<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1123: dpal yang dag par sbyor ba'i rgyud kyi rgyal po'i rgya cher 'grel pa man ngag gi snye ma zhes bya ba<br><table><tr><td>
<input type="button" onclick="location.href='tcompletep.php?id=N1123&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1123&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1123&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">rgya gar skad du/ sh+rI saM pu Ta tan+t+ra rA dza TI kA ma nA ya many+dza rI nA ma/ bod skad du/ dpal yang dag par sbyor
 ba'i rgyud gyi rgyal po'i rgya cher 'grel pa man ngag gi snye ma zhes bya ba/ bcom ldan 'das dpal rdo rje sems dpa' la
 phyag 'tshal lo/ /'phags pa spyan ras gzigs dbang phyug thugs rje chen po can la phyag 'tshal lo/ /rdo rje sgeg mo'i
 dga' ba shin tu mang dang gnyis su med pa'i sku yis 'gro rnams kyi/ /mun pa'i tshogs rnams nub par mdzad pa'i sprul pa
 rnams kyis nang gi 'od zer 'char mdzad kyang/ /gang gi stobs ni gnyug ma'i spros med shes rab mchog dang thugs
 rje yang dag sbyor yin pa/ /rdo rje'i dbang phyug de yis khyed la chen po'i sa yi phun tshogs rol pa mdzad gyur cig /phal cher mgon
 po de yis bdag /byin gyis brlabs pas de gsung gi /don ni rang nyid gsal smra ste/ /dbul bo la ni ma yin no/ /gzhan yang
 rmi lam du mthong ba'i/ /rdo rje btsun mos bskul ba'i phyir/ /rin chen lta bu'i yang dag sbyor/ /sems can don du dbye bar bya/ /
 gang yang yang dag bla mas rgyas mdzad pa'i/ /man ngag dpag bsam ljon pa'i snye ma ni/ /'bras bu'i dga' ston gegs med gyur rnams kyis/ /'gro ba tshim
 bya'i ched du bskyed par bya/ /'dir nges par brjod par bya ba la sogs pa thos pa med pa phal cher dam pa rnams nyan pa la sogs pa la mi 'jug pa'i phyir na/
 brjod par bya ba la sogs pa sdud pa pos don gyi shugs kyis 'phen cing gsungs pa/ 'di skad bdag gis thos pa ces pa la sogs pa'o/ /'dir brtag pa
 bcu'i bdag nyid dpal yang dag par sbyor ba'i rgyud ni rjod par byed pa'o/ /de'i ston pa po ni 'bras bu'i rgyud kyi bdag nyid bcom ldan 'das/ rdo rje sems dpa' ste/
 brjod par bya ba yang ngo/ /de mngon du byed pa'i rgyu nyid kyis na rgyu'i rgyud dang thabs kyi rgyud kyang brjod par bya ba'o/ /de lta na yang bstan par bya ba dang ston pa po'i 'brel
 pa dang/ rjod par byed pa dang brjod par bya ba'i 'brel pa dang/ rgyu dang 'bras bu'i 'brel pa brjod do/ /gdul bya rnams kyis kyang dpal yang
 dag par sbyor ba'i don rtogs pa ni dgos pa'o/ /rdo rje lta bu bde ba chen po ro gcig pa 'gro ba thams cad la phan pa byed pa 'bras bu rdo rje 'chang gi ngo bo phyag
 rgya chen po'i dngos grub ni dgos pa'i dgos pa'o/ /zhes 'phangs so/ /de skad du yang/ dgos pa bsdus pa'i don bcas shing/ /tshig don bcas shing mtshams
 sbyar bcas/ /brgal lan bcas pa mdo yi don/ /smra ba rnams kyis brjod par bya/ /zhes pa'i rigs pas dgos pa brjod pa'o/ /bsdus pa'i don la sogs pa
 brjod par bya ste/ de la rab tu byed pa dang por bskyed pa dang rdzogs pa'i rim pa'i bdag nyid can gyi rim pa gnyis mdor bstan cing/ gnyis par ni rgyu'i rgyud
 rdzogs pa'i rim pa kho na rgyas par bshad do/ /gsum pa dang bzhi pa dag gis ni rdzogs pa'i rim pa kho na rab tu rgyas par bshad pas mngon par gsal byas so/ /lnga par ni rim pa gnyis po 'di yang dbang
 bskur ba kho na la bstan par bya zhing goms par bya'o/ /zhes rim pa gnyis kyis yan lag tu dbang bskur ba rnam par spros so/ /drug par ni kun rdzob dang don dam pa'i dbang bskur ba thob cing rdo rje 'chang chen
 po nyid thob par 'dod pas dbang po rab la phyag rgya chen po'i dngos grub kyi dngos kyi thabs phyag rgya'i rnal 'byor gyi dngos su ba'i thabs rdzogs pa'i rim pa sgom pa kho na nges par bzhag go /bdun pa dang brgyad pa
 dang dgu pa dang bcu pa dang bcu gcig pa dang bcu gnyis par dbang po 'bring dang rtul po dag gis rdzogs pa'i rim pa ni bskyed pa'i rim pa rim gyis dang cig char sgom pa sngon du 'gro bas bsgom par bya'o//
 zhes rdzogs pa'i rim pa'i dngos su ba'i thabs bskyed pa'i rim pa bsgom pa gsal bar mdzad do/ /bcu gsum pa dang bcu bzhi pa dang bco lnga pa dang bcu drug par de ltar rim pa gnyis sgom pa po'i rnal
 'byor pa las dang po pa'i mngon par 'dod pa sgrub pa'i don du nye bar gyur pa'i rnal 'byor ma rnams kyi brda yongs su shes pa'i ched du thabs kyi yan lag ngag gi brda la sogs pa rnams gsungs so/ /bcu
 bdun par brda shes pa rjes su gzung ba'i don du gnas la sogs pa 'du ba'i gnas gsungs so/ /bco brgyad par der 'dus pa 'am gzhan gyis rim pa gnyis bsgom pas thabs
 kyi yan lag rnam par dag pa kho na'i yul longs spyod pa'i don du rim pa gnyis dang phung po la sogs pa rnam par dag pa gsal bar mdzad do/ /bcu dgu pa dang nyi shu par rnam pa de lta bu'i yang spyod pa
 med na phyag rgya chen po'i dngos grub ma yin no/ /zhes pas kun tu bzang po'i spyod pa gsal bar mdzad do/ /nyi shu rtsa gcig pa dang nyi shu rtsa gnyis par de'i rjes su rab tu byed pa gsum par gsungs pa'i
 rdzogs pa'i rim pa dang rtsa'i gnas kyi khyad par rnam par bzhag pa yang legs par bzhag par mdzad do/ /nyi shu rtsa gsum pa dang rtsa bzhi par ni rdzogs pa'i rim pa 'di ltar bsgom pa'i don du phyi rol
 gyi dkyil 'khor dang sbyin sreg la sogs par 'dzin pas bslu ba las grol ba'i ched du rdzogs pa'i rim pa'i dkyil 'khor dang sbyin sreg dang mchod pa la sogs pa rgyas par bstan to/ /nyi shu rtsa lnga
 pa dang rtsa drug pa dang rtsa bdun pa dang rtsa brgyad par sngar bshad pa'i brda dang lta stangs bzhi po rnams dang las rab 'byam yang thabs kyi yan lag nyid kyi phyir na rab tu spros so/ /nyi shu rtsa dgu
 par ni rdo rje dang rdo rje dril bu'i rang bzhin bstan to/ /sum cu par bgrang phreng la sogs pa'o/ /sum cu rtsa gcig par 'pho ba'o/ /sum cu rtsa gnyis par thabs kyi yan lag nyid kyis na sngags rnams bsdus so/ /sum cu rtsa gsum par ni rdzogs pa'i dkyil 'khor bsgom pas phyag
 rgya chen po'i bdag nyid can gyi bltam pa dang/ byang chub pa dang chos kyi 'khor lo bskor ba la sogs pa'i rnam par 'phrul pa rnams kyis skye ba bstan to/ /sum cu rtsa bzhi par ni bgegs nye bar zhi ba la sogs pa'i don du thabs kyi yan lag gtor ma gsungs so/ /sum cu rtsa lnga par thabs
 kyi yan lag thang sku dang glegs bam dag go /sum cu rtsa drug par ni sngar gsungs pa'i gnas la sogs pa rnams su tshogs la 'du ba na rnal 'byor pa'i rol mo la sogs pa gsungs so/ /sum cu rtsa bdun par ni de ltar bzhugs pa bsgom pa dang ma bral ba la phyi rol gyi phyag rgya med
 par phyag rgya chen po'i dngos grub ma yin no/ /zhes pas phyag rgya chen po'i dngos grub kyi dngos su pa'i thabs rigs kyi sgeg mo bsten pa nges par byas so/ /sum cu rtsa brgyad par ni de ltar phyag rgya chen po'i dngos grub kyi dus su rnal 'byor can gyi dbang phyug gi gtsug gi nor bu
 la bsnyen bkur bla na med pa gsungs so/ /sum cu rtsa dgu par ni rang gi don phun sum tshogs pa ldan pa'i bcom ldan 'das 'di'i rang gi ngo bo'i khyad par dang sgyu ma'i rnam pa'i 'phrul pa sum cu rtsa gsum par mdor bstan pa rgyas par bstan to/ /bzhi bcu par rang dang gzhan
 gyi don phun sum tshogs pa 'di dag 'bras bu'i rgyud yin zhing/ skyes bu'i don gyi mchog 'di thams cad kyang rtogs pa'i 'dra ba mdza' dag drungs phyung ba'i bla na med pa'i shes rab dang thabs bsgom pas dam tshig bsten pa med na phun sum tshogs pa ma yin zhes dam tshig
 bsten pa gsal bar mdzad do/ /de ltar bsdus pa'i don gyis rgyud kyi don thams cad phul du byung bar brtan pa'i don du rgyud kyi 'brel pa brjod nas/ 'chad pa po dang nyan pa po rnams kyis bde blag tu 'chad pa dang/ gzung ba'i ched du mdor bsdus pas mngon par
 brjod pa'i don gyi tshig gi don bshad pa la sogs pa gnas skabs ji lta ba bzhin bshad par bya'o/ /de la 'di skad ces pa la sogs pa 'dzum pa mdzad do'i tshig mthar thug pa dang por gleng gzhi ste/ 'di yod na bstan pa rab tu 'jug pa'i phyir ro//
 yul dang dus dang ston pa po dang 'khor tshogs pa ni bstan pa'i dang po'i rgyu ste/ de rnams med na bstan pa mi 'thad pa'i phyir ro/ /de gsungs pa/ dad ldan 'jug pa'i yan lag tu/ /ston pa 'khor dang dbang po dang/ /yul dang dus dag nges bstan pa/ /rang nyid tshad mar
 grub ched du'o/ /zhes so/ /'dir rang nyid tshad ma ni sdud par byed pa'i 'o/ /de la bcom ldan 'das kyis ji ltar mngon par rdzogs par sangs rgyas pa bzhin chos bstan pa de ltar gdul bya mdza' yas pa rnams rjes su 'dzin pa yang dag par zhugs pa'o/ /yang de'i
 dus na bskal ba med par gyur pa'i gdul bya gzhan rnams yod de/ de rjes su bzung ba'i ched du bcom ldan 'das kyis byin gyis brlabs pa kho na'i byang chub sems dpa' rnams kyis zhus pa'i bcom ldan 'das kyis/ 'di skad bdag gis thos pa zhes byas nas
 nga'i chos bsdu bar bya'o/ /zhes chos yang dag par sdud pa'i mdor gsungs te/ des na sdud par byed pas de bzhin kho nar bsdus so/ /'dir sdud pa po ni su yin zhe na/ ming nges par byed pa 'dis ci bya ste/ bcom ldan 'das kyis bkas gnang ba kho nas des brjod
 pa'i phyir 'dir ni bcom ldan 'das kho na'i gsungs te/ sdud par byed pa ni rjes su brjod pa kho na'o/ /de nyid kyi phyir rgyud rnams su mdza' mar yang sdud pa po'i ming ma brjod do/ /bcom ldan 'das kyis 'khor chen por gtad pa'i khur yin pa nyid kyi phyir na thams cad kyis
 smra bar bya ba yang ma yin te/ de'i phyir ston pa po las ji skad thos pa bzhin du gcig gis smra bar byed cing/ de las gzhan pa de la shes pa dang ldan pa rnams kyang de'i rjes su sems par byed do/ /zhes pas na bsdu par brjod par bya'o/ /'dir zhu ba po yin pa nyid kyi
 phyir rdo rje snying po'o/ /zhes gsung ngo/ /gzhan yang gdul bya'i skye bo'i dbang gis ston pa po kho na sdud pa por 'gyur ro/ /de 'chad par 'gyur ro/ /de la bsdu bar bya ba'i rgyud kyi don mdza' dag phyin ci ma log par yid la mngon du bzhag par 'di skad ces pa'i tshig phrad 'dis
 gsal bar mdzad do/ /de'i phyir e waM gi yi ge 'di rgyud gyi don mdza' dag gis don dang ldan par bstan to/ /rgyud kyi don yang shes rab dang thabs kyi rang bzhin nyid kyis na yi ge gnyis kyi cha shas su gyur pas gnas pa'o/ /zhes 'doms par mdzad do/ /e waM gi yi
 ges spyir bshad nas khyad par du rgyas par 'chad par 'gyur bas na zlos pa nyid med do/ /de lta na yang 'di ni dag chen po gcig tu gyur pa ste/ rgyud gcig tu brjod do/ /bdag gis ces pa bdag nyid kho nas rang nyid kyis bcom ldan 'das las thos kyi brgyud pas ma yin pa'o/ /
 thos pa zhes pa rna ba'i rnam par shes pas tshig las dang yid kyi rnam par shes pas don las rtogs kyi 'di dag gis mngon sum du byas pa ni ma yin te/ bcom ldan 'das kho nas 'dir rnam pa thams cad rtogs pa'i phyir ro/ /zhes chos la gus pa nye bar ston to/ /yang
 na rtogs na yang mngon par nga rgyal med pa nyid kyis ston pa po la ston pa'i 'du shes bskyed nas/ chos rin po che nyan pa'i bdud rtsis mi ngoms pa nyid kyis byang chub sems dpa' chen po rnams dang de bzhin gshegs pa thams cad kyis kyang gsan na/ gzhan phra mo
 rnams kyis lta ci zhes bslab pa'i don du thos pa smros so/ /de ltar spyir nye bar 'phangs nas khyad par du/ dus gcig na zhes pa la sogs pas gleng gzhi de rim gyis ston par byed do/ /gcig 'di ni bsod nams dang ye shes kyi tshogs du mas nye bar thob pa tshes dang rgyu skar
 la sogs pa rnams kyis yongs su ma bcad pa bsam gyis mi khyab pa'i dus kyi khyad par 'ga' zhig go /de yang 'dir skad cig bzhi pa'i ngo bo la dus ces brjod par bya'o/ /dus gcig po der bcom ldan 'das de'i bdag nyid kyis bzhugs so/ /zhes 'brel to/ /yang
 na dus gcig na zhes pa skad cig la ste/ 'dis bdag nyid bsam gyis mi khyab pa'i rnam par thar pa'i sgo thob pa nyid gsal bar byed do/ /yang na dus gcig gi tshe 'di thos shing/ gzhan gyi tshe gzhan no/ /zhes pas bdag nyid mang du thos pa
 nyid du gsungs so/ /yang na dus gcig kho na na 'di thos kyi gzhan gyi tshe ni ma yin pas na/ rgyud sde rin po che 'di rnyed par dka' ba nyid du rtogs par byed do/ /'dis bdud bzhi po gzhom par bya bas na bcom pa ste/ shes rab kyi pha rol tu phyin par brjod do//
 de rdo rje rtse mor gsungs pa/ nyon mongs bdud sogs 'joms pa'i phyir/ /'joms pa bcom pa zhes brjod do/ /shes rab kyis gzhom nyon mongs de/ /de phyir shes rab bcom par brjod/ /yang na 'di rnams kyis skal bar byed do/ /zhes pa skal ba ste/ dbang phyug
 la sogs pa'i yon tan rnams so/ /gang gsungs par 'gyur ba dbang phyug dang ni zhes pa la sogs pa'o/ /skal ba de 'di la yod pas bcom ldan no/ /yang na mi mthun pa'i phyogs bdud bzhi rnams bcom pas na bcom ldan te/ nges pa'i tshig gis ni
 phyis pa'o/ /thams cad kyang de rnams yin zhing/ chos rnams thams cad kyi yang dag pa ji lta ba de bzhin ni de bzhin te/ de gshegs shing rtogs pa rnams kyang ngo/ /de bzhin nyid las byon pa yang ste/ 'gro ba'i don du spro bar byed pa'i phyir ro/ /gzhan rnams la de bzhin
 kho nar gsung ngo/ /zhes pa nges pa'i tshig gi sgrub pas/ de bzhin gshegs pa rnams kyang ngo/ /de rnams kyi sprul pa dang longs spyod rdzogs pa dang chos kyi bdag nyid sku dang gsung dang thugs rnams so/ /de rnams kyi de rnams kho na ni snying po ste/ de ro gcig pa
 rdo rje 'dzin pa'o/ /de rnams de las byung ba'i phyir dang de'i rang bzhin nyid kyi phyir ro/ /glegs bam kha cig la snying po/ /zhes glog pa med de/ 'bri mkhan gyi skyon nyid kyi phyir ro/ /bcom ldan 'das kho nas snying po'i sgra 'dir nye bar blangs pa ni rab tu byed pa bzhi bar
 'chad par 'gyur ro/ /de nyid ni rdo rje ste stong pa nyid kyi ngo bo nyid kyi phyir la/ de nyid btsun mo ste bla na med pa'i dga' ba'i rgyu nyid kyi phyir na/ rdo rje snyems ma shes rab kyi pha rol tu phyin pa'i bdag nyid de/ de'i de kho na yang b+ha ga chos 'byung ste/ de yongs su gyur pa nyid kyi phyir
 dang de'i rang bzhin nyid kyi phyir te/ de skad du yang gnyis su med par rnam par rgyal ba'i rgyud du gsungs pa/ b+ha ga bcom ldan sangs rgyas te/ des na 'dod chags sun mi dbyung zhes so/ /de bzhin gshegs pa thams cad kyi sku dang gsung dang thugs kyi rang bzhin nyid kyi
 phyir zur gsum pa/ b+ha ga'i bdag nyid can stobs bcu la sogs pa'i chos 'byung ba/ 'khyud pa'i bsten par bya ba lha mo'i pad+ma zhes bya ba rten gyi ngo bo la zhugs so/ /mang po'i tshig ni rdo rje snyems ma ni btsun mo thams cad bsdus pa'i rnam pa can nyid kyi phyir dang/ gdul
 bya'i dbang gis phyogs bcu'i 'jig rten gyi khams mdza' yas pa thams cad kyi brtan pa dang g.yo ba'i dngos po thams cad kyi rdul phra rab so so'i nang du 'jug pa'i chos 'byung gi nang la gnas pa'i sna tshogs pad+ma dang rdo rje la gnas pa'i rdo rje nor bu'i rtse mo can khang
 pa brtsegs pa bzhugs pa'i rdo rje 'dzin pa chen po'i dkyil 'khor nye bar ston pa'i phyir yang ngo/ /'dir rten gyi bdag nyid la khang pa brtsegs pa ma gsungs pa nyid na yang b+ha ga na gnas pa'i khang pa brtsegs par zhes don gyis te/ dper na grong khyer na phyug
 po gnas so/ /zhes pa grong khyer na gnas pa'i khang bzangs na'o/ /zhes don gyis yin pa bzhin no/ /de ltar ma gsungs pa ni don gzhan bsdu ba'i don dang/ bde ba chen po'i sa gzhi gtso bo nyid du nye bar bstan pa'i don du'o/ khang pa brtsegs pa yang de dang ro
 gcig pa kho na yin pas so/ /yang na nang gi bdag nyid can sa la sogs pa'i rang bzhin spyan ma la sogs pa'i btsun mo'i b+ha ga rnams te chos 'byung dang sprul pa la sogs pa'i pad+ma rnams te de rnams su bzhugs so/ /bzhugs so/ zhes pa ni rnam pa sna tshogs
 pa'i thabs can gyi sku dang gsung dang thugs rnams kyis mos pa sna tshogs pa gdul bya'i sems can gyi yid 'phrogs te kun nas 'dun bar mdzad pa gang gi tshe yin pa de'i tshe de las der bdag gis thos so/ /zhes snga ma dang sprel lo//
 gnas par mdzad do/ /zhes ma brjod pa ni de kho na nyid du na bcom ldan 'das gang du yang mi gnas pa'i phyir ro/ /gang gsung bar 'gyur ba/ b+ha ga der de bzhin gshegs pa mdza' dag btsun mo dang bcas pa gnas so/ zhes pa der ni/ dus kyi mtshams med
 par gnas zhes mngon par dgongs so/ /de ltar gyur pa'i yul gsum du bcom ldan 'das bzhugs pa bstan pas stong pa nyid dang snying rje dbyer med pa lhan cig skyes pa'i sku la gsal bar rtogs par bya ste/ sku de kho nas kyang rgyud bstan pas yang de dang
 ro gcig par bstan to/ /yang na de bzhin gshegs pa thams cad kyi sku dang gsung dang thugs kyi snying po rdo rje ni bcom ldan 'das de bzhin gshegs pa thams cad kyi bdag po ste thugs rje chen po'i rang bzhin byang chub kyi sems rdo rje kho na ste/ de'i btsun mo
 phyag rgya chen po bcom ldan 'das ma shes rab chen mo kun tu bzang mo'i ming gzhan can no/ /de'i b+ha ga ni stong pa nyid do/ /bcom ldan 'das de der bzhugs te/ de'i bdag nyid du gyur nas ro gcig pa'i rang bzhin gyis te/ dbye ba mdza' dag gi mchog
 tu 'dzin pa med pa'i phyir 'khor ba'i bar du brjod du med pa'i yang brjod du med pa'i byang chub sems dpa' dang de bzhin gshegs pa dang rnal 'byor pa dang mkha' 'gro dang mkha' 'gro ma dang phyag rgya dang dkyil 'khor dang sngags bye ba phrag rnams dang lhan cig tu/ rnam par rtog pa
 med kyang ston gyi 'phen pa'i shugs kyi dbang las sems can rnams thams cad la ci bya zhes smra ba'i tshul gyis gnas pa'o/ zhes don to/ ji skad du gsungs pa/ yid bzhin nor bu ltar rtog pa'i/ /rlung rnams kun gyis bskyod bya min/ /de ltar gnas
 kyang sems can gyis/ /re ba ma lus rdzogs par mdzad/ /ces pa dang/ 'khor lo 'khor ba'i sbyor ba yis/ /bya ba med pa'i skyob pa la'ang/ /'du byed 'phen pa'i shugs las na/ /bstan pa yang dag par 'jug byed/ ces so/ gang yang 'dir e waM gi yi ge la sogs pa'i
 don gzhan yang 'di dang rgyud gzhan rnams su gsungs pa ni bstan pa gzhan kho na yin zhing gdul ba'i skye bo rnams kyis gzungs thob pa'i don du ste/ yi ge gcig tu don gyi phung po chen po 'phangs nas 'dzin pa'i phyir ro/ /de bzhin du de rnams don chen po nyid kyis
 mchog tu bkra shis pa nyid kyis na rgyud kyi dang por nye bar bstan to/ /zhes kyang gsal bar byas par 'gyur ro/ /'dir de brjod pa po nyid kyis na 'di rnams sdud pa ru 'thad pa ni ma yin te phan tshun 'brel pa mi 'thad pa'i phyir ro/ /don de yang dag gzhan rnams su nye
 par dmigs par bya ba'o/ /zhes pa 'dir rnam par bshad pa'i 'bad pas ci bya/ de ltar dus dang yul dang ston pa po phun sum tshogs pa gsungs so/ /'khor phun sum tshogs pa gsungs pa/ de nas bcom ldan 'das kyis rnal 'byor gyi dbang phyug bye ba phrag brgyad cu'i
 dbus su zhes so/ /rnal 'byor ni thabs dang shes rab snyoms par 'jug pa'o/ /de la dbang phyug ni dbang 'byor pa ste/ de thob ba nyid kyi phyir rnal 'byor gyi dbang phyug rnams te/ sa bcu'i dbang phyug byang chub sems dpa' chen po rnams so/ /mang po nyid du nye bar mtshon pa
 nyid kyis na rigs mthun pa rnams las rdo rje snying po nges par bzung pa'i don du dang por bstan gyi/ 'khor 'di rnams kho na tsam ni ma yin te/ de rnams mdza' yas pa nyid kyi phyir ro/ /gang mjug tu gsung bar 'gyur ba/ de nas rnal 'byor ma dang mkha' 'gro dang mkha' 
 'gro ma dang byang chub sems dpa' bye ba phrag brgyad cu dang de bzhin gshegs pa'i tshogs rnam pa du ma ste thams cad dang ldan pa'i 'khor rnams zhes so/ /bcom ldan 'das gzhan gyi sems mkhyen pa nyid gyis yang dag par sbyor ba nyan pa'i skal pa dang ldan par
 'khor rnams rtogs shing/ rdo rje snying po gsol ba 'debs par nus par gzigs nas/ ma bskul bar gsol ba 'debs pa po med do/ /zhes pas na bskul bar dgongs pas/ rgyud kyi rgyal po'i don 'di ni mgo smos pas shes pa
 kho na'i sems can rnams kyi spyod yul lo/ /zhes gsal bar byed cing 'dzum pa mdzad do/ /mgo smos pas go ba nyid kyis dgongs pa de rtogs nas rdo rje snying pos gsol ba 'debs par zhugs so/ /zhes ston to/ /mdzad ma thag tu ni bar ma 'chad par ro/ stan
 las te zla ba'i dkyil 'khor las so/ /sa la zhes pa ni stan la ma yin pa'o/ /'di yang ma 'ongs pa rnams la yang gsol ba 'debs pa slob pa'o/ /gsol ba 'debs pa gsungs pa/ nyan par zhes bya ba la sogs pa'o/ /ye shes kyi dbang po/ zhes
 pa la ye shes ni bag chags dang bcas pa'i nyon mongs pa dang shes bya ba'i sgrib pa ma lus pa spangs pa phun sum tshogs pas chos thams cad kyi rnam pa thams cad byang chub pa rtogs pa phun sum tshogs pa ste/ de la dbang po ni mchog tu dbang thob pa'o/
 yang na mchog gi dbang phyug thob pa des seng ge dang 'phrog byed dang dbyig gi snying po la sogs pa ston pa po'i tshogs kyi gtsug gi nor bu nyid kyis na dbang po'o/ /yang na me long lta bu la sogs pa'i ye shes kyi rang bzhin nyid kyis na ye shes ni rnam
 par snang mdzad la sogs pa de bzhin gshegs pa lnga rnams yin la/ de rnams kyi dbang po bdag po ste/ de skyed pa po nyid kyi phyir ro/ /de'i phyir bdag lta bu rnams kyi thun mong ma yin pa'i ston pa ni khyod kho na'o/ /zhes pa'i bsam pa ni gsol ba
 'debs pa po ye shes kyi dbang po/ zhes bod pa po'i'o/ /de ma rdo rje snying po dris shig ces pa tshig yongs su bsgyur bas 'dri bar 'dod bas shes sprel lo/ /e ma byang chub sems dpa' chen po/ zhes kyang sbrel bar bya'o/ /mgo smos pas go ba nyid kyis
 mnyan par 'os pa dang rjes su 'thun pa'i nyan pa po rdo rje snying po la sogs pa rnams ngo mtshar gyi spyod yul nyid kyi phyir e ma zhes ngo mtshar bar byas nas bod pa'o/ /rdo rje stong pa nyid kyi ye shes snying po nang du byas pa 'di'i yin pa zhes pa rdo rje snying po'o/ /de ltar shes rab
 phun sum tshogs pa bshad nas thugs rje phun sum tshogs pa gsungs pa/ brtse ba chen po legs so legs so/ zhes pa ste/ snying rje chen po ni shin tu legs pa nyid kyi phyir legs so legs so/ zhes gsungs so/ /bdag cag ni 'dir zab mo'i chos la skal ba med
 pa'i phyir bcom ldan 'das kyis ma bos zhes dogs pas so so'i skye bo nyan pa po'i bsam pa sgyid lug pa bsal ba'i ched du bod par byed pa ni chen po zhes pa ste/ nyan thos la sogs pa'i byang chub las che ba'i byang chub la sems dpa' ste/ bsam pa 'di rnams
 kyi yin pa zhes pas byang chub sems dpa' chen po rnams so/ /yon tan rnams ni stobs dang mi 'jigs pa la sogs pa rnams te de rnams kyi 'byung gnas ni rten rnams so/ /tshig gnyis pos ni 'di rnams kyi shes rab dang thugs rje'i rang bzhin nyid gsungs so/ /de ltar
 shes rab dang thabs gsal bar gyur pa nyid kyis khyed kyang 'di nyan par dbang ba'o/ zhes gsal par byas so/ /de ltar gyur pa kho na'i gzhan rnams kyang 'di la dbang ba'o/ zhes kyang bstan par 'gyur ro/ /rgyud thams cad la zhes pa de rnams la yod pa'i gsang
 chen yang 'dir dogs pa med pa nyid du brjod par 'gyur ba nyid kyi phyir ro/ /gsang chen rnam pa mang po bshad par bya ba nyid kyis na gsungs pa/ de thams cad ces pa'o/ /bla na med pa chos nyan par rung ba nyid kyis bsngags pa'o/ /rab tu dga' zhing zhes pa
 la sogs pa ste/ rab tu dga' ba kho na las dregs pa med pa nyid du bsgrub pa'i ched du yang yang du phyag byas pa'o/ /ci zhes pa ni brjod par bya ba'o/ /ci ltar zhes pa tshad ma'i rnam pa dris pa'o/ /ci zhes pa chos rnams thams cad kyi thun mong ba la ste/ de'i rang
 gi ngo bo ci zhig pa'o/ /thams cad kyi yul ma yin pa nyid kyis gsang chen no/ /yang dag sbyor byung zhes pa ni dang po'i gcig gi tshig phyis pa'o/ /ci ltar zhes pa rgyu dang 'bras bu'i dngos po dris pa'o/ /de la ste yang dag par sbyor ba
 las byung ba la sgrub par byed pa'i mtshan nyid du 'gyur pa ci ltar dang ci zhig pa'o/ /thams cad kyang de yin la rgyud rnams kyang yin pas shes pa/ rgyud ni rgyun rnams pa gsum ste/ de skad du yang 'dus pa phyi mar gsungs pa/ rgyud ni rgyun zhes bya bar brjod/ /
 rgyun de rnam pa gsum du 'gyur/ /gzhi dang rang bzhin nyid dang ni/ /mi 'phrogs pa yi rab dbye las/ /mdor bstan pa'i tshig rnams kyi rgyas bar bstan pa gsungs pa/ rang bzhin rnam pa rgyu yin te/ de bzhin mi 'phrog 'bras bu'o/ /gzhi ni thabs shes bya
 ba ste/ gsum gyis rgyud kyis don bsdus pa'o/ zhes so/ dngos po rnams kyi stong pa nyid kyi ngo bo ni rang bzhin dang rnam pa zhes pa don gzhan ma yin te rang gi ngo bo zhes pa'i don to/ /de rgyu ste nye bar len pa'i byed pa po rgyu'i rdo rje 'dzin pa ste/ gang 'di rnams kyi thog ma
 med pa'i bag chags kyi dri mas ma gos pa ngo bo nyid kyis grub pa'i sangs rgyas nyid de kho na ni dri ma med pa nyid thob pa'i mtshan nyid can sangs rgyas nyid kyi rgyu'o zhes pa'i don to/ /gal te yang ngo bo nyid kyis 'dir rnams 'od gsal bar gyur pa ma yin
 sol ba bzhin bkrus kyis dri ma med par mi 'gyur ro/ /de 'phags pa byams pas gsungs pa/ thams cad la ni khyad med kyang/ de bzhin nyid ni dag gyur pa/ /de bzhin gshegs nyid de yi phyir/ /'gro kun de yi snying po can zhes so/ /rgyu de las blo bur ba'i
 dri ma dang bral ba las gang dri ma dang bral ba nyid thob pa'i mtshan nyid can gyi 'bras bu'i rdo rje 'dzin pa de ni mi 'phrog par brjod par bya ste/ bag chags kyi dri ma rnams kyis mi 'phrogs pa nyid kyi phyir te/ 'phrogs pa ni yang dag par 'phrog pa ste
 'grib pa 'am sdud pa'o/ /dri ma med pa nyid thob pa'i thabs te lhan cig byed pa'i rkyen bskyed pa dang rdzogs pa'i rim pa'i ngo bo ni gzhi zhes brjod par bya ste/ de la brten nas skye ba dang gnas pa'i phyir na myu gu'i sa gzhi bzhin no/ /thabs de yang dngos su ba ni phyag rgya chen po
 'grub pa'i dus su/ phyag rgya'i rnal 'byor las 'chad par 'gyur pa'i rjes su bsgrub pa ste/ de'i yang dngos su ba'i thabs rdzogs pa'i rim pa dang/ de'i ni bskyed pa'i rim pa'o/ /de'i yan lag rnams ni las rab 'byam dang dbang bskur ba la sogs pa rnams so/ /de ltar rgyu'i rgyud dang 'bras
 bu'i rgyud dang thabs kyi rgyud ces pa rgyud gsum rnams kyis rgyud kyi don khyad par du rtogs par bya ba bsdus so/ /'dus pa la sogs pa rnams shes pa la 'dus pa ni brjod par bya ba'i don te/ de ltar ni 'dus pa phyi mar/ sku dang gsung thugs rnam pa gsum/ /gsang ba zhes
 par brjod par bya/ /'dus ba tshogs par rab brjod de/ /sangs rgyas thams cad mngon brjod pa'o/ zhes so/ /stong pa nyid dang ro gcig pa'i ye shes kyi bdud rtsi nyid kyis na/ so sor rdo rje gsum gyi rang bzhin nyid kyi phyir sku gsung thugs ni rnam pa gsum mo/ /skal pa med
 ba'i skye ba'i spyod yul ma yin pa nyid kyi phyir gsang ba ste/ spa bar bya ba'o/ /sangs rgyas thams cad kyi ngo bo nyid kyis na 'gro ba'i don gsal bar gyur pa de'i 'dus pa ni bde ba chen po'i rang bzhin bcu gsum pa rdo rje 'dzin pa'i sa la tshogs pa ste/ de nyid kyi phyir de sangs rgyas
 thams cad mngon rjod byed du 'gyur ro/ /de bzhin du dpal bde mchog ste/ sh+rI ni gnyis su med pa'i ye shes yin cing/ sham ni bde ba ste/ khams gsum las 'das pa'i phyir mchog go /mchog tu bde ba chen po gnyis su med pa bsam gyis mi khyab pa'i sku can 'khor
 lo bsgyur ba la sogs pa rnam pa sna tshogs pa'i gzugs kyi bkod pa la mkhas pa'i spyod pa can/ bag chags dang bcas pa'i kun tu rtog pa ma lus pa so sor nub kyang ka la pingka'i ltar snyan pa'i sgras chos bstan pas sa bcu'i dbang phyug byang chub sems dpa' rnams
 tshim par mdzad cing/ skal ba ji lta bar sprul pa sna tshogs pa rnams kyis dbang phyug la sogs pa sems can gyi phung po ma lus pa smin par mdzad grol bar mdzad pas/ gnas gtsang ma'i steng 'og min gyi gnas stug po
 bkod pa rdo rje nor bu'i rtse mo can la sogs pa'i ming can gyi khang pa brtsegs par srid pa dang zhi ba la mi gnas pa'i mya ngan las 'das pa'i bdag nyid can phyag rgya chen po'i mtshan gzhan can byang chub chen po mngon du mdzad nas bzhugs pa'o/ /de
 bzhin du kye rdo rje ste/ he yig gis ni snying rje che/ /badzra 'ang shes rab brjod par bya/ /snying rje chen po ni 'gro ba ma lus pa'i don byed pa dmigs pa med pa'i snying rje ste/ de yang 'dir lhan cig skyes pa'i bde ba chen po'i rang bzhin no/ /shes rab ni stong pa nyid kyi
 ye shes te/ de yang stong pa nyid dang ro gcig pa'i phyir stong pa nyid bzhin kho nar rdo rjer brjod par bya'o/ /de ltar na stong pa nyid dang ro gcig pa'i bde ba chen po'i rang bzhin 'gro ba ma lus pa'i don byed pa sku bzhi pa kye'i rdo rje'o/ /de ltar bcom ldan
 'das dpal rdo rje sems dpa' kho na 'bras bu'i bdag nyid ni 'dus pa dang bde mchog dang kye'i rdo rje la sogs pa'i rang bzhin nyid kyis thams cad du brjod par bya ba ste/ thabs dang rgyu yang ngo/ /de rjod par byed pa nyid kyis na de ltar tha snyad du byas pa ni
 gzhung gi rgyud kyi khyad par 'dus pa la sogs pa rnams so/ /de rnams kyi gleng gzhi ni thog ma'i rgyu yang dag par sbyor ba rgyu'i rgyud te/ gang gi phyir 'di yod pa kho na na thabs kyi rgyud byed pa po 'jug pa'i phyir te/ rnam pa gzhan du ni mi rigs pa'i phyir ro/ /
 zhes de ma thag tu brjod zin to/ /yang dag pa ni de bzhin pa phyin ci ma log pa ste/ gnod par byed pa'i tshad ma med pa'i phyir ro/ /nges pa ni tshad ma dang lung gis grub pa'o/ /de ltar ni brtse ldan sdug bsngal gzhom don du/ /thabs rnams la ni mngon sbyor
 mdzad/ thabs byung de rgyu lkog gyur pas/ /de 'chad pa ni dka' phyir ro/ /lung dang rigs pas rnam dpyod pas/ /sdug bsngal rgyu ni yongs su brtag /ces pa'i rigs pa las/ gus pa dang bcas par bar ma chad par dus ring por goms pa las bcom ldan 'das kyis rnal 'byor pa'i mngon
 sum so so rang gis rig par bya bas mngon du mdzad pa'o/ /bcom ldan 'das rnams kho na'i mngon sum gang yin pa ni rnam pa thams cad pa'i de kho na nyid kyi spyod yul can nyid kyi phyir na/ de kho na mi bslu ba nyid kyis de kho na nyid rnam pa thams cad pa la mi 'phrul pa dngos so//
 des chos rnams thams cad mtshan nyid med par sangs rgyas bcom ldan 'das rnams kyis rab tu mkhyen to/ rnam pa thams cad mkhyen pa nyid kyi ye shes dngos po nyid du thal bar 'gyur ba yang ma yin te/ de yang chos thams cad kyi nang du 'dus shing rang bzhin med
 pa nyid du de rnams kyis mngon par sangs rgyas pa'i phyir ro/ /de skad du yang 'phags pa shes rab kyi pha rol tu phyin par gsungs pa/ rnam pa thams cad mkhyen pa nyid kyi ye shes ni mngon sum gyi mtshan nyid can te/ de yang de bzhin gshegs pas mtshan nyid med pa'o//
 zhes mngon par rdzogs par sangs rgyas so/ /zhes so/ /de'i bstan pa mchog tu che ba'i rjes su dpag pas so/ /mthong dang ma mthong ba dag la/ /rigs pas grub dang rang tshig gis/ /gnod med bstan bcos gang yin te/ /gzung bar bya zhes pa'i rigs pa las//
 lung gis kyang tshu rol mthong ba rnams kyis nges pa'o/ /zhes pa'i don to zhes pa ni/ 'di gleng gzhi'i sgra'i shugs kyis rtogs par bya ba'i don te/ cig shes ltar na gnod par byas pa nyid kyis na yang dag pa ma yin pa nyid kyi phyir dang sgrub par byed pa med pas na ma nges
 pa nyid kyi phyir ci ltar gleng gzhi nyid yin/ 'di yang phyin ci log pa'i bdag la sogs par lta ba la mngon par zhen pa seng ge dang 'phrog byed dang/ dbyig gi snying po rnams kyi yul ma yin zhing/ nyan thos gang zag gi bdag med pa nyid mngon sum du
 byas pa nyid kyis nyon mongs pa'i sgrib pa spangs pa rnams kyi yang ste/ shes bya'i sgrib pa mdza' dag yod pa'i phyir dang/ rang sangs rgyas rnams kyis yang ste shes bya'i sgrib pa'i phyogs gcig yod pa'i phyir la/ de'i phyir gsang chen no/ /yang
 dag par sbyor ba 'chad pa ni shes rab dang thabs kyis bdag nyid ces pa ste/ shes rab ni stong pa nyid dang de'i ye shes kyang ste stong pa nyid dang ro gcig pa nyid kyi phyir ro/ /thabs ni dmigs pa med pa'i snying rje chen po 'gro ba'i don byed pa lhan cig skyes pa'i bde ba
 chen po'i rang bzhin no/ /shes rab dang thabs de dag gnyis su med par gyur pas gang gi bdag nyid de rang bzhin yin pa de ni de skad de/ yang dag par sbyor ba zung 'jug gi ngo bo'o/ /de skad du yang 'dus pa phyi mar/ shes rab thabs ni snyoms 'jug pa/ /rnal
 'byor zhes par mngon par brjod/ /rang bzhin med gang shes rab ste/ /thabs ni dngos po'i mtshan nyid do/ /zhes so/ /mchog tu byung pa zhes pa/ nyan thos la sogs pa rnams las mchog tu gyur pas mngon par shes pa la sogs pa'i yon tan 'bras bu'i
 rgyud kyi bdag nyid rnams 'di las byung zhing skyes bas na mchog tu byung ngo/ /ma ning ni gtsug lag nyid kyi phyir ro/ /'di na gleng gzhi nyid mngon par gsal bar byed do/ /de kho na'i phyir gsungs pa/ yang dag par sbyor ba'i zhes pa la sogs pa'i/ /yon tan
 rnams 'dis yang dag par kun nas 'dzin par byed/ yongs su rgyas par byed ces pas ting nge 'dzin te rnam par mi rtog pa'o 'on kyang sgom pas rnam par g.yeng ba ma lus pa bzlog pas ting nge 'dzin par byed pa la 'di mchog tu 'byung bar 'gyur ro/ /sems mnyam par
 bzhag pa ni yang dag ba ji lta ba bzhin shes par byed cing/ de'i rjes su 'gro ba can du de'i yon tan rnams 'gyur ro/ /zhes ting 'dzin gyi sgra brjod pas gsal bar byed do/ /de nyid kyi phyir gsung bar 'gyur ba mtshan nyid ces pa ste/ ting nge 'dzin pa kho na las mtshon bar
 byed nyid kyi phyir ro/ /de nyid kyi phyir gsungs pa zhes pa'i don to/ /zhes pa ste/ 'di ni lhur len pa nyid kyi don to/ /'byung ba ni skye ba'o/ /zhes pa'i don rjod kyis/ 'byung ba dngos po'i rkyen gyi mdza' can ni ma yin te/ de kho na 'byung pa'o zhes gzhi mthun pa nyid kyi phyir ro/ /yang
 na kho na ste/ yang dag par sbyor ba ni ting nge 'dzin par byed pa las blo bur ba'i dri ma dang bral bas mchog tu ste 'bras bu rdo rje 'dzin pa'i rang bzhin du 'byung ba'o/ /zhes pa mchog tu 'byung ba ste byed pa po la a tsa'o/ /de lta bur gyur pa zhes pa bshad zin pa'i khyad par du byas
 pa'o/ /brtan pa ni ri dang chu klung dang rgya mtsho dang sa gzhi dang rlung la sogs pa snod kyi 'jig rten gyi rang bzhin rnams so/ /g.yo ba ni sems can rnams so/ /rgyu dang rkyen tshogs pa las byung ngo/ zhes pas dngos po rnams te/ de rnams kyis rang bzhin de gnyug ma'i ngo bo
 gang gi bdag nyid de rang gi ngo bo yin pa de ni de'i bdag nyid can te de las gzhan pa'i brtan pa dang g.yo ba'i dngos po'i rang bzhin med pa'i phyir ro/ /brtan pa la sogs pa rnams ni byis pa rnams kyis kyang rtogs par bya ba nyid na yang de'i rang bzhin 'di rtogs bya ma yin
 pa nyid ni de kho na nyid kyi cha la ma goms pa las so/ /zhes gsungs pa/ 'di mtshon par bya zhing mngon sum du bya'o/ /zhes pa 'dis te bsgom par bya bzhin pas so/ /zhes pa mtshan nyid do/ /ji ltar mi rtag pa nyid la sogs par rjes su dpag pa'i dngos po'i rang bzhin nyid la yang
 sgom pa'i bdag nyid kyi 'jug pas mngon du bya ba de bzhin du 'di'o/ /zhes dgongs pa'o/ /bshad pa 'di la yang dag par sbyor ba yang de yin la mchog tu byung ba yang yin zhing mtshan nyid kyang ngo/ zhes tshig rnam par sbyar ro/ /de ltar rgyu las 'bras bu 'byung ngo/ zhes
 'bras bu'i rgyud gsungs pa/ yang na thams cad ces pa la sogs pa ste/ tshig gi don rnams ni sngar bzhin no/ /gleng gzhi nyid ni bcom ldan 'das kyi sngags la sogs pa stan pa'i'o/ /rdo rje ni stong pa nyid de/ stong pa nyid rdo rjer brjod par bya zhes mkha' 'gro ma rdo rje gur du gsungs
 pa'i phyir ro/ /de'i rang bzhin bde ba chen po dang snying rje'i rang bzhin gyi sems kyi sems pa gang gi yin pa de rdo rje sems dpa' ste rdo rje 'dzin pa'o/ /khyad par du gyur pa'i thabs kyis phan btags pa'i rgyus 'bras su mngon par 'grub par byed do/ zhes thabs kyi rgyud
 gsungs pa/ gsang chen zhes pa la sogs pa ste gsang chen ni seng ge dang 'phrog byed la sogs pa'i spyod yul ma yin pa sngags dang dkyil 'khor ba la sogs pa'i mtshan nyid do/ /man ngag gi bya ba las 'byung ngo/ zhes pa man ngag las byung ba ste/ 'dis ni mchog tu
 'byung ngo/ /zhes pas na byung ba zhes pa'i don bshad do/ /yang na byung ba'i sgra'i don ni sngar bzhin te/ de'i yang sngags la sogs pa rnams thabs nyid du don gyi shugs kyis thob pa nyid kyi phyir 'dir byung ba'i sgras gsungs so/ /sogs pa'i sgras las rab byams dang dam tshig la
 sogs pa'o/ /mtshan nyid ni sgra'i don ni sngar bzhin no/ /bshad pa 'di la yang dag par sbyor ba las byung ba ni yang dag sbyor byung ste/ de yang yin la mtshan nyid kyang ngo/ /zhes tshig rnam par sbyar ro/ /de ltar gyur na rgyud thams cad kyi gleng gzhi yang dag par sbyor ba yang yin la/
 gsang chen las byung ba'i mtshan nyid kyang ngo/ /zhes don gnyis kyi rjes su mthun par bshad pa na don gcig go /zhes pa don gsum ni/ thams cad ces pa la sogs pa'i ngag lan gnyis bzlas pas gsungs te/ don gsum po 'di de ni shes rab thabs kyi rang bzhin te/ de
 kho na rgyud do/ /zhes pas gtso bor bla na med pa'i thabs kyi cha gsal bar byed pa'i phyir rgyud kyi don ni phul du byung ba dang bcas par gsungs te/ 'dir phyag rgya chen po dang yang dag par sbyor ba mchog gi go 'phang gi ngo bo rnams kho na dang sangs rgyas thams cad kyang 'chad par
 'gyur ba'i phyir ro/ /shes rab kyi cha ni pha rol tu phyin pa'i tshul dang thun mong ba ste/ ye shes kyi sku ni rnal 'byor gyi rgyud kyi khyad par dang ngo/ /phyag rgya chen po'i bde ba ni thun mong ma yin pa'o/ /rnal 'byor gyi rgyud kyi tshig gi don brjod pas ni shes rab kyi de kho na nyid kyang gtso
 bor 'chad par 'gyur ro/ /bdag gis te rdo rje sems dpa' bdag nyid kho nas skal ba dang ldan pa'i gdul bya rnams la so sor rtog pa'i bsam pas bzhag pa'i bdag yongs su smin pa'i 'phen pa las/ bshad pa ste nang gi de kho na nyid dang phyi'i de kho na nyid kyis bshad bzhin pa ni/ mchog
 tu tshad ma'i skyes bus byas pa nyid kyi phyir mi bslu ba nyid kyis na the tshom dang phyin ci log dag mi bya'o/ zhes dgongs pa'o/ /dgongs pa 'di kho na man ngag las byung ba'i sgra yis rtogs kyang slar yang 'dir rtogs par byas pa ni/ ci ltar yang yid ches par dka' ba'i 'jig rten
 yid ches par 'gyur zhes pa'o/ /gal te yang byang chub sems dpa' mang po rnams kyis zhus mod kyi de ltar yang gsol ba 'debs pa po gtso bo nyid kyi phyir nyon zhes gcig gi tshig ste/ gzhan rnams rnam par gcod pa ni ma yin no/ /chos thams cad rang bzhin med pa nyid
 du bsgom pa kho nas thog ma med pa'i skye ba brgyud par bsags pa'i dri ma rtsad nas phyung bas tha mal ba'i phung por 'dzin pa spong ba sngon du 'gro bar bskyed pa dang rdzogs pa'i rim pa dag gis lha bsgom par bya'o/ zhes gsungs pa/ dang por zhes pa la sogs pa ste/ stong
 nyid ni rang bzhin med pa nyid de 'od gsal ba'o/ /dri ma rnams ni nyon mongs pa dang shes bya'i sgrib pa rnams te/ de rnams kyis lus gos pa'o/ /de dang ldan pa rnams kyi khams bco brgyad rnams stong pa nyid du rnams bsams te/ gos rnams ltar bkrus nas te bsam
 pa gtso bo nyid las bkrus par byas nas lha bsgom par bya'o/ /zhes pa lhag ma'o/ /de nyid kyi phyir rgyas par ston te/ gzugs khams zhes pa'o/ /rU pa gnod pa la skad kyi byings te/ gzugs su khyed rang pha rol 'jug pa la gnod par byed do/ /zhes
 gzugs te dkar po dang ser po la sogs pa dang ring po dang thung ngu la sogs pa'o/ /rang gi mtshan nyid 'dzin par byed do/ /zhes pa khams so/ /gzugs kyang de yin la khams kyang zhes gzugs khams te nges so/ /gzugs khams kyi zhes pa 
 gsum pas gzugs te/ gtsug lag nyid kyi phyir ro/ /zhes bya ba rang gi ngo bos don dam par gzugs kyi khams kyis stong pa rnams zhes pa'i don to/ /kun rdzob tu yang gzugs med pa ni ma yin to/ /de'i zhes pa de'o/ /nyid kyi sgra ni bzhin phyi don la ste/ gzugs
 kyi khams bzhin du sgra yang stong par bla mas slob mal byed du gzhug go /zhes pa'i don to/ /'di gsal bar byed cing sgra'i khams zhes pa la sogs pa dkyus ma'i don dang 'brel bar byed do/ /yid ces pa yid kyi yul chos kyi khams te yul can gyis yul bstan pa'i phyir ro//
 de bzhin du phyi mar yang ji ltar rigs par brjod par bya'o/ /mig bdag nyid ces bya zhes pa 'dis rang gi ngo bos stong pa rnams la rnam par shes pa ste rnam par shes pa'i yul dang dbang po dag stong pa dag gi 'bras su rnam shes ci ltar mi stong bar 'gyur stong pa khro na'o zhes
 pa dgongs pa'o/ /yid ni dbang po dang phyi rol ni yul chos kyi khams te/ de dag gis stong pa rnams kyi'o/ /nye bar sdud pa ni de'i phyir zhes pa la sogs pa'o/ /yang yid kyis rnam par shes pa'o/ /myong ba po yang zhes pa'i yang gis de'i rnam par shes pa'o//
 sems ni yid kyi dbang po dang de'i spyod yul ni sems las byung ba ste/ yang gis de'i rnam par shes pa'o/ /yang na gzugs la sogs pa rnams yul lnga rnams dang/ lta ba po la sogs pa rnams ni de'i yul can dbang po rnams te/ sems dang mtshungs
 par ldan pa tshor ba dang 'du shes dang 'du byed kyi phung po sems kyi khyad par rnams ni sems las byung ba chos kyi khams yul drug pa'o/ /sems ni yul drug gi rnam par shes pa rnams te yid kyi dbang po yang ngo/ /yid kyi dbang po ni mig la sogs pa'i
 dbang po bzhin du logs su med kyi 'das ma thag pa'i rnam par shes pa kho na ni rnam par shes pa'i khyad par phyi ma bskyed pa'i bdag po nyid kyi phyir yid kyi dbang por brjod do/ /de lngar khams bco brgyad rnams brjod de/ gzhugs kyi khams dang mig gis
 khams dag dang mig gi rnam par shes pa'i khams dang/ ji srid du chos kyi khams dang yid kyi khams dang yid kyi rnam par shes pa'i khams kyi bar ro/ /rnam par shes pa drug rnams yid kyi skye mched kyi nang du 'dus pa'i phyir skye mched bcu gnyis te/ gzugs
 kyi skye mched dang mig gi skye mched nas ji srid du chos kyi mched dang yid kyi skye mched ces pa'i bar ro/ /dbang po lnga rnams dang yul lnga rnams kyang gzugs kyi phung po'o/ /dbang po lnga'i rnam par shes pa rnams ni rnam par shes pa'i phung po'o/ /de las gzhan pa rnam
 par shes pa dang rnam par shes pa'i khyad par rnams ni 'du byed kyi phung po'o/ /tshor ba dang 'du shes kyi phung po dag ni sems las byung ba'i 'du byed kyi phung po kho na'i rab tu dbye ba dag ste/ 'khor ba'i rtsa ba'i rgyu nyid kyi phyir la sogs pa brjod pa dag go /de la tshim par
 byed pa dang longs su gdung bar byed pa'ang de gnyi ga las grol ba'i rang gi yul gyi rang gi ngo bo mngon du bya bas yul nyams su myong ba rnam par shes pa'i nyams su myong ba'i rigs pa ni tshor ba zhes brjod do/ /mtshan ma ste lto che ba nyid la sogs pa'i khyad par sems las byung ba'i chos gang
 gis 'dzin cing 'dus te shes la yongs su gcod par byed pa de ni mtshan mar 'dzin pa'i bdag nyid can 'du shes zhes brjod do/ /de las gzhan pa'i sems las byung ba sems pa la sogs rnams ni 'du byed kyi phung po'o/ /zhes pa phung po lnga rnams te/ thub pa'i dgongs pa'i rgyan du
 rab tu spros zin no/ /de ltar khams bco brgyad po rnams kho na chos thams cad de/ de rnams de kho na nyid du na rang bzhin med pa nyid du gsungs so/ /de skad du yang/ brtag pa gnyis par gsungs pa/ dbang po dang ni yul nyid dang/ /dbang po'i rnam par shes pa nyid/ /rnal 'byor ma rnams go
 bya'i ched/ /khams ni bco brgyad rnams su bshad/ /rang bzhin gdong nas ma skyes pa/ /bden min brdzun min de bzhin du/ /thams cad chu yi zla ba ltar/ /'dod pas rnal 'byor mas shes gyis zhes so/ /'di ji lta ba bzhin du rnam par ma shes nas gal te chos thams cad kyi rang bzhin stong
 nyid yin na 'o na med pa nyid kyi mthar lhung ngo/ /zhes pas stong pa nyid rnam par bsam pas ci'i phyir dri ma med pa'i bdag nyid kyi dag pa yin zhes rgol ba'i bsam pa ma 'ongs pa'i skye bo la ldem po dgongs pas rdo rje snying po'i
 lan glan pa'i ched du stong pa nyid kyis de ma thag par lha'i rnal 'byor phyogs tsam ston pa gsungs pa/ nyon zhes bya ba la sogs pa'o/ /ji lta bar khyad par gang gis tshol bar byed rnam par sems par byed bsgom par bya ba'o/ /zhes pa
 lam mo/ /de de ltar nyon zhes phyi ma dang 'brel lo/ /de'i khyad par gsungs pa gnyis med ces pa gnyis yod pa ma yin pa nyid ni gnyis med de/ gang gi phyir na gnyis spangs pa ste/ gnyis te yod pa dang med pa la sogs pa spangs shing
 khor la bkag pa ste/ yod pa ma yin zhes pa'i don to/ /'o na gnyis dang bral ba dbu mar gyur ba'i sems tsam yang sna tshogs pa'i mdo sder gsungs pa med dam ci zhe na/ med de gang phyir kun rdzob tu bcom ldan 'das kyis sems
 tsam nyid du bstan gyi don dam par yod pa ni ma yin pa'i phyir te/ mdo gzhan du de yang rang bzhin med pa nyid du bsgrub pa'i phyir ro/ /ji skad du 'phags pa dkon mchog brtsegs par gsungs pa/ 'od srungs sems ni yongs su
 bcal bar bya na mi rnyed do/ /gang ma rnyed pa de ni nye bar mi dmigs so/ /gang nye bar ma dmigs pa de ni 'das pa ma yin ma 'ongs pa ma yin/ da ltar byung ba ma yin te de ni dus gsum las yang dag par 'das pa'o/ /de ni yod
 ba ma yin med pa ma yin te/ gang yod pa ma yin med pa ma yin pa de ma skyes pa'o/ /gang ma skyes pa de la rang bzhin med do/ /gang la rang bzhin med pa de la skye ba med do/ /gang la skye ba med pa de la 'gag pa med
 do/ /gang la 'gag pa med pa de la bral ba med cing ma bral ba la ni 'gro ba med/ 'ong ba med/ 'chi 'pho ba med /skye ba med do/ /gang la 'gro ba med 'ong ba med 'chi 'pho ba med skye ba med pa de la 'du byed 'ga' yang
 med do/ /gang la 'du byed 'ga' yang med pa de 'dus ma byas pa ste/ gang 'dus ma byas pa de 'phags pa rnams kyi rigs so/ /zhes rgyas par ro/ /de nyid kyi phyir 'di nyid du gang gsungs pa/ 'od srungs rtag ces bya ba 'di ni mdza' gcig go /mi rtag go zhes pa 'di
 ni mdza' gnyis pa'o/ /'od srungs de bzhin du yod ces bya ba 'di ni mdza' gcig ste/ med ces pa mdza' gnyis pa'o/ /gang mdza' 'di dag gi dbus ni dpyad du med pa bstan du med pa rab tu mi gnas pa gnang ba med pa rnam par rig pa
 ma yin pa gnas med pa ste/ 'di ni dbu ma'i lam du brjod par bya ste chos rnams kyi yang dag par so sor rtog pa'o/ /zhes so/ /chos kyi dbyings de yang 'di'o/ /zhes rang gis nges par dpyad par mi nus pa nyid kyi phyir dpyad du med pa'o/ /pha rol
 po rnams la bstan par mi nus pa nyid kyi phyir bstan bu med pa'o/ /nang gi khams dang skye mched kyi ngo bor mi gnas pa nyid kyi phyir rab tu mi gnas pa'o/ /phyi'i khams dang skye mched bzhin du snang nas mi rtogs pa'i phyir snang ba med pa'o/ /mig
 gi rnam par shes pa la sogs pa'i khams kyi rang gi ngo bo las 'das pa nyid kyi phyir rnam par rig pa ma yin pa'o/ /'dod chags la sogs pa nyon mongs pa mdza' dag gi gnas ma yin pa nyid kyi phyir gnas med pa'o/ /zhes brjod do/ /
 gal te dbus su sems kyi rang gi ngo bo'i bdag nyid can gyi dngos po don dam pa cung zad yod par gyur na de'i tshe de yod do/ /de med do/ /zhes pa 'am rtag go zhes pa 'am mi rtag go zhes mngon par zhen pa mthar ci ltar 'gyur/ ji srid du
 dngos po'i don gyi de kho na nyid kyi rjes su song pa na yid la byed pa tshul bzhin pa de kho na ni ltung ba'i gnas so/ /zhes rigs pa ma yin zhing/ rtag pa la sogs pa'i ngo bo nyid las ma gtogs pa dngos po'i rnam
 pa gzhan gang dngos po'i de kho na nyid du 'gyur pa yang med do/ /dbus na dngos po'i rang gi ngo bo med na don med do/ /zhes 'dzin pa yang mdza' ma yin par 'gyur ro/ zhe na/ de mi rigs te med ces bya bar nges par 'dzin pa ni yod par 'dzin
 pa med na mi 'byung ba nyid kyi phyir te yul med na yul med pa'i dgag pa yod pa ni ma yin pas so/ /'phags pa klu'i rgyal po rgya mtshos zhus par yang gsungs pa/ sngon mdza' stong zhing phyi ma'i mdza' stong dang/ /skye 'jig gnas pa'i
 dngos po stong pa ste/ /'di la dngos po yod min dngos med med/ /chos rnam pa thams cad rang bzhin gyis stong pa'o/ zhes so/ /'phags pa klu grub zhabs kyis kyang gsungs pa/ yod ces pa ni rtag par 'dzin/ /med ces pa ni chad
 par blta/ /de phyir yod nyid med nyid la/ /mkhas pas gnas par mi bya'o/ zhes so/ /dbu mar 'dzin pa yang 'phags pa'i lha'i zhab kyis/ /yod dang med pa las grol ba/ /dbu ma nyid du gang rtog pa/ /dbu mar mngon par zhen
 pa 'di/ /sgyu ma'i rang gi mtshan nyid min/ /zhes bkag go /de'i phyir 'di na mchog tu zab pa'i de kho na nyid de/ brtags bya min te spyi med pa'i phyir rtog pas rtogs bya ma yin pa'o/ /rnam shes bya min te khyad par med pa'i phyir
 dpyod pa'i yul ma yin pa'o/ /spyi dang khyad par dag las gzhan pa'i yang rtogs par bya ba'i rang gi ngo bo mi srid pa'i phyir rtogs dka' ba'o/ /yang na thos pa dang bsam pa dang sgom pa'i rang bzhin gyis shes pa'i yul ma yin pa'i
 phyir rim pa ji lta bar cho ga gsum mo/ /rtog ge ba rnams kyis de spyi la sogs pa'i rnam par rtog pa la dga' ba seng ge dang 'phrog byed dang dbyig gi snying po dang phyi rol gyi 'dod chags dang bral ba la sogs pa so so skye bo rnams kyis so/ /de nyid
 kyi phyir de rnams kyi spong yul ma yin pa nyid kyi phyir gsang chen no/ /nam mkha' dang mnyam ste rang bzhin med pa nyid kyis mtshungs pa/ sangs rgyas bcom ldan 'das rnams te/ de rnams dang de kho nas 'dra ste ro gcig tu gyur pa sgrib pa thams cad
 spangs pa las sangs rgyas thams cad nyid kyi so so rang gis rig par bya ba'o/ /zhes pa dgongs pa'o/ /gang gsungs par 'gyur ba sangs rgyas spyod yul la/ /zhes so/ de yang rtog pa'i ra ba ma lus pa dang bral ba'i 'jig rten las 'das pa'i
 ye shes kyis chos thams cad snang ba med pa yis so so rang gis ma dmigs pa las rig gi dmigs pa las ni ma yin no/ /ji skad du bden pa gnyis nges par bstan pa'i mdor gsungs pa la lha'i bu don dam pa'i bden pa ni ji srid du rnam pa
 thams cad mchog dang ldan pa'i mchog thams cad mkhyen pa'i ye shes kyi bar gyi yul las 'das pa'o zhes so/ /'dis ni yul gyi dngos po las yang dag par 'das pa nye bar blangs pa'i phyir nye ba dmigs pa las de mthong ba 'gegs
 par byed do/ /mi shes pa ni shes bya'i sgrib pa ste/ /de kho na ni de kho na nyer mthong ba la 'gebs pa'i phyir mun pa dang 'dra bas mun pa'o/ /rang sangs rgyas rnams kyis sprul te sgom pas bskyed pa'o ye shes ni shes bya'i sgrib pa phyogs gcig
 spangs na yang/ gal te gang gi phyir bag chags kyi rjes su son pa de'i phyir de rnams kyis kyang mi shes so/ /'dis mi 'di gsungs te/ gnyis su med pa'i ye shes kho na lha'i rnal 'byor gyi bdag nyid can ni byang chub kyi lam mo/ zhes pa'o//
 su rnams kyi zhen gsungs pa/ 'khor ba zhes pa la sogs pa ste/ 'khor ba ni khams gsum du nyon mongs pa dang las kyis 'phangs pa'i skye ba'i rgyun no/ /de kho na mdza' ba dang bral ba dang mi mdza' ba dang phrad
 pa la sogs pa nye bar 'tsho ba mang po'i rgyu nyon mongs pa'i chu srin la sogs pas yongs su bskor ba nyid kyi brgal dka' ba nyid kyi phyir rgya mtsho ste/ de nyid kyi phyir de ni 'jigs pa ste/ gang rnams kyi 'jigs pa chen po thob par byed pa'o/ /sgrol
 pa ni rgal bar byed pa'o/ /der son pa'i sems te mngon par 'dod pa gang rnams kyi yin pa rigs mchog rab tu sad pa rnams kyi'o/ /'khor ba'i rgya mtsho'i dbus su 'jug bzhin pa'i lus can rnams bsgral bar ji ltar 'gyur ba de
 ltar mtshon bya ste/ mtshon par bya ba gnyis su med pa'i ye shes kyi bdag nyid lha'i rnal 'byor/ brjod pa'o ste thub pa'i dbang po rnams kyis 'khor ba'i bar du gsungs so/ /zhes pa'i don to/ /mtshon byed ces klog pa na/ /mtshon byed
 ni mtshan nyid do/ /mtshan nyid de gsungs pa/ mtshon pa rnams kyi ste mtshon par bya ba rnams kyi mtshon byed de rang gi ngo bo mtshon par bya ste nges par brtag par bya'o/ /rnam par shes par bya'o/ zhes pa rnam shes te yul
 rnams so/ /'di rnams kyis shes par bya ba'o/ /zhes pa shes pa ste dbang po rnams so/ /de'i sems rnams ni drug go /shes bya rnams kyi ste khams bco brgyad po de rnams kyi shes bya ste/ shes par bya ba mtshan nyid/ shes pas
 te stong pa nyid kyi ye shes kyis blta bya ste de gnyis su med pa'i ye shes kyi rang gi ngo bor mtshon par bya'o/ zhes pa'i don to/ /gang las 'di rnams blta ba ste/ nges par dpyad pas rtogs pa ste gnyis su med pa'i de kho na nyid chub
 par 'gyur ba de las rtogs pa blta ba'i bsam ldan ba'i ste de kho na nyid kyi ye shes nges par rtog pa'i sems dang ldan pa'i rnal 'byor pa'i'o/ /lam zhes pa lam ste gnyis su med pa'i ye shes kyi bdag nyid lha'i rnal 'byor gyi lam mngon du phyogs
 par 'gyur ba'o/ /'dis kyang rang 'dod bzhin du rdzogs pa'i byang chub rtogs 'gyur ro/ /rnal 'byor pa 'di'i rjes su bsngags pa gsungs pa/ stong phrag ces pa la sogs pa ste/ stong phrag rnams rnam pa du mar skye ba snga ma rnams su 'gro bar te mi khom pa
 la sogs pa'i 'gro ba thob cing/ da ni snga ma'i mtshan nyid brjod pa las/ mnyam nyid de ro gcig pa nyid kyis stong par sna tshogs pa bsgom par byed pa ni dngos grub med na yang bde 'gro brgyud pa kho na 'thob ste/ de'i phyir 'dis rang 'dod bzhin rtogs
 par 'gyur zhes pa'i don to/ /stong pa nyid bsgoms nas ci'i don du lha bsgom par bya zhe na gsungs pa/ stong pa zhes pa la sogs pa'o/ /stong pa yang de yin la/ 'di las yongs su dag pa nyid kyi phyir zhing yin zhing dang po ste tha mal pa'i lus
 kyang yin te/ de la sa bon 'debs pa rab tu bsngags shing de'i phyir de bya ste/ blo chos rab tu rnam par 'byed pa ste de dang ldan pas so/ /stong pa nyid kyis yongs su dag pa'i lus la sa bon bskrun pa ni blo dang ldan pa'i byang chub kun nas thob par byed
 pa'o/ /zhes pa bsdus pa'i don to/ /de ltar gnyis su med pa'i ye shes kyi bdag nyid lha'i rnal 'byor ni bskyed pa dang rdzogs pa'i rim pa dag gis goms par bya'o/ /don 'di kho na bskyed pa'i rim pa nyid dang ni/ /rdzogs pa yi yang
 rim pa nyid/ /rim gnyis mnyam par gnas nas ni/ /rdo rje can rnams chos 'chad do/ zhes so/ /de la rdzogs pa'i rim pa nges pa'i don du ston pa/ rtsa zhes pa la sogs pa'o/ /rtsa ni a ba d+hU tI'i ste gtsug tor nas nor bu'i mdza' dang
 rkang mthil gyi mdza' ji srid par gnas pa'o/ /'on kyang gtsug tor dang spyi bo dang mgrin pa dang snying ga dang lte ba dang gsang ba dang nor bu'i dbus su chud pa'i rim pa ji lta bar bzhin dang sum cu rtsa gnyis dang bcu drug
 dang brgyad dang drug cu rtsa bzhi dang sum cu rtsa gnyis dang brgyad kyi grangs can pad+ma nyid b+ha ga nyid dang 'khor lo nyid du bstan par bya ba rnams kyi dbus su mdud pa'i gzugs so/ /de'i spyi bor gnas pa'i mdud pa'i bu ga nas las kyi
 gtum mo'i rnal 'byor gyis sam/ rdzogs pa'i rim pa dpyid kyi thig le zhes bya ba rnal 'byor gyi gtum mo'i rnal 'byor gyis sam lhan cig skyes pa'i gtum mo'i rnal 'byor gyis/ nor bu'i mdud pa'i dbus su 'am gsang ba'i
 mdud par nges par byung ba'i kun rdzob dang don dam pa'i ngo bo'i byang chub kyi sems bcom ldan 'das dang bcom ldan 'das ma'i rang gi ngo bo sangs rgyas kyi chos thams cad kyi sa bon ni rnal 'byor gsum las gang yang rung ba'i rnal
 'byor gyis bskyed par bya'o/ /de kye'i rdo rje'i rgyud du gsungs pa/ dkyil 'khor 'khor lo'i thabs dang pos/ rang byin brlab pa'i rim pas kyang/ kun rdzob don dam ngo bo can/ /byang chub sems ni bskyed par bya/ /kun rdzob kun da lta bu la//
 don dam bde ba'i ngo bo can zhes so/ /slar yang/ chos 'byung las skyes ye shes ni/ /mkha' mnyam thabs dang bcas ldan pa/ /'jig rten gsum po de la skyes/ /shes rab thabs kyi rang bzhin las/ /khu ba'i rnam pa
 bcom ldan 'gyur /de yi bde ba 'dod mar bshad/ /ces dang/ slar yang/ rang byin brlab pa'i rim 'di ni/ /kun mkhyen ye shes de rang bzhin/ /zhes dang/ slar yang dkyil 'khor 'khor lo'i thabs dang pos/ /
 rtag par nges par 'gro bar 'gyur zhes so/ /'dir thabs dang bcas ldan pa zhes pa ni thabs dang bcas pa thams cad du ldan pa ste/ ldan pa nyid kho nar 'jig rten gsum zhes pa la sogs pa'i bstan to/ /gsum rnams kun rdzob tu skad cig
 so sor 'jig cing rnam par 'jig go /zhes pa 'jig rten lus dang ngag dang rtogs pa rnams 'di'i yin pa zhes pa 'jig rten gsum ste sems can no/ /de kho na 'jig rten gsum nyid de rang gi don la ya Na'o/ /mtshungs pa kho na mtshungs pa
 nyid ces ji lta ba bzhin no/ /khu ba dang bde ba dag gi bar ni shes rab dang thabs kyi rnam par dbye ba ste/ snyoms par zhugs pa'i lha ngag gi ltar yin gyi/ 'di don dam pa ni ma yin no/ /don dam pa'i shes rab dang thabs nyid ni stong pa
 nyid dang snying rje dag kho na'i'o/ /rang byin gyi brlab pa ni dbang bskur ba la sogs pa la rang nyid byin gyis rlob par byed pa gang yin pa ste/ kun mkhyen ye shes kyang de'i rang bzhin kho na'o 'od gsal ba zhes pa spros pa thams cad kyi mun ba dang bral
 ba nyid kyi phyir phul du byung bar gsal ba'i ngang tshul can te/ shes dag pa ji lta ba bzhin no/ /lnga zhes pa la sogs pa ste/ de bzhin gshegs pa lnga'i dag nyid me long lta bu la sogs pa ye shes lnga'i rang bzhin de
 kho na nyid ni drug pa rdo rje sems dpa' i ngo bo ste/ de'i dbus na de'i bdag nyid kyis gnas pha rol par byed pas na lha byang chub kyi sems lhan cig skyes pa'i bde ba'o/ /de brtag pa gnyis par yang gsungs pa/ byang chub sems ni
 lha nyid do /zhes so/ klu sgrub zhabs kyis kyang/ sems kyi rdo rje rnam grol las/ /lha gzhan mngon par brjod du med/ ces so/ /mi gsal ba ni don dam par te/ /stong pa nyid kyi phyir ro/ /gsal ba'i gzugs can zhes pa kun rdzob tu'o/ /
 'phel ba zhes pa la sogs pa la/ ri d+hu 'phel ba la'o/ /'phel bar byed pa 'phel ba dang/ de'i tsam ste mdza' dag nyid mchog ste phul du byung ba gang gi yin pa de de skad de/ mchog gi rdzu 'phrul ma lus pa
 dang ldan pa zhes pa'i don to/ /phra ba ste don dam par zab pa nyid kyi phyir ku sha'i rtse mo lta bu'i blo can gyi sbyod yul lo/ /kun rdzob tu ni thig le'i gzugs can no/ /gang gi nye bar 'jal ba yid yin pa de ni yid dpe can zhes pa gtsug
 lag ste yid kyi rang bzhin zhes pa'i don to/ /snying gi dbus na zhes lhan cig skyes pa'i gtum mo'i rnal 'byor goms par gyur pa rnams kyi snying po nyid kyi phyir snying zhes bya ba bde ba chen po'i 'khor lo'i mdud pa'i dbus su'o/ /rtag tu
 zhes pa thams cad kyi tshe ste 'khor lo gzhan du des 'ga' gnas kyi dus thams cad du ma yin no/ /zhes dgongs pa'o/ /'od dang ldan pa zhes pa ni 'od zer dang ldan pa ste sgrib pa'i mun pa thams cad 'dzems pa'i ye shes ni 'od zer ro/ /de
 nyid kyi phyir gegs med pa'i snang ba rab 'byam pa nyid kyi phyir 'od chen te/ lung nyid kyi phyir skyes pa nyid do/ /bcu gnyis mdza' zhes pa bcu gnyis dang mdza' ste/ nye ba las de rnams kho na'i'o/ /zhes pa kun tu sdud pa las bcu gsum mo/ /
 dgu mdza' zhes pa de ltar bcu'o/ /skud pa zhes pa skud pa la ste/ thams cad kyang skud pa'i rang bzhin kho na'o/ /gcig ces pa gnas so/ /'di rnams ni ji ltar rigs par/ rkang mthil nas ni mgo bo'i bar la gnas pa rnams
 ni 'chad par 'gyur ba'i bu yig la sogs pa la gnas nyi shu rtsa bzhi rnams te rnam byung nas te 'phros pas khyab par byas so/ /lte ba'i dbus su zhes pa gsang ba yang lte bar brjod par bya ste/ de'i phyir 'dir gsang ba'i mdud pa'i dbus su rnal
 'byor gyi gtum mo bsgom pa las khyad par can gyi bde ba chen po'i bdag nyid kyis spros pa thams cad bcom nas gnas pa'o/ /lnga pa zhes pa la sogs pa ste/ gtsug gi 'khor lo'i rtsa bzhi po rnams kyi dbus su a ba d+hU tI lnga pa'i cha kho na cha tsam
 ste/ gang klu'i dbang po'i ltar 'khyil ba'i rnam pas mdud pa'i rang gi ngo bos 'khor lo so sor rnam pa rgyas shing khyab par byed ces pas rnam rgyas pa'o/ /cha bcas kyang zhes lung ste/ cha rnams te rtsa rnams dang lhan cig 'jug go /zhes pa cha bcas
 kyang ste/ de 'byed cing ngo/ /ni ni khyad par can gyi lhan cig skyes pa'i bdag nyid du rdo rje nor bu'i dbus su mtshan nyid dang bral ba'i skad cig nyid kyis spros pa med pa'i rang gi ngo bor byung zhing rtogs pa ste las kyi gtum mo bsgom pa rnams kyi'o/ /de ci ltar
 zhe na gsungs pa/ skye gnas zhes pa la sogs pa ste/ skye gnas kyi ste shes rab ma'i pad+ma'i dbus su 'dug pa'i rdo rje nor bur gnas pa zhes pa ma 'phos pa'o/ /'di yang ci ltar zhe na gsungs pa/ chos zhes pa la sogs pa ste/ chos kyi dbyings
 kyis te sems rnal 'byor sgrub pa las brtan par gyur pa yis zhu bar bya'o/ /'di ni rnal 'byor gzhan la yang rtogs par bya'o/ /khyad par 'di rnams kyis 'di sa bon nyid do/ /zhes bstan par bya ba'i ched du gsungs zin yang dran par byed pa
 sa bon zhes ba'o/ /'di ni rdzogs pa'i rim pa'i phyogs la nges pa'i don du rnam par bshad pa'o/ /bskyed pa'i rim pa'i phyogs la drang ba'i don du dpyid kyi thig le'i rnal 'byor bskyar te ston pa ni rtsa zhes pa la sogs pa ste/ rtsa'i mdud pa'i  
 bu ga la brten pa'i sa bon te hUM yig nag po bcom ldan 'das kyi rang gi ngo bo dpyid ces bya pa'o/ /phyed ces bya ba la sogs pa'o/ /phyi mi phyed pa yang de lte gsal byed ni/ phyi mo phyed pa can no/ /zhes pa'i rigs pa las/ ha yig mi 'gyur ba gzhom
 du med pa yin cing mchog kyang ste/ a yig la gnas pa nyid kyis phul du byung ba ste/ a yig ni chos thams cad skye ba med pa nyid rjod par byed pa nyid kyi phyir ro/ /thig le spyi bor gnas pa yis/ /gzugs su byas
 shing mtshan par byas zhes pa thig le'i gzugs can no/ /man ngag las zla tshes dang nA da dang bcas pa'o/ /gnas gsungs pa/ snying gi dbus su gnas zhes pa dpyid do/ /man ngag las bde ba chen po'i 'khor lo'i dbus su haM
 yig go /bcu gnyis mdza' can ni aM yig mi 'gyur ba ste/ ri rI li lI ma ning bzhi spangs nas dbyangs rnams kyi bcu gnyis pa mdza' ma can 'di'o/ /zhes tshig rnam par sbyar ba'i phyir ro/ /man ngag las zla tshes dang nA da dang bcas pa'o/ /
 dgu mdza' zhes pa dgu pa mdza' la yod pa mdza' can te o yig mi 'gyur ba'o/ /man ngag las zla tshes thig le dang nA da dang bcas pa'o/ /gnas gsungs pa lte ba'i dbus su rnam par gnas te aM ngo/ /man ngag las mgrin
 pa'i dbus su oM mo/ /sa bon bzhi po 'di yang/ /rkang mthil nas ni spyi gtsug bar/ /mngon par khyab bar byas nas gnas pa'i skud pa gcig ste a wa d+hu tI zhes bya ba/ cha bcas rnams kyang ste 'khor lo'i sdud? pa rnams 'byed pa rdo
 rje'i dbus su son pa la nges par byung zhing brten nas/ /skye gnas b+ha ga pad+ma bzhi po rnams kyi lte ba'i dbus su gnas pa chos kyi dbyings byang chub kyi sems zla ba zhu bar byas pa dag brtan par gyur pa gang gis yin pa de ni sa bon no/ zhes
 pa snga ma bzhin no/ /rdzogs pa dang bskyed pa'i rim pa 'di dag gi yang sgom pa ston par byed de/ rim pa zhes pa la sogs pa ste/ byang chub kyi sems de'i rim pas 'pho ba ste 'gro ba gzung ngo/ zhes phyi ma dang 'brel lo/ /rlung gi bzhon pa
 can gyi sems 'gog par bya zhing/ rnal 'byor goms pas mi g.yo bar byed par gyur pa na rdzogs pa'i rim pa la gnas pa'o/ /sgo dgu rnams ni 'dir mig dang spyi bo dang sna dang rna ba dang lce dang mgrin pa dang/ dpung pa dang snying ga dang lte ba'i rtsa
 rnams te/ bskyed pa'i rim pa la gnas pas ni sa bon dgod pas gzung bar bya'o/ /zhes gsungs pa/ sa'i sa bon gnyis po ni/ zhes pa /sa'i sa bon gnyis ni hUM yig gnyis so/ /de'i mig tu zhes pa mig gnyis su bsgom par bya'o/ /'bar ba
 zhes pa me'i sa bon k+ShUM? rkan la'o/ /rlung gi stong pa la sogs sa bon/ zhes pa stong pa nyid la sogs pa rnam par dag pa/ rlung gis sa bon ni yum yig go /sna dang rna ba sogs zhes pa sna'i khung bu gnyis dang rna ba'i khung bu gnyis su'o/ /dang po'i 
 sems zhes pa gtso bo'i sems kyi ngo bo zhes pa'i don to/ /bdud rtsi chu'i sa bon ni zhes pa bdud rtsi'i sa bon sum yig ste/ de yang chu rnam par dag cing de'i sa bon lce'i dbang po la sbyar bar bya'o/ /gang las de der gtso bo nyid yin pa ste/ /
 'di'i rgyas par bshad pa dbang phyug ces pa'o/ /mgrin par gti mug sa bon te zhes pa/ mgrin pa la gti mug rnam par dag pa'i sa bon smryuMO/ /dpung par zhes pa dpung pa'i rtsa gnyis su'o/ /nyon mongs de bzhin no/ /zhes pa nyon mongs
 pa rnam par dag pa'i sa bon hmryuaM/ /g.yo ba zhes pa rlung ste/ de'i sa bon ymryuM snying gar ro/ /phyugs zhes pa phyugs kyis sgras 'ug pa ma ste/ de'i sa bon kmryuM lte ba'i rtsa bar zhes pa lte ba'i rtsa ba dag la'o/ /yan lag brgyad kyis sa bon rnams
 shes pa khyad par du gyur ba yan lag brgyad kyi sa bon rnams kyis so/ /brgyad kyi yan lag gis zhes klog pa la yang de ltar ro/ /cha brgyad ces pa gang gis yan lag brgyad rnams yin pa de rim gyis 'pho ba gzung bar bya go cir bya
 dgag par bya zhes pa'i don to/ /'o na sgo dgu rnams su gsungs na ci ltar 'dir yan lag brgyad rnams yin zhe na/ sna dang rna ba dag sa bon gcig nyid kyis na gcig nyid du nye bar btags pa la ste/ dngos por
 ni yan lag rnams dgu kho na'o/ /zhes pas 'gal ba med do/ /cho ga ldan zhes pa 'chad par 'gyur ba'i rim pas stong pa nyid bsgom pa'i rjes thogs su ye shes mkha' 'gro ma'i gzugs su bdag nyid rnam par bsgoms nas sa bon rnams
 sam sa bon las yongs su rdzogs pa'i lha rnams yan lag brgyad rnams su ldan par 'gyur ro/ zhes pa'i don to/ /de ltar rim pa gnyis goms par byed bzhin pa'i stong pa nyid dang snying rje dbyer med pa'i byang chub kyi sems ni/ khyab pa po khyab par byed pa ste
 ci ltar zhe na/ gang gi phyir des de'i bdag nyid du 'gro kun khyab pas so/ /ji skad du/ brtag pa gnyis par gsungs pa/ 'di nyid ye shes chen po ste/ thams cad lus la rnam par gnas/ /gnyis med gnyis kyi ngo bo yang/ /dngos
 dang dngos med bdag nyid gtso/ /brtan g.yo khyab gnas yang dag gnas/ /sgyu ma'i gzugs bzhin snang ba yang/ /zhes so/ /'gro ba de ci zhig ce na/ rgyas par ston te brtan pa sogs zhes pa ste brtan pa sogs ni sa gzhi la sogs pa
 snod dang/ sems can gyi 'jig rten no/ /ci zhig tu 'gro ba la khyab par bya ba de nye bar mtshon par bya zhe na gsungs pa/ rten du zhes pa la sogs pa ste/ tshangs sogs kyi bar gyi lha dang lha min dang bcas pa'i sems can gyi 'jig rten
 gyi ngo bo de'i rten du 'gyur zhing gtso bo de gang du kun tu spyod pa de yang b+ha ga ste chos kyi 'byung gnas so/ /gang rab tu byed pa bzhi par gsung bar 'gyur ba/ /gru gsum yangs pa'i gzugs can no/ /rten du 'gyur zhes so/ /sprul
 pa'i 'khor lo sogs pa yang b+ha ga ste/ gang gi phyir 'dir byang chub kyi sems bde ba chen po'i ngo bo nyid du 'byung zhing skye ba'o/ /zhes pa khyim mo/ /gtso bo zhes pa byang chub kyi sems kyi bdag nyid kho na byed pa dang 'phrog pa la gtso bo ste/ rang nyid
 byed po rang 'phrog po/ /rang nyid rgyal po rang gtso bo/ /zhes gsungs pa'i phyir ro/ /dbang phyug la sogs pa ni maM yin te/ tshad mas gnod pa nyid kyi phyir ro/ /de'i phyir byed pa po de kho na'i las ma yin te dge ba dang mi dge bar 'gyur ro/ /dus
 ji tsam du zhe na gsungs pa/ ji srid ces pa la sogs pa ste/ lus la tha mal pa'i nga rgyal gyis yul du byas pa la/ rnam pa sna tshogs pa'i 'dzin pa rnams kyis gnas pa ji srid par ro/ /'di nyid rgyas par ston pa byed ces pa la sogs
 pas tha mal pa'i nga rgyal la sogs pa 'di kho na slar mi skye ba'i skye ba'i ched du lha'i rnal 'byor bsgom pa gsungs so/ /rnal 'byor ni zhes pa la/ rnal 'byor ni mnyam nyid de shes rab dang snying rje dag ro gcig pa nyid do/ /bsgom pa ni gus pa dang
 bcas par rgyun ma chad par yun ring du goms par byed pa'o/ /de yod pa ni gang tshe las kyi lus shes pa las dge ba dang mi dge ba'i 'bras bu 'am rgyu'i lus so/ /de 'dra ba zhes pa thog ma med pa'i tha mal pa'i nga rgyal la sogs
 pa'i skyon dang ldan pa'o/ /bcom pa zhes pa bag chags dang bcas pa'i skyon 'gags pa ste/ de'i tshe byang chub kyi sems kyi bdag nyid kyi gtso bo de kho na lha nyid de/ rdo rje 'dzin par 'gyur ro/ /bde ba chen po'i rang bzhin can gyi rnal 'byor
 pa de'i yang rang gi ngang kho nas ji ltar 'dod pa spro ba dang sdud pa'i phyir/ ci zhig las las kyi sgrib pa 'am nyon mongs pa'i sgrib pa yin/ 'o na de ltar gyur na byed pa po nyid la sogs pa med pa'i phyir 'di ci ltar gzhan gyi don byed pa nyid
 zhe nang gsungs pa/ rang gi nus ba ni zhes pa la sogs pa ste/ rang ste thun mong ma yin pa rnam pa thams cad yongs su dag pa'i dge ba gcig bu mthar thug mchog tu nus pa'o/ /gang gis shes pa 'khor ba'i bar
 du rgyun ma chad par dpag tu med pa'i sprul pa'i sku rnams kyis 'gro ba khyab par byas nas kun ston pa la sogs pa'i cho 'phrul ngo mtshar ba rnams kyis skal ba ji lta ba bzhin du gdul bya rnams bde 'gro dang theg pa gsum la
 'jog par mdzad cing sdig ba la sogs pa rnams 'phrog go /'o na de ltar gyur na 'di spros pa dang bcas pa'o/ /zhe na ma yin te/ gang gi phyir kha dog ces pa la sogs pa ste/ kha dog tu bya bas na kha dog ste rang gi ngo bo'o/ /nam
 mkha' dang 'dra ba stong pa ste/ de'i phyir 'di spros pa ma yin no/ /zhes pa'i don to/ /de las zhes pa rang gi nus pa las so/ /gal te de ltar nyan thos bzhin du mya ngan las 'das pa'i mthar lhung ba'o/ zhe na/ ma yin zhes gsungs pa/ mya
 ngan 'das zhes pa'o/ /shes rab kyis srid mi gnas shing/ /snying rjes zhi ba mi gnas pa/ /zhes ba srid pa dang mya ngan las 'das pa la mi gnas pa sgrib pa thams cad nges par song ba zag pa med pa'i bde ba chen po gcig pu'i
 rang bzhin la rgyun mi 'chad par 'khor ba ji srid par gnas pa ste/ gang las 'di dpa' o zhes pa/ chu skyes bzhin du mi mthun pa'i phyogs chu'i skyon rnams kyi thub par dka' ba nyid kyi phyir dang de las nges par rgyal ba'i phyir dpa' bo yin
 gyi nyan thos bzhin du 'khor ba las mchog du sgag pa'i yid can mdza' gcig tu mya ngan las 'das pa thob pa'i 'du shes can ni ma yin no/ /de skad du yang 'phags pa klu sgrub zhabs kyis gsungs pa/ tshes 'di rnams ni stong shes
 nas/ las dang 'bras bu bsten pa gang/ /ngo mtshar las kyang ngo mtshar zhing/ /rmad byung las kyang rmad byung ngo/ /sems can bskyab pa'i bsam ba yis/ srid pa'i 'dam du skyes kyang 'di/ /de 'byung skyon gyis ma gos te/ /pad+ma'i 'dab ma chu
 yis bzhin/ /'di rnams stong nyid ye shes mes/ /nyon mongs bud shing rnams sregs shing/ /'on kyang snying rjes brlan pa gang/ /bzang la sogs pa rgyal sras rnams/ /'pho dang skye dang mngon byang chub/ /ltad mo dka' spyad ston pa dang/ /
 bdud kyi sde nyid 'joms ba dang/ /chos kyi 'khor lo rab bskor dang/ /lha ru gshegs kyang mya ngan 'das/ /de bzhin khyim nas nges 'byung ba/ /thugs rje'i dbang gis rab 'jug pa'i/ /'gro ba'i mgon rnams ston par mdzad/ /tshangs
 dbang nye bar drag sogs kyi/ /gzugs brnyan du ni rab zhugs rnams/ /'gro ba 'dul ba'i sbyor ba yis/ /snying rje'i bsam ldan zlos gar mdzad/ /ces so/ /ci zhig las dpa' bo yin zhe na/ gang gi phyir/ gos pa bag chags la
 nges par byung ba yang 'di yin la/ /sgrib pa gnyis kyi dri ma spangs pa yang ste/ ma ning nyid ni lung ngo/ /de ltar don dam pa'i de kho na nyid gsungs so/ /de yang thabs kyi de kho na nyid med na mngon du bya bar bla ma yin no/ /zhes pas/ ji lta
 ba bzhin du de'i thabs dang ldan pa'i rdo rje theg pa brten pas mngon du bya ste/ de ston pa'i ched du gsungs pa/ /ma dang zhes pa la sogs pa'o/ /de la ma ni dbang sbyin ba mo'o/ /sring mo ni rdo rje theg pa la yang dag par zhugs pa ste/ /
 ma la sogs pa'i sgras ma la sogs pa dang 'dra ba rnams so/ zhes kha cig go /rab kyi rnal 'byor pa la sgra ji lta ba bzhin no/ /zhes bla ma rnams so/ /nges pa'i don ni rang nyid kyis gsungs par 'gyur ro/ /shes rab ni stong ba nyid kyi ngo bo'i rnal
 'byor ma rnams so/ /thabs ni dpal rdo rje 'dzin pa'o/ /de dag gi cho ga ste phyag rgya dang/ bdag nyid lhag par mos pa las so/ /mchod par bya zhes pa ni 'dod can ma dgyes par bya ba'o/ /gang gsungs pa/ nan gyis
 rnal 'byor mar sbyor las/ /rnal 'byor sbom po'i ltung bar 'gyur zhes so/ /gang gi phyir yang gsungs pa/ ji srid khu ba ldan gyur pa/ /de srid shes rab bsten par bya/ /zhes so/ /de kho na nyid ni 'dir dang thabs dang shes rab kyi rang bzhin te/
 de la dga' ba ni de mgu bar gyur pa yin gyi chags pa can nyid la sogs pa rnams kyis ni ma yin no/ /rab tu 'bad pa ni gsang ba la 'bad pa'o/ /bye ba zhes pa ni mchog tu bye ba ste rang nyid kho nas rigs pa bshad pa'i stobs las
 brtag par bya'o/ /sngags bye ba yang bye ba ste/ rgyags pa dang rgod pa dang khro ba la sogs pa rnams kyis rang nyid dam de dang lhan cig pas gzhan la smra pa sngags bye ba'o/ /ma gsang na dmyal bar ltung ba la sogs pa ma mthong ba'i skyon ni rab
 tu grags pa kho na ste/ mthong ba'i skyon yang gsungs pa/ ma gsang na ste ma sbas na'o/ sbrul ni sbrul dang stag la sogs pa'o/ /sa spyod ni mi dang sha za la sogs pa gnod par byed pa rnams so/ /de kho na nyid shes par 'dod pa po la 'di
 rnams kyis ci bya zhe na gsungs pa/ phyag rgya zhes pa la sogs pa'o/ /'dir bram ze mo dang rgyal rigs mo dang rje rigs mo dang dmad rigs mo rnam ni rnam par snang mdzad kyi rigs can ma rnams so/ /bdud rtsi rdo rje mo ni rgyal
 rigs mo kho na ste/ bdud rtsi bzhin du nyams pa'i sdug bsngal rnams las skyob pa'i phyir ro/ /las kyi rigs las skyes shes pa ni tshor ba las gtso bo'i rigs kyi rje rigs te/ de las skyes pa'o/ /ba lang rdzi mo yang dmangs rigs mo'o/ /
 rnam par snang mdzad chen po 'dir rnam par snang mdzad kho na'o/ /de bzhin nyid du zhes pa la sogs pa ste/ de bzhin nyid ni de bzhin pa nyid de/ chos kyi khyad par ma bstan pa'i phyir 'di ni chos thams cad kyi'o/ /de'i phyir chos thams cad kyi yang dag pa ji lta ba'i de kho
 na nyid ni de bzhin nyid du brjod do/ /de yang stong pa nyid tsam du pha rol tu phyin pa'i theg par rtogs par byas shing/ /'dir ni nye bar ston bar 'gyur bzhin ba'i thabs kyi khyad par dang ldan pa'i stong pa nyid ni de bzhin nyid du zhes pa'o/ /der gshegs ba ni
 de bzhin gshegs pa ste ta yig phyis pa las so/ /dpal ldan te tshogs gnyis dang ldan par gyur pa zhes snga ma dang sbrel lo/ /de bzhin kho nar byon pa'o/ zhes pa ji ltar gshegs pa de bzhin kho nar byon pa ste/ thabs dang shes rab kyi rang bzhin
 kho na 'gro ba'i don du rigs lnga la sogs pa'i dngos por spro ba'i phyir ro/ /de bzhin nyid 'dis dang phul du byung ba'i ye shes dang dbyer med pa'i shes rab kyis dang sbyor ba ste de'i bdag nyid kyi rnal 'byor gyis so/ /'dir thams cad ni sems gtso
 bo ste/ sems kyi rgyud gyi mtshan nyid can gyi sems can rnams kyang rang bzhin med pa'i bdag nyid kyi de bzhin gshegs pa'i snying po can rnams so/ /de bzhin gshegs pa rnams kyi yang chos kyi bdog pa thams cad pa ni me long lta bu la sogs
 pa'i ye shes lnga rnams te/ de rnams kyang chos nyid kyis lus kyi rang bzhin yongs su dag pa kho na yin zhing/ blo bur gyi sgrib pa rnam par dag pa na rang bzhin la gnas bzhin ba rnams ni ye shes lngar bshad pa dang sangs rgyas dang byang chub sems
 dpar bshad pa 'thob pa 'ba' zhig ste/ snga ma ni sa bon du bshad pa kho na'o/ /de'i phyir yang byang chub sems dpa' i sa bon nyid yin pa'i phyir skye rigs rnams dang sde rigs rnams su brjod do/ /'o na de lta na de bzhin gshegs pa thams
 cad me long lta bu la sogs pa'i ye shes lnga can rnams te/ so sor de rnams me long lta bu la sogs pa'i rigs lnga rnams yin na/ de ci ltar sde rigs tha dad pa yin zhe na/ skye rigs tha dad pa'i phyir te/ byang chub sems dpa' rnams
 kyi me long lta bu la sogs pa rnams kyi re re'i mthun pa'i skye rigs thog ma med pa nas grub cing/ du ma'i mthun pa'i skye rigs ni drug pa ste du ma'i mthun pa drug pa'i yang re re'i mthun pa cher stobs dang ldan pa nyid kyis na de dang de'i sde rigs kyi rjes su byed
 pa'i phyir na de dang der bsdu'o/ /zhes pas lnga nyid do/ /zhes gsungs pa/ sde rigs rnam pa lnga ru bshad/ /ces so/ /yang na 'di ltar 'jug par bya ste/ 'o na rigs lngas ma bsdus pa gzhan rnams la ma khyab pa'i phyir nyi tshe ba'i spro bar byed par 'gyur ro zhe na/ ma yin
 te/ de rnams sems can gyi rigs nyid kyis bsdus pa'i phyir ro/ /'o na de lta na sems can gyi sde rigs mchog nyid du 'gyur te/ rdo rje sems dpa' thams cad kyi bdag po nyid kyi phyir ro zhe na/ de lta ma yin te/ gzhan rnams kyang de las byung ba nyid kyi phyir ro/ /
 phul du byung ba'i khyad par las ni de rnams rigs gzhan nyid du nye bar bstan pa ste/ gang la de 'dra ba'i phul du byung ba med pa de la rigs gzhan rnam par bstan pa'i rgyu med pa'i phyir sems can gyi rigs kho nar tha snyad gdags te/ sems can gyi rigs de
 dang de'i rigs kyi rjes su byed pa ni de dang der bsdus pa'i phyir lnga nyid do/ /zhes gsungs pa/ rigs ni rnam pa lnga zhes pa ste/ de yang spros pa las phung po lnga dang khams bzhi rnams dang dbang po lnga rnams dang yul lnga rnams so sor de bzhin gshegs pa
 lnga'i bdag nyid nyid kyis sam zhi ba dang rgyas pa dang dbang du bya ba dang drag po dang sna tshogs kyi ngo bo'i dbye bas dang/ me long lta bu la sogs pa'i ye shes lnga rnams dang lhan cig rnam pa brgya'o/ /de yang dbye ba byas na mdza' yas te mur thug pa
 med cing grangs med pa'o/ zhes pa'i don no/ /rnam gsum zhes pa rnam pa gsum nyid ni de dang de'i rjes su byed pa rnams de dang der bsdus pa'i phyir ro/ /de ltar ni mnyam pa nyid kyi ye shes ni me long ye shes su bsdu zhing/ bya ba grub pa'i ye shes ni so sor rtog pa'i
 ye shes su'o/ /zhes 'thad pa dang bcas pa 'chad par 'gyur ro/ /yang na nga rgyal dang phrag dog shes rab kyi rang bzhin dag 'dod chags kyi nang du 'du ba'i phyir ro/ /yang na nga rgyal ni sku'i rigs su ste/ gti mug gi rten can nyid kyi phyir ro/ /zhe sdang gi rigs su phra ma dang phrag
 dog dag yang na ste zhe sdang las byung ba nyid kyi phyir ro/ /de thams cad kyang rdo rje sems dpa' i rigs gcig pur shes par bya ste/ gang gsung bar 'gyur ba/ rigs ni rnam pa sngar gsungs shing/ stong nyid rdo rje'i gcig kho na'o/ zhes so/ /'dus par yang rdo rje gsum
 mi phyed pa'i ngo bor rnam par bzhag ste khyed rnams kyis sems lus kyi rnam par bskyed cig ces pa la sogs pas so/ /gang las rigs gzhan rnams su 'gyur ba dang po'i 'byung ba'i rigs de rnams ci zhig yin zhing ci ltar na de rnams rigs zhes
 brjod par bya zhes na gsungs pa rigs rnams zhes pa la sogs pa'o/ /'byung ba lnga rnams sam phung po rnams ni rigs rnams te de rnam par dag pa'i ngo bo sangs rgyas rnams yin pa nyid kyi phyir ro/ /de'i ngo bo nyid du dang por rdo rje 'dzin pas spro ba'i phyir dang
 po nyid do/ /de rnams kyang de ma thag tu dpag tu med pa'i ngo bos gang 'di rnams kyi rigs so/ /zhes brjod par bya ba de dang de'i ngo bos de las byung ba rnams rigs su byed pa'i phyir bgrang bar byed pa'i phyir ro/ /zhes pa'i don to/ de la 'byung ba lnga rnams ni sa dang
 chu dang me dang rlung dang rnam par shes pa rnams te/ phung po lnga rnams ni gzugs dang tshor ba dang 'du shes dang 'du byed rnam par shes pa rnams so/ /rab skyes rigs rnams shes pa de rnams las rab tu skyes pa'i rigs gzhan rnams zhes pa'i don to/ /'o na
 de ltar na stong pa nyid kyi de kho na nyid dang phyag rgya'i rnal 'byor las shes par bya ba'i don gyi thabs dang ldan pa ste/ de gnyis gsal bar byas kyi/ 'dir bsgom par bya ba cung zad nye bar bstan pa ni ma yin te/ rdzogs pa'i ngo bo'i rigs
 lnga'i rnal 'byor ma rnams nges par bstan pa'i phyir dang/ rnal 'byor pa rnams kyang de'i sgo kho nas de ltar gsal bar byed pa'i phyir ro zhe na/ bden te/ kho na nyid du na bsgom par bya ba dang sgom pa po dang sgom pa rnams skye ba med pas gdod ma nas zhi ba nyid
 kyi phyir chos thams cad der ston pa ni/ sgom pa po med ces pa la sogs pa'o/ /de ci sngags dang lha dag chad pa kho na rdzogs pa'i rim pa 'am zhe na gsungs pa/ gnas zhes pa/ spros pa med pa ni stong pa nyid dang ro gcig pa nyid kyi phyir ro/ /rang bzhin ni
 lhan cig skyes pa'i bde ba chen po'i ngo bo ste de'i ngo bos sngags dang lha dag gnas so/ /de nyid rgyas par ston pa rnam snang zhes pa la sogs pa'o/ /A ro lika ni 'od dpag tu med pa'o/ /snying stobs can ni lus dang ldan pa rdo rje sems dpa' o/ /zhi ba
 ni 'od dpag tu med pa'o/ /thams cad ni don yod do/ /rnams sangs rgyas ni rin chen 'byung ldan no/ /rnam par snang mdzad la sogs pa'i ngo bos spros pa med pa'i rang bzhin ni de kho na nyid du brjod do/ /zhes pa'i don to/ /tshangs pa la sogs pa'i tshig
 rnams rang gi gzhung lugs su ma grags pa nyid kyi phyir don gsungs pa/ tshangs pa zhes pa la sogs pa'o/ /mya ngan las 'das pa ni mya ngan las 'das pa'o/ /de'i phyir sangs rgyas kho na dngos por na tshangs pa yin gyi gzhan ni ma yin te/ de ni rang gi ngo
 bo mya ngan las ma 'das pa nyid kyi phyir ro/ /de ltar phyi ma rnams la yang ngo/ /'jug phyir zhes pa khyab pa'i phyir ro/ /dge phyir zhes pa shin tu dge ba nyid kyi phyir ro/ /thams cad kyi bdag nyid ni gnyug ma'i ngo bo ste/ gang gi phyir de la rgyun gyis gnas pa nyid
 kyi phyir thams cad do/ /zhes pa'i don to/ /'di thams cad gang gi bdag nyid yin pa de kho na nyid de ni da dung yang mi shes so/ /zhe na gsungs pa/ bde ba dam pa ni spros pa med pa'i bde ba chen po'o/ /dga' ba rtogs phyir rnam sangs rgyas so/ /zhes pa bde ba chen po de kho na
 rtogs pa'i phyir rnam sangs rgyas te sangs rgyas kho na'o/ /'o na lha'i khyad par rnams bsgrubs zin mod ci lha nyid ni ma bsgrubs so/ /zhe na gsungs pa/ lus la zhes pa'o/ /lus la 'byung zhes pa lha ste yi ge bsnan pa dang phyis pa dag gis so/ /de ltar gyur pa de kho na bcom
 ldan 'das su brjod par bya'o/ zhes gsungs pa/ skal pa ces pa la sogs pa'o/ /de ltar yongs su dag pa'i yid la bde ba chen po'i ros rjes su dran pa'i dbang phyug la sogs pa'i yon tan rnams gnyug ma'i sa bon las skye ba'o/ /zhes pas de rnams 'di la
 yod pa'o/ /phyag rgya rnams kyis nges pa'i don gsungs pa/ skye byed pa ma zhes pa la sogs pa'o/ /'gro ba'i skye bo/ zhes pa 'gro bar 'jug pa 'phags pa'i 'jig rten no/ /rnam dbye zhes pa spang bar bya ba dang blang bar bya ba'i rnam par dbye ba'o/ /tshes ma zhes pa la sogs
 pas mdor bstan nas/ chags byed phyir zhes pa la sogs par rgyas par bshad do/ /chags byed phyir zhes pa rjes su chags par byed pa'i phyir ro/ /shes rab kyis ni bsam pa dang bag la nyal rnam par mkhyen nas ji ltar rigs par rjes su gnas par byed pa'i phyir sems
 can thams cad rjes su chags pa can nyid du 'gyur ro/ /zhes pas shes rab kho na de skad brjod do/ /yon tan te stobs dang mi 'jigs pa la sogs pa'i ngo bo nam mkha' i 'dod 'jo las 'jo phyir te skyed par byed pa'i phyir shes rab kho na de skad brjod par bya'o/ /g.yo
 ba'i phyir zhes pa sred pa dang mya ngan las 'das pa la mi gnas pa nyid kyi phyir ro/ /reg min zhes pa stong pa nyid dang ro gcig pa nyid kyi phyir ro/ /phyi rol gyi phyag rgya rnams kyang shes rab kyi yon tan de rnams nyid kyi rjes su byed pa'i phyir shes rab nyid du rjes su rtogs par
 bya'o/ /de nyid kyi phyir 'di ltar gyur ba'i shes rab kyi rang bzhin phyi rol gyi phyag rgya rnams kho nas lhag par mos pas kyang bcom ldan 'das de bzhin gshegs pa'i rigs rnams kyi stong pa nyid dang ro gcig pa'i bde ba
 chen po'i de kho na nyid shes rab 'dod pa pos bsten pa'o/ /zhes pas bsten par bya'o/ zhes bshad do/ /rdzogs pa'i ngo bo'i lha bsgrubs nas sngags sgrub pa gsungs pa/ bzlas pa zhes pa la sogs pa ste/ A li dang kA li shes rab dang thabs kyi ngo
 bo dag sngags mchog nyid kyi phyir na thams cad de'i ngo bo nyid kyi phyir brjod ba bzlas pa zhes pa 'di ni spros pa med pa'i sngags so/ /dkyil 'khor dang phyag rgya dag kyang rdzogs pa la bltos par byed pa gsungs ba/ dkyil 'khor zhes pa'o/ /'bri ba ni ri mo
 ste rdul dang 'dam la sogs pa rnams la rkang pa'i gzugs brnyan ni rkang pa'i ri mo'o/ /nyed phyir zhes pa nyid par byed pa'i phyir te/ kun tu bskyod pa'i phyir ro/ /zhes pa'i bar ro/ /'di ni mngon par dgongs pa ste/ dkyil 'khor gzhan yang de bzhin
 gshegs pa kun nas gshegs par byed pa kho na'i phyir te/ de ltar 'di yang de bzhin gshegs pa'i ngo bor rdzogs pa'i rnal 'byor pas kun nas bskyed pa'i phyir de mthong ba rnams kyi yang bsod nams du ma nye bar sags pa'i rgyu nyid kyi phyir
 dkyil 'khor du brjod par bya'o/ zhes pa'o/ /lag pa bskyod pa phyag rgyar 'gyur/ sor mo nyed pa'ang de bzhin no/ /zhes pa 'dir ni rgyu rjes su ma bkod par 'di ltar ston par byed de/ bya ba dpag tu med pa can gyi rnal 'byor pa rnams kyi/ thams cad la rgyud
 bkod na rgya ches par 'gyur te/ 'di thams cad ni shes rab dang thabs kyi rang bzhin nyid kyi dkyil 'khor dang phyag rgya'i ngo bor rtogs par bya'o/ zhes pa'o/ /'o na de ltar bsgom par bya ba dang sgom pa po dang sgom pa mi 'thad na/ rdzogs pa'i dkyil 'khor
 nges par bstan pa'i bsam par bya ba dang bsam pa la ci rnam pa thams cad du rdzogs pa kho na ma yin no/ zhe na gsungs pa/ de ni bsam bya zhes pa la sogs pa'o/ /'o na de ltar sems kyi rgyu ba dpag tu med pa 'ga' na rnam par g.yeng ba kho na ste/ bsam
 gten ma yin no/ /zhes pas de bsam byar yang mi 'gyur ro/ zhe na gsungs pa/ phal zhes pa la sogs pa ste/ bde de rang gis longs spyad bya/ zhes pa man ngag ji lta ba bzhin rgyun mi 'chad par goms pa las sam/ lang tsho can dbang bskur ba
 dag gi de ltar thog ma dang bar ma dang tha ma rnams su gang bde ba de 'gog pa med par nyams su myong ba ni bsam gtan du brjod par bya'o/ /de bzhin du bsam pa gzhan rnams la yang 'gog pa med par rab tu 'byung ba'i bde ba chen po rjes su dran pa las
 gang las bsam bya dang bsam gtan dag tu mi 'gyur ba g.yeng ba ci las yin zhes pa dgongs pa'o/ /yang na pha la zhes bla ma la dbang bskur ba'i dus su gang thob ste nyams su myong ba'i lhan cig skyes pa'i bde ba chen po de longs spyad bya ste rang nyid kun nas
 spyad par bya zhing gzhan gyi tshe na yang ngo/ /yang na phyag rgya'i sbyor ba las de lta kho nar spyad par bya'o/ /nye bar spyad pa'i bde ba gang gis 'chi ste dbang po rnams 'gog par 'gyur zhing/ 'dir zhes pa mthong ba'i skye ba kho na la ste/ bde ba de bsam gtan du
 brjod do/ /rdzogs pa'i rnal 'byor pa'i de ltar gyur pa'i bsam gtan ni lhun gyis grub pa las de ltar rjes su dran pa tsam gyis bshad ma thag pa'i man ngag la yang rjes su shes par bya'o/ zhes pa'o/ /ces pa zhes pa yongs su rdzogs pa'o/ /sogs pa'i sgra
 yis go chal sogs pa ste/ rjod par byed pa dang brjod par bya ba byang chub tu sems bskyed pa dang go cha la sogs pa bsgom ba rnams kyi de kho na nyid de phyin ci ma log pa'i de kho na nyid 'dis skabs su byed cing skabs su bab par byed pas na skabs te yongs su
 bcad ba dang le'u zhes pa don tha dad pa ma yin zhing/ dang po ni thog mar bstan pa nyid kyi phyir ro/ /zhes pa mkhas pa chen po 'jigs med 'byung gnas sbas pas mdzad pa dpal yang dag par sbyor ba'i rgya cher 'grel pa man ngag
 snye mar// /snye ma dang po'o/ /de ltar yang dag pa'i byang chub kyi sems kho na bsgom byar mdor bstan to/ /de kho na yang 'bras bu dang rgyu dang thabs kyi rab tu dbye bas rgyud gsum gyi bdag nyid can no/ /zhes pa 'di tsam ni bcom ldan
 'das kyis bstan pa'o/ /ji skad du mkha' 'gro ma rdo rje gur du gsungs pa/ stong nyid snying rje dbyer med pa/ /gang du sems ni rab bsgom pa/ /de nyid sangs rgyas chos dang ni/ /dge 'dun gyi yang bstan pa'o/ zhes so/ /bsgom par bya ba de kho na la
 byang chub kyi phyogs kyi chos rnams nang du 'dus kyi/ log par bsgom par bya ba ni ma yin no/ /yang na yongs su 'dris pa'i don du byang chub kyi phyogs pa'i rnam pa rnams kyis yongs su bskor ba'i bsgom bya byang chub sems de goms bar bya ste de'i phyir de
 rnams skabs su mdzad pa de nas zhes pa la sogs pa'o/ /de nas zhes pa lam bstan pa'i de ma thag par ro/ /byang chub ni rnam pa thams cad mkhyen pa nyid de/ de'i phyogs ni rjes su mthun pa rnams so/ /byang chub kyi phyogs rnams kho na ni byang chub kyi phyogs nyid do//
 de la rjes su lta pa gang rnams kyis lus dang tshor ba dang sems dang chos rnams la gcig nyid dang du ma nyid la sogs pa mi rung bas na/ rang bzhin med pa nyid kyi shes pa rnams kyis dran pa nye bar 'jog pa de rnams ni dran pa'i rgyu shes rab kyi rang
 bzhin rnams te/ dran pa nye bar gzhag pa rnams yin zhing/ dmigs pa'i bye brag las bzhi rnams te/ lus dran pa nye bar gzhag pa dang/ tshor ba dran pa nye bar gzhag pa dang/ sems dran pa nye bar gzhag ba dang/ chos dran pa nye bar gzhag pa'o//
 de la nang gi lus mi mig la sogs pa lnga'o/ /phyi'i lu ni rang gi lus las phyi rol gyi gzugs la sogs pa lnga'o/ /nang dang phyi'i lus la sogs par gtogs pa'i 'byung ba dang 'byung ba las gyur pa lhag ma'o/ /tshor ba la sogs pa rnams kyi gsum nyid ni
 lus rnam pa gsum rnams la dmigs pa'i bye brag gis so/ /tshor ba ni bde ba dang sdug bsngal dang sdug bsngal yang ma yin bde ba yang ma yin pa'o/ /sems ni dbang po lnga'i shes pa rnams so/ /chos rnams ni sems las byung ba dge ba dang mi dge pa dang lung
 du ma bstan pa rnams so/ /lus la sogs pa'i rjes su lta ba zhes pa/ lus la sogs pa'i chos nyid kyi rjes su lta ba ste/ 'di ni lus so bdag gi lus so rtag pa'o/ /mi rtag pa'o bde ba'o sdug bsngal pa'o/ /zhes pa 'di lta bu la sogs par rnam par mi rtog pa'i phyir
 te/ /rjes su lta ba dang/ rnam par mi rtog pa de yang mi dmigs pa'i sbyor bas so/ /'o na gal te dran pa nye bar gzhag pa rnams kyis chos thams cad shes na byang chub kyi phyogs phyi ma rnams kyis ci bya zhe na/ de lta ma yin te/ gang phyir de rnams kyis chos nyid du
 yongs su shes na yang mi rtag pa la sogs pa'i rnam pa nyid kyis chos kyi khyad par yongs su shes pa'i ched du sum cu rtsa bdun du yang goms par byed do/ /de nyid kyi phyir nyan thos kyi theg pa pa rnams ni mi rtag ba la sogs pa'i rnam pa nyid du dmigs par byed la
 byang chub sems dpa' rnams ni mi dmigs pa'i tshul gyis so/ /de nyid kyi phyir mi rtag pa la sogs pa'i rnam pa dang stong pa nyid kyang 'di rnams kyi yul du 'gyur ro/ /zhes pas nyan thos kyi lam yang chos nyid kyi sgo nas goms par byas par 'gyur ro/ /yang gis
 gdung ba med pa nyid sdud par byed do/ /de'i phyir gus par byas te dang rgyun tu sbyor ba'i phyir gdung ba med pa'o/ /rjes su lta bas dang shes bzhin du yang sbyor ba'i phyir shes bzhin can no/ /mi brjed pa'i bdag nyid dang srung ba med pa nyid gyis dang/ g.yeng ba med
 par 'byung bas dran pas sbyor ba'i phyir dran pa dang ldan pa'o/ brtson 'grus dang shes rab dang dran pa 'di rnams kho na'i rjes su bsngags pa gsungs pa/ rnam par bsal te zhes pa la sogs pa'o/ rnam par gsal te zhes pa ni rab tu spangs
 nas so/ /'jig rten la zhes pa 'jig rten gyi chos rnyed pa dang grags pa dang bde ba dang bstod pa rnams la brnab sems te chags pa dang ma rnyed pa dang ma grags pa dang sdug bsngal ba dang smad pa rnams la yid mi bde ba'o/ /'di rnams kyis sems sam lus
 dang ngag dang yid rnams yang dag par 'dzag ste yang dag par 'dzin pa 'am rab tu 'jug pa'o/ zhes pa yang dag par 'jog pa rnams dang/ 'di rnams kyi bag la nyal rnams rab tu spong ba'o/ zhes byas nas yang dag par spong ba rnams su brjod do/ /de
 rnams ni chos dran pa nye bar gzhag pa las gong du brtson 'grus kyi ngo bo bzhi rnams te/ 'di lta ste/ ma skyes pa rnams zhes pa la sogs pa ste/ ngan 'gro rnams su ltung bar byed cing/ rgyu rnam pa sna tshogs pa rnams kyis gnod pa byed la/ las rigs mthun pa'am
 las kyi bag chags byed do/ /zhes pa sdig pa rnams te/ nges pa'i tshig gis mtshan nyid kyis so/ /mi dge ba rnams ni lus kyi nyes par spyod pa la sogs pa phyin ci log gi ngo bo kun nas nyon mongs pa rnams te/ thar pa 'dod pa rnams kyis spang bar bya ba
 nyid na yang rang gi mtshan nyid 'dzin pa'i phyir chos rnams so/ /'dun pa bskyed de/ go cha'i brtson 'grus 'di ltar bya'o/ zhes par ro/ /'bad do ste sbyor ba'i brtson 'grus kyis so/ /brtson 'grus rtsom ste skyo ba med pa'i brtson 'grus
 kyis so/ /sems rab tu 'dzin cing yang dag par 'jog ste thabs kyi brtson 'grus kyis so/ /de la sems zhum pa na rab tu 'dzin cing gzeng bstod par byed pa'o/ /rgod pa'i sems ni yang dag par 'jog ste mngon par sdud par byed do/ /dge ba rnams ni
 byang chub kyi sems dang sbyin pa'i pha rol tu phyin pa la sogs pa 'khor dang bcas pa rnams te/ rang dang gzhan la phan pa 'dod pa rnams kyis blang bar bya ba nyid kyis na gzung bar bya ba bzhin pa nyid kyi phyir chos rnams so/ /de skyes pa rnams rgyun gyis
 gnas pa'i ched du ste tshogs kyi lam du'o/ /dpag tu med pa'i bsam gtan dang gzugs med pa dang tshad med pa la sogs pa'i thabs kyis bsgom pa ste/ sbyor ba'i lam du ji ltar slar yang 'byung par 'gyur ba ltar ro/ /mthong ba'i lam du yongs su rdzogs
 pa ste ji ltar rigs par 'phel bar ji ltar 'gyur ba ltar ro/ /yongs su ma rdzogs pa yongs su rdzogs pa ni dri ma med pa la sogs par bsgom pa'i lam la ste ji ltar rigs par yangs pa nyid du ji ltar 'gyur ba ltar ro/ /yang 'byung ba dang 'phel ba dang yangs pa
 nyid ces kun sdud pa ste 'dun pa bskyed pa la sogs pa bya ba'i khyad par rnams so/ /rdzu 'phrul ni phun tshogs pa ste mngon par shes pa dang dbang po dang stobs dang mi 'jigs pa nyid la sogs pa 'jig rten las 'das pa'i chos rnams so/ /rdzu 'phrul gyi bzhi ste rgyu rnams
 ni rdzu 'phrul gyi rkang pa rnams so/ /de rnams kyang bzhi rnams te/ 'dun pa'i ting nge 'dzin dang brtson 'grus kyis ting nge 'dzin dang sems kyi ting nge 'dzin pa dpyod pa'i ting nge 'dzin zhes pa'o/ de ltar ni kha cig bdun pa drag po nyid kho nas yang dag par spong ba rnams kyis sems nang du
 'jog pa la sems rtse gcig pa nyid kyi mtshan nyid can gyi ting nge 'dzin gus par bya ste sbyor ba'i stobs las skye'o/ kha cig yang dag par spong bar brtson 'grus rnams kyis mi dge ba spong ba dang dge ba bskyed pa la shin tu rab tu sbyor ba la'o/ kha cig zhi gnas dang rab tu 'dzin pa dang btang snyoms kyi rgyu mtshan sems
 rnams kyis yongs su sbyor ba la'o/ /kha cig ni ci bdag mi dge ba phra mo rnams kun tu spyod dam/ gang bdag yongs su dpyad par bya'o/ /zhes yang dag par nye bar 'jog pa la'o/ /der de rnams ni 'dun pa la sogs pa'i ting nge 'dzin rnams te/ 'di rnams skyes pa na rmugs pa dang
 gnyid dang rgod pa dang 'gyod pa dang phrag dog dang ser sna dang ngo tsha med pa dang khrel med pa dang khro ba dang sdig pa sped pa'i ngo bo 'chab pa zhes pa kun nas dkris pa bcu po thub pa'i dgongs pa'i rgyun tu rnam par phye ba rnams ring du gyur pa na 'dod chags
 dang khong khro ba dang nga rgyal dang ma rig pa dang the tshom dang 'jig tshogs la lta ba dang log par lta ba dang lta ba mchog tu 'dzin pa dang/ tshul khrims dang brtul zhugs mchog tu 'dzin pa zhes pa bag la nyal bcu po thub pa'i dgongs pa'i rkyan du rnam par phye ba rnams spang pa'i ched
 du yang dag par spong ba rnams kyis brtson 'grus rtsom pa kho na'i ting nge 'dzin thams cad kyi skyon le lo dang dmigs pa brjed pa dang/ bying ba dang rgod pa dang/ 'du mi byed pa dang 'du byed ba zhes pa drug gi gnyen po'i phyogs sdong ba'i 'du byed brgyad rnams bsgom
 bar bya ste/ 'di lta ste/ dad pa dang 'dun pa dang rtsol pa dang shin tu sbyangs pa dang dran pa dang shes bzhin dang sems pa dang btang snyoms shes pa'o/ /de la dang po bzhi rnams le lo'i gnyen po ste/ de ltar ni ting nge 'dzin gyi yon tan rnams la yod pa nyid dang yon tan
 can nyid dang nus pa nyid du mngon par yid ches pa'i mtshan nyid can gyi dad pas de la rnal 'byor pa rnams mngon par 'dod pa skye zhing/ de las brtson 'grus dang/ de las lus dang sems las su rung ba nyid de/ de las le lo ldog go/ dran pa ni dmigs ba brjed pa'i
 gnyen po'i phyogs so shes bzhin ni bying ba dang rgod pa dag gi gnyen po ste des de dag nye bar mtshon pa'i phyir ro/ de la sems bying pa'i rgyu ni gnyis te/ lus dang yid dag lji ba nyid du gyur pas sems dmigs pa rtogs pa la/ las su mi rung ba nyid kyi mtshan
 nyid can rmugs pa dang/ rnam par shes pa lnga 'jug pa dang 'gal ba'i chos yid kyi rnam par shes pa yang blun par 'gyur ba'i rgyu shes pa 'di lta bu'i mtshan nyid can gnyid ces pa'o/ /rmugs pa dang gnyid dag gi zas ni rmya ba dang mi dga' ba dang glal ba dang
 zas la snyoms ma shes pa dang sems zhum pa nyid ces pa lnga rnams so/ /rgod pas ni 'gyod pa nye bar mtshon par byed de/ de dag gi zas ni nye du'i rtog pa dang ljongs kyi rnam par rtog pa dang mi 'chi ba'i rnam par rtog pa dang/ brgad pa dang rtses pa dang yongs su spyad pa dran pa zhes ba bzhi rnams
 so/ /de dag gi bya ba ni sems rnam par ma zhi bar byed pa'o/ /bying ba dang rgod pa dang rab tu ma zhi ba'i dus na ni rtsol ba med pa skyon te de'i gnyen por sems pa bsgom par bya'o/ /bying ba dang rgod pa rab tu zhi bar gyur pa na gang gi tshe sems rang gi ngang gis 'byung ba de'i tshe rtsol skyon
 te/ de'i gnyen por de'i tshe btang snyoms bsgom par bya'o/ /spong ba'i rgyu brgyad po 'di rnams kyis ting nge 'dzin las su rung bar 'gyur zhing/ de yis rdzu 'phrul la sogs pa'i yon tan rdzogs par byed do/ /'di yang 'dir zhi gnas kyi rim pa ste/ thog mar byang chub sems
 dpa' nang du ting nge 'dzin gyi dmigs pa la sems 'jog go /de nas gzhan du 'gro ba bkag pa las rgyun gyis rab tu 'jug par byed do/ /sems rang bzhin gyis g.yo pa nyid kyi phyir ci zhig ltar gzhan du 'gro ba na de rtogs nas myur du sdud par byed do/ /gong nas gang du
 phra bar byed bas sems de kho na la 'jog par byed do/ /ting nge 'dzin la dga' bar byed do/ /ting nge 'dzin gyi yon tan mthong ba la ste/ de yang ji srid du de bzhin gshegs pa'i bar gyi yon tan khyad par du 'phags pa thams cad do/ /mi dga' bzhi par byed de/ rnam par
 g.yeng ba'i skyon rnams mthong ba las te/ de rnams kyang mnar med ba ji srid pa'i sdug bsngal thams cad do/ /brnab sems dang yid mi bde ba la sogs pa skyes pa rnams nye bar zhi bar byed de/ mi dga' ba bzhin du'o/ /de ltar rnam pa bdun gyi skyon dang bral ba'i sems
 rtsol ba las rang gi ngang gis 'byung bar byed do/ /rang gi ngang gis zhugs nas rang nyid las rtsol ba med par rang gi dang gis 'byung ba nyid kyis yang dag par dmigs pa la sems 'dzin par byed do/ /de ltar gang gis tshe dmigs pa de la mngon par 'du bya ba med
 par 'byung ba nyid kyis ji srid 'dod par sems rab tu 'jug par 'gyur ba de'i tshe zhi gnas rdzogs par rig par bya'o/ /sgom pa'i rim pa 'di kho na gsungs pa 'dun pa zhes pa la sogs pa'o/ /'dun pa'i ting nge 'dzin dang spong ba'i 'du byed
 rnams dang ldan pa/ nyon mongs pa rnams las dben pa/ srid ba las 'dod chags dang bral ba nyid 'dod chags dang bral ba/ sdug bsngal 'gog pa sta de rnams la brten pa'o/ /rnam par spong ba ni rdzas thams cad mchog tu 'dor ba ste de'i ched du yongs su bsgyur
 ba'o/ /shin tu gzung ba ni rgod pa'o/ /dbang byed pa'i phyir dbang po ste/ dad pa la sogs pa lnga rnams 'jig rten las 'das pa'i chos bskyed pa'i ched du bdag po nyid thob pa ni dbang po rnams su 'gyur te/ dad pa'i dbang po dang brtson 'grus kyi dbang po dang dran pa'i
 dbang po dang ting nge 'dzin gyi dbang po dang shes rab kyi dbang po'o/ de la bden pa dang dkon mchog gsum dang las kyi 'bras bu rnams la mngon par yid ches pa ni dad pa ste/ rdzu 'phrul gyi rkang pa rnams la shin tu rab tu sbyor ba po la rtags mthong ba las gong ma'i khyad
 par skye ba la nges pa skye ba'i phyir/ ston pa dang byang chub sems dpa' rnams kyi rtogs pa la mngon par yid ches pa skye ste/ de 'di'i dad pa'i dbang po'o/ /dad pa lhag pa las brtson 'grus la sogs pa rnams lhag pa nyid de/ de'i phyir dbang po lnga rnams su 'gyur ro/ /de rnams
 de zhes pa la sogs pas gsungs te/ 'dod pa na sbyod pa ni mnyam par ma bzhag pa'i sa pa'o/ /'jig rten pa ni de kho na nyid ma rtogs pa'o/ /yang dag pa'i lta ba ni thams cad bdag med pa nyid du mos pa'i mtshan nyid can dang 'jig rten pha rol nges pa'o/ /dad par
 byed de yod pa nyid la sogs par yid ches par byed do/ /lhag ma ni go sla'o dbang po rnams kho na bsgom bzhin pa ni de ltar 'phel te/ ji ltar bdud la sogs pa rnams dang ma dad pa la sogs pa mi mthun phyogs rnams kyis thub par dka' ba nyid las gzhom du med pa
 nyid kyi phyir stobs zhes bya ba thob bo/ /zhes gsungs ba/ lnga zhes pa la sogs pa'o/ /de la zhes pa la sogs pa la mthong ba'i lam la ji lta ba'i yang dag ba rtogs pa ni byang chub ste/ rdzogs pa'i byang chub kyang ngo/ /de'i yan lag rnams ni rdzogs pa'i byang chub kyi yan lag
 bdun rnams so/ /de la chos rnam par 'byed pa dang brtson 'grus dang dga' ba zhes pa gsum rnams ni lhag mthong gi phyogs dang/ shin tu sbyangs pa dang ting nge 'dzin dang btang snyoms ni gnas kyi phyogs te/ dran pa ni gnyi ga'i ngo bo'o/ /dga' ba ni gang dmigs pa de kho na
 la yid dga' ba nyid do/ /ting nge 'dzin ni brtags par bya ba'i dngos po la sems rtse gcig pa nyid do/ /de la dran pa ni gnas kyi yan lag ste thams cad rnams de la brten pas 'jug pa'i phyir ro/ /chos rab tu rnam par 'byed pa ni rang bzhin gyi yan lag ste/ byang chub ni
 de'i rang bzhin nyid kyi phyir ro/ /brtson 'grus ni nges par 'byung ba'i yan lag ste/ des thob bya mthar thug pa lhag par gnas par byed pa'i phyir ro/ /dga' ba ni phan yon gyi yan lag ste sems bde ba nyid kyi phyir ro/ /shin tu sbyangs pa dang ting nge 'dzin dang btang snyoms
 gsum rnams ni gang gis gang la brten nas gang zhig nyon mongs pa med pa zhes pas kun nas nyon mongs pa med pa'i yan lag ste/ gang phyir kun nas nyon mongs pa'i rgyu gnas ngan len gyi mi mthun pa'i phyogs ni shin tu sbyangs pa ste de'i phyir kun nas nyon mongs
 pa med pa'i rgyu'o/ /gnas ni ting nge 'dzin no/ /rang bzhin ni btang snyoms so/ /de ltar byang chub kyi yan lag 'di rnams thob pa las bdag nyid kyi mthong bas spang bar bya ba'i nyon mongs pa rnams spangs par mthong nas sgom pas spang bar bya ba rnams spang ba'i ched du phung po gsum
 po 'phags pa'i lam yan lag brgyad pa bsgom mo/ zhes mdor ston pa/ 'phags pa'i lam yan lag brgyad ces pa ste 'phags pa rnams ni slob pa'i rnal 'byor ba rnams te/ de rnams kyi lam 'di nyon mongs pa las rnam par grol ba mngon du bya ba'i ched du bskyed par
 bya'o/ de'i phyir 'di 'phags pa rnams kyi yan lag brgyad do/ /zhes pa 'phags pa'i lam yan lag brgyad do/ /yan lag 'di rnams langs pa kho na'i ste/ lam la mnyam par bzhag pa la ni yang dag pa'i rtog pa dang las kyi mdza' dang 'tsho ba dang
 dran pa rnams mi srid do/ /'o na lam la snyoms par zhugs pa la yan lag brgyad sgrub pa'i chos ci ltar 'gyur zhe na/ 'jig rten las 'das pa'i chos thob pa las de'i ngo bo'i zag pa med pa'i rnam par rig byed ma yin pa thob ste/ gang thob pa las langs kyang log pa'i
 ngag la sogs pa rnams la mi 'jug cing yang dag pa'i ngag la sogs pa rnams la yang 'jug go /de'i phyir rgyu mtshan la rgyu mtshan can btags pa las yan lag brgyad nyid do/ /rnam pa gzhan du lam la snyoms par zhugs pa las 'gal lo/ /'phags pa'i lam yan
 lag brgyad pa 'di yang changs pa mya ngan las 'das pa la phan par spyod pas tshangs par spyod par mdor gsungs so/ /'di yang yang dag pa'i lta bas lus te lhag ma 'khor ro/ de la yang dag pa'i lta ba dang rtogs pa dang/ rtsol ba rnams shes rab kyi phung po'o/ /yang dag
 pa'i ngag dang las kyi mdza' dang 'tsho ba rnams tshul khrims kyi phung po'o/ /yang dag pa'i dran pa dang ting nge 'dzin ngag ting nge 'dzin gyi phung po'o/ /de la yang dag pa'i lta ba ni byang chub kyi yan lag gi dus las gong du chos thams cad bdag med pa'i mtshan nyid can gyi yang
 dag pa ji lta ba rtogs rjes su 'jug pa dang/ brnab sems dang gnod sems dang log par lta ba las ldog pa'i ngo bo/ /yang dag pa'i rtogs pa ni rtogs pa de kho na'i rnam par 'jog pa las spang bar bya ba dang blang bar bya ba spong ba dang mngon du bya bar yid la byed pa dang dge
 pa 'ba' zhig sems pa'o/ /yang dag pa'i ngag ni yang dag pa ji lta ba bzhin gyi don rtogs par byed pa dang/ brdzun du smra ba dang phra ma dang tshig rtsub po dang ngag khyal pa las ldog pa'i rang bzhin yang ngo/ /yang dag pa'i las kyi mdza' ni/ gang las gong na med ba'i lus dang
 ngag dang yid kyi bya ba ste/ srog gcod ba dang ma byin par len pa dang 'dod pa log par spyod pa zhes bya ba lus kyi nyes par spyod pa la byed pa dang byed du 'jug pa dang rjes su yi rang ba las ldog pa'i bdag nyid do/ /yang dag pa'i 'tsho ba ni rigs pas bsags pa'i nor gyis 'tsho ba
 ste/ tshul 'chos dang kha gsags la sogs pa log pa'i 'tsho ba las ldog pa'i phyir ro/ /yang dag pa'i rtsol ba ni brtson 'grus te rang dang gzhan gyi don phun sum tshogs pa dang rjes su 'brel ba'i mngon par spro ba'o/ /yang dag pa'i dran pa ni ji ltar rtogs pa'i chos mi brjed pa
 nyid de/ yang dag pa'i byang chub kyi dmigs pa dang rnam pa mngon du byed pa yang ngo/ /yang dag pa'i ting nge 'dzin ni bsgom par bya ba la sems rtse gcig pa nyid do/ /de la mthong ba'i lam yongs su gcod pa yang dag pa'i lta ba'o/ /gzhan go bar byed pa ni yang dag pa'i rtog pa
 dang yang dag pa'i ngag ste/ yang dag ba'i ngag gis kun nas bslang pa'i ngag gis de go bar byed pa'i phyir ro/ /gzhan yid ches par byed pa'i yan lag ni rnam pa gsum po yang dag pa'i ngag dang las kyi mdza' dang 'tsho ba rnams so/ /de rnams kyis ni rim pa ji lta bar gsum rnams
 la yid ches par 'gyur te gtam dang 'brel ba'i gtam rnam par nges pas shes rab la'o/ /bya ba ma yin pa mi byed pa las tshul khrims la'o/ /chos tsam gyis 'tsho ba'i yo byad snyungs pa la'o/ /mi mthun phyogs kyi gnyen po'i yan lag rnam pa gsum ni yang
 dag pa'i rtsol ba dang dran pa dang ting nge 'dzin rnams so/ /gnyen po'i phyogs de rnams ni rim pa ji lta bar nyon mongs pa bsgom pas spang bar bya ba 'dir/ nye pa'i nyon mongs pa bying ba dang rgod pa'i dang dbang nyid kyi mi mthun pa'i phyogs yon tan khyad par can sgrub pa'i gegs
 kyi'o/ /zhes pa bsdus pa'i don to/ /'di'i rgyas par bshad pa gsungs pa/ de la ci zhig ces pa la sogs pa ste/ 'jig rten las 'das pa zhes pa 'jig rten las 'das pa'i bsgom pa'i lam du bskyed par bya ba nyid kyi phyir ro/ /lta ba ni sgro btags pa ste/ bdag ni rtag pa bya
 bdag ste 'khor bar byed grol bar byed ces pa la sogs pa pha rol po rnams kyis sgro btags pa'o/ /bdag kho na lta ba so so la btags pa'i khyad par rnams kyis sems can la sogs pa'i sgra'i brjod par bya'o/ /de ltar gang zag gi bdag
 med pa rtogs pa bsgrubs nas chos kyi bdag med pa rig pa brjod pa'i ched du gsungs pa/ chad pa ma yin zhes pa la sogs pa'o/ /rtag pa ni gang gi 'dod pa la rnam par shes pa la sogs pa skad cig gcig tu yang rang bzhin yod pa ste/ de med pa'i phyir skad
 cig gnyis pa la 'chad pa'o/ /dbu ma'i rtsa bar gang gsungs pa/ yod ces pa ni rtag par lta/ /med ces pa ni chad par lta/ /gang phyir ngo bo nyid kyis yod/ /de med min pas rtag pa'o/ /sngon byung da lta med ces pa/ /chad pa nyid la rab tu 'jug ces so/ /'byung zhing skye bas
 na srid pa ste rnam par shes pa la sogs pa'o/ /'gag pa ni 'jig pa'o/ /'di'i skye pa dang 'jig pa de dag kyang dbu ma'i snye mar nges par dpyad zin pa'i rigs pas don dam par med pa dag go /zhes pas sgro btags pa dag go/ ngan snyil ni dge ba ste/ rnam par grol
 ba ni nye bar 'tshe ba thams cad ldog pa'i ngo bo nyid kyi phyir rnam grangs med par dge ba ste nad med pa nyid bzhin no/ /lam gyi bden pa ni de 'thob pa'i rgyu nyid kyi phyir ro/ /sdug bsngal dang kun 'byung gi bden pa dag ni zag pa dang bcas pa dag ste/ 'dod pa'i rnam par smin pa
 can nyid kyis na ngo bo mthun pa'i gzugs brnyan mngon par 'grub par byed pa'i phyir ro/ /ma chags pa dang zhe sdang med pa dang gti mug med pa rnams ni rang nyid dge zhing dge ba gzhan rnams kyi rtsa ba ste/ shing gi rtsa ba bzhin du skye ba dang gnas pa 'phel ba'i rgyu
 nyid kyi phyir ro/ /de la ma chags pa ni sred pa dang 'gal ba'i chos dngos po la mngon par ma zhen pa'i mtshan nyid can no/ /zhe sdang med pa ni khong khro ba dang 'gal ba sems can rnams la mi rtsub ba nyid kyi mtshan nyid can no/ /gti mug med pa ni ma rig pa dang 'gal ba
 shes rab kyi rang bzhin yang dag pa'i lta ba'o/ /lus dang ngag gi las rnams ni ma chags pa la sogs pas kun nas bslang ba nyid kyi phyir dge ba dag go/ 'di las bzlog par 'dod chags dang zhe sdang dang gti mug rnams ni mi dge ba dang/ mi dge ba rnams kyi rtsa ba rnams
 kyang ngo/ /des kun nas bslang ba'i lus dang ngag gi las thams cad kyang mi dge ba'o/ /nyon mongs pa dang nye ba'i nyon mongs pa rnams thams cad mi dge ba ste/ gzugs dang gzugs med pa na spyod pa'i nyon mongs pa dang nye ba'i nyon mongs pa thams cad dang 'dod pa'i khams kyi
 'jig tshogs dang mthar 'dzin par lta ba dag dang de dang mtshungs par ldan pa'i gti mug ni lung du ma bstan pa'o/ /ji srid du zhes pa 'dis ni lta ba gzhan gang ci yin pa bsal bar byas so/ /de nyid kyi phyir sgro 'dogs pa thams cad dang bral ba'i de kho na nyid rtogs pa'i phyir
 yang dag pa'i lta ba'o/ /kun tu rtogs pa rnams kyis shes pa mdza' ba dang cig shos su sgro 'dogs pa rnams kyis so/ /kun tu mi rtog ces pa mi bskyed pa'o/ /tshul khrims kyi phung po ni lhag pa'i tshul khrims kyi brlab pa'o/ /ting nge 'dzin gyi phung po ni lhag pa'i sems kyi
 brlab pa'o/ /shes rab kyi phung po ni lhag pa shes rab kyi bslab pa'o/ /rnam par grol ba'i phung po ni mi slob pa'i lam mo/ /rnam par grol ba'i ye shes mthong ba'i phung po ni mi slob pa'i yang dag pa'i lta ba'o/ /ngag gis te slu bar byed pas bdag nyid gdung ba ste/ nyon
 mongs pa can gyi sems nyid kyi phyir de'i tshe nyid du dang phyi mar ro/ /bdag nyid nyon mongs pa ste/ gang las nyon mongs pa can gyi sems kyis so/ /gzhan rnams dbye ba'i don du dang mi 'dun pa'i don du smra ba 'am mtshang 'bru ba dang skyon sgrogs pas so/ /bdag nyid la ngag 'khyal pa
 smra ba las bzhad gad de de ltar ni nyon mongs pa can gyi sems kyis 'dod ba dang chos ma yin pa dang don med pa dang grong pa'i nyams dang ldan pa dang byis pa'i brjod pa dang 'du 'dzi dang smre sngags dang glu dang yang dag par chags par bya ba dang gar la sogs pa'i gtam rnams
 dang bstan bcos ngan pa rnams smra ba 'di ni rang nyid kyi mngon par mi shes can gyi sems kyis 'dod pa dang chos ma yin pa dang don med pa dang grong ba'i nyam dang ldan pa dang byis pa'i brjod pa dang 'du 'dzi dang smre sngags dang glu dang yang dag
 par bya ba dang gar la sogs pa'i gtam rnams dang bstan bcos ngan pa rnams smra ba 'di ni rang nyid kyis mngon par mi shes pa nyid kyis bdag nyid la'ang bzhad gad byed do/ /zhes dam pa rnams kyis brjod par bya'o/ /des te ngag gis nyes par spyod pa rnam pa bzhi dang
 bral bas/ /mnyam par bzhag pa ste/ yang dag pa ma yin pa'i rnam par rtog pas ma brnyogs pa gnyis su med pa'i shes rab ste de dang rjes su 'brel ba'i ngag go/ de ni 'di'i yang dag pa kun nas slong ba'o/ /'jug par byed de gzhan dang rang nyid do/ /ngag 'ga' 
 zhig brjad pas de'i brjod par bya ba go bar byed do/ /nag po ni mi dge ba ste srog gcod pa la sogs pa sdug bsngal gyis rnam par smin pa can 'dod pa'i khams kho na ste/ sdug bsngal myong bar 'gyur ba'i las ni gzhan med pa'i phyir ro/ /dkar ni dge ba
 sbyin pa la sogs pa'o/ /de yang zag pa dang bcas pa dang zag pa med pa'o/ /zag pa dang bcas pa ni 'dod pa'i khams su dang bsam gtan gsum pa ji srid bar bde ba'i rnam par smin pa can no/ /bsam gtan gzhi pa nas srid pa'i rtse mo'i bar du ni bde ba
 yang ma yin sdug bsngal yang ma yin ba'i rnam par smin pa can te gang gi phyir dge ba ni 'dod pa'i rnam par smin pa can du brjod do/ /zag pa med pa ni 'jig rten las 'das pa'i rtogs pa'i rnam par smin pa can no/ /dkar po zhes pa ni dkar por snang pa ste/ ji
 ltar bar sdig pa rmongs pa rnams bsod nams kyi blos pha dang ma rgas pa gsod pa bzhin no/ /de bzhin du gzhan yang kla klo la sogs pa rnams kyi gti mug las dge ba 'dod pa'i bsam pas srog gcod pa la sogs pa'i las ni dkar po bzhin du snang
 ngo zhes pas dgongs pa can gyi dkar ro/ /zhes gsungs kyi dngos por ni nag po kho na'o/ /de'i phyir 'di'i rnam par smin pa nag po ste sdug bsngal yin pa'o/ /nag po zhes pa ni mngon spyod la sogs pa ste/ de ni blo ma sbyangs pa rnams la nag po bzhin du snang ngo/ zhes pas
 'di mngon par rloms pa'i nag po nyid de/ snying rje dang ldan pa'i byang chub sems dpas kun tu spyod pa'i phyir de ni dkar po kho na'o/ /de'i phyir rnams par smin pa dkar po 'ba' zhig tu ma zad kyi/ sdig pa ? pa'i ched du yang rab tu 'gyur ro/ /de ltar yang rnam pa 'di
 lta bur 'byed par 'gyur/ /de ltar dam pa'i las rjes su 'brang ba ste/ zlog pa'i tshul khrims dang dge ba'i chos sdud pa'i tshul khrims dang sems can gyi don byed pa'i tshul khrims rnams rjes su sgrub par byed pa'i phyir ro/ /yang dag pa ni bslu ba med pa ste/ /las rnams
 kyis mdza' ste mthar thug pa'o/ /gang zhes pa gang zhig 'phags pa'i rigs kyi skyon sbyang ba'i ched du yon tan du bya zhing goms par bya'o/ zhes pa yon tan rnams te/ bsod snyoms pa nyid dang chos gos gsum pa nyid dang stan gcig pa nyid dang zas phyis mi len
 pa nyid dang/ gzhi ji bzhin pa nyid dang cog bu pa nyid dang bla khab med pa nyid dang shing drung pa nyid dang dur khrod pa nyid dang chag dar khrod pa nyid dang/ phying pa pa nyid dang dgon par gnas pa nyid ces pa bcu gnyis rnams so/ /de rnams la rjes su bsgrub par nges pa mi
 gtong ba'o/ /tshul chos ni rnyed pa 'dod pas zol gyis chos gos la sogs pa'i ched du spyod lam sdom pa'o/ /kha gsag ni rnyed pa'i don du rnyed pa dang bkur sti 'dod pa'i bsam pas ngo bstod kyi dag go /gtam kho na dri zhim pa ste/ pha rol dga' ba dang snying la
 'bab pa gang gi yin pa ni de nyid do/ /'di ni nye bar mtshon pa ste/ thob kyis 'jal ba nyed dang gzhog slongs nyid kyang/ de la rnyed pa 'dod pas gzhan gyi mdun du 'di ltar 'di ni ser sna can no/ /zhes pa la sogs pas gzhan la smod pa ni thob kyis 'jal ba
 nyid de/ thob kyis 'jal ba kho na gzhan las rnyed pa sgrub par sred pa'o/ /nyung ngu byin nas mang po 'tshol ba dang 'dod pas dngos po la bsngags pa ni gzhog slongs nyid de/ rnyed pa'i rgyu mtshan du cung zad byin pa la bsngags pa yang ngo/ /
 legs par kun tu spyod pa ni dge ba'i bya ba'o/ /bdag nyid kyi rnyed pas tshim zhing ma zhe na pa nyid dang tshod shes pas nye bar longs spyod pa la sogs pa kho na ma tho ba dang bral ba gang gi yin pa de nyid do/ /rjes su gnang ba ni bde ba len pa ma yin pa nyid la
 sogs pa rnams kyis 'tsho ba'o/ /rtsol ba ni brtson 'grus so/ /log pa ni mi dge ba'i yul can no/ /'jug pa ni sbyor ba'i brtson 'grus so/ /sgrub pa ni lam mo/ /shin tu nye bar gnas pa ni lam bsgom pa'i sbyor ba'i gnas skabs su'o/ /
 mi g.yo ba'i yang dag pa ma yin pa'i rtog pa la sogs pa rnams kyis te dngos gzhi'i gnas skabs su'o/ /drang po ni gnyis su med pa'i de kho na nyid kyi yul can nyid kyi phyir ro/ /mi 'khyogs pa ni lam log pa yongs su spangs pa'o/ /de nyid
 kyi phyir 'phags pa'i lam la 'di yis yang dag par sbyor ro/ /zhes pas yang dag par sbyor ba'o/ /yang dag pa nyid ni tshad mas 'thad pa'i de kho na nyid rang bzhin med pa nyid de/ des ting nge 'dzin no/ /'o na byang chub kyi phyogs kyi chos bsgom
 pa ni nyan thos dang rang sangs rgyas kyi theg pa pa mya ngan las 'das pa la mchog tu gzhol ba rnams kho na la rigs kyi byang chub sems dpa' rnams la ni ma yin te ji skad du 'phags pa 'jam dpal gyis zhus pa rdzu 'phrul gyi cho 'phrul theg pa
 chen po'i mdor gsungs pa/ 'jam dpal ma 'ongs pa'i dus su dge slong rnams 'byung bar 'gyur te/ de rnams mi gtsang ba las lus la lus kyis rjes su lta ba ni dran pa nye bar gzhag par ston par 'gyur ro nas/ ji srid du 'di kho na don
 dam pa'o/ /zhes pa'i bar du'o zhe na/ 'di skyon med de byang chub sems dpa' rnam pa thams cad du chos thams cad rtogs pa don du gnyer ba nyid kyi phyir dang/ chos thams cad dmigs pa lhur len pa nyid kyi phyir na sems can thams cad la phan pa sgrub pa'i rgyu nyid kyi phyir
 'khor ba la yang yongs su mya ngan las 'das pa bzhin du yon tan mthong ba/ mya ngan las 'das pa la yang sems can la phan pa bsgrub pa'i rten ma yin pa nyid las 'khor ba bzhin du mi mthun par lta ba/ chos nyid tsam nyid kyi phyir 'khor ba dang mya ngan las 'das
 pa dag mnyam pa nyid du lta ba rnams kyang rang bzhin mi dmigs pa so sor rtogs pa'i don kho nar byang chub kyi phyogs rnams sgom par byed do/ /bcom ldan 'das ma stong phrag brgya par gsungs pa/ dran pa nye bar gzhag pa mi dmigs pa nyid nye bar gzung nas
 zhes pa la sogs pa'o/ /'di rnams byang chub kyi phyogs mngon du byed par 'gyur ba 'ba' zhig yin gyi rgyun du zhugs pa'i 'bras bu la sogs pa'am mya ngan las 'das pa mngon du mi byed do/ /de skad du yang stong phrag nyi shu lnga par gsungs pa/ byang chub kyi
 phyogs kyi chos rnams la gnas pa nyid shes te/ 'di ni yongs su 'dris bar bya ba'i dus yin gyi 'di mngon du bya ba'i dus ni ma yin no/ /zhes pa la sogs pa'o/ /de'i phyir byang chub kyi phyogs rnams bsgom pas ni mya ngan las 'das pa mngon du mi byed kyi/ de rnams
 kho na goms par byed cing rab tu mthun par byed pa 'ba' zhig ste/ ji skad du mdo de nyid gsungs pa/ bcom ldan 'das don dam par dran pa nye bar gzhag pa la sogs pa rnams ci ltar blta bar bya/ bka' stsal pa/ 'jam dpal gang gis lus nam
 mkha' dang mnyam par mthong ba 'di ni lus la lus kyi rjes su blta ba'i dran pa nye bar gzhag pa'o/ /gang gis tshor ba dang sems dang dge ba dang mi dge ba la sogs pa'i chos rnams mi dmigs pa nas ji srid 'jam dpal de ltar don dam par dran pa nye bar
 gzhag pa bzhi rnams blta bar bya'o nas/ ji srid du gang rang bzhin gyis snyoms par zhugs pa dang/ rang bzhin gyis g.yeng ba med par chos thams cad blta ste/ dmigs pa mi dmigs pa nyid kyi phyir 'di ni yang dag pa'i ting nge
 'dzin to/ /'jam dpal gang la la/ 'di lta bur dran pa nye bar gzhag pa rnams nas 'phags pa'i lam yan lag brgyad pa'i bar du yang dag par rjes su blta ba de ni brgal ba pha rol tu 'gro bar nga smra'o/ /nas ji srid pa rnam pa thams cad mchog dang
 ldan pa'i thams cad mkhyen pa'i ye shes mngon par rdzogs par sangs rgyas par 'dod pas chos 'di rnams la mos pa bya'o/ /zhes pa'i bar du'o/ /de nyid kyi phyir 'di rnams byang chub kyi sems kyi nang du 'dus par gsungs so/ /bsgom par bya ba shes rab dang
 thabs kyi rang bzhin byang chub kyi sems de yang rnam pa gnyis te/ e ma ma la bdag gis sems can thams cad kyi sangs rgyas nyid kyi ched du bla na med pa yang dag par rdzogs pa'i byang chub mngon par rdzogs par byang chub par bya'o/ /zhes don du gnyer
 ba'i rnam pa can smon pa'i sems dang/ rab tu 'jug pa'i rnam pa can 'jug pa'i sems so/ /de la smon pa'i sems rnam pa gsum ste/ 'dun pa dang ldan pa chos thams cad mngon par rdzogs par byang chub par 'dod pa nyid kyi mtshan nyid can dran pa nye bar
 gzhag pa bsgom pa'i rang bzhin dang/ bsam pa dang ldan pa pha rol tu phyin pa drug spyod par 'dod pa nyid kyi mtshan nyid can yang dag par spong ba bsgom pa'i rang bzhin dang/ lhag pa'i bsam pa dang ldan pa byang chub kyi phyogs kyi chos sum cu rtsa bdun bsgom par
 'dod pa nyid kyi mtshan nyid can rdzu 'phrul kyi rkang pa bzhi bsgom pa'i rang bzhin no/ /gsum po 'di ni las dang po pa'i sa tshogs kyi lam thar pa'i cha dang mthun pa'i dge pa'i rtsa bar brjod par bya ste/ thar pa'i cha ni thob pa ste/ de'i ched du phan pa'o/ /
 zhes byas nas so/ /'jug pa'i sems ni sa bcu gnyis rnams te/ de la gcig ni sbyar ba'i gnas skabs rin po che pad+ma'i pha rol tu phyin pa'i rang bzhin no/ /bcu ni sbyin pa la sogs pa'i pha rol tu phyin pa'i rang bzhin rgyu'i gnas skabs rnams so/ /tha ma ni 'bras
 bu'i gnas skabs rdo rje las kyi pha rol tu phyin pa rab kyi mthar phyin ba rtogs pa'o/ /de la sbyor ba'i gnas skabs rnam pa bzhi ste/ dro ba dang rtse mo dang bzod pa dang chos mchog ces pa ste/ rim pa ji lta bar srub shing bsrungs pa las le'i bzhin du mthong ba'i lam zhes
 bya ba spros pa med pa'i 'jig rten las 'das pa'i ye shes kyi me'i snga ltas nyid kyi phyir dang/ dge ba'i rtsa ba g.yo ba'i rtse mo nyid kyi phyir dang/ 'jig rten pa'i chos mchog la bzod pa'i phyir dang/ 'jig rten pa'i chos thams cad kyi mchog nyid kyi phyir ro/ /'dir
 dang po gnyis dbang po'i rang bzhin te/ tha ma gnyis ni stobs kyi rang bzhin no/ /'di ltar yang gong nas gong du khyad par du 'gro ba'i phyir phul du byung ba'i sbyor ba ni rab tu sbyor ba ste/ bar chad med pa mthong ba'i lam myur bar skye ba'o/ /'jig rten pa'i bsam gtan
 dang gzugs med pa la brten pa nyid kyis na 'jig rten pa'i sgom pa'i lam mo/ /nges par 'byed pa la brten pa la phen pa'i dge ba yang ste/ rnam par mi rtog pas 'byed pa ni nges par 'byed pa ste mthong ba'i lam yin cing de sten par byed pa ni bsten pa ste thob pa'o/ /
 de'i ched du phan pa'o/ /zhes byas nas so/ /gnas skabs 'dir rnal 'byor pa'i mos pa gtso bo nyid kyi phyir dang yon tan gyi rten du gyur pa nyid kyi phyir zag pa dang bcas pa'i mos pa spyod pa'i sa 'di'o/ /zhes rnam par bzhag go /'dun pa dang bsam pa dang lhag pa'i
 bsam pa dang sbyor ba'i bdag nyid sems bskyed pa bzhi po 'di rnams kyang brda' las byung ba dang kun rdzob pa dang 'jig rten pa rnams kyang do/ /de las gong ma'i sems bskyed pa rnams ni don dam pa pa dang 'jig rten las 'das pa dang zag pa med pa rnams
 te/ gong nas gong du yon tan gyi rten du gyur pa nyid kyi phyir na rab tu dga' ba dang dri ma med pa dang 'od byed pa dang 'od 'phro ba dang sbyang dka' ba dang mngon du gyur pa dang ring du song ba dang mi g.yo ba dang legs pa'i blo gros dang chos kyi sprin
 dang/ kun tu 'od ces pa sa bcu gcig po rnams su blta bar bya'o/ /de la sems bskyed pa dang po mthong ba'i lam gyi rang bzhin byang chub kyi yan lag bdun gyi ngo bo la nyon mongs pa thams cad spangs pa las lhag pa'i bsam pa dag pa'i byang chub
 sems dpa' ste/ gang gi phyir 'dir thog ma med pa'i 'khor bar ma mthong ba'i de kho na nyid rang dang gzhan gyi don grub par byed pa mthong ba las yongs su mya ngan las 'das pa la sogs pa rnams la/ mchod pa'i bsam pas dang de las gzhan pa rnams la
 dbang po'i 'byung ba chen po la phan 'dogs par 'dod pas ster bar byed de/ gang gis de rang gi rang gi ba nyid yongs su gtong zhing pha rol po'i rang gi bar byed pa'i sems ni sbyin pa'o/ /zhes pa 'di lta bu'i mtshan nyid can chos dang zang zing dang mi 'jigs
 pa'i sbyin pa'i pha rol tu phyin pa'i lhag pa nyid kyis mu mdza' med pa'i sems can tshim par byed na yang yongs su mi zad pa'i phyir rab tu dga' o/ /de'i phyir 'di rab tu dga' ba'i sa'o/ /de las phyi ma rnams ni 'phags pa'i lam yan lag brgyad pa'i bdag nyid
 kyis rnams te/ de la gang gi phyir 'dir bdag dang gzhan rjes su 'dzin pa la rab tu 'jug pa'i phyir 'gyod pa med cing rab tu dga' ba nyid kyi sbyor bas nyon mongs pa mi gnas pa'i phyir dang mi dge ba bcu las ldog pas sam sems kyi 'gyod pa'i me nye bar zhi
 bas bsil ba len pa'i sems ni tshul khrims so/ /zhes pa sdom pa dang chos yang dag par sdud pa dang sems can gyi don bya ba'i mtshan nyid can gyi tshul khrims kyi pha rol tu phyin pa lhag pa nyid kyi tshul khrims 'chal ba'i dri ma dang bral ba ste/ de'i phyir dri ma
 med pa'o/ /gang gi phyir 'dir gzhan gnod pa byed pa la ji mi snyam pa dang sdug bsngal dang du len pa dang/ chos des par sems pa'i bzod pa'i dbye ba las rnam pa gsum po sran tshugs pa nyid kyi mtshan nyid can gyi bzod pa'i pha rol tu phyin pa lhag pa nyid
 las mi 'dod pa thog tu bab pa thams cad kyis mi 'khrugs pa nyid kyi phyir ma nyams pa'i ting nge 'dzin la brten pa'i chos kyi snang ba chen po byed pa de'i phyir 'od byed pa'o/ /gang las 'dir lus dang ngag dang sems kyi dge ba'i chos kyi tshogs kyi rgyun 'jug pa
 can dang sems can gyi don rjes su 'brel pa can dang rang sangs rgyas kyi zhing yengs su sbyong bar byed pa rnam pa gsum po sbro ba'i mtshan nyid can gyi brtson 'grus kyi pha rol tu phyin pa lhag pa nyid las byang chub kyi phyogs rnams kyis kun nas nyon mongs pa'i bud shing
 bsreg ste/ de'i phyir ye shes kyi 'od zer 'byung ba'i phyir 'od 'phro ba'o/ /gang gi phyir 'dir chos rnams thams cad la bri ba dang gang ba nyid med pa'i phyir skyon sel bar byed pa dang gnas pa can dang rnam par 'byor pa can gyi mtshan nyid can gsum gyi bsam
 gtan gyi pha rol tu phyin pa lhag pa nyid las dmigs pa'i rnam par g.yengs pas mi bskyod pa na yang 'jig rten pa dang 'jig rten las 'das pa dag gi rigs pa dang bden pa'i shes pa dag phan tshun 'gal ba'i phyir yongs su spyad ba bya dka' ba dang/ gang gi
 phyir yang 'jig rten gyi khams thams cad na gnas pa'i bdud rnams kyis byang chub sems dpa' thub par mi nus te de'i phyir spyad dka' ba'o/ /gang gi phyir 'dir stong pa nyid dang snying rje dbyer med pa rab tu mi gnas pa'i sems ni byang chub kyi sems dang shes
 rab kyi pha rol tu phyin pa'o/ /zhes pa thos pa dang bsam pa dang sgom pa'i rang bzhin shes rab kyi pha rol tu phyin pa rnam pa gsum po lhag pas nyon mongs pa dang shes bya'i sgrib pa thams cad rab tu zhi bar byed bas las dang rten cing 'brel bar 'byung
 pa rab tu rnam par 'byed pa las chags pa med pa'i sgo zhes bya ba shes rab kyi pha rol tu phyin pa'i gnas pa mngon du 'gyur te/ de'i phyir mngon du gyur pa'o/ /pha rol tu phyin pa rdzas su ma drug po 'di rnams ming gis bcur 'gyur
 te/ shes rab kyi pha rol tu phyin pa kho na khyad par gyi rnam par zhugs pa rnams thabs dang smon lam dang stobs dang ye shes kyi pha rol tu phyin par mngon par brjod pa'o/ /de ltar ni pha rol tu phyin pa drug gis nye bar bsags pa'i dge ba'i rtsa ba
 bla na med pa yang dag par rdzogs pa'i byang chub tu yang dag par yongs su bsngo ba rang gi skyon sel bar byed pa dang sems can gyi don la 'jug par byed pa dang/ myur du bde blag tu mngon par byang chub par byed pa'i mtshan nyid can ni thabs kyi pha rol tu phyin
 pa ste/ thabs des de mi zad par byed pa'i phyir ro/ /smon lam chen po bcu la sogs pa smon lam grangs med pa rnams ni smon lam gyi pha rol tu phyin pa yin zhing tshogs kyi rgyun can dang sems can gyi don rjes su 'brel pa can dang sangs rgyas kyi zhing
 sbyong bar byed pa'i mtshan nyid kyi dbye bas rnam pa gsum ste/ gang gis skye ba so sor pha rol tu phyin pa drug la spyod pa'o/ /sgom pa'i stobs dang so sor rtog pa'i stobs ni stobs kyi pha rol tu phyin pa yin zhing/ las ldog par byed pa dang nyon mongs pa sel
 bar byed pa dang bdud dang phas kyi rgol ba bzlog par byed pa'i mtshan nyid kyi dbye bas rnam pa gsum ste/ gang gis nyi ma so so 'am skad cig so sor de rnams la spyod pa'o/ /dgongs pa ji lta ba dang sgra ji lta ba bzhin ma yin par theg pa chen po shes
 pa ni ye shes kyi pha rol tu phyin pa ste/ rnam par mi rtogs par byed pa dang rnam par rtogs pa mnyam pa nyid du rtogs par byed pa dang sems can gyi don gyi thabs lkog tu ma gyur pa'i mtshan nyid can gyi dbye bas rnam pa gsum mo/ /de la thabs kyi pha rol
 tu phyin pas byams pa dang snying rje dang dga' ba dang btang snyoms kyi mtshan nyid can tshad med pa mi zad pa dang ldan pa nyid kyis na gnas skabs thams cad du sems can gyi don yongs su mi gtong ba las gang gi phyir 'dir byang chub kyi phyogs dang bden pa dang rten cing
 'brel bar 'byung ba la dmigs pa'i mtshan ma med pa'i gnas pa la rtsol bas 'byung ste de'i phyir ring du song pa'o/ /gang gi phyir 'dir lam gyi pha rol tu phyin pas smon lam ji lta ba bzhin 'bras bu 'grub pa'i phyir byang chub kyi phyogs dang bden pa dang rten cing 'brel
 par 'byung ba la dmigs pa'i mtshan ma med pa'i gnas pa rang gi ngang gis 'byung ba nyid kyi phyir mi g.yo ba ste/ de'i phyir mi g.yo ba'o/ /gang gi phyir 'dir stobs kyi pha rol tu phyin pas/ spyin pa dang snyan par smra ba dang don spyod pa rang don mthun pa'i mtshan nyid can bsdu
 pa'i dngos po bzhi mi zad pa rnams kyis gdul bar bya ba'i sems can yongs su smin par byed pa'i phyir/ chos dang don dang nges pa'i tshig dang spobs pa so so yang dag par rig pa rnams kyis chos ston pa po nyid kyi phyir byang chub sems dpa' legs pa ste de'i
 phyir legs pa'i blo gros so/ /gang gi phyir 'dir byang chub sems dpa' chos rnams la rgyal tshab kyi ched du dbang bskur te de'i phyir chos kyi sprin te/ mi ha bran pa la'o/ /g+hanya ste ming la g+ha nyid do/ /ye shes kyi pha rol tu phyin pa la so so yang dag par rig pa mi zad
 pa rnams kyi gdul bya 'dun par byed pa'i chos ston pa po nyid kyi phyir sprin chen po bzhin du rtsol ba med par chos thams cad mngon par char du 'phebs te dga' ldan gyi gnas la sogs pa'i rim pas 'jig rten gyi dge ba mngon par 'phel ba'i don du'o/ /
 zhes pas kyang chos kyi sprin no/ /gang gi phyir 'dir bag chags dang bcas pa'i nyon mongs pa dang shes bya'i sgrib pa ma lus par spangs pa'i phyir shin tu ba'i rnam par dag pas me long lta bu la sogs pa ye shes lnga'i rang bzhin nyid kyis na ji ltar snying rje dang
 shes rab gnyis su med par chos kyi dbyings rtog pa ltar dang chos la bdag med par mnyam pa ji lta ba bzhin dang sems can gyi sems kyi spyod pa ji lta ba bzhin dang 'gro ba'i bya ba ji lta ba bzhin du kun nas rdul phra rab so so bar mu
 mtshams med pa khams gsum pa'i sems dang cig shos kyi dngos po rab tu snang ba'i 'od can te/ de'i phyir kun tu 'od/ chos kyi sku la sogs pa'i rang bzhin shin tu dga' ba chen po'i bde ba dam pa zhes pa'i ming gzhan can gang shes rab kyi pha rol tu phyin pa
 dngos pha rol tu phyin pa thams cad kyis yongs su bskor ba/ rnam pa thams cad mkhyen pa nyid/ chos kyi sprin gyi mthar thug pa'i byang chub sems dpa' i sa rnams kyi 'bras bu'i gnas skabs bcu gcig pa sangs rgyas kyi sa'o/ /de ltar sa bcu gcig rnams te/ mos
 pa spyod pa'i sa dang lhan cig bcu gnyis dang las dang po pa'i sa dang lhan cig bcu gsum rnams so/ /yang na khyad par gyi lam gyi ngo bo dpe med pa'i sa dang lhan cig bcu gnyis te/ sangs rgyas kyi sa'i bar chad med pa'i lam gyi bdag nyid ye shes dang ldan
 pa'i sa dang lhan cig bcu gsum mo/ /zhes pa ji ltar rigs par gdul bya'i bsam pa ji lta bar mdo dang rgyud la sogs pa rnams su rnam par bzhag pa'o/ /sa 'di rnams la so so rang gis ji ltar rigs par phi ma phyi ma'i sems kyi gnas skabs rnams su rim pas
 skye ba'i phul du byung ba mchog dang rab mchog la sogs pa'i dbye bas lha'i mig dang lha'i rna ba dang gzhan gyi sems shes pa dang sngon gyi gnas rjes su dran pa dang/ rdzu 'phrul gyi mngon par shes pa la sogs pa'i yon tan rin po che'i phung po rnams
 'thob bo/ /de rnams kyi lam gyi rnam pa rgyas pa dang bcas par thub pa'i dgongs pa'i rgyun du'o/ /'di thams cad nang gi tshul du gsungs pa/ 'di rnams kho na zhes pa la sogs pa ste/ ni ni khyad par la'o/ /zag pa med pa nyid kyis na 'jig rten las 'das
 pa rab tu dga' ba la sogs pa rnams so/ /zag pa dang bcas par ni so so'i skye bo sa gnyis te/ 'di rnams kyi rgyu nyid kyis go sla ba nyid kyi phyir ma gsungs pas so/ /kun te thams cad du de'i bdag nyid kyis gang du gnas shing 'brel ba de ni kun gzhi'o/ /rab tu dga' ba la
 sogs pa'i rang bzhin kho na ni zag pa med pa'i dad pa la sogs pa'i dbang po la sogs rang bzhin nam/ zag pa med pa'i mig la sogs pa'i rang bzhin sa'i snying po la sogs pa rnams so/ /sangs rgyas thams cad kyang rnam par snang mdzad la sogs pa rnams te/ sgrib
 pa med pa'i gzugs la sogs pa phung po lnga dang me long lta bu la sogs pa'i ye shes lnga'i bdag nyid rnams so/ /khyad par gyi zhes pa 'bras bu'i sa ste/ 'di rnams kyi gzhi'o/ /yang na gzhi ni rten te/ snga ma snga ma'i sa ni phyi ma phyi ma'i rgyud nyid kyis na'o/ /'di nyid gsal bar
 byed de/ sangs rgyas rnams kyi zhes pa la sogs pas so/ /'byung byed ni 'thob byed do/ /mchog ni dam pa ste nyan thos la sogs pa'i sa rnams las so/ /'o na de lta na pha rol tu phyin pa'i tshul dang mtshungs pa nyid kho nar 'gyur ro zhe na/ de ltar na yin te/ bde ba chen po'i
 ngo bo rdo rje 'dzin pa'i sa 'di kho na ru rtogs par byed pa'i phyir ro/ /'o na de yang me long lta bu la sogs pa'i ye shes kyi ngo bo kho na ste/ des na khyad par ci zhe na/ khyad par yod de de'i ngo bo nyid du sgrub par byed pa kho na'o/ /dper na dngos por nang stong pa nyid dang ro
 gcig pa'i stobs dang mi 'jigs pa nyan thos kyi tshul la sgrub pa rnams kyi yang/ stong pa nyid du ma bsgrubs pa'i phyir dang/ pha rol tu phyin pa'i tshul la bsgrubs pa'i phyir khyad par chen po brjod pa bzhin no/ /'o na bsam gtan dang po thob pa rnams kyang 'khor
 los bsgyur ba rnams bzhin du bde bar nye bar bstan na/ bdag med pa nyid gnyis ka rab tu rtogs pa na lta ci smos/ de ltar ni rab tu dga' ba lhag pa nyid las sa dang po rab tu dga' ba'o/ /zhes brjod par bya bas so zhe na/ bden te/ 'di lhan cig skyes pa'i bde
 ba ni ma yin te/ de nyid kyi phyir bde ba chen po ma yin zhing/ las dang po pa'i gnas skabs su thabs su gyur pa yang ma yin te/ khab kyi bu ga ni bu ga'o/ zhes pa kho nas nam mkha' dang yang mnyam par gyur ba ma yin pas so/ /'o na shes
 rab kyi pha rol tu phyin par gang yang bla na med pa yang dag par rdzogs pa'i byang chub kyi bde ba zhes gsungs so zhe na/ 'di gsungs mod 'di'i thabs bstan pa ni ma yin te/ thabs su gyur pa lhan cig skyes pa'i bde ba chen po nye bar ma bstan pa'i phyir ro//
 de'i phyir de yang rim pa 'di kho nas rtogs par bya'o/ /de skad du yang rnam par snang mdzad mngon par byang chub par gsungs pa/ rigs kyi bu khyod kyis rang gi sems zla ba'i rnam par ltos shig ces pa la sogs pa'o/ /de ci'i pha rol tu phyin pa'i tshul
 gyis byang chub pa med dam zhe na/ de lta ma yin te/ shes rab kyi pha rol tu phyin pa med par bla na med pa yang dag par rdzogs pa'i byang chub kyi dri yang ga la yod/ mchog tu mthar thug pa na yang nges par thabs 'di la bltos so/ /zhes brjod par bya ste/
 dper na nam mkhar bzhugs pa'i rdzogs pa'i sangs rgyas rnams kyis gnang ba'i shes rab kyi dbang la shAkya'i mgon po byang chub kyi shing drung du bzhugs pa byang chub thob pa'i ched du mtshan phyed na bltos pa bzhin dang/ ji ltar yang bcom ldan 'di kho nas
 rdo rje snying po la thig le mchog ma la dbang bskur byin pa bzhin no/ /zhes pa shin tu rgyas pas mchog ste/ man ngag rig pa rnams kyis khyad par 'di yongs su gsal bar rnam par shes par 'gyur ro/ /nam gyi tshe 'di rnams sangs rgyas nyid du 'byung
 bar byed ce na gsungs pa/ sum cu rtsa gnyis zhes pa ste/ rtsa rnams ni drug pa'i rab tu byed pa gsum par 'chad par 'gyur ba'i rdzogs pa'i dkyil 'khor gyi lhar mos pa las tha mal pa'i nga rgyal bsal nas las dang rnal 'byor dang lhan cig skyes
 pa'i de bzhin nyid rnams las gang yang rung bas bla ma'i man ngag ji lta ba bzhin du yan lag drug rnams kyis shes rab dang thabs kyi rang bzhin kun rdzob dang don dam pa dbyer med pa'i byang chub kyi sems bsgom pa las gang gi tshe kun rdzob pa'i byang chub kyi sems
 kyis rtsa rnams gang bar gyur cing/ de gang ba'i rjes thogs te bar ma chad pa de'i tshe kho na 'bras bu'i gnas skabs don dam pa'i byang chub kyi sems kyi rang bzhin dbang po la sogs pa rnams rdo rje 'dzin pa'o/ /'di tsam kho nas rdo rje 'dzin pa mchog ma yin gyi 'on kyang
 lhan cig skyes pa'i de kho na nyid rtogs pa'i ched du phyag rgya la bltos par bya ste/ sum cu rtsa bdun par phyag rgya chen po'i dngos grub ni phyag rgya dang lhan cig kho na'o/ zhes nges par byed par 'gyur ro/ /de ltar gyur pa na rang lus nyid la zhes pa la sogs pa'o/ /ci
 gzhan du yang sangs rgyas nyid du 'od pa yod dam zhe na/ yod de nyan thos dang rang sangs rgyas kyi theg pa pa rnams so/ /de rnams ni phung po lnga 'gags pa na phung po lhag ma med pa 'dus ma byas pa thob bya rtag pa mya ngan las 'das pa ni sangs rgyas nyid du stong
 par byed do/ /dbang po la sogs pa rnams rdo rje 'dzin pa nyid du gsal bar byed de/ rang lus gnas zhes pa la sogs pa ste rang gi lus la sogs pa ma yin par 'jug pa'i phyir rang lus gnas pa'o/ /chos thams cad kyi rtsa ba nyid kyis ye shes chen po'o/ /stong
 pa nyid dang ro gcig pa nyid kyi bde ba chen po'i nyid kyis rtog pa thams cad rnams spangs pa'o/ /dngos po kun la khyab pa po/ /zhes pa thams cad du nye bar mi 'brel ba'i nyams su myong ba las bde ba chen po gsal ba nyid du gsungs te chu yis rlabs rnams la yin no//
 de nyid kyi phyir gsungs pa/ lus la gnas kyang lus skyes min/ zhes pa lus nyid ni de dang ro gcig tu 'byung ba'i phyir te chu rlabs ni chu las bzhin no/ /de ltar dngos po thams cad la khyab par byed pa nyid kyis dkyil 'khor pa dang bcas pa'i dkyil
 'khor gyi dbang phyug shes mod kyi/ de lta na yang dkyil 'khor pa'i lha khyad par du shes pa'i ched du zhu ba/ lus la zhes pa la sogs pa'o/ /rtsa rnams kyi rang bzhin spyi dang khyad par du rgyas par ston par bzhed pas dang por grangs
 kho na gsungs pa/ bcu phrag gnyis lhag brgya phrag gcig /ces pa ste nyi shu lhag pa'o/ /spyir gsungs pa/ 'khor lo bzhi yi rab dbye las/ /shes pa sprul pa dang chos dang longs spyod rdzogs pa dang bde ba chen po'i 'khor lo rnams kyi drug cu rtsa bzhi dang
 brgyad dang bcu drug dang sum cu rtsa gnyis kyi rtsa'i dbye ba las so/ /khyad par gsungs pa/ byang chub sems kyi rang bzhin gyis shes pa byang chub kyi sems kho na rang ste bdag nyid kyi ngo bo/ phal cher de 'bab par byed pa'i phyir ro/ /de skad du yang brtag pa gnyis par byang
 chub kyi sems sum cu rtsa gnyis 'bab pa bde ba chen po'i gnas su 'dzag pa rnams so/ /zhes gsungs so/ /dga' ba ma zhes pa dga' ba'i gdong can ma'o/ /nag mo zhes klog pa la ni nag po'i gdong can zhes pa ming gzhan te/ ji ltar rgyud gzhan du bzhin no/ /kha dog ma zhes
 ba ni gzugs ma'o/ /gtum mo zhes pa gtum byed ma'o/ /rtsa 'di rnams kyi lha nyid dang bya ba la sogs pa ni 'chad par 'gyur ro/ /de ltar mdor bstan pa'i rtsa rnams kyi don dam pa'i rang bzhin shes bar bya ba'i ched du zhus pa 'di rnams zhes pa la sogs pa ste
 srid gsum ni lus dang ngag dang sems rnams te khu ba dang khrag dang sems rnams so/ /gang gsung bar 'gyur ba/ snying stobs lus te rdul ni ngag /sems ni mun pa'i rang bzhin las/ /snying stobs khu ba rdul ni khrag mun pa skye ba kho na'o/ zhes so/ /de rnams las de'i ngo bo yongs gyur
 rnams so/ /de la kun dar ma ni gtso bor sems 'bab pa'i phyir sems kyi ngo bor yongs su gyur pa nyid do/ /zhes gzhan du rnam par bzhag go /rkyang ma ni lus 'bab pa'i phyir lus kyi ngo bor ro/ /ro ma ni ngag gi ngo bor ro/ /ngag gi skye gnas rlung 'bab pa'i phyir rkyang ma dang ro ma
 dag ngag gi ngo bor zhes kyang ste/ de las gzhan rnams lus 'bab pa'i phyir lus kyi ngo bor ro/ /de lta bu'i ngo bor gyur pa rnams thams cad/ gzung dang 'dzin pa dang bral ba/ spros pa med pa'i rang gi ngo bor rnams ste stong pa nyid dang ro gcig pa rnams so/ /zhes pa'i don to//
 de lta na yang kun dar ma ni khyad par du gzung ba dang 'dzin pa nyid dang bral pa'i zhes rtogs par bya ste/ spros pa med pa'i bde ba chen po 'char ba'i rgyu nyid kyi phyir ro/ /de skad du yang gsungs pa/ kun dar ma ni dbus gnas su/ /gzung dang 'dzin pa rnam par spangs/
 zhes so/ /de ltar stong pa nyid kyi ngo bo nyid dang thabs kyi ngo bo nyid du bsgrubs pa na stong pa nyid dang snying rje dbyer med pa'i byang chub kyi sems kyi ngo bo/ nyid kho nar 'di rnams don dam par bsgrubs par 'gyur ro/ /zhes pa rdzogs pa'i dkyil 'khor mdor bsdus nas
 bstan pa ste/ rgya cher ni rgyas par bshad pa la gsal bar 'gyur ro/ /byang chub kyi sems la 'bras bu'i gnas skabs la lam gyi bdag nyid kyi byang chub kyi sems gang gis 'jug pa de ni de skad ces bya'o/ /de mngon par brjod pa'i gzhung gi tshogs kyang de skad do//
 mdor bstan pa tsam gyis rab tu gsal bar 'dis byed do/ /zhes pa rab tu byed pa'o/ zhes pa mkhas pa 'jigs pa med pa'i 'byung gnas yi sbas pas mdzad pa'i man ngag snye mar snye ma gnyis pa'o// //bla na med pa'i byang chub kyi sems
 bstan pas bya ba byas pa'i de bzhin gshegs pa rnams kyis byang chub sems dpa' rnams kyi don gyi ched du gsol ba 'debs par mdzad pa ni de nas zhes pa la sogs pa ste/ stong pa nyid du ro gcig pa nyid kyis bstan pa nyid kyi phyir snying po'o/ /gsang chen ni sbas
 pa ste/ de bzhin gshegs pa rnams las gzhan rnams kyi spyod yul ma yin pa nyid kyi phyir ro/ /ye shes ni byang chub kyi sems te/ bla na med ni srid pa dang zhi ba la mi gnas pas de las mchog med pa'i phyir ro/ /mkhyen nas ni mngon du mdzad nas so/ /rgyud
 thams cad kyi snying po/ /zhes pa bshad zin to/ /ye shes kho na sgron ma ste/ dngos po dang dngos po med pa la sogs par rnam par rtog pa'i mun pa 'jom par byed pa'i phyir ro/ /de kho na rdo rje ste stong pa nyid dang ro gcig pa nyid kyi phyir ro/ /de skad
 ces bya ba'i ting nge 'dzin la snyoms par zhugs nas te rnam pa thams cad shin tu rnam par dag pa'i shes rab dang thabs gnyis su med par rtogs pa'i thugs brtan por mdzad nas zhes pa'i don to/ /gsang chen zhes pa la sogs pa ni 'di skad bdag gis zhes pa
 la sogs pa'i dag gi don 'dir yang bstan par bya'o/ /gsang ba'i sgras de bzhin gshegs pa thams cad de/ de la chos kyi dbyings kyi ngo bo nyid kyis yod pa ni gsang chen chos 'byung ngo/ /der ri rab kyi steng gi khang pa brtsegs par gnas pa'o/ /yang na
 de lta kho na'i gsang chen du ste 'khyud pa'i lha mo'i b+ha ga la'o/ /yang na de lta bu kho na'i gsang chen sprul pa la sogs pa'i 'khor lo rnams te sa la sogs pa'i rang bzhin spyan ma la sogs pa btsun mo'i b+ha gar bshad pa rnams so/ /yang na gsang chen ni
 shes rab kyi pha rol tu byin ma'i b+ha ga stong pa nyid de/ der gnas pa ni bzhugs pa'o/ /cir gyur pa'i gsang chen du zhe na gsungs pa/ mchog gyur zhes pa ste/ mchog gyur ni 'jig rten las 'das pa'i phun sum tshogs pa ma lus pa gang na yin pa'o//
 yang na mchog gi ye shes kyi yul na'o/ /yang na mchog mya ngan las 'das pa rnam pa ji zhig ltar 'bras bu nyid kyis na 'dir 'jal bar byed yongs su gcod par byed ces pas mchog 'jal lo/ /yang na pha rol dgra bo nyon mongs pa rnams rgyu'i
 gnas skabs su gang gis gsod par byed cing chung dur byed pa ste mchog go /dgyes pas na kye spyan ma la sogs pa mdza' yas pa'i lha mo dang yang dag par sbyor ba'i bde ba chen po'i rol pa'i bya bas dga' bar bya ba nyid kyi phyir mchog tu bde ba bskyed pa'i spyod yul
 na'o/ /thams cad bdag nyid la zhes pa de bzhin gshegs pa thams cad kyi bdag nyid kyi phyir gsang chen thams cad do/ /yang na me long lta bu la sogs pa'i ye shes kyi bdag nyid nyid kyi phyir thams cad bdag nyid do/ /yang na thams cad ni rdo rje 'chang ste
 de'i bdag nyid nyid kyi phyir de de skad ces bya'o/ /'dis gnas phun sum tshogs pa gsungs so/ /rtag tu bzhugs zhes pa 'tsham pa med pa'i dus su gang du yang ma bzhung pa ste/ sna tshogs pa de'i rang bzhin nyid kyi phyir ro/ /de ltar byung ba nyid kyis rang bzhin dang
 rgyun gyis byung ba'i rtag pa nyid kyis na chos dang lhan cig skyes pa dang longs spyod rdzogs pa dang sprul pa'i ngo bo ni 'dir bstan pa'i gnas na mdza' yas pa'i btsun mo'i dbus su bzhugs so/ zhes pa'i don to/ /gzhan yang ra zhes pa la sogs pa'i yi ge bcu drug
 gi brjod par bya ba'i khams rnams bcom ldan 'das rdo rje 'dzin pa'o/ /zhes nyi shu rtsa gcig par gsang ba zhes pa la sogs pa'i tshig rnams kyi don rnam pa gsum rnams bshad pas lnga'i khams dang ye shes dang de bzhin gshegs pa rnams su nges
 par bstan pas/ de'i rang bzhin rdo rje sems dpa' o/ /zhes 'chad par 'gyur ro/ /sangs rgyas thams cad rnams ni 'jig rten gyi khams thams cad kyi rdul phra rab dang mnyam pa'i rtag pa la sogs pa rnams te/ de'i rang bzhin nyid kyi phyir dang/ de'i rgyu can nyid
 kyi phyir sangs rgyas kun dngos so/ /'dis ni sangs rgyas thams cad kyi yongs su bskor ba nyid kyi phyir 'khor phun sum tshogs pa gsungs so/ /sems can rnams dang sa bcu'i dbang phyug rnams dang gzhan rnams kyi dngos dang rgyud pas don bya ba shin tu nus pa
 nyid kyi phyir sems dpa' o/ /'dis ni longs spyod rdzogs pa'i sku gsungs so/ /rdo rje sems dpa' ni stong pa nyid kyi bdag nyid chos kyi sku dang snying rje bde ba'i bdag nyid lhan cig skyes pa'i sku dbyer med pa'i byang chub kyi sems kyi rang bzhin shes rab dang thabs kyi bdag nyid do/ / 
 mchog te zag pa med pa mi 'gyur ba dang bde ba chen po ste de'i rang bzhin rdo rje sems dpa' lhan cig skyes pa'i sku bzhi pa'o/ /'o na sangs rgyas thams cad mnyam par sbyor ba'i mkha' 'gro ma dra ba'i sdom pa 'chad par 'dod pa nyid kyi
 phyir gzhan ci zhig brjod par bya zhe na/ 'di ltar ma yin te/ ni ste gang gi phyir 'dir ni rang dang gzhan gyi don phun sum tshogs pa gang da lta rgyas par bshad pa de kho na sangs rgyas thams cad dang mnyam par sbyor ba mkha' 'gro ma dra ba'i sdom pa'o/ /zhes
 pa'i don to/ /rnal 'byor ni stong pa nyid dang snying rje zung du 'brel pa'o/ /yang na lha mo rnams dang yang dag par sbyor ba'i bde bas sbyor bar byed pas rnal 'byor ro/ /brtan ba ste rnam par rtog pa'i rlung gis mi g.yo ba nyid kyi phyir ro/ /rtag pa ni phyi ma'i mdza' ji srid par
 gnas pa'i phyir ro/ /yid srub mchog tu phul du dbyung du med pa'i rjes su chags pas lha mo thams cad kyi yid srub par byed pa'i phyir ro/ /so so zhes pa so sor chos thams cad kyi rang gi ngo bo nyid kyis so/ /byung ba ni yid bzhin pa'o/ /yang na da ltar byung ba ni 'jug
 bzhin pa ste/ rtag tu zhes pa 'das pa dang ma 'ongs pa'o/ /gang gi phyir 'di rang bzhin med pa nyid kyis chos kyi sku'i bdag nyid kyi phyir dus gsum du 'jug pa'i chos thams cad kyi rang bzhin te/ kun rdzob tu ni thams cad yod/ don dam par ni yod ma yin/ chos
 rnams rang bzhin med pa nyid/ /dam pa'i don du nye bar bstan/ /ces chos yang dag par sdud pa'i mdor gsungs pa'i phyir/ don dam par rang bzhin med pa 'di rnams kyi rtag tu rang bzhin med pa nyid kyi bdag nyid ni rang bzhin no/ /tshad mas 'thar pa nyid
 kyi phyir 'da' dka' ba ste thams cad mkhyen pa rnams kyis kyang 'gom bar bya ba ma yin na gzhan gyis lta ci smos/ ji skad du gsungs pa/ de bzhin gshegs pa rnams byung yang rung ma byung kyang rung chos rnams kyi chos nyid 'di ni gnas pa kho na ste/ 'di lta ste/
 stong pa nyid dang de bzhin nyid dang yang dag pa'i mdza' o/ /zhes pa la sogs pa'o/ /'di rnams kyis chos kyi sku bshad do/ /sprul pa'i sku rtogs par byed bzhin bas gsungs pa/ sna tshogs zhes pa la sogs pa'o/ /sna tshogs las ni 'dod chags la sogs pa kun
 tu spyod pa'o/ /cho ga sna tshogs ni rdo rje sems dpa' la sogs pa'i ngo bor sgrub pa'o/ /de ltar ni 'dod chags la sogs pa spyod pa rnams rdo rje sems dpa' la sogs pa'i cho ga 'dod par 'gyur zhing de rnams kyi 'dod chags la sogs pa'i gnyen po rnams ni
 sangs rgyas rdo rje 'dzin sogs rnams zhes pa/ sangs rgyas rnam par snang mdzad ni gti mug gi gnyen po'o/ /yang na sangs rgyas ni sa bcu'i dbang phyug ste/ ji skad du gsungs pa/ sa bcu pa ni byang chub sems dpa' i sangs rgyas kho nar brjod par bya ba'i yang dag par
 rdzogs pa'i sangs rgyas ni ma yin no zhes so/ /rdo rje 'dzin ni byang chub kyi sems rdo rje'o/ /mdzad pa rnams ni kun rdzob kyi bden pa'i rang bzhin rnams so/ /nyon mongs pa dang shes bya'i sgrib pa mi mthun pa'i phyogs yongs su bcom pas ni sems can rnams dri ma med pa nyid
 du 'dren par byed do/ zhes pa gdul ba rnams so/ /dran pa rnams ni bsgoms par gyur pa rnams te/ thos pa tsam gyis ni ma yin no/ /zhes pa'i don to/ /yang na dran pa rnams ni bcom ldan 'das kyis rgyu'i gnas skabs su rnam pa 'di lta bu'i rnam pa sna tshogs pa'i ngo bo
 sprul pa'i thabs kyis sems can 'du ba bar 'gyur ro/ /zhes gang bsam pa rnams te/ de rnams 'bras bu'i gnas skabs su rnam par mi rtogs par spro bar byed do/ /zhes pa'i don to/ /de ltar sku bzhi'i bdag nyid byang chub kyi sems rdo rje 'di ni sangs rgyas kun
 dang byang chub sems dpa' la sogs pa brtan pa dang g.yo ba'i dngos po thams cad kyi rang bzhin du 'gyur te /rang gi sems las tha dad par gyur pa'i brtan pa rnams kyang med pa'i phyir ro/ /de lta bu 'di ci yin zhe na gsungs pa/ kun zhes pa la sogs pa ste/ sangs
 rgyas kun rnams ni me long lta bu la sogs pa'i ye shes kyi ngo bo rnam par snang mdzad la sogs pa rnams so/ /de rnams dang lhan cig stong pa nyid du ro gcig pa'i ye shes kyi bdud rtsi'i rang bzhin nyid kyis sangs rgyas kun gyi ngo bo nyid kyis na
 'gro ba'i don du gsal bar gyur pa'i rdo rje sems dpa' i yang dag par sbyor ba ste bde ba chen po'i rang bzhin bcu gsum pa rdo rje 'dzin pa'i sar 'dus pa gang gi yin pa'o/ /de yang yin zhing/ mkha' 'gro'i ngo bo ni mkha' 'gro ste/ nam mkha' la 'gro ba'o/ /
 mkha' 'gro'i sgra ni gsum pa'o/ /ak ak gya gyur 'gro ba la'o/ /'dir thams cad nas 'gro ba ni gya gyur 'gro ba'o/ /mkha' la 'gro ba yis gya gyur 'gro ba'i ngang tshul 'di'i yin pas mkha' 'gro ma ste rdzu 'phrul gyis lus dpag tu med pa rnams
 kyis cig car thams cad du 'gro ba zhes pa'i don te/ 'ga' zhig tu gzhan la rdo rje smos pa ni phyi rol gyi mkha' 'gro ma rnam par bcad pa'i don du ste/ rdo rje yang de rnams yin la spros pa med pa'i ye shes kyi rang bzhin mkha' 'gro ma rnams kyang
 yin bas rdo rje mkha' 'gro ma rnams so/ /zhes pa'i don las so/ /'dir 'di lta bu'i ni thams cad du 'gro ba kho nas rnam par gcod do/ zhes pa dgongs pa'o/ /yang na mkha' la 'gro ba'i ste dmigs pa med pa'i ye shes bdag nyid du byed pa'i ngang
 tshul 'di'i yin pa zhes DA yi nI dang nges pa'i tshig la ka ru gyur pa na DA ki nI ste shes rab stong pa nyid do/ /dra ba ni thabs snying rje'o/ /de dag las sham bde ba dang bar mchog gang gi yin pa ste/ spros pa med pa nyid dang chen po nyid dang rgyun mi 'chad pa
 nyid dang mthar thug pa med pa'i dus su gnas pa nyid mchog rnams kyis de kho na ma tho ba rnams las phyi rol tu byas nas mchog tu byed do/ zhes pa mkha' 'gro ma dra ba bde mchog ste nges pa'i don du'o/ /drang ba'i don du ni/ sangs rgyas
 kun dang mnyam sbyor bas te/ gzugs kyi phung po la sogs pa'i ngo bo rnam par snang mdzad la sogs pa 'dus pas/ mkha' 'gro ma dra rnams ni nang gi rdul gyi ngo bo rnams sam rtsa rnams te de rnams kyi dra ba ni tshogs dang/ de bcom ldan 'das khu ba'i bdag nyid dang 'dus pas bde
 mchog tu byed bde ba chen po dang ro gcig tu byed do/ /zhes pa mkha' 'gro ma dra ba bde mchog go /yang na sangs rgyas kun dang mnyam sbyor bas te dkyil 'khor gyi 'khor lo rnam par snang mdzad la sogs pa 'dus pas na/ phyogs bcu rnams su nam mkha' 'gro ba
 yang dag par ston pa'i ngang tshul can gyi mkha' 'gro ma rnams gang gi dra ba ste sgyu ma yin pa ste/ mngon brjod kyi bstan bcos su dzA la tshogs dang dra bsgo dag la ste/ me tog phon pho nya rgya rgyu la yang/ zhes bshad pa'i phyir/ glang po che la sogs pa'i sgyu ma bzhin du
 mi bskyod pa la sogs pa'i de bzhin gshegs pa rnams bud med kyis gdul ba'i skye bo 'dun par bya ba'i ched du gau rI la sogs pa'i rdo rje lha mo'i gzugs kyi sgyu ma ston pa'i phyir ro/ /de yang yin la sdom ba yang yin pa'o/ /zhes pa/ sangs rgyas kun dang mnyam
 sbyor ba/ mkha' 'gro ma'i sgyu ma sdom pa ste rdo rje 'dzin pa kho na 'bras bu'i rgyud kyi rang gi ngo bo sku bzhi'i bdag nyid do/ /'di kho na mchog tu rang gi don phun sum tshogs pa dang gzhan gyi don phun sum tshogs pa'o/ /'bras bu'i rgyud ni sngar sems pa'i sgras thun mong ma yin
 pa dang/ dngos dang brgyud pas ni thun mong bar zhar la byung bar brjod nas da lta ni gtso bor brjod par byed do/ /'di yis ni ste rnam pa 'di lta bur gyur pas so/ /thams cad du ni ste yul dang dus thams cad rnams su'o/ /ji ltar rigs par sna tshogs pa'i gzugs
 rnams kyis 'dren no/ /zhes pa 'dul 'os te/ rnams kyis 'grub pa ste 'dul bar byed pa zhes pa lhag ma'o/ /sna tshogs ni rnam pa sna tshogs pa ste/ rigs ji lta ba dang bsod nams kyi bag chags sad pa'i dus ji lta ba bzhin du gzugs mdza' yas pa sprul
 pa'i phyir ro/ /mchog ste bde blag pa'i thabs yang dag par ston pa nyid kyis so/ /grub pa ni rdzogs pa ste sangs rgyas kyi sar rnam par rtag pa med par 'jug pa'i phyir ro/ /yang na grub pa ni rtag pa ste mdza' yas pa'i sems can gyi
 rgyud rnams la rgyun mi 'chad par 'jug pa'i phyir ro/ /sems can rnams thams cad kyi don 'di las so/ /zhes pa sems can kun don can te/ dbang po tha ma dang 'bring dang rab kyi so so skye bo'i sems can rnams kyi dang nyan thos dang rang sangs rgyas kyi
 bdag nyid can cung zad yongs su dag ba'i sems can rnams kyi don du gnyer bar bya zhing bsgrub par bya ba skyes bu'i don gyi mchog mi gnas pa'i mya ngan las 'das pa thob par byed pa'i phyir ro/ /de nyid kyi phyir mchog ste/ gzhug pa ldem por dgongs
 pas theg pa gsum bstan pa las theg pa chen po'i chen po mthar thug pa ston pa'i phyir yang ngo/ /yang na sna tshogs ni bde 'gro dang grol pa gsum gyi ngo bo nyid kyi phyir ro/ /mchog ni gzhan gyis brjod ba'i grol ba rnams so/ /grub pa ni nye bar mtshon pa ste
 'grub bzhin ba dang 'grub par 'gyur ba yang ngo/ /sems can rnams kun gyi don mchog ni bde 'gro la sogs pa las kyang yang dag par rdzogs pa'i byang chub mchog nyid kyi phyir ro/ /'di rnams la ma ning gi rtags nyid ni lung nyid do/ /da ni ji skad
 bshad pa'i rdo rje sems dpa' 'grub pa'i don du gtso bo'i thabs kyi rgyud rgyas par ston te/ kun zhes pa la sogs pa'o/ /bud med rnams thams cad ni rang gi gzugs sgrib pa dang bcas pa'i ngang rten 'ga' zhig sgrib pa phra mor byas pa nyid kyis 'ga' 
 zhig sgrib pa med pa nyid du yongs su bsgyur ba rnams kyis sgyu ma'i rang bzhin du grub ste/ grub pa'i rnal 'byor ma rnams dang rdo rje rnal 'byor ma rnams 'grub par 'gyur te/ bsten pas phyag rgya chen po'i dngos grub sbyin par 'gyur zhing/ mi dge ba bdug
 pa rnams la spyod pa'i ngang tshul 'di rnams kyi yin pa de rnams kyang mi dge ba spangs par dge ba'i rjes su sgrub pa lhur len pa rnams kyis de ltar 'grub par 'gyur ro/ /ci ltar zhe na kun rnams kyis te ji ltar tshogs pa'i gzugs la sogs pa'i yul nye bar longs
 spyod pa 'khyud pa dang 'o byed pa dang/ rdo rje rab tu 'jug pa la sogs pa rnams kyis thob par bya'o/ /zhes bas kun thob kyang de yin la bde ba lhan cig skyes pa yang yin zhing/ de'i dga' ston ni gong nas gong du rjes su 'brel zhing skye ba rnams te/ nye bar len pa'i rgyu rnams
 kyis so/ /bud med de rnams thams cad kyang rim pa gnyis la lha'i rang gi ngo bor mos par bya'o/ zhes gsungs pa/ sna tshogs zhes pa rdo rje phag mo la sogs pa sna tshogs pa'i gzugs so/ /sgyu ma ni don dam par rang bzhin med pa nyid na yang kun rdzob tu so sor snang ba
 nyid kyi phyir ro/ /phyag rgya ni 'chad par 'gyur ba'i bye brag tu bshad pa ste/ de kho na mkha' 'gro ma'o/ /ci ltar zhe na/ zhes bya ba 'chad par 'gyur ba'i brda yis te bcom ldan 'das kyi brda yis so/ /de ltar ni Dai zhes pa la sogs ba ste/ nam mkha' la 'gro ba ni
 stong pa nyid rtogs pa'o/ /de nyid kyi phyir gsungs pa/ thams cad nam mkha' chos thams cad rang bzhin med pa nyid do/ /de spyod de de'i rang bzhin du 'gyur ro/ /zhes pa thams cad nam mkha' spyod pa 'dis 'grub par byed do/ /zhes pa 'grub pa'o/ /de mkha' 'gro ma ste shes
 rab kyi pha rol tu phyin pa'i rang gi ngo bo nyid kyi phyir ro/ /zhes pa de ltar brjod pa bud med rnams la de'i bdag nyid du mos bzhin pa 'di'o/ /'ga' zhig tu 'gro ba zhes klog pa de'i tshe 'gro'o ste 'dis dngos po la sogs par mngon par zhen pa 'gro'o/ /zhes pas 'gro
 ba'o/ /phyag rgya zhes mdor bstan pa'i rgyas par ston te/ kun tu zhes pa'o/ /kun tu ste phyogs bcu rnams su sna tshogs te phung po la sogs pa rgyas 'debs par byed cing dga' ba len par byed do/ /zhes pa 'am/ sna tshogs pa'i phyag rgya ni sna tshogs phyag rgya'o//
 ci ltar zhe na/ kun tu ste gzugs la sogs pa'i yul nye bar longs spyod pa la sna tshogs kyis te sna tshogs pa'i rang bzhin gyi bde ba mchog dam pa rnams kyis te/ stong pa nyid kyis yongs su dag pa nyid kyi phyir ro/ /zhes pa de ltar lhag par
 mos pa'i spyan ma la sogs pa'i lha mo'i rang bzhin 'di rnams kyi rigs rnams su 'gyur te/ rdo rje ni gnyis su med pa'i ye shes kyi bdag nyid mi bskyod pa'o/ /rdo rje 'dzin pa ni rdo rje sems dpa' 'o/ /pad+ma dang 'dra bas pad+ma ni rnam par snang mdzad do/ chu'i skyon
 gyis mi gnod pa'i pad+ma bzhin du 'khor ba'i skyon rnams kyis mi gnod pa nyid kyi phyir ro/ /de bzhin gshegs pa rnams thams cad kyi sgrib pa med pa nyid gsal bar byed pa'i dgongs pa can 'dir nye bar brtags pa ni nye bar mtshon pa lhur byed pa'o/ /
 pad+ma 'dzin pa ni snang ba mdza' yas so/ /nor bu dang ldan pa'i phyir nor bu ste rin chen 'byung ldan no/ /nor bu 'dzin pa ni don yod grub pa ste nor bu ral gri rin po che 'dzin pa'i phyir ro/ /rdo rje 'dzin pa la sogs pa rnams kyi gang yang rung ba'i gzugs rang
 rang gi gzugs mkha' 'gro mas yongs su bskor bar bdag nyid rdzogs par byed pa'i rnal 'byor pas 'grub po zhes pa dgongs pa'o/ /de ltar 'dis ni ye shes kyi phyag rgya yang gsal bar mdzad do/ /zhes gsung ngo/ /de ltar thabs kyi rgyud bka' stsal
 nas/ rgyu'i rgyud bla na med pa'i rgyur gyur pa byang chub kyi sems ston pa ni/ de nas zhes pa ste thabs gsal bar mdzad pa'i bar ma chad par ro/ /thams cad ni phyi dang nang gi bdag nyid rnams so/ /de bzhin te sgrib pa gnyis kyi bag chags cha phra mo dang lhan
 cig pa nyid du gshegs pa'i phung po lnga po rnams gang du zil gyis gnon cing stong pa nyid du byed pa'o/ /de yang yin la de nyid kyi phyir bag chags dang bral ba nyid kyis na rdul dang bral ba yang yin pa ste/ rdul dang 'dra bas rdul zhes brjod pa'i phyir ro//
 gnas kyang ste rang dang gzhan gyi don phun sum tshogs pa mthar thug pa'i gzhi zhes bya ba'i ting nge 'dzin la snyoms par zhugs nas byang chub kyi sems gzung ba dang 'dzin pa la sogs par 'dzin pa dang bral ba/ stong pa nyid dang ro gcig pa/ phan tshun tha mi dad pa'i
 lus dang ngag dang sems gyi bdag nyid rgyas par bstan te/ ting nge 'dzin kho na'i ji lta ba bzhin snyoms par zhugs pa phyag rgya chen po dang yang dag par sbyor ba'i go 'phang mchog gi ngo bo rgyu rdo rje 'dzin pa'i rang gi ngo bo gsungs so/ /zhes pa'i don to/ /stong pa skur
 pa 'debs pa'i ngo bo ma yin te/ kun rdzob tu so sor snang bzhin pa nyid kyi phyir ro/ /mi stong min pa ni don dam pa rang bzhin med pa nyid kyi phyir ro/ /don dam pa pa zhig rab tu gsal ba'i lus kyis med pa ma yin zhing de las gzhan pa gzung ba la sogs pa rnams
 kyis yod pa ma yin pa'i 'gro ba dbu ma'i lam du dmigs pa yang ma yin te/ gang phyir de'i sgrub par byed pa ni dmigs pa yin na de yang rang rig pa'i mngon sum du yod pa ma yin pas so/ /zhes pas sgrub byed kyi tshad ma med do/ /gnod byed kyi tshad ma ni/ ji ltar me long
 ngos rnams la/ gcig dang gzhan nyid spangs pa'i gzugs/ snang yang de la yod ma yin/ /de ltar dngos la rang bzhin med/ /ces pa la sogs pas mdo la sogs pa rnams su mang du gsal bar byas so/ /zhes pa dgongs pa'o/ /de ltar phyed snga mas stong pa nyid kyi
 de kho na nyid gsal bar mdzad do/ /de kho na yang rgyu'i rgyud ma yin te/ ni ste gang gi phyir snying rje'i bdag nyid de snying rje'i rang gi ngo bo shes rab kyi pha rol tu phyin dang ste stong pa nyid dang sbyor ba ste de'i bdag nyid nyid ni thabs te 'bras bu rdo rje 'dzin pa'i rgyu'o/ /kha cig snying
 rje'i bdag nyid kyis zhes klog po/ /gang gi phyir de ltar yin pa de'i phyir snying rje bzang po ste dmigs pa med pa'i snying rje chen po gang gi de'i bdag nyid du 'brel pa las thabs yin pa de ni shes rab kyi pha rol tu phyin pa kho na gsal ba'o ste kun rdzob tu rab tu gsal
 bzhin pa ni byang chub kyi sems so/ /zhes sbrel to/ /'dis ni thog ma dang tha ma med pa stong pa nyid dang snying rje'i bdag nyid kyi 'gro ba kho na bla na med pa'i rgyur gyur pa'i byang chub kyi sems su gsungs par 'gyur ro/ /de rtogs pa'i thabs bsgom pa
 le'u drug par rgyas par ston par 'gyur ba mdor ston pa/ rnam par mi rtog ces pa sgro 'dogs pa thams cad dang bral ba'i chos rnams la ste gzugs la sogs pa'i phung po lnga rnams la dngos po bsgom par bya ba'i rang bzhin med de chos rnams thams cad rang
 bzhin gyis stong pa'i phyir ro/ /bsgom pa 'am sgom pa po med de bsgom par bya ba med pa'i phyir te/ chos thams cad la rnam par mi rtog pa kho na bsgom pa'o/ /zhes dgongs pa'o/ /gang gsungs par 'gyur ba/ gang la sgom byed cung zad med/ /sgom pa'ang
 cung zad med pas na/ /bsgom bya'ang yod pa min pa de/ /de kho na nyid sgom par brjod ces so/ /gal te rnam par mi rtog na ci ltar dam tshig bsten pa la sogs pa las rang gi rtogs pa'i gnas skabs kyi khyad par rim gzhan gyi don rdzogs par byed ce na
 gsungs pa/ rnam mi zhes pa la sogs pa ste/ rnam mi rtog par mos pa la'ang ste gyur pa la dam tshig bsten pa la sogs pa'i rtog pa rnams thams cad rnal 'byor pas rdzogs par byed do/ /rnam par mi rtog pa la lhag par mos pa na phal cher gzhan
 don la phyir phyogs pa srid de/ slar yang sems can gyi don la sbyor ba ni rnam par mi rtog ces pa la sogs pa'o/ /de ltar 'dis dang po goms par byed pa'i skabs su lhag par mos pa kho nas rnam par mi rtog pa 'byung zhing der yang thams cad
 bsgrub par bya'o/ /zhes mngon par dgongs pa'o/ /gang gi tshe bsgoms pa las rim gyis rab kyi mthar phyin pa na byang chub kyi sems ni/ de bzhin gshegs kun bdag nyid chos/ /chos kyi skur 'gyur ba de'i tshe chos can gzugs la sogs pa'i phung po med de
 rang bzhin med pa nyid kyi phyir ro/ /de'i chos kho na'i chos nyid stong pa nyid kyang med do/ /kun rdzob tu ni gnyis ka yang dbyer med par yod do/ zhes rnam par bzhag ste/ stong pa nyid ni dngos po rnams la sogs pa ma yin pa nyid kyi phyir ro/ /de skad du yang rnam par mi
 rtog pa la 'jug pa'i gzungs su gsungs pa/ dam chos 'di la rgyal ba'i sras/ /rnam par mi rtog bsam gyur nas/ /rnam rtog bgrod dka' las 'das te/ /rim gyis mi rtog thob par byed/ /rab tu zhi ba mi g.yo mchog /dbang sgyur mnyam dang mi mnyam pa/ /
 rnam par mi rtog bde de'i phyir/ /byang chub sems dpa' rtogs par byed/ ces so/ /'dir rnam par mi rtog bsam pa ni/ /rnam par mi rtog par lhag par mos pa brtan pa'o/ /dam chos la ste kho na nyid la'o/ /rnam rtog kho na rnam pa bzhi'i bgrod dka' ba'o/ /
 rim pa ni goms nas so/ /mi rtog pa spros pa med pa'i ye shes 'thob po/ /de'i phyir ye shes las bde ba rtogs par byed do/ /rab tu zhi ba ni nyon mongs pa med pa'i phyir ro/ /mi g.yo ba ni yongs su nyams par mi 'gyur ba nyid kyi phyir ro/ /mchog ni 'jig rten
 pa dang 'jig rten las 'das pa'i bde ba thams cad kyi mchog nyid kyi phyir ro/ /dbang sgyur ni ji ltar 'dod par yang ji srid 'dod par yang dag par mngon du byed pa'i phyir ro/ /mnyam pa ni de las gzhan pa'i bde ba rnams dang bde ba'i rigs su mnyam pa'o/ /
 mi mnyam pa ni khyad par bzhi po 'di rnams kho nas so/ /de ltar rnam par mi rtog rnams la zhes pa la sogs pas 'bras bu'i rdo rje 'dzin pa ni rnam par rtog pa ma lus pa nub par dgongs pa'o/ /de lta yin yang sngon gyi smon lam gyi dbang gis mu mdza' 
 med pa'i gzhan la phan 'dogs pa rdo rje 'dzin pa de las 'jug ces gsungs pa/ brag ca'i sgra dang mtshungs pa'i/ zhes pa kun nas slong par byed pa'i rnam par rtog dang bral ba nyid kyis dang rang bzhin med pa nyid kyis mtshungs pa'i phyir ro/ /chos kyi
 ste rang gis rtogs pa'i rgyu'i rgyud la sogs pa'i dag ste yang dag par sbyor ba'i rgyud la sogs pa theg pa chen po'o/ /de ltar rang dang gzhan gyi don phun sum tshogs pa rab tu gyur pa'i rten 'bras bur gyur pa'i byang chub kyi
 sems bla na med pa ni byang chub kyi sems zhar las byung ba las rgyu kho na rnam par dag pa ni 'bras bu'o/ /zhes mngon par dgongs nas gsungs so/ /don 'di la rnam par snang mdzad la sogs pa'i de bzhin gshegs pa rnams kyis rtogs nas dang po
 bstod pas nye bar bstan pa'i ched du gsungs pa/ de nas zhes pa la sogs pa'o/ /gang gi phyir rgyu dang 'bras bu gzhan gyi don phun sum tshogs pa sgrub par byed pa dang ldan pa de'i phyir rdo rje 'dzin pa de la yang dag par bstong pa'o/ /de bgrod par bya thob
 par bya ba gtso bo'i theg pa ste 'bras bu dang/ 'dis 'gro'o zhes pa ni de'i don nyid las phal pa'i theg pa lam ste/ de gnyis ka brjod par byed pa'i gzhung gi tshogs kyang ngo/ /nyan thos la sogs pa'i theg pa rnams las thub pa'i dgongs pa'i
 rgyan du rnam par phye ba'i chen po nyid rnam pa dgu dang ldan pa'i phyir chen po yang de yin la theg pa yang yin pa zhes pa theg pa chen bo'o/ /de la 'chad par 'gyur ba'i yon tan gang rnams kyi yang dag par 'byung zhing rab tu skye ba de rnams rgyas pa ste rgya che ba rnams
 kyis so/ /dus gsum ni dus rnams te de rnams su byung ba ni dus gsum pa'o/ /de la gang 'jig rten gyi khams 'dir ston pa la sogs pa'i bya ba zhig pa de rnams 'das pa rnams so/ /zhes rnam par bzhag ste/ yod kyang cung zad kyang mi
 byed pa nyid kyis na med pa dang 'dra ba rnams so/ zhes dgongs pas so/ /gang ston pa de rnams de ltar byung ba'o/ /gang ston par 'gyur ba de rnams ma 'ongs pa'o/ /yang thams cad yod pa kho na'o/ /'jig rten gyi khams gzhan du yang 'di ltar
 rnam par bzhag go /rnal 'byor ni byang chub kyi sems kyi ngo bo ste/ de la dbang ba nyid kyis na rnal 'byor bdag po'o/ /'di yis rang don phun sum tshogs pas bstod pa gsungs nas/ gzhan don phun sum tshogs pas gsungs pa/ sems can sgrol byed ces bya'o/ /
 de bzhin gshegs pa lnga'i rang bzhin nyid kyis kyang gsungs pa/ kun gyi bdag nyid skyes zhes pa ste/ kun gyi ste rnam par snang mdzad la sogs pa rnams kyi bdag nyid de rang bzhin du skyes pa zhes pa kun gyi bdag skyes te rdo rje sems dpa' o/ /kun gyi bdag nyid
 du skyes pa nyid kho na rgyas par ston te/ gcig gis sgom byed ces pa la sogs pa ste/ gcig gis te mnyam pa nyid kyi ye shes kyis bdag nyid kyis sna tshogs pa ro gcig pa nyid du nyams su myong ngo/ /zhes pas gcig gis myong byed de rin chen 'byung ldan no/ /me
 long lta bu'i ye shes kyi bdag nyid kyis rmongs pa gcod pa rnam par snang mdzad do/ /bya ba grub pa'i ye shes kyi bdag nyid kyis don thams cad byed pa'i phyir thams cad ni don yod grub pa'o/ /gsungs pa yang thams cad kun bdag nyid la gnas zhes so/ /so sor
 rtog pa'i ye shes kyi bdag nyid kyis spros pa med pa'i bde ba chen po'i de kho na nyid kyis 'gro ba la so sor rtog pa'i phyir de nyid ni 'dir 'od dpag tu med pa'o/ /de gsungs pa/ bde ba dam pas de nyid do/ /zhes so/ chos kyi dbyings shin tu rnam par dag pa'i ye shes
 kyi bdag nyid kyis na mi bskyod pa ni ye shes so/ /de ltar de bzhin gshegs pa lnga'i rang bzhin gcig pu 'dren pa byang chub kyi sems rdo rje bcom ldan 'das ni gdul bya'i dor mi bskyod pa la sogs pa'i gzugs su ston to/ zhes pas ston mdzad pa'o/ /bdag
 ces pa de bzhin gshegs pa gcig go /de bzhin du thams cad rnams so sor phyag mdzad pa'o/ /de nyid kyi phyir sdud pa pos bstor pa rnams zhes mang po'i tshig tu gsungs so/ /rgyu'i rgyud nyid khyab par byed pa nyid du rtogs par 'dod pa rnams gsol ba 'debs par
 byed do/ zhes gsungs pa/ yang zhes pa la sogs pa'o/ /snying po ni byang chub kyi sems so/ /chos rnams kun gcig pa gnyis su med pa'i bdag nyid gang du bsdus pa ste nang du 'dus pa de ni chos kun gcig tu bsdus pa'o/ /
 dbang po rnams ni mig la sogs pa rnams te/ de rnams kyi lam nyid ni yul nyid do/ /gyur te thob pa gang dang gang dngos po cung zad mthong ba dang nyan pa dang snom pa dang ro myang ba dang sems pa de dang de so sor mnyam par bzhag pa'o/ zhes
 'brel lo/ /rang bzhin gyis ni dngos po ste gnyug mas zhes pa'i bar ro/ /thog ma dang tha ma med pa'i chos kyi dbyings ni chos rnams thams cad kyi gnyug ma'o/ /ci ltar zhe na/ mi mnyam gzhag pa'i rnal 'byor gyis te mi mnyam pa ni 'jig
 rten las 'das pa'i byang chub kyi sems spros pa med pa rdo rje 'dzin pa zhes bya ba ste/ de la bzhag pa kun nas 'dzin pa ni mi mnyam gzhag go /de la rnal 'byor ni lhag par mos pa ste nges so/ /mthong byed la sogs pa la so sor snang bzhin pa blta bya
 la sogs pa ni rdo rje sems dpa' i rang gi ngo bo kho nar mos pas so/ zhes pa'i don to/ /rtag tu ni ma dag pa dang dag pa'i gnas skabs dag tu'o/ /mnyam par ste stong pa nyid dang snying rje dbyer med pa'i byang chub kyi sems la bzhag pa ste de'i bdag nyid du
 'dzin pa'o/ /'dis ni gzugs la sogs pa rnams kyi dang ma ngag pa dang dag pa'i sems kyi gnas skabs rnams kyi khyab par byed pa ni de'o/ zhes gsungs par 'gyur ro/ /de nyid kyi phyir rnal 'byor ma bzhi yang dag par sbyor ba'i rgyud du gsungs pa/
 gang gang dbang po'i lam nyid du/ /'gyur ba de de rang bzhin gyis/ /'dod pa kun la longs spyod pas/ /sangs rgyas kun gyi rang bzhin 'thob/ /ces so/ gal te rang bzhin gyis mnyam par bzhag pa yin na 'o na mi mnyam pa zhag par lhag par
 mos pas ci bya zhe na/ gang gi phyir rtogs par ma gyur to/ /phung por zhes pa'i rigs la gcig gi tshig go /bdag gzhan med pa'i phyir phung po lnga'i ngo bo'i bdog ni/ rnam shes te khyad par du 'phags pa'i shes pa byang chub kyi sems la brten pa ni kun gyi bdag nyid kyis te de'i bdag nyid du'o//
 zhes mngon sum gyis mi rtogs so/ /blun sems zhes pa blun pa'i sems ldan pa rnams so/ /tha shal mi rnams zhes pa mu stegs pa la sogs pa rnams so/ /de rnams ni byang chub kyi sems kho na la 'khrul pa rnams sems byed la sogs par rtogs par byed do/ /de la/
 sems byed ni rtag pa dang mi rtag pa'i shes pa ste/ skyes bu'o dbang phyug go /zhes dbang phyug smra ba rnams so/ /sog byed ces klog pa la ni dge ba dang mi dge ba sog par byed phung por byed ces pa'i don to/ /sems te sems can du smra ba rnams so/ /sems pa'i dngos te
 skyes bu zhes grangs can pa rnams so/ /rnam shes thams cad do/ /zhes pa nyer ston pa rnams so/ /shes bya'i rang bzhin zhes pa bdag la sogs pa'o/ /de la bdag kho na sems can bzhin du skye bo rgas so 'chi'o 'ching ngo grol lo/ zhes bdag tu smra ba rnams so/ /de ltar
 srog ces nam mkha' i gos can rnams so/ /dus kyis 'byung ba rnams spro byed/ /dus kyis skye dgu sdud par byed/ /ces dus smra ba rnams so/ /yang dang yang du 'gro ba rnams gnas pa'i gnas 'cha' ba' i phyir gang zag ces pa 'am/ las rnams kyis gang zhing de rnams
 kho na nges par nub pa'i phyir zag pa'ong/ /zhes gang zag tu smra ba rnams so/ /rgyu nyid ces pa 'bras bu'i tshogs kyi rgyu ni dbang phyug kho na'o/ /zhes dbang phyug smra ba rnams kho na'o/ /chos can sgom pa zhes pa zhi ba pa'i grub pa'i mthar bsod nams la sogs pa'i
 'jug pa po dbang phyug go /zhes de rnams kho na'o/ /'dis ni 'di rnams kyi gang yul 'di grub mdza' ngan pas 'khrul pa de kho na nyid do/ /zhes bstan par 'gyur ro/ /ci ltar 'khrul zhe na/ gang gi phyir chos rnams te sems byed la sogs pa rnams mang po
 nyid kyis de kho na nyid mang po nyid du 'thad pa ma yin zhes pa drang ba'i don no/ /nges pa'i don ni tha shal mi rnams zhes pa so so skye bo rnams ma rig pa thog ma med pa'i srid par 'byung bas yang dag pa ma yin pa sgro 'dogs pa'i phyir
 yang dag ji lta ba'i de kho na nyid mngon sum du mi 'gyur ro/ zhes pas/ de mngon sum du bya ba nyid kyi ched du so so'i skye bo rnams lhag bar mos pa rigs so/ /bdag 'ba' zhig tu ma zad kyi/ sems byed ces pa la sogs pa yang rnam par shes pa'o/ /zhes pa
 rtogs pas/ slar yang don gzhan la brten nas/ don de kho na bzlas pa yin zhes pa'i rigs pas/ slar yang rnam par shes pa gsungs so/ /sems byed ni mig la sogs pa'i tshogs pa ste/ de'i shes pa ni sems so/ /sems kyi blta bar bya ba'o/ /zhes
 pa sems gzugs te sngon po la sogs pa'o/ /rU pa lta ba la'o/ /zhes pa byings so/ /de ltar khams bco brgyad po rnams byang chub sems kyi rang gi ngo bo'o/ /de yang shes bya'i rang bzhin can te/ so so skye bo rnams kyis shes bya zhing mngon sum
 du bya ba'i rang bzhin te don dam pa pa stong pa nyid gang gi rang bzhin yin pa'o/ /de'i phyir mos par bya'o/ /gal te de ltar lhag par mos pa bsgom pas de mngon sum du bya ba'o/ zhes pas rgyu dang 'bras bu'i dngos po yin na/ stong pa nyid gzugs la
 sogs pa chos can rnams kyi chos kyang ched du gtad pas bsgom par bya'o/ /zhes pas chos can gyi dngos po yang byang chub kyi sems las gzhan du 'gyur pas na de khyab byed ma yin no/ zhe na gsungs pa/ 'bras bu rnams la zhes pa ste gong nas gong du rtogs
 pa rnams la'o/ /chos rnams ni rang bzhin med pa nyid dang skad cig pa nyid dang/ gzung ba dang 'dzin pa nyid dang bral ba nyid la sogs pa rnams te/ de rnams chos can rnams la sgom pa ni chos can bsgom pa'o/ /gang cung zad rgyu dang 'bras bu rnams dang
 gang ci yang rung ba'i chos dang chos rnams sam de'i dngos po de rnams ni byang chub sems kyi bdag nyid kho na'o/ /zhes pas stong pa nyid ni khyab par byed pa'o/ /'o na chos can rnams so sor rang nyid tha dad pa'i phyir de'i chos rang bzhin med pa nyid kyang don dam par chos can
 gyi rang gi ngo bo las tha mi dad pa na/ chos can so so tha dad pa la ci ltar khyab par byed pa yin zhe na gsungs pa/ gang phyir zhes par sogs pa'o/ /rang gi mtshan nyid 'dzin pa'i phyir chos gzugs la sogs pa rnams mang po nyid du tha dad pas de'i chos brten
 pa de kho na nyid mang po nyid du tha dad par rtogs par bya ba ma yin te/ dper na chu bo rnams kyi rgyun mang po rang nyid nang du son pa rnams kyang khyab par byed pa rgya mtshor mang po nyid ma yin pa bzhin no/ /chu bo'i rgyun zhes pa rigs la gcig gi tshig dang drug pa'i don
 la dang po ste/ chu bo'i rgyun rnams kyi mang po nyid du zhes sbrel lo/ /ci'i phyir rtogs bya min zhe na/ gang phyir de gang gi phyir thar bar byed ces pa a tsa yis thar ba byang chub kyi sems rgyu'i rgyud gcig kho na yin pas so/ /'di gsungs te/ stong pa nyid kho na chos thams
 cad kyi de kho na nyid de/ de yang sgro 'dogs pa mdza' dag las ldog pa'i ngo bo gcig kho nar tha snyad bya ba ste/ kun rdzob tu dngos po so so la de'i bdag nyid du de yod pa'i phyir ro/ /gzhan gyis yongs su brtags pa'i spyi bzhin du don dam pa ba'i gcig ni de ma yin no//
 don dam par ni chos rnams med cing chos nyid kyang med de de rnams kyi gzhan dang gzhan min bdag kyang med do/ /zhes bshad do/ /stong pa nyid dang ro gcig pa nyid kyi phyir stong pa nyid kyi ye shes kyang stong pa nyid bzhin du de kho na nyid du brjod cing de kho na yang byang chub kyi sems te/
 de'i phyir de yang khyab par byed pa kho na'o/ zhes pa'o/ /de sngar du gsungs pa/ brtan sogs g.yo ba dang bcas pa'i/ /'gro kun khyab pas khyab pa po/ zhes so/ /'di yang bde ba chen po'i ngo bo kho nar bsgom par bya bzhin pas ni 'bras bu bde ba chen po'i rang bzhin
 gyi thar pa skyed bar byed de/ nye bar len pa dang nye bar blang bya dag rigs pa mtshungs pa nyid kho na'o/ /de skad du mdza' drug gi rgya cher 'grel du/ rdo rje sku nyid kyis tshad med ba'i lha mo dang snyoms par 'jug pas 'khor
 ba'i bar du mchog tu dga' ba'i skad cig gcig gis lha dang mi la sogs pa las 'das pa yon tan brgyad kyi dbang phyug gi bde ba nyams su myong ba'i phyir thar pa'o/ /zhes pa nges pa'i don no/ /zhes so/ /bde ba chen po de yang ji ltar las kyi gtum
 mo la sogs pa'i thabs kyi dbye ba gang gis bdag nyid la rnam bar rtog ba rnams bsal nas gnas par 'gyur ba de ltar bla ma rnams 'chad par 'gyur ba'i dag rnam par phye nas 'chad par 'gyur ro/ /gang gsung bar 'gyur ba/ nang gi dbye ba nyid ni/ bla
 ma'i zhal las gsal rnyed 'gyur/ zhes so/ /de kho na nyid rgyas par te rgya chen po rab tu rgyas par ston pa'i ngo bos ston pa gang gis rab tu bya ba de ni de kho na nyid rgyas par ston pa'i rab tu dbye ba'o/ /zhes pa'o/ /man ngag gi snye mar snye ma gsum pa'o// //
 byang chub kyi sems rab tu rgyas par bstan nas bde ba chen po'i rang bzhin de ma thag par gsal bar byas pa 'di kho na thabs dang bcas par rgyas par ston par gsungs pa/ de nas zhes pa la sogs pa'o/ /gtan la phab par gyur pa ni nges pa ste nges pa'i don bde
 pa chen po'o/ /ji ltar 'di nges pa'i don yin zhe na/ gsungs pa/ mnyam nyid phyir zhes pa/ sems can rnams kun bde ba chen po byang chub kyi sems dang lhan cig ro gcig pa nyid kyi phyir te de'i bdag nyid kyi zhes pa'i don to/ /de rtogs pa'i rten ci yin zhe na/
 gru gsum b+ha ga dang chos 'byung dang sprul pa'i pad+ma la sogs pa ste/ 'di la la la nA dang ra sa nA dang a wa d+hU tI'i gru gsum rnams so/ /zhes byas nas so/ /rgya che ba rnams kyi stobs dang/ mi 'jigs pa la sogs pa yon tan ma lus pa rnams kyi rang gi ngo bo
 phul du byung ba dang ldan pa 'dir 'gyur ro/ /zhes pas de dang ldan pa'i phyir de rgya che ba'i ngo bo can no/ /tshangs pa la sogs pa'i bar gyi lha dang lha min dang bcas pa'i sems can rnams kyi dbyer med pa'i bde ba chen po'i rten no/ /'o na mdo dang rgyud la sogs pa rnams
 su shes rab kyi pha rol tu phyin pa kho na nges pa'i don du gsungs pa ma yin nam/ bde ba chen po ni ma yin no/ /zhe na gsungs pa/ de zhes pa nges pa'o/ /kun rdzob pa'i rnam pa ni kha dog dang dbyibs la sogs pa ste/ de'i rang gi ngo bo dang ldan pa'o/ /'di skad gsungs
 te/ kun rdzob pa'i sngon po la sogs pa rnams bde ba'i rang bzhin no gang gsungs pa/ bde ba sngon po bde ba ser/ /bde ba kun tu ru skyes zhes pa la sogs pa'o/ /bde ba yang byang chub kyi sems te/ de kho na shes rab pha rol phyin ma zhes pa'o/ /de nyid kyi phyir
 kha cig tu btsun mo shes rab kyi pha rol tu phyin pa brjod cing/ kha cig tu chos 'byung la sogs pa brjod pa'o/ /'di'i phyir yang nges pa'i don te/ gang gi phyir de nyid yul las 'das pa'o/ /don dam par yul du sgro btags pa dang bral ba'o/ /srog chags
 kun gyi snying la ste sems la de'i bdag nyid kyis gnas shing srog chags rnams kyang de'i rang bzhin no/ /'o na de kho na nyid ma rtogs pa'i gnas skabs su bde ba chen po nyams su ma myong ba ma yin nam/ ci ltar sems can kun gyi sems kyi bdag nyid du brjod ce na/ bde
 ba chen po nyams su myong bar rung ba nyid kyis so/ /zhes rgyas pa dang bcas par gtan la 'bebs par 'gyur ro/ /gal te de lta na sngags kyi theg pas ci ste/ pha rol tu phyin pa'i tshul la brten pa kho na las bya ba'i pha rol tu phyin pa drug goms pa rgyas pas byang
 chub thob pas so/ /gal te yang de bde ba chen po'i rang bzhin yin na ngo yang rab tu dga' ba'i sa nas rtsom mo/ /zhe na gsungs pa/ ci zhes pa la sogs pa'o/ /khyod la ste rdo rje snying po shes rab rnon po la'o/ /rgyas pas ci zhig ste rgya che bas so/ /shes rab rno bas
 ni 'di las te byang chub kyi sems las so/ /pha rol tu phyin pa rnams ni 'dir bsdu'o/ zhes pa 'am/ bsdus pa'i ngo bo ni bsdus pa yin zhing de las 'thob ste/ byang chub sems kyi nang du 'dus pa'i pha rol tu phyin pa bcu pa rnams bsgom pa yongs su rdzogs
 pa las so/ /de las ni gzhan gyi don bya ba lhun gyis grub pa de kho na'o/ /sangs rgyas nyid ni sa bcu'i dbang phyug nyid do/ /rnam sangs rgyas nyid ni khyad par gyi lam 'thob pa nyid do/ /rdo rje 'dzin pa nyid ni sa bcu gcig gi dbang phyug nyid do/ /'khor los sgyur ba nyid ni
 dkyil 'khor gyi 'khor lo dpag tu med pa sprul pa'i gtso bo nyid do/ /bskal pa kho na grangs med pa rnams dang bye ba rnams te de rnams kyis so/ /bskal pa ni 'dir bskal pa chen po'o/ /de ltar ni ji tsam pa'i dus kyis tshe lo bcu pa'i mi rnams 'phel bar son pas
 tshe lo stong phrag brgyad cu par 'gyur zhing/ de las 'gribs par gyur pa tshe lo bcu par ste de tsam pa'i 'phel ba dang 'grib pa'i dus ni bar gyi bskal pa'o/ /bar gyi bskal pa brgyad cu ni bskal pa chen po'o/ /de bzhin du bskal pa chen po gnas gzhan drug cur
 son pa'i grangs rjes su thob pa rnams ni grangs med pa zhes brjod do/ /grangs med pa kho na bzlas nas slar yang bgrangs pa ni grangs med pa gsum rnams te/ de rnams kyis thob bya min pa ni pha rol tu phyin pa'i tshul la gnas pa rnams kyis bskal pa grangs med
 pa gsum rnams kyis de 'thob pa'i phyir ro/ /de la bskal pa grangs med pa dang pas tshogs kyi sa nas brtsams nas ji srid sa dang po'i bar rdzogs par byed cing/ gnyis pas ni dri ma med pa la sogs pa sa drug rnams te/ gsum pas sa mi g.yo ba nas brtsams te
 sangs rgyas kyis ji srid pa'o/ /bskal pa bya ba rnams kyis kyang thob bya min pa ni/ brtson 'grus chen po dang ldan pa rnams kyang bskal pa grangs med pa gnyis pa kho na la mngon par byang chub pa'i phyir ro/ /khyod ces pa ji ltar zhes nye bar byed pa ste/ ji ltar khyod skye ba
 'di kho na la sangs rgyas nyid la sogs pa thob pa de ltar du zhes pa'i don to/ /'di skad bshad de/ ji ltar pha rol tu phyin pa'i tshul can gyi byang chub sems dpa' brtson 'grus chen pos 'bad bzhin pa'i bskal pa mang po rnams ldog ste/ dper na bdag cag
 gi ston pa bcom ldan 'das shAkya thub pa byang chub sems dpar gyur pa'i sangs rgyas skar rgyal mnyes par byas pas bskal pa dgu rnams log pa lta bu dang/ de bzhin du shin tu che ba'i brtson 'grus kyis 'bang bzhin pa'i bskal pa bye ba khrag khrig brgyad stong phrag
 mang po rnams kyang ldog par 'gyur ba de ltar phul du dbyung du med cing shin tu che ba'i brtson 'grus kyis dad thabs kyi khyad par gyis 'bad bzhin ba rnams kyi bskal ba grangs med pa gnyis kyang ldog par 'gyur zhing/ ji srid du bskal pa gcig la dang/ skye ba cung zad
 rnams kyis dad ji srid du skye ba 'di kho na la mngon par rdzogs par byang chub pa'o/ zhes pa'o/ /de nyid kyi phyir gsungs pa/ gang gis zhes pa ste/ las kyi phyag rgya la sogs pa'i thabs las skyes pas zhes dgongs pa'o/ /bde ba dam pa ni zag pa med pa bde
 ba chen po ste/ nges so/ /de nyid kyi phyir bde ba chen po'i ngo bo rdo rje 'dzin pa'i sa 'di kho nar rtogs par byed pa'i phyir pha rol tu phyin pa'i tshul las sngags kyi tshul khyad par du 'phags pa'o zhes rgya cher bshad zin to/ /'o na 'dir bde ba chen po ni phyag rgya'i rnal 'byor kho na las gsungs
 shing/ de yang 'dod chags la sogs pa'i dbang las 'gyur te/ de las kyang 'dod chags la sogs pa rnams 'gyur zhing/ de rnams gal te 'chi ba'i rgyu ma yin na de lta na srog chags rnams thams cad grol bar 'gyur ro/ /de ltar ma yin zhes gsungs
 pa/ gti mug ces pa la sogs pa ste/ chos gang dang ldan pa las bden pa'i don mi mthong zhing/ dngos po rnams la yang yod pa ma yin pa'i rang bzhin gang zag chos sam dngos po med par sgro 'dogs pa de ma rig pa gti mug ste rig pa'i mi mthun pa'i
 phyogs bden pa gnyis yongs su mi shes pa'o/ /rig pa ni chos kyi rang bzhin gyi yul can zag pa med pa'i ye shes so/ /zhe sdang ni khong khro gnod sems te/ sems can gyi yul la kun nas mnar sems pa zhes pa'i don to/ /'dod
 chags ni rjes su chags pa dang sred pa dang zhen pa dang chags pa'o/ /bdag nyid gzhan las yang dag pa 'am/ yang dag pa ma yin pas khyad par du 'phags par rtog cing rlom bzhin pa'i gang sems kyi rang bzhin gyi rnam 'gyur ltung ba'i rgyu
 sems las byung ba'i chos nyon mongs pa can 'di nga rgyal lo/ /phrag dog ni gzhan gyi yon tan rnams kyis gdung ba'o/ /sems can rnams kun nas nyon mongs par byed pas kun nas nyon mongs pa rnams so/ /rang lus gnas pas zhes pa rigs
 la gcig gi tshig go /gang rnams kyis gang rnams shin tu bcings pa de rnams gdung bar byed de rang gi yan lag rnams kyis so/ /de rnams kyang ma rig pa dang ma rig pa'i rkyen gyis mi dge ba 'dod pa na spyod pa kho na dge ba zag pa dang bcas pa
 khams gsum pa'i las 'du byed pa rnams so/ /'du byed kyi rkyen gyis ma'i mngal du nying mtshams sbyor ba'i skad cig la sems sam phung po lnga'i rnam par shes pa'o/ /rnam par shes pa'i rkyen can ming dang gzugs te/ de la nying mtshams
 sbyor ba'i gnas skabs su mngal du gzugs can ma yin pa'i phung po tshor ba la sogs pa bzhi po rnams dang 'byung ba dang rgyur byas pa'i gzugs ji ltar srid pa ste/ de kho na nur nur po zhes brjod do/ /rim gyis mer mer po dang nar nar po dang gor
 gor po dang yan lag 'gyur la sogs pa'i gnas skabs so/ /ming dang gzugs 'phel bar son pa ni mig la sogs pa skye mched drug gi rkyen du 'gyur ro/ /skye mched drug rnams yongs su smin pa las dang yul mngon par phyogs par gyur ba
 las reg pa dbang po dang yul dang rnam par shes pa gsum 'dus pa'i bdag nyid yang dag par skye'o/ /de las tshor ba reg pa dang rjes su mthun pa bde ba dang sdug bsngal ba dang btang snyoms nyams su myong ba'i ngo bo'o/ /de las sred pa ste gang bde ba'i tshor ba la
 mi 'bral bar mngon par 'dod cing/ sdug bsngal la 'bral bar 'dod la/ sdug bsngal yang ma yin bde ba yang ma yin pa la rnam grangs kyis gnyis kar mngon par 'dod pa'o/ /sred pa las len pa ste gang 'dod pa la sogs pa'i yul rnams la 'dun ba
 dang 'dod chags so/ /sred pa dang len pa dag gi khyad par ci zhe na/ khyad par med par yang srid la mngon par dga' ba ni sred pa ste/ khyad par gyis ni len pa'o/ /yang ni ring ba'i rgyu sred pa dang nye ba'i rgyu len pa'o/ /de las de ltar 'du byed kyi sa bon sred pa dang
 len pas mngon par brlan pa 'bras bu bskyed pa la mngon du phyogs pa'i las ni srid par brjod do/ /srid pa las skyes pa ni ming dang gzugs kyi rim pas tshor ba ji srid pa'o/ /skyes pa ni rga shi la sogs pa rnams su 'gyur ro/ /zhes pa yan lag bcu gnyis
 rnams 'khor ba'o/ /gang zhig gnas skabs kyi bar 'di rnams la reg pa'i yin gyi/ gang bar skabs kho nar shi ba la ma yin zhing/ gang gzugs dang gzugs med pa na spyod pa'i yang ma yin no/ /de la ma rig pa dang/ 'du byed rnams 'das pa'i skye ba 
 ste/ rnam par shes pa nas srid pa'i bar da ltar ba dang/ skye ba dang rga shi ma 'ongs pa'o/ /rten cing 'brel bar 'byung ba'i yan lag bcu gnyis po 'di yang lam gsum du rig par bya ste ma rig pa dang sred pa dang len pa rnams nyon mongs pa'i lam mo//
 'du byed dang srid pa las kyi lam mo/ /yan lag lhag ma rnams rnam par smin pa'i lam mo/ /de 'phags pa klu sgrub zhabs kyis gsungs pa/ 'khor ba'i 'khor lo lam gsum pa/ /thog ma dbus dang mdza' med pa/ /mgal me'i 'khor lo bzhin
 du ni/ phan tshun rgyu can 'khor bar byed/ /ces so/ /'dir nyon mongs pa gtso bo ste/ nyon mongs pa'i dbang gis las dang skye ba 'phen pa ste/ bden pa mthong ba la las yod na yang yang srid pa mi 'phen pa'i phyir ro/ /de skad du
 yang/ 'jam dpal gyi rgyud du gsungs pa/ gzhan yang lha'i tshogs rnams sngags kun rig pa rnams kyis chos rnams thams cad rten cing 'brel bar 'byung ba nyid du rab tu shes so/ /de rnams 'di snyam du 'gyur te chos 'di rnams 'di ltar stong pa sgyu ma lta
 bur g.yo ba rnams so/ /nas ji srid du 'di rnams kyi skye ba yang rab tu shes shing gnas pa dang 'jig pa yang ste/ ma rig pa'i rkyen can 'du byed 'di rnams skye ba nas/ ji srid du 'di ltar sdug bsngal gyi phung po 'di 'byung bar 'gyur ro/ /de'i phyir
 mkhas pa'i rigs can gyis ma rig pa spang pa'i ched du 'bad par bya'o/ /ma rig pa 'gags pa las mi shes pa la rten pa'i chos 'di rnams 'gags par 'gyur ro/ /mi shes pa spangs pa las nyon mongs pa rnams kun tu mi rgyu/ 'gro ba
 rnams mi 'jug 'khor ba'i rgyu rnams 'gags par 'gyur/ mya ngan las 'das pa nye bar gyur par 'gyur ro/ /'khor ba'i rang bzhin rtogs pa'i skye ba dang 'chi ba bstan pas rtsol ba med pa kho nar sngags rnams thams cad 'grub pa rjes su
 'jug go /zhes so/ /de nyid kyi phyir gsungs pa/ nyon mongs rnams kyis rnam rmongs pa/ zhes pa'o/ /gang gi phyir 'ching ba'i rgyu yin pa de'i phyir nyon mongs pa 'di rnams bsal bar bya'o/ /zhes gsungs pa/ de'i phyir zhes pa la sogs pa ste/ sbyor
 ba ni rnal 'byor te thabs dang shes rab snyoms par 'jug pa'i byang chub sems so/ /zhes pa'i bar ro/ /sdug bsngal 'bral ba zhes pa sdug bsngal dang dga' ba 'jig rten pa dang 'jig rten pa las 'das pa'i don bral ba'o zhes kun bsdus pa'o/ /ci ltar sbyor
 bas nyon mongs pa rnams gzhom pa yin zhe na gsungs pa/ rkyen du gyur pa zhes pa la sogs pa ste/ byang chub kyi ngo bos sbyangs pa'i 'dod chags la sogs pa rnams ni 'dod chags la sogs pa nyid gtong zhing/ slar la 'bras bu lhan cig byed pa'i rgyur 'gyur la
 byang chub kyi sems kyang rgyu lte nye bar len pa'i rgyu'o/ /de ltar 'dod chags la sogs pas phyag rgya'i rnal 'byor la sogs pa ma yin zhing/ de las 'dod chags la sogs pa yang ma yin no/ zhes gsungs par 'gyur ro/ /'o na de lta yang phyag rgya'i rnal 'byor la
 sogs bci ltar mchog dang rjes su 'brel te sgro btags pa'i khyad par gyi phyir ro/ zhe na/ sgro btags pa ni rnam pa gnyis te/ de kho na nyid kyi ngo bo dang de kho na nyid ma yin pa'i ngo bo'o/ /de la de kho na nyid kyi ngo bo'i sgro btags pa ni ma la sogs par sgro btags pa
 bzhin du rgyud pas byang chub sgrub par byed pa'i phyir skyon med do/ /'o na 'ga' zhig gi yang bud med kyi gzugs nyams su myong ba yang bkag pa'i phyir 'gal bar 'gyur ro/ zhe na ma yin te/ las ni rnam pa gnyis te/ kun bslang par bya ba dang kun nas slong bar byed pa'i
 dbye bas so/ /de la lus dang ngag gi las thams cad ni kun nas bslang bar bya ba ste/ yid kyi ni kun nas slong bar byed pa'o/ /de yang rnam pa gnyis te/ ma chags pa la sogs pa'i ngo bo dang de las cig shos so/ /de la chags pa la sogs pas kun na
 bslang ba'am lus dang ngag gi las thams cad ni mi dge ba ste de yang bkag pa'o/ /ma chags pa la sogs pa kun nas bslang ba thams cad ni dge ba kho na'o/ /phyag rgya chen po gnyis su med pa'i rnal 'byor dang ldan pa'i rnal 'byor pa ni mdza' dag pa ma
 chags pa la sogs pa'i bdag nyid can 'gro ba la lta ste/ de'i phyir 'di spyod lam thams cad dang ldan yang mi bde ba mi dmigs pa'i ngo bo can nyid kyi phyir dge ba'i bdag nyid kho na'o/ /de nyid kyi phyir zla gsang thig le la sogs pa'i rgyud rnams su gsungs
 pa/ shes rab thabs kyi sems kyi ni/ /mi bya cung zad yod ma yin/ dogs pa med par rtag gyur nas/ khyod kyis 'dod pa lnga la spyod/ gang gi byang chub sems brtan cing/ /chags pa med pa'i blor 'gyur na/ the tshom za bar mi bya ste/ /de
 yis 'di ni nges par 'grub/ /de nyid shes nas 'bad pa yis/ /gang zhig mos pas sten byed pa/ /de yis 'grub ste gzhan du na/ /de ni dmyal ba chen bor lhung/ zhes so/ /dkon mchog brtsegs ba'i mdor yang gsungs pa/ 'od srungs 'di lta ste 'bras
 sA lu'i zhing rnams la lud kyi phung bo phan par byed par 'gyur ro/ /de bzhin du byang chub sems dpa' i nyon mongs pa rnams kyang phan bar byed par 'gyur ro/ /'od srungs 'di lta ste sngags dang sman gyis yongs su zim pa'i dug gis stung bar mi byed do//
 de bzhin du shes rab dang thabs dang ldan pa'i byang chub sems dpa' nyon mongs pa rnams kyis mi ltung ngo/ zhes so/ /de nyid kyi phyir reg pa las skyes pa'i bde ba yongs su gyur pa ni bla na med pa'i 'bras bu'i rgyur gsungs so/ /de skad du yang rdo rje mkha' 
 'gro'i rgyud du gsungs pa/ de ltar yang de ltar gyur pa'i sgyu ma lta bu'i dngos po rnams kyis kyang khyad par can gyi longs spyad pa las skyes pa'i bde ba yongs su smin pas gal te 'di rnams khyad par can gyi sgom pa goms pa'i stobs las khyad par can gyi yid
 bde ba la sogs pa'i 'bras bu bskyed nas bla na med pa'i 'bras bu thob pa na/ rgyu'i dngos po rtogs par byed pa de'i tshe bcom ldan lha mo skyon ci yang med do/ zhes so/ /de nyid kyi phyir sbyin pa gzhan las 'dod pa'i sbyin pa 'bras bu chen por rgyud gzhan
 rnams su gsungs so/ /ji skad du mchog gi dang po'i rgyud du gsungs pa/ /'dod pa'i longs spyod thams cad la/ /ji ltar 'dod par spyod bzhin pas/ /rang lhag lha yi rnal 'byor gyis/ /rang dang gzhan la mchod par gyis/ /'phrod pa min yang
 sbyin bya ba/ /'dod pa'i bde ba thams cad ni/ /bdag nyid dang ni gzhan rnams kyi'ang/ /bsam pa thams cad yongs rdzogs byed/ /ces so/ /'phags pas kyang gsungs pa/ /phan min par yang dag mthong ba/ /mkhas pa la lar de phan te/ /nad gyi dbang las
 thams cad ni/ /sman zhes bya bar skye min nam/ zhes so/ /de nyid kyi phyir bcom ldan 'das kyis gsungs pa/ sgyu ma lta bu'i chos la mos pa la nye bar longs spyod pa thams cad sbyar bar bya'o/ zhes so/ /lha thams cad yang dag par 'dus pa'i rgyud du yang
 gsungs pa gang gis rmongs pa 'ching 'gyur pa/ /de yis mkhas pa 'dir ce na byed/ /sems dpa' yongs rdzogs sbyor ba yis/ /gzhan du mar me lta bur 'gro/ /dogs pa med pa'i sems dpa' yis/ /rtag tu gnas skabs kun tu yang /spyod pa
 kun la rab zhugs kyang/ /'ching bar 'gyur ba ma yin te/ /stong pa'i dngos po thams cad 'di/ /stong pa'i rnam ba can mig gis/ /mthong ba rnam par rtog med pa'i/ /dam pa dogs med 'gyur ba yin/ zhes so/ /thabs chen ldan pa rnams kyis ni//
 nyon mongs byang chub yan lag 'gyur/ /'khor yang zhi ba'i bdag nyid du'o/ /de'i phyir rgyal sras bsam mi khyab/ ces so/ /de'i phyir shes rab dang thabs kyi yongs su zin pa'i gzugs la sogs pa'i yul rnams yongs su longs spyod pa rnams khyad par
 'phags pa'i 'bras bu thob par byed pa rnams su 'gyur ro/ /zhes pa gnas pa'o/ /khyad par 'phags pa'i 'bras bu de ci zhe na gsungs pa/ 'bras bur gyur zhes pa la sogs pa ste/ 'di ni ste rgyu kho na bde ba chen po'i rang bzhin byang chub sems kyi bdag
 nyid 'di'i mngon sum du rab kyi mthar thug par 'jug pa ni/ mtshon par bya bas mtshon bar bya ste/ dri ma med pa ni dpag tu med pa'i dngos por mthong ba'o/ /'dis ni nye bar 'khor ba'i thams cad mkhyen pa nyid dang thams cad mkhyen pa nyid 'bras bur
 gsungs so/ /'o na rgyud rnams su ngang 'dir yang rnam par snang mdzad la sogs pa rnams kyis gti mug la sogs pa rnams zhib rab tu gsal bar byas na shes rab dang thabs kyis ci brjod ce na/ gsungs pa gang dang gang
 gis shes pa ste rnam par snang mdzad la sogs pa'i ngos bos so/ /'byung po sems can rnams nyon mongs pa ldog pas sbyad par bya ba'i rnam par snang mdzad la sogs pa de rnams byang chub sems rdo rje bcom ldan de kho na'i ngo bo 'dzin pa rnams
 te/ dper na lho'i me dang khyim bdag gi dang sbyin sreg la sogs pa'i me rnams tha dad kyang bud shing rnams dang rdo dreg gi gos la sogs pa'i dri ma sreg pa ni me'i rang bzhin thams cad yin pa bzhin no/ /gdul bya'i bsam pa'i dbang las ni/ /rgyal ba bde
 ba chen po'i mgon po kho na'i gang 'di ste rnam par snang mdzad la sogs pa'i ngo bo'o/ /gang gsungs par 'gyur ba gang du bde chen mgon po gar mdzad cing/ gcig pu du ma'i nyams kyis gar byed do/ zhes so/ /nyams dga' ni de la mos pa rnams kyi mngon
 par dga' ba'i gnas nyid kyi phyir ro/ /bzang po ni rnam par dag pa'i thams cad kyi phyir ro/ /de nyid kyi phyir 'di nyid de mgon po ni bag chags dang bcas pa'i sgrib pa gnyis spangs pa'i phyir dag ba yang ngo/ /gzugs kyi phung po la sogs pa gang rnams/
 rnam par snang mdzad la sogs pa'i ngo bor lhag par mos par bya ba de rnams kyang 'di kho na ste/ 'di kho na ni nus pa ste gti mug la sogs pa yis dgra de 'joms so/ /rnam par snang mdzad la sogs pa'i rang gi ngo bos kyang zhes gsungs pa/ gti
 mug ces pa la sogs pa ste/ gti mug 'joms so/ zhes sbrel lo/ /gti mug rnam par dag pa na rnam par snang mdzad do/ /zhes sngar dag pa ni mi bskyod pa'o/ /'dod chags dag pa ni 'od dpag med do/ /nga rgyal dag pa ni rin chen 'byung ldan no/ /
 phrag dog rnam dag ni don yod grub pa'o/ /rdo rje 'dzin zhes pa 'di la 'dus pa phyi mar ni/ lnga spangs pa dang rtogs pa yis/ /rdo rje zhes par mngon par brjod/ /'dzin pa 'chang zhes brjod pa ste/ /rnam shes rdo rje 'dzin yid do/ zhes so/ /spangs pa ni bcom pa ste
 stong pa nyid do/ /rtog pa ni rig pa ste ye shes so/ /stong ba nyid kyi ngo bo'i zhes lnga rnams ni rdo rje'o/ zhes pa'i don to/ /de nyid kyi phyir de gsal byed pa ni gnyis kar rtse mo lnga pa'i rdo rje'o/ /'chang zhing 'dzin pa po rnam par shes pa ni 'dzin ces par brjod do/ /
 de'i phyir na rdo rje 'dzin yid? do ste byang chub kyi sems su brjod par bya ste rdzogs pa'i rim pa la'o/ /de skad du yang gsungs pa/ dag pa'i blo ni zla dang 'dra/ /rdo rje zhes bar mngon par brjod ces so/ /mi phyed so sor 'bigs byed pa/ /gdug pa thams cad 'joms
 pa'i phyir/ /bdag ni rdo rje sangs rgyas kun/ /bdag ni byang chub sems brtan pa'o/ /zhes kyang ngo/ /bskyed pa'i rim pa la yang de gsal bar byed pa'i rdo rje 'dzin pa'i phyir rdo rje 'dzin pa'o/ /ci ltar gti mug la sogs pa rnam par dag pa rdo rje sems dpa' 
 yin zhe na/ gang gi phyir/ de'i ngo bo rnam dag pas zhes pa la sogs pa ste/ de nyid kyi phyir 'di rnams rnam par snang mdzad la sogs pa'i rigs lnga rnams te rdo rje 'dzin pa kho na mi bskyod pa la sogs pa'i rnam pas spro ba'i phyir ro/ /de 'dus pa phyi mar
 gsungs pa/ rigs ni rjes 'gror bshad pa ste/ rgyud can gdod mar brjod par bya/ /'jig pa med cing skye ba med/ /gang de mgon por rab brjod do/ /zhes so/ /gdod mar gyur pa gang rjes su 'gro zhing rjes su 'jug pa ni rigs te/ de nyid kyi phyir gsungs pa
 rgyud can gdod mar brjod par bya zhes so/ /yang 'di ci zhe na gsungs pa/ 'jig pa med ces pa la sogs pa'o/ /yang ci ltar rnam par shes pa la sogs pa'i phung po rnam par dag pa'i ngo bo mi bskyod pa la sogs pa rnams zhe sdang la sogs pa'i rigs
 yin zhe na/ 'di la lan 'dus phyi mar/ /sdang rnams 'joms rtags gnyis rnams kyis/ /rnam shes zhe sdang yin par brjod/ /gzugs ni gti mug ces bshad de/ /bems dang 'ching pa'i rang bzhin las/ ba ru byed pa'i rang
 bzhin las/ /tshor brgyags pa nga rgyal bshad/ /'du shes yang dag chags bdag nyid/ /dngos la zhen pa'i mtshan nyid can/ /brten nas bskul ba'i bdag nyid kyis/ /'du byed rtag tu phrag dog go /rang bzhin gyur pa'i byang chub sems/ /kun la
 'byung zhing yang dag 'byung/ zhes so/ /'joms rtogs gnyis rtse mo lnga pa'i ngo bo'i rnam par shes pa'o/ /sdang rnams kyi ste mi mthun pa'i phyogs sgrib pa rnams kyi gnyen po'i ngo bo zhe sdang ngo/ /gzugs ni blun po'i rang bzhin nyid kyi phyir dang 'chi ba'i
 rang bzhin nyid kyi phyir gti mug go /'ching ba'i rang bzhin nyid kyang gzugs ni mngon par zhen pa'i yul nyid kyi phyir ro/ /tshor ba ni nga rgyal gyi rang bzhin te/ bde ba la sogs pa myong ba ni nga bde'o/ /zhes pa la sogs pa nga'o nyams pa'i nga rgyal kun tu spyod
 pa'i phyir ro/ /'du shes kun nas chags bdag nyid ces pa kun nas chags pa'i bdag nyid 'du shes te/ gang las dngos po la kun tu zhen pa'i mtshan nyid can yin pa'o/ /dngos po la kun nas zhen pa'i mtshan nyid can ni dngos po'i mtshan nyid 'dzin pa'i
 phyir ro/ /'du byed ni phrag dog gi rang bzhin te/ brten nas bskul ba'i bdag nyid kyis te rten cing 'brel bar 'byung ba nyid kyis bskul ba'i ngo bo nyid kyis so/ /rgyu dang rkyen rnams kyis 'dus bya ba'o/ /zhes pas 'du byed rnams te/ rgyus bskul nas 'jug pa
 rnams su brjod par bya zhing/ phrag dog kyang skul bar byed pa'i ngo bo kho na'o/ zhes pas 'du byed rnams phrag dog gi ngo bo'o/ /rdo rje 'dzin pa de rnams kyi rigs nyid du bsgrubs zin gyi de'i rang bzhin nyid ni ma yin no/ zhes pa ste gsungs pa/ rang bzhin zhes
 pa'o/ /de ci dri ma med pa nyid de kho na yin nam zhe na gsungs pa/ kun la 'byung zhing yang dag 'byung zhes pa/ 'khor ba thams cad las ma spangs pa ni 'di rnams kyi de'i ngo bor 'byung ngo/ zhes pa'i don to/ /de nyid kyi phyir de nyid du gsungs pa/ 'dod pa sems
 zhes rab tu bshad/ /'dod chags zhe sdang mun par ldan/ /dam tshig sna tshogs 'dra ba yi/ /sngon phyogs las las skyes 'bras bu/ zhes so/ /dam tshig sna tshogs 'dra ba yi/ /zhes pa 'dod chags rdo rje la sogs pa rnams dang ji ltar rigs par 'dus
 bzhin pa sna tshogs su so sor snang ba'i sems gang 'di las skyes pa'i 'bras bu mngon du phyogs shing nye bar 'dud pa de 'dod pa'o/ zhes brjod de/ las kyi dbang kho na las de dang de'i rnam pa can 'dod chags la sogs pa dang rjes su mthun pa'i sems skye
 bas so/ /de thams cad kyang rnal 'byor pa rnams kyi 'dod pa ste 'dod chags rdo rje la sogs pa dang/ rjes su mthun pa nyid kyi phyir ro/ /de nyid kyi phyir zhe sdang rdo rje la sogs pa rnams phyag rgya chen po dang yang dag par sbyor ba mchog gi go 'phangs rnams su brjod
 par bya ste/ zhe sdang rdo rje la sogs pa 'di rnams kyang bde ba chen po'i rang bzhin rang nyid las dogs pa med pa'i rnal 'byor pas sros pa rnams gzhan gyi don rnams su 'gyur ro/ /'dir zhe sdang la sogs pa'i 'bras bu sku rnams kho na de ltar kun nas slong
 ba ni ma yin zhing yongs su dag pa'i zhe sdang la sogs pa rnams ma yin no/ /gang 'ga' zhig tu brjod pa/ /nang du kha ba lta bur bsil zhing phyi rol lo nar rtsub pa zhes pa la sogs pa de ni rnam par ma dag pa'i zhe sdang la sogs pa'i ngo bor ro/ /gang yang
 zhe sdang la sogs pa zad pa'i ched du zhe sdang la sogs pa rnams bstan pa de yang 'di rnams kyi rnam par dag pa'i ngo bo la dmigs pa na ma dag pa'i ngo bo med pa'i dbang du byas nas so/ /gang yang zhe sdang la sogs pa'i rigs can gyi sems can gdul/
 ba'i don du gsungs pa ste yang 'di rnams de'i ngo bor spros nas las dang po pa rnams kyi ngor de ltar rjes su gnas par byed pa'i phyir te/ rang nyid de ltar gnas pa rnams kyis gzhan rnams de ltar gnas par byed pa'i phyir ro/ /gal te rigs lnga
 po 'di rnams yin na 'o na ci ltar byams pa la sogs pa rnams 'dir nang du 'du bar 'gyur zhe na/ dge ba'i rang bzhin nyid kyi phyir te/ de ltar ni sems can rnams la bde ba nye bar sdud par 'dod pa 'am mnyen pa'i sems ni byams pa'o/ /sdug bsngal
 bsal bar 'dod pa 'am phan pa'i sems ni snying rje'o/ /gzhan phun sum tshogs par rjes su chags pa'i rnam pa 'am bde ba dang mi 'bral bar 'dod ba dga' ba'o/ /chos rnams rang bzhin med pa nyid kyi phyir btang snyoms su byed pa 'am sems mi bskyod pa ni
 btang snyoms so/ /rang bzhin med pa nyid kho na'i phyir 'jig rten gyi chos brgyad la btang snyoms pa yang btang snyoms kyi mtshan nyid yongs su dag par 'gyur ro/ /de ltar 'di rnams gti mug la sogs pa'i ngo bor gsal ba kho na ste/ de nyid kyi phyir yang byams
 pa la sogs pa'i rang bzhin spyan ma la sogs pa rnams gti mug dga' ba la sogs pa'i tshig rnams kyis 'dus ba la sogs pa rnams su gsungs shing zhe sdang la sogs pa rnams kyang ji skad bshad pa'i rigs ba las dge ba nyid du rig par bya ba kho na ste/
 de nyid kyi phyir dge ba 'di rnams kyis dge ba'i rang bzhin byams pa la sogs pa spros pa na/ de rnams su byams pa la sogs pa nang du 'du'o/ /ye shes lnga rnams zhes pa ste/ de la shin tu rnam par dag pa'i chos kyi dbyings kyi ye shes ni gang dag
 chags dang bcas pa'i sgrib pa gnyis las grol ba snying rje dang shes rab gnyis su med pa/ chos kyi dbyings rtogs pa rdzogs pa spangs ba dang rtogs pa phun sum tshogs ba yang dag pa'i don bsgom ba rab kyi mthar thug pa las skyes pa gsal bar snang ba ste
 yang dag pa'i don can nyid kyis ni mi bslu ba'i phyir tshad ma yin zhing/ rtog pa dang bral zhing ma 'khrul ba nyid kyis na mngon sum ste nye bar mkho ba'i thams cad mkhyen pa bcom ldan 'das so/ /me long lta bu'i ye shes ni gang la rdul phra rab so so bar mtshams
 med pa'i khams gsum pa sems dang cig shos kyi dngos po thams cad ji ltar ring ba dang cig shos kyi yul 'das pa dang ma 'ongs ba dang da ltar byung ba'i dus bzhin gnas skabs so so bar me long la gzugs brnyan bzhin du so sor snang ba'o/ /mnyam pa
 nyid kyi ye shes ni gang gis de ltar gzugs brnyan du gyur pa'i 'gro ba chos kyi bdag med par mnyam pa nyid rtogs nas sems can rnams thams cad la rtag tu bdag dang mnyam pa'i sems nyid thob pa'o/ /so sor rtog pa'i ye shes ni gang gis de
 ltar mnyam par bzhag pa kho na'i bcom ldan 'das rnam par rtog pa med kyang sngon gyi smon lam dang sems can gyi bsod nams kyi dbang las sems can rnams thams cad kyi sems kyi spyod pa rnams so sor rtog pa'o/ /bya ba grub pa'i ye shes ni gang gis de ltar
 so sor brtags pa'i 'gro ba'i bya ba rjes su bsgrub par mdzad pa'o/ /ye shes bzhi po 'di yang rtogs ba phun sum tshogs pa ste/ de kho nar mngon sum pa thams cad mkhyen pa bcom ldan 'das so/ /ye shes lnga po bcom ldan 'das rdo rje 'dzin pa'i
 kun rdzob tu so so rang gis rig par bya ba rgyun yin bzhin pa 'di rnams kyang phan tshun rgyu dang 'bras bu'i dngos pos na gzugs dang ro dang dri dang reg bya'i rdul phra rab kyi rgyun rnams la bum pa gcig tu gdags pa bzhin du tshogs pa gcig la rag
 las pa'i 'brel pa las dbyer med par 'jug pa nyid kyis sems can gcig tu gdags pa'i yul nyid kho na'o/ /de bzhin du ye shes lnga'i rab tu dbye ba dpag tu med cing mdza' yas pa'i stobs dang mi 'jigs pa la sogs pa sangs 
 rgyas kyi ye shes rnam par mi rtog pa so sor rang nyid tha dad par cig rgyun yin pa bzhin pa rnams kyang ngo/ /sems can rnams ni rnam par shes pa'i rgyur re re pa'o/ zhes pa ni sems can gcig la rnam par rtog pa gnyis cig car ma
 yin no/ /zhes pas yid kyi rnam par shes pa'i rgyun gcig pa nyid kyi phyir ro/ /sangs rgyas kyi ye shes 'di rnams kyang ye shes lnga ro gcig par thug pa'i dgongs pa'i rgyun du
 bshad zin to/ /de bzhin du me long lta bu'i ye shes dang de'i rten can mnyam pa nyid kyi ye shes zhes pa gnyis tshul gcig pa ste chos kyi dbyings rnam par dag pa la dmigs pa nyid kyi phyir ro/ /de las cig shes kyi ye shes gnyis kyang ro gcig pa
 ste/ gzhan la phan pa byed par rgyu gcig pa nyid kyi phyir dang de bzhin nyid kyi phyir yang ngo/ /de'i phyir gnyis dang gnyis dang chos kyi dbyings shin tu rnam par dag pa'i ye shes rnams rang gi tshul tha mi dad pa ste/ de'i bdag nyid kyis chos kyi dbyings shin
 tu rnam par dag pa la dmigs pa nyid kyi phyir ro/ /ji skad du sangs rgyas kyi sa'i mdor gsungs pa/ chos kyi dbyings rnam par dag pas 'dres shing nye par 'das pas 'bras bu gcig pa ye shes la rdzogs par longs spyod pa'o/ zhes so/ /don dam par ni
 ye shes lnga rnams tha dad pa dang tha mi dad pa la sogs pa'i spros pa mdza' dag gis stong pa nyid kho na'o/ /de la rnam par rtog pa kun gyis bskyod bya ma yin pa'o/ zhes pa mi bskyod pa rnam par shes pa rnam par dag pa'i ngo bo ni chos kyi dbyings shin tu
 rnam par dag pa'i ye shes kyi bdag nyid do/ /dri ma thams cad dang bral ba las rnam par snang zhing gsal lo zhes pa rnam par snang mdzad gzugs rnam par dag pa'i ngo bo ni me long lta bu'i ye shes kyi bdag nyid do/ /bla na med pa'i dga' ba rgyas
 par byed ces pas rin chen tshor rnam par dag pa'i ngo bo ni mnyam pa nyid kyi ye shes so/ /de'i bdag nyid ni rin chen 'byung ldan te/ rin po che'i bdag nyid du 'byung ngo/ /zhes byas nas so/ /dpag tu med pa'i shes bya so sor rtog pa'i bdag nyid kyis na 'di'i 'od
 dpag tu med pa 'du shes rnam par dag pa'i ngo bo ni so sor rtog pa'i ye shes kyi bdag nyid do/ /'gro ba thams cad la phan pa bsgrub par byed pa'i rgyu nyid kyis na don yod de 'bras bu med pa ma yin pa 'di la grub pa'o/ /zhes pa don yod grub pa 'du byed rnam
 par dag pa'i ngo bo ni bya ba grub pa'i ye shes kyi bdag nyid do/ /de ltar phung po rnam par dag pa'i ngo bo sangs rgyas lnga rnams te/ 'di rnams kyang stong pa nyid kho na de kho na nyid do/ /zhes pas stong pa nyid dang snying rje dbyer med pa nyid kyis na drug pa rdo rje sems dpa' i
 rang gi ngo bo nyid kho na'o/ /gang yang de bzhin gshegs pa lnga rnams las skyes pa rnams ni sems dpa' zhes pa rang rang gi rigs can gyi byang chub sems dpa' sa'i snying po la sogs pa/ mig ni gti mug rdo rje'o/ zhes pa la sogs pas nang gi bdag nyid
 kyi skye mched rnam par dag pa'i rang bzhin du 'chad pa 'gyur ba rnams dang gzugs rdo rje la sogs pa phyi'i skye mched gzugs la sogs pa rnam par dag pa'i rang bzhin spyan ma la sogs
 pa rnams so/ khro bo rnams kyang shin rje gshegs pa sogs pa rnam par dag pa'i ngo bo rnams so/ /de rnams kyang de lta kho nar rdo rje sems dpa' rang gi ngo bo nyid de/ rlabs rnams chu'i rang bzhin nyid yin pa bzhin no/ /de bzhin gshegs pa la sogs pa
 'di rnams kyang dpag tu med pa'i dbye bas tha dad pa'i phung po la sogs par mngon par zhen pa'i dpag tu med pa'i sems can gyi bsam pa'i dbang gis dpag tu med pa'i thugs rnams su 'byung ba'i phyir mdza' las pa nyid du rig par bya'o/ /dri
 ma med pa nyid kyi skabs la gnas pa'i de bzhin gshegs pa la sogs pa rnams kho na yang ma yin gyi/ khams gsum yang ste/ rdo rje 'dzin pa'o/ /zhes thams cad la sprel bar bya'o/ /'dod pa dang gzugs dang gzugs med pa'i
 khams gsum rnams 'di la'o/ zhes pa khams gsum pa ste/ sems can gyi phung po yang de bzhin kho nar rgyu'i rgyud kyi rdo rje 'dzin pa'i rang bzhin kho na'o/ /gsungs pa yang/ kun la 'byung zhing yang dag 'byung/ zhes so/ /rdo rje 'dzin pa 'di kho na bdag nyid
 la dbye bar bya'o/ zhes pas dga' ba la sogs pa'i dbye ba tha dad pa'i lhan cig skyes pa'i bde ba chen po'i ngo bo ni/ gsal bar bla ma las rtogs par bya ste/ slob mas ni bla ma'i man ngag las te/ shes rab sbyor bas dpal ldan ni/ de kho na nyid mtshan
 par bya/ rdo rje skyil krung gis sems ni/ /nor bu'i nang du gnas lta bas/ /gang gi phyir 'di ltar yin pa de'i phyir zur gsum 'drin te/ sangs rgyas bde ba chen pos ngo bo rnams kyis bstan pa'o/ /stong ba nyid dang ro gcig pa nyid kyi phyir dag pa'o/ /e yig
 gi dbyibs can du ste gru gsum nyid kyi phyir ro/ /nyams dga' ba'i zhes pa nyams dga' bar te mngon bar dga' ba'i gnas nyid kyi phyir ro/ /e'i sgra'i brjod byar te shes rab kyi ngo bo nyid kyi phyir ro/ /'dis ni ste pa'i pad+ma la sogs pa yang gsungs so/ /dbus su
 ze 'bru la waM rdo rje dang thabs kyi bdag nyid kyis khyad par du byas par/ ji ltar du nang gi dbye bar 'gyur pa de ltar bla ma'i zhal las thob par bya zhes sprel lo/ /gsungs pa yang/ e yig dbyibs can bzang po gang/ dbus su waM yig gis brgyan du
 bde ba thams cad kyi ni gnas/ /sangs rgyas rin chen pa me tog /ces te/ 'dir rol par byed do/ zhes pa bzang po'o/ /nye bar sdud de/ gru gsum zhes pa la sogs pa'o/ /rdo rje ni bo lo dang kun rdzob byang chub kyi sems so/ /de'i rol pa ni dga' ston te sems
 chen po'i bdag nyid rdo rje sems dpa' o/ /ri gI a ral+li'i rgyud du gsungs pa/ ri gA lha mo rol pa ni/ rdo rje 'dzin pa zhes so/ /rdo rje rol pa'i rgyud du yang/ rdo rje rol pa ni rdo rje sems dpa' o/ zhes so/ /sU ta kA ru Ni rol pa ni rtse ba'o/ zhes so/ /de ltar rdo rje rol pa'i
 brten par bya ba'o/ zhes pas rten te gzhi gru gsum pa'o/ /de nyid kyi phyir de'i chos bde ba chen po dang dkyil 'khor chos thams cad kyi bdag nyid 'dir 'byung ba'o/ zhes pa chos 'byung ste skye gnas zhes 'di dang rgyud gzhan du grags pa'o/ /nges pa'i don ni
 chos rdo rje gsum po rnams kyi bde ba chen po'i rdo rje 'dzin pa'i bdag nyid du 'byung ste/ 'dir mchog tu 'byung ba'o/ /zhes chos 'byung chos kyi sku rdo rje 'dzin pa'i gtso bo'i sku ste/ chos rnams kyang de'i bdag nyid kyis na chos 'byung dang chos kyi sku'o/ /bde ba chen po
 'dir bsten no/ zhes pa b+ha ga'o/ /'di bde ba chen po 'byung ba'i gnas yin pa 'ba' zhig tu ma zad kyi/ ngag gi rang bzhin thams cad kyi yang ngo/ /zhes skabs su bab pa brjod pa gsungs pa/ de'i zhes pa la sogs pa ste/ pad+ma ni 'dir skyes pa dang bud med
 dag gi'o/ /'dab ma brgyad pa ni dkyil 'khor gnyis pa rtsa brgyad kyi ngo bo nyid kyi phyir ro/ /dgu pa ni mkha' 'gro gdong gi rtsa'o/ /lte ba ni a ba d+hU ti'o/ /pad+ma der a'i phreng ba ste bsgrigs pa ni A li ste dbyangs bcu drug rnams so/ /gtso bo'i rjes su 'gro
 ba ni 'brel pa la sogs pa'i tha snyad do/ /ka'i phreng ba ni kA li ste gsal byed sum cu rtsa bzhi rnams so/ /rnam gnas zhes pa ni mi gsal ba'i ngo bos so/ /brjod pa'i dus su ni b+ha ga'i pad+mar rlung gi skye gnas can rnams ni gsal ba'i rang bzhin du
 skyes nas rkan la sogs pa byed pa rnams las gsal bar skye ste/ gang gsung bar 'gyur ba/ sgra ni sngags so zhes so bskyed pa'i rim pa la ni bris pa'i gzugs kyis rnam gnas pa'o/ /las rnams ni zhi ba la sogs pa rnams so/ /cung zad
 ces pa yi ge'o/ /snga mtshan brgyad rnams gsungs ba/ ak zhes pa la sogs pa'o/ /a sde ni A li'o/ /ya ra la wa rnams ya'i sde'o/ /bskyed pa'i rim pa la 'ga' zhig tu sngags btu ba la sogs pa'i
 don tu sha Sha sa ha rnams kho na sha'i sde mtshan du gsungs so/ /k+Sha yig ni ka dang Sha yig dag brtsegs pa'o/ zhes pa logs su ma bstan to/ /'dir ni sha Sha sa ha k+Sha rnams sha'i sde mtshon no/ /ka la sogs pa'i sde pa rnams ni so sor
 yi ge lnga rnams so/ /dga' ba ni sde pa rnams la chags pa rnams nye 'drel pa rnams so/ /mnyam pa nyid bya ba mnyam pa rnams so/ /de kho na nyid pa'i rnal 'byor pa'i ni cung zad yi ge gcig gis kyang mngon par 'dod pa 'grub par byed de/ de skad du yang brtag pa gnyis par
 gsungs pa/ mnyam pa byed pa mtshungs pa rnams/ /ro mnyam de nyid bsgom rnams kyis/ /mnyam pa mtshungs pa zhes par brjod/ /de'i ro 'khor lor zhes par bshad/ /ces so/ /mnyam pa de'i ro ste ro'i ngo bo nyid ni 'khor lo ste bde ba chen por brjod de/ de'i bde ba
 'khor lo/ zhes da ltar kho nar gsungs pa'i phyir ro/ /de nyid kyi phyir gsungs pa/ rdo rje rol ba zhes pa ste bde ba chen po'i dga' ston 'byung ba na mnyam pa rnams yin gyi/ gzhan gyi tshe ni ma yin no/ zhes dgongs pa'o 'dab ma so sor zhes pa rtsa gcig tu yang yi ge lnga bcu rnams
 kyang 'byung ba'i phyir ro/ /bris pa bsgom pa po'i yang yi ge rnams sam sde mtshan rnams kyi phyogs kyi 'dab ma nges pa med de/ gdul bya'i don rgyud la sogs pa 'ga' zhig dang kha cig tu rnam pa gzhan du gsungs pa'i phyir ro/ /mchog gi dbang phyug ces ba gdod
 ma nas ma skyes par chos thams cad sgom pa las mchog gi dbang phyug rdo rje sems dpa' rdzogs pa gsal bar byed pa'i phyir ro/ /de nyid kyi phyir gnyis su med pa'i ye shes kyi rang bzhin shes rab kyi pha rol tu phyin pa mngon par brjod pa'i phyir e yig ni shes rab kyi
 pha rol tu phyin par brjed do/ /gang phyir a yig ni chos thams cad skye ba med pa gsal bar byed pa ste/ skye ba med pa kho na don dam pa dngos po rnams thams cad kyi de kho na nyid/ rang gi mtshan nyid stong pa nyid rang bzhin med pa nyid pha rol tu phyin pa ye shes dag pa'o/ /bskyed
 pa'i rim pa la rdo rje sems dpa' ni 'ga' zhig tu a yig 'gyur med las rdzogs pa'i phyir ro/ /thams cad las phul du byung ba'i phyir mchog kyang 'di yin la chos kyi dbyings kyi ngo bo nyid kyi phyir mi 'gyur ba yang yin pa ni mchog mi 'gyur ba chos kyi sku ste/ de gsal
 bar byed pa a yig kyang mchog mi 'gyur ba'o/ /de nyid kyi phyir yi ge kun gyi thu bo 'am yi ge rnams la khyad par byed pa nyid kyi phyir yig 'bru kun gyi mchog go /gang gsung bar 'gyur ba/ sde'i bdag nyid can nyid kyi phyir zhes so/ /mtshan yang dag par brjod par
 yang gsungs pa/ tshig kun rab tu gsal bar byed ces so/ /rim pa lnga bar/ thung ngu ma lus ngag tu 'gyur/ zhes te/ a yig dang ldan par brjod pa'i phyir gcig min ma yin pa'o/ /so so tha dad pa'i phyir gcig ma yin pa'o/ /don dam par ni gcig dang gcig
 min gyi rang bzhin dang bral ba'o/ /chos kyi sku'i dbang kho na las sems can thams cad kyi don phun sum tshogs pa'i phyir 'di las don chen po'o/ /zhes pa sdon chen no/ /de skad du rnam par snang mdzad mngon par byang chub par gsungs pa/ gsang ba pa'i bdag po ci
 ltar de bzhin gshegs pa rnams kyis sngags kyi tshul dang sngags kyi chog bris pa'i yi ge rnams kyis byin gyis brlabs/ gang ba pa'i bdag por de la gang de bzhin gshegs pa rnams kyis bskal pa stong phrag du mar bsgrubs pa'i bden ba'i dag ste/ de la gsang ba
 pa'i bdag po byang chub sems dpa' a yig la gnas pas bya ba thams cad bsgrub par bya'o/ zhes so/ /de skad du yang mi g.yo ba'i rtog par/ byang chub sems ni brtan byas nas/ /sngags kyi dngos grub gsungs pa ste/ /gzhan du sngags grub cho ga yi/ /bya ba thams cad
 'bras bu med/ /dngos po thams cad mdor bsdus pas/ /rang bzhin med nyid bsam pa las/ /byang chub sems ni nges par 'thob/ /gzhan du 'ba' zhig 'gyur ba min/ /zhes so/ /'phags pa 'jam dpal gyi rgyud du yang/ kye lha'i tshogs
 chos snang ba'i sgo bcu rnams dang yang dag par ldan pa rnams ni sngags thams cad nges par zlos shing sngags kyi spyod pa thams cad la rjes su zhugs par 'gyur/ myur du bla na med pa yang dag par rdzogs pa'i byang chub mngon par rdzogs par sangs rgyas ba dang/ sngags kyi
 dngos grub rnams thams cad kyang mngon du 'gyur te/ 'di lta ste/ de bzhin gshegs pa rnams ni chos kyi sku can te chos la mchod na de bzhin gshegs pa thams cad dang rang sangs rgyas dang 'phags pa nyan thos thams cad dang byang chub sems dpa' thams cad
 dang sngag thams cad mchod par shin tu nye bar gnas par 'gyur gyi zang zing gi mchod pas ni ma yin pas na chos mchod pas dang/ sgrub pa'i mchod pas dang/ sems can rnams la phan ba dang bde ba byed pas dang/ sems can gyi don la 'jug pa nyid kyis
 dang/ yang dag par blangs pa mi gtong ba nyid kyis dang/ sngags kyi spyod pa dang las mi gtong ba nyid kyis dang/ ji skad smra ba de bzhin du byed pa nyid kyis dang/ shes rab rno ba nyid kyis dang/ yid yongs su mi skyo ba nyid kyis dang/ byang chub kyi sems mi gtong ba nyid
 kyis de bzhin gshegs pa rnams mnyes pa'o nas ji srid du zang zing gis sbyin pas ni ma yin no/ /zhes pa'i bar re/ yang na 'gyur ba med mchog ni rnam par snang mdzad de bzhin gshegs pa thams cad kyi sku rdo rje'i ngo bo nyid kyis na 'gyur ba med do/ /zhes byas
 nas so/ /a yig ni snang ba mdza' yas so/ /dkar po dang ljang gu la sogs pa kha dog thams cad kyis mchog ste sna tshogs pa'i gzugs nyid kyi phyir gi gru 'bru kun gyi mchog don yod grub pa'o/ /sems can rnams thams cad kyi don chen po ni yid bzhin gyi nor
 bu 'dzin pa'i rin chen 'byung ldan 'di las so/ /zhes pas don chen ni rin chen 'byung ldan no/ /rnam par snang mdzad la sogs pa sde mtshan gyi bdag po nyid kyi phyir sde tshan gyi gtso bo ni mi bskyod pa'o/ zhes pa sangs rgyas lnga'i bdag nyid mchog gi dbang phyug drug pa ste
 de gsal bar byed pa'i a yig kyang de ltar ro/ /de yang ze 'bru'i bu gar skyes nas 'dab ma rnams su 'pho ste/ de'i phyir 'dab ma rnams su yang shad do/ /yi ge gzhan rnams kyang de ltar ro/ /de nyid kyi phyir bskyed pa'i rim pa la de rnams kyang byis pa'i ngo bor bu gar
 yang re re yang bsgom par bya ba nyid du kha cig tu gsungs shing a yig ni de rnams kyi mchog tu gsungs so/ /de nyid kyi phyir a yig kho na las sngags rnams dang sngags kyis bsgrub par bya ba rnams 'grub par 'gyur ro/ /ci'i phyir 'di ltar yin zhe na gang zhes pa la
 sogs pa'o/ /thams cad ces pa rdzogs pa'i rim pa'i rnal 'byor pa rnams kho na'i'o/ /sgra tsam mi gsal ba'i sgra ni nA da ste/ dngos ni a yig kho na'o/ /de nyid kyi phyir rgyan du ri mo'i rnam pa bris pa ni nA da ru brjod do/ /sna tshogs rnams kyi ste sems can rnams
 kyi skye ba'i gnas nyid kyi phyir sna tshogs mdud pa'o/ /de nyid kyi phyir de ni gnas chen te mang po rnams kyi go 'byed pa'i phyir ro/ /'dir chos bdud ba chen po'i sgeg pa'o/ zhes pa chos kyi rol pa te skye gnas so/ /ci ltar dag rab 'byam thams cad sngags yin zhe na/ med ces
 pa la sogs pa ste/ /gang gi phyir ma skyes pa'i rang bzhin ni shin tu brtan par mi skye bar mos pa la thams cad sngags kho na'o/ zhes pa dgongs pa'o/ /da ni a yig la sogs pa rnams kyi don chen po nyid gsungs pa la nye bar 'jug ste/ de nas zhes pa la sogs
 pa'o/ /yang dag sbyor las byung mtshan nyid ces pa shes rab dang thabs dag gi skye pa gang gis mtshon par bya ba de'o/ thobs chen po zhes pa thabs kyi pha rol tu phyin pa'i rang gi ngo bo'o/ /sna tshogs gzugs ni sprul ba sna tshogs kyis spro ba'i phyir ro/ /sna tshogs spyod yul ni
 skal ba dang ldan pa'i sems can rnams kho nas mang po rnams kyis mthong bar bya ba nyid kyis na/ de rnams kyi bsod nams kyi dbang las dang/ rang gi smon lam gyi 'phen pa las de rnams kyi yul nyid kyi phyir ro/ /sems can dpag tu
 med pa rnams kyi skye ba'i gnas nyid kyi phyir sna tshogs 'dam skyes te skye gnas so/ /'di ni bud med dang skyes pa dag gi ste ba'i 'og gi gnas ni skye gnas te/ de nyid ni sna tshogs mdung pa zhes pa la sogs pas gsungs zin to/ /skyes pa'i yang rnal 'byor
 pa'i dpag tu med pa'i sems can gyi don byed pa'i sprul pa'i sku'i gzugs rnams sems can rnams kyi skye gnas la skye bo zhes bshad par bya'o/ /smon lam ngo bo zhes pa smon lam gyi pha rol tu phyin pa'i rang gi ngo bo'o/ /rdo rje'i rigs can zhes pa rdo rje mi
 bskyod pa 'di'i rigs so/ zhes byas nas te gtso bo'o/ /phal pa ni rin chen 'byung ldan gyi'ang shes rab 'di'o/ zhes pas rin chen 'byung ldan gyi rigs can no/ /stobs zhes pa stobs kyi pha rol tu phyin pa'o/ /gtso bo zhes pa ste/ /rdo rje sgrol ma'i gzugs
 la rin chen 'byung ldan gyis rgyas btab pa'i phyir na phal pa ni rin po che'i rigs can yang ngo/ /'chi ba bslu ba'i sgrol ma'i gzugs la rnam par snang mdzad kyis rgyas 'debs pas rnam par snang mdzad kyi rigs can ma'o/ /ku ru kul+le'i gzugs la 'od dpag med
 kyis rgyas 'debs pa'i phyir 'od dpag med kyi rigs can ma yang ngo/ /ral gcig ma'i gzugs la ma bskyod pas rgyas 'debs pa'i phyir mi bskyod pa'i rigs can ma'ang ngo/ /ye shes zhes pa ye shes kyi pha rol tu phyin pa'o/ /de ltar 'di rnams khams
 dang phyag rgya dang tshad med pa dang pha rol tu phyin pa rnam par dag pa'i ngo bo rnams te/ stong pa nyid dang snying rje'i ngo bo nyid kyis na shes rab dang thabs kyi rang bzhin spyan ma la sogs pa'i lha mo rnams sprul pa la sogs pa'i 'khor lo rnams la mos par bya'o//
 e waM mA ya yi ge'i brjod par bya ba'o/ /zhes pa brjod par bya ba dang rjod byed dag dbyer med par mos pas bskyed pa'i rim pa la kha cig tu e waM mA ya'i yi ge rang gi ngo bo rnams dang/ kha cig tu phyag la sogs pa'i ngo bo can rnams kyang bsgom par bya'o/
 zhes gsungs par 'gyur ro/ /e waM gi yi ge'i brjod par bya ba gzhan gsungs pa/ e yig gis ni zhes pa la sogs pa'o/ /gyen du lta ba'i lte ba'i chu skyes dang 'og tu phyogs pa'i spyi bo'i mtsho skyes ni e yig ste e yig gi dbyibs can gru gsum shes
 rab kyi rang bzhin du mos par bya'o/ /thur du bltas pa'i snying ga'i chu skyes dang gyen du bltas pa'i mgrin pa'i chu skyes ni waM yig gi dbyibs can zlum po thabs kyi rang bzhin du'o/ /gang gsung bar 'gyur ba/ spyi bo lte bar son 'khor lo/ /oM yig rnam par yang
 dag gnas/ /snying ga mgrin par yang dag gnas/ /waM gi yi ge 'dra bar 'dod/ /ces so/ /lte ba dang snying ga'i chu skyes dag dang mgrin pa dang spyi bo'i mtsho skyes dag gi dang de'i rjes su zung gnyis kyi yang gtum mo 'gro ba dang 'ong ba'i dus su bde bar ro gcig pa
 nyid kyis snyoms par 'jug pas mdzes so/ /de ltar na e yig kyang shes rab dang thabs kyi ngo bo ste/ waM yig kyang ngo/ /de nyid kyi phyir gsungs pa'o/ /e yig ces pa la sogs pa'o/ /gzhan yang shes rab kyi chos kyi 'byung gnas dang thabs rdo rje'o//
 mdzes te snyoms par 'jug pas bde ba chen po 'byung ba'i phyir ro/ /de nyid kyi phyir stong pa nyid dang snying rje'i bdag nyid shes rab dang thabs kyi rang bzhin gyis na so sor shes rab dang thabs kyi rang gi ngo bo'o/ /zhes zlas te bshad pa 'di'o/ /slar yang brjod
 par bya ba gzhan rtogs pa'i ched du dang po'i dag 'chad de/ 'di skad ces pa la sogs pas so/ /'di skad brjod do/ /zhes pa dang sbrel lo/ /gang las bdag gis thos pa'o/ /ci ltar rgyud kyi tshogs pa gsal bar byed ce na/ gang gi phyir 'di skad shes rab dang
 thabs kyi bdag nyid 'dod chags chen po bde ba chen po'i ngo bo bcom ldan 'das rgyud 'dir rtag tu ste rgyun ma chad pa nyid du brjod par bya ba nyid kyi gnas shing de'i rjod par byed pa yang rgyud do/ /zhes ldan par gsal bar byed do/ /de
 nyan byed kyis yul du byas pa ni thos pa'o/ /de ci rjod bar byed pa 'ba' zhig gam zhe na/ ma yin te bde ba chen po'i mgon po yang thos so zhes pa'i don to/ /dbyer med pa ste khyad par med par 'gyur ro/ /de ltar yang ma yin te/ gang gi tshe ston pa po las rgyud
 tha dad par nyan pa po dang sdud pa po gdul bya'i nges pa las 'gyur bas na'o/ /rgyud tha dad pa med pa na ni yang na zhes pa la sogs pa ste/ ches ni bstan par bya ba'o/ /sdud par byed pas dogs pa ni de zhes pa la sogs pa ste/ de kho na ston pa po la sogs
 ba zhes ba de'o/ /gcig pu zhes pa gcig go /nyams zhes pa so so rang la yod pa'i yid kyi 'gyur ba'i khyad par ro/ /gang du ste gzhan gyi don bya ba la'o/ /rdo rje 'dzin pa gcig kho na yid kyi 'gyur ba'i bye brag las rnam pa sna tshogs pa'i gzugs rnams kyis
 rol bar mdzad do zhes pa'i don to/ zhes pa 'di kho na rgyud 'dir tshig ste/ de las so/ /bcom ldan 'das zhes pa bcom ldan 'das kyis so/ /bshad pa gzhan gsungs pa dus zhes pa la sogs pa'o/ /sna zhes pa mi'i sna ste a ba d+hU tI'i/ /de ni mi dag gi
 ste bud med dang skyes pa dag gi sna ste/ skyes pa'i yang bo la'i rtsa ba nas brtsams pa sna ru brjod pa'i phyir ro/ /de nyid rtse mo ste/ de'i bug par 'ongs pa'i 'o ma'i rgyun byang chub kyi sems kyi thig le'o/ /dus bzang sde skad cig bzang ba dga' ba dang mchog dga' dang dga' 
 bral gyi dga' ba'i ngo bo'o/ /song ba dang ni phyir song ba thig le me bzhin du yongs su gdung ba sdug bsngal gyi ste sdug bsngal yang ma yin bde ba yang ma yin pa nyams su myong bas 'bab ni gal te bde ba ste yongs su gdung ba'i phyir ro/ /bsam gyis mi khyab nyid gyur ni bzhi pa'i skad
 cig gi ngo bo'o/ /ci ltar bsam gyis mi khyab pa yin zhe na gsungs pa/ ma yin zhes pa la sogs pa'o/ /zhe na mtshan nyid ni bde bar rnam par rtog pa'i phyir dga' ba gsum gyi ngo bo'o/ /'gog pa ni bde ba med pa sdug bsngal lam sdug bsngal yang ma yin bde ba yang
 ma yin pa'i char ba'o/ /dbu ma na 'dir nyon thos rnams kyi bde ba la sogs pa med par dgag pa'i ngo bo'i dngos por gyur pa ma yin pa so sor brtags pa'i 'gog pa'i grol ba'o/ /de ni ji ltar mu stegs byed rnams kyi grol ba ltar tha shal ma yin te/ gang gsungs
 pa/ gzhan smra pa'i thar pa rnams ni srid pa'i phyogs gcig rnams so/ /zhes gsungs shing/ ji ltar rdzogs pa'i sangs rgyas rnams kyi ltar mchog ma yin pas so/ /ma dmigs so zhes pa/ gang gi phyir med par dgag pa tsam ni kun rdzob tu yang ci yang ma yin no/ /
 zhes gzhan du bsgrubs zin to/ /chags pa dang chags bral dag ni kun rdzob tu yang lhan cig skyes pa'i gnas skabs la med do/ /ci ltar zhe na gang gi phyir/ 'dod chags zhes pa la sogs pa'o/ /rnyog med ni lhan skyes te rnam par rtog pa'i rnyog pa med pa'i phyir ro/ /
 'o na lhan cig skyes pa la chags pa dang chags bral dag med pa'i phyir ci ltar 'dres pa nyid yin zhe na gsungs pa/ de bzhin zhes pa ste/ rnyog pa med pa nyid kyis na 'dres pa nyid dang gcig tu brjod do de nyid kyi phyir gsungs pa/ ro mnyam zhes pa ste/ ro ste rang bzhin
 'di'i mnyam pa'o/ /zhes pa ro mnyam mo/ /brtag pa gnyis par yang gsungs pa/ ro mnyam dngos po gcig tu ni/ don de yis ni brjod par bya zhes te/ dngos po gcig ni rang bzhin gcig go /don 'di yis zhes pa bde ba chen po'i ngo bo nyid kyis so/ /'di
 skad bshad de bde ba chen po kho na nyams su myong ba'i phyir chags pa dang chags bral dag so sor nyams su myong ba tsam gyis na 'dres pa nyid dang gcig nyid du srid pa dang mya ngan las 'das pa dag bzhin tha snyad bya'o/ /ro mnyam pa nyid kyang sprom pa med pa'i bde ba
 chen po'i ngo bo nyid kyis nyams su myong ba'i phyir ji ltar sngon po la sogs pa ltar ro/ /de nyid kyi phyir gsungs pa/ dngos po thams cad ro mnyam pa zhes pa'o/ /bcom ldan 'das kho na dus su brjod de/ dbang phyug ni gzhan dbang
 ma yin pa yin zhing/ de bcom ldan 'das kyi phun sum tshogs pa ste/ bag chags dang bcas pa'i sgrib pa thams cad spangs pa'i phyir ro/ /rnam pa thams cad pa'i yon tan thams cad phun sum tshogs pa'i mtshan nyid can yang ste/ gang phyir bcom
 ldan 'das sgrib pa med pa ni bde ba chen po'i bdud rtsis dbang bskur ba sgrib pa med pa'i sku dang gsung dang yid phun sum tshogs pa rtogs pas so/ /gzugs phun sum tshogs ba ni bla na med pa'i mtshan dang dpe byad thams cad kyis rnam par gsal ba'i
 sku can nyid kyi phyir ro/ /grags pa phun sum tshogs pa ni phyogs dang phyogs mchims rnams su sgra grags pa nyid kyi phyir ro/ /phun sum tshogs pa gang gis na mang po rnams kyis bsten par bya/ de ni dpal ste bla na med pa'i bsod nams kyi tshogs kyi
 mtshan nyid can no/ /de phun sum tshogs pa ni 'jig rten las 'das pa'i phun sum tshogs pa 'dod pa thams cad kyis bsten par bya ba nyid kyi phyir ro/ /ye shes phun sum tshogs pa ni shes bya thams cad la rnam pa thams cad du dag cing chags pa med
 la thogs pa med pa'i ye shes can nyid kyi phyir ro/ /brtson 'grus phun sum tshogs pa ni bla na med pa'i gsung phun sum tshogs pa ste lhun gyis grub pas chags pa med cing rgyun ma chad pa la 'bad pa med par 'byung bas 'gro ba thams cad bsam pa
 ji lta ba bzhin tshim par byed pa dbyangs kyi yan lag thams cad dang ldan par 'gro ba grol bar byed pa'i gsung ste/ gzhan gyi don rnam pa thams cad pa la longs spyod rdzogs pa pa dang sprul pa pa'i sku dag gis rtag tu ldog pa med pa'i bya ba can nyid
 kyi phyir ro/ /chos zhes pa chos ma yin pa ma reg pa la sogs pa rnams kyang rang gi mtshan nyid 'dzin pa'i phyir chos rnams so/ /de bzhin gshegs pa mdza' dag btsun mo dang lhan cig ces pa/ de
 bzhin gshegs pa rnams thams cad kyang yin la btsun mo rnams kyang yin pa spyan ma la sogs pa rnams te/ de rnams lhan cig pa'o/ /mchod pa'i dus su ni de bzhin gshegs pa thams cad kho na btsun mo rnams te/ de'i phyir gsungs
 pa/ e ma zhes pa la sogs pa'o/ /bcom ldan 'das rdo rje 'dzin pa yongs su mnyes pa'i de bzhin gshegs pa rnams rang gi sku rang gi rigs dang rjes su mthun pa'i bud med lha mo'i gzugs su sprul par mdzad de/ rig me'i tshogs 'jug bud med kyi yon tan lhag
 pa phun sum tshogs pa skyes pas shin tu dgyes pa bskyed pa'i ched du/ rdo rje 'dzin pa'i rig ma'i nang du 'dus pa rnams kyang rdo rje sems dpa' la mchod par byed do/ /chos rnams kyis te chos kyi phung po stong phrag brgyad cu rtsa bzhi rnams kyi dang por rtag tu rgyun mi 'chad
 par bzhugs te rang gi ngo bos so/ /kha cig tu don gyis te/ ji ltar gsang ba na zhes pa la sogs pa ltar ro/ /dag pa ni dag pa'i don brjod par byed pa nyid kyi phyir ro/ /de nyid kyi phyir de'i don bsgom pas rdzogs pa'i sangs rgyas nyid 'grub pa'o/ /rgyas par ston pa'i
 yi ge zhes pa la sogs 'khor ba'i pha rol ni mya ngan las 'das pa'o/ /nyan thos la sogs pa'i spyod yul ma yin pa nyid kyi phyir shin tu rang ba sred pa dang/ mya ngan las 'das pa la mi gnas pa'o/ /rdo rje sems dpa' nyid kho na rab tu rgyas par ston pa/ bsam
 gyis mi khyab pa'i go 'phang zhes pa'o/ /bde gshegs rnams kyis zhes pa la/ /bde gshegs rnams ni 'dir sa bcu gsol ba rnams te phyi rol pa dang slob pa dang ma slob pa rnams par gcod pas legs par dang mi ldog par dang ma lus par gshegs
 pa 'di rnams la yang srid pa'i phyir ro/ /rnam pa thams cad pa ni bcom ldan 'das la'o/ /yang dag par mtshon zhes sprel lo/ /gsungs pa ni gti mug la sogs pa'i nyon mongs pa rnams kyis bcings pa'i sems can rnams
 zhes pa la sogs pas so/ /mtshon bya ni 'dir shes rab kyi ye shes so/ /yang dag par zhes pa stong pa nyid dang snying rje dbyer med pa kho nar gang gi tshe mtshon par byas par 'gyur na'o/ /stong pa nyid kho na nyon mongs pa mdza' dag 'joms pa po'o/ /de
 med bar nyon mongs pa'i sems kyis shes rab ye shes bsten na 'khor ba pa nyid de de las ngan 'gro yang ngo/ /de'i phyir nyon mongs pa'i sems spangs pa las dag pa'i sems te dag pa'i shes rab ye shes so/ /ci ltar zhe na/ shes rab thabs kyis rab sbyor pa
 ste stong pa nyid dang snying rje dbyer med par rtogs pas so/ /gang gi phyir kun rdzob pa'i phyi rol gyi shes rab la ji ltar thob pa ltar ji lta ba bzhin bsten pas bde ba chen po rtogs te de kho nas spros pa thams cad nye bar zhi ba las dag pa'o/ /bden pa ste stong pa
 nyid kyi ngo bo nyid kyi phyir don dam pa'i bden pa dang/ myong ba'i bdag nyid kyi phyir kun rdzob kyi bden pa'o/ /'dis mtshon par bya pas na mtshan nyid de rgyu'i rgyud do/ /de lan cig ma yin par bsten cing/ bsgom pas rnam par 'gyur bzhin pa ni rab kyi mthar thug
 pa na shes rab dang thabs kyi rnam 'gyur tu 'gyur te bag chags dang bcas pa'i sgrib pa gnyis spangs pa las stong pa nyid dang bde ba chen pa'i rang bzhin snying rje dag dri ma med pa nyid du 'gyur ba mngon du byed pa gang gis yin pa de de skad do/ /don dam par
 nam mkha' dang mnyam pa dngos po dang dngos po med pa la sogs pa'i spros pa las 'das shing/ kun rdzob tu ni sa gsum gzigs pa ste sngar ji skad bshad pa bzhin no/ /de mtshon bya ste/ de kho na mtshan nyid kyis sgom pa rab tu gyur pa na mtshon par bya ba'o//
 mtshon pa'o dus na yang ltag par mos pas so/ /'on kyang mtshon dka' ste bla ma'i man ngag las mngon bar brtson pa can rnams kyis ci ltar yang mtshon par bya ba nyid kyi phyir ro/ /kun tu son pa ni sna tshogs la yang bde ba chen po'i rang bzhin nyid du so sor snang
 ba'i phyir ro/ /rgyu ni nye bar len pa'i rgyu ye shes kyi tshogs te/ rkyen ni lhan cig byed pa'i rgyu shes rab dang sbyor ba la sogs pa bsod nams kyi tshogs so/ /de dag yongs su rdzogs pa dag las skye'o/ zhes pa rgyu dang rkyen la rag las pa'o/ /sna tshogs shing dpag tu med
 pa'i lus la sogs pa spros pas skal ba ji lta ba bzhin du 'jig rten gyi don grub par byed pa'o/ /'jig rten pa dang 'jig rten las 'das pa'i dngos grub ma lus pa rnams kyi mchog ni dngos grub mchog ste/ phyag rgya chen po'i dngos grub kyi bdag nyid rdo rje
 'dzin pa'i rang gi ngo bo'o/ /rgyud thams cad kyi gleng gzhi gsang chen ni rdo rje 'dzin pa ste/ de las yang dag thob po/ zhes sbrel bar bya'o/ /dpal ni bcom ldan 'das te rang dang gzhan gyi don phun sum tshogs pa bla na med pa dang ldan pa'i phyir ro/ /yang dag sbyor
 las byung ba yang ste/ /de kho na yang rnam par mi rtog kyang rang gi smon lam dang sems can gyi bsod nams kyi dbang las yid bzhin gyi nor bu bzhin du sems can gyi don byed pa'o/ /sems can rnams kyi rang gi mos pas de lta de ltar brtag bya'o/ /zhes pa brtag
 pa'o/ /de skad du yang bde ba chen po'i rdo rje gsang ba brtag pa'i rgyal por gsungs pa/ rnam par mi rtog ting 'dzin las/ sems can don ni yongs byed phyir/ /des na brtag par yang dag bshad/ /rtog pa yongs su dag byed du'o/ zhes so/ /rnam par mi rtog
 pa'i ting nge 'dzin ni bcom ldan 'das so/ /de kho na nyid bsdus par yang/ /sangs rgyas rnams kyi mi rtog par/ /ye shes ther zug gyur pa ste/ /mi rtog ye shes de las ni/ /rtog phyir brtag par brjod par bya zhes so/ /de ltar yang dag sems can smin par
 byed pas rnam par gsal ba'i phyir ro/ /rgyal po'o/ /de rtogs par byed pa'i gzhung gi tshogs ni dpal yang dag sbyor ba las byung ba'i brtag pa'i rgyal po'o/ /'dis ni rgyud gzhan la bltos nas mchog tu bshad de/ phul du
 dbyung du med cing thun mong ma yin pa'i thabs dag 'di kho nar gsal bar byed pa'i phyir ro/ /dang po ni brtag pa gzhan la bltos nas dang por bstan pa nyid kyi phyir ro/ /rdzogs pa ni yang dag par gzung ngo/ zhes pa'o/ /man ngag gi snye mar snye ma bzhi pa'o// //
 rdzogs pa'i rim pa dang bskyed pa'i rim pa 'di dbang bskur med par ma yin zhing de yang dkyil 'khor med par ma yin pas ji lta ba'i cho ga bzhin de dag gsungs pa/ de nas zhes pa la sogs pa'o/ /cho ga yang dag bshad bya ste/ /dkyil 'khor gyi
 zhes ba lhag ma'o/ /gang gis slob ma dbang bskur ba'i/ /cho ga de'ang rab bshad bya/ zhes sbyar ro/ /dang por lha'i bdag nyid kyis/ /shes pa ting nge 'dzin gsum bsgom pas sngon du snyen pa byas pa dpal rdo rje 'dzin pa'i skur gyur pas/ /hUM zhes
 pa hUM yig go /rdo rjer bya ba ni rkang mthil dag dang sa'i mthil gyi bar hUM las skyes pa'i rdo rjer bsgom pa'o/ /'bang pas te 'chang par 'gyur bas so/ /lha'i rdul tshon ni rin po che rnams kyi'o/ /bar ma ni 'bras kyi bye ma la sogs pa rnams kyi'o/ /bzhi
 zhes pa la sogs bzhi rnams la sor gsum lhag pa'i khru gsum mo/ /zhes dkyil 'khor mdor bstan pa nyi shu brgyad par rgyas par ston par 'gyur ro/ /de la phreng ba dang chu la sogs pa'i dbang bskur ni rgyas par rgyud gzhan rnams su ga slo bar
 'dir yang shes par bya'o/ /de skad du yang gsungs pa/ gang du las ni yod gyur cing/ /rang gi las kyi cho ga mod/ /der ni spyi yi rgyud gsungs pa'i/ /cho ga mkhas pas bstan par bya/ zhes so/ /mdor bsdus pas ni dkyil 'khor sgrub pa'i don dang
 dbang skur ba'i don du skabs gsungs pa/ rig ma zhes pa la sogs pa'o/ /bzang mo mchog rnams rdo rje rnal 'byor ma rnams gzhug par bya'o/ /ci 'di rnams dbang bskur ba kho na'i don du bsten par bya 'am zhe na ma yin te/ gang gi phyir sngags zhes pa
 la sogs pa ste/ sngags kyi lam ni sngags kyi tshul lo/ /mdza' yas 'jig rten khams dbang ma/ /rdo rje lha mo dbang gi dus su rang byin gyis brlab pa'i gnas gnyis su med pa'i bde ba chen po'i go 'phang rtogs nas gzhan gyi tshe yang bsten par bya'o//
 dam tshig ni bde ba chen po'i nyams su myong ba ste sngar ji skad bshad pa bzhin no/ /don dam par zhes pa dam pa bla na med pa zag pa med pa'i bde ba chen po'i rgyun nyams su myong ba don dgos pa yin pa de la ste de'i rgyu mtshan du rdo rje sems dpa' la sogs pa rnams
 kyis kyang 'di 'gong pa dka' na gzhan gyi lta ci smos/ 'di kho na yang grub pa'i mdza' ste/ de ltar ni/ dkyil 'khor nges pa'i dus dang ni/ /brda dang sngags dang phyag rgya dang/ /lha dang grub pa'i mdza' la yang/ /dam tshig rgyal ba rnams kyis gsungs/ /
 de phyir don zhes pa bshad pa'i dgos pa 'di yis so/ /dbang bskur yang de'i don nyid kyi phyir ro/ /dbul zhes mdor bstan pa rgyas par ston par 'gyur te/ shes rab ma 'bul bas so/ /rdo rje ni byang chub kyi sems te de'i rang bzhin gyi 'jig rten pa dang
 'jig rten las 'das pa'i spyod pa ston to/ /zhes pa rdo rje slob dpon bla ma ste de la'o/ /yon tan mtshor zhes pa cho ga ji lta ba bzhin bla ma rnams kyis dbang bskur ba nyid dang rjes su gnang ba nyid dang snying rje dang dad pa dang thos pa dang bsam pa dang sgrub pa la
 sogs pa'i rnam par dbye ba shes pa nyid rang zab mo'i de kho na nyid rig pa nyid dang de kho na nyid bcu shes pa la sogs pa rnams yon tan no/ /dkyil 'khor rang gi ting 'dzin dang/ /phyag rgya byed pa gdan dang ni/ bzlas pa sbyin sreg de bzhin mchod/ /las kyi sbyor
 ba nye bar sdug /ces pa dang/ srung ba dbang bskur gtor ma bzlas par byed/ /phyir zlog dag dang dkyil 'khor sgrubs thabs dang/ /btsan thabs sa sbyor ba gshegs su gsol ba'o/ /zhes pa de nyid bcu rnams su ni bshad/ /de
 rnams ni skabs ji lta bar 'chang par 'gyur ro/ /shes rab ni bzang mo rnams ma rnyed na/ gzhan rnams kyang ngo/ /zhes gsungs pa/ yang na zhes pa la sogs pa/ de zhes pa de dang lhan cig skyes pa'i bde ba bsgrub pa'o/ /bu mo rnams zhes pa/ bu mo nyid de
 'di rnams longs ma spyad pa'i phyir ro/ /de la 'chad par 'gyur ba'i rim pas rig ma'i brtul zhugs la longs ma spyad pa kho na gzung bar bya'o/ /dkyil 'khor sgrub pa la sogs pa la ni de med na rdul dang ldan pa'i de ma thag tu longs ma spyad pa yang
 gzung bar bya'o/ /de med na yang nyi ma de la nye bar ma sbyad pa'ang ngo/ /'di rnams kyang bu mo nyid de bu ma skyes pa nyid kyi phyir dang lang tsho phun sum tshogs pa'i phyir ro/ /rin thang med ni rin gyi thang med pa zhes pa rnyed par dka' ba nyid dang mchog tu dga' 
 pas mchod bya nyid du gsal bar byed do/ /rigs kyi rim pa ni rnam par snang mdzad la sogs pa'i rim pa'o/ /lo grangs bcu drug ma zhes bshad pa lang 'tsho gtso bo nyid kyi phyir ro/ /tshig 'di yang ji ltar srid pa ste ma yang brjod pa'i phyir ro/ /de nyid
 kyi phyir gsungs pa/ lang tsho gsar pa phun sum tshogs zhes pa/ de med na gzhan yang zhes pa'o/ /de ltar ni/ bcu gnyis lo lon nyi shu'i bar/ /phyag rgya gsal ba mchog rnams te/ /dkyil 'khor kun la thun mong du 'am/ /yang na rnal 'byor pa
 kun gyi'o/ /lo ni nyi shu rtsa lnga'i bar/ /phyag rgya bar ma'o gzhan rnams ram na/ /gang phyag rgya chen po thig ler gsungs pa/ nyi shu rtsa lnga'i lo lon pa/ /gzung bya lhag ma rnam spang bya/ /zhes so/ /lo bcu gcig ma ni bcud len la phan pa'o/ zhes
 gsungs so/ /skyabs gsum rnams ni sangs rgyas dang chos dang dge 'dun rnams te de rnams bdag nyid kyi skyabs nyid du shin tu khas len pa 'da' bar bya ba ma yin pa'i shes rab ni skabs su 'gro ba'o/ /de kho na nyid gsang chen zhes pa de kho na nyid gsang chin
 dam tshig la sogs pa'o/ /'o na gang de ltar 'chad pa de kho na bla ma dang/ mo de yang slob ma yin na rtse bar 'dod pa'i bla ma de dang lhan cig snyoms par 'jug par 'os sam/ ma yin zhe na 'os te/ de skad du yang rdo rje a ra l+li'i rgyud du gsungs pa/ the
 tshol yongs su spangs nas ni/ /rgod dang de bzhin brteg pa dang/ /bla mas lha mo rab dga' ba'i/ /rol pa'i gtso bo sba mi bya/ /bla ma 'bras bu kun ster ba/ /skyes bu 'dod na dga' bar bya/ bla ma'i steng du nges lta ste/ /rtag tu chags bcas bla ma la'o/ /de nas
 lag pa g.yas pa yis/ /bla ma'i rtags ni gzung byas nas/ /b+ha gar bla ma'i lag son byas/ /rig pa gsang sngags rjes dran bya/ /de yi ro ni rtag gzung nas/ /tsA ru byas te bza' bar bya/ /rgyud dang rgyud dungs bshad pa'i/ /dngos grub rnams ni
 bzhin bzab ma/ /bla ma mnyes na thob par 'gyur/ /de phyir bla ma rtag mnyes bya/ /zhes so/ /sgra ni sgeg pa dang rgod pa'i ro dang ldan pa legs pa sbyar ba dang/ rang bzhin la sogs pa ste mchog tu ltung ba la sogs pa'i 'khun pa yang ngo/ /'og gi lam
 ni skyes pa'i 'og tu kun tu gnas pa la mkhas pa dang pad+mar lta ba'o/ /lce'i de kho na nyid ni lces rdo rje'i dang pad+ma'i lte ba spro ba bskyed pa la dang gdong pas sbrang rtsi 'thung ba la sogs pa la mkhas pa nyid do/ /mig ni rjes su chags pa dga' ba la rjes su chags
 pa dang bcas par gyur pa ni bde bskyed par byed pa'o/ /steng du bskyod pa ni skyes pa 'dod pa'i lag pa dang rkang pa 'god pa'i khyad par ro/ /phan tshun du gdong dang mig blta ba yang ngo/ /nam mkhas ni mig la sogs par 'o byed pa dang yi ge gsum
 dang sen mo 'debs pa dang chu ri ta ka la sogs pa dang/ rdo rje bsdams pas mgrin pa bsdam shing lag pa g.yas pas nu ma 'dzin pa la sogs pa'o/ /sna tshogs pa'i byed pa rnams ni cher rgyas pa la sogs pa rnams so/ /de la lus kyi ro stod
 dma' ba' i phyogs su byas shing phyi ma phyir mtho bar bzhag nas bud med kyi pus mo ngag skyes pa'i dkur dang rgyab kyi phyogs su rkang pa dag ste bud med kyi 'phongs tshos dag gi dbus dang 'og tu dma' bar byas pa'i skyes pa'i rkang pa dag dang/ rtsi bas logs
 la reg pa'i dpung pa can skyes pa dang bud med skyes pa'i rgyab la reg pa'i dpung pa gnyis can no/ /zhes pa cher rgyas pa'o/ /byin pa gnyis bkug cing gan rkyal du bud med byas te/ skyes pa yang lus drang por byas shing/ bud med kyi rkang pa dag skyes nga'i
 rkub chos dag la dang/ phan tshun mgrin pa la 'khyud pa las mi mnyam par bya'o/ /bud med gan rkyal gyi byin pa dag nye bar gnas pa'i skyes pa'i bsla la son zhing bud med kyi lag pa dag skyes pa'i mgrin pa dang/ skyes pa'i lag pa dag bud
 med kyi gzhog su dang bud med kyi rkang pa dag skyes pa'i rtsibs logs dag tu'o/ /zhes pa grong pa'o/ /bud med kyi pus mo gnyis bdag nyid kyi phyogs su 'ongs shing byin pa dag brkyang pa ste/ rkang pa dag skyes pa'i rtsibs logs la reg cing bud
 med kyi lag pa dag skyes pa'i mgrin par dang/ bud med kyi pus mo'i phyi rol tu son par skyes pa'i lag pa dag mal stan la'o/ /zhes grong khyer gyi gar ro/ /bud med kyi gan rkyal gyi rkang pa dag brang du gzung nas/ skyes pas dpung pa gnyis kyis
 mgrin pa dkris shing bud med kyi lag pa dag skyes pa'i tshang ra la'o/ zhes pa brang 'bugs pa'o/ /rkang pa gcig snying gar dang gnyis pa brkyang ste lag pa dag rgyab tu 'jus shing/ skyes pa'i lag pa dag bud med kyi rkeng ngom su'o/ zhes pa rab
 tu brkyang pa'o/ /bud med gan rkyal gyi khri las phyi rol tu rkang pa dag brkyang ste/ de ltar nye bar zhugs pa'i skyes pa'i rkang pa dag khri las phyi rol tu brkyang zhing/ skyes pa'i lag pa dag bud med kyi mgrin par 'jus la/ bud med kyi lag pa dag skyes pa'i rgyab tu sbyar ba'o/ zhes  
 pa khab can no/ /gang du steng du gnas pa kho na'i bud med rol zhing rdza mkhan gyi 'khor lo bzhin du bskor la/ /rkang pa zung gyen du bskyod cing bskyod na/ lag pa g.yon pa gru mo g.yas pa'i steng du sbyin zhing/ g.yas pa yang gru mo g.yon pa'i steng du 'dzin pa zhes pa byung pa
 can no/ /skyes pa gan rkyal gyis yang dag par mthong bar byas pa'i rkang pa gnyis kyi rtse mos nam mkha' i mthil bkag cing/ mngon du phyogs pas nye bar zhugs pa'i rab myos ma skye mdun stan du byas nas rol cing lag pa mgrin par 'khyud de/ skyes pa'i lag pa
 dag bud med kyi rgyab tu sbyar ba'o/ /zhes pa myos byed kyi rta babs so/ /skyes pa nye bar 'dug pa'i brkyang bzhin cung zad bkug pa'i rkang pa gnyis la/ gnas pa'i 'dod ldan ma rkang pa gnyis bskum pa can rol cing bsrub pa ni srub byed do/ /de bzhin du byed pa gzhan
 rnams kyang de la mngon par brtson pa rnams kyis gzhan du rig par bya'o/ /byed pa rnams kyis ni lus mnyen par byed pa'i phyir shin tu dga' ba'i bde ba chen po'i ro myong ba thob par rnal 'byor ma rnams skye'o/ /'bad pa 'di ci'i don du yin zhe na/ dngos grub kyi
 don du'o/ /gang gi phyir 'di ltar bye brag tu bshad pa'i rim pa gnyis goms pas sam/ rigs lnga'i tshogs bkod pas sbyangs pa'i rig ma ni phyag rgya chen po'i dngos grub kyi rgyur 'gyur na/ dngos grub gzhan rnams lta ci smos zhes pa dgongs pa'o/ /de'i phyir
 de ltar 'dus byas pa'i rig ma ni rig pa 'dzin pa rang gi shes rab dang bcas pas dbul zhing/ bdag la rjes su brtse bas dbang bskur ba zhal gyis bzhes par mdzod cig ces bla ma las rtogs par bya'o/ /ci byas nas she na gsungs pa/ dri dang zhes pa la sogs
 pa'o/ /'o ma ni 'dir chang ngo/ /phyag rgya ni 'di sgrub pa po'i ste/ des kyang bsnyen bkur la sogs pa bya'o/ /zhes pa'i don to/ /stong nyid snying po zhes pa stong pa nyid las rab tu skyes pa nyid kyi phyir ro/ /kun mkhyen ye shes rnams ni stobs dang
 mi 'jigs pa la sogs pa rnams so/ /shin tu rnam par dag pa'i ye shes kyi ngo bo nyid kyi phyir ye shes sku'o/ /de ltar mi bskyod pa'i ngo bos bstod nas rnam par snang mdzad la sogs pa'i/ ngo bor bstod par byed de/ 'gro pa zhes pa la sogs pa'o/ /
 sgrib pa gnyis kyi dri ma dang bral ba'i phyir dag pa ste/ de kho na nyid ni me long lta bu'i ye shes so/ /zhes pa'i don to/ /byang chub sems ni mnyam pa nyid kyi ye shes te/ rin chen 'byung ldan no/ /so sor rtog pa'i ye shes kyis ni mi mthun pa'i phyogs las
 rgyal ba nyid kyis 'gro ba la so sor rtogs pa'i phyir 'gro ba'i dpa' bo 'od dpag tu med pa'o/ /rdo rje 'dzin pa'i sems kyi don bya ba'i bka' bsgo /rdzogs par byed pa'i phyir bde gshegs bka' bzhin mdzad do/ /dpal ni bya ba sgrub pa'i ye
 shes te/ de'i bdag nyid kyi phyir de dang ldan pa don yod grub pa'o/ /rdo rje 'dzin pas bskyed pa nyid kyi phyir sangs rgyas sras po'o/ /bla med de kho na nyid ni dbang bzhi pa'o/ /rdo /gang gsungs pa/ rdo rje snying por dbang bskur ba/ /sbyin ste/ des bum ba'i dbang la sogs
 pa la gang dbang bskur ba de yis so/ /gsad chen ni nyan thos la sogs pa'i spyod yul ma yin pa'i de kho na nyid do/ /rdo rje chos can ni rdo rje snying po ste de la dbang bskur nas so/ /gang gsungs pa/ rdo rje snying por dbang bskur ba/ /sbyin ched til mchog ma bkug go /zhes so//
 de nas zhes pa yang dag par mchod nas rig ma dbul ba sngon ma can gsol ba btab nas so/ /lnga zhes pa ste ma thob pa rnams 'dod par bya zhing mngon par 'dod par bya ba'o/ zhes pa 'dod pa'o/ /thob pa rnams yon tan du bya zhing yang dang yang du
 spyad par bya ba'o/ /zhes pa yon tan rnams so/ /'dod pa rnams kyang de yin la yon tan rnams kyang ngo/ /zhes pa 'dod pa'i yon tan rnams te/ gya nom pa'i gzugs dang sgra dang dri dang ro dang reg bya rnams so/ /'di rnams kyi 'dod pa nyid kyang byis pa rnams dang rnal
 'byor pa rnams kyi'o/ rnal 'byor zhes pa rnal 'byor pa'o/ /phyag rgya dang sbyor ba ni slob mas phul ba'i phyag rgya dang snyoms par 'jug pa'o/ /pad+ma'i snod du ste chos 'byung du'o/ /byang chub kyi sems ni khu ba ste/ rgyal ba'i bdag nyid skyes shes pa/ rang gi snying ga'i sa bon
 gyi 'od zer gyis dgug pa'i de bzhin gshegs pa rnams bdag nyid kyi sku shes rab ma dang bcas pa bde ba chen po'i dga' ston gyis zhu bar gyur te rnam par snang mdzad kyi lam nang du bcug nas rdo rje'i lam nas phyir byung bar bsgoms shing/ /des pad+mar gnas
 pa'i slob ma dbang bskur nas de las skyes pa pad+ma nas byung nas phyi'i nam mkhar gnas pa'i de bzhin gshegs pa rig ma dang bcas pa rnams kyis dang lha mo rnams kyis kyang dbang bskur bzhin pa pad+ma las phyir byung ba'i slob ma ye shes kyi phyag rgya dang ldan pa la
 dbang bskur bar bya'o/ /'gro ba'i gtso bo ni rdo rje 'dzin pa'i ngo bo'i bla ma'o/ /rin chen dam pa zhes pa mchog tu dga' ba'i rgyu bum pa'i dbang ngo/ /nyams dga' ni lha'i byin brlabs dang srung ba la sogs pa'i rgyu nyid kyi phyir ro/ /bzang ba ni mchog ste bskyed
 pa'i rim pa can rnams kyi bdud rtsi byed pa'i phyir dang/ rdzogs pa'i rim pa la gnas pa rnams kyi ni rang bzhin gyis 'dus byas so/ /khrag chen po ni rdul lo/ /ga bur ni sha chen po 'am rkang mar ram bad kan sra ba'o/ /tsan dan dmar po ni bshad pa ste lus dang sems
 rgyas pa bskyed pas smin par byed pa'i phyir dang dga' bar byed pa'i phyir ro/ /rdo rje'i chu ni gci ba'o/ /sems las yang dag byung ba ni khu ba ste/ 'dus pa phyi mar yang gsungs pa/ rang bzhin gyis lus chos rnams la/ /dri ma lnga yis rnam par mdzes/ /ye 
 shes lnga yis byin brlabs phyir/ /bdud rtsi lnga zhes bya bar bshad/ /ces so/ /dam tshig ces pa bdud rtsi lnga'o/ /srog chags gsod pa zhes ba nyes par spyod pa gzhan rnams nye bar mtshon pa'o/ /gsang ba'i dbang bskur ba'i
 skabs byed de/ sngon du gsungs pa zhes pa gang slob mas phul ba'o/ /sprul pa zhes pa lha mo'i gzugs su'o/ /sihla ga bur gyis bsgom pa ni rdul dang khu pa mang po'o/ /gang 'dus ba phyi mar gsungs pa/ dri dang me tog gis dkrigs nas/ zhes dang/ bu mo
 gsar pa'i mkha' yi khams/ /me tog ces par mngon brjod bya/ /zhes kyang ngo/ /de las gsar pa ni rig ma'i pad+ma'o/ /gsar pa nyid kyang mngon par gsar par rgyas pa nyid kyis te/ rdul yang dag par skyes pas ni/ /de rgyas ba dang yongs su dag par
 gyur par 'gyur te/ rim gyis ni yongs su brnyes par 'gyur ro/ /me tog gis dkrigs par byas nas zhes pa me tog dang ldan bar gyur pa la 'dod pa bya'o/ /pad+ma ma zum pa ni rdul dang ldan ma thag pa nas nyi ma bcu gsum ji srid par nyi ma gsum las gong
 du 'dod de/ 'gyur du zin yang 'ga' zhig rtsol ba chen pos kyang khu ba mi 'dzag pa de spang ba'i don 'di gsungs pa'o/ /gdong bcing ba ni gnyis ka dag mi mthong ba'i don du ste/ mthong na mi dang bar dogs pas so/ /gang zhes pa khu ba'o/ /dbab par bya zhes
 pa rdo rje mthe bong dang ming med kyis btsir nas pad+ma las phyung ste dngos su gzhug par bya'o/ /slob dpon gyi shes rab kyang langs nas pad+ma kho nas dbab par bya'o/ /zhes pa shes rab dang thabs dag gis gsang ba dag gis dbang bskur ba'o/ zhes pa gsang ba'i
 dbang gsungs so/ /shes rab ye shes kyi dbang gsungs pa/ byed du gzhug ces pa la sogs pa'o/ /de nyid la zhes pa slob pa'i phyag rgya kho na la'o/ /gang slob mas thams cad kyi tshe longs spyad pa'i don du phul ba 'am/ bdag nyid kyi rnal 'byor ma
 de la ni ma yin te/ de bsten pas dmyal ba'i rgyu nyid kyi phyir ro/ /'jigs rung dmyal ba sdig can du/ /bla ma'i shes rab ma bgrod 'gro/ zhes gsungs pa'i phyir ro/ /bcom ldan 'das kyis gsungs pa yang/ /bla ma'i rdzas ni srog bzhin te/ /de yi rig ma bla ma
 bzhin/ /de yi 'khor ni gnyen bzhin du/ /mnyam par bzhag pas rtag tu blta/ /mchod rten bshig 'dra'i sdig 'jigs pas/ de yi grib ma 'ang mi 'gom na/ /mchil lham gdan dang bzhon pa sogs/ /'gom par bya ba smos ci dgos zhes so/ /gang bla ma'i grib
 ma la sogs pa 'gom pa la yang sdig pa 'byung ba des bla ma'i mchog tu dga' ma la bla ma bzhin du blta bar bya ste/ gang la 'gom pa ni sdig pa chen po kho na'o/ /de nyid kyi phyir mkha' 'gro ma rdo rje gur du gsungs pa/ bla ma'i grib ma chung ma dang/ /mchil /
 lha ma gdan dang bzhon pa la/ /gang rnams rmongs chen las 'gom byed/ /mi de spu gri gcod pa rnams/ /legs dbang bskur yang slob ma nam/ /bla ma'i bka' la 'gom byed pa/ /'jig rten 'dir ni lkugs par 'gyur/ /'jig rten pha rol dmyal bar gnas/ /
 sgyu dang g.yo yi sbyor ba yis/ /brdzun pa'i gus pa gsal byed las/ /zad byed mdze dang nad chen can/ /dmyal sogs rnams su skye bar 'gyur zhes so/ /gang yang rig ma slob mas gsang ba'i dbang gi don kho nar bla ma la phul ba de bla mas rang nyid nye bar spyad
 nas slob ma la sbyin par bya zhing/ de la yang slob mas shes rab ye shes myong bar bya ste/ de ltar yang 'dus pa phyi mar gsungs pa/ shin tu dad cing shes rab che/ /gzugs bzang bsgrub pa po la dga' / /rnal 'byor gcig bu'i bya ba goms/ /dam tshig rnams
 kyi dam tshig can/ /sgrub pa po yis bla ma la/ /yon gyi ched du dbul bar bya/ /bla mas byin gyis brlab byas nas/ /sgrub po de la spyin par bya/ zhes so/ /sgrub pa po dang lhan cig tu/ /gang gis lha'i rnal 'byor gcig pu goms shing/ gcig kyang yin la bya ba
 yang ste de sgom pa dang snyoms par 'jug pa rjes su sgrub pa'i mtshan nyid can gang gis goms par byas pa de rnal 'byor gcig pu'i bya ba goms pa'o/ /rnam par snang mdzad la sogs pa'i gzugs kyi sgrub pa po'i dam tshig can te rang gi rigs
 dang rjes su mthun pa'o/ /ma rtogs pas ni rnal 'byor gcig pu'i bya ba goms pa kho na las 'di'i dam tshig can ma 'di'o/ /zhes rtogs par bya'o/ /g.yon ni mi 'khyog pa ste yon ni nye bar phul ba 'di nye bar 'dun par byed do/ /byin gyis brlabs nas rang nyid nye bar longs
 spyod de bla mas yang sgrub pa po la sbyin par bya'o/ /de ltar na 'di byin gyis brlabs par 'gyur ro/ /ro mnyam zhes pa lhan cig skyes pa'i bde ba'o/ /slob ma'i spyod yul ni slob mas yang dag par rig par bya ba ste/ ji ltar 'dir de kho na nyid rtogs pa bzhin
 de gzung ba la sogs pa'i rtog pa dang bral bas byang chub sems spro ba'i dus su bshad zin pa'i sgrub pa'i khyad par las bla ma'i zhal las rtogs par bya'o/ /gang brtag pa gnyis par gsungs pa/ mchog tu dga' ba thob pa na/ /sna tshogs spangs pa'i
 skad cig la/ /ston pas gsungs pa sems dpa' che/ /bde ba chen po gzung bar bya/ zhes so/ /mchog tu dga' ba ni 'dir lhan cig skyes pa'i dga' ba kho na ste sna tshogs spangs pa nyid kyis khyad par du byas pa nyid kyi phyir ro/ 'byung ba'i rim pas
 de 'thob pa rtogs par bya'i/ de byung ba nas bla ma'i gsungs skabs ma yin te/ nye bar mi mkho ba nyid kyi phyir ro/ /gzung bar bya ba ni nges par gzung bar bya'o/ /'dir yang myong bar smra ba rnams ni de kho na bde ba chen po myong ba de kho na nyid du smra'o/ /dbu ma
 pa rnams ni thabs des chos thams cad bsam gyis mi khyab pa nyid du brjod cing/ de'i phyir de kho na bzhi bar 'chad do/ /des ci zhe na gsungs pa/ rang gis rig bya zhes pa la sogs pa ste/ gang gi phyir ro mnyam par rang gis rig pa bsgom
 pas ye shes 'bras bur gyur par 'gyur te/ nye bar ma mtshon pa'i phyir sgom pa mi 'thad do/ zhes pa dgongs pa'o/ /'bras bu'i ye shes kho na khyad par du byed de/ rang bzhin yang dag rig pa spangs/ /blang bya dang dor bya la sogs pa'i rnam par rtog pa
 dang bral ba'i phyir ro/ /de nyid kyi phyir mkha' mnyam ste spros pa med pa'o rdul dang bral ba ste sgrib pa gnyis med pa'i phyir ro/ /stong pa ste rang bzhin med pa'o/ /gang gi phyir dngos dang dngos med bdag nyid de/ 'byung bas na dngos po ste gzugs la sogs
 pa rnams dang/ de rnams kyi dngos med ni ma skyes pa ste de'i bdag nyid do/ /yang na dngos po ni rnal 'byor pa'i lus so/ /dngos med ni de kho na'i tshor ba la sogs pa ste/ de dag 'di'i bdag nyid yin ba zhes pa de skad gsungs so/ /mchog ni don dam pa'o/ /
 srog ces pa 'tsho ba ste/ de dang bral na 'tsho ba med pa nyid kyi phyir ro/ /'gyur med dam pa ni thog ma dang tha ma med pa nyid kyi phyir ro/ /thams cad khyab pa ni chos thams cad byang chub sems kyi rang bzhin nyid kyi phyir ro/ /sangs rgyas ye shes can ni
 rnam par snang mdzad la sogs pa'i ngo bo me long lta bu la sogs pa'i ye shes dang ldan pa'i phyir ro/ /dpal he ru ka ni gnyis su med pa'i ye shes phun sum tshogs pas rgyu dang rang bzhin dang 'bras bur sgro 'dogs pa dang bral ba'i phyir ro/ /de nyid
 kyi phyir byang chub kyi sems rgyu'i rgyud kyi ngo bo las sna tshogs skye ste/ de'i bdag nyid kyi phyir nyon mongs pa dang las las 'byung ba'i phyir ro/ /zhes pa 'di gsungs pa/ dngos dang zhes pa la sogs pas so/ /dngos po ni byis pa'i bar gyi dngos po'i tha
 snyad kyi yul nyid kyi phyir rags pa'i ngo bo lus so/ /dngos med ni phra ba'i dngos po sems dang sems las byung ba'i ngo bo'o/ /nye bar mtshon pa las bar ma yang dag gi rang bzhin du rig par bya'o/ /de ltar na lus dang ngag dang sems rnams gsungs
 so/ /gzhan rnams ni dbang po rnams so/ /gang rnams de rnams zhes pa 'dis brtan pa sa la sogs pa rnams dang g.yo ba gzhan srog chags rnams brjod do/ /de skad du yang brtag pa gnyis par gsungs pa/ /dman
 ba phra ba'i dngos po ste/ /mchog ni dngos por brjod par bya/ /bar ma gnyis ka spangs pa'o/ /gzhan rnams shes pa dbang po drug/ /gang rnams de rnams brtan dang g.yo/ /zhes so/ /dngos po la sogs pa 'di rnams sgom pas bde ba chen po'i rang
 bzhin nyid 'grub bo/ /byang chub kyi sems kho na ni rmi lam la sogs pa na bzhin du de dang de'i rnam par so sor snang ba rnams te/ de bde ba'i rang bzhin nyid na de rnams kyang de'i rang bzhin nyid du grub pa kho na ste/ chu bsil ba nyid na de'i rang
 bzhin chu rlabs rnams bzhin no/ /zhes dgongs pa'o/ /de nyid kyi phyir yang byang chub kyi sems las de'i rang bzhin dga' ba bzhi rnams spro bar byed do/ /zhes gsungs pa/ dga' ba zhes pa la sogs pa'o/ /dpa' bo ni sgrub pa po ste rang gzhan
 dag pha rol tu 'gro ba'i don du brtson 'grus brtsams pa nyid kyi phyir ro/ /de kho na dga' ba ste/ dga' ba las gzhan pa'i bde ba spyod pa po mi srid pa'i phyir ro/ /mchog tu dga' ba rnal 'byor ma/ zhes pa shin tu dga' ba'i kun dga' don du
 gnyer bar bya ba nyid kyi phyir ro/ /rab rtse'i dga' ba ni khyad par dga' ba ste khyad par gyi ngo bos rab tu rtse ba na dga' ba'i phyir ro/ /mdza' dag ces pa shes rab dang thabs kyi ngo bo ste/ de'i tshe bud med dang skyes pa dag bsam pa mtshungs pa nyid kyi
 phyir ram/ dga' ba dang mchog gi ngo bo'i dpa' bo dang rnal 'byor ma dag gi 'du ba'i gnas nyid kyi phyir ro/ /de bde ba'i thabs can zhes ba/ rab tu rol pa'i dga' ba'i bde ba de 'di'i thabs te de ma thag pa'i rgyu yin pa'o/ /zhes pas de
 bde'i thabs can yang 'di yin la thams cad rig pa thams cad mkhyen pa yang ste/ bcom ldan 'das ni lhan cig skyes pa'i dga' ba'i ngo bo nyid kyi phyir ro/ /'di rnams kyi ngo bo mtshon pa'i ched du gsungs pa dang po zhes pa la sogs pa'o/ /dga' ba cam gyi
 phul byung ma yin pa bde ba chung ba rnam pa sna tshogs pa gzung ba dang 'dzin pa'i rnam par rtog pa yod par gyur pa'i phyir/ 'khyud pa dang 'o byed pa la sogs pa rnams kyis pad+ma dang rdo rje dag yang yang du reg pas 'dod pa phul du byung ba'i mtshan nyid can rdo rje dang
 pad+ma drung pa'i mthar thug pa ste/ shes rab bcu drug lon pa la/ /lag pa dag gis 'khyud byas nas/ dril bu rdo rje mnyam sbyor las/ /slob dpon gyi ni dbang du 'dod/ /ces brtag pa gnyis par gsungs pa'i phyir ro/ /mchog tu dga' ba yang gong nas
 gong du bde ba 'dod pa'i mtshan nyid can dga' ba las phul du byung ba nyid kyis bzlog pa'i bde ba'i ye shes nye bar longs spyod pa rnam par smin pa'i ngo bo ste/ srab par gyur pa'i gzung ba dang 'dzin pa'i rtog pa gnyis kyis bsgribs pa nyid kyi phyir ro/ /
 khyad par dga' bar bshad ces pa khyad par du 'phags par dga' ba ste/ bde ba 'dod pa'i ngo bo nyid chags pa dang bral ba'i phyir rtsol ba dang bral ba'i mtshams khyad par dga' ba 'byung bar 'gyur ba'i bde ba chen po'i lnga ba nye bar mtshon pa 'di ste
 de'i bde ba bdag gis bshad do/ /zhes pa rnam par nyed pa'i ngo bo rab kyi gnas skabs/ bde ba la chags pa'i ngo bo'i 'dzin pa'i rnam par rtog pa dang ldan pa de dang bral ba'i mtshams te/ brtag pa gnyis par ji skad gsungs pa/ gsum
 pa 'dod chags nyams pa'i phyir zhes so/ /bzhi pa lhan cig skyes zhes pa lhan cig skyes pa'i dga' ba/ kun rdzob pa'i byang chub sems kyi rang bzhin rang gi dngos po stong pa bde ba chen po'i myong ba rnam par rtog pa med pa ste/ de nyid kyi phyir bde ba'i
 chags pa spangs pa dang de las bzlog pa'i mngon par zhen pa dang bral ba'o/ /de gsungs pa/ mtshan nyid bral ba gsum las gzhan/ /chags dang chags bral rnam par spangs/ /zhes so/ /de ci 'di mthong ba'i lam
 yin nam zhe na/ de lta ma yin te/ thabs kyi khyad par las dang sangs rgyas dang byang chub sems dpa' rnams kyi dang bla ma'i byin rlabs las 'thob pa'i phyir ro/ /rang gi ngang gis 'thob na ni de ltar 'gyur ro/ /de kho na dbugs dbyung ba gnyis su
 smra ste/ bde ba chen po'i ye shes dang stong pa nyid dag de'i bdag nyid kyi phyir phan tshun rgyas btab pa dag mi bskyod pa dang rdo rje 'dzin pa'i ngo bo nyid kyi phyir de bzhin gshegs pa dang rdo rje 'dzin par gdon mi za bar 'byung bar 'gyur ro/ /zhes pa
 de'i lam thob pa'i phyir zhes de bzhin gshegs pa'i dbugs dbyung dang rdo rje 'dzin pa'i dbugs dbyung bskyed par byed pa nyid kyi phyir ro/ /ji skad du gsungs pa/ thabs dang thabs byung dbye ba yis/ bzhi pa'i don ni rnams gnyis 'dod/ /gcig
 ni de bzhin gshegs dngos grub/ gzhan ni rdo rje 'dzin par 'dod ces so/ /'o na lhan cig skyes pa'i rjes thogs su khyad par gyi dga' ba rigs te/ ji skad du brtag pa gnyis par gsungs pa/ lhan cig skyes dga' i rang bzhin pa/ /mchog
 mdza' khyad dga' dang po can/ /zhes so zhe na/ ma yin te/ mchog gi mdza' khyad dga' ni gang gi dang po yin pa ste/ mchog gi rjes su khyad par dga' ba dang de'i rjes su lhan cig skyes pa'o/ /zhes don gyi shugs las so/ /gang mchog gi mdza' 
 dang khyad dga' i dang po ste/ mchog dang khyad par dga' ba dag gi bar ro/ /zhes don 'chad pa de ni mi 'thad de/ khyad dga' dang por mtshon par bya/ de yang dga' pa gsum spangs pa/ /zhes pa'i gsung las so/ /'dis ni khyad dga' 
 yang 'di yin la/ /dang po yang ngo zhes pas khyad par dga' ba'i dus kho na lhan cig skyes pa nye bar 'char bar dang po kho nar mtshon par bya'o/ zhes bsgrubs te/ lhan cig skyes pa shar ba na ni rnam par rtog pa thams cad nub pa'i rang bzhin nyid kyi
 phyir ga la mtshon/ /de nyid kyi phyir ye shes rdo rje kun las btus ba rnal 'byor chen po'i rgyud du dang/ rim pa lnga par gsungs pa/ sgyu ma rnams ni thams cad las/ /bud med sgyu ma khyad par 'phags/ /ye shes gsum gyi dbye ba 'di/ /'di la gsal bar
 mtshon par 'gyur/ /zhes pa 'dis dang/ rim pa lnga par/ snang ba mtshan mo'i cha yin gsal ba'i nyi ma'i 'od can nyin mo snang ba ched par 'gyur/ /mtshams ni snang ba thob pa rang bzhin rang nyid rnams kyi lan cig min par sbyor ba 'di'o/ /
 mtshan mo ma yin mtshams kyang ma yin nyin mor yang ni ma yin mi 'gyur rang bzhin bral ba gang/ de 'di byang chub skad cig thub mchog gis gsungs rnal 'byor pa rnams kho na'i rtogs bya'o/ zhes pa 'dis kyang dga' ba gsum mtshon pa
 dang bzhi pa mi mtshon par gsungs so/ /bcom ldan 'das kyis kyang mtshan nyid bral ba gsum las gzhan/ zhes pa 'dis so/ /de'i phyir ci ltar lhan cig skyes pa'i skyes su khyad dga' skye ste/ mtshon par mi nus pa nyid kyi phyir ro/ /khyad dga' i
 de ma thag pa'i rjes su dran pa kho nas mtshon pa nyid na nyams su myong ba'i thabs ma bstan par 'gyur ro/ /lhan cig skyes pa 'char ba'i gnas la ni log par rtog pa med pa kho na'o/ /'o na dang por yang ci'i phyir mtshon de nyams su ma myong ba
 nyid kho na'i phyir zhe na/ ma yin te tho rangs kyi dus su mtshams bzhin no/ /'o na de lta na yang de'i ngo bo nye bar mtshon pa kho na'o zhe na/ bden te/ nyams su myong ba'i thabs ni 'di ltar nye bar bstan par bya'o/ /'o na de lta bu thabs su 'ang 'gyur bar
 'os pa ma yin te/ de nas gzung nas de nye bar mtshon par mngon par zhen pa 'di la de mi srid pa'i phyir ro zhe na/ bden te gal te de ltar gyur pa'o/ /der ni da ltar 'byung bzhin pa na ti ltar bya ba de ltar bla ma rnams
 gsung bar 'gyur ro/ /de ltar 'dod ba gnyis ga la yang nye bar mtshon pa'i rim pa gsal bar byas so/ /de ltar de kho na nyid kyang bstan par bya'o/ /de la mchog mdza' i khyad dga' dang po can/ zhes pa la 'di la yang mchog gi mdza' i
 na mchog mdza' ste/ gang gi dang po khyad dga' yin pa zhes pa khyad dga' dang po can te/ mchog dang khyad dga' dag gi mdza' o/ /zhes pa'i don to/ /de kho na nyid de ci 'dra zhes 'dri ba la/ thog ma tha ma dbus med pa/ /sred med mya
 ngan 'das pa med/ /'di ni mchog tu bde chen po/ /gzhan min bdag kyang ma yin pa'o/ /zhes pa dang po dang tha ma dbus rnams te skye ba 'jig pa dang gnas pa rnams bkag pa las chos thams cad stong pa nyid kho na 'dir bde
 ba chen po dang ro gcig pa thabs 'dis mngon par rtogs par bya'o/ /zhes pa lan gyi don te/ /dga' ba dang khyad dga' dang mchog dga' rnams bkag pa las dang mi 'pho ba nyid kyi phyir srid pa dang zhi ba la mi gnas pa lhan cig skyes pa'i
 dga' ba ni de kho na nyid do/ /zhes pa yang na'o/ /de bzhin du mchog mdza' dbus ma khyad dga' yi/ /stong dang stong min he ru ka /zhes pa 'dir mchog dga' i mdza' gang zhig dbus yin pa khyad dga' ste/ de'i bar ma chad pa nyid kyis na
 'brel pa can du mtshon par bya ba/ rang gi ngo bo dang bral ba'i phyir stong pa dang/ de ltar yang brjod du med pa'i phyir stong min te/ /gnyis dang bral bas na bde ba chen po'i ngo bor gnas pa'i phyir la/ de kho na bcom ldan 'das he ru ka'o/ /
 zhes pa'i don to/ /mchog dang khyad dga' dag dbus su/ /mtshon bya bltas nas brtan par byos/ /zhes pa 'di gal te so so'i skye bo'i ngag yin na 'o na 'di la gus pas ci zhig /ci ste lung yin na de'i tshe dbus ma dga' ba tsam nyid zhes brtag
 pa gnyis par gsungs pa'i phyir/ /dga' ba dang mchog dga' dang khyad par gyi dga' ba rnams yod pa na nye bar 'char ba'i lhan cig skyes pa mtshon bya'o/ zhes pa'i don to/ /yang na drug pa ni nges par 'dzin pa la ste/ mchog ni
 rab ste lhan cig skyes pa'o/ /gnyis dag gi dbus su mchog de mtshon par bya'o/ zhes pa'i don to/ /bde ba mchog ni mchog dga' ste 'dir lhan cig skyes pa'i dga' ba kho na/ mchog dga' yang dag thob pa na/ /sna tshogs spangs
 pa'i skad cig la/ /zhes gsungs pa'i phyir ro/ /phyag rgya bzhi pa'i rjes su 'gro ba'i gzhung ni so so skye bo gdams ngag mi shes pa kho nas byas pa ste/ phan tshun 'gal ba ni 'phags pa rnams kyis mi sbyor bas so/ /de ltar ni 'phags
 pa klu sgrub zhabs kyis rim pa lnga pa'i don gsal bar byed pa'i 'phags pa shAkya bshes gnyen zhabs kyis gsungs pa/ stong pa nyid dang shin tu stong/ /gsum pa stong pa chen po dang/ /bzhi pa thams cad stong pa ni/ /'bras bu rgyu yi
 rab dbye las/ /shes rab thabs kyi mnyam sbyor las/ /rdzogs pa nye bar dmigs pa'o/ /rdzogs pa nye bar thob pa las/ /thams cad stong pa 'od gsal ba'i/ /rgyu yi rim pa rnams dag ni/ /rnam shes gsum gyi sbyor ba las/ /
 stong pa gsum po snyoms 'jug las/ /go 'phang bla na med pa 'thob/ /snang dang stong dang shes rab ma/ zhes dang/ snang ba mtshad pa zhes gsungs pa/ /shin tu stong dang thabs shes dang/ /snang ba mched sbyor las skyes pa/ /snang ba
 nye bar thob pa ste/ /de bzhin nye bar thob pa nyid/ /ces dang/ sgyu ma rnams ni thams cad las/ /bud med sgyu ma khyad par 'phags/ /ye shes gsum gyi dbye ba 'di/ /gsal bar 'di kho na la mtshon/ /chags pa
 nyid dang chags bral dang/ /de dag gi dbus gnas gsum po/ /zhes so/ /de bzhin du rnam pa 'di lta bu'i gsung rab gzhan la yang ji ltar phan tshun mi 'gal ba ltar don gzhung gzugs par bya'o/ /khyad dga' lhan cig
 skyes pa'i de ma thag pa nyid na/ 'o byed de bzhin 'khyud pa dang/ /rnam gzhan rnams kyis sna tshogs pa/ /b+ha ga ling ga rab sbyor bas/ /rnam par smin pa'i ye shes mchog /phyag rgya rnam par nyed bya zhing/ /mtshan nyid bral ba nges
 mtshon bya/ /dga' ba dang po ye shes dang/ /mchog tu dga' ba yang dag ldan/ /rab dga' i dga' ba dngos grub che/ /lhan skyes dga' ba bla ma'o/ /zhes pa mngon bar brjod pa phyi ma'i rgyud do/ /rgyud gzhan rnams las kyang/ /dga' 
 ba de ni bskyod byas nas/ /bde ba gnas dang mi 'gyur pa/ /mthun gcig gam ni nyin gcig gam/ /zla phyed zla ba lo dang ni/ /bskal pa 'am bskal pa stong phrag tu/ /ye shes mngon sbyor gyis gnas bya/ /rnal 'byor pa yis ji srid du/ /byang
 chub sems gshegs mi byed pa/ /de srid dga' ba la skyes bde/ /ci yang rgyun mi 'chad par 'thob/ /dngos grub kun gyi gter gyur pa/ /byang chub sems ni ltung gyur na/ phung po rnam shes rgyal gyur la/ /ma smad dngos grub ga la yod
 ces dang/ phyag rgya chen po thig ler yang/ /brtan pas mchog tu bde nyid de/ /mi brtan pas ni ga la bde/ /zhes dang/ bcu drug phyed phyed thig le 'chang/ /zhes pa/ phyag rgya chen po'i dngos grub ma'i thad cing lhan cig skyes pa nyams su
 myong ba'i thabs kyang srid pa ma yin te/ lhan cig skyes pa'i ngo bo kho na 'ba' zhig mi 'thad pa med do/ zhes pas lugs lnga ma kho na gdams ngag rig pa rnams smra'o/ /gang rnams sbyor ba med pa'i bdag nyid btsan thabs kyi rnal 'byor kho na la
 khyad par can gyi bde ba khyad par gyi dga' ba gsum pa dang lhan cig skyes pa bzhi pa ste/ /gzhan la ni lhan cig skyes pa gsum pa dang khyad par dga' ba bzhi pa'o/ zhes smra ba de rnams kyi shin tu bab bcol kho na'o/ zhes pa shin tu rgyas
 chog go/ skabs su bab pa rjes su sprel bar bya ste/ de la bo la'i rtsa ba nas te gsang ba'i pad+ma las rdo rje nor bu las sngar dga' ba la sogs pa gsum dang nor bu'i dbus su ni lhan cig skyes pa'o/ zhes pa rnam par bzhag pa gcig go / pad+ma'i nam
 mkha' nor bu dang/ /ze 'bru dag btsir ba'i gnas su/ /rdo rje skyil krung gi sems ni/ /nor bu'i nang du chud lta zhing/ /ye shes skye ba gang yin de/ /ye shes de'i ngo shes pa nus/ /zhes mchog gi dang po'i rgyud du gsungs pa'i phyir/
 chu skyes kyi dbus stong pa'i phyogs su ste rdo rje'i yongs su pa'i mtshan ma dengs pa la'o/ /yang na rdo rje skyil krung du 'dug pa la gang las nor bu'i nang du chung pa'i ye shes ni shes rab ye shes yin zhing de'i ngo bo ste de dang 'dra ba'i ye shes nus te/
 yongs su rdzogs shing rtogs pa mthar thug par 'jug pa'o/ /rgyud gzhan rnams su yang lhan cig skyes pa nor bu'i nang du chud par gsal bar byed pa'i gsung mang po rnams te/ kha cig 'chad par yang 'gyur ro/ /gang gi drung ba'i mthar
 thug pa dga' ba ste/ drud pa yang byang chub kyi sems nor bu dang nye ba ji srid ba'o/ /nor bu'i mdun du reg pa ni mchog dga' ba rin po che'i rtse mo ji srid pa'o/ /bo la'i snying po 'am de rtse mor/ /yang na thod par ltung gyur pa'am/ /bar duAng 'dod
 pa ma yin te/ /de nyid bla ma'i zhal las rig ces pa rdo rje'i khar lhan cig skyes pa dang de las byang chub kyi sems ldung ba na khyad par dga' ba ste/ gnyis song nas ni gnyis gnas pa/ /rdo rje nas lhung pad+mar reg pa rdo rje nas lhung
 mi bskyod pa/ pad+mar reg pa rdo rje ste/ /'bras bur rgyu yis rgyas gdab pa/ /'di ni bde chen rgyal po'o/ /zhes 'dod pa de ni ma bcad par snyil ba ste/ gang phyir pad+ma dang nor bu reg pa na yang rdo rje nor bu reg pa'i gnas skabs kho nar byang chub kyi sems
 nyams su myong ba nye bar mkho'o/ /rdo rje las phyi rol tu byung ba na/ /pad+mar reg pa la yang bde ba myong ba'i dri yang yod pa ma yin pas khyad dga' ni dga' ba nyid ma yin zhing/ rdo rje sems dpa' i bde ba chen po'i rgyal po nyid kyang ma yin/ /bde ba
 myong ba bde ba myong ba dang bral ba'i rdo rje sems dpa' gang ci yang yod pa yang ma yin/ bde ba myong ba las tha dad pa'i dus su 'byung ba de dang bde ba chen po'i ngo bo mi bskyod pa phan tshun rgyas gdab pa yang ma yin te/ chos dang chos can stong pa
 nyid dang snying rje dag ni de'i bdag nyid kho na rgyas 'debs par brjod la/ dus tha dad pa dag la de'i bdag nyid med pas so/ /rin po che las pha rol rdo rje'i zhal du lhan cig skyes pa'i bde ba chen po nyams su myong ba yang ma yin na/ de'i phyir de kho
 na nyid ci zhig tu rig /gang zhig rin po che'i snying por rang dang gzhan gyi grub mdza' gzhan thal bar 'gyur bar byed pa de yang shes pa chung ba'i rnam par rol pa ste/ nor bu'i dbus su so so rang gis rig par bya ba/ rnam pa thams cad mchog gis
 yongs su bskor ba/ kun rdzob pa/ bde ba chen po myong ba/ don dam par rang bzhin med pa/ dbu ma'i lam gyi ngo bo ni med pa ste/ dbu ma las gzhan pa rnams smra'o/ /zhes pa u ta pu tra'i rtog pa rnams las ched cher byed pas mchog go /rnam
 par bzhag pa gzhan ni/ gtsug tor nas ni mdzod spu yi/ /pad+mar khu ba 'ongs dga' ba/ /mgrin pa snying gar mchog dga' ba/ /khyad par dga' bar de nas 'gyur/ /sna tshogs dga' byed lte bar te/ /gsang ba'i pad+mar gang 'ongs pa'o/ /gsang
 gnas rdo rje nor bu'i bar/ /lhan skyes dga' ba mi 'pho ba'o/ /mi gnas mya ngan 'das pa ste/ /'dod chags chen po 'gyur med gtso/ /chags bral dang po 'pho las 'das/ /shes de mya ngan 'das par gnas zhes dus kyi 'khor lor gsungs so//
 de la chen po'i rags pa'i rtog pa med pa las mchog gi'o/ /'bring po'i rags pa med pa las khyad dga' o/ /chung ngu'i rags pa med tsam gyis phra mo yod na yang lhan cig skyes par bzhag go /rnam par rtog pa phra mo'i chung ngu dang 'bring dang chen po
 dang chen po'i chen po'i dbye bas tha dad pa'i rim pa ji lta bar med pa las sngar brjod pa'i dga' ba bzhi'o/ /zhes man ngag rig pa rnams 'doms par byed do/ /bud med rnams kyi ni gsang ba'i chu skyes kyi bde ba'i ni nor bu lta bu ste/ gang phyag rgya chen
 po thig ler gsungs pa/ lte 'og gnyer ma gsum gyi gnas/ /gru gsum pa'o de steng du/ /gru gsum ze 'bru'i rnam pa ste/ /rdo rje'i rang bzhin can du gsal/ /gru gsum pa ni rtsa kun gyi/ /gnas ni mchog tu bshad pa'o/ zhes so/ /de ltar dbang
 bskur ba gsum brjod nas bzhi pa rim pa so sor bsgrub pas rtogs par bya ba'i ched dang dga' ba bzhi rnam par dag pa'i ngo bor dbang bzhi rnams bstan pa'i ched du gsungs pa/ de yang zhes pa la sogs pa'o/ /bzhi pa de yang de bzhin no/ /
 zhes pa shes rab ye shes myu gyur gyur pa'i byang chub kyi sems de nyid yang ste phyis bzhi bar brjod do/ /de bzhin zhes pa ste 'dra ba kho na ste/ cho ga ji lta bas 'phel bzhin sgrib pa med pa nyid du 'gyur ba'i de kho na nyid bla ma'i man ngag las yan
 lag bdun dang ldan pa'i phyag rgya chen po'i bdag nyid rdo rje 'dzin pa chen po'i rang gi ngo bor brjod par bya'o/ /de nyid kyi phyir mdza' drug pa'i 'grel par gsungs pa/ skyon thams cad kyi dri ma 'khrud pas na ye shes
 'char bar byed pa'i phyir byang chub ni dbang bskur ba'o/ zhes so/ /de yang bsod nams dang ye shes kyi bag chags bsags pa rnams la shes rab ye shes kyi dbang gi dus kho nar gsal zhing/ de las gzhan rnams la tshig gis gsal bar
 bya'o/ /shes rab ye shes thabs su gyur pa lhan cig skyes pa mtshon byed man ngag ji lta ba bzhin yan lag gzhan dang ldan pa goms bzhin ba ni mi 'gyur ba'i bde ba chen po mtshon par bya ba phul du dbyung du med pa thabs las byung ba yan lag
 yang dag par rdzogs pa nye bar skyed do/ /lam gyi gnas skabs su yang/ grub pa nga'o zhes sems kyis/ shes rab rgyud du gsungs pa'i phyir 'bras bu dang rgyu ngag dbyer med par mos pas phyag rgya chen po'i nga rgyal dang ldan pas bsgoms
 par bya'o/ /de skad du yang dpal 'dus pa stong phrag nyi shu lnga par gsungs pa/ rdo rje skyil krung gis sems ni/ /nor bu'i nang du chud lta bas/ /rgyu mthun la sogs bde ba rdzogs/ /dri med ji srid de 'gro'o/ /de bzhin du/ b+ha gar ling ga ra ba
 bzhag nas/ /byang chub sems ni spro mi bya/ /khams gsum po ni ma lus nas/ /sangs rgyas gzugs su bsgom par bya/ /zhes so/ /bde mchog tu yang/ /yang ni nang du chud pa yis/ /'dod pa'i dngos grub bsgom par bya/ /zhes so/ /
 'dir rdo rje gyen du langs pa ni skyil krung gdan te/ der cha bcu drug rdzogs pa rdo rje nor bu'i nang du chud ba'i byang chub sems ni yid nang du chud par brjod cing/ nges 'pho ba med pas dang ye shes dang bde ba chen po'i phyag rgya'i rnal 'byor gyis khams
 gsum pa ste brtan pa dang g.yo ba'i dngos pa'i rang bzhin gyi bdag nyid du ma lus par rnam pa thams cad mchog dang ldan par/ bde ba chen po rang bzhin gyi phyag rgya chen po'i dngos grub kyi ched du/ yod pa dang med pa las 'das pa las
 rten med pa nyid kyis dmigs pa med pa'i blos bsgom par bya'o/ /de gsungs pa/ rnal 'byor pa yis ji srid du/ /skye gnas rgyun mi 'chad sbyor bas/ /byang chub sems 'dor mi byed pa/ /de srid bar du dka' mchog 'thob/ /bde ba'i ngo bo
 de nyid kyis/ /yang dag ldan pa'i sangs rgyas gzugs/ ji srid khu ba brtan 'gyur bar/ /bdag nyid rtag tu bsgom par bya/ /zhes so/ /de ltar na byang chub kyi sems rdo rje bcom ldan ni/ /rdo rje skyil krung rdzogs sangs rgyas/ sangs rgyas 'gro
 ba'i chos 'dzin pa ru 'gyur te gang las rnam pa thams cad rnam pa med/ /bcu drug phyed phyed thig le 'dzin/ /cha med cha las 'das pa ste/ /bsam gtan bzhi pa'i rtse mo 'chang/ /'dir sangs rgyas 'gro pa'i chos ni dga' ba gsum po ro gcig
 ba lhan cig skyes pa'i dga' ba ste/ de 'dzin pa ni de'i bdag gis so/ /rnam pa thams cad mchog dang ldan pa ni kun rdzob tu ste/ don dam par ni rnam pa med pa rang bzhin med pa ste/ thams cad du rnam pa ni rang bzhin du brjod par bya'o/ /de skad du yang
 'phags pa klu sgrub zhabs kyis gsungs pa/ rnam bcas dngos po kun brtags dang/ /rnam pa med pa nyid brtags pa/ /gcig byas rnal 'byor pa yis dpyad/ /de ni zung du 'jug par rig /ces so/ /cha med pa ni cha bco lnga'i mthar gnas
 pa'o/ /cha las 'das pa ni nag po'i tshes gcig la rab tu ma zhugs pa'o/ /'di dag gi thabs dang thabs las byung ba'i bde ba dag gi de kho na nyid ni stong pa nyid kho na'o/ /gang rnams bde ba kho na nyid du rtogs nas gnas pa de rnams kyi
 'khrul pa bsal ba'i don du bcom ldan 'das kyis gsungs pa/ gang phyir 'byung ba che bde ba/ /de phyir bde ba de nyid min/ /zhes so/ /'byung ba che zhes pa dang khu ba dang bde ba dag de'i bdag nyid kyi phyir ro/ /lhan cig
 skyes pa yang rtag tu thams cad mi 'byung ste/ de ltar na lhan cig skyes pa ni dngos po'i rang gi ngo bo dang ste de'i don dam pa pa stong pa nyid kho na dang/ kun rdzob pa rtogs pa'o/ /bde ba ni rtogs pa yin mod de lta na yang thams cad kyi tshe thams cad du
 lhan cig skyes pa ma yin te/ sdug bsngal dang btang snyoms nyams su myong ba'i dus su dang bsam gtan bzhi pa dang gzugs med pa la snyoms par 'jug pa rtogs pa bzhin nyams su ma myong ba nyid kyi phyir ro/ /gang mtshan yang dag par
 brjod par gsungs pa ni/ bsam gtan bzhi pa'i rtse mo 'chang/ /zhes pa de la bsam gtan bzhi pa ste/ lhan cig skyes pa'i dga' ba'i rtse mo la ste sgrib pa med pa'i rtogs pa mthar thug pa la de'i bdag nyid kyis gnas pa nyid kyi phyir de'i rang
 gi ngo bo 'dzin pa'o/ /zhes pa'i don to/ /bde ba chen po'i rang bzhin du mu mdza' med pa'i khams gsum pa snang bar gyur pa na bsam gtan la sogs pa yang bde ba chen po'i rang bzhin ni bcom ldan 'das kho na'i ste/ gzhan gyi ma yin no/ /
 zhes gsungs pa/ bzlas te bshad pa'i don to/ /'o na ci ltar bde ba lhan cig skyes par brjod ce na/ ji ltar dmigs pa med pa'i snying rje chen po ni de kho na nyid ma mthong ba'i yod pa ma yin ba lhag par mos pa bsgom bzhin pa ni de kho na nyid
 rtogs pa la rtogs pa'i bdag nyid kyi phyir kun rdzob pa'i rang bzhin gyi lhan cig skyes par brjod pa/ de ltar bde ba res 'ga' nyams su myong ba'i gnas skabs su dang nyams su ma myong ba'i gnas skabs su de kho na ma mthong bas lhag par mos pas
 snying rje chen po dang dbyer med pa'i rang bzhin stong pa nyid kyi bdag nyid rnam pa thams cad mchog dang ldan par bsgom bzhin pa ni de kho na nyid rtogs pa'i gnas skabs na 'jig rten las 'das pa ni rtsol ba med pa nyid kyis ma bcos pa nyid kyis na
 lhan cig skyes par brjod do/ /de kho na nyid ma rtogs pa'i gnas skabs su nyams su myong ba zag pa dang bcas pa mi brtan pa ma rgyas pa yan lag mdza' dag ma yin pa glog 'gyur ba bzhin du skad cig tsam pa/ 'jig rten pa kun rdzob pa ste/
 rtsol ba dang bcas pa nyid kyis na bcos ma nyid na yang lhan cig skyes par brjod de/ lhan cig skyes pa'i grib ma'i rjes su byed pa nyid kyi phyir 'od gsal ba bzhin no/ /ji skad du phyag rgya chen po thig ler gsungs pa/ gang 'dir dga' ba de
 snang ba/ /snang ba mched pa mchog tu bshad/ /khyad 'ga' nye bar thob par shes/ /lhan cig skyes de 'od gsal ba'o/ /zhes so/ /de ltar lhan cig skyes pa las byung pa'i de kho na nyid byang chub kyi sems stong pa nyid dang snying rje dbyer med pa'o//
 de ci 'di shes rab ye shes las gzhan pa kho na 'am zhe na/ gzhan pa yin te/ de kho na'i 'di mi mthun pa'i phyogs bsal bas de ni rnam pa 'di lta bu'o/ /zhes rang gi ngo bo rab tu gsal ba'o/ /de'i phyir shes rab ye shes 'di nyid nyams su
 myong nas yan lag dang bcas pa bsgom pas 'phel ba ni bag chags dang bcas pa'i rnam par rtog pa'i dri ma rnams dngos su 'khrud pa'i phyir phyag rgya chen po'i dbang bskur yin cing bzhi pa 'ong gsal ba ste/ dpag bsam gyi rkang 'thung
 bzhin/ mngon par mtho ba la sogs pa'i 'bras bu rnams kyis skal pa ji lta ba bzhin du shes rab dang yang dag par sbyor ba'i dpal bde mchog la sogs pa'i gzugs kyi longs spyod rdzogs pa'i sku la sogs pa'i 'gro ba tshim par byed cing rgyun
 mi 'chang par mu mdza' med pa'i dus su bzhugs zhes gnas so/ /de ltar 'di longs spyod rdzogs pa dang yang dag par sbyor ba dang bde ba chen po dang rang bzhin med pa dang thugs rjes gang ba dang rgyun mi 'chad
 pa dang 'gog pa med pa'i mtshan nyid kyi yan lag bdun dang ldan par gsungs so/ /'dir yan lag dang po gsum theg pa gzhan dang thun mong pa ma yin pa ste/ gang gi phyir rgyu'i gnas skabs su bskyed pa'i rim pas/ /dpal bde mchog la
 sogs pa'i gzugs bsgom par gsungs pa pha rol tu phyin pa'i tshul la med pa ste/ mtshan dang dpe byad 'bar ba'i longs spyod rdzogs pa'i sku ni 'bras bu'i gnas skabs kho nar gsungs pa'i phyir ro/ /shes rab dang sbyor ba yang ma yin
 la/ de las skyes pa'i bde ba chen po yang ma yin no/ /kha cig sems longs spyod rdzogs pa dang stong pa nyid kyi ye shes kyi bdag nyid can gyi shes rab dang yang dag par sbyor ba dang de sgom pa las skyes pa'i bde ba chen po dang rang
 bzhin med pa nyid dang de las byung ba'i snying rje zhes pa de ltar yan lag lnga thun mong ma yin pa'o/ /zhes rnam par 'jog pa ni mi 'thad de/ pha rol tu phyin pa'i theg par yang 'di mang du gsal bar mdzad pa nyid kyi phyir ro/ /ci ste sems
 ni byang chub kyi sems ste/ rdzogs pa'i rim pas dpal he ru ka la sogs pa'i rang gi ngo bor mos pa dang/ rang bzhin med pa'i blo rdo rje phag mo la sogs pa nyid du'o/ /de gnyis kas khyad par du byas pa'i lha dang yang dag par sbyor
 pa sgom pas skyes pa'i bde ba chen po dang de rang bzhin med pa nyid dang/ rnam pa 'di lta bu'i lam ston pas khyad par du byas pa'i sems can gyi don byed pa yod pa'i phyir thugs rje chen po'o/ /zhes pas thun mong ma yin pa
 nyid de/ 'di rnams pha rol tu phyin pa'i theg pa de la de ltar ma brjod pa'i phyir ro zhe na/ gal te de lta na de ltar gyur pa'i bcom ldan 'das bar skabs su rnam par chad pa med pa'i phyir rgyun mi 'chad pa dang mdza' gcig tu mya ngan las
 'da' ba med pa'i phyir 'gog pa med pa yang thun mong ma yin pa'o/ zhes pas yan lag bdun rnams kyang thun mong ma yin par gsungs par brjod cing ste bskyed pa'i rim pa yang ngo/ /kha cig longs spyod rdzogs pa'i yan lag kho na
 thabs nyid du 'khrul pa las snying rje'i yan lag tu smra'o/ /de mi rigs te/ gang phyir sdug bsngal las gdon par 'dod pa ni snying rje ste/ de yang las dang po pa'i ni sems can chos can gyi ngo bo rnams kho na la dmigs nas skye zhing/ de nas
 byang chub sems dpa' rnams kyi rang bzhin med pa nyid chos sbyar ba la dmigs nas dang/ de nas rab tu gyur pa las rnam par mi rtog pa nyid kyis na sangs rgyas rnams kho na'i dmigs pa med pa lhun gyis grub pa las rgyun mi 'chad par 'gro ba
 'dren par brjod do/ /de ltar yang gsungs par 'gyur ba/ yid bzhin nor ltar ma lus pa'i/ /sems can don byed snying rje'o/ /zhes so/ /dmigs pa med pa'i snying rje 'di kho na dbang po rab las dang po bas kyang lhag par mos pas
 sgom mo/ zhes pa snying rje ni yan lag tha dad pa'o/ /dbang bskur bzhi pa 'di kho na/ /dbang bskur sbyin bya zhes pa la sogs pas rgyas par 'chad par 'gyur ro/ /dbang po rab kyis sems can la ni dga' ba bzhi po kho na dbang bskur bzhi
 rnams so zhes ston pa'i don du/ de yang dbang bskur rnam pa bzhi zhes gsungs te/ de ni dga' ba la sogs pa'o/ /de skad du yang brtag pa gnyis par gsungs pa/ slob dpon gsang ba shes rab dang/ /bzhi pa de yang de bzhin no/ /dbang ni
 bzhi yi grangs kyis ni/ /dga' ba la sogs rim shes bya/ /zhes so/ /'dir ni nu ma'i bum pa'i dang/ /byang chub kyi sems kyi rten rdo rje bum pa'i bya ba byed pa'i phyir na bum pa'i dbang dang/ kun tu spyod pa'i khyad
 par las skyes pa'i phyir slob dpon gyi dbang ni dga' ba'o/ /de ltar yang phyag rgya chen po thig ler gsungs pa/ bcu drug lo lon gzugs bzang ma/ /dga' ba'i ro yis nges gang ba/ /phyag rgya de ni gcig pur bya/ /dang por dam tshig
 sogs kyis mchod/ /rdo rje kha sbyar rnal 'byor gyis/ /yang dang yang du 'dod pa spyad/ /ji srid sa bon 'byung 'gyur bar/ /chung ngu ru ni bsrub par bya/ /chu skyes su ni byung ba na/ /snying gar shin tu bran bar bya/ /de yis slob dpon dbang
 mchog tu/ /'gyur ro legs dga' i dbang phyug ma/ /gsang ba'i dbang ni mchog gyur pa/ /bshad kyis gus par mnyan par gyis/ /gang tshe gsang gnas skad cig gcing/ /bde ba legs par gnas 'gyur ba/ /de tshe gsang
 bar yang dag bshad/ /gzhan du 'jig rten par 'gyur ro/ /shes rab ye shes dbang bskur yang/ /kun tu rnyed dka' bshad par bya/ /shes rab khu ba'i ngo bor bshad/ /ye shes bde ba'i rang bzhin bshad/ /
 dbang bskur zhu ba lhung pa ste/ /ye shes gnas skabs gzhan du bde/ /de 'gog pa ni zhi bar brjod/ /lhan skyes ye shes mtshan nyid do/ /zhes so/ /da ni dbang bzhi pa'i rjes thogs su gnang ba sbyin pa'o/ /zhes ston pa/ byang
 chub ces pa la sogs pa'o/ /byang chub sems kyi dbang bskur ni bzhi pa'o/ /chos kyi 'khor lo zhes pa'i chos kyi gnas su rdo rje dang rin po che dang pad+ma dang las kyi sgra bcug pa las rim pa bzhin du slob ma la de bzhin gshegs
 pa de dang de bsgom par lan lngar bklag go /rdo rje sems dpar bsgom pas shes rab ces pa la sogs pa'i tshigs su bcad pa'o/ zhes pa rjes su gnang ba sbyin pa'o/ /skye ba 'bras bur bcas pa ni dbang bskur thob pa las so/ /
 gson pa 'bras bur bcas te/ gzhan gyi don bya bar rung ba nyid kyi phyir ro/ /sangs rgyas rigs su skyes pa ni rab tu dga' ba'i sa kho nar 'gyur te/ da lta ni dbang bskur ba bzhi rnams kyis rdo rje sems dpa' i sdom pa skye ba
 las der rung ba nyid kyis na brjod do/ /sgrol ba dang rdzogs pa dang byang chub gzhan la mngon par 'dod pa dang bag chags spangs pa rnams kyang de dang der rung ba nyid kho na rig par bya'o/ /kun 'dzin gzhig pa ni rdzas la'o/ /phan
 pa ni phyis 'phrod pa'o/ /shin tu dang ba zhes pa 'di ni chos nyid de gang cho ga ji lta bar dbang bskur ba ni sdug pa'i bu bzhin du dang ba'i yid kyis dge ba'i ched nyid du sangs rgyas thams cad kyi dgongs pa'o/ zhes pa'o/ /khyod
 kyi ste nyid kyi mthu las zhes 'bral lo/ /'di'i rgyas par ston pa rdzogs par bgyi zhes pa la sogs pa'o/ /go 'phang ni gnas so/ /kun mchog rnams kyis te byang chub sems dpa' chen po rnams kyis kyang mchod pa'o/ /
 dbang bskur ni dbang bskur ba gsum mo/ /rtogs byas te zhes pa bzhin ras dang ba dang ba spu ldang ba la sogs pa'i rtags rnams kyis so/ /dbang bskur rin chen ni bzhi pa ste bla na med pa'i dga' ba rgyas par byed pas na'o/ /
 zhes byas nas so/ /de ltar 'dir dbang po rab kyis sems can gyi dbang du byas pa las dkyil 'khor dang dbang bskur gyi cho ga mdor bsdus nas gsal bar byas la/ rgyas par ni kho bos dkyil 'khor gyi cho ga rdo rje 'phreng bar bshad pa las rig par bya'o//
 de ltar kun rdzob dang don dam pa'i dbang bskur thob pas rdo rje sems dpa' nyid kyi dngos grub kyi ched du spyod pa la sbyor ba gsungs pa/ gang zhes pa la sogs pas so/ /rab mchog ces pa la sogs pa la/ rdo rje
 'dzin pa'i bla na med pa'i phun tshogs longs spyod ched du sems can gyi zhing dag pa phun sum tshogs pa las dang/ snod kyi zhing yang dpag bsam gyi shing dang rin po che'i rang bzhin gyi sa gzhi la sogs pa'i phun sum tshogs pa 'dzin
 pa'i ched du dbang bzhi pa'o/ zhes pa'i don to/ /byang chub kyi sems kho na shin tu brtan par pha rol tu phyin pa drug ni nang du 'dus par bsgom pa ni go cha ste/ byang chub tu ste dbang bskur ba rin po che'i sems bskyed nas/ rgya che ba ni rang dang
 gzhan gyi don phun sum tshogs par byed pa'i phyir ro/ /spyad de byang chub kyi sems bsgom par bya'o/ /zhes pa'i don to/ /'dis ni 'chad par 'gyur ba'i bsgom pa 'dor bar byas pa'o/ /dri ma med pa ni le lo la sogs pa dang bral ba nyid kyi
 phyir dang/ ltung ba'i dri ma'i rnyog pa dang bral ba'i phyir ro/ /rdo rje sems dpa' i sdom pa can gyi ltung ba'i ris ni gnyis te/ rtsa ba'i ltung ba dang sbom pa'i ltung ba zhes bya ba dag go /de la bla ma la brnyas pa dang de bzhin gshegs pa'i bka' 
 la 'god ba dang zhe sdang gis rdo rje'i spun la skyon gsal bar byed pa dang/ byams pa gtong ba dang/ theg pa gsum la smod pa dang yongs su ma smin pa la gsal ba 'chad pa dang/ de bzhin gshegs pa'i bdag nyid kyi phung po lnga la
 smod pa dang/ chos thams cad rang bzhin gyis yongs su dag pa la the tshom za ba dang gdug pa'i byams pa dang/ thog ma dang tha ma dang dbus stong pa'i chos thams cad la thog ma dang dbus su rtog pa dang/ byang chub kyi sems gtong
 pa dang/ dad pa can gyi sems su 'byin pa dang ji ltar rnyed pa'i dam tshig mi bsten pa dang bud med la smod pa zhes ba rtsa ba'i ltung ba bcu bzhi rnams so/ /de bzhin du stobs kyis rnal 'byor ma rang gir byed pa dang stobs kyis de'i byang chub kyi sems
 len pa dang gsang ba mi sbed pa dang dam tshig la rtsod pa dang/ dad pa can la phyin ci log gi chos ston pa dang nyan thos kyi theg pa pa rnams dang lhan cig zhag bdun gnas pa dang rnal 'byor mi shes par rnal 'byor pa nyid du mngon pa'i nga
 rgyal ba dang/ mi dad pa la chos ston pa zhes pa sbom po'i ltung ba brgyad rnams te/ rdo rje sems dpa' i sdom pa la gnas pas kun nas yongs su spangs par bya'o/ /yang gnyis su med pa'i skabs mngon du byed pa'i gnas skabs las
 'og ma'i gnas skabs su lhan cig skyes pa'i mi bsam pa la sogs pa'i rnal 'byor la so sor re bas ji ltar 'dod par spyod pa'i phyir na/ nang dul ba'i shing thog kuSh+maNa? bzhin du phyi rol gyi tshugs tsam gyis gnas par mi bya'o/ /de
 nyid kyi phyir snyoms las la sogs pa dang bral ba las bar ma chad par phul du byung bas na de kho na nyid kyi rnal 'byor dang ldan pa'o/ /byang chub sems kyi dbang bskur ba gtso bor chad pa'i phyir gzhung yang de skad do/ /gnyis pa'i ste
 brtag pa'i 'o/ /man ngag snye mar snye ma lnga pa'o// //byang chub kyi sems te sgom pa med par gsal bar 'gyur ba ma yin no/ zhes de ma thag par mdor byas pa de rgyas pa dang bcas par gsungs pa'i don du
 'jug ste de nas zhes pa la sogs pas so/ /byang chub kyi sems kho na yang dang yang du yid la byed pa ni bsgom pa ste/ rkang pa brkyang pas mngon bar 'dod pa na/ 'grub pa ni ma yin pas so/ /de'i phyir rdo rje sems dpa' i sdom
 pa 'dzin pa sngon ma can gyis sgrub pa la sbyar bar bya'o/ /ting nge 'dzin gyi rgyal po'i mdor gsungs pa/ gzhon nu sgrub pa snying po'i byed pa'i bla na med pa yang dag par rdzogs pa'i byang chub rnyed par dka' ba ma yin no
 zhes so/ /de nyid kyi phyir gsungs pa/ gzhan don zhes pa la sogs pa'o/ /mya ngan las 'das pa ni nyan thos la sogs pa'i'o/ /rab mthar thug ni sems bskyed pa nyi shu pa'i bar chad med pa'i lam gyi ngo po'o/ /bag chags dang
 bcas pa'i nyon mongs pa dang shes bya'i sgrib pa'i dri ma med pa'i phyir dri med do/ /stobs dang ma 'dres pa la sogs pa'i yon tan dang ldan pa'i phyir rmad byung ngo/ /der gyur pa/ 'grib dang 'phel las rnam par grol zhes don dam par stong
 pa nyid kyi rang bzhin nyid kyi phyir mi mthun phyogs dang gnyen bo'i phyogs dag gis nyams pa dang 'phel ba dag med pa ste/ kun rdzob tu ni yod pa dag kho na'o/ /ji ltar bsgom zhe na gsungs pa/ lnga zhes pa la sogs pa ste/ dor mi bya
 ni chad par mi bya pa'o/ /theg gsum pa ni theg pa gsum la rab tu grags pa'o/ /'o na byis pa dang bud med la sogs pas rtogs pa rnams bsgom pas ci zhe na gsungs pa/ chu shing lta bur zhes pa ma rig pas sgro btags pa'i
 don dam par yod pa'i rang bzhin med pa'i phyir snying po med pa nyid du rtogs kyis kun rdzob tu yang med par ni ma yin no/ /ci'i phyir zhe na/ gang gi phyir chos kyi dbyings dang rang bzhin med pa nyid du mnyam zhing mtshungs pa'i rang gi ngo bo can
 gzugs la sogs pa rnams te/ de rnams kyi mtshan nyid tha dad pa dngos po ni ma yin no/ /mi mnyam ba rnams kyang ste kun rdzob tu so sor tha dad pa'i phyir ro/ /de nyid kyi phyir chad pa dang rtag pa'i rang gi ngo bo dag dang mi ldan pa'i phyir
 stong pa dang mi stong par bsgom pa bkag ste/ don dam par rang bzhin med pa nyid kho na kun rdzob tu yod pa'i gzugs la sogs pa rnams kyi rang bzhin no/ zhes pas stong pa dang mi stong pa'i rang gi ngo bo spong ba rigs pa ma yin no/ /gang
 'phags pas gsungs pa/ ji lta'i de nyid brjod pa na/ /kun rdzob 'chad pa nyid ma yin/ /kun rdzob las ni log pa ru/ /de kho na nyid dmigs pa med/ /kun rdzob stong pa nyid du bshad/ /stong nyid kho na kun rdzob ste/ /med na mi
 'byung nges pa'i phyir/ /byas dang me rtog pa dag bzhin/ /zhes so/ /sgom pa zhes pa rtog pa'o/ /nyung ba min pa'i rnam par rtog pa'i dra ba ni dngos po dang dngos po med par 'dzin pa'i rtsa ba can nyid kyi phyir ro/ /rnam 'gyur med ces pa sgro
 'dogs pa mdza' dag med pa'i phyir ro/ /dogs pa med pa ni the tshom med pa'o/ /de nyid kyi phyir lam gzhan mngon par mi 'dod pa'o/ /de ltar yang bsod nams 'byung ba'i phyir sdig pa med pa'o/ /gang 'phags pas gsungs
 pa/ skyes bu gang zhig byang chub sems/ /skad cig gcig kyang sgom byed pa/ /de yi bsod nams phung po ni/ /'di tsam zhes pa bgangs mi nus zhes so/ /byang chub kyi spyod pa la 'jug par yang/ 'dis ni dus mdza' i me bzhin sdig
 chen rnams/ /skad cig gcig gis nges par sreg par byed/ /ces so/ /de bzhin gshegs pa'i ye shes kyi phyag rgya'i mdor yang/ gang rnams phyi ma'i dus su zhum pa med par byang chub kyi sems dang ldan pa yang dag par blangs pa
 brtan pa byang chub kyi mched du lhag pa'i bsam pas phun sum tshogs pa rnams 'byung ste/ de rnams kyi gang ngan song myong bar nges pa'i las mngon par 'dus byas pa 'byung ba de phyi ma'i dus su mgon pa tsam gyis sam sems kyi
 sdug bsngal tsam gyis sam nad mang ba tsam gyis sam dbul po'i rigs su skyes pas yongs su zad par 'gyur ro/ /zhes so/ /dang po tha ma'i rtog las grol ni thog ma dang tha ma med pa de kho na nyid gcig
 bu'i mthar thug pa nyid kyi phyir te/ de ni byang chub kyi sems kyi ngo bo'o/ /de yang bdag dang skyes bu dang gang zag la sogs pa dang bral ba/ gzung ba gzugs kyi phung po dang de las gzhan 'dzin pa spangs pa chos rnams sgyu ma la
 sogs bzhin du rang bzhin med pa nyid kyis na rigs pa mtshungs pa nyid kyi phyir gdod ma nas ma skyes pa stong pa nyid dang snying rje dbyer med pa'o/ /de gsungs pa/ dngos po thams cad dang bral ba/ phung po khams dang skye mched dang/ /
 gzung dang 'dzin pa rnams spangs pa/ /chos bdag med pa mnyam nyid pas/ /rang sems gdod nas ma skyes pa/ /stong pa nyid kyi rang bzhin no/ zhes so/ /nam mkha' bzhin zhes pa spros pa med pa nyid kyis so/ /gang 'phags
 pas gsungs pa/ dmigs pa med pa'i sems ldan pa'i/ /nam mkha' i mtshan nyid can gnas te/ /nam mkha' bsgom pa 'di kho na/ /stong pa nyid ni bsgom par 'dod ces so/ /de ltar yang sems can gyi don la phyir phyogs
 pa las dang po la srid pa 'gog pa ste/ mi bya zhes pa la sogs pas so/ /sems can yang yod pa nyid dang med pa nyid dag tu brtag par mi bya ste dngos po dang dngos po med pa dag gi mi rigs pa'i phyir ro/ /'dis ni sgrub pa
 gnas gsungs so/ /de ni mdor bsdus pas byang chub kyi sems bsgom pa bsgom pa las byung ba dang sbyin pa la sogs pa rjes su bsgrub pa'o/ /byang chub kyi sems pa ni shes rab dang thabs kho na'o/ /de ltar ni/ spros pa med
 ces pa la sogs pa ste/ chos thams cad spros pa med par gyur par rtogs pa ni shes rab bo/ /spros pa med pa nyid 'di ci zhig/ mdor bsdu na ji srid du dngos po dang dngos po med pa la sogs pa'i rnam par rtog pa de thams cad ni
 phyin ci log pa spros pa ste/ spros pa med pa ni chos kyi dbyings stong pa nyid do/ /'o na stong pa nyid kho na spros pa'o zhe na/ stong pa nyid kyi sgras cung zad kyang sgrub pa med kyi/ stong pa nyid kyi brjod pa gsal ba ni sgro 'dogs pa mdza' dag ldog
 pa rtogs par byed pas gdul bya'i skye bo'i rgyud la de kho na nyid kyi rang gi ngo bo mngon par gsal bar byed ces pas de brjod par nye bar brtags pa las brjod de/ stong pa nyid la sogs pa'i sgra rnams las sgro 'dogs pa mdza' dag ldog
 pa'i ngo bo de kho na nyid du lhag par zhen pa'i phyir ro/ /thabs ni snying rje chen po ste/ /'dis sems can gyi don byed pa'o/ /zhes pas sems can don byed do/ /rnam par rtog pa med pa'i gnas skabs na yang snying rje chen po goms pa'i bag
 chags sang pa las lhun gyis grub par 'byung ba'i gzhan gyi don bya ba 'byung ba ni snying rje chen po kho nas ste/ de'i dbang kho nas de 'byung ba'i phyir ro/ /de nyid kyi phyir bcom ldan 'das ni stong pa nyid dang snying rje dbyer med pa'o/
 zhes bshad do/ /de yang bsgom par bya bzhin pa yang don dam par dmigs pa med pa ste chos thams cad rang bzhin med par dmigs nas skye ba nyid kyi phyir ro/ /de'i phyir de dag de'i bdag nyid de kho nar bsgom ste/ thabs dang shes rab kyi
 tha snyad tha dad pa ni ldog pas byas pa'o/ /de nyid kyi phyir gsungs pa/ gcig gyur pa/ zhes so/ /de nyid kyi phyir bden pa gnyis su byar med pa mthong ba tsam gyis grol ba'i phyir sgom pa po dang sgom pa dang bsgom par bya ba'o/ /
 zhes mngon par zhen pa zung 'jug gi rim pa rtogs pa rnams pa la med do/ /zhes gsungs pa/ med ces pa la sogs pa ste/ de lta na bsgom bya dang sgom pa po dang sgom pa las 'das pa gdod ma nas ma skyes pa
 rang bzhin zhi ba'i lus dang ngag dang sems stong pa nyid dang snying rje zung du 'jug pa'i ngo bo byang chub kyi sems shes bshad par 'gyur ro/ /de ni de nyid sgom pa zhes pa/ gang rnam par rtog pa mdza' dag nye bar zhi ba kho nas yin pa'o/ /de ltar
 ni rang bzhin stong pa'i chos rnams thams cad la sgom pa dngos po med cing/ nye bar ston bzhin pa yang sgyu ma'i gzugs bzhin du don gyis bsgom pa ni sgom pa kho nar mi 'gyur te/ rang bzhin stong pa nyid kyi phyir dang rnam par rtog
 pa'i ngo bo nyid kyi phyir ro/ /rjes su 'thun pa tsam nyid kyis nye bar dgod pa'o/ /de ltar na yang lha'i rnam pa la sogs pa'i dngos po ni bsgom par bya ba'i ngo bor mi 'gyur te/ gang gi phyir 'di la sgom pa nye bar mi dmigs te /rtog
 pa'i ngo bo nyid kyi phyir ro/ /de skad du yang gsungs pa/ dngos po med la sgom pa med/ /sgom pa sgom pa kho na min/ /de bas dngos po dngos med pas/ /bsgom pa dmigs su med pa'o/ /zhes so/ /'o na rnam par mi rtog pa
 bsgom pa zhes pa'i don ci zhe na/ bde ba chen po'i thabs kyi chos thams cad sems pa med pa kho na ni sgom pa zhes pa'i don to/ /de ci bde ba chen po'i rnam par rtog pa sun ma phyung ngam zhes na/ sun ma phyung ba ma yin te/ de yang
 'gro ba dang tha mi dad pa nyid kyis na 'gro ba stong pa nyid kyi phyir te/ stong pa nyid bsam par nus pa yang ma yin no/ /zhes pas de'i rnam par rtog pa yang skyon pa ste/ rnam par mi rtog pa'i rjes su mthun pa nyid kyi phyir ni rjes su bstan
 pa ste/ ji skad du gsungs pa/ 'khrul pa rnams kyang nyer 'kho'i ched/ 'khrul pa gzhan ni sel ba'i phyir/ /zhes so/ /de'i phyir rnam par mi rtog par chos thams cad yongs su shes pa kho na don dam pa pa rgyun du 'jug pa na/ sgom
 pa zhes gdags par bya'o/ /gal te de lta na da ni da lta tshogs gnyis rjes su sgrub pa'i byed pa po ste de'i 'bras bu rnams kyang nye bar spyad par bya'o/ /de lta na bdag ni sgrub pa po dang lam ni gtong ba po dang sgrib pa gnyis spang bar bya ba dang gzung bya sangs
 rgyas nyid do/ /zhes pa'i rnam par rtog par mi 'gyur zhing/ de ltar gyur nas ci zhig la yang 'jug pa dang ldog pa dag med par 'gyur ro/ zhe na/ bden te/ gang phyir 'jug pa dang ldog pa dag don dam pa rnam par dpyod pa ma yin pas so/ /
 zhes gsungs pa/ ci yang med ces pa la sogs pa'o/ /de kho na nyid mngon du ba'i dus las mngon du ni/ gang las bdag gi skyon 'di zad par 'gyur zhes pas lam goms pa la 'jug pa gegs med par 'jug par 'gyur ba/ 'jug
 pa dang ldog pa dag tha snyad du yod pa kho na ste/ de kho na nyid kyi nges pa de'i bdag nyid du gyur pa med pa'i phyir/ thog ma med pa'i ma rig pa'i bag chags kyis sems dbang du byas pas nges pa 'dris pa ma yin pa kho na'i tha snyad du
 'jug pa'i phyir ro/ /de nyid kyi phyir mthong ba'i lam thob pa na yang sgom pa'i lam la bltos so/ /'di ltar sgom pa 'di kho na'i ji ltar 'gro ba snang ba de gsungs pa/ dri za zhes pa la sogs pa'o/ /ji ltar dri za'i grong khyer
 la sogs pa rnams thams cad kyi dbang po'i shes pas kun rdzob tu rtogs shing don dam par rang bzhin med pa nyid kyi phyir nye bar dmigs pa med pa de ltar 'gro ba'o/ zhes pa'i don te/ cung zad gnas pa zhes 'brel zhing/ 'gro
 rnams de bzhin no/ zhes pa lhag ma'o/ /byang chub kyi sems de yang bde ba'i rang bzhin gyi thabs med par mi skye'o/ zhes thabs mdor ston ste/ ji ltar zhes pa la sogs pa'o/ /reg pa'i bde ba
 nyams su myong ba nyid kyis na gzhon nu ste/ lo bco brgyad kyi bar ro/ /de skad du gzhon nu dang gzhon nu ma ni lo bco brgyad do/ zhes 'dul bar gsungs pa'i phyir ro/ /de dag snyoms par 'jug pa na ji ltar bde ba chen po ci yang
 skye ba de ltar rnal 'byor pa shes rab dang snyoms par 'jug pa na ste/ khyod par ni bde ba chen po skye ba'i ched du dang rgyun dang gnas ba'i ched du 'gyur ba med pa goms pa las rnal 'byor ba dang shes rab dag 'du ba'o/ /'du ba
 rgyas par ston to/ b+ha gar ling ga rab bzhag nas/ shes pa dang/ sangs rgyas rjes su dran pa bsgom/ zhes pa ste/ sangs rgyas ni byang chub kyi sems rdo rje rdo rje 'dzin pa ste/ der bdag nyid dang shes rab kyang de'i rang bzhin du
 bsgom par bya zhing/ bskyed pa'i rim pa sgom pa pos de rdo rje snyems ma'i ngo bor de 'chad par 'gyur ba'i rim pas so/ /ye shes ci yang zhes pa bde ba chen po'o/ zhes pa'i don to/ /thog ma dbus mdza' dri med pa/ zhes
 pa thog ma dbus dang mdza' ma rnams su rtog pa med pa'o/ /de rnams kho na'i skye ba dang gnas pa dang 'gag pa'i mtshan nyid can rnams de kho na nyid du med pa'i phyir ro/ /yang na dga' ba dang mchog dang khyad par gyi dga' ba rnams
 la nye ba lhan cig skyes pa ni rnam par mi rtog pa'o/ /de yang sangs rgyas rjes su dran pa bsgom pas mnyam par ma bzhag pa'i skabs su yang rnal 'byor rdzogs par byed do/ /zhes gsungs pa/ lta ba'i zhes pa la sogs pa'o/ /
 gzhan du song ba'i sems kyis min zhes pa de kho na nyid la gcig tu mthar thug pa nyid kyis rnam par ma g.yengs pa'i yid can rnams kyi'o/ /rgyun tu ni rgyun mi 'chad par ro/ /rnam par rtog pa rab tu rgyu ba'i phyir mnyam par ma
 bzhag pa na yang/ byang chub sems kyi rang bzhin kho nar 'gro ba mos par byed pa rnams kyis mnyam par bzhag pa'o rnal 'byor skye'o/ /de kho na nyid dang mthar thug pa'i sems rnam par mi rtog pa ni mnyam par bzhag pa'i rnal
 'byor ro/ /de kho na nyid las pha rol tu phyogs pa thams cad kho na ni rnam par g.yengs pa'o/ /'di ni zhes pa ni bde ba chen po'o/ /mchog ni 'jig rten las 'das pa ste sgom pas 'gyur ro/ /pha rol phyin pa kun rang bzhin
 zhes pa sbyin pa la sogs pa'i pha rol tu phyin pa rnams de'i rang bzhin nyid kyir phyir ro/ /'dir rab tu dga' ba la sogs pa'i sa'i ngo bo nyid du gsungs pa'o/ /sgom ba mchog ces pa bskyed pa'i rim pa la bltos pas so/ /de ltar
 rgyu dang 'bras bu'i ngo bo nyid dang khyab par byed pa nyid du bsgrubs nas sgom pa slar yang brtan par byed de/ de nyid ces pa la sogs pas so/ /de nyid ni bde ba chen po'o/ /dngos po ste yod pa nyid dang dngos med de med pa nyid cing/
 de dag cung zad med de/ sems ni gcig dang du ma'i rang bzhin dang bral ba nyid kyis na rang bzhin med pa nyid kyi phyir ro/ /yang na 'byung ba'o zhes pas dngos po ste/ sngar med pa nyid 'byung ba kho na la rnam par bzhag par bya zhing/ don
 dam par yang skye ba med pa'i phyir dngos po'i ngo bo nyid med pa'o/ /de nyid kyi phyir de nyams pa'i ngo bo dngos po med pa'i ngo bo nyid kyang med do/ /tshad ma gang gis 'di rang bzhin med pa nyid du bsgrub pa de ni bdag cag gis rgyas pa dang
 bcas par dbu ma'i snye mar nye bar bkod cing/ thub pa'i dgongs pa'i rgyan du yang lung gi rjes su 'brang ba ste/ mdor bsdus pas 'jigs pa med pas gzhung 'grel du'o/ /de'i phyir dngos po dang dngos po med
 pa'i rang bzhin med pa'i phyir spros pa thams cad med pa ste/ de rnams dngos po dang dngos po med pa la brten pa nyid kyis na de dag gis khyab pa nyid kyi phyir na/ khyab par byed pa med na khyab par bya ba yang med pa'i phyir ro/ /'di kho
 na yang de kho na nyid mthong ba ste/ gang shes rab kyi mig gis nges par dpyad pa las yang dag pa'i ye shes kyi snang ba skyes pa na chos rnams thams cad ma mthong ba'o/ /de'i phyir de kho na nyid kyi rnal 'byor pa spyod lam thams cad
 la gnas pa rnams kyis chos rnams thams cad mthong yang mthong ba med pa'o/ /'di 'dra ba kho na mthong ba med par mngon par dgongs kyi gnyid log pa dang mig btsums pa dag gi bzhin du gang yid la mi byed pas ni ma
 yin no/ /the tshom gyi sa bon dang bral ba kho na las gzugs la sogs par mngon par zhen pa bsal bar bya'i/ tsher ma 'don bar bya ba bzhin du ni ma yin no/ zhes pa nges pa'o/ /de ltar dngos po dang dngos po med pa dang rang gi
 dngos po dang gzhan gyi dngos po la sogs pa yid la byed pa bsal bas thams cad las yid bsdus te/ cung zad kyang mi bsam ste/ de gsungs pa/ gang tshe dngos dang dngos med ngag /blo yi mdun na mi gnas pa/ /de tshe
 rnam pa gzhan med pas/ /dmigs pa med par rab tu zhi/ /zhes so/ /rnal 'byor pa de de ltar mi sems pa las gang bla ma'i bka' drin gyis rtogs pa kho na'i bcom ldan 'das ma shes rab ma skyed de/ tshad ma dang gzhal bya'i
 cha yang dag par bral ba nyid kyis na/ /kun rdzob pa'i rang gsal ba'i rang bzhin spros pa med pa nyid kyis na spros pa'i bdag nyid kyi 'khor ba'i rang bzhin gyi sdug bsngal gyi tshogs dang bral ba mchog tu dga' ba'i rang gi ngo bo'o/ /
 de mthong pa med pa'i tshul gyis mngon sum du rtogs nas de'i mthu las kye ma/ ma la gti mug gi nus pa/ gang gis sems can 'di rnams mya ngan las 'das pa'i rang bzhin yin yang bdag nyid ma rtogs te/ 'di rnams ci ltar
 rtogs par bya zhes pa rnam par bsams nas/ de'i bdag nyid kho nar 'gro ba mdza' dag dmigs nas dmigs pa med pa'i ngo bo'i snying rje chen po skye'o/ /de'i bdag nyid can kho na'i rdzogs pa'i dkyil 'khor gyi ngo bo'i bdag nyid
 dngos po thams cad kyi rang bzhin snying rje chen po'i bdag nyid ni/ bcom ldan 'das ma shes rab ma ming gzhan phyag rgya chen mo dang de'i bdag nyid kyi phyir dbyer med pa'i rang bzhin du lta'o/ /de'i tshe stong pa nyid dang snying rje dag de'i
 bdag nyid de/ de yang rnam par mi rtog pa'i rnal 'byor ro/ /de la gang tshe gang gi tshe sems brtan par 'gyur ba de'i tshe dang de'i tshe kho na mnyam par bzhag pa'i rnal 'byor te/ gzhan gyi tshe ni mnyam bar ma bzhag pa'i rnal 'byor
 kho na'o/ /de nyid kyi phyir rdzogs pa'i rim pa la phyag rgya'i rnal 'byor med kyang mnyam par bzhag pa'i rnal 'byor du nye bar bstan te/ bde ba chen po'i thabs kyis chos thams cad la mnyam par mi rtog par gnas pa'i phyir ro/ /
 phyag rgya chen po'i dngos grub ni phyag rgya'i rnal 'byor kho na las so/ /stong pa nyid dang snying rje dag de'i bdag nyid kyi rnal 'byor 'di kho na ni/ so sor sdud dang bsam gtan dang/ /srog rtsol de bzhin 'dzin pa dang/ /rjes su dran dang
 ting nge 'dzin te/ /rnal 'byor yan lag drug tu 'dod/ /ces 'dus pa phyi mar gsungs pa'i yan lag drug gi rnal 'byor ro/ /de ltar ni gzhon nu ma'i pra phab pa na mthong bzhin du dbang po rnams stong pa nyid
 dang ro gcig pa nyid kyis rang gi yul rnams la ma chags pa ni so sor sdud pa ste/ so sor de rnams las dbang po rnams sdud cing 'gugs pa'o/ zhes byas nas so/ /de las rnam par g.yeng ba dang bral bas bsam gtan te/ de yang
 rtog pa dngos po med par rtog pa dang/ dpyod pa dngos po'i stong pa nyid kyi rang bzhin du rnam par dpyod pa dang/ de ltar phyi rol gyi yul la bzlog pas yid tsam pa nang du phyogs pas/ lha'i bdag nyid du bdag nyid dmigs bzhin
 pa bla na med pa'i shes rab dang thabs ro gcig par rnam par dpyod cing/ de kho na nyid la 'jug par mngon du phyogs pas gang yid bde ba nyid de dga' pa dang/ de las lus shin tu spyangs pa la sogs pa bde ba dang/ de ltar
 goms pa las chos thams cad stong pa nyid du gcig par mthar thug pa'i shes rab kyi bdag nyid sems rtse gcig pa nyid ces pa rnam pa lnga'o/ /de nas la la nA dang ra sa nA dag 'gags pa'i a ba d+hU tI'i lam kho nar 'jug
 pa dang gnas pa dang 'byung ba'i bdag nyid kyi srog gi rlung phra mo 'jug pa ni srog rtsol lo/ /de nas a ba d+hU tI'i las phyir ma byung ba lte ba dang snying ga dang mgrin pa dang dpral ba'i pad+ma'i lte ba rnams su sa dang chu dang me dang rlung rnams
 rim pas sdud pa las byang chub kyi sems kyi thig le la sems kyi bzhon pa srog gi rlung 'jug pa stong pa nyid dang ro gcig pa ni 'dzin pa ste/ de'i tshe gtum mo rang bzhin gyis 'bar zhing/ /ri bong can yang de mchog tu sbar pa ches
 shin tu 'jig go /de'i tshe rdo rje nor bu'i nang du son pa ya 'phos pa'i byang chub kyi sems rim gyis rgyu mthun pa la sogs pas bde ba rdzogs pa dri ma med pa ji srid par 'gro bar 'gyur ro/ /de nas 'dzin pas sems rab tu zhugs pa na rang
 gi ngang gis smig rgyu dang du ba dang mkha' snang dang sgron ma dang rtag tu snang ba zhes pa mtshan ma so sor snang ba sngon ma can/ rdzogs pa'i dkyil 'khor gyi lha mthong ba gzugs brnyan gyi rnam pa can rnam par rtog pa med pa ste/ de
 las 'od zer du ma 'phro ba'o/ /de nas khams gsum du lha'i 'khor lo spro ba zhes pa rjes su dran pa ste/ de la gnas pa'i pha rol la yang skal pa ji lta bar so sor snang bar 'gyur ro/ /de nas de kho na rnam par rtog pa med pa'i rnal 'byor
 mi 'gyur ba'i bde ba chen po'i rang bzhin zung du 'jug pa'i bdag nyid ye shes kyi sku rdo rje 'dzin pa chen po'i rang bzhin ting nge 'dzin no/ zhes pa'o/ /yan lag drug gi phan yon ni 'dus pa phyi mar/ so sor sdud pas snyoms zhugs
 nas/ /sngags rnams kun gyis byin gyis rlob/ /bsam gtan ye shes snyoms zhugs nas/ /mngon par shes pa lnga thob 'gyur/ /srog gi rtsol bas nges par ni/ /byang chub sems dpa' rnams kyis gzigs/ 'dzin
 pa'i stobs kyis rtag par ni/ /rdo rje sems dpa' mnyam par 'jug /rjes dran yang dag sbyor ba las/ /'od kyi dkyil 'khor skye bar 'gyur/ /ting 'dzin dbang 'gyur tsam gyis ni/ /sgrib pa med pa dang ldan par 'gyur/
 zhes so/ /ting nge 'dzin 'di kho na slob dpon klu sgrub zhabs kyis gsungs pa/ sgyu 'phrul dra bas mngon sangs rgyas/ /'khor ba'i rgya mtsho'i pha rol son/ /bya ba byas pa'i rnal 'byor che/ /bden pa gnyis kyi tshul la gnas/ /'di
 nyid gnyis med ye shes te/ /mi gnas mya ngan 'das pa yin/ /sangs rgyas rdo rje 'dzin pa nyid/ /de bzhin kun gyi dbang phyug nyid/ /rdo rje lta bu'i ting 'dzin yang/ /rdzogs pa'i rim pa kho na ste/ /
 sgyu ma lta bu'i ting 'dzin dang/ /gnyis su med par de bshad do/ /skye ba med la sogs pa'i sgra/ /gnyis med ye shes gsal byed rnams/ /thams cad 'di yi rjod byed de/ /der ni gzhan pa ma brjod do/ /gang+gA'i bye ma snyed lta yi/ /
 sangs rgyas rnams kyis 'di nyid kyis/ /yod dang med pa'i rtog spangs pa/ /phyag rgya chen po'i bdag nyid 'grub/ /ces so/ /sgom pa nye bar sdud de/ dngos po zhes pa sogs pa'o/ /skyon rnams ni le lo la sogs pa sngar
 bshad pa rnams so/ /nyon mongs pa rnams dang las rnams dang skye ba zhes pa gsum ni kun nas nyon mongs pa rnams so/ /kun nas nyon mongs pa las phyir phyogs pa bya dka' ba yang ma yin no zhes sgrub pa gsungs pa/ mi chung
 zhes pa la sogs pa ste/ rnam par rtog pa thams cad kho na ni mun pa rnams te shes bya'i sgrib pa rnams so/ /g.yo ba ni ting nge 'dzin la mngon par mi dga' ba'i phyir ro/ /'dod chags sogs ni nyon mongs pa'i sgrib pa rnams
 so/ /bsgom pa ni bag chags so/ /gzung ba med ni rang gi ngo bo kho na med pa'i phyir ro/ /de nyid kyi phyir 'dzin pa med de/ de las gzhan pa'i gzung bar bya ba med pa'i phyir yang ngo/ /de kho na ste sems ni/ mya ngan 'das mchog
 ni mi gnas pa'i mya ngan las 'das pa'o/ /de las te sems las so/ /nus pa ni mi phod pa'i gnyen po nyid do/ /dpyad ces pa gcig dang gcig ma yin pa'i rang bzhin dang bral ba nyid la sogs so/ /de'i ste sems kyi rang
 bzhin te rang bzhin med pa nyid rang bzhin du ste/ bdag nyid kyi gnyug ma'i ngo bor kyis shig /dngos med ces klog pa la ni sems kyi dngos med de/ rang bzhin med pa nyid rang bzhin du gyis shig ces pa'i don to/ /des te rtog pa'i mun
 pas de nyid 'gyur zhes 'brel lo/ /brtson pa ni byang chub kyi sems bsgom pa la'o/ /sdig pa rnams las 'phags te ring du song ba rnams ni 'phags pa rnams so/ /de zhes pa rtog pa'o/ /de zhes pa bde ba nyid do/ /rjes su gnang ba ni bla ma
 rnams kyis so/ /dam tshig ni phyag rgya'i rnal 'byor dang gtso bo dang phal pa yang 'chad par 'gyur ro/ /de ltar rgyun tu rdzogs pa'i rim pa sgom pa po la bya ba gzhan g.yeng ba'i ched du bya ba kho na'o zhes 'gog ste/ ci zhig ces pa la sogs
 pas so/ /sngags ni oM yig la sogs pa'o/ /sku gzugs nga rgyal ni bskyed pa'i rim pa'i lha'i nga rgyal 'o/ /dam tshig ni bdud rtsi lnga la sogs pa'o/ /'dis ni rnam pa 'di lta bu'i lus dang ngag dang sems kyi bya ba yang mi bya na gzhan
 lta ci smos zhes gsungs so/ zhen pa med pas ni ji ltar tshogs pa'i dam tshig bsten pa rjes su gnang ngo/ /'o na des bya ba ci zhe na gsungs pa/ mtshon bya zhes pa la sogs pa ste/ rang 'dod lha ni bde ba chen po'o/ /gang brtag pa
 gnyis par gsungs pa/ byang chub sems ni lha nyid do/ zhes so/ /de'i rnal 'byor mtshan par bya ba bskyed pa'i ched du bsgom par bya'o/ /nam mkha' lta bu zhes pa de kho na nyid dang ro gcig pa'o/ /gnas ni byang chub kyi sems so/ /pad+ma'i
 tshal ni dur khrod do/ /gnas mngon par 'dod pa zhes rnam dbye sgyur bas sprel lo/ /sngags zhes pa/ man shes pa la'o/ zhes pa 'am/ ma nu rtogs pa la'o zhes pa'i byings bklags pa'i phyir dang/ gtso bo la mngon par yid ches pa'i
 phyir ji skad brjod pa'i phyag rgya chen po gnyis su med pa'i ngo bo stong pa nyid kyi ye shes kho na sngags so/ /gal te yang rnam pa de lta bu'i ye shes bsgom pas sgrib pa gnyis spangs pas rdo rje 'dzin pa nyid thob
 pa'i phyir yid skyob pa'i don gyis na de kho na sngags nyid du phyag rgya chen po'i ye shes kho na'i dbang du byas nas 'chad par 'gyur te/ de phyir de nyid rang gi sems zhes pa la sogs pas so/ /rnam par snang mdzad mngon par rdzogs par byang
 chub pa'i rgyud du yang gsungs pa/ 'on kyang gsang ba pa'i bdag po sngags rnams kyi mtshan nyid ni sangs rgyas rnams thams cad kyis ma mdzad byed du ma bcug /rjes su yid rang bar ma mdzad do/ /de ci'i phyir zhe na/ ches rnams kyi chos nyid
 ni 'di lta ste de bzhin gshegs pa rnams byung yang rung ma byung yang rung gnas pa kho na ste/ chos rnams kyi chos nyid 'di ni 'di lta ste/ sngags rnams kyi chos nyid de nas ji srid du gang gis che sangs rgyas bcom ldan 'das rnams 'jig rten
 du byung ba de'i tshe chos nyid de tshul sna tshogs dang dgongs pa sna tshogs rnams kyi bsam pa sna tshogs pa rnams la tshig sna tshogs rnams dang yi ge sna tshogs rnams dang bstan dang nges pa'i tshig dang dper brjod sna tshogs rnams kyis dang
 dbyangs dang rtog pa sna tshogs rnams kyis byin gyis brlabs nas sngags kyi tshig ston to zhes te nges pa'i tshig ni lha'i skad la sogs pa'o/ /de ltar na sngags shes pa nyid kyis 'di la stong pa nyid kyi ye shes kho na srung ba dam pa byed de/
 bskyed pa'i rim pa sgom pa po'i bzhin du kun rdzob pa'i srung ba sngags klogs pas ci bya zhes gsal bar byed do/ /ji skad du bcom ldan 'das mar gsungs pa/ kau shi ka shes rab kyi pha rol tu phyin pa de kho na de la srung ba dang 'gebs pa
 dang? sba? par byed de/ khyod kyis ci bya zhes pa'o/ /ji ltar gzhon nu ma'i zhes mdor bstan pa rgyas par ston te/ shes rab thabs kyis zhes pa la sogs pa'o/ /dngos su zhes sgom pa'i rang bzhin gyis ye shes rab ni skyes pa'i
 ma yin zhing sgom pa'i rang bzhin gyi thabs kyang bud med kyi ma yin no/ zhes pa'i don to/ /de'i phyir dngos su phyi rol gyi shes rab ma spangs nas sangs rgyas nyid ma yin pa kho na'o/ zhes sbrel lo/ /bzang mo ni yid 'phrog ma'o/ /
 gang gi phyir gcig sgom pa'i rang bzhin gyi shes rab 'di kho na 'am gcig ste phyi rol gyi shes rab ma ni phyag rgya mngon sbyor ba ste phyi rol gyi phyag rgya dang mnyam par sbyor ba med pa dngos grub ste phyag rgya chen po'i dngos grub mi ster te/ phyi
 rol gyi phyag rgya dang snyoms par 'jug pa kho na las ye shes bde ba chen po skye ba'i phyir ro/ /de nyid kyi phyir phyi rol gyi phyag rgya'i rnal 'byor ni phyag rgya chen po'i dngos grub kyi dngos su ba'i thabs su gsungs so/ /'on kyang
 rdzogs pa'i rim pa la yang skyes pa dang bud med kyang rdzogs pa'i lha'i ngo bor bdag nyid lhag par mos par bya ste/ de las kyang gnyis ka'i bdag nyid kyi shes rab tu 'gyur ro zhes
 dgongs pa ste/ gcig dang gcig ces pa'i gsung las so/ /bskyed pa'i rim pa la ni ye shes kyi phyag rgya gcig kyang 'gyur te/ dngos grub kyi dus su ni de yang gnyis ka'i bdag nyid kho na'o/ /de'i phyir phyag rgya bzhi
 sbyar bya ste rim pa gnyis ka la yang ngo/ /de la rdzogs pa'i rim pa la phyi rol gyi shes rab ma ni las kyi phyag rgya ste 'khyud pa la sogs pa'i las kyi dga' ba ster zhes byas nas so/ /nang gi shes rab ma a ba d+hU tI stong pa nyid dang ro
 gcig pa lhan cig skyes pa'i dga' ba'i bdag nyid dang chos kyi dbyings ni chos kyi phyag rgya'o/ /bde ba chen po'i rang bzhin bla na med pa'i byang chub kyi sems 'bras bu'i ngo bo ni phyag rgya chen po'o/ /lha rnam pa
 sna tshogs pa sprul pa ni dam tshig gi phyag rgya'o/ /yang na las kyi phyag rgya de kho na bshad zin pa'i phyag rgya chen po kho na las dag pa mthar thug par gnas pa ni chos kyi phyag rgya chos kyi sku ste/ de ni sems kyi chos nyid dang
 rang bzhin nyid kyi phyir ro/ /las kyi phyag rgya dang yang dag par sbyor ba ji ltar rigs par mtshan dang dpe byad kyis rnam par mdzes pa'i sku longs spyod rdzogs pa'i sku dang mu mdza' med par sna tshogs pa mdza' yas pa'i dkyil 'khor gyi 'khor lo
 la sogs pa'i rnam par sprul pa'i sku ni skal pa dang ldan pa'i gdul bya'i skye ba rjes su 'dzin pa'i dus las mi 'da' ba' i phyir dam tshig gi phyag rgya'o/ /byang chub kyi sems bde ba chen po'i sku ni stong pa nyid kyi rang bzhin nyid kyi phyir dang/ khyab
 pa nyid kyi phyir ngo bo nyid kyi sku ni phyag rgya chen po'o/ /phyag rgya yang chos rnams la rgyas 'debs te gang rang gi ngo bo'o zhes gtso bor ni byang chub kyi sems kho na ste/ de'i rang gi ngo bo nyid kyi phyir ni phyag rgya gzhan yang phyag rgya dang 'dra ba phyag
 rgya'o/ /yang na chen po'i dga' ba len to zhes pas phyag rgya chen po ste mtshan dang dpe byad mchog tu 'bar ba phyag dang zhal dang phyag mtshan la sogs pa dang ldan pa'i gzugs longs spyod rdzogs pa'i sku'o/ /dam tshig gi phyag rgya ni byang chub
 sems kyi rang bzhin so so rang gis rig par bya ba chos kyi sku ste/ dam tshig ni rdzogs pa'i byang chub po zhes byas nas so/ /chos kyi phyag rgya ni chos dang longs spyod rdzogs pa'i sku'i byin rlabs las rnam pa sna tshogs pa'i chos kyi de kho na nyid
 gsal bar byed pa'i ngag gi bdag nyid do/ /las kyi phyag rgya ni bya ba sgrub pa'i ngo bo nyid kyi phyir sprul pa sna tshogs pa rnams kyis bya ba sgrub par byed pa'i phyir sprul pa'i sku'o/ /yang na las kyi phyag rgya ni sprul pa'i sku'o/ /chos kyi phyag rgya ni chos kyi sku'o/ /
 phyag rgya chen po ni longs spyod rdzogs pa'i sku'o/ /dam tshig gi phyag rgya ni byang chub kyi sems te bde ba chen po dang stong pa nyid dang snying rje rnams kyi dang/ chos rnams thams cad kyi yang 'dus pa'i ngo bo nyid kyi phyir ro/ /'dus pa ni gzugs la
 sogs pa rnams de'i rang bzhin du nye bar dmigs par bya ba nyid kyi phyir ro/ /rnam par bzhag pa 'di yang 'di skad bdag gis shes pa'i rnam par bshad par byas so/ /phyag rgya bzhi po 'di rnams kyang so sor phyag rgya bzhi'i bdag nyid rnams so/ /
 zhes 'di kho na las shes rab can rnams kyis rnam pa shes par bya ste/ mi brjod pa ni/ rgya che bas 'jigs pa las so/ /bskyed pa'i rim pa la ni phyi rol gyi shes rab ma kho na mngon bar 'dod pa'i lha mo'i gzugs su bsgom pa ni las kyi phyag rgya'o/ /rang
 'dra'i bud med ni ye shes kyi phyag rgya zhes pa ming gzhan no/ /lus la bsgoms pa'i hUM yig la sogs pa'ang chos kyi phyag rgya'o/ /dam tshig gi phyag rgya ni sa bon la sogs pa las rdzogs pa dkyil 'khor gyi 'khor lor 'dus pa'i spro ba dang sdud pa
 la sogs pa'i byed pa can rnams te mtshan ma yang ngo/ /gtso bo'i lha'i sku rang nyid ni phyag rgya chen po'o/ /de las 'phros pa'i lha'i 'khor lo yang dam tshig gi phyag rgya'o/ /rnam par bzhag pa 'di thams cad kyang rgyud gzhan rnams su bcom
 ldan 'das kho nas gdul bya'i bsam pa'i dbye bas rjes su 'jug pas mdzad pa'o/ /de dang de'i gzhung rnams ni mangs pas skrag pa las 'dir ma brjod do/ /'di ni rnam pa gzhan du rnam par 'jog ste/ /gti mug ces pa la sogs pas so/ /
 'dod chags zhes pa rnam par dag pa'i 'dod chags te/ 'od dpag tu med pa dang rin chen 'byung ldan no/ /de ni rnam par dag pa'i bde ba'i tshor ba dang nga rgyal gyi rang bzhin no/ /ma dag pa'i gnas skabs su
 ni tshor ba kho na nga rgyal gyi rang bzhin te/ bde ba la sogs pa'i tshor ba la nga bde ba can no zhes pa la sogs pa nga'o/ snyam pa'i nga rgyal kun tu spyod pa'i phyir ro/ zhes sngar bshad zin to/ /rig ma ni phyi rol gyi'o/ /der ni sde snod du'o/ /
 gnyis ka ste rig ma dang thabs dag gi'o/ /lha'i gzugs te/ rdzogs pa'i rim pas sam bskyed pa'i rim pas so/ /lha'i gzugs su bsgom pa yang 'chad bar 'gyur ro/ /gti mug las zhes pa la sogs pa phyis pa la lnga'o/ /zhi
 ba ni rnam par snang mdzad do/ /'di yang rnam par spyod pas chos thams cad rang bzhin med pa ma rtogs pa'i ngo bo can gti mug gi rang bzhin nyid kyi phyir zhi ba nyid de/ zhi ba'i ting nge 'dzin las byung ba nyid kyi phyir yang ngo/ /snying rje chen po
 kho nas phyi rol gyi khro bo'i ngo bo nyid kyi phyir khro ba ni mi bskyod pa dang don yod grub pa'o/ /khro ba ni sems can dang sems can ma yin pa'i yul la sems 'khrug pa'o/ /'dir ni zhe sdang dang phrag dog kyang khro bar brjod par bya ste/ /phrag dog
 ni khro ba'i rgyu can nyid kyi phyir ro/ /chags pa ni snang ba mdza' yas dang rin chen 'byung ldan no/ /'dod chags ni 'dir 'dod chags dang nga rgyal yang ste/ pha rol tu rnams kyi gti mug dang zhe sdang dang phrag dog dang 'dod chags dang nga
 rgyal yang mngon par mtshon nas de dang de rnam par dag pa'i bya ba byed do/ zhes pa'i don to/ /de'i don can rab byed ces pa de ste de dang de rnam par dag pa'i ngo bo don te/ dgos pa yin pa de rab tu gyur pa'i byed pa ste de'i don du bya ba'i  
 ched du zhes pa'i don to/ /rnam par snang mdzad la sogs pa'i ngo bo 'di rnams dang ldan pa ni rgyal ba rdo rje 'dzin pa'o/ /dbang du gyur pa ma thob pa'i nyin mtshan rgyun mi 'chad par phyag rgya bsten par mi nus na dus kyi khyad par gsungs pa/
 tho rangs zhes pa la sogs pas so/ /yang dag ces pa rnam par mi g.yeng ba ste/ ji ltar lhan cig skyes pa nyams su myong ba shin tu gsal zhing dran pa'i bag chags 'jog pa ltar ro/ /gzhan du ste mi gsal bar nyams su myong ba'i ma dran nas sam/
 bde ba chen po rgyun ma 'chad par ma goms pa la dngos grub min pa kho na'o/ /sems ni lhan cig skyes pa'i bde ba dbang bskur pa gzhan gyi tshe rtogs pa lhag par mos nas so/ /'di nyid kyi dbang du byas nas gzhan du lag pa'i phyag rgya gsungs
 so/ /rnal 'byor zhes phyi rol gyi phyag rgya dang lhan cig goms par bya'o zhes 'brel lo/ /'dir te rnal 'byor la legs te mkhas pas dud 'gro rnams las kyang ste dud 'gro mo dgug par bya'o/ zhes pa lhag ma'o/ /de skad du yang rdo rje
 a rA li'i rgyud du gsungs pa/ de nas rdo rje mchod ba gsungs/ /rab dben skye bo med yul dang/ /bdag gi khyim gyi nang rnams su/ /mchod bya bcu gnyis lo lon ma 'am/ /de bzhin bcu drug lo lon nyid/ /nyi shu snga ba'i gzhon
 nu ma/ /de bzhin pa mo ma he mo/ /spre'u mo khyi mo dang yang ni/ /de bzhin bong mo rnga mo skyes/ /ri dags mo dang ra mo nyid/ /phag mo ba men las byung la/ /he ru ka bdag gis 'dod bya/ /'grub par the tshom med pa nyid/ /ces so/ /dngos
 su zhes pa phyi rol gyi phyag rgya las te/ ye shes kyi phyag rgya ni ma yin pa kho na'o/ /lo las pha rol tu/ dam tshig ste 'da' bar mi bya ba phyag rgya'i rnal 'byor ro/ /de nyams na bag med de 'khrul bar byed pa'o/ /rnal 'byor las ni bde
 ba chen po las so/ /dam tshig bslang ba ni shes rab ye shes kyi dbang bskur gyis so/ /khyad par du stong pa nyid dang snying rje dbyer med pa'i byang chub kyi sems dam tshig nyams pa na rjes su dran par bya'o/ /rtul pos ni don
 yod grub pa'i rnal 'byor dang ldan pas dbang bskur thams cad gzung bar bya'o/ /gzung ste gzung bar bya ba'o/ /sdom pa ni bshad zin cing 'chad par yang 'gyur ro/ /bla na med pa'i sdom pa ni byang chub kyi sems te/ chos thams cad
 sdus pa'i ngo bo nyid kyi phyir ro/ /byang chub kyi sems ni mi dge ba rnams thams cad las yang dag pa ma yin pa'i rtog pa rnams las sems sdom par byed pa'i phyir ro/ /gsang ba'i rdzas rnams ni dga' ba dang ldan pa'i spro ba'i don du 'chad
 par 'gyur pa rnams so/ /sngags dang rgyud rnams kyis shes pa/ bskyed pa'i rnal 'byor pas rigs lnga'i thod pa can ma nyid la sogs pa'i don du bklag par bya ba'i sngags rnam par bshad pa 'chad par 'gyur pa rnams kyis so/ /nye
 bar sdud de 'di ltar zhes pa la sogs pa'o/ /srid pa gsum ni mtho ris dang mi yul dang sa 'og rnams so/ /de la mtho ris ni rgyal chen ris bzhi'i gnas nas 'du shes med min skye mched ji srid pa'o/ /yang na 'dod pa la sogs
 pa khams gsum gyi srid pa gsum 'am lus dang ngag dang sems bde ba chen po rang bzhin byang chub kyi sems kyi rang gi ngo bor bsgom par bya'o/ zhes pa'o/ /man ngag gi snye mar snye ma drug pa'o// //
 rdzogs pa'i rim pa rgyas par bstan nas de'i dngos kyi thabs bskyed pa'i rim pa rgyas par ston pa'i ched du gsungs pa/ de nas zhes pa la sogs pa'o/ /'khor lo kun gyi rnam par 'phrul zhes pa kye'i rdo rje zhes pa la sogs pa'i dkyil
 'khor rnams thams cad du/ 'khor lo dkyil 'khor zhes par brjod ces pa'i tshig las/ brtag pa gnyis par dkyil 'khor te snying po len to zhes pas lha rnams kyi 'du ba ni dkyil 'khor te/ gzhal yas khang ni dkyil 'khor gyi gzhi nyid
 kyi phyir dkyil 'khor ro/ /'khor lo ni stong pa nyid kyi bdag nyid kyi lha rnams kyi tshogs pa ste/ /gzhal yas khang ni 'khor lo'i rten nyid kyi phyir 'khor lo'o/ /dkyil 'khor gyi 'khor lor brjod par bya ste/ snying rje dang shes rab kyi bdag nyid
 kyi phyir lha'i tshogs dang gzhal yas khang lnga de'i gzhi nyid kyi phyir ro/ /zhes don gyis bshad pa'i phyir ro/ /'khor lo lha'i tshogs pa ste de'i rol pa spros ba la sogs pa rnam pa sna tshogs pa rnams kyis so/ /khyad par ci lta bu zhe na/ kun tu
 ste phyogs thams cad du rnam pa sna tshogs pa dpag tu med pa'i gzugs sprul pa'i phyir sna tshogs te sna tshogs pa'i ngo bo'o/ /mchog ste skal pa ji lta ba bzhin du sems can rnams la bya bla ba'i thabs ston pa'i phyir ro/ yang de ci
 zhig tu bsgrub par bya zhe na gsungs pa gsang chen zhes so/ /gsang chen ni rdo rje gur gyi nang ste/ ji ltar rigs pa'i gzhal yas khang yang ngo/ /'di ni gang dang gang du gnas pa de dang der ji ltar rigs par 'chad par 'gyur ro/ /don gzhan
 ni bshad zin te mchog la sogs pa yang ngo/ /ci zhig tu gnas nas she na gsungs pa/ dben pa zhes pa la sogs pa'o/ rnam par 'phrul pa mdor bstan
 pa rgyas par ston te/ kun tu zhes pa la sogs pa'o/ rnam pa thams cad pa'i sna tshogs pa'i phung po la sogs rgyas 'debs na kun tu sna tshogs phyag rgya'o/ /lha'i gzugs can gyi rnal 'byor pas kun tu yul la nye par longs spyod pa'i phyir rnam
 pa sna tshogs pa yongs su dag ba bde ba rnams kyis phyogs thams cad du sems can thams cad la phan pa rnams skal pa ji lta bar bde ba kho nas byed de/ sgom pa kho nas sems can gyi bya ba 'grub pa'i phyir pha rol
 tu phyin pa'i tshul bzhin du lag pa dang rkang pa gcod pa la sogs pa'i sdug bsngal med pa'i phyir ro/ /de ci byang chub sems kyi rang bzhin 'di bsgom par mi bya'am zhe na bsgom par bya ste/ gang gi phyir dkyil te snying po len cing 'dzin par byed
 do/ /zhes pa dkyil 'khor ni stong nyid ye shes kho na ste/ stong pa nyid dang snying rje dbyer med pa'i bde ba chen po'i snying po len pa'i phyir ro/ /'dus pa phyi mar yang gsungs pa/ b+ha ga dkyil 'khor bshad pa ste/ /byang chub sems kyi dkyil
 'khor dang/ /lus ni dkyil 'khor zhes bshad de/ /gsum pa dkyil 'khor brtags pa'o/ /zhes so/ /mngon par brjod pa'i bla ma'i rgyud du yang/ /dkyil 'khor de kho na nyid mchog /he ru ka dpal ye shes mchog /phag mo'i b+ha ga pad+ma ni
 dkyil 'khor lus las skyes pa mchog /dkyil 'khor 'dus pa'o de la ni/ /dkyil 'khor bde ba dam pa ste/ /dkyil 'khor dpa' bo rnal 'byor ma/ /kha sbyor gnyis su med pa mchog /ces gsungs pa'i byang chub sems dang/ /b+ha
 ga dang lus kyi dkyil 'khor rnams las byang chub kyi sems kho na/ sgom pa'i yan lag kun 'das shing/ /rtog pas brtags pa rnam par spangs/ /phyi mo thig le mnyam 'das pa/ /'di ni dkyil 'khor dam pa'o/ zhes gsungs so/ /de
 bzhin gshegs pa thams cad kyi sku dang gsung dang thugs kyi gsang ba rgyan gyi bkod pa'i rgyud chen por yang/ dkyil 'khor phyi mo thams cad kyi/ /stong nyid ye shes brjod par bya/ /kun rtog thams cad spangs pa ste/ /bdag gis ci zhig
 bstan par bya/ /zhes so/ /rdo rje snying po rgyan gyi rgyud chen por yang/ /rtog tu med cing snang ba med/ /rtog pa med cing mi 'gyur la/ /stong pa mkha' mnyam pa yi sems/ /gang tshe skyes par yang gyur pa/ /de tshe phyag rgya lnga rnams dang/ /lha
 rnams su ni rab tu brtag ces so/ /'di kho na la mngon bar dgongs nas nag po'i zhabs kyis gsungs pa/ /de bzhin gshegs tshogs ci zhig ste/ /lha mo khro bo'i tshogs ci yin/ /dkyil 'khor 'khor lo las grol pa/ /lhan cig
 skyes pa'i skad cig yod ces so/ /lha rnams la zhes pa ni lha rnams kyi dang gzhan rnams kyi yang ngo/ /'dis ni stong pa nyid dang snying rje dbyer med pa'i byang chub kyi sems rang bzhin lha'i rnam pa'i bdag nyid kyi lus kyi ngo bo'i dkyil 'khor ni
 rnam pa sna tshogs pa'i lha'i sprul pa rnams kyis sna tshogs pa'i don mdzad pa'o/ /zhes gsungs shing de gsal bar byed pa'i phyir rdul tshon gyi dkyil 'khor yang dkyil 'khor du brjod par bya'o/ /'o na ci rang bzhin gyis yongs su dag pa
 dpag tu med pa'i chos kyi gzhi rang gi sems kho na dkyil 'khor ro/ zhes gdul bya rnams la bstan pa ma yin nam zhe na/ ston te/ sems rnam par dag pa'i rnal 'byor pa'i dkyil 'khor gyi rnam par spro ba na yang/ shin tu rnam
 par dag pa'i sangs rgyas rnams su lhag par zhen pa nyid na yang rang bzhin gyis yongs su dag pa kho na rtogs pa'i phyir rang gi sems kyi rang bzhin yongs su dag pa kho na rtogs pa las sangs rgyas dang rnal 'byor pa ste cha las so/ /de'i phyir
 dkar po'i chos thams cad kyi rang bzhin du dkyil 'khor brjod mod kyi/ de lta na yang sems can thams cad kyi sems kyi ngo bor yang mi 'gal lo/ /gal te de lta na bskyed pa'i rim pa bstan pa la dgos pa ci yang med cing/ ci ste gzhan
 yod na brjod cig ce na/ gsungs pa ci zhes pa ste/ gang byang chub kyi sems bsgom pas 'grub pa ma yin pa cung zad kyang yod pa ma yin no/ zhes dgongs pa'o/ /gang bskyed pa'i rim pa bsgom pa la sogs
 pa bdag gis bshad pa de sems chung ba las dang po pa rnams la phan pa'i ched du kho nar rjes su 'jug pa'i don du sangs rgyas rdo rje sems dpa' i gar 'di'o/ /de ni sna tshogs pa'i gzugs sprul pa rnams kyis sna tshogs pa'i cha byad dang rgyan
 dang/ nyams dang bkod pa'i skal ba bzang po rnams kyis spros pa nye bar ston cing gcig tu gyur nas mang por 'gyur/ mang por gyur nas gcig tu 'gyur/ snang bar 'gyur zhing mi snang bar 'gyur ba'i gzugs yang dag par ston cing rnam
 par snang mdzad la sogs pa'i sangs rgyas la sogs pa 'khor dang bcas pa rnams su gar byed do/ /de dang de'i gdul bya rnams so sor rnam par 'byor bar byed do/ /zhes pa rnam pa sna tshogs pa bsam gyis mi khyab pa'i sprul pa rmad du byung
 ba ni 'di'i gar ro/ /las dang po pa rnams ni 'di ltar bsod nams nye bar bsags pa nyid kyis na shes rab shin tu che ba rnams dang 'jig rten pa'i 'bras bu grub pas na rab tu dang ba bskyed pa rnams rdzogs pa'i rim pa bsgom pa la shin tu gus
 par byed do/ /de yang de lta bu'i dgos pa rtogs par mi nus pa blo zhan pa rnams kyi ngor dang por bsam par bya ba ma yin te de rnams ni rdzogs pa'i rim pa bsgom pa kho nas thams cad 'grub po/ /zhes thos nas de ni nus par bskyed pa'i rim pa
 las kyang nyams par 'gyur ro/ /de nyid kyi phyir de rnams kyi dor bskyed pa'i rim pa bsgom pa kho na nges pa'i don to/ zhes 'ga' zhig tu nye bar ston te/ ji skad bshad pa'i don rgyu dang 'bras bu'i dngos po shes pa ni bsam par byed pa na yang
 nyams pa ma yin no zhes pa'i don to/ /de nyid kyi phyir rdzogs pa'i rim pas kyang yongs su smin pa la bltos pas bskyed pa'i rim pa kho na dang por bsgom par bya'o/ zhes 'doms so/ /sgom pa ni sa bon dang phyag mtshan la sogs pa'i ste/ de
 las byung ba lha'i rnal 'byor ro/ /bzlas bya'i sngags ni oM yig la sogs pa'o/ /de rnams kyi cho ga'i rim pa ni 'chad par 'gyur pa'o/ /sems kyi rnam 'phrul lo zhes pa 'dis 'di thams cad byang chub sems kyi rang gi ngo bor mos pa kho
 nar bya'o/ zhes gsal bar byed de/ gang gi phyir 'dir thams cad rnam par snang mdzad la sogs pa rigs lnga rnams su 'dus shing/ de rnams kyang rdo rje 'dzin pa byang chub sems kyi bdag nyid gcig pu kho na'o/ /stong nyid rdo rje can zhes pa/ /
 stong pa'i rdo rje can no/ /'di skad bshad de/ bcom ldan 'das rdo rje sems dpa' kho na shes rab dang thabs kyi ye shes kyi ngo bo kho na ni 'dod chags la sogs pa'i rang bzhin de bzhin gshegs pa lnga dang rig ma la sogs pa'i rnam pas
 kun rdzob pa'i gzugs 'dzin te/ nyon mongs pa yongs su spong ba'i sems can gyi khams kyi sems dri ma med par byed pa'i don du'o/ /gdul bya de ltar gyur pa'i lam la 'jug pa'i skal ba can de rnams de kho na nyid la sbyor zhing rnam par rtog pa
 med kyang 'di ltar nges par gnas so/ zhes pa'o/ /ji skad du mkha' 'gro ma rdo rje gur du gsungs pa/ zhe sdang nga rgyal de bzhin rmongs/ /'dod chags ser sna can skye'o/ /bsdu ched rdo rje can rang nyid/ /'khor lor gzugs rnams du ma'o//
 dngos po gang dang gang gis ni/ /mi rnams yid la sbyor byed pa/ /des de'i rang bzhin nyid du 'gyur/ /sna tshogs gzugs can nor bu bzhin/ /de phyir kun nas 'bad pa yis/ /sems kyi rdo rje sbyang bar bya/ /sems dag pa na bde 'gyur
 zhing/ /nyon mongs dug rnams thams cad 'joms/ /zhes so/ /'phags pa'i lha'i zhabs kyis kyang gsungs pa/ spyod pa bsdus par gang bstan pa'i/ /sangs rgyas lnga yi rigs chen po/ /de de'i rigs
 las byung gyur pa/ /lha rnams rnam pa so so ste/ /pho nya pho nya mo khro bo/ /bran pho bran mo ci bgyi rnams/ /pho mo de rnams yod min te/ /sems can don du so sor bstan/ /rnal 'byor pa yis bdag nyid kyis/ /'di kun spro zhing bsdu bar bya// 
 sgyu ma lta bu'i ting 'dzin gnas/ dkyil 'khor sogs kyang rgya chen po/ /zhes so/ /dgyes pa chen po bde chen po/ /yang na chen po la ste gzhan gyi don la shin tu mngon par dgyes pa'o/ /de nyid kyi phyir gtso bo bzang po'o/ /bskyed pa'i
 yi ge dang gzugs ni bskyed pa'i rim pas yi ge ni 'gyur med de/ gzugs ni sngon po la sogs pa'o/ /dang por zhes pa snying rje la sogs pa la bltos pas dang po nyid de/ byams pa'i stobs las 'bad pa med pa kho nar snying rje la/
 sogs pa rnams gsal bar 'gyur ba'i don du'o/ gang thams cad kyi dang por bsgom par bya ba ni/ dang po ro ni bsgom par bya/ zhes pa la sogs pas gsungs par 'gyur ro/ /byams pa la sogs pa rnams kyi mtshan nyid ni bshad zin to/ /de ltar kun rdzob pa'i
 byang chub kyi sems bskyed pa la sogs pa'i de ma thag par don dam par gsungs pa/ slar yang zhes pa dang po la sogs pa'i rim pas so/ /zhes pa'i don to/ /stong nyid ni gcig dang du ma'i rang bzhin dang bal bra la sogs pas
 chos rnams thams cad bdag med pa nyid du man ngag ji lta ba bzhin rjes su rig par bya'o/ /de'i ngo bo'i byang chub dang por bsgom zhes 'brel to/ /bde ba chen po mngon par byang chub pa ni phyis so/ /zhes mngon par dgongs so/ /sa bon bsdu
 zhes pas sa bon te lha bskyed pa'i rgyu mtshan bsdu te yang dag par gzung bsgom mo/ /de la sa bon ni stong nyid byang chub 'chi ba'i bar ma chad du par de'i srid pa'i ngo bo stong pa nyid dang snying rje dbyer med pa'i byang chub kyi sems kyi myu gu'i ngo bos ji ltar rigs
 par hUM yig la sogs pa ho(rgyud 'grel ces pa 'gyur med dgong pa ste/ 'khor lo bzhi rnams la dang snying gar yi ge dgod pa ji srid pa'o/ /yi ge ni dang po dgod pa dang rigs kyi bdag po dgong pa dag nye bar mtshon pa'o/ /de ltar don dam pa'i byang chub kyi sems yan lag
 bzhi pa mdor bstan nas yongs su bskor ba gsungs pa/ re pas zhes pa la sogs pa'o/ /sna tshogs rdo rje ni ji ltar 'dod par shin tu rgya che ba rten gyi rang bzhin no/ /ra ba dang ni gur bcing ba yang zhes pa rdo rje ra ba dang rdo rje'i gur dang mtshams
 bcing ba zhes pa'o/ /de la de'i 'od zer rgya chen po'i snang bas kun nas 'bar ba'i rang bzhin mtshams bcing ba ste/ de'i dbus su gnas pa sa bon las skyes pa'i rdo rje'i tshogs mkhregs shing bar med pa mi g.yo bar gnas pa rnams kyi
 rdo rje ra ba dang rdo rje gur yang bsgom par bya'o/ /stong nyid byang chub kyi bar ma chad du yongs su bskor ba 'di'o/ /dang por bya ba'i yan lag gsungs pa/ dang por zhes pa la sogs pa ste/ shi ba ni ro'o/ /bdag med pa nyid kyi phyir chos kyi dbyings
 gsal bar byed pa nyid kyis na chos kyi dbyings kyi bdag nyid do/ /gnas nas zhes pa bdag nyid gnas par mos nas so/ /shes rab thabs kyi bdag nyid ces pa de ni stong pa nyid dang snying rje'i byang chub sems kyi rang bzhin nyid kyi phyir ro/ /de
 'di ni ji ltar rigs par rnal 'byor gzhan dang mthun mong pa'i cho ga'o/ /he ru ka gsum gyi rnal 'byor gyi dbang du byas nas gsungs pa/ hUM yig las zhes pa la sogs pa ste/ rdo rje byung ba ni rdo rje skyes pa'o/ /
 lte ba ni dbus kyi zlum po'o/ /hUM yig kho na de kho na nyid do/ /zhe sdang bdag nyid ni gdug pa can rnams kyi skyon zad pa'i ched du bcos ma'i khro bo'i ro'o/ /rdo rje skye ba zhes pa kye'i rdo rje'o/ /dad pas zhes pa 'dod pas so/ /sngon po 'am
 sngon po dmar po'i 'od ni snying rtse ba chen po'i chags pa gsal bar byed pa'i don du'o/ /de ltar skad cig gis he ru ka'i gzugs su bdag nyid rnam par bsgoms nas rnam par sbyangs pa'i bdag nyid kyis rang gi snying ga'i sa bon gyi 'od zer gyis
 bkug pa/ nam mkhar rje btsun bltas nas ni/ /lha mo brgyad po rnams kyis mchod/ /rang gi snying gi sa bon las/ /nges par byung ba rnams kyis so/ /ri dags mtshan ma ni ri bong can no/ /bdud las rgyal ba ni khrag go /sman ni rnam
 par snang mdzad do/ /rdo rje ni sha'o/ /dri'i lag ces klog pa la ni dri ni 'drir shi'o/ /gang gsungs par 'gyur ba/ shes gang ba'i thong pa zhes so/ /ro ni chang ngo/ /de la cang te 'us ni phyi'i mchod pa'o/ /bdud rtsi lnga'i ro rnams kyis
 gsang ba'i mchod pa'o/ /de kho na nyid kyi mchod pa ni bde ba chen po'i rang bzhin mgrin pa nas 'khyud nas rjes su chags par Dom+bi yis byed pa'o/ /stong nyid byang chub mdor bstan pa rgyas par ston te/ de nas zhes pa la sogs pa'o/ /
 gnas ni zhen pa'i rnam par rtog pa ste/ des grol ba ni grol ba stong pa nyid do/ /chos rnams thams cad gang gis bdag nyid yin pa de ni chos kun bdag nyid can du 'gyur ro/ /skyabs su 'gro ba la sogs pa ni 'dir ma bstan te/
 'dir dbang po rab rnams kyi dbang du byas pa nyid kyi phyir ro/ /de rnams kyis ni dkyil 'khor du 'jug pa kho na las 'di thams cad shin tu byas pa nyid kyi phyir te de lta kho nar 'dzin pa'i phyir ro/ /de lta na yang de rnams kyi 'ang mi
 'jigs pa'i don dang/ rtul po rnams rjes su gzung ba'i don tu rgyud gzhan las 'jug par bya'o/ /de'i de ma thag tu tshangs pa'i gnas rnams bsgom par bya ba'o/ /de nas stong pa nyid do/ /de nas rdo rje gur ro/ /rim pa 'di yang rnal
 'byor gzhan la yang ji ltar rigs par rnam par shes par bya'o/ /sa bon dang mtshan ma dag dang de yongs su gyur pa 'dod pa'i lha'i gzugs dang 'dod pa'i lnga mchod par bya ba zhes pa la sogs pa'i khyad par rnams brtag par bya'o/ /de'i
 de ma thag tu rdo rje gur gyi nang du yud kyis bltas pa'i dur khrod brgyad kyi dbus su/ 'dab ma sna tshogs pa'i pad+ma'i lte ba la gnas pa'i re'i snying ga'i steng du nyi ma'i gdan la gang bsam par bya ba de gsungs pa/ A li zla ba zhes pa la sogs
 pa ste/ zla ba'i gzugs su yongs su gyur pa'i A li ni zla ba A li'o/ /kA li yongs su gyur pa'i nyi ma ni kA li'i nyi ma'o/ /sa bon ni hUM yig ste nyi ma dang zla ba yang dag par sbyar ba'i dbus su bsam par bya'o/ /sa bon de kho na sems can te ma
 dang pha zla ba dang nyi ma'i rab tu 'jug pa mchog tu dga' ba'i rang bzhin du gsungs te/ de kho na 'dir lhan cig skyes pa'i don bsgom par bya'o/ zhes pa'i don to/ /rang gi lus 'dra zhes pa sa bon de yongs su gyur pa'i rdo rje'i lte bar gnas
 pa'i sa bon las kye'i rdo rje'i lus 'dra ba rnams te/ de dang 'dra bar kha dog sngon po khro bo'i nyams can 'gro ba 'dul ba'i thabs su gyur pa'i lha'i gzugs can rnams so/ /snying gar zhes pas sa bon la'o/ /mngon par byang chub pa rnam pa lnga'i
 rim pa'i sbyor ba yang 'chad par 'gyur ba 'dir go bar bya'o/ /de ltar zla ba dang ni nyi ma dang rdo rje dang sa bon yongs su gyur pas zhe sdang bdag nyid kye'i rdo rje mchog tu dga' ba'i rang bzhin rang rang gi sa bon las skyes
 ba'i 'khor dang bcas pa kho na nye bar skye'o/ /nam mkha' i khams zhes pa la sogs pa nas sngo dang dmar ba'i 'od ces pa'i bar gyi gzhung ni/ chos kun bdag nyid can du 'gyur/ zhes pa'i bar ma chad du rtogs par bya'o/ /hUM yig las
 skyes ni rdo rje zhes pa lhag ma'o/ /ci 'dra ba'i kye'i rdo rje sgom pa zhe na gsungs pa/ rgyan kun zhes pa la sogs pa'o/ /rgyan rnams ni mgo bor gnas pa'i thod pa lnga dang 'khor lo can dang/ rna rgyan dang mgul rgyan dang/ lag gdub dang/
 ske rags dang thal ba dang mi mgo rlon pa'i phreng ba rnams dang stag gi pags pa'i gos te/ de yang shes rab dang bcas pa nyid na rgyab kyi cha kho nar ro/ /g.yon pa'i brla la zhabs g.yas pa'i rtse mo yang dag par bzhag nas skyil krung
 phyed ba can no/ /spyan rnams dmar zhing zlum pa'o/ /'jigs byed ni 'jigs su rung ba'i gzugs can gyi ro'o/ /rdo rje kha TwAM ga ni rdo rje rtse gsum pas mtshan pa'i kha TwAM ga ste/ mchod phyir thogs bzhin du gzung ba'o/ /thod pa ni khrag
 chen pos gang zhing rdo rjes mtshan pa'o/ /rdo rje nag po ni rtse mo lnga pa 'bar ba'i 'phreng ba can yang dag par gsor ro/ /sgrogs pa'i bdag nyid ni sgrogs pa'i ngang tshul can no/ /dur khrod ces pa ni 'dir gnas so/ /zhes pa wa sa na ste gnas
 yin zhing sha wA nAM ba sa na ro rnams kyi gnas ni dur khrod do zhes pa'i lnga pa'i cha la wa'i cha ma nyid du dang/ phyi ma'i tshig la wa sa'i cha shar 'gyur te/ yi ge sgyur pa'i nges tshig gis so/ /der de rnams kyi gnas pa'i bya ba ci zhe na/ 'chag
 pa dang gnas pa dang nyal ba dang 'dug pa rnams te/ mgo med pa dang dbyangs pa dang 'gyel ba dang/ gsal shing gis phug pa la sogs pa rnams kyi rim pa ji lta ba bzhin no/ /'di ni dgongs pa'i yin te ji ltar dur khrod na ro rnams
 bdag med pa de ltar thams cad la'o zhes pas bdag med par sems can thams cad gnas pa ni dur khrod de/ sems can rnams sems can gyi rang bzhin gyis stong pa dang/ sems can gyi gnas rnams kyang sems can gyi gnas
 rnams kyi rang bzhin gyis stong pa'o zhes pa dur khrod kyi don to/ /de nas gnas de kho nar dmigs pa med pa'i snying rje chen po dang shes rab chen po'i bdag nyid byang chub kyi sems chen po phyag rgya chen po'i rang bzhin bcom ldan 'das rol bar
 rigs so/ zhes pa'o/ /lha mo ni rdo rje drag mo la sogs pa rnams so/ /brgyad nyid ni gling bu ma la sogs pa'i lha mo brgyad rnams nye bar mtshon pa ste/ de'i phyir lha mo bcu drug gis yongs su bskor ba'o/ /de ltar phyag bzhi pa dang phyag drug
 pa dag kyang grub ste/ khyad par rgyud du gsungs pa yang blta bar bya zhing/ go cha la sogs pa chad par 'gyur ba rnams kyang rtogs par bya'o/ /de lta na yang phyag gnyis pa bsgom pa na phyag rgya chen po'i dngos grub srid pa kho na'o/ /skabs su dang
 mthar yang phyag rgya'i rnal 'byor gyi rjes su 'brang ba las bdag med ma bsgom pa na bzhin no/ /de ltar na 'khor dang bcas pa'i bcom ldan 'das rdzogs pa na go cha la sogs pa dang ye shes sems dpa' gzhug pa dang dbang bskur zhing rgyas
 gdab pa dang/ mchod pa dang bstod pa dang bdud rtsi myang ba'i bar ma chad du/ shin tu dga' ba'i rnal 'byor ma zur mig lta ba dang bstod pa'i zil gyis zur mig lta ba la sogs pas dgongs pa nye bar ston cing rjes su chags pa lhag pa las ba spu
 ldang ba dang 'dar ba la sogs pa 'thob pa rnams bcom ldan 'das la nye bar phyin nas skyes bu 'dod pa bzhin rjes su gnas te/ de la thog mar sa rdo rje ma 'khyud par byed cing/ de nas de las gzhan rnams de'i
 rjes su 'jug ces pas lhan cig skyes pa'i bde ba chen po skabs su 'bar ba kho na'o/ /gzhan rnams la yang ji ltar rigs par rim pa 'di rtogs par bya'o/ zhes pa bsdus pa'i cho ga'o/ /bar ma ni chos 'byung gi nang du chu skyes dang sna tshogs
 rdo rje la gnas pa'i gzhal yas khang gi nang du ro la sogs pa bsgom pa la lnga ma bzhin no/ /rgyas pa dang bcas pa ni par ma bsgom pa'i de ma thag tu dkyil 'khor pa dang bcas pa'i dkyil 'khor gyi dang po rdzogs pa na phyag bcu drug
 pa bzhin du zhu ba la sogs pa'i rim pa las shes par bya'o/ /'jig rten gsum kun tu bskyod pa bcom ldan 'das kyang bdag med ma dang snyoms par zhugs par rtogs par bya ste/ bla ma kha cig rnams ni g.yung mo dang ngo zhe'o/ /
 gtso bor ni cho ga mdor bsdus pa'i dbang du byas pas he ru ka rnams so/ /bar ma'i cho ga'i dbang du byas nas bdag med ma'i dkyil 'khor ro/ /rgya che ba'i cho ga'i dbang du byas pas zhal brgyad pa'i dkyil 'khor ro zhes pa'o/ /rnal
 'byor kun gyi bdud rtsi zhes pa 'chad par 'gyur ba'i rnal 'byor rnams thams cad kyi gang bar byed pa nyid kyis bdud rtsi'i cho ga'o/ /phyag bzhi pa'i khyad par brjod pa'i ched du gsungs pa/ de nyid ces pa la sogs pa ste/ dga' ba
 bzhi'i rang bzhin ni/ dga' ba bzhi rnams ro gcig pa nyid du 'char ba'i phyir ro/ /de'i rang bzhin nyid kyis na bdud bzhi rnams las rnam par rgyal ba rnam par dag pa'o/ /des kyang phyag bzhi pa nyid do/ /sku la 'khyud ces pa
 shes rab ma'i sku la gang gis lus 'khyud pa de bsgom par bya'o/ /phyag drug pa'i khyad par brjod pa'i ched du gsungs pa/ dang po zhes pa la sogs pa ste/ stong pa zhes pa cho ga lhag ma nye bar mtshon pa'o/ /cha med pa ni
 rdo rje sems dpa' ste/ don dam par spros pa thams cad dang bral ba nyid kyi cha bya bar mi nus pa nyid kyi phyir ro/ /ci ltar zhe na gsungs pa/ zla ba zhes pa la sogs pa ste/ hUM yig ni phyag drug pa bsgom pa kho nas rgyu rdo rje 'dzin pa'i ngo bo
 nyid kyi phyir zla ba'i dkyil 'khor can nyid de/ 'bras bu'i ngo bo ni he ru ka gsum char yang nyi ma'i dkyil 'khor can rnams so/ /phyag drug pa ni pha rol tu phyin pa drug rnam par dag pa'o/ /dkar min ni nag po ste khros pa'o/ /dang yig las
 bdud rtsi lnga pa ste/ thod pa bdud rtsi lngas gang ba'o/ /phyag g.yon pa rnams kyis rdo rje dril bu dang gzhu dang thod pa 'dzin pa/ g.yas rnams kyis rdo rje dang mnga' dang rtse gsum pa'o/ /shes rab rdo rje lcags sgrogs ma ni bcom ldan 'das kyi
 gzugs can te/ de la rdo rje dang rdo rje dril bu dang ldan pa'i phyag gnyis kyis 'khyud pa'o/ /b+ha ga'i dbus su zhes pa/ b+ha ga ni chos 'byung ste/ rdo rje gur gyi nang du dur khrod kyis yongs su bskor ba'i chos 'byung dang chu skyes dang sna tshogs rdo rje la
 gnas pa'i khang pa brtsegs pa'i dbus su sna tshogs chu skyes kyi lte ba la gnas pa'i ro'i snying gar gnas pa'i thod pa khrag gis bkang ba'i steng du nyi ma la bcom ldan 'das shes rab dang bcas pa bsgom par bya'o/ zhes pa'i don to/ /ldan
 pa ni 'dus par ji ltar 'gyur ba ltar ro/ /lha rnams dang ni gling bu ma la sogs pa'i lha mo rnams dang ngo/ /phyag rgya rnam bsgom bya zhes mdor bstan pa rgyas par ston to/ /'dab ma dag gis shes pa 'dab ma brgyad rnams la lha mo
 brgyad bri zhes pa bri bya'i dkyil 'khor la yang de ltar zhes pa dgongs pa'o/ /shar gyi 'dab mar rdo rje drag ma dkar mo g.yon dag na gzhu dang thod pa dag ste/ g.yas pa dag na mnga' dang lcags kyu dag go /lhor rdo rje
 gzugs ma ser mo g.yas pa dag na mdung dang rdo rje dag /g.yon pa dag na thod pa dang zhags pa dag go /nub du rdo rje chags ma dmar mo g.yas pa dag na ral gri dang rdo rje dag /g.yon pa dag na thod pa dang dril bu dag go /byang du rdo rje zhi
 ba ma ljang gu mu su Na DI ni thal sbyar ram phub ces gzhan rnams te/ mthe'u chung dang mtheb chen dag bskum nas sor mo dbus ma gsum bsgreng ba ni ba dan gsum pa'o/ /dbang ldan du rdo rje gnod sbyin ma dkar ser mo'o/ /me'i phyogs su rdo
 rje mkha' 'gro ma ser dmar ma'o/ /rdo rje zhi ba ma la sogs pa gsum gyi g.yon pa dag dang g.yas pa dag tu rim pa ji lta bar phyag mtshan dgong do/ /bden bral du sgra rdo rje ma dmar zhing sngon mo'o/ /rlung du sa rdo rje ma ljang dkar ma ste/
 bum pa dang rdo rje dang dril bu dang thod pa zhes pa bzhi'i 'di dag gi g.yas pa gnyis su dang g.yon pa gnyis su rim pa ji lta bar phyag mtshan rnams so/ /rdzas ni bdud rtsi lnga'o/ /nye bar sdud de/ 'dab mar zhes pa la sogs pa'o/ /
 bde ba chen po ni rdo rje 'dzin pa'o/ /rol cha zhes pa ni rol cha dang ldan pa'i lha mo'o/ /de la 'dab ma brgyad kyi lha mo rnams las phyi rol tu dbang ldan du gling bu ma'o/ /mer bi wang ma'o/ /bden bral du mu kun ma'o/ /rlung du rdza lnga/
 ma'o/ /bzhi po 'di rnams phyag gnyis ma spyan gsum ma/ zhal gcig ma phyag dag gis rang rang gi rol cha sgrogs pa ral pa'i cod pan can skyil krung phyed pas gar stabs can rim pa ji lta bar dmar ba dang ser ba dang dkar ba dang
 du ba'i kha dog can ma'o/ /shar sgor rdo rje lcags kyu ma nam mkha' sngo bsangs ma/ zhal g.yas pa nag po g.yon pa dkar po can/ phyag g.yas pa gsum rnams na lcags kyu dang ral gri dang 'khor lo rnams te/ g.yon pa rnams
 na zhags pa sdig mdzub dril bu rnams so/ /lhor rdo rje zhags pa ma dkar ser ma/ zhal g.yas pa nag po/ g.yon pa dmar po phyag g.yas pa rnams su zhags pa rdo rje ral gri rnams dang/ g.yon pa rnams su 'khor lo dril bu/
 sdig mdzub dang bcas pa'i zhags pa'o/ /nub du rdo rje lcags sgrog ma dmar mo/ /zhal g.yas pa nag po g.yon pa dkar po/ g.yas pa rnams na rdo rje dang lcags sgrog dang rdo rje ral gri rnams g.yon pa rnams na 'khor lo dang dril bu dang lcags
 kyu rnams so/ /byang du rdo rje dril bu ma ljang gu zhal g.yas pa nag pa/ g.yon pa dkar po/ g.yas pa rnams su dril bu dang rdo rje dang ral gri rnams/ g.yon pa rnams na 'khor lo dang lcags kyu dang zhags pa rnams so/ /lha mo bcu drug po 'di
 rnams ni/ dmar zhing zlum pa'i spyan gsum ma/ gtso bo la gzigs pa/ mgo bor gnas pa'i thod pa lnga dang 'khor lo can la sogs pa dang rkang gdub la sogs pas brgyan ma stag gi pags pa'i sham thabs can/ gar gyi nyams/
 dbus gar thabs can ma khrag gyis gang ba'i thod pa la gnas pa'i nyi ma'i steng du ste/ gling bu ma la sogs pa'i lha mo bzhi rnams las gzhan rnams dbu skra dmar ser gyen du 'bar ba'o/ /gling bu ma la sogs pa brgyad rnams kyi thod/
 pa'i 'og tu sna tshogs pad+ma rnams/ /de la sgo skyong ma rnams g.yas brkyang gi zla bas bzhugs pa rnams te/ gzhan rnams skyil krung phyed pas so/ /nye bar sdud de/ b+ha ga'i dbus su bsgom par bya zhes pa'o/ /oM A(rgyud 'grel zhes pa phyag gnyis pa la sogs pa he ru ka gsum gyi bzlas pa bya ba'i sngags so/ /so so'i sngags ni 'chad par 'gyur te/ lha mo bcu drug po rnams kyi yang ngo/ /yi ge gcig ni bskyed pa'i sa bon te/ bcom ldan 'das
 shes rab dang bcas pa'i hUM dang/ 'dab ma'i lha mo rnams kyi h+rI(rgyud 'grel pa ni bzlas bya'i sngags mdor bstan pa ste/ oM A(rgyud 'grel sngags oM A(rgyud 'grel dang brjod par bya'o/ /rdo rje ni hUM las skyes shing hUM yig gis byin gyis brlabs pa rtse mo oM yig gyis byin gyis brlabs pa'o/ /pad+ma ni h+rI(rgyud 'grel phyi rol gyi dga' ba la yang 'di ltar rjes su bsgrub par bya'o/ /de la shin tu chags pa'i bud med dang skyes pa dag gi shin tu dga' ba'i dga' ston gyi dus su 'dzin pa nus pa las khu ba shor ba ni de kho nas bzung nas bza' bar bya ste/ gang rdo
 rje bdud rtsi'i rgyud du gsungs pa/ lag pa de bzhin sor mo yis/ /gnas de nas ni phyung mi bya/ /rmyongs pas gal te de lta bur/ /byed na phyung nas nyams 'gyur te/ /kha nyid kyis ni rtag blang zhing/ /lce yis rol pa de bzhin no/ zhes
 so/ /'di ni mchod pa mchog kyang yin no/ zhes gsungs pa/ me tog dri yis mchod par bya ste/ khu ba dang rdul rnams kyis so/ /phyi rol gyi dri la sogs pa rnams kyis kyang/ dang ba'i don du'o/ /b+ha ga zhes pa shes rab ma nye bar mtshon
 pa'o/ /bzlas pa ni rdo rje bzlas pa la sogs pa 'chad par 'gyur ba'o/ /de kho nar te rdo rje dang pad+ma sbyor ba kho na la'o/ /ji skad du gsungs pa/ b+ha gar ling ga rab bzhag nas/ /yang dang yang du sngags bzlas bya/ /rnal 'byor pa yis rtag
 spro ste/ dkyil 'khor las ni dkyil 'khor rnams/ zhes so/ /phyag gnyis pa la sogs pa'i dkyil 'khor gsum po 'di'i mngon par rtogs pa'i rim pa ni 'di lta ste/ dang por ro la gnas shing snying gar re pha las skyes pa'i nyi mar hUM
 las skyes pa'i he ru kar bdag nyid rnam par bsgoms te/ snying ga'i sa bon gyi 'od zer rnams kyis bkug pa'i rje btsun ma lha mo brgyad po rnams kyis yang dag par mchod nas/ sdig pa bshags pa la sogs pa nas ji srid btang
 snyoms kyi bar gyi de ma thag par/ oM shU n+ya tA dz+nyA na badzra swa b+hA wa At+ma konyahaM zhes pas stong pa nyid bsgoms te/ re pha las skyes pa'i nyi ma la hUM las skyes pa'i sna tshogs rdo rje dang/ de'i 'od zer la sogs pa bsam shing/ dur khrod
 brgyad kyi dbus su sna tshogs chu skyes dang ro ni snying gar nyi ma la a phreng dang ka phreng las skyes pa'i zla ba dang nyi ma hUM las skyes pa'i rdo rje dang hUM yongs su gyur pa'i phyag gnyis pa'am phyag bzhi pa 'am phyag drug pa rang rang gi sa bon las skyes
 pa'i lha mo'i 'khor los yongs su bskor ba bsgom par bya'o/ /de nas mig dang rna ba dang sna dang lce dang reg byed dang yid rnams la gti mug rdo rje ma dang ser sna rdo rje ma dang phrag dog rdo rje ma dang bdag med ma rnams dang/ sku dang gsung dang thugs
 rnams la mkha' la spyod ma dang sa spyod ma dang bdag med ma rnams rim pa ji lta bar bsam par bya ste/ 'di rnams kyang nag mo'i gri gug dang thod pa'i phyag can zla ba la gnas pa rnams so/ /sprul pa'i 'khor lo la
 sogs pa rnams su aM hUM oM haM yig sngon po dang nag po dmar po dang dkar po rnams so/ /de'i rjes su snying ga'i sa bon gyi 'od zer rnams kyis ye shes sems dpa' i dkyil 'khor bkug ste/ rang gi snying po'i sngags kyis byin gyis brlabs
 pa'i mchod yon dang zhabs bsil sngon du 'gro bar/ dza(rgyud 'grel kyis sangs rgyas rnams bkug la ma mo brgyad rnams kyis yang dag par mchod te/ oM a b+hi Shiny+tsan tu mAM sarba ta thA ga tA:/ zhes gsol ba btab pa'i de ma thag tu/ de rnams kyi bdud rtsi lnga'i bum pa rnams kyis dbang bskur bar bya zhing
 rgyas gdab par bya'o/ /de la bcom ldan 'das dang bcom ldan 'das ma mi bskyod pas dang/ rdo rje drag mo la sogs pa rnams ni rdo rje sems dpa' i dkyil 'khor du 'chad par 'gyur ba'i mi bskyod pa la sogs pa rnams kyis so zhes bya ba sbyor ba dang
 po'o/ /de nas cho ga ji lta bar bdud rtsi myang par bya'o/ /sgyu ma ji lta bzhin rmi lam bzhin/ /bar do'i srid pa ji lta bar/ /de lta kho nar dkyil 'khor snang/ /rtag tu goms pa'i rnal 'byor las/ /shes pa dkyil 'khor rgyal po mchog
 gi ting nge 'dzin to/ /de'i rjes su de bzhin gshegs pa la sogs pa dkyil 'khor gyi 'khor lo sprul ba rnams kyis rdzogs pa'i sangs rgyas su byas pa'i 'gro ba ji ltar rigs par rang gi lus la nang du gzhug par bya'o/ /rang gis
 'khyud pa'i lha mo la ni de las gzhan pa'i rnal 'byor ma rnams te/ de dang lhan cig dga' ba de nyams su myong ba las lte bar phyir 'byung ba'i rlung gis bskul ba'i gtum mo rab tu gtum pa'i me'i re khA drang po'i gzugs kyi 'od kyis bsregs pa/ ri bong
 can thig le'i gzugs kyis 'jug pa'i rlung dang lhan cig 'dzag pa gtum mo dang lhan cig gcig tu gyur pa ni lhan cig skyes pa'i bde ba nyams su myong zhing rim gyis lte ba'i dkyil 'khor du lhung bzhin pa ni dmigs pa med par 'gyur te/ de
 ltar yang dang yang du'o/ /de nas rlung lte bar 'gags par lhag par mos nas thig le tsam du blta ste/ thig le de'i dbus su yud kyis rdzogs pa'i dkyil 'khor gyi 'khor lo rjes su dran par bya'o/ /de de ltar 'di lta bu'i dkyil 'khor gyi 'khor
 los sgyur ma'i rang bzhin du bsgom par bya'o zhes pa las rgyal po mchog gi ting nge 'dzin to/ /bsgom pas skyon ji lta ba'i rang gi sngags 'chad par 'gyur pa bzlas par bya'o/ /yang rdo rje gur bsgom pa'i de ma thag tu yud kyis bltas pa'i 'dod
 pa'i lha yongs su gyur pa'i chos 'byung gi nang du sna tshogs chu skyes kyi lte ba la sna tshogs rdo rje'i lte bar cho ga ji lta bar rlung gi dkyil 'khor la sogs pa la skyes pa'i gzhal yas khang dur khrod brgyad po 'jig rten gyi khams thams cad bdag med pa nyid gsal
 bar byed pa rnams kyis yongs su bskor ba bsgom par bya'o/ /gzhan ni snga ma bzhin no zhes pa'o/ /dang la yang dag par sbyor ba'i rgyud kyi rgya cher 'grel pa/ /man ngag ste mar snye ma bdun pa'o// //de ltar bcom ldan 'das kyis
 sgrub thabs kyi cho ga nye bar bstan nas 'khor lo la sogs pas zhi ba la sogs pa'i don du lha sna tshogs bsgom pa la 'jug par byed de/ nyon cig ces pa la sogs pa'o/ /rdo rje ni rdo rje snying po ste/ 'jigs pa ni 'jigs sde'o/ zhes pa bzhin no/ /
 'khor los bsgrub bya zhes pa zhi ba dang rgyas pa dang dbang du bya ba dang srung ba dang mngon spyod de/ /khyad par du ni kha dog la sogs pa'i khyad par gyis so/ /zhi ba ni da ltar ba'i gnod pa byed pa'o/ /srung ba ni
 'byung bar 'gyur ba'o/ /re mig dgu sogs 'khor lo yi/ /zhes pa rtsibs brgyad rnams lte ba dang lhan cig mig dgu gang gi yin pa de yang yin la yang dang po yang ste 'chad bar 'gyur ba'i 'khor lo la bltos
 pa ste/ 'khor lo yang ngo/ /de'i phyi rol mu 'khyud de/ /las kyi kha dog sogs zhes pa las dang rjes su mthun pa'i mdog tu bsam pa la sogs pa bsgom par bya'o/ /'di'i zhes pa sngags kyi sa bon tA la sogs pa'i sa bon
 rnams so/ /kun gyi ste shar dang me la sogs pa'i re mig rnams la phyag 'tshal te/ oM dang/ sreg pa ste swAhA dang/ de'i mdza' bri ba hA'o/ /dbus su ming zhes pa lte ba la oM dang hA yig dag gi dbus su bsgrub bya'i ming
 bsrungs kyi ngag dang bcas pa'o/ /mnyam nyid ye shes ni stong pa nyid kyi ye shes so/ /de kho na stong pa ste de dang ldan par bdag nyid kyis gcig pa'o/ /mnyam nyid kun rig stong pa nyid kyi
 ye shes ni srung ba mchog ste gnas su dang/ 'khor lor bsgom pa'o/ /de'i phyir de sbyar bar bya'o/ /de ltar gyur na srung bar 'gyur te/ ye shes can rnams kyi'o/ /'jigs pa ni nye bar 'che ba byas pa ring po ste 'gyur ba ma yin
 zhes pa'i don to/ /de'i phyir dngos po med par te stong pa nyid du'o/ /sems can rnams zhes pa snod kyi 'jig rten nye bar mtshon pa'o/ /rnal 'byor dngos po ni lha rdzogs pa'o/ /mig la zhes pa mig dag la'o/ /sna la zhes pa sna
 dag la'o/ /mgo la sogs pa rnams kyi nang gi bug pa gnas pa'i yi ge rnams so/ /las rnams thams cad bsgrub par bya/ /zhes pa ni zhi ba la sogs pa rnams so/ /lha rnams thams cad ces kha cig tu klog ste/ lha rnams thams cad kyang zhes
 pa'i don te/ don ni 'di yin te/ chos thams cad stong pa nyid du bsam nas yud kyis skyes pa pad+ma dkar po dang zla ba la tAM yongs su gyur pa lte ba la tAM gis byin gyis brlabs pa'i utpa la ste/ de yongs su gyur pa las 'phags ma sgrol ma sems pa'i dkyil krung can
 rin po che la sogs pa sna tshogs pa'i rgyan can ma/ /phyag g.yas pa mi 'jigs pa dang/ g.yon pas utpa la 'dzin pa/ rnam par snang mdzad kyis rgyas btab par bdag nyid rnam par bsgoms nas/ ji skad bshad pa'i sngags rnams kyis go cha
 byas la/ snying ga'i chu skyes dang zla ba la gnas pa'i rtsibs brgyad pa'i 'khor lo'i lte ba la oM lhas byin srungs shig hA/ shar dang me la sogs pa'i rtsibs rnams la g.yas skor gyis/ tA re tut+tA re tu re swA zhes pa bsgom par bya'o/ /bcom
 ldan 'das ma dang pad+ma dang 'khor lo dang yi ge rnams dang 'od zer rnams kyi kha dog ni las kyis rjes su 'brang ba las shes par bya'o/ /de la zhi ba dang srung ba la dkar po'o/ /rgyas pa la ser po'o/ /dbang du bya ba la dmar po'o/ /mngon spyod
 la nag po'o/ /rang gi lus dang 'khor lo dang yi ge'i 'od zer mang po rnams kyis bsgrub bya khyab par bsam zhing sngags bzlas par bya ste/ o tA re tut+tA re tu re swAhA zhes pa'o/ /swAhA'i sngon du ji ltar rigs par spel tshig go /sngon du bsnyen pa'i
 dus su ni spel tshig mi bya'o/ /gro ga la ni pad+ma dang zla ba dang 'khor lo dang yi ge rnams byis nas/ gro ga dang bcas pa rnams steng gi bu ga nas nang du bcug ste snying ga'i pad+ma la sogs pa rnams dang gcig tu byas la/ 'og tu bcom ldan 'das
 ma'i pad+ma'i sgo nas phyung nas gzung bar bya ste/ mngon par 'dod par 'gyur zhing/ rigs pa'i rab tu gnas pa yang 'di ltar ro zhes pa man ngag go /cho ga 'di ni 'chad par 'gyur ba'i rnal 'byor dag la ji ltar
 rigs par rtogs par bya'o/ /dbang du bya ba'i las la ku ru kul+le khyad par du 'phags shing/ de ni bcom ldan 'das ma sgrol ma kho na ste/ stong pa nyid du bsgom pa'i de ma thag tu yud kyis pad+ma dmar po dang ro dang nyi ma la h+rI/ yig dmar po
 yongs su gyur cing des byin gyis brlabs pa'i utpa la dmar po yongs su gyur pa'i ku ru ku l+le dmar mo zhal gcig ma/ spyan gsum g.yo la dmar zhing zlum pa dbu skra dmar ser gyen du brdzes pa/ 'od dpag tu med pas rgyas btab pa/ spyi bor
 gnas pa'i thod ba lnga dang 'khor lo la sogs pa'i rgyan can ma/ mgrin par 'phyangs pa'i mgo bo'i phreng ba can ma phyag bzhi ma/ g.yas pa dag gis utpa la dmar po kha 'bus pa'i mnga' dang me tog dmar po las byas pa'i lcags kyu dang g.yon
 pa dag gis me tog dmar po'i gzhu dang utpa la dmar po 'dzin ma/ skyil krung phyed pas gar byed par bsam nas/ rang gi snying gar nyi ma la gnas pa'i 'khor lo'i yi ge'i 'od zer rnams kyis bkug pa'i bsgrub bya slang bar gyur cing khyab
 pa utpa la'i mgul par bcings te/ skyes pa la ni snying gar dang bud med kyi skye gnas su lcags kyus gzir zhing mda'i dra ba rnams kyis 'bug pa bor bdag nyid sbom par byed cing dbang du bya ba'i don du sngags bzlas par bya'o/ /'khor
 lo ni 'chad par 'gyur ba'i zur drug pa pad+ma 'dab ma brgyad pa dang nyi ma la gnas pa ste/ rtsibs rnams la oM ku ru ku l+le swA dang/ dkyil du h+rI(rgyud 'grel 'chad par 'gyur ro/ /bcings pa dang zhi ba la sogs pa rnams la ji ltar rig par chog rtogs par bya'o/ /'jigs pa zhes pa sbrul rnams kyi'o/ /rims dang blo bur du 'chi ba dang dug zhi bar byed ba la 'di dkar mo'o/ /srung ba 'di ni zhes
 pa 'di yang de yin la srung ba yang ngo/ zhes byas nas so/ /sngags pa'i zhes pa ye shes can ni brgya phrag gcig gis te de rnams ni snying rje dang ldan pa nyid kyi phyir ro/ /shes rab kyi 'khor lo gsungs pa/ 'dabs brgyad ces pa la sogs pa'o//
 'dab ma ni rtsibs so/ /sngon ni sgrol ma'i 'khor lo'o/ /sngon du gsungs pa ni dgod pa la sogs pa'i tshogs so/ /yang na/ dang por stong nyid rnams bsam nas/ /lus can rnams kyi dri bkrus te/ /gzugs khams shes pa/ zhes pa la
 sogs pa pa'i mtshan nyid yang dag ldan pa'i mnyam nyid ngo bo zhes 'brel te/ sngar gsungs pa'i rigs pas so/ /'di ni ste 'chad par 'gyur ba'o/ /gus shing gus pas ni yang dang yang du bsam pa phul du byung ba dang bcas so/ /shes
 rab bdag nyid ces te bdag nyid shes rab kyi pha rol tu phyin pa'o zhes bsgom par bya'o/ /bzlas byas te bzlas pa las so/ /sa bon ni sngags so/ /shes rab spel ba'i sbyor ba ste shes rab kyi pha rol tu phyin pa'i 'khor lo'i sbyor ba'o/ /don
 'di yin te/ stong pa nyid kyi bar ma chad par pad+ma dkar por zla ba la hUM las skyes shing byin gyis brlabs pa'i chu skyes dang shes rab kyi pha rol tu phyin pa'i po ti yongs su gyur pa'i shes rab kyi pha rol tu phyin ma dkar mo sems dpa' i skyil krung
 can rin po che la sogs pa'i rgyan can mi bskyod pas rgyas btab pa phyag gnyis ma/ shes rab kyi pha rol tu phyin pa'i po ti yis mtshan pa'i pad+ma gnyis g.yon pa dang g.yas pa'i logs dag tu nang du bsgreng ba gru mo gnyis kyis gzung nas/
 phyag dag gi chos 'chad kyi phyag rgyas gnas par bdag nyid bsgom par bya'o/ /'khor lo la yi ge dgod pa ni sgrol ma'i sngags bzhin no zhes pa'o/ /gti mug la sogs pa'i nyon mongs pa'i 'jig pa'i ched du rnam par
 snang mdzad la sogs pa'i rnal 'byor gsungs pa/ zla ba zhes pa la sogs pa ste/ yi ge ni bum yig go /'khor lo dril bu g.yas pa dag tu'o/ /don 'di yin te stong pa nyid kyi bar ma chad du sna tshogs su chu skyes dang khrag gis gang ba'i thod pa dang zla
 ba la buM yig las skyes shing byin gyis brlabs pa'i 'khor lo'i mchan ma las skyes pa rnam par snang mdzad dkar po ral pa'i cod pan can skyil krung phyed pa'i gar stabs can snying gar zla ba la gnas pa'i sa bon las skyes pa'i 'od zer dang bcas pa'i
 rang dang 'dra ba'i lha rnams kyis 'gro ba'i mi shes pa'i mun pa bsal nas sangs rgyas nyid la dgod par byed par bdag nyid bsam par bya'o zhes pa'o/ /phyi ma rnams la yang ji ltar rig par cho ga 'di'o/ /de nyid kyi phyir gsungs pa/ 'di yis zhes
 pa la sogs pa'o/ /'di'i sa bon oM ste mtshan ma ni rin po che cha dgu pa'o/ /rin po che zhes pa la sogs pa rnams kyis nga rgyal dang 'dod chags la sogs pa sel ba ni/ g.yas pa dag na rin po che dang lcags kyu'o/ /'od dpag tu med pa'i sa bon h+rI:- ste mtshan ma pad+ma'o/ /g.yas pa dag na mtsho
 skyes dang mnga' dag go /'dod chags zhi bar byed pa'o/ /don grub pa'i sa bon khaM dang mtshan ma ral gri ste/ g.yas pa dag na ral gri dang lcags kyu dag ste/ phrag dog zhi bar byed pa'o/ /mkha' i khams dang 'chad par 'gyur ba'i b+ha ga dang nam
 mkha' yang 'dir chos 'byung ngo/ /chos 'byung gi nang du 'jug pa ni 'chad par 'gyur ba'i rdo rje dbyings kyi dkyil 'khor ro zhes dgongs pa'o/ /de nyid kyi phyir gsung bar 'gyur ba/ gsang ba'i dkyil 'khor zhes pa'o/ /'dis ni rnam par snang mdzad
 la sogs pa'i lha brgyad dkyil 'khor du bsgom par bya ba rnams 'dir so sor gsungs pa'i phyir so sor yang ngo zhes gsal bar byed do/ /spyan ma la sogs pa bzhi rnams ni so sor bsgom pa na chos 'byung gi nang du pad+ma dang pad+ma'i snod dang zla ba la gnas par
 shes par bya'o/ spyan ma'i mtshan ma 'khor lo ste/ g.yas rnams na 'khor lo dang rdo rje dang ral gri dang mda' rnams so/ /bcon pan la thod pa lnga thod pa lnga rnams so/ /rnam par snang mdzad la sogs pa lha brgyad po rnams la yang ste/ 'khor lo can la sogs pa'i
 rgyan rnams kyang ngo/ /nad la sogs pa'i nye bar 'tshe ba zhi bar byed pa'o/ /mA ma kI'i mtshan ma rdo rje ste g.yas pa rnams su rdo rje dang rin po che dang 'khor lo dang pad+ma dang ral gri dang/ mda' rnams yin zhing/ 'jigs pa la sogs pa la rjes su 'dzin
 par mdzad pa'o/ /gos dkar mo'i mtshan ma pad+ma dang rdo rje dang ral gri dang mnga' rnams te/ nyams chung ba rnams rgyas par byed pa'o/ /sgrol ma'i mtshan ma utpa la dmar po ste/ g.yas pa rnams su utpa la dmar po dang ral gri dang lcags kyu
 dang mnga' rnams te sdang ba la sogs pa rnams dbang du mdzad pa'o/ /nye bar bsdud de/ zhes pa 'di lta bu'i rnam pa'i thabs rnams kyis gzhan gyi don byed cing rab kyi mthar thug pa ni rdo rje 'dzin pa dang mnyam par 'gyur ro/ /dpal yang dag par sbyor ba'i
 'grel pa man ngag snye mar snye ma brgyad pa'o// //he ru ka mngon par 'byung ba'i skabs byed de/ nyon zhes pa la sogs pa'o/ /de kho na nyid ni rgyu dang 'bras bu'i ngo bo ste/ gnyis gnyis dga' ba zhes pa la sogs pas 'char
 par 'gyur ba yang ngo/ /mkha' 'gro ni bcom ldan 'das so/ /mkha' 'gro ma ni lha mo rnams so rdo rje sems dpa' i zhes pa dang por rdo rje sems dpar gyur nas rdo rje can de ni rgyu rdo rje 'dzin pa ste/ slar yang rdo rje nyid de 'bras bu rdo rje 'dzin par 'gyur ba'o/ /'di ni mdor bstan pa/ /
 'di'i rgyas par ston pa zla ba zhes pa la sogs pa'o/ /zla ba'i dkyil 'khor la A li kA li'i sa bon phreng ba ni rgyu rdo rje 'dzin pa rdzogs pa'i ched du'o/ /zla ba'i dkyil 'khor can nyid kyis 'di sku mdog dkar po nyid du gsal
 bar byed do/ /'dir bcom ldan 'das kyis skye ba'i rim pa ma bstan te/ snga ma dang khyad par med pa nyid kyi phyir ro/ /de ltar ni 'dir yang dang por ro ni bsgom par bya zhes pa la sogs pa bsgom par bya'o/ /'dir gzhan pa ni hUM yig yongs su gyur pa las
 thod pa'i mtshan ma dang/ rnam pa lnga mngon par byang chub pa'i rim pa la yang hUM yig dang a(rgyud 'grel phyir na/ rgyu rdo rje 'dzin pa'i 'ang sa bon 'di gnyis kho nar rtogs par bya'o/ /'di rig ma dang bcas pa'i yang bsrub cing bsrub pa'i sbyor ba las dga' pa la sogs pa'i bde ba nyams su myong nas/ byang chub sems kyi thig le las byung ba'i rang gi sa
 bon las skyes pa'i lha mo rnams ji lta ba'i gnas su bsgom par bya'o/ /lha mo rnams kyi sa bon dang mtshan ma la sogs pa ni 'bras bu'i dkyil 'khor dang mtshungs par rtogs par bya'o/ /de ltar lha mo rnams byung nas 'dod chags chen po las man
 ngag ji lta bar lha mo dang lhan cig zhu ba'i ngo bo nyid du gyur te/ de nas puk+ka sI la sogs pa rnams thim pa'i ting nge 'dzin las bslang ba'i phyed du skul bar byed do/ /de la dang por puk+ka sI yis skul bar byed de/ rje btsun thugs rje'i yid can zhengs
 par gyur pas puk+ka sI bdag la skyobs shig /ci ltar zhe na/ bde chen ni thar pa chen po'i bde ba ste/ de'i don tu sbyar ba ni zhu ba las byung ba'i kye'i rdo rje'i sku'o/ /des bdag la bzhed mdzod de rol par mdzod cig pa'o/ /stong pa'i rang bzhin te zhu ba'i ngo bo
 nyid spongs shig pa'o/ /de nas ri khrod mas khyod med na ste bral na bdag 'gum pa ste/ kye'i rdo rje khyod bzhengs shig /stong pa'i rang bzhin nyid de zhu ba'i ngo bo nyid spongs mdzod la/ ri khrod ma 'bras grub par mdzod/ de nas gtum mas/ dga' gtso 'jig rten
 sangs rgyas nyid du mgron gnyer nas/ stong par te zhu ba'i ngo bor ci'i phyir na bzhugs/ gdol pa mo bdag zhu bar bgyid/ ci zhe na/ khyod med phyogs ni mi mtshal ba ste mun pa tsam du mthong ngo zhes pa'i don to/ /de nas g.yung mos/ mig 'phrul
 mnga' ba khyod bzhengs shig /ngo bo sna tshogs mdza' dag kyang khyod kyi 'di mig 'phrul lo/ /g.yung mo bdag ni sprin te grong khyer pa'o zhes dgongs mdzod/ bdag bslu bar mi nus pa'o/ /de'i phyir mi smra ba kho nar zhu ba'i ngo bo nyid kyis snying rje rgyun chad
 ma mdzad cig pa'o/ /'dir yang bcom ldan 'das ni stong pa nyid dang ro gcig pa'i ting nge 'dzin ma yin te/ 'on kyang shes rab dang thabs kyi bdag nyid kho na'o/ /de lta na yang stong pa nyid kyi rang bzhin spongs zhes pa la sogs pa'i tshig ni 'gro ba'i don
 mi byed pa'i phyir rim gyis stong pa nyid du lhung ba srid pas blta bar bya'o/ /'dir yang rang rang gis bskul ba'i bar ma chad du lha mo rnams zhu ba la rjes su zhugs par blta ste slar yang 'byin pa'i tshig las so/ /bskul ba'i bar ma chad du zhu ba'i ngo bo'i bcom
 ldan 'das kyis dngos po mdza' dag sgyu ma lta bur yang dag par rigs pas A(rgyud 'grel par mdzad pa rdzogs shing de lta kho nar lha mo rnams spro'o/ /de la lha mo rnams kyi sa bon ni gaM tsaM baM g+haM paM shaM laM DaM ste/ 'byin pa'i sngags kyang 'di rnams kho na ste/ sa bon rnams kyis dbyung bar bya zhes gsungs pa'i phyir ro/ /bdag po dga' ma zhes pa/
 bdag po ni bcom ldan 'das te dga' mo ni bcom ldan 'das ma'o/ /de dag kyang sa bon bdag gi spro'o zhes sprel lo/ /sa bon gnyis po de nyid gsungs pa/ hUM a:- zhes pa'o/ /'bar 'khrugs sngon po dag /ces pa pad+ma'i
 nang du son pa'i sems kyis zhu ba'i rang bzhin dag gis te/ 'bar bas 'khrugs pa ste drag pa'ang de rnams yin la/ sngon po dag kyang ngo zhes pa'o/ /gsum pa ni gnyis kyi tshig ni 'byin pa la bltos pas so/ /de la lha mo phyung ba rnams
 kyis 'gro ba'i don byas nas 'chad par 'gyur ba'i gnas su dgod bar blta bar bya zhing/ bcom ldan 'das ni bdag nyid kyi nang du chud par bya'o/ /dkyil 'khor rdzogs pa ston pa/ ma mo'i 'khor lo zhes pa la sogs pa'o/ /zhal rnams ni gdong pa rnams so//
 zhabs rnams ni brla dang byin pa dang/ rkang mthil tshogs pa rnams so/ /bdud bzhi rnams bcom nas kun tu mnan pa'o/ /de bcom pa pa ni blo gros rgya mtsho'i mdor gsungs pa/ de la phung po'i bdud ni chos thams cad sgyu ma bzhin du rtogs pas bcom mo/ /
 nyon mongs pa'i bdud ni stong pa nyid du nges par 'dzin pas bcom pa'o/ /'chi bdag gi bdud ni ma skyes shing mi skye pas bcom pa'o/ /lha'i bu'i bdud ni chos thams cad bsam du med par rtogs pas bcom pa'o zhes so/ /de lta phung po'i bdud gzugs
 na tshangs pa ser po dang/ nyon mongs pa'i bdud khyab 'jug nag po dang/ 'chi bdag gi bdud dbang phyug chen po dkar po dang/ lha'i bu'i bdud lha'i dbang po khams ser ro/ /'jigs pa'i zhes pa ni 'jigs par byed pa'i'o/ /khams gsum pa las
 'das pa'i rang bzhin yum la longs spyod pa'i phyir cher rol cing rnam pa sgeg pa'i nyams ni steg pa'o/ /bdud gnon pa'i phyir dpa' ba' o/ /mi mgo'i phreng ba la sogs pa'i rgyan 'dzin pa'i phyir ram gser bu nyid kyi phyir mi sdug pa'o/ /sgeg pa'i rjes su byed
 pa gang yin pa de ni rgod pa zhes grags so/ 'jigs pa'i dus su dus gcig tu shar ba'i nyi ma'i dkyil 'khor drag po rnams dang nye bar mtshungs pa'i spyan rnams kyis drag po'o/ /lha dang lha ma yin mdza' dag sgrag par byed pa'i gzugs nyid kyis 'jigs su
 rung ba'o/ /rnam par rtog pa mdza' dag pas nye bar mi mtshon pa'i bde ba chen po'i rang bzhin nyid na yang sngon gyi smon lam gyis 'jug pas rnam par spros ba'i sprul pa ma lus pa'i phreng ba rnams kyis skal pa ji lta bar 'gro ba la phan pa bsgrub pa'i phyir
 snying rje chen po'o/ /'gro ba las shin tu 'das par mtho ba nyid kyis na rmad byung ngo/ /'dod chags la sogs pa'i nyon mongs pa'i phung po zhi ba nyid kyi phyir zhi ba'o/ /ro zhes bya ba 'di ci zhig ce na/ gang 'di myang bar bya'o/ /ci ltar zhe na/ 'di la b+ha ga ta
 tas bshad pa/ ji ltar rdzas sogs sbyar ba yi/ /tshod ma mang po dang ldan pa'i/ /zan ni zan za'i skye bo rnams/ /za zhing myang bar byed pa ste/ /da ltar mi rnams bsam 'gyur tshul/ /phun tshogs gnas byed bsam gyur pa/ yid kyis myong bar byed de'i phyir/ /
 gar gyi nyams rnams su ni bshad ces so/ /gnas byed bsam 'gyur bdag nyid de/ thams cad sgag sogs ro ru 'dod/ /ro yi mdza' i bar du gnas par byed do/ /zhes pa gnas byed rnams te/ de rnams kyang b+ha ra ta yis/ rgod bro dga' dang mya ngan dang/ /khro
 dang spro ba de bzhin 'jigs/ rmad bya ngo mtshar zhes pa ni/ /gnas byed bsam 'gyur rab tu bsgrags/ /sna tshogs tshul dang 'brel ba yi/ /ro 'di gang phyir bsam 'gyur byed/ /de phyir 'di rnams bsam 'gyur bar/ /gar sbyor rnams kyis shes par bya//
 gang phyir don la mngon phyogs par/ /'dren pa de phyir tshul yin no/ /sdud dang lus ngag snying stobs kyi/ /dbye bas de nyid tha dad 'dod/ /de la sgeg pa'i tshul ni sna tshogs pa mchog tu gsal ba'i gos dang byug pa dang phreng ba dang so d+hi dang rgyan la sogs pa ni
 kun nas sdud pa'i tshul lo/ /de la kun nas 'bigs dang bcing bya dang/ /bskon bya btags bya nyid kyang ste/ /rgyan gyi gar ni rnam pa bzhi/ /phreng du bya ba rnam lngar bshad/ /kun nas 'bigs pa rna rgyan sogs/ /rna ba dag la sgrub
 pa yin/ /rked rgyan skud pa dpung rgyan sogs/ /bcing bar bya ba rnams su bstan/ /rkang gdub rkang rgyan bcas pa dang/ /rkang 'ching gos kyi rigs rnams ni/ /bskon bya gser gyi skud sogs dang/ /do shal la sogs gdags byar 'dod/ /dkris dang rdal ba
 nyid dang ni/ /bsdu dang de bzhin mdud par ldan/ /spyangs pa phreng du bya ba ni/ /rnam lngar mkhas pas shes par bya/ /dga' bas cung zad blta ba dang/ /smin ma bskyod pa dang zur mig la sogs pa'i ni/ /ngo bo ni rol pa dang lus sgyur gyi 'gyur ba dang lus kyi
 tshul lo/ /tshig snyan pa rnam par 'god pa dag gi tshul lo/ /rab gsal ngo bo snying stobs te/ /snying stobs las ni bsam 'gyur 'byung/ /spu ldang thim dang rengs pa dang/ /rtul dang mdog 'gyur 'dar ba dang/ /dbyangs dbye mchi ma de rnams 'dir/ /ming
 brgyad rnams kyis tha dad pa'o/ /dga' dang mya ngan 'jigs dang grang/ /zhes pa spu long rgyu rnams so/ /brgyal dang sems ni rmongs gyur pa'i/ /srog chags rnams kyi thim par 'gyur/ /shin tu dga' dang 'jigs dang khrod/ /nad rnams las ni rangs
 pa 'byung/ /dga' ba khro ba 'jigs pa dang/ /ngo tsha rjes chags de bzhin ngal/ /mnan pa dog pa bcas pa/ /rdul gyi rgyu ru shes par bya/ /grang dang khro dang 'jigs dang nad/ /dug ni mdog 'gyur rgyu rnams so/ /'dar ba'i grang dang dga' dag dang/ /rims
 dang 'khro ba 'jigs rnams so/ /mos dang bag med khro ba las/ /dbyangs kyi dbye ba yang dga' byung/ /dga' dang phrag dog nyen las byung/ /mchi ma yod ba rnam gsum nyid/ /gang yang ro gcig la mthong zhing/ /ro gzhan la yang mthong gyur ba/ /de rnams
 snying stobs dman nyid kyis/ /skyed pa 'khrul pa can rnams so/ /de rnams kyang yid 'byung ba dang ring ba can dang dogs pa dang mi bzod pa dang ngal ba dang snyoms las dang zhum pa nyid dang sems pa dang mongs pa dang dran pa dang blo gros dang tsha ba dang g.yo ba nyid dang dga' 
 ba dang kun tu skyo ba dang blun pa nyid dang khengs pa dang yi bsad pa dang 'dod pa dang brtan pa dang khro ba dang gnyid dang nyal ba dang sad pa dang bcos sped dang spungs che ba dang rjed byed dang/ gdung ba dang smyo ba dang 'chi ba dang skrag pa dang rtog pa zhes pa sum cu rtsa
 gsum mo/ /mgo dang lag pa rked pa brang/ /rkang pa logs dang yang dag ldan/ /yan lag nye ba'i yan lag ldan/ /yan lag drug pa'i gar bsdus pa'o/ /mgo dang logs dang brang dang rked pa dang lag pa dang rkang pa rnams ni yan lag drug rnams so//
 smin ma dang mig dang sna dang mchu dang 'gram pa dang os ko rnams nye ba'i yan lag go /lta stangs ni rnam pa sna tshogs pa ste de la cung zad rgod bcas ngo mtshar bcas lta bu/ /smin ma bskyod bcas zur mig dang ldan pa/ /mdza' ba gsal byed rab dga' gcig
 mthar thug /sgeg pa las skyes lta stangs su 'dir bstan/ /cung zad gyen zlog mig gis grang/ /steng gi mig lpags mdzes brdzes pa/ /mig zur mnyam par rgyas byas pa/ /ngo mtshar ba yi lta stangs 'dod/ /gang zhig dbus ni rlung phye zhing/ /skyabs ni rtag tu
 cher ma phye/ /mig rgyan mu ku la de 'gyur/ /reg pa 'dzin la rtag du'o/ /rdzi ma'i rtse mo g.yo bzhin pa/ /steng gi mig lpags snum mdzes pa/ /dri dang reg pa dga' ba la/ lta stangs mu gu lA ru 'dod/ /'jam la cung zhig bskums pa gang/ /cung zad
 'dzum zhing de bzhin mdzes/ /lta stangs rol pa zhes bya ste/ bud med rnams kyis phyed lta la'o/ /zhes pa sogs pa/ /lta stangs so drug bstan bcos su/ /bsam 'gyur ro yi rten rnams bshad/ /byed pa rnams ni khyad par las/ /brgyad kyis lhag pa'i brgya ru
 bshad/ lus sgyur sum cu rtsa gnyis te/ /de bzhin dbyung ba bzhi rnams so/ /de las cung zad bdag gis 'dir/ /slob mas rtogs pa'i ched du bshad/ /de rnams rgya cher des byas pa/ /b+ha ra ta sogs su shes bya/ /bsam pa'i 'gyur ba
 la sogs pa 'di rnams kyang ji ltar rigs par rgyud 'dir rtogs par bya zhing/ /khyad par du bcom ldan 'das kyi gar gyi kun tu bskyod pa'i bye brag rnams ni gom pa bskyod pa'i rgyud la sogs pa rnams su nye bar bsgrags te/ bdag gis rdo rje phreng bar rgyas
 pa dang bcas par rnam par phye'o zhes pas 'dir zhar byung rgya che bas chog go /'dis mgo bo'i phreng bas do shal byas pas ni de skad brjod do/ /gar stabs ni drag po'i gar ro/ /ji ltar 'jigs par byed par 'gyur ba de lta bu'i sku mdog nag pa'o/ /spro bar bya
 zhes pa ni spro bar byed pa'o/ /sku ni lus so/ /dga' ba ni dga' rtsed de khyad dga' i dga' ba'o/ /de kho na gnyis gnyis te rnam par rtog pa dang bcas pa nyid kyi phyir ro/ /de la snyoms zhugs pa ni de sngon du mngon du byed pa'i phyir ro/ /de kho na nyid 'dis cis phyag rgyar
 bya zhe na gsungs pa/ bdag med ma zhes pa/ bdag med ma dang lhan cig sbyor ba/ rba rlabs med pa ste spros pa med pa'i bde ba lhan cig skyes pa'i dga' ba'o/ /de thob pa ni thob par gyur pa'o/ /de kho na nyid 'dis ci zhig rgyas gdab ce na/ gsungs pa rba
 rlabs med pa'i rang bzhin can/ /spros pa thams cad kyi gnyen po nyid kyi phyir rba rlabs med pa gang rang gi ngo bo yin pa kye'i rdo rje'i ngo bo ste/ de 'di la yong bas na de skad bshad do/ /rnam par gcigs pa ni mche ba rnam par gcigs pa'o/ /nyi shu rtsa
 bzhi'i spyan gyis phyug pa ni zhal brgyad la/ so sor dmar la zlum pa'i spyan gsum pa nyid kyi phyir ro/ /tshigs bcad 'di'i rjes thogs su sgeg pa la sogs pa'i tshigs bshad cig rtogs par bya'o/ /zhal thams cad ni/ pa'i ro ste/ dkar po la zhi ba dang
 nag po la drag po dang lhag ma rnams la ji ltar rigs par ro/ /gshor ni thod pa chang gis bkang ba'o/ /thod pa khrag gis gang ba'o/ /rnam ba 'di lha'i cho ga yis shes pa bcom ldan 'das rdzogs pa'i cho ga byas nas/ phyung ba'i gau rI la sogs pa rnams
 dgod par bya'o/ /gau ri'i g.yon pa dag na gzhu dang ro hi ta'i nya dang bcas pa'i khrag gis gang ba'i thod pa'o/ /chom rkun ma'i g.yon pa dag na lcags kyu dang phag pa dang bcas pa'i khrag gis gang ba'i thod pa'o/ /rab rmongs ma ni g.yung mo ste/ de'i g.yon pa dag na
 bdud rtsi lnga'i thod pa la gnas pa'i lce sbyang dang/ sa 'don te thod pa'o/ /ro langs ma dkar po dang bsres pa'i ser po ste/ g.yon pa dag na thod pa gzung ba na chang dang gci ba dag dang g.yas pa khrag dang bcas pa'i thod pa na ru sbal lo/ /puk+ka sI'i g.yas pa
 dag na shas gang ba'i thod pa dag la gnas pa'i seng ge dang mchog sbyin gyi phyag rgya'o/ /gtum mo'i g.yas pa na khrag gis gang ba'i thod pa la stag go /g+hasmi rI ljang gu cung zad ser ba g.yon pa dag na rdo rjes mtshon pa'i me thab dang dgra sta dang/ g.yas pa
 dag na tshil gyis gang ba'i thod pa la gnas pa'i sbrul dang mi 'jigs pa'i phyag rgya'o/ /sha ba rI'i g.yas pa dag na khu ba dang bcas pa'i thod pa la gnas pa'i dge slong dang rdo rje'o/ /nye bar sdud de/ sna tshogs gzugs can rnams bsgom zhes pa'o/ /cho ga
 bzhin zhes pa thod pa rnams su ma bshad pa'i rdzas nya ro hi ta la sogs pa'i cho ga'o/ /rgyan ni 'khor lo can la sogs pa'o/ /'di rnams kyi yang sa bon gyi rim pa bzhin dgod do/ /de la gau rI dang chom kun ma dang ro langs ma dang/ sgasma? rdzi dang puk+ka sI dang ri
 khrod ma dang gtum mo ngang rab rmongs ma rnams rim pa ji lta bar zhi ba dang drag po dang dga' ba dang/ shi ba slong ba'i tshul gyi gar zhi ba dang steng du phyogs pa dang myos pa dang rab tu rmongs pa'i lta stangs can gyi zhal can rnams te/ shar dang lho dang nub dang
 myang dang dbang ldan dang me dang bden bral dang/ rlung gi phyogs dang phyogs mtshams su rim pa ji lta bar bsgom par bya'o/ /rta gzugs la sogs pa rnams kyi gtso bo dang g.yas pa dang cig shos dang steng gi rim pas zhal gyi kha
 dog gsungs pa/ nag ces pa la sogs pa'o/ /seng ge'i zhal ni dmar po'o/ /g.yas brkyang gi zla bo'i zhabs ni sgo skyong rnams kho na'o/ /lha gzhan rnams ni skyil krung phyed pa can rnams so/ /gling bu ma la sogs pa rnams kyi rim pa ji lta bzhin hUM
 hUM hUM hUM h+rI:- twAM TwAM twAM zhes pa sa bon rnams so/ /'dir yang dbang po byin gyis brlab pa dang sku gsung thugs byin gyis brlab pa dang dbang bskur zhing rgyas gdab pa dang mchod pa la sogs pa'ang shes bar bya'o zhes pa'o/ /bcom ldan 'das 'di'i mngon par
 rtogs pa ni sngar bshad pa'i he ru ka gsum gyi ji lta ba bzhin te/ khyad par ni gzhal yas khang gi nang du cho ga bzhin du A li dang kA li las skyes pa'i zla ba dang nyi ma'i dbus su hUM dang A(rgyud 'grel gnyis so zhes pa/ thams cad yongs su gyur pa'i rdo rje sems dpa' phyag rgya drug pa can zhal brgyad pa la sogs pa'i khyad par can rnam par bsgoms nas/ bsrub cing bsrub pa las/ skyes pa'i byang chub sems kyi thig le las byung ba'i gaM tsaM baM b+haM paM
 shaM laM DaM gi sa bon las skyes pa'i gau rI la sogs pa rnams pad+ma'i nang nas phyung nas gnas ji lta bar lta bar bya'o/ /de nas ho:- yig gnyis kyi dbus su chud pa'i sa bon gyi ngo bo'i sems zhal nas pad+ma'i nang du gzhug cing/ de nas 'dod chags chen
 pos rig ma dang bcas pa'i rdo rje can zhu bar gyur pa/ bzhengs shig ces pa la sogs pas bskul zhing/ zhu ba la lha mo zhugs ma thag tu zhu ba de las skyes pa'i hUM zhes pa la sogs yongs su gyur te/ oM d+harmA d+ha ru swa b+hA ba At+ma kohaM zhes brjod
 do/ /de nas mig byin gyis brlabs pa la sogs pa dang po'i sbyor ba'i rjes thogs su bdag med par spyi bor o yig dkar po ste/ oM yig phra mo gzhan dang gzhan rnams kyis snying ga'i mthar thug par khyab pa dang/ snying gar hUM yig nag po
 ste/ de lta kho nar rked pa'i mthar thug pa dang/ gsang bar A yig dmar po ste de bzhin kho nar rkang mthil gyi mthar thug par bsgoms nas/ oM pad+ma su khA d+hA ra mahA ra ga su khaM da da tsa tu rA nanda b+ha ga bi shwa hUM hUM hUM kAryaM ku ru Sha me/ oM badzra ma hA dwe Sha tsa tu rA nanda
 dA ma ka kha ga mu khai ka rA so nA tha hUM hUM hUM karyaM ka ru Shwa me/ zhes pas pad+ma dang rdo rje byin gyis brlabs nas dga' ba brtsams te/ sngon bzhin du gau rI la sogs pa'i lha mo rnams dbyung bar bya'o/ /lha mo dang bcom ldan 'das kyang rang gi sa bon las skyes pa na de
 dag spros nas bdag nyid gyi nang du gzhug par bya'o/ /de nas mig la sogs pa byin gyis brlab pa ni snga ma bzhin te thams cad bya'o/ /de nas ye shes sems dpa' gzhug cing dbang bskur te rgyas gdab pa dang/ bdud rtsi myang ba zhes pa dkyil 'khor gyi
 rgyal po mchog la sogs pa sgom pa dang bzlas pa bya'o zhes pa'o/ /dpal yang dag par sbyor ba'i rgya che 'grel man ngag gi snye mar snye ma dgu pa'o// //ye shes mkha' 'gro ma bsgom pa la sbyar ba'i ched du gsungs pa/ nyon
 zhig ces pa la sogs pa'o/ /gtso bo ni rang gi gdul bya rnams phan pa la sbyar ba'i ched du rab tu 'byung ba'i ngang tshul can nyid kyi phyir ro/ /de nyid kyi phyir gsol ba'o/ /stong pa nyid bsgom pa gsungs pa/ spangs pa ste spangs shing bral ba ni stong pa nyid do
 zhes pa'i don to/ /ci zhe na/ gnyis kyi dngos po ste dngos po dang dngos po med pa la sogs pa gnyis kyi rang bzhin gyi'o/ /de bsgom par bya ste sus she na/ gnyis med chos kyi ye shes can gyis te stong pa nyid kyi ye shes dang ldan pas so/ /ci ltar 
 zhe na/ gsum gyis te rgyud gzhan du gsungs pa'i phyir oM yig dang swa b+hA wa dang badzra dang yo ga rnams kyis khyad par du byas pa'i shud+d+ha zhes pa la sogs pa'i sngag gsum brjod par bya'o/ /nam gyi tshe na rnal
 'byor kun ni shin tu rnam par dag par chos kyi dbyings kyi ngo bo ye shes mkha' 'gro'o/ /de'i dang po pa ni rgyu ste hUM dang bcas pa'i rdo rje'o/ /de'i sngon ni stong pa nyid mngon du byed pa'i rtsom pa'o/ /rnal 'byor kun dang dang po dang sngon te de rnams su
 rim pa ji lta bar yo ga zhes pa la sogs pa badzra zhes pa la sogs pa dang/ swa b+hA wa zhes pa la sogs pa brjod par bya'o/ /a gra'i a yig dbye ba ni nges pa'i tshig go /swa b+hA wa yis te rang bzhin stong pa nyid kyi dngos
 po dang dngos po med pa dang gzung ba dang 'dzin pa la sogs pa'i sgro btags pa dang bral ba'i shud+d+ha ste dri ma med pa'i phung po la sogs pa rnams yin zhing/ da yang de lta ste chos thams cad kyi nang du 'dus pa nyid kyi phyir ro zhes dgongs pa'o/ /
 badzra ni stong pa nyid de/ stong pa nyid rdo rjer brjod par bya zhes pa'i gsung las so/ /des mtshan mar sgro btags pa ma lus pa dang bral ba'i phyir shud+d+ha rnams so/ /lo ga ni byang chub kyi sems te/ nges smon pa dang bral ba nyid kyi phyir/ shud+d+ha rnams so/ /
 bdag tu 'dzin pa ni ngor bar dka' ba nyid kyi phyir na swa b+hA wa shud+d+honyahaM zhes pa la sogs pa'i tshig go /gsum rnams kyis ni stong pa nyid dang mtshan nyid med pa dang smon pa med pa ste/ rnam par thar pa'i sgo gsum rnams gsungs so/ /rang bzhin
 gyis yongs su dag pa nyid ni yang 'di rnams kyis blo bur gyi dri ma sel ba'o/ /de ltar byas nas zhes pa bsgoms nas/ slar yang khyad par du de'i ste bral ba chos thams cad mi dmigs pa'i'o/ /ci zhig tu gnas nas she na/ yid dang rjes
 mthun phyogs rnams su'o/ /bsam gtan ci 'dra bzhin gsungs pa/ yud kyi rnam ba zhes pa la sogs pa ste/ ye shes mkha' 'gro mar bsam bya/ zhes pa rnams dbye ba sgyur bas 'brel bar bya'o/ /de'i rjes su de nam mkhar bzhag par
 bya ste mchod ba sngon ma can du ji ltar 'gyur bar ro/ /blo ldan zhes pa 'dis gzhan du brjod pa dran pa la sbyor ba'i phyir cho ga gzhan gsal bar byed do/ /ye shes rgya mtsho ni ye shes mkha' 'gro ma la sogs pa'i lha'i 'khor lo'o/ /ci byas nas she na gsungs
 pa/ lhun po'i zhes pa la sogs pa'o/ /lhun po gang gi kha dog bzhi rnams yin pa ste/ dngul dang in+d+ra nI la dang shel dang gser gyi rang bzhin nyid kyi phyir ro/ /shar dang lho dang nub dang byang gi phyogs rnams su dang/ phyogs min du de ltar te/ phyogs bral
 rnams su yang phyogs kyi kha dog kho na ste phyogs bral rnams ni de dang de'i phyogs rnams kyi nang du 'dus pa'i phyir ro/ /ci bsams nas shen gser gyi rang bzhin gyi khang pa brtsegs pa yang dag par byung ba'o/ /rin chen bdun ni gser dang dngul dang bai DUrya
 dang mu lA ra ga la b+ha dang rdo'i snying po dang mu tig dmar po dang karke tan rnams so/ /pad+ma rA ga dang/ in+d+ra nI la dang baiDUrya dang markata dang rdo rje dang mu tig dang byu ru rnams so zhes kha cig go /rang 'dod rgya khyon zhes pa rang gi 'dod pa'i dbang du gyur pa'i rgya khyon no/ /'di'i
 rjes su bla re zhes ma la sogs pa phyed dang bcas pa'i tshigs bcad do/ /seng ge la sogs bas mtshan pa ni rgyal mtshan no/ /phyogs brgyad rnams su dang steng dang 'og ces pa gnas bcu rnams su kun tu ste khyad par ro/ /dri'i dkyil 'khor ni dri kun nas bsdus pa ste
 gzhal yas khang gi nang du'o/ /der yang gdan la sogs pa gsungs pa/ seng ge zhes pa la sogs pa'o/ /bdag nyid kyi spro ba'o zhes pa dbugs ni sa bon te srog tu gyur ba nyid kyi phyir ro/ /de nyid kyi phyir snying gar bsgom par bya'o/ /de yongs su gyur pas byung
 na ste rab tu skyes nas so/ /de la ye shes mkha' 'gro ma'i rang bzhin gsungs pa/ zhal gsum zhes pa la sogs pa'o/ /rang gi gdan gyi steng du skyil krung gi rnam par zhabs g.yon pa bkod nas g.yas pa cung zad kyang
 bar bya'o/ /zhes pa 'dir sems dpa' i skyil krung ste/ lha mo bcu gsum po rnams kyang sems dpa' i skyil krung can rnams so/ /sangs rgyas lnga 'phro ba rnams kyis mngon par brgyan pa'i cod pan dang dar gyis bcings pa cod pan gyi steng du rdo rje'o/ /bzhad
 pa ni zhal g.yas pa rab tu bzhad pa dkar po'o/ /rtsa ba ni khros shing gad rgyangs can no/ /g.yon pa dmar po sgeg pa dang bcas pa ste zhal so so la spyan gsum pa'o/ /phyag g.yas pa gsum ni gyen du bsgreng ba'i kha TwAM ga dang dgra sta dang/ rdo rje ste/
 phyag g.yon pa gsum na ni dril bu dang thod pa dang ral gri rnams so/ /drag tu gsang mthan par 'jigs su rung bar rgod pa gang gi yin pa de ni de skad do/ /snod ces pa khrag gis gang pa'i thod pa'o/ /rnal 'byor snod ni thod pa ste g.yon du'o/ /rdo rje mkha' 'gro
 ma la sogs pa rnams spyan gsum pa gtso mo la gzigs pa rnams so/ /ye shes kyi zhes pa ye shes mkha' 'gro ma'i'o/ /seng ge'i gdong can zhes pa ni seng ge'i zhal lo/ /glang po'i dbang po ni lag ldan no/ /phyag g.yas par rdo rjes mtshan
 pa'i lcags kyu'o/ /g.yon na sdig mdzub dang bcas ba'i zhags pa'o/ /stag mo la sogs pa gsum ni stag dang lce spyang dang 'ug pa'i gdong pa can no/ /klu zhes pa gdengs can gyi dbang po brgyad rnams te rigs la gcig gi tshig go /de kho na'i ni
 sbrul gyi'o/ /rgyal bo'i dbang mo zhes pa ming ngo/ /phyag rnams zhes pa phyag gnyis thal mo sbyar ba'i tshul lo/ /phyag gnyis thal mo sbyar ba'i zhes pa phyag gnyis thal mo spyi bo'i steng du mar me'i rnam pas ston pa'o/ /khrag gi rgyun zhes pa la sogs
 pa ni lag pa gnyis kyi snyim pa steng du byas pas khrag srang bu dmar po bzhin du rgyun gyis 'thung ba'o/ /sdigs mdzub mdung gi phyag can zhes pa phyag gnyis yis rdo rje thal mo sbyar te/ mthe ba'i rtse mo gnyis phan tshun sbyar nas/ sdigs mdzub kyi rtse mor byas pa
 ni mdung lta bu zhes pas de skad brjod do/ /de yang rang gi b+ha gar 'dzin pa'o/ /rmongs par byed ma ste sems ldan rnams thams cad dbang du byed pa zhes pa'i don to/ /nye bar sdud de thams cad rigs pas thams cad bsgom zhes pa/ 'di lta bu'i dkyil
 'khor thams cad kha dog dang phyag mtshan la sogs pa thams cad shes pa'i rnal 'byor pas bsgom par bya'o/ /seng ge'i gdan bzhin du gdan gzhan rnams kyang nyi ma mnan pa rnams so/ /thams cad du yang rang rang gi sa bon yongs su gyur pa'i
 lha mo rnams/ /'di rnams zhes pa la sogs pa ni/ lha mo 'di rnams kyi mdun du dam tshig gi phyag rgya dang nyid ji lta bar bstan bar bya'o/ /ye shes mkha' 'gro ma'i sa bon btu ba ni/ rlung dang me las bdun pa nyid ces pa/ rlung gis te rlung gi dkyil 'khor zla
 ba phyed pa sa steng du byas shing me las te re pha la bdun pa ha yig rdo rje ma'i sa bon yig 'og tu ldan pa'o/ /zla ba phyed pa'i steng du thig le dang nA da dag gis mnan pa ste/ de ltar hUM du 'gyur ro/ /hUM yig de yang byang chub sems kyi rgyun char du
 'bebs zhes pas char gyi rgyun te 'dis phra mo'i rnal 'byor gsal bar byed do/ /de'i don 'di yin te/ sa phyogs yid dang rjes su 'thun pa 'ga' zhig tu nub tu gdong phyags shing skra grol bas gtor ma sbyin pa sngon du 'gro bas yud kyis ye shes mkha' 
 'gro ma'i gzugs su su bdag nyid lhag par mos nas rang gi snying ga'i sa bon gyi 'od kyi nam mkhar spyan drangs pa'i ye shes mkha' 'gro ma 'khor dang bcas pa la snying ga'i sa bon las skyes pa'i lha mo rnams kyis phyi dang cig shos kyi mchod pas mchod de/
 sdig pa bshags pa nas ji srid btang snyoms kyi bar du bsgoms nas/ oM swa b+hA ba shud+d+ha:- sarba d+harma:- swa b+hA ba shud+d+honyahaM/ zhes pa nang gi brjod pas klog cing don mngon du byas te/ chos thams cad stong pa nyid la gzhug
 par bya'o/ /de nas oM hUM swA hA zhes pa'i sngags kyis rdo rje rang bzhin gyis gzhi bsgom par bya zhing/ oM dza b+ha ni hUM phaT zhes pas rdo rje'i ra ba dang/ oM dzuM swA hA zhes pas rdo rje'i gur te/ oM hUM phaT zhes pas bgegs rnams phur bu btab la de'i dbus
 su yuM k+ShuM suM huM hUM rnams las rim pa ji lta skyes pa'i rlung dang me dang chu dang sa dang ri rab kyi steng du/ oM hUM phaT zhes pa yongs su gyur pa rin po che bdun gyis spras pa gser gyi rang bzhin gyi khang pa brtsegs pa'i dbus dang phyogs bzhi rnams su seng ge lnga rnams
 la sna tshogs pad+ma la gnas pa'i nyi ma'i gzugs lnga rnams te/ dbus kyi seng ge la gdugs dkar po'o/ /der dbus kyi nyi ma la A li dang kA li las skyes pa'i zla ba dang nyi ma'i dbus su gnas pa'i hUM las skyes shing des byin gyis brlabs pa'i rdo rje bsgoms
 nas/ oM badzra shud+d+ha:- sarba d+harmA badzra shud+d+honyahaM zhes brjod cing/ de las spros pa'i de bzhin gshegs pa dang lha mo rnams kyis 'gro ba'i don byas te/ der bsdus pa na bzla ba la sogs pa rnams las rdzogs pa'i ye shes mkha' 'gro ma dang de skye ba dang dus
 mnyam du dkyil 'khor ba rnams kyang rang rang gi sa bon rnams /las skyes pa'i bsgoms la/ oM yo ga shud+d+ha:- sarba d+harmA yo ga shud+d+honya haM zhes pas nga rgyal bya'o/ /de la rdo rje mkha' 'gro ma la sogs pa rnams kyi rang rang gi gdan dang sna tshogs chu
 skyes dang nyi ma rnams la rim pa ji lta bar hUM hUM hUM hUM/ AM AM a'uM rIM lIM/ iM oM a:- ni sa bon rnams so/ /lha mo bcu gsum po rnams kyang dbu skra grol ba sbrul gyi rgyan can ji skad bshad pa'i sku mdog dang phyag mtshan la sogs pa can rnams blta bar bya'o//
 der bdag nyid kyi spyi bor k+ShuM dgod de/ mig rnams la hUM ngo/ /rna ba dang sna'i nang rnams su yuM mo/ /lce rnams la suM ngo/ /mgrin par smryuM do/ /dpung pa'i rtsa ba dag tu hmruM ngo/ /snying kar ymryuM ngo/ /lte bar k+Sh+myuM ngo/ /'jigs byed ma dang gtum mo dang re langs ma dang rdo rje
 mkha' 'gro ma dang/ seng ge ma dang stag mo dang lce sbyang mo dang 'ug mo rnams kyi rim pa ji lta bar go cha'i yi ge rnams bkod pa/ oM A hUM gis lus dang ngag dang yid rnams byin gyis brlab par byas nas/ rang gi snying kha'i sa bon gyi 'od
 zer rnams kyis ye shes kyi 'khor lo nam mkhar spyan drangs te/ ji lta ba bzhin du yang dag par mchod cing dam tshig bstan par bya'o/ /de la rdo rje khu tshur gnyis bcings nas sor mo gung mo gnyis brkyang ste rtse mo sbyar ba ni ye shes mkha' 'gro ma la ste/ oM hUM
 swAhA zhes brjod cing bstan par bya'o/ /rdo rje thal mo byas nas mthe bong rgan po dag gis gung mo gnyis la yang dang yang du reg cing bskyod pa'i phyag rgya dang oM badzra DA ki ni hUM phaT swAhA zhes pa rdo rje mkha' 'gro ma la'o/ /khu tshur gnyis mnyam por bcings te
 mthe bong rgan po gnyis brkyang zhing/ oM gau rI hUM swAhA zhes pa 'jigs ma pa'i/ /phyag rgya de kho na bcings nas mtheb chung gnyis brkyang bar bya zhing/ oM bet+ta li hUM zhes pa ro langs ma la'o/ /phyag rgya 'di gnyis bcings te sor mo gung mo gnyis brkyang zhing//
 oM tsaN+Da lI hUM swAhA zhes pa gtum mo la'o/ /rdo rje khu tshur gnyis bcings nas sdigs mdzub gnyis brkyangs ste/ rtse mo dag sbyar zhing/ oM AM swAhA/ oM a swAhA oM a'uM swAhA/ oM rIM swAhA/ zhes pa seng ge ma la sogs pa bzhi rnams la'o/ /lag pa gnyis
 thal mo'i tshul du brkyang ste khar bcug pa dang/ oM lIM swAhA zhes pas rgyal po'i dbang mo la'o/ /thal mo sbyar ba spyi bor 'dzin cing oM iM swAhA zhes pas mar me ma la'o/ /thal mo gyen du byas nas kha dang nye bar bzhag cing/ oM aauM swAhA zhes pas 'jib
 ma la'o/ /lag pa gnyis kyis pad+ma'i bskor ba byas nas rdo rje thal mo byas te snga ma bzhin gsang gnas su gzhag cing /oM A:- swAhA zhes pa skam po dzi la'o/ /de'i rjes su pad+ma'i bskor ba sngon du 'gro bas shes kyi 'khor lo dam tshig gi 'khor
 lo la ji ltar rigs par gzhug par bya'o/ /de nas dbang bskur ba dang rgyas gdab pa bsam par bya ste/ de la ye shes mkha' 'gro ma la sogs pa rnams la rim pa ji lta bar mi bskyed pa dang rnam par snang mdzad dang rin chen 'byung gnas dang/
 ? 'od dpag med dang don yod grub pa rnams kyis so/ /seng ge ma la sogs pa rnams la/ mi bskyod pa dang rnam par snang mdzad dang rin chen 'byung dang 'od dpag tu med pa rnams kyis so/ /rgyal po'i dbang mo la sogs pa rnams la yang
 rnam par snang mdzad dang rin chen 'byung ba dang 'od dpag med dang don yod grub pa rnams kyis so/ /de'i rjes su mchod pa'i lha mo spros pa rnams kyis bdag nyid mtshad nas bstod du bcug ste des bstabs pa'i bdud rtsi myangs la/ bde ba chen po'i
 pad+mar zla ba'i dkyil 'khor la gnas pa kha thur du phyogs pa smin ma'i dbus su chags pa'i thig le hUM yi ste/ bdud rtsi'i rgyun 'dzag pa nyid kyis char rgyun 'bab par bsam par bya'o/ /zhes pa thig le'i rnal 'byor nang du 'dug pa'i chu mo'i
 rnal 'byor gyi bar ma chad du/ skyon oM h+rI:- swAhA zhes pa'i sngags 'bum phrag gsum bzlas shing rdo rje mkha' 'gro ma la sogs pa rnams kyis yang 'chad par 'gyur ba'i sngags rnams te/ mngon par 'dod pa'i dngos grub 'tho bo zhes pa'o/ /
 yang dag par sbyor ba'i rgya che 'grel man ngag gi snye mar snye ma bcu pa'o// //bdag med ma la sogs pa rnal 'byor ma'i 'khor lo'i dbang du byas nas bar ma'i rim pas rgyas par ston pa'i don du gsungs pa/ de nas zhes pa la
 sogs pa ste/ ji ltar bcom ldan 'das kyis gsungs pa de ltar mdor bsdus te bshad par bya zhes sdud pa pos so/ /nam mkha' i khangs kyi tshig gis stong pa nyid kyi byang chub kyi ngo bo la rnal 'byor gcig bstan to/ /de'i yan lag gdan dang snying ga'i sa
 bon la sogs pa btang snyoms kyi mthar thug pa bsgoms pa ni bdun par gsungs par blta bar bya'o/ /nam mkha' i dkyil 'khor gyi dbus su nyi ma'i dkyil 'khor zhes pa 'dis re bas sngon du nyi ma zhes pa la sogs pa gsal bar byas so/ /rdo rje gur yang ste
 sa bon bsdu ba'i don du'o/ /de'i rjes su sngon du mchod cing stong par 'gyur ba las lus kyis bltas pa'i 'dod pa'i lha yongs su gyur pa las zur gsum pa nyid kyi chos 'byung dang chos mthun pa nyid kyi phyir dang sgrib pa thams cad spangs pa'i phyir ston ka'i zla ba ltar
 dkar ba chen po/ /sku gsum gyi bdag nyid kyi rdo rje 'dzin pa'i rang bzhin nyid kyis zur gsum gyi chos 'byung gi phyag rgya rnam par bsam te/ de'i dbus su rten gyi 'khor lo bsam par bya'o/ /ji ltar zhe na gsungs pa 'khor lo zhes pa ste khang pa
 brtsegs pa'o/ /sngon ni dang por ro/ /ji lta'i tshul ni tshul las ma 'das pa ste sa la sogs pa yongs su gyur pa'o/ /de'i rjes su lha rnams ji ltar 'byung ba'o zhes pa rnams pa lnga las ma 'das par bsam par bya'o/ /zhes rjes su 'jug go /mdor bstan pa
 'di rgyas par 'chad te/ 'khor lo zhes pa dkyil 'khor ro/ /thams cad du ? bar bya ste/ sa'i dkyil 'khor chu'i dkyil 'khor zhes pa la sogs pa'o/ /sngon zhes pa dang po ste me dang rlung gi dkyil 'khor la bltos nas sa dang chu'i dkyil 'khor dag
 kyang rgyas bar bshad pa'i rim pa kho na las sngon ma dang phyi ma'i dngos por shes par bya'o/ /ji lta'i tshul du zhes pa/ rlung gi dkyil 'khor gyi steng du ma'o/ /de'i steng du chu dang/ de'i steng du sa'i dkyil 'khor bsgom par bya'o/ zhes pa ni tshul te/ de ltar
 de ltar kho nar snod kyi 'jig rten gyi dkyil 'khor rnams gnas pa'i phyir ro/ /lha rnams kyi zhes pa yang thams cad du 'brel bar bya ste/ de dang de rnam par dag pa'i ngo bo spyan ma la sogs pa'i lha rnams kyi de'i ngo bor dkyil 'khor
 'di rnams blta bar bya'o zhes pa'i bar ro/ /rlung la sogs pa rnams kyi sa bon ni yaM raM baM laM yig rnams so/ /sgom pa po zhes pa ni stong pa nyid dang snying rje dbyer med pa'i byang chub sems kyi ngo bo'o/ /ji ltar 'byung bzhin ni 'byung tshul las ma 'das par sprul
 pa bzhin du sa la sogs pa'i dkyil 'khor rnams blta bar bya'o/ /chos 'byung las 'byung zhes pa 'di chos 'byung du byung zhing skye ba zhes pa'o/ /'khor lo ni khang pa brtsegs pa ste 'byung ba chen po bzhi bsdus pa las skyes pa zhes shugs las so/ /rim
 gnyis te rdo rje phreng bas yongs su bcad pa'i 'phar ma gnyis dang ldan pa nyid kyi phyir ro/ /dag pa ni shin tu dang po nyid kyi phyir ro/ /nyes med pa ni skyon med pa nyid kyi phyir ro/ /ze 'bru yis ni gcig tu 'gyur/ /zhes ba ze 'brus nye bar mtshon pa pad+ma 'dab ma brgyad
 pa ni nang gi 'phar ma'o/ /sku gsum 'dzin pa'i rdo rje can/ zhes pa sku gsum gyi bdag nyid can rdo rje 'dzin pa zur gsum pa'i chos 'byung gi gzugs can chos 'byung la gnas pa'i khang pa brtsegs pa'i nang du dbus kyi pad+ma las phyi rol gnyis pa ni phyi'i
 'phang ma'o zhes pa'i don to/ /gru bzhi nyid la sogs pa'i 'di'i yon tan rnams ni 'chad par 'gyur ro/ /gdan rnams ni zla ba'i dkyil 'khor rnams so/ /de'i zhes pa zla ba dang bcas pa'i re'i steng du snying gar zla ba'o/ /nyi ma mnan zhes pa kun nas mnan
 zin to zhes pa mnan pa ste/ /de la zla ba la gnas pa'i sa bon gyi steng du phyi nas bsgom par bya'o zhes pa'i don to/ /sngar ji skad bshad pa/ A lis zla ba kA lis nyi/ /sa bon dbus su son bar 'gyur zhes so/ /gnyis 'dus pa ni bde ba chen po
 zhes pa/ rnam par shes pas byin gyis brlabs par zhes pa lhag ma ste/ de lta kho nar skyes pa la sogs pa la nyams su myong ba nyid kyi phyir na/ 'dir yang de lta kho nar rnam par shes pa'i ngo bo'i sa bon gyis byin gyis brlabs par zla ba dang nyi ma 'dus pa
 'di bsgom par bya'o/ /zla ba dang nyi ma'i sa bon gsungs pa/ gnas zhes pa la sogs pa/ A li dang kA li yongs su gyur pa dag de dag go /gau rI la sogs pa rnams kyang de lta kho nar bskyed do zhes gsungs pa/ zla ba zhes pa la sogs pa ste/ zla ba nyi ma
 la 'dus pa kho na rgyu la 'bras bu nye bar btags pa las gau rI la sogs zhes bshad do/ /rdo rje ma la sogs zhes brjod par bya ba la/ gau rI la sogs zhes gang gsungs pa ni de rnams rim gyis bskyed pa bsal ba'i don du ste/ thams cad dus gcig
 kho nar bskyed pa'i phyir ro/ /'o na ye shes lnga'i rang bzhin rnam pa lnga mngon par byang chub pa las sangs rgyas nyid de/ yang zla ba la sogs pa bsgom pas ni ma yin no zhe na gsungs pa/ me long zhes pa la sogs pa ste/ 'di rnams gzugs brnyan gyi
 ngo bos kun nas mthong ngo zhes pa me long ste shin tu dngos po'i me long la sogs pa'o/ /de bzhin du ye shes shin tu dang ba yang me long ye shes su brjod par bya ste/ gang du 'gro ba me long la bzhin du so sor snang ba de de'i bdag nyid kyis 'dir yong ngo zhes
 pa me long ye shes dang ldan pa ni zla ba ste/ zla ba bsgom pa kho na me long ye shes sgom pa'o zhes pa'i don to/ /'gro ba thams cad kyi yid shin tu dang ba zla ba'i tshul can kho na ni me long ngo zhes mngon par dgongs pa'o/ /mnyam nyid ye shes ni gang
 gis de ltar gzugs brnyan du gyur pa'i 'gro ba mnyam pa nyid du rtogs pa ste/ de'i bdag nyid ni/ mnyam nyid ye shes bdun bdun pa/ nyi ma ste 'di'i rta bdun bdun pa rnams so zhes byas nas so/ /nyi ma bsgom pa kho na mnyam pa nyid kyi ye shes bsgom pa zhes
 pa'i don to/ /zla ba dang nyi ma 'dus pa na bde ba chen po'i rang bzhin gyi yid kyi/ chos thams cad gzugs brnyan lta bu nyid duAng dbye ba rnams mthong ba'i phyir so sor rtog pa'i ye shes te/ gang gis de ltar mnyam par bzhag
 pa kho nas sems can rnams kyi sems kyi spyod pa rnams so sor rtogs par mdzad pa'o/ /de 'dir rang lha'i sa bon gyi phyag mtshan so sor rtogs par brjod par bya/ sa bon las skyes pa nyid kyis dang sa bon gyis byin gyis brlabs pa nyid kyis sa bon
 rnams kyis mtshan pa'i rang gi lha'i phyag mtshan ni so sor rtogs pa'i ye shes so zhes pa'i don to/ /de ni 'gro ba'i don la nges par sbyod pa lhur len pa gsal bar gyur pa'o zhes mngon par dgongs pa'o/ /sa bon rnams kyis zhes pa mang po'i tshig
 ni lha mo rnams kyi sa bon sna tshogs pa nyid kyi phyir ro/ /phyag mtshan zhes gcig gi tshig ni bco lnga rnams kyi phyag mtshan rdo rje sngon po gcig pa nyid kyi phyir ro/ /bya bsgrub pa ni gang gis de ltar so sor brtags pa'i 'gro ba'i bya ba sprul pa dpag tu med pa
 rnams kyis rjes su sgrub pa ste/ de 'dir kun gyis gcig gyur rjes su sgrub par brjod par bya zhing/ kun gyis zhes pa zla ba dang nyi ma dang sa bon dang phyag mtshan dang sprul pa rnams kyis dang 'gro ba dang yang lhan cig tu gcig pa nyid do/ rnam pa thams cad du spros pa thams cad
 nye bar zhi ba'i phyir ro/ /mnyam 'gyur ba yin zhing/ 'dir 'di ni skad cig gcig la mngon par byang chub pa ste/ skad cig gcig kho na la 'gro ba thams cad spros pa thams cad dang bral ba la de ltar mngon par byang chub pa'i phyir ro/ /gzugs rdzogs pa ni dag
 pa'o zhes pa/ de'i bar ma chad du lha'i rnam pa yongs su rdzogs pa ni shin tu rnam par dag pa'i chos kyi dbyings kyi ye shes so zhes pa'i don to/ /de kho na shin tu rnam par dag pa'i chos kyi dbyings kyi ye shes kyi ngo bo nyid kyi phyir ro/ /rnam pa ye shes lnga'i rang/
 bzhin rnams/ cho ga bshad pas de zla ba la sogs pa rnams kyis te/ las dang po pas de lhag par mos pas dang/ cung zad yongs su rdzogs pa ni cho ga bshad pa kho nas de'i don cung zad dngos su byed pa las so/ /'dir rgyu'i ye shes bzhi'i rang bzhin nyid la yang bde
 ba chen po mos pa pa yod pa kho na ste/ de nyid kyi phyir 'di rgyu rdo rje 'dzin par brjod par bya'o/ /rnam pa lnga mngon par byang chub pa la yang ni bde ba chen po lhag par mos pa pa ste/ de nyid kyi phyir lha mo dang yang dag par sbyor ba nyid kyis bde ba chen po mngon par byang
 chub pa yongs su rdzogs pa kho na la rdo rje 'dzin pa bskyed pa'o/ /zhes pas de kho na dngos por na rnam pa lnga mngon par byang chub pa'o/ /de kho na yang 'dir bdag med ma dad he ru ka'i dkyil 'khor du bstan to/ /bdag med ma'i dkyil 'khor 'dir ni bde ba chen po man
 ngag las rtogs par bya ba yin gyi/ 'di ltar yud kyis mngon du 'gyur ba yang ma yin no/ /de nyid kyi phyir 'di ni bar ma'i rim pa'o/ /shes rab dang thabs yang dag par sbyor ba nyid na ni de yongs su gsal lo zhes bde ba chen po 'di nye bar ston to/ /de nyid kyi phyir yang
 rgyud gzhan rnams su zla ba la sogs pa'i rim pas rnam pa lnga mngon par byang chub pa gsungs na yang bde ba chen po'i tshul nyid du nye bar ston pa ni ma yin no/ /rnam pa 'di lta bu'i rnal 'byor dang rnal 'byor ma'i rgyud rnams kho nar ni bde ba chen po'i rang bzhin
 rdo rje 'dzin pa'i la yongs su gsal zhing de'i rjes su 'brang ba las gzhan du yang rtogs par bya'i/ lhan cig skyes pa'i dbang med par nye bar bstan pa ni ma yin te/ bcom ldan 'das kyi bka' kho nas so/ /lhan cig skyes pa'i dbang ni rnam pa 'di lta
 bu'i rgyud rnams kho nar ro/ /rgyu rdo rje 'dzin pa med par 'bras bu rdo rje 'dzin pa bskyed pa ma yin no zhes gsungs pa/ A li zhes pa la sogs pa'o/ /gdan ni gdan no/ /zla ba dang nyi ma'i dbus na gnas pa'i phyag mtshan gyi nang du son pa'i sa bon gyi ngo bo ni
 'dir rgyu rdo rje 'dzin pa'o/ /yi ge las byung zhes pa yi ge las skyes pa'i gong bu ste rdo rje sems dpa' i sku la/ hUM zhes pa pad+ma bskyod pa'i dus su brjod par bya bzhin pa dang phaT yig ser po rdo rje rtse mo bu ga dag tu byang chub kyi sems gzung
 pa'i ched du bsgom par bya ba ni mi 'dod do/ /'dir mi sbyor ba'i phyir ro zhes pa lhag ma'o/ /sems dpa' i gzugs las byung ba zhes bshad ma thag pa'i rgyu rdo rje 'dzin pa las skyes pa'o/ /dkyil 'khor dbang mo zhes bdag med ma'o/ /'di skad gsungs
 te ye shes bzhi rnams ni rgyu gyur pa rnams te/ lnga pa 'bras bu'o zhes pa'o/ /de ci 'bras bu rdo rje 'dzin pa ye shes lnga'i rang bzhin med dam zhe na/ de ltar ma yin te 'di rnams shin tu rnam par dag pa rnams de'i ngo bor skye ba'i phyir yin zhing/ dbang po la
 sogs pa 'byung ba'i rim pas spro ba dang sdud pa'i rim pas de rnams kho na shin tu rnam par dag pa rnams su mthong bas so/ /sngon bzhin zhes pa mchod pa dang sdig pa bshags pa la sogs pa'i don du spyan drangs pa'i bdag med ma bzhin no/ /bcom ldan
 'das kyis ni zhal dang phyag mtshan dang rgyan la sogs pa ma rtogs par mdzod mod/ /rdo rje snying pos snga ma phyi mar yang sdud pa ni zlos pas 'jigs pa las phyis kho na ste bcom ldan 'das kyi bka' kho na yis so/ /bcom ldan 'das kyis bzhin du bla
 mas sngon du rtogs su gzhug par bya'o zhes mngon par dgongs pas so/ /zla ba chu shel nor bu ni mtshan ma med pa'i zla ba gang ba lta bu ste/ de'i 'od lta bu gang gi 'od yin pa ste/ zla ba'i 'od can zhes pa'i don to/ /'di ni gang na
 yang nyi bar mtshon pa ste/ drag po nyid ni yang lha mo zla ba'i gdan dang zla ba'i 'od can no zhes pa'i don to/ /de ltar thams cad ces pa de las gzhan pa'i rnal 'byor ma bcu bzhi rnams so/ /shes rab thabs kyi rang bzhin las shes pa so sor rtogs pa dang bya
 ba sgrub pa'i ye shes dag kyang don de'i rang bzhin nyid kyi phyir ro/ /'di nyid rgyas par ston pa gsungs pa/ shes rab A li zhes pa la sogs pa'o/ /yi ge'i dbye ba zhes pa/ a'oM iM AM uM aM lIM eM iM oM a'uM ri rIM liM oM aM zhes pa'i sa bon gyi dbye ba rdo
 rje ma la sogs pa rnams kyi'o/ /phung po lnga'i rang bzhin gyis zhes pa/ de dang de'i rnam par dag pa'i rang bzhin du rnal 'byor ma rnams bsgom par bya'i/ 'di lta kho nar ni ma yin no zhes ston to/ /gau rI la sogs pa rnams dang rdo rje ma la sogs pa phyogs su gnas
 pa rnams te/ puk+ka sI la sogs pa rnams dbang ldan la sogs pa mtshams su gnas pa ste/ g.yas skor gyis so/ /'og srung ngo skyod ngo zhes pa 'og srung ma ste/ de bzhin du steng srung ma'o/ /de dag kyang su dag ce na gsungs pa/ mkha' spyod ma dang sa spyod
 ces pa ste sa spyod ma srid pa'i rang bzhin gyi gnas pa ste/ 'og tu 'gro ba nyid kyi phyir ro/ /de nyid kyi phyir de 'og zhal ma'o/ /mkha' spyod ma mya ngan las 'das pa'i rang bzhin gyis gnas pa ste steng du 'gro ba nyid kyi phyir ro/ /de nyid kyi phyir de steng du lta ba'o/ /
 ngos su gnas pa zhes pa bdag med pa'i 'og nub kyi ngos su sa spyod ma dang/ steng shar gyi ngos su mkha' spyod ma'o/ /kha dog sna tshogs pa zhes pa phyi'i 'phar mar gnas pa'i brgyad po rnams phyag bcu drug pa'i dkyil 'khor bzhin du ser mo la sogs
 pa'i mdog can rnams so/ /cher drag pa zhes pa la sogs pa'i khyad par rnams thams cad rnams kyis te/ khyad par ni rtsa ba kho na la'o/ /'khor lo can la sogs pa rnams ni mgo dang rna ba dang mgul ba dang lag pa dang rked pa rnams la'o/ /'di 'dra ba zhes
 pa kha dog sngon por mtshungs pa ma gtogs pa'o/ /bdag med ma ci lta bu zhe na gsungs pa/ rnal 'byor snod ces pa ste/ khrag gis gang ba'i thod pa'o/ /'od 'bar zhes pa sku yis 'bar zhing sems kyis 'od do/ /mdog sngon zhes pa 'dis nang gi 'phar mar
 bzhugs pa rnams dang sa spyod ma yang sngon mo rnams zhes gsungs so/ /de zhes pa bdag med ma'o/ /phyag bcu drug pa'i dkyil 'khor bzhin du 'dir yang sgo srungs ma rnams dang mchod pa'i lha mo rnams rtogs par bya ste/ khyad
 par gsungs pa ni lho zhes pa la sogs pa shar dang nub dag nye bar mtshon pa'o/ /de la shar gyi sgor rta gdong ma dkar sngo'o/ /lho ru phag gdong ser sde'o/ /nub du khyi gdong dmar sngo'o/ /byang du seng+ge gdong ma ljang sngon ma'o/ /bzhi po 'di rnams kyang gri gug dang thod pa 'dzin pa'i phyag
 gnyis ma ming dang rjes su mthun ba'i zhal gcig ma rnams so/ /bzhad cing khro la sgeg pa sde zhes pa ni lha mo nyi shu rtsa gsum po rnams kyi'ang khyad par ro/ /de mchod pa'i gzugs zhes/ dbang ldan la sogs pa'i mtshams rnams su gling bu ma dang bi wang ma
 dang rnga zlum ma dang rdza rnga ma'i lha mo rnams sngon bzhin du rig par bya'o/ /'dir ni stong pa nyid la sogs pa'i rnal 'byor gsum gsungs so/ /de'i rjes su bsgom par bya ba'i rnal 'byor bzhi pa gsungs pa/ gsum zhes pa la sogs pa ste/ de nyid gsum gyi ngo
 bo rnams ni oM A:- hAM gi yi ge rnams te/ de rnams kyis mgo dang mgrin pa dang snying ga rnams su ldan par bdag nyid do/ /dbus su zhes pa/ dbus ma'i stan la gnas nas mA ste rang dang gzhan gyi don phun sum tshogs pa 'di'i zhes byas nas so/ /'di
 ni 'dir mngon par rtogs pa'i rim pa ste/ rang gi snying ga'i sa bon gyi 'od kyis bkug pa'i bdag med pa'i dkyil 'khor la/ lha mo brgyad po rnams kyis yang dag par mchod de sdig pa bshags pa la sogs pa nas ji srid gzhal yas khang gi
 bar du'o/ /der dkyil 'khor 'phar ma gnyis pa ro'i gdan nyi shu rtsa gsum dang bcas pa ste/ ro so so'i snying gar zla ba la A li kA li las skyes pa'i zla ba nyi ma dang rang rang gi sa bon las skyes pa'i phyag mtshan sa bon can yongs su gyur pa'i rnal 'byor ma nyi shu
 rtsa gsum rnams bsgom par bya'o/ /de'i rjes su he ru ka gsum gyi mngon par rtogs pa bzhin du mig la sogs pa byin gyis brlabs pa nas ji srid dbang bskur bar du bsam te/ bdag med ma dang rdo rje ma dang gau rI dang chu ma dang rdo rje mkha' 'gro ma rnams mi bskyod pa
 dang rnam par snang mdzad dang rin chen 'byung ba dang/ 'od dpag med dang don yod grub pa rnams kyis dang/ gau rI dang tsau rI dang bait+tA lI dang g+hasma rI rnams dang puk+ka sI dang ri khrod ma dang gtum mo dang g.yung mo rnams mi bskyod pa dang rnam par snang mdzad dang rin chen
 'byung pa dang 'od dpag med rnams kyis dang sa? spyod ma rnam par snang mdzad kyis dang/ mkha' spyod ma 'od dpag med kyis dang/ rta gdong mal sogs pa rnams rdo rje lcags kyu las sogs pa bzhin dang/ gling bum la sogs pa rnams rdo rje sems dpa' i dkyil
 'khor bzhin rgyas gdab par bya'o/ /de las gzhan thams cad he ru ka gsum gyi mngon par rtogs par bshad pa rtogs par bya'o zhes pa'o/ /man ngag gi snye mar snye ma bcu gcig pa'o// //bcom ldan rdo rje sems dpa' 'grub
 pa dang/ dngos grub gzhan rnams kyang dkyil 'khor sngon ma can no zhes/ /bsgom bya'i dkyil 'khor dang 'dra ba'i bri bya'i dkyil 'khor bshad pa'i ched du gsungs pa/ de nas zhes pa la sogs pa'o/ /de'i phyir zhes pa gang gi phyir 'di med pa dngos grub rnams
 med pa'i'o/ /dkyil 'khor chen po zhes pa rgyu dang 'bras bu'i bdag nyid kyi phyir dang 'jig rten las 'das pa'i yon tan dang ldan pa'i phyir chen po yang de yin la dkyil 'khor yang ste/ byang chub kyi sems sngar ji skad bshad pa'o/ /de'i ngo bor lhag par mos
 pa'i phyir rdul tshon gyi dkyil 'khor yang dkyil 'khor chen por brjod par bya'o/ /de nyid kyis na mchog go /de nyid gsal bar byed pa ni rdo rje zhes pa la sogs pa ste/ rdo rje stong pa nyid 'di'i dbyings te rang bzhin yin pas rdo rje dbyings te/ byang chub sems kyi
 bdag nyid rdo rje 'dzin pa'o/ /de gsal bar byed pa'i phyir dang de'i bdag nyid du mos pa'i phyir de dang 'dra ba'i rnam pa 'di'i yin pa ni de skad do/ /yang na gal te byang chub kyi sems rdo rje dkyil 'khor yin na de lta na rigs drug gi bdag
 nyid du gyur pa ma yin no zhe na/ gsungs pa rdo rje zhes pa la sogs pa'o/ /dkyil 'khor de ni rigs drug gi bdag nyid kho na ste/ gang gi phyir rdo rje dbyings dang rdo rje 'dzin pa dang 'dra ba/ bdag po'i ror ldan pa nyid kyis na rnam par bya ba'o zhes pas
 rnam pa rnams te rnam par snang mdzad la sogs pa rnams gang du yin pa de ni de skad do/ /de nyid kyi phyir rdo rje dbyings zhes par 'di'i mtshan de kho na nyid bsdus pa la sogs pa'i rgyud rnams su rgyas par brjod do/ /yang dag sbyangs nas zhes pa cho ga ji
 lta bar sa yongs su gzung ba la sogs pa rnams kyis so/ /phyag rgya chen po ni lha'i sku ste/ de yongs 'dzin pa gang du de ji lta bar 'gyur ba ste/ cho ga ji lta bar sgom pas sam myur bas kyang rung lhag pa'i bdag po'i rnal 'byor sngon ma can gyis
 zhes pa'i don to/ /'di ni ste rdo rje dbyings kyi dkyil 'khor ro/ /sngags pas zhes pa ji ltar rigs par sngags 'don cing/ dkyil 'khor gyi gnas thams cad bgegs bskrad pa'i don du blta'o/ /gsar pas byung nas yun ring mo ma lon pa longs ma 
 spyad pa sra bas so/ /legs sbyar ba ste legs par bsgril ba dang ye shes kyi skud par byas pas so/ /legs par tshad ldan ni dkyil 'khor gyi kyus kyi tshad nyis 'gyur du ring bas so/ /mdzes pa ste kha dog lnga dang ldan pas dang mdud pa med pas so/ /
 shes rab can ni dkyil 'khor gyi cho ga shes pa dang rim la sogs pa'i las la mkhas pa'o/ /ji bzhin te khru gang la sogs pa'i tshad kyi khyad par gyis so/ /gang gsungs pa/ khru gang nas ni brtsams nas ni/ ji srid khru ni stong gi bar/ zhes so//
 nus pas zhes pa 'bri ba'i yo byad nye bar sgrub pa la sogs pa'i nus pa nges par gzung nas so/ /de lta na yang mi mkhas pa'i dkyil 'khor gyi tshad nges pa sel bar byed do/ /dkyil 'khor ni 'khor lo ste/ 'khor lo dkyil 'khor zhes su brjod ces gsungs
 pa'i phyir ro/ /sangs rgyas dang sangs rgyas ma yin pa mnyam pa nyid kyis ni mi mnyam pa med pa nyid las gru bzhi pa ste/ zur bzhi pa'o/ /sgo rnams ni 'khor lo'i brgyad cha can rnams so/ /rta babs rnams kyi tshad ni sgo'i sum 'gyur ro/ /thig bzhi dang ni yang dag ldan/ /
 phyogs bzhi'i thig rnams dang zur thig rnams kyis mnyam par byas pa'o/ /thams cad du ste bzhi rnams su/ sgo dang sgo khyud rnams kyi mtshams rnams su sgo dang sgo khyud dag gi mtshams 'di ni phyi rol to/ /rin chen rdo rje rnams kyi ste zla ba phyed pa la gnas
 pa'i rin po che'i steng du rdo rje rnams kyis so/ /de'i zhes pa phyi'i dkyil 'khor gyi'o/ /'khor lo 'dra ba ni zlum po ste de yi dbus su 'khor lo ni yongs su zlum po kun nas bri zhes pa'i gsung las so/ /de yang phyi'i dkyil 'khor gyi phyed gyi ste/ grong ste dkyil 'khor slar
 yang thig gdab par bya'o/ /rdo rje skud pa ni rdo rje sngon po'i phreng pa'i skud pa dag ste/ de dag gis yongs su bcad pa ni/ gang las nang gi dkyil 'khor gyi mthar thig zlum po gnyis kyi dbus su rdo rje phreng ba 'di yin pa'o/ /'khor lo'i khra? ba dag dang rin po che'i ka ba dag
 dang pad+ma'i ka ba dag dang ral gri'i ka ba dag ces pa ka ba brgyad rnams so/ /rdo rje ka ba rtse'i gnas rnams su zhes pa/ rdo rje ste rdo rje phreng ba gnas pa rnams kyis mtshan pa'i ka ba'i rtse mo de rnams kyi gnas ni yang dag pa'i gnas rnams te/ de rnams yod pa na/ nang gi
 re mig dang ltan cig /dkyil 'khor lnga rnams kyis bzhin du de bzhin gshegs pa'i re mig rnams kyis brgyan cing spyan ma la sogs pa'i re mig rnams dang lhan cig rnam kyis so/ sngar gsungs pa ni de bzhin gshegs pa rnams bdag po nyid du rtogs par dgongs pas so/ /nang gi re/
 mig spangs nas brgyad rnams kyis brgyan pa ste/ de skad du yang gsungs pa/ de yi nang gi 'khor lo ni/ /dkyil 'khor brgyad pa lta bu yin/ /phyi'i 'khor lo'i phyed kyi ste/ /kun nas yongs su zlum po yi/ /'khor lo ka ba sogs
 bas spras/ /rdo rje phreng bas skor ba dge zhes so/ /dkyil 'khor brgyad pa lta bu ni dkyil 'khor brgyad pa 'dra ba'o/ /sangs rgyas gzugs zhes pa gnas ji lta bar zla ba la sogs pa'i gdan rnams bris la/ ji ltar rigs par rdo rje 'dzin pa la sogs
 pa rnams kyi sa bon nam phyag mtshan rnams sam/ lag pa'i phyag rgya rnams dri bar bya'o/ /de skad du yang mngon par brjod pa phyi ma'i rgyud du gsungs pa/ bri ba'i dkyil 'khor dang po ste/ gnyis pa mtshan ma'i dkyil 'khor ro/ /gsum pa lag pa'i
 phyag rgya ste/ bzhi pa gzugs su 'gyur ba'o/ /lnga pa me tog mchod pa ste/ drug pa tshogs kyi 'khor lo ro zhes so/ /gzugs ni thad kar bris pa dang bkos pa dang lugs ma dang gsar ma'i las kyis 'dus byas pa'o/ /shes rab dang thabs kyi bdag
 nyid can phyag rgya chen po'i sku ni rdul tshon du son pa ma yin te/ mu steg rnams la phan don du/ /sangs rgyas btsun mo sbas pa yin/ /zhes gsungs pa'i phyir ro/ /skal ba med pa'i skye bo 'dus pa na yi ge dang gzugs dag kyang ma yin
 ba kho na'o/ /lha'i khyim zhes pa nye bar mtshon pa ste yid dang rjes su mthun pa'i gnas so/ /sngags pa ni gnas dang bdag dang rnal 'byor srung ba'i sngags dang ldan pa'o/ /a yig gis zhes pa snying gar gnas pas so/ /rdo rje ni hUM las skyes shing hUM
 gi snying po can no/ /cho gas zhes pa stong pa nyid du mos pas tha mal ba'i nga rgyal bsal te/ yud kyis bdag nyid 'chad par 'gyur ba'i sku mdog dang phyag mtshan la sogs pa dang ldan pa'i rdo rje sems dpar lhag par mos nas/ de'i sa bon gyi 'od zer gyis
 lha mo bcu drug spros pas so/ /brjod ces pa bsgrub pa pos brjod pa'o/ /dgongs su gsol te nges par 'dzin pa dang bcas pas rnam par gzigs shig pa'o/ /che ge mo zhes bgyi ba zhes pa/ nges par byas nas khas blangs pa yongs su mi gtong bar dgongs pas
 rang gi ming gzung ba'o/ /byang chub ni stong pa nyid dang snying rje'i rang bzhin bde ba chen po'i ngo bo'o/ /de kho na snying po ste chos thams cad kyi nyid khu'o/ /de la 'dug pa ni gnas pa'o/ /dam pa ni 'jig rten las 'das pa'i yon tan 'thob par byed pa'i phyir ro/ /
 de nyid kyi phyir bla na med ces pa'o/ /mgon du bya bas na mgon po rnams te sangs rgyas bcom ldan 'das rnams dang byang chub sems dpa' rnams so/ /rang dang gzhan rdzogs par byang chub pa'i rgyu mtshan gdon mi za par bsgrub par bya ba nyid du nges mdzad pa ste/ ji
 ltar byang chub tu sems bskyed zin pa rnams bskyed bzhin pa rnams dang skyed par 'gyur ba de ltar bdag kyang ngo/ /de yang rnam pa gnyis te smon pa dang 'jug pa'i dbye ba las so/ /de la dang po sems bskyed nas sdom pa 'dzin te/ rnam pa gsum zhes pa la sogs
 pa'o/ /rnam pa gsum gsungs pa/ dge ba dang zhes pa mi dge ba las ldog pa'i ngo bo sdom pa'i tshul khrims te/ de yang byang chub sems dpa' i sems gnas pa'i ched du 'gyur ro/ /'dir chos rnams thams cad sdud do zhes pa chos sdud dge ba'i
 chos yang dag par bsdud pa'i tshul khrims te bdag nyid kyi sangs rgyas kyi chos yongs su smin pa'i ched du'o/ /sems can don bya'i tshul khrims ni sems can yongs su smin pa'i ched du'o/ /'di tsam yang bya ba ste/ 'di lta ste mthong ba'i chos la bde bar gnas
 pa'i ched du sems gnas pa dang/ lus dang sems ngal ba med pa'i yongs su smin pa gnyis so zhes pa'o/ /sdom pa gnyis po 'di yang 'jug pa'i tshul khrims so/ /bdag gis zhes pa 'gro ba sgrol bar khas blangs pa nyid kyi phyir nga rgyal byed pa'o/ /brtan pa
 ni phyir mi ldog pa nyid kyis na mi nyams par thob par ji ltar 'gyur ba'o/ /chos ni rgyu dang 'bras bu'i bdag nyid kyi byang chub kyi sems te/ de las gzhan pa'i sku 'bras bu'i ngo bo sangs rgyas dang/ rgyu'i ngo bo ni byang chub sems dpa' i
 dge 'dun no zhes pa dkon mchog mchog gsum rnams te/ gong na med pa'i dga' ba'i rgyu nyid kyi phyir dang rnyed par dka' ba nyid kyi phyir ro/ /dkon mchog gsum rnams kyi tshogs de ni de skad do/ /de nyid kyi phyir bla med de/ /de las mchog tu gyur ba med pa'i phyir ro/ /sgrib pa rnams las lus
 dang ngag dang yid rnams sdom pas na sdom pa ste dge ba 'byung ba'o/ /sangs rgyas rnal 'byor las skyes ni rnam par snang mdzad kyi rang bzhin te sdom pa 'di ni gti mug rnam par dag pa gtso bo nyid kyi phyir ro/ /phyag rgya ste phyag rgya chen po'o/ /de kho na nyid ces pa rdo rje dang/
 dril bu dang phyag rgya chen po rnams kyi de kho na nyid rnams ni nyi shu rtsa dgu pa dang sum cu bar 'chad par 'gyur ro/ /'dis ni dam tshig gsum gzung ba gsungs so/ /slob dpon ni bla ma de kho na nyid kyi ye shes 'byung ba'i rgyu ste de 'byung bar bdag nyid khas len pa'o//
 sdom pa 'di yang de kho na nyid shes pa gtso bo'i phyir mi bskyod pa'i rigs la'o zhes gsungs pa/ rdo rje chen po'i rigs bsdus la zhes pa ste/ rdo rje chen po'i ni mi bskyod pa'o/ /de kho na rigs te de las dpag tu med pa'i sprul pa 'byung ba'i phyir ro/ /de nyid
 kyi phyir sna tshogs pa'i lha rnams 'di las bsdu bar bya'o zhes bsdus pa'o/ /sbyin pa bzhi zhes pa yang dag par bsdus pa ste/ bzhi rnams ni chos dang zang zing dang mi 'jigs pa dang snyan par smra ba'i sbyin pa rnams so/ /yang na nor dang shin tu ba'i nor dang
 lus dang shin tu ba'i lus sbyin pa rnams so/ /nor ni gser dang dngul la sogs pa rnams so/ /shin tu ba'i nor ni bu dang chung ma la sogs pa rnams so/ /yan lag ni lag pa dang rkang pa la sogs pa'o/ /shin tu ba'i yan lag gi mgo bo dang tshil dang rkang la
 sogs pa'o/ /drug byas nas zhes pa/ nyin mo gsum rnams dang mtshan mo gsum rnams zhes pa lan drug rnams su byas nas so/ /rung bar zhes pa/ rin chen 'byung ba'i sbyin pas sems can tshim par byed pa la dbang du byas pa'i phyir ro/ /dam tshig la ni 'da' dka' 
 ba la te 'das na tshogs yongs su rdzogs par mi 'gyur ro/ /yid du 'ong ba la ni sbyin pas dga' ba'i dga' ston bskyed pa'i phyir ro/ /dam pa'i chos phyi'i ni bya ba'i rgyud la sogs pa'o/ /de la bya ba'i rgyud ni dam tshig gsum gyi rgyal po
 dang 'byung po 'dul byed la sogs pa ste/ gang du khrus dang smra bcad la sogs pa rnams kyis bya ba phyi rol gyi lugs ma dang bris sku la sogs pa la lha ru dmigs pa'o/ /spyod pa'i rgyud ni rnam par snang mdzad mngon par byang chub
 pa la sogs pa'o/ /gsang ba ni rnal 'byor gyi rgyud la sogs pa ste/ rnal 'byor gyi rgyud ni de kho na nyid 'dus pa la sogs pa'o/ /rnal 'byor bla ma'i rgyud ni 'dus pa la sogs pa'o/ /rnal 'byor bla na med pa'i rgyud ni rnal 'byor ma'i rgyud do/ /gang mkha' 'gro ma rdo rje gur
 du gsungs pa/ skyes pa rnams ni gdul bya'i rgyud/ /rnal 'byor rgyud ni yang dag bshad/ /bud med rnams ni bsdu ched du/ /rnal 'byor ma rgyud rab tu bshad/ /dman ba rnams la bya ba'i rgyud/ de bas lhag la spyod rnal 'byor/ /sems can mchog la rnal 'byor
 mchog /rnal 'byor bla med de lhag la'o/ /zhes so/ /de la rnal 'byor gyi rgyud ces pa 'dis de kho na nyid 'dus pa la sogs pa dang 'dus pa la sogs pa lnga brjod do/ /de nyid kyi phyir de gnyis rnal 'byor gyi rgyud kyi sde zhes brjod par bya'o/ /theg pa gsum ni nyan thos kyi theg pa dang rang sangs
 rgyas kyi theg pa dang pha rol tu phyin pa'i theg pa rnams so zhes pa mtshan nyid kyi theg pa chen po dang 'brel ba ste/ sngags kyi tshul kyi theg pa chen po ni phyi la sogs pas bshad pa nyid kyi phyir ro/ /sdom pa 'di ni 'od dpag tu med pa'i rigs dag pa la ste/ 'di ni
 kha na ma tho ba med pa'i ngag gi rang bzhin nyid kyi phyir ro/ /de nyid kyi phyir 'di las don dam byang chub chen po so sor rtogs pa'i ye shes kyis 'byung ba'o/ /sdom pa mchod pa'i las zhes sbrel bar bya'o/ /thams cad dang ldan pa ni phyi dang gsang ba dang de kho
 na nyid kyi mchod pa'i ngo bo nyid kyi phyir ro/ /de la nye bar spyod pa lnga rnams kyis phyi'i mchod pa'o/ /bsam gtan gyi dkyil 'khor du rang gi khu ba la sogs pa yongs su 'dzin pa rnams kyis gsung ba'i mchod pa'o/ /de kho na la shes rab dang snyoms par 'jug
 pa ni de kho na nyid kyi mchod pa ste/ dga' pa la sogs pa'i rim pas nyon mongs pa rnam par dag pa'i go 'phang mngon du byed pa nyid kyi phyir ro/ /bla na med pa'i de kho na nyid kyi mchod pa ni byang chub kyi sems sgom pa kho na ste/ gang mngon par brjod pa phyi mar
 gsungs pa/ rang bzhin med pa'i gnas goms las/ lha yi snying po sgom byed pa/ de ni mchod pa chen por 'dod/ /sangs rgyas thams cad rtogs byed pa'o/ /zhes so/ /rang bzhin med pa nyid du rang gi lhag pa'i lha'i ngo bo'i rjes su byed pas mchod pa ni
 'jig rten las 'das pa'i 'bras bu thob par byed pa'o/ /sdom pa 'di yang don yod grub pa'i rigs la ste/ mchod pa ni bya ba sgrub pa'i ye shes kyi ngo bo yin pa nyid kyi phyir ro/ /'jug pa'i sems skyed par byed de/ ma brgal ba rnams zhes pa ste/ nyon
 mongs dang rang sangs rgyas rnams ni shes bya'i sgrib pa las ma brgal ba'o/ /ma grol ba ni gti mug la sogs pa sgrib pa gnyis kyi 'ching ba can gyi phyir tshangs pa la sogs pa rnams so/ /dbugs ma phyin pa rnams ni dmyal ba la sogs pa rnams so/ /sems
 can mya ngan las 'das pa ste mi gnas pa'i'o/ /byang chub kyi sems gnyis po 'di yang lhag par mos pa tsam 'dir gsungs so/ /gang yang dag pa de ni 'dun pa la sogs pa'i dbye ba las so/ /don dam pa pa'i byang chub kyi sems brjod pa'i ched du
 gsungs pa de nas zhes pa la sogs pa'o/ /rdo rje 'dzin pa gang rnams kyi mchog yin pa de rnams thams cad de/ rnam par snang mdzad la sogs pa rnams 'chad par 'gyur ba'i rim pas 'di las yang dag par 'byung ngo/ /zhes pa de lta bu'i ting nge  
 'dzin rnam par rtog pa'i spros pa mdza' dag dang bral ba'i stong pa nyid la ste/ thabs byung de rgyu lkog gyur pas/ /de 'chad pa ni dka' ba yin zhes rtogs nas so/ /ched du brjod pa ni don rtogs pa la rab tu dang ba dag dga' ba'i dga' ston gyis brjod pa'o/ /
 chos thams cad kyi ste gzung ba dang 'dzin pa gnyis ka dang bral ba sems tsam gyi ngo bo rnams rang bzhin med pa nyid mdor bstan nas rgyas par ston te/ 'di thams cad de phyi ni sngon po la sogs pa'o/ /nang gi bdag nyid ni mig la sogs pa'o/ /sems
 kho nas bzhag pa sgro btags pa ste/ gang gi phyir sems las gzhan logs pa gzung bar bya ba bems po yod pa ma yin zhing/ de med pa'i phyir 'dzin pa yang cung zad med la/ sems gcig pu la yang ngo bo gnyis nyid mi 'thad pa'i phyir ro/ /yid kyis
 zhes pa rnam par dpyod pa pos so/ /brjod nas zhes pa rnam par rtog pa nang gi brjod pa'i rnam pa can nyid kyi phyir ro/ /'o na sems tsam dngos por yod par 'gyur ro zhe na/ ma yin te/ de yang chos thams cad kyi nang du 'dus pa nyid kyis nang rang bzhin med pa
 nyid du sgrub pa'i phyir ro/ /ji ltar chos thams cad rang bzhin med ce na/ gang gi phyir ma skyes pas so/ /de nyid kyi phyir rang bzhin gyis sgro btags pa'i mun pa thams cad dang bral ba'i phyir 'od gsal ba'o/ /de ci'i phyir zhe na/ rang bzhin ni gdong nas ma skyes
 phyir dang po ma skyes pa 'di kyi phyir te/ sngar skyes nas phyis 'jig pa ni 'ga' yang med do/ /de'i phyir ji ltar chos gzhan rnams sgyu ma la sogs pa bzhin du gdong ma nas ma skyes pa nyid kyis na don dam par rang bzhin gyis stong pa de ltar sems kyang ste/ rigs pa 
 mtshungs pa nyid kyi phyir ro/ /'dir yang da ltar ba'i dbang du byas te/ 'das pa dang ma 'ongs pa dag kyang spyir stong pa nyid du bshad pa'i phyir/ stong pa nyid la sogs pa'i ting nge 'dzin rnam par thar pa'i sgo gsum bstan pa kho na'o/ /de'i
 rjes su las gang la zhes pa sogs pa'i rigs pas so/ /yi ge gsum gyi ngo bo rang gi lus dang ngag dang sems gzugs brnyan lta bu stong pa nyid dang ro gcig par brtag par bya ste/ oM shU n+ya tA dz+nyA na badzra swa b+hA ba At+ma konyahaM zhes pa'i sngags kyi don
 mngon du byed cing ngo/ /chos rnams thams cad kyi rang bzhin dang rgyu dang 'bras bu dang bral ba ni stong pa nyid do/ /stong pa nyid kyi ye shes ni stong nyid ye shes te/ stong pa nyid dang mtshan ma med pa dang smon pa med pa ro gcig pa'i sems so zhes pa'i don to//
 de kho na rdo rje ste rang bzhin stong pa nyid kyis na mi mthun phyogs rnams kyis mi phyed pa nyid kyi phyir dang/ de 'byed pa'i phyir dang thog ma dang tha ma med pa nyid kyi phyir ro/ /de'i rang bzhin bshad ma thag pa'i ngo bo 'am/ yang na de kho na rang bzhin te rang la yod pa ste/
 de bzhin nyid kyi lus kyis rang bzhin gyis yongs su dag pa'i sems sgrib pa blo bur ba dang bral ba las rang gi ngo bo las gnas pa'o zhes pa'i don to/ /de nyid kyi phyir de gang gi bdag nyid de rang gi ngo bo yin pa de da ste/ de'i ngo bo can kho na nga'o zhes pa'o/ /des na
 byang chub kyi sems 'di stong nyid ye shes kyi sgras rang gi mtshan nyid du lhag par mos shing/ rdo rje'i sgras rnam par dag pa mthar thug par dang/ rang bzhin gyi sgras rnam par mthar thug pa'i dus na yang lhag po nyid min par dang/ bdag nyid dang de'i sgra dag
 gis de'i bdag nyid la rang bzhin gyis rnam par dag pa nyid du'o/ /ji ltar chos kyi dbyings thog ma dang tha ma med pa de ltar byang chub kyi sems kyang ste de ni de bzhin nyid la dmigs pa nyid kyis na de bzhin nyid gtso bo'i lus can nyid kyi phyir ro/ /oM yig gis
 kyang a dang u dang ma yig ro gcig pas lus dang ngag dang sems kyi ngo bor bdag nyid rnam par 'jog go /de ltar lus la sogs pa stong pa nyid kyi ngo bo'i stong pa nyid dang snying rje dbyer med pa'i byang chub kyi sems kyi don can sngags 'di'o/ /yang na
 oM zhes pa 'dis sku rdo rje'o/ /stong nyid ye shes rdo rje'i rang bzhin zhes pa 'dis thugs rdo rje'o/ /nga'o zhes pa 'dis gsung rdo rje ste/ bdag ni rtag tu med pa nyid kyis na ngag tsam nyid kyi phyir ro/ /de ltar tshig gsum gyis rigs gsum gyi bdag nyid
 kyi sngags gsungs so/ /yang na dngos rnams gdod ma nas ma skyes pa nyid kyi phyir dang/ rtag pa dang bral ba nyid kyi phyir dang sgyu ma lta bu'i nyid kyi phyir ma skyes pa la sogs pa'i tshig rnams kyi dang po'i yi ge yon tan dang rjes su nga ror gyur na/ oM zhes
 pa 'grub ste/ des me long lta bu'i ye shes gsungs so/ /stong nyid ces pas mnyam pa nyid kyi ye shes so/ /ye shes zhes pas so sor rtog pa'i ye shes so/ /rdo rje zhes pas spro ba brtan pa nyid kyi phyir bya ba sgrub pa'i ye shes so/ /rang bzhin zhes pas chos rnams kyi
 rang bzhin ni kun nas nyon mongs pa med pa'o/ zhes pas shin tu rnam par dag pa'i ye shes so/ /nga'o zhes pa ye shes lnga'i bdag nyid rdo rje 'dzin pa chen po'i ngo bor bdag nyid nges par ston to/ /de ltar rigs lnga'i bdag nyid du sngags kyi don bshad do/ /
 bshad pa gsum 'di yang rgyud rnams su bcom ldan 'das kho nas phye bar mdzad cing 'dir gsal bar byas pa'o/ /de ltar don dam par yod pa'i dngos po ci yang med de/ 'on kyang thams cad mdza' gnyis dang bral ba chos ma lus pa rang bzhin med pa
 nyid kyi mtshan nyid can/ spros pa med pa'i bdag nyid chos kyi dbyings kho na'o zhes nges par byed pas/ gang tshe dngos dang dngos med pa/ blo yi mdun ni mi gnas pa/ /de che rnam pa gzhan med pas/ /dmigs pa med par rab tu zhe/ /zhes pa chos thams
 cad mi dmigs pa'i bdag nyid can stong pa nyid la rab tu gzhug go /de ltar 'od gsal ba la rab tu gzhug pa ni blo gros rgya mtshos yongs su zhus pa'i mdor/ khyad par dang bcas gsungs pa/ 'gog pa la snyoms
 par 'jug bzhin pa ni gaN+Di'i sgra byin gyis brlabs pa byas nas 'gog pa la snyoms par 'jug ste/ de'i gaN+Di'i sgra 'gog pa la snyoms par zhugs pa med cing 'brel ba med mod/ 'on kyang gaN+Di'i sgra des 'gog pa las ldang ngo/ /de bzhin
 kho nar byang chub sems dpa' sems can thams cad bsgral ba'i ched du/ snying rje chen pos byin gyis brlab pa byas nas zab pa zab par snang ba sems dang yid dang rnam par shes pa ni rgyu ba'i ting nge 'dzin rnams la snyoms par 'jug cing/ de
 sngar gyi sems can 'gro ba'i snying rje chen pos byin gyis brlabs pa des nyan thos dang rang sangs rgyas kyi sar lhung ba ma yin te/ blo gros rgya mtsho byang chub sems dpa' rnams kyi thabs yongs su sbyong ba'i khyad par la ltos/ stong pa nyid dang mtshan ma med
 ba dang smon pa med par chos thams cad so sor rtog cing nyan thos la sogs thun mong pa'i ting nge 'dzin de rnams snyoms par 'jug la/ nyan thos dang rang sangs rgyas kyi sar yang mi ltung ngo/ /zhes so/ /'di'i rjes su rten sngon du 'gro bar brten pa rnam par gnas zhes
 pas 'khor dang bcas pa'i dkyil 'khor gyi don ni de ltar bdag nyid ces pa la sogs pa hUM zhes pa'i mthar thug pa'i gzhung ngo/ /de'i bar ma chad kho nar gcig gi aM ka rigs te dbus su ni sus kyang dgong par dka' ste/ aM ka rnams thams cad kyang
 gtsug lag min pa'o/ /de'i rjes su de nas rang gi sems de nyid ces pa la sogs pa dge ba'o zhes pa'i bar ro/ /de'i rjes su rang gi snying ga zhes pa la sogs pa rab brtag bya zhes pa'i mdza' o/ /de'i rjes su de nas rdo rje snying po zhes pa la sogs pa de bzhin gshegs
 pa thams cad ces pa mdza' o/ /de'i rjes su shar du rnam par snang mdzad ces pa la sogs pa'o/ /zhes pa rim pa'o/ /bla ma med pa srid pa'i mthar 'gro min/ zhes pas glegs bam las mkhas pa nyid bsal ba'i don du rim pa ma yin par bklag pa ste/ gzhan du
 yang ji ltar rigs par 'di ltar rtogs par bya'o/ /ji ltar bklags pa ltar bshad par bya ste 'brel pa ni don gyi rjes su 'brang ba kho nas shes par bya'o/ /de'i phyir stong pa nyid kyi byang chub 'chi ba'i bde ma chad du bar mdo'i srid pa byang chub sems kyi sa bon bsdu ba'i don du/ khang pa
 brtsegs pa'i bar ma chad du bsgom par bya ba gsungs pa de nas zhes pa la sogs pa'o/ /de nyid de stong pa dang snying rje dbyer med pa'i rang gi sems so/ /ci dgar zlos pas zhes pa nang gi brjod pa ste/ khyad par la gsum pa'o rang gi sems kho na zla ba'i dkyil 'khor
 gyi rnam par blta ste/ sngags nang du bzlas par bya'o zhes pa'i don to/ /oM zhes pa la sogs pa kun rdzob pa'i sngags te/ de rtogs par bya ba ni so sor rtogs par byed pa don dam pa'i sngags rjes su bsgrub pa'o/ /sems so sor rtogs pa yang phyag rgya chen
 po'i gnyis su med pa'i ye shes mngon du byed pa kho na'o/ /ye shes de nyid ni stong pa nyid dang snying rje dbyer med pa nyid kyi phyir stug pa'o/ /nam mkha' i khams mthar thug pa med pa'i phyogs kyi 'khor lo khyab pa nyid kyis na dkyil 'khor ro/ /'dod chags la sogs
 pa blo bur ba'i dri ma'i rnyog pa mdza' dang bral ba nyid kyis 'od gsal ba'i ngo bo nyid kyi phyir dag pa chen po'o/ /de nyid kyi phyir gsungs pa/ nam mkha' i lta bur dri ma med ces pa'o/ /bsod nams dang ye shes kyi tshogs thams cad kyi bdag nyid nyid kyis 'gro ba dga' 
 bar byed pa'i ngo bo yin pa nyid kyi phyir/ yid mi bde ba kun las grol lo/ /dpal ldan rdo rje sems dpa' i sprul pa'i 'od zer rnams kyis sems can gyi khams mdza' dag la phan 'dogs pa'i nus pa dang ldan pa nyid kyi phyir rnam par rtogs sel ba'o/ /de nyid kyi
 phyir mchog ste khyad par du gyur ba'o/ /dag pa che ba'i nyid rgyas par ston pa ni/ nyon mongs kun gyi dri ma dag ces pa'o/ /mngon par mtho ba dang nges par legs pa'i 'bras bu rgya chen po mdza' dag dang ldan pas yongs su rdzogs
 pa nyid kyi phyir zla ba gang ba lta bu ste/ de'i phyir de gsal bar byed pa nyid kyi phyir bskyed pa'i rim pa la yang sems zla ba'i dkyil 'khor gyi rnam par blta'o/ /ci ltar zhe na gang phyir thams cad ces pa la sogs pa'o/ /gru gsum zhes pa chos 'byung ste/
 der skyes pa nyid kyis na 'bras bu rgyur nye bar brtags pa las gru gsum ni 'dir ba las skyes pa'i khu ba ste/ thabs gzhan med pa nyid du gsar ba'i don du nye bar btags pa'o/ /'di ni rgya che pa'i gzugs can gyi byang chub kyi sems su brjod de/ zab
 cing rgya che ba'i gzugs can ni stong pa nyid dang snying rje gnyis su med pa kho na'o/ /sangs rgyas kun gyi yon tan rnams ni bde ba chen po'i ngo bo me long lta bu'i ye shes kyi nang du gtogs pa rnams te/ de rnams kyi gnas ni de'i bdag nyid kyis gzhi'o/ /bsgom
 par bya ba zla ba'i dkyil 'khor dkar po khu ba nyid du mos par bya bzhin pa 'di yang/ de'i yon tan khyad par du 'phags pa nyid kyis lhag par mos par bya'o/ /shel dang zla ba 'dra ba ni dkar po dang zla ba'i 'od dang bcas pa'o/ /de'i steng du zhes pa
 zla ba'i steng du ste/ skyes pa 'dod pa'i bud med kyi bzhin no/ /bskyed par bya zhes pa skyed bzhin pas nang gi brjod pas sngags bklag ces pa'i don to/ /oM zhes pa la sogs pa sngags te/ sdur bzhin du brjod par bya'o/ /khyad par gsungs pa snying rje
 rjes su chags las byung/ zhes pa 'di ni mnyam pa nyid kyi ye shes kyi ngo bo ste/ de yang rtag tu thugs rje chen po dang byams pa chen po dang ldan pa'o/ /de ltar yang rgyas pa dang bcas par thub pa'i dgongs pa'i rgyan du nye bar bshad do/ /nges par gnon
 pa ni nyams par byed pa'o/ /byang chub zla ba zhes pa byang chub kyi sems zla ba ma las skyes pa kha dog dmar ba ste bskyed par bya zhes sprel lo/ /skar ma'i rnam pa ste/ mig dmar la sogs pa'i skar ma bzhin du 'od dang bcas pa'i kha dog dmar pos so/ /sangs
 rgyas yon tan rnams ni bde ba chen po'i mnyam pa nyid kyi ye shes rjes su son pa rnams so/ /gzugs brnyan sbyor bas zhes pa snga ma yang shes par bya'o/ /A li dang kA li dag zla ba'i gzugs su yongs su gyur pa dag slar yang zla ba dag la gzugs brnyan du
 byas pa dag blta bar bya'o/ /de la 'chad par 'gyur ba'i dga' ba bcu drug gi dbye ba las zla ba cha bcu drug pa ste tshes gcig la sogs pa rnams su 'phel pa la sogs pa'i dbye ba las kyang ngo/ /de skad du yang bcom ldan 'das kyis gsungs pa/ a
 yig mtheb chen rtsa bar 'gyur/ /A yig byin pa dag la nyid/ /a'i yig kyang ni brla zungs la/ a'i yig gsang ba'i phyogs su'o/ /u yig lte ba'i rtsa bar te/ /a'u yig lto ba mchog la'o/ /ri yig nu ma'i dbus su ste/ rI yig de bzhin lag la'o/ /li
 yig mgrin pa'i phyogs su ste/ /lI yig kyang ni mchu la gnas/ /e yig 'gram pa'i phyogs su ste/ /i yig kyang ni mig la'o/ /o yig rna ba'i rtsa bar te/ /aau yig mgo bor yang dag gnas/ /aM A:- spyi gtsug tu lus la/ mkhas pas 'di ltar
 bsam par bya/ /dkar po'i phyogs la 'di ltar gnas/ /nag po zlog pas de ltar ro/ /bud med la 'di rdo rje sems/ /skyes pa rnams la'ang dus kun tu'o/ /zhes so/ /de ltar cha bcu drug rtogs par byed pa dbyangs bcu drug rnams te/ cha rnams ni/ khu ba'i 
 rnam pa bcom ldan 'gyur/ /de yi bde ba 'dod mar bshad/ ces pa shes rab dang thabs kyi dbye bas sum cu rtsa gnyis so/ /de ltar ni a'i yi ge la sogs pa lnga rnams rim pa ji lta bar mgrin gyur dang rka? nang du gyur dang mchur gyur dang spyi bor gyur dang sor
 gyur rnams te/ nam mkha' dang rlung dang chu dang me dang sa rnams kyi rjod par byed pa ste/ mnyam pa'i chos rnams la nyis 'gyur du brjod par bya'o zhes pa'i ring por yi ge gnyis pa rnams so/ /bcu gcig pa la ni rlung dang sbyor ba
 las nam mkha' gong du byung ba ste/ bcu gnyis pa shin tu gong du byung ba'o/ /bcu gsum pa dang bcu bzhi pa la chu dang sbyor ba las de ltar ro/ /bco lnga pa'i nyin mo la ye shes kyi khams rjes su nga ro brjod par bya'o/ /mtshan mo la de kho na nyis
 'gyur mgrin pa las byung ba rnam par bcad par brjod par bya'o/ /nam mkha' i khams kho na stong pa nyid dang snying rje dbyer med pa nyid kyis ye shes kyi khams so zhes kha cig tu rnam par bzhag go /kha cig tu ni de lta nyid du yang nam mkha' i khams kho
 nar brjod par bya'o/ /de nyid kyi phyir dang po dang mdza' dag du nam mkha' dang ye shes kyi khams dag rlung la sogs pa'i khams la khyab par byed pa nyid du gsal bar byed pa e yig gsungs so/ /de ltar yang/ a yig yig 'bru kun gyi
 mchog/ de ltar nam mkha' la sogs pa'i khams kyi rang bzhin nyid na yang khu ba kho na la khu ba ma yin pa'i las ldog pa'i phyir rnam pa bcu drug tu dbye ste/ bde ba ma yin pa las ldog pa'i phyir yang rnam pa bcu drug ces pas sum cu
 rtsa gnyis so/ /zla ba gnyis pa ni bud med rnams kyi zla mtshan mang ba la byung ba'i nyi ma'i dkyil 'khor bzhin no/ /de nyid kyi phyir de sngon du nyi mar gsungs so/ /de'i phyir 'di gsal byed rnams kyis bsgrub par bya ste/ de ltar ni 'dir sa dang chu dang
 me dang rlung ste bzhi rnams gang na 'byung ba gcig yod pa der bzhi rnams so/ /zhes pa'i lung las/ so sor rnam pa bzhi nyid kyis bcu drug ste/ bde ba nam mkha' i khams zhes pa'i gsungs las nam mkha' i khams zhes bya ba dga' ba bzhi'i rang
 bzhin gyis nyi shu'o/ /rdul dang ldan pa'i phyir nyis 'gyur rnams te bzhi bcu rnams so/ /stong pa nyid dang snying rje'i ngo bo shes rab dang thabs kyi rang bzhin nyid kyis na slar yang nyis 'gyur te brgyad bcu'o/ /de ltar de brjod par byed pa'i gsal skyed rnams kyang/
 ka la sogs pa rnams yang ba rang lci ba'i 'bang ba nyid kyis rnam pa gnyis su brjod par bya ba bzhin pa nyid kyi phyir ro/ /Da Dha ya ra la wa dang bcas pa rnams nyis 'gyur nyid kyis na brgyad cu kho na'o/ /de ltar ni ha dang ya dang ra dang la dang wa rnams rim pa ji lta
 bar mgrin gyur dang rkan gyur dang spyi bor gyur dang sor gyur dang mchur gyur rnams te/ nam mkha' dang rlung dang me dang sa dang chu'i khams rnams kyi brjod par byed pa'o/ /de bzhin du ka la sogs pa'i sde pa lnga rnams kyang ste/ sde pa rnams ni gsal
 byed lnga'i bdag nyid kyis na so sor slar yang rim pa ji lta bar sa dang chu dang me dang rlung dang nam mkha' rnams kyi'o/ /sha dang Sha dang sa rnams ni rlung dang me dang sa rnams kyi'o/ /k+Sha yig ni nam mkha' i khams gong du gyur pa me rdul dag de'i bdag nyid du yang dag par
 ldan pa nyid dang gong du gyur pa dang khams gzhan la khyab par byed pa nyid du sgrub pa'i don du mthar bklags pa'o/ /thams cad la khyab pa po stong pa nyid dang snying rje dbyer med pa'i byang chub kyi sems sgom pa rab kyi mthar thug pa las skyes ba sgrib pa med
 pa'i ni bsgrub par bya'o zhes shes par bya ba'i ched du a yig dang tsheg drag dag thams cad kyi mthar bklags pa dag go /de nyid kyi phyir snying rje nye bar mtshon pa'i stong pa nyid gsal bar byed pa'i a yig ni/ ka la sogs pa'i gsal byed kyi mdza' rnams su
 brjod pa'o/ /de nyid kyi phyir 'ga' zhig tu ye shes kyi sems sgrib pa'i bud shing thams cad sreg par dgongs pas/ k+Sha yig dus kyi me gsal bar byed par rnam par bzhag go /'dir ni/ k+Sha yi yi ge srin por bshad/ /'og gi cha la lhag par gnas/ /'chad par
 'gyur te/ byang chub kyi sems kho na rnam par rtog pa ma lus pa za bar mtshungs pa'i phyir srin po 'dra ba'i ni srin po'o/ /de ltar na ka nga nya Na na ma ha k+Sha rnams nam mkha' i khams kyi gsal bar byed pa rnams so/ /g+ha dang dza dang Dha dang d+ha
 dang b+ha dang yang dang yang dang sha rnams rlung gi'o/ /ga dza Da Da da ba ra ra Sha rnams me'i'o/ /kha tsha Tha Tha pha wa wa rnams su chu'i'o/ /tsa dang Ta dang ta dang pa dang la dang la dang sa rnams sa'i'o/ /de ltar bzhi bcu nyis 'gyur du byas pa gsal byed brgyad cu rnams so/ /a
 yig la sogs pa'i yig 'bru 'di rnams kyang gzhan zhig tu brjod par bya ba dang rjod par byed pa dag tha mi dad par nye bar btags pas kyang rnam par bzhag par bya ste/ dper na a yig nam mkha' i khams zhes pa la sogs pa bzhin no/ /sgom pa'i
 rnam par rtog pa la yang zla ba gnyis dang yig 'bru rnams gzugs brnyan du byas pa kho nar rtogs par bya ste/ de nyid kyi phyir gsungs pa/ gzugs brnyan sbyor ba yis shes pa'o/ /chos rnams thams cad kyang gzugs brnyan lta bu nyid du gsal
 bar byed par 'dir dgongs pa'o/ /de la A li'i rnam par smin pa'i 'bras bu ni me long ye shes te/ rgyu mthun pa'i 'bras bu ni sum cu rtsa gnyis rnams so/ /kA li'i rnam par smin pa'i 'bras bu ni mnyam pa nyid kyi ye shes te/ rgyu mthun pa'i 'bras
 bu ni dpe byad bzang po brgyad cu rnams so/ /'di thams cad nang gi tshul du gsungs pa/ 'di zhes pa la sogs pa ste/ dkyil 'khor kun gyi cho ga zhes pa rdul tshon gyi dkyil 'khor gyi dang 'khor dang bcas pa'i bsgom bya'i dkyil 'khor gyi cho ga'o/ /
 der te zla ba de dag la hUM las skyes shing lte bar gnas pa'i hUM dang ldan pa'i rdo rje'i gzugs bsgom par bya ste/ bar do'i srid pa'i sems kyi sa bon pha ma dag dang rdo rje dang chu skyes kyi bar du gnas pa'i zla ba dang nyi ma dang zla ba dag la gnas pa bzhin no/ /
 rtse lnga pa ni lag pa dang rkang pa dang mgrin pa'i mtshams kyi yan lag mchog ste 'bur po rnga rnams kyis so/ /ngos gnyis par gnas pa'i rtse mo lnga nyid du 'bur po so so la slar yang 'bur po lnga rnams kyi rgyu nyid kyi phyir ro/ /de rnams ni bzhi rnams
 la sor mo rnams dang/ mgo bo la ni mig dang rna ba dang sna dang lce dang lus kyi dbang po rnams te lus kyi dbang po gtso bo ni bde ba chen po'i gnas dpral ba nas gzung ba'i steng la rnam par bzhag go/ kun tu bzang bo'i sems ni sgrib pa med pa nyid
 kyis rnam pa thams cad du yongs su dag pa'i spyod pa'i byang chub sems kyi ngo bo kho na'i 'dod chags pa spro ba'i phyir ro/ /de don dam par skye ba med pa'i ngo bo'i sgyu ma bzhin du bskyed pa ste/ de brtan par byed pa ni nges par byas pa nyid kyis mdza' med pa'i
 dus su rgyun du gnas su 'jug pa'o/ /de'i rgyur te/ 'di yis zhes 'brel lo/ /bdag nyid ni sems te/ sems bdag go zhes ba'i gsung rab las so/ /tiSh+Tha gnas par gyis te nam mkha' ji srid bar ro/ /badzra ni so sor rtog pa'i ye shes kyi bdag nyid kyi
 byang chub kyi sems so/ /'dir ni sa bon gyi mtshan ma'i phyag mtshan ni so sor rtog pa'i ye shes su mdor bstan to/ /bya ba sgrub pa'i ye shes mdor ston te/ /byang chub spyod pa zhes pa sems can rnams bla na med pa yang dag par rdzogs pa'i byang chub
 la 'god pa ste/ de nyid kyi phyir bla na med pa ste bsgom par bya zhes 'brel lo/ /ci'i phyir zhe na/ gang gi phyir de'i ste kun tu bzang po'i sems kyi 'di ni ste byang chub spyod pa ni sa ru spyod yul du rtogs sla ste/ so sor rtog pa ni byang chub sgrub pa'i don kho
 nar zhes pa go sla ba'o/ /de'i phyir de'i bar ma chad du 'di'o/ /de'i rjes su ye shes dag pa'o/ /ci'i phyir zhe na gang gi phyir zag pa med ces pa/ srid pa'i rtse mo nas mnar med pa ji srid par skye mched kyi rma drug rnams kyis zag go /zhes pa 'am/ 'di
 rnams kyis rgyud yul rnams su zag go zhes pas zag pa bcu rnams te/ 'dod chags dang khong khro dang nga rgyal dang ma rig pa dang the tshom dang 'jigs tshogs la lta ba dang mthar 'dzin par lta ba dang log par lta ba dang lta ba
 mchog tu 'dzin pa dang tshul khrims dang brtul zhugs mchog tu 'dzin pa'o/ /'di rnams kyi rim pa ni ji ltar gnas pa'i dngos po ji lta ba bzhin nyid ma rtogs pa las dang yod pa ma yin pa'i rang bzhin sgro 'dogs pa las dang por ma rig
 pa'o/ /de nas yang dag pa dang log pa'i phyogs gnyis thos nas 'di bden nam 'di mi bden zhes the tshom mo/ /de nas log pa'i phyogs goms pa las dngos po la yang dag par yod pa nyid bsgro 'dogs pas phyin ci log tu lta ba ni log par lta
 ba'o/ /'di log par lta ba ni log par nges pa 'di lta bu'i bdag nyid kho na gzung bar bya'i/ /rgyu dang 'bras bu la skur 'debs pa'i bdag nyid ni ma yin no/ /de nas 'jigs tshogs la lta ba ste/ de ni 'jigs pa'i bdag nyid can nye bar len
 pa'i phung po rang bzhin med pa rnams la phyin ci log las rang bzhin dang bcas nyid du gzung ba rnams la bdag tu byed pa dang bdag gis byed par rab tu zhugs pa'i bdag nyid can nyid kyi phyir ro/ /de nas mthar 'dzin pa'i lta ba ste/ de ni nye bar
 len pa'i phung po lnga po rnams la kye ma bdag dang 'jig rten 'di rtag pa 'am chad pa 'am/ de bzhin du yod do med do zhes pa la sogs pa mdza' gnyis su rtogs pa'i ngo bo nyid kyi phyir ro/ /de nas tshul khrims dang brtul zhugs mchog tu 'dzin pa ste/
 gang la mthar 'dzin pa des dag par yid ches pa'i phyir ro/ /de nas lta ba mchog tu 'dzin pa ste/ gang gis dag par yid ches pa nges mchog tu 'dzin pa'i phyir ro/ /de nas rang gi lta ba 'dod chags so/ /lta ba nges kyang nga rgyal lo/ /de nas de la
 gzhan la sde sdang ngo zhes pa'o/ /zag pa 'di rnams dang bral ba ni zag med zag pa dang bcas pa gnas gzhan du gyur pa'i phyir ro/ /'dis shin tu rnam par dag pa'i chos kyi dbyings kyi ye shes mdor bstan to/ /de la so sor rtog pa'i ye shes kyi
 rgyas par ston pa gsungs pa/ zla ba zhes pa la sogs pa'o/ /rdo rje ni rang gi mngon par 'dod pa'i nam mkha' khyab pa'i tshad de 'di tsam mo/ oM tiSh+Tha badzra zhes pa byin gyis brlabs pa'i don can gyi sngags so/ /oM badzra At+makonyahaM zhes pa 'di bdag nyid so sor
 rtog pa'i ye shes kyi ngo bo nyid du rtogs par byed pa'i don can no/ /spro dang bsdu ba'i sbyor ba las zhes pa bya ba sgrub pa'i ye shes rgyas par ston pa'o/ /de ltar ni hUM yig las spros pa'i de bzhin gshegs pa rnams kyis 'gro ba yang dag par rdzogs
 pa'i sangs rgyas su byas shing de rnams kyang hUM yig gi nang du zhugs pa na bya ba sgrub pa'o/ /de ltar zla ba dang zla ba'i sa bon rnams gsungs nas de'i gsang ba brjod pa'i ched du gsungs pa/ thams cad ched pa la sogs pa'o/ /sangs rgyas rnams
 thams cad kyi ste me long lta bu la sogs pa'i ye shes kyi ngo bo can rnam par snang mdzad la sogs pa rnams kyi sku gang yin pa zla ba gnyis dang sa bon dang phyag mtshan dang sprul pa dang 'gro ba ro gcig pa de bsgom par bya'o zhes sprel lo/ /ci 'dra
 ba zhe na/ snang ba med pa dngos por na rang bzhin med pa ste/ snang ba dang rnam par dngos po rnams ni rnam grangs so/ /gnas med pa zhes pa gnas kyang rang bzhin med pa nyid kyi phyir mtshan ma med pa'o/ /ci las snang ba med ce na/ gang gi phyir ma skyes pa ste don dam par skye ba mi rung ba'i phyir ro/ /de nyid
 kyi phyir rgyu'i bya ba la mi bltos pa'i phyir ma byas pa'o/ /dag pa ni dri ma med pa ste/ gang las med do dang /yong ngo la sogs pa'i spros pa spangs pa'o/ dag pa de yang lus dang ngag dang sems kyi ngo bo gzugs la sogs pa ni bcad du med pa ste/
 mi rtag pa la sogs pa spyi'i mtshan nyid tha dad pa nyid kyi phyir ro/ /dbyer med pa ste gzugs su rung ba la sogs pa'i rang gi mtshan nyid tha dad med ba nyid kyi phyir ro/ /gzung ba med pa ste/ sems 'di kho na lus dang ngag gi rnam
 par snang ba'i lus la sogs pa zhes bya ba gzung bar bya ba ni yod pa ma yin pas so/ /'di ltar gyur pa'i lus la sogs pa las logs pa 'dzin pa po gzhan sems yod pa yang ma yin te/ gzung ba med na de 'dzin pa ma yin pa'i phyir ro/ /de ltar
 na gzung ba dang 'dzin pa dang bral ba'i stong pa nyid du ro gcig pa phan tshun tha mi dad ba'i lus dang ngag sems ni byang chub kyi sems su brjod cing/ de kho na yang chos kyi sku dang phung po med pa ste rgyu la 'bras bu nye bar btags pa'i phyir ro/ /sgrib pa dang bcas
 ba'i phung po lnga'i ngo bo phung po gnas gzhan du gyur ba'i bar ma chad du med pa'i phyir ro/ /rdo rje'i bdag nyid yang dag par byung ba ni lus ngag dang sems rdo rje'i rang gi ngo bor skyes pa ste/ byang chub kyi sems la yang thog ma dang tha ma med na yang mngon
 du byed pa'i gnas skabs na yang kun rdzob tu skyes par brjod do/ /de nyid kyi phyir nye bar bsdud de/ de ltar rdo rje'i sku bla na med pa zhes pa ste/ 'dis kyang sku'i gsang ba sgrub pa'i thur gyis ji ltar de bzhin gshegs pa thams cad ces 'chad par 'gyur ba'i
 dpe'i ngo bo chos kyi sku'i rang bzhin 'bras bu'i byang chub kyi sems kyang gsal bar byas so/ /de nyid kyi phyir de bzhin gshegs pa thams cad kyi sku dang gsung dang thugs rnams byang chub kyi sems nyid du rtogs nas dpe can rtogs pa'i ched du 'dri ba ni/
 slar yang zhes pa la sogs pa ste/ rdo rje de ni gang lus dang ngag dang sems kyi bdag nyid du gsungs pa'o/ /'o na skad cig gcig gis mngon par rdzogs par byang chub pa'i gnas skabs 'dir yang rdo rje lta bu'i bar chad med pa'i lam gyi ngo bor gyur pa na/
 gal te gzhan gyi gdams ngag la bltos nas mngon par rdzogs par byang chub par 'dod na/ de ci bcom ldan 'das bsod nams dang ye shes kyi yongs su rdzogs pa nyid kyi phyir slob dpon med pa'i ye shes can du rnam par bzhag par bya ba ma yin zhing rang
 'byung nyid du yang ma yin no zhe na/ ma yin te rnam par bzhag par bya ba ma yin te/ so so'i skye bo'i bsam bas rdo rje snying po'i dri ba 'di'o/ /de yang gnas skabs 'di la lhag par mos pa kho na yin gyis mngon du byas pa ni ma yin no/ /de'i phyir 'di'i dri ba
 rigs so/ /de'i gnas skabs rtogs pa'i bar ma chad kho nar mngon par rdzogs par byang chub pa ni slob dpon med pa kho na'o/ /de bzhin gshegs pa'i sgra ni de'i rang gi ngo bo dang mtshungs pa'i dbang po nyid kyi don to/ /gang gi rdo rje gsum gyi bdag nyid rdo rje
 gsungs pa de nyid slar yang khyad par du 'chad par 'gyur ba'i phyag dang zhal la sogs pas/ rdo rje sems dpa' i gzugs me long lta bu'i ye shes la sogs pa rnam pa thams cad mchog dang ldan pa/ shin tu rnam bar dag pa'i chos kyi dbyings kyi
 ye shes kyi bdag nyid/ sangs rgyas kyi sku de bzhin gshegs pa thams cad dang bdag nyid kyi dngos po mtshungs pa nyid du bsgom zhing sngags brjod do/ /nye bar sdud ba/ lus kyi gsang ba zhes te/ lus kyi ste zla ba dang zla ba'i sa bon gyi bdag nyid kyi ji
 skad bshad pa'i rang gi ngo bo ni gsang ba ste/ gzhan rnams kyi spyod yul ma yin pa nyid kyi phyir ro/ /'dis ni ye shes gsum nye bar bsdus so/ /spyod pa zhes pa la sogs pas bzhi pa'o/ /de kho na nyid ces pa la sogs pas lnga pa'o/ /rnam par snang
 mdzad la sogs pa sangs rgyas lnga'i bdag nyid can nyid kyi phyir sangs rgyas kun bdag ste drug pa'o/ /bag chags dang bcas pa'i sgrib pa ma lus pa spangs pa las mchog tu bla na med pa'i dge ba nyid kyis na dge ba'o/ /'di 'dra ba kho na'i mngon par
 byang chub pa rnam pa lnga po/ /rdzogs pa'i rim pas rdo rje sems dpa' i ngo bor rtogs par byed pa ni skye gnas dbus su rtsa gnyis dag ces pa la sogs pas gsal bar byed par 'gyur ro/ /'di kho na yang 'dir 'bras bu rdo rje 'dzin
 pa'o/ /snga mas ni zla ba gnyis dang sa bon dang bcas pa'i phyag mtshan dang sprul pa rnams 'gro ba dang lhan cig ro gcig par gyur pa'i gnas skabs rgyu rdo rje 'dzin pa'o/ /de kho na yang 'dir skad cig gcig la mngon par byang chub pa rdo rje
 lta bu ste/ /'bras bu rdo rje 'dzin pa'i sa chos kyi sku'i bar chad med pa'i lam nyid kyis na chos sku dang phung po med par brjod do/ /de skad du yang 'phags pa sa bcu bar gsungs pa/ sangs rgyas kyi yul rgya chen po la yang dag par gzhol ba dang/
 bsam pa ji lta bar sems can thams cad la yang dag par bstan cing tshim pa'i ched du zhes so/ /'dis ni rgyu yongs su dag ni rgya che ba'i sangs rgyas kyi yul la rab tu 'jug pa mngon par sgrub pa nyid kyis dang/ 'bras bu dag pa ni bsam pa ji lta bar
 sems can la yang dag par ston cing tshim par byed pa nyid kyis te/ /ye shes dang mthu dag gis zhes gsungs so/ /de ltar ni 'das pa'i srid pa'i gnas skabs bzhin du byang chub sems dpa' rnams kyi tshogs kyi sa ste/ yang dag par sog
 par chos mthun pa nyid kyi phyir ro/ /'dir ni sbyin pa la sogs pa bsod nams rnams bsog cing/ snga mang ni dge ba dang mi dge ba rnams so/ /'chi ba la mngon par phyogs par sbyor ba'i gnas skabs bzhin du mos pas spyod pa'i sa ste/ de kho na
 nyid nges par 'byed pa'i ngo bo yin pa nyid kyi phyir ro/ /de'i rjes su 'das pa'i srid pa 'gog pa las bar do'i srid pa'i gnas skabs bzhin du sbyor ba'i gnas skabs kyi mdza' nye'i skad cig gi mthar thug pa 'gog pa las mdza' i skad cig gi ngo
 bor rab tu dga' ba'i sa'i bar chad med pa'i lam gyi gnas skabs so/ /de'i rjes su bar do'i srid pa'i ji lta bzhin gyis gzugs 'gag pa'i rjes kyi mngal gyi gnas skabs bzhin du byang chub sems dpa' rnams kyi bar chad med pa'i lam 'gags pa'i rjes
 la sa bcu'i gnas skabs rig par bya ste/ sa 'di rnams sgrib pa dang bcas pa nyid kyi phyir ro/ /bcas pa'i gnas skabs dang 'dra ba ni sangs rgyas kyi gnas skabs te/ 'bras bu yongs su rdzogs pa nye bar gzung nas spyod yul thams cad so sor nyams su myong ba'i phyir te/ btsas pa ni dbang po thams cad kyi
 spyod yul so sor nyams su myong bas so/ /de na dbu la sogs pa skyed par byed pa'i gnas skabs dang 'dra ba ni spyod pa'i sku lha spro ba'i gnas skabs so/ /de la mngal gyi gnas skabs bcu rnams te/ /khu ba'i las kyi gnas skabs dang/ nur nur po'i lus kyi gnas skabs
 dang/ ltar ltar po'i lus kyi gnas skabs dang/ mkhrad gyur gyi lus kyi gnas skabs dang/ lus dang rjes su mthun pa'i lus kyi gnas skabs dang/ rang bzhin dang rjes su mthun pa'i lus kyi gnas skabs dang/ las dang bcas pa'i lus
 kyi gnas skabs dang/ yongs su rdzogs pa'i lus kyi gnas skabs rnam pa gsum ste/ dbang po yongs su rdzogs pa dang/ mtshan yongs su rdzogs pa dang/ chu zheng yongs su rdzogs pa'o/ /de rnams dang rab tu dga' ba la sogs pa'i sa rnams chos mthun pa
 nyid du nye bar mtshon par bya'o/ /de ltar de dang der lhag par mos pa la yang ste/ gang phyir 'di la'ang rang gi snying ga'i sa bon gyi 'od zer gyis spyan drangs pa'i de bzhin gshegs pa la sogs pa mchod pa la sogs pa rnams kyis bsod nams kyi
 tshogs kyi sa'o/ /de'i rjes su stong pa nyid la gzhug pa ni sbyor ba'i gnas skabs so/ /de nas de'i gnas skabs 'gags pa las srid pa bar do'i gnas skabs dang 'dra bar kha cig tu ho(rgyud 'grel sam yi ge gsum gyi gnas skabs sam kha cig tu nA da tsam ste/ rnam pa gsum ka yang lus dang ngag dang sems rnams bskyed pa'i phyir ro/ /stong pa nyid kyi ting nge 'dzin 'chi ba'i rjes thogs su yi ge'i gzugs dang de bsdus
 pa nA da'i gzugs dri za ni rgyud gzhan rnams su bsnyan pa las so/ /sa bon la sogs pa'i yi ge rnams dang nA da ni rnam pa sna tshogs su bskyed par 'gyur ba'i lha'i 'byung gnas nyid kyi phyir ro/ /gang phyir dri za rnams kyang rnam pa sna tshogs pa rnams te/ 'ong bar
 'gyur ba'i srid pa'i rnam pa nyid kyi phyir ro/ /des na dri za'i ji lta ba bzhin pa'i ngo bo 'gags pa'i rjes thogs su mngal gyi gnas skabs bzhin du/ sa bon las skyes pa'i rang gi rten la gnas pa'i sa bon dang bcas pa'i phyag mtshan gyi gnas skabs
 so/ /kha cig tu phyag mtshan med pa'i sa bon gyi gnas skabs so/ /de yang ji ltar srid pa bzhin sngar bzhin du rgyu rdo rje 'dzin pa'i gnas skabs su'o/ /de nyid kyi phyir 'di la yang dgongs nas 'chad par 'gyur te/ zla ba bcu rnams sa rnams so /sems
 can sa bcu'i dbang phyug go/ zhes so de yongs su rdzogs pa lha'i sku yang 'bras bu rdo rje 'dzin pa'i gnas skabs te/ btsas pa'i gnas skabs bzhin no/ /rnam par bzhag pa 'di yang gang gi tshe lha zhu bar gyur pa ma yin pa na'o/ /gang gi tshe phyag bcu
 drug pa dang 'jam pa'i rdo rje la sogs pa zhu bar gyur pa de'i tshe stong pa nyid la gzhug pa la sogs pas rnam pa lnga mngon par byang chub pa nas brtsams nas dri za 'jug pa las sngon gyi gnas skabs thams cad ni srid par mi gnas skabs lta bu'o/ /dri
 za 'jug pa las zhu bar gyur pa nas brtsams te/ sa bon gyi yi ge yongs su gyur pa'i gnas skabs ni mngal gyi gnas skabs bzhi ro/ /de'i tshe gnas skabs gnyis po 'di rgyu rdo rje 'dzin pa'i gnas skabs so/ /de'i rjes su de yongs su gyur pa'i sku ni bcas pa'i gnas
 skabs bzhin te/ 'bras bu rdo rje 'dzin pa'i gnas skabs so/ /rnam pa lnga mngon par byang chub pa lan gnyis ni rgyul dang 'bras bu la yang bde ba chen po yod pa kho na'o/ /zhes rtogs pa'i don du'o/ /'di'i rjes su 'brangs ba las ni ye shes bzhi'i bdag nyid du rgyu
 la yang lhag par mos pas bya sge sngar ji skad bshad pa bzhin no/ /kha cig tu rnam pa gzhan du rnam par bzhag ste/ bsdus pa'i rim pa la ji lta ba bzhin no/ /de la ni stong pa nyid la 'jug pa la sogs pas/ yud kyis lhag par lhag par mos pas
 bskyed pa'i bcom ldan 'das kyi sku ni bar do'i srid pa'i gnas skabs bzhin no/ /de rim pas 'gog pa'i rjes su nyi ma dang zla ba dang pad+ma dang yi ge gsum dang brtan pa dang g.yo ba ro mnyam par gyur pa'i byang chub kyi sems phyag
 mtshan dang sa bon yongs su gyur pa'i dang po'i mgon po'i sku/ ting nge 'dzin sems dpa' i ming can hUM dgod pa ji srid pa ni mngal gyi gnas skabs bzhin no/ /de'i rjes su btsas pa'i gnas skabs lta bu ni gzugs dang lang tsho la sogs pas brgyan pa'i bu
 mo dang snyoms par 'jug pa la sogs pa'i gnas skabs so zhes pa'o/ /de'i ni spros pa'i mi bskyod pa bcug pa las sngar ni 'bras bu'i rdo rje 'dzin pa nyid na yang gzugs dkar po mi 'gal te/ rgyu dang 'bras bu dag gzugs gzhan par nges pa med
 pas so/ /de ltar yang dpal sangs rgyas thod pa'i rgyud du dang dpal bde mchog tu yang gzugs gcig kho nar rab tu gsal bar byas so/ /spros pa'i lha nang du zhugs pa na ni kha cig tu 'bras bu'i gzugs gzhan dang kha cig tu ma yin te/ gdul bya'i
 bsam pa ba dang ba'i dbang las ni snying rje'i rang bzhin gyi sku can rnams kyi sgon pa la sogs pa bstan pa sna tshogs pa'o/ /de nyid kyi phyir 'bras bu rdo rje 'dzin pa bcom ldan 'das kyang dri za 'jug pa med par yang zhu bar gyur pa bsdus pa'i rim par gsungs
 te/ de'i gnas skabs kyi'ang gdul byar rung ba rnams ma byung ba na/ bde ba chen po'i rang bzhin gyi sku kho nas gnas pa'o/ /zhes dgongs pas so/ /byung na ni snying rje dang byams pa dang dga' ba dang btang snyoms chen po'i rang bzhin/ sa dang chu dang me
 dang rlung rnam par dag pa'i ngo bo spyan ma dang mA ma kI dang gos dkar mo dang sgrol ma rnams kyis slar yang slong bar byed do/ /gang gi tshe gzhan gyi don bya ba la skad cig kyang ngal so ba med pa de'i tshe/ nam yang zhu bar 'gyur ba ma yin te/ bcom ldan 'das rdo rje sems
 dpa' 'di ji bzhin no/ /kha cig tu stong pa nyid kyi rjes su yi ge'i gzugs la sogs pa'i dri za bshad pa med de/ /las kyi khyad par gyi dbang gis/ shi ba'i rjes thogs su bar do'i srid pa'i gnas skabs med par yang srin bu pad+ma 'pho ba zhing du skye bo rnams 'gro
 ba gzhan du skye ba'i phyir/ de'i rjes su 'brang ba las sgom pa la yang rnam par bzhag pa'o/ /zhes dgongs pa'i phyir ro/ /de'i tshe ni yi ge'i gzugs la sogs pa'i dri za'i rjes su 'brel bar rnam par bzhag pa ma yin no/ /de ltar 'di lta bu'i rnam par bzhag pa tha
 dad pa shes rab can mang du mthong ba rnams kyis rang nyid kyis brtag par bya ste/ cis gang ji srid pa bdag gis brjod par bya zhes pa re zhig bzhag go /gsang ba'i rdo rje pad+ma'i rigs zhes pa la/ gsang ba ni skal pa med pa'i spyod yul ma yin pa'o/ /rdo
 rje dang pad+ma yang de bzhin gshegs pa la sogs pa skye ba'i rgyu nyid kyi phyir rigs so/ /de bzhin gshegs pa kun la zhes pa de bzhin gshegs pa thams cad kyi bdag nyid rdo rje sems dpa' la'o/ /lha mo chen mo ni rdo rje snyems ma ming gzhan
 rdo rje dbyings phyug ma'o/ /rgyud gzhan du ni rdo rje sems dpa' i shes rab mA ka kI ru yang gsungs so/ /'dis ni rdo rje dang pad+ma byin gyis brlabs ba la sogs pa gsal bar byas so/ /srung ba'i rjes thogs su bya ba gsungs pa/ de ltar zhes pa la sogs pa'o/ /bdag nyid rnam snang mdzad byas
 nas zhes pa sngags kho na yis zhes pa'i rjes thogs su sbrel bar bya'o/ /steng dang 'og tu sngags kyi yi ge zhes pa/ hUM sum hUM zhes pa'o/ /cho ga bzhin zhes pa srung ba'i 'khor lo rtsibs bcu pa las gnas pa'i rdo rje 'dzin pa yongs su gyur pa gru gsum pa'o/ /de nyid kyi
 phyir gsungs pa /de nga'o zhes pa rdo rje 'dzin pa dang rnam par snang mdzad do/ /gnas ni bzhi ste chos 'byung dang khang pa brtsegs ba'o de nyid kyi phyir yang 'di dang rjes su 'brel ba'i don/ rnam par snang mdzad byas nas zhes sngar gsungs so/ /gru gsum der/ sna tshogs pad+ma nyi
 ma dkyil 'khor zhes pas sna tshogs rdo rje nye bar mtshon pa'o/ /rdzogs par bya zhes dang sbrel lo/ /ci lta bu'i ri rab ce na gsungs pa/ rlung ma'i dkyil 'khor rnams dang/ zhes pa mang po'i tshigs las chu dang sa'i dkyil 'khor dag kyang shes par bya'o/ /de'i steng du
 zhes pa sna tshogs pad+ma dang nyi ma dang rdo rje steng du'o/ /sngags ni b+h+ruM yig ste/ b+h+ruM yig gnas pa bsam nas zhes pa'i gsung las so/ /b+h+ruM las skyes pa'i 'khor lo las yang dag par 'byung ba'i rnam par snang mdzad yongs su gyur pa'i khang pa brtsegs pa bsam par bya'o//
 zhe 'brel lo/ /ci lta bu zhe na/ de bzhin gshegs pa kun gyis bsten cing ste lhag par bsten pa dang bstod pa yang ngo/ /gang las bsngags pa'i bkra shis ni rgyud gzhan rnams su gsungs so/ /khang pa brtsegs pa rdzogs pa'i rjes thogs su srid pa bar do ru bzhag par bya
 ba yi ge gsum gyi ngo bo 'am sa bon gyi yi ge'i ngo bor bdag nyid rjes su bsam par bya ste rlung dang chu dang me dang zla ba'i dkyil 'khor rnams kyi steng du'o/ /kha dog lnga nyid du rlung ni bcom ldan 'das kyis bstan pa'i phyir chu dang me dang sa'i dkyil 'khor rnams kyang 'dir
 de'i ngo bo rnams kho nar rtogs par bya ste/ rlung la zhon pa'i sems kho na dri zar tha snyad byed pa'i phyir ro/ /'dir ho(rgyud 'grel mdzad do/ /kha cig ni ma dang pha las byung ba shes rab dang thabs kyi rang bzhin bde ba chen po'i 'dod chags ho(rgyud 'grel dngos po nye bar gnas so zhes mngon par dgongs pa'i phyir ro/ /'dir ni dri za dang 'dra ba'i nA da kho na yi ge gsum la sogs pa'i rang bzhin no zhes 'doms par byed do/ /'di thams cad ni rdo rje gur gyi rjes su thogs su'o/ /de 'grub pa ci ltar zhe na gsungs pa/ sngags
 'di yis te/ hUM zhes ba'o/ /re pha las skyes pa'i nyi ma la gnas pa'i hUM las skyes pa'i sna tshogs rdo rje dang hUM las skyes shing 'bar ba'i rdo rje rnams kyis so zhes pa'i don to/ /rnam ba lngas mngon par rdzogs par byang chub pa'i rdo rje sems dpa' i snying gar
 zla ba'i dkyil 'khor gyi dbus su gnas pa'i ye shes sems dpa' bsam par bya zhes pa la sems pa 'chad par 'gyur ba'i rim pa bsgoms pa'i ye shes sems dpa' i snying gar zla ba la rdo rje lte bar ting nge 'dzin sems dpa' hUM bsgoms par bya'o
 zhes gsungs pa/ rang gi zhes pa la sogs pa'o/ /rdo rje ni rtse lnga pa'o/ /spro bar bya ste hUM yig las so/ /dam tshig sems dpa' i ngo bo'i rdo rje sems dpa' i sa bon yang 'di kho na'o zhes gsungs pa/ rdo rje sems dpa' zhes pa la sogs pa ste/ de kho na zhes
 pa hUM zhes pa'i yi ge'o/ /rdo rje rab skor ni rdo rje chan gzugs kyi nang du chud pa'i rdo rje sems dpa' bsgom par bya'o zhes sprel lo/ /ci 'dra ba zhe na gsungs pa/ thams cad ces pa la sogs pa'o/ /bcom ldan 'das 'di'i rdo rje dang pad+ma 'dus byas pa'i
 rjes thogs su lha mo'i pad+mar gnas pa'i byang chub sems kyi rang bzhin gi dkyil 'khor bsgom par bya'o zhes gsungs pa/ rang gi rig ma zhes pa la sogs pa ste/ 'di'i rgyas par bstan pa ni de nas rdo rje snying po zhes pa la sogs pa'o/ /phyung ba'i
 de bzhin gshegs pa la sogs pa rnams kyi gnas la sogs pa gsungs pa/ shar du zhes pa la sogs pa'o/ /kha cig pags pas g.yogs pa ni mu kun da ste/ de rol mor byed pa'i phyir mu kun da ma'o/ /rdza rnga chen po ste de yang gyen du kha phyogs te
 brdung bar bya'o/ /de brdung ba'i phyir rdza rnga ma'o/ /dgod do zhes pa ni gnas su gzhug par bya'o/ /rdo rje dril bu ma ni mdog ljang gu'o/ /thams cad ces pa sgo skyong ma thams cad do/ /me tog ma la sogs pa mdor bstan pa rnams kyis rgyas par ston pa gsungs pa/
 me zhes pa la sogs pa'o/ /'dir bzhad ma dang sgeg mo dang glu dang gar ma dang me long ma dang ro ma dang reg bya ma dang chos ma rnams te/ lha mo brgyad rnams kyang rgyud gzhan du gsungs pa'i phyir rig par bya'o zhes mang du mkhyen pa rnams gdams par byed do//
 shar la sogs pa zhes pa la sogs pa ni sgo skyong ma rnams rgyas par ston pa'o/ /sgo skyong dang yang dag ldan zhes pa 'di rnams sgo skyong ba la nges par sbyar ba'o/ /mi mthun phyogs thams cad bzlog pas srung ba dang dgug pa la sogs pa'i don du ste/ shin rje
 mthar byed dang shes rab kyi mthar byed dang pad+ma mthar byed dang bgegs mthar byed kyi rang bzhin sgo skyong ma rnams de bzhin gshegs pa thams cad kyi dkyil 'khor bsrung ba'i phyir dang ye shes kyi dkyil 'khor 'gugs pa la sogs pa
 byed pa'i phyir ro/ /'di rnams kyi zhes pa 'di rnams kyi'o/ /lugs ma'i gzugs ni zangs la sogs pa la lugs su byas pa'o/ /byas pa ni shing la sogs pa'i rang bzhin no/ /sogs pa'i sgras ni skud ris dang bris pa la sogs pa gzung ba'o/ /lugs ma la
 sogs pa'i cho ga ni lha rnams thams cad kyi'o/ /de ltar sgrub thabs 'dir gnas dang lhag par mos pa'i rdo rje sems dpa' i gzugs dang sdig pa bshags pa la sogs pa dang stong pa nyid dang bar do'i srid pa dang/ srung ba'i 'khor lo 'khor dang bcas pa dang
 khang pa brtseg pa 'khor dang bcas pa rnam pa lnga mngon par rdzogs par byang chub pa dang shes rab dang thabs yong su mnyes pa dang sems dpa' dbang bskur ba dang mig la sogs pa byin gyis brlabs pa dang rigs lnga'i tshogs
 dang rdo rje dang pad+ma byin gyis brlabs pa dang/ dkyil 'khor pa'i lha spro ba dang ye shes sems dpa' gzhug pa dang dbang bskur ba dang rgyas gdab pa dang/ mchod pa dang bstod pa dang bdud rtsi myang ba dang/ thig le'i rnal 'byor dang phra mo'i rnal 'byo dang
 bzlas pa dang rtag par bya ba dang bsdu ba la sogs pa'o zhes pa'i rim pa ni/ cho ga'i sa zhes pa dang cho ga bzhin zhes pa'o/ /dkyil 'khor gyi cho ga 'di thams cad rgyud gzhan rnams su gsungs pa'o/ /zhes pas tshigs rnams kyis gsal bar byas pa'o//
 de la srung ba'i 'khor lor gshin rje mthar byed dang shes rab mthar byed dang pad+ma mthar byed dang bgegs mthar byed dang mi g.yo ba dang 'dod pa'i rgyal po dang dbyug pa sngon po dang/ stobs po che dang gtsug tor 'khor los bsgyur ba dang/ gnad mdzes
 zhes bya ba la khro bo bcu rnams bsgom par bya'o/ /de la gshin rje ni sems can rnams 'jig par byed pa'o/ /gshin rje mthar byed pa ni ma skyes pa'i rang bzhin nyid kyi phyir chos thams cad mi 'jig pa'i bdag nyid kyis na/ gshin rje ma thar byed pa 'gyur te/
 'chi bdag gi bdud las rgyal ba'i phyir ro/ /gti mug kyang gshin rje ste de mthar byed pa'i phyir yang gshin rje mthar byed do/ /shes rab byed ni sems kyi ngo bo'i shes rab mthar byed pa ste/ de'i phyir yang lha'i bud bdud las 'di rgyal bar byed do/ /
 sems kyi khyad par la brten nas byang chub las nyams par bya ba'i ched du bdud rnams 'jug cing/ 'dis ni sems rnams tham cad dang byang chub kyang de bzhin nyid dag pa las mi g.yo ba nyid la gnas pa'o zhes pas de rnams la brnyas par byed do/ /pad+ma
 mthar byed ni phung po stong pa nyid la dran pa'i ngo bo nyid kyis na ma dag pa'i 'dod chags las skyes pa'i thun mong ba'i dag phyag rgya dang snyoms par 'jug pa las yang mthar byed pa'i phyir ro/ /de nyid kyi phyir phung po'i bdud las rgyal ba la yang 'di rab tu nus so/ /
 byang chub sems dpa' rnams ni rnam par rtog pa'i nyon mongs pa can no zhes pas ma dag pa'i nyon mongs pa dang la thams cad dang rnam par rtog pa'i mtshan nyid can gyi bgegs la gnod pa byed pa'i phyir nyon mongs pa'i bdud las mchog tu rgyas pa ni/ bgegs mthar byed do/ /'dzin pa dngos po dmigs pa tsam dang/ chags pa de la 'dun pa dang/ rnam pa dngos po'i rnam par byed pa dang/ g.yo med brtan par gyur pa'i reg pa dang/ rgyu nyid rang dang rjes su mthun pa'i sems gzhan skye ba'i ngor dang/ 'bras
 bu nyid dang rjes su mthun pa'i rgyu la bltos nas te/ 'di rnams rnam par dag pas na rnam par dag pa rnam pa drug gi sems skye ba'i ngo bo rnams ni 'dod pa'i rgyal po la sogs pa drug rnams te/ khro bo'i dbang po de rnams kyang mi mthun phyogs las ldog pa na
 mthu thogs pa med pa'i ngo bo can yin pa nyid kyi phyir ro/ /de skad du yang 'dus pa phyi mar gsungs pa/ 'dzin dang chags pa nyid dang ni/ /rnam pa de bzhin g.yo ba med pa/ /rgyu nyid dang ni 'bras bu nyid/ /drug par sems yang dag 'byungs pa/ /'dod pa'i rgyal po
 sogs drug rnams/ /khro bo'i dbang po rnams zhes bsgrags/ zhes so/ /rnam par rtog pa mi mthun phyogs ma lus pa zil gyis gnon pa'i phyir rdo rje lta bu'i ting nge 'dzin las g.yo ba med do zhes pa mi g.yo ba'o/ /'dod pa ni 'dod par byed pa ste/ de
 rnam par dag pas na mngon par 'dod pa thob pas gsal ba'o zhes 'dod pa'i rgyal po'o/ /sems can rnams kyi sdig pa ni sngon pa ste/ de dbyug pas 'debs par byed tshar gcod par byed do/ /zhes pa dbyug pa sngon po'o/ /sems can rnams kyi nyon mongs
 pa'i phung po 'jig pa'i ched du 'di stobs te nus pa chen po'o/ /zhes pa stobs po che'o/ /gtsug tor ni khams gsum pa las shin tu 'das stong pa nyid dang snying rje dbyer med pa'i ye shes te/ de 'khor lo bzhin du gdul bya rnams
 la bskor ba la 'di yi ngang tshul yin ba ni gtsug tor 'khor los sgyur ba'o/ /bgegs rnams gnod pa ste 'jigs par byed pa bsal lo zhes pa gnod mdzes rgyal po'o/ /ye shes sems dpa' dam tshig sems dpa' la gzhug pa ste/ de
 ni 'dir tha mal pa'i nga rgyal bsal bar rang gi sems snang ba'i ngo bo phyag la sogs pas rnam par mdzes pa'i lha'i sku'o/ /kha cig tu sa bon yang gsungs shing/ kha cig tu ni sa bon kho na'o/ /de'i bdag nyid du byas pa'i gnyis su med pa'i ye
 shes kyi ngo bo nyid kyi phyir 'dir ye shes sems dpa' yang dag par 'gro'o 'du'o zhes pa dam tshig go /sems dpa' yang ste/ sems can gyi don byed pa nyid kyi phyir dang rnam par dag ba'i sems can gyi tha snyad kyi yul nyid kyi phyir ro/ /sa bon yang
 nur nur po bzhin du sems can no/ /'o na dam tshig sems dpa' ni ye shes sems dpa' dang ste/ kha cig tu sangs rgyas rnams thams cad dang/ kha cig tu byang chub sems dpa' rnams dang/ kha cig tu 'gro ba dang yang lhan cig de'i bdag nyid du
 gsungs na ci ltar 'gal ba ma yin/ de lta na ni rgyud gzhan med pa'i phyir rig byed mdza' ba'i grub mthar lhung bar 'gyur zhing/ mchod pa dang sdig pa bshags pa la sogs pa'i dang snying rje chen po'i dang/ sbyin pa la sogs pa'i tshogs kyi spyod
 yul cung zad kyang med par yang ngo/ /gang 'ga' zhig 'ga' zhig tu ye shes sems dpa' dang sangs rgyas dang byang chub sems dpa' rnams dang 'gro ba rgyud gcig gi nang du chung na yang/ slar yang spyo ba gsungs pa de ni ches shin tu 'gal te/ sems
 can rnams ni rnam par shes pa'i rgyun re re pa'o zhes pa'i grub mdza' phyir ro/ /cig car rtog pa'i shes pa du ma skye ba la ni/ rnam par dbye ba med par 'jug cing bya ba gcig byed pa rnams la gcig tu mos pa kho na'i gzugs dang dra dang ro dang reg bya'i rdul
 phra rab 'dus ba la bum bar mos pa bzhin no/ /zhes pas sems can gcig tu tha snyad bya ba kho na'o zhe na/ gal te rang dang gzhan gyi rgyud dag gcig pa nyid dngos po pa brjod par 'dod na 'gal bar 'gyur mod/ de ltar yang ma yin no/ /'o na ci zhe na/
 lhag par mos pa pa'o/ /gcig nyid du lhag par mos pa yang thog mar goms pa dang ldan pa kho na'o/ /sgrib pa med pa'i byang chub sems kyi rang bzhin yongs su dag pa'i sems dpa' de'i bdag nyid du lhag par mos pa ni/ brtan par gus pa dang
 bcas shing rgyun mi 'chad par 'jug pas so so skye bo'i nga rgyal bsal nas 'jig rten las 'das pa'i rnam par dag pa nye bar byed do/ /de skad du yang/ dpal de kho na nyid 'dus par/ rnam pa lnga mngon par byang chub par gyur pa na/ oM ji ltar de bzhin gshegs
 pa thams cad yin pa de ltar nga'o zhes rjes thogs su gsungs pa/ de nas byang chub sems dpa' chen po rdo rje dbyings kyis de bzhin gshegs pa'i skur bdag nyid mngon par rdzogs par byang chub nas/ de bzhin gshegs pa de rnams la phyag 'tshal zhing
 bod nas 'di skad ces gsol to/ /bcom ldan 'das de bzhin gshegs pa rnams thams cad bdag la byin gyis rlobs shig /mngon par byang chub pa 'di brtan par mdzad du gsol ces so/ /de nas de skad gsol pa na de bzhin gshegs pa rnams thams
 cad de bzhin gshegs pa rdo rje dbyings kyi sems dpa' i rdo rje la rab tu zhugs so zhes pa'o/ /de nas bcom ldan 'das de bzhin gshegs pa rdo rje dbyings/ skad cig de kho na la de bzhin gshegs pa thams cad dang mnyam pa nyid kyi ye shes mngon par rdzogs par sangs
 rgyas so/ /de bzhin gshegs pa thams cad kyi rdo rje mnyam pa nyid kyi ye shes phyag rgya gsang pa'i dam tshig la bzhugs so/ /de bzhin gshegs pa thams cad kyi chos mnyam pa nyid kyi ye shes rtogs pa rang bzhin gyis dag go /de bzhin
 gshegs pa thams cad kyi thams cad mnyam pa nyid rang bzhin gyis 'od gsal ba'i ye shes kyi 'byung gnas su gyur to/ /de bzhin gshegs pa dgra bcom pa yang dag par rdzogs pa'i sangs rgyas su gyur to zhes so/ /'dir rdo rje dbyings kyis ma 'ongs pa'i
 skye bo la mngon par dgongs pas don du gnyer bar byed de/ de bzhin gshegs pa'i sku ni ye shes lnga'i bdag nyid do/ /de nyid kyi phyir gsungs pa/ de bzhin gshegs pa'i zhes so/ /sems dpa' i rdo rje la ni dam tshig sems dpa' la'o/ /de kho na la ste rnam
 par snang mdzad la sogs pa de bzhin gshegs pa lnga'i bdag nyid kyi ye shes sems dpa' rdo rje 'dzin pa zhugs pa'i sku rjes thogs kyi skad cig la'o/ /de bzhin gshegs pa thams cad ces pa la sogs pa la/ ye shes zhes pa'i tshig bzhi rnams kyis
 me long lta bu la sogs pa'i ye shes pa'i ye shes bzhi rnams gsungs so/ /yang dag par rdzogs par sangs rgyas shes pa 'dis lnga ba'o/ /mnyam pa nyid ces pa'i tshig rnams kyis ye shes thams cad kyis mnyam pa nyid gsungs so/ /de ltar de bzhin gshegs
 pa rnams thams cad dang lhan cig bdag nyid brtan par gcig pa nyid lhag par mos pa ni mnyam pa nyid du yid chis pa'i don kho na'o/ /de bzhin du 'gro ba dang yang lhan cig pa nyid lhag par mos pa ni rang bzhin rnam par dag pa'i de bzhin nyid mtshungs pa nyid
 du rtogs pa'i ched du'o/ /de ltar na yang 'bras bu dang rgyu'i gnas skabs dag la byang chub kyi sems kyi rang bzhin kho na sna tshogs pa'i zhes pa dgongs pa'o/ /de nyid kyi phyir rang gi sems kyi rgyun kho na'i 'byung bar 'gyur ba'i 'bras bu'i gnas skabs ye shes
 sems dpa' i ngo bo dang lhan cig de'i bdag nyid du lhag par mos par byed cing gzhan gyi rgyud kyi ye shes sems dpa' dang mnyam pa nyid kyis bar ma'i sems can rnams dang ngo zhes pa man ngag go /de'i phyir dngos po rang nyid gzhan gyi sems kyi rgyud dang de'i bdag
 nyid du bsgom pa ma yin zhing/ rang nyid las de 'phre ba yang ma yin no zhes pas 'gal ba cung zad kyang med do/ /de bzhin du gzhan yang ji ltar rigs par brtag par bya'o/ /gang yang lha mo gcig la lha mo gzhan rnams nang du 'dus nas gtso bo la bde ba chen pos
 mchod par byed do/ /zhes gsungs pa de la/ yid kyi rang bzhin gyis lus can thogs pa med pa de rnams kyi/ rgyud tha dad pa nyid na lhan cig yul gcig tu gnas pa tsam ni nang du 'dug pa ste/ phan tshun de'i bdag nyid ni ma yin no/ /rnal 'byor pa'i rgyud la sprul pa
 nyid la ni de'i bdag nyid kyang mi 'gal lo/ /gang phyir dkyil 'khor pa'i lha rnam pa gnyis te/ kha cig tu phal cher rgyud tha dad pa'i tshul te/ dper na dpal de kho na nyid 'dus par rgyas par bstan pa'i 'gro ba 'dul ba'i dkyil 'khor du lha rnams bzhin no/ /kha cig tu
 phal cher rnal 'byor pa'i rgyud la sprul pa ste/ dper na dpal 'dus pa dang bde mchog dang kye'i rdo rje'i dkyil 'khor gyi lha rnams bzhin no zhes pa'o/ /dbang po lhag par rna ba'i sems can rnams la ni su zhig dang yang de'i bdag nyid du bsgom pa med de/ gang phyir de
 ni yud kyis rdzogs pa'i rdo rje 'dzin pa'i sku kho nar 'ba' zhig pa 'am dkyil 'khor pa dang bcas pa yang rung/ shes rab dang bcas pa 'am shes rab med par bdag nyid goms par byed do/ /de ni bcom ldan 'das rdo rje sems dpa' la byang chub sems kyi rang gi ngo
 bor nges pa nyid du goms par byed cing 'di snyam du sems te/ bcom ldan 'das byang chub kyi sems rdo rje de bzhin gshegs pa shes rab dang thabs kyi ye shes kyi ngo bo 'di kho na 'dod chags la sogs pa'i rang bzhin de bzhin gshegs pa lnga dang rig ma la
 sogs pa'i rnam pas kun rdzob pa'i gzugs 'dzin pa ni/ nyon mongs pas yongs su gos pa'i sems can gyi sems dri ma med par byed pa'i don du/ de ltar gyur pa'i lam la 'jug pa'i skal ba dang ldan pa'i gdul bya de rnams kho
 na de kho na nyid la sbyor bar mdzad cing 'di ltar rnam par gnas pa'o zhes pa'o/ /'di lta bu kho na yang man ngag go /'di ltar yang rdo rje sems dpa' la sogs pa dang 'dra ba kho nar chos rnams thams cad kyang rang bzhin med pa nyid du bla ma'i man ngag
 las rtogs par bya'o/ /de nyid kyi phyir rim pa 'dis rdo rje sems dpa' la sogs pa bsgom pas chos thams cad rang bzhin med pa nyid rtogs par 'gyur ro zhes dgongs nas/ rdo rje sems dpa' la sogs pa sgom pa phyag rgya chen po'i dngos grub kyi ched
 du 'gyur ro zhes bcom ldan 'das rnams kyis nye bar bstan to/ /'di kho na la mngon par dgongs nas gdul bya rnams kyi sems kyi 'jug pa rjes su bzhugs pa'i ched du dam tshig gi de kho na nyid kyi rgyud chen por gsungs pa/ 'dir ni bdag gi gsang ba yi/
 snying po kun bsdus la gnas nas/ rdo rje lha mo kun 'dus dang/ /gar kun gyis ni gang mdzad do/ /zhes so/ /'di la shin tu mang zhing legs par bshad par nus te/ gzhung mang bas 'jigs pas ma brjod do/ /dbang bskur ba ni ye shes kyi chu rnams
 kyi bag chags dang bcas pa'i sgrib pa thams cad kyi dri ma 'khrud pa'o/ /de'i phyir dbang bskur ba'i khu bas spyi bor gnas pas rgyas gdab par rigs kyi dbye bas 'gyur ro/ /de ltar yang gus par byed pa'i tshul du gang spyi bor bsgom pa de ni rgyas gdab
 pa'o/ /'di rnams ni rang gi bdag po'i ting 'dzin las 'byung ba'i phyir te/ de med par rang nyid 'byung bar mi 'gyur ro/ /'di ni 'di rnams mgu bar byed pa dang sdug bsngal bar byed pa ni ma yin gyi/ /'on kyang yongs su tshim par byed pa kho na'o/ /de la sems
 tsam gyi lus can nyid kyi phyir gzugs la sogs pa'i phung po rnams la mi bskyod pas rgyas gdab ste/ de'i rang bzhin nyid du nye bar gsal ba'i don du'o/ /byang chub sems las rab tu byung ba nyid kyi phyir mi bskyod pa ni rdo rje 'dzin pas so/ /rdo rje 'dzin pa ni mi bskyod pa ste/  
 rgyu'i nang du 'dus pa'i phyir te/ 'bras bu kho nar 'byung ba'i phyir ro/ /'dis gnyis kar yang gnyis ka khyab pa'i byed pa nyid kyi phyir yang 'di dag phan tshun rgyas gdab po/ /de skad du yang gsungs pa/ 'bras bu rgyu la rgyas gdab cing/ /rgyu yis 'bras bu rgyas gdab
 bya/ /bsgom bya gzhan du dngos grub ni/ /bskal pa bye bas skye mi 'gyur/ zhes so/ /'bras bu mi bskyod pas rgyu rdo rje 'dzin pa la btab nas bsgom par bya ste/ /'bras bu la yang rgyu yis so/ /gang yang rdo rje 'dzin pa ni de bzhin gshegs pa lnga'i cod pan nyid du de dang der
 gsungs pa'i rgyas gdab pa de yang de ni ye shes lnga rnams su de'i bdag nyid kyis nang du 'dus pa'i phyir/ 'bras bu de rnams kyi ste rab tu bsgom pa'i dbang du byas nas so/ /'o na de lta na 'di dag kho na dkyil 'khor gyi bdag po nyid du rigs te/ thams cad kyi bdag
 po nyid kyi phyir ro/ /zhe na ma yin te rnam pa sna tshogs pa la mos pa'i dbang las gzhan gyi sgo nas kyang dkyil 'khor mdza' dag gi de kho na nyid rnam par gzigs pa'i phyir rnam par snang mdzad la sogs pa rnams kyang bdag po nyid do/ /gang gsung bar 'gyur
 ba/ lha ni gang dang ci zhig ni/ 'khor lo'i dbus su nges gnas pa'i/ /mtshan mngon 'byung ba'i rdo rje zhes/ /dkyil 'khor sangs rgyas rnams kyis bsgrags zhes so/ /rigs kyi bdag pos rgyas gdab pa ni bu'i sgo na pa'i rjes su 'brang ba na/ de las skyes pa
 nyid du bshad pa'i don du'o/ /de kho na la mes po yang nang du 'dus so/ /gang yang mi bskyod pa dkyil 'khor pa nyid yin pa de ni me long lta bu la sogs pa shin tu rnam par dag pa'i ye shes kyi bdag nyid de bzhin gshegs pa rnams kyi shin tu rnam par dag
 pa'i me long lta bu la sogs pa'i ngo bo yin pa de yis rig par bya'o/ /rgyas gdab pa la ni shin tu rnam par dag pa'i chos kyi dbyings kyi ye shes tsam gyi ngo bo mi bskyod pa'o/ /byang chub sems dpa' i ting nge 'dzin rnams ni de bzhin
 gshegs pa'i ting nge 'dzin gyi phyogs gcig yin pa nyid kyi phyir/ 'chad par 'gyur ba'i gti mug rdo rje la sogs pa'i byang chub sems dpa' sa'i snying po la sogs pa'i ming gzhan can gzugs rdo rje ma la sogs pa'i shes rab kyis 'khyud pa
 rnams de bzhin gshegs pa rnams kyis rgyas gdab po/ /de ltar na 'o na sa'i snying po la sogs pa lnga rnams dang gzugs rdo rje ma la sogs pa rnams dang spyan ma la sogs pa rnams rnam par snang mdzad kyis rgyas gdab pa 'thob ste/ 'di rnams
 gzugs kyi phung po'i phyogs gcig pa nyid kyi phyir ro zhe na/ ma yin te/ de bzhin gshegs pa rnams ni so sor de bzhin gshegs pa lnga'i bdag nyid yin pa nyid kyi phyir/ gzhan gyi yul la yang de bzhin gshegs pa gzhan bdag po nyid du
 yod do zhes pas/ ji ltar rigs par gzhan rnams kyis rgyas gdab pa'o/ /de ltar ni 'du byed kyi phung po'i rang bzhin gti mug la sogs pa rnams kyang de bzhin gshegs pa lnga'i bdag nyid can du brjod par bya bas so/ /shin tu dang ba nyid kyi phyir
 mig ni rnam par snang mdzad kyis rgyas gdab po/ /nam mkha' dang mnyam pa nyid kyi phyir rna ba ni mi bskyod pas so/ /dri la longs spyod pa srid pa bar do dang cig shos kyi gnas skabs dag la dri la mngon par dga' bas khyab pa'i phyir sna la rin chen dbang pos so/ /ro
 la chags pa ni shin tu stobs dang ldan pa nyid kyi phyir lce la 'dod chags kyis so/ /lus kyi yan lag thams cad la rnam par rgyu ba nyid kyi phyir reg byed la don yod kyis so/ /dbang po thams cad la rjes su 'gro ba nyid kyi phyir yid la mi bskyod pas so/ /
 dbang po'i rjes su 'brang bas de'i yul gzugs la sogs pa rnams kyis rgyas gdab pa kha cig tu gsungs te/ ji ltar ye shes zhabs kyis 'jam pa'i rdo rje'i sgrubs thogs su ltar ro/ /kha cig tu ni rnam pa gzhan du ste/ ji ltar bsdus pa'i rim pa ltar ro/ /gti mug
 gi gzhi can nyid kyi phyir gzugs ni rnam par snang mdzad kyis rgyas gdab pa kha/ bstod pa la sogs pa'i sgra rnams kyis mtho bar khengs pa'i phyir sgra la rin chen 'byung bas so/ /gur gum la sogs pa rnams la rjes su chags pa'i phyir dri la 'od dpag med kyis so//
 lus kyi yan lag thams cad tshim par byed cing rnam par rgyu ba nyid kyi phyir ro la don yod pas so/ /dbang po thams cad la khyab pa'i phyir reg bya mi bskyod pas te/ chos kyi dbyings la yang ngo zhes pa'o/ /sra zhing mkhregs pa nyid kyis gti mug chen pa'i gzhi nyid
 phyir sa la rnam par snang mdzad kyis so/ /chu ni nam mkha' bzhin pa nyid kyi phyir dang chad pa dang phug pa rnams kyang da lta kho nar sdud bas mi bskyod pa nyid kyi phyir mi bskyod pas so/ /me de 'od dang bcas pa'i rang bzhin nyid kyi phyir 'od dpag med kyis so/ /rnam par rgyu ba
 nyid kyi phyir rlung ni don yod kyis so/ /gti mug dga' ma la sogs pa'i ngo bo yin pa nyid kyi phyir spyan ma la sogs pa rnams gti mug rdo rje la sogs pa rnams kyis rgyas gdab pa'o/ /de bzhin du gti mug la nye bar longs spyod pa las dang gti mug zad pa'i ngo bo
 yin pa nyid kyi phyir gshin rje mthar byed dang mi g.yo ba rnam par snang mdzad kyis rgyas gdab par bya'o/ /nga rgyal la nye bar longs spyod pa dang nga rgyal zad pa'i ngo bo nyid kyi phyir shes rab mthang byed dang 'dod pa'i rgyal po rin chen 'byung bas so/ /'dod chags la longs
 spyod pa las dang 'dod chags zad pa'i ngo bo nyid kyi phyir pad+ma mthar byed dang dbyug pa sngon po 'od dpag med kyis so/ /phrag dog la longs spyod pa dang grag dog zad pa'i ngo bo nyid kyi phyir bdud rtsi 'khyil ba dang stobs po che don yod kyis so/ /zhe sdang la longs spyod pa dang 
 zhe sdang zad pa'i ngo bo yin pa nyid kyi phyir gtsug tor 'khor los sgyur ba dang gnod mdzes rgyal po mi bskyod pas so/ /'jam dpa' i rdo rje'i grub thabs su ni sems las skye ba'i khyad par gyi ngo bo nyid kyi phyir dang khro bo'i ngo bo nyid yin pa'i
 phyir khro bo brgyad rnams mi bskyod pas rgyas btab par bya'o/ /sems las skye ba'i khyad par nyid yod na yang gshin rje mthar byed dang pad+ma mthar byed dang/ sngar bzhin zhes 'dod do/ gang kha cig tu rigs kyi bdag po rnams ni byang chub sems dpa' 
 rnams su nang du 'dus par gsungs pa de rang gi ngo bo tha mi dad par bstan pa'i don du'o/ /rigs kyi bdag po'i kha dog gi rim pa las 'das pa la rgyud dang yang/ ci ltar rgyu rdo rje 'dzin pa tha mi dad pa la 'bras bu rdo rje 'dzin pa rnams tha dad ces pa'i dogs pas
 gang ba la/ bcom ldan 'das kho nas gsungs pa/ rgyags pas kha dog tha dad de/ ro yi snying yang de bzhin no/ /rang gi rgyu ni dbang bskur bas/ 'bras bu rten gyi dbye bas so/ /sngags kyis chos ni dbye bar bya/ /rigs ma'ang chos kyi phyag rgyas so/ /zhes so//
 rgyags pa ni 'dir sems spro ba'i khyad par ro/ /de'i tha dad las sa bon la sogs pa rnams kyi kha dog tha dad pa'o/ /ro ni so so rang la yod pa'i bsam pa'i 'gyur ba'i bye brag ste/ snying ni sems so/ de nyid kyi phyir dang po pa'i sa bon la sogs pa'i kha
 dog gi dbye ba dang snying ga'i sa bon gyi dbye ba ji ltar rigs par brjod do/ /rang gi rgyu ni ji ltar rigs par zhe sdang la sogs pa rnams te/ de dbang bskur bas tha dad de/ rgyas 'debs pa las so/ /rgyu'i dbye ba las rgyas 'debs pa'i dbye ba'o/ /zhes pas gang
 du rgyas 'debs tha dad pa der rgyu yang tha dad pa kho na'o zhes rtogs par bya'o/ de ltar kha dog gi dbye ba la sogs pa la yang rtogs par bya'o/ de ltar rigs gcig nyid du yod na yang bsam pa'i 'gyur ba'i dbye ba las dang/ spro ba'i dbye ba las khro bo la sogs pa
 rnams las rdo rje 'dzin pa rnams dbye bar 'gyur zhing/ bsam pa'i 'gyur ba la sogs pa'i dbye ba med na yang khro bo rnams kha cig zhe sdang gi rig nyid yin gyi zhe sdang gi ngo bo nyid ma yin te/ sems las skye ba'i khyad par rnam par dag pa'i ngo bo nyid kyi phyir
 dang/ mi bskyod pas ni sems kyi ngo bo nyid kyi phyir ro/ /de ltar rten gyi dbye ba las ji skad bshad pa'i ngo bo gnas kyi khyad par bskyed nas/ rgyu rdo rje 'dzin pa mtshungs na yang 'bras bu'i rdo rje 'dzin pa tha dad pa'o/ /de yang gtso bo'i phyir 'bras bu rdo rje 'dzin pa ni
 sems kyi ngo bo nyid kyi dbang du byas nas gsungs par rtogs par bya'o/ /dag gi dbang du byas nas gsungs pa ni sngags kyis shes pa sa bon gyi yi ges chos shes pa yi ge gsum la sogs pa'i bdag nyid kyi sngags so/ /de ltar rim ma yang ste lus
 kyang chos kyi phyag rgya shes pa sa bon de kho nas so/ /zhes pas shin tu 'phros pas mchog go /'di ltar man ngag ji ltar bar bsgom pa'i rim pa ni 'di'o/ /snga bar sgom pa dang rjes su mthun pa'i gnas su stan bde ba la ji ltar bde bar 'dug pas/ oM A(rgyud 'grel zhes pas gnas dang bdag dang rnal 'byor srung ba byas nas/ dam tshig bsten pa sngon ma can gyis gtor ma byin te/ sdug bsngal bar gyur pa'i 'gro ba ma lus pa la bltos nas snying rje bar gyur bzhin pas/ yud kyis ston pa nyid du mos pa las 'chad par
 'gyur ba'i phyag mtshan dang sku mdog la sogs pa dang ldan pa shes rab dang bcas pa'i rdo rje sems dpar bdag nyid lhag par mos nas/ rang gi snying gar aM yig las skyes pa'i zla ba la gnas pa'i byang chub kyi sems mngon par gsal ba'i ngo bo/ /
 dbus su sngon po nyid kyis dang phyi rol tu dkar po nyid kyis dngul chu 'dra ba'i mdog can gyi hUM yig 'od zer lnga 'phro ba yang dag par bltas te/ de'i 'od zer gyi tshogs kyis lus mdza' dag snang bar byas nas phyir 'phros pa rnams kyis/ bcom ldan
 'das rdo rje sems dpa' dkyil 'khor ba'i lha dang bcas pa 'og min gyi mthar thug pa bdag nyid dang nye bar mdun gyi nam mkha' la mar me len pa'i rigs pas bkug nas/ hUM yig la 'od zer zhugs pa'i rjes thogs su cig
 car spros ma'i lha mo bcu drug po rnams kyis mchod par bya'o/ /de la gling bu ma dang pi wang ma dang rnga zlum ma dang rdza rnga ma dang bzhad ma dang sgeg mo dang glu ma dang gar ma dang me tog ma dang bdug pa ma dang mar me ma dang dri chab ma dang/ me long ma dang reg
 bya ma rnams byi'i mchod pa ste/ reg bya mas sna tshogs pa'i gos 'bul ba'o/ /ngoms gsad ba'i mchod pas so/ /chos mas de kho na nyid kyi mchod pa ste/ rdo rje snyems ma la rab tu zhugs nas/ bcom ldan 'das la 'khyud de bde ba chen po'i rjes su chags par byed pa'i phyir ro/ /de'i rjes su
 phyag 'tshal zhing/ bdag nyid kyi sdig pa bdag gis 'chags shing slar yang mi bgyid do/ /sangs rgyas byang chub sems dpa' dang 'phags pa dang so so'i skye bo rnams thams cad kyi bsod nams thams cad la rjes su yi rang ngo/ /bdag nyid dang
 'gro ba'i dge ba bla na med pa yang dag par rdzogs pa'i byang chub kyi ched du yongs su bsngo bar bgyi'o/ /byang chub kyi bar du sangs rgyas dkon mchog dang/ shes rab kyi pha rol tu phyin ma chos dkon mchog dang phyir mi ldog pa'i byang chub sems dpa' i
 dge 'dun dkon mchog la skyabs su mchi'o/ /em ma la bdag bla na med pa yang dag par rdzogs par byang chub par bgyi'o/ /de'i lam bsgrubs pas bde ba chen po 'khor ba'i sdug bsngal dang bral ba/ nam mkha' ji srid par rgyun mi 'chad par 'byung
 ba/ /de bzhin nyid dang ro gcig pa la sems can rnams thams cad dgod par bgyi'o zhes sdig pa bshags pa la sogs pa bya ba 'am/ dkon mchog gsum la skyabs su 'gro ba'i rjes thogs su/ byang chub sems ni bla na med/ dam pa bdag
 gis bskyed par bgyi/ /zhes pa la sogs pa mya ngan 'das la dgod/ ces pa'i mthar thug pa don sngon du byed cing bklag par bya'o/ /de ltar dge ba'i tshogs nye bar bsangs nas ye shes kyi tshogs kyi don du/ 'gro ba de nyid lta ba'i dra bas 'khrugs pa la bltas nas/
 gdon par 'dod pas/ don dam pa'i byang chub kyi sems gcig dang du ma'i rang bzhin med pa'i phyir dang ma skyes pa nyid kyi phyir dngos po rnams dang de'i rgyu rnams kyang ma dmigs pa ste/ dngos po ma grub na dngos po med pa yang mi 'grub pa'i phyir de la yang mi gnas
 pa stong pa nyid dang mtshan ma med pa dang smon pa med par chos rnams thams cad sgom pa bskyed par bya'o/ /de nas/ oM A(rgyud 'grel rtog cing/ oM yig A(rgyud 'grel bsgom par bya'o/ /oM shU n+ya tA dz+nyA na badzra swa b+hA wa At+ma konyahaM zhes pa'i sngags kyi don mngon du byed pas/ chos thams cad mi dmigs pa'i bdag nyid stong pa nyid la rab tu bzhugs cing nA da tsam gyi rnam par rtog pa yang yongs su dor bar bya'o/ /de'i rjes su snying
 rje chen po'i dbang gis/ /nA da'i ngo bor bdag nyid srid pa bar do'i rang bzhin nam mkha' la bzhag nas/ sna tshogs chu skyes la ram las skyes pa'i nyi ma las gnas pa'i hUM las byung ba sna tshogs rdo rje la gnas pa'i hUM yig gi 'od zer las skyes pa'i
 'bar ba'i rdo rje'i tshogs rnams kyis mtshams med par dum bu gcig tu gyur pa'i rdo rje'i ra ba dang gur dang mda'i dra ba dang bla res dang/ 'og tu sna tshogs rdo rje'i rang bzhin gyis gzhi rjes su bsam nas/ de'i dbus su sna tshogs chu skyes dang nyi ma la gnas pa'i
 b+h+ruM yongs su gyur pa las 'khor lo ser po g.yas skor du 'khor ba rtsibs bcu pa'i lte ba'i dbus kyi bar skabs su gnas pa'i bdag nyid 'chad par 'gyur ba'i sku mdog dang phyag mtshan la sogs pa dang ldan pa'i rdo rje sems
 dpar lhag par mos te/ rang gi snying ga'i sa bon gyi 'od zer rnams kyis khro bo bcus yongs su bskor ba'i mi bskyod pa spyan drangs pa kha nas bcug pa zhu bar gyur pa lha no'i mtsho skyes su khro bo'i tshogs dang bcas pa'i mi bskyod par bltas shing/ hUM zhes
 brjod la mi bskyod pa spros nas rang gi lus dang ro mnyam par byas te/ rdo rje sems dpa' i gzugs yongs su gyur pas rdo rje hUM mdzad kyi gzugs kyis hUM yig bcu po rnams kyis khro bo bcu rnams spro bar bya'o/ /gang gsung bar 'gyur ba/ khams sum 
 rnam par rgyal gyur nas/ bgegs rnams thams cad skrad par bya/ slar yang khro bo rnam rgyal gyur/ zhal gsum phyag drug par bsgoms te/ /khro bo'i sprin rnams spro bar bya/ /zhes so/ de la rdo rje hUM mdzad khros pa 'jigs pa'i dus kyi me ltar
 'bar ba'i me lce'i tshogs can/ 'gro ba ma lus pa'i bgegs kyi tshogs dbang med pa rnams za ba lta bu sngon po dang ser po ljang gus rtsa ba dang g.yas pa dang cig shos kyi zhal gsum gdangs shing rnam par 'gyur ba can/ mche ba gtsigs
 shing ljags 'gyur ba/ shin tu 'jigs su rung ba/ zhal so so la smin ma 'khyog cing g.yo ba dang bcas pa'i spyan gsum dmar zhing zlum pa yang yang du hUM yig sgrogs pas nga ro 'don cing phyogs su lta ba/ dpral ba'i steng du yongs su bskor ba'i
 thod pa lnga'i phreng ba can mgul par 'phyang ba'i khrag 'dzag cing/ dri nga ba'i mgo bo lnga bcu'i phreng ba can/ yid du 'ong ba'i mi'i rus pa'i rang bzhin gyi 'khor lo can dang rna rgyan dang mgu rgyan dang phyag gdub dang mgo bo'i ske rags kyis brgyan
 pa/ stag gis pags pa'i gos zhus pa/ mi rus las byung ba'i thal ba'i rdul gyis byugs pa/ mdza' yas sngon pas dbu skra dmar ser gyen du 'bar ba dkris pa/ 'jog po dmar pos rna ba'i rgyan du byas pa/ pad+ma'i rtsa ba ltar dkar ba'i pad+ma chen pos ngo
 shal byas pa/ dur ba ltar ljang pa'i stobs kyis rgyas se ral khar byas pa/ nor rgyas dkar pos ske rags byas pa/ kun da ltar dkar ba'i pad+mas rkang gdub byas pa/ dung skyong ser pos lag gdub byas pa/ dub lta bu khra bo'i rigs ldan gyi dpung rgyan byas
 pa/ rdo rje sems dpas rgyas btab pa/ rdo rje dang rdo rje dril bu dang ldan pa'i phyag dag gis 'jig rten gsum las rnam par rgyal ba'i phyag rgyas rang 'dra'i shes rab ma la snyoms par zhugs pa ste/ rdo rje khu tshur gnyis bcings shing/ dpung pa rdo rje
 mnyam bzhag nas/ /mthe'u chung lcags kyu bcings byas pa/ sdigs mdzub gnyis kyis bsdigs pa ni/ 'jig rten gsum rgyal zhes bya'o/ /zhes de kho na nyid 'dus par te/ rdo rje khu tshur gnyis rgyab sprad nas sdigs mdzub gnyis brkyang ba dang phyag
 g.yas pa dag na lcags kyu dang zhags pa dag dang/ g.yon pa dag dang thod pa dang kha TwAM ga dag ste/ g.yas brkyang gi stabs zhabs gnyis kyis 'jigs byed dang dus mtshan mnan pa'o/ /de'i 'og tu sna tshogs pad+ma la gnas pa'i nyi ma'o/ /de ltar rdo
 rje hUM mdzad du bdag nyid rnam par bsam nas/ khro bo rnams 'byin bzhin par bsam par bya'o/ /de la gshin rje gshed du dang 'dra ba'i rdo rje ro langs ma la yang dag par 'khyud pa/ rnam par snang mdzad kyis rgyas btab pa shar gyi rtsibs la gnas pa/
 nag po dang dkar po dang dmar ba'i zhal can phyag g.yas pa rnams su rdo rje lcags kyu dang 'khor lo dang rdo rje rnams te/ g.yon pa rnams su thugs kar sdigs mdzub dang bcas pa'i zhags pa dang dril bu dang dgra sta rnams so/ /lhod gzhan gyis mi thub pa rang dang
 'dra ba'i gzhan gyis mi thub ma la 'khyud pa rin 'byung gis rgyas btab pa/ dkar po dang nag po dang dmar ba'i zhal can te/ g.yas pa rnams su rdo rje zhags pa dang rdo rje dang ral gri dang/ g.yon pa rnams su snying gar sdigs mdzub
 dang dril bu dang dgra sta'o/ /nub tu rta mgrin rang dang 'dra ba'i khro gnyer can ma la yang dag par sbyor ba/ 'od dpag tu med pa'i cod pan can/ dmar po dang nag po dang dkar ba'i zhal can te/ g.yas pa rnams su lcags sgrog dang pad+ma dang ral gri
 dang/ g.yon pa rnams su dril bu dang dgra sta dang/ zhags pa'o/ /byang du bgegs dgra rang 'dra'i ral gcig ma dang ldan pa/ don yod grub pas rgyas btab pa/ sngon po dang dkar ba dang dmar ba'i zhal can/ g.yas pa rnams su rdo rje dril bu
 dang sna tshogs rdo rje dang 'khor lo ste/ g.yon pa rnams su sdigs mdzub can gyi zhags pa dang gtun shing dang dgra sta'o/ /dbang ldan du gtum po chen po khro ba rang dang 'dra ba'i sna tshogs rdo rje ma dang ldan pa rnam par snang mdzad kyis rgyas btab pa/ nag
 po dang dkar po dang dmar po'i zhal can/ g.yas pa rnams su ral gri dang 'khor lo dang rdo rje dang/ g.yon pa rnams su sdigs mdzugs dang dgra sta dang zhags pa'o/ /me mtshams su 'dod pa'i rgyal po rang 'dra'i sna tshogs rin chen ma la 'khyud pa rin 'byung
 gi cod pan can/ nag po dang dkar ba dang dmar ba'i zhal can/ khu tshur gnyis rgyab sprad cing mthe chung gnyis lcags sgrog tu sbral bas rdo rje hUM mdzad kyi phyag rgya 'dzin pa/ g.yas pa dag na lcags kyu dang ral gri dag dang/ cig shos dag na rdo rje dang
 zhags pa dag go /bden bral du hUM zhes pas dbyug pa sngon por rang 'dra'i sna tshogs pad+ma la 'khyud pa 'od dpag med kyi cod pan can/ zhal sngon po dang dkar ba dang dmar ba dang/ g.yas rnams su dbyug pa dang ral gri dang 'khor lo rnams te/ g.yon
 pa rnams su snying gar sdigs mdzub dang bcas pa'i zhags pa dang pad+ma dang dgra sta'o/ /rlung mtshams su hUM zhes pa las stobs po che rang dang 'dra ba'i sna tshogs las ma la snyoms par zhugs pa/ rnga sgra'i dbu rgyan can zhal nag po dang dkar po dang dmar ba/ g.yas pa
 rnams su rtse gsum pa dang ral gri dang/ 'khor lo rnams dang/ cig shos rnams su snying gar sdigs mdzub zhags pa dang pad+ma dang dgra sta'o/ /steng du hUM zhes pa 'am b+h+ruM zhes pa las/ gtsug tor 'khor lo can rang 'dra'i nam mkha' rdo rje ma la yang dag par sbyor
 pa/ mi bskyod pas rgyas btab pa/ ser po dang dkar ba dang dmar ba'i zhal can phyag dag gis gtsug tor spyi bor 'dzin cing/ g.yas pa dag na 'khor lo dang pad+ma/ g.yon pa dag na sdigs mdzub dang ral gri dag go /'og tu hUM zhes pa las gnod
 mdzes rang dang 'dra ba'i sa 'dzin ma la snyoms par zhugs pa/ mi bskyod pas rgyas btab pa/ nag po dang dkar po dang dmar ba'i zhal can/ g.yas pa rnams na rdo rje dang 'khor lo dang rin po che rnam dang/ g.yon pa rnams na snying gar sdigs mdzub zhabs pa dang/
 pad+ma dang ral gri'o/ /'di rnams thams cad kyang rang rang gi rtsibs kyi rtse mo'i steng du cung zad ma reg pa'i sna tshogs pad+ma dang nyi ma rnams la g.yas brkyang gi zla ba'i stabs kyis gnas pa/ zhal dang po dang 'dra ba'i mdog can/ zhal rnams ni dang po dang
 g.yas pa dang g.yon pa'i rim pa ste/ shin tu khro ba spyan gsum dmar zlum pa/ 'bar zhing sgra sgrogs pa/ shin tu 'jigs pa bsgom par bya'o/ /gtsug tor dang 'dod pa dang mi g.yo ba dang gnod mdzes rnams ni rin po che'i cod pan can rnam pa sna
 tshogs pa'i rgyan gyis brgyan pa rol pa'o/ de las gzhan rnams ni dbu skra dang smra ra dmar ser gyen du brdzes pa/ sna tshogs pa'i sprul rgyan can/ mgo la thod pa lnga 'chang ba/ 'khor lo la sogs pa'i phyag rgya dang ldan pa/ mgrin par 'phyang ba'i mgo 
 bo'i phreng ba can/ sbom zhing lto ba che ba rnams te/ thams cad kyang gdan dang bcas par mi g.yo ba'o/ /'khor lo yang shin tu 'khor bas g.yo ba med pa lta bu kun nas bar mi 'chad par 'bar ba'i tshogs du ma 'phro bar blta
 bar bya'o/ /de nas rdo rje hUM mdzad kyis 'jig rten gsum las rnam par rgyal ba'i phyag rgya'i g.yon pa'i sdigs mdzub dang mthe bong gis se gol byas pa las gshin rje mthar byed dang shes rab mthar byed dang pad+ma mthar byed dang bgegs mthar byed rnams
 rang rang gi gnas su rang gi sku gnyis pa sprul te 'ongs nas mdun du bzhugs pa ci bgyi zhes bka' nod pa rnams la grangs ji lta bar/ oM badzra aM ku sha A karSha ya hUM/ oM badzra pA sha band+ha hUM/ oM badzra kA li ta ra dza ya hUM/ oM badzra muSh+TaM grih+Na hUM
 zhes pa'i sngags bzhi rnams kyis dka' bsgo bar bya'o/ /de rnams ni phyogs bcu rnams su song nas bgegs kyi bdag po rnams lcags kyus bkug cig zhag pas mgrin par bcings la yang dag par bsdigs te/ khu tshur gyis gzung nas/ khro bo
 bcu rnams la gtong ngo/ /khro bo rnams kyis kyang phyag g.yon pas ste ba las 'og tu rdo rje rtse gcig pa'i rnam pas steng du bdag nyid kyi gzugs can gyi phur pa bzung nas/ sgra ring por brjod pa'i hUM yig las grub pa'i rang rang gi phyogs kyi rtsibs kyi
 rtse mo dang nye ba'i khron par bgegs rnams bcug ste/ oM badzra kI li kI la ya hUM zhes brjod pa sngon ma can/ mgo la phur bu 'debs shing oM badzra mung+ga ra A ko Ta ya hUM zhes gsung zhing phyag g.yas pas gzung ba'i rdo rje tho ba 'bar bas brdung bar bsam te/
 brdung ba dang phur pa 'debs pa dag gis bgegs kyi tshogs bde ba chen po de bzhin nyid gcig pa'i ngo bor bsam par bya zhing bgegs lhag ma rnams ring du 'bros bzhin pa ste/ de ltar steng dang 'og dang logs su 'khor lo'i khor yug chen po'i mthar
 thug par 'gro ba rnam pa thams cad du bgegs med par lhag par mos nas/ 'khor lo'i dbus kyi nang du bdag nyid kyi 'og tu/ yaM las skyes pa ba dan gnyis pa can gzhu lta bu sngon po'i rlung gis dkyil 'khor gyi steng du raM yig yongs su gyur pa me'i dkyil
 'khor dmar po gru gsum pa 'bar ba bdun 'dren pa ste/ de'i steng du baM las byung ba bum pas mtshan pa zlum zhing dkar ba'i chu'i dkyil 'khor la gnas pa'i laM yig las skyes pa rdo rjes mtshan pa gru bzhi pa 'dod par bya ba'i gser kyi sa'i dkyil
 'khor ro/ /de'i steng du hUM suM hUM yongs su gyur pa'i ri rab rnam par bsams te/ dar yud kyis rdo rje hUM mdzad kyi gzugs yongs su gyur pas 'chad par 'gyur ba'i phyag mtshan la sogs pa dang ldan pa'i rdo rje 'dzin pa yongs su gyur ba'i chos 'byung dkar po
 gru gsum pa nang nam mkha' i tshul can/ 'og tu phra zhing steng yangs pa/ 'og zur nas byung ba'i sna tshogs pa'i 'dab ma can gyi pad+ma'i steng du sna tshogs rdo rje brgyan pa bsam mo/ /sna tshogs rdo rje'i lte ba ni sngon po ste/ phyogs so so'i rwa gsum ni rnam
 par snang mdzad la sogs pa mtshungs pa'i kha dog can no/ /de'i dbus su b+h+ruM yig las skyes shing des byin gyis brlabs pa'i 'khor lo rtsibs brgyad pa las yang dag par byung ba'i rnam par snang mdzad yongs su gyur pas/ gru bzhi pa sgo bzhi pa rta babs
 bzhis brgyan pa/ dra ba dang dra ba phyed pa la sogs pa rnam par bkra bas mdzes pa/ sten pa/ sna tshogs 'dab ma can gyi pad+ma la gnas pa'i zla ba dang nyi ma'i gdan sum cu rtsa bdun rnams dang ldan pa'i khang pa brtsegs pa bsgom mo/ /de nas nam mkha' i dkyil 'khor
 mdza' yas pa khyab pa'i sangs rgyas byon pa rnams/ shes rab dang thabs kyi rang bzhin nyid nyis 'gyur gyi dbyangs dang/ ya ra la wa Da Dha lhag pa'i gsal byed nyis 'gyur gyi gzugs rnams su mos te/ khang pa brtsegs pa'i nang na gnas pa'i bdag nyid nA
 da'i ngo bo la bcug pa rnams rang gi sems dang tha mi dad par mos nas de las gdan dbus ma'i steng du 'phros pa rnams dbyangs kyi phreng ba gnyis kyi gzugs su brtags te/ de yongs su gyur pa zla ba dkar po de'i rnam pa gzugs
 brnyan du shar bsgom zhing/ oM tsit+ta pra ti pe d+haM gra ngo mi zhes pa'i sngags nang gi brjod pas byin gyis brlabs po/ /gsal byed kyi phreng ba gnyis kyi gzugs su yang brtags te/ de yongs su gyur pa'i zla ba dmar po de'i rnam pa gzugs brnyan du byas pa
 blta zhing/ oM bo d+hi tsit+taM utpA da yA mi zhes pa'i sngags kyis byin gyis brlabs po/ /de'i dbus su sngar gnas pa'i bar do'i srid pa nA da las thig le dang zla phyed dang mgo bo dang ba ha dang u'i rim pas rdzogs pa'i hUM las skyes pa'i rdo rje'i lte ba
 la gnas pa'i hUM bsgom pa na/ oM badzra At+ma ko haM zhes brjod la/ hUM yig las spros pa'i de bzhin gshegs pa rnams kyis 'gro ba rdzogs pa'i sangs rgyas byas pa'i de rnams kyang nang du 'dus pa na bya ba sgrubs pa ste/ 'od zer gyis bskul
 ba'i nam mkhar gnas pa'i de bzhin gshegs pa rdo rje 'dzin pa'i gzugs su gyur pa'i rnams hUM yig gi nang du chud pa na/ oM mahA su kha badzra satwa dza(rgyud 'grel par gyur pa'i thams cad yongs su gyur pas rdo rje 'chang sems dpa' gsum gyi bdag nyid bsgom zhing/ oM ya thA sarba ta thA ga tAstwa? thA a haM/ zhes brjod bar bya ste/ 'dzum ma dang bcas pa/ cung zad dmar ba rjes su 'brel ba'i dkar ba'i mdog can/
 ral pa'i thor cog nag po la gnas pa'i nor bu dang sna tshogs rdo rje dang de'i 'og tu g.yon ngos su gnas pa'i zla ba'i cha dang sangs rgyas lnga'i cod pan can/ /dpral ba'i steng du thod pa lnga dang/ 'khor lo can dang rna rgyan dang mgul rgyan dang phyag
 gdub dang skye? rags dang thal bas brgyan pa/ zhal gsum pa/ zhal g.yas pa dang cig shos sngo? pa dang dmar ba/ zhal so so la spyan gsum pa/ phyag drug pa rdo rje dang rdo rje dril bus rnam par mdzes pa'i phyag zung gis rang 'dra'i shes rab ma la 'khyud
 cing mtsho skyes la gnyis sbyar ba'i dga' ba'i tshogs dang ldan pa/ phyag g.yas pa dag gis ral gri dang lcags kyu 'dzin pa/ g.yon par thod pa dang zhags pa 'dzin pa/ nyi ma'i 'od kyi dkyil 'khor can/ sna tshogs pad+ma dang thod pa dang zla ba la skyil krung
 phyed pas gar gyis nyams dgu rnams kyis gar stabs can no/ /de'i thugs kar sna tshogs pad+ma dang zla ba la ye shes sems dpa' dkar dmar zla ba'i 'od can/ sems dpa' i skyil krung dang ldan pa sangs rgyas lnga'i cod pan rin po che'i rgyan can/ rdo rje dang rdo rje
 dril bu dang bcas pa'i phyag gnyis kyis rang dang 'dra ba'i shes rab ma la 'khyud pa'o/ /de'i thugs kar zla ba la/ ting nge 'dzin sems dpa' hUM nag po'i gzugs so/ /de nas sangs rgyas kyi zhing yongs su sbyangs nas mngon par rdzogs par 'tshang rgya bar bya'o/ /zhes pas
 sems can gyi khams sbyangs pa'i don du/ shin tu dga' ba'i sgras bskul ba'i rgyal ba'i tshogs rdo rje 'dzin pa'i nang du chung ba na/ shes rab ma dgyes te rang rang gi rigs dang 'brel ba'i spyan ma la sogs pa lha mo'i gzugs phyung ba de rnams shes rab
 ma'i nang du tshud pa na/ thabs yongs su mnyes par bsgoms nas/ ting nge 'dzin sems dpa' i 'od zer rnams kyis bkug pa'i de bzhin gshegs pa rnams zhal du bcug cing rang gi lus kyi nang du bcug ste bde ba chen po nyams su myong ba sngon ma can byang chub
 sems kyi khu ba'i gzugs kyis/ shes rab ma'i pad+mar spros la/ de yongs su gyur pa mi bskyod pa'i gtso bo can gyi dkyil 'khor du blta'o/ /sems can 'di la sems kyis bcug pa rnams kyang/ de lta kho nar spyan drangs shing bcug la nang du chung
 pa'i de bzhin gshegs pa thams cad kyi rang bzhin byang chub sems kyi khu ba rdo rje nor bus gnas pas/ dbang bskur ba rnam pa byang chub sems kyi khu ba'i ngo bo de bzhin gshegs pa thams cad kyi bde ba dang yid bde
 ba thob pa rnams rang rang gi sa bon yongs su gyur pa las phung po dang khams dang skye mched rnam par dag pa las mi bskyed pa dang rnam par snang mdzad la sogs pa lha'i gzugs su grub pa rnams su ma 'ongs pa'i de bzhin gshegs pa nyid la ldem
 por dgongs pas lhag par mos nas/ blos rang rang gi 'jig rten gyi khams su btang ste/ dkyil 'khor yang mi bsam mo/ /de'i rjes su mig ni gti mug rdo rjer bshad/ ces pa la sogs pa 'chad par 'gyur ba'i rim pas/ mig dag tu chu skyes dang
 zla ba la 'khor lo dang oM yig las skyes ba'i gti mug rdo rje dkar po gzugs rdo rje ma la 'khyud pa bsgom mo/ /rna ba dag la chu skyes dang nyi ma la rdo rje dang hUM las skyes pa'i zhe sdang rdo rje nag po sgra rdo rje ma la 'khyud pa'o/ /sna bug dag tu pad+ma dang nyi ma
 la rin po che dang traM yongs su gyur pas ser sna rdo rje ser po dri rdo rje ma dang ldan pa'o/ /lce'i rtsa bar chu skyes dang nyi ma la A(rgyud 'grel ral gri dang hi yongs su gyur pa phrag dog rdo rje ljang khu reg bya rdo rje ma dang snyoms par zhugs pa'o/ /snying gar pad+ma dang nyi ma la rdo rje hUM las skyes pa'i dbang phyug rdo rje dkar po chos kyi dbyings rdo rje ma la snyoms par zhugs pa'o/ /gti mug rdo rje la sogs
 pa 'di rnams ni nang gi skye mched rnam par dag pa'i rang bzhin lha'i mig la sogs pa ster ba po rim pa ji lta bar sa'i snying po dang phyag na rdo rje dang nam mkha' i snying po dang 'jig rten dbang phyug dang sgrib pa thams cad rnam par sel ba dang kun tu bzang
 po'i ming gzhan rnams te/ rnam par snang mdzad dang mi bskyod pa dang/ rin chen 'byung ba dang 'od dpag med dang don yod grub pa dang rdo rje sems dpas rgyas btab pa/ ral pa'i cod pan can/ spyan gsum pa/ phyag rgya lnga dang ldan pa zhal gcig pa
 phyag gnyis pa/ phyag g.yas pas 'khor lo dang rdo rje dang rin po che dang/ pad+ma dmar pa dang sna tshogs rdo rje dang rdo rje dkar po 'dzin pa/ g.yon pas rdo rje dril bu 'dzin pa/ g.yas brkyang gi rkang stabs can rnams so/ /'di rnams kyi shes rab ni dza(rgyud 'grel ho:- khaM raM gyi sa bon las skyes pa phyi'i skye mched rnam par dag pa'i ngo bo rang 'dra rnams te/ 'on kyang g.yas brkyang gi zla bo'i zhabs stabs can/ phyag g.yas pas me long dang pi wang dang dri'i dung dang bcud kyi snod dang/ na bza' sna tshogs dang chos 'byung
 'dzin pa/ g.yon pas rdo rje dril bu 'dzin pa rnams so/ /sgra rdo rje ma ni g.yon pas kyang pi wang 'dzin pa rin chen 'byung ba'i cod pan can no/ /lte ba dang snying ga dang mgrin pa dang mgo bo'i pad+ma dang zla ba rnams la spyan ma dang mA ma kI dang gos dkar mo dang sgrol ma
 rnams so/ /gsang bar pad+ma dang zla ba la pad+ma 'bar ba ma du ba'i mdog can zhal gsum pa/ zhal g.yas pa dang cig shos dkar ba dang dmar ba/ phyag g.yas pa gsum lcags kyu dang tshangs pa'i mgo bo dang gri gug gis mdzes pa/ phyag g.yon pa gsum
 thod pa dang kha TwAM ga dang zhags pa 'dzin pa spyan gsum pa phyag rgya lnga can skra grol ba gcer bu g.yas brkyang gi zhabs stabs can no/ /lha mo lnga po 'di rnams ni rim pa ji lta bar sa dang chu dang me dang rlung dang nam mkha' i khams rnam par dag pa'i rang bzhin rnams
 te/ rnam par snang mtshan dang mi bskyod pa dang 'od dpag med dang don yod grub pa dang rin chen 'byung ba dang gzugs dang rnam par shes pa dang 'du shes dang 'du byed dang tshor ba'i phung po rnam par dag pa'i rang bzhin gyis 'khyud cing rgyas btab pa'o/ /pad+ma
 'bar ba ma ni mA ma kA bzhin no zhes gsungs pa'i phyir mi bskyod pas rgyas btab pa'o/ /gzugs la sogs pa'i phung po'i de bzhin nyid la rdo rje sems dpa' ni spyi gcig tu pad+ma dang zla ba la rdo rje 'bar ba ma la 'khyud
 pa ste/ de ni ye shes kyi khams rnam par dag pa'i ngo bo'o/ /mgo bo dang mgrin pa dang snying ga rnams su rnam par snang mdzad dang 'od dpag med dang mi bskyod pa shes rab dang bcas pa ni lus dang ngag dang sems rnam par dag pa'i ngo bo'o/ /sa'i snying po la
 sogs pa'i lha 'di rnams ni yang dag par sbyar ba'i bde ba chen po zhu bar gyur nas skye mched dang khams dang phung po dang lus la sogs pa rnams la nang du thim par bya'o/ /de'i rjes su ha hi hu he ho haM zhes pa 'chad par 'gyur ba'i sngags rnams kyis go
 rtsa bsam par bya ste/ snying gar oM ha yongs su gyur pa'i rdo rje sems dpa' o/ /mgo bor na ma ma hi las skyes pa'i rnam par snang mdzad do/ /spyi gcig tu swAhA hUM las grub pa'i pad+ma gar gyi dbang phyug go/ phrag pa gnyis su bau Sha Ta he las rdzogs pa'i mi
 bskyod pa'o/ /mig dag la hUM hUM ho las skyes pa'i rdo rje nyi ma'o/ /yan lag thams cad la phaT haM las skyes pa'i rta mchog go /drug po 'di rnams ni rim pa ji lta bar rdo rje phag mo dang gshin rje ma dang rmongs byed ma dang bskyod byed ma dang skrag
 byed ma dang gtum mo 'khyud par byas pa'o/ /de la rdo rje phag mo ni dmar mo/ /zhal g.yas pa dang cig shos sngon po dang ljang khu phyag g.yon pa gsum thod pa dang/ kha TwAM ga dang zhags pa 'dzin pa/ phyag g.yas pa gsum gyis lcags kyu
 dang tshangs pa'i mgo bo dang gri gug 'dzin pa'o/ /gshin rje ma la sogs pa rnams ni sngo ba dang dkar ba dang ser ba dang ljang gu dang dud kha'i mdog can/ dbu skra grol ba gcer bu zhal gcig pa spyan gsum pa phyag bzhi pa/ g.yon pa dag gis thod pa
 dang bcas pa'i kha TwAM ga dang dril bu/ g.yas pa dag gis kyang te'u dang gri gug dag 'dzin pa/ phyag rgya lnga pa can/ g.yas brkyang gi zhabs stabs can rnams so/ /'dir lha dkar po rnams ni zla ba'i 'od can zla ba'i dkyil 'khor can te/ gzhan rnams ni nyi ma'i
 'od can dkyil 'khor can no/ /de ltar bdag nyid la bsams nas rang gi shes rab ma la yang mig la sogs pa rnam par dag pa'i rang bzhin 'di thams cad yud kyis bsam par bya'o/ /de'i go cha ni oM haM hoM h+ri swAhA zhes pa 'chad par 'gyur ba'i sngags rnams
 te/ de lta lte bar oM baM las skyes pa'i rdo rje phag mo'o/ /snying gar haM yoM las skyes pa'i gshin rje ma'o/ /mgrin par hoM moM las skyes pa'i rmongs byed ma'o/ /mgo bor h+rI h+rIM las skyes pa'i skyod byed ma'o/ /spyi bor swA hUM las rdzogs pa'i skrag byed ma'o/ /yan lag
 thams cad la hA phaT las skyes pa'i gtum mo ste/ drug po 'di rnams bdag po mgrin pa 'dzin pa'o/ /yang shes rab ma'i spyi bo'i nang du zla ba la gnas pa'i oM yig sku'i rigs kyi rang bzhin zhu bas/ de'i rdul phra rab kyis rnam par spras par snying ga'i bar du
 bltas te/ thugs rdo rje las 'og tu snying gar nyi ma la gnas pa'i hUM yig thugs kyi rigs kyi rang bzhin snga ma bzhin pa des lte ba'i bar du khyab nas/ lte ba las 'og tu nyi ma la gnas pa'i swA yig rin po che'i rigs kyi rang bzhin snga ma lta bus rked pa'i bar
 du khyab cing/ gsang ba'i steng du nyi ma la a(rgyud 'grel pa can du byas te/ hUM yig gis rang gi rdo rje dang rdo rje nor bu oM las skyes shing byin gyis brlabs pa dang/ de'i pad+ma h+rI(rgyud 'grel gcig la cung zad rgod pa dang yongs su 'khyud pa dang gcer bu nyid dang skra grol ba nyid dang ba spu ldang ba'i mtshan nyid rnams dang/ 'dod pa gzhan la mngon par 'dod pa dang dran pa dang sems pa dang yid 'byung ba dang
 cher myos pa'i mtshan nyid rnams te/ gnas skabs lnga thob pa bsgrubs pa'i rig ma shes rab kyi pha rol tu phyin pa'i rang bzhin la rang nyid thabs su gyur pas/ oM sarba ta thA ga ta a nu rA ga Na badzra swA b+hA ba At+ma ko haM/ zhes de bzhin gshegs
 pa thams cad kyi rjes su chags pa'i bsam pas snyoms par 'jug par bya'o/ /de la rjes su chags pa'i dus su mnyam pa nyid kyi ting 'dzin mngon du gyur pa las bsgrubs pa'i rig ma dang rang gi bdag nyid la tha dad pa bsal ba kho nas snyoms
 par 'jug cing/ de bzhin gshegs pa thams cad rjes su chags pa'i bsam pas kyang/ de bzhin gshegs pa rnams thams cad la dbye ba sel ba'o/ /zhes pas mnyam pa nyid kyi ye shes kyi bdag nyid du 'gyur ro/ /de ltar yang skyes
 pa'i gzugs de bzhin de bzhin gshegs pa thams cad kyi bdag nyid rdo rje 'dzin pa chen po'i gzugs kyis btsun mo thams cad kyi bdag nyid phyag rgya chen po la sogs pa longs spyod pa ni sangs rgyas rnams yongs su mnyes par byed pa ste/ nor bu
 gnyis kyi 'od zer gyis bskul ba'i de bzhin gshegs pa rnams kyang byon nas zhal nas zhugs te zhu zhing/ pad+ma'i nang du lhung ba rnams kyis ye shes lnga'i bdud rtsi de'i lce'i rtse mo'i rol pas 'dzin bzhin bar no zhes pa sbyor ba dang po zhes pa'i ting nge 'dzin to/
 de nas snying ga'i 'od zer gyis yang dag par bkug pa'i de bzhin gshegs pa rnams thams cad rnam par snang mdzad kyi sgo nas bcug ste/ 'dod chags chen po las bde ba chen po nyams su myong ba pad+ma'i nang du byang chub sems kyi zhu ba'i ngo bor
 rdzogs par bya'o/ /de las byung ba'i hUM bruM A(rgyud 'grel bde ba chen po'i rang bzhin stong pa nyid dang ro gcig pa mi bskyod pa'i bdag po can lha sum cu rtsa bdun gyi rang bzhin gyi dkyil 'khor blta'o/ /de nas 'byin pa'i sngags rnams kyis bskul nas spros te/ so sor sprul pa mdza' yas pa rnams
 kyis rigs dang rjes su mthun par 'gro ba'i don byas nas gnas ji lta bar dgod par bya'o/ /de la hUM zhes pas mi bskyod pa nag po zhal dang phyag dang phyag mtshan la sogs pa rnams kyis rdo rje sems dpa' lta bu bdag nyid kyi nang du bsdu/ de nang
 du bsdus kyang rdo rje 'dzin pa ni dkar po kho na'o/ /buM zhes pas mdun du rnam par snang mdzad dkar po zhi ba/ phyag bzhi pa/ g.yas pa dag gis 'khor lo dang dril bu dag dang g.yon pa dag gis thod pa dang zhags pa 'dzin pa'o/ /oM zhes
 pas lhor rin chen 'byung ba ser po phyag bzhi pa/ g.yas pa dag gis rin po che dang lcags kyu dag dang g.yon pa dag gis thod pa dang zhags pa dag 'dzin pa'o/ /h+rI zhes pas nub tu 'od dpag med mdog dmar po phyag bzhi pa/
 g.yas pa dag gi mnga' dang/ pad+ma dag dang/ g.yon pa dag gi gzhu dang zhags pa 'dzin pa'o/ /khaM zhes pas byang du don yod grub pa ljang gu phyag g.yas pa dag gis rdo rje dang lcags kyu dag dang/ g.yon pa dag gi dril bu dang thod pa dag 'dzin
 pa'o/ /b+h+ruM zhes pas dbang ldan mtshams su spyan ma dkar mo phyag brgyad ma g.yas pa rnams kyi 'khor lo dang rdo rje dang ral gri dang mnga' 'dzin pa/ cig shos rnams kyis thod pa dang dril bu dang/ zhags pa dang gzhu bsnams pa'o/ /hUM zhes pas
 me mtshams su mA ma kI sngon mo phyag bcu gnyis pa/ g.yas pa rnams kyis mda' dang ral gri dang rdo rje dang 'khor lo dang rin po che dang pad+ma 'dzin pa/ g.yon pa rnams kyis gzhu dang lcags kyu dang dril bu dang zhags pa dang thod pa dang
 kha TwAM ga 'dzin pa'o/ /h+rAM(rgyud 'grel zhes pas rlung gi mtshams su sgrol ma ljang gu phyag brgyad ma g.yas pa rnams kyis utpal dmar po dang ral gri dang lcags kyu dang mda''dzin pa/ cig shos rnams kyis 'khor lo dang zhags pa dang thod pa dang gzhu 'dzin pa'o/ /de bzhin du lha
 gzhan rnams kyang rang rang gi bskyed pa'i sa bon rnams kho nas dbyung bar bya'o/ /de la rim pa gnyis par shar phyogs su rdo rje drag po dkar mo phyag bzhi ma la g.yas pa dag na mda' dang lcags kyu dag dang/ de las cig shos dag na gzhu dang thod
 ba khu bas gang ba dag go /lhor rdo rje gzugs ma ser mo phyag bzhi ma/ g.yas pa rdo rje dang mdung 'dzin cing g.yon pa zhags pa dang khrag gis gang ba'i thod pas brgyan pa'o/ /nub du 'dod chags rdo rje ma dmar mo phyag bzhi ma g.yas par
 ral gri dang rdo rje 'dzin cing/ g.yon pa chus gang ba'i thod pa dang dril bu dang ldan pa'o/ /byang du rdo rje zhi ba ljang gu phyag bzhi pa/ g.yas pas thal sbyar dang ba dan gsum pa ldan pa/ g.yon pas rdo rje kha TwAM ga dang thod pa 'dzin pa'o/ /dbang
 ldan du rdo rje gnod sbyin ma dkar ser phyag bzhi pa g.yas pa dbyug pa dang utpal 'dzin pa/ cig shos kyis thod pa dang bcang te'u 'dzin pa'o/ /me mtshams su rdo rje mkha' 'gro ma ser dmar ma phyag gi yal 'dam bzhi pa g.yas pas pad+ma
 dang me long 'dzin cing cig shos tshil gyis gang ba'i thod pa dang dgra sta 'dzin pa'o/ /bden bral du sgra rdo rje ma dmar sngo ma phyag bzhi ma g.yas pas shak+ti dang dung 'dzin pa/ g.yon pas 'khor lo dang khrag gis gang ba'i thod pa 'dzin pa'o/ /rlung
 mtshams su sa rdo rje ma ljang dkar phyag bzhi ma g.yas pas bum pa dang rdo rje 'dzin cing/ sgron ma dang bdud rtsi bcu'i rdzas kyis gang zhing mi'i pags pas g.yogs pa'i thod pa dang dril bu 'dzin pa cig shos so/ /rim pa gsum pa la shar phyogs su
 bzhad ma dmar mo phyag gnyis rdo rje dang dril bu dang bcas pas bzhad pa'i tshul can no/ /lhor sgeg mo sngon mo phyag gnyis rdo rje dang rdo rje dril bu 'dzin pas 'gying ba dang bcas pa'i sgeg pa'i tshul can no/ /de gsungs pa/ hUM gi glu len cing gar sngon
 ma can/ rkeng pa'i phyogs su rdo rje khu tshur gnyis bcing bas g.yas rol tu bzhag nas rol pa dang bcas par mgo bo cung zad g.yon gyi char dung pa ni rdo rje sgeg mo'o zhes so/ /nub du glu ma ser mo sgeg pas lus cung zad g.yo zhing phyag gnyis 'khar
 ba'i sil khrol 'dzin pa'o/ /byang du gang ma ljang gu bang skor gyi tshul la sogs pas gar byed pas phyag gnyis brel pa'o/ /de gsungs pa/ lag pa gnyis pa bskor zhing grol ba bzhogs gnyis su bskor ba/ sgeg pa'i ro'i dga' ston las gar
 byas te gcig mgo bor gar byed pa'i tshul can zhes pa gar ma'o zhes so/ /dbang ldan mtshams su gling bu ma dmar mo'o/ /mer pi wang ma ser mo sgeg pa'i nyams kyis lus cung zad g.yo ba'o/ /bden bral du rnga mu kun dkar mo'o/ /rlung mtshams su
 rdza rnga ma du ba'i mdog can no/ /bzhi po 'di rnams ni phyag gnyis rang rang gi rol cha sgrogs pa lhur len pa'o/ /de las phyi rol gyi snam bu la me mtshams su me tog ma dkar mo g.yon pa dang cig shos kyi phyag gis me tog phreng ba dang 'khor lo
 'dzin pas gar byed pa sngon du 'gro bas rdo rje thal mo spyi bor bzhag nas phab ste/ snying gar me tog 'bul ba'i tshul dang ldan pa'o/ /bden bral du bdug spos ma du ba'i mdog can g.yon pa dang cig shos kyi phyag gis bdug
 spos kyi snod dang rin po che 'dzin pa'o/ /rlung du mar me ma gser gyi mdog can g.yon pa dang cig shos kyi phyag gis mar me'i mchong sdong dang pad+ma 'dzin pa'o/ /dbang ldan du dri chab ma dmar mo dri'i dung dang ral gri g.yon pa dang cig shos kyi phyag
 gis 'dzin pa'o/ /shar du me long ma dkar mo phyag zung gis me long 'dzin pa'o/ /lhor rol ma dmar mo phyag gnyis ro'i snod 'dzin pa'o/ /nub du reg bya ma ljang gu phyag gnyis kyis gos sna tshogs 'dzin pa'o/ /byang du chos ma dkar mo phyag gnyis
 kyis chos 'byung dkar mo 'dzin pa'o/ /rnam par snang mdzad la sogs pa'i lha 'di rnams kyang zhal gcig pa spyan gsum pa ral pa'i cod pan can/ thod skam lnga dang 'khor lo can la sogs pas rgyan du byas pa lha'i gos skyil krung phyed
 pa'i gar stabs can no/ /shar sger rdo rje lcags kyu ma nam mkha' sngo bsangs g.yas pa dang cig shos kyi zhal nag po dang dkar po/ /phyag drug pa/ g.yas pa rnams kyis lcags kyu dang ral gri dang/ 'khor lo bsnams dang/ g.yon pa
 rnams kyis zhags pa dang sdigs 'dzub dang dril bu rnams 'dzin pa'o/ /lhor rdo rje zhags pa ma dkar ser g.yas pa dang/ cig shos kyi zhal nag po dang dmar po phyag drug pa/ g.yas pa rnams kyis zhags pa dang rdo rje dang ral gri rnams dang/
 g.yon pa rnams kyis 'khor lo dang dril bu dang sdigs 'dzum dang bcas pa'i zhags pa rnams 'dzin pa'o/ /nub du rdo rje lcags sgrog ma dmar mo g.yas dang cig shos kyi zhal nag po dang dkar ba/ phyag drug ma/ g.yas pa lcags sgrog
 rdo rje dang ral gri 'dzin cing/ g.yon pas 'khor lo dang dril bu dang lcags kyu 'dzin pa'o/ /byang du rdo rje dril bu ma ljang khu g.yas pa dang cig shos kyi zhal nag mo dang dkar ba/ phyag drug pa g.yas rnams kyis dril bu dang rdo rje dang ral gri rnams
 dang/ g.yon pa rnams kyis 'khor lo dang lcags kyu dang zhags pa rnams 'dzin pa'o/ /bzhi po 'di rnams zhal so so la spyan gsum pa skra dmar ser gyen du 'bar ba thod pa lnga dang 'khor lo can la sogs pas brgyan pa stag gi pags
 pa'i gos can/ g.yas brkyang gi zla bos gar byed pa ste/ sna tshogs pad+ma dang thod pa dang nyi ma la'o/ /rin chen 'byung ba dang 'od dpag med dang don yod grub pa rnams kyang sna tshogs chu skyes dang nyi ma la ste/ lha gzhan rnams thams cad ni sna
 tshogs mtsho skyes dang thod pa dang zla ba la gnas pa ste thams cad nyi ma'i 'od can kho na'o/ /de ltar sum cu rtsa bdun gyi bdag nyid kyi lha'i 'khor lo 'di bkod nas/ snying ga'i 'od zer gyi lcags kyu spros la/ snying ga'i 'od zer gzhan gyis rdo rje
 lcags kyu ma yang dag par bskul te/ des dza zhes brjod pas snying ga nas spros pa'i khro bo rnams kyis yongs su bskor bas ye shes kyi dkyil 'khor spyan drangs nas mdun du bzhugs su gsol te/ mchod yon dang zhabs bsil phul cing
 yang dag par mchod la/ snying ga'i 'od zer gyis bskul ba'i rdo rje zhags pa ma hUM yig brjod pa mos snying ga nas spros pa'i 'od zer dkar po rnams kyis ye shes kyi 'khor lo bzhengs su gsol te/ oM ku ru ku ru sa ma ya a d+hi pa ti hUM dza(rgyud 'grel zhes brjod cing spyan drangs nas par skor sngon ma can gyis rang gi 'khor lo la bzhug go /de lta kho na'i paM yig brjod pa mo'i rdo rje lcags sgrog mas snying ga nas spros pa'i 'od zer ser po rnams kyis dkyil 'khor la khyab par byed pa'i phyir
 'chang ba'o/ /de lta kho nar rdo rje dril bu ma ho(rgyud 'grel thugs byin gyis brlab pa dang ye shes sems dpa' ni lhag par mos pas bskyed par bya'o/ /dkyil 'khor gyi bdag po'i snying ga'i sa bon gyi 'od rnams kyis bskul ba'i de bzhin gshegs pa rnams kyis dang des bskul pa'i rnal 'byor ma
 rnams kyis ye shes lnga'i chus gang ba'i rin po che'i bum pa rnams kyis sngar bzhin du thams cad la dus gcig tu dbang bskur ba na cod pan la rigs kyi dbang po 'grub par bsgom mo/ /de la rdo rje sems dpa' la sogs pa de bzhin gshegs
 pa rnams dang mA ma kI dang sgra rdo rje ma dang glu ma dang reg bya rdo rje ma rnams kyi dbang po mi bskyod pa'o/ /spyan ma dang rdo rje drag mo dang sa rdo rje ma dang me tog ma dang bzhad ma dang gling bu ma dang rdo rje lcags kyu ma rnams kyi rnam par snang mdzad do/ /rdo
 rje mkha' 'gro ma dang rdo rje gzungs ma dang bdug spos ma dang sgeg mo dang pi wang ma dang rdo rje zhags pa ma rnams kyi rin chen 'byung ba'o/ /gos dkar mo dang rdo rje chags pa ma dang mar me ma dang mu kuN+Da ma dang rdo rje lcags sgrog ma rnams kyi 'od
 dpag med do/ /sgrol ma dang rdo rje zhi ba ma dang rdo rje gnod sbyin ma dang gar ma dang ro ma dang rdza rnga ma dang rdo rje dril bu ma rnams kyi don yod grub pa'o/ /de nas snying ga'i sa bon gyis bkug cing zhal du zhugs pa'i de bzhin gshegs pa'i rang bzhin gyi
 byang chub sems zhu ba las skyes pa pad+ma'i nang du gnas pa'i lha mo bcu drug gi sa bon gyi 'od zer rnams kyis bkug pa'i lha mo'i tshogs lha mo'i zhal nas zhugs pa byang chub sems zhu ba'i ngo bos de nyid du dbab bo/ /de nas sa bon dang bcas
 pa'i byang chub sems dang 'od zer rnams shes rab ma'i ba spu bu ga nas phyung ba rnams las lha mo'i tshogs dang sna tshogs pa'i mchod pa dang nyer spyod dbyung bar bya ste/ oM sarba ta thA ga ta bU dza badzra swa b+hA wa At+ma ko haM/ zhes pa'i sngags kyis dkyil 'khor
 mchod par bya'o/ /de nas sum cu rtsa gnyis par 'chad par 'gyur ba rkang pa brgyad pa'i sngags rnams kyis bcom ldan 'das la lha mo rnams kyi zhal rnams kyis bstod par bya'o/ /'od zer gyis bskul ba'i sems can thams cad kyis kyang phyag 'tshal
 ba dang bstod pa dang gsol ba 'debs par mos par bya'o/ /de nas sum cu rtsa bzhi par 'chad par 'gyur pa'i cho gas bdud rtsi rab tu bsgrubs te/ snying ga'i 'od zer gyis bskul ba las/ snod sum cu rtsa bdun son pa 'am so so'i lag par gnas pa/
 hUM dkar po las skyes pa nas kyi 'bras bu'i tshad tsam pa hUM yig gis byin gyis brlabs pa'i rdo rje rtse gcig pa'i lce'i 'od zer gyi sbu gu rnams kyis sam yid kyis drangs pa rnams ma zhen par myang bar bya'o/ /dkyil 'khor gyi de kho na nyid kyang kun rdzob pa dang don
 dam pa yang brtags par bya'o/ /zhes dkyil 'khor rgyal po mchog ces bya ba'i ting nge 'dzin gnyis pa'o/ /de'i rjes su rdo rje 'dzin pas bskul ba'i dkyil 'khor ba'i lha ma lus pa rnams dang bcom ldan 'das kyi sku'i bkod pa spros pa yud kyis nam mkha' i
 khongs khyab pa rnams kyis gzhan rnams kyi don dang rdo rje 'chang chen po'i go 'phang 'thob par nus pa nyid du bskyed nas rang gi lus kyi bkod pa rnams rtsa ba'i lus la bsdu'o zhes pa las rgyal po mchog ces bya ba'i ting nge 'dzin gsum pa'o/ /de ci rjes su dngos
 grub thams cad myur du 'grub pa'i ched du sems brtan par byed par 'dod pas lte ba dang snying ga dang mgrin pa dang bde ba chen po'i mdung pa'i bu ga rnams su oM hUM oM haM ste/ gsung ba'i 'khor lor gnas pa'i rlung gis me bskul ba'i gtum mo'i rang bzhin
 aM yig 'bar ba'i 'od zer gyis zhu ba'i haM yig la sogs pa yi ge gsum dang lhan cig dbyer med pa'i aM yig lhan cig skyes pa'i dga' ba'i rang bzhin gyis thig ler gyur par bsgom zhing sgom pa yongs su smin par mos
 nas/ de nyid las 'od zer gyi re khA phra mo me lce gcig tu 'bar pa ltar gnas par blta'o/ /de'i mthus bdud rtsi 'dzag pas gang ba'i thig le brkyal zhing/ 'od zer gyi re khA de yang bsil bar gyur te/ de nas thig le sems nges pas ji srid du brtan
 pa thob par mtshan ma rnams kyis nye bar dmigs pa de srid du blta'o/ /brtan pa nye bar mtshon pa na 'od zer gyi re khA de'i snad ba gsal bas sna tshogs pa gsal bar byed par bsam te thams cad lag pa'i mthil gyi skyu ru ra bzhin du blta'o/ /ting nge
 'dzin yang myur du rdzogs par 'gyur ro/ /zhes pa thig le'i rnal 'byor ro/ /yang na snying ga'i sngags kyi 'od zer gyi tshogs las byung ba'i de bzhin gshegs pa rnams kyis 'gro ba rdzogs pa'i sangs rgyas su byas ba der nang du 'dus pa na thig le'i rnam par
 hUM yig la ji srid 'dod par yid bzhag go /de'i rjes su dbugs 'byung ba nges par 'byin pa'i rim pas sku dang gsung dang thugs rdo rje'i 'thar thug par de'i 'od zer rnams kyis snang bar byas nas dbugs 'jug pa'i tshul gyis bsdus pa na sa bon dang thig
 le la ni yud kyis rdzogs pa'i dkyil 'khor du mos par bya'o/ /slar yang dbugs 'byung ba'i tshul gyis 'od 'dro ba na 'gro ba snang bar byas nas/ de las byung ba'i de bzhin gshegs pa rnams kyis kyang 'gro ba'i don byed par mos te dbugs 'jug pa'i
 tshul gyis rang gi snying ga snang bar bya'o zhes pa ji srid 'dod par bya'o zhes pa 'di ni thig le'i rnal 'byor gzhan pa'o/ /yang na ting nge 'dzin sems dpa' i 'od zer rnams kyis a ba d+hU tI nas song nas bde ba chen po'i 'khor lor gnas pa'i byang chub
 sems zhu zhing de kho nas 'ongs nas snying gar hUM thig le la de'i bdag nyid du rdul phra rab kyi ngo bor gnas par de ltar bsam mo zhes pa thig le'i rnal 'byor ro/ /de'i rjes su phra mo'i rnal 'byor bsgom pa ni sems brtan par byed pa'i thabs dam pa'o/ /zhes
 pas/ de lta kho na aM yig la sogs pa'i yi ge zhu ba ro gcig pa lhan cig skyes pa'i dga' ba'i rang bzhin byang chub sems kyi thig la yungs kar gyi 'bras bu'i tshad pa yud kyis yongs su rdzogs pa'i dkyil 'khor dang ldan pa rdo rje'i rtse mo'i nor bu 'am
 de las 'phos pa pad+ma'i sna'i rtse mor bzhag nas brtag par bya zhing ji skad bshad pa'i brtan pa'i mtshan ma mthong nas dkyil 'khor spro bar bya'o zhes pa phra mo'i rnal 'byor ro/ /yang na snying ga'i sngags kyi 'od zer gyis bgug cing zhal du zhugs pa'i
 de bzhin gshegs pa zhu ba las skyes pa'i sa bon las yang dag par byung ba'i yungs kar gyi 'bras bu'i tshad tsam pa'i rdo rje la sogs pa yud kyis rdzogs pa'i dkyil 'khor dang ldan pa rdo rje'i rtse mo nas pad+ma'i sna rtser bzhag ste bsgom zhing/ sngar
 bzhin spro bar bya'o zhes pa 'di yang phra mo'i rnal 'byor ji ltar 'dod par bsam par bya'o/ /de'i rjes su oM yig dkar po sangs rgyas la sogs pa rnams sprul nas rlung dang lhan cig zhugs shing snying ga'i pad+mar gnas pa'i a yig dkar po thung
 ngu'i steng du gnas pa dang ldan pa/ rlung dang lhan cig sbrul pa rnams rgyun 'jug pa la bzhag cing/ brtan pa na a yig dmar po rlung dang lhan cig sprul pa rnams 'byin cing sdud pa dang hUM yig nag po yang bsgom par bya'o/ /de gsungs pa/ 'jug
 dang gnas dang ldang rnams kyi/ /rjes su 'gro ba'i bdag nyid can/ /don gyi rjes 'gro'i bzlas pa ni/ /rang bzhin med ba bzang po yis/ /shes rab thabs kyi go 'phang gnas/ /yan lag dbyer med sngags bzlas bya/ /zhes so/ /de nyid kyi phyir gnyis su med pa'i
 ngo bo nyid kyi phyir 'di ni ma ning gi bzlas pa'o/ /'o na brjod pa rang rnam rtog dag gis sangs rgyas nyid ga la zhe na/ bden de sangs rgyas kyi byin gyis brlabs las 'di'i rtsol ba med par 'byung ba/ de thams cad phun
 sum tshogs par 'gyur ro/ /de ltar 'di ni dkyil 'khor chen po'i rnal 'byor la mngon du phyogs par byas pa'i/ sku la sogs pa'i de kho na nyid gsal bar byed pa'i sngags bzlas pa las sna tshogs pa'i mchod pa dang nye bar spyod pas brgyan pa rnam
 pa sna tshogs shing mur thug pa med pa'i spro ba dang bsdu ba las 'gro ba'i don byed pa dngos grub chen po ster pa po shes rab dang thabs kyi ngo bo rdo rje bzlas pa brjod pa'o/ /'di kho na la phyung nas 'das pa gzhan rnams su rnam par gzhag ste/ bsngags
 brjod btsam sngags kyis bzlas pa'o/ /lha'i rnal 'byor tsam rjes su dran pa ni gzugs kyi bzlas pa'o/ /de kho na nyid tsam rjes su sems pa ni rnal 'byor gyis bzlas pa'o zhes pa'o/ /sngags kyi bzlas ba ni yang rnam pa mang po ste/ de la snying ga'i sa bon
 la snying po'i sngags sam/ nye ba'i snying po'i sngags brjod par byed cing dkyil 'khor gyi lha'i tshogs spros te/ 'gro ba'i don byas nas sngags dang lhan cig kho nar phreng ba'i skud pa 'dren pa'i tshul gyis 'jug pa'i rlung gis snying ga'i sa bon la gzhug
 cing/ lha so so'i sngags brjod pa yongs su rdzogs pa na so sor spro ba dang bsdu ba'o zhes pa dam tshig gi bzlas pa'o/ /chos thams cad mnyam pa nyid kyi nga rgyal gyis sngags gyi phreng ba rang gi zhal du zhugs te rdo rje'i lam nas pad+mar song zhing/ a ba
 d+hU tI'i laM nas gyen du byung ste/ bcom ldan 'das ma'i zhal nas phyung ba rang gi zhabs? gyi sgoms zhugs shing de bzhin kho nar 'khor ba bsgoms pas phreng ba'i sngags bzlas par bya zhes pa yi ge ltod cing zha ba ni khyogs kyi bzlas pa'o/ /'di kho nar
 bcom ldan 'das ma'i zhal du 'jug cing rang gi zhal nas phyung ba tsam khyad par gyis stug cing rtsub pa'i yi ge can ni khros pa'i bzlas pa'o/ /snying po la sogs pa drag tu brjod pa las khro bo'i bzlas pa'o/ /de la rdo rje sems dpa' i/ oM badzra a
 mri nyam hA su kha haM swAhA zhes pa snying po ste/ oM A:- hUM hUM swAhA zhes pa nye ba'i snying po'o/ /oM na mo b+ha ga wa te bI re shA ya/ mahA kawa a gni sa n+ni b+hA ya/ dza tA mu khu Tetka TA ya/ daMSh+TA ka rA lo gra b+hI Sha Na mu khA ya/ sa ha sra b+hu dza b+hA su ra ya/ pa ra shu
 pA shodya ya tra shU la kha TwAM ga d+dA ri Ne /byA b+h+rA dzi nAM ba ra d+hA rA ya/ ma hAd+hU mraM d+ha kA ra wa bu ShA ya/ ka ra ka ra ku ru ku ru band+hA/ trA sa ya twA sa ya/ k+Sho b+ha ya k+Sho b+ha ya/ /h+rauM h+rauM(rgyud 'grel sa ru d+hi rA n+t+ra mA lA wa yi pa ni/ grih+Na grih+Sha sa pta pA tA la ga ta b+hu dzaM ga sa rpaM wA/ tarja ya ta rja ya/ A ka DDhya A kaDhya/ h+riM h+rIM dz+nyauM dz+nyauM k+Sh+maM k+Sh+mAM hAM hAM hIM hIM hUM hUM/ kI li kI li/ si li si li/ tsi li tsi li/ d+hi li d+hi li hUM hUM phaT phaT swAhA/ zhes
 phreng ba'i sngags so/ /bcom ldan 'das ma'i ni/ oM badzre pai ro tsa nI ye bud+ha DA ki nI ye swAhA/ zhes pa rtsa ba'i sngags te/ gang gsung bar 'gyur ba/ yi ge bcu drug pa 'di ni/ mkha' 'gro ma'i rtsa ba'i sngags zhes so/ /snying po'i sngags su
 yang 'di kha cig tu brjod do/ /oM badzra bai ro tsa nI ye swAhA/ zhes pa de nye ba'i snying po'o/ /'di dag dang dkyil 'khor ba'i sngags bzlas par bya ba rnams thams cad 'chad par 'gyur ro/ /bcom ldan 'das ma'i phreng pa'i sngags ni/ oM na mo b+ha ga
 wa tI badzra wA rA hi/ A rhA pa rA dzi te trai lo kya mA te mahA bidyA a'i shwa ri/ sarba b+hu ta b+ha yA ba he mahA badzre/ badzra a sa ne a dzi te a pa rA dzi te ba sh+yaM ka ri ne trAphwa? ma Ni/ sho Sha Ni ro Sha Ni kro d+ha ni ka rA li ni/ san+t+ra sa ni mA ra Ni su pra b+he da ni pa rA
 dza ye bi dza ye dzaM b+ha ni sta m+b+ha ni mo ha ni/ badzra wA rA hi mahA yo gi ni kA me shwa rI kha ge tadya thA pro taM ge pro taM ge ha na ha na prA NA na/ ki ki ni khiM gi ni d+hu na d+hu na badzra ha ste/ sho Sha ya sho Sha ya badzra ka pA la kha TwAM ga d+hA ra Ni/ ma hA
 pi shi ta mAM sA sha ni/ mA nu ShAn+twa prA brit+ta/ sAnmi d+dya na rA shi ro mA lA graM thi ta d+ha ra na Ni/ suM b+ha ni suM b+ha ha na ha na prA NAM sarba pA pa satwa nAM/ sarba pa shU nAM mAM sats+tsha da ni/ kro d+ha murti daMSh+TA ka ra laM ni mahA mu dre/ sh+rE he ru ka de wa syA gra ma hi Shi/ sa ha sra shi
 re sa nya sra bA hA be sha ta sa ha srA na ni/ dzA li ta ta syA dzA lA mu khi/ ping+ga la lo tsi ne badzre sha rI re/ badzrA sa ne/ mi li mi li ti mi li ti mi li/ he he ha ha hUM hUM kha kha d+hu d+hu d+hu ru d+hu ru mu ru mu ru/ a dwai te mahA yo gi ni pa Thi ta sid+d+he/ draiM d+hAM draiM d+hAM graM graM
 he he ha ha b+hI me ha sa ha sra bI re ha ha ho(rgyud 'grel shu mo hA ni ma hA yo ge shwa rI twaM DA ki nI sarba lo kA nAM/ band+ha ni sadyA:- pra tya ya ka ri NI/ hUM hUM phaT b+hU ta trA sa ni mahA wI re pa re ma sid+d+ha yo gi shwa ri phaT hUM hUM phaT swAhA zhes ba'o/ /sgom pa dang bzlas pas skyon snying ga'i sa bon gyi 'od zer rnams
 kyis zhu ba/ de rnams kyis bkug pa'i de bzhin gshegs pa rnams dang gcig tu gyur pa/ bde ba chen po'i 'khor lo'i khu ba bde ba chen po'i rang bzhin khu ba'i rgyun gyi char rnams kyis lus mdza' dag khyab par bsgoms nas tshim par
 bya'o/ /zhes pa lta ba bsgrubs nas ngal bso ste yang yang du sngar bzhin du bsgom pa dang/ bzlas pa bya'o/ /gshegs su gsol bar 'dod na 'chang par 'gyur ba'i rim pas gtor ma byin te sngar bzhin du mchod pa la sogs pa byas nas yi ge
 gsum gyis snying ga'i sngags kyi nang du gzhug cing smon lam rnams kyang gdab par bya'o/ /langs nas dag pa'i sems kyis bcom ldan 'das ma la 'khyud pa'i bcom ldan 'das kyi sku can gyi stong pa nyid dang ro gcig pa'i bde chen po'i rang
 bzhin sgyu ma'i ngo bor bdag nyid dang mu mdza' med pa'i khams gsum pa lhag par mos shing/ ji ltar 'dod pa'i spyod pas bde bar gshegs pa mchod pa dang/ gzhan gyi don kun tu bsgrubs par bya'o/ /khrus kyi dus su dbang bskur gyi cho gas
 bsgrub par bya'o/ /bdud rtsi myang ba'i cho gas hUM yig tshim par byed cing bza' bar bya'o/ /dam tshig nyams na ji lta ba bzhin du don yod grub pa 'khor lo can khaM dang sna tshogs rdo rjes snying gar brgyan pas rang bzhin gyis rnam par dag par 'gro ba
 bsam zhing sngar bzhin du bdag nyid la dbang bskur bya'o/ /bla ma la brnyas pa la sogs pa'i skyon la ni ci nus pa ji lta bar ston mo byas te yon yang phul nas bzod par gsol ba sdom pa gzung bar bya'o/ /zhes pa dam tshig las ldang bar
 bsgrub bo/ /thun gzhan la ni snying ga'i sa bon las dkyil 'khor gyi 'khor lo yang dag par spros te sngar bzhin du mchod pa la sogs pa bya'o/ /thun thams cad la yang mthar 'chad par 'gyur ba'i yi ge brgya pa brjod par bya'o/ /nyal bar 'dod
 na dag gi bya ba thams cad A li kA li'i rang bzhin du rtogs par byas te/ oM tshur gshegs tshur gshegs dpa' bo che/ /dag pa'i ngag gi ston pa po/ /stong pa nyid ye shes 'di ltar du/ /spro dang sdud pa rang 'byung ba'o/ /a
 yig la sogs pa k+Sha yig gi bar dang hUM hUM phaT zhes brjod de/ stong pa nyid kyi rang bzhin lhan cig skyes pa'i dga' ba'i ngo bor bdag nyid dang gnyid dang kyang 'od gsal ba'i rang bzhin du lhag par mos nas shes rab dang thabs kyi
 bdag nyid kyis nyal bar bya'o/ /tho rangs kyi thun la 'od gsal ba las langs te/ oM tshur gshegs tshur gshegs zhes pa la sogs pa thams cad brjod nas de lta kho nar thams cad
 ma tshang ba med par las dang po pas bya'o/ /brel bas ni thun gzhan gyi cho ga rjes su bsgrub bo/ /skabs yod na ni mdza' dag bsgrub bo/ /gang zhig ji skad bshad pa'i mtshan ma thob pa dang po'i rnal 'byor la sems brtan pa des ni cung zad ye shes la dbang
 bas 'bad pas yud kyis dkyil 'khor sprul te bsgom mo/ /gang yang goms pas dkyil 'khor mdza' dag la sams stan pa de ni ye shes la dbang ba thob pa can te spro ba dang sdud pa las 'gro ba'i don rgyas par byed cing chos nyid rjes su rtogs
 pa las byang chub sems mngon du byas te /dri ma phra mo'i phra mo rnams bsal bar bya'o/ /de nas sgom pa rab tu gyur pa las cho ga ji lta bar phyag rgya chen po'i dngos grub rtogs nas/ yang dag pa'i ye shes dbang du gyur pa ni mu med par gzhan
 gyi don yang dag par sgrub pa'i nus par 'gyur ro zhes pa'o/ /gang gi tshe bzhad ma dang sgeg mo ma dang glu ma dang gar ma dang me long ma dang/ ro ma dang reg bya ma dang chos ma rnams bsgom par bya ba de'i tshe lha nyi shu rtsa dgu'i bdag nyid kyi dkyil 'khor gyi
 bsgom pa la sogs pa'i cho ga 'di kho na'o/ /gang gi tshe brgyad po de rnams spangs te/ rim pa gsum pa'i rnam bu la byams pa la sogs pa'i byang chub sems dpa' chen po rnams bsgom pa de'i tshe yang bsgom pa la sogs pa'i cho ga 'di
 kho na'o/ /de la shar gyi snam bu la byams pa dang sa'i snying po'o/ /lho ru phyag na rdo rje dang nam mkha' i snying po dag go /nub du 'jig rten dbang phyug dang 'jam dpal dag go/ byang du sgrib pa thams cad rnam par sel ba dang kun tu bzang po dag go /'jam
 dpal ni maM yig las skyes pa/ gur gum ltar dmar ba mi bskyod pas rgyas btab pa'i ral pa'i gcod pan can spyan gsum pa phyag rgya lnga can rdo rje dang rdo rje dril bu g.yas dang cig shos kyi phyag gnyis kyis 'dzin pa/ zhal gcig pa g.yas brkyang gi zhabs stabs
 can no/ /byams pa ni mai yig las skyes pa gser gyi mdog can rnam par snang mdzad kyis rgyas btab pa'i ral pa'i cod pan can spyan gsum pa'i phyag rgya lnga can nA ga ge sar dang rdo rje dril bu 'dzin pa'i phyag gnyis pa/ zhal gcig pa g.yas brkyang gi zhabs
 stabs can no/ /gzhan drug rnams ni ji ltar mig la sogs pa byin gyis brlabs pa ltar ro/ /phyogs 'di la ni byams pas mgo bo'i byin gyis rlob ste/ 'jam dpal gyis ni dbang po thams cad kyis zhes pa rnams so/ /phyogs gsum ka la yang bcom ldan 'das rdo rje
 sems dpa' kho na ji skad bshad pa ltar shes rab ma la 'khyud pa ste/ lha gzhan rnams thams cad shes rab med pa'o zhes pa phyogs gcig go /rang 'dra'i shes rab ma dang bcas pa rnams so zhes pa gnyis pa'o/ /las thams cad pa'i cho ga la rdo rje phag mo
 dang bcom ldan 'das dag ji skad bshad pa'i sku mdog can dag ste/ zhi ba la dkar po dag dang/ rgyas pa la ser po dag dang/ dbang du bya ba la dmar po dag dang/ drag po la nag po dag tu shes par bya'o/ /'dir rnam par bzhag pa gzhan yang shes par
 bya ste/ ji skad du gshin rje gshed kyi rgyud du gsungs pa/ rdo rje sems dpa' rdzogs pa ni/ rnal 'byor zhes par mngon brjod bya/ /de yi rgyu mthun lha gang zhig /rjes su rnal 'byor du brjod do/ /'khor lo thams cad rdzogs pa ni/ /shin tu rnal 'byor
 rnam bsgoms pa'o/ /lha yi mig sogs byin brlab cing/ sku dang gsung dang thugs nyid kyang/ /ye shes 'khor lo bzhugs pa dang/ /bdud rtsi myang ba nyid dang ni/ /mchod pa che dang bstod pa yang/ /rnal 'byor chen po'i 'dod pa'o/ /zhes so/ /'dir ni dpal 'dus
 par bcom ldan 'das de bzhin gshegs pa mi bskyod pa la sogs pa rnams thams cad yod de/ de bzhin gshegs pa rnams thams cad rig ma bye ba khrag khrig brgya stong du ma dang lhan cig sems can gyi
 don bya ba la gar rab tu ston cing/ phyogs bcu'i 'jig rten gyi khams kyi mdza' gtugs pa'i 'jig rten gyi khams rnams thams cad du 'dod pa lnga'i bde ba rnams kyi rtse zhing dgyes la rab tu rgyu'o/ /de rnams kyis gsang sngags spyod pa la mngon
 par brtson par mi gzigs so zhes pa la sogs pa rgyas par bstan pa'i phyir/ btsan thabs kyi sgrub thabs kyi cho ga nye bar ston to/ /mthar thug pa na yang ji lta ba bzhin du zla ba drug rnams rig ma'i brtul zhugs spyad pas snying ga'i 'od zer gyis
 spros pa'i khro bo rnams kyis dang rang nyid kyang thal mo sbyar bas phyogs bcu rnams su sangs rgyas rnams la dngos grub bsgrub pa'i don du gsol ba btab ste/ ting nge 'dzin du 'am rmi lam du rjes su gnang bas sam ma bkag pas/ mchod pa dang nye bar
 bsgrub pa longs spyad pa'i don dang dngos grub ster ba'i don du/ de lta kho nar 'di rnams la srod la snyan gsar phab ste/ nang par sgrub pa'i dkyil 'khor mngon par sprul nas de lta kho nar rjes su bsgrub po/ /de lta na yang mi gzigs na phyogs bcu na
 bzhugs pa'i sangs rgyas rnams blos dmigs te yang dag par mchod nas bzod par gsol la zla ba drug pa'i rig ma'i brtul zhugs spyad cing/ de nas de lto kho nar rjes su bsgrub po/ /de lta na yang mi gzigs na slar yang de lta kho nar zla ba drug
 pa'i rig ma'i brtul zhugs spyad nas de lta kho nar rnam par bsgrub po/ /de lta na yang ma grub na nyes pa med pa'i rnal 'byor pas btsan thabs kyi bsgrubs bya ba ste/ rang gi rig ma dang gnyis su med par snyoms par zhugs pas nag cing khros pa'i
 dkyil 'khor pa dang bcas pa'i rnam par snang mdzad kyi rnal 'byor las snying ga'i sa bon gyi 'od zer gyis rnam par snang mdzad bkug nas rig ma'i pad+mar ji ltar bsgoms pa'i tshul gyis gtum mo'i me'i dkyil 'khor la 'jigs shing 'jigs pas
 'dar bzhin pa bcug ste/ snying ga'i 'od zer gyi lcags kyu bkug cing khar zhugs pa'i de bzhin gshegs pa'i tshogs shes rab dang sbyor bas zhu bar gyur nas rdo rje'i lam nas byung ba byang chub sems kyi bdag nyid gshin rje mthar byed kyi phur bur bskyed
 de/ de lta kho nar rnam par snang mdzad nag por gzhan bskyed par bya'o/ /de nas bkug pa'i rnam par snang mdzad rang gi gsang ba'i rdo rjes bsdams te/ bskyed pa'i rnam par snang mdzad phyag g.yas pa dang cig shos dag gis phur bu'i mgrin pa dang tho ba gzung
 bas/ oM A:- ts+tshinda ts+tshinda/ ha na ha na da ha da ha dIbta tsakrA bai ro tsa na badzre bai ro tsa na ku la de wa tAM wa kI la ya hUM phaT/ zhes pa bsgyings pa dang bcas pa brjod pas phur bus gdab bo/ /de nas phur bus btab pa tsam gyi rjes thogs su dngos su mngon
 par phyogs pa 'am mngon par phyogs pa yang rung/ de ltar bsam pa gser gyi dkyil 'khor la gnas nas/ oM A(rgyud 'grel ru ru spu ru dzwa la tiSh+Tha sid+d+ha lo tsa ne swAhA/ zhes zlos shing mngon par dbang bskur te/ mchod pa dang bstod pa dang bdud rtsi myang ba dang bzod par gsol ba bya'o/ /de ltar nyi ma bdun ji srid par rjes su bsgrub ste 'grub par 'gyur ro/ /de ltar rnam par snang mdzad dang de'i
 rigs kyi lha rnams kyi btsan thabs kyi sgrub pa'o/ /de bzhin du nag cing khros pa'i 'od dpag med kyi rnal 'byor gyis/ pad+ma mthar byed dmar po'i phur bus/ oM A:- h+rI:- b+hur b+hu wa:- a/ mi tA b+haM a mi tA b+haM ku la de watAM wa kI la ya hUM phaT/ zhes
 pa'i khyad par gyis 'od dpag med dang de'i rigs kyi lha rnams kyi btsan thabs kyi sgrub pa'o/ /de bzhin du nag cing khros pa'i mi bskyod pa dang rin chen 'byung dang don yod grub pa'i rnal 'byor gyis bdud rtsi 'khyil pa'i phur pas  
 oM A:- badzra rA dza ak+Sho b+haM ratna sam+b+ha wa a mo g+ha sid+d+hiM ta ta ku la de wa tAM wA? kI la ya hUM phaT/ zhes pas phur bu gdab po zhes pa'i khyad par gyis mi bskyod pa la sogs pa rnams kyi btsan thabs kyi sgrub pa'o/ /'di thams cad ni phur bu gdab bya dang 'debs
 pa po dang 'debs par mngon par ma zhen par byas nas dngos grub 'thob bo/ /de ci gang las btsan thabs su bsgrub pa'i bya ba sangs rgyas bcom ldan 'das rnams gzhan dbang can nam thugs rje dang mi ldan pa rnams sam rnal 'byor pa yang de rnams
 la mi 'dud pa yin zhe na/ 'dus par/ gar 'di rnams ni yang dag 'byung zhes gsungs pa ma yin nam/ 'di ni sangs rgyas rnams kyi gang te/ ci zhig ltar rnal 'byor pa rnam pa gzhan du sems mthon por dang rnal 'byor ba'i yang de ltar rjes su
 bsgrub pa ma gzigs pa rnams kyi rtsed mo pa'i bzhin du de bzhin gshegs pa las rjes su chags pa'i don du gar kho na'o/ /bcom ldan 'das de rnams kyang 'jigs pa bzhin du 'jigs pa rnams/ /zhes pa yang gar gzhan te/ snying rje'i
 gzhan dbang can rnams kyi'o/ /de gsungs pa/ 'jigs shing skrag pa'i yid can ni/ mchog ster rnam par gzigs par mdzad/ /yid ni dga' zhing mgu rnams la/ /dngos grub rgya chen stsol bar mdzad/ ces so/ //
 dur khrod la dgyes pa phyag gnyis pa'i he ru ka'i dkyil 'khor gsungs pa/ phyi zhes pa la sogs pa'o/ /snga ma bzhin zhes pa rdo rje sems dpa' i dkyil 'khor ltar grub bzhi pa nyid la sogs pa dang ldan pa dang rdo rje drag mo la sogs pa lha nyi shu
 brgyad dang ldan pa'o/ /phyi'i dkyil 'khor de'i phyed kyis nang du zla ba phyed pa'i rnam pa'i dkyil 'khor ro/ /phyi rol ces ba zla ba phyed pa'i rnam pa las te/ ri mo bzhi rnams ni rdo rje dang 'od zer gyi phreng ba'i ri mo gsum las pha rol tu pad+ma dang/ 'khor lo'i phreng
 ba dag gi'o/ /lha thams cad ni rdo rje sems dpa' la sogs pa rnams so/ /khyad par gsungs pa/ gau rI la sogs pa rnams zhes pa ste/ rnam par snang mdzad la sogs pa brgyad rnams kyi gnas rnams su'o/ /dbus su rdo rje sems dpa' i gnas su he ru ka'i bskyed pa'i
 sa bon h+rI:- 'o/ /h+rI(rgyud 'grel pa zla ba phyed pa'i dbyibs las so/ /snga ma bzhin zhes pa'i 'dir phyag bcu drug pa'i dkyil 'khor ltar zhes pa'i dogs pa bsal ba'i ched du/ 'chad par 'gyur ba'i sngags kyi rjes su 'brang bas ji ltar rigs par rdo rje sems dpa' i dkyil 'khor pa rnams kyi
 yang sa bon rnams nye bar mtshon pa'i ched du/ gling bu ma la sogs pa rnams kyi sa bon oM yig la sogs pa rnams gsungs zhes bla ma kha cig go /dbus kyi rim par bcom ldan 'das dang gau rI la sogs pa rnams te/ gnyis par gling bu ma la sogs
 pa rnams so zhes pa'i lha bcu bdun pa rim pa gnyis pa rnams dkyil 'khor 'di'o zhes bla ma gzhan rnams gsung ngo/ /phyogs 'dir ri mo bzhi rnams ni rdo rje dang 'od zer gyis phreng ba dang lha snam gyi thig rnams te/ phyi rol ces pa khang pa brtsegs
 pa las so/ /ha ri bA sa ni shing tsan dan no/ /lha'i tshogs ni brgya byin no/ /sprin gyi rgyal pa ni chu lha ste/ sprin rnams la bdag po nyid kyi phyir ro/ /gnod sbyin gyi sde can zhes pa gang gi sde gnod sbyin rnams yin ba de ni de skad de lus ngan pa'o/ /drang srong gi
 tshogs kun tu 'khrigs pa ni me lha ste/ drang srong rnams kyis yongs su bskor ba nyid kyi phyir ro/ /srin po ni bden bral lo/ /yi dags ni b+hing gi la sogs pa'i tshogs rnams te/ de bzhin gshegs pa'i bstan pa las
 ring du rab tu song zhes byas nas so/ /de rnams gang gi 'dus pa ste dbang du gyur pa yin pa de ni yi dags 'dus pa ste bde byed do/ /kha cig tu bzhi tha dad 'bru mang po'i phyir drag po dang bcas pa'i tshogs rnams so/ /dbang bcas nye dbang bcas ni lha
 rnams so/ /zla ba nyi mar bcas ni tshangs pa la sogs pa rnams so/ /gshin rje ni chu lha la sogs pa rnams nye bar mtshon pa'o/ /de rnams kyi cha shas can ni rang rang gi phyogs na gnas pa'i sems can gyi phung po ste de phyogs kyi bdag po  
 la sogs pa snying rje dang shes rab ma goms shing gzhan la gnod pa byed pa shin tu goms par byas pa'i bdud kyis byin gyis brlabs pa 'am bdud kyi sprul pa de rnams kyis rgyas btab ste/ dge ba rjes su bsgrub pa la rang dbang med par byas
 shing/ rmongs byas te blang bya dang dor bya la phyin ci log tu byas la/ zos te dge ba'i phyogs zad par byed pa'i phyir dang/ thal bar bcas kyang zhes pa thal bar bcas pa rnams kyang zos te dge ba'i bags chags kyang 'jig par byed pa'i phyir ro//
 gso bar mdzad ni bcom ldan 'das kyis de rnams zil gyis mnan nas de dang de las bzlog par mdzad pa'i phyir ro/ /'dir 'di ni rgyud gzhan du gsungs pa'ang 'du ba'o/ /khang pa brtsegs pa'i shar phyogs su gtum drag ces pa'i dur khrod
 de/ sgrub pa po rjes su 'dzin pa'i zhes pa ming gzhan no/ /shing tsan dan te/ rdzu 'phrul chen po pa glang po che'i gdong pa can dang/ phyogs skyong ba dbang po dang khyab 'jug dang/ klu nor rgyas dkar po dang/ sprin sgrogs pa zhes bya'o/ /mer drag tu rgod
 ba'am ming gzhan rab 'jig chen po zhes bya ba'i dur khrod do/ /shing ka rany+dza dang rdzu 'phrul chen po pa ra'i gdong pa can dang me lha dang pad+ma chen po dkar po dang sprin stug po'o/ /lhor ker rus 'jigs pa 'am ming gzhan 'jigs rung mun pa can zhes bya
 ba'i dur khrod de/ shing a mra dang/ rdzu 'phrul chen po pa ma he'i gdong pa can dang/ gshin rje dang pad+ma dkar po dang sprin 'khor byed do/ /bden bral tu ku co ca co sgrogs pa 'am/ ming gzhan rnal 'byor mang du 'dus pa chen po'i dur khrod de/ par ka tI
 dang rdzu 'phrul chen po pha rol gdong pa can dang/ srin po dang/ mdza' yas sngon po dang/ sprin 'gengs byed do/ /nub tu 'bar ba 'khrigs pa'i dur khrod ming gzhan khro bo'i me ste/ shing kaM kel+li dang rdzu 'phrul chen po pa chu srin gyi gdong pa can dang chu lha dang
 stobs rgyu ljang khu dang sprin 'jigs su rung ngo/ /rlung du 'jigs su rung mun pa can gyi dur khrod ming gzhan seng ge'i sgra phaT yig chen po sgrogs pa ste/ shing ardzun dang rdzu 'phrul chen po pa ri dags kyi gdong pa can dang/ rlung lha dang rigs ldan khra bo dang sprin char
 'bebs so/ /byang du gaM ga ra'i dur khrod ming gzhan gnyis med byed de/ shing a shwat tha dad rdzu 'phrul chen po pa mi'i gdong pa can dang lus ngan dang log 'dren dang bcas pa dag dang/ 'jog po dmar po dang sprin 'ur 'ur sgrogs so/ /dbang ldan phun sum
 tshogs nas shes bya'i dur khrod ming gzhan mtsho skyes dpa' ba ste/ shing wa Ta rdzu 'phrul chen po pa ba lang gi gdong pa can dang dbang ldan dang dung skyong ser po dang sprin gtum byed can no/ /thams cad du mchod rten blta bar bya'o/ /de las srung dkar po la zhon pa/
 zhes pa la sogs pa/ cang te'u yis brel pa'i phyag ces pa'i bar sum cu rtsa bzhi par 'chad par 'gyur ba 'dir shes par bya'o/ /gdengs can brgyad rnams mi gdong can/ /rgyan bzang can gang bye phrag med/ /brgya byin la sogs 'di bcu drug /g.yon pa
 yid 'ong ma la 'khyud/ /cig shos phyag ni sgeg bcas rnams/ /shing dang nye bar shes par bya/ /nyi mar gshin rje srin mo me/ /gzhan rnams zla bar zla 'od can/ /dbang ldan gshin rje srin po rnams/ /ma gtogs rin chen
 con pan 'bar/ /dbang ldan rin chen cod pan zhes/ /kha cig rdzu 'phrul chen po brgyad/ /lus stong phyed 'thon phyag rnams kyis/ /thod pa 'dzin par byed pa ste/ /gzhan gyis byin pa'i gtor ma la/ /g.yas pas 'dzin pa'i tshul gyis brel/ /sprin rnams
 ni nam mkha' la kha dog sna tshogs ba glog 'gyu ba dang/ sgra sgrogs par byed pa ste/ /'ga' zhig char gyi rgyun can rnams so/ /brgyad po 'di rnams ni rnam pa sna tshogs pa'i shing mchog gzhan rnams kyis kyang rnam par mdzes pa/ bya rog dang 'ug pa dang
 bya rgod dang khyi dang lce spyang dang seng ge dang/ phag dang stag la sogs pa rnams kyis 'jigs su rung ba/ go na sa la sogs pa'i sbrul rnams kyis shin tu bag tsha bar byed pa can/ /rkeng rus dang gsal shing gis phug pa dang dbyangs pa dang/ phyed tshig
 ba dang mgo bo dang thod pa pus mo dang/ ro mgo med dang rus pa dang mgo bo'i dum bu la sogs pa rnams kyis 'jigs su rung ba rnam pa sna tshogs pa'i grub pa dang rig pa 'dzin pa rnams dang dam tshig spyod pa'i rnal 'byor pa dang/ rnal 'byor ma'i tshogs
 rnams dang ca co sgrogs bzhin pa'i ro langs dang gnod sbyin dang srin po la sogs pa rnams kyis dang/ 'di nas dang de nas rgyug pa dang/ g.yo ba dang 'greng ba dang sdod ba dang nyal ba dang/ ldang ba rnams kyis shin tu ngo mtshar bar byed pa'i dur khrod
 chen po rnams so/ /'di rnams kyis yongs su bskor ba'i khang pa brtsegs pa'i nang du lha sum cu rtsa bdun gyis yongs su bskor ba'i bcom ldan 'das bde mchog sku mdog sngon po nor bu dang sna tshogs rdo rje dang zla ba'i cha dang mi bskyod pas mtshan pa'i ral
 pa'i cod pan dpral ba'i steng du thod pa'i phreng ba 'dzin pa/ phyag rgya drug pa/ spyan gsum pa/ rnam par 'gyur ba'i zhal gcig pa/ mgo bo'i phreng ba bdun du 'phyang ba/ rgyab tu zhus bzhin pa'i stag gi pags pa'i sham thabs can mchod phyir thogs pa'i tshul gyis kha TwAM
 ga can gyis ? gang ba'i thod pa 'dzin pa'i phyag g.yon pas rdo rje phag mo la 'khyud pa/ phyag g.yas pa steng du phyar ba'i rdo rje 'bar ba 'dzin pa/ sna tshogs chu skyes dang nyi ma dang 'jigs byed dang/ dus mtshan rnams mnan nas skyil krung phyed pas gar gyi nyams
 dgu rnams kyis/ gar stabs mdzad pa ste/ bcom ldan 'das ma yang dmar mo spyan gsum pa/ dbu skra grol ba/ dpral ba'i steng du bcings pa'i thod pa lnga'i phreng ba can/ phyag rgya lnga pa can/ gcer bu ska rags la dum bus brgyan pa/ mgo bo skam
 po'i phreng ba 'phyang ba/ bcom ldan 'das la bcar bzhin pa/ rgyun mi 'chad par 'bab pa'i rdul gyis gang ba'i thod pa 'dzin pa'i phyag g.yon pas gtso bo la 'khyud pa/ g.yas pas sdigs mdzub dang bcas pa'i rdo rje 'dzin pa/ byin pa gnyis kyis 
 dkris nas bde ba chen po nye bar bskyed pa'o zhes rig par bya'o/ /phyogs gzhan gsungs pa/ yang ni zhes pa la sogs pa ste drag po'i gdan can phyag gnyis pa 'di ni shes rab ma med pa ste/ khyad par gzhan ni sngar bzhin no/ /tshangs pa sogs
 rnams kyis zhes pa tshangs pa sogs mnan te zil gyis mnan nas/ nye bar longs spyod de tshangs pa mo la sogs pa'i lha mo rnams so/ /sems can rnams la yang sbyin te dngos grub ces 'brel lo/ /rdo rje sems dpa' dang mtshungs pa'i de bzhin gshegs
 pa'i tshogs 'phro ba rnams kyis phyogs bcu rnams thams cad du 'od zer ji ltar 'gyur ba ltar ro/ /bcom ldan 'das dur khrod la dgyes pa phyag gnyis pa 'di'i dang dgra bo'i gdan can phyag gnyis pa'i yang sgom pa'i rim pa ni ji ltar rigs par sngar dang 'dra 
 bar rig par bya ste/ gzhung mongs par ma gyur cig ces pas 'dir rnam par ma phye'o/ /'di dag gi bzlas bya'i sngags gnyis ni 'chad par 'gyur ro/ /dngos grub ces pa phyag rgya chen po'i dngos grub 'thob po zhes pa'o//
 man ngag gi snye mar snye ma bcu gnyis pa'o// //de ltar rdzogs pa'i rim pa bsgom pa po 'am bskyed pa'i rim pa sgom pa po 'di'i rnal 'byor pa gnas pa la rdo rje rnal 'byor ma rnams 'du pa'i don du bdag nyid brdas nges
 par ston te/ de'i phyir brda de shes pa'i don du gsungs pa/ bcom ldan 'das zhes pa la sogs pa'o/ /gzhan rnams kyis kyang 'di shes par bya ba kho na ste/ res 'ga' rnams la yang ston par 'gyur bas so zhes pa'o/ /phyag rgya ni brda lte de
 gsal bar byed ba'i ngag gang yin pa de'i mtshan nyid do/ /gsang chen ni spa bar bya'o/ /rnal 'byor pa rnams dang rnal 'byor ma rnams kyi yang ngo/ /mkha' 'gro ma rnams kyi rnam par rgyal ba'i ched du ste dga' ba'i bdag nyid du 'gyur bar bya ba'i ched du
 stobs te nus pa gang la yod pa de ni de skad do/ /dam tshig ni 'du ba ste/ de'i ched du phyag rgya gsungs so/ /kol+la i re ces ba kol+la'i ri la ste gnas la'o/ /bol ste bo la yis nye bar mtshon pa'i rnal 'byor pa'o/ /mummu Ni re ste mummu nI'i zhing du'o/ /ka
 ko pa ste nges nye bar mtshon pa'i rnal 'byor ma'o/ /'dir ring po na gnas pa'i yang shes rab dang thabs dag ji ltar rigs par lhag pa'i rgyal po dag kyang de'i skad cig la 'du bar glu blang bar bya'o/ /ki pa Ta zhes pa cang te'u'o/ /ho ni bod pa la'o/ /kA
 ru Ne ni snying rjes so/ /ki a i na mi ma bya ba'o/ /ro lA ni 'thab mo'o/ /ma a NA ni myos byed do/ /mA la a ind+ha Na swa li a zhes ba shA li'i tshod ma'o/ /b+ha ru ni mang po'o/ /aM ga ni yan lag rnams la'o/ /tsa DA bi a ni gdags par bya ba'o/ /
 ta ti dza ni der yang ngo/ /shA rA pha ni yid ches pa'o/ /pa Ni a i ni gzhug par bya ba'o/ /'di tsam gyis tshigs su bcad pa bzhi rnams so/ /'di rnams kyi mthar nges byed glur blang bar bya'o/ /de kho na gsungs pa ma la ya je zhes pa la sogs pa'o/ /zhes pa drang ba'i
 don to/ /nges pa'i don ni kol+la i re ni bde ba chen po'i 'khor lo'o/ /mummu ni ni stsal ba'i 'khor lo'o/ /deng shes rab dang thabs dag ni bol dang kak+ko la dag tu gsungs pa'o/ /de dag gi nA da ni cang te'u'i sgra'o/ /'dir yang aM yig gi nA das gyen du bskyod
 pa'i gtum mo dang lhan cig bcom ldan 'das rtsod par 'gyur ba ma yin no/ /snying rje chen po bcom ldan 'das ni snying rje bdud rtsi'i ngo bo nyid kyi phyir ro/ /'on kyang bcom ldan 'das ni de la 'khyud pa kho na'o/ /ba la ste snying ga'i 'khor lo la sogs par
 son pa/ gtum mos sreg pa ni za ba'o/ /myos byed ni byang chub sems kyi rgyun no/ /ka lany+dza ra ni rjes su mthun pa'i rlung ste de 'jug pa ni a ba d+hU hI ru'o/ /dur du ro ni rkyang ma dang ro mar son pa'i rlung ngo/ /dor ba ni der de rab tu mi rgyu ba'o/ /bzhi mnyam ba
 la sogs pa rnams gtum mo'i 'od kyis gdungs pa'i yan lag rnams su thim pa ni sbyar ba'o/ /de nas thim pa'i gzhi mnyam yan lag thams cad pa shA la'i tshod mar bzhag par bya ba gtum mo'i 'od kyi me la ji ltar 'dod par sbyin sreg mchog
 ni bza' ba'o/ /phre kha Na khe Ta dag ni bcom ldan 'das gnas su 'gro ba dang de dang lhan cig gtum mo 'ong ba'o/ /da'i tshe yang bde ba chen po dang ro gcig pa'i sems la sdug pa dang mi sdug pa'i rnam par rtog pa rnams mi 'byung pa ni dag ba dang ma dag
 pa dag mi sems pa'o/ /gtum mo'i 'od kyis yongs su sbyangs pa'i rtsa rnams su bde ba chen po'i zla ba'i 'od rnams kyis kun tu 'gengs pa ni/ ni raM shu yan lag rnams la 'dogs pa'o/ /de ltar ro ru gyur ba'i lus kyi lhag ma zla ba dang nyi ma'i 'od
 rnams la rnam pa thams cad du thig pa ni ro gzhug pa'o/ /de ltar yan lag thams cad la mngon par khyab pa'i shes rab dang thabs dag 'khor ba'i bar du ro mnyam pa'i bde ba chen po nyams su myong ba ni ma la yar skyes pas
 kundu ru 'jug pa'o/ /de ltar gyur pa'i skabs su yang thams cad las mngon par 'phags pa nyid skyes par gyur pa na DiN+Di ma dang 'dra ba'i nyon mongs pa rnams dor bar 'gyur ba ma yin gyi/ 'on kyang yongs su dag cing de dang ro gcig pa 'di rnams de'i tshe
 mngon par mtho ba kho na'o/ /nges pa'i don 'di la yang sngar bshad pa'i drang ba'i don nye bar mkho zhing/ 'chad par 'gyur ba'i thabs kyi yan lag kyang ngo/ /de skad du yang sngar gsungs pa/ byang chub sems ni sum cu gnyis/ /gang tshe gang ba nyid 'dir
 gyur/ /de yi rjes thogs dbang po dang/ /phung po 'byung ba sangs rgyas nyid/ ces so/ /'di tsam kho nas rdo rje 'dzin pa nyid ni ma yin gyi/ 'on kyang tha mal pa'i rnam par rtog pa spang ba'i ched dang/ lhan cig skyes pa'i de kho na nyid rtogs pa'i ched du man
 ngag ji lta bar bsgrub par bya ste/ de las 'bad pa med par phyag rgya chen po'i dngos grub bsgrub par bya ba'o/ /zhes pa'i don to/ /glu gsungs nas phyi rol gyi phyag rgya mdor ston te/ mu khe zhes pa la sogs pa'o/ /'di rgyas par bstan pa ni nyi shu rtsa
 ldar par ro/ /yan lag gi phyag rgya yang rnal 'byor pas g.yas pas bstan par bya zhing rnal 'byor mas ni g.yon pas so/ /lag pa gnyis snyi ma pa'i tshul du brkyang nas kha ru bcug pa ni lha mo mkha' 'gro ma'i mtshan ma'o/ /g+ho b+hu zhes pa dag gi brda
 dang spyi bor thal mo sbyar ba/ bzhag pa ni mar me ma'i mtshon ma'o/ /gu b+hu zhes pa dag dang/ thal mo spyi bor byas nas khas sor mo gung mo btsir ba ni 'jib pa mo'i mtshan ma'o/ /mu g+hu zhes pa ngag dang/ lag pa gnyis rna ba dag la brdeg pa ni gaM
 po dzi'i mtshan ma'o/ /lu g+hu zhes pa ngag dang/ rna ba'i rtser mor khyor ba bzhag pa dang/ draSh+Tu zhes pa'i dag gnyis ka ni dge ba'am mi gtom 'dri ba bsal bar byed pa'o/ /ri dags kyi mgo'i ser mo lnga dang draSh+Tu ces pa'i dag gnyis ka ni lan no/ /skyes pa ni
 DA ru brjod par bya'o/ /yi ge re re tsam gyis skabs su bab pa ji lta bar tha snyad bya ba'i don du'o/ /DI ni bud med do/ /pu ni rengs pa'o/ /su ni za ba'o/ /ma ni 'a ma'o/ /yo ni chung ma'o sring ma b+hi'o/ /grogs mo ni d+hi'o/ /pu po mo lu'o/ /khrag ni ti lo/ zhi ba'i ste khu ba'i btung ba ni sa'o/ /btung bya
 ni pi'o/ /shA ni phI'o/ /za ba ni b+ha'o/ /rnal 'byor ma 'du ba'i gnas ni b+hU'o/ /dur khrod ni pI'o/ /shi ba ni b+hU'o/ /rnal 'byor ma ni hI'o/ /lA ma'i rigs can rnams ga'o/ /gzugs can ma'i rigs can rnams tI'o/ /mkha' 'gro ma'i rigs can rnams
 ku'o/ /dum skyes ma'i rigs can rnams hA'o/ /byin pa gnyis ni ji'o/ /dpung pa gnyis ni ke'o/ /mngon du smra ba ni b+ha'o/ /legs par 'ongs pa'i dag ni swA'o/ /pul lI ra ma ya ni bu'o/ /dzA land+ha ra ni dzA'o/ /aau DI ya na ni o'o/ /arbu da ni a'o/ /go dA ba rI
 ni go'o/ /rA me shwa ra ni ra'o/ /de wi ko Ti ni de'o/ /mA la wa ni ma'o/ /kA ma rU pa ni kA'o/ /o Da b+ha ni o'o/ /tra sha ke ni tri'o/ /ko sha la ni ko'o/ /ka lingka ni ka'o/ /li pA ka ni lI'o/ /kAny+tsa ni kA'o/ /hi ma la a la ya ni hi'o/ /pre ta pu rI ni pre'o/ /griha de ba tU ni
 gri'o/ /sau raSh+Ta ni so'o/ /su war+Na dwi pa ni su'o/ /nA ga ra ni na'o/ /sind+ha ni sa'o/ /ma ru ma'o/ /ku lu tA ni ku'o/ /brda gzhan yang bstan pa'i ched du gsungs pa de nas zhes pa la sogs pa'o/ /brda ni 'du bar 'dod pa'i rnal 'byor ma rnams kyi brda'o/ /ming po
 ni rnal 'byor pa'o/ /srin mo ni rnal 'byor ma'o/ /po tig ni phyag byed pa'o/ /pra ti lo ti gi ni phyag gi lan no/ /'gro ba ni ga mu'o/ /'ong ba ni lum pa'o/ /byin cig pa ni na ga ra'o/ /len pa ni tsa Tu ka'o/ /dpa' bo ni h+ri da ya'o/ /gsod pa ni ko ra wA dang kau ra
 wa'o/ /dril bu ni kar ni kA'o/ /mgo bo ni a li kar na'o/ /skra ni ba ra ta'o/ /rna ba ni sh+ra wa Na'o/ /bdud rtsi ni man thA na'o/ /yang dag 'dus pa ni ra'o/ /mkha' 'gro ma ni tA li kA'o/ /dkyil 'khor ni ra na ka'o/ /dur khrod
 ni a mu ka'o/ /sgo ni kA khi la'o/ /bram ze ni swa sa naM 'o/ /rgyal rigs ni ba ri d+hi'o/ /rje rigs ni bi ri ti'o/ /dmar rigs ni kru ra'o/ /gsol pa'i khyim ni an+ta'o/ /phyugs ni a lI ka'o/ /mkha' 'gro ma ni b+ha gi nI'o/ /tshil ni mu dka' o/ /kri ha na
 ces pa'i don la yang kha cig tu mu da ka ru brjod do/ /mu thA zhes pa yan lag gi phyag rgya'o/ /'di dag gi brda'i skabs su bshad pa'i dag dang lus kyi phyag rgya dag rim pas des pas rjes su bsgrub pa gsal bar byed pa'i don du ste/ phyi mar yang de bzhin no/
 lce la sogs reg pa ni zas 'dod par ston pa'o/ /skom pa ni gan d+ha wA si nI'o/ /gan d+ha bA hi ni zhes klog pa gzhan no/ /gang nas ni a ga ma na'o/ /che ge mo ni s+thA nA ta'o/ /me tog ni ki ra Na'o/ /'jigs pa ni laM pa'o/ /rgod pa ni ngan ta'o/ /char pa
 ni ni ro d+ha'o/ /tshim pa ni bi dz+nyA pa ti'o/ /phyi rol ni b+huryu'o/ /sprin rnams ni d+hu ma pri ya'o/ /ri bo ni sA nu'o/ /chu rlung ni sa ri ta do/ /cha shas ni aM ku lyA'o/ /aM gu lI zhes klog pa kha cig tu'o/ /gdod pa ni wa nga na'o/ /lce ni rA dzi ka'o/ /so ni a da nA'o/
 rgyal mtshan ni paM ka ti'o/ /phreng ba ni tshando'o/ /rlung ni tsa la'o/ /phyugs ni mri ga pa ti'o/ /dam tshig ni maN+Dal la'o/ /yA na ti zhes kha cig tu brjod do/ /bzhi mdo ni sa ma la'o/ /skye bo ni phal gu sa'o/ /phyugs chen po ni mahA k+Sha ra la'o/ /ra ni che'o/ /mi ni
 nA'o/ /glang ni go'o/ /ma he ni ma'o/ /bza' ba ni b+ha ste hA yang ngo/ /hA ni mo rtags te/ hA las rab tu skye ba'i phyir zhes pa'i tshig las so/ /rgyal srid kyi bya ba ma rta'i skyes bu ni a pya ka'o/ /a pya kA'i sgra ni bud med kyi rtags te/ a rya ka las rgyas bar
 bshad pa de'o/ /zhes pa'i tshig las so/ /gnas pa ni s+tha'o/ /lag pa kha la reg pa ni zos pa nyid gsal bar byed pa'o/ /so la reg pa ni tshim pa'o/ /hoM zhes pa yang tshim pa'o/ /ngo tsha ba ni h+rIka'o/ /nam mkha' la ni shu n+ya ste bud med kyi dbang po zhes pa'i don to/
 de la theg pa ni 'khrid pa gyis shig ces gsal bar byed do/ /brla la reg pa ni 'og tu gnas nas 'di ltar bya'o zhes pa'o/ /brlal reg pa ni steng nas 'og tu zhes kha cig tu klog ba ni/ steng du gnas nas khyod kyis 'khrig pa gyis shig/ nga 'og tu gnas par bya'o zhes pa'i don to/ /steng nas
 zhes klog pa med pa la yang don 'di kho na'o zhes pa'o/ /dpal yang dag par sbyor ba'i 'grel pa'i man ngag gi snye mar snye ma bcu gsum pa'o// //bde mchog gi dkyil 'khor la gnas pa'i rnal 'byor ma nyi shu rtsa bzhi
 rnams bsdus pa nyid kyis bdun po rnams kyi ming dang mtshan nyid bstan pa'i mched du gsungs pa/ nyon zhes pa la sogs pa'o/ /ni ni khyad par la'o/ /rnam bdun zhes pa 'chad par 'gyur ba'i rig pa'i rgyal po'i dkyil 'khor pa rnal 'byor ma nyi
 shu rtsa bzhi rnams kyi yang ngo bo 'di rnams su bsdus pa'o/ /zhes pa dgongs pa'o/ /de la man ngag gi 'di yin te/ brtson 'grus chen mo dang 'khor los sgyur ma dang stobs chen ma dang shin tu dpa' mo ste bzhi po rnams ni gshin rje ma ste/ de kho na gzugs
 can ma yang ngo/ /'khor lo'i go cha ma dang chang 'tshong ma dang duM skyes ma dang 'khor lo'i shugs can ma ni 'o byed ma ste de kho na skrag byed ma'o/ /mkha' 'gro gdong ma dang rta rnam dang shin tu bzang mo dang sngo bsangs lha mo rnams lA ma ste de kho na kA na
 nI dang drag mo'o/ /chang 'thun ma dang rlung gi shugs can ma dang 'jigs byed chen mo dang sa srung ma rnams yongs gyur ma ste/ de kho na 'jigs ma dang gtum mo'o/ /shing grib ma dang lang ka'i dbang phyug ma dang me'u thung ma dang dpa' bo'i blo gros
 ma rnams ni byis can ma steng de kho na'i yang dag spyod ma dang tshe za mo/ /sna chen ma dang 'od ldan ma dang gtum pa'i mig can ma dang rA gtum ma rnams ni mi ldog pa ste de kho na 'od gsal ma'o/ /yang dpa' bo'i blo can
 ma ni bdun pa i hi kI ste/ de kho na tshe zad ma dang kA na nI yang ngo/ /zhes pa'o/ /gzugs can ma la sogs pa rnams kyi rim pa ji lta bar mtshan nyid gsungs pa chags shing zhes pa la sogs pa'o/ /dpa' bos gnyis med bsten gyur pa/ /zhes
 pa dpa' bo ste bde mchog gi rnal 'byor pas gnyis su med pa'i rnam pas bsten par bya ste rtse ba'i ched du sbyar bar bya'o/ /de'i dbugs ni rnam pa gzhan/ zhes pa 'dod pa gsal bar byed pa'o/ /de nas yang 'jigs byed ni 'jigs su rung ba'o/ /de kyi phyi dga' 
 bar byad do zhes pa rA mA ste/ re pha'i la nyid kyi phyir lA ma'o/ /skrag par byed ces pa ni de mthong bas phag la sogs pa rnams 'jigs so zhes pa'i don to/ /gzhan rnams gang las yongs su sgyur ba de ni yongs gyur ma'o/ /byis pas mtshon nas gcig
 tu 'gro ba ste de dar lhan cig pa de ni byas bcas ma'o/ /skyo ba na ni yid 'byung bar 'gyur pa ma'o/ /mi ldog ma ni 'di la phyir ldog pa med byas nas so/ /rgod byed ces pa la sogs pa'i bya ba rnams la blo bur zhes pa 'brel bar bya'o/ /phyogs 'dir yun
 ring du gnas so zhes pa 'di dpa' mo'o/ /rnal 'byor ma mo zhes pa rnal 'byor dang rjes su mthun pa nyid kyi phyir ro/ /rab tu rgod ces pa la sogs pa brgyad pa rdo rje phag mo'i mtshan nyid do/ /de skad du yang rnal 'byor ma bzhi sbyor ba'i rgyud du gsungs pa
 gzugs can 'o byed lA ma dang/ /yongs sgyur ma dang bcas ma/ mi ldog ma dang 'di pha mo/ /rdo rje ma ni 'a rgyang por bshad/ /dang po rgyas 'debs phyag rgya ste/ /gnyis pa snying nas 'gugs byed ma/ gsum pa rmongs byed phyag rgya'o/ /de bzhin
 bzhi pa langs byed ma/ /lnga pa gang byed phyag rgya ma'o/ /de bzhin cug pa gsod byed 'gyur/ /bdun pa za byang phyag rgya mo/ /brgyad pa deb par smong byed ma/ /gshin rje skrag byed drag mo dang/ /gtum mo dang ni tshe za mo/ /'od gsal ma dang kA na nI/
 phag mo 'od brgyad par 'dod pa yin/ zhes so/ /mche ba ni phag gi so'o/ /thod pa la sogs pa'i phyag brgya brgyad ni rim pa ji lta bar rnal 'byor ma brgyad rnams kyi phyag rgya ste khyim du bris pa yang mtshan nyid do/ /bdun pa zhes kha cig tu klog pa ni yig mkhan
 kyi skyon las so/ /gzugs can ma la sogs pa mtshon pa 'di rnams dang lhan cig yang dag par sbyar bas de snyoms par zhugs pas so/ /bsgrub par bya bas na cho ga ste/ lhan cig skyes pa bde ba chen po'o/ /mtshon par byas te stong pa nyid dang snying rje'i rnal
 'byor ma la mkhas pas so/ /lus sprul pa mo ni 'jig rten las 'das pa'i ma ma gzugs can ma la sogs pa rnams te/ de rnams kyi mtshan ma nyid dang phyag rgya thod pa la sogs pa mtshan ma'i phyag rgya ste de brjod par byed par rab tu byed pa yang
 de skad do mo rtags nyid ni bdun me mi rnams gzhug par bya zhes pa la sogs pa bzhin no zhes pa'o// //snye ma bcu bzhi pa'o// //lA ma'i rigs can gyi bud med rnams kyi mtshan nyid la 'jug pa/ de
 nas zhes pa la sogs pa'o/ /pad+ma gang dbang ni snang ba mdza' yas so/ /ra ni ra nyid do/ /mkha' 'gro ma rnams zhes pa mkha' 'gro ma'o/ /de bzhin gshegs pa ni rnam par snang mdzad do/ /spu ldan zhes pa ni lus la spu rnams dang ldan pa'o/ /
 'dres pa ni rna shal te de'i rnam pa can gyi ri mo'o/ /rnam par 'dres pa ni dpal bde mchog go /mi g.yo ba ni shin tu brtan pa dang ldan pa'o/ /lag pa gnyis sbyar bar bya ste mtho bo gnyis bkug nas sor mo gzhan rnams cung zad bkug cing rtse mo dang
 rtse mo sprad pa las pad+ma'i phyag rgya'o/ /lag pa gcig brkyang nas de'i steng du de las gzhan pa'i lag pa bskum pa ru spal ltar gnas pa las ru sbal gyi phyag rgya'o/ /phyag rgya gnyis po 'di ni sgrub pa po'i'o/ /phrag pa g.yon
 pa nas 'phyang ba'i gos g.yo ba dpung g.yon pa bskum pas 'dzin pa'i tshul ni rgyal ba'i phyag rgya'o/ /mchod par bzhes klog pa la ni/ gang mchod par bya ba de rgyal ba kho na'o zhes pa rgyal ba'i phyag rgya kho ma dkyogs pas gsungs par 'gyur ro//
 phyag rgya gnyis po 'di ni rim pa ji lta bar phyag rgya'i lan du rnal 'byor mas spyin bar bya'o/ /mdung gi phyag rgya zhes pa mthe bos mthe chung mnan nas de las gzhan pa'i sor mo rnams gyen du brkyang ba las so/ /rkang pa g.yon pa bskum nas skyel krung phyed pa'i gar gyis
 g.yon du yongs su bskor ba ni rnal 'byor ma'i lan gyi phyag rgya'o/ /mchod ces pa na/ chod pa'i dus so/ /'jig rten dbang phyug ma rnams kyi zhes pa sna ba mdza' yas kyi rigs can rnams kyi'o/ /dar bcings pa zhes ba dpral bar dar bcings pa lta bu'i
 ri mo gcig go zhes pa'i don to/ /mthe bos sor mo thams cad mnan nas gyen du sdigs mdzub brkyang ba las 'phang mdung gi phyag rgya'o/ /dril bu dkrol ba'i tshul gyis drel bu'i phyag rgya'o/ /gnyis pa zhes pa lan gyi phyag rgya zhes pa'i don to/ /de
 byas nas yongs su bsgyur bar bya ste/ de bzhin 'og mal yang ngo/ /rdo rje thal mo byas nas gung mo gnyis bslang ste/ sdigs mdzub gnyis kyis ming med gnyis dkris shing/ mthe bo gnyis drang por byas nas kha dang nye bar bzhag par bya'o/ /zhes pa
 kha'i phyag rgya'o/ /ming med bzlog pa dag lag pa dag gi nang du byas la/ mthe bong gdengs ka'i rnam pa dag sbyar zhing mthe chung dang gung mo khab lta bu dag ste/ gung mo khab lta bu'i ngos su sdigs mdzub dag bskum nas tshigs gsum par dgod par
 bya'o zhes pa kha'i phyag rgya'o zhes dam tshig gsum gyi rgyal po'i rgyud du gsungs so/ /'khor lo'i phyag rgya zhes kha cig tu klog pa ste/ de'i tshe lag pa gnyis gan brkyal du byas shing gung mo dang ming med kyi sen mo dag gi steng du mthe bo dgod par bya'o zhes
 pa 'khor lo'i phyag rgya'o/ /dung gi phyag rgya zhes pa gung mo dang ming med dang mthe chung rnams bskum nas dung gi tshul gyis mthe bo dang sdigs mdzub dang brkyang pa'o/ /de bzhin kho na zhes pa g.yon pa yis lan gyi phyag rgya'o/ /zhes bshad pa ste ji lta ba'o//
 dus tshigs zhes pa bsod nams kyi dga' ston gyi dus so/ /gtsigs pa zhes pa so bsnyer ba'o/ /lag pa g.yon pa phyung bar byas te/ /de'i steng du gru mo g.yas pa bzhag nas mthe bong dang sdigs mdzub dag bslang zhing/ sor mo gsum bskum pa'i
 lag pa'i g.yas pa gzung bar bya'o zhes pa sprul gyi phyag rgya'o/ /sngo ma bzhin zhes pa g.yon pas lan gyi phyag rgya'o 'di rnams phal cher lA ma'i rigs can rnams kyi mtshan nyid rnams gsungs shing/ rnal 'byor ma sum cu rtsa bdun po rnams kyi'ang
 'di rnams su rigs par bya'o zhes pa man ngag go /man ngag gi snye mar snye ma bco lnga pa'o// //phyag rgya gzhan brjod pa'i ched du gsungs pa/ de nas shes pa la sogs pa'o/ /yan lag phyag rgya zhes
 pa yan lag gi phyag rgya'o/ /ku lA zhes pa ni 'phongs 'tshos so/ /gsang ba ni skye gnas so/ /mthe bo dang mdzub dag drang por byas te rtse mo sbyar nas sor lhag ma rnams bskum pa las chos 'byung gi phyag rgya'o/ /mthil zhes pa rkang
 ba'i'o/ /lag pa'i zhes pa kha cig go /nyi ma zhes pa ni lus g.yas so zhes kha cig go /chu bo zhes pa las nam mkha' la ri mo 'khyog pa byed pa'i tshul lo/ /rab tu brkyang pa'i sor mo bskyod bzhin pa'i lag pa gnyis kyis chu rlabs kyi tshul gyis nye
 bar ston pa las rgya mtsho'i phyag rgya'o/ /gang zhig sor mo gcig ston ma zhes pa skyes pa'i nye bar mtshon pa ste/ phyi mar yang de bzhin no/ /sor mo gnyis kyi zhes pa sor mo gnyis te/ 'di ni lan gyi phyag rgya'o/ /smin ma g.yon pa
 bskyod pa'i tshul ston pa'i lan gyi phyag rgya'o/ /slob dpon dag gi ste dam tshig la sogs pa kun tu spyod pa la mkhas pa'i rnal 'byor pa dang rnal 'byor ma dag gi'o/ /ston pa ni bsam pa gcig pa nyid ston pa ste da lta'i dgos pa'o zhes pa'i don to/ /man ngag
 gi snye mar snye ma bcu drug pa'o// //de ltar brda shes pa gang du 'du bar bya ba de'i brjod pa'i ched du gsungs pa/ de nas zhes pa la sogs pa'o/ /dam pa kun rnams ni bden pa gnyis yongs su shes pa las bsam pa dag pa rnams so//
 dam tshig rjes su sgrub pa la sogs pa la dad pa'i rnal 'byor pa dang rnal 'byor ma'i skye ba rnams te/ de rnams 'du ba'o/ /'du ba der tsA ru'i bza' ba ni bdud rtsir byas pa'o/ /shes rab dang thabs dag gi snod gnyis su son pa lhag mi'i za bar bya ste/ brtson par ji
 ltar 'gyur ba'o/ /gnas zhes pa mdor bstan pa'o/ /'di rnams zhes pa gnas la sogs rnams rab tu dga' ba la sogs pa mos pa spyod pa'i sa dang bcas pa bcu gnyis rnams so/ /'di rnams su 'byung ngo zhes pa sa rnams te/ su rnams she na sangs
 rgyas dang byang chub sems dpa' rnams so/ /sa bcu'i dbang phyug ni byang chub sems dpa' o/ /mgon po zhes pa sangs rgyas so/ /de la mos pa'i mtshan nyid can so so'i skye bo'i sa dang sangs rgyas kyi sa ma gtogs pa sa bcu'i dbang phyug ni byang chub sems dpa' rnams
 so/ /sangs rgyas bcom ldan 'das rnams ni sa thams cad kyi dbang phyug go /'di rnams kyis ni gnas la sogs pa rnams kyis so/ /gzhan gyis min zhes pa gnas la sogs la las gzhan pa rnams kyis te/ 'di rnams su bdag po med par sangs
 rgyas dang byang chub sems dpa' rnams yongs su rdzogs pa'i phyir ro zhes pa dgongs pa'o/ /rgya chen ni rang gi don phun sum tshogs pa ste/ yangs pa ni gzhan gyi don phun sum tshogs pas/ sangs rgyas dang byang chub sems dpa' rnams gang rnams las 'byung ba
 de rnams ni che zhing yangs pa 'byung ba rnams so/ /thung du nyid ni lung ngo/ /gnas ni dzA land+ha ra dang/ /aau Di yA na dang bal+li ra ma la ya dang arbu da'o/ /pol la gi ri dang kol+li gi ri dang pul li ra ma la ya dang rdo rje'i gnas zhes pa rnam grangs so/ /nye ba'i gnas ni
 go dA ri'i dang rA me shwa ri dang de wI ko Ta dang mA la wa yang ngo/ /zhing ni kA ma ru pa dang o Ta'o/ /nye ba'i zhing ni tri sha ku ni dang ko sha la'o/ /tshan do ha ni ka ling ka dang lam pa ka'o/ /nye ba'i tshan do ha ni kAny+tsi dang kha ba'i khor yug can no/ /'du pa ni pre ta pA rI
 dang gri ha de ba ta'o/ /nye ba'i 'du ba ni sau raSh+Ta? dang gser gling ngo/ /dur khrod ni grong khyer pa Ta li pu tra dang sin+tu zhes pa gnyis so/ /nye ba'i dur khrod ni ma ru dang ku la tA'o/ /'thung gcod ni kA ra Nya pA Ta ka dang karma pA Ta ka dang ha ri ke la dang 'bigs byed kyi nags
 dang gnyen nu'i grong khyer zhes pa lnga dang/ tsa ri tra dang grong dang grong khyer gyi mdza' i sa zhes pa gnyis kyang rgyud gzhan du gsungs pa 'dir man ngag las shes par bya'o zhes pa bdun no/ /lan tsha'i rgya mtsho'i dbus son pa zhes pa ha ri ke la'i khyad par ro/ /
 nye ba'i 'thung gcod de dang te/ zhes pa thung gcod dang nye ba ste thag nye ba'i sa gzhi bdun gyi bdag nyid do/ /dur khrod ni ro 'dus pa dur khrod kyi sa gzhi dang rgya mtsho ni 'gram zhes pa gnyis so/ /skyed tshul dang rdzing bu'i 'gram ni nye ba'i dur khrod de/ /dur khrod dang
 nye ba'i dur khrod 'di dag tu res 'ga' rnal 'byor ma rnams su 'du'o/ /zhes phyis rgyas par bston cing/ gtso bo'i gnas pul+li ra ma la ya la sogs pa nyi shu rtsa bzhi rnams nang du 'dus par yang ngo/ /pul li ra ma la ya la sogs pa'i yul rnams su
 dkyil 'khor pa'i lha mo rnams bram ze mo la sogs pa'i skye gnas rnams su skye'o/ /de skad du yang rdo rje mkha' 'gro ma'i rgyud du gsungs pa/ mkha' 'gro ma zhes yang dag grags/ /rdo rje dkyil 'khor gtso mo de/ ye shes lnga
 rnams yul yul du/ /rang nyid skye gnas rnams su skye/ zhes so/ /'o na brtag pa gnyis pa'i rgyud du/ /gnas dang nye ba'i gnas dang ni/ /zhing dang nyi ba'i zhing nyid dang/ /'dun rtog nye ba'i 'dun rtog dang/ /'du ba nye ba'i 'du ba dang/ /thung gcod nye ba'i 'thung gcod
 dang/ /dur khrod nye ba'i dur khrod de/ /'di rnams sa ni bcu gnyis so/ /zhes mdor bstan cing/ gnas ni dzA laM d+ha ra dang/ oM Di yA na dang pUr Na gi ri dang kA ma ru pa'o/ /nye ba'i gnas ni mA la wa dang sind+hu dang nA ga ra'o/ /zhing ni mUmmu Ni dang ka rA N+ya? pA Ta ka dang
 de wA ko TA dang ka ra mA ra pA Ta ka'o/ /nye ba'i zhing ni ku la trA dang u rbud dang go dA ba ri dang kha ba'i ri'o/ /tshan do ha ni ha ri ke la dang/ lam+bA ka dang kAny+tsi dang sau raSh+Ta'o/ /nye ba'i mtshan do ha ni ka lingka dang gser gling dang kongka Na'o/ /'thung gcod ni grong dang grong
 khyer gyi mdza' i sa gzhi dang tsa ri tra dang ko sha la dang 'bigs byed dang gzhon nu'i grong khyer zhes pa lnga'o/ /nye ba'i 'thung gcod ni 'thung gcod dang nye ba lnga'o/ /dur khrod ni dur khrod kyi sa gzhi dang rgya mtsho'i 'gram zhes pa gnyis so/ /nye ba'i dur khrod ni skyed
 mos tshal dang rdzing bu'i 'gram mo zhes rgyas par bshad la 'du ba dang nye ba 'du ba dag ni rgyas par ma bstan pa dang/ phyag rgya chen po'i thig le'i rgyud du ni gnas ni dzA laM d+ha ra dang aau Di yA Na dang/ bur+Na gi ri dang kA ma rA pa'o/ /lte ba'i gnas ni mA
 la wa dang na gra ra dang sa d+hu dang sid ha la'o/ /zhing ni mummu Ni dang de wI ko Ta Ta'o/ /nye ba'i zhing ni ku la tA dang a rbu da'o/ /tshan do ha ni go dA wa rI dang ha ri ke la'o/ /nye ba'i mtshan do ha ni kany+tsa dang lAmpa ka'o/ /'du ba ni karmA ra pa Ta ka dang gser gling ngo/ /nye
 ba'i 'du ba ni koM ka Na dang 'bigs byed do/ /dur khrod ni rab song gi sa gzhi dang rgya mtsho'i dogs so/ /nye ba'i dur khrod ni tsi ra tra dang gzhon nu'i grong ngo/ /mthung gcod ni kha ce dang ki ra ta'i dkyil 'khor ro/ /nye ba'i 'thung gcod ni bal po dang kA N+ya kub ja'o
 zhes gsal por mdzad pa dang ri gI a ri li'i rgyud du/ shar lus 'phags po dang lto 'dzam bu'i gling dang nub ba lang sbyod dang byang sgra mi snyan ni gnas te/ gnas bzhis ni lha mo bzhi rnams dang ri rab kyi rtse mo la ri gI gnas so zhes
 gsungs pa dang/ rgyud gzhan rnams su yang gnas la sogs pa phyi dang nang du yang rnam pa gzhan du rnam par bzhag ste/ ci tsam bri bar bya/ de'i phyir thams cad du phan tshun 'gal bar 'gyur ro zhe na mi 'gyur te/ gang phyir arbu ta la gnas dang nye ba'i zhing nyid dag grang ba
 dang dro ba bzhin nam dngos po dang dngos med dag bzhin du phan tshun 'gal ba srid pa ma yin pas so/ /gcig la ming sna tshogs pa ci ltar yang mi 'gal bas so/ /de bzhin du go dA bA rI la nye ba'i gnas nyid dang nye ba'i zhing nyid dang mtshan do ha
 rnams so/ /de bzhin du gzhan rnams la yang mi 'gal ba shes par bya'o/ /gzhan yang gdul bya'i bsam pa rjes su 'jug pa las thugs rje'i rang bzhin gyi sku can rnams kyi bstan pa sna tshogs pa nyid do/ /gdul bya'i sems can rnams kyang rnams
 lnga ste/ chung du dang 'bring dang chen po'i chung ngu dang chen po'i 'bring dang chen po'i chen po'i dbye ba las so/ /de la chung ngu'i dbang du byas nas phyi rol gyi gnas la sogs pa'i yul bstan to/ /de skad du yang dri ma med pa'i 'od du gsungs pa/ 'dir
 thun mong du byis pa rnams yul du 'khyam pa'i don du dzA laM b+ha ra la sogs pas gnas la sogs par gsungs shing/ de yang thams cad la khyab par byed par mi 'gyur ro/ /bram ze dang rgyal rigs dang rje rigs dang dam pa rigs
 mdza' i rigs rnams su skyes pa'i rdo rje rnam 'byor ma rnams ni grong khyer gcig na yang gnas pa'i phyir na/ bod dang rgya nag la sogs pa'i yul rnams na yang gnas la sogs pa rnams yod do/ /de rnams ni bsdus
 pa'i rgyud bzhin du ma bstan pa rnams so/ /rgyas pa'i rgyud gzhan du ni yul thams cad dang grong khyer thams cad du gnas la sogs pa rnams su gsungs so zhes so/ /'bring gi dbang du byas nas khang pa brtsegs pa'i sa gzhi la dkyil 'khor ba'i lha mo rnams
 kyi gnas la sogs pa rnam par bzhag pa'o/ /chen po'i chung ngu'i dbang du byas nas puM yig la sogs pa yongs su gyur pa'i byis pa'i 'khor lo'i tshul gyi gnas la sogs pa rnams lus la mgo bo la sogs pa rnams la bstan cing/ de dang der
 son pa'i rtsa rnams kyang lha mo rnams shes par ro/ /chen po'i 'bring po'i dbang du byas pa las rdzogs pa'i rim pas sa bon gyi yi ge la sogs pa med par yang lus la ji ltar gnas pa'i spyi bo la
 sogs pa rnams gnas la sogs rnams su dang/ de dang der son pa'i rtsa'i rang gi ngo bo rnams rdo rje lha mo rnams so shes par lhag par mos pa'i don du rnam par bzhag go /chen po'i chen po rdzogs pa'i rim pa la gnas pa ni/ stong pa nyid
 dang snying rje dbyer med pa'i byang chub kyi sems lus la sogs pa mig yor gyi ngo bo'i rang bzhin gnas la sogs pas sa dang pha rol tu phyin pa'i bdag nyid dkyil 'khor gyi 'khor lo kun nas sgyu rtsal du byed do/ /de'i dbang du byas nas sngar
 gsungs te/ ye shes chen po rang lus gnas/ /kun tu rtog pa thams cad spangs/ /zhes pa la sogs pa'o/ /mgon po sa bcu'i dbang phyug ste/ 'dis te gzhan gyis brjod mi bya /zhes pa ni gtso bor ro/ /dpal ldan mngon par brjod pa
 bla ma'i rgyud du yang gsungs pa/ mkha' 'gro ma kun 'di nyid du/ /thugs rje ldan rnams rnam par gnas/ /sangs rgyas byang chub sems dpa' kun/ /'gro ba gsum po 'ang de nyid du'o/ /nyi shu rtsa bzhi'i dbye ba yis/ /gnas sogs 'di kho na la gnas//
 de bas de ru bskor ba yi/ /skyo bya de nyid can gyis min/ /gal te de nyid med gyur na/ /de rnams bskor bas cung zad min/ /gal te de nyid ldan gyur na/ /de rnams bskor bas ci zhig dgos/ /phyi rol rnal 'byor pa de rnams/ /bskor bas khams rnams zad par
 'gyur/ /de bas phyi rol spangs nas ni/ /rnal 'byor rol pas gnas par bya/ /dpal ldan rdo rje rnal 'byor mas/ /rnam dag ye shes can rnams kyis/ /rdo rje rnal 'byor can rnams gzigs/ /thugs rjes khyab pa'i thugs kyis ni/ /de rnams dgos pas dngos grub
 mchog /ji ltar 'dod bzhin stsol bar mdzod/ /de yis rje btsun ye shes ni/ /rab tu 'bad pas bsgrub par bya/ /sna tshogs 'bad pa yang dag ldan/ /spyod dang brtul zhugs bstan pa yi/ /de nyid brtul zhugs la dgar bya/ /spyod dang brtul zhugs 'di spongs la//
 gyi na'i rnam pas bza' bar bya/ /gnas pa byas nas brtul zhugs can/ /bsam gtan bza' ba lhur len nas/ /smon pa'i spyod pas gnas par bya/ /gcer bu 'am yang na gcer bu min/ /gang der ji lta de lta bur/ /rang gi lhag pa'i lha dmigs te/ /de kho na nyid
 gcig pu bsam/ /lkugs pa'i dngos por rab gyur pa'i/ /zla drug tsam gyis nges par ni/ /rnal 'byor ma yis nyer bsten pa'i/ /rnal 'byor chen po 'di gsal 'gyur/ /ye shes 'od zer mchog mthong nas/ /rnal 'byor ma rnams legs 'du ste/ pad+ma'i
 'byung gnas nyams dga' bar/ /ngad pa'i tshogs 'du ji bzhin no/ /dpal ldan rdo rje 'dzin dngos su/ /'gyur bas 'di la the tshom med/ /mig 'phrul mkhan bzhin 'jig rten du/ /sems can kun gyi don byed rnams/ /sems can dag bar gyis shig ces 
 sems can rnams la bdag gsol 'debs/ /spyod pa byed pa 'di las ni/ /nges par gang bshad de 'gyur ro/ /zhes so/ /de nyid kyi phyir chung ngu la sogs pa bzhi rnams kyi gnas la sogs pa bstan pa ni lnga pa la bltos
 nas drang ba'i don to/ /lnga pa la ni rab tu dga' ba la sogs pa 'jig rten las 'das pa'i sa'i rang bzhin kho na gnas la sogs pa ste/ /nges pa'i don to/ /gang yang phyi rol tu dang dkyil 'khor gyi 'khor lo dang lus la yang rab tu dga' ba la
 sogs pa'i sa rnam par bzhag pa de yang drang ba'i don to/ /gang phyir de dang de'i sar lhag par mos pa las 'jig rten las 'das pa'i sa de dang de gsal bar 'gyur ba'i ched du 'bad par gyur na ci ma rung zhes pas so/ /spros pas mchog go /
 rnal 'byor ma rnams phal cher 'du ba'i gnas kyi shing rnams brjod pa'i don du gsungs pa de nas zhes pa la sogs pa'o/ /'dir lhag par gnas par byed do zhes pa lhag par gnas te/ shing la sogs pa'o/ /tsU ta ni shing a mra ste gang
 du lha mo am+bi kA dad zhing skyong me yod pa'o/ /ka rany+dza la gnas pa'i lha mo ka rany+dza la gnas pa mo dang zhing skyong dril bu chen po'o/ /shing ka dam+ba la lha mo bzhin bzang ma dang zhing skyong rgyu can no/ /shing waT pa la gnas pa'i lha mo rna ba chen po
 dang zhing skyong rgyu'i dbang phyug go /ha ri ni a ru ra'i shing ngo/ /shing mya ngan ming la gnas pa'i lha mo gsang ba ma dang skyong stobs po che'o/ /gser shing ni gser gyi se phA lI la ste/ gang du lha mo gtum mo dang/ zhing skyong skye ba 'dren yod
 pa'o/ /rdul bral la sogs pas ni rgyud gzhan du gsungs pa'i gnas rnams nye bar mtshon pa ste/ de la pUr+NaM gi ri'i rtse mo ni 'du ba'i gnas te/ gang na lha mo phun tshogs chen mo dang zhing skyong mi'i gdong can yod pa'o/ /'dzin mar
 shing tA la ste gang na lha mo bde byed ma dang zhing skyong skra gyen du brdzes pa can no/ /e ru bA ni shing kE tsa na ste/ gang du lha mo me lce'i gdong pa can dang zhing skyong dril bu sgra can no/ /mar ser pre ta'i grong du shing dza TI ste gang du lha mo dmar ser po dang zhing skyong byin
 pa cen po can no/ /e la'i grong du shing A ya ta na ste gang du lha mo bong bu la gnas ma dang zhing skyong glang po'i rna ba can no/ /kha cher ri'i rtse mo ste gang du lha mo ba lang sna ma dang zhing skyong brtsi byin pa can no/ /ma ru ru thang chen po ste gang du lha mo rim pa mo
 dang zhing skyong gtsigs pa can no/ /pA Ta li buT ru we nu garta ste/ gang du lha mo ro langs ma dang zhing skyong spu'i byin pa can no/ /poN+Da bard+ha na ru skye mchod kyi bye brag ste gang du lha mo rgan byang ma dang zhing skyong bum pa can no/ /rgyal ba can du khang pa brtsegs pa ste
 gang du lha mo bzhin ras dang ba dang zhing skyong ral pa gsum pa'o/ /rgyab kyi grong du A ya ta na'i bye brag ste/ gang da lha mo glog gi zhal can dang zhing skyong dril bu'i sgra can no/ /swa pA ra ru shing shal ma lI ste/ gang du lha mo me'i kha dang zhing skyong lha chen
 po'o/// 'om can du shing shwa la ste/ gang la lha mo 'jig rten gyi ma dang zhing skyong ri rab chen po 'o/ /sgyu ma'i grong du shA kho To ste gang la lha mo 'od ldan ma dang zhing skyong 'jigs pa can no/ /a mra gcig par A ma ste lha mo lus srul ma dang zhing
 skyong brtul zhugs chen po'o/ /rgyal po'i khab tu A ya ta na'i bye brag ste gang du lha mo rgud pa 'jigs ma dang zhing skyong dzi la lI'i sgra can no/ /bod du phrag brtsegs pa ste gang gang du lha mo lhan cig skyes ma dang zhing skyong longs spyod can no/ /mA la wa ru
 shing ma d+hu ste gang du lha mo dbang bskur ma dang zhing skyong skyes bu'i dbang phyug go /gnas de dang de ru 'dus pa'i rdo rje rnal 'byor ma rnams kyis 'dus pa'i rnal 'byor pa rjes su 'dzin te/ de skad du yang rdo rje mkha' 'gro'i rgyud du gsungs pa/ zhing 'di rnams
 su bu mo gang dpa' bo rnams la grub ster ma/ /mtshan mo 'du bar rab tu byed/ /rtag tu yongs su rgyu bar byed/ /mkha' spyod rnams su rnyed dka' ba'i/ /dngos grub rgya chen ster bar byed/ /sgrub pa po yi las rnams kun/ /'grub par
 'gyur te the tshom med ces so/ /yongs su rgyu ste sgrub pa po'i ched du'o/ /mkha' spyod rnams su ni lha rnams so/ /'jig rten las 'das pa'i gnas la sogs pa rnam par bzhag pa gsungs pa/ gnas zhes pa la sogs pa ste/ gnas bzhi ni rab tu
 dga' ba'i sa ste/ thog ma med pa'i 'khor ba rgyud pa rnams su ma mthong ba'i de kho na nyid mthong ba las 'di'i rab tu dga' ba mang ba ste/ ting nge 'dzin dang mngon par shes pa la sogs pa rnams kyi dang/ sbyin pa'i pha rol tu phyin pas sems can
 dpag tu med pa tshim par byed pa las kyang ngo/ /gnas dang nye ba nye ba'i gnas dri ma med pa'i sa ste tshul khrims kyi pha rol tu phyin pa rab tu gyur pa las dge ba bcu rnam par dag pa'i phyir dang ting nge 'dzin dang mngon par shes pa la sogs pa rnams
 kyi gzhi nyid kyi phyir ro/ /gnas dang nye ba'i gnas dag gi nye ba nyid ni phan tshun phan gdags par bya ba dang phan 'dogs pa po'i don gyi 'brel pa'i sgo nas yin gyi/ yul dang dus nye ba nyid kyis ni ma yin no/ /rgyu yang 'bras bus phan gdags par bya ba
 ste/ 'bras bu bskyed pa'i nus pa nyid kyi tha snyad kyi spyod yul nyid du khyed pa'i phyir ro/ /phyi rol gyi gnas dang nye ba'i gnas dag gi phan tshun du phan 'dogs pa ni brten pa rnal 'byor ma rnams phan tshun phan 'dogs pa'i phyir nye bar btags pa kho na'o//
 de bzhin du zhing dang nye ba'i zhing la sogs pa rnams la yang rtogs par bya'o/ /'o byed pa'i sa ni zhing ste/ bzod pa'i pha rol tu phyin pa rab tu gyur pa las ma nyams pa'i ting nge 'dzin la brten pa'i chos kyi snang ba chen po dang/ mngon par shes
 pa la sogs pa phul du byung ba bskyed pa'i phyir ro/ /nye ba'i zhing ni 'od 'phro can gyi sa ste/ brtson 'grus kyi pha rol tu phyin pa lhag pa'i phyir snga ma las yon tan phul du phyin pa skye ba'i phyir ro/ /'dun rtog shin tu spyang dka' ba/ zhes 'brel te/ 'dun pa
 ni rang dang gzhan gyi don phun sum tshogs pa don du nyer ba ste rtog pa ni 'di lta 'di ltar bdag gis bya'o/ /zhes rtog byed do/ /shin tu spyang dka' sa la ni byang chub sems dpa' bsam gtan gyi pha rol tu phyin pa lhag pa las rdzu 'phrul chen po'i rnam par
 'phrul pas mngon par sgrub pa'i thabs sna tshogs pa'i sbyor ba rnams kyis kyang/ sems can rnams yongs su smin par byed do/ /de ni de ltar sems can smin par byed pa la mngon par sbyor ba sangs rgyas kyi ye shes kyi rjes su 'gro ba'i sems kyi rgyud can mi ldog
 par dge ba'i rtsa ba la rab tu sbyor ba ni khyad par 'phags pa'i chos tshol ba la mngon par sbyor bas so/ /mngon gyur gyi sa ni nye ba'i 'dun rtog go/ shes rab kyi pha rol tu phyin pa mngon du phyogs par gyur pas 'dun rtogs bzhin du tshol ba la phul
 du byung ba dang bcas bar mngon par sbyor ba'i phyir ro/ /'du ba ring du song ba'i sa ste/ 'du ba'i ngo bo ni 'du ba dang de thob pa ste de byed do zhes byas nas so/ /'dir thabs kyi pha rol tu phyin pa ring du rab tu gyur pa las byams pa dang snying rje dang dga' ba dang/
 btang snyoms kyi mtshan nyid can tshad med pa dang bsam gtan dang rnam par thar pa dang ting nge 'dzin dang snyoms par 'jug pa dang mngon par shes pa la sogs pa rnams mtshan ma med par rtsal bas 'du ba'i phyir ro/ /nye ba'i 'du thob mi g.yo ba'i sa ste/
 smon lam gyi pha rol tu phyin pa'i 'bras bu phun sum tshogs pa las mtshan ma med cing lhun gyis grub par byams pa la sogs pa rnams kyis sems can rnams dang snod kyi zhing yongs su dag pa rnams la rab tu 'jug pa'i phyir ro/ /dur khrod legs pa'i
 blo gros kyi sa ste bdag med pa nyid kyis dur dang mtshungs pa nyid kyi phyir te/ stobs kyi pha rol tu phyin pas byang chub sems dpa' chos thams cad bdag med pa nyid kyi chos kyi dbyings kyang rtogs nas de nyid sems can
 rnams kyis rtogs pa'i ched du ston pa la 'bad cing 'khor ba ji srid par lhun gyis grub pas sems can gyi don du yang dag par rdzogs pa'i byang chub rdzogs par byed pa'i phyir ro/ /nye ba'i dur khrod chos kyi sprin gyi sa ste/ ye shes kyi pha rol tu phyin
 pas chos thams cad rang bzhin med pa nyid kyi chos rtogs pa dang ston pa dag phul du dbyung du med cing rab kyi mthar thug pa rtogs pa dag rdzogs par byed pa'i phyir ro/ /sa 'di rnams kyang byang chub sems kyi rab tu dbye ba rnams so/ /sa bcu gnyis
 kyi rang bzhin de'i dang po dang tha ma'i sa bdag ni sa bar ba bcu'i rgyu dang 'bras bu nyid kyis 'thung gcod dang nye ba'i 'thung gcod dang nyid du rnam par bzhag pa shugs kyis rtogs par bya'o zhes pas ma gsungs pa'o/ /de la gling 'thung ba la'o/ /btung
 bar bya ba'o zhes las la kwi pa byas pa na 'thung ba'o/ /gcod cing gcod par byed do ba dge ba rjes su sgrub pa dang dge ba'o zhes pa gcod pa'o/ /'thung ba ste nyon mongs pa'i phung po 'dis gcod pa'o zhes pa thung gcod mos pa spyod pa'i sa'o/ /'dis
 ni rab tu dga' ba la sogs pa'i sa skyed par byed pa'i rim pas nyon mongs pa rnams spang bar bya ba'o/ /de ltar bag chags dang bcas pa'i sgrib pa ma lus pa spangs par gyur pa na sa bcu gnyis pa kun tu 'od ni nye ba'i 'thung gcod do/ /de ltar rgyu
 dang 'bras bu dang bcas pa'i pha rol tu phyin pa bcu'i rang bzhin gyi byang chub kyi sems kyi rang bzhin sa bcu gnyis po rnams la de'i bdag nyid kyi ji ltar rigs par rnal 'byor ma rnams rten dang bcas pa rnam par bzhag par bya'o/ /kla klo'i skad
 ces pa brda'i skad kyis so/ /phal cher phyi rol gyi mthung gcod dang gnas la sogs pa nye ba'i 'thung gcod kyi mthar thug pa rnams la rim pa ji lta bar mos pa spyod pa la sogs pa'i sa'i dbang phyug ma rnal 'byor ma rnams skye bar 'gyur ro/ /sa bcu'i dbang phyug
 ma rab gtum mo la sogs pa rnams de rnams su skyes pa ni shin tu nyung ba'o/ /de'i phyir de'i rten kA ra N+ya pA Ta la sogs pa dang pul+lI ra ma la ya la sogs pa rnams dang kA ra N+ya pA Da ka la sogs pa nye ba'i sa gzhi rnams kyang mos pa spyod pa la sogs pa'i sa
 nyid du lhag par mos par byed de/ phyi rol tu 'dzin pas slu ba phra mo las bkyang grol ba'i ched du 'o/ /ji ltar rtul po la sogs pa'i sems can rnams kyi phyi'i yul du 'dzin pa rags pa bsal ba'i ched du phyi'i 'thung gcod dang gnas la sogs pa rnams
 la mos pas spyod pa la sogs pa'i sar lhag par mos pa bzhin no/ /des na 'di thams cad la mngon par dgongs nas gsungs pa/ puM yig ces pa la sogs pa ste/ puM yig la sogs pa'i pul lI ra ma la ya la sogs pa phyi'i rol pa ni rab tu
 grags pa'i gnas dang gzhal yas khang ngo/ /nang du ni lus dang byang chub kyi sems so/ /gal te yang kha cig du dkyil 'khor gyi 'khor lo dang byang chub kyi sems kyang lhur len pa gsungs mod de lta na yang 'dir de ltar rnam par bzhag pa ma yin no//
 lus la pul+lI ra lar sogs pa rnams 'chad par 'gyur ro/ /phyi rol tu 'du ba'i dus gsungs pa nyin par zhes pa la sogs ste/ yi dags kyi phyogs ni nag pa'i phyogs so/ /rgyal mtshan ni dbyangs pa'o/ /rang nyid kyi sha dang rus pa dang rkang la sogs
 pa rnams kyis kyang sems can thams cad kyi mngon par 'dod pa'i don bdag gis bya'o zhes smon lam byas pa'i byang chub sems dpa' rnams kho na bar ma chad par mi'i skye ba bdun rnams kyi mthar 'jug pa'i phyir na skye ba bdun pa'o/ /gang gi grib
 ma bdun rnams su 'gyur te/ de ni de rnams kyis mtshon par bya'o/ /de gang gi tshe rang nyid shi ba de'i tshe khyad par du bza' bar bya'o zhes pa lhag ma'o/ /gsod du gzhug par bya ba ni ma yin pa kho na'o zhes mgo bo skra lta bus
 gsungs pa/ snying rje bskyed nas 'bad pas ni/ /bsad par bya ba'o zhes pa ste/ 'o na kyang ma yin pa kho na'o zhes pa dgongs pa'o/ /gang gi tshe byang chub sems dpa' bslang bar bya ba des rang gi sha la sogs pa ster ba de'i tshe slong ba po rnams la
 sems can gdung ba byas pa'i kha na ma tho ba med do/ /gzhan du na byang chub sems dpa' rnams kyi sbyin pa'i pha rol tu phyin par mi 'gyur te/ slong ba po'i skye bo la sdig pa dogs pas ni/ sbyin pa med pa'i phyir ro/ /gdug pa'i bsam pa can rnams las  gzhan du slong ba po dmyal bar 'gro bar ni gang du yang ma thos so/ /yang na dmyal ba'i las la mngon du phyogs pa'i gdug pa can rnams kyi dbang du byas nas gsungs pa/ snying rje bskyed nas zhes pa la sogs pa'o/ /de nyid kyi phyir brtag pa gnyis
 par gsungs pa/ gdug pa bzhug pa cho ga ni/ thams cad gtso bo las 'grub 'gyur/ zhes so/ /gdug pa can rnams dam pa'i lam la 'jug pa'i rgyu mtshan du ste/ thams cad ces pa mngon spyod 'ga' zhig tu ma zad kyi dbye ba la sogs pa
 rnams kyang gdug pa can rnams gzhug pa'i don kho na'o/ /gtso bo las te gtsor 'jug pas ni 'di thams cad 'grub pa'o/ /de la de ltar byed pa'i rnal 'byor pas gal te yang dag pa'i lam la gzhug par nus pa de'i tshe 'di bya ste/ gzhan du
 na 'di la 'di'i snying rje nyid du mi 'gyur ro zhes gsungs pa/ snying rje dman pas shes pa la sogs pa'o/ /de nyid kyi phyir tshar bcad pa dang rjes su 'dzin pa'i nus pa ma thob pa rnams la gsod pa rgyud rnams thams cad du bkag go /de dpal 'dus par
 gsungs pa/ khams gsum po ni ma lus nas/ /gsod pa dang ni gso ba nyid/ /skad cig tsam gyis byed pa ni/ /gsal bar nus par the tshom med ces so/ /de nyid kyi phyir yang mi bskyod pa la sogs pa'i 'jig rten gyi khams su de'i rnam par shes pa drangs nas
 de ltar rjes su bsgrub par bya'o zhes gsungs pa'o/ /gang yang kha cig tu shig shig bzhin pa'i srog chags dang bcas pa'i rnam par snang mdzad la sogs pa bza' bar gsungs pa de la yang shi ba na'o zhes go bar bya'o/ /de gdan bzhi par gsungs pa/
 dang por skye bor mi 'tshe ba/ /snying rjes bskyed pa'i sems ldan pas/ /srog chags gsang bar bya ba min/ /de nas 'chi ba 'ongs pa mchog ces so/ /snying rje ston te ji ltar bdag nyid la nga'o zhes mos pa de ltar sems can yang ngo zhes mos par bya'o zhes pa
 ste/ gzhan yang bdag mnyam pa nyid du 'dir bstan pa'o/ /snying rje 'ba' zhig gis 'di ltar bya ba ma yin gyi/ /'od kyang shes rab kyis kyang ngo zhes gsungs pa/ 'di ltar zhes pa la sogs pa ste/ rnal 'byor bdag nyid ni stong pa nyid dang snying rje
 dbyer med pa'i rdo rje 'dzin pa zhes pa'o/ /man ngag gi snye mar snye ma bcu bdun pa'o// //rim pa gnyis po kho nas goms pas nye bar longs spyad bzhin pa'i yul rnam par dag pas rdo rje 'dzin pa nyid 'grub po
 zhes de rtogs pa'i don du 'jug ste/ nyan par zhes pa la sogs pa ste/ gsang ba ni skal pa med pa'i yul ma yin pa nyid kyis na nang ngo/ /pad+ma ni bde ba chen po la sogs pa'i pad+ma rnams te/ rigs la gcig gi tshig go /ni ni khyad par du'o/
 mtshan nyid ni ji ltar mtshon par bya ba'o/ /de la ye shes dang sems zhes pa rdul dang khu ba 'dus pa'o/ /yang dag byang chub ni rim pa las ci 'drar 'gyur ba'o/ /gnas bzhi zhes pa chos dang longs spyod rdzogs pa dang bde ba chen po sprul pa'i chu
 skyes bzhi po rim pa ji lta bar bdag dang gzhan dang sbyor ba rang gsang ba'i gdan rnams kyi ste/ kun tu sdud pa'o/ /bdag ni sems te de'i rten ni snying ka'o/ /gzhan gyi ste ston par byed pa la longs spyod pas dang gzhan ste ro
 drug longs spyod pas mgrin pa'o/ /sbyor ba'i ste bcom ldan 'das dang bcom ldan 'das ma dags? ro gcig pa nyid kyi mgo bo'o/ /gsang ba'i ste lhan cig skyes pa'i bde ba dang sprul pa'i yang lte ba'o/ /gsang ba yang yin la de gdan kyang ngo zhes par
 yang shes par bya'o/ /pad+ma yang gsang ba ste rung ba yang ma yin pa la gsal bar bya ba ma yin pa nyid kyi phyir ro/ /kha cig gis ni 'ga' zhig tu bdag gi gdan la sogs rnams rnam pa gzhan du rnam par 'jog pa ni bsam par bya'o/ /rgyud
 gzhan du ni/ gzhan gyi gdan la shes rab brjod/ /bdag gi gdan ni thabs yin no/ /'di dag gnyis med gyur pa ni/ /sbyor ba'i don du rnam par bzhag/ de las skyes pa de nyid gdan/ /de spangs par ni gang 'gyur ba/ /lhan cig skyes shes yang
 dag bshad/ /dag gi lam gyi spyod yul 'das zhes gsungs te/ de spangs pa ni bdag dang gzhan gnyis kyi rtog pas stong pa'o/ /de ltar 'di ni dri ba dang po'i lan mdor bstan pa'o/ /gnyis pa'i ni/ rdzogs byang chub rim rdo rje 'dzin/ /zhes pa
 ste ye shes dang sems zhes pa dang 'brel lo/ /rim pa mdor bstan pa ni mnyam nyid ces pa la sogs pa'o/ /mnyam nyid sems ni stong pa nyid ngang ro gcig pa'i zhes? so/ /'dod chags la sogs rnams ring du ste/ rgyu yang mngon par 'jug pa med
 pas spangs pa'o/ /gnas pa nyid kyis rnams g.yeng med pa nye bar mtshon to/ /brten pa rnams la brtse bar ni nye bar btags pa las te/ de ni sems can rnams sdug bsngal rgyu dang bcas pa las 'don par 'dod pa'o/ /sa dang sa la skyes pa la
 sogs pa yang rdo ba dang mi zhim pa'i 'bras bu la sogs pa dang ldan pa nyid kyis sdug bsngal gyi rgyu nyid kyi phyir sdug bsngal lo/ /de'i rgyu yang sems can rnams kyi thun mong pa'i las mi dge ba'o/ /de las 'don pa ni snod kyi zhing dag pa'o/ /yang na
 gnas pa ni brtan pa dang g.yo ba'i dngos po rnams kun la mnyam pa nyid kyi sems bskyed nas/ /snying rje dang bcas pa ni rdo rje sems dpar 'gyur zhes 'brel lo/ /ci ltar zhe na gsungs pa/ mgon med ces pa la sogs pa'o/ /mgon med ni bdag
 gi gdan te/ sems kyi rten nyid kyis na 'dra ba la dgag pa'o/ /mgo bo ni mngon par phyogs pa'i chu skyes nyid kyi phyir mgo bo ste gzhan gyi gdan no/ /gtum mo'i nA da mdza' ste sbyor ba'i gdan yin zhing de kho na nyid kyi gdan yang de'o/ /gsang ba'i pad+ma
 ni gsang ba'i gdan te/ sngags kyi gdan du mang brjod do/ /cha ni zla ba'i cha ste 'khyud pa'i rtsa rnams so/ /sna tshogs pa'i gzugs rnams te/ gdan rnams ni/ de rnams kyi so sor nye ba las 'chad par 'gyur ba'i pul+lir ma la ya la sogs pa rnams so/ /sku
 gsung thugs rnams kyi rdo rje stong pa nyid kyi bdag nyid rnams rdo rje sems dpa' gang gi yin pa ste/ 'di thams cad de'i bdag nyid du 'brel pa can no/ /gang gi phyir chos zhes pa/ chos skye mched drug la sogs pa rnams kyi dbyings rang bzhin te/ kun
 rdzob pa khu ba dang/ khrag dang rnam par shes pa 'dus pa gang nyi shu rtsa gcig par 'chad par 'gyur ba'o/ /de 'dus pa'ang chos kyi dbyings bsdus pa'o/ /snying stobs lus dang rdul ngag dang sems mun pa'i rang bzhin pa ste/ snying stobs khu ba
 rdul ni khrag /skyed pa nyid ni mun pa'o/ /zhes so/ /de'i rnam 'phrul ni rnam 'gyur ro/ /don dam pa pa ni chos kyi dbyings de bzhin nyid de/ de'i rnam 'gyur ro/ /de skad du yang gsungs pa/ stong pa kho na'i chos rnams las/ /stong pa'i chos rnams rab tu 'byung/
 zhes so/ /de'i phyir bsdus nas shes pa la sogs pa rgyas par ston pa chu khams shes pa la sogs pa'o/ /khu ba dang rdul gyi khams ngag la sems kyang ro mnyam pa gong bu'i ngo bo ni go 'phang gnas pa'i rgyu ste rdo rje 'dzin pa
 rdzogs pa'i phyir ro/ /gang gi phyir shes rab thabs bdag ste/ stong pa nyid dang snying rje dbyer med pa'o/ /de nyid kyi phyir rnal 'byor ro/ /dbang po drug can ni 'di'i dbang po drug rnams yin pa zhes byas nas so/ /sangs rgyas gzugs ni rdo rje 'dzin pa'i skur
 'gyur ro/ /de ltar gang gi phyir rdo rje sems dpa' rang gi don phun sum tshogs pa dang ldan pa zhes pa de'i phyir de kho na las yang dag bstan bcos te phyin ci ma log par chos bstan pa rnams su 'gyur gyi gzhan las ni ma yin te/ thabs byung de rgyu lkog gyur
 pas/ /de 'chad pa ni dka' ba yin/ de nyid kyi phyir gsungs pa de nyid shes pa'i slob dpon zhes pa dor bar bya ba dang blang bar bya ba rgyu dang bcas pa'i rang gi ngo bo mngon sum du byed pa las gzhan rnams la de dag spang ba dang len pa kun tu spyod pa bskul pa la
 legs pa ni mkhas par 'gyur gyi/ gzhan du nam yin no/ /de nyid kyi phyir 'di rgyu'i gnas skabs su lung gi rjes su 'brang zhing/ de kho na nyid las te nges pa'i don gyis/ gsang chen te bde byed la sogs pa'i spyod yul ma yin pa'i brjod par bya ba'i ngo bo 'byung ba ste/
 thos pa dang bsam pa dang sgom pa'i rim pas 'bras bu gnas skabs su gsal bar gyur pa ni/ /mchog tu ste rab kyi mthar thug pa la gnas par yongs su mngon du byed do/ /de ltar nas bzan?  gyi don phun sum tshogs pa dang ldan pa'i rdo rje 'dzin par 'gyur/ /
 bskyed pa'i rim pa la ni mgo med ni sngar bzhin du hUM ngo/ /mgo bo ni oM mo/ /nA da'i mdza' ni haM ngo/ /gsang bI pad+ma oM ste/ gsang ba'i pad+ma 'di'i rten yin zhes byas nas so/ /hUM yig la sogs pa rnams rim pa ji lta bar bdag gi gdan la sogs pa'i
 gnas so/ /rim pa gnyis mdor bstan pa 'di ni skabs bzhin du rgyas par 'chad par 'gyur ro/ /rdo rje sems dpa' bskyed pa'i rim par gsungs pa/ sngon zhes pa la sogs pa'o/ /thams cad ste gzugs kyi khams la sogs pa rnams/ sngon du rab
 tu byed pa dang por gsungs pa'i mtshan nyid de nyid dang mtshan ma med pa dang smon pa med pa'i mtshan nyid gang yin pa des bkrus nas so/ /sgro btags pa'i dri ma ste gos pa'o/ /dkar ba zhes pa la sogs pa ste/ dkar po kun dang zla ba dang 'dra ba'i mdog /
 gang gi yin pa de ste/ gnyis pa'i don la drug pa'o/ /zla ba'i 'od rnams bzhin du 'di'i 'od zer rnams 'phro ba ni gyen du 'greng ba'o/ /sems dpa' i skyil krung can ni de dang ldan pa'i phyir ro/ /bzhugs pa ni 'dug pa'o/ /phyag rgya chen po ni rang 'dra'i shes
 rab ma ste/ de la phyag gnyis dag gis gnas pa ste gnas pa la btsir ba'o/ gzugs rnams kyis rdzogs pa'i mdzes pa 'dod par bya ba nyid 'di'i yin pa ni gzugs rdzogs pa'i mdzes pa can no/ /de ltar ye shes sems dpa' rnams la ste ye
 shes sems dpa' gnyis su med pa'i ye shes kyi rang bzhin dam tshig sems dpa' bsgom pa'o/ /de las gzhan pa'i bsgom par bya ba gsungs pa/ chu shing zhes pa la sogs pa ste/ cung zad kha bye ba nyid kyis na chu shing gi me tog
 bzhin du gnas pa'i rtsa rnams so/ lte bar de rnams kho na bsgreng ba ste gyen du son pa snying gar gnas pa'i pad+ma'o/ /sngar gyi rab tu byed pa bzhi bar gsungs pa'i mtshan nyid yongs su rdzogs pa'o/ /spros nas ni phyung nas so/ /bcom ldan 'das rdzogs
 pa dang dus mnyam du ste de'i yan lag nyid kyi phyir ro/ /der sngon gyi pad+mar ni snying ga'i pad+mar ste/ mngal gyi gnas skabs su de skye ba las phyis pad+ma gzhan rnams skye ba'i phyir ro/ /'dab mar te 'dab ma brgyad rnams so/ /lte bar bcas ni lte ba dang bcas pa
 rnams so/ /yi ge rnam par 'god par byed do zhes pa rnam 'god ni yid de/ de dgod pa'o/ /bsgom pas yid kho na yi ge'i rnam par dgod par bya'i/ phyi rol gyi yi ge ni ma yin no zhes pa dgongs pa'o/ /'di thams cad
 ci byas nas she na gsungs pa/ dbus su dkyil 'khor zhes pa la sogs pa ste/ rdo rje dbyings kyi dkyil 'khor bzhin du bskyed pa'i rim pa gcig pa'i dkyil 'khor la zhugs pa'i dam tshig sems dpa' rnam par snang mdzad la sogs pa
 lha brgyad rnams kyi dbus su bsam nas/ de'i dbus su ste snying gar zhal gcig phyag gnyis dkar po can/ gsung rdo rje nyid kyi phyir dmar ba'i mdangs can rnams shes te ye shes sems dpa' 'o/ /ye shes sems dpa' de kho na'i thugs
 kar ye shes te ting nge 'dzin sems dpa' hUM ngo/ /de nyid kyi phyir rdo rje dbyings kyi dkyil 'khor du yang bcom ldan 'das sems dpa' gsum gyi bdag nyid can no/ /zhes pa man ngag go /de'i shar gyi 'dab mar byams pa'i rang bzhin nyid kyis na
 sems can gyi log par sgrub pa rnams kyis mi 'khrug pa'i phyir mi bskyod pa ni 'dir rnam par snang mdzad de/ de'i sa bon ni bum mo/ /sgo zhes pa phyogs nye bar mtshon pa'o/ /rin chen de nyid sa bon ni lhor rin chen 'byung ldan gyi ste aM ngo//
 nub tu snang ba mdza' yas kyi hI(rgyud 'grel chos rnams thams cad a yig gi sgo can nyid kyi phyir ro/ /sa bon yang ste 'bras bu 'grub par byed pa'i phyir ro/ /zla ba phyed pa dang thig le ldan pa aM ngo/ /buM yig la sogs pa'i yi ge rnams ni/ zla ba'i 'od kyis mngon par brgyan pa
 rnams so/ /phyogs mtshams rnams su ni dbang ldan la sogs rnams su'o/ /riM rIM liM lIM ma ning rnams te/ sngar bshad pa ni sa bon bzhi dang yang dag ldan/ zhes pa la sogs pas so/ /yi ge brgyad po de rnams dbus su de'i ste pad+ma'i lte ba sems kyi
 yi ge mi bskyod pa'i sa bon hUM ste nges so/ /bshad zin pa'i ting nge 'dzin sems dpa' kho na mi bskyod pa'i sa bon no zhes dgongs pas nye bar sdud pa'o/ /de skad gsungs te/ dam tshig sems dpa' lte ba'i chus skyes la aM ngo/ /snying ga'i chus skyes
 la gnas pa'i ye shes sems dpa' i thugs kar mtsho skyes la yang yi ge dgu rnams bsgom par bya'o zhes pa'o/ /de ltar bskyed pa'i rim pa ni stong pa'i bdag nyid can kho nas rdzogs pa'i byang chub sgrub par byed pa'o zhes rtogs par bya ba'i ched
 du gsungs pa/ ya mtshan zhes pa la sogs pa'o/ /ya mtshan gyi rnam pa gsungs pa/ mtshan nyid med pa'i zhes pa la sogs pa'o/ /sbyor ba dang pos ni dang po'i sbyor ba ste/ nye bar mtshon pa nyid kyi phyir dkyil 'khor rgyal po mchog la sogs
 pa yang ngo/ /yi ge ni hUM yig la sogs pa'o/ /stong pa 'di ni ste/ ci ltar te rnam pa ci zhig gis kyang mtshon par mi nus na/ de la ci las de'i 'bras bu don du gnyer ba 'jug pa yin/ rdo rje ni rdo rje snying po'o/ /mtshon bya ni gzugs nas rnam par
 shes pa'i bar ro/ /mtshan nyid ni gzugs su yod pa nas rang gsal ba'i bar te/ de dag la snying po nyid du sgro btags pa dag gi stong pa nyid ni phyin ci ma log pa'i de kho na nyid do/ /gzhan ni phyin ci log pa las de kho na nyid du snying po sgro 'dogs so/
 de'i phyir ji ltar snying po med pa'i chu shing las snying po bdud rtsi lta bu'i 'bras bu yin pa de ltar snying po med pa'i kun rdzob pa dang po'i sbyor ba la sogs pa bskyed pa'i rim pa spros pa med pa nyid du bsgoms bzhin pa'i snying po spros pa med pa'i bdud rtsi srid pa
 dang mya ngan las 'das pa la mi gnas pa'i mya ngan 'das pa'i ye shes sku 'bras bu ste/ chu shing ni chu shing ngo/ /'bras bu ni de'i 'bras bu'o/ /ci ltar rab tu gsal ba yang mtshan nyid yin zhe na/ gang gi phyir rnam
 par shes pas na rnam shes dang 'dis shes par bya ba'o/ /zhes pas ye shes te/ gzung ba dang 'dzin pa de dag gi dbus su gzugs su ste/ yod pa ma yin pa'i gzung ba dang 'dzin pa'i ngo bor rang nyid rab tu gsal ba nyid kho nar mngon
 sum maM rjes su dpag pas mtshon par bya rtogs par bya'o/ /so so skye bos ni gzung ba dang 'dzin pa'i rang bzhin kho nar mtshon par bya ste/ rnal 'byor pas ni ye shes sku zhes pa stong pa nyid dang snying rje chen po dbyer med pa spros pa med pa'i ye
 shes kyang ste/ longs spyod rdzogs pa'i sku la sogs pa'i rten yang ngo/ /ye shes sku ni chos kyi sku ste/ de nyid 'bras bu'i zhes khyad par can skabs las thob pa'o/ /sgro btags pa'i bag chags ma lus pa dang bral ba'i phyir mi g.yo ba'o//
 gang las dngos po ste rang rig pa'am gzhan don dam par yod pa nyid dang/ dngos med de med pa nyid de/ de dag las rnam par grol ba'o/ /kha dog gzugs ni kha dog med/ ces pa la/ kha dog ni sngon po la sogs pa gzung ba nyid du mngon par zhen pa
 ste/ kha dog med pa ni bde ba la sogs pa 'dzin pa nyid du ste/ de'i ngo bo nyid du med pa'i phyir ro/ /de'i ngo bo ma yin pa ni shin tu dngos po dngos med pa dag go /de las dbus ni gzung ba dang/ 'dzin pa dag gi ste/ tha mi dad pa 'am tha dad dngos po
 dang/ dngos po med pa'i rang gi ngo bo stong pa kho nar de kho na nyid kyi rnal 'byor pas gzung bar bya'o/ /ji ltar 'di dang tshul rol mthong bas mtshan nyid la sogs pa 'dzin pa dang rjes su dpag pa yang mi srid pa dang/ stong pa nyid du yid ches pa yang srid
 pa de ltar rgyas pa dang bcas par kho bo cag gis gzhan du phyed zin to/ /de ltar kun rdzob dang don dam pa'i rang gi ngo bo phyin ci ma log par shes nas bskyed pa'i rim pa mnyam pa nyid ye shes kyis dang snyi rje chen po'i sems kyis kyang yongs su sbyangs pa
 goms par bya'o/ /de ltar ni de ni de bskyed pa'i rim pa rdzogs pa'i byang chub lam gyi 'bras bu yun ring ba nyid kyis mthong bar 'gyur ro/ /de ci ltar 'di lta bu'i shin tu spas pa'i don can gyi dag rnams kyis rtogs par bya zhe na gsungs pa/ bla ma zhes pa la
 sogs pa'o/ /bla ma ni bcom ldan 'das rdo rje 'dzin pa ste/ des nye bar gnang ba'i lam shes su 'jug pa las gzhan yang ngo/ /de'i man ngag ni yang dag pa ji lta ba ston pa ste/ lam ni rtogs pa'i thabs so/ /bstan pa bcos ni gsung rab ste/ mdor
 ston par byed do zhes pas mdor ston tsam mo/ /mdor bstan par bya ba ni mtshan nyid do/ /rang gi ngo bo ni de kho na nyid do/ /ye shes ni de kho na nyid kyi rnam pa can la/ rnam shes ni kun rdzob kyi rnam pa can te/ de'i ngo bo las so/ /bden pa gnyis kyis de kho
 na nyid de rnams kyang dpa' ba ste bla mas gsal bar byed de/ so so skye bos kyang ngo zhes pa'o/ /zhar la 'ongs pa'i de mthag tu dkyus ma rjes su sbrel ba ni 'di'i zhes pa la sogs pa ste/ kun gyi bsgom byas pa ni rnal 'byor pas te/ mngal du dang por lnga ste
 lag pa dang rkang pa dang mgo bo 'bur ba dang ldan pa rnams so/ /mchod rten ni gzugs la sogs pa'i phung po rnams te/ de rnams sems par byed pa ni rtag par byed pa'o/ /bdud rtsi ni khu ba ste/ da nyid sa bon te/ bskyed pa'i phyir ro/ /oM ha yig kyang bskyed pa'i
 rim ba la bdud rtsi'i sa bon no/ /de la 'od zer dkar po can bzang po ste bde ba chen po'i rang bzhin kha dog dkar po'i 'ong can khu ba'i rgyun gyi ngo bo 'dzag cing/ snying gi'i sa bon gyi chu skyes la ni lte bar mthe bong gi tshad tsam gyi zla ba'i gzugs te/ de
 la sa bon A li kA li dag las phyung ba'i hUM nag po'o/ /de ltar rim par byed pa gsungs nas thig le'i rnal 'byor gsungs pa'i ched du gsungs pa/ dkar po zhes pa la sogs pa'o/ /hUM yig de'i 'od zer dkar
 po zla 'od lta bu rnams gyen du mgo bo'i mtsho skyes la brten te/ mgo bo'i chu skyes de'i sgo rtsa'i bug rnams kyi dbus su a ba d+hU tI'i bug par rab tu bsgrags pa'i gang thig le'i sems byang chub sems kyi thig le ste/ de dang lhan cig gcig tu gyur
 na a ba d+hU te'i'i lam nas 'ongs shing/ snying kar hUM gi thig le la de'i bdag nyid du skra'i rtse mo brgyar gshags pa'i cha shes bzhin du rdul phra rab kyi ngo bor yang dag gnas/ rdul phra rab kyi ngo bo dkar po de yang mtshon bya mtshan nyid ye shes
 can rnams dbyer med pas na/ spros pa dang rnam par bral ba'i rang bzhin gang yin pa ni stong pa nyid dang snying rje dbyer med pa ste/ der ltos shig ste/ nges par dpyad nas mngon sum du gyis shig pa'o/ /mtshon par bya ba'am mtshan nyid kyang ci
 zhe na/ thig le'i go 'phang gnas te thig le kho na mtshan nyid kyi rten te mtshon par bya ba zhes pa'i don to/ /shes med sems kyi mtshan nyid do/ /shes pa gzung bar bya ba'i dngos po dang dngos po med pa dag dang/ de'i 'dzin pa yang med pa
 ni mtshan nyid do/ /ci zhig tu zhen snying gar ro/ /ci zhig gis 'ongs nas she na/ gser gyi sgo'i zla ba'i bdud rtsi'i rlabs rtsa dang 'brel pa nyid kyi phyir na gang thig le'i sgo ni mdzod spu'i sgo ste/ de'i lam las ni 'og gi mdza' i lam gyis
 a ba d+hU rI'i bugs su zhes pa'i don to/ /rdo rje'i tshig 'di yang bla ma'i bstan pas dbye bar bya ste/ gzung bya gzung bar 'os pa la rnam shes dag ni las la lugs ste/ kun rdzob dang don dam pa dag go /gang gi phyir bden pa gnyis kyi
 bdag nyid rtogs pa can gyi lam las sam/ yang dag pa ji lta ba bzhin gyi bstan bcos kyi don rtogs pa dang ldan pa las bstan pa lhur len pa de'i yin gyi/ lam dang bstan bcos las phyi rol pa ring ba las te phyin ci log gi don ston pa
 las ni ma yin no/ /de ltar na 'di las bsgrub par bya ba la sgrub pa snying por byed pas 'byung bar bya dgongs so/ /zhes dgongs pa dang ldan pas gsungs pa/ rnyed par sla zhes pa la sogs pa'o/ /de'i phyir dang por sbyor ba 'dod pa bla ma yongs su mnyes
 pa'i thabs kyi bsnyen bkur rab tu sbyor ba lhur len pa'i slob ma la/ bla ma mkhas pa/ ji ltar 'os par bden pa gnyis dang rim pa gnyis rtogs par bya ba'i ched du mkhas pas bstan par bya'o/ /mnyam par bzhag pa ste/ mnyam par te srid
 pa dang/ zhi ba dag ro gcig pa'i rang gi de la bzhag pa ste de'i rang bzhin bden pa gnyis gnyis su med pa shes rab dang snying rje yongs su 'brel ba'i yid can no/ mi g.yo ba ni the tshom gyis mi bskyed pa'i phyir ro/ /nyer 'tsho med pa ni 'dod chags la
 sogs pa'i nye bar 'tshe ba gsal ba'i phyir ro/ /ci zhig las she na/ yid kho na 'di lta bu yin gyi gzhan ni ma yin no/ /dngos po 'byung bas te rgyu yis so/ 'byung bas na dngos po ni gzugs kyi phung po la sogs pa dag pa rnams so/ /dag pa
 rnams kyang de rnams kyi 'byung ba ste 'byung byed kyi skyed par byed pa nyid do/ /gang gi phyir yid nyon mongs pa dang las kyis bdag nyid ni rgyu nyid kyi phyir sngon du 'gro ba'i chos rnams 'khor ba can gyi phung po rnams so/ /'di kho nas dag pa ni yid kyis dag pa
 ste/ yid dag pa rnams kyis de rnams dag pa bskyed pa'i phyir ro/ /dag pa ni sgrib pa thams cad 'gog pa'o/ /yid kho nas mgyogs pa rnams ni shugs dang ldan pa rnams te/ thabs kyi khyad par gyis shugs dang ldan pa'i yid kyi sbyor ba kho
 na las tshul gzhan pas myur bar dag pa thob pas na mgyogs pa'i lam yin pa nyid kyi phyir ro/ /'dis ni bden pa bzhi'i bdag nyid can ni yid kho na te gtso bo nyid las so zhes gsungs shing/ rang gi don phun sum tshogs
 pa dang gzhan gyi don phun sum tshogs pa'i ngo bo yang ngo/ /de gsungs pa/ yid kyis shes pa yid kyi'o/ /rgyal po ni rgyal po'i'o/ /dang bas te/ phrag dog la sogs pa'i dri ma'i rnyog ma bkrus pa nyid kyis na rab tu dang ba nyid kyis so/ /gzhan
 gyi don ni chos gsung ba dang rdzu 'phrul gyi cho 'phrul la sogs pa byed par 'gyur ro/ /de nyid kyi phyir rnam par rtog pa med pa nyid na yang sngon gyi smon lam gyi dbang nyid kyis skye dgu'i smin par byed pa'i phyir 'di'i rgyal po nyid de/ 'di de bzhin gshegs
 pa'i bdag nyid kyi'o/ /byang chub sems dpa' i ngo bo'i yang rnam par rtog pa can nyid na yang ngo/ /so so skye bo'i bdag nyid kyi ni ji ltar rigs pa kho na ste/ rnam pa gzhan du yang dag pa dang lus kyi las dag go/ gang gi phyir yang da ltar thams cad du
 yid gtso bo yin pa de'i phyir kyi rang bzhin gyi 'bad rtsol rnams kyis thos pa dang bsam pa'i rang bzhin gyi yid las byung pa bsgom pa'i blo ldan du gyur pa ni gal te de la mnyam par bzhag pa'i yid lhag par rtogs par 'dod na de'i
 tshe bzlas bya goms par bya ste sgom pa'i rang bzhin gyi yid kyis so/ /ci zhe na sems pa ste rtas par byed pa dang/ bde mchog ste sham bde ba 'dam par byed pa ni g.yeng ba thams cad zad par byed pa'i phyir ro/ /zhes pa bde mchog thig
 le'o/ /'on kyang rgyu sgom pa'i dbang dang 'bras bu mnyam par bzhag pa'i yid kyi dang yang dag pa'i sa bon thig le bsgom par bya ba'i yin gyi/ rang bzhin med pa nyid kyi rang gi ngo bor nges mi dpyod pa las ni min zhing/ kun rdzob pa'i
 'bras dang rgyu'i dngos po la sogs pa rnams de kho na nyid rnams su ste don dam pa rnams su lta ba sgro btags pa las 'di'i goms pa 'bras bu dang bcas pa ma yin no/ /bzlos pa kho na las de kho na nyid 'di rnams so zhes dbu ma'i snye mar nges par dpyad
 zin te/ thig le'i rnal 'byor gzhan dang phra mo'i rnal 'byor gsal bar bya ba'i ched du yang dag pa'i sa bon nyid rtogs par byed de/ gzugs zhes pa la sogs pa'o/ /gzugs la sogs pa rnams srid pa 'khor ba ste de'i longs spyod ni gtso
 bor na reg bya'i bde ba'i ro myong ba'o/ /de'i dmigs pa sa bon lnga po ni 'di'i cha shas lnga rnams so zhes pa lnga pa ste sa bon rnams kyi tshogs pa'o/ /de rnams kyang rgyu dang rkyen rnams las 'byung ba'i sa dang chu dang me dang rlung dang nam mkha' rnams de lnga'o/ /nam
 na 'dir bde ba'o/ /de rnams kho na sa bon rnams te/ ma'i mngal du ming dang gzugs kyi gnas skabs rnams skye mched drug la sogs pa'i dang/ lang tsho la sogs par bu rgyud kyi dang/ 'chi ba na bar do'i'o/ /dmigs pa rnams kyang ste/ sa bon
 lnga po dmigs nas rang gi bde ba ro myang ba skye ba'i phyir ro/ /'chi ba ni nas de sdig pa can gyi nges par mi byed do zhes gsung ngo/ /dang po'i nam mkha' i dmigs pa ni 'byung ba bzhi rnams te/ gnas skabs gsum du yang ngo zhes go sla ba nyid kyis ma
 gsungs so/ /kun gyi kun gyis ni/ sa bon lnga po rnams kun gyi yang kun gyis te/ chung ngu la sogs pa'i dbye bas so so/ /rtsa ni a ba d+hU tI'o/ /mgo bo ni gtso bo'i gnas te/ gzhan du mi gnas pa ni ma yin no/ /'bab pa ni mngal gyi gnas so/ /
 sems can 'ga' zhig 'gyur te/ gang srid pa bar do'i gnas skabs su bud med kyi 'am skyes pa'i 'dod chags kyis ji ltar rigs par bdag nyid kyi dga' ba'i bya ba lhag par mos nas nyon mongs pa dang la kyi 'phan pa las de spangs shing/ ma dang
 ma snyoms par zhugs pa dag gi 'jigs pa 'dres pa'i zla ba dag kho na bsil ba'i 'od can nyid kyi phyir sems sgra gcan skye gnas kyi sgo nas rab tu zhugs te/ kun nas sbyor gyi/ nyi ma 'dres pa ni ma yin te/ 'od zer
 tsha ba'i rang bzhin nyid kyi phyir ro/ /ji ltar phyi rol gyi gnam stong gi mthar re bong can nyi ma la zhugs pa'i phyir nyi ma gzhal zin no zhes tha snyad byed pa de ltar nang ngo/ /kha cig ni mchu'i sbrang rtsi 'jib pa la sogs pa'i tshul gyis kha nas
 zhugs nas 'dzag bzhin pa'i zla ba la 'khyud de phyi nas zla ba dang nyi ma gzhan dang 'dre'o/ /de skad du yang phyag rgya chen po thig le'i rgyud du gsungs pa/ sngon las rlung gi rnam shes ni/ /gang tshe blo bur du 'khyam zhing/ /pha yi kha dang nye gnas pa//
 de tshe 'dod chags dbang du 'gyur/ /gang tshe mi mo bzla mtshan ldan/ /me dang nyi ma 'byung gyur nas/ /de tshe shin tu chags pas non/ /rol rtsed 'dod pa lhur len 'gyur/ /bol kak+kol du phyogs na/ pha yi kha kha ru rlung 'jug cing/ de tshe sa bon
 yang dag 'byung/ /sa bon las ni sems 'byung/ /zhes so/ rlung ni rnam par shes pa dang bcas pa'o/ /'ga' zhig ni skra nas 'dzin pa dang 'o byed pa la sogs pa'i tshul gyis rnam par snang mdzad sgo nas te sngar bzhin du 'dre bar byed do/ /kha'am sgo dang gser gyi sgor
 yang skyes pa las chags pas pha yi ste/ bud med la ma yin no/ /pha kho na yir te ma yir ni ma yin no zhes kha cig go /thams cad du mthar skye gnas kho nar 'jug go /de nyid kyi phyir 'di la dgongs nas lha 'ga' zhig la gser gyi sgo nas dri za'i
 sems can 'jug pa dang/ 'ga' zhig la kha nas dang/ 'ga' zhig la rnam pa gzhan du'o zhes bcom ldan 'das kyis rgyud rnams su rtogs par mdzad do/ /lang tsho la sogs par ni bde ba chen po'i 'khor lo la sos pa rnams su gnas pa
 rnams gnas skabs ji lta bar 'bab bo/ /khyad par du ni rtag tu ste rgyun mi 'chad par ro/ /rtsa ba ni rtsa rnams kyi ste lte ba'i 'khor lo'i mdud pa'i ngo bo rnams btsir ba las te 'phrul pa las ji ltar mos pa bzhin du gtum mo gsum las gang yang
 rung? ba'i rnal 'byor gyis de rnams su 'phrul bar byed pa las so/ /ye shes rnam shes sa bon las ni stong pa nyid kyi ye shes dang snying rje'i rang bzhin gyi sa bon gyis rang bzhin gyis so/ /thig le yang khu ba'i bdag nyid mgo bo la gnas pa dang
 nA da yang rdul gyi ngo bo lte bar gnas pa ste/ yang dag ldan ni nA da steng du rab tu song ba las thig le dang 'dus pa'i phyir mgo bor 'bab po /de'i rjes su de gnyis 'dres pa 'bab bzhin pa ni 'khor ba'i longs spyod 'dod pa'i kho na'i 'bab ste/ nor bu
 las phyi rol 'thob kyis 'jig rten las 'das pa'i bde ba phun sum tshogs pa la sgro ba dang ldan pa'i ni ma yin te/ de'i lte bar thig le'i rnal 'byor goms pa las dang nor bu yang phra mo'i rnal 'byor goms pa las rim pas de mi 'gyur bar gyur
 cing 'jig rten las 'das pa'i bde ba chen po'i rang bzhin bar skye'o/ /de nyid gsungs pa/ yid kyi zhes pa la sogs pas so/ /yid kyi bzlas pa ni bsgom pa'o/ /sngags kyi yi ge smra ba dang bral ba'o/ /brtan pa ni gnas pa mi 'gyur ba'o/ /rang
 bzhin rtag pa nyid kyis ni chos kyi sku ste/ go 'phang longs spyod rdzogs pa la sogs pa gang gi rten yin pa de'i gnas ni gzhi ste/ 'di la brten nas be ba'i ngo bo nyid kyi phyir ro/ /ther zug pa ni rang bzhin gyis rtag pa nyid kyis te/ de bzhin nyid
 kyis ngo bos so/ /kun rdzob pa'i ngo bos kyang rtags pa yang ste/ skad cig rgyun ma 'chad pa'i phyir ro/ /phra ba yang ste bden pa gnyis kyi ngo bo nyid kyis blo phra mos rig par bya ba nyid kyi phyir ro/ /mi g.yo ba yang ste sgrib pa thams cad dang bral ba'i phyir
 te/ sa bcu gcig pa la'o/ /zhes khyad par gsal bar byed pa ni'o/ /snga ma'i gnas skabs su ni/ ye shes rnam shes dag thim par gyis te/ de'i bdag nyid kyis shes sbyor ro/ /de'i tshe ni ye shes kyi rang bzhin gyis rnam
 par shes pa rdzogs pa'i byang chub kyi ste stong pa nyid dang snying rje'i rang bzhin 'jig rten las 'das pa'i byang chub sems kyi ngo bo de kho na nyid rtogs pa'i rim pa de rtogs pa'i mtshan ma rnams kyang rang nyid kyis yongs su bcad par bya zhing gzhan rnams
 la yang ji ltar rigs par bstan par bya'o/ /sems bskyed pa gzhan de rnams kyang gegs brten pa nye bar gyur pa med na brgyud nas sam dngos su gong ma'i rtogs par bskyed par rung ba rnams su gsal bar byed de/ de la 'dun pa'i gnas skabs su mar
 me'i lta bu 'bar zhing ser ba'i snang ba yongs su thams cad kyi mthong ngo/ /bsam pa'i gnas skabs su gcig nas cig tu rab tu rgyu ba 'byung zhing 'jig pa'i ser po nyid dang ldan pa'i phyir me khyer gyi rnam pa'i rdul rnams so/ /lhag pa'i bsam pa'i
 gnas skabs su rdul dkar po'i 'khor lo phyogs rnams su rab tu 'phro'o/ /de bzhin zhes pa ji ltar lhag pa'i bsam pa gnas skabs su rdul dkar bo'i 'khor lo yin pa de ltar drong la ste/ khyad par ni 'dir nyon mongs phyung ba ste/ nyon mongs pa rnams
 cher son pa 'joms pa ste/ phra mo nyid ces pa'i don to/ /de ltar sems bskyed pa gnyis su mtshan ma gsum pa'o/ /rtse mal 'dod pa'i khams par gyur pa'i lha'i longs spyod bya 'dod pa'i lha mo la sogs pa rnams kyang rang gi dag gis
 'dus pa rnams so/ /bzod pa la gzugs kyi mtho ris shin tu dang ba'i lus la sogs pa dang bsam gtan gyi bde ba la sogs pa yang lha rnams kyi bzhin te gzugs khams par rgyud pa rnams kyi lta bur ro/ /mthong ba ni mthong bar byed pa'o/
 chos mchog la gzugs med yongs spyod de/ 'khor 'ga' zhig tu gzhin gyi don la dgongs pas nam mkha' mdza' yas la sogs pa la snyoms par 'jug pa ni drug pa'o/ /mthong ba'i lam tu rab tu dga' ba'i sa la chos kyi dbyings te de kho
 na nyid rtogs pa ni bdun pa'o/ /sgom pa'i lam gyi bdag nyid can gyi dri ma med pa la sogs pa'i sa rnams su de ho na nyid mthong pa kho na bya dka' ba'o zhes dgongs pa las/ rang 'dod de 'bad pa chung dus sangs rgyas nyid 'di'i don te dgos pa mchog
 yin pa ni rang dgar sangs rgyas nyid don dam rtogs pa'i ngo bo dang 'bras bu yang ste/ de kho na nyid yang dag par byang chub pa ni brgyad pa'o/ /'di thams cad thig le'i rnal 'byor la sogs pa goms pa'i 'bras bu'o/ /de yang bskyed pa'i
 rim pas sngar rgyas pa dang bcas par brjod zin la/ rdzogs pa'i rim pas ni rgya par 'chad par 'gyur ro/ /de ltar thabs kyi rgyud yan lag dang bcas pa las dngos grub gsungs shing/ de yang rnam par dag pa'i ngo bo kho na'o zhes de'i dbang
 du byas nas 'bras bu'i rgyud bshad pa'i don du gsungs pa/ nyon cig ces pa la sogs pa ste/ rdo rje sems dpa' ni rdo rje snying po'o/ /rnam par dag pa las de bzhin nyid tha mi dad pa nyid kyi phyir rnam dag de bzhin nyid ces gsungs shing/ rnam
 par dag zin pa'i de bzhin nyid ni rnam par dag pa'o zhes pa'i don yin gyi de bzhin nyid tsam ni rnam par dag pa ma yin te/ de bzhin nyid ni thams cad du thams cad kyi tshe yod pa'i phyir na/ thams cad kyang thams cad kyi rnam par gral
 bar 'gyur pa'i phyir ro/ /de ltar thun mong du bshad nas khyad par du gsungs pa/ phyi nas zhes pa la sogs pa'o/ /yang khyad par gyi ngo bo gsungs te/ lha'i ngo bo nyid kyis na rnam par dag pa ni lha rnams dang 'brel pa can nyid kyi phyir lha rnams
 kyi zhes gsungs te de bzhin nyid rnam par dag par ni zhe sdang la sogs pa rnam par dag pa'i ngo bo dkyil 'khor gyi 'khor lo'i bdag nyid can bcom ldan 'das kyis 'gro ba'i don gsal bar 'gyur ba'i phyir ro/ /ci zhig
 rnam par dag par bya zhe na/ phung po khams dang skye mched rnams so/ /'o na gang rnam par ma dag pa de dag par byed mi nus te rnam par ma dag pa'i rang bzhin can nyid kyi phyir la/ gang dag pa de yang bar bya ba ma yin te/ dag pa nyid kho na'i phyir ro
 zhes pas/ rnam par dag pa la 'bad pa don med pa'o zhe na gsungs pa/ rang bzhin gyis zhes pa la sogs pa'o/ /shes bya chos kyi dbyings la ye shes skye ba'i gegs su gyur pa'i sgrib pa nyon mongs pa can ma yin pa'i mi shes pa shes
 bya'i sgrib pa ste/ gang so sor rim gyis spangs pa las rim gyis byang chub sems dpa' i sa bcu rnams 'thob pa'o/ /nyon mongs pa ni 'dod chags la sogs pa rnams te nyon mongs pa'i sgrib pa'o/ /ci'i zhe na thar pa thob pa'i ste/ de la nyon mongs pas
 gegs byed par 'gyur te/ khyim du 'jug pa la sgo glegs bzhin no/ /ci ltar des gegs yin zhe na/ de yod na de mi skye ba'i phyir ro/ /de rnams kyis bsgribs te dri ma can du zhes pa ni blo bur ba'i dri ma bsal ba las gser bzhin du rdzab kyi dri
 mas gos pa rnam sbyang bya'o/ /rnam par dag pa de kho na rgyas par ston pa rang zhes pa la sogs pa'o/ /stong pa nyid dang ro gcig pa kun rdzob pa'i rang bzhin rig pa bde ba chen po'i rang bzhin rnam par dag pa ste/ dag pa gzhan gyis min zhes
 pa 'di 'dra ba'i de bzhin nyid kyi rnam par dag pa med par dag pa gzhan gyis rnam par grol ba min no/ /'o na yul rnams rnam par dag par mi 'gyur te rang rig pa ma yin pa'i phyir ro zhe na gsungs pa/ yul rnams zhes pa la sogs pa ste/
 'di rnams dag pa nyid kyi phyir/ /rang gis rig bya bde ba mchog /'di rnams kyi bde ba chen po rang rig par bya ba kho na'o zhes pa'i don to/ /de nyid sgrub par byed pa gsungs pa/ gzugs zhes pa la sogs pa'o/ /rnam dag rang bzhin phyir zhes pa/ gang phyir 'di
 rnams rnam par dag pa'i rang bzhin yin pa'i phyir ro/ /rnal 'byor par zhes pa rnal 'byor pa la'o/ /so sor snang gi rang dbang can du yod pa rnams ni ma yin te/ rnal 'byor pa'i shes pa 'di kho na ltar snang ba'o zhes pa'i don to/ /gal te 'di lta bu
 de ltar 'gyur mod/ /de lta na yang ci ltar rnam par dag pa'i rang bzhin rnams yin zhe na/ gsungs pa/ gang phyir sna tshogs sangs rgyas dngos shes pa rnam par dag pa'i rnal 'byor pa sangs rgyas kho na sna tshogs pa'i ngo bor rnam par gnas pa'i phyir
 ro/ /'di skad bshad par 'gyur te/ rnal 'byor pa'i shes pas las nges par skyes pa nyid kyis na gzugs la sogs pa so sor snang ba rnams de'i rang bzhin kho nar brjod kyi/ de las gzhan pa nyid ni ma yin no/ /des na rnal 'byor pa'i rang rig pa de
 ltar rnam par dag pa na yul rnams kyang rang rig bya'i bdag nyid kyi dag par 'grub po/ /'gro ba sangs rgyas kyi rang bzhin du rtogs par byas pa na rnam par ma dag pa ma mthong bas kye zhes pa la sogs pas zhu ba'o/ /gzung ba dang 'dzin par mngon
 par zhen pa ni mi shes pa'i sgrib pa'i gtso bor bstan zin te/ de med na nyon mongs pa'i sgrib pa yang med pa'i phyir ro/ /de'i phyir gzung ba dang 'dzin pa'i ngo bos gzugs la sogs pa rnams rnam par ma dag pa rnams so zhes ? par bya'o/ /de rnams
 kyang ci'i slad du zhes pa la sogs pa'o/ /'o na nyon mongs pa rnams rnam par dag par 'dod pa ma yin nam zhe na/ bden no/ /'o na ci ltar sgrib pa yin zhe na/ gzung ba dang 'dzin pa'i dngos po kho na las so/ /'o na de kho na sgrib par 'gyur
 mod ce na/ ma yin te de rnams kyang de'i lhan cig 'gyur ba nyid kyis sgrib par byed pa'i phyir ro/ /gang phyir byams pa la sogs pa sgrib par bya ba rnams kyang sgrib pa'i ched du 'gyur ba ni ma yin zhing/ 'dod chags la
 sogs pa rnams ni 'gyur ba kho na'o/ /gang rnal 'byor pa'i 'dod chags la sogs pa rnams thabs nyid du sgrub pa de ni yongs su shes pa'i khyad par las cha shas kyis ma bsgribs pa'i phyir raM thabs kyi khyad par gyi phyir te/ rnam pa gzhan du
 na ni 'di rnams sgrib pa kho na'o/ /'o na gti mug rnam par dag par mi 'gyur te/ rtsa ba'i sgrib pa'i ngo bo'i phyir la/ gti mug rnam par dag pa rnam par snang mdzad du yang 'dod do zhes na/ bden te gti mug gi ngo bo'i yid rnam par dag
 pas mo zhes pa kho na ste/ de'i ngo bo nyid med pa'i phyir ro/ /de lta na de'i ngo bo nyid rnam par dag par 'gyur ba ma yin no zhe na bden te/ yang dag pa ma yin pa blo bur ba'i dri ma de'i rnam par dag pa ci zhes bya ste/ ri bong gi rwa'i bzhin no/ /de ltar thams
 cad rnam par dag pa na yongs su dag pas dkyil 'khor gyi 'khor lo'i ngo bo 'grub par 'gyur ro/ /gal te gzung ba dang 'dzin pa'i dngos po'i phyir rnam par ma dag pas na de'i tshe gzugs la sogs pa rnams bsten par bya ba ma yin no/ /zhe
 na gsungs pa/ bsten bya zhes pa bsten par 'os pa rnams te/ 'dod pa'i yon tan lnga rnams med par stong pa nyid ni ro bro ba med pa kho nar 'gyur ro zhes dgongs pa'o/ /'o na de lta na stong pa nyid du 'gyur na ma yin te/ gzung ba dang
 'dzin pa'i dngos po'i dug gis sun phyung ba nyid kyi phyir ro zhes gsungs pa ma yin nam zhe na gsungs pa/ dag pas dug med byas nas ni/ zhes pa'o/ /rnam par dag pa de kho na shin tu ma yin pa ni bskyed pa'i rim pa la bltos pas rab
 tu gsungs pa gzugs zhes pa la sogs pa'o/ /rdo rje nyi ma ni rin chen 'byung ldan no/ /pad+ma gar dbang ni snang ba mdza' yas so/ /rdo rje rgyal po ni don yod grub pa'o/ /rdo rje sems dpa' ni 'dir chos kyi dbyings shin tu rnam par dag pa'i ye shes
 kyi rang bzhin no/ /kun gyi ngo bo zhes pa/ gzungs la sogs pa'i rang gi ngo bo thams cad 'di'i yin pa zhes pas gzugs la sogs pa'i rang bzhin nyid kho na he ru ka ste mi bskyod pa zhes pa'i don to/ /gti mug rdo rje ni gti mug 'jigs
 pa'i byed pa'i phyir sa'i snying po ste rnam par snang mdzad kyi rgyu mthun pa'o/ /zhe sdang rdo rje ni zhe sdang la zhe sdang ba'i phyir phyag na rdo rje ste mi bskyod pa'i rgyu mthun pa'o/ /phrag dog rdo rje ni phrag dog rnam par 'jig pa'i phyir nam mkha' i snying po ste rin
 chen dbang po'i rgyu mthun pa'o/ /'dod chags rdo rje ni chags pa thams cad 'jig pa'i phyir 'jig rten dbang po ste snang ba mdza' yas kyi rgyu mthun pa'o/ /kha ni gtso bo lce'o 'dis rig par byed do zhes pas reg byed ni lus so/ /ser sna rdo rje ni ser sna
 'jig pa'i phyir sgrib pa thams cad rnam par sel ba ste/ don yod grub pa'i rgyu mthun pa'o/ /skye mched khams kun ni yid de skye mched thams cad kyi rjes su 'gro ba nyid kyi phyir ro/ /he ru ka ni kun tu bzang po ste mi bskyod pa'i rgyu mthun no/ /rdo
 rje sems dpa' i rgyu mthun du yang 'di gzhan du bshad do/ zhes pa nang gi skye mched rnam par dag pa'i rang bzhin byang chub sems dpa' rnams te/ mngon par shes pa 'grub pa'i rgyu rnams so/ /zhi bas nang la sogs pa ltung bar byed pa'i
 phyir ltung byed ma ni spyan ma'o/ /gsong byed ma ni mA ma kI'o/ /'gugs byed ma ni gos dkar mo'o/ /dbang byed pa'i don du rnam pa sna tshogs pa'i gzugs rnams kyis gar byed pa'i phyir gar gyi dbang phyug ma ni sgrol ma'o/ /yang dag par 'dzin pa
 dang/ lta bar byed pa ni dang mi dge ba bsreg pa dang bsod nams dang ye shes nye bar 'phel bar byed pa nyid kyis sa la sogs rnam par dag pa'i rang bzhin spyan ma la sogs pa bzhi rnams mngon par brjod de//
 ci ste sa la sogs pa rnams de kho na nyid ces gang brjod pa de ci ltar zhe na/ de bzhin nyid kyi lus kyis so zhes smra'o/ /longs spyod rdzogs pa'i skus bsdus pa'i phyi dang nang gi gang sa la sogs pa de rnams kyang de kho na nyid kho na ste/ shin tu rnam
 par dag pa'i ye shes kyi rang bzhin nyid kyi phyir ro/ /nang gi pad+ma gsal bar byed pa'i phyir pad+ma 'bar ba ma rdo rje snyems ma ni nam mkha' i khams te/ bde ba chen po'i ngo bo nyid kyi phyir dang chos thams cad stong pa nyid kyi ngo bo ni nyid kyi phyir ro/ /
 bcom ldan 'das kyis gang gsungs pa/ mkha' yi rdo rje dbyings dam tshig /de ni rdo rje 'dzin par bshad ces so/ /rdo rje snyems ma yang rdo rje 'dzin pa las tha mi dad pa'i phyir rdo rje 'dzin par bshad/ ces gsungs so/ /de nyid kyi phyir bde
 ba chen po stong pa nyid dang ro gcig pa nyid kyis na spros pa'i 'khrug pa med pa'i phyir ma dkrugs las zhes gsungs so/ /de ltar nang gi skye mched nyid kyis na mig la sogs pa rnams kyi ngang 'byung ba las gyur pa rnams las gtso bo nyid kyi
 phyir 'byung ba rnams kyi rnam par dag pa gsungs so/ 'byung ba la brten pa nyid kyis na gtso bo ma yin pa nyid kyis 'byung ba las gyur pa gzugs la sogs pa phyi'i skye mched rnam par dag pa'i rang bzhin byang chub sems ma rnams te gzugs rdo rje ma la sogs pa'i
 lha mo rnams rig par bya'o/ /bcom ldan 'das kyis gang gsungs pa/ gzugs kyi rdo rje ma sogs drug /rdo rje bdag po can zhes bshad/ /thugs gsung sku yi rdo rje yis/ /bdag nyid che rnams yang dag 'byung/ zhes so/ /rdo rje ste de bzhin gshegs
 pa rnams 'di rnams kyi bdag po rnams te longs spyod pa po nyid kyis so zhes de ltar gsungs so/ /rnam par dag pa'i gzugs la sogs pa'i rang bzhin nyid kyis 'di rnams de bzhin gshegs pa thams cad kyi longs spyod bla na med pa'i ngo bo nyid kho nar bstan
 to/ /de ltar phung po dang khams dang skye mched rnam par dag pa'i ngo bor de bzhin gshegs pa la sogs pa rnams gsungs so/ /de las gzhan pa dpag tu med pa rnams kyang 'di lta bu la sogs pa rnams rnam par shes par bya ste/ de rnams thams
 cad ni phung po la sogs pa rnam par dag pa las tha mi dad pa rnams so zhes pas 'di rnams mi bskyod pa la sogs pa'i sgo can du 'grub po/ /'o na ci ltar mdza' yas pa yin zhe na/ dpag tu med pa'i dbye ba can gyi phung po la sogs pa tha dad par zhen
 pa'i sems can dpag tu med pa'i bsam pa'i dbang gis rten dang brten pa'i dkyil 'khor gyi bdag nyid dpag tu med pa'i tshul can rnams su 'di rnams 'char ba'i phyir ro/ /de ltar ni rten gyi dkyil 'khor ni de kho na nyid las rnam pa thams cad yongs su dag
 pa'i byang chub bo/ /byang chub de la gang rnam pa kun yongs dag pa'i sems de ni nges par don du na brten pa'i dkyil 'khor ro/ /de ltar ni 'di ni thun mong du lha'i de kho na nyid do/ /'dir ni lha thams cad shes rab dang thabs kyi bdag nyid can rnams so/ /de la
 shes rab kyi de kho na nyid ni zab mo nyid de/ /de'ang rnam par mi rtog pa nyid kyi phyir ro/ /thabs kyi da kho na nyid ni rgya che ba ste/ de yang rang dang gzhan gyi don phun sum tshogs pa la dbang ba nyid kyi phyir ro/ /rnam par mi rtog pa la dbang bde nyid de yang sems kho
 na'i dag pa'o/ /de'i phyir sems kho na lha thams cad kyi bdag nyid du dang snga ma yang rgyas pa dang bcas par bshad zin to/ /de ltar yang lha'i sgo nas dang de kho na nyid kyi sgo nas sems rab tu rgyas par byed pa na 'bras bur gyur pa pha rol tu phyin pa la
 sogs pa sangs rgyas kyi chos rnams 'thob kyi rnam pa gzhan du ni ma yin no/ /gal te rnam par shes pa tsam bsgom na 'jig rten pa'i ting nge 'dzin tsam 'thob ste rnam shes mdza' yas skye mched pa bzhin no/ /ci ste stong pa nyid tsam
 bsgom pa de'i tshe nyan thos bzhin du mya ngan las 'das pa tsam gyi 'du shes can nyid du 'gyur te/ sangs rgyas kyi chos rnams yongs su sbyor ba med pa'i phyir ro/ /ci ste yang lha'i bdag nyid 'ba' zhig kho nar bsgom na de lta na yang yongs su sbyang ba
 dman pa nyid kyi phyir de tsam gyis sangs rgyas nyid ma yin gyi dge bar mi 'gyur ro/ /ci ste stong pa nyid kyi ye shes bsgom gyi lha ma yin pa de lta na yang yun ring pos sangs rgyas nyid 'thob kyi myur du ma yin la/ gsum ga bsgom pa na ni shin tu
 dga' bar bya ba nyid kyi phyir dang byin rlabs kyi khyad par gyi phyir shin tu myur bar bla na med pa yang dag par rdzogs pa'i byang chub thob po/ /de nyid phyir mkha' 'gro ma rdo rje gur du gsungs pa/ tha mal nga rgyal gzhom don du/ /bsgom pa yang dag
 rab tu bsgrags/ zhes dang/ slar yang 'on kyang mi gtsang ba'i lus sbyang ba'i slad du sangs rgyas kyi sku bsgom par bgyi'o/ zhes so/ /thun mong ma yin pa shin tu ba ma yin pa'i rnam par dag pa ni bskyed pa'i rim pa la gdul bya'i khyad par la dgongs
 nas rnam pa mang po gsungs te de 'dir ma spros so/ /rnam par dag pa'i snying po mdor bsdus pa'i rjes su 'brang ba'i shes rab chen po la de rab tu spros pas ci bya/ shes rab chen po'i dbang du byas pa kho nar rgyud kyi rgyal po 'di bstan to/ /de
 rab tu spros pa 'dod pa rnams rjes su gzung ba'i ched du rnam par dag pa rgyas pa dang bcas par bdag gis brjod do/ /de la phyogs bcur rgyu ba'i bgegs kyi tshogs mi 'jug pa la sogs pa'i don du dbye bar byar med pa'i chos nyid rnam par
 dag pas rdo rje ra ba la sogs pa'o/ /sdug bsngal dang kun 'byung ba dang 'gog pa dang lam dang zad pa dang mi skye ba dang chos dang rjes su shes pa dang kun rdzob dang yongs su 'dris pa zhes pa shes pa bcu rnam par dag pas 'khor lo'i rtsibs bcu pa'o//
 me long lta bu la sogs pa ye shes lnga dang rnam par byang ba nyid kyi phung po lnga zhes pa bcu rnam par dag pas khro bo bcu rnams so/ /me long lta bu la sogs pa bcu rnam par dag pas 'khor lo'i lte ba la gnas pa'i mgon po'o/ /gzhan gyi sems
 shes pa dang sgra ji bzhin shes pa dag la yang ngo zhes kha cig go /chos thams cad nam mkha' i rang bzhin rnam par dag pas mdza' yas pa'i phyogs kyi 'khor lor 'jug pa'i 'od zer sna tshogs dang chos 'byung ba'i phyag rgya'o/ /sku gsung
 thugs rnam par dag pas de'i zur gsum ste/ dbus su skyon gyis ma gos pa'i chos nyid rnam par dag pas 'dab ma sna tshogs pa'i pad+ma'o/ /stong pa nyid kyis rang bzhin nyid kyis na dbyer med pa'i ye shes lnga rnam par dag pas sna tshogs rdo rje'o/ /
 rten cing 'brel par 'byung ba'i yan lag bcu gnyis 'byed pa rnam par dag par rwa bcu gnyis so/ /'jig tshogs pa la lta ba'i ri'i rtse mo mtho ba nyi shu 'joms pa rnam par dag pas rwa nyi shu pa yang ngo/ /de'i lta ba la byang chub kyi sems rnam par 
 dag pas zla ba'i dkyil 'khor ro/ /der rnam par snang mdzad rig ma dang bcas pa rnam par dag pas ye shes lnga rnam par dag pa'i kha dog lnga pa'i rin po che'i khang pa brtsegs pa thar pa chen po'i grong khyer gyi rang bzhin no/ /de yang de bzhin
 gshegs pa dang so so skye bo dag de kho na nyid du na gnyis su med pa'i rang bzhin nyid kyis mi mnyam pa med pa gsal bar byed pa rnam par dag pas dang 'phags pa'i bden pa bzhi rnam par dag pas gru bzhi pa'o/ /tshangs pa'i gnas bzhi 
 rnam par dag pas zung bzhi'o/ /dran pa nye bar bzhag pa bzhi rnam par dag pas shar gyi sgo'o/ /yang dag par spong ba bzhi rnam par dag pas lho'i sgo'o/ /rdzu 'phrul gyi rkang pa bzhi rnam par dag pas nub kyi sgo'o/
 dad pa la sogs pa dbang po lnga rnam par dag pas byang gi sgo'o/ /bsdu ba'i dngos po bzhi rnam par dag pas sam stong pa dang mtshan ma med pa dang smon pa med pa dang mngon par 'du mi byed pa rnam par dag pas kyang sgo bzhi'o/ /sgo nyid ni byang
 chub kyi thabs nyid kyi phyir ro/ /dad pa la sogs pa stobs lnga rnam par dag pas tshon lnga'i rtsig pa rnams so/ /rdzu 'phrul gyi rkang pa bzhi rnam par dag pas khyud rnams so zhes klu'i blo'i zhabs so/ /'phags pa'i lam yan lag brgyad pa rnam
 par dag pas sgo'i ka ba brgyad rnams so/ /sangs rgyas kyi yon tan thams cad kyis nye bar bstan pa'i phyir yan lag rnams ni ka ba rnam par dag pa rnams so/ /de skad du yang klu'i blo'i zhabs kyis rnam par thar pa brgyad po ka bar 'gyur/
 zhes gsungs nas/ 'phags lam yan lag brgyad po nyid/ /ka ba brgyad po zhes par bshad/ /ces gsungs so/ /bde mchog gi dkyil 'khor du ni/ /sangs rgyas kun gyi snying po ches/ /rtag tu ka bar gyur pa rnams/ /'phags lam
 yan lag brgyad po ni/ /ka ba brgyad po zhes par bshad/ ces so/ /de'i steng du so so yang dag pa rig pa bzhi rnam par dag pas gdung bzhi ste/ gzhan gyi don gyi khur khur bar nus pa nyid kyi phyir ro/ /dpa' bar 'gro ba dang nam mkha' i
 mdzod dang dri ma med pa'i phyag rgya dang/ seng ge rnam par brtsen pa ste ting nge 'dzin bzhi rnam par dag pas stegs bu bzhi'o/ /de rnams su gnas pa rnams ni bzang ba dang ches dang don dang sngags kyi gzugs rnam par dag pas mchod pa'i yo byad
 sna tshogs pas phyag gis yal ga brel ba'i lha mo rnams so/ /'gro ba'i re ba sna tshogs rdzogs par byed pa rnam par dag pas rin po che ma lus pas rnam par sbras pa'i rgyan rnam par bkra ba rnams so/ /gdul bya'i dbang gis phyung ba mdo dang dbyangs
 kyis ba snyang pa dang lung du bstan pa dang tshigs su bcad pa dang ched du brjod pa dang gleng gzhi dang rtogs pa brjod pa dang de lta bu byung ba dang skyes pa'i rabs dang shin tu rgyas pa dang rmad du byung ba dang gtan la phab pa bstan pa zhes bya ba yan
 lag bcu gnyis thams cad du 'gro ba dam pa'i chos kyi sgra rnam par dag pas rlung gis bskyong pa'i ba dan dang dril bu'i sgra rnams so/ /ji ltar rigs par 'gro 'khor ba'i gdung ba zhi ba dag pas gdugs rnams so/ /rnam par rtog pa ma lus pa
 nub par 'gro na yang bsod nams ji lta bar sna tshogs pa'i rin po che la sogs pa rnams kyis gzhan don phun sum tshogs pa sgrub pa dag pas bum pa bzang po dang dpag bsam gyi shing rnams so/ /nyon mongs pa'i rtsa ba bton pas
 'jig rten las 'das pa'i sgom pa lam rnam par dag pas dra ba rnams so/ /nyon mongs pa gnon pa'i phyir 'jig rten pa'i sgom lam rnam par dag pas dra ba phyed pa rnams so/ /byang chub kyi sems rnam par dag pas zla ba rnams so/ /shes rab ye
 shes rnam par dag pas nyi ma rnams so/ /de bzhin gshegs pa'i lam gyi ye shes rnam par dag pas rnga yab rnams so/ /byang chub kyi yan lag gi me tog phun sum tshogs pa rnam par dag pas me tog gi phreng ba rnams so/ /me long ye shes
 rnam par dag pas me long ngo/ /de skad du yang thams cad gsang ba'i rgyud du gsungs pa/ gang zhig do shal yang dag bshad/ /nyon mongs thams cad gcod pa'o/ /nyon mongs 'phrog pa dra ba ste/ /yang dag gcod dang spong las so/ rnam par gnon dang spong ba ni/ /tshogs gnyis
 kyi ni sbyor ba las/ /nyon mongs rnams kyi phyed 'phrog pa/ /dra ba phyed pa zhes par bshad/ /rang bzhin 'od gsal dag pa yi/ /byang chub sems ni bla na med/ /sems can kun don 'byung ba ni/ /zla ba'i dkyil 'khor
 brjod par bya/ /shes rab ye shes rang bzhin dag /rdo rje lta bu'i ting 'dzin skyes/ /thar pa'i snang ba gzi brjid che/ /nyi ma'i dkyil 'khor du brjod bya/ /sgrib pa gnyis las rnam grol zhing/ /ting 'dzin ye shes kyis byas pa/ /lam gyi ye
 shes khyad par ni/ /rnga yab ces ni yang dag bshad/ /byang chub yan lag bdun phreng ba/ /de bzhin me tog thag pa bkod ces so/ /rags pa dang phra ba dang bar ma'i blo can gyi gdul bya rnams ji ltar 'os pas chos ston pa la 'bab pa rnam
 par dag pas rtse mo dud pa'i ba ku li'i phreng ba'o/ /'jig rten las 'das pa mchog tu dkar ba'i gtsugs pa rnam par dag pas mnga' yab rnams so/ /bsam gtan bzhi rnam par dag pas rta babs bzhi rnams so/ /gdul bya rnams la
 ston pa'i chos kyi 'khor lo bskor ba'i mi mthun phyogs gcod pa rnam par dag pas chos kyi 'khor lo'o/ /de'i rtsibs rnams phyogs gcig la brgyad rnams ni sdug bsngal dang kun 'byung dang 'gog pa dang lam dang kun rdzob dang don
 dam pa dang 'jig rten las 'das pa'i chos rnam par dag pas so/ /phyogs gzhan la bcu gnyis rnams ni/ /sdug bsngal shes par bya ba dang shes pa dang slar shes par byar med pa dang/ kun 'byung spang bar bya ba dang spangs pa dang/
 slar spang bar byar med pa dang/ 'gog pa mngon du bya ba dang byas zin pa dang slar mngon du byar med pa dang/ lam bsgom par bya ba dang bsgoms zin pa dang slar bsgom du med pa zhes pa chos kyi 'khor lo bskor ba rnam pa bcu gnyis
 yongs su dag pa ste/ rten cing 'brel bar 'byung ba'i yan lag bcu gnyis dag pas kyang ngo/ /seng ge bzhin du tshugs pa med pa nyid na yang tshad ma yongs su dag pa'i chos bstan pa'i dang bsdu ba'i dngos po rnams kyis rab tu dang ba las 'grin pa
 gyen du bteg cing chos dang dad pa'i rjes su 'brang ba'i mu stegs ngan pa'i ri dags mos tshol bar rung ba chos kyi 'khor lo'o zhes mngon par dgongs pa rnam par dag pas mgrin pa gyen du bteg pa'i ri dags dang ri dags mo'o/ /ngo tsha
 shes pa dang khrel yod pa rnam par dag pas bla re dang phreng ba la sogs pa rnams so/ /yang dag pa'i ye shes kyi snang ba rnam par dag pas 'od zer 'bar ba'o/ /dur khrod brgyad rnams ni rnam pa thams cad pa'i sems rang bzhin med pa
 nyid rnam par dag pa ste/ mig la sogs pa lnga dang kun gzhi dang yid dang nyon mongs pa can gyi yid de rnam par shes pa gnas gyur par dag pas kyang ngo/ /rtsig pa'i nang gi dkyil 'khor du zur thig gnyis kyi bar gyi dkar po'i sa
 gzhi dang steng gi g.yogs ni rnam par snang mdzad rnam par dag pa'o/ /ser po ni rin chen 'byung ldan dag pas so/ /dmar po snang ba mdza' yas dag pas so/ /ljang gu don yod grub pa dag pas so/ /nag po mi bskyod pa dag pas so/ /
 rnam par thar pa brgyad rnam par dag pas 'khor lo la sogs pa'i ka ba brgyad rnams so/ /rnam par thar pa rnams ni 'di rnams kyis gnas pa'i phyir 'phags pa'i gnas pa rnams te/ de'i phyir gnas pa'i bde ba rnams kyis nye
 bar ston pa'i phyir 'di rnams ka ba rnam par dag pa rnams so/ /rnam par thar pa brgyad gang yin/ /de rnams rta babs ka bar bshad/ /ces pa gtsug lag go /yang dag spong ba bzhi po ni/ /rta babs ka bar yang dag 'byung/ /zhes bde
 mchog gi dkyil 'khor du bshad do/ /phyogs thams cad du dus gsum pa'i rdzogs pa'i sangs rgyas rnams rdo rje theg pa'i chos gsungs pa gang de rnam par dag pas ka ba brgyad kyi steng du rdo rje'i phreng ba'o//
 de bzhin gshegs pa'i de bzhin nyid la 'gro ba mdza' dag tha mi dad par brjod cing der son pa'i skyon gyis ma gos pa rnam par dag pas gdan gyi mtsho skyes rnams so/ /zhi ba la sogs pa'i las thams cad rnam par dag pas 'dab ma sna
 tshogs rnams te/ zhi ba la sogs pa rnam par dag pas dkar po la sogs pa'i kha dog rnams so/ /sems can mdza' dag gi rgyud du gtogs pa'i ma rig pa'i mun pa sel zhing/ mi dge ba'i 'dam skam par byed la byang chub sems kyi myu
 gu yongs su smin par byed pa'i shes rab rnam par dag pas gdan gyi nyi ma'i dkyil 'khor rnams so/ /sems can thams cad kyi nyon mongs pa'i gdung ba zhi zhing dge ba'i rtsa ba'i myu gu nye bar rtas par byed pa'i snying rje chen po rnam par dag
 pas gdan gyi zla ba'i dkyil 'khor rnams so/ /ji ltar rigs par chags pa chen po'i tshul ston pa'i bdag po nyid rnam par dag pas khrag gis gang ba'i thod pa'i gdan rnams so/ /kha cig tu gdan 'jigs byed la sogs pa dang kha cig
 tu tshangs pa la sogs pa dang kha cig tu 'dod lha la sogs pa dang kha cig tu ro ni rang bzhin med pa dang gnyis su med pa'i de kho na nyid kyis skyon rtsad nas 'don pa rnam par dag pas so/ /nga rgyal rtsad nas bton pa dang mu stegs ngan pa'i ri dags
 zil gyis gnon pa dang zil gyis mi non pa'i de kho na nyid rtogs pa rnam par dag pas seng ge'i gdan no/ /gti mug rtsa ba nas med pa rnam par dag pas glang po che'o/ /'dod chags zhi ba rnam par dag pas rin po che'o/ /zhe sdang 'joms?
 pa rnam par dag pas sbrul lo/ /tshe la dbang ba nyid la sogs pas 'chi ba dang nad rnams zhi bar byed pa rnam par dag pas ma he'o/ /gnyis su med pa'i de kho na nyid la dbang ba nyid rnam par dag pas rdo rje'o/ /nye bar spyod pas gsum spong ba las
 thugs dang gsung dang sku rnam par dag pas rim pa bzhin du nag po dang dmar po dang dkar po'i 'khor lo'i gdan rnams so/ /de rnams kyi rtsibs rnams ni nyon mongs pa spong ba rnam par dag pas so/ /de la gzhan pa'i blo bur ba'i dri ma spong ba rnam
 par dag pas 'khor lo'i mu khyud la gnas pa'i rdo rje dang chu skyes dang 'khor lo'i phreng ba rnams so/ thugs rje brlan pa nyid kyis bsod nams dang ye shes tshigs kyi bdud rtsis yongs su gang ba dag pas bum pa gang ba brgyad do/ /phyin ci ma log pa
 las gzugs la sogs pa rnam par dag pas bla na med cing mdza' yas pa'i 'dod pa'i yon tan lnga rnams te/ gar dang glu la sogs pa bde ba chen po 'phel ba bskyed pa rnams so/ /chos kyi dbyings shin tu rnam par dag pa'i rgyu mthun pa phun sum
 tshogs pa rnam par dag pas nye bar spyod pa lnga dpag tu med pa rnams so/ /kha cig tu gsungs pa ni chos kyi sgron ma rnam par dag pas mar me'o/ /grags pa rnam par dag pas dri bzangs dang/ chos kyi zas rnam par dag pas lha bshos so zhes
 te rten dkyil 'khor gyi rnam par dag pa'o// //de la brten pa'i lha'i rnam par dag pa yang rgyud rnams rnam pa mang por bstan te/ de la rnam par shes pa'i phung po dang zhe sdang shin tu rnam par dag pa'i chos kyi dbyings
 rnam par dag pa mi bskyod pa'o/ /gzugs kyi phung po dang gti mug dang me long ye shes rnam par dag pa rnam par snang mdzad do/ /tshor ba'i phung po dang nga rgyal dang/ mnyam pa nyid kyi ye shes rnam par dag pa ni rin chen 'byung ldan no/ /'du
 shes kyi phung po dang 'dod chags dang so sor rtog pa'i ye shes rnam par dag pa 'od dpag med do/ /'du shes kyi phung po dang phrag dog dang bya ba grub pa'i ye shes rnam par dag pa don yod grub pa'o/ /sa'i khams
 dang las kyi phyag rgya dang sprul pa'i 'khor lo dang rnam par thar pa'i sgo stong pa nyid dang snying rje chen po dang thabs kyi pha rol tu phyin pa dang sa ring du song ba rnam par dag pa spyan ma'o/ /chu'i khams dang chos kyi phyag rgya dang chos kyi 'khor lo dang
 mtshan ma med pa rnam par thar ba'i sgo dang byams pa dang smon lam gyi pha rol tu phyin pa dang/ sa mi g.yo ba rnam par dag pa mA ma kI'o/ /me'i khams dang phyag rgya chen po dang longs spyod rdzogs pa'i 'khor lo dang dga' ba dang smon pa
 med pa rnam par thar pa'i sgo dang stobs kyi pha rol tu phyin pa dang sa legs pa'i blo gros rnam par dag pas gos dkar mo'o/ /rlung gi khams dang dam tshig gi phyag rgya dang bde ba chen po'i 'khor lo dang btang snyoms dang mngon par 'du mi
 byed pa rnam par thar pa'i sgo dang ye shes kyi pha rol tu phyin pa dang sa chos kyi sprin rnam par dag pas sgrol ma'o/ /sbyin pa'i pha rol tu phyin pa dang rab tu dga' ba'i sa rnam par dag pas gzugs rdo rje ma'o/ /tshul khrims kyi pha rol tu phyin pa dang sa
 dri ma med pa rnam par dag pa'i rang bzhin sgra rdo rje ma'o/ bzod pa'i pha rol tu phyin pa dang sa 'od byed pa rnam par dag pas dri rdo rje ma'o/ /brtson 'grus kyi pha rol tu phyin pa dang sa 'od 'phro ba rnam par dag pas ro rdo rje ma'o/ /bsam gtan gyi pha rol
 tu phyin pa dang sa spyang bka' ba rnam par dag pas reg rdo rje ma'o/ /shes rab kyi pha rol tu phyin pa dang sa mngon du gyur pa rnam par dag pa'i rang bzhin chos kyi dbyings kyi rdo rje ma'o/ /stobs bcu rnam par dag pa yang lha mo bcu po rnams so/ /ma dad
 pa dang 'chi bdag gi bdud dang shes bya'i sgrib pa spong ba'i phyir dad pa la sogs pa rnam par dag pas gshin rje mthar byed do/ /le lo dang lha'i bu'i bdud dang nyon mongs pa'i sgrib pa bzlog pas brtson 'grus la sogs pa rnam par dag pa shes
 rab mthar byed do/ /brjed ngas pa dang phung po'i bdud dang skye ba'i sgrib pa spong ba'i phyir dran pa la sogs pa rnam par dag pa'i rang bzhin pad+ma mthar byed do/ /rnam par g.yeng ba dang nyon mongs pa'i bdud dang las kyi sgrib pa dang bral ba'i phyir
 ting nge 'dzin la sogs pa rnam par dag pa ni bgegs mthar byed do/ /mi 'jigs pa bzhi rnam par dag pas kyang sgo skyong bzhi po rnams so/ /de bzhin nyid dang yang dag pa'i ye shes dang nam mkha' i khams dang chos kyi dbyings rnam par dag pas rdo
 rje sems dpa' o zhes pa 'jam pa'i rdo rje'i dkyil 'khor du'o/ /bsdus pa'i rim pa'i dkyil 'khor yang de bzhin te/ khyad par ni chos kyi dbyings kyi rdo rje ma med do/ /mig dang rna ba dang sna dang lce dang lus dang yid dang rtsa dang tshigs dag
 pas rim pa ji lta bar sa'i snying po dang phyag na rdo rje dang nam mkha' i snying po dang 'jig rten dbang phyug dang sgrib pa thams cad rnam par sel ba dang 'jam dpal dang byams pa dang kun tu bzang po rnams so/ /g.yas dang cig shos kyi lag pa dang
 kha dang rdo rje dang g.yas dang cig shos kyi rtsib logs dang g.yas pa dang cig shos kyi pus mo dang spyi gtsug dang rkang pa'i mdza' gnyis rnam par dag pas rim pa ji lta bar gshin rje mthar byed dang gzhan gyis mi thub pa dang rta mgrin
 dang bgegs mthar byed dang mi g.yo ba dang 'dod pa'i rgyal po dang dbyug sngon po dang stobs po che dang gtsug tor 'khor los sgyur ba dang gnod mdzes rgyal po'o/ /stobs bcu rnam par dag pa yang 'di rnams te rab tu dga' 
 ba la sogs pa sa bcu rnam par dag pa yang ngo/ /sa kun tu 'od rnam par dag pa rdo rje sems dpa' o/ /rgyud 'dir ni rdo rje sems dpa' i dkyil 'khor la zag pa med pa'i bde ba chen po rnam par dag pas ri rab ste/
 sangs rgyas kyi chos rnams de la brten pa'i phyir ro/ /srung ba'i 'khor lor sngar bzhin te/ shes pa dang stobs dang sa bcu rnam par dag pa khro bo rnams so/ /dbus kyi rim pa'i lha dgu sngar bzhin rnam par dag pa'o/ /sgo skyong bzhin du
 sgo skyong ma rnams so/ /chos dang don dang nges pa'i tshig dang spobs pa so so yang dag par rig pa bzhi rnam par dag pas rdo rje drag mo bzhi rnams so/ /sbyin pa dang snyan par smra ba rang don spyod pa dang don mthun pa ste bsdu ba'i dngos po bzhi rnam par dag
 pas rdo rje gnod sbyin mo la sogs pa bzhi rnams so/ /sa bcu dang rdzu 'phrul dang lha'i mig dang lha'i rna ba dang gzhan gyi sems shes pa dang sngon gyi gnas rjes su dran pa dang zag pa zad pa ste mngon par shes pa drug rnam par dag pas bzhad
 ma la sogs pa lha mo bcu drug rnams so/ /tshe dang sems dang yo byad dang las dang skye ba dang mos pa rnams dang smon lam dang rdzu 'phrul dang chos rnams dang ye shes la dbang pa zhes pa dbang bcu dang pha rol tu byin pa drug rnam par dag pas
 kyang 'di rnams so/ /phyogs gzhan la byams pa la sogs pa snga ma bzhin du rnam par dag pa'o/ /rig pa'i rgyal po'i dkyil 'khor du ni/ /dam tshig dang sku dang gsung dang thugs kyi 'phar ma la gnas pa'i lha rnams rim pa ji lta bar
 don yod grub pa dang rnam par snang mdzad dang/ 'od dpag tu med pa dang mi bskyod pa rnam par dag pa rnams so/ /bde ba chen po'i 'phar ma la gnas pa bzhi po rnams rin chen dbang po rnam par dag pa rnams so/ /bcom ldan 'das ni mi bskyod
 pa rnam par dag pa ste/ rdo rje phag mo ni rdo rje sems dpa' rnam par dag pas so/ /gnyis ka dag pas bcom ldan 'das te/ rdo rje phag mo ni rnam par snang mdzad dag pa'o zhes kyang rnam par bzhag go /rnam par bzhag pa gzhan yang
 mkha' 'gro ma dang lA ma dang dum skyes ma dang gzugs can ma dang/ gshin rje 'joms ma dang gshin rje mche ba ma dang gshin rje sreg ma dang gshin rje pho nya ma dang/ rab tu gtum mo dang gtum pa'i mig can ma dang 'od ldan ma
 dang snang chen ma dang dpa' bo'i blo can ma dang mi'u thung ma dang lang ka'i dbang phyug ma dang shing grib ma dang/ sa srung ma dang 'jigs byed chen mo dang rlung shugs ma dang chang mthung ma dang lha mo sngo bsangs ma dang shin tu bzang mo dang
 'khor lo'i go tsha ma dang chang 'tshong ma dang/ mkha' 'gro gdong ma dang 'khor lo'i shugs can ma dang dum skyes ma dang rta sna ma dang shin tu dpa' mo dang stobs chen ma dang 'khor los sgyur ma dang brtson 'grus chen mo dang/ khwa gdong
 ma dang 'ug gdong ma dang khyi gdong ma dang phag gdong ma dang dpal he ru ka rdo rje rnams rim pa ji lta bar lus la dran pa nye bar bzhag pa la sogs pa byang chub kyi phyogs kyi chos sum cu rtsa bdun rnam par dag pa rnams so/ /de bzhin nyid
 dag pas rdo rje phag mo'o/ /rang rang gi shes rab ma snying rje chen po dang ro gcig pa rnams kyi dag pa gang yin pa de 'dra ba kho na ni de 'dra ba'i rang bzhin can dpa' bo nyi shu rtsa bzhi rnams kyi dag pa'o/ /bdag gis byas pa'i dpal bde
 mchog gi mngon par rtogs par bshad pa'i rim pas/ /mgo bo dang spyi gtsug la sogs pa'i rtsa dang so dang sen mo la sogs pa rnam par dag pas kyang lha mo sum cu rtsa bdun rnams dang dpa' bo nyi shu rtsa bzhi rnams so/ /rnam par
 bzhag pa gzhan yang thugs rje chen po dang mngon par shes pa drug dang/ sangs rgyas kyi chos ma 'dres pa bco brgyad rnam par dag pas rim pa bzhin du bde mchog la sogs pa'i dpa' bo nyi shu rtsa lnga rnams
 te/ shes rab kyi ye shes dang byams pa dang snying rje dang dga' ba dang btang snyoms ched med pa bzhi rnams dang/ smon lam mkhyen pa dang bsam gtan bzhi dang gzugs med pa bzhi dang 'gog pa'i snyoms par 'jug pa ste dgu rnams dang/
 sa dang chu dang/ me dang/ rlung dang/ sngon po dang/ ser po dang/ dmar po dang/ dkar po dang/ nam mkha' dang/ rnam par shes pa ste/ 'di rnams kyis kun nas rgyas par byed par byed pa'i phyir zad par rnams su brjod cing yang dang yang du mi snang bar
 gyur nas kyang mthong bar bya ba la sogs pa'i zad par bcu rnams dang/ nyon mongs pa'i bag chags rnams thams cad kyi rten dang shin tu bral zhing bdag gi dngos yang/ ji ltar bzhed par len pa dang gnas pa dang 'chi 'pho ba rnams la
 dbang bsgyur ba rnam pa thams cad du yongs su dag pa dang/ dmigs pa rnams thams cad sprul pa dang yongs su sgyur ba dang yang dag par mkhyen pa rnams dbang sgyur ba dmigs pa rnam pa thams cad yongs su dag pa dang/ sems kyi
 gnas ngan len thams cad dang bral zhing sems la yang rnam pa thams cad pa dge ba'i rtsa ba nye bar sogs pa sems rnam pa thams cad du yongs su dag pa dang/ ma rig pa'i phyogs kyi gnas ngan len thams cad dang bral zhing shes bya
 thams cad shes pa la dbang sgyur ba rnam pa thams cad du ye shes yongs su dag pa/ zhes pa dag pa bzhi rnams dang/ mngon par rdzogs par byang chub pa dang zag pa zad pa dang bar chad kyi chos rnams dang nges par 'byung ba'i chos rnams la
 seng ge bzhin du dogs pa med pa nyid kyis rigs par gsung ba nyid mi 'jigs pa rnam pa bzhi dang/ bsdu ba'i dngos po bzhi rnams shes pa sum cu rtsa bdun rnam par dag pas/ rim pa ji lta bar rdo rje phag mo la sogs pa gshin rje 'joms
 ma'i mthar thug pa lha mo rnams so/ /kye'i rdo rje dkyil 'khor du ni gau rA li sogs pa ba'i rnams rnam par snang mdzad la sogs pa bzhin du rnam par dag go gzugs la sogs pa yul dag pas kyang 'di rnams so/ /puk+ka sI la sogs pa bzhi rnams spyan ma la sogs pa dang 'dra bar rnam par
 dag pa'o/ /sha dang khrag dang khu ba dang rkang dang tshil bu dag rnam par dag pas kyang 'di rnams so/ /mi bskyod pa de bzhin du he ru ka ste/ reg bya dag pa yang ngo/ /chos thams cad bdag med pa nyid dang chos kyi dbyings kyi yul dag pas bdag med ma'o/ /sgo
 skyong ma rnams ni sgo skyong bzhin rnam par dag pa'o/ /gling bu ma la sogs pa bzhi rnams bsdu ba'i dngos po bzhi rnam par dag pa'o/ /bdag med ma'i dkyil 'khor du rdo rje ma dang gau rI dang chu ma dang rdo rje mkha' 'gro ma dang bdag med ma rnams rnam par
 snang mdzad la sogs pa'i rang bzhin rnams so/ /phyi'i 'phar ma gau rI la sogs pa rnams gzugs la sogs pa'i yul dag pa ste/ reg bya dag pa rnams kyang 'o/ /snga ma bzhin du bdag med ma'o/ /sa spyod ma dang mkha' spyod ma
 dag srid pa dang mya ngan las 'das pa bdag go zhes pa khyad par ro/ /bcom ldan 'das sangs rgyas thod pa dang rdo rje 'jigs byed dang/ gshin rje gshed dang rdo rje bdud rtsi dang sgyu 'phrul chen mo la sogs pa rnams kyi dang/ de dang de'i dkyil 'khor
 ba'i lha rnams kyis yang bshad pa'i rjes su 'brangs pa las dang rgyud ji lta bar yang brtag par bya ba'i dag pa rnams shes rab can rnams kyis rnam par shes par bya'o/ /thams cad du yang lha rnams kyi gnyis su med pa'i de kho na nyid rnam par dag
 pas sku'i mchod sdong gcig dang zhal gcig go /lam yon po min pa rnam par dag pas sku drang ba'o/ /chos dang longs spyod rdzogs pa dang sprul pa'i sku dag pas sku gsum 'khyog ma'o/ /chos nyid kyi sku las 'byung
 ba'i sku gzhan gsum dag pas mgrin pa gsum mo/ /ro gcig pa'i yang sku bzhi gdul bya'i ngor phye nas bstan pa dag pas mgrin pa bzhi rnams so/ /de bzhin gshegs pa lnga dag pas mgrin pa lnga rnams so/ /de bzhin gshegs
 pa drug dag pas mgrin pa drug rnams so/ /so sor stong pa nyid snying rje ro gcig pa bde ba chen po dag pas shes rab dang thabs snyoms par 'jug pa'o/ /gang gsungs pa/ lha mo bde chen thugs rje'i bdag nyid can zhes so/ /don dam pa'i
 shes rab dang thabs dag dbyer med pa dag pas phyed mi mo'i dbang phyug ma nyid dang sku phyed gzugs gzhan pa nyid do/ /stong pa nyid rtogs pa dag pas rna ba phug pa'o/ /srid pa ma'i bdag po la sogs pa rnams kyis ma phug pa'i de kho na
 nyid rtogs pa dag pas rna ba ma phug pa'o/ /kun rdzob dang don dam pa'i bden pa rnam par dag pas zhabs gnyis dang phyag gnyis so/ /bsdu ba'i dngos po bzhi rnam par dag pas zhabs bzhi rnams so/ /dga' ba bzhi rnam par dag pas
 phyag bzhi rnams so/ /pha rol tu phyin pa drug dag pas zhabs dang phyag drug rnams so/ /rnam par thar pa brgyad dag pas zhal brgyad rnams so/ /stobs bcu dag pas bcu'o/ /rten cing 'brel par 'byung ba yan lag bcu gnyis pa 'gog pa
 dag pas bcu gnyis so/ /pha rol tu phyin pa bcu dang kun rdzob dang don dam pa'i bden pa dang nyon mongs pa dang shes bya'i sgrib pa rnam par dag pas bcu bzhi'o/ /stong pa nyid bcu drug dag pas bcu drug go /sangs rgyas kyi chos
 ma 'dres pa bco brgyad dag pas bco brgyad do/ /de rnams dang sgrib pa gnyis te nyi shu dag pas nyi shu'o/ /de rnams dang mi 'jigs pa rnams shes pa nyi shu rtsa gnyis so/ /de rnams dang dbang po drug rnams shes pa nyi shu rtsa bzhi dag pas nyi shu rtsa
 bzhi'o/ /de rnams dang yul drug dang sems dang sems las byung ba zhes pa nyi shu rtsa drug pas/ nyi shu rtsa drug go de rnams stobs bcu rnams shes pa nyi shu rtsa brgyad dag pas nyi shu rtsa brgyad do/ /de rnams dang skye mched bcu gnyis rnams shes pa sum cu rnam par
 dag pas sum cu'o/ /de rnams dang stobs rnams dang mi 'jigs pa rnams shes pa sum cu rtsa gnyis dag pas sum cu rtsa gnyis so/ /khams bco brgyad dang bden pa gnyis dang stobs dang mi 'jigs pa rnam par dag pas sum cu rtsa bzhi'o/ /gdug pa dang bdud thams cad
 rnam par 'jogs pa dang 'jigs par byed pa rnam par dag pas g.yas brkyang dang g.yas brkyang gi zla ba dang sa kha dang zlum po dang mnyam pa'i zhabs stabs la sogs pa rnams dang/ rdo rje'i gdan la sogs pa rnams so/ /'gro ba stong pa nyid du kun
 nas myong ba nyid gsal bar byed pa dag pas g.yas brkyang gi zhabs nyid do zhes kha cig go /'jig rten gsum dmigs pa med pa nyid du mtshon pa dag pas skyil krung phyed pa nyid do/ /thams cad du sgro btags dang bral ba'i snying rje chen po'i chags
 pa dag pas zhabs kyi mthe bong gi rtse mo cung zad gdan la reg pa'o/ /bden pa gnyis dag pas spyan gnyis so/ /rnam pa thams cad pa'i dus gsum gzigs pa dag pas spyan gsum rnams so/ /sku gsung thugs rnam par dag pas zhal gsum
 rnams so/ /rnam par dag pa bzhi dag pas bzhi rnams so/ /sku lnga dag pas lnga'o/ /mngon par shes pa drug dag pas drug rnams so/ /de rnams dang gnyis su med pa'i ye shes zhes pa bdun dag pas bdun rnams so/ /rnam par thar ba brgyad drag pas brgyad
 rnams so/ /'dir rnam par thar pa brgyad dang stobs dang ma 'dres pa la sogs pa rnams thub pa'i dgongs pa'i rgyan du rnam par phye bas ma phye ste btags pa la 'thag pas ci zhig ces pa'o/ /me long lta bu la
 sogs pa ye shes lnga dang dga' ba bzhi dag pas dgu'o/ /rab tu zhi ba nyid kyi phyir sgrib pa gnyis dag pas zhal bzhi pa'o/ /bde ba chen po'i dga' ston dag pas 'dzum pa dang bcas pa'o/ /bdud bzhi 'joms pa'i dgongs pa dag pas gang
 rgyangs dang bcas par bzhad pa'o/ /log par lta ba spangs pa las rnam par 'gyur ba'o/ /bdud bzhi 'joms pa las mche ba gtsigs shing 'jigs pa'o/ /zhi ba dang rgyas pa dang dbang dang mngon spyod dang las thams cad dag pas dkar
 po dang ser po dang dmar po dang nag po dang ljang ku'i kha dog rnams te/ lha stangs kyi bye brag rnams kyang ngo/ /byams pa rnam par dag pas kyang yan lag nag po nyid do/ /snying rjes kyang dmar po nyid do/ /byang chub kyi yan lag bdun dag pas pags
 pa'o/ /rtogs pa bsag pa bla na med cing dpag tu med pa'i chos kyi phung po dag pas ral pa'i thor gtsug gyen du brdzes pa nyid do/ /gtug pa 'dul ba dag pas dbu skra dmar ser gyen du brdzes pa'o/ /de kho na nyid gnyis med pa'i chos kyi phung po
 brgyad khri ba'i stong rnam par spro ba dag pas skra'i tshogs grol ba'o/ /bden pa gnyis rgyas pa ston pa dag pas dbu ska'i yon po gnyis byas pa'o/ /bde ba chen po'i ting nge 'dzin dag pas sgeg pa dang bcas par dbu skra bcings pa'o/ /'gro
 ba thams cad stong pa nyid kyis gsal ba zhes mtshon pa dag pas ral pa gcig pa'o/ /chos dang longs spyod rdzogs pa dang sprul pa'i sku dag pas zur phud gsum rnams so/ /me long lta bu la sogs pa'i ye shes lnga dag pas zur phud lnga pa'o//
 ye shes sna tshogs pa rnams kyis 'gro ba'i don byed pa nyid dag pas dbu skra sna tshogs rdo rjes mnan pa'o/ /yid bzhin gyi rin po che bzhin du rnam par mi rtog pa nyid na yang bsod nams ji lta ba bzhin du gzhan gyi don phun sum tshogs par byed pa dag pas
 ral pa'i thor gtsug gi steng na yid bzhin gyi nor bu'o/ /gtsug tor ji srid par mi 'gyur ba'i byang chub sems kyi cha yis khyad par rnam par dag pas zla ba'o/ /me long lta bu la sogs pa'i ye shes lnga dag pas dpral bar rdo rje'i phreng ba'o/ /rigs lnga'i
 rnam par rtog pa dag pas dpral ba'i steng du thod pa lnga rnams so/ /mi bskyod pa dang 'od dpag med dang rin chen dbang po dang rtag pa dang don yod dag pas 'khor lo can dang rna rgyan dang mgul rgyan dang gdu bu dang ske regs rnams so/ /rdo rje sems dpa' dag
 pas thal ba ste/ yan lag thams cad byugs pa ni byang chub kyi sems kyis yan lag thams cad la khyab pa nyid gsal bar byed pa'o/ /tshangs pa ni mya ngan las 'das pa ste de rnam par dag pas tshangs pa'i skud pa'o/ /A li dang kA li'i yi
 ge lnga bcu dag pas mgo bo lnga bcu'i phreng ba'o/ /ye shes lnga po ro mnyam par gyur pa dag pas rdo rje rtse lnga pa'o/ /de dang spyan ma la sogs pa bzhi dag pa dang lhan cig pas rtse mo dgu pa'o/ /sku gsum dag pas rtse mo gsum pa'o/ /stong nyid dang
 snying rje dbyer med pa dag pas rtse gcig pa'o/ /shes rab kyi pha rol tu phyin pa dag pas rdo rje dril bu'o/ /rgyas par rdo rje dang dril bu dag gi dag pa ni 'chad par 'gyur ro/ /gti mug dag pas glang po che'i pags pa brgyangs pa dang tshangs pa'i
 pags pa'o/ /'dod chags dag pas dbang phyug chen po'i pags pa'o/ /zhe sdang dag pas khyab 'jug gi pags ba'o/ /bgegs nye bar bcom pas tshogs kyi bdag po'i pags pa'o/ /'jigs rten las 'das pa'i phul du dbyung du med pa'i phun 
 sum tshogs pa'i bdag po nyid rnam par dag pas dbang po'i pags pa'o/ /thams cad la dbang sgyur ba nyid dag pas 'dod lha'i pags pa'o/ /sgrib pa thams cad dag pas rgyal ba'i pags pa'o/ /chos
 kyi phung po brgyad khri bzhi stong dag pa dang mchog tu dga' ba dag pas cang te'u ste/ de'i sgras sangs rgyas thams cad yang dag par bskul pa'i phyir ro/ /lus ngan sems kyi skyon gcod pa dag pas dgra sta'o/ /dngos po dang dngos po med pa'i
 rtog pa gcod pa shes rab dag pas gri gug go /srid pa gsum gyi nyon mongs pa 'joms pa dag pas rtse gsum pa'o/ /byang chub kyi sems dag pas kha TwAM ga'o/ /bde ba chen po dang snying rje'i ro dag pa dang bdud bzhi'i dag pas khrag gis
 gang ba'i thod pa'o/ /yang dag pa'i ye shes kyis 'ching ba dag pa dang dam tshig thams cad kyis 'ching ba dag pas rdo rje zhags pa'o/ /spros pa med pa'i thar pa dag pas tshangs pa'i mgo bo'o/ /gzhan la rag ma las pa'i thar pa dag pas
 dbang phyug gi mgo bo'o/ /yul dang dus dang lus gzhan rnams la tshangs pa gcig sgro btags pa las log pa'i thar pa dag pas khyab 'jug gi mgo bo'o/ /bdud bzhi gzhan du 'gyur ba dag pas bdud bzhi'i mgo bo'o/ /'dod chags
 la sogs pa dag pas stag gi pags pa'o/ /ser sna dag pas nya ro hi ta'o/ /gti mug dag pas phag pa'o/ /phrag dog dag pas rul sbal lo/ /zhe sdang dag pas sbrul lo/ /'dod chags dag pas rnal 'byor gyi snod do/ /byang chub kyi sems
 dag pas dge slong ngo/ /dran pa nyams pa dag pas sil byed do/ /bgegs thams cad 'byed par byed pa dag pas thong gshol lo/ /chos thams cad mnyam pa nyid kyis dbye ba las bsdigs pa dag pas sdigs mdzub bo/ /glo dang dbugs
 mi bde ba dang smyo dang zad byed dang mdze dang btsir tsig dang lus 'phrog dang sran dag pas/ glang po dang rta dang bong bu dang ba lang dang rnga mo dang mi dang shar b+ha dang byi la rnams te/ sems can rnams kyi glo la sogs pa bsal nas so/ /dbang phyug gi
 dngos grub thams cad dag pas sa dang chu dang rlung dang me dang zla ba dang nyi ma dang gshin rje dang nor sbyin rnams so/ /gdug pa'i log 'dren thams cad gcod pa dag pas ral gri'o/ /gdug pa dang log 'dren thams cad brdung ba dag pas gtun shing ngo//
 yi dags la sogs pa thams cad skul ba dag pas ba dan no/ /mi mthun phyogs thams cad brdung ba dag pas dbyug pa'o/ /mngon par 'dod pa'i don 'gugs pa dag pas lcags kyu'o/ /bdud thams cad brdung ba dag pas rdo rje tho ba'o/ /bdud kyi
 'khor thams cad zil gyis gnon pa dag pas mda'o/ /gdug pa can thams cad bsdigs pa dag pas gzhu'o/ /bdud kyi rjes su spyod pa thams cad gsod pa dag pas shak+ti'o/ /'gro ba'i mig skal pa bzang pa'i mtshan nyid la sogs pa phun sum tshogs
 pa dag pas utpa la'o/ /'gro ba'i yid 'phrog pa lhan cig skyes pa'i lus kyi dri bzang po dag pas nA ga ge sar gyi me tog go /sems can thams cad dga' bar byed pa dag pas gling bu la sogs pa'i rol cha rnams so/ /de ltar rdo rje ra ba la sogs
 pa'i rnam par dag pa 'di rnams dpal mchog dang po dang rdo rje rtse mo la sogs pa rnal 'byor dang rnal 'byor ma'i rgyud rnams su gsal ba mdzad pa dag gis phye ba'o/ /de las gzhan gzhal yas khang gi dbyed rnams dang lha'i bye brag rnams dang de'i gdan dang dbyibs dang skabs
 mdog dang zhal dang rgyan dang mtshon ma dang zhabs dang phyag dang mtshon cha'i khyad par rnams kyi rnam par dag pa dpag tu med pa rnams yod mod/ /de rnams la 'ga' zhig brjod zin pa'i rjes su 'brang bas brtag par bya ste/ rnam par dbye bar nus na yang
 gzhung mang bas 'jigs pas ngal ba so'o/ /de ltar shin tu ba'i yang khyad par gyi rnam par dag pa rgyas par bstan pa rtogs par bya'o/ /de dang 'di kho na nges par rim pa gnyis ka la yang mnyam par bzhag pa
 dang mnyam par ma bzhag pa'i rnal 'byor dag la lhag par mos par bya'o/ /phung po la sogs pa rnams lha'i ngo bor mnyam par ma bzhag pa'i rnal 'byor la mos par bya'o/ /mnyam par bzhag pa'i rnal 'byor la lha rnams kho na de rnams
 rnam par dag pa'i ngo bor mos par bya'o/ /de ltar rtag tu lhag par mos pa'i dngos grub ni de kho na nyid gcig tu mthar thug pa'i rnal 'byor pa la 'gyur gyi/ lha'i rnam pa tsam du rtog pa po la ni ma yin no/ /de kho na nyid shes pas dman pa la
 ni nam yang dngos grub srid pa ma yin pas so/ /de kho na nyid kyang stong pa nyid dang rdo rje ro gcig pa'o/ /de nyid kyi phyir nye bar sdud ste/ de ltar zhes pa la sogs pa'o/ /nyon mongs la sogs zhes pa'i sogs pas yul nye ba la sogs pa thob
 nas so/ /gang lus de bskyed pa'i cha de bskyed pa'i rim pa dang nye bar blang bya nyid kyis na rdzogs pa'i rim pa la yang brten nas lha'i bdag nyid du gyur pa ni srid pa yongs su shes pa kho na mya ngan 'das yin zhes pa'i rig pa las/ srid pa'i mya ngan
 las 'das pa ni srid pa mya ngan 'das pa de/ shes rab dang snying rje dag gis 'khor ba dang zhi ba dag la mi gnas pa 'thob bo/ /skye dang 'jig pa la brten nas shes 'don pa la ni/ skye ba dang 'chi ba dang brten nas lus gang yin
 pa'i zhes sbrel bar bya'o/ /man ngag gi snye mar snye ma bco brgyad pa'o// //rim pa gnyis la mngon du phyogs par gyur na yang spyod pa med na phyag rgya chen po'i dngos grub ma yin zhes spyod pa mdor bstan pa gsungs
 pa/ de nas zhes pa la sogs pa'o/ /lus dang ngag dang yid rnams kyi bya ba khyad par can ni spyod pa'o/ /lus dang ngag dag kyang sems rnam par dag pa kho nas dag pa nyid kyi phyir sems kyi spyod pa ni spyod pa gzhan las mchog nyid kyis na yang dag pa'o/
 gang gi phyir rnam par rtog pa'i bar du gcod pa ma lus pa 'dul bar nus pa kun rdzob pa'i gzugs kyi phung po la sogs pa chos thams cad kyi rang gi ngo bos yang dag pa don dam pa la gsal bar gyur pa ste/ ji skad du gsungs pa/ gang zhig rten
 cing 'brel 'byung ba/ de ni stong pa nyid du bshad/ /de ni brten nas gdags pa ste/ de nyid dbu ma'i lam yin no/ /zhes so/ /de nyid spyod pa ni de kho na nyid bsgom pa'i khyad par can gyi go 'phang 'di'o/ /bla na med pa ni nyan thos kyi theg pa dang gong ma
 dang bcas pa'i theg pa chen po bya ba'i rgyud la sogs pa'i spyod pa rnams las mchog nyid kyi phyir ro/ /phan pa ni rdo rje 'dzin pa nyid do/ /de'i don du ste/ rnam par g.yeng ba rnams bsal nas gang brten bar gyur pa'i sems rgyud do/ /de nyid du ste yang
 dag pa ji lta ba'i phyir ro/ /yan lag med ni 'dod pa mi 'gyur ba'i bde ba chen po dang rdo rje stong pa nyid 'di'i yin pa 'am/ ma rig pa la sogs pa yan lag bcu gnyis dang bral ba'i phyir yan lag med pa'i rdo rje ni rdo rje 'dzin pa ste des gsungs
 pa'o zhes sbrel bar bya'o/ /shes rab pha rol tu phyin pa ni stong pa nyid dang snying rje gnyis su med pa'i ye shes so/ /mchog ni 'jig rten las 'das pa'i phyir ro/ /gru ni gzings so/ /dge ba ni thar pa ste 'khor ba'i pha rol lo/ /shin tu spros pa med pa'i spyod
 pa yin pa nyid kyi phyir na spyod pa gzhan la bltos nas myur du dngos grub byed pa ste/ skye ba 'di kho na la rang gi ngo bo yongs su bsgyur ba'i phyir ro/ /spros pa dang bcas pa dang spros pa med pa dang shin tu spros pa med pa'i spyod pa rnams ni rim pa ji lta bar
 bud shing dang tA la'i 'dab ma dang ras bal sreg pa'i dus bzhin du yun ring ba dang yun mi ring ba dang myur bar 'grub pa'i rgyu nyid du spyod bsdus su gsungs so/ /bzang po ni phul du dbyung du med pa'i bde ba dang ldan pa'i
 phyir ro/ /yid 'ong ni thabs sla ba nyid kyi phyir ro/ /yon tan kun gyi gnas ni mngon par shes pa la sogs pa rnams bskyed pa'i phyir ro/ /sems kyi rin chen ni byang chub kyi sems te/ ngo bo chags pa dang bral ba las yang dag par rab tu
 byung ba rang dang gzhan gyi don phun sum tshogs pa bskyed pa'o/ /ldog pa'i sgo nas gsungs pa/ 'di med ces pa la sogs pa'o/ /rjes su 'gro ba'i sgo nas gsungs pa/ 'di zhes pa la sogs pa'o/ /sdig 'joms zhes pa/ ji ltar mar me'i snye ma phra
 mos kyang phug gi mun pa yun ring du bsags pa yang skad cig gis 'joms pa de ltar rnal 'byor 'dir kyang yun ring por bsags pa'i nyes pa'i tshogs chen po yang ngo/ /byang chub kyi sems la 'jug na ni kha na ma tho ba thams cad rnam par
 dag pa la the tshom med do/ /ji skad du de bzhin gshegs pa'i gsang ba'i mdzod kyi mdor gsungs pa/ 'od srungs gang pa yang yin la rang sangs rgyas kyang yin pa de srog dang phral ba 'di ni srog gcod pa rnams kyi che ba'o/ /'di lta ste
 dkon mchog gsum gyi dkor 'phrog pa ni ma byin par len pa rnams kyi che ba'o/ /ma yang yin la dgra bcom pa yang yin pa de la bgrod pa 'di ni 'dod pa log par g.yem pa rnams kyi che ba'o nas/ ji srid du 'od srung mi dge ba'i las kyi lam
 bcu po 'di rnams thams cad ni kha na ma tho ba dang bcas pa chen po rnams te/ 'od srungs de gal te/ sems can gcig kha na ma tho ba dang bcas pa chen po'i las kyi lam bcu po 'di rnams dang ldan par gyur la/ de yang de bzhin gshegs
 pa'i chos ston pa rgyu dang rkyen dang ldan pa la 'jug cing nas/ ji srid du/ 'di ltar ma byas pa mngon par 'dus ma byas pa sgyu ma'i chos nyid la 'jug go nas/ ji srid du sems can de ngan 'gror 'gro bar da mi smra'o dang ji srid du gang 'di ltar lhag par
 mos par 'gyur ba de la ni nam yang ltung ba 'am ltung ba'i gnas med do/ /de ci'i phyir zhe na/ gang sgrib pa med pa la ltung ba gnas par byed pa ni gnas med cing go skabs med de/ 'di ni gnas yod pa ma yin no zhes pa'i bar du'o/ /de'i phyir
 shes rab dang thabs las byung ba gnyis su med pa'i ye shes kyi rang bzhin bsgom pa kho na sdig pa thams cad dag par byed pa shin tu legs pa thams cad byed pa'o/ /ji skad du 'phags pas gsungs pa/ gang rnams rnam par dpen par zhes/ /g.yo
 ba'i yid kyang mi g.yo ba/ /de rnams nyon mongs sbrul dkrigs pa'i/ /srid pa'i rgya mtsho 'jigs pa rgal zhes so/ /byang chub kyi spyod pa la 'jug par yang/ sdig pa shin tu mi bzod byas na yang/ dpa' la brten nas 'jigs pa chen po ltar/ /
 gang la brten nas yud kyis bsgrol de la/ /mi shes sems can rnams kyis cis mi brten zhes so/ /go 'phang ni byang chub ste/ gzhan gyi don phun sum tshogs pa rnams kyis thabs bla na med pa nyid kyi phyir ro/ /a ba d+hU tI yis te kun tu rtog pa mdza' dag nges
 par spong pas spyod pa'o/ /de nyid kyi phyir gsungs pa/ /'di ltar zhes pa la sogs pa ste/ sdig pa la 'gongs pa'i phyir bzang ba'o/ /rigs kyi dngos po dang dngos po med pa la sogs pa'i rnam par rtog pa lam du byed pa'i phyir bsam mi khyab po/ /
 rang dang? gzhan gyi phun sum tshogs pa'i brten nyid kyi phyir gnas so/ /nyan thos la sogs pa rnams kyi spyod yul ma yin pa nyid kyi phyir shin tu gsang ba'o/ /dam tshig ni rgyas par ston par 'gyur ro/ /'o na rnams 'di lta bu'i rgyun mi 'chad par
 'byung ba'i rnal 'byor sgrub par dka' o zhes dogs par byas nas spyod pa'i rim pa mdor bston te/ dang po la zhes pa la sogs pa'o/ /'dra ba 'byung ba ni rgyu mthun pa'o/ /thos pa dang bsam pa la sogs pa rnams
 kyi rgyu mthun gyi 'bras bu ni sgom pa ste/ de'i rang gi ngo bo la rgyun mi 'chad par nyid du gnas par 'gyur ro/ /de ltar yang yul dang dus kyi bye brag la mnyam par bzhag pa dang mnyam par ma bzhag pa'i rnal 'byor gyi
 gnas skabs dag tu goms pa'i bye brag las rnal 'byor rgyun mi 'chad par 'byung ba'i don du/ brtag pa gnyis par gsungs pa/ dang po goms par byed dus kyis/ /gnas ni bzang po rnams brtags pa/ /gang du gnas pa'i sngags pa sems//
 gcig tu mnyam bzhag 'grub 'gyur ba'o/ /rang gi khyim du mtshan dus su/ /bdag ni grub pa'o zhes sems kyis/ /bsgom bya zhes so/ /de las gnas skabs ka la yang bar ma chad par bsgom pa brtan pa nyid kyi phyir ro/ sgom pa zhum pas ni nges
 pa'i gnas la sogs pa bsdus pa las/ rang gi 'dun pa zhes pa la sogs pa 'chad par 'gyur ba'i rim pas byis pa bzhin du gnas par bya'o/ /de la yang rnal 'byor rab tu gyur pa la 'dod par bya ba'i gzugs su 'dul bar rung ba'i
 skye bo 'gyur ro/ /bla na med pa'i spyod pa nyid mdor bstan pa rgyas par 'chad pa/ dngos grub ces pa la sogs pa'o/ /ji skad gsungs pa ni bya ba dang spyod pa'i rgyud la sogs pa rnams su'o/ /de rnams su ni so sor nges pa'i spyod pas so
 sor nges pa'i bsgrub par bya ba re re 'grub po zhes gsungs so/ /'di ni mnyam med pas te phyag rgya chen po las 'grub pa kho na'i spyod pa'o/ /kun tu bzang po ni dngos grub rnams thams cad 'di las 'byung ba'i phyir ro/ /gang cung zad tshangs pa
 la sogs pa ba lang rdzi'i bar gyi sems can gyi rgyud la yod pa'i ye shes sam ting nge 'dzin gzhan la phan pa'i thabs su gyur pa de thams cad de nyid du ste/ de ni thabs kun gyi rang bzhin yin pa nyid kyi phyir ro/ /ji skad du dpal 'dus par gsungs pa/ de
 bzhin gshegs pa thams cad kyi sku dang gsung dang thugs kyi dngos grub rnams kyi bcom ldan 'das ci la gnas lags/ bka' stsal pa/ sku gsum gyi gsang ba sku dang gsung dang thugs ni rdo rje slob dpon gyi sku dang gsung dang thugs la gnas so/
 sku dang gsung dang thugs rdo rje ci la gnas/ ci la yang ma yin no zhes te/ stong pa nyid kyi rang bzhin nyid kyi phyir ro zhes pa dgongs pa'o/ /gzhan du yang gsungs pa/ 'di de rnal 'byor mchog de'i phyir/ /de bzhin gshegs rnams kyis phyag 'os//
 de las rab byung sbyor ba ni/ /mdza' yas pa rnams rab tu grags/ /de phyir lha yi ting 'dzin rnams/ /mdza' yas pa rnams yang dag 'byung/ /phyag rgya dkyil 'khor gsang sngags rnams/ /rnal 'byor de las rnam dag nyid/ /zhi ba rgyas pa nyid
 gyi las/ /sngags las skyes pa gzhan gang yang/ /chu bo gang+gA'i bye ma'i grangs/ /ji snyed dngos grub phra mo dang/ /phyag rgya'i dngos grub gzhan nyid rnams/ /ji snyed sa la rnam grags pa/ /rnal 'byor 'di la skyes pa ru/ /thugs kyi rdo rjes
 gsungs pa yin/ zhes so/ /shes rab dang thabs kyi rang bzhin gnyis su med pa'i ye shes bsgom pa 'di kho na don dam pa pa'i sngags kyi spyod pa ste/ de skad du yang 'dus pa phyi mar gang gang dbang po yul rnams kyis/ /brten nas bskyed par bya
 ba'i yid/ /yid de ma nan zhes bshad/ /tra yig skyob pa'i don las te/ /'jig rten spong las nges grol ba'i/ /dam tshig sdom pa gang gsungs pa/ /skyob pa rdo rje thams cad kyi/ /sngags kyi spyod pa zhes par gsungs/ /zhes so/ /dbang po la 
 sogs pa byed par gyur pa rnams kyis gang yid de ni yid kyi ngo bo ste ma na zhes bshad do/ /ma na shes pa la'o zhes pa'i byings bklags pa las/ stong pa nyid kyi ye shes ma na'o/ /de'i sgrib pa gnyis spangs
 pas kun tu bzang po nyid thob pa ni/ skyob pa'i don las te yongs su mi gtong ba'i don gyis tra'o/ /stong pa nyid dang snying rje dbyer med pa'i ye shes kho na sngags so zhes pa'i don te/ de'i spyod pa'o/ /'jig rten yang rnam pa gnyis te/ byis pa
 dang 'phags pa'o/ /de la byis pa'i spyod pa las nges par grol ba ni dam tshig rnams so/ /'phags pa'i las grol ba ni 'dod pa rnams so/ /de rnams skyong ba ni kun tu spyod pa'o/ /rdo rje thams cad kyis ni rnal 'byor gyi ngo bo'i de bzhin
 gshegs pa rnams kyis so/ /sngags kyi spyod pa'i yan lag nyid kyis na sngags kyi spyod pa ste/ dper na oM la sogs pa kun rdzob pa'i sngags bzhin no/ /gzhan min zhes pa kun tu bzang po ma yin zhing/ de'i phyir bla na med pa
 ma yin no/ /yang na min zhes klog pa ni/ yang na 'di spyod pa ma yin te/ don dam par spyod pa med pa'i ngo bo nyid kyi phyir ro zhes bshad par bya'o/ /gsungs ni shes rab kyi pha rol tu phyin pa la nga spyod do zhes spyod na shes rab kyi pha rol tu
 phyin pa ma yin no zhes pa la sogs pa'o/ /dang po zhes pa la sogs pa'i rgyas par ston pa gsungs pa/ phyag byas zhes pa la sogs pa'o/ /slob dpon rdo rje can ni bla ma'o/ /gsang ba spa ba'i spyod pa ji ltar gzhan rnams kyis mi
 shes pa ltar de dang por bsten par bya ste/ phun sum tshogs pa thams cad kyi rgyu nyid kyi phyir ro/ /gang 'phags pas gsungs pa/ /de ltar shes nas rnal 'byor pas/ /dogs med bya ba thams cad spyod/ /spas pa'i brtul zhugs
 bsgrub byas nas/ /phun sum tshogs pa thams cad 'grub ces so/ /bya ba byas pa ni rnal 'byor phul du byung ba thob pa nyid kyi phyir ro/ /gang brtag pa gnyis par gsungs pa/ rtag tu goms pa'i rnal 'byor gyis/ /mnyam par
 bzhag pa dngos grub thob/ /zla ba gcig tu gsang la spyod/ /ji srid phyag rgya ma thob par/ zhes so/ /dngos grub ni 'dir rnal 'byor phul du byung ba sems brtan pa nyid la sogs pa'i ngo bo'o/ /de nyid kyi phyir blo gros che ste/ gzhan gyi don
 la mngon par dga' ba'i bsam pa can nyid kyi phyir ro/ /'di ltar lhag par mos pa rnams la yang rang don la rjes su chags pa'i dri ma'i skabs yod pa ma yin pa'i phyir ro/ /de nyid kyi phyir gsungs pa/ dogs pa kun las phyi rol phyogs/
 zhes pa'o/ /ral pa can bzhin ni seng ge bzhin du 'jigs pa'i dogs pa med pa'o/ /yang dag lta ba ni gnyis su med pa'i ye shes so/ /sems brtag pa ni yang dag pa'i lta ba la the tshom med pa nyid kyi phyir ro/ /gnas med ni gnas ma nges pa nyid
 kyi phyir ro/ /rmi lam sgyu ma'i dpe gnyis ni rang bzhin med par ro gcig cing kun rdzob tu sna tshogs su snang bar mtshungs pa nyid kyis don gcig kyang 'ga' zhig la 'ga' zhig rab tu grub pa'o zhes gsungs pa'o/ /sgrib pa kun dang lhan cig ces
 chog sdud do/ /sgrib pa ni 'dir chung ma la sogs pa kun nas 'dzin pa'o/ /brgyad rnams ni rnyed pa dang ma rnyed pa dang grags pa dang grags pa min pa dang bstod pa dang smad pa dang bde ba dang sdug bsngal rnams so/ /rnam mi rtag ni dgra dang bshes dang
 btang snyoms la sogs pa'i rtog pa las grol ba'o/ /gang gi phyir gnyis med ni dgra la sogs pa dang bral ba'o/ /nges pa byas pa ni sangs rgyas dngos grub rab 'grub rnams/ shes pa dang 'brel lo/ /med ces pa sems can rnams sgyu ma
 bzhin du yod pa dang med pa la sogs pa'i rtog pa'i spyod yul nyid du mi rung ba'i phyir ro/ /phyogs las rnam par rgyal ba'i spyod pa'i mtshan nyid bshad par bya zhing/ myur du dngos grub byed pa zhes pa
 rgyas par 'chad de/ shes rab ces pa la sogs pa'o/ /dam tshig bsrung ba med par dngos grub cung zad kyang med do zhes pa de gsungs pa/ rtog pa thams cad ces pa la sogs pa ste/ rtog pa thams cad ni phyi rol gyi 'jig
 rten gyi rnam par rtog pa'o/ /de nyid kyi phyir gsungs pa/ sgyu ma zhes pa la sogs pa'o/ /thams cad ni gzugs la sogs pa'o/ /'di mi 'dod pa'i rnam par smin pa can ma yin no zhes gsungs pa/ chos zhes pa la sogs pa
 ste/ /chos kyi dbyings las te rang bzhin gyis yongs su dag pa las chos kyi dbyings kyi ngo bos byung ba rnams te gzugs la sogs pa'i 'dod pa rnams kyang rang bzhin yongs su dag pa rnams te/ sa bon dang rjes su mthun pa nyid kyi phyir dang
 de'i ngo bo nyid kyi phyir ro/ /rang bzhin gyis yongs su dag par lhag par dmigs pa kho nas dam tshig bsten par bya'o zhes pa'i don to/ /ji ltar 'dod pa bzhin du 'dod pa thams cad la nye bar longs spyod pa tsam gyis dngos grub tu
 'gyur ba ni med do/ /bskal pa bye ba brgya yis kyang/ /de nyid dman rnams 'grub ma yin/ zhes gsungs pa'i phyir ro/ /'o na 'dod chags la sogs pa rnams log par ltung ba'i chos su gsungs pa ma yin nam zhe na/ bden te nyan
 thos kyi theg par dang gong ma dang bcas pa'i theg pa chen por ro/ /theg pa mchog 'di ni bla na med pa ste/ 'di la tshul gzhan dang 'gal ba ma yin no/ /der ni de ltar ma rtogs pa'i phyir de ltar ma gsungs shing/ 'dir ni gnyis su med
 pa'i ye shes las yang dag par byung ba'i sems kyi spyod pa de'i rang bzhin rnams thams cad de ltar rtogs pa las sangs rgyas nyid kyi ched du nye bar ston to/ /ji skad du dpal 'dus par gsungs pa/ 'dod pa kun la longs spyod cing/ /ji ltar 'dod  par bsten pa yis/ /rang ltag lha yi rnal 'byor gyis/ /rang dang gzhan la mchod pa bya/ /dka' thub sdug bsngal nges rnams kyis/ /bsten pas 'grub par mi 'gyur te/ /'dod pa thams cad longs spyod pas/ /bsten pas myur du 'grub par
 'gyur/ zhes so/ /dka' thub ni bsnyung bar gnas pa la sogs pa rnams so/ /sdug bsngal nges pa ni nas tsam gyis zas za ba la sogs pa rnams so/ /de rnams ni sdug bsngal gyi rgyu nyid kyis na/ ting nge 'dzin gyi yan lag ma yin pa nyid kyi phyir te/
 sdug bsngal las ni sems g.yengs byed/ /g.yengs pas byang chub gzhan du 'gyur/ zhes pa'i rigs pa las dang/ 'dod pa kun la bsten pa de/ /lus sogs bde bar gnas pa yis/ /byang chub 'thob cing bde gyur pa'i/ /sems ni
 mnyam par 'jog par byed/ /ces pa'i rigs pa las so/ /ci ltar byang chub sems dpa' rnams kyis dka' ba'i spyod pa spyad ces brjod par bya ba yang ma yin te/ byang chub sems dpa' rnams kyang sngags kyi spyod pa mchog spyod pa kho nar
 gyur pa rnams 'dod pa thams cad nye bar spyod pas sangs rgyas nyid lhag par rtogs kyi/ dka' ba spyod pas ni ma yin zhing/ de spyad nas kyang mthar thug pa na sngags kyi spyad pa spyod pa kho na las de rnams kyang 'grub pa'i phyir ro/ /gang
 srid pa tha ma'i byang chub sems dpar gyur pa'i bcom ldan 'das kyis dka' ba'i spyod pa spyad pa de ni gdul bya gzhug pa'i don du bcom ldan 'das kyi sprul pa kho na'o/ /de lta na yang de la gus pa bzlog pa'i don mthar bde ba'i spyod pa kho
 na ste/ de ltar 'o ma gya nom pa'i zas nye bar longs spyad pa las kyang rdzogs par byang chub pa bstan to zhes pa rgya che bas mchog go /khams gsum pa zhes pa khams gsum rnams ni dman pa dang bar ma
 dang mchog rnams yin la de kun bsdus pa ste rang gi don la a Na'o/ /rnam pa gsum nyid ni mchog la mngon par zhen pa las la ba'i don du gsungs so/ /gang 'dus bar gsungs pa/ gzugs la rnam gsum shes byas nas/ /mchod
 pa'i bdag nyid mchod par bya/ /ji srid du/ reg la rnam gsum shes byas nas/ /rang gi rigs la dbul bar bya/ /zhes pa'i bar du'o/ /mchod pa'i bdag nyid ni rang gi sems las tha mi dang pa'o zhes gzugs la lta ba'o/ /rang
 gi rigs las shes pa nye bar mtshon pa ste/ lha rnams thams cad la'o/ /sprul pa ni nges par dpyad nas gzhal ba ste/ longs su dpyad cing nges par byas shes pa'i don to/ /dbang phyug gis bzhin du byas pa ni ma yin te/ bcom ldan
 'das 'gro ba'i byed pa po nyid du mi rigs pa'i phyir ro/ /yang na byang chub sems kyi bdag nyid sgrub par byed pa po'i rang gi ngo bo rdo rje sems dpa' ste/ /des sprul pa ste nges pa'o/ /rdo rje sems dpa' i
 ngo bo'i rnal 'byor pas ni rang bzhin med pa nyid kyis phan tshun dbyer med pa'i phyir rdo rje sems dpa' i ngo bor gzugs la sogs pa rnams rnam par shes nas de kho nar dga' ba nyams su myong ngo/ /'phags pa klu sgrub zhabs kyis gang gsungs
 pa 'di la skye ba ci yang med/ /'ga' zhig gis ni 'chi pa'ang med/ /sems kyi tshul gyi rnam pa gnas/ /'khor ba kho nar shes par bya/ zhes so/ /'phags pa'i lha'i zhabs kyis kyang gsungs pa/ kun rdzob bden pa gsungs pa
 sangs rgyas rnams kyi sku mtshan nyid/ /de 'dir sgyu mar bstan pa ste/ /rang byin brlab par de brjod do/ /lus dang longs spyod rab gnas dang/ /sa dang pha rol phyin la sogs/ /sangs rgyas rdzu 'phrul rnam 'phrul sogs/ /thams cad sgyu ma'i
 g.yo ba yin/ /zhes so/ mi 'dud ces pa tha dad du mngon par zhen pas ting nge 'dzin 'jig pa'i phyir ro/ /de skad du yang 'dus par/ sangs rgyas byang chub sems dpa' dang/ /de bzhin rang rkyal nyan thos rnams/ /lus dang ngag sems sbyor rnams
 kyis/ /phyag 'tshal bsam pa thob pa'o/ /zhes so/ /'di'i phyag 'tshal ba ni 'phags pa shAkya ba shes gnyen gyis dgongs pa bla na med par gsungs pa/ ji ltar chu la chu bzhag dang/ /ji ltar mar la mar bzhin du/ /rang gi rang gi ye
 shes ni/ /mthong ba gang yin 'dir phyag yin zhes so/ /rang gi ba ni rang las tha mi dad pa ste phyag 'os pa'i ngo bo'o/ /rdo rje sems dpa' i bsam gtan kho na 'di'i de la phyag go/ /phyag rgya chen po grub pa rnams phyag 'os pa kho na yin gyi/ nyan
 thos la sogs pa rnams ma yin no/ /lugs ma ni gser la sogs pa zlugs pa'i sku gzugs so/ /de nyid kyi phyir gsungs pa/ thams cad ces pa la sogs pa'o/ /de gsungs pa/ thams cad dngos po'i rang bzhin bdag /rang gi snang
 ba'i lam 'ongs pa'i/ /gzugs la sogs pa yul kun gyis/ /rang nyid bdag nyid rab mchod bya/ /slar yang thams cad dngos po'i rang bzin bdag /de las gzugs sogs thams cad kyis/ /rnal 'byor pa yis bdag nyid mchod/ /rang bzhin
 med pa'i dbang las so/ zhes so/ /'phags pas kyang/ rdo rje sems dpa' rang dI phyir/ rang nyid mchod pa rab 'jug bya/ zhes so/ /dkyil 'khor zhes pa la sogs pa la/ byang chub kyi sems 'grub par byed pa kho na 'di'i dkyil 'khor la
 sogs pa'i las te/ gzhan gyi dogs pa ci med do/ /gzhan rnams ni zhi ba la sogs pa rnams so/ /chos kyi bdud rtsi ni byang chub sems so/ /de ltar dkyil 'khor la sogs pa'i rtogs pa rnams dang dam tshig rnams
 la phyi rol 'jig rten pa'i rnam par rtog pa rnams bral ba las 'bras bu gsungs pa/ mi rtog ces pa la sogs pa'o/ /dogs pa spangs pa ni byang chub kyi sems dam tshig bstan pa'i grogs can kho na phyag rgya chen po'i dngos grub kyi rgyu'o zhes
 nges pa dang ldan pa'o/ /thugs kyi rdo rje'i gsung ni rdo rje 'dzin pa'i gsung ste/ rnam pa gzhan du me 'gyur ba/ thub pa'i gsung ni yang dag pa'o/ /ldog pas rgud pa gsungs pa/ dmyal ba zhes pa la sogs pa'o/ /rnam rtog las te byang chub
 sems dang dam tshig la phyin ci log dang the tshom gyi bdag nyid las so/ /ji srid du dngos grub sgrub par byed pa lta zhog gi /bcom ldan 'das kyi gsung la brnyas pa ni dmyal bar ltung ngo/ /rtog pa las grol ba ni ji skad ? sgrub pa las
 sangs rgyas nyid sgrib pa gnyis dang bral ba thob bo/ /de ltar ba la spro bar byas nas nges par sbyor te/ de phyir zhes pa la sogs pa'o/ /sngags ni byang chub sems ji skad bstan pa'o/ /dngos po kun la'ang ste/ dam tshig rnams 'ba' zhig par
 ma zad pa'o/ /dngos kun las 'das shes klog pa la ni sems can mchog gi dngos po rnams kun las 'das pa'i dam tshig rnams la zhes pa'i don to/ /byang chub sems dpa' goms pa kho na gus pa dang bcas par bya ste/ de kho nas thams
 cad la chags pa sel bar 'gyur ro/ /de nyid kyi phyir gsungs pa/ blta zhes pa la sogs pa'o/ /gzhan yang dngos po thams cad kyi rang bzhin nyid kyis de kho na nyid kyi rnal 'byor pas rnam par snang mdzad la sogs pa'i rdzas rnams chos
 kyi sku'i bdag nyid rang gi lus kyi nang du 'dus pa'i phyir de'i gzhi yang 'thad do/ /de gsungs pa/ chos rnams thams cad stong nyid du/ /ro gcig rdzogs sangs rgyas kyis bstan/ de yi ro myong ngo bo nyid/ /rang nyid kho na de che gnas/ zhes so/ /
 dam tshig gsung pa/ khyi zhes pa la sogs pa ste/ 'god bar bya ba ma yin par nyid kyis dam tshig ste/ bdud rtsi lnga rnams dar sgron ma lnga rnams so/ /de'i zhar la byung ba'i phyir de las gzhan rnams kyang ngo/ /blta ba ched ces pa de dang de la 'dod pa
 bsal ba'i don du'o/ /ji srid du nye bar longs mi spyod pa de la mngon pa 'dod kyi/ longs spyod pa na phal cher rnams ma yin no/ /srog chags can ni shi ba rnams kho na ste/ 'tsho ba rnams kyi shig shig bzhin pa gang 'dra pa de phyis rang nyid shi
 ba rnams dang lhan cig ces pa'i don to/ /skyug bro ba yongs su spang ba'i don du 'di ltar skyug bro'i yan lag gzhan yang gsungs pa'o/ /rdo rje'i chu ni gci ba'o/ /rdo rje'i chu ni chang ste/ rdo rje rnal 'byor pa rnams kyi btung bya nyid kyi phyir ro/ /sha yi
 gzugs su rnam btags pa zhes pa shas nye bar mtshon pa nyid kyi phyir ro/ /bdud rtsi lnga dang sgron ma lnga'i bdag nyid du mos par byas nas gzhan gza' bar bya'o/ /'o na 'jig rten du spangs pa'i dam tshig la sogs pa rnams ci ltar 'dir
 bsgrub par bya ba yin zhe na/ sems kyi khyad par las so zhes gsungs pa/ gang rnams zhes pa la sogs pa'o/ /de nyid dbang po ni de kho na nyid la nges pa bstan pa nyid kyi phyir ro/ /de'i phyir 'di la phyi rol 'jig rten pa'i log pa'i
 rtog pa ci bya /bgrod min ni ma la sogs pa rnams so/ /bya min ni yan lag g.yo ba la sogs pa rnams so/ /btung bya min ni gci ba dang chang la sogs pa'o/ /gcig gi 
 rnam par ngo bor zhes pa ji ltar rnal 'byor pa rang nyid kha dog dang dbyibs sna tshogs pa'i bdag nyid can stong pa nyid kyi rang bzhin gyi byang chub sems rdo rje yin pa de ltar 'gro ba yang ngo/ /zhes pa'i don
 to/ /de ltar sgom pa la mngon par dga' ba rab tu rgyas par ston par mi bya zhes pa la sogs pa ste/ ji skad bshad pa'i byang chub sems bsgom pa kho na las mngon par 'dod pa grub pa'i phyir ro/ /de skad du yang shes rab kyi pha rol
 tu phyin pa gsungs pa/ kau shi ka rig pa 'di la slob pa'i byang chub sems dpa' sems dpa' chen po ni bla na med pa yang dag par rdzogs pa'i byang chub tu mngon par rdzogs par sangs rgya'o/ /thams cad mkhyen pa'i ye shes
 kyang 'thob bo/ /nges na de ni bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams thams cad kyi sems la rnam par lta bar 'gyur ro/ /de ci'i phyir zhe na/ rig pa 'di la slob pa'i
 byang chub sems dpa' ni/ gang ma thob pa 'am/ ma shes pa 'am mngon sum du ma byas pa ci yang med do/ /zhes so/ /sngags kyang bzlas pa min/ zhes pa rtsol ba med pa kho nar rdo rje bzlas pa rtag tu 'jug pa'i phyir sngags
 bzlas la gzhan gyis ci bya/ sgom pa la mngon par mi dga' rnams la ni rnam par g.yeng ba gzhan 'jug pa na 'di thams cad bsngags pa ste mngon par ma zhen pa las so/ /rgyud slob dpon med pa can du ma gyur cig ces 'gal
 bar brjod pas sdom pa gsum pa/ smra bar bya zhes pa la sogs pa'o/ /gdug la ste thog ma med pa'i ma rig pas sgro btags pa'i dngos po dang dngos po med pa la sogs pa'i rang bzhin la'o/ /gang phyir byams pa min pa de'i phyir
 sangs rgyas dang sems can rnams bsang par bya'o/ /'di gsum gyis ni ma byin par len pa nye bar mtshon pa'o/ /de skad du yang brtag pa gnyis par gsungs pa/ khyod kyis srog chags bsad par bya/ /brdzun gyi tshig kyang smra bar bya/ /ma byin
 pa yang khyod kyis blang/ /pha rol bud med bsten par bya/ zhes so/ /'di ltar ni bla na med pa yang dag par rdzogs pa'i sangs rgyas sems can chen po'i mthar thug pa'i sems can gyi khams stong pa nyid kyis rang bzhin med pa'i byed pa'i phyir srog
 chags thams cad gsong? pa gsungs so/ /bdag nyid mi dmigs pa na gzhan med pa'i phyir gzhan gyi nor yang nye bar mi dmigs so zhes dgongs nas gzhan gyi nor 'phrog pa'o/ /pha rol te mchog tu gyur pa'i bud med ni bcom ldan 'das ma shes
 rab de bzhin gshegs pa thams cad bskyed pa mo ming gzhan phyag rgya chen mo ste/ de dang lhan cig ro gcig tu 'gyur ba la dgongs nas pha rol bud med bsten pa'o/ /dngos po thams cad mi dmigs pa na de brjod par byed pa rnams kyang brdzun
 pa'i don can ni zhes dgongs nas thams cad brdzun du smra bar bya'o/ /ji skad du/ theg pa gsum ka la gsungs pa// ma dang pha ni bsad byas shing/ /rgyal po gtsang sbra can gnyis dang/ yul 'khor 'khor dang bcas bcom nas/ /mi ni
 dag pa'o zhes par brjod ces so/ /ma ni sred pa'o/ /pha ni las kyi srid pa'o/ /rgyal po ni zag pa dang bcas pa'i sems so/ /gtsang sbra can dag ni lta ba mchog tu 'dzin pa dang tshul/ khrims dang brtul zhugs mchog tu 'dzin pa'o/ /yul 'khor
 ni dbang po'i tshogs te/ 'khor ni yul rnams zhes pa ste de ltar gzhan du yang ston pa'i dgongs pa'i don ston par dgongs pa ji ltar rigs par rtogs par bya'o/ /gang rnams ji skad bshad pa'i dam pa'i chos kyi don mi shes pa rnams dam tshig dang sdom pa la
 sogs pa'i sgra dmigs nas dge ba lhag pa 'ba' zhig tu ma zad kyi/ sangs rgyas bcom ldan 'das kyis 'di bdag cag rnal 'byor pa rnams la rjes su gnang ngo zhes gsang mthon por sgro 'dogs shing
 'dod chags la sogs pas sems rgyud bang du byas pa nyid kyis mi dge ba yang byed pa de rnams sangs rgyas bcom ldan 'das rnams bslu ba'i phyir te mchog tu dam tshig nyams pa'o zhes pas mnar med pa kho nar nges pas gnas pa'o/ /
 gang yang mtshams med pa lnga la sogs pa byed pa rnams skal ba dang ldan pa nyid du gsungs pa de ni de rnams de kho na nyid la bzhugs pa'i don du ste/ ji skad du/ gdol ba smig ma mkhan la sogs/ /gsod don du sems pa dang/ /
 sems can 'tshams med byas pa dang/ /gang zhig sdig pa che byas dang/ /sems can srog gcod byed pa rnams/ /de yang bsam pas 'grub par 'gyur/ zhes so/ /de rnams ni srog cod pa dang ma byin par len pa dang bgrod bya min
 pa la bgrod pa la sogs pa la rang nyid zhugs zin pa dang phyir bcos su med par 'jug pa rnam/ /ci zhig ltar rnam pa de lta bu thos pa las nged rnams 'di la skal pa ldan pa'i zhes bsam nas dkyil 'khor du 'jug pa la sogs pa'i rim
 gyi phyag rgya chen po gnyis su med pa'i rnal 'byor la brten te/ de goms pa las sdig pa mdza' dag spangs nas rdo rje 'dzin pa nyid mngon du byed par 'gyur ro zhes pa'o/ /de yang zhes pa'i yang sgra las bsod nams byed pa rnams bzhin
 tu yang 'grub pa kho na'o zhes grub bo/ /de gsungs pa/ dge ba bcu la goms pa dang/ /bla ma la gus dbang po thul/ /nga rgyal khro las rnam par grol/ /re zhig des ni nges par 'grub/ ces so/ /las dang 'bras bu la yid ches pa
 bstan pa rnams kho na 'di la dbang du byas kyi/ 'jig rten pha rol la skur pa 'debs pa gzhan rnams ni ma yin no/ /de bzhin gshegs pa la sogs pa rnams la phyag mi 'tshal bzhin pa yang bla ma phyag 'tshal ba la sogs
 pas bsnyen bkur bya'i brnyes par mi bya'o zhes bstod pa gsungs pa/ rgyal ba zhes pa sogs pa'o/ /gang so sor snang ba'i rdo rje 'byung bar gsungs pa/ mi shes rab rib kyis ljongs rnams/ /ye shes spyan gyis rnam spyod ba/ /bla ma
 sangs rgyas bla ma chos/ /bla ma dge 'dun bla ma pha/ chos kyi sbyin dag gtso bo ste/ /yid bzhin nor bu bla na med/ ces so/ /'o na sems kyi spyod pa rnams thams cad yongs su dag pa nyid na bla ma la brnyas pa la skyon ci yod
 ce na/ de ltar ma rtogs pa las skyon kho na'o/ rnam pa de lta bu'i de kho na nyid kyi ro myong ba ni bla ma la brnyas pa mi byed de/ yid ches pa lhan cig lhag pa thob pas shin tu rab tu dang ba'i phyir ro/ /ma rtogs pas ni brnyas par byed de/ de ltar na ni skyon kho na'o/ /
 'di ni ltung ba gzhan rnams nye bar mtshon ba yang ste/ de rnams kyang de kho na nyid la yid ches pa las byung ba kho na'o/ /rgyal bas mchod pa zhes pa/ rdo rje 'dzin pa'i ngo bor gnas pa'i slob dpon ni rgyal ba sprul pa'i skur gnas pa rnams
 kyis bstod pa la sogs pa mdzad de/ rdo rje 'dzin pa'i dngos bor gnas pa rnams kyis ni ma yin no/ /slob dpon ni bla ma'o/ /ye shes dam tshig ces pa/ ye shes te byang chub sems yang dag par rtogs so/ /zhes byas nas so/ /de
 ni de kho na nyid mngon du byed pa'i gnas skabs su dad lhag par mos pa'i gnas skabs/ /ming gzhan mnyam par ma bzhag pa'i rnal 'byor la yang de kho na nyid kyi rnal 'byor pa ni de bzhin gshegs pa rnams kyis byang chub kyi sems rdo rje'i
 rang bzhin du bstan no/ /ji skad du/ dpal 'dus bar gsungs pa/ kye bcom ldan 'das rnams de bzhin gshegs pa thams cad kyi sku dang gsung dang thugs gsang ba 'dus par dbang bskur ba'i rdo rje slob
 dpon la de bzhin gshegs pa thams cad dang byang chub thams cad kyis ci ltar blta bar bgyi/ bka' stsal pa/ byang chub kyi sems rdo rje kho nar ro/ /de ci'i phyir zhe na/ byang chub kyi sems rdo rje dang slob don ni gnyis su med
 cing gnyis su byar med do/ /ji srid du mdor bsdus pas nged kyis bshad de/ phyogs bcu'i 'jig rten gyi khams rnams na sangs rgyas dang byang chub sems pa'i ji snyed bzhugs pa de rnams thams cad dus gsum du byon nas slob
 dpon de la de bzhin gshegs pa thams cad kyi mchod pa rnams kyis yang dag par mchod de/ sangs rgyas kyi zhing de dang der 'gro bar bya bar sems shing/ gsung rdo rje yang 'di skad du 'byin te/ bdag cag de bzhin gshegs pa
 rnams thams cad kyi pha 'o ma'o/ /ji srid du bdag cag rnams kyi ston pa'o zhes pa'i bar du'o/ /'di lta ste rigs kyi bu sangs rgyas bcom ldan 'das ji snyed phyogs bcu na bzhugs pa de rnams kyi sku dang gsung dang thugs rdo rje las skyes pa'i
 bsod nams kyi phung po ji snyed pa de ni slob dpon gyi ba spu'i bu ga'i rtse mo las kyang khyud par 'phags pa ma yin no/ /de ci'i phyir zhe na/ rigs kyi bu byang chub sems kyi sems ni sangs rgyas thams cad kyi ye shes kyi snying por gyur pa'o
 nas ji srid du thams cad mkhyen pa'i 'byung gnas kyi bar du'o zhes so/ /ma gzigs shes pa ba spu'i khung bu gcig la mdza' thug pa med pa'i sangs rgyas spro bar/ 'di'i bsod nams
 mang ba nyid kyi phyir ro/ /'di thams cad ni slob ma la slob pa la dgongs pas gsungs pa'o/ /rang gi dam tshig sangs rgyas rnams shes pas rang bzhin du 'da' bar mi bya ba'i kun tu spyod pa shes pa rnams so/ /gang de ltar bla ma dam pa las
 bsnyen bkur mi byed cing smod par byed pa de rnams ni nges par mnar med pa kho nar ltung ngo zhes 'gegs pa ni/ mi bya zhes pa la sogs pas so/ /byin ba na bla ma rnams kyis so/ /bla ma rnams la bzhin du gzhan la yang phyag bya bar
 dogs pa de'i dor gsungs pa/ min zhes pa la sogs pa'o/ /de ltar dam tshig dang sdom pa la sogs pa gsungs nas spyod pa kho na la shin tu spro ba bskyed pa gsung pa/ mi zhes pa la sogs pa'o/ /longs spyod ni longs spyad bya ste/
 bud med mchog la sogs pa'o/ /rgyal srid ni chos kyi 'khor lo bsgyur ba nyid de rdo rje 'dzin pa nyid do/ /rab tu bshad pa ni mchog tu sgrogs pa'o/ /man ngag gi snye mar snye ma bcu dgu pa'o// //spyod pa bsgrags
 nas de la goms pa rab tu gyur pa thob pa'i rnal 'byor pa'i mtshan nyid gsungs pa/ de nas zhes pa la sogs pa'o/ /rdo rje rnal 'byor pa ni phul du byung ba dang bcas par byang chub sems rdo rje'i rnal 'byor dang bcas pa'o/ /bzhi mdo la
 sogs pa ni bsgom pa'i gnas so/ rgyun mi 'chad par rnal 'byor gtsor byed pa la spyod pa ni dben pa rnams kho nar sbyar bar bya'o zhes pa dgongs pa'o/ /shing gcig ni gang gi grib ma shing gzhan gyis mi gnon ? gang gzhan gyi
 mi gnon pa'o/ /tshangs pa mo dang khyab 'jug ma dang/ drag mo dang dbang mo dang dang lus ngan mo dang phag mo dang rgan byad ma zhes bdun rnams gzhan mu stegs kyi lha rnams te/ de rnams kyi khyim ni ma mo'i khyim mo/ /spyod pa bab col
 kho nar bya ba ma yin par gsungs pa/ cung zad ces pa la sogs pa'o/ /drod ni rnal 'byor gyi mthu ste/ gang las 'di rnal 'byor la dga' bas rab tu mgu bar 'gyur ba dang/ /klags 'tshol ba rnams kyis kyang 'di
 la mi bzod pa dang/ char gcod pa dang rjes su 'dzin par nus par 'di rnams 'gyur pa dang grang ba dang rlung la sogs pa rnams kyis zil gyis mi non pa'o/ de'i tshe yang gal te 'dod na ste/ mi 'dod pas kyang spyod pa bya ni ma yin no/ de cis mi
 'dod pas bya ba ma yin zhe na gsungs pa/ bdag nyid ces pa la sogs pa'o/ /rang gi nus pa yongs su bcad pa las skye ba 'di kho na la gdon mi za bar 'byung ba'i dngos grub sgrub pa'i ched du gal te 'dod pa de'i tshe/ byis pa nyid de chags
 pa thams cad dang bral ba las yongs su 'dzin pa med pa'i spyod pa spyad par bya'o/ /'di ni dgongs pa ste/ 'dod pas dus yongs su smin par mtshon par bya ste/ gzhon nu ma'i 'dod pa khyad par can gyi dbang las skyes pas mngal 'dzin pa'i
 dus yongs su smin pa bzhin no/ /spyod pa 'di med pa ni dngos grub ma yin no zhes pa'o/ /sems can rjes su 'dzin pa ni 'di'i sgom pa las byung ba'i sbyin pa la sogs pa rnams kyis so/ /sprul pa'i sku la sogs pa 'grub pa'i ched du ngal mi so
 bar bsgom mo zhes gsungs pa/ ba spu zhes pa la sog pa'o/ /ba spu rnams kyi khung bu dang rtse mo dang sbubs te/ de rnams las spros pa'i phyogs rnams su dkyil 'khor pa dpag tu med pas tshogs pa'i kha dog dang dbyibs dang phyag
 dang mtshon cha can rnams bsgom par bya'o/ /'jam pa'i rdo rje ste stong pa nyid kyi ye shes 'di'i yin pa zhes pas rdo rje 'dzin par gyur pa'o/ /do shal sogs rnams kyis te 'bras bu la sogs pas spras pa rnam pa rnams dang ldan pa'o/ /mgo
 bo ni gos te stag la sogs pa'i pags pas bya'o zhes pa lhag ma'o/ /sbyin par bya ste/ shes rab kyis rang gi ngang gis ster bas rang nyid la'o/ /grub pa rnams su ni sa gzhi'i bkod pa 'grub pa'i dus su grub pa rnams su'o/ /ri la sogs pa rnams
 su ste yun ring ba rnams su zhes pa'i don to/ /gdon nas grub pa ni yun ring po can du'o/ /skye ba'i sgrib pas bsgribs pa'i skye bo rnams kyi sgribs pa kun las gral ba nyid rgyas par ston te/ mdza' dag ces pa la sogs pa'o/ /bsgom pa ni
 bag chags te/ 'di thog ma med pa'i dus can ni spangs pa las dang phyi ma'i sa bon ma bzhag pa las rnams spangs pa'o/ /'di yis te rnam par grol ba nyid rdzogs par byed pa nyid kyi bdag nyid kyi bdag nyid gnyis su med pas so/ /
 dgos pa thams cad kho na phyogs te yun ring du gnas pa nyid kyi phyir dang skye bo ma lus pa khyab pa'i phyir ro/ /de rnams ji skad bshad pas zil gyis gnang pa las rnal 'byor pa dgos pa thams cad kyi phyogs las rnam par rgyal ba'o/ /ji
 skad bshad de sprul pa ma lus pa'i 'khor lo bsgyur ba'i bcom ldan 'das rdo rje 'dzin pa kho nar rang gi bag chags dang bcas pa'i sgro btags pa bar chad rnams thams cad zil gyis mnan nas phyogs bcur son pa'i skye bo can rnams
 phyi'ang sprul pa dpag tu med pa'i tshogs rnams kyis de rnams tsad 'don du 'jug pa dang phan pa rnams phun sum tshogs par byed du 'jug pa ni phyogs las rnam par rgyal ba'o/ /zhes brjod par bya'o zhes pa'o/ /de ltar zhes pa de ltar phyogs las
 rnam par rgyal ba phun sum tshogs par bya'o zhes so/ /mi shigs pa ni nus pa gzhom du med pa'o/ /rig pa'i lha mo zhes/ shes rab kho na rig ma ste 'dir bcom ldan 'das lhan cig skyes pa'i sku rig par byed pa'i phyir ro/ /lha mo yang ste
 bde ba mdza' dag gi gzhi nyid kyi phyir ro/ /phyag rgya nye bar longs spyod pa na ni 'dod pa thams cad yang dag par longs spyad pa yin te/ /gang phyir de'i gzugs la sogs pa lta ba la sogs pa kho na
 gzugs la sogs pa 'dod pa rnams longs spyod pa mchog yin pas so/ /de skad du yang mkha' 'gro ma rdo rje gur du gsungs pa/ bud med bzang mo mthong bas bde/ /glu ni thos pas bde ba mchog /de? snom? pa ni bde ba che/ /skye
 gnas reg las bde ba che/ /ro 'dren pa yi sbyor ba la/ /bde ba ci yis zlog par byed/ /ces so/ /rin chen zhes pa dga' ba'i gnas nyid kyi phyir ro/ /lcags kyu dang zhags pa dag ni snying ga'i 'od zer gyi rang bzhin dag go yo byad
 kyang yin la shes rab yongs su longs spyod pa'i yul yang ste za ba la sogs pa'o/ /gtso bo'i yul ni shes rab kho na'o zhes pa dgongs pa'o/ /spyod pa ni bdag nyid gtong pa sngon ma can no zhes gsungs pa/ lus kyi zhes pa la
 sogs pa ste/ sangs rgyas rnams thams cad mnyes pa'i ched dang sems can rnams thams cad kyi don gyi ched du lus btang nas zhes pa'i don to/ /gang phyir de ltar yin pa de'i phyir slong ba ci rung rung la lus sbyin par bya ba ma yin
 no zhes pa/ lhag ma'o/ /sems can rnams thams cad kyi don gyi ched du gtang ba'i lus gcig pu'i cha gang yin pa de rnam par spyad bzhin pa ni cha med pa kho nar 'gyur te/ sems can rnams mur thug pa med pa'i phyir ro zhes pa
 des skal bskal min dpyad pas so/ /yang na skal pa zhes pa rung ba nyid dang mi rung ba nyid rnam par dpyad pa dor nas bltos pa med par sbyin pa'i phyir ro/ /bslab pa ni nyan thos la sogs pa gzhan rnams kyis slob par byed
 pa'o/ /dbang bskur ni mngon par dbang bskur ba'o/ /ngo tsha'i bya ba ni yan lag g.yog pa la sogs pa ste/ gal te de ltar 'di'i bya ba rnams dang rnam par rtog pa rnams bzlog par bya na ci ltar 'dis gnas par bya zhe na gsungs pa/
 thams cad ces pa la sogs pa ste/ thams cad dngos po'i rang bzhin gyis ni shes rab mdor bstan pa'o/ /gzhan gyi dor bya ba dor ba gsungs zin zhing da ni? bdag nyid kyi dor gsungs pa/ sbyin sreg ces pa la sogs pa'o/ /'di'i nang gi sbyin sreg dang rnal 'byor dag
 nyi shu rtsa gsum par bshad bya ste/ mchod sbyin dang mchod pa dang shes rab bsten pa yang ngo/ /lus kyi las thams cad ni dka' thub po/ /ji skad du dpal rdo rje mkha' 'gror gsungs pa/ gang zhig las ni thams cad la/ /shes
 rab kyis ni nges sbyar bya/ /de yang stong nyid gnas pa sbyar/ /sbyar nas de ni bdag nyid cha'i/ /rtog pa med par goms pa yis/ /rtag tu las rnams thams cad ni/ /dogs pa med par spyod byed pa/ /de rnams de yi dka' thub mchog /ces so
 sngags ni byang chub sems so/ /bsam gtan ni byang chub sems la goms pa brtan pa nyid do/ /de ltar na yang dag dang yid kyi las thams cad ni sngags dang bsam gtan no/ /de'i phyir sbyin sreg la sogs pa gzhan rnams kyis ci bya/
 dam tshig dang sdom par mngon par zhen pa spang ba'i don du gsungs pa ni/ dam tshig sdom las rnam par grol zhes pa ste/ gang kho na byed pa de kho na ni 'di'i dam tshig go /gang kho na mi byed pa de kho na ni 'di'i sdom pa'o/ /'jigs pa
 spong ba gsungs pa brgya byin zhes pa la sogs pa'o/ /de skad du yang 'dus pa phyi mar gsungs pa/ shes rab thabs las mchog byung ba'i/ /phung po khams dang skye mched lus/ /sngags pas rnal 'byor las nges nas/ /rdzogs
 pa'i rim pa'i rnal 'byor las/ /thams cad dag par mos pa yis/ /skrag pa thams cad dor byas pa/ /sngags pas seng ge bzhin du spyad/ /dogs pa med pa'i sems kyis so/ zhes so/ /stong pa nyid dang
 snying rje dbyer med pa'i byang chub sems las byung bar phung po la sogs pa nges pa byas nas 'jigs pa spangs pa nyid kyis na dogs pa med pa nyid kyis brtan pa nyid ston to/ /yang 'dir brtan pa med na yang lus la sogs pa'i bya ba
 rnams thams cad kyang yongs su dag pa ma yin no zhes pa mngon par dgongs pa'o/ /de nyid kyi phyir rnal 'byor bar ma chad par goms pa las brtan pa na 'jigs pa rang nyid 'phral du nyams par 'gyur ro zhes yid ches pa la shin tu brtan pa
 las goms pa'i don du/ brtan pa gnyis par gsungs pa/ gzhan pa'i sems kyis skad cig kyang/ /ma rig pa dang gdug sems kyis/ /dngos grub 'dod pas dngos grub ched/ /mkhas pas 'bad pas gnas mi bya/ /bsam
 gtan nyon mongs 'jig byed pa/ /rdo rje snying po nga yis bshad/ /dngos grub don du ltad mos kyang/ /zla ba phyed du yongs brtag bya/ /bsam pa thams cad yongs spangs nas/ /lha yi gzugs su sems pa yis/ /nyin mo gcig tu
 ma chad par/ /bsgoms nas yongs su brtag par gyis/ /rang gzhan don ni rab bsgrub ched/ /'khor bar thabs gzhan yong ma yin/ /rig ma lan cig goms byas pas/ /'phrul du yid ches byed pa can/ /'jigs smyo de bzhin
 sdug bsngal dang/ /mya ngan gdung sogs 'tshe ba dang/ /'dod chags zhe sdang gti mug ches/ /sgrub pa po nyid nyon mi mongs/ /phan dang mi phan 'bras 'byung bar/ /de ltar rnam par sems pa rnams/ /rnal 'byor pa de skad cig ma/ /
 gcig kyang ca cor ji ltar gnas/ zhes so/ /zla ba phyed du mnyam par gzhag pa dang mnyam par ma bzhag pa'i rnal 'byor dag gis te/ bsam pa thams cad yongs su spangs pa las mnyam par bzhag pa'i rnal 'byor kho nas mthar nyin
 mo gcig tu lnga rtag par bya ste/ 'dir yid ches pa'i gdams dag gis ci zhig /yongs su rtog bzhig 'di ni yun ring po mi thogs par rang gi nus pa ston par 'gyur ro/ /'jigs zhes pa la sogs pa yid ches pa'i rgyu'o/ /phan pa
 'byung ba ni rnal 'byor 'di las so/ /mi phan pa 'byung ba ni 'jig rten gyi spyod pa las so/ /ca cor te 'jig rten spyod par ro/ /btung ba la chags pa bsal ba'i don du gsungs pa/ snying rje zhes pa la sogs pa'o/ /snying rje ni stong
 pa nyid dang ro gcig pa ste de'i'o/ /gtung ba ni ro myang ba las nyams su myong ba'o/ /dga' ba dang bcas pas de'i rnal 'byor las byung ba'i dga' ba 'thung ba ni rnal 'byor btung ba'o/ /dag byed ni dag pa ste yongs su dag pa'i bde
 ba'o don to/ /gang zhig sa bcu brnyed pa rnams bzhin du rgyal tshab kyi ched du de'i bya ba 'ga' zhig byed pa'i phyir na brtul zhugs kyi spyod pa 'dod pa de'i dor gsungs pa/ de nas zhes pa la sogs pa'o/ /'di'i brtul zhugs ji
 skad du rdo rje mkha' 'gror gsungs pa/ gang tshe rnams ni rtog gyur pas/ /las rnams thams cad thabs dang bcas/ /dogs pa med par spyod byed pa/ /brtul zhugs rnams kyi mchog gi mchog /zhes so/ /gang gis te gang
 zhig gis so/ /grub pa'i mthar ni rnam par gzhag pa de kho na nyid do/ /bzung ba ni mi rus kyi rang bzhin nyid kyi phyir ro/ /'di ni nye bar mtshon pa ste 'khor lo can la sogs pa rnams kyang de'i rang bzhin nyid kyi phyir ro/ /bdud rtsi bcu
 phyed ni bdud rtsi lnga'o/ /rdo rje'i rigs ni phyag rgya'i mchog go /rgyas par 'gyur ni rgyas par 'gyur te/ re rigs phul du byung ba nyid kyi phyir dang/ gzhan gyis dbrog bya min pa nyid kyi phyir ro zhes
 pa dgongs pa'o/ /rang 'dod lha'i rigs ni phyag rgya 'bring po'o/ /gzhan gyi rigs byung ni tha ma'o/ /byang chub sa bon ni byang chub sems te/ de bzhag pa ni rdo rje yang dag par ldan pa'i pad+ma'i ze 'bru'i nang du gnas pa'i phyir ro//
 nges spyangs byas pa ni nges legs par byas pas de la mkhas par byas pa'o/ /rdo rje ldan pa zhes pa rdo rje mi phyed pa'i ye shes te de dang ldan pa de gsal bar byed pa nyid kyi phyir rdo rje'i glu zhes pa'i don to/ /rdo rje rkang pa ni rkang pa dag gi de
 kho na nyid gsal bar byed pa g.yas brkyang gi stabs la sogs pa bkod pa'i khyad par rnams so/ /'dis ni lag pa dang lta stangs dang gar dang phyag rgya rnams kyi yan lag gzhan rnams kyang nye bar mtshon pa ste/ de rnams ni rdo rje byed par
 rgyas par bstan pa rnams blta bar bya'o/ /'on spyod pa spyod par byed pa 'di'i ngag dang lus kyi bya ba thams cad sngags dang phyag rgya'i rnam pa ma yin nam nges na rdo rje'i glu dang gar nye bar bstan pas ci bya zhe na/ bden te khyad par
 gsal bar bya ba'o don du 'di dag bstan pa'o/ /de bzhin du gzhan du yang ngo/ /de kho na nyid dang mi 'gal ba nyid la yang bya ba rnams thams cad phul du byung ba'i khyad par 'byung bar byed par spyod pa'i khyad par ston pa'o/ /gdon mi za bar bya ba
 nyid gsal ba'i don du gal te'i sgra'o/ /sngar bshad pa'i phyag rgya rnams kyi rnam dag ston pa ni mi bskyod ces pa la sogs pa'o/ /sman ni bzhi mnyam mo/ /chu ni mi bskyod pa'o/ /rtag pa nyid ni rtag tu'o/ /rga ba ni skra dkar dang gnyer ma'o//
 de ltar gyur pa'i rnal 'byor pa ni gzhan rnams kyi yang bsrung bar gyur par 'gyur na bdag nyid lta ci smos/ hUM byung ni mi bskyod pa'o/ /skra'i dag byed ni skra las byung ba'i mchod phyir thogs pa'o/ /chags pa la sogs pa rgyas par ston pa ni/ /chags
 pa zhes pa la sogs pa ste/ gang gi phyir chags pa la sogs spang bar bya ba de'i phyir bya ba yang ste/ de rnams kyi gang chags pa la sogs pa la mngon par zhen na bya ba ma yin no/ /spyad par bya ste slongs mo la sogs pa'o/ /rigs lnga pa ni
 shin tu dman pa ste/ rigs gcig kho nar sna tshogs pa bram ze la sogs pa'o/ /rigs lnga dang ni yang dag ltan ni blun po rnams kyis btags pa'o/ /gang phyir srog chags rnams rigs tha dad can dbyibs tha dang can du mtshon dgos te/
 dper na ba lang rnams las rta dang bya rnams lta bu'o/ /rigs mthun pa can rnams ni rnam pa mtshungs pa kho na ste/ dper na ba lang las ba lang rnams dang lag ldan rnams lta bu'o/ /de ltar ba lang la sogs pa rnams las rnams tha dad pa/
 rnams ni de rnams kho na las rigs tha dad kyi phan tshun ni ma yin te/ rnam pa mtshungs pa'i phyir ro/ /de ltar shin tu gsal por 'jig rten gyi kun rdzob tu yang rigs gcig nyid yin na/ rnal 'byor pa'i kun rdzob tu lta ci smos te/ thogs
 med pa dang ldan pa'i shin tu 'khor bar thams cad rigs thams cad nyid kyi phyir zhing/ don dam par slar smra ci dgos/ de ltar ni thams cad don dam par de bzhin nyid yin zhing/ de yang rang bzhin kho nas yongs su dag pa ste/ de kho na la lhag
 bar mos nas rigs lngar gnas pa'o/ /de la phyir du ma'i rigs kyi tshul can du rigs gcig brtags pas dbye ba ma srid de/ /gnyid ni rnal 'byor gyi gegs chen po ste/ lus dang 'tsho ba la bltos pa yang rnal 'byor gyi gegs rnams kyi
 rtsa ba ste/ the tshom med pa ni gnyid kyi bdag nyid spong ba som nyi med pa'o/ /de ltar shin tu spros pa med pa'i spyod pa ni dbang po rab kyi sems can gyis ye shes kyi phyag rgya dang snyoms par 'jug pas sam
 phyag rgya chen po'i rnal 'byor gyis/ 'khor ba mu mdza' med par gnas pa'i sdug bsngal brgyud pa rjes su dran nas 'jig rten las 'das pa'i bde ba 'dod pas chags pa thams cad spang zhing/ than rgyal srid kyi dbang phyug dang 'jig
 rten pa'i bsam gtan dang yid kyi rgyal srid la yang ste/ don dam pa'i bden pa la mngon par dgongs nas/ rigs kyi bu de'i phyir byang chub sems dpa' sems dpa' chen pos ting nge 'dzin 'di 'dod pa dang myur du bla na med pa yang
 dag par rdzogs pa'i byang chub du mngon par rdzogs par sangs rgyas par 'dod pas lus dang srog la bltos pa med par 'byung bar bya'o/ /de bzhin du 'jig rten pa'i dngos grub phra mo dang 'jig rten pa'i grub pa chen po brgyad kyang
 don du gnyer bar mi bya ste/ rnam par g.yeng ba'i phyir dang phyir ldog pa'i phyir ro zhes ting nge 'dzin rgyal por gsungs pa'i phyir na/ lus dang srog la sogs pa la 'dod pa med par goms par bya'o/ /de skad du yang dpal
 'dus par gsungs pa/ rdo rje sems dpa' rgyal po che/ /yang dang yang du bskul bar bya/ zhes te/ bskul bar bya ba ni yid la bya ba'o/ /gsang ba grub par yang rkang pa brkyang pa spangs nas ni/ /'khor ba'i sgrom ni sgrol
 byas nas/ /rtag tu brtson pa ldan yid kyis/ /rdo rje sems dpa' zhes bya bsgrub/ /'gyod dang rmugs dang gnyid sogs rnams/ /'bad pas yongs su spangs nas so/ /gzhan du bskal pa bye ba rnams/ /brgyas kyang dngos grub mi
 'gyur ro/ /zhes so/ /de ltar yang goms par byed pa 'di'i mngon par 'dod pa'i dngos grub thams cad 'bad pa med kho nar 'grub bo/ /ji skad du/ gsang ba grub par gsungs pa/ rang bzhin med pa'i go 'phang gnas/ /thabs bzang
 po dang ldan pa yi/ /rtog pas bskul ba gang ci rung/ /dpyad pa med par 'grub par 'gyur/ /sgom pa'i rnal 'byor nus pa las/ /dngos grub mtshan nyid ci yang rung/ /de kun skad cig tsam gyis ni/ /rang nyid nye bar gnas par 'gyur/ /
 zhes so/ /bcom ldan 'das kyis kyang gsungs pa/ /gang tshe dpa' bo rnam mi rtog /'jig rten pa yi gnas bcom nas/ /bya ba thams cad sbyong byed pa/ /de tshe de sangs rgyas kyis gzigs/ /byis pa bzhin du spyod ldan pas/ /kun nas the tshom
 chad pa can/ /gang tshe rnal 'byor lhun grub pa/ /de tshe phun sum tshogs rnams 'byung/ /sdig pa ma lus ldan rnams kyi/ /gti mug sgrib pa cher gnas rnams/ /smyon pa'i brtul zhugs sbyor ba yis/ /zla ba drug gis don yod grub/ /de ltar
 gyur nas des zhugs pas/ /dngos po ched du gtad pas bsgom/ /ji srid sems skyor ma gyur bar/ /blo bzang mnyam par bzhag yid kyis/ /skyo na phyi nas ji lta bur/ /'dod pa'i spyod pas rgyu bar bya/ /byang chub rgya chen sgom byed cing/ /cung
 zad mig mi 'jums lta ba/ /de ltar ting 'dzin ldan pa yi/ /rnam par mi rtog sngags pa yis/ /dus kyi mtshan ni yongs spangs te/ /bla na med pa'i go 'phang 'grub/ ces so/ /'phags pas kyang gsungs pa/ ting 'dzin 'di ni
 ma shes nas/ /kun rdzob la ni dmigs pa las/ /sna tshogs nang rnams skye bar 'gyur/ /de rnams sgyu ma'i sman gyis rgyal/ /sgyu ma la gnas rnal 'byor pa/ /lta rnams rtag tu 'dir srung byed/ /sgyu ma lta bu'i ting 'dzin gyis/ /'di ltar
 'di ni kun mkhyen 'gyur/ /rdo rje mtshon cha brtson 'grus che/ /lang tsho nad med dam pa'i bde/ /sangs rgyas rdzu 'phrul yongs thob nas/ /rang 'dod bzhin du skye bar 'gro/ /mthong ba kho nas bskul ba yi/ /sems
 can rnams kyang dbang du 'gyur/ /sgyu ma lta bu'i ting 'dzin gyis/ /thams cad don du ma gnyer 'thob/ /mi 'grub pa ni ci yang med/ /rdo rje sems dpa' mtshon pa ste/ /sangs rgyas kun gyi bde ba che/ /rang nyid so so rjes su 'grub/ /
 ces so/ /grub pa'i mtshan ma yang rdul phra rab kyi ngo bo nyid dang lus yang ba nyid dang 'jig rten gsum po mdza' dag khyab par byed pa nyid dang sangs rgyas kyi yon tan 'thob pa dang ye shes kyi snang ba dang de la brtan pa gyur pa nyid dang
 skye bo thams cad bdag nyid kyi dbang du gyur pa nyid dang 'dod gur sgyur ba mthar skye'o/ /de skad du yang gsungs pa/ phra ma'i gzugs dang reg yang ba/ /khyab dang yang dag thob pa nyid/ /rab tu gsal dang bstan pa nyid/ /dbang ldan 'dod
 dgur sgyur mdza' can/ zhes so/ /gzugs phra ba nyid la sogs pa kho na shin tu phra ba dang yang ba dang shin tu che ba dang gar yang phyin pa dang gsal bar 'os pa dang dbang po nyid dang dbang sgyur ba nyid dang gang du 'dod par gnas
 pa zhes pa/ dbang phyug nyid rnam pa brgyad du brjod par bya'o/ /b+hu su ku'i spyod pa yang ste/ za ba dang nyal ba dang bshang sa 'gro ba tsam gyi bya ba la yang byang chub kyi sems sgom pa bar ma chad pa nyid kyi ngo bo can shin tu spros pa med pa'i
 spyod pa ste/ des kyang spyad bar bya'o/ /bar mas ni las kyi phyag rgyas lha mo'i gzugs can lnga rnams dang dam gcig gis spros pa med pa'i spyod pa goms par byed do/ /chung dus ni tha mal pa'i nga rgyal bsal ba dang ldan pa'i gzhon
 nu ma mdzes ma rnams dang lhan cig dgos pa med pa'i sems kyis/ lag pa'i phyag rgya dang glu dang nye bar spyod pa dang kun spyod dang tshul gyi gar la sogs pa'i rab tu sbyor ba rnams kyis rtag tu brtson pa'i yid can gyis nyin mtshan du
 spros pa'i spyod pas phyag rgya chen po'i dngos grub sgrub par byed de/ dper na rgyal pho in+d+ra b+hU ti bzhin no/ /spyod pa gnyis po 'di yang gsal bar byas shing/ /shin tu spros pa med pa'i spyod pa ni rgyas par ma mdzad de/ dbang po rnon pa'i sems can
 gyi dbang du byas pa'i phyir ro/ /de'i phyir de spyod nas gang bya ba de sum cu rtsa bdun par 'tshad par 'gyur ro/ /man ngag snye mar snye ma nyi shu pa'o// //rdzogs pa'i rim pa kho na rnam pa gzhan gyis gsal
 bar bya ba'i ched du bcom ldan 'das ma rdo rje snye mas sam zhu ba thos shes zhes pa la sogs pa'o/ /rang gi ste phung po lnga'i bdag nyid can lhag pa'i lha nyid du gnas pa rtogs pa ni byin gyis brlab pa'i rim pa'o/ /gsang chen zhes pa la
 sogs pa'i dag ni/ gsang chen mchog tu dbyes bya na/ /thams cad bdag nyid la rtag zhugs/ /shis pa rab tu byed pa gsum par mdor bstan pa ste/ rab tu sbyar ba'o/ zhes pa dgos pa ste brjod par bya ba 'di'i ci yin pa'o/ /
 rdo rje sems dpa' brtsa ba che/ /zhes pa'i tshig dag gis stong pa nyid dang snying rje'i rang bzhin gyi skur bdag nyid brjod cing/ bcom ldan 'das kyis rang byin gyis brlab pa'i rim pa'i don rgyas par mdzad do/ /nges par drang bar bya'o/ /zhes
 pa nges pa ste brjod bya'o/ /e yig ni dang po'i ngag nye bar mtshon pa'o/ /rab gsungs pa ni i yig sa ru shes bya ste/ las kyi phyag rgya zhes pa la sogs par dang/ dang po'i dag tu yang ngo/ /'gro ba dang rjes su 'gro ste 'ong ba'o/ /
 sems ni sems kyi'o/ /bgrod ba ni 'og nas steng du 'am steng nas 'og tu'o/ /ci las zhes pa brjod par 'dod pa la gnas pa'i brjod par bya bas gang brjod par byed pa'o/ /gsang chon du zhes pa ni mchog
 tu zhes pa la sogs pa nye bar mtshon pa ste/ zhes yi ge bcu drug gsungs pa gang de'i brjod par bya ba 'di tsam ste/ 'di lta ste khrag la sogs pa'o/ /rig pa la bya bas na reg bya ste rlung ngo/ /khrag bzhin du reg bya la sogs pa
 rnams kyang 'phel ba 'am 'grib pa na lus dad srog dag 'dzin pas na khams rnams so/ /ldan pa ni tshogs pa gcig la rag las pa nyid kyis phan tshun 'brel ba'o/ /shin tu mdzes pa ni rang bzhin gyis sgom pas phan bskyed
 pa'i rgyu nyid kyi phyir ro/ /byang chub sems las byung ba ni skye ba la sogs pa khu ba las byung ba'i phyir ro/ /gang gsungs pa/ khu ba las ni gong bu skye/ gong bu las ni mi 'byung ngo/ /zhes so/ /khu ba ni rdul nye bar mtshon pa'o/ /gang
 gsungs pa/ rtsa zhes pa la sogs pa ste/ a ba d+hu tI la nA da ni gtum mo rdul gyi ri mo'o/ /cha'i bdag nyid ni cha bcu drug gi rang bzhin no/ /rdul dang khu ba'i rnam 'gyur gyi rang bzhin 'di thams cad yin zhes pa'i don
 to/ /de nyid kyi phyir khrag dang rlung dang bad kan dang ma 'khris pa dang ro dang chil bu dang me dang sha dang bshad ba dang zhag dang pags pa dang rus dang gci ba dang glo ba dang pad+ma dang khu ba ste khams bcu drug rnams kyi dang po mthar rdul
 dang khu ba dag gsungs pa ni/ de dag gi rnam 'gyur thams cad yin no zhes rtog pa'i don du'o/ /'di thams cad kyang sems kyi rang bzhin yin zhing/ bcom ldan 'das rdo rje 'dzin pa yang stong pa nyid dang ro gcig cing
 zag pa med pa bde ba chen po'i sems kyi rang bzhin rdul dang khu ba'i rang bzhin te/ de dang dbyer med pa'i bcom ldan 'das ma rdul gyi ngo bo stong pa nyid kyi rang bzhin la sogs par 'gyur pa ni rnam bzhag pa tsam nyid kyi phyir ro/ /
 de'i phyir rdo rje 'dzin pa kho na khrag kyang yin rlung yang yin la ji srid khu ba'o zhes pa ste las 'dzin pa las so/ /rdzas bcu drug po 'di rnams kho na ma bzhin du 'phel bar byed pa nyid kyi phyir khrag rnams so/ /'di rnams dang rdo rje 'dzin pa'i bdag
 nyid kyi lha dbyer med par mos pa las lus kyi dkyil 'khor du 'gyur ro/ /de skad du yang rdo rje mkha' 'gror gsungs pa/ bcu drug rnams nyid sgyu ma che/ /ma bzhin du ni yongs bsgom ba/ /de yis nang gi dkyil 'khor du/ /the tshom med par
 'gyur ba nyid ces so/ /de nyid kyi phyir rdul dang khu ba'i rang bzhin sa dang chu dang me dang rlung rnams kyi mer mer po la sogs pa'i gnas skabs la khyab pa nyid kyi na khams kyi gtso bo nyid kyis sa bon nyid de/ bar gyi gnas skabs su ni me
 dang chu la sogs pa yongs su 'gyur ba'i ngo bo nyid kyis mkhris pa dang bad kan la sogs pa rnams phal pa'i khams nyid kyis na sa bon nyid do/ zhes brjod pa'i ched du gsungs pa/ ra yig ces pa la sogs pa'o/ /ra ni me ste brjod
 par bya ba dang rjod byed dag tha mi dad par sgro btags pa'i phyir ro/ /khrag ni rdul lo/ /'phro 'du ni 'du ba ste gnas sna tshogs na gnas pa'i ro 'dus pa rnams bad kan te/ de ni rdul du 'gro ste/ chu rgyus kyi lhan cig byed pa can de las skyes
 pa'o/ /de yang rtags gzhan dang dbyibs gzhan gyi rtags rnams nye bar mtshon ba ste/ de rnams ni bstan bcos gzhan las shes par bya'o/ /'dir mkhris pa dang bad kan ni phal pa'i khams rnams nye bar mtshon pa'o/ /de ste
 khu ba ni mgon po ste/ thams cad kyi bdag po nyid kyi phyir ro/ /ha yig ni ha yig gi brjod bya'o/ /kun tu 'gro ba ni khams thams cad la khyab pa nyid kyi phyir ro/ /de nyid kyi phyir des khams rnams de dang
 de nas drangs pa rnams so/ /ro ni chu'i khams so/ /sa ni rgyus pa nga rus pa'i tshigs kyis gsal par byas shing rten nyid kyis rtogs pa kho na'o zhes pas ma gsungs so/ /de'i phyir 'thad pa 'dis thob pa sa bon rnams lnga can no/ /ji
 ltar zhe na gsungs pa/ ra yig ces pa la sogs pa ste/ ra yig ni me ste gtum mo rdul gyi ngo bo yab yum snyoms par zhugs pas 'bar ba ni/ rkan la ste bde ba chen po chu skyes su son pa gang gi tshe khu ba dang 'dus pa de'i
 tshe sa dang chu dang me dang rlung ste khams bzhi po rnams thams cad sa bon mchog ste bde ba'i rgyud kyi phyir ro/ /de ste sa bon bzhi 'di'i dang po yin pa zhes pa de thog ma can sa bon lnga/ mdzes pa ste lha'i ngo bo nyid kyi phyir dang lha bskyed
 pa'i rgyu nyid kyi phyir ro/ /lnga pa ci zhig ce na gsungs pa/ ha zhes pa la sogs pa'o/ /ha dang u'i brjod par bya ba lus dang ngag dag dan ldan pa ma yi brjod par bya ba sems te/ 'dus pa ni hUM do/ /brjod par bya ba zhes pas
 gzhan du bsgrubs zin pa nyid kyi phyir ro/ /de ni lnga par gsungs so/ /de ni bar do'i srid pa nas gsum rnams las gang yang rung ba'i sgo nas zhugs te/ 'byung ba bzhi la thim pa las ma'i lto ba'i phyogs su sa bon lnga can du
 'gyur ro/ /de phyag rgya chen po thig ler gsungs pa/ rnam shes ngo bo la brten nas/ /dang por 'byung ba bzhi po la/ /rang bzhin nges par bskrun pa yis/ /de tshe rang gi gnas nas thim/ /rnam shes las ni rlung skye ste/ /de las me ni
 yang dag 'byung/ /'di las chu rnams yang dag 'byung/ /de las sa ni yang dag 'byung/ /'di rnams las kyang phung po 'byung/ /de las skye mched rnams kyang ngo/ /de las shes pa'i rang bzhin can/ /drug cu lhag pa'i rgya rim pas/ ji ltar skyes pa
 de ltar 'dir/ /thim par 'gyur ro rang bzhin las/ zhes so/ /rang bzhin nges par bskrun pa ni bdag dang 'byung ba rnams kyis te/ 'di kho na las rnam shes las rlung la sogs pa rnams yongs su gyur pa brgyud pas ni skye ba'o/ /rdo rje phreng ba'i
 rgyud du yang khyad par dang bcas par gsungs shing/ 'phags pa'i lha'i zhabs kyis rnam par phye ba/ /sa la sogs pa bzhi rnams dang/ /de bzhin stong pa rnam pa bzhi/ /dngos po brgyud du rnam shes bya/ /'jig dang skye ba'i rgyu rnams so/ /'od gsal
 ba las stong pa che/ /stong pa las gang thabs 'byung zhing/ /de las shes rab skye bar byed/ /de las rlung ni yang dag 'byung/ /rlung las me ni yang dag 'byung/ /me las chu ni yang dag 'byung/ /chu las kyang ni sa skye ste/ /sems can rnams kyi 'byung ba
 'di'o/ /sa yi khams ni chu la thim/ /chu ni me la thim ba'o/ /me yang phra ba'i khams la'o/ /rlung ni sems la rnam par thim/ /sems ni sems las byung la thim/ /ma rig pa las sems 'byung ngo/ /de yang 'od gsal ba la 'gro/ /'don srid
 gsum du 'gog pa'o/ /thog ma med pa'i dus can gyi/ /srid ba'i 'khor lo 'jug ste/ /ji srid sgyu lha'i ting 'dzin gyis/ /bdag nyid ma mthong bar du'o/ zhes so/ /'dir 'od gsal ba ni thams cad stong pa ste 'chi ba'o/ /stong pa chen po ni snang ba
 thob pa ste za'i sems can gyi ngo bo can sems so/ /thabs ni snang ba mched pa ste/ /'dod pa nye bar len pa'i sems so/ /shes rab ni snang ba ste skye ba gzung ba'i sems so/ /de las las las skyes pa rlung la sogs pa shin tu dang ches shin
 tu byung ba rnams su 'gyur te/ de dang de'i sems kyi rang bzhin rnams kyang ngo/ /de rnams kyang dgongs pa bla na med par dka' 'grel gyis bdag cag gis gsal bar byas pas 'dir ma smros so/ /thim pa na ni
 sa la sogs pa'i rim pa ste/ lhong pa nyid dang ro bro ba med pa nyid dang/ /me drod zhan pa nyid dang la lus la sogs pa'i g.yo pa zhan pa ni/ snang ba la sogs pa rlung du son pa na rim pas rang nyid ji lta bar rang bzhin rnams 'gro ba srid
 pa'i 'khor lo'o/ /de bzlog pa ni bskyed pa dang rdzogs pa'i rim pa dag gis sgyu ma lta bu'i ting nge 'dzin gyis ngo bo byang chub kyi sems kyis so/ /de'i phyir gsungs pa/ ha yig kho nas zhes pa u dang ma yang dag par sbyar ba las/ hUM yig
 gis te byang chub kyi sems kho nas zhes pa'i don to/ /yang dag par ldan pa nyid ni de'i bdag nyid kho nas so/ /de ltar yang dpal 'dus par gsungs pa/ khyed rnams sems lus kyi rnam par dang lus sems kyi rna pas dang sems tshig
 tu brjod pas bskyed cig ces te/ yid kyi rang bzhin gyi lus bskyed cig pa'o/ /ci ltar zhe na/ gang longs spyod rdzogs pa pa'i lus kyi rnam par rdzogs pa'i sems kho na de'o/ zhes pa sems lus kyi rnam pa ste/ kun rdzob pa'i
 sems las gzhan ci yang yod pa ni ma yin pas so/ /gang yang tshig tu brjod pa de'i ngo bor sems kho na bskyed cig pa'o/ /de ltar gzung ba dang 'dzin pa dang bral stong pa nyid dang ro gcig pa phan tshun thi mi dad pa'i lus dang
 ngag dang sems ni byang chub kyi sems su bka' stsal to/ /'di kho na rang byin gyis brlab pa'i rim pa'o/ zhes bstan te/ gang 'phags pa klu sgrub zhabs kyis gsungs pa/ rang byin rlab pa'i rim pa zhes bya/ /kun rdzob bden par bstan
 pa ste/ zhes so/ /smar yang 'di la skye ba ci yang med/ /su yi 'di 'chi ba ci yang med/ sems kyi ngo bo'i rnam gnas pa/ /'khor ba kho nar shes par bya /rlung gi sbyor ba med bar ni/ /sems kyi rang bzhin gzung du med/ /sems te
 rang bzhin rgyu nyid las/ /las dang skye ba kun tu 'byung/ /de nyid rlung dang yang dag ldan/ /rnam shes gsum pa slar yang ni/ /rnal 'byor pa yi lus skye'o/ /de ni sgyu ma'i lus su brjod/ /ces pa nas ji srid du/ /kun rdzob bden pa sgyu ma
 nyid/ /longs spyod rdzogs pa'i sku yang de/ /de nyid dri za'i sems can 'gyur/ /rdo rje'i sku yang de kho na'o zhes pa'i bar ro/ /kun tu zhes pa rdzogs pa'i rim pa la dang bskyed pa'i rim pa la'o/ /sangs rgyas thams cad de gzugs kyi/
 phung po la sogs pa dang me long lta bu'i ye shes la sogs pa'i rang bzhin rnam par snang mdzad la sogs pa rnams kyi yang dag 'dus pa gsal bar gyur bar 'gyur ro/ /ni ste gang phyir dbang po gnyis snyoms par zhugs pa las
 sam bde ba khu ba dang ro gcig pa 'dres par 'dir 'byung ngo/ /zhes pa bden 'byung nA da ste de las te khu ba 'dus pa las des byung ba'o/ /dam tshig ni spyan ma la sogs pa'i lha mo la sogs pa'i rang bzhin rnams te/ de rnams gyis rjod
 pa ni rab tu 'jug pa'o/ /de'i spyod yul ni yul rnams te/ rnam par snang mdzad la sogs pa gzugs kyi phung po la sogs pa'i rang bzhin rnams so/ /yang na dam tshig ni sems dang spyod pa ni dag dang/ spyod yul ni lus so zhes
 pa drad ba'i don to/ /bde ba chen po dang ro gcig pa'i chos kyi sku ni dam tshig ste/ spyod pa ni longs spyod rdzogs pa'o/ /spyod yul ni dag pa dang ma dag pa'i sems can gyi phung po la sprul pa'i sku'o/ zhes pa des pa'i don to/ /bskyed
 pa'i rim pa la ni bde 'byung dang nA da ni rdo rje sems dpa' i mngon par rtogs par rnam par phye'o/ /dam tshig spyod pa spyod yul rnams ni thugs dang gsung dang sku'i bdag nyid ting nge 'dzin dang ye shes
 dang dam tshig sems dpa' rnams so/ /de nyid kyi phyir byang chub kyi sems 'di ni rim pa gnyis ka la yang lha 'byung ba'i rgyu nyid kyi phyir/ rnyed dka' ba ste bsod nams dman pa rnams kyis so/ /'jig rten gsum du ste mtho ris dang mi
 yul dang sa 'og rnams su 'am/ 'dod pa dang gzugs dang gzugs med pa'i khams rnams su 'am/ lus dang ngag dang sems rnams su'o/ /thog ma dbus mthar te 'das pa dang da ltar byung ba dang ma 'ongs pa'i dus rnams su 'am/ skye
 ba dang gnas pa dang 'gog pa rnams la rgyun tu gyur bzhin pa gnas so/ /de bzhin gshegs pa rnams byung yang rung ma byung yang rung/ chos rnams kyi chos nyid 'di ni gnas pa ste/ 'di lta ste/ de bzhin nyid dang stong pa nyid dang
 chos kyi dbyings so/ /zhes gsungs pa'i phyir na/ stong pa nyid dang ro gcig pa'i ye shes kyang stong pa nyid kyi sgra'i brjod par bya ba nyid kyi phyir ro/ /gang gi phyir de ltar gnas kyang rnyed par dka' ba de'i phyir bsrub bya ni bdud rtsi'i rgya
 mtsho chos 'byung ste/ srub byed ni rdo rje'o/ /de dag yang dag sbyor ba las bdud rtsi bzhin du bde ba chen por ji ltar 'gyur ba de ltar nyon cig pa'o/ /sngags kyi bzlas pa ni rdo rje bzlas pa'o/ /dpyid kyi thig le la sogs pa bsam
 gtan no/ /mchod pa la sogs pa yang ste/ de rnams dang lhan cig go /de rnams kyang nyon zhes pa'i don to/ /rgyud du zhes pa rigs brjod pa'i phyir sna tshogs pa'i rgyud rnams su bshad pa 'dir khyad par du gsungs pa'o/ /skye gnas
 zhes pa skye gnas kyi 'khor lo'i dbus su'o/ /g.yon du skyes pa'i khu ba dang g.yas su bud med kyi khrag go /g.yon du khu ba'o/ /de'i zhes pa khu ba'i dang khrag gi'o/ /chos kyi dbyings stong pa nyid dang ro gcig pa'i sems yang dag par
 'dzin pas na chos dbyings bsdus pa'o/ /'di yang thog ma snying stobs dang rdul dang mun pa rnams mnyam pa'i gnas skabs ni rang bzhin te/ de las gzhan pa'i gnas skabs yongs su 'gyur ba'i khyad par ni rnam 'gyur ro/ /de la snying
 stobs zhes pa la sogs pa la/ dang po'i gnas skabs su snying stobs lus te khu ba'o/ /rdul ni dag go /mun pa ni sems te bskyed pa dang ldan pa'o/ /nam gyi tshe zhe na/ gang gi tshe dri za'i sems can gyi gnas skabs dor nas dngos
 po ro mnyam 'gyur ba na ste/ dngos po dag dang ste khu ba dang khrag dag dang ro mnyam pa ste/ phyis tsi'o/ /de las gsum por ro mnyam pa/ rim gyis de bzhin gshegs pa lnga'i bdag nyid kyi lus drug pa rdo rje 'chang du brjod do/ rdo rje
 lus kyang ste/ rdo rje de bzhin gshegs pa rnams dang/ de'i rang bzhin gyis lus so/ zhes byas nas so/ /'dir de ltar bdud rtsi lnga gsungs so/ /rgyud kha cig tu bad kan gyi gnas su rkang mar gsungs shing/ kha cig tu sha ste/ ji skad du phyag rgya chen
 po thig ler/ /rin chen dbang po khrag ces bshad/ /snang ba mdza' yas khu bar brjod/ /don yod grub pa sha chen te/ /mi bskyod pa ni rdo rje'i chu/ /rnam par snang mdzad rtug? par bshad/ /'di rnams bdud rtsi lnga mchog go /
 zhes so/ /rnam pa gzhan gyis sdud de/ rus pa zhes pa la sogs pa'o/ /yang 'di rnams kyi bza' ba dang btung pa la sogs pa smin pa la 'byung ste/ dang por ro'o/ /de nas khrag dang sha dang pags pa dang rus pa dang rkang
 mar dang khu ba rnams rim pas so/ /de nyid kyi phyir khu ba ni 'di skye ba bdun pa'o/ zhes pas skye ba bdun pa zhes brjod de/ nges pa'i don gzhung 'dzugs pa la/ /skye ba bdun pa phyugs nyid ni/ /mkha' spyod
 dngos grub ster ba po/ /phung po khams ni rgyal ba dang/ /nang dang rgas pa 'phrog par byed/ /'khor los sgyur ba nyid ster byed/ yul dang dbang po bsad byas pas/ /shin tu phra sogs yon tan ldan/ /mkha' la spyod pa nyid 'dis
 ster/ /phyi rol dngul chu bcings ji ltar/ /de ltar ye shes ro 'di yang/ zhes dgongs pa'i dbang las so/ /gang gi phyir de ltar yin pa de'i phyir/ gong bu gcig ces pa khu ba dang khrag dang rnam par shes pa rnams ro gcig pa nyid
 kyi phyir ro/ /rnam gnyis ni khu ba dang khrag gi dbye ba las so/ /rnam pa du ma ni sha dang pags pa dang rus pa dang rkang mar dang bshang ba dang gci ba dang bad kan la sogs ba'i dbye ba las so/ /de ltar rang bzhin gcig kho na du ma'i rang bzhin du de'i rang
 gi ngo bo bcom ldan 'das rdo rje can stong pa nyid dang snying rje'i rang bzhin gyi sku can byang chub kyi sems rdo rje 'dir te rdzogs pa'i rim pa la bstan to/ /zhes pa mjug sdud do/ /sngags kyi bzlas pa yan lag dang bcas pa mdor ston pa'i
 ched du gsungs pa/ rtsa zhes pa la sogs pa'o/ /de ma thag par gsungs pa'i gong bu sprul pa'i 'khor lo la sogs pa'i rtsa rnams su dkyil 'khor bzhi'i bdag nyid rlung gi bzhon pa can sems 'pho ba kho na gsungs pa ni/ gnas pa
 nye bar mtshon pa nyid kyis/ /e yig sa ru shes par bya/ /zhes pa la sogs pa ste/ gang 'khrul 'khor byas pa las byang chub sems gang ba nyid du 'gyur ba sgo la sogs pa ni ma yin pas/ de 'dir brjod par bya'o/ zhes dgongs so//
 gang gi phyir byang chub sems de sgo gnyis dag tu 'khrul 'khor du byed pa ni/ de rnams zhes pa rtsa de rnams 'du ba'i dus su te yang dag par gang pa nyid kyis rgyun gyis khyab pa'i dus rnams su chung ngu la sogs pa'i rim pas khyab ba las mang po
 rnams su lha nyid de byang chub kyi sems dang de'i rang bzhin phung po la sogs pa rnams dmigs pa ste stong pa nyid dang ro gcig pa'i bde ba chen po nyid du rtogs par 'gyur ro/ /de gsungs pa/ byang chub sems ni sum cu gnyis/ /gang tshe 'dir
 ni gang bar 'gyur/ /dbang po phung po 'byung ba rnams/ /de ma thag tu sangs rgyas nyid/ /ces so/ /sngo gnyis po de ci zhig ce na mdor ston pa/ steng gi zhes pa la sogs pa'o/ /rnam par shes pa ni byang chub kyi sems te/ 'og gi sgo
 nas lte ba ji srid par 'jug par bsam par byas shing nges par brtag par bya'o/ /khams rnams kyang steng gi sgo nas 'byung zhi nang du lte ba ji srid par 'jug pa'o/ /de bzhin du lte ba'i 'og tu yang rtsa gsum nas rnam par shes pa dang khams
 rnams lte bar 'jug pa'o/ /de nas de ltar 'khrul 'khor byed pa nas sems brtan pa nyid las rlung phyi rol tu 'gro ba 'gog pa na/ rim gyis rtsa rnams thams cad du 'dung ba ji skad gsungs pa'i khyab par byang chub kyi sems
 'gyur ro/ /kun nas khyab pa na ni steng gi sgor dang 'og gi sgor yang 'khrul 'khor byas pa na/ byang chub kyi sems de rdo rje 'dzin pa bcom ldan 'das lus la rtag pa ste rgyun mi 'chad pa/ kun tshe ste 'tsham pa med pa'i dus su bzhugs
 par 'gyur gyi 'ga' zhig gi tshe 'jig pa ni ma yin no/ /de la steng sgor te yang dang 'brel pa las 'og gi sgor yang 'khrul 'khor gsum rnams kun tu bsdud pa ni 'khrul 'khor gsum mo/ /ci yis zhes pa grangs can
 pa'i skyes bu bzhin du phul du byung ba sgrub tu med pa la bgrod pa mi rigs pa'i phyir ro/ /zhes pa bsam pa'o/ /yang na dri ba la ci go /ci ltar 'khrul 'khor gsum yin zhes 'brel lo/ /sgo dgus yongs su
 bskor ba nyid ni lus kyi 'khrul 'khor kho nar gsal bar byed par 'gyur ro/ /dri ba dang po la lan gsungs pa/ lus la sogs pa gsum rnams 'khrul 'khor du byed do/ /zhes pa 'khrul 'khor rnams so/ /gnyis pa la ni rnam
 gsum ste/ tha ma la sogs pa yis so zhes pa'o/ /ci ltar zhes pa rab tu rgyas par 'chad de/ gcig ces pa la sogs pa ste/ keng rus kyi dbyug pa 'di'i ka ba gcig yin pa zhes pa'o/ /rags pa ni sgo gzhan la bltos
 pa ste/ 'di'i lhag pa'i phung po lnga'i bdag nyid rnam par snang mdzad la sogs pa yin pa zhes pa lhag pa'i lha lnga can no/ /de ltar 'khrul 'khor phyi ma gnyis kyang lhag pa'i lha lnga can no/ /mgo bo dang smin ma dang mig
 dang rna ba dang sna dang kha dang lte ba dang/ gci ba dang bshang ba'i rtsa rnams ni/ bug pa dgu rnams te/ byang chub kyi sems 'bab pa'i phyir ro/ /der son pa'i lus kyi sgo rnam pa dgu'o/ /'byung ba la sogs pa'i rang bzhin spyan
 ma dang rnam par snang mdzad la sogs pa'i lha rnams kyis sprul pa ste sngags la sogs pas sprul pa bzhin du rang bzhin med pa'o/ zhes pa dgongs pa'o/ /dri ba gsum pa la lan 'debs te/ sems kyi zhes pa sems
 rlung la zhon pa ni skyes bu rnal 'byor pa stong pa nyid dang snying rje dbyer med pa kho na'o/ /zhes pa'i don te/ dam pa'i don yin gyi/ grangs can pa'i skyes bu bzhin du rtag pa rang bzhin dang bcas pa ni ma yin te gang las 'di'i de dang 'dra bar
 'gro ba la sogs pa med pa yin pa'o/ zhes dgongs pa'o/ /rtag tu ni rgyun mi 'chad par ro/ /'gro ba'i khyad par ni 'og dang steng dag tu 'jug pa dang 'byung ba dag ste sgo dgu rnams kyi bar gyi gnas skabs su rlung 'bab pa'i dbang las
 so/ /de skad du ni rdo rje sgo'i rnal 'byor gyi rgyud du/ srog dang thur sel dang mnyam gnas dang gyen rgyu dang khyab byed dang rgyu ba dang rnam par rgyu dang yang dag rgyu dang nges par rgyu dang rab tu rgyu ste rlung bcu rnams kyi bya ba bstan to/ /de la snying gar gnas ba'i
 rlung ni/ /rab gnon las dang srog rtsol las/ /dbang po'i sgo yi rgyun rnams kyis/ /rtag pa'i dus su rab 'grol ba/ /srog ces par ni mngon par brjod/ /rab gnan ni 'byung ba dang 'jug pa dag go /srog rtsol ni tshe ring bar
 byed pa ste/ srog ste sems kyi rtsol pa ste ring du byed cing rgyas par byed pa zhes pa srog rtsol lo/ /srog tu byed dbugs su byed pas srog ste/ rlung rnam pa bcur 'gyur ro/ /bshad lam du gnas pa ni/ /rlung gcig bshang ba khu ba
 sogs/ /thur du 'dren phyir thur sel lo/ /lte gnas bza' btung la sogs rnams/ /mnyam par 'dren phyir mnyam gnas so/ /mgrin par gnas pa ni/ gyen 'gro'i phyir dang sdud pa las/ /bza' dang bcas sogs za ba yis
 gyen rgyu'i las su rnam shes bya/ /shes dang lhan cig sbyor las so/ /gyen 'gro ni sna'i bu ga la sogs pa rnams nas so/ /sdud pa ni nang du 'jug pa'o/ /shes pa dang sbyor ba ni rlung bcu po rnams kyang 'bab par byed pa nyid kyi phyir ro
 tshigs la gnas pa ni/ khyab dang 'dzin pa nyid dang ni/ /'gro ba dang ni 'ong pa sogs/ /tshigs rnams kun tu khyab pa'i phyir/ khyab byed ces par mngon par brjod/ /rgyu ba ni mig la rten nas gzugs kyi rnam shes skyed pa
 byed do/ /rnam par rgyu ni rna ba la brten nas sgra la shes pa'o/ /yang dag rgyu ni sna la brten nas dri'i shes pa'o/ /rab tu rgyu ni lce la brten nas ro'i shes pa'o/ /nges par rgyu ni lus kyi skye mched la
 brten nas reg bya la shes pa'o/ /'phags pa'i lha'i zhabs kyis kyang gsungs pa/ rlung bcu po 'di rnams ni slar yang dbugs rdub pa dang 'byung bar 'gyur te/ dkyil 'khor bzhi'i bdag nyid rnams 'byung ba lnga'i bdag nyid rnams dang me long lta bu la sogs
 pa ye shes lnga'i bdag nyid dang 'od zer lnga'i bdag nyid rnams te/ de rnams kyang yi ge gsum gyi gzhir gyur nas 'jug pa dang gnas pa dang ldan pa'i rim gyis rdo rje bzlas pa byed do/ /de rnams kyang a yig gi gzhir gyur nas
 tshig dang rjod pa ma lus pa byed du 'jug go /de rnams kyang gzhom du med pa thob nas rang bzhin med par 'gyur ro zhes so/ /dgongs pa lung ston pa'i rgyud du yang/ byang chub sems ni rlung 'gyur zhing/ /nam mkha' la yang rnam
 par gnas/ /sems can rnams kyi srog gyur pa/ /lnga yi bdag nyid bcu ming can/ zhes so/ /nam mkha' la ste lus kyi bu ga la'o/ /lnga'i bdag nyid ni de bzhin gshegs pa lnga'i bdag nyid do/ /mdza' i gnas skabs su ni
 bgrod pa'i khyad par 'pho ba'i rab tu byed par 'chad par 'gyur ro/ /ngag gi bgrod pa'i sgo brjod pa'i ched du gsungs pa/ de ltar zhes pa ste bgrod pa'i khyad par las 'gro ba'i rlung nyid la sogs dbye bas rlung rnam pa bzhi'o/ /
 'gro pa ni sems kyi gnas pa'i khyad par kho na ste/ gnas pa yang rnam pa gnyis so/ /de la zhum pa'i rgyas par ston pa/ zhum pa gnas pa'o/ /zhes pa brtan pa nyid de 'bab par gyur pa'i rlung brtan pa'i phyir ro/ /rab rgyu'i cho ga
 rgyas par bstan pa ni/ rtag tu rab rgyu'i 'gro dang 'ong zhes pa'o/ /bgrod pa'i khyad par zhes pa 'di ci zhe na/ gsungs pa/ me zhes pa la sogs pa'o/ /'khor lor ni dkyil 'khor du'o/ /kun spyod ni 'jug pa dang 'byung ba dag go /song ni bgrod pa'o
 steng du song ba ni me'i dkyil 'khor du 'bab pa ste sna'i bu ga'i g.yas ngos nas so/ /g.yon ngos su son pa ni rlung gi ru'o/ /thang kar gnyis kar son pa ni sa'i ru'o/ /'og tu son pa ni chu'i ru'o/ /'byung pa lnga pa nam mkha' i khams ni khyab par byed
 pa nyid kyis gnas bzhi rnams su yang dkyil 'khor bzhi yang dag rgyu ba'i dus kho nar yang dag par rgyu'o/ /zhes pa logs su ma gsungs so/ /de skad du yang 'phags pa'i lha'i zhabs kyis gsungs pa/ rdo rje dang pad+ma dag gi sna dag
 las 'od zer byung zhing/ gyen du song ste rab tu grags pa'i sna'i rtse mo nas rgyu'o/ /de las dang chu dang me dang rlung zhes khams kyi bya ba dkyil 'khor bzhi rnams phyir 'byung zhing/ khyab byed ni khyab par byed pa'i rlung phyir mi 'byung ba khyab pa'i
 'od zer can te/ rnam par snang mdzad de bzhin gshegs pa nam mkha' dang mnyam pa'i rang bzhin no/ /'on kyang 'od zer re re 'byung ba na/ 'od zer lnga can rnams phyir 'byung ste/ khams kyi dkyil 'khor gcig gis khams bzhi rnams
 la khyab pa'o/ zhes so/ /'dir ni sa la sogs pa'i rlung 'od zer bzhi po rnams 'di yis khyab pa rnams so/ zhes pas khyab pa'i 'od zer can zhes par khams kyi zhes pa la sogs pas gsal par mdzad do/ /cha shas re re ni dkyil 'khor
 bzhi po rnams kyi dkyil 'khor so so'i 'od zer dge ba ste bde ba bskyed par rung ba nyid kyis bde ba'i ngo bo nam mkha' i bdag nyid kyi rlung ma'i skye gnas phyi rol tu byung ba nas brtsams te 'byung zhing/ de nyid dang lhan cig sa la sogs 
 pa rnams 'od zer lnga can rnams su 'gyur ro/ /rlung bcu po rnams dkyil 'khor bzhi'i bdag nyid can rnams dang 'byung ba lnga'i bdag nyid rnams shes pa yang 'thad do/ /dus tha dad par nam mkha' rgyu na ni thun phyed
 kyis ma la sogs pa'i dus sbyor bzhi po rnams kho na'i 'o/ /dgongs pa lung ston pa'i rgyud du/ /gos dkar la sogs bzlas bshad pa/ /brgya phrag gnyis dang nyi shu lnga/ /bzhi yi yang dag bsgyur ba ni/ /sbyor ba bzhi la brgya
 phrag dgu/ /zhes nyin mtshan gyis thun phyed pa nyi shu rtsa bzhi rnams kyis so sor 'byung ba'i rnam pas bsgyur ba las/ dgu brgya rnams su gang bstan pa/ /nyi shu rtsa bzhi'i rim rnams kyis/ /de ni so sor 'byung ba las//
 nyi khri tshig stong drug brgya'o/ /zhes 'pho ba'i dbugs kyis grangs gsung pa ci ltar yin/ so sor rang dbang du yang dag par rgyun ni nam mkha' i yang dbugs kyi grangs gsungs pa'i bya ba shor bar 'gyur ro/ /dpal rdo rje phreng ba'i rgyud
 du yang nam mkha' nang du 'dus pa kho nas dkyil 'khor bzhi rnams kho na'i rgyu ba gsungs pa/ sna rtse yungs kar zhes bya ba/ /srog dang rtsol bar brtags pa ste/ /srog dang rtsol ba la gnas pa/ /'od lnga sangs rgyas
 rnams su bsgom/ /steng du sna las nges 'byung ba/ /g.yon dang g.yas dang gnyi ga dang/ /ngal ba zhes pa rnam pa bzhi/ /nang gi dus ni yin par 'ong/ /mgrin pa snying ga lte ba dang/ /gsang ba'i pad+mar 'gro 'ong ston/ /thun phyed dus su rim 'ongs pas//
 go rims ji bzhin gnas par byed/ /g.yas pa nas ni 'byung pa'i 'od/ /me yis dkyil 'khor de yin te/ /kha dog dmar zhing gsal ba 'di/ /pad+ma mgon po 'di la lha'o/ /g.yon pa nas ni 'byung ba'i 'od/ /rlung gi
 dkyil 'khor ming can te/ /ljang sngon ru ni rab snang ba/ /las kyi mgon po 'dir lha nyid/ /gnyis ka las ni byung pa'i 'o/ /kha dog ser po'i 'od chen po/ /dbang po chen po'i dkyil 'khor 'di/ /rin chen mgon po 'di la lha'o/ /ngal
 zhing dman par rab rgyu pa/ /dkar ba kun da ltar snang ba/ /'di ni chu yi dkyil 'khor te/ /rdo rje mgon po 'di lha nyid/ /lus kun la ni rjes song rlung/ /bya ba kun la 'jug byed pa/ /'di ni rnam snang mdzad rang bzhin/ /shi ba'i
 lus las nges 'byung 'gyur/ /rlung gi de nyid gsal ba 'di/ /ye shes lnga yi ngo bo nyid/ /ces so/ /de bzhin du gnyis su med pa mnyam pa nyid rnam par rgyal ba'i rgyud du/ /ya yig don gyis gang ci'ing? rung/ /dngos grub 'dod pas
 bya ba'o/ /ra la sogs pa gsum gyis kyang/ /'gro pa'i don la 'jug par bya/ /me dang rlung dang dbang chen dang/ /chu ste so so'i dkyil 'khor du/ /thun ni phyed phyed dus rnams su/ /las ngag gnyis gnyis gnas par 'gyur/ /zhes
 pa 'dis sa dang chu dang me dang rlung gi dkyil 'khor rgyu ba rnams su rim pa ji lta bar zhi ba dang rgyas pa dang dbang du bya ba dang mngon spyod kyi las gtso bor dang/ dkyil 'khor re re la ni gang na gcig yin pa de na bzhi rnams so/ /zhes pa'i
 rig pa las gzhan pa'i las gsum phal pa'o/ /zhes thun phyed kyi dkyil 'khor so sor la gtso bo'i las gnyis gsungs shing/ de ltar nam mkha' i dkyil 'khor gyi gang du yang ma yin no/ /las thams cad pa nyid ni 'di la
 gcig dkyil 'khor bzhi'i nang du 'dus pa kho na las shes par bya'o/ /zhes pas ma brjod do/ /a ba d+hU tI'i lam nas kyang rgyu ba'i rlung ni dkyil 'khor bzhi rnams sna bug las rgyu ste/ lnga pa de ni de'i nang du 'dus pa kho na'i phyir
 logs par ni ma yin no/ /gzhan yang brtag pa gnyis pa'i rgyud du/ bde ba nyid ni nam mkha' i khams/ shes pa 'dis mer mer po'i gnas skabs su khams bzhi'i rnam pa can kho na'i bde pa'i shes pa
 ni nam mkhar gsungs kyi/ lhan cig gnas pa'i rnam pa med pa ni ma yin no/ /khu ba'i rnam pa bcom ldan 'byung/ /de yi bde ba 'dod mar bshad/ /ces pa 'dis kyang shes rab dang thabs dag dbyer med pa mang du gsal bar
 byed pa'i phyir khu pa'i rnam pa can kho na bde ba nyams su myong bar gsungs kyi/ ye shes rnam pa med pa yang ma yin no/ /de las gzhan pa'i nam mkha' zhes bya ba cung zad yod pa yang ma yin la/ de 'byung ba yang ma yin te/
 ma skyes pa nyid kyi phyir ro/ /snang ba dang mun pa'i ngo bo yang 'byung ba dang 'byung ba las gyur pa'i ngo bo'i khyad par gzugs kho na'o zhes gzhan du dpyad zin to/ /des na cis stong pa'i dkyil 'khor gzhan pa'o zhes brjod/ gang
 dus kyi 'khor lor nam mkha' i dkyil 'khor logs su bton nas gsungs pa de ni mu stegs pa'i lta ba la mngon par zhen pa'i nyi ma'i shing rta la sogs pa gdul bya rnams nges pa'i don la gzhug pa la ldem por dgongs
 pas drang pa'i don kho na ste/ phag la sogs pa 'dod pa'i rjes su 'jug pas ri rab steng gi mtshams su khams gsum pa'i snod kyi 'jig rten gyi bkod pa la sogs pa bsten pa bzhin no/ /'o na dus kyi 'khor lo dang de'i
 rjes su 'brangs pa'i gzhung rnams su theg pa gsum dang 'gal ba'i rnam par bzhag pa mang po rnams bya ste/ de'i gzhung byed pa grags pa dang pad+ma dkar po dang rdo rje snying po dang phyag na rdo rje'i ming can de rnams byang chub sems
 dpa' rnams ma yin pa kho na'o zhes mang du shes pa rnams smra'o/ /'di'i phyir 'gal ba thams cad ma spangs pas na/ 'ga' zhig tu 'gal ba spong ba'i 'bad rtsol gyis ci bya zhe na/ dus kyi 'khor lor bstan pa rgyud gzhan dang mi
 'gal ba'i don gyi cha 'ga' zhig gi ni kho bos rang gzhung gi phyogs rnams su rjes su 'brang zhing/ gdul bya 'ga' zhig bsam pa'i rjes su 'jug pas 'gal ba 'ang kha cig spangs so/ /de las gzhan la ni 'gal ba ma spangs
 na yang 'di rnams la nyes pa ci yang med do/ /zhes pa shin tu rgyas par brjod pas chog go /shi ba'i lus la ngas 'byung 'gyur/ /zhes pa 'di la man ngag gis nyin mtshan so sor thun tshad phyed pa so so la bzhi rnams so/ /zhes
 pas thun tshod phyed pa nyi shu rtsa bzhi rnams kyis khams bzhi'i dkyil 'khor rnams te/ dgu bcu rtsa drug go /khams kyi dkyil 'khor gcig la rkang pa dang bcas pa'i brgya phrag gnyis kyi dbugs rnams so/ /de la dbugs
 phyed dang bcas pa'i bdun rnams ni khyab byed kyi ste/ mi phyed ma la sogs pa rtsa sum cu rtsa gcig rnams su dbugs sum cu rtsa gcig gi rjes su bdud 'dral ma zhes bya ba dus kyi rtsar dbugs re re rgyu pa'i phyir dang lhag ma gcig
 gi phyed rgyu ba'i phyir ro/ /de nas dkyil 'khor dgu bcu rtsa drug rnams la khyab byed kyi dbugs bdun brgya nyi shu ste chu tshod gnyis shes bya'o/ /lo brgya'i nyin mtshan rnams chu tshod gnyis kyi bsgyur ba rnams la/ chu tshod stong
 phrag bdun cu rtsa gnyis rnams su 'gyur ro/ /de nyid kyi phyir ma'i skye gnas las phyir 'byung ba nas brtsams nas nyin mtshan so so la lus kyi chu tshod gnyis dag tshe zad pa'i phyir lo brgya rnams kyis chu tshod stong phrag bdun cu rtsa gnyis rnams
 la tshe thams cad zad de/ 'di'i phyir 'chi ba'i skad cig la khyab byed kyi rlung/ /shi ba'i lus las nges 'byung 'gyur/ zhes brjod par bya'o/ /ngag gi pa zhes pa/ ji srid 'jig rten brdar btags dang/ /de bzhin
 brtags pa sna tshogs rnams/ /byang chub sems las 'byung ba'o/ /rnam rtogs rlung las rtag tu'o/ /zhes dgongs pa lung ston pa'i rgyud du gsungs pa'i phyir na/ dag rnams kyi rgyu ni rlung dang rnam par rtog pa dag go /rnam par rtog
 pa'i ni sngar gyi shes pa dang rlung ngo/ /de'i phyir de rnams kyi yang dngos su dang brgyud pas rlung rgyu yin no/ /zhes pa dag gi pa'i sgo'o/ /rlung dang sems 'di dag kyang sgro btags pa nyid kyis te/ don dam pa nyid kyi ni/ de'i rang bzhin gyis ngo
 bos rgyu yang ma yin gyi/ 'on kyang stong pa nyid kyi rang bzhin gyis so/ /gang mi 'am ci'i rgyal pos zhus pa'i mdor gsungs pa/ de ci lus kyi nang gi khod nas sems can rnams thams cad kyi sgra dbyangs rnams 'byung ngam/ 'on te
 sems las yin/ smras pa lus las ma yin/ sems las ma yin no/ /'o na ci las yin/ smras pa/ nam mkha' las 'byung po/ /nam mkha' i rang bzhin can ni sgra rnams te/ rnam par rig ma thag tu 'gag go /'gag pa rnams kyang
 nam mkha' i rang bzhin kho na la yang dag par gnas so zhes so/ /rdo rje bzlas pa nyid kyi phyir na 'bad pas ngag rnams mi brjod par bya ba nyid kyis 'di yid kho na'i yin pa ni yid kyi sgo ste rnam pa gnyis so/ /ci ltar zhe na/ zla ba
 ni la la nA ste/ rlung la zhon pa'i khu ba 'bab pa'i phyir ro/ /nyi ma ni ra sa nA ste rlung la zhon pa'i khrag 'bab pa'i phyir ro/ /de dag gi rab dbye las te rab tu gyur ba'i khyad par las ni nye bar ma btags pa las sgo la 'jug pa dang
 'byung ba'o/ /nye bar btags pa las ni la la nA dang ra sa nA dag sems rgyu ba'i ste rlung gi sgo nyid kyis na sems kyi yang zhes pa'o/ /gzhan yang la la nA spro bar byed pa po ni/ phal cher khu ba 'og tu 'bab pa'i phyir 'og gi sgo ste/ des rnam par
 shes pa khu 'og tu lte ba ji srid par 'jug go /ra sa nA ni sdud pa mo phal cher gyen du khrag 'bab pa'i phyir steng gi sgo'o/ /'on kyang 'dir gtso bos sgo gnyis kyis rnam par shes pa nye bar mtshon pa nyid kyi phyir khams la sogs pa rnams
 kyang ngo/ /khams rnams ni sa la sogs pa rnams te/ spyan ma la sogs pa'i bdag nyid kyi rnam par snang mdzad sogs de bzhin gshegs pa lnga po 'od zer lnga'i rang bzhin rnams rab tu 'jug cing nges par 'byung ngo/ /'on kyang steng gi sgor
 rnam shes la sogs pa rnams g.yo ba ste 'jig pa'i dang can nyid kyi phyir mi brtan pa'o/ /g.yo zhing mi gnas shes 'don pa la ni 'jig pa'i ngang can nyid kyis na mi gnas pa rnams so/ /zhes pa'i don to/ /gang gi phyir de rnams kyi 'og
 tu lte ba'i chu skyes la rnam par gnas shing steng du 'gro ba ni gshegs su gsol ba ste/ de las 'jigs pa kho na'o/ /de ltar a ba d+hU tI ru yang rlung 'bab pa'i dbang las spros pa dang sdud par byed pa 'jug pa dang 'byung ba dag rig par bya ba
 ste/ go sla pa'i phyir ma gsungs pa'o/ /lte ba'i 'og tu yang la la nA dang ra sa nA dang a ba d+hU tI rnams su go skabs ji lta bar 'jug pa dang 'byung ba dag shes par bya ste/ lte ba'i steng dang 'og tu de rnams dbyer med pa'i phyir ro/ /gang gsungs pa
 zla ba'i lam gyis bshad pa'i rtsa/ /nyi mas gci ba 'bab pa ste/ /skye 'chi mnyam pa chags pa la/ /sgra gcan gyis ni khu ba 'bab/ /lte ba'i chu skyes snying mgrin dang/ /dpral ba gtsug tor 'dam skyes la/ /sa chu me rlung stong pa rnams/ /
 sdud pa yis ni rab tu 'bab/ /'byung byed de ni 'jug pa ni/ /spro bas 'jug ste sa la'o/ /pad lte nas ni pad lte dbus/ /a ba d+hU tI sa 'gro dang 'ong/ /lte gsang nor bu'i chu skyes la/ /lus ngag sems
 rnams 'bab pa ni/ /'byung dang de ni 'jug pa dag /sdud dang spro ba'i ngo bo can/ /zhes so/ /mnyam pa la ste sna'i bu ga dag gang yang rung bar 'pho ba na'o/ /chags pa la ni shes rab dang sbyor ba las so/ /sgra gcan ni sems so//
 stong pa ni bde ba'o/ /de ltar gnas pa'i sems dgug pa 'jug pa dang gshegs gsol 'byung ba ste/ de'i rang gi ngo bo'i 'gro ba ni nyin mo dang mtshan mor ro/ /de ltar na ni dus gsum pa ste skyes nas thim pa dang skye bzhin pa dang
 skyo bar 'gyur ba'i sangs rgyas thams cad de rnam par snang mdzad la sogs pa 'od zer gyi bdag nyid can rnams dang/ mkha' 'gro ma spyan ma la sogs pas la sogs pa sbyor ba'i bdag nyid can yin zhing ma ma rnams kyang ste gnas skabs kyi
 khyad par bskyed pa'i phyir ro/ /dbugs rdub pa dang 'byung ba'i rang bzhin gyis 'jug pa na ste rab tu 'jug pa na spro bas rgyas pa la sogs pa'i yon tan rnams kyis bde ba'i ngo bo rnams dang/ ldog pa na ste phyir 'byung ba nas
 khams zad pa la sogs pa'i skyon rnams kyis sdug bsngal gyi ngo bo rnams te/ /sems can rnams thams cad kyi'o/ /ci 'ga' zhig kho nas 'bad pa las grub pa yin nam zhe na ma yin te/ gang phyir lhan cig skyes par
 gnas shing 'ga' zhig gi 'bad pa med pa yang snga ma'i las kyis sprul pa las grub pa ste rdzogs pa rnams so/ /'di ni rdzogs pa'i rim pa la lhan cig skyes pa'i grub pa'i rdo rje bzlas pa gsungs so/ /'di yang 'dir khyad par dang
 bcas pa'i bsdus pa'i don te/ 'dir lus la rlung 'byung ba ni steng gi sgor brjod cing/ 'jug pa ni 'og gi sgo ste/ de la zhon pa'i sems 'gro ba dang 'ong ba'i thabs nyid kyi phyir ro/ /sgo gnyis ka yang 'khrul 'khor du bya ba nyid kyi phyir
 'khrul 'khor dngos te/ de dang ldan pa'i phyir gzhan ni nye bar btags pa'o/ /de yang rnam pa gsum ste lus la sogs pa'i dbye ba las so/ /de la sems kyi sgo yang dag par rgyu ba'i rlung ni sgo dngos so// rlung gi ni lus kyi ba spu'i bu ga sgo dgu
 rags pa rnams te/ de'i dbang las sgo gnyis kyi ngo bo'i rlung yang sems kyi sgo lus kyi bu ga rnam pa dgur brjod do/ /bu ga rnams kyang sems kyi yang ngo/ /de bzhin du la la nA 'am ra sa nA 'am a ba d+hU tIr yang dag rgyu ba'i sgo gnyis kyi
 bdag nyid kyang dkyil 'khor bzhi'i ngo bo nyid kyis na sems kyi sgo rnam pa bzhi ste/ dag rnams kyi yang rgyu nyid kyi phyir ngag gi ba'o/ /de kho na dkyil 'khor gyi dbye ba dang dag gi rgyu nyid du brjod par mi 'dod pas sems kho na'i sgo rnam pa
 gnyis so/ /zhes pa yid kyi ba'o/ /la la nA dang ra sa nA dag ni rim pa ji lta bar phal tshar khu ba dang rdul dag 'og dang steng du 'bab pa'i phyir 'og dang steng gi yid kyi ba'i sgo nyid du brjod do/ /ji ltar la la nA khrag cung zad 'dres shing shas
 cher lus dang stobs zhes bya ba dang zla ba 'bab pa'i phyir lus kyi dang snying stobs kyi dad zla ba'i dang thabs kyi rtsa zhes tha snyad bya ste lam du yang ngo/ /ra sa nA ni cung zad khu ba dang shas tshar dag ces bya ba dang rdul dang nyi ma 'bab pa'i phyir dag
 gi rdul gyi dang nyi ma'i dang shes rab kyi rtsa zhes par te phal cher ro/ /a ba d+hU tI ni shas cher khu khrag dang sems dang mun pa dang sgra gcan 'bab pa'i phyir sems kyi dang mun pa'i dang sgra gcan gyi dang ma ning gi rtsa zhes par ro/ /re re la bshad pa'i
 yid kyi ba'i sgo gnyis med pa ni ma yin te/ rdo rje bzlas pa rtsa gsum rnams la yang rnam pa mang por bstan pa'i phyir ro/ /la la nA dang ra sa nA dang a ba d+hU tI rnams kyi rlung rnams rkyang rim pa ji lta bar zla ba dang nyi ma
 dang sgra gcan rnams so/ /zhes rnam par bzhag par bya/ /de la gang gi tshe la la nA dang ra sa nA dang a ba d+hU tI rnams kyi rlung sna bu ga nas 'bab pa de'i tshe sprul pa'i 'khor lo'i rtsa drug cu rtsa bzhi rnams su so sor dbyug gu re re ste/ dbugs phyed dang bcas
 pa'i sum cu rtsa bdun lhag pa'i brgya phrag gsum rnams su dbyug gu rnam par bzhag pas so/ /gang brtag pa gnyis par gsungs pa/ dbyug gu drug cu rtsa bzhi rnams dang/ zhes so/ /bde ba chen po'i 'khor lor rtsa sum cu rtsa gnyis rnams su
 so sor dbyug gu gnyis kyi bdag nyid kyi chu tshod do/ /longs spyod rdzogs pa'i 'khor lor rtsa bcu drug rnams la so sor chu tshod gnyis kyi bdag bdag nyid kyi thun phyed do/ /de brtag pa gnyis par gsungs pa/ 'pho ba bcu drug rnams dang
 zhes so/ /lte ba'i 'khor lo'i rtsa brgyad rnams la bzhin du chos kyi 'khor lo'i rtsa brgyad rnams la so sor thun tshod phyed pa gnyis kyi bdag nyid kyi thun tshod do/ /gtsug tor gyi 'khor lo'i rtsa bzhi rnams la bzhin du lte ba'i chu skyes kyi rtsa bzhi'i
 rnams so sor thun tshod gnyis so/ /sprul pa'i 'khor lo'i dkyil 'khor dang po la rtsa bzhi'o/ /gnyis pa rtsa brgyad de/ rab tu byed pa bzhi par ji skad bshad pa bzhin no/ /gsum pa rtsa bcu drug pa ste/ de mngon par brjod pa bla ma'i
 rgyud du gsungs pa/ lte ba'i dbus su pad+ma che/ skud pa bcu drug thig byas pa'o/ /zhes so/ /bzhi pa la rtsa drug cu rtsa bzhi pa'o/ /thun tshod brgyad rnams dang dus sbyor bcu gnyis rnams nyin mtshan no/ /de la la la nA nas sa ma ra sa nA
 nas byung ba'i rlung sna bug gcig tu /dbugs drug cu lhag pa'i brgya phrag gsum rnams kyi dbyug gu rnam par gzhag pas dbyu gu lnga'i bdag nyid kyi dus sbyor gcig rgyun ma chad par 'bab bo/ /de'i rjes su sna bug gnyis par yang de bzhin no/ /zhes pa dus
 sbyor bcu gnyis rnams dbyug gu drug cu rnams su 'gyur ro/ /de skad du yang gdan bzhi par gsungs pa/ sum brgya de bzhin drug cu ni/ /dbyu gu'i dbugs te chu tshod gzhin/ /chu tshod drug cu'i grangs kyis ni/ nyin dang mtshan mo'i gzung bar bya/ zhes so/ /
 'dir chu tshod dang nA Di ni dbyu gu kho na'o/ /chu tshod kyi dbugs rnams gzung bar bya'o/ /dgongs pa lung ston pa la sogs pa rnams su ni dus sbyor phyed kho na thun tshod phyed du rnam par bzhag go /de la thun tshod phyed la sa dang chu dang me dang rlung gi dkyil  
 'khor bzhi po so sor dbugs nyis brgya nyi shu rtsa lnga'i bdag nyid can rnams 'bab cing/ /bzlas nas kyang slar yang thun tshod phyed la bzhi rnams bu ga gcig tu ste/ de'i rjes su bu ga gzhan du'o/ zhes pas thun tshod phyed pa nyi shu rtsa bzhi rnams la
 dkyil 'khor bzhi rnams kyis yongs su bskor ba dang yongs su rgyu ba rnams nyi shu rtsa bzhir 'gyur ro/ zhes pa'i nyin mtshan gyis so/ /nang du ma rig pa la sogs pa'i yan lag gi dbye bas dus sbyor dang 'pho ba rnams bcu gnyis kho na ste/
 ji ltar phyi rol tu nyi ma'i lo gcig bzhin no/ /dus kyi 'khor lor ni 'jug pa dang 'byung ba'i rlung dbugs gcig tu bgrang bar bya ste/ /dbugs drug la chu srang ngo/ /chu srang drug cu rnams dbyu gu'o/ /dbyu gu gnyis pa la yud tsam mo/ /rkang pas dman
 pa'i dbyu gu bzhi la thun chod phyed do/ /dbyu gu lnga rnams dus sbyor ro/ /phyed dang bcas pa'i dus sbyor ni thun tshod do/ /thun tshod gnyis la thun mtshams/ /thun mtshams bzhi rnams dang dus sbyor bcu gnyis rnams nyin mtshan te/ dus sbyor so
 sor la bu ga gzhan du 'pho ba las dus sbyor dang 'pho ba rnams bcu gnyis so// /'pho ba so so'i 'pho ba'i mtshams su a ba d+hU tI nas dbugs rkang ba dang bcas pa lnga bcu rtsa drug sna bug gnyis dag las cig cir 'bab ste/ nyin mtshan
 gyis bdun cu rtsa lnga lhag pa'i drug brgya rnams so/ /lhag ma rnams la la la nA dang ra sa nA dag tu ste/ rkang pa dang bcas pa'i dgu brgya lhag pa'i stong phrag nyi shu'i grangs rnams su rnam par bzhag go /zhes kha cig go /gzhan rnams ni dbugs brgya
 phrag phyed dang bcas pa'i bcu gsum rnams kyis thun tshod phyed du rnam par bzhag pas thun tshod phyed pa so so la longs spyod kyi 'khor lo'i rtsa rnams la bzhin du bu ga gzhan du yang dag par rgyu ba'i phyir 'pho ba bcu drug rnams te/
 sna bug dag tu'o/ /'pho pa bcu gnyis su rnam par bzhag pa ni dbugs brgya phrag bco brgyad bu ga gcig tu rgyu ba ste/ sa dang chu dang me dang rlung dang nam mkha' i dkyil 'khor lnga rnams so sor rgyu ba bzhin dang/ rim pa ji lta bar 'og dang
 g.yon pa g.yas dang steng dang dbus rnams su rgyu ba bzhin dang/ mgrin pa dang spyi bo'i rtsa'i grangs bzlog pa bzhin dang so sor drug cu lhag pa'i sum brgya'i dbugs kyi bdag nyid can gyi dbyu gu drug cu rnams kyis nyin mtshan nyid kyis na/ lte ba'i
 chu skyes kyi zlum po bzhi pa la stong pa'i rtsa bzhi rnam par bzhag pa bzhin du/ nyi ma'i shing rta la sogs pa'i gdul bya'i ngor drang ba'i don yin gyi nges pa'i don ni ma yin no/ /lte ba'i chu skyes kyi zlum po gsum pa la rtsa bzhi spangs nas rtsa
 bcu gnyis rnams su dus sbyor dang 'pho ba bcu gnyis rnam par bzhag pa na/ ci ltar phyi rol de bzhin nang/ zhes pa yang legs par gnas so/ /'di ni thams cad du 'dod pa yang ma yin no/ /zhes gsung ngo/ /thams cad 'dod pa rtsa gsum
 rnams su nyin mtshan gyis drug brgya lhag pa'i stong phrag nyi shu rtsa gcig gi dbugs rnams su 'gyur ro/ /zhes pa'o/ de ltar yang rdzogs pa'i rim pa la bltos pas stong pa nyid dang snying rje dbyer med pa'i ngo bo'i sngags dang dbyer med pa nyid kyi phyir sngags zlos
 ba yang rdzogs par grub lhan cig skyes pa gnas/ shes pa'i mthar thug pas gsal bar byas so/ /de gsungs pa/ khri phrag gnyis dang stong phrag dang/ /de bzhin kho nar brgya phrag drug /rnal 'byor dbang po nyin mtshan du/ /bzlas
 rjod kyi ni grangs byed do/ /zhes so/ /de ltar rig pa bzlas pa'i sems brtan na 'dod chags la sogs pa sems kyi rang bzhin rnams nges su 'jug cing/ /la la nA dang ra sa nA dag yongs su dor nas a ba d+hU tI ru zhugs pa'i rlung ni phyung 'byung ba
 med cing nyin mtshan gyi tshul med pa/ zla ba dang nyi ma drin pa'i sgra gcan bzhin du rim gyis kyang 'gag pa ni yon tan skyed par bya'o/ /gang gsungs pa/ zla ba nyi ma'i rtsa 'gags na/ /bshang dang gci ba'i rtsa dag 'gags/ /sgra gcan rtsa ni 'gags pa na/ /'og tu khu ba 'bab 'gags 'gyur/ /dbu mar sro
 ni nyin mtshan du/ zhugs pas nang rnams 'phrog par byed/ /srog ni chos kyi nyin bcings pa/ /'dis ni mkha' la spyod nyid ster/ /zla gcig snying la gnas gsang pas/ /rnal 'byor pa la 'chi med nyid/ /zla ba drug tu lte bar bsregs//
 nges ni thams cad mkhyen nyid ster/ /dpral bar mgrin pa'i 'khor lo dang/ /snying ga lte bar rim ji bzhin/ /'di ni brgyal dang 'di bzhin cings/ /gsang dang bsregs pa'o mi rnams kyi/ srog dang thur ser 'gog pa yis/ /'dod chags bral ba nyid du 'dod/ /de bzhin
 sangs rgyas nyid du ni/ /gnyis bsregs pa yis sngags mkhan 'gyur/ /srog dang thur sel zad kho nas/ /yan lag bcu gnyis zad par 'gyur/ /rgyu dang 'bras bu 'gog pa yis/ /sangs rgyas mi 'gyur su zhig yin/ /zhes so/ /rlung
 bkag pa na ni gtum mo rang bzhin gyis 'bar te/ zla ba des gdungs pa yang 'dzag go /de las bde ba chen po'i rang bzhin rdzogs pa'i dkyil 'khor mngon du 'gyur ro/ /byang chub sems kyang mi g.yo zhing/ /srid pa dang
 mya ngan las 'das pa la mi gnas pa sbrul ba'i 'khor lo la sogs pa rnams su nye bar bsags pa phul du byung ba mchog la sogs pa'i rim gyis dpral ba nas rdo rje nor bu'i mthar thug pa bar ma chad pa ni stong pa nyid dang snying rje dbyer med pa/
 rim gyis 'phel ba nye bar bgrod cing/ bde ba chen po'i 'khor lo'i rtsa sum cu rtsa gnyis su khyab par byed do/ /de las gzhan rnams te/ ji srid rtsa stong phrag bdun cu rtsa gnyis po rnams kyi bar ro zhes pa ste/ rab tu dga' ba la sogs
 pa sa rnams gsal par 'gyur ba'i phyir cis rdo rje 'dzin pa nyid du mi 'dod/ /bskyed pa'i rim pa la ni dkyil 'khor chen po'i rnal 'byor gyis rdo rje bzlas pa sngar bshad zin to/ /'on kyang sgom pa yi ni bar chad can/ /rnal 'byor phyi rol
 bzlas pa spang/ /sngags don bcom ldan rdo rje can/ /rdo rje'i bdag nyid ci ltar bzlas/ she na/ gang rnams bzlas pa 'di mi nus pa'i sngags pa byis pa'i blo can te/ de rnams kho na bgrang phreng gis/ /rab tu brjod pa rab bstan te/ /sngags
 pa bsod nams thob byed tu/ /phyi'i dag mngon par 'dod rnams la'o/ /de ltar rdo rje bzlas pa la yang sems kyi rang bzhin rnams nges par byas te/ ji ltar rigs par spangs shing blangs nas shin tu goms pa las rlung 'gag ba na sngar bzhin
 du yon tan rnams su 'gyur ro/ /zhes pa'o/ /nye bar sdud pa/ 'di skad ces pa la sogs pa'o/ /bde ba chen po'i khyad par gyis ni 'di ltar goms pa'i phyir bde ba chen po'i rang bzhin rdo rje 'dzin pa 'grub po/ zhes gsal bar byed do/ /bsam
 gtan la sogs pa rgyas par bstan pa'i ched du gsol ba 'debs pa/ de nas zhes pa la sogs pa'o/ /khyod kyi ni nyid kyi'o/ /ci ltar te bya ba'i khyad par ci la brten nas mi phyed ma la sogs pa'i rtsa rnams 'byung/ /de rnams kyi rtsa rnams kyi'o/ /de
 rnams la pul+lI ra la sogs pa'i gnas ji skad bcu bdun par gsungs pa dang/ de bzhin 'khor lo dgod pa dang gzhan sa la sogs pa'i rnam pa ci ltar lags/ /gsang ba ni nyan thos la sogs pa la gsal bar mi bya ba'i phyir phyi'i gnas la
 sogs pa'o/ /shin tu gsang ba ni de lha'i dkyil 'khor 'khor lor ro/ /mchog ni ches gsang ba ste lus la'o/ /ci zhe na/ rtsi'i ngo bo mkha' 'gro ma rnams dang gnas la sogs pa rnams dang sa bcu rnams dang pha rol tu phyin pa bcu rnams
 te/ de rnams kyi kho na nyid nyi shu rtsa bzhir bcu bdun par gsungs par gyur pa ste/ 'dir ni rab tu rnam par phye nas bshad par bya'o/ /dang por rten nyid kyi phyir mgo zhes pa la sogs pas dri ba bzhi pa'i lan gyis so/ /rgyab kyi stod ni rgyab
 kyi dbus las steng gi sgal tshigs kyi steng gi cha ste/ /mgo bo'i rgyab ces pa'i don to/ /smin ma mig dag dbus gnas pa zhes pa smin ma dag gi dang mig dag gi dbus na gnas pa'i cha'o/ /mig dag gi zhes pa mig gnyis
 ni de wI koTTa 'o/ /thugs kyi 'khor lor zhes pa mgo bo la sogs pa rnams dang ma la ya la sogs pa nang dang phyi'i yul rnams sems kyi rang gi ngo bor tha snyad byas pa'o/ /mkha' ni stong pa nyid dang ro gcig pa sems te rab tu
 grags pa'i nam mkha' yang ngo/ /gzhan gyi don du de la spyod pa'i ngang tshul can mtho ris su son pa'i rdo rje lha mo rnams kyi'o/ /chu so ni sa bon gyi sbubs gnyis so/ /yul rnams thams cad ni kA ma rU pa la sogs pa rnams te/ mchan khung la
 sogs pa rnams kyang ngo/ /sa ni sa gzhi ste ngag gi tha snyad kyi rtan nyid kyi phyir ro/ /de la spyod pa mi yul ma rnams kyi'o/ /rtags ni rdo rje'o/ /sor mo zhes pa rkang pa la sogs pa'i sor mo rnams so/ /mthe
 bong ni rkang pa la sogs pa'i mthe bong gnyis so/ /mkha' 'gro ma rnams kyis ni sku'i 'khor lo la rnam par gnas ma rnams kyis te sa 'og la spyod ma rnams kyis brjod cing bdag nyid bde bar bya ste/ khyab ces pa'i bar ro/ /yul rnams
 zhes pa ma la ya la sogs pa dzam bu gling dang 'brel ba rnams te/ 'di ni las kyis yin gyi gling cig shos rnams ni ma yin no/ /gser gling ni dzam bu gling gi nang du gtogs so/ /las kyis kyang sems can rnams kyi dngos grub
 rnams so/ /zhes pas rnal 'byor ma rnams phal cher gzhan du rgyu ba ma yin no/ /rang gi lus skyes zhes pa/ gang gi phyir sems can so so la rang gi lus 'dzam gling yin pa de'i phyir gsungs pa/ rang nyid ces pa'o/ /  
 rang dang 'dra ba'i phyi rol ni rang nyid phyi rol te 'dzam bu gling ngo/ /nang yang ste lus kyi bdag nyid/ de la gnas pa ste/ rang gi sems kyi snang ba tsam sgyu mal rang bzhin 'gro ba'o/ /zhes dgongs pa'o/ /'di nyid kyi phyir 'di rnams su ste rang
 bzhin gyi 'khor lo gsum du rnam par bzhag pa rnams su rdo rje lha mo rnams bzhugs pa'o/ /rtsa'i gzugs kyis zhes gsungs pa ni dri ba lnga pa'i lan te/ rtsa'i ngo bo rnams kyang lha mo ste phyag la sogs pa rnams dang ldan pa
 lha mo'i gzugs rnams kyang rtsa'o/ /zhes khyad par med pa rtogs par byed pa lhur len pa'o/ /sa rnams dang pha rol tu phyin pa rnams ni/ /gnas ni rab tu dga' ba'i sa zhes pa la sogs pa bcu bdun par gsungs pa'i rjes su 'brang
 bas ma la ya la sogs pa rnams la rnam par bzhag pa go sla'o zhes pas 'dir rgyas par ma bstan to/ /zhes pa'o/ /man ngag snye mar snye ma nyi shu rtsa gcig pa'o// //dang po'i brten pa dri ba gnyis kyi la na mdor bstan
 pa'i ched du gsungs pa/ de nas zhes pa la sogs pa'o/ /gang yang rung ba'i zhes pa sems can so so'i lus de bzhin gshegs pa'i rang bzhin te/ de la gcig gi lus gang 'dra bar rnam par 'jog pa de 'dra bar gzhan gyi yang ngo/ /zhes
 pa'i don to/ /de'i ni pad+ma'o/ /rtsa ni a ba d+hU tI'o/ /til mar mar me'i rang bzhin can/ til mar dang ldan pa'i me sgron ma ste/ /de dang 'dra bar 'od zer gyi rang bzhin nyid kyi phyir te/ gtum mo 'bar ba'i dus na'o/ /cung zad dbye ba'i kha can nyid
 kyis na chu shing gi me tog lta bu'o/ /kha ni 'di'i pad+ma'i mdun pa'i nang du son pa'i cha la bltos pas rnam par bzhag pa'o/ /de'i ni kha'i 'o/ /dpa' bo ni mi mthun pa'i rtog pa 'joms pa'i phyir he ru ka ste/ lha nyid sngags kyi tshul
 gyis ni/ /dngos grub thams cad ster bar mdzad/ /ces gsungs pa'i phyir ro/ /de nyid kyi phyir mi shigs pa ste mngon par 'dod pa bsgrub par byed pa'i ched du gzhom du med pa'i nus pa can no/ /sa bon ni gtum mo'i bde ba 'byung ba'i 'o/
 kha ba 'jag pa ni bsil ba'i 'od can te/ de dang mnyam par bdud rtsi'i 'od 'dzag pa nyid kyis ngang dga' bar byed pa nyid kyis so/ /de nyid kyi phyir na bde ba'i dga' ston 'bar bar byed pa'i phyir dpyid do/ /rtag tu goms bzhin ba ni bde
 ba phun sum tshogs pa'i rgyu nyid kyi phyir dga' byed pa'o/ /rgod ma kha'i me'i gzugs zhes pa ni/ ji ltar rgod ma kha'i me rgya mtsho ma lus pa'i chu la sogs pa kham du byed pa de ltar 'di phung po la sogs pa'i bud shing ma lus pa'o/ 
 gang gi phyir bcom ldan 'das ma bdag mer ma kho na bdag med nyid de rang bzhin med pa spros pa mdza' dag las ldog pa'i ngo bo'o/ /de ltar gyur pa ni ti la ka ste thugs rje chen po'i bdag nyid can no/ /ti la dga' 
 bar byed pa la'o/ /ti la ti ste dga' bar byed de/ dbang phyug mchog nyid ldan pa'i phyir ro/ /zhes byas nas so/ /e yig a yig tu 'gyur ba ni gtsug lag nyid kyi phyir ro/ /las ni sgom pa las byung ba'i sems kyi bya ba ste/
 des bskul ba lte ba'i 'og rlung ngo/ /des bskyod pa ni rab tu rgyas par byas pa'o/ /tshim pa ni dga' ba bskyed pa'i phyir ro/ /snyoms par zhugs pa ni 'khyud pas so/ /ba san+ta yang yin la de kho na ti la ka yang yin pas dpyid kyi
 thig le'o/ /gang gi phyir rnal 'byor ma'i ste ti la ka'i rang gi ngo bo bdag nyid la dbyer med par gzung nas gnas te/ rgyu ba yang dag rgyu'i rlung dang mi rgyu ba gnas pa ste de la'o/ /de nyid kyi phyir rlung ngo/ /sgo rnams gsum gyis 'byung
 bas na/ 'byung ba ni 'jug ba nye bar mtshon pa ste/ 'gro'o 'ong ngo rnam par gnas so/ /de ltar mdor bstan nas gyang dpyid kyi thig le/ lte bar zhes pa la sogs pas rgyas par ston to/ /a yig gzugs kyis zhes pa
 a yig ti la kA'o/ /de ni thung ngu ste phyi ma gcig pa'o/ /thig le zhes pa ni phra mo'o/ /'dir phyi mo gcig pa la sogs pas nang gi brjod pa'i dus gsal bar byas kyis/ brjod pa'i dus ni ma yin gyi/ de gtum mo bsgom
 pa la med pa'i phyir ro/ /a(rgyud 'grel pa'i rim pa la a yig ni phra mo thung ngu rdul gyi ri mo drang ba'i ngo bo ste/ chos thams cad skye ba med pa las tha mi dad pa'i byang chub kyi sems nyams su myong ba'i bdag nyid do/ /de skad du yang gsungs pa/ ga pur nyid ni bdag med ma/ bde ba bdag
 med tshul can no/ /de yi bde ba phyag rgya che/ lte ba'i dkyil 'khor la gnas pa'o/ /dang po'i dbyangs kyi rang bzhin te/ /blo zhes sangs rgyas rnams kyis brtags/ /de nyid bcom ldan shes rab ma/ /rdzogs pa'i rim pa'i rnal 'byor las
 zhes so/ /de yi bde ba 'dod mar bshad/ /ces pas ga pur las tha mi dad pa bde ba'o/ /de'i ste ga pur gyi shes rab bdag med ma ni lte bar gnas pa'i shes rab bdag med ma ste/ bskyed pa'i rim pa kho na la ni bdag med ma phyag la sogs
 pa dang ldan pa dang/ yi ge'i gzugs kyang ngo/ /don dam par ni rim pa gnyis ka la yang/ de ni ring min thung ba min/ /gru bzhi ma yin zlum po min/ /myang dang dri dang ro las 'das/ /lhan cig skyes dga' byad pa ma'o/ /de bzhin
 du hUM yig dang oM yig dag sems dang dag dag rdzogs pa'i rim pa la'o/ /haM yig ni haM gi dbyibs can gyi rtsa dang 'brel ba'i/ byang chub sems kho na'o/ /de nyid kyi phyir yi ge bsgom pa ni zhar la byung ba nyid du rdzogs pa'i rim pa'i
 rnam par bzhag pas gsal bar byed do/ /sa sogs zhes pa la sogs pas/ ma zags pa bde ba las tha mi dad pa'i khu ba'i rnam pa bcom ldan 'das/ /dag dang sems dang rdul rnams dang tha mi dad pas ni sa dang chu dang me dang rlung
 rnams kyi rim pa ji lta bar sprul pa la sogs pa'i 'khor lo rnams su khyad par can nyid las rol bar byed do/ zhes 'brel lo/ /ma 'phos pa'i byang chub kyi sems ni lte ba la sogs pa rnams su rim pa ji lta bar sa la sogs 'phel ba'i phyir nye
 bar rgyas par bya ba'o/ /zhes bdag gis drug pa dang nyi shu rtsa gcig par bshad zin to/ /de lta kho nar 'phal ba la dgongs nas bzhi bar/ a yig sa ru shes par bya/ zhes pa la sogs pa sprul pa la
 sogs pa rnams su gsungs so/ /thun mtshams bzhi ces pa la/ mtshan mo dang nyin mo'i bdag nyid zla ba dang/ nyi ma dag gtum mo 'bar bas 'dus pa dag gi lhan cig skyes pa'i dga' ba'i rang bzhin nyid kyis dang stong pa
 nyid dang ro gcig pa nyid kyis dbye ba mi dmigs pa ni mtshams te/ yang dag pa'i bsam gtan ni mtshams ting nge 'dzin rnam par mi rtog pa zhes pa'i don gyi mthar thug bas so/ /de'i 'char ba ni nor bu nas brtsams nas lte ba ji
 srid par te/ ma 'phos pa'i byang chub kyi sems 'phel bzhin pa ni stong du nye bar 'gro /bde zhing stong pa nyid kyi ye shes phul du byung ba 'gugs par byed/ chung ngu dang 'bring dang chen po dang chen po'i chen po'i rim pas
 sprul pa la sogs pa'i pad+ma rnams su'o/ /de ltar yang 'di rnams su rgyu mthun pa dang rnam par smin pa dang skyes bu byed pa dang dri ma med pa nyid rnams kyis bcom ldan 'das yang dag par 'byung ngo/ /de nyid kyi phyir gsungs
 pa/ pad+ma bzhi ru yang dag 'byung/ /zhes so/ /de skad du yang phyag rgya chen po thig ler gsungs pa/ mtshan mo shes rab ces par bshad/ mtshan mo'i cha ni zla bar 'gyur/ /nyin mo thabs su bshad pa ste/ /thabs ni nyi
 ma yin par 'gyur/ /de yang gnyis med tshul du brjod/ /zla ba'i skye ba nyi ma las/ /'od gsal nyid phyir nyi mar 'gyur/ /rtog pa dam pa'i don du ste/ /mchog tu bde pa cha med pa/ /mi snang stong pa'i lus can te//
 'od gsal go 'phang zhi ba ste/ /kha cig tu ni yang dag bzhugs/ /de nas gzhan pa mtshams bshad de/ /mun dang mun min gnyis ka spangs/ /'dus pa gnyis kyi dbus na gnas/ zhen pa gos pa rnams spangs pa/ /rdo rje pad+ma'i
 bdud rtsi byung/ /zla ba nyi ma yang dag ldan/ /gang zhig mdza' nyid yang dag 'dren/ /de ni mtshams te srid pa sbyong/ /mchog gi rnam pa'i ngo bor bshad/ /phra ba'i mig gi mthong mtshan nyid/ /sems can kun gyi mtshams rnams ni/ /rdo rje
 'dzin pa'i btsun mo'o/ /'char ba mchog tu grags pa ste/ /khyad dga' dang po rnam par spangs/ /mdud pa'i rtser gnas mchog tu zhi/ /tsa Na ka yi 'bru'i ngo bo/ /de nas 'char ba gzings bdag po/ /gang phyir steng gi go 'phang gnas
 la lar thig le'i ngo bo ste/ /rnam pa bzhi po yang dag gnas/ /kha cig tu yang thog ma spangs/ /la lar de yang thob bya min/ /gang phyir rang rig bya bdag nyid/ /de phyir brjod par bya ba min/ /zhes so/ /'dir de yang ni zla pa dang
 nyi ma 'dres pa dag go /skye ba ni 'phel ba mchog dang chos kyi'o/ /rtog pa ni kun rdzob pa 'di thams cad do/ /de nas mi dmigs pa kho na gzhan pa 'jig rten pa ma yin pa gang las mun pa la sogs pa gsum las ldog pa'i
 ngo bo yin pa ste/ snang pa mtshan mo'i cha'o/ /gsal bar nyi ma'i 'od can nyin mo snang ba mched pa yin/ mtshams ni snang ba thob pa rang bzhin rang nyid rnams kyis lan cig min par sbyor ba 'di'o/ /mtshan min mtshams kyang ma yin nyin
 mor yang ni mi 'gyur gang zhig rang bzhin dang bral ba/ /de 'di'i byang chub skad cig rgyal ba mchog gis gsungs pa rnams 'byor pa nyid rtogs byar 'gyur/ zhes pa 'dis gsal bar byas pa'o/ /gnyis 'dus pa ni gtum mo rnam pa
 gsum las gang yang rung bas la la nA dang ra sa nA'i rlung dag a ba d+hU tIr te/ rdul dang khu ba dag kyang ngo/ /de'i dbus na gnas pa ni de la khyab pa'i phyir ro/ /zhen pa ni chags pa'o/ /btsun mo ni gang las
 de'i bde ba 'dod mar bshad pa dang gang las stong pa nyid do/ /mchog ni phul du byung ba lhan cig skyes pa'i bde ba'o/ /khyad dga' dang dang po dag ste dga' ba dang mchog dga' dag ste/ de rnams dang rnam par bral ba'o/ /nor bu'i rtsa
 ba'i mdun pa'i rtse mor gnas pa'o/ /la lar ni kun rdzob tu'o/ /kha cig tu ni rnam par mi rtog pa'i bde ba nyams su myong ba na'o/ /la lar ni don dam par ste/ de yang ni zla ba yang bde ba nyams su myong ba dang bcas pa yang rang bzhin med pa nyid
 kyi phyir thob bya min no/ /ji ltar bde ba chen po'i 'khor lor ma 'phos pa'i byang chub kyi sems chung ngu la sogs pa'i dbye ba rnams kyis dga' ba'i rang bzhin du lugs dang mthun pas 'gyur ba de ltar lugs dang mi mthun pas kyang
 ste/ gnyi ga ltar yang sbyor ba bzhi'i bdag nyid do/ /de gsungs pa bzhi zhes pa la sogs pa'o/ /de la lugs dang mthun pas ni bde ba chen po'i 'khor lo nas gzungs na mgrin pa'i pad+mar bde ba chung ngu ni dga' ba'o/ /de'i 'og nas gzung
 nas snying ga'i pad+mar bde ba bar ma ni mchog dga' o/ /de'i 'og nas brtsams nas lte ba'i chu skyes su bde ba chen po ni khyed dga' i dga' ba'o/ /de'i 'og gsang ba'i mtsho skyes na gzung nas rdo rje nor bur chen po'i chen po'i bde ba ni lhan cig
 skyes pa'i dga' ba ste 'jig rten pa'o/ /dga' ba la sogs pa rnams so sor chung ngu dang bar ma dang chen po dang chen po'i chen po'i dbye ba kho nas bcu drug go zhes pa cha bcu drug gar ba'o/ /nyi ma'i sbyor ba la bltos pas ni chung ngu dang
 'bring chen po'i dbye ba rnams kyis cha bcu gnyis so/ /lugs las bzlog pas kyang lhan cig skyes pa ma 'phos pa de kho na 'jig rten las 'das pa rnam pa bzhir rnam par bzhag ste/ nor bur nas gzung nas lhan cig skyes pa chung ngu'o/ /lte
 ba nas brtsams nas bar ma'o/ /snying gnas gzung nas chen po'o/ /mgrin pa nas brtsams nas chen po'i chen po'o/ /chung ngu la sogs pa rnams la slar yang chung ngu la sogs pa'i dbye ba bcu drug rnams so/ /zhes pa cha bcu drug
 rdzogs pa'o/ /nyi mi'i sbyor ba la bltos pas snga ma bzhin du rnam pa bcu gnyis so/ /ji skad du phyag rgya chen po thig ler gsungs pa/ ri bong mtshan ma'i cha 'di rnams/ /dga' ba'i thig le bcu drug de/ /A li'i ngo bor shes par bya/
 'khor lo bzhi ru rim pa las/ /ji skad bshad rnams de lta na'ang/ /nya ma'i bcu gnyis rnams su bshad/ /ces so/ de ltar dga' ba la sogs pa bzhin dang lhan cig skyed ba chung ngu la sogs pa bzhin du sbyor ba bzhi rnams ni
 bcu drug rnams te/ lugs dang mthun pa dang lugs las bzlog pa la yang ngo/ /sbyor ba ni zla ba dang nyi ma dag gi dang bde ba rdul dang zla ba bcas pa dag dang 'char ba dang nub pa dag gi'o/ /de skad du phyag rgya chen po thig ler gsungs pa/ sor mo
 bcu ga'i mthar thug par/ /skud pa mdud med mtshan nyid can/ /bde chen chu skyes lte ba nas/ /ji srid mgrin pa'i thod pa'i bar/ /de las pha rol 'dud par ldan/ /rlung gi mthar thug pa yang ngo/ /mgrin pa'i rgyab nas mdza' ji srid
 sbyar bar bzhi yin no/ /mdza' yi gnas nas snying ga'i phyogs/ /de srid gnyis par rab brjod do/ /snying ga'i phyogs nas lte rtsa ba/ /de srid gsum par rab brjod pa'o/ /lte ba'i gnas nas rin chen mgrin/ /de srid du ni bzhi
 par bshad/ /de ltar sbyor ba rnam pa bzhi/ /cha dang dga' ba gnyis dag ldan/ /cha rnams ji ltar rigs pa ru/ /yod pa de ltar lha mo nyon/ /bcu drug de bzhin nyi ma yi/ /gnyis ka gang du yang dag 'dus/
 der skye'i go 'phang cha med pa/ /lhan skyes bdag nyid shes par bya/ /'byung po thams cad tshim byed pa/ /thabs dang shes rab rang bzhin no/ /bcu drug ces bya shes par 'gyur/ /nyi ma thabs su bshad pa yin/ /rin chen mgrin pa
 thob tsam na/ gsal bar zla ba gang bar 'gyur/ /de nyid gnyis ka'i shes bya ste/ /cha ni dga' bas brgyan byas pa'o/ /bco lnga rnams kyi skye ba ni/ /bcu drug pa ste rtog mi byed/ /'char dang nub pa spangs pa'i phyir/ /de la
 sbyor ba med pa'o/ /zhes so/ /'dir ji srid gser bug nas mgrin pa/ /de srid brgyad phyed thig le rnams/ /zhes pa'i gsungs las/ mgrin pa'i rgyab nas ni steng zhes pa lhag ma'o/ /mdza' i gnas nas ni mgrin pa'i 'o/ /
 bcu drug gi ni zla ba'i cha bcu drug gi'o/ /gang du ni rin chen gyi dbus su'o/ /tshim byed pa ni dga' bar byed pa'o/ /gnyis ka'i ni nyi ma dang zla ba dag gi'o/ /de nyid ni cha gang ba ste/ /nor bu dga' ba rnams kyis yang ngo/ /skye ba
 dang 'jig pa yang ste bco lnga rnams kyi ni cha rnams kyi'o/ /bcu drug pa ni cha ste kun rdzob pa'o/ /rtog mi byed ni rnam par mi rtog pa'o/ /de nyid kyi phyir chos rnams thams cad la skye ba dang 'jig pa srid na yang 'di 'char ba dang nub pa
 med cing rnal 'byor zhes brjod de/ /de'i rnam par rtog pa med pa'i phyir dang don dam pa mthar thug pa nyid kyi phyir ro/ /de lta bu kho na la mngon par dgongs nas brtag pa gnyis par gsungs pa/ gang phyir bcu drug pa cha med ces so/ /
 kun rdzob tu ni 'char ba dang nub ba ldan zhing/ /lhan cig skyes pa yang chung ngu la sogs pa'i dbye bas yod pa kho na ste/ ji ltar ni gtsug tor las ni 'char ba'o de'i/ /gang ba rdo rje nor bur 'gyur/ /'di yi bde ba che rang bzhin/ /gang ba'i sgra
 yis brjod par bya/ /de ltar /gang bar mi g.yo ba 'di ni/ /sa rnams kyis ni yongs rdzogs nyid/ /nyi khri brgyad gnyis brgya yi dbugs/ /'gyur med skad cig zos rnams kyis/ /bden don rnam pa bcu gnyis pa/ /rnam pa bcu drug 'gyur
 ba med/ /sa rnams kyis ni rnam bcu gnyis/ /gang ba gnyis su med pa mchog /cha rnams kyis ni rdzogs pa'i sems/ /rnam pa bcu drug mi 'gyur ba'o/ /de skad du yang phyag rgya chen po thig ler/ /gang phyir pad+ma rnams kyi dngos/ /kha sbyor rnam
 pa'i sbyor ba las/ /de phyir kun dga' ba'i sems kyi/ /'gro dang 'ong ba ci ltar lags/ /bka' stsal pa/ /shes rab thabs ni snyoms 'jug pas/ /gang tshe bde ba yang dag 'byung/ /de tshe a ba d+hU tI'i lam/ /'jig rten pa min gnas su
 'gro /gang tshe sog rlung rnal 'byor pas/ /der ma 'dor ba de yi tshe/ /'og tu kha phyogs pad+ma rnams/ /'gro'o gyen du phyogs par yang/ /de nas srog gi steng du yid/ /de mi mthun pas 'bab par 'gyur/ /pad+ma'i lte ba'i dbus gnas
 pa/ /gang tshe phyi nas brtan 'gyur ba/ /de tshe mgon po 'gro mi 'gyur/ /ji ltar bu ga me snod du/ /chu rnams zad pa med gnas ltar/ /de tshe bde ba brtan par 'gyur/ /brtan pas lhan cig skyes pa'i dga' / /de phyir sangs rgyas mi zad pa/ /rnal
 'byor pa yis nges par 'thob/ /'di ltar skad cig gis bsgom na'o/ /zhes gsungs so/ /gnas ni nor bu'o/ /'gyur ba ni 'jig rten pa ste/ /lhan cig skyes pa'i gnas nyid na yang/ /'jig rten pa min ni bde ba mi 'gyur ba'i phyir ro 
 yid ni khu ba'o/ /mi mthun pas ni lugs las bzlog pas so/ /brtan ni spyi bor ro/ /gom pa'i stabs su ni mchog tu zhes pa la sogs pa'o/ /lhan cig skyes pa'i dga' ngo bo kho na stong pa nyid dang snying rje
 dbyer med pa nyid dpal ldan rdo rje sems dpa' i gzugs te/ des 'gro ba dang 'ong ba'i bya ba dag byed cing/ /byang chub kyi sems rdo rje rol to/ /ji ltar bde bar ni/ chung ngu la sogs pa'i dbye ba tha dad par 'gyur bar ro/ /
 'dir ni ste lus la dang rtsa rnams la'o/ /de ni mngal gyi gnas skabs su dang por snying gi rtsa lnga rnams skye'o/ /de'i rjes su skyes pa gsum rnams so zhes pa brgyad rnams so/ /de la 'dab ma rnams kyi bzhi yis 'byung ba'i rtsa rnams
 rnam par bzhag go /phyogs rnams su bzhi rnams ni 'byung ba bzhi rnams dang de'i rang bzhin rnams 'bab po zhes byas nas so/ /mtshams rnams su bzhi rnams ni so sor bshang ba dang gci ba dang bad kan dang khrag dang khu ba rnams 'bab pa 'byung ba'i
 rtsa rnams kyi lhan cig byed pa/ gzugs dang dri dang ro dang reg bya rnams 'bab pa'i phyir mchod pa'i rang bzhin te/ de'i rang bzhin yang dngos por na 'byung ba dang 'byung ba las gyur pa tha dad med pa'i phyir ro/ /'di ltar a ba d+hU tI
 dang lhan cig rtsa lnga rnams dang po ste/ de'i rjes su gsum dang/ de nas nyi shu rtsa bzhi zhes pa'o/ /sum cu rtsa gnyis mgo bor skyes pa rnams rab tu byed pa gnyis par mdor bstan rnams so/ /de rnams kyi gsum ni rdul dang snying
 stobs dang mun pa'i ngo bo ra sa nA dang la la nA dang a ba d+hU tI rnams gtso mo ste/ khyad par gyi las kyis lhag pa'i phyir ro/ /de ltar ni bde ba chen po'i 'khor lor skyes pa sum cu rtsa gnyis rnams kyi thun mongs gi las ni byang chub kyi sems
 'bab pa'o/ /khyad par gyi las ni so so ste/ de gsungs pa/ pul+li ra ces pa la sogs pa'o/ /rgyus pa gams zhes pa rgyas pa 'bab pa dang zhag 'bab pa ste thung ngu ma'o/ /ru sbal skyes ma ni rus pa 'bab pa'o/ /snying gnas ni snying 'bab pa'o//
 glo ba bcas zhes pa glo ba 'bab pa'o/ /rgyu ma 'bab pa ni mtshan mo ma'o/ /lto ba gnas shes pa lto ba 'bab pa'o/ /skra mtshams 'bab pa ni dga' ba'i gdong ma'o/ /gzugs bzang ma'i rtsa ni bad kan dang reg bya 'bab pa'o/ /de nyid kyi phyir 'jigs pa med pa'i gzhung
 'grel du bshad pa/ reg la rnal 'byor ma zhes pa ni gzugs can ma'o/ /de lta kho nar rgyud gzhan du gsungs so/ /dmar po zhes pa khrag 'bab cing bad kan yang ste rgyud gzhan du gsungs pa'i phyir ro/ /sdug gu ma ni tshil dang smyon chu 'bab pa'o/
 'di ni 'dir bsdus pa'i don te/ mgo bo ma la yang mi phyed ma ni sen mo dang so rnams 'bebs so/ /spyi gtsug dzA laM d+ha ra ru phra mos skra dang ba spu rnams so/ /rna ba g.yas aau Di yA na ru rtsen ma pags pa dang dri ma rnams so/ /rgyab stod a rbu
 da ru g.yon pa ma sha'o/ /rna ba g.yon pa go dA ba rI ru thung du ma ni zhag dang rgyus pa'o/ /smin ma gnyis kyi dbus rA me shwa ra ru ru sbal skyes ma ni rus pa rnams so/ /mig gnyis de wI ko Ta ru sgom pa mo ni mkhal ma'o/ /dpung pa gnyis kyi
 rtsa ba mA la ba ru dbang bskur ma ni snying ste bad kan yang ngo/ /mchan khung gnyis kA ma ru par skyon ma ni mig dag go /nu ma gnyis o Da ru mjug ma mkhris pa'o/ /lte ba tri sha ku ni rus ma ma ni glo ba'o/ /sna ko sha la ru mtshan mo ma ni rgyu
 ma'o/ /kha ka lingka ru bsil ster ma ni rtsib logs kyi rgyud rnams so/ /mgrin pa lam bA ka ru drod ma ni lto ba'o/ /snying ga kAny+tsi ru rab 'bab ma bshad ba'o/ /pho mtshan hi mA la ya ru dga' gdong ma ni skra mtshams so/ /rtags yi dags kyi gnas
 su gzugs can ma reg bya dang bad kan no/ /bshang laM gri ha de wA ru spyi ma rnag go /brla gnyis so sor rASh+Ta ru rgyu sbyin ma khrag dang bad kan dag go /byin pa gnyis gser gling du sbyor bral ma rdul lo/ /sor mo
 bcu drug nA ga ra ru sdug gu ma myos byed dang tshil bu'o/ /rkang pa'i bol gnyis sin d+hU ru grub pa ma myo don dang mchi ma dag go /mthe bong bzhi ma ru ru 'tshed ma mchil ma'o/ /pus mo gnyis ku la ta ru yid bzang na snabs dang kha chu'o/ /sum skor
 ma ni gzugs so/ /'dod pa ma ni sgra'o/ /khyim ma ni dri'o/ /gtum mo ni ro'o/ /bdud 'dral ma ni chos so/ /a ba d+hU tI ni byang chub kyi sems mun pa'i ngo bo 'bebs so/ /la la nA lte ba'i rtsa bar 'phyang ba ni snying stobs 'bebs shing/ zos pa
 dang 'thungs pa pho ba'i mes zhu ba rnams las ro yang ste de las ro bcud rtsa gzhan dang gzhan du 'phos pas lus khyab par byed do/ /ra sa nA ro las khrag 'bebs te/ /de las de yang de lta kho nar lus khyab par byed do/ /rtsa 'di gnyis la nye bar
 brten pa'i ro dang khrag la brten pas gzhan rnams kyi las gsungs so/ /rgyud 'dir las ma gsungs pa'i rtsa rnams kyi las ni rgyu gzhan gyi rjes su 'brang bas brjod par shes par bya'o/ /a ba d+hU tI ming gzhan ni a ba d+hU tI kho na dung can ma
 ste khu ba dang khrag 'bab pa'i phyir ro/ /rdul 'bab phyir na gtum mo ste/ /khu ba 'bab phyir mal 'gro gdong/ /steng du bud med zla mtshan la /g.yung mo skyes pa'i kun dar ma/ /zhes pa la sogs pa gdul bya'i 'dod pa sna tshogs nyid
 las so/ /'dir ma la ya la sogs pa'i gnas brgyad rnams ni thugs kyi 'khor lo'o/ /kA ma ru pa la sogs pa brgyad rnams gsung gi 'khor lo'o/ /yi dags gnas pa la sogs pa brgyad rnams sku'i 'khor lo'o/ /'khor lo 'di rnams su
 gang rdo rje sems dpa' i dkyil 'khor du rdo rje drag mo la sogs pa'i lha mo rnams dang/ gang yang rig pa'i rgyal po'i dkyil 'khor du rab gtum mo la sogs pa rnams dang/ gang yang kyi ni rdo rje'i dkyil 'khor dang bdag med ma'i dkyil 'khor du kau ri la sogs pa
 rnams dang/ gang yang ye shes mkha' 'gro ma'i dkyil 'khor du seng ge ma la sogs pa rnams dang/ gang yang sangs rgyas thams cad mnyam pa sbyor ba mkha' 'gro ma dra ba sdom pa mo dang ke lI kyi lA la sogs pa rnams dang/ gang yang rdo rje bdud rtsir zla pa'i rim
 ma la sogs pa rnams te/ de rnams thams cad ni rtsa nyi shu rtsa bzhi'i rang bzhin du gnas ma rnams so/ /gang spyan ma la sogs pa rnams dang mkha' 'gro ma la sogs pa dang rdo rje ma la sogs pa dang rdo rje mkha' 'gro ma la sogs pa rnams te/ de rnams
 ni sum skor ma la sogs pa rtsa bzhi'i rang bzhin no/ /rkyang ma dang ngo ma dang kun dar ma rnams ni rdo rje snyems ma dang rdo rje phag mo dang bdag med ma dang ye shes mkha' 'gro ma'i rang bzhin rnams so/ /yang na 'dis ci ste/ gdul bya'i bsam pa'i dbang las
 lha mo'i khyad par rnam par bzhag pa las gang ci yang rung rnal 'byor dang rnal 'byor ma'i rgyud rnams su rdo rje lha mo gsungs pa dpag tu med pa de rnams thams cad kyang so sor 'khor dang bcas pa'i rtsa sum cu rtsa gnyis kyi rang bzhin rnams su shes par bya'o//
 sum cu rtsa gnyis pa bdud dral ma ni a ba d+hU tI dang 'dres pa kho na te/ lce'i rtsa mo ji srid par lta ba nas langs pa dus kyi rtsa 'gog pa'i mtshan nyid can gyi chos rnal 'byor ma rnams kyi 'bab bo/ /de ni rnal 'byor ma sdud pas 'jug ste/ de ni ma rig
 pa'i ngo bo can nyid kyi phyir ro/ /'o na sngar/ byang chub sems rnams sum cu gnyis/ /gang tshe 'dir ni gang bar 'gro/ zhes dang/ brtags pa gnyis par yang/ byang chub kyi sems sum cu rtsa gnyis 'bab pa'o zhes pa ci ltar zhe na/ 'gal ba can
 nyid kyis dus kyi rtsa la 'bab pa'i phyir skyon med do/ /rnal 'byor ma'i ngo bor rtsa ston pa'i skabs su de ston pa ni yongs su spong ba'i don can no/ /de'i dbang las 'jig rten 'di bde ba chen po'i rang bzhin du skyes kyang de'i dkyil 'khor mi
 mthong ngo/ /de'i dbang kho na las 'chi ba yang ngo/ /de nyid kyi phyir gsungs pa/ 'bad pas kun gyi lhag ma spang/ zhes so/ /'gog pa'i chos 'bab pa la sogs pa 'di ni sgrib pa dang bcas pa'i gnas skabs kho na ste/ sgrib pa med pa'i skabs su ni sum
 cu rtsa gnyis pa bdud 'dral ma yang byang chub sems kyi gang ba'o/ /bcom ldan 'das byang chub kyi sems rdo rje dpag tu med pa'i de bzhin gshegs pa la sogs pa'i rang bzhin ni kun gyi thabs so/ /'di yang don dam par sa bon la sogs pa
 las bskyed pa med pa kho nar stong pa nyid dang snying rje dbyer med pa'i byang chub sems kyi ngo bo ni rdzogs pa'i dkyil 'khor du gsungs pa'o zhes pa'o/ /man ngag gi snye mar snye ma nyi shu gnyis pa'o// //shes rab mchog gi
 rdzogs pa'i rim pa'i dkyil 'khor la sogs pa rgyas par bstan pa'i ched du 'dri ba/ thos lags zhes pa la sogs pa ste/ thos pa ni rab tu byed pa gnyis par mdor bstan pa'o/ /rtsa rnams kyi ngo bo ste rang gi ngo bo'i lha rnams kyis yang
 dag gzung ba ni lha'i rang bzhin du mos pas dri ma med pa nyid kyis na nges pa'i don du rgyas par byas pa'o/ /de'i phyir 'khor dang bcas pa'i rtsa'i rang bzhin ni/ lus kyi dkyil 'khor nyams dga' ba ste/ he ru ka la sogs pa rnams kyi bde ba chen po'i
 rol pa'i gnas nyid kyi phyir ro/ /ji skad gsungs pa ni brjod pa'i rim pa las ma 'das par te/ nyi shu rtsa gcig pa ni/ lus dang ngag gi sgo dag dang/ sems kyi sgo yang mchog nyid kyis na rnam pa gnyis su byas pa zhes sgo bzhi rnams gsungs
 so/ /yan lag brgyad rnams ni mgo dang lag pa dang rkang pa dang lte ba dang snying ga dang kha rnams so/ /lte ba la sogs pa gcig ste rtsib logs gnyis kyang ngo/ /zhes gzhan rnams so/ /dngos po kun gyis ni chu dang zheng du'o zhes pa drang ba'i don to/ /
 stong pa nyid kyis shes pa nges pa'i don to/ /'khor lo gsum bdag ni ji ltar nyi shu rtsa gcig par bshad pa'o/ /'khor lo gsum gcig ces 'don pa la/ /gcig ni dkyil 'khor ro/ /ri bo la sogs pa rnams dang b+hai ram b+ha la sogs pa
 rnams kyi rim pa las ma 'das pa zhes pa mdor bstan pa'o/ /bla ma rnams ni sangs rgyas bcom ldan 'das rnams te/ de rnams kyi dus thabs ni man ngag brgyad pa'o/ /de ltar dkyil 'khor de ni gang gi phyir/ gnas te rang gi rgyu dang rkyen rnams las
 byung bar gyur pa rgyun can no/ /da lta nyid du sgom pas rdzogs pa ni ma yin te bskyed pa'i rim pa'i dkyil 'khor bzhin no/ /b+hai ram b+ha la sogs pa rgyas par 'chad pa/ rkang pa zhes pa la sogs pa'o/ /gzhu'i dbyibs ni gzhu'i rnam pa can te/ rtsa'i bu gar
 gnas pa nyid kyi phyir ro/ /ri bo la sogs pa rgyas par ston pa/ sgal tshigs zhes pa la sogs pa ste/ ri rab ni mgo bo'i gnas so/ /sngar rab tu gsal bar byas pa'i rnam par gzhag pas sum cu rtsa gnyis kyi dbyangs rnams dang gsal byed rnams
 kyi brgyad cu'i rang nyid ni mi gsal ba'i rang bzhin te/ de'i rgyun gyis zla ba dang nyi ma yongs su gyur pa'i ngo bos gnas pa ni rtsa sum cu rtsa gnyis rnams kyi byang chub kyi sems khu ba dang rdul cung zad kyi ngo bo zla ba'i dkyil 'khor gdan du brjod de bskyed pa'i rim
 ba la'o/ /de 'dir glang ba kho na'o/ /de'i zhes pa byang chub kyi sems sum cu rtsa gnyis kyi dang glad pa'i 'o/ /haM yig ni haM gi dbyibs can rtsa la yang dag par zhugs pa'i byang chub kyi sems so/ /gzhom du med pa ni spros pa rnams kyis te/ stong pa nyid
 dang ro gcig pa'i bde ba'i rang bzhin nyid kyis na rgyu rdo rje 'dzin pa zhes pa'i don to/ /gang 'chad par 'gyur ba rdo rje can gyis shes so/ /gang phyir rtsa ba dang bcas pa'i 'jig rten ni phung po lnga rnams te/ de rnams kyang rnam pa
 gnyis so/ /de la brtan pa rnams ni mig la sogs pa rnams so/ /g.yo ba rnams ni sems dang sems las byung ba rnams so/ /thugs rdo rje ni dri za'i sems can gyi gnas skabs dor nas pha ma'i khu ba dang rdul dang lhan cig tu gyur ba'i phan
 tshun phan gdags bya dang phan 'dogs pa po nyid kyis de lta de ltar gnas skabs yongs su 'gyur ba rgyud pa'i ngo bo'i phung po lnga rnams nye bar bskyed de/ skye ba la sogs pa'i gnas skabs rnams su'o/ /'on kyang bar gyi gnas skabs su mgo bo'i
 mtsho skyes su khu ba shas che ba rdul shas chung ba ste/ gsang ba'i chu skyes su bzlog pa'o/ /sems bde ba'i ngo bo ni 'ga' zhig tu ci zhig ltar res 'ga' 'phel ba 'am 'grib pa'o/ /de gsungs pa/ gnas zhes pa la sogs pas so/ /sa bon
 ni gnas skabs gzhan dang gzhan gyis te/ 'jig rten pa dang 'jig rten las 'das pa'i yang ngo/ /gsal ba ni ji ltar rigs par khu ba dang rdul bde ba rig pa'i bdag nyid do/ /mi 'gyur ba'i skabs 'phel ba na ni gsum ga yang shas cher
 'jug pa ni gsal ba'o/ /de nyid kyang kun rdzob pa kho na'i ngo bo ste/ gang gi phyir don dam par rang bzhin med pa nyid kyis mi gsal ba'i ngo bor gnas pa'o/ /ji ltar 'jig rten las 'das ba'i gnas skabs kyi sa bon 'di yin zhe na/ gsungs pa/
 kun gyi zhes pa la sogs pa'o/ /lus can rnams kyi ni sgom pa po rnams kyi ste/ cig shos rnams kyi ni bdud rtsi 'dzag par rung ba'o/ /gzugs ni rang gi ngo bo ste lus so/ /de las ni haM yig las te skyes pa'i rang gi ngo bo las so/ /
 bdud rtsi ngo bo 'di las 'dzag pa ni bdud rtsi 'dzag pa'i rang gi ngo bo can te/ haM yig ni gsal ba dang mi gsal ba'i ngo bo gang yang rung ba'i gtum mos/ /gus pa dang bcas par bar ma chad bar goms pa ni/ chung ngu goms pa na bdud rtsi 'dzag pa'o/ /bar
 ma na cher 'dzag go /chen por na rgyun mi 'chad par ches cher 'dzag go /thabs kyi rgyud kyi ngo bo'i rdzogs pa'i rim pa'i dkyil 'khor bsgoms pas ni yid brtan pa na gtum mo nges par spro ba las 'bar zhing/ des gdungs pa'i ri bong can yang
 'dzag go /de'i tshe yang de kho na ste te hi yig 'dzag ba can gyi nA da gtum mo rdul gyi ri mo 'byed cing khyad par du 'phags par byed de/ 'dres par gyur pas bde ba dang ro gcig tu byed pa'i phyir ro/ /'di kho na me zhes pa la sogs pas gsungs te/
 gtum mo'i me mnyes pa ni bde ba'i rang bzhin nyid kho na'o/ /de nyid kyi phyir gsungs pa/ yongs rdzogs zhes pa la sogs pa ste/ des ni khyad par du thob pa'i haM yig gis yang dag rdzogs pa kho nar rtsa'i 'khor lo'i dkyil 'khor nges par
 'gyur ro/ /med pa kho na'o/ /zhes pa 'di la the tsom 'am phyin ci log med pa'o/ /ci las 'di ltar yin zhe na gsungs pa/ de zhes pa la sogs pa ste/ de zhes pa phyi ma la bltos pas ma ning ngo/ /haM yig kho na khyad par thob pa ni phung po dang
 khams la sogs pa rnams kyi gnas skabs khyad par ba'i rgyu nyid kyi phyir snying po ste/ bshad pa na 'dir dang rgyud gzhan du'o/ /'o na rtsa'i tshogs kyang snying po ste rgyas pa la sogs pa byed pa'i phyir te/ sngar ji skad bshad pa bzhin no zhe na gsungs
 pa/ /mchog ces pa ste/ ji ltar 'di mchog yin pa de ltar 'chad par 'gyur ro/ /rtsa rnams kho na de len gyi lus ni ma yin te/ des na dkyil 'khor ga la yin zhe na gsungs pa/ sum cu rtsa gnyis zhes pa la sogs pa'o/ /ni ste gang gi phyir rtsa'i
 'khor lo dkyil 'khor te/ de yang pags pa dang rus pa la sogs pas yongs su bskor ba'i lus su brjod cing/ de'i phyir lus kyi dkyil dkyil 'khor du 'dod do/ /de ltar yang b+ha ga dang lus dang byang sems
 kyi dbye ba las dkyil 'khor rnam pa gsum gsungs shing/ de las b+ha ga'i dkyil 'khor ni bskyed pa'i rim pa kho na'o zhes pas gnyis 'dir rgyas par bstan to/ /ci ste lus ni byang chub kyi sems len pa'i phyir dkyil 'khor du
 brjod mod/ byang chub sems ni ci ltar zhe na gsungs pa/ /byang chub sems zhes pa haM yig khyad par du gyur ba ni/ chen po yang ste stong pa nyid dang snying rje dbyer med pa'i phyir la/ dga' ba rgyas par byed pa'i phyir rin po che yang
 yin pa bde ba chen po'i snying po ste/ stong pa nyid dang snying rje dbyer med pa bde ba chen po'i snying po de'i bdag nyid kyis len pa'i phyir byang chub sems kho na bla na med pa'i dkyil 'khor ro/ /ci ltar na 'di ltar yin zhe na gsungs pa
 de zhes pa la sogs pa'o/ /sna tshogs ni rnam pa gnyis te/ phyi dang nang ngo/ /khyab pa ni de'i rang gi ngo bos khyab bya dang de'i bdag nyid kyi khyab byed 'di yin te/ gang 'chad par 'gyur ba de ni phyi dang nang gis shes pa'o/ /
 dbang po thams cad 'jug byed ni/ dbang po rnams thams cad so so rang gi rnam shes bskyed pa la 'dis 'jug go /zhes byas nas so/ /'dis ni rnam par rtog pa'i gzung bya gzugs la sogs pa don med pa
 ni phyi rol ma yin no/ /zhes gsungs par 'gyur ro/ /grub pa yang de ste rdzogs pa yin gyi/ bskyed pa'i rim pa bzhin du bskyed par bya ba ni ma yin no/ /rdzas kyang ste don bya ba byed pa'o/ /rnam par gnas pa yang ste
 kun rdzob tu gnas gzhan du gnas pa lhur len pa khu ba dang khrag la sogs pa dang dbang po rnams dang sems dang sems las byung ba rnams so/ /'di'i mchog nyid ni myur du skyes bu'i don gyi mchog 'grub pa'i rgyud nyid kyi phyir te/ de'i phyir de rtogs
 par byed pa/ de zhes pa la sogs pa'o/ /sbom po ni gzugs kyi phung po'o/ /phra ba ni tshor ba la sogs pa'i phung po bzhi rnams so/ /de rnams kyi rang gi ngo bo ni rang bzhin med pa nyid do/ /gnyen nyid ni phan pa'i rgyu nyid kyis so/ /khyad
 par nyid kyis stong pa nyid dang snying rje dbyer med pa byang chub kyi sems rdo rje can gyi 'jug pa'i rgyu mtshan gsal bar mdzad do/ /de ltar na yang stong pa nyid dang snying rje dbyer med pa'i byang chub sems kyi rang bzhin lha'i rnam pa'i bdag nyid kyi lus kyi ngo bo'i
 dkyil 'khor ni rnam pa sna tshogs pa'i lha sprul pa rnams kyi sna tshogs pa'i don byed pa'o zhes gsungs so/ /sangs rgyas rnams kyi ste 'bras bu'i gnas skabs kyi dang byang chub sems dpa' rnams kyi ste rgyu'i gnas skabs kyi dam tshig ni rtog pa ste/
 de las 'di dam tshig gi don byung zhing skyes so/ /sangs rgyas nyid de rdo rje 'dzin pa nyid 'thob po/ /ci las she na/ byung ba'i dkyil 'khor goms pa 'di kho na las so/ /rang rgyal rnams kyi ste so so gcig pu sangs rgyas rnams kyi 'grub pa
 ni yang yang dag par rdzogs pa'i sangs rgyas nyid de/ mi khom pa spangs pa'i skye ba mi rnams kyis dang lha rnams kyi'o/ /nyan thos la sogs pa rnams kyi yang dkyil 'khor 'di goms par ? ba nyid dang
 sangs rgyas nyid kyang ngo zhes shes pa'i ched du/ /nyan thos rnams kyi zhes pa la sogs pa gsungs so/ /'ga' zhig tu sems can gyi phung po ma lus pa sangs rgyas nyid du rung bar gsungs pa ni/ mi khom par skyes pa rnams dal 'byor thob par
 gyur ba na'o zhes mngon par dgongs pas mi 'gal lo/ /mchod pa'i las dang sbyin sreg gi las rgyas par ston pa/ nang gi zhes pa la sogs pa'o/ /shes rab ni stong pa nyid kyi ye shes so/ /de ni me ste lhan
 cig skyes pa'i gtum mo/ /rnam par rtog pa'i rab rib ma lus pa sel bar byed pa'i phyir cher 'bar ba ste 'od gsal ba'o/ /de la nang du sbyin sreg ni khu ba la sogs pa rnams kyi nang du 'dus pa'o/ /phyi rol tu ni gzugs la sogs pa rnams
 kyi'o/ /phyi dang nang zhes pa'i tha snyad ni 'byung ba'i kun rdzob kyis te/ don dam pa'i gnyis ka byang chub sems kyi rang bzhin nyid kyi phyir ro/ /de nyid kyi phyir byang chub sems rdo rje bcom ldan 'das me lha la/ stong pa nyid dang bde ba'i rang bzhin
 snying rje'i rnal 'byor gyi mchod pa'i dgang blugs kyis/ de'i nang du rtogs pa'i skye mched drug la sogs pa mchod par 'gyur te/ khyad par du ste de kho na nyid kyi mchod pas so/ /mkha' 'gro ma rnams ni rtsa rnams so/ /des ni ste rnal 'byor
 gyis so/ /de rnams ni lha'i ngo bo rnams so/ /rnam par bzhag pa gzhan gsungs pa/ mgo zhes pa la sogs pa ste/ bde ba chen po'i chu skyes su gnas pa'i khu ba ni sreg rdzas so/ /ra sa nA ni blugs gzar gyi yu ba ste/ de'i
 gdong pad+ma'i 'dab ma'i dbyings can gyi kha ni mgrin pa'i pad+ma'o/ /la la nA ni dgang gzar gyi yu ba ste/ de'i gdong ni snying ga'i pad+ma'o/ /yu ba'i 'og rdo rje rin po che dang thab khung ni lte ba'o/ /las ni yid mnyam par bzhag pa 'am
 dbang po gnyis kyi bya ba'o/ /des bskul ba'i rlung ste/ des sbar ba'o/ /tshangs pa'i de kho na nyid ni stong pa nyid kyi ye shes te/ de de'i rang bzhin me dro ba rdul gyi ngo bo rnal 'byor gyi gtum mo thab khung gi dbus kyis 'og gseng pa'i
 chu skyes su gnas so/ /sgra tsam ni gtum mo rdul gyi ri mo goms pa'i skabs na nang gi brjod pa dang ldan pa'o/ /'di skad gsungs te/ slob dpon thugs rdo rje'i byang chub kyi sems bsgom pas yid brtan pa na la la nA dang ra sa nA ru son pa'i rlung dag a ba d+hU tI'i
 rlung gi nang du 'du'o/ /de yang gtum mo spor zhing/ de yang mgo bo'i 'khor lo la gnas nas sreg rdzas zhu bar byed do/ /de'i tshe ra sa nA dang la la nA'i rlung ma lus pa a ba d+hU tI ru zhugs shing/ a ba d+hU tI'i rlung yang tshangs pa'i me dang ro gcig cing
 de la 'jug par byed do/ /zhugs pa yang sbyin sreg gi mchod pa yang ste/ mngon par 'dod pa gnyis su med pa lhan cig skyes pa'i bde ba sgrub par byed pa'i phyir ro/ /de ltar yang dang yang du 'bar byed la sogs pa'o zhes skor bar byed ba ni bzlas pa zhes
 pa'o/ /sgom pa ni snying rje dang shes rab gnyis su med pa'i ngo bo lhan cig skyes pa'i byang chub sems kyi rang bzhin dkyil 'khor so so rnam ba so sor yang dang yang du rgyun mi 'chad par bskyed par bya bzhin pa'o gang gi phyir lhan cig skyes pa la gnas
 pa ni de'i bdag nyid kyis gzugs kyi phung po la sogs pa lha rnams kyi dkyil 'khor te/ sbyin sreg dang mchod pa yang ngo/ /dkyil 'khor gyi bdag po ni dbang du byas pa'i byang chub kyi sems rdo rje ste/ de kho na ni bshad pa 'di thams cad rjes su bsgrub po//
 'o na dri ba la dkyil 'khor mchod pa la sogs zhes pa'i sogs pa'i sgras mngon par dgongs pa/ rdul tshon gdab pa la sogs pa gzhan du gsungs pa/ ci ltar 'dir rnam par ma bzhag ce na/ gsungs pa/ thams cad ces pa la sogs pa'o/ /'dir ni
 ste rdzogs pa'i dkyil 'khor la sogs pa la'o/ /shes rab mchog la ni de las cig shos kyi dkyil 'khor la sogs pa'i 'dzin pa gsal ba'i ched du cung zad 'dir rnam par bzhag cing gzhan ni rang nyid kyis dpyad nas rnam par bzhag par
 bya ba 'am yang na ma yin te/ de med kyang 'dir nyams pa ci yang med pa'i phyir ro zhes dgongs pas gus par bya ba min no/ /de skad du yang dril bu zhabs kyis gsungs pa/ sems gnas las kyi thig dang ni/
 rdul gdab rim pa las byung pa'i/ /'gro 'di dkyil 'khor kho na ste/ /rang bzhin gyis grub gnyis med pa'o/ /bcos ma gnyis kyi ngo bo gang/ /de ni gdul bya'i dbang las 'dod/ /de ni 'dod pa'i bsgrub bya min/ /thar pa yang
 dag don mthong las/ /zhes so/ /ji ltar phyi rol gyi dkyil 'khor gyi khang pa la sogs par dang bskyed pa'i rim pa la slob dpon rol par byed pa de ltar 'dir yang yin nam/ rnam pa gzhan du yin zhes the tsom pas dri ba dang dung zhes pa ste
 rdzogs pa'i rim pa'i dkyil 'khor du ci ltar zhes pha rol pa'i rnam pa dris pa'o/ /bye brag ni khyad par te chos la sogs pa rnams kyi dang rang gi rten gyi yang ngo/ /rten gyi bye brag gsungs pa/ mgo zhes pa la sogs pa'o/ /e yig rnam pa
 ni gru gsum ste /bam yig 'dra ba ni zlum po thig le'o/ /brten pa'i bye brag gsungs pa/ 'dab ma drug cu rtsa bzhi zhes pa la sogs pa ste/ sbrul pa la sogs pa rnams kyi mtshan nyid 'chad par 'gyur ro/ /bye brag gzhan gsungs pa/ sprul pa zhes pa la sogs pa'o/ /sprul
 pa'i 'khor lo ste de'i dbus su dang 'chang bar 'gyur bar yang ste chos kyi dang longs spyod longs rdzogs pa'i dang bde ba chen po'i yang ngo/ /rtsa'i dbyibs kho na 'khor lo nyid kyis dang pad+ma nyid kyis tshul du bya ba'o/ /sde mtshan brgyad la sogs pa rnams kyi rang gi ngo bo la sogs
 pa ni rdzogs pa'i rim pas bzhi pa dang nyi shu gnyis par bshad do/ /bskyed pa'i rim pa bsgom par bya ba rnams ni rdzogs pa'i rim pa la 'jug pa la thabs nyid du 'dir rgyas par bstan to/ /sde mtshan brgyad la sogs pa rnams ni bris
 pa'i ngo bo'o/ /de la lte bar gyen du kha phyogs pa'i chu skyes dmar bo la/ sde tshan rnams kho na brgyad do zhes pas shar la sogs pa'i 'dab ma rnams la a ka tsa Ta ta pa ya sha'i sde pa rnams te sngar rnam par ma phye'o/ /kha cig tu rnam par thar ba brgyad
 rnam par dag pa a ka la sogs pa yi ge brgyad dgod pa gsungs pa ni gdul bya'i dor te/ de'i phyir sde tshan brgyad rnams so/ /zhes kyang shes par bya'o/ /dbus su zla ba la aM ste 'gyur ba med pa dam pa ni skye ba med pa gsal bar byed pa'i phyir ro/ /snying gar kha
 thur du phyogs pa'i pad+ma dkar por zla ba la hUM ste/ mi shigs pa ni spros pa rnams kyis te chos sku mtshon pa'i phyir ro/ /mi shigs pa brjod pas haM yig tu dogs pa sel ba la lng zhes pa'i grangs kyi tshig ste/ u yig 'og na gnas pa dang
 lhan cig go /des na shar la sogs pa'i 'dab ma rnams la A a'i a'u i cha rnams so/ /ya ra la wa rnams kyi zhes rjes su 'jug pa'i phyir dbang ldan la sogs pa rnams su ya ra la wa rnams so/ /mgrin par steng du phyogs pa'i chu skyes
 dmar po la zla bar oM ste shar la sogs pa'i 'dab ma rnams la A a'i a'u i cha rnams so/ /ya ra la wa rnams kyis rjes su 'jug pa'i phyir dbang ldan la sogs pa rnams su ya ra la wa rnams so/ /mgo bor 'og tu phyogs pa'i sna tshogs mtsho skyes su
 zla ba la haM yig mgo bo stong pa ste zla phyed dang thig le dang nA da dang ldan pa'o/ /nyi shu rtsa gnyis par gsungs pa/ haM yig 'di/ na da dang thig le gzhom med pa'o/ /zhes so/ /gcig gis bar du mchod pa'i 'dab ma bcu drug rnams su
 dbyangs bcu drug rnams so/ /a yig la sogs pa'i yi ge 'di rnams zla phyed dang thig le dang/ bcas pa bu mo lnga bu 'dzag pa rnams so zhes shes par bya ste/ khyad par dang bcas pa ni gtum mo bsgom pa na bshad par bya'o/ /dkyus ma la ni
 zla ba zhes pa la sogs pa ste/ ngos dag ni hUM yig gis ngos so/ /g.yon dang g.yas dag ni rlung dag ste/ la la nA dang ra sa nA ru son pa dag dang/ khu ba dang rdul dag kyang ngo/ /la la nA dang ra sa nA'i rtsa dag ni mgo bo'i 'khor lo nas
 gsang ba'i 'khor lor ji srid bar mdud pa rnams su lcags sgrog gi rnam pas a ba d+hU tI'i la 'khyud nas gnas pa dag go /'on kyang la la nA ni zas pa dang 'thungs pa lte ba'i mes smin ba rnams las zhu ba 'bab po zhes pas mgrin pa
 nas zhes dang ngal so zhes gsungs kyi de dag kho na'i mthar thug pa ni ma yin no/ /de nyid kyi phyir yang zhes gsungs so/ /myos byed kyang 'bebs te/ spros pas gso'o/ /ra sa nA ni zhu ba las khrag 'bebs te/ dang por lte bar
 dang mgrin par ji srid par ro zhes gsungs pa/ lte ba nas zhes pa la sogs pa'o/ /yang rjes su 'jug pa'i phyir ngal ba yang ngo/ /nges na de'i khrug gis lus la mngon par khyab bo/ /zla ba ni khu ba'o/ /'jug pa'i rlung 'og gi sgo dang 'byung ba steng gi sgo ni la la nA dang
 ra sa nA la mnyam par gnas pa'o/ /rlung gnyis ci ltar sgo yin zhe na/ ni ste gang gi phyir/ 'di dag ste brjod pa dag brten pa dag go /zla ba dang nyi ma dag gi gtso bo'i sgo gnyis su gyur pa rlung 'di'i sgo gnyis ni sor rtsa gnyis so/ /de nyid kyi phyir nye bar btags pa las la la nA zla bar brjod cing ra sa nA nyi mar ro/ /'di
 dag sgo nyid du rtogs par byed pa gsungs pa/ dpa' bo zhes pa la sogs pa ste/ dpa' bo khu ba'i rnam pa rnams kyis dang mkha' 'gro ma bde ba'i tshul dang khrag gi tshul te/ de dang ldan pa rlung la zhon pa rnams kyi 'gro ba dang 'ong ba dag gi rgyu ste
 rten dag go /rgyud dag ces pa ni lung nyid kyi phyir ro/ /yang na 'gro ba dang 'ong ba dag gang dag gi nges 'brel dag sta dgos pa dag go zhes kyang tshig rnam par sbyar ro/ /ni ste gang gi phyir de ltar yin pa de'i phyir 'di rnams kyi rtsa so sor
 phyi rol tu 'gro ba na nub pa ste nub par 'gro ba dang sdud pa dang thim pa ste gnyis log pa'i gnas skabs bzhin no/ /nang du 'ong ba dang 'char ba dang spro ba ste sad pa'i skabs na bzhin no/ /gang la la nA spro ba'i rtsa dang ra sa nA bsdud ba'i rtsar brjod pa de ni rim
 pa ji lta bar khu ba dang rdul shes cher ba dag 'bab pa'i phyir zhes phal che bar gsungs pa'o/ /a lI dang kA li dag gi yang 'gro ba dang 'ong ba'i rgyu dag ni de dag go zhes rtogs ba'i ched du gsungs pa/ g.yon zhes pa la sogs pa ste/
 a ba d+hU ti'i g.yon ni la la nA dang/ g.yas ngos ni ra sa nA ste/ kun sdud pa'i zlas dbye ba'o/ /dbyangs bcu drug rnams kyi nang nas ri rI li lI ste ma ning dang bral ba dbyangs bcu gnyis rnams so/ /skor ba ni yongs su bskor ba ste/ 'og tu
 bltas pa'i ka sogs rnams kyis so/ /g.yon dang cig shos kyi ngos su gnas pa'i rtsa dag gi dbus a ba d+hU tI ru bya ba dpa' bo la sogs pa'i khams rgyas pa la sogs pa ste der nges par byas pa rnams so/ /dbus smos bas ni a ba
 d+hU tI ru yang A li dang kA li dag 'bab par gsal bar mdzad de/ /srin po ni gtum mo ste/ dus kyi mi'i rang bzhin nyid kyis phung po la sogs pa mi dmigs pa'i bdag nyid du za bar rung ba nyid du mtshungs pa'i phyir srin po lta bu'o/ /'og gi
 cha rnams su ste lte ba'i 'o/ /'di skad bshad de la la nA ra dang ra sa nA ra dang a ba d+hU tI ru yang rlung 'byung ba na steng du phyogs pa'i rlung gi rang bzhin mi gsal ba'i ngo bo can dbyangs bcu drug dang ka la sogs pa sum cu rtsa gsum pa 'khrugs
 pa dang 'khrugs pa rnams/ rim pa dang rim pa ma yin pas re rer yang khams rnams 'byin par byed sdud par byed do/ /sna tshogs pa'i rnam par rtog pa bsal bar gyur pa ni de'i rjes su 'jug pa'i phyir 'di rnams kyang sna tshogs pa 'byung ba'o/ 
 'jug pa na ni 'og tu phyogs pa rnams de ltar kho nar 'jug bar byed spro bar byed do/ rtsa dang po dag ni ri rI li lI k+Sha rnams rlung la thim pa rnams 'bab kyi shas cher ni ma yin no zhes pas de rnams dor ba dag tu gsungs te/ dper na A li
 kho na shas cher 'bab pa'i phyir A li la la nA dang/ kA li kho na'i phyir kA li ras nA zhes gzhan du gsungs pa bzhin no/ /yi ge thams cad kyang shas cher gyur pa 'bab pa ni a ba d+hU tI'o/ /k+Sha ni thim pa ste de ni shas cher gyur pa 'og tu cha
 rnams su lhag par gnas par gsungs so/ /de nyid kyi phyir shes rab dang bcas pa'i thabs dag snyoms par 'jug pas la la nA dang ra sa nA'i rlung dag a ba d+hU tI ru 'jug pa na gtum mo 'bar ro/ /de yang phung po la sogs pa bsreg
 cing spyi bor zla ba 'ju bar byed do/ /de zhu ba yang de dang ro gcig pa'i bde ba'i rang bzhin mgrin par 'bab po/ /de'i phyir gsungs pa gang tshe zhes pa la sogs pa ste/ chags chen ni bde ba chen po dga' ba rab tu gyur pa'i
 gnas skabs so/ /longs spyod ni bde ba nyams su myong ba'i phyir ro/ /sangs rgyas rnams kyi ste gzugs kyi phung po la sogs pa'i bdag nyid rnam par snang mdzad la sogs pa rnams kyi'o/ /rim gyis 'bab bzhin pa ni shes rab ma'i ma'i
 sna yis rtse mor dang thabs kyi rdo rje'i rtse mor te nor bur gang gi tshe gnas pa de'i tshe shin tu ches longs spyod rdzogs par bshad do/ /zhes snga ma dang 'brel te/ lhan cig skyes pa'i dga' ba nye bar longs
 spyod pa'i phyir ro/ /gang gi tshe longs spyod rdzogs pa'i sku yang sna'i rtse mo las dang rdo rje'i rtse mo las 'phos shing nub pa ni bde ba nyams su myong ba rnam par 'chad ba'i phyir na/ de'i tshe shes rab kyi b+ha ga'i pad+ma'i nang du son pa ni/ /'gro zhing
 'gro'o zhes ba yungs kar te/ lung nyid kyi phyir ro/ /yungs kar brjod pas yungs kar gyi 'bras bu'i tshad tsam phra mo'i rnal 'byor la bsgom par bya'o/ /zhes gsal bar byas so/ /de gsungs pa/ rin chen chen po kha dog lnga/ /yungs kar gyi ni 'bru
 tshod tsam/ /sna'i rtse mor nan tan du/ /rnal 'byor las ni brtag tu bsgom/ /zhes so/ /ye shes lnga'i rang bzhin nyid kyi phyir dkar po la sogs pa kha dog lnga'o/ /rnal 'byor las ni shes rab dang thabs snyoms par 'jug pa las so/ /rtag tu ni mtshan
 ma 'byung gi bar du'o/ /nyi ma'i gzugs ni rdul mang po 'dres pa nyid kyi phyir te/ bar do'i srid pa las skyes pa'i rnam par shes pa dang bcas pa ni sprul pa'i sku'o/ /gang gi phyir phung po rnams dang mig la sogs pa rnams des spro ba ni sprul ba ba ni
 sprul ba'o/ /de nyid kyi phyir skye gnas kyi pad+mar spro ba'i gar gyis dbang byed pa'i phyir pad+ma gar dbang phyug go /phung po la sogs pa rnams rgyas pa la sogs pa bskyed pas smin par byed pa'i phyir rgyal po'o/ /gang gi tshe yang ji skad bshad pa'i
 byang chub kyi sems goms pa yid brtan pa phul du byung ba las 'pho ba med cing nyi ma yang nub ste mi mthong ba dang mi skye ba kho nar 'gro ba de'i tshe gang 'byung ba de gsungs pa/ de ru zhes pa la sogs pa'o/ /nyi ma gzhan ni lte ba'i 'og tu gnas pa ste
 de dang bcas pa ni yod do/ /zhes pa dgongs pa'o/ /gang rtogs pa'i don can du gsungs pa de rtogs par gyur cing gong bur gyur pa stong pa nyid dang snying rje dbyer med pa nyid kyis lhan cig skyes pa'i bde ba chen po'i bdag nyid kyis na/ phung po la sogs
 pa rnams de dang ro gcig pa nyid kyis de nye bar longs spyod pa'i phyir/ de rnams kyi yang gnas skabs kyi khyad par sprul pa las/ chos dang bde ba chen po dang longs spyod rdzogs pa dang sprul pa'i sku bzhi ro gcig par gyur pa ni/ rnyog pa med pa ste nyon
 mongs pa'i rnyog pa dang bral ba'i phyir ro/ /de nyid kyi phyir 'khor ba'i lam 'dod chags la sogs pa dang 'pho ba yang 'dis rnam bcad pa'o/ /spros pa ni shes bya'i sgrib pa ste/ de 'dir nye bar zhi ba'o/ /de'i phyir
 zhi ba ste dge ba'o/ /ci ltar nye bar zhi ba yin zhe na/ gang gi phyir dngos po la sogs par 'dzin pa gnyis spangs pa'o/ /de nyid kyi phyir mchog 'jig rten las 'das pa'i phun sum tshogs pa ste/ stobs dang mi 'jigs pa la sogs
 pa'i ngo bo'i 'o/ /dag pa ni sgrib pa gnyis kyi bag chags cha shas dang yang bral ba'i phyir ro/ /bshad pa ni rgyud gzhan rnams su yang ngo/ /rgyud ni 'bras bu'i rgyud do/ /rgod dang lta dang lag bcangs rgyud/ /rgod pas rgyud ni 'phrul dga' 
 ba rnams kyi bde ba lta bu'o/ /blta bas rgyud ni dper na gzhan 'phrul dbang byed pa rnams kyis bde ba lta bu'o/ /lag bcangs kyis rgyud ni dper na dga' ldan pa rnams kyi bde ba lta bu ba'o/ /rgod pa la sogs pa rnams la 'khyud pa'i
 tshul srid pa'i phyir dang 'khyud pa la yang rgod pa la sogs pa srid pa'i phyir 'khyud pa'i rgyud nang du 'dus shing/ de ni 'thab bral ba rnams kyi bde ba lta bu'o/ /gnyis gnyis kyi rgyud sngar gsungs zin cing dper na sum cu rtsa gsum
 pa rnams dang rgyal po chen po bzhi'i ris pa rnams dang mi rnams kyi bde ba lta bu'o/ /de ltar yang de dang de'i bde ba rnam pa dag pas lhan cig skyes pa'i dga' ba kho na chung ngu dang 'bring dang chen po dang chen po'i chen po'i bdag nyid
 dga' ba dang mchog dga' dang khyad dga' dang lhan cig skyes pa'i dga' ba'i rang bzhin ni thabs kyi rgyud de/ byang chub kyi sems kho na rang bzhin gyis rnam par dag par bstan to/ /'on kyang 'gyur ba nyid kyis na chags pa ste
 khyad dga' i mthar thug pas dang chags bral gyis te bde ba rnam par 'chad pas nye bar bcom pa'o/ /'bras bu'i rgyud na bstan pa za bar tshungs pa'i phyir shing srin te/ shing srin 'dra ba ni shing srin te/ de ni chags pa dang chags bral dag zos
 nas mi 'gyur ba srid pa dang mya ngan las 'das pa la mi gnas par gnas so/ /g+hu Na dang g+hur+Na ni 'khyam pa la'o/ /'khyam par byed cing mi gnas te 'dod chags la sogs pa rnams la'o zhes ba g+hu Na'o/ /de kho na bcom ldan 'das rnal 'byor
 pa'i rang bzhin rtsa rnams thams cad/ yang dag par te sgrib pa med par bde ba chen po dang ro gcig pa nyid kyis kun nas sbyor bas mkha' 'gro ma'i dra ba sdom/ don gzhan yang gsungs par bshad do/ /zhes pa'o/ /man ngag snye mar snye ma
 nyi shu rtsa gsum pa'o// //chos kyi sku la sogs pa rnams kyi dbye ba gzhan slar yang bstan pas rdzogs pa'i rim pa kho na rgyas par bya ba'i ched du dri ba la gzhug pa'i don du gsungs pa/ de nas zhes pa la sogs pa'o/
 'khor lo ni dkyil 'khor ro/ /lha ni he ru ka la sogs pa rnams so/ /mkha' 'gro ma rnams ni bdag med ma la sogs pa rnams so/ /dgongs pas te mngon par dgongs pas gang gsungs pa ni dgongs pa'i skad de/ ldem por dgongs pa gtso bor gsungs kyi yi ge gtso
 bo ni ma yin no zhes pa'i don to/ /rnal 'byor ma'i ste bdag med ma'i sdom pa zhes 'brel lo/ /lus dbus ni lte ba'o/ /a yig ces pa dbyangs dang po'o/ /ci ltar a yig sdom pa yin zhe na gsungs pa/ ji ltar zhes pa la sogs
 pa ste/ ji ltar phyi rol gsal bar nyams su myong ba de ltar nang yang ste/ kun rdzob pa de yang yod do zhes pa'i don to/ /phyi rol dang nang gi kun rdzob a yig la ci zhig yin zhe na gsungs pa/ bo la zhes pa la sogs pa'o/ /gang po
 la las skyes pa'i bde ba phyag rgya chen po kho na a yig gi ngo bo can ni de'i zhes pa'i don te/ /'o na bde ba chen po 'di shes rab 'ba' zhig gis 'gyur ba ma yin no zhe na gsungs pa/ rdo rje zhes pa la sogs pa'o/ /
 rdo rje rnams kyi ste de bzhin gshegs pa rnams kyi skye mched gnas bde ba chen po'i 'khor lor gnas pa'i haM yig dang ri bong can rdo rje 'dzin pa'i ngo bo de ni 'dir thabs so/ /de ni 'di la brten nas yang dag par sbyor ro zhes pas bde ba chen po'i ngo
 bo phyag rgya chen por brjod do/ /gsang ba dag gi ste a dang haM yig dag gi snyoms par zhugs pa ste/ ro mnyam par gyur pas so/ /phyi rol gnyis sprod ni las kyi phyag rgya'i snyoms par 'jug pa'i ngo bo ste/ nges bstan pa ni dper byas
 pa'o/ /de'i 'di sdom pa'o/ /de ltar shes rab dang thabs dag gi sdom pa gsungs nas/ sku gsum gyi sdom pa gsungs pa/ sku gsum zhes pa la sogs pa'o/ /gal te sku gsum 'khor lo'i gzugs kyis sdom pa yin na/
 'o na 'khor lo bzhi pa ci'i ngo bor 'gyur zhe na gsungs pa sku gsum yongs su shes pa'i ngo bo/ /bde ba chen po'i 'khor lo sku gsum sdud pa'i rnam pa can bzhi pa 'di ni lhan cig skyes pa'i sku'o zhes pa'i bar ro/ /'khor lo rnams kyi ming
 rnams gsungs pa/ chos zhes pa la sogs pa'o/ /ji ltar rigs par 'di rnams kyi gnas gsungs pa/ skye gnas zhes pa la sogs pa ste/ so sor dang tshogs pa yang ngo/ /skye gnas ni 'dir bud med dang skyes pa dag gi lte ba'o
 'og gi gnas so/ /gsum ni bzhi pa dang lhan cig go zhes pa lhag ma'o/ /de lta na yang ci zhig tu ci zhig sdom pa mi shes so zhe na gsungs pa/ ma lus pa la sogs pa ste/ rab tu brjod ces pa rab tu grags pa'o/ /skye gnas
 kyi 'khor lo sprul pa'i sku'o zhes pa'i don to/ /'o na ji ltar dpag tu med pa'i sems can gyi rgyun skye gnas su skye ba de ltar ci sprul ba yang yin nam zhe na gsungs pa/ sprul pa zhes pa la sogs pa'o/ /sprul pa yang dpag tu med pa'i sems
 can gyi don byed pa ste/ gang gi phyir dpag tu med pa brgyud pa'i ngo bor brtan pa ste gnas pa yin ba de'i phyir de yang 'dir bskyed par bya'o/ /zhes pa'i don to/ /skye ba yongs su dag pa kho na ni sangs rgyas rnams kyi sprul pa'i sku'o/ /ci ltar skye gnas
 brtan pa yin zhe na/ zur gsum nyid kyis na sa gzhi dang chos mthun pa'i phyir ro/ /gang gi phyir yang skye gnas kyi 'khor lor sprul pa'i skur 'gyur ba de'i phyir de kho na sprul pa'i sku'i ngo bor sdom pa'o/ /sprul pa'i sgrub par byed pa nyid kyis nye
 pa'i phyir/ skye gnas kyis ni sprul ba'i sku'i sangs rgyas bskyed cing/ skye gnas las skyes pa yang sems can rnams so/ /chos zhes pa rang bzhin med pa nyid sems kyi rang bzhin ngo bo sems las tha mi dad pa'o/ /de'i phyir sems kyang chos so//
 de'i phyir chos nyid kyi sku 'am/ chos sems kyi khyad par rnams kyi sku chos kyi sku ni snying gar 'gyur ro zhes pa/ chos kyi 'khor lo snying gar 'gyur te sems ni gtso bor snying ga kho nar gnas pa'i phyir ro/ /ci ltar na sems kyi rang gi ngo bo chos yin zhe na
 gsungs pa/ thams cad ces pa la sogs pa ste/ phung po la sogs pa'i chos rnams thams cad brtan pa nyid de gcig dang du ma nyid dang bral ba la sogs pa'i tshad mas nges pa nyid do/ /de'i phyir gang cung zad yod pa'i rang bzhin yod
 bzhin pa'i dngos po skyes pa de thams cad ni chos kho na yin zhing rang bzhin med pa nyid dang tha mi dad pa kho na ste/ sems kyang de ltar chos thams cad kyi nang du gtogs pa nyid kyi phyir ro/ /de nyid kyi phyir 'di'i de mthag tu/ chos rnams kun
 la brtan nyid phyir/ thams cad yod pa'i rang bzhin can/ zhes shes par bya ste/ po ti'i mkhas pa bsal ba'i don du rab tu chos pas gsungs pa 'am/ glegs baM kha cig tu 'di lhung ba ni dgod par dka' ba'i bya rog
 gi rkang pa can nyid kyi phyir ro/ /ro'i ngo bo can rnams kyi zhes pa ro drug gi ngo bo can rnams kyi'o/ /longs spyod pa ni nye bar spyod pa ste/ longs spyod rdzogs pa'i sku'o/ /de'i phyir longs spyod rdzogs pa'i 'khor lo mgrin bar ro/ /pha rol tu phyin pa'i tshul
 la ni gsung rdo rje ni ston par byed pa gtso bos longs spyod rdzogs par gsungs shing/ ro nye bar longs spyod pa gtso bo ma yin par byas so/ /'dir ni bzlog pa nyid kyis so/ /de ltar ni pha rol tu phyin pa'i tshul la ni sa bcu brnyes pa rnams la zab
 mo'i chos bstan pas chos la rdzogs par longs spyod pa'i yan lag nyid kyis ni/ mtshan sum cu rtsa gnyis dang dpe byad brgyad cu'i bdag nyid kyi sku longs spyod rdzogs pa'i sku kho nar brjod cing/ 'dir ni 'di chos kyi sku'i dbang gis gdul
 bya'i ngor bde mchog dang 'dus pa dang kye'i rdo rje la sogs pa'i gzugs kyis de lta de ltar sprul pas so sor snang ba'i phyir sprul pa'i sku yang ngo/ /gang sbrul pa'i sangs rgyas sprul pa'i skur pha rol tu phyin pa'i tshul la gsungs pa de ni 'dir
 yang de dang 'dra ba kho na ste/ sbrul pa'i sprul pa bzhin yang ngo/ /chos kyi skus sbrul pa nyid yin na yang longs spyod rdzogs pa'i sku ni pha rol tu phyin pa'i tshul la tha dad pa nyid de/ chos la rdzogs par longs spyod pa kho na las so/ /'dir ni
 dag gi ngo bo nyid kyang ste/ /ro la longs spyod pa las kyang ngo/ /spyi bor gnas zhes pa spyi bo kho na zla ba'i gnas nyid kyi phyir/ bde ba chen po ni gtso ched gtso bo'i gnas kho nar gnas so zhes pa'i don to/ /'bras bu rnams kyang 'dir
 'khor lo bzhir sdom pa gsungs pa/ e baM zhes pa la sogs pa'o/ /e baM gi yi ge sprul pa'i 'khor lo ste shes rab dang thabs ro gcig pa dag gi rten nyid kyi phyir ro/ /rgyu mthun pa la sogs pa 'di yang ci zhe na gsungs pa/ 'bras bu zhes
 pa la sogs pa'o/ /bye brag las te khyad par las so/ /rgyu mthun pa'i 'bras bu zhes pa la sogs pa'o zhes pa'i don to/ /de la gang ji ltar byas pa de de ltar nye bar longs spyod pa de rgyu mthun pa'i 'bras bu ste/ 'dra bar 'byung ba ni rgyu mthun
 pa'o/ /rgyu mthun rgyu dang 'dra ba'o zhes pa ni mtshan nyid do/ /khyad par du smin cing smin pa ni rnam par smin pa dang de kho na 'bras bu ste/ 'dra ba las lhag pa ste las chung ngu la yang ngo/ /gang skyes bu ste skyes bu'i byed pas nye bar bsgrub pa de skyes
 bu byed pa'i 'bras bu'o/ /shes rab dang thabs kyi rang bzhin gyi rnal 'byor rnam par dag pa las sgrib pa gnyis kyi mtshan nyid can gyi dri ma dang bral ba las dri ma med pa'i 'bras bur 'gyur ro/ /de ci 'bras su 'di gnyis las la mi bltos pa
 kho na yin nam zhe na/ de ltar ma yin te snga ma'i 'bras bu gnyis la skyes bu'i byed pa la mi bltos pa nyid kyi phyir las 'bras bu kho na'o/ /skyes bu byed pa'i 'bras bu la ni las gtso bo min pa'o/ /dri ma med pa'i 'bras bu la ni las
 dang skyes bu'i byed pa gnyis ka dag mtshungs pa'o/ /'o na dri ma med pa'i 'bras bu 'di 'jig rten la med cing/ 'jig rten la med pa yang ci ltar 'jig rten las 'das pa la 'gyur te/ sa bon med pa'i phyir ro zhe na/ 'di ltar ma yin te/ 'jig rten
 la yang ji ltar rigs par lus dang ngag dang yid dri ma med par byed pa nges par yod pa'i phyir ro/ /gang dri med rnal 'byor dag pa las/ zhes pa brtag pa gnyis par gsungs pa de ni mthar thug pa'i dbang du byas nas so/ /des na 'bras bu 
 bzhi po 'di yang 'khor lo bzhi la rims pas rnam par dag par 'gyur ro/ /zhes pas de la sdom par brjod do/ /ci zhig gis 'bras bu 'di nye bar spyod ce na gsungs pa/ las zhes pa la sogs pa'o/ /
 'bras bu rnams las kyis byas pa nyid kyi phyir/ de rnams nye bar spyod pa na las kho na nye bar spyad par 'gyur ro/ /zhes pa las la spyod ces gsungs so/ /bdag med pa'i phyir shes rab ces gsungs so/ /ci ltar las la spyod pa shes
 rab tu 'gyur zhe na gsungs pa/ las zhes pa la sogs pa'o/ /dbang phyug la sogs pas bskul ba ni ma yin te/ dbang phyug la sogs pa med pa'i phyir ro zhes mngon pa dgongs so/ /las kho na rlung 'thor byed de/ des bskul ba ni bskyod
 bar gyur pa'o/ /las kyis bskyed pa yang rlung ngo/ /rnam pa thams cad du las kho na bskul ba po ste/ rlung de yang des byas pa nyid kyi phyir ro/ /yang na mthong ba dang ma mthong pa dag de ltar bstan pa dag go /de ltar ni las la spyod
 ces pa 'dis ni mthong ba ste/ las kyi rlung zhes pa 'dis ni mthong ba'o/ /de ltar mthong ba dang ma mthong ba tshogs pa las byung ba ni 'bras bu'o zhes pa'i grub mdza' rjes su mthun par 'gyur ro/ /las kyi rlung 'di de yang lta ba'i 'og tu gnas
 te/ de skad du yang sngar gsungs pa/ sum mdo'i phyogs su gnas pa yi/ las kyis byas pa las kyi rlung zhes dang/ las kyi rlung gis bskyod byas pa/ /lte ba'i dkyil 'khor du 'bar ro zhes so/ /'khor lo bzhi po de nyid la se pa rnams
 sdom pa gsungs pa/ gnas brtan pa zhes pa la sogs pa'o/ /brtan pa nyid dang ldan pa'i phyir gnas brtan pas dge bslon gi tshogs so/ /de la ni rgyun gyis 'jug pas brtan par dngos po rnams brjod par bya'o/ /sprul pa yang brten
 pa kho na ste/ sngar bshad pa'i rigs pa so zhes bas sprul pa'i 'khor lo la de sdom pa'o/ /thams cad yod do zhes gang du smra ba de ni thams cad yod par smra ba ste/ de la ni 'das pa dang ma 'ongs pa'i dus dag gi chos rnams kyang yang dag
 par ? pa'o zhes brjod do/ /de ci ltar chos kyi 'khor lor yin zhe na/ chos zhes pa la sogs pa'o/ /chos te sems ni thams cad yod ces pa'i dag gi 'byung byed de rgyu'o/ /'dad pa la sogs pa nyid kyis sems kyis bzhag pa kho na
 chos rnams thams cad dang/ de'i phyir 'di ni 'di rnams kyi 'di ltar gyur pa smra ba'o zhes dgongs pa'o/ /nyams su myong ba yod do zhes pas nyams myong can te lung nyid kyi phyir ro/ /de la ni nyams su myong ba'i rten gang zag brjod do/ /de ci ltar
 longs spyod kyi 'khor lor sdom zhe na gsungs pa/ mgrin par zhes pa la sogs pa'o/ /dge 'dun phal chen po ni sde pa'i thu bo ste/ de ci ltar bde ba chen po'i 'khor lo la sdom zhe na gsungs pa/ bde chen zhes pa la sogs pa ste/ /
 gang gi phyir spyi bor nas pa de'i phyir 'di bde ba chen po kho nar sdom pa'o/ /de thu bo nyid kyis na mchog gi gnas su dbang du byed pa'i phyir ro/ /ma'i lto ba gtsug lag khang ngo/ /de'i skye gnas kho nar 'dod chags dang bral ba ste/ skye ba len
 pa'i dus su lhan cig skyes pa nyams su myong ba thob pas/ /mngal gyi phru ma 'bar te rab tu 'bar ba'i dri ma can ni chos gos so/ /spyi bos thal mo sbyar ba ni spyi bor thal mo sbyar ba ste/ de lta kho nar mngal du gnas pa'i phyir dang phyir
 'byung ba'i phyir ro/ /'gro ba'i bya ba zhes pa 'gro ba'i don lhur len pa kho na der gnas pa'i phyir ro/ /de bzhin zhe pa/ de lta a haM zhes pa sngags kyi bzlas pa ste/ ji ltar a yig dang haM yig lte ba dang mgo bo dag la ltar ro zhes pa lhag ma'o/ /
 sna bug dag gi dbugs phyir 'byung ba yang skye gnas las phyi rol tu byung ba kho na yi ste mngal ni ma yin no zhes gsungs so/ /sngags ni 'di gnyis kho na ste/ dag gi bzlas pa dang rdo rje bzlas pa'i mtshan nyid con gcer bu ni 'dom dkris
 med pa'o/ /'o na de lta bu yin na yang ci ltar sems can rnams sangs rgyas yin te/ sa rnams ma thob pa nyid kyi phyir ro zhe na/ gsungs pa/ sa rnams zhes pa'o/ /sa bcu yongs su dag pas zla ba bcu rnams bcu rnams so zhes gsungs so/ /bde
 ba'i sa la rab tu zhugs pa rnams kyi zla ba rnams yongs su dag pa'i phyir 'di brjod pa'i bya'i/ ji ltar sa bcu'i dbang phyug byang chub sems dpa' rnams kyi ltar de'i sa thob pa ni ma yin no/ /yan lag dang nye ba'i yan lag tu bcas pa'i
 'khor lo bzhi yongs su rdzogs pas ni sangs rgyas nyid de/ de yang dpag tu med pa'i zla ba rnams kho nas so/ /spros pa ni man ngag ji lta bar rtogs par bya'o/ /sa bcu'i dbang phyug ces pa skye ba'i dus su'o/ /de las gong du brtan pa
 dang g.yo ba rtogs ba'i phyir sangs rgyas rnams so zhes pa dgongs pa'o/ /gal te de lta na sngon po dang ser po la sogs pa sna tshogs pa'i rnam pa bud med skye ba'i bdag nyid snyoms par 'jug pa'i lha'i ngo bo dga' ba la sogs pa'i dbye bas
 tha dad pa skye ba dang 'chi ba dang skye ba dang 'gog pa'i ngo bo'i spro ba dang sdang ba'i byed pa po rdo rje sems dpa' i ngo bo dkyil 'khor gyi 'khor lo bde ba chen po'i rang bzhin stong pa nyid kyi ngo bo can mya ngan las 'das pa'i rang bzhin rdzogs pa'i rim
 pa'i rnal 'byor gyi ngo bo ni bsgom pa med par yang yod pa kho na ste/ 'di las pha rol bsgrub par bya ba cung zad kyang med do/ /des na rdzogs pa'i rim pa'i dkyil 'khor gyi 'khor lo bsgom pas ci bya na/ bskyed pa'i rim ba'i dkyil 'khor lo lta ci smos
 de skad du yang brtag pa gnyis par gsungs pa/ rdzogs pa'i rim pa'i rnal 'byor 'di/ /bde ba dam pa bde chen 'dod/ /rdzogs pa'i sgom pa med pa ste/ /bskyed pa yis ni dgos pa ci/ /zhes dang/ dgongs pa bla na med pa yang/ /A:goms
 sbyor bas ci bya ste/ /gdong nas grub pa'i rang bzhin can/ /rang bzhin kho nas de grub na/ /de bzhin nyid ni rtog skyes min/ /zhes so zhe na/ de ltar ma yin te/ gang phyir tha mal ba'i gnas skabs na/ /de bzhin nyid yod kyang rtogs pa yod pa ma
 yin pas so/ /bde ba chen po ni rtag tu rgyas pa med pa kho na'o zhes slar dpyad zin to/ /gzhan yang bde ba rang rig pa'i ngo bo ni gal te yod na rtag tu rtogs te/ ma rtogs pa'i snang rung ni med pa kho na'o/ /yang res 'ga' ba' i lhan cig skyes
 pa'i bde ba lus las byung ba ni dpe nyid kyis/ bsgrub par bya ba'i bde ba'i rtogs pa sgrub par byed par 'gyur gyi/ khyad par byed pa ni ma yin te/ de med kyang lus la sogs pa yod pa nyid kyi phyir ro/ /bsgrub par bya ba'i bde ba sgrub
 par gyur pa ni yongs su dag pa'i gnas skabs su/ mtshon dang dpe byad 'bar ba'i lus las byung ba mi 'gyur ba khyab pa bya ba dang khyab par byed pa'i ngo bo rtogs so/ /de'i tshe ni ji ltar lus med par bde ba med pa de ltar lus kyang bde ba med/
 na med do/ /de nyid kyi phyir bcom ldan 'das la bde bas khyab par 'gro ba snang ngo/ /de skad du yang brtag pa gnyis par gsungs pa/ lus dngos med na ga la bde/ bde ba smra bar mi nus so/ /khyab bya khyab byed tshul gyis ni/ /bde bas
 'gro ba khyab pa'o/ zhes so/ de nyid kyi phyir stong pa nyid dang ro gcig pa'i bde ba chen po bsgrub par bya ba 'di 'grub pa'i ched du bskyed pa dang rdzogs pa'i rim pa dag gis mos pa ji lta ba 'am rim pa ji lta bar lta bsgom pa nges par bsgrub par bya
 zhes rtogs par bya ba'i don du gsungs ba/ btsun mo zhes pa la sogs pa'o/ /btsun mo ni shes rab ma ste/ de'i b+ha ga ru/ khu ba'i ming gi shes pa byang chub sems kyi rnam pa kho na'i sems ni de ltar rab tu
 gsal ba'i phyir ro/ /gang yang de ltar gyur pa ni bsgrub par bya ba'o/ /de ni khu ba'i ming can te/ bde ba kho na bde nyid do/ /bde ste khu ba'i ming can no/ /phan tshun bltos pa dang bcas pa 'di ni re re la nus pa med pa'i phyir ro/ /de'i phyir yang khu ba dang
 lus ngag gis khyab pa ste/ de'i khyab par byed pa bde ba chen po yang lha'i rnal 'byor las skye'o/ /de'i phyir bsgrub par bya ba'i bde ba don du gnyer bas 'di lta bu kho na'i don rim pa dag gis/ lha'i rnal 'byor la gdon mi za bar bsgom
 par bya'o zhes mngon par dgongs pa'o/ /de yang bde ba chen po dang ro gcig pa lha'i rnal 'byor bsgom par bya bzhin pa stong pa nyid nyid kyi rang bzhin kho na bsgom par bya'o/ /rgyu dang 'dra ba'i 'bras bu'i rgyud ni rgyu'i rgyud bsgom pa med pa 'grub
 pa ma yin no/ /rgyu'i rgyud kyang rang bzhin med pa kho na'o/ gang gi phyir yin pa de'i phyir sangs rgyas ni sgrib pa med pa'i bde ba chen po'i bzhi byang chub kyi sems rdo rje 'bras bu'i rgyud kyi ngo bo ni dngos po min te/ sgyu ma bzhin du rang bzhin
 med pa nyid kyi phyir ro/ /de lta na dngos po med pa'i rang bzhin du 'gyur ro zhe na/ de ni ma yin pa kho na ste/ bde ba sangs rgyas de ni phyag zhal rnam pa'i gzugs dang ldan pa yang ngo/ /'o na dngos po min zhes ci las gsungs she na gsungs
 pa/ gzugs med ces pa rang bzhin med pa ste/ gzugs dang rang gi ngo bo dang rang bzhin zhes pa rnam grangs so/ /mchog gi bde ba las/ mchog gi bla na med pa ste sgrib pa spangs pa'i bde ba'o/ /sgrib pa spangs pa yang stong pa nyid rtogs pa med par ma yin no/ /de ltar
 gang gi phyir 'bras bu dngos po ma yin zhing dngos med kyang ma yin pa/ de phyir 'gro kun lhan cig skyes pa sangs rgyas nyid dang gnyug ma'i de bzhin nyid dang sbyor ba'i phyir lhan cig skyes pa'o/ /'gro kun zhes pa sems can rnams so/ /sangs
 rgyas nyid lhan cig skyes pa'o zhes pa'i don ci zhe na/ gsungs pa lhan cig skyes ba zhes pa la sogs pa ste/ rang gi ngo bo ni rang bzhin te/ rang bzhin gyi rnam grangs lhan cig skyes pa'i sgra'o zhes pa dgongs pa'o/ /sangs rgyas nyid kyang
 gtso che ba chos kyi sku ste/ de'i dbang du byas nas gsungs pa/ rang gi zhes pa la sogs pa'o/ /gal te rang gi ngo bo kho na mya ngan las 'das pa yin na/ rang gi ngo bor de 'dra ba thams cad la yod pa kho na'o zhes pas sems can thams cad
 mya ngan las 'das zin pa thob par 'gyur ro zhe na gsungs pa/ rnam dag rnam pa can sems kyis zhes pa ste/ blo bur ba'i dri ma dang ba'i phyir rnam dag can rnam pa can te/ gang sems des rtogs par gyur pa zhe go bar bya'o/ /de ltar lha'i
 rnal 'byor las 'di 'dra ba'i rdzogs pa'i ngo bo'i rang bzhin mngon sum du bya'o zhes gsungs so/ /de la 'dir gyur mod/ de ltar na lha'i gzugs lhan cig skyes par mi 'gyur ro zhe na gsungs pa/ lha zhes pa la sogs pa'o/ /skyes pa tsam la ni
 lus can la'o/ /ci las she na gsungs pa/ phyag ces pa la sogs pa'o/ /gal te de ltar na'o na rdzogs pa'i rim pas lha bsgom pas chog go zhe na gsungs pa/ 'on kyang tha mal bag chags so zhes pa ste/ tha mal pa'i lus kyi
 rgyu'o zhes pa'i don to/ /de nyid kyi phyir gsungs pa/ tha mal la rnam rtogs 'jug las gzhan/ srid pa'i sdug bsngal ci yang med/ /de dang 'gal ba 'di yang ni/ /sems su dngos su rtogs par bya/ /zhes so/ /de ltar rtsod pa spangs nas
 skabs kho na'i rdzogs pa'i ri pa mjug sdud pa gsungs pa/ zhes pa la sogs pa ste/ bskyed pa'i rim pa'i rnal 'byor rnams kun las bla na med pa ste lhag pa med pa rdzogs pa'i rim pa'i ngo bo/ /gang du
 sems can rnam skyang sangs rgyas rnams so zhes gsungs pa'o/ /gal te sems can rnams sangs rgyas yin na/ 'on sangs rgyas min pa su rnams yin zhes rtogs nas/ bcom ldan 'das kyis gsungs yang don gzhan med pa can du shes
 pa'i rnal 'byor ma rnams gnas skabs gsum thob par gyur to zhes ston pa/ de nas zhes pa la sogs pas so/ /thams cad du mi shes pa las rnam par rgyal ba rdo rje zhes pa la/ thams cad de dgongs pa la sogs pa la mi
 shes pa ni kun tu rmongs pa'o/ /de las rnam par rgyal bar rdo rje ltar dbyer med cing gnod par byar med pa gang du yin pa te/ byang chub sems kyi rang bzhin gyi ting nge 'dzin de la snyoms par zhugs pa nas gsungs pa/ sems can
 rnams sangs rgyas kho na zhes pa'o/ /de ltar ni de bzhin nyid kho na rang nyid rnam par dag pa sangs rgyas te/ de yang rang bzhin kho nas rnam par dag pa'o/ /ci'i phyir 'di ltar mi rtogs she na gsungs pa/ 'on kyang zhes pa logs
 pa ste/ dri ma ni nyon mongs pa'i sgrib pa dang shes bya'i sgrib pa'o/ /dri ma de bag chags dang bcas pa spangs pa las sangs rgyas rtogs par bya'o/ /'di ni de bzhin no zhes pa/ ngas rtogs par byas pa'i don 'di ni bden pa ste/
 'di la the tshom dang phyin ci log dag bskyed par bya ba ma yin no/ /bcom ldan 'das zhes pa bcom ldan 'das rnams te yang dag pa'i ye shes dang ldan pa rnam shes mi bskyod pa la sogs pa rnams bod pa'o/ /rigs kyi bu
 khyod la 'di rnams bshad par bya'o/ /gal te dri ma rnams kyis bsgribs pa ni de rnams kyis bsgribs pa kho na ste 'di rnams la byang chub ga la zhe na/ 'di ltar ma yin te/ lta bsgoms pas dri ma 'byin pa'i phyir ro/ /gsungs pa ni/ 'on kyang
 tha mal bag chags zhes so/ /de nyid kyi phyir 'di spang ba'i ched du dang rang gi bag chags kyi rten yongs su gso ba'i ched du lha bsgom pa don med pa ma yin no/ /'o na bag chags kho na sun 'byin na/ lha'i rnal 'byor gyi bag chags
 gzhan bskyed par bya ba de ci ste/ 'dis tha mal du 'dzin pa spong ba yang bzod par dka' o zhes dogs par byas nas dpe mang po rnams kyis 'di bsgrub pa'i ched du gsungs pa/ rgyal bzhes pa la sogs pa'o/ /'jig rten sems
 dpa' med gang gis/ dug zos pas na brgyal bar 'gyur/ dug med par byed pa la yid kyi las ni 'dir sems pa'o/ /rmongs spangs ni dug gi de kho na nyid shes pa'i phyir ro/ dug 'phrog pa'i de kho na nyid la 'di'i yid yin pa zhes pa
 de ni de nyid la yid can no/ /gang zhe na 'jug go /de'i mchog tu gcod do/ /mya ngan ni dug zos pa'i gdung ba las skyes pa'o/ /dug ces pa ni dug nyid do/ /rlung gis rlung ni 'joms par byed ces pa sran mA Sha ni rlung bskyed de /
 des yun ring por bsags pa'i rlung 'byin du 'jug par byed bzhin par byed do/ /de 'di ni bzlog pa'i sman te nad dang rigs mthun pa nyid kyi phyir ro/ /dper bya gsungs pa/ srid pa zhes pa la sogs pa'o/ /srid pa ni 'khor ba ste/ de dag
 ni zad par 'gyur ba'o/ /srid pa kho nas zhes pa 'jig rten pa'i lam kho nas bsgom par bya bzhin pa rdzogs pa'i rim pas so/ /de ltar ni nges par 'byed pa'i cha dang mthun pa ji srid pa ni 'jig rten pa'i lam ste/ de mod par 'jig
 rten las 'das pa mthong pa'i lam la sogs pa med cing/ de med par srid pa zad pa med do/ /de'i phyir brgyud pas srid pa kho nas srid pa zad par 'gyur ro/ /rnam rtog kyang 'khor ba skyed par byed pa ni rab tu
 rnam rtog las dag par 'gyur te brgyud pas so/ /de ltar ni yang dag par so sor rtog pa yang rnam par rtog pa kho na ste/ de nyid kyis kyang sgom pa'i stobs bskyed pas rnam par mi rtog pa'i ye shes skyed par byed do/ /des kyang bsgom pa'i
 rnam par rtog pa'i mthar thug pa'i rnam par rtog pa bag chags dang bcas pa thams cad zad par byed do/ /dpe gzhan gyis gsungs pa/ rna bar zhes pa la sogs pa'o/ /dngos po'i rnam rtog ni tha mal pa phung po lnga la sogs
 pa'i rnam par rtog pa'o/ /rnam pa rnams kyis zhes pa/ rim pa dag gis rtag pa dang rin chen dbang po la sogs pa lha'i rang gi ngo bo bsgom par bya ba rnams kyis/ dag par byed de/ zad par byed do/ /'khor bskyed pa la rtsa ba ni
 gti mug ste de'i rtsa ba can gyi 'dod chags ni de ma thag pa'i rgyu'o zhes pas/ gti mug gi gnyen po rnam par rtog pa gzhan rtogs par byas nas/ 'dod chags kyi gnyen po yang de 'dra ba rtogs par byed pa gsungs pa/ ji ltar zhes pa la sogs
 pa'o/ /'dod chags ni nyon mongs pa'i 'dod chags so/ /de kho na me dang/ nges tshig pa ni kun nas me ste/ ngan 'gro la sogs me dang/ nges tshig pa ni kun nas me ste/ ngan 'gro la sogs nyid dang ro gcig pa'i 'dod chags so/ /
 de kho na me ste nyon mongs pa dang rnam par rtog pa'i bud shing bsreg pa'i phyir ro/ /de dugs su bya ba ni yongs su smin par bya ba'o/ /'o na 'dod chags ni las drag po nyid de/ 'khor ba bskyed pa la bar du mchod pa'i rgyu nyid kyi phyir te/
 de nyid kyi phyir sdom brtson rnams kyis de kho na gtso bor yongs su spang bar bya'o zhe na gsungs pa /gang dang zhes pa la sogs pa'o/ /ni ste gang gi phyir/ gang dang gang gis zhes pa khyab par 'dod pa bstan pa ste/ 'dod chags kho na'i gsal ba'i dbye
 ba nye bar blangs nas skye ba brgyud pa dpag tu med par rgyu nyid du bstan pa'i don du'o/ /thabs ni stong pa nyid kyi ye shes la sogs pa'o/ /'dir zhar byung las zhe sdang las skyes srog gcod pa la sogs pa las drag po dang/ thabs snying rje chen po dang
 sangs rgyas kyi bstan pa bsrung ba la sogs ba dgongs pa'o zhes gsal bar byas te/ brjod pa ni ma yin no/ /de nyid kyi phyir spyir 'phangs nas khyad par du 'dod chags kho na gsungs pa/ 'dod chags zhes pa la sogs pa'o/ /bzlog pa zhes
 pa ni mthun phyogs su gyur pa yang mthun phyogs ma yin par snang ba'i phyir ro/ /don dam par ni gnyen po'i phyogs su gyur pa kho na'o/ /sangs rgyas kho na ston pas khas blangs pa'i phyir sangs rgyas te/ sangs rgyas kyi bstan pa'i snying po
 rdo rje theg pa la mi mos pa'i phyir mu stegs ba dang 'dra ba ni sangs rgyas mu stegs pa rnams so/ /de ltar lha'i rnal 'byor ming par dngos grub med do zhes bstan to/ /'o na 'di ltar mi 'bad pa'i myur ba kho nar skyon nyams par 'gyur zhes grub
 cing/ lam 'di kho nas ni ma yin la/ dug la sogs pa rnams kho nas dug la sogs pa rnams 'jig pa ni ma yin te/ rnam pa gzhan du yang nyams pa mthod pa'i phyir ro zhe na 'di la yang gsungs/ 'on kyang tha mal bag chags so zhes so
 tha mal pa'i rnam par rtogs pa yang khyad par gyur pa'i ngo bo bskyed pa la 'byung bar mi 'gyur ro zhe na/ bden te/ 'on kyang khyad par du gyur pa'i ngo bo bskyed pa yang rang bzhin las rdo rje 'dzin pa'i bdag nyid la de'i rang bzhin du bsgom pa
 kho nas de ldog pa las so/ /de ltar shes rab dang thabs kyi bdag nyid lha'i rnal 'byor las dngos grub tu bshad nas/ de kho na chos thams cad rnam par dag pa'i ngo bo'i dkyil 'khor gyi 'khor lo'i rnam pa
 gzhan gyi don dang ro gcig par ston pa gsungs pa/ kun du ru la zhes pa la sogs pa ste/ kun du ru rnams ni shin tu dga' ba rdo rje lha'i pad+ma las byung ba rnams te/ kun du ru zhes pa brtag pa gnyis bar ro/ /kun du ru de rnams la 'gyur
 te/ reg pa lnga rnams 'gyur te/ sa dang chu dang me dang rlung dang nam mkha' i khams kyi ngo bos so/ /'byung ba de rnams kyang ci zhe na gsungs pa/ gcig nyid ces pa la sogs pa'o/ /dga' ba chen po ni lhan cig skyes pa'i dga' ba rdo rje
 'dzin pa'o/ /dbye ba rnams kyis zhes pa 'byung ba'i dbye bas so/ /de kho na 'byung ba lnga'i rang gi ngo bo can shin tu rnam par dag pa lngar ston pa gsungs pa/ bo la zhes pa la sogs pa ste/ bo la ni rdo rje'o/ /kak+ko la ni pad+ma'o/ /
 gang 'di sra ba'i bag chags ni gti mug gi ngo bo'o/ /de kho na rnam par dag pa ni gti mug ste/ rnam par dag pa'i 'dir sra ba'i ngo bo sa'i khams rnam par snang mdzad ces brjod par bya'o/ /bcad cing phug pa'i chu rnams slar yang de
 ltar 'du ba'i phyir/ de ltar gnas pa rnams gcod pa dang 'byed pa mi srid pa'i phyir dang/ nam mkha' lta bu nyid kyi phyir na chu rnams bskyod bya ma yin pa'i phyir mi bskyod pa'i ngo bo'o/ /zhe sdang gi gang chos thams cad dngos po med pa la
 dmigs pa med pa'i phyir dang/ nam mkha' lta bu nyid kyi phyir zhe sdang ste/ zhe sdang rnam par dag pa'i ngo bo mi bskyod pa bcom ldan 'das so/ /gzi brjid med pa mog por gyur pa rnams kyi 'dod chags lhag pa med pa'i phyir 'dod chags
 ni me la'o/ /de'i phyir rnam par dag pa'i me'i khams dang 'dod chags ni 'od dpag tu med pa rdo rjer 'gyur ro/ /de ni g.yo ba'i ngo bo can zhes pa/ rlung gi ngo bo can kho na'i sems kak+ko la ru 'gro ba'i phyir ro/ /de'i phyir phrag dog kyang de la gsal
 bar 'gyur ro/ /de gnyis rnam par dag pa don yod grub pa bcom ldan 'das so/ /bde ba ni lhan cig skyes pa'i dga' ba'o/ /de kho na ni chags pa'i sems te/ de la kun nas zhen pa'i sems ni de las gzhan ma yin pa nyid kyi phyir ro/ /de kho
 na dga' ba mchog rgyas par byed do zhes pas rin chen chags pa'o/ /bde ba'i bdag nyid kyi sems ni bdag la chags pa 'di'i mtshan nyid de rang gi ngo bo zhes pas chags pa'i mtshan nyid can no/ /de yang nam mkha' rnam par shes pa'i
 khams kho na ste/ don dam par rang bzhin med par chos mthun pa nyid kyis nam mkha' dang 'dra ba nyid kyi phyir ro/ /des kyang chos rnams thams cad so sor cha shas su phye ba las stang par byed pas phra ma'i ngo bor de 'gyur te/ de gnyis ka rnam
 par dag pa phra ma rdo rje'o/ /de ltar khams lnga dang nyon mongs pa lnga rnams rnam par dag pa rnams sangs rgyas lnga rnams su 'gyur te/ 'chad par 'gyur ba'i ye shes lnga rnams dang phung po lnga rnams kyang ngo/ /rnam par ma dag pa'i
 gnas skabs su yang rang bzhin yongs su dag pa'i sangs rgyas lnga po 'di rnams yang dag par 'byung ba kho na ste/ blo bur gyi dri mas gos pa rnams nye bar mi mtshon no/ /rnal 'byor pa rnams kyis ni rang bzhin rnam par dag pa nye bar
 gzung nas dag ba kho nar mos par bya zhing/ de'i rigs can mig la sogs pa rnams kyang byang chub sems dpa' dag par kho nar nges par gzung par bya'o/ /'jug sdud gsungs pa/ gcig ces pa la sogs pa ste/ sems chen
 po ni lhan cig skyes pa'i dga' ba'o/ /lnga'i ngo bos ni rigs lnga'i ngo bos so/ /de la btsun mo'i kun du ru la so sor rigs rnams la rigs du ma skye ba stor ba/ lnga zhes pa la sogs pa'o/ /nye bar bsdu ba
 gsungs pa/ de'i phyir zhes pa la sogs pa ste/ /gcig gi rang gi dngos po ni rigs mdza' yas pa'i thun mong ba'i ngo bo mchog tu rtag pa sta rigs mdza' yas pa rnams sprul bar byed cing mdza' med pa'i dus su gnas pa'i phyir ro/ /de lta 'dod chags dang zhe sdang la
 sogs pa rnam pa lnga'i sems kyis bde ba chen po'i rab tu dbye ba rigs lnga rnams so zhes sgrubs so/ /de rnams kyi yang rab tu dbye ba grangs med pa'i rigs rnams so zhes bsgrub pa'i ched du tshigs su bcad pa gnyis gsungs pa/
 bcu zhes pa la sogs pa ste/ bye ma rnams dang mnyam pa'i grangs so/ /rigs gcig rnams la ni rigs re re la'o/ /tshogs kyi rigs rnams la zhes pa de bzhin gshegs pa'i tshogs de rnams ji snyed pa de snyad kyi rigs rnams te/
 don de kho na logs su byas pa'i phyir ro/ /de'i phyir yang tshogs kyi grangs kyi rigs rnams ni tshogs kyi rigs rnams te/ gang+ga'i klung lnga bcu'i bye ma dang mnyam ba rnams so/ /tshogs kyi rigs de rnams slar yang rab tu dbye bar bya bzhin
 pa rnams la rigs du ma rnams so/ /zhes pas rigs shin tu mang po rnams su 'gyur ro/ /ci ltar zhe na gsungs pa/ de rnams la zhes pa tshogs kyi rigs rnams la ste/ dang por dbye par bya bzhin ba rnams la so sor rigs brgya'i
 grangs rnams su 'gyur ro/ /rigs brgya po de rnams kyang slar yang phye ba rnams so sor rigs 'bum rnams su 'gyur ro/ /rigs 'bum la phye ba na so sor rigs bye ba rnams so/ /rigs bye ba la yang phye ba rnams la so sor rigs
 grangs med pa rnams so/ /de la rigs rnams la zhes pa rigs bye ba rnams la gang so sor grangs med pa'i rigs de rnams thams cad ni mchog tu dga' ba kho na rigs te/ de las byung ba rnams so/ /lhan cig skyes pa'i dga' ba'i rigs gcig po de ni
 rigs kyi dbye ba thams cad kyi rtsa ba nyid phyir ro zhes de ltar rtogs par byas nas lha mos gsol pa'o/ /rdul gyi ngo bo'i mtshan nyid can ni shin tu chung ba'i 'o/ /shin tu chung ba tshad can gyi gong bu'i ngo bo byang chub kyi sems lhan
 cig skyes pa'i dga' pa'i bdag nyid kyi rigs ni rigs grangs med pa rnams kyi rang gi ngo bo dang bskyed pa'i rgyu dang rten du gsungs te/ 'di 'di las dog pa ci lags pa'o/ /yangs par 'dis 'byung bar byas te/ cig shos ltar na gsung bar 'gyur ro zhe
 na gcig ni zhes pa gcig pa'o/ /bye ma zhes pa bye ma ni byang chub sems kyi rdul phran no/ /de kho na lam ste der ro/ /skra'i lam la zhes 'don pa la ni ba spu'i bu gar ro/ /deg pa zhes pa dog pa nyid do/ /gzhengs shig ces pa bzhengs nas te
 spros nas so/ /zlos ba nges par bstan pa ni/ spro ba byed pa'i gsal ba'i dbye ba grangs med pa nye bar blangs nas spro ba'i rgyun brgyud pa dpag tu med pa rab tu bstan pa'i don du'o/ /'di rnams kyi stobs bcu rnams yin pas na stobs bcu
 pa rnams so/ /de rnams kyis kyang sna tshogs pa'i rdzu 'phrul dang cho 'phrul la sogs pas gdul bye'i skye bo 'dun pa'i don du rtse bar byed rol bar byed pas na lha rnams te de bzhin gshegs pa rnams so/ /bdag rdo rje 'dzin pa'i/ ??
 sbyong rdzogs pa'i skur bde ba chen po'i ston mo gsol bar bzhed pa rnams zhugs shig dang bzhugs shig ces pa lhag ma ste/ /ji ltar thub pa'i dgongs pa'i rgyan du bshad pa bzhin no/ /ci ltar na 'di ltar yin zhe na gsungs pa/
 rdzu 'phrul zhes pa la sogs pa ni/ de bzhin gshegs pa rnams kyi rdzu 'phrul gyi mthu bsam gyis mi khyab pa ston te des so/ /rigs kyi rdo rje sems dpa' i sras rnams ni de bzhin gshegs pa rnams so/ /byung ba rnams zhes pa
 yang dag par 'byung ba rnams so/ /'di skad gsungs te/ ji ltar longs spyod rdzogs pa'i lus la ba spu'i khung bu gcig tu yang rigs grangs med pa rnams cig car du skye zhing gnas la/ de rnams dog pa yang ma yin pa tsir ba yang ma yin rten yangs
 pa yang ma yin pa ni bla na med cing bsam gyis mi khyab pa'i rdzu 'phrul gyi mthu phul du byung ba las yin pa de ltar bde ba'i rang bzhin gyi khu ba rdul phra rab gcig la yang mi 'gal ba kho na'o zhes pa'o/ /'di skad bka' stsal pa zhes pa ni de ltar khams
 la brten pa'i nyon mongs pa rnam par dag pa'i sgo nas rigs ma lus pa'i rang bzhin byang chub kyi sems rdo rje'o/ /zhes dngos nyid du gsungs nas/ yang gtso bor na khams dang ye shes dang phung po'i rang gi ngo bo 'di'o zhes rtogs pa'i ched du gsungs pa'o
 bcom ldan 'das kyis ci bka' stsal ce na nyon zhes pa la sogs pa'o/ /yang dag sbyor 'byung mtshan nyid ni/ rdo rje sems dpa' i rang gi ngo bo ste bye brag tu bshad pa'i khyad par rnams kyis dang por rnam par bshad zin to/ /yang na yang
 dag sbyor ni phyi rol gyi shes rab dang thabs kyi pad+ma dang rdo rje dag dang nang gi gtum mo dang khu ba dag sbyor ba'o/ /de yod na 'byung ngo zhes pa 'byung ba ni lhan cig skyes pa'i dga' ba'i rang bzhin byang chub kyi sems rdo rje'o/ /de gang gis mtshan par
 bya ba pa ni mtshan nyid do/ /gsang ba ni kun du ru ste/ de la yod pa ni gsang chen sa'i khams so/ /de'i phyir mchog gi phul du byung ba chu ste sdud par byed pa nyid kyi 'dod chags bskyed pa'i phyir ro/ /dgyes pa ni me ste me yod na 'dod chags lhag
 pa'i phyir ro/ /rlung ni thams cad bdag nyid de/ sa la sogs pa'i khams gsum po thams cad la khyab par byed pa nyid kyi phyir ro 'di'i bdag nyid do zhes byes nas so/ /yang dag gnas ni sangs rgyas kun bdag bde ba mchog /ces 'brel lo/ /rtag tu zhes
 pa 'gyur ba med pa nyid kyis mur thug ba med pa'i dus su gnas pa 'di rab tu gsungs pa na/ gsang chen mchog tu dgyes pa ni/ kun bdag nyid na rtag tu bzhugs/ shes pa 'dis gsungs par ro/ /rnam par snang mdzad la sogs pa sangs rgyas rnams  
 kun gyi bdag nyid sham bde bas mchog tu byed khyab par byed do zhes pa sangs rgyas kun bdag khu ba'i ngo bos la sogs pa rnams kyis nye bar mtshon pa/ stong pa nyid dang ro gcig pa nyid kyis nam mkha' dang mtshungs pa'i phyir nam mkha' i khams dga' ba
 thams cad kyi ngo bo'o/ /de skad du yang phyag rgya chen po thig ler gsungs pa/ gsang pa zhes pa 'dir dga' ba/ mchog ces pa ni mchog tu 'gyur/ /dgyes pa zhes pa khyad dga' i dga' / /lhan skyes kun bdag na bzhugs pa'o/ /zhes so/ me
 long lta bur/ gang gi ngo bo kun mthor ba yin ba de ni de skad do/ /gsang ba ni chos kyi dbyings rnam par dag pa ste de bzhin gshegs pa las gzhan gyi spyod yul ma yin pa nyid kyi phyir ro/ /de la yod cing de la dmigs pas skye pa'i phyir gsang chen
 ni me long ye shes so/ /mnyam pa nyid la ni mnyam ba nyid kyi ye shes la'o/ /mchog ste chos rnams thams cad rang bzhin med pa nyid du mnyam pa nyid rtogs pa'i phyir mnyam pa nyid kyi ye shes so/ /dgyes pa ni so sor rtog pa'i ye shes te/
 rnam bar mi rtog pa nyid na yang sems can gyi sems kyi spyod pa so sor rtogs pa la spro ba dang bcas pa nyid kyi phyir ro/ /thams cad bdag nyid ni bya ba sgrub pa'i ye shes te/ sems can rnams thams cad la 'di'i bdag nyid bya ba byed pa'i don du
 nye bar gnas so zhes byas nas so/ /rtag tu bzhugs pa shin tu rnam dag gi chos kyi dbyings kyi ye shes te/ mu mdza' med pa'i dus su gnas pa'i phyir ro/ /de bzhin zhes pa ji ltar rnam par dag pa la dmigs pa'i phyir
 me long ye shes la gsang chen du brjod pa de ltar ro/ /gsang chen rnam par snang mdzad de/ de ni nyan thos la sogs pa'i spyod yul ma yin pa nyid kyi phyir te /gsang ba ni gzugs kyi phung po rnam par dag pa ste/ de khyad par du byas pa'i de'i bdag nyid
 kyis de'i ngo bor 'gyur ro/ /de ltar yang na zhes pa'o/ /mchog ni mnyam pa nyid kyi ye shes su gsungs so/ /yang na de ltar stong pa nyid kyi rtogs pa'i phyir na mchog ni rin chen 'byung ldan tshor ba'i phung po rnam par dag pa'i ngo bo'o/ /dgyes pa ni 'od
 dpag tu med pa 'du shes kyi phung po rnam par dag pa'i ngo bo nyid kyis rnam par mi rtog pa'i 'jug pa'i phyir ro/ /'od dpag med kyis zhes pa 'od dpag med la'o/ /thams cad bdag nyid ni don yod grub pa ste 'du byed kyi phung po rnam par dag pa'i
 ngo bo nyid kyis mtshor ba dang 'du shes dang sems pa la sogs pa rnams thams cad 'di'i bdag nyid yin zhes byas nas so/ /tshor ba dang 'du shes dag ni 'du byed kyi phung po'i nang du 'dus par sngar bsgrubs zin to/ /de nyid kyi phyir gsungs pa/
 gang tshe zhes pa la sogs pa'o/ /gang gi tshe don yod la rtag tu bzhugs pa de'i tshe rin chen 'byung ldan dang 'od dpag med la yang ste/ 'di dag don yod grub pa'i nang du 'dus pa nyid kyi phyir ro zhes pa dgongs pa'o/ /rtag tu bzhugs pa ni
 shin tu rnam dag ye shes che zhes 'brel te/ sngar bzhin du rtag tu bzhugs pa mi bskyod pa'o zhes pa'i don to/ /de ltar gsungs pa'i rim gyis/ bdud rtsi lnga yi dngos gong bu/ zhes pa/ khams dang ye shes dang de bzhin gshegs pa lnga rnams
 ni mi gnas pa'i mya ngan las 'das pa'i ngo bo nyid kyi phyir dang/ dus mdza' yas pa ma tshad ba med par 'tsho ba'i rgyu nyid kyi phyir dang/ gzhan rnams kyi yang tshogs gnyis rgyas par byed pa'i phyir bdud rtsi rnams te/ de'i dngos po ni de rnams kyi rang bzhin dang/
 gong bu ni byang chub sems kyi rang bzhin longs spyod rdzogs pa'i sku'o/ /thig le'i gzugs zhes pa phra ba ste ku sha'i rtse mo lta bu'i blo can sa bcu'i dbang phyug rnams kho nas mthong bar bya ba nyid kyi phyir ro/ /dpe med pa zhes pa dpe las 'das pa ste/
 gang na yang 'di 'dra ba'i bdud rtsi'i rang bzhin cung zad kyang yod pa ma yin pas so/ /lha mo kun gyi ste/ spyan ma dang mA ma kI dang gos dkar mo dang sgrol ma dang rdo rje snyems ma rnams kyi rang bzhin no/ /de ltar gsang ba zhes pa la sogs pa rnams
 kyi don rnam pa gsum brjod pas khams dang ye shes dang de bzhin gshegs pa bzhi rnams kyi brten pa lnga pa'i rang bzhin nyid du rgyas par bstan cing/ rten dang brten pa'i dngos po ni rtogs pas ldog pa'i dbye ba nye bar gzung nas so//
 lnga pa yang stong pa nyid dang snying rje dbyer med pa nyid kyis rdo rje 'dzin pa'i rang bzhin nyid do zhes gsungs pa/ rdo rje sems dpa' zhes pa la sogs pa ste/ phal cher bshad zin to/ /rdo rje sems dpa' zhes pa 'di ni/ chos kyi sku ru
 rab tu bsgrags te/ chos kyi sku rab tu gsal bar byed pa'o/ /snying rje'i rang bzhin gyi bde ba chen po'i ngo bo nyid na yang/ stong pa nyid rtogs pa la dri ma ma lus pa rtsa ba med pas na gtso bo'i phyir ro/ /da ni bde ba chen po nyams su myong bar 'di
 bstan pa'i ched du gsungs pa/ de nyid kyi zhes pa la sogs pa ste/ de'i ste byang chub sems kyi'o/ /rab tu gyur pa bde ba chen po'i ngo bo'i shes pa 'di la yin pa ni shes rab ste/ dul gyi ngo bo'i gtum mo'o/ /ci ltar lhan cig skyes pa
 yin zhe na/ gang gi phyir de la ro gcig pa nyid kyis gyur par 'di'i ro bo yod pas so/ /ci ltar 'di lta bu yin zhe na gsungs pa/ las zhes pa la sogs pa ste/ las ni 'di bsgom bas sems bstan pa rdzogs pa'o
 des bskul ba lte ba'i 'og nas gnas pa'i rlung ste des mchog tu 'bar ba byas pa'o/ /sems brtan pa na la sa nA dang ra sa nA ru rlung mi rgyu ba'i phyir/ a ba d+hU tI ru 'jug pa na lte pa'i 'og gi rlung gis sbar bzhin ba gang gi tshe 'bar ba de'i
 tshe 'di lta bu'o zhes dgongs pa'o/ /skra rtse brgya stong yan lag can/ ces skra'i rtse mo rnams kyi brgya phrag stong gi yan lag rnams dang 'dra bas yan lag ste cha shas 'od kyi ngo bo rnams su gang gi 'phro ba de ni de skad do/ /de nyid kyi phyir /
 glog gi zer ma mnyam pa'i 'od ces pa'o/ /skra'i rtse mo'i tshig ni yan lag rnams phra ba nyid du nye bar mtshan par byed do/ /'di skad du gsungs te/ rdzogs pa'i dkyil 'khor du bsgom pas sems brtan pa la sogs pa las bskyed pa med par
 bcom ldan 'das ma dpyid kyi thig le bdag med ma ming gzhan rdul gyi ngo bo'i gtum mo'i rang gi ngo bo rang bzhin gyis 'bar ro/ /'od zer phra mo rnams kyi rtsa rnam yan lag thams cad bzhin du gang bar byed do/ /bcom ldan 'das zla ba yang des gdungs pa shin
 tu ches 'bab bo/ /des gsos pa'i gtum mo yang nges par shin tu 'bar ro/ /zla ba des gdungs pa yang shin tu ches 'dzag go /gtum mo'i 'od kyis yongs su sbyangs pa'i rtsa rnams kyang bde ba chen po'i zla ba'i 'od zer rnams kyis gang bar
 phyir ro/ /zhes pas yan lag thams cad khyab par byed pa nang du nyi ma dang zla ba'i gzugs shes rab dang thabs 'dus pa 'khor ba'i bar du ro mnyam ba bde ba chen po nyams su myong ba ni phung po dang khams la sogs pa'i sgro 'dogs pa ma
 lus pa zil gyis gnon zhing 'byung ngo/ /gang rnams de ltar me mos pa de rnams ni nyi shu rtsa gcig par rgyas par bstan pa'i bzlas pas srog rtsol la dbang ba nyid thob bas thur sel gyi rlung bskums nas/ lte ba'i dkyil 'khor du phyag rgya chen
 po la dmigs te/ rlung zlog pa rnams kyis gtum mo 'bar par byed do/ /de las kyang de lta kho nar bde ba chen po gsal bar 'gyur ro/ /de ltar mi nus pas ni de lta kho nar lte ba'i dkyil 'khor du rlung 'gags par mos nas gnas pa ste/
 dbugs 'byung ba gyen du 'gro ba na/ ri mo drang po gtum mo'i ngo bo yis bcom ldan 'das ma 'bar bar mos te/ /bde ba chen po'i gnas rjes su thob cing/ dbugs 'dag pa na haM yig zla ba 'dzag pa thig le'i gzugs kyis/ /de la dmigs
 bzhin ba bde ba chen po'i rang bzhin ni lte ba'i dkyil 'khor du 'ongs nas dmigs pa med par 'gyur ro/ /de ltar ji srid du sog 'gog pa'i bar du nges par gnas pa de lta kho nar rlung 'byung dang 'jug pa dag yang dang yang du gnas par
 bya'o/ /gang yang srog 'byung ba dang 'jug pa brtag par mi nus pa des lhag par mos pa tsam kho nas sgrub par byed do/ /bskyed pa'i rim pa sgom pa pos ni de sngon ma can kho nar 'di mdza' dag stobs ji lta bar dmigs par bya'o zhes pa'o//
 rgyas pa la dga' ba'i sgrub pa rgyas par bstan pa'i ched du gsungs ba/ /lha'i zhes pa la sogs pa ste/ /lha'i rnal 'byor dus su ni bskyed pa'i rim pa bsgom pa na'o/ /ba spu'i bu ga'i mtshams rnams su zhes pa bdun pa ni lnga pa'i don la'o/
 spu rnams kyi bu ga ni khung bu rnams dang rtse mo rnams yin zhing mtshams rnams ni spu dang bral pa'i phyogs rnams te de rnams las so/ /bsdigs par byed ces pa/ 'khor ba pa rnams dang por bshad par bya'o zhes bsdigs par byed
 pa ste/ de'i rjes su yang dag par reg nas rdzogs pa'i sangs rgyas kyi rang bzhin du byed do zhes pa man ngag go /lha dang lha min rnams zhes pa 'khor ba pa rnams nye bar mtshon pa'o/ /chos kyi 'khor lo ste phung po lnga'i
 ngo bo de bzhin gshegs pa lnga rnams bsregs nas te gdungs nas so/ /longs spyod kyi 'khor lo sa la sogs pa'i rang bzhin spyan ma la sogs pa'i lha mo rnams kyang ngo/ /byang chub sems dpa' rnams zhes pa 'jig rten las 'das pa'i ye
 shes can nyan thos dang rang sangs rgyas reg pa tsam gyis rdzogs pa'i sangs rgyas su byas ba rnams kyang nye bar mtshon pa'o/ /sngar bshad kho na'i zhes pa mdzod spur son pa kho na'o/ /snga ma bzhin zhes pa ji ltar de'i shes rab ces pa la
 sogs pas bshad pa de ltar bde ba chen po'i bzhin no/ /'di ni 'dir bsdus pa'i don to/ /bskyed pa'i rim pas lha'i rnal 'byor dang ldan pas ji ltar nus pa ltar sngar bshad pa'i phyogs bzhi las gang yang rung ba'i phyogs la dmigs
 nas/ /rnal 'byor ma'i 'khor lo mdza' dag gi rang bzhin phyag rgya chen po'i bdag nyid bcom ldan 'das ma bdag med ma gtum mo'i ngo bo 'bar du 'jug go /de 'bar ba yang 'od phra mo dpag tu med pa 'phros pa rnams kyis/ ba spu'i bu
 ga dang rtse mo dang mtshan rnams khyab par byas nas de rnams las 'byung ngo/ /a ba d+hU tI'i lam gyis kyang steng du 'gro zhing chos dang longs spyod rdzogs pa dang bde ba chen po'i 'khor lo rnams dang phung po la sogs pa rnams gdungs nas /
 sna bug g.yas pa las dang mdzad spu'i khung bu las 'byung ngo/ /rnam pa gsum po phyir byung ba yang glog gi 'od bzhin du phyogs rnams su khyab nas/ /'khor ba pa dang nyan thos dang rang sangs rgyas dang byang chub sems dpa' rnams mdza' 
 dag la rag cing rdzogs pa'i sangs rgyas kyi gzugs su bskyed de/ /de rnams kyi dang rang nyid grub pa'i sangs rgyas rnams kyi sna pug g.yon pa nas zhugs nas bde ba chen po'i 'khor lo gdungs te/ de bzhin gshegs pa de rnams thams cad 'dod
 chags chen po'i me'i 'od kyis bskul cing 'dod chags chen po'i rjes su chags pa rnams sgom ba po'i smin mtshams kyi mdzod spu'i bu ga nas zhugs te/ /bde ba chen po'i 'khor lor gnas pa na zla ba dang lhan cig zhu bar byas nas de bzhu ba dang/
 ro gcig pa 'og tu 'dzeg pa/ phung po la sogs pa sgro 'dogs pa zil gyis gnon pa shes rab dang thabs ro gcig pa'i bde ba chen po'i nyams su myong ba'i ngo bo lte bar gnas par 'gyur ro/ /de ltar 'di sangs rgyas kyis byin kyis brlabs phun/
 sum tshogs par 'gyur ro/ /yi ge bsgom pa la lhag pa mos pa bsdus pa la dga' bas/ /lte ba dang snying ga dang mgrin pa dang mgo po'i mtsho skyes kyi lte pa rnams la rim pa ji lta bar dmar po dang nag po dang dmar po dang dkar po steng dang 'og tu? po bstan pa'i aM hUM oM
 haM yig rnams bsgoms te/ /aM gi ngo bo bcom ldan 'das ma gtum mo 'bar du gzhug go /nges kyang hUM dang oM gyi yi ge dag gdungs nas haM zhu bar byas te 'og tu 'jug cing/ de zhu ba dang oM hUM dag dang ro mnyam pa sngon bzhin du lte bar gnas
 par bya'o/ /rgyas pa la dga' bas ni/ /yang lte bar steng du kha phyogs pa'i chu skyes dmar po'i lte bar zla ba'i steng du aM ngo/ /shar la sogs pa'i phyogs kyi 'dab ma rnams la g.yas skor du rim pa ji lta bar a ka ci Ta ta pa ya sha ste sde brgyad
 rnams so/ /snying gar 'og tu kha phyogs pa'i pad+ma dkar po'i lte ba la zla par hUM ste/ shar la sogs pa'i 'dab ma rnams la a i u e yig rnams dang/ dbang ldan la sogs pa rnams la ya ra la wa rnams so/ /mgrin
 par gyen du kha phyogs pa'i chu skyes dmar po'i lte pa la zla ba la oM ste/ shar la sogs pa'i 'dab ma rnams la A a'i a'u i yig rnams dang/ dbang ldan la sogs pa rnams su yA rA lA wA rnams so/ /
 mgo bor 'og tu kha phyogs pa 'dab ma sum cu rtsa gnyis pa'i sna tshogs pad+ma la lte ba'i zla bar haM ste/ shar la sogs pa'i 'dab ma rnams la re res bar du chod pa rnams la rim pa ji lta par dbyangs bcu drug rnams so/ /a dang ka la
 sogs pa'i yi ge 'di rnams thams cad kyang zla phyed dang thig le dang nA da dang bcas pa ba mo 'dzag pa rnams su bsgom zhing/ aM gi ngo bo'i gtum mo 'bar du 'jug go /de yang gyen du 'gro zhing yi ge rnams thams cad gdung bar byed zhu bar byed do/ /de zhu
 ba dang ro gcig pa 'og tu son pa ni lte bar sngar bzhin du ngal so'o/ /dpyid kyi thig le de kho na brtag pa'i rgyal po rdo rje 'dzin pa ste/ sngar bzhin du de rjod par byed pa'i gzhung gi tshogs kyang de skad do/ /man ngag snye mar snye ma nyi shu bzhi pa'o// //
 bcu gsum par mdor bstan pa'i brda rnams rgyas par bshad pa'i don dang/ dgongs pa'i skad gzhan rtogs pa dbyed pa'i don du gsungs pa/ bcom ldan 'das zhes pa la sogs pa'o/ /dag dang yan lag gi phyag rgya ni dag dang phyag rgya'o
 dam tshig che ni spas pa'i brda'o/ /ma phugs pa ni mi mtshon pa'o/ /'dis ni gsang ba nyid du gsungs so/ /shin tu gsang ba nyid gsungs pa/ rgod ces pa la sogs pa ste/ bya ba dang spyod pa dang rnal 'byor dang rnal 'byor bla ma bzhi
 rnams kyi rgyud gang yin pa ni rgod pa dang bltas pa dag dang 'khyud pa dang/ gnyis gnyis dang lag bcangs rnams kyis mtshon pa'o/ /de ltar ni bya ba'i rgyud la sogs pa kha cig tu lha rnams shes rab dang thabs dag gi rjes su chags pa
 gsal bar byed pa lta ba'o/ /kha cig tu 'jum pa'o/ /kha cig tu lag pa 'dzin pa'o/ /kha cig tu 'khyud pa'o/ /kha cig tu gnyis gnyis so/ /'di ltar gyur pa lta ba la sogs pa'i shin tu dga' ba can bya ba la sogs pa'i rgyad kyis kyang ma
 bshad pa ni ma bsgrags pa'o/ /dgongs pa'i skad ni rnal 'byor bla na med pa'i rgyud rnams kho nas bsgrags pa 'ba' zhig ste/ de'i phyir mchog tu gsang ba'o zhes pa dgongs pa'o/ /dmigs pa gcig pa'i sems ni rtse gcig sems so/ /
 'dir tshig shes pa rnams phan tshun du gal te dgongs pa'i skad kyis mi smra bar skad gzhan gyis tha snyad byed dam/ dam tshig mi shes pa'i mdun du smra par byed na de'i tshe dam tshig dral ba'i phyir yams nad dang nye bar 'tshe ba la sogs pa rnams kyis
 gnod do zhes gzhan du gsungs so/ /dpa' bo sring mo'i zhes pa rnal 'byor pa dang rnal 'byor ma dag gi'o/ /phyag rgya chen po'i dngos grub sgrub pa po'i rnal 'byor pas bstan pa la sems can gzhug pa'i ched du ltung bar
 byed pa dang dbang du bya ba dang dgug pa dang rengs pa zhes lta stangs bzhi gsungs pa/ mnyam pa zhes pa la sogs pa ste/ mnyam pa ni ma yo ba'o/ /gdug pa ni khro bo'i nyams te/ de ltar gzhan la yang lta stangs dang rjes su mthun pa las sems
 kyi nyams shes par bya'o/ /de la gang yang dag par phyogs par blta zhing khro ba'i nyams can mig 'bras dag gis/ dpral ba las brtan pa de ni ltung byed kyi lta stangs so/ /g.yon la brten pa'i mig 'bras gnyis can g.yon du
 blta ba ni dbang du bya ba'o/ /mig 'bras gnyis steng du brten zhing g.yas su blta ba ni dgug pa'o/ /sna gong la brten pa'i mig 'bras gnyis can mngon du phyogs par blta ba ni rengs pa'o/ /mig 'bras gnyis sna'i rtse mor brten zhing 'phreng du 
 blta ba yang ltung ba'i lta stangs so/ /srog gcod pa yang ni ltung ba'o/ /de ltar yang gsod pa ni slar 'tsho bar bya nus pa kho nas bya ste/ gzhan du na sems can rnams gzhug pa'i don du ci ltar 'gyur 'tsho bar bya ba
 mi nus pas sems can bsang bar byas pa las/ bde 'gror ? ba yang mi 'gyur na skyes bu'i don gyi mchog 'grub pa'i don ci zhig /de skad du yang brtag bag gnyis par bka' stsal ba/ bsad pa 'dir ni bya bar ni dam tshig ches cher nyams par 'gyur/ /sems can slu ba spyangs nas ni/ /bya ba ma yin thams cad
 bya/ /sems can gnod ba tsam gyis ni/ /phyag rgya'i dngos grub rnyed mi 'gyur/ /zhes so/ /dbugs phyir 'byung ba ni 'byung ba'o/ /rab tu gzhug pa ni dgang ba'o/ /nang gang ba ni bum pa can no/ /zhugs nas g.yo med du gyur pa ni
 zhi ba can no/ /'di rnams goms par bya ba'i ched du rim pa ji lta bar khu ba dang bcas pa'i shing dang me tog dang rdo rje'i shing dang g.yo ba rtsa zhes pa mtshon pa bzhi rnams gsungs pa/ ltung pa zhes pa la sogs pa'o/ /'khrul
 pa ni phyin ci log go /ngal so ba med par goms bar byed pa ni lta ci smos/ dngos grub gsal bar byed pa'i brda'i bye brag rgyas par ston pa gsungs pa/ gnyis zhes pa la sogs pa /kun tu spyod pa la dge ba ni slob dpon dang kun tu spyod
 pa yod na legs pa can slob dpon slob dpon dag ste gcig lhag las so/ /ji skad bshad pa'i dam tshig dang kun tu spyod pa la mkhas pa'i rnal 'byor pa ni rdo rje sems dpa' la sogs pa 'dod pa'i lha'i bdag nyid kyi rnal 'byor ma
 la phyag 'tshal cing/ rang gi 'dod pa'i lha'i gzugs can ma de kun tu spyod pas yid 'phrog ba mo de yang de la slar phyag byed do/ /zhes pa'i don to/ /de ltar yang rnal 'byor ma g.yas pas steng du lta zhing smin ma g.yas bsgul bas/
 nam mkha' sems can gyi bya ba 'grub pa'i ched du 'gro ba'i ched du rdo rje sems dpa' la sogs pa bsgom pas rnal 'byor pa la gyen gnas gyi dngos grub rdzu 'phrul dang mngon shes 'byung bar 'gyur ro zhes gsal bar byed do/ /'gyur ro zhes pa ni da ltar
 ba dang nye ba'i phyir ro/ /de ltar phyi ma la'o/ /g.yon ba steng du blta ba ni/ g.yon pa zhes pa la sogs pa ste/ pha rol gyi dpung ni bsam gtan gyi bar chad byed pa'i pha rol gyi 'khor lo ste/ de 'joms pa ni bdud rnams zil
 gyis gnon pa'o/ /rnal 'byor de nyid kyi shes pa dpal rdo rje sems dpa' la sogs pa'i rnal 'byor gyis so/ /'du shes ni brda bya bar 'dis 'du shes par byed do zhes byas nas so/ /der zhes pa gau rI la sogs pa'i gzugs de'i
 rdzogs pa'i ngo po'i dngos grub po/ /g.yon las cig shos kyi 'gul na yang lta stangs kyi bye brag gis so/ /'di ltar 'jig rten las 'das pa'i tha snyad 'grub cing 'jig rten pa'i sgrub pa dgag pa la sogs pa yang brda chad la sogs
 pa kha cig la'o/ /rnal 'byor pa zhes pa rnal 'byor pa'i 'o/ /yang dgra bar brjod pa 'di'i 'o zhes pa sdud ba ste gsung rab kyi brjod bya'i don no/ /de'i dngos grub ni rang gi don rdzogs pa'o/ /de yod na gzhan gyi don ni legs pa
 gsungs pa na bstan pa ste de 'grub pa'o/ /lta stangs lta ba phyag rgya smin ma bskyod pa la sogs pa ste/ de dag gis mngon par 'dod pa shes pa ni lta stangs dang phyag rgya'i shes pa ste bshad do zhes pa lhag ma'o/ /las rab 'byam
 brjod pa'i ched du gsungs pa/ dpal zhes pa la sogs pa'o/ /dpal rdo rje sems dpa' i yang dag pa'i sbyor ba ni shes rab dang thab kyi ngo po'o/ /de ji lta'i dbyibs ni sku ste/ de dang dang ldan pa ni de'i bdag nyid kyis so/ /thod ba ni 'dir
 rim gzhan du gnyis skyes la sogs pa'i khyad par can ma byung ba rna rma med pa gzugs mdzes pa bsngags so/ /de yang bud med rnams kyi dang sngags pa rnams kyi'o/ /de gsungs pa gser gyi sgo dang yang
 dag ldan/ /mi yi thod par shes par bya/ /bram ze la sogs thod pa ni/ /rna ba re re 'phel ba'o/ /rigs dman pa yi thod pa ni/ /rna ba'i steng du bug par 'gyur/ /rgyab tu bug can ma ning gi'o/ /bud med kyi rtag tu rma med//
 mkhas pa'i thod par shes ldan gyis/ /shes bya de bzhin sngags pa yis/ /mu tig phreng 'dra'i ri mo ni/ /dpral bar rna ba'i dung dag la'o/ /zhes so/ /gzugs bzang ba ni ri bong can la sogs pa rnams gang yang rung ba'o/ /gcig
 gnyis gsum bzhi'i dum bu can/ /bcu drug bcu gnyis ri bong can/ /ba lang kha ni dkar dmar 'gyur/ /cung zad ring zhing shin tu mdzes/ /pad+ma pad+ma'i rnam pa 'dra/ /ser dang dmar dang de bzhin dkar/ /rab tu bsngags pa'i thod
 pa rnams/ lhag rnams ni rnam par spang/ /zhes so/ /lhag ma rnams ni rul pa dang gas pa la sogs pa rnams so/ /yungs kar bskyed nas zhes pa yungs kar btab nas so/ /cho ga bzhi zhes pa dang por gnyis skyes
 kyi thod par bskyed cing/ de'i rjes su mi gzhan gyi ru'o zhes pa la sogs pa cho ga'o/ /yi dags la sogs pa rnams thams cad las bzung ba ni thams cad bsrung ba'o/ /rdo rje sems dpa' i rnal 'byor mdor bstan pa rgyas par
 bstan pa'i ched du gsungs pa/ dpal zhes pa la sogs pa'o/ /dpal rdo rje sems dpa' i yang dag pa sbyor bas steng gi mche ba rnams kyis ma mchu mnan pa ste/ de nyid kyi phyir yang dag par sbyar ba gang gi yin pa de de skad do//
 ma mchu mnan zhing sbyar dang bcas shes 'don pa la ni ma mchu mnan zhing sbyar ba dang lhan cig 'jug pa'o zhes sbyar bar bya'o/ /g.yon pa rdo rje dril bu dang thod pa dang zhags pa rnams 'gying bas 'dzin no zhes pa g.yon pa 'gying 'dzin no/ /dpal ni bcom ldan 'das
 ma rdo rje snyems ma ste de dang ldan pa'o/ /g.yas pas rdo rje dang ral gri dang lcags kyus kyi 'khor lor bgegs 'joms pa'i tshul rnams kyis gsal tsang gsal bar so sor snang bar ji ltar 'gyur ba de ltar phyag rgya mdzad byin gyis rlob par mdzad ces 'brel
 lo/ /steng 'og ces pa thad kar yang zhes pa lhag ma'o/ /sa dang sa stengs zhes pa ni mtho ris zhes pa lhag ma ste/ de ni sa 'og dang mtho ris dang mi yul rnams zhes pa'i don to/ /rang nyid ces pa rdo rje sems dpa' bdag nyid kyis so /rgyas 'debs
 pa yang 'di rnams la bgegs mi 'jug pa'i don no/ /de ltar bsgoms bzhin pa ni sangs rgyas kun dngos rdo rje sems dpa' i gzugs can las rab 'byam la sogs pa'i dngos grub ster bar 'gyur ro/ /'di skad gsungs te/ yud
 kyis tha mal pa'i lus stong stong pa nyid kyi rjes thogs su ji skad bshad pa'i phyag dang sku mdog la sogs pa dang ldan pa'i rdo rje sems dpa' i bdag nyid kyi 'og tu nyi ma la gnas pa'i sna tshogs rdo rje la gnas pa'i hUM gi 'od zer las skyes
 pa'i rdo rje 'bar ba rnams kyis mtshams med cing dum bu gcig tu gyur pa'i steng du rdo rje gur dang mda'i dra ba dang bla re dang/ logs su rdo rjer pa dang 'og tu sna tshogs rdo rje'i rang bzhin gyis gzhi bsam par bya'o zhes mtho ris dang mi yul dang sa
 'og rgyas gdab pa bsgrubs nas/ de'i dbus su sna tshogs chu skyes dang nyi mar b+h+ruM las skyes pa'i 'khor lo ser po g.yas su 'khor ba rtsibs bcu pa'i te ba'i dbus kyi nang du/ yud kyis rdo rje sems dpa' i ngo bo nges par gyur pas/ ji skad bshad
 pa'i rdo rje hUM mdzad kyi gzugs te/ rtsibs kyi rtse mo bcu la sna tshogs pad+ma dang nyi ma la gnas pa'i ji skad bshad pa'i khro bo bcu po bgegs kyi tshogs rnams rtsad nas 'byin par mdzad pa rnams kyis
 phyogs bcu rnams byin gyis brlabs te/ 'og dang steng dang thad kar khor yug chen po'i mthar thug bar 'gro ba la rnam pa thams cad du bgegs med par mos nas/ yud kyis shes rab dang bcas pa'i rdo rje 'dzin pa'i gzugs kho na rnam
 par snang mdzad la sogs pa sangs rgyas thams cad kyi rang bzhin/ goms pa phul du byung ba las gsal bar rdo rje sems dpa' la sogs pa so sor snang ba dang ldan pas ni/ las rab 'byam thams cad sgrub par byed cing dngos grub thob
 par byed kyi/ rnam pa gzhan du ni ma yin te/ yi dags la sogs pa rnams kyis sman gyi mthu 'phrog pa'i phyir ro zhes pa'o/ /sgom pa chen po byas pa 'di las gzhan pa yang 'di ltar rdo rje sems dpa' i ngo bor bsgoms pa kho nas bsgrub
 par bya ste/ 'on kyang sman gyis kyang bgegs rnams la bsrung ba byas nas so/ /de'i ngor gsungs pa mi'i zhes pa la sogs pa'o/ /des ni ji skad bshad pa'i rim pas rdo rje 'dzin pa'i bdag nyid kho nas gtor ma sbyin pa sngon du 'gro bar/
 dang por bram ze'i thod pa de'i rten gyi sas bkang bar/ gal te dben pa'i sa gzhi thob na yungs kar bskyed do/ /de'i 'bras bu mi gang su rung ba'i thod par de lta kho na bskyed do/ /de'i lo ma skam po byas pa yang dang 'bras bu'i mir khu tshang mar byas te zos nas
 nas 'bras bu'i mar khu mgo bo la byug pa byas te/ 'bras bus bgegs bskrad pa'i bsam pas phyogs rnams su 'phangs pa rnams kyis srung bar mos bzhin pas thams cad sgrub par byed do/ /gnyis skyes zhes pa la sogs pa ste/
 'di zhes pa 'chad par 'gyur ba'i 'ol ma si dkar po'i 'bras bu dang por bram ze'i thod par sngar bzhin bskyed nas /de'i 'bras bu mi gzhan gyi thod par de lta kho nar gtab cing/ de'i 'bras bu gzung nas srog chags gang dang gang gi thod par snga ma
 bzhin du bskyed do/ /de'i 'bras bu dang de'i gzugs su gsal bar 'gyur bar 'dod pas kha'i dbus su gzhag cing de dang de'i gzugs 'dzin no/ /de'i phyir gsungs pa/ de nas zhes pa la sogs pa la bud med la sogs pa rnams dang bya rog la sogs pa rnams
 kyi thod par btab nas zhes 'jug go /ro'i zhes pa la sogs pa ste/ dur khrod ni sa gang du mi ro bsregs pa'o/ /gu gul ni gu gul lo/ /'byung po'i nyin mo ni nag po'i phyogs kyi bcu bzhi'o/ /'byung po'i nyin mo la mi shi ba'i kha'i nang
 du bzhag pa'i gu gul dur khrod kyi mes bsregs bzhin pa bdug spos reg pa las mi la yi dags la sogs pa gang dbab par 'dod pa de 'bab par byed cing sgrub pa po'i mngon par 'dod pa smra'o/ /bdugs pa spangs pa las babs
 pa grol pa'o/ /gser shing ni hU ta tu ra'o/ /A laM ni ba bla'o/ /dum bu ni du ma zhogs so/ /drug po 'di rnams bsres pa ro'i khar gnas pa rnams sngar bzhin no/ /rta gsod ni ka ra wI ra'o/ /nyi ma'i shing ni arka sde de'i shing nang na
 gnas pa'o/ /phye ma leb ni srog chags so/ /sdig pa ni kar ka'i ste/ rnga ma ni mjug ma'o/ /bong nga'i dug gi brgya'i cha shas so/ /'di bzhi btags pas byug pa'i lag pa ni lag pa kho na'o/ /go na sa ni sprul ti li ta sa te de dang
 'dra bar 'gyur ro/ /de lag pa la reg pa ni zos zin pa bzhin dug 'phos pa'i phyir ro/ /bA na rI ni ka si ka ts+tshU ste/ ka ts+tshU si mI zhes rab tu grags pa'o/ /bA na rI'i 'bras bu'i spu rnams arka'i 'o mas nyin zhag bdun rnams su
 bsgo zhing/ de'i rjes su de rnams dang lhan cig btags pa'i thod lo kor /de lta kho nar arka'i 'o ma'i dbus su zhag bdun rnams bzhag par bya'o/ /'di lta'i de dag gis te wa na rI dang thod lo kor dag gis
 sa gzhi la bris pa'i gdengs can dbang po ni sprul lo/ /dug gis bsreg go zhes pas na dug gis bsreg par 'gyur ro/ /gang gi phyir de la 'di reg pa las sos zin pa bzhin du dug rab tu rgyu'o/ /'di dag gi ni lag pa dang bris pas dug
 ldang pa dag gi'o/ /ma la ya ru byur ba ni tsan dan no/ /nA ge sa ra zhes pa nA ga ge sar gyi me tog go /nad kyi dbang po ni ru rta'o/ /rgya spos ni piN+DI ta ga ra'o/ /'di lnga ni nad med de sman ni/ 'bras bkrus pa'i chu yis gcig tu btags
 shing bkrug pa la btung bar bya'o/ /'phral du skyes pa'i byis pa'i brun sa la ma lhung ba'i ri lu btags pa/ rgya spos kyi rtsa ba'i dbus su gnas pa zos nas/ dug 'thungs pa nges mi gnod do/ /sbal pa'i ni sbal pa nyid do/ /bad kan mthar
 byed ni ba hu wA ra te de'i 'bras bu'o/ /de dag bskol ba dag zhag gi btags ba/ lag pa la byugs nas zos zin pa la des reg bar bya'o/ /rdo rje can ni zur gsum ba shi ri khaN+Da'i shing ste/ de'i 'o ma'o/ /mjug ma can ni rma bya ste de'i khrag
 ga /sprul gdod gnyis pa'i sha dang rked rus so/ /'di rnams kyis byugs pa'i rnga ni rol cha'i bye brag ste de'i skad las te sgra las so/ /lus dang ldan pa la byugs zhes 'don pa la ni lus la byugs nas gzhan la reg pa zhes pa'i don to/ /
 gcer bu la sogs pa'i cho ga ni 'byung po'i zhal la gcer bu byung zhing skra grol ba gtor ma sbyin ba rnams te/ de rnams kyis mnyam par bzhag pa lha'i rnal 'byor ldan bas gzung ba'i ba la ka'i rtsa ba'i dum bu bdun rnams/ oM badzra ka ra hUM
 phaT zhes pas lan bdun mngon par bsngags pa lag pa g.yas par bcings pa rnams so/ /lag 'gro'i dbang po ni sbrul rgyal po ste/ de'i pags pa ni zhus pa dang/ de las gang skyes pa de ni de skyed do/ /lag 'gro'i dgra ni rma bya ste/ de'i gshegs
 pa'o/ /gtum pa'i ma la cha mnyam pa ste sbrul shun dang gshog pa dag gcig phyed dang gzhan phyed pa de las byung ba'i bdug spos reg pa las pha rol 'byed par byed do/ /ka gnyis pa ni bya rog go /nyin mos 'jigs ni 'ug pa'o/ /cho ga ni
 gshog pa dag cha mnyam par byas pa gtum mo'i me la 'phang ba dang sdang ba'i nyams gsal bar byed pa'o/ /sbrul ni sbrul nyid do/ /gnod sbyin smyon ba ni khyi smyon no/ /thod ba can ni laM ga lI'o/ /ro'i mgo skyes ni skra'o/ /mgrin rings ni rde
 mo'o/ /'di bzhi sbyar ba dgra'i sgrob bskos la bzhag go /star bu ni ming grags pa ste/ gsum rnams kyis me long la byugs nas der rta la sogs pa rnams kyi gzugs mthong ngo/ /lag skyes ni sen mo'o/ /dar du ra ni sbal pa'o/ /de
 rnams kyi ni rta la sogs pa rnams kyi ste/ snga ma bzhin zhes pa me long la bsku ba'o/ /'on kyang sen mo'i thal ba dang zhag bsres bas bskus pa de kho na'i gzugs mthong gi/ thams cad cig car nyid ni ma yin no/ /oM ko tha'i sa bon
 gyi mar zhu yis/ du ba bab pa kha dog gcig pa'i 'o mas mnyes te/ skar ma rgyal la mig dag la mig sman du byas pa las te gzugs rnams ni bdag nyid kyi'o/ /rgya spos kyi 'bras bu dang oM ko Ta'i 'bras bu'i mar khus/ du ba lhung ba
 tshigs ma ste/ des byugs pa'i mig gis bzang po'i skyes bu'i gzugs mthong ngo/ /de'i mar khu'i mig sman gyis rang bzhin te sngar dgyis rang bzhin no/ /ri bong can gyi chu ni se bA la'o/ /bzhi po sbyar ba rnams kyis rkang pa'i mthil la
 byugs pa las me rengs par byed do/ /dge sbyong can ni muN+Di kA'o/ /zla ba las byung ba ni she bA la'o/ /sbrul duN+Du b+ha ni To Na Da zhes rab tu grags pa'o/ /de'i khrag thum por bcings pa'o/ /shing
 sh+yo nA ka ni sho Na zhes grags pa'o/ /ru ka ma'i btsag ni gser btsag go /dring ba ni sa ste rab tu grags pa'o/ /nyin nya ste 'dir ro hi ta'o bzhi rnams sbyar pa lde gur gyur pa rna ba la sogs pa rnams byugs pa las chu nub pa na rgyu'o/ /shing srin ni shing gi nang du
 rgyu ba'i srin bu'o/ /kok+ki la ni nags kyi sbrang bu'o/ /phye ma gsum pa 'di 'thungs nas mi yi dag sa dang 'dra bar smro bar 'gyur ro/ /bu ram dang rtsab mo 'thungs pa las rnal mar gnas pa'o/ /skye gnyis ni bram ze'o/ /khyi 'ched ni g.yung bo'o
 bya rog gra ni 'ug pa'o/ /srog chags tsar ma ni byi la'o/ /de'i brun dang lhan cig sbu drug phye mar byas pa rnams 'thungs nas sngar bzhin no/ /ba lang 'phel ni lce spyang ngo/ /bzhag pa gsal ba las rjod byed zhi ba'o/ /zangs kyi gtsug
 pud can ni khyi mi bya'o/ /gsum po rnams kyi brun dang 'bras bu gnyis phye mar byas pa mgo bo la bzhag pa'o/ /skra bregs pas rang bzhin du gnas pa'o/ /dam tshig chen po ni mi sha'o/ /'chi ba ni gal te/ bu ram dang rtsab mo dag
 mi 'thung na'o/ /pi tsu marda ni shing nim pa'o/ /lag pa gang gis bya rog gi tshig gi shing gzung ba de kho nas dur khrod kyi shi gzung nas gnyis ka gcig tu bsregs pa'o/ /gsang zhes pa 'dis bzhag pa'i thal ba sus kyang mi
 shes par 'gyur ba ltar ro/ /zhes gsal bar byas so/ /dga' bcas ma ni khyi mo'o/ /sbrang bu ni sbrang bu nyid do/ /de phye ma rang ge khu ba dang ldan pas rgyu skar rgyal la gzung bas bsnun pa'o/ /bud med ni mo rtags brjod par bya ste/
 som bal lI dang in+d+ra bA ru NI la sogs pa ste/ 'khris shing ni 'khris shing nyid do/ /de yang des dkris shing bskor ba'o/ /skyes pa ni pho rtags brjod par bya ste shing a mra la sogs pa'o/ de dag gi 'dab ma'i phye ma mnyam par bsres pa'o
 glang po che'i ste lag ldan gyi chang 'gram pa las skyes pa bu mo'i lag par bzhag pas/ bag ma byed pa na ni khyim thab byed pa na ste mag pa'i lag pa 'dzin pa'i dus na'o zhes pa'i don no/ /'byung po'i skra ni b+hu ta ka shI zhes grags pa'o/ /
 bzhi po rnams kyi ma lan bdun du mchi mas bsgos pa rang gi khu ba dang ldan pa bud med kyis zos pa 'am/ /bzhag pa 'am de la des regs pas shes 'chad par 'gyur pa ni 'dir 'brel par bya'o/ /A pan+na nA oM nA yi zhes grags
 pa'o/ /bzhi po rnams kyi phyi ma 'di dang 'chad par 'gyur ba yang khu ba dang bral ba sngar bzhin no/ /krAnd+hA ni biSh+Nu krAndA'o/ /sh+ra ba na ti ni du byed ma'o/ /shing lakla Na ni grags pa'o/ /a ba na tA ni thal sbyar byas te/ ha stA po Di zhes grags pa'o
 mig las byung ni mig rnam dag go /khyim gyi mtshal ba'i mgo ste mgo po'o/ rang lus kyi rma las byung ba ni ming med kyi khrag go /lnga po 'di rnams kyis byugs pa ste/ byugs pa ni bskus pa'o/ /rA ma du tI ni nA ga dAn+ti zhes dang hasti dAn+ta
 zhes grags pa'o/ /phye ma gsum gyis lan bdun du byas nas rang gi khu bas bsgos pas seng ldeng gi reng bu bsres pa so rtsi dang lhan cig zos pa'o/ /lag gdub ces pa dung ngo/ /bud med shi ba'i lag pa la gnas pa dur khrod kyi me
 la bsregs par du ra'i khu bas me bsad pa phye mar byas pa dur khrod kyi mes bsregs pa'i thal ba dang bud shing gi thal ba dang bcas pa rang gi khu ba bsres pa so rtsi dang lhan cig zos pa 'am reg pas dbang du byed do/ /bya'i bdag po'i
 'khor lo ni su darsha nA'o/ /lha'i bdag po'i spos po ni in+d+ra go ba'o/ /shi lA ni ldong ros so/ /ro tsa na ni gi wang ngo/ /ta la ni ba bla'o/ /mri ga durbA ni rab tu grags pa'o/ /dzA tri kA ni ru tra dza tra'o/ /lnga po rnams kyi phye
 ma lan bdun du mig chus bsgos pa bud med la 'phangs pa'o/ /bag ma'i nyin par shi ba'i mi'i me tog dang rtags la gnas pa'i ban du ka'i me tog dang lhan cig bsregs pa'i khyo shug gi thal ba rang gi khu bas mnyes pa ste/ des bsnun pa'o//
 dbang du zhes pa ni bsnun pa las so/ /shu dag ni shu dag nyid do/ /bcad skye dkar po ni dur ba dkar po'o/ /be'u 'phral du skyes pa'i lte ba'o/ /dbang po'i nas ni dug mo nyungs kyi 'bras bu'o/ /bkra shis yong ni gi wang ngo/ /lnga po cha mnyam du
 bsres pa rnams kyis so/ /dpal mdza' dag ni tsan dan dpal gyi dum bu'o/ /tsan dan dmar po ni tsan dan dmar po nyid do/ /ri bong 'dzin ni ga pur ro/ /'di rnams tshad mnyam bas so/ /drang srong gi bu ni bye'u khany+dza rI Ta'o/ /bong bu ni
 bong bu nyid do/ /de dag gi khrag gis mnyes pa rnams kyis so/ /gi ri kar+Ni dkar po ni gzhan gyis mi thub pa dkar po'o/ /phag ni phag pa ste de'i so dang rgyu skar rgyal la gsum po mnyes pa'i thig le'o/ /bde bar gshegs pa'i
 gdung gi rang bzhin so sor song ba la dkris pa zhes pa/ de bzhin gshegs pa'i sku gdung gi rang bzhin/ so sor song ba ni dbus su so sor bcug pa ste de la dkris pa'o/ /nyi ma ni zangs ma'o/ /zla ba ni dngul lo/ /me ni gser
 ro/ /'dir man ngag ni de bzhin gshegs pa'i gdung khrag gis mnyes pa'i dri ma dang mig gis dkris pa'i ri lu ste/ de la gser dang dngul dang zangs ma rnams kyis rim gyis dkris nas/ rgyu skar rgyal la lag par gzung ba la sngon du bzlas
 ba 'bum byas shing/ rang gi 'dod pa'i lha'i gzugs su bdag nyid dang ri lu 'ang bsgom zhing de'i sngags kyang bzlas pa/ dro ba dang du ba dang 'bar ba'i rjes su thogs su khar bcug nas rgyu bar bya ste sus kyang mi mthong ngo/ /'dir gser ni drug nam gsum
 rnams dang/ phyed dang bcas pa'i ra ti gnyis/ /ra ti'i brgyad kyi cha yang ste/ /thugs kyi rdo rje'i bdag nyid sbyor/ /sku yi rang bzhin dngul yin te/ /drug nam bzhi rnams dang de nas/ /ra ti'i rkang pa gsum rnams ni/ /brgyad cha ldan pa rnams kyis so//
 zangs ni drug nam lnga rnams dang/ /phyed bcas ra ti ldan rnams dang/ /ra ti brgya rnams rkang pa dang/ /bcas pa gang gi gsum gyis rdzogs/ /zhes pa man ngag go /kha cig ni gser la sogs pa rnams rim ba ji lta bar/ drug nam gsum
 dang rig byed bzhi/ ra ti bdun gsum lnga dang bcas/ zhes so/ gzhan rnams na re/ drug nam gsum dang bzhi dang lnga ste/ rkang pa gsum dang bcas ba'i ra ti'i gsum dang ra ti'i rkang pa gsum dang phyed dang bcas pa'i ra ti gcig dang lhan cig
 pa rnams so zhes so/ /gzhan rnams ni/ drug nam gsum dang bzhi dang lnga ste ra ti'i brgyad cha lnga dang bdun dang phyed dang bcas pa'i ra ti gcig dang ldan pa'o zhes so/ /bya rog nag po ni bsregs pa'i bya rog go /khu byugs mo ni khu byug
 gcig gi bu mo'o/ /mig ni mig nyid do/ /mig rnams shirkhaN+Da'i 'o mas mnyes nas de bzhin gshegs pa'i gdung dkris nas ril bu sngar bzhin no/ /gdung gi rang bzhin gyi ril bu sgrub pa gzhan no zhes pa lhag ma'o/ /khyo shi pa dang
 lhan cig bud med bsregs pa'i thal ba la sogs pa gsum rang bzhin gyis rdul ma'i chus mnyes nas de nyid kyis bde bar gshegs pa'i ring bsrel dbus su byas te/ ril bur byas pa
 sngar bzhin no/ /sh+ro ta ni mig sman sh+ro ta'o ri bong mtshan ma ni she bA la'o/ /tsher ma ni so ko tsa'i tsher ma'o/ /sbrang rtsi ni sbrang mas byas pa'o/ /mngar ba can ni shing dang ra ro/ /na ba ha li nI dag ni gsar
 ba'i lAM ga li'i me tog dang ka li ka dag ste/ de dag gi ke sa ra'i phung po gnyis kyang/ gzhon nu ma rdul dang po can gyi khrag gis mnyes nas/ ril bur byas pa snga ma bzhin no/ /a shwa ka sngon po'i 'byung ba zhes
 pa/ a sh+ra ka sngon po'i 'byung byed sa bon ta/ de'i myu gu'o/ /bud med ni 'dir lce spyang ste/ de'i khrag gis bdun du bsgos pa gser la sogs pas dkris pa sngar bzhin no/ /ril bu zhes pa sngags kyis btab pa ste sngar bzhin no/ /e
 gu dI ni pri yang ku'o/ /'gegs pa ni shi ba'i bud med do/ /ka gnyis pa'i zos pa'i mdza' ni zos pa'i lhag ma dor ba'o/ /zla ba gzas bzung ba na ril bur byas pa stags kyis btab pa sngar bzhin khar gnas pa ni mi snang bar byed
 pa'o/ /brtag pa'i mdzes ma ni yang dag 'dod pa phun sum tshogs par byed pa'i phyir ro/ /pha'i nags ni dur khrod de/ der zla ba gzas zin pa na mnyes pa/ dang pa'i me tog dang ldan pa'i gzhon nu ma'i sgrub pa pos bsten pas skyes
 pa'i khu pa'o/ /a sha ka sngon po'i byang phyogs su bya rog gi tshang can du song ba'i myu gu zla ba gzas zin pa na blangs pa brjod pa'i khu bas bdar ba rnams kyis so/ /phug ron gyi lto par bcug cing dur khrod kyis mes bcos pa'i
 mig sman ling bu mig byi la nag po'i khrag dang ldan ba'o rgyu skar rgyal la 'phral du skyes pa'i gla sgang gi myu gus btag pa'i sa'o/ /mda''joms ni sbrang rtsi'i sbrang bu'o/ /'di zhes pa 'di dag gis so/ /bton nas rab tu spyang pa sa dang
 rab tu sbyor ba dang sbed pa snga ma bzhin te/ 'on kyang ril bu khar gzhug go /kaM ni thod pa'o/ /sngon ma ni lus kyi stod la gnas pa'i ma'i dus pa'i thur ma'o/ /nyi ma zhes kha cig tu 'don pa la ni g.yas kyi lus su gtogs pa zhes pa'i don to/ /cho ga ni lha'i
 rnal 'byor la sogs pa'o/ /sngags pa zhes pa rdo rje 'dzin pa'i dang/ 'dod pa'i lha'i sngags bzlas pa po'o/ /don ni 'di yin te shes rab dang bcas pa lha'i rnal 'byor dang ldan pa gtor ma byin pa bzlas pa 'bum byas pa sngags klog cing/
 'byung ba'i nyin mo la mtshan mo dur khrod du mi'i thod pa gsum gyi steng du gnas pa'i thod par sha chan las skyes pa'i mar khu dang dur khrod kyi ras kyi sdong bus bud med kyi thod par dung pa chags pa snyil te gzung bar bya'o/ /mtshan mo de nyid la
 'ug pa'i mgo bsregs pa tsan dan dmar pos lan bdun du bsgos pa phye mar byas la/ dung pa de dang cha mnyam bas bsres pa bya rgod kyi rkang pa'i rus pa'i rkang sbubs su bcug ste/ bya rgod kyi rkang pa'i pags pa g.yogs nas b+ha ga'i dbus su
 bcug ste/ sgom pa dang sngags kyi dbang la dro ba dang du ba dang 'bar ba'i rjes thogs su/ /de nas phyung la sngar gyi mi'i rus pa'i thur mas ngos mig sman du bya'o/ /de nas zhe ba'i lta stangs kyis zhi bar 'gyur ro/ rgyas pa'i lta stangs kyis rgyas pa'o/ /dbang
 du bya ba'i lta stangs kyis dbang du bya'o/ /khro bo'i lta stangs kyis bgegs dang dgra rnams kun nas gcod par byed do zhes pa'o/ /bsam gtan bzlas pa la dga' ba rnams kho na'i bcud kyi las kyi cho ga brjod par bya'o/ /cho ga de yang ma tshang
 ba nyid na/ 'phongs pa dbul po la bde ba mi 'bab ste/ 'dod pa'i dngos grub kyi'o/ /gi ri ni mi'i glang pa'o/ /rgya mtsho skyes ni mi'i gcin gyi lan tsha'o/ /de dag dang lhan cig dngul chu ste dngul chu nyid dang por rtsa bas mos bkrus pa byas
 shing 'dus byas pa'i skyur po ni rtsa bas mo ste/ des mngon par rtsabs pa dang bcas pa rdo ba tshan mor mang du mnyes pa las nges par mdud pa can gyi skyon dor nas zin par byed do/ /skyur pos bkrus pa zhes 'don pa
 ni go sla'o/ /shA kha dza lA ni ru dan+ti'o/ /de'i mthar thug pa bzhi po cha mnyam pa rnams rtsabs mo dang lhan cig zangs kyi snod du bskol bar bya'o/ /de bzhi cha lus bar bskol ba/ gi ri dang rgya mtsho skyes dang sai na d+ha ba rnams dang bcas pa nyin
 zhag bdun du bzhag pa ni skyur por byas shing mngon bar rtsabs par brjod par bya'o/ /de'i rjes su khab len gyi lcags ni khab len gyi lcags te de ba dar ba'i phye ma dang/ ba ku la bI dzi sA ra dang utpal chen po pad+ma ste/ de'i yu ba zhes
 pa gsum dang byas pa'i skyur po dang lhan cig mnyes pa las mar gsar bzhin du dngul chu de smin par 'gyur ro/ /de'i rjes su rdo rje'i 'o mas lan bdun du bsgos pa sai na d+ha ba dang tsha la dag dang lhan cig mnur ba las zhu bar 'gyur ro//
 de'i rjes su zangs dang dngul so sor karSha phyed kyi cha can te mA Sha brgyad kyi tshad gcig tu bskol te/ tsher mas phugs pa'i shog shog byas nas shog shog so so la dngul chu de dang skyur pos byugs shing gan d+ha pA Sha na ma sha bzhi bcug
 nas skong bu kha bcad par bskol bar bya ste/ de ltar dngul chu de zangs dang dngul gyi cha can du 'gyur ro/ /de ltar bskol nas 'du bar bya'o zhes 'brel lo/ /gser phyed gang du yin pa de ni gser phyed can te daN+Di'o/ /de bskol pa'i tA ra ser po'i
 lhag ma phyed dang lhan cig 'du bar bya ste chos pa las so/ /dus te khu ba bcing ni mi gtong ba'o/ /sbyor ba'i sman gyis phyag rgya nges pa'o/ /shA li skyes ni shA li'i mar khu'o/ /tsan dan dmar po zhes pa mdor bstan ba'i rgyas par bstan pa
 sihla zhes pa la sogs pa ste/ de yang kun du ru yis kok+ka la las skyes pa rang byung gi me tog ste/ bo la dang kok+ka la sbyor ba las byung ba'i gnyis ka'i khu ba bsres pa zhes pa'i don to/ /sman chen 'di rnams dus drug rnams su/ 'di rnams kyis rab
 tu 'gyur bar bya'o zhes mthu can rnams te/ mthu dang ldan pa rnams shes pa'i don to/ /de la dpyid ni snga dro ste de la bshad pa gzung bar bya'o/ /so ka ni nyin phyed de de la rkang mar ro/ /dbyar ni phyi dro ste de la gla rtsi'o/ /ston ka ni srod de/ de
 la sbubs can snum ste/ sbubs can bud med kyi shA li las skyes pa'i mar khu'o/ /dgun ni nam phyed de/ der me tog las byung ba sihla ka'o/ /dgun smad ni tho rangs mtshan mo'i lhag ma ste de ga pur ro/ /'di ni dus kyi sman gyi sbyor ba'o/ /
 pad+ma'i khrag ni rang byung gi me tog go /mar ni khu ba'o/ /bzhi po 'di rnams dang lhan cig pa'i sngar bshad pa drug po ni bcu ste/ rdzas ni bzhi dang bcu rnams so/ /rnam pa dgu zhes pa bu ga dgu'i dri ma dang bcas pa rnams so/ /dus drug gi
 sman rnams la dri ma dgu rnams bsras pa rnams gcig tu bsres pa/ dkar po'i phyogs la tshes gcig la sogs rnams su zla ba 'bab pas snar blugs par bya'o/ /nags po'i phyogs la nyi mas shes pa sbyor ba gcig/
 dngul chu la sogs pa bzhi rnams ji lta kho nar ro zhes pa gnyis pa'o/ /sbyor ba gnyis ka yang nyi ma bdun phrag gsum rjes su sgrub pa dang rjes su bsngags pa'ang mnyam mo/ /rjes su sgrub pa pos grub pa na/ de'i khu ba dang lci ba dang blun byugs pa
 las bsregs pas lcags la sogs pa gser du byed do/ /na li nI'i ste bud med kyi mar ni glad pa'o/ /byis pa skyes nas ring po ma lon pa'i mar ro/ /mar khu zhes pa shA li las skyes pa'i mar khu'o/ /gzhi mnyam ni gzhi mnyam gyi mar
 khu'o/ /mar khu bzhi po 'di rnams so sor kham phor re re'i tshang bsre bar bya'o/ /snod kyi dbus su chu dang lhan cig pa'i sle tres kyi nang sha'i snying po lhung ba dbyung ngo/ /phye ma zhes pa yung ba nag
 po'i phye ma dang sle tres kyi phye ma so sor kham phor re re'i tshad do/ /de zhes pa de'i lte ba lI'i chu gnyis 'gyur te kham phor bzhi'o/ /kham phor bzhi zhes bar mar khu'o/ /kham phor gyi tshang ni srang bcu drug rnams so/ /sle tres ni chu 'o ma'i
 phyed do/ /'di'i phyed du sle tres kyi khu ba'i phyed du rtsigs ma lte phye ma gnyis so/ /sngar gsungs pa'i na li nI la sogs pa bzhi rnams dang gcig tu byas nas rtsigs ma la sogs pa'o/ /sle tres phyi rol zhes pa sle tres med pa'o/ /
 'dir 'di skad man ngag tu byed de/ mar khu kham par bzhi dang tshig ma kham phor gnyis dang lhan cig pa thog mar ba lA'i khu ba kham phor bzhi dang lan cig btso bar bya ste/ khu bzad par gyur pa nas slar yang phye ma kham phor bzhi rnams
 dang 'o ma kham phor bcu drag rnams dang lhan cig go /'o ma zad pa na sle tres kyi khu ba kham phor brgyad rnams dang ngo/ /tshos pa ni snar blugs pa'i ched du chung ngu sbyin no/ /btung ba'i ched du bar ma'o/ /skyu byug gi ched du drug pa'o/ /
 mar khu kham phor bzhi lus pa ji srid par bskol bar bya'o/ /snum dang tshigs ma dag gi tshe sor mos reng bur byas pa reng bu 'dra bar 'gyur zhing me la bcug pa na yang sgra med pa de'i tshe grub par ston to/ de nas nyin zhag bdun pa
 gsum gyis srang bcu rnams snar blugs par bya'o/ /yang srang brgya rnams btung bar bya'o/ /yang na srang brgyad lhag pa'i brgya rnams sku byug bya'o/ /rnal 'byor pa ni lha'i rnal 'byor la brtson pa'o/ /mnyam par bzhag pa ni mi
 g.yo ba ste/ rlung dang nyi 'ong spangs pa'i gnas su gnas pas/ lo ma dang skyur po dang chang dang bud med bsten pa la sogs pa spangs zhing mar dang sha dang 'o ma tsam gyi zas kyis bsgrub par bya'o/ /bcur len gzhan yang de lta kho nar ro/ /gzhi mnyam
 gyi phye ma'o/ /'o ma ni ba'i 'o/ /gnyis zhes pa ni nyis 'gyur ro/ /til nag po'i til mar ro/ /cho ga ni chung ngu btso ba la sogs pa'o/ /gser ni nga ru ra'o/ /mi bdag ni b+h+raM ga rA dzA'o/ /bran mo ni dzhi Na Di sngon po'o/ /tri Na ni tri Na zhes grags
 pa'o/ /khu ba ni khu ba rnams te/ mar khu las ri pa ji bzhin bar bzhi dang brgyad dang bcu gnyis dang bcu drug dang nyi shu 'gyur rnams so/ /mtshan mor dkar min ni yung ba nag po'o/ /utpal snying po can ni utpa la kha ma bye ba'o//
 dri'i ri ni dri'i rdo ba'o/ /ri dags skyes kyi myos byed ni gla rtsi'o/ /'di ni don te/ rnam par snang mdzad dang til nag po dag gi mar khu ni mar khu las nyis 'gyur gyi 'o ma dang lhan cig dang par btso ste/ de zad pa na re re'i khu ba dang de/ /de'i
 rjes su tshad mnyam par bsres pa'i yung ba nag po la sogs pa'i phye ma rnams dang ngo/ /thams cad du mar khu'i tshad lus pa ni tshos pa te sngar bzhin du rnam pa gsum mo/ /nyin zhag bdun phrag gsum la sogs pa yang sngar
 bzhin no/ /snar blugs pa dang 'thungs pa dag ni phan yon gsungs pa ring po zhes pa dus yun ring ba ste/ shugs kyis tshe ring po zhes pa'i don to/ /de kho na zhes pa gzhi mnyam dang til nag
 po dag gi mar khu'o/ /khrag 'phrog ni karma rang gA'o/ /gser shin ni gser gyi se pa li'o/ /lta byed ni ru dandI'o/ /pra ro hA ni bA la ka'o/ /sngar gsung cho ga ni rim pas 'phel ba ste/ 'bru mar las bzhi dang brgyad dang bcu
 gnyis dang bcu drug dang nyi shu 'gyur gyi chu ni rim pa ji lta bar khrag 'phrog la sogs pa rnams kyi'o zhes pa'i don to/ /sh+yA ma ni 'khri shing sh+yA ma'o/ /pri yA ni pri yaM ku'o/ /ke sa ri ni nA ga ge sar ro/ /
 rig 'dzin can ni tsam pa ka'o/ /nA ga ni pun+nA ga'o/ /tsakra marA ni e Da ga dza'o/ /mtshan mo spyad mi yung pa'o/ /gser shing ni da du ra'o/ /shi khI ni rma bya'i gtsug pung can no/ /rab mchog ni bA la'o/ /'byung po'i dgra
 ni sindu bA ra'o/ /pa ra h+ri ta bal+la b+hi ni chos rkun me tog can no/ /muk+ta ni a ti muk+ta ka ste/ gang la a hi ba hu zhes grags pa'o/ /ka rA ra ni ka rany+dza 'o/ /many+dza rI ni da ma na ka'o/ /gser shing ni gser gyi phA lI'o/ /
 a ba ku dza ni wA gu tsI'o/ /sprin ni gla sgang ngo/ /dA ru mtshan mo ni skyer pa'o/ /'di rnams ni 'di rnams nyid do/ /'di 'bru mar ni re re'i chu dang lhan cig btso ste/ de'i rjes su tshad mnyam par bsres pa'i sh+yA ma la sogs pa'i phye ma rnams
 dbang ngo/ /gzhan ni sngar bzhin no/ /phan yon gsungs pa thams cad ces ba la sogs pa'o/ /gnyis ni tsan dan dkar po dang tsan dan dmar po'o/ /shal la kI ni shal la kI'i khu ba'o/ /yan lag skyes ni lhog pa la sogs
 pa'o/ /mtshan mo las byung ba'i rdul ni yung pa'i phye ma'o/ /tso rA ni rgan po 'byed pa'o/ /khu ba dang gla rtsi dag gis btags pa mnyam po'i dngos po bdun pa rnams de dag kho nas brkyal te/ bzhag par bya'o/ /nyi ma
 so sor bsku byug bya'o/ /bska ba gsum pa 'bras bu gsum mo/ /tshad mnyam pa'i 'bras bu gsum gyi phye ma dang/ de dang mnyam pa'i gzi mnyam kyi phye ma shes par bya'o/ /bdag gis nus bas zhes ba/ bdag nyid kyi me drod kyi
 stobs la sogs pa rtogs nas phye ma lhag cing lhag pa'i rim pas btung ngo/ /dro ba na ste gla tsi dro ba na'o/ /'bras bu gsum zhes pa la kha cig tu skyu ru ra zhes 'don to/ /gsum pa la zhes pas zla ba la'o/ /skra dkar yang 'jems
 so/ /cha gsum las zhes pa ni cha mnyam pa zhes 'brel te/ nA ga bA la'i rtsa ba ste ha sti kar+Na dang pa lU sha'i rtsa ba dang ru ta'i phye ma rnams so sor cha gsum mo zhes pa cha dgu rnams te/ ma ga d+ha dang bcu pa'o zhes pa pi pi ling ni
 bcu pa cha gcig go /'di thams cad phye mar byas pa gcig tu bsras pa bzhag par bya'o/ /de zho de ba re re ba'i 'o ma dang sbyar nas nyin zhag so sor zla ba drug tu bza' bar bya ste/ lo brgye ji srid par ltogs pa dang skom pa dang
 bral bar 'gyur ro/ /zhes gsungs pa'o/ /don med pa zhes pa sbyor ba gzhan te/ sangs rgyas nyid dang mtshungs pa ste mchog kyang don med pa'o/ /mi 'grogs pa ni bud med dang 'grogs pa med pa'o/ /phug ces pa phug tu'o/ /de'i zhes
 pa de ru'o/ /bcud len pa la sogs pa sgrub pa thams cad la dang/ 'jig rten las 'das pa'i yon tan sgrub pa'i ched du yang/ nges par khu ba rmi lam du lang btang par mi bya ste/ de btang thams cad 'bras bu med pa'o zhes gsungs pa/ /
 dus zhes pa la sogs pa ste/ dus kyi ste/ khu ba'i 'ching ba yang dag par 'dzin pa'o/ /'di ltar zhes pa la sogs pa ni nye bar bsdu ba ste/ de ltar gsungs pa'i cho ga yis gang cung zad bshad pa sbyor ba bdun cu gsum sgrub pa de thams
 cad lha bsgom pa dang sngags bzlas pa lhur len pa sems mi g.yeng bas bya'o/ /srung ba dang gzugs sna tshogs 'dzin pa la sogs pa thams cad la 'di las ye shes 'byung ngo zhes pa shes pa thams cad 'byung ba'o/ /tshe ni bskal
 pa mnyam pa'i lus kyi rgyan la rlung 'bab pa dang yid gnas pa'i nus pa'i khyad par te/ sngon gyi las kyi 'phen pas dang bcud len la sogs pa ste/ mi rnams kyi'o/ /sman rnams kyi ni tshe 'tsho ba'i
 nus pa'i khyad par te/ de 'di yis rig par bya'o/ /zhes pa tshe yi rig byed do zhes pa'o/ /man ngag gi snye mar snyi ma nyi shu lnga pa'o// //bshad zin pa dang 'chad par 'gyur ba'i las rab 'byam dang sa yongs su 'dzin
 pa la sogs pa'i las kyang/ bgegs bskrad pa med par ma yin zhing/ de yang lha nye ba med par ma yin la/ de rnams kyang sbyin sregs med par de byed pa ma yin no/ /zhes pas/ lha nye bar bya ba'i ched du dang bgegs bskrad par
 bya ba'i ched du dang slob ma spung ba'i ched du dang lhag tshim par bye ba'i ched dang 'ga' zhig tu cho ga ma tshang ba dang lhag pa'i skyon zhi ba'i ched du zhi ba la sogs pa'i sbyin sreg gi las mdor ston pa'i ched du zhu ba/ bcom ldan 'das zhes pa la sogs pa ste/
 bzlas pa dang sbyin sreg ni sred mchod de lha la zhal du sreg bya 'bul ba gang gi dang po yin pa de de skad do/ /de yang zhi ba la sogs pa'o/ /las 'di thams cad kyang gtor ma dang mchod pa sngon du 'gro ba zhes de dris pa'o/ /
 rdo rje ni rdo rje snying po'o/ /sbyin sreg la sogs mtshan nyid nyon/ de dang 'brel pa'i cho ga gang gis de mngon par mtshon par bya ba'o/ /de gsungs pa/ dang por zhes pa la sogs pas so/ /sngags pa zhes pa phul du byung ba'i
 shes pa las so/ /de ni zhi ba la sogs pa'i sngags gsum gyi lha bsgom pa gang 'dra ba dang gang skul ba po dang bsam pa dang bzlas pa gang 'dra ba de'i shes pa rjes su bsgrub pa dang bcas pa'o/ /de nyid kyi phyir/ de nyid
 ji bzhin zhes gsungs so/ /'bum pa zlas pa ni sngon du bsnyen pa ste sngags rnams thams cad la'o/ /lha'i bkas gnang ba yod na ni de'i mtshams kho na bzlas pa'o/ /de'i rjes sku rkang pa dgod pa la sogs pa'i las brtsams pa'o/ /rnal
 'byor pa rnam par snang mdzad la sogs pa bsgom pa la brtson pa'o/ /rig ma zhes mdor bstan nas rgyas par ston pa bram ze mo zhes pa la sogs pa'o/ /rab tu rgyas par bshad par 'chad par 'gyur te nyi shu brgyad par ro/ /cho ga rjes su bsgrub
 pa ste byas nas zhes pa lhag ma'o/ /zhi ba 'di'i dgos pa'o zhes pa zhi ba'i sbyin sreg ste/ shAn+ti ka zhes 'don pa la ni thab khung brjod par bya'o/ /de bzhin du phyi mar ji ltar rigs par ro/ /khru'i tshad can sor nyi shu rtsa
 bzhi kha zheng du brko'o/ /khru phyed ni sor bcu gnyis te/ sa la thur du brko'o/ /'di nyid kyi rgyas par bshad pa ni/ 'og tu khung bu mtho gang ba zhes pa'o/ /mtho gang gi sor bcu gnyis so/ /po ti kha cig tu mtho gang zhes 'don pa med do/ /de
 skad du yang rdo rje mkha' 'gro'i rgyud du gsungs pa/ zhi bar sa gzhi'i cha dkar la/ khru gang tsam pa legs par zlum/ /de yi 'og tu mtho gang tsam/ /yang dag mnyam gzhag brko bar bya zhes so/ /ngos gnyis ngag tu zhes pa thab kyi nang gi ngos
 thams cad do zhes pa gcig ste/ thab kyi phyi rol gyi sa gzhi kun nas khru phyed tsam pa ni ngos thams cad ces pa gnyis pa ste byug go /de rdo rje mkha' 'gror gsungs pa/ /sa dkar gyis ni thab khung byugs/ /ba lang lci bas sa gzhi'o//
 dkar po dri yis nyer byugs par/ /de gnyis brtul zhugs can gyis bya/ /zhes so/ /de'i phyi rol ni thab khung gi steng gi phyi rol lo/ /mu ran gyi phyogs ni mchu ste/ de'i phyi rol yang kha khyer ro/ /rgyas pa'i thabs kyi rjes su dbang du bya ba'i
 thab bshad par bya ba la/ sngon spyod kyi thab bar du gsungs pa ni/ snga ma dang phyi ma'i las 'brel pa'i don du ste phal cher mi mthun phyogs zad pa kho na las zhi ba la sog pa shin tu ches 'grub po zhes rtogs pa'i ched
 du'o/ /sdang bar byed pa zhes pas bskrad pa nye par mtshon pa'o/ /de bzhin du ji ltar rgyas pa la yin pa de ltar rengs pa dang rmongs pa dag la yang ngo zhes shes par bya'o/ /kha dog dkar po zhes pa thab dang rdul tshon yang ngo/ /rdul tshon
 gyis las dang rjes su mthun pa'i thab bya ba 'am yang na brko bar bya'o zhes gsungs pa/ rdul tshon zhes pa la sogs pa ste/ snga ma ni lnga pa la'o/ /til dkar po ni dkar po'i til lo/ /lnga zhes pa byang chub shing dang 'dzam bu dang
 u dum+ba ra dang n+ya gro d+ha dang pad ka TI rnams te/ pa lA sha dang sha mI dang kasma rI dang a mra dang ka daM pa rnams nye bar mtshon pa'o/ /me ni 'dir pa lA sha dang u dum+ba ra'i srub shing las byung ba'o/ /til nag po zhes pa nag po'i
 til rnams so/ /shA li dmar pos zhes pa gang la 'bras dmar po zhes rab tu grags pa de'i zan no/ /nas la sogs pa ni sngar gsungs pa'i nas dang 'bras bu la sogs pa ste/ yang ni sdud pa la'o/ /de rnams kho na yam
 shing ste/ byang chub shing la sogs pa rnams so/ /khu tshur gyi tshad ces pa snyim pas gzung du rung ba rnams so/ /me tog brgya pa ni gang las u pha zhes rab tu grags pa'o/ /til dmar po 'am nag po 'ang zhes pa
 til dmar po rnams sam nag po rnams so/ /me ni 'dir rje'u rigs kyi khyim du skyes pa'o/ /ma Sha la sogs pa zhes pa/ yungs kar la sogs pa shes par bya'o/ /kA la ka ni ha ri Tha zhes grags pa ste de'i 'bras bu'o/ /
 de nyid du zhes pa mngon spyod kyi thab khung du tsaN+Da li'i me la sbyin sreg bya'o/ /khyim gyi bya rog ces ba bya rog gi tshang gi'o/ /dam tshig chen po ni mi'i sha'o/ /sangs rgyas zhes pa sangs rgyas so/ /'di ni phul du byung ba brjod ba ste sgrub pa po spro ba'i
 ched du'o/ /khyim gyi me tog ni bud med kyi me tog go /khyim gyi ta ma la'i lo ma ni khyim gyi du pa'o/ /ba 'ching pa ni kha rengs pa'o/ /nya sha ni nya'i sha'o/ /bya ni 'ol pa ste/ bya rgod ces ces kha cig go /phub ma'i zhes pa phub ma'i me la ste
 sreg rdzas ni de ma thag pa gnyis so/ /sngon du 'gro ba ni sngon du bsnyen pa'o/ /de nyid kyi phyir gsungs pa/ dang por sngags pas 'bum bzlas so/ zhes /'dir thabs la sogs pa la ji ltar rigs par khyad par gzhan ni bdag gis
 'od kyi snye ma dang dkyil 'khor gyi cho ga rdo rje phreng bar rnam par spros so/ zhes 'dir rgyas par ma byas so /man ngag gi snye mar snye ma nyi shu drug pa'o// //sngar dang de ma thag par yang sngags rnams kyi rjes su
 sgrub pa gsungs shing de yang thos nas/ de rnams kyi btub la sogs pa ji ltar zhes bri ba/ thos zhes pa la sogs pa'o/ /don dam pa shes pa'i phyir dang 'gro ba skyob pa'i phyir na don dam pa'i byang chub kyi sems ni sngags ste/ /de'i rgyu mthun pa nyid
 kyi phyir oM yig la sogs pa yang sngags so/ /sngags su byed pa de kho na nyid skul ba'i skad ces pa yang sngags so/ /bye brag ni sngags gang tshe cho ga gang gis gang du nye bar sbyor ba'o/ /de rnams kyi zhes pa gsungs pa dang gsung par 'gyur
 ba'i las rnams kyi'o/ /dkyil 'khor ni mA ma kI'i b+ha gO /nyams dga' ba ni phul du dbyung du med pa'i bde ba'i rgyu nyid kyi phyir ro/ /de'i dbus su pad+ma'o/ /mA ma kI zhes pa ni rdo rje snyems ma la bong pa ste/ ring po nyid ni lung ngo/ /lte ba ni
 rtsa kha ga mu kha'o/ /'dab ma brgyad pa'i rtsa'i dbus na gnas pa nyid kyis na sbas pa ste yang dag par bsdams pa'o/ /spyod yul ni bzhi ste der dbus kyi bug pa gang yin pa'o/ /dpa' bo ni stong pa nyid kyi rang
 bzhin bde ba chen po'i ngo bo byang chub kyi sems te/ /yang dag btu bar bya'o/ /rdo rje sems dpa' gzhom du med pa nA da'i ngo bor gyur pa'i dpa' po de kho na 'dod pa'i don kun sgrub pa byed pa la sogs pa'o/ /sde mtshan ni brgyad rnams te
 A li kA li'i ngo bo sngags ma lus pa 'byung ba'i rgyu rnams so/ /de rnams kyi gzhom du med pa las skye ba'i phyir dbang phyug go /'dir ni rnal 'byor pa dpal rdo rje sems dpa' i gzugs can shes rab dang bcas pa phyag rgya drug gis
 brgyan pa skra grol ba phyogs kyi gos can/ dkyil 'khor gyi khang pa la sogs pa'i sa phyogs bdud rtsi lngas nye bar phyugs pa me tog la sogs pa rnams yid 'phrog pa sha chen gyis bdugs par/ mar khu chen pos mar me spar
 nas/ phyi rol tu gar dang glu dang rol mo la sogs pa sngon du 'gro bas cang te'u dang dril pu dkrol zhing gtor ma byin te/ dur khrod kyi so phag la sogs pa'i rdul tshon gyis pad+ma 'dab ma brgyad pa bris la/ lte bar gzhom du
 med pa dang 'dab ma rnams la a ka tsa Ta ta pa ya sha'i rab tu dbye bas sde tshan brgyad rnams kyi mi nyam pa med pa ma tshang ba med par bri bar bya'o/ /zhes pa'i cho ga ni man ngag las so/ /de nas sngags rnams btu ste/ dang po'i
 sde pa'i gnyis pa'i sa bon yi ge ni A'o/ /stong pa ni 'dir zla ba phyed pa ste/ nam mkha' i rten gyi phyir nye bar btags pa'o/ /dgos pa ni sngags rnams thams cad ni stong pa nyid dang ro gcig pa nyid kyis/ de'i rten can kho na las
 mngon par 'dod pa'i dngos grub ster ro zhes gsal bar byed pa'o/ /stong pas ni thig les so/ /bco lnga pa ni thig le'o/ /byang chub sa bon ni ha'o/ /thams cad oM yig gis gsal cing/ swAhA'i mdza' can sngags btu bya/ zhes
 gsungs par 'gyur ro/ /de'i phyir oM AM laM haM swAhA zhes pa spyan ma'i snying po'i sngags te/ oM zhes pa rdo rje gsum gyi bdag nyid kyi phyir bsod nams len pa la'o/ /AM zhes pa 'chad par 'gyur ba'i rig pas dga' ba bcu drug ro gcig
 pa nyid gsal bar byed pa'o/ /lam ni 'dis sa'i rang bzhin nyid du gsal bar byed do/ /haM ni 'chad par 'gyur ro/ /swAhA zhes pa ni zhi ba gsal bar byed pa'o/ /rdo rje mkha' 'gro ma ni u'o/ /nyi shu rtsa dgu pa ni ka'i yi ge
 la bltos nas so/ /'og mar yang ji ltar rigs par a nas gzung ste 'am/ ka nas brtsams te bgrang pa'o/ /gau rI ni i'o/ /g+hasma ri ni o'o/ /tsau ri ni e'o/ /oM ru ru sphu ru dzwa la tiSh+Tha sid+d+ha lo tsa ne swAhA zhes pa nye ba'i snying po'o//
 ru ru zhes pa sngags kyi lha'i rjod pa ste/ ru sgra la'o/ /sphu ru ni cher gsal por gyis shig pa ste/ spha ra rgyas pa la'o/ /dza la ni shin tu gzi brjid can du 'gyur ba'o/ /bdag gi re ba rdzogs par byas nas bzhugs shig
 sid+d+ha ste gzhom du med pa'i lo tsa na ste spyan gang gi yin pa de la bod pa'o/ /sangs rgyas zhes pa sangs rgyas kyi gzugs su rdzogs pa rnams kyi'o/ /'di ni sangs rgyas rnam par snang mdzad kyi btsun mo 'di'o zhes pas sangs
 rgyas kyi rnal 'byor las bya ba'o/ /zhes bstan to/ /sngags dang lha dag tha mi dad par mos pa las dngos grub po zhes pas sngags kyang spyan zhes gsungs pa/ zhi ba bskyed ma zhes pa'o/ /las rnams thams cad sgrub byed ma
 zhes pa las rnams thams cad zhi ba sngon ma can nyid kyi phyir ro/ /gzhan yang gtso bor zhi ba bskyed cing/ zhar las ni las thams cad sgrub ste/ de bzhin du phyi ma la shes par bya'o/ /de bcom ldan 'das
 kyis gsungs pa/ /dang po'i rgyu dbang byas nas kyang/ /don gang bshad par 'gyur ba de'i/ las ni de nyid kho nar gsungs/ /lhag ma zhar las byung bar 'dod ces so/ /shi ba dang 'dra ba ni shi ba ste/ rgyal ba 'chi ba la mngon
 du phyogs pa ste/ de slong ba'o/ /rdo rje'i dam tshig ni sems brgyal ba ste/ de gang las slong ba'o/ /yang na rdo rje dam tshig ni bar do'i srid pa'i sems so/ /rnam par snang mdzad kyi 'am spyan ma'i rnal 'byor las spyan ma thabs dang bcas pa spro
 nas sngags 'dis bskul te/ bdud rtsi'i rang bzhin gyi 'od zer gyi ngo bo bdag nyid la bcug nas zhi ba bya'o/ /gzhan gyi zhi ba la ni rang gi snying gar ram mdun du spyan ma dang rnam par snang mdzad kyi gzugs can bud med dang skyes pa
 dag sprul nas/ spyan ma spros te/ che ge mo'i zhi ba gyis shig ces pa swAhA'i tshig las snga mar te/ sngags kyis bskul zhing snga ma bzhin du nang du gzhug par bya'o/ /de lta mod kyi stobs med pa mdun du gnas pa nyin pa la
 rang gi lag pa bdud rtsi'i rang bzhin gyi 'od zer can gyis reg par bya'o zhes pa'o/ /shi ba gso ba la ni spyan ma dang rnam par snang mdzad kyi gzugs can du bud med dang skyes pa dag rang gi sa bon las bskyed de/ ye shes
 sems dpa' bcug nas/ de'i sa bon gyi 'od zer dang rang gi snying ga'i sa bon gyi 'od zer gyis sngags zlos shing bar do'i srid pa bkug nas gzhug par bya'o zhes pa'o/ /gsungs pa yang zhes pa spyan ma'i nye ba'i
 snying po gnyis pa'o/ /chu ma ni a'i'o/ /oM g+hi swAhA zhes pa mA ma kI'i snying po'o/ /g+hI zhes pa gdug pa can 'joms pas srung ba gsal bar byed pa'o/ /mkha' spyod ma ni aM ngo/ /lnga pas zhes pa ni 'don pa nyams pa ste/ bcu drug
 pas shes pa ni 'don pa'o/ /oM shaM ka re shAn+ti ka ra g+hu Ta g+hu Ta g+hu ni g+hA ta ya g+hA ta ya b+hu Ti ni swA hA/ zhes pa nye ba'i snying po gcig go /sha mu nye ba zhi ba la'o/ /gdug pa can nye bar zhi bar byed pa'i phyir sha ka ra'o/ /gdug pa can nye bar zhi ba'i rjes thogs su shAn+ti ka ra'o//
 g+hu Ta ni gdug pa nyams par gyis shig pa ste/ g+hu Ta so sor 'joms pa la'o/ /shin tu bskul ba'i phyir gnyis brjod pa'o/ /g+hu Ti ni gdug pa can rab tu 'dul ba'o/ /sngar bzhin du che ge mo bsrung ba gyis shig ces bskul nas bsrung ba
 bya ste/ gdug pa can skrag par byed pa lhur len pa'i mA ma kI ru bsam par bya'o/ /srung ba ni 'chi byed la sogs pa rnams las so/ /de kho na rdo rje ste mi phyed pa nyid kyi phyir ro/ /de'i sbyor pa rnams la rtag tu sku gsum 'grub par byed do/
 rdo rje chen po 'jigs pa ni bgegs dang log 'dren 'jigs pa'o/ /gsungs so zhes pa ni mA ma kI'i snying po gnyis pa'o/ /b+hyo zhes pa 'jigs par byed pa la'o/ /gnyis pa zhes pa la sogs pa ni gos dkar mo'i'o/ /oM ka Te
 bi ka Te ni ka Te /ka TaM ka Te swAhA/ zhes pa snying po ste/ oM badzra zhes pa la sogs pa nye ba'i snying po'o/ /ka Te ni shin tu zad pa gso ba la ste/ ka Ta dka' ba 'tsho ba la'o/ /pi ka Te ni khyad par du 'tsho par byed pa la'o/ /ni ka Te
 sgrub pa po la nye ba la'o/ /ka TaM ka Te ni shin tu yang 'tsho phyed la'o/ /chos ni 'od dpag med de/ de de'i gzugs can phyi don du gnyer ba po'i rgyas pa dang stobs byed cing/ gos dkar mo'i gzugs can gyi yang ste/ gnyis ka yang
 gnyis ka'i ngo bo nyid kyi phyir ro/ /shes rab dang thabs gtso bo las tha dad du bya ba'o/ /mdzod ldan ma zhes pa khyad par du mdzod rgyas pa yang ston to/ /bzlas pa tsam gyis zhes pa rigs bzlas zin pa
 rnams kyi rang gi sbyor ba las bzlas pa tsam gyis dngos grub tu gsungs te/ de bzhin du gzhan la yang ngo/ /de la sngon du bsnyen pa la sngags tsam bzlas pa'o/ /rab tu sbyor ba la ni bdag gi 'am che ge mo'i rgyas par mdzod cig
 ces bcug pa'o/ /gsungs zhes pa gsung rdo rje'i tshig ni ji ltar dngos grub 'byung par byed pa de ltar sgrub po'i yang ngo/ /bcu drug pa ces pa la sogs sgrol ma'i 'o/ /oM tA re tut+tA re tu re swAhA/ sdug bsngal gyi rgya mtsho
 las sgrol pa'i phyir tA ra sgrol ma'o/ /de nyid kyi phyir tu ta te gdungs pa las sgrol lo zhes pa tut+ta re'o/ /myur du mdzad pa'i phyir tu rA ste/ tu rA myur ba la'o/ /'phags ma sgrol ma 'am don yod grub pa'i rnal 'byor byas nas
 don yang grub pa'i gzugs su 'am 'phags ma sgrol ma'i gzugs su mngon par 'dod pa'i skyes pa 'am bud med bsams te/ rang gi snying ga nas 'phags ma sgrol ma spros nas/ che ge mo bdag gi dbang du gyis shig ces spel te
 sngags zlos shing bskul pas/ bsgrub bya la gzhug par bya'o/ /de de ltar shin tu rjes su chags shing slong pa ye shes kyi 'od zer gyi lcags kyus bkug pa rang 'dra 'am rang dang 'dra ma bcug nas te/ bud med dang skyes pa dag gi
 dbang du skyes pa dang bud med bya ba la'o/ /bud med skyes pa'i dbang du bya ba la ni rang gi bdag nyid la 'am rang gi snying gar yang ngo/ /de ltar sangs rgyas rnams ni skyes bu gtso bo rnams so/ /rdo rje rnams ni snying sra ba rnams so//
 ? chen can rgyal po rnams so/ /sems can khams ni 'jig rten thun mong pa rnams so/ /kun nas ni rnam pa thams cad tu'o/ /de ltar spyan ma la sogs pa'i lha rnams gang yang rung ba sngar bzhin bsgom zhing/ de'i sngags 'bum
 bsnyen pa byas pas ni/ ji skad gsungs pa bya ste/ ji ltar rigs par sngar gsungs pa'i sbyin sreg kyang ngo/ /oM yig gsal byed gang gi yin pa de thams cad la'o/ /rnam dbye dang po dang mang po'i tshig ni lung ste don gcig la'o
 swAhA gang gis mdza' yin pa de'o/ /'di thams cad kyang de bzhin gshegs pa'i gsung ji bzhin du brjod pa'i don can kho na ste/ ji lta bar gzhan skyes bu'i don mchog mngon par brjod pa ni de bzhin gshegs pa'i gsung ngo zhes
 dman pa rnams spro par byed do/ /rig pa'i rgyal po'i zhes pa/ rdo rje phag mo la sogs pa rig ma rnams rjes su chags par byed pa'i phyir rig pa'i rgyal po ste/ de yang rdo rje sems dpa' o/ /de bsgom pa'i cho ga ni sngar rgyas par byas
 zin to/ /rgyud gzhan du gsungs pas de kho na 'khor lo bde mchog gzugs can gyi sgom pa'i rim pa gsal zhing rdzogs pa man ngag dang bcas pa ni bdag gis byas pa'i dpal bde mchog gi mngon par rtogs pa'i cho gar
 rtogs par bya zhing bye brag rgyud 'dir gsungs pa'i mig la sogs pa byin gyis brlabs pa la sogs pa shes rab la rjes su chags pa ji srid ba ni rdo rje sems dpa' kho na'i'o/ /oM sh+rI he he ru ru kaM badzra DA ki nA dzA la sam+ba raM hUM
 phaT zhes pa snying po'o/ /oM h+rIM(rgyud 'grel nye ba'i snying po'o/ /zhes pa'o/ /gang kun tu bzang po dang 'jam dpal dang 'jig rten dbang phyug dang sa'i snying po dang phyag na rdo rje dang byams pa dang nam mkha' i snying po dang nam mkha' mdzod dang/ sgrib
 pa thams cad rnam par sel ba dang spos kyi glang po dang blo gros mi zad pa dang ye shes tog dang spobs pa brtsegs pa dang mya ngan dang mun pa thams cad nges par 'jams pa'i blo gros dang ngan song kun 'joms dang dra ba can gyi
 'od dang/ zla ba'i 'od dang rin chen 'od dang nyi ma'i 'od dang rdo rje 'od dang nor bzang dang mthu chen thob dang blo gros rgya mtsho dang bzang skyong rnams te byang chub sems dpa' chen po nyi shu bzhi kho na ni rim pa ji lta bar khaN+Da ka ba lA
 la sogs pa'i ngo bo rnams dang/ de rnams kyi shes rab ma rdo rje pho nya mo dang skul byed ma dang rin chen sgrol ma dang rdo rje 'od byed ma dang ro langs ma dang rdo rje gzhon nu ma dang/ kaM po dzi dang sangs rgyas byang chub dbang phyug ma dang
 ye shes sgron ma dang rdo rje 'jigs ma dang gAn d+ha rI dang rgyal ba can ma dang sgron ma dang gos dkar mo dang spyan ma dang mA ma kI dang/ rgyal mtshan rtse mo'i dpung rgyan ma dang so so 'brang ma dang rma bya chen mo dang ri khrod lo ma can
 dang rdo rje lcags sgrog ma dang phyir bzlog ma dang gtsug tor ma dang rdo rje 'jigs byed ma rnams rim pa ji lta bar rab tu gtum mo la sogs pa'i ngo bo dang/ gau rI dang chom rkun ma dang rmongs byed ma dang ro langs ma dang buk+ka sI dang
 gtum mo dang g+hasma rI dang he ru ka'i 'od ma rnams kho na ni khwa gdong ma la sogs pa'i ngo bo brgyad rnams te/ bde mchog gi dkyil 'khor gyi khyad par la 'di rnams kyi thabs gshin rje gshed dang rta mgrin dang bgegs mthar
 byed dang shes rab mthar byed dang 'dod pa'i rgyal po dang dbyug pa sngon po dang stobs po che dang mi g.yo ba rnams te/ gzugs rdo rje ma dang sgra rdo rje ma dang dri rdo rje ma dang ro rdo rje ma rnams ni mkha' 'gro ma la sogs pa'i ngo bo dang/ reg bya rdo rje ma rdo rje phag mo'i ngo bo
 dang kha cig tu 'di spyan ma'o zhes gsungs shing ye shes sems dpa' 'khyud pa'i chos kyi dbyings rdo rje ma'o zhes mngon par brjod pa bla ma'i rgyud kyi rjes su 'brang bas dang/ gzhan du yang kun tu bzang po la sogs pa rnams gzugs gzhan
 du bzhag pa ji ltar rigs par brtag par bya'o zhes rnam par bzhag pa de ni 'dir gshin rje gshed la sogs pa brgyad spangs nas rtogs par bya'o/ /rnam par snang mdzad ni oM yig go /gang zhig rnam par snang mdzad gsal ba/ /oM
 yig dag pa rnam dag pa/ /sprul pa nga ni sangs rgyas so/ /zhes pa'i gsung rab las so/ /puk+ka sI ni a'u'o/ /oM hUM swAhA zhes pa rengs pa'i sngags so/ /yi ge'i bdag po ni oM mo/ /oM aM swAhA zhes pa dbang du byed pa'i sngags
 so/ /rigs byed rnams kyi dang po ni rab bsngags so/ /oM khaM swA hA zhes pa skrod pa'i sngags so/ /oM dzraM swAhA zhes pa 'byed pa'i sngags so/ /oM buM swAhA zhes pa mngon spyod kyi sngags so/ /oM hUM swAhA zhes pa 'gugs pa'i sngags so//
 oM g+hu(rgyud 'grel pa dag gis rdo rjes dang gri gug dag 'dzin pa snying gar hUM ser po'i sa bon can bsgoms nas/ oM hUM swA hA zhes sngon du bsnyen pa 'bum gyi rjes thogs su 'chad par 'gyur ba'i spel tshig dang bcas pa'i sngags kyis sngar bshad pa'i spyan
 sreg bya'o/ /'di yang las gzhan te kham phor so ma btang ba gnyis su thod lo kor ser bos bum bas mtshan pa'i chu'i dkyil 'khor zlum po la gnas pa'i sna tshogs rdo rje'i lte bar/ oM hUM badzra che ge mo
 stam b+ha ya hUM swAhA zhes pa bris nas/ gcig dur khrod kyi thal bas bkang ste/ kham phor gzhan gyis sbyar bar byas la/ steng du dbang chen gyi dkyil 'khor zung dag phyogs rdo rje rnams kyis nye bar mdzes pa bris shing sa 'og tu
 bzhag nas/ bud med la rkang pa g.yon pas dang/ skyes pa la g.yas pas mnan te/ ting nge 'dzin la gnas pas de ma thag pa'i sngags stong phrag bzlas pas/ bsgrub bya rengs par 'gyur ro/ /iM las rdzogs pa'i gau rI
 gur gum ltar dmar ba zhags pa dang kha TwAM ga dang lcags kyu dang rdo rje 'dzin pa thugs kar aM gi sa bon dmar po byas pa bsgoms la/ oM aM swAhA zhes pa sngon du bsnyen pa 'bum byas pas spel ba dang bcas ba'i sngags kyis sngar
 gsungs pa'i sbyin sreg bya'o/ /las gzhan yang 'di yin te/ bsgrub bya dmar po gcer bu sgra grol ba'i mgul par zhags pas bcings nas/ lcags kyus skye nas phug ste/ bkug cing rkang pa'i 'og tu 'gyel bar bsam la/ de'i
 b+ha gar aM yig dmar po ste/ de'i me 'bar bas slong bar bsam shing/ skyes pa la ni de bzhin kho nar snying gar te/ oM aM gau ri che ge mo bdag gi ba sha mA na ya aM swAhA zhes bzlas te nges par de dbang du 'gyur ro/ /iM gi sa bon skyes
 pa'i chu ma sngon mo thod pa dang thob rdo rje dang sdigs mdzub 'dzin pa snying gar nyi ma la gnas pa'i khaM sngon po dang ldan pa bltas te/ oM khaM swA hA zhes bzlas pa 'bum byas pas spel tshig dang bcas pa'i sngags kyis sngar gyi
 sbyin sreg bya'o/ /'di ni las gzhan te bsgrub bya gcer bu sgra grol ba rlung la gnas pa'i rnga mo sngon po la zhon ba lhor kha bltas pa la khros pa rnams kyis dbyug pas brdeg bzhin bar bsam zhing/ oM khaM bA ri yo ga gi ni che
 ge mo uts+tshA Ta ya khaM hUM hUM hUM phaT swAhA zhes bzlas te/ zhag bdun gyis skrod par byed do/ /uM yig las skyes pa'i rdo rje mkha' 'gro ma chu ma dang 'dra ba snying gar nyi ma la gnas pa'i dzrI yig sngon po can bsam oM dzriM swAhA
 zhes ba 'bum bzlas nas/ spel tshig dang bcas pa'i sngags kyis sngar bshad pa'i sbyin sreg bya'o/ /las 'di yang bya ste/ bsgrul bya rta dang ma he la zhon pa dag phan tshun 'thab bzhin bar bsam zhing/ oM dzriM badzra DA ki ni che ge
 mo dang che ge mo dag bi dwe ShaM ku ru dzriM hUM hUM hUM phaT swAhA zhes bzlas pas bye nas sdang ngo/ /aM gi sa bon las skyes pa'i bdag med ma sngon mo rnam par 'gyur ba'i gzugs can thod pa dang kha TwAM ga dang rdo rje dang gri gug 'dzin pa snying gar
 nyi mo la gnas pa'i buM yig sngon po can du bsam zhing oM buM swAhA zhes bzlas pa 'bum byas pas/ spel tshig dang bcas pa'i sngags kyis sngar gsungs pa'i sbyin sreg bya'o/ /las gzhan yang 'di yin te bram ze'i thod par dug
 dang skye tshe dang lan tsha dang sdigs mdzub kyi khrug gis 'khor lo zur drug pa ste/ zur rnams su hUM dang ldan pa dbus su/ oM buM nai rAt? che ge mo dzwa ra ya buM hUM hUM hUM phaT swAhA zhes pa 'am nye bar 'tshe ba gzhan spel te bris nas zlos shing
 phub ma'i me la gdung bar byas pas rims kyis 'debs so/ /aM las skyes pa'i mkha' spyod ma gau rI lta bu snying gar hUM dmar po'i sa bon bsam zhing/ oM hUM swA hA zhes bzlas pa 'bum byas pas/ spel tshig dang bcas pa'i sngags
 kyis sngar gyis sbyin sreg bya'o/ /'di yang las te/ bsgrub bya rlung dang me'i dkyil 'khor gyi steng du slong bar bsam nas rang gi snying ga'i sa bon gyi 'od zer gyi lcags kyu rnams sna bug g.yon pas phyung zhing/
 bsgrub bya'i sna bug g.yas pas bcug ste/ snying ga dang skye gnas phug nas/ sna bug g.yon nas phyung zhing/ sna bug g.yas pa nas snying ga'i sa bon la bcug cing dbugs kyi rlung gi dgug par bya'o/ oM hUM khe tsi ri che ge
 mo A karSha ya hUM swAhA zhes bzlas pa las 'gugs so/ /oM yig las skyes pa'i sa spyod ma lta bu snying gar g+hu(rgyud 'grel sngags kyis sngar gyi sbyin sreg bya'o/ /las 'di yang ste/ g+hu(rgyud 'grel pas gsod par byed do/ /rdo rje ma la sogs pa bdun po 'di rnams kyang pad+ma dang nyi ma dang ro la gnas pa gar mdzad pa phyag bzhi ma phyag rgya lngas brgyan par byas ba/ skra dmar ser gyen du brdzes pa rnams so zhes pa'o/ /gsungs pa yang/ rdo rje ma dang gau rI dang
 chu ma dang rdo rje mkha' 'gro ma dang bdag med ma dang mkha' spyod ma dang sa spyod ma'i rnal 'byor las rengs pa la sogs pa rnams brtul zhugs can gyis byed do zhes so/ /las kha cig la gnyis dang gsum la sogs pa'i lha
 mngon par brjod pa ni mngon par 'dod pa'i lha gang yang rung bas bsgrub bya 'grub po zhes nges par rig par byed do/ sgo srung gi sngags btu ba/ brgyad pa rnams kyi zhes pa la sogs pa'o/ /a A i a'i u a'u
 ri rI ces pa dang/ li lI e i o aau aM a(rgyud 'grel de kho na dang po'o/ /ma? med ni thig le ste de spyi bor byin nas swAhA'i yi ge dag gi mthor sbyar ba de ni de skad do/ /chos kyi sa bon ni hAM ste/ de las te swAhA las sngon du'o/ /de ltar mdor bstan nas rgyas par ston pa/ rnam par snang mdzad ces
 pa la sogs pa'o/ /sgo skyong rnams la zhes pa ni drag pa'i don la'o/ /dbyangs lhag ma ni a:O/ /'di ni 'dir bsdu ba ste/ oM raM a(rgyud 'grel sngags btu ba mdzad de/ rig byed rnams kyi zhes pa la sogs pa'o/ /chos kyi sa bon 'dir rjes su 'jug par bya'o/ /oM puShpe haM swA hA zhes pa la sogs pa sngags so/ /bsgre ba gsungs pa/ de ltar zhes pa brjod pa'i btu ba'i
 cho ga gang du rjes su bsgrub pa dkyil 'khor pa'i lha gzhan rnams kyi dkyil 'khor brtag par bya ste/ de rnams kyi yang sngags btu ba rtogs par bya'o zhes pa'i don to/ /'khrul 'khor gyi sngags rnams btu ba/ de nas zhes pa
 la sogs pa ste/ sgrol ma'i skyed pa'i/ gang du las rnams thams cad rnam par 'phrul zhing khyad par du dbang du bya ba'i 'o/ /'di'i kha ste 'dab ma bzhi rnams phyogs rnams su dang mtshams rnams su'o/ /ta zhes pa ta yig gsum
 sbyor bas phyogs dang phyogs bral rnam par gnas te/ 'dab ma so so la man ngag las zla phyed thig le dang bcas pa'i ta yig gsum mo zhes pa'i don to/ /cho ga ni gur gum dang gi wang dam rgya skyegs kyi khu ba ste/ de dag gis san
 des 'khrul 'khor bris te/ sngags pa/ pra zhes pa la sogs pa'i sngags bzlas pa 'bum byas pas so/ /kun nas zhes pa pha rol dang 'brel lo/ /de'i lte ba'i yi ge rnams ni oM oM swAhA zhes pa la sogs
 pa'o/ /de'i ste 'khor lo'i 'o/ /bskor ba bya ste 'khor lo mu khyud la oM pra zhes pa la sogs pa'o/ /swAhA mdza' gang gi yin pa'o/ /ze 'bru la zhes pa 'khor lo'i lte ba la taM yig gis bskor bar bya'o/ /spel ba ni ta
 yig kho nas so/ /sngags pa ni sngags zlos pa la brtson pa'o/ /cho ga bzhin zhes pa gro ga zhes pa la sogs pa'i 'chad par 'gyur ba 'dir cho ga'o/ /'di ni 'dir bsdus pa'i don to/ /rab tu dad pa'i sgrol ma'i rnal 'byor dang ldan pas
 sngags 'bum bzlas pa'i sngags pas gro gal/ phyogs brgyad du son pa'i 'dab ma brgyad pa'i utpal 'dab ma so so la taM yig gsum pa'o/ /lte ba zlum po la shar nas gzung nas kun tu oM pra san+na zhes pa la sogs
 pa'i sngags kyi phrang ba khor yug gi rnam pa'o/ /khor yug de'i dbus su 'khor lo rtsibs brgyad pa ste/ mu khyud la de ltar sngags kyi phreng ba'o/ /oM oM swAhA/ oM tA swAhA/ oM re swAhA/ oM tu swAhA/
 oM t+tA swAhA/ oM re swAhA/ oM tu swAhA/ oM re swAhA/ zhes rtsibs brgyad rnams la'o/ /'khor lo'i lte ba la tAM yig brgyad kyis bskor ba'i tAM yig ge gi nang du oM h+rI(rgyud 'grel pa bris nas 'khor lo bcom ldan 'das ma'i spyi bo'i bu ga nas snying gar bsgoms pa 'khor la 'di kho na la bcug nas/ chos 'byung gi sgo nas phyung ste de la rang gi snying ga'i sa bon gyi 'od zer gyis bkug pa'i bcom
 ldan 'das ma ye shes sems dpa' i ngo bo de lta kho nar bcug cing phyung ste/ yi ge'i ngo bor yongs su gyur pa nang du bcug nas mchod par bya'o zhes rab gnas byas pa'i 'khor lo gcig dpung pa la gdags par bya'o/ /de ltar gnyis pa mar
 dang sbrang rtsi'i nang du bzhag par bya'o/ /bsgrub bya ni rang gi lus kyi 'khor lo'i 'od zer gyi phyi rol tu song ba rnams kyis khyab par byed cing sngags bzlos pas dbang du bya'o zhes pa'o/ /'khrul 'khor gyi phyi ma rnams la yang ji ltar rigs par
 'di'i rjes su 'brang pas rab gnas la sogs pa bsgrub par bya'o/ /slar yang zhes pa rab tu dad pa'i sgrol ma bsgom pa kho na'i 'di ste/ pad+ma 'dab ma brgyad pa'i steng du 'khor lo rtsibs bcu pa'o/ /de'i mu khyud la oM pra san+na zhes pa la sogs
 pa'i sngags kyi phreng ba bskor ba ste/ rtsibs rnams la oM tA re tut+tA re tu re swAhA zhes pa'i yi ge re re'o/ /lte bar oM tA re tut+tA re tu re che ge ba shI ku ru swAhA zhes bris nas sngar bzhin du thams cad bya'o zhes pa'o/ /ku ru kul+le'i 'khrul
 'khor ni brgyad par bshad zin to/ /cho ga bzhin zhes pa rdo rje ma'i rnal 'byor gyis te sngar cho ga bshad zin to/ /thod lo kor ni thod lo kor gyis so/ /kun tu ste phyogs brgyad rnams su'o/ /yi ge rnams kyi dgod pa sna tshogs pa gang yin
 pa'i 'khor lo de ni de skad do zhes pa mdor bstan pa'o/ /lhag ma rgyas par bstan pa'o/ //rdo rje 'dzin pa bsgom bzhin pa'i sngags las phyogs brgyad kyi 'dab ma can gyi pad+ma'i lte ba la ga(rgyud 'grel rnams kyis bskor ba'i rtsibs brgyad pa'i 'khor lo ste/ rtsibs so so la ga(rgyud 'grel sgrub bya spel ba gang du yin pa zhes pa de skad do/ /thun mtshams so sor gang pas mnan nas brgyad lhag pa'i brgyar ga(rgyud 'grel ces pa de ma thag pa'o ga(rgyud 'grel bzhag par bya'o/ /de kho na zhes pa 'khor lo dgod pa'o/ /ga(rgyud 'grel mo de nas oM ga(rgyud 'grel rnams la A(rgyud 'grel pa shAn+tiM ku ru swAhA A(rgyud 'grel 'byor gyis a(rgyud 'grel bsam zhing utpa la 'dab ma bzhi pa ste de'i phyi ru hUM/ 'dab ma so so la h+rIM/ lte ba la phyogs rnams su hUM/ dbus su h+rI(rgyud 'grel zhes pa la sogs pa'i sngags las so/ /gos kyi mdza' la bsgom pas gdug pa can thams cad bcug nas lag pa g.yon pas g.yas skor gyi mdud pa bya'o/ /zhes pa man ngag go 'khor los mtshan pa ni snga ma bzhin du
 bsgom pas so/ /utpa la is mtshan pa'i 'khor lo'i ste sngar gsungs pa'i cho ga 'di'i zhes pa lhag ma'o/ /pra san+na'i sgrol ma bsgom pa kho nas 'dir thams cad snga ma bzhin te/ oM sarba zhes pa la sogs pa sngags so/ /pha rol
 ni gzhan pa'o/ /shI(rgyud 'grel pa'ang 'khor lo de kho na zhes so/ /gti mug rigs kyi sngags ni oM ste/ rtsibs so so dang 'dab ma so so dang mu khyud dang pad+ma'i lte ba la yang ngo/ oM a mu ka sya rak+ShaM ku ru oM/ 'khor lo'i phyi rol tu ri mo zlum po gsum mo/ /de'i phyi rol tu
 phyogs brgyad du phyogs so sor rdo rje rtse gsum pa'o/ /rnam par snang mdzad kyi rnal 'byor gyis bri'o/ /de ni de ma thag pa de'o/ /phyi rol tu zhes pa mu khyud la'o/ /rta mgrin bsgom zhing 'khor lo 'di bsgrub par bya'o/ /mngon spyod
 kyi rdzas ni dug dang khrag dang yungs kar ro/ /yang dag bris ni dur khrod kyi ras la ma he'i rmig pa'i nang du 'khor lo gcig ste/ gnyis pa rta'i la bzhag par bya'o/ /me'i dkyil 'khor ni gru gsum pa ste/ de gnyis de lta bur bris 
 te ji ltar 'og gi phyogs kyi zur gyi ngos dag tu zur gnyis dang/ steng gi phyogs kyi zur gyi rwa gnyis 'gyur ba ltar ro/ de bzhin rnams la so sor hUM ga(rgyud 'grel tu hUM ga(rgyud 'grel yaM tA Da ya hUM phaT zhes pa'am/ oM badzra kro d+ha ma hA ba la ha na ha na pa tsa pa tsa/ bi d+hwaM sa ya/ uts+tshu Ta ya sarba nA gA ? ra ya hUM phaT/ zhes pas stobs po che'i sngags khor yug gi rnam par bri zhing/ stobs po che bsgom bas
 so/ /'dir dang snga mar 'chad par 'gyur pa rnams la yang sngags mgo phyir bstan pa bri'o/ /oM zhes pa la sogs pa ste/ rdo rje 'dzin pa bsgom zhing/ oM A(rgyud 'grel dkyil 'khor gru bzhi pa'i steng du phyogs dang mtshams rnams su so sor oM mo/ /dbus su pad+ma'i 'dab ma brgyad rnams la so sor A(rgyud 'grel phor so ma btang ba gnyis su'o/ /de'i rjes su de gnyug ma'i sa bon gyi 'od zer gyis bkug pa'i bsgrub bya nang du bcug nas/ /baM phor gnyis po de rdo rje phra mo'i phreng ba'i ngo bor bsgoms pa'i skud pas dkris te/ bsgrub bya'i
 mgo bor mnan nas/ /oM A(rgyud 'grel dkyil 'khor gru bzhi pa gzhan gyi steng du phyogs rnams su sngags rnams te/ de rnams las nang du ri mo gru bzhi pa'i dbus su sa'i dkyil 'khor te/ de'i nang du che ge mo rengs par gyis shig ces bri'o/ /zlum po zhes pa la sogs pa ste/
 'od zer can du bsam zhing zlum po rtsibs med pa byis pa'i 'khor lo ste de'i phyi rol gyi phyogs bral rnams su steng du rdo rje rnams so/ /de rnams kyi steng dang 'og du so so'i dbus kyi rtse mo hUM bzhi can no/ /so so'i lte ba la dbang ldan nas
 brtsams nas/ dbus nas rim gyis tshig bcu gnyis pa can gyi phreng ba'i sngags te/ 'di'i tshigs so so la dang por oM yig go /'khor lo'i dbus su sna tshogs rdo rje'o/ /de'i phyogs rnams su rtse mo bcu gnyis rnams kyi rtse mo
 so so la rkang pa gsum gyi sngags so/ /phyi rol gyi zur so so la oM mA rI tsyai'o/ /lte ba la dbang ldan nas gzung nas oM la sogs pa stam b+ha ya'i mthar thug pa'o/ /de'i nang du mAM yig gi dbus su che ge mo srungs shig rakA 'o/ /
 mAM yig las phyi rol tu zur so sor oM mA rI tsyai de wa tA yai zhes bri'o zhes pa rnam pa gcig go /so so'i dbus kyi rtse mo la hUM yig gcig go/ lte ba so so la rim pa ji lta bar tshig gsum kho na'o/ /shar gyi rtse mo gsum gyi dbus kyi
 tsam la oM bat+ta li/ rtse mo g.yon par dang rtse mo g.yas pa la oM bA rA ha mu khi:O/ /zung so so la yi ge gcig go /oM mA rI tsyai de ba ta yai/ /dbang ldan la sogs pa rnams su yi ge re re ste gzhan sngar bzhin no zhe pa rnam pa
 gzhan no/ /rnam pa gnyis ka yang gzhan du bstan pa'i phyir 'dir bsdus pa'o zhes bshad par bya'o/ /phyogs kyi gos can zhes pa la sogs pa ste/ rdo rje 'dzin pa sgom pa pos/ skyes bu mdun du dpung pa g.yon pa sdigs
 mdzub dang bcas pa brkyang ba /steng du brkyang zhing brdeg pa'i tshul can gyi lag pa g.yas pa can/ sgra grol ba sos ma mchu bsdams pa/ gdong rnam par 'gyur ba rab tu gtum pa can bri bar bya'o/ /haM
 yig mgo thur du bstan pa dbus lte la'o/ /ye nas brtsams pa rA(rgyud 'grel ye d+harmA he tu pra b+ha wA he tuM te ShAM ta thA ga to hya wa data/ te ShAM tsa yo ni ro d+ha ye waM wA dI mahA sh+ra ma Na(rgyud 'grel rnams so/ /ma ning rnams ni/ ri rI li lI zhes pa bzhi rnams te de spangs nas dbyings rnams so/ /snga ma bzhin zhes ba/ ye ma ma zhes pa la sogs pa rA(rgyud 'grel slar yang zhes pa ya ma ma zhes pa la sogs pa'o/ /mgo dang lag pa'i mthil gnyis dang brla gnyis dang rtsib logs gnyis dang brang zhes pa yan lag brgyad rnams so/ /rol bcas kyi rgyab ngag ni lag pa'i
 rgyab dag la'o/ /rkang pa dag la ni rkang pa'i rgyab dag la'o zhes shes par bya'o/ /de ba dat+ta'i zhes dang rakaM ku ru zhes pa lhag ma'o/ /rdo rje zhes pa rdo rje rtse lnga pa gnyis kyi lte ba la'o/ /gur gum gyis rdo rje gsum rnams
 dang yi ge rnams thams cad bri'o/ /zur brgyad ni rtse mo brgyad do/ /rdo rje sems dpa' bsgom zhing/ dkyil 'khor gru bzhi pa gnyis kyi ltar phyogs rnams su dang mtshams rnams su yang zur rnams su 'gyur ba de ltar bri'o/ /phyi
 rol tu rdo rje mtshan pa rnams/ de'i dbus rnams su dbang ldan phyogs dang bo nas/ /hUM naM a nan+ta briSh+TiM ku ru hUM dang/ ku lika/ karko Ta ka/ tak+Sha ko/ bA su ki/ pad+ma/ mahA pad+ma shaM kha pA la zhes pa bcug ste bri'o/ /de bzhin du zur gnyis
 gnyis kyi dbus su'o/ /phyi rol tu ri mo zlum pa dag gi yongs su bskor ba'i ri rab bo/ /de'i ni ri rab kyi'o/ /hUM drug rnams dang dan pa'i sngags gcig kho na'o/ /mdor bsdus pa zhes pa ni tshogs kyi bdag po'i zhes pa dor
 nas/ ga(rgyud 'grel pa'i ched du'o/ /brgyad ces pa la sogs pa/ rtsibs so so lag(rgyud 'grel rnal 'byor gyis/ bsgrub bya dang tshogs kyi bdag po phyi rol gyi thun gsum du bzlas zhes su pa'o/ /mi bskyod mchog ces pa drug pa'i don la'o/ /mAM zhes pa la sogs pa ni 'od zer can bsgom pas so/ /de nas zhes pa la sogs
 ba b+ha ga rtags dang yang dag par ldan pa/ /phyi rol tu h+rI(rgyud 'grel gnas su h+rAM bris nas/ ku ru kul+le bsgom zhing bsgrub bya mkha' 'gro gdong du bzhu ba'i h+rI(rgyud 'grel zla ba zhes pa la sogs pa ste/ so so 'brang ma chen mo'i rnal 'byor gyis/ phyi rol gyi shar la sogs pa rnams su gyen du rdo rje la sogs pa dang ldan ba zla ba la gnas pa'i 'khor lo rtsibs brgyad pa'i lte ba
 la zla ba'i dbus su/ oM a mri ta zhes pa la sogs pa'i sngags kyis khor yug tu byas pas/ che ge dang che ge mo pu tra la b+ha tAM/ zhes bri'o/ /dbus kyi zla ba'i phyi rol tu oM ma Ni zhes pa la sogs pa'i sngags so/ /
 'khor lo las phyi rol gyi zla ba la/ oM a mri ta zhes pa la sogs pa'i sngags so /mgrin par nges par byung bzhin pa'i bsgrub bya'i ming gi dang po la sogs yi ge re res bar chod pa'i sngags bri'o zhes 'brel lo/ /rdo rje 'dzin pa bsgom
 zhing bsgrub bya bkug nas bcug ste zhes pa cho ga'o/ /hUM zhes pa rtsibs so so la'o/ /lte ba la rdo rje rtse lnga pa'i lte bar nyi ma la hUM brgyud kyis yongs su bskor ba'i hUM che ge mo srungs shig hUM/ rtse mo so so la hUM zhes pa rdo rje sems dpa' i
 rnal 'byor gyis bri'o/ /ri mo gsum ni phyi rol tu'o/ /oM hIM klI zhes pa 'dab ma so so la ste/ lte ba la yang phyogs rnams su'o/ /de'i dbus su oM h+rI kli che ge dbang du gyis oM h+rIM kli zhes pa gang gis bzung ba des dag pa
 na zhes 'brel lo/ /ku ru kul+le'i rnal 'byor gyis gur gum dang gi waM dag gam rgya skyegs dang gi waM dag gis gro ga la bri'o zhes pa cho ga'o/ /nges bar gnod mdzes ni gsod pa gtso bo'i las so/ /las kyi rdo rje ni las kyi
 byed pa'i rdo rje lag na gnas pa'o/ /las thams cad ni zhi ba la sogs pa rnams so/ /cho ga ni gang rgyud gzhan du gsungs ba ste der mthong ba'o/ /sngags ni rkang pa bzhi pa ste/ 'on kyang 'dir swAhA'i mdza' can dang rkang pa bzhi pa'i
 ? por oM yig dang bral ba'o/ /de ltar yang cho ga de yang 'dir rtogs par bya'o zhes pa dgongs pa'o/ /sgri pa rnams thams cad las gnod par byed ces sum b+ha'o/ /nges par gnod pa byed do zhes pa ni sum b+ha'o/ /hUM yig rnams
 kyis 'dzin pa la sogs pa la nges par sbyor ba'o/ /de la rdo rje 'dzin pa bsgom zhing 'jig rten gsum las rnam par rgyal ba'i rnal 'byor dang ldan pas 'byung po thams cad pa'i gtor ma dang mchod pa la sogs pa sngon du 'gro bas/
 phyi rol tu rdo rje gsum rnam par dag pa'i ri mo gsum gyis bskor ba'i sna tshogs pad+ma'i lte ba la sna tshogs rdo rje ste/ de'i lte bar g.yon skor gyis shar la sogs pa'i phyogs rnams su rim pa ji lta bar rkang pa bzhi po rnams te/ phaT
 mig rnams la sngon du che ge mA ra ya zhes pa la sogs ldan pa rnams so/ /de rnams kyi nang du rdza rnga'i rnam pa'i 'khor lo re mig bzhi bcu rtsa dgu pa can te/ gdong gi ri mig nas brtsams pa nang gi re mig ji srid par sbrul
 'khyil ba bzhin yi ge bzhi bcu rtsa dgus yongs su bskor ba las kyi rjes su 'brang bas bri'o/ /de la shin tu dpa' ba' i mtsho skyes kyi snod gnyis rlon bar ram/ bram ze'i skam por dug dang khrag dang tsan dra'i sa bon thod par gnas
 pa rnams kyis mi'i rus pa'i 'bri snyug gis bris te/ bcu pa 'am bcu bzhi pa la mi sha'i gtor ma byin nas/ gos sngon po can gshin rje'i phyogs su kha bltas bas/ thad pa gnyis sbyar ba'i 'khrul 'khor gnyis kyi dbus
 bsgrub bya bsam nas spel tshig dang bcas pa sngags zlos shing lag pa g.yas pas gzung pa'i rdo rje yang yang du brdeg pas 'jigs par byed do /de bzhin kho nar ma he dang rta'i thod pa dag tu bris nas/ 'khrul 'khor gyi dbus su
 bsgrub bya rta dang ma he la zhon pa phan tshun mtshon 'debs pa dag bsam nas sngags bzlas pas sdang bar byed do/ /zhi ba la sogs pa'i las kyi rjes su 'brang bas ni 'khor lo gro ga la sogs pa la rnam pa gnyis
 bris nas kha sbyor du byas te rjes su mthun pa'i skud pas dkris pa za ma tshogs la sogs par bzhag nas mchod de bzlas bas mngon par 'dod pa bsgrub par byed do/ /'dir ni 'khor lo 'di 'di ltar dgod pa kho nas gnon pa dang/
 bcing ba dang rmongs pa dang ltung ba dang/ rmugs pa dang/ bye zhing sdang ba dang spod pa dang/ zhi ba dang rgyas pa dang dbang dang rengs pa dang dgug pa rnams 'grub po zhes 'doms so/ /dgong pa gzhan ni gdul bya rnams pa sna tshogs pa
 las gzhan du gsungs so/ /'dir 'di na 'jig rten gsum las rnam par rgyal ba'i rnal 'byor te/ 'gro pa rdo rje 'dzin pa'i go 'phang thob pa'i ched du bgegs med par bya'o zhes bsam nas/ yud kyis stong pa nyid bsgoms pa'o
 rjes thogs su sna tshogs chu skyes dang nyi ma la gnas pa'i hUM las skyes pa'i 'khor lo ser po g.yon skor du 'khor ba rtsibs bcu pa'i lte ba'i dbus kyi nang du bdag nyid hUM yongs su gyur pa'i rdo rje hUM mdzad du bsgom par bya ste/ 'di'i
 sku mdog dang phyag mtshan la sogs rdo rje sems dpa' i mngon par rtogs par rnam par phye'o/ /de'i snying ga'i sa bon gyi 'od zer gyis bkug pa'i khro bo'i tshogs shes rab kyi pad+ma las spro'o/ /de la shar gyi rtsibs
 la rdo rje dbyug pa sngon po/ rtsa ba dang g.yas pa dang cig shos kyi zhal rnams sngon po dang ser po dang ljang gu can/ phyag g.yas pa dag na rdo rje tho ba dang/ rdo rje phyar ba'i sdigs mdzub/ g.yon dag na thod pa dang kha TwAM ga can no/
 byang du nyi ma'i me ser po ser po dang sngon po dang ljang gu'i zhal can rdo rje dbyug pa 'dzin pa'o/ /phyag mtshan gzhan snga ma bzhin 'dir dang phyi ma rnams la yang ngo/ /nub tu rdo rje gtsug tor mang po dmar po dang dkar po dang ljang gu'i zhal can phyag na
 pad+ma dmar po'o/ /lhor rdo rje 'khyil pa ljang gu ljang gu dang ser po dang dkar po'i zhal can/ phyag sna tshogs rdo rjes spras pa'o/ /me'i phyogs su rdo rje gnod sbyin du ba'i mdog can/ du ba dang ser po dang ljang gu'i zhal can lcags
 kyu 'dzin pa'o/ /srin po'i mtshams su rdo rje dus dmar po dmar po dang ser po dang ljang gu'i zhal can phyag na dgra sta'o/ /rlung mtshams stobs po che sngon po/ /sngon po dang ser po dang ljang gu'i zhal can/ phyag na rtse gsum pa'o/ /
 dbang ldan phyogs su rdo rje 'jigs su rung ba nag po mi g.yo nag po ser po dang ljang gu'i zhal can phyag na ral gri'o/ /steng du gtsug tor 'khor los bsgyur ba dkar po dkar po dang sngon po dang ljang gu'i zhal can/ phyag na 'khor lo'o/ /
 'og tu gnod mdzes rdo rje sngon po/ /sngon po dang ser po dang ljang gu'i zhal can rdo rje gtun shing gi rol pa'i phyag can te/ 'di'i g.yon ba na ni klu'i zhags pa sdigs mdzub can dang kha TwAM ga'o/ /'di rnams thams cad
 kyang phyag mtshan gtso bo dang thod pas mtshan po'i phyag dag gis rang 'dra ba'i shes rab ma la 'khyud pa/ dpu skra dmar ser 'bar zhing gyen du 'khyil ba/ rang gi rigs kyi mgon pos mchog tu gsal ba'i dbu rgyan can /smin
 ma dang khro gnyer dang bcas pa/ mche ba gtsigs pa'i zhal can rnams te/ zhal so so la dmar la zlum pa'i spyan gsum pa/ mi mgo'i phreng ba dang 'khor lo can dang rna cha la sogs pa'i rgyan can/ rgyan gyi klu'i rgyal po brgyad
 kyis phuT yig phyogs kyi sgor sgrogs pa can/ sna tshogs chu skyes dang nyi ma rnams la phyogs skyong ba brgyad rnams dang steng du tshangs pa dang 'og tu thags bzang ris g.yas brkyang gi stabs kyis mnan
 nas bzhugs pa'o/ /rdo rje 'bar ba 'khrigs 'jigs pa/ phyogs bcu rnams su 'phro mdzad pa/ /bka' yi 'khor lo 'dis myur ba/ /'gro ba rnams la bgegs med mdzad ces so/ /de skad du yang gsungs pa/
 dpal ldan rdo rje hUM mdzad kyi/ /'khor lo'i rnal 'byor bdag nyid kyi/ /rdza rnga'i las gsungs dngos grub ni/ /kun gyi 'bras bu 'byung ba brtsam/ /zhes so/ /'khor lo 'di yang rgyud gzhan du gsungs pa 'dir bshad pa ste/
 sngags gsungs pa las so/ /de nyid kyi phyir de kho na nyid bsdus pa la sogs pa rnal 'byor dang rnal 'byor ma'i rgyud rnams 'dir 'brel par nye bar 'gro'o zhes pa man ngag go /'di nyid kyi phyir rgyud gzhan du gsungs pa'i lha
 rnams kyang 'dir bsgom par bya ba 'grub po zhes gsal bar byas so/ /de ltar na yang rgyud 'di ni lha thams cad pa kho na'o zhes gsungs par 'gyur ro/ /rdo rje hUM mdzad gtso bo can srung ba'i 'khor lo 'di 'am rdo rje sems
 dpa' i mngon par rtogs par brjod pa ni/ 'dir g.yon skor du bsgoms nas/ gtsug tor 'khor los sgyur ba'i sngags de bskul ba'i bsam pa can gyis/ gsum mam bdun nam nyi shu rtsa gcig gi brgya rtsa brgyad du gdon par
 bya ste/ de ltar kho nar khro bo bcu'i sngags rnams yang na'o/ /de la oM kha badzra d+h+rika badzra hUM ka ra badzra hUM phaT/ oM badzra daN+Da badzra hUM phaT/ oM badzra a na lArka badzra hUM phaT/ oM badzra uSh+NI Sha badzra hUM phaT/ oM badzra
 kuN+Di li badzra hUM phaT/ oM badzra yak+Sha badzra hUM phaT/ oM badzra kA la badzra hUM phaT/ oM badzra ma hA pA la badzra hUM phaT/ oM badzra b+hi Sha Na badzra hUM phaT/ oM badzra uSh+NI Sha tsakra barti badzra hUM phaT/ oM badzra pA tA la badzra hUM phaT/ zhes pa rdo rje
 hUM mdzad la sogs pa'i sngags so /de ltar goms nas thun bzhir rjes su bsgrub pa las klags tshol ba rnams kyis rjes su bsam pa nus pa med par 'gyur ro/ /phyir la de rnams kho na la las la gnod pa las ltung ngo zhes
 pa bsgom bya'i phyi bzlog 'di gsungs so/ /gzhan gyi ni stong pa nyid kyi ting nge 'dzin gyi rjes thogs su/ yi ge gsum dang spel ba'i rang gi ming gi yi ge dang po'i gzugs su gnas pa srung ba'i 'khor lo dang ldan pa'i dkyil
 'khor du mdun du rnam par snang mdzad kyi gzugs su bskyed pa la spyan ma'i sngags kyis sngon bzhin du dbang bskur ba'i/ ji skad gsungs pa'i sngags bzlas pa las srung ba'o zhes pa'o/ /gnas skabs thams cad du gsrung
 pa'i don du pri bya'i phyir bzlog brjod par bya ste/ 'khor lo rtsibs brgyad pa la gnas pa'i pad+ma 'dab ma brgyad pa'i lte ba'i steng du sna tshogs rdo rje'i lte bar hUM yig gi nang du baM ste/ de'i nang du/ oM A hUM/ che ge'i rak+ShaM ku ru
 oM A(rgyud 'grel tsaM che ge hUM/ nub tu hUM kaM praM che ge hUM/ lhor hUM paM maM che ge hUM/ me ru hUM sum pAM che ge hUM/ bden bral du hUM aM khaM che ge hUM/ rlung du hUM baM laM che ge hUM/ dbang ldan du hUM baM druM che ge hUM ngo/ /pad+ma las phyi rol khor yug gnyis kyi
 dbus su shar la sogs pa rnams la g.yon skor gyis/ kaM khaM gaM g+haM/ me la sogs pa rnams su g.yas skor du ngaM tsaM tshaM dzaMO/ /de las phyi rol tu sna tshogs rdo rje'i shar gyi rwa dbus ma la/ oM suM b+ha ni suM
 b+ha ni hUM hUM che ge phaT/ lho phyogs su oM grih+Na grih+Na hUM hUM che ge phaT/ nub tu oM grih+Na pa ya grih+Na pa ya hUM hUM che ge phaT/ lhor oM A na ya ho/ b+ha ga wAn bidyA rA dza hUM hUM che ge phaT swAhA/ de las phyi rol khor yug gnyis kyi
 dbus su shar la sogs bar g.yon skor gyi zla ba dang thig le dang bcas pa'i dbyangs bcu gnyis rnams so/ /de las phyi rol pad+ma'i 'dab ma bcu drug rnams la shar la sogs par g.yon skor gyi rim pa ji lta bar zla pa dang thig le dang
 bcas pa'i dbyangs bcu drug rnams so/ /de las phyi rol khor yug gnyis kyi dbus su g.yon skor du/ oM badzra he ru ka sa ma ya ma nu pA la ye/ he ru ka twe no pa tiSh+Tha dri Dho me b+ha wa/ su to Sh+yo me b+ha wa/ su bo Sh+yo me b+ha wa/ a nu rak+to
 me b+ha wa/ sarba sid+d+haM me pra yats+tsha/ sarba karma su tsa ma tsit+taM sh+re ya(rgyud 'grel la shar la sogs par g.yon skor gyis rim pa ji lta bar/ aM i baM maM/ maM bo baM suM/ suM sh+yaM baM saM/ mai haM/ biM kho/ mo tsa/ raM khaM/ har shoM/ aM tsaM/ heM suM/ pe maM/ bai tsaM/ baM maM mo/ /'dir so sor sa bon gnyis la oM
 dang h+rI(rgyud 'grel gzhal yas khang gru bzhi pa'i shar sgo'i nang du/ hUM phaT yaM kAM yaM che ge hUM phaT/ de bzhin du byang la sogs par/ raM a'uM raM dang/ laM shwAM laM dang/ waM sUM waM ste/ me la sogs par/ shaM yaM shaM/ ShaM yaM ShaM/ saM yaM saM/ haM yaM haM ngo
 bdun po rnams la yang sa bon gsum po so sor la hUM phaT spel zhing dbus su ming yang ngo/ /sgo'i steng du rdo rje phyed pa rtse lnga pa rnams te/ zur gyi steng du zla ba nyi ma rdo rje phyed pa rnams so/ /de lta bu'i rdo rje brgyad po rnams kyi rwa dbus
 ma rnams la snga ma lta bu'i skor dag gis/ oM na mo b+ha ga wa te wI re shA ya zhes pa la sogs pa mchod pa'i sngags brgyad rnams so/ /de las phyi rol khor yug gnyis kyi dbus su shar la sogs par g.yon skor gyis/
 na ma(rgyud 'grel b+hak+Sha trA sa ya trA sa ya/ ha na ha na/ da ha da ha/ pa tsa pa tsa/ k+Sh+mAM k+Sh+mAM /dz+nyau dz+nyau/ ma tha ma tha/ bi d+hwaM sa ya/ ba d+haM sa ya/ /sha ta sa ha sra d+hA bi tsur+Na ya bi tsur+Na ? ma/ oM phaT/ badzra he ru ka uSh+NI Sha tsakra war+Ni/ ta sye ba mu khaM k+Shur
 ban d+ha ban d+ha hUM hUM phaT/ che ge la shAn+tiM rakAM ku ru/ hUM hUM phaT phaT oM swA hA/ zhes pa gtsug tor 'khor los sgyur ba'i sngags so/ /'di thams cad k+Sha yig gi nang du ste k+Sha ni tha yig gi dbus su'o/ /de'i phyi rol tu A li
 kA li dag go /de'i phyi rol tu shar la sogs pa'i g.yon skor gyis bcom ldan 'das kyi phreng ba'i sngags so/ /de'i phyi rol tu rdo rje'i phreng ba 'am/ 'khor lo 'am pad+ma 'am rin po che 'am ral gri'i phreng ba'o/ /de nas 'od
 zer 'bar ba'i phreng ba bri'o/ /rigs ngan mo 'am bram ze mo 'am rgyal po'i bu mo'i me tog dang glang po che'i 'gram pa'i chang dang snoms 'jug las skyes pa'i khu ba dang gi waM dang mar khu chen po la
 byas pa'i dud pa bsres par byas nas rdo rje dang pad+ma'i chu yis mnur te/ des mi'i pags pa'am ro'i ras la 'khor lo 'di lha'i rnal 'byor las gtor ma sbyin pa sngon du 'gro bar kha shar du bltas pas bri bar bya'o/ /rab
 gnas kyang nub tu kha bltas pas bya'o/ /de la cho ga ji lta par 'khor lo rtsibs bcu pa'i lte ba la/ rdo rje hUM mdzad kyi rnal 'byor gyis sam de yongs su gyur pas/ cho ga ji lta bar bsgoms pa'i khang pa brtsegs pa dang
 bcas pa'i rnam par snang mdzad kyi ngo bo'i rig pa'i rgyal po'i gzugs kyis/ bris pa'i 'khor lo la rig pa'i rgyal po'i dam tshig gi dkyil 'khor bskyed nas/ ye shes kyi dkyil 'khor yang 'dir bcug ste/ mchod
 pa la sogs pa byas shing/ rkang pa brgyad pa'i sngags rnams kyis mngon par mchod nas yi ge rnams kyi nang du bcug ste/ bsgrub bya yang dang po'i rang ming gi yi ge las byung ba'i dam tshig sems dpa' la bcug pa de dang
 'khor lo de yid kyis kha dang snying ga dang rdo rje'i lam nas pad+mad bcug ste/ rang gi snying ga'i sa bon gyis 'od zer gyis bkug pa'i lha'i tshogs kyis dbang bskur nas phyi rol tu bzhag cing/ bsgrub bya kho na/ dro po'i tshogs dang khyad par du dgegs
 mthar byed kyi tshogs spros pas legs par bsrung ba la/ bcom ldan 'das kyi sngags kyi 'od las byung ba'i bdud rtsi dang byang chub sems kyi rgyun rnams kyi lus la mngon par khyab pa la/ sngags kyi tshogs mdza' dag gi 'od las
 byung ba'i lha'i tshogs dkar po rnams kyis bum pa dkar po'i bdud rtsis dbang bskur bas yang dag par sbyor ba las zhu bar gyur te/ byang chub sems kyi bdag nyid 'jug pa'i dbang bskur gyis kyang mngon par dbang bskur bzhin pa/ skyon
 thams cad dang bral bar bsam nas/ rig pa'i rgyal po'i phreng ba'i sngags dang/ oM h+rI(rgyud 'grel lo skung ba dkar pos dkris te rig pa'i ngo bo mgo bo 'am mgrin pa 'am dpung par gdags so/ /de las rdo rje lha mo rnams byin gyis rlob cing bgegs med par 'gyur ro/ /g.yul du yang rgyal po/ mar dang 'o ma dang bdud rtsi
 lnga'i chur 'khor lo bcug lte phreng ba'i sngags kyis mngon par bkrus nas nad dang bcas pa nad med par byed do/ /chang gi nang du bcug nas des de ltar gtor na nad med pa nad dang bcas par byed do/ /zhes pa la sogs pa
 rtogs par bya'o/ /las kyi dbye ba las kha dog dang bsam pa dang rab tu sbyor bar byed pa dang bskul ba'i dbye ba rtogs par bya'o/ /gzhan yang zhi ba'i las su las rab 'byam thams cad 'dus par gsungs te/ zhi ba ni mngon
 par mi 'dod pa'i skyon thams cad zhi bar byed pa'i bdag nyid can gyi phyir ro zhes pa bri bya'o phyir zlog gi de kho na nyid do/ /da ltar rdo rje hUM mdzad kyi rnal 'byor gyis kha sbyor 'byed pa yang brjod par bya ste/ rang gi snying ga'i sa bon
 gyis 'od zer gyis bkug pa'i lha'i 'khor lo rdo rje'i lam nas phyung ste/ lha mo'i pad+mar gnod mdzes kyi gzugs su bskyed cing bka' bsgos nas/ sgrub byed rdo rje'i lam nas zhugs pas/ des de'i snying pad+ma sbyar ba phye ma
 nas der gnas pa'i srung ba'i lha rnams la de la gnod pa dang dmyal bar mchog tu gzhol ba nyid gsan du gzhug cing/ 'byed pa'i ched du gsol ba gdab par bya ste/ khyed rnams kyis 'di
 rjes su gnang pa kho na'o zhes mkhyen par gsol bar bya'o ji srid du rim gyis de'i skyon rjes su dgongs nas khros pa rnams te bcom ste phyir gshegs pa'i bar du bsgom mo/ /de nas de rnams rang gi 'khor
 lo la gzhug cing/ bcing ba dang mnyes pa dang dbang bskur ba dang mchod pa dang bstod pa dang bdud rtsi myang ba yang cho ga bzhin du sgrub po zhes 'di'i ye shes kyi dkyil 'khor sbyar ba 'byed pa gsungs so/ /de nas
 gnod mdzes kyis de'i shes pa'i sems la khu tshur gyis gzung nas rdo rje gnyis sbyar ba'i dbus su bcug ste/ /oM phaT che ge b+hak+Sha ya phaT kla(rgyud 'grel raM raM raM hUM phaT zhes bzlas pa las khro bo dang mkha' 'gro dang mkha' 'gro ma rnams kyis brdeg bzhin pa gsol bzhin pa rang gi lha mo'i pad+ma'i nang du bcug nas/ /'od gsal ba la bcug pa'i de ma thag tu hUM las skyes/
 shing hUM dang bcas pa'i rdo rjes mi bskyod pa'i gzugs su bskyed de/ /ye shes kyi dkyil 'khor bcug la mi bskyod pa'i sangs rgyas kyi zhing du btang ngo/ /'o na de ltar byed pa ci ltar sdig pa rnams kyis mi gos
 she na/ gang phyir sbyin pa dang mgu bar bya ba la sogs pa rnams kyis ma bzlog pa dbang du bya ba dang bskrad pa la sogs pa rnams kyis bsgrub bya ma yin pa la/ sangs rgyas dang byang chub sems dpa' yang dag par
 gsol pa btab pa rnams kyi rjes su gnang pas saM ma bkag pas/ snying rje chen po kho nas sgyu ma lta bu'i chos nyid la rjes su byed pa kho nas kha sbyor 'byed pa 'di bsgrub par bya'i/ ma rtogs pas ni de la mos pa brtan pa mi bya ba kho na'o
 gzhan yod bsgrub bya sdig pa byas pa ngan 'gro rnams su skye bar 'gyur ro zhes mngon shes kyis shes nas mngon spyod bya bar bcom ldan 'das kyis rjes su gnang ngo zhes gsungs so/ /de ltar gsungs pa'i cho ga yis/ /yang dag gsungs pas
 gang gsungs pa'i/ /gsod pa de yang rmongs rnams kyis/ /phyin ci log tu brtags byas shing/ /phyin ci log tu gzung ba 'di/ /sred dang zhe sdang mun bsgribs pas/ /skyes bo rnams ni gsang byas nas/ /kha ni thur bltas mnar
 mang 'gro zhes so/ /brgyad pa zhes pa ha'i sa bon te/ /rigs kyis gcig nyid de gsal bas ni ha yig bcu gnyis rnams so/ /ri rI li lI dang bral ba'i phyi mo bcu gnyis dang ldan pa rnams ni ha hA he hI hu hU he hai ho hau haM ha:
 zhes pa'o/ /yi ge bar du chod byas nas zhes pa/ hA hI hU hai hau ha(rgyud 'grel rig pa rtogs par gyis shig/ dpa' bo rnams mnyam sbyor ba ni/ oM na ma swA hA bau ShaTa hUM hUM phaT ces pa drug rnams/ ha yig re re las sngon du gnas pa rnams te/ oM ha na ma hi swAhA hu/ dau Sha? Ta he/ hUM hu ho phaT haM/
 zhes sbyar bar bya'o/ /'di rnams ni go cha'i sngags kyi yi ge drug rnams te/ /snying ga la sogs pa drug rnams su bzhag par bya'o zhes gsungs pa/ dang po zhes pa la sogs pa'o/ /cis go cha rims pas bsgom zhe na/ 
 pas bsgom zhe na gsungs pa/ rdo rje zhes pa la sogs pa'o/ /bzang po ni gar gyi nyams dgu rnams kyis rtsen pa la mkhas pa'o/ /srung ba'i 'khor lor he ru ka rdo rje sems dpar byas nas ye
 shes sems dpa' mi bskyod pa bcug ste de dang ro gcig par byas nas/ he ru ka nyid de rdo rje hUM mdzad kyi gzugs nyid du dran par bya'o/ /yang na he ru ka ni dam tshig sems dpa' ste/ de'i snying gar ye shes sems
 dpa' dang ting nge 'dzin sems dpa' bsam nas/ he ru ka nyid de sngon du grub pa'i ye shes sems dpa' i bdag nyid cad bsam mo/ /khro bo spros pa 'bar bas nye bar mtshon pa rnams kyis te/ gang las
 bgegs rnams 'khrugs pa de de skad do/ /gtsigs pa ni rol pa'i sku can nyid kyi phyir ro/ /kha cig rnams mchog tu gtsigs pa ste/ brtsub pa'i sku can nyid kyis phyir ro/ /'jigs rung ni sprul gyi rgyan dang rnam par
 'gyur ba'i zhal nyid sogs pa rnams kyis so/ /phro bo rnams kyis gang gis bka' sgrub par byed pa'i he ru ka de ni de skad do/ /phyogs ni phyogs dang 'brel ba'i gdug pa can rnams so/ /nyis 'gyur ni 'dab ma
 bcu drug gnyis to gzhan no/ /dpa' bo dgod pa na 'dab ma rnams la zhes pa lhag ma'o/ mkha' 'gro ma zhes pa'i mkha' 'gro ma'i sa bon te rdo rje'i lte bar ro/ /de nas des de'i sgo mtshan pa'o zhes sprel lo/ /kun nas ni phyogs
 bzhin rnams su'o/ /'khor lo ni 'khrul 'khor te/ dkyil 'khor gyi 'khor lo bzhin du gnas pa nyid kyi phyir ro/ /snying por ni gzhal yas khang gi'o/ /pho nyis zhes pa pho nya rnams kyis nye bar mtshan ma'o/ /
 cho ga lha dgod pa la sogs pa'i rim pa gang du yin pa da ni cho ga'i rim pa ste bsam gtan dang 'khrul 'khor bri ba yang ngo/ /de la bcom ldan 'di'i sgom pa'i rim pa ni rig pa'i rgyal po'i bzhin no/ /khyad par ni bcom ldan 'das
 ni gzhal yas khang gi dbus kun tu ser bar/ sna tshogs pad+ma 'dab ma brgyad pa'i lte ba la nyi mar 'jigs byed dang dus mtshan mo g.yas brkyang gi stabs kyis mnan nas gar mdzad pa/ mgo phreng dang thod pa'i phreng ba can/ phyag
 brgya drug gis rgyas btab pa'i sku can/ sku mdog ser po/ /ser po dang ljang gu dang dmar po dang nag pa'i shar dang byang dang nub dang lho'i zhal can phyag bzhi pa/ g.yon dag gis kha tAM ga dang gzhu dag /g.yas dag gis
 thod pa dang mda' dag 'dzin pa/ rang 'dra'i rdo rje phag mo la snyoms par zhugs pa'o/ /de'i shar gyi 'dab mal lhung byed ma dkar sngon snang ba/ phyag g.yon pa dag na kha TAM ga dang dril bu dag /g.yas dag na rdo rje dang thod pa dag go
 byang du gsod byed ma marka ta ser bar snang pa/ g.yon pa dag na kha TwAM ga dang zhags pa dag /g.yas dag na cang te'u dang thod pa dag go /nub tu 'gugs byed ma dmar dkar du snang ba/ g.yon pa dag na gzhu dang sna tshogs
 pad+ma dag /g.yas dag na mda' dang thod pa dag go /lhor gar gyi dbang phyug ma dkar ser mdog can g.yon pa dag na mdung dang rin po che/ g.yas pa dag na ba dan dang thod pa dag go /bzhi po 'di rnams zhal gcig pa spyan
 gsum pa/ phyag rgya lnga can/ dbu skra gyen du 'bar ba/ gcer bu g.yas brkyang gi zhabs stabs can/ rol gnas pa/ gar mdzad pa spyan ma dang mA ma kI dang dkar mo dang sgrol ma'i rang bzhin rnams so/ /phyogs bral gyi
 'dab ma rnams la pad+ma'i snod bdud rtsi lngas gang ba rnams so/ /sgo rnams su rdo rje lcags kyu ma la sogs pa bzhi rnams de lta bu kho na'o/ /de ltar lha bcu rnams snying po'i dkyil 'khor 'di'o zhes pa'o
 khyad par gzhan yang ji ltar rigs par brtag par bya'o/ /'khrul 'khor 'bri ba'i dus ni sngags pas skad cig gis srung ba'i 'khor lo la sogs pa'i yongs su bskor ba bcing ba byas nas/ go cha dang bcas pa'i khor dang bcas bal
 he ru ka'i bdag nyid kyis/ yongs su bskor ba dang bcas pa'i gzhal yas khang ste/ de'i snying por zla ba'i gzugs gnyis ri mo zlum po gnyis kyis rnam pa dang/ de'i nang du sna tshogs rdo rje'o/ /de'i lte ba pad+ma 'dab
 ma bcu gnyis pa'o/ /de'i lte ba la zla ba'i gzugs gnyis dang/ de'i nang du pad+ma 'dab ma drug pa'o/ /dang po'i zla ba'i dkyil 'khor gnyis las phyi rol tu 'dab ma drug gi thad kar rdo rje drug go/ /
 de la chu skyes dbus ma'i lte bar hUM che ga mo srungs shig ces pa la sogs pa dang hUM ngo/ /shar la sogs pa'i 'dab ma rnams la/ oM ha na ma hi swAhA hu bau ShaT he hUM hu ho/ phaT haM/ zhes pa drug rnams rim ba ji lta ba bzhin
 no/ /zla ba las phyi rol gyi zla ba gnyis pa'i steng du/ oM na ma/ swA hA bau ShaT/ hUM hUM phaTO/ /'dab ma bcu gnyis rnams la grangs ji lta bar/ oM baM haM/ yoM h+rIM/ moM/ h+reM/ h+riM huM huM/ phaT/ phaTO/ zla ba las phyi rol zla ba gnyis
 pa la/ ha/ hi/ hu/ he/ ho/ hoM ngo/ /rdo rje drug pa'i lte ba rnams la/ hAM/ hIM/ hUM/ haiM/ hauM/ ha(rgyud 'grel sa bon gyi 'od zer rnams kyis rdo rje sems dpa' la sogs pa'i de bzhin gshegs pa drug po gshin rje ma la sogs pas mnyam par 'khyung pa rnams bkug nas/ bdag nyid la bcug cing zhu bar gyur pa rnams rdo rje'i laM nas
 byung ste/ lha mo'i pad+mar lha'i gzugs su spros shing sngags rnams la nang du bcug nas gzugs brnyan bzhin du snang brnyan du bsams te/ rab tu gnas pa'i de ma thag tu bcom ldan 'das bsgom pa sngon du 'gro bar/ thun
 gsum du/ bcom ldan 'das dang bcom ldan 'das ma'i go cha gnyis rim pa ji lta bar bzlas nas/ cho ga ji lta bar dpung pa la gdags te/ ji skad bshad par 'gyur ro/ /gos kyi mthar mdud pa/ oM haM zhes pa la sogs
 pa dang oM paM zhes pa la sogs pa go cha'i sngags kyis bdun byas nas mngon par bsngags te lam du 'gro ba chom rkun dang stag la sogs pa'i 'jigs par mi 'gyur ro zhes pa la sogs pa yang rtogs par bya'o/ /cho gas
 zhes pa bcom ldan 'das dang dkyil 'khor gyis dbus kyis gzhi dang sngags kyi yi ge rnams dkar por bsgom zhing bzlas pa zhes pa cho ga'o/ /lnga gnyis 'dab ma la zhes pa 'dab ma bcu rnams la/ oM tA re tut+tA re tu re swAhA
 zhes pa dgod do/ /de'i lte ba la zla ba'i dkyil 'khor la zhes pa lhag ma ste/ oM bra san+na zhes pa la sogs pa'o/ /khor yug ni dbus su che ge mo dbang du gyis shig ces pa'o/ /oM sarba zhes pa la sogs pa'i sngags
 oM bra san+na zhes pa la sogs pa'i gnas su ste/ gzhan snga ma bzhin no/ /'khrul 'khor gnyis po 'di'i cho ga ni/ dang por gsal bar byas pa'i cho ga dang 'dra'o/ /de'i zhes pa lte ba'i 'o/ /dang po yis zhes pa dang po'i ti yig go /'khrul 'khor
 snga ma kho na la zla ba bar pra san+na zhes pa la sogs pa'i gnas su tA yig zlum po'i khog bar 'khor lo zur drug pa ste/ zur gyi nang rnams su/ oM ku ru kul+le h+ri(rgyud 'grel me ba sh+rI ku ru h+rI(rgyud 'grel cho ga'o/ sgrol ma sgrub po'i mngon par phyogs pas 'dir 'byung ngo/ zhes pa sgrol ma mngon par 'byung ba ste 'khrul 'khor dang sngags dang cho ga'o/ 'di zhes pa oM ku ru kul+le h+rI(rgyud 'grel la'o/ /bcings pa rnams su 'gyur ro zhes pa/ gyo dum gyi nang du ste gnod par byed pa'i ched du mi 'jug go zhes pa'i don to/ /bskul ba zhes pa gang gi phyir lha rnams bskul ba de'i phyir nges par rnam pa 'di lta bu
 'grub bo zhes pa nye bar bsdu ba'o/ /'khrul 'khor gzhan rnams la yang de bzhin no/ /zhi ba la sogs pa'i las kyi dbye bas kha dog dang bsam pa dang phyogs la sogs pa'i dbye ba ni phye bar byas zin pa'i rjes su
 'brang ba las ji ltar rigs par rtogs par bya'o/ /man ngag snye mar snye ma nyi shu bdun pa'o/ //lnga par dkyil 'khor gsungs na de'i rab gnas ni ma gsungs shing/ thang sku la sogs pa yang dngos
 grub thams cad kyi rgyud nyid du gsungs na/ /'di rab tu gnas pa med pa 'di ni ma yin no/ /zhes pas de dag gi rab gnas gsal ba'i ched du gsungs pa/ /bstan du gsol zhes pa la sogs pa'o/ /gzugs brnyan
 dang bo ti'i yi ge dang 'khrul 'khor dang mchod rten la sogs pa rnams la dang/ dbang bskur bar bya ba'i slob ma la dam tshig dang ye shes sems dpa' dag de'i bdag nyid du ba gnas par byed pa ni rab gnas te cho ga gzhan ni de'i
 'khor ro/ /bzlas pa ni bsam gtan sngon ma can nyid kyi phyir bzlas pa'i bsam gtan ni bzlas pas bsam gtan no/ /rab tu gnas pa'i rgyu'o/ /sbyin sreg gi las ni nyi shu drug par gsungs pa'i cho ga gzhan ci ltar
 zhes pa rgyas par bshad pa'i ched du dri ba'o/ /rdo rje ni stong pa nyid yin zhing/ /de kho na snying po ste tshang mas 'thad pa nyid kyis mchog gang gi bdag nyid yin par des skad do/ /chos thams cad rnams kyi ste/ phyi'i mtshan
 sum cu rtsa gnyis la sogs pa rnams dang/ nang gi thugs rje chen po'i rang bzhin dang stobs dang mngon par shes pa la sogs pa rnams kyi gcig kyang 'di yin pa bsdus pa yang yin pa'o/ /chen po ni phul du dbyung du med
 pa shin tu rgyas pa nyid kyi phyir ro/ /zad pa med pa nyid kyi phyir mdzes pa'i dga' ba gang gi yin pa de ni de skad do/ /de ltar na yang stong pa nyid dang snying rje dbyer med pa bde ba chen po'i rang bzhin sku bzhi'i bdag nyid kyis bod pa
 gsum ni/ slob dpon yang de kho na nyid kyi bdag nyid la lhag par mos par mos pas 'chad par 'gyur ba rjes su sgrub par 'gyur ro/ /zhes bslab par dgongs pas so/ /rnyed dka' ba zhes pa bod pa'o/ /
 'phrul nyid du gsung du gsol te/ phyis sems can gyi bsod nams stobs chung ba nyid kyi phyir/ 'di lta bu'i bstan pa ga la yin zhes dgongs pa'o/ /slob dpon de yang de ltar rjes su sgrub pa po rnyed dka' ba'o/ zhes mtshon
 to las rnams thams cad ces pa bzlas pa dang rab gnas dang de'i 'khor sa yongs su sbyong ba la sogs pa rnams bsam gtan kho na rjes su bsgrub pa las bsgrub par bya'o/ /de skad du ni/ rdo rje theg par slob dpon
 ni/ rnam gnyis de bzhin gshegs pas gsungs/ sngags gtso byed pa gcig tu 'gyur/ /gcig ni bsam gtan dpung gnyen can/ /sngags smra la gnas rnal 'byor pa/ /lha la dmigs pa lhur len te/ de las mtshan ma
 thob gyur pas/ /rdul tshon dkyil 'khor kun nas bri/ /sngags tshul la gnas rnal 'byor pa/ /gnyis med ye shes rnal 'byor ldan/ /sgyu ma lta bu'i lus kyis ni/ /'khor lo sgyu ma lta bur bri/ /zhes gsungs so/ /
 bsam gtan tsam la yang ngo/ /dga' ba ni nus pa phul du byung ba thob pa las bsod nams bsags pa'i slob ma rjes su gzung ba la sogs pa'i don du gsal bar dkyil 'khor mngon par sprul bar bya'o/ /zhes
 gzhan du gsungs so/ /de ltar yang rnam pa 'di lta bu ni bdag gis mi 'jigs pa'i gzhung 'grel du rab tu phye zin to/ /de'i phyir las rnams thams cad la bsam gtan kho na gtso bor nges par bsgrub par bya'o/ /de la
 zhes pa las rnams thams cad la sngar dpal rdo rje sems dpa' bsnyen par byas pa/ ting nge 'dzin gsum gyi rjes thogs su nyin bar dge ba la/ bkra shes pa'i dkyil 'khor gyis gzhi yang dag par spyang ba bsgrub pa'i ched du dang
 bor gsungs pa/ rdo rje zhes pa la sogs te/ rdo rje sems dpa' bzhin du rab tu gsal bar sgyings pa can/ rdo rje snyems ma'i ngo bo'i las kyi phyag rgya dang snyoms par zhugs pas sam ye shes kyi phyag rgya dang lhan cig bde
 ste bde ba de'i rang bzhin du gnas bar gyur ba'i slob dpon no/ /'dir gang zhig shes rab zab pa bsgom pa la blo gros byas pa chos thams cad skye ba med par bsgom pa de la bgegs rnams thams cad dang skyon gzhan rnams kyang
 'jig par 'gyur te/ rmi lam du yang snang ba'i lam du 'gro ba ma yin to/ zhes pas rim pa 'di kho na glags tshol ba thams cad sel ba la mchog go /'di la mi brtan pa yin na rnam pa thams cad du rang gi lhag ba'i
 lha'i rnal 'byor kho na brtan par bar ma chad par lhag par mos pa ni nga rgyal stobs can gyi rnal 'byor pa'i bgegs bzlog pa la sogs pa thams cad phun sum tshogs par byed pa kho na'o/ /mos pa tha dad pa rnams kyi
 dbang du byas nas lha dang phyag rgya dang sngags la sogs pa tha dad pa de dang de gsungs pa 'ba' zhig go zhes gsungs 'jig rten gsum rgyal zhes pa la sogs pa'o/ /rdo rje rkang pas yongs su rgyu zhes 'chad par 'gyur te/
 de dgod pa ni ji ltar rgyud gzhan du gsungs pa kho na'o/ /lha mo rnams kyi ste spyan ma la sogs pa nyid kyis rgyas bar 'chad par 'gyur ba'i rig ma rnams kyi yang dgod pa dang gzhug pa mdor bstan pa de lta kho na'o/ /khro bo'i sbyin
 sreg gis kyang bgegs rnams tshar bcad par bya ste/ sbyin sreg gi phyogs la slob ma srung pa'i don du dang por zhi ba'i sbyin sreg kyang bya'o/ /de'i phyir de las la sogs pa de kho na'o/ /bsnyems bcas gnyis med bde gnas
 zhes mdor bstan pa'i rgyas par ston pa/ phyag rgya'i rnal 'byor byas nas zhes pa'o/ /'jig rten gsum las rnam rgyal zhes pa 'di'i rgyas par ston pa ni/ khro bo rnam par rgyal ba zhes pa'o/ /bgegs rnams 
 gzhom pa'i ched du khro bar mdzad pas na khro bo rnams te/ gshin rje mthar byed la sogs pa rnams so/ /de rnams kyis de rnams rnam par rgyal te zil gyis gnon to/ zhes byas nas so//
 gnod mdzes rgyal po 'di dang rdo rje hUM mdzad bcom ldan 'das kyi sku mdog dang zhal dang phyag mtshan la sogs pa ni rdo rje sems dpa' i mngon par rtogs par rgyas par byas so/ /de rnams kyi ni khro bo rnams kyis so/ /'khor dang bcas
 pa rnams kyi ni thob pa rnams kyi zhes pa lhag ma ste/ byang chub sems dpa' la sogs pa'i 'khor dang lhan cig pa rnams kyi zhes pa'i don to/ /byin gyis brlab pa'i gnas rnams kyi shes pa dang po'i gcig gi tshig
 gi don la gsung pa'o/ /khyed rnams kyis de bzhin gshegs pa la sogs pa rnams la gsol ba btab nas/ de rnams kyi byin rlabs kyis skyabs bskyed par bya'o/ /rang nyid kyis bsrung bar bya'o/ zhes bskul nas
 so/ /de ltar bka' bsgo byas pa de rnams snying ga'i zla bar rdo rje'i lte ba la gnas pa'i hUM yig la nang du gzhug par byas te/ 'jig rten gsum las rnam par rgyal ba de yang ye shes sems dpa' i bdag nyid de
 bzhin gshegs pa thams cad dang lhan cig khro bo bkug pa bdag nyid la nang du gcug nas zhes 'brel lo/ /de ltar ro gcig tu gyur nas 'chad par 'gyur ba'i rim pas sa'i lha mo bkug ste/ oM b+hU kha zhes pa'i
 sngags kyis nam mkha' dang 'dra bar dag hUM laM hUM zhes pas rdo rje'i rang bzhin du sa gzhi bsgoms nas/ /oM me de ni badzrI b+ha ba badzra band+hu hUM zhes mngon bar bsngags te/ oM A(rgyud 'grel gyis brlabs po zhes pas sa gzhi yongs su dag par 'gyur ro/ /gang gsungs pa/ sngags pas rdo rje sems bzlas shing/ /rdo rje lta stangs kyis blta bya/ /dkyil 'khor gyi ni sa yi cha/ /skyon dang ldan pa'ang dag par byed//
 rtog pa la gnas sngags pa yis/ /gang zhig sa ni rnam sbyor pa/ /'di ni dag min gsang dbang po/ /byang chub sems ni rnam spangs pas/ zhes so/ de yang 'chad par 'gyur ba'i rim pas 'dus bya'o/ /zhes sa gzhi yongs su
 sbyong ba/ yi ge gsum gyis byin gyis brlabs pa sngon ma can nye bar sdud pa na/ pad+ma'i bskor ba yang de sngon ma can byas nas sa yongs su gzung ba'i don du nye bar 'gro'o zhes gsungs pa/ g.yas pa zhes pa la sogs
 pa'o/ /rkang pa'i mthil dag tu hUM las skyes pa'i rdo rje 'bar ba gang gis bkod pa de ni de skad do/ /nga rgyal dang bcas pa yang brtan pa ste/ sangs rgyas thams cad kyi rang bzhin rdo rje 'dzin pa'i ngo bo nyid la/ nang thugs rdo rje'i rang/
 bzhin yin yang/ phyi rol tu zhal rnam par 'gyur zhing smin ma 'khyog pa la sogs pa rnams kyi sgro btags pa'i khro bo/ /de dag gis snying gar gnas pa'i hUM yig las spro bzhin pa shin tu nga rgyal gyis hUM yig yang yang du
 brjod cing/ 'di yang brjod de/ phyir dengs shig ces pa la sogs pa 'gyes par 'gyur zhes pa'i mthar thug pa'o/ /khro bo zhes pa khro ba'i lha'i sku can snying ga'i sa bon las rab byed spros pa'o/ /de ltar zhes pas
 de'i phyir 'di ltar brjod pa'o/ /phyag na rdo rje zhes pa la sogs pas bdag nyid nye bar ston zhing/ 'gro ba tshar gcod pa dang rjes su 'dzin pa'i nus pa 'chad par byed do/ /ji skad du/ de kho na nyid bsdus par gsungs pa/ /
 de nas phyag na rdo rjes/ /'jig rten gyi khams rab 'byam sprin rgya mtsho rnams thams cad ni/ 'jig rten gsum gyi bdag po dbang phyug chen po la sogs pa ji snyed pa de rnams lcags kyus bkug nas gsungs pa/
 de bzhin gshegs pa'i bstan pa la gtsug lag rnams rtogs par gyis shig /bdag gi bka' yang bsrungs shig/ de nas gang 'jig rten gyi khams 'di na lha chen po des smras pa/ bcom ldan 'das dbang phyug bdag la yang
 bka' ster ba 'di su lags bcom ldan 'das kyis dbang phyug chen po la sogs pa rnams la bka' stsal pa/ gsum la skyabs su 'gro ba dang dam tshig dang sdom pa la gtsug lag rnams sgrubs shig/ 'di ni gnod sbyin
 phyag na rdo rje khros pa khro bo gtum po byang chub sems dpa' chen po/ /rdo rje 'bar bas khyed rnams dang khams gsum po mdza' dag brlag par byas na mi rung ngo/ /de nas dbang phyug chen pos 'jig rten gsum po mdza' dag gi bdag po nyid kyi shes pa la
 dbang bas phyag na rdo rje la 'jigs pa bstan pa'i don du/ gtum zhing khro ba chen po nyid/ 'jigs pa'i gzugs chen po nyid/ 'bar ba spro ba chen po nyid/ drag po'i ged rgyangs rgod pa chen po nyid tshogs rnams dang lhan cig ston cing
 smras pa/ nga ni 'jig rten gsum po mdza' dag gi bdag po yin na/ khyod nga la bka' sbyin par byed do/ /de nas phyag na rdo rjes/ rdo rje rol pa dang bcas par gsor zhing/ rnam par rgod cing gsungs pa/ kho ste
 rtogs par gyis shig /lus srul pa dang mi'i sha nga'i bka' bzhin byed na zo zhig /smras pa/ khyod kyang nga'i bka' skyongs shig /de nas phyag na rdo rjes/ hUM zhes gsungs pa ni 'jig rten gsum gyi bdag po rnams thams cad kha bub tu
 'gyel lo/ /lha chen po yang sa la 'gyel zhing shi'o/ /badzra ut+tiSh+Tha zhes gsungs pa na lha rnams lha'i bde ba nyams su myong bas langs te/ badzra A yu(rgyud 'grel g.yon pas mnan nas/ g.yas pas u ma'i nu ma'i khur 'tshir ngo/ /de nas lha chen pos phyag na rdo rje'i zhabs kyi mthil reg pa las de bzhin gshegs pa thams cad kyi ting nge 'dzin dang gzungs dang rnam par thar pa'i sgo rnams/
 nyams su myong zhing/ lha chen po'i lus dang u ma yang bla ma'i yon du phyag na rdo rje'i zhabs kyi mthil la phul nas/ 'og gi 'jig rten gyi khams drangs med pa rnams 'das te thal bas g.yogs pa'i 'jig rten gyi khams su thal ba'i dbang
 po zhes bya ba'i de bzhin gshegs par skyes so/ /lha langs pa rnams kyang phyag na rdo rjes rang gi dam tshig la bzhag go zhes so/ /chen po zhes pa chen po rnams kyang ste/ don chen po bsgrub pa'i phyir la/ rdo rje rnams kyang ste/ bdud
 rnams kyis mi phyed pa nyid kyi phyir ro/ /byed pa rnams ni g.yas brkyang stabs la sogs pa rnams te/ de rnams kyi dgod pa ni tshul rnam pa sna tshogs so/ /des yongs su bskor zhes sprel lo/ /byed pa rnams kyang bdag gis rdo rje phreng bar
 rnam par spros so/ /rdo rjes mtshan pa 'am rdo rje'i rnam par byed pa can gyi rkang pa ni rdo rje'i rkang pa'o/ /gdug pa can thams cad bskrad par bya'o/ /zhes pa nye bar bsdus pa'o/ /de nas dkyil 'khor gyi sa gzhi dris byugs par/ me
 tog la sogs pa rnams dang gar dang glu la sogs pa rnams kyis mchod nas/ lag pas reg cing dkyil 'khor gyi bdag po'i sngags brgya rtsa brgyad dang yi ge brgya pa lan bdun rnams yongs su bzlas te/ de nyid du mnyam par bzhag
 pa'i yid kyis nyal nas yongs su bzung bar 'gyur ro/ /de'i rjes su rab dang gur la sogs pa bsgoms nas/ khro bo'i gzugs su bsgoms pa'i seng ldeng la sogs pa'i phur bu rnams kyis sngar bzhin du
 bgegs rnams phur bus gdab pa dang brdung ba dag gis nye bar zhi bar byas nas so/ /de nas zhes pa la sogs pa/ zhes po'o'i bar gnyis mdor bstan pa'o/ /sngags zhes pa la sogs pa rgyas par bstan pa'o/ /sngags
 kyis tshul nye bar phyin nas bklags par bya ba gang las yin pa de la phyag byas nas des rjes su gnang bas cho ga snga ma yang bsgrub po/ /sa'i lha mo dkyil 'khor gyis gzhi'i dbus dri'i dkyil 'khor la baM yig las skyes pa bsam
 nas/ ye shes sems dpa' i gzugs bkug ste de la gzhug go /sbyin sreg las shes pa nye bar mtshon pa ste/ dkyil 'khor gyi las kyang ngo/ /des na de'i skabs su dkyil 'khor gyi las shes brjod par bya ste/ lhag
 par gnas pa zhes pa la sogs pa'o/ /de ltar ni/ e hi e hi zhes pas ye shes sems dpa' i ngo bo dgug pa rtogs par byas so/ /su sA d+ha ya zhes pa 'dis shugs kyis nye bar gnas pa'o/ /thams cad kyis lhag par
 gnas pa'o/ /lha mo de de nyid du thim par bsam nas sa gzhi 'dus bya'o/ /zhes pa gsungs pa/ sa gzhi zhes pa la sogs pa'o zhes pa ni rgyu la ste/ sa dag par bya'o zhes pa bdud rtsi lnga rnams kyis bsad gtor bya'o/ /'di'i
 rgyas par bshad pa ni byug ces pa'o/ /yang dag par mchod nas ni me tog gi rnam pa la sogs pas so/ /phyag rgya rig ma bzhag ste bdud rtsi gnyis kyi don du'o/ /gdug pa zhes pa la sogs pa rjes su brjod nas lha mos
 zhu ba'o/ /lugs ma ni gser la sogs pa'i rang bzhin no/ /'dus byas pa ni gsar ba'i las kyis so zhes gsungs so zhes pa ni sdud par byed pa po'i tshig go /thun mong zhes pa zhi ba la sogs pa rnams la yang ngo/ /yan lag ces
 mdor bstan nas rgyas par ston pa snying gar zhes pa la sogs pa'o/ /khros pa'i las la sngar gyi rjes su 'brang bas rig ma mA ma kI ru bsgom par bya'o/ /zhes kyang rtogs par bya'o/ /zhes pa 'di ltar las kyis dbye ba las so
 zhes pa 'dis mngon bar dgongs so/ /'am ni sdud pa la'o/ /rdul dang khu ba de la byug pa'o/ /'du byed pa ni sa rnams kyi'o/ /de'i phyir nye bar sdud de/ 'di ltar zhes pa'o/ /sbyin sreg gi sa gzhi ni phyi rol te/ phyi rol gyi dkyil
 'khor gyi sa gzhi nye bar mtshon pa'o/ /nang gi sbyin sreg gi sa gzhi ni gsang ba'i pad+ma ste/ der sbyin sreg 'khor bcas ni nyer gsum par brjod zin to/ /'dir ni las kyi gtum mo'i mer mngon par dgongs so/ /de ni rdo rje dang
 chu skyes bsrubs pa las byung pa'i me ste/ las byed cing dge ba byed pa'o/ /don dam par dge ba yang thar pa ste/ 'dzin pa'i tshogs tshar gcod pa'o/ /de nyid kyi phyir gtum mo gsum po phan tshun rjes su mthun pa nyid kho na'o/ /
 de nyid kyi phyir de kho na la mngon par bsam nas byang chub sems zhes pa la sogs pas 'grel pas gsal bar byas so/ /'o na ci dkyil 'khor gyi cho ga la yang bu mo khyad par ma yin nam zhen gsungs pa dkyil 'khor zhes
 pa la sogs pa'o/ /'o na nang gi sbyin sreg gi cho ga la ni rig ma nye bar mkho mod/ /dkyil 'khor gyi cho ga la des ci bya zhe na gsungs pas dkyil 'khor zhes pa la sogs pa'o/ /don ni 'di yin te/ lha tshim pa'i ched du sbyin sreg ste/
 de rnams kyang dkyil 'khor ba rnams so/ /de'i phyir dkyil 'khor med par sbyin sreg gi cho ga ma yin te/ de nye bar bstan pa'o/ /gang du nang yin ba de la gsang ba ste/ nang gi bdag nyid chos rnams
 kyi ste/ byang chub sems rdo rje sgro ba'i ngo bo can phung po la sogs pa'i lha rnams kyi dkyil 'khor yang thig gdab par bya ste/ thun mong ba'i bu mo nye bar mkho ba'i cho ga 'dis so/ /thig gdab pa ni nyi shu gsum par/ lus
 kyi dkyil 'khor nyams dga' ba/ sgo bzhi zhes pa la sogs pas bshad zin to/ /'o na dkyil 'khor 'di las sbyang ba la sogs pa'i cho ga ci ltar gsungs she na gsungs pa/ rnam pa gnyis zhes pa la sogs pa
 ste/ ji snyed pa ni mdza' dag nyid la'o/ /rang gi ba'i dam tshig ni rgyu dang 'bras bu'i gnas skabs dag rtogs pa'o/ /gnas skabs gnyis ka yang rtogs pa na chos kyi dkyil 'khor blang bar bya'o zhes pa'i don to/ /'di'i
 rjes su 'brang ba las ni gdul bya'i dbang las kyis yan lag nyid kyis rdul tshon gyi dkyil 'khor te/ de dang rab tu 'brel pa phyi'i sbyin sreg kyang ngo/ /de nyid kyi phyir gsungs pa/ de ltar rnal 'byor pa zhes te/ nang gi rnal
 'byor dang ldan pa'o/ /gnas ni gsang ba'i gnas lte ba'o/ /thabs kyang steng lte ba'i dkyil du zhes gsungs pa'i phyir ro/ /de nyid gnas te/ de dang mnyam par mos pa ni der gyur pa ste/ phar gyur pa bzhin no/ /ci ltar las
 thams cad sgrubs bar byed pa yin zhe na gsungs pa/ me'i zhes pa la sogs pa'o/ /ni ste gang gi phyir/ me la gang rnams kyi zhal yin pa de rnams ni de skad do/ /sbyin sreg de nyid la ni/ sbyin sreg gi rang bzhin la ste
 de'i don du'o/ /bsrub pa ni srubs shing ngo/ /mi dge ba ni sngon spyod la sogs pa'o/ /kha ran ni kha khyer ro/ /de'i phyi rol gyi zur rnams su khro bo'i rdo rje rtse gsum pa ni mngon spyod kyi thab khung du'o/ /zhi ba la 'khor lo 'am rdo rje
 rtse gsum pa rnams so/ /rgyas pa la rin po che rnams so/ /dbang du bya ba la chu skyes dmar pos mtshan pa'i lcags kyu rnams so/ /las thams cad pa la ral gri rnams sam sna tshogs rdo rje rnams so/ /zhi ba'i thab dang 'dra ba khyad bar dang
 bcas pa ni las thams cad pa'i thab tu yang 'dir shes par bya'o/ /gtsug tor ni 'khor lo'o/ /thab khung gi dbus su las dang rjes su mthun pa'i mtshan ma re re ste/ las rnams thams cad la mtshan ma bzhi'i nang du byas
 pa'i las dang rjes su mthun pa'i gtso bo'i mtshan ma'o/ /sbyin sreg ces pa/ sbyin sreg gi rang bzhin gyi cho ga shes pa'o/ /ji ltar rigs par shes pa las dang rjes su mthun pa'i phyogs su'o/ /dgang gzar yang mar
 gyis bkar zhing/ de ltar gyur ba de dag gis/ dgang gzar gyis khar blugs gzar gyi kha bzhag nas dgang blugs so/ /sbyin sreg yo byad ni sreg bya'i bud shing la sogs pa'o/ /chu ni las thams cad pa'o/ /drag po'i
 las ni g.yas par ro/ /las thams cad pa ni bdud rtsi 'khyil pa'i sngags te/ des bzlas pa'i chu'o/ /des gsang gtor te/ sreg bya la sogs pa dang lha la yang gtor ma dang zhal bsil lo/ /ku sha'i rtse mo
 rnams kyis kun tu phyogs rnams su phyi dang nang g.yogs nas thab khung dgab par bya'o/ /de nas cho ga bzhin zhes ba lha'i bdag nyid kyis rang gi lha'i sa bon gyis thab khung bskyed de/ me 'bar bar rig nas/ de'i dbus 
 su bdag med par dmigs la/ raM las byung ba'i me'i dkyil 'khor gru gsum par/ pad+ma dang nyi ma la gnas pa ram yig las byung ba 'am yud kyis rdzogs pa'i me'i lha sgoms te/ dam tshig sems
 dpa' i snying ga'i sa bon gyi 'od zer gyi lcags kyus/ nam mkhar ye shes sems dpa' i me lha me'i phyogs nas byon pa/ drang srong gi tshogs kyis yongs su bskor ba bltas nas/ 'bod pa'i tshul gyis g.yas pa mi 'jigs
 pa'i lag pa'i mthe bong bskyod cing dgug par bya ste/ oM e hi zhes pa la sogs pas so/ /ha byaM ni gang lha rnams la sbyin par bya ba ste ka byaM ni gang pa rnams la'o/ /phar gyur pa yang me lta ste/ sgrub pa po'i sgrub pa'i
 mngon par 'dod pa'i gnas skabs bskyed pa'i phyir ro/ /gsang gtor bya ste/ ku sha'i rtse mos gzung ba ni las thams cad pa'i chu yis so/ /spyan gsum pa ni zhal so so la'o/ /sbom zhing thung ba/ nag po dang ser po
 dang dkar po dang g.yas dang nub dang byang gi zhal can no/ /gzhug par bya ba ni dam tshig sems dpa' la ro gcig tu gyur pas so/ /sregs blugs ni dgang blugs so/ /de'i rjes su thams cad de la til dang 'bras
 la sogs pa rnams rang nyid ji lta ba'i sngags kyis sbyin sreg kho na na thams cad kyi sbyin sreg ste de byas nas so yongs su bsgyur ro ni me lta'o/ /sbyor ba'i rim pa ni dam tshig sems dpa' la ye shes sems dpa' gzhugs pa dang dgang blugs
 la sogs pa'o/ /lha rnams ni zhi ba la sogs pa'i las dang rjes su mthun pa las rnam par snang mdzad la sogs pa'o/ /'dod pa'i dngos grub ba ces pa mngon par bsam pa'i dngos grub bo/ /de nas bgegs ma
 pa dang bgegs dang bcas pa'i me mtshan ma rnams kyis mtshon par bya'o/ /zhes gsungs pa/ gdugs zhes pa la sogs pa ste/ gdugs la sogs pa'i rol pas 'bar ba rnams ni rab tu bsngags so/ /rtse mo gsum pa ni tha ma'o//
 g.yas skor du 'bar ba ni mchog tu mtshon pa'o/ /me lce mang ba zhes pa la sogs pas bgegs mtshon par byed pa'o/ /brtson pa zhes pa drug pa'i don la'o/ /oM yig swA hA mdza' zhes pa ni rang gi sngags kyi yi ge'i mthar/ /zhi ba
 la shAn+tiM ku ru swAhA dang/ rgyas pa la rgyas par gyis shig oM/ dbang du bya ba la ba shaM ku ru haM(rgyud 'grel ya hUM yang na phaT ces spel nas brjod pa dang yi ge bar ma chad par sngags bzlas so/ /zhi ba la sogs pa'i las kyi sngags la sogs pa 'di byin gyis rlob pa po'i lha rnam par snang mdzad la sogs pa rnams te/ de rnams ji ltar
 rigs par bya ba rnam pa sna tshogs pa rnams kyis mchod par bya'o/ /de nas de rnams mngon par 'dod pa'i dngos grub kyi ched du ji ltar rigs par bskul ba'i tshig gis bskul bar bya'o/ /ci zhe na gsungs pa/ thams cad ces pa
 la sogs pa ste/ las sreg blugs la sogs pa gzhan rnams kyis dang de las skyes pa'i dge ba rnams kyis yongs su rgyas pa'i bsam pa'o/ /cho ga 'di thams cad kyang sbyin sreg gi de kho na nyid kyis khyad par can bsgrub
 bya'o/ /sbyin sreg 'khor dang bcas pa'i de kho na nyid ni stong pa nyid dang ro gcig pa de nyid de/ de'i phyir sbyin sreg mkhan po dang sreg bya dang sbyin sreg sbyin pa'i lha la sogs pa rnams sgyu ma nyid du mos pa kho nas ji skad bshad pa'i
 cho ga ni yang dag par mngon par 'dod pa phun sum tshogs pa'i rgyu'o/ /bshad zhes pa la sogs pa ni drag po'i las la'o/ /zhi ba la sogs pa'i sbyin sreg thams cad kyis zhes pa la sogs pa ni nye
 bar bsdu ba'o/ /de las mngon par 'dod pa sgrub par byed do/ /zhes pa ni nye bar bsdu ba'i lhag ma'o/ /zhi ba la sogs pa 'di rnams la ji skad bshad pa las gzhan pa'i las so so ni khyad par dang bcas pa dag gis
 'od kyi snyo mar gsal bar byas so/ /zhes pas 'dir ma spros so/ /bshad pa'i sa sbyod ba la sogs pa rnams kyi khyad par dang de rnams kyis gsal bar byas ba thig gdab pa la sogs pa'i cho ga dang/ rab gnas kyi cho ga ni
 dkyil 'khor gyi cho ga rdo rje phreng ba byas par byas so/ /'dir ni rab tu gnas pa'i cho ga gtso bo'o/ /de sngon ma can las rab 'byam sgrub pa'i don du gsungs pa/ de nas zhes pa la sogs pa'o/ /rnam par snang mdzad rdo rje chen po ni rdo rje 'dzin
 pa'o/ /ye shes kyi 'khor lo ni ye shes sems dpa' i dkyil 'khor te/ de'i sgrub byed ni dam tshig sems dpa' dang lhan cig par byed pa rdo rje ste mi phyed pa gang du yin pa de ni de skad do/ /rnam par snang mdzad la sogs pa thams cad
 kyi dkyil 'khor rab tu sgrub byed kyi ched du sbyor ba ni bsgrub pa ste/ des zhi ba la sogs pa'i las rnams rab 'byams gsal bar 'gyur ba'o/ /gang su zhig ste rnam par snang mdzad la sogs pa dkyil 'khor gyi gtso bor
 bzhag pa de'i dkyil 'khor te/ rnam par snang mdzad 'byung ba rdo rje zhes pa la sogs par brjod pa bya ste/ rnam par snang mdzad la sogs pa 'dir gtso bor mngon par 'byung ngo/ /zhes pa dang de bzhin du rdo rje ste mi tshugs
 ba nyid kyi phyir ro zhes byas nas so/ /gang tshe de bzhin gshegs pa rnams las dkyil 'khor pa dbus su 'khor lo'i dbang por 'gyur ba de'i tshe de'i bdag po'i gnas su dbus kyi de bzhin gshegs pa ste/ de'i bdag po ni de'i spyi bor
 ro/ /rdo rje sems dpa' kho na lhag pa'i bdag por bzhag mod/ /gzhan rnams kyis ci bya zhe na gsungs pa/ zhi ba zhes pa la sogs pa'o/ /'khor lo can dang ye shes dag ste/ dam tshig dang ye shes sems dpa' dag rnam par bsgom pa
 rnams kho na mngon par 'dod pa'i dngos grub kyi ched du rnam par snang mdzad la sogs pa ni/ 'di rnams kyis bdag po nyid du nges par sbyor ro zhes pa nges par sbyor ba rnams te/ /de rnams kyi zhi ba la sogs pa'i las
 rnams byed do zhes pa ni bdag po gzhan nyid kyi dgod pa'o/ /dbang po mchog gi sems can la ni rdo rje sems dpa' bdag po nyid kho nas zhi ba la sogs pa'i las rab 'byams mdza' dag 'grub bo/ /de nyid kyi phyir de las
 cig shos dang de la dgongs nas mngon par brjod pa'i rgyud bla mar/ sangs rgyas byang chub sems dpa' dang/ /bro bo dang ni rigs kyi yum/ /'od zer can dang tsAndA dang/ /shes rab pha rol phyin sogs rnams/ /ji ltar 'dod par
 bsgom pa yis/ /dbus kyi gtso bor brtag pa ste/ /dngos po gang dang gang gis ni/ /mi rnams yid ni yang dag sbyor/ /de yis de yi rang bzhin 'gyur/ /sna tshogs gzugs can nor bu bzhin/ /yang na rdo rje sems dpa' ni
 sna tshogs gzugs can 'gro ba'i gzhi/ /kun mkhyen thams cad byed pa kun/ /kun la khyab pa bde ba che/ zhes phyogs gnyis gsungs so/ /de la dbang bu bya ba la sogs pa'i las rnams la phal cher mthu phul du byung
 ba gsal bar byas pa nyid kyis na sgrol ma bdag po nyid du bsgom pa gsungs pa/ bsgom par bya zhes pa la sogs pa ste/ b+ha ga'i dbus su ni chos 'byung gi dbus su gnas pa'i khang pa brtsegs
 par ro/ /do shal la sogs pa ni mi'i dus pa las byung ba'i/ /sna tshogs rgyan rnams ni mgo bo rlon pa'i phreng ba la sogs pa rnams so/ /skabs gsum bdag po ni dbang po ste des so/ /de rnams kyis skrag pa'i phyir ro/ /kun nas skrag
 pa'i tshangs pa la sogs pa rnams kyis kyang/ /gang la thal mo sbyar bar byas pa de ni de skad do/ /'dis ni thal mo sbyar bar byas pa'i bdud bzhi mnan pa nyid gsungs so/ /gang las mcho sta khyad par du 'phags ba ci yang me
 pa de ni mchog med do/ /rnam par gtsigs pa ni sgeg pa can nyid kyi phyir ro/ /cher gtsigs pa ni gdug pa can skrag par byed pa lhur len pa nyid kyi phyir ro/ /de nyid kyi phyir 'jigs su rung ba'o/ /steng gi zhal zhes pa dang po'i
 zhal gyi steng du gnyis pa bung bu'i rnam pa nyid na yang yid du 'ong ba'i gzugs can no/ /rtse gsum ni g.yas logs su'o/ /sgrol ma 'di'i ming du bya ba he ru ka'i zhes pa'o/ /bcom ldan 'das ma 'di ni he ru ka phyag bcu drug pa'i gnas su bdag po nyid du bsgom par bya
 zhing/ dkyil 'khor pa'i lha'i khyad par bsgom pa yang de lta kho na'o/ /'di ni rgyud 'dir pra sa na'i sgrol ma zhes gsungs so/ /gzhan yang 'di gcig pu yang bsgom par bya ba/ de'i tshe rang gi snying gar pad+ma dang zla ba
 gnas pa'i taM yig sa bon gyi 'od zer gyis bkug pa bdun du yang dag par mchod de/ ji srid btang snyoms kyi bar du bsgoms nas/ oM shU n+ya ta dz+nya na badzra swa b+hA wa AtA ko haM/ zhes pas stong pa nyid kyi rjes thogs su/
 chos 'byung gi nang sna tshogs chu skyes zla ba la tAM las skyes pa'i utpa la dang bcas pa'i tAM yongs su gyur pa las bdud bzhi zhabs kyis mnan pa bsams te/ g.yon pas dbang po mnan zhing/ gams pas nyo dbang dang zhabs gnyis
 kyis dbus su drag po dang tshangs pa dag go /snying ga'i sa bon gyi 'od zer gyis bkug pa'i ye shes kyi lha mo bcug pa las ro gcig tu gyur pa mchog gi thugs rje dang shes rab kyi rang bzhin du shin tu yun ring bar brtag par bya'o/ /
 de'i rjes su dad ba'i sgrol ma'i sngags bzlas te mngon par 'dod pa byed do/ /'di lta bu'i rnam pa'i rim pa ni phyi ma la yang rtogs par bya'o/ /sa bon la sogs pa'i dbye ba ni 'chad par 'gyur ro/ /du ba ni cung zad ram ra ba'i nag
 po'o/ /'jam pa'i gzugs can ni 'jam pa'i dpal shin tu ser ba cung zad khros pa/ phyag zung gis rdo rje dang dril bu 'dzin pa/ zhal gcig pa'o/ /nyi ma'i dkyil 'khor las shes pa de'i steng gi hUM yig las so/ /rdo rje ni shes rab
 nyid kyi phyir te/ 'jigs byed ni thabs nyid kyi phyir ro/ /shin tu yang drag cing 'jigs par byed pa nyid ni thugs rje kho nas so/ /de gsungs pa/ nyi ma'i 'od kyis gdungs pa'i mtsho chen dang/ /mnyam pa'i sku can thugs rje'i bdag/
 nyid gang/ nang du ba mo lta bur bsil yin kyang/ /phyi rol kho na 'gro par brtsub par 'gyur/ zhes so/ /de'i phyir stong pa nyid dang snying rje dbyer med pa'i byang chub kyi sems ni rdo rje 'jigs byed do/ /ma he'i gzugs can zhes pa rtsa ba'i
 zhal la ste/ sbrul gyi mchog phyir thogs pa can/ tshangs pa dang dbang po dang nye dbang dang drag po dang nyi ma dang gzhon nu la sogs pa kha spub tu zhabs 'og tu lhung ba rnams 'jigs par mdzad pa'o/ /ra g.yas par te/ de'i gang?
 logs su'o/ /g.yon du ste rwa g.yon pa'i g.yon logs su'o/ /b+hindI bA la ni mdung thung gi rnam pa can rtse mo la chags pa'i rma bya'i sgro mdongs can no/ /ka Na ya ni mdung byed pa'o/ /phub kyi gnas
 su phub chung zhes pa kha cig tu 'don to/ /rkang pa ni ma'i'o/ /lag pa yang mi'i 'o/ /kham phor ni btung ba'i snod kyi thod pa'o/ /ne dzo'i gnas su seng+ge zhes kha cig tu 'don to/ /khra ni bong khra'o/ /man+ti ni khyim bya'o/ /
 bya chen po ni mgo dang mchu dkar ba'i 'o la ba'o/ /zhabs g.yas pa brgyad kyi 'og tu mi la sogs pa brgyad rnams so/ /g.yon pa'i zhabs brgyad kyi 'og rnams su bya rgod la sogs pa brgyad rnams so/ /'dir dang por dur khrod la sogs par dam
 tsheg brten pa la sogs ba sngon du 'gro bar rang gi snying gar pad+ma dang zla ba la d+hI(rgyud 'grel yam las skyes pa'i rlung la a las skyes pa'i zla bar d+hI(rgyud 'grel las skyes pa'i rdo rje la gnas pa'i hUM yig gi 'od rnams kyis bkug pa'i dpal rdo rje 'jigs byed yang dag par mchod nas bdag nyid la bcug cing/ de yongs su gyur ba las bdag nyid chos 'byung du chu skyes
 dang rlung dang nyi ma'i dkyil 'khor la mi la sog pa rnams tshangs pa la sogs pa rnams zhab rnams kyis mnan pa'i 'bras bu rdo rje 'dzin pa'i rang bzhin dpal rdo rje 'jigs byed bsgom par bya'o/ /de'i rjes su oM h+rI(rgyud 'grel bi kra tI na na hUM hUM phaT phaT swAhA zhes pa 'chad bar 'gyur ba dang/ oM h+rI(rgyud 'grel da ya/ ya da ya ni ra ya k+She ya/ yak+She yats+tsha ni rA ma ya phaT ces pa phreng ba'i sngags bzlas so/ /drag po'i las thams cad ces pa thob par byed pa nyid kyis nye bar mtshon pa ste/ 'jig rten pa dang 'jig rten las 'das pa/
 thams cad 'grub pa'i phyir ro/ /stong pa nyid kyi rjes thogs su yud kyis bskyed par byas pa'i shing rta'i dbus su paM las skyes pa'i pad+ma la yaM las skyes pa'i zla bar mAM yongs su gyur pa 'od zer can g.yas brkyang gi zla ba'i stabs
 gyis bzhugs pa/ gdugs pa can rnams kyi kha dang mig dag 'tshem pa/ zhal g.yas sngo bo/ /g.yon pa dkar ba'o/ /'di'i sngags 'chang par 'gyur ba gnyis po mngon par 'dod pa'i tshig spel ba bzlas so/ /nam mkha' i khams
 ni stong pa nyid do/ /chu skyes dkar por nyi ma la paM ser po las skyes pa'i rdo rje dang paM yongs su gyur pa/ shing lo dang sgro'i sham thabs can/ sbom pa zhal g.yas pa sngo ba/ g.yon dmar ba 'og tu bgegs rnams bsgyel nas g.yas
 brkyang zla ba'i stabs kyis bzhugs pa mi bskyod pas rgyas btab pa/ snying gar g.yon pa'i khu tshur sdigs mdzub kyi 'og tu bgegs kyi tshogs rnams bsdigs te/ g.yas pa rdo rje khu tshur brdeg pa'i tshul can no/ /zhes
 pa ri khrod lo ma can gcig go /gang gi tshe 'di kha dog dkar ba zla ba'i gzugs can bdud rtsi'i char 'bebs pa bsgom par bya ba de'i tshe gnyis pa'o/ /ri khrod ma gnyis po 'di'i sngags 'chad par 'gyur ro/ /khro
 bo'i gzugs ni dam tshig sems dpa' i ngo bo'o/ /khro bo'i rgyal po ni ye shes sems dpa' o/ /rdo rje dang rdo rje dril bu dang ldan pa'i phyag dag gis rang 'dra'i shes rab ma la 'khyud pa'o/ /phyag g.yas pa
 gnyis pa na rtse gsum pa 'phyar ba/ g.yon par thod pa/ rtsa ba'i zhal dkar ba/ byang dmar ba/ nub ser ba/ g.yas nag po'o/ /yi dags chen po ni 'dir 'jigs byed do/ /de skad du ni de kho na nyid 'dus par/ /ka Ta pu ta na zhes
 pa la sogs pa'i bod pa'o/ /nye bar mtshon pa las gau rI yang ste/ sna tshogs chu skyes dang zla ba'i steng du'o/ /kha dog dmar po mnyam pa'i 'od ni nyi ma'i 'od dang dkyil 'khor can no/ /sangs rgyas rnams kyis mdzes pa ni
 dbu la'o/ /rta'i gzugs nag po/ phyag g.yas pa na lcags kyu dang ral gri dag g.yon pa dag na zhags pa dang bcas pa'i sdigs mdzub dang dril bu dag go /zhal g.yas pa dkar ba/ g.yon ser pa/ steng ma rta'i zhal ljang gu'o//
 phag gdong ma ser mo/ /g.yas dag na sdigs mdzub dang bcas pa'i zhags pa dang rdo rje dag /g.yon pa dag na 'khor lo dang dril bu dang/ zhal g.yas pa nag po/ g.yon pa dkar ba/ steng ma phag zhal dmar po'o/ /khyi
 gdong ma dmar po/ /zhal g.yas pa nag po/ /g.yon pa dkar po ster ma khyi gdong ser po g.yas pa dag na lcags sgrogs dang rdo rje dag /g.yon dag na 'khor lo dang lcags kyu dag go/ seng ge ljang gu zhal g.yas nag po/ /g.yon pa dkar ba/ steng ma cung zad nag po rjes su
 'brel ba'i dmar ba/ /g.yas pa dag na dril bu dang rdo rje'o/ /g.yon pa dag na lcags kyu dang zhags pa dag go /bzhi po 'di rnams dbu skra 'bar ba gyen du brdzes pa/ g.yas brkyang zla bo'i stabs kyis rol gnas pa/ spyan gsum pa
 khro bo'i sgeg pa can/ bzhad pa'i zhal can no/ 'di skad gsungs te gzhal yas khang gi nang du pad+ma'i lte ba'i nyi ma la/ bcom ldan 'das shes rab dang bcas pa ste/ shar dang lho dang nub dang byang gi 'dab ma rnams la rim pa ji lta bar rta gzugs la
 sogs pa rnams so/ /mtshams kyi 'dab ma rnams su bdud rtsi lngas gang ba'i chu skyes kyi snod rnams so/ /de ltar lha drug gi snying po can sgo skyong ma dang bral ba ni dkyil 'khor 'di'o/ /'di'i sgom pa'i rim pa ni rig pa'i rgyal po'i ji lta ba bzhin
 te/ khyad par ni 'dir bshad pa'o/ /bzhan yang 'di'i rjes su 'brang bas rtogs par bya'o/ gzhung rgya che ba'i 'jigs pas 'dir ma smras so/ /bcom ldan 'das rdo rje sems dpa' de'i sems can gyi mos pa sna tshogs pa las sku mdog dang
 zhal dang phyag dang phyag mtshan dang dbyibs la sogs pa rnams dang dkyil 'khor ba'i lha rnams des rnams kyi dgod pa la sogs pa ma nges pa rnams so/ /de nyid kyi phyir de nye bar mtshon pa/ ji srid phyag ni 'bum gyi bar zhes gsungs so/ /yi ge dang yi ge rnams kyi phan
 tshun 'od zer rnams kyis sbyor ba gang du yin pa de ji ltar 'gyur pa de ltar brgyan pa'o/ /rang nyid rdo rje khro bo'i gzugs can gyis bsgrub bya yang rdo rje khro bo'i gzugs thong ba la gnas par bsgoms nas/ de'i rkang pa dag gi 'og tu
 yaM yig las skyes pa rlung gi dkyil 'khor sngon po g.yo ba'i ba dan gyis mtshan pa gzhu'i dbyibs can la yang ngo/ /gsang ba'i chu skyes su raM dmar po yongs su gyur pa me'i dkyil 'khor gru gsum pa la raM ngo/ /snying gar laM las skyes
 pa'i dbang chen gyi dkyil 'khor ser po rdo rje phyed pas mtshan pa zur bzhi pa la laM ngo/ /mgo bo'i chu skyes la waM yig las skyes pa chu'i dkyil 'khor dkar zlum po bum pas mtshan pa la waM zhes pa rnam par bsam te/ rlung gi
 sbar ba'i me'i 'od zer rnams kyis sa'i dkyil 'khor dang chu 'ang sa bon dang bcas pa zhu ba na/ zhu ba'i khu bas a ba d+hU tI'i lam nas gsang ba'i pad+mar gang ngo zhes yang yang bsgom pas 'ju'o/ /zhes
 pa cho ga'o/ /raM zhes pa la sogs pa ste/ stong pa nyid kyi rjes thogs su pad+ma dang nyi ma la raM las skyes pa'i snying gar de bzhin du raM dang ldan pa/ thod pa dang mgo bo'i phreng ba la sogs pa'i rgyan can/ g.yas dag gis rdo rje dang
 ral gri/ g.yon dag gis kha twAM ga dang thod pa can/ rtsa ba'i zhal dmar ba/ g.yas dang cig shos dag nag po dang dkar ba/ /steng lce sbyang gi zhal ser zhing dmar ba'o/ /sna'i rtse mor hUM las skyes pa'i sna tshogs rdo rje phra mo'i
 steng du hUM ste/ de las 'phros pa'i sna tshogs rdo rje phra mo rnams kyis phug pa'i yan lag gi tshigs rnams su bsgrub bya'i khrag gis gtams pa'i khrag gi rgyun lce spyang gi zhal gyis 'thung pa dang/ rdo rje mkha' 'gro ma sbros pa
 rnams kyis kyang sngags zlos pa can khrag 'jib par bsgom mo/ /de kho na nyid mdza' dag gis snga ma bzhin du bskyed pa'o/ /gzugs dang kha dog dang zhal rnams kyis 'jigs pa la sogs pa rnams so/ /rtsa ba'i
 ma he'i gdong ste/ rwa las g.yas pa dmar ba/ rwa las g.yon pa dkar ba'o/ /steng gi khyi'i gdong cung zad ser ba'i dmar po/ /khros pa rnam par bsdams pa spro ba bya ste/ snying ge'i hUM yig las so/ /hUM gi 'od zer rnams
 kyis dang rdo rje khro bo rnams kyis bsgrub bya'i lus la gnas pa'i lha bkug nas/ 'di la spud ba ma byed ces bka' bsgo'o zhes ba cho ga'o/ /rdo rje khro bo de rnams kyis 'dren par bdag nyid bsgom mo/ /zhes pha rol dang 'brel lo//
 gsod byed rnams zhes pa ni gsod par byed par ro/ /dral bar byed pa ni rdo rje khro bo gzhan rnams kyis so/ /bsgrub bya rgyu ma nar ba las slong ba nyid do/ /oM badzra rak+Sha sa che ge b+hak+Sha ya phaT ces klog cing khyi'i zhal gyis bza' o/ /oM h+ri(rgyud 'grel zhes pa la sogs pa yi ge bco lnga pa ni ma he'i zhal can gyi gshin rje'i gshed gyi bzlas bya'i sngags so/ /bskrad pa'i ched du gsungs pa/ rlung zhes pa la sogs pa ste/ rdo rje mche ba can ni rnga mo'o/ zhon pa ni bsgrub bya'o/ /de'i ni bsgrub bya'i 'o/ /rdo rje khro bo de
 rnams gyis rnga mo'i rkang pa rnams su sbed du gzhug ste/ /shing los bcings pa'i rdul rang nyid bzhag pa ni de rnams kyis sbed par 'gyur ro/ /zhes pa'i don to/ /de ltar gsungs pa'i cho ga las so/ /chos ma yon ba la zhugs ba'i
 mdza' bo gnyis chos ma yin pa las bzlog pa'i ched du bye zhing sdang pa'i ched du gsungs pa/ bram ze zhes pa la sogs pa ste/ dge spyod ni shAkya'i dge slong ngo/ /'ug pa'i gshogs pa la bsgrub bya'i ming spel nas/ oM h+rI(rgyud 'grel sogs pa'i sngags bris te/ des dkris pa'i 'khrul 'khor gnyis so sor bsgrub bya gnyis kyi gnas su sa brkos pa las dbugs bkag pas gzhug go /'thab bzhin pa ni/ 'thab par byed pa'i bdag nyid can gyis bsgrub bya dag go
 stong pa nyid kyis rjes thogs su sna tshogs pad+ma dang nyi ma la tsA'i sa bon las skyes pa'i rta mgrin ljang gu cung zad ser ba/ rin po che sna tshogs pa'i cod pan can/ 'od dpag tu med pas rgyas btab pa/ mdog ljang gu'i rta'i zhal can
 phyag bzhi ba ste/ /logs so sor mthe chung mthe bos mnan nas sor mo bar ma gsum brkyang ba las ba dan gsum pa'i tshul/ /langs pa'i tshul gyis g.yon pa gcig gi sing+ga dang 'phrog byed dang gnyis pa tshangs pa dang 'dod pa'i lha dag dang/
 g.yas pas dpal mo dang 'jigs ma'i lha mo dang/ gnyis pas zhi ba'i lha mo dang dga' ba mo mnan te/ g.yas brkyang stabs dang g.yon brkyang stabs kyi zhabs bzhi pa'o/ /'di'i sngags ni oM ha ya
 gri ba tsA swAhA/ zhes pa 'am/ oM ha ya grI ba h+rI(rgyud 'grel sgrub thabs kyi rnam pa rnams kyis rta'i zhal nas nges par byung ste/ chang 'tshong ma la sogs ba'i khyim na gnas pa'i chang dgu go /tsI zhes brjod cing zhes kyang shes par bya'o/ /sbyor ba gzhan gsungs pa/
 bsgrub bya'i zhes pa la sogs pa'o/ /kun tu ste phyogs rnams so/ /yongs su sa bon zhes pa yaM yig gis ta/ yongs su gyur pa dang ldan ba rnams song ngo/ /'jig pa ni 'jig pa na'o/ /'di gsungs te/ rta mgrin gyi rnal 'byor dang ldan
 ba 'am/ rgyud gzhan du gsungs pa las 'chad par 'gyur pa'i 'phags pa mi g.yo ba'i rnal 'byor gyis/ gla rtsi la sogs pa'i dri nag pos gru bzhi pa'i dbus su so sor ya yig gi dbus su gnas pa'i thig le bdun po rnams yaM las
 skyes shing byin gyis brlabs pa'i rlung gi dkyil 'khor bdun gyi ngo bo rnams dang/ de las skyes shing de la gnas pa ri dags la zhon pa'i rlung lha nag po 'khor drug can gyi gtso bo gcig pa rnams snying ga nas phyung ba'i khro bos
 zhags pas bkug pa'i ye shes sems dpa' dang gcig pa'i ngo bo rnams bcing bar bsam te/ badzra hUM baM d+haM zhes klog cing dbugs nang du bcug pas/ kham phor khas spub pa/ hUM suM hUM las skyes pa'i ri rab rtse brgyad pa'i
 ngo bos bkab nas /de'i steng du lam las skyes shing rdo rjes mtshan pa gru bzhi pa ser po'i sa'i dkyil 'khor sna tshogs rdo rje chen pos mnan pa bsgoms la/ dbugs bsdams pas thams cad g.yas brkyang stabs kyi rkang
 pa g.yon pas nye cing/ mdun du ral gri dang zhags pa'i lag pas/ rlung lha la bsdigs shing sngags bzlas pas rab gnas la sogs pa la rlung chen po nye bar zhi'o/ /glu'i sa bon ni naMO/ /gzir ba ni gzir byed pa'o/ /
 hUM yig ni dang por dang tha mar gnas pa'o/ /'dab mar gnas pa'i klu brgyad rnams mjug ma rnams la dang chu lha lte bar gzir cing/ 'chad par 'gyur ba'i bzlas pas char pa 'bebs so/ /nyi ma dmar po'i mdog legs par
 phyogs bcu rnams su 'phro ba'i 'od gang gi yin pa'i rta mgrin de nam mkha' i mtshan can khros par bdag nyid bsgoms nas hUM las skyes shing byin gyis brlabs pa'i 'bar ba'i lces/ chu 'khyil ba la sogs pa'i sprin chen po bdun rnams
 dbugs kyis bkug pa zos nas phyir 'byung ba'i dbugs kyis gtor bar bya'o/ /gal te hUM gis bsdigs pa la brtson bas nang gi rdo rje khro bo'i lus thams cad kyi tshogs rnams snying ga'i sa bon las spros nas mtshon cha sna tshogs rnams
 kyis dral ba la sogs pa byed na shin tu char ches pa bzlog par byed do/ /gnas ni lus so/ /ji skad bshad pa'i sku mdog la sogs pa can rnam par snang mdzad du bdag nyid bsam te/ dpral ba las spros pa raM las skyes pa'i
 me la gnas gtum po khros pa chen po ji skad bshad pa'i zhal la sogs pa can khro bo grangs med pas yongs su bskor bas bgegs rnams 'joms par byed do/ /yang na mi'i khrag dang se dag las mi'i gzugs brnyan byas
 pa la bsgrub bya'i bgegs rnams dang ro mnyam par byas nas/ de la snga ma bzhin du bsgoms pa'i khro bo'i gzugs can mi'i rus pa'i phur pas/ che ge'i big+ha nAM kI la ya zhes spel nas phur pa'i sngags kyis phur pas btab
 ste/ brdung ba'i sngags kyis brdungs shing mig dag 'chang par 'gyur ba'i 'od zer can gyi sngags kyis lan nyi shur mngon bar bsngags te/ khro bo gnod mdzes kyis/ oM sum b+ha zhes pa bka' i sngags kyis brdung bzhin ba myur bas
 tshogs bdag gi zhal du bcug pa mnyams par bsgom mo/ /mkha' lding ni bya khyung ngo/ /gdong brgya pa ste/ kha cig gdong stong can no/ /char ba bsgrubs nas slar yang bsgrub ste/ sprin gyi tshogs rnams bsgrubs nas de rnams kyis so
 mche ba'i dug can rnams kyi ste klu rnams kyi me ni dug gis 'bar ba'i me'o/ /'tshams ba med pa'i me zhes kha cig tu klog go /'dir 'di ni man ngag ste stong pa nyid kyi rjes thogs su yud kyis pad+ma rang gi phyogs kyi klu'i kha dog can gyi 'dab ma brgyad pa
 bsam te/ de'i lte ba la nyi mar hUM las skyes pa'i rdo rje bya khyung zhes bya ba rje btsun mdog nag po/ mche ba gtsigs pa 'jigs su rung ba gdong bzhi pa phyag brgyad pa khros pa lo bcu drug pa'i rnam pa can bsgom mo/ /de'i dang
 po sngon po g.yas pa du ba'i mdog /g.yon pa ljang gu /steng mkha' lding gi gdong ba dmar po/ nyi ma bcu gnyis lta bur drag po'i 'od can/ zhal so so la spyan gsum pa/ gshog pa gnyis dang ldan pa/ phyag g.yas
 pas rdo rje gsor ba la brtson ba/ g.yon pas zhags pa dang sdigs mdzub gzung ba/ g.yon dang g.yas gzhan pa dag gis dbang po'i pags pa'i gos 'dzin pa/ de bzhin du rim pa ji lta bar thod ba dang kha TwAM ga gzung ba/ de ltar lcags
 kyu dang cang te'u 'dzin pa/ ral pa'i cod pan can/ sna tshogs rdo rje dang zla ba phyed pas mdzes pa'i dbu rgyan can phyag rgya drug dang ldan pa/ mgo bo'i phreng ba can/ stag gis pags pa'i sham thabs can/ mche ba rnams kyis ma mchu 'tshir
 ba/ g.yas brkyang stabs kyi chu lha dkar po dang klu gzhan gyi mjug ma mnan pa bsgoms nas/ shar dang byang dang nub dang lho'i 'dab ma rnams la rim pa ji lta bar mdza' yas dang nor rgyas dang 'jog po dang pad+ma rnams dkar po dang sngon po dang
 dmar po dang ljang gu rnams dang/ dbang ldan dang me dang bden bral dang rlung gi zur rnams su pad+ma chen po dang dung skyong dang stobs kyi rgyu dang ma dros pa rnams ser po dang dung ka dang ljang gu dang ser po rnams bsgom mo/ /klu 'di rnams thams cad
 gdengs ka dmar po gsum bsgreng ba/ thal mo sbyar bar byas pa/ bcom ldan 'das la blta bzhin pa/ /bka' nod cing 'jigs pa gyur ba rnams bsgom bar bya'o/ /de la chu bdag la sogs pa dgu po rnams kyi snying gar so sor
 hUM naM hUM zhes bsgoms te/ sngags pa kha shar du bltas pas/ rdo rje bya khyung gi thang sku'i mdun du/ oM badzra nA rA ya Na zhes pa la sogs pa'i sngags 'bum phrag gcig bzlas so/ /de nas sngags 'di grub par 'gyur ro/ /
 grub par gyur pa na kho bro bsgom pa dang ldan ba mi smra bar tshangs par spyod pa 'o ma dang 'bras shA la'i bza' bcan gyis klu rnams la 'o ma'i khrus dang 'o ma'i zas ster zhing thun so sor 'o ma can gyi shing bud shing dang 'o ma dag
 gis sbyin srag byed cing/ chu lha dang klu rnams kyi sogs so sor khri bzlas so/ /oM a ma nan+tA ya hUM naM hUM warSha ya swA hA/ oM pAM ba su ka ye hUM naM hUM barSha ya swAhA/ oM taM tak+Sha ka ya hUM naM hUM warSha ya swAhA /oM paM padmA ya hUM naM hUM
 warSha Na ya swA hA/ oM maM ma hA padmA ya hUM naM hUM warSha ya swAhA/ oM shaM shaM kha pA lA ya hUM naM hUM barSha ya swA hA/ oM kaM karko TA ya hUM naM hUM warSha ya swAhA/ oM a ma na ba taptA ya hUM naM hUM warSha ya swAhA/ oM baM
 pa ru NA ya/ nA gA d+hi ba te ya nA gAnda? rSha pa ya hUM na hUM swAhA/ ces pa'o/ /de'i rjes su rdo rje mkha' lding gis gshog pa'i rlung rnams kyis mtshams pa med pa'i me zhi bar byed cing/ mchu bsnun pas kyang chu po byed do/ /zhes
 bsgom zhing/ oM badzra nA rA ya Na zhes pa la sogs pa'i sngags bzlas so/ /de nas zhag bdun gyi nang du klu rnams thams cad chu kun nas 'bab par byed do/ /char che na gu gul dang sar rdza'i ras dang sgog skya rnams kyis
 bdugs pas thad sku la gnas pa'i klu rnams bsreg cing/ klog pa spangs nas bzlas bya bzlas pas char ches pa bzlog par byed do zhes pa'o/ /yang na rdo rje sems dpa' i rnal 'byor ram rdo rje hUM mdzad kyi rnal 'byor can
 nam rang gi 'dod pa'i lha'i rnal 'byor gyis nam mkha' la hUM gaM hUM yongs su gyur pa mkha' lding bka' byed pa/ zhal gyis chu stong phrag sbyin ba klu brgyad can bsam nas/ oM badzra nA rA ya Na zhes pa la sogs pa'i sngags kyis
 bskul bar bya'o/ /'di yang nam mkhar gnas pa'i brgya byin la bka' sgo zhing/ de yang char sprin pa rnams la char ba'i don du bka' bsgo bar byed do/ /bka' yang thos nas chu'i char pa rnams kyis sprin rnams la me gsod
 ba lhur len par bsam zhing/ nam mkha' lding yang de ltar gsod par byed cing/ /chu klung yang byed do/ /zhes bsam mo/ zhes pa'o/ nam mkha' i khams ni stong pa nyid do/ /der chu skyes dmar po dang nyid ma la/ h+rI las
 skyes pa'i utpa la dmar po dang h+rI(rgyud 'grel dang lcags kyu dang mi 'jigs pa'i tshul lo/ /nyi mar gnas zhes pa nyi ma'i steng du rol gnas pa'o/ /gos chen po ni 'dir 'dod pa'i lha'i pags pa'o/ /zhes gsungs so/ /de bla rer gang gi lag pa gnyis kyis gzung
 ba de ni de skad do/ /de'i phyir sgrol ma 'di phyag bcu gnyis pa'o/ /de nas zhes pa la sogs pa 'bum bzlas pa'i rjes thogs su'o/ /oM ku ru kul+lE h+rI(rgyud 'grel h+rI(rgyud 'grel bcug ste/ sngags bzlas so/ /rdo rje ni rdo rje'o/ /spyan gsum pa dkar po dang dag po dang dmar po'i rtsa ba dang g.yas dang cig shos kyi zhal gsum pa'o/ /bsnyems pas zhes pa bsnyems pa dang ldan pa'i phyir ba snyems pa ste/
 rdo rje dril bu'o/ /de'i sgag pa dang bcas par dril bu/ 'dzin pas dkur gnas pa'i phyag ste/ byed pa zhes pa lhag ma'o/ /lus las phyung ba ste/ spros ba gang rnams kyis yin pa'i sangs rgyas de rnams kyis
 mdzad pa'i sprin gyi tshogs gang de rnams so/ /sems can las phyung ba zhes klog pa la ni/ sems can las te lus can gyis gzugs las phyung ba zhes pa'i don to/ /dbang bskur ni cod pan no/ /bcom ldan 'das kyi cod pan
 la sogs pa rnams las 'dzag pa ste spros pa rnams so/ /de la man ngag tu byed pa ni/ stong pa nyid kyi rjes thogs su gzhal yas khang gi nang du sna tshogs pad+ma'i lte bar nyi ma la hUM las skyes
 pa'i rdo rje dang hUM yongs su gyur pa bdud bzhi po g.yas brkyang stabs kyis mnan pa phyags drug pa/ mgo bo la sogs pa'i rgyan can/ dbu skra dmar ser gyen du brdzes pa/ rang 'dra'i shes rab dang bcas pa'i rdo rje sems dpa' o/ /de'i
 sa bon las 'dab ma rnams la/ nyi ma dang ro rnams la lha mo rnams so/ /de la shar du rdo rje mtshon cha ma ser mo ser po dang sngon po dang ljang ku'i gtso bo dang g.yas pa dang g.yon pa'i zhal can no/ /lho ru rdo rje ki li kI lA dmar mo/ /dmar ba
 dang ser ba dang ljang ba'i zhal gsum pa'o/ /nub tu rdo rje snum pa 'am/ dkar po dang sngo ba dang dmar ba'i zhal gsum pa'o/ /byang du rdo rje snyems ma ljang gu ma ljang gu dang dmar ba dang dkar ba'i zhal can no/ /lnga
 can yang spyan gsum pa skra grol gcer bu/ phyag rgya lngas brgyan pa/ phyag bzhi pa/ bdag po bzhin du rdo rje la sogs pa'i mtshon cha 'dzin pa rnams bsam par bya'o/ /de'i rjes su nam mkha' las lhung ba'i rdo rje/ oM
 ma hA zhes pa la sogs sngags mthar che ge'i phyogs che ge ru badzra pA taM ni wa ra ya phaT/ zhes pa spel nas dbyings dang bcas par zlos shing/ rang nyid dang sangs rgyas spros pa rnams kyis rdo rjes rdul phra rab tu phye mar byas pa
 rlung chen pos ring du 'ben par bsgom pas nges par zlog par byed do/ /bsgrub bya yang sngags 'dis byin gyis brlabs nas rdo rje sems dpa' i gzugs la sangs rgyas nyid du dbang bskur nas dar dpyangs dang phreng ba'i dbang bskur
 bya'o/ /zhes pa'o/ /nang gi bdag nyid can gyi rdo rje byang chub sems nor bu las phyi rol tu lhung bzlog pa zhar la bshad pa'i don du gsungs pa/ byas na zhes pa la sogs pa'o/ /shes rab dang thabs dag stong pa nyid dang ro gcig pa
 nyid kyis mdzes pa'i dga' ba ni legs par dga' ba ste/ des byang chub kyi sems 'ching pa'o/ /gtum mo gsum la yang de kho nas bde blag tu yun ring du 'ching ba ste/ btsan thabs kyi rnal 'byor gyis ni de ltar ma yin no/ /des
 na de bcings pas rdo rje zlog pa ste/ 'ching ba kho na zlog pa'o/ zhes pa'i don to de ltar bya sa na ste zlog par gyur pa na gsungs pa'i dpal mcho gi dang po'i rnal 'byor gyis bla na med pa'i go 'phangs mchod tu zag pa med pa bde ba'i rang bzhin rdo rje 'dzin pa nyid
 gsal par 'gyur ba dang ldan par rnal 'byor ba 'gyur ro/ /dkyus ma las rab 'byam gyi don gsungs pa/ gsod ces pa la sogs pa'o/ /'di ste 'khrul 'khor zhes pa lhag ma'o/ /shar du mngon du phyogs pas ri mo drang por
 gnyis te/ de bzhin du byang du mngon par phyogs pas so/ /dbus su ri mo zlum pos re mig dgu ru 'gyur ro/ de la ya ni dbus su ste/ ma mer k+She shang la sogs pa'i phyogs rnams su g.yas skor gyis so/ /zur gyi re mig bzhi rnams su re mig so sor/ hUM che
 ge rak+Sha zhes la la sogs pa dang hUM zhes rab tu sbyor ba'o/ /zlum po'i ri mo las phyi rol tu zur rnams su ri mo drang po bzhi byas pa na ri mig bcu gnyis so/ /de rnams su shar gyi ri mig nas brtsams nas g.yas skor gyis/ rA dzA sa do/
 ru Na ya nir yats+tsha ni zhes pa bris te/ /sngags kyi lha'i rnal 'byor gyis so/ /de las ya ma rA dzA sa do me ya/ ya me do ru Na yo da ya/ ya da ye ni ra ya k+She ya/ yak+She yats+tsha ni rA ma ya zhes par 'gyur ro/ /zhi ba'i don
 kho na la ni ya gnyis dang ni gnyis mi bri'o/ /de'i gnas bzhi rnams su rab tu sbyor ba'o/ /ri mo de las phyi rol tu zur so so la phyi rol tu phyogs pa'i ri mo gnyis byas pa na phyi rol gyi ri mo zlum po yis
 re mig bcu drug rnams su 'gyur te/ de rnams kyi shar la sogs pa gcig gis bar du chod pa'i re mig brkyang rnams su/ oM h+rI(rgyud 'grel dang Sh+TI(rgyud 'grel dbus nas g.yas su phyung ste/ g.yon skor gyis yi ge dgod pa'o/ /khros pas gshin rje'i phyogs su 'phyogs pas dang gi khrag dang ro bsreg pa'i thal bas bya rog chen po'i gshog pa'i 'bri smyug gis bri ste/ gsod la gshin rje'i lus
 la gnas/ /spang? la ma he rta dag la'o/ /bskul la'ang rnga mo'i rgyab la gnas/ /zhi la zla ba'i dkyil 'khor du/ /dbang la mi mo'i snying gar ro/ /rgyas la rta yi rgyab tu'o/ /rengs pa dang dgugs pa la sogs pa'i rnams la
 mngon par brtag par bya'o/ /gi waM ngam gur gum 'am gzhan gyis gro ga la sogs pa/ ji ltar rigs pa'i 'bri smyug gis bris te/ kham phor kha sbyar du 'khrul 'khor bzhag go /bsnyen pa khri sngon ma can gyis 'di khyim
 gang du gzhag pa der 'thab mor 'gyur ro/ /gshin rje gshed kyi rnal 'byor gyis 'di bri'o/ /'dir ni mchog gi dang po'i rnal 'byor gyis kyang/ /oM ya ma zhes pa la sogs pa phaTI mdza' can gyi sngags bzlas par bya'o
 zhes mchod pa'i ched du gsungs so/ /yang zhes gsungs pa ni mya ngan med pa'i brgyad ba la zhes pa la sogs pa la ltos bas te/ myos byed kyi 'bras bu dang thig le dag ni der yang shes par bya ba dag go /'bras bu'i khu ba dag ni khu ba dang rdul dag
 go /sgra ji lta ba dag go /zhes gzhan no/ /ku ru kul+le h+rI(rgyud 'grel pa nyid kyis rjes thogs su chu skyes dkar po dang zla ba la iM las rdzogs pa'i klu lhag ma can du bdag nyid de/ /g.yas brkyang stabs kyis gnas ba dkar po mi'i gdong ma can/ /gdengs ka stong phrag can/ lag pa gnyis pa/ g.yon
 pas yid 'ong ma la rol pa dang bcas par 'khyud pa/ g.yas pas utpa la 'dzin pa'o/ /snying gar pad+ma 'dab ma brgyad pa dkar po'i lte bar zla ba dang 'dab ma rnams la/ so sor gnas pa'i iM yig dkar po'i 'od
 zer rnams kyis bdud rtsi char du 'bebs shing/ gdeng ka so so dang mig dga' sa nges par byung ba'i bdud rtsi'i rgyun rnams kyis mgo bo nas brtsams pa'i zin pa'i lus rkyal bar byas nas dug med par bsam mo/ /de nas zhes pa
 la sogs pa'i sbyor ba gsum ni/ kye'i rdo rje bzhi gang yang rung ba'i rnal 'byor gyis so/ /zla ba la khu ba dang nyi ma la rdul bsre'o/ /bye ba drug rnams sngon du bsnyen pa bya'o/ /de'i rjes su las ni/ sA lu zhes pa la
 sogs pa'o/ /bdud rtsi lnga ni nang du'o/ /bye ba bzlas pa'i rjes thogs su/ oM badzra karta ri zhes pa la sogs pa'i sngags kyis ril bu byas te/ gzung nas 'bum bzlas so/ /de nas ril bu 'grub bo/ /des dgra bo
 dpung dang bcas pa'i gzugs su bsam pa'i ril ba'i mgrin pa dkri ba dang bcas par bya'o/ /lha rnams kyi zhes pa pha rol po'i lta ba'i lha rnams so/ /rdo rje ste rdo rje 'dzin pa khu ba dang dngul chu
 'ching ngo/ /zhes pa rdo rje 'ching ba ste pa lA sha'i sa bon no/ /de kho na ni rdo rje can te/ ro bcud 'ching ba la gzhom du med pa'i nus pa can nyid kyi phyir ro/ /'dir pa lA sha'i sa bon gyi snying po gzung ngo/ /rgyal la zhes pa skar ma
 rgyal la'o/ /cho ga bzhin zhes pa chu sngon po can gyi klu'i rdzing bu'i/ oM A(rgyud 'grel des yongs su gyur pa can bsam mo/ /zhes pa cho ga'o/ /bdud rtsi lnga ni 'o ma la sogs pa'o/ /kham phor gnyis ni sa de kho nas byas pa so ma btang ba mdza' yas nang du bzhag pa 'o mas bkang ba la dkri bar
 bya'o/ /bdud? rtsi lnga la sogs pa'i bya ba bcu rnams la so sor oM A(rgyud 'grel dag pas rdul? tshon dkar po ni mi'i rus pa'i phye mas so/ /rin chen 'byung ldan rnam par dag pas rdul tshon ser po bab bla yis so/ /'od dpag med rnam par dag pas rdul tshon dmar po ni dur khrod kyi so phag gis so/ /don yod grub pa rnams dag pas rdul tshon
 ljang gu mi rus dang rkun ma'i lo ma dag gis so/ /rdo rje sems dpa' rnam par dag pas rdul tshon sngon po ni mi'i rus pa dang dur khrod kyi sol ba dag gis so// bcu bzhi pa 'am brgyad pa la sbyang ba byas pa'i ro'i sa gzhi la thig skud byin gyis brlab par bya zhing/ ji srid
 du 'dus bya ba rdzogs pa'i bar du ste/ skud pa nges mthe bong gsum lhag pa'i khu gsum pa'i dkyil 'khor thig btab nas/ rdul tshon rnams kyis mi bskyod pa rnam par dag pas bzhengs te/ de'i dbus su mdza' yas mnan pa'i kye'i
 rdo rje dang/ gnas ji lta bar rnal 'byor ma rnams bri'o/ zhes pa cho ga'o/ /yang na kye'i rdo rje la sogs pa rnams kyi mtshan ma rnams bri bar bya'o/ /zhes gsung ngo/ /shin tu ba ni brtson 'grus chen po'i tshul can no/ /khro ba'i
 sems ni khros zin pa'i sems so/ /bzlog nas zhes pa swAhA la sogs pa'i tshig gi zlog pas bzlas so/ /ar dza ka ni par+NA sha'o/ /'dis ni gdon mi za bar char 'bab po/ /zhes gsungs so/ /de'i che zhes pa gang gi tshe/
 char ches par 'gyur ba de'i tshes bcu bzhi pa la sogs pa la ro'i kha bkab pa'i ras kyi dum bu gcig la 'dug cing/ dum bu gzhan la sngags bris te bzlas pas/ sbyin rnams dral bar byed do/ /zhes pa'o/ man ngag
 snye mar snye ma nyi shu rtsa brgyad pa'o// //gtor ma dang dkyil 'khor bzhengs pa la sogs pa bya ba rnams rdo rje la sogs pa 'dzin pa sngon du 'gro ba'o/ /zhes pas de'i rang gi ngo bo gsal ba'i ched
 du gsungs pa/ bcom ldan zhes pa la sogs pa'o/ /gong med rnams kyis ni 'di rnams las mchog khyad par du 'phags pa yod pa ma yin pa zhes pa rdo rje theg pa'i rnal 'byor pa rnams kyis so/ /mtshon bya rnams kyi mtshan nyid de ltos pa dang
 bcas pa nyid na yang kha cig tu tshig sdud du bstan pa'i phyir ro/ /ci zhe na bzhi rnams kyi ste rdo rje la sogs pa mtshon bya rnams kyi de kho na nyid rang gi ngo bo ste/ thabs kyi rgyud kyi yan lag nyid kyis so/ /'khor ba las 'dis
 mchog tu sgrol lo/ /zhes pas 'khor ba las sgrol ba yang yin la mtshan nyid kyang ngo/ zhes pa 'dis ni nyan pa la shin tu don gnyer ba'i ched du spro bar byed pa'o/ /ji bzhin de nyid ces mdor bstan pa rgyas
 par 'chad de/ rdo rje zhes pa la sogs pa'o/ /rdo rje'i de kho na nyid dang po dang de'i rjes su dril bu dang bgrang phreng dang ye shes kyi de kho na nyid ces pa rim pas bstan pa mdor bstan pa'o/ /ji ltar 'khor ba las sgrol bar mdor bstan pa yin
 zhe na/ gang phyir bzhi po'i de kho na nyid kyis de'i yul can rnam par rtog pa rnams 'khor ba'i chu bo'i rlabs rnams te/ de rnams las shin tu brgal nas pha rol thar pa skyes bu'i don
 mchog tu don gnyer ba'i sems can gyi don mthun 'dren pa'o/ /so sor rgyas par 'chad de/ dbus su zhes pa la sogs pa'o/ /dbus ma la sogs pa'i rtse mo rnams la me long la sogs pa'i ye shes kyi bdag nyid rnam par snang
 mdzad la sogs pa rnams bsam par bya'o/ /rwa las 'og tu lte ba'i mthar thug par pad+ma'i 'dab ma rnams rdzogs pa'i byang chub kyi yan lag brgyad rnams te/ thabs nyid kyis/ 'dir lam gyi yan lag rnams kho na'o/
 sa ji lta bar te/ gnas ji lta bar shar dang me la sogs pa'i rim pas byams pa dang sa'i snying po dang phyag na rdo rje dang nam mkha' mdzod dang 'jig rten dbang phyug dang 'jam dpal dang sgrib pa thams cad rnam bar sel ba dang kun tu
 bzang po rnams bsam mo/ zhes rgyud gzhan gyi dgongs pas gdams ngag tu byed do/ /ji ltar 'dom pa ltar ro/ zhes gzhan no/ /lha brgyad po 'di rnams gzhag go /zhes pa nye bar bsdu ba'o/ /dbus su ni rdo rje'i 'o/ /lha'i
 sgo nga rnams kyi zhes ba sgo de'i gnas su ye shes kyi lha ni rdo rje sems dpa' 'brel bar bya ste/ lha thams cad 'dus pa'i ngo bo nyid kyis na/ de der shes rab dang thabs ro gcig pa bsgom zhes ba'i don to/ /chang gzung gi
 mdza' i pad+ma gzhan la shar la sogs pa'i phyogs kyi 'dab ma rnams rdo rje lcags kyu ma dang/ rdo rje zhags pa ma dang/ rdo rje lcags sgrog ma dang/ rdo rje dril bu ma rnams so/ phyogs bral te phyogs bral gyi 'dab ma rnams su rtsen ma ste
 tsundA dang/ rin chen sgron ma dang/ rdo rje lu gu rgyud ma dang gzhan gyis mi thub ma rnams bsam mo/ /mdza' gzhan gyi rtse mo rnams la ye shes mkha' 'gro ma la sogs pa rnams so/ /mdza' rnams kyi ni mdza' ru ste nub gyi phyogs su'o/ /de ltar rdo
 rje'i de kho na nyid rnams lha ru shes par bya ste/ mkhas pa kun rdzob dang cig shos kyi rnam par dag pa'i rnam pa la byang ba'i shes pa can gyis so/ /ci ltar don dam pa shes pa yin zhe na/ /gang phyir rdo rje'i de kho na nyid rnams ni/
 rdo rje'i bdag nyid yin te/ rdo rje'i ste/ stong pa nyid kyi ye shes kyis rang gi ngo bo'o/ /de'i bdag nyid de'i rang bzhin phyi'i rdo rje sems la nges par gyur pa na/ rnal 'byor pa'i ste/ rdo rje'i snying po can gyi'o/ /'di la ni stong pa nyid dang snying
 rje dbyer med pa'i ye shes kho na snying po mchog ste/ de dang ro gcig pa nyid kyis byas pa'i rdo rje de yang de ltar so sor snangO/ /zhes dgongs la/ de'i phyir ro/ /ni ni khyad par la ste khyad par du 'phags pas rdo rje'i sems
 te gnyis su med pa'i sems slob ma byed du gzhug go/ rang nyid kyang bden ba gnyis la ltag par mos pa'i ngo bo rdo rje'i don bstan par bya'o/ /de la don dam ba rnam par dag pa ni rdo rje byang chub kyi sems kho na chos te gzugs
 la sogs pa chos can rnams so/ /de la brtson zhing de la rtse gcig du 'dod pa'i yid do/ /yid ces kha cig tu 'don to/ /ci ltar rdo rje chos yin zhe na/ rdo rje de kho na nyid de dag ci'i ngo bo yin pa de rnams ni rdo rje'i
 de kho na nyid can rnams te kun rnams ni gzugs la sogs pa rnams so/ /rdo rje las kyang gnod bya ma yin pa nyid kyi phyir zhi ba la sogs pa'i las so/ /de rnams la mngon par 'gro ba'i phyir te/ chos kyi dbyings ni de'i bdag
 nyid kyis thams cad du 'gro ba nyid kyi phyir ro/ /kun rdzob kyi rnam par dag pa ni rdo rje lha rnams su lhag par mos bzhin pa rnams spro par byed pas rdo rje rnams kyi brtan par mos pa las dbyer med pa rnams kyi sems can
 rnams 'khor ba las sgrol ba ni tshogs kyi sar ro/ /gang gi phyir rdo rje te bden ba gnyis dbyer med pa goms pas bkug pa gsal bar bsgoms pa'i rnal 'byor shes rab dang thabs snyoms par 'jug pa gang rnams kyi yin
 ba de rnams kyi/ rdo rje bdud la sogs pa rnams kyis mi phyed pas gus pa dang bcas pa bar ma chad bar yun ring du goms pas/ gang rengs pa ni rnam par g.yeng ba'i 'phro ba 'gog pa ste/ rnal 'byor de rig pa shin tu
 brtan bar lhag par mos par 'gyur te/ mos pa spyod pa'i sa la'o/ /de las kyang mun pa lta bu ni gang nyon mongs pa rnams te/ de rnams la mar me lta bu rnams shes te/ de kho na nyid rtogs pa'i phyir khyad par du
 'phags pa'i shes pa'o/ /ye shes kyi rdo rje dang 'bar ba dang lhan cig ste dus mnyam par gzhom par bya'o/ /de gsungs pa/ blo ldan sems mchog bskyed ma thag tu ni sems ni mdza' yas nyes byas las ldog pa'o/ /zhes so//
 mthong ba'i lam kho nar de kho na nyid mthong bas spang bya phrag brgyad cu rnams spong bar thub pa'i dgongs pa'i rgyan du gsal bar byas so/ /de ltar na yang snang ba de kho na nyid mthong ba ste/ de kho na phyogs so/ /des ni lhag par rtogs pa brgyud
 pas rdo rje 'dzin pa'i sa rnam pa thams cad du rtogs par bya ba de 'thob po/ /rdo rje ste de kho na nyid mthong ba des bsgrubs pa sgom pa'i lam ni/ thams cad ste bag chags kyi gnas skabs bag la nyal rnams la rdo rje'i bdag nyid ma lus
 pa 'byed pa po'o/ /sgom pa'i lam de las pha rol bla na med pa'i rdo rje'i bdag nyid de/ rdo rje stong pa nyid dang snying rje'i rang bzhin byang chub sems kyi bdag nyid de/ rang bzhin no/ /rdo rje thar pa'i ste 'khor ba'i rgyu nyon mongs pa'i phung po'i
 bag chags lhag ma phra mo'i gnas skabs kyang gcod par byed pa'i rnam par grol ba'i 'o/ /'dis ni spangs pa phun sum tshogs pa ste/ rdo rje chos nyid kyis ni chos kyi sku rtogs pa mtshon pa'o/ /de nyid kyi phyir gnyis ka phun tshogs
 pa mthar phyin pas snying po nyid de mdza' i sa'i 'o/ /de'i bdag nyid kyis de 'dzin pa'i phyir yang bcom ldan 'das rdo rje 'dzin pa'i phyir ro/ /zhes bsgrags so/ /'di'i dngos su ba'i thabs kyang rdo rje'o/ /zhes gsungs pa/ rdo rje zhes
 pa la sogs pa'o/ /rdo rje ni bo la'o/ /pad+ma ni kak+ko la'o/ /mdor bstan nas rgyas par ston pa/ rdo rje kun rdzob pa'i byang chub sems pad+ma rnams su rim zhugs pa'i bde ba chen po nyams su myong ba'i ngo bo ni/ de kho na nyid thams
 cad nas stong pa nyid kyis goms pa las rdo rje 'dzin pa nyid bsgrub par bya ste/ mkhas pa ni bskyed pa dang rdzogs pa'i rim pa la byang zhing mkhas pa'o/ /'di skad gsungs te las dang sbyor ba dang lhan cig skyes pa'i gtum mo
 rnams kyi bde ba chen po'i mtsho skyes las 'og gi mtsho skyes rnams su sbyar ba'i kun rdzob pa'i byang chub kyi sems bo la kak+ko la'i nang ji srid pa de bzhin nyid dang ro gcig pa'i lhan cig skyes pa'i bde ba
 myong /ba'i rang bzhin de ma thag pa'i thabs kyi ngo bo ni rdo rje zhes pa'o/ /de yang thams cad gsang ba'i rgyud du gsungs pa/ tshogs gnyis kyi ni sbyor ba yis/ sems can kun gyi don ston pa/ /rang bzhin 'od gsal ba yi
 sems/ /rdo rje zhes ni mngon bar brjod/ /chos rnams thams cad ma skyes pa/ /gdod nas zhi ba nam mkha' mnyam/ /zhes pa'i tshig ni rab 'jug pa'ang/ /rdo rje dril bu zhes par bshad/ sangs rgyas bzhi po gdan bzhugs pa/ /
 rdo rje pad+ma rnams la gnas/ /nyams su myong ba'i rim kho nas/ /dga' ba bzhi yi mtshan nyid do/ /zhes so/ de ltar rdo rje'i de kho na nyid rgyas par bstan nas rdo rje phyed pa yis mtshan pa'i dril bu'i de kho na nyid rgyas par ston pa gsungs
 pa nyon zhes pa la sogs pa ste/ /gsungs zin pa'i rdo rje 'dzin pa'i phyir dang/ de nyid kyi phyir sems can mgu bar byed pa'i phyir rdo rje 'dzin pa dang rgyal por khyod skyes te/ da ni 'di rdo rje snying po nyon cig /'dis ci bya zhe na gsungs
 pa shes rab ces la sogs pa'o/ shes rab kho na dkrol ba ste bsgrags pa'i de kho na nyid gang rnams kyi yin pa de rnams kyis nyan par byed de/ sgra zhes pa lhag ma'o/ /shes rab la lhag par mos pas dkrol ba rnams kyi
 sgra shin tu dga' bas nyam pa las mngon par 'dod pa 'grub pa ni mtshan nyid kyi dgongs pa'o/ /zhes dgongs pa'o/ /mtshan nyid kyang kun rdzob kyis dang don dam pas kyang ngo/ /de la dang po gsungs pa/ gsum zhes pa la sogs
 pa'o/ /'di ni dril bu'i steng du rdo rje phyed ba'i zhar las/ rdzogs pa'i rdo rje'i yang ngo/ /cha gsum rnams mnyam ga gang gi ring ba nyid du yin pa de ni de skad do/ /'dzin byed ni rdo rje dril bu dag gi lus so/ /gsal ba ni so so'i cha shas gsal ba'o/ /rwa'i
 'og zla ba'i steng du dkris pa'i ri mo ni ske rags te/ mu khyud ces gang ming ba mdzes pa'o/ /cha ni rnam pa gsum du byas nas de'i dbus kyi cha zlum pa cha shas brgyad pa mtho ba'o/ /dbus su sna tshogs pa'i phreng ba ldan pa ste/ rin po che dang pa
 ta dang myu gu rnams kyis bkra ba zhes pa la sogs pa'i mtshan nyid dang ldan pa nyid kyi phyir ro/ /utpa la kha bye 'dod pa ni bye bas rgyas pa'i utpa la kha ma bye ba'i rnam pa can no/ /zhi ba ni ma gdengs ba'i rdo rje'o/ /utpa la ku mu da zhes/ kha cig tu
 'don te/ dril bu la sbyar bar bya'o/ /rin chen pad+ma rnam par gnas shes pa 'di ni/ lha dgu la sogs rtse mo can/ zhes pa 'di dang 'drel lo/ /pad+ma'i 'og tu yang rin po che phra mo'i phreng ba'i 'khor yug bya'o/ /rdo rje rtse dgu pa'i de kho na
 nyid rgyas par ston pa'i ched du gsungs pa/ phyogs zhes pa la sogs pa/ phyogs dang phyogs bral gyi rwa brgyad rnams la rnam par snang mdzad la sogs pa rnams dang spyan ma la sogs pa rnams bsgom mo/ /rwa dbus ma la sangs rgyas
 dgu pa mi bskyod pa'o/ /mdza' gzhan du lha dgu rnams rnam par dag par byed pa nyid kyi phyir mchog rnams te/ gtso bo rnams gang rnams kyi yin pa'i rtse mo de rnams shar la sogs pa'i phyogs dang phyogs bral rnams la phyag na pad+ma
 la sogs pa brgyad rnams dang/ dbus kyi rtse mo la rdo rje sems dpa' o/ /zhes pa lha dgus byin gyis brlab pa ste/ gzhan snga ma bzhin no/ /thun mong gi mtshan nyid gsungs pa/ chu srin zhes pa la sogs pa ste/ dbus kyi rtse mo ma gtogs pa
 shar la sogs rtse mo rnams chu srin kha nas byung ba rnams so/ /thams cad ni 'od zer dang zla bar gnas pa rnams bya'o/ /zhes pa rtse dgu pa'i rdo rjer bshad de/ lnga pa ni me long lta bu la sogs pa'i ye shes rdo rje'o
 gnyis ka yang de kho na nyid la mos pa las 'gro ba 'di las sgrol lo/ /zhes pa 'gro ba sgrol ba'o/ /zhar las byung ba song ste/ dkyus ma gsungs pa/ nam mkha' zhes pa la sogs pa'o/ /'di ni gong gi shes rab dkrol zhes
 pa la sogs pa 'brel lo /dril bu shes rab kyi bdag nyid ni nam mkha' ji srid pa dang byang chub snying po ji srid par gnas pa ste/ sems can dang snod kyi dbye bas tha dad pa'i 'jig rten gyi khams mu mdza' med pa rnams shes rab kyi
 pha rol tu phyin pa'i rang bzhin du sgra rnams kyis gsal bar byed cing dga' ba bskyed par byed do/ /zhes mos par bya'o/ /'di'i rgyas par bstan pa ni bcu zhes pa la sogs pa'o/ /dril bu'i steng du 'og tu phyogs pa'i pad+ma'i
 'dab ma brgyad rnams la lha mo brgyad rnams sam de'i sa bon gyi yi ge rnams bsam mo/ /mdog mdzes ma na nor rgyun ma'o/ /mngar ba ma ni tsun dA'o/ /mdzes ma ni khro gnyer can no/ /rdo rje phreng ba ma ni don ji lta ba'i ming ngo//
 de la bam ser po las skyes pa'i ser mo lang tsho gsar pa brgyan dang gos kyis brgyan pa/ 'bras so ba'i snye ma dang rin po che sna tshogs kyi char 'babs pa'i bum pa phyag g.yon pa ste/ g.yas pas mchog sbyin ba/ zla ba la
 gnas pa rdo rje skyil krung can/ rin chen 'byung ldan gyi cod pan can snying gar rang gi sa bon yod pa'i nor rgyun ma'o/ /tsum dkar po'i sa bon las skyes pa dkar mo rgyan thams cad kyis brgyan pa/ rnam par snang mdzad kyis rgyas
 btab pa/ phyag bzhi pa/ g.yas pas mchog sbyin pa/ g.yon pas po ti dang bcas pa'i pad+ma 'dzin pa/ phyag ngag gis lhung bzed 'dzin pa/ zla ba la sems dpa' i skyil krung gis bzhugs pa skul byed ma'o/ /b+h+ri ser po'i sa bon
 las skyes pa ser mo spyan gsum pa/ lang tsho gsar pa can ral pa'i cod pa can/ zhi ba rgyan med pa/ snang ba mdza' yas kyis rgyas btab pa/ phyag bzhi ma/ g.yas pa mchog sbyin dang bgrang phreng 'dzin pa/ g.yon dbyug gu
 gsum pa dang ril ba chung du 'dzin pa/ zla ba'i gdan can khro gnyer can no/ /de bzhin du maM gi sa bon las skyes ba ljang gu rgyan thams cad kyis brgyan pa phyag ngag gis sgeg pas me tog dang bcas pa'i rdo rje phreng ba 'dzin pa/ sgeg pa dang
 bcas par dgu g.yon gyi char cung zad 'dud pa can/ zla ba la gnas pa don yod grub pas rgyas btab pa'o/ /nam mkha' ste stong pa gang gi dbus yin ba de dril bu'i gzugs te 'dod pa'i khams so/ /dril bu'i steng du 'og tu
 phyogs pa'i pad+ma rgyas pa rab byung ba'i ngo bo gzugs khams so/ /pad+ma'i skor ba'i steng du gzugs med srid pa'i phyogs gzugs med pa'i khams te/ de ru shes rab bdud rtsi'i bum pa ste/ pad+ma'i bskor ba'i steng du ri mo gsum
 gyis bum pa'i rnam par dbyibs bya'o/ /zhes pa'i don to/ /ye shes te shes rab ye shes kho na bdud rtsi ste/ de'i gnas gnas pa'o/ /bum pa'i rnam pa de'i dbus su shes rab bdud rtsi gnas su yid kyis mos par bya ba ni yid
 can te/ bum pa'i dbus su shes rab pha rol phyin ma'i lus su mos par bya zhing bum pa'i steng du ni zhal kho na blta bya ste/ shes rab kyi pha rol tu phyin pa kho na chos rnams thams cad kyi sgo yang dag pa ji lta ba'i rang gi ngo bo ston pa'i 
 thabs so/ /zhes shes pa'i don du'o/ /shes rab kyi zhal gyi steng du ska rags kyi skud pa la gnas pa'i pad+ma ste/ de'i steng du zla ba la gnas pa'i snga ma lta bu'i rdo rje'o/ /dril bu'i dbus su zur brgyad pa'i
 ye shes kyi dbyug pa ste lhan cig skyes ba'i ye shes gsal bar byed pa'o/ /de yang rang gi ngang kho nas bde ba chen po'i rang bzhin can gyi rnal 'byor pa'i dngos po rnams thams cad spro ba dang sdud pa dag byed do/ zhes pas
 dbyug pa yang de ltar de snyed du bya ste/ sgra spro ba dang sdud pa'i cha las so/ /de nyid kyi phyir gsungs pa/ bskyod par bya zhes pa la sogs pa'o/ /ci ltar zhe na gsungs pa/ A le zhes pa la sogs pa'o/ /A li ni rdo rje sta/ de'i
 kA li dril bu chos 'byung ngo/ /de la rtsa brgyad kyi phyogs rnams su bde ba rab tu rtogs pa'i ched du rab tu sbyor bar ji ltar 'gyur ba de ltar rdo rje g.yas kyi rgan po dang ming med dag gis dang dril bu g.yon pa dag gis bsdams nas dril
 bu'i nang gi phyogs brgyad rnams su lce bskyod cing dkrol bar bya'o/ /zhes pa'i don to/ /de nyid kyi phyir nang gi rtsa brgyad bskyod pa mtshon pa'i don du lce zur brgyad pa ste/ de ltar rdo rje'i lte ba yang cha brgyad pa'o/ /lcags kyi lca gang du
 'phyang ba de ni mkha' 'gro gdong mtshan pa'o/ /'dis ci zhe na gsungs pa/ A li zhes pa la sogs pa'o/ /A li shes rab dang kA li thabs te/ bsam pa'i dbye bas so/ /de dag rab sbyor bas te/ phan tshun rjes su 'gro
 bas 'khor ba gcod do/ /gang gi phyir dril bu shes rab la nye bar 'gro'o zhes pas thabs te rdo rje'o/ /rdo rje shes rab la nye bar 'gro bo/ zhes pa thabs ni dril bu'o/ /de dag dus gcig du 'dzin pa'i phyir zhes dgongs pa'o
 ci zhig tu zhe na/ dbus ni dbus su ste chang gzungs su'o/ /'dzin pa'i dag pa gsungs pa/ lag pa zhes pa la sogs pa ste/ pad+ma'i skor ba ni rab tu grags so/ /mngon par 'dod pa'i dngos grub la nye bar 'gro'o/ zhes
 pa thabs te lha'i bdag nyid do/ /lag pa g.yas par nyi ma ste/ g.yon par zla ba bsam zhing rdo rje dang dril bu yang gzung bar bya'o zhes pa'i don to/ /byang du zhes pa ni shar la sogs pa rnams nye bar mtshon pa ste/ sgro
 'dogs pa ni lhag par mos pa'o// //sangs rgyas thams cad kyi bdag nyid rdo rje sems dpa' mnyes par bya'o/ /zhes lhag par mos pas hUM yig brjod pa sngon du 'gro bar/
 mdzes pa zhes pa la sogs pa klog cing rdo rje gsong bar bya'o/ /rdo rje gsor bar mdzes pa yis/ sems can bsgral ba/ gang las sems can rnams rnam par thar par byed rnam par dag par byed do/ /zhes pa rnam thar ro/ /cis she na/ gang gi
 phyir gzugs la sogs pa'i chos stong pa nyid de/ de kho nas rnam thar rnam par rtog pa rnams mdza' dag nye bar zhi pa ste/ de bya ba thar pa 'dod pa rnams kyis bsgrub par bya'o/ /de slar yang mtho ba nyid de/ rdo rje sems dpa' o zhes
 mnyes bzhin par brjod par bya'o/ /gang gi phyir rdo rje gsor ba 'di ni/ rdo rje stong pa nyid dang snying rje dbyer med pa'i ngo bo'i byang chub sems ni khyod kyi gzugs brnyan te rnal 'byor pa'i lhag par mos pa tsam nyid kyis 'dzin to/
 brjod pa yang hUM gsum gyi sku dang gsung dang thugs rnams phan tshun dbyer med pa rtogs par byed cing/ ho(rgyud 'grel sgra byed pa yang shes rab dang thabs su lhag par mos pas shes rab dang thabs kyi ngo bo nyid dang lha'i ngo bo nyid du yang gzhan rnams la bya ba'i ched du gsungs pa/ shes rab ces pa la sogs pa ste shes
 rab dang thabs kyi bdag nyid zla ba dang nyi ma ldan pa'i lag pa dag gis 'gro ba rnams kyi nad de/ nang rnams ni 'dod chags la sogs pa'i nyon mongs pa rnams so zhes gsungs pa'i phyir ro/ /nye bar zhi bar gyis shes pa lhag ma'o/ /
 oM badzra zhes pa la sogs pa dril bu dkrol ba'i sngags so/ /oM sarba zhes pa la sogs pa rdo rje dang dril bu 'dzin pa'i sngags so/ /shes rab thabs kyis dkrol ba yis/ zhes pa rgyas par ston pa shes rab ces pa la sogs pa'o/
 byang chub sems kyi ngo bos sangs rgyas bcom ldan 'das rnams bskyed pa'i ched du 'gro bo/ /zhes pa 'gro ba ste/ sems can gyi 'jig rten dang/ sogs pas snod kyang rtogs par bya'o zhes sgra bsgrog /sems can zhes pa sems can rnams kyis sangs rgyas don du zhes pa sangs rgyas nyid
 kyi don du'o/ /de ltar rdo rje thugs dang dril bu sku dang de'i sgra gsung ngo zhes gsum po byang chub kyi sems kho nang rtogs par bya'o zhes nye bar bsdu ba/ rdo rje zhes pa la sogs pa'o/ /rnal 'byor pa rnams kyi ni kye rnal 'byor pa'o/ /de
 lta bu'i de kho na nyid mi shes pa las dngos grub ma yin no/ zhes gsungs pa/ de nyid ces pa la sogs pa'o/ /'dir cha gsum mnyam pa nyid ni rdo rje rnams thams cad kyi thun mong gi mtshan nyid do/ /cha gsum pa'i sum cha'i
 ched du lte ba cha shas brgyad pa'o/ /rwa rnams ni cha shas zur bzhi pa rtse mo gug pa'o/ /rwa'i dbus kyi 'og ni zlum po'o/ /rwa dbus ma ni drang ba gru bzhi pa rno ba rkeng dkris gsum dang ldan pa rnams kyi dbyibs can no/ /'di'i rtse
 mo dang phyogs kyi ra'i rtse mo rnams kyi bar ni nas tsam ste/ rwa thams cad phan tshun mnyam pa'o/ /dbus ma ni cung zad lhag pa'o/ /rwa rnams kyi chung zad 'og phra ba/ dbus de las sbom pa/ steng gi 'og gi cha las phra ba'o/ /
 dbus kyi cha yis yang dbus spom zhing mdza' gnyis de bas phra ba'o/ /rwa rnams chu srin gyi so'i bar na gnas pa rnams te/ 'di'i sna ni steng du 'bras so ba'i lkogs pa'i phyed kyi tshad do/ /chu srin gyi gdong ni rwa'i bzhi che'o/ chu srin gyi
 gdong gi phyed kyi mu khyud do/ /ske rags 'di'i dbus kyi cha ni cung zad lhag par bya'o/ /cha lhag ma dag phan tshun mnyam zhing rim gyis nyi 'gyur gyis mtho ba'o/ /bskor ba yang rdo rje'i phyed kyi tshad de/ bskor ba'i tshad gnyis ni rdo rje thams cad
 kyi ring bar ro/ /'od zer la sogs pa yang lus ji lta bar blta bar bya'o/ /song bzhi nas brtsams nas sor nyi shu'i bar du rdo rje rab tu grags so/ /ji lta ba 'dod par ro zhes pa kha cig go /gang du dbus kyi lte ba la bla na med pa'i chos
 nyid mtshon par byed pa hUM yig go /rwa dbus ma la mngon du phyogs pa nyid kyis rwa rnams kyi yongs mdza' 'jug pas gzugs la sogs pa rnams thams cad rnam par shes pa'i gtso bo can no/ /zhes gsal bar byed pa'o/ /'di
 thams cad kyang thams cad kyi bdag nyid do/ /zhes rig pa'i ched du thams cad du gru bzhi pa'o/ /stong pa nyid dang mtshan ma med par? smon pa med? pa nyid rtogs pa'i don du thams cad du rgyas pa gsum mo/ /rtsa gcig pa dang rtse gsum pa dang rtse lnga pa dang rtse dgu
 pa zhes pa rdo rje rnam pa bzhi'o/ /rno ba dang mi rno ba dang gdengs pa dang zhi ba'i dbye bas rnam pa gnyis so/ /sna tshogs rdo rje ni rtse mo lnga'i sgo bzhi pa can dang rtse gsum pa'o/ /de la khro bo'i rdo rje kha gdengs pa ste/ rdo rje rtse gcig pa ni 'dod
 chags dman par byed pa po'o/ /rgyan gyi rdo rje ni spyi bor sor lta pa'i chad do/ /rna ba dag la sor drug pa'i tshad do/ /mgrin pa la sor bzhi pa'i tshad do/ /snying gar sor lnga pa'i tshad do/ /gsang bar sor drug
 pa'i tshad do/ /lag pa dag la sor drug pa'i tshad do/ /yang na rgyan gyi rdo rje rnams kyi tshad ni ji ltar mdzes par ro/ /dril bu rnams thams cad ni cha gsum mnyam pa rdo rje dang rjes su mthun pa'i tshad do/ /de rnams kyi 'og gi cha gsum
 pa ni kha nas gzung ste 'khor pa dag pa'i rang bzhin du bya'o/ /de'i steng gi /cha gnyis ni gser la sogs pa las byung pa'o/ /de'i 'khor ba'i dbus kyi nam mkha' rgya dang mchur mnyam pa'o/ /mchu las steng du ske rags dag gi
 dbus su rdo rje la sogs pa'i phreng ba'o/ /bdud rtsi'i bum pa'i 'og tu stegs bu gru bzhi pa'o/ /de'i 'og tu phreng ba gsum mo/ /de'i 'og tu pad+ma'o/ /de'i 'og tu ska rags dag gi dbus su ji ltar rigs par rdo rje la sogs pa'i
 phreng ba'o/ /de'i 'og tu rin po che sna tshogs pa'i dra ba dang dra ba phyed pa'o/ /dra ba'i nang brgyad du mtshan ma brgyad rnams te/ shar la sogs pa'i phyogs rnams su 'khor lo dang rin po che dang pad+ma dang ral gri'o/ /spyan dang rdo rje dang pad+ma dang
 utpa la ni me la sogs pa phyogs mtshams rnams su'o/ /ji ltar mdzes par gnas rnams su ku mu da dang utpa la dang pad+ma dang rin po che dang pa tra dang myu gu la sogs pa ste/ lung ji lta bar gzhan yang shes par bya'o/ /bum pa'i tshad
 du shes rab kyis zhal lo/ /zhal las bsted du sngar gyi rdo rje phyed lta bu'i rdo rje phyed pa'o/ 'dir dril bu 'ga' zhig dpal rgyal lam cung zad zlum pa'i chu skyes kyi kha can no/ /kha cig pad+ma'i 'o/ /kha cig pa lang gi kha can no/ /rdo rje sems
 dpa' i dril bu ni rtse dgu pa/ sor bcu gnyis pa'i tshad can shar la sogs pa'i phyogs rnams su mtsho skyes dkar po dang chu skyes sngon po dang utpa la rnams so/ /kha cig tu dril bu sor mo dgu ba dra ba dang dra ba phyed pa'i mtshan ma spangs pa kha
 sor lnga pa'o/ /zhes gsungs so/ /rtse lnga pa 'am rtse dgu pa ni dpa' bo'i dril bur brjod do/ /rnam par snang mdzad la sogs pa'i yang/ 'khor lo'i phreng ba gnyis dang ldan pa ni ska rags gnyis kyi dbus su ste/ de bzhin du pad+ma dang
 rin po che dang ral gri'i phreng ba gnyis dang ldan pa'o/ /rdo rje'i rigs kyi ni ba lang gi kha can rdo rje'i phreng pa'i ske rags gnyis dang ldan pa'o/ /gang 'dir steng dang 'og gi cha dag tu rdo rje phreng ba zung gis mdzes pa de ni chos 'byung
 ni mi phyed pa'i ye shes kyi gnas nyid du rtogs pa'i don du'o/ /'khor lo la sogs pa zung dang ldan pa rnams ni ji ltar rigs par bla na med pa'i zhi pa la sogs pa'i gnas nyid du'o/ /khams gsum pa'i rang bzhin gzhal yas
 khang nyid du 'di bshad pa'i ched du dra pa dang dra pa phyed pa'i rnam pa'o/ /zhes pa'o/ /man ngag snye mar snye ma nyi shu dgu pa'o/ /bgrang phreng gi de kho na nyid rgyas par bstan pa'i ched du gsungs pa/ nyon zhes pa la sogs pa'o//
 bgrang ba ste ye shes su lhag par mos pa'i lha'i gzugs kyi skud pa ni bgrang phreng ngo/ /yang mi 'gyur ba sngags rnams phreng bar byed grangs su byed pa'i phyir bgrang phreng ste/ ra yig phyis pa ni des tshig go /sogs pas de la rab gnas
 la sogs pa'i mtshan nyid dang/ gang gis sngags rnams 'grub pa'o/ /mugti zhes pa mu tig go /khams dkar po rnams ni rus pa rnams so/ /sogs pas rdo ba'i khyad par dkar po rnams so/ /nor bu dkar po nor bu rnams
 so/ sogs pas dri med pa'i rdzas kyang dri bzang bar byas pa'o/ /nag po'i sa bon ni lung thang gi sa bon no/ /khyad par gyi las dang rjes su mthun pas las thams cad pa'i sngags 'grub pa'i don du/ ril bu lnga bcu rnams kyis
 bgrang phreng ngo/ /phyogs dang phyogs bral gyi skud pa brgyad rnams la phyag na pad+ma la sogs brgyad rnams blta bar bya'o/ /skud pa dbus ma la sangs rgyas thams cad kyi rang bzhin rdo rje sems dpa' o/ /skud pa yang ras bal las byung pa
 gzhon nu mas bkal ba gzung bar bya'o/ /dgra 'dod chags la sogs pa rnams bcom mo zhes pa 'am/ mchod pa la sogs 'os so zhes pas/ dgra bcom pa rdzogs pa'i sangs rgyas rnams te/ ril bu'i rang bzhin rnams so/ /
 skud pa'i sna gnyis mdud pa'i steng du ril bu bsgrengs ba ni stobs dang mi 'jigs pa la sogs pa'i chos kyi ngo bo mchod rten zhes bsam mo/ /de'i steng du ril bu gzhan ni chos kyi dbyings/ de bzhin nyid chos thams cad mngon du byed
 pa'i ngo bo can te/ chos nyid rtogs pa kho na las rnam par dag ba'i chos rtogs pa'o/ /ci byas nas rtog pa 'di yin zhe na/ lag mthil zhes pa la sogs pa'o/ /dbyangs rnams kyi snga ma a yig gang gi dang po
 yin pa de la A(rgyud 'grel rnam par bsam la/ bdud rtsi'i yi ge a yig ste/ de yongs su gyur ba zla pa kha dog dkar po des byin gyis brlabs pa'o/ /de dag gi dbus su bgrang phreng gzung nas bshad pa'i lha'i rang bzhin du bsgom zhing/ ak+kha ru zhes pa la
 sogs pa'i sngags kyis byin gyis brlab po zhes pa 'di'i rab gnas so/ /lag pa g.yon pa rdo rje ma yin pa rdo rje ru gyur pa ste/ ci ltar zhe na/ rdo rje lag pa g.yas pa dang gnyis su med par gyur pa'i phyir ro/ /rdo rje dang pad+ma dag stong pa nyid dang snying
 rje dag dbyer med par bsgom pas lag pa g.yas pas sngags bzla'o/ zhes pa'i don to/ /sor mo'i khyad par gsungs pa/ zhi ba zhes pa la sogs pa'o/ /khro bo zhes pa sdigs mdzub la'o/ /yongs kyi mdza' zhes pa mtheb chung la'o/ /lha
 rnams dgug pa'i bsam pas rdo rje lcags kyu'i ngo bor bsgom pa'i mthe bong bgrang phreng rab tu 'bebs shing bzla'o/ /de lta bu yang mnyam par bzhag pa ji skad bshad pa'i ngo bo la ting nge 'dzin par gal te gyur pa de'i tshe 'grub kyi gzhan du ma
 yin no/ /zhes gsungs pa/ de nyid med pas shes ba ste/ ji skad bshad pa'i de kho na nyid mi bsgoms pas so/ /phyag rgya'i de kho na nyid stong pa nyid du/ lhag par mos pa med par mi 'grub pa zhes pa lhag ma'o/ /de'i phyir rnal 'byor ba
 de kho na nyid bsgom pa kho nas de kho na nyid gang gi gang ngo bo yin pa des thams cad byed do/ /de nyid kyi phyir a k+Shar ru zhes pa la sogs pa swAhA'i mthar thug sngags so/ /yi ge a yig la sogs pa rnams gang gi rgyu yin ba de rnams de
 skad do/ /de gang gi ngo bo yin pa de de kho na nyid kyis sbyang ba'i sngags so/ /dngos grub kyi rgyu nyid kyi phyir snying po'o/ /de nyid kyi phyir rgyas par ston pa/ bgrangs zhes pa la sogs pa'o/ /bgrangs pa las te grangs las kyang grangs
 med pa ste/ don dam par ro/ /gang gi phyir brdzun pa sgyu ma lta bu ste/ brdzun par rtogs pa kho nas 'grub bo/ /de'i phyir de kho na nyid kho na snying po ste/ mngon par 'dod pa sgrub par byed pa'i phyir ro/ /zhes pa'i don to/ /nye bar sdud 
 de/ bgrang zhes pa la sogs pa'o/ /de ltar bgrang phreng dag par byed pa'i sngags rnams kyis byin gyis brlabs la/ gang gi tshe kha cig tu bsgrub par bya ba la thob par 'dod par gyur pa de'i tshe de sgrub
 par byed de/ de dang rjes su mthun pa'i sngags zlos shing byin gyis brlabs pa'i bgrang phreng gis so/ /de nyid ces pa de kho na nyid kyis so/ /yongs su mi gsal ba ni mi gsal ba ste gal te nges pas lhag par mos pa med na de'i tshe dngos
 grub ring ba ste/ med pa kho na 'am/ dus yun ring pos res 'ga' cung zad tsam 'grub po/ /zhes pa dgongs pa'o/ /ye shes kyi mtshan nyid rgyas par ston pa/ nyon zhes pa la sogs pa ste/ ye shes chen po ni rdo rje snying po'o/ /mnyam par bzhag pa na ste/ ting nge 'dzin
 par gyur pa na'o/ /'khor lo ni lha'i tshogs pa dang khams gsum pa'i 'khor lo'o/ /shes rab dang snying rje dag ro gcig pa nyid kyi byang chub sems kyi khyad par las so/ /zla ba la ste sna tshogs pad+ma'i steng du'o/ /ye shes
 kho na sa bon te/ shes rab rnon pos rdzus skyes nyid kyis ye shes rdzogs pa'i phyir ro/ /de gsungs pa/ rnam pa thams cad mchog ldan pa/ /spro dang sdud pa'i byed pa po/ /yud kyis ye shes rdzogs pa ni/ /rnal 'byor rdzogs
 par brjod par bya/ zhes so/ /shes rab rtul pa ni ye shes kyi sa bon hUM ngo/ /rgyan ni 'khor lo can la sogs pa'o/ /rdo rje dang rdo rje dril bu dang ldan pa'i phyag dag gi phyag rgya chen mo rang dang 'dra ba kha dog dkar mo shin tu
 mdzes ma la 'khyud pa snying gar 'tshir ba'o/ /A rbat+te ring du sgrib pa gnyis las song ba ni 'phags pa'o/ /de nyid kyi phyir mngon par shes pa la sogs pa rnam pa sna tshogs pa rnams kyis snang bar mdzad pas na rnam par snang
 mdzad do/ /rnam par snang mdzad de kho na rdo rje 'dzin pa'o/ /gtso bo ni spro ba dang sdud pa la sogs pa rnams la mthu can gyi ngang tshul nyid kyi phyir ro/ /cig cang zlos pa ni/ dam tshig bzlos pa'o/ /rim gyis zlos pa ni khyogs la sogs
 pa'i bzlas pa'o/ /de gnyis ka khyad par du byed de/ g.yon zhes pa la sogs pas so/ /lag pa gnyis gang yang rung bas bgrang phreng bskor ba'i phyir bzlas pa yang bskor ba lta bu'o/ /lha rnams de las te sngags bzlas pa las
 bde ba dgyes bar 'gyur ro/ /ci'i sngags kyi bzlas pa zhe na/ A li dag gi oM A(rgyud 'grel byed pa'i phyir ro/ /des brgyus shing snying por byas par ji ltar 'gyur ro/ /oM A(rgyud 'grel zung du 'jug pa'i rim pa khyad par du bskyed pas sngags gnyis su med pa'i ye shes kyi bzlas pa goms pa'o/ /khyad par ci zhe na/ brjod par bya ste/ g.yon pa shes rab bo/ /g.yas pa thabs so/ /de dag gi lag pa dag ni bde ba 'dzin pa'i
 thabs rdo rje dang pad+ma dag go /de gnyis las mkha' 'gro ma rnams kyi ste a ba d+hU tI la sogs pa rnams kyi de'i bde ba khyad par te gang rnams kyis bgrod par bya'o/ /zhes dgongs pa'o/ /skor ba ni srid pa dang mya ngan las 'das pa dag la mi
 gnas pa'o/ /A li ni khu ba'o/ /kA li ni rdul lo/ /sa bon ni gnyis ka'i nang du son pa'i sems te/ mngal 'dzin pa'i gnas skabs su bar do'i srid pa nas 'ongs nas skye ba'i myu gu skye ba'i phyir ro/ /de rnams dang 'brel pa can hUM yig
 ste/ lus dang ngag dang sems kyi dga' ba gsum po dga' ba dang mchog dang khyad dga' ngo bo'o/ /de kho na skud pa lta bu ste/ des brgyus pas na sprel ba ste/ dga' ba gsum po ro gcig pa'i lhan cig skyes pa ni
 khyad par ro/ /zhes pa'i don to/ /'di'i zhes pa 'di kho na ste sa bon gyis rang gi ngo bo stong pa nyid dang snying rje'i rang bzhin goms par bya'o/ /zhes pa nges pa'i don to/ /de ltar bskyed pa'i rim pa dang rdzogs pa'i rim pa la bcom ldan 'das 
 rdo rje sems dpa' sems can gyi don gyi dbang las dkar po dang ser po dang dmar po la sogs pa gzugs dang dbyibs phyag la sogs pa ma nges par khams gsum pa mu mdza' med pa rnams su de bzhin gshegs pa la sogs pa'i bkod
 pa sna tshogs rnams kyi spro ba dang sdud cing stong pa nyid dang snying rje ro gcig pa bde ba chen po'i rang bzhin ni ye shes kyi de kho na nyid do/ /zhes gsungs so zhes pa'o/ /man ngag gi snye mar snye ma sum cu ba'o// //skye ba'i bye brag
 kyang thabs kyi yan lag yin pas/ 'chi ba'i rtags yongs su shes pa las/ gal te phyir bcos par mi nus na de'i tshe 'pho bas rnam par shes pa btang ba las khyad par can gyi gnas su skye'o/ /zhes pas 'pho ba bshad pa'i
 ched du rtsom pa nyon zhes pa la sogs pa'o/ /gyen du bgrod pa ni 'pho ba ste/ de'i don du ba'i rnal 'byor ting nge 'dzin gyi khyad par te de'i rang gi ngo bo'o/ /'gro ba mdzes pa zhes gsung na yang yon tan gyi khyad par bstan pa'i ched
 du zhus pa'o/ /rab tu sbyor ba ni rjes su bsgrub ste 'chi ba'i dus su'o/ /tshad ma ni de kho na'i 'o/ /srid par skyon ni ngan 'gro gsum du sdug bsngal bar gnas pa'o/ /rgyas par ston pa'i ched du gsungs pa thig le zhes pa smin ma'i
 dbus kyi bu ga ste/ de nas 'phos pa'i rnam par shes pa ni gzugs kyi khams su skye'o/ /lte ba'i khung bu nas 'dod pa'i khams su'o/ /steng ni gser gyi sgo ste/ de nas steng rnams su ste/ byang chub sems dpa' la sogs pa'i gnas rnams su'o
 'gro ba ni 'gro ba gzhan khyad par can du'o/ /mi nas mi'i 'gro bar ro/ /sna nas ni gnod sbyin gyi skye gnas so/ /sogs pas kha srid pa'i skor shes par bya ste/ de nas yi dags kyi 'gro bar ro/ /rna ba nas grub pa'i lha'i skye gnas su'o/ /
 btung ba ni gci ba'i lam ste/ des dud 'gror ro/ /btung min ni bshad lam ste/ des dmyal pa rnams su'o/ /brgyad ces pa dmyal ba gzhan rnams nye bar mtshon pa'o/ /sgo'i khyad par gyis 'pho ba'i rnal 'byor mchog go /zhes 'brel lo
 shin tu mnyam gzhag ni legs par mnyam par bzhag cing las gzhan med pa rnams kyi'o/ /'chi ba'i dus thob pa rnams kyi ste/ 'chi ba yang mtshan mas shes par bya'o/ /de yang rgyud gzhan rnams su bstan to/ /'chi ba'i dus la ma bab pa kho
 nar rgas pas dang nad rnams kyis gdungs pas ni rnam shes dbye mi bya ste 'pho bar mi bya'o/ /gsung bar 'gyur ba yang/ dus min lha rnams gsod pa'o zhes so/ /de la 'pho ba byed par 'dod pas thog mar dgang ba bum pa can goms par bya
 ste/ des ni sgo rnams thams cad du rlung rengs pa 'gro ba bcom par 'gyur ro/ /'on kyang sa bon rnams kyis sgo rnams bu ga med par bcir bar bya zhes gsungs pa/ lnga zhes pa la sogs pa'o/ /mgo bo dang lag pa dang rkang pa ste/ 'bur
 pa lnga rnams 'di la yod do/ /zhes pa 'bur po lnga can te lus so /de'i mchod rten ni mgo bo dang de'i sgo gser gyi sgo dang smin ma'i dbus so/ /de'i bu gar sgom pa ste/ k+ShuM yig dang hUM yig go /zhes pa lhag ma'o/ /de la gser gyi sgor k+ShuM yig ste /
 de'i 'og tu hUM bsgom mo/ /smin ma'i dbus sgor ni hUM dang/ de'i nang du bde ba chen po'i chu skyes kyi lte bar haM ngo/ /mchod rten de'i 'og gi sgo lce'i rtsa ba dang mgrin pa'i bu ga ste/ de dag gis sa bon sum dang smryuM chu ltar
 dkar po ste/ de rnam par dag pa'i phyir ro/ /btung dang btung min gyi 'am/ de'i ste lte ba'i sgo'i me'i sa bon k+Sh+mryuM/ 'bar ba lta bu'o/ /gsungs zin pa 'di rnams dang 'chad par 'gyur ba'i sa bon rnams snga ma'i bum pa can gyi 'brel pa
 can rnams te/ lhan cig byed pa nyid kyis bsgom mo/ /zhes pa rlung 'ching ba ni 'di rnams kyi dgong pa'o/ /zhes mngon par dgongs pa'o/ /rlung gi mdog can sngon po las hUM yig ni/ rlung gi dkyil 'khor rnam par dag pa'i sems
 kyi sgom ste/ mig ngag la'o/ /hUM gi sa bon 'di 'pho ba la sogs pa la dkar po kho na'o/ /'di dang sa bon gzhan rnams kyi yang sngon po nyid ni las gzhan la kha dog gzhan nyid nye bar mtshon to/ rlung gi sa bon ni yum yig go /gang
 gi phyir de'i rtsa ba rnams ni rlung gi rtsa ba ste/ de'i sa bon gyi rtsa ba can no/ /rtsa ba ci zhe na rlung ste/ sa bon dang myu gu la sogs pa bzhin rnams te 'bras bu dang rgyu'i dngos po'i rgyun thog ma med pa'o/ /zhes thams cad pa'i rigs pa mtshon
 pa zhar la byung ba'o/ /de yang thig le dang nA de dag dang u yig dang ldan pa ste/ de'i phyir yum gyi sa bon rna ba dag dang sna bug dag la bsgom pa'o/ /des dang gzhan rnams kyis te/ sems kyis yongs su bsgoms pa nyid kyi phyir sems kyi
 sa bon rnams kyis dgug par bya zhing nang du gzhug ste/ rlung dgag par bya zhes pa'i don to/ /rdo rje ma zhes pa rdo rje mkha' 'gro ma dang seng ge ma ste/ de dag gi sa bon dag ni sum dang smryuM ste de dag kha la mdor bstan pa dag gi rgyas
 par bstan pa 'di'o/ /'jigs ma'i sa bon ni k+ShuM ste/ de tshangs pa'i sgor bsgom pa rgyas par bstan pa 'di'o/ /de ltar rnam par bsgoms te/ lcags kyu la sogs shes pa'o/ /'di rgyas par ston te/ 'jigs ma zhes pa gtum mo
 lte bar te/ kun tu rtog pa mdza' dag bsreg pas bya dka' ba nyid kyis na mos pa chung ba rnams skrag pa'i gnas nyid kyi phyir ro/ /de'i 'og zer gyi lcags kyu lta bu yis dang dgad pa la sogs pas bkug pa zhes pa
 bkug pa'i brten pa rnams kyis rten la nye bar btags pa las sgo dgu dang snying ga'i rlung rnams kyis so/ /dang po mgo bo dang spyi gtsug dang smin dbus dang/ mig dang rna ba g.yas dang rna ba g.yon dang sna dang ba dang/ mgrin pa dang rgyab stod lhag pa dang/
 phrag pa dang mtshan khung dang nu ma dang snying ga dang lte ba dang pho mtshan dang rtags dang bshad sgo dang brla dang pus mo dang byin pa dang rkang pa'i rgyab dang mthe bong dang sor mo ste gnas nyi shu rtsa bzhi rnams las bkug nas/ de'i
 nang du son pa gnas bcu la gnas su bcug pa rnams kyis/ gsang ba'i 'khor lo nyid du gong du byas pa rnams kyis/ des sbar ba ni gtum mo 'bar ba'i lcags kyu snying ga'i rlung gi dkyil 'khor la sogs pa rnams la sbyar bar
 bya'o/ /des na rab tu rgyas par ston te/ ci zhes pa la sogs pa'o/ /ci rtags med pa'i go 'phang gi gnas kyi gzhi la goms pas gnas nas/ gzhi la ste rten la gong du sa bon sbyar bar bya'o/ /'og gi gnas
 su ci la sbyar zhes shugs kyis gsung ngo/ /de ltar hi ka zhes pa phyed dang bcas pa'i yi ge ni sgo dgu rnams kyi steng du ste gser gyi sgo la dag par bya'o/ /mdzod pu ni smin dbus so/ /der skra dkar nyams par byed pa nye bar mtshon pa'i
 sa bon haM dang hUM ste nges so/ /nang du goms pa'i gnas skabs su mdzod pu'i 'og gi mtshams ji srid par drang ste/ des steng du mig las 'pho bar 'gyur ro/ /de ltar dbang du byed pa kho na steng du sbyor ba'o/ /snying gar slar
 yang rlung gi dkyil 'khor gyi dbus su hUM sngon po sbyor ba sbyang bar/ skra dkar sa bon gyis zhes gsungs pas gsal bar byas te/ gzhan du na bug pa'i sa bon gyis zhes gsungs byar 'gyur ro/ zhes 'doms so/ /ci ltar goms pa yin zhe  
 na gsungs pa/ drag pa zhes pa la sogs pa ste/ drag pa zhes pa ni 'chi ba'i rgyu'o/ /zhes pas 'tsho ba 'dzin pa rnams kyi sgra skad de/ des steng du gsang chen por nang gi brjod pas bskul bar zhes sbrel lo/ /ci zhe na/ sde pa brgyad rnams
 kyi mdza' ni ha'i sa bon te/ nang gi gau rI'i sa bon e yig gis khyad par du byas pa ni drag pa ste/ yi ge byed kyis sbyar pa'o/ /drag pa ste ci zhig ce na/ sde pa rnams kyi snga ma dbyangs kyi sde pa gang gi dang po yin pa de ni sde pa snga ma dang
 po can te ka sde'o/ /de'i snga ma ka'i sa bon no/ /sgra'i sgras ni 'og gi rlung gis sbar ba'i gtum mo'i sgra yis so/ /rlung gi sa bon ni yum ste/ dma' bar ni rlung gi dkyil 'khor gyi 'og gi mthar ro/ /steng gi mthar yang rlung gi sa bon no/
 'di thams cad rlung gi dkyil 'khor la gnas pa zhes bsgom pas/ gnas nyi shu rtsa bzhi rnams kyis bskyod pa'i rlung bkug nas gsang ba'i 'khor lo las steng du lte ba dang snying gar dang des steng du mgrin pa dang smin dbus kyi mtshams dang de las kyang gong du 'pho ba'i dus su
 bskul bar bya'o/ /gal te slar yang 'chi ba bcom nas skra dkar la sogs pa yang nyams par 'dod pa de'i tshe 'pho ba ni thabs bsgoms pa por nas gzhan bsgom zhing skra dkar nyams byed kyi sa bon haM dang hAM yig nag pos 'od zer nag
 po rnams kyis bdud rtsi 'char pas khyab par byas nas mgo bor dang gzhan du yang skra dang spu dkar po nyid gsal bar bya'o/ /'di yang nye bar mtshon pa ste/ gdams ngag ji lta bar bsgom pa'i dbye ba las gnyer ma dang na dang 'chi ba nyams par
 byed pa la sogs pa'o/ /'dir nus pa med pa yang mchog tu bskul bar bya'o/ /zhes gsungs so/ /de'i tshe ni sgo dgu rnams kyi mchog ste dam pa gser gyi sgo phye nas/ de'i skad cig la yid 'pho bar 'gyur ro/ /yid nyid ces pa drug pa'i
 don la dang po'o/ /'pho ba 'di'i phan yon ston pa/ lha zhes pa la sogs pa'o/ /lha sku gzugs la sogs pa rnams dang/ bram ze rnams sdig pa dang bral ba'i mi rnams gsod pa po dang/ ma dang pha dang dgra bcom pa gso pa dang
 dge 'dun gyi dbyen dang de bzhin gshegs pa la ngan sems kyi khrag 'byin pa ste mtshams med pa lnga byed pa dang/ ma byin par len pa dang 'dod pa logs par spyod pa yang gser gyi sgo'i lam 'dis 'pho ba ni ngan 'gro rnams las
 grol te/ des ni ma yin pa kho na'o des ni sngon bag med pa las byas pa'i sdig pa las gos pa ma yin no/ /mang pos ci bya ste 'khor ba'i skyon nyon mongs pa la sogs pa dang nad dang rgas pa 'ang de la ring du 'gyur te/ bde 'gro ba
 skyes pa na byang chub sems dpa' la sogs pa mthong bas de rnams rtsad nas 'byin pa'i thabs rjes su sgrub pa'i phyir ro/ /ji ltar 'dam du skyes kyang pad+ma mdzes pas shin tu dri ma med pa de bzhin du/ sdig pa rnams kyis dang por sngar mi
 shes pa la sogs pas gang rnams kyis lus gos pa de rnams kyi zhes pa 'pho bas srid bar bar do la sogs pa rnams su ye shes kyi rang bzhin gyi sku rang 'dod pas spyod par 'gyur ro/ /'pho ba yang 'chi ba'i dus la bab pa na bya ste/ 
 dus ma yin par byas na lha gsod par 'gyur ro/ /de'i phyir 'chi ba'i rtags rnams lus la mtshon par bya ba ni rang bzhin du gnas pa'i lus la ste gzhan du na the tshom mo/ /khams mi mnyam pa las
 dang nad las dang rab rib la sogs pa'i mthu las dang 'jigs pa dang mya ngan la sogs pa'i nus pa las rnam pa gzhan du snang ngo/ /dbang thang dang 'byung ba dang gnyis ka 'khrugs pa las 'chi ba'i mtshan nyid rnam pa gsum mo/ /
 'chi ltas 'byung ba thob nas de las dbye bas mtshon par bya'o/ /de la skal pa 'khrug pa nang dang phyi ste/ rim pa ji lta bar a na sha na la sogs pa dang thog 'bab pa la sogs pa'o/ /de bzhin du 'byung ba 'khrugs pa ni mkhris
 ba la sogs pa dang me dang chu la sogs pa'i nye bar 'tsho ba'o/ /'chi ba'i rtags rnams ni slar yang phyi'i rnams dang nang gi rnams so/ /de la phyi'i 'chi ba'i rtags rnams grangs las 'das pa rnams te/ de rnams kha cig gis ni
 lo brgya rnams kyis kyang sus smra bar nus/ gzhan yang phyi'i mtshan nyid tsam las 'chi ba yang dag par nges pa ma yin te/ phyi rol tu blo phyin ci log pas nad la sogs pa las kyang dogs so/ /nang gi rnams ni mnyam pa rang
 bzhin du gnas pas brtags par bya'o/ /de la ni dkar po'i tshes gcig nas brtsams nas nyin gsum du rlung zla ba nas tho rangs dus sbyor gcig gam thun phyed du 'bab ste dus sbyor ram thun phyed gnyis pa nyi mar ro/ de'i
 rjes su nyin gsum rnams nyi ma nas tho rangs dus sbyor gcig gam thun phyed du ste/ gnyis pa'i dus sbyor ram thum phyed ni zla ba rnams so/ /dbugs brgya phrag bco brgyad dus sbyor gcig dang/ dbugs phyed dang bcas pa'i brgya phrag
 bcu gsum thun phyed do/ /zhes sngar bshad zin te/ 'dod pa gnyis kyang ngo/ /de ltar nyin zhag gsum gsum rnams kyis dus sbyor re re la/ thun phyed phyed rnams kyis sna bug dag tu rlung sbrel zhi'i rim pa'o/ /rim pa 'di bzlog pa ni 'chi ba'i rtags su rnam par
 nges so/ /zla ba phyed pa gsum phyin ci log pa las zla ba drug rnams kyis 'chi ba'o/ /zla phyed gnyis kyis mdza' mo rgud pa'o/ /zla phyed ba cig gis nad do/ /sna bug dang kha ste lam gsum rnams kyis rgyu na nyi ma phyed las pha rol tu 'chi'o/ /sna
 bug dag 'pho ba dang bral bar 'bab na nyin bcu rnams kyis 'pho ba na'o/ /mnyam pa ldan pa'i skad cig la mig dag mgul na nyin zhag gis so/ /sna bug gnyis spangs nas kha nas rgyu na nyin de kho na la'o/ /dgun zlar ba'i 'pho ba'i dus nas
 brtsams nas nyin lngar nyi ma'i lam rgyu na lo bco brgyad rnams kyis so/ /tha skar can la de lta rgyu na lo bco lnga rnams kyis so/ /dbyar zla tha chung la de ltar rgyu na lo bcu gnyis rnams kyis so/ /dbyar zla ra ba la de ltar rgyu na lo dgu rnams kyis so/
 nag pa can gyi la de ltar rgyu na lo drug rnams kyis/ /mchu can gyi la de ltar rgyu na lo gsum rnams kyis so/ /zhes pa thun mong du dus so/ /khyad par du ni mnyam pa bdun song nyi ma la/ /gal te skye skar la zla ba/ dus 'di rgyas can zhes bya ste/
 'chi ba nges par byed pa'o/ /khyim gang la ni mi skyes pa/ de las bdun pa gang yin gzhan/ mnyam pa bdun zhes grags pa ste/ de ru nye ma mnyam bdun 'gro/ gal te khyim der zla ba na/ /skyes pa'i skar mar son par 'gyur/ /rgyas pa'i
 dus su de shes bya/ /de la 'chi ba brtag bya ba'o/ /rgyas pa'i dus su gal te rlung/ /nyin phyed nyi mar son pa 'bab/ /lo ni bcu zhi'i grangs rnams kyis/ /de tsha 'chi ba mtshon par bya/ /nyin mo gcig dang nyin mtshen gcig /nyin mo me gnyis
 gsum bzhi 'bab na/ nyi ma phyogs dang ri bo drug /rig byed lo yis rim pas 'chi/ /gzhan yang ma rig pa la sogs pa'i rang bzhin khyim bcu gnyis kyi 'khor lo rim pa gnyis pa bri'o/ /de la rim pa dang po la/
 skye ba'i khyim nas gzung ba'i 'chi ltas kyi rlung rgyu ba'i nyin mo/ /nyin mtshan gyi bdag nyid rnams so/ /gnyis pa la 'chi ltas kyi nyin zhag gi lhag ma tshe lo dang zla ba dang nyin zhag rnams mdor bstan pa tsam gyis/ rdo rje mkha' 'gro dang dus kyi
 'khor lor gsungs so/ /rgyas par bstan pa las ni nyin zhag 'dor ba brjod par bya ste/ 'dir gang gi dus na tshe'i lhag ma lo gsum rnams lte ba la ste/ dus sbyor gyi rtsa rnams la shar du skye ba'i dus sbyor gyi rtsa la/ rlung nyi ma'i lam nas nyin
 mo lnga rnams rgyun mi 'chad par rgyu ba de'i tshe lo gsum gyi nyin zhag brgyad cu lhag pa'i stong phrag rnams las 'chi ltas kyi nyin zhag rnams dang lhan cig mda' dang me dang me'i nyin zhag rnams 'dor ro/ /rtsa gzhan la yang nyin zhag 'dor
 ba ni 'chi ltas kyi nyin zhag dang lhan cig pa kho nas shes par bya'o/ /de nas rtsa de dor nas rtsa gnyis pa la/ lhag ma bzhi bcu rtsa lnga dang bdun brgya'i nyin zhag rnams dang lhan cig 'jug ste/ 'pho ba bcu gcig rnams kyis dbugs
 khri phrag gnyis dang brgyad brgya pa gnyis kyis nyin zhag byed do/ /rtsa dor na yang dbugs kyi 'khor lo dman pa med do/ /de bzhin du rtsa gzhan ji snyed pa rnams su rgyu ba de snyed kyis nyin mtshan te/ dbugs kyi 'khor lo yang dman pa med pa
 kho na'o/ /tsa gnyis pa la yang nyin zhag bcu rnams de lta kho nar rgyu na/ mda' dang chu gter dang me'i nyin zhag rnams la dor te/ de spangs nas lhag me'i nyin zhag rnams dang lhan cig gsum pa la zhugs te/ nyin zhag bco lnga de
 ltar rgyu zhing nyin zhag bdun cu lhag pa'i brgya 'dor ro/ /de spangs te lhag ma'i nyin zhag rnams dang lhan cig bzhi pa la zhugs nas nyin zhag nyi shu rnams de ltar rgyu ste/ nyin zhag brgyad cu rtsa gnyis 'dor ro/ /de spangs nas nyin zhag lhag ma rnams
 gzung nas lnga pa la ste/ nyin zhag nyi shu rtsa lnga rnams de ltar rgyu zhing/ nyin zhag lnga bcu rtsa bdun rnams 'dor ro/ /lhag ma rnams dang lhan cig drug pa la zhugs te nyin zhag nyi shu rtsa drug rnams rgyu zhing nyin zhag nyi shu rtsa brgyad rnams 'dor
 ro/ /lhag ma rnams dang lhan cig bdun pa la zhugs te nyin zhag nyi shu rtsa bdun rnams rgyu zhing nyin zhag nyi shu rtsa bdun rnams 'dor ro/ /lhag ma nyin zhag sum cu rtsa drug rnams dang lhan cig brgyad par zhugs nas nyin zhag bco lnga rgyu ste/ nyin zhag
 bco lnga rnams 'dor ro/ /lhag ma rnams dang lhan cig dgu par zhugs te nyin zhag bcu rnams rgyu zhing nyin zhag bcu rnams 'dor ro/ /lhag ma rnams dang lhan cig bcu pa la zhugs te nyin mo lnga rnams rgyu'o/ /lnga 'dor ro/ /lhag ma rnams dang
 lhan cig bcu gcig pa la zhugs nas nyin zhag gsum rgyu ste nyin zhag gsum 'dor ro/ /lhag ma rnams dang lhan cig bcu gnyis pa la zhugs nas nyin mo gnyis rgyu ste nyin zhag gnyis 'dor ro/ /nyin zhag gcig gzung nas lte ba la a ba
 d+hU tI ru 'jug go rgyu'o 'dor ro/ /'dir nyin zhag lnga dang nyi shu rtsa lnga dag gi bar du nyin zhag bcu drug rnams la brjod de/ de la nyin zhag drug rgyu na nyin zhag nyi shu rtsa bzhis dman pa'i lo gsum na 'chi ba'o/ /nyin zhag bdun na ni bzhi
 bcu rtsa brgyad kyis dman pa rnams kyis so/ /nyin brgyad na bdun cu rtsa gnyis kyis dman pa rnams kyis so/ /dgu'i nyin zhag na dgu bcu rtsa drug rnams kyis dman pa rnams kyis so/ /nyin mo bcu gcig na lo gnyis las nyi shu rtsa bzhis dman pas so//
 nyin mo bcu gnyis na ni bzhi bcu rtsa brgyad kyis dman pa las so/ /nyin zhag bcu gsum gyis bdun cu rtsa gnyis kyis dman pa las so/ /nyin zhag bcu bzhis dgu bcu rtsa drug gis dman pa las so/ /nyin zhag bcu
 drug gis lo gcig las bcu gnyis kyis dman pa las so/ /nyin zhag bcu bdun gyis nyi shu rtsa bzhis dman pa las so/ /nyin zhag bco brgyad kyis sum cu rtsa drug gis dman pa las so/ /bcu dgus bzhi bcu rtsa brgyad kyis dman pa las so/ /nyi shu rtsa gcig
 gis zla ba drug las drug gis dman pa las so/ /nyi shu rtsa gnyis kyis bcu gnyis kyis dman pa las so/ /nyi shu rtsa gsum gyis zla ba lnga la drug dman pa las so/ /nyi shu rtsa bzhis nyin zhag bcu gnyis kyis dman pa las so/ /zhes pa nyi ma'i
 'chi ltas so/ /gang gi tshe dus sbyor gyi rtsa lnga ma la rlung zla ba'i lam nas/ zla ba sum cu rtsa drug rnams kyi zla ba thog ma'i dang po'i zhag gcig 'bab po/ /zla ba gnyis pa la mi rgyu'o/ /gsum pa'i dang por nyin zhag gnyis rgyu'o/ /bzhi
 pa la ma yin no/ /lnga pa'i dang po nyin zhag gsum 'bab ste drug pa la ma yin no/ /de ltar rtsa gcig la 'chi ltas kyi nyin zhag gsum rnams dang lhan cig zla drug 'dor ro/ /lhag ma rnams dang lhan cig gnyis pa la zhugs nas/
 bdun pa la sogs pa'i zla ba gsum rnams la rim pa ji lta ba nyin zhag bzhi rnams dang lnga rnams dang drug rnams rgyu ste/ de ltar nyin zhag drug rnams kyis zla ba gsum 'dor ro/ /lhag ma rnams dang lhan cig gsum par 'pho ste/
 de las gzhan pa zla ba gsum la nyin zhag bdun dang brgyad dang dgu rnams 'bab po/ /de ltar nyin zhag dgu rnams kyis/ /zla ba gsum 'dor ro/ /lhag ma dang lhan cig bzhi par song nas/ gsum rnams su de ltar bcu dang bcu gcig dang bcu gnyis rnams
 'bab bo/ /de ltar nyin zhag bcu gnyis rnams kyis zla gsum 'dor ro/ /lhag ma rnams dang lhan cig lnga par zhugs te/ bcu gsum pa dang bcu bzhi pa dang bco lnga rnams rgyu'o/ /de ltar nyin zhag bco lnga rnams kyis zla ba gsum 'dor
 ro/ /lhag ma dang lhan cig drug par zhugs te gsum rnams la bcu drug dang bcu bdun dang bco brgyad rnams rgyu'o/ /de ltar nyin zhag bco brgyad rnams kyis zla ba gsum 'dor ro/ /lhag ma rnams dang lhan cig bdun par song nas gsum
 rnams su bcu dgu dang nyi shu dang nyi shu rtsa gcig rgyu ste/ de ltar nyin zhag nyi shu rtsa gcig rnams kyis zla ba gsum 'dor ro/ /lhag ma dang mnyam du brgyad par song ba gsum rnams su nyi shu rtsa gnyis dang nyi shu rtsa gsum dang nyi shu rtsa bzhi rgyu ste/ de ltar
 nyin zhag nyi shu rtsa bzhi rnams kyis zla ba gsum 'dor ro/ /lhag ma rnams dang lhan cig dgu par zhugs nas gsum rnams su nyi shu rtsa lnga dang nyi shu rtsa drug dang nyi shu rtsa bdun rgyu ste/ de ltar nyin zhag nyi shu rtsa bdun rnams kyis zla ba
 gsum 'dor ro/ /lhag ma rnams dang lhan cig bcu par song ba gsum rnams su nyi shu rtsa brgyad dang nyi shu rtsa dgu dang sum cu rgyu'o/ /de ltar nyin zhag sum cu rnams kyis zla ba gsum 'dor ro/ /lhag ma rnams dang lhan cig bcu gcig par song
 nas gsum rnams su sum bcu rtsa gcig dang sum cu rtsa gnyis dang sum cu rtsa gsum rnams rgyu ste/ de ltar nyin zhag sum cu rtsa gsum rnams kyis zla ba gsum 'dor ro/ /bcu gnyis par zhugs nas thog ma'i rtsal ma bab pa'i nyin zhag gsum
 gyi nyin zhag gnyis 'bab po/ /lte ba la nyin zhag gcig go /zhes pa zla ba'i 'chi ltas so/ /'dir gal te mngal nas skyes pa'i dang por byis pa la sogs pa la nyin zhag gcig gam nyin zhag gnyis la sogs pa rnams 'bab pa de'i tshe
 lte ba nas gzung ste/ lugs las bzlog pas tshe'i nyin zhag rnams 'dor ro/ /zhes shes par bya ste/ nyi ma dang zla ba'i 'chi ltas dag la'o/ /dus tshod kyi skad cig gang la rlung gi 'gro ba gzhan 'jug pa'i dus tshod
 kyi skad cig de rdzogs pa na 'chi ba ste 'di la the tshom med do/ /de ltar nyi ma'i 'chi ltas kyis sam zla ba'i 'chi ltas kyis khyim bcu gnyis dor ba las rnam par shes pa yang dbugs kyi 'khor lo spangs shing skal pa mnyam pa'i rgyun 'gags
 pa ni las kyis bskul ba'i srog gi rlung dang lhan cig dri zas par med par ram rnam pa gzhan gyis 'gro ba gzhan du 'gro zhing skal ba mi mnyam pa'i rgyun mngon bar 'grub par byed do/ /'chi ba ni skal pa mnyam pa'i rgyun gyis rnam par shes pa
 dang dbang po dang tshe 'gag ba'o de kho na mtshan rtags nges pa rnams kyis shes nas 'pho ba'i don du rnal 'byor ba tsam par bya'o/ /rnal 'byor brjod pa'i ched du gsungs pa/ nyon zhes pa la sogs pa'o/ /rnal 'byor ni stong pa nyid dang snying rje dag gcig
 pa nyid de/ de'i bdag nyid kyis bsgrub bya'i khyad par las lha'i rnal 'byor gyis so/ /mnyam nyid ni ro gcig pa nyid de/ sems zhes pa khams bco brgyad kyi ngo bo thog mar gsungs pa'i chos rnams thams cad nye bar mtshon pa'o/ /de nyid kyi phyir gsung
 pa/ sngar gyi mtshan nyid thams cad las shes so/ /mnyam pa nyid 'di'i sgrub par byed pa'i rim pa gsungs pa/ snying kar zhes pa la sogs pa ste/ sangs rgyas lnga'i sa bon ni hUM 'od zer dmar po can no/ /de ni nges bkug pa'i lha mo'o//
 ji srid du gzugs la sogs pa thams cad du stong pa nyid kyi rjes thogs su'o/ /hUM zhes pa ni sa bon gzhan nye bar mtshon pa'o/ /dbugs mi g.yo ba nyid ci ltar zhe na/ dgod bya zhes pa la sogs pa ste/ hUM suM yuM yuM k+ShuM smryuM hmryuM ymryuM k+Sh+mryuM zhes pa sgo
 dgu rnams su'o/ /snying kar ni hUM zhes pa'o/ /sa bon brgyad rnams ni/ hUM suM yuM k+ShuM smryuM hmryuM ymryuM k+Sh+mryuM zhes pa go cha'i sa bon brgyad rnams so/ /de rnams spyir btub ni/ A li zhes pa la sogs pa ste/ ji bzhin zhes bya ji ltar rigs par ro/ /sa bon ldan no
 sa bon dang ldan pa ste de dang de'i gnas so/ /gal te yang sngar kha dog sna tshogs rnams brjod mod/ /de ltar na yang 'dir sa bon rnams thams cad dkar po 'od zer dkar po can rnams so/ /snying ga'i sa bon mdor bstan pa/ chu
 shing zhes pa la sogs pa ste/ snying gar pad+ma chu shing gi me tog bzhin cung zad kha bye ba 'og tu kha phyogs pa ste/ de'i dbus su sgong skyes so/ /de yang ye shes rlung la zhon pa hUM ngo/ /rnam shes ni yuM yuM hi ka ces pa'o/ /dngos po ni 'byung bas na ste
 khams bco brgyad kyi ngo bo'o/ /de'i dngos po ni rang bzhin te/ rang bzhin med pa nyid mnyam pa nyid do/ /stong pa nyid dang snying rje zung du 'jug pa 'di thams cad bsgom par bya zhes pa'i don to/ /de las phyi rol te gzhan rnal 'byor rnam shes 'phrog
 pa bsam par bya'o/ /phyogs kyi khyim rnams ni steng dang 'og gi gnas rnams so/ /de rnams su sems par byed do zhes sems te rlung rnams so/ /de rnams kyi dgang pa dang bum pa can dang zhi byed rnams kyis sdud pas gang lte ba'i 'og tu sor bzhi
 dor nas rlung gi dkyil 'khor te/ de'i sems kyis bzlas pa bya zhes 'brel lo/ /phyogs gnyis gnas zhes pa 'don pa la yang gnyis dag tu steng dang 'og tu zhes don de kho na'o/ /de'i yi ste rlung gi dkyil 'khor gyi steng du dbus su me'i
 dkyil 'khor ro/ /de'i steng du dbus su lte ba la nyi ma rdul lo/ /de ru A li'i gtso bo a sa bon te nA da'i ngo bo'o/ /kA li ldan pa'i sa bon ni hUM ste snying kar ro/ /de kho na ni aM gi sa bon te kha dog dmar po'o/ /sems kyi rgyal po zhon pa'i phyir 
 khyogs dang 'dra bas khyogs te steng du rjes su 'gro ba'i rlung ngo/ /'khyer bar byed do/ /zhes pa 'khyer ba kho na khyer byed de 'og tu 'jug pa'o/ /de dag gis goms par bya'o/ /de la khyogs kyis bsnun bzhin pa ni
 snying ga'i hUM gi sa bon 'khor dang bcas pa mgo bo ji srid par 'dren no/ /de'i rjes su khyer byed kyis de nas snying ga ji srid par tshur 'dren no/ /de ltar kA shI'i me tog bzhin 'dren pa dang tshur 'dren pa ni rnam par shes pa khyer bar byed pa'o//
 khyogs kyi khyogs ni gyen du bskyod pa ste/ du la 'degs pa la'o/ /zhes dbyings so/ /des khyogs kyi rjes thogs su khyer byed kyang bzlas pas dbang du byas nas rnal 'byor bas bdag nyid kyis lus las phyi rol tu yang goms par bya'o/ /ci
 ltar zhe na gsungs pa/ khyogs zhes pa la sogs pa'o/ /'degs pa ni khyogs te snying ga nas phyi rol tu 'dren pa'o/ /de kho na mtshan nyid de/ des mtshon bya rlung la sogs pa'i'o/ /khyer ba ni khyer byed de snying ga ji srid par 'jug par bya'o
 de kho na mtshan nyid de bsam bar bya'o/ /de ltar mnyam bar bzhag pa rnam g.yeng med par ji ltar 'gyur ba de ltar yang dang yang du goms pas/ khyogs dang khyer byed kyi ting nge 'dzin las mnyam pa nyid du ro gcig pa nyid rang gi dang
 gis 'byung ba nyid 'grub 'gyur te/ rlung dang rnam par shes pa dag gi de kho na nyid ro mnyam pa nyid dang de bsgom pa rang gi ngang gis 'byung ba 'grub po/ /de ltar gyur pa na yang de nas zhes pa la sogs pa ste/ sgrub pa po'i
 lus las phyi rol tu 'gyur po/ rnam par shes pa srid pa bar do la sogs par ram pha rol tu lus la sbrul par 'gyur ro/ /gzhan gyi sems ni rang gi lus kho na la me la gzung ba'i rjes su ba'i sems/ gzhan gyi snying
 gar bcug nas rjes su sems pa shes par bya'o/ /de ltar tshar bcad pa dang rjes su gzung bar nus pa 'di ni bdag nyid chen po'o/ /zhes gzhan la rtogs su gzhug par bya'o/ /de ltar ni bstan pa la sogs pa la gnod par byed pa yongs su spangs nas phan
 pa byed pa lhur len par pha rol por 'gyur ro/ /'di thams cad ni seng ge rnams rol tu gsungs te/ seng ge'i bzhin du mnan nas 'gro ba gzhan dang gzhan gyi grong du yang tshar bcod pa la sogs pa dang ji ltar mngon par 'dod bar yul nye bar spyod pa rnams kyis dogs pa med
 par 'dir rol pa'o/ /zhes bya snas so/ /mig dang rna ba dang sna dang kha rnams sor mo rnams kyis 'gog pa ni seng ge rnams par rol pa'i phyag rgya ste/ des rlung steng dang 'og tu bsdams nas ji skad gsungs pa'i rnal 'byor goms par bya zhes kha
 cig go /de la kho nar bsgom pa la sogs pa rnams kyis sems par byed pa'i gser gyi lam mngon par 'dod pa rdzogs pa'i ched du 'grub bo/ zhes pa nye bar bsdu ba'o/ /de nas kyang 'pho ba'i rjes thobs su ye shes kyi gzugs kyi yid bzhin gyi lus su gyur nas rang rang gzhan gyi
 mun pa 'joms pa'i phyir mar mes bzhin du de kho na nyid snang ba'i ngo bo'i sems kyis yul rnams kyis seng ge bzhin du dogs pa'i med par rnam par rol cing rang dang gzhan la phan pa'i las so/ /'o na 'di thams cad legs par bshad pa kho na ste
 'di dra ba cha shas kyang blta ba gzhan la yod pa ma yin mod/ /'on kyang de kho na nyid la goms pa dang ldan pa ni de kho na las mngon par 'dod pa thams cad 'grub pa'i phyir na/ 'pho ba'i thabs bshad pas ci bya zhe na/ gsungs pa/ nyan zhes pa
 la sogs pa nyan thos la sogs pa'i rigs par can rnams skye ba gcig la de kho na nyid la lhag par mos pa brtan pa ma yin no/ /zhes dgongs pa'o/ /gang shin tu yun ring bar bsod nams bsags pa/ rigs chen po sang pa ni the tshom
 dang bcas pa'i phyin ci log gi dri mas ma brnyogs pa nyid kyis shel bzhin du nye bar bzhag pa ji lta ba'i sna tshogs pa'i rnam pa 'dzin pa nyid kyis kyang gsungs te/ spros pa gzhan la phan pa'i ched du rtogs nas
 dor bar bya'o/ /'od kyi ngo bo'i sems kyis kyang stong pa nyid dang snying rje gnyis su med pa'i rnal 'byor kho na la dmigs par bya'o/ /'dir dang po rang gi snying gar zla ba la gnas pa'i hUM dmar po'i 'od zer gyis bkug pa'i ye shes mkha' 'gro ma yang
 dag par mchod nas/ ji srid stong pa nyid kyi bar mchod du sna tshogs chu skyes dang zla ba la hUM dkar po las skyes pa'i bdag nyid ye shes mkha' 'gro ma sems dpa' i skyil krung can dmar mo/ /bzhad cing dkar ba dang khros shing na ga pa dang
 sgeg cing dmar ba'i rtsa ba dang g.yas pa dang cig shos kyi zhal gsum po/ spyan gsum mo/ phyag drug mo/ g.yas pa rnams kyis rdo rje gdengs pa dang mda' dang lcags kyu 'dzin pa/ g.yon pa rnams kyis snying gar sdigs mdzub dang
 bcas pa'i zhags pa dang dpag bsam gyi 'khri shing dang steng du go gon pa'i gzhu bsnams pa/ skra'i zhags pa chas legs pa/ sna tshogs pa'i rin po che dang gos kyi rgyan can/ cod pan can de bzhin gshegs pa la sogs pa 'phro ba la rnams
 kyis nam mkha' i khong 'gebs par bltas te/ steng gi sgor k+ShuM/ de'i 'og tu hUM/ smin mtshams kyi bu gar hUM/ de'i steng du haM/ lce'i rtsa bar suM/ mgrin pa'i bug par smryuM/ mig dag la hUM/ rna pa dag la yuM ngo/ /sna bug dag pa yuM/ lte ba'i sgor k+Sh+mryuM
 btung bar k+Sh+mryuM /thur sel du k+Sh+mryuM/ sgo dgu rnams su sa bon 'di rnams dkar po ste/ 'od zer mthug po rnams kyis mtshams med par byas nas nang du mgo bos gnas pa rnams bsam mo/ /go cha'i don du phrag pa dag la hmryuM snying gar ymryuM zhes pa ste
 sa bon gzhan gnyis de lta kho na'o/ /de'i rjes su snying gar kha thur du bltas pa'i chu skyes kyi dbus su thur du phyogs pa'i srog gi rlung gi dkyil 'khor te/ de'i dbus rnams par shes pa'i rang gi ngo bo hUM/ steng gi mthar yuM/ yuM gi dbus su hi/ 'og gi mthar yuM yuM gi steng du ka zhes ba'o/ hUM yig
 la sogs pa rnams 'og tu mgo bstan pa'o/ /yuM yig la sogs pa rnams sngon por bsgoms te/ khyad par du skyil krung bcas nas yan lag thams cad drang por byas shing mig sna rtser gtad la/ lus thams cad la song pa'i khyab byed kyi rlung bkug
 ste lto ba'i nan dgang bar bya'o/ /zhes pa dgang pas/ dug dang gdung ba dang rims la sogs pa bzhi pa'i 'bras bu mthong bas ni rab tu zhugs pa/ lte ba kho nas bum par chu mi 'bro bar gnas pa lta bu'i bum pa can bya'o/ /des ni sgo dgu rnams rengs par
 'gyur ro/ /de'i rjes su dal bus de yang gsang ba'i chu skyes kyi lte ba kho nar ril por byas pa 'byung ba dang 'jug pa dang bral bar bya'o/ /zhes pa rab tu zhi ba'i mthar thug pas rlung dbang du byas te/ des khyogs kyis rab tu spar ba'i me cher gsal ba/ ji skad
 gsungs pa'i ji ltar 'dod pa'i gtum mo yang dag par sbar bas/ bsnun bzhin pa'i snying ga'i pad+ma gyen du phyogs par byas nas/ der son pa'i rlung gi dkyil 'khor yi ge dang bcas pa steng du phyogs pa/ hi dang ka dag steng dang 'og tu gnas pa dag 'og dang
 steng du gnas par gyur pa dag ces bsgom te/ man ngag ji lta bar nang gi bzlas pa byed cing bde ba chen po'i 'khor lo ji srid par drang bar bya'o/ /de'i rjes su rlung de kho na 'og tu 'jug pa'i khyer byed kyis sngar bzhin du thams cad 'og tu phyogs shing ka dang
 hi dag kyang rang gi gnas su slar drang bar bya'o/ /de ltar yud tsam so so la de lta kho nar 'dren pa dang slar 'dren pa dag gis rnam par shes pa'i bzhon pa srog gi rlung dbang du byas te/ dbyung ba de kho nas steng gi sgo phye nas 'pho bar rung ba nyid kyi ched du/ phyi rol
 tu yang de lta kho nar de dag gis dbang du bya'o/ /de las de'i rnam par shes pa rang gi 'dod pas 'phos nas bar do'i srid par gnas pa 'am 'gro ba gzhan yongs su 'dzin te/ yang na gzhan gyi grong du 'jug go 'am/ /
 gzhan rnams tshar gcod pa dang rjes su 'dzin pa dag byed do/ /de la gtum mo'i sa bon gyi thig le las byung ba'i 'od zer dang bcas pa'i 'bar bas A li kA li'i phreng ba dang lhan cig sna g.yas pa nas byung ste/ bsgrub bya'i sna bug g.yon 
 nas snying ga'i chu skyes su song ba'i 'bar ba'i rin po che'i rnam pa can rnams par shes pa la khyab par byas te khyer nas/ sna g.yas pa nas byung zhing rang gi sna g.yon pa nas zhugs te/ gsang ba'i mer bcug la bsreg cing tshar bcad do/ /de'i rjes su
 de gnod pa byed pa la sogs pa'i bsam pa log par me dang bral ba la/ man ngag ji lta bar gzhom du med pa'i bdud rtsi'i rgyun dkar po rnams kyis dbang bskur ba las /nang la sogs pa rab tu zhi zhing/ ser po rnams kyis
 yon tan gyi tshogs rgyas la dmar po rnams kyis dbang du byas pa/ de lta kho nar bton te/ bcug nas snying ga'i chu skyes su gnas su bcug pas rjes thogs su 'dzin to/ /de las phyung nas rang gi lus la rab tu 'jug go /'chi ba ni ji skad
 bshad pa'i gtum mo'i rnal 'byor goms pa rab tu gyur pa kho na las nges par slu bar byed cing gnyer ma la sogs pa yang ste/ de kho na las rlung dang du gyur pa la sogs pa yon tan rin po che'i phung po bskyed pa'i phyir ro/ /rnam pa 'di
 lta bu ni sngar rnam par spros so/ /zhes pa man ngag dang bcas pa'i bsdus pa'i don to/ /de nyid kyi phyir spros pa thams cad ldog pas snying rje dang shes rab ro gcig pa nyid goms pa phul du byung ba kho na las tshogs gnyis las skyes
 pa mngon par mtho ba dang nges par legs pa phun sum tshogs pa shin tu chen po nyid rnams gsal bar 'gyur ro/ /zhes rtog pa'i ched du skabs byed pa la zhus pa/ kye zhes pa la sogs pa'o/ /ye shes kyi khyad par ci lags pa'o/ /gsang ba ni dman
 pa rnams kyi spyang yul ma yin pa nyid kyi phyir ro/ /yul rnams me long la bzhin du dang bas phal cher mi dge ba mi spyod pa'i phyir dang/ 'ga' zhig gi yid kyi rang bzhin gyi lus snang brnyan du byed pa'i phyir ro/ /lha min rnams ni lha'i phun sum tshogs
 pa rnams la mi bzod pa 'bar bI sems so/ /bkres pa la sogs pa'i sdug bsngal gyis 'khrug pa nyid kyi phyir yi dags rnams dman pa'i yid can rnams so/ /dmyal ba ba rnams kyi ni gshin rje'i skyes bu rnams las mi mnyam pa'i sdug bsngal
 dang 'jigs pas yang dag par non pa'i sems rnams so/ /dud 'gro rnams kyis shin tu brtan pa'i rmongs pa dang ldan pa'i sems so/ mi rnams kyi ye shes ni ji ltar rigs par dang ba nyid la sogs pa'i khyad par can no/ /rang bzhin nyid
 kyi phyir phal che bas de rnams mdor bstan nas bstan pa 'jug pa las rnam par shes par bya'o/ /'o na snang rnams sems pa can yin te/ nyal ba'i phyir ro/ zhes sogs kyi gos can 'dod pa'i yi shes kyi khyad par ci yin zhe na/ ci
 yang med de/ shing rnams las med pa kho na'i phyir ro/ /zhes gsungs pa/ sems med ces pa sems pa med pa'o/ /bstan pa ni 'dir rgyun du gnas pa'i chos dang ldan pa shin gdong la sogs pa ni dus thung ngur gnas pa glog la sogs
 pa gang gi dang po yin pa de ni skad dod do/ /ri dang chu klung dang glog la sogs pa bzhin du ljon shing dang 'khri shing la sog pa la yang sems pa med pa'o/ /zhes dgongs pa'o/ /sgrub byed nyal ba la sogs pa ni gzhan du shing rta chen po
 rnams kyis sun phyung zin to/ /zhes pas gyi na'o/ /de'i phyir dkyus ma nye bar sdud de/ snga ye shes pa la sogs pa'o/ /me long ye shes nyid dang khro ba dang/ dman pa nyid dang 'jigs pas du ba dang rmongs pa zhes
 pa rnam pa lnga ste/ phal cher khyad par ni/ ji ltar rigs par khyad par gzhan rnams nye bar mtshon pa'o/ /rnam pa 'di lta bu'i shes pa can 'khor ba pa lha la sogs pa 'di rnams ni glen pa nyid mi shes pa ste/ ma rig pa nyid kyis
 yang dag pa ma yin pa sgro btags pa'i 'dod chags la sogs pas ngan par sems pa'i phyir glen pa rnams kyang ngo/ /de nyid kyis khyab pas lus kyis nyes par spyad pa spyod pa'i phyir khabs pa rnams kyang ngo/ /yang dag pa ji lta ba'i
 ngan gyi de kho na nyid smra bar mi nus pa'i phyir lkugs pa rnams kyang ngo/ /de nyid kyi phyir byis pa'o/ bsam pa ngan pa sems shing bya ba ngan pa byed pa smra ba ngan pa smra ba'i ngang tshul can ni byis pa zhes gsungs so/ /de rnams kyi byis
 pa'i shes pa ni 'di 'dra ba ste/ de'i gnyen po'i phyogs ni khams gsum par so sor snang ba'i yod pa dang med pa dang gnyi ska ma yin pa'i phyogs so sor spong ba las/ de kho na nyid kyi bye brag rang bzhin med pa ni/ shes rab dang
 thabs dbyer med pa gsal bar byed pa'i phyir dang/ nyon mongs pa'i dgra chos pa dang ngan 'gro'i 'jigs pa las skyob pas na bstan bcos las te/ rgyud rnams gsum bsdus pa rdzogs pa snying po'i don gsal bar byed pas na
 rgyud gzhan rnams las khyad par du 'phags pa zhes pas khyad par las te/ dpal yang dag par sbyor ba'i rgyud 'di las rtogs par bya'o/ /'di las kyang rgyud 'di'i bdag nyid chen po nyid gsal bar byed cing gsungs pa/ skye ba zhes pa la sogs
 pa'o/ /bcom ldan 'das mar me mdzad tshun chad du sangs rgyas kyi zhing 'dir bskal pa shin tu mang po rnams pa rgyud ma lus pa'i snying po rgyud sde rin po che 'di bdag kho nas bshad kyi/ rdzogs pa'i sangs rgyas gzhan rnams kyis ni ma yin no/ /de'i
 phyir bdag gis 'dir bshad pa'i gnyis su med pa'i ye shes kyis bskul ba ste/ kye thar pa 'dod pa rnal 'byor gyi bstan bcos 'di kho na la mkhas pa shes pa dang ldan pa shin tu bar 'gyur ro/ /'byung ba mo'i bdag po la sogs
 pas bshad pa bla na med pa'i de kho na nyid las phyir phyogs pa'i bstan bcos rgyud la sogs pa'i sgra bkod pa rnams la ni ma yin no/ /de rnams ni gar gyi gnas kyis gzhi la/ mngon par gsar du tshigs bkod pa rnams kyis
 'thad pa dang bral ba nyid kyis na de la mos pa rnams rangs pa tsam gyis yid chags par byed pa'i phyir mtshungs shing 'dra ba rnams so/ /des ni 'di kho na las chos thams cad kyi rang gi ngo bo yongs su shes pas yang dag pa'i yul
 bsten pa'i ched du ?rang grol ba'i ched du rnal 'byor la 'bad pa bsgrub par bya'o/ /don 'di kho na snying po las te shin tu mchog bskyed pa'i rim pa las snying po drang bar bya ba mchog phul du byung ba'i rnal 'byor bshad do/ /zhes
 pa'o/ /man ngag snye mar snye ma sum cu rtsa gcig pa'o// //bskyed pa'i rim pa ni sngags dang sngags kyi sku can gyi rang bzhin nyid kyi phyir dang/ zhi ba la sogs pa bskyed pa'i rim pa'i yan
 lag rnams kyang sngags kyis bsgrub par bya ba nyid kyi phyir sngags rgyas par ston pa gsungs pa nyon zhes pa la sogs pa ste/ rdo rje la mchog tu gyur pa'i 'od byed 'di'i yin pa zhes 'am rdo rje dang 'dra ba'i 'od 'di'i zhes pa rdo rje
 'ong ngo/ rdo rje snying po'o/ /sngags rnams kyis gdul bya'i yid mgu bar byed pa'i phyir rgyal po khyod nyon cig pa'o/ /sngags rnams ni rang gi ngo bo rtogs par byed pa'i tshig rnams so/ /cis rang gi brjod bya rtogs
 par byed pa sngags yin zhe na/ bden no/ de skad du yang gsungs pa/ ngag kun sngags su brjod par bya zhes so/ /sngags kyi tha snyad du bya ba ni/ gsang ba'i de kho na nyid 'chad pa mdor bsdus pa/ sbas pa'i don can la/ shing rta chen po
 rnams kho nas cho gas grub par gyur cig ces byin gyis brlabs nas brdar byas pa'i tshig go/ gang gsungs pa/ sngags dang sngags shes rab bshad pa/ de kho na nyid bskul ba'i skad ces so/ /bskul ba rtogs par byed par bshad
 ji ltar lus la sogs pa rnams kyi rang gi ngo bo oM yig la sogs pa rnams kyis rtogs par bya ba bzhin no/ /bcom ldan 'das kyis byin gyis brlab pa'i ched du thugs bskul ba'i don du gsungs pa/ oM zhes pa la sogs pa'o/
 dang por thams cad du oM yig ni zhi ba la gsal bar byed pa la ste/ rnam par snang mdzad kyi snying po zhi ba chen po'i ting nge 'dzin gsal bar byed pa nyid kyi phyir ro/ /khros pa'i las las yang rang dang gzhan zhi ba la mkhas pa'i rnal
 'byor pa'i rab tu 'jug pa'i phyir ro/ /badzra ni stong pa nyid dang snying rje dbyer med pa'i ye shes de/ de'i rang bzhin can ni mu mdza' med par 'chi ba dang bral ba nyid kyi phyir a mri ta ste khu ba'o/ /bdud rtsi khu ba zhes bshad de/ de las 'phres
 pa 'gro ba gsum lus ngag sems rnams bsgrub don du/ sgrub pa rnams kyi bde ba 'bab/ ces rdo rje bdud rtsi'i rgyud du gsungs pa'i phyir ro/ /de ltar don dam pa dang kun rdzob pa'i ngo bo'i byang chub sems ni ma hA su kha'o/ /bcom ldan 'das
 lha mo'i dang nang gi bdag nyid gyi b+ha ga'i dbus rnams su byang chub kyi sems rdo rje bdud rtsi'i ngo bos 'khor ba'i bar du/ phyi dang nang dang dngos po dang dngos po med pa la sogs par rnam par rtogs pa'i rnyog pa dang dra ba mdza' dag nges par bcom pa ni
 bde ba chen po'i ye shes ro mnyam par gyur pas zhugs pa'o/ /haM yig gis bde ba chen po'i pad+ma'i lte bar byang chub kyi sems zad pa med pa ni rdo rje sems dpa' gzhom du med pa nyid gsal bar byed do/ /kha cig tu hUM/ yig gis so
 swAhA'i yi ge ni thams cad nges par mchog tu zhi bar gsal par byed do/ /a u ma yig rnams kyis oM mo a a ma yig rnams kyis A(rgyud 'grel so sor sku dang thugs gsal bar byed pa las gsum gyi bdag nyid do/ /gtso bor na oM ni sku rdo rje ste/ /de dang cig shos gnyis po ro gcig pa ste/ chos nyid kyis so/ /A(rgyud 'grel yi ge gsum gyis ni chos kyi brda'i dbang kho na las lus dang ngag dang sems stong pa nyid gsal bar byed pa'i phyir ro/ /hUM yig gnyis pa ni sku gsum ba gsal bar byed pa ste bde ba chen po dang ro gcig pa sku gsum rgyud pa'i ? rdo rje 'dzin pa'i sa bon yin pa nyid kyi phyir ro/ swAhA
 pa'i don rnam par ? brin to/ gang du swAhA'i yi ge ma gsungs pa der rigs gsum la bltos pa ste rigs gsum po nyid du nye bar bstan pa'i don du ste/ /yi ge gsum gyi rang gi ngo bo kho na'i nang du 'dus pa nyid kyi phyir ro/ /zhes go bar bya'o/ /sngags 'di
 ni nye ba'o snying po'o/ /rdo rje bdud rtsi zla ba de yang dga' ba bcu drug gi dbye ba las cha bcu drug pa ste/ de gsal bar byed pa oM yig la sogs pa bcu drug rnams so/ /dza:hUM baM ho:I yi ge rnams bskul ba sngon ma can gyi dgug ba
 dang gzhug pa dang bde ba dang mnyes par byed pa'i don can no/ /bzhang ma la sogs pa'i lha mo'i sngags ni/ oM badzra hA sye huM hUM phaT/ oM badzra lA sye huM hUM phaT/ oM badzra gI te huM hUM phaT/ oM badzra ni tye huM hUM phaT/
 oM rU ba badzrI huM hUM phaT/ oM rA sa badzri huM hUM phaT/ oM parsha badzrI huM hUM phaT/ oM d+harmA d+hA tu badzrI huM hUM phaT/ zhes mngon brjod bla ma'i rgyud du gsungs pa rnams so/ /h+ri:yig ni lhan cig skyes pa'i dga' ba gsal bar byed pa'o/ /de nyid kyi phyir
 dbang dang bcas pa'i dgug pa byed pa'o/ /he ru ka ste phyag bcu drug pa'i nye ba'i snying po'o/ /phaT yig ni sgrib pa thams cad ltung ba'i ched du dang bgegs gcod par byed pa gsal bar byed pa'o/ /ru ni 'jig par gyis shig pa'o/ /lu ni chong cig
 pa'o/ /ru dzo 'jig pa la'o/ /lus nya gcod pa la'o /byings ngag go /hUM ni sdigs pa la ste/ sngags kyi lha bcom ldan 'das kyis bsngags par mdzad do/ /b+ho ni 'jigs par byed pa la'o/ /sa ma ya ni rdo rje sems dpa' i bka' o/ /raM gaM
 ni gar gyi gnas te/ raM ga raM ga zhes pa 'dis kun nas 'khyam pa dang/ bcas par bcom ldan 'das kyis de nye bar ston to/ /raM gA pa ya/ pha rol po rnams la ste/ de nye bar ston cig pa'o/ /ha ha zhes pa ngo mtshar ba la lan gnyis
 brjod pa ste 'khyams pa la'o/ /stong pa nyid dang ro gcig pa'i bde ba chen mo kho na sku bzhi'i zhes pa haM yig bzhin rnams so/ /phul du byung du med pa'i mthu can rnams kyang 'gugs pa'i phyir mtshar ba la hI ste/ de ltar khyab bdag gi bka' i
 mthar thug pa'i phyir rnam par bcad pa'o/ /h+ri(rgyud 'grel traT zhes pa yid 'byung ba mi dga' ba drol cig ste dga' bar gyis shes pa'i don to/ /tra sI yid 'byung la'o/ /sITa mi gus pa la'o/ /nges pa'i tshig las so/ /thams cad du zhes pa dza(rgyud 'grel A i a'i u a'u ra rAM laM lAM e i o aau a a(rgyud 'grel shing bal gyi bye brag go /byams pa'i rang bzhin gyi thugs can nyid kyis 'jam pa nyid kyis na pi tsu yang 'di yin la/ gdug pa can tshar gcod par byed pa kyis na rdo rje yang ngo/ zhes pa de wa pi tsu badzra'o/ /hUM yig gsum ni lus dang ngag
 dang sems stong pa nyid gsal bar byed pa ste/ lus dang ngag kyang sems las tha mi dad pa nyid kyi phyir na/ de stong pa nyid du gsal bar byed pa'i sngags kho nas de dag kyang stong pa nyid du gsal bar byed pa'o/ /kye'i rdo rje'i ste phyag bcu drug pa'i
 'o/ /'jig rten gsum gdul ba'i don kun tu bskyong par byed skrag par byed ces pa trai lokya ak+She pa'o/ /yang na gsum ni lus dang ngag dang yid rnams te/ 'jig rten rnams kyang ste phung po lnga rnams so/ /de rnams kho na gsum 'jig rten nyid
 de/ de rang bzhin med pa nyid kyis kun tu bskyong de zhes pa'o/ /shin tu 'bar bar byed bas na dzwa la dzwa la'o/ /de nyid kyi phyir gdug pa can yang dag par skrag par byed pa nyid kyis ni b+hyo ste 'jigs par byed pa ces pa'i don te/ /ke Ti ki Ti
 ni gdug pa can skrag par byed pa'i thabs kyi bye brag go /des gdug pa 'joms pa'i phyir rdo rje'o/ /zhes pa'i ki Ti ki Ti badzra'o/ /phyag 'bum pa ni nyi shu rtsa brgyad par/ de bzhin phyag 'bum ji srid par zhes gsungs so/ /'di ni
 bde mchog gzhan nye bar mtshon pa'o/ /de nyid kyi phyir sngags su/ sa ha sra b+hu dza b+hA su rA ya zhes gsungs so/ /'di ni rkang pa brgyad pa bstod pa'i sngags te/ rkang pa so sor dang par oM yig nye bar bstan pa las
 hUM hUM phaTI yi ge rnams so/ /gnyis pa la sogs pa'i oM yig rnams dang swAhA'i yi ge spangs pas/ oM yig gsal pa'i ka ra ka ra zhes pa la sogs pa dang bcas pa ni phreng pa'i sngags bzlas par bya ba'o/ /mkha' 
 'gro ma ni rdo rje phag mo bde mchog gis mnyam par 'khyud pa dang ma 'khyud pa ste/ /de'i rtsa ba'i sngags so/ /dngos grub rnams thams cad gtor ma sngon ma can nyid kyi phyir de'i sngags gsungs pa/ oM badzra zhes pa la sogs
 pa/ dri sh+ya ho(rgyud 'grel pa 'khor dang bcas pa rnams ni 'byung po thams cad de/ de rnams 'di'i lha'o zhes pa 'byung po thams cad pa'o/ /gtor ma nye bar spyod pa'i bye brag go /de byin gyis rlob cing gsal bar byed pa'i sngags ni 'byung po thams
 cad pa'i gtor ma'i sngags so/ /'di'i cho ga 'chad par 'gyur ro/ /las 'grub pa rnams ni dam tshig bsten pa ston ma can no/ /zhes pas de byin gyis rlob pa'i sngags so/ /de nas dkyil 'khor du zhugs pa kho nas 'di thams cad bsgrub
 par bya'o/ /zhes bstan pa'i ched du dkyil 'khor bri pa'i dang por sa sbyang pa'i sngags so/ /bsnun pa na mngon bar 'dod pa'i rnam par snun pa la sogs pas brdeg pa'o/ /gar byed pa ni dbang du byed pa'o/ /ji skad gsungs pa'i rdo rje
 mkha' 'gro ma lnga sogs pa gang yang rung pa'i sku can gyis sngon du 'bum bzlas pa'i rjes thogs su sgrub par byed do/ /dam tshig la rang gi snying gi'i sa bon gyi 'od zer rnams kyis bsgrub bya bgug nas/ man ngag ji ltar swAhA'i
 yi ge las sngon du bsgrub bya'i ming dang lhan cig pa'i g+hA ta ya zhes pa la sogs pa bskul ba'i tshig spel te bzlas so zhes pa cho ga'o/ /ad+ha'i sngags la sogs pa ni lha rnams kyi'o/ /oM haM zhes pa la sogs pa'i sngags gsum
 ni bcu gnyis par bshad zin to/ /phyag rgya chen mo ni rdo rje phag mo'i zhes pa'o/ /man ngag gi snye mar snye ma sum cu gnyis pa'o// //de kho na nyid legs par bsgoms pas ji skad gsungs pa'i rdzogs pa'i dkyil
 'khor gyi bdag nyid can rdo rje 'dzin pa rnam pa sna tshogs pa'i sprul pa'i rlabs kyis yongs su bskor ba kho na skye bo'o zhes gsal bar 'gyur ba'i chod du gsungs pa/ de nas zhes pa la sogs pa'o/ /lha zhes pa rol rtsed kyi skabs su 'os pa'i bod
 pa'o/ /myang 'das ni kun tu rtog pa mdza' dag spangs pa'i phyir shes rab dang snying rje dag gis srid pa dang zhi ba la mi gnas pa'o/ /de'i go 'phang ni gnas te kun rdzob tu'o/ /de las rgyas pa ni cho 'phrul rnam par 'phro ba'o/ /'dor bstan
 pa 'di rgyas par ston pa ni/ ci zhig tu zhes pa la sogs pa'o/ /nyon cig ni mngon par 'dod pa'i gnas so/ /rigs pa ni 'dir rdzogs pa'i rim pa'i dkyil 'khor rab tu gsal ba ste/ de las ma 'das par bshad par bya'o/ /
 rtogs pa'i sems kyi 'dzin pa ni 'gog pa ste/ mya ngan las 'das pa'o/ /gang sngar gnyis pa dang dug pa'i brtag par/ thams cad bdag nyid la rtag gnas/ zhes pa 'di ltar rgyun gyis gsal bar byas pa/ de kho na
 'dzin pa'o/ /zhes 'brel lo/ /de kho na stong pa nyid dang snying rje dbyer med pa bde ba chen po'i snying po'i ngo bo byang chub kyi sems bla na med pa'i dkyil te/ de len ba'i phyir lus ni dkyil 'khor zhes sangs rgyas rnams gsung ngo//
 zhes pa sdud pa mdzad pa'i 'o/ /ci ltar shes par bya zhe na/ brjod pa'i rjes su 'brang bas so/ /de'i gnas ni lus kyi dkyil 'khor lte ba'i chu skyes so/ /gang gsungs pa/ kun zhes pa la sogs pa ste/ kun mkhyen ye shes ni ji skad
 gsungs pa'i bde ba chen po ste/ des mngon par khyab pa rab tu gsal ba'o/ /de'i phyir lte ba'i pad+ma der ro/ /dpa' ba ni spros pa rtsa ba nas phyung ba de ma thag tu bshad pa'i byang chub sems kyi bdag nyid rdo rje sems dpa' o/ /cha med
 ni don dam par dga' ba la sogs pa'i cha rnams stong pa nyid kyi phyir ro/ /cha rnams spangs pa ni khu ba'i cha rnams kyang rang bzhin med pa nyid kyi phyir ro/ /rtsen par byed ni kun rdzob tu'o/ /lus can rnams kun la zhes pa thams cad la
 de'i bdag nyid du 'brel bas so/ /don dam par ni lus las 'das te/ gang gi phyir lus kyi bag chags spangs pas so/ /ji skad du gsungs pa/ lus gnas ye shes chen po yang/ kun tu rtogs pa thams cad spangs/ /dngos po kun
 pa khyab pa po/ /lus la gnas kyang lus skyes min/ zhes so/ /de ni ma rig pa dang bcas pas rtogs bya ma yin no/ /yongs su dag pa rnams ni de rtogs pas sangs rgyas thams cad rdzu 'phrul chen po rnams kyis rnam 'phrul cing/ gzhan
 gyi don du shin tu dga' ston la spro bas rnam par rol cing rang gi ngo bo 'jug par mdzad do/ /de'i 'jug pa gsungs pa/ la lar zhes pa la sogs pa ste/ dper na bdag cag gi ston pas ni bcom ldan 'das shAkya thub pa yang dag
 bar rdzogs pa'i sangs rgyas la/ rab gsal zhes bya ba'i rgyal por gyur pas smon pa'i byang chub kyi sems bskyed par gyur to/ /bcom ldan 'das mar me mdzad la yang 'jug pa byang chub kyi sems so/ /de skad du yang bcom ldan 'das kyis
 gsungs pa/ ji srid sangs rgyas shAga thub nas/ 'dren ba yul 'khor skyong gi bar/ /stong phrag bdun cu rtsa bdun gyi/ /sangs rgyas rnams ni ngas mchod do/ /bdag gis rgyal ba rnams mchod las/ /grangs med gcig ni sor gyur te/ /
 bdag gi sems ni skyo ba 'ang med/ /sangs rgyas nyid ni mngon 'dod pas/ /ji srid sangs rgyas mar me mdzad/ /thub ba dbang po'i rgyal mtshan bar/ /stong phrag bdun cu rtsa drug gi /sangs rgyas rnams ni bdag gis mchod/ /bdag
 gis rgyal ba mchod pa las/ /grangs med gnyis pa sod bar gyur/ /ji srid sangs rgyas dge mdzad nas/ /sangs rgyas 'od srungs ji srid bar/ /stong phrag bdun cu rtsa bdun gyi/ /sangs rgyas rnams ni bdag gis mchod/ /bdag gis rgyal ba
 rnams mchod las/ grangs med gsum pa 'das par gyur/ /ces pa la sogs pa'o/ /ji srid rjes mthun zhes pa/ bskal pa grangs med pa gsum rnams su yang byang chub sems dpar gyur ba'i bcom ldan 'das kyis/ sbyin pa la
 sogs pa'i pha rol tu phyin pa rnams spyad cing rim gyis rdzogs pa'o/ /de'i rjes su byang chub sems dpa' gzhan gyi don du dga' ldan pa rnams su 'khrungs par gyur to/ /de nas dam pa rtog dkar po zhes bya ba 'dis rigs dang yul dang dus dang
 rus dang bud med rnams brtags te/ 'dod pa na spyod pa'i lha drug rnams la lan gsum rjes su bsgrags nas/ nam gyi gud thun la glang po che'i rgyal po'i gzugs su nges par bstan pas lha mo sgyu 'phrul chen mo'i lhums su zhugs so/ /zhes pa 'bab pa'o
 de nas zla ba bcu rnams 'das pa dang/ lha mo las lum bi ni'i tshal du mtshan mo'i gung thun la bltam ste/ 'jig rten gyi khams rnams kyang byang chub sems dpa' i 'od dang snang ba chen pos gsal bar byas
 shing/ sa gzhi yang rnam par 'gyur ba drug tu ga-yos/ lha rnams kyis kyang bar snang la rnam pa sna tshogs pa'i gos dang gdugs dang rnga yab dang me tog dang tsan dan la sogs pa rnams kyis gtor ro/ /byang chub sems dpa' yang mang la
 gyi dri mas ma gos pa nor bu bzhin du dang ba'i sku skyes bu chen po'i mtshan sum cu rtsa gnyis rnams dang dpe byad brgyad cus brgyan pa 'khrungs so/ /zhes pa skye ba rnam par dag pa'o/ /de nas gzhon nu'i rol rtsed nye bar bstan nas grags
 'dzin ma dang sa skyod ma la sogs pa bud med stong phrag drug cu'i btsun mo'i 'khor du zhugs nas/ 'di skyes bu min pa rab tu byung ngo/ zhes smod pa yongs su spang ba'i ched du lha mo grags 'dzin ma dang lhan cig yongs su rgyu ba mdzad do/ /de nas
 brgya byin dang tshangs pa la sogs pa lha rnams kyis spro bar byas pa/ 'dun pa dang lhan cig rta'i rgyal po bsngags ldan la phyibs te/ 'dod pa na spyod pa dang gzugs na spyod pa'i lha rnams kyis rjes su 'brang bzhin ba rnam pa sna
 tshogs pa'i gos dang me tog la sogs pa pus mo nub tsam la gshegs shing/ dpag tshad bcu gnyis rnams su gshegs so zhes pa khab nas 'byung ba ste/ gsal ba ni rab tu grags pa'o/ /de nas 'dun pa dang bsngags ldan
 dag bskur nas dbu skra rnams dregs te brgya byin la gnang zhing na bza' ngur smrig rnams bsnams te dge slong du gyur pas/ chu bo nai rany+dza na'i 'gram du dbugs dbyung ba dang dbugs rdub pa bkag pa las mi g.yo ba'i ting nge
 'dzin gyis til gcig re tsam gsol pa'i bka' thub lo drug spyad de/ 'di ni byang chub kyi ched du ba'i lam ma yin no/ /zhes ji ltar bde par dbugs phyung nas sprang dang 'o thug yongs su gsol te/ bzhugs pa tsam gyis brag ri chen po zhig pa'i rjes
 thogs su lha rnams kyis nye bar bstan pa'i lam nas/ klu'i rgyal po nag pos bstod bzhin pa byang chub kyi ched du gzigs mo chen pos gshegs te/ rdo rje gdan gyi sa gzhi la 'dzegs nas byang chub shing gi rtsa bar ku sha gser gyi kha dog can ras bal ltar reg bya 'jam? pa rnams la bzhugs shing 'byung po bye ba phrag gsum
 cu rtsa drug gi 'khor can 'dod pa'i khams kyi dbang phyug bdud byams pa'i mtshon gyis btul te bla na med pa yang dag par rdzogs pa'i byang chub tu mngon par rdzogs par sangs rgyas so/ /tshangs pas gsol ba btab pa ra NA si ru gshogs
 te/ rnam pa bcu gnyis lan gsum gsum du bzlas pa'i chos kyi 'khor lo rab tu bskor ro/ /sum cu rtsa gsum pa'i lha'i gnas su gshegs nas chos bstan te brgya byin dang tshangs pa la sogs pa 'dod pa na spyod pa dang gzugs na spyod pa'i lha rnams
 rjes su 'brang bzhin ba grong khyer gsal ldan du babs nas/ mnyan yod du cho 'phrul chen po rab tu bstan te/ gzhan mu stegs byed rnams chad mas tshar bcad cing/ ser skye'i gzhi'i nags su seng ge dang 'phrog byed dang dbyigs gi snying po dang
 gzhon nu rang bgegs kyi bdag po dang dbang po dang zla ba dang nyi ma dang sgra gcan dang gza' dang rgyu skar dang dpal mo dang rnam thos sras dang yul 'khor srung dang 'phags skyes po dang mig mi bzang dang sa dang me dang gshin rje dang chu lha la sogs pa'i
 lha dang klu dang gnod sbyin dang srin po dang dri za dang lha ma yin dang nam mkha' lding dang mi 'am ci brgya stong phrag du ma rnams mya ngan las 'das pa dang/ so sor ldan pa'i chos bstan pas btul lo/ /de lta bu la sogs pa'i gdul bya'i gnas rnams nye bar
 byon nas/ thabs rnams pa sna tshogs pa rnams kyis skal pa ji lta ba bzhin du sems can gyi phung po dpag tu med pa rnams/ theg pa gsum rnams la gtul nas/ bde 'gro'i 'bras bu dang thar pa'i byang chub
 tu yang rab tu bkod do/ /theg pa chen po la rung ba shes rab rno ba rnams kyi dpang du byas te/ rdo rje 'dzin pa la sogs pa'i gzugs kyis dngos grub thams cad kyi dbang phyug nyid nye bar ston cing/ rdo rje theg pa bstan to/ /de la
 yang mi 'jug pa dbang phyug chen po la sogs 'jig rten gsum gyi 'khor lo'i dkyil 'khor du gzhugs pa la sogs pas gdul ba'i ched du 'jig rten gsum las rnam par rgyal pa'i sku ru gsal par gyur to/ /'gro ba 'dul
 ba la sogs pa'i brtag pa rnams su yang dngos grub chen po'i lhag pa'i bdag po nyid bla na med pa nye par bstan to/ /shAkya thub pa'i skus ni ba ra NA si ru 'phags pa byams pa bla na med pa yang dag par rdzogs pa'i byang chub tu lung
 bstan nas da lta de rgyal tshab nyid du bsgrags so/ /rgyal po'i khab tu bya rgod phung po la 'dzegs te/ kun dga' bo ma ga d+ha'i sa gzhi ni dga' bar 'os pa'o/ /zhes gsungs nas yangs pa can du yang kun dga' bo de bzhin gshegs pas
 rdzu 'phrul gyi rkang pa bzhi rnams bstan pa ste/ bzhed nas bskal pa 'am bskal pa'i lhag mar gnas so/ /zhes lan gsum bka' stsal te/ gang kun dga' bo cang mi smra par dgongs nas/ mdo sde la rton pas thams cad
 'byung bar bya'i gang zag la rton pa ni ma yin no/ /zhes brlabs te/ grong khyer ku sha can du rgyal po chen po bzhi rnams dang brgya byin la bstan pa gtad nas/ sems can rnams kyi don gyi ched du rdo rje lta bu'i ting nge 'dzin gyi sku gdung rnams
 til tsam du bzhig ste/ bsam gtan bzhi pa la snyoms par zhugs pas mi g.yo ba'i zhi ba lcogs nas 'jig rten gyi khams 'dir yongs su mya ngan las 'das so/ /'tsham pa med pa'i khams gsum pa gzhan rnams su slar yang dpag tu med
 cing bsam gyis mi khyab pa sna tshogs pa'i sprul pa'i tshogs rab 'byam gyis rgyun mi 'chad par skye ba la sogs pa ston cing/ lus 'dzin rnams la phan pa'i bya ba rnams kyis chos kyi rgyal srid mu mdza' med pas mchog tu rol cing da dung yang yod
 la/ bskal pa dpag tu med pa rab 'byam du chos kyi sku slar yang 'dir dang gzhan du yang gnas par 'gyur ro/ /zhes pa thams cad la dgongs nas gsungs pa/ 'di lta ste zhes pa la sogs pa'o/ /'di lta sogs kyis te rnam 'phrul gyi las
 rnams kyis rab tu 'jug ces snga ma dang 'brel lo/ /mchog ni dang po'o/ /'o na rgyu'i gnas skabs kyi rjes thogs su las rnams yod pa'i phyir dang po yod do zhe nam yin te/ dpag tu med cing thog ma med pa'i sangs rgyas rnams kyi las rnams
 kyang thog ma med pas so/ /chos kyi sku ni shin tu yang ste/ de nyid kyi phyir gsungs pa/ kun zhes pa ste sangs rgyas kun rnams kyi bdag nyid la ste chos nyid la gang rnams sdom pa ste/ de'i rang bzhin nyid kyis nang du 'dus pa de rnams ni de skad do/ /de
 rnams kyi spro ba dang sdud pa dag kyang de kho na'i 'o/ /gang mngon par rtogs pa'i rgyan tu gsungs pa/ chos kyi sku yi phrin las 'di/ rnam pa nyi shu bdun du bzhed/ /ces so/ /de yang thams cad mkhyen pa'i ye shes dang ro mnyam par gyur ba'o/ /de yang
 dngos po dang dngos med du sgro btags pa dag dang bral ba kho na dang sprul pa nus pa ste rmongs pa ma yin no/ /de dag kho na ni rmongs pa ste/ de phyir de yongs su ste bag chags dang bcas pa dor bya ste/ rdzogs pa'i rim pa dang dkyil 'khor bsgoms pas so/ /
 de yang sngar rgyas pa dang bcas par gsungs zin cing/ sdud par gsungs pa'i ched du bka' stsal pa/ bud ba zhes pa la sogs pa ste/ mi mnyam pa'i bde ba len cing kun nas 'dzin no/ /zhes pas A li ste khu ba'o/ /
 'khrul pa bral bar byed do/ /zhes pa bung pa'o/ /ci ltar 'khrul pa 'dor bar byed ce na gang gi phyir de rdo rje 'jigs byed bcom ldan 'das te/ khu ba'i rnam pa bcom ldan 'gyur/ /zhes gsungs pa'i phyir ro/ /rdo rje ni stong pa nyid dang ye shes ro
 gcig pa nyid kyi phyir ro/ /de nyid kyi phyir de ni/ e ste a yig la skyes pa la thim mo/ /zhes pa A li'o zhes kyang gsung ngo/ /de nyid kyi phyir 'jigs byed de/ byis pa rnams skrag pa'i rgyu nyid kyi phyir ro/ /gang 'phags pa sgra gcan 'dzin gyis
 gsungs pa/ byis pa rnams la 'jigs ston ma zhes so/ /rgyas par bstan te/ A li zhes pa la sogs pa'o/ /bde ba mur thug par byed 'brel bar byed do/ /zhes pa nam mkha' i mdza' klas pa ste/ a ti a di? 'ching ba la skad kyi byings so/
 ci ltar zhe na/ chos kyi dbyings ni de bzhin nyid yin la de gang gi rang bzhin de kho na nyid du yin pa ste chos can gyi chos nye bar mtshon pa'i phyir ro/ /yang na chos kyi dbyings kyi rang bzhin de las skyes pa zhes 'brel lo/ /mdza' dag ni rgyu ba dang
 bcas pa'i mi rgyu ba rnams so/ /sdig pa la shin tu spyod do/ /zhes pa rgyu ba'o/ /mi spyod do/ zhes pa mi rgyu ba ste 'khor ba can gyi lus can rnams so/ /gsang bar byas na gsang ba shes rab dang thabs kyi rang bzhin gyi de kho na nyid 'dzin
 par byed do/ /zhes pa 'dzin te/ skyes zhes 'brel lo/ /sangs rgyas dang byang chub sems dpa' rnams kyang mngon par ma zhen par gzhan gyi don bya ba'i ched du chos kyi dbyings kho na las skye ba zhes pa'i don to/ /gsang ba nges 'dzin
 ces ? pa la yang don 'di ltar ro/ /de ltar de kho na nyid mi shes pa'i lus can rnams dang de kho na nyid shes pa rnams kyang byang chub kyi sems kho na las skye'o/ /des kyang skyes zin pa rnams phung po la sogs pa rnams bdud rtsis dga' 
 bar byed pa nyid kyi phyir te/ thams cad pa ste khyab par byed pa nyid kyi phyir ro/ /dbang po ste bde ba bskyed pa'i dor lhag pa'i bdag nyid kyi phyir ro/ /gang gi phyir de lta yin pa de'i phyir de thams cad de rtsa stong phrag bdun cu rtsa gnyis su son pa'o/ /
 lte ba'i chu skyes kyi rtsa ba'i dbus su ji ltar sbyor ba de ltar goms par bya'o/ /zhes lhag ma'o/ /de'i tshe ci bya zhe na/ 'jigs byed rdo rje dang sgra zhes pa yang dag sdud pa ste/ de dang ro gcig tu gyur pas so/ /de yang gang las shes na/ rdzogs pa'i dkyil
 'khor du gtum mo gsum rnams gang yang rung bas sbyor ba ste/ de kho na phyag rgya yin zhing de goms pa las so/ /ci ltar zhe na gsungs pa/ rlung dang zhes pa la sogs pa ste/ rlung ni rlung nyid do/ /me ni me'o/ /bdun nyid ni de kho na nyid du chos dang
 chos can dag tha mi dad pa nyid kyi phyir/ khams bdun pa khu ba ste de'o/ /rdo rje min rdo rje phag mo/ /de'i sa bon rdul nges so/ /thig le ni bde ba chen po'i 'khor lor gnas pa'i khams bdun pa'o/ /sgra tsam ni lte bar gnas pa'i rdul gyi
 ri mo'o/ /de dag gi yang dag mnan pa ni phan tshun ro mnyam pa nyid du ji ltar 'gyur pa de ltar gyur na byang chub sems te rgyun gyis char 'bebs te/ skye gnas kyi pad+mar ro/ /bshad pa gzhan ni bcu par bshad zin to/ /gang gi phyir
 gsungs pa/ dbyangs zhes pa la sogs pa'o/ /dbyangs rnams kyi sngon ma a yig dang por ma'i mngal du skye ba'i sa bon ni gang rdul gyis dbus su gnas pa na bu rgyud kyi ste/ de gang du yin pa de'i ste lte ba'i chu skyes kyis dbus
 su'o/ /de la kaM bde ba kun nas myong ngo/ /zhes pa kA li'o/ /skye gnas kyi chu skyes 'dis rgyas par byed do/ /zhes pa me tog ste rdul lo/ /rang gi gnas su drangs nas byang chub kyi sems 'tshed par byed do/ /zhes pa rgyal
 po ste des khyad par du byas pa'o/ /me tog khyad par du len no/ /zhes pa me tog lus can khu pa'i khams so/ /des khyad par du byas pa'i rdo rje can ni sems kyi rdo rje ste de gzung bar bya'o/ /ji ltar skye ba 'dzin pa'i gnas skabs su sems kyi rdo rje sgra ga can ni zla ba
 kho na la 'jug ste 'od zer bsil ba nyid kyi phyir ro/ /zla ba ni nyi ma la zhugs pa na nyi ma gzung ngo/ zhes pa phyi rol gyi bzhin du nye bar sgrogs pa de ltar dbus ma'i gnas skabs su yang ngo/ /'di yang rlung la sogs pa'i sgom ba'i rim pa sngar rgyas par byas so
 zhes pas ma spros so/ /sems skye ba yang zla ba dang nyi ma dag la brten nas so/ /zhes zhar la byung ba ston pa/ 'khor zhes pa la sogs pa ste/ thams cad ni yongs su ma dag pa rnams dang yongs su dag pa rnams so/ /gnyis ka'i rten can skye ba na yang rdul dang khu ba pha
 ste/ de'i sgo nas pad+ma dang rdo rje dag dang bud med dang skyes pa dag ma dang pha dag go /zhes rnam par bzhag pa'o/ /zhes pa ji ltar rigs par go par bya'o/ /'dir ni ma'i zhes pa rdul te khu ba'i bdag nyid pha nye bar mtshon pa'o/ /sa kun tu ste 'gro ba'i dbye ba rnams su'o/ /ye
 shes ni bde ba nyams su myong ba'o/ /de kho na ni chu ste gdung ba zhi bar byed pa'i phyir ro/ /de phal che bar brten pa'i phyir dang shes rab la sogs pa dang sbyor ba'i phyir rgya mtsho'o/ /'di ni ma dang pha yang ngo/ /ji ltar phyi rol gyi rgya mtsho la rab tu shes par bya zhing bsod nams
 nye bar bsags pa rnams kyis blta bar bya'o/ /zhes pas shes rab ste rin po che'i bye brag rnams yin ba/ de ltar 'dir stong pa nyid dang snying rje dbyer med pa'i ye shes rin po che ni yongs su dag pa rnams kyis te/ gzhan rnams kyis ni
 chu srin la sogs pa bzhin du 'dod chags la sogs pa'o/ /thabs shes pa thabs khu ba ste rdul shes rab nye bar mtshon pa'o/ /phan tshun 'dres pa de gnyis kyi 'dam du rnam par shes pa'i sa bon myu gu zhes pa'o/ /gang 'phags pas gsungs pa/
 rnam shes srid pa'i sa bon no/ /zhes so/ /des yang sbrang rtsi rdul dang bdud rtsi khu ba ste/ de dag gi gnas skye gnas kyi pad+ma'i lte ba rgyas par byed do/ /gang gi phyir rnam par shes pa'i ltar rdul dang khu ba dag gi'ang rnam pa rgyur te/ mer mer po la
 sogs pa gong du 'phel ba'i bdag nyid dang 'grib pa'i ngo bo ni yongs su 'gyur ba'i khyad par du 'gyur te/ gang las 'di rnam par sgyur ba'o/ /me tog chu mdza' ni me tog dang chu dag ste rdul dang khu ba dag mdza' ru byed mdza' mar byed pa ste/ Sho ni mdza' i las la
 bying so/ /gsungs pa yang/ 'og tu khu ba zad 'gro ste/ lus can thams cad 'chi ba na'o/ /steng du ma yi rdul sgra gcan/ /rnam shes bsam pa'i mtshan nyid la/ zhes so/ /bsam ba ni/ mngon par 'dod pa ste/ de las ji lta bar yul du byas
 pa'i 'gro ba'i bye brag tu'o/ /skabs su bab pa gsung pa'i ched du 'brel par byed de/ gnyis dag gi zhes pa la sogs pa'o/ /de ltar nyi ma dang zla ba dag skyes pa'i 'o/ /cho ga ni lha'i bdag nyid do/ /dang por te sngon du'o/ /reg pa las ni rdo rje dang
 pad+ma dag go /du ba'i zhes pa du ba'i bzhin du rlangs pa 'thul ba'i phyir rlung ngo/ /gzugs ni sra ba nyid do/ /ye shes rdo rjes byin gyis brlabs pa/ me la sogs pa rnams so/ /cha rnams dang lhan cig 'jug go /
 zhes pa zla ba'i dkyil 'khor khu ba'o/ /slar yang ni bya ba'i khyad par du brjod do/ /dbyibs ni yang dag par gnas pa ste bsdud pa'o/ /zad pa ni skems pa'o/ /rtag tu ste rgyun gyi dbugs su byed rab tu rgyu bar byed ces rtag tu dbugs te/ an srog byed la byings so/ 
 dbang po'i ngo bo ni 'dzin pa'o/ /'dis ni sa'i khams ni rtsub pa nyid dang sra ba nyid de/ 'dzin pa'i las can no/ /chu'i khams ni gsher ba nyid dang brlan pa nyid bsdud ba'i las can no/ /me ni dro pa nyid de 'tshed pa dang
 skems pa'i las can no/ /rlung ni yang ba nyid de g.yo bar byed pa nyid dang rab tu rgyu pa'i las can no/ /zhes gsungs so/ /hUM zhes nga rgyal dang bcas par nang gi brjod pa'i rnam pa can gyi zhes pa ni khams bzhi rnams byin gyis rlob par byed do/ /lhan
 cig skyes pa nyams su myon ba na ni brjod pa med pa'o/ /de ltar rdzogs pa ni lus kyi bar gyis gnas skabs so/ /'di rnams so sor lha'i bdag nyid du 'thad pa dang bcas pa sngar bshad zin to/ /'di thams cad kyang stong pa nyid dang snying
 rje dbyer med pa nyid kyis bcom ldan 'das rdo rje 'dzin pa'o/ /des na de kho na rang gi ngo bo gsal bar byed pas lha mo rnams kyis dga' bar byed do/ /badzdza hu zhes pa la sogs pas so/ /rdo rje ni ste snying rje dang shes rab ro
 gcig pa'o/ /legs par te snying rje chen pos gzhan gyi don bya ba la dga' ba 'di'i yin pa zhes pa legs par dga' ba'o/ /gzhan gyi don gyi dor rab tu 'byung ba'i dang tshul nyid kyi phyir gtso bo/ /sha dang lha dang shes rab dang
 chos dang sangs rgyas kyi spyan gyis gzigs pa rnams kyis so/ /'gyur med ni mdza' med du gyur pa nyid kyis so/ /dngos po ni bde ba chen po gnyis su med pa ste/ rang bzhin de de bzhin nyid do/ /de dag gis stong pa rnams la ni chos rnams thams
 cad la'o/ /rdzu 'phrul gyi rnam par 'phrul pa sna tshogs rnams kyis rnam par rol par mdzad do/ /zhes pa 'am rol tu 'jug go /zhes pa stong pa rnam par rol pa'o/ /de khyod de dngos po dang dngos med dag gis rnam par spangs pa'o/ /snying
 po ni de kho na nyid de/ de'i khyad par gyis khyod lta bu rnams kyis mkhyen pa'o/ /yi ge rnams te rjod byed rnams bcom nas/ de bcom pa las brjod par bya ba rnams thams cad brjod par byar med pa nyid du 'gro ba ma lus pa rnam par bsam
 shing nges par dpyad de khyod kyis so/ /gnyis gnyis 'khyud pa ni shes rab dang thabs snyoms par 'jug pa ste/ nges rnal 'byor ni ting nge 'dzin no/ /des chu ni byang chub sems so/ /de kho na bya ba ste/ de phul du byung bar yod do/ /zhes
 pa de'i 'bras bu can gyi chos stong pa nyid de/ dngos po dang dngos med pa la sogs pa gnyis nyid dang bral ba'i ngo bo gnyis med pa kho na ni gnyis med do/ lhag ma med pa lhag par rtogs nas sgrib pa tham cad las rnam par grol ba
 rang gi don phun sum tshogs pa thob pa'o/ /bde ba phyin ci log pa ste/ des 'khor bar phan pa dang mi phan pa mngon par shes pa nyid kyis rnam par rmongs pa rnams thar pa khyad par du ba ste/ gzhan gyi don phun sum tshogs pa des tha snyad
 mdzad do/ /stong pa nyid kyi rang bzhin gyis rnal 'byor ma rnams dang sngags rnams rnam par sna tshogs pa'i cho ga rnams kyis khyod kyis gar mdzad do/ /lnga po rnams kyang ste/ sa dang chu dang mo dang rlung dang nam mkha' i rang bzhin spyan ma dang mA ma
 kI dang gos dkar mo dang sgrol ma dang rdo rje dbyings kyi dbang phyug ma rnams ni lhag par rtogs pa'i gnyis su med pa'i de kho na nyid de/ des nye bar mtshon pa rnams te/ de kho na nyid kyi ngo bo rtogs pa rnams so/ /zhes pa'i don to/ sgyu ma rnam pa
 sna tshogs pa'i ngo bos sems can rnams khyod kyis smin par mdzad do/ /rdo rje sdong pa nyid dang snying rje dbyer med pa'i legs par brkyang zhing lhag par rtogs par bya ba ste rang dang gzhan gyi don phun sum tshogs pa'i ngo bo'o/ /des bde
 ba dang sdug bsngal la sogs pa'i rang gi mtshan nyid 'dzin pa'i phyir chos sems can rnams chos ston pa la sogs pa rnams kyis rmongs pa dang bral bar khyod kyis mdzad do/ /de ltar bstod nas rab tu dang pa lhag pos
 gzhan rnams la'ang? smras pa/ de ltar bsam gyis mi khyab pa dpag tu med pa'i legs pa'i snying po'i tshes rnal 'byor ma rnams kyi thar pa bcom ldan 'das la phyag 'tshol cig ces pa'o/ /'dir tshigs su bcad pa dang pos ni bde ba chen po'i
 sku nyid kyis bcom ldan 'das bstod do/ /gnyis pas ni chos kyi sku nyid kyis so/ /gsum pa la sogs pa rnams kyis longs spyod rdzogs pa'i sku nyid kyis so/ /sgyu ma'i zhes pa la sogs pas sprul pa'i sku nyid kyis te/ ji ltar rigs par
 gzhan gyi don nyid kyis so/ /lhag ma phyed kyis spro bar byed pa'o/ /bstod pa'i dgos pa gsungs pa/ 'dis zhes pa la sogs pa ste/ 'di'i don goms pa las so/ /rgyal ba rnams thams cad de rnam par snang mdzad la sogs pa rnams gang gi bdag nyid
 las skyes pa yin pa de ni de skad do/ rdo rje sems dpar 'gyur ba'o/ /'di kho na de bzhin gshegs pa thams cad kyi rang bzhin gshegs pa thams cad ces pa'o/ /man ngag snye mar snye ma sum cu rtsa gsum pa'o//
 'jig rten dang 'jig rten las 'das pa'i dngos grub kyi cho ga rjes su sgrub pa'i ched du bgegs nye bar gzhom pa'i ched du gtor ma'i cho ga la nges par sbyor ba gsungs pa/ nyon zhes pa la sogs pa'o/ /dri dmar po'i ni gur gum mo
 sogs pas zhabs bsil lo/ /sogs pas btsong dang sgog skya la sogs pa'o/ /chang ni dga' byed 'dod pa ste/ dga' bar nus pa mchog go /zhes pa'i don to/ /chu ni zhabs bsil lo/ /yang dag par sbyang ba ni ji ltar rigs par
 bdud rtsi lnga'i ril bu btab pas sam/ bdud rtsi lnga'i ngo bor bsgoms pas so/ /dang yig la ye shes mkha' 'gro ma'i ting nge 'dzin la gnas pa'o/ /cho ga ni rgyud gzhan du gsungs pa ste/ de 'dir 'chad par 'gyur ro/ pad+ma'i snod kyi gtor
 ma'o/ /de nyid kyi lha'i de kho na nyid de de'i khyad par rnams kyis ste kha dog lnga'i 'od drer spu gu'i ngo bo can rnams kyis sam de bzhin gshegs pa lnga rnams kyis yid kyis bkug nas/ bdag po'i lha la sogs pa rnams thams cad tshim par
 bya'o/ /zhes pa lhag ma'o/ /ci ltar zhe na gsungs pa/ ye shes shes pa la sogs pa'o/ /skye dgu'i bdag po ni mi bskyod pa'o/ /sgrol ba ni rnam par snang mdzad do/ /rab mchog ni rin chen dbang po'o/ /mang po ni snang ba mdza' yas so/ /
 byis pa ni don yod grub pa'o/ /'di rnams lcags kyu bzhin du mngon par 'dod pa'i don nye ba ru byed pa'i phyir lcags kyu rnams so/ /ye shes lnga rnams ni shin tu rnam par dag pa'i ye shes la sogs pa rnams so/ /de nyid kyi
 phyir 'di rnams don chen po bya ba nus pa'i phyir ye shes chen po'o/ /rnam pa de lta bu'i ye shes kyi rang bzhin de bzhin gshegs pa lnga nyid du mos pa rnams ni sgron ma lnga rnams dang lcags kyu lnga rnams so/ /de rnams kyi dbye ba ni sgom pa'i bye
 brag nye bar mtshon pa ste/ bdud rtsi lnga'i sa bon gyi yi ge rnams kyang ngo/ /rgan po la sogs pa'i sor mo rnams skye dgu'i bdag po la sogs pa'i ming can du gzhan gsungs pa rnams 'dir yang ngo zhes kha cig ste/ de ni 'byor ba ma yin no//
 las rnams kun la ni zhi ba la sogs pa rnams la'o/ /rtag tu ni brtan pa ste rgyun gyis 'byung ba zhes pa'i don to/ /rnal 'byor ma kun zhes pa lha gzhan nye bar mtshon pa ste/ dam tshig can rnams dang bdag nyid kyang ngo/ /tshim par bya ste
 lcags kyu la sogs pa rnams kyis so/ /ma yin pa ste 'dod pa de rnams kun nas chags par 'gyur bas ma yin pa kho na'o/ /'dis ni nang gi gtor ma mtshon to/ /longs spyod par bya bas na longs spyod de/ phun
 sum tshogs pa'i bye brag tshim par byed pa'i bsod nams las skyes pa mthong ba'i chos kyi 'am brgyud pa'i'o/ /des rang nyid la mi sbyor ro/ /gzhan rnams kho na la de gtang bar bya'o/ /zhes pa dgongs pa'o/ /de nyid kyi phyir gsungs
 pa/ sems can zhes pa la sogs pa'o/ /oM zhes pa la sogs pa rgyas par bstan pa gsungs/ bcu zhes pa la sogs pa'o/ /de'i ste zla ba'i steng du oM A(rgyud 'grel gsal ba ni shel bzhin du shin tu gsal bzhin pa nyid do/ /spar ba ni kha TwAm ga rdo rje yis so/ /gdubs pa ni 'og gi mes so/ /de las te shel gyi gzugs las bar ma chad du thams cad de zla ba dang A li dang kA li dang/
 yi ge gsum las 'od zer spro ba la sogs pa'o/ /da'i ste shel gyi ngo bo'i dbus nas phyung ba'i bdud rtsi dkyil 'khor ba dang bcas pa'i dkyil 'khor gyi bdag po mchod yon la sogs pa sngon du 'gro bar myang du gzhug go /Ni tsa yis nges par bstan pa'o//
 de nas bar ma chad du lhag ma bdud rtsi dang mchod yon la sogs pa'i dngos po rnams kyis phyogs skyong la sogs pa rnams tshim par bya'o/ /ci ltar zhe na gsungs pa/ g.yon zhes pa la sogs pa'o/ /dbug pa'i phyag rgya rgyas par
 ston te/ mnan zhes pa la sogs pa'o/ /gyen zhes pa gyen du'o/ /pheT ces pa'i sngags brjod cing dgug par bya'o/ /mchod nas zhes pa phyi yis yang dag par mchod nas so/ /mchod pa'i bdag nyid ces pa nad gi mchod pa dang ldan
 ba 'di'i bdag nyid yin pa zhes byas nas so/ /chu zhes pa chu la'o/ /phal che bar 'dir lha rnams nye bar byed do/ /zhes pa nag po'i phyogs zhes pa la sogs pa'o/ /shing gcig ces pa la sogs pa gtor ma sbyin pa'i gnas gsungs pa'o/ /
 nag po drag po ni dbang po'o/ /drag po chen po ni lus ngan no/ /lha mo ni lhas byin te chu lha'o/ /nag po ni gshin rje'o/ /thod pa can ni dbang phyug chen po'o/ /mi sdug pa ni me lha'o/ /dga' las 'das ni bden bral lo/ /log 'dren
 ni rlung lha'o/ /zla ba dang nyi ma dang tshangs pa dang thags bzangs ris dang sa'i lha rnams 'dir ma gsungs pa rgyud gzhan du gsungs pa rnams kyang shes bar bya ste/ 'khor dang bcas pa yang ngo/ /de la dbang po'i khyab 'jug go /drag po
 chen po'i log 'dren no/ /zla ba dang nyi ma dag gi gza' dang rgyu skar la sogs pa rnams so/ /sa'i klu rnams so/ /phyogs bcu rnams su yang de dang de'i phyogs kyi dbang po'i 'khor sems can dpag tu med pa rnams so/ /mkha' 'gro ma lnga rnams ni
 ye shes mkha' 'gro ma dang rdo rje mkha' 'gro ma dang drag mo dang ro langs ma dang gtum mo rnams so/ /chen po shin tu rnam par dag pa'i chos kyi dbyings kyi ye shes la sogs pa rnams gang rnams kyi de kho na nyid yin pa de rnams ni de skad do/ /de rnams kyi las
 rnams thams cad gdul bya'i bsam pa dang rjes su mthun par rnal 'byor pas sgrub par byed do/ /rnal 'byor dkyil 'khor du ni snying po'i 'phar mar ro/ /rgyal mo che rnams ni seng ge mo dang stag mo dang lce spyang mo dang 'ug pa rnams
 so/ /rdo rje dbang phyug ma rnams ni nam mkha' 'gro ma dang gsal byed ma dang 'jib byed ma dang kam bo dzI rnams so/ /gtso bo rnams ni phyogs skyong nag po drag po la sogs pa rnams so/ /zhes pa rim pa'o/ /rdo rje sems dpa' i dkyil 'khor
 du mkha' 'gro ma lnga rnams ni rdo rje snyems ma dang spyan ma dang mA ma kI dang dkar mo dang sgro'am rnams te/ de rnams dang de nyid chen po rnams kyang ste/ rdo rje sems dpa' la sogs pa rnams so/ /rnal 'byor
 dkyil 'khor du ste rim pa gnyis par rgyal mo che rnams ni rdo rje drag mo la sogs rnams so/ /rdo rje dam mo rnams ni me tog ma la sogs pa rnams so/ /rig pa'i rgyal po'i dkyil 'khor du ni mkha' 'gro ma lnga rnams ni rdo rje phag mo dang mkha' 
 'gro ma dang lA ma dang dum skyes ma dang gzugs can ma rnams so/ /de rnams kyi de nyid chen po ni bde mchog go /rnal 'byor ni thad pa'i dum bu la sogs pa rnams kyis te/ de'i dkyil 'khor ni thugs dang gsung dang sku'i 'khor lo rnams
 te/ de rnams su rgyal mo che rnams ni rab tu gtum mo la sogs pa rnams so/ /rdo rje dbang phyug ma rnams ni khwa gdong ma la sogs pa rnams so/ /he ru ka'i dkyil 'khor du ni mkha' 'gro ma lnga rnams bdag med ma dang gau rI la sogs
 pa rnams so/ /de rnams kho na gang gi de nyid chen po yin pa de ni de nyid chen po ste kye'i rdo rje'o/ /sbyor ba'i dkyil 'khor rnams ni zhi ba la sogs pa'i dkyil 'khor rnams te/ de rnams su rgyal mo chen mo rnams ni puk+ka sI la sogs par ni
 rnams so/ /rdo rje dbang mo rnams ni rta gdong ma la sogs pa rnams so/ /zhes pa don rnam pa bzhir gnas pa'o/ /lha rnams thams cad de bzhin gshegs pa'i sku/ chen po'i rang bzhin du shes par bya'o/ /gang las skyon 'dod chags
 la sogs pa las nges par 'byung ba ni skyon med stong pa nyid snying rje dbyer med pa'i ting nge 'dzin te nges phyung ba rnams so/ /'di zhes pa 'dis so/ /rdo rje dbang phyug ma ni ye shes mkha' 'gro ma 'am rdo rje snyoms ma 'am rdo rje phag mo 'am
 bdag med ma'o/ /de'i bka' ni oM kak+Sha? zhes pa la sogs pa'o/ /des thams cad de ye shes kyi lha'i 'khor lo kun nas tshul sbyon cig ste/ thams cad nas dam tshig gi 'khor lo dang lhan cig ro mnyam par gyur cig pa'o/ /de'i rjes su dud rtsir bsam
 nas/ ye shes mkha' 'gro me'i 'khor lo tshim pa'i rjes thogs su/ /oM tiSh+Tha zhes pa la sogs pa'i sngags kyis lha rnams kyi zhal bdud rtsis dgang bar bya'o/ /rnal 'byor pa dang rnal 'byor ma'i lha de rnams kyang gang zhi pa la sogs pa'i las sam bsod
 nams mngon par 'dod pa de mdzad par bsgom par bya'o/ /kha cig tu tshig gis las la sogs pa zhes 'don te/ de'i tshe bdud rtsi ste myos byed kyis kha bkang nas gtor la pI ka'i rnam pas de 'phang bar bya'o/ /zhes gsung ngo/ /rkang pa'i las te gang
 ni rdo rje'i rkang pas bya'o/ /zhes kha cig go /de las thams cad 'grub po/ /ha yig 'dud rtsi lnga la sogs pa las bsam pas ni de'i tha mal pa'i kha dog 'phrog go /ho yig gis tha mal pa'i dri 'joms so/ /h+rI(rgyud 'grel 'joms so/ /bya ba rnams gsum yang yi ge gsum po rnams brjod nas rim pa ji lta bar snang ba mdza' yas dang rnam par snang mdzad dang mi bskyod pa ste lha gsum gyi ngo bor bsgoms pa rnams kyis bltas pas byas pa'i gtor ma la 'gyur ro/ /
 de gsungs pa/ pad+ma zhes pa'o/ /pad+ma'i dbang phyug ni 'od dpag tu med pa ste/ gser mdog ni gtor ma la gzugs mchog byed pa'o/ /legs par rnam snang mdzad ni dkar po ste/ dri'i chu bskyed par bya ba ma yin gnod bya ma yin pa dri dam pa'o//
 rdo rje dbang phyug ni mi bskyod pa nag po rdo rje'i phyag can no/ /myang ba ni ro'i bye brag go /gsum rnams kyis te gser gyi mdog la sogs pa rnams kyis so/ /de ltar bdud rtsir byas pa'i myos byed dam tshig can rnams la sbyin pa'i tshigs su bcad pa 
 gsungs pa/ ltos zhes pa la sogs pa'o/ /gzugs la sogs pa'i chos 'di rnams don dam par dngos po'i rang bzhin stong pa nyid kyis dag pa rnams bltos te tshang mas yongs su mthong ba'o/ /de nyid kyi phyir med
 pa kun nas bsgom pa yang ring du dor cig dngos po dang dngos po med par sgro 'dogs pa dag ni gcig dang bral ba las gzhan pa dang bral ba bya sla ba kho na'o/ /de ltar sgro 'dogs pa mdza' dag stong pa nyid kyis rang bzhin gcig tu zos pa ste bram
 ze la sogs pa tha dad pa'i kun tu rtog pa snang ba med par byas pa rnams so/ /de'i phyir rigs dang rigs ma yin pa dang bgrod bya dang bgrod min dang bza' bya dang bza' min dang btung bya dang btung min la sogs pa'i rnam par rtog pa bsal
 nas 'thungs cig ces dgongs pa'o/ /de lta sbyin par bya'o/ /bya ba ni sbyin pa po dang len pa pos kyang ngo/ /ci ltar zhe na/ g.yon zhes pa la sogs pa ste/ rtse mo rnams ni sor mo rnams kyi'o/ /'jug pa ni tshogs kyi dkyil 'khor du 'jug pa'o/ /bde
 gshegs chos ni de bzhin nyid do/ /mchod yon ni mchod pa ste/ de mchod par rung pa khams gsum na yang cung zad yod pa ma yin te/ sgrub pa kho na de la mchod pa dam pa'o/ /zhes pa dgongs pa'o/ /de ni thams cad du 'dod chags kyi dri ma dang bral
 ba ste/ /bde ba kun nas tshor ba ni 'khor ba'i gtso bo'i rgyu ste/ de'i yang rgyu 'dod chags so/ /'dod chags rnam par dag pas 'khor ba yan lag dang bcas pa'i tshogs pa rnam par dag par byed do/ /zhes dgongs pas 'dod chags tsam dang
 bral ba gsungs so/ /de nyid kyi phyir gzung ba dang 'dzin pa dang mngon par zhen pa spangs pa'o/ /de ltar rab tu dang ba'i gzhan dbang gis de la gus pas phyag 'tshol cig ste/ sems kyis de kho na nyid dang ro gcig pa bsten pa nyid ni
 phyag dam pa'o/ /de sgrub pas kun tu chags pa med pa las 'dzin pa la sogs pa la mngon par ma zhen par blang ngo/ /zhes pa ma da na blang ngo/ /zhes pa dgongs pa'o/ /de ltar dam tshig la sogs pa thams cad la brten pa la sogs pa ni
 spyod pa ste/ yang dag yongs su dag pa nyid kyis gtsang ba gtsang sbra'o/ /lhag par mos bzhin pa'i bshad pa'i de kho na nyid kyang dngos po thams cad rnam par dag par byed do/ /brjod bya ste ma da na byin nas so/ /de 'dir 'thung zhing bar skabs su bkra shis glu
 blangs bar bya'o/ /de gsungs pa/ phyag 'tshal ces pa sogs pa'o/ /dngos po ni skye ba ste/ don dam par de las rnam par grol ba rdo rje sems dpa' la'o/ /kun rdzob tu ni don du ma gnyer ba dang don du gnyer bas 'gro ba rnams su 'gro bar byed do//
 zhes pa yan lag rnams te/ sems can rnams so/ /de'i don du log par yongs su dag pa nyid kyis 'dis sems can gyi don 'byung bar byed do/ /zhes pa gang gis yan lag ste bskyed pa yin pa'i don du ma gnyer mgon byas yan lag
 legs bskyed pa de la'o/ /shes rab dang thabs 'khyud pa'i sbyor ba sgyu ma ste rnam pa sna tshogs sprul pa'i ngo bos rnam par brgyan pa'o/ /hUM hUM hUM zhes pa sku dang gsung dang thugs ro gcig pa'o/ /glu'i rjes thogs su dril bu dkrol bar bya'o//
 de'i rjes su rdo rje thal mo snying gar gzung nas byed du gzhug ste sbyin bdag dang bdag nyid kyang ngo/ /'jug bzhin pa la ste dbugs ma phyin pa dmyal ba la sogs pa la rjes su brtse bar bya'o/ /rnal 'byor ni shes rab dang thabs dbyer med pa
 nyid de/ de kho na sgrib pa gnyis kyi dgra bo 'tshes pa'i phyir dang sems can skyob pa'i phyir bstan bcos so/ /de'i bya ba thos pa dang bsam pa la sogs pa'o/ /de las byung ba ste de'i rgyu can gyi rjes su brtse bar ji ltar 'gyur ba ltar ro//
 zhes pa'i smon lam dam tshig can rnams dang lha rnams kyang gtor mas yang dag par tshim nas so/ /smon lam gyi rjes thogs su de dag gshegs su gsol pa'i ched du gsungs pa/ rdo rje zhes pa la sogs pa'o/ /g.yon
 par lag par ro/ /sa gzhi la ni dkyil 'khor gyi'o/ /'di ni 'dir cho ga'i rim pa ste/ dang por ye shes mkha' 'gro ma'i gzugs kyis mdun du gzhod pa la sogs pa'i snod chen po rnams su zan dang sran ma Sha dang btsong dang sgog skya dang chang
 dang chu dang 'o ma la sogs pa/ me tog la sogs pa rnams dang ldan pa bla re la sogs pas brgyan pa/ rol mo la sogs pa mdun du byas pa 'am/ zan dang chu la sogs pa tsam yang rung/ ji ltar rnyed pa bzhag ste/ bza' ba dang
 btung ba dag sbyang bar bya'o/ /de la yaM las skyes pa'i rlung gi steng du raM las skyes pa'i me la/ A(rgyud 'grel sogs pa/ /hUM bruM aM h+rI khaM/ b+h+ruM hUM h+rI(rgyud 'grel dang nus pa phrogs shing/ rlung gis sbar ba'i me 'bar bas gdungs pas zhu ba'i yi ge la sogs pa shar ma thag pa'i nyi ma'i mdog can khu ba'i ngo bo lbu ba can te/ de'i rlangs pa yongs su gyur pa'i hUM yig las skyes pa'i rdo rje
 kha TwAM ga 'bar ba zhu ba zhu nas der lan gsum du lhung bas bdud rtsi'i dngos por nye bar song zhing/ shel gyi rnam pa shin tu gsal bzhin bar bsgom bar bya'o/ /de nas de nyid du 'gro ba la rnam par rgyu ba'i 'od zer gyis 'di gzugs
 sangs rgyas rnams la bstan par bya'o/ /de nas de'i steng du oM las skyes pa'i zla ba la gnas pa'i A li kA li yongs su gyur pa'i oM A(rgyud 'grel bzhugs pa'i rdo rje 'dzin pa la sogs pa rnams bskul te/ de rnams las bdud rtsi dang rgya mtsho la sogs pa na mdza' dag kyang mar me 'pho ba'i tshul gyis bkug nas de la gzhug par bya'o/ /de nas yi ge gsum dang zla ba dag de nyid du thim par
 bltas shing/ yi ge gsum gyis lan gsum du byin gyis brlabs pa zhes pas bdud rtsi bsgrubs nas/ mdun du tsan dan gyis byas pa'i chos 'byung gru gsum pa'i dbus su gur gum gyis maN+Dal gru bzhi pa khru'i tshad byas te/ de'i dbus su
 thig bzhi'i sbyor bas re mig dgu bya'o/ /der ri mig dbus mar lha bcu gsum gyi bdag nyid can ye shes mkha' 'gro ma sngar gyi lta bu dam tshig sems dpa' i ngo bo yud kyi bsgom par bya'o/ /shar la sogs pa'i re mig rnams su rang rang gi sa
 bon dang mtshan ma yongs su gyur bas dbang po la sogs pa rnams so/ de la dbang po'i sa bon dzum mo/ /nye dbang gi hUM ngo/ /lus ngan gyi b+hai'o/ /log 'dren gyi shau'o/ /chu lha'i bo ngo/ /gshin rje'i kAM ngo/ /dbang ldan gyi A:O/ /me'i raM mo/ /bden
 bral gyi yuM ngo/ /rlung lha'i yaM ngo/ /nyi ma'i A(rgyud 'grel dang sems can thams cad kyang bkug nas nam mkhar blta'o/ /de la sa srungs dkar po la zhon pa/ rdo rje can sar mig stong pa'o/ /nag po 'khor lo dbyug to dung/ /kau stu b+ha 'dzin mkha' lding gnas/ me lha dmar po smin ma dang/ /ral thod smar 'bar
 zhing 'khrug /tshon po rar gnas mi 'jigs dang/ bgrang phreng ril ba dbyu gu 'drin/ /dus nag ma he'i gdan can te/ /g.yas brkyang zla po'i rkang stabs can/ /skra ni gyen du 'bar zhing khros/ /lag pa dbyug pa
 sdigs mdzub 'dzin/ /de 'dra'i bden bral rol gnas/ /gcer bu mi rus kyis brgyan pa/ /zhal ni mche ba gtsigs pa can/ /gri gug thod pa dag 'dzin pa'o/ /chu srin la na chu lha dkar/ /gdengs ka bdun can sbrul zhags 'dzin/ /e
 Ne ya sor la gnas pa/ /rlung lha ljang gu rlung ras can/ /mi la gnod sbyin sbom po ser/ /na kul b+hi dza puA ra 'dzin/ /byi bar glang chen gdong can dkar/ /la phug dbyug la du phreng 'dzin/ /dbang ldan khyu mchog la zhon dkar/ /ral pa'i thor
 tshugs su rus rgyan 'dzin/ /rtse gsum pas mtshan kha TwAM ga /cang te 'us brel ba'i phyag can no/ /rta yi shing rtar nyi ma dmar/ /bzod dka' i 'od can mtsho skyes 'dzin/ /de'i g.yon zla ba 'khor lor son/ /'od dkar ku mud bgrang phreng
 'dzin/ /ngang par mes po ser pad+ma/ /mi 'jigs bgrang phreng dbyug pa can/ /thags bzang ris ni shing rtar gnas/ /nag po ral gri ldan par 'gyur/ /de g.yon sa yi lha mo ser/ /pad+ma la gnas pad+ma 'dzin/ /rin chen cod pan can
 lag pa/ /sgeg ldan khyad par ming gang kun/ /de nas mchod yon dang zhabs bsil la sogs pa sngon du 'gro bar rkang pa g.yon pas g.yas pa mnan te/ g.yon skor gyis gyen du blta pas/ rdo rje khu tshur gnyis phan tshun rgyab sbyar
 zhing/ mthe chung gnyis sprel la sdigs mdzub gnyis bsgrengs nas/ sdigs mdzub g.yas pa cung zad bkug ste de'i rgyab tu sdigs mdzub g.yon pa bzhag go /zhes pa spyan 'dren pa'i phyag rgya spyi bor bcings nas/ pheT zhes pa
 brjid bag dang bcas pa lan gsum brjod de/ /oM ku ru ku ru sa ma ya a d+hi pa ti hUM dza(rgyud 'grel /rnams bkug la/ rang rang gi dam tshig sems dpa' rnams la ro gcig tu gyur pas gzhug par bya'o/ /de la re mig dbus mar bcu gsum gyi bdag nyid can gyi ye shes mkha' 'gro ma ji skad bshad pa'i
 gdan dang kha dog la sogs pa can no/ /shar gyi re mig dbus su nag po drag po sdun dang g.yon dang rgyab dang g.yas rnams su rim pa ji lta bar gtum mo dang 'jigs ma dang gzugs ma dang u ma'i lha mo dkar ba dang ser ba dang nag po'i
 mdog can ma rnams kyis yongs su bskor ba'o/ /u ma'i g.yas su cung zad ring bar khyab 'jug go/ byang gi re mig tu drag po chen po ste de bzhin kho nar 'di'i 'khor rgyal ma dang rnam par rgyal ma dang mi thub ma dang gzhan gyis mi
 thub ma ser ba dang dmar ba dang nag pa dang dkar mo rnams so/ /gzhan gyis mi thub ma las g.yas su cung zad ring bar tshogs bdag go /nub gyi re mig tu lhas byin te/ de bzhin du 'di'i nag mo bzang po dang nag mo chen mo dang dus ma sbom
 me dang dbang mo dmar ba dang nag pa dang dkar ba dang ser mo rnams so/ /lhe'i rig mig tu nag po ste/ 'di'i zla ba mo dang 'jigs ma dang gdugs can ma dang 'phyang ma rnams nag mo dang dkar ba dang ser ba dang dmar pa rnams so/ dbang ldan
 gyi reg mig tu thod pa can dkar ser te/ 'di'i skabs gsung dbang phyug ma dang kam po dzI dang mar me ma dang 'jib byed ma dkar ba dang ser ba dang dmar ba dang nag po rnams so/ /ma'i reg mig tu mi sdug pa dmar po rjes su 'brel ba'i ser
 nag ste/ 'di'i 'jigs gzugs ma dang gzugs chen ma dang mche ba gtsigs ma dang thod pa can ma rnams nag pa dang dkar ba dang ser ba dang dmar ba rnams so/ /bden bral mtshams kyi re mig
 tu dga' ba las 'das pa nag cing dmar ba ste/ 'di'i thod pa'i phreng ba ma dang 'phyang ba can ma dang khag pa la TwAM ga can ma dang rdzu 'phrul chen mo rnams dmar ba dang nag pa dang dkar ba dang ser mo rnams so/ /rlung gi phyogs kyi re mig tu log 'dren ljang gu'i kha
 dog rjes su 'brel ba'i dmar ser te/ 'di'i lag na ral gri ma dang lag na dgra sta ma dang lag na rdo rje ma dang lag na gzhu can ma ser ba pa dang dmar ba dang nag pa dang dkar mo rnams so/ /'di rnams dang steng du nyi ma dang zla ba dang mes po dang gza' dang rgyu
 skar la sogs pa rnams dang/ 'og tu thags bzang ris dang sa'i lha mo dang gdengs can dbang po la sogs pa rnams dang/ phyi rol tu kun nas bskor te sems can rnams thams cad do/ /'dir gtum mo la sogs pa rdzu 'phrul chen mo'i bar
 rnams rnam par sgeg ba can lag na me tog la sogs pa nye bar spyod pa lnga can te/ lag na ral gri ma la sogs pa bzhi ni sgra ji lta ba'i phyag mtshan can rnams so/ /thams cad kyang phyag gnyis 'khyud pa'i phyag rgya dang ldan ma/ phyag lhag mas gtso
 bo'i mtshan ma 'dzin ma rnams so/ /drag mo nag po la sogs pa rnams ni/ phyag mtshan bzhi can de bzhin kho nar 'gyur ro/ /'di rnams cig tu ral gri yang na'o/ /mtshan ma gnyis can rnams kyis pad+ma 'dir/ /nor bu yang ni mtshan ma gcig can la'o/
 dbang po klu rlung tshogs bdag dang/ /gnod sbyin zla ba mes po dang/ /sa yang zla bar shes bya ste/ /lhag ma nyi ma'i dkyil 'khor la'o/ /tshangs dang sa ni sku dbang rigs/ /rin chen rigs la nyi ma'o/ /lus ngan dbang ldan klu rnams ni/ /gsung rig
 don yod rigs la rlung/ /lhag ma mi bskyod rigs can rnams/ /dbang po la sogs pa 'di rnams kyang rang dang 'dra ba'i shes rab ma dang bcas pa ste/ sa ni rang 'dra ba'i thabs dang bcas pa'o/ /de nas mchod yon dang zhabs bsil la sogs pa sngon du 'gro
 bar yang dag par mchod de/ rdo rje bu tshur gnyis rgyab sprad pa'i ming med gnyis lcags sgrog tu byas pa zhes pa'i phyag rgya bstan te/ lag pa g.yon pa'i mthil du zla ba la gnas shing hUM las skyes pa'i sna tshogs rdo rje'i lte bar bdud rtsi'i snod bzhag
 nas sam bsgoms nas/ rdo rje khu tshur du byas pa'i lag pa g.yas pa'i khro bo brkyang bas de ston cing/ oM b+hak+Sha b+hak+Sha sarba yo ge shwa ri hUM hUM hUM dza(rgyud 'grel pa'i rdo rje dkar po rtse gcig pa'i ljags can de'i 'od zer gyi sbu gu rnams kyis sam yid kyis bdud rtsi 'dren pa la brtson pa la/ stong pa nyid dang snying rje dbyer med ma'i byang chub sems su lhag par mos 'khor gsum yongs su dag
 pas mos/ bdud rtsi lhag ma rnams kyis/ /oM tiSh+Tha b+hak+Sha b+hak+Sha dza(rgyud 'grel ro gcig par ji srid 'dod par bsam par bya'o/ /zhabs bsil dang phyag phyi ba dang so rtsi la sogs pa phul te mchod par bya'o/ /de nas rdo rje 'dzin pa'i rang bzhin ye shes mkha' 'gro ma mnyes pa'i don du dang/ chad pa dang lhag pa'i skyon zhi pa'i ched du dang
 bya ba thams cad 'grub pa'i don du/ oM badzra satwa sa ma ya ma nu pa la ya/ badzra satwa te no pa tiSh+Tha dri Dho me b+ha ba/ su to Sh+yo me b+ha ba/ su to Sh+yo? me b+ha ba/ a nu rak+to me b+ha ba/ sarba sid+d+himme pra yats+tsha/ sarba karma su tsa me tsita taM sh+re ya(rgyud 'grel b+ha ga wan badzra satwa mA me muM tsa badzri satwa b+ha wa mahA sa ma ya satwa A(rgyud 'grel bsdud pa na 'khyud pa'i tshul byas te/ snying gar g.yon pa'i rdo rje khu tshur bzhag cing/ lag pa g.yas pa brkyang nas re mig gi sa la gzhag ste/ zhabs la 'jus par mos pas/ bya ba bsgrub pa lhur len pa'i ye shes mkha' 'gro ma 'khor
 dang bcas pa/ oM At+ma tiSh+Tha hUM swAhA zhes brjod cing re mig nas bzhengs su gsol lo/ /de'i rjes su 'jug pa'i dbugs kyis bcug ste rang gi lus dang lhan cig ro gcig tu byas nas mchod par bya'o/ /de'i rjes su 'khyud pa'i phyag rgyas se gol
 gsum bya zhing oM sarba duSh+Ta grih+Na grih+Na gats+tsha hUM phaT zhes brjod cing 'jig rten skyong ba la sogs pa mngon bar 'dod pa sgrub pa la gzhol ba rnams gnas ji lta bar gshegs su gsol lo/ /zhes pa ye shes mkha' 'gro ma'i rnal
 'byor gyis gtor ma'i cho ga'o/ /'dir yang thog mar rdo rje sems dpa' i ting nge 'dzin can/ yang na he ru ka la brtson/ zhes gsungs so/ /des na gang gi tshe rdo rje sems dpa' i rnal 'byor gyis gtor ma sbyin bar brtson ba de'i tshe ye shes
 mkha' 'gro ma'i gnas su rdo rje sems dpa' bsgom par bya zhing/ dkyil 'khor ba rnams kyi ru rdo rje sems dpa' i dkyil 'khor pa'i lha rnams so/ /'di'i spyan 'dren pa'i phyag rgya ni 'bar ba'i phyag rgya ste de kho na spyan drang ba'i don du bcing bar
 bya'o/ /oM b+hak+Sha b+hak+Sha zhes pa la sogs pa'i sngags ni 'di'i ma yin gyi/ 'di'i dbul ba'i sngags ni/ oM badzra DA ka i maM ba liM grih+Na grih+Na hUM phaT oM dza(rgyud 'grel lan cig gis de'i shes rab ma la'o/ /lan cig gis rnam par snang mdzad la sogs pa rnams la dbul lo/ /lan cig gis ni rdo rje nag mo la sogs pa rnams la dang/ lag cig gis ni me tog ma la sogs pa rnams la dbul lo/ /de las gzhan
 rnams la/ oM kha kha khA hi khA hi sarba yak+Sha rAk+Sha sa b+ha ta pre ta pi sh+rA tsa un+d+ra dA pasma ra DA ki n+ya da ya i maM ba liM grih+Nan+tu se ma yaM rak+Shan+tu sarba sid+d+hiM me pra yats+tshan+tu hUM hUM phaT phaT swAhA/ zhes pa khyad par te/ gzhan thams cad sngar
 bzhin no/ /zhes pa rdo rje sems dpa' i gtor ma'i cho ga'o/ /gang gi tshe bcom ldan 'das 'di rigs pa'i rgyal po'i gzugs yin pa de'i tshe bcom ldan 'das dang de'i shes rab dang mkha' 'gro ma la sogs pa rnams dang khwa gdong ma la
 sogs pa rnams la ji ltar rigs par phyogs rnams su g.yon skor dang phyogs bral rnams su me'i zur nas brtsams te g.yas skor gyis gtor ma bskor bar bya zhing/ oM badzra DA ka zhes pa la sogs pa/ gcig dang gnyis dang gsum dang bzhi dang lnga'i
 lan brjod pas phul nas 'khor lo gsum gyi lha la/ oM ka ra zhes pa la sogs pa/ hUM hUM phaT swAhA zhes pa'i mdza' lan cig brjod pa 'bul par bya'o/ /zhes pa khyad par te/ gzhan rdo rje sems dpa' i gtor ma'i cho ga bzhin no/ /zhes
 pa rig pa'i rgyal po'i gtor ma'i cho ga'o/ /gang gi tshe dpal he ru ka'i gzugs kyis gtor ma sbyin par brtson pa de'i tshe yang/ ye shes mkha' 'gro ma'i gnas su he ru ka bsam bar bya ste/ dkyil 'khor pa rnams kyi du de'i dkyil 'khor
 pa rnams so/ /oM b+hak+Sha zhes pa la sogs pa'i sngags ni 'di'i ma yin gyi/ 'di'i gtor ma 'bul ba'i sngags ni/ phyag bcu drug pa nyid dam phyag drug pa nyid dam phyag bzhi pa nyid dam phyag gnyis pa nyid las so so rang gi snying po'i sngags so//
 'dis bcom ldan 'das ma shes rab dang bcas pa la'o/ /oM badzra gu hye zhes pa la sogs par rang rang gi sngags sngar gsungs pa rnams kyis gau rI la sogs pa lha mo bcu drug po rnams la dbul bar bya'o/ /zhes pa khyad par te/ gzhan thams
 cad ye shes mkha' 'gro ma'i gtor ma'i cho ga bzhin no/ /zhes pa kye'i rdo rje bzhi'i gtor ma'i cho ga'o/ /'di thams cad kyang rgyas pa dang bcas pa'i gtor ma'i cho ga'o/ /re mig rnams su yongs su bskor ba dang bcas pa'i dam tshig sems dpa' 
 bsgom pa med pa kho nar ye shes sems dpa' gzhugs pas gzhan thams cad rjes su sgrub pa las cho ga 'bring po'o/ /brgya byin la sogs pa rnams thams cad rang gi lha'i gzugs su lhag par mos nas gnas ji lta bar gnas pa 'di rnams
 la rang gi 'dod pa'i lha'i gtor ma sngon ma can gtor ma sbyin par bya'o/ /zhes pa mdor bsdus pa'i cho ga ste/ de'i tshe ni gru gsum la sogs pa ma yin zhing/ dam tshig sems dpa' dang ye shes sems dpa' i dgug pa la sogs pa bsgom pa yang
 ma yin la gshegs su gsol ba yang ma yin/ de ltar bskyed pa'i rim pa'i gtor ma'i cho ga rnam pa gsum mo/ /rdzogs pa'i rim pa la ni shes rab dang thabs las ma g.yos pa'i sems kyis/ bsam pa tsam gyis spyan drangs pa'i ye shes rab dang
 thabs kyi ngo bo kho na'i rang gi 'dod pa'i lha dang bcas pa'i dbang po la sogs pa rnams la ye shes kyi ro las tha mi dad pa'i gtor ma 'bul ba ni gtor ma'i cho ga'o/ /cho ga 'di rnams la yang zhi pa la sogs pa gtso bo'i bye ba'i dbye ba las dus dang phyogs dang
 kha dog gi dbye ba rtogs par bya'o/ /dkyil 'khor gyi khang pa la sogs pa'i shar la sogs pa phyogs dang phyogs bral rnams su kham phor la sogs par brgyad rnams sbyin par bya'o/ /dbang ldan dang dbang po dag gi par du nyi ma la sogs
 rnams la'o/ /chu lha dang bden bral dag gi bar du thag bzangs ris dang sa'i lha mo dag la'o/ /ji ltar rigs par 'dod pa'i lha rnams la ba dan la sogs pa'o/ /dbang po la sogs pa rnams la ni rang rang gi phyogs su rang rang gi mdo ga can gyi ba dan bco lnga rnams
 te/ gzhan yang phyi rol tu kun nas phyar bar bya'o/ /gzhan gyi don du gtor ma sbyin pa la yang sngags la ji ltar yod pa'i/ me 'am ma ma zhes pa ni ji ltar gnas pa kho na ltar bklag par bya ste/ de yang bdag nyid nyid du mos par bya'o/ /'di 'phan btags pa na
 bdag la phan btags par 'gyur ro/ /zhes pa'i bsam pa las de'i bya ba 'grub par 'gyur ro/ /mthar yang de'i don zhu bar bya'o zhes pa'o/ /gtor ma ni nye bar bsgrub pa ste 'dis gsal bar bya'o/ /zhes pa gtor ma nye bar bsgrub pa'o/ /man ngag gi snye
 mar snye mo sum cu rtsa bzhi pa'o// //dngos grub kyi thabs kyi yan lag brjod pa'i ched du gsungs pa/ gsang ba zhes pa la sogs pa'o/ /gsang ba zhes pa la sogs pas rdo rje dang pad+ma sbyor ba la sogs pa yang
 bris sku dang po ti 'dri ba'i tshogs par 'gyur ro zhes bstan to/ /sbas pa dam pa'i dgongs pa'i ste mngon par dgongs pa dam pa'i spyod yul gang du yin pa de gsal bar mdzad do/ /lha rnams su ni lha rnams kyi'o/ /rnam rtog med
 pa ni dam tshig bsten pa la sogs pa la'o/ /yang na zhes pa gsungs pa'i yon tan med pa'i phyir ro/ /dpa' po zhes pa skyes bu dpa' bo shi ba'i 'o/ /khrag chen po ni mi'i khrag go /mi can ni mi'i thod pa'o/ /ji skad bshad pa rnams kyis ni gnas dang gnas
 rnams su de bzhin gshegs pa lnga'i bdag nyid du gsungs pa rnams kyis te rdul dang khu ba la sogs pa bdud rtsi lngas bsgos pa rnams kyis so/ /dang por ni mchod yon sbyin pa'i dus su'o/ /dpal yang dag par sbyor ba ni rdo rje sems dpa' pa'o/ /gyur
 pa rnams ni kha dog lnga rnams so/ /pho nya mo ni rdo rje rnal 'byor ma'o/ /zla ba ni byang chub kyi sems so/ /gcig tu ste gnas su rnal 'byor ma rnams dang lhan cig go /de la pho nya mo'i gtsang sbra ni bcom ldan 'das ma'i gzugs su
 bsgom pas so/ /zla ba ni gtum mo la sogs pa bsgom pas so/ /mdzes pa'i ston mo ni bdud rtsi myang ba'i cho ga bsgom bas so/ /'di kho na'i gtsang sgra ni phyi rol gyi shes rab ma'i khu ba tsA ru yang dag par spyod pa las kyang kun nas spyad do/
 des ni yid dag pas rnam pa 'di lta bu kho na'i dag byed rjes su 'brel par bya'i/ khrus dang kha shol ba la sogs pa ni ma yin no/ /de'i rang gi sems 'dod chags la sogs pas dri ma can du gyur pas 'bras bu med pa ni dag
 byad ma yin no/ /slar zhing mi 'dod pa'i 'bras bur 'gyur ro/ /zhes gsungs pa/ mi thun chos kyi zhes pa rdo rje 'dzin pa'i rnal 'byor las phyin ci log nyid kyis so/ /'dod pa mi 'grub pa 'ba' zhig tu ma zad kyi/ phyin ci log las nyes pa
 byas pas ngan 'gror 'gyur ro/ /zhes gsungs pa/ khyi zhes pa la sogs pa'o/ /'bras bu med pa nyid rgyas par ston pa/ dper na zhes pa la sogs pa'o/ /dpe can brjod pa gsungs pa gzhan gyi zhes pa lta ba gzhan brjod pa
 seng ge dang 'phrog byed la sogs pa'i 'o/ /don med ni de kho na nyid ma mthong bas dang 'dod chags la sogs pa'i cha shas kyang ma nyams pa'i phyir ro/ /'dzin pa nges par 'dzin pa ste bsnyom pa'o/ /khrus zhes pa nye bar mtshon pa ste/ kha
 cig tu rnal 'byor zhes 'don to/ /'dis ni rang dang gzhan la phan pa spyod pa la mkhas pa rnams kyis dpal yang dag par sbyor ba mgon po kho na yang dag par bsten par bya'o/ /zhes gsung par 'gyur ro/ /des ni bcom ldan 'das
 kyis 'dzin pa'i thod pa la sogs pa shin tu dag byed do zhes ston pa gsungs pa/ dung zhes pa la sogs pa'o/ /dung la sogs pa rnams rang gi rgyu dag byed ma yin pa nyid du 'dod pa rnams las yang dag par byung pa rnams kyang gtsang byed
 nyid du 'jig rten yang dag par 'dod na/ gang gtsang byed kyi rgyu las byung ba de ches shin tu dag byed do/ /zhes gsungs pa/ chos zhes pa la sogs pa ste/ don dam par chos kyi sku ni de bzhin nyid rang bzhin gyis yongs su dag pa
 nyid kyis na/ dag byed kyi lus mi gang rnams kyi yin pa'o/ /thod pa zhes pa nye bar mtshon pa ste/ ci'i rgyus na gtsang byed ma yin pa nyid kyis smod/ mchod phyir thogs ni mi'i snal ma bkod pa ste/ de kho na dag byed de/ thos pa dang
 dran pas byas pa ni ma yin no/ /gang gi phyir bden pa ste tshad mas 'thad pa'i chos de bzhin nyid rang bzhin med pa nyid de/ dri ma med pa nyid yongs su dag pa nyid 'dren no/ /zhes pa tshul gang du yin pa de ni de skad de/ gtsang ba nyid do/ /so so'i
 skye bo nyid la rang bzhin gyis yongs su dag pa'i de kho na nyid lhag par mos pa las de'i rgyu can dang de'i rang bzhin thams cad dag byed kho na yin na/ dri ma med pa nyid cing rnam par dag pa'i de kho na nyid rtogs pa na ni bcom ldan 'das
 dang de 'dzin pa rnams kyi shin tu ches dag byed nyid do/ /zhes mngon par dgongs pa'o/ /de nyid kyi phyir gsungs pa/ gnas zhes pa brtan pa snye mi g.yo zhes pa'i don to/ /gang gi phyir rnam pa 'di la bu kho na dag byed yin pa de'i phyir
 mtshang bya ste bcom ldan 'das la bde ba chen po'i mchod pas so/ /zhes pa skabs su bab pa nye bar bsdu ba'o/ /pir la zhes pa pir te/ rdo rje sems dpa' i rnal 'byor dang ldan pas/ /gtor ma dang mchod pa la sogs pa sngon ma can pir gzung
 nas rdo rje sems dpa' i snying po'i sngags kyis lan nyi shu rtsa gcig mngon par bsngags te sbyin no/ /gzo bo rdo rje sems dpa' i gzugs su bsgoms pa la yi ge gsum gyi snying ga dang mgrin pa dang spyi bor byin gyis
 brlabs pa'i lag par gnas pa'i zla ba la pir rdo rje'i rnam pa can dang/ tshon yang pad+mar gnas pa'i ye shes kyi bdud rtsi'i rnam pa can du lhag par mos te/ de'i rjes su bri bar bya'o/ /'bri smyug ni shes rab ye shes kyi rang gi ngo bor
 lhag par mos nas shes pa kho na khyad par te/ gzhan snga ma bzhin no/ /legs par bsal ba'i lo 'das ni legs par brdungs pa'i lo 'bab po/ /tA la'i 'dab ma'o zhes kha cig go /legs par brkyang ba'i 'dab
 ma zhes kha cig tu 'don to/ /sbrang chen zhes pa'i mi'i mar khu'o/ /man ngag snye mar snye ma sum cu lnga pa'o// //yang dang yang du rnal 'byor goms pas dbang du gyur pa'i rnal 'byor pa rnams
 nus pa nye bar ston pa la grub pa'i dus su yang rdo rje sgeg mo rnams la rol par gsungs pa/ nyon zhes pa la sogs pa'o/ /yang dag sbyor bcom ldan 'das 'dis mtshon par bya'o/ /zhes pa yang dag sbyor mtshan nyid
 do/ /de kho na la 'di 'dra ba'i rol mo srid pa'i phyir ro/ /rdo rje 'dzin pa la sogs pa'i 'o/ /zhes pa'i sogs pas rnam par snang mdzad la sogs pa'i 'o/ /'di ltar zhes pa la sogs pa rol mo ste 'dod pa'i
 rgyal po'i 'o/ /rdo rje can ni shi ri khaN+Da'i shing ngo/ /bcu gnyis ni ring ba nyid du'o/ /gzhan pa ni thung ba nang dang ldan pa'i cang te'u'o/ /bud med khrag ni me tog ste des chu skyes bris bya'o/ /de la maN+Dal gru bzhi pa'i dbus su rdo rje
 'dzin pa'i gzugs su gnas pas 'dab chags chu skyer gyi rkang pa bzhin du steng du byas pa'i rkang pa g.yon pa'i rting pas 'gugs pa'i tshul gyis che ge mo A karSha ya mi kheM hUM zhes bsgyings pa dang bcas pa brjod cing de de'i rkang pa'i 'og tu gnas pa dkyik
 'khor du brdung par bya'o/ /de dag ces pa'i dag go /gal te zhes pa dngos grub 'gor bar gyur na bskul ba'i tshigs bcad gsungs pa/ mdzes zhes pa la sogs pa'o/ /kye khro bo sngon po mdzes pa/ khyod de khyod kyi dam tshig la bya ba can te/ phyag
 gis ni dbyug pa nor bu rnams kyis bcings pa 'dzin to/ /dpa' bo bdag 'du ba la 'khrugs pas brdegs pa la sogs pa yongs su spongs te dor cig pa'o/ /rnal 'byor ma'i dbus su khyod de khyod ni blta ste/ rnal 'byor ma'i dkyil 'khor
 gyi dbus su bdag kyang zhugs te khyod la pad+mas mchod par bya zhes dgongs pa'o/ /de nas sgo ni mi gnas pa'i mya ngan las 'das pa'i grong du 'jug pa'i thabs bde ba chen po'o/ /khrol ni grol bar mdzod ces pa'i don to/ /
 des 'khor ba las ? ba ste grol bar bgyi'o/ /tshigs su bcad pa 'di yang slob ma dkyil 'khor du 'jug pa'i dus su dang tshogs kyi dkyil 'khor du 'jug pa'i dus su yang sgo srung la gsol ba gdab pa'i ched du brjod par bya'o/ /
 de'i phyir gsungs pa nyon cig ces pa la sogs pa'o/ /bdud rtsi ni bdud tsir byas pas bdud rtsi lnga dang sgron ma lnga'i rang bzhin no/ /kla klo ni brda'o/ /sbrang chang dang rgun 'brum chang ni dpa' bo gcig pa'o/ /nya phyis ni tsu kra ste rtsub pa'i 'dod
 pa can ma'o/ /kAny+dzi ka zhes pa kAny+dzi ka'i 'bras bu'o/ /dga' ba zhes pa rnam pa 'di lta bu'i dga' ba'i dngos po nye bar longs spyad pas skal pa bzang ba kun dga' dang bcas pa'i dpal rdo rje sems dpa' i gzugs su rnal 'byor pa
 'grub bo/ /mgu ba yang glu len pa la sogs pa byed de/ /de la glu ni ka zhes pa la sogs pa la rtogs pa/ kaM dzdza hi hi zhes pa'i mthar thug pa'o/ /de ltar gzhan yang de kho na nyid kyi don kun nas rtogs
 pas/ dor te sgrib pa rnams gang gis gsal ba de kun dor te rdo rje'i glu zhes pa'i don to/ /phyag rgya dang rdo rje'i rkang stabs rnams na rgyud gzhan du gsungs so/ /gang las lta stangs zhes pa la sogs pa ni de nye bar mtshon pa ste/ rnams
 kyang rdo rje phreng bar rgyas pa dang bcas par rnam par phye'o/ /sgyug mo ni rgyug mo nyid do/ /sgyug mo can zhes klog pa la yang de ltar ro/ /de rnams kyi ni de rnams so/ /bzang po ni rma med pa'o/ /don ni 'di ste/ dben zhing yid dang rjes su
 mthun pa'i gnas su lha'i rnal 'byor dang ldan pa'i bla ma shes rab dang bcas pa dang/ de bzhin du de las gzhan pa rnams kyang dbang bskur zhing lha'i rnal 'byor can rnams rgan rim du bzhag par bya'o/ /sgrub pa pos skal med rnams spang
 bar bya'o/ /bla ma la gus shing bag yod pa can las gyi rdo rje bya'o/ /gtor ma dang po dang bar pa dang tha mal sbyin bar bya'o/ /tshogs kyi gtso bos kyang bza' bya dang btung bya la sogs pa bdud rtsir bya'o/ /myos byed kyis chos 'byung byas pa
 rang gi snying ga'i 'od kyis spyan drangs pa'i ye shes kyi 'khor lo cho ga ji lta bar tshim par bya'o/ /de la nyis 'gyur sbyin par bya/ /sngags pa gzhan la mnyam po nyid/ /bla ma la snod gnyis te/ gzhan rnams la re re'o/ /snod ni shin tu
 skam mi bya/ de bzhin shin tu bkang mi bya pad+ma'i bskor bas/ pad+ma'i lag pas blang ba dang/ de nyid kyi ni lag pas dbul bar bya'o/ /sa la bka' med par 'dug na chad pa sbyin par bya'o/ /phyag byas pa kho nas 'khor lo'i dbang phyug
 la dbul te blang ba 'ong ngo/ /glu gar de bzhin rol mo dang/ /dri dang lan dang lags smra ba/ /'khor lo can gyi rjes gnang med/ /tshogs kyi dkyil 'khor du mi bya/ lha yi rnal 'byor lhur lon pas/ /dal bus thams cad bya ba'o/ /gzhan dun shin tu
 'thungs pa las brgyal ba bzhin du shes pa med pa las sam sems rnam par g.yengs pa las dngos grub ga la zhig /'gro bar 'dod pas 'khor lo'i gtso bo la phyag byas te zhus nas 'gro bar bya'o/ /zos pa'i lhag ma'i gtor ma ji ltar
 bcug pa'i sngags rnams kyis sbyin par bya ste/ oM A(rgyud 'grel brjod par bya ba'i tshogs kyi 'khor lo ni ma yin no/ /blo ma la ni dpa' ba' i ston mo la yang phyag rgya ngas par dbul bar bya ste bsod nams 'phel ba'i ched du'o/ /de lta 'khor lor yon bcas ston mo ni/ /ngan 'gro 'jig par byed
 byas nas/ /ji ltar nus pas yon phul te/ /tshogs kyi 'khor lo gshegs su gsol ces pa'o/ /rol mo dang glu dang gar dang phyag rgya'i bya ba'i de kho na nyid bzhi rnams kyis gsal ba'o/ zhes pa bya ba'i de kho na nyid bzhi'i rgyal po'o//
 rnam dbye phyis pa ni lung ngo/ /man ngag snye mar snyem sum cu drug pa'o// //sngar gsungs pa'i spyod pa spyad pa dang ldan ba rnal 'byor cher 'phel ba la dbang du gyur pas phyag rgya dang lhan cig kho nas phyag rgya
 chen po'i dngos grub zhes brjod pa'i ched du gsungs pa/ nyon zhes pa la sogs pa ste/ rdo rje slob dpon ni 'dir rdo rje 'dzin pa'i gzungs mthar thug par 'jug pa nyi ma bdun pa'i lta blta bar bya ba'i cho gas gnas pa'i rnal 'byor ba'o//
 de'i dngos grub kyi ched du ba'i dam tshig kun spyod de rjes su sgrub pa'o/ /'khor lo chen po ni rdo rje sems dpa' i dkyil 'khor te/ dang po ni dam tshig sems dpa' i gzugs so/ /de la rab tu zhugs pa'i snying po'i dkyil 'khor
 ni ye shes sems dpa' i gzugs so/ /de ltar rang nyid dang por rdo rje sems dpa' i rang bzhin can gyi bdag nyid la/ rang nyid kyi dbang bskur sogs rgyas pa ji skad bshad pa rnams dang ldan par brtag cing bsam nas 'grub po/ /zhes pa lhag ma'o/
 de gsungs pa rdo rje slob dpon nyid ces pa rdo rje sems dpa' o/ /ci las she na gang phyir legs thos ni rnam par thos shig legs par rtogs pa ste tshad mas 'thad pa nyid kyis so/ /ci zhe na bsam gtan zhes pa la sogs pa 'gro zhes
 pa'i bar ro/ /gang yun ring du bar ma chad par gus pas sems par byed pa de'i bsam gtan rab tu gyur pa mthar phyin pa gsal bar snang bar 'gyur te/ dper na 'dod pa can gyis 'dod ldan ma sems pa bzhin/ mchog gi
 skyes bu don du gnyer bas kyang rim pa gnyis bsam gtan bar byed do/ /de'i phyir the tshom ga la yod/ rim pa gnyis bsgom bzhin pa yang stong pa nyid kyi chos sgom pa lhur len pa'i mthar thug pa'i bya ba can kho na dngos grub kyi rgyu'o
 zhes ston to/ /rdo rje zhes pa la sogs pa la/ rdo rje sems dpa' ni dam tshig sems dpa' ste/ snying po ni ye shes sems dpa' o/ /sogs pas dbang bskur la sogs pa'o/ de rnams kyis tshon par bya'o/ /zhes pa mtshon bya ste rang
 bzhin med pa nyid do/ /de bzlas pa ni sgom par byed pa'o/ /chos goms pa kho na 'khor ba sel bar 'gro bar byed pa ste chos can bsgom pa ni ma yin no/ /'dod ldan mi'i lus bsgom pas 'dod chags zum par byed pa ma yin gyi/ 'on kyang
 mi rtag pa la sogs pa nyid du'o/ /zhes pa la sogs pa gzhan du mang po gsungs so/ /rdo rje 'dzin pa'i snying po'i sngags la sogs pa rnams kyi bzlas pa sngar byas pa ni dngos grub kyi thabs kyi yan lag tu 'gyur ro/ /zhes 'dir de ltar gsungs so/ /zhes pa ni
 drang ba'i don to/ /'o na de ltar na rdo rje sems dpa' kho na 'grub kyi/ rnam par snang mdzad la sogs pa ni ma yin nam/ zhe na gsungs pa/ dang po zhes pa rdo rje 'dzin pa'i gzugs grub par 'gyur ba'i rnal 'byor pa'i dbang po'i gtsug gi nor
 bus brtag par bya zhing bsgom par bya'o/ /zhes pa brtag pa rnam par snang mdzad la sogs pa kun te/ de rnams kyi rtse mo mchog bla na med pa ste/ skyed par byed pa nyid kyi phyir dang rang bzhin nyid kyi phyir ro/ /rdo rje sems dpa' kho na me long
 lta bu la sogs pa'i ye shes kyi rang bzhin ni gdul bya'i 'dod pa sna tshogs pa las sna tshogs shing bsam gyis mi khyab par spyod pa rnam par snang mdzad la sogs pa dpag tu med pa'i skur 'byung bar 'gyur ro/ /zhes pa'i don to/ /'o na rnam par snang
 mdzad la sogs pa rnams/ so so rang nyid kyi 'khor los sgyur ba rnams su bshad pa ma yin nam/ de'i phyir de bsgom pa kho nas de 'grub po zhe na/ nges pa med de/ gang gi phyir 'dis kyang dang rdo rje sems dpa' i gzugs gtso bor sems
 pa'i cho gas kyang dang/ de bzhin gshegs pa gzhan gyi gzugs gtso bor bsgoms kyang/ rnam par snang mdzad la sogs pa'i ngo bo'i rgyal ba rnams skye bas so/ /de rnams kyang so so rang stong pa nyid dang snying rje dbyer med pa'i byang chub sems
 rdo rje'i rang bzhin rnams kho na ste/ me long lta bu'i ye shes kyi bdag nyid rnam par snang mdzad do/ /zhes pa la sogs pa ni/ de dang de'i sku la dgos pa'i dbang las de dang de'i ye shes kyi gtso bo nyid du brjod par 'dod pas so zhes dgongs
 pa'o/ zhes pa drang ba'i don to/ /'o na rdzogs pa'i rim pa bsgom pa'i rim pa kho na rdzogs pa'i byang chub 'grub pa'i cho ga ste/ des na 'dis ci bya zhe na gsungs pa/ cho ga zhes pa la sogs pa'o/ /bskyed pa'i rim pa ni rdzogs
 pa'i rim pa'i dngos su ba'i thabs te/ des na shes rab kyi sbyor ba sgrub pa'i dang/ de yang phyag rgya chen po'i dngos grub kyi'o/ /zhes mngon par dgongs pa'o/ /zhes pa nges pa'i don to/ /de ltar yang dang por rnam pa 'di lta bur kho bos
 phye zin to/ /gnyis med ni rnam g.yeng mdza' dag so sor spangs pa bsgom par bya ba la yid gcig tu byed pa'o/ /spro bar bcas ni brtson 'grus mchog dang ldan pa rnams so/ /tshig gi don gnyis po 'di'i yul nyid kyis tshig phyi ma gnyis
 kyi shes rab dang snying rje'i rnal 'byor gsal bar byas so/ /snying rjes ni rnam pa sna tshogs pa'i rdzu 'phrul gyi rnam pa rnams kyis sems can gyi don mthun gyi sgrib pa'i dgra bo spang ba'i ched du dang/ /
 sbyin ba la sogs pas tshim par bya ba'i ched du go gyon no/ /de ltar rim pa gnyis kyis kyang shes rab mas 'grub pa'o/ /zhes gsungs pa/ gang zhes pa la sogs pa'o/ /phyag rgya rnams kyi mchog la sogs pa nyid ni lnga
 par bkral zin to/ /tshogs zhes pa lha mo'i rang bzhin du bsgom pa la sogs pa dang byed pa'i khyad par rnams kyis dang sor mo bskyod pa la sogs pas kyang ji ltar rigs par 'dus bya ste/ bde ba chen po nyams su myong ba'i ched
 dur ro/ /'on 'dir ma phyag rgya nyid du gsungs pa ci ltar te de ni nye bar longs spyad zin pas so/ /zhe na gsungs pa/ dam pa zhes pa la sogs pa ste/ rgyu dang 'bras bu'i tshogs pa bsam gyis mi khyab pa'o/ /zhes pas/ de kho na yud kyis
 bde ba dam pa 'char ro/ /de nyid kyi phyir de gsal bar bya ba'i ched du bde ba chen po'i tshig go /zhe sdang bdag nyid gdol pa mo zhes pa 'dis rigs nges pa rtog pa yang dang po pa'i lhag par mos pa la bltos pa kho na ste/ rnam pa 'di lta
 bu'i rnal 'byor pa ni ma yin no/ /zhes bsgrubs so/ zhes 'doms par byed do/ /de nyid kyi phyir phyag rgya chen po thig ler gsungs pa/ gdol mo pad+ma'i rigs las skyes/ /chos ma rin chen las skyes bshad/ /g.yung mo rdo rje'i rigs nyid dang/ gar
 ma las kyi rigs de bzhin/ /thod pa ma ni 'khor lo'i rigs/ /lnga po 'di rnams lus ngag pa/ zhes so/ /bud med ni gdol pa'i bud med dam/ g.yung mo'i bud med dam bu'i bud med do/ /ma la sogs pa rnams lha mo'i khyad par gyis ngo bo
 nyid du brjod pa'i ched du gsungs pa/ spyan ma dang zhes pa la sogs pa'o/ /rin chen sgron ma ni gser gyi mdog can spyan gsum pa/ g.yon pa'i phyag gsum na dril bu dang lcags kyu dang gzhu rnams dang/ g.yas pa rnams kyis rin po
 che dang ral gri dang mnga' 'dren pa lhur len pa can/ rgyan thams cad kyis brgyan pa/ thod pa'i dbus rgyan mtho ba/ sna tshogs pad+ma dang zla ba'i dbus su son par rnam par shes par bya'o/ /rnam par snang mdzad la sogs pa rnams
 kyi rang gi shes rab ni rim pa ji lta bar spyan ma la sogs pa'i ngo bo rnams su rtogs par bya'o/ de bzhin gshegs pa 'di rnams kyang rdo rje sems dpa' dang bcas pa ni 'khor los sgyur pa rnams te/ 'di rnams kyi yang khyad pa dang ldan
 pa'i ming bshad pa ni gzugs kyi khyad par gsal bar bye ba'i don du ste/ gtsug tor gyi gnas lta bu nyid kyis rigs kyi bdag po'i dngos po gsal bar byed pa'i phyir ro/ /'di rnams kyang dkyil 'khor pa nyid du ji ltar rigs par gsung pa/
 yod na yang/ dkyil 'khor gyi lhag pa'i bdag po'i dngos por yang rtogs par bya'o/ /ji skad du 'dus pa phyi mar gsungs pa/ 'khor los sgyur drug rgyal po yis/ /gtsug tor zhes pa rnam par spros
 shes so/ /'o na ci ltar phyi rol gyi phyag rgya kho na dang lhan cig dngos grub yin/ /ci ltar yang rgyu rdo rje 'dzin pa tha mi dad pa las 'bras bu rdo rje 'dzin pa'i gzugs rnam par snang mdzad la sogs pa rnams tha dad pa yin zhe na gsungs pa/
 sems kyi sbyor ba 'di gsungs so/ /zhes pa sems te bde ba chen po skye ba la/ 'di kho na 'dis sbyar bar bya'o/ /zhes pas sbyor ba ni phyag rgya ste/ rgyu nyid du yang dag par rtogs nas thams cad mkhyen pa rnams kyis gsungs so/ /de'i phyir
 tshad mas rab tu grub pa'i rgyu dang 'bras bu'i dngos po'i bye brag la the tshom ga la yod/ rtag pa la sogs pa'i gzugs tha dad na yang sems kyi sbyor ba rnams te/ 'di'i spro ba'i khyad par ro/ /de skad du yang/ rgyags pas kha dog tha dad de/
 zhes pa la sogs pa sngar rnam par phye zin to/ /de nyid kyi phyir bsgre ba ston pa/ 'grub ces pa la sogs pa'o/ /'di yis ni sems kyis sbyor bas so/ /khro bo rnams ni mi bskyod pa'i rigs can rnams dang mi bskyod pa'o/ /cho ga ni nyams
 kyi spro ba'i khyad par gyis rjes su bsgrub pa'o/ /bde ba'i sgrub pa zhes pa bde ba chen po'i sgrub byed de/ nye bar mtshon ba las bsnyen pa la sogs pa yang ngo/ /yang 'dir bsnyen pa la sogs pa ci 'drar blta zhe na/ gang 'dra ba ni 'dus pa
 phyi mar te/ bsgrub bya sgrub byed yang dag sbyor/ /gang de bsnyan pa zhes par brjod/ /rdo rje pad+ma mnyam sbyor ba/ nye ba'i sgrub par brjod par bya/ /sgrub par bskyod par rab bshad de/ hUM phaT yi ge yang dag ldan/ /rang bzhin rang gi bde zhi ba/ /sgrub pa
 chen por brjod par bya'o/ /zhes gsungs pa rnams so/ /bsgrub bya sgrub byed yang dag sbyor ni rig ma la 'khyud pa la sogs pa'o/ /de ltar mthar thug pa na 'jug pa'i yan lag bzhi po thabs su gyur pa rnams kyis/ /sangs rgyas thams cad kyi lhag pa'i bdag po
 dpal dang ldan pa rdo rje 'dzin pa chen po'i go 'phang thabs las byung ba sangs rgyas rnams thams cad kyi chos rnams kyi chos nyid de kho na 'o/ /zhes 'dis thabs byung gsungs so/ /'di skad gsungs te/ zla ba drug tu rig ma'i brtul zhugs spyad nas nyin mo bdun rang gi
 lha lta ba byas te/ sbyor ba rab tu gyur par shes shing/ gang gi tshe nyin mtshan du mar me'i 'od kyi rgyun bzhin du rtag tu de kho na nyid kyi rnal 'byor la mngon du phyogs par nus pa de'i tshe/ lhan cig spyod pa'i phyag rgya dang lhan cig rdo rje sems dpa' la
 sogs pa rnams las gang yang rung ba'i rnal 'byor mngon du byas te/ tho rangs kyi thun nas brtsams la rdzogs pa'i rim pa'i rnal 'byor khams gsum pa thams cad gcig pa'i rang bzhin mnyam par bzhag pa dang mnyam par ma bzhag pa gcig pa'i ngo bor lhag par mos nas/
 rdo rjes rgyas btab pa'i phyag rgya dang/ ro mnyam pa nyams su myong zhing/ mar me'i 'od kyis rgyun lta bur rtag par nyin mtshan thog thag gnas par bya'o/ /de nas rab kyi mthar thug par son pa'i dga' ba bzhi'i de kho na nyid mngon du byed pa las skye rong 'char
 ba'i dus su 'grub ste/ sgrub thabs mchog rnams kyis zhes bshad pa'i phyir man ngag ji lta bar phyag rgya chen po 'grub pa'i nye ba'i nyin zhag la ste/ byang chub kyi sems zla ba'i cha mdza' dag yongs su rdzogs pa'i phyir/ /skye reng shar ba'i dus su shin tu
 yongs su dag pa'i ye shes bdud rtsi yongs su rdzogs pas phyag rgya chen po grub pa rdo rje 'dzin pa'o/ zhes pa'o/ /de nyid kyi phyir mkha' 'gro ma rdo rje gur du gsungs pa/ /me tog sogs kyis mchod byas nas/ bsam gtan gnas su rab gdugs te/ phyag rgya lhan 
 cig rab zhugs la/ /rdo rje rnal 'byor yang dag brtsams/ /zla ba nyi ma nub pa na/ /sbyor ba 'di ni yang dag brtsam/ /skya reng 'char pa'i dus su ni/ /'grub 'gyur 'di la the tsom med ces so/ /'di'i don bla ma rnams 'doms par
 'gyur te/ rdo rje nyi ma zhes klog pa gzhan la yang ngo/ /shin tu ni bla na med par ro/ snying rje'i gzhan dbang nyid las 'di rjes su bsgrub pa'i ched du spro ba bskyed pa gsungs pa/ thob nas zhes pa la sogs pa'o/ /le lo 'di yang 'di la the tshom dang byin ci log dag gis
 tshul gzhin la zhugs pa dang 'dir zhugs pa nyid na yang don ma rtogs pa nyid kyis rmongs pa 'am ma zhugs pa'i dbang du byas nas gsum pa'o/ /'dir ji ltar rigs par thob par rung ba nyid gyis ni thob nas zhes gsungs so/ /gang du zhes pa bde 'gror
 ram ngan 'gror ro/ /mi shes so ni thams cad mkhyen pa ma yin pa rnams kyis te/ dge ba dang mi dge ba'i las sna tshogs pa nyid kyi phyir ro/ /ji skad du gsungs pa/ las dang yi bag chags dang/ /de yi 'jug rnyed de las 'bras/ /des pas
 sangs rgyas las gzhan gyis/ rnam pa thams cad mi shes so/ /zhes so/ /legs par zhugs pa brtson 'grus dang ldan pa'i ngor gsungs pa/ 'di ltar zhes pa la sogs pa'o/ /de ste las bya ste/ gang gis sangs rgyas rnams kyi chos rgyud la
 sogs pa kun shes pa phun sum tshogs par 'gyur ba'o zhes pa'o/ /man ngag snye mar snye ma sum cu bdun pa'o// //de ltar phyag rgya chen po grub pa'i rdo rje slob dpon la bsnyen bkur phul du byung ba brjod pa gsungs
 pa de nas zhes pa la sogs pa ste/ gang du ni nyin mor ram gnas su'o/ /grub pa ni sku dang gsung dang thugs rdo rjes so/ /rig ma sngar gsungs pa'i phyag rgya dang lhan cig ldan pa'i skyes bu rig ma'i skyes bu ste/ don dam par dbyer med pa'i ngo bo
 nyid kyis dang kun rdzob tu rnam pa'i dbye ba las so/ /gang gi phyir rdo rje slob dpon ni rdo rje 'dzin pa ste/ don dam par byang chub kyi sems kyi ngo bo dang/ kun rdzob tu rig ma'i skyes bu'i gzugs can no/ /de skad du yang/ 'dus pa phyi mar/ sku gsung thugs kyi rdo rje yis/
 dbyer med dbye ba'i dngos po las/ rig ma lhan cig yang dag sbyor/ /rig ma'i skyes bur brjod par bya/ zhes so/ /'byor pa ni bsnyen bkur la sogs pa'i dga' ston no/ rnam 'gyur drug du g.yos pa kho na gang du yin pa de ji ltar 'gyur par ro/ /'dir 'gul
 ba dang g.yo ba dang ldeg pa dang 'ur ba dang 'khrugs pa dang chem pa zhes pa rnam par 'gyur ba drug rnams so/ /de la sa gzhi 'gul pa'o/ ljon shing rnams thams cad g.yos pa'o/ /ri bo rnams thams cad ldeg pa'o/ /lha dang lha ma yin la sogs pa rnams/
 'ur ba'o/ /rgya mtsho la sogs pa rnams 'khrugs pa'o/ sbrin ba la sogs pa rnams sgrogs pa'o/ /'di rnams kyang so sor dman pa dang bar ma ni mchog rnams/ /zhes pa ce bco brgyad de/ /de la gang gi tsher shar phyogs su ljon shing dang ri la sogs
 pa rnams 'khrug pa chen por gyur pa de'i tshe shar phyogs mtho bar snang ste nub phyogs dma' bar ro/ /de ltar gzhan la 'ang ngo/ /'ur ro zhes pa 'og tu sgra 'ur 'ur ba'o/ /gang gis rgya mtsho chen po 'khyugs pa de lta bu'i sgra de gang rnams kyi
 yin ba de rnams ni de skad do/ /phyag rgya'i snying po ni phyag rgya dang ldan pa nyid kyi phyir ro/ /khams ni 'dir dbang po ste chung ngu dang bar ma dang rnon po zhes pa rnam pa gsum mo/ /de ltar khams gsum rnams gang rnams kyi yin pa de rnams ni khams gsum
 pa kho na khams gsum ba nyid de sems can rnams so/ /gang gi tshe gzugs med khams pa gzugs cung zad dang ldan pa ste chung ba la dgag ba'o/ /zhes 'dod pa dag gang gi tshe 'di skad du gzugs med pa'i khams par gyur pa dang gzugs khams par gyur ba'i sems rnams
 dgos pa'i dbang las 'dod pa'i khams su 'ongs pa na ji ltar thog ma med pa'i bag chags gsal bar gyur pa ltar bud med dang skyes pa'i dbang po can rnams te tshangs pa bzhin dang tshangs pa bzhin zhes 'dod pa
 de'i tshe 'dod khams par gyur pa la sogs pa khams gsum pa nyid rnams so/ /'dod pa 'di kho na mang po rig pa rnams gsung ngo/ /tha skar gyi bu dag ni lha'i sman pa dag go /ched du brjod pa ni dang pha dang dga' thas cher rol pa'i tshig go/
 gzhan zhes gzhan 'phrul dbang byed pa rnams so/ /gzhan min dbang bsgyur ni 'phrul dga' ba rnams so/ /bsgrub bya'i bsod nams kyis zhes pa la bsgrub bya ni rdo rje sems dpa' o/ /khams gsum rnams su ste ji skad bshad pa rnams su gang
 mchod pa srid pa'o/ /bde ba chen po'i dngos grub ni phyag rgya chen po'i dngos grub bo/ /man ngag snye mar snyem sum cu brgyad pa'o// //de ltar grub pa'i rang bzhin dang/ gzhan gyi don la 'jug ba rtogs par bya ba'i don du gsungs pa/ grub pa zhes pa la sogs
 pa'o/ /rigs pa'i skyes bu ni longs spyod rdzogs pa'i sku ste/ yang dag par sbyor ba nyid kho nar gsal bar gyur pa'i bde ba chen po'i sku'o/ /ma song ba ni chos kyi sku'i bdag nyid de bzhin nyid kyi phyir ro/ /gang gsungs pa rigs kyi bu de bzhin nyid ni gang
 las kyang 'ongs pa 'am/ /'gro ba med do/ /gang de de bzhin nyid de ni de bzhin gshegs pa'o zhes so/ /'dis ni don dam par chos kyi bya ba med ba nyid du rig par bya'o/ /ma yin pa kho na zhes pa brten dang brten pa dgag pa yang ngo/ /gang gi phyir dang po skye ba dang mdza' 'gog pa dang
 dbus gnas pa ste/ de rnams 'di la don dam par med pa'o/ /gang gi phyir gnyis med pa ste/ spros pa med pa shin tu rnam par dag pa'i chos kyi dbyings kyi ye shes kyi bdag nyid do/ /srid pa gsum rnams ni 'dod pa la sogs pa'i khams rnams te phyogs so sor dpag tu med pa
 snang bar byed do/ /zhes pas de skad de me long ye shes kyi ngo bo'o/ /snang bar byed pa ni bcom ldan 'das kyi yid kyi blo bzhin du dbang po'i blo la sogs pa rnams kyis kyang yul thams cad yongs su gcod pas yul thams cad par bshad de/ bcom ldan
 'das kyis ji skad du gsungs pa/ thams cad du ni phyag zhabs mdza' / /kun nas spyan dang dbu dang zhal/ kun tu thos ldan 'jig rten du/ /thams cad khyab par byas te gnas/ zhes so/ /dad pa'i stobs bskyed pa'i mdor yang/ 'jam dpal de la de bzhin
 gshegs pa ni kun tu gzigs pa'i mngon par shes pa drug gis sems can 'chi 'pho dang skye ba rnams gzigs te/ bde 'gro 'am ngan 'gror 'gro ba yang ngo/ /de bzhin du de bzhin gshegs pas gtsug tor gyis kyang gzigs so/ /de bzhin du mdzod
 spus kyang gzigs so/ /de ltar mtshan re res so/ /de ltar dus cig car du phyogs bcu rnams su 'jig rten gyi khams rab 'byams thams cad du gzigs so zhes so/ /thams cad thams cad ces pa ni 'di lta ste phung po lnga rnams so/ /der son pa ni khyab par
 byed pa ste/ chos bdag med par mnyam pa nyid kyis so/ /zhes pa thams cad du song ba ste/ mnyam pa nyid kyi ye shes kyi bdag nyid do/ /mu mdza' med pa'i sems dang sems byung rnams mkhyen to/ /zhes pa thams cad mkhyen pa ste so sor rtogs pa'i
 ye shes kyi rang bzhin no/ /bya ba thams cad la mkhas pa ni thams cad pa ste bya ba bsgrub pa'i ye shes kyi rang bzhin no/ /thos 'joms la mkhas pa ni thos 'joms pa zhes pa ltar a Na'o/ /de nyid kyi phyir thams cad kyis don du gnyer bar
 bya ba'o/ /zhes pa skyes bu'i don mchog go /rnam par ma dag pa'i sems rnams la rang bzhin gyi de bzhin nyid kyi ngo bor gnas shing/ nam par dag pa'i sems rnams la dri ma med pa'i de bzhin nyid kyi bdag nyid du'o/ /zhes pa sems
 can kun gyi sems la gnas pa zhes pa'o/ /'di ni chos la bdag med pa mnyam pa nyid kyis brjod pa'o/ /bcom ldan 'das kyi ni dri ma dang bral ba nyid kyi rnam par dag pa kho na'o/ /de nyid kyi phyir de ni ngan 'gro la
 sogs pa rnams las rnam par grol pa'o/ /yon tan stobs dang mngon par shes pa la sogs pa rnams so/ /thugs rje chen pos ji ltar rigs par 'gro ba bzang po dang rnam grol la 'god par mdzad pa'i phyir thams cad la phan pa ni kun
 ba no/ /de ltar 'di ni stong pa nyid dang snying rje'i rang bzhin gyis zung du 'jug pa'i byang chub kyi sems rdo rje gsungs so/ /zhi pa ni mchog tu dge ba'i ngo bo'o/ /mnyam pa med pa'i phyir mi mnyam pa'o/ /rtag tu byung ba ni chos kyi sku rang bzhin rtag pa nyid
 kyis dang/ bde ba chen po la longs spyod pa ni ldog pa med pa ste/ rgyun mi 'chad pa rtag pa nyid kyis dang sbrul pa'i sku 'jig rten gyi khams sna tshogs rnams su skye ba la sogs pa ston pa'i phyir rgyun gyis rtag pa nyid kyis so/ /de ltar 'gro ba'i mgon
 po gtso bo'o/ /skyob pa ni ngan 'gro dang lam log pa las so/ /de lta na yang bag chags dang bcas pa'i rnam par rtog pa ma lus pa spangs pa'o/ /dbyibs ni lag pa dang rkang pa la sogs pa yang dag par bkod pa'i khyad par ring po nyid la sogs pa'o/ /
 kha dog ni ser po la sogs pa ste/ /de dag dang bral ba ni don dam par ro/ /dI phyir mig gi yul ma yin pa'o/ /de lta na yang phan pa mdzad pas gsal bar byed pa'i phyir rgyal po ste/ kun rdzob tu dbyibs la sogs pa ldan pa'i phyir zhes
 dgongs pa'o/ /rdo rje bzhir dang dbye bar mi nus so/ /zhes pas dbye bar dka' ba ste/ ngo bo gang dbyer med pa rdo rje ste/ phyi rol gyi yang rdo rje yin pa de mi phyed pa kho nar brjod do/ /de la rdul phra rab kyang phyogs kyi cha'i dbye bas dang glos yongs su brtags
 kyang dbye bar nus pa nyid kyi phyir stong pa nyid kho nar dbyer med pa'o/ /de gsungs pa/ stong nyid rdo rjer brjod par bya/ zhes so/ /chos kyi sku bcom ldan 'das de yang zla ba lta bu ste/ nyon mongs pa'i gdung ba dang dral pa nyid kyis so/ /nye bar mtshon pa las
 snying rje chen pos dga' bar byed pa'i phyir yang ngo/ /de ni 'gro ba ma lus pa'i don byed pa dmigs pa med pa'i snying rje ste/ de yang 'dir lhan cig skyes pa'i bde ba chen po'i rang bzhin ni/ ches shin tu dga' bar byed de/ tsa di dga' ba la'o/ /zhes pa
 byings so/ /seng ge bzhin du 'phrog byed dang thag gu'i lto la sogs pa'i ri dags kyi chogs rnams la'o/ /rgya mtsho bzhin du 'phrog byed la sogs pa rnams dang 'dod chags dang bral ba la sogs pa dang byang chub sems dpa' rnams kyis
 kyang gtir mi rtogs pa yon tan zab pa nyid kyi phyir ro/ /gdul bya thams cad kyi bsod nams dang rang gi smon lam gyi dbang la rnam par rtogs pa med kyang yid bzhin rin po che dang 'khor lo 'khor ba bzhin sems can gyi don byed pa'o/ /
 zhes lan cig ma yin par bsgrubs zin to/ /sems can gyi don kho nas bsam gyis mi khyab cing dpag tu med pa sprul pa'i lus rnams su bstan pa'i ched du gsungs pa/ bltam pa zhes pa la sogs pa ste/ sngar bshad zin to/ /'dir ni
 lha ru gshegs pa dang cho 'phrul dag rim pa bzlog ste/ gsungs pa las shAkya thub pa'i ltar sangs rgyas gzhan rnams kyi gzhan don mdzad pa'i rim pa des pa ma yin zhes mngon par dgongs pa'o/ /dad pa'i stobs bskyed pa'i mdor yang bka' stsal pa 'jam
 dpal de la de bzhin gshegs pa ni phyogs bcu rnams su 'jig rten gyi khams rab 'byam rnams su 'jig rten gyi khams re rer dang gling re rer dus gcig car dga' ldan gyi gnas na bzhugs shing 'pho ba dang ltam dang mngon par 'byung ba dang/ dka' ba spyod pa la sbyor ba dang byang chub
 kyi snying por nye bar gshegs pa dang bdud 'joms pa dang mngon mar rdzogs pa byang chub pa dang chos kyi 'khor lo bskor ba yongs su mya ngan las 'da' ba chen po dang chos gnas pa dang ches nub pa yang yang dag par ston
 to/ /mu stegs pa'i skye mched kyi spyod pa rnams thams cad du dang skye rabs thams cad du 'ang dus cig car yang dag par ston to/ /de ci'i phyir zhe na/ chags pa med par ston pa nyid kyi phyir thogs pa med pa'i ston pa'o/ /yang dag par mi phyed pa
 nyid kyi phyir yang dag par dbyer med pa ste/ mi bsten pa nyid kyi phyir ro/ /yang rtsol ba med pas rnam rtog pa dpag tu med pa'i bya ba rnams 'jug par med cing/ de bzhin gshegs pa dga' ldan gyi gnas nas kyang mi g.yo'o zhes so/ /de
 ltar zhes pa ji ltar gcig pur grags pa bltam pa la sogs pa ston pa de ltar gang lam legs par goms pa'i rigs kyi bu nye bar bsngags pa'i tshul thob pa mang po de rnams kyang rim pas dad cig car du 'jig rten gyi khams gzhan rnams su
 ston to/ zhes tshig rnam par sgyur bas sprel ba'o/ /rgyu mngon du phyogs pa nyid kyi phyir 'bras bu 'byung ba nges par 'gyur ba'o/ /de yang ji ltar gcig gi yin pa de ltar gzhan gyi bzlog tu med pa'o/ /zhes dgongs pa'o/ /de nyid kyi phyir nye bar sdud
 de/ de ltar gang grub pas ston to/ zhes khyad par med pas so/ /ma rtogs pa'i skabs su sna tshogs pa rmi lam 'dra ba'o/ /zhes brjod par bya zhing sgyu ma lta bur yang ngo/ /rdzogs pa'i gnas skabs su ni rmi lam gyi ngo bo kho na dang sgyu ma'i rang bzhin kho
 na de'o/ /zhes rmi lam lta bu zhes dang sgyu ma'i ngo bo zhes pas gsungs so zhes pa'o/ /snang ba/ snye mar snye ma sum cu dgu pa'o/ bla na med ba'i 'bras bu phun sum tshogs pa 'di ni rim pa gnyis goms pas dam tshig bsten pa
 kho nas so zhes de rgyas par bshad pa'i ched du 'jug pa gsungs pa/ gsungs pa zhes pa la sogs pa'o/ /khrag ni me tog ste ba lang la sogs pa'i khrag kyang ngo/ /nya ni chu'i nya la sogs pa'o/ /sha ni ba lang la sogs pa'i 'o/ /ye shes sems
 dpa' rnams kyi ste phyi rol tu thab khung du dang nang du bsnyoms pa rnams kyi zhal mi gtsang bas bkang ba ci ltar te 'di mi ris zhes dgongs pa'o/ /'bras bu ni sbyin sreg gi'o/ /mi shes pa yang dag pa'i shes pa dang bral ba yang
 de rnams yin la/ rmongs pa 'khrul pa rnams kyang ngo/ /ye shes thabs ni 'tshed bar 'gyur ba'o/ /bshad pa la sogs pa'i phyi rol gyi dngos po don dam par yod do/ /zhes 'khrul pas de ma yin la der 'dzin pa'i ngo bo'i mngon par zhen pas mi
 gtsang ba la sogs par sgro dogs pa rnams kyis blun pa byas pa dngos po'i de kho na nyid mi shes te/ de rnams mi gtsang kun tu spyod pa la sogs pas sdig pa dang btsang ba nye bar spyod pa la sogs pas bsod nams ye shes rto bar byed do/ /de la rang gzhin yongs su dag par lhag par migs
 pa khro nas dam tshig bsten par bya'o zhes dgongs pas 'khrul pa 'gags pa yang dag pa'i ye shes kyi thabs chos kyi dbyings dang bzhi gyis yongs su dag par ston pa/ rang zhes pa la sogs pa'o/ /rang bzhin ni ma bcos pa don dam par rang bzhin med pa nyid de/
 des dag pa rnams ni mi gtsang ba la sogs pa'i ngo bo rnams ma yin no/ /chos rnams ni rang gi mtshan nyid 'dzin pa'i phyir bshad pa la sogs pa rnams so/ /gang gi phyir ma skye ba rnams te skye bar bral? ba nyid kyis na rang bzhin pa nyid du bsgrub pa dbye bar mngon
 par dgongs so/ /de ltar yang dbu ma'o snye mar rnam par bsgrubs zin to/ /gnas med pas na gnas med rnams shes te mi gtsang ba nyid la sogs pa'i rten ma yin pa'o/ /rig pa 'di de kho na nyid shes pa'i 'phel ba'i ched du thabs so/
 zhes pa sgom bas yun ring du rnam bar gnas pa kho na'i gnyis su med pa'i ye shes kyis 'khrul pa nyams kyi/ rnam pa thams cad du dus shin tu thud pa skyes pa tsam gyis ni ma yin no/ /zhes dgongs pa'o/ /'o na de lta na
 sdig pa med na legs spyad pa rnams kyang ji ltar 'dod pa'i g.yo bar 'gyur zhing ngan 'gro med la/ bsod nams med na ni bde 'gro yang med na thar ba'i gtam ci zhig /gzhan yang las med na skye ba
 med pa'i phyir rtag tu grol bar 'gyur ba 'am/ yang na nam yang ma yin no/ /'ching ba med na grol ba g.yas? yin zhes pas thams cad ma bcad par snyil ba'o/ /zhes dogs par byas nas gsungs ba/ bsod nams zhes pa la sogs
 ba'o/ /dam pa ni bla na med pa ste/ don du gnyer bar bya bo zhes pa don no/ /yang ye shes dam pa'i de'i bdag nyid kyis yul lo/ yang na dam pa'i ste lam gyi ye shes kyi bsgrub par bya pa ni dam pa'i don te sangs rgyas nyid do/ /der bsod
 nams rgyu'i gnas skabs kyi ngo bo dor bar bya ste/ bsod nams dang de'i rnam par rtog pa yang bag chags dang bcas pa spangs pa'i phyir ro/ /'bras bu'i gnas skabs pa'i bsod nams rnam par mi rtog pa ni yod pa kho na ste/ byang chub kyi
 sems rdo rje ni bsod nams thams cad kyi rang bzhin nyid kyi phyir ro/ /sdig pa ni ma yin te so so skye bo'i gnas skabs su yang ngo kun tu mi spyod ba'i phyir mi srid pas so/ /so so skye bo sa la ni ches shin tu'o/ /de nyid kyi phyir gsungs pa/
 su zhig 'dzin zhes so/ /don ni 'di ste tshad mas nges par dpyad na phung po rnams kyang don dam bar rang bzhin med mod/ 'on kyang kun rdzob pa rnams yod pa kho na'o/ /de'i phyir 'du byed kyi phung po'i nang du 'dus pa'i sdig pa dang bsod nams dag
 kun rdzob tu yod pa kho na'o/ /de la sdig pa ni lus dang ngag dang sems kyi nyes par spyod pa rnam pa bcu ste/ rang bzhin gyi kha na mtho ba dang bcas pa dang ji ltar rigs par bcas pa'i kha na ma tho ba dang bcas pa'o/ /bsod nams ni
 sbyin pa la sogs pa'i rang bzhin no/ /bsod nams dang bsod nams ma yin pa 'di dag kyang thub pa'i dgongs pa'i rgyun du rgyas pa dang bcas par brjod do/ /de la bsod nams ma yin pa ni mi 'dod pa'i rnam par smin pa can no zhes pas spangs
 bya'o/ /bsod nams ni bde 'gro'i dang 'khor ba'i chu bo las sgrol ba'i rgya'o zhes pas blang bar bya ba'o/ /zhes pa'o/ /'di kho na ? rtogs par mdzad pa/ /pha rol ces pa la sogs pa ste/ brgal nas zhes pa chu klung brgal
 nas so/ /dor nas ni gzings so/ /de bzhin du chos te bsod nams blang bar bya ba nyid kyis dang chos min te sdig pa dor bya nyid kyis/ brten nas te blos lhag par gnas ba ste/ 'khor ba las brgal nas 'khor ba las pha rol rdo rje 'dzin
 pa'i sa'i bar chad med pa'i lam gyi sems bskyed pa'o/ /de'i de ma thag par byang chub sangs rgyas nyid rtogs pa'o/ /'o na ji ltar kun rdzob pa'i sdig pa'ang rab tu spang bar bya ba de bzhin du kun rdzob pa'i yang mi gtsang ba'i nyer spyod spang bar bya
 ba'o/ /zhes dogs par byas nas nye bar sdud pas lan 'debs ba de'i phyir zhes pa la sogs pa ste/ rnam rtog dra ba ni don dam pa ba'i dngos po yod do/ zhes pa 'di lta bu la sogs pa'o/ /chos rnams kyi zab pa ni zab mo nyid de de bzhin nyid do/ /de gsungs
 pa stong nyid chos kyi zab mo nyid/ /yon tan gzhan rnams rgya che ba'o zhes so/ /der 'phel ba ni tshad mas nye bar drangs pa'i nges pa bsags pa ste/ de bzhin gshegs pa tshad ma mchog tu gyur pas gsungs ba'i bshad pa la sogs pa'i sbyin sreg
 la sogs pa byas pa dngos grub kyi lam yin pa la/ 'di mi gtsang pa'o/ /zhes pa la sogs pa sgro gdags par mi bya'o/ /mi gtsang ba nyid ces bya ba 'am gtsang ba nyid ni kun rdzob tu yang 'gar yang yod pa ma yin gyi/
 rig byed kyis rnam par bslus pa'i bram ze rnams kyis tha snyad byas pa 'ba' zhig ste/ de'i rjes su 'jug pa gzhan dang gzhan rnams kyis kyang ngo/ /de lhag par mos pa'i gdul bya'i dor bcom ldan 'das kyis kyang tshul gzhan du dang bya pa'i
 rgyud 'ga' zhig tu bstan te/ zab mo la lhag par mos pa shes rab mchog can gyi sngags kyis tshul pa'i ngor ni ma yin no/ /de nyid kyi phyir gsungs pa/ sngags rig ces pa'o/ /mi gtsang pa'i
 sgrib pa bsod nams ma yin pa yang ma yin te/ de ni rang bzhin gyis kha na ma tho ba ma yin zhing bcas pas kyang ma yin no/ /gdul bya'i khyad par la ni bcas pas kha na ma tho bar 'gyur mod/ /sngags kyis rtsen pa la ma gsungs so/ /gzhan gyi lta ba la yang ji
 srid du thams cad du 'di ltar ma yin te/ mchog gi dad pa pa dang? long ba pa la yang thams cad bza' zhing thams cad btung ba la sogs pa dang ba lang gi sha'i sbyin sreg la sogs pa bsgrags pa'i phyir ro/ /de bzhin gshegs pas
 gsungs pa'i lam la rnam par rtog pa rnam pa 'di lta bu lta ci smos/ /de ni gti mug chen po ma rig ba ste/ /'dod chags la sogs pa rnams dang las dang skye ba'i rgyu'o/ /des na dri ma de rtsad nas dbyung bar bya'o/ /de'i phyir dri ma dang bral pa
 so sor snang ngo/ /gang goms par byas nas 'di ltar 'gyur ba'i ting nge 'dzin 'di ci zhig yin zhe na gsungs pa/ gnyis zhes pa la sogs pa'o/ /nga byed nyid ces pa/ nga'o zhes byed cing bya ba mngon par khengs pa gang du yin pa de'i dngos po  
 ni de nyid de/ des rgyal ba'i gzugs so/ /kun gyi ste lus dang ngag dang sems rnams kyi rnam pa rang bzhin no/ /des don dam par stong pa nyid ni spangs pa'o/ /ye shes ni byang chub kyi sems te/ rdo rje dang pad+ma sbyor ba las/ lus dang ngag dang sems ro gcig
 pas stong pa nyid dang snying rje dbyer med pa'i ye shes kyi rang bzhin rdo rje sems dpa' i sku'i nga rgyal brtan pos sgom par byed pa rnams/ rim pa nyid ka la yang ting nge 'dzin 'di rdzogs pa na/ skye ba 'di kho na la rnal 'byor pa rnams ye shes can
 rnams su 'gyur ro zhes pa'i don to/ /dam tshig gsungs pa/ bud med ces pa la sogs ba ste/ bud med rang skyes ba'i lus rnam pa sna tshogs pa'i las srog chags gsod pa la sogs pa skye ba ni mi shes pa yod na 'gyur ro/ /zhes bstan to
 las de phan pa dang mi phan pa'i rgyu yongs su shes pa dang ldan pas mi bya'o/ /zhes dgongs pa'o/ /dam tshig tu bya zhing 'god par mi bya ba nyid kyis rtogs par bya bas na dam tshig go /sems ni rang gi'o/ /lus dang ngag gi dang nyes par spyod pa
 dag kun nas slong ba nyid kyis de dag las rnam pa sna tshogs pa'i gnod pa gang rnams las yin pa de rnams kyis so/ /kun rtog ngan pa ni brnab sems la sogs pa rnams te/ de rnams kyi rtog pa'i tshogs rnams kyis so/ /gdug pa yang
 de yin la rtsub pa yang yin pa ni/ gdug rtsub po/ /rtsub pa'i dag gdug pa ma yin pa yod de/ dper na bcom ldan 'das kyis lhas phyin gyi dor 'phangs mchil mdor cig ces pa lta bu'i dag phan pa'i rgyu kho na'o/ /khyad par 'di yang nye bar
 mtshon pa lhur len pa ste gzhan la yang mi gdug pa nyid rtogs pa'i ched du'o/ /de yang ji lta ba de ltar sngar srog chags zhes pa la sogs pa sdom pa rgyas par bstan pas brjod zin to/ /sogs pas brdzun gyi tshig go /rna ba yi mi bde byed
 ba ni dag khyal pa'o/ de ltar nyes par spyod pa gsum la ldog pa'i tshul khrims gsungs shing/ ting nge 'dzin dang shes rab dag kyang dbang po gnyis shes pa la sogs pas de ma thag tu bshad zin to/ /de ltar na yang
 'khor ba zad pa las ji skad bshad pa'i mya ngan las 'das pa kho na'o/ /de gsungs pa/ tshul khrims la ni gnas nas mis/ /sems dang shes rab bsgom par bya/ /sdom pa yang dag bsrungs pa ni/ /myur du sdug bsngal zad par
 'gro zhes te/ /sems ni ting nge 'dzin dang/ shes rab ni stong pa nyid shes pa'o/ /phyag rgya dang lhan cig stong pa nyid dang ro gcig pa'i bde ba chen po nye bar longs spyod pa kho na 'di'i sdom ba ste/ spros pa thams cad las sdom pa'i phyir ro
 ji skad du 'dus par gsungs pa rtag tu gzhan gyi nor 'phrog cing/ gsod pa yang ni rmad byung che/ /'dod chags rdo rje'i go 'phang spyod/ /'di ni sdom pas bsdams pa'o zhes so/ /gzhan gyi nor 'phrog pa la sogs pa'i gsang chen ni sngar
 phye zin to/ /tshul khrims la sogs pa gsum po 'di kho na lhag pa'i tshul khrims dang lhag pa sems dang lhag pa shes rab ste bslab pa gsum dang phung po gsum mo/ /rnam par grol ba'i phung po yang rdo rje 'dzim pa'i sa'i dngos
 gzhi'i sems bskyed pa ste/ rnam par grol ba shes pa'i phung po ni rjes kyi'o/ /zhes pa la sogs pa 'dir gdul bya'i 'dod pa sna tshogs las rnam par bzhag go /theg pa gzhan du ni ma yin te/ chos kyi phung po stong phrag brgyad cu rtsa bzhi
 rnams su yang chos 'ga' zhig rnam par gzhag pa gang yod pa ni rgyu dang 'bras bu'i gnas skabs dag tu byang chub kyi sems rdo rje bcom ldan 'das kyi ngo bor ni ma yin no zhes pa ste/ rgyas pas ci bya/ de ltar 'dir dang sngar srog
 chags zhes pa la sogs pas shes rab kyi chags pas zhu pa'i dga' ba bcu drug gi thig le ro gcig tu gyur pa rnams rdo rje nor bur rab tu zhugs pa/ tshangs par spyod pa de bzhin zhal/ /zhes gsungs pa'i phyir/
 /ma 'phos pa'i tshul khrims kyi rang bzhin du byed pa/ rdo rje nor bu las steng du gsang ba dang lte ba dang snying ga dang mgrin pa dang dpral ba'i lte bar 'dren pa yang bsrung bar bya'i dam tshig tu gsungs so/ /bzang bar bya ba brjod pa
 gsungs pa sha zhes ba la sogs pa'o/ /che mchog ni rdo rje sems dpa' ste de las skyes pa'o/ /mi bskyod pa gnas pa'i sbyor pa mi bskyod pa gnas pa rkang ngo/ /'dres pa 'bab la ste yan lag la rus pa'o zhes 'brel lo/ /cho ga las zhes pa snga mar yang
 shes par bya ste/ cho ga ni sha la sogs pa rnams de bzhin gshegs par de'i bdag nyid du mos pa'o/ /gang khams kha cig la de bzhin gshegs pa 'khrags 'khrugs su 'ga' zhig tu brjod pa de ni de bzhin gshegs pa rnams
 phan tshun du don dam par dbye ba dang bral ba nyid dgongs pas so/ /de la sha yis pags pa bsdus shing/ khrag gis ro dang rtsa 'ching pas khu pa'o/ /zhes khams bdun gyi rang bzhin gyi lus lha'i bdag nyid du bshad pa ni/ rnam par
 dag pa'i lus dang 'brel ba las/ /go ku da ha na'i sgron ma rnams rnam par dag pa'i don du ste/ rnam pa gzhan du na dam tshig gi skabs su khams rnam par dag pa'i rnam pa ci ltar yin/ sngar rtogs par byas pa rnams 'dir skabs kyis
 rtogs pa'o/ /zhes rang gi ming gis ma brjod pa'o/ /zhes man ngag rig pa rnams so/ /de nyid kyi phyir gsungs pa/ ye shes la mkhas zhes pa/ ye shes la mkhas pa gnyis su med pa'i ye shes rtogs pa de bzhin gshegs pa rnams kyis
 gsang chen dam tshig go /bsten bya ni bza' par bya ba'i dam tshig rnams so/ /bsgom bya ni de bzhin gshegs pa rnam par dag par ro/ byang chub sems rdo rje'i rang bzhin gyi rnal 'byor pa blo ldan gyis ni rnam par
 dag bar lhag par mos par mkhas pas so/ /sred pa ni 'dir tshor ste rgyu la 'bras bu nye bar brtags pa las so/ /'du byed kyang 'di yin la 'phel ba yang ste/ sprul pa sna tshogs rnams kyis bya ba rjes su bsgrub pa'i phyir ro/ /'dod chags la
 sogs pa 'di rnams sangs rgyas rnams su dang bshad pa la sogs ba bdud rtsi lnga rnams dam tshig rnams su gsungs te/ de bzhin gshegs pa lnga'i rang bzhin du mos par bya ba rnams so zhes pa'i don to/ /sred pa ni nga rgyal
 nye bar mtshon pa ste/ 'du byed ni phrag dog la sogs pa'o/ /'dod chags la sogs pa spong ba kho na bdud rtsi lnga bza' ba'i nges pa'i don to/ /zhes dgongs pa'o/ /de skad du yang rnal 'byor ma bzhi yang dag bar sbyor ba'i rgyud du
 gsungs pa/ khu ba khrag dang de bzhin sha/ /bshad dang lnga pa gcig ni/ /rnam rtog med pas bza' bya ste/ /rang bzhin med pas blo ldan gyis/ /rmongs cha de bzhin nga rgyal dang/ /zhe sdang de bzhin 'dod chags nyid/ /phrag
 dog ser sna phra ma ste/ /dam tshig dri med bsten par bya zhes so/ /de rnams kho na yongs su 'dzag go /zhes pas yongs su 'dzag ba'o/ /sa dang chu dang me dang rlung rgyu dang rgyen rnams las 'byung ba bzhi rnams kyis yongs su
 gzung bar bya ba ste/ nur nur po'i gnas skab nas brtsams nas/ ji ltar rigs par de las byung pa nyid kyi phyir dang/ sgron ma dang bshad pa la sogs pa rnams de'i rang bzhin nyid kyi phyir ro/ /'di rnams kyang nang du 'dus par
 bshad bas spyan ma la sogs pa'i rnam par dag pa yang bsgrubs so/ /de nyid kyi phyir bdud rtsi'i bsam gtan gyi chog la spyan ma la sogs pa rnams kyi yang sa bon rnams so/ /rdzogs pa'i blo ste byang chub kyi sems bcom bcom ldan 'das
 bsgom pa gang rnams kyi yin pa de rnams de skad de/ de rnams kyis so/ /bza' ba ni bza' bya ste/ de'i don du 'byung ba rtsol ba med par 'du ba gang rnams kyi yin ba zan dang bya na la sogs pa de rnams kyang bsten par bya zhes rtags sgyur
 bas sprel lo/ /don 'di ste/ bskyed pa'i rim pa sgom pa dang po bas bdud rtsi lnga dang sgron ma lnga zhes pa gnyis nag pa'i brgyad pa 'am bcu bzhi pa la ril bu byas te grib ma la skams pa pad+ma'i snod kha sbyar du gzhags nas/
 cho ga ji lta bar bdud rtsir byas te/ nyin zhag so sor re re bza' bar bya'o/ /ji ltar rnyed pa'i 'di gnyis dang myos byed kyang bya na sogs bzhin du yongs su bza' o/ /'di ni rdzogs pa'i rim pa la gnas pas kyang ste/ 'on kyang 'dir rang bzhin
 yongs su dag pa kho nar dmigs pas te/ lce spyang bzhin du ni ma yin no/ /gzhan yang bshad ba la sogs pa rnams yul lnga rnams su nges pa'i tshig gis dgongs te de rnams kyis phyag rgya dang lhan cig dga' ba thams cad spyad par bya'o/ gzhan yang
 dgongs pa'i skad kyis go ku da ha na rnams dang sprang bu skyugs pa ni rim pa ji lta bar mig dang rtsa ba dang sna dang lce dang lus dang/ yid de/ brjod zin pa zhes bza' bar bya zhing/ /de rnams med pa las de'i yul rnams dang de'i rnam par shes pa
 rnams kyang ngo/ /zhes pa khams bco brgyad rnams bza' bya ste/ stong pa nyid kho nas so/ /de ltar na yang sgo btags pas thams cad las logs pa'i shes rab dang thabs phyag rgya chen po'i bdag nyid kyi de kho na nyid can gyi rnal 
 'byor pa 'di/ ji skad bshad pa'i dam tshig dang sdom pa'i rang bzhin kho nar rigs par bya'o/ /de ltar yang bcu dgu par gsungs pa'i 'gal ba brjod pas gsod pa dang 'phrog pa dang bsten pa dang brdzun gyi
 tshig rnams kyis sdom pa thams cad kyi ngo bo'o/ /dngos po thams cad kyi rang bzhin nyid kyis de kho na nyid kyi rnal 'byor pa'i rnam par snang mdzad la sogs pa'i rdzas rnams chos sku'i bdag nyid rang gi lus kyi nang du 'dus pa'i las/
 der byin gyis rlob pa'i zhes pa dam tshig thams cad kyi rang bzhin no/ /de'i phyir dngos po kun gyi rang bzhin bdag /ji ltar 'dod par rang mchod de/ /yul 'dus rnams kyis rnal 'byor pas/ /rang
 bzhin med pa'i dbang las so/ /don dam par gcig tu mthar pa 'di ni gar yang 'jug pa dang ldog pa ma yin no/ /de ltar ni dam tshig spyod pa rnams mi smra bar gyur pa'i mthar thug pa nyid du bstan pa'i ched du de nas phyag na rdo rje de
 bzhin gshegs pa thams cad kyi bdag po/ /rdo rje 'dzin pa thams cad kyi sku dang gsung dang thugs rdo rje'i snying po rdo rje mnyam pa nyid rnam par bsam nas cang mi gsung bar gyur to/ /zhes so/ /de ltar don chen po'i rgyud bstan pa yongs su
 rdzogs par gsungs pa ji ltar zhes pa la sogs pa/ ji ltar bud med rnams dang phyis pa blang bya dang dor bya mngon par mi shes pa'i skyes bu rnams kyi dga' rtsed sna tshogs pa'i gtam gyis skye ba snga mar goms pa las rjes su yi rang ba
 rnams te/ 'di lta 'di ltar bdag gis bya'o/ /zhes ma pa dang bcas par mngon par dga' ba skye bar 'gyur ro/ /zhes ci zhig ltar rtogs nas mdza' bos de rnams 'du ba dang rjes su mthun par kun tu smra ba dga' rtsed
 kyi bye brag dang rdzas kyi gnas skabs su nyams su myong ba'i don gtan pa yang 'dus smra 'du ba'i gtam rnams brjod du gzhug pa ste/ /'du ba'i ched du mngag gzhug pa rnams la 'di rnams la 'di skad smros shig /de las 'grogs pa
 na dga' rtsed kyi bde ba skye bar 'gyur/ gang gis de 'dra ba'i dga' rtsed kyi rol par 'gyur pa nyams su myong ba'i don ma smras par gnas pa'i ched du 'bros su ma 'jug cig ces mdza' bos smras pa'o zhes pa'i don to/ /'du ba'i gnas
 su 'jug pa'i ched du lam yang thob pa na/ mi mthun phyogs med pa nyid kyis 'ching ba med pa 'ang brjod du gzhug pa'o/ /rnam pa 'di lta'i rnam pa gang du yin pa de ni 'di lta'i rnam pa'o/ /rnal 'byor pa'i ste rnal 'byor pa rnams kyi lam bstan pa ste/
 de rnams ni skye ba rgyud bar 'dris pas nye bar rgyas pa'i rigs chen po phun sum tshogs pa la de nyid la shes rab dang thabs bde ba chen po sna tshogs pa ston pas 'don ba rgyas pa dang bcas pa'i dad ba'i gzhan dbang nyid skye bar 'gyur ro zhes
 rig nas/ /bdag rdo rje sems dpa' de'i bde ba'i go 'phang thob pa'i ched du/ rgyu'i gnas skabs su tshogs gnyis yongs su rdzogs pa'i don du gdul bya rnams la skal ba ji ltar bar chos ston pa la sogs pa bya'o/ /de nas 'bras bu'i rgyud kyi
 gnas skabs su bla na med pa'i shes rab dang thabs ro gcig de bde ba chen po'i rang bzhin gyi sku skye bar 'gyur zhing/ de bzhin du ji ltar nyams su myong ba'i de kho na rgyu'i gnas skabs dang bcas pa ltar mi nyung ba'i bskal pa brgyud ba rnams su
 nges par ston cig ces pa brjed du 'jug pa'o/ /lam yang yan lag dang bcas ba'i thabs kyi rgyud kyis yongs su bskor ba'i rgyud kyi ngo bo rgyas pa dang bcas par gsal bar byas zin to/ /lam rtogs pa'i rim pa las rim gyis sgrib pa gnyis spangs pa
 na/ 'bras bu'i rgyud rtogs pa la ni bag chags dang bcas ba drungs phyung ba'i 'ching ba dang bral ba yang ngo/ /rgyud kyi don mdza' dag po 'di ji ltar rigs par sgrub pa khyed rnams kyis bya zhing byed du gzhug par bya'o
 zhes dgongs pa'o/ /des na ma 'ongs pa'i gdul bya spro bar bya bar dgongs pas mchog gi thugs rje'i gzhan dbang las 'khor rnams spro bar byed pa 'di gsungs pa'o/ /de ltar ni rgyud thams cad kyi mdza' ru rnam pa 'di lta bu'i dgongs
 pa mngon par rjod par bya'o/ zhes dgongs pas/ 'dus par gsungs pa/ bcom ldan 'das de bzhin gshegs pa rnams thams cad/ sangs rgyas thams cad mnyam pa nyid mthong ngam/ bcom ldan 'das de bzhin gshegs pa thams
 cad kyi rdo rje ye shes kyi spyod pa mthong lags so/ /bcom ldan 'das de bzhin gshegs pa thams cad rnams 'jig rten gyi khams thams cad du de bzhin gshegs pa thams cad kyi sku dang gsung dang thugs rdo rje 'di 'gro ba gyis shig//
 de ci'i phyir zhe na/ phyogs bcu na gnas pa'i byang chub sems dpa' sems dpa' chen po de rnams chos kyi rnam grangs 'di'i skal ba can gyi phyir ro zhes so/ de ltar gleng gzhi dang bcas pa'i rgyud sdud pa bos bsdus
 nas 'di dag gcig nyid du ston zhing yongs su rdzogs par gsungs pa/ de nas zhes pa la sogs pa ste/ dngos por na chos rnams thams cad rang bzhin med pa nyid kyi phyir ngag dang yid kyi spyod yul ma yin ba nyid kyi mthar thug
 pa nyid du gsal bar bya ba'i don du de skad ces bka' stsal ba dang zhes ma gsungs pa'o/ /rgyud kyi lhag pa'i rgyal po ston pa'i dus su khang pa brtsegs pa'i nang dang phyi rol tu 'ang 'khor thams cad de/ rnal 'byor pa rnams ni thod pa'i
 dum bu la sogs pa rnams so/ /rnal 'byor ma rnams ni rdo rje phag mo dang rab tu gtum mo la sogs pa rnams so/ /mkha' 'gro rnams ni sangs rgyas mkha' 'gro la sogs pa rnams so/ /mkha' 'gro ma rnams ni sangs rgyas mkha' 'gro ma rdo rje
 mkha' 'gro ma dang 'jib byed ma la sogs pa rnams so/ /de bzhin gshegs pa rnams ni rnam par snang mdzad la sogs pa rnams so/ /rnam pa du ma ni sna tshogs pa'i kha dog dang dbyibs dang rgyan dang zhal dang phyag dang mtshon cha la sogs pa
 rab tu bya ba mang po rnams dang ldan pa rnams so/ /chos ston pa bla na med pa nyan pa'i dga' ston las mchog tu dga' bas bde bar 'gyur ba'i sems dang ldan pa rnams te/ ni ni khyad par la ste/ phul du dbyung du med pa'i dga' ba dang bde bskyed pa'i phyir ro//
 de bzhin gshegs pa rnams thams cad kyi ye shes ni sgrib pa bag chags dang bcas pa rtsad nas phyung ba stong pa nyid dang snying rje'i rang bzhin bde ba chen por ro gcig pa me long ye shes la sogs pa'i rang bzhin stobs dang mngon bar shes
 pa dang sangs rgyas kyi chos ma 'dres pa'i rnam pa ma lus pas yongs su bskor ba rtogs par 'gyur ba rnams te/ thams cad du zhes pa rtogs par bya ba'i rang bzhin thams cad rtogs pa'i phyir ro/ /bye ba phrag bcu'i nang du rtogs na yang/
 rdo rje snying po na sdud pa po nyid kyis dang/ sa'i snying po dang phyag na rdo rje la sogs pa rnams ni mig la sogs pa yongs su dag par byed pa nyid kyis na gtso bo nyid kyi phyir slar yang gsungs so/ /'di rnams thams cad 'jig rten las 'das pa'i 'khor ro/ /lha la
 sogs pa rnams ni 'jig rten pa'o/ /thams cad de gshin rje dang chu lha dang rlu lha dang thag bcas ril dang bden bral dang nam mkha' lding dang mi 'am ci la sogs pa rnams 'di la yod do/ /zhes thams cad dang ldan pa'o/ /A yig ni 'dir nges pa'i tshig go /
 ci 'khor rnams thams cad kyis bcom ldan 'das kyi longs spyod rdzogs pa'i sku dang sprul ba'i sku mthong ngam zhe na/ ma yin te kha cig kho nas mthong ngo/ /kha cig rnams kyis sprul pa'i sku kho na'o/ /chos ston pa
 ni thams cad kyis thos pa kho na'o/ /de nyid kyi phyir thams cad gsungs pa la mngon par dga' ste/ rgyud kyi don rnams la dogs pa med pa nyid kyis na rgyud kyi yang rgyal po 'di ni legs par gsungs pa'o/ /zhes pa la sogs pa bstod
 pa rnams kyis mngon par dga' bar gyur pa'o/ /dpal dang yang dag sbyor ba las byung ba dang rgyud thams cad kyi gleng gzhi dang/ brtag pa'i rgyal po chen po yang bcom ldan 'das te/ de brjod pa'i gzhung yang dpal yang dag sbyor ba
 las byung ba rgyud thams cad kyi gleng gzhi brtag pa'i rgyal po chen po yin zhing yang dag pa par rtogs so/ /zhes pa'o/ /man ngag snye mar snye ma bzhi bcu pa'o// //rnal 'byor ma dang rnal 'byor rgyud
 rnams la/ gzhan pa rnams kyis 'grel byas yod mod kyi/ /rab phye ma yin kho bos byas pa ni/ nyams bcung bzang ngan srog bcas mchog yin no/ /rgyud gzhan thams cad rnams kyi gsang chen 'dir ni bla mar bsnyen bkur ba /
 byas pa kho bos 'brel pas mchog tu rnam bar phye'o mang mkhyen pa'i/ /skye bo dam pa rnams kyis sgyu rtsal mdzod cig bla ma dam pa ni/ /bdud rtsi'i 'od can las 'dir bdud rtsi skal ldan su yang 'thung bar byed/ /bla med bla ma ring du
 gnas las bdag la 'dir/ rgyud kyi gsang chen nges sbas rig pa gsal bar gyur/ mkha' yi nor bu'i mthu las 'og tu pad+ma yi/ /'dab ma sbyor ba'i snying po rnam rgyas ma mthong ngam/ /man ngag dpag bsam ljon pa'i snye ma 'jigs
 med kyis/ /bskrun pa rnams kyi 'bras bu dam pa 'jig rten 'das pa'i dpal/ /bskal ldan rnams kyis rdzogs pa'i byang chub ro bcud kyi/ /dga' ston rnams kyis yang dag 'phel byas gzung bar mdzod/ /legs byas bdud rtsi rnams kyis 'grel pa
 snye ma 'di ni phyogs dang phyogs su yun ring du/ 'khor ba'i ngal bzhi byed 'gro ba gsum gyi longs spyod bde dpal ched du gnas gyur cig /bdag ni shes rab thabs dang bde chen gnyis med rang bzhin gnas pa ches che rnams kyi skur/ gyur cig 'di
 las sna tshogs sprul pa'i ro bcud rnams kyis 'di yi dga' ston rgyas byed shog/ //dpal yang dag sbyor ba'i rgyud kyi rgyal po'i 'grel pa man ngag snye ma/ mkhas pa chen po 'jigs med 'byung gnas kyi sbas pas
 mdzad pa rdzogs so// //rnam gnon tshul mkhas 'jig med kyis/ /gnad la reg pa'i tshig 'di ni/ /dga' ba skyong gi rgyal srid lo/ /sum cu rtsa bdun pa la byas/ /yul dbus kyi mkhas pa chen po de nyid dang/ mang du thos pa'i
 bsod snyoms pa sangs rgyas grags pas na len+d+rar bsgyur cing zhus te gtan la phab pa'o/ /yang slar nas ma hA paN+Di ta shAkya shI dang/ dpyal lo tsa ba chos kyi bzang pos yul dbus kyi dpe dang bstun nas bcos shing bsgyur te zhu tig
 dag par bgyis so// //slar yang bla ma dam pa rnams kyi bka' drin dang sbyin bdag rnams kyis mthun rkyen bsgrubs pa la brten nas legs par sbyar ba brda sprod pa'i tshul la blo'i snang ba cung zad skyes ba dpang lo tsA
 ba dge slong dpal ldan blo gros brtan pas/ rgya gar gyi dpe gnyis la gtugs te/ 'di'i snga 'gyur ma dag pa gzigs pa'i dge ba'i bshes gnyen sde snod 'dzin pa mang po'i gsung gis bskul nas/ bsgyur cing zhus te gtan la phab pa'i
 skad don ma 'phrod tshogs pa'i don/ /ma rnyed tshig mtshams ma shes sogs/ /'dir 'gyur nyes rnams tshig don la/ /legs par brtags nas dag par gyis/ /gzhung bzang
 rnam dag nyi ma'i dpal/ /gang gi 'gyur gyis mun par sprul/ /skad gnyis sgyu ma mkhan de yis/ /gangs can skye bo'i blo mig bslad/ /ming dang rnam dbye tshig phrad dang/ /brjod bya'i spyi dbye ma
 shes kyang/ /mun sprul kho nar 'gyur byed rnams/ /bsam pa bzang tsam ngo mtshar che/ rgyud 'grel don ni gting dpag dka' / /'phags pa'i blo gros ma thog pas/ /'di yis nyes pa ci
 mchis pa/ /mkhas pa rnams kyis bzod par mdzod/ /ka cog zhang sogs rin chen bzang po dang/ /blo ldan shes rab shod ston rdor rgyal sogs/ /mkhas pas bsgyur la 'ang 'gyur nyes
 pra mo rnams/ /mthong bas gzhan la'ang 'di dag ya mtshan ci/ /'dir 'bad dge bas 'gro ba kun/ /rang rang skad las rgyud 'grel don/ /shes rab thabs bdag legs rtogs
 nas/ /bde gshegs bde chen myur thob shog/ bkra shis/