བོད་ཡིག

e-texts based on the ACIP/ALL Input

ma ba la hUM a pad+ma DA kA nI pra tIts+tsha maM ba la hUM A(rgyud 'grel 'khor gyi chog bzhugs/ /*/ /rgya gar skad du/ ma hA mA yA swa d+ha na maN+Da la baDhi/ bod skad du/ sgyu 'phrul chen mo'i sgrub thabs kyi dkyil 'khor gyi cho ga /dpal rdo rje mkha' 'gro la phyag 'tshal lo/ /'phags pa spyan ras gzigs dbang phyug la phyag 'tshal lo/ /'jig dus chu yi mdog can brgyad phyed zhal/ phyag bzhi zhabs gnyis bdud kyi snying khar mnan/ /rang rig 'od kyis 'khril cing bde gang yin/ /bder gshegs kun 'bod rdo rje 'dzin la 'dud/ /skye bo rtog pa'i dba' rlabs g.yengs pa yis/ /so so'i gzhung mangs blta bar mi nus phyir/ /lung dang man ngag rig pas gzhung bkod de /mdor bsdus dran pa tsam gyis dri bar bya/ /de ltar re zhig dang por slob ma dbang bskur ba'i snod dang skal par ldan pa ni/ /de yang 'jam zhing snyan smra snying rjer ldan/ /dge ba'i las la mngon par brtson/ /theg pa che la lhag par dang/ /rgyun du bla ma la gus shing/ /sbyin dang gtong la mngon dga' ba/ /slob ma de ni yongs su gzung/ /de bsan mtshan nyid de lta bu dang ldan pa'i slob mas dbang nod pa'i 'os su gyur ba'i bla ma la gsol pa gdab par bya ste/ de yang brtan zhing dul la blo gros ldan/ /bzod ldan drang zhid g.yo rgyu med/ /gsang sngags rgyud kyi sbyor la mkhas/ /des ni dkyil 'khor bri bar bya/ /de bas na de lta bu dang ldan pa'i slob dpon la lan gnyis nas gsum gyis bar du gsol ba gdab par bya'o/ /de nas slob dpon gyis gal te khyod kyis dkyil 'khor gyi rdzas dang/ yo byad 'di dang 'di la sogs pa 'byor rab mi 'byor zhes dri bar bya'o/ /de nas de dag 'byor par khas len na/ de'i tshe gnang ba byin la slob ma sbyang zhing bsrung ba bya ste/ slob ma'i rkang mthil du yam las rlung gi dkyil 'khor gsang bar ri las me'i dkyil 'khor/ snying khar las dang nyon mongs pa'i sdig pa'i do bo pa'am/ ka nag po gcig bsams la/ de nas rlung gis me spar ba snying kha'i ka bsregs te/ las dang nyon mongs pa'i sdig pa mi dge ba thams cad sbyangs par bsams la/ /slob ma'i gnas gsum du 'bru gsum bkod la/ 'khor lo can gyi sngags nyi shu rtsa gcig la sogs pa bzlas te bsrung ba bya'o/ /de nas slob dpon gyis bsnyen pa la 'jug ste/ maN+Dal dang mchod pa dang gtor ma la sogs pa bshams/ ye shes kyi dkyil 'khor nam mkha' la bltas la/ mchod pa la sogs pa bya/ de nas lha'i ting nge 'dzin dang ldan pas bzlas pa bya ste/ 'khor lo brta? gyis 'bum phrag gcig tu bzlas la/ lha mo rnams kyi khri khrag phrag re re bzlas so/ /de nas yang sa mchod la sogs pa byas la/ grogs bzang po dag dang bcas pas sa brtag cing sbyang bar bya ste/ de yang gtsug lag khang dang tshong 'dus dang/ ldum ra grong dam grong khyer gyi/ /shar dang byang gi sa yi char/ /mnyam bar gzhag cing gzung bar bya/ /de bas na/ de dag tu brtags pa 'am/ yang na dur khrod dang nags tshal la sogs pa gang dang gang yid du 'ong ba'i gnas der sa byang bar bya ste/ de la 'ang gnyis te/ phyi sbyang ba dang/ nang gi sbyang ba'o/ / phyi la yang gnyis te/ las kyis sbyang ba ni bzhi pa'i thab khung du mi rung gi bye ma la sogs pas sbyin sregs byas la/ nye bar zhi bar byas la/ bya bas sbyang ba ni de yang bus nub tsam du brkos nas ni/ sa de nyid kyis dgang bar byas/ / gal te lhag par gyur na ni/ /dngos grub yod par 'dod pa yin/ /de bas na pus nub tsam du brkos la sa'i skyon rnams bsal nas/ de nyid kyis legs par bkang ste gzhung dang mthun par byas la/ de nas chu'i ltas bstan par bya ste/ de yang/ mtho gang zlum por brkos nas ni/ /ba yis byugs la chu yis dgang/ /ma yengs sems kyis shar phyin la/ /slar log ltas ni brtag par bya/ /de bas na chu'i ltas rab 'bring gsum brtags la/ de nas dri zhim po dang bcas pa'i sas khung bu legs par bkang nas/ rin po che lnga dang 'bru lngas sa'i dbus su bcug la legs par bcags te/ ba'i rdzas lngas byug cing nye 'khor du me tog sril ma bkram pa dang/ phyogs mtshams su bdan dang/ gdugs dang rgyal mtshan la sogs pa btsugs la/ las thams cad pa'i sngags bzlas pa'i chus gtor ba ni bya bas sbyang ba'o/ /nang gi sbyang ba ni nang la gzhol ba'i sems kyis chos nyid kyi sngags bzlas te stong ba nyid du bsgoms la/ de'i dang las yi ge hUM las rdo rje'i sa bzhir bsgoms la/ oM me di ni badzri b+ha ba ban d+ha hUM zhes pas byin brlab pa'o/ /de nas sa bslang ste/ mchod pa bshams la sa'i dbus su lha'i ting de 'dzin la gnas pa snying rje chen po dmigs te/ lag pa g.yas pas la brdabs pas sa gas pa'i ser gnas/ sa'i lha mo sku mdog ser mo/ zhi ba'i bzhin can phyag gnyis kyis bum pa 'dzin pa cig byung bar bsams la/ mchod sa dang gtor ma phul te/ dpal he ru kas mchod cing sna tshogs rin chen 'dzin/ /lha mo khyod ni dbang du gyur/ sa 'dir dkyil 'khor bri bar bya/ /zhes sa blangs la/ de nas gsol ba gdab ste/ skyob pa sangs rgyas thams cad kyi/ /spyod pa'i tshul dang khyad par gyis sa dang pha rol phyin pa la/ /lha mo khyod ni dbang du gyur/ /shAkya seng ge skyob pa yis/ /ji ltar bdud kyi stobs bcom pa/ /de bzhin bdag gi bdud las ni/ /rgyal bar byas te dkyil 'khor bri zhes brjod la de nyid du thim par bsam mo/ /sa gzung pa ni slob dpon sa'i dbus su 'dug ste/ me tog gi phreng ba dang/ cod ban la sogs pas brgyan te/ rdo rje dril bu gzung ste dpal he ru ka'i ting nge 'dzin la gnas pa la slob ma bzhis rgyan cha dang rdo rje dril bu 'dzin pas rdo rje mkha' 'gro la sogs pa'i lha mo bzhir bsgoms la/ phyogs bzhi nas gsol ba gdab ste/ de bzhin gshegs pa kun zhi ba/ /de bzhin gshegs pa kun gyi gnas/ /rdo rje 'dzin pa las byung ba'i/ /dkyil 'khor gtso bo bshad du gsol/ / mtshan nyid thams cad yag dag rdzogs/ /mtshan med thams cad yang dag spangs/ /kun tu bzang po sku yi mchog /dkyil 'khor dam pa bshad du gsol/ /zhi ba'i chos ni mchog las byung/ /ye shes spyod pa rnam sbyong ba/ /kun tu bzang po gsung gi mchog /dkyil 'khor snying po bshad du gsol/ /sems can kun gyi sems chen po/ /rang bzhin dag pa dri ma med/ /kun tu bzang po thugs kyi mchog /dkyil 'khor snying po bshad du gsol/ /de nas bdag lha'i nga rgyal bsgyings pa dang bcas pas mig g.yas par a las zla ba g.yon par Ta las nyi ma bsams te/ rkang pa'i mthil du hUM las sna tshogs rdo rje gdangs pa bsgoms la /dbang ldan du song la rdo rje gsor te/ hUM ring po brjod la/ ding slob dpon sa phyogs 'dir slob ma'i don du las 'di btsam gyis/ /'di na gnas pa'i lha dang klu dang/ gnod sbyin dang dri za dang sha za dang srin po la sogs pa gang dag gnas pa'i sa'i bdag po rnams myur dengs shig /'di ltar dpal he ru ka'i bka' thos nas myur ba nyid du song shig /gang bdag mi 'gro ba de dag la nga'i rdo rje dang bcas pa'i kha TAM ga 'dis mgo tshal ba brgyar 'gas par bya'o zhes bya ba lan gsum du brjod nas de nas yang rdo rje gsor nas/ hUM lus ngag sems dang ldan pa'i/ /bgegs kyi tshoD kun nga la nyon/ /nga ni dpal ldan snying rje'i stobs/ /bsrung ba'i 'khor lo rab sbyor bas/ /rdo rje 'bar ba'i kha TAM gas/ /sku gsum las byung dags par bya/ /gal te bdag tshig las 'das na/ /zhig 'gyur 'dir ni the tshom med/ /g.yas brkyang dang g.yon brkyang la sogs pa'i rdo rje'i 'gros kyis kun tu bskor zhing bcags la/ seng lder gi phur pa sor brgyad pa la tsan dan dmar po bskus te/ me tog dmar po btags pa dgu /dbus dang phyogs mtshams su dgu btab la/ lha la phyag bya'o/ /sa bsrung ba ni dkyil 'khor gyi sa'i dbus su gnas la bgegs nye bar zhi bar bya ba'i phyir/ rab dang dra ba dang sa gzhi la sogs pa'i bsrung ba'i 'khor lo bsgoms la/ snying kha nas bgegs mthar byed/ stong khro bo/ smad phur bu'i dbyibs can du 'byung ste/ oM g+ha g+ha/ g+ha ta ya g+hA ta ya/ sarba du Sh+Ta phaT/ kI la ya kI la ya/ sarba pa paM phaT/ hUM hUM badzra kI la ya/ badzra d+ha rod A dz+nya pa yA ti/ kA ya ba gtsi t+ta badzra kI la ya hUM hUM phaT zhes pas bgegs rnams phur bu btab ste/ oM rak+Sha rak+Sha rak+Sha zhes pa dang 'bru gsum bzlas pas bya'o/ /de nas lha sta gon la gnas pa'i bdung rtsi lnga dang bcas pa'i dri zhim po'i chus dbus su sor bcu pa gru bzhir byugs la/ phyogs bzhir lha mo rnams kyi gnas su ni sor drug pa'i zlum por byas la/ so sor me tog re re gzhag ste/ snying kha'i sa bon gyis ye shes kyi 'khor lon mkha' la bkug la mchod pa'i khyad par gyis mchod de/ de'i rjes la bstod pa bya ste/ mche ba gtsigs shing 'jigs pa che/ /sngags kyi me tog 'phreng bas rgyan/ /sha chen rtag tu gsol mdzed pa'i/ /he ru ka la bdag phyag 'tshal/ /rnam par snang mdzad rab tu dag /rdo rje zhi ba dga' ba che/ / rang bzhin gyis ni 'od gsal mchog /sangs rgyas mkha' 'gro phyag 'tshal stong/ /mi bskyod pa yi ye shes che/ /rdo rje dbyings ni mkhas chen po/ /rdo rje mkha' 'gro bstod phyag 'tshal/ /rin chen rgyal po rab tu zab/ /rdo rje nam mkha' i dri ma med/ /dngos nyid dag pas gos med pa'i/ /rin chen mkha' 'gro phyag 'tshal bstod/ /rdo rje dpag med rgyal po che/ /mi rtog nam mkha' rdo rje 'dzin/ /'dod chags pha rol phyin pa brnyes/ /pad+ma'i mkha' 'gro phyag 'tshal bstod/ /rdo rje dag pa gdon mi za/ /bsam pa thams cad rab rdzogs byed/ /sangs rgyas ngo bo nyid las byung/ /sna tshogs mkha' 'gro phyag 'tshal bstod ces pas bstod la/ de nas bskor ba byas la bdud rtsi lnga dang ldan pa'i bdug spos lag tu thogs te/ bus mo g.yas pa'i lha ngas la btsugs la/ 'di skad ces gsol ba gdab ste/ he ru ka dpal dpa' bo'i mchog /rig pa'i rgyal la phyag 'tshal 'dud/ /khyed rnams la ni mchod pa dang/ /slob ma rnams la brtse bya'i phyir/ /mgon po thugs rje'i bdag nyid kyis/ /dkyil 'khor sa ni bsgrub par 'tshal/ /bcom ldan bdag ni gus pa la/ /de bas gnang bar mdzad par 'os/ /'gro ba'i 'khor lo'i don mdzad pa'i/ /sangs rgyas mgon po brtser ldan dang byang chub sems dpa' dgra bcoM dang/ sngags kyi lha gzhan gang lags dang/ /'jig rten skyong ba'i lha rnams dang/ /gar yang 'byung po mthu chen dang/ /gang dag rdo rje'i spyan mnga' ba'i/ /sems can bstan la dga' ba rnams/ /bdag la dgongs par mdzad du gsol/ /rdo rje che ge/? mong dag gis/ /he ru ka 'byung dkyil 'khor mchog /yo byad ci 'byor ba bdag gis/ /'gro ba dag phyir bdag sgrub na/ /bdag dang slob mar bcas pa la/ /thugs rje thugs dpag mdzad nas kyang/ /dkyil 'khor par bcas thams cad kyis/ /byin gyis brlabs par mdzad du gsol/ /zhes lan gsum gsol ba gdab pa ni lha sta gon la gnas pa'o/ /de nas las kyi bum pa sta gon la gnas pa'i bum pa mtshan dang ldan pa gcig dri zhim pos byugs te/ las thams cad pa'i mtshan ma bris la/ de nyid kyi sngags kyi nyungs kar gyi brdeg go /gu gul gyis gdugs la der chu dang 'bru dang sman dang rin po che rnams rtsal te/ kha rgyan dang mgul mchings dang phreng ba la sogs pas brgyan la/ de nas stong pa nyid du bsgom/ de'i ngang las paM las pad+ma/ baM las bum pa/ de'i nang du pad+ma la gnas pa'i khro bo bskyed la snying kha'i sa bon gyis ye shes kyi khro bo bkug ste bcug nas/ mchod pa dang gtong ma gtang pa dang/ kha brgyan gyi steng du rdo rje gzhag ste/ las thams cad pa'i sngags 'bru gsum dang sbel ba bzlas la/ bcom ldan 'das rig pa'i rgyal pos/ /bdag cag gi las 'di ma grub kyis bar du bgegs thams cad zlog cig ces brjod la sgo phyogs su gzhag go /slob ma sta gon la gnas pa ni sngar bstan pa ltar shin brtags pa'i slob ma khrus byas la gos gsar pa bgos nas maN+Dal byas te/ lan na me tog dang bcas pa dkyil 'khor gyi drung du gzhag te/ bus mo btsugs ste thal mo sbyar nas gnas pa la/ slob dpon gyis 'di skad brjod de/ sngags kyi dngos grub don de gang/ /dkyil 'khor 'dir ni gzhug par bya/ /bsod nams 'dod pa de las gzhan/ /gang dag 'jig rten pha rol gnyer/ /dad pa chen por ldan pa dag /'jig rten pha rol la dmigs la/ /blo ldan dkyil 'khor gzhug bya ste/ /'di yi 'bras bu gnyer mi bya/ /gal te 'di 'bras don gnyer na/ /'jig rten pha rol 'grub mi 'gyur/ /'jig rten pha rol la dmigs na/ 'bad pa med par 'di 'bras 'grub ces bya ba bsgrags la/ de nas slob mas 'di skad gsol ba gdab ste/ sangs rgyas mkha' 'gro yongs 'khyung ba'i/ /dpa' chen khyod bdag ston pa ste/ /slob dpon chen po dgongs su gsol/ byang chub chen po'i tshul bstan pa/ /mgon po chen po bdag 'tshal lo/ /dam tshig de nyid bdag la stsol/ /bdag la byang chub sems gi gnon/ /sangs rgyas chos dang dge 'dun te/ /skyabs gsum dag kyang bdag la gsol/ /thar pa chen po'i grod mchog du/ /mgon po bdag ni bzhug tu gsol/ /de nas slob dpon gyis slob ma la 'di skad brjod do/ /bu tshur shog cig theg chen gyi/ /khyod ni tshul chen snod yin pa/ /sngags spyod tshul gyi cho ga rnams/ /khyod la yang dag bstan par bya/ /sku gsung thugs kyi rdo rje can/ /dus gsum 'byung ba'i sangs rgyas rnams/ /'gro la phan phyir bzhugs pa kun/ /de dag gi ni gsang sngags kyi/ /cho ga yis ni 'di bsgoms nas/ /dpa' bo byang chub shing drung du/ /thams cad mkhyen pa mchen med brnyes/ /shA kyi seng gi sbo mchog gis/ /gsang sngags sbyor ba mnyam med pas/ /drag po chen po bdud kyi ste/ /dpung chen dag kyang nges bcom nas/ 'jig rten mthun par gshegs nas su/ /'khor lo bskor nas myang ngan 'das/ /de bas kun mkhyen thob bya'i phyir/ /bu yi blo gros 'di byos shig ces brjod la/ de nas slob mas sems bskyed cing/ sdom pa gzung ste/ dkon mchog gsum la skyabs su mchi/ /sdig pa thams cad so sor bshaT 'gro ba'i dge la yi rangs te/ /sangs rgyas byang chub yid kyis gzung/ /de nas rtsa ba'i sngags kyis bsrungs nas spyi bo dang mgrin pa dang snying kha rnams su/ /oM A(rgyud 'grel gzungs la/ tsan dan gyi chu dang bcas pas spyi bo la sogs pa'i gnas gsum du yi ge 'bru gsum brjod cing nye reg bya'o/ /de nas sngags dang bcas pas spyi bor me tog mdun du smos mig sngar mar me byin la/ de nas so shing a shwa t+tha la sogs pa las byung ba gas chag med cing drang ba sor bcu gnyis pa'i tshad la rtse mo'i phyogs su me tog dang bcas pa la rtsa ba'i sngags mngon par bzlas te byin la rtse mo me tog dang bcas pa mchos te/ ba lang gi ko ba tsam gyis maN+Dal byugs la/ kha shar du bltas te drang por dor ro/ /rtse mo phyogs gang du bltas pa las/ las dang dngos grub gyi ltas brtag par bya'o/ /de nas dri'i chul oM h+ri bi shud+d+ha sarba d+ha rmma sarba pA pa ni cE se shed+ha ya sarba bi ka la pa na a pa na ya hUM zhes pas mngon par bsngags la lan gsum blung do/ /de nas yi ge d+hi(rgyud 'grel dpung par gdags so/ /de nas spro ba bskyed cing chos bshad de/ /'jig rten du ni kun mkhyen dag/ u dum ba ra'i me tog bzhin/ /brgya lam na ni res 'ga' zhig /'byung 'gyur yang ni ma'i byung srid/ /gsang sngags spyod pa'i tshul 'byung ba/ de bas kyang ni dkon pa ste/ /gang gis sems can mnyam med don/ /bla med byed par nus pa bzhin/ /bskal ba bye ba du ma ru/ /sngon du sdig pa byas pa gang/ /dkyil 'khor 'dra ba mthong ma thag /de dag zad par 'gyur yin na/ / grags pa mdza' yas sngags spyod pa'i/ /tshul la gnas na smos ci dgos/ /skyob pa'i gsang sngags bzlas nas ni/ /go 'phang bla na med par 'gyur/ /gang gis spyod pa mchog 'di la/ /blo gros shin tu dri med na/ /sdug bsngal thams cad 'byung ba yi/ /ngan 'gro de mis gtsang par 'gyur/ /bag nyid chen po khyad rnams kyis/ /rnyed pa mnyam med de ring rnyed/ /gang phyir rgyal ba sras pa cas pa'i/ /bdag nyid chen po thams cad kyi/ /bstan pa 'di la khyed rnams kun/ / yongs su gzung ste skye bzhin pas/ /de phyir khyed rnams theg chen du/ /legs pa nying du 'gro bar 'gyur/ /theg pa chen po cher 'byung ba/ /lam mchog 'di ni dpal dang ldan/ /khyed rnams der ni dong bas na/ /rang 'byung bskal ba chen po pa/ / 'jig rten thams cad mkhyen pa yi/ /de bzhin gshegs pa nyid du 'gyur zhes brjod la de'i rjes la slob ma rtsa ba'i sngags kyis bsrungs la/ thal mo sbyar nas 'di skad ces/ sdom pa 'dzin du gzhug go /mi ldog 'khor lo'i dbang bskur la/ mgon po bdag la stsal nas kyang/ /'khor lo lha'i de nyid dang/ /slob dpon yongs su phrin las dang/ /sangs rgyas kun gyi dam tshig dang/ /gsang ba'i sdom pa bla med gsungs zhes so/ /de nas rmi lam ci mthong ba ngal smros shig/ ces sko la/ rang rang gi gnas su gtad ste/ /lha la lhag par mos pas nyal la rmi ltas brtag go /de nas slob dpon gyi nad du zhugs te/ slob ma bsrung ba'i phyir/ 'khor lo can gyi sngags bzlas nas gtor ma gtang ngo/ /nang par slob ma bod nas rmi ltas dris la/ mi dge ba'i ltas mthong na rtsa ba'i sngags bzlas la bsrung ngo/ /slob ma sta gon la gnas pa'o/ /de nas thig bri zhing gang ba ste/ de yang ras bal la soT leT bkal ba'i/ /gsar zhing spo phra 'jur mdung med/ /dkyil 'khor nyid 'gyur tshad kyis ni/ /mkhas pas dkyil 'khor thig gdab bya/ /de nas las thams cad pa'i skung pas dkyil 'khor ji la ba bzhin thig gdab ste/ de yang dang por tshangs thig gnyis btab nas/ /de 'og mtshams kyi thig gnyis bris/ /de nas dkyil 'khor tshad dang ni/ /mthun par gru bzhir gdab par bya/ /phyogs dang mtshams dang thig gi bar/ /mnyam por cha snyoms gdab par bya/ /de nas slob dpon dbus 'dug la/ /dbus su phur pa btab nas ni/ /thigs skud nyis lta ba phur la gdags/ /de 'og snying po pho brang ni/ /ji tsam rig par zlum pod bskor/ /de nas dang ldan phyogs nas ni/ /slob ma rim par gnyis bskor nas/ rdo rje'i ra ba me ri bcas/ /zlum por gnyis su bskor byas pas/ /dbus su sna tshogs par 'dab brgyad/ /rdo rje phreng ba bcas par 'gyur/ /de nas ye shes lnga'i rang bzhin gyi bzhin gyi mtshon sna la kha dog bsgyur ba'i skud pa snod so sor gzhag la bdag nyid dpal he ru ka'i ting nge 'dzin la gnas pa dang/ mig gnyis su Ta dang ma las nyi ma dang zla ba bsams la/ 'bar ba'i lta bas de bzhin gshegs pa thams cad nam mkha' la bkug ste/ der dgug pa dang gzhug pa dang bcing ba dang dbang du byas nas bdud rtsi lngas gtor ro/ /de yang rab phyung myur bar bskul ba'i mig /mig gi rdzi mas 'gugs byed ba'i/ /'bar ba'i lta ba zhes bya ste/ /'gro ba thams cad 'gugs par byed ces so/ /de nas oM a b+ha ga b+han shar shwa swa te sU traM pra yats+tsha swa tsa kra sU tra nA ya hUM zhes pas nam mkha' la gzhugs pa'i dkyil 'khor las/ ye shes kyi skud pa bslang te/ de yang phan tshun rjes su rtogs pa ste/ /chos kun phan tshun rjes su 'gro /chos rnams thams cad rjes su yang/ 'gro ba phan tshun rjes su brjod ces brjod la/ /slob ma rdo rje mkha' 'gro mar bsgoms pa dang gnyis kyis lhan cig du bsgril te/ oM n+yo n+yo a nu ga ta sarba d+ha rma pa ra spa ra sarba dta rmA/ a tyan ta a nu pra biShtha sarba d+ha rmA hUM/ zhes brjod cing gcig tu bsgril lo/ /de nas bdag nyid nub phyogs su gnas la/ /rdo rje la dkris pa'i skud ba khu tshur g.yon pas gzung ste/ shar phyogs na gnas pa'i slob ma la/ dza dza dza zhes gtang la tshangs thig dang po gdab ste/ oM badzra sU tra sa ma ya ma ti gra ma hUM/ sems can don byed dus su ni/ /nam mkha' bzhugs pa'i de bzhin gshegs/ /de dag 'dir ni gshegs bya'i phyir/ /thig skud sgra yis bskul bar bya/ /zhes brjod/ la gdab po/ /de ltar nam mkha' la thig thebs pa ni thig skud gyi sgras de bzhin gshegs pa rnams bskul te byon par 'gyur ro/ /de nas bskor ba'i phyogs su song ste/ gshin rje'i phyogs su gnas pas byang phyogs na gnas pa'i slob ma dang tshangs thig gnyis pa gdab po/ /de bzhin sa la yang gdab po/ /de nas me mtshams su song ste/ dbang ldan gyi mtshams na gnas pa dang shar phyogs kyi thig gdab bo/ /de bzhin du bskor phyogs dang sbyar las thig ji ltar gas pa de bzhin du/ nam mkha' dang sa la yang gang ba po/ /de nas oM mu(rgyud 'grel dri zhim pos bdugs te/ thod pa'i snod du gzhag nas thig gi skabs dang 'dra bar ba'i lha'i de bzhin gshegs pa thams cad bkug la/ kha dog ji lta ba bzhin du bstims te/ oM badzra tsi tra sa ma ya hUM zhes brjod cing mdon par bsngags la chos dbyings 'di ni rnam par dag/ sems can khams rnams sgrol byed pa'i/ /he ru ka dpal rgyal chen gyi/ /dkyil 'khor snying po bri bar bya zhes brjod nas lag pa g.yon pa'i khu tshur gyis tshon rtsi rnams so sor gzud la/ dbang ldan gyi phyogs nas brtsams te ri mo phan tshun ma 'byar ba dang/ ya yo med par g.yas skor du pri/ /de'i rim pa la ni nang ro la du nag po'o/ /de'i phyir dkar po'o/ /de'i phyi rol ser po/ /de nas dmar po/ tha mar ljang khu'o/ / de ltar ri mo lnga po cung zad cig bris nas/ kham phor la sogs pas bkab la phyin nas mtshan ma brtag go/ phyi nas slob ma rnams ci bder bris te/ rdo rje phreng bas bskor ba'i snying po'i dkyil 'khor ni dkar bo'o/ /de'i phyir rol gyi pad+ma 'dab ma brgyad ni dmar po'o/ /rdo rje'i phreng ba ni nag po'o/ /de'i phyi rol du nag po la dur khrod brgyad do/ /de'i phyi rol du rdo rje'i ra ba'i me 'od dang bcas pa'o/ /dbus kyi snying po pho brang la/ nyi ma la gnas pa'i ba'i thod pa'am/ kha TwAM ga bri'o/ /shar du nyi ma'i steng du rdo rje'o/ /lhor nyi ma'i steng du rin po che'i lcug ma'o/ /nub tu nyi ma'i steng du pad+ma'o/ /byang du nyi ma'i steng du ral gri'o/ /phyi rol dur phrod rnams ni shing lo la gnas pa'i phyogs skyong gi gdan gyi mgo/ /rdo rje'i phred pa dang me 'od ci rigs par bri'o/ /de nas bgegs bsal ba ni bdag nyid khro bo las thams cad ba'i skur bsgoms/ rdo rje dril bu gsor zhing lan gsum du bskor la/ hUM zhes brjod cing g.yas brkyang la sogs pa lus kyi sbyor ba dang/ khro bo'i phreng sngags bzlas pa'i dag gi sbyor ba dang/ stong pa nyid bsgoms pa'i sems kyi sbyor bas bgegs bsal lo/ /de nas bum ba gzhung dang mthun par tsa ba nag po la sogs pa'i skyon med pa lnga la/ lha so so'i mtshan ma bris nas/ gong du smos pa'i cho gas byin gyis brlabs la/ dbus kyi bum par dpal he ru ka yab yum bskyed nas sa bon gyi 'od kyis ye shes kyi lha bkug nas bstims te/ me tog la sogs bas mchod nas/ rdo rje kha brgyan gyi steng du gzhag ste/ rtsa ba'i sngags 'bru gsum dang bcas pa brgya rtsa brgyad bzlas nas/ de nas yab yum 'od du zhu ste/ ye shes kyi bdud rtsi'i chur gyur par bsams mo/ /de bzhin du bum pa bzhi la yang rdzogs par bya'o/ /gzhan yang yon chab la sogs pa'i mchod pa rnams 'bru gsum gyis byin gyis brlabs la gdan dang gos kyis dgab pa la sogs pa bya'o/ /de nas dkyil 'khor bsgrub pa ni/ dkyil 'khor gyi phyi rol du ba'i lci bas byugs la/ me tog sil ma bkram/ bla bre dang/ rgyal mtshan la sogs pa bre/ bum pa kun gnas so sor gzhag ste/ rnam par rgyal ba'i bum pa gzhag pa'am yang na shar phyogs kyi sgo'i nang du gzhag go /las thams cad pa'i bum pa ni/ bsang gtor bya ba'i phyir sgo'i g.yas phyogs su gzhag go/ bum pa kun las chu nyung zad bsdus la pad+ma'i snod du blugs te/ rnam par rgyal ba'i bum pa'i steng du gzhag go /de nas slob dpon bdag nyid khrus byas te/ rgyan chas ldan par byas la nang du zhugs te/ stan bde ba la 'dug nas rim pa 'di gnyis kyis dkyil 'khor sprul par bya ste/ lo bcu gnyis la sogs pa'i mtshan nyid dang ldan pa'i bu mo'am/ yang na 'od kyi rigs ma snying kha nas phyung la/ yab yum gnyis lha'i skur bsgoms nas/ gsang gnas gnyis byin gyis brlabs te/ snyoms par zhugs nas bde ba'i sgras/ de bzhin gshegs pa thams cad bkug ste/ bdag la 'khor lo'i tshul du nam mkha' la khyab par spros nas slar bsdus te/ ye shes kyi lha dang 'dres nas so sor zhugs pa'am/ yang na stong pa nyid du bsgom pa'i ngang las hUM gi snang ba las ra ba dang dra ba dang sa gzhi bsgoms la/ de'i nang du sna tshogs pad+ma bsams te/ de'i rjes la dbus dang phyogs bzhi char la/ nyi ma la thig le phra mo re re bsgoms/ de nas shar phyogs kyi thig le las rdo rje'i rigs dpag tu med pa spros te/ ye shes kyi rdo rje'i rigs thams cad bsdus nas/ shar phyogs kyi thig le la thim pas rdo rje mkha' 'gro mar bskyed do/ /de bzhin mkha' 'gro ma gsum yang bskyed do/ /dbus kyi thig le las rigs lnga char gyi sangs rgyas dang byang chub sems dpa' la sogs pa spros te/ slar 'dus te dbus kyi thig le la thim pas sangs rgyas mkha' 'gro ma dang bcas pa'i dpal rdo rje he ru ka bskyed la/ de nas yang yab yum snyoms par zhugs pa'i bde rdo rje ngo bor 'od du zhu ste 'od du zhu ste 'od kyi gong bur gnas pa la/ phyogs bzhi'i lha mo bzhis glu yis bskul bas yab yum dus gcig du bskur bzhengs par bsgom mo/ /de ltar ye shes kyi dkyil 'khor dang bcas pa'i lha'i 'khor lo sprul nas/ de nas phyi'i mchod pa yon chab la sogs pa rol mo'i bar gyis mchod pa'o/ /nang gi mchod pa ni bdud rtsi myang ba nas nang gi tshogs kyi mchod pa'o/ /gsang ba'i mchod pa ni dbang po gnyis kyi bde ba'o/ /bla na med pa'i mchod pa ni gnyis su med pa'i bsgom pa'o/ /de nas sngar smos pa'i bstod pas bstod nas lha rnams kyis sngags 'bru gsum dang spel ba ci nus pas bzlas la yang phyi nang gis mchod pas mchod nas/ de nas gtor ma rgya chen po gtad ngo/ /de nas nang du zhugs te bdag nyid dkyil 'khor du 'jug cing dbang nod pa'i phyir/ /byang chub rdo rje sangs rgyas la/ /mchod chen ji ltar mdzad pa bzhin/ /bdag kyang rab tu bsgral slad du/ /nam mkha' rdo rje bdag la gsol zhes lha la gsol ba btab la/ de nas dkyil 'khor gyi bdag pos bdag la snang ba byin nas dkyil 'khor du zhugs ba nas rjes su gnang ba'i bar du rdzogs par bskur bar bsgom mo/ /de nas dam tshig gis glus bstod de/ oM nam mkha' las byung mtshan med phyir/ thog ma tha ma med pa'i mchog /sems dpa' rdo rje cher ba bzhin/ / rdo rje 'dzin par bdag bsgrub shig /dngos grub chen po kun gyi mchog /dbang phyug chen po lhag pa'i lha/ /rdo rje 'dzin pa kun gyi rgyal/ /mi 'gyur mchog tu bdag bsgrubs shig/ nyes pa med pa rtag pa ste/ /'dod chags kun tu rjes su chags/ / 'dod chags chen po dga' ba che/ /bcom ldan de nyid bdag bsgrubs shig/ dngos grub chen po mchog gis mchog ces pa'i dam tshig gi glus bstod do/ /dbang phyug chen po rgyal bas rgyal/ /grub pa'i rdo rje cher bstod pas/ /rdo rje snyems pa bdag po'i bdag /sems can kun gyi yid khyab pa/ /sems can kun gyi snying la gnas/ /sems can kun gyi yab nyid de/ /'dod chags mnyam pa'i dam tshig mchog /ces pa'i dam tshig gi glus bstod pa bya'o/ /de nas bden pa'i byin gyis brlabs 'di brjod do/ /shes rab thabs bdag dkyil 'khor gyi/ /bden pa'i byin rlabs gang yin pa/ /bden pa de yis mgon khyod kyis/ /bdag gi 'dod pa skor byed shog /chos rnams gzugs brnyan lta bu ste/ gsal zhing dag la rnyog pa med/ /gzung du med cing brjod du med/ /rgyu dang las la byung ba dang/ /de bzhin kho na nyid las byung/ /bden pa de yis dkyil 'khor ni/ /gzugs brnyan gsal bar sems can rnams/ /dri med thams cad thob par shog ces so/ /de nas slob ma gzhug par bya ste/ /slob ma khrus byas te gos gsar pa bgos la dar dmar pos gdong g.yogs te/ yol ba'i phyi rol du gzhags la las kyi bum kyi bum pa'i chu gtor te/ me tog gzung ste gnas pa las slob dpon gyis/ 'dod pa dga' ba khyod su yin zhes dri'o/ /des kyang bdag ni skal bzang bde chen mos zhes smra'o/ /yang slob dpon gyis/ thar pa chen po'i grong mchog tu/ /rab tu 'jug par khyod spro 'am/ /slob mas thar pa chen po'i grong mchog tu/ /bdag ni 'jug par 'tshal lags so zhes lan gdab po/ /de nas oM sarba yo ga tsitat uta pA da ya mi zhes pas byang chub tu sems bskyed la/ de nas sdom ba gzung ste/ thog med dus nas 'khor ba nas/ /bdag gis sdig pa ci bgyis dang/ /bgyid stsal gang lags di ring bshags/ /gtso la slang yang sdom par 'tshal/ /rgyal bsras bcas rnams dang ni/ /'gro gzhan dge ba gang bgyid pa/ /de dag kun la yi rangs te/ /byang chub tu ni bdag gis sngo/ /sangs rgyas chos dang dge 'dun la/ /di ring bdag nyid skyabs su mchi/ /'khor ba'i sdug bsngal gcod pa dang/ /dge ba rnams ni spel ba'i phyir/ /byang chub sems gnyis bskyed nas su/ /'gro rnams bdag gis mgron du gnyer/ /sangs rgyas gyur nas 'gro ba rnams/ /ma lus srid mtsho las bsgral bgyis/ /de nas me tog dang bcas pa'i rdo rje snying khar gzhag la/ oM su ra te sa ma ya staM/ ho sid d+hi badzra ya thA su khaM zhes lan gsum du brjod do/ /de'i rjes la/ dir khyod de bzhin gshegs pa thams cad kyi rdo rje ye shes kyis byin gyis brlabs par 'gyur gyis/ gsang chen dam pa 'di de bzhin gshegs pa thams cad kyi dkyil 'khor du ma zhugs ba rnams la smra bar mi bya zhing/ ma dad pa rnams la yang ma yin no zhes bsgo la/ a kham bI ra hUM zhes pas yol ba'i nang du bcug la/ di ring khyod de bzhin gshegs pa thams cad kyi rigs su zhugs te/ ye shes gang gis de bzhin gshegs pa thams cad kyi dngos grub kyang thob par 'gyur na dngos grub gzhan lta ci smos te/ de lta bu'i ye shes das bskyed par bya yis/ khyod kyis dkyil 'khor ma mthong ba rnams kyi mdun du smra bar mi bya ste/ khyod dam chig nyams par gyur ta re/ de nas de'i spyi bor rdo rje gzhag la/ /'di ni khyod kyi dam tshig ste/ gal te tshul 'di gang su yang rung ba la smras na khyod dam tshig gi rdo rje 'dis mgo 'gas par byed do zhes brjod la/ slar yang rdo rje snying khar gzhag la/ /oM rdo rje sems dpa' nyid khyod kyi/ /snying la de ring yang dag zhugs/ /gal te tshul 'di smras na ni/ /de ma thag tu dral te gshegs zhes so/ /de nas mna' bsgags te/ rnam rgyal bum pa'i steng gi pad+ma'i snod kyi chu la/ oM badzra a mri ta ung ka Tha hUM zhes mngon par bzlas la/ 'di ni khyod kyi dmyal ba'i chu/ /dam tshig 'das ni sreg par byed/ /dam tshig srungs na dngos grub ni/ /rdo rje bdud rtsi'i chu 'dis 'grub ces brjod de blus la/ /de ring tshun chad khyod kyi rdo rje sems dpa' da yin gyis/ /ngas gang bsgo ba rnams bu khyod kyis bya ba gos la/ /nga la brnyas pa yang ma byed cig /byas na ya dab ma sbyangs par shi ba'i dus byas nas sems can dmyal ba chen por b+hung bar gyur ta re zhes smos te/ de nas slob mas de bzhin gshegs pa thams cad kyis bdag la byin gyis rlobs la dpal he ru ka bdag la dbab du gsol /zhes pas gsol ba btab la/ de nas slob ma'i snying khar dbang chen gyi dkyil 'khor rdo rjes mtshan pa hUM/ mgrin par chu'i dkyil 'khor bum pas mtshan pa la baM/ spyi bor rlung gi dkyil 'khor ba dan gyis mtshan pa la haM/ rkang mthil du rlung sems mtshan pa la dkyil 'khor dmar po bsgoms la/ rdo rje dril bu gsal zhing bsgyings bag dang bcas pas/ /oM a be sha ya stwaM sham/ ra ra ra ra tsa la ya tsa la ya/ hUM ma hA dzhaM u zhes lan brgya bzlas la dbab po/ /babs nas lce la a dmar po bsams la/ gsungs shig rdo rje dge mi dge ces dris pas legs nyes gang yin pa ltas ston par 'gyur te/ de yang thugs babs na yongs su shes pa skye'o/ /gsung babs na sngags smra ba'o/ /sku babs na nam mkha' la gnas so/ /de nas oM tiSh+Tha badzra zhes pas/ babs pa brtan par bya'o/ 'di ni dbab pa'i cho ga'o/ /de nas slob mas maN+Dal bya ste me tog bkram la lha dang bla ma la yon phul nas/ byang chub rdo rjes sangs rgyas la zhes pa la soT ba gsol ba gdab bo/ de nas slob dpon gyis snying bo'i dkyil 'khor 'di ru ni/ bdag gi slob ma gzhug par bgyi/ /lha yi rigs kyi rim pa bzhin/ /bsod nams gang yin de bzhin shog/ 'di ni dngos grub gang 'grub dang/ /rigs ni gang gi snod du 'gyur/ /'di yi bsod nams ci yod la/ /dkyil 'khor du ni de bzhin shog /ces bden pa'i byin gyis brlabs brjod la/ /de nas mig sngar snang ba'i 'od kyi bye brag dri'o/ /des kyang smras te/ dkar po la sogs pa gang ba thong ba las gang 'grub ba'i lha'i ltes brtag go/ /de nas dkyil 'khor gyi lha rnams la sngar smos pa'i bstod pas bstod la me tog dor bar bya ste/ bde gshegs snying bo'i dkyil 'khor du/ /rig pa'i me tog 'di dor bas/ /sngon tshe ye shes bsnyen ba'i lha/ /gang yin de la 'bab gyur cig/ pra tits+tsha ho(rgyud 'grel pa ni/ /dngos grub 'gyur te the tshom med/ /ces brjod nas me tog de slob ma'i mgo la cing ngo/ /de nas slob ma'i mig gnyis su oM bsgoms la oM rdo rje sems dpa' nyid khyod kyis/ /mig 'byed par ni nan tan byed/ /phye bas thams cad mthong gyur pas/ /rdo rje'i mig ni bla na med/ ces brjod de gdong g.yogs bkrol/ thar pa chen po'i grong khyer mchog /ltos shig ltos shig sems dpa' che/ /me tog gang du lhung gyur ba/ /de ni khyod kyi lha yin no zhes brjod la/ dkyil 'khor ltar bcug la sgo bsrungs nas yar gtso bo'i bar du ming brjod pa sngon du 'gro bas bstan par bya ste/ dkyil 'khor du gzhug go/ de na dbang bskur te de yang dbang bskur nas ni de nyid bstan/ gzhan du na ni dngos grub dag /shin tu ring ba nyid 'gyur ro/ /rdo rje 'dzin pas de skad gsungs /de bas na dngos grub kyi phyir rjes su mthun pa'i yon bla ma la phul nas/ gsol ba btab la phyag bya'o/ /slob dpon gyis de la dbang bskur ba'i phyir/ rtsa ba'i dkyil 'khor gyi phyi rol tu snying po'i dkyil 'khor gyi phyed tsam gyi dkyil 'khor grub bzhi pa la dbus su pad+ma 'dab brgyad ge sar dang bcas pa sgo ru lha mo bzhi yi mtshan ma bris la der slob ma bzhag ste shis ba'i cho ga'o/ /de yang nyungs kar la bcom ldan 'das kyi rtsa ba'i sngags bzlas te/ lag pa g.yas g.yon gyi khu tshur gyis gzung nas lan gnyis su bskor nas kham phor gyi me'i nang du blugs so/ /de bzhin du lan gsum du bya'o/ /de ltar chu shis pa yang rtsa ba'i sngags kyi bsrungs la nye reg bya ste/ rtsa ba'i sngags kyis btab pa'i dri snying khar/ me tog mgo la/ mar ma mig sngar mar dang rang bsregs de'i bdug pas bdugs te/ shis pa'i cho ga'o/ /de nas he ru kar dmigs la mig la sogs pa byin gyis brlabs la/ steng du bla re bre/ g.yas phyogs su hUM bzlas ba'i gdugs dkar po gser gyi yu bcan gzung ngo/ /g.yon du rgyal mtshan dang/ ba dan bsgreng la zangs dang dung gis bud pa la sogs pa'i rol mo'i sgras nam mkha' gang bar bsams la/ rdo rje dang dril bu dkrol to/ /phun sum tshogs ba mnga' ba gser gyi ri bo 'dra/ /'jig rten gsum gyi mgon po dri ma gsum spangs pa/ /sangs rgyas pad+ma rgyas pa 'dab 'dra'i sbyan mnga' ba/ /de ni 'jig rten dge ba'i bkra shis dang po yin/ /de yis nye bar bstan pa'i dam chos mi g.yo ba/ /'jig rten gsum du grags shing lha dang mi yis mchod/ /chos kyi dam pa skye dbu rnams la zhi byed pa/ de ni 'jig rten dge ba'i bkra shis gnyis pa yin/ /dge 'dun dam pa'i chos ldan thos pa'i bkra shis phyug /lha dang mi dang lha ma yin gyi sbyin pa'i gnas/ /tshogs kyi rab mchog ngo tsha shes dang dpal gyi bzhi/ /de ni 'jig rten dge ba'i bkra shis gsum pa yin/ /zhes bya ba la sogs pa bkra shis kyi glu blangs la dbang bskur te/ ji ltar bltams pa tsam gyis kyang/ /de bzhin gshegs pa khrus gsol ba/ /lha yi chu ni dag pa yis/ /de bzhin bdag gis khrus bya'o/ /ta thA ga ta sa ma ya sh'ri ye hUM zhes brjod pa'i dang por rnam rgyal gyi bum pa'i chus gtor/ /de nas lha mo rnams kyi bum pas so/ /de nas nang gi dbang bskur te/ snying kha'i sa bon gyis 'od zer gyis phyogs bcu'i ye shes kyi 'khor lo nam mkha' la bkug la/ /thugs rje'i rang bzhin can rnams kyis/ /'di la dbang bskur rab tu gsol/ /zhes yid kyis dbang bskur nas/ de dag rang gi 'od las byung ba'i dbang bskur bar bsams la/ sangs rgyas dag ni thams cad kyi/ /gsang gsum gnas las byung ba yi/ /khams gsum gnas las byung ba yi/ /khams gsum kun gyi phyag byas pa/ /dbang bskur gnang ba chen po sbyin/ badzra a b+hi Shiny+tsu hUM zhes brjod cing bkru'o/ /de nas bcom ldan 'das rig ma dang bcas pa de dag slob ma'i bu gar btsud de/ lus thams cad bde ba'i rang bzhin du byas nas/ mi bskyod pa'i cod pan gyis sbyor bas bsams te/ mi bskyod pa'i rang bzhin gyi chu'i dbang ngo/ /de nas gser la sogs pa'i khams kyi rang bzhin las byas pa'am/ ma 'byor na dar dang ras la sogs pa las byas pa'i cod pan bcings la/ /nam mkha' gang ba'i de bzhin gshegs pa thams cad rin chen 'byung ldan gyi gzugs kyis der zhugs par bsams te/ bdag po rtags kyis mtshan pa yi/ /rtags kyi dam pa cod pan gyis/ /de ring khyod la dbang bskur bas/ /'gro ba'i mgon skyabs byed par shog/ oM ratna mu ku Ta a b+hi Shi ny+tsa zhes pas dbang bskur te rin chen 'byung ldan gyis rang bzhin gyi cod pan kyi dbang do/ de nas rdo rje rtse lnga pa blangs te/ slob ma'i gnas gsum du gtugs la/ sangs rgyas kyi ni rdo rje'i dbang/ /de ring khyod la bskur bar bya/ /'di de sangs rgyas thams cad nyid/ /rab tu bsgrubs phyir rdo rje gzung/ /ma hA badzra hUM zhes pas lag pa g.yas su rdo rje sbyin/ /snang ba mdza' yas kyi rang bzhin gyi rdo rje'i dbang ngo/ /de nas lag pa g.yas pa dang g.yon par rdo rje dril bu byin la/ shes rab dril bu'i dbang bskur ba/ /de ring khyod la sbyin par bya/ /'di nge sangs rgyas thams cad kyi/ /shes rab chos kyi dbyings shes gsungs/ /mahA badzra g+haN+Da a(rgyud 'grel 'di ni dam tshig rdo rje'i rang bzhin gyi bdag po'i dbang ngo/ /de nas rdo rje dril bu slob ma'i dbang por gzung la/ gang dang gang snang de dang de/ /he ru ka dbal rang nyid gtso/ /gang phyir chos rnams rnam dag pas/ /sangs rgyas ye shes rang bzhin nyid oM badzras twa haM/ a b+hi Shiny+tsa mAM badzra a b+hi She ka ta zhes pas ming gi dbang bskur te/ kye dpal che ge mo zhes rigs dang mthun pa'i ming las gang 'dod pa sbyin no/ /'di ni rtag pa'i rang bzhin gyi ming gi dbang ngo/ /de dag go rims bzhin du/ me long lta bu dang/ mnyam bnyid dang/ so sor rtog pa'i dang bya ba grub pa'i dang/ chos kyi dbyings rnam par dag pa'i ye shes te/ ye shes lnga'i rang bzhin no/ /dbang bskur ba lnga po de dag gis rgyud la sogs pa nyan pa dang/ bshad pa dang bsgrub pa'i snod du 'gyur ro/ /de dag gis ni spyan la sogs pa'i rig pa lnga'i las yin pa dang/ ma rigs pa bzlog pas rig pa'i dbang lnga'o/ /de nas slob dpon gyi dbang bskur te bdag dang gzhan gyi don gyi phyir/ /rdo rje slob dpon dbang bskur ba/ /thugs rje can khyod bka' drin gyis/ /di ring bdag la stsal du gsol zhes gsol ba btab la/ rdo rje che dang dril bu che/ /zung cig rdo rjes byin gyis brlabs de ring rdo rje slob dpon gyur/ /slob ma'i tshogs rnams bsdu bar gyis shes slob ma la bskur la/ /de'i rjes la dam tshigs gsum po 'dzin du gzhug ste/ hUM gis rdo rje bsgoms la/ 'di de sangs rgyas thams cad nyid/ rdo rje sems dpa' i phyag na gnas/ /rtag tu khyod kyis gzung bar bya/ /phyag na rdo rje'i brtul zhugs bstan/ /oM sarba ta thA ga ta sa di d+hi badzra sa ma ye ti Sh+Tha e Sha twaM d+ha ra ya mi/ /hi hi hi hi hUM zhes rdo rje gtad te gzung bas de kho na nyid 'di brjod de/ thog mdza' med pa'i sems dpa' ni/ rdo rje sems dpa' de bzhin gshegs/ /kun tu bzang po kun bdag nyid/ /rdo rje snying po bdag nyid gtso/ /bcom ldan 'das dpal mchog dang po'i skyes bu'o/ /de nas A(rgyud 'grel dag pa'i phyir/ /ngo bo nyid kyis gdod nas dag/ rang bzhin dag pa'i sems dpa' yis/ /srid pa dam pa'i mchog tu byed/ /oM badzra g+haN+Ta ra Ni ta pra ra Ni ta saM pra ra Ni ta sarba bud d+ha k+She tra pra za le pradz+nya par mi ta/ nA da swa b+ha ba/ badzra d+ha ra h+ri da ya/ a ba teSha ni hUM hUM hU phaT phaT swAhA/ zhes pas dkrol bar bya ste/ dril bu'i brtul zhugs so/ /de nas phyag rgya'i brtul zhugs sbyin te/ de yang shes rab lo grangs bcu gnyis 'am/ /lag gnyis kun tu 'khyud byas te/ /rdo rje dril bu'i sbyor ba yis/ /slob dpon gyi ni dbang du 'dod ces so/ /de bas na rang gi lha'i phyag rgyar byin gyis brlabs pa'o/ /de yang yid kyi lus ni brtan pa'i phyir/ /dam tshig phyag rgyar rab tu grags/ gang gis lus kun brtan byed pa/ /de ni phyag rgyar rab tu grags shes pas rad gi lha'i rnam par mngon par rtogs pa bskyed la/ de nas me tog la sogs pas kun nas mchod cing bstod pa bya ste/ de yang snyems pa dang bcas pas me tog gcig slob ma'i mgo la dor la/ ding nas brtsams te rdzogs sangs rgyas/ sras dang bcas rnams rnams rol cig /rdo rje snyems pa'i rab sbyor gyis/ /dga' ston bde ba'i mchod pa gyis/ /a/ sgeg dang bcas pa'i phreng ba 'phang/ /sangs rgyas thams cad mchod par bya/ /des ni bcom ldan 'bral mi 'gyur/ /phreng ba de yi rgyan yin no/ /oM lus can rnams la dam chos kyi/ /khyod kyis glu ni blang bar bya/ /de yis bde gshegs dngos grub ni/ /myur du bde bar myong bar 'gyur/ /de nyid thal mo gar gyis ni/ /sangs rgyas thams cad chags par mos/ /sangs rgyas 'dul bya'i phrin las kyis/ /gar mkhan tshul tu bsgyur bar gyis/ /ho/ rdzogs sangs rgyas la sogs brtul la/ /brtul shugs bzang pos legs chim gyis/ lus can bde gshegs cha lugs su/ /ye shes kyis ni chim par gyis/ /a/ sangs rgyas rnams la me tog dor/ /byang chub yan lag tshogs gyur pas/ /mtshan dang dpe byad ldan pa yi bder gshegs sku ni thob par 'gyur/ b+hUM/ /chos kyi me ni legs spar bas/ /rdo rje chos dang 'dra ba ru/ /sems can ma rig ldongs pa la/ /ye shes sgron mas spar bar gyis/ /rgyal ba rnams la dri phul bas/ /tshul khrims de bzhin gshegs rab dang rnam grol ye shes mthong ba yis/ /byang chub lus can rnams la bsgom/ /ga/ de'i rjes la gser gyi thur ma la bcom ldan 'das kyi rtsa ba'i sngags bzlas te/ ji ltar mig mkhan rgyal po yis/ /'jig rten ling tog bsal ba ltar/ /bu khyod kyi ni mi shes pa'i/ /ling tog rgyal ba rnams kyis gsal/ /oM badzra ne tA ya a ba har pa tra li h+rI(rgyud 'grel med/ /gzung du med cing brjod du med/ /rgyu dang las las kun tu 'byung/ /rang bzhin dag cing bdag med pa/ /de ltar chos rnams shes byas nas/ /sems can don ni mnyam med byos/ /'on kyang rgyal ba'i sras su skye/ /de nas ho zhes mda' gzhu byin nas/ de bzhin gshegs pa thams cad rjes su chags par byos shig ces bsgo la phyogs bzhir mda' re 'phang ba dang/ lteng 'og tu yang mda' re 'phen du gzhug go/ /de nas oM badzra he tu kruM zhes bya bas/ 'khor lo rkang pa'i bar du gzhag la/ yang oM badzra b+haSha ra zhes byas pas/ lag pas g.yas su dung gtad nas g.yon par mahA mA yA'i bo ti byin te/ dril bu yang dkrol zhing/ de nas brtsams te sems bskyed pa/ /tsam gyis chos kyi 'khor lo bskor/ /khyod kyis the tshom dogs med par/ /yid nyid med pa'i sems kyis su/ /chos kyi dung ni bla med pa/ /dri med kun tu gang bar gyis/ /sngags kyi spyod tshul cho ga rnams/ /skye bo rnams la rtag tu shod/ /de ltar byas na sangs rgyas la/ /phan 'dog drin du gzo zhes bya/ /rdo rje 'dzin pa de kun yang/ /khyod la rtag tu bsrung bar mdzad/ /ces brjod la/ de nas so so'i 'khor los sgyur ba'i cha lugs su bya ste/ sems can kun la phan pa'i phyir/ /'jig rten khams ni thams cad du/ /ji ltar sna tshogs 'dul gyur pa'i/ /chos kyi 'khor lo rab tu bskor/ /de bzhin du chos kyi gnas su rdo rje dang/ rin po che dang/ pad+ma dang las kyi tshig bcug la/ tshigs su bcad pa lngas rjes su gnang ba byin la de nas yang zhi rgyas dbang dang gsad pa dang/ /dgug dang skrag dang bskrad pa dang/ /dbye dang mnan pa la sogs pa'i/ /las de thams cad sgrub par gyis/ /ral gri ma gi sman sa 'og dang/ mchil lham de bzhin ri lu ste/ /rnal 'byor ma yi dngos grub rnams/ /de dag ci dgar bsgrub par gyis/ /zhes bya ba rjes su gnang ba'o/ /de nas bdag nyid langs te/ sangs rgyas kyi gzugs dmigs la/ g.yon pa snying khar chos gos 'dzin pa'i tshul du byas la/ /g.yas mi 'jigs pa sbyin pa ltar byas te/ rdo rje'i ming gis dbang bskur bas lung bstan pa'o/ /'di ni khyod la ngas lung bstan/ /rdo rje sems dpa' de bzhin gshegs/ /srid pa shin tu dag pas na/ /srid pa'i dan 'gro dag las bton/ / he badzra nA ma ta thA ga ta b+hur b+hu ba swa(rgyud 'grel kyis/ /mgrin gcig tu bla na med pa'i byang chub chen por lung ston par mdzad/ sngags 'di dang phyag rgya 'di'i mthu yin no zhes pas dad pa bskyed pa'o/ /de nas gsang ba bsgrags te/ 'dod chags bral ba lta bu'i sdig/ khams gsum na ni med pa ste/ de bas 'dod la chags bral bar/ /nam yang bya ba ma yin no/ /ma hA sa ma ya ha na hUM/ de nas slob ma'i spyi bor gzugs gzung la/ gdugs dang bcas par bskor ba lan gsum byas la/ de nas dkyil 'khor gyi sgo ru gdugs dang bcas par spyi bos gtugs la/ sngags rnams 'dzin par gyur ba yis/ /slob ma 'di ni phul ba lags shes brjod la/ gdugs gzhag la 'di skad ces brjod do/ /di ring dkyil 'khor slob dpon gyur/ /sngags dang rgyud rnams 'dzin par gyur/ /sangs rgyas byang chub sems dpa' dang/ /lha rnams kun gyis mthun par gsungs/ /sems can kun la rjes brtse bas/ /dkyil 'khor cho ga bzhin du bris/ /khyod kyis nan tan bskyed nas su/ /sgrub pa po rnams sngags la sbyor/ /de nas dbugs dbyung bar bya ste/ gsang chen mchog gi dkyil 'khor du/ /bcug pa dang ni mthong ba yis/ /sdig pa kun las rnam grol te/ /de ring khyod ni dge bar gnas/ /bde chen theg pa 'di la ni/ phyin chad 'chi ba yod min te/ /mi thub gnod pa yod min la/ /cis kyang mi 'jigs dga' bar gyis/ /srid pa shin tu dag bas na/ /srid dang sdug bsngal las 'das so/ /rdo rje zhes bya'i phyag rgya dang/ /byang chub sems ni spad mi bya/ /gang zhig skyes pa tsam gyis kyang/ /sangs rgyas nyid 'gyur the tsom med/ /dam pa'i chos kyang smad mi bya/ /nam yang dor bar mi bya ste/ /mi shes pa'am rmongs pa la/ /de ni bstan par mi bya'o/ /rdo rje dril bu mi spang zhing/ slob dpon nam yang dmad mi bya/ /sangs rgyas kun dang mtshungs pas na/ de la smod byed gang yin pa/ /de ni rtag tu sdug bsngal 'thob/ /da bdag yongs su sdangs nas su/ /dka' thub kyis ni gdung mi bya/ /ji ltar bde bar bde gnas na/ /'di ni ma 'ongs rdzogs sangs rgyas/ /khyod nyon de ring 'bras bu yod/ /lha ngang bcas pa mnyam 'gyur te/ /rdo rje sems dpa' ngang mtshungs par/ /rtag tu khyod rnams 'gro bar 'gyur/ /dbugs dbyung ba'o/ /de nas slob mas phyag byas te/ /gtso bos ji ltar bka' stsal pa/ /de dag thams cad bdag gis bgyi zhes khas blang do/ /slob dpon gyi dbang bskur ba'o/ /de nas gsang ba'i dbang bskur te/ /sa phyogs dben par bya ste/ yol bas bcad nas rgyud las gsungs pa'i lo bcu gnyis ma la sogs pa'i dam tshig can bla ma la phul la/ kye bcom ldan zhi ba dga' ba che/ /rdo rje sbyor bas yang dag 'byung/ /mi phyed phyag rgya rab tu sgrub/ /rdo rje sbyor ba cig la gus/ /bdag nyid chen po khyod de bzhin/ /gtso bos bdag ni mdzad du gsol/ /'khor ba'i 'dam gyi rgya mtshor rgyu/ /bying pa skyab med bdag la skyobs/ /zhes gsol ba btab la/ de nas dpal ldan slob dpon ni/ /rjes su brtse dang ldan pa yis/ / snying rje slob ma la bskyed de/ /rdo rje 'dzin par mdzad pa la/ /sha chang bza' btung yid 'ongs dang/ /me tog bdug spos dri la sogs/ /rgyal mtshan dril bur bcas pa yis/ /slob mas rdo rje can la mchod/ /de nas phyag rgya byin gyis brlabs ba sngon du 'gro bas/ /ji srid du phyag rgya khu ba dang ldan pa de srid du bsten la/ snyoms par 'jug pa las byung ba de slob ma dang phyag rgya gnyis ka mig bkab la/ slob ma la dbang bskur te/ ji ltar bde gshegs thugs chen gyis/ /byang chub bsras la dbang bskur ltar de bzhin gsang ba'i dbang bskur ba/ /bdag gis sems rgyun 'di yis bskru/ /bo d+hi tsit+ta a b+hi Shiny+tsa/ slob mas kyang a ho su kha zhes brjod de/ bde bar gshegs par gzhug go/ shes rab kyis kyang de bzhin du ste/ thabs dang shes rab kyi gsang ba'i dbang bskur ba'o/ /de'i rjes la shes rab ye shes kyi dbang bskur te/ slob mas snga ma ltar gsol ba btab nas mtshan dang ldan pa'i shes rab ma byin gyis brlabs te/ gtad la mgo bor lag pa gzhag ste/ dga' ster gnas ster bu mo 'di/ /sna tshogs gzugs can yid 'ong ma/ zung shig zung shig sems dpa' che/ /gzung nas mchod pa rab tu bya/ /thabs gzhan gyis ni sangs ma rgya/ /'gro ba gsum po 'di yis bdag /de bas khyod kyis nam yang ni/ /'dod dang bral bar mi bya ste/ 'di ni sangs rgyas thams cad kyi/ /rig pa'i brtul zhugs bla na med/ /blun po gang zhig 'di spong ba/ /de la mchog gi dngos grub med/ /ces brjod la sbyin no/ /des kyang 'di skad brjod de/ bshad gci khrag dang khu ba dang/ /sha chen la sogs bza' ba dang/ /bud med rnams la rtag tu gus/ /glu ni glang kar bya ba ste/ /de yis bde gshegs dngos grub ni/ /myur du bde ba myong bar 'gyur/ /g+ha g+ha ga'i pad+mar 'o byed pa/ /bu khyod spro bar byed nus sam/ /des kyang lha mo ci phyir bdag mi spro/ /khu khrag la sogs bza' ba dang/ /bud med rnams la rtag gus shing/ /b+ha ga'i pad+mar 'o bgyid do zhes brjod do/ /yang shes rab kyis/ e ma bdag gi pad+ma 'di bde ba kun dang yang dag ldan/ /bde chen phyag rgya chen po ni/ /'di nyid du ni rtag tu gnas/ /blun po gang zhig 'di spong pa/ de la mchog gi dngos grub med ces so/ /de'i rjes la ji skad du bshad pa'i ka ra na bya bas snyoms par zhugs te/ bla ma'i man ngag gis de'i skad cig mtshon par bya'o/ /dbang bzhi pa ni bla ma'i man dag las shes par bya'o/ /de nas bdag dang slob ma'i don du sbyin sreg bya ste/ de yang dkyil 'khor rab gnas ma gtogs par/ /rab gnas 'dir ni yod ma yin/ /zhes 'byung bas sbyin sregs gi cho ga bstan par bya ste/ de yang sdig pa bsreg cing bgegs rnams zhi bya dang/ /sngags kyi gzi bskyed lta rnams mnyes bya'i phyir/ /bzlas dang bsgom pa'i thog mdza' thams cad du/ /sngags pas sbyin sreg cho ga gzhung bzhin bya/ /zhes so/ de bas na/ dkyil 'khor ram/ gtsug lag khang la sogs pa'i shar phyogs su sa'i cho ga sngon du 'gro bas zhi ba'i thab khud bya'o/ /de bzhin du lho ru rgyas par bya'o/ /nub tu dgug pa'i bya'o/ /byang du ni mngon spyod kyi thab khung bya'o/ /de la zhi ba'i thab khud gi ni sa gzhi dkar po la thab zlum po rgyar khru gang/ /zabs su de'i phyed pa/ de'i dbus su rgyar sor brgyad pa/ dpangs su sor bzhi pa la pad+ma 'dab brgyad bya/ de'i lte ba la nyi ma la gnas pa'i thod pa/ phyogs bzhi'i 'dab ma la lha mo bzhi'i mtshan ma dgod de/ rdo rje phreng bas bskor ba'o/ /thab khung gi kha khyer phyir sor bzhi por ba la/ rgya dang dpangs mnyam pa'i sor bzhi pa rdo rjes bskor bar bya'o/ /de'i phyi rol du gru bzhi byas la/ /mtshams bzhi ru zla bas mtshan pa'i rdo rje rtse gsum dgod do/ /de nas sa dkar po dang dri dkar pos byugs te me tog dkar bos gtor ro/ /rgyas pa'i thab khung ni sa gzhi ser bo la gru bzhi khru do zabs su de'i phyed brkos la/ /ba khyer zhi ba las nyis 'gyur du byas te/ /lhag ma ni snga ma dang 'dra'o/ /de nas sa ser pos byugs/ dri ser bos byug /me tog ser pos gtor ro/ /dbang gi thab khung ni gru gsum pa la rgyar sor nyi shu ba zabs su sor bcu pa brkos la/ sor gsum pa'i kha khyer gyis kha bskor lhag ma snga ma bzhin du bya'o/ /de nas sa dmar po dang dri dmar pos byug me tog dmar pos gtor ro/ /dgug pa dang/ bsad pa la yang de dang 'dra ba las/ khyad par du bya ba ni/ sa phyogs gnag cing snying po ma yin pa dang/ gas pa dang chi rgo can du bya ste/ dur khrod kyi thal ba dang bud bu dang rnga mo'i rtug bas byug cing/ me tog nag pos gtor ro/ /thab khung gi cho ga'o/ /da ni dgang gzar dang blugs gzar gyi rnam pa bstan te/ de la gser ram dngul laM zangs sam lcags la byas pa'am/ yang na mchod sbyin gyi shing las byas pa yang rung ste/ yu ba'i mthar sor drug pa'i rdo rje rin po che bya'o/ /dbyug pa ni sor bcu drug par bya'o/ /dbyug pa'i steng gi char sor bzhi pa'i rdo rje'o/ /dkyus ni rgyar sor bzhi pa zabs su sor gnyis brkos pa/ dbus su rdo rje rtse lnga pas mtshan pa/ mchu la bcud 'dzag pa'i the chung gi tshad tsam pa 'di ni dgang gzar ro/ /blugs gzar ni pad+ma'i dbyibs lta bu zlum po ste/ rgyar sor gnyis pa zabs su sor gcig pa ste/ dkyil du rdo rje rtse lnga pas mtshan pa'o/ /lhag ma ni snga ma bzhin no/ /gnyis ka'i yu ba ni rdo rje'i khu tshur gyis gzung du rung ba ste/ de ltar na ni de dag khrur par bstan no/ /cis te dgang gzar dang blugs gzar dag med na/ dgang gzar ni sor mo lngas bskyod pas byas la/ blugs gzar ni sor mo gsum pas byas pa'o/ /da ni yam shing dang bud shing gi khyad par bstan te/ de la zhi ba'i yam shing ni a mra dang u dum ba ra la sogs pa'i cha las byung ba'i mtho gang tsam gyi cha la gsar zhing 'dab mar bcas pa/ sbrad rtsi dang mar dang 'o ma la sogs pas rtse mo gnyis sbags pa dri dkar po'i chus gtor ba'i yam shing 'dab ma gnyis pa/ rtse mo gcig ba mthe bo dang srin lag gis gzung ste bsreg go /rgyas pa'i yam shing de dang 'dra ba las khyad par du dbus kyi cha las byung ba khru gang ba dri ser po'i chus gtor te/ sbrang rtsi la sogs pa'o/ /dbang gi yam shing tsam pa ka la sogs pa las byung ba/ sor lnga ba 'dab ma dang me tog dang bcas pa 'bras bu skyur ba dang kha dog dmar po dang/ khyad par du yang u ta pal dmar po dag ni dbang gi'o/ /mngon spyod kyi yam shing ni nim pa dang sed ldeng dang 'bi lo ta la sogs shing kha ba can dang tsha ba dang tsher ma can dang dur khrod kyi shing la byas pa'i sor bcu pa/ rtse mo gnyis rnon por gzhogs shing khrag dang nyung mar la sogs pa'o/ /zhi ba'i bud shing ni mchod sbyin gyi shing srog chags med pa'am/ nags kyi ba lang gi lci ba yang rung ste/ thag khung bas bag dma' bar bya'o/ /rgyas pa ba lang gi lci ba la gtog par 'bras bu can gyi shing rnams la bya'o/ /dbang la skyur po dang me tog can rnams la bya'o/ /dgug pa la tsher ma lcags kyu lta bu'o/ /mngon spyod la ni shing kha ba can tsha ba dang tsher ma can dang dur khrod kyi shing dang bung bu dang rnga mo'i rtug pa rnams la bya ste/ yam shing dang bud shing bstan pa'o/ /de la zhi ba'i sregs rdzas ni mar dang til dkar po dang/ zas mchog dang ku sha gsar pa dang dur ba dang/ tsU ta'i 'dab ma dang/ tsan dan dang/ 'bru dang/ 'bras so ba dang/ zho dang/ 'o ma dang/ me tog dkar po rnams te/ de dag las ci 'byor pa dbul zhing bsreg go /rgyas pa la de dag dang ni ma ba la dang/ 'bras sA lu dang/ ke sa ra dang kar ni ka'i me tog dang/ 'bru rnams so/ dbang dgug pa la ni mar nag dang/ til nag po dang/ nyung nag dang/ ske tshe dang/ lan tsha dang/ nim pa'i 'dab ma dang/ dur khrod kyi thal ba dang/ dgra bo'i rkang rjes kyi rdul dang/ bung bu dang/ rnga mo'i rtug ba rnams ci rnyed rnyed dam thams cad kyang rung ste/ dug dang khrag dang lan tsha dang sbyar nas dgra po'i gzugs brnyan byas la bdug cing bsreg bar bya ste/ sreg rdzas bstan pa'o/ /de la zhi ba'i las la ni khrus dang gtsang sgra byas te dri zhim pos byugs gos dang rgyan dkar pos brgyan la/ kha nub du bltas te stan nad tshangs can 'jam pa 'am pad+ma yang rung ste/ 'jam pa la 'dug nas byams dang zhi ba'i sems kyang yar ngo'i tshes gcig gi tho rangs nas brtsams te bya'o/ /rgyas pa la gos dang rgyan ser po dang me tog ser po'i phreng bas brgyan te/ stan bzang po la 'dug nas/ dga' zhing byams pa'i sems kyis kha byang du bltas la nyin mo snga dro nas brtsams te bya'o/ /dbang la gos dang rgyan la sogs pa dmar pos brgyan te/ chags shing zhen pa'i sems kyis stan mthon po la 'jug la/ rdo rje'i skyil krung gis gnas nas phyi dro'i dus su kha shar du blta bar bya'o/ /dgug pa yang de bzhin te/ khyad par du yang kha byang du bltas la bya'o/ /mngon spyod la ni gos dang rgyan sngon po dang khrag dang chus spangs la bgos la/ stan 'khran mo 'am/ bsgrub bya'i gzugs brnyan gyi snying khar 'dug ba'am stan med par yang rung ste/ gshin rje'i phyogs su kha ltas la mar do'i tshes gnyis sam gzhan yang rung ste/ bsgrub bya sdig pa la zlog pa'i phyir/ /khro zhing gtum pa'i sems kyis nyi ma phyed dam mtshan phyed na hUM las byung ba'i rdo rje lcags kyus bsgrub bya'i bsrung ba bcad la bya'o /sgrub pa po bstan pa'o/ /zhi ba'i arga'i snod ni dngul lam rdod dung dang nya phyis la sogs pa dang shing lo skyod pa yang rung ste/ nas dang 'o ma dang dri dkar po dang ldan pa'i chus blugs la/ /rang gi lha'i sngags kyi mthar swahA dang ldan pas lan bdun bzlas par bya'o/ /rgyas pa la yang de bzhin te/ khyad par du gser la sogs pa'i snod du dri ser po'i chu dang til dang zho dang ldan pa ste/ oM gyi mdza' dang ldan pa bzlas pa bya'o/ /dbang la ni zangs la sogs pa'i snod du dri dmar po'i chu ste/ ho yi mdza' dang ldan par bzlas so/ /mngon spyod la lcags dang thod pa la sogs pa'i snod du dri zhim pa dang/ gnag pa dang bcas pa'i snod du ba gci na dang/ kro ta pa dang ldan pa'i phaT kyi mdza' dang ldan pa ste/ mchod yon gyi cho ga'o/ /de la zhi ba dang rgyas pa dang dbang dang dgug pa rnams la ni las thams cad pa'i chu la hUM yongs su bzlas pa dang/ a rga'i snod gnyis g.yon du gzhag la/ yang de nyid yongs su bzlas pa'i chu de las lag pa g.yas pas blangs te/ yam shing dang bung shing la sogs pa'i sreg rdzas la bsang gtor byas la g.yas phyogs su gzhag go /drag po la de las bzlog ste gzhag pa'o/ /dgang gzar dang blugs gzar dang mar khu ni mdun du gzhag go /de nas thab kyi khung bu'i tshad tsam pa'i shing bu brtsigs la/ zhi ba la ni shing 'o ma can gtsubs pa las byung ba 'am/ bram ze'i sbyin sreg gi mes bya'o rgyas pa la dge 'dun gyi sro gang gi me 'am/ rgyal rigs dang rje rigs kyi khyim gyi mes bya'o/ /dbang la rje rigs dang smad 'tshod ba'i khyim mes bya'o/ /dgug pa la gar mkhan dang kun tu rgyu dang lam du bus pa'i me la bya'o/ /drag po la dur khrod kyi shing dang rdo gcubs pa dang shan pa'i khyim gyi mes byas so /de nas hUM bzlas pa'i chu ku shi'i rtse mos blangs la gsang gtor lan gsum du byas te/ gtsang zhing skam pa'i rtswa dang lhan cig tu bcug ste rlung yab gyis sbar la/ oM badzra dzrAM la dzwAM la hUM hUM zhes lan gsum bzlas pas mar gyis sbar la/ oM badzra satwa a zhes zhes yongs su bzlas ba'i ku sha rlon pa bsal? ma nyams bshin ring pa ma yin pas rtse mo shar du bstan te/ thabs khung gi phyi rol du rim pas g.yogs la yi ge hUM gas thab khung bskyed de/ de'i nang du raM las me lha las dang rjes su mthun pa'i mdog dang rgyan dang phreng ba can/ phyag gnyis na bgrad phreng dang ril pa spyi blugs thogs pa gsus pa 'byang zhing ral ba'i thor tshugs can bskyed la/ oM ag na ye ma hA te tsa sarba ka rma pra sa/ ka ru Ni kri twa/ sa man ta ar tha/ a smin san+ni hi te b+ha ba ces pas ye shes kyi me lha bkul la dza(rgyud 'grel de nas phyi nang gi mchong pas mchod de/ de'i lce hUM gi rdo rjer bsams te/ zhal cung zad tsam gdangs par bsams la/ gzar bu gnyis thogs pa'i gru mo gnyis pus mo gnyis kyi nang du bcug la/ oM ag na ye swAhA/ zhes bya bas gang ba'i sbyin sreg dbul lo/ /drag po la ni zhal shin tu yang dag par gdangs par bsams la/ tsha ba'i mar nag dbul lo/ /de bzhin sreg rdzas thams cad rim pas dbul lo/ /de la me'i mtshan nyid brtag ste/ 'ja' tsho na ltar dang swa ti kwa dang rnga ma dang/ ldam bu chu shel lta bu'i mdog dge ba'i ltas so/ /gzhan yang dri med cing sgra zab pa dang/ rtse mo shin tu 'bar ba ni shis pa ste/ de yang zhi ba la khyad par du mdog dkar po'o/ /rgyas pa la ser po/ dbang la dmar po/ mngon spyod la mdog nag po dang sngo ba'o/ /bgegs dang bcas pa'i me ni du ba che zhing me stag 'phro ba'o/ /dal bus 'bar ba dang/ zhen pa dang me lce 'chad pa dang/ 'od med cing sngo ba dang mdung rtse gsum pa lta bu dang zhib ma lta bu dang/ ba lang gi gdong gi dbyibs lta bu dang/ mi ro'i dri dang dri med pa 'am yang na drag du 'bar ba'o/ /de ltar bgegs dang bcas par shes nas snga ma bzhin du bsang gtor byas la rtsa ba'i sngags bzlas pas bsrungs te/ gang ba'i sbyin sreg gsum mam bdun dbul lo/ /de nas yam shing la sogs pa'i sreg rdzas kun so so'i rdzas sngags kyis ci 'byor pa phul la/ bsang gtor dang 'thor 'thung phul nas de nas bstod pa bya ste/ oM tshangs dbang 'jig rten mgon gyi sras/ /me lhe'i rgyal po drang srong mchog /'byung po yongs la bskyab pa'i phyir/ /thugs rje'i dbang gis sku sprul pa/ /rig pa grub pa drang srong tshul/ /nyon mongs bsreg pa'i shes rab 'od/ bdud brtsi? bcung ldan spyi blugs dang/ bgrang phreng dag ni 'dzin par byed/ /de nas bstod de phyag 'tshal 'dud/ /de nas gang 'dod don gsol ba gang ba ste/ de'i rjes la 'bar ba'i rnam par gyur par lta'o/ /de nas sgrub thabs nas 'byung ba bzhin du las dang rjes su mthun pa'i lha der bskyed la/ ye shes sems dpa' sbyan drangs nas/ yon chab la sogs pa phul la/ dam tshig sems dpa' la bstim nas/ sku gsung thugs byin gyis brlabs te/ ljags pa rdo rje bsam la/ zhi ba dang rgyas pa dang dbang la zhal cung zad dbye la/ drag po bshin tu gdangs pa bskyed la bsreg cing dbul lo/ /de la ag na ye swAhA mar gyi'o/ /oM sarba bA paM da ha na badzra a mu ka swa ban d+ha swAhA til gyi'o/ /oM badzra puShpe ye swAhA 'bras kyi'o/ /oM badzra ya dz+nyA ya swAhA yaM shing gi'o/ /oM badzra bi dza ye swAhA 'bru sna'i 'o/ /oM badzra A yu She swAhA dur ba yi'o/ /oM a pra ti ha ta badzra swAhA ku sha yi'o oM sarba saM ba de ye swAhA zho la sogs pa'i 'o/ /de ltar ci 'byor ba bsregs te phul nas yang gsang gtor dang 'thor 'thung la sogs pa phul te/ yang dag par mchod nas de nyid kyi bstod pas bstod la/ 'dod pa'i don gsol ba btab nas bzod gsol bya ste ma 'byor ba dang nyams pa dang/ /gang yang bdag rmongs blo yis ni/ /bgyid pa dang ni bgyid rtsal ba/ /de kun mgon pos gsol/ /zhes gsol ba byas la/ de nas yi ge brgya ba'i mthar mu(rgyud 'grel tsA ru'i phud sbyin sreg tu dbul lo/ /de nas slob ma'i lag pa slob dpon gyis gzung nas gang ba'i sbyin sreg phul la dngos grub kyi phyir gsol ba gdab ste/ bdag dang gzhan gyi don rnams ni/ /bsgrubs te sbyin sreg gsol la bzhud/ /slar yang dus bzhin gshegs nas su/ /bdag gi sngags kyi dngos grub mdzod ces gshegs su gsol lo/ /sgyu 'phrul chen mo'i sgrub gzhung la/ /dad cing 'brug pa'i don gyi phyir/ /bla ma'i lung bzhin bsdebs te bris/ /dge rtsa phyi rabs rnams la sngo/ /dpal sgyu 'phrul chen ma'i dkyil 'khor gyi cho ga /slob dpon grub pa thob pa'i rnal 'byor pa chen po rgyan pas mdzad pa rdzogs so// //