngag bstan pa'i phyir dkyil 'khor gyi de kho na nyid dang/ lha'i de kho na nyid bstan par bya ste/ de la dang po dkyil 'khor gyi mtshan nyid ni gru bzhi par gnas pas/ che ba'i yon tan thams cad kyis rgyas par bya zhing sgo rnam pa bzhi yis byams pa dang/ snying rje dang/ dga' ba dang/ btang snyoms kyi mtshan nyid can no/ /rta babs nas chos kyi 'khor lo'i bar du ni rten cing 'brel par 'byung ba'i tshul du gnas pa ni byang chub kyi tshes sum cu rtsa bdun gyi bar du bgrod nas rnam par thar ba'i sgo bzhir 'jug pa'i mtshan nyid can no/ /rin po che sna lnga'i rtsig pa las kha dog nyi shu rtsa lnga dang bcas pa phro ba ni/ /rang bzhin ye shes drug gi byin brlabs las rigs kyi mtshan ma sna tshogs su snang ba'i rang bzhin no/ /rdo rjes mtshan pa'i ka ba brgyad ni rnam par thar pa brgyad kyi rang bzhin la rdo rje theg pa'i tshul gyis mtshan pa'o/ /rin po che dang/ mu tig dang/ me tog gi phreng bas brgyan pa ni mdzad pa rgya chen po'i phrin las rnams yon tan las byung ba'i tshul lo/ /'dod pa'i yon tan drug gi lha mo ni/ /yul drug rnam pa dag pa'i snang ba'o/ /gdugs snying rje chen po'i char bab dang/ rgyal mtshan bdud rnam bzhi las rgyal zhing theg pa'i mchog ston pa'i ma dang/ bla re mnyam pa nyid du tshul gcig par spyod pa'i tshul/ /rnga yab rnam par rtog pa'i sbrang ma sel bar mdzad pa dang/ /zla ba phyed pa rdo rjes smon lam rgya chen po 'gro ba'i don du theg pa chen po'i sngags kyi sgo nas don mdzad pa dang/ rdo rje rin po che dbyug pa la ba dan dpyangs pas mtshan dang dpe byad phun sum tshogs pa'i rtags dang ldan pa'o/ /de la dril bu sgra snyan pa phyogs bcur sgrogs ba ni theg pa sna tshogs kyi don ston pa'o/ /re'u cha'i cha brgyad kyi mtshan ma ni sku'i dbang phyug dang/ gsung gi dbang phyug dang/ thugs kyi dbang phyug la sogs pa'i yon tan brgyad kyis brgyan pa'o/ /thig bzhis legs par phye ba ni phrin las bzhi'i snang ba'o/ /sna tshogs pad+ma'i mtshon ma dang/ mu khyud rdo rje'i phreng bas bskor ba ni chags pa med pa'i phrin las kun tu don spyad kyang nyon mongs pa'i mtshan mas ma gos shing bde ba chen po'i dbyings lam sku gsung thugs kyi theg pa ston par mdzad pa'o/ /bum pa rgyan gyis mdzes shing bdud rtsi'i bcud dang ldan pas che ba'i yon tan thams cad kyi 'byung gnas 'chi ba med pa'i bdud rtsi ye shes rnam pa lnga'i don las yon tan gyi snang ba ma 'gags shing 'dod pa'i longs spyod sna tshogs su 'phro ba'o/ /bar du re mig 'khor lo'i tshul du gnas pa ni phrin las dang mchod pa'i gnas su 'gyur cing rang gi phyag rgya mdzes par gyur pa'o/ /phyi rol pad+ma la sogs pa'i phreng ba dag ni chos thams cad rnam par dag pa'i yon tan gyi snang ba ston pa dang/ sku gsung thugs kyi phrin las dang bcas pa'i rnam pa dang/ ye shes kyi byin brlabs kyis mi mthun pa'i rnam par rtog pa thams cad spel bar mdzad pa'o// phyi rol gyi dur khrod chen po dag gis ni thams cad gsang sngags kyi theg par 'du zhing theg pa gzhan las khyad par du 'phags pa'i tshul du khams gsum gyi zhen rtog sbyang ba dang/ phung po lnga dang 'byung ba lnga dag rnam par dag pa'i ngo bor bstan pa'o/ /zhing dang zhing skyong dag gis yon tan ma 'gags pa'i rten gnas la sangs rgyas brgyad kyi snang ba ston pa'o/ /mtsho dang klu brgyad ni srid pa'i gnas kyi rtog pa'i tshogs dag gnyis su med pa'i byang chub kyi sems kyi don ston pa'o// rnal 'byor pho mo dag gis ni dbyings dang ye shes bzung du 'brel ba'i don gyis chos thams cad 'dus par bstan pa'o/ /sprin dang mchod rten la sogs pa'i rnam pa dag gis ni thugs rje chen po'i sprul pa'i 'phro 'du dang ye shes kyi snang ba brgyad brtan pa'o/ /bya khyi dang mkha' 'gro la sogs sna tshogs pas ni thugs rje chen po'i sprul pa dang/ yon tan gyi rtsal ma 'gags pa'i phrin las gyi tshogs rnam par 'phro ba bstan pa yin no/ /de ltar rten gyi mtshan nyid rgya cher brtan nas brten pa'i rang bzhin dag shes par bya ba'i phyir dpal rdo rje sems dpa' dkar dmar gyi mdangs dang ldan pas byang chub kyi sems kyi rang bzhin la rtog pa'i mtshan mas ma gos shing thugs rje chen pos chags pa'i las mdzad pa'o/ /rin po che'i kha dog sna lnga'i 'od zer mdzes pas brgyan pa ni ye shes rnam pa lnga'i snang ba las rigs kyi mtshan ma sna tshogs ston pa'o/ /zhal bzhi dang/ phyag bzhi'i rnam pa can du byung bas phrin las rnam pa bzhi dang/ tshad med pa dag gi sgo nas 'gro ba dbugs 'byin pa'o/ /sgeg pa la sogs pa'i tshul gyis khams gsum las rgyal zhing/ rang gi che lugs bcom par mdzad pa'o/ /phyag bzhi'i mtshon cha dag gis ye shes rnam pa lnga'i che ba las rigs lnga'i dkyil 'khor snang bar mdzad pa dang/ thugs rje chen pos rtse gcig tu sems can gyi las la dgongs pa dang/ sku gsung thugs sna tshogs kyi sgo nas khams gsum las te/ gsang ba bla med pa'i tshul ston pa dang/ zhi gnas dang lhag mthong zung du 'brel ba'i las kyis bskul ba dang/ de'i mtshan nyid gzhan la ston par mdzad pa'o/ /mtshan bzab sum cu rtsa gnyis dang dpe byad bzang po brgyad cu dag gzhan las khyad par du 'phags pa'i tshul gyis mdzes shing byang chub kyi mchog tu gyur pa'i thugs rje chen po'i rnam pa dang ma bral ba'i sgo nas stong g.yogs dang mdzad pa sna tshogs kyi las mnga' bas smad g.yogs kyis brgyan pa'o/ /bsdu ba'i dngos po bzhi dang/ tshad med pa bzhi'i 'phrin las dag la spyod bas dpung ba rin po ches mdzes pa'o/ /gzhan yang rin po che'i ske rags dang/ mgur chu dang/ do shal gyi dge ba bcu dang/ pha rol tu phyin pa bcu dang/ sangs rgyas kyi chos ma 'dres pa bco brgyad dang/ byang chub kyi phyogs kyi chos sum cu rtsa bdun gyi don ston par byed pa'o/ /phyag dang zhabs la gdu bus mdzes shing byang chub kyi mchog tu gyur/ se mo do bcus mtshan pa mo bden pa bzhi dang rnam par thar pa brgyad dang/ dge ba bcu yongs su rdzogs pa'i rtags so/ /dbu la rin po che'i rgyan pa dang/ phreng ba dang/ thod pa dang/ rigs kyi bdag po dag gis brgyan ni pha rol tu phyin pa drug dang/ rigs rnam pa lnga dang/ rigs kyi mtshan mas lhag par gyur pa'o/ /sku gsung thugs kyi rdo rje dang/ ye shes sems dpa' dang/ sangs rgyas kyi dkyil 'khor gyis brgyan pa ni phyag rgya bzhi'i sgo nas de nyid kyi don bstan par mdzad pa dang/ phung po lnga rnam par dag pa'i rang bzhin du bzhugs pa'o/ /gzhan yang 'byung ba rnam pa bzhi rnam par dag pa'i sgo nas khyad par gyi phrin las bzhis 'gro ba'i don bya ba'i phyir rigs kyi lha mo bzhi dang/ skye mched la sogs pa zag pa dang bcas pa rnam par mdzad cing rigs dang ye shes kyi snang ba yon tan gyi tshogs rnam par 'phrul ba las kyis gzhan gyi don mdzad pa'i phyir phrin las sna tshogs dang bcas par bstan pa yin no/ /de ltar rnam par dag pa'i mtshan nyid bstan nas slob dpon gyi las su bya ba ni dbang bskur ba dang/ rab tu gnas pa dang phrin las rtsom dang/ sgrub pa'i rim pa dang/ tshogs kyi 'khor lo la sogs pa gzhan dag gi lam gsum bya ba rnams kyang rgya cher bstan par bya'o/ /de nas lha dang/ slob dpon la ci 'byor ba'i yon gyis mchod cing rjes su yi rang dbul bar bya'o/ /des ni slob dpon du dbang bskur ba'i tshogs bstan pa yin no/ /de ni nye ba'i bsnyen pa'i skabs su dbang rdzogs par ma byas pa dang/ gang zhing rdzogs pa dag gis gnas par 'dod na dben pa'i gnas su dris legs par byugs pa'i maN+Dal la me tog la sogs pa bkram zhing bde ba'i stan brtsegs pa la bla ma bzhag nas/ shes rab mtshan dang ldan pa dag phul te/ mchod pa dang/ ston mo la sogs pa'i longs spyod kyis dgyes par byas nas/ ras kyi yol ba la sogs pas bar chad pa'i rgyab nas gsol ba gdab par bya'o/ /dpal ldan mgon po bde pa che/ /bde chen bde ba'i gnas la bzhugs/ /sangs rgyas thams cad mnyam sbyor ba'i/ /mkha' 'gro sgyu ma'i bde rtsol mdzod/ /byang chub sems dpa' che rnams kyi/ /yang dag don mchog rnam dag la/ /ji ltar de nyid bdud rtsi yi/ /mchog gi dbang ni bskur ba bzhin/ /de bzhin bdag sogs 'gro kun gyis/ /sdug bsngal thams cad sel bar mdzod/ /rnal 'byor bdud rtsi dri med mchog /ma rig rtog pa'i rab rib sel/ /gang gis byang chub bla med pa de ring bdag gis thob par mdzod/ /ces pa gsol pa dang/ de la slar yang smras nas/ /bu khyod ji ltar 'dod pa bzhin/ /rgyal ba kun gyi bde chen sbyin/ /ting 'dzin sbyor sngags gsal ba yis/ /rang rig gnas su legs par sdod ces pa'o/ /de nas phyi nang gis khrus byas te/ dam tshig lha mo sbyangs nas sngags dang bcas pa'i yungs kar gyi bgegs bskrad cing/ sbyor ba dang/ rjes su sbyor bas yum gnyis kyi sku bskyed par bya'o/ /yang dbang bskur ba dang/ byin gyis brlab pa dag rdzogs par byas nas rol pa'i brdas bskur zhing/ spro ba skyed cing rigs kyi nga rgyal ma nyams pa'i sgo nas gnyis su med par sbyor ba'i byang chub kyi sems slob ma'i lce la bzhag par bya'o/ /ji ltar rgyal ba bde gshegs kyis/ /rang gi sras tshogs dbang bskur bzhin/ /byang chub sems de dag ba'i chus/ /rnam rtog dri ma dag par bya/ /oM mahA bo d+hi tsit+ta sa ma ya a b+hi Shiny+tsa hUM/ zhes brjod pa dang/ slob mas kyang a haM su kha zhes brjod cing med de/ rigs kyi cha lugs bsal bar chu'i zla ba'am sgyu ma'i rnam pa bzhin du gnas pa'o/ /des ni gsang ba'i dbang bskur ba'o/ /yang rdzogs pa'i rim pa thob par 'dod pas rdo rje bla ma mchog tu 'gyur pa la gsol ba gdab par bya ste/ maN+Dal dang mchod pa'i tshogs kyis rdo rje bla ma dang/ phyag rgya mo mtshan dang ldan pa mnyes par byas nas/ tshig 'di brjod par bya'o/ /kye kye mgon po bde ba che/ /rdo rje sbyor las yang dag byung /phyag rgya mi phyed rab sgrub pa/ /mngon sum nyams myongs bskyed pa'i phyir/ /bdag nyid chen pos ji lta bar/ /gtso bos bdag la bka' drin mdzod/ /rtog pa'i dri mas bsgribs pa rnams/ /byang sems chu yis dag par mdzod/ /des kyang rigs dang mthun pa'i yuM byin gyis brlabs la slob ma'i lag tu gtang de/ /dga' ba'i gnas chen lha mo 'di/ /sna tshogs sgyu rtsal yid du 'ong/ /legs par zung zhig blo gros can/ /dga' bde'i mchod pa rab tu gyis/ /thabs gzhan gyis ni 'tshang mi rgya/ / 'gro ba thams cad 'di las 'byung/ /de bas khyod kyis 'di nyid dang/ /nam yang 'bral bar mi bya ste/ /'di ni sangs rgyas thams cad kyi/ /rig pa'i brtul zhugs bla na med/ /blun po gang zhig 'di spong ba/ /de la mchog gi dngos grub med/ ces pa'o/ /de nas lha mos grogs la dga' ba'i bzhin gyis bltas te/ 'dzum pa dang bcas par b+ha ga bya zhing bstan nas/ khyod kyis nus sam rdo rje can/ /dri chen dri chu'i bza' btung dang/ /rak+ta ga pur mang sa dang/ /bud med rnams la rtag gus dang/ /b+ha gar 'o byed mi rtog gam/ /smos shig grags po bde ba can/ zhes pa dang/ des kyang slar smras pa/ lha mo ci phyir bdag mi spro/ /khu khrag la sogs za ba dang/ bud med rnams la rtag gus shing// b+ha ga'i pad+ma ra 'o bgyid do/ /zhes so/ lha mos slar brjod de/ rmad byung gsang ba'i pad+ma 'di/ /thams cad bde bar yang dag ldan/ /rtag tu rim bzhin 'di spyod na/ /de nyid bde chen bral mi 'gyur/ /chos dbyings 'di ni rnam par dag /sems can thams cad rnam par grol/ /bde chen rgyal po 'di nyid ni/ /dngos po kun gyi rang 'byung gnas/ /gang gi rtsa yi 'khor lo la/ /pad+ma la bzhugs rab tu rgyas/ /b+ha ga'i mkha' dbyings nam mkha' bzhin// 'byung ba bzhi po rgyan bzhin bkod/ /lte ba'i ze 'bru ge sar zlum/ /pad+ma 'dab brgyad rnam par mdzes/ /de'i dbus su gnas pa ni/ /de nyid bdud rtsi'i chen po'i gzugs/ /b+hany+dza mok+Sha ho:/ zhes brjod do/ /de nas gnas dben par rgyan bzang po bris shing/ dri zhim po'i chus gtor stan bde pa la gnas te/ khang pa 'am yol ba la sogs pa gang yang rung bas bsgribs la/ thabs dang shes rab kyi sbyor ba'i ting nge 'dzin dang/ rjes su sbyor ba'i ting nge 'dzin dang/ sbyor ba chen po'i ting nge 'dzin dag rim pa bzhin du bsgom par bya'o/ /de nas 'dod pa'i gtsug lag dang mthun par bde ba bskyed cing shis pa dang mi shis pa'i mtshan ma dag yi ge lnga bcu'i gnas gang la bab pa'i sgo nas brtag ste/ ma ning gi yi ge dag la bab na ni slar bskyar bar bya'o/ /de ltar bde ba chen po'i don byang chub kyi sems phab nas tshigs su bcad pa 'dis btung bar bya'o/ /ye shes 'di ni shin tu phra/ /rdo rje snying po mkha' ? shing/ / rdul bral thal ba zhi ba'i mchog /rang gi rang bzhin de nyid de/ /zhes so/ /de'i rjes la rdo rje slob dpon la yon phul te/ thabs dang shes rab dang/ dga' ba dang/ bcas bskor ba byas te/ gtang rag btang ngo/ /de nas ? bzhi pa dag bla ma'i gdam ngag las byung bzhin du phyag rgya rnam pa gsum gang yang rung ba la brten te/ rang gi nyams su myong bas me long gi dkyil 'khor bzhin du gnas pa la yun ring du gsal bar brtag go / des ne zag pa med pa'i ye shes bde ba chen po'i sku skye bar 'gyur ro/ /de'i phyir rnal 'byor bde ba thams cad kyi/ /dbang bskur bde chen las byung ba/ /rin chen tshogs rnams tham cad kyis/ /rab tu mos par dbang bskur 'gyur/ /de nas khyad par gyi dam tshig bsgrag par bya ste/ /khyod kyis sro chags bsad par bya/ /ma byin par yang blang bar bya/ /'dod la log par g.yem par bya/ /brdzun gyi tshig kyang smra bar bya/ /rdo rje ma dang byang chub sems/ /srog gi phyir yang gtang mi bya/ /dran pa gsal bas gzung byas nas/ /lhag pa'i lha bzhin rin chen tog /ces brjod par bya'o/ /de nas rdo rje slob dpon dang dkyil 'khor gyi lha rnams la mchod pa dang/ yon gyi tshogs dgul zhing bskor ba byas te/ /glu gar dang/ bkra shis la sogs brjod nas 'gron gyi tshogs rnams la gtor ma byin zhing dkyil 'khor bsdu bar bya'o/ /de dag gis ni gnas skabs kyi bye brag mang bar 'jug pa'i don rnams phyogs gcig tu bsdus te bstan pa yin pas gang zag gi bye brag gis so so'i gnas skabs shes par bya ste/ phyi mtshams dang/ bar mtshams dang/ nang gi mtshams su cho ga ma nor ba'i sgo nas dbang bskur ba dang sgrub pa bsdebs pa ni lam gyi man ngag go/ de dag ni dpal rdo rje sems dpa' i dkyil 'khor gyi sgo nas bsnyen pa'i cho ga'o// //da ni nye ba'i bsnyen pa rtsom pa bas/ dang po rnam par snang mdzad kyi sgo nas zhi ba las la 'jug pa'i phyir/ dkyil 'khor dang chas gos lnga dag sgyur zhing zhi ba'i mchod pa dang/ rdzas dag bsags nas/ gzhi'i ting nge 'dzin dang/ rten gyi ting nge 'dzin dang/ ye shes kyi dkyil 'khor la dmigs pa dang/ mdun gyi dkyil 'khor la dmigs pa dang/ gnyis su med pa'i dkyil 'khor la dmigs pa'i bya ba nas lha so so'i bzlas brjod kyis zhi ba'i las la sbyar zhing/ mchod pa dang/ bstod pa dang bskul ba dang/ tshogs kyi cho ga dang/ sbyin sreg dang/ lhag ma'i las dang/ dkyil 'khor bsdu ba rnams rim pa bzhin bya'o/ /de ltar dbang dang/ rgyas pa dang/ las sna tshogs pa dag la yang so so'i rdzas dang/ chas gos lnga dag sgyur zhing dkyil 'khor bsgom pa dang/ cho ga'i gzhung bsrang ba dang/ bzlas brjod kyis so so'i las la sbyor pa dang/ mchod bstod dang/ bskul ba la sogs pa'i las rnam rdzogs par byas nas dkyil 'khor bsdu ba rnams rim pa bzhin du rdzogs par bya'o/ /de ltar so so'i skabs su rdzas la brten pa'i las dag bsgrub cing/ ci 'dod pa'i don la gsol ba gdab par bya'o/ /de nas sgrub pa po don la sbyor ba'i phyir snga ma las zhal bsgyur te/ chas gos dang/ dkyil 'khor dang/ mchod rdzas dang/ rgyan cha dang/ cha lugs kyi bye brag dag khro bo'i rnam pa mthun par dur khrod chas brgyad kyi mtshon cing gnas te/ rdo rje rgyal po dang/ rgyal 'theb dang/ las kyi rdo rjes rang gi las dang 'jug par bya'o/ /de nas mar me dang/ band+ha dang/ rdzas dang/ dngos grub kyi phyag rgya dag dgram zhing byin bskyed par bya'o/ /de nas dpal he ru ka'i dkyil 'khor bskyed pa dang/ yongs su rdzogs par bya ba dang/ spyan drangs la sogs pa'i cho gas mnyes par bya ba dang/ bzlas brjod kyi rnam pa gsal bar byas nas dbyangs drug gis bskul ba dang/ mchod cing bstong pa dang/ bskul ba dang/ tshogs kyi cho ga dang/ sbyin sreg? dang/ lhag pa'i las rnams rdzogs par byas nas/ de ltar dkyil 'khor drug gi bzlas brjod kyi rim pa ni zhag gcig la nyin mtshan dus drug tu bcad de/ thun mong dang khyad par gyis bzlas pa dag rab 'bring bsdus rgyas kyis brtsam zhing thog ma'i dus su ni bsgom pa dang/ bzlas pa'i yan lag rdzogs par byas nas thun tha ma gnyis la ni kun tu bzang po'i mchod pa nas/ brtsams te mthar rdzogs par bya'o/ /de yang bsnyan pa dang bsgrub pa'i dus su bzlas pa'i grangs mnyam par ji srid mtshan ma'i rtags mi gsal gyi bar du brtsam zhing/ nye ba'i bsnyen pa dag la ni ji ltar 'tsham par thun mong gi bsnyen pa las bzhi'i sgo nas bskul ba dang/ khyad par du lha so so'i bsngags brjod par bya'o/ /sgrub pa'i dus su yang bzlas pa gnyis rdzogs par gyur nas/ las bzhi'i bskul bas mthar dbyung ngo/ /de nas mtshams gcig gis cho gas sgrub pa po bsam par bya ste/ rigs kyi dkyil 'khor thams cad dran par byas nas/ de nas gnyis su med pa'i tshul du sbyor ba'i byang chub kyis sems bsdus te/ dbang po lnga la thig le bya'o/ /de dag ni thams cad dag pa'i sbyor bas bdag nyid lus la dkyil 'khor rdzogs par bsgom pa'o/ /de nas dkyil 'khor drug gi sbyor bas rim pa bzhin yi ge gcig pa'i sngags brjod cing/ las thams cad dngos grub du bya ba dang/ dngos grub thams cad dbang du bya ba'i phyir/ phyag rgya rim pa bzhin du bcings te/ rnam shes kyi phyag rgya shes pa la sogs pas brtags nas/ so so'i mtshan ma dag so so'i phyag rgya dang sbyor bas dbang cing dbyangs drug bro gar dang bcas pas dngos grub kyi stsol byang bya ste/ mchod cing bstod nas mtshan ltas byung ba'i dus su dngos grub gang yin pa'i sgo nas blangs te/ dbang bskur bar bya'o/ /de'i dus su phan gnod byed pa'i mtshan ma ngo shes par byas nas re dogs med pa'i sems kyis dngos grub blang ba dang/ bgegs bzlog pa'i cho ga dag brtsam par bya'o/ /gal te grub bam mi gsal na zhi ba dang/ rgyas pa dang/ dbang dang/ drag po dang/ mnan pa dang/ bzlas pa'i cho gas bsgrub par bya ba'am/ sbyin sreg gis shis par bya'o/ /skabs skabs su mtshams kyi cho ga dang/ dri chab la sogs pa byin gyis brlab pa dang/ mkha' 'gro ma bskyang ba dang/ sbyin sreg dang/ bskang bshags rnams ni las kyi rdo rjes bya'o/ /de nas sgrub pa chen po mthar phyin nas dkyil 'khor gyi mdza' ma skor zhing 'di dang/ phyi mar mi bral ba'i smon lam gdab bo/ /yang rdo rje sems dpa' i yi ge brgya pas lhag chad bskang zhing bshags byang byas nas bkra shis brjod cing dngos grub kyi lhag ma blangs te rnal 'byor pas longs spyod do/ /slar yang mchod pa'i tshogs rnams lha dang/ bla ma la phul te bstod pa byas nas/ bro gar dang rdo rje'i glus dgyes par bya'o// de nas ye shes kyi dkyil 'khor bton nas mdun du bzhag ste/ mchod cing bstod nas/ bkra shis brjod cing gshegs su gsol zhing/ dam tshig dkyil 'khor rim bzhin bsdus nas gzugs brnyan gyis rdzas rnams dang/ tshon rtsi dag bsdus te gsang ba'i gnas su bzhag go/ de'i rjes la rdzas dang maN+Dal legs par dag pa'i tshogs bya ba gzhan gyis ma mthong bar bgyi'o/ /yang khro bo bcu las mchod cing bstod de/ /phu ral bsdus la cod pan dkrol zhing khrus byas nas brda dang mtshan ma dgrol bar bya'o/ /de nas gtor ma rgya chen po bshams te/ 'gron tshogs rnams bsdus la sngos nas mnyes pas las la bzhag go/ yang khyad par gyi bsrungs ma dag la bsngos te/ rten la bzhag pa'i rgyal po bzhi dang/ phur pas gtab pa'i phyogs skyong rnams mnyes nas/ rang gi gnas su gshegs su gsol lo/ /de nas rnal 'byor pa rnams shis pa brjod cing bkra shis 'don pa dang/ chos sbyin brjod pa dang/ 'gro ba'i don du smon lam gdab pa dang/ spyod lam gyi rnal 'byor ma nyams par bya'o/ /dang po'i rnal 'byor snga ma'i rim bzhin bka' / /legs bstan rjes mthun dam pas gsal byas gang/ /de don sgrub rim snga ma'i gzhung nyid bzhin/ /khyad par lhag pa cung zhig brjod pa med/ /'on kyang go rims mi gsal legs bsdebs pas/ /dang po gang du bdag pas dman sogs rnams/ /tshogs med pa bas las chen bsgrub pa'i phyir/ /sgrib pa'i rim pa gus pas blang bar mdzod/ /tshe 'dis phyag rgya chen po'i lam sgrub phyir/ /de yi cho ga dri med legs bshad pas/ /dga' mdzes pad dkar yid 'ong tshogs rgyas la/ /de 'dod brten pa'i don thob tshim bzhin shog /dpal sangs rgyas thams cad dang mnyam par sbyor ba'i dkyil 'khor sgrub pa'i rim pa zhes bya ba slob dpon chen po hUM mdzad rdo rjes mdzad pa rdzogs so// //rgya gar gyi mkhan po bidya ka ra siM ha dang/ bod kyi lo tsA ba lha rin po ches bsgyur zhing gtan la phab pa'o// */ /dpal khrag 'thung chen po'i sgrub thabs bzhugs so// */ /rgya gar skad du/ saM sid+d+hi mahA sh+rI he ru ka no pi ka nA ma/ bod skad du