བོད་ཡིག

e-texts based on the ACIP/ALL Input

dpal he ru ka'i sgrub thabs bzhugs so// //rgya gar skad du/ sh+rI he ru ka nA ma no pi ka /bod skad du/ dpal he ru ka zhes bya ba'i sgrub thabs/ dkon mchog gsum la phyag 'tshal lo/ /dngos dang dngos med rtog bral zhing/ /thugs rje mdzad pa sna tshogs snang/ /thabs mkhas khro ston rgyal ba'i sku/ /ma lus 'jigs la phyag 'tshal te/ /mkha' 'gro sgyu ma'i rjes 'gro ba/ /de nyid sgrub thabs cho gar bcas/ /rnal 'byor 'dod pa'i bde skyed do/ /cung zad 'jug pa'i don phyir bshad/ /theg chen bla ma bzang las byung/ /yon tan stobs sogs kun nas mdzes/ /rab tu sbyangs pa'i rnal 'byor mchog /'dod pa'i lha la dad mos 'dud/ /tshul khrims brtul zhugs la sogs kyi/ /thabs mkhas yan lag rnam spyad pas/ /de gnas goms byed las rdzogs te/ /kun tu 'khor lo mthar phyin 'gyur/ /byams sogs tshad med bzhi rnams kyis/ /'gro rnams thams cad nye bar gzung/ /shin tu dag pa'i gnas nyid du/ /bde ba'i stan la legs par gnas/ /yang dag dkyil 'khor bzang po dang/ /yang dag khrus kyi cho ga dang/ /yang dag mchod rgyan gtor mar bcas/ /yang dag phyag rgya sngags sogs ldan/ /thams cad yul kun rnam dag pa'i/ /byang chub sems nyid brtan pa las/ /thugs rje nyi ma'i mdza' yas zer/ /thams cad yul kun khyab par gsal/ /yi ge hUM gi 'phro 'du las/ /bsrung ba'i 'khor lo rgya chen po/ /'khor lo me 'od mtshon cha'i phreng/ /khro tshogs sprul bcas tsham rngam tshogs/ /phyogs bcur bstan par bya ba'i phyir/ /hUM bzhi'i phyag rgya sngags kyis bsrung/ /rigs kyi yi ge mtshan mar bcas/ /phra mo'i skur gsal 'phro 'du yis/ /sangs rgyas thams cad bsdu byas te/ /gtum rngam khros pa'i cha lugs can/ /thams cad gcig tu sbyor ba'i mthus/ /dam tshig rgyal po he ru ka /zhal gcig phyag gnyis mthing ka'i mdangs/ /'od 'bar dur khrod rgyan gyis brjid/ /khro rtags mtshan ma kun rdzogs shing/ /nyams dgu'i rngam brjid tshul dang bcas/ /spyan dmar mche gtsigs khro gnyer can/ /g.yas pa rdo rje rtse lnga gdengs/ /g.yon par snod bcud kha TwAM bcas/ /klu rgyal brgyad kyis nyes mdzes shing/ /spu rnams rdo rje 'od 'bar ba/ /khro bo'i dkyil 'khor phyogs bcur spro/ /rdo rje phreng ba phyag rgya lnga/ /rigs kyi dbu rgyan sems dpar bcas/ /gnas gsum 'od gsal dag byed pa'i/ /dkyil 'khor la gnas sku gsung thugs/ /phyogs bcur sngo zhing bsdus pa'i mthus/ /byin brlabs gnas gsum brtan par 'gyur/ /snying ga'i 'od zer rgya chen pos rigs kyi khro bo kun bsdus te/ /rang gi gnas su brtan byas nas/ /'dod pa'i dngos grub gsol ba gdab/ /phyi nang mchod pa sna tshogs kun/ /rgya cher spro zhing dag par dbul/ /tshad med bzhi yi phyag rgya yis/ /sku gsung thugs su sbyor bar bya// ting 'dzin sems dpa' i mtshan ma la/ /sngags kyi 'khor lo spro zhing bsdu/ /oM sh+rI he ru ka h+ri swA hA/ /mar me phreng ba 'khor ba'i tshul/ /yan lag rdzogs pa'i ting 'dzin gyis/ /dngos grub mtshan ma kun ston cing/ /yang dag byang chub bstan par 'gyur thams cad nam mkha' i mtshan nyid de/ /nam mkha' la yang mtshan nyid med/ /khams gsum dag ni ma lus pa/ /thams cad sgyu ma lta bu ste/ /ji ltar sgyu ma thams cad du/ /mthong ba dang ni reg par 'gyur/ /dmigs su yod pa ma yin te/ /de bzhin 'gro ba kun gyi tshul/ /bud med la sogs rin chen mchog /mkha' las dngos grub thams cad spyod/ /dngos po med par bdag sbyor bas/ /nam mkha' kun dang mnyam par spyod/ /mkha' 'gro sgyu ma bde ba'i mchog/ shin tu bstan pas 'grub par 'gyur/ /spyod lam kun tu ma nyams par/ /rnal 'byor yang dag ting 'dzin gnas/ /rnam pa mang po yul bcas kun/ /thabs dang shes rab rol mo'i tshogs/ /bza' btung dag pa'i ting 'dzin gyis/ /dkyil 'khor thams cad tshim 'gyur cing/ /bsod nams ye shes tshogs chen la/ /'gro rnams dag par nye bar sbyor/ /kun tu cha lugs chu zla bzhin/ /ma gos chags pa med pa'i rgyal/ /thams cad chos rnams blang dor med/ /bya ba'i lam rdzogs mthar phyin 'gyur/ / tshe 'dir yon tan chos kun dang/ /rigs 'dzin go 'phang mngon par brnyes/ /thams cad sbyor ba'i rgyud chen po/ /de nyid nges par bstan pa'i don/ /phyag rgya gcig pa'i sgrub thabs mchog /yang dag rdzogs pa'i tshul gyis 'jug /legs par bsdus pa'i bsod nams kyis/ /khams gsum thams cad bcom ldan 'das/ /stobs mchog dpal ldan he ru kar/ /yang dag nyid du grol gyur cig /dpal he ru ka zhes bya ba'i sgrub thabs slob dpon chen po thu bor dza hastis mdzad pa rdzogs so// // */ /he ru ka'i sgrub thabs bzhugs so/ /rgya gar skad du/ sh+rI badzra he ru ka sA d+ha nA ma/ bod skad du/ dpal he ru ka'i sgrub pa'i thabs zhes bya ba/ dpal rdo rje sems dpa' la phyag 'tshal lo/ /mgon po bde chen