བོད་ཡིག

e-texts based on the ACIP/ALL Input

sangs rgyas thams cad dang mnyam sbyor ba'i tshogs kyi chog bzhugs so// */ /rgya gar skad du/ sarba bud+d+ha sa ma yo gI ga Da bi d+hi nA ma/ bod skad du/ sangs rgyas thams cad dang mnyam par sbyor pa'i tshogs kyi cho ga ces bya ba/ /dpal mkha' 'gro'i tshogs la phyag 'tshal lo/ /dpal ldan bde chen sems dpa' i mchog /sangs rgyas sras mchog 'khor lo'i gnas/ /rnam 'phrul cho ga ston mdzad pa'i/ /sku gsung dbyings la phyag 'tshal lo/ /rnam pa sna tshogs mchog gyur pa'i/ / sangs rgyas thams cad mnyam sbyor ba/ /mkha' 'gro sgyu ma bde mchog las/ /tshogs kyi cho ga bshad par bya/ /dpal ldan sangs rgyas kun gyi dngos/ /rdo rje sems dpa' bde 'byung ba/ /gsang ba mchog gi dgyes pa na/ /thams cad rang nyid rtag tu bzhugs/ /bsod nams ye shes tshogs rdzogs pas/ /kun ldan tshogs kyi 'khor lo yin/ /rigs kyi bkod pa so so'i gnas/ /phun sum tshogs par bstan pa 'am/ /yang na bde ba'i gnas dag tu/ /skyed mos tshal la sogs par bsgrub/ /mar ngo'i brgyad dang bcu bzhi dang/ /yar ngo'i brgyad dang bcu mtshams gnyis/ /der ni dang po gdan bshams te/ /'jam zhing reg na bde 'gyur pa'i/ /sna tshogs pad+ma ras kyis g.yogs/ /de ni thams cad dag pa'i gdan/ /sangs rgyas kun gyi dam tshig dpal/ /rdo rje sems dpa' i snang ba bde/ /de bzhin gshegs pa'i pho brang mchog /rin chen rgyan la sogs pas spras/ /dril bu rgyal mtshan mchog ldan pa'i/ /bla re dam pa bres pa na/ / rdo rje tshig dang mchog la sogs/ /glu dang sil snyan rnam par 'phrul/ /me tog bdug pa'i sbyor ba dang/ /mar me dril sogs ldan par/ /sangs rgyas thams cad mnyam sbyor ba'i/ /mkha' 'gro sgyu ma bde mchog bsgrub/ /slob dpon mgon la legs zhus nas/ /phun sum tshogs pa'i rjes 'jug cing/ /sangs rgyas brda dang ldan pa yis/ /me tog thogs te 'gro la bskul/ /rnal 'byor pho mo thams cad kun/ /dga' zhing dang pa'i sems can gyis/ /do nub bdag gi gnas dag tu/ /tshogs kyi cho ga mdzad par gsol/ /e ma bu ni snying rje che/ /gal te lag pa'i phreng ston na/ /'du bar bya zhes smra ba yin/ /phreng ba mngon par btang byas nas/ /dam tshig la gnas brtul zhugs bzang/ /dpa' bo gzhan don spyod pa'o/ / de nas nub mo 'dus ba dang/ /phyi nas bdag chal dri chab chu/ /khrus byas me tog gis brgyan cing/ /rnal 'byor dag chos sngags kyis sbyang/ /de nas nang gi khrus byas te/ /sngags kyis bsrung zhing byin brlabs nas/ /dam tshig tshogs rnams bskang gso zhing/ /rim bzhin nang du 'gro bar bya/ /dam tshig brda sogs brtag pa'i phyir/ /khro bo'i rgyal sngon las mkhan gnyis/ /rig pa'i sngags brjod mthong bas 'dzin/ /bsrung ba'i don phyir sgo 'gram gnyis/ /khro rgyal rgyan sngon dag gis mdzes/ /dam tshig rnam par spyod pa'o/ /dngos grub rin chen dbyug to 'dzin/ /dpal ldan dpa' bo 'dul bar mdzod/ /mkha' mdzes rnal 'byor ma dkyil du/ /dam pa'i mtshan ldan bdag thong zhig/ oM ma hA sa ma ya hUM/ sur? ta? stwaM?/ rdo rje slob ma chen po dang/ /rang gi grogs mchog lha rnams la/ /bskor zhing phyag 'tshal rang nyid kyi/ /stan la gus pa'i sems kyis 'dug /yon bdag las mkhan gang rung gis/ /sa gzhi legs bsham dri bcas nas/ /khru? gang la sogs tshad mnyam pa'i/ /maN+Dal rgyan dang bcas par bsham/ /rdo rje 'dzin gnon sngags kyis ni/ /bsang sbyang bsrung zhing byin gyis brlob/ /rig pa chad dag rnam phye la/ /dkyil 'khor sngags kyis me tog dgra ma/ /oM badzra re kha hUM/ 'jig rten pa yi maN+Dal ni/ /de yi 'og tu brtsam par bya/ /phyogs bzhir dkyil 'khor rnam bzhi'am/ /yang na gcig tu dgong par bya/ /dbus su rta mchog lha mo ste/ /zla gam lha mchog chen po'i gnas/ /bar khyam dang por phyogs skyed? lha/? /gnyis par mkha' 'gro'i tshogs rnams te/ /gsum par klu rgyal 'khor bcas tshogs/ /bzhi par 'gro drug bgegs tshogs so/ /so so'i las dang mthun pa yi/ /tshogs pa'i rgyan rnams dgram par bya/ /mchod yon mchod sogs rim gro dang/ /nya sha la sogs bza' ba dang/ /chang rtsi myos byed phreng ba dang/ /g.yon du nye bar dgod par bya/ /g.yas pa dag tu chu yi snod/ /ku sha'i chun por nyungs kar bcas/ /mdun du mchod yon bzang zhal dang/ /rdo rje dril bu phyag rgya'i tshogs/ /mchod pa'i phyag rgya'i shes tshogs rnams/ /mdun gyi dkyil 'khor dang po la/ /mchod pa kun gyi gtor ma'i tshogs/ /phyag rgya shes pa'i rjes rnams ni/ /'jig rten pa yi dkyil 'khor la/ /bkeng? de bsrung sbyang? shes par bya/ /bsod nams tshogs kyis dog byas nas/ /bsrung ba'i 'khor lo bsgom par bya/ /gzhi rten sbyor ba'i ting 'dzin gyis/ /dam tshig dkyil 'khor sbyor ldan pas/ /bsgom pa'i yan lag ma nyams par/ /rigs kyi rnam par bsgom par bya/ /ye shes dkyil 'khor la dmigs shing/ /bdun gyi dkyil 'khor gnyis med pa'i/ /dkyil 'khor dag gi las bya'o/ /chang la sogs pa'i yo byad rnams/ /mdun nas phyag tu ci rigs dbul/ /ltos shib/ rnal 'byor rgyan mdzes rnams/ /'di la rnam rtog yod ma yin/ /bram ze khyi dang gdol pa rnams/ /rang bzhin gcig pas lhan cig bza' / /oM ma hA sa ma ya/ ku ru ku ru d+ha ro ku ru hUM phaT/ bde gshegs de ni sdig mad cing/ /'dod chags sogs pa'i skyon dang bral/ /gzung 'dzin dri ma rnam par spangs/ /de bzhin nyid la bdag phyag 'tshal/ /g.yas dang g.yon gyi lag gnyis kyis/ /pad+ma'i bskor ba byas nas ni/ /rol pa'i bcas pas bza' ba bzung/ /rang gi lha yi sbyor ba yis/ /ji bzhin du ni 'jug par bya'o/ /rdo rje slob dpon blo ldan pas/ /chang sogs rdzas rnams byin gyis rlob/ /g.yo zhing 'bar ba'i gzugs can dang/ /khyad par du ni bskol ba nyid/ /shel gyi gzugs kyis byin brlab cing/ /thams cad bdud rtsi'i ngo bor brtag /de nyid yang dag spyod pa 'dis/ /rnal 'byor pa ni kun nas bdag/ ji ltar bde bar brjod par bya/ /sgyu ma lta bu mdzes pa yi/ /'o byed sogs sbyor kun 'khyud pa/ /sems can don du yang dag spyad// de nas mna' ni bsgags byas nas/ /sangs rgyas thams cad mthun pa yi/ /mchog tu rtag pa'i bka' stsal pa/ /dam tshig sdom pa sbyin par bya/ /sangs rgyas thams cad mnyam sbyor ba'i/ /sdom pa nyams par khyed byed pa/ /ji snyed sangs rgyas thams cad dang/ /byang chub sems dpa' rdo rje 'dzin/ /lha dag dang ni mi dag dang/ /de bzhin rnal 'byor sgrub pa po/ /de dag la ni snying rings nas/ /snying nas khrag chen 'thungs pa yin/ /bdag gi ngo bo yongs spangs shing dka' thub kyis ni gzir mi bya/ /ci bde bar ni bde bar spyang/ /'di ni phyi dus sangs rgyas yin/ /rnal 'byor longs spyod thams cad la/ /cis kyang mi 'jigs dga' bar gyis/ /sdig med stobs kyis khyod ma 'jigs/ /dam tshig 'da' bar dka' pa'o/ /tshogs kyi dpa' bo'i ston mo las/ /slob dpon las kyi rim pa'o/ /de nas khrus byas dri yi lus/ /ji ltar 'byor ba'i gos dang rgyan/ /sna tshogs rnam par bgos na ni/ /me tog phreng ldan kha dri zhim/ /sems can khams ni ma lus gdon/ /srid pa shin tu dag bya'i phyir/ /mi 'gog chos nyid sbyor ba yis/ /mnyam pa nyid du bsgrub par bya/ /gru bzhi pa la sgo bzhi pa/ /rta babs bzhi yis mdzes par bya/ /rdo rje rin chen padmo sogs/ /sgo bsrungs dang ni ldan par bya/ /rang gi lha dang 'dra ba yi/ /bud med dag ni legs bsgrubs pas/ /skal bzang rang gi phyag rgyas mtshan/ /tshogs kyi dkyil 'khor brtag bar bya/ /sangs rgyas thams cad mnyam sbyor ba/ /sbyor ba'i dbang phyug rnam 'phrul bas/ / rdo rje sems dpa' dpal gyi lha/ /de ni rnam par 'phrul par mdzad/ /brtan zhing grub pa'i slong byed pa/ /kun nas slong ba'i bde ba ni/ /stong pa rnal 'byor yod med mthus/ /nam mkha' nyid du dam tshig nye bar gnas/ /bde gshegs bde bar gshegs su gsol/ /rdo rje sems dpa' bskal bzang dpal khyod bdag /oM e hye ti b+ha ga wan ma hA ka ru Ni ka tri sh+ya ho sa ma ya sa ma ya stwaM dza(rgyud 'grel phyag rgya'i mchod pa yis/ /mchod pa thams cad dbul bar bya'o/ /oM A(rgyud 'grel chen po thams cad dag par mdzod/ /mchod pa chen po thams cad grub par mdzod/ /klu yi phyag rgya 'di ni dpal/ /rdo rje sems dpa' la gnas te/ /mchod pa ma lus byed pa yi/ /rab 'byam las la sbyor du rung/ /gang dag grub bar ma gyur dang/ /mchod pa dag ni mi 'byor pa/ /phyag rgya 'di yis mchod byas na/ /mchod pa thams cad myur du 'grub/ /de nas ro mchog bza' btung nas/ /glu tshig sil snyan la sogs la/ /de dag mgon po rnams la dbul/ /dkyil 'khor tshogs bcas dbyer med blos/ /rdo rje bla ma chen po dang/ /bdag gzhan tshogs pa 'dod dgus mchod/ /rnam pa mang po'i 'dod chags rgyud kyi sems can ma lus med par dbul mkhas pa/ /de bzhin gshegs pa kun gyi mkha' 'gro sgyu mas thams cad rab sprul rnam par sprul/ /te na te te hUM/ rnam pa mang po rab tu dga' ba'i rgyud kyi sems can ma lus lus pa med par 'dul mkhas pa/ /de bzhin gshegs pa kun gyi sgyu ma bde mchog sgyu mas thams cad rab sprul rnam par sprul/ hUM hUM hUM/ rnam pa mang po khro bo'i rgyud kyi sems can ma lus lus pa med par 'dul mkhas pa/ de bzhin gshegs pa kun gyi sgyu ma bde mchog sgyu ma thams cad rab sprul rnam par sprul/ ru lu ru lu hUM b+hyo hUM/ rnam pa mang po srog gi rgyud kyi sems can ma lus lus pa med par 'dul mkhas pa/ /de bzhin gshegs pa kun gyi sgyu mas thams cad rab sprul rnam par sprul/ /hUM shi shwa bi shwa hUM/ oM badzra satwa sa ma ya/ ma nu pA la ya/ badzra satwa te na pa tiSh+Tha/ dri Dho me b+ha ba/ su to Sh+yo me b+ha ba/ a nu rak+to me b+ha ba/ su po Sh+yo me b+ha ba/ sarba sid+d+hi me pra yats+tsha/ sarba karma ku ru su tsa me tsit+ta/ sh+re ya(rgyud 'grel badzra b+ha ba/ ma hA sa ma ya/ satwa A/ de nas zos shing 'thungs pa yi/ /lhag pa'i tshogs rnams kun bsdus te/ /gong du bkod pa'i bkod ma dang/ /so sor byin brlabs bsngo bar bya/ /ha ho h+ri(rgyud 'grel mdzes pa'i phyag rgya smin mtshams gnas/ /sngags bcas mgron tshogs bsdu bar bya/ /oM ha hi ru lu ru lu hUM baM ho/ /badzra DA ki ni b+hyo/ e a ra l+li ho dza dza/ /oM suM b+ha ni suM b+ha dza(rgyud 'grel Sha ya to Sha ya/ mo ha ya mo ha ya/ e a ra l+li ho/ h+riM h+riM h+riM/ hUM las rngam chen 'bar ba'i sku ston cing/ /'jig rten lha chen yab yum zhabs kyis gnon/ /drag po'i dkyil 'khor sna tshogs ston mdzad cing/ /dbu ma rta skad 'tsher zhing gar mdzad pa nyi ma 'bum gyi 'od mnga' sku la rdzogs/ /khro rgyal 'khor bcas ma lus gshegs su gsol/ /'jig rten dbang phyug chen po dang/ /de bzhin tshangs pa brgya byin sogs/ /khyab 'jug 'dod dga' i dbang phyug dang/ /'jig rten skyong ba'i lha dang klu/ /gang dag rdzu 'phrul mthu mnga' rnams/ /bran mngags g.yog dang chung mar bcas/ /dpa' bo'i spyan sngar dam bcas bzhin/ /rang gi dam tshig dran byos pa/ /tshogs kyi dkyil 'khor bsrung ba'i phyir/ /'khor bcas gnas 'dir gshegs su gsol/ /'od zer sngags kyis sbyang byas nas/ /rigs kyi dkyil 'khor mngon par gsal/ /oM kak+ka Dha na/ babband+ha na na/ khakh+khA da na/ sarba duSh+Ta na/ ha na ha na/ g+ha g+ha g+hA ta ya/ a mu ka syA/ shAn+ti ku ru/ hUM hUM phaT phaT dza swA hA/ /bdud rtsi bsam gtan dmigs nas ni/ /bdud rtsis kha ni dag par bya/ /oM gu ru tro ta khA hi/ sa ma ya braM sha khA hi/ bak+Sha su gan/ b+hu tak+She tre pra ti ste b+ha ya ha hi/ lhag ma kha chu'i tshogs kyis bran/ /dgyes pa'i longs spyod rnam par rol/ /oM 'jig rten kun gtso mnga' mdzad pa'i/ /lha chen dregs byed stobs ldan pa/ /bde gshegs sras sogs bran mdzad pa'i/ /byang chub sems ldan snying rje can/ /dbang phyug chen po chung mar bcas/ /de bzhin khyab 'jug tshangs pa dang/ /brgya byin 'dod dga' chung mar bcas/ /lha chen 'khor bcas tshogs rnams dang/ /phyogs skyong brgyad po 'khor bcas dang/ /klu chen brgyad po 'khor bcas dang/ /mkha' 'gro chen mo gsus 'dzin ma/ /dur khrod ma mo tshogs bcas dang/ /gzhan yang lha srin sde brgyad dang/ /'gro ba sdug po 'khor bcas rnams/ /sku gsung thugs sogs sbyang byas nas/ /rang gi lha yi gzugs 'dzin rnams/ /gnas 'dir 'dus pa'i dam tshig can/ /mchod gtor rgyun dang bcas pa bzhes/ /dam tshig bsrung zhing dam tshig can/ /las la sogs pa mkha' 'gro'i tshogs/ /mkha' 'gro chen mo 'khor bcas rnams/ /rnal 'byor bsgrub pa'i grogs mdzod cig /las mdzad rdo rje bran bcas pas/ /zhi rgyas dbang drag las grub cing/ / theg chen gsang sngags bsrung ba dang/ /nad dang gnod sogs zhi ba dang/ /tshe dbang bkra shis spel ba dang/ /bde legs 'bras bu grub par mdzod/ /oM sarba duSh+Ta na/ g+hi na g+hi na/ gats+tsha hUM phaT/ de nas sna tshogs gar gyi rgya/ /dag mdzes stobs kyis bsgyur bya zhing/ /sna tshogs glu rnams snyan pa'i dbyangs/ /dpa' bo'i tshogs kyis legs par blangs/ /rdo rje thal mo legs sbyar ba/ /rang gi snying gar bzhag nas su/ /sems can thams cad la dmigs te/ /smon lam rgya chen gdab par bya/ /sems can thams cad sdig med cing/ /dus kun du ni bde gyur cig /sangs rgyas nyid dang 'phrad 'gyur ba'i/ /lam de nyid la zhugs nas kyang/ /ma sgral ba rnams bsgral ba dang/ /ma grol ba rnams dgrol bar shog /kun gyis rigs 'dzin bgrod byas nas/ /sku gsung 'bras bu skye 'gyur zhing/ /rnal 'byor gtsug lag dam tshig la/ /da lta nyid du gnas par shog /dkyil 'khor rim bzhin bsdu bya ste/ /ye shes lha tshogs gshegs su gsol/ /dam tshig gsal mnyes bsrung bar bya/ /gzugs brnyan dben pa'i gnas su bzhag /oM khyed kyis sems can don kun mdzad/ /rjes su mthun pa'i dngos grub stsol/ /sangs rgyas yul du gshegs nas kyang/ /slar yang sems can don la dgongs/ /oM(rgyud 'grel yan lag tu/ /cho ga'i dbye ba bkod byas pas/ /'gro rnams tshogs gnyis rnam 'phrul nas/ /rdo rje sems dpa' i gnas thob shog /sangs rgyas thams cad dang mnyam par sbyor ba'i tshogs kyi cho ga zhes bya ba/ slob dpon chen po rgyal po in+d+ra b+hU tis mdzad pa rdzogs so// //rgya gar gyi mkhan po A nanda garb+ha dang/ zhu chen gyi lo tsa ba dran ban nam mkhas bsgyur ba las/ phyis lo tsa ba lha rin po ches bcos shing gtan la phab pa'o// // dpal he ru ka'i sgrub thabs bzhugs so// //rgya gar skad du/ sh+rI he ru ka nA ma no pi ka /bod skad du/ dpal he ru ka zhes bya ba'i sgrub thabs/ dkon mchog gsum la phyag 'tshal lo/ /dngos dang dngos med rtog bral zhing/ /thugs rje mdzad