<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1109: rgyud kyi rgyal po dpal khye'i rdo rje'i 'grel bshad kha sbyar shin tu dri ma med pa zhes bya ba<br><table><tr><td>
<input type="button" onclick="location.href='tcompletep.php?id=N1109&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1109&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1109&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">!/ /rgya gar skad du/ sh+rI he badzra tan+t+ra rA dzA TI kA su bi Sha da saM pu Ta nA ma/ bod skad du/ rgyud kyi rgyal po dpal kye'i rdo rje'i 'grel bshad kha sbyor shin tu dri ma med pa zhes bya ba/ dpal rdo rje sems dpa' la phyag 'tshal
 lo/ gang gi zhabs ni dran nyid las/ /'khor ba nges par grol 'gyur pa/ bla ma dam pa yum de la/ /bdag ni rtag tu phyag 'tshal lo/ /gcig gnyis gsum bzhi lnga drug gi /bdag nyid mkha' 'gro ma rang bzhin/ /kye yi rdo
 rje de yi brda/ /dag gi me tog gis bdag mchod/ /mkha' dang mnyam pa'i ro mnyam de nyid 'ga' zhig dag ni bsgom pa na/ /'dod chags ldan pa'i myong ba de ltar bde bar yongs gyur de yi phyir/ /mchog gi bla ma'i zhabs kyi man ngag
 bdag nyid chen po las grub pa/ /kye yi rdo rje'i rgyud la bdag gi rnam bshad shin tu rnam par dag /'di ni kye'i rdo rje yang dag par rdzogs par byang chub pa'o/ /de ni rnam pa bzhi ste/ gzhi ka yang rnam par byed bas yongs su rdzogs
 pa'i ngo bo'o/ /da ni brjod par byed pa dang/ brjod par bya ba nyid kyis bstan pa'i sgo yis/ theg pa chen po sngags kyi tshul gsal bar byed pa/ 'gro ba'i don phun sum tshogs pa'i phyir/ /'di skad bdag gis zhes bya ba la
 sogs pa ze 'bru la ni a(rgyud 'grel zhes pa la sogs dang/ sgra ma yin pa spyan ma la sogs pa gang yin pa dang/ dgongs pa dbyangs dang yang dag par sbyor ba dang/ dgongs pa ma yin pa gzhom du med pa'o zhes pa de nges par bya ba'i don du sngags kyi tshul gsal bar
 bya'o/ /sngags kyi sgras yi ge gsum ste dbyangs dang gsal byed kyi rang bzhin skyes pa dang bud med dang ma ning gi ngo bo/ /a yig la sogs pa dbyangs bcu drug dang/ ka yig la sogs pa gsal byed sum cu rtsa bzhi rnams so/ /'di
 gnyis kho na A li kA li zhes brjod de/ 'di dag re re la yang shes rab dang/ thabs kyi dbye bas rdo rje gsum dang/ 'byung ba bzhi dang/ ye shes lnga'i rang bzhin no/ zhes pa'o/ dang po kho nar snang ba'i mtshan nyid/ 'gro ba'i rang bzhin
 brtan pa dang g.yo ba'i ngo bo ma rig pa'i rkyen can/ kun rdzob kyi bden pa'i bdag nyid/ bskyed pa'i rim pa rdzogs pa'i rim pa dang dbyer med pa sku rdo rje/ rdo rje gsum tha dad med pa/ oM yig sngags thams cad
 kyi dang por brjod par bya ste/ gang gi phyir sngags kyi tshig thams cad kyi dang por oM yig dang mthar swAhA/ zhes pa la sogs pa'i gsung las so/ /de gang zhe na/ de'i phyir oM yig gi don nyid bshad par bya ste/ a yig bdag
 med ma zhes brjod/ /u yig rdo rje mkha' 'gro ma/ ma yig mi bskyod rdo rje ste/ /oM yig rdo rje gsum zhes dran/ /a yig gsung zhes brjod pa ste/ u yig sku ru brjod par bya/ /ma yig thugs kyi rdo rje ste/ rdo rje gsum gyi tshul
 gcig oM/ /yi ge rnams kyi dang po'i phyir/ /yi ge'i thu bo zhes par dran/ /de phyir A li kA li gnyis/ /shes rab dang ni thabs shes brjod/ /a yig la sogs dbyangs bco lnga/ /shes rab tu ni rab tu bsgrags/ /gang phyir
 dbang po lnga rnams dang/ /yul dang shes pa lnga rnams kyang/ /rdo rje gsum gcig tha dad phyir/ /oM yig rdo rje gsum zhes brjod/ /ka sde la sogs lnga pa lnga/ /rtag pa la sogs de bzhin gshegs/ /nyi shu rtsa lnga'i dbye bas
 de/ so sor brtag pa la sogs so/ /dbang po la sogs dbye ba las/ /de yang bco lngar rab tu brjod/ /ya ra la wa'i mthar thug pa/ /gang phyir rlung me sa dang chu/ /so sor bzhi yi bdag nyid phyir/ /dbyangs rnams bcu drug stong pa
 nyid/ Sha Sha sa rnams sku gsung thugs/ /ha yig srid pa gsum gyi gnas/ /kA li bsdus pak+Sha yig ste/ /A li bsdus pa a:yig go /gnyi ka bsdus pa rab brjod pa/ /k+Sha yig dbye ba med par rtogs/ /bdag med dag pa mkha' 
 'gro ma/ /mkha' 'gro ma ni dkyil 'khor gnas/ /de phyir mkha' 'gro rdo rje sogs/ /bdag med ma dang dbyer med gyur/ /bdag med ma ni dag pa thabs/ /de phyir de yang thabs bzhin no/ /de phyir dkyil 'khor gnyi ga 'dir/ /
 dbye ba med par the tshom med/ /de ltar rnam par snang mdzad sogs/ /de yang mi bskyod rnam par sbyong/ /de phyir mi bskyod dang mtshungs pa/ /de kun dkyil 'khor gtso bo'o/ /mi bskyod pa dag mkha' 'gro ma/ /de phyir de yang shes rab
 bdag /gnyi gar gnyi ga dbyer med phyir/ /dkyil 'khor gnyi ga tha dad med/ /de phyir yi ge re re yis/ /dkyil 'khor re rer 'gyur ba yin/ /de phyir mdza' dag 'di nyid ni/ /dkyil 'khor nA da'i rang bzhin no/ /dkyil 'khor A li
 kA li zhes/ /tha dad med phyir kha sbyor 'gyur/ /gang phyir A li kA li yi/ /rang bzhin dkyil 'khor rab tu bstan/ /yi ge re re dag gis kyang/ /gang phyir dkyil 'khor brjod pa yin/ /de phyir yi ge gcig dang ni/ /
 du ma yis kyang tha dad min/ /de phyir yi ge 'di nyid gang/ /'ga' zhig dkyil 'khor brda yin te/ /dkyil 'khor nyid kyi yi ge ni/ /srid gsum nyid du rab tu grub/ /srid gsum tha dad med rtogs pas/ /sngags kyi de ni
 ces par dran/ /ces pa sku dang gsung dang thugs/ /sgra zhes gcig tu mngon par brjod/ /sku dang gsung dang thugs 'di nyid/ /sku zhes kyang ni yang dag gnas/ /thugs gsung sku yi rang bzhin yang/ /thugs shes kyang ni nges pa yin/ /thabs
 ni mdza' yas nyid kyi phyir/ /shes rab rnams kyang mdza' yas so/ /srid gsum rang bzhin de shes na/ /skye 'di nyid la 'grub par 'gyur/ /de phyir 'jig rten 'ga' zhig gis/ /sgra don gang zhig rab brtags pa/ /de nyid kyi ni don gyis  
 brda/ rtogs pa'i pha rol son pas brjod/ /'ga' zhig tu ni don gyis brda/ /dngos po yis kyang rnam par bstan/ /de phyir dngos po don 'di nyid/ /gang du yang ni sgra yis nges/ /yang na sgra dang don 'di nyid/ /
 dngos po yis ni yongs su brtags/ /yang na dngos po yi ni brda/ /'ga' zhig don gyi dbang gis brtags/ /ces pa dngos po dang ni sgra/ /gnyi ga don la tha dad med/ /sgra dang dngos po gnyis de bzhin/ /gnyi ga don las tha dad med//
 de phyir don dang sgra gnyi ba/ /dngos po nyid las dbye ba med/ /de phyir sgra don gnyis ka yang/ /dngos po nyid las tha dad med/ /de bzhin don dang dngos po gnyis/ /sgra las tha dad nyid ma yin/ /de bzhin dngos don gnyi ga ni/ /
 sgra las tha dad nyid mi 'gyur/ /gang phyir tha mi dad gsum de/ /rim pa dang ni rim min las/ /shes rab rnon pos dad pa yis/ /bla ma dam pa'i zhabs drin las/ /kye yi rdo rje dman rgyud kyi/ /tshogs pa gang gis rtogs par
 'gyur/ /de phyir rang gi ston pa'i gsung/ /chen po rnams kyis 'di gsungs te/ /rgyud rnams kun gyi tshul shes nas/ /phyi nas kye yi rdo rje tsam/ zhes so/ /de la dang po kho nar rdo rje snying pos zhus pa na bcom ldan 'das kyis lung bstan pa/ /
 he yig gis ni snying rje che/ /badzra 'ang shes rab brjod par bya/ /thabs dang shes rab bdag nyid rgyud/ /de ni nga yis bshad kyis nyon/ zhes pa ste/ de la he yig gis ni snying rje che zhes pa he'i sgra ni re zhig 'jig rten pa'i brjod pa la snying rje chen
 po'i don mthong ba med do/ /de'i phyir dngos po gnyis nyid kyis cha dang bcas pa dang cha med pa'i ngo bo skyes pa dang bud med kyi rang bzhin/ ha yig dang/ e yig gi sgra gnyis kyi bdag nyid can gyi nA ngas snying rje chen po'i don rab tu rtogs
 par bya ste/ snying rje zhes pa 'gro ba'i don la rab tu 'jug pa'o/ /de'i chen po nyid kyang gang gi phyir bdag med par rab tu rtogs pa'o/ /rnam pa gzhan du dmigs pa'i lta ba nyid kyis nyan thos rnams kyi ltar nyi tshe bar gnas par 'gyur te shes
 rab yongs su dman pa'i sbyin pa la sogs pa'i rang bzhin ni snying rjer 'gyur ro/ /de'i phyir shes rab dang rjes su 'brel ba'i sbyin pa la sogs pa rnams snying rje chen po'i don du brjod do zhes bya ba snying rje chen po'i don no/ /badzra'ang shes rab brjod
 par bya zhes pa/ badzra'i sgra yang shes rab tu mngon par brjod do/ /gang gi phyir de yang shes rab tu brjod ces na nges pa'i don las so/ /gang gi phyir rdo rje mi phyed ces byar brjod/ /ces pa'i gsungs las te ji ltar rdo rje gang gis kyang dbye bar mi nus
 pa de ltar shes rab 'di yang ste phul du byung ba'i ye shes kun rdzob dang don dam pa dbyer med pas 'di dbyer med pa nyid kyi phyir rdo rje zhes brjod/ zhes pa de kho na ltar bla ma brgyud pa'i rim pas rtog par bya ste/ theg pa gsang sngags
 mngon par gsal bar bya ba'i phyir bla ma brgyud pa'i rim pa kho na la 'jug par bya'o zhes pa'o/ /a yig thugs zhes brjod pa ste/ /yi ge thams cad gcig sdom pa/ /i yig gsung zhes rab tu brjod/ /u yig kyang ni sku zhes pa/ /rdo rje
 sbyor skyes rdo rje gsum/ /de ltar yi ge gsum zhes bya/ /i yig thugs gsung rang bzhin te/ /waM yig sku dang thugs yin no/ /e ni shes rab baM ni thabs/ /gang phyir e baM rdo rje gsum/ /sa dang me dang tha dad phyir/ /gnyi ga skyed byed
 rdo rje gsum/ /mchog gi rnal 'byor gyis 'di dag /gnyi ga rdo rje gsum gyis bskyed/ /sku gsung mchog gi rnal 'byor gyis/ /thugs dang rlung dang chu skyes te/ /'di gnyis rdo rje gsum du 'gyur/ /'byung ba bzhi dang mkha' bsres pa
 ye shes lnga zhes rab tu brjod/ /gcig ni lnga lnga yang dag ldan/ /drug lnga gsum gyi rigs shes bya/ /rigs gcig la ni grangs med pa/ /grangs med la ni gcig dang gsum/ /lnga dang drug gi rigs nyid kyang//
 ces pa bco lnga'i bdag nyid 'gyur/ drug gi grangs te dgu bdag nyid/ /'di nyid gnyis dang gnyis med pa/ /gnyis su snang phyir brtags pa'o/ /skyed byed med phyir bskyed bya med/ /bskyed bya med phyir skyed byed med/ /'di dag thams
 cad ma skyes pa/ /mtshan ma med pa'i ming dang bral/ /sems med chos de rnams kyang med/ /snang ba med pa bdag med pa/ /sangs rgyas byang chub dang mtshungs shing/ /bsam gyis mi khyab mkha' mtshungs pa/ zhes pa theg chen
 sngags kyi rim/ /'di ni shin tu rnyed par dka' / gal te bla ma'i zhabs drin gyis/ /kye yi rdo rje rtogs par 'gyur/ /bskal pa bye ba brgya yis kyang/ /gzhan du de nyid rtogs ma yin/ /de nyid shes na rnam par grol/ /dngos grub
 mchog thob gzhan du min/ zhes pa'o/ /de'i phyir gang 'dir dran pa nyams pas 'jigs pa yis/ /bla ma rnams kyis rim pa las ni nyung ngu'i don/ /bdag gi phul du byung ba'i 'bad pas thos pa yis/ /bsam pas rnam bsams 'di
 ni skyob ba rnams la mchod/ /'di ni ma lus 'gro ba'i don gyi gter gyur pa/ /'byung ba'i bdag nyid rdo rje snying po srid gsum gnas/ /kye yi rdo rje'i rgyud kyi gzi brjid snang gyur na/ /gti mug rab rib go skabs 'dir ni mthong ngam ci/ /
 bsgrub bya dang sgrub thabs kyi rang gi ngo bo brjod par bya ba dang/ rjod par byed pa'i bdag nyid can 'gro ba rab tu 'jug pa'i mtshan nyid rgyud thabs kyi gzhir gyur pa gsungs pa/ 'di skad bdag gis thos pa dus gcig na/ bcom ldan 'das
 de bzhin gshegs pa thams cad kyi sku dang gsung dang thugs rdo rje'i btsun mo'i b+ha ga rnams la bzhugs so/ /zhes pa 'di nyid ma lus pa'i skyed par byed pa'i rang bzhin rnam pa thams cad mkhyen pa nyid rdzogs par byang chub pa'i gleng gzhi dang/
 bsgrub bya'o zhes pa bsdus pa'i don te/ 'brs bur gyur pa phyag bcu drug pa la sogs pa'i rang bzhin byang chub kyi phyogs dang mthun pa'i chos sum cu rtsa bdun gyi bdag nyid yin no/ /sum cu rtsa bdun gyi bdag nyid can e baM mA pa zhes pa la sogs pas mngon par brjod do//
 de la dang por e yig la sogs pa/ /bzhi yis zhabs bzhi dag tu 'gyur/ /de yig 'og tu sh+ru yig sogs/ /brgyad kyis kyang ni zhal brgyad do/ /b+ha sogs bcu drug dag gis kyang/ /phyag ni bcu drug rnams kyis brgyan/ /yo
 yig la sogs brgyad kyis ni/ /nyi shu rtsa bzhi'i spyan dang ldan/ /ra yig 'gyur med kye rdo rje/ /sum cu rtsa drug dang ldan gtso/ /sdom par dpa' bo dpa' mo dang/ /'dus par sum cu rtsa gnyis bzhin/ /e baM gnyis med rnal 'byor gyis/ /
 kha sbyor gyis ni bzhugs pa'i gtso/ /bdag med mar bcas dpa' po ni/ /'gro ba'i bla mar bdag phyag 'tshal/ /de'i phyir 'di ni rgyud thams cad kyi gleng gzhi'i tshig go zhes pa ste/ rgyud thams cad kyi gleng gzhi'i sgras sems can
 dang snod kyi 'jig rten ma lus pa'i rang bzhin brtan pa dang g.yo ba la sogs pa ni thams cad do/ /de rnams kyi rgyud ni skyed par byed pa rnam pa thams cad mkhyen pa nyid do/ /de'i gleng gzhi ni dang po'i rgyu? ste/ 'di ni rgyu mtshan e baM du gyur
 pa'o/ bzhugs pa'i tshig gis bya ba dang spyod pa'i rgyud kyi bdag nyid do/ /a baM mA ya yi ge bzhi po so sor rdo rje gsum dang ldan pa rtogs pa dka' ba dkyil 'khor gnyi ga'i rang bzhin no/ /de nyid kyi phyir so sor rdo rje gsum gyi rang bzhin nyid kyis
 rten cing 'brel par 'byung ba bcu gnyis kyi rang bzhin te/ yi ge bzhi la 'byung ba bzhi'i bdag nyid kyis kyang stong pa nyid bcu drug gi rang bzhin rnam pa thams cad mkhyen pa nyid mngon par rdzogs par byang
 chub pa 'grub bo zhes pa'o/ /yang na gang rgyud thams cad kyi sgras rgyud bzhi po rnams so/ /de la bya ba spyod pa'i rgyud ni rgod par brjod de/ de yang bzhugs so zhes pa'i tshig nyid kyis mngon par gsal lo/ /slar yang rnal 'byor gyi
 rgyud ni lta bar mngon par brjod pa'o/ /rnal 'byor ma'i rgyud ni lag bcangs kyi ming can no/ /rnal 'byor bla na med pa'i rgyud ni gnyis gnyis kyi ming can no/ zhes pa ste/ 'di skad bdag gis zhes pa la sogs pa rnams kyis sna tshogs
 pa'i brda'i don mngon par brjod pa rnal 'byor gyi rgyud la sogs pa 'di rnams kyi don cig go /zhes rtogs pa bya ste/ rnal 'byor ma'i rgyud du/ gsang chen mchog tu dgyes pa na/ /thams cad bdag nyid rtag tu bzhugs/ sems
 dpa' sangs rgyas kun rang bzhin/ /rdo rje mkha' 'gro bde ba'i mchog ces pa'o/ /rnal 'byor bla na med par ni/ /gzhan gyi don med rtsa bzhin no/ zhes pa ste gnyis gnyis kyi rgyud ni nges pa'i don kho na'o zhes pa nges pa'i don kho
 na'o zhes pa'o/ /rnal 'byor gyi rgyud kyi gleng gzhi'i sgra nyid kyis gnyis gnyis kyis rgyud zab mo mngon par gsal bar bya ba'i phyir/ gsang chen la sogs pa yi don/ /gzhan ni don med ces bya ba la sogs pa'i don gyi nang du gtogs
 par gyur pa 'di skad bdag gis zhes pa la sogs pa'i tshig rnam pa thams cad mkhyen pa nyid gleng gzhi'o zhes pa ste ji ltar shes rab kyi pha rol tu phyin pa nyid kyi nang du pha rol tu phyin pa thams cad 'dus par gyur pa de bzhin du gnyis
 gnyis kyi ming can nyid kyi nang du rgyud thams cad 'dus par gyur to zhes pa thams cad mkhyen pa nyid gsum gyi rang bzhin kye'i rdo rje yang dag par rdzogs pa'i byang chub thob par byed pa'i nges pa gsungs pa/ e yig sa ru brjod pa nyid/ /las ni phyag rgya
 spyan ma ste/ /mi la sogs pa'i rang bzhin 'di/ /'gro ba'i don la rab 'jug cing/ /de ni snying rje che zhes brjod/ /thabs chen po yi rang bzhin ma/ /de ni de bzhin gshegs pa'i rigs/ /chu skyes 'dab ma drug cu bzhir/ /lha mo sprul par
 yang dag gnas/ /kun rdzob rnam pa'i gzugs can ma/ /phung po lnga po gcig pa'i sku/ /sgyu ma chen mo zhes par brjod/ /baM yig chu ru rab tu brjod/ /chos kyi phyag rgya mA ma kI/ /A li kA li'i rang bzhin gyis/ /byang chub sems kyi rang bzhin
 can/ /zla ba nyi ma gcig gzugs kyis/ /thabs dang shes rab gcig sdom phyir/ /de ni byams dang smon lam tshul/ /lha mo rdo rje'i rigs rjes 'gro/ /snying gar chos kyi 'khor lo/ /chu skyes 'dab ma brgyad par gnas/ /ma
 yig me ru rab tu bstan/ /phyag rgya chen mo gos dkar mo/ /dga' dang stobs kyi rnal 'byor gyis/ /lha mo pad+ma'i rigs byung ma/ /zla ba nyi ma mnyam sbyor ba'i/ /bde ba rjes myong gzugs tsam mo/ /mgrin par longs spyod 'khor lo
 ni/ /chu skyes brgyad gnyis 'dab mar gnas/ /ya yig rlung gi khams su 'gyur/ /dam tshig phyag rgya sgrol ma ste/ /btang snyoms ye shes rang bzhin can/ /de yang las kyi rigs rjes 'gro/ /de bzhin gshegs pa 'dus pa
 yis/ /chags pa thams cad sbyor ba bral/ /bde chen 'khor lo chen po la/ /spyi bo ru ni rtag tu gnas/ /rtsa yi 'khor lo rnam dag pa/ /'dam skyes 'dab ma sum cu gnyis/ /de ltar sa dang chu dang me dang rlung gi khams kyi
 lus/ yi ge bzhi po rnams las dang chos dang chen po dang/ /dam tshig gi phyag rgya bzhi'i rang bzhin/ /snying rje chen po dang thabs chen po'i ngo bo/ /byams pa dang smon lam gyi rang bzhin/ /dga' ba dang stobs kyi
 bdag nyid/ /btang snyoms dang ye shes kyi rang bzhin/ /tshangs pa'i gnas bzhi tha dad med par bsgom pa/ lte ba dang/ snying ka dang/ mgrin pa dang/ spyi bo'i rang bzhin sprul pa dang/ chos dang/ longs spyod rdzogs pa dang/ bde
 ba chen po'i 'khor lo rnams su rim pa bzhin/ 'dab ma drug cu rtsa bzhi dang/ brgyad dang bcu drug dang/ sum cu rtsa gnyis pa'i pad+ma bzhir gnas so/ zhes pa'o/ /'dir 'khor lo gnyis gnyis ni e yig dang baM yig gi rang
 bzhin nyid do/ /gang zhe na/ shes rab thabs kyi rang bzhin las/ /steng dang 'og na ni snyoms 'jug ste/ /e yig shes rab nyid 'gyur zhing/ /baM gi yi ge thabs su 'gyur/ /de ni brgyan pa baM yig ste/ /nges par mdzes
 par e yig go /snying ka mgrin par baM yig ni/ /brgyan ni chen po mchog yin te/ spyi bo lte bar e yig ni/ /brgyan pa phan tshun kha sbyor te/ /sangs rgyas lnga yis bdag nyid sku/ /e yig pad+mar brjod bya ste/ baM yig
 rdo rje zhes par brjod/ /rdo rje pad+ma mnyam sbyor ba/ /chos dang sprul pa'i 'khor lo dag /longs spyod 'khor lo'i sbyor ba dang/ /bde chen yang dag rtogs pa las/ /de ltar thams cad bzhi'o zhes bcom ldan das nyid kyis gsungs
 so/ gzhan yang gsungs pa/ e yig cha byad bzang po gang/ /dbus su baM yig gis brgyan pa/ /bde ba thams cad kyi ni gnas /sangs rgyas rin chen za ma tog /ces pa de ltar rgyud du gsungs/ /khams gsum po ni ma lus
 nas/ khams gsum po ni ye shes che/ /'byung ba bzhi yi rang bzhin can/ /dbyangs kyi sbyor ba la brten nas/ /zla ba nyi ma'i rang bzhin las/ /rnam shes tshor ba'i phung po yis/ /rang bzhin mi bskyod rin chen bdag /bdag med gau rI'i rnal 
 'byor las/ /gsum dang lnga yis shes rab gnas/ /bco lnga'i rang bzhin ye shes te/ /e yi yi ge sa'u 'dong/ /ye shes chen po gzhom du med/ /dbyangs dang ldan par rab tu gnas/ /shes rab thabs ni mnyam ldan pa/ /
 rdo rje gsum dang bzhi bdag nyid/ /'byung ba lnga po ye shes che/ /kha sbyor gyis ni dgu bdag nyid/ /ces pa dkyil 'khor zung gi bdag /yi ge e ni spyan mar 'dod/ /dbyangs kyi sbyor ba la brten nas/ /A li kA li'i rang bzhin
 las/ /'du byed rnam shes phung po yi/ /rang bzhin don yod rdo rje bdag /mkha' 'gro mkha' spyod ma sbyor las/ /gsum dang lnga yi ye shes gnas/ /bco lnga'i rang bzhin ye shes ni/ /baM yig chu ru brjod bya ste/ /ye shes
 chen po gzhom du med/ /dbyangs dang ldan pa rab tu gnas/ /shes rab thabs ni mnyam ldan pa/ /rdo rje gsum dang bzhi bdag nyid/ /'byung ba lnga po ye shes che/ /kha sbyor gyis ni dgu bdag nyid/ /ces pa dkyil 'khor
 zung gi bdag /baM yig mA ma kI ru 'dod/ /dbyangs kyis khyab pa la brten nas/ /mkha' spyod rdo rje rnal 'byor las/ /rnam shes phung po la brten te/ /lha mo'i 'khor lo rnams bsgom las/ /bco lnga'i rang bzhin ye
 shes ni/ /ma yig me ru brjod bya ste/ /ye shes chen po gzhom du med/ /dbyangs kyis khyab par yang dag gnas/ /shes rab thabs ni mnyam ldan pa/ /rdo rje gsum dang bzhi bdag nyid/ /'byung ba lnga po ye shes che/ /
 kha sbyor gyi ni dgu bdag nyid/ /ces pa lha mo'i 'khor lo'i tshul/ /de ltar de bzhin gshegs pa'i grong/ /gnyi ga dbyer med rdzogs sangs rgyas/ /ma yig gos dkar ma ru dran/ /dbyangs dang 'brel
 pa la brten nas/ /A li kA li rab sbyor las/ /ming dang gzugs kyi bdag nyid brjod/ /'dod chags gti mug rang bzhin dag /chu ma rdo rje mnyam sbyor las/ /gsum dang lnga yi ye shes gnas/ /bco lnga'i rang
 bzhin ye shes ni/ /ya yig rlung du brjod bya ste/ /ye shes chen po gzhom du med/ /dbyangs dang ldan par rab tu gnas/ /shes rab thabs ni mnyam ldan pa/ /rdo rje gsum dang bzhi bdag nyid/ /'byung ba lnga po ye shes che
 kha sbyor khyi ni dgu bdag nyid/ /ces pa dkyil 'khor zung gi bdag /yi ge a ste sgrol mar 'dod/ /e baM mA ya yi ge bzhi/ /'byung ba bzhi ru rab tu gnas/ /so sor bzhi yi bdag nyid las/ /phyag rnams bcu drug stong pa
 nyid/ e baM mA yA yi ge bzhi/ /shes rab thabs kyi rang bzhin las/ /zhal rnams rnam par dag pa'i phyir/ /rnam thar brgyad kyi zhal rnams so/ /e baM ma ya yi ge bzhi/ /bdud gzhi rnam par dag pa'i phyir/ /dga' 
 cha? ? yi rdo rje yi/ /zhabs ni bzhi rnams rab tu brjod/ /e baM mA ya yi ge bzhi/ /so sor sum 'gyur du byas pa/ /re re rnam gnyis de rnams kyang/ /spyan ni nyi shu rtsa bzhi'o/ /e baM mA ya yi ge bzhi/ /ye shes lnga
 ri bo bzhin las/ /re re rnam ldang phye ba rnams/ /rnam pa brgyad dang du mas 'gyur/ /e baM mA ya yi ge bzhi/ /rdo rje gsum dang bzhi bdag nyid/ /so sor phye ba la brten nas/ /bcu gnyis bzhi yi sgra dang ldan/ /e baM mA
 ya yi ge bzhi/ /bco lnga'i cha yi bdag nyid can/ /de yang a yig la sogs dbyangs/ /gsal byed lnga pa lnga ru 'gyur/ /mthar gnas rnams kyang 'byung ba bzhi/ /srid gsum bdag nyid sha Sha sa/ /mi phyed rdo rje gsum sbyor ba/ /srid gsum las
 byung ha yig ni/ /ye shes chen po gzhom du med/ /rdo rje'i bzlas pa zhes par dran/ /e baM mA ya yi ge bzhi/ /skye mched drug gi sbyor ba las/ /rdo rje gsum phye la brten nas/ /rnam pa bco brgyad rnams su 'dod/ /ye shes phung po lnga rang bzhin
 'byung ba bzhi por rab tu gnas/ /rdo rje gsum gnyis dbyer med pa/ /rdo rje sems dpa' zhes par dran/ zhes pa sku gsum bdag nyid ni/ /yi ge bzhi la rab tu gnas/ /mkha' la dbang po'i gzhu lta bu/ /shes na 'grub 'gyur rnam 'byor pa//
 yi ge bzhin grub pa ste/ /'grub pa'i thabs gzhan yod ma yin/ /yang na e ni shes rab baM ni thabs te/ /A li dang kA li/ zla ba dang/ nyi ma shes rab dang thabs nyid kyi phyag gnyis pa sprul pa'i sku ste/ A li kA li dag las phyag bzhi pa/ longs spyod
 rdzogs pa'i sku'o/ /zla ba dang nyi ma dag las phyag drug pa chos kyi sku'o/ /sku gsum gyi bdag nyid can/ /e baM ste/ 'di gnyi ga tha dad med cing gnyis su med pa de ni bcom ldan 'das phyag bcu drug pa ngo bo nyid kyi sku'i bdag nyid do/ /de ni bzhugs
 shing gnas te thams cad khyab pa nyid kyi dmigs pa'i rang bzhin zhes pa'i don no/ /'di dag nyid gsal bar byed pa bdag gis zhes pa sprul pa'i sku'i rgyu yis so/ /thob pa zhes pa lhag par rtogs pa longs spyod rdzogs pa'i sku'o /
 gcig nas zhes pa rgyu mtshan te chos kyi sku'o/ /dus zhes pa sku gsum dbyer med pa ngo bo nyid kyi sku'i bdag nyid 'bras bu'i rdo rje 'dzin par ro/ /de bzhin gshegs pa thams cad kyi sku dang gsung thugs rdo rje btsun mo'i b+ha ga rnams la zhes
 pa de bzhin gshegs pa'i sgras me long lta bu la sogs pa ye shes lnga rnams so/ /thams cad kyi sgras dngos po ma lus pa ste gzugs la sogs pa'i yul rnams so/ /de rnams thams cad kyang yin la de bzhin gshegs
 pa rnams kyang yin pa'i phyir de bzhin gshegs pa thams cad de/ 'dis ni gang yod pa ma yin pa de bzhin gshegs pa'i ngo bo ma yin no/ /de nyid de bzhin gshegs pa'i sku dang gsung dang thugs so/ /de rnams kho na rdo rje ste mi phyed pa'i ye shes so
 de nyid btsun mo bdag med ma ste chags pa thams cad dang bral ba'o/ /de nyid b+ha ga rnams te dbang phyug la sogs pa'i yon tan ma lus pa rnams so/ /de rnams la zhes pa rgyu mtshan de rnams kho na ste de nyid kyi phyir bcom ldan 'das bzhugs pa
 ni rnam par bkra pa'i tshul gyis gdul bya'i skye bo sna tshogs pa rnams kyi yid 'phrog par gyur to/ zhes pa'o/ /yang na bdag gis zhes pa me'i khams dang rlung gi khams dag las gnyis su med pa'i rang bzhin nyid kyis/ /lte bar gtum mo
 'bar ba yis/ /de bzhin gshegs pa lnga bsreg cing/ /spyan la sogs pa yang bsreg ste/ /bsregs ni ri bong can haM 'dzag ces pa gang yin pa de/ sh+ru traM zhes pa 'jag pa'i bya ba dang ldan par gyur pa ste/ de gang zhe na/ bcom ldan 'das so/ /de gang
 du zhe na/ de bzhin gshegs pa thams cad gnyis su med par rtogs pa'i skad cig tu'o/ /de nyid bcom ldan 'das so/ /de bzhin gshegs pa thams cad kyi sku dang gsung dang thugs rdo rje btsun mo'i b+ha ga rnams la bzhugs so zhes pa kun rdzob kyi
 bden pa nyid kyis rnam par gnas zhes pa'o/ /yang na gang mA ya zhes pa dga' ba'i rgyu yis so/ /shu taM zhes pa mchog tu dga' ba'o/ /dus gcig na zhes pa de nas khyad par kyi dga' bar gyur pa la/ bcom ldan 'das zhes pa lhan cig skyes
 pa'i dga' ba'i rang bzhin no/ /de bzhin gshegs pa thams cad kyi sku dang gsung dang thugs rdo rje btsun mo bzhag rnams la bzhugs so zhes pa mngon par shes pa drug gi yon tan dang ldan pas 'gro ba'i don gyi bya ba sgrub pa'i rgyu zhes pa'i don
 to/ yang na gang mar ya zhes pa las kyi phyag rgya'o/ /sh+ru taM zhes pa chos kyi phyag rgya'o/ /dus gcig na zhes pa dam tshig gi rgya'o/ /bcom ldan 'das zhes phyag rgya chen po'o/ /phyag rgya bzhi'i bdag nyid kho na de bzhin gshegs pa thams cad kyi
 sku dang gsung dang thugs rdo rje btsun mo'i b+ha ga rnams so/ /de rnams la bzhugs pa ni 'gro ba'i don gyi bya ba sgrub par gyur to zhes pa ste e baM gyi yi ge'i don no/ /mdor bsdus pas yongs su brtag par bya ba gang yin pa de
 thams cad rtag pa dang/ mi rtag pa dang/ dge ba dang mi dge ba la sogs pa gnyis so/ /de yang e yig dang bam yig gis rgyas btab ste gnyi ga dbyer med pa gang yin pa de e baM zhes brjod par bya'o/ /de nyid kyi phyir gsungs pa/ sangs
 rgyas kun gyi sdom pa ni/ /e baM yi ge la rab gnas/ /gzhan yang/ e yig cha byad bzang po gang/ /dbus su paM yig gis brgyan pa/ /bde ba thams cad kyis ni gnas/ /sangs rgyas rin chen za ma tog /gzhan yang gang zhig e
 baM yi ge rtogs/ /mdza' dag ma lus rtogs par 'gyur/ /chos kyi za ma tog phyung te/ /'di ni nges par bstan bya kye/ zhes pa'o/ /de'i phyir khams gsum pa baM kho na ste/ /gzhan ni ma yin no zhes pa 'di ni yi ge gnyis
 rnam par bshad pa'o/ /zhes pa 'di ni rgyud thams cad kyi gzhi'i tshig gi don nges pa'o/ zhes pa ste/ de nyid kyi phyir byang chub sems dpas don la rab tu rton pas gnas par bya ste sgra ni ji lta ba de bzhin no zhes pa'o/ /yang na gang/ e ni shes
 rab bo/ /baM ni thabs so/ /'di gnyi ga'i bdag nyid can a haM sku rdo rje'o zhes pa'i don no/ /de nas bdag gis thos pa zhes sgra lhag par rtogs pa gsung rdo rje zhes pa'i don no/ /dus gcig na zhes pa gcig ni
 lhan cig ma yin pa'o 'di la lha rnams tshogs shing 'dus pa zhes pa dus te thugs rdo rje'o/ /zhes pa'i don no/ /'di nyid chos kyi sku ste sku nyid kyi rgyu mtshan 'di la'o/ /de bzhin gshegs pa thams cad kyi sku dang gsung dang thugs rdo rje btsun mo'i b+ha ga rnams
 la zhes pa de rnams thams cad dang de bzhin gshegs pa yang yin pa'i phyir de bzhin gshegs pa thams cad de gzugs la sogs pa'i phung po lnga la sogs pa'i rnams so/ /de nyid sku dang gsung dang thugs yin la de nyid rdo rje ste de bzhin gshegs
 pa'i sku gsum dbyer med pa'i ye shes so/ /de nyid btsun mo ste rnal 'byor ma de'i cha shes can zhes pa'i gsung las de nyid b+ha ga ye shes rnams te dbang phyug la sogs pa'i yon tan ma lus pa'i rang bzhin can rnams so/ /de rnams la bzhugs shing gnas par gyur
 pa khyab bya dang khyab byed kyi bdag nyid kyis rnam par gnyis su med pa rdo rje 'chang gi rang bzhin no/ /de nyid sdud pa po dang sdud par byed pa yang ste/ bcom ldan 'das kyis gsungs pa/ 'chad pa po nga chos kyang nga/ /nyan pa rang dang tshogs ldan nga/ /zhes pa'o/ /e  
 baM mA ya zhes pa yi ge bzhi po 'dis de ltar thams cad bzhi'o zhes pa ste/ bzhi rnams kyis thams cad dang/ thams cad kyang e baM gi yi ge nyid kyis bsdus so zhes pa'o/ /der zhes pa de ltar yul dang 'khor dang ston pa dang nye bar bstan pa'i khyad par rnams
 rab tu bstan pas spro ba dang bsdu ba'i bdag nyid can gyi bcom ldan 'das rang nyid tshad mar gyur ba'o/ /de gang zhe na bcom ldan 'das te yongs su grub pa ngo bo nyid kyi sku'i bdag nyid de'o/ /gsungs pa zhes pa bcom ldan 'das kyis gsungs pa'o/ /da ltar ba nyid kyis dus
 gsum pa nyid dang/ thams cad khyab pa nyid dang rnam pa thams cad gcig tu sdom pa nyid gsungs so/ de ltar yang sangs rgyas rnams ni byung gyur yang/ bskal med 'bras bu thob mi 'gyur/ /sprin gyi tshogs las char byung yang/ /sa bon mi rung mi 'khrung ltar/ zhes pa
 dang/ gzhan yang gsungs pa de bzhin gshegs pa rnams ni byung yang rung ma byung yang rung ste chos nyid 'di kho na ltar gnas so zhes pa'o/ /de ci zhe na/ gsungs pa/ de bzhin gshegs pa thams cad kyi sku dang gsung dang thugs kyi snying po rje btsun gsang ba las
 shin tu ches gsang ba/ e ma'o rdo rje snying po legs so legs so/ /snying rje chen po byang chub sems dpa' chen po/ /rdo rje sems dpa' dang/ sems dpa' chen po dang/ dam tshig sems dpa' i snying po kye'i rdo rje zhes bya ba nyon cig ces pa dang/ de bzhin gshegs pa
 thams cad kyi sku dang gsung dang thugs kyi snying po zhes pa/ snang ba'i mtshan nyid gzugs la sogs pa'i phung po lnga skye ba'i ngo bo ni sku'o/ /de yang mtshan ma dang brda'i rnam par bzhag pa nyid kyis kun tu smra ba'i phyir gsung gi rang bzhin no/ /gsung de yang yang dag
 par rig pa'i ngo bo nyid kyis thugs kyi lus so zhes pa rdo rje gsum dbyer med pa nyid kyi sku dang gsung dang thugs so/ /de yang de bzhin gshegs pa thams cad kyi snying po ste/ de bzhin gshegs pa ma lus pa'i ye shes so/ /de yang ji lta bu zhe na/ gsungs pa rje
 btsun te nyan thos la sogs pa'i spyod yul ma yin pa nyid kyis theg pa chen po pa kho nas mchod par bya ba nyid kyi phyir ro/ /gsang ba las shin tu ches gsang ba zhes pa sbas pa la gu hya ste gsang ba 'khor ba kun rdzob kyi bden pa'o/ /shin tu gsang ba ni de las 'das
 pa nyid kyi phyir mya ngan las 'das pa don dam pa'i bden pa'o/ /gnyi ga las sgrol zhing 'das par byed pa'i phyir gsang ba las shin tu ches gsang ba'o/ /e ma'o rdo rje snying po legs so legs so/ /snying rje chen po byang chub sems dpa' chen po ni e ma'o zhes pa ngo mtshar bar
 bstan pa ste/ bdag nyid chen po'i spyod yul nyid kyi phyir zhu bde gsan pas legs so legs so zhes ngo mtshar ba dang bcas pas rjes su yi rang ba'o/ /rdo rje snying po zhes pa mi phyed pa'i sku ste/ snying rje chen po zhes pa kun rdzob kyi bden
 pa'i bdag nyid do/ /byang chub sems dpa' chen po zhes pa don dam pa'i bden pa'i rang bzhin no/ /'di gnyi ga'i rang bzhin nyid kyis rdo rje snying po nyid do/ /rdo rje sems dpa' dang/ sems dpa' chen po dang/ dam tshig sems pa'i snying po ni rdo rje gsum dbyer med pa
 nyid kyis rdo rje sems dpa' ni chos kyi sku'o/ /sems dpa' chen po ni longs spyod rdzogs pa'i sku'o/ /dam tshig sems dpa' ni sprul pa'i sku'o/ /zhes pa sku gsum ye shes su gyur pa kye'i rdo rje zhes bya ba gnyis su med pa dang/ rnam pa gnyis dang/ rnam pa gsum dang/
 bzhi'i bdag nyid dang/ lnga ru brjod pa ye shes kyi sku rdo rje 'chang dang bdag med ma dag la dbye ba med pa'i phyir dgu'i bdag nyid kyi dkyil 'khor phyag bcu drug pa la sogs he ru ka'i rang bzhin kye'i rdo rje zhes bya ba nyon cig ces pa mnyan pa'i yul du byos shig ces
 pa'o/ /bcom ldan 'das kyis gsung gi de ma thag rdo rje snying pos gsol pa/ /gang phyir rdo rje sems dpa' lags/ /ji ltar sems dpa' chen po lags/ /gang gis dam tshig sems dpa' lags/ /bcom ldan bdag la gsung du gsol/ /zhes gsol ba 'debs pa'i
 bar ma chad par/ bcom ldan 'das kyis bka' stsal pa/ /rdo rje mi phyed ces par brjod/ /sems dpa' srid pa gsum gcig pa/ /shes rab rigs pa 'di yis ni/ /rdo rje sems dpa' zhes par dran/ zhes par shes rab phul du byung ba'i ye shes kyis rdo rje nyid dang/
 rig pa'i sbyor bas sems dpa' nyid rdo rje gsum dbyer med pa nyid kyi phyir rdo rje sems dpa' chos kyi sku'o/ /ye shes chen po'i ros gang pa/ /sems dpa' chen por brjod par bya/ /ye shes chen po zhes pa yang dag par rdzogs pa'i byang chub kyi ye shes te/ de'i ro ni
 sna tshogs par myong ba'i mtshan nyid do/ /de yis gang ba ni nyan thos dang rang sangs rgyas la sogs pa rnams dang/ byang chub sems dpa' sems dpa' chen po rnams kyis thos pa la sogs pa'i ye shes kyis myong bar gyur pa'o zhes pa sems dpa' chen
 po longs spyod rdzogs pa'i sku ste/ sku gnyis po'i 'di ni ma ning ngo/ /rtag tu dam tshig rab 'jug phyir/ /dam tshig sems dpar brjod par bya/ zhes pa rtag tu rgyun mi 'chad par dam tshig lha thams cad kyi 'byung ba ste tshogs shing 'dus par gyur pa'i lha rnams
 de'i rang bzhin gyis rab tu 'jug cing grub pa'i phyir dam tshig sems dpa' rdo rje 'dzin pa sprul pa'i sku'o/ /zhes pa sku gsum gyi rang bzhin kho na kye'i rdo rje'o zhes khong du chud cing kye'i rdo rjer mngon par brjod pa'i don nyid rnam par rtog pa gsum gyis mngon du byed
 pa rdo rje snying pos gsol pa/ gang gis kye yi rdo rje lags/ /ming bsdus pa ni 'di lta bu/ /he yig gis ni ci zhig bshad/ /badzra yis ni de bzhin ci zhes pa la gang gis kye'i rdo rje lags zhes pa/ yi ge gsum po 'di ji ltar lags zhes pa'o/ /ming bsdus pas ni
 'di lta bu shes pa 'di lta bu'i tshul gyis ming gi tha snyad bsdus shing sdud par byed pa he yig gis dgos pa ci zhig yod de bzhin du badzra yis kyang ci zhig brjod ces pa'o/ /bcom ldan 'das kyis bka' stsal pa/ he yig gis ni snying rje che/ /badzra'ang shes
 rab brjod par bya/ /nyon mongs pa thams cad kyi bag chags rjes su 'brel pa 'joms par byed pa'i phyir he'o/ /de la kA ra zhes pa bya ste 'gro ba'i don sgrub par byed ces bya ba'o/ /'di ni mi 'thad de gang gi phyir bya ba med pa la bya ba'o zhes na/ 'di nyid snying rje
 chen po ste gang don dam pa'i bden pa nyid kun rdzob kyi bden pa yin pa'i phyir ro/ /yang na gang ha ni thabs so/ /e ni shes rab po/ /gnyi ga dag las kA ra byed pa ste gnyis su med pa nyid do/ /de ni snying rje chen po ste rang dang gzhan gyi don phun sum tshogs pa rnam
 pa thams cad mkhyen pa nyid mngon par rdzogs par byang chub pa'i bzhi'o/ /'di nyid gsal byed pa/ badzra'ang shes rab brjod par bya/ zhes pa badzra rdo rje 'dzin pa dang shes rab bdag med ma ste/ brjod par bya
 ba rtogs par bya'o/ /zhes pa kye'i rdo rje'i don no/ /'dir thabs dang shes rab bdag nyid rgyud/ /de ni nga yis bshad kyis nyon/ zhes pa zhu ba gsum gyi don mngon par brjod pa'i phyir de rtogs par byed pa gsungs pa/ de ji lta bu'i don gyis
 bdag nyid ce na/ thabs dang shes rab bdag nyid rgyud/ ces pa thabs dang shes rab dbyer med par rtogs pa zab cing spyod yul ma yin pa ste/ ji ltar don dam pa dang kun rdzob cha med pa dang cha dang bcas pa dag dbyer med par rtogs par bya ba'i sbyor ba ni
 'grub par mi nus te/ sbyor ba med pa'i phyir ro/ /sbyor ba dang bral bas kyang 'grub pa yod pa ma yin no/ /de'i phyir yang de dang yang dag par ldan pa'i don med do/ /de med pa'i phyir bden pa gnyi ga dbyer med pa yang med do/ /'dir 'di ni rgyud de 'di rtogs pa ni spyod
 yul ma yin pa'o/ /rgyud de ni nga yis bshad kyis de bdag kho na'i smra ba'i spyod yul yin gyi gzhan rnams kyi ni spyod yul ma yin no/ /de nyon zhes pa mnyan pa'i yul du gyis shig ste/ longs spyod rdzogs pa'i sku dang dbyer med pa sku gsum rtogs par
 byed pa theg pa chen po sngags kyi bdag nyid chen po ni kho na nyid mchog go zhes pa'o/ /bshad pa yang/ rgyud kun gyi ni tshul shes nas phyi nas kye'i rdo rje tsam zhes pa'o/ /sku gsum po dbyer med par rtogs par byed pa bden pa gnyi ga'i rim pas bstan par
 bya ba'i phyir mdor bsdus pa gsungs pa/ lta stangs dgug dang brda chen dang/ /don mnyam rnam pa mang po rig /lta stangs dgug pa la sogs pa rnam par bshad par bya ba ni le'u gzhan du rab tu grags pa kho na'o/ /gzhan yang lta stangs ni lta ba ste sems
 kyi rnam pa'o/ /dgug pa ni 'gugs par byed pa ste/ dbang po dang yul la sogs pa yang dag par bsdu bas nye bar bskyed pa'i ngo bo nyid kyi phyir sku'i rnam pa'o/ /brda chen zhes pa chen po'i brda ste mtshan ma med pa'i rang bzhin gyi chos mtshan mas ston
 pa'i phyir gsung gi rnam pa'o/ /de ltar gyur pa ni don dam pa'i don no/ /ji ltar zhe na mnyam pa nyid kyis te tha dad med pas gang rnams kyi sku dang gsung dang thugs rnams su gyur pa de ni don mnyam mo/ /de yang rnam pa mang po rnam pa sna tshogs pa kun rdzob kyi
 bden pa'i rang bzhin no/ /de rig pa ni shes pa ste/ ye shes kyi rnam pas don dam pa'i bden pa nyid kyis nges par gyur to zhes pa'i don no/ /rengs par byed dang skrod pa nyid/ /sde rengs byed dang mngon spyod dang /zhes pa rab tu grags shing gsal ba kho
 na'o/ /don gzhan yang rengs pa'i sgras g.yo ba med par sdud pa'o/ /skrod pa'i sgras spro ba'o/ /sde rengs kyi sgras sde ni stobs te dbang po la sogs pa de rnams kyi tshogs pa ni sde yin zhing de dag ngo bo nyid kyi g.yo ba med pa ni rengs pa'o/ /de nyid thams cad nas
 mngon par rgyu ba dang spro ba'i tshul gyis kyang gnas pa'i phyir/ sde rengs byed dang mngon spyod do/ /nges par gsungs pa'i lta stangs dgug pas sogs pa dang/ rengs par byed dang skrod pa la sogs pas ye shes lnga'i ngo bo kho na sku gsum dang sku gsum dbye ba
 med pa kho na ye shes lnga'o zhes so/ /de'i phyir gsungs pa/ ji ltar rigs pa'i rnal 'byor ma'i/ /bskyed pa dang ni gnas pa'i rgyu/ /zhes pa 'di rnams la rnal 'byor yong pa'i phyir rnal 'byor ma rnams te/ bdag med ma la sogs pa bco lnga'o/ /ji ltar
 zhe na/ gang gi phyir gzugs la sogs pa nye bar len pa'o phung po lnga dang/ de'i cha shas yul lnga dang/ gzung ba dang 'dzin pa gnyis 'brel pa las skyes pa bde ba la sogs pa'i rang bzhin ye shes lnga rnams kyi phyir bco lnga ste/ 'di rnams dbye ba med
 pa las rnal 'byor ma rnams so/ /de rnams kyi ji ltar rigs pa rim pa ji lta ba'o/ /bskyed pa dang ni gnas pa'i rgyu/ /cha dang bral ba nyid kyis nyams pa'i ngo bo nyid kyi phyir de rnams kyi bskyed pa dang gnas pa mi
 dmigs pa las gnyi ga'i rgyu nye bar bzhag par bya ste/ 'dis ni gnyi ga yang rgyu gcig pa nyid kyi phyir bskyed pa'i rgyu gang yin pa de gnas pa'i yang ngo/ /gnyi ga las gzhan 'jig pa med pa'i phyir skye ba dang gnas pa dang/ 'jig
 pa rnams kyi rgyu gcig kho na'o/ /gsum char yang rgyu gcig pa nyid kyi phyir 'bras bu la yang rgyu'i rang bzhin med do/ /de nyid phyir 'bras bu dang rgyu 'brel pa dang tshogs pa med pa'o/ /'di nyid rnal 'byor gyi rim pa'o zhes so/ /gzhan
 yang don mnyam shes pa rnam shes dang/ lha rnams ji ltar 'byung ba'o/ /shes pa ni rtogs pa ste kun rdzob kyi bden pa'o/ /rnam shes ni de las 'das pa ste don dam pa'i bden pa'o/ /shes pa nyid rnam shes te kun rdzob kyi bden pa
 nyid don dam pa'i yang bden pa'o/ /de nyid lha rnams te gzugs la sogs pa rnams kyi ji ltar 'byung ba'o/ /de nyid don mnyam gnyis su med pa zhes gnyis ka dbyer med pa nyid kye'i rdo rjer bstan zhes pa'o/ /de nyid kyi phyir/
 he ru ka ni bskyed pa'i rgyu/ /dang por re zhig gcig tu 'gyur/ zhes pa he ru ka'i bskyed pa ni he ru ka bskyed pa ste/ stong pa nyid dang/ mtshan ma med pa dang smon pa med pa rnams kyi 'byung ba'o/ /de'i rgyu ni byed pa ste gcig gnyis su med pa kho
 nar 'gyur te dang por re zhig gang las gyur pa de'i phyir dang por re zhig ste/ gzhan la bltos pa med pa'i phyir/ zhes pa bstan pa'i rim pa'o/ /gcig ces pa ma ning nyid las gcig ni lhan cig ma yin par gsungs te/ lhan cig rnam
 par spangs pa yis/ /gcig nyid kyang ni 'gugs par byed/ ces pa 'dis dmigs pa'i lta ba thams cad nye bar gcod par byed do/ /de nyid kyi phyir dngos po nyid kyis rnam grol 'gyur/ /rdo rje snying po snying rje che/ /dngos po nyid 'khor ba yin zhing grol ba
 thob par byed pa ste/ 'khor ba las 'das pa'i grol ba 'ga' yang med do zhes pa'o/ /de nyid kyi phyir/ rdo rje snying po snying rje che zhes pa/ khyad par dang bcas pas bod pa ste/ snying rje chen po nyid kyis don dam pa'i bden pa'o/ /snying rje chen po nyid
 kyis de nyid kun rdzob kyi bden pa nyid kyang ngo zhes pa ste /gang gsungs pa 'khor ba'i rnam pa he ru ka /'gro ba rab tu sgrol ba'i gtso/ /zhes pa'o/ /de ji ltar 'ching bar 'gyur zhe na/ gsungs pa/ dngos po'i 'ching pas 'ching bar 'gyur/ de yongs
 shes pas grol ba yin/ zhes pa la/ dngos po'i 'ching bas 'ching bar 'gyur/ zhes pa dngos po nyid grol ba'i tshul gyis brtags te/ grol ba'i rtog pa'i 'ching bas 'ching bar 'gyur zhing/ yang srid pa thob par 'gyur ro/ /de yongs shes
 pas grol ba yin zhes pa grol ba yongs su shes pa nyid las grol bar 'gyur ro zhes pa'o/ /'dis ni grol ba'i rtog pa yang 'ching pa'o/ /'ching ba'i rtog pa yang grol ba'i ched du'o/ /de'i phyir 'ching ba dang grol ba gnyis ka yang bltos pa dang
 bcas pa ste bltos pa med pa'i don la yang 'ching ba med cing grol ba yang med do/ /de'i phyir dngos po bsgom bya shes rab can/ dngos po med pa 'ang yongs shes pas zhes dngos po kun rdzob dang dngos po med pa don dam pa gnyis ka yang bsgoms
 par bya/ /zung du 'jug par rtogs par bya'o/ /ji ltar zhe na/ yongs shes pas kun nas shes pa ni yongs su shes pa ste/ thams cad la thogs pa med pa'i rang bzhin gyis gnas so zhes pa'o/ /de nyid kyi phyir/ shes rab can zhes pa bod pa'o/ /yang na
 gang dngos por 'gyur ro/ /ci zhe na /dngos po med pa ste ma skyes pa'i rang bzhin no/ /ji ltar zhe na/ yongs shes pas lhun gyis grub pa'i dbang gis te gang gi phyir bsgom bya snyoms par 'jug pa'i rang bzhin gyis
 bsgrub par bya'o/ /yang na/ dngos po yang dngos po med par 'gyur zhing /dngos po med pa yang dngos por 'gyur te/ dngos po zhes pa gnyis ka dbyer med pa ma ning he ru ka'o/ /dngos po med pa yang gnyis ka dbyer med pa ma ning rdo rje mkha' 
 'gro ma'o/ /de gnyis ka la gnyis ka bsgom bya snyoms par 'jug pa'i rang bzhin nyid kyis bsgrub par bya ste/ yongs shes pas rnam pa thams cad mkhyen pa nyid kyis zhes gsungs pa'i don no/ /'di nyid gsal bar bya ba'i phyir gsungs pa/
 de ldan he ru ka bsgom bya/ /dngos po med pa'ang yongs shes pas/ zhes pa gang bsgom bya snyoms par 'jug pa'i rang bzhin nyid kyis bsgrub par bya ba de yod pa'i phyir de ldan no/ /de ci zhe na/ he ru ka dang bdag med ma dbyer med
 pa bdag med ma'i gnas so/ /de nyid dngos po med pa'ang/ zhes pa med pa bdag med ma dang/ dngos po rdo rje 'chang dang gnyis ka dbyer med pa ye shes so/ /ji ltar zhe na/ yongs su shes pas zhes pa ste/ 'di'i don ni brjod pa
 nyid do/ /'dir dngos po dang dngos po med pa'i bdag nyid kyis rnam pa thams cad mngon par rdzogs par byang chub pa'i ye shes nye bar bstan cing/ bden pa gnyis su byar med pa kho na gsal ba'i bya ba'i phyir gsungs pa lus gnas
 ye shes chen po ni/ /kun tu rtog pa thams cad spangs/ /dngos po thams cad khyab pa po/ /lus la gnas kyang lus skyes min/ zhes pa skye ba la de ha zhes pa lus byad pa ni lus dang skye ba ste/ gzugs la sogs pa nye bar len pa'i phung
 po lnga'o?/ /de la de'i bdag nyid kyis g.yo ba med par gnas so zhes pa'o/ /lus gnas ye shes chen po ni/ de bzhin gshegs pa dang mkha' 'gro ma thams cad kyi sdom pa mngon par rtogs pa'i ye shes so/ /de nyid kyi phyir/ kun tu rtog
 pa thams cad spangs/ /yang dag pa'i rtog pa ni kun tu rtog pa ste 'phags pa'i bden bzhi la sogs pa'o/ /thams cad ni lhag ma med pa ste 'di dag gi bag chags rjes su 'brel ba'i mthar thug pa'o/ /de yis spangs pa ni yongs su dor ba ste/
 dngos po'i rnam par rtog pa dang/ sgro 'dogs pa dang /skur pa 'debs pa dang/ ming la don ji lta ba dang/ don la ming ji lta ba dang/ gcig nyid dang/ du ma nyid dang/ spyi dang khyad par gyi rnam par rtog pa ste/ rnam par rtog
 pa rnam pa bcu'i rnam par g.yeng ba spangs pa nyid kyis shin tu rnam par dag pa chos kyi dbyings kyi bdag nyid du gyur pa'i phyir ro/ /de nyid kyi phyir/ dngos po thams cad khyab ba po/ /'di la don gnas pa'i phyir dngos po'o/ /dngos
 po de thams cad kyang yin pa'i phyir dngos po thams cad de phung po dang khams dang/ skye mched rnams dang/ 'dod pa'i khams la sogs pa rnams so/ /de rnams kyi khyab pa po phan tshun gzugs brnyan dang mnyam pa nyid kyis mnyam pa'o/ /lus
 la gnas kyang lus skyes min/ /lus skyes pa'i rgyu las rgyu gzhan tshad mas rtogs pa med pa'i phyir dngos po gdod ma nas ma skyes pa'o zhes pa'o/ /'dir ye shes chen po de ni lus la gnas shing dngos po thams cad khyab pa nyid kyis mi phyed
 pa'i phyir/ bcom ldan 'das la rdo rje snying pos gsol pa/ kye'i bcom ldan 'das rdo rje lus la rtsa du lags zhes pa lus dang ye shes chen po dag la tha dad med pa nyid kyis rdo rje lus la/ kye'i bcom ldan 'das zhes pa dbang phyug la sogs
 pa yon tan ma lus pa gcig pu'i gzhir gyur pa nyid kyis rnam par bkra ba'i ye shes te/ zhes bya ba la sogs pa'i sgrib pa zil gyis gnon pa nyid kyis rnam pa thams cad mkhyen pa nyid mngon par
 rdzogs par byang chub pa'i dbang gis khong du chud par khyod ces bod pa ste 'di ni skabs su bab po zhes pa'o/ /rtsa du lags zhes zhus par gyur te/ rtsa'i sgras dkyil 'khor gnyis brjod de/ gang gi phyir sgra gnyis kyi rtsa'o/ /du
 zhes pa ji snyed de bud med dang skyes pa tha dad med pa nyid zhu ba las gsungs pa nA Dya bud med mkha' 'gro ma rnams so/ /ka da me skyes pa de bzhin gshegs pa rnams zhes pa'o/ /de lta bu nyid zhus pa na bcom ldan 'das kyis bka' stsal
 pa/ rtsa rnams ni sum cu rtsa gnyis te/ byang chub kyi sems sum cu rtsa gnyis 'bab pa bde ba chen po'i gnas su 'dzag pa'o/ /zhes pa yang dag pa'i ye shes kyi gnas su 'dzag pa spro ba'i tshul gyis gnas par gyur pa sprul par son
 pa ste/ longs spyod rdzogs pa'i sku yongs su gyur pa/ sprul pa'i sku thob par gyur pa'o/ /ci ltar zhe na/ byang chub kyi sems sum cu rtsa gnyis 'bab pa ste/ byang chub kyi sems zhes pa stong pa nyid dang snying rje dbyer med pa ste/ thig le
 dang nA da dag dbye ba med pa'i phyir ro/ /a yig la sogs pa dbyangs bcu drug po nyid thig le bcu drug po rnams so/ /zhes pa sku gnyis dbye ba med pas byang chub kyi sems sum cu rtsa gnyis 'bab pa rnams so/ /sum cu rtsa gnyis
 zhes pa de rnams nyid byang chub kyi sems sum cu rtsa gnyis rnams te sku gnyis dbyer med pa rnams sprul pa'i sku'i dbye bas drug cu rtsa bzhi zhes pa'o/ /de la a ba d+hU tI 'dzag pa med pa ni bdag med ma dbu mar gnas pa'o/ /la la nA dang
 ra sa nA 'dzag pa med par 'byung ba chen po bzhi'o/ /zhes pa ste/ byang chub kyi sems drug cu rnams rtsa gsum du gcig pa nyid kyis nyid mtshan sum cu la shes rab dang thabs kyis rang bzhin gyis drug cur 'gyur pa'i phyir tshes gcig
 la sogs pa bco lnga'i rang bzhin dkar po dang nag po'i bdag nyid can zla ba la sogs pa'i rim pa la dus kyi rang bzhin nyid kyis rten cing 'brel bar 'byung ba yan lag bcu gnyis kyi ngo bo/ /khyim bcu gnyis ma rig pa la sogs pa
 rnams te/ ma rig pa'i rkyen gyis 'du byed rnams so/ /'du byed kyi rkyen gyis rnam par shes pa'o/ /rnam par shes pa'i rkyen gyis ming gzugs so/ /ming dang gzugs kyi rkyen gyis skye mched drug go /skye mched drug gi rkyen gyis reng/
 pa'o/ /reg pa'i rkyen gyis tshor ba'o/ /tshor ba'i rkyen gyis sred pa'o/ /sred pa'i rkyen gyis nye bar len pa'o/ /nye bar len pa'i rkyen gyis srid pa'o/ /srid pa'i rkyen gyis skye ba'o/ /skye ba'i rkyen gyis rga shi'o/ /zhes pa'o/ /de la ma rig pa zhes
 pa sdug bsngal ba dang/ mi rtag pa dang/ bdag med pa dang/ mi gtsang ba rnams la/ bde ba dang/ rtag pa dang/ bdag dang/ gtsang bar sgro 'dogs pa phyin ci log pa'o/ /bde ba dang/ rtag pa dang/ bdag dang/ gtsang bar sgro
 'dogs pa phyin ci log gis nye bar bsgrubs pa'i las kyi rnam par smin pa ni 'du byed do/ /las kyi rnam par smin pa de'i rten ni rnam par shes pa'o/ /rnam par shes pa'i rten ni ming dang gzugs so/ /ming dang gzugs las nye bar
 len pa'i phung po lnga rnams te/ nye bar len pa'i phung po lnga dang lhan cig pa'i sems ni skye mched drug go /skye mched drug las dbang po dang/ yul dang/ rnam par shes pa gsum po rnams la brten nas skyes pa ni reg pa'o/ /
 reg pa dang phrad pa las skyes pa ni tshor ba'o/ /tshor ba la kun tu zhen pa ni sred pa'o/ /sred pa 'phel ba'i gzugs la sogs pa phung po lnga ni nye bar len pa'o/ /de la gus pa ni
 srid pa'o/ /de grub pa ni skye ba'o/ /de yongs su smin pa ni rga ba ste rgas pa'i phung po 'gyes pa ni 'chi ba'o/ /zhes pa 'di rnams ni ma rig pa la sogs pa'o/ /tshes gcig la sogs pa rnams ni gsum pa ji lta ba de ltar bcu
 gsum pa dang bzhi pa ji lta ba de ltar bcu bzhi pa dang/ lnga pa ji lta ba de ltar bco lnga pa zhes pa ste/ tshes gsum ni nang du rtogs shing tshes bcu gnyis rnams so/ /de la dang po zhes pa gnyis su med pa'i ye shes so/ /gnyis
 pa zhes pa shes rab dang thabs dag go /gsum pa zhes pa sku gsung thugs so/ /bzhi pa zhes pa 'byung ba chen po bzhi rnams so/ /lnga pa zhes pa ye shes lnga rnams so/ /drug pa zhes pa ye shes lnga dang dbyer med pa'i rdo rje
 'chang ngo/ /bdun pa zhes pa shes rab dang thabs dang dbyer med pa'i ye shes lnga rnams so/ /brgyad pa zhes pa de rnams nyid sku gsung thugs dang dbyer med pa'o/ /dgu pa zhes pa 'byung ba bzhi dang ye shes lnga dbyer
 med pa rnams so/ /bcu pa zhes pa gnyis ka'i ye shes lnga dbye ba med pas so/ /bcu gcig pa zhes pa gnyis ka'i ye shes lnga dang gnyis su med pa'i rang bzhin nyid kyis so/ /bcu gnyis pa zhes pa de nyid shes rab dang
 thabs kyi rang bzhin nyid kyis so/ /bcu gsum pa zhes pa de nyid sku gsung thugs kyi bdag nyid kyis so/ /bcu bzhi pa zhes pa de nyid 'byung ba bzhi'i rang bzhin gyi phyir ro/ /bco lnga pa zhes pa gsum dang lnga dbye ba med pas rnal
 'byor ma bco lnga rnams so/ /de rnams nyid 'phel ba dang 'grib pa'i rang bzhin nyid kyis tshes sum cu rnams so/ /tshes sum cu rnams la yang tshes gcig las tha dad med pa'i phyir gnas pa'i rang bzhin nyid kyis longs spyod kyi
 gnas kyi gzhi'i rang bzhin rnal 'byor ma drug cu rnams nyin mtshan gyis dbyu gu'i grangs rnam par bzhag ste/ ka la sogs pa sde pa lnga dang rim pa ma yin pa las ma yig la sogs pa sde pa lnga dang/ sanypa? Sha shaTh+ka Th+ka sha Sha
 nypa sa zhes pa de bzhin gshegs pa lnga'i rang bzhin rnams la mtho bong la sogs pa sor mo lnga lnga 'byung bzhi'i rang bzhin rnams la lag pa g.yas pa la sogs pa rkang pa g.yas pa'i mthar so sor rdo rje gsum gyi rang
 bzhin nyid kyis tshigs kyi mtshams rnams su mdza' yas pa'o/ /de bzhin du rkang pa g.yon pa la sogs pa lag pa g.yon pa'i mthar de kho na ltar mdza' yas pa'o/ /lhag pa dang/ rgyab dang/ logs gnyis po rnams la 'byung ba
 bzhi po rnams so/ /dbus su bdag med ma ste nyin mtshan gyi rang bzhin gyis nyin mo bcom ldan 'das dang mtshan mo shes rab bo/ /de nyid kyi phyir gsungs pa/ nyin mo bcom ldan rdo rje can/ /mtshan mo shes rab brjod
 pa'o/ /zhes pa'o/ /de nyid kyi phyir nyin mtshan bco lngas phyogs te/ 'char ba'i bdag nyid kyi phyogs rdo rje 'chang/ nub pa'i bdag nyid kyang gzhan bdag med ma'o/ /phyogs gnyis kyi bdag nyid can zla ba ste/ de nyid ma
 rig pa la sogs pa rten cing 'brel par 'byung ba yan lag bcu gnyis kyi rang bzhin ni lo yin la/ de nyid zla ba gnyis gnyis kyi rnam par dbye ba dus drug gi rang bzhin rdo rje sems dpa' dang lhan cig pa'i de bzhin gshegs
 pa lnga rnams so/ /zla ba drug drug rnams kyis bgrob pa gnyis te gang gi phyir gnyis ka da bzhin nyid do/ /de la sum cu rtsa gnyis de bzhin nyid kyi ngo bo dbugs gcig ste/ de nyid drug cu lhag
 pa'i sum brgya'i bdag nyid ni dbyu dgu'o/ /gsungs pa'i ka la sogs pa sum cu dang rim pa ma yin pa'i Th+ka la sogs pa sum cu yang ste/ de ltar dbyu gu drug cu rnams kyi brgya phrag drug lhag pa'i
 stong phrag nyi shu rtsa gcig gi dbugs rnams su 'gyur zhing lo yis kyang 'di snyed kyi dbyu gu rnams so/ /'dis ni lo la dbyu gu ji snyed pa de snyed kyi dbugs nyin mtshan gyis 'gyur zhing/ lo la nyin zhag ji snyed
 pa dbyu gu gcig la de snyed kyi dbugs su 'gyur te/ 'khor lo bzhi po rnams la 'pho ba bcu drug gi dbugs gcig go /zhes pa 'pho ba'i dbugs so/ /de ltar 'char pa dang nub pa dang gnas pa'i rang bzhin
 gyis srid pa gsum dbyer med pa cha dang bral ba kun du bzang po ste/ rgyu skar nyi shu rtsa brgyad kyi bdag nyid rgyu skar bdun bdun rnams kyis 'byung ba bzhir gyur pa rnams la rnal 'byor bzhi'i rang bzhin tha skar la sogs
 pa'i rim pas gnas bzhi rnams su skor ba bdun gyis shes par bya'o/ /la la nA dang ra sa nA dang/ a ba d+hU tI dang/ da ri ka te rtsa bzhi po nyid rnal 'byor bzhir byas nas rnal 'byor bzhi po de nyid rnal 'byor bzhi
 dang dbyer med pa ni brgyad kyi gzhi'o/ /brgyad ni gza' rnams te nyi ma ni shes rab bo/ /zla ba ni thabs so/ /mig dmar la sogs pa ni de bzhin gshegs pa lnga'o/ /sgra gcan ni rdo rje 'chang ste/ dus mdza' dag kun tu
 bzang pos khyab pa'i phyir/ skye ba dang/ rga ba dang/ 'chi ba dang/ mya ngan la sogs pa kun tu rtog pa rnams bla ma dam pa'i zhabs kyi drin las 'bad pa med pa nyid kyis rdo rje 'chang gi skus zos so zhes pa'o/ /de nyid rtsa
 sum cu rtsa gnyis te/ shes rab dang thabs kyi ngo bo nyid kyis drug cu rtsa bzhi'i rang bzhin sprul pa'i 'khor lo pad+ma 'dab ma drug cu rtsa bzhi pa'o zhes brjod do/ /de nyid dbye ba med pa ni bde ba chen po'i 'khor lo/ /pad+ma 'dab ma sum cu rtsa
 gnyis pa zhes brjod do/ /de nyid stong pa nyid bcu drug gi bdag nyid can longs spyod rdzogs pa'i 'khor lo pad+ma 'dab ma bcu drug pa zhes brjod do/ /de nyid ye shes lnga dang sku gsum gyi rang bzhin chos kyi 'khor lo'i pad+ma 'dab ma brgyad
 pa zhes brjod do/ /yang na dbyu gu drug cu rtsa bzhi rnams kyis nyin mo dang mtshan mo'o zhes bcom ldan 'das kyis gsungs te/ de'i rang bzhin nyid kyis pad+ma 'dab ma drug cu rtsa bzhi pa'o/ /de nyid shes rab dang thabs dbyer med par gyur
 pa dbyu gu gnyis gnyis kyi chu tshod sum cu rtsa gnyis kyis bdag nyid can pad+ma 'dab ma sum cu rtsa gnyis pa'o/ /de nyid dbyu gu bzhi bzhi rnams kyis dbyangs bcu drug rnam par dag pa'i 'pho ba ste/ pad+ma 'dab ma bcu drug pa'o/ /de
 nyid dbyu gu brgyad brgyad rnams kyis thun gyi tshad do/ /pad+ma 'dab ma brgyad pa'o/ /de la yang thun gnyis gnyis kyis thun mtshams bzhi'i rim pas bde ba chen po nyid de ze 'bru la pad+ma 'dab ma bzhi pa'o/ /zhes pa 'di nyid bla ma brgyud
 pa las 'ongs pa'o/ /de la yang/ thun bzhi bzhi yis nyin mo dang mtshan mo nyid kyis gnyis sbyor ro/ /de nyid gnyis ka dbye ba med par gyur pa nyin mo dang mtshan mo dbyer med pa rdo rje dang pad+ma gnyis su med pa zhes brjod do/ /de nyid sna 
 tshogs pad+ma dang/ sna tshogs rdo rjes mtshan pa'i chos 'byung khang pa brtsegs pa zhes brjod do/ /de nyid kyi phyir gsungs pa/ de rnams kyi dbus na hA gsum ni gtso mo ste/ la la nA dang/ ra sa nA dang/
 a ba d+hA tI'o zhes pa/ rkyang ma shes rab rang bzhin gyis/ /thabs kyi ro ma yang dag gnas/ /a ba d+hU tI dbus gnas su gzung dang 'dzin pa spangs pa nyid/ /rkyang ma shes rab rang bzhin gyis/ zhes pa/ cha shas dang bral ba'i
 ngo bo nyid kyis so/ /thabs kyi ro ma zhes pa cha shas dang bcas pa'i rang bzhin nyid kyis so/ /a ba d+hU tI dbus gnas su zhes pa dbus nyid kyis gnas pa ni dbus gnas su brjod de/ gnyis ka dbyer med pa der gzung dang 'dzin
 pa spangs pa nyid/ bzung ba shes bya dang 'dzin pa shes pa'o/ /de dag spangs pa ni gnyi ga dbye ba med pa nyid du gyur pa ste/ shes pa dang shes bya dag bskyed bya dang/ skyed byed du sngon dang phyi ma'i dngos pos thob pa yod pa ma yin
 pa'i phyir zhes pa'i don no/ /de nyid kyi phyir/ rkyang ma mi bskyod 'bab pa ste/ ro ma de bzhin khrag 'bab cing/ /shes rab zla ba 'bab bshad pa/ /a ba d+hU tIr de rab grags/ zhes pa bskyed pa med g.yo ba med pa'i phyir mi bskyod
 pa rdo rje 'chang ste/ de 'bab pa ni rgyun de lhag par gnas pa don dam pa'i bden pa'i gzugs can ma la la nA'o/ /khrag 'bab ces pa khrag ni 'dod chags kyi mtshan nyid ni 'od dpag tu med pa ste/ de 'bab pa ni rgyun
 tu de lhag par gnas pa'i rang bzhin kun rdzob kyi bden pa'i bdag nyid can ra sa nA'o/ /de nyid kyi phyir shes rab zla ba 'bab par shes rab bdag med ma dang/ zla ba byang chub kyi sems te gnyis ka 'bab pa rgyun tu
 gnyis ka lhag par gnas pa bden pa gnyis ka dbyer med pa'i gzugs can ma'o/ /a ba d+hU tIr de rab grags/ /zhes pa yang dag par rdzogs pa'i sangs rgyas kyi gsung rab shin tu gsal lo zhes pa'i don to/ /'di la
 'bad pa dang rtsol pa med pas nyon mongs pa la sogs pa mi shes pa 'dor ba byed pa'i phyir a ba d+hU tI'o/ /yang na a bdag mang ma/ ba rdo rje 'tshang gnyis ka d+hU ti ste/ nyed cing bshigs la rang bzhin med par gyur pa'i phyir
 a ba d+hU tI'o/ /'dis ni la la nA dang/ ras nA dang/ a ba d+hU ti rnams kyis srid pa gsum dbyer med pa nyid mkha' 'gro ba rnams su grub pa'i phyir/ srid gsum yongs gyur thams cad ni/ /gzung dang 'dzin pa spangs pa nyid/
 ces bshad do/ /'dis ni mi phyed ma la sogs pa'i rtsa rnams kyang ste/ 'di dag gi rang bzhin nyid 'khor lo bzhir gnas pa'i ming ci yin pa rnams dang/ gnas kyi khyad par dang/ dngos po'i khyad par dang/ bya ba'i khyad par /
 gsum yang rtogs par bya ba'i phyir/ gdams ngag las brjod par bya ste/ mi phyed ma ni spyi bor gnas /so dang sen mo 'bab par 'dod/ /phra gzugs ma ni/ spyi gtsug gnas/ /ska dang kha spu 'bab par 'gyur/ /rna
 pa g.yas gnas rtse ba ma/ /pags pa dri ma 'bab par brjod/ /g.yon pa ma ni mgo rgya ba gnas/ /rtag tu sha ni 'bab pa mo/ /rna ba g.yon gnas thung ngu ma/ /chu rgyus dag ni 'bab par 'gyur/ /smin ma'i dbus gnas ru sbal
 skyes/ /ngas par rus pa 'bab par byang/ /mig tu gnas pa bsgom pa mo/ /rtag tu mchin pa 'bab par 'gyur/ /dbang ma dpung ba'i rtsa bar gnas/ /snying ni 'bab par byed par 'dod/ /skyon ma mtshan khung gnas gyur pa/ /
 rtsa ni mig 'bab pa ru byed/ /'jug ma nu mar gnas pa ni/ /nges par mkhris pa 'bab pa yin/ /lte ba'i phyogs gnas ma mo ni/ /glo ba 'bab pa dag tu 'gyur/ /mtshan mo sna rtse'i phyogs gnas
 pa/ /rgyu ma'i phreng ba nges par 'bab/ /kha yis phyogs gnas bsil sbyin ma/ /rtsib logs chu rgyus 'bab pa mo/ /mgrin pa'i phyogs su tsha ba mo/ /nang grol dag ni 'bab par byed/ /snying gar gnas pa'i gzhol ma ni/ /rtag tu bshad
 ba 'bab par byed/ /'doms par gnas pa'i rangs ma ni/ /mtshogs ma dag ni 'bab par 'dod/ /lhag gnas shin tu gzugs can ma/ /bad kan 'bab pa'i rtsa yin no/ /gsang ba'i phyogs gnas spyi ma ni/ /thams cad
 tshe na rnag 'bab po/ /brla yi phyogs na gnas pa'i rtsa/ /khrag 'bab de ni rgyu sbyin ma/ /byin par gnas pa'i sbyor bral ma/ /rdul ni 'bab pa dag tu 'gyur/ /sor mo'i phyogs nas sdu gu ma/ /tshil 'bab pa yi rang bzhin 'gyur/ /grub ma
 rkang pa'i rgyab gnas pa/ /mchi ma 'bab par 'gyur ba yin/ /'tshed ma mtha bo phyogs gnas pa/ /thams cad tshe na mchil ma 'bab/ /pus mo'i phyogs nas yid bzangs ma/ /byis pa'i sna chu 'bab pa mo/ /rtsa ni nyi shu rtsa bzhi
 pa/ /'di rnams gnas sogs dbye bas so/ /'dod pa dang ni khyim ma dang/ /gtum mo dang ni bdud 'dral ma/ /snying ga'i chu skyes gnas pa'i tshe/ /lnga ni bdud rtsi lnga 'bab po/ /'di ni sam pu Ti'i rgyud las/ /don blangs te rtsa'i gnas
 dang bya ba bstan pa'o/ /zhes pa'o// //rtsa sum cu rtsa gnyis po 'di rnams ji lta bu lags she na/ gsungs pa/ srid gsum yongs gyur thams cad ni/ /gzung dang 'dzin pa spangs pa nyid/ /yang na thabs ni
 thams cad kyis/ /dngos po'i mtshan nyid du ni brtags/ zhes pa gsum gyi sgras sku dang gsung dang thugs 'di gsum yin pa'i phyir srid gsum gzugs dang gzugs med pa la sogs pa ste/ de yongs su gyur pa ni gang la
 'dzag pa med pa de de'i bdag nyid kyis/ /srid gsum yongs gyur srid pa gsum zag pa med pa'i rang bzhin no/ /thams cad ces pa ma lus pa ste/ de nyid kyi phyir gzung dang 'dzin pa spangs pa nyid gzung ba ni 'dzin pa la bltos shing
 'dzin pa yang bzung ba la bltos pa'i phyir/ gzung ba dang 'dzin pa dag nye bar dmigs pa med pa'o/ /de dmigs pa med pa'i phyir de spangs pa'o/ /yang na zhes pa nye bar bsdu pa gsungs te/ thabs ni thams cad kyis gces pa thams cad chos kyi dbyings kyi ngo bo nyid kyis phyag dang zhal dang kha dog
 dang dbyibs kyi dngos po'i mtshan nyid kyis te/ de nyid brtags pa rtsa'i ngo bos tha snyad 'dogs pa'o/ /yang na thabs ni thams cad kyis rdo rje 'chang gi ngo bos dngos po'i mtshan nyid brtags shing bshigs pa gang yin pa de
 dngos po'i mtshan nyid brtags pa de srid pa gsum yongs su gyur pa nyid kyi phyir zhes pa 'di ni zung du 'jug pa rtogs pa'i rim pa nye bar bstan pa'o/ /de nyid kyi phyir sdom pa'i dbye ba yang bshad par bya ste/ sdom pa sdud pa dang/ dbye ba spro ba ste
 spro ba dang/ sdud pa dbyer med pa ma ning du gyur pa gang yin pa de bshad par bya rab tu bstan par bya'o/ /yang na gang/ saM yang dag pa dang/ bar mchog dang/ dbye ba khyad par te gang nas gong gi khyad par bshad par bya zhes pa'o/ /yang na saM bri ya ta
 ces pa saM ba ra ste/ kun rdzob kyi bden pa'o/ /de'i dbye ba ni rnam pa gzhan te ming dang bral ba nyid bshad cing tha snyad du bya zhes pa'o/ /de nyid gsungs pa/ A li kA li a li zhes mA? yig la sogs pa dbyangs bcu drug rnams dang/ kA li zhes pa ka yig la sogs pa gsal byed rnams te/ gnyis ka shes sa dang
 thabs so/ /shes rab ces pa dag med ma'i dkyil 'khor dang/ thabs zhes pa rdo rje 'chang gi dkyil 'khor ro/ /chos dang longs spyod rdzogs pa dang/ sprul pa ni/ sku dang gsung dang/ thugs so/ /sprul pas sku dang longs spyod rdzogs pas
 gsung dang chos kyis thugs te rim pa ma yin pas rtogs par bya'o/ /e ba mA ya ni/ e yig la ni lha mo spyan/ baM yig mA ma kI ru brjod/ /mA yig lha mo gos dkar mo/ /yi yag la ni sgrol mar brjod/ /sa ni spyan mar brjod pa nyid/ chu khams mA ma kI ru 'dod/ /me
 ni lha mo gos dkar mo/ /rlung ni sgrol mar rab tu bsgrags/ /shes pa sngags kyi tshul 'di la/ /A li kA li gnyis rim las/ /shes rab thabs kyi rang bzhin gyis/ /sku gsum po yi ngo bor 'gyur/ /de nyid sku dang gsung dang thugs/ /'byung ba bzhi la so sor gnas/ /
 de nyid spyan ma la sogs te/ /lha mo 'khor lo'i rim pas gnas/ /'khor lo bzhi rnams nyid du 'dod/ /de nyid gsungs pa/ sprul pa'i 'khor lo la 'dab ma drug cu rtsa bzhi dang chos kyi 'khor lo brgyad dang/ longs spyod rdzogs pa'i 'khor lo la bcu drug
 dang/ bde ba chen po'i 'khor lo la sum cu rtsa gnyis so/ /'khor lo grangs kyi rim pas rnam par bzhag pa zhes pa sprul pa'i 'khor lo la 'dab ma drug cu rtsa bzhi zhes pa sprul pa'i snang ba'o/ /'khor lo ni sems so/ /'dab ma ni nA da'o/ /der sku gsung thugs
 la/ bzhi ni 'byung ba chen po bzhi'o/ /drug cu zhes dang dkyil 'khor drug cu'i rang bzhin no/ /'dis ni ze 'brul haM dang/ 'dab ma bzhi la yar la wa dang/ ka la sogs pa rnams rim pa dang/ rim pa ma yin pas lnga bcu dang/ sarba Sha Sha th+ka th+ka sha Sha kpha? sa rim pa
 dang/ rim pa ma yin pa dang/ lhan cig drug cu rtsa bzhir rnam par bzhag go /yang na gang/ gzhan brgyad kyis te/ a ka tsa Ta ta pa sha rnams a yig la sogs pa dbyangs bcu drug rnams dang/ ka yig la sogs pa gsal byed sum cu rtsa bzhi rnams
 dang/ cung zad gsal ba Da Dha da d+ha ya rnams so/ /chos kyi 'khor lo la brgyad ces pa dkyil 'khor drug cu rtsa bzhi rnams brgyad brgyad kyis bsdus pa'i phyir ro/ /longs spyod rdzogs pa'i 'khor lo la bcu drug ces pa de ni dkyil 'khor brgyad nyis 'gyur gyis so/ /bde ba
 chen po'i 'khor lo la ni sum cu rtsa gnyis ces pa de ni bcu drug nyis 'gyur gyis zhes pa ste/ sku bzhi'i sprul pa dang/ chos dang/ longs spyod rdzogs pa dang/ rang bzhin med pa'i sku'o zhes sku bzhir gsungs so/ /skad cig ma ni rnam pa sna tshogs pa dang/ rnam par smin
 pa dang/ rnam par nyed pa dang/ mtshan yid dang bral ba'o/ /zhes pa/ 'khyud dang tsum pa la sogs pa/ /sna tshogs rnam pa sna tshogs bshad/ /rnam par smin pa de las zlog /'khyud pa la sogs dga' ba'o/ /dga' ba dang mchog tu dga' ba'i ngo bo/ /bdag gis bde ba
 zos pa yis/ /gros ni rnam par nyed par brjod/ ces pa gang yin pa 'dis ni khyad par gyi dga' ba'i don te/ bde ba dang chags pa mtshan nyid gcig pa'o/ /mtshan nyid bral ba gsum las gzhan/ /chags dang chags bral rnam par 'dres/ /'dod chags med
 cing chags bral med/ /dbu ma dmigs par mi 'gyur ro/ /gsum po spangs pa nyid kyi phyir/ /lhan cig skyes pa byang chub brjod/ /ces pa'i don ji srid par bshad do/ /skad cig ma bzhi po 'di yang sprul pa'i 'khor lo la sogs pa'i rim pas sbyar
 bar bya'o zhes pa rnam par bzhag pa'o/ /'phags pa'i bden pa bzhi ni/ sdug bsngal dang kun 'byung dang/ 'gog pa dang/ lam mo zhes pa sdug bsngal shes par bya/ kun 'byung spang bar bya/ 'gog pa mngon du bya/ lam bsgom par bya ste/ sdug
 bsngal gsum gyis sdug bsngal yongs su shes pa las bde ba la sogs pa'i kun 'byung spong zhing de las 'gog pa ste/ rnam par rtog pa rnam pa bcu'i rnam par g.yeng ba dang bral bar 'gyur ro/ /de'i phyir lam bsgom mo zhes pa yang dag
 par rdzogs pa'i byang chub kyi lam yongs su dris pa dang bskyed pa ste/ de kho na ltar 'khor lo bzhi la sbyar bar bya'o/ /de kho na bzhi ni bdag gi de kho na dang/ sngags kyi de kho na dang/ lha'i de kho na dang/ ye shes kyi de kho na'o zhes
 pa de ltar rim pa bzhin sbyar bar bya'o/ /dga' ba bzhi ni dga' ba dang/ mchog dga' dang/ khyad par gyi dga' ba dang/ lhan cig skyes pa'i dga' ba'o zhes pa yang dga' ba'i bde ba cung zad de/ mchog tu dga' ba de bas lhag /khyad par dga' bas
 chags bral 'gyur/ /lhag ma lhan cig skyes dga' nyid/ /ces bshad do/ /sde pa bzhi ni/ gnas brtan pa dang/ thams cad yod par smra ba dang/ kun gyis bkur ba dang/ dge 'dun phal chen pa'o zhes pa/ gang phyir sprul pa gnas brtan no/ /sprul pa'i
 'khor lor gnas brtan pa/ /chos ni smra ba yang dag byung/ /thams cad yod smra chos 'khor lor/ /gang phyir mgrin par kun rig byed/ /longs spyod 'khor lor kun bkur te/ gang phyir bde chen mgor gnas te/ /bde ba'i 'khor lor dge 'dun che zhes
 bshad do/ /'di dag thams cad ni zla ba dang nyi ma/ zla ba zhes pa byang chub kyi sems dang/ nyi ma zhes pa sihla ste 'di gnyis kho na A li dang kA li ni a yig la sogs pa dbyangs bcu drug dang/ ka yig la sogs pa gsal byed rnams so/
 'pho ba bcu drug ces pa nyin mtshan gyis thun brgyad de/ thun phyed phyed rgyu ba'i phyir ro/ /dbyu gu drug cu rtsa bzhi zhes pa 'pho ba bcu drug gi re re la skad cig bzhi bzhir phye bas shes par bya'o/ /chu tshod sum cu rtsa gnyis zhes pa 'pho ba bcu
 drug la thabs shes rab kyi dbye bas dbyu gu gnyis gnyis su phye ba las rtogs par bya'o/ /thun bzhi zhes pa nyin mo dang mtshan mo la yang bzhir 'gyur te de ni thun brgyad rnams so/ /rnal 'byor ma re re brgyad brgyad du phye bas rdo rje 'chang
 dang bdag med pa dbyer med pa thams cad kyi yin pa'i phyir/ /dgu'i bdag nyid kyi dkyil 'khor ro/ /yang thun bzhi zhes pa stong pa nyid bcu drug rnam par dag pa 'phro ba bcu drug gi skad cig re re la nang du thim pa'i phyir dga' ba la sogs pa skad cig
 bzhis thun bzhi rnams te/ thams cad kyi bdag nyid phul du byung bas thams cad bsdud pa'i phyir bsdud pa zhes pa'o/ /'dis ni A li kA li zhes pa la sogs pa thun bzhi zhes pa'i bar gyis sngags kyis tshul mdza' dag gi ye shes kyi'o/
 rdo rjer gsungs pa bshad do/ /de ltar na A li kA li dag gis 'pho ba bcu drug zhes pa ste/ a i u ka tsa Ta ta pa ya ra la ba Sha sha sa gzhom du med pas ha yig go /de ltar bcu drug rnam par bzhag pa ni 'pho ba zhes pa'o/ /de nyid dbyu gu drug
 cu rtsa bzhi ste a ka tsaT ta pa ya sha/ a yig la sogs pa dbyangs bcu drug dang/ ka la sogs pa gsal byed sum cu rnams dang/ cung zad gsal ba Da d+ha Da d+ha ya la/ de ltar drug cu rtsa bzhi'o/ /chu tshod sum cu rtsa gnyis zhes pa dbyangs bcu
 drug nyis 'gyur gyis ka la sogs pa yi ge nyi shu rtsa lnga dang/ ya ra la wa dang sha Sha sa rnams gzhom du med pa la 'pho ba'o/ /zhes pa gnyis ka'i dbye bas so/ /thun bzhi zhes pa nyin mo dang mtshan mos brgyad de/ a ka tsa Ta ta pa ya sha rnams
 bzhi zhes pa thams cad yar la wa kho na'o/ /de nyid kyi phyir e baM yi ges rgyas btab pa thams cad ni 'byung ba bzhi'i bdag nyid can phung po dang khams dang/ skye mched la sogs pa ste/ /bzhi zhes pa dga' ba la sogs pa lhan cig skyes
 pa'i bar zhes pa'i don no/ /nga ni lus gnas ye shes chen po ni/ kun tu rtog pa thams cad spangs/ /dngos po thams cad khyab pa po/ /lus la gnas kyang lus skyes min zhes gsungs pa'i ye shes chen po de nyid ji ltar nye par
 dmigs par 'gyur zhe na/ gsungs pa/ lte bar gtum mo 'bar ba yis/ /de bzhin gshegs pa lnga bsreg cing/ /spyan la sogs pa ya bsreg ste/ /bsregs nas ri bong can haM 'dzag /ces pa gtum mo 'bar bas
 zhes pa ye shes kyi me srub pa dang srub ba'i sbyor bas 'bar zhing gsal bar gyur pa'o/ /gang du zhe na /lte bar sprul pa'i 'khor lor ro/ /ci byed ce na bsreg go /gang zhe na gzugs kyis phung po la sogs pa de bzhin gshegs pa lnga ste chos
 kyi 'khor lo son pa rnams la yul rnams ldog par byed do/ /spyan la sogs pa yang bsreg ste spyan la sogs pa'i sgras gzugs la sogs pa'i yul gzung byar mngon par 'dod pa ste/ de rnams la yang dbang po rnams ldog par byed do//
 bsregs nas dbang po dang yul dag gi yul la dbang po ldog pa dang/ yul dang dbang po dag gi dbang po la yul ldog pa na haM yig 'dzag ste zhu ba thob par 'gyur ro/ /de yang ji lta bu'i ngo bo zhe na /gsungs pa /ri bong can zla ba byang chub kyi
 sems bdag med ma dang dbye ba med pa'i rdo rje 'chang mngon par gsal ba skye bar 'gyur ro zhes pa sgra'i don no/ /yang na tsaN+Da lI'i sgras tsaN+Da ni nyi ma dang shes rab bo/ /A li zhes pa zla ba dang thabs so /a yig dang haM yig gnyis so sor
 bsdus pa'i rim pa dang rim pa ma yin pa'i bdag nyid kyi sku nA da'i phreng ba gnyis kyis bdag nyid can phan tshun dbyer med pa sngags dang lha'i sku'i rang bzhin tsaN+Da lI'o/ /de 'bar ba ni cha dang bral ba nyid kyis 'od gsal bar gyur pa'o/ /gang du
 zhe na/ lte ba sbrul pa'i 'khor lor sngar gsungs pa'i 'dab ma drug cu rtsa bzhi'i rang bzhin nA da drug cu rtsa bzhi'i gong bur gyur pa zhu ba'i rnam pa /aM haM haM aM gyi sku zhu ba'i rnam pa zla ba byang chub kyi sems su gyur pa na/ de bzhin gshegs pa lnga
 bsreg cing ka sde la sogs pa sde pa lnga rnams so/ /spyan la sogs pa rnams yang bsreg cing ya ra la wa rnams la sogs par mang pa'i tshig gis kyang sku gsum gyi ngo bo sha Sha sa rnams so/ /aM zhes pa a yig la sogs aM yig gi mthar
 thug pas mkha' 'gro ma bco lnga'i ngo bo nA da bco lngas bsdus pa dbyangs bco lnga rnams dang de bzhin gshegs pa lnga'i bdag nyid kyis Da d+ha Da d+ha ya la /gsal byed drug gi rang bzhin can /byang chub kyi sems kyi yi ge drug rnams te na da gnyis ka'i gong bur gyur pa
 a ka tsa ka Ta ta pa ya sha brgyad dbyangs dang gsal byed kyi bdag nyid kyi nA da rnams dang kbath+ka th+ka kpa'i/ gong bu nA da gnyis bsdus pa k+Sha yig dang ha yig dang a yig yongs su gyur pa gang yin pa de/ /de la bsregs na ste /shing dang bral ba'i me'i? rang
 bzhin du gyur pa ni ri bong can haM 'dzag ces pa byang chub kyi sems zla ba bsdud ba'i bdag nyid can skye bar 'gyur te/ 'dzag ces pa chos kyi phung po stong phrag brgyad cu rtsa bzhi'i bdag nyid kyi lus dang mtshan ma thams cad yang dag par rtogs
 par 'gyur ro/ /zhes pa rim pa 'di ni tshon par dka' ba bla ma dam pa'i nye par bstan pa mchog las shes par 'gyur ro/ /nye bar bstan pa'i khyad par dang bcas pa mya ngan las 'das pa'i rim pa sgram yin ste/ cha dang bral ba nyid
 kyi phyir zhes pa'o/ /yang na gang /lte bar gtum mo 'bar ba zhes pa tsaN+Da de nyid kA li'i ngo bo nA da'i phreng ba cung zad gsal ba'i Da d+ha Da d+ha ya la dang lhan cig /nA da bzhi bcu rnams so/ /A li zhes pa a yig la sogs pa dbyangs
 bcu drug rnams so/ /'di gnyis dbyangs gsal byed dang /gsal byed dbyangs kyi bdag nyid tsam nyid kyis shes rab dang thabs kyi rang bzhin gyi phyir skyes bu chen po'i mtshan sum cu rtsa gnyis kyi rnam par dag pa dang /dpe byad brgyad
 cu'i rang bzhin rnam pa thams cad mkhyen pa nyid mngon par rdzogs par byang chub pa'i sku rnam par dag pa'o/ /de ltar dbyangs dang gsal byed dag gi nA da bcu gnyis lhag pa'i brgya rnams /bla ma brgyud pa'i
 rim pas nye bar 'dug ste /sprul pa'i 'khor lor zla ba dang nyi ma'i dbus su phreng ba'i rim pas rnam par bkod nas kha sbyor gyi dbus su gnyis ka'i bu gas rnam par shes pa lhag par gnas pa las /las kyi rlung
 gis bskul te/ gtum mo 'bar bar 'gyur ro 'bar ba chos kyi 'khor lor song bas de bzhin gshegs pa lnga rnams bsreg cing rang bzhin med par byed do/ /byas nas kyang longs spyod rdzogs pa'i 'khor lor song bas
 yul drug zos pas spyan ma la sogs pa rnams bsreg go /de nas bde ba chen po'i 'khor lor song bas haM bsreg go/ /bsregs nas rang bzhin med par byas na ri bong can 'dzag go /zhes pa rnal 'byor gyi rim pas 'dis
 gtum mo'i rnal 'byor zhes brjod do/ /yang na gtum mo bdag med ma'o/ /'bar ba ni 'od gsal bar gyur pa'o/ /gang du zhe na /lte bar byang chub kyi sems kyis ngo bor 'bar ba na de bzhin gshegs pa lnga bsreg cing dbang po
 drug gi ngo bo rnams so/ /spyan la sogs pa yang bsreg ste /yul drug gi ngo bo rnams so/ /aM bsregs na drug pa rdo rje 'chang bskyod pas dbang po lnga dang ye shes lnga'i bdag nyid can rnal 'byor ma bco lnga bsdus pa rnams la haM
 gi ngo bo rdo rje 'chang de yang 'dzag ste rang bzhin med par 'gyur ro/ /ri bong can byang chub sems kyi ngo bo stong pa nyid dang snying rje dbyer med pa'i bdag nyid spro ba dang bsdu ba thams cad kyi bdag nyid can rdo rje 'chang 'byung bar 'gyur ro/ /
 'dir yang ji ltar ye shes skye bar 'gyur ba de ltar bla ma'i gdam ngag gi rim pas shes par bya ste/ mdor bsdus pa tsam nye bar bstan to/ /zhes pa'o/ /rdo rje rigs kyi le'u ste dang po'o// //rdo rje ni mi phyed pa'o/ /rigs
 ni sna tshogs pa'i gzugs so/ /gnyis ka gos dang mtshungs pa ni pa Ta ste phan tshun gzhung gi tshogs 'di phan tshun bkab pa'i phyir ro/ /de len pa dang 'dzin pa dang rtogs par byed pa'i phyir le'u'o/ /de yang dang po ni gnyis su med pa'o/ /de
 rdzogs pa ni rnam pa gnyis ma yin par mnyam pas thob ste khyab pa'o/ /zhes ba kye'i rdo rje'i 'grel bshad kha sbyor shin tu dri ma med pa las le'u dang po'o// //da ni sku rdo rje rdo rje gsum dbye ba med pa nye bar bstan nas/ gsung
 rdo rje yang rdo rje gsum gyi bdag nyid can du mngon par gsal bar bya ba'i phyir bcom ldan 'das kyis gsungs pa/ sngags kyi le'u bshad par bya'o zhes pa sngags kyi sgras gsung rdo rje'o/ /de'i don ni 'di yin te/ yid ni skyob par gyur
 ba'i phyir/ sngags zhes mngon par brjod pa yin/ zhes pa yid ni sems so/ /de skyob pa ni skyong bar byed pa ste sems kyis rdo rje nA des 'khyud pa'i phyir ro/ /de ltar yang bcom ldan 'das kyis gsungs pa/ 'dod chags chen po'i rjes chags las//
 g.yung mo sku la 'khyud pa nyid/ /ces pa g.yung mo'i sgras rlung brjod de/ de yang nA da nyid do/ /nA da de yis kyang lus mdza' dag khyab pa nyid kyi phyir sngags ni rdo rje gsum dbyer med pa nyid do/ /de nyid kyi phyir de kho na'i don bskul bar byed pa'i sgra ni sngags te
 de yang sgrib cing sbed pa ni pa Ta'o/ /de len cing 'dzin par byed pa'i phyir sngags kyi le'u'o/ /de bshad par bya'o/ /zhes pa mngon par brjod pa'i chos kyi phyir sgra yin zhing/ sgra nyid kyis rab tu bstan par bya ste/ sgra ni sgra yis so sor rtogs pas nang gi bdag
 nyid du gyur pa'i sgra'o/ /zhes pa rdo rje 'chang nyid cha dang bral ba nA da'i bdag nyid can zhes rab tu bstan to/ /de la sngags pas bgegs thams cad bskrad nas dkyil 'khor gyi 'khor lo la sogs pa mngon du zhes pa'o/ /dang po kho
 nar 'byung po thams cad pa'i gtor ma'i sngags gsungs te/ oM a kA ro mu khaM sarba d+harmA NAM A dyA nut pan+na twAt oM A(rgyud 'grel lhag ma ma lus pa ste/ lha la sogs pa 'gro ba drug tu gtogs pa'o/ /de rnams kyi gtor ma ni mchod pas tshim par byed pa'o/ /sngags zhes pa ni de'i don tu ste a yig go /ji lta bu zhe na/ chos thams cad kyi sgo ste /dang po'i rgyu'o/ /oM zhes pa khas
 len pa'o/ /ji ltar zhe na/ gsungs pa/ gdod ma nas ma skyes pa'i phyir te chos rnams kyi rang bzhin ma skyes pa nyid yin pa'i phyir ro/ /chos de rnams kyang rdo rje gsum gyi ngo bo ste /oM A:hUM gi ngo bo nyid las so/ /phaT swAhA zhes pa shes rab dang thabs kyi
 ngo bo nyid kyi phyir phaT shes rab dang swAhA thabs so/ /'dis ni chos thams cad ye shes lnga dang sku gsum gyi ngo bo nyid do zhes bstan to/ /yang na oM zhes pa kun rdzob kyi bden pa'o/ /a yig ces pa don dam pa'i bden pa'o/ /gnyis ka chos thams cad
 kyi sgo ste gang gi phyir dang po nas skye ba med pa'i phyir te/ dang po ni thog ma yin la oM yig gi ngo bo kun rdzob kyi bden pa'o/ /dang po nas ma skyes pa'i phyir don dam pa'i bden pa'i rang bzhin nyid las so/ /de la gnyis ka dbye ba med pa yang med de
 brtags pa'o/ /de'i phyir oM A:hUM phaT gsum yang tha dad med dbyer med pa'i phyir ro/ /ji ltar zhe na/ gang gi phyir swAhA rdo rje gsum gcig pa'i sku sems tsam mo/ /de yang hA zhes pa rdo rje 'chang dang bdag med pa dbyer med pa'o/ /'byung po thams cad pa'i
 gtor ma'i sngags so zhes pa sems can gyi khams ma lus pa tshim par byed pa byang chub kyi sems kyi rang bzhin rdo rje'i mchod pa'i bdag nyid de kho na'i don skul bar byed pa'i brda'o/ /yang na kA:ra:byed pa dang bya ba ste/ de lta bu'i byed pa ni a kA rO/ /gang zhe na chos thams cad do/ /gang
 gi phyir zhe na/ dang po nas ma skyes pa'i phyir ro/ /de'i phyir sgo ste oM yig rdo rje gsum dbyer med pa'o/ /de yang oM A:hUM phaT swAhA/ phaT shes rab bo/ /swAhA thabs so/ /'di gnyis ka dbye ba med pa oM yig gis rdo rje gsum dang /de bzhin du A(rgyud 'grel gis kyang ste/ de kho na gsum gyis bdag nyid las gsum ni dgu'i bdag nyid kyi dkyil 'khor du grub po/ /da ni de bzhin gshegs pa thams cad bsdu ba'i bdag nyid kyi sngags bshad nas spro ba'i ngo bo gsungs pa /b+h+ruM aM dzri khaM hUM/ de bzhin gshegs
 pa rnams kyi sa bon no/ /b+h+ruM rnam par snang mdzad do/ /aM rin chen 'byung ldan no/ /dzriM 'od dpag med do/ /khaM don yod grub pa'o/ /hUM mi skyod pa'o/ /'di gnyis ni spro ba dang bsdu ba'i bdag nyid can 'bras bu'i rdo rje 'dzin pa kye'i rdo rjer brjod pa phyag bcu drug pa ste
 tha dad med pa'i phyir ro/ /de'i sngags brjod pa'i phyir ro/ /oM de wa pi tsu badzra hUM hUM hUM phaT swAhA zhes pa'o/ /oM zhes pa sku rdo rje ste de yang lhar gyur pa spro ba'i tshul gyis gnas pa'i phyir de wa'o/ /de yang pi tsu ni phra mo ste bsdu ba'i ngo bo'o/ /spro ba dang bsdu ba'i dbyer
 med pas badzra'o/ /de yang hUM yig gsum gyi bdag nyid can te hUM yig re re ni rdo rje gsum nyid dang phaT swAhA zhes pa'i sgras yang shes rab dang thabs kyi rang bzhin nyid las kye'i rdo rje dgu'i bdag nyid kyi dkyil 'khor ro/ /de nyid kyi phyir kye'i rdo rje'i
 snying po'o zhes pa'i don ni kye'i rdo rje mngon par brjod pa shes rab dang thabs dbyer med pa'i ye shes so/ /de nyid kyi phyir kun rdzob dang don dam pa dbye ba med pa'i phyir/ 'di yang A li kA li'i bdag nyid kyi phyir /sngags kyi tshig thams cad kyi dang por oM
 yig dang/ mthar swAhA dang/ hUM dang phaT yig ni nang du gzhug go zhes pa /thams cad ni sgra ste hUM phaT yi ge ni nang du sngags kyi tshig go zhes pa'o/ /yang na sngags kyi tshig thams cad ces ma lus pa'i sgra ye shes kyi bdag nyid can gyi phyir rdo rje 'chang gi'o/ /
 de nyid kyi phyir dang por oM yig dang mthar swAhA ste/ oM yig rdo rje gsum dbye ba med pa'o/ /de nyid dang po ni de'i ngo bo nyid las so/ /mthar swAhA A:swA sku gsum mo/ /hA shes rab dang thabs so/ /'di dag mthar gyur pa'i phyir mthar swAhA'o
 de yang A:zhes pa gnyis su med pa'i he ru ka'o/ /de nyid kyi phyir/ hUM phaT yig ni nang du gzhug ces pa /hUM rdo rje 'chang dang/ phaT bdag med ma ste/ de dag gi byed pas spel zhing nang du gzhug pa'o/ /de nyid kyi phyir/ 'gyur med las byung
 gong bu la/ /hUM phaT yi ge 'dod ma yin/ zhes bshad do/ /de nyid kyi phyir sgra rnams A li kA li'i ngo bo nyid kyis rdo rje 'chang dang dbye ba med pa'i phyir/ oM a ka tsa Ta ta pa ya sha swAhA grong khyer dkrug pa'i sngags so/ /zhes pa grong khyer ni
 lus so// /de dkrug par byed pa rang bzhin med par byed pa'i phyir grong khyer dkrug pa'i sngags te/ de yang oM yig ni rdo rje gsum mo/ /de yang a zhes pa bdag med ma la sogs pa rnal 'byor ma bco lnga'i ngo bo dbyangs bco lnga rnams so//
 ka tsa Ta ta pa so sor ye shes lnga'i bdag nyid can de bzhin gshegs pa lnga ste/ yi ge nyi shu rtsa lnga rnams so/ /ya zhes pa ya ra la wa 'byung ba chen po bzhi'i bdag nyid can lha mo bzhi'o/ /sha zhes pa sha Sha sa sku dang gsung dang thugs
 rnams te/ /sku gsum gyi ngo bo yi ge gsum mo zhes pa rdo rje gsum mo/ /ha zhes pa shes rab dang thabs gnyis su med pa rdo rje 'chang ngo zhes grong khyer dkrug ba'i sngags so/ /de la rnal 'byor ma rnams kyi sa bon bsdus pas a zhes pa de nyid
 dag tu gsal bar byed pa/ a A i a'i u a'u/ ri rI/ li lI/ e i/ o aau/ aM a(rgyud 'grel med pa bzhi pa zhes pa'o/ /rnal 'byor ma rnams kyi sa bon ni 'di rnams la rnal 'byor yod pa'i phyir rnal 'byor ma'o/ /de rnams kyi sa bon ni skye ba med pa'i rang bzhin can bskyed pa'i rgyu ste mtshan ma nyid mtshan ma med par 'gyur ba'i phyir ro/ /
 ka tsa Ta la sogs pa rnams ni kA li'i ngo bos thabs kyi rang bzhin nyid kyi phyir rdo rje gsum las phyag gnyis pa'i sngags ni/ oM trai lo kya Ak+She pa hUM hUM hUM phaT swAhA/ zhes pa gnyis kyi sgras shes rab dang thabs dag go /de dag de'i ngo bos
 longs spyod pa'i phyir phyag gnyis pa'o/ /de'i oM zhes pa rdo rje gsum dbyer med pa'o/ /gsum gyis sgras sku gsung thugs so/ /'jig rten gyi sgras phung po lnga'o/ /gsung dang 'jig rten ni tri lo ka ste gsum dang lnga la gsum gyis bsgyur
 bas dgu'i bdag nyid dang bco lnga'i bdag nyid kyi dkyil 'khor gnyis so/ /de'i dngos po ni/ trai lo kya'o/ /de 'gugs par byed pa'i phyir trai lo kya ak+She ba'o/ /de yang hUM hUM hUM zhes pa sum 'gyur gyis dgu'i bdag nyid kyi dkyil 'khor ro//
 phaT swA hA zhes pa phaT shes rab bo/ /swA hA thabs so zhes pa'o/ /nga ni shes rab dang thabs dbyer med pas bo la kak+ko la'i sbyor ba las dga' ba bzhi rnam par dag pa bcom ldan 'das phyag bzhi pa'o/ /de'i oM dzwa la dzwa la b+hyoM hUM hUM hUM phaT
 swAhA zhes pa'o/ /? oM zhes pa rdo rje gsum dbye ba med pa'i rdo rje 'chang ngo/ /de yang dga' ba la sogs pa rnam pa bzhi'i rim pas rab tu gsal ba'i phyir dzwa la dzwa la'o/ /de yang b+hyo mi skyod pa'o/ /hUM hUM hUM zhes pa de kho na ltar ste/ phaT swAhA zhes
 pa yang de bzhin no/ /da ni phyag gnyis pa dang/ phyag bzhi pa dag las drug gi rang bzhin nyid kyi phyir/ phyag drug pa'i gsungs pa/ oM ki Ti ki Ti badzra hUM hUM hUM phaT swAhA zhes pa thams cad sngar bzhin no/ /ki Ti ki Ti zhes pa rnal 'byor
 ma rnams kyi bzhad pa ste/ rnal 'byor ma 'od gsal ba'i ngo bo rdo rje 'chang ngo/ /zhes pa'i don te kye'i rdo rje spro ba dang bsdu ba'i bdag nyid can no zhes pa'o/ /'di dag kyang phyag gnyis pa dang phyag bzhi pa dang/ phyag drug pa gsum ni shes rab dang
 thabs gnyis dang/ dga' ba bzhi dang/ drug gi rang bzhin sku gsung thugs rnal 'byor ma bco lnga'i ngo bo bdag nyid can gyi ye shes he ru ka gsum mo zhes pa'o/ /de dag byin gyis brlab pa'i sngags ni/ oM A hUM zhes pa yi ge gsum ni byin gyis
 brlab pa'i sngags te/ lhag par bskyed pas phan tshun mnyam par sgrub pa'i phyir brtan par gnas pa ni lhag par gnas pa'o/ /de yang sngags ni he ru ka'i ngo bo ste 'di ltar de kho na'i don skul bar byed pa'i sgra yin pa'i phyir/ bzhi pa 'bras bu'i rdo rje
 'chang stong pa nyid bcu drug la sogs pa rnam par dag pa zhes pa'i don no/ /da ni he ru ka bzhi po byin gyis brlab pa dang bcas pa'i nges par rtogs nas de'i rang bzhin gyis gnas par bya ba'i phyir sa sbyang ba'i sngags ni/ oM rak+Sha rak+Sha hUM hUM hUM
 phaT swAhA zhes pa sa'i sgras chos 'byung ste/ de la spyod pa ni chos thams cad kyi rnam par dag pa'o/ /de ltar gyur pa'i sngags ni de kho na'i don skul bar byed pa'i sgra'o/ /de yang/ oM yig ni sku rdo rje thabs so/ /ra yig ni shes rab ste/ shes
 rab dang thabs dbyer med pa k+Sha yig go /de ni nyams pa yin yang k+Sha zhes pa mi zad pa ste/ 'ga' zhig nyams phyir thim 'gyur te/ nyams pa med phyir zad pa med/ ces pa'i tshig las so/ /hUM hUM hUM phaT swAhA/ zhes pa thams cad sngar brjod pa bzhin no/
 de nyid kyi phyir rengs pa ste/ oM hUM swAhA zhes pa rengs par byed pa goms pa ni rtsa g.yo ba dang bcas pa la'o/ /yang na oM rdo rje gsum dbyer med pa'o de bzhin du hUM dang/ de bzhin swA sti/ gsum rnams de kho na gsum dang dbyer med pa'o/ /hA zhes pa'i
 shes rab dang thabs dbye ba med pa'i phyir g.yo ba med pa nyid rdo rje sems dpa' ste/ gnas pa'i sems ni 'phro bar 'gyur/ gnas pa med par 'phro ba ma yin/ zhes pa'i tshig las so/ /oM aM swAhA/ dbang du byed pa'o/ /oM thabs/ aM shes
 rab/ swA rdo rje gsum/ hA thams cad dbyer med pa'i phyir dbang du byed pa'i sngags mnyam pa nyid kyi ye shes kyis so/ /oM khaM swAhA zhes pa skrod par byed pa ste/ sngags 'dis gnas nas bskyod par byed do/ /yang na skrod pa ni spro ba ste oM rdo rje gsum dbyer
 med pa gang yin pa de khaM ye shes lnga rnams so/ /swAhA zhes pa rdo rje gsum shes rab dang thabs kyi bdag nyid can nyid kyis rta mchog rdo rjes spro bar byed pa'o/ /oM dzriM swAhA zhes pa sdang pa ste rnam par 'byed par byed pa'i sngags so/ /yang dwe Sha zhes pa dwe'i sgras shes
 rab dang thabs dag go /de dag 'dod pa'i phyir dwe Sha zung du 'jug pa'o/ /de yang oM badzre swAhA/ zhes pa de kho na gsum dbyer med pa 'od dpag med kyis so/ /oM buM swAhA zhes pa mngon spyod kyi sgras rims la sogs pa byed pa'o/ /yang na mngon spyod ces pa
 de nyid zhe sdang rdo rje ste/ thams cad khyab pa'i phyir mngon spyod ma ning ngo/ /de yang bum gyi sgras byang chub kyi sems khu bar brjod pa rdo rje gsum po de nyid kyis khyab pa ste rnam par snang mdzad kyis so/ /oM dang swAhA zhes pa'i don ni bshad zin
 to/ /oM hUM swAhA zhes pa 'gugs par byed pa ste/ raM b+ha la sogs pa 'gugs pa'i phyir ro/ /yang na thams cad dbye ba med pa'i phyir bshad zin pa'i don gyis sdud pa ni 'gugs par byed pa ste/ mi bskyod pa yis so/ /oM g+hu:swAhA
 zhes pa gsod par byed pa ste 'tshe ba'o/ /yang na/ yul dang dbang po dang/ rnam par shes pa rnams 'joms pa ni gsod pa'o/ /de yang g+hu:yig ni thog mar dang po'i gzhi pa /mkha' 'gro mas brgyan pa rnam par
 bcad pa'i mdza' can te/ thams cad yongs su spangs pa'i phyir/ zhes pa'i tshig las so/ /oM swAhA zhes pa go sla'o/ /bsad pas bsdu ba nye bar bstan nas 'gro ba drug mnyam pa nyid gsungs pa/ oM ku ru ku l+le h+ri:swAhA ku ru ku l+le'i sngags so/ /oM ku ru
 ku l+le h+rI swAhA zhes pa sems can sna tshogs dbang du byed pa'i sngags so/ /yang na ku ru ku l+le h+rI(rgyud 'grel dang swAhA zhes pa go bla'o/ /'gro ba drug mnyam pa nyid kyis ku ru ku l+le'i sngags nye bar bstan nas/ da ni de'i nus pa nye bar bstan pa'i phyir char dbab pa'i cho ga gsungs pa/ a:phu:I rnams pas mdza' yas kyi gzugs brnyan byas la/ bdud rtsi
 lnga yis bkru zhing/ me tog nag pos mchod de/ klu 'dul bar byed pa'i khu bas byug cing/ glang po che'i chang gis mgo bo byugs la kham por gnyis kha sbyar du bzhag ste/ ba nag mo'i 'o mas dgang zhing/ gzhon nu ma nag mos bkal ba'i
 skud pas bkris la/ lung gi phyogs su rdzing bu byas te/ mdza' yas der bzhag go /de'i 'gram du dkyil 'khor dri bar bya ste/ dur khrod kyi sol bas rdul mtshon nag po dang/ mi'i rus pa'i phye mas rdul tshon dkar po dang/ ba bla yis
 tshon ser po dang/ dur khrod kyi so phag gis rdul mtshon dmar po dang/ mi'i rus pa dang rkun ma'i lo ma dag gis rdul mtshon ljang khu dang/ mi'i rus pa dang dur khrod kyi sol ba dag gis rdul tshon sngon po ste/ rdul mtshon 'di rnams
 kyis dkyil 'khor bzhengs par bya ste/ dur khrod kyis srad bus thig gdab cing dkyil 'khor gru gsum pa bya'o/ /de'i dbus su mdza' yas mnan pa'i kye'i rdo rje bri bar bya ste/ zhal brgyad pa/ zhabs bzhi pa/ phyag cu drug gis brgyan pa/ spyan
 nyi shu rtsa bzhi dang ldan pa'o/ /de nas slob dpon nang gi khro bos sems kyis skye bos dben pa'i gnas su sngags bzlas par bya'o/ zhes pa klu'i gnas nas chu kha dog sngon po dang/ sa kha dog sngon po la/ a(rgyud 'grel 'dis lan brgya rtsa brgyad mngon par bsngags te blangs nas slar yang mngon par bsngags la/ mdza' yas zhes brjod pa'i klu de'i gzugs brnyan te/ de'i rnam pa byas nas/ bdud rtsi lnga dang 'o ma la sogs pas bkru par bya'o//
 me tog nag po zhes pa zar ma'i me tog gis mchod par bya ste/ de med na me tog sngon po gzhan gyis kyang mchod par bya'o/ /klu 'dul bar byed pa'i khu bas byug cing/ glang po che'i chang gis mgo bo byugs la/ khaM phor gnyis kha
 sbyar du bzhag pa ni/ de nyid kyi 'jim pa'i kham por so ma btang ba gnyis so/ /der ba nag mo'i 'o mas dgang zhing/ gzhon nu ma nag mos bkal pa'i skud pas dkri bar bya'o/ /rlung gi phyogs su rdzing bu byas te/ mdza' yas
 der bzhag go /de'i 'gram du dkyil 'khor bri bar bya ste/ bdud rtsi lngas bkru ba la sogs pa las bcu po rnams la so sor/ a(rgyud 'grel khrod kyi sol bas rdul mtshon nag po ni mi bskyod pa rnam par dag pa'o/ /mi'i rus pa'i phye mas rdul mtshon dkar po ni rnam par snang mdzad rnam par dag pa'o/ /ba bla'i rdul mtshon ser po ni rin chen dbang po rnam par dag pa'o/ /dur khrod kyi so phag
 gis rdul tshon dmar po ni 'od dpag med rnam par dag pa'o/ /mi'i rus pa dang rkun ma'i lo ma dag gis rdul tshon ljang ku? ni don yod grub pa rnam par dag pa'o/ /mi'i rus pa dang dur khrod kyi sol ba dag gis
 rdul tshon sngon po ni rdo rje sems dpa' rnam par dag pa ste/ rdul tshon 'di rnams kyis so/ /dur khrod kyi srad bus zhes pa bcu bzhi pa 'am brgyad pa la/ legs par 'dus byas pa'i sa gzhir thig skud lhag par gnas par bya zhing
 ji srid 'dus bya ba grub pa dang srad bu des thig gdab ste/ dkyil 'khor gru gsum pa mi skyod pa rnam par dag pa bzhengs nas de'i dbus su/ mdza' yas mnan pa'i kye'i rdo rje bri bar bya ste/ zhal brgyad pa/ zhabs bzhi pa/ phyag bcu drug
 gis brgyan pa/ spyan nyi shu rtsa bzhi dang ldan pa'o/ /dkyil 'khor de'i dbus su phyag bcu drug gi mtshan ma bri bar bya zhing/ dkyil 'khor nyid kyis 'dab ma rnams la rnal 'byor ma brgyad po rnams kyang ngo/ /de nas zhes pa de dag thams cad byas nas
 slob dpon gyi sngags bzlas par bya ste/ nang gi khro ba'i sems kyis ni nang gi brtson 'grus chen po dang ldan pa'o/ /khro ba'i sems ni sems khro ba'o/ /byed pa 'dis dben pa'i gnas su char dbab pa'i phyir sngags bzlas na 'bab par 'gyur ro//
 oM g+ha Da g+ha Da g+hu Du g+hu Du/ ma sha ma sha/ g+ha Ta g+ha Ta/ g+ho Ta ya g+ho Ta ya/ a nan+ta k+Sho b+ha ka rA yA/ nA gA d+hi pa ta ye he he ru ru ka /sapta pA tA la ga tA na/ nA gA nA karSha ya/ barSha ya/ gardza ya/ tardza ya/ phu(rgyud 'grel te char mi 'bab na de'i tshe sngags 'di zlog la zlas par bya'o/ /zlog te bzlas pa yang/ swAhA phaT/ hUM hUM hUM/ phu(rgyud 'grel a nan+ta k+Sho b+ha ka rA ya/ g+ho Ta ya g+ho Ta ya/ g+ha Ta g+ha Ta/ ma sha ma sha/ g+hu Du g+hu Du/ g+ha Da g+ha Da oM zhes pa ste char 'bab bo/ /de ltar na yang gal te char mi 'bab na/ de tshe klu rnams kyis mgo 'gas te/ ardza ka'i dog pa ltar zhes pa pa la sha'i ltar ro/ /'dis ci
 gsungs shes na nges pa kho nar char 'bab po zhes pa'i don te/ 'di ni char dbab pa'i cho ga'o/ /sprin bral ba bshad par bya ste/ gal te bar chad med par char bab na/ de'i tshe rgya mtsho dang 'dra bar 'gyur ba'i phyir/ sprin bral ba'i cho ga ni dur khrod
 kyis ras la nye bar 'dug nas zhes pa bcu bzhi pa la sogs pa la ro'i gdong g.yogs pa'i gos blangs te/ gos de la nye bar 'dug nas sngags bzlas shing dral bar bya ste/ oM Arya shA shA na pri yA ya hUM hUM hUM phaT swAhA/ zhes pa ji
 srid sprin rnams mthor par gyur pa de srid du sngags bzlas par bya ste/ de las sprin 'thor bar 'gyur ro/ /zhes pa sprin bral ba'i cho ga'o /zhes pa ste char dbab pa'i don la ni go bla ba nyid do/ /yang na a(rgyud 'grel pa gnyis la tsheg drag gi mdza' can no/ /tsheg drag gi mdza' can gnyis po 'di'i byed pa ni A li kA li sreg par byed pa'o/ /mdza' yas kyi sgras 'di la mdza' yod pa ma yin pa'i phyir/ mdza' med de dang po dang bar dang mdza' las rnam par grol ba'o
 de'i gzugs brnyan ni so so'i bya ba'o/ /byas la ste bya ba'i tshul gyis so/ /ye shes lnga'i ngo bo'i bdud rtsi lnga yis bkru bar bya zhing dbang bskur bar bya'o/ /me tog nag pos mchod de nag po ni mi bskyod pa'o/ /me tog ni bdag med ma'o/ gnyis ka dbye ba med
 pas nges rnams mchod par bya'o/ /klu 'dul bar byed pa'i? khu bas byug pa ni 'ong ba med 'gro ba med pa'i phyir/ nA ga ste skye ba dang 'jig pa las rnam par grol ba'o/ /de yang 'dul ba ni dul ba dang nye bar zhi ba'i ngo bo nyid las so/ /de yang gang zhe na/ yang dag
 ye shes kyi ngo bo ste/ de'i ras ni nyams su myong ba'i mtshan nyid do/ /des byug pa ni de bzhin gshegs pa de rnams de'i rang bzhin du bya'o zhes pa'i don no/ /glang po che'i chang gis mgo byug pa ni glang po che'i sgras 'di la lag pa yod
 pa'i phyir lag ldan te/ lnga'i bdag nyid can gyi yul dang dbang po gnyis kyis phung po lnga'i ngo bo de bzhin gshegs pa dang mkha' 'gro ma rnams so/ /de rnams kyi chang ni dga' ba'o/ /des mgo bo byug pa ni de'i rang bzhin du bya ba ste/ dga' ba bde ba
 yis kyang 'grub/ ces pa'i tshig las so/ /kham phor gnyis kha sbyar du gzhag pa ni kha sbyor gyi rnal 'byor gnyis su med pa rtogs pas gnas par bya'o/ /ba nag mo'i 'o ma dgang ba ni ba nag mo zhes pa shes rab dang thabs dbyer med pa'o/ /'o ma
 ni byang chub kyi sems te /des dgang zhing brlan par bya'o/ /gzhon nu ma nag mos bkal pa'i skud pas dkris la zhes gzhon nu ma nag mo'i sgras shes rab dang thabs kyi bdag nyid can gyi ye shes te/ des bkal pa'i skud pa ni/ rgyun bcad pa yin zhing
 des dkris te khyab par bya'o/ /rlung gi phyogs su rdzing bu byas te mdza' yas der bzhag go /zhes pa la rlung gi phyogs su zhes pa rlung gi ngo bo'i nA da la ste/ de ni mdza' med pa rdo rje sems dpa' o/ /rdzing bu phyag rgya chen por byas te/ gzhag pa ni cha
 dang bral ba nyid kyis gzas par bya'o rdzing bu phyag rgya chen po de'i 'gram du de dang nye bar dkyil 'khor bri bar bya ste /rdo rje 'chang bsgrub par bya'o/ /de yang spro ba'i bdag nyid can gyi phyir nag po ni mi bskyod pa'o/ /dkar po ni rnam par snang mdzad do/ /ser po ni rin chen
 dbang po'o/ /dmar po ni 'od dpag med do/ ljang ku? ni don yod grub pa'o/ /sngon po ni rdo rje 'chang ste drug go /'di rnams kyang rdul tshon gyi ngo bo ste/ rdul tshon ni bsgyur ba mkha' 'gro ma rnams so/ /rdul tshon 'di rnams kyis dkyil 'khor bzhengs par bya ste/ de bzhin
 gshegs pa thams cad kyi rang bzhin rdo rje 'chang bsgrubs nas/ bya ba bzhan brjod par bya ste/ dur khrod kyis sol pas zhes pa/ dbugs song zhes pa'i rigs pa 'dis/ dur khrod ces ni mngon par brjod/ ces pa gnyis ka'i nA da'o/ /oM kha spyod ma'o/ /'di'i ngo bos
 brjod par byed pa nA da'o/ /de yis nag po ni mi bskyod pa'o/ /mi'i rus pa'i phye mas zhes pa ni skyes bu sku rdo rje'o/ /de yang as+thi cha dang bral ba'i rang bzhin no/ /ji ltar zhe na/ phye mas zhes pa rdul phra rab kyi tshul gyis dkar po rnam par snang mdzad do/ /ba bla yis zhes
 pa kha sbyor gyis 'od dpag med rab tu zhugs pa'i phyir ser po rin chen dbang po'o/ /dur khrod kyi so phag gis zhes pa dur khrod gnyis ka'i bdag nyid kyi nA da khyab par 'dod pa'i phyir te/ gang gis kun du chags pa'i mtshan nyid kyi bde bas zhes pa dmar po 'od
 dpag med do/ /mi'i rus pa dang rkun ma'i lo ma dag gis zhes pa ni skyes pa thabs so/ /as+thi shes rab ste/ rkun ma ni gnyis ka'i gnod pa 'phrog pa'o/ /de yang lo ma ye shes te/ sku ye shes kyi bdag nyid can rnam par snang mdzad la rab tu zhugs pa'i
 phyir ljang ku? don yod grub pa ste/ gnyis kyi tshig go /mi'i rus pas shes rab dang thabs dbyer med pa sku rdo rje'o/ /dur khrod A li kA yi gsung rdo rje'o/ /sol ba thugs rdo rje ste/ so sor ye shes lnga rnams la rab tu zhugs pa'i phyir sngon po rdo rje 'chang ngo zhes pa
 gnyis kyi tshig go /dur khrod kyi srad bus thig gdab cing/ zhes pa srad bu ni A li kA li dag gis dbus su a ba d+hU tI ste /de yis thig gdab pa ni rgyun tu 'bab pa'o/ /dkyil 'khor gru gsum pa ni bco lnga'i bdag nyid can te/ de'i dbus su
 de'i phyogs la mdza' yas mnan pa rnam pa thams cad pa'i ngo bo kye'i rdo rje bri zhing dgod par bya'o zhes pa'i don no/ /khyad par ci zhe na/ zhal brgyad pa zhabs bzhi pa/ phyag bcu drug gis brgyan pa/ spyan nyi shu bzhi dang ldan pa'o zhes pa rnal 'byor ma brgyad rnam par 
 dag pa zhal brgyad do/ /dga' ba bzhi rnam par dag pa zhabs bzhi'o/ /de bzhin gshegs pa lnga rdo rje sems dpa' dang lhan cig gyur pa drug rnam par dag pa dang/ dbang po lnga ste bcu rnam par dag pa phyag bcu drug gis
 brgyan pa'o/ /spyan nyi shu rtsa bzhi dang ldan pa zhes pa gnas dang nye bar gnas dang lags pas bcu rnams te/ gnas dang nye ba'i gnas dag gis brgyad dang zhing dang nye ba'i zhing la sogs pa rnams kyis bcu drug ste/ 'di rnams rnam par dag pa'o/ /zhes pa de ltar gyur pa'i
 kye'i rdo rje'o/ /de nas slob dpon khams gsum rnams kyis mchod par gyur pa'o/ /bsngags bzlas bar bya ba ni ye shes mngon du bya'o zhes pa'o rgyu gang gis she na/ nang gi khro ba'i sems kyis te/ kun rdzob kyi bden pa'i ngo bos nang dang/ don
 dam pa'i bden pas khro ba'i sems te/ gnyi ka dbye ba med pas zhes pa'i don no/ /skye bos dben pa'i gnas su zhes pa skye bo dang bral ba'i gnas su'o/ /oM g+ha Da g+ha Da/ g+hu Du g+hu Du/ ma sha ma sha/ g+ha Ta g+ha Ta/ g+ho Ta ya g+ho Ta ya/ a nan+ta k+Sho b+ha ka rA
 ya/ nA gA d+hi pa ta ye/ he he ru ru ka sapta pA tA la ga tA na/ nA gAn/ A karSha ya/ barSha ya/ gardza ya/ tardza ya/ phu(rgyud 'grel sogs pa bzhi ni shes rab dang thabs nyis 'gyur gyis te/ bzhi 'gyur gyis stong pa nyid bcu drug go /g+ho Ta ya g+ho Ta ya/ zhes pa drug ni rdo rje gsum nyis 'gyur gyis rdo rje 'chang ngo/ /a nan+ta k+Sho b+ha ka rA ya/ /khams gsum pa sdud pa'i bdag nyid
 kyi phyir a nan+ta rdo rje 'chang ngo/ /de yang k+Sho b+ha mi bskyod pa ste/ de yang ka rA ya/ ka thabs so/ /ra bdag med ma ste/ a ya gnyis ka dbyer med pa'i ye shes so/ /de yang/ nA gA d+hi pa ti/ zhes pa nA ga de bzhin gshegs pa rnams te/ de
 rnams la bdag po dang/ gtso bo nyid kyis lhag par gnas pa'i phyir/ nA ga a d+hi pa ti'o/ /de yang e ste bdag med ma dang/ go ri gnyis ka dbyer med pa las so/ /he he zhes pa rgyu la sogs pa spangs pa dang/ rgyu la sogs pa spong ba'i phyir he he gnyis so//
 ru ru zhes pa ru yig bkod pa dang bral ba ste/ rnam par rtog pa dang rnam par brtag par bya ba'i phyir ro/ /ka zhes pa gang du yang gnas pa med pa'o/ /de lhag par gnas pa las/ sapta pA tA la ga tA na zhes pa/ sapta drug pa rdo rje 'chang ste ye shes lnga la rab
 tu zhugs pa las so/ /pA tA la ga tA na de yis phung po lnga rnams 'byung ba chen po bzhir song ba ste/ pa'i sgras gos dkar mo me'i khams so/ /a'i sgras chu'i khams mA ma kI zhes pa'i don no/ /tA'i sgras sgrol ma rlung gi khams zhes pa'i don no/ /la'i
 sgras spyan ma sa'i khams zhes pa'i don no/ /der son pa ni de'i nang du thim pa'o/ /nA gAn/ de bzhin gshegs pa rnams te 'byung ba chen po bzhi'i nang du gnas pa rnams so/ /A karSha ya/ bsdu bas byang chub kyi sems kyi bdag nyid du gyis zhes pa'o//
 parSha/ gardza ya/ tardza ya/ zhes pa spro ba dang bsdu ba'i ngo bos gnyis su med par rtogs pa'i rang bzhin rdo rje 'chang zhes pa'i don no/ /de yang phu(rgyud 'grel don no/ /hUM hUM hUM phaT swAhA zhes pa ni hUM zhes pa skad cig bzhi dbyer med pa ste/ phaT ces pa'ang skad cig bzhi dbyer med pa'o/ /swA rdo rje gsum mo/ /hA shes rab dang thabs dbyer med pa ste/ rnam pa thams cad kyi mchog dang ldan pa stong pa nyid kyi ngo bo'i char
 dbab pa'o zhes pa'i don no/ /gal te char mi 'bab na de'i tshe/ sngags 'di bzlog la bzlas par bya'o/ /zhes pa sngags ni ye shes so/ /de bzlog ste bzlas pa ni ye shes med du 'gyur ba'i phyir te/ ye shes 'di med na yang 'bab ste
 bya ba med pa'i tshul gyis rnam par gnas pas sngags bzlog te bzlas pa'o/ /bya ba yang sngar gsungs pa kho na'o/ /gal te char mi 'bab na/ de'i tshe mgo 'gas so zhes pa 'di'i don ni 'di yin te/ gal te char mi 'bab na ste/
 gal te byang chub kyi sems 'byung bar mi 'gyur ba/ de'i tshe mgo 'gas te/ rdo rje 'chang mngon par gsal bar 'gyur ro/ /ardza ka'i dog pa ltar zhes pa a bdag med ma'o/ /dza'i sgras sde pa gnyis pa shes rab dang thabs kyi rang bzhin can gyi
 gsum pa ste khyad par gyi dga' ba'o/ /de yang ra yis brgyan pa ni bdag med mas zos zhes pa'o/ /ka lhan cig skyes pa'i ngo bo ste de'i dog pa ni sna tshogs pa'i gzugs spro ba'i ngo bos te/ spro ba dang bsdu ba'i bdag nyid char dbab pa'i cho ga'o/ /de nyid
 kyi phyir/ sprin rnams kyi dral ba bshad par bya ste/ zhes pa ldugs pa la mi ha ste/ sprin ni ldugs par byed pa'o/ /des ldugs pa ni byang chub kyi sems 'byung bas te dri ma med pa'i rang bzhin ye shes lnga dang/ sku gsum po rnams kyi dral ba dang sngo
 ba bshad par bya ste bstan par bya'o/ /'dis ni 'di ltar gsungs par gyur te/ bden pa gnyis dbyer med pa kho na bden pa gnyis so zhes pa'i/ /dur khrod kyi ras la nye bar 'dug nas zhes pa dur khrod ni A li kA li'o/ /de yang phan tshun g.yogs pa
 nyid la ras ha/ de la nye bar 'dug nas zhes pa khyab par bya ba dang khyab par byed pa'i tshul gyis gnas te/ sngags bzlas shing ye shes mngon du bya'o/ /de la ye shes ni oM Arya shma shA na pri yA ya hUM hUM hUM phaT swAhA zhes pa ste/ oM rdo rje gsum
 dbyer med pa'o/ /a rdo rje gzugs kyi phung po/ /rnam par snang mdzad/ sku rdo rje'o/ /rab dag med ma thugs rdo rje'o/ /ya/ g.yung mo rlung gi ngo bo nyid kyi phyir gsung rdo rje'o zhes pa rdo rje gsum mo/ /de ni shma shA nA nA de'i phreng ba gnyis te/ de dbye ba med pas
 la bri ya/ rdo rje 'chang ngo/ /de yang a ye shes te/ ye shes de ni hUM hUM hUM phaT dbyer med pa'o/ /swA rdo rje gsum mo/ /hA shes rab dang thabs dbyer med pa'o/ /zhes pa'i don ni song zin no/ /sprin dal ba'i cho ga'o/ /spro ba dang bsdu ba gsungs nas/ pha rol gyi sde rnam par
 gzhig pa'i phyir kha Ti ka'i sgrub pa bshad par bya ste zhes pa/ pha rol ni sgra rnams so/ /de rnams kyi snga ni stobs te/ de rnam par gzhig par 'dod pas kha Ti ka bsgrub par bya ste ni de bshad de gsal bar bya'o zhes pa'o/ kha Ti ka'i sgrub pa de ji lta bu zhe na/ gsungs
 pa kha Ti ka dang bdud rtsi lnga dang/ ku thA rats+tshin+na dang lhan cig btags te ril bur bya'o/ /ril bur byed pa la yang sngags ni/ oM badzra karta ri/ he badzrA ya hUM hUM hUM phaT swAhA zhes pa'o/ /ril bu bsgrubs te de gzung nas dngos grub kyi don du sngags bya ba bzlas shing sngon du bstan pa
 'bum bya ste/ sngon du kha Ti ka gzung nas sngags 'bum bzlas par bya'o/ /bar ma chad par sngags bye ba bzlas te/ kha Ti ka gzung nas bsgrub bya pha rol gyi sde'i gzugs bsams te kha phor spyi blugs kyi mgrin par bskor zhing skor nas gcig par bya ste/ de las
 dgra bo thams cad mgo med par 'gyur ro zhes pa rdo rje gri gug gi cho ga'o/ /yang na pha rol gyi sde rnam par gzhig pa'i phyir zhes pa/ pha rol yul rnams dang sde ni dbang po rnams te/ 'di dag rnam par gzhig pa ni gzung pa dang 'dzin pa mngon par ldog pa'o
 rgyu mtshan de'i ched du kha Ti ka bsgrub ste/ mkha' la 'gro ba'i phyir kha Ti ka mkha' spyod ma'o/ /de'i bsgrub pa bshad de bstan par bya'o/ /kha Ti ka btags nas zhes pa mkha' spyod ma chos kyi dbyings kyi rang bzhin gyi bde ba nyid kyis chags pa'i mtshan nyid chags
 pa med par bya ste/ gang gis she na/ bdud rtsi lnga yis te/ ye shes lnga dang ku thAr ts+tshin+na dang lhan cig ces pa/ ku ThAr rdo rje 'chang ngo/ /ts+tshin+na bdag med ma ste/ dbyer med pa'i phyi rang dang lhan cig ril bu thams cad khyab par bya'o/ /'di'i sngags ni
 oM badzra karta ri he badzrA ya hUM hUM hUM phaT swAhA zhes pa oM rdo rje gsum mo/ /badzra rdo rje 'chang ngo/ /karta ri bdag med ma'o/ /gnyis ka dbyer med pa he badzra ste/ de yang a ya ye shes so/ /de hUM ste de yang sum 'gyur ni dgu'i bdag nyid kyi dkyil
 'khor ro/ /de ltar phaT swAhA/ zhes pa ste/ bshad zin to/ /'di ni dngos grub kyi don te/ /dngos grub ni dgos pa'o/ /bye ba bzlas zhes pa/ ko Ti phul du byung ba'o/ /bzlas pa ni de gnyis su med pa'i ngo bos gnas par bya'o/ /sngon du bsnyen pa 'bum bzlas
 zhes pa/ sngon ni dang po'o/ /de'i bsnyen pa ni khas len pa ste/ de yang la k+ShaM rdo rje 'chang ngo/ /de zlos ba ni 'gog pa ste/ dang po nas ma skyes pa'i phyir zhes pa'o/ /de zhes pa kha Ti ka mkha' spyod ma ste/ bsgrub bya bsgrubs nas/ ka maN+Da la grI waM/ kaM
 bde ba ste/ de'i bdag nyid kyis dkyil 'khor ni ka maN+Da la'o/ /de'i mgrin pa ni rdo rje 'chang kaM do/ /de rnams la bskor ba ni khyad par bya ba ste/ khyad par gyi dga' ba'i mthar thug par mkha' spyod ma la rgyas btab pa'i phyir ro/ /bskor na ste
 khyab nas gcag par bya zhes pa lha mo'i pad+ma'i nang du spro bar bya ste/ de las lhan cig skyes pa 'khrungs pa na/ 'dod chags dang zhe sdang dang gti mug la sogs pa'i nyon mongs pa'i bag chags la sogs pa dgra bo thams cad mgo med par 'gyur te/ nyon
 mongs pa la sogs pa rnams chos kyi dbyings kyi rang bzhin du 'gyur ro zhes pa'i don no/ /rdo rje gri gug gi cho ga'o/ /zhes pa kun rdzob dang don dam pa dbyer med pa'i ye shes kyi cho ga'o/ /zhes pa'i don no/ /lha rnams dags par 'dod pas thig le
 bsgrub par bya ste/ zhes pa rnal 'byor pa chen po dang ldan pa mu stegs pa'i lha dags par 'dod pas tshangs pa'i sa bon rgyal la bsgrubs te/ ku thA ra ts+tshin+na dang bsres pa nyi ma gzas zin pa na/ mi bskyod pas btags par bya'o/ /btags nas dgra
 sta byas te/ /de rkang pas mnan la sngags bzlas par bya'o zhes pa/ tshangs pa'i sa bon ni pa la sha'i 'bras bu'o/ /rgyal la bsgrubs te zhes pa skar ma rgyal la/ ku thA rats+tshin+na dang bsres pa byas nas nyi ma gzas zin pa na/ mi bskyod pa rdo rje chu yis
 gtags par bya'o/ /btags nas dgra sta bsgrub par bya ste/ de rkang pas mnan la sngags bzlas par bya'o/ /oM badzra ku thA ra pA Ta ya pA Ta ya hUM hUM hUM phaT phaT swAhA/ zhes pa'i sngags 'di bya bzlas nas thig le bya zhing/ byas nas gang na reg par gyur pa na de dags
 par 'gyur te/ lha dags pa'i cho ga'o/ /yang na lha rnams zhes pa rtse ba dang rol pa'i phyir/ lha ste phung po lnga'i bdag nyid can de bzhin gshegs pa rnams so/ /de rnams dag par 'dod pas spro ba'i tshul gyis rnam par bzhag par 'dod pa'o/ /til
 dang 'dra ba'i phyir til te rigs gcig dang 'brel yang khyad par tha dad du ma'o/ /de yang/ kaM zhes pa don dam pa'i ngo bo ste/ gnyis ka dbyer med pas thams cad bskyed pa'i phyir rdo rje 'chang de nyid bsgrub par bya'o/ /
 gang gi phyir rdo rje 'chang gi go 'phang grub na spro dang/ bsdu ba byed nus pa'i phyir te/ de gang las spro ba dang sdud par byed pa'i rang bzhin rdo rje 'chang kho na'o zhes pa'o/ /yang na tshangs pa'i sa bon zhes pa mya ngan las 'das pa'i gnas
 te/ tshangs pa sgrib bral sangs rgyas nyid ces pa'o/ /de'i 'bras bu ni rgyal la bsgrubs zhes pa rgyal gyi sgras rgyas pa kun rdzob kyi bden pa'o/ /de yis bsgrubs pa ni kun rdzob mtshan nyid dang bral ba don dam pa ste/ dngos po med pa'i phyir ro/ /de nyid kyi
 phyir ku thA rats+tshin+nas bsres pa rdo rje 'chang dang bdag med ma dbyer med pa'o/ /'di ji ltar zhe na/ nyi ma gzas zin pa na zhes pa bdag med mas zos zin pa ni ma bskyod pas rdo rje 'chang gis btags par bya gcig tu bya'o/ /de ltar byas nas dgra sta bya ste/
 mi shes pa thams cad gcod pa'i phyir dgra sta ni rdo rje 'chang yin la/ de bya ste/ yang dag par bsgrubs par bya'o/ /de rkang pa ye shes kyis mnan la/ sngags ye shes bzlas shing bsgrub par bya'o/ /oM sku/ badzra thugs/ ku thA ra gsung ste/
 mtshan ma nyid kyis mtshan ma med par rtogs pas mi shes pa gcod pa'i phyir ro zhes pa rdo rje gsum dbyer med pa'o/ /pA Ta ya pA Ta ya/ zhes pa dbang po dang yul dbye ba med pas spro ba'i phyir rnam pa gnyis so/ /hUM hUM hUM dgu'i bdag nyid kyi
 dkyil 'khor ro/ /phaT phaT ces pa rnam pa gnyis dbye ba med pa ste/ swAhA zhes pa ye shes lnga rnams kyi'o/ /dbye ba bzlas nas phul du byung bsgrubs te/ thig le rdo rje 'chang bya zhing mngon sum du bya'o/ /de'i phyir yang rdo rje 'chang ngo/ /a ba la ga
 ti/ a bdag med/ ba rdo rje 'chang/ gnyis ka dbyer med pa len cing 'dzin pa'i phyir a ba la/ de rtogs shing khong du chud pa a ba la ga ta de ltar gyur pa na/ ya ma ba la ga ti'o/ /de nyid rdo rje 'chang ste/ 'gas pa spro ba'i ngo bor 'gyur ro
 zhes pa lha spro ba'i cho ga'o/ /tsha ba'i rims byed par 'dod pas arka'i 'dab ma la/ dug dang ske tshe dad ci tra ka'i khu bas dgra bo'i ming bris ste/ phub ma'i me la bskyur cing sngags khri phrag bzlas par bya ste/ oM he badzra dzwa ra dzwa ra sha truM b+h+ruM hUM hUM phaT
 swAhA/ phum ma'i me la gzhug cing sngags stong phrag bcu bzlas par bya ste/ de las tsha ba'i rims su 'gyur ro/ /zhi ba'i don du de bkug ste/ 'o mas bkru bar bya'o zhes pa'o/ /yang na tsha ba'i rims byed par 'dod pas zhes pa gtum mo'i rnal 'byor
 goms par bya bar 'dod pas/ arka'i 'dab ma la zhes pa arka nyi ma'o/ /de'i 'dab ma ni dum bu ste kA li'o/ /de la dug dang ske tshe ni/ dug chu dang zla ba'o/ /de'i ske tse ni A li'i phreng ba'o/ /gnyis ga dbyer med pas ci tra'o/ /de yang kaM/ bde ba ste de'i ro ni myong
 pa'i mtshan nyid do/ /de yis dgra bo'i ming/ dgra bo'i sgras dgra'o dang 'dra ba nyon mongs pa dang/ nye ba'i nyon mongs pa'i kun nas nyon mongs pa rnams dag po ste/ yul dang dbang po rnam par shes pa rnams bsdus pa'i phyir gcig gi tshig go /de'i ming tha snyad bri bar
 bya ste/ nyams su myong ba de'i bdag nyid kyis gnas par bya'o/ /phub ma'i me la zhes pa ni/ phub ma ni snying po med pa gsog ste/ de yang me lta bur sreg par byed pa'i bdag nyid kyi phyir me'o/ /de yang myong ba ste/ de la gzhug cing de'i bdag nyid bya'o zhes pa ste/ rim pa
 'dis/ sngags ni ye shes so/ /khri phrag gnyis su med pa bzlas de bskyed par bya'o/ /rdo rje gsum dbyer med pa nyid las oM/ shes rab dang thabs dbyer med pa nyid las he badzra de ltar ye shes lnga dbyer med pa nyid la dzwa ra dzwa ra'o/ /
 dzwa ra dzwa ra zhes pa da ha da ha'o/ /da ha da ha zhes pa ji snyed rang bzhin med par gyis gyis zhes pa ste/ phyi dang nang gi dbye ba las gnyis kyi tshig go /sha trun zhes pa brjod pa kho na'o/ /bruM gi sgras sku rdo rje ste/ de yang hUM hUM hUM zhes pa rdo rje gsum
 dbyer med pa dgu'i bdag nyid dkyil 'khor ro/ /de phaT swAhA zhes pa shes rab dang thabs dbyer med pa'i phyir/ khri bzlas pa gnyis su med pa'i ye shes zhes pa'i don no/ /chang skyugs par bya bar 'dod pas/ sgrub bya'i lte bar maM yig bsgom par bya zhing/ maM
 yig yongs su gyur par bltas nas lto bar chang bsgoms te/ skyug par byed par bltas na chang skyugs par 'gyur ro/ /zhes pa'i don ni rab tu gsal ba kho na'o/ /yang na chang skyug par bya bar 'dod pas zhes pas/ myos par byed pa'i phyir ma rya lhan cig skyes pa'o/ /de
 skyug par bya bar 'dod pas spro ba'i tshul bsdu ba'i bdag nyid can rnam par gnas par bya ba 'dod pa'o/ /bsgrub bya rdo rje 'chang gi lte bar skye ba'i gnas su maM yig lnga pa'i lnga pa/ mA ma kI chu'i khams byang chub kyi sems khu ba'i rnam pa bsgom par bya zhing
 snyoms par 'jug pa'i rnal 'byor gyis gnas par bya'o/ /maM yig yongs su gyur pa byang chub kyi sems nang du thim pa'o/ /chang gi lto ba ye shes kyi gzhi de'i bdag nyid du bltas nas mngon sum du byas ste/ bsgom pa rnam
 pa sna tshogs pa'i tshul gyi snyoms par bzhugs par bya'o/ /skyug par byed par bltas na/ ban+taM zhes pa ba yig lnga pa'i gsum pa'o/ /a bdag med pa ste/ des rnam par brgyan pa/ bA khyad par dga' ba'o/ /de yang/ kun tu chags pa'i mtshan
 nyid kyi phyir rnam par rtog pa'i rang bzhin no/ /de'i mthar gyur pa'i phyir bA mdza' lhan cig skyes pa'i ngo bo'o/ /de ltar byed pa ni de ltar bsgrub pa ste/ lta ba ni ye shes kyi mig mngon du 'gyur ro zhes pa'o/ /chang skyug pa ni chang lhan cig skyes pa sdud pa'i ngo bo
 skyug pa spro ba'i ngo bo thob pa'i phyir rdo rje 'chang 'grub po/ /rab tu myos ma dbang du bya bar 'dod pas/ mya ngan med pa'i brgyad pa la/ mya ngan med pa'i 'og tu song ste/ gos dmar po gyon nas myos byed kyi 'bras bu za zhing/ kA mA tsi ka'i khu bas thig le
 byas la sngags bzlas par bya ste/ oM a mu kI me h+rI(rgyud 'grel du bya bar 'dod pa 'od bar byed 'dod pas/ mya ngan med pa'i brgyad pa la zhes pa/ a bdag med ma'o/ /des rgyas par byed pa'i phyir sha ste/ a sha(rgyud 'grel 'chang ngo/ /brgyad pa ni/ rnal 'byor ma brgyad de mya ngan med pa dang/ brgyad pa ni mya ngan med pa dang brgyad pa'o/ /de'i la zhes pa dgu'i bdag nyid kyi dkyil 'khor la'o/ /mya ngan med pa'i 'og tu song ste/ zhes pa rdo rje 'chang dang bdag
 med ma 'khyud pa'i rdo rje 'chang gi rang bzhin rtogs nas/ gos dmar po gyon pa ni dmar po rA ga chags pa'i mtshan nyid do/ /de ni gos te sgrib pa'i ngo bo'o/ /de gyon te des khyab par byas nas myos byed kyi 'bras bu zhes pa myos byed byang chub kyi sems
 khu ba'o/ /de'i 'bras bu lan cig skyes pa'i ngo bo ste/ des za zhing khams gsum pa de'i bdag nyid kyis bza' bar bya'o/ ka a kA A li dang kI li nA da'i phreng ba gnyis so/ /de dang dbyer med pa las mA ma kI chu'i khams khu ba zhes pa ji srid pa'o/ /de yang a
 bdag med ma lhan cig skyes pa ste/ de'i ngo bos brgyan pa'i phyir kA mA/ de sogs pa dang 'phel ba'i mtshan nyid kun rdzob kyi bden pas rnam par gnas pa'i phyir kye'i rdo rje'o/ /de'i ro ni rjes su myos pa'i mtshan nyid de/ des thig le rdo rje 'chang bya zhing kun tu
 spro bar byas la/ sngags ye shes bzlas shing bsgrub par bya'o/ /oM a mu kI me h+rI(rgyud 'grel e e yig gi rnam pa'i phyag rgya bdag med ma dang rnal 'byor ma ste/ des brgyan pa'o/ de yang h+rI(rgyud 'grel khri yis 'ong bar 'gyur te/ yu taM ldan pa ste gnyis ka dbyer med pa kun rdzob dang don dbye ba med pa'o/ /de yang a'i gzugs bdag med ma'i ngo bo des 'ong zhing khong du chud de/ yang dag par rtogs pa'i bdag nyid du 'gyur ro zhes pa'i don no/ /zla ba
 dang nyi ma dbang du bya bar 'dod pas/ shA li btags pa'i rang bzhin gyi zla ba dang nyi ma byas te/ rdo rje'i chu la bzhug cing sngags bzlas te oM badzra arka/ mA tsa la/ ma tsa la/ tiSh+Tha tiSh+Tha he badzwA ya hUM hUM hUM phaT swAhA/ bye ba phrag bdun bzlas na/
 zla ba dang nyi ma gnas te nyin mtshan bye brag med par 'gyur ro zhes pa zla ba dang nyi ma rnam par 'dzin pa'i cho ga'o zhes pa go sla ba nyid do/ /yang na nyi ma dang zla ba dbang du bya bar 'dod pas zhes pa/ zla ba rdo rje 'chang dang nyi ma
 bdag med ma gnyis ka dbang du bya bar 'dod pa gnyi ga dbyer med par bsgrub par 'dod pas/ shA li btags pa'i rang bzhin zhes pa shA li'i sgras don yod grub pa rlung ste/ de yang/ A li kA li nA da'i phreng ba gnyis so/ /de btags shing mnan te
 mnyes pas phan tshun dbye ba med par gnas pa ste/ de yang kaM rdo rje 'chang ste/ de'i rang bzhin zla ba dang nyi ma byas shing bsgrubs la rdo rje'i chu mi phyed pa'i byang chub kyi sems la gzhug cing/ de'i bdag nyid kyis gnas par bya'o/ /sngags bzlas zhes
 pa 'gog par byed pa'o/ /de yang oM rdo rje gsum/ badzra arka/ badzra rdo rje 'chang/ arka bdag med ma/ gnyi ga dbyer med pa mA tsa la mA tsa la zhes pa spro ba'i ngo bos so/ /tiSh+Tha tiSh+Tha zhes pa bsdu ba'i rang bzhin no/ /de yang/ he badzra ya zhes pa
 kye'i rdo rje ye shes te/ hUM hUM hUM dgu'i bdag nyid kyi dkyil 'khor ro/ /phaT swAhA zhes pa shes rab dang thabs dbyer med pa'i ye shes so/ /bye ba phrag bdun bzlas zhes pa drug ni sems te/ de las 'das pa ni bdun pa'o/ /de nyid kyi phyir ko Ti phul
 du byung ba bskyed par bya'o/ /zhes pa'i don no/ /'di las steng du gnyis ka'i sngags rnam pa gnyis su med par rtogs par 'gyur ro gnas zhes pa g.yo ba med pa'i rang bzhin no/ /zla ba dang nyi ma zhes pa shes rab dang thabs dag go /nyin mtshan bye brag
 med par 'gyur ro zhes pa/ rdo rje 'chang dang bdag med ma dag la khyab par med pa nyid du 'gyur te/ thams cad kyi tshe dus gsum khyab par byed pa'i phyir ro zhes pa zla ba dang nyi ma rnam par 'dzin pa'i cho ga'o/ /a zhes shes par bye ba'i phyir/ i ta yi
 shes te de la'o/ /zla ba dang nyi ma rnam par 'dzin pa ni g.yo ba med par byed pa ste/ des bsgrub pa ni cho ga'o/ /zhes pa'i don no/ /oM na grA na grA zhes pa'i sngags 'dis dus ma yin pa'i dus na/ gzhon nu ma'i mig la don sgrub pa'i don du brgyud lhag
 pa'i brgya yis mngon par bsngags te/ me tog dang/ bdug pa la sogs pas yang dag par mchod nas/ snyan gsan dbab po/ /bcu bzhi pa 'am brgyad pa la snga dro'i dus na bum pa la sogs pa gzhag ste/ 'bru mar dang/ a lak+ta'i khu ba la
 sngags 'di nyid kyis lan brgya rtsa brgyad mngon par sngags te/ de nas mngon par bsngags pa'i a lak+ta'i khu bas sngags pa'i mthe bong rkan po la bsku zhing 'bru mar gyis kyang bkrus nas/ gzhon nu ma la bstan te/ nga'i rdzas sus khyer smros/ der de smra
 bar 'gyur te/ che ge mos zhes pa rdo rje skar rtsis so/ /'di ni sngags rdo rje'i mo zhes pa ste/ don gsal pa kho na'o/ /yang na oM rdo rje gsum dbyer med pa'o/ /de yang na grA na grA zhes pa yi ge bzhi rnams kyis skad cig bzhi dang/ gzhan dga' ba bzhi rnams so/ /
 zhes pa'i sngags 'di dang ye shes 'dis dus ma yin pa'i dus ni zhes pa dus gsum dang bral ba'i dus ni dus ma yin pa ste/ bde ba'i dus dang sdug bsngal dus/ /bsam gyis mi khyab dus nyid do/ /gsum po 'di gang la bla la ba de dus ma yin pa ste/
 'di lta bu'i skad cig la'o/ /brgyad lhag pa'i brgya yis shes pa/ brgyad ni rnal 'byor ma rnams so/ /'di rnams las lhag pa ni gzhan bdag med ma dang dbyer med pa'i rdo rje 'chang ste/ de yang rigs brgya'i rab tu dbye ba tha dad pa nyid kyis
 rnam pa brgya yin pa'i phyir sngags brgya'o/ /rgyu de yis gzhon nu ma bdag med ma'i mig bden pa gnyis la mngon par sngags te phan tshun khyab par bya ba dang khyab par byed pa'i ngo bor byas nas/ bcu bzhi pa zhes pa rnal 'byor ma bcu bzhi bdag
 med ma'i dkyil 'khor ro/ /brgyad pa zhes pa rnal 'byor ma brgyad rdo rje 'chang gi dkyil 'khor te/ gnyis ka'i bdag nyid kyi dkyil 'khor la/ /snga dro zhes pa 'od gsal ba nyid la'o/ /de bum pa la sogs pa ni bum pa rdo rje
 'chang dang/ a bdag med ma ste gnyis ka dbyer med pa dang po thog ma'o/ /de yang kaM ye shes kyi rnam pa ste/ de gzhag cing bstan par byas nas gzhon nu ma bdag med ma de la/ dri dang me tog dang bdug pa rnams kyang phul te/ zhes pa sku dang gsung
 dang thugs dbye ba med pa rnam par gnas par bya zhing/ 'bru mar la brgyad lhag pa'i brgya yis mngon par sngags te zhes pa til mar byang chub kyi sems te/ de yang brgyad lhag pa'i brgya rdo rje 'chang ngo/ /de yis kun nas ye shes kyi rang bzhin
 rtog te/ de nas a lak+ta yang/ a bdag med ma/ lak+ta chags pa 'od dpag med/ kaM gnyi ka'i bdag nyid lhan cig skyes pa'i ye shes so/ /'di yang mngon par sngags te/ gzhon nu ma bdag med ma de'i mig la slar brgya rtsa brgyad kyi mngon par
 sngags nas/ sngags pa'i mthe bo rgan po zhes pa sngags pa rdo rje 'chang gi mthe bong rgan po zhes pa ser mo lnga'i thu bo nyid las de nyid thun mong ba'i bdag po'o/ /de yis a lagta'i ro rdo rje 'chang dang bdag med ma dbyer med pa'i ye shes
 kyis so/ /de nyid kyi phyir 'bru mar gyis kyang bkrus nas byang chub kyi sems kyis dbang bskur te/ gzhon nu ma bdag med ma de la bstan par bya zhing/ rab tu gsal pa'i mtshan nyid mngon sum du gyur par bya'o/ /nga'i rdzas sus khyer smos
 zhes pa/ sus ye shes kyis nga'i rdzas pa nyid kyis rang bzhin gyis dngos po ste/ khyer zhes pa nges par phrogs pa'o/ /smros zhes pa lnga pa'i gsum pa ba yis 'od dpag med dang bzhi pa'i gsum pa da yig rin chen dbang po
 dang/ gnyis ka dbyer med pas 'phrog par byed cing bsdus zhes pa'o/ /mtshan ma med pa'i rang bzhin bdag med ma don dam pa'i bden pa'i ngo bo de smra bar 'gyur te/ tha snyad byed cing kun rdzob kyi bden pa mngon par gsal bar byed do/ /che ge mos
 khyer ro zhes pa a'i ming can gyis bsdus zhes pa'o/ /rdo rje skar ma zhes pa badzra ni rdo rje gsum dbyer med pa'o/ /dzyo ti(rgyud 'grel spang ba'i phyir sngags lnga gsungs pa/ be ru yA be du yA zhes brjod na lag ldan 'bros par 'gyur ro zhes bya ba don rab tu gsal ba kho na'o/ /yang na be Du yA ba'i sgras lnga pa'i gsum pa 'od dpag med de/ de yang e yig gis brgyan pa bdag
 med ma dang dbyer med pa'o/ /Da yi sgras gsum pa'i gsum pa mi bskyod pa ste/ de yang rdo rje mkha' 'gro mas brgyan pa'o/ /ya'i sgras g.yung mo ste de yang rdo rje mas brgyan pa'o/ /de ltar gnyis ka dbyer med pa bden pa gnyis te drug pa rdo rje
 'chang ngo/ /'di lta bu'i ngo bo'i lag ldan 'bros par 'gyur te/ dbang po dang yul gyi dbye ba'i nyon mongs pa ldog par 'gyur ro zhes pa gti mug rnam par dag pa'o/ /mammA mammA zhes brjod na stag 'bros par 'gyur ro zhes pa'i don rab tu gsal
 ba kho na'o/ /yang na ma'i sgas mi bskyod pa ste/ de yang rdo rje gsum dbyer med pa'o/ /ma don yod grub pa rlung gi khams gsum rdo rje'o/ /ma mi bskyod pa thugs rje'o/ /a rdo rje ma gzugs kyi phung po rnam par snang mdzad rdo rje ste/ rdo rje gsum
 dbyer med pa zhes bya ba'i don gsal ba'o/ /de yang lan gnyis bzlas pa ni drug pa rdo rje 'chang ste/ 'dis stag 'bros par 'gyur ro zhes pa stag lta bur 'tshe ba nyid kyis sdug bsngal bskyed pa'i phyir gti mug la sogs pa ste/ de de nyid du
 thim pa'i phyir nga rgyal rnam par dag pa'o/ /tel+li yA til+la yA zhes brjod na bse 'bros par 'gyur ro zhes bya ba'i don ste/ (zhes pa'i don gsal ba kho na'o/ /yang na ta'i) sgras bzhi pa'i dang po don yod grub pa mdza' dag gcig
 tu sdom pa'i nA da ste/ de yang e yig gis brgyan pa'i phyir thugs rnam par dag pa'o/ /l+li zhes pa sa dang rnam par snang mdzad dbyer med pa'i phyir la yig gnyis rab tu sbyar ba ste/ de yang/ i yig dang bcas pa ni tshor ba'i
 phung po gau rIs brgyan su rnam par dag pa ste/ gti mug la gti mug nang du thim pa'i phyir ro/ /ya'i sgras/ yang/ rlung dang g.yung mo dang gsung rdo rje ste/ a bdag med mas brgyan pa thugs rdo rjes byin gyis brlabs par/
 a rdo rje ma gzugs kyi phung po'i rang bzhin sku rdo rje'i bdag nyid de/ 'di ni rdo rje gsum gyi rang bzhin gsung rnam par dag pa'o/ /zhes pa rdo rje gsum rnam par dag pa'o/ /de nyid rdo rje gsum gyi ngo bo'i ye shes dang de'i rang
 bzhin nyid kyis/ tel+li yA tel+li yA zhes lan gnyis brjod pa las rdo rje gsum dbyer med pas bse 'bros par 'gyur te/ 'dir yang 'tshe ba nyid kyis sdug bsngal bskyed pa'i phyir/ nga rgyal la sogs pa rnam par dag pas 'dod
 chags rnam par dag pa'o/ /i li mi li phu(rgyud 'grel sgras me'i khams dang ldan pa'i sa'i khams so/ /mi zhes pa me'i khams dang bcas pa'i rlung gi khams so/ /li zhes pa shes rab dang thabs dbyer med pa me'i khams la sogs pa ste/ khams gsum pa so sor rdo rje gsum gyi
 rang bzhin rdo rje dang dbyer med pa dgu'i bdag nyid kyi dkyil 'khor ro/ /de'i sngags ni phu(rgyud 'grel pa ni bzhi pa'i ngo bo nyid kyis dag pa bzhi'o/ /des sbrul 'bros par 'gyur ro zhes sbrul lta bur dug gi bdag nyid kyi phyir sbrul te/ yul rnams rnam par ma dag pa dang dug lta bu'o/ /de rnams shin tu rnam par dag pa chos kyi dbyings kyi ngo bo
 nyid kyis rnam par dag pa ye shes kyi ngo bor 'gyur ba'i phyir/ sbrul 'bros par 'gyur ro zhes pa ste/ 'dod chags la sogs rnam par dag pas phrag dog rnam par dag pa'o/ /nor skyong 'dul ba'i phyag gis lag pa bstan na/ khyi 'bros par
 'gyur ro zhes pa'i don gsal ba kho na'o/ /yang na d+ha'i sgras bzhi pa'i bzhi pa don yod grub pa'o/ /na'i sgras bzhi pa'i lnga pa mi bskyod pa ste/ de gnyis skyong ba ni dbye ba med pas gnas pa'i phyir nor skyong rdo rje 'chang ngo/ /de 'dul ba'i phyag ye shes
 lnga'i ngo bo lag pa ye shes lnga'i rang bzhin can gyi ye shes bstan cing 'od gsal bar gyur par bya'o/ /des khyi 'bros par 'gyur te/ khyi dang 'dra ba bems po dang rnam par shes pa'i ngo bo gzung ba dang 'dzin par mngon par 'dod pa rnam par
 shes pa'i rnam pa ni khyi'o/ /'bros pa ni bems po med par rtogs pa'i rnam pas 'od gsal bar 'gyur ro zhes phrag dog la sogs pa rnam par dag pas zhe sdang rnam par dag pa'o/ /ma rig pa zos pa'i phung po lnga dang/ nyon mongs pa dang/
 nye ba'i nyon mongs pa'i kun nas nyon mongs pa'i bdag nyid can lag ldan la sogs pa lnga po 'di rnams te/ shin tu rnam par dag pa chos kyi dbyings kyi bdag nyid can no/ /ji ltar zhe na/ gsungs pa/ rdo rje ma dang/ dkar mo dang/ chu ma dang/
 rdo rje mkha' 'gro ma dang/ bdag med ma rnams/ sa spyod ma dang/ mkha' spyod ma'i rnal 'byor las rengs pa la sogs rnams bya'o/ /brtul zhugs can zhes pa 'di rnams kyang gzugs dang/ tshor ba dang/ 'du shes
 dang/ 'du byed dang/ rnam par shes pa rnam par dag pa'o/ /ji ltar zhe na/ gsungs pa sa spyod ma dang/ mkha' spyod ma'i rnal 'byor las zhes pa/ sa spyod ma srid pa'i rang bzhin dang/ mkha' spyod ma mya ngan las 'das pa'i rang bzhin
 gnyis dbyer med pas rnal 'byor te de'i phyir ro/ /de ltar yang gsungs pa/ srid dang zhi ba rang bzhin gyis/ /snying rje chen po 'di dag gnas/ /zhes pa'o/ /rgyu 'dis shin tu rnam par dag pa chos kyi dbyings kyi bdag nyid las rengs pa la
 sogs pa phyi rol tu grags pa dang nang gi bdag nyid can g.yo ba med pa la sogs pa rnams bya zhing bsgrubs te brtul zhugs can rdo rje 'chang gi ngo bo zhes pa'i don no/ /'dis ci gsungs na/ ye shes lnga'i rang bzhin/ shes rab dang
 thabs dbyer med ba/ yul dang dbang po rnam par dag pa/ rdo rje gsum mi phyed pa/ bdag med ma'i dkyil 'khor/ chos kyi dbyings shin tu rnam par dag pa'i bdag nyid can drug pa rdo rje 'chang dang tha dad med pa/ bzhi pa'i rang
 bzhin/ rang 'byung gi ye shes kyi bdag nyid can gsungs so/ /rdo rje 'chang gi dkyil 'khor yang 'di dang 'dra ba kho nar gsungs te/ dkyil 'khor gnyis dbyer med pa'i phyir ro/ /A li kA li gnyis kyi na da'i phreng ba so
 sor sngags kyi de kho na 'byung bar 'gyur te/ rnam pa gzhan du 'di las bzlog pa rtogs pa las gsungs pa'i sngags rnams 'grub par mi 'gyur ba'i phyir ro/ /oM zhes pa rang 'byung ste/ de nyid shes rab dang thabs kyi dbye bas
 A li kA li gnyis kyis rnam pa gnyis so/ /gnyis ka'i dbye bas kyang sku gsung thugs kyi ngo bo nyid kyis rnam pa gsum mo/ /de la yang bde ba la sogs pa'i rnam pa rtogs pas rnam pa bzhi'o/ /me long lta bu'i ye shes la sogs pa lnga'i
 bdag nyid kyis ye shes lnga'o/ /'di rnams ni bco lnga'o/ /de rnams kyang ye shes kyi lus yin pa'i phyir drug pa rnam par shes pa'o/ /de yang de'i ngo bo nyid kyis de las 'das pa'i phyir lnga pa dang drug pa dang bdun pa'o/ /gsum pa so sor
 rdo rje gsum gyi rang bzhin gyi phyir dgu'i bdag nyid de/ de'i phyir dkyil 'khor gnyis dbyer med pa kho na sngags kyi de kho na'o/ /zhes pa ste ka sde ni dang po mi bskyod pa'o/ /rtsa sde ni gnyis pa don yod grub pa'o/ /Ta sde ni gsum pa rin chen 'byung
 ldan no/ /ta sde ni bzhi pa rnam par snang mdzad do/ /pa sde ni lnga pa 'od dpag med do/ /'di rnams kyang so sor ye shes lnga dang 'byung ba lnga'i bdag nyid can te/ mi bskyed pa la sogs pa'i rim pas/ ka kha ga g+ha nga/ nyi shu rtsa lnga'i rab tu dbye ba'o//
 de rnams re re la lnga'i bdag nyid dang/ de rnams kyang lnga'i bdag nyid kyis mdza' yas pa'i rigs rnams su 'gyur ba'i phyir/ yi ge thams cad me long lta bu'i ye shes la sogs pa lnga'i rnam pa'o zhes pa sngags kyi de kho na nyid gsungs so//
 de bzhin du sngags btu ba'i zhar la yang bshad de/ dang po'i dang po dang zhes pa la sogs pa dang/ gnyis pa'i gsum pa zhes pa la sogs pa dang/ gnyis pa'i dang po zhes pa la sogs pa dang/ gsum pa'i gnyis pa zhes pa la sogs pa
 dang/ bzhi pa'i gsum pa zhes pa la sogs pa dang/ lnga pa'i bzhi pa zhes pa la sogs pa dang/ bdag med ma yis brgyan ces pa la sogs pa rnams so/ /swA zhes pas khu ba 'od dpag tu med pa gsung rdo rje'o/ /ba rnam par snang mdzad
 sku rdo rje'o/ /a bdag med ma thugs rdo rje'o/ /zhes pa rdo rje gsum dbyer med pa ni sngags te/ de yang/ hA zhes pa/ ha thabs/ a shes rab/ gnyis ka dbyer med pa sngags/ /phaT yig nang du gzhug pa ni dbye ba
 dang ldan pa'i phyir zhes pa'i don no/ /de'i phyir gsang sngags med pa dang/ gang phyag rgya med pa dang/ gang dkyil 'khor med pa dang/ gang lha'i rnam pa med pa dang/ gang bdag med ma'i rnam pa med pa dang/ gang rdo rje 'chang dang bdag med ma
 dbyer med pa'i rnam pa med pa ni 'dir mi 'gyur ro/ /de'i phyir phyi dang nang gi bdag nyid kyi brda gnyis kyis sgras bya bar gyur pa thams cad sngags nyid do zhes pa ste/ mdor bstan pa tsam bris pa 'di ni bla ma brgyud pa'i rim pa las 'ongs pa ste/ bdag
 nyid rjes su dran pa'i don dang bdag dang mnyam pa'i sems can gyi don du yang/ kye'i rdo rje mkha' 'gro ma dra ba sdom par sngags kyi le'u ste gnyis pa'o// //kye'i rdo rje zhes pa gnyis ka dbyer med pa ste/ gang gi phyir
 mkha' 'gro ma'i dra pa rnal 'byor ma'i 'khor lo'o/ /mchog dang sdud par byed pa de'i bdag nyid kyis/ de'i bdag nyid rab tu 'jug pa'i phyir/ mkha' 'gro ma dra ba sdom pa'o/ /der sngags kyi le'u sngags ni ye shes te/ pa Ta ni de sbas ba'o
 la ni de 'dzin cing 'dzin pa'i phyir ro/ /de yang gnyis pa ni sbrul pa'i sku dang dbyer med pa nyid kyis chos kyi sku dang dbyer med par 'gyur ro zhes pa'i don no/ /dang por 'byung po thams cad pa'i gtor ma'i sngags so/ /de nas de bzhin gshegs pa
 rnams kyi sa bon no/ /de nas phyag bcu drug pa'i'o/ /de nas sngags thams cad kyi tshig gi dang por oM yig dang mthar swAhA dang hUM dang phaT yig nang du gzhug pa'o/ /de nas grong khyer dkrug pa'o/ /de nas rnal 'byor ma rnams kyi sa bon no/ /de nas
 phyag gnyis pa'i'o/ /de nas phyag bzhi pa'i'o/ /de nas phyag drug pa'i'o/ /de nas byin gyis brlabs ba'o/ /de nas sa sbyang ba'o de nas rengs pa dang/ dbang du bya ba dang/ skrod pa dang/ dbye ba dang/ mngon spyod dang/ 'gugs pa dang/ bsad pa dang/ ku ru
 kul+le'i sngags dang/ char dbab pa dang/ smin dral ba dang/ kha Ti ka bsgrub pa dang/ lha dags pa dang/ tsha ba'i rims byed pa dang/ chang skyug pa'i cho ga dang/ myos ma dbang du bya ba dang/ zla ba dang/ nyi ma gzung ba dang/ rdo rje skar rtsis dang/ glang po che
 'bros pa dang/ stag 'bros pa dang/ bse 'bros pa dang/ sbrul 'bros pa dang/ khyi 'bros pa'i sngags te/ rdo rje rigs kyi le'ur gsungs pa'i rtsa sum cu rtsa gnyis kyi 'khor lo spro ba ni sprul pa'i sku'i bdag nyid can/ longs spyod rdzogs pa'i
 sku'i rang bzhin sngags sum cu rtsa gnyis rnams so zhes sngags kyi le'u'o/ /zhes pa kye'i rdo rje'i 'grel bshad kha sbyor shin tu dri ma med pa las le'u gnyis pa'o// //da ni rdo rje rigs kyi le'u sku rdo rje sprul pa'i sku nye bar bstan nas/
 sngags kyi le'ur yang gsung rdo rje longs spyod rdzogs pa'i sku mngon par brjod de/ thugs rdo rje chos kyi sku rtogs par bya ba'i phyir gsungs pa/ lha'i le'ur bshad par bya'o zhes pa'o/ /de ni rnam pa gnyis pa te lus dang ldan pa dang/ sngags kyi rang bzhin no//
 gnyis ka yang bshad ma thag pa'i le'u gnyis por mtshon par bya'o/ /da ni de gnyi ka dbyer med pa ye shes kyi rang bzhin gyis lha gsal bar bya ba'i phyir gsungs pa/ lha'i le'u bshad par bya'o zhes pa'o/ de la dang por byams pa bsgom par bya/
 gnyis par snying rje rnam bsgom zhing/ /gsum par dga' ba bsgom bya ste/ lhag ma thams cad btang snyoms so/ /zhes pa'o/ /de'i phyir slar yang stong pa'i byang chub ste/ gnyis pa la ni sa bon bsdu/ /gsum pa la ni gzugs brnyan
 rdzogs/ /bzhi pa la ni yig 'bru dgod ces pa ste/ dang por zhes pa sngon du stong pa nyid byang chub stong pa dang/ mtshan ma med pa dang/ smon pa med pa rnam par thar pa'i sgo gsum bsgom par bya'o/ /gnyis pa ni sa bon bsdu zhes de'i
 rjes la gang lha bsgom par bya ba de'i bskyed pa'i sngags bsdu ba yang dag par sdud pa'i ngo bo ni gnyis pa'o/ /gsum pa la ni gzugs brnyan rdzogs zhes pa phyag dang/ zhal dang sku mdog dang/ mtshan ma la sogs pa'i rnam pas rdzogs par byed pa ni
 gsum pa'o/ /bzhi pa la ni yig 'bru dgod ces pa/ /'gyur ba med pa'i phyir 'gyur med rdo rje 'chang ngo/ /de yang dgod cing bskyed pa g.yo ba med pa'i rang bzhin te/ spyi bor rang gi rigs kyi dbang por 'gyur ro zhes pa'i gsung las rim pa de lta bus lha
 bsgom par bya'o zhes pa bzhi pa'o/ /yang na dang por stong nyid byang chub ste zhes pa dang po gnyis su med pa'o/ /de yang stong nyid byang chub rnam par rtog pa'i ye shes so/ /gnyis pa la ni sa bon bsdu zhes pa/ thugs rdo rje nA da la gzhon pa'i phyir ro/ /de
 yang gnyis pa sa bon gyi tshul gyis yang dag par sdud cing bsdu ba'o/ /gsum pa la ni gzugs brnyan rdzogs zhes pa/ sku ni A li kA li nA da'i bdag nyid kyis sku bskyed pa'i phyir ro/ /bzhi pa la ni yig 'bru dgod ces pa/ 'god par byed pa ni dgod pa ste/ rdo rje
 gsum mi byed pa'o/ /de yang yig 'bru ste/ de ni g.yo ba med pa'o/ /de bsgom par bya zhing snyoms par 'jug pa'i sbyor bas/ rdzogs par bya'o zhes pa 'di ni rim pa'o/ /las ni phyag rgya la ni dga' ba la sogs pa'i rim pas 'di'i rim pa'o/ /chos kyi phyag
 rgyal ni 'khor lo bzhi'i rim pas gtum mo'i rnal 'byor gyi rim pa'o/ /phyag rgya chen po la ni phyag rgya gsum dbyer med pas rnam pa thams cad mkhyen pa nyid mngon par rdzogs par byang chub pa'i phyir rim pa bzhin no/ /de'i phyir slar yang byams pa
 bsgom par bya/ sems can thams cad la bu gcig pa lta bur dga' bar 'dod pa'o/ /gnyis par snying rje ni 'bras dang/ phol mig la sogs pa sdug bsngal gyi rnam pa dang sdug bsngal gyi rgyu mi dge ba'i rang bzhin rnams las yang dag par gdon par 'dod pas/ yang dag par
 bsgral bar 'dod pa'o/ /dga' ba ni sems can thams cad sdug bsngal dang sdug bsngal gyi rgyu las grol bar gyur cing bde ba dang ldan par gyur pa rnams la gang zhig sems rangs pa de ni dga' ba'o/ /btang snyoms zhes pa 'jig rten gyi chos brgyad las rnam
 par grol ba'i mtshan nyid de/ lhag ma thams cad ces pa yang dag par rdzogs pa'i byang chub kyi mthar thug par ro/ /gang na gang byams pa zhes pa bu gcig pa lta bur dga' ba nyid de nga las 'gro ba thams cad byung/ nga las sa gsum
 po yang byung/ /nga yis 'di kun khyab pa ste/ 'gro ba'i rang bzhin gzhan ma mthong zhes pa'i gsungs las so/ /gnyis par snying rje zhes pa gsungs pa'i rang bzhin rnams shes pa'o/ /gsum par dga' ba zhes pa de'i bdag nyid
 kyis gnyis ka dbyer med pa'o/ /lhag ma thams cad btang snyoms so zhes pa gnyis ka dbyer med pa rtog pa las/ /'das pa zhes pa'i don no/ /yang na/ dbang po dang yul tha dad med pa ni byams pa ste/ dga' ba'i rang bzhin no/ /snying
 rje zhes pa kaM bde ba ste/ ru Na mthung zhing bdag nyid la rab tu 'jug pa'i phyir snying rje mchog dga' i rang bzhin no/ /dga' ba zhes pa bde ba dang chags pa'i rang bzhin khyad par gyi dga' ba'i rang bzhin no/ /btang snyoms pa zhes pa chags
 pa dang chags bral rnam par 'dres par gyur pa lhan cig skyes pa'i rang bzhin no/ /yang na byams pa'i sgras gnyis su med par rtogs par shes rab bo/ /snying rje zhes pa spro ba'i rang bzhin thabs so/ /dga' ba'i zhes pa gnyis ka dbyer
 med pa'i phyir rdo rje gsum gyi mtshan nyid do/ /btang snyoms zhes pa rdo rje gsum dbye ba med pa'i mtshan nyid de/ rnam pa thams cad kyi mchog dang ldan pa'i stong pa nyid kyi rang bzhin zhes pa'i don no/ /bzhi
 po 'di shes rab dang thabs gnyis dbyer med pa ni rnam par thar pa brgyad kyi rang bzhin te/ lha'i bdag nyid ma lus pa dkyil 'khor gyi 'khor lo'i rim pas/ rang byin gyis brlab pa dang zung du 'jug pa dag las so sor rtogs par
 bya ba'i phyir gsungs pa/ res phas nyi ma sngon du rnam bsgom zhing/ nyi der hUM byung sna tshogs rdo rje de nyid kyis ni ra ba dang/ gur bcing pa yang rnam par bsgom par bya/ zhes pa nyi ma ni nyi ma'i dkyil 'khor ro/ /sngon du dang por rnam bsgom
 zhing bsams nas/ de'i rjes la nyi ma'i dkyil 'khor de gzhir gyur pa la/ hUM byung sna tshogs rdo rje ste/ hUM yig dang de yongs su gyur pa las sna tshogs rdo rje sgo thams cad nas rdo rje'o/ /rdo rje de nyid kyis ni rab bsam zhing rnam par bsgom par
 bya ste/ dang yig gis 'phreng la son pa'i 'od zer gyis bsgom par bya zhes pa'o/ /gur bcing ba yang zhes pa gur lta bu ni gur te/ de'i bcing pa ni dbyibs so/ /yang yig gi 'og tu son pa'i 'od zer gyis rdo rje'i rang bzhin gyis sa gzhi dang/
 steng du son pas bla re ste/ 'dis ni khang ba brtsegs pa'o/ /yang na re phas zhes pa rin chen dbang pos nyis dag med ma de la hUM 'od dpag med zla ba byang chub kyi sems so/ /de gnyis ka las byung ba sna tshogs khams gsum pa ste/ de
 yang rdo rje dbye ba med pa'i ye shes so/ /rdo rje de nyid kyis ni ye shes de nyid kyis te/ ra ba phul du byung ba'i rnam pa sku mdog dang phyag dang zhal dang dbyibs la sogs pa'i rang bzhin kun rdzob kyi bden pa'i ngo bo ni rnam pa'o/ /de yang kaM don dam pa'i
 rang bzhin te/ gnyis ka dbyer med pas zung du 'jug pa ni gur bcing pa'o/ /dang por ro ni bsgom bya ba/ /chos kyi dbyings kyi bdag nyid rig /ces pa khang pa brtsegs pa der dang po thog ma ro bsgom par bya'o/ /khyad bar ji lta bu zhe na/ chos kyi dbyings kyi
 bdag nyid rig /chos 'du byed thams cad do/ /de rnams kyi dbyings ni rang bzhin te/ de'i bdag nyid rang bzhin med pa'i ngo bo'o/ /rig pa ni shes pa ste ye shes kyi rnam pas rtogs pa zhes pa'i don no/ /yang na de nyid kye'i rdo rje brjod de/ dang po gnyis
 su med pa'o/ /ro ni rang bzhin med pa ste/ chos kyi dbyings kyi bdag nyid dang/ de'i ngo bo ni chos rnams kyis dbyings so/ /sgrogs pa dang brjod par byed pa'i phyir chos kyi dbyings kyi bdag nyid can de/ kun rdzob dang don dam pa dbyer med pa'o/ /rig
 pa'i ye shes kyis rnam pas rnam par bzhag par bya'o zhes pa'i don no/ /de'i steng rnal 'byor pa gnas nas he ru ka nyid rnam par bsgom zhes pa/ ro'i steng du rnal 'byor pa gnas nas he ru ka'i rnam par bsgom par bya'o/ /yang na rnal 'byor 'di la rnal
 'byor yod pa'i phyir rnal 'byor pa zung 'jug gi rim pa la gnas pa'o/ /chos kyi dbyings kyi bdag nyid kyi ro bshad zin pa'i don gyi rang bzhin/ de'i steng du g.yo ba med par gyur pa khyab par bya ba dang khyab par byed pa'i tshul gyis gnas nas he ru ka nyid
 ces pa/ he'i rgyu sogs spangs pa ste/ ru ni bkod pa dang bral ba/ ka ni gang duAng mi gnas pa'o/ zhes pa/ de ltar gyur pa'i he ru ka de'i dngos po de nyid rnam par bsgom zhing rnam pa sna tshogs pa snyoms par 'jug pa'i rnal 'byor gyis rnam par gnas
 par bya'o zhes pa'i don no/ /res phas nyi ma sngon du rnam sgom zhing zhes pa'i mdor bstan pa'i rgyas par bshad pa gsungs pa/ rang gi snying gar re pha bsgom zhes pa/ de gang du bsgom par bya zhes/ dogs pa la gsungs pa/ /rang gi snying gar
 rang gi sems la re pha bsgom par bya'o/ /de las byung ba'i nyi ma'i dkyil 'khor/ der ni hUM gi rnam pa nyid/ /thabs dang shes rab rang bzhin can/ zhes pa shes rab dang thabs kyi rang bzhin gyi ye shes thams cad bshad
 zin te rang gi snying khar zhes pa chos 'byung la/ thabs dang shes rab rang bzhin can zhes pa thabs sna tshogs rdo rje dang/ shes rab sna tshogs pad+ma dang/ 'di dag gi rang bzhin ni kaM ye shes te/ chos 'byung dang sna tshogs rdo rje dang
 sna tshogs pad+ma ni rdo rje gsum dbyer med pa zhes pa'i don no/ /rdo rje de la hUM ji ltar bsgom par bya zhe na gsungs pa/ kha dog nag por te/ hUM las byung ba'i rdo rje ni/ /kha dog nag po 'jigs chen po/ /rdo rje lte ba'i dbus gnas pa/ /yang ni
 hUM yig de nyid bsgom/ zhes pa hUm gi de nyid yang bsgom par bya'o/ /khyad par ji lta bu zhe na/ rdo rje lte ba'i dbus gnas pa/ rdo rje'i dbus su gnas pa kha dog nag po 'jigs chen po/ blta bar mi bzod pa'i hUM yig las byung ba'i
 rdo rje de'i dbus su gnas zhes pa'i don no/ /hUM yig yongs su gyur bltas nas/ /zhe sdang bdag nyid rnam par bsgom/ /hUM yig de yongs su gyur par bltas te/ zhe sdang bdag nyid mi bskyod pa'i rang bzhin rnam par bsgom par bya'o/ /rdo
 rje skye ba nag po che/ 'dam skyes sngon po 'dra ba'i mdog /yang na sngo dang dmar ba'i mdog /dad pas nges par bsgom par bya/ zhes pa rdo rje skye ba ni gang zhig rdo rje'i ngo bor skyes shing byung ba de rdo rje skye ba'o/ /de nyid kyi phyir nag po che
 shin tu sngon po gnyis su med pa'o/ /'dam skyes sngon po 'dra ba ni dkar po dang nag po 'dres pa'i kha dog gi ngo bo rnam pa gnyis so yang na/ sngon po dang dmar po'i mdog ces pa dkar po dang nag po dang dmar po bsres pa'i kha dog /
 gi rang bzhin rnam pa gsum bsgom par bya'o/ /'di las kha dog gcig la tha dad pa'i rang gi bsam pas nges par bsgom par bya ste/ he ru ka phyag gnyis pa dang phyag bzhi pa dang/ phyag drug pa gsum ni gcig go zhes dgongs pa'o/ /yang na/ kha
 dog nag po zhes pa nag po'i lus su gyur pa'i yi ge /A li kA li'i ngo bo gang yin pa de kha dog nag po ste/ cha dang bral ba zhes pa'i don to/ /de nyid kyi phyir/ 'jigs pa chen po ni shin tu dmigs pa med pa'i rang bzhin no/ /byung ba'i rdo rje zhes
 pa mi phyed pa'i ngo bos yang dag par gnas pa'o/ /gang las she na/ hUM yig la ste/ shes rab dang thabs dbyer med pa las so/ /de ltar gyur pa'i rdo rje'i lte ba'i dbus gnas pa/ ba byang chub kyi sems thabs dang/ ra shes rab gnyis ka rtogs
 pa'i phyir lte ba ste/ de yang kaM ngo/ /de'i dbus gnas zhes shes rab dang thabs dbyer med pa'o/ /de ltar gyur pa'i hUM gi de nyid de kho na yang dag pa'i ye shes bsgom bya ste/ yang zhes pa 'di yang nas yang/ bar chad med pa kho nar zhes
 pa'o/ /de nyid kyi phyir hUM yig yongs su gyur pa hUM yig gis rang bzhin kho nas 'bras bu dang rgyu dbyer med pa'i phyir bltas nas zhes pa/ rtogs nas zhe sdang gi bdag nyid 'khor ba dang rnam bar byang ba dbye ba med pa'i phyir gnyis 'dod pa/ gang yang
 mi 'dor ba ni zhe sdang ngo/ /de nyid gang gis lus yin pa de ni bdag nyid de/ de bsgom par bya'o zhes gsungs pa'i don no/ /yang de khyad par ji lta bu zhe na/ gsungs pa/ rdo rje skye ba zhes pa la sogs pa ste/ skye ba ni 'byung ba'o/ /nag po che ni
 'jig pa ste/ gnyi ga yang dbyer med pa ni rdo rje yin pa'i phyir rdo rje skye ba nag po che/ 'dam skyes sngon po 'dra ba'i mdog /sngon po ni dkar po nyid las so/ /sngon po de yang 'dam skyes te/ pad+ma dang chos 'byung ngo/ /de la yang dag par lhag ma med
 pas gsal zhing so sor gsal ba'i phyir/ 'dam skyes sngon po 'dra ba'i mdog ste/ skye ba dang 'jigs pa dbyer med pa ni/ /chos 'byung las gzhan ma yin pa'i phyir ro/ /yang ni sngo dang dmar ba'i mdog ces pa/ /kha dog
 gnyis ka'i bdag nyid can sngon po dang dmar po dkar po dang dmar po'i tshul gyis 'jig pa dang skye ba dang/ gnas pa'i ngo bos mtshungs pa'i phyir/ sngon po dang dmar po'i mdog go /de ltar gyur pa dad ba'i dbang po ste/ dbang po gzhan gyi sbyong
 yul ma yin pa'i phyir/ dad pas bsgom par bya zhing nges pas mnyam par rtogs par bya'o/ /yang na rdo rje skye ba nag po che zhes pa 'di ni gnyis su med pa'i rang bzhin gyis yongs su dag pa'i ye shes so/ /de nyid 'dam skyes sngon po 'dra ba'i
 mdog ces pa/ shes rab dang thabs dbyer med pa yang ngo/ /yang na sngo dang dmar ba'i mdog ces pa/ shes rab dang thabs dbyer med pa'i ye shes gang yin pa de nyid rdo rje gsum dbyer med pa yang ngo zhes bsgom par bya zhing/ snyoms
 par 'jug pas gnas par bya ste/ dad pas nges par zhes pa'i don bshad zin to/ /yang na gang skye ba 'byung ba dang/ nag po che 'jig pa ste/ de yang rdo rje'o/ /de nyid kyi phyir sngon po gnyis kha dbyer med pa ste/ gnyis po dbyer med
 pa yang gnas pa thim pa nyid do/ /zhes pa sngo dang dmar ba nyid las skye ba dang 'jig pa dang gnas pa rnams so/ /'di gsum yang a'i gzugs bdag med ma dbyer med pas snang bar 'gyur ba de'i bdag nyid kyis gnas par 'gyur ro
 zhes pa sngo ba dang dmar po'i mdog go /de ltar gyur pa'i rje btsun gang du ji ltar bskyed par bya zhe na/ gsungs pa/ nam mkhar rje btsun zhes pa nam mkha' chos 'byung khang pa brtsegs pa'i nang du/ rje btsun zhes pa 'gro ba'i mnga' bdag go/
 bltas nas rdo rje skye ba snying rje che/ rgyan rnams thams cad 'dzin pa yin/ /lha mo brgyad po rnams kyis mchod/ /bltas nas zhes pa yang dag par dmigs nas khyad par ci zhe na/ rdo rje skye ba zhes rdo rje 'chang ngo/ /snying rje che zhes pa ston pa
 bla ma rje btsun no/ /snying ga nas dmigs pa'i mchod pas mchod par bya ste/ lha mo brgyad ces pa gau rI la sogs pa rnal 'byor ma brgyad po rnams kyis so/ /khyad par ji lta bu rnams kyis zhe na/ rgyan thams cad 'dzin pa'i zhes pa rgyan
 'khor lo dang rna rgyan la sogs pa'i phyag rgya de rnams 'dzin pa yis so/ /dkar mo ri dags mtshan ma 'dzin ces pa byang chub kyi sems zla ba'o/ /chom rkun bdud las rgyal ba'i snod ces pa thod par gnas pa'i rin chen dbang nyi
 ma'o/ /ro langs ma ni chu lags ma zhes pa mi bskyod pas gang ba'i thod pa 'dzin pa'o/ /g+hasma rI ni sman 'dzin cing zhes pa sman ni rnam par snang mdzad de/ des gang ba'i thod pa 'dzin pa'o/ /puk+ka sI ni rdo rje'i lag ces pa rdo rje'i ni sha ste/
 don yod grub pa sku rdo rje la rab tu zhugs pa'i phyir de nyid rdo rje'i lag pa'o/ /de bzhin ri khrod ma ro 'dzin zhes pa ro ni sbrang rtsi la sogs pa'i bcud kyi mtshan nyid de/ de 'dzin pa'i phyir ro 'dzin pa'i phyir ro 'dzin pa'o/ /gdol
 pa mo ni cang te'u rdung/ /'di rnams kyis ni gtso bor mchod/ /g.yung mos sku la 'khyud pa nyid/ /ji ltar g.yung mos sku la 'khyud par gyur pa de ltar g.yung mo de mchod pa'o/ /ji ltar zhe na/ 'dod chags chen po'i rjes chags las zhes
 pa 'dod chags chen po ni rdo rje 'chang ngo/ /de'i rjes chags pas zhes pa 'dis he ru ka bzhi po'i yang ste/ 'di ni mkha' 'gro ma'i dkyil 'khor la yang ngo/ /yang na nam mkhar rje btsun zhes pa la sogs pa ni/ nam
 mkhar zhes pa tshes 'byung e yig gi dbyibs la/ rje btsun byang chub kyi sems baM yig gi dbyibs so/ /bltas nas zhes pa lta ba ni ye shes te/ de'i rang bzhin du byas nas/ rdo rje skye ba gnyis ka
 dbyer med pa'i ngo bos skyes pa'o/ /snying rje che zhes pa rnam pa thams cad pa'i rang bzhin no/ /lha mo brgyad po rnams kyis mchod ces pa lha mo brgyad kyis rang bzhin gyis bskyed par bya zhes pa'o/ /rgyan rnams thams cad 'dzin pa zhes
 pa 'khor lo dang rna rgyan la sogs pa de bzhin gshegs pa rnam par dag pa'i rgyan 'dzin pa'i phyir/ de rnams de bzhin gshegs pa rnam par dag pa ste/ gnyis ka mnyam pa'i phyir/ bcom ldan 'das kyang de lta bu'o/ /dkar
 mo ri dags mtshan ma 'dzin ces pa/ gzugs rdo rje ma gau rI/ me long lta bu'i ye shes kyi rang bzhin sku rdo rje 'dzin pa'o/ /chom rkun bdud las rgyal ba'i snod ces pa sgra rdo rje ma chom rkun ma/ nA da mnyam pa nyid kyi ye shes kyi rang bzhin
 las gsung rdo rje'o/ /ro langs ma ni chu lag ma zhes pa dri rdo rje ma ro langs ma sems nA da la 'khyud pa'i phyir/ de yang sa bon so sor rtogs pa'i ye shes thugs rdo rje'o/ /g+hasma rI ni sman 'dzin cing zhes pa rdo rje gsum mi phyed pa'i
 phyir/ bdud rtsi lnga ni sman te/ bya ba bsgrub pa'i ye shes so/ /puk+ka sI ni rdo rje'i lag ces pas ni puk+ka sI ru bshad de sku rdo rje'o/ /de yang rdo rje gsum mi phyed pa ste/ de'i phyir rdo rje'i lag pa chos kyi dbyings shin tu rnam par dag pa'i ye
 shes so/ /de bzhin ri khrod ma ro 'dzin ces pa/ chu'i khams ri khrod ma/ byang chub sems me long lta bu'i ye shes la sogs pa dbyer med pa ste/ ro 'dzin ces pa byang chub kyi sems lhan cig skyes pa'i ye shes dang dbyer med pa ces pa'i
 don no/ /gdol pa mo ni cang te'u brdung zhes pa/ me'i khams ni gdol pa mo ste/ bdag med ma'o/ /de yang cang te'u gzhom du med pa'i sgra sgrogs pa nA da dang tha dang med pa cha dang bral ba/ rtog par byed ces pa'i don no/ /'di rnams kyis ni gtso bo
 mchod ces pa 'di rnams kyi bdag nyid can bcom ldan 'das zhes pa'i don no/ /de yang ji ltar zhe na/ gsungs pa/ 'dod chags chen po'i rjes chags las/ g.yung mo sku la 'khyud pa nyid/ ces pa g.yung mo ni rlung ste/ A li kA li nA da'i
 phreng ba gnyis so/ /de yis sku la 'khyud pa ni sems kyi rdo rje des 'khyud pa'i phyir ro/ /ji ltar zhe na/ 'dod chags chen po'i rjes chags te/ 'dod chags chen po ni rdo rje 'chang ngo/ /de'i rjes su chags pa ni de la mngon par zhugs pa'i phyir te/ de
 yang rdo rje gsum dbyer med pa'o/ /A li kA li nA da'i phreng ba gnyis ka yang sku las gzhan ma yin zhing de yang thugs las gzhan ma ma yin no/ /de'i phyir gsungs pa/ A li zla ba kA li nyi/ /sa bon nang du son gyur pa/ /A li zla ba zhes pa
 A yig la sogs pa dbyangs bco lnga ni zla ba'o/ /kA li nyi zhes pa ka yig la sogs pa gsal byed sum cu rtsa bzhi ni nyi ma ste/ 'di dag gi nang du son pa ni sa bon nang du son gyur pa'o/ /yang na sa bon nang du son gyur pa ces pa gnyis
 ka'i nA da dbyer med pa gang yin pas sa bon te/ de nang du son pa ye shes su gyur pa'o/ /de nyid rdo rje 'chang sems dpa' zhes gsungs te/ sems dpa' srid pa gsum gcig pa/ zhes pa'i gsung las shes rab dang thabs dbyer med
 pa'i ye shes da yang sku dang gsung dang thugs kyi rang bzhin srid gsum mo/ /gcig pa ni dbyer med pa nyid de de ni sems dpa' o/ /de yang mchog tu dga' ba'i rang bzhin can zhes pa lhan cig skyes pa'i ye shes kyi rang bzhin rdo rje 'chang
 zhes ba'i don no/ de ni ye shes kyi dkyil 'khor dang dam tshig gi dkyil 'khor dag la tha dad pa med par bstan pa'i don du/ nam mkha' i dkyil 'khor khyab pa yi/ /rang gi lus mtshungs rnam par spro/ zhes pa
 dang zhe sdang bdag nyid rnam par bsgom zhes gang gsungs pa de ni ye shes kyi dkyil 'khor ro/ /rdo rje skye ba snying rje che/ /lha mo brgyad pa rnams kyis mchod/ /ces gang gsungs pa de ni dam tshig gi dkyil 'khor ro/ /de gnyis ka dbyer med
 pa'i dkyil 'khor A li zla ba kA li nyi zhes pa la sogs pa gsungs ma thag pa gang yin pa de nyid gsal bar byed pa rang gi lus mtshungs rnam par spro zhes pa/ rang gi lus ni rang nyid kyi lus te ye shes kyi rang bzhin no/
 de dang mtshungs pa ni 'od de/ 'od zer sna tshogs pa'i tshul gyi dam tshig gi dkyil 'khor gyi rang bzhin du gyur pa/ de rnams rnam par spro ba'o/ /nam mkha' i dkyil 'khor khyab pa yis zhes pa de rnams kyi rang bzhin khams gsum
 pa nyid kyis nam mkha' i dkyil 'khor du yang de rnams mi shong pa lta bu zhes pa'i don no/ /bsdus nas snying gar bkug pa na/ yo ga'i zhe sdang bdag nyid gyur/ zhes pa rnam bsdus nas gcig du byas te/ snying gar ye shes kyi dkyil 'khor
 la dgug cing gzhug par bya'o/ /de nyid kyi phyir yo gi zhe sdang bdag nyid 'gyur zhes pa gnyis ka dbyer med pa'i dkyil 'khor rdo rje 'chang ngo/ /'dis ci gsungs na bden pa gnyis kyi bdag nyid kho na bcom ldan 'das so zhes pa'o//
 bcom ldan 'das de yang khyad par ji lta bu zhe na/ de'i phyir gsungs pa/ sngo dang dmar ba mtshungs pa'i mdog ces pa shin tu nag pa ces pa'i don no/ /bandu dmar po'i spyan dang ldan zhes pa me tog bandu ka ltar dmar ba'i spyan dang ldan pa'o/
 skra ser gyen du 'khyil ba yang/ zhes pa gang gi skra ser po kham pa steng du son pa de bzhin du/ de'i 'khyil pa rdzi ma yang ngo/ /phyag rgya lnga po rnams kyis brgyan/ phyag rgya 'di rnams kyang de bzhin gshegs pa lnga rnam par dag pa'o/ /de'i phyir gsungs pa/ 'khor
 lo rna cha 'gul rgyan dang/ lag gdub dang ni ska rags nyid/ /sangs rgyas lnga ni rnam dag pa/ /'di rnams phyag rgyar rab tu grags/ shes pa'o/ /yang khyad par ci zhe na/ sdang mig ni zhes pa/ gdug pa 'dul phyir khro bo nyid ces pa'o/ /brgyad gnyis lo'i tshul
 zhes pa thams cad kyi tshe gzhon nu'i tshul nyid do/ /'di yis mtshan ma yang g.yon na rdo rje thod pa dang/ phyag g.yon par rdo rje thod pa zhes pa rdo rjes mtshan ma'i thod pa'o/ /kha TwAM ga yang g.yon pa nas zhes g.yon logs kha TwAM ga'o/ /g.yas na
 rdo rje nag po nyid/ /rdo rje de ji lta bu zhe na/ gsungs pa/ hUM yig 'don pa'i bdag nyid can/ hUM yig gi sgra rdzogs pa zhes pa'i don no/ /dur khrod du ni mgon po rol/ /rnal 'byor ma brgyad yongs su bskor ba/ /dur khrod kyi sgra'i don bshad par bya ste/ dbugs rgyu
 zhes pa'i rig pa 'dis/ /dur khrod ces ni mngon par brjod/ /der rol zhing gnas te/ de yang/ 'gro ba'i don gyi bya ba la rab tu 'jug pa'i phyir ro/ /rnal 'byor ma gau ri la sogs pa brgyad po rnams kyis yongs bskor thams cad nas phyogs dang phyogs
 bral gyi rim pas bskor ba'o/ /zhes pa phyag gnyis pa bskyed pa ste/ 'di'i shes rab ni kha TwAM ga'i gzugs can no/ /phyag bzhi pa yang/ phyag bzhi ni bdud bzhi las rgyal ba rnam par dag pa ste/ phung po dang nyon mongs pa dang 'chi bdag ces pa 'di
 rnams rnam par sbyong bas phyag bzhi'o/ /gong du brjod pa'i gzugs dang/ sku mdog dang/ hUM las byung ba ni/ hUM yig gi sa bon las byung ba'o/ /'di'i mtshan ma yang phyag g.yon gyi dang po dang skyes pa'i thod pa zhes pa mi'i thod pa a yig las byung ba/ lha dang lha ma yin
 rnams kyi khrag gi gang ba'i/ /phyag g.yas kyi dang po na rdo rje hUM las byung ba'o/ /phyag lhag ma gnyis kyis shes rab la 'khyud pa ni/ shes rab la 'khyud par gyur cing shes rab kyis kyang 'khyud pa'o/ /de nyid kyi phyir shes rab rdo rje
 phag mo zhes pa shes rab ni bcom ldan 'das kyis gzugs can yin zhing/ de yang rdo rje phag mo'o/ /rnal 'byor ma rnams kyang phyag gnyis pa'i dkyil 'khor la ji ltar de bzhin te/ phyag bzhi pa bskyed pa'o/ /phyag drug pa yang/ phyag drug pa zhal
 gsum pa g.yon dmar ba zhes pa zhal g.yon pa dmar po'o/ /g.yas zla ba dang nyi ma lta bu zhes pa zhal g.yas pa dkar po'o/ /dang po sngon po zhes pa zhal dang po sngon po'o/ /gcer bu gong du brjod pa'i sku mdog dang gzugs can no/ /'dis ni he ru
 ka gzhan rnams la stag gi pags pa'i sham thabs yod pa'o/ /phyag rnams ni pha rol tu phyin pa rnam par dag pa ste/ sbyin pa la sogs pa'i pha rol tu phyin pa drug po rnams rnam par dag pa'i phyag rnams so/ /phyag g.yon gyi dang po na rtse gsum pa/ phyag
 g.yas kyi dang po na rdo rje phyag g.yon gyi gnyis pa na dril bu/ phyag g.yas kyi gnyis pa ni gri gug /phyag lhag ma gnyis kyis rdo rje lcags sgrog ma la snyoms par 'jug pa/ bcom ldan 'das ji lta ba de ltar shes rab ste shes rab kyi g.yas pa dang g.yon
 pa na gri gug dang thod pa'o/ /khams gsum gyi bdag nyid can gyi ro mnan pa ni chos kyi dbyings kyi bdag nyid can gyi khams gsum pa mnan nas gnas pa zhes pa'i don no/ /yang na A li zla ba kA li nyi/ sa bon nang du son gyur pa/ de nyid sems
 dpa' zhes gsungs te/ mchog tu dga' ba'i rang bzhin can/ zhes gang gsungs pa/ dang por stong nyid byang chub ste/ gnyis pa la ni sa bon bsdu/ gsum pa la ni gzugs brnyan rdzogs/ /bzhi pa la ni yig 'bru dgod/ /bsgom par bya'o zhes pa'o/
 de nyid dkar mo ri dags mtshan pa 'dzin ces pa la sogs pa/ puk+ka sI ni rdo rje'i lags ces pa la sogs pa'i mthar thug pas me long lta bu la sogs pa ye shes lnga'i bdag nyid can no/ /phyag gnyis bstan par bya ba'i phyir gsungs
 pa/ A li zla ba kA li nyi zhes pa shes rab dang thabs dag ste/ zla ba me long ye shes ldan/ /bdun gyi bdun pa mnyam nyid ldan/ zhes pa ye shes gnyis te/ dbyer med pa las stong nyid byang chub ces brjod par bya'o/ /'di dag gi nang du son
 pa'i sa bon/ A li kA li dag gi yi ge gang ci yang rung ba gnyi ga'i bdag nyid can ni so sor rtog pa'i ye shes zhes brjod par bya'o/ /gnyis pa la ni sa bon bsdu/ /de nyid sems pa zhes gsungs te/ zhes pa 'di gsum ka dbyer med  
 pa ni sems dpa' bya ba grub pa'i ye shes so/ /gsum pa la ni gzugs brnyan rdzogs zhes pa dang/ mchog tu dga' ba'i rang bzhin can zhes pa rdo rje 'chang gi ngo bo zhes pa'i don te/ chos kyi dbyings shin tu rnam par dag pa'i ye shes so/ /
 bzhi pa la ni yig 'bru dgod ces pa ri khrod ma dang/ gdol pa mo dang/ g.yung mo ni sku dang gsung dang thugs kyi ngo bo yin pa'i phyir sku la 'khyud pa ste/ ji ltar dbyer med par gyur pa de ltar 'dod chags chen po'i rjes chags rdo rje 'chang gi rang
 bzhin zhes pa'i don no/ /rnam par spro zhes pa la sogs pa rnam pa sna tshogs pa'i rnam pas spros pa ste/ spro ba'i tshul gyis bskyed pa'o/ /ci zhe na/ rang gi lus mtshungs te/ rang gi lus kyi 'od zer rnams so/ /khyad par ci zhe na/ nam mkha' i dkyil 'khor
 khyab pa ste/ nam mkha' i dkyil 'khor gyi sgras bdag med ma'i dkyil 'khor ro/ /de khyab pa ni de'i bdag nyid kyis gnyis su med par gyur pa spro zhes pa'i don te/ gnyis su med pa rtogs pa nyid kyis sdud pa de bsgrubs na/ rnal 'byor pa kun rdzob dang don
 dam pa dbyer med pa nyid kyis/ zhe sdang bdag nyid 'gyur te/ gnyis 'dod pa'i phyir zhe sdang ngo/ /gang gi rang bzhin de ltar gyur pa de ni bdag nyid de rdzogs par gyur pa'o/ /rnam pa gzhan du spro ba dang bsdu ba'i
 bdag nyid du mi 'gyur ro zhes pa'o/ /de yang khyad par ci zhe na/ gsungs pa/ sngon dang nyi ma mtshungs pa'i mdog ces pa la sogs pa ste/ sngon po ni dkar po dang nag po'o/ /nyin ni dmar po ste/ sngo dang nyi ma zhes pa rdo rje gsum mo/ /de yang
 a bdag med ma ste/ de'i ngo bos snang zhing so sor gsal ba'i phyir sngo dang nyi ma'i 'od do/ /kha dog ji lta bu zhe na/ nA da gnyis ga'i bdag nyid kyis so/ /bandu dmar po'i spyan dang ldan zhes pa/ dmar po ni chags pa dang kun tu chags pa'i
 mtshan nyid de/ de yang/ snang ba sku rdo rje zhes pa'i don no/ /bandu ka zhes pa mching ba'i phyir bandu/ nA da gnyis gsung rdo rje'o/ /ka'i sgras thugs rdo rje'o zhes pa bandu dmar po'o/ /gang zhig de lta bu'i spyan ye shes yod pa de de dang ldan pa ste/
 'dis ni bcom ldan 'das la spyan gsum kho na'o/ /skra ser gyen du 'khyil pa yang/ zhes pa dmar ser gnyis las ser po'o/ /steng du son pa'i phyir gyen du ste/ gyen du ser ngo ni nyi ma'o/ /skra zhes pa kaM bde ba'o/ /de'i dbang po ni gtso bo ste
 bde ba spangs nas der mi 'gyur/ zhes pa'i gsung las/ byang chub kyi sems kyi rang bzhin zla ba'o zhes zla ba dang nye ma'i bdag nyid can no/ /'khyil pa ni lam ste/ gang zhig skra ser gyen du 'khyil pa de'o/ /de nyid kyi phyir me long lta bu la sogs pa
 ye shes lnga'i bdag nyid can de bzhin gshegs po lnga'i rang bzhin gyi phyag rgya lnga po 'khor lo dang/ rna cha dang/ mgul rgyan dang/ lag gdub dang/ ska rags rnams kyis brgyan pa ye shes lnga'i rang bzhin can zhes pa'i don no/ /'di nyid gsungs
 pa/ 'khor lo sna cha mgul rgyan dang/ /lag gdub dang ni ska rags nyid/ /sangs rgyas lnga ni rnam dag pa ste/ /shes rab dang thabs dang sku gsum dang 'byung ba chen po bzhi ye shes lnga rnam par dag pa ni rdo rje 'chang ngo zhes pa'i don no/ /de
 yang khyad par ci zhe na/ gsungs pa/ sdang mig ni/ gdug pa 'dul phyir khro bo nyid ces pa ste/ gdug pa ni dbang po dang yul la lhag par gnas pa'i nyon mongs pa dang/ nye ba'i nyon mongs pa rnams so/ /'di rnams 'dul ba ni chos kyi
 dbyings shin tu rnam par dag pa'i rang bzhin du byed pa'i phyir te/ de'i phyir khro ba'o/ /mig ces pa mthong ba ye shes te/ de ji ltar gyur pa'i phyir sdang mig ces pa'o/ /yang na sdang ba ni khro bo'i bdag nyid kun rdzob kyi bden pa'i rang bzhin
 no/ mig ni mthong ba ye shes don dam pa'i bden pa'i rang bzhin te/ gnyis ka dbyer med pa'i phyir sdang mig ces pa'o/ /brkyang gnyis lo ye tshul zhes pa/ brgyad gnyis ni bcu drug go /lo ni a b+ha ste/ byang chub kyi sems kyi rang bzhin stong  
 pa nyid bcu drug go /'di dag gi tshul ni 'di dag gi rnam pa ste/ stong pa nyid bcu drug rnam par dag pa'o/ /lo ni mkha' 'gro ma rnams te/ de rnams kyang shes rab dang thabs kyi rang bzhin brgyad gnyis 'gyur gyis bcu drug go /gang gi rang bzhin
 'di lta bur gyur pa de ni tshul lo/ /'dis ni ye shes kyi dkyil 'khor dang dam tshig gi dkyil 'khor dbyer med pa rdo rje 'chang ngo/ /zhes pa'i don no/ /de ltar gyur pa'i mtshan ma gsungs pa/ g.yon na rdo rje thod pa dang/ kha TwAM ga yang g.yon pa nas/
 g.yon na zhes pa phyag g.yon par te/ ye shes lnga'i bdag nyid byang chub kyi sems kyi rang bzhin A li na da'i ngo bo zla ba la rdo rje thod pa ste/ rdo rje byang chub kyi sems so/ /de yang kaM thod pa ni kaM bde ba'i ye shes te/ de skyong bar byed pa'i
 phyir rdo rje thod pa'o/ /kha TwAM ga yang g.yon pa nas/ kha TwAM ga gzugs shes rab ste/ zhes pa'i gsungs las bdag med ma la sogs pa mkha' 'gro ma bco lnga ste/ cha bco lnga'i bdag nyid kyis g.yon pa nyid dang zla ba nyid
 do zhes pa'o/ /yang na kha TwAM ga yang g.yon pa nas zhes pa/ kha TwAM ga ni brjod pa nyid de/ de yang g.yon pa nas zhes pa rdo rje gsum dbyer med pa'i phyir te/ rnam par snang mdzad sku rdo rje'o/ /a nA da gsung rdo rje'o/ /ma lnga pa bsdus pas mi bskyod
 pa thugs rdo rje ste/ dbyer med pa'i phyir ro/ /g.yas pa na rdo rje nag po nyid ces pa/ g.yas nyi ma la/ rdo rje nag po zhes pa nag po de nyid rdo rje ste/ mi phyed pa'i phyir ro zhes pa ste/ g.yon pa dang g.yas pa shes rab dang thabs dag gis hUM
 yig go /gang gsungs pa/ yi ge las byung gong bu ni/ /hUM te phaT yig 'dod ma yin/ zhes pa'i gsung las hUM yig kho na shes rab dang thabs dag gi sa bon te/ de'i phyir phaT yig tha dad pa'i bya ba 'dod ma yin zhes pa mi 'dod pa
 nyid do/ /'di gnyis ka dbyer med pa gang yin pa de brjod pa'i bdag nyid can/ nA da'i rang bzhin zhes pa'i don no/ /de nyid kyi phyir gsungs pa/ dur khrod du ni mgon po rol/ rnal 'byor ma brgyad yongs su bskor ba/ zhes pa dur khrod kyi sgra'i don
 ni/ bcom ldan 'das rang nyid kyis gsal bar mdzad de/ dbugs rgyu ba dbugs 'byung ba dang/ 'jug par byed pa A li dang kA li nA da'i bdag nyid kyis zhes pa'i rigs pa 'dis gnyi ga dbyer med pa'i sbyor bas/ dur khrod ces ni mngon
 par brjod ces pa'o/ /'di la spro ba'i tshul gyi gnas pa'i rol pa'o/ /rnal 'byor ma brgyad yongs bskor ba zhes pa khyab par bya ba dang/ khyab par byed pa'i tshul gyis gnas pa ste/ de nyid kyi phyir mgon po 'jig rten gsum gyi bla ma zhes pa'i don
 no zhes pa shes rab dang thabs dbyer med pa nyid kyis phyag gnyis pa gsungs pa'o/ /de nyid rdo rje 'chang phyag bzhi pa'o/ /gang gi phyir bdud bzhi las rgyal ba rnam par dag pa ste zhes pa bdud bzhi ni phung po'i bdud gzugs la sogs pa phung po lnga'i bdag nyid
 do/ nyon mongs pa'i bdud ni nyon mongs par byed pa ste/ dbang po dang yul gzung ba dang 'dzin par mngon par zhen pas rab tu 'jug pa'i phyir nyon mongs pa dang nye ba'i nyon mongs pa'i rang bzhin no/ /lha bu'i bdud ni lha zhes pa rtse zhing rol pa'i phyir rnam par
 shes pa'o/ /dbang po dang yul la sogs pa rnams ni de'i bu ste/ des bskyed pa'i phyir lha'i bu dbang po dang yul dang rnam par shes pa rnams so/ /'chi bdag gi bdud ni 'chi bdag gshin rje 'jig byed ces pa ste/ dbang po dang yul dang rnam par shes pa rnams
 kyis bskyed pa bde ba la sogs pa'i rnam pa nyams su myong ba'o/ /de yang dbang po dang yul dang/ rnam par shes pa 'gog pa'i rang bzhin yin yang chags pa'i mtshan nyid kyi phyir bdud nyid do/ zhes pa bdud bzhi ste/ de rnams las rgyal ba ni lhag ma med
 par btul ba'o/ /de rnam par dag pa zhes pa bde ba la sogs pa'i rang bzhin nyams su myong ba'i mtshan nyid las 'das pa rdo rje 'chang zhes pa'i don no/ /de yang gong du brjod pa'i sku mdog dang/ gzugs can hUM las byung ba'o/ /mtshan ma yang tha dad med
 pa'i mtshan nyid kho na tha dad pas gsungs pa/ phyag g.yon gyi dang po na skyes pa'i thod pa lha dang lha ma yin rnams kyi khrag gis gang ba zhes pa/ dang po ni gnyis su med pa ste/ mkha' 'gro ma thams cad sdud pa'i bdag nyid kyi phyir g.yon pa ni zla ba'o/ /de yang
 dga' ba bzhi longs spyod pa'i rang bzhin gyis phyag ste/ de la skyes pa'i thod pa ni mi'i bde ba rdo rje 'chang gis ye shes so/ /lha dang lha ma yin rnams kyi khrag gis gang ba ni rtse ba'i phyir lha gzugs la sogs pa'i phung po lnga ste/ lha ma yin ni yul lnga'o/
 de rnams kyi khrag ni 'dod chags te/ de rnams la chags pa'i mtshan nyid do/ /de yis gang ba ni de'i bdag nyid kyis spro ba'i ngo bos rnam par gnas so zhes pa'o/ /phyag g.yas kyi dang po na rdo rje zhes pa g.yas ni nyi ma
 ste/ de yang phyag na khams gsum pa za ba'i bdag nyid can no/ /dang po ni gnyis su med pa ste/ de la rdo rje zhes pa mi phyed pa'i ye shes so/ /phyag lhag ma gnyis kyis zhes pa/ g.yon pa dang g.yas pa'i phyag gnyis po zla ba dang nyi ma dag 'dres
 par gyur pa'i phyir ro/ /lhag ma ni lhag ma nyid de shes rab la 'khyud pa'i gnyis po dag gis 'khyud pa'i phyir gnyis su med pa'i ye shes nyid do ces pa'o/ /de'i phyir gsungs pa/ shes rab rdo rje phag mo ni/ bcom ldan 'das kyi gzugs can te/
 bdag med ma dang rdo rje dag la tha dad med pa nyid do zhes pa kye'i rdo rje phyag bzhi pa'o/ /de nyid phyag drug pa ste/ phyag drug pa/ zhal gsum pa zhes pa la sogs pa drug bsdus pa'i rnam pa ste/ de yang zhal gsum zhes pa sku gsum gyis rang bzhin no/ /g.yon
 dmar ba zhes pa g.yon zla ba'o/ /de nyid dmar ba ni nyi ma ste/ gnyi ga dbyer med pa'o/ /g.yas ni nyi ma'o/ /de nyid zla ba ste/ de yang nyi ma lta bu ni a bdag med ma'o/ /de'i ngo bos skyes pa'i phyir a ru Na ste/ lta bu ni 'dis so sor gsal ba'i phyir nyi ma lta bu'o/ /de
 yang dang po ni gnyis su med pa ste/ de nyid kyi phyir sngon po dkar po dang nag po'i bdag nyid do/ /de nyid kyi phyir gcer bu sgrib pa dang bral ba'i rang bzhin no/ /gong du brjod pa'i sku mdog dang gzugs can zhes pa hUM yig gi rang bzhin kho na bcom ldan 'das zhes
 pa'i don no/ /phyag rnams ni pha rol tu phyin pa rnam par dag pa'o zhes pa phyag rnams kyi rnam par dag pa bsdus pa'o/ /gang zhe na/ sbyin pa la sogs pa pha rol tu phyin pa drug go /'dis ni bcom ldan 'das spro ba dang sdud pa'i bdag nyid can zhes pa'i don no/ /
 phyag g.yon gyi dang po na rtse gsum pa zhes pa g.yon pa ni zla ba'o/ /longs spyod cing za ba'i phyir zhes pa'i don las phyag ni nyi ma'o/ /'di gnyis ka yang dang po gnyis su med pa ste/ phyag g.yon gyi dang po'o/ /de la rtse gsum pa zhes pa sku gsung
 thugs kyi rdo rje gsum mo/ /phyag g.yas kyi dang po na zhes pa g.yas pa ni nyi ma'o/ /phyag ni bshad zin pa'i don no/ /dang po ni rnam par snang mdzad sku rdo rje snang ba'i mtshan nyid kun rdzob kyi bden pa'i rang bzhin rdo rje 'chang ste/ nyi ma yang bdag
 med ma yin pa'i phyir phyag g.yas kyi dang po kun rdzob dang don dam pa dbyer med pa'o/ /rdo rje ni sku rdo rje mi phyed pa'i ye shes so/ /phyag g.yon gyi gnyis pa na dril bu zhes pa g.yon pa ni zla ba'o/ /gnyis pa ni rin chen 'byung ldan no/ /de yang phyag
 ni sdud pa'i rnam pa ste/ der dril bu zhes pa de la A li kA li gnyis ka'i nA da/ dbye ba med pa'i rang bzhin gsung rdo rje'o/ /phyag g.yas kyi gnyis pa na gri gug ces pa g.yas pa ni nyi ma'o/ /de'i gnyis pa ni zla ba yin pa'i phyir g.yas kyi gnyis
 pa ste/ de dag 'dres par gyur pa ni phyag go /gri gug ni mi shes pa thams cad gcod par byed pa thugs rdo rje mi phyed pa'i ye shes so/ /phyag lhag ma gnyis la rdo rje lcags sgrog ma snyoms par zhugs pa zhes pa/ lhag ma ni ma lus pa/ rdo rje gsum
 dbyer med pa/ lhan cig skyes pa'i ye shes te/ lhag ma gnyis kyang phyag gnyis shes rab dang thabs dbyer med par gyur pa la ces phyag lhag ma gnyis so/ /der rdo rje lcags sgrog ma snyoms par zhugs zhes pa rdo rje lcags sgrog ma'i sgras rdo rje ni rdo rje 'chang ngo/ /de lcags
 sgrog gi tshul gyis phan tshun dbye ba med pas 'ching ba rdo rje lcags sgrog ma bdag med ma'o/ /de yis lhan cig snyoms par zhugs pa zhes pa mnyam pa'i rang bzhin tha dad med pa'i ngo bos zhugs pa yang dag pa'i ye shes so/ /rgyu des na bcom ldan 'das
 ji lta ba de lta bu'i shes rab ste de nyid kyi phyir shes rab dang thabs dag la dbye ba 'gab yang med do zhes pa'i don no/ /g.yas pa dang g.yon pa na gri gug dang thod pa zhes pa g.yas pa ni nyi ma cha dang bral ba'o/ /g.yon pa na
 ni zla ba cha dang bcas pa ste/ tsha dang bral ba nyid cha dang bcas pa zhes pa'o/ /'di dag gi byed pa kho na gri gug dang thod pa ste/ gri gug bdag med ma dang thod pa rdo rje 'chang gnyis ka dbyer med pa nyid kyis gcig gi tshig go /de nyid kyi phyir
 khams gsum gyi bdag nyid can gyi ro mnan pa ste/ khams gsum gyi sgras rdo rje gsum mo/ /de'i bdag nyid can de'i ngo bo'i ro chos kyi dbyings kyi rang bzhin no/ /mnan pa zhes pa khyab par bya ba dang khyab par byed pa'i ngo bos mnan pas zhes
 pa'i don no/ /zhes pa lha'i le'u gsum pa'o zhes pa gang gi phyir lus la byung ba'i phyir/ lha zhes mngon par brjod par bya zhes pa'i gsung las lha ni nA das 'khyud pa'i thugs rdo rje'o/ /de yang pha Ta g.yogs pa ste/ de len cing 'dzin pa'i phyir
 lha'i le'u'o/ /de yang gsum pa ni/ sku gsung thugs gsum po rnams kyi rdzogs pa ste/ sku mdog dang phyag dang dbyibs kyi rnam pas sku rdo rje'o/ /de yang sa bon las skyes pa'i phyir sngags kyi rnam pa dang bzhi pa la ni yig 'bru dgod ces pa'i
 gsung las ye shes kyi rnam pa ste/ le'u gsum pa 'di ni le'u gsum gyi bdag nyid do/ /zhes pa'o/ /nA da rnam shes las skye zhing/ nA da las ni sku skye 'gyur/ zhes pa sku dang nA de dang rnam shes gsum po gnyis su med/ /rnam shes las
 skyes nA da ste/ de yis kyang ni sprul pa sku/ gnyis po bskyed par grub pa ste/ rnam par shes pa gang gis sprul/ /ma skyes pa yis rang bzhin nyid/ /rnam shes de ni 'od gsal lo/ /de yis kyang ni bskyed pa gang/ /de yang ji ltar skyes par
 brjod de phyir sku dang nA da ste/ 'di ni ma skyes pa/ gnyis ka skyes par ma grub na/ /ma skyes pa ni bden par brjod/ /zhes pa 'gro kun ma skyes pa/ /'od gsal ba'i rang bzhin nyid/ /ma rig pa'i gdugs sems kyis/ /skye ba ru ni yongs su brtags/ /da
 ni rnam dag don 'di nyid/ /snying brtse ldan pa gtso chen po/ /gnyis ka dbyer med kye rdo rje/ dag pa dag ni bshad pa yin/ /de nyid kyi phyir thugs rnam par dag pa nag po chen po phyag gnyis pa shes rab dang thabs kyi bdag nyid can/ shes rab
 dang bral ba'o/ /phyag bzhi pa sngon po ni dkar po dang nag po nyid las shes rab dang thabs dbyer med pas sngo dang dmar ba'o/ /phyag drug pa sngon po ni dkar po dang nag po dang/ nyi ma ni dmar po nyid las rdo rje gsum dbyer med pa ste
 shes rab dang thabs kyi phyag drug go /phyag bcu drug pa ni nag po dang dmar po dang dkar po'i zhal gsum mo/ /du ba lta bus rdo rje gsum dbyer med pa'o/ /lhag ma'i zhal ni bung ba bzhin zhes pa ste/ dga' ba bzhi'i dbye bas zhal
 brgyad dang shes rab dang thabs rnam par dag pas phyag bcu drug pa'o/ /zhes pa phyag gnyis pa dang/ phyag bzhi pa dang/ phyag drug pa dang/ phyag bcu drug pa'i he ru ka bzhi po 'di dag gong nas gong du ye shes kyi dkyil 'khor dang dam
 tshig gi dkyil 'khor dbyer med pas blta bar bya'o zhes pa le'u gsum po zhes pa kye'i rdo rje 'grel bshad kha sbyor dri ma med pa las le'u gsum pa'o// //de ni rdo rje rigs kyi le'u la sogs pa gsum gyis rdo rje gsum mngon
 par brjod nas de dag dbyer med pa bzhi pa dbang bskur ba'i le'u bshad par bya'o zhes gsungs te/ dbang bskur ba ni kun nas 'khyud pa ste ji srid sgrib pa dang bral ba nyid kyis rnam par dag pa dang/ dri ma med par byed pa ces pa'o/ /lha
 rnams kyi dbang ba ni lha dbang bskur ba'o/ /de yang pa Ta ni g.yogs pa ste/ de len cing 'dzin pa'i phyir lha dbang bskur ba'i le'u'o/ /de bshad par bya ste/ rab tu bstan par bya zhes pa'o/ /rang gi snying gar rang gi sa
 bon las 'thon pa'i 'od zer nag po lcags kyu'i rnam pas/ khams gsum na bzhugs pa'i sangs rgyas thams cad spyan drangs la/ ma mo brgyad kyis yang dag par mchod nas gsol ba gdab par bya'o/ /rang gi snying gar zhes pa ye
 shes kyi dkyil 'khor dang dam tshig gi dkyil 'khor dbyer med pa'i lha'i snying gar rang gi sa bon hUM yig ste/ sa bon de yongs su gyur pa las rdo rje'o/ /de'i lte pa'i nang nas 'thon cing spros te 'od zer nag po lcags kyu'i rnam pa
 sdigs mdzub lta bu mtshon par byed pa'i rang bzhin des/ mtshon par bya ba'i rang bzhin khams gsum na bzhugs pa'i sangs rgyas thams cad bkug cing spyan drangs la/ ma mo brgyad rnal 'byor ma brgyad po rnams kyis yang dag par
 mchod de/ pi bang ma dang/ gling bu ma la sogs pa rnams kyis yang dag par mchod pa byas nas/ rjes su phyed nas don du gnyer zhing gsol ba gdab par bya'o ces pa'o/ /yang na rang gi snying gar ces pa/ sdus nas snying gar
 bkug pa na/ /yo gi zhe sdang bdag 'gyur/ zhes pa 'dis mi bskyod pa'i ngo bos rdzogs pa'i lha'i snying gar/ rang gi sa bon las zhes pa hUM yig gi rang bzhin rdo rje 'chang las 'thon pa'i 'od zer nag po ces pa/ spros
 pa'i mi bskyod pa'i rang bzhin 'od gsal ba'i ye shes so/ /'od zer lcags kyu'i rnam pa des zhes pa AM/ a yig la sogs pa aM yig gi bar gyis mkha' 'gro ma bco lnga'o/ /de rnams rtogs pa'i phyir aM ku sha'o
 de yang rnam pa ni bdag med ma'i rang bzhin te/ rdo rje 'chang dang bdag med ma dbyer med pa des/ /khams gsum na bzhugs pa sku gsung thugs dbyer med pa ni khams gsum mo/ /der bzhugs pa ni de'i bdag nyid kyis rnam par gnas pa'i sangs
 rgyas me long lta bu la sogs pa ye shes lnga'i bdag nyid can de bzhin gshegs pa lnga rnams spyan drangs shing bsdus la/ ma mo brgyad ces pa gau rI la sogs pa lngas yul lnga dang/ sha ba ri la sogs pa gsum gyis rdo rje gsum mo//
 'di rnams kyang ma lta bur skyed par byed pa ste/ gzung bas mngon par zhen pas 'dzin pa nye bar dmigs pa'i phyir ro/ /gnyis ka yang lha'i rnam pas rnam par sbyang bar bya zhing sgrib pa dang bral ba'i ched du'o/ /yang dag par mchod de/ yang
 dag pa'i mchod pa byas nas/ dbang po dang yul dag la mngon par zhen pa med pas rab tu 'jug pa 'di nyid ni yang dag pa'i mchod pa zhes bya'o/ /gsol ba gdab par bya'o zhes pa rjes su mtshungs pa la/ mtshungs pa nyid kyis gsol
 ba gdab ste/ mgon po'i ngo bor gyur par bya'o/ /'dis ni de bzhin gshegs pa dang mkha' 'gro ma dag la dbye ba med do zhes pa'o/ /de ci ltar gsol ba gdab zhes na/ de'i phyir gsungs pa/ a b+hi Shiny+tsa tu mAM sarba ta thA ga tA(rgyud 'grel pa thams cad kyis shin tu rnam par dag pa chos kyi dbyings kyi rang bzhin du bdag de bzhin gshegs pa rnams kyis mdzad du gsol zhes pa'o/ /yang na bdag la dbang bskur du gsol/ sgrib pa med pa'i ye shes brnyes pa'i de
 bzhin gshegs pa tham cad bdag la mdzad du gsol zhes pa ste/ de bzhin gshegs pa thams cad dang dbyer med pa rdo rje 'chang zhes pa'i don no/ /sangs rgyas de rnams he ru ka'i rnam pa'i gzugs kyis/ de bzhin gshegs
 pa lnga'i bdag nyid kyis bdud rtsi lngas gang ba'i bum pa rnams kyis dbang bskur bar bya'o/ /sangs rgyas de rnams kyis he ru ka'i rnam pa'i gzugs kyis zhes pa nye bar mtshon pa ste/ gzhan du lha gang bsgom par bya ba'i
 lha de dang de nyid kyis gzugs kyis blta bar bya'o/ zhes dgongs pa'o/ /de bzhin gshegs pa lnga'i rang bzhin/ bdud rtsi lngar bsgrubs pa'i bum pa rnams kyis dbang bskur zhing bkru bar bya'o zhes pa'o yang na/ sangs rgyas me long
 lta bu la sogs pa ye shes lnga'i rang bzhin de rnams kyis he ru ka'i rnam pa'i gzugs gnyis su med pa'i rang bzhin gyis so/ /de nyid kyi phyir bdud rtsi lngar gyur pa'i ye shes lnga'i bdag nyid kyis te/ de nyid bdud rtsi lnga'o/ /bum pa
 rnams kyis kaM bde ba'i ye shes dang/ la sha zhes pa rol sgeg gi phyir ye shes kyi ngo bor gcig pa'i bum pa lnga'i bdag nyid de rnams kyis phung po lnga po 'di rnams la dbang bskur bar bya ste rnam pa thams cad kyis sgrib pa dang bral ba
 nyid thob par bya'o zhes pa'o/ /dbang bskur zhing khrus bya ba 'di lta bu'i skad cig la spyi bor rang gi rigs kyi dbang por 'gyur ro/ /'dis ni he ru ka rdzogs pa'o/ /yang na dbang bskur ba na zhes pa sgrib pa dang bral ba nyid thob par gyur pa na
 me tog gi char 'bab par 'gyur ro/ /zhes pa me tog rdul dang/ char byang chub sems kyi khu ba ni me tog gi char 'bab pa ste/ gnyis su med pa rtogs pas sprul pa'i skur 'gyur ro/ /rnga'i sgra 'byung bar 'gyur ro zhes pa/ rnga'i sgra ni nA dA'i
 phreng ba gnyis kyi bdag nyid can A li kA li'i rang bzhin gyi nA da steng du 'byung zhing nA da gnyis ka dbyer med pa'i ye shes spro ba'i phyir longs spyod rdzogs pa'i skur 'gyur ro/ /gur gum gyi char 'bab par 'gyur ro zhes gur gum ni
 bdag med ma byang chub kyi sems lhan cig skyes pa'o/ /char? ni bcas kyi bdag nyid byang chub kyi sems khu ba ste/ gnyis ka dbyer med par 'bab pa chos kyi skur 'gyur ro/ /gzugs rdo rje ma la sogs pa rnams kyis mchod par bya'o zhes pa/ shes rab
 dang thabs kyi rang bzhin gyis rdo rje gsum dbyer med pa de las/ gzugs rdo rje ma dang/ sgra rdo rje ma dang/ ri rdo rje ma dang/ ro rdo rje ma dang/ reg bya rdo rje ma dang/ chos kyi dbyings kyi rdo rje ma zhes pa drug mi phyed pas bskyed pa ni mchod pa'o/ /mi phyed ba'i sgra ni rdo rje'i
 glu ste/ spyan la sogs pa 'byung ba chen po bzhi'i rang bzhin rnams kyis blang bar bya zhing mtshon par bya ste/ mtshan ma med pa'i rang bzhin dkyil 'khor gnyis kyi bdag nyid rdo rje 'chang gi ye shes rab tu rtogs par bya zhes pa'o/ /dbang bskur te/ sgrib pa
 dang bral ba'i rang bzhin 'od gsal ba nyid thob par gyur pa na/ spyi bor spyi gtsug tu byang chub kyi sems khu ba'i rang bzhin la/ rang gi rigs kyi dbang po mi bskyod pa lhan cig skyes pa'i ngo bor 'gyur ro/ /zhes pa'o/ /'dis ni rgyu 'dis he ru ka rdzogs
 pa'o zhes pa/ rdzogs pa zhes bya ba ni he ru ka nyid de he ru ka'i sgra'i don yang/ bcom ldan 'das nyid kyis rgyu sogs spangs pa zhes pa 'dis gsal bar bshad do/ /thun gsum du byin gyis brlabs pa'i sgom pa rnam par bsgoms nas langs
 te/ lha'i bskur bzhag par bya'o zhes pa snga dro dang nyin gung dang/ phyi dro'i dus su byin gyis brlabs pa'i sgom pa bskyed par snyoms par 'jug pa rnam par bsgoms nas gnyis su med pa'i ngo bor gnas pa'i phyir langs te/ spro bas gnas/ /
 par bya'o zhes pa'o/ /yang na/ thun gsum du byin gyis brlabs pa bsgom pa zhes pa/ thun gsum ni ye shes kyi dkyil 'khor dang/ dam tshig gi dkyil 'khor dang/ gnyi ga dbyer med pa'i dkyil 'khor gyi ye shes so byin gyis brlabs pa bsgom
 pa zhes pa dbang bskur ba'i bar gyis sgrib pa med pa'i gnas thob pa'o/ /bsgoms nas langs te zhes pa'i don ni brjod zin to/ /lha'i skur bzhag par bya'o zhes pa/ lha ni ye shes te don dam pa'i bden pa'o/ /sku ni kun rdzob
 kyi bden pa ste/ bden pa gnyis ka'i bdag nyid kyis lha'i sku'o/ /bzhag par bya'o zhes pa rdo rje 'chang gi gnas rdzogs par bya'o zhes pa'i don no/ /dbang bskur ba'i le'u ste bzhi pa'o zhes pa kun nas sgrib pa dang bral bar byed pa'o/ /de
 yang/ pa Ta ni g.yogs pa ste de len cing 'dzin pa'i phyir le'u'o/ /bzhi pa ni bzhi pa rnams kyi rdzogs pa ste/ lhan cig skyes pa'i rang bzhin zhes pa'i don no/ /rdo rje rigs kyi le'us/ sku rdo rje dang/ sngags kyi le'us gsung rdo rje dang/
 lha'i le'us thugs rdo rje dang/ dbang bskur ba'i le'us rdo rje gsum dbyer med pa'o/ /zhes pa bzhi pa'o/ /las kyi phyag rgya la dga' ba bzhi'i rim pas so/ /chos kyi phyag rgya la 'khor lo bzhi'i rim pas gtum mo'i rnal 'byor ro/ /phyag rgya chen
 po la phyag rgya bzhi dbyer med pas so/ /dam tshig gi phyag rgya la rnam pa thams cad mkhyen pa nyid mngon par rdzogs par byang chub pa'o/ /zhes pa kye'i rdo rje'i 'grel bshad kha sbyor shin tu dri ma med pa las le'u bzhi pa'o// //da ni de
 nas de kho na'i le'u bshad par bya'o zhes pa'o/ /de la de kho na bzhi ste/ bdag gi de kho na dang/ sngags kyi de kho na dang/ lha'i de kho na dang/ ye shes kyi de kho na'o/ /rdo rje rigs kyi le'ur bdag gi de kho na'o/ /sngags kyi le'ur sngags
 kyi de kho na'o/ /lha'i le'u lha'i de kho na'o/ /dbang bskur ba'i le'ur ye shes kyi de kho na'o/ /zhes pa de kho na bzhi/ mngon par brjod nas bzhi po dbyer med pa las shin tu rnam par dag pa chos kyi dbyings kyi ye shes rdo rje 'chang nyid
 rab tu bstan pa'i phyir gsungs pa/ de nas zhes pa de ma thag par ma chad pa nyid kyis de kho na'i le'u rab tu bshad par bya'o/ /zhes pa'o/ /de'i phyir gsungs pa/ ngo bos gzugs med ces pa rang gi gzugs ni ngo bo ste/ gang gi gzugs
 gang yin pa de ni de'i gzugs te/ de ni ngo bo'o/ /de na de med de/ de ltar yang shes rab kyi pha rol tu phyin par/ gang gi tshe/ gzugs nyid gzugs kyi rang bzhin dang bral ba'o/ /tshor ba nyid dang/ 'du shes nyid dang/ 'du phyed/
 rnams nyid dang/ gang gi tshe rnam par shes pa nyid rnam par shes pa'i rang bzhin dang bral pa'o/ /zhes pa la sogs pa'o/ /mthong ba yang med ces pa mthong ba yang mthong ba'i rang rang gi ngo bos med do zhes pa ste/ le'u dang po bdag
 gi de kho na'o/ sgra med thos pa po yang med ces/ de kho na ltar thams cad du ngo bos zhes pa sbyar bar bya ste/ sgra ni sgra'i ngo bos med do/ /thos pa ni thos pa'i ngo bos med do zhes pa sngags kyi le'u sngags kyi de kho na'o/ /dri med snom pa po
 yang med ces pa de kho na bzhin du sbyar te/ dri ni sna'i dbang po'i gzung ba yin pa'i phyir dang/ sna'i dbang po ni nA da'i nang du thim pa'i phyir dang po sems ni nA das 'khyud pa'i phyir de kho na gsum gyis lha'i le'u lha'i de kho na'o/ /ro med myong
 ba po yang med ces pa/ ro ni myong ba'i mtshan nyid de/ de yang dbang bskur ba'i le'u ye shes kyi de kho na'o/ /reg med reg pa po yang med/ ces pa de kho na bzhi bsdus pa'i bdag nyid kyi phyir/ dga' ba sogs pa khyad par bgyi dga' pa'i bar ni
 reg pa'o/ /sems med sems las byung ba 'ang med ces pa lhan cig skyes pa'i dga' ba ni sems las 'das pa'i phyir drug pa rdo rje 'chang ngo/ /yang na ngo bos gzugs med ces pa la sogs pa bzhis de kho na bzhi'o/ /gnyis po dag 
 shes rab dang thabs kyis phye ba las/ reg med reg pa po yang med/ /sems med sems pas byung ba 'ang med/ ces pa de kho na bzhi bsdus pa'o/ /de ltar rim pas med pa'i phyir/ gzugs dang/ sgra dang dri dang/ ro dang/ reg
 bya dang/ chos kyi khams te/ yul drug dang mig dang/ rna ba dang/ sna dang/ lce dang/ lus dang/ yid de/ dbang po drug po 'di dag gis rang bzhin khams gsum pa'o zhes brtags pa yongs su spang pa'i don du bskyed pa dang ni srid
 ma nyid/ /rnal 'byor rig pas rtag tu mchod /gang ma chos ma rdo rje ma/ /gdol ma de bzhin bram ze mo/ /thabs dang shes rab cho ga yis/ /de nyid dga' bas rtag tu mchod/ ces pa'i don go sla ba nyid do/ /yang na bskyed pa'i sgras gzugs
 la sogs pa yul lnga ste/ gang phyir skye 'gro bskyed pa'i phyir zhes pa'i gsung las phal cher gzung bar mngon par zhen pas mig la sogs pa'i dbang po rnams skye bar 'gyur pa'i phyir ro/ /sring mo'i sgras mig la sogs pa'i
 dbang po lnga ste/ gang phyir bskal pa ston pa'i phyir/ /shes rab sring mo zhes bya nyid/ ces pa'i gsung la/ mig la sogs pa'i dbang po lnga ni gzugs la sogs pa'i yul lnga 'dzin pa'i phyir ro/ /gnyis ka dag las rnal 'byor te/ de rig pa'i phyir rnal 'byor
 rig pa'o/ /rtag tu thams cad kyi tshe bar chad med pa nyid kyis med pa nyid kyis mchod cing gnyis su med pa'i rnam pas/ nye bar longs spyod par bya'o zhes pa 'dis rdo rje dang pad+ma byin gyis brlab pa'o/ /'dis ni mig la sogs pa byin gyis brlab
 pa yang bstan cing dbang po dang yul brang pa las skyes pa rnam par shes pa yin pa'i phyir sku gsum byin gyis brlab pa yang mtshon no/ /gar ma dang chos ma dang rdo rje ma dang gdol pa mo dang bral ze mo ste/ rigs lnga'i cha dang ldan pa 'di rnams
 mchod cing goms par bya'o/ /ci ltar zhe na/ thabs dang shes rab cho ga yis/ zhes pa thabs dang shes rab kyi rang bzhin yul dang dbang po dbyer med pas rtogs pas so/ /de nyid kyi phyir de nyid dga' ba ni de kho na la rjes su chags pa'o/ /rgyu 'dis
 nyid kyis rang gi ngo bos ji lta ba bzhin yongs su shes pas gzugs med mthong ba'ang med ces pa la sogs pa nas/ sems med sems las byung ba 'ang med ces pa'i bar rdo rje gsum dbyer med pa nyid kyis/ de kho na ste/ dbang po lnga dang
 yul lnga dang/ ye shes lnga dang dbyer med pas mkha' 'gro ma bco lnga'i rang bzhin gyi dkyil 'khor ro/ /rdo rje sems dpa' dang dbyer med pas yul drug dang/ dbang po drug dang/ rnam par shes pa drug gi rang bzhin gyi bco brgyad de/ phung
 po dang khams dang/ skye mched rnams kyang ngo/ /ji ltar bye bar mi 'gyur bar/ /rab tu 'bad pas bsten par bya/ zhes pa 'di rnams bsten pa ni 'jig rten pa dang 'gal ba ste de'i phyir gsungs pa/ ji ltar bye bar mi 'gyur bar zhes pa ji
 ltar 'ga' yang shes par mi 'gyur pa de ltar rab tu 'bad pa phul du byung ba 'bad pas bsten par bya ste/ 'di rnams khu ba rdo rjer 'gyur/ zhes pa'i gsung las so/ /yang na bstan par bya zhing goms par bya ste/ rab tu 'bad par bar chad
 med pas so/ /de nyid kyi phyir ji ltar bye bar mi 'gyur bar zhes pa ji ltar dbyer med par gyur pa te/ de ltar yang/ bcom ldan 'das kyis gsungs pa/ dbyer med mtshan nyid grub pa na/ phyag rgya rnal 'byor pas 'grub 'gyur zhes so/ /gal te bye bar
 gyur na de'i tshe cir 'gyur zhe na/ de'i phyir gsungs pa ma gsung sprul dang tshom rkun dang/ sa spyod mi yis sdug bsngal byed/ gal te gsal por bstan par gyur na/ de'i tshe sdug bsngal byed do/ /gang gis zhe na sprul dang chom rkun dang me dang sa
 spyod rnams kyis te/ sa spyod ni stag la sogs pa'o/ /de rnams kyis mi bzad pa'i gnod pas dus byed par 'gyur te/ de nas dmyal bar 'gro ba la sogs pa sdug bsngal la brgyud mar 'gyur ro zhes pa'o/ /yang na ma
 gsang bar byed pa gzung ba dang/ 'dzin par mngon par zhen na sdug bsngal byed de/ sprul dang tshom rkun dang me dang sa spyod rnams kyis sdug bsngal bskyed pa las/ 'khor ba pa'i sdug bsngal byed pa 'jug par 'gyur ro/ /nyon mongs
 pa dang nye ba'i nyon mongs pa'i kun nas nyon mongs pa rnams kyis zhes pa'i don/ /gal te 'di rnams brten pa bye ba las ni skyon du 'gyur na/ 'di rnams brten pas dgos pa cir 'gyur zhes dogs pa la gsungs pa/ rigs lnga'i
 phyag rgya zhes bya ba/ thar pa'i rgyur ni brjod par bya/ /gang ma dang/ chos ma dang rdo rje ma dang gdol pa mo dang bram ze mo rnams ni rigs lnga'i phyag rgya zhes pa thar pa'i rgyur brjod par bya ste/ thar pa'i rgyu las so/ /yang na/ de bzhin
 gshegs pa lnga po de nyid rigs lnga'i phyag rgya zhes brjod par bya ste/ don bshad zin no/ yang na bye ba med par gyur na de nyid phyag rgya lnga ste/ de bzhin gshegs pa'i mtshan ma zhes brjod par bya'o/ /de bzhin gshegs pa lnga dang dbyer
 med pa'i rang bzhin kho na yul lnga'i rang bzhin phyag rgya lnga'o/ de nyid kyi phyir thar pa thob pa'i rgyur 'gyur ro/ /phyag rgya'i sgra 'di rnams ci ltar zhe na/ gsungs pa/ rdo rje 'dis ni gdab bya ste/ /de la phyag rgyar brjod par bya/ /zhes pa/ gang rdo rje
 zhes brjod pa'i rdo rje mi bskyod pa'i thugs rdo rje de yis te/ yid ni dam pa'i bde ba za/ zhes pa'i tshig las reg bya ni yid kyi yul yin pa'i phyir ro/ /gar ma chos ma rdo rje ma/ gdol pa mo dang bram ze mo/ /zhes pa gang gsungs pa de
 rnams kyi dbus su gnas pa'i rdo rje'i rigs nyid dang por gsungs te/ sems ni thams cad kyi bdag po yin pa'i phyir ro/ /rdo rje pad+ma de bzhin las/ de bzhin gshegs dang rin chen nyid/ slar yang gong du bzhag pa'i phyag rgya gnyis ni bar ma pad+ma'i rigs
 te/ 'od dpag tu med pa'i rigs gsungs rdo rje'o/ /chos ma las kyi rigs te don yod grub pa'i rigs sku rdo rje'o/ /slar rig pa ma yin pas mdza' nas brtsams te/ bram ze mo de bzhin gshegs pa'i rigs sku rdo rje ste/ don yod grub pa ni 'di
 nyid la rab tu zhugs pa'i phyir/ 'di dang por gsungs so/ /gdol pa mo rin chen rigs te/ rin chen dbang po'i rigs 'od dpag med gsung rdo rje la rab tu zhugs pas gsung rdo rje'o/ /'od dpag med zla ba dang rin chen dbang po nyi ma ste/
 zla ba dang nyi ma'i bdag nyid las gnyis ka bdag med ma dang dbyer med pa byang chub kyi sems nyid kyis rgyas gdab par rigs so zhes rin chen dbang po'i rigs mdza' nyid du gsungs so zhes pa'o/ /snying rje chen po dam pa yi/ /rigs ni
 rnam pa lnga ru brjod/ ces pa rim pa 'dis rigs lnga rnams te/ kye'i rdo rje snying po snying rje chen po zhes bod pa'o/ /gnyis ka dbyer med pa las gzugs la sogs pa ste/ gzugs dang sgra dang dri dang ro dang reg bya rnams dang/ rnam par snang
 mdzad dang/ rin chen dbang po dang 'od dpag med dang don yod grub pa dang/ mi bskyod pa rnams/ lugs las bzlog pa dang/ lugs dang mthun pa'i rim pas bram ze mo dang/ gdol pa mo dang/ gar ma dang/ chos ma dang/ g.yung
 mo rnams gsungs so zhes pa'o/ /yang na/ rdo rje 'dis ni brdab bya ste/ des na phyag rgyar brjod par bya/ gdab par bya zhing mtshon par bya ste/ rgyu 'dis ni phyag rgya zhes brjod par bya'o/ /de yang gang zhe na/ rdo rje pad+ma de bzhin las/ de bzhin
 gshegs dang rin chen nyid/ mi phyed pa'i rdo rje'i rgyu des na/ 'di dag thams cad phyag rgya zhes brjod par bya'o/ /de nyid kyi phyir dam pa'i rigs ni lnga nyid du brjod de ye shes kyi nges par gyur pa'o/ /de'i phyir snying rje chen po zhes bod
 pa ste/ shes rab dang thabs gnyis su med pa'i ye shes lnga'i bdag nyid can 'di nyid ye shes te mthong ba po dang/ mthong bar bya ba la sogs pa dbye ba med pa las shes rab dang thabs kyi cho gas de kho na la dga' bas mchod par bya'o zhes
 pa'o/ /yang na sku'i sgras chos 'byung bdag med ma'o/ /de len cing 'dzin pa ste/ de dang lhan cig dbyer med pa'i rang bzhin du gyur pa'i phyir rigs rnams so/ /de yang rnam pa lnga ste/ rgyas par ni rnam pa mdza' yas pa'i rigs nyid las ji ltar
 mdza' yas pa'i rigs sngags kyi le'ur rab tu bshad cing le'u gzhan du yang bshad par bya'o/ /'di nyid kyi phyir dam pa kun rdzob dang don dam pa dbyer med pa nyid la snying rje chen po nyid dang/ de nyid dbye ba med pa'i mtshan nyid so
 sor bstan pa'i phyir lugs dang mthun pa dang/ lugs las bzlog pas 'khrags 'khrugs su gsungs pa/ rdo rje'i phyag rgya g.yung mor 'gyur/ /de bzhin pad+ma'i gar ma nyid/ /las ni chos mar yang dag bshad/ de bzhin gshegs pa bram
 ze mo/ /rin chen gdol mar shes par bya/ /phyag rgya lngar ni rnam par nges/ /'di rnams de bzhin gshegs pa'i rigs/ /mdor bsdus pas ni brjod par bya/ /mdor bsdus pas zhes pa yul dang rnam par shes pa ni de bzhin gshegs
 pa rnams la de'i bdag nyid kyi rab tu zhugs pa'i phyir rdo rje la sogs pa mi bskyod pa la sogs pa'i de bzhin gshegs pa rnams kyi rigs yin te/ ngo bos gzugs med mthong ba'ang med/ /ces pa la sogs pa thams cad
 gsungs pa nyid do/ /yang na gang gi phyir g.yung mo la sogs pa rnams ni phyag rgya'i ngo bo nyid do/ /de'i phyir 'di rnams ni rdo rje ste/ mi byed ba'i rang bzhin gyi phyir rdo rje nyid do/ /de'i phyir rnam par nges te/ de bzhin gshegs pa'i rigs zhes pa bral ba'i rang bzhin bral
 bar nges pa 'am rnam pa sna tshogs pa'i tshul gyis nges pa ste/ de rnams stong pa nyid/ snying rje dbyer med pa'i rang bzhin gyi phyir zhes pa'i don no/ /'di rnams de bzhin gshegs pa'i rigs/ mdor bsdus pas ni brjod par bya/ zhes pa rigs ni ye
 shes te/ 'di nyid de bzhin gshegs pa rnams kyang ngo/ /ji ltar zhe na/ mdor bsdus pas yul dang rnam par shes pa ni/ de'i bdag nyid kyi phyir/ de rnams la rab tu bsres pas de bzhin gshegs pa rnams kyi rigs zhes pa'o/ /de
 bzhin gshegs pa'i sgra'i don ci zhe na/ de'i phyir gsungs pa/ dpal ldan de bzhin nyid du gshegs/ de bzhin du yang byon pa nyid/ /shes rab rigs pa 'di yis ni/ /de bzhin gshegs par mngon par brjod/ /ces pa de bzhin nyid ni
 g.yung mo la sogs pa mkha' 'gro ma rnams so/ /de rnams su gshegs pa ni rdo rje la sogs pa phyag rgya'i ngo bos rab tu zhugs pa'o/ /zhes pa de bzhin nyid du gshegs pa'o/ byon pa zhes pa mkha' 'gro ma de rnams nyid la rdo rje
 la sogs pa phyag rgya'i ngo bos bdag nyid nges par rtogs par gyur pa'o/ /zhes pa de bzhin du yang byon pa nyid de bzhin nyid phyir dpal ldan sh+rI yig gnyis su med pa'i ye shes de/ 'di la yod pa'i phyir de dang ldan pa'o/ /yang na
 de bzhin nyid ni rnam par mi rtog pa ste/ der gshegs pa ni de'i nang du thim pa ji srid de'i ngo bor gyur pa'o/ de bzhin du yang byon pa nyid ces pa rnam par mi rtog pa'i ye shes de nyid la spro ba'i tshul gyis kyang rnam par gnas so zhes pa ste/
 dpal ldan zhes pa'i don ni bshad zin no/ /shes rab ces pa brjod pa'i rim pa don dam pa'i bden pa dang rigs pa zhes brjod pa'i rim pa kun rdzob kyi bden pa ste/ 'dis ni de bzhin gshegs par mngon brjod ces pa rdo rje 'chang gis
 tha snyad du mdzad pa'o/ /da ni ngo bos gzugs med ces pa la sogs pa'i sdud pa gsungs pa/ rigs ni rnam pa drug du brjod ces pa/ mig dang rna ba dang sna dang ni/ /lce dang lus dang de bzhin yid/ /gzugs sgra de bzhin dri dang ni/ /ro dang de bzhin reg bya ste/ /chos
 kyi khams kyi rang bzhin nyid/ /'di rnams rigs ni drug yin no/ /mdor bsdus pa ni rnam pa lnga/ zhes pa de rnams mdor bsdus pa las rnam pa lnga ste/ yid ni de rnams la brjod do/ /sku gsung thugs kyi dbye ba yis/ /phyi nas rnam pa gsum du
 'gyur/ /zhes pa rnam par snang mdzad dang don yod grub pa dag shes dang thabs kyi rang bzhin gyis sku rnam par bzhag pa'i phyir don yod grub pa ni rnam par snang mdzad la bsdus so/ /de bzhin du gsung gi 'od dpag med dang/ rin chen
 dbang dag rnam par bzhag pas rin chen dbang po ni 'od dpag med la bsdus so/ /de bzhin du thugs kyi sku dang gsung dang thugs dag rnam par bzhag pas rnam par snang mdzad dang 'od dpag tu med pa dag las bsdus pa'i phyir sku gsung thugs
 kyi dbye ba'o/ /de'i phyir phyi nas gzhan rnam pa gsum du 'gro bar 'gyur ba rtogs par bya'o/ /yang na rigs ni rnam pa drug du brjod/ mdor bsdus pa ni rnam pa lnga/ /rnam pa drug ces pa mig la sogs pa rnam pa drug gi rang bzhin gang yin pa de rnam
 pa drug ste/ rigs de rnams brjod pa ni sku bdag med ma'o/ /de len cing 'dzin pa ste/ de'i bdag nyid kyis bdag nyid la rab tu zhugs pa'i phyir rigs rnams so/ /brjod pa ni shes pa'o/ /ci ltar zhe na/ mdor bsdus pas de rnams bsdus na slar rnam
 pa lnga ste/ spro ba'i rang bzhin rnam pa lnga'o/ /sku gsung thugs kyi dbye ba yis/ /phyi nas rnam pa gsum du 'gyur/ rnam pa gsum gang gi rnam pa yin pa de ni rnam pa gsum ste/ sku gsung thugs kyi bdag nyid dbyer med pa la gcig gi tshig go /ci ltar zhe na/ sku gsung thugs
 kyi dbye ba yis/ /sku gsung thugs kyi rang bzhin du gyur pa'i dbye ba spro ba'i tshul gyis sku gsung thugs kyi dbye ba tha dad du rnam par gzhag pa'i sku gsung thugs kyi dbye ba las ji srid rim pa las 'das pa rang bzhin med pa zhes pa'o/ /rigs dang
 'byung ba lnga rnams dang/ /phung po lnga yi rang bzhin can/ /rigs dang grang bya 'di yis ni/ /des na rigs zhes mngon par brjod/ /gal te rigs lnga po rnams nyid mi bskyod pa la sogs par 'gyur na/ sku gsung thugs kyi dbye ba yis/ rnam pa gsum du 'gyur
 pa de rnams kyi rigs nyid ci ltar zhe na/ gsungs pa/ rigs su bya ba dang/ bgrang bar bya ba grangs kyis yongs su bcad pa'i phyir/ rgyu des na rigs zhes mngon par brjod par bya'o/ /'byung ba lnga rnams zhes pa la sogs pa 'byung ba chen po lnga po rnams
 te/ de nyid kyi phyir phung po lnga'i rang bzhin gzugs dang/ tshor ba dang/ 'du shes dang/ 'du byed dang/ rnam par shes pa ste/ de rnams gang la yod pa de ni phung po lnga'i rang bzhin can no/ /de rnams kyi rigs nyid gang las zhe na/ de'i phyir gsungs pa/
 rigs dang bgrang bya grangs su bya ba lnga yis yongs su bcad pa'i phyir rgyu des na/ rigs zhes brjod par bya'o/ /yang na rigs zhes pa bdag med ma rnal 'byor ma'i rang bzhin rnams te/ de nas rgyas par 'byung ba lnga'i ngo bos ji lta ba bzhin rnam
 par bzhag go /phung po lnga'i rang bzhin can phung po ni gzugs la sogs pa'o/ /de yang rgyas par na lnga ste/ rgyu des na rang bzhin de yang dag par ji lta ba bzhin yod pa'i phyir rang bzhin can no/ /de rnams kyi rigs dang bgrang cha lnga po nyid re re la lnga'i
 rang bzhin te/ de rnams kyang re re lnga'i ngo bor 'gyur ba'i phyir mdza' yas shing grangs med pa ste/ rgyu 'dis ni rigs yin zhing de'i ngo bos mngon par brjod de/ rnam par gzhag par bya'o/ /'dis ni kun rdzob dang don dam pa dbyer med pa nyid
 kyis rdo rje 'chang nyid ces pa'o/ /de nyid kyi phyir bsgom pa po med bsgom bya med/ ces pa rdo rje gsum dbyer med pas phung po lnga'i rang bzhin nyid/ ngo bos gzugs med mthong ba 'ang med ces pa la sogs pa gang gsungs pa de sdud pa gsungs pa ste/
 bsgom pa po mthong ba med/ bsgom bya gzugs med/ sngags med ces pa/ sngags sgra med/ thos pa po yang med/ lha med ces pa dri med/ snom pa po yang med pa ste/ 'dis ni sku dang gsung dang thugs gsum po dbyer med pa'o/ /thams cad stong pa nyid
 yin pa de ltar med pa'i lta bar 'gyur ro zhe na/ de'i phyir gsungs pa/ sngags dang lha ni yang dag gnas/ ci ltar zhe na/ spros pa med pa'i rang bzhin las sngags dang lha gsung rdo rje dang thugs rdo rje dag spros pa ni sku'o/ /de yang ma lus pa de las gzhan
 ma yin pa'i phyir thams cad rang bzhin nyid kyis rnam par gnas so zhes pa'i don no/ /yang na sgom pa po med/ gang 'dzin pa nyid du/ brtags pa de dgag pa'o/ /bsgom bya med ces pa gang gzung ba nyid du brtags pa de yang dgag pa'o//
 de nyid kyi phyir sngags med mtshan ma med pa ste/ rang bzhin mtshan ma med pa nyid las so/ /lha med rnam par shes pa yang yod ma yin te/ 'dis ni sgom pa po dang bsgom par bya ba dag bkag pa'i phyir ro/ /cho ga yang gsungs pa'i phyir/
 sngags dang lha ni yang dag gnas/ /ci ltar zhe na/ spros pa med pa'i rang bzhin las spros pa ni rgyas pa kun rdzob kyi rang bzhin te/ de thams cad bral ba nyid la spros pa med pa'o/ /'di ni rang bzhin ste/ 'di'i rang bzhin med pa'i phyir 'di rnams
 ni 'gog pa ma yin no/ /yang na spros pa med pa'i rang bzhin las zhes pa spros pa las 'das pa nyid las/ sngags dang lha mtshan ma med pa nyid mtshan mar gnas te/ rdo rje gsum mi phyed pa nyid do kho nar nye bar bstan to zhes pa sgom pa po med bsgom bya med ces
 pa bdag gi de kho na rdo rje rigs kyi le'u'o/ /sngags med ces pa sngags med ces pa sngags kyi de kho na sngags kyi le'u'o/ /lha med ces pa lha'i de kho na lha'i le'u'o/ /spros pa med pa'i rang bzhin las/ sngags dang lha ni yang dag gnas/ zhes
 pa ye shes kyi kho na dbang bskur ba'i le'u'o/ /sgom pa po nyid kyis mig la sogs pa rnams kyi rnam par bzhag pas rnam par snang mdzad la sogs pa rig drug po rnams su 'gyur ro zhes de gsungs pa rnam snang mi bskyod don yod dang//
 rin chen dpag med sems dpa' ni/ /zhes pa bsgom bya nyid kyis gzugs la sogs pa yul drug po rnams bsgom bya dang sgom byed kyi rnam par bzhag pas rnam par shes pa'i nang du thim pa'i phyir/ sems dpa' ni thams cad na yod
 pa nyid do/ /zhes pa'o/ /tshangs pa khyab 'jug zhi ba dang/ thams cad sangs rgyas de nyid brjod/ phung po lnga'i rang bzhin kho na de nyid dang sems dpar brjod de/ sems dpa' srid pa gsum gcig pa zhes pa'i gsung las bsgom par
 bya ba dang sgom par byed pa gnyis ka/ dbyer med pa bde ba la sogs pa rtogs pa rnam par shes pa'i rang bzhin nyid las srid pa gsum ste/ de'i gcig ni dbyer med pa nyid do zhes pa de kho na'i ngo bor brjod do/ /yang na tshangs pa ni rnam
 par snang mdzad do/ /khyab 'jug ni mi bskyod pa'o/ /zhi ba ni don yod grub pa'o/ /thams cad ni rin chen dbang po'o/ /sangs rgyas ni 'od dpag tu med pa'o/ /de nyid ni sems dpa' zhes pa'o/ /yang na rnam par snang mdzad la sogs pa
 rigs drug po rnams de'i ngo bo nyid kyis lnga nyid dang/ mdza' yas pa'i rigs rnams su 'gyur ro/ /de'i phyir gsungs pa/ rnam snang mi skyod don yod dang/ /rin chen dpag med sems dpa' ni/ /tshangs pa khyab
 'jug zhi ba dang/ /thams cad sangs rgyas de nyid brjod ces pa'o/ /rnam par snang mdzad la sogs pa rnams ni de bzhin gshegs pa nyid kyis de nyid du 'thad mod kyi/ tshangs pa la sogs pa rnams kyi yang/ ci ltar zhe na/ de'i phyir gsungs
 pa/ tshangs pa myang 'das sangs rgyas te/ zhes pa/ tshangs pa mya ngan las 'das pa rtogs pa las sangs rgyas zhes brjod par bya ste/ nyi tshe ba rtog pa'i phyir zhes pa'o/ /nyams phyir khyab 'jug brjod par bya zhes pa nyams pa la bi sha
 ste/ nyams pa ni 'jig pa yin zhing 'jig pa'i rang bzhin las khyab 'jug ste/ nyi tshe ba rtogs pas gnas pa'o/ /yang na/ 'jug phyir zhes pa 'jug pa la bi sha ste/ thams cad du 'jug cing rab tu 'jug pa'i phyir khyab 'jug spro
 pa tsam rnam par gnas pa khyab 'jug sangs rgyas zhes brjod par bya'o/ /rtag tu dge bas zhi ba nyid ces pa zhi ba ni dbang phyug chen po ste/ de yang sangs rgyas so/ /ci ltar zhe na/ rtag tu thams cad kyi tshe dge legs thob par byed pa'i phyir te/
 'di yang nyi tshe ba nyid do/ /thams cad kun bdag la gnas phyir zhes pa/ thams cad kyang kun gyi bdag nyid thams cad kyi bdag la gnas pa'i phyir te/ mu stegs pas brtags pa'i bdag nyid kyi ngo bo nyid las so/ /dam pa'i bde bas de nyid de/ /dga' ba
 rtogs phyir rnam sang ngo zhes pa sangs rgyas rnams rnam sad de/ stong pa nyid kyi bdag med ma rnal 'byor ma'i ye shes rtogs pa las/ dga' ba rtogs pa'i phyir ro/ /ci ltar zhe na/ dam pa'i bde ba yang dag pa ye shes kyis te/ rgyu 'dis ni de nyid ces pa'o/ /yang na
 rnam snang mi bskyod don yod dang/ /rin chen dpag med sems dpa' ni/ zhes pa mig la sogs pa dbang po drug po rnams dang/ gzugs la sogs pa yul drug po rnams shes rab dang thabs dbyer med pas phung po lnga'i rang bzhin nyid kyis
 tshangs pa la sogs pa de bzhin gshegs pa lnga'i rang bzhin kho na'o zhes/ tshangs pa khyab 'jug zhi ba dang/ thams cad rnams de nyid brjod/ tshangs pa nyid khyab 'jug ste/ tshangs pa ji lta bu'i rang bzhin zhes na/ de'i phyir gsungs pa/ tshangs
 pa myang 'das sangs rgyas te/ ces pa/ mya ngan las 'das pa'i ngo bo ni tshangs pa don dam pa'i bden pa nyid kyis rnam pa gnas so/ /'jug phyir khyab 'jug brjod par bya zhes pa/ thams cad du 'jug pa spro ba'i rang bzhin gyis kun rdzob kyi bden
 pas rnam par gnas pa'i phyir/ kun rdzob don dam pa dbyer med pa yang de nyid ces pa tshangs pa nyid khyab 'jug ste/ gnyis su med pa'i ngo bo nyid las de nyid ces brjod par bya'o/ /zhi ba nyid thams cad de/ de yang de nyid du brjod par bya'o//
 ci ltar rtag tu dge bas thams cad kyi tshe rang bzhin med pa nyid kyis dge ba thob par byed pa'i phyir sdud pa'i ngo bo'o/ /thams cad kun bdag la gnas phyir/ thams cad kyi lus la gnas pa'i phyir te/ spro ba dang sdud pa'i bdag
 nyid gnyis ka dbyer med pa las de nyid du brjod do/ /de'i phyir rnam sad par du 'phags pa'i rtogs pas gnas pa'o/ /ci ltar dga' ba rtogs phyir stong pa nyid kyi ngo bos khams gsum pa rtogs pa'i phyir dam pa'i bde ba yang 
 dag pa'i ye shes nyid kyi de nyid ces brjod do/ /yang na/ rnam par snang mdzad la sogs pa sems dpa' i mthar thug pa drug dang tshangs pa la sogs pa'i de nyid kyi mthar thug pa drug ste/ drug tshan gnyis po 'di sems dpa' dang de nyid dbyer med pa'i phyir sku gsung
 thugs dbyer med pa rtogs pa las de nyid gnyis pa ye shes lnga'i bdag nyid kyis mkha' 'gro ma bco lnga'i rang bzhin gyi dkyil 'khor te/ shes rab thabs kyi rang bzhin gyis bco brgyad phung po dang khams dang skye mched
 kyi bdag nyid can rdo rje 'chang dkyil 'khor ro/ /gnyis ka dbyer med pas ye shes kyi dkyil 'khor dang/ dam tshig gi dkyil 'khor dag /tha dad med pa'i phyir rdo rje 'chang bskyed pa na mi bskyod pa nyid rdo rje 'chang du grub po zhes pa'o/ /lha'i ngo bo
 nyid rtogs par bya ba'i phyir ston pa gsungs pa/ gang phyir lus su byung ba'i phyir/ /lha zhes mngon par brjod par bya/ zhes pa/ lus gnas ye shes chen po ni zhes pa'i gsung las so/ /yang na/ lus phung po lnga'i bdag nyid can 'phel
 ba'i ngo bor byung ba ste/ de'i bdag nyid kyis rnam par gnas pa'i phyir/ lha zhes mngon par brjod par de/ tha snyad du bya'o/ /lha de nyid bcom ldan 'das zhes brjod par bya ste/ ci ltar/ sangs rgyas 'di la b+ha ga mnga' / /bcom ldan zhes ni brjod par bya//
 b+ha ga'i sgra nyid kyis ci zhig brjod par 'gyur zhe na/ de'i phyir gsung pa/ b+ha ga rnam pa drug tu brjod/ dbang phyug la sogs yon tan kun/ /yang na nyon mongs la sogs bdud/ /'joms phyir bcom ldan zhes pa'o/ /dbang phyug la sogs yon tan kun zhes
 ba/ dbang phyug dang ni gzugs bzang dang/ /grags pa dang ni dpal brtson 'grus/ /ye shes phun sum tshogs pa ste/ /drug ni b+ha ga zhes par brjod/ /dbang phyug phun sum tshogs pa zhes pa bag chags mdza' dag spangs pa'i bdag nyid can/ kun rdzob
 dang don dam pa dbyer med pa'i ngo bo shin tu rnam par dag pa'i ye shes ni dbang phyug phun sum tshogs pa ste/ rang dang bzhan gyi don phun sum tshogs pa ni de las 'byung ba'i phyir ro/ /de bzhin du gzugs phun sum tshogs pa zhes pa dngos po
 mdza' dag gzugs brnyan dang mtshungs par yang dag pa ji lta ba bzhin shes pa 'byung ba'i rgyu me long lta bu'i ye shes ni gzugs phun sum tshogs pa'o/ /grags pa phun sum tshogs pa zhes pa snying rje la sogs pa yon tan rin po che'i mthu las 'gro
 ba mdza' dag gi phan pa sgrub par nus pa nyid kyis phun sum tshogs pa thams cad kyi gnas su gyur pas gtso bor gyur pa'i sbyor ba las/ mnyam pa nyid kyi ye shes ni grags pa phun sum tshogs pa'o/ /dpal phun sum tshogs pa zhes pa dngos po
 mdza' dag phyin ci ma logs par so sor gzigs pa nyid kyis so sor rtog pa'i ye shes so/ /brtson 'grus phun sum tshogs pa zhes pa brtson 'grus kyi pha rol tu phyin pa rnam par dag pa las byung ba bya ba grub pa'i ye shes so/ /ye shes phun sum tshogs 
 pa zhes pa rnam pa thams cad kyi mchog dang ldan pa'i stong pa nyid kyi rang bzhin/ chos kyi dbyings shin tu rnam par dag pa'i ye shes so/ /ye shes lnga'i bdag nyid can 'di ni dbang phyug la sogs te/ b+ha ga drug po de rnams ldan pa'i phyir bcom ldan no/ /
 yang na zhes pa phyogs gzhan te/ nyon mongs pa la sogs zhes pa nyon mongs pa dang nye ba'i nyon mongs pa'i kun nas nyon mongs pa dang phung po dang 'chi bdag dang/ lha'i bu rnams te/ de rnams 'joms phyir sgrib pa dang bral ba las bcom ldan 'das zhes pa'o/ /yang na sangs
 rgyas 'di la b+ha ga mnga' / /ye shes kyi rnam pa ni/ bcom ldan zhes brjod par bya ste/ b+ha ga rnam pa drug ni dbye ba drug ste/ ci ltar mig la sogs pa drug dang/ gzugs la sogs pa drug dang gnyis ka dbyer med pa rnam par shes pa drug ces pa bco brgyad de/ phung po dang khams
 dang skye mched rnams mngon par shes pa drug gi yon tan gyi rang bzhin no/ /brjod pa ni ye shes kyi rnam par te/ rgyu 'di nyid las dbang phyug la sogs pa gsungs pa'i yon tan ma lus pa rnams su 'gyur ro/ /'dis ni bcom ldan 'das nyid la mchog gi
 yon tan de rnams yod kyi gzhan rnams la ni ma yin no/ /yang na nyon mongs pa la sogs bdud/ /nyon mongs pa la sogs pa ni nyon mongs pa dang/ nye ba'i nyon mongs pa dang/ kun nas nyon mongs pa rnams te/ nyon mongs
 par byed pa gzung ba dang 'dzin pa la sogs par mngon par zhen pas 'jug pa'i phyir nyon mongs pa ni dbang po drug go /nye ba'i nyon mongs pa ni gzung ba'i mngon par zhen pas de rnams la dbang po rnams 'jug pa'i phyir yul drug po rnams so/ /
 kun nas nyon mongs pa ni gzung ba dang 'dzin par mngon par zhen pas 'jug pa na bde ba la sogs pa'i rnam pas 'jug pa'i rnam par shes pa drug go zhes pa nyon mongs pa dang nye ba'i nyon mongs pa dang kun nas nyon mongs pa rnams so/ /de nyid bdud de ye shes
 rnams la rol pa ma yin pa'i phyir sems can rnams bdud do/ /de rnams kyi snang ni shin tu rnam par dag pa chos kyi dbyings kyi rang bzhin gyis rnam par bkod pa'o/ /de'i phyir bcom ldan zhes pa'o/ /da ni bskyed ma dang ni sring mo zhes pa la sogs pa mdor bstan pa
 rnams kyi don rgyas par bshad pas gzhan du gsungs pa/ gang phyir skye 'gro bskyed pa'i phyir/ shes rab bskyed mar brjod par bya/ /gang phyir skal pa ston pa yis/ /shes rab sring mo zhes bya nyid/ ces pa'i don rab tu gsal ba nyid do/ /yang na shes
 rab bskyed mar brjod par bya zhes pa/ shes rab kyi sgras phul du byung ba'i ye shes ni shes rab ste/ shin tu rnam par dag pa'i rnam par shes pa de ni bskyed ma zhes brjod do/ /gang gi phyir skye 'gro bskyed pa'i phyir zhes pa skye 'gro ni gzugs la sogs pa
 phung po lnga'i bdag nyid can mig la sogs pa'i dbang po'o/ /de nyid shes rab sring mo zhes brjod par bya ste/ ci ltar/ gang phyir skal pa ston pa'i zhes pa gang phyir rgyu gang las/ skal pa tha dad pa yul la sogs pa'i rang bzhin ston cing rtogs par byed
 pa'o/ /yang na tha dad dang bral ba ni b+ha ga ste/ tha dad med pa zhes pa'i don no/ /de gang las ston pa chos thams cad kyi sems kyi lus nyid las zhes pa'i don no/ /chos ma dang ni bu mo dang/ gang ma zhes par brjod pa/ chos ma dang gar ma la sogs pa de rnams ni/ bu mor yang
 brjod de/ sems can thams cad 'tshed pa'i phyir/ tshod ma zhes ni de bzhin brjod/ /gar ma la sogs pa ni bu mo nyid de/ gang las zhe na/ de'i phyir gsungs pa/ yon tan 'jo phyir shes rab ni/ /bu mo zhes ni brjod par bya/ /shes rab gar
 mar brjod bya ste/ ci ltar zhes na/ g.yo ba'i phyir te/ de yang bu mo'i don de nyid kyis so/ /de nyid kyi phyir snying rje chen po zhes pa bod pa'o/ /gang phyir bcom ldan mi rig pa/ /de phyir g.yung mor brjod par bya/ /'di yang ma mo'o/ /A li kA li rab brjod
 phyir/ /brjod pa bzlas pa yin par bshad/ ces pa 'dis ni/ gdol pa mo dang bram ze mo dag /A li kA la'i rang bzhin gyis rnam par gnas pa'o/ /yang na tshos ma dang ni bu mor yang/ /brjod par bya zhes pa ste/ sems can thams cad 'tshed
 pa'i phyir/ tshos ma zhes pa sems can thams cad ni gzugs la sogs pa phung po lnga'i bdag nyid can te/ de rnams thams cad dang sems can yang yin pa'i phyir ro/ /de rnams 'tshed ma chags pa'i mtshan nyid kun rdzob kyi bden pa rnam par
 Fbzhag pa sku rdo rje tshes ma ste/ de rnams nyid don dam pa'i bden pas rnam par bzhag pa'i phyir yon tan 'jo phyir bu mo zhes pa'o/ /shes rab gar mar brjod bya ste/ /g.yo ba'i phyir ni snying rje che/ zhes pa/ g.yo ba'i phyir zhes pa ni rlung g.yo ba'i
 rang bzhin gyi phyir te/ A li kA li nA da'i bdag nyid ni rlung ngo/ /gar ma ni gsung rdo rje ste/ de yang bu mo'o/ /gang phyir bcom ldan mi rig pa/ de'i phyir g.yung mor brjod par bya/ zhes pa yid ni dam pa'i bde ba za zhes pa'i gsung las/ thugs
 rdo rje g.yung mo ste/ de yang bu mo'o/ /'di rnams kyang rdo rje gsum/ dbyer med pa'i phyir sprul pa'i sku nyid kyis rdo rje'i rigs te le'u dang po bdag gi de kho na'o/ /rdo rje gsum dbyer med pa nyid bstan pa'i phyir gsungs
 pa/ A li kA li rab brjod phyir/ /brjod pa bzlas pa yin par bshad/ ces pa A li rin chen dbang po rnam par dag pa nyid las gdol pa mo dang/ bdag med ma rnal 'byor ma'o/ /kA li rnam par snang mdzad rnam par dag pa nyid las
 bram ze mo dang thabs so/ /gnyis ka brjod pa ni gnyis su med pas rnam par gnas pa'o/ /brjod pa bzlas pa yin pa bshad ces pa nges pa nyid kyis gsungs so/ /zhes pa ste/ 'dis ni sngags kyi le'u sngags kyi de kho na longs spyod rdzogs
 pa'i sku'o/ /rkang pa'i rjes ni dkyil 'khor yin zhes pa/ rkang pa ni cha shas te rjes ni des sna tshogs pa'i gzugs spro ba dam tshig gi dkyil 'khor ro/ /'dus phyir dkyil 'khor brjod par bya/ /'dus pa ni 'dzin pa/ g.yo ba med par byed
 pa ji srid sdud pa'o/ /de'i phyir yang dkyil 'khor du brjod do zhes pa ye shes kyi dkyil 'khor te/ dkyil 'khor gnyis so/ /yang na rkang pa'i rjes ni dkyil 'khor yin zhes pa rkang pa ni ye shes te/ rgyu des na rjes ni spro ba'o/ /zhes pa
 lha'i de kho na lha'i le'u chos kyi sku'o/ /'dus phyir dkyil 'khor zhes pa spyi bor rang gi rigs kyi dbang por 'gyur ro/ /'dis ni he ru ka rdzogs pa'o zhes pa dbang bskur ba'i le'u ye shes kyi de kho na sku gsum dbyer med pa rnam pa thams
 cad mkhyen pa nyid ces pa'o/ /yang na/ rkang pa'i rjes ni dkyil 'khor yin zhes pa gang/ rkang pa'i rjes ni dkyil 'khor du 'gyur te/ rkang pa ni bzhi pa lhan cig skyes pa'o/ /rjes ni tshul 'dis yang dag par bskyed pa ste/ de nyid dkyil
 'khor zhes brjod do/ /'dus phyir 'dzin pa'i phyir te/ g.yo ba med pa'i rang bzhin gyis zhes pa'i don no/ /le'u 'di nyid du/ rdo rje 'di ni gdab bya ste/ /des na phyag rgyar brjod par bya ste/ zhes mdor bstan pa de nyid kyi rgyas par bshad pa
 gsungs pa/ lag pa sgyur pa phyag rgya yin zhes pa lag pa dag gis phan tshun nyed pa 'di nyid phyag rgya'o/ /sor mo nyid pa'ang de bzhin no zhes pa song mo dag dag gis phan tshun nyed pa 'di yang phyag rgya'o/ /yang na lag pa sgyur ba zhes pa ka rdo rje 'chang/ ra bdag med ma/ gnyis ka'i
 bdag nyid spho Ta ni spha? ste/ phyag rgya dang mtshan mar 'gyur ro/ /rig lnga'i rim pas rigs rgya la sogs pa rab tu dbye ba tha dad pa dang/ tha dad pa med par 'gyur zhes pa'o/ /sor mo nyed pa'ang de bzhin no zhes pa sor mo'i sgras lnga'i bdag nyid
 can/ yul dang dbang po'i rang bzhin rigs lnga'o/ /de nyed pa ni sdud pa ste/ 'di mthar thug pa de kho na yin zhing dkyil 'khor gnyis dbyer med pa dang spro ba dang sdud pa'i bdag nyid can zhes pa'o/ /lha ni rnam pa gnyis te/ lus dang ldan pa
 dang/ sngags kyi rang bzhin no/ /de ji ltar de kho na'i rnal 'byor gyis bsgom par bya zhe na/ de'i phyir gsungs pa/ de ni bsam bya ste/ bsam par bya ste/ gang bsam pa gang dang gang bsams pa'i yul du byas pa'o gang las zhe na/
 gang phyir rnam bsams sna tshogs pa'i tshul gyis mtshan mar byed pa gang yin pa de bsam bya'o/ yang na de ni bsam bya de gzung ba dang yul gyi rang bzhin te/ gang las zhe na/ gang bsams pa dbang po rnams kyis 'dzin pa'i tshul gyis yul
 du byas pa gang yin pa'o/ /rnam bsams ni/ dbang po'i rang bzhin gang yin pa ste/ de gang gi phyir bsam bya gzung ba yul gyi rang bzhin no/ /de dag mtshan nyid tha dad pa med de/ gang gi phyir rnam bsams zhes pa dbang po dang yul
 dbyer med pa nyid las shes pa'o/ /lus dang ldan pa dang sngags kyi rang bzhin gyi lha'i de kho na rnal 'byor pas thams cad kyi tshe/ bsgom par bya'o zhes pa le'u dang po dang gnyis par ro/ /lha gang yin pa'ang
 lha'i le'u dang/ dbang bskur ba'i le'u gsungs so/ /de rnams ji ltar bsgom par bya zhen de'i phyir gsungs pa/ pha la thob pa'i bde ba gang/ bde ba ni rang gis bza' / /bde ba gang gis 'chi ba 'dir/ /bde ba de ni bsam gtan
 brjod/ /pha la zhes pa skyed par byed pa yid la'o/ /de las thob pa'i bde ba gang dbang po dang yul las skyes pa'i shes pa bde ba la sogs pa'i rnam pa gang yin pa de bza' zhing myong bar bya ste/ rang gis zhes pa bdag nyid kyis so/ /
 'dis ni sems las tha dad pa ci yang med do zhes pa'o/ /de ltar yang 'phags pas gsungs pa/ lha yi dmigs pa tha dad ni/ /mos pa sna tshogs rgyu nyid de/ /sems kyi rdo rje rnal grol na/ /lha ni gzhan du brjod mi bya/ zhes pa'o/ /bde
 ba de ni/ ye shes de nyid bsam gtan brjod/ /'dir kye'i rdo rje'i rgyud 'di ni bsam gtan zhes brjod par bya ste/ gang las bde ba gang gis 'chi ba ni 'chi ba lta bur yul dang dbang po dang rnam par shes pa 'gog pa'o/ /gang gi phyir
 de ni ye shes las gzhan rtogs pa'i ched du ye shes gzhan med do zhes pa'i don no/ /yang na/ phal zhes pa skyed par byed pa shes rab dang thabs dbyer med pa'i rang bzhin rab tu rtogs pa na/ thob pa'i bde ba gang ye shes gang
 zhig skyes pa'i ye shes de nyid rang gis zhes pa bdag nyid la bza' zhing bskyed par bya'o/ /bde ba ye shes de nyid na 'chi kyang brjod de/ bde ba gang gis zhes pa ye shes gang gis 'dir bsam gtan bsam pa zhes 'dir
 brjod de/ gnas so zhes rnam par bzhag pa'o/ /de'i phyir bskyed pa dang gnas pa dang 'jig pa ni shes pa gcig pu dang 'brel pa'i phyir ye shes ni nges par rdo rje gsum dbyer med pa nyid do zhes pa'o/ /yang na/ pha las thob pa'i bde
 ba gang/ skyed byed kyis bskyed pa shes rab dang thabs dbyer med pa'i phyir ye shes te/ ye shes de nyid rang gis bza' / bdag nyid ces yongs su brtag par bya'o/ /de yang rang bzhin med pa nyid do zhes gsungs pa/ bde pa po ni
 'chi bar brjod par bya zhes pa/ ye shes de nyid rgya gang gis 'chi ba nyid kyis brtag par bya ba de'i phyir/ ye shes de nyid kyis bsam gtan du yang brjod de/ bsam par brjod ces pa'o/ /de'i phyir 'di thams cad rang bzhin
 med pa ste/ rang bzhin yongs su dag pa'i phyir zhes pa'i don no/ /yang na pha la skyed par byed pa bsam gtan dang bsam par bya ba dag /dbyer med par rtogs par gyur na bde ba gang ye shes gang yin pa de ni bsam gtan zhes brjod do/ /
 de yang rang gis bza' zhes pa 'di rang rig par bya'o/ /bsam gtan de yang 'chi ba lta bur dbang po dang yul dang rnam par shes pa 'gog pa'i phyir 'chi ba ste/ bde ba gang gis 'dir ye shes gang gis 'di rtogs pa'o/ /de kho na
 dang ldan pa'i bsam gtan ni ye shes zhes brjod do/ /le'u bzhis gang gsungs pa/ de thams cad de kho na'i le'us bsdus so zhes pa'o/ /de bzhin gshegs pa thams cad kyi sku dang gsung dang thugs kye'i rdo rje'i de kho na'i le'u ste lnga  
 pa'o/ /de bzhin gshegs pa thams cad ces pa shes rab dang thabs dbyer med pa shin tu rnam par dag pa'i chos kyi dbyings kyi bdag nyid can ye shes lnga dbyer med pa mig la sogs pha lhag par gnas pa'i ye shes so/ /sku dang gsung dang thugs
 zhes pa sku gsum lhag par gnas pa'o/ /kye'i rdo rje zhes pa shes rab dang thabs kyi bdag nyid do/ /de kho na zhes pa gnyis su med pa'i ye shes te/ 'di thams cad rdo rje 'chang gi ngo bo nyid ces pa'o/ /
 lnga pa ni lnga rnams kyi rdzogs pa dang gang ba ste/ de nyid kyi phyir rdzogs pa rnam pa thams cad kyi mchog dang ldan pa'i stong pa nyid kyi rang bzhin zhes pa'i don no/ /yang na/ de bzhin gshegs pa thams cad kyis rdo rje rigs kyi le'u'o/ /sku
 dang gsung dang thugs kyi sngags le'u'o/ /kye rdo rjes lha'i le'u'o/ /de kho nas dbang bskur pa'i le'u'o/ /lnga pas bsdus pa'i phyir de kho na'i le'u'o zhes pa kye'i rdo rje'i 'grel bshad kha sbyor shin tu dri ma med pa las le'u lnga pa'o// //
 da ni le'u bzhi yis ye shes kyi dkyil 'khor dad dam tshig gi dkyil 'khor gyi bdag nyid/ de kho na bzhi dang/ yang dag pa'i ye shes kyi rang bzhin de kho na bzhi'i bdag nyid kyang de kho na'i le'us mngon par brjod de/ de kho na'i rnal
 'byor pas ji ltar gnas par bya ba dang de kho na gnas gnas pa de'i yang/ /'bras bu gang yin pa de bstan pa'i phyir gsungs pa/ de nas gzhan yang rab bshad bya/ /spyod pa pha rol phyin mchog nyid/ /gang gis dngos grub mthar 'gro
 ba/ /kye'i rdo rjer dngos grub rgyus/ /'di'i don spyod pa zhes pa de kho na'i rnal 'byor pa'i lugs so/ /de rab bshad bya zhes pa rab tu brjod pas so sor rtogs par bya ste/ rab tu brjod pa zhes bya ba ni gang bya bas yongs su dman pa'i bya ba
 gsungs pa 'di nyid do/ /khyad par ci zhe na/ pha rol tu phyin pa phul du byung ba mthar thug pa thob pa'o/ /de nyid kyi phyir mchog ni nyan thos la sogs pa mos pa dman pa rnams kyi spyod yul ma yin pa nyid las gong ma'o/ /ci'i don
 nyid du spyod pa byed ce na/ gsungs pa/ gang gis dngos grub mthar 'gro ba zhes pa/ sbyod pa byed pa gang gis dngos grub mthar 'gro ba rtogs pa ste/ dngos grub kyi mthar rang bzhin rtogs par 'gyur ba'o/ /khyad par cis zhe na/ de nas gzhan zhes pa ste/ de nas
 gzhis? de kho na'i le'ur gsungs pa/ de las 'di'i rgyur gyur pa nyid kyis dngos grub mthar thug pa'i 'bras bu 'byung ba'i phyir gzhan phul du byung bar 'gyur ro/ /gang du zhe na/ kye'i rdo rjer to/ kye'i rdo rje'i rgyud 'dir ro/ /rgyu gang gis zhe na/ phyag rgya chen po'i
 dngos grub kyi rgyus zhes pa'o/ /yang na/ spyod pa rab bshad bya zhes pa ste/ gsungs pa'i don nyid do/ /dngos grub mthar 'gro ba zhes pa/ dngos grub ni rdo rje 'chang ste/ de'i mdza' ni rang bzhin no/ /khyab par ci lta bu zhe na/ /gzhan mchog go gang las zhes
 de nas bdag na'ang ma ste de'i phyir rdo rje 'chang dang bdag med ma dag dbyer med ma dag dbyer med pa las so/ /gang du kye'i rdo rjer gnyis su med par rtogs pa na ste/ de nyid ci'i don du rtogs shes na/ dngos grub rgyus phyag rgya chen po'i dngos grub kyi don te/ rnam
 pa gzhan du ma yin pa nyid do zhes pa'i don no/ /de kho na'i rnal 'byor pa'i mtshan nyid gsungs te/ 'jig rten pa dang 'jig rten las 'das pa'i mtshan nyid dang rang bzhin gyi rgyan 'dzin pa'i don gyis gsungs pa/ sgom pa po yis rnam
 gzung ba/ /rna bar lha yi rna rgyan te/ ces pa rnal 'byor pas rgyan byas te/ /de ci zhe na/ lha'i rna rgyan zhes pa lha'i bdag nyid kyis rna rgyan la sogs pa ste/ lha rnam par dag pa'i phyir ro/ /'dis ni phyag
 rgya rna rgyan rnam par dag pa'i lha gang yin pa/ lha de'i mtshan ma nyid dar byas te/ rab gnas la sogs pa yang byas nas rna ba dag la gzung bar bya'o/ /lha'i sgra ni thams cad du rig par bya ste/ 'dir 'khor lo dang lag gdub la sogs pa
 rnams la yang sngar bzhin bya'o/ /rkang gdub la yang rdo rje thod pa'i phyag rgya dang/ dpung rgyan la yang/ rdo rje 'chang nyid kyi phyag rgya ces pa'o/ /spyi bor 'khor lo rnam par 'dzin/ /lag pa dag la lag gdub gnyis/ /gdub
 bu gnyis so/ /rked pa la yang ska rags gnyis/ /rkang pa dag la rkang gdub ste/ /dpung pa'i rtsa bar dpung rgyan dang/ /mgrin par rus pa'i phreng ba'o/ /zhes pa/ mgrin par rus pa'i mgul rgyan te/ 'dis ci gsungs na/ rna rgyan la sogs pa
 gang gsungs pa/ de thams cad rus pa kho na'i ste/ rus pa yang shin tu rnam par dag pa chos kyi dbyings kyi rang bzhin las bdag med ma'i rang bzhin kho na'o/ zhes pa shes rab dang thabs kyi rang bzhin gyi rgyan thams cad rnal 'byor pas
 gzung bar bya'o zhes pa'o/ /yang na sgom pa pos de kho na dang ldan pas lha'i rna rgyan/ rna cha'i bdag nyid 'od dpag med ces pa'i gsung las lha'i rna rgyan de yang 'od dpag med de/ de yang lha thams cad kyi rang bzhin gang du zhe na/ A li dang
 kA li gnyis kyi nA da gnyis las rdzogs pa'i phyir rnam pa dag la'o/ /de gnyis kyi phyir de rnam pa sna tshogs pa'i tshul gyis 'dzin cing tha dad med par byed pa'i phyir rnam pa gzung ba ces pa gsung rdo rje'i rang bzhin longs spyod rdzogs pa'i
 sku'o/ /spyi bor 'khor lo rnam par 'dzin/ zhes pa dkyil 'khor ba'i bdag po nyid kyis 'khor lo ni mi bskyod pa'o/ /de yang spyi bor te/ bde chen kaM la gnas pa gang/ zhes pa'i gsung las so/ /rnam par 'dzin zhes pa 'khor lo mi bskyod
 pa de nyid rnam pa sna tshogs pa'i tshul gyis 'dzin cing gzung bar bya ba dang/ gzung bar bya ba ma yin pa dbyer med par byed pa'o/ /de ni bya ba'i tshul nyid kyis gzung bar bya ste/ a bdag med ma'o/ /bdag med ma dang dbyer med pa nyid mi bskyod
 pa thugs rdo rje'i rang bzhin chos kyi sku'o/ /lag pa dag la lag gdub gnyis zhes pa/ lnga'i bdag nyid gnyis kyis dbang po dang yul gnyis kyi rang bzhin no/ /lag gdub kyi sgras rnam par snang mdzad do/ /snang ba'i mtshan nyid sku rdo rje sprul pa'i sku/
 rnam par snang mdzad ces pa'i gsung las so/ /shes rab dang thabs kyi bdag nyid can rig pa dang snang ba gsal ba'i rang bzhin du gsungs te/ sku gsum gyi ngo bo kho na'o/ /rnal 'byor pa rgyan gyis brgyan pa ni de ltar rgyan du 'gyur ro/ /'di rnams nyid shes rab
 dang thabs dbyer med par bya ba'i phyir gsungs pa/ rked pa la yang ska rags nyid ces pa/ kaM bde ba chags pa'i mtshan nyid do/ /de las 'das par 'gro ba'i phyir ka Ti bdag med ma'o/ /de la khyab par bya ba dang khyab par byed pa'i rang bzhin las rten dang brten
 pha nyid kyis ska rags don yong grub pa sku rdo rje ste/ ska rags la ni don yod gnas zhes pa'i gsung las/ kun rdzob dang don dam pa dbyer med pa nyid sku rdo rje ces pa'o/ /rkang pa dag la rkang gdub ste ces pa rkang pa dag la ye shes gnyis ka dbyer med
 pa nyid rkang gdub ste/ A li kA li nA da'i phreng ba gnyis so/ /de bzhin du gnyis ka dbyer med pa nyid gsung rdo rje zhes pa'o/ /dpung pa'i rtsa bar dpung rgyan dang zhes pa/ ba byang chub kyi sems so/ /a bdag med ma'o/ /de'i ngo bo nyid byang chub kyi sems
 yin pa'i phyir na/ ha rdo rje 'chang ngo/ /de yang u rdo rje mkha' 'gro ma ste/ des rgyan pa'i phyir hu rdo rje 'chang gi rang bzhin nyid byang chub kyi sems zhes pa'o/ /bA hu'i sgras de gnyis ka dbyer med pa gnyis kyi bdag nyid can yin pa'o/ /de nyid rtsa ba ste dang
 po dang gtso bo'o/ /de las 'byung ba lnga'i bdag nyid kyi ye shes te a'u yig sa ni puk+ka sI ru brjod ces pa'i gsung las sa puk+ka sI'o/ /ka chu'i khams so ra me'i khams so/ /ya rlung gi khams so/ e chos 'byung nam mkha' i khams so zhes pa dpung
 rgyan 'byung ba chen po lnga'i bdag nyid kyi ye shes so/ /dang yig las gnyis ka dbyer med pa nyid thugs rdo rje zhes pa'o/ /mgrin par rus pa'i phreng ba'o zhes pa mgrin pa'i sgras mgrin pa longs spyod rdzogs pa'i 'khor
 lo nyid kyis/ de yang 'dab ma bcu drug las stong pa nyid bcu drug go /de la rten dang brten pa'i dngos po khyab par bya ba dang/ khyab par byed pa nyid kyis mi'i rus pa chos kyi dbyings kyi rang bzhin las mkha' 'gro ma rnams so/ /de rnams
 kyi phreng ba ste/ me long lta bu la sogs pa ye shes lnga'i bdag nyid kyis 'di rnams spro ba'i ngo bo nyid do/ /dang po dang mthar rna rgyan dang mgul rgyan/ 'od dpag med dang rin chen dbang po/ /khu ba dang khrag gi ngo bo bskyed pa dang 'jig
 pa'i rang bzhin/ zla ba dang nyi ma'i rang bzhin dag las 'di rnams kyi rang bzhin rin chen dbang po ste/ mgul ba'i phreng ba rin chen dbang zhes pa'i gsung las A li kA li nA da dbyer med pa dag las rdo rje gsum dang/ ye shes lnga'i
 bdag nyid bzhi pa lhan cig skyes pa'i rang bzhin de kho na gnyis su med pa ni de kho na dang ldan pa'i rgyan no zhes pa gsungs pa'i don no/ /gzhan yang gsungs pa/ de'i bgo ba stag gi pags pa dang/ de'i bza' ba mi 'chi bcu phyed do zhes
 pa/ bdud rtsi lnga ni ji ltar 'o ma la sogs pa bdud rtsi bzhin du bza' bar bya ba de bzhin du rnam par snang mdzad la sogs pa yang ngo/ /yang na thams cad nas kun tu bsgrubs pa ni bgo ba ste/ de gang zhe na/ stag gi pags pa zhes
 pa gzugs sna tshogs pa spro ba'i bdag nyid do/ /de nyid kyi phyir bza' ba thim pa mi 'chi bcu phyed ces pa de bzhin gshegs pa lnga'i bdag nyid kyi ye shes bdud rtsi'i ngo bo zhes pa rdo rje gsum dbyer med pa sku rdo rje rdo rje rigs
 kyi le'ur mdor bstan pa'i brgyas par bshad pa'o/ /'dir he ru ka sbyor skyes bu ni he ru ka'i rnal 'byor dang ldan pa'i rnal 'byor pa ste/ rigs lnga la ni rnam par gnas/ /bram ze dang ni rgyal rigs dang/ /rje'u rigs dang dmangs
 rigs dang/ /mthar skyes de lnga rnams la'o/ /yang na gang rdo rje'i rigs dang/ pad+ma'i rigs dang/ las kyi rigs dang/ de bzhin gshegs pa'i rigs rnams la'o/ /de ci ltar zhe na/ de'i phyir gsungs pa/ rigs lnga dag dang mnyam ldan
 pa/ rigs gcig tu ni rnam par brtags/ /rigs lnga rnams 'dres par gyur pa gang yin pa de rigs gcig te/ rigs gcig kho na'o/ /de yang/ slar brtags zhes pa gcig nyid brtag pa'i dbang las so/ /'di ci ltar zhe na/ rigs
 gcig dang ni du ma yis/ /gang phyir g.yo ba mtshon mi bya/ /gcig gis kyang rgyu gang gi phyir/ /dbye ba tha dad mtshon mi bya/ /rtogs par mi bya'o/ /yang na/ he ru ka sbyor ces pa rnam par rtog pa med pa'i ye shes kyi bdag nyid can gyi skyes bu de kho
 na'i rnal 'byor ma rnam par gnas pa spro ba'o/ /gang du zhe na/ rigs lnga la ni me long lta bu la sogs pa ye shes lnga rnams la'o/ /gang las zhe na/ rigs lnga dag dang mnyam ldan pa/ ye shes lnga po rnams la mnyam pa'i ngos zhugs pa de nyid/ rigs
 gcig gnyis su med pa'i ye shes nyid de/ de yang brtags pa ni nges pa'o/ /ci ltar zhe na gang phyir du ma yis kun rdzob kyi bden pa'i bdag nyid spro ba dang/ rigs gcig gis don dam pa'i bden pa'i bdag nyid sdud pas dbye ba tha dad pa'i
 bya ba mtshon mi bya/ rtog par mi bya zhes pa'o/ /yang na/ yi ge lnga zhes pa ka kha ga g+ha nga/ ye shes lnga po rnams la rnam par gnas rnam pa sna tshogs pa'i rang bzhin du gnas pa'o/ /ci ltar zhe na yi ge mnyam ldan pa'i ni'i sgra ni
 gang gi phyir don te/ phan tshun yi ge lnga rnams kyi bsdus pa gang yin pa yi ge gcig tu brtags pa rnam par snang mdzad la sogs pa de bzhin gshegs pa lnga nyid kyis gang des pa de nyid ye shes lnga'o/ /gang gi he ru ka sbyor gyi/ he ru ka
 sbyor ba ni he ru ka sbyor te/ de ni skyes bu rnal 'byor pa'o/ /phyir gsungs pa/ yi ge gcig dang du ma yis/ yi ge gcig gis kyang gang gi phyir rnam par snang mdzad la sogs pa/ de bzhin gshegs pa rnams kyi dbye ba sna tshogs brtag par
 mi bya zhing yi ge du ma nyid kyis kyang gang gis phyir dbye ba mtshon pa mi bya ste/ gang gi phyir tha dad dang tha dad med pa dag khyad par med pa nyid do/ /de ltar gyur pa'i rnal 'byor pas gang du gnas par bya zhe na/ de'i phyir gsungs pa/ shing gcig
 gam ni dur khrod dang/ ma mo'i khyim dang bzhi mdo dang/ yang na mtshan mo phyed dang ni/ dben pa dang ni bas mdza' ru/ /sgom pa bzang bar brjod par bya/ /shing gcig ces pa gang la shing gzhan gyi grib ma mi 'byung ba'i shing de ni gdon mi
 za bar gnod sbyin lhag par gnas par 'gyur ba'i phyir ro/ /de lhag par gnas pa'i gnas su gal te dogs pa med par gyur na/ de'i tshe de'i de kho na'i spyod pa dang de'i 'bras bu yang 'byung ngo/ /dur khrod ces pa dur khrod kyis gzhir yang
 yi dags lhag par gnas te/ der yang 'di dogs pa med pa nyid do/ /ma mo'i khyim zhes pa tsaN+Di ka la sogs pa rab gtum gyi lha lhag par gnas par de 'jigs pa med pa'o/ /bzhi mdo zhes pa gang du lam bzhi gcig pa nyid de
 de yang lha 'du ba'i phyir ro/ /der ni brtson 'grus dman pas gnas par mi nus so/ /mtshan mo phyed ces pa skye bo thams cad gnyid du song ba'i mtshan mo skad cig de la lha ma yin rnams gnas te/ de la yang de dogs pa med pa'o/ /dben
 pa ces pa ri'i phug la sogs pa ste/ lha ma yin la sogs pa rnam par gnas pa'i phyir ro/ /der yang 'jigs pa las nges par grol bas gnas par bya'o/ /bas mdza' zhes pa gzhan pa'i phyogs tha dad pa ches thag ring ba rgya mtsho'i
 nang du gnas pa'i gling la sogs pa ste/ der yang klu lhag par gnas pa nyid kyis 'jigs pa'i gnas nyid do/ /der yang rnam par rtog pa med pa'o/ /cung zad drod ni thob pa na/ gal te spyod pa byed 'dod pa/ ces pa gal te/ 'di lta bu'i spyod pa bya ba'i
 sgo yis byed 'dod pa de'i tshe/ cung zad drod ni thod pa na bya'o ces pa ste/ cung zad drod kyi sgras de kho na las lta stangs bzhi grub pa na'o/ /des dman pa dogs pa ni ma yin no zhes pa'o/ /gal te 'di lta bu'i spyod pa bya dka' ba de ci'i don du byed ce na
 gsungs pa/ gal te 'grub 'gyur 'dod yod pa/ /'dis ni spyod pa spyad par bya/ /gal te phyag rgya chen po'i dngos grub 'grub pa dang thod par 'gyur ba'i 'dod pa yod pa gang gi phyir na'i sgra de'i don ces pa'i don te/ 'dis ni spyod pa'i gnas
 pa 'dis gnas par bya zhing spyad par bya zhes pa'o/ /yang na shing gcig ces pa shing lta bur spro ba'i tshul gyi yal ga'i bdag nyid can gyi shing ste/ gcig ni lhan cig med pa sku rdo rje zhes pa'o/ /dur khrod ces pa chos kyi dbyings kyi gnas nA dA'i
 phreng ba gnyis ka'i rang bzhin gsung rdo rje'o/ /ma mo'i khyim zhes pa mkha' 'gro ma rnams so/ nye bar mtshon pa nyid la de bzhin gshegs pa rnams kyang ste/ de dang tha dad med pa'i phyir ro/ /de rnams kyi khyim ni gnas thugs rdo rje ste der ro/ /bzhi mdo zhes pa rdo rje gsum
 dbyer med pa rdo rje 'chang ste der ro/ /mtshan mo phyed ces pa/ mtshan mo las phyed gang gis mtshan mo dang tha dad du bya ba de ni nyin mo ste/ nyin mo dang mtshan mo shes rab dang thabs kyi rang bzhin/ dam tshig gi dkyil 'khor gyi bdag nyid can
 ye shes kyi dkyil 'khor la ste/ mtshan mo phyed ces pa'i don ni 'di nyid mngon par gsal bar byed do/ /dben pa dang ni bas mthar ru/ zhes pa rnam pa sna tshogs pa'i skye bo gang du me long lta bu la sogs pa
 ye shes lnga'i bdag nyid do/ /bas mdza' zhes pa spyod yul ma yin pa'i phyir shin tu zab pa ste der ro/ /gnyis ka la yang gnyis ka yod pa'i phyir shing gcig gi sku rdo rje mngon par gsal ba'i phyir rdo rje rigs kyi le'u'o/ /dur khrod
 kyis kyang gsung rdo rje mngon par gsal ba'i phyir/ sngags kyi le'u'o/ /ma mo'i khyim gyis thugs rdo rje gsungs pa'i phyir/ lha'i le'u'o/ /bzhi mdo yis rdo rje gsum dbyer med pa rdo rje 'chang ste/ spyi bor rigs kyi dbang por 'gyur ro zhes
 pa la sogs pa dbang bskur ba'i le'u'o/ /ye shes kyi dkyil 'khor dang dam tshig gi dkyil 'khor dbyer med pas mtshan phyed ces pa ste/ de nyid dkyil 'khor gnyis ka'i bdag nyid spro ba dang sdud pa'i ngo bos dkyil 'khor gnyis ka
 yang ngo zhes pa/ de kho na'i le'u'o/ /de nyid kyi phyir de kho na'i rnal 'byor pa spyod pa byed nus pa'o/ /de'i phyir rnal 'byor pa 'dis bya ba'i sgo yis spyod pa byed 'dod pa de ni cung zad drod thab par gyur pa na zhes pa lta stangs bzhi la
 sogs pa nus pa sna tshogs pa dang ldan pa'i phyir/ de tshe spyod pa bya bar 'dod pas de dang sbyor ba nyid do/ /spyod pa nyid kyi don ci zhe na/ gsungs pa/ 'grub 'gyur gal te 'di phyag rgya chen po'i dngos grub thob par 'dod pa de'i tshe/
 'dis ni spyod pa spyad par bya zhing gnas par bya'o/ /'di ni de'i kun tu bzang po'i spyod pa zhes brjod de/ 'di dang bral bas yang dag pa'i dngos grub ma yin no zhes pa rdo rje gsum dbyer med pa gsung rdo rje sngags kyi le'ur mdor bstan ba'i
 rgyas par bshad pa'o zhes pa'o/ /'dis ni spyod pa zhes pa gang gsungs pa de'i don ni 'di yin te/ 'dis ni zhes gsungs pa dang/ gsung bar 'gyur ba yang ngo/ /rigs lnga la sogs pa tha dad med par rtogs pa las shing gcig la sogs pa rnams su gnas bzod
 par 'gyur ro/ /de las kyang drod thob par 'gyur te/ de las kyang kun tu bzang po'i spyod pa bzod? cing de las dngos grub kyi ched du dogs pa med pa skye bar 'gyur ro/ /dngos grub kyang phyag rgya chen po'i sngon du 'gro ba nyid de/ bden pa gnyis ka'i khyad par can phyag rgya rnyed par 'gyur
 ba'o/ /de blangs te de dag lhan cig sbyod pa bya ba ste/ shin tu bzhin bzangs mig yangs ma/ rang gis dbang bskur snying rje can/ rdo rje'i bu mo 'di khyer nas/ spyod pa bya bar rtogs par bya/ /rang gis dbang bskur zhes pa rang gis dkyil 'khor la sogs pa'i bya ba dang chu la sogs pa'i cho
 gas dbang bskur pa shin tu rnam? par dag par byas pa'o/ /yang na nus pa'o/ /snying rje can zhes pa gzhan gyi don la nye bar sbyor ba ste/ snying rje med na mi 'grub pas zhes pa'i gsung las so/ /rdo rje'i bu mo zhes pa/ rdo rje'i rigs lo bcu drug ma ste/ 'di lta bu'i 'di khyer zhing gzungs nas
 spyod pa byas te/ mchog gi spyod pa bya'o zhes rtog par bya'o/ /rdo rje'i rigs kyi dngos med na/ /rang 'dod lha yi rigs kyis bya/ /rang 'dod lha zhes pa rang gi 'dod pa dang mngon par 'dod pa'i lha de'i rigs kyis te/ rnal 'byor pa gang dkar po che/ /
 de yi lha ni rnam snang mdzad ces pa la sogs pa 'chang bar 'gyur ba'i rigs de yis kyang zhes pa'o/ /gal te de yang ma rnyed na de'i tshe/ yang na zhes pa phyogs gzhan te gzhan gyi rigs byung ba tha dad pa'i rigs rnams so/ /byang chub sa
 bon btab pa yis/ /yang dag sbyangs pa zhes ba byang chub ni rnam par rtog pa med pa'i ye shes so/ /de'i sa bon ni yang dag par rdzogs pa'i byang chub kyi rgyu las te/ de btab cing bskyed pas 'dus byas pa shin tu rnam par dag
 pa chos kyi dbyings kyi rang bzhin no/ /de gzung zhing blangs nas spyod pa bya bar rtogs par zhes pa slar bzlas par bya'o/ /yang na bzhin bzang zhes pa brjod pa'i phyir/ /de zhal te A li kA li nA da'i phreng ba gnyis so/ /bzang
 pa ni yid 'phrog pa ste/ gang gi bzhin bzang ba de gsung rdo rje yin zhing de'o/ /mig yangs ma zhes pa gang gi yangs pa rgyas pa ste/ khams gsum pa khyab pa'o/ /de'i mig ni mthong ba ste/ shes rab dang thabs kyi rang bzhin no/ /mig yangs
 ma thugs rdo rje ste de'o/ /rang gis dbang bskur/ dbang bskur ba'i mthar thug pas gzugs brnyan rdzogs pa na/ de ni sku rdo rje'o/ /snying rje can zhes pa 'gro ba'i don bya ba la 'jug pa'i phyir/ /de ni bden pa gnyis ka'i rang bzhin no/ /de nyid
 kyi phyir rdo rje'i bu mo zhes pa mi phyed pa nyid las rdo rje dang 'od gsal ba nyid las bu mo ste/ sdud pa'i ngo bo nyid gsal ba'i bdag nyid do/ /'di zhes pa de lta bur gyur pa'i rdo rje'i bu mo bzung zhing mngon sum du byas nas gnas par 'os zhes pa'o/ /
 rdo rje'i rigs med rang 'dod kyis phyir lha yis rigs kyis kyang bya'o/ /zhes pa mi phyed pa'i rang bzhin te 'dis rigs su bya ba dang/ bgrang bar bya ba dang/ yongs su bcad par bya ba'i phyir rdo rje'i rigs so/ /tshul 'dis dngos po yod pa ma
 yin pa ni med de/ de'i phyir rdo rje'i rigs med bdag med ma rtogs pa'i phyir ro/ /rang 'dod lha'i rigs kyis kyang bya'o zhes pa rang gi sgras rnam par shes pa'o/ /'dod lha zhes pa rnam par shes pa des/ 'dod pa dang 'brel zhing khyab pa'i
 lha me long lta bu la sogs pa ye shes lnga'i bdag nyid can no/ /de'i rigs de yongs su bcad pas so/ /kyang zhes pa gnyis po yang tha dad med par bya ba ste/ kun tu bzang po'i spyod pa la zhugs pa'o zhes dgongs pa'o/ /yang
 na/ zhes pa phyogs gzhan te/ gzhan gyi rigs bya ba? la zhes pa gzhan ni gcig ste/ lhan cig ma yin pa'o/ /des rigs yongs su brgyad pa gang yin pa de ni gzhan gyi rigs te rdo rje 'chang ngo/ /de byung ba ni 'khrungs pa dang skyes par gyur
 pa rab tu gsal ba 'khor ba kun rdzob kyi bden pa'i bdag nyid do/ /la ni gang gi bdag med ma ste/ de ni don dam pa'i bden pa'i rang bzhin no/ /de'i khyad par ci zhe na/ byang chub sa bon btab pa yis/ /byang chub ni rnam par rtog pa'i
 ye shes te/ de nyid sa bon no/ /de btab pa ni bskyed pa ste/ des sbyangs pa 'dus byas pa'i rang bzhin kun rdzob kyi bden pa'i bdag nyid do/ /'dis ni kun rdzob kyi bden pa'i rang bzhin nyid kyis/ don dam pa'i bden pa'i rang bzhin nyid dang
 /de'i don dam pa'i bden pa'i rang bzhin gyis kyang kun rdzob kyi bden pa'i rang bzhin kho na'o zhes pa ste/ gnyis ka dbyer med pa bdag med ma'i rnal 'byor dang ldan pa rdo rje gsum
 dbyer med pa thugs rdo rje lha'i le'ur mdor bstan pa'i rgyas par bshad pa'o/ /de ltar gyur pa'i phyag rgya dang ldan pa'i rnal 'byor pa spyod pa la dga' ba des gal te dga' ba'i dbang gis glu len pa de'i tshe/ de ci ltar zhe na gsungs pa
 gal te dga' bas glu blangs te/ /de tshe rdo rje mchog ldan no/ /des tshe rdo rje'i glu nyid blang bar bya ste/ de nyid mchog rmad du byung ba zhes pa'o/ /gal te dga' ba skyes pa na/ /thar pa rgyud yis gar bya ste/ /de tshe rdo rje rkang pas gar/ /yo ga'i mnyam par bzhag pas
 bya/ gal te rnal 'byor pa gar gyi rtson pa la 'jug par dga' ba skyes par gyur pa de'i tshe gar bya'o/ /gang gis she na/ rdo rje rkang pas ji ltar dpal he ru kar gnas pa'i rkang pas chos kyi bdag nyid kyi ro mnan pa de bzhin du rdo rje rkang pa g.yas brkyang
 la sogs pa rnams kyis rkang stabs rnams kyi mnyam par bzhag pa sems de kho nas 'khyud pa'o/ /yang na de kho na'i rnal 'byor pa des glu A li kA li nA da'i bdag nyid kyi sgra ste/ len pa ni sgra yul du byed pa'o/ /sgra las sgra la zhugs pa'i phyir cha dang bral ba nyid
 kyis dga' ba'o/ /rgyu de'i phyir de'i tshe de'i dus ni rdo rje ldan pa mi phyed pa'i ye shes dang ldan pa nyid de mchog rmad du byung ba ji srid mchog dga' yi mthar thug pa'o/ /rdo rje gsum mi phyed cing dbyer med pa las dbang bskur pa'i le'ur mdor bstan pa'i don rgyas par bshad
 pa'o/ /gal te de'i tshe khyad par gyi dga' ba skyes pa na gar ni g.yo ba ste/ ci ltar zhe na/ thar pa'i rgyus grol ba'i don du'o/ /de ltar de'i tshe rdo rje rkang pas mi phyed pa'i ye shes dga' ba la sogs pa rnams kyis gar bya ste/ gang ni nges pa med par gnas pa'o/ /de
 bya ba ni nges pa med par gnas par skyed pa ste/ de'i phyir yo ga'i gnyis ka dbyer med pa'o/ /de nyid kyi phyir mnyam par bzhag pa ste/ mi mnyam pa med par gnas pa zhes pa'i don no/ /'dis ni ye shes lnga'i bdag nyid kyis de kho na ste/ de kho na'i le'ur
 mdor bstan pa'i rgyas par bshad pa'o/ /da ni gang zhig rnal 'byor pas 'dzin pa rus pa'i rgyan la sogs pa/ de rnams kyi rnam par dag pa gsungs pa/ 'khor lo'i gzugs kyis mi bskyod pa zhes pa/ spyi bor 'khor lo rnam par 'dzin zhes mdor bstan
 pa'i rgyas par bshad pa'o/ /rna cha'i bdag nyid 'od dpag med/ /rna bar lha yi rna cha'o/ /zhes mdor bstan pa'i rgyas par bshad pa'o/ /mgul ba'i phreng ba rin chen dbang zhes pa mgul par rus pa'i phreng ba'o zhes gang gsungs pa'o/ /lag par rnam
 par snang mdzad brjod ces pa/ lag pa dag la lag gdub gnyis zhes pa gang yin pa'o/ /ska rags la ni don yod gnas zhes pa rked pa la yang ska rags nyid ces pa gang yin pa ste/ de bzhin gshegs pa lnga'i rnam par dag pa phyag rgya'i sgras lha'i le'ur
 gsungs pa/ 'khor lo rna cha mgul rgyan dang/ /lag gdub dang ni ska rags nyid/ /sangs rgyas lnga ni rnam dag pas/ /'di rnams phyag rgyar rab tu grags zhes pa'o/ /'di ni mkha' 'gro ma'i rnam par dag pa rnams kyang ste/ de rnams rus pa'i phreng ba'i rgyan no zhes
 gsungs pa des na/ rkang pa dag la rkang gdub ste/ /rkang pa dag la shes rab dang thabs kyi rang bzhin A li kA li nA da'i bdag nyid rnam par dag pa'i rkang gdub po/ /dpung pa'i rtsa bar dpung rgyan no zhes pa gnyis ka dbyer med pa rdo rje 'chang rnam par dag pa nyid
 rgyan te/ spro ba dang sdud pa'i bdag nyid can no/ /bgo ba stag gi pags pa nyid ces pa/ de rnams nyid spro ba'i rang bzhin no/ /bza' ba mi 'chi bcu phyed de zhes pa/ de rnams nyid sdud pa'i bdag nyid do/ /yang na mi bskyod pa ni bskyod pa med cing g.yo ba med pa ste/
 mi bskyod pa g.yo ba med pa'i rang bzhin/ /mi shes pa gcod pa'i rnam pas 'khor lo'i gzugs so/ /rna cha'i bdag nyid 'od dpag med/ /dpag tu med pa'i 'od ni 'od dpag med de/ spro ba'i rang bzhin gyi bya ba gang yin pa de 'od dpag med do/ /ci ltar rna cha'i
 bdag nyid ce na bskor ba'i ngo bo khyab par byed pa'i rang bzhin zhes pa'i don no/ /dga' ba rgyas pa'i phyir rin chen ni sems so/ /de'i dbang po ni gtso bo ste/ de mgul ba'i phreng bar stong pa nyid bcu drug gi rang bzhin la zhes pa'o/ /lag par rnam par snang
 mdzad brjod ces pa/ dbang po dang yul lnga'i bdag nyid gnyis la rnam par nges pa dang/ snang mdzad gsal ba'i rnam pas gnas pa'i phyir rnam par snang mdzad do/ /ska rags chos 'byung la tha dad med par gnas pa don yod de don med ma yin pa
 'gro ba'i don gyi bya ba byed par brjod do/ ces pa'i don no/ /kha TwAM ga gzugs shes rab ste zhes pa/ rdo rje'i rigs dang rang 'dod lha'i rigs dang gzhan gyi rigs las byung ba rnams khyer nas spyod pa bya bar rtogs par bya zhes gang gsungs pa/ de'i rnam
 par dag pa gsungs pa/ kha TwAM gzugs shes rab ste/ ces pa kha TwAM ga yang g.yon pa nas zhes gsungs pa de yang? shes rab kyi rang bzhin te/ 'dis ni rnal 'byor pas kha TwAM ga yang gzung bar bya zhes pa'o/ /yang na kha TwAM ga
 gzugs shes rab ste zhes pa/ mkha' la 'gro ba'i phyir kha TwAM ga mkha' spyod ma'o/ /de nyid kyi phyir aM ga'i gzugs te/ oM rtogs shing khong du chud pa'i phyir aM ga'o/ /'di'i rang bzhin gang yin pa de/ shes rab ste shes rab kyi sgras a yig la sogs
 pa dbyangs bcu bzhi rjes su zhugs pa'o/ /'dis ni mkha' 'gro ma bco lnga ste/ A li kA li'i nA da zhes brjod do/ /thabs kyi gzugs kyis cang te'u zhes pa/ des cang te'u yang gzung bar bya ste de yang thabs rnam par dag pas thabs kyi gzugs kyis so//
 yang na thabs kyi gzugs kyi cang te'u zhes pa rigs lnga la ni rnam par gnas shes gang gsungs pa de'i rgyas par bshad pa ste/ cang te'u sgra'i rang bzhin nyid las nA da'i bdag nyid do/ /de yang thabs kyi rang bzhin kA li'i nA da ces pa'i don no/ /'dis ni A
 li dang kA li'i nA da gnyis ka'i bdag nyid kyis rnal 'byor par 'gyur te/ ci ltar zhe sdang rnam dag mi bskyod pa rnam par dag pa'i phyir ro/ /yang na zhe sdang rnam dag rnal 'byor pa ces pa/ he ru ka sbyor skyes bu ste ces gang gsungs pa de'i rgyas
 par bshad pa'o/ /yang na zhe sdang rnam dag rnal 'byor pa ces pa/ gnyis dbyer med pa'i rnal 'byor pa'o/ /de nyid kyi phyir zhe sdang ngo/ /de yang 'od dpag med la sogs pa'i rang bzhin las rnam pa sna tshogs pa'i rnam pa'o/ /de nyid kyi phyir rigs gcig pa
 dang dus yis/ /gang phyir dbye ba mtshon mi bya/ zhes pa'o/ /'khor la sogs pa'i rnam par dag pa mi bskyod pa la sogs pa dang/ nA da gnyis ka'i bdag nyid shes rab dang thabs kyi rang bzhin rnam par dag par gyur pa/ zhe sdang rnam dag rnal 'byor
 pa/ /rdo rje 'chang gi rang bzhin du 'gyur ro/ /'dis ni rnal 'byor pa'i phyag rgya lnga gsungs te/ de'i rnam par dag pa ni mi bskyod pa la sogs pa ste/ rkang gdub ni shes rab dang thabs rnam par dag pa'o/ /dpung rgyan ni zhe sdang rnam par dag pa'o//
 stag gi pags pa ni thabs rnam par dag pa'o/ /bza' ba mi 'chi bcu phyed ni shes rab rnam par dag pa'o/ /he ru ka sbyor skyes bu ste/ zhes pa des rnal 'byor pa rnam par dag pa'o/ /rigs lnga la ni rnam par gnas zhes pa la sogs pa/ /gang
 phyir dbye ba mtshon mi bya zhes pa'i par gyis zhe sdang rnam par dag pa'i rnam par dag pa'o/ /shing gcig la sogs pa yang me long lta bu la sogs pa ye shes lnga rnam par dag pa'o/ /dben pa dang bas mdza' ni thabs dang shes rab rnam par dag
 pa'o/ /spyod pa dang dngos grub ni rgyu dang 'bras bur gyur pa shes rab dang thabs rnam par dag pa'o/ /rdo rje'i bu mo la sogs pa yang gnyis su med pa rnam par dag pa'o/ /da ni glu dang gar gyi rnam par dag pa yang bshad par bya ste/ glu ni rnam dag sngags su
 gnas zhes pa sgra ni sngags kyi rang bzhin nyid do zhes pa'o/ /yang na/ ye shes kyi rang bzhin nA da nyid de/ 'dis ni gal te dga' pas glu blangs te/ de tshe mchog ldan no zhes pa de'i rnam par dag pa gsungs so/ /gar ni bsgom pa'i rnam pa'o/ /zhes
 pa gar ni g.yo ba ste/ sna tshogs pa'i gzugs kyis spro ba gang yin pa'o/ /de bsgom pa ni bsam gtan te/ lha'i rnam pas dkyil 'khor skyed par byed pa'o/ /yang na/ gar ni spro pa'o/ /de bsgom pa ni snyoms par 'jug pa te sdud pa'o/ /spro ba
 dang sdud pa dbyer med pa 'di nyid ces pa'o/ /'dis ni gal te dga' ba skyes pa na/ thar pa'i rgyu yis gar byas te/ /de tshe rdo rje rkang pas gar/ /yo ga'i mnyam par bzhag pas bya/ /zhes pa de'i rnam par dag pa'o/ /de'i phyir na klu dang gar yo gIs rtag tu
 rtag tu bya/ rgyu de'i phyir/ glu sngags ye shes kyi dkyil 'khor dang/ gar sgom pa dam tshig gi dkyil 'khor te/ gnyis ka yang gnyis ka'i bdag nyid can du rdzogs par bya'o/ /de nyid kyi phyir yo gI rtag tu rtag tu ces pa bar ma
 chad par nyid kyis zhes pa'o/ /yang na glu gsung rdo rje dang/ gar sku rdo rje gnyis ka yang yo gI rnal 'byor gyi bdag nyid dbye ba med par rtogs pas rnam par gnas te/ gnyis ka yang sems las gzhan ma yin pa'i phyir rdo rje gsum dbyer med
 pa nyid do/ /de nyid kyi phyir rtag tu bar ma chad pa nyid kyis rdo rje gsum dbyer med pa'i rnal 'byor pa des ji srid 'di'i sku gsung thugs kyi bdag nyid can bya ba de'i srid kho na thob bo ces pa 'di ni de kho na'i rnal 'byor pa'i kun tu bzang po'i
 spyod pa'o/ /bzang ba mi 'chi bcu phyed do zhes gang brjod pa de'i 'bras bu gsungs pa/ sman ni bza' bar bya ba ste/ /chu ni rtag tu btung bar bya/ rga shis gnod par mi 'gyur zhing/ rtag tu bsrung bar 'gyur ba yis/ /sman ni bdud rtsi lnga
 ste de bza' bar bya'o/ /chu ni byang chub kyi sems de de btung bar bya'o/ zhes pa 'di gnyis ka yang dam tshig ste bskyang bar bya'o zhes pa'o/ /de las rga ba rgas pa nyid dang/ shi ba 'chi ba nyid de/ 'di gnyis kyis gnod par mi 'gyur
 zhing gnod pa 'byung par mi 'gyur ro/ /gang gi phyir gang las thams cad kyi tshe bsrung bar 'gyur ba nyid do/ /yang na sman ni bza' bar bya ba ste/ rang bzhin med par bya zhing bdud rtsi lnga'i me long lta bu la sogs pa ye shes
 lnga ru'o/ /de'i tshe byang chub kyi sems ni btung bar bya zhing/ stong pa nyid dang snying rje dbyer med pa'i ye shes rtag par rgyun du bar ma chad pa nyid kyis bsrung bar bya'o/ /de las rga shis gnod par mi 'gyur zhing/ rga shi zhes bya bar
 gang rtog pas bzhag pa 'di yang rnam par mi rtog pa'i ye shes kyis bdag nyid de/ de ni gnod pa thams cad yongs su spangs pa'i phyir/ gnyis ka'i gnod pa rnam pa thams cad du med pa nyid do/ /rga shi da nyid de'i rtag tu bar ma
 chad par bsrung bar 'gyur ba yin no/ /yang na sman ni bza' bar bya ba ste zhes pa 'di'i don ni gsungs pa'o/ /de'i tshe btung bar bya ste/ wa rnam par rtog pa ni rtag tu dgra ste/ nges par dgra'i rang bzhin no/ /spyi bor rigs kyi
 dbang por 'gyur ro/ /zhes mdor bstan pa'i don rgyas par bshad pa'i rim pa ni/ rkun ma'i skra las cod pan byas/ rkun ma'i skra'i sgras dbyangs pa'i ro'i skra ste/ des cod pan bya'o/ /de la hUM byung sbyar bar bya/ hUM byung ni
 mi bskyod pa ste/ de de la ldan par gyur pa'o/ /yang na rkun ma'i skras rkun ma rnams kyis dngos po ni rkun ma ste/ ji ltar kun 'phrog pa nyid kyis de rnams kyis bya ba ni 'phrog par byed pa'o/ /de bzhin du dbang po dang
 yul gyis kyang gzung ba la sogs par mngon par zhen pas zhugs par gyur pa na 'di rnams yang dag pa'i ye shes 'phrog pa'i phyir rkun ma'i skras dbang po dang yul rnams so/ /skra ni sems te yul dang dbang po
 dang rnam par shes pa 'di rnams kyis byas pa yongs su rdzogs pa ni cod pan te/ ma mA ma kI /mi bskyod pa'o/ /de'i ku Ti ni chos 'byung ste/ de bzhir gyur pa khyab par bya ba dang khyab par byed pa nyid kyis so/ /de la
 hUM byung shes rab dang thabs dbyer med pa rdo rje 'chang sbyar bar bya ste 'byung ba tshogs pa yis de bzhin gshegs pa thams cad kyi bdag nyid bskyed par bya zhes pa'o/ /de nyid kyi phyir/ sangs rgyas lnga'i thod pa rnams/ /
 cod pan de nyid la de bzhin gshegs pa lnga rnam par dag pha'i thod pa lnga rnams so/ /yang na/ de nyid hUM byung ste/ sangs rgyas lnga'i thod? ba rnams de rnams lnga'i tshogs pa dang sangs rgyas kyang ste/ rigs mdza' yas
 pa'i phyir ro/ /de nyid kyi phyir thod pa rnams te/ kaM bde ba'i ye shes skyed par byed pa'i phyir/ yang dag pa'i ye shes sangs rgyas lnga'i thod pa rnams te/ mdza' yas shing mur thug pa'i sangs rgyas kyi ye shes rang bzhin rnam par
 dbye ba mdza' med pa ni hUM byung ste/ gcig nyid dang du ma nyid la sogs pa dbyer med kyis rang bzhin nges par gzung ba med pa'i phyir ro/ /rnal 'byor sbyod pas gzung bar bya/ /thod pa'i dum bu sor lnga pa/ /byas te cod pan gzung
 bar bya/ /de la thod pa'i dum bu rdo rje thod pa'i phyag rgya sbyin par bya ste/ hUM byung sbyar bar bya zhes pa'i gsung las so/ /yang na/ gzung bar bya zhing g.yo ba med par bya'o/ de ci zhe na/ thod pa'i dum bu sor lnga pa/ lnga zhes pa me long lta bu la
 sogs pa ye shes lnga'o/ /de rnams kyang sor mo ste/ oM mkha' spyod ma dang bdag med ma la sogs pa rnal 'byor ma bco lngas yongs su bcad pa'o/ /gu la ni de rnams khyab par bya ba dang/ khyab par byed pa'i ngo bos bskor zhing
 gnas pa'i phyir sor mo lnga/ dkyil 'khor gnyis ka dbyer med pas dkyil 'khor ro/ /de nyid thod pa yang dag pa'i ye shes te/ dum bu ni des yongs su bcad pa ji srid mthar thug pa zhes pa'o/ /thod pa'i dum bu sor lnga pa
 bya ste/ bsgrubs nas gang du gcod pa na chos 'byung la khyab par bya ba dang khyab par byed pa'i ngo bos dbyer med pa nyid rdo rje 'chang ngo/ /zhes pa lhag ma'o/ /gzhan yang rnal 'byor pas de bzung bar bya ste/ skra'i thag pa
 nyis bskor nyis ces pa'o/ /gang las nyid skor nyid ce na/ de'i don du gsungs/ thabs dang shes rab rang bzhin las/ yang na/ ka tsa'i sgra ni skra'i rnam grangs te/ de'i phyir skra ni byang chub kyi sems so/ /phag pa ni a ba d+hU tI bdag med ma ste/ phan tshun rab tu
 bcings pa'i phyir nyis skor ro/ /yang na/ a ba d+hU tI rab tu bcings pa nyid byang chub kyis sems te/ de yang skra'i thog pa shes rab dang thabs kyi rang bzhin gyis nyis skor lan gnyis dkris pa ste/ A li kA li gnyis kA'i nA da dbyer
 med pa nyid do/ /gzung par bya zhing g.yo ba med par bya'o/ /gzhan yang rgyan dang phyag rgya'i rnam par dag pa gsungs pa/ thal ba skra yi dag byed kyang/ /spyod pa rnal 'byor pa yis gzung/ /thal ba ni ro sreg pa'i rdul te/ yang ro bsregs pa'i rus pa'i
 phye ma'o/ /dag byed kyang zhes pa rkun ma dpyangs pa'i skra la byas pa'i dag byed spyod pas gnas pa'i rnal 'byor pa yis bzung bar bya'o/ /yang na thal ba'i sgras cha dang bral ba nyid las bdag med ma'o/ /skra'i sgras rdo rje 'chang ste/ thal ba dang skra dag gi
 dag byed dri ma med par byas pa chos kyi dbyings shin tu rnam par dag pa'i rang bzhin no/ /de nyid kyi phyir rnal 'byor pa rnal 'byor dang ldan pa spyod pa'i bya ba la gnas pas gnas gzung ste/ g.yo ba med par gyur pa'o/ /kha TwAM ga gzugs shes rab
 ste zhes gang gsungs pa dang/ thabs kyi gzugs kyis cang te'u zhes pa de'i rnam par dag pa lugs la bzlog pas gsungs pa/ cang te'u'i sgra ni bzlas pa ste/ shes rab kha TwAM ga bsgom pa zhes pa'i don gsal ba kho na'o/ /yang na cang te'u'i sgra ni//
 A li kA li nA da'i bdag nyid can gzhom du med pa rdo rje 'chang ngo/ /de yang bzlas pa ste/ bar ma chad par bzlas pa'i ngo bo nyid kyis rnam par chad pa med pa'i rang bzhin no zhes pa dam tshig gi dkyil 'khor ro/ /shes rab kha TwAM ga bsgom pa
 zhes pa shes pa ni phul du byung ba'i shes so/ /ci zhe na/ kha TwAM ga bsgom pa ste/ kha TwAM ga'i sgras mkha' spyod mthar thug pa'i mkha' 'gro ma bco lnga'o/ /bsgom pa zhes pa de rnams kyi snyoms par 'jug pa ste/ ye
 shes kyi dkyil 'khor ro/ /'di dag bzlas dang bsgom byar 'gyur gnyis po 'di nyid do/ /ci ltar zhe na/ rdo rje thod pa'i spyod pa yis zhes ba de kho na'i gnas pas so/ /yang na bzlas dang bsgom bya zhes pa bzlas pa rtag tu 'byung ba'i rang bzhin
 dam tshig gi dkyil 'khor gyi bdag nyid ye shes kyi nga? rkyon? ngo?/ bsgom bya snyoms par 'jug par bya ste/ ye shes kyi dkyil 'khor dang dam tshig gi dkyil 'khor dbyer med par bya'o/ /yang na bzlas dang bsgom bya zhes pa bsgom bya ni goms par bya ba ste gnyis su med
 pa rtogs pa'o/ /de yang bzlas par 'gyur te/ bar ma chad par 'byung ba nyid kyis rtag tu 'byung ba'i rang bzhin du 'gyur ro zhes pa'o/ /'di bdag nyid ci ltar zhe na/ gsung pa/ rdo rje thod pa'i spyod pa yis/ /rdo rje ni rdo rje 'chang ngo/ /thod pa ni
 bde ba skyong ba nyid de/ shes rab thabs bdag pad+ma'o zhes pa rdo rje thod pa shes rab dang thabs dbyer med pa'o/ /'dis ni spyod pa'i rang bzhin gyis gnas pas zhes pa'o/ /brkam? dang rmongs dang 'jigs dang khro/ /ngo tsha'i bya ba'ang
 spang par bya/ /brkam dang rmongs pa la sogs pa 'di rnams sgrib pa'i rgyu nyid kyi phyir spang bar bya'o/ /yang na/ brkam pa'i sgras 'od dpag med do/ /rmongs pa ni rnam par snang mdzad do/ /'jigs pa ni rin chen 'byung ldan no/ /khro ba ni mi bskyod
 pa'o/ ngo tsha ba ni don yod grub ba ste/ 'di dag gi rang bzhin nyid kyis yongs su bcad pa ni bya ba'o/ /de'i phyir spang bar bya ste/ 'di rnams kyi rnam par dag pa ye shes lnga nyid kyis 'di rnams spangs par gyur pa'i phyir spangs par bya bar
 de nyid kyi phyir gnyis dang bdag nyid rab spangs nas/ the tshom med par spyod par bya/ /gnyid ces pa dbang po dang yul la 'dod pa'i bya ba sdud pa nyid kyis gnyid ni bdag med ma ste/ de rnam par dag pas de yongs su spong ba'i phyir shin tu rnam par dag
 pas rtogs pa'o/ /de nyid kyi phyir bdag nyid rab tu spangs te/ bdag du lta ba bcad pa'i phyir gang zag gi bdag med pa mngon du byas nas spros pa med pa'i spyod pa bya'o zhes dgongs pa'o/ /lus kyi sbyin pa byin nas ni/ /phyi nas spyod pa yang
 dag brtsam/ /zhes pa dang por bdag spangs pa las/ gang zag gi bdag med pa mngon du gyur pa na chos kyi bdag med pa yang mngon du bya ste/ phyi nas zhes pa/ de'i rjes la lus chos thams cad do/ /de sbyin pa rnam par dag pa rnam par byang bar
 byin zhing spangs nas de rnams kyi rnam par dag pa'i mngon par zhen pa yang spangs te/ spyod pa gang yin pa de yang dag par bstan pa 'di nyid brtsam par bya'o/ sems can thams cad la bdag gis bdag dbul bar bya'o zhes pa'i sems
 gang yin pa 'di bskyed de/ de'i rjes la sems can thams cad kyi phyir dang/ sems can thams cad kyi don du lus byin nas spyod pa la gnas pa brtsam zhing yang dag par brtsam par bya'o/ /skal pa skal med rnams dpyad pas/ /de phyir
 sbyin pa sbyin mi bya/ /skal ba byas par gyur pa na/ /skal pa med pa rnam par dpyad par 'gyur te/ sems can gang+gA'i klung gi bye ma snyed mdza' yas shing thug pa med pa de rnams thams cad la lus byin pa na/ lus kyi skal ba bya ste/ skal
 pa byas pa na 'di'i chung ba ni chung ba'i phyir skal ba mthong ba ma yin zhing rnam par dpyad pa'i rgyu des skal ba med/ /rgyu de'i phyir sbyin pa sbyin mi bya/ rgyu gang gi phyir/ sbyin pa sbyin par mi bya zhing btang bar mi bya ste/ rnam par dbyad na rdul phra rab
 bsags pa med pa'i phyir rang bzhin spangs pa kho na'o zhes pa'o/ /yang na bdag nyid spangs nas ni/ /the tshom med par spyod pa bya/ /bdag nyid ces pa rnam par shes pa ste/ /de las 'das pa'i phyir rdo rje 'chang ngo/ /bdag
 nyid spangs nas the tshom med pas spyod par bya ste/ thams cad du dogs pa nyid kyis bsgrub par bya zhes pa'o/ /lus kyi sbyin pa byin nas ni/ /phyi nas spyod pa yang dag brtsam/ /lus kyi sgras chogs pa brjod do/ /de sbyin pa ni yongs su gtong
 ba ste/ de'i mngon par zhen pa yongs su spong ba'o/ /de byin nas ni zhes pa de rnams kyang spong ba ste/ 'dis ni mngon par zhen pa yongs su gtong ba yang mngon par zhen pa kho na ste/ mngon par zhen pa de yang de la med do zhes gnas pa'i spyod pa brtsams
 par bya'o/ /yang dag par gnas pa snyoms par zhugs pa mthar thug la thob par 'gyur ba'i phyir/ skal ba skal med rnams dpyad pas/ de phyir sbyin pa sbyin mi bya zhes pa skal pa ni rnam par dbye ba ji srid pa'i cha shas te/ de yang thabs kA
 li'i rang bzhin gyi nA da'i phreng ba'o/ /'di la skal pa dang cha shas yod pa ma yin pa'i phyir skal med ni cha dang bral ba A li'i rang bzhin gyi nA da'i phreng ba'o zhes pa'o/ /yang na skal pa ni cha shas dang cha'i ngo bo bskyed pa'i rang bzhin nyid
 kyis byang chub kyi sems zla ba A li'i phreng ba nyid do/ /skal ba med pa ni cha shas dang bral pa bdag med ma'i rang bzhin nyi ma dang kA li'i rang bzhin gyi nA da'i phreng ba ste /skal ba skal med ces pa'i sgras gsung rdo rje nA da'i phreng ba gnyis so//
 de rnam par dpyad pa ni rgyu ba dang bral ba ste/ rgyu ba med pa cha dang bral ba nyid do/ /rgyu ba med pa dang cha dang bral ba de nyid kyis sbyin pa ni/ yongs su gtong ba ste/ rgyu de'i phyir sbyin mi bya btang bar mi bya ste/ btang ba'i rang bzhin gyis phyir zhes
 pa'i don nyid do/ /'dis ni bdag nyid spangs ba'i phyir rnam par shes pa'i 'dzin pa ldog go /lus byin pas lus kyi mngon par zhen pa dang/ skal pa skal med rnam dpyad pas mtshan ma'i chags pa yang ste chags pa gsum las rnam par grol ba nyid kyis chags pa
 thams cad yongs su spang ba'i rang bzhin las rdo rje 'chang nyid de/ de kho na dang ldan pa'i spyod pa'o/ /de nyid kyi phyir/ bza' bca' de bzhin btung ba ni/ /ji ltar rnyed pa sbyang bar bya/ /bza' ba thug pa la sogs pa dang/ bca' ba zan la sogs pa dang/ btung ba
 zho la sogs pa rnam pa gang gis bzang ba 'am ngan ba ji ltar rnyed pa de thams cad longs spyad cing bza' bar bya'o/ /de nyid kyi phyir/ 'dir ni 'dzin pa mi bya ste/ 'dod dang mi 'dod rnam rtog phyir zhes pa 'dzin pa ni mngon par zhen pa'o/ /de mi bya ste/ ji ltar
 zhe na 'dod pa brkam chags dang/ mi 'dod pa brkam chags med pa ste/ gnyis ka yang rnam rtog phyir zhes pa rgyu rnam par rtog pa las so/ /de nyid kyi phyir/ bza' dang bza' min rnam dpyod dang/ /de bzhin btung dang btung min nyid/ /bgrod dang bgrod min sngags pa
 yis/ /rnam rtog nyid du mi bya'o/ /zhes ba'i don gsal ba kho na'o/ /yang na/ bza' ba ni bza' bar bya ba ste/ lus la mngon par zhen pa'o/ /bca' ba ni longs spyad par bya ba ste/ ngag la mngon par zhen pa'o/ /btung ba ni btung bar bya ba ste/ sems la mngon par zhen
 ba'o zhes pa ste/ gsum po 'di ni rim pa gang gis ji ltar snyed pa dang thob pa bza' bar bya ste/ mngon par zhen pa med pa'i ngo bor 'gyur ro zhes pa'o/ /de nyid kyi phyir 'dir rdo rje gsum dbyer med pa'i mngon par zhen pa rnams la 'dzin pa mngon par zhen pa mi bya zhing bya
 ba med pa'i tshul gyis ? par gnas par bya ste/ 'dod dang mi 'dod rnam rtog phyir/ /'dod pa mngon par zhen pa dang/ mi 'dod pa mngon par zhen pa med pa ste/ gal te bya ba'i sgo yis mngon par zhen pa yongs su spong ba de yang mngon par zhen pa nyid
 kyis rnam par rtog pa kho na'o/ /de'i phyir 'dir ni 'dzin par mi bya ste/ mngon par zhen pa med pa yang mi bya zhes pa'o/ /de nyid kyi phyir bza' dang bza' min zhes pa/ /bza' ba ni lus la mngon par zhen pa'o/ /bza' min ni mngon
 par zhen ba de yongs su stong ba ste/ de kho na dang ldan pas 'di gnyis ka'i rnam par spyod pa mi bya ba nyid de/ bya ba'i sgo yis bsgrub par mi bya'o/ /btung dang btung min zhes pa chu'i khams gsung rdo rje ste/ de la mngon par zhen pa'o/ /gtung min ni mngon par
 zhen pa de med pa ste/ 'di gnyis ka yang ngo/ /bgrod dang bgrod min zhes pa/ bgrod bya ni sems la mngon bar zhen pa'o/ /bgrod min ni mngon par zhen pa de med pa'o zhes pa sku dang gsung dang thugs la mngon par zhen pa dang/ mngon par zhen pa med pa
 gnyis ka rnam par rtog pa kho na ste/ de mi bya zhing bya ba'i sgo yis rtogs pa'i yul du mi bya'o zhes pa'i don no/ /gal te de ltar rtog pa thams cad yongs su spangs pa nyid kyis rnam pa thams cad du de'i bya ba yod pa ma yin pa'i phyir bla ma'i
 kun tu rtog pa dang de la phyag 'tshal ba'i kun tu rtog pa yang rnam pa thams cad du med par 'gyur ba nyid do zhes dogs pa las gsungs pa/ dngos grub thob kyang slob ma gang/ /yang dag ye shes snang ba po/ /mnar med spang ba'i rgyu yis
 phyir grub pas bla mar mngon phyag 'tshal zhes pa de'i don ni re zhig spyod pa'i bya ba la zhugs pa rnam par rtog pa med pa goms pa la dga' ba dngos grub thob kyang phyag rgya'i dngos grub rnyed pa ste/ de nyid kyi grub pa'o/ /de ltar gyur pa'i
 slob ma de yang bla ma ston pa la mngon par phyag 'tshal rnam pa thams cad kyis phyag 'tshal bar byed do/ /ci'i phyir phyag 'tshal zhe na/ mnar med spang ba'i rgyu yi phyir/ /rnam pa gzhan du de yang mnar med pa'i dmyal ba chen po 'gro bar 'gyur ro
 zhes pa'i don no/ /yang na/ dngos grub thob kyang zhes pa phyag rgya chen po'i dngos grub thob kyang bdag dang bdag gi ba la sogs pa sna tshogs pa'i kun tu rtogs pa las nges par grol ba nyid kyis rang nyid bdag med ma'i rang bzhin te/ slob ma rnal 'byor pa de lta yang bla mar mngon phyag
 'tshal/ kun nas phyag 'tshal zhing mchod pa'i ngo bos gnas pa'o/ /bla ma zhes pa rdo rje 'chang ste/ 'dis ni bla ma nyid rdo rje 'chang dang rang nyid kyang bdag med ma'o/ /de'i phyir gnyis ka dbyer med par rtogs pa las grub pa rnam par mi rtog pa'i ye shes te/
 yang dag ye shes snang ba'o/ /yang dag pa'i ye shes spro ba'i rang bzhin no/ /ci'i don du zhe na/ mnar med spang ba'i rgyu yi phyir gnod pa'i rlabs yod pa ma yin pa'i phyir mnar med bdag med ma'o/ de spang ba ni yongs su 'dor ba ste/ de'i rgyus rgyu de'i phyir ro/ /'dis ci
 gsungs na/ slob ma dngos grub thob pa zhes pa dmigs pa med pa ste/ gal te mdza' gcig tu bstan pa'i stong pa nyid nyams su myong ba rtogs pas gnas par gyur pa de'i tshe 'di rang gi don dang gnas kyi don yongs su 'dor bar 'gyur te/ de'i phyir yang
 bla ma ston pa rdo rje 'chang gi ngo bor dmigs par 'gyur te/ de'i tshe de las gzhan cung zad kyang med pa'i phyir ro/ /de dang dbyer med pa yongs su shes pa las 'grub par 'gyur te/ de'i phyir yang gnyis ka dbyer med pa nyid kyis yang dag ye shes snang
 ba bor 'gyur zhing 'gro ba'i don bya ba bzod pa grub pa thams cad mkhyen pa thob par 'gyur ro/ /mnar med spang pa'i rgyu yi phyir zhes pa/ a bdag med ma gnod pa spong ba'i rang bzhin nyid kyis bla ma rdo rje 'chang ste/ gnyis ka dbyer med pa las gcig
 gis tshig mnar med ces pa'o/ /de yang dbyer med pa rtogs pa de yang kun tu rtogs pa ste/ de spang ba'i rgyu'i phyir rnam pa thams cad mchog dang ldan pa'i stong pa nyid kyi rang bzhin gyis 'di rnams thams cad mkhyen pa nyid mngon par rdzogs
 par byang chub thob par 'gyur ro/ /rang nyid bdag med ma dang bla ma rdo rje 'chang gnyis ka dbyer med pa nyid dngos grub yin gyi rnam pa gzhan ma yin no zhes pa'i rnal 'byor ba grub pas kyang rtogs par bya ste/ 'di nyid dngos grub dang/ dngos grub kyang 'di nyid
 ces pa'o de kho na dang ldan pa de'i bla ma la phyag 'tshal ba las mtshan nyid tha dad pa'i bya ba gzhan med pa nyid do zhes gsungs pa/ bslab pa dang bya ba las rnam par grol/ /ngo tsha'i bya ba rnam par spangs/ /dngos po kun gyi rang bzhin gyis/ /rnam dpyad yo ga'i snying rje che/
 bslab pa zhes pa mi dge ba bcu la sogs pa yongs su spong ba'o/ /bya ba zhes pa mgo breg pa la sogs pa'i brtul zhugs so/ /de dag las rnam par grol ba ni yongs su spangs pa'o/ /ngo tsha'i bya ba rnam par spangs zhes pa ngo tsha dang bya ba ni ngo tsha ba'i bya ba'i bya ba ste de dag rnam
 par spangs pa ni ngo tsha ba'i bya ba rnam par dpyod pa las phyi rol du gyur pa zhes pa'i don no/ /rgyu gang gi phyir dngos po kun gyi rang bzhin gyis rnam par dpyad cing rnam par gnas par bya ste de'i phyir yo gI'o/ /gal te kun tu rtog pa thams cad yongs su spangs pa'i
 phyir bslab pa la sogs pa yang spangs pa yin na 'di ni de mi dge ba bcu la sogs pa yang byed par 'gyur ba ma yin nam zhes dog pa la gsungs pa/ snying rje che zhes pa ste/ gang gis brtse ba chen por gyur pa de ni snying rje chen po ste/ 'gro ba'i don gyi bya ba
 la 'jug pa'i phyir mi dge ba bcu la sogs pa rnams la de'i blo rnam pa thams cad du mi 'jug pa kho na'o/ /de ltar yang/ shes rab kyi pha rol tu phyin par shes rab kyi pha rol tu phyin pa ni 'dod chags la sogs pa rnams dang mya ngan las 'das pa'i bar
 gyi 'dzin pa nye bar zhi bar byed do zhes pa'o/ /yang na/ bslab pa zhes pa rig pa ste/ bdag med ma'o/ /de nyid sna tshogs pa'i gzugs can ni bya ba'o/ /gang gis de dag las rnam par grol ba de ni bslab dang bya las rnam par grol pa ste/ bdag med ma nyams su
 myong ba'i kun tu rtog pa yang de la yod pa ma yin zhing rdo rje 'chang gi go 'phang la gnas pa nyid do zhes pa'o/ /ngo tsha'i 'bras bu rnam par spangs zhes pa ngo tsha ni mi gsal ba'i ngo bo nyid kyis bdag med ma'o/ /bya ba ni gsal ba'i ngo bo nyid kyis rdo rje 'chang ste/ ngo tsha dang bya ba
 gnyis po de gang gis spangs shing dor ba de zhes pa ste 'dis ni gnyis ka dbyer med pa'i kun tu rtog pa yang de la med pa kho na'o/ /zhes pa'o/ /dngos po kun gyi rang bzhin gyis zhes pa rang gi dngos po ni rang bzhin te rnam par shes pa'i rang bzhin rtogs pa'o/ /de khyad
 par ci zhe na/ dbang po dang yul thams cad kyi dngos po gang la skyes pa de dngos po thams cad de/ /de dngos po thams cad dang rang bzhin yang yin pa'i phyir de rnams spyad pa spyod pa dang bral bar gyur pa'o/ /de nyid kyi phyir rnal 'byor pa ste/ sdud pa'i ngo bos de kho na rtogs pa'o/ /spro
 ba'i ngo bos snying rje che zhes pa snying rje chen po dang ldan pa'o/ /'dis ni bslab dang/ slab pa dang/ bya ba las rnam par grol ba nyid kyis gnyis su med pa rtogs pas rnam par gnas pa rang byung ba'o/ /ngo tsha dang bya ba rnam par spangs pa nyid kyis shes rab dang thabs
 kyi rang bzhin no/ /dngos po thams cad kyi rang bzhin nyid kyis rdo rje gsum dbyer med pa'i rang bzhin no/ /rnal 'byor pa zhes pa 'dis 'di'i bzhi pa'i rang bzhin no/ /snying rje chen po nyid kyis ye shes lnga dbyer med pa nyid rdo rje 'chang zhes pa'i don te/ de
 nyid drug pa zhes brjod de/ /sbyin bsreg mchod sbyin dka' thub 'das/ /sngags dang bsam gtan rnam par spangs/ /sbyin sreg gi sgras me tshim par byed pa'i bya ba'o/ /mchod sbyin gyi sgras de bzhin gshegs pa mchod pa'o/ /dka' thub kyi sgras/ gso
 spyong la sogs pa bya ba ste/ de rnams las 'das pa'o/ /sngags kyi sgras bzlas pa'i bya ba'o/ /bsam gtan gyi sgras lha'i bsam pa bskyed pa'i bya ba ste/ gnyis ka'i bya ba spangs pa zhes pa'i don no/ /yang na sbyin sreg mchod sbyin dka' thub 'das zhes
 pa/ ha rdo rje 'chang spyi bor ro/ /oM mgrin par ro/ /A:snying gar ro/ /ya lte bar ro/ /zhes ba ho:mA yA 'khor lo bzhi'o/ /ga ta ni 'khor lo bzhir gnas pa de rnams dbye ba med par rtogs pa ste/ de bzhin gshegs pa byang
 chub kyi sems so/ /de 'thung ba'i phyir sbyin sreg mchod sbyin sreg thug go/ /de khyad par ci zhe na/ a tI ta zhes pa a ti spangs pa dang/ i ti ye shes so/ /de gang gi 'das pa ste/ ye shes kyi kun tu rtogs pa yang de la med do zhes pa'o/ /de nyid kyi phyir/ sngags dang bsam
 gtan rnam par spangs/ sngags ni ye shes so/ /de'i bsam pa ni bsam gtan te/ ye shes dang bsam pa las 'das pa zhes pa'i don no/ /dam tshig sdom las nges par grol/ bzang por sbyor ldan spyod pa bya/ /dam tshig gi sgras bsrung ba dang
 bza' ba'o/ /de yongs su sbyong ba ni sdom pa'o/ /de spangs pa ni nges par grol ba'o/ /spyod pa bya ba ni gnas pa dang rtogs par bya ba'o/ /de nyid kyi phyir bzang po'i sbyor ldan dge ba'i sbyor ba dang ldan pa zhes pa'i don no/ /yang na dam tshig dang sdom pa'i
 sgras dam tshig ni spro ba'o/ /sdom pa ni sdud pa ste/ dam tshig dang sdom pa spro ba dang sdud pa lhag ma med pa las grol zhing spangs pa'i phyir gnyis ka'i kun tu rtog pa yang de la med do zhes pa'o/ /de ltar gyur kyang spyod pa la gnas par bya zhing bsgrub
 par bya'o/ /de nyid kyi phyir bzang po'i sbyor ldan dge ba'i sbyor ba dang ldan pa ste/ gnyis ka dbyer med pa'i kun tu rtog pa yang rnam par spangs pa'i phyir ro/ /de nyid kyi phyir de ni dogs pa thams cad dang bral ba'i phyir/ nges par sngon du lha min gang/ /brgya
 byin lta bu yin na yang de la 'jigs par mi bya ste/ seng ge'i gzugs kyis rgyu bar bya/ /don go sla ba nyid do/ /yang na/ brgya byin gyi sgras dbang po dang/ thugs rdo rje mchog gi dbang phyug gi sbyor ba las lta bu ni de dang mnyam pa dbang po dang
 yul dbyer med pa'o/ /de ltar gyur pa yin na yang lha ma yin gang/ lha ma yin pa dbang phyug ma yin pa de ni dbyer med pa nyid kyis sdud pa'i rang bzhin te/ de yang sngon du thog mar dang por stong nyid byang chub ste zhes pa'i gsung las so/ /de nyid nges par
 phung po ma lus par gyur pa'o/ /brgya byin lta bu zhes pa spro ba'i bdag nyid can te/ de la zhes pa de lta bur gyur pa la 'jigs pa dang rab tu skrag par mi bya ste/ ji ltar seng ge dogs pa med par rgyu ba de bzhin du de yang/ seng ge'i gzugs kyis
 thams cad du dogs pa med par rgyu bar bya zhing thams cad du khyab bar bya'o/ /thams cad du dogs pa med pa nyid kyi don gyi spyod pa yongs su spong ba'i kun tu rtog par 'gyur ro zhe na gsungs pa/ sems can kun gyi don gyi phyir/ /rtag tu snying rjes btung
 bar bya/ /rnal 'byor btung dga' rnal 'byor pa/ /btung ba gzhan gyis dag pa med/ /snying rje ni sdug bsngal dang sdug bsngal gyi rgyu las yang dag par 'don pa'o/ /de rnal 'byor pa des btung bar bya ste/ rtag tu bar ma chad par sems can kun gyi don gyi phyir bsrung
 bar bya'o/ /de nyid kyi phyir/ de ni rnal 'byor btung dga' ste/ /rnal 'byor bsrung ba la rjes su chags pa'o/ /de nyid kyi phyir rnal 'byor pa zhes brjod do/ /de'i phyir btung ba gzhan dang nyams su myong ba gzhan gyi de dag pa med cing dag par mi 'gyur ro zhes pa'o/ /yang
 na snying rje kun rdzob kyi bden pa'o/ /de btung bar bya ste gnyis su med par rtogs pas don dam pa'i bden pa nyid rtag tu bar ma chad pas rtogs par bya'o/ /ci'i phyir zhe na/ sems can kun gyi don gyi phyir/ de rnams thams cad dang sems can yang yin
 pa'i sems can thams cad de gzugs la sogs pa phung po lnga'i rang bzhin no/ /de nyid kyi phyir don ni don dam pa ste/ rgyu 'di dang byed pa 'dis so/ /de nyid kyi phyir rnal 'byor btung dga' gnyis ka dbyer med par rtogs pa sdud pa la rjes su chags pa'o/ /de ltar
 gyur pa'i rnal 'byor pa de kho na nyid dang ldan pa'o/ /de nyid kyi phyir 'di ni btung ba gzhan te/ gzhan ni lhan cig med pa gcig pu'o/ /de btung ba ni de zos pa gnyis su med par rtogs pa ste/ rnam par rtog pa med pa'i phyir ro/ /ma dag pa
 dag pa med do zhes pa ste/ thams cad shin tu rnam par dag pa chos kyi dbyings kyi rang bzhin yin pa'i phyir rnam pa thams cad mkhyen pa nyid mngon par rdzogs par byang chub par gsungs so/ /de bzhin gshegs pa thams cad kyi sku dang gsung dang thugs
 kye'i rdo rje rnal 'byor gyi spyod pa'i lE'u ste drug pa'o/ /thams cad ni thams cad khyab pa'i phyir drug pa rdo rje 'chang ngo/ /de bzhin gshegs pa ni mi bskyod pa la sogs pa lnga'o/ /sku dang gsung thugs ni rdo rje gsum mo/ /kye'i rdo rje ni shes rab dang thabs dbyer med pa'o zhes pa de
 bzhin gshegs pa thams cad kyi sku dang gsung dang thugs kye'i rdo rje dgu'i bdag nyid kyi dkyil 'khor du rnal 'byor gyi spyod pa zhes pa kun rdzob dang don dam pa dbyer med pa'i gnas pa'o/ /de'i le'u ni sbas pa rab tu gsal ba'i snang ba'o/ /de yang drug pa ni drug pa rnams
 kyi rdzogs pa zhes pa'o zhes pa kye rdo rje'i 'grel bshad kha sbyor shin tu dri ma med pas le'u drug pa'o// //lta stangs dgug dang brda' chen dang zhes pa la sogs pa mdor bstan pa de la brda chen ni spyod pa'i le'u'i bar ma chad par rgyas par bshad de/ spyod
 pa'i rnal 'byor pa nges pa med pas gnas pa'i phyir/ de gnas dang nye ba'i gnas la sogs pa rnams su bskor zhing sbas pa'i spyod pa gnas pa'i rnal 'byor pas mchog gi rnal 'byor mas yang dag par bstan pa'i brda' mi shes pa ni mtshon bar
 nus pa ma yin no/ /de'i phyir/ 'di de rnams dang lhan cig 'dus pa med pas bskyod par 'gyur te/ de bskyod pas las dngos grub nyams par 'gyur ro/ /gang gis tshe yang dag rang gi dam tshig gi brda shes par gyur pa de'i tshe/ de la mnyes par
 'gyur te/ de'i phyir de rnams dang 'dus pas nges par 'grub par 'gyur ro/ /de'i phyir gsungs pa/ de nas ts+tsho ma'i le'u bshad par bya'o zhes pa ste/ de nas zhes pa spyod pa'i le'u'i bar ma chad pa kho nar rnal 'byor pas rnal 'byor ma'i brda bstan pa mtshon par bya ba'i
 phyir/ ts+tsho ma'i sgras ts+tsho ma'i brda'o/ /de'i le'u rab tu bstan par bya'o/ /gang gis spun dang sring mor yang/ /the tshom med par zhes bya ba/ /zhes pa brda gang gis na des spun rigs gcig dang 'brel pa ste/ gnyis ka dam tshig tha dad med pa'i phyir ro/ /de
 bzhin du sring mo yang ngo/ /yang na spun dang sring mo zhes pa shes rab dang thabs dag go /gang gis zhes pa rlung gis te A li kA li'i nA da'i bdag nyid las zhes bya ba khyad par du shes par bya ste gnyis ka la gnyis ka dbyer med pas rtogs pa'i phyir ro
 dang yig las sgrun nyid sring mo ste/ thabs nyid shes rab bo/ /yang zhes pa 'dis thabs shes rab 'ba' zhig ma yin gyi sring mo yang spun te/ shes rab nyid kyang thabs so zhes 'dir the tshom dang dogs pa med de/ rnam par rtog pa med pa kho na
 kye'i rdo rje zhes pa'o/ /brda nyid gsungs pa/ gang zhig sor mo gcig ston dang zhes pa rnal 'byor ma gang su zhig gal te lag pa g.yon pa'i sor mo gcig ston par byed na des de'i tshe khyed cag legs par 'ongs sam zhes brjod par 'gyur ro/ /
 yang na/ gcig ni rdo rje 'chang ngo/ /sor mo'i sgras bdag med ma la sogs pa mkha' 'gro ma bco lnga'o/ /gcig dang sor mo yang/ sor mo gcig ste/ shes rab dang thabs dbyer med pa sku rdo rje ston zhes pa'i gsung las snang ba'i mtshan
 nyid do/ /gnyis kyi legs par 'ongs pa yin/ gnyis kyis zhes pa rnal 'byor pa nges lag pa g.yas pa'i sor mo gnyis ston pas legs par 'ongs pa yin zhes pa nges cig legs par 'ongs zhes brjod par 'gyur ro//
 legs par 'ongs zhes pa legs pa rang rig pa thugs rdo rje'o/ /brjod ces pa gsung rdo rje'o/ /'dis gang zhig 'gyur pa yang rlung ste nA da'i phreng ba gnyis su so/ /a a ba d+hu tI zhes pa yA rdo rje gsum dbyer med pa'o//
 dar gi sgra ni khyad par gyi don te/ khyad par nyid ni bzhi pa ste/ logs par 'ongs pa rang rig pa'i ye shes so/ /yang na gnyis kyis zhes pa rdo rje dang pad+ma dag gis snyoms par 'jug pa'o/ /legs pa ni khu ba byang chub
 kyi sems te/ de'i tshe legs par 'ongs pa ni rang rig pa'i ye shes so/ /g.yon pa'i mthe bong bsdam pa las bsnyun gyis phyag rgyar shes par bya/ deng dge ba'i mtshan nyid du shes par bya ste/ ci ltar g.yon pa'i mthe bong
 bsdams pa las zhes pa g.yon pa'i mthe bong nang du byas te/ /sor mo bzhi po rnams kyis khu tshur bcings pa zhes pa'i don no/ /yang na gung mo dang mdzub mo dag gi bar du g.yon pa'i mthe bong bcug bsdam par bya'o/ /zhes pa yang
 na/ bde ba'i phyag rgya zhes pa ste/ phyag rgya'i dngos grub bo/ /de shes par bya'o/ /g.yon pa'i mthe bong gis sgras g.yon pa ni bdag med ma'o/ /mthe bong ni rdo rje 'chang ngo/ /gnyis po bsdams pa ni gnyis ka dbyer med par
 rtogs pa ste/ rgyu de'i phyir ro/ /gang zhig ming med ster ba na/ /de la mthe'u chung sbyin par bya/ /rnal 'byor pa gang zhig ming med mthe'u chung dang nye ba'i sor mo ster ba de la mthe'u chung sbyin par bya'o/ /yang na/ gang zhig ming med
 med ma ste ster zhing spong ba ni de nyid cha dang bral ba'o ngo bo'i phyir ro/ /rang bzhin med pa rtogs pas gnas ba de la mthe'u chung rdo rje 'chang brtan par gnas pa sbyin zhing btang bar bya'o/ /'dis ni gnyis ka dbyer med pa rtogs pa
 rnam pa thams cad mkhyen pa nyid ces pa'o/ /gang zhig gung mo ston pa na/ /de yi phyogs gcig pa sbyin bya/ /'dzub mo dang the bong dag mtho'i tshul gyis bstan par bya'o yang na dbu ma zhes pa ste mdza' bzhi las rnam par grol ba'i phyir dbu ma
 dmigs pa med pa'i ngo bo nyid kyis rnam par mi rtog pa'i ye shes so/ /rang bzhin 'dis ston pa mngon du bya ba ste/ ni'i sgra ni khyad par gyi don no/ /de yang ye shes te gang zhig yang/ rlung shes rab dang thabs kyi bdag nyid nA da'i phreng ba gnyis so/ /de yang
 dbyer med pa las a bdag med ma ste gnyis ka dbyer med pa'i phyir yA/ rdo rje gsum dbyer med pa'o/ /'di nyid phyogs gcig pa ste/ phyogs gcig ni yang dag pa'i ye shes so/ /de 'di la yod pa'i phyir phyogs gcig pa ste/ de bsgrags par bya ba'i
 phyir phyogs gcig pa shin tu rnam par dag pa'i ye shes zhes pa'o/ /gcig dang gnyis gsum ste/ rdo rje gsum dbyer med pa ye shes lnga'i bdag nyid do/ /mthe bong ni mi bskyod pa'o/ /ming med ni 'od dpag med do/ /mthe'u chung ni don yod grub
 pa'o/ /gung mo ni rin chen dbang po'o/ /phyogs gcig pa sdigs mdzub ni rnam par snang mdzad de/ de bzhin gshegs pa lnga'i bdag nyid kyi lag pa g.yon pa dang g.yas pa nyid dang/ g.yas pa dang g.yon pa nyid kyis spun dang sring mo'i lag
 pa dag go /gang zhig ming med ston pa ni/ /de la mgrin pa rab tu bstan/ zhes pa sngar/ gang zhig ming med ster ba na zhes pa rnal 'byor pa'i phyag rgya bshad pa'o/ /de ni/ gang zhig ming med ston ba na/ de'i mgrin pa rab tu bstan zhes pa gal te rnal 'byor ma
 ming med ston pa de'i tshe/ rnal 'byor pa mgrin pa bstan par bya'o/ /zhes pa ste/ 'dis sngar brjod pa'i brda rnams la rnal 'byor ma'i brda' lag pa g.yon pa dang rnal 'byor pa'i brda' yang lag pa g.yas pa zhes pa'o/ /yang na/ ming med ces pa 'od dpag med
 byang chub kyi sems te/ de ston pa ni snang ba rnam par dag par byed pa'o/ /zhes pa mgrin pa 'dab ma bcu drug nyid kyis stong pa nyid bcu drug gi rang bzhin no/ /snang ba ni kun rdzob kyis snying rje'i rang bzhin te/ yang dag par rig pa'i rang bzhin
 yang cha dang bral ba nyid kyis stong pa nyid kyi rang bzhin no/ /de nyid kyi phyir na'i sgra ni khyad par gyi don te/ de ltar khyad par du 'phags pa nyid las byang chub kyi sems stong pa nyid dang snying rje dbyer med pa'i phyir yA/ rdo rje gsum dbyer med pa'o/ /de nyid kyi phyir de'i
 rab tu bstan zhes pa byang chub kyi sems de'i rab tu bstan pa phul du byung ba'i ye shes te/ 'dis ni gnyis ka dbyer med pa yang dag pa'i ye shes rab tu mthong zhes pa'o/ /gang zhig gos ston pa na/ de yi rtse gsum rab tu bstan/ gos zhes pa gos
 'dzin pa'i brda mkha' 'gro ma gang zhig ston pa na/ mkha' 'gro ma'i rtse gsum pa'i phyag rgya bstan par bya'o/ /rtse gsum pa'i phyag rgya zhes pa mthe bong gi rtse mo dang mthe'u chung gis rtse mo gcig tu byas te dor nas sor mo gsum bstan par bya'o zhes
 pa'o/ /yang na/ gos zhes pa kun rdzob gyi bden pa'o/ /gang zhes pa bdag med ma don dam pa'i bden pa ste/ de yang ston pa yang dag par bstan cing mthong ba'i ye shes so/ /gnyis su dbyer med pas yang dag pa'i ye shes bskyed par bya ste/ 'dis
 ni ye shes lnga dbyer med pa nyid ye shes lnga rnams mthong ba zhes pa'o/ /gang zhig nu ma ston pa na/ /de yis mtshams ni rab tu bstan ces pa'i don rab tu gsal ba kho na'o/ /yang na nu ma zhes pa shes rab dang thabs gnyis so/ /ston pa ni de ltar gyur
 pa'i ye shes te/ mtshams ni de yongs su bcad pa'i rang bzhin no/ /ci ltar na'i sgra ni gang gi phyir gyi don te/ gang gi phyir yA/ rdo rje gsum dbyer med pa'o/ /de nyid ci ltar zhe na/ gang gi phyir de'i shes rab dang thabs ston cing bstan pa mthong ba'i
 ye shes te/ ye shes nyid kyis bskyed par bya zhing dbyer med pa rtogs pas gnas par bya'o/ /zhes pa'i don no/ /gang zhig sa bon ston pa na/ de yi 'khor lo rab tu bstan/ 'khor lo zhes pa mthe bong dang/ mthe'u chung dag phan tshun rtse mo gcig tu byas te/ zlum po'i
 rnam pas ston pa'o/ /yang na/ sa zhes pa sa gzhi chos 'byung ste/ de ston pa ni mthong bas rnam par gnas shing ye shes kyis nges par byed pa'o/ /de nyid 'khor lo dkyil 'khor te/ me long lta bu la sogs pa ye shes lnga'i rang bzhin no/ /de yang yA/ rdo rje gsum
 dbyer med pa ste/ gang gi zhe na/ de'i zhes pa chos 'byung gi dkyil 'khor rab tu bstan te/ phul du byung ba'i ye shes rnam par gnas pa gnyis su med par rtogs pa zhes pa'i don no/ /gang zhig khro gnyer ston pa na/ gtsug phud grol ba brjod par bya/ gtsug phud dgrol ba'i
 sgra skra dgrol ba'i phyag rgya 'am skra dgrol ba nyid bya'o zhes pa'o/ yang na khro gnyer ni b+h+ri ku rdo rje'o/ /de'i ku TI chos 'byung te/ de'i rtse mo can nyid de/ mi shes pa thams cad bsreg pa'i bdag nyid kyis so/ /de nyid kyi phyir grol ba thar par brjod par bya ste/ bi/ khyad par du
 'phags pa mchog stong pa nyid rnam pa thams cad kyi mchog dang ldan pa'i rang bzhin nges par bya'o/ /gang zhig dpral ba ston pa na/ /de yi rgyab ni rab tu bstan/ ces pa'i don gsal ba kho na'o/ /yang na/ la sa dang chos 'byung ngo de lan pa dang 'dzin pa'i
 phyir/ la la/ byang chub kyi sems so/ /de dgrol zhing rgyu ba'i phyir la lA TwaM bzhi ba'i ye shes so/ /de'i rgyab ni de dang bar ma chad par des dman pa ma yin par/ de nyid rab tu bstan ces pa phul du byung ba'i ye shes nyid kyis shes par bya'o zhes
 pa'o/ /gang zhig ston pa na zhes pa'i don ni sngar brjod pa kho na'o/ /gang zhig rkang mthil ston pa na/ /ldo yis rnam par rtse bar bya ba ste/ ldo yis rtse ba'i tshul bya ste/ lag pa ston pa'i bya ba'o/ /yang na/ rkang ba ni bzhi pa lhan cig skyes pa ste/ de nyid
 mthil gyi rang bzhin no/ /yang na gang rkang pa ni ye shes so/ /de'i mthil ni de'i rang bzhin nyid de/ thams cad ye shes kyi bdag nyid kho na zhes pa'o/ /de nyid kyi phyir rtse bar bya zhing gnas par bya ste/ lngo yis zhes pa/ ji ltar lngo
 yis rtse mo la lag par gnas pa'i dngos po 'phen cing rab tu 'phen pa'i bya bas rnam par gnas par bya ba/ de kho na ltar de spro ba dang sdud pas gnas par 'gyur ba'o/ /na'i sgra ni gang gi phyir gyi don te gang zhig ston pa na zhes pa sngar brjod
 pa'i don nyid kyis so zhes pa'o/ /phyag rgya phyag rgya'i lan gyis ni/ dam tshig gis dbye bar bya/ zhes pa sor mo gcig la sogs pa bstan pas/ sor mo gnyis la sogs pa bstan pa las ts+tsha mar 'gyur ro/ /de la thog mar ston pa ni phyag rgya'o/
 rjes la ston pa ni phyag rgya'i lan no/ /'dis dbye bar bya ste/ bdag dang khyad par rab tu rtogs par bya'o/ /yang na gang dbye bar bya zhing tha dad du bya ste/ brda'i ni khyad rnal 'byor ma rnams kyi'o/ /'di ni nged rnams kyis yang ngo zhes
 pa'o/ /yang na gang dbye ba bya zhing tha dad du bya ste/ phyag rgya'i lan gyis so/ /phyag rgya tha dad med pa las bdag dang tha dad med pa nyid kyi dam tshig gi brda zhes pa'o/ /de nyid kyi phyir dam tshig gis bstan pa tsam 'dus pa yis te/ ni'i sgra ni
 dam tshig gi brda nyid ni khyad par can no zhes pa khyad par gyi don no/ /yang na phyag rgya ni bdag med ma'o/ /so so re re'i phyag rgya rdo rje 'chang gis dbye bar bya'o/ /de yang ci ltar dam tshig gis zhes pa 'dus pas so/ /ni'i sgra ni gang gi phyir gyi
 don te/ gang gi phyir gnyis ka tha dad med pa kho na zhes pa'o/ /yang na phyag rgya phyag rgya'i lan gyis zhes pa/ phyag rgya ni shes rab po/ /phyag rgya'i lan thabs byas tha dad med par dbye bar bya'o/ /dam tshig gis zhes pa lha rnams kyis 'dus
 pa ste/ ni'i sgra ni khyad par gyi don no/ /de yang/ snying la gnas pa'i gdams ngag las shes par bya'o/ gdams ngag de yang ci lta bu zhe na/ brjod par bya ste/ ser mo gcig ces rab brjod de/ gnyis kyis zhes pa'ang de ma thag/ g.yon pa'i mthe bong zhes
 rab brjod/ /de nas ming med ces pa ste/ /dbu ma zhes ni gang brjod dang/ /slar yang ming med ces pa ste/ /gang yang gos zhes rab brjod dang/ /de rjes nu ma zhes pa dang/ /gang zhig sa zhes rab brjod dang/ /gzhan yang khro gnyer zhes pa dang/ /gang zhig
 dpral ba zhes brjod dang/ /de nas gang zhig rkang mthil te/ /shes rab thabs kyis bsdus pa las/ /gnas la sogs pa'i grangs kyis ni/ /'di rnams phyag rgya bcu gnyis 'gyur/ /thabs dang shes rab rnams dag pa/ /nyi shu rtsa bzhi'i sa rnams
 te/ gang zhig sngar brjod rtsa rnams ni/ /mi phyed la sogs nyi shu bzhi/ /ts+tsho ma'i phyag rgya zhes par nges de lta bu'i rim pas spyod pa la zhugs pa de'i dam tshig gi brda shes na rnal 'byor ma rnams yid ches shing mnyes par 'gyur te/ rnal 'byor
 dang ldan pa'i rnal 'byor ma'o/ /smras pa ni sems kyis bgros pa'o/ /e ma bdag ni mtshar te/ 'di ni bdag gi bu'o/ /bdag gis bskyed pa ste/ ci ltar de ni bya ba yang shes par gyur to zhes pa'o/ /de las rnal 'byor mas smras pa/ e ma du ni snying rje
 che/ zhes so/ /yang na de la zhes pa de ltar rnam par gnas pa la smras pa ni sgra dang ldan par gyur pa'o/ /rnal 'byor ma zhes pa rtsa rnams so/ /de thams cad gang las she na/ a shes rab A li'o/ /ho thabs kI la ste a ho/ zhes pa shes rab dang
 thabs dbyer med pa cha dang bral ba'o/ /de ni du ste de yang thams cad mtshan ma med pa'i rang bzhin no/ /snying rje chen po ni de nyid mtshan mar rnam par bzhag pa ste/ kun rdzob dang don dam pa'i bden pa gnyis ka'i bdag nyid can zhes pa'i don no/ /ts+tsho ma bstan pa mngon par
 brjod nas 'du ba'i brda brjod par bya ste/ phreng ba'i lag pa zhes pa me tog gi phreng ba 'dzin pa'i tshul te/ lag pa gnyis ka'i mthe bong dang sdig 'dzub dag gcig tu byas nas lag pa gcig steng dang gzhan 'og tu gzung bar
 bya zhing gnyis kyi bar khru gang gi tshad dam lhag pa yang bstan par bya'o zhes pa'o/ /gal te 'di lta bu'i rnam 'gyur ston par byed na/ de'i tshe rnal 'byor ma rnams 'du bar bya'o/ /zhes brjod par 'gyur te/ gal te phreng ba'i lag ston na/ de'i tshe/
 'du bar bya zhes smra ba yin zhes pa 'dis ji ltar phreng ba me tog kha dog sna tshogs pa rnams gcig tu brgyus pas 'dus pa de bzhin du de rnams kyang 'du'o zhes pa'o/ /yang na/ gal te gang gi phyir phreng ba ni ma/ mA ma ki chu'i khams dang
 a bdag med ma ste/ gnyis ka dbyer med pa'i rang bzhin byang chub kyi sems so/ /de len cing 'dzin pa ni phreng ba ste/ cha bco lnga'i bdag nyid las mkha' 'gro ma bco lnga rnams so/ /de'i lag pa ni lnga'o bdag nyid can gnyis te dbang po dang
 yul dbyer med par stod cing shes pas rtogs par gyur na/ de'i tshe de'i phyir 'dus pa dang 'du ba dang/ 'du bar byed pas 'du bar bya zhes pa de zad pa dang sgrib pa dmigs pa med pas gnas par bya'o zhes pa'o/ /smra ba ni brjod pa nA da'i phreng ba ste/ des
 'du bar bya'o zhes pa'i don no/ /phreng ba mngon par btang byas na/ dam tshig la gnas brtul zhugs bzang/ phreng ba mngon par btang zhes pa me tog gi phreng ba mngon par btang zhing 'phen par byed pa ji lta ba de lta bu'i tshul gyis te/ 'dis me tog gi
 phreng ba 'dzin pa'i tshul gyis phyag rgya nyid 'phel ba'i tshul byas na dam tshig 'dus pa la brtan par gnas par khyod/ kye brtul bzhugs bzang po nyid kyis dam tshig gis brda shes pa zhes pa'o/ /yang na phreng ba zhes pa rdo rje 'chang dang dbyer med
 ba'i bdag med ma don dam pa'i bden pa'i rang bzhin no/ /de mngon bar btang ba ni kun nas bskul ba spro ba'i tshul gyis gnas pa kun rdzob kyi bden pa'i rang bzhin te/ kun rdzob dang don dam pa dbyer med par byas shing bskyed na zhes pa phreng ba mngon par btang byas
 na'o/ /dam tshig 'dus pa dbyer med par rtogs pa la brtan par gnas shing g.yo ba med pa'i go 'phang ste/ de nyid kyi phyir brtul zhugs bzang po dam bca' brtan pa rnam pa de ltar rtogs pa las 'ga' zhig gis kyang g.yo bar nus pa med do
 zhes 'bod pas kun tu bod pa'o/ /'dus pa der song 'gro ba ni/ bzang po'i spyod yul gnas pa ste/ 'dus pa de la brten bya zhing/ rnal 'byor ma rnams gang dang gang/ smra ba de dag thams cad bya/ zhes pa te/ phreng ba mngon par btang ba'i tshul gyis 'dus
 pa'i brda bshad pa'o/ /da ni 'dus pa brjod par bya ste/ kye brtul zhugs bzang po 'dus pa der 'dus pa'i gnas de ru khyod song zhes pa'o/ /gang zhe na/ der 'gro ba ni bzang po'i spyod yul gnas pa ste/ bzang po ni rnal 'byor ma'o/ /'dus pa de la
 brten bya zhing/ 'dus pa'i rnal 'byor ma rnams gang dang gang smra ba de dag thams cad bya zhing 'jig rten pa dang rnam par 'gal ba yang bya ba kho na ste/ mi bya ba ni ci yang med do zhes pa grub pa'i rnal 'byor ma mthong bas dngos grub thams cad thob pa
 kho na'o/ /yang na/ song zhes pa/ shes pa ste/ ye shes kyi nges pa'o/ /gang du zhe na/ 'dus pa ni sdud pa ste/ de ltar gnas pa der ro/ /bzang po'i spyod yul ni bzang po mig la sogs pa'i dbang po dang/ spyod yul yul rnams so/ /ma byang chub kyi sems rnam
 par shes pa dang/ a bdag med ma ste/ dbang po dang yul dang rnam par shes pa'i rang bzhin 'di dag thams cad bdag med ma dang ldan par gnas pa ste/ 'di thams cad kyi bzhir gyur pa sgrib pa med pa'i rang bzhin gang yin pa de shes shing rtogs pa ye shes
 shing rtogs pa ye shes kyi gnas pa'o/ /de'i phyir gnyis ka dbyer med pa'i ye shes ni 'dus pa ste/ me chos 'byung dbyer med pa byang chub kyi sems so/ /de len pa dang 'dzin pa'i phyir me la/ de ltar gyur pa'i A ya ye shes
 te/ me lA ya/ de thams cad ni aM zhes pa a aM cha bco lnga'i bdag nyid can byang chub kyi sems rnam par rtog pa med pa'i ye shes so/ /de nyid rnal 'byor ma rnams te/ shes rab dang thabs kyi rang bzhin dbyangs bcu drug nyis 'gyur gyis rtsa sum cu
 rtsa gnyis rnams so/ /de rnams nyid gang dang gang smra ba dang brjod pa'i bya ba gang las rdzogs par byed pa nA da'i bdag nyid can no zhes pa rdo rje gsum dbyer med pa'i ngo bo/ /nyid kyis ye shes de dag thams cad kyi bdag nyid du bya zhing/ bya ba'i tshul gyis rtogs
 par bya ste/ kun rdzob dang don dam pa dbyer med pa kho na zhes pa'o/ /gal te 'dus pa der mchog gi rnal 'byor ma rnams 'du ba de'i tshe 'dus pa ni grub pa kho na ste/ 'on kyang 'du bar bya ba'i gnas rnams mi shes par bya ba ma yin nam zhe na/ gsungs
 pa/ kye'i bcom ldan 'das 'du ba'i gnas su lags/ de rnams kyi 'du ba'i sa du zhes zhu ba'o/ /yang na he zhes pa shes rab dang thabs dbyer med pa'i rang bzhin no/ /bcom ldan 'das zhes pa dbang phyug la sogs pa'i yon tan dang ldan pa te/ kye'i
 bcom ldan 'das zhes 'di ni yang dag pa'i ye shes kun tu bod pa'o/ /gang du zhe na/ ke twAM kaM bde ba ye shes so/ /de la i de rtogs pa'i ye shes khong du chud pa las te/ ye shes gnyis mi srid pa'i phyir so so ba yang med do zhes pa'i don no/ /de nyid kyi
 phyir 'du ba'i gnas ni 'du bar byed pa dang 'du ba ste sdud pa'i rang bzhin bdag med ma rnal 'byor ma'o/ /de rnams brnyes pa dang khyab pa'i phyir 'du ba rdo rje 'chang ste/ /gnas de la gnas pa gang dang gang yin pa de rnams 'du ba'i gnas so/ /'dis ni yang
 dag pa'i ye shes gang yin pa de bdag med ma dang dbyer med par gyur pa dkyil 'khor gnyis ka'i bdag nyid can kho na'o/ /bka' stsal pa/ zhes pa de ltar gyur pa'i bcom ldan 'das kyis gsungs pa ste/ zhus pa'i mthar thug pa la gnas pa dang sbyar nas
 'du ba'i gnas nyid gsungs pa/ gnas dang nye ba'i gnas dang ni/ /zhing dang nye ba'i zhing nyid dang/ /tshan do nye ba'i tshan do ha/ /de bzhin 'du ba nye 'du ba/ /'thung gcod nye ba'i 'thung gcod nyid/ /dur khrod nye ba'i dur khrod de/ /'di rnams sa ni bcu
 gnyis so/ /rab tu dbye ba tha dad pa bcu gnyis po 'di rnams rnal 'byor pa dang rnal 'byor ma rnams kyi 'du ba'i gnas rnams so/ /'di dag thams cad ni dbang po drug dang yul drug gi rang bzhin nyid kyis drug tshan gnyis dang gnyis
 ka dbyer med pa las skyes pa'i shes pa drug dang/ de rnams kyang so sor rdo rje gsum dbyer med pa nyid kyis drug ste/ de ltar mi phyed pa la sogs pa rtsa nyi shu rtsa bzhi rnams dang shes rab dang thabs kyi rang bzhin dbyer med pas sa bcu
 gnyis rnams su 'dus pa dang gnyis su med par 'gyur ro/ /gzhan mkha' 'gro ma brgyad ni ye shes lnga dang sku gsum gyi bdag nyid gnas dang nye ba'i gnas kyi dbye ba la la nA la sogs pa mkha' 'gro ma brgyad gnas brgyad po rnams su rgyu zhing 'du
 ba'i phyir mkha' 'gro ma sum cu rtsa gnyis kyi rang bzhin gshegs pa'i rdo rje'i sku nyid do zhes mdor bstan pa'i so sor bshad pa'o zhes pa'o/ /de nyid kyi phyir sor mo'i ts+tsho ma yis sku dang dbyer med pa'i nA das rab tu bstan nas sku gsung thugs
 dbyer med pa nyid de bzhin gshegs pa dang mkha' 'gro ma'i rang bzhin sku dang ye shes so zhes sa bcu gnyis sum cu rtsa gnyis kyi dbye ba tha dad pa rnams kyis rtogs par bya ba'i phyir 'du ba dang/ 'dus pas gsungs pa'o/ /yang na gnas dang nye ba'i
 gnas zhes pa de bzhin gshegs pa dang mkha' 'gro ma dag gi gang na de gnas pa'o/ /zhing dang nye ba'i zhing zhes pa skyes pa'i sa ste/ skye ba zhes pa'i don no/ /de nyid ni chos 'byung dang dbyed med pa byang chub kyi sems kho na zhes pa'i
 don no/ /tshan do nye ba'i tshan do ha zhes pa/ tshan do nyams pa dang bral ba ji srid dngos po med pa'i rang bzhin gyis gnas zhes pa'o/ /de'i u ta ji srid rtog pa dang rnam par rtog pa rtogs pa zhes pa ste/ 'dis ni 'jigs pa gsungs so/ /de bzhin 'du ba nye ba'i
 'du ba zhes pa skye ba dang gnas pa dang 'jig pa dbyer med pa nyid kyis rdo rje gsum dbyer med pa'i phyir/ bzhi pa lhan cig skyes pa zhes pa'o/ /'thung gcod nye ba'i 'thung gcod nyid ces pa 'thung gcod grog gi mthar gnas pa zhes pa la sogs pa de dang nye
 ba nye 'thung gcod ces pa'i bar gyis phye ba las rnam pa bdun te/ bdun po de rnams la yang shes rab dang thabs kyi rang bzhin gnyis ka dbyer med pa'i ye shes nyid kyis gnyis dang gzhan yang lnga ste/ me long lta bu la sogs pa'i ye shes
 lnga rnams so zhes pa gang zhig bzhi pa'i rang bzhin lhan cig skyes pa de ni gnyis ga dbyer med pa'i ye shes kyi bdag nyid ye shes lnga'i rang bzhin zhes pa ste/ nyid ces pa'i sgra yis nges pa kho na'o/ /dur khrod nye ba'i dur khrod de zhes pa de yang A li kA
 li nA da'i bdag nyid spro ba dang sdud pa'o ngo bo bden pa gnyis kyi rang bzhin gyis nges par rgyu ba ste/ bshad pa yang dur khrod yi dags 'dus pa dang zhes pa yi dags ni rdo rje 'chang ste/ de yang 'dus pa ni 'dus pa'i bdag nyid can no zhes pas bcu
 gnyis te/ 'di rnams gnas bcu gnyis so/ /yang na/ 'di rnams ni e ta zhes pa ye shes so/ /de de rnams la yod pa'i phyir e tA de bzhin gshegs pa rnams so/ /sa ni chos 'byung gi rang bzhin gang gis dum bur gnas pa mkha' 'gro ma lnga zhes
 pa ste/ nyid ces pa'i sgra yis nges pa kho na'o/ /de bzhin gshegs pa dang mkha' 'gro ma'i rang bzhin phung po lnga rnams so/ /de nyid bcu gnyis te/ de nyid kyi phyir 'dis ni sa bcu'i dbang phyug dang/ mgon po brjod bya gzhan gyis min/ zhes pa phung po lnga'i bdag nyid de bzhin
 gshegs pa dang mkha' 'gro ma rnam par dag pa'i 'dis ni sa bcu'i dbang phyug ste/ de nyid phyir mgon po 'jig rten gsum gyi bla ma'i rang bzhin no/ /gnyis su med pa'i phyir ma ning du brjod par bya ste/ nA da bcings pa'i rang bzhin gyi bya bas zung ngu 'jug pa rtogs pa'i phyir
 zhes pa'o/ /slar yang gzhan gyis min te/ tha dad pa'i rang bzhin rnams kyis ma yin gyi/ de bzhin gshegs pa dang mkha' 'gro ma tha mi dad pa'i rang bzhin 'di rnams kyis so zhes pa'o/ /yang na sa bcu'i dbang phyug ni mig la sogs pa rnam par dag pa sa'i snying po la sogs pa
 byang chub sems dpa' rang bzhin te/ gnas dang nye ba'i gnas la sogs pa 'di rnams kyis brjod par bya'i gzhan rnams kyi ma yin no/ /mgon po ni 'gro ba'i bla ma sangs rgyas te/ gzhan bcu gcig gis brjod par bya'o/ /yang mgon po zhes pa rdo rje
 'chang ste/ rdo rje sems dpa' dang 'brel bas gzhan bcu gnyis kyis brjod par bya'o/ /'dis ni sa bcu'i dbang phyug ni byang chub sems dpa' o/ /sa bcu gcig gi dbang phyug ni sangs rgyas so/ /sa bcu gnyis kyi dbang phyug ni rdo rje 'chang ste/ mig la
 sogs pa dbang po lnga dang gzugs la sogs pa yul lnga rnam par dag pa bcu dang gnyis ka las skyes pa'i shes pa dang bcu gcig dang bshes pa nyams su myong ba'i mtshan nyid dang bcu gnyis te/ de las 'das pa rdo rje 'chang chen po'i zhes pa'o/ /
 yang na sa bcu'i dbang phyug ni mgon po ste/ mgon po zhes pa rdo rje 'chang he ru ka'i rnam pa sa bcu'i dbang phyug go /pa'i tha la sogs pa'i gnas sa bcu'i dbang phyug 'di rnams kyis brjod par bya ste/ gnas khyad par ci lta bu rnams kyis ma yin
 'bad pa yis rab tu 'bad pas bla ma brgyud pa'i rim pas/ mkhas pa rnams kyis bsad par bya/ /me long lta bu la sogs pa ye shes rnams kyis so/ /gzhan mkhas pa zhes 'don pa la yang de'i don ni 'di
 yin te/ mkhas pa ni shes pa'o/ /de nyid ye shes kyis nges par gyur pa zhes pa'i don no/ /yang na snying rje bskyed nas 'bad pa yis/ /mkhas pa rnams kyis bshad par bya/ /zhes pa de'i don ni 'di yin te/ sbyangs pa dang g.yul
 du gsang ba ni kha na ma tho ba med pa ste/ dngos grub kyi don du de bza' bar bya'o/ /gal te lan bdun pa ni kha na ma tho ba dang bcas pa kho na'o/ /de ci'i dngos grub kyi don du gsang nas bza' bar bya ba ma yin nam zhe na/ de'i don du gsungs pa/ nges pa
 bsad nas bza' bar bya ste/ kha na ma tho ba'i skyon med pa kho na'o/ /gang gi phyir snying rje bskyed nas/ 'bad pa yis zhes pa 'bad pa ni mi bskyod pa la sogs pa'i rigs la/ mi bskyod pa la sogs pa'i lha'i ngo bos de'i rnam par shes pa
 gzhug nas/ /mi bskyod pa la sogs pa'i ngo bor bsgrubs pa'i phyir sems can de'i kha na ma tho ba'i skyon med do zhes pa 'bad pa 'dis snying rje nye bar bskyed pa ni rnal 'byor ba ste/ gsang pa ni skyon med do zhes pa'i don no/ /gal te phyag rgya chen po'i
 dngos grub kyi don ma yin shing de'i mkha' la spyod pa'i dngos grub dogs pa ci zhes dogs par gyur na/ de lta mod kyi snying rje'i dbang nyid las gsang par bya ste/ ci ltar 'dus pa der rnal 'byor pa gang yin pa dang rnal 'byor ma gang yin pa rnams kyang 'du
 par 'gyur ro/ /de rnams gdon mi ja bar phyag rgya chen po'i dngos grub la lhag par mos par ga la 'gyur/ 'on kyang sems can gyi khams mos pa nyid las mkha' la spyod pa'i dngos grub la lhag par mos pa'i sems can yang der 'du bar
 'gyur ro/ /de'i phyir de'i don du yang lan bdun pa'i bza' ba bsgrub par rigs so zhes pa'o/ /de'i phyir snying rje'i dbang gis bsang pa'i bza' ba yang rigs par 'gyur ro zhes pa'o/ /yang na 'di ni lta ba gzhan la rnam par gnas pa rnams la nye bar dmigs pa'i gsung
 ste/ gang gi phyir/ snying rje bskyed nas 'bad pa yis /mkhas pa rnams kyis bsad par bya/ /bdag nyid sdug bsngal las 'don par 'dod pa dang/ rang gi bde ba mngon par 'dod pas rab tu zhugs pa 'bad pa yis rnam pa sna tshogs pa'i rjes su 'brangs te/ gang gis
 bsad par bya ba de rnams mkhas par gang gis 'gyur/ mkhas pa'i mngon pa'i nga rgyal dang ldan pa mi shes pa kho na ste/ de rnams ni rang gi bde ba tsam la mchog tu gzhol ba'i phyir ro/ /gang gi phyir/ snying rje med pas 'grub ma yin/ de phyir snying rje nye bar bskyed/ /
 ces pa snying rje chen pa ni sems can rnams sdug bsngal dang sdug bsngal gyi rgyu las yang dag par 'don pa gang yin pa de rnams snying rje med pa zhes brjod do/ /de dag ni 'grub pa min te/ de rnams kyi phyag rgya'i dngos grub 'grub par mi 'gyur ro/ /de'i phyir snying rje brtse
 ba nye bar bskyed ? pa'i sgra ni yang dag par nye ba'i phyir sems can la dmigs pa'i snying rje gzung gi chos la dmigs pa ni ma yin no zhes pa'o/ /yang na snying rje zhes pa dmigs pa dang dmigs pa med pa'i ngo bo nyid kyis bcom ldan 'das kye'i rdo rjer brjod do/ /de dang bral
 bas snying rje med pas 'grub pa ma yin phyag rgya chen po'i dngos grub 'grub par mi 'gyur ro/ /de'i phyir snying rje nye bar bskyed rgyu de nyid kyi phyir snying rje rdo rje 'chang bsgrub par bya'o/ /de nyid kyi phyir gdug pa gzhug la thams cad ni/ cho ga'i gtso las 'grub par 'gyur
 gdug pa zhes pa sdug bsngal mi dge ba'o/ /de de dang ldan pa'i phyir gdug pa ste/ de rnams dge ba'i lam 'di la gzhug pa'i phyir dang/ de'i ched du gsad pa la sogs pa 'di thams cad de/ de'i phyir cho ga'i gtso bo mchog nyid de/ rgyu de nyid kyi phyir
 'grub par 'gyur te/ bsad pa la sogs pa rab tu bsgrub par 'gyur ro zhes pa'o/ de la 'di ltar rtogs par bya ste/ nyin mo bcom ldan rdo rje can/ /mtshan mo shes rab rab tu brtag/ ces pa de'i phyir thabs la mkhas pa rnams
 kyi gang zhig 'jig rten pa dang rnam par dgal ba de yang 'jig rten las 'das pa'i ngo bor 'gyur zhing/ gang zhig 'jig rten las 'das pa yang 'jig rten pa'i 'khor ba'i ngo bo nyid du 'gyur ba'i phyir nyin mo gsal ba'i mtshan nyid yon tan
 te/ da ni rdo rje can bcom ldan 'das rdo rje 'chang ngo/ /mtshan mo ni dri ma dang ldan pa'i rang bzhin skyon te/ de ni shes rab yon tan dang skyon rdo rje 'chang dang bdag med pa'i rang bzhin no/ /de'i phyir yon tan nyid skyon dang skyon nyid yon tan te/ gnyis ka dbyer
 med pa nyid do/ /'di ci gsungs na/ thabs la mi mkhas pa mu stegs pa rnams kyi yon tan nyid skyon du 'gyur zhing thabs la mkhas pa rnams kyi ni skyon nyid yon tan du 'gyur ro zhes pa ste/ snying rje bskyed nas 'bad pa yis/ /mkhas pa rnams
 kyis gsad par bya zhes gang gsungs pa de thams cad shin tu rnam par dag pa'i phyir ro/ /yang na/ de la zhes pa de ltar rnam par gnas pa la/ e baM rtogs par bya ste/ e baM zhes pa shes rab dang tha bas dbyer med pa'i ye shes rtogs par bya
 zhing ye shes kyi rnam par gnas par bya ste/ snying rje bskyed pa las gzhan gyi don gyi dbang gis gang gsang pa de yang gnyis ka dbyer med kho nar rtogs par bya'o/ /nyi ma gang lags zhes gang gsungs ba de rgyas par bshad pa/ nyin
 go bcom ldan rdo rje can/ /spro ba'i bdag nyid can rdo rje 'chang ngo/ /mtshan mo ni sdud pa'i rang bzhin can te/ de ni shes rab bo/ /gnyis ka yang rab tu brtag par bya ste/ phul du byung bas dpyad par bya'o/ /spro ba dang sdud pa'i bdag
 nyid rdo rje 'chang dang bdag med ma dbyer med pa'i kun tu rtog pa yang med do zhes pa'o/ /de nyid kyi phyir/ mi bya cung zad yod ma yin/ /bya ba yod na bya ba ma yin pa'ang yod par 'gyur gyi/ bya ba med pa'i phyir bya ba ma yin pa yang med de/ rdo rje 'chang ni kun
 tu rtog pa thams cad las 'das pa'i phyir ro/ /yang na 'di ni 'dus pa der/ /rnal 'byor ma rnams gang dang gang/ /smra ba de dag thams cad bya/ /zhes gang mdor bstan pa de/ mi bya cung zad yod ma yin/ /zhes pa 'di rgyas par bshad pa'o/ /de nyid kyi
 phyir/ de la 'jig rten dang 'jig rten las 'das pa 'gal ba dang 'gal ba med pa nyid med par shes par bya ste/ de rnams kyi yid dbang du gyur pa nyid thob pa'i phyir ro/ /rtag tu mi bza' yod ma yin zhes pa 'dus pa der bza' ba ma yin pa yang
 bza' bar bya ba nyid de/ sems lan bdun pa yang bza' ba'i phyir ro/ /lan bdun pa yang bza' bar bya/ yang yig las sems can gzhan yang bza' bar bya ba nyid do/ /gang smras de dag thams cad bza' / sku ni snang ba'i ngo bo nyid kyis sku rdo rje bza' 
 bar bya'o/ /de ni gdod ma nas skye ba med pa'i phyir bza' bar bya ba ma yin te/ sku'i kun tu rtog pa med pa'i phyir ro/ /kun tu rtog pa de med pa'i phyir yang mi bza' ba med ces pa ma ning du bstan to/ /de nyid kyi phyir rtag tu zhes pa yod par gyur pa ste/
 A rdo rje mkha' 'gro ma bdag med ma'i rang bzhin sku'i mngon par zhen pa med pa'o/ /'di la mi bsam yod ma yin/ /gang smra ba de thams cad bya ste/ de'i phyir 'dir bsam par bya ba ni bsam par bya ba ma yin pa'o/ /yang na bsam par bya ba
 ma yin pa bsam par bya ba ste/ bsam par bya ba ni sems kyi yul yin la sems kyi yul nyid sems kyi rang bzhin nyid kyi phyir/ de'i yul yang med do zhes pa bsam par bya ba med pa'o/ /de med pa'i phyir bsam par bya ba ma yin pa yang med de/
 gnyis ka dbyer med pa las rig pa ye shes kyis rnam par gnas par bya'o/ /ci ltar gang gi phyir 'di la kye'i rdo rje 'dir/ bzang ngan mi smra gang yang med/ /smra ba ni smra bar bya bdag gi spyod yul du gyur pa ste/ de yang sems kyi yul
 nyid kyi phyir dang sems de yang sems med pa nyid kyi phyir dang/ smra bar bya ba nyid de de med pa yin pa'i phyir/ smra bar bya ba ma yin pa yang med do/ /de'i phyir smra bar bya ba dang smra bar bya ba ma yin pa'i kun tu rtog pa med pa'i phyir bzang ba dang ngan
 pa mtshan ma dang mchan med pa'i kun tu rtog pa yang med pa nyid do/ ces pa'o/ /de ltar yang/ byang chub sems dpa' i kun rtog las/ /dge pa 'am gal te mi dge ba/ /thams cad dge ba nyid 'gyur te/ gang phyir de rnams yid dbang gyur/
 de phyir gang smras pa de thams cad bya'o zhes pa/ de thams cad rdo rje gsum dbyer med pa'i kun tu rtog pa las 'das pa nyid do zhes pa'o/ /bza' bar bya ba dang bza' bar bya ba ma yin pa'i kun tu rtog pa yongs su spangs pa nyid kyis
 bcom ldan 'das sku'i kun tu rtog pa yongs su spangs pa'o/ /bsam par bya ba dang bsam par bya ba ma yin pa'i rtog pa las 'das pa nyid kyi phyir thugs kyi kun tu rtog pa las 'das pa dang/ smra bar bya ba dang smra bar bya ba ma yin pa'i
 rtog pa yongs su spangs pa nyid kyi phyir gsung gi kun tu rtog pa spangs pa'o/ /de nyid kyi phyir kun tu rtog pa gsum yongs su spangs pa nyid kyi phyir bcom ldan 'das de ni bdag dang gzhan du rtog pa'i rnam par rtog pa yang med pa
 nyid do/ /de phyir gsungs pa/ bdag la ji ltar sems can la/ /bdag dang de bzhin bdag la gzhan/ /ji ltar bdag la bdag go zhes bdag tu rtog pa de bzhin gyi sems can 'gro ba drug tu gtogs pa rnams la yang bdag tu rtog
 pa dang/ ji ltar sems can la gzhan no zhes gzhan du rtog pa de bzhin du bdag la yang gzhan du rtog pa'o zhes pa bdag dang gzhan gnyis brje ba ste/ gnyi ga la tha dad med pa nyid kyi phyir rang dang gzhan gyi kun tu rtog pa med pa nyid do/ /yang na ji ltar
 bdag gi yid la a haM zhes pa bdag med ma dang dbyer med pa'i rdo rje 'chang gi nga rgyal lo/ /de bzhin du sems can dbang po dang yul gyi bdag nyid rdo rje gsum la rdo rje 'chang gi nga rgyal lo/ /ji ltar sems can la gzhan phul du byung ba ste
 'di nyid yang dag pa'i ye shes yin gyi gzhan ma yin no zhes pa'i nga rgyal dang/ de bzhin du bdag rnam par shes ba yang yul dang dbang po dang rnam par shes pa rnams la rnam par shes par rtogs pa na/ bdag a yig dang haM yig gi de?
 bzhin bdag med ma dang dbyer med pa'i rdo rje 'chang gi ye shes te/ de nyid gzhan yang dag pa'i don no/ /zhes bsams te/ rnal 'byor bdag bza' ba dang btung ba la sogs brtsam zhes pa rgyu 'dis bdag gzhan dang/ gzhan bdag go zhes
 pa yang dag par bsams te/ de nyid kyi phyir rnal 'byor bdag yang dag pa'i rnal 'byor shes pa'o/ /bza' dang btung ba la sogs bza' ba dang btung ba dang longs spyod pa la sogs brtsam par bya'o/ /yang na gang/ bza' ba dang btung ba la
 sogs pa bza' ba ni za ba ste/ de'i btung ba ni bsrung ba'o/ /sogs pa ni dang po'i rgyu'o/ /kaM ni de ltar gyur pa'i ye shes so/ /brtsam zhes pa dmigs pas bsad pas kyang bya zhes pa ste/ snying rje bskyed nas 'bad pa yis lan bdun pa bsang nas
 kyang bza' ba'i rigs zhes pa ste/ gzhan gyi don du spyod pa'i rnal 'byor pa nges bya'o zhes pa lhag ma'o/ /bshad pa yang/ gang gi grib ma bdun du 'gyur/ /de ni zos pa tsam gyis ni/ /myur du dngos grub thob par 'gyur/ zhes pa'o/ /yang na rnal
 'byor bdag kun rdzob dang don dam pa dbyer med pa'i rdo rje 'chang ngo/ /bza' dang btung ba la sogs brtsam/ /waM dbang po'o/ /a naM sems te/ bza' ba zhes pa dbang po dang rnam par shes pa'o/ /yul ni dbang po dang/ rnam
 par shes pa dag gi nang du gtogs pa'i phyir yul dang/ dbang po dang/ rnam par shes pa kho na bza' ba'o/ /de btung ba 'am bsrung ba ste/ rnam pa gnyis ka yang dbye ba med pas rnam par gnas par bya'o zhes pa bza' ba
 'thung ba rdo rje gsum dbyer med pa'i ye shes so/ /de ni thog ma med pa skye ba dang 'jig pa las rnam par grol ba ste/ ma byang chub kyi sems dang a bdag med ma gnyis ka dbyer med pa mA/ brtsam pa dang rnyed pa dang/ thob par bya
 zhing yang dag par nges par rtogs pa rdo rje 'chang gis gnas pas rnam par gnas par bya'o zhes pa'i don no/ /de nyid kyi phyir/ ji snyed yan lag bskyod pa dang/ /tshig rnams rab tu spro ba yang/ /de snyed sngags dang phyag rgyar 'gyur/
 he ru ka dpal go 'phang gnas/ zhes pa 'di'i don ni srog gcod pa la sogs pa mi dge ba zhes gsungs pa de ni/ lus dang ngag dang yid yid rnams kyis bya ba yin la 'dir yang bsad pas kyang dgos pa yod do/ zhes gsungs so/
 gal te yang bsad pa ni srog bcad pa yin pa'i phyir lus kyi las yin pa de lta na yang lus dang ngag dang yid rnams kyis byas pa kho na'o/ /thabs la mkhas pa yang dag pa'i ye shes dang ldan pa'i srog gcod pa la sogs pa
 yang rang dang gzhan gyi don phun sum tshogs pa byed pa kho na ste/ ji snyed yan lag bskyod pa ni/ ji snyed ces pa nges pa med pa'o/ /yan lag bskyod pa zhes pa lus kyi 'gal ba'i bya ba srog gcod pa la sogs pa rnams so/ /tshig
 rnams rab tu spro ba yang zhes pa brdzun smra ba la sogs pa ma bsdams par smra ba rnams so/ /de snyed ces pa mthar thug pa med pa rnams so/ /sngags dang phyag rgyar 'gyur zhes pa tshig rab tu spro ba rnams sngags dang/ yan lag rnam par
 bskyod pa rnams phyag rgya ste/ gang gsungs pa/ lag pa bsgyur ba phyag rgya yin zhes pa la sogs pa'o/ /'di ji ltar zhe na/ de'i phyir gsungs pa/ he ru ka dpal go 'phang gnas/ dpal he ru ka'i ye shes la gnas pa ste/ rnam pa gzhan du mi
 dge ba kho nar 'gyur ro zhes pa'o/ /gal te gang zhig shes pa las/ thams cad dge ba kho nar 'gyur ba/ dpal he ru ka nyid kyi khyad par ci zhe na/ de'i phyir gsungs pa/ sh+rI yig gnyis med ye shes te/ /sh+rI sgra yi don ni he zhes pa'i i yig phyis pas/
 ha zhes dang po rgyu stong nyid/ ces pa'i sgra ni gang gi phyir gyi don te/ rgyu gang gi phyir he ni rgyu las dang po stong pa nyid de/ gang gi phyir dang por rang bzhin nyid do/ /de'i phyir dang po rgyu stong pa nyid do/ /ru yig bkod pa dang bral ba/ /ru'i sgras gzugs la sogs pa phung
 po lnga'i bdag nyid can snang ba'i mtshan nyid do/ /de yang bkod pa ste/ ye shes gang la a'u ha rnam par rtog pa dang bral ba'i ye shes de ni bkod pa ste/ rnam par rtog pa las 'das pa ru yig bral ba'o/ /gang gi phyir gzugs la sogs pa phung po lnga po rnams dang bral ba
 ste/ dngos po mdza' dag rnam par rtog pa dang bral ba zhes pa'i don no/ /ka ni gang du yang mi gnas so/ /thams cad khyab pa nyid kyis gnas nges pa med pa'i phyir ye shes de gang du yang mi gnas pa'o/ /'di ci gsungs na/ stong pa nyid dang mtshan ma med pa dang/ smon pa
 med pa ste/ rnam par thar pa'i sgo gsum gyi rang bzhin rdo rje gsum dbyer med pa gang zhig gnyis su med pa'i ngo bo'i ye shes de ni sh+rI yig go ces pa ste/ tshogs gnyis kyi bdag nyid kun rdzob dang don dam pa dbyer med pa'i ye shes gang yin pa de nyid/ sh+rI he ru ka
 zhes ma ning du bstan no/ /gang la yang mi gnas pa zhes pa 'dis stong pa nyid byang chub pa'o/ /dang po rgyu stong par nyid ces pa 'dis mtshan ma med pa'o/ /ru yig bkod pa dang bral ba zhes pa 'dis smon pa med pa ste/ rnam par
 thar pa'i sgo gsum gyi rang bzhin nyid bcom ldan 'das so zhes grub po/ /yang na sh+rI yig gnyis med ye shes te zhes pa ye shes ni yang dag pa'i ye shes so/ /de'i khyad par ci zhe na/ gnyis med de/ 'di'i cha shas gnyis yin pa'i phyir
 gnyis so/ /de gang la med pa de ni gnyis su med pa ste/ gnyis ka 'dres pa nyid kyis nges par gzung bar mi nus pa'i phyir ro/ /de nyid kyi phyir sh+rI yig ste/ sha zla ba dang khu ba'o/ /ra nyi ma dang rin chen dbang po'o/ /a'i chu'i rnal 'byor ma ste/ de yang 'du shes kyi
 phung po'i rang bzhin nA da'i phreng ba gnyis kyi bdag nyid can no zhes pa nA da'i phreng ba gnyis kyi bdag nyid can zla ba dang nyi ma dbyer med pa shes rab dang thabs kyi rang bzhin ni sh+rI'o/ /ye shes de'i byed pa ni 'di la bya ba de yod pa'i phyir/ sh+rI yig gnyis med ye shes so
 ha zhes pa ha rdo rje 'chang dang a bdag med pa ste/ gnyis ka dbyer med pa'i phyir ha'o/ /shes rab dang thabs dbyer med pa'i ye shes so zhes pa ni gang gi phyir te/ de'i phyir dang po rgyu zhes pa spro ba'i rang bzhin/ ha rdo rje 'chang ngo/ /stong nyid ces pa sdud pa'i bdag nyid can/
 a ba? med ma ste/ spro ba dang sdud pa gnyis ka dbyer med pa kun rdzob dang don dam pa'i rang bzhin shes rab dang thabs kyi bdag nyid can rdo rje 'chang zhes pa'i don no/ /ru yig bkod pa dang bral ba/ /ka ni gang duAng mi gnas pa'o zhes pa'i don no//
 rnam pa bshad pa kho na'o/ /gal te yang lan bdun pa blangs te/ mkha' la spyod pa'i dngos grub kyi don du bza' bar bya zhing/ yang yig gis/ go ku da ha na la sogs pa rnams kyang bza' bar bya'o/ /zhes pa de rnams kyi dgos pa ci zhes na/ de'i phyir
 gsungs pa/ rdo rje thod pa'i sbyor ba las/ /skye bo gang dang gang rnams kyi/ /sha ni mkhas pas bza' bya ste/ /sems can de dag dbang du 'gyur/ /ji ltar de rnams dbang du 'gyur zhe na/ /rdo rje thod pa'i rang bzhin las zhes/ rdo rje ni rdo rje 'chang ngo/ /thod pa ni
 bde ba skyong ba nyid de chos 'byung bdag med ma'o/ /rdo rje dang bde ba skyong ba ni rdo rje thod pa ste/ sbyor ba ni de dag 'dus pa gnyis su med pas rnam par gnas pa'o/ /de'i phyir bdag med ma dang dbyer med pa'i ngo bo nyid kyis rtog pa yongs su spong ba'i phyir srog chags
 de dang de dbang du 'gyur ro zhes pa'i don no/ /yang na skyes pa'i phyir skye bo srog chags dbang po rnams te/ de rnams rnam par shes pa las skyes pa'i phyir ro/ /gang dang gang rnams kyi ces pa mig dang rna ba la sogs pa rnams kyi sha/ /zhes pa sha dang
 'dra ba'i phyir gzugs la sogs pa sha lta bur sha ste/ mig la sogs pa'i dbang po rnams kyi yul la gzugs la sogs pa rnams la brtag par mngon par zhen pa'i phyir ro/ /gzhan yang gzugs la sogs pa'i yul zang zing blo la mngon par
 zhen par gyur pa de/ gang dang gang rnams kyi mig la sogs pa'i dbang po rnams dang 'brel pa gang yin pa'i gzugs la sogs pa'i yul de dang de/ mkhas pa de kho na dang ldan pa rnams kyis bza' bar bya zhing spyad par bya ste/ de'i bdag nyid kyis
 bdag nyid la rnam par gnas par bya'o/ /sems can de de srid pa gsum gcig par gyur pa dbang po dang yul dang rnam par shes pa dbyer med par gyur pa dbang du gtso bo nyid thob par 'gyur zhing mngon par shes pa thob par 'gyur ro/ /
 gal te 'di ci ltar zhe na rdo rje thod pa'i sbyor ba las zhes pa ka kA li dang/ a A li ni ka ste/ gnyis ka'i nA da'i phreng ba gnyis so/ /de ni rdo rje dbyer med pa ste/ rdo rje ka? de skyong ba par byed pa'i phyir rdo rje thod pa'o/ /de 'dus pa'i sbyor ba las zhes pa rnam pa
 thams cad mkhyen pa nyid mngon par rdzogs par byang chub pa rdo rje 'chang ste/ rnam pa thams cad mngon par rdzogs par sangs rgyas pa thams cad khyab pa zhes pa'o/ /de bzhin gshegs pa thams cad kyi sku dang gsung dang
 thugs kye'i rdo rjer brda dang gnas dang dngos grub gtan la dbab pa'i le'u ste bdun pa'o// //gzugs la sogs pa de rnams thams cad dang de bzhin gshegs pa yang yin pa'i phyir de bzhin gshegs pa thams cad do/ /de rnams kyi
 sku dang gsung dang thugs ni rdo rje gsum dang ye shes lnga'i bdag nyid kyis rdo rje 'chang dang bdag med ma'i dkyil 'khor te/ de ltar gyur pa'i kye'i rdo rje der/ brda zhes pa rnal 'byor pa dang rnal 'byor ma'i ts+tsho ma'i brda'o/ /gnas kyi sgras gnas dang
 nye ba'i gnas la sogs pa'i gnas rnams so/ /dngos grub kyi sgras mkha' la spyod pa la sogs pa'o zhes pa brda dang gnas dang dngos grub rnams kyis gtan la dbab pa ni nges pa'o/ /de yang le'u ni de rnams sbas pa len pa dang 'dzin pa'i
 phyir le'u'o/ /de yang bdun pa ni kho na'i le'u'i mthar thug pa lnga rnams kyi lnga dang/ spyod pa dang bya ba dag gis gnyis te/ spyod pa dang bya ba'i bdag nyid kho na ye shes lnga'i rang bzhin drug pa rdo rje 'chang dang de las 'das pa yang dag pa'i
 ye shes kyi rang bzhin bdun pa rdo rje 'chang ngo/ /'dis ni ts+tsho ma yis/ rnal 'byor pa dang rnal 'byor ma'i mtshan ma dang gnas dang nye ba'i gnas la sogs pa rnams kyi gnas dang/ bcu bzhi pa la sogs pa rnams kyis 'du ba dang/ lan bdun
 pa la sogs pa'i bza' bas mkha' la spyod pa'i dngos grub dang dbang po dang yul bzlog pa dang/ bza' ba dang/ bza' bar bya ba ma yin pa dang/ bsam par bya ba dang bsam par bya ba ma yin pa dang/ smra bar bya ba dang smra bar bya ba ma
 yin pa la sogs pas rdo rje gsum dbyer med pa dang/ sems can dang bdag mnyam pa nyid kyis rang dang gzhan du rtog pa spong ba dang/ sh+rI yig la sogs pas rdo rje 'chang yongs su rdzogs pa dang/ skye bo rnams kyis sha bza' ba rnam pa thams cad kyi rang
 bzhin yang dag par rdzogs pa'i sangs rgyas rdo rje 'chang ste/ rdzogs so zhes pa kun rdzob dang don dam pa dbyer med pa nyid kyis yongs su khyab pa'o zhes pa rdo rje'i 'grel bshad kha sbyor shin tu dri ma med pa las le'u bdun pa'o// //da ni rnal 'byor
 pa dang rnal 'byor ma rnams kyi brda dang 'du ba dang/ gnas dang nye ba'i gnas la sogs pa'i gnas dang/ mkha' la spyod pa la sogs pa'i dngos grub kyang bshad nas/ rnal 'byor ma rnams nyid ni ji snyed yod ce na/ de rnams kyi 'khor lo bskyed pa
 dang/ rang bzhin ji ltar yin pa de bshad par bya ba'i phyir nye bar rtsom pa/ de nas 'di las rnal 'byor 'khor lo rnam par bshad par bya'o zhes pa ste/ de nas zhes pa skabs su bab pa nyid kyi phyir de ma thag par ma chad pa kho nas gsungs pa'o/ /'di las
 zhes pa rgyu 'di las so/ /rnal 'byor ma'i 'khor lo zhes pa rnal 'byor ma rnams kyi 'du ba'o/ /rnam par bshad par bya'o zhes pa khyad par kun rdzob dang don dam pa dbyer med pas rdo rje 'chang dang bdag med ma dbyer med pa'i phyir/ dkyil 'khor gnyis
 dbyer med pa nyid kyi so sor bstan par bya zhing bshad par bya'o/ /zhes pa'o/ /yang na/ de nas a las rnal 'byor ma'i 'khor lo rnam par bshad par bya'o zhes pa ste/ de nas zhes pa a bdag med ma dang/ tha mi bskyod pa gnyis ka dbyer med pa'i
 phyir/ a tha kye'i rdo rjer brjod do/ /de yang ma bdag med las te bdag med ma'i rgyu las so/ /rnal 'byor ma gang yin pa de rnams 'khor lo ste/ 'khor lo lta bur gcod par byed pa'i phyir/ ji ltar 'khor lo gcod par byed pa de bzhin du rnal 'byor
 ma'i 'khor lo de rnams kyang mi shes pa gcod pa'i phyir ro/ /yang na gang/ tshim par byed pa'i phyir 'khor lo'o/ /rnam par bshad par bya'o zhes pa/ ba byang chub kyi sems rdo rje 'chang dang/ ya rlung dang/ a a ba d+hU tI bdag med ma ste/
 la la nA dang ra sa nA dang/ a ba d+hU tI rdo rje gsum dbyer med pa byang chub kyi sems so zhes pa'o/ /byA rdo rje gsum dbyer med pa rdo rje 'chang ngo/ /kha chos 'byung dang/ ya rlung dang/ a bdag med ma ste/ a ba d+hU tI dang/ la la nA/ rdo rje gsum dbyer med pa
 byang chub kyi sems so zhes pa/ khyA rdo rje gsum dbyer med pa bdag med ma'o/ /sa khu ba dang bde ba rdo rje 'chang dang bdag med pa'i dbyer med pa'i phyir/ sa bdag med ma dang dbyer med pa'i rdo rje 'chang ngo/ /de yang ya/ rlung dang/ a bdag med
 ma ste/ ra sa nA dang/ a ba d+hU tI dang/ la la nA rdo rje gsum dbyer med pas shes rab dang thabs kyi bdag nyid can ye shes lnga'i rang bzhin syA'o/ /de'i phyir ma(rgyud 'grel bshad par bya'o zhes pa 'dis ni gar zhig rdo rje gsum dbyer med pa gsum po 'di/ dgu'i bdag nyid can gyi dkyil 'khor te/ de ni ma(rgyud 'grel le'ur/ he yig gis ni snying rje che/ badzra 'ang shes rab brjod par bya/ zhes mdor bstan pa'i don de nyid 'dir yang bshad de/ gang gis bskyed pa'i rim pa nyid dang ni/ /rdzogs pa yi yang rim pa nyid/ /rim gnyis mnyam pa gnas nas ni/ /rdo rje
 can rnams chos ston to/ /zhes pa dang/ gzhan yang/ skyed pa yi ni cha bshad do/ /mkha' khams su zhes pad+ma la zhes pa la sogs pa bcom ldan 'das rang nyid kyis rnam par 'chad par mdzad do/ /de'i phyir 'di dag thams cad kun rdzob dang don dam
 pa dbyer med pa kho na'o/ /gsungs pa yang chos 'byung las skyes 'khor lo ni/ /rim gnyis zhes pa la sogs pa'o/ /de'i phyir 'dir thams cad nang dang phyi'i bdag nyid dag gis sbyar bar bya'o zhes pa rim pa'o/ /de'i phyir 'khor lo nyid gsungs pa/ nam mkha' i
 khams su b+ha ga bsam/ dbus su bsgom par bya ba ni/ nam mkha' i khams su zhes pa nam mkha' i khams stong pa nyid la/ b+ha ga ces pa chos 'byung gru gsum steng du rgyas pa nang nam mkha' i rnam pa ston kha'i ri bong 'dzin pa ltar dkar ba la/ 'dab ma sna tshogs pa'i
 pad+ma dang/ sna tshogs rdo rje dag bsam zhing yang dag par bsams te/ de'i dbus su bsgom pa snyoms par 'jug par bya ba ni sgom pa pos bya'o/ /'khor lo sngon dang ci rigs par/ /lha rnams ji ltar 'byung ba'o/ zhes pa/ 'khor lo ni dkyil
 'khor dang sngon zhes pa/ thog mar ro/ /ci rigs par zhes pa rim pa ji lta bar te/ rim pa las 'das pa ma yin pa'i rim pas so/ /de nyid gsungs pa/ lha rnams ji ltar 'byung ba'o zhes pa lha rnams kyi rim pa ji lta ba bzhin bskyed pa'o/ /'khor lo
 nyid gsungs pa/ sa ste/ lam las byung ba kha dog ser po gru bzhi pa'o/ /chu ni baM las byung ba kha dog dkar po zlum po'o/ /'di gnyis ni re zhig sngon thog mar te/ ji ltar rigs par rim pa ji lta ba bzhin/ sa bsams nas/ de'i steng du chu bsam
 par bya'o/ /de'i rjes la byin za ni/ ram las byung ba kha dog dmar po gru gsum pa'o zhes pas dang/ chu dang me'i rang bzhin 'byung ba chen po gsum gyi bdag nyid can rdo rje gsum gyi ngo bo'i lha rnams kyi steng du rlung chen te/ thams cad kyi
 srog tu gyur pa'i phyir/ yaM las byung ba du pa'i mdog can gzhu lta bu'o/ /de'i steng du bsgom pa po sems tsam gcig pa'i ngo bo'o/ /yang gi sgra ni zhes pa'i don te zhes pa ni rim pa 'dis so/ /ji ltar 'byung ba'i rim ji lta bar bskyed
 pa'o/ /yang na/ gang nam mkha' i khams su zhes pa/ dang por stong nyid byang chub bo/ /b+ha ga bsam zhes gang gsungs pa/ der b+ha ga bsam pa ste/ de ni gang zhig /gnyis pa la ni sa bon bsdu zhes pa ste/ sa bon e yig
 yongs su gyur pa'i chos 'byung du/ sa bon baM yig yongs su gyur pa'i sna tshogs pad+ma dang/ sna tshogs rdo rje dag sngar gsungs pa'i ngo bo la gsum pa la ni gzugs brnyan rdzogs zhes pa/ dbus su bsgom par bya ba ni/ /'khor
 lo sngon dang ci rigs par/ /lha rnams ji ltar 'byung ba'o zhes pa'i mthar thug pas gzugs brnyan rdzogs pa'i rgyu yin yang/ rdzogs pa zhes nye bar brtags pa'i phyir ro/ /bzhi pa la ni yig 'bru dgod ces pa/ 'khor lo sa dang chu ni
 sngon/ /ji ltar rigs par byin za dang/ lha rnams kyi ni rlung chen dang/ sgom pa po yang ji ltar 'byung zhes pa'i mthar thug pas 'byung ba chen po lnga'i bdag nyid can me long lta bu la sogs pa ye shes lnga'i ngo bo shin tu rnam par dag
 pa chos kyi dbyings kyi rang bzhin zhes pa 'gyur med gong pa'o/ /yang na 'khor lo gang yin pa de ni sa'o/ /sngon gang yin pa de ni chu ste/ thams cad kyi thog mar gyur pa'i phyir ro/ /ci rigs par zhes pa gang yin pa de ni byin za ste/ de ni srub pa
 dang srub pa'i rim pas 'byung ba'i phyir ro/ /lha rnams zhes pa gang yin pa de ni rlung ste lha'i rang bzhin gzugs la sogs pa phung po lnga'i bdag nyid can sems can gyi khams thams cad srog tu gyur pa'i rlung chen po ye shes chen po'i rang
 bzhin no/ /ji ltar 'byung ba'o zhes pa sgom pa po yang ste/ gang las 'byung ba rdo rje gsum dbyer med pa rlung chen te/ sa dang chu la sogs pa'i 'byung ba rnams rnam par shes pa las gzhan ma yin pa'i phyir ro/ /yang yig las de yang nam mkha' i
 rang bzhin nyid kyi nam mkha' i khams so zhes pa ste/ ye shes lnga sum dang shes rab dang thabs kyi bdag nyid can kho na 'khor lo'i zhes pa'o/ /yang 'khor lo ni mi shes pa gcod pa'i phyir ro/ /sa ni chos 'byung bdag med ma'o/ /chu ni sngon zhes pa byang
 chub kyi sems rdo rje 'chang ngo/ /ji ltar rigs par zhes pa rim pa ji lta bar gnyis ka dbyer med pa'i phyir byin za ste/ gnyis ka dbyer med pa'i rang bzhin no zhes pa/ de yang lha rnams kyi zhes pa me long lta bu la sogs pa ye shes lnga'i bdag
 nyid can gzugs la sogs pa phung po lnga'i rang bzhin rnams kyi  rlung chen ye shes chen po ste sdud pa'i bdag nyid can kho na spro ba'i rang bzhin zhes pa'o/ /yang na sa ni sku rdo rje'o/ /chu ni byang chub kyi sems te/ nA da'i bdag nyid kyi phyir gsung rdo rje'o byin
 za zhes pa rang bzhin med par byed pa'i phyir thugs rdo rje'o/ /rdo rje gsum dbyer med pa ni rlung chen te/ yang dag pa'i ye shes so/ /de yang sgom pa po zhes pa bdag med ma dang dbyer med pa'i rdo rje 'chang ste/ rim pa ji ltar 'byung ba'o/ /ya sa dang chu
 dang/ byin za'i dga' ba la sogs pa khyad par gyi dga' ba'i mthar thug pa dga' ba gsum dang/ rlung chen gyis lhan cig skyes pa dang/ sgom pa po zhes pa 'dis bzhi pa'i rang bzhin rdo rje 'chang yongs su rdzogs pa'o zhes pa'o/ /de nyid kyi phyir
 chos 'byung las skyes 'khor lo ni/ /rim gnyis dag pa skyon med pa/ zhes pa chos 'byung gis sgras khang pa brtsegs pa brjod de/ 'khor lo gang zhig chos 'byung las skyes pa de ni/ chos 'byung las skyes 'khor lo'o/ /de khyad par ci zhe na/
 gsungs pa/ rim gnyis zhes pa ni/ rim pa gnyis kyi bdag nyid can no/ /dag pa zhes pa yongs su dag pa ste/ nang gi rim pa rang bzhin gyis dag pa'i phyir dang/ phyi'i rim pa skyon med pa'o/ /skyon ni nad rnams te/ ji ltar de rnams sdug bsngal
 bskyed par byed pa de ltar nyon mongs pa'i bag chags la sogs pa phyi'i yul rnams kyang sdug bsngal skyed par byed pa'i phyir nad dang bral ba 'dra ba ste/ de dang bral ba'i phyir skyon med lha'i bdag nyid can nyid kyis shin tu rnam par dag
 pa chos kyi dbyings kyi rang bzhin no/ /ze 'bru yis ni gcig yin te/ gru gsum gyis ni gzhan du brjod/ ces pa ze 'bru yis rim pa gcig yin zhing ze 'bru ni pad+ma las gzhan ma yin pa'i phyir/ gdams ngag las pad+ma 'dab ma bzhi
 par shes par bya'o/ /gru gsum gyis ni gzhan zhes pa pad+ma gzhan 'dab ma brgyad pa chos 'byung la khyab pa'o/ /de'i dbus su bsam bya/ /bco lnga'i gdan gyi bdag nyid do/ /zhes pa gang zhig rim pa gnyis po de ni pad+ma gnyis kyis te/
 de la nang gi rim pa'i ze 'bru la bdag med ma dang 'dab ma bzhi po rnams mkha' 'gro ma bzhi'o/ /phyi'i 'dab brgyad la mkha' 'gro ma brgyad de/ pad+ma gnyis kyi 'dab ma'i rtse mo dang rtsa pa'i bar du'o/ /steng dang 'og tu mkha' 'gro ma gnyis te/
 'dis mkha' 'gro ma bco lnga'i rang bzhin gyi 'khor lo rdzogs par bya'o/ /de'i phyir bco lnga'i gdan gyi bdag nyid bsam zhing bsgom par bya'o/ /de yi steng du zla ba yis/ /gdan chos kyi dbyings kyi bdag nyid ro bco lnga'i de'i steng du zla ba yin no/
 zla ba'i steng du sa bon te/ zhes pa sa bon ni lha gang zhig bsgom par bya ba de'i sa bon kho na'o/ /phyi nas bdud las rgyal bas mnan gnyis 'dus pa ni bde chen po/ zhes pa phyi nas bar ma chad par de'i steng du bdud las rgyal ba ste/
 mnan zhes pa sa bon de nyi mas mnan pa'o/ /rim pa 'dis zla ba dang nyi ma gnyis po dag 'dres pa gang yin pa de ni 'dus pa ste/ de ni bde chen po zhes pa ye shes chen po'o/ /gal te zla ba nyid sa bon gang las 'gyur zhe na/ a li
 zla ba'i gzugs kyis gnas/ a yig la sogs pa dbyangs bcu drug po de rnams yongs su gyur pa las zla ba'o/ /kA li snang byed gzugs kyis so/ zhes pa ka yig la sogs pa yul sum cu rtsa bzhi nA da'i phreng ba ni snang byed gzugs kyi ste/ de yongs
 su gyur pa las snang byed do/ /rim pa 'dis yongs su rdzogs pa 'dis ni/ zla ba nyi ma gnyis 'dus pa las dkar mo la sogs rab tu grags/ zhes pa zla ba nyi ma gnyis 'dus pa 'dres pa gang yin pa de/ dkar mo la sogs zhes pa mkha' 'gro rnams
 bsdus pa las phyi'i rim pa bdag med ma'i mthar thug par bsdus pas rab tu grags pa yongs su rdzogs pa'o zhes pa/ gnyis ka nA da'i phreng ba gnyis bsdus pa yongs su gyur pa las skyes pa'i zla ba dang nyi ma gnyis kyi bar du gnas pa'i sa bon
 las skyes pa'i mkha' 'gro rnams ye shes lnga'i bdag can no zhes so sor bstan pa'i phyir gsungs pa/ zla ba me long ye shes ldan/ A li nA da'i phreng ba gang yin pa yongs su gyur pa las zla ba ste/ de ni me long lta bu'i ye shes kyi rang bzhin rnam par
 snang mdzad/ snang ba'i mtshan nyid/ sku rdo rje sprul pa'i sku'o/ /bdun gyi bdun pa mnyam nyid ldan/ /mnyam nyid gnyis su med pa rtogs pa 'di la yod pa'i phyir/ mnyam nyid ldan pa rin chen dbang po ste/ yang dag par rig bzhin rdo rje/ rang bzhin
 med pa'i rang bzhin nyid las chos kyi sku'o/ /rang lha'i sa bon gyis mtshan ma/ /so sor rtog par brjod par bya/ /gang zhig gang dang gang gis sa bon yin pa de rnams ni de dang de'i sa bon te/ sa bon gyis lha'i mtshan mar gyur pa gang yin pa de ni so sor
 rtog pa'i ye shes te/ dngos po mdza' dag phyin ci ma log par rtogs pa sa bon nA da'i rang bzhin nyid kyis gsung rdo rje longs spyod rdzogs pa'i sku'o/ /de nyid kyi phyir brjod par bya zhes gsungs so/ /thams cad gcig gyur rjes gnas te/ rdzogs pa chos
 nyid dag pa'o/ /thams cad ces pa rdo rje gsum po rnams so/ /gcig gyur zhes pa dbyer med pa gang yin pa de ni gcig go /chos nyid dag pa ces pa shin tu rnam par dag pa chos kyi dbyings kyi rang bzhin nyid do/ /de ni rjes
 gnas zhes pa rjes su mtshungs pa ste/ mnyam pa nyid kyis gnas par ro chos kyi dbyings de bzhin nyid rnam par mi rtog pa'i ye shes de ni gnyis su med pa'o/ /zla ba dang nyi ma dag gis shes rab dang thabs so/ /de'i bar gyi sa bon gyis
 lhan cig dbyer med pa'i phyir rdo rje gsum mo/ /gzugs brnyan rdzogs pa ni bzhi pa lhan cig skyes pa'o/ /shin tu rnam pa chos dag pa chos kyi dbyings nyid kyis rnam par gnas pa ste/ me long lta bu la sogs pa ye shes lnga rnams so zhes pa'o/
 yang na chos 'byung ni bdag med ma don dam pa'i bden pa'o/ /de las skyes pa ni rab tu gsal bar gyur pa kun rdzob kyi bden pa ste/ gnyis ka dbyer med pa gang yin pa de chos 'byung las skyes so/ /ci ltar zhe na/ 'khor lo mi shes pa ma lus
 par gcod par byed pa'i phyir bdag med ma dang/ dbyer med pa'i rdo rje 'chang gi ye shes so/ /de nyid kyi phyir rim gnyis ni gnyis ka kha sbyor ro/ /dag pa ni rang bzhin gyis dag pa'o/ /skyon med pa zhes pa ma rig pa'i gdug pa'i sems rnams kyis dus
 yun ring mor rtag tu bar ma chad par goms shing/ 'dir de'i 'dzin pas log par rtogs pas/ shin tu rnam par dag pa chos kyi dbyings kyi rang bzhin kho na brtags nas/ nyon mongs pa ma lus pa'i bag chags bsgos pa ni sdug bsngal skyed
 par byed pa nyid kyi skyon re? nad lta bu'o/ /de'i phyir sems can lha'i rnam pa rnam par dag pa nges par rtogs pa ni skyon med pa'o/ /'dis ni nang gi rim pas dag pa dang/ phyi'i rim pas skyon med pa ste/ phyi dang nang dbyer med pa 'di nyid ye shes so/ /de la
 gcig ni gnyis su med pa'o/ /ze 'bru yis yin te/ mdza' med cing thug pa med pa rdul phra rab bsags pa'i rang bzhin chos thams cad kyi bdag nyid dbyer med pa nyid du rtogs pa'i phyir te/ e shes rab dang/ ka bde ba thabs te so sor shes rab dang thabs
 dbyer med ba 'byung bar 'gyur ro/ /de nyid gru gsum ni zur gsum ste rdo rje gsum mo/ /gru gsum rdo rje gsum des gzhan bzhi pa lhan cig skyes pa ste/ de yang brjod ces pa yang dag pa'i ye shes kho na'o/ /de'i dbus su bsam bya'o zhes pa ye shes de'i
 dbus su dbu ma yang dag pa'i mthar 'dis rab tu gsal bar byed pa'i phyir/ bsam bya rtogs pa'i rnam pa nyid kyis rnam par gnas par bya'o/ /de yang/ ro chos kyi dbyings kyi bdag nyid can kun rdzob kyi bden pa'i rang bzhin bdag med ma dang dbyer med pa
 rdo rje 'chang gi ye shes so/ /dbang po dang yul dang/ de dag las skyes pa'i shes pa rnams ni bco lnga'o/ de rnams kyi bza' ba ni g.yeng ba bsdud pa'o/ /de'i bdag nyid ni de'i ngo bo ste/ rdo rje 'chang dang dbyer med pa'i bdag med ma'i ye shes so/ /de'i steng du zhes pa/ nya don
 yod grub pa/ sku rdo rje'o/ /sa khu ba thugs rdo rje'o/ /ya rlung gsung rdo rje ste/ rdo rje gsum dbyer med pa'i ye shes ni ta sya zhes pa'o/ /steng du ni de yongs su gyur pa'o/ /ci zhe na zla ba yin te/ cha bco lnga'i bdag nyid can byang chub kyi sems so/ /zla ba'i steng du sa bon
 te zhes pa/ byang chub kyi sems yongs su gyur pa nyid khams gsum pa'i sa bon gyis rang bzhin kaM yang dag pa'i ye shes so/ /'dis rnam par snang mdzad kyi rang bzhin dga' ba'i ye shes brjod de/ rnam par nges pa
 dang bde ba'i ye shes gsal ba'o/ /de bas lhag pa'i dga' ba ni cho ga dga' i rang bzhin te/ de rgyas par byed pa'i phyir rin chen yin la/ de la dbang ni gtso bo ste/ de byed par bzod pa nyid kyi phyir ro/ /'od dpag med ni dpag tu
 med pa ni mdza' yas pa'o/ /'od ni snang ba ste/ /yul dang dbang po dang rnam par shes pa rnams kyi ma rig pa dang bral ba gang yin pa de ni 'od dpag med de/ khyad par gyi dga' ba'i rang bzhin no/ /de ltar rdo rje gsum dbyer med
 pas/ de yongs su gyur pa byang chub kyi sems de gang yin pa de dang dbyer med pa'i ye shes ni yang dag pa'i ye shes nyid/ de yi steng du zla ba yin/ zla ba'i steng du sa bon te/ zhes pa'o/ /phyi nas zhes pa de ma thag bar ma chad pa nyid kyis te/ de'i bdag nyid kyis so//
 bdud las rgyal ba ni chags pa thams cad chags pa med par byed pa'i rang bzhin lhan cig skyes pa'o/ /mnan pa ni rtogs par byed pa ste/ gnyis 'dus pa'i khu ba dang lhan cig skyes pa dag dbyer med pa rtogs pa'o/ /bde chen po zhes pa ye shes chen po'o/ /de nyid kyi
 phyir A li'i gnas zhes pa A li mkha' 'gro ma bco lnga ste/ gnas pa g.yo ba med par gyur pa'o/ /gang gis zhe na/ zla ba'i gzugs khu ba'i rang bzhin gyis so/ /kA lI'i gzugs kyis zhes pa kaM bde ba'o/ /de'i phreng ba ni A li te/ dga' ba la sogs pa
 lhan cig skyes pa'i dga' ba'i mthar thug pas kA li'o/ /de'i gzugs dang de'i rang bzhin gyis snang byed 'od gsal ba'o zhes pa'i don no 'dis ni zla ba dang nyi ma khu dang lhan cig skyes pa'i dga' ba'i rang bzhin gnyis po dag gang zhig 'dus
 shing dbyer med pa dkar mo la sogs pa rab tu grags zhes pa ste/ dkyil 'khor gnyis dbyer med pa bden pa gnyis kyi bdag nyid can de ni ye shes so/ /de'i phyir gsungs pa/ zla ba me long ye shes ldan/ 'od gsal ba'i ye shes las tha dad pa'i byang chub kyi
 sems nyid do/ /mnyam nyid ni dbyer med pa ste/ byang chub kyi sems dang 'od gsal ba dag dbyer med par rtog pa'o/ /de ni bdun gyi bdun pa nyi ma rin chen dbang po ste/ 'dis re zhig lhan cig skyes pa dang dbyer med pa'i khu ba nyid do/ /de nyid kyi phyir rang lha ye
 shes rab rig pa'i mtshan nyid du gyur pa'i sa bon dga' ba la sogs pa rnams kyis mtshan pa'o/ /de nyid so sor rtog pa ste/ so so re rer nges par mthong pa'i ye shes nyams su myong ba'i mtshan nyid de/ rjod par bya zhes pa tha snyad du bya ba'o/ /de'i phyir thams cad
 dga' ba la sogs pa lhan cig skyes pa'i mthar thug pa rnams gcig gyur gcig dbyer med pa nyid gang yin pa de/ rjes nas 'dra ba nyid kyis gnas pa'o/ /de nyid rdzogs pa ste/ rdo rje 'chang dang bdag med ma dbyer med pa'i ye shes so/ /chos nyid dag
 ba ni chos rnams kyi shin tu rnam par dag pa'o/ /de nyid kyi phyir/ mkhas pas cho ga gsungs pa yis/ rnam pa lnga po bsgom par bya/ zla ba dang nyi ma dang sa bon dang/ de dag gcig pa nyid dang/ de las kyang shin tu rnam par dag pa chos kyi dbyings nyid de/ cho
 ga 'di rnams kyi dbyings nyid de/ cho ga 'di rnams kyis bsgom pa bya zhing yang dag par bsgrub par bya'o/ /mkhas pa zhes pa rtogs pa'i bdag nyid can gyis so/ /yang na rnam pa rdo rje 'chang ste/ kun rdzob kyi bden pa dang/ dbyer med pa bsgom zhing snyoms par
 'jug pa dang/ shes rab dang thabs dbyer med pa rnam par gnas par bya'o/ /A ni ye shes so/ /cho ga lnga ni rnam par spros pa ste/ rnam pa sna tshogs pa'i ye shes rnams kyis so/ /mkhas pa ni yang dag pa'i ye shes kyi rang bzhin no/ /'dis ni me long
 lta bu la sogs pa'i ye shes lnga'i bdag nyid kyis mkha' 'gro ma rnams dang/ gnyis ka kha sbyor ni rdo rje 'chang nyid du rab tu gsal bar bya ba'i phyir gsungs pa/ A li kA li mnyam sbyor ba rdo rje sems dpa' i gdan yin te/ zhes pa/ A li kA li mnyam sbyor ba
 ni sems dpa' dbang bskur ba'i dkyil 'khor gsungs pa ste/ me long lta bu la sogs pa ye shes lnga'i bdag nyid can mkha' 'gro ma bco lnga'i rang bzhin gyi dkyil 'khor la rdo rje sems dpa' rdo rje'i dbang bskur nas shin tu rnam par dag pa chos kyi dbyings kyi bdag nyid
 can du rab tu bsgrub pa'i phyir/ bdag med ma dang dbyer med pa'i rdo rje 'chang gi thugs kha las/ ba spu'i khur bu so so nas A li kA la nI da'i 'phreng ba gnyis spros te/ slar yang bsdus nas zhal gyi sgo nas zhugs pa rdo rje'i
 lam nas zhugs pa rdo rje'i lam nas phyung ste /lha mo'i 'khor lo mdza' ngag dbang bskur bar bya'o/ /mnyam sbyor la ni A li kE li dag bskor ba dbyer med pa gang yin pa de ni mnyam pa ste/ spro ba dang sdud pa gang yin pa de ni sbyor ba'o/ /de yang
 rdo rje sems dpa' i gdan yin te zhes pa rdo rje 'chang gdan de'i bdag nyid kyis bzhugs so zhes pa'i don no/ /yang na gang/ A li kA li dag mnyam pa nyid 'gyur du bskor ba gang zhig 'dus pa ni sbyor ba ste/ de yang rdo rje sems dpa' de kho na gsum
 gcig pa'i rang bzhin gyis mnan te gnas so/ /A li zhes pa a yig la sogs pa dbyangs bcu drug ste/ shes rab dang thabs kyi rang bzhin nyid kyis nyis 'gyur sum cu rtsa gnyis so/ /kA li zhes pa ka yig la sogs pa yi ge sum cu rtsa bzhi
 Da d+ha da d+ha ya la dang bcas pa bzhi bcu nyis 'gyur gyis yi ge brgyad cu rnams so zhes pa mtshan sum cu rtsa gnyis dang/ dpe byad brgyad cu ste/ mtshan sum cu rtsa gnyis dang dpe byad brgyad cu dang ldan pa rdo rje sems dpa' zhes pa'i don no yang na/ bdag med
 ma la sogs pa mkha' 'gro ma bco lnga rnams kyi chos kyi dbyings su gnas pa'i zla ba dang nyi ma dang sa bon dang gsum tha dad med pa nyid dang de dag las byung ba shin tu rnam par dag pa chos kyi dbyings kyi rang bzhin me long lta bu la sogs pa ye shes lnga'i bdag
 nyid kyis/ bdag med ma dang dbyer med pa kho na rdo rje 'chang ngo zhes pa ste/ de'i phyir gsungs pa/ A li kA li mnyam rtog go /rdo rje sems dpa' i gdan yin te/ zhes pa A li shes rab po/ /kA li thabs so/ /gnyis ka mnyam rtogs pa ni
 mnyam pa'i ye shes te tha dad med par rtogs pa'o/ /de ni/ go rdo rje sems dpa' ste/ go'i sgras go dbang po rnams te me long lta bu la sogs pa ye shes lnga'i bdag nyid kyi spro ba'i rang bzhin rdo rje 'chang ngo/ rdo rje zhes pa mi phyed pa nyid kyis sdud
 pa'i rang bzhin can bdag med ma'o/ /'dis ni go rdo rje shes rab dang thabs dbyer med pa gang yin pa sems dpa' srid pa gsum gcig pa nyid de/ de ni go rdo rje sems dpa' o/ /de'i gdan ni rdo rje 'chang gi gdan te/ 'di rnams kyi gzhi
 nyid kyis khyab pa'o/ /de nyid kyi phyir/ 'gyur med las byung gong du ni/ /hUM de phaT yig 'dod min nyid/ /'gyur med kyi sgras A li kA li nA da'i phreng ba gnyis so/ /de las byung ba ni de las skyes pa ste/ gong bu ni gang gi sku de'i rang bzhin nyid do/ /
 'gyur med las 'byung gong bu de ni hUM yig kho na ste/ bdag med ma dang dbyer med pa'i rdo rje 'chang ngo/ /phaT yig tha dad pa'i bya ba yang 'dod min nyid de/ hUM yig gi sa bon nyid las bdag med ma dang dbyer med pa'i rdo rje 'chang yin zhing/
 'di'i mtshan ma yang rdo rje 'chang 'di nyid de/ sa bon gnyis ka dbyer med pa'i bdag nyid kyis rdo rje 'chang dang /dbyer med pa'i bdag med ma'o/ /yang na 'gyur med kyi sgras 'dzag pa med cing g.yo ba med pa'i phyir 'gyur med do/ /de yang byung
 ba skyes pa nyid de kun rdzob kyi bden pa'i bdag nyid rdo rje 'chang ngo/ /de'i gong bu ni sku ste /kun rdzob kyi bden pa nyid gong bur byas pa don dam pa'i bden pa yin pa'i phyir /de'i rang bzhin no/ /ci lta bu zhe na/ gsungs pa/
 hUM ste zhes pa ha thabs dang u shes rab dang gnyis ka dbyer med pa byang chub kyi sems zla tshes dang/ de yang thig le stong pa nyid kyis rang bzhin med pas brgyan pa'o/ /phaT shes rab bdag med ma de la byed pa dang bya ba kun tu rtog pa 'dod min
 nyid ces pa mi 'dod kho ste/ /sgro ma btags pa nyid kyis sems can thams cad kyi don la rab tu 'jug pa'i phyir ro/ /yang na 'gyur med las byung gong bu g.ye ba med pa'i ngo bor byung ba'i gong bu'i byed pa dang/ bya ba rdo rje'i lte
 ba'i nang du gnas pa'i byang chub kyi sems g.yo ba med pa nyid kyi rgyu ci zhe na hUM ste /hUM yig go /de'i phyir yang de la phaT tha dad pa 'dod min nyid zhes pa kho na'i don nyid kyi sgra sta sbyor ba bya ba kho na'o zhes pa'o/ /yang na/ ak+Sha dbang po rnams
 so/ /de rnams 'dor ba'i phyir ra ste /ak+Sha ra'o/ /byung ba ni de ltar gyur pa chags pa'i mtshan nyid 'dod chags chen po ste/ gong bu ni dbang po la sogs pa thams cad gnyis su med par gyur pa'i phyir gong bu lta bu'o/ /'dod chags
 chen po de ni phaT tha dad pa chags pa las rnam par grol ba ste/ 'dod min nyid ces pa chags pa thams cad las rnam par grol ba'i phyir de la 'dod pa'i bya ba med pa kho na'o/ /de yang rdo rje 'chang hUM yig kho na ste/ dga' ba la sogs pa lhan
 cig skyes pa'i mthar thug pa bzhi pa zhes pa'o/ /yang na a(rgyud 'grel pa kho na'o/ /ye shes kyi dkyil 'khor dang dam tshig gi dkyil 'khor dag gnyis su med pa mdor bstan nas rgyas par bshad pas rab tu gsal bar mdzad pa/ sems dpa' gzugs brnyan yang dag byung /dkyil 'khor dbang po rnam par bsgom/ zhes pa sems
 dpa' i sgras A li kA li nA da'i phreng ba gnyis kyi bdag nyid can zla ba dang/ nyi ma dang bar du gnas pa'i sa bon rnams srid pa gsum yin la/ de dag gcig pa nyid ni sems dpa' o/ /de las de'i bdag nyid kyis shin tu rnam par dag pa chos kyi dbyings
 kyi rang bzhin gzugs brnyan chu'i zla ba lta bur bden pa dang mi bden pa rnam par gcod pa las 'das pa ni sems dpa' gzugs brnyan no/ /de ni yang dag par byung ba ste/ de nyid kyi dkyil 'khor dbang po dkyil 'khor gyi gtso bor rnam
 par bsgom zhing rnam pa sna tshogs pa'i tshul gyis snyoms par 'jug pa rdzogs par bya'o/ /yang na/ /sems dpa' i gzugs brnyan yang dag byung ba gang yin pa de nyid dkyil 'khor du ye shes lnga dbyer med pa'i snying po len pa la/ rnam
 par bsgom zhing bde ba lhan cig skyes pa bsgom pa rnam par gsal bar goms par bya ste/ /shin tu rnam par dag pa chos kyi dbyings kyi bdag nyid du gnas par bya'o/ /zhes pa'o/ /dkyil 'khor dbang po khyad par ci lta bu zhe na/ gsungs pa
 sngar bzhin zhal dang mtshan ma sogs/ /zla ba chu shel nor bu'i 'od/ /sngar bzhin zhes pa sngar gyi phyag bzhi pa dang/ phyag drug pa dang/ phyag bcu drug pa rnams bzhin te /le'u gnyis par zhal brgyad pa/ zhabs bzhi pa/ zhes pa la
 sogs pa gang gsungs pa dang/ le'u gsum par phyag bzhi pa bdud bzhi las rgyal ba rnam par dag pa ste/ zhes pa la sogs pa dang /de bzhin du phyag drug pa zhal gsum pa zhes pa la sogs pa gang yin pa'o/ /de ltar gyur pa'i zhal
 dang mtshan ma sogs pa rnams te/ tA Na Da pa la sogs pa rnams kyis kyang mtshan ma'o/ /'on kyang zla ba chu shel nor bu'i 'od /sems dpa' i gzugs brnyan yang dag byung ba'i rgyu rdo rje 'chang nyid kyi phyir te/ rgyu rdo rje 'chang gi rtsa ba'i/
 zhal dang sku mdog kyang dkar po yin la/ 'bras bu rdo rje 'chang gi sku mdog nag po nyid do zhes pa'o/ /yang na sngar bzhin zhes pa ji ltar sngar chos kyi dbyings kyi bdag nyid kyi ro'i steng du/ zla ba dang nyi ma dang bar du gnas pa'i sa bon rnams so//
 de bzhin du zhal ni brjod pa'i phyir zhal te /nA da'i phreng ba gnyis so /mtshan ma ni sa bon te/ zhal dang mtshan ma gsum po 'di nyid sogs pa ste/ dang po'i rgyu'o/ /rgyu de rnams kyis gang zhig zla ba byang chub kyi sems dang/
 ? bde ba ste/ gnyis ka mthar thug pa'i phyir zla ba chu shel lo/ /de ni nor bu'i 'od de /nor bu lta bur gzugs sna tshogs pa dang nor bu 'od gsal ba ji ltar gang gis 'od gsal ba de ni zla ba dang chu shel nor bu'i 'od do/ /de ni kha sbyor
 du sdud pa gsungs pa/ de ltar thams cad rdzogs pa nyid/ /de ltar rim pas me long lta bu la sogs pa ye shes lnga'i ngo bo nyid kyis de bzhin gshegs pa dang mkha' 'gro ma thams cad rdzogs pa nyid do/ /yang na/ gang e baM nyid
 mkha' 'gro ma thams cad rdzogs pa ste/ e baM zhes pa 'di nyid kyi don rgyas par ston pa shes rab thabs kyi rang bzhin las/ e yig gis shes rab dang/ baM yig gis thabs so/ /rang bzhin las zhes pa 'dis shes rab de nyid A li zhes
 brjod cing thabs de nyid kA li zhes brjod do/ /A li zla ba dang/ kA li nyi ma'o 'dis rab dbye las e yig dang/ baM yig dag las shes rab dang thabs dag go /de dag las kyang A/ li dang kA li dag go /de dag las kyang zla ba dang nyi ma dag
 ste /de'i phyir 'dis khyad par du phye zhing khyad par du 'phags pa phul du byung ba'o/ /yang na e baM thams cad rdzogs pa nyid /ces pa e baM ni gang zhig byang chub kyi sems stong pa nyid dang snying rje dbyer med pa'o/ /de ni thams cad de/ thams cad ni
 rdo rje 'chang dang a bdag med ma'o zhes pa/ thams cad rdo rje 'chang dbyer med pa'i bdag med pa'o/ /de nyid ni rdzogs pa ste/ lhag ma med pa'i ye shes kyi rang bzhin no/ /gang gi phyir gang las A(rgyud 'grel phyir shes rab dang thabs kyi rang bzhin las zhes pa shes rab bdag med ma dang/ thabs rdo rje 'chang ste/ gnyis ka'i rang bzhin las so/ /gnyis ka yang A li kA li nA de'i phreng ba gnyis te/ de dag dbyer med pa las cha
 dang bral ba nyid do/ /nga'i phyir zla ba byang chub kyi sems dang/ nyi ma cha dang bral ba bde ba chen po'i ye shes te /gnyis kyi rab dbye las rnam pa gzhan med pa'i phyir dang/ khyad par du rang bzhin med pa'i phyir bzhi pa rdo rje 'chang ngo//
 e baM zhes pa dga' ba'o/ /shes rab thabs zhes pa mchog dga' o/ /A li kA li zhes pa khyad par gyi dga' ba'o/ /zla ba dang nyi ma'i rab dbye las zhes pa lhan cig skyes pa'i dga' ba bzhi pa'o/ /'dis ni 'di las dkar mo la sogs
 te/ yi ge dbye ba so so gzhan/ rgyu 'di nyid las dkar mo la sogs pa'i phyi'i rim pa la gnas pa gzugs la sogs pa'i yul rnam par dag pa mkha' 'gro ma dkar mo la sogs pa kha dog nag mo la sogs pa rnams
 kyis rab tu dbye ba tha dad pa so so gzhan sna tshogs pa ste/ gang gi phyir mkha' 'gro ma rnams kha dog sna tshogs pa'o/ /yi ge'i dbye ba zhes pa sa bon gyi dbye ba ste/ gang phyir so so gzhan zhes pa mkha' 'gro ma la sogs pa rnams
 kyi sa bon so so tha dad pa las skyes pa'i phyir ro/ /yang na dkar mo la sogs 'gyur zhes pa de bzhin gshegs pa dang mkha' 'gro ma rnams 'byung bar 'gyur te /'di nyid mchog rmad du byung ba'o/ /yi ge rnams kyi dbye ba med pa
 ni sdud pa ste/ de nyid so so zhes pa spro ba'o/ /spro ba dang sdud pa'i bdag nyid kyis bden pa gnyis ka'i bdag nyid can kho na dkyil 'khor gnyis dbyer med pa'i zhes pa'o/ /da nyid mngon par gsal bar mdzad pa re zhig nang gi rim pa la
 rnal 'byor ma lnga rnam par gnas/ nang gi sgras /gang zhig bdag gi dbang du byas pa'i rim pa ste/ nang gi rim pa de la'o/ /re zhig gi sgra ni rim pa ste/ phyi nas phyi'i rim pa 'chad par 'gyur ba'i phyir ro//
 gnas zhes pa gcig gi tshig tha dad med pa las so/ /rnam pa ni nges pa'i don te/ rnal 'byor ma lnga zhes pa me long lta bu la sogs pa ye shes lnga'i bdag nyid kyis rnal 'byor dang ldan pa'o/ /de rnams ci ltar bsgom par
 bya zhes na gsungs pa/ phung po lnga yi rang bzhin gyis rnal 'byor rig pas rtag tu bsgom/ gzugs dang tshor ba dang/ 'du shes dang/ 'du byed dang/ rnam par shes pa'i rang bzhin gyis snyoms par 'jug par bya'o/ /de su zhe
 na rnal 'byor rig pa gnyis su med pa'i ye shes rtogs pa ste/ rtag tu zhes pa bar ma chad pa nyid kyis so/ /yang na/ nang gi rim pa zhes pa bdag nyid la lhag par 'khyud cing/ bdag nyid las 'das te/ gang zhig rim pa kha sbyor de
 la re zhig gnas pa rlabs dang bral pa'i rang bzhin can te/ rnam par nges pa'o/ /de khyad par ci zhe na/ rnal 'byor ma lnga rnal 'byor ma me long lta bu la sogs pa ye shes lnga dang ldan pa'o/ /'dis ni gnyis ka'i bdag nyid can
 bdag med ma nyid mkha' 'gro ma'o/ /de nyid kyi phyir phung po lnga gzugs la sogs pa ste/ de rnams kyi rang bzhin me long lta bu la sogs pa ye shes lnga'i bdag nyid can rnam par snang mdzad la sogs pa de bzhin gshegs pa
 lnga rnams so/ /rang bzhin de yis bsgom zhing snyoms par 'jug par bya ste/ rnal 'byor rig pa gnyis ka dbyer med pa rtogs pa'i ye shes so/ /rtag tu zhes pa bar ma chad pa nyid kyis so/ /nang gi rim par gnas pa'i mkhar 'gro
 ma lnga po nyid gsungs pa/ dbang por rdo rje shar gyi 'dab ma la rdo rje ma'o/ /gshin rjer lho'i 'dab ma la dkar mo'o/ /chu ngu nub kyi 'dab ma la chu'i rnal 'byor ma'o/ /lus ngan du byang gi 'dab ma la rdo rje mkha' 'gro ma'o/ /dbus su
 dbus kyi ze 'bru la bdag med rnal 'byor ma'o/ /yang na /dbang por rdo rje zhes pa gzugs kyi phung por rdo rje ma zhes pa'i gsung las snang ba'i mtshan nyid sku rdo rje'o/ /gshin rje dkar zhes pa tshar ba'i phung po'i ngo bo nyid kyis dkar mo
 ste /tshor ba la ni dka' mor brjod/ zhes pa'i gsung las yang dag par rig pa'i rang bzhin thugs rdo rje'o/ /chu ru? chu'i rnal 'byor ma zhes pa 'du shes chu'i rnal 'byor ma/ zhes pa'i gsung las mngon par brjod pa'i ngo bo nyid kyis
 gsung rdo rje mkha' 'gro ma/ zhes pa rdo rje gsum dbyer med pa nyid kyis 'du byed kyi phung po ste/ shin tu rnam par dag pa chos kyi dbyings nyid kyis de rdo rje 'chang dang mkha' 'gro ma yang yin pa'i phyir rdo rje mkha' 'gro ma'o/ /mi
 phyed pa'i rang bzhin/ DA nam mkha' i khams te /de'i 'gro ba'i phyir zhes pa'i nges pa'i tshig gis mkha' 'gro ma rdo rje gsum dbyer med pa rdo rje 'chang ye shes so/ /dbus su bdag med rnal 'byor ma/ zhes pa bde ba la sogs pa'i
 rnam par rtags pa las 'das pa/ rnam par mi rtog pa nyid kyis de'i dbus su gnas pa ste/ de bdag dang bdag gi ba'i 'dzin pa las rnam par grol ba'i phyir ro/ /rnal 'byor ma bden pa gnyis ka dbyer med pa zhes pa'i don no/ /re zhig gi
 sgra ni rim pa la bltos pa nyid kyis phyir rim par gnas pa'i mkha' 'gro ma brgyad po gsungs pa/ phyi'i rim pa la/ dkar mo chom rkun ro langs ma/ /g+has ma rI dang puk+ka sI/ /ri khrod ma dang gdol pa mo/ /brgyad pa DoM bi ni ru brjod/ /phyi'i
 rim pa'i shar gyi 'dab ma la gau rI'o/ /lho'i 'dab ma la tsau rI'o/ /nub kyi 'dab ma la po t+tA lI'o/ /byang gi 'dab ma g+hasma rI'o/ /dbang ldan gyi phyogs kyi 'dab ma la puk+ka sI'o/ /me'i phyogs kyi 'dab ma la sha ba rI'o/ /bden
 bral gyi phyogs kyi 'dab ma la tsaN+Da lI'o/ /rlung gi phyogs kyi 'dab ma la DoM bi nI'o/ /'og ldan ma dang steng ldan nyid/ /mkha' spyod ma dang sa spyod brjod/ /'og gi sgras pad+ma gnyis kyi 'dab ma'i rtse mo dang rtsa ba dag gi 'og tu gnas pa'i phyir
 sa spyod ma ste/ de bzhin du steng du mkha' spyod ma'o/ /srid dang zhi ba'i rang bzhin gyis/ /'di dag gnas so snying rje che/ /sa spyod ma dang mkha' spyod ma'i mkha' 'gro ma gnyis ni srid pa dang /mya ngan las 'das pa'i rang bzhin gyis gnas te srid pa dang/
 mya ngan las 'das pa'i rang bzhin yang 'di dag shes pa'i tshul gyis rnam par gnas so/ /snying rje che zhes pa bod pa'o/ /phyi'i rim pa la dkar mo zhes pa/ gzugs la gau rI rtag tu bshad/ zhes pa gzugs ni snang ba'i mtshan nyid las sku rdo rje dang po'i dga' 
 ba'o/ /sgra la tsau rI rab tu grags zhes pa gsung rdo rje mchog dga' o/ /dri yi yul la bet+tA lI zhes pa bri ni rtogs pa ste/ thugs rdo rje khang par gyi dga' ba'o/ /ro la g+hasma rI rab grags/ zhes pa rdo rje gsum dbyer med pa nyid kyis ro nyams su myong ba'i mtshan
 nyid der rin chen dbang po'o/ /sa khu ba 'od dpag med do/ /gnyis ka dbyer med pa rdo rje 'chang ste/ lhan cig skyes pa'i dga' ba bzhi pa zhes pa'o/ /sa ni puk+ka sI ru bshad ces pa gti mug rdo rje rnam par dag pa'i snang ba'i mtshan nyid kyi sku rdo'o/ /chu
 khams sha ba ri ru brjod/ zhes pa chu ni 'od dpag med nyid kyis gsung rdo rje'o/ /me ni tsaN+Da lIr shes bya zhes pa me ni rang bzhin med pa'i rgyu nyid las so/ /yang na tsaN+Da nyi ma'o/ /A li zla ba ste/ gnyis ka 'di la yod pa'i phyir tsaN+Da lI thugs rdo rje'o//
 g.yung mo ni reg min te/ de gang la yod pa de ni g.yung mo ste/ gzung ba dang 'dzin pa dang las rnam par grol ba'i ye shes dang ldan pa'o/ /brgyad pa ni brgyad rnams kyis rdzogs pa ste/ shes rab dang thabs rnam par dag pa'i phyir bzhi tshan gnyis dga' ba la sogs
 pa'o/ /de nyid kyi phyir mkha' 'gro ma brgyad kyis yongs su bskor ba'i mkha' 'gro ma lnga po rnams kyis me long lta bu la sogs pa ye shes lnga'i bdag nyid can kye'i rdo rje zhes pa'o/ /'og ldan ma dang steng ldan nyid/ /sa spyod ma dang mkha' spyod brjod/
 sa spyod kyi sgras snang ba'i mtshan nyid kyi phyir kun rdzob kyi bden pa'i bdag nyid can kye'i rdo rje'o/ /mkha' spyod kyi sgras don dam pa'i bden pa'i bdag nyid can bdag med ma'o/ /de nyid kyi phyir gsungs pa/ bcom ldan 'das srid dang zhi ba'i rang bzhin
 gyis gnas pa 'di dag shes pa'i tshul dbyer med cing g.yo ba med pa'o/ /mkha' spyod ma dang sa spyod ma'i sgras bdag med ma'i rang bzhin mngon par brjod cing rdo rje 'chang mngon par ma brjod pa'i phyir/ rnam par dag pa gsungs pa'i lhag
 ma skyes pa'i rtags kyis bstan to/ /de nyid kyi phyir snying rje che ces pa rdo rje 'chang bod pa ste/ gnyis ka dbyer med pa'i mam mkhyen pa ni gzhan ma yin pa kho na'o zhes pa gang du gsum pa rang bzhin med pa rtogs pas rnam par
 gnas pa yang 'gro ba'i don mdzad pa'i phyir snying rje chen po nyid do/ /'di rnams kyi sa bon yang AM AM a'iM u aM/ rdo rje ma dang/ dkar mo dang/ chu ma dang/ rdo rje mkha' 'gro ma dang/ bdag med pa zhes pa mkha' 'gro
 ma lnga po rnams kyi sa bon lnga rim pa bzhin du shes par bya'o/ /lI eM iM oM gau rI dang/ tsau rI dang/ bet+twa lI dang/ g+hasma rI rnams kyi'o/ /a'uM riM rIM liM/ puk+ka sI dang/ shA ba rI dang/ tsaN+Da lI dang Dom+bi nI rnams kyi'o/ /aau aM sa spyod ma dang mkha' spyod ma dag
 gi'o/ /'dis ni gzugs la sogs pa phung po lnga po rnam par dag pa mkha' 'gro ma lnga'o/ /gzugs la sogs pa yul bzhi rnam par dag pa gau rI la sogs pa mkha' 'gro ma bzhi'o/ /sa dang chu dang rlung ste/ 'byung ba bzhi rnam par
 dag puk+ka sI la sogs pa mkha' 'gro ma bzhi'o/ /yid ni dam pa'i bde ba za/ zhes pa'i gsung las sa spyod ma yul reg bya rnam par dag pa'o/ /bde ba nam mkha' i khams zhes pa nam mkha' i khams rnam par dag pa'i phyir mkha' spyod ma nam mkha' i khams
 rnam par dag pa'o/ /'dis ni dbang po lnga dang yul lnga dang 'byung ba chen po lnga'i bdag nyid kyi mkha' 'gro ma bco lnga'i rang bzhin gyi 'khor lo 'di nyid mkha' spyod ma dang sa spyod ma dag gis srid pa dang mya ngan las 'das pa rnam par dag pa shes rab dang thabs
 kyi bdag nyid can rdo rje 'chang ngo/ /rdo rje ma la sogs pa mkha' 'gro ma lnga po rnams kyis phung po lnga'i bdag nyid can me long lta bu la sogs pa ye shes lnga rnam par dag pa ye shes lnga'i bdag nyid can no/ /gau rI la sogs pa rnal 'byor ma brgyad po rnams kyis gzugs
 la sogs pa yul bzhi dang/ sa la sogs pa 'byung ba chen po bzhi rnam par dag pa rnal 'byor ma brgyad kyi rang bzhin dgu'i bdag nyid can gyi rdo rje 'chang ste/ dkyil 'khor gnyis dbyer med pa nyid dkyil 'khor gnyis so/ /A li kA li mnyam sbyor ba/ /rdo rje sems dpa' i
 gdan yin te/ /'gyur med las byung gong bu ni/ hUM ste phaT yig 'dod min nyid/ /sems dpa' gzugs brnyan yang dag byung/ /dkyil 'khor dbang po rnam par bsgom/ /sngar bzhin zhal dang mtshan ma sogs/ /zla ba'i chu shel nor bu'i 'od/ /e baM
 thams cad rdzogs pa nyid/ /shes rab thabs kyi rang bzhin las/ /A li shes rab kA li thabs/ /zla ba nyi ma'i rab dbye las/ /'di las gau rI la sogs te/ /yi ge'i dbye ba so so gzhan/ /zhes pa dkyil 'khor gnyis dbyer med pa kha sbyor
 nyid de/ rim gnyis zhes pa la sogs pa gang gsungs pa des mngon par gsal bar mdzad do/ /thams cad rdo rje mkha' 'gro ma/ /kha dog nag mo drag chen mo/ /phyag rgya lnga yis rnam par brgyan/ /zhal gcig spyan ni dmar ba ste/ /gri gug thod
 pas khyab par phyag ces pa'i don gsal ba kho na'o/ /yang na thams cad ni rdo rje 'chang ngo/ /a bdag med ma ste/ sarba gnyis ka dbyer med pa'i ye shes so/ /de nyid kyi phyir rdo rje mkha' 'gro ma ste/ rdo rje ni rdo rje 'chang ngo/ /mkha' 'gro
 ma ni bdag med ma la sogs pa rnams ste/ 'dis ni rdo rje mkha' 'gro ma rnams dang ye shes dbyer med pa'i rang bzhin zhes pa'i don no/ /kha dog nag mo zhes pa gang gis nag mo'i lus su byas pa A li kA li nA da'i phreng ba gnyis po de rnams ni
 yi ge ste/ kha dog nag mo cha dang bral ba'i rang bzhin zhes pa'i don no/ /'dis ni nA dang dbyer med pa nyid ye shes so zhes pa'o/ /drag chen mo zhes pa/ ma mA ma kI byang chub kyi sems so/ /ha rdo rje 'chang ste/ mahA/ gnyis ga dbyer med pa'o/ /drag mo ni gtum mo
 ste nyi ma'o/ /de ltar ma yin pa drag mo ma yin pa dang/ nyi ma ma yin pa ni A li'i rang bzhin zla ba ste/ chen po'i rang bzhin dang drag mo ma yin pa ni drag min zhes pa snang ba med pa'i rang bzhin nyid sku dang dbyer med pa'i ye shes zhes pa'o/ /rdo rje gsum dbyer med pa
 sems dpa' i gzugs brnyan gyi rang bzhin nyid kyis sku gsum dbyer med pa kho na ye shes so zhes pa'o/ /phyag rgya lnga yis rnam par brgyan/ /zhes pa me long lta bu la sogs pa ye shes lnga nyid kyis rnam pa sna tshogs pa'i tshul gyis brgyan pa spro ba'i
 tshul gyis rnam par gnas pa ste/ spro ba dang sdud pa'i bdag nyid can gyi ye shes nyid ces pa'o/ /zhal gcig ces pa brjod pa'i phyir zhal te/ gang gi gcig dbyer med pa de ni zhal gcig cha dang bral ba'i rang bzhin no/ /spyan ni dmar pa ste/ zhes pa
 dmar ba ste zhes pa dmar ba ni 'dod chags te/ kun tu chags pa'i mtshan nyid do/ /spyan ni dbang po rnams te/ de gang la yod pa spyan dmar ba'o/ /zhal gcig nyid kyis cha dang bral ba dang spyan dmar ba nyid kyis cha dang bcas pa nyid de/
 gnyis ka'i bdag nyid kyi phyir 'di rnams bden pa gnyis kyi bdag nyid can zhes pa'o/ /gri gug ni bdag med ma dang thod pa ni rdo rje 'chang ste/ bden pa gnyis kyang bdag med ma dang rdo rje 'chang ngo zhes pa bden pa gnyis kyi bdag nyid can no/ de nyid
 kyi phyir phyag ni ka rdo rje 'chang dang ra bdag med ma ste/ gnyis ka dbyer med pa phyag dag ces pa'o/ /phyag rgya lnga po nyid gsungs pa/ 'khor lo rna cha mgul rgyan dang/ /lag par lag gdub ska rags te/ /sangs rgyas lnga ni rnam dag pas/ /'di lnga
 phyag rgya dag pa'o zhes pa me long lta bu la sogs pa ye shes lnga'i bdag nyid can nyid do zhes gang gsungs pa de rgyas par bshad pa'o/ /thams cad dbyer med pa'i ye shes kho nar gsal bar bya ba'i phyir gsungs pa/ ji ltar bdag med rnal
 'byor ma/ /de ltar thams cad rnam par bshad/ /ces pa ji ltar rnal 'byor bdag med ma de lta bu'i rnam pa dang de lta bu'i tshul gyis mkha' 'gro ma thams cad de mkha' 'gro ma rnams bdag med ma dang 'dra ba kho na'o/ /lag pa gcig ni thod
 pas brel?/ /phyag g.yon thed pas 'brel ba'o/ /g.yas pa na ni gri gug 'dzin zhes pa'i gsung las kha TwAM ga yang g.yon nyid kyis zhes pa g.yon logs kyis so/ /stag gi pags pa rked par dkris/ zhes pa keng pa stag
 gi pags pas g.yogs pa ste/ stag gi pags pa'i sham thabs can zhes pa'i don no/ /ro la zhon pa gzi brjid 'bar/ /phyag gnyis gyen du dbu skyes ser zhes pa'o/ /yang na thams cad rdo rje 'chang ngo/ /a bdag med ma ste/ gnyis ka
 dbyer med pa sar ba'o/ /e baM rnam pa zhes pa/ e baM ni/ e yig cha byad bzang po gang/ dbus su baM yig gis brgyan pa/ /bde ba thams cad kyi ni gnas/ /sangs rgyas rin chen za ma tog /ces pa'i gsung las stong pa nyid dang snying rje dbyer
 med pa/ byang chub kyi sems kyi rang bzhin ni e baM ste/ gang gi rnam pa dang/ tshul de gnyis ka dbyer med pa rdo rje 'chang zhes pa'i don no/ /bshad ces pa kham byang chub kyi sems so/ /ya rlung gsung ngo/ /A rdo rje ma gzugs kyi phung po'i rang bzhin nyid kyis
 sku ste/ khyA sku gsung thugs dbyer med pa'i ye shes so/ /de rnams e baM du gyur pa 'dis ni ji ltar bdag med rnal 'byor ma/ e baM gyis rnam pa nyid de/ bdag med rnal 'byor ma ji lta ba de ltar nam mkha' 'gro ma thams cad e baM nyid do zhes pa'i don no/
 lag pa gcig ni thod pas brel/ /kaM bde ba ste/ skyong bar byed pa'i phyir ka pA la/ pad+ma chos 'byung bdag med ma'o/ /gcig ni rdo rje 'chang ste/ thod pa gcig gi bdag nyid can no/ /lag pa ni lnga'i bdag nyid can gnyis te/ rdo rje gsum dbyer
 med pa'i ye shes zhes pa lag pa gcig ni thod ba ste/ 'dis gnyis ka dbyer pa'o/ /brel pa ni dang po dang bral bar bya g+h+ra ste/ ye shes de yang dang po spangs pa nyid kyi phyir ro/ /a bdag med ma ste/ de dang dbyer med pa lag pa gcig ni thod
 pas brel zhes pa'o/ /g.yas pa na ni gri gug 'dzin g.yas pa ni nyi ma rin chen dbang po ste/ de'i rgyur gri gug 'dzin pa ji ltar gri gug gzung ba las gcod pa de bzhin du rin chen dbang po yang mi shes pa gcod par byed pa'i phyir/
 g.yas pa na ni gri gug 'dzin/ zhes pa 'dis bdag med ma dang dbyer med pa kho na rdo rje 'chang ngo/ /kha TwAM ga yang g.yon nyid kyis zhes pa g.yon zla bas kha TwAM ga zhes pa stong pa nyid bcu drug bdag med ma rnam par dag pa byang chub kyi
 sems so zhes pa'i don no/ /stag gi pags pa rked par dkris/ /stag gi pags pa'i sgras gzugs sna tshogs pa'i spro ba'i bdag nyid kyis g.yogs pa kun rdzob kyi bden pa'o/ /a bdag med ma/ don dam
 pa'i bden pa ste/ gnyis ka dbyer med pa'o/ /bde bar 'gro ba'i phyir rked pa ste/ stag gi pags pas rked pa dkris/ zhes pa 'dis bdag med ma dang dbyer med pa'i rdo rje 'chang rab tu gsal bar mdzad do zhes pa'i don no/ /ro la zhon
 pa zhes pa chos kyis dbyings so/ /de la zhon pa ni chos kyis dbyings rnams khyab pa'o/ /gzi brjid 'bar zhes pa rang bzhin med pa 'od gsal ba'o/ /phyag gnyis zhes pa bden pa gnyis kyi bdag nyid can no/ /ser po ni nyi ma'o/ /gyen du 'gro
 pa'i phyir zhes pa gyen du ste ser po dang gyen du yang yin pa'i phyir gyen du ser po'o/ /dbu la skyes pa ni dbu skyes te zla ba'o/ /gyen du ser po dang dbu skyes ni gyen du ser po dbu skyes so/ /'di gnyis ka'i bdag nyid can A:a'a li bsdus
 pa ste/ shes rab dang thabs dbyer med pa bsdus pa'i bdag nyid can nyid bdag med ma'i dkyil 'khor ro zhes pa'o/ /de bzhin du zhes pa bdag med ma'i dkyil 'khor ji lta ba de bzhin du rdo rje 'chang gi dkyil 'khor yang de zhes
 ba'o/ /gri gug gi rnam par dag pa gsungs pa/ nga rgyal la sogs skyon drug rnams/ /gcod phyir gri gug gnas pa nyid/ /ces pa nga rgyal dang/ gti mug dang/ 'dod chags dang zhe sdang dang phrag dog dang/ phra ma zhes pa skyon drug go /de rnams gcod pa'i phyir gri
 gug gnas pa nyid de/ 'di'i skyon drug rnam par dag pa nyid do/ /skyon drug rnam par dag pa yang de bzhin gshegs pa lnga dang/ rdo rje sems dpa' rnam par dag pa kho na ste/ gnyis su med pa'i ye shes zhes pa'o/ /dngos po dngos med rnam rtog gi /mgo bos pad+ma'i
 snod yin te/ dngos po 'khor ba'o/ /dngos med ni mya ngan las 'das ba'o/ /gnyis ka'i kun tu rtog pa dang bral ba'i mgo bo dang po nyid kyis pad+ma'i snod thod pa'i snod te/ gnyis su med pa rnam par dag pa thod pa zhes pa'o/ /yang na/ dngos po ni dngos por gyur pa
 skye ba'o/ /dngos por gyur pa skye ba'o/ /dngos med ni dngos por ma gyur ba skye ba med pa ste/ skye ba nyid skye ba med pa'o/ /de nyid kyi phyir rnam rtog kun tu rtog pa dang bral ba ste/ de'i mgo bo de'i rtsa bas pad+ma'i snod ye shes kyi gnas yin te/ de nyid yang dag pa'i ye
 shes zhes pa'i don no/ /bdud rnams rnam par gzhi yis khrag /dngos grub rgyu phyir btung bar bya/ /thod pa khrag gis bkang ba zhes pa ste/ thod pa der bdud bzhi po rnams kyi khrag btung bar bya ste/ phung po la sogs pa bdud bzhi po/ /de'i phyir bdud bzhi bcom pa las
 dngos grub du 'gyur zhing dngos grub kyis rgyu'i phyir btung bar bya'o/ /yang na sems can rnams dag pa med par byed pa'i phyir bdud te/ sems can dbang po rnams so/ /de rnams kyi yul la chags pa las dga' bar 'gyur zhing de dag log pa na dga' ba med
 par 'gyur ro/ /dga' ba la sogs pa bzhi po rnams kyis dbang po rnams kyi yul spong ste/ 'dis ni bdud bzhi'o de rnams kyi de dang 'brel ba'i khrag ni chags pa'i mtshan nyid de/ btung zhing chags pa med par bya'o/ /chags pa med pa'i rang bzhin nyid
 las lhan cig skyes pa ste/ lhan cig skyes pa nyid kyis kyang chags pa med par 'gyur ro/ /zhes pa'o/ /dngos grub rgyu phyir zhes pa dngos grub ni 'bras bu'o/ /rgyu ni byed pa'o/ /dngos grub nyid rgyu dang rgyu nyid 'bras bu ste/ 'bras bu dang rgyu gnyis
 tha dad med pa'i phyir ro/ /de'i don du lhan cig skyes pa'i mthar thug pas rgyu dang 'bras bu yang lhan cig skyes pa kho na'o zhes pa'o/ /stong nyid rnam pas kha TwAM ga zhes pa kha TwAM gI rnam par dag pa gsungs te/ stong pa nyid bcu drug rnam par dag pa kha TwAM ga
 ces pa'o/ /yang na/ oM 'gro ba'i phyir AM ga'o/ /de yang kha TwAM ga mkha' la 'gro ba'i phyir spyod ma ste/ de yang stong pa nyid do/ /ci ltar zhe na/ gsungs pa/ rnam pas zhes pa kA/ kA li dang/ A:a'a li ste/ kA ces pa A li kA li
 gnyis ka'i nA da'i phreng ba gnyis so/ /ra ni de spong ba'i phyir ro/ /de rnams kyis A li kA li gnyis kha sbyor gyis gnyis ka dbyer med par rtogs pa las bdag med ma dang dbyer med pa kho na rdo rje 'chang zhes pa'o/ /ro ni thabs kyis rnam par btag
 ces pa ro'i rnam par dag pa gsungs te/ ro gang yin pa de ni chos kyi dbyings kyi ngo bo nyid kyis thabs kyis rnam par brtag cing yongs su bcad pa ste/ thabs kyi rang bzhin nyid ro'i rnam par dag pa zhes pa'o yang na/ ro ni chos kyi dbyings
 thugs so/ /thabs ni A yaM rnam par shes pa'o/ /nye ba la u pa ste/ rnam par shes pa nye bar 'jug pa ni thabs dbang po'o/ /yul ni dbang po las gzhan ma yin pa'i phyir yul dang dbang po dang rnam par shes par brtag ste/
 des yongs su bcad pa rdo rje gsum dbyer med pa yang dag pa'i ye shes zhes pa'o/ /'dis ni 'khor lo bsgom bya ste/ myur du dngos grub thob par 'gyur/ 'dis ni zhes pa rim pa 'dis 'khor lo rnal 'byor ma'i 'khor lo bsgom zhing snyoms
 par 'jug par bya ste/ bden pa gnyis kyi bdag nyid kyis dkyil 'khor dbyer med par gyur pa'o/ /myur du 'gyogs par dngos grub phyag rgya chen po'i dngos grub thob par 'gyur ba rnal 'byor pas rnyed par 'gyur ro/ /yang na/ ye shes 'dis 'khor
 lo dbang po lnga dang yul lnga dang shes pa lnga'i bdag nyid can rnal 'byor ma bco lnga'i rang bzhin bsgom zhing snyoms par 'jug par bya ste/ dbyer med pa'i ye shes kho na 'khor lo zhes pa'o/ /de'i phyir myur du mgyogs par dngos grub/ a bdag med
 ma dang/ ba byang chub kyi sems rdo rje 'chang ste/ a ba gnyis ka thob par 'gyur zhing gnyis ka tha dad med pas khyab cing gnas par bya'o/ /gnyis ka dbyer med pa'i ye shes phyag rgya chen po'i dngos grub ces pa'o/ /phyag rgya chen
 po'i dngos grub thob pa na yang mngon par shes pa drug gi yon tan 'byung bar 'gyur ro/ /de'i phyir gsung pa/ dang por nag po bsgom par bya/ /gnyis par dmar po rnam par bsgom/ /gsum par ser po bsgom bya zhing/ /bzhi par
 ljang khu de bzhin no/ /lnga pa kha dog sngon po dang/ /drug par dkar po'i lus can te/ /yan lag drug bsgom rnal 'byor pa/ /dga' bral mthar yang de bzhin no/ /'khor lo bsgom par bya ba la dang por kha dog nag po'i 'od spro zhing/
 de'i rjes la dmar po'o/ /de'i rjes la ser po'o/ /de'i rjes la ljang khu'o/ /de'i rjes la sngon po'o/ /de'i rjes la dkar po ste/ /mngon par shes pa drug la sogs pa'i yon tan rnams kyi mtshan ma 'od zer drug spros pas
 yan lag drug sgom zhing yan lag drug snyoms par 'jug par bya'o/ /de nyid kyi phyir rnal 'byor pa ste/ gnyis ka dbyer med pa rtogs par gnas pa'o/ /de'i phyir yang/ yan lag drug ji lta ba de bzhin du dga' bral gyi mdza' lhan
 cig skyes pa sde/ ji ltar 'od gsal ba'i ye shes kho na zhes pa'o/ /yang na/ nga rgyal la sogs skyon drug rnams/ /gcod pa'i gri gug gnas pa nyid/ /ces pa nga rgyal la sogs skyon drug rnam par dag pa'i phyir gri gug mdor bstan
 pa gang yin pa de nyid rgyas par bshad pa ste/ dang por nag po bsgom par bya zhes pa la sogs pa/ dga' bral mthar yang de bzhin no/ /zhes pa'i bar gyis nga rgyal la sogs pa skyon drug rnam par dag pas mtshan ma drug
 'byung bar 'gyur ro zhes pa'o/ /yang na gang/ nga rgyal la sogs zhes pa gri gug rnam par dag pa dang/ dngos po dngos med rnam dag gi mgo bos pad+ma'i snod yin te/ zhes gang gsungs pa/ pad+ma'i snod rnam par dag pa
 dang/ bdud rnams rnam par bzhi yi khrag /dngos grub rgyu phyir btung bar bya/ zhes pa/ gang zhig khrag rnam par dag pa dang/ stong nyid rnam pas kha TwAM ga zhes pa/ gang zhig kha TwAM ga rnam par dag pa dang/ ro ni thabs kyi rnam par dag ces pa/
 gang zhig ro rnam par dag ba dang/ 'dis ni 'khor lo bsgom bya ste/ zhes pa rnam par dag pa lnga'i bdag nyid can mkha' 'gro ma bco lnga'i rang bzhin gang zhig drug pa'i 'khor lo ste/ nga rgyal la sogs pa skyon drug rnam par dag pa nyid las yan
 lag drug go nag po zhes pa gnyis su med pa'i ye shes kho na ste/ dang po gri gug gi'o/ /dngos po dngos med ces pa la sogs pa rnam par dag pa nyid las shes rab dang thabs kyi rang bzhin gyis gnyi pa'o/ /chags pa'i mtshan nyid las dmar
 po ste/ shes rab dang thabs kun tu chags pa'i mtshan nyid las rnam par grol pa'i phyir ro/ bdud rnams rnam pa bzhi yi khrag/ dngos grub rgyu phyir btung bar bya/ zhes pa gsungs pa khyad par gyi dga' ba'i ngo bo'i skad cig la dbang po dang yul
 gyi chags pa 'thungs pas ser ba nyid de 'thungs pa'i phyir ro/ /stong nyid rnam pa kha TwAM ga/ zhes pa bzhi pa la ljang khu ste/ bzhi ba zhes pa skad cig bzhi ba lhan cig skyes pa'i rang bzhin la ljang khu ni ha/ byang chub kyi sems te/ ri ta kI/ byang chub kyi sems
 kyi rang bzhin stong pa'o zhes pa ste/ stong pa kho na ri tA kaM ngo zhes pa'i nges pa'i tshig gis ljang khu nyid do/ /ro ni thabs kyi rnam par brtag ces pa bzhi pa lhan cig skyes pa de nyid la me long ste bu la sogs pa ye shes lnga rnams te/ de ltar gyur pa'i
 lnga pa la kha dog sngon po zhes pa dkar po dang nag po gnyis dbyer med pa'i rang bzhin no/ /sngon po nyid do/ /'dis ni 'khor lo bsgom bya ste/ zhes pa la sogs pa drug par/ drug pa rdo rje 'chang gi rgyu yis dkar po 'od gal ba nyid de lus gnyis kI mtshan
 nyid mkha' 'gro ma bco lnga'i bdag nyid can gyi sku'o/ /de 'di la yod pa'i phyir dkar po'i lus can te/ de ni 'khor lo yang dag pa'i ye shes so/ /de gsal bar byed pa'i dkar po'i lus can dka' o/ /de ci lta zhe na/ gsungs pa/ AM a yig la
 sogs pa aM yig gi mthar thug pa nA da bco lnga yongs su gyur pa las mkha' 'gro ma bco lnga'i rang bzhin zhes pa'o/ /yan lag drug pa sgom bden pa gnyis kyi bdag nyid can snyoms par 'jug par bya'o/ /de nyid kyi phyir rnal 'byor pa zung du
 'jug pas rnam par gnas pa'o/ /de ltar gyur pa'i yan lag drug gang yin pa de yang ji lta bu zhe na/ bzhi pa nyid kyis rgyas btab par gsungs pa/ dga' bral mdza' yang de bzhin no/ /zhes pa ji ltar bzhi pa lhan cig skyes pa de kho na ltar/ yan
 lag drug gi ye shes zhes pa ste/ lhan cig skyes pa dbyer med pa kho na me long lta bu la sogs pa ye shes lnga'i bdag nyid can gyi ye shes so zhes pa'o/ /kha sbyor nyid mngon par gsal bar byed pa rim pa gnyis dag pa skyon med pa zhes gar zhig mdor
 bstan ba de thams cad rim pa gnyis kyi bdag nyid kho na yin gyi gzhan ni cung zad kyang med do/ /de'i phyir gsungs pa/ bskyed pa'i rim pa nyid dang ni/ rdzogs pa yi yang rim pa nyid/ rim gnyis mnyam par gnas nas ni/ /rdo rje can rnams chos 'chad do/ /zhes
 pa gang zhig rim gyis rtogs par bya ba'i phyir rim pa'o/ /da ni bskyed pa ste/ /de gsal bar ston pa'i phyir utpa ti ka ste/ sku mdog dang phyag dang dbyibs kyi bdag nyid lha'i rnam pa yongs su rdzogs pa'i rang bzhin no/ /rdzogs pa yi yang
 rim pa nyid/ /rdzogs pa'i sgras yongs su grub pa ste lha'i rnam pa dang/ gri gug la sogs pa rnam par dag pa'i rang bzhin shin tu rnam par dag pa chos kyi dbyings kyi bdag nyid kyi gang zhig rtogs par bya ba de ni rim pa'o/ /'dis ni rim
 gnyis mnyam par gnas nas ni/ rdo rje can rnams dbyer med pa'i ye shes dang ldan pa rnams so/ /chos 'chad do zhes pa de rnams chos ston par mdzad do/ /yang na rim pa ni rtogs pa ste/ ye shes so/ /de bskyed pa ni bskyed pa'i sgras kun rdzob kyi bden pa
 yang dag pa'i ye shes so/ /gang gi phyir gyi don la yang gi sgra ste/ gang gi phyir nyid ces pa/ e'i sgras chos 'byung bdag med ma dang/ ba byang chub kyi sems te/ gnyis ka dbyer med pa'i phyir don dam pa'i bden pa dang/ dbyer med pa kho na kun rdzob
 kyi bden pa zhes pa'o/ /rdzogs pa nyid dang yang zhes pa rdzogs pa'i rim pa'i sgras don dam pa'i bden pa'i ye shes so/ /nyid dang yang zhes pa kho na'i don la yang gis sga'o/ /de yang bden ba gnyis dbyer med pa kho na ye shes zhes pa'o/ /de
 ltar rim pas gang zhig rim gnyis ye shes gnyis po de mnyam par gnas nas ni/ mnyam pa nyid kyis nges par bya ste/ rdo rje can med pa'i ye shes dang ldan pa rnams chos 'chad do zhes pa/ chos kyi sku ston par mdzad de/ 'di lta bu nyid bcom
 ldan 'das kyi chos kyi sku bden pa gnyis kyi bdag nyid can zhes pa'o/ /bskyed pa'i cha bshad zin no/ /zhes pa gtsug lag la ni 'dir brtags kyi tshig ma ning du bstan to/ /nam mkha' i khams su b+ha ga bsam zhes pa la sogs pa/ dga' bral mthar yang de
 bzhin no/ /zhes pa'i bar gyis bskyed pa'i cha bshad zin no/ /yang na/ bskyed pa'i cha zhes pa/ bskyed ba'i sgras rab tu rtogs pa dang spangs pa'i ye shes te bdag med ma'o/ /cha ni rnam par dbye ba ste/ me yod lta bu la sogs pa ye shes lnga'i bdag nyid
 kyi de'i bdag nyid can rdo rje 'chang ngo/ /bskyed pa dang cha yang bskyed pa'i cha ste/ gnyis su med pa nyid las ma ning ngo/ /de bshad zin te rab tu bstan no zhes pa'o/ /gsungs pa'i bskyed pa'i cha nyid rdzogs pa nyid kyis kyang bshad par bya ba'i phyir gsungs pa
 mkha' khams la zhes pad+ma la/ /b+ha ga zhes pa ye shes brjod do/ /rdzogs pa'i rim par bshad na nam mkha' i khams la zhes pa pad+ma chos 'byung rten du gyur pa rnams la/ brten par gyur pa b+ha ga ye shes rdo rje zhes brjod pa ye shes so/ /bsgom pa zhes pa
 snyoms 'jug ste/ de'i bde ba 'khor lor brjod/ nyams pa nyid kyis rtogs pa'i ye shes te/ rdo rje dang pad+ma mnyam par sbyor ba'o/ /de'i bde ba snyoms par 'jug pa'i ye shes ni 'khor lor brjod/ /ji ltar rig par rang rig ste/ snyoms par 'jug pa na
 gang zhig dga' ba la sogs pa'i ye shes de ni rang rig pa ste/ bdag nyid rig pa'i ngo bo nyid las so/ /lha ni byang chub sems yin no/ /zhes pa de nyid byang chub sems yin no/ /zhes pa de nyid byang chub kyi sems gang zhig stong pa nyid dang snying rje dbyer
 med par nyid lha'o/ /ji ltar 'byung ba khu pa yin/ /de phyir lhan skyes rnam pa gnyis/ ji ltar 'byung ba'i sgras khu ba brjod de/ khu ba de nyid lhan cig skyes pa'o/ /de phyir zhes pa rgyu de nyid las rnam pa gnyis te/ lhan cig skyes pa'i rnam pa gnyis so/ /re
 zhig btsun mo shes rab yin/ zhes pa gang zhig bud med kyi rang bzhin de ni re zhig lhan cig skyes pa shes rab yin no/ /thabs ni skyes bur brjod pa ste/ zhes pa gang zhig khu ba'i rang bzhin de ni skyes bu'o/ /'di ni khu ba dang lhan cig skyes pa dag
 thabs dang shes rab nyid do zhes pa'o/ /phyi nas 'di dag rnam pa gnyis 'di dag /zhes pa shes rab dang thabs dag gi re re la rnam pa gnyis nyid de/ don dam kun rdzob dbye ba las/ don dam ni don dam pa'i bden pa lhan cig skyes pa'o/ /kun rdzob ni kun
 rdzob kyi bden pa khu ba'o/ /re zhig skyes bu rnam pa gnyis/ khu ba de yi bde ba yang/ gang zhig khu ba dang 'brel ba'i bde ba'o/ /skyes bu ji bzhin shes rab la'ang/ /khu ba de yi bde ba yang/ de nyid phyir na dga' ba nyid/ bzhi po rnams kyi rab dbye ba
 bzhi po rnams kyi zhes pa ni nam mkha' i khams la zhes pa gcig gi tshig la pad+ma rnams la zhes pa mang po'i tshig ste/ gang zhig dga' ba'i rang bzhin nyid kyis dga' ba rnams kyi yang shes rab dang thabs kyi rang bzhin nyid kyis bzhi po rnams kyi zhes bud med
 kyi rtags kyis bstan no/ /gang phyir lhan skyes rnam pa bzhi/ /rgyu dang phyir lhan cig skyes pa rnam pa bzhir 'gyur zhe na/ rdzogs pa'i rim pa'i phyogs las te/ shin tu rnam par dag pa chos kyi dbyings kyi bdag nyid kyis rnal 'byor ma'i
 'khor lo rtogs pa'i phyir ro/ /dga' ba dang po dpa' ba ste/ dpa' bo ni rdo rje 'chang ngo/ /gnyi ska dbyer med pa las ma ning ngo/ /mchog tu dga' ba rnal 'byor ma/ /rnal 'byor ma bdag med ma'o/ /shin tu bde dga' mdza' dag nges/ /bzang
 po'i dga' ba ni shin tu bde ba ste/ nges pa ni rtogs pa'o gang gi phyir mdza' dag ste dus mnyam pa nyid du dbang po dang yul rnams gang du thim par gyur ba'i phyir ro/ /shin tu bde ba de yang nges par dga' ba ste/ shin tu bde dga' 
 ba'o/ /de yang mdza' dag rdo rje 'chang dang bdag med ma nyid dbyer med pa'o/ /de bde thabs ni thams cad rig/ de las bar ma chad par gang zhig bde ba lhan cig skyes pa gang yin pa dang/ thabs ni byang chub kyi sems khu pa'o//
 de gnyis nyid thams cad rig thams cad shes pa'o/ /dga' bas bde ba cung zad de/ zhes pa dga' ba dang po dpa' bo ste/ zhes kun rdzob kyi bden pa'i bdag nyid can/ rdo rje 'chang du gsungs pa/ de ci lta bu zhe na rgyas par ston pa//
 bde ba ye shes kyi rnam pa'o/ /cung zad ces pa shin tu rnam par dag pa chos kyi dbyings kyi bdag nyid can te/ dbang po dang yul rtogs pa'i rang bzhin can kun rdzob kyi bden pa'i bdag nyid kyi ye shes so/ /mchog tu dga' ba de bas lhag
 ces pa/ mchog tu dga' ba rnal 'byor ma zhes pa gang yin pa des rgyas par ston pa ste/ mchog rmad du byung ba ste/ dga' ba lhan cig skyes pa'o/ /de bas lhag ces pa lhag pa nyid lhag pa ste/ de phyir kun rdzob kyi bden pa'i bdag nyid
 kyi ye shes las lhag pa don dam pa'i bden pa'i rang bzhin gyi ye shes so/ /yang na/ bde bas lhag pa 'dzin pa lhag pa'i bde ba'o/ /de nyid lhag pa ste/ lhan cig skyes pa rtogs pas 'khyud pa'i ye shes de nyid ces pa'o/ /dga' 
 bral dga' bas chags bral 'gyur zhes pa shin tu bde dga' mdza' dag nges/ zhes pa gang yin pa de/ rgya par bstan pa ste/ khyad par du 'phags pa'i dga' ba ni dga' bral lo/ /de dga' bral dang dga' ba yang yin pa'i phyir dga' 
 bral dga' ba te/ dga' ba gsum gyi bdag nyid las dga' ba rnams kyis ba mang po'i tshig go /chas bral ni khyad par du 'phags pa'i chags pa ste/ khyad par du 'phags pa'i dga' bas khyad par du 'phags pa'i chags pa zhes
 pa'o/ /yang dga' bas zhes pa dga' ba dang mchog dga' dag gis rdo rje 'chang dang bdag med ma'i ngo bo nyid kyis lhan cig skyes pa gnyis te/ de yang/ dbang po dang yul gyi rang bzhin no/ /de gnyis ka dbyer med pa nyid kyis gnyis
 ka'i dga' ba dang bral ba'i phyir/ rnam par shes pa las kyang de'i bdag nyid kyis bde ba'i rnam pa'i rang bzhin nyid de/ ngo bo cig tu rtogs pa'i phyir/ rdo rje gsum gyi rang bzhin nyid las dga' bral dga' bral dga' bas chags bral
 'gyur/ 'dod chags dang bral pa ni chags bral lo/ /'dod chags ni kun tu chags pa'i mtshan nyid de/ dbang po dang yul gyi kun tu chags pa'i mtshan nyid las rnam par grol ba/ rnam pa shes pa bde ba
 gcig pu'i ngo bor yongs su gnas pa gang yin pa der 'gyur te de yin no/ /de yang kun tu chags pa'i ngo bo nyid do zhes pa'o/ /gal te de ltar na/ lhan cig skyes pa'i dga' ba ji lta bu zhe na/ lhag ma lhan cig skyes dga' nyid/
 lhag ma zhes pa bde ba'i rnam pa nye bar dmigs pa'i dga' ba/ dbang po dang yul tha dad med pa bde ba'i rnam pa yongs su gyur pa kun tu chags pa'i mtshan nyid kyi rnam par shes pa dga' bral la/ lhan cig skyes dga' zhes
 pa lhan cig skyes pa'i ye shes te/ de ni bde ba spangs nas min/ zhes pa'i gsungs las khu ba dang bde ba dag bskyed bya bskyed byed kyi khyad par gyi phyir chags pa dang chags bral rnams 'dres par gyur pa nyid kyis chags pa
 dang chags bral rnam par spangs pa yang dag pa'i ye shes zhes pa ste/ 'di ni/ de bde thabs ni thams cad rig /ces pa gang yin pa de'i rgyas par bshad pa'o/ /dang po reg par 'dod pa ste/ ye shes kyi dang po reg par 'dod
 pas 'jug pa'o zhes pa/ dga' bas bde ba cung zad de zhes pa gang yin pa de'i rgyas par bshad pa'o/ /gnyis pa bde pa 'dod pa'o zhes pa/ gang zhig reg pa de la bde ba 'dod pa nyid de mchog tu dga' bde bas lhag/ ces pa gang
 yin pa de'i rgyas par bshad pa'o/ /gsum pa 'dod chags nyams pa'i phyir/ dbang po dang yul dbye ba med pas shes rab dang thabs dbyer med pa'i phyir 'dod chags nyams pa ste/ dbang po dang yul gyi kun tu chags pa las
 rnam par grol ba'i phyir ro/ /de'i phyir/ dga' bral dga' bas chags bral 'gyur/ zhes pa gang yin pa de'i rgyas par bshad pa'o/ /des na bzhi pa bsgom par bya/ des na zhes pa 'dod chags nyams pa nyid kyi phyir te/ bde ba'i rnam pa
 yongs su gyur pa'i rnam par shes pa las kyang dbu mar gnas pa'i phyir 'dod chags nyams pa'o/ /rgyu des na bsgom zhing snyoms par 'jug par bya'o/ /khu ba dang lhan cig skyes pa dag las dbyer med pa nyid rdo rje 'chang gi ye shes so
 zhes nges par bya ste/ lhag ma lhan cig skyes dga' nyid ces pa gang yin pa de'i rgyas par bshad pa'o/ /da ni bdag med ma dang dbyer med pa kho na/ rdo rje 'chang ngo zhes rab tu gsal bar mdzad pa/ mchog tu dga' ba srid par brjod/
 mchog tu dga' ba de ni srid pa kun rdzob kyi bden pa/ rdo rje 'chang gis ye shes te/ sngar mchog tu dga' ba rnal 'byor ma/ zhes gsungs pa las/ da ni de nyid rdo rje 'chang gis ye shes yin pa'i phyir/ 'di gnyis ka dbyer med pa'i
 bdag nyid can gyi ye shes so/ /zhes pa ste/ shes rab dang thabs kyi rang bzhin nyid kyis dga' ba bzhi'i rab tu dbye ba las shes rab dang thabs dag las shes rab dang thab dag la yang dbye ba med pa'i phyir dga' ba bzhi po lhan cig
 skyes pa'i ye shes dang dbyer med pa kho na'o/ /de'i phyir gsungs pa chags bral las ni mya ngan 'das/ khyad par du 'phags pa'i chags pa'i mtshan nyid ni don dam pa'i bden pa bdag med ma'i ye shes te/ srid pa dang mya ngan las
 'das pa dbyer med pa gang yin pa/ dbu ma dga' ba tsam zhig ni/ lhan skyes 'di rnams kyis spangs pa'o/ /zhes pa gang zhig gzu bor gyur pa de ni dbu ma yin la/ de ni dga' ba tsam ste/ bde ba'i ye shes de 'ba' zhig nyid do/ /de
 ni mchog dga' ba la sogs pa rnams kyis rtsa ba nyid bskyed pa'i phyir ro/ /de ni thams cad thun mong ba nyid do/ /de yang lhan cig skyes pa bzhi pa ste/ gsum po 'di rnams kyis spangs pa'o/ /gsum po 'di yang de
 la/ de'i bdag nyid kyi de nyid du rab tu zhugs pa'i phyir/ nye bar dmigs pa med pas 'di rnams kyis rnam pa sna tshogs pas shing yongs su dor ba yin la dga' ba gsum po lhan cig skyes pa las gzhan yang ma yin te/ thams cad de nyid kyi nang du
 gtogs pa'i phyir ro/ /yang na gang/ mchog tu dga' ba srid pa ni/ yang dag pa'i chags pa'i mtshan nyid gang yin pa de srid pa ste/ rtags pa'i shes pa'o/ /chags bral las ni mya ngan 'das/ mya ngan las 'das pa chags pa med
 pa'i mtshan nyid gang yin pa de yang chags bral te chad pa'o/ /srid pa dang mya ngan las 'das pa rtag pa dang chad pa gnyis ka rnam par spangs pa gang yin pa dbu ma bar mar gyur pa'o/ /de yang dga' ba tsam gyi ye shes 'ba' zhig
 ste/ de la yang/ mtshan ma'i rgyu ba 'byung ba kho na'o/ /gang zhig lhan cig skyes pa ni yang dag par rdzogs pa'i sangs rgyas kyi ye shes te/ da ni 'di rnams kyis spangs zhes pa rtag pa dang chad pa la sogs pa spangs pa'o/ /lhan cig skyes
 pa gang yin pa de ni gsum po 'di rnams nyid dang lhan cig skyes pa'o/ /ci ltar zhe na/ spangs pa khyad par gyis yongs su spangs pa'o/ /'dis ni lhan cig skyes pa nyid dga' ba bzhir skyes par 'gyur te/ thig le bzhi'i bdag nyid kyi
 phyir stong pa nyid bcu drug rnam par dag pa nyid lhan cig skyes pa'i ye shes so/ /dga' ba dang po dpa' bo ste zhes pa la sogs pa mdor bstan pa bzhi dang/ dga' ba bde ba cung zad de zhes pa la sogs pa rgyas par bshad pa bzhi
 dang/ dang po reg par 'dod pa ste zhes pa la sogs pa rgyas par bshad pa bzhi dang/ dang po reg par 'dod pa ste zhes pa la sogs pa shin tu rgyas par bshad pa bzhi dang/ mchog tu dga' ba srid par brjod ces pa la sogs pa mjug
 bsdu ba bzhi ste/ stong pa nyid bcu drug gi bdag nyid can kho na lhan cig skyes pa'i ye shes so/ /de nyid kyi phyir dga' ba gsum ni lhan cig skyes pa las gzhan ma yin pa'i phyir tha dad med pa'i rang bzhin nyid kyis lhan cig skyes pa mtshan ma'i yul
 ma yin pa/ gzung ba 'dzin pa'i rang bzhin ma yin pa/ rnam par shes pa'i spyod yul ma yin pa'o/ /de'i phyir gsungs pa/ gzhan gyis brjod min lhan cig skyes/ /gang du yang ni mi rnyed de/ /bla ma brgyud pas nyer bsten pas/ /bdag gis
 bsod nams las shes bya/ gzhan gyis su yis kyang brjod par bya ba ma yin te/ lhan cig skyes pa dag gi lam las 'das pa'i phyir/ /dngos po la gang du yang rnyed par mi 'gyur te/ gzung ba dang 'dzin pa'i yul las 'das pa'i phyir ro/ /
 bdag gis shes bya rang nyid kyis rtogs par bya'o/ /ci ltar zhe na/ bsod nams las zhes pa bsod nams kyi tshogs las so/ /rgyu de nyid kyi phyir bla ma brgyud pa nye bar bsnyen par bya ste/ bla ma gzhan dang gzhan bsten pa de las de mnyes pas
 bla ma'i drin las khong du chud par 'gyur ro zhes pa'o/ /de nyid kyi phyir bsod nams kyi tshogs las ye shes kyi tshogs zhes brjod do/ /yang na gang/ bdag gis shes bya rang gis nyams su myong bar bya ste/ rang nyams su myong ba'i mtshan nyid de ni lhan cig
 skyes pa'o/ /rang gi bdag nyid la bya ba 'gal ba'i phyir/ rang rig pa zhes pa shin tu phra mo ste/ lhan cig skyes pa de rnam par shes pa'i spyod yul yang ma yin no zhes pa ngag dang lus dang sems las 'das pa nyid do/ /de ltar na ci ltar zhe na/
 bsod nams las zhes pa bsod nams kyi tshogs las te/ bla ma brgyud pa nyer bsten pa zhes pa bla ma'i rim pa goms pa las so/ /'dis mngon par rdzogs par byang chub pa'i rim pa lnga dang bral bas yang dag pa'i de kho na
 rnyed par mi 'gyur ro zhes pa ste/ thog mar kun shes pa nyid kyis 'jig rten gyis chos brgyad las rnam par grol ba'o/ /de nas brtan pa zhes pa ste/ de las spong ba'o/ /de ci 'dra ba zhig ces na ye shes kun rdzob dang/ don dam pa dbyer med pa 
 'byung bar 'gyur ro zhes pa rim pa ste/ rim pa 'dis 'byung ba'i phyir ro/ /de la gdams ngag ste/ gang zhig skyes pa'i ye shes de ni de nyid do zhes pa dang/ de thams cad khyod la phyag rgya chen po'i dngos grub kyi thabs su ster ro zhes pa'o/ gnang ba ni
 khyod kyis kyang byang chub snying po'i mthar thug pa 'gro ba'i don phun sum tshogs pa'i ched du dang pa'i stobs dang dran pa'i stobs dang brtson 'grus kyi stobs dang shes rab kyi stobs kyang yongs su spang bar mi bya'o zhes pa kun shes pa dang/ brtan
 pa dang/ rim pa dang/ gdams dang/ gnang ba ste/ rim pa lnga ston pa'i drin nyid las mchog dang phun sum tshogs par 'gyur te/ ston pa'i drin nyid yang dag pa'i ye shes mchog gi rgyu yin gyi gzhan ni ma yin no/ /zhes mtshon pa'o/ /
 lhan cig skyes pa'i rang bzhin nyid rim pa gzhan gyis gsal ba'i phyir/ dman pa bar ma mchog rnams/ gzhan rnams gang rnams de rnams dang/ 'di rnams thams cad mnyam pa zhes/ /de nyid sgom pa rnams kyi blta/ /dman pa
 dngos po phra mo'i don/ /mchog ni dngos por brjod par bya/ /bar ma gnyis kyis spangs pa ste/ gzhan rnams zhes pa dbang po drug/ /gang rnams de rnams brtan dang ga-yo/ 'di rnams thams cad tshogs pa'o/ /mdor bstan pa dman pa
 la sogs pa rnams kyi rgyas par bshad pa ni dngos po phra mo'i don zhes pa la sogs pa ste/ dngos po phra mo'i don ni shes rab po/ /dngos por brjod par bya zhes pa thabs so/ /bar ma gnyis kyis spangs ste/ zhes pa shes rab dang thabs dbyer med
 pa rdo rje 'chang gi rang bzhin gyis ye shes so/ dbang po drug ces pa drug pa rdo rje 'chang gi ye shes so/ /gang rnams de rnams bstan dang ga-yo/ zhes pa de sdud ba dang spro ba'i bdag nyid can no/ /'di rnams thams cad ces pa thams cad ye shes kyi
 rang bzhin kho na'o/ /tshogs pa zhes pa tshogs par gyur pa nyid tshogs pa ste/ mdza' dag bsdus pa'i bdag nyid can gyi ye shes so/ /yang na gang/ dman pa dngos po phra mo'i don/ zhes pa dga' ba'i ye shes so/ /mchog ni dngos por brjod par bya/
 zhes pa mchog dga' i ye shes so/ /bar ma gnyis kyis spangs pa ste/ zhes pa dga' bral gyis dga' ba'i ye shes so/ /gzhan rnams zhes pa dbang po drug 'di rnams las zhes pa ste 'di rnams thams cad dbyer med pa nyid lhan cig skyes pa'i ye shes
 drug pa rdo rje 'chang gi rang bzhin ye shes lnga'i bdag nyid can no/ /de nyid sdud ba dang spro ba'i bdag nyid can gang rnams de rnams brtan dang g.yo zhes pa'o/ /'di rnams thams cad ces pa dga' ba la sogs pa'i ye shes 'di rnams thams cad do//
 haM nyid min zhes pa haM gi rang bzhin nyid kyang ma yin te/ rdo rje 'chang gi rang bzhin gyi rnam par rtogs pa yang de la yod pa ma yin no zhes pa'o/ /mnyam pa mtshungs pa'i bya ba ste zhes pa dga' ba la sogs pa thams cad mtshungs pa'i bya ba nyid do//
 ci ltar zhe na/ ro mnyam de nyid sgoms rnams kyis/ mnyam pa mtshungs pa zhes par brjod pa dbyer med pa zhes brjod do/ /de'i 'khor lo ro zhes brjod do/ /de'i nyams su myong ba ni ro zhes pa'o/ /ro mnyam gcig tu gyur pa ste/ /ci ltar brjod par bya
 zhe na/ don 'di yis ni brjod par bya/ don de nyid gsungs gang las 'gro ba thams cad byung/ nga las gsum po yang byung nga yi 'di dag thams cad khyab/ /'gro ba'i dang bzhin gzhan ma mthong/ /rang bzhin tha dad
 pa'i rnam 'phrul ci yang gsal ba med do/ /gang gi phyir/ nga las 'gro ba thams cad byung/ /gang gi phyir rnam par shes pa las 'das pa'i dbang po dang yul yod ma yin no/ /sa gsum ni sku dang gsung dang thugs te/ gang gi phyir
 rnam par shes pa nyid las gzhan med do/ /'di dag thams cad ni ye shes lnga dang sku gsum gyi bdag nyid can te/ nga yis rnam par shes pas khyab pa de'i phyir/ 'gro ba'i rang bzhin de las gzhan med cing ye shes gzhan cung zad
 kyang ma mthong ste/ ye shes gcig pu'i rang bzhin nyid kyis rnam par shes par rtogs pa'i 'gro ba yang med do ces pa'o/ /de ltar yang/ de bzhin gshegs pas rtogs bya dang/ /rtogs byed rnam pa'i sems ma gzigs/ /gang la
 rtogs bya rtogs byed dang/ /de la rtogs pa yod ma yin/ zhes pa dang/ gzhan yang sems mi mthong ste/ gang yang sems gnyis 'grogs shing phrad pa med do/ /zhes pa'o/ /e baM rtogs nas rnal 'byor pa/ /shin tu mnyam
 bzhag gang goms pa/ /bsod nams dman pa'i mi rnams kyang/ /de ni 'grub 'gyur the tshom med/ /e yig dang baM yig gi bdag nyid can rtogs shing nges par shes nas rnal 'byor pa zung ngu 'jug pa gnas pa/ mnyam par bzhag
 pa dbyer med pa la gnas pa gang zhig goms par byed pa bar chad med par thob par 'gyur ba de ni 'grub 'gyur 'dir the tshom med pa phyag rgya chen por 'gyur ro/ /bsod nams dman pa yang zhes pa bsod nams nye bar bsags pa'i bdag
 nyid ni re zhig 'gyur ba nyid de/ bsod nams dman pa yang ye shes kyi mthu las dngos grub thob par 'gyur ro zhes pa'i don no/ /bar ma chad par bya bar rab tu 'jug pa'i rang bzhin kho na lhan cig skyes par bstan pa'i phyir gsungs pa/
 bza' dang btung dang de bzhin khrus sad dang nyal yang bsam par bya/ phyag rgya chen po mngon 'dod pas/ /de las goms pa dang bcas thob/ /bza' ba dang btung ba la sogs pa'i bya ba rnams la yang lhan cig skyes pa rtag tu bsam par
 ste/ rgyu de las phyag rgya chen po mngon 'dod pa/ lhan cig skyes pa thob cing lhan cig skyes pa'i rang bzhin nyid thob par 'gyur ro/ /bza' ba ni lus kyi mngon par zhen pa dang bral ba'o/ /btung ba ni ngag gi mngon par zhen pa dang bral
 ba'o/ /khrus ni sems kyi mngon par zhen pa dang bral ba'o/ /sad pa dang nyal ba dang spro ba dang sdud pa'i bdag nyid kyi bdag med ma dang dbyer med pa'i rdo rje 'chang gi rang bzhin te/ bsam par bya zhing ye shes kyi rang bzhin du gcig par bya'o/ /
 de'i phyir de las goms pa dang bcas pa ste/ goms pa rnam par rgyas pa'o/ /de'i dngos po ni goms par gyur pa ste/ lhan cig goms pas 'jug pa'i phyir goms pa dang bcas pa thob cing rnyed par 'gyur ro/ /phyag rgya chen po
 mngon 'dod pa phyag rgya chen po kun nas khyab par bya ba dang khyab par byed pa nyid kyis 'dod pa dang mngon par 'dod pa/ de ni phyag rgya chen po mngon par 'dod pa ste/ rdo rje 'chang ngo/ /de gsal bar ston pa'i phyir phyag rgya chen po
 mngon 'dod pa/ spro ba dang sdud pa'i bdag nyid can bdag med ma dbyer med pa'i rdo rje 'chang gi ye shes kyi rang bzhin rnal 'byor pas rdzogs par bya'o/ zhes pa'i don no/ /lhan cig skyes pa ni mnyam pa nyid du gcig
 pa'i mtshan nyid kyis bsgom par bya ba dang sgom pa bo dang sgom pa gsum po dmigs pa med pa nyid rab tu bstan pa'i phyir gsungs pa/ 'gro ba thams cad bsgom bya ste/ gang phyir yid kyi bsgom mi bya/ /thams cad chos
 ni yongs shes pa'i/ /sgom pa bsgom pa nyid ma yin/ /'gro ba thams cad ces pa khams gsum par gtogs pa 'khor ba'i rgya mtsho 'gro ba drug tu gtogs pa sems can gyi 'jig rten dang shing ljon pa la sogs pa snod kyi 'jig rten
 rnams te/ thams cad bsgom par bya zhing snyoms par 'jug par bya'o/ /gang gis she na/ yid kyis zhes pa sems kyis te/ rgyu gang gi phyir 'gro ba thams cad sems tsam kho na yin pa de'i phyir sgom pa zhes brjod cing/ sgom pa de nyid ni sgom pa nyid
 ma yin te/ snyoms par 'jug pa ma yin pa nyid do zhes brjod do/ /ci ltar gang gi phyir/ thams cad chos ni yongs shes pa/ gang yin pa de ni bsgom par bya ba ma yin te/ gang gi phyir chos thams cad lhan cig yongs su 'jug pa mnyam pa nyid las shes
 pa de'i phyir bsgom par bya ba ma yin zhing snyoms par 'jug par bya ba ma yin no/ /de ltar yang slob dpon la ba pas/ gzung ba gzugs brnyan lta bu ste/ sems las byung ba thog med la/ /rnam shes de yi rnam pa yang/ /phan tshun gzugs brnyan lta bu'o//
 ji ltar me long la mig gi gzugs brnyan dang me long yang dus mnyam du mthong ba/ de bzhin du gzung ba dang 'dzin pa dbyer med kho na rtag tu 'byung ste/ dbang po yul dang rnam par shes pa mnyam pa nyid du gcig pa'i mtshan nyid ni ye shes yin pa'i phyir
 bsgom pa sgom pa nyid ma yin no/ /'gro ba'i sgra dbang po rnams so/ /thabs kyi sgras yul rnams so/ /yin gyi sgras sems yin te/ rdo rje gsum dbyer med pa nyid rtag tu shes so/ /mdor bstan pa'i don nyid rgyas par ston pa/ bstan dang g.yo ba'i dngos po
 gang/ /rtsa dang gel ba khri shing sogs/ /bsgom bya gzhan gyi de nyid ni/ /bdag gis dngos po rang bzhin can/ /'dis ni brtan pa bems po dang g.yo ba 'gro ba srog chags rnams te/ brtan dang g.yo ba dngos po thams cad de/ dngos po'i don rnams so/ /de nyid gsal
 bar byed pa rtsa ni phra mo rnams so/ /gel pa ni shing gi rang bzhin 'dus par gyur pa'o/ /'khri shing gyes pa'i rang bzhin te/ rtsa dang gel pa khri shing ngo/ /nyams pa dang 'phel ba'i rang bzhin bems po rnams la yang rnam pa gsum yod pa'i phyir rnams pa gsum
 nyid nye bar bstan to/ /sogs pa'i sgras 'gro ba zhes pa la sogs pa g.yo ba rnams kyi yang gsungs pa'i phyir ro/ /de yang bsgom bya dam pa'i de nyid rmad du byung ba'i ye shes kyi rang bzhin no/ /ci ltar zhe na/ ni'i sgra ni gang gi phyir te/ bdag gi dngos po ni ji ltar bdag
 dang po nas ma skyes pa de bzhin du brtan pa'i dngos po rnams kyang dang po nas ma skyes pa'o/ /'dis ni gnyis su med par rtogs pa'i phyir thams cad yang dag pa'i ye shes kyi bdag nyid can no/ /de ltar na/ brtan pa dang g.yo ba dag ci ltar tha dad ce na/ de'i phyir
 gsungs pa/ de rnams kyi gcig gzhan yod min zhes pa brtan pa de rnams kyi gcig nyid de/ gzhan yod pa ma yin no/ /de ci zhe na/ rang rig bde ba chen po ste/ rang rig pa'i rang bzhin gyi ye shes te/ brtan pa rnams sems med pa nyid kyi phyir ro/ /yang na gang brtan pa dang
 g.yo ba de rnams kyi yang gang zhig gcig gnyis su med pa de ni dam pa'o/ /de'i rang bzhin ci lta bu zhe na/ gsungs pa/ yod min rang rig pa yod pa nyid ldog pa ste/ bdag nyid la bya ba 'gal ba'i phyir ro/ /de log pa na med pa nyid kyang ldog pa'i phyir gnyis ka log
 pa'i phyir gnyis ka log pa'i rang rig pa gnyis su med pa rmad du byung ba de ni bde ba chen po ste/ de nyid yang dag pa'i ye shes so/ /gang gi phyir rang rig pa gnyis ka dang bral ba yin zhe na/ gsungs pa/ rang rig las ni 'grub par 'gyur rang rig pa ni sgom pa'o/
 las ni rang rig rang bzhin te/ gnod pa las ni las skye 'gyur/ zhes pa gang gi phyir rang rig pa'i rgyu las phyag rgya chen po'i dngos grub tu gyur pa'i phyir rang rig las ni 'grub par 'gyur/ rang rig pa ni bsgom pa'o
 ni zhes pa gang gi phyir te/ gang zhig rang rig pa de ni gnyis ka dbyer med pa'i ngo bo nyid kyi phyir/ sgrol ma snyoms par 'jug pa'o /las ni rang rig rang bzhin te/ gang yang de'i las bde ba dang sdug bsngal nyams su myong ba'i bdag nyid de yang
 rang rig pa'i rnam 'phrul nyid do/ /gang gi phyir/ gnod pa las ni las skyes 'gyur zhes pa gang gi gnod pa 'khrul pa las ni las skye bar 'gyur te/ ma rig pa'i rkyen gyis 'du byed thams cad yin la/ ma rig pa yang gti mug ste/ gti
 mug kyang 'khrul pa'o/ /'khrul pa ni de ma yin pa la der 'dzin pa ste/ ji ltar thag pa 'khyil pa la sbrul gyis shes pa bzhin no/ /'khrul pa de nyid ni sa bon te/ 'khrul pa de'i dbang gis gnod pa'o/ /de las kyang las dang bde ba dang sdug
 bsngal la sogs pa skye bar 'gyur ro/ /'di nyid ji ltar zhe na/ de'i phyir gsungs pa/ rang nyid 'phrog po rang byed po/ /rang nyid rgyal po rang gtso bo /rang nyid 'phrog po zhes pa rang nyid sdud pa'i rang bzhin no/ /rang byed po zhes pa rang nyid spro ba'i rang
 bzhin no/ rang nyid rgyal po ces pa rang nyid gsal ba'i rang bzhin no/ /rang gtso bo zhes pa thams cad kyi mnga' bdag tu gyur pa'i phyir te/ gzugs sna tshogs pa'i nor bur spro ba dang sdud pa dang gsal ba'i rang bzhin no/ /'phrog pa'i rang bzhin
 nyid kyis gzugs la sogs pa yul gyi rang bzhin no/ /byed pa po'i rang bzhin nyid kyis mig la sogs pa dbang po'i rang bzhin no/ /rgyal po nyid kyis rnam par shes pa'i rang bzhin no/ /gtso bo nyid kyis yul dang dbang po dang rnam par shes pa
 dbyer med pa yang dag pa'i ye shes kho na zhes pa'o/ de nyid kyi phyir ye shes rang nyid byed pa po yin pa'i phyir/ 'dod chags zhe sdang phrag dog dang/ /de bzhin gti mug nga rgyal nyid/ /de kun de nas nyams dga' bar/ /bcu drug cha la mchod ma yin//
 'dod chags dang zhe sdang la sogs pa de kun de gnas yang dag pa'i ye shes stogs pa na/ khyad par ci zhe na/ nyams dga' ba mdzes par gyur pa na 'dod chags la sogs pa ye shes lnga'i rang bzhin te/ de'i ngo bor skyes pa'i ye shes nyid kyi
 ma ning du bstan no/ /bcu drug cha la mchod ma yin/ zhes pa zla ba ni cha bco lnga'i bdag nyid can nyid do/ de'i cha bcu drug pa ni med pa kho na ste/ byed pa cung zad kyang med pa'i phyir ro/ /de la mchod pa ma yin mchod par bya ba ma yin te/ thams cad rang rig pa'i bdag
 nyid can kho na'o/ bcu drug pa stong pa nyid bcu drug rnam par dag pa'o/ /cha ni ki bde ba ste/ de len pa dang 'dzin pa'i phyir ka lA/ bdag med ma'o/ /de la mchod min mchod par bya ba ma yin pa ste/ thams cad snang ba med par rtogs pa'i phyir zhes pa'o/ /lhan cig skyes
 pa de gang zhig bla ma brgyad pa nye bar bsten pas shes par bya'o/ /zhes de gsungs pa/ chos 'byung las skyes ye shes ni/ /mkha' mnyam lhan cig /thabs dang bcas/ /shes rab thabs kyi rang bzhin las/ de la 'jig rten gsum po skyes/ /gang la chos rnams
 'byung ba de ni chos 'byung ngo/ /de las byung ba ni ye shes gang zhig de las skyes pa ste/ chos 'byung las skyes so/ /khyad par ci zhe na/ mkha' mnyam nam mkha' lta bu'o/ /gzhan yang ji lta bu zhe na/ lhan cig thabs dang bcas zhes pa thabs dang lhan cig 'jug pa ste
 thabs rdo rje 'chang dang bcas pa de bdag med ma dang lhan cig ldan pa/ de la der 'jig rten gsum po skyes so/ /ci ltar zhe na/ gang gi phyir ye shes de ni shes rab thabs kyi rang bzhin las so/ /yang na gang/ chos 'byung ni bdag med ma'o/ /skyes pa ni rdo rje 'chang
 chos 'byung dang skyes pa yang chos 'byung skyes te/ de ltar gyur pa'i ye shes mkha' mnyam nam mkha' lta bu ro mnyam pa/ lhan cig thabs dang bcas pa rdo rje 'chang dang/ bdag med ma dbyer med pa'o/ /der de las skyes pa gang yin na 'jig rten
 gsum ste/ gsum dang 'jig rten gsum yang 'jig rten gsum mo/ /de rnams kyi dngos po ni 'jig rten gsum ste/ gsum gyi sgras lus dang ngag dang sems so/ /'jig rten gyi sgras phung po lnga'o/ /de rnams bskyed bya dang skyed byed kyi ngo bo de'i bdag nyid kyis de
 nyid du rnam par gnas so/ /'dis ni ye shes de'i sku gsum dang ye shes lnga'i bdag nyid can kho na'o shes rab thabs kyis rang bzhin las zhes pa shes rab thabs kyi sgras A li kA li'o/ /rang gis sgras sems a ba d+hU ti'o/ /'di rnams kyi dngos po
 las rang bzhin 'di nyid las so/ /'dis ni gnyis su med pa kho na gnyis te/ de dbyer med pa 'dis ni gsum mo/ /de dbyer med pa nyid lnga zhes pa ste/ bzhi'i bdag nyid can 'di nyid bzhi pa lhan cig skyes pa'i ye shes kyi rang bzhin zhes pa'o/ /shes rab dang
 thabs kyi rang bzhin kho na lhan cig skyes par rab tu gsal bar mdzad pa/ khu ba'i rnam pa bcom ldan yin/ /de yis bde ba 'dod mar brjod/ /gcig dang gcig min rnal 'byor te/ /skad cig las gcig mchog dga' o/ /rnam par gsal ba'i phyir rnam pa
 ste/ rgyu bar gyur pa'i rnam pa ni khu ba'i rnam pa'o/ /de ni bcom ldan chos 'byung las skyes kun rdzob kyi bden pa'i bdag nyid rdo rje 'chang ngo/ /de yi bde ba de la gang zhig ye shes de ni 'dod ma bdag med ma/ don dam pa'i bden pa'i bdag nyid can te/ brjod ces pa
 ye shes so/ /'di ni khu ba'i rnam pa bcom ldan yin te/ gcig dang gcig min rnam sbyor 'di rnam pa sna tshogs pa'i rang bzhin dang/ sbyor ba yang yin pa'i phyir rnam sbyor te/ gcig nyid gcig ma yin pa'o/ /gcig dang gcig min nyid kyis rnam par sbyor ba ni/ gcig
 dang gcig min rnam sbyor te/ 'dis ni gnyis su med pa nyid/ gnyis la sogs pa'i bdag nyid spro ba dang sdud pa dbyer med pa tha dad pa dang tha dad pa med pa gcig pa'i rang bzhin no/ /'di ci ltar zhe na/ skad cig lhan cig skyes pa'i skad cig mas/ gcig dbyer med pa ste/ mchog
 rmad byung ba'o/ dga' ba ni phul du byung ba'i bde ba mtshan nyid gcig pa ste/ chags pa thams cad la rnam par grol ba'i rang bzhin shes rab kyi pha rol tu phyin pa'o/ /bdag gis bsod nams las shes bya zhes pa gang yin pa de nyid gsal bar ston pa/ rang gis rig bya ye
 shes 'di/ rig par bya ba ni rig bya ste/ yang dag pa chags pa thams cad spangs pa nyid kyis rang rig rnam par mi rtog pa'o/ /rang gis rig par bya ba'i ye shes de yang rdo rje 'chang dang bdag med ma dbyer med pa ste/ dag gi lam 'das spyod yul lo/ /zhes pa gzhan gyis brjod
 par bya ba ma yin no/ /'di ni byin rlabs rim pa ste/ rang gis par bya ba'i rang bzhin 'di ni rim gyis rnyed par 'gyur ba'i phyir rim pa'o/ /lhag pa ni lhag par 'khyud pa ste/ gnas pa ni brtan pa'o/ /gang gi rim pas rtogs pa brtan pa g.yo ba med pa de ni
 byin rlabs rim pa ste/ g.yo ba med pa'i ngo bo khyab par gyur pa'i rang bzhin no/ /de nyid kyi phyir gang du yang ni mi rnyed de/ /gal te 'di lta bu'i ye shes snang ba dang brjod pa dang/ rig pa'i spyod yul ma yin pa de ci ltar zhe na gsungs pa/ gang gi phyir gyi don la de'i sgra'o/ /gang
 gi phyir kun mkhyen ye shes re rang bzhin thams cad shes pa'i phyir kun mkhyen sangs rgyas bcom ldan 'das so/ /de'i ye shes ni ye shes gang zhig bag chags rjes su 'brel pa'i mthar thug pa'i skyon nye bar zhi ba ste/ de'i rang bzhin dang de'i ngo bo thams cad mkhyen pa'i ye shes kho na zhes pa'i don no/ /de
 ltar gyur pa rnam par mi rtog pa'i ye shes 'byung ba chen po'i bdag nyid can dbang po dang yul dbyer med pa nyid rab tu bstan pa'i phyir/ sa dang chu dang me dang ni/ /rlung dang nam mkha' nyid thams cad/ /rang gzhan rig pa'i tshor ba ni/ /skad cig las ni gnod mi 'gyur/ sa la sogs pa 'di rnams thams cad
 gnod par mi 'gyur ro/ /de ci zhe na/ rang gzhan rig pa'i tshor ba bdag dang gzhan rtogs pa yongs su shes pa'o/ /ci ltar zhe na/ skad cig las zhes pa lhan cig skyes pa'i ye shes rang rig pa'i skad cig las so /yang na gang
 sa la sogs pa 'di rnams thams cad/ skad cig las ni gnod mi 'gyur/ 'di rnams lhan cig skyes pa'i skad cig dang 'grogs kyi/ gnod pa rnam par rtogs pa med de/ 'di ni skad cig dbyer med pa kho na'o/ /rang gzhan rig pa'i tshor ba yang/ skad cig
 las gnod par mi 'gyur te/ rang dbang po rnams so/ /gzhal yul rnams so/ /rig pa shes pa ste/ rang gzhan rig pa 'di rnams kyi tshor ba ni ye shes so/ /skad cig las gnod par mi 'gyur te/ lhan cig skyes pa dang bcas pa'i dbang po dang yul
 dang rnam par shes pa rnams kyi gnod pa med do/ /de nyid kyi phyir rdo rje gsum dbyer med pa lhan cig skyes pa ste/ mtho ris sa steng rkang 'og rnams/ /skad cig las ni sku gcig 'gyur/ /rnal 'byor pa de'i sku cig pur 'gyur zhing dbyer med pa'i bdag nyid skye bar 'gyur te/
 mtho ris dang sa steng dang sa 'og rnams ye shes skad cig las lhan cig skyes pa'i rang bzhin zhes pa'i don no/ /shes rab dang thabs dbyer med pa de nyid gnyis su med pa'i ye shes so zhes yang gsungs pa/ /rang bzhin cha li rnam rtog gis/ /gnod pa nyid ni nus ma yin//
 rang gzhan gyis sgras skyes pa dang bud med do/ cha ni de dag gi dbye ba'o/ /'di lta bu'i rnam par rtog pa des gnod pa rnam par brtag par nus pa ma yin te/ ye shes nyid ni rnam par brtag par bya ba dang/ rnam par rtog pa thams cad las 'das pa'i phyir ro/ /
 ye shes kyi che ba'i bdag nyid nye bar bstan pa'i phyir/ rig byed grub mdza' thams cad dang/ /de bzhin rab 'byams la sogs kyis/ /'grub min dag pas 'gyur ba yang/ /skye dang srid pa gzhan du'o/ /phyag rgya chen po'i dngos grub ni/ /thabs gzhan gyis
 ma yin pa nyid do/ /rig byed dang grub mdza' yang rig byed grub mdza' ste/ de rnam thams cad dang rig byed grub mdza' yang yin pa'i phyir/ rig byed grub mdza' thams cad do/ /seng ge dang 'phrog byed dang dbyig gi snying po la sogs pa de rnams kyis
 bsngags pa'i tshig rnams dang rang gi lta ba bsngags pa las rab 'byam la sogs pa rnams kyis kyang phyag rgya chen po'i dngos grub ga la zhig ste ma yin no/ /'o na ji ltar 'gyur zhe na/ gsungs pa/ dag pas 'gyur te rnam par dag pa bskyed pa dang rdzogs
 pa'i rim pa dbyer med pa kun rdzob dang don dam pa dbyer med pa'i lam shes pa las so/ /gang du skye dang srid pa gzhan du'o/ /skye ba 'jig rten 'di dang srid pa gzhan dang gzhan du ste/ 'dis ni skye ba gzhan dang gzhan rnams su yang ngo/ /phyag rgya chen po 'grub par mi
 'gyur pa de nyid gsal bar byed pa/ 'jig rten 'di dang gzhan du yang/ /de dang bral bas dngos grub med/ /rnam par dag pa yongs su shes pa de dang bral bas 'jig rten gnyis kar yang phyag rgya chen po'i dngos grub med pa kho na'o zhes ldog pa'i sgo nas rjes su 'gro ba
 bstan par mdzad do/ /kye yi rdo rje mi shes gang/ /de yi dal ba don med 'gyur/ /rnal 'byor pa gang gis kye'i rdo rje kun rdzob dang/ don dam pa dbyer med pa'i ye shes rnam pa thams cad kyi mchog dang ldan pa'i stong pa nyid kyi rang bzhin mi shes shing ma gtogs
 pa de'i ngal ba rig byed la sogs pa'i tshig brjod pa'i don la 'jug pa'i nyon mongs pa ste/ yang dag pa'i byang chub kyi mtshan nyid kyi 'bras bu 'dzin par byed pa ma yin pa'i phyir/ don med rgyu ma yin pa'i 'bras bu ma yin pa'i phyir ro/ /kye'i rdo rje shes
 pa la yang rgyun tu goms pa dang bral ba las dngos grub yod pa ma yin no/ /zhes bstan par bya ba'i phyir/ chu bo'i rgyun ni rab 'bab dang/ /sgrol ma'i 'od ni rab bcings ltar/ /rtag tu de nyid rnal 'byor gyis/ /nyin dang mtshan mor gnas par bya/ /ji ltar
 chu bo'i rgyun rab tu 'bab pa tha dad pa med pa dang/ sgrol ma'i 'od rab tu bcings pa tha dad pa med pa dang/ de bzhin du rnal 'byor pas khams gsum po dbyer med pa rnam par mi rtog pa'i ye shes gcig pu'i skus kye'i rdo rje'i
 rnal 'byor gyis gnas par bya ste/ nyin dang mtshan mor zhes pa dus thams cad du bar ma chad pa nyid kyi zhes pa'i don no zhes pa/ le'u rdzogs pa'i sgo yis le'ur gsungs pa'i don yang dag par sdud pa gsungs pa/ de bzhin gshegs pa thams
 cad kyi sku dang gsung dang thugs kye'i rdo rjer/ rnal 'byor ma'i 'khor lo zhes bya ba rnal 'byor ma chen mo 'du ba'i le'u brgyad pa'o zhes pa ye shes lnga dang sku gsum dang shes rab dang thabs kyi bdag nyid can kun rdzob dang don dam pa dbyer med pa'i ye
 shes ni de bzhin gshegs pa thams cad kyi sku dang gsung dang thugs kye'i rdo rjer zhes pa'o/ /rnal 'byor ma'i 'khor lo gang zhig mi shes pa gcod pa ste/ le'u gdan de yod pa ni rnal 'byor ma'i 'khor lo zhes bya ba ste/ rnal 'byor ma chen mo ni
 bdag med ma ste/ de yi 'du ba ni 'dus pa'o/ /A ba ni des khyab pa ste/ des na kaM bde ba'i ye shes so/ /le'u gang na de yod pa'i rnal 'byor ma chen mo'i 'du ba'o/ /de yang pa Ta g.yogs pa dang sbas pa ste/ de len pa dang 'dzin pa'i phyir le'u'o/ /de yang
 khyab pa'i rang bzhin kun rdzob dang don dam pa dbyer med pa/ ma A:ste mA(rgyud 'grel rim pa gnyis rnam par dag pa ni yang dag pa'i ye shes phyag rgya chen po'i dngos grub thob par 'gyur ba'o phyir phung po la sogs pa rnams kyi rnam par gnyis ka'i rnam par dag pa rab tu bstan pa'i ched du gsungs pa/ de nas gzhan yang rnam par dag pa'i
 le'u bshad par bya'o/ /de nas rnal 'byor ma'i 'khor lo las gzhan bar ma chad par rnam par dag pa'i le'u khyad par can 'phags pa'i dag pa ni rnam par dag pa ste/ kun rdzob dang don dam pa dbyer med pa rdo rje 'chang dang bdag med ma gnyis su med pa'o/ /le'u
 ni pa Ta sbas pa ste/ de len pa dang 'dzin pa'i phyir le'u'o/ /rnam par bshad par bya'o zhes pa khyad par du gyur pa'i tshul gyis rab tu bstan par bya'o/ /de nyid bstan par bya ba'i phyir nges par dngos po thams cad kyi/ rnam dag de bzhin nyid du brjod/ ces pa 'di la don
 gnas pa'i phyir dngos po don gnas pa ste/ de rnams kyi rnam par dag pa'o/ /gang zhe na/ de bzhin nyid rnam par mi rtog pa'i ye shes so/ /thams cad kyi zhes pa brtan pa dang g.yo ba rnams te/ de'i phyir gnyis ka yang dngos po nyid kyi yongs su brtan par bya'o/ /don rtogs pa
 kho na tshad ma'i 'bras bu yin pa'i phyir/ 'dis ni don dam pa'i rnam par dag pa'o/ /phyi nas re re'i dbye ba yis/ /lha rnams kyi ni brjod par bya/ /phyi nas zhes pa de ma thag par ma chad pa nyid kyis so/ /re re'i dbye ba yis zhes pa re re'i rnam pa yis/ gang gi zhe na
 lha rnams kyi ste/ khyab par gyi don la ni'i sgra'o/ /de nyid kyi phyir brjod cing mtshan mar bya ste/ mtshan ma'i ngo bo nyid las kun rdzob kyi bden pa'i'o/ /lha rnams kyi re re'i dbye bas phung po dang/ khams dang/ skye mched la sogs pa dngos po rnams kyi rnams
 par dag pa ste/ kun rdzob kyi bden pa la lha'i rnam pas phung po la sogs pa rnams rnam par spyod zhing/ don dam pa'i bden pa la ni de bzhin nyid kyi rnams pas so zhes pa rim pa gnyis rnam par dag pa ste/ gnyis ka dbyer med pa bsgom par bya zhing yang dag par rdzogs
 pa'i byang chub thob par 'gyur ro/ /da ni nges par dngos po thams cad kyi zhes thun mong du gsungs pas don dam pa'i rnam par dag pa mngon par brjod nas phyi nas re re'i dbye ba yis/ /lha rnams kyi ni brjod par bya zhes pa dngos po'i dbye ba nyid kyis khyad par du so sor bstan ba'i
 phyir/ dbang po drug dang phung po lnga/ /skye mched drug dang 'byung chen lnga/ /rang bzhin gyis ni rnam par dag ces pa dbang po drug mig dang rna ba dang sna dang lce dang lus dang yid rnams te/ dbang po drug go /phung po lnga ni gzugs dang tshor ba dang/ 'du
 shes dang 'du byed dang rnam par shes pa'o/ /skye mched drug ni gzugs dang sgra dang dri dang ro dang reg bya dang bde ba la sogs pa rnams so/ /'byung ba chen po lnga ni/ sa dang chu dang me dang rlung dang nam mkha' o/ /'di dag thams cad rang bzhin gdod ma nyid nas ma skyes
 pa'i ngo bo nyid kyi phyir rnam par dag pa 'od gsal ba'i rang bzhin te/ don dam pa'i rnam par dag pa'o/ /de nyid gang zhig nyon mongs pa dang mi shes pa rnams kyis bsgribs pa de lha'i rnam pas rnam par sbyang bar bya ste/ kun rdzob kyi rnam par dag pa'o/ /
 rnam par dag pa gnyis ka yang rang rig pa'i bdag nyid can kho na ste/ rnam par dag pa de dang bral bas rnam par grol bar mi 'gyur ro/ /de'i phyir gsungs ba/ rang rig bdag nyid dag pa ste/ dag pa gzhan gyis rnam grol min zhes pa'o/ /'di dag ci ltar zhe
 na gsungs pa/ yul rnams dag pa'i ngo bo'i phyir/ /rang gi rig pa'i ngo bo mchog /yul rnams zhes pa yul la sogs pa rnam par dag pa'i ngo bo'i phyir zhes pa don dam pa dang kun rdzob kyi rang bzhin lha'i rnam par dag pa'i ngo bo nyid kyi phyir/ gang zhig rang gis
 rig pa de bde ba mchog yang dag pa'i ye shes so/ /'di nyid gang zhig gnyis ka dbyer med par mngon sum du rtogs pa zhes pa'i don no/ /de nyid kyi phyir/ gang zhig gzugs sogs yul gzhan yang/ /rnal 'byor pa la rab gsal ba/ /de kun
 dag pa'i dngos po ste/ /gang phyir 'gro ba sangs rgyas tshul/ /gzugs la sogs pa'i yul phung po lnga dang yul drug rnams so/ /gzhan yang zhes pa dbang po drug rnams so/ /gzhan yang zhes pa dbang po drug dang 'byung ba chen po lnga'o/ /'di
 dag thams cad rnal 'byor pa gnyis ka dbyer med ba rtogs pa'i bdag nyid can la gang zhig rab tu gsal ba de? thams cad rnam par dag pa nyid kho na ste/ rgyu gang gi phyir 'gro ba khams gsum pa sangs rgyas tshul ye shes kyi rang bzhin du gcig pa'o/
 gang zhig rnam par ma dag pa de ni yod pa ma yin te/ thams cad rnal 'byor ma nyid du rnam par dag pa'i phyir ro/ /gal te rang bzhin nyid las rnam par dag pa yin na de'i phyir don dam pa'i rnam par dag pa kho na ste/ de la lha'i rnam pa'i rnam par dag pa ci zhes
 pa'i rnam par rtog pa blo la gnas par mdzad nas/ rdo rje snying pos gsol pa/ kye'i bcom ldan 'das rnam par ma dag pa gang lags gang zhig lha'i rnam pas rnam par sbyang bar bgyi zhes pa'o/ /bcom ldan 'das kyis bka' stsal pa/ gzugs la
 sogs pa rnams so/ /ci'i slad du zhe na/ nyon mongs ba dang shes bya'i sgrib pa'i phyir ro/ /nyon mongs pa dang shes bya'i sgrib pa mdor bstan pa nyid rgyas par ston pa gzung ba dang 'dzin pa'i dngos po'i phyir ro/ /rdo rje snying pos gsol pa/ gzung ba dang
 'dzin pa yang gang lags/ bcom ldan 'das kyis bka' stsal pa/ mig gis gzung bya gzugs yin te/ /rna bas mnyan par bya ba sgra/ /sna yis rig bya dri yin no/ /lce yis ro ni rig bya ste/ /dngos po lus kyis rig par bya/ /yid kyi bde ba
 la sogs thob/ /bsten bya 'di dag bsten bya zhing/ /dug med byas na dag par 'gyur/ /mig gis gzung bya gzugs yin te/ /zhes pa mig ni 'dzin pa'o/ /gzugs ni gzung ba'o/ /rna bas mnyan par bya ba sgra ces pa rna ba ni 'dzin pa'o/ /sgra ni
 gzung ba'o/ /sna yis rig bya dri yin no zhes pa sna ni 'dzin pa'o/ /dri ni gzung ba'o/ /lce'i ro ni reg bya ste zhes ba lce ni 'dzin pa'o/ /ro ni gzung ba'o/ /dngos po lus kyis rig par bya zhes pa lus ni 'dzin pa'o/ /dngos po ni gzung ba'o/ /yid kyi bde ba la sogs
 thob/ /yid ni 'dzin pa'o/ /bde ba la sogs pa ni gzung ba'o/ /'dis ni gzung ba dang 'dzin pa'i mngon par zhen pa las rnam par ma dag pa'o/ /de rnams rnam par sbyangs te bsten par bya'o zhes pa'o/ /de'i phyir gsungs
 pa bsten bya 'di dag bsten bya zhing dug med byas na dag par 'gyur/ /'di'i don ni 'di yin te/ phung po la sogs pa rnams gzung ba dang 'dzin pa'i mngon par zhen pas rnam par ma dag pa'o/ /de rnams kyang lha'i rnam pas rnam par sbyangs nas
 shin tu rnam par dag pa chos kyi dbyings kyi bdag nyid can du 'gyur ro zhes pa'o/ /dag pa nyid gsungs pa/ gzugs kyi phung por rdo rje ma/ /tshor ba la ni dkar mor brjod/ /'du shes chu yi rnal 'byor ma/ /'du byed rdo rje mkha' 'gro ma/ /rnam
 shes phung po'i tshul gyis ni/ /bdag med rnal 'byor ma gnas so/ /phung po ni spungs pa ste/ nam mkha' i khams lta bur gzugs mdza' yas pa nyid kyis gzugs kyi phung po'o/ /de bzhin du tshor ba mdza' yas pa nyid kyis tshor ba'i phung po'o/ 'du
 shes mdza' yas pa nyid kyis 'du shes kyi phung po'o/ /'du byed mdza' yas pa nyid kyis 'du byed kyi phung po'o/ /rnam par shes pa mdza' yas pa nyid kyis rnam par shes pa'i phung po'o/ /phung po lnga po 'dis mkha' 'gro ma lnga'i rnam par dag
 pa ste/ phung po lnga rnam par dag pa'o/ /rtag tu 'di rnams rnam dag na/ /de nyid rnal 'byor pas nges 'grub/ /mkha' 'gro ma 'di rnams kyi rnam par dag pa rtag tu bar chad med pa nyid kyis te/ gang gi phyir gyi don la na'i sgra'o/ /gang gi phyir bar chad med pas
 gzugs la sogs pa phung po lnga mkha' 'gro mar rnam par dag pa ste/ de nyid kyi phyir rnal 'byor pa de kho na rtogs pa'o/ /de nyid kyi phyir nges par 'grub par 'gyur te/ phyag rgya chen po 'grub par 'gyur ro/ /dbang ldan du ni puk+ka sI/ /de bzhin me ru ri
 khrod ma/ /bden bral gdol pa mo bzhag cing/ /rlung du g.yung mo rnam par gzhag /phyogs su dgod pa gsungs pas 'jig rten skyong ba mnan pa 'byung ba chen po bzhi rnam par dag pa/ mkha' 'gro ma bzhi ste/ mkha' 'gro ma bzhi rnam par dag pa 'byung ba chen
 po bzhi zhes pa'o/ /de nas phyi'i rim pa bshad/ de nas zhes pa de ma thag bar ma chad pa nyid kyis so/ /phyi'i rim pa ni/ phyi rol tu gyur pa ni phyi ste/ phyi dang de'i rim pa yang phyi'i rim pa'o/ /phyi ni nang las mtshan nyid gzhan ma yin pa'i phyir nang dang
 lhan cig kha sbyor ro/ /de bshad cing bstan par bya ste/ kun rdzob kyi bden pa dang dbyer med pa nyid kyis rab tu rtogs par bya'o/ /de nyid gsungs pa/ phyi ma lha mo go'u rI la sogs gang la gzhan tha dad pa med pa de ni gzhan min te de rnams de zhan min dang/
 lha mo gau rI la sogs pa yang yin pa'i phyir phyi ma lha mo gau rI sogs zhes pa dbyer med pa'i phyir gcig gi tshig go de nyid gsungs pa/ /dbang dkar gshin rje chom rkun ma/ /chu yi phyogs su ro langs ma/ /lus ngan du ni g+hasma rI/ /'og tu sa spyod
 ma zhes brjod/ /steng du mkha' spyod ma zhes bshad/ /bskyed pa'i rim pa'i phyogs nyid las/ /gau rI ni dbang po mnan pa'o/ /tsau rI ni gshin rje mnan pa'o/ /bet+tA lI ne chu lha mnan pa'o/ /g+hasma rI ni lus ngan mnan ba ste/ sngar dbang ldan la sogs
 pa phyogs bras skyong ba bzhi mnan cing phyogs bral bzhi khyab pa'i mkha' 'gro ma puk+ka sI la sogs pa bzhi'o/ /'dir ni dbang po la sogs pa phyogs skyong ba bzhi mnan cing phyogs bzhi khyab pa nyid kyis rnal 'byor ma gau rI la sogs pa bzhi'o/ /
 'og dang steng gi phyogs nyid khyab pa nyid kyis mkha' 'gro ma sa spyod ma dang mkha' spyod ma gnyis so zhes pa mkha' 'gro ma brgyad ni phyogs brgyad kyi 'jig rten skyong ba mnan pas phyogs brgyad khyab pa'o/ /mkha' 'gro ma mkha' spyod ma dang sa spyod ma gnyis
 ni srid pa dang mya ngan las 'das pa rnam par dag pa ste/ srid dang zhi ba'i rang bzhin gyis/ /lha mo gnyis po 'di dag gnas/ /srid pa'i rang bzhin gyis sa spyod ma'o/ /mya ngan las 'das pa'i rang bzhin gyis mkha' spyod ma'o//
 'dis ni srid pa mya ngan las 'das pa'i rang bzhin ye shes kyi rnam pa 'di dag brtan par gnas te/ g.yo ba med pa'i rang bzhin no/ /gang zhe na/ lha mo gnyis so/ /gau rI la sogs pa'i rnam par dag pa gsungs pa/ gzugs la gau rI rtag
 tu bshad/ /gzugs rnam par dag pa gau rI'o/ /sgra la tsau rI rab tu grags/ /sgra rnam par dag pa tsau rI'o/ /dri yi cha la bet+tA lI/ /dri rnam par dag pa bet+tA lI'o/ /ro la g+hasma ri rab grags/ /ro rnam par dag pa g+hasma rI'o/ /reg las spyod
 ma zhes bshad/ /reg bya rnam byar dag pa sa spyod ma'o/ /chos kyi dbyings la mkha' spyod ma/ /chos kyi dbyings de bzhin nyid rnam par mi rtogs pa ste/ des rnam par dag pa mkha' spyod ma'o/ /rtag tu 'di rnams rnam dag na/ /de nyid rnal
 'byor pas 'grub 'gyur/ /gau rI la sogs pa 'di rnams dang 'brel ba'i gzugs la sogs pa rnam par dag pa des gang gi tshe rtag par rgyun tu bar chad med par gyur pa de'i tshe rnal 'byor pa de kho na'i rnal 'byor dang ldan par 'gyur zhing de
 kho na'i rnal 'byor pa phyag rgya chen po'i dngos grub 'grub par 'gyur ba kho na'o/ /dkyil 'khor gnyis dbyer med pa kho na rnal 'byor ma'i 'khor lo shin tu rnam par dag pa chos kyi dbyings kyi bdag nyid rdo rje 'chang dang bdag med ma
 dbyer med pa rnam par dag pa'o zhes rab tu bstan pa'i phyir gsungs pa/ phyag rnams stong nyid dag pa ste/ phyag rnams ni stong pa nyid bcu drug ste/ stong pa nyid bcu drug rnam par dag pa kho na phyag bcu drug go /bdud dag pa las zhabs
 dag go zhes pa rigs tsam gyis zhabs dag ces pa ste/ bdud bzhi rnam par dag pas zhabs bzhi'o/ /rnam par brgyad kyi zhal rnams te/ rnam par thar pa brgyad rnam par dag pas zhal brgyad rnams so/ /rdo rje gsum gyis dag pa spyan
 zhes pa ste/ 'dis ni phyag dang zhabs dang zhal dang spyan rnams kyi rnam par dag pa'o/ /stong pa nyid bcu drug ces pa nang stong pa nyid dang/ phyi stong pa nyid dang/ phyi nang stong pa nyid dang/ stong pa nyid stong pa nyid dang/ chen po stong pa nyid dang/
 don dam pa stong pa nyid dang/ 'dus byas stong pa nyid dang/ 'dus ma byas stong pa nyid dang/ mdza' las 'das pa stong pa nyid dang/ thog ma dang tha ma med pa stong pa nyid dang/ dor ba med pa stong pa nyid dang/ rang bzhin stong pa nyid dang/
 rang gi mtshan nyid stong pa nyid dang/ chos thams cad stong pa nyid dang/ mi dmigs pa stong pa nyid dang/ dngos po med pa'i rang bzhin stong pa nyid dang/ dngos po stong pa nyid dang/ dngos po med pa stong pa nyid dang/ rang gi dngos po stong pa nyid
 dang/ gzhan gyis dngos po stong pa nyid do/ 'dir dngos po stong pa nyid dang/ dngos po med pa stong pa nyid dang/ rang gi dngos po stong pa nyid dang/ gzhan gyi dngos po stong pa nyid ces pa bzhi ni mi dmigs pa stong pa nyid kyi nang du gtogs
 pa'i phyir bcu drug go /nang gis chos mig la sogs pa rnams te/ de rnams mig la sogs pa rnams nyid kyis stong pa'i phyir nang stong pa nyid do/ /phyi'i chos gzugs la sogs pa yul rnams te/ gzugs la sogs pa rnams
 nyid kyis stong pa'i phyir phyi stong pa nyid do/ /nang gi chos mig la sogs pa rnams/ phyi'i chos gzugs la sogs pa yul rnams kyis stong zhing/ phyi'i chos gzugs la sogs pa yul rnams/ nang gi chos mig la sogs pa/
 rnams kyis stong pa'i phyir phyi nang stong pa nyid do/ /chos thams cad stong pa nyid kyis chos thams cad stong pa'i phyir stong pa nyid stong pa nyid do/ /shar la sogs pa'i phyogs rnams shar la sogs pa'i phyogs
 rnams kyis stong pa'i phyir chen po stong pa nyid do/ /don dam pa ni mya ngan las 'das pa ste/ des mya ngan las 'das pa stong pa'i phyir don dam pa stong pa nyid do/ /'dod pa'i khams dang gzugs kyi khams dang/ gzugs med pa'i khams
 ni 'dus byas te de rnams nyid kyis stong pa'i phyir 'dus byas stong pa nyid do/ /skye ba dang 'gag pa la sogs pas stong pa ni 'dus ma byas te/ de des stong pa'i phyir 'dus ma byas stong pa nyid do/ /de las mdza' las 'das pa stong pa
 nyid gang zhe na/ gang gi mdza' nye bar dmigs pa med pa de ni mdza' las 'das pa ste/ mdza' las 'das pa mdza' las 'das pas stong pa'i phyir 'di ni mdza' las 'das pa stong pa nyid du brjod do/ /de la thog ma dang tha ma med
 pa stong pa nyid gang zhe na/ gang gi thog ma med cing mdza' mi dmigs pa de'i dbus med do/ /gang gi thog ma med cing dbus med la tha ma mi dmigs pa de ni thog ma dang tha ma med pa ste/ de ni des stong pa'i phyir thog ma dang tha ma med
 pa stong pa nyid do/ /dor ba med pa stong pa nyid gang zhe na/ chos gang gi dor ba ni spro ba dang 'dor ba spong ba'o/ /de ltar ma yin pa ni dor ba med pa ste/ de des stong pa'i phyir dor ba med pa stong pa nyid do/ /gang zhig 'dus byas dang
 'dus ma byas kyi chos rnams kyi chos rnams kyi rang bzhin de ni des stong pa'i phyir rang bzhin stong pa nyid do/ /gzugs kyi phung po la sogs pa rnams gzugs la sogs pa'i rang gi mtshan nyid rnams kyi stong pa'i phyir rang gi mtshan
 nyid stong pa nyid do/ /chos thams cad ni phung po lnga la sogs pa ste/ de rnams nyid kyis stong pa'i phyir chos thams cad stong pa nyid do/ /'das pa'i chos la ma 'ongs pa dang/ ma 'ongs pa las 'das pa dang/ da ltar byung pa'i chos
 la da ltar byung ba dang 'das pa dang/ 'das pa dang ma 'ong pa dag la da ltar byung ba nye bar dmigs pa med pa'i phyir mi dmigs pa stong pa nyid do/ /chos kyi rang bzhin ni yang dag par sbyor ba med pa ste/ rten cing 'brel par
 'byung ba'i phyir sbyor ba'o/ /sbyor ba des stong pa'i phyir dngos po med pa'i rang bzhin stong pa nyid de/ sbyor ba ni rang bzhin dang bral ba nyid kyi phyir dngos po med pa'i rang bzhin no/ /dngos po ni nye bar len pa'i phung po lnga ste/ dngos po
 de yang dngos pos stong pa'i phyir dngos po stong pa nyid do/ /dngos po ni 'dus ma byas te/ de des stong pa'i phyir dngos po med pa stong pa nyid do/ /rang gi dngos po ni rang bzhin phyin ci ma log pa nyid de/ de des stong pa'i phyir rang gi dngos po stong pa
 nyid do/ /de bzhin gshegs pa rnams byung yang rung ma byung yang rung chos rnams kyi chos nyid 'di kho na ltar gnas te/ chos gnas pa nyid dang chos nges pa nyid dang/ de bzhin nyid dang/ ma nor ba de bzhin nyid dang/ gzhan ma yin pa de bzhin
 nyid dang/ yang dag pa'i mdza' o/ /de des stong pa gang yin pa de ni gzhan gyi dngos po stong pa nyid de/ de la gzhan gyi dngos po med pa'i phyir ro/ /'dir stong pa nyid bcu drug kho nar bzung ste/ stong pa nyid bzhi ni nang du lta bar bya'o/
 bdud dag pa las zhabs dag go zhes pa phung po'i bdud ni tshangs pa'i gzugs 'dzin pa'o/ /nyon mongs pa'i bdud ni gnod sbyin gyi gzugs can no/ /'chi bdag gi bdud ni gshin rje'i gzugs can no/ /lha'i bu'i bdud ni 
 dbang po'i gzugs can no/ /'di rnams las rnam par rgyal bas bdud bzhi rnam par dag pas zhabs bzhi'o/ /rnam par thar pa'i sgo brgyad rnam par dag pa zhal brgyad ces pa stong pa nyid dang/ mtshan ma
 med pa dang/ smon pa med pa dang/ rang bzhin gyis 'od gsal ba'i mtshan nyid mi sdug pa sgom pa la sogs pa rnam par thar pa'i sgo brgyad de/ de dag rnam par dag pas zhal rnam par dag pa'o/ /gzugs can gzugs rnams stong
 par blta ba dang/ nang gi gzugs rnams stong par blta ba dang/ phyi rol gyi gzugs rnams stong par blta ba dang/ skye mched rnams stong par blta ba dang/ nam mkha' mdza' yas skye mched stong par blta ba dang/ rnam shes mdza' yas skye
 mched stong par blta ba dang/ 'du shes med 'du shes med min skye mched stong par blta ba dang/ cung zad med pa'i skye mched stong par blta ba'o/ /spyan rnams ni sku dang gsung dang thugs rnam par dag pa ste/ rdo rje gsum rnam par dag pa'o/ /'byung ba
 chen po rnam par dag pa gsungs pa/ sa ni puk+ka sI ru bshad/ /chu khams sha ba dI ru brjod/ /me ni tsaN+Da lIr shes bya/ /rlung ni g.yung mor rab tu grags/ /zhes pa 'byung ba chen po bzhi rnam par dag pas mkha' 'gro ma bzhi rnam par dag pa'o//
 zhe sdang la sogs pa rnam par dag pa gsungs pa/ zhe sdang 'khor lo can zhes bshad/ 'khor lo can zhes pa 'khor lo'i gtso mo bdag med ma ste/ de ni zhe sdang rnam par dag pa'o/ /zhe sdang ni mi bskyod pa ste/ rdo rje 'chang dang dbyer
 med pa'i bdag med ma kho na'o/ /'dod chags chu yi rnal 'byor ma/ de ni 'dod chags rnam par dag pa ste/ 'dod chags ni 'od dpag tu med pa'o/ /de rnam par dag pa chu'i rnal 'byor ma ste/ 'od dpag tu med pa dang dbyer med pa'i chu'i
 rnal 'byor ma'o/ /phrag dog rdo rje mkha' 'gro ma/ phrag dog rnam par dag pa rdo rje mkha' 'gro ma ste/ don yod grub pa rnam par dag pa rdo rje mkha' 'gro ma yin pa'i phyir de dang dbyer med do zhes pa'i don no/ /ser sna gsang ba'i dkar mo ste/
 ser sna rnam par dag pa nang gi rim par gnas pa'i mkha' 'gro ma ste/ rin chen dbang po rnam par dag pa'i phyir de dang dbyer med pa nyid do zhes pa'i don no/ /gti mug de bzhin rdo rjer bshad ces pa gti mug rnam par dag pa rdo
 rje ma ste/ rdo rje ma ni rnam par snang mdzad rnam par dag pa'i phyir/ de dang dbyer med pa'i rdo rje ma zhes pa'o/ /'dis ni zhe sdang la sogs rnam sbyong ba/ zhe sdang la sogs pa rnam par dag pa nang gi rim par gnas pa rdo rje 'chang dang
 dbyer med pa'i mkha' 'gro ma lnga rnams so/ rim pa 'dis phung po rnam par dag pa ste/ de'i phyir gsungs pa/ bskyed pa'i rim pa'i phyogs las ni/ 'dis ni phung po sbyang bar bya rim pa 'dis phung po zhes pa gzugs kyi phung po
 la sogs pas phung po lnga sbyang zhing dri ma med par bya'o/ /bskyed pa'i rim pa'i phyogs las zhes pa lha'i rnam pa las so/ /yang na gang/ bskyed pa'i sgras rab tu rtogs par bskyed pa ni bskyed pa ste/ nyan thos la
 sogs pa'i spyod yul ma yin pa'i phyir phul du byung ba'i ye shes so/ /de rim gyis rnyed pa'i phyir bskyed pa'i rim pa ste/ de'i phyir yang dag pa'i ye shes kyi rang bzhin nyid las so/ /de nyid ci ltar zhen gsungs pa/ phyogs
 las rnam pa gnyis ka 'ang zhes pa'i don te/ kun rdzob dang don dam pa dbyer med pa nyid las rdo rje 'chang dang bdag med ma la sogs pa dbyer med pa'i phyir ro/ /de nyid kyi phyir yang dag pa'i ye shes kun rdzob dang don dam pa dbyer med
 pa kho na rab tu gsal bar bya ba'i phyir gsungs pa/ gang dang gang gis 'jig rten 'ching 'gyur ba/ /de dang des ni 'ching ba las grol te/ /'jig rten rmongs pa de nyid ma rtogs pa/ /de nyid rnam
 spangs dngos grub rnyed mi 'gyur/ /'dod chags la sogs pa mngon par zhen pa gang gis 'jig rten 'ching 'gyur 'khor bar 'ching zhing bcings par gyur pa de dang des ni 'ching ba 'khor bar gzung ba las grol zhing thar bar 'gyur
 ro/ /de nyid kyi phyir 'jig rten rmongs pa gti mug mun pas bsgribs par gyur pa'o/ /de nyid ma gtogs pa de kho na mi shes pa'o/ /de kho na shes pa med pa las/ dngos grub rnyed mi 'gyur dngos grub thob par mi 'gyur ro/ /yang
 na gang 'jig rten ni phung po lnga ste/ gzugs la sogs pa yul gyi mngon par zhen pa gang dang gang gis 'ching 'gyur ba/ mngon par zhen par 'gyur ro/ /gzugs la sogs pa'i mngon par zhen pa de dang de nyid kyis ni 'ching
 ba las grol bar 'gyur ro /'jig rten ni rmongs pa ste/ ci ltar zhe na/ de kho na'i rang bzhin ma rtogs pa de kho na rnam par spangs pa ste/ rang bzhin yongs su shes pa spangs pa las/ phyag rgya chen po'i dngos grub
 thob par mi 'gyur ro/ /de'i phyir shin tu rnam par dag pa chos kyi dbyings kyi bdag nyid can yongs su shes pa las 'grub par 'gyur gyi rnam pa gzhan du sgrib pa nyid las 'khor bar 'khor bar 'gyur ro/ /de
 phyir dri med sgra med gzugs nyid med/ /ro yang med de sems ni rnam par dag /reg med chos med thams cad rnam par dag /rang bzhin dag pa'i 'gro la 'gro bar shes/ /de phyir dri med sgra med gzugs
 nyid med/ /ro yang med do/ /ji ltar zhe na/ sems ni rnam par dag pa chos thams cad sems tsam gcig pu'i rang bzhin gyi phyir sems las phyi rol tu gyur pa sems gsal ba gzhan cung zad kyang med kyi/ sems
 'ba' zhig kho na rnam pa de dang de nyid kyis so sor gsal bar 'gyur ro/ /de ltar yang/ phyi rol don ni yod min te/ 'jig rten byis pas rnam brtags pa/ /bag chags kyis ni dkrugs pa'i sems/ /don du
 snang ba rab tu byung/ /gzhan yang dngos po gang dang gang gis ni/ /mi rnams kyi yid yang dag sbyar/ /des de'i rang bzhin nyid 'gyur te/ /nor bu sna tshogs gzugs bzhin no/ /de'i phyir thams cad sems tsam kho na te/
 sems ni rnam par dag pa'o/ /reg med chos med/ khyad par ji lta bu'i sems de rnam par dag ce na/ de nyid kyi phyir gsungs pa/ thams cad rnam par dag pas khams gsum pa rnam par dag pas sems
 rnam par dag pa'o/ /de'i phyir rang bzhin dag pa nyid las 'gro ba 'gro bar shes pa'i rnam pa kho na zhes pa'o/ /yang na gang/ de'i phyir dri med sgra med gzugs nyid med ro yang med de/ sems ni rnam par dag pa 'dis
 ni dri la sogs pa rnams bkag pa'i phyir sems kyi yang ngo zhes pa ste/ rnam par dag pa khyad par du 'phags pa'i dag pa shin tu rnam par dag pa chos kyi dbyings kyi ye shes so/ /reg med chos med ces pa bde
 ba la sogs pa nyams su myong ba yang med pa kho na'o/ /thams cad rnam par dag ces pa rnam par dag pa yin gyi rnam par ma dag pa ni cung zad kyang med de/ /nges par dngos po thams cad kyi/ /rnam dag de bzhin
 nyid du brjod/ ces thog mar gsungs pa'i mjug bsdu ba nyid do/ /'dis ni rang bzhin dag pa'i 'gro ba nyid de/ de'i phyir 'gro bas shes ba brtan pa dang g.yo ba la sogs pa thams
 cad yang dag pa'i ye shes dang dbyer med pa kho na'o zhes pa'o/ /de ltar yang/ 'di dag thams cad sems tsam zhes/ /thub ba yis ni gang bstan ba/ /skrag pa yongs su spangs phyir te/ /de ni byis pa'i de nyid
 min/ zhes pa'o/ /rnam par dag pa'i le'u ste dgu pa'o// //bdag med ma dang dbyer med pa'i rdo rje 'chang dgu'i bdag nyid kyi dkyil 'khor dang dbyer med pa mkha' 'gro ma bco
 lnga'i rang bzhin gyi 'khor lo dbyer med pa nyid kyis gang zhig khyad par du 'phags par dag pa ste/ le'u gang du shin tu rnam par dag pa ni de'i le'u ste dgu pa'o// //zhes ba kye'i rdo rje'i
 'grel bshad kha sbyor shin tu dri ma med pa las le'u dgu pa'o// //rim pa gnyis rnam par dag pa shin tu rnam par dag ba chos kyi dbyings kyi bdag nyid can yang dag pa'i de kho na goms par
 byed pa ni 'bras bu phyag rgya chen po'i dngos grub thob par 'gyur ba'i phyir rnal 'byor ma'i le'us kha sbyor nyid las dkyil 'khor gnyis so/ /de gnyis kyi bdag nyid can nyid kyis rnam par dag pa'i le'ur yang rim pa
 gnyis rnam par dag pa mngon par brjod nas/ da ni slob ma dbang bskur ba'i le'u bshad par bya ba'i phyir gsungs te/ ji ltar gang zhig dbang bskur nas ni de nyid bshad ces pa'i gsung las/ dbang bskur
 med par de kho na bstan par mi nus shing dbang bskur yang dkyil 'khor dang bral bas yang dag bar bsgrub par mi nus ba'i phyir/ dkyil 'khor dang dbang bskur bdag gi cho ga gsungs pa/ de nas 'di las dkyil
 'khor gyi/ /rim pa ji bzhin yang dag bshad/ /gang gis slob ma dbang bskur pa'i/ /cho ga'ang rab tu bshad bar bya/ /de nas zhes pa de ma thag bar ma chad pa nyid kyis so/ /'di las
 zhes pa rnam par dag pa'i le'u'i rjes thogs 'di las dkyil 'khor gyi cho ga rab tu bshad do/ /dkyil 'khor gyi cho ga bstan par bya'o/ /dkyil 'khor gyi cho ga gang gis slob ma dbang bskur ba/ dbang bskur
 zhing mtshon bar byed pa ni dbang bskur bar brjod do/ /de'i cho ga rab tu bshad par bya'o/ /'dis ni dkyil 'khor ma mthong ba'i dbang bskur ba med do/ /dbang ma bskur ba'i de kho na thob pa med do/ /
 de kho na med pa'i phyag rgya chen po 'grub pa med de/ dngos grub kyi don du de kho na thob pa dang/ de'i don du dbang bskur ba dang/ dbang bskur ba'i don du dkyil 'khor yin pa'i phyir/ dkyil 'khor
 gyi don nyid gsungs pa/ nor 'dzin sbyang bya rnal 'byor pa/ /dang por lha yi bdag nyid can/ /oM rak+Sha rak+Sha zhes pas sbyang ba'i sngags kyis nor 'dzin sbyang bar bya'o/ /dang por sngon du lha'i
 bdag nyid can zhes pa gang gi bdag nyid lha kho na yin pa de ni lha'i bdag nyid can te/ slob dpon rang nyid lha'i sku'i rang bzhin zhes pa'i don no/ /yang na nor 'dzin zhes pa chos 'byung ste/ spyang bya
 zhes pa shin tu rnam par dag pa chos kyi dbyings kyi bdag nyid can nyid kyis rnam par gnas par bya'o/ /rnal 'byor pa zhes pa de bzhin nyid kyi rnam par dag ba dang lha'i rnam pa'i rnam
 par dag pa'o/ /dang por zhes pa ji ltar gnyis su med par gyur pa'o/ /lha'i bdag nyid can zhes pa rnal 'byor pa gang zhig lha'i bdag nyid kyi ye shes kyi rnal 'byor dang ldan pa de ni lha'i bdag nyid can
 te/ ye shes lnga dang sku gsum gyi rang bzhin rnam par dag pa gnyis kyi ye shes kyi sku zhes pa'i don no/ /'bad pas hUM las rdo rje can/ /byas te phyi nas dkyil 'khor bri/ /nor 'dzin rnam par
 sbyangs pa ste/ bar ma chad pas rnal 'byor pas dkyil 'khor bri bar bya'o/ /'bad pas hUM las rdo rje can byas te zhes pa/ re pas sngon du nyi ma rnam bsgoms te zhes pa la sogs pa'i rim pas rdo rje'i rang
 bzhin gyi sa gzhi dang/ rdo rje'i gur dang/ rdo rje'i ra ba ste/ 'dis ni rdo rje'i rang bzhin gyi gzhal yas khang rnam par bsams nas de'i dbus dkyil 'khor bri bar bya'o/ /yang na/ hUM las
 rdo rje can byas te zhes pa hUM yig dbyer med pa kho na rdo rje 'chang dang/ bdag med ma'i bdag nyid can du byas te/ phyi nas zhes pa de ma thag par ma chad pa nyid kyis dkyil 'khor yang dag pa'i ye shes bri zhing
 rtag tu lhag par gnas pas rnam par bzhag par bya'o/ /dkyil 'khor bri ba'i gnas gsungs pa/ /skyed tshal skye bo med gnas dang/ /byang chub sems dpa' i khyim dang ni/ /dkyil 'khor khang ba'i
 nang du yang/ /dkyil 'khor dam pa bzhengs bar bya/ /skyed tshal zhes pas gzhi shing ljon pa sna tshogs dang ldan pa ste/ byin gyis brlabs pa'i gnas yin pa'i phyir ro/ /skye bo med ces pa skye bo ma rungs pa dang
 bral ba'i gnas so/ /gnas zhes pa yul phyogs so/ /byang chub sems dpa' i khyim du ni zhes pa skye bo ngan pa dang bral yang skye bo bzang po dang ldan pa'i gnas te/ gnas 'di rnams su dkyil 'khor gyi khang
 pa bya zhing/ de'i nang du dkyil 'khor bzhengs par bya ste/ dam pa zhes pa mchog go /yang na/ skyed tshal zhes pa skyes pa dang de'i theg ba ye shes te/ skyed tshal spro ba'i ye shes de la'o/ /skye bo
 med ces pa gang la skye bo dbang po la sogs pa bral ba ste/ skye bo med pa sdus pa'i ye shes de la'o/ /byang chub sems dpa' i khyim dang ni zhes ba/ byang chub rnam bar rtog pa med pa'i ye shes dang sems dpa' 
 srid pa gsum gcig pa nyid de /rnam par rtog pa med pa'i ye shes srid pa gsum dbyer med pa'o/ /de'i khyim ni gnas te/ rnam par rtog pa med pa'i gnas 'di rnams so/ /dkyil
 'khor khang ba'i nang du yang/ yang dag pa'i ye shes kyi gnas gang yin pa ni nang ste/ de la rtog pa dang /rnam par rtog pa thams cad spangs pa nyid kyis yongs su gcad par mi nus pa'i phyir
 ro/ /dkyil 'khor dam pa bzhengs par bya/ /khyab pa nyid kyis rdo rje 'chang ni dam pa dang/ sdom ba dang/ mchog dang/ gong ma ste/ nyan thos la sogs pa rnams kyi spyod yul ma yin pa
 nyid kyi phyir ro/ /dkyil 'khor bzhengs pa'i don du rdul tshon gsungs pa/ /lha yi tshon gyis bri ba ste/ /yang na 'bring po nyid kyis so/ /rin chen lnga mi phye ma'am/ /yang na 'bras la sogs pas so/ /lha yi zhes pa rnam par snang mdzad la sogs
 pa rnam par dag pa'i lha lhag par gnas pas so/ /tshon gyis bri ba ste zhes pa tshon gyi ri mo la sogs pa rnams kyis so/ /rin chen lnga zhes pa in+d+ra nI la dang/ /mu tig dang bai DUrya dang/ zla ba chu shel dang/ ma rka ta la sogs pa rnams sam/ yang na gang/ mu
 men dang/ dung dang/ byu ru dang/ gser dang/ dngul la sogs pa'i phye ma rnams kyis so/ /yang na zhes pa phyogs gzhan te/ 'bras la sogs pas so zhes pa 'bras dang gro la sogs pa rnams te/ de bzhin gshegs pa lnga rnam par dag pa'i kha dog lnga'i
 rang bzhin rnams kyis so/ /yang na lha'i zhes pa lha ni dbang po la sogs pa'o/ /de rnams kyi in sems dra lha yis zhes pa'o/ /de spang zhing 'dor ba'i phyir lha yis ra'o/ /de yang chu ste/ 'di ni dbang po dang sems spong ba'i chu'o/ /de yang/ yul ni dbang
 po dang rnam par shes pa las gzhan ma yin pa'i rdo rje gsum dbyer med pa kho na zhes pa'i don no/ /de la e kho na chos 'byung las skyes pa'i chos kyi dbyings kyi bdag nyid can gyi ye shes kyis so/ /'bring po yis ni yang na'o/ /a bdag  
 med ma'o/ /tha mi bskyod pa'o/ /ba byang chub kyi sems so/ /a bdag med ma ste/ rim pa dang rim pa ma yin pa spro ba dang sdud pa dang/ sdud pa dang spro ba'i bdag nyid can gnyis ka dbyer med pa nyid kyis yongs su gcad par mi nus pa'i
 phyir rgyu des na dbu ma'o/ /khyad par gyi ro na la ni'i sgra ste/ khyad par 'di lta bus khyad du 'phags pa zhes pa'o/ /rin chen lnga yi rang bzhin zhes pa lnga'i sgra dbang po rnams te/ rin chen ni sems so/ /de rang bzhin ni de rnams kyi rnam par 'gyur
 ba'o/ /phye ma yis zhes pa rdul phra rab yang dag par brjod pa'i phyir/ nam mkha' i dkyil 'khor khyab pa rnams kyis so/ /yang na zhes pa gnyis ka dbyer med pa'i ye shes kyis 'bras la sogs pas zhes pa'o/ /yang na 'bras la
 sogs pa zhes pa ji ltar 'bras ni phub ma las rnam par grol ba nyid las snying por rnam par bzhag go /de bzhin du sgo 'dogs pa la sogs pa'i sgrib g.yogs spangs pa nyid las shin tu rnam par dag pa chos kyi dbyings kyi rang bzhin
 no/ /de ltar gyur ba'i ka dang po rnams kyis kaM bde ba 'dzag pa med pa'i mtshan nyid kyi ye shes so/ /de nyid dang po gtso bo'i rgyu ste/ ji ltar de bzhin gshegs pa rnams kyi bzhin no/ /de rnams kyi zhes pa rnam pa gnyis ka'i rnam  
 par dag pa dkyil 'khor gnyis kyi bdag nyid can rdo rje 'chang zhes pa'i don no/ /dkyil 'khor gyi tshad gsungs pa/ dkyil 'khor khru gsum bya ba ste/ mthe bong gsum ni lhag pa bzhi/ /khru gsum zhes pa mi bskyod pa rnam
 par dag pa'i phyir te/ khru ni sor mo nyi shu rtsa bzhi'o/ /sor mo yang nas bzhi'i bdag nyid can no/ /de ltar rnam pa gnyis ni khru ste/ gsum gyi tshad do/ /mthe bong gsum ni lhag pa khru re re mthe bong gsum lhag pa sbyin
 par bya ste/ bzhi zhes pa mthe bong gi tshad ni nas bzhi ste/ 'di ni tshad do/ /yang na/ dkyil 'khor khru gsum zhes pa gsum gyi sgras sku dang gsung dang thugs so/ /khru'i sgras lnga'i bdag nyid can gnyis te/ dbang po dang yul lo
 dkyil 'khor zhes pa dkyil 'khor gyi gtso bo ste/ sems kyi ming can ye shes so/ /zhes pa sku gsum dang/ ye shes lnga'i bdag nyid can yang dag pa'i ye shes so/ /bya ba zhes pa 'di nyid 'bras bu
 ste/ yang dag par rdzogs pa'i byang chub kyi rgyu'i phyir ro/ /de nyid khyad par ci zhe na/ mthe bong gsum ni lhag pa ces pa/ gsum gyi sgras lhan cig skyes pa ye shes kyi cha shas gsum ste/ dga' ba la sogs pa dga' bral gyi
 mthar thug pa'o/ /de ni mthe bong lhag pa ste/ mthe bong ni rdo rje 'chang ngo/ /de lhag par mtshon par byed de/ kaM bde ba'i ye shes so/ /de yang bzhi ste/ bzhi pa lhan cig skyes pa'i ye shes zhes pa'i don no/ /dkyil 'khor der rig ma gzhug par bya ste/
 de'i phyir gsungs pa/ der ni rig ma gzhug bya ste/ lha mo rigs lnga las byung ba'i/ /de dkyil 'khor der ni rig ma zhes pa btsun mo shes rab po/ /lha mo zhes pa lha'i rnal 'byor dang ldan pa'o/ /rigs lnga las byung ba zhes pa rdo rje'i rigs la
 sogs pa rigs lnga las skyes pa'o/ /yang na/ der ni zhes pa yang dag pa'i ye shes su rogs ma zhes pa bdag med ma'o/ /gzhug bya ste zhes pa phul du byung bas zhugs pa de'i bdag nyid kyis gnas par bya'o/ /lha mo zhes pa lha'i bdag nyid can te/
 sdud pa'i rang bzhin can 'ba' zhig ma yin gyi de ni spro ba'i rang bzhin can yang ngo/ /de nyid kyi phyir rigs lnga las byung ba'i rigs lnga sa ni me long lta bu la sogs pa ye shes lnga'o/ /de rnams las byung ba ni/ skyes pa ste/ gang zhig spro bar
 byed pa de rigs lnga las byung ba'o/ /yang na ji ltar gang rnyed de/ /de ltar bcu drug lon pa nyid/ /rigs lnga med pa'i phyir thun mong ba ji ltar gang rnyed pa bzang mo ma yin pa yang ste/ 'on kyang bcu drug lon pa bzung ste/ byang chub kyi sems rgyas
 pa'i phyir ro/ /yang na/ a tha bA zhes pa bdag med ma dang rdo rje 'chang dbyer med pa dang/ rdo rje 'chang dang bdag med mdang dbyer med pa dag pa'i ye shes kyi rang bzhin no/ /gang zhig ces pa ngos pa'i bya bar mi nus pa'i phyir ro/ /ji ltar rnyed pa
 ces pa rnam pa gang gis rnyed pa'i ye shes so/ /bcu drug lon pa zhes pa stong pa nyid bcu drug rnam par dag pa chu byang chub kyi sems te/ de sngar zhing yongs su gtong ba'i phyir bcu drug lon pa'o/ /de ni stong pa nyid bcu drug rnam par dag pa dang byang chub
 kyi sems kyang ste bdag med ma'o/ /des de'i bdag nyid kyis yongs su spong ba'i phyir de la bag chags kyi skyon yang med do zhes pa'o/ /btsun mo de yang bstan par bya ste/ de'i phyir gsungs pa/ ji srid khu ba ldan gyur pa/ /de srid phyag rgya bstan par bya/
 ji srid de la byang chub kyi sems 'byung bar gyur pa de srid phyag rgya de bsten par bya'o/ /yang na/ re zhig phyag rgya de bsten zhing goms par bya ste/ ji srid khu ba ldan pa byang chub kyi sems stong pa nyid dang/ snying rje dbyer med pa'i ye shes dang ldan par gyur pa'o/
 'dis ci gsungs na/ phyag rgya chen po goms pas rnam pa thams cad kyi mchog dang ldan pa'i stong pa nyid mngon du 'gyur ro zhes pa'o/ /phyag rgya bsten pa de la yang gang 'byung zhe na/ de bya ba gsungs pa/ phyag rgya'i gdod ni bcing ba ste/ /thabs
 kyi gdong yang de bzhin no/ /bsten pa de las gang byung ba/ /slob ma'i kha ru gzhug par bya/ /btsun mo dang skyes bu'i gdong pa yang gos kyis bcings te/ bsten zhing goms pas de las gang byung ba byang chub kyi sems gang zhig byung ba de/ slob ma'i
 kha ru gzhug par bya'o/ /yang na/ phyag rgya bdag med ma'i gdod dang por stong nyid byang chub bcings te bstan par bya zhing thabs rdo rje 'chang gi gdong snying rje lnga bcings te/ brtan par byas nas stong pa nyid dang snying rje g.yo ba med par byas te/ byang chub
 kyi sems bskyed nas bsten cing goms pas gang byung ba byang chub kyi sems gang zhig byung ba de slob ma'i kha ru zhes pa slob ma ni dbang po rnams so/ /de rnams kyi kha ni yul rnams te/ slob ma'i kha yul dang dbang po der gzhug cing bsdu
 bar bya ste/ de dag dbyer med par bya'o zhes pa'i don no/ /byang chub kyi sems de ni gang zhig yul dang dbang po tha dad med pa kho na'o zhes pa'i don no/ /'di nyid mngon par gsal bar byed pa/ ro mnyam slob ma'i spyod yul ni/ de nyid la yang bya ba ste/
 de nyid la zhes pa goms pa na ro mnyam stong pa nyid dang snying rje dbyer med pa'i byang chub kyi sems de slob ma'i spyod yul te/ 'di la go rnams spyod pa'i spyod yul rnams so/ /slob ma na dbang po rnams te/ slob ma'i spyod yul slob ma dang spyod yul dbang po dang yul
 te ro mnyam par bya zhing thams cad byang chub kyi sems dbyer med pa kho na zhes pa'o/ /'di'i kun rdzob kyi don ni phyag rgya de nyid la slob ma'i spyod yul slob ma dang nye bar ro mnyam 'dus par bya'o/ /byas pa na cir 'gyur zhe na/ de'i phyir gsungs pa/ rang rig
 ye shes nyid du 'gyur rang gzhan yang dag rig pa spangs/ /mkha' mnyam rdul bral stong pa nyid/ /dngos dang dngos med bdag nyid mchog /thabs dang shes rab shin tu 'dres/ /chags dang chags bral rnam par 'dres/
 shes pa de'i tshe rang rig bdag nyid yang dag par rig par 'gyur te/ de'i phyir rang rig ye shes yang dag pa'i ye shes so/ /de khyad par ci zhe na/ rang gzhan yang dag rig pa spangs/ bdag dang gzhan du rtog pa spangs pa ste/ de 'di lta bu'o zhes brjod par mi nus
 pa'i phyir gang zhig ye shes de dpe yis ston pa mkha' mnyam nam mkha' lta bu ste/ thog ma dang tha ma med phyir ro/ /de nyid kyi phyir rdul bral dri ma med pa'o/ /de nyid kyi phyir stong pa nyid de/ rang bzhin dang bral ba'o/ /de nyid kyi phyir/ dngos dang dngos med bdag nyid
 dngos po 'khor ba dang dngos med mya ngan las 'das pa ste/ bdag nyid 'khor ba dang rnam par byang ba gnyis dbyer med pa'o/ /de nyid kyi phyir mchog rmad du byung ba ste/ nyan thos la sogs pa'i spyod yul ma yin pa'i phyir ro/ /gzhan yang khyad par ci
 zhe na/ gsungs pa/ thabs dang/ shes rab shin tu 'dres/ /shes rab skyes bu dang thabs btsun mo ste/ de dag khyad par du shin tu 'dres pa'o ma dang chu lta bur gnyis su med pa'i ngo bor gyur pa'i phyir ro/ /de nyid kyi phyir chags dang chags bral
 rnam par 'dres/ /chags pa ni kun tu chags pa'i mtshan nyid do/ /chags bral ni de yongs su spangs pa ste/ spangs pa yang chags pa kho na'o/ /gnyis ka rim gyis khyad par du 'dres shing 'dres par gyur pa ste/ 'dod chags med cing
 chags bral med/ /dbu mar dmigs par mi 'gyur ro/ /rtogs par mi 'gyur te/ 'di nyid lhan cig skyes pa yang dag pa'i de kho na zhes pa'o/ /yang na/ rang rig pa'i rgyu las ye shes su 'gyur zhing rtogs par 'gyur ro/ /ye
 shes de yang rang gzhan yang dag rig pa spangs pa rang sems so/ /gzhan yul dang dbang po'o/ /yang dag rig pa bde ba la sogs pa nyams su myong ba'i mtshan nyid de/ yul dang dbang po dang rnam par shes pa 'di rnams kyis bskyed pa'i
 bde ba la sogs pa nyams su myong ba spangs par gyur pa'o/ /khyad par ci zhe na/ mkha' mnyam nam mkha' dbang po'o/ /de dang mnyam pa ni lha'i mig la sogs pa mngon par shes pa'i yon tan 'byung ba'i phyir ro/ /de yang rdul bral rim gnyis dri ma
 med par byas pa'o/ /stong pa nyid de bzhin nyid kyi bdag nyid de/ rtog pa dang rnam par rtog pa thams cad las 'das par gyur pa'o/ /de yang/ dngos po dngos med pa dag nyid can/ /dngos po dngos med de/ gdod ma nas ma skyes pa'i phyir dngos
 po dngos med do/ /de'i bdag nyid can de'i rang bzhin du gyur pa'o/ /mchog rmad du byung ba ste/ yang dag par rdzogs pa'i byang chub thob par byed pa'i phyir ro/ /yang na gang rang rig las ye shes te/ dga' ba tsam mo/ /rang gzhan yang
 dag rig pa spangs pa ni mkha' mnyam mchog dga' o/ /rdul bral ni stong pa dga' bral gyi dga' ba'o/ /dngos dang dngos med bdag nyid ni mchog lhan cig skyes pa'i dga' ba ste/ bzhi po 'di nyid do/ /ci ltar zhes na/
 gsungs pa/ thabs dang shes rab shin tu 'dres pa rdo rje 'chang dang bdag med ma dbyer med par gyur pa'o/ /de'i phyir bzhi ste/ chags dang chags bral rnam par 'dres chags pa ni 'od dpag tu med pa byang chub kyi sems khu ba'o/ /
 chags bral ni chags pa thams cad yongs su spangs pa ste/ bde ba lhan cig skyes pa'i dga' ba'o/ /de dag rnam par 'dres pa ni khyad par du 'phags pa'i ngo bos dbyer med pa ste/ de ni bde ba spangs nas min zhes pa'i gsungs las so/ /
 de'i phyir shes rab dang thabs gnyis su med pa goms pas dga' ba la sogs pa skye bar 'gyur zhing de las kyang bzhi pa gang yin pa ste/ de nyid ni bdag med ma dang dbyer med pa'i rdo rje 'chang ngo/ /da ni lta ba thams cad yang dag pa'i ye
 shes kyi nang du 'dus par bstan pa'i phyir gsungs pa/ de nyid srog chags rnams kyi srog /rdo rje 'chang de nyid srog chags skye bo rnams kyi srog ste/ de srog gi nang du son pa'i phyir rlung gi rnal 'byor pa rnams kyi yang de kho na ste/ yang dag par
 shes pa rnams kyi dngos grub ces pa'o/ /yang na/ rdo rje 'chang de nyid srog chags rnams kyi srog ste/ srog ni sems so/ /'di rnams la yod pa'i phyir srog chags ni nA da ste/ 'di rnams kyi srog kyang nA da dang 'brel pa'i sems so/ /nA da
 yang/ /rlung bcu'i bdag nyid can te/ de las kyang dbang po lnga dang yul lnga rnams so/ /de'i rang bzhin yang rdo rje 'chang ste/ sku dang gsung dang thugs zhes pa rdo rje gsum dbyer med pa kho na rdo rje 'chang ngo/ /de nyid 'gro ba'i rang bzhin 'di zhes
 pa rang bzhin smra ba rnams kyi snying stobs dang/ rdul dang mun pa cha mnyam par gnas pa ni rang bzhin te/ rang bzhin las rnam 'gyur ni 'gro ba'o/ /zhes pa 'gro ba'i rang bzhin de yang rdo rje 'chang ngo/ /yang na/ 'di zhes pa brtan pa dang g.yo ba gcig pa'i rang bzhin
 no/ /'gro ba'i rang bzhin zhes pa 'gro bas gzugs la sogs pa'i phung po dang khams dang skye mched la sogs pa rnams kyi rnam 'gyur te/ phung po dang khams kyi bdag nyid can 'di ni bcom ldan 'das so/ /de nyid kyi phyir de nyid thams cad khyab pa po/ /
 'gro ba'i rang bzhin nyid kyis thams cad khyab pa po ni bcom ldan 'das te/ khyab 'jug 'gro kun rang bzhin no/ zhes pa khyab 'jug pa'i lta ba la gnas pa rnams kyi'o/ /de nyid kyi phyir/ thams cad lus la rnam par gnas/ thams cad du lus
 la rnam par gnas zhing thams cad kyi 'di lus la rnam par gnas pa ste/ 'di ni lus gnas ye shes chen po ni/ /kun tu rtog pa thams cad spangs/ /dngos po thams cad khyab pa po/ /lus la gnas kyang lus skyes min/ zhes pa'o/ /dngos po
 dngos med de las byung/ /gzhan rnams gang rnams de rnams dang/ zhes pa dngos po 'khor ba dang dngos med mya ngan las 'das pa'o/ /gnyis ka yang de las byung zhing de las skyes pa ste/ rdo rje 'chang ni kun rdzob dang don dam pa'i bden pa gnyis ka dbyer med pa'i phyir
 ro/ /yang na/ dngos po thams cad rdo rje 'chang ngo/ /dngos med mya ngan las 'das pa bdag med ma ste/ de gnyis ka yang de las byung zhing de las skyes pa kho na'o/ /gzhan rnams gang rnams la de rnams dang/ /gzhan rnams zhes pa thams
 cad kyi sems dang dbyer med pa'i phyir/ /gzhan rnams pha rol dbang po drug rnams so/ /gang rnams de rnams zhes pa gang rnams de rnams brtan dang g.yo zhes pa'i gsungs las/ gang rnams zhes pa brtan pa dang de rnams zhes pa g.yo ba ste/
 de phyir shes rab dang thabs so/ /de la dbang po drug go/ de las brtan pa dang g.yo ba rtogs pa'i phyir/ thams cad ye shes kyi nang du 'dus pa kho na'o/ /gzhan yang gsungs pa/ sems can rnam shes rang bzhin dang//
 skyes bu sngon rabs dbang phyug dang/ bdag dang gso ba sems can dang/ /dus dang gang zag nyid dang ni/ /sems can zhes pa rig byed kyi mdza' smra ba rnams kyi ste/ thams cad kyi tshe 'jig pa dang skye ba rnam par spangs pa'i phyir ye shes de rtag
 ces pa'o/ /de yang/ de las gzhan ma yin pa kho na'o/ /rnam shes rang bzhin zhes pa rnam par shes par smra ba rnal 'byor spyod pa rnams kyi ste/ de yang de las gzhan ma yin no/ /skyes bu zhes pa snying stobs dang rdul dang mun pa cha mnyam par gnas
 pa'i rang bzhin no/ /rang bzhin las gzhan ni skyes bu ste/ gang rnams kyi lta ba'o/ /de yang de'i nang du 'dus pa kho na'o/ /sngon rabs zhes pa rig byed pa rnams kyi'o/ /dbang phyug ces pa dbang phyug rgyur smra ba rnams kyi'o/ /bdag ces pa tshangs pa'i
 ye shes smra ba rnams kyi gcig pu dang/ rtag pa dang gtso bo dang bdag ces pa gang rnams kyi lta ba'o/ /gso ba zhes pa dngos po thams cad sems dang ldan zhes pa gang rnams kyi lta ba'o/ /sems can zhes pa rgyal po'i lugs kyi bstan
 bcos rig pa'o/ /dus zhes pa dus rgyur smra ba rnams kyi ste /dus ni 'byung po rnams 'tshed cing/ /dus ni skye dgu sdud par byed/ ces pa gang rnams kyi'o/ /gang zag nyid dang ni zhes pa nyan thos rnams kyi'o/ /'dis ni sna tshogs pa'i
 lta ba la rnam par gnas pa rnams kyi lta ba gang dang gang gi ye shes de thams cad nyi tshe ba ste/ yang dag par rdzogs pa'i byang chub kyi ye shes kyi nang du thams cad 'dus pa kho na'o/ /ji ltar 'khor los sgyur ba ni grong khyer gyi rgyal po la sogs
 pa thams cad gyis bkur zhing mnyes par byed pa de bzhin du yang dag pa'i ye shes de la ye shes thams cad sgro ma btags pa nyid kyis rnam par gnas so zhes pa ste/ ji ltar shes rab kyi pha rol tu phyin par sbyin pa la sogs pa rnams rang nyid mngon du
 'ong bar 'gyur pa de bzhin du 'dir yang rnam pa thams cad mkhyen pa nyid grub pa na/ de las gzhan mi 'grub pa ga la yod de/ rdo rje 'chang gi ye shes dang ldan pa ni thams cad grub pa kho na'o/ /'on kyang goms pa med par thar pa thob par mi
 'gyur ba'i phyir/ 'di dag goms par bya'o zhes pa'o/ /yang na/ sems dpa' zhes pa srid pa gsum dbyer med pa'i ye shes so/ /rnam shes rang bzhin zhes pa khyad par du 'phags pa'i ye shes kyi rang bzhin no/ /skyes bu zhes pa rdo rje 'chang
 gi rang bzhin ma ning ngo/ /sngon rabs zhes pa thog ma dang tha ma mi dmigs pa'i phyir ro/ /dbang phyug ces pa rang nyid 'phrog po rang byed po/ zhes pa bdag nyid gtso bor gyur pa'i phyir ro/ /bdag ces pa gzhan dang gzhan 'ga' yang med pa ste/
 de med pa'i phyir bdag kyang med do/ /gso ba zhes pa thams cad mkhyen pa nyid las rtogs pa'i rnam pa'o/ /thams cad ces pa 'jig pa dang skye ba spangs pa'i phyir/ rtag pa yang ma yin mi rtag pa yang ma yin pa'o/ /dus zhes pa rang bzhin med pa'i ngo po'o/ /gang zag
 ces ba sprul pa'i sku'i bdag nyid can chos kyi sku kho na'o/ /thams cad kyi mjug bsdu bar gsungs pa/ dngos po kun gyi rang bzhin 'di/ /sgyu ma'i gzugs kyis yang dag gnas/ shes pa'o/ /de nyid kyi phyir dngos po kun gyi rang bzhin dang ngo bo srog
 dang rnam par shes pas rlung gi rnal 'byor la sogs pa'i de kho na'i rang bzhin no/ /'di ci ltar zhe na/ gsungs pa sgyu ma'i rang bzhin te/ gang gi phyir ji ltar sgyu ma'i rang bzhin thams cad bden pa ma yin brdzun pa ma yin pa de bzhin du/ bcom
 ldan 'das de yang bden pa dang mi bden pa dang/ rtag pa dang mi rtag pa la sogs pa rnam par dpyod pa las 'das pa nyid kyi phyir thams cad khyab pa thams cad kyi rang bzhin no/ /yang dag gnas zhes pa yang
 dag pa'i rim pas g.yo ba med pa ste/ de bzhin nyid kyi ye shes nyid las g.yo ba med pa'i rang bzhin no/ zhes pa rang rig las ni ye shes 'gyur/ zhes pa la sogs pa/ chags dang chags bral rnam par 'dres zhes pa'i bar gyi gang
 gsungs pa'i ye shes de nyid kyi khongs su thams cad gtogs par gsungs nas de nyid gsal bar bya ba'i phyir gsungs pa/ dang por dga' ba tsam nyid de/ /gnyis pa'i grangs las mchog dga' o/ /gsum pa la ni dga' bral bshad/ /bzhi pa
 lhan cig skyes par brjod/ /ces pa dang po dga' ba tsam ni ye shes 'ba' zhig kho na'o/ /gnyis pa'i grangs las mchog dga' ni de nyid shes rab dang thabs kyi rang bzhin no/ /gsum pa la ni dga' bral bshad rdo rje gsum gyi rang bzhin nyid
 las so/ /bzhi pa lhan cig skyes par brjod ces pa gcig gi phyir skyes pa'i tshe lhan cig pa ste/ sku gsung thugs dbyer med pa kho na lhan cig skyes ba de dang de nyid bzhi pa'o/ /'dis ci gsungs na/ dang po gnyis su med pa'i ye shes tsam 'ba' 
 zhig go/ de nyid mchog dga' ste/ de ni gnyis pa'i grangs zhes pa shes rab dang thabs kyi rang bzhin grangs gnyis kyi phyir ro/ /gsum pa la ni dga' bral bshad/ /gsum pa rnams kyi rdzogs pa'o/ /de nyid gang gi phyir zhe na/ dga' bral bshad
 gang gi phyir gnyis ka snyoms par zhugs pa khyad par du 'phags pa'i dga' ba nyid kyis so/ /bzhi pa ni rnams kyi rdzogs pa ste/ gang gi phyir lhan cig skyes pa tha dad med pa'i ngo bos skyes pa'i phyir lhan cig gcig gi tshe skyes pa'o/ /de yang/
 shing dang bong ba la sogs pa lta bu ma yin gyi dran pa ye shes kho na'o/ /'dis ni gcig dang gnyis dang gsum ste/ rdo rje gsum dbyer med pa lhan cig skyes pa yin gyi dga' ba gsum las gzhan pa'i bzhi pa med pa kho na'o/ /rdo rje snying po la sogs
 kun/ /mkhas pas 'di skad bos thos nas/ /mchog tu ngo mtshar gyur nas ni/ /brgyal zhing sa la 'gyel bar gyur/ /dang po dga' ba 'gro ba'i gzugs/ /de bzhin mchog dga' 'gro ba ste/ /dga' bral dga' ba'ang 'gro ba nyid/ /gsum la lhan
 cig skyes pa med/ /'di skad thos pas zhes pa dga' ba nyid kyi bzhi ga yang dga' ba'o zhes sngar gsungs so/ /de ni dga' ba gsum po dbyer med pa ste/ gang gi phyir dga' ba gsum yang 'gro ba'i rang bzhin nyid du mtshungs pas dga' ba
 gsum la/ lhan cig skyes pa med do zhes pa'o/ /rdo rje snying po la sogs kun/ /mkhas pas rtogs pa gnas pa ste/ /nges pa ni gdon mi za ba dogs pa med pa gnyis kyis so/ /mchog tu ngo mtshar gyur nas ni/ /gzhan dang
 gzhan mi mtshungs pa rtogs pa las yid dogs pa dang bcas pa'o/ /brgyal ba ni rmongs par gyur pa ste/ sa la 'gyel bar gyur pa'o/ /yang na/ a yang sems so/ /de khyad par ci zhe na/ e baM zhes pa shes rab dang thabs dbyer
 med pa/ /khu ba dang bde ba'i rang bzhin no/ /thos nas zhes pa de gang gi tshe 'dzags pa na don rtogs pa tsam gyis gnyis ka yang 'dzag pa'i don nyid kyis so/ /'di skad bdag gis thos pa zhes pa sampu Ta'i rgyud du sh+ru zhes pa 'dzag pa'o/ /  zhes don rtogs pa la bcom ldan 'das kyis gsungs pa'i phyir/ gtsug lag las rtags la sogs pa rnams kyi nges pa'i tshig rgyud thams cad kyi ma yin pa'i phyir ro/ /gang las 'dzag ce na/ gsungs pa/ rdo rje snying po las te/
 rdo rje'i lte ba las te/ sa la zhes pa chos 'byung lha mo'i pad+ma'i nang du'o/ /de'i tshe rnam par nges pa ste/ mkhas pa kun zhes pa rtog pa ste/ shes pa dang shes bya'i rtogs pa nyid kyis 'jug pa gzugs la sogs pa'i phung po lnga'o/
 'gyel ba ni lhan cig skyes par thim pa'o/ /slar yang gang gi tshe a ya rnam par shes pa ste/ lha mo'i pad+ma'i nang du rdo rje snying po las 'dzags pa rdo rje'i lte ba nyid de/ de'i tshe mkhas pa thams cad mchog tu ngo mtshar gyur nas ni/ zhes pa mchog
 dga' la ngo mtshar sngar med pa nyams su myong bas yid rang gi yul la mi gnas pa nyid rnyed par gyur to/ /'dis ni dbang po rnams yul la bde ba'i rnam pa nyams su myong bas 'jug pa ldog pa'o/ /brgyal ba ni dga' 'bral gyi dga' ba'i dus na rmongs
 par gyur pa ste/ rmongs par gyur pa ni ji ltar rnam par shes pa yod kyang byed pa cung zad kyang med pa'o/ /de bzhin du dbang po rnams kyang 'dod chags chen po'i kun tu chags pas rang gi chags pa las rnam par grol ba'o/ /de nyid kyi phyir dang po dga' pa 'gro
 ba'i gzugs/ /'gro ba zhes pa ye shes lnga dang sku gsum ste/ de'i gzugs ni de'i rang bzhin no/ /dang po ni gnyis su med pa ste/ gang gi phyir dga' ba zhes pa bde ba nyams su myong ba'i mtshan nyid do/ /de bzhin mchog dga' 'gro ba'o/ /de ci zhe na/ de bas lhag pa'i
 bde ba nyams su myong ba yod pa'o/ /dga' bral dga' ba'ang 'gro ba nyid/ de bas lhag pa'i bde ba nyams su myong ba yod pa'o dga' ba gsum po rnams la yang lhan cig skyes pa yod mod kyi 'on kyang med pa ste/ lhan cig skyes pa ni rtag pa dang mi rtag pa dang
 bde ba dang bde ba ma yin pa dang/ yod pa dang med pa la sogs pa nye bar mi dmigs pa'i ngo bo nyid kyi phyir 'gro ba'i rang bzhin nyid de/ khu ba dang bde ba dag las rgyu tha dad pa med pa nyid kyi phyir ro/ /rgyu 'di nyid kyis bcom ldan 'das te/ lha
 mo'i pad+ma'i nang du gnas pa'i phyir ro/ /de nyid kyi phyir kye'i rdo rje bden pa gnyis kyi bdag nyid de/ gang gi phyir sangs rgyas kun gyi sku gcig ba de bzhin gshegs pa thams cad dbyer med pa'i sku'o/ /de nyid kyi phyir bka' stsal pa gsungs pa ste/ snang ba mngon
 par brjod pa/ yang dag par rig pa/ ye shes lnga'i sku nyid kyis bcom ldan 'das te/ mngon par brjod pa'i bdag nyid kyi phyir ro/ /ci gsungs she na/ the tshom legs par sel ba ni/ /rdo rje snying pos rtogs bya'i phyir zhes pa rdo rje snying po la sogs pa rnams
 kyi the tshom ni gang zhig gsum po rnams la'ang lhan cig skyes pa ma yin no/ zhes pa 'di yin te/ the tshom sel ba gsungs pa'o/ /rdo rje snying pos rtogs bya'i phyir/ /khong du chud par bya ba'i phyir te/ rdo rje snying po nyid mngon par rdzogs par sangs rgyas pa na de
 bzhin gshegs pa thams cad nyid du mngon par rdzogs par 'tshang rgya bar 'gyur ro/ /de'i phyir gsungs pa/ 'dod chags med cing chags bral med/ /dbu ma dmigs par mi 'gyur ro/ /gsum po spangs pa nyid kyi phyir/ /lhan skyes rdzogs pa'i byang
 chub tu brjod/ /dga' ba gsum po rnams spangs shing kun nas dkris pa thams cad yongs su spangs pa'i phyir/ slar yang lhan cig skyes pa kun tu chags pa med pa'i mtshan nyid do/ /gsum po spangs pa 'dis ni lhan cig skyes pa rdzogs pa'i byang chub tu brjod
 de/ de ni bcom ldan 'das kye'i rdo rje stong pa nyid dang snying rje dbyer med pa'o/ /de nyid kyi phyir sangs rgyas kun gyi sku gcig pa/ thams cad khongs su chud pas gnyis su med par rtogs pa'o/ /sku ni kun tu chags pa dang bral ba ste/ rdo rje snying po mi phyed pa'i sku'i the
 tshom sel ba rtog pa yongs su spong pa rnam par mi rtog pa'i ngo bo nyid do/ /legs pa ni lha'i bdag nyid can te/ rtogs bya'i phyir yang dag par rdzogs pa'i byang chub thob pa'i ched du'o/ /bka' stsal pa ni dus gsum khyab cing ston par mdzad pa zhes pa'o//
 de nyid gsungs pa/ 'dod chags kun tu chags pa'i mtshan nyid med pa'o/ /chags bral de yongs su spangs pa med pa'o/ /'di gnyis ka yang med de/ gnyi ka rtogs pa'i phyir bu ma'o/ /de yang dmigs par mi 'gyur te/ dmigs pa med pa'i ngo bo
 nyid ky phyir ro/ /de nyid kyi phyir gsum po spangs pa'i phyi chags pa dang chags pa med pa dang/ gnyis ka'i chags pa las kyang 'das pa ste/ mo gsham gyi bu lta bu'o/ /'dis ni gsum po yang yongs su spangs pa gang yin pa de nyid lhan skyes rdzogs pa'i byang chub ces
 pa yang dag par rdzogs pa'i byang chub kyi ye shes so/ /yang na/ gang 'dod chags med pa ni 'khor ba med pa'o/ /chags bral med pa ni mya ngan las 'das pa med pa ste/ gang zhig 'khor ba med cing mya ngan las 'das pa med pa de ni dbu ma'i mthar brjod do/ /de yang
 dmigs par mi 'gyur te/ dmigs pa med pa'i ngo bo nyid kyi phyir ro/ /de nyid kyi phyir gsum po spangs par dmigs pa ste/ rgyu 'di nyid kyi phyir lhan cig skyes pa nyid yang dag par rdzogs pa'i byang chub ces brjod do yang na gang/ 'dod chags med pa ni mchog
 dga' ma yin pa'o/ /chags bral med pa ni dga' bral gyi dga' ba ma yin pa'o/ /dbu ma med pa ni dbu ma dga' ba tsam nyid de zhes pa'i gsung las de thams cad mi dmigs par gyur pa'o/ /lhan cig skyes pa yang dag par rdzogs pa'i byang chub kyi rang bzhin/ /nges par
 rtog pa na gsum po rnams kyang rtogs pa'i phyir te/ dkyil 'khor nyid spangs pa'i phyir zhes dgongs pa'o/ /de nyid kyi phyir yang na de nyid thams cad bdag /yang na kun gyis rnam par spangs/ /'gro ba'i rang bzhin nyid las thams cad kyi bdag nyid do/ /thams cad kyis
 yongs su spangs pa yang 'gro ba'i rang bzhin nyid las te/ ro mnyam par gyur pas tha dad pa rtogs pa med pa'i phyir ro/ /gzhan yang yang na zhes pa dkyil 'khor gnyis dbyer med pas gnyis so/ /thams cad kyi bdag nyid ni/ 'gro ba'i rang bzhin nyid las so/ /de nyid
 ces pa shes rab kyi rang bzhin cha dang phral ba nyid las sdud pa'i rnam pa'o/ /yang na 'gro ba thams cad kyi rnam par spangs pa ste/ rnam pa sna tshogs pa'i tshul gyis rdo rje 'chang dbyer med pas spro ba'i rang bzhin de bzhin gshegs pa de rnams la de'i bdag nyid kyis gnas pa'o/ /de
 yang/ rdo rje 'chang spangs pa ste/ de rnams las kyang tha dad pa zhes pa'o/ /dga' 'bral dang por mtshon bya ste/ de yang dga' ba gsum po spangs/ /lhan cig skyes pa de lta bu ji ltar rtogs par bya zhe na/ thabs ston pa dga' bral dang po yang dga' bral dang po'o/ /dang
 po'i sgras dga' ba'o/ /dga' bral gyis sgras dga' bral gyi dga' ba'o/ /so sor sdud pas gzung ba'i phyir dbu ma mchog dga' yang ste/ de'i tshe lhan cig skyes pa de mtshon par bya'o/ /khyad par ci zhe na dga' ba gsum po spangs pas dga' ba gsum po yongs su
 spangs pa'o/ /yang na dga' bral dang por zhes pa 'di dga' bral dang po yang yin pa'i phyir dga' bral dang po ste mchog dga' o/ /dga' bral dang po de'i tshe lhan cig skyes pa de mtshon par bya'o/ /khyad par ci zhe na/ dga' ba gsum po spangs/ dga' ba gsum las
 gzhan ma yin pa'i ji ltar spang zhe na/ yongs su spong ba ste/ lha mo pad+ma'i nang du son par gyur pa zhes pa'i don no/ /de ltar gyur pa'i lhan cig skyes pa/ dga' ba bzhi 'i rang bzhin de ci 'dra ba zhig ce na/ gsungs pa/ dang po sprin dang 'dra bar snang/ /grub na sgyu ma lta bur gyur/ blo bur
 rmi lam lta bur snang nyal dang sad pa dbyer med bzhin/ /dang po zhes pa gang gi tshe dga' ba'i rang bzhin te/ de'i tshe sprin dang 'dra bar ye shes sbas pa lta bu so sor snang bar 'gyur te/ reg par 'dod pa nyid kyis reg pa'i bde ba tsam nyid gnas kyi ye shes gzhan mi mngon
 pa'i phyir ro/ / pa sgyu ma lta bur 'gyur zhes pa bde ba nyams su myong ba'i mtshan nyid mchog dgar gyur pa'i tshe/ /sgyu ma lta bur sgyu ma dang mtshungs par 'gyur te/ ji snyed so sor snang bar 'gyur pa tham cad bden pa ma yin pa brdzun pa ma yin pa dbang po dang yul dang rnam par
 shes pa thim pa'i bde ba nyams su myong bar 'byung ba'i phyir ro/ /blo bur ni skad cig ste/ dga' bral gyi dga' bar gyur pa'i skad cig de nyid la dbang po dang yul dang rnam par shes pa rnams kyi mngon par zhen pa'i dga' ba la bde ba gcig pu tsam gyi ngo bor rtogs
 pa na rmi lam lta bur snang ste rmi lam gyi shes pa lta bur so sor snang ba 'di thams cad brdzun ba nyid dang bden pa ma yin pa nyid de/ de kho na ltar nyams su myong ba'i mtshan nyid ni grub pa'o/ /nyal dang sad pa dbyer med bzhin zhes pa lhan cig skyes pa'i ye shes la yang 'di nyid
 ni zung du 'jug pa ste/ bden pa dang mi bden pa dbyer med pa'i ye shes bden pa gnyis kyi bdag nyid can kho na thams cad mkhyen pa'i ye shes zhes pa'o/ /bskyed pa'i rim pa la yang de nyid dkyil 'khor sgom par byed cing yang dag par rtogs pa thob par 'gyur ba'i mtshan
 ma ste/ ji ltar zhe na/ de'i phyir gsungs pa/ dang po sprin dang 'dra bar snang/ grub na sgyu ma lta bur 'gyur/ /blo bur rmi lam lta bur snang/ /nyal dang sad pa dbyer med bzhin/ /de dang po dkyil 'khor sgom par byed pa na sprin dang 'dra bar ji ltar sprin nam mkha' i dkyil du gzhan dang gzhan
 'grogs pa ni dmigs pa med pa'i ngo bos 'ga' yang yod pa ma yin no/ /de bzhin du dkyil 'khor yang lha gzhan dang gzhan 'dus pa dmigs pa med pa dmigs shing so sor snang bar 'gyur ro/ /gang gi tshe yang grub pa mngon sum du gyur pa de'i tshe sgyu ma lta bur zhes
 pa/ ji ltar sgyu ma mngon sum du grub pa yang bden pa ma yin no/ /de bzhin du dkyil 'khor yang sgyu ma lta bur bden pa ma yin brdzun pa ma yin par gang gi tshe so sor snang ba de'i tshe grub par 'gyur te/ de'i tshe lha thams cad mngon du gyur pa zhes rab tu rtog par bya'o/ /blo
 bur zhes pa skad cig ste/ de'i skad cig las rmi lam lta bur ji ltar rmi lam rnam pa thams cad du bden pa yang der bden par nyams su myong ba yod pa de bzhin du rmi lam dang 'dra bar snang ba'o/ /de nyid kyi phyir nyal dang sad pa dbyer med bzhin nyal ba gnyid kyi gnas skabs dang gnyid sad pa'i
 gnas skabs la yang dbyer med bzhin du khyad par med pa lta bu ste/ ji ltar 'ga' zhig rmi lam na sad pa nyid mthong ba de bzhin du ye shes bden pa nyid du de thams cad rig ste/ rmi lam lta bur zhes bya ba ci zhes pa'o/ /yang na/ dang po sprin dang 'dra bar snang/ dang po zhes pa gnyis su med pa'i ye shes so/ /de ni sprin dang 'dra bar snang zhes
 pa'i snang ba'i mtshan nyid de dmigs pa med pa'i rang bzhin te/ de'i bdag nyid kyis ye shes dngos por snang bar 'gyur ro/ /de nyid grub na mngon sum du gyur pa na sgyu ma lta bur gyur te/ sgyu ma lta bu zhes pa mA ma kI byang chub kyi sems so/ /a bdag med ma bde ba ste mA/ khu ba dang bde ba dbyer med pa'o/ /a yang de ltar gyur pa'i ye shes te/
 de gang la yod pa de ni sgyu ma lta bur 'gyur zhing rdzogs par bya'o/ /ji ltar zhe na/ nges par grub pa na'o/ /de nyid de nyid de ltar gyur gyur pa ni blo bur zhes pa skad cig ste/ skad cig de nyid rmi lam lta bur snang/ de yang ye shes te/ ye shes kyi mngon par zhen pa med pa nyid do/ /de nyid kyi phyir/ nyal dang sad pa dbyer med bzhin gnyid sdud pa dang sad
 pa spro ba la dbyer med pa lta bu ste/ zung du 'jug pa nyid kyi phyir zhes pa'i don no/ /de nyid kyi phyir/ dbyer med mtshan nyid ma grub na/ phyag rgya'i rnal 'byor pas 'grub 'gyur/ /mtshon pa'i phyir mtshan nyid de/ de ma grub pa ni mtshan nyid ma grub pa'o/ /ji ltar zhe na/ dbyer med phyir/ dbyer med pa'i rgyu las mtshan nyid ma grub na /
 phyag rgya chen po nyid kyis gang zhig lhan cig sbyor zhing 'dus pa de ni nges par 'grub par 'gyur ro/ /yang na gang phyag rgya dang rnal 'byor yang phyag rgya rnal 'byor pa ste bdag med ma dang dbyer med pa'i rdo rje 'chang ngo/ /'grub par 'gyur zhing rdzogs par 'gyur ro/ /kun rdzob kyi don ni dbyer med mtshan nyid
 kun grub na/ rnam pa kun nas grub pa ste/ kun grub pa ste/ mtshan nyid dbyer med pa nyid kyis dbyer med mtshan nyid do/ /ji ltar sprin dang sgyu ma dang rmi lam la sogs pa'i dpe des gang gi tshe dbyer med pa'i mtshan nyid du gyur pa de'i tshe phyag rgya'i rnal 'byor par 'gyur zhing de las
 'grub par 'gyur ro/ /ci ste ston pas dkyil 'khor 'di skad gsungs zhes pa'i rgyu las ston pa 'gro ba'i don la 'jug pa'o/ /dkyil 'khor gsungs te/ gang gi phyir dkyil 'khor shes pa med pas phyag rgya'i dngos grub med do/ /dkyil 'khor de yang sprin dang 'dra ba zhes pa la sogs pa'i dpe yis dbyer med par gyur
 pa'i dngos grub thob par byed pa'o/ /dkyil 'khor de nyid gsungs pa/ /gru bzhi yang dag 'bar ba ste/ /sgo bzhi gzi brjid chen po'o/ /do shal do shal phyed pas brgyan/ /phreng ba sna tshogs rnga yab ldan/ /ka
 ba brgyad kyis nye bar mdzes/ /rdo rje srad bu mnyam ldan pa/ /me tog sna tshogs nye bar brgyan/ /bdug pa sgron ma ldan pa'i dri/ /bum pa brgyad la sogs pa ldan/ /de yang yal ga rtse mo can/ /mgrin pa gos kyis bcings pa ste/ rin
 chen lnga ni yongs su gzhug/ rnam par rgyal ba shar du sbyin/ /thams cad don go sla ba nyid do/ /rdzogs pa'i rim pa la ni gru bzhi zhes pa dga' ba bzhi'i rang bzhin nyid kyis so/ /yang dag 'bar ba zhes pa 'od gsal ba'o/ /sgo bzhi zhes pa bzhi
 po 'di nyid srid pa'i skam sar 'gro ba'i thabs so/ /gzi brjid chen po zhes pa thams cad stong pa nyid kyi phyir ro/ /do shal do shal phyed pas brgyan zhes pa ji ltar mu tig la sogs pa'i rin po che rnams srad bu gcig la rgyus bde bzhin du ye shes lnga dang
 sku gsum la sogs pa rin po che sna tshogs pa rnams gnyis su med pas so sor bcing pa'i phyir ro/ /phreng ba ni me tog gi phreng ba'o/ /sna tshogs rnga yab ni rnga ma kha dog sna tshogs pa ste/ phreng ba yang me tog sna tshogs pa rigs du ma gcig tu bsgribs par
 gyur pa ji lta ba de bzhin du rigs sna tshogs pa rnams dang/ /kha dog sna tshogs pa rnams kyang de'i nang na thim pa'i phyir/ phreng ba sna tshogs rnga yab ldan zhes pa'o/ /ka ba brgyad kyis nye bar mdzes/ /rnam par thar pa'i sgo brgyad rnam par dag pa'i phyir ka
 ba brgyad kyis nye bar mdzes pa'o/ /rdo rje srad bu mnyam ldan pa/ /rdo rje sems dang/ srad bu a ba d+hU tI'o/ /de dag mnyam pa gnyis su med pas kun tu sbyor zhing 'dus par gyur pa'o/ /me tog sna tshogs nye bar brgyan ces pa me tog ni byang chub kyi sems
 sna tshogs zhes pa 'gro ba drug tu gtogs pa'i sems can rnams so/ /de rnams kyi sa bon du gyur pa'i phyir me tog des nye bar brgyan pa ste/ de la 'gro ba drug tu gtogs pa'i sems can thams cad gang las skyes pa gyur pa'o/ /gzhan yang khyad par ci zhe na/ dri
 zhes pa ye shes te rtogs pa'i rang bzhin no/ /de khyad par ci zhe na/ bdug pa zhes pa bsreg pa'i bdag nyid kyis rang bzhin med pa'i ngo bo'o/ /sgron ma zhes pa snang ba'i rang bzhin nyid las 'od gsal ba'o/ /ldan zhes pa zung 'jug ste shes rab dang thabs dbyer med pa'o/ /bum
 pa brgyad la sogs pa ni ka la nA da ste/ sh+ya ni phra mor byed pa'i phyir buM pa cha dang bral ba bzhi pa rdo rje 'chang ngo/ /brgyad kyi sgras mkha' 'gro ma brgyad rnams te brgyad dang bum pa yang bum pa brgyad do/ de rnams nyid dang po gang gi gtso bo'i rgyu yin pa rgyu de rnams dang ldan pa ste/ ldan pa
 ni shes rab dang thabs dbyer med pa'i dkyil 'khor nyid do/ /bum pa de rnams kyang yal ga'i rtse mo can mgrin pa gos kyis bcings pa ste/ kun rdzob la don go sla ba nyid do/ /don dam pa la ye shes lnga dang sku gsum gyi bdag nyid can te/ bde ba 'dzin pa'i phyir bum pa'o
 de nyid kyi phyir yal ga'i rtse mo ste/ yal ga'i sgras yal ga dang 'dra ba'i phyir yal ga ste/ yal ga dang nye ba'i yal ga la sogs pa rnams so/ /de nyid rtse mo ste/ de gang gi gtso bor gyur pa'o/ /'dis ni spro ba'i rang bzhin nyid do/ /de nyid kyi phyir mgrin pa gos kyis bcings
 pa te/ gos ni/ gos lta bur bsgrib pa'i rgyu nyid las kun rdzob kyi bden pa'o/ /des mgrin pa'i bcings pa ni mgrin pa long spyod rdzogs pa'i 'khor lo stong pa nyid bcu drug gang yin pa de rnams mgrin pa gos kyis bcings pa'o/ /rin chen lnga ni yongs su gzhug /
 rnam par rgyal ba shar du sbyin /rnam par rgyal ba'i bum par rin po che lnga bcug ste shar gyi sgo ru bzhag par bya'o/ /yang na lnga'i sgras gzugs la sogs pa'i phung po lnga'o/ /rin chen gyi sgras sems te/ yul dang dbang po dang rnam par shes pa rnams so
 gang du yang dag pa'i ye shes la 'di rnams yongs su zhugs pa de ni rin chen lnga yongs su bcug pa'o/ /khyad par ci zhe na/ rnam par rgyal ba ste/ rnam pa'i sgras/ bi ya ta nam mkha' i khams so/ /de la skyes pa ni rnam
 skyes te/ chos 'byung las byung ba'i ye shes so/ /de thob cing rnyed pa'i phyir rnam par rgyal pa'o/ /de ji ltar zhe na/ gang gi phyir sngon du sbyin zhes pa gang las thog ma nyid nas de'i rang bzhin yongs su spangs pa zhes pa'i don no/ /dkyil 'khor gyi thig gdab pa'i
 don du thig skud gsungs pa/ gsar pa legs par bkal ba dang/ /rang gi tshad ldan mdzes pa yi/ /srad bus thig gdab shes rab can/ /rang 'dod lha yi gzugs kyis so/ /gsar pa zhes pa gzhan du las lam bcug pas so/ /legs par bkal bas zhes pa
 legs par byas pas so/ /rang gi tshad ldan zhes pa dkyil 'khor nyis 'gyur gyis ring bas so/ /mdzes pa zhes ba sra bas so/ /de ltar 'gyur ba'i srad bus dkyil 'khor gyi thig gdab par bya'o/ /shes rab can zhes pa bdag med dang ldan pa'o/ /rang
 'dod lha'i gzugs kyis zhes pa rang gi 'dod pa'i lha gang yin pa de'i rnal 'byor dang ldan pa'i phyir ro/ /yang na/ gsar pa zhes pa sngon med pa ste/ sngon med pa'i phyir phyis kyang med do/ /'dis ni thog ma dang tha ma med pa'o/ /legs par bkal ba
 zhes pa legs pa ni khu ba'o/ /de la nges par lton? pa'i rnal 'byor rtogs pas so/ /shin tu tshad ldan zhes pa lung dang khong du chud pa dag gis ston pa'i bka' drin lhan par rtogs pas so/ /mdzes pas zhes pa yid 'phrogs pa'o/ /srad
 bus zhes pa rnam par shes pa'i rgyun gyis so/ /thig gdab ces pa phan tshun so sor sbrel bar byed pa'o/ /shes rab can zhes pa rnam par shes pa gzhan dang gzhan gyis rnam par shes pa rang bzhin med par rtogs pas gnas pa'o/ /
 rang 'dod lha'i gzugs kyis zhes pa rang sems so/ /de 'dod pas btsal ba'i lha gang yin pa de'i gzugs dang/ de'i rang bzhin te/ de rnams kyi rang bzhin rtogs pa'i phyir/ gzugs la sogs pa phung po lnga po rnams kyi rang bzhin de bzhin nyid rtogs pa'i
 phyir zhes pa'i don no/ /dkyil 'khor la rdul tshon gdab pa dang thig gdab pa'i yang sngon du/ 'khor lo'i bdag po'i bzlas pa 'bum 'khor lo'i bdag po zhes pa dkyil 'khor gyi gtso bo'i bzlas pa 'bum zhes pa sngags 'bum bzlas par bya'o/ /dkyil
 'khor ba'i khri phrag kyang zhes pa dkyil 'khor du bzhugs pa'i de bzhin gshegs pa gzhan rnams kyi so sor stong phrag bcu bzlas par bya'o/ /yang na/ 'khor lo'i bdag po zhes ba rdo rje 'chang gi 'bum mtshon par byed pa'i mtshan ma A li kA li na dA'i
 bdag nyid can bzlas par bya ste/ shes rab dang thabs dbyer med pa kho na rdo rje 'chang gi mtshan nyid ces pa'o/ /dkyil 'khor ba'i zhes pa/ dkyil 'khor ni ye shes so/ /de las byung ba ni dkyil 'khor ba ste/ me long lta bu la sogs pa ye shes lnga dang sku
 gsum gyi bdag nyid ces spro ba'i tshul gyis rnam par gnas pa ste/ tha dad med pa'i phyir gcig gi tshig go /de rnams kyi mtshan nyid ni khri phrag ste/ a bdag med ma'o/ /de dang lhan cig ldan pa ni kha sbyor te/ de rnams kyi mtshan ma bdag med ma dang dbyer med
 pa kho na zhes pa'o/ /nor 'dzin spyod bya zhes mdor bstan pa'i rgyas par bshad pa ni/ gong du gsungs pa'i sngags nyid kyis/ /mkhas pas 'dzin pa spyad par bya gong du gsungs pa'i sngags nyid kyis zhes pa sngags kyi le'ur gsungs pa'i/ oM rak+Sha rak+Sha zhes pa'i
 sngags kyis 'dzin ma sbyang bar bya ste/ mkhas pa'i slob dpon no/ /yang na/ gong du gsungs pa ni sngags nyid kyis/ rak+Sha rak+Sha zhes pa ste sku gsungs thugs 'jig pa'i bdag nyid can rang bzhin med pa'i ngo bo zhes pa'o/ /'dzin ma ni chos 'byung ste /de sbyor
 ba ni dag pa'o/ de nyid mkhas pa rtogs pa'i bdag nyid can ye shes kyi sku zhes pa'i don no/ /gong gi a sogs sngags kyis ni/ de la gtor ma sbyin par bya/ oM a kA ro mu khaM sarba d+harmA NAM A dyA nutpan+na twAt oM A:hUM phaT swAhA/
 zhes bya ba'i sngags 'dis zhes pa'i don no/ /yang na/ gtor ma zhes pa de bzhin gshegs pa thams cad mnyes par byed pa'o/ /a yig dang po'i sngags ni a yig nyid dang po ste/ de sngags dang ye shes gang gi rgyu'i gtso bo yin nga ni a yig dang
 po'i sngags so/ /des na a yig gi sgras bdag med ma ste/ ye shes thams cad de'i rang bzhin kho na'o/ /de'i phyir gong sngar sbyin zhing yongs su spang bar bya ste/ 'dir thog ma nyid med do/ /de med pa'i phyir tha ma dang dbus kyang med do/ /de nyid kyi phyir thams
 cad bdag med ma dang ldan par gyur pa ste/ de bzhin gshegs pa thams cad yang dag par mnyes par 'gyur ro zhes pa'o/ /bsrung ba ji ltar gsungs pa nyid/ ji ltar bsam gtan de bzhin 'dir zhes pa 'bad pas hUM las rdo rje can/ byas te zhes gang zhig
 mdor bstan pa de'i rgyas par bshad pa ste/ re phas nyi ma sngon du rnam bsgom zhing/ /nyi der hUM byung sna tshogs rdo rje ste/ /rdo rje de nyid kyi ra ba dang/ gur bcing ba yang rnam par bsgom par bya zhes pa ste/ bsam gtan la ji lta ba de bzhin du
 'dir dkyil 'khor gyi bya ba la yang zhes pa'i don to/ /re phas nyi ma zhes pa la sogs pa'i tshigs su bcad pa la nang gi don ni lha'i le'u nyid du bshad zin pa'i phyir 'dir ma brjod do/ /dkyil 'khor der dbang bskur ba sbyin par bya'o zhes gsungs pa/
 gang zhig dbang ni rab gsal ba/ rang gi dkyil 'khor cho gas sbyin/ /gang zhig chu la sogs pa'i dbang bskur ba gsungs pa de dang de rnams chog bzhin du cho ga'i rim pas sbyin par bya'o/ /rang gi dkyil 'khor zhes pa lhag par mos pa'i khyad par gyi
 dkyil 'khor byas te zhes pa'i don no/ /yang na/ gang zhig dbang ni dbang bskur ba ste/ sgrib pa dang bral bar byed pa'o/ /khyad par ci zhe na/ rab gsal ba 'od gsal ba'i rang bzhin no/ /gang du zhe na/ rang gi dkyil 'khor rang rig pa'i ye shes su de
 rnams cho ga bzhin sbyin par bya ste/ rang rig pa'i ye shes gang la cho ga sgrub pa'i bya ba de yod pa'i ye shes de ni cho ga dang ldan pa'o/ /'dis ni lha'i rnam par dag pa ste de rab tu gsal ba'i mtshan nyid kyis rang bzhin rnam par dag pa'o/ /cho ga bzhin
 zhes pa 'dis lha'i rnam par dag pa ste/ gnyis ka yongs su dag pa'i dbang bskur ba sbyin zhing spang bar bya ste/ rnam pa gnyis ka'i kun tu chags pa yang yongs su spangs pa'o zhes pa'i don no/ /mchod dang gsol ba gdab pa nyid/ ji ltar bshad pa de bzhin
 'di zhes pa ji ltar dbang bskur ba'i le'ur kun rdzob dang don dam pa dbyer med pa'i mchod pa dang/ gsol ba gdab pa gsungs pa de bzhin du 'dir yang ste/ bsam gtan gyis mngon sum du rang gi snying khar rang gi sa bon las 'thon pa'i 'od zer nag po
 lcags kyu'i rnam pas khams gsum na bzhugs pa'i sangs rgyas thams cad spyan drangs nas ma mo brgyad kyis yang dag par mchod nas gsol ba gdab par bya'o/ /a b+hi Shiny+tsan+tu mAM sarba ta thA ga tA(rgyud 'grel pa'i don kho na'o/ /de'i rjes la rim gnyis bzang po rnams bris nas/ /myur du dkar mo la sogs bri/ mchod pa dang gsol ba gdab par byas pa'i rjes la rim pa gnyis pa'i dkyil 'khor bri bar bya'o/ /de yang bzang po ste/ bzang po'i rgyu nyid las so/ /de rnams brim
 nas myur du dkar mo la sogs pa rnams kyi mtshan ma myur ba kho nar bri bar bya'o zhes pa gdams ngag go /shar du gri gug bri bar bya/ /de bzhin lho dang nub tu ste/ /byang dang me yi mtshams dang ni/ /bden bral rlung du de bzhin no/ /dbang ldan du yang
 ci gsungs pa/ /de lta de ltar 'og dang steng/ /'dis ci gsungs na nang gi rim pa'i dbus su rdo rje thod pa dang/ 'dab ma bzhi la gri gug go /phyi'i rim pa la yang 'dab ma brgyad po rnams la gri gug brgyad de
 'og dang steng du yang bri bar bya ba zhes pa'i don no/ /yang na/ rim gnyis zhes pa kha sbyor te/ rdo rje 'chang dang dbyer med pa'i bdag med pa'i bdag med ma nyid dang bdag med ma dang dbyer med pa'i rdo rje 'chang nyid do/ /de khyad par ci zhe na/ bden pa gnyis kyi bdag nyid kyi phyir
 bzang po'o/ /rnam par bris nas nges par brtan por byas te/ myur du skad cig la dkar mo la sogs pa rnams kyi mtshan ma bri zhing brtan par bya'o/ /de ci zhe na/ gsungs pa/ shar dang/ lho dang/ nub dang/ byang dang/ me dang/ bden bral dang/ rlung dang /
 dbang ldan kyi mtshams dang/ 'og dang/ steng dang phyogs bcu rnams su gri gug ste/ 'dis ni phyogs bcu'i 'khrul pa yang gnyis su med pa rtogs pas zos par gyur to zhes pa'o/ /nang gi rim par gnas pa'i mkha' 'gro ma bzhi bdag med ma dang lnga ste/ de yang drug pa
 rdo rje 'chang/ /me long lta bu la sogs pa ye shes lnga'i rang bzhin gzugs la sogs pa phung po lnga'i bdag nyid can kho na'o/ /rdo rje sems dpa' i snyems byas na/ /rkang pa g.yas pa brkyang byas te/ /phyag gnyis kye'i rdo rje skyor bas/ /slob dpon dkyil
 'khor 'jug pa bya/ zhes pa slob dpon ston pa gang gis rdo rje sems dpa' i snyems pa dpa' ba dang khengs pa byas pa de ni dkyil 'khor gyi slob dpon te/ rkang pa g.yas pa brkyang pa byas te 'jug par bya'o/ /rkang pa g.yas pa brkyang zhes pa 'di'i don ni gtsug lag
 nyid las so/ /ji ltar rdo rje sems dpa' i snyems pa bya zhe na/ gsungs pa/ phyag gnyis kye'i rdo rje sbyor bas kye'i rdo rje phyag gnyis pa'i sbyor ba las te/ dkyil 'khor gyi skabs yin pa'i phyir dkyil 'khor nyid du 'jug par bya'o/ zhes shes par bya'o/ /yang ma
 rdo rje ni mi phyed pa'o/ /sems dpa' ni srid pa gsum gcig pa nyid de/ rdo rje sems dpa' i sgras shes rab dang thabs dbyer med pa gnyis su med pa'i ye shes te/ gang gis de yongs su thob par byas pa'i dpa' ba dang khengs pa de ni snyems pa'o/ /
 'dis ni dpa' ba' i stobs kyis gzhan gyi don no/ /khengs pas rang gi don te/ rdo rje sems dpa' i ngo bos yongs su khyab pa rang dang gzhan gyi don phun sum tshogs pa'o/ /dkyil 'khor gyi slob dpon rdo rje 'chang 'jug par bya'o/ /gang du zhe na/ g.yas brkyang rkang
 stabs dag pa ste/ gang zhig rdo rje 'chang dang dbyer med pa'i bdag med ma dag gis g.yas brkyang gi zhabs zos par gyur pa/ g.yas brkyang gi zhabs de dag la ste/ bdag med ma dang rdo rje 'chang gi bdag nyid can gnyis ka'i ye shes sdud par gyur pa la
 zhes pas so/ /'di nyid ji ltar zhe na/ gsungs pa/ phyag gnyis kyi rdo rje sbyor bas/ kun rdzob dang don dam pa'o/ /phyag ni longs spyod pa ste/ kye'i rdo rje gnyis su med pa'i ye shes gang la de yod pa ni phyag gnyis kye'i rdo rje'o/ /de'i sbyor ba ni de'i rang bzhin te/
 de nyid kyi phyir yongs su khyab par byas pa ma ning ngo zhes pa'i don no/ /khrus dang gtsang sbra dri zhim lus/ /sna tshogs rgyan gyis brgyan pa ste/ hUM hUM yi ge snyems byed dang/ /hI:hI(rgyud 'grel de bzhin te/ hI:hI(rgyud 'grel par dag /gnyis pa 'dis mdzes par rtogs pa'o/ /lus ni aM mkha' spyod ma'o/ /der 'gro ba'i phyir aM ga ste/ 'di ni dri zhim dang lus kyang yin pa'i phyir dri zhim lus/ bdag med ma'i dkyil 'khor rnam par dag par mdzes pa'i ye shes kho na'o//
 aM yig gis mkha' 'gro ma bco lnga po rnams kyi bsdus pa'i phyir bdag med ma'i dkyil 'khor kho na mtshon pa'o/ /sna tshogs ni gzugs sna tshogs pa pa'i spro ba'i bdag nyid kyi phyir ro/ /rgyan ni kun nas tshogs shing sdoms pa
 ste/ sdud pa'i bdag nyid kyi phyir ro/ /spro ba dang sdud pa'i bdag nyid kyi phyir sna tshogs pa'i rgyan te/ de'i ngo bos brgyan cing mdzes par gyur pa'o/ /hUM zhes pa rdo rje gsum dbyer med pa'i ye shes so/ /hUM yig ni de nyid shes rab dang thabs kyi bdag nyid can te/
 yi ge las byung gong bu ni/ /hUM lte phaT yig 'dod min nyid ces pa'i gsung las so/ /'dis yongs su khyab par byas pa gang gis gnyis ka snyoms par 'jug pa de ni/ hUM hUM snyems par byed pa ste/ 'dis ye shes lnga dang sku gsum gyi rang bzhin shes rab
 dang thabs kyi bdag nyid can rdo rje 'chang zhes pa'i don to/ /hI(rgyud 'grel ma ni rang bzhin med pa nyid kyis nyan thos la sogs pa thams cad 'jigs par byed pa'i phyir ro/ /'dis ni hUM hUM snyems par byed pa dang/ zhes pa 'dis ye shes lnga dang sku gsum gyi bdag nyid can bdag med ma dang dbyer med pa'i rdo rje 'chang ngo/ /hI:
 hI(rgyud 'grel rang bzhin can/ /phyi nas bar ma chad par de kho na bshad par bya'o/ /khyad par ci zhe na/ rnam dag ste/ rim pa gnyis rnam par dag par gyur pa de kho na'i rang bzhin can no/ /de nyid kyi phyir/ 'khor ba rnam par byang ba dag /khyad par cung zad kyang yod
 min/ /gnyi ga rnam par dag pa'i phyir 'khor ba dang mya ngan las 'das pa ni khyad cung zad kyang cha phra mo tsam yang yod pa ma yin pa kho na'o/ /yang na/ phyi nas zhes pa de ma thag bar ma chad pa kho na ste/ de nyid ces pa yang dag pa'i ye shes so/ /khyad par
 ci zhe na/ yang dag bshad pa gang zhig mngon par brjod pa de ni yang dag bshad pa'o/ /shin tu rnam dag ces pa kun rdzob dang don dam pa dbyer med pa phul du byung bas yang dag pa dri ma dang bral ba ste/ ye shes rang bzhin can rtogs pa gcig
 bu'i rang bzhin no/ /de nyid kyi phyir 'khor ba rnam par byang ba dag /khyad par cung zad kyang byed min zhes pa don gsal ba kho na'o/ /'di ltar ji ltar zhe na/ gsungs pa/ mchog dgar bsgom bya med cing sgom pa po yang med/ lus kyang med de gzung
 ba med cing 'dzin pa med/ /sha dang khrag med bshad pa dang ni gci ba med/ skyag bro med cing rmongs med gtsang sbra ngag byed med/ /chags med sdang med gti mug med cing phrag dog med/ /ser sna med cing nga rgyal yang med mthong bya med/ /'byung
 dang 'byung ba po med bshes dang dgra med de/ /rlabs dang bral ba'i lhan cig skyes pa sna tshogs brjod/ /mchog dgar zhes pa mchog ni rdo rje 'chang ngo/ /dga' ba ni bdag med ma'o/ /mchog dang dga' ba yang mchog dga' ste/ rdo rje 'chang dang
 dbyer med pa'i bdag med ma'i ye shes so/ /de la de'i tshe ci zhe na/ bsgom bya med bsgom par bya ba med pa ste/ lhag par bsgrub par bya ba med pa'o /gang gi phyir sgom pa po med/ lhag par sgrub pa po'ang med do/ /ji ltar zhe na/ lus kyang med de gang gi phyir lus med pa ni
 snang ba'i mtshan nyid kyi lus rang bzhin med pa'i phyir ro/ /gzung ba med pa ni lus bkag pa nyid kyi phyir gzung ba 'dzin pa'i mtshan nyid med do/ /de med pa'i phyir 'dzin pa yang med do/ /de nyid kyi phyir lus bkag pa nyid las/ /sha dang khrag med
 bshad pa dang ni gci ba med/ 'dis de bzhin gshegs pa bzhi yang 'od dpag med kho na'i nang du gtogs so zhes rab tu bstan to/ /mchog dgar zhes pa'i gsung las dga' ba yang 'od dpag med dang dbyer med pa kho na'o/ /
 sgyug bro med de de nyid kyi phyir smad pa med pa ste/ de ltar yang bcom ldan 'das kyis gsungs pa/ rtag tu smad pa'i blo gros ni/ 'dir ni bdag la skrag pa ste/ zhes pa'o/ /de nyid kyi phyir rmongs pa med/ rmongs pa ma rig pa 'khrul pa med do/ /de nyid
 kyi phyir gtsang sbra dag byed med/ /gtsang sbra ni shin tu rnam par dag pa'o/ /dag byed ni me lta bur mi shes pa ma lus pa sreg par byed pa'i phyir/ /chags med 'dod chags 'od dpag tu med pa gsung rdo rje'o/ /sdang med zhe sdang mi bskyod
 pa thugs rdo rje'o/ /gti mug med gti mug rnam par snang mdzad sku rdo rje ste/ de yang med do/ /phrag dog med phrag dog don yod grub pa/ shes rab dang thabs dbyer med pas rnam par snang mdzad la rab tu zhugs pa'i phyir te/ de yang med do/ /ser
 sna med de bzhin du rin chen dbang po 'od dpag med la rab tu zhugs pa'i phyir ro/ /nga rgyal med rdo rje sems dpa' yang med de de bzhin mi bskyod pa la dbyer med pa'i phyir ro/ /'dis ni shes rab dang thabs dbyer med pa rdo rje gsum gyi ngo bo nyid kyis
 sku gsum dang ye shes lnga'i bdag nyid kyi phyir rdo rje 'chang gi mthong bya med de thams cad snang ba med par rtogs pa'i phyir ro/ /'byung ba med ces pa skye ba'i bya ba bkag pa'o/ /'byung ba po yang med do/ /skye ba 'gyur ba ni 'byung po'o/ /de yang
 med de/ chos thams cad gdod ma nas ma skyes pa'i phyir/ skye ba dang skye ba po gnyis ka yang bkag pa'o/ /yang na/ 'byung dang 'byung ba po med 'byung ba yul dang dbang po dang/ 'byung ba po sems so/ /de gsum ka yang med de rdo rje gsum dbyer med
 pa'i phyir ro/ /de nyid kyi phyir bshes dang dgra med/ bshes zhes pa sems te de med do/ /dgra zhes pa dgra lta bu ste/ gang zhig yul dang dbang po de rnams yin la de yang med de/ rdo rje gsum dbyer med pa nyid kyi phyir ro/ /yang na bshes ni dga' ba'o/ /
 dgra ni mi dga' ba'o/ /gnyis ka yang med de mdzes pa dang mi mdzes pa med ces pa'i don no/ /gang zhig gsungs pa/ ji lta chu ni chu la rab zhugs pa/ /de bzhin du ni ro mnyam gyur pa ste/ /skyon dang yon tan sems kyi rnam pa ste/ /mi mthun phyogs
 ni gang yang yod ma yin/ zhes so/ /'di dag thams cad ji ltar zhe na/ gsungs pa/ rlabs dang bral ba'i lhan cig skyes pa sna tshogs brjod/ /gang gi phyir rlabs dang 'dra ba ni brlabs te/ rnam par rtog pa rnams so/ /lhan cig skyes par
 brjod pa lhan cig skyes pa'i ming can gang la de rnams dang bral ba de ni rlabs dang bral ba'i lhan cig skyes par brjod de/ lhan cig skyes pa de ni kun tu rtog pa thams cad la 'das pa'o/ /de nyid kyi phyir sna tshogs te/ gzugs sna tshogs pa'o//
 thams cad de'i bdag nyid kyis de'i nang du gtogs par gyur pa'i phyir ro zhes dgongs pa'o/ /rdo rje snying pos 'di skad gsol/ /gzod nas rang bzhin med pa yi/ /lus kyi rang bzhin ngag pa ni/ /ci slad 'byung ba'i bdag nyid lags/ /
 rdo rje snying po zhes dgye'i rdo rjer brjod de/ mi phyed pa'i sku'i phyir ro/ /gsol pa zhes pa rdo rje 'chang la zhus pa ste/ ji ltar zhe na/ rgyu gang gi phyir mchog dga' la bsgom bya dang sgom pa po la sogs pa rnams bkag pa de'i phyir/ the
 tshom skyes pa na zhus pa gal te lus ni lhan cig skyes pa'i sku ste/ rang bzhin ni yang dag pa ji lta ba'i rang bzhin gyis dag pa gnyug ma yongs su dag pa'o/ /de nyid kyi phyir gzod ma thog ma nyid nas/ /rang bzhin med pa yin na/
 ci slad 'byung ba'i bdag nyid lags/ /ji ltar yang dag pa ma yin pa 'byung ba chen po lnga'i rang bzhin ni lags zhes pa'o/ /de la bcom ldan 'das rdo rje can/ /mkha' 'gro bde ba sbyin pas
 gsungs/ /rlabs dang bral ba'i rang bzhin mchog /thams cad lus la rnam par gnas/ /de la zhes pa rdo rje snying po'i rnam par rtog pa de la bcom ldan 'das rdo rje 'chang gis gsungs pa'o/ /khyad par ci zhe na mkha' 'gro ma
 bdag med ma la sogs pa rnams la bde ba ye shes ster ba'i phyir bde ba sbyin pa'o/ /rlabs dang bral ba'i rang bzhin bdag ces pa gang gi bdag nyid rnam par rtog pa med pa'i rang bzhin gyi skur gyur pa de ni brlabs dang bral ba'i rang
 bzhin bdag go /nyid kyi phyir thams cad lus la rnam par gnas/ /brtan pa dang g.yo ba la sogs pa dngos po mdza' dag la rnam par gnas te/ khyad pa 'phags pa'i tshul gyis a bdag med pa dang/ ba rdo rje 'chang kho na'o/ /rim
 pa 'dis gnas pa ni g.yo ba med pa'o/ /ci zhe na gsungs pa 'byung ba'i bdag nyid can kho na lus yin no zhes pa'o/ /de'i phyir gsungs pa/ po la kak+ko la sbyor bas/ /sa ni de la skye bar 'gyur/ /de la zhes pa lhan cig skyes pa la sa'i khams
 skye bar 'gyur ro/ /bo la rdo rje'o/ /kak+kol pad+ma ste/ rdo rje dang pad+ma mnyam par sbyor bas zhes dgongs pa'o/ /slar yang/ dang po reg par 'dod pa ste/ zhes pa'i gsung las reg pas sra ba'i chos can te/ sa dang sra pa'i rang bzhin rtogs pa
 las pa'i khams so/ /de la lhan cig skyes pa dga' ba'i rang bzhin gyis skye bar 'gyur ro/ /byang sems zhu pa'i rnam pa las/ /chu yi khams kyang yang dag 'byung/ /lhan cig skyes pa de la byang chub kyi sems skye bar 'gyur te/ khu ba 'byung
 bar 'gyur ro/ /de yang zhu ba'i rang bzhin gyi phyir bru'i khams 'byung zhing skye bar 'gyur ro/ /bskyod pa las ni mi skye 'gyur/ /rdo rje dang pad+ma bskyod pas me'i khams skye bar 'gyur ro/ /'gro ba rlung du rab tu grags/ g.yo ba'i rang bzhin nyid las rlung gi khams
 su brjod do/ /bde bar gyur pa nam mkha' i khams/ /bde bar gyur pa'i ngo bo nyid las nam mkha' i khams so/ /'di ni lnga po rnams kyi zhes pa sa la sogs pa 'byung ba chen po lnga po rnams kyis yongs su bskor/ /thams cad du khyad pa de ni lhan cig pa'o/ /'dis
 ni bskyed pa'i mtshan nyid kyi phyir lus lhan cig skyes pa'i ye shes 'byung ba chen po'i bdag nyid can no/ /de'i phyir mar la mar bzhag pa lta bur 'dod chags dang bral ba rnam par 'dres par gyur pa bdag med ma dang byang chub kyi sems shes rab dang thabs dbyer
 med pa/ bden pa gnyis kyi bdag nyid can ye shes lnga dang sku gsum gyi rang bzhin rnam pa thams cad mkhyen pa nyid mngon par rdzogs par byang chub pa'i rgyur gyur pa ste/ bcom ldan 'das kyis rdo rje snying po'i the tshom bsal ba'o/ /yang na /mchog dga' rdo
 rje snying po bdag med ma'i ye shes bsgom par bya ba dang sgom pa la sogs pa rnams mi dmigs pa'i phyir zhes pa'i rgyu las/ kye'i rdo rjer brjod pa bdag med ma dang dbyer med pa rdo rje 'chang ste/ kaM ye shes so/ /gsol ba yang dag pa'i bdag nyid yang dag pa'i
 de kho na phyin ci ma log pa ste/ gang gi bdag nyid dang rang bzhin de ni yang dag pa'i bdag nyid can gyi ye shes so/ /ci'i slad du rang bzhin dang rang gi ngo bo yang dag pa ji lta ba'i lus ngag pa ste/ lus zhes pa sku gsum yin zhing ma ning du bstan pa'o/ /gang gi phyir
 gzod ma dang po nyid nas rang bzhin med pa ste/ a bdag med ma dang/ sra rdo rje 'chang ste gnyis ka'i dngos po ni gnyis ka'i bdag nyid can no/ /de ltar gyur pa'i kaM ye shes bde ba ste/ de la zhes pa de ltar rnam par gnas pa na bcom ldan 'das kyis bka' stsal pa/ a
 yig dang ha yig gi rang bzhin dbang phyug la sogs pAM yon tan ma lus pa dang ldan pa rdo rje can mi phyed pa'i ye shes kyi sku'o/ /de nyid kyi phyir mkha' 'gro ma bdag med ma la sogs pa rnams kyi bde ba ye shes ster ba'i phyir sbyin pa'o/
 de nyid kyi phyir de rnams kyi yang ye shes ni de'i rang bzhin nyid kyis de'i nang du thim pa'o/ /zhes pa'i don no/ /de nyid kyi phyir rlabs dang bral ba'i rang bzhin bdag rtogs pa dang rnam par rtog pa thams cad spangs pa'o/ /thams cad lus la brtan pa dang g.yo ba
 la sogs pa'i lus la rnam par gnas pa khyab pa nyid kyis g.yo ba med pa'o/ /de ltar gyur pa'i rdo rje 'chang de nyid las skye bar 'gyur te/ de nyid bdag med ma'i rang bzhin yang dag par thob pa'o/ /ji ltar zhe na/ rdo rje dang pad+ma mnyam par sbyor
 ba las gnyis ka dbyer med pas zhes pa'i don to/ 'dis skyed pa'i rim pa gsungs so/ /de nyid byang chub kyi sems stong pa nyid dang snying rje dbyer med pa ste/ byang chub kyi sems kyi rang bzhin zhu ba'i rang bzhin las zhu ba'i rnam pa'o/ /rdo rje 'chang
 gang gi chu'i khams ni yang dag 'byung zhes pa/ yang dag par 'byung ba ste/ shin tu rnam par dag pa chos kyi dbyings kyi rang bzhin rdzogs pa'i rim par gsungs so/ /bskyod pa las ni mi skye 'gyur zhes pa shes rab dang thabs dag las rtag  
 tu med/ /gnyis ka'i rang bzhin med pa nyid skye zhing rdzogs par 'gyur ro/ /de las kyang 'gro ba ste/ rtogs pa rlung ye shes su rab tu grags te/ phul du byung bar mngon par gsal lo/ /bde ba ni gyur pa zhes pa bde ba ni ye shes so/ /de dngos po
 ni bde bar gyur pa ste/ nam mkha' i khams 'od gsal ba chos kyi dbyings kyi rang bzhin zhes pa'i don no/ /de nyid kyi phyir lnga po rnams kyis zhes pa me long lta bu la sogs pa ye shes lnga po rnams kyis yongs su thams cad nas bskor zhing khyab par
 gyur pa'o/ /bde bar gyur pa nam mkha' i khams zhes pa bde bar gyur pa ni nam mkha' i khams rang bzhin nyid kyi phyir/ de yang/ de kho na ma yin no zhes gsungs pa/ gang phyir 'byung ba che bde ba/ de phyir bde ba de nyid min/ /'byung ba chen po'i rang bzhin nyid
 las bde bar gyur pa'i bde ba yang dag par rig pa yang de kho na ma yin no/ /'o na/ de ji ltar lhan cig skyes pa yin zhe na/ gsungs pa/ lhan cig dag las gang skyes pa/ /lhan cig skyes par de brjod bya/ /lhan skyes dag las zhes pa khu ba dang bde ba dag las
 gang skyes pa'i rang bzhin yang dag pa de kho na bden par blta ste/ yang dag pa'i ye shes zhes brjod do/ /de nyid mngon par gsal bar byed pa/ rang bzhin lhan cig skyes zhes brjod/ /rnam pa thams cad gcig sdom pa/ /rang gi ngo bo ni rang bzhin te/ bdag
 nyid rig pa lhan cig skyes pa zhes brjod do/ /de yang/ rnam pa thams cad gcig sdom pa gnyis su med pa'i ngo bos yang dag par bsdus pa'i phyir ro/ /yang na/ swa sems dang dngos po yul dang dbang po ste/ gsum po 'di ni rang bzhin ma ni lhan cig skyes pa zhes brjod
 do/ /thams cad ni rdo rje 'chang ngo/ /a bdag med ma ste/ sarba zhes pa'o/ /gnyis ka'i rnam pa bya ba ste/ rnam pa thams cad do/ /de yang gcig gnyis su med pa ste/ rnam pa thams cad gcig pa'o/ /de ltar gyur pa'i sa ye shes te rnam pa thams cad gcig pa'i ye shes
 so/ /'di nyid ni wa ra zhes pa mchog go /rdo rje 'chang dang bdag med ma dag gnyis ka yang gnyis su med pa'i bya ba ste/ 'di lta bur gyur pa'i ye shes de ni mchog go /'di nyid ni lhan cig skyes pa yang dag pa'i ye shes so/ /gang yang gang zhig bde ba nyams su myong ba'i ye shes
 yang dag par 'dod pa de yang nyan thos mu stegs pa rnams zhes bya ba'o/ /de'i phyir phyag rgya rgyu dang bral ba las/ /yo ga'i snying rje thabs su 'gyur/ /rnal 'byor pa zhes pa shes rab dang thabs dbyer med pa bden pa gnyis kyi bdag nyid do/ /ji lta bu zhe na/ snying rje thabs su
 'gyur/ gang zhig snying rje nyid thabs te/ gzhan gyi don gyi spyod pa la 'jug pa de ni snying rje thabs so/ /phyag rgya zhes pa shes rab ste/ rgyu dang bral zhes pa mtshan ma med pa'i spyod pas rnam par gnas pa'i phyir zhes dgongs pa'o/ /'dis ni shes rab dang
 thabs kyi bdag nyid can rnal 'byor par 'gyur ro zhes pa ste/ bskyed pa'i rim pa mtshon pa'o/ /yang na/ yo ga'i snying rje thabs su 'gyur zhes pa brtse ba ni snying rje ste/ sdug bsngal dang sdug bsngal gyi rgyu las yang dag par 'don pa nyid do/ /de nyid ni thabs te gang gi rgyu yin pa de yo
 ga'i snying rje thabs so/ /phyag rgyur 'gyur te/ phyag rgya chen po'i dngos grub tu 'gyur ro/ /ji ltar zhe na/ rgyu dang bral ba las mtshan ma med pa'i spyod pas rnam par gnas pa'i phyir ro/ 'dis ci gsungs na kye'i rdo rje'i rnal 'byor pa de ltar gyur pa de ni sems can thams cad grol par byed pa yin gyi sems can gyi ming
 can ni ma yin te/ 'di ltar na thabs la mkhas pa nyid do zhes pa'o/ kye'i rdo rje'i rnal 'byor pa de ltar mchog tu thabs la mkhas pa de yang gzhan ma yin pa'i phyir rdzogs pa'i phyir rdzogs pa'i rim pas sdud pa gsungs pa/ stong nyid snying rje dbyer med pa byang chub sems zhes dran pa'o/ /stong pa nyid ni de bzhin
 nyid do/ /snying rje ni sems so/ /stong pa nyid dang snying rje gnyis dbyer med pa ste/ stong pa nyid gang yin pa de ni snying rje'o/ /snying rje gang yin pa de stong pa nyid de/ bcom ldan 'das kyis gang gsungs pa/ sems kho na de bzhin nyid do/ /de bzhin nyid kho na sems so/ /'di dag ni gnyis su med de gnyis su byar med tha dad med cing ma bcad
 pa'o/ /zhes so/ /de nyid byang chub kyi sems rnam par mi rtog pa'i ye shes zhes dran te/ dran pa ma nyams pa'i rnal 'byor gyis gnas pa bla ma dam pa'i zhabs las thob pa zhes pa'i don te/ lhan cig skyes pa ni de lta bu'i rang bzhin gyi phyir ro/ /sngags kyi bzlas med dka' thub med cing sbyin sreg
 med/ /dkyil 'khor can yang med cing dkyil 'khor yang med de/ de ni sngags bzlas de dka' thub dang de sbyin sreg /de ni dkyil 'khor can dang de ni dkyil 'khor nyid/ /mdor bsdus pa ni sems su 'dus pa'i gzugs can no/ /kho na shes pa rnams kyi sngags bzlas par mi bya'o/ /dka' thub mi bya'o
 sbyin sreg mi bya'o/ /dkyil 'khor can lha'i rnam pa'i gzugs bsgom par mi bya'o/ /dkyil 'khor yang med/ lhag ma lus pa yang bsgom par mi bya'o/ /ji ltar zhe na gang gi phyir de nyid de'i sngags bzlas pa ste/ de nyid dka' thub bo/ /de nyid sbyin sreg go /de nyid dkyil 'khor can lha'i
 gzugs so/ /de nyid dkyil 'khor te/ mdor bsdus pa ni bsdus pa dang bsdom pa dang/ dbyer med pa'i phyir sems su 'dus pa'i gzugs can 'dus pa ni tshogs pa'o/ sems de nyid 'dus pa yang ste/ sems su 'dus pa'i gzugs de nyid 'di la yod pa'i phyir sems su 'dus pa'i gzugs can kye'i
 rdo rje ste/ chos thams cad sems kyi rang bzhin yin pa'i phyir ro/ /de ltar yang 'phags pa klu sgrub zhabs kyis/ /lha yi dmigs pa tha dad ni/ /mos pa sna tshogs rgyu nyid de/ sems kyi rdo rje rnam grol na/ /lha gzhan med par mngon par brjod/ /ces pa'i gsung las so/ /yang na gang sems su 'dul ba'i
 gzugs can sems kho na ste/ 'di la 'dus pa'i rang bzhin yod pa'i phyir ro/ /yang na/ sngags kyi bzlas med ces pa 'dis gsung rdo rje dbyer ba med pa'o/ /dka' thub med ces pa 'dis sku rdo rje'i bya ba dbye ba med pa'o/ /sbyin sreg med ces pa 'dis thugs rdo rje dbye ba med pa'o/ /dkyil 'khor
 can med ces pa 'dis thabs dbyer med pa'o/ /dkyil 'khor med ces pa 'dis shes rab dbyer med pa'o/ /ji ltar zhe na/ mdor bsdus pa ni mnyam pa dbyer med pa nyid de/ de la zhugs shing bsdus pa'i phyir mdor bsdus pa ste/ gang gi phyir sems ni 'dus pa'i gzugs can zhes
 pa sems ni 'dus pa sems thim pa ste/ de'i nang du sems kyang thim pa'i phyir ro/ /rdo rje 'chang 'di yi rang bzhin de lta bu yin pa'i phyir sems ni 'dus pa'i gzugs can te/ gang zhig sems ni 'dus pa'i gzugs can de ni sems las 'das pa rang byung ba'o/ /de nyid shes rab dang thabs kyi rang bzhin te/ dkyil 'khor
 dang dkyil 'khor can nyid kyis de nyid gnyis ka snyoms par 'jug pa'o/ /bzlas pa dang/ dka' thub dang/ sbyin sreg gi rang bzhin nyid kyis rdo rje gsum gyi rang bzhin no/ /thams cad bsdus pa'i bdag nyid kyis ye shes lnga dang sku gsum dang shes rab dang thabs kyi bdag
 nyid rdo rje 'chang rang byung ba kho na zhes ba'o/ /mngon par dbang bskur ba'i le'u ste bcu pa'o// //mngon par dbang bskur ba ni thams cad nas dri ma med par byed pa ste/ gnyis ka rnam par de dag pa ni mngon par dbang bskur
 ba'o/ /de yang phaT sbas pa ste/ de len pa'i phyir mngon par dbang bskur ba'i le'u'o/ /bcu pa zhes pa bcu rnams kyi rdzogs pa ni bcu pa ste/ mkha' 'gro ma brgyad dang bdag med ma dang rdo rje 'chang zhes pa'o/ /yang nang gang dkyil 'khor du mngon
 par dbang bskur ba'i le'u ste bcu pa'o// //dkyil 'khor dang mngon par dbang bskur ba ni/ dkyil 'khor du mngon par dbang bskur ba ste/ bcu pa'o/ zhes pa kye'i rdo rje'i 'grel bshad kha sbyor shin tu dri ma med pa las
 le'u bcu pa'o// //da ni dbang bskur ba las de kho na shes pa las sems can gzhug pa'i ched du lta stangs bzhi mngon du gyur pa'i phyir le'u dang por mdor bstan pa'i lta stangs dgug pa la sogs pa'i
 nus pa rgyas par bshad pa gsungs pa/ mnyam pa drag po dpal ba can/ /rtag tu ltung bar byed par brjod/ /mnyam pa zhes pa yon po ma yin pa'o/ /drag po zhes pa drag po'i las byed pa'o/ /dpral ba can zhes pa dpral bar gnas
 pa'i sgo yis so/ /ltung bar byed ces pa ltung ba'i bya ba'i sgo yis gsad pa'i lta stangs gsungs pa'o/ /rtag tu zhes pa rtag par rgyun tu goms pa yis zhes pa ste/ thams cad la sbyar bar bya'o/ /dbang gi lta stangs g.yon na gnas/ /g.yon
 pa nas ni gzugs brnyan gnyis/ /dbang ni dbang du sdud pa ste/ /dbang du byed pa'i sgo yis g.yon na gnas/ /g.yon du gnas pas gzugs brnyan gnyis te/ de'i lta stangs ni g.yon pa nas g.yon logs nyid du bskor bar bya'o/ /g.yas
 ba'i cha la dgug pa ste/ /gnyis kyang steng du sbyar bar bya dgug pa zhes pa dgug pa byed pa ste g.yas pa'i cha la zhes pa'i logs su gnyis kyang zhes pa gzugs brnyan gnyis te/ steng du sbyar zhing bzhag par bya'o/ /dbu ma rengs pa'i lta stangs
 te/ gnyis kyang sna rtse'i dbus su'o/ /dbu ma zhes pa dbus su gnas pa ste/ steng ma yin 'og ma yin/ g.yon pa dang g.yas par gnas pa ma yin pa'o/ /de ltar gyur pa'i lta stangs ni rengs par byed pa ste/ gnyis zhes pa gzugs brnyan
 gnyis so/ /sna rtse'i dbus zhes pa sna'i rtse mo'i dbus su'o/ /ltung ba la sogs pa'i bya ba la rlung gi rab tu dbye ba gsungs pa/ 'byung ba nyid kyis ltung bar byed/ /rlung phyir 'gro ba ste/ 'byung pa'i rlung nyid kyis so/ /bum pa can gyis dbang du byed/
 rlung g.yo ba med? pa ste bum pa can gyi rlung gi dbang du byed pa'i lta stangs goms par bya'o zhes pa'i don no/ /gang ba yis ni dgug po nyid/ /rlung nang du 'jug pa de dgang pa'i rlung gi dgug pa'i lta stangs goms par bya'o zhes pa'i don to/ /zhi ba
 yis rengs par byed/ /rengs pa'i lta stangs ni zhi ba'i rlung gis te/ zhi ba yis zhes pa 'byung ba dang bum pa can dang dgang ba las 'das pa rang bzhin du gnas pa'i rlung gis zhes pa'i don no/ /ltung bar byed pa la sogs pa'i lta stangs goms
 pa'i gnas gsungs pa/ rlon pa'i shing la ltung byed de/ /rlon pa'i shing la zhes pa chu shing la sogs pa khu ba dang bcas pa rnams la'o/ /dbang ni me tog la rab grags/ /me tog dri zhim po dang ldan pa'i me tog la'o/ /dgug pa rdo rje'i shing la
 ste/ shi ri'i shing la sogs pa'o ma dang ldan pa rnams la'o/ /g.yo bcas rtsal rengs pa'o/ /'dir yang gdams ngag ni ltung bar byed pa'i lta stangs goms pa na/ der chu shing la sogs pa'i shing rnams la/ g+hu:yig gam phaT yig kha dog
 nag po dgod par bya'o/ /dbang du bya ba dgoms pa na me tog la aM yig gam h+rI:yig kha dog dmar po dgod par bya'o/ /dgug pa goms pa na shi ri'i shing la sogs pa rnams la hUM yig gam dza:yig kha
 dog dmar po dgod par bya'o/ /rengs par byed pa goms pa na rtsa g.yo ba dang bcas pa la hUM yig gam lam yig kha dog ser po dgod par bya'o/ /yang na ltung bar byed pa'i lta stangs zhes pa rang bzhin med pa'i ye shes so/
 dbang gi lta stangs zhes pa brtan pa dang g.yo ba dbyer med pa'i ye shes so/ /dgug pa'i lta stangs zhes ba sdud pa'i ye shes so/ /rengs par byed pa'i lta stangs zhes pa g.yo ba med pa'i ye shes te/ rang bzhin med dang dbyer
 med dang/ /de bzhin sdud dang g.yo med de/ /ye shes bzhi pa 'di ru brjod/ /ltung byed la sogs lta stangs bzhi/ /mnyam pa zhes pa gnyis su med pa'i phyir ro/ /g.yon na gnas zhes pa g.yon pa zla ba byang chub kyi sems te/ de
 gnas pa'i phyir ro/ /g.yas pa'i cha zhes pa g.yas pa ni nyi ma ste/ cha ni de cha dang bral ba'i phyir ro/ /dbu ma zhes pa sku gsung thugs rnams kyi rdo rje gsum dbyer med pa'i phyir ro/ /'byung ba yis zhes pa yongs su gtong pa'i
 phyir ro/ /bum pa can gyis zhes pa g.yo ba med pa nyid kyis so/ /dgang ba yis zhes pa sdud pa yis so/ /zhi ba yis zhes pa yongs su mya ngan las 'das pa chen po yis te/ rnam pa thams cad mkhyen pa nyid grub pa zhes pa'i don no/ /dam
 tshig gi phyag rgya'i dgongs pas sgra ji bzhin pa nyid do/ /las kyi phyag rgya'i dgongs pas dga' ba la sogs pa dga' ba bzhi'o/ /chos kyi phyag rgya'i dgongs pas 'khor lo bzhir rnam par gzhag go /phyag rgya
 chen po'i dgongs pa ni gnyis su med par rtogs pa las zhes pa'i don no/ /rlon pa'i shing la zhes pa byang chub kyi sems la/ ltung byed rang bzhin med par rtags pa'o/ /me tog la zhes pa bdag med ma byang chub kyi sems la/ dbang ni
 zhes pa dbyer med pa'i ye shes so/ /dgug pa zhes pa sdud ba'i ye shes te/ rdo rje'i shing la zhes pa rdo rje 'chang dang dbyer med pa'i bdag med ma'i ye shes la'o/ /rtsa la zhes pa brtan pa la ste/ khyad par ci zhe na/ g.yo ba dang bcas pa/
 brtan pa dang g.yo ba dbyer med par gyur pa g.yo ba med pa'i ye shes pa zhes pa rengs par byed pa'o/ /rtag tu zhes pa bar chad med par rgyun du goms pas goms par byas na/ de ltar 'grub par 'gyur ro/ /de'i phyir gsungs pa/ zla drug
 goms pa'i sbyor ba yis/ /'grub 'gyur 'di la the tshom med/ /'di la 'khrul par mi bya ste/ /sangs rgyas rdzu 'phrul bsam gyi khyab/ /zla ba drug gi lta stangs bzhi po 'di rnams gdon mi za par 'grub par gyur te 'di la the tshom med do/ /lta stangs
 sgrub pa na yang 'khrul par mi bya'o/ /gang gi phyir dngos grub 'di yang bsam gyis mi khyab ste/ de kho na rtogs pa'i mngon par zhen pa yang mngon par zhen pa med pa kho na'o/ /lta stangs 'di rnams kyang sangs rgyas rdzu 'phrul te/ sangs rgyas rnams
 kyi rol pa'o/ /gang gi phyir dman pa dang bar ma dang mchog gi sems can gzhug pa'i phyir te/ de gsungs pa/ lta stangs bzhi po bsgrubs nas ni/ /mkhas pas sems can gzhug par bya/ /lta stangs bzhi po bsgrubs nas sems can rnams
 yang dag pa'i lam la rab tu gzhug pa'i rgyu'i phyir zhes pa'i don no/ /yang na/ zla drug ces pa drug gi sgras drug pa rdo rje 'chang ste/ drug gi ngo bos mA grangs dang 'jal bar byed pa ste drug gzhal lo/ /de 'jug cing sdud pa'i phyir drug
 ste/ drug pa rdo rje 'chang med par rtogs pa'o/ /ji ltar zhe na/ gsungs pa/ goms pa'i sbyor ba yis zhes pa sbyor ba ni ldan pa dang 'du ba ste/ shes rab dang thabs dbyer med pa'o/ goms pa ni rtag tu byed pa ste/ goms pa rtag tu byed pa sbyor ba'o/ /des
 'grub 'gyur 'grub par 'gyur ba 'di la the tshom med do/ /de nyid kyi phyir 'di la 'khrul pa med do/ rnam par rtog pa yang 'di la yod pa ma yin no/ /gang gi phyir sangs rgyas rdzu 'phrul mngon par shes pa drug gi yon tan rnams
 te/ de bsam gyis mi khyab cing bsam pa las 'das pa'o/ /de nyid kyi phyir bsgrub par bya ste/ bya ba ni 'bras bu yin la/ 'bras bu ni rang bzhin rdo rje 'chang ngo/ /de yang/ a(rgyud 'grel bzhin rnam par bcad pa'i mdza' can zhes pa'o/ /lta stangs bzhi po bsgrubs nas ni/ /zhes pa ye shes bzhi grub pa na/ sems dpa' srid pa gsum dbyer med pa'i ye shes te/ a bdag med ma dang/ ba rdo rje 'chang
 ngo/ /a ba gnyis ka dbyer med pa nges par gzhug cing khyab par bya ste gnyis ka dbyer med par spro ba nyid ces pa'o/ /mkhas pa zhes pa ye shes gcig pu'i rang bzhin zhes pa'i don no/ /gal te/ lta stangs bzhi la lta stangs gsum
 ni sems can 'jug pa la don yod kyi/ bsang pa'i lta stangs ni re zhig sems can 'jug pa la ring bar gyur te/ sems can la gnod pa kho nar 'gyur ro zhe na/ de'i phyir gsungs pa bsang ba 'dir ni 'bras med 'gyur/ /
 gzhan du dam tshig nyams par 'gyur/ bsad pa la ni 'bras bu ci yang med kyi khyad par du skyon nyid nye bar skye bar 'gyur te/ dam tshig nyams pa zhes pa sangs rgyas dang byang chub sems dpa' i gsung rab la goms par gyur pa
 nyid do/ /brdzun smra ba la sogs pa gzhan yang 'gog par byed na gsod pa ni mchog tu yang ngo zhe na/ de'i phyir gsungs pa/ sems can slu ba spangs nas ni/ /bya ba ma yin thams cad bya/ /srog bcad pas thams cad du mi dge ba skye
 bar 'gyur ro/ /brdzun la sogs pa rnams la thams cad du mi dge ba med pa'i phyir sems can la gnod pa mi dge bas skyon cir 'gyur zhe na/ gsungs pa/ sems can gnod pa tsam gyis ni/ phyag rgya'i dngos grub rnyed mi 'gyur zhes pa
 gang gi phyir sems can re re la gnod pa nyid kyis phyag rgya chen po'i dngos grub nyams so zhes pa'i don no/ /'dis ni bsad pa zhes bya ba 'di mi bya ba kho na'o/ /de ltar na 'di goms par byed pa de ci'i don du gsungs she na/ rA ma pa thams
 cad mkhyen pa nyid 'grub pa la thams cad goms par bya ba kho na'o/ /'on kyang dor ba nyid kyis rnam par gnas par bya'o/ zhes dgongs te/ ji ltar bla na med pa yang dag par rdzogs pa'i byang chub thob par 'dod pa des/ nyan thos la
 sogs pa'i sa yang bsrab pa nyid de/ ci de'i sems nyan thos kyi sa la gnas par bya'o snyam pa ni ma yin te spangs pa'i phyir ro/ /de nyid kyi phyir rlon pa'i shing la goms par bya'o zhes pa'o/ /yang na gang bsad par gsungs pa gang yin
 pa de sems can la gnod pa'i blo yis bya ba ma yin gyi 'on kyang phan pa'i bsam pa kho nas bya'o/ /de lta mod kyi dkon mchog gsum la sogs pa la/ /gnod pa'i bsam pas zhugs pa dmyal bar 'gro bar 'gyur ba'i sems can de/
 de kho na rtogs pas snying rje'i bsam pa nyid dang de la phan pa'i blo yis mi bskyod pa'i rigs la bsad nas drang bar bya ba yin gyi gzhan khro bas zil gyis mnan pa la sogs pa rnams kyis gnod pa'i bsam pas ma yin no zhes pa'i don no/ /
 yang na bsad pas 'dir ni 'bras bur 'gyur/ /bsad pas zhes pa dbang po dang yul dang rnam par shes pa rnams bsad pa las 'bras bu yang dag pa'i ye shes 'grub par 'gyur ro/ /de nyid kyi
 phyir 'dus pa'i khyad par te/ 'dus pa'i snyoms par 'jug pa lha rnams 'dus pa ste/ 'di la lha rnams 'dus pa'i phyir 'dus pa'o/ /de'i khyad par ni lha rnams 'dus pa'i rnam par rtog pa yang de la med do/ /
 zhes pa ste/ de nyid kyi phyir mchog rmad du byung ba 'grub par 'gyur te/ nyan thos la sogs pa'i spyod yul ma yin pa'i phyir ro/ /de nyid kyi phyir/ bya ba ma yin thams cad bya/ /thams cad ni rdo rje 'chang ngo/ /a bdag med
 ma ste/ sarba zhes pa'o/ /'di gnyis ka dbyer med pa ni bya ba ste/ 'bras bu nyid do/ /gang gi phyir gang las sems can bslu ba ni srid pa gsum gcig pa nyid gang zhig yongs su spong pa'o/ /'di nyid ji ltar zhe na/ de gsungs
 pa/ bya ba spangs nas bya ba ni bsgrub par bya ste/ bya ba de yongs su spangs nas zhes pa bya ba dang bral ba'i phyir zhes dgongs pa'o/ /de nyid kyi phyir/ sems can gnod pa tsam gyis ni/ /phyag rgya'i dngos grub rnyed mi 'gyur/ /
 sems can gnod pa'i sgras srid pa gsum gcig pa nyid rtogs pa med par rtogs pas phyag rgya'i dngos grub/ phyag rgya chen po'i dngos grub ste/ de yang rnyed mi 'gyur thob pa'i yul ma yin pa nyid las phyag rgya 'grub
 pa'i phyir zhes pa'i don no/ /de nyid kyi phyir/ de la dam tshig bza' bya ba/ /na dang ha dang ga ha dang po/ /mdza' yi shwa dang dang po'i shwa/ /bdud rtsi lnga yang de bzhin bza' / /kye yi rdo rjer dngos grub rgyas/ /lnga tshan gnyis po 'di ni
 dam tshig te/ lha'i 'dus pa'o/ /na dang po la sogs pa ni yul rnams so/ /bdud rtsi lnga ni dbang po rnams te/ dam tshig gnyis po de bza' zhing ro mnyam par bya'o/ /'di ji ltar bza' zhe na ro mnyam pa'i rang bzhin kho na ste/ gang gi phyir rang
 bzhin rnam par dag pa'i phyir zhes pa'o/ /ci'i don du zhe na/ dngos grub kyi rgyus phyag rgya chen po rgya chen po'i dngos grub kyi rgyu nyid kyis so/ /gang du zhe na/ kye'i rdo rjer gnyis ka dbyer med pa'i ye shes su gyur pa na zhes pa'i don no/ /kun
 rdzob kyi phyir ni dam tshig ces pa dam tshig bcu ste/ na dang po zhes pa dam tshig gang gi dang po na yig yod pa de ni/ na dang po yin la/ de ni rgyal po sA li'o/ /ha dang po zhes pa gang gi dang po ha yig yod pa de ni ha dang po ste/ glang po che
 yin la de'i sA li'o/ /de bzhin du ga dang po zhes pa ba lang ste de yi'o/ /mdza' yi shwa zhes pa rta'i 'o/ /dang po'i shwa zhes pa khyi'i'o/ /bdud rtsi lnga zhes pa rnam par snang mdzad la sogs pa'o/ /kye'i rdo rjer zhes pa gnyis su med pa'i ye shes su gyur pa na'o/ /na dang po
 khyad par rnyed na zos pas 'grub par 'gyur zhes gsungs pa/ de nas lan bdun pa mtshon bya/ /kye yi rdo rjer gsungs mtshan nyid/ /lan bdun pa yis 'grub 'gyur te/ /dga' bral dga' ba la smod pa'o/ /lan bdun pa'i sgros skye ba bdun
 par mtshon par bya ste/ mtshan nyid kyis mtshon par bya'o/ /khyad par ji lta bus she na/ kye'i rdo rje'i rgyud du gsungs pa rnams kyis so/ /lan bdun pa de ni zos pa tsam gyis 'grub par 'gyur te/ de'i sA li zos pas so/ /khyad
 pa ci zhe na/ dga' bral dga' ba la smod pa yang dag pa'i ye shes sun 'byin pa ste/ gang zhig yang dag pa'i ye shes kyis 'grub pa de ni 'di yis 'grub par 'gyur ro zhes pa'o/ /lan bdun pa'i mtshan nyid gsungs pa/ skad
 snyan mig dang ldan pa dang/ /dri lus sku bong chen po dang/ /de yi grib ma bdun 'byung ba/ /mthong nas rnal 'byor pas mtshon bya/ /de ni zos pa tsam gyis ni/ /skad cig las ni mkha' spyod 'gyur/ /
 mig dang ldan zhes pa mig yangs pa'o/ /dri lus zhes pa lus tsandan la sogs pa'i dri dang ldan pa'o/ /sku bong chen po zhes pa lus chen po'o/ /de'i grib ma bdun 'byung ba de mthong nas rnal 'byor pas mtshon par bya ste/ grib ma bdun gyis
 lan bdun par mtshon par 'gyur ro/ /bsad pa skyon du 'gyur ba de lta mod kyi zhes thugs la gnas par mdzad nas gsungs pa/ de ni zos pa tsam gyis ni/ skad cig de las mkha' spyod 'gyur mkha' la spyod pa nyid thob par 'gyur ro/ /'dis
 ni de yang mkha' la spyod pa 'grub par zhes dgongs pa'o/ /yang na gang lan bdun pa de'i sha zos pas des mkha' spyod 'gyur te/ mkha' la spyod pa'i dngos grub 'byung bar 'gyur ro/ /skad cig las zhes pa de'i skad cig
 las te/ dus gzhan gyis par du chod pa med do/ /zhes pa'i don no/ /de nyid kyi phyir de ni 'grub par 'gyur te/ dga' bral dga' ba la smod pa/ /dga' bral gyi dga' bas gang zhig 'grub pa de la smod pa'i phyir ro/ /'dis
 ni dga' bral gyi dga' ba'i ye shes kyis mkha' la spyod pa 'grub par 'gyur ro/ /zhes pa'i don no/ /yang na lan bdun pa zhes pa shes rab dang thabs dbyer med pa yang dang yang bzlas shing goms pa ste/ de na drug pa kho na bdun pa
 nyid do/ /zhes pa lan bdun pa'o/ /de nas rgyu de'i phyir mtshan nyid dang byed pa rnams kyis mtshon zhing shes par bya'o/ /lan bdun pa khyab par ji lta bus zhe na/ bdun du bskor bas so/ /ji ltar zhe na/ kye'i rdo rje shes rab dang
 thabs gsungs pa rnams kyis te/ de nyid kyi phyir 'grub par 'gyur ro/ /dga' bral dga' ba la smod pa zhes pa dga' ba sun 'byin pa'i phyir dga' bral dga' ba la smod pa ste/ yang dag par rdzogs pa'i byang chub thob par byed pa'o/ /skad snyan
 zhes pa longs spyod rdzogs pa'i sku'i rang bzhin no/ /mig dang ldan zhes pa cho kyi sku'i rang bzhin no/ /dri lus zhes pa sprul pa'i sku'i rang bzhin no/ /de nyid kyi phyir sku gsum gyi bdag nyid kyi sku bong chen po ste/ sku gsum gyi rang bzhin no/ /de nyid kyi phyir
 bdun bzlas pa nyid las grib ma bdun te/ grib ma lta bu bdun ni grib ma yin zhing drug pa'i bdun pa nyid grib ma dang 'dra ba gzugs brnyan lta bur mtshon par bya'o/ /mthong zhing shes nas rnal 'byor pa de kho na dang ldan pa'o/ /drug pa
 rdo rje 'chang de yang lnga la rab tu zhugs pa'i phyir zos pa dang/ longs spyod par gyur pa ste/ de zos pa tsam gyis mkha' spyod 'gyur mkha' dbang po'o/ /de la spyod pa'i phyir mkha' la spyod pa me long lta bu la sogs pa ye shes
 lnga'i rang bzhin no/ /skad cig las zhes pa lhan cig skyes pa'i skad cig las 'grub par 'gyur ro zhes pa'i don no/ /sems can thams cad dbang byed pa/ ku ru ku l+le'i sgrub thabs bshad/ /thams cad kyi sgras dbang po dang yul dang
 rnam par shes pa rnams so/ /sems can gyi sgras srid pa gsum gcig pa nyid de/ gsum po 'di nyid ni 'di rnams dbyer med pa nyid do/ /'di nyid kyis dbang du byed pa dang dbang du 'gyur ba ste/ ye shes lnga dang sku gsum
 gyi rang bzhin nyid do/ /de nyid dbang du byed pa'i khyad par te/ khyad par ye shes lnga dang sku gsum dbyer med par rtogs pa 'di nyid grub pa na lta stangs rnams 'grub par 'gyur ba'i phyir khyad par du ku ru ku l+le'i sgrub thabs so/ /ku ru
 ku l+le zhes pa 'dis shes rab dang thabs dbyer med pa bzhi ste/ bdag med mas rgyas btab pa gang yin pa'o/ ` /de nyid kyi phyir sgrub thabs zhes pa de'i thabs su gyur pa bshad cing bstan par bya ste/ thabs
 nyid yin pa'i phyir zhes dgongs pa'o/ /kun rdzob kyi don ni go sla ba nyid do/ /sngon du brtag pa bcu gnyis kyis/ /rgyas par gsungs pa mdor bsdus pa/ /sngon kye'i rdo rje 'bum phrag lnga'i bdag nyid du brtag pa bcu
 gnyis kyis brgyas par gsungs pa ste/ nga ni mdor bsdus pa bshad par bya'o zhes pa'i don no/ /yang na brtag pa bcu gnyis kyis zhes pa rtog pa dang kun tu rtog pa ni sems so/ /bcu gnyis ni gnyis kyi sgras shes rab dang
 thabs so/ /de nyid dbang po dang yul gyi ngo bos bcu ste/ brtag pa dang bcu gnyis ni brtag pa bcu gnyis so/ /dbang po dang yul dang rnam par shes pa gsum gyi ngo bo rdo rje gsum gyi rang bzhin de rnams kyis gang zhig rgyas
 par gsungs pa de ni spro ba'i tshul gyis gsungs pa ste/ de nyid sngon du thog ma'o/ /mdor bsdus pa ni thog ma kho na la sdud pa'i rang bzhin zhes pa'o/ /yang na de nyid mdor bsdus pa ste/ /yang dag par bsdus pa'o/ /sngon du dang por
 thog mar gnyis su med pa zhes pa'i don no/ /de nyid kyi phyir/ h+rI(rgyud 'grel ni rdo rje 'chang ngo/ /re? yig ni bdag med ma ste/ gnyis dbyer med pa'o/ /a'i chu'i rnal 'byor ma byang chub kyi sems te/ de ni rnam par bcad pa'i mdza' can no/ /yi ge ni de'i bya ba'o/ /de las byung ba gang zhig skyes pa de ni
 h+rI(rgyud 'grel mnga' i sgras 'bigs par byed pa nyid las shes rab bo/ /gzhung ni 'bigs par byed pa'i gzhi nyid kyis thabs so/ /shes rab dang thabs dbyer med pa nyid kyis mnga' dang gzhu'i lag pa ste/ gang gi ye shes lnga'i bdag nyid can
 gnyis yin pa de ni mnga' dang gzhu'i lag pa'o/ /dang yig ni gang gi phyir te/ utpa la'i sgras byang chub kyi sems so/ /oM mkha' spyod ma ste bdag med ma'i dkyil 'khor bco lnga'i bdag nyid can no/ /de gnyis sku 'dran cing
 'gugs pa'i phyir/ utpa la dang lcags kyu ste/ 'di'i rang bzhin de 'dzin pa'i ngang tshul yin pa'i phyir utpa la dang lcags kyu 'dzin ces pa'o/ /'di ni bsgoms pa tsam gyis ni/ /'jig rten gsum po dbang du byed/ /
 'di ni zhes pa rdo rje 'chang dang dbyer med pa'i bdag med ma ste/ bsgoms pa tsam gyis 'jig rten gsum zhes pa gsum gyi sgras lus dang ngag dang sems so/ /'jig rten gyi sgras phung po lnga ste/ de rnams kyi dngos po ni 'jig rten gsum
 mo/ /dbang du byed pa ni dbang du gyur cing 'gugs pa ste/ snyoms par 'jug pa na ye shes lnga dang sku gsum gyi rang bzhin shes pa thob par 'gyur ro/ /zhes pa'i don no/ /'bum phrag gcig gis rgyal po rnams/ /khri yi skyes
 dgu 'jig rten dang/ /bye bas phyugs dang 'dab chags so/ /'bum phrag bdun gyis lha ma yin/ /'bum phrag gnyis kyis lha rnams te/ /brgya phrag gcig gis sngags pa'o/ /'jig rten gsum po dbang du byed ces gsungs pa//
 gcig gnyis su med pa'i ngo bos mtshon par gyur pa ni rgyal po sems kyis rdo rje dbang du byed par 'gyur ro/ /phul du byung bas skyes pa'i phyir rab skye'o/ /'jig rten ni phung po lnga ste/ rab skye dang 'jig rten ni skye dgu
 'jig rten no/ /khri yis bdag med ma rab tu rtogs pa las zhes dgongs pa'o/ /phyugs kyi sgras dbang po rnams so/ /'dab chags kyi sgras shes rab dang thabs so/ /dang po ni sems te/ phyugs dang 'dab chags sogs dbang po
 dang yul gyi bdag nyid can shes rab dang thabs dbyer med pa'i sems so/ /bye ba ni phul du byung ba rtogs pa'i phyir zhes pa'i don no/ /a bdag med ma dang/ su khu ba byang chub kyi sems te/ a su'o/ /de 'dor zhing spong ba'i phyir/
 de rnams lha ma yin te/ 'bum phrag bdun gyis zhes pa drug pa rdo rje 'chang las 'das pa'i ye shes kyis zhes pa'i don no/ /'bum phrag gnyis kyis lha rnams te/ rol pa'i phyir lha ye shes lnga la sogs pa'o/ /de rnams gnyis
 su mtshon pas shes rab dang thabs kyi rang bzhin gyis so/ /brgya phrag gcig gis sngags pa'o/ /'di rnams la sngags yod pa'i phyir sngags pa sku gsung thugs rnams so/ /gcig gis zhes pa e chos 'byung gi bdag nyid
 dang/ ka yis ye shes te/ chos 'byung gi ye shes so/ /khyad par cis she na brgya yis te/ spro ba'i tshul gyis zhes pa'i don no/ /kun rdzob gyi bden pas ni/ /sems can thams cad dbang byed pa/ ku ru ku l+le'i sgrub thabs
 bshad/ /de nyid gsungs pa sa bon h+rI(rgyud 'grel g.yas pa'i phyag dang po na mnga' o/ /gnyis pa na lcags kyu'o/ /de lta bu'i rim pas 'di bsgoms pa tsam gyis 'jig rten gsum po dbang du byed cing/ /sngags bzlas pas kyang ste/ 'bum phrag gcig gis rgyal po dbang du 'gyur ro/ /stong phrag bcu
 yis skye dgu 'jig rten pa'o/ /bye ba'i sngags kyis phyugs dang 'dab chags so/ /sogs pa'i sgras yi dags la sogs pa yang bzung bar bya'o/ /'bum phrag bdun gyi lha ma yin rnams so/ /'bum phrag gnyis kyis lha rnams so/ /brgya phrag gcig
 gis sngags pa ste ye shes dang ldan pa'o/ /zhes pa rdo rje snying po mngon par rdzogs par byang chub pa zhes bya ba brtag pa'i rgyal po le'u bcu gcig pa rdzogs so/ /rdo rje snying po'i sgras/ rdo rje mi phyed ces par brjod/ ces pa kun rdzob dang don dam pa dbyer med pa'o/ /de nyid snying po ste
 gang gi khongs dang nang de ni rdo rje snying po'o/ /de ni mngon par rdzogs par byang chub pa ste/ mngon par thams cad nas yang dag par rdzogs par byang chub pa'i ye shes so/ zhes pa rdo rje snying po mngon par rdzogs par byang chub pa zhes bya ba'i ming gi sgra 'dis gsung
 rdo rje'o/ /brtag pa ni yang dag pa'i rtog pa ste/ /thugs rdo rje'o/ /rgyal po ni gsal ba dang mdzes pa'i phyir te/ snang ba'i mtshan nyid sku rdo rje'o zhes pa rdo rje snying po mngon par rdzogs par byang chub pa zhes bya ba brtag pa'i rgyal po/ /rdzogs so/
 zhes pa mnyam pa dbyer med pas bsdus pa'i phyir khyab cing yongs su thob pa'o/ /le'u bcu gcig pa zhes pa/ gcig rdo rje 'chang dang/ a bdag med ma ste/ gnyis ka dbyer med pa'o/ /bcu ni dbang po lnga dang yul lnga'o/ /de'i pa Ta sbas pa ste/
 de len cing 'dzin pa'i phyir le'u bcu gcig pa'o/ /zhes pa rdo rje snying po mngon par rdzogs par byang chub pa zhes bya ba brtag pa'i rgyal po'o/ /le'u bcu gcig pa rdzogs so/ /zhes pa kye'i rdo rje'i 'grel bshad kha sbyor shin tu dri ma med pa
 las le'u bcu gcig pa'o// //'dir de kho na'i rnal 'byor pa de kho na bzhi'i bdag nyid can lta stangs bzhi grub pa ye shes dang rnam par shes pa la sogs pa'i nus pa grub pa na/ de la khang pa la sogs pa
 rnams las kyang/ chos ston pa 'byung bar 'gyur ro zhes rdo rje snying pos thugs la gnas par mdzad nas/ shing dang rdo dang 'jim pa la sogs pa'i sku gzugs rab tu gnas pa zhus pa'i sgo nas kun rdzob dang don dam pa dbyer med pa'i sgo yis
 yang dag pa'i ye shes kun rdzob dang don dam pa dbyer med pa nyid mngon par gsal bar bya ba'i phyir bcom ldan 'das la gsol ba btab pa/ rab gnas mtshan nyid bzang po ni/ /ji ltar rigs pa bshad du gsol/ /bcom ldan rdo rje snying po
 bdag /sangs rgyas thams cad gcig pa'i sku/ /bcom ldan 'das rab gnas kyi mtshan nyid bshad cing bstan du gsol/ ji ltar rigs pa zhes pa rim pa ji lta ba'o/ /rab gnas mtshan nyid ces pa/ gal te yang chos thams cad rab tu mi
 gnas pa mya ngan las 'das pa'i chos can yin pa de lta na'ang kun rdzob kyi bden pa rtogs pa tha mal pa'i nga rgyal rnam par gsal bas 'dus byas pa'i nga rgyal lhag par bsgrub pa'i phyir rab tu gnas pa'i mtshan nyid rigs so zhes
 pa ste/ rab tu gnas pa'i mtshan nyid bshad du gsol/ zhes bcom ldan 'das la gsol ba btab pa'o/ /bcom ldan 'das nyid ni khyad par gnyis kyis rtogs par 'gyur te/ bden pa gnyis kyi bdag nyid can no/ /rdo rje snying po bdag
 ces pa rdo rje ni mi phyed pa'o/ /de nyid ni snying po gtso bo ste/ dbang gi sku yin pa ni bdag nyid do/ /'dis bcom ldan 'das shes rab dang thabs dbyer med pa nyid gsungs so/ /de nyid kyi phyir sangs rgyas thams cad gcig pa'i sku/ /de
 rnams thams cad dang sangs rgyas kyang yin pa'i phyir sangs rgyas thams cad de/ me long lta bu/ la sogs pa ye shes lnga dang sku gsum gyi rang bzhin no/ /de rnams gcig pa ni dbyer med pa ste/ de gang gi lus yin pa ni sku'o/ /yang na
 sangs rgyas thams cad gcig pa dbyer med pa ste/ des gang gi gzung ba chags pa'i mtshan nyid bral bar gyur pa de ni sangs rgyas thams cad gcig pa'i sku'o/ /shes rab dang thabs dbyer med pa nyid kyis don dam pa'i bden pa'i bdag
 nyid dang/ sangs rgyas thams cad gcig pa'i sku nyid kyis kun rdzob kyi bden pa'i bdag nyid de/ 'dis ni bcom ldan 'das bden pa gnyis kyi bdag nyid mchog tu gyur pa kho na zhes pa'o/ /sbyin sreg byas te dkyil 'khor ni ji ltar
 gsungs pa bzhengs byas nas/ /srod la lha gnas la sogs pa/ /byas te sku gzugs sbyangs bar bya/ /nyi ma gung la bgegs nye bar zhi ba'i don du sbyin sreg byas te/ dkyil 'khor ni ji ltar gsungs pa'i tshogs bzhengs byas nas/ srod la nyin mo
 'das pa'i dus nas/ lhag gnas la sogs pa zhes sngags dang phyag rgya la sogs pa dgod pa dang/ mchod yon dang zhabs bsil la sogs pa dang me tog dang lhag gnas la sogs pa rnams kyis mchod pa ni lhag gnas la sogs so//
 de byas te sku gzugs sbyang bar bya/ /rim pa 'dis sku gzugs sbyang bar bya'o zhes pa ste/ nam mkhar bzhugs pa'i sangs rgyas kun/ /nges par sku gzugs snying gar gzhug /rang 'dod lha mnyam rnal 'byor pa/ rab mthong sngags
 kyi pha rol son/ snga dro lha rnams rab tu gnas pa bya ste/ lha dbang bskur pa'i le'ur ji ltar de bzhin gshegs pa rnams spyan drang ba de lta bu'i rim pas spyan drangs te/ yang dag par mchod nas/ de rnams sku gzugs snying gar rab
 tu gzhug par bya'o/ /de yang slob dpon khyad par ji lta bu zhe na/ rang 'dod lha mnyam rnal 'byor pa/ 'dis ci gsungs na gang gi 'dod pa'i lha shes rab dang thabs kyi rgyud du gsungs pa'i rim pa gang yin pa
 de mnyam pa'i rnal 'byor dang ldan pa'o/ /rab mthong zhes pa cho ga shes pa ste/ sngags kyi pha rol son zhes pa sngags kyi de kho na ma lus pa shes pa'o/ /yang na/ sku gzugs zhes pa gzugs brnyan te/ sbyang bar bya zhes pa 'dus
 bya'o/ /'jim pa la sogs pa'i sku gzugs kyang rung ste/ de'i snying gar rab tu gzhug cing dbab par bya'o/ /gang zhe na/ sangs rgyas me long lta bu la sogs pa ye shes lnga dang/ sku gsum dang shes rab dang thabs kyi rang bzhin gyi ye
 shes rnams so/ /khyad par ci zhe na/ nam mkhar bzhugs ba ste/ sgrib pa med pa'i ngo bor rnam par gnas pa rnams so/ /nges pa ni 'dir the tshom med pa nyid do/ zhes pa'i don no/ /rang 'dod lha mnyam rnal 'byor pa/ rang sems te des btsal
 bar 'gyur pa'i lha me long lta bu la sogs pa ye shes lnga po de rnams ni 'dod lha'o/ /rang dang 'dod lha ni rang 'dod lha ste/ de dag mnyam pas kun nas sbyor ba yod pa'i phyir 'di ni rang 'dod lha mnyam rnal 'byor pa ste/ 'dis thugs rje
 gcig pu'i sku'o/ /rab mthong zhes pa 'dis snang ba'i mtshan nyid kyi phyir sku rdo rje gcig pu'i sku'o/ /sngags kyi pha rol son zhes pa 'dis gsung rdo rje'i sku ste/ 'dis rdo rje gsum gcig pa'i sku nyid rdo rje 'chang gi rang bzhin rnal 'byor pa yin la/
 de ni shing dang rdo la sogs pa'i sku gzugs la sogs pa ye shes kyi rang bzhin du byed par bzod do zhes pa'o/ /rab gnas ni so so re rer gnas pa ste/ thams cad la ye shes lhag par sgrub pa'i phyir rab gnas zhes pa'i don no/ /me tog la sogs
 pa'i mchod pa rnams gsungs pa/ oM badzra puShpe A:hUM swAhA/ oM badzra d+hU pe A:hUM swAhA/ oM badzra dI pe A(rgyud 'grel bar bya'o/ /khyad par ci zhe na/ sna tshogs hUM yig las rdzogs pa/ me tog la sogs pa rnams dngos sam brtags pa yang rung ste/ hUM yig gi sa bon las bskyed nas zhes dgongs pa'o/ /sna tshogs hUM yig las rdzogs pa'i/ /me tog la sogs
 dbul bar bya/ /yang na sna tshogs hUM yig rdzogs pa de bzhin gshegs pa lnga'i rang bzhin me tog dang bdug pa dang sgron ma dang dri dang zhal zas rnams dbul bar bya ste/ 'di dag gi rang bzhin gyi sku gzugs la sogs pa bya'o zhes pa'i don no//
 badzra puShpe zhes pa mi phyed pa'i ye shes so/ /de nyid la rdo rje gsum mo zhes gsungs pa/ oM A:hUM zhes pa'o/ /swAhA zhes pa ye shes lnga dang shes rab thabs so/ /de ltar badzra d+hU pe la sogs pa rnams la yang rnam par bshad par bya'o zhes pa'o/ /snga ma'i
 rgyud kyi cho ga rim pas/ mchod yon zhabs bsil la sogs sngar bzhin mchod yon la sogs pa byas te/ sngar bzhin dbul zhing sbyin par bya'o/ /snga ma'i rgyud kyi sgras de nyid bsdus pa la sogs pa'i rgyud du gsungs pa'i cho ga'i rim pas/ dud
 chos la sogs pa rnams kyis mchod yon dang zhabs bsil la sogs pa zhes pa'o/ /yang na zhabs bsil ni ye shes te/ de nyid dang po gtso bor gyur pa'o/ /mchod yon ni rin chen zhing rnyed par dka' ba ste/ mchod yon dang zhabs bsil la sogs
 pa'o/ /de ni sngar bzhin te/ gong ma'i rgyud kyi cho ga rim bas/ /khyad par rtogs pa'i cho ga rnyed pa rnams kyis te/ ye shes lnga'i rang bzhin rnams kyis zhes pa'i don no/ /sbyin sreg don du thab khung gsungs pa/ zhi bar thab khung zlum po ste/ /rgyas pa
 la ni gru bzhi pa/ /bsad pa la ni gru gsum brjod/ /'di nyid la ni lhag ma grub/ /'di nyid la zhes pa gru gsum nyid de/ lhag pa zhes pa sngon spyod la sogs pa rnams rdzogs par bsgrub par bya'o zhes pa'i don no/ /
 yang na/ zlum po zhes pa mnyam pa nyid las so/ /gru bzhi zhes pa de nyid ye shes bzhi'i bdag nyid can no/ /gru gsum zhes pa rdo rje gsum gyi rang bzhin no/ /lhag ma zhes pa lhag ma med pa'i ye shes lnga la sogs pa rnams sgrub cing yang dag
 par bsgrub par bya'o zhes pa'i don no/ /thabs khung gi tshad gsungs pa/ khru gang dang ni khru phyed nyid/ /zhi ba'i steng dang 'og tu yin/ /zhi ba'i thabs khung gi tshad ni steng du khru gang dang 'og tu mtho gang zhes pa'o/ /khru ngo dang ni khru gang yang/ /rgyas
 pa'i steng dang 'og tu brjod/ /'di ni rgyas pa'i thab khung gi tshad do/ /sor mo nyi shu de'i phyed kyang/ /bsad pa'i steng dang 'og tu 'dod/ /'di ni bsad pa'i thabs khung gi tshad do/ /thab khung gi kha dog gsungs pa/ zhi la kha dog dkar por 'gyur//
 rgyas pa la ni kha dog ser/ /bsad pa la ni kha dog gnag /dbang la dmar por rab tu grags/ /ji ltar dbang la de ltar dgug/ bsad la ji ltar dbye ba sogs/ /bsad pa la thab khung gru gsum pa bya zhing de yang kha dog nag po'o/ /de
 bzhin du dbye ba dang bskrad pa la sogs pa rnams la yang thab khung gi kha dog bya'o/ /dbang dang dgug pa la yang dmar po nyid ces pa'o/ /zhi ba la sogs pa'i don du sreg blugs kyi rdzas gsungs pa/ zhi la til dang rgyas la zho/ /de bzhin
 bsad la tsher ma can/ /dbye ba sogs la tsher mar brjod/ /dbang dang dgug la utpa la/ /don go sla ba nyid do/ /yang na zhi ba'i zhes pa yongs su mya ngan las 'das pa chen po'i ye shes te/ gang du 'og dang steng du zhes pa srid pa dang mya ngan
 las dbyer med pas so/ /de yang khyad par ci zhe na/ khru gcig ces pa lnga'i bdag nyid can gnyis te/ gnyis su med pa sdud pa'i rang bzhin no/ /khru phyed ces pa lag pa'i phyed ni khru phyed de/ ye shes lnga'i bdag nyid can spro ba'i rang bzhin yin pa'i phyir/
 'di ni bdag med pa dang rdo rje 'chang gnyis dbyer med pa kho na zhes pa'o/ /khru ngo zhes pa shes rab dang thabs kyi bdag nyid can gnyis ka ye shes lnga nyid do/ /de nyid khru gcig ste/ ye shes lnga'i bdag nyid can gnyis po de nyid gcig gnyis su med
 pa'o/ /steng dang 'og tu zhes gsungs pa'i don nyid do/ /rgyas pa zhes pa rnam pa thams cad mchog dang ldan pa stong pa nyid kyi ye shes so/ /brjod ces pa ye shes kyi rang bzhin nyid de/ gzhan ma yin no zhes pa'i don no/ /bsad pa steng dang 'og tu
 zhes pa gnyis ka dbyer med pa'i ye shes nyid de/ sdud pas gnas pa zhes pa'o/ /de ni sor mo nyi shu ste/ dbang po lnga dang yul lnga dang/ shes pa lnga'i rang bzhin nyid kyis sor mo nyi shu rdo rje 'chang gi ye shes so/ /de'i phyed ces pa shes rab dang thabs
 kyi rang bzhin lnga pa gnyis so/ /zhi ba yongs su mya ngan las 'das pa chen po ste/ kha dog dkar po 'od gsal ba'i ye shes so/ /rgyas pa ni rnam pa thams cad mchog dang ldan pa'i ye shes ste/ /ser po sdud pa'i rang bzhin no/ /bsad pa ni rdo rje gsum
 dbyer med pa ste/ kha dog nag po rdo rje 'chang gi ye shes so/ /dbang ni thams cad dbyer med par rtogs pa ste/ dmar po chags pa'i mtshan nyid do/ /ji ltar dbang la de bzhin dgug pa yang ste/ dgug pa'i sgras thams cad sdud
 pa nyid do/ /dbye ba la sogs mi bskyod pa la sogs pa ste/ ji ltar bsad pa la sdud pa'i ngo bo rdo rje gsum gyi rang bzhin te/ de bzhin du rdo rje gsum gyi ye shes zhes pa'i don no/ /zhil til dang rgyas la zho/ /zhes pa zhi ba yongs
 su mya ngan las 'das pa chen po dang/ rgyas pa rnam pa thams cad mkhyen pa nyid mngon par rdzogs par byang chub pa'i snum pa'i dngos po nyid kyis til dang zho'i dngos po gnyis byang chub kyi sems kyi rang bzhin no/ /bsad pa
 dang dbye ba dang bskrad pa la sogs pa'i rtog pa med pa'i ngo bo nyid kyis drag po'i dngos po tshar ma can kho nar gsungs so/ /dbang dang dgug pa la yang mnyam pa nyid du gcig pa'i mtshan nyid kyis gnas pa'i ye shes las me tog dri bzang
 po nyid de utpal zhes pa'o/ /gang du bsreg par bya ba gsungs pa/ oM agna ye ma hA te dzA(rgyud 'grel ye shes so/ /me zhes pa me long lta bu la sogs pa ye shes lnga dang sku gsum dang shes rab dang thabs kyi bdag nyid can rdo rje 'chang gi ye shes so/ /de nyid kyi phyir gzi brjid chen po zhes pa 'od gsal ba'i rang bzhin no/ /'dod pa
 thams cad rab sgrub pa zhes pa mngon par shes pa drug gi yon tan dang ldan pa'i phyir ro/ /thams cad don mdzad snying rje can/ zhes pa 'dis de thog ma med par rab tu 'jug pa'i 'gro ba'i don mdzad pa nyid do/ /'dir nye bar
 mdzad du gsol/ zhes pa 'di yang dag par nye bar sgrub pa ste/ gnas pa med pa nyid do zhes pa med dgug pa ste/ yang dag pa'i ye shes lhag par gnas pa zhes pa'i don no/ /de nyid kyi phyir khang pa la sogs pa rnams las kyang
 chos ston par byed do zhes shing dang rdo dang 'jim pa la sogs pa'i sku gzugs rab tu gnas pa ste/ nor 'dzin rnam par sbyangs nas der dkyil 'khor bsgrub pa gsungs pa/ mA ma rin chen sna tshogs 'dzin/ /kye yi rdo rje khro bos mchod//
 lha mo khyod ni dbang du gyur/ /che ge bdag ni dkyil 'khor 'bri/ /khyod ces pa sku gsung thugs dbyer med pa'o/ /lha mo zhes pa ye shes lnga'i rang bzhin no/ /dbang du gyur zhes pa 'dis dbu ma'i mdza' rnam par gnas pa'o/ /kye'i rdo rje khro bos
 mchod ces pa 'dis shes rab dang thabs dbyer med pa rdo rje 'chang gi ye shes kyi nges pa zhes pa'o/ /rin chen sna tshogs 'dzin ces pa 'dis khyod nyid ye shes ma lus pa'i rang bzhin no/ /mA ma zhes pa 'dis ye shes de 'gro ba
 ma lus pa'i don bya ba la rab tu 'jug pa nyid ces pa'o/ /che ge bdag ni zhes pa a yig dang haM yig dbyer med pa nyid kyis de ming med pa'o/ /de ltar gyur pa'i ye shes yang dag pa'i dkyil 'khor 'dri ste/ bar chad med pa nyid
 kyis nges pa'i don la rnam par bzhag par bya'o zhes pa'i don no/ /yang na/ khyod ces pa la sogs pa bshad pa'i don nyid do/ /'on kyang 'di thams cad bdag med ma'i khyad par te/ de nyid la de'i bdag nyid kyis rdo rje 'chang
 rnam par gnas so zhes pa'o/ /che ge bdag ni dkyil 'khor 'bri zhes pa'i don bshad zin pa'o/ /me spyan drangs te/ tshim zhing mnyes pa gsungs pa/ rang gi don dang gzhan don nyid/ /bsgrubs kyis sreg bya za ba gshegs/ /ji
 lta'i dus na byon pa dang/ /bdag gi dngos grub thams cad mdzod/ /bsreg bya ni mar la sogs pa'i sreg blugs so/ /de za ba ni bsreg bya za ste/ dngos po gang dang gang der phul ba'i dngos po de dang de nyid de'i bdag nyid kyis bdag nyid la
 'jug par 'gyur ba'i phyir bsreg bya za ba'o/ /de nyid kyi phyir rang gi don dang gzhan don nyid bsgrubs pa ni de'i bdag nyid kyis bdag nyid la dngos po thams cad longs spyod pa'i ngo bo nyid kyis rnam par gnas pa'i phyir ro/ gshegs
 zhes pa don rtogs pas rnam par gnas shing mkhyen par mdzod ces pa'o/ /de nyid ci ltar zhe na/ gsungs pa/ byon pa dang zhes pa rnam pa thams cad kyis mkhyen par mdzod ces pa'o/ /gang gi tshe zhe na/ ji lta'i dus
 na zhes pa ya rlung gsung rdo rje'i tha/ /snang ba'i mtshan nyid rdo rje 'chang ngo/ /a bdag med ma thugs rdo rje ste/ ji ltar zhes pa rdo rje gsum dbyer med pa'o/ /'di nyid ci zhe na/ dus na ste/ ka kA li/ a A li zhes pa dka' o/ /gnyis ka len 
 cing 'dzin pa'i phyir kA li shes rab dang thabs dbyer med pa'o/ /de'i rdo rje gsum dbyer med pa'i ye shes gang yin pa de byon pa dang/ yang dag pa'i ye shes nges par mdzod ces pa'o/ /de nyid kyi phyir dngos grub thams cad mdzod
 ces pa rdo rje 'chang gi dngos grub thob pa/ bdag la ma byang chub kyi sems dang/ e/ bdag med ma/ gnyis ka dbyer med pa nyid de/ gzhan du ma yin no zhes pa'i don no/ /me dga' bar byed pa'i sngags so/ /zhes pa me ni rang bzhin med pa'i
 ye shes so/ /dga' bar byed pa zhes pa 'gro ba'i don byed pa spro ba'i ye shes te/ sngags ni 'di gnyis ka'i bdag nyid can rdo rje 'chang zhes pa'i don no/ /mchod yon gyi sngags gsungs pa/ oM dza:hUM baM ho/ khaM raM zhes pa mchod yon
 gyi sngags te/ oM rdo rje gsum dbyer med pa'i ye shes so/ /dza:zhes pa sku rdo rje don yod grub pa stong pa nyid bcu drug gi rang bzhin nyid do/ /hUM zhes pa shes rab thabs dbyer med pa'i ye shes nyid do/ /baM zhes pa ba byang chub kyi
 sems te/ am mkha' spyod ma byang chub kyi sems kyi rang bzhin nyid do/ /ho/ zhes pa shes rab dang thabs kyang stong pa nyid bcu drug gi rang bzhin nyid do/ /khaM zhes pa rin chen dbang po yang mkha' spyod mas rgyas btab pa
 nyid do/ /raM zhes pa bdag med ma dang dbyer med pa'i mkha' spyod ma nyid de/ /sngags yi ge bdun no/ /mchod yon ni rin che zhing rnyed par dka' ba spyod yul ma yin pa zhes pa ste mchod yon gyi sngags so/ /zhabs bsil gyi sngags
 gsungs pa/ oM nI rI te hUM khaM/ oM zhes pa gsungs pa'i don nyid do/ /rI zhes pa ni 'od dpag med do/ /i chu ma 'du shes kyi phung po'i rang bzhin te/ nA da gnyis dbyer med pa nyid byang chub kyi sems 'od dpag med do/ /rI zhes par bdag med
 ma ste/ de yang/ nA da'i phreng ba gnyis dbyer med pa nyid gnyis ka'i hUM zhes pa nA da'i phreng pa gnyis dbyer med pa 'di gnyis ni shes rab dang thabs dbyer med pa nyid ces pa'o/ /khaM zhes pa dbang po dang rnam par shes pa thams cad
 stong pa nyid bcu drug gi rang bzhin rnam par dag pa zhes pa sngags yi ge lnga ni zhabs bsil gyi sngags te/ yang dag pa'i ye shes zhes pa'i don no/ /zhal zas kyi sngags gsungs pa/ oM d+hwaM d+hwaM/ oM zhes pa sngar gsungs pa'i
 don kho na'o/ /d+ha/ rin chen dbang po'o/ /ba 'od dpag med de/ 'di gnyis mkha' spyod pa'i mthar thug pa nyid ni/ d+hwaM zhes pa'o/ /slar yang d+hwaM zhes pa shes rab la ji lta bar skyes bu ste/ lhan cig skyes pa nyid ces pa sngags yi ge gsum
 ni zhal zas kyi sngags te/ zhal zas ni nges pa'i don gyis rig cing rtogs pa'o/ /nges par rig pa nyid rtogs par gyur pa ste/ nges pa'i ye shes zhes pa'o/ /de ltar gyur pa'i sngags ni rdo rje gsum dbyer med pa gsum kho na
 ste/ bdag med ma dbyer med pa'i rdo rje gtso bor gyur pa'i dgu'i bdag nyid kyi dkyil 'khor nyid do/ /yi ge bdun dang yi ge lnga dang yi ge gsum ste/ yi ge bco lnga'i bdag nyid can mkha' 'gro ma bco lnga'i rang bzhin yang dag
 pa'i ye shes nyid do zhes rab tu bstan to/ /brtag pa gnyis pa'i le'u dang po'o/ /zhes pa gnyis su med pa'i ye shes so zhes pa kye'i rdo rje'i 'grel bshad kha sbyor shin tu dri ma med pa las brtag pa gnyis pa'i le'u dang
 po'o// //de ltar dbye ba med pa 'dis khang pa la sogs pa rnams la yang lhag par gnas par rab tu 'jug pas rab tu gnas pa gsungs pa nyid las phyag rgya chen po 'grub par yang nges pa med pa'i phyir/ lam 'di
 la zhugs pa ni res 'ga' the tshom las/ lam 'di las ldog par yang 'gyur ro zhes dog pa bsu nas dngos grub gtan la dbab pa'i le'u bcom ldan 'das la zhu ba'i sgo nas gsungs pa/ rdo rje snying pos gsol pa/ bcom
 ldan 'das la zhus pa ste/ nam mkha' lta bu'i chos kun la/ /rgya mtshor ku ba ji lta bar/ /rang 'dod lha yi gzugs kyis ni/ /sems can ji ltar 'grub par 'gyur/ /rim pa gnyis rnam par dag pa bsgom par byed pa ni yang dag par
 rdzogs pa'i/ byang chub thob par 'gyur ro zhes gsungs pa la/ /rdzogs pa'i rim pa bsgom par byed pa na nam mkha' lta bu'i chos kun sems rnams so/ /bskyed pa'i rim pa bsgom par byed pa na yang rgya mtshor ku ba ji lta bar rgya
 mtsho'i nang du ku ba'i gong bu ste/ de gnyis ka yang rang 'dod lha'i gdugs kyis sems can srid pa gsum na gnas pa rnams ci ltar gang gi phyir 'grub par 'gyur zhes rdo rje snying pos gsol pa'o/ /'dis ci gsungs na de bzhin nyid kyi rnam par
 dag pa rang bzhin med pa tsam nyid mngon du gyur pa dang/ lha'i rnam par dag pa kun rdzob kyi bden pa nyid rnam par bzhag ste/ kun rdzob dang don dam pa dbyer med pa ni yang dag pa'i ye shes yin la/ de'i rnal 'byor dang ldan pa yang
 phyag rgya chen po 'grub par 'gyur ro/ /rim pa gnyis sgom pa na yang gnyis ka dbyer med pa bsgom pa'i the tshom las sems can ci ltar 'grub par 'gyur zhes dogs pa'i phyir ro/ /de'i phyir bcom ldan 'das la rdo rje snying pos gsol pa
 zhes 'brel lo/ /'di ltar dogs pa la bcom ldan 'das kyis bka' stsal pa/ bdag med rnal 'byor ldan pa ste/ yang na he ru ka dpal brtson/ /gzhan pa'i sems kyis skad cig kyang/ /dngos grub 'dod pa mi gnas so/ /phyag rgya chen po'i
 dngos grub 'dod pa gang la yod pa de ni gzhan pa'i sems kyis skad cig kyang thang cig yud tsam yang mi gnas so/ /ci ltar zhe na/ bdag med rnal 'byor ldan pa ste/ yang na he ru ka dpal brtson zhes pa gang gi phyir ro/ /de'i phyir dbyer
 med pa'i sems nyid gnas par bya'o/ /yang na/ bdag med rnal 'byor ldan pa dang/ he ru ka dpal brtson pa ste/ gang gi phyir de gnyis ka yang na zhes pa/ ba byang chub kyi sems rdo rje 'chang dang/ a bdag med ma ste/ gnyis ka la yang
 gnyis ka dbyer med pa nyid ces pa'o/ /yang na/ de ltar gyur pa gang yin pa de ni skad cig kyang sems gzhan ma yin te/ bar ma chad pa nyid kyis gnyis su med pa'i sems ma ning gi rang bzhin no/ /de ltar gnas par bya ste/ g.yo ba med
 pa'i rang bzhin du gyur pa'o/ /de su zhe na dngos grub 'dod pa zhes pa phyag rgya chen po'i dngos grub 'dod pa po'i zhes pa'o/ /de'i phyir bskyed pa dang rdzogs pa'i rim pa gnyis la yang/ sgom par byed pa na rim pa gnyis dbyer med pa bsgom
 pa nyid kyis som nyer lhung bar mi 'gyur ro zhes pa bcom ldan 'das kyi gsung ngo/ /dang po goms par byed kyi/ /gnas ni bzang po rnam par brtag /gang du gnas na sngags pa'i sems/ /gcig tu mnyam bzhag 'gyur ba'o/ /dang po goms
 par byed pa'i dus na gang du goms par bya ba de gsungs pa/ rang gi khyim du mtshan dus na/ /grub pa bdag med sems pa yis/ /rnal 'byor ma bsgom shes rab can/ /yang na he ru ka dpal gzugs/ /rang
 gi khyim du zhes ba rang gi gnas nyid do/ /mtshan dus na zhes pa mtshan mo ste/ rnal 'byor pa grub pa'i nga rgyal rnam par gnas pa'o/ /rnal 'byor ma bdag med ma ste/ /shes rab can zhes pa bdag med ma sgom pa dang ldan pa nyid
 kyis so/ /yang na/ he ru ka dpal gzugs zhes pa gzugs ni thabs kyi yan lag nyid kyis spro ba'i rang bzhin no/ /yang na/ bzang po ni mya ngan las 'das pa don dam pa'i bden pa'o/ /rtag pa ni 'khor ba kun rdzob kyi bden
 pa'o/ /gnyis ka yang rnam par nges pa ste/ /gnas ni gnas dang g.yo ba med pa ye shes so/ /dang po goms par byed dus gnyis su med par rtogs pa'i skad cig gi /gnyis su med pa rtogs pa nyid las brtan par
 gyur pa zhes pa'i don no/ /gang du gnas na zhes pa yang rlung ste/ de skyob pa'i phyir gang du nA da'i phreng ba gnyis so/ /der gnyis pa'i phyir gang du gnas pa ste/ de nyid kyi phyir sngags pa gsungs rdo rje'i bdag nyid can no/ /
 sems gcig ces pa/ e shes rab dang ka sku rdo rje ste/ gcig shes rab dang dbyer med pa'i sku rdo rje'o/ /gcig dang sems ni sems gcig ste/ sku rdo rje dang dbyer med pa'i thugs rdo rje'o/ /mnyam gzhag ni mnyam pa nyid
 kyis 'jog pa bskyed pa ste/ sku gsung thugs dbyer med pa zhes pa'i don no/ /rang gi khyim du zhes pa dbang po dang yul dang rnam par shes pa rnams su/ mtshan dus zhes pa mtshan mo bdag med ma dang/ dus rdo rje 'chang ngo/ /
 mtshan mo dang dus ni mtshan dus te/ bdag med ma dbyer med pa'i rdo rje 'chang gi ye shes su gyur pa na rang khyim rdo rje gsum dbyer med pa'i ye shes bden pa gnyis kyi bdag nyid can de rnams la/ /grub pa bdag ces a yig dang haM yig
 gi bdag nyid can bdag med ma shes pa na grub pa yongs su rdzogs pa ste/ sems dpa' yis zhes pa rnam pa thams cad mkhyen pa nyid kyis so/ /de nyid kyi phyir rnal 'byor ma bsgom par bya zhing/ /rdo rje 'chang dang dbyer med par bya ste/ rdo rje 'chang 'di ni
 shes rab yod pa'i phyir shes rab can no/ /yang na zhes pa gnyis ka dbyer med pa'i phyir gnyis ka'i bdag nyid can te/ he ru ka dpal gzugs ni gzugs med pa'i rnam pa'o/ /dpal he ru ka'i gzugs de bsgom zhing snyoms par zhugs pa nyid kyis
 gnas par bya'o zhes pa'i don no/ /da ni gnyis su med pa'i ye shes dang ldan pa lhun gyis grub pa nyid kyis bya ba thams cad las rnam par grol ba nyid do/ /de'i phyir gsungs pa/ rkang pa 'khrud dang za ba dang/ 'thor 'thung so rtsi za ba dang/ /tsan dan
 gyis ni lag nyed dang/ /smad g.yogs kyis ni rked 'gebs dang/ 'byung dang smra dang 'gro ba dang/ /'dug dang khro dang rgod pa na/ /bcom ldan ma bsten shes rab can/ /rnal 'byor ma bsgom brtul zhugs can/ /gzhan pa'i tshul gyis skad cig
 kyang/ /ma rig pa dang gdug sems kyis/ /dngos grub 'dod pas grub don du/ /mkhas pas 'bad pas gnas mi bya/ /bsam gtan nyon mongs 'jig byed pa/ /snying rje chen po ngas bshad de/ /dngos grub don du mtshar bas kyang/ /phyogs
 gcig yongs su brtag par bya/ /bsam pa thams cad yongs spangs nas/ /lha yi sku ru sems pa yis/ /nyin gcig bar chad med pa ru/ /bsgoms nas yongs su brtag par gyis/ /rang gzhan don ni rab bsgrub phyir/ /'khor bar thabs 
 gzhan yod ma yin/ /rig ma lhan cig goms byas pas/ /'phral du mngon du byed par 'gyur/ /zhes pa'i don go sla ba nyid do/ /yang na rkang pa 'khrud pa zhes pa 'dis 'od gsal ba'o/ /'thor 'thung zhes pa 'dis
 rim pa gnyis rnam par dag pa chos kyi sku'i rang bzhin bcom ldan 'das nyid do/ /za ba zhes pa 'dis longs spyod rdzogs pa'i sku'o/ /so rtsi za ba 'dis zhes pa sprul pa'i sku'o/ /tsan dan gyis ni lag nyed dang zhes pa 'dis sku gsum
 gyi rang bzhin gyi ye shes kyis sems can thams cad mgu bar byed pa ste/ lag pa ni ye shes lnga'i bdag nyid can gnyis thob par gyur pa sku gsum dang ye shes lnga dang shes rab dang thabs dbyer med pa nyid kyis khyab par gyur pa'o//
 smad g.yogs kyis ni rked 'gebs dang zhes pa/ rked pa bdag med ma don dam pa'i bden pa ste/ kun rdzob kyi bden pa dang dbyer med pa nyid do zhes pa'i don no/ /'byung dang smra dang 'gro ba dang zhes pa 'dis/ /thams cad sku gsum gyi
 rang bzhin kho na'o/ /'dug pa zhes pa g.yo ba med pa'i ye shes so/ /khro ba zhes pa sdud pa'i ye shes so/ /rgod pa zhes pa spro ba'i ye shes so/ /bcom ldan 'das ma bsten zhes pa bdag med ma'i ye shes mngon du byed pa ste/ shes
 rab can zhes pa rdo rje 'chang ngo/ /rim pa 'dis rnal 'byor ma bsgom zhing snyoms par 'jug par bya ste/ brtul zhugs can zhes pa yang dag pa'i ye shes la gnas pa'o/ /gzhan pa'i tshul gyis skad cig kyang gnyis su med pa'i
 rang bzhin gyis so/ /ma rig pa ni bdag med ma'i ye shes so/ /gdug sems kyis zhes pa gdug pa ni mi bskyod pa rdo rje 'chang ste/ sems kyis zhes pa de'i ye shes kyis so/ /de nyid kyi phyir gnas mi bya zhes pa gnas pa med pa'i sbyor
 bas rnam par gnas par bya'o/ /mkhas pas zhes pa me long lta bu la sogs pa ye shes lnga'i bdag nyid can gyi shes pas so/ /khyad par cis zhe na/ dngos grub 'dod pas zhes pa gang phyir phyag rgya chen po'i dngos grub 'dod pa de rnams kyis so//
 ci'i don du zhe na grub don te grub pa ni bdag med pa'o/ /don ni rdo rje 'chang ste/ /gnyis ka dbyer med pa ye shes nyid do/ /'bad pas zhes pa nges pa nyid kyis te gzhan du ma yin no zhes pa'i don no/ /rdo rje snying po mi phyed pa'i ye shes kyi sku'o/ /nga yis
 rdo rje 'chang gis bshad cing gsungs pa ste/ bsam gtan zhes pa ye shes so/ /nyon mongs 'jig byed pa ni nyon mongs pa'i sgrib pa'i bag chags thams cad yongs su spong ba'i rang bzhin no/ /dngos grub don du phyag rgya chen po'i dngos grub
 kyi phyir mtshar bas kyang sgro ma btags pa nyid kyis so/ /phyogs ni gnyis te gcig gnyis su med pa'o/ /yongs su brtag par bya zhes pa gnyis la gnyis su med pa'i ngo bo kho nas 'od gsal ba nyid kyis rnam par gnas par
 bya'o/ /bsam pa thams cad yongs spangs nas zhes pa/ bsam pa thams cad yongs su spangs pa'i sgras sdud pa'i ye shes so/ /lha'i sku ru sems pa yis zhes spro ba'i rang bzhin gyis ye shes kyis so/ /nyin cig gnyis su med pa
 rdo rje 'chang ngo/ /bar chad med par rtag tu goms pas bsgoms nas bdag med ma dang dbyer med par rnam par gnas pas yongs su brtag par gyis 'od gsal ba nyid kyis rnam par gnas par byos zhes pa'o/ /'khor ba kun rdzob kyi
 bden par kun rdzob kyi bden pa rtogs pa ste thabs ni rdo rje 'chang ngo/ /de yang gzhan yod ma yin zhes pa gnyis su med pa 'ba' zhig ste/ rtag pa dang chad pa spangs pa zhes pa'i don no/ /de nyid rang gzhan don ni rab sgrub phyir te/ rang
 sems dang gzhan dbang po dang yul lo/ /de rnams kyi don ni rang bzhan don te/ de rab grub phyir grub pa phul du byung ba sgrub par byed pa'i don no/ /lan cig gcig gi tshe skad cig tsam nyid goms par byas pas thams
 cad nas khyab pa nyid kyis nges ba ste/ rig ma bdag med ma'o/ /'phral du skad cig de nyid las mngon du byed pa nyams su myong bar byed de/ /rdo rje 'chang gis ye shes skad cig gcig gis mngon par rdzogs par 'chang rgya ba nyid gsungs pa'o  
 de nyid kyi phyir/ /'jigs smyo de bzhin sdug bsngal dang/ mya ngan gdung sogs 'tshe ba dang/ 'dod chags zhe sdang gti mug che/ /sgrub pa po nyid nyon mi mongs/ /'jigs pa ni 'chi ba la sogs pa'i sdug bsngal lo/ /smyo ba ni smyo bar gyur
 pa'o/ /sdug bsngal ni lus su gtogs pa'i 'bras dang phol mig la sogs pa'i tshor ba'o/ /mya ngan ni bral ba'i sdug bsngal lo/ /gdung ba ni gnod pa ste/ de lta bu la sogs pa nye bar 'tshe ba rnams dang 'dod chags dang zhe sdang
 la sogs pa rnams kyis kyang nyon mi mongs/ /nyon mongs pas gnod par mi 'gyur te/ de thams cad la mnyam par spyod pa'i phyir zhes dgongs pa'o/ /yang na/ sgrub pa po rdo rje 'chang ngo/ /nyon mi mongs nyon mongs pas sgrib par
 mi 'gyur te/ e baM gi rang bzhin nyid las shes rab thabs dang dbyer med pa'i phyir ro/ /'dod chags ni 'od dpag tu med pa gsung rdo rje'o/ /zhe sdang ni mi bskyod pa thugs rdo rje'o/ /gti mug chen po ni rnam par snang mdzad sku rdo rje'o/ /
 rdo rje gsum dbyer med pa de rnams kyi rgyu yis zhes pa'i don te/ 'jigs pa dang mya ngan ni gti mug chen po rnam par dag pa'o/ /gdung ba dang smyo ba ni 'dod chags rnam par dag pa'o/ /sdug bsngal dang 'tshe ba ni zhe sdang rnam par dag
 pa'o/ /'dis ni 'jigs pa dang mya ngan dang gti mug chen po ni rnam par snang mdzad rnam par dag pa ste/ rdo rje 'chang ni rdo rje gsum dbyer med pa nyid kyi phyir ro/ /gdung ba dang smyo ba dang 'dod chags ni 'od dpag med rnam par dag pa'o/ /sdug bsngal dang 'tshe ba dang
 zhe sdang ni mi bskyod pa rnam par dag pa ste/ dgu'i bdag nyid kyi dkyil 'khor ro zhes pa nyon mongs pa yongs su spong ba'o/ /bag chags yongs su spong ba gsungs pa/ phan dang mi phan 'bras 'byung ba/ /de ltar nges pa rnam dpyad pas/ /ci ltar skad cig gcig
 kyang de/ /rnal 'byor pa rnams ca cor gnas/ /de lta bu'i rim pas mi phan pa nyid phan par 'gyur te/ de nyid phan pa dang mi phan pa'i 'bras bu 'byung ba'o/ /de lta bu'i rim pas nges par rnam par dpyad na/ /de rnams ji ltar skad cig gcig kyang ca cor
 gnas par 'gyur 'on kyang de ltar rnam par dpyad pa dang ldan pa rnams kyi ca co cung zad kyang med pa nyid do ces pa ste/ thams cad dge ba kho na yin gyi mi dge ba ni cung zad kyang med do ces pa'o/ /yang na e baM zhes pa thabs dang shes rab dbyer med pa'i
 ye shes te gcig gnyis su med pa'o/ /skad cig ces pa bzhi pa lhan cig skyes pa ste/ phan dang mi phan 'bras 'byung ba/ /phan pa stong pa'i rang bzhin nyid las bdag med ma'o/ /mi phan pa mi stong pa'i rang bzhin nyid las rdo rje 'chang ste/ 'bras bu
 gnyis ka dbyer med pa nyid 'byung ngo zhes pa'o/ /'dis nges par dpyod na rnal 'byor pa gnyis su med par rtogs pas gnas pa ci ltar ca cor gnas te/ e baM gi rang bzhin nyid las dge ba dang mi dge ba'i bag chags med pa nyid do zhes dgongs
 pa'o/ /de nyid kyi phyir ye shes kyi che ba'i bdag nyid gsungs pa/ mtshams med lnga ni byed pa dang/ /gang zhig srog chags gsod la dga' / /gzhan yang skye ba dman gang dang/ /rmongs dang ma rung las byed dang/ /gzugs ngan yan lag ma tshang ba//
 de yang bsam pas grub 'gyur na/ /dgra bcom pa gsod pa la sogs pa byed pa ni mtshams med pa lnga byed pa'o/ /gang zhig thun mong pa'i srog chags gsod pa la dga' ba dang/ /skye ba dman pa zhes pa gdol pa la sogs pa rnams
 dang/ /rmongs pa dang ma rungs las byed ces pa/ gang zhig rtogs pas kyang sems can la gnod pa byed pa'o/ /gzugs ngan yan lag ma tshang ba zhes pa mi khom pa'i gnas brgyad du skyes par gyur pa ste/ 'di rnams ni nges par dmyal bar 'gro
 ba bsod nams kyi tshogs med pa'i phyir ye shes kyi tshogs med pa'o/ /dngos grub shin tu thag ring ba kho na'o/ /kye'i rdo rje'i ye shes kyi mthu chen po las de rnams kyang 'grub par 'gyur te/ bsam pas ye shes nges par rtogs pa las zhes
 dgongs pa'o/ /de ltar yang zhi ba'i lhas gsungs pa/ sdig pa shin tu mi bzad byas na yang/ /dpa' la brten pas 'jigs pa chen po ltar/ /gang la brten nas skad cig gis sgrol ba/ /de la bag can rnams kyis cis mi brten/ zhes pa'o//
 yang na mtshams med lnga ni byed pa zhes pa/ ye shes lnga mtshams med cing bar chad med pas sgrub pa'i ngang tshul gang yin pa de ni rdo rje 'chang ngo/ /srog chags gsod la dga' ba zhes pa srog chags gsod pa'i sgras sems gsod pa ste/
 de la dga' ba ni bdag med ma'o/ /gnyis ka yang/ A(rgyud 'grel pa chos thams cad de/ skye ba dman zhes pa dang po nas ma skyes pa'o/ /rmongs pa shes pa med pa ste/ ma rungs las byed ces pa 'od gsal pa'i rang bzhin no/ /gzugs ngan zhes pa snang ba med pa rang bzhin no/ /ma tshang zhes pa smra bar bya
 pa ma yin pa'o/ /yan lag ces pa yang dag ces par rig pa'i rang bzhin te/ chos de rnams 'grub 'gyur 'grub pa'i rang bzhin nyid du 'gyur ro/ /bsams pas de rnams kyi yang dag pa de lta bu'i tshul gyis shes pa las zhes dgongs pa'o/ /gang zhig gsungs
 pa/ 'di la bsal bya ci yang med/ /gzhag par bya ba cung zad med/ /yang dag nyid la yang dag blta/ /yang dag mthong na rnam par grol zhes pa'o/ /gang zhig slar dge ba bcu la goms pa dang/ /bla ma la gus dbang po thul/ /nga rgyal khro las
 rnam par grol/ /de ni re zhig nges par 'grub/ /dge ba bcu la goms pas bsod nams kyi tshogs dang/ ye shes kyi tshogs dang ldan pa de ni bsgoms pas nges par gdon mi za bar 'grub par 'gyur ba kho na'o zhes pa'i don no/ /yang na
 bcu zhes pa mkha' 'gro ma brgyad dang/ bdag med ma dang/ rdo rje 'chang ngo/ /ku'i sgra chos 'byung ste/ de rtogs pa'i phyir ku rtogs pa bdag med ma'o/ /de'i mngon par gnas pa ni goms pa ste/ bdag med ma'i dkyil 'khor ro/ /bcu dang dge ba
 goms pa ni dkyil 'khor gnyis te de dag gang la yod pa de ni dge ba bcu goms pa'o/ /de nyid kyi phyir bla ma la gus rdo rje 'chang gi rang bzhin spro ba'i bdag nyid do/ /dbang po thul zhes pa sdud pa'i bdag nyid can yang ngo/ /nga rgyal dang
 khro ba dag las rnam pa du ma nyid kyis nges par grol zhing spangs pa ste/ de ni nges par gdon mi za bar 'grub par 'gyur ro/ /re zhig ces pa de yongs su gyur pa'i ngo bo dkyil 'khor gnyis kyi rang bzhin yang dag pa'i ye shes nyid
 ces pa'o/ /de nyid kyi phyir gsungs pa/ rtag tu goms pa'i rnal 'byor gyis/ /mnyam par bzhag pas dngos grub thob/ /zla ba gcig tu gsungs la spyad/ /ji srid phyag rgya ma rnyed par/ /bar ma chad pa goms pa gnyis su med par rtogs
 pas mnyam par bzhag pa dngos grub thob pa ni zla ba'i tshad de/ /gcig gnyis su med pa'o/ /de nyid kyi phyir gsang ba nyan thos la sogs pa'i spyod yul ma yin pa ste/ ji srid bdag med ma dang dbyer med pa gnyis ka'i
 nA da'i phreng ba gnyis po de gang la yod pa de ni ji srid do/ /de'i phyag rgya chen po rnyed par 'gyur te/ phyag rgya'i dngos grub rnyed par 'gyur zhing de ni spyad par bya ba med pa ste/ de la bya ba 'ga' yang med do zhes dgongs pa'o/ /gang zhig
 gsungs pa/ byed po bzang po yongs spangs pa/ /dam pa'i don ni rnam par bsgom zhes pa'o/ /phyag rgya rnyed pa'i ched du rgyu gsungs pa/ sngags pa gnang ba rnyed 'gyur te/ /rnal 'byor ma yis gnang 'gyur ba/ /phyag rgya che ge mo khyer
 la/ /sems can don gyis rdo rje 'dzin/ /kye rdo rje 'dzin pas sems can don srid pa gsum gcig pa don dam pa'i rang bzhin bsgrub par gyis shig /phyag rgya bdag med ma khyer la che ge mo zhes pa 'di dang de zhes pa la sogs pa de
 bstan par mi nus pa nyid kyis so/ sngags pa yang dag pa'i ye shes dang ldan pa gnang ba'i bka' rnyed par 'gyur te/ rnal 'byor ma bdag med ma la sogs pa rnams kyi gnang bar 'gyur zhing gnang ba ster bar 'gyur ro/ /'dis
 ji srid rdo rje rnal 'byor ma rnams gnang ba ma byung ba de srid phyag rgya'i dngos grub mi 'byung ngo zhes dgongs pa'o/ /rnyed pa de yang mig yangs ma/ /gzugs dang lang tshos brgyan pa ste/ /sihla ga pur yang dag ldan/ /byang chub sems
 kyis byang bar bya/ /phyag rgya chen po rnyed cing thob nas byang chub sems yang dag pa'i ye shes kyis sbyang zhing bsgrub par bya'o/ /mig yangs ma gzugs dang lang tshos brgyan pa ste/ zhes pa de'i yang dag pa'i ye shes lhag par
 gnas pa'i mtshan nyid rab tu bstan to/ /yang zhes pa gang gi phyir te gzugs dang lang tshos brgyan pa de nyid kyi phyir byang chub kyi sems rgyas pa yin zhing/ /sihla ga pur yang dag ldan zhes pa'o/ /yang na bdag med ma de sbyang zhing yang dag
 pa'i rim pas nges par bya'o/ /gang gis zhe na/ byang chub kyi sems rnam par mi rtog pa'i ye shes kyis so/ /de nyid kyi phyir sihla ga pur yang dag ldan/ /sihla nyi ma dang/ ga pur zla ba ste/ zla ba dang nyi ma gnyis yang dag par ldan pa ni
 kha sbyor gyi rang bzhin no/ /yang zhes pa gang gi phyir te mig yangs ma yangs pa ni khyad par du 'phags pa ye shes kyi rang bzhin gyi mig ni gang zhig bden pa gnyis so/ /de rnyed pa ni thob cing shes pa'o/ /gzugs kyi sgras snang ba sku rdo rje
 ste/ yang rlung gsung rdo rje'o/ /oM sa spyod ma bdag med ma thugs rdo rje ste gsum po 'di ni gzugs dang lang tsho byang chub kyi sems so/ /de gang la brgyan cing mdzes pa de gzugs dang lang tshos brgyan pa ste/ 'dis rdo rje gsum dbyer med pa'i
 ye shes kyi rang bzhin zhes pa'i don no/ /dge ba bcu las brtsams nas ni/ /de la chos ni rab gsal bya/ /lha yi gzugs kyi sems dang ni/ /dam tshig gcig pa'i sems nyid do/ /de la chos/ dang po gso sbyong sbyin par bya/ /de rjes bslab
 pa'i gnas bcu'o zhes pa la sogs pa rab bsal bya srog gcod pa la sogs pa mi dge bcu las ldog pa ni dge ba bcu'i chos so/ /de las brtsams pa de sngon du song ba las brtsams pa'i chos de la rab tu gsal bar bya'o/ /lha'i
 gzugs kyi sems dang ni zhes pa lha'i rnam par dag pa'o/ /dam tshig ces pa bdud rtsi lnga la sogs pa ste de bzhin nyid kyi rnam par dag pa'o/ /gcig pa'i sems nyid ces pa rim pa gnyis rnam par dag pa gnyis su med pa'i ye shes so/ /
 yang na de la zhes pa bdag med ma la/ chos ni chos kyi sku ste 'od gsal ba nyid kyis gsal bya/ /de'i bdag nyid kyis rnam pa gnas par bya'o/ /ji ltar zhe na/ bcu zhes pa lnga'i bdag nyid can gnyis te/ dge ba ni chos
 'byung dang dbyer med pa'i ye shes so/ /ku bdag med ma dang/ sha la rdo rje 'chang ste gnyis ka lnga'i bdag nyid can bdag med ma dang dbyer med pa'i rdo rje 'chang gi ye shes las brtsams pa ni de nas brtsams pa'o/ /lha yis gzugs kyi sems
 dang ni zhes pa spro pa'i ye shes so/ /dam tshig ces pa sdud pa'i ye shes so/ /gci pa'i sems nyid ces pa spro ba dang sdud pa'i bdag nyid can gnyis su med pa'i ye shes kho na'o/ /de nyid kyi phyir zla ba gcig gis de skal ldan/ /'dir
 'gyur the tshom med pa nyid/ /gang phyir mchog thob bud med ni/ /kun tu rtog pa thams cad spangs/ /zla ba gcig gis phyag rgya de skal ldan shin tu rnam par dag pa chos kyi dbyings kyi ye shes kyi bdag nyid can du 'gyur ba the tshom med pa nyid
 der gang gi phyir gang las mchog thob gnang ba rnyed pa ste/ de nyid kyi phyir kun tu rtog pa thams cad spangs/ /rnam par rtog pa med pa'i rang bzhin no/ /yang na/ de skal ldan shin tu rnam par dag pa chos kyi dbyings kyi rang bzhin no/ /de ni
 zla bar 'gyur te ma byang chub kyi sems dang/ A bdag med ma ni mA zhes pa'o/ /gnyis ka za ba'i phyir zla ba ma ning ngo/ /ji ltar zhe na/ gcig gis gnyis su med par rtogs pas so/ 'dir the tshom med de 'di la dogs pa med pa kho na'o//
 mchog rdo rje 'chang ngo/ /des thob pa'i bud med ni bdag med ma ste gang gi phyir nA da'i phreng ba gnyis las so/ /de nyid kyi phyir kun tu rtog pa thams cad spangs/ /kun tu rtog pa thams cad yongs su spangs pa zhes pa'i don no/ /yang na
 bdag gi nus pa yis/ /phyag rgya bkug la rab tu brtag/ lha dang lha min mi rnams dang/ gnod sbyin mi 'am ci las kyang/ /don go slob nyid do/ yang na bdag rdo rje 'chang gi mthu dang nus pa yis phyag rgya zhes pa phyag rgya chen po rab tu brtag/ phul du
 byung ba'i ye shes dang ldan par rnam bar gnas par bya'o/ /yang na zhes pa gnyis ka dbyer med pa rdo rje 'chang gi rang bzhin te/ lha dang lha min mi rnams las bkug nas lha dbang po rnams so/ /lha ma yin yul rnams so/ mi rnam par shes pa ste
 mkha' 'gro ma bcom lnga po rnams la bkur nas zhes pa bsdus nas so/ /gnod sbyin rnams las zhes pa cha dang bral pa'i rang bzhin las so/ mi 'am ci las kyang khyad par gyi don la kyang gi sgra ste/ mi 'am ci las zhes pa ci'i sgra ma ning ngo/ /de lta
 bu'i rang bzhin gyi mi las te/ ma ning gi ngo bo rdo rje 'chang gi rgyu las so/ /de yang khyer la spyod pa spyad/ /bdag gi brtan pa rtog pa las/ /phyag rgya de gzung nas spyod pa bsgrub par bya'o/ /ci ltar zhe na/ bdag gi brtan pa rtogs pa las rang gi brtan
 pa rtogs pa na spyod pa bya'o zhes dgongs pa'o/ /yang na/ spyod pa kun rdzob dang don dam pa dbyer med pas gnas pa spyad cing shes par bya'o/ /phyag rgya de khyer la goms par bya zhing bdag rdo rje 'chang gi brtan par gnas pa rtogs pa'i ye shes de
 las zhes pa'i don no/ /gang zhig phyag rgya blangs nas spyod pa byed pa de ni longs spyod las ma yin gyi/ /'on kyang grol ba'i don du'o/ /de'i phyir gsungs pa/ gang bshad 'jig pa'i gzugs can gyi/ /spyod pa longs spyod phyir ma gsungs/ /yid ni
 brtan nam g.yo ba'am ci/ /rang sems so sor brtag phyir ro/ /gang zhig 'jig rten chos brgyad la rnam par grol ba'i spyod pa ni shin tu 'jigs pa ste/ de ni longs spyod 'dod pa sma yin gyi/ /'on kyang grol ba'i don kho nar zhes dgongs pa'o
 yang na spyod pa gang bshad pa 'jigs pa'i gzugs can te/ bden pa gnyis kyi bdag nyid can gyi bya ba de ni brjod du med pa brjod pa'i yul ma yin pa ste/ ngag gi lam las 'das pa'i phyir ro/ /de ni longs spyod phyir ma gsungs
 sgro ma btags par yang dag par grub pa'i phyir zhes pa'i don no/ /da ni phyag rgya'i dngos grub kyi don du phyag rgya blangs nas spyod pa bya'o zhes pa 'di la rdo rje snying po rnam par rtogs pa dang bcas pa'i phyir rdo rje snying pos gsol pa/ /bdag
 med rnal 'byor ldan pa yin/ phyag rgya'i khyad par de ji ltar/ bdag med ma'i rnal 'byor dang ldan pa nyid las rnal 'byor pa nyid phyag rgya ste/ 'di'i phyag rgya'i khyad par gzhan gyis ci zhes rnam par rtog pa ste 'di yang phyag rgya yin
 la de bzhin du gzhan de la yang ngo/ /phyag rgya phyag rgya gnyis dag las/ /phyag rgya'i dngos grub ji ltar 'gyur/ /phyag rgya chen po'i dngos grub ni shes rab dang thabs dbyer med pa'i ye shes yin la/ /'dir yang/ /bdag med ma'i
 rnal 'byor dang ldan pa'i skyes pa ni bdag med ma'i ngo bo nyid las bud med kyi rang bzhin yin zhing 'di'o gzhan phyag rgya yang phyag rgya'i ngo bo nyid las te/ ji ltar gnyis su med pa'i dngos grub 'byung bar 'gyur zhes rnam par
 rtog pa'o/ /de la bcom ldan 'das kyis bka' stsal pa/ bud med gzugs ni spangs nas gzhan/ /bcom ldan 'das kyi gzugs su bya/ /bud med kyi gzugs yongs su spangs na bcom ldan 'das kyi gzugs su bya'o/ /'di
 ji ltar zhe na/ de'i phyir gsungs pa/ nu ma spangs nas bo lar 'gyur/ /kak+ko la dbus yang dag gnas/ /'gram pa gnyis ni dril bur 'gyur/ /ze 'bru bo la can 'gyur te/ /lhag ma bdag nyid chen po'i gzugs/ /he ru ka yi dga' 
 chen mo/ he ru ka sbyor skyes bu ste 'bad pa med par skyes bur 'gyur/ /nu ma snying gar bor la rdo rjer 'gyur zhing bo la'i nang du gnas pa kak+ko la pad+ma'o/ /'dis ci gsungs na bud med kyi nu ma dag snying gar ro/ /de'i nang du yang rdo rje dang pad+ma gnas so/ /rdo rje dang padmo
 'di dag kha sbyor nyid do/ /skyes pa'i ni sa bon gnyis kyis nu ma gnyis zhes pa ste nu ma spangs nas bo lar 'gyur/ /'di dbus su yang kak+kol ste pad+ma dang rdo rje dag dbyer med pa nyid do/ /bud med kyi mtshan ma ni pad+ma'o/ /skyes pa'i rdo rje ste rdo rje dang
 pad+ma dag las gnyis ka yang kha sbyor ro/ /de'i phyir bud med dang skyes bdag la khyad par 'ga' yang med pa ste sa bon gyi dbye ba dang/ phyir rol gyi dbye ba'o/ /yang sa bon gnyis snying gar gnas par gyur pa ni nu ma gnyis so/ /steng du rdo rje
 dang 'og tu pad+ma zhes pa bud med kyi gnyis so/ /sa bon gnyis po de nyid 'og tu rdo rje dang steng du pad+ma zhes pa gnyis so/ /zhes pa la nu ma spangs nas zhes pa la sogs pa'o/ 'gram pa gnyis ni dril bur 'gyur zhes pa A li kA li nA da'i
 phreng ba gnyis ni dril bu ste de ni pad+ma dang za 'bru'o/ /'o la can 'gyur zhes pa nA da'i 'phreng ba gnyis rtsa ba ze 'bru rdo rje'o zhes pa ste/ gnyis ka rdo rje dang pad+ma dbyer med pa nyid do/ /de'i phyir gsungs pa/ lhag ma'i gzugs zhes pa gang zhig
 gnyis ka dbyer med pa de he ru ka rdo rje 'chang gi'o/ /khyad par ci zhe na/ dga' chen te gang gi dga' ba chen po bdag med ma ste de'i 'o zhes pa'i don no/ /de nyid kyi phyir gnyis su med pa'i ye shes dang ldan pa'i 'o/ /phyag rgya dang ldan pa'i bdag
 med ma bsgoms pas kyang 'di gnyis su med pa'i ye shes nyid do/ /'bad pa med par rtsol ba med pa nyid kyis skyes bu skyes pa'i rang bzhin nyid du 'gyur ro/ /de nyid kyi phyir/ gsal bar nus pa'i rnal 'byor pa/ /gang phyir phyag rgya'i dngos grub
 'gyur/ gang phyir zhes pa de'i phyir te rnal 'byor pa gnyis su med pa'i ye shes dang ldan pa'o/ /phyag rgya'i dngos grub phyag rgya chen por 'gyur ro/ /khyad par ci zhe na/ gsal bar nus pa'i de gsal ba yang yin zhing nus
 pa yang yin pa'i phyir gsal bar nus pa ste/ gang la yod pa de ni gsal bar nus pa'o/ /de'i phyag rgya gsal ba dang ldan pa zhes pa'i don no/ /de nyid kyi phyir skye dang 'jig pa dag gis kyang/ /shes rab thabs la gnod mi 'gyur/ /shes
 rab ni phyag rgya'o/ /thabs ni rnal 'byor pa'o/ /gnyis ga la yang gnod pa rmi 'gyur te gang gis zhe na/ skye dang 'jig pa dag gi skye ba dang 'gag pa dag gis te/ skye ba dang 'chi bas gnod par mi 'gyur ro zhes pa'i don no//
 yang na skye ba dngos po ste 'jig pa dngos med do/ /de dag gis shes rab dang thabs dngos po dang dngos med kyi bdag nyid can kho na ste/ gang gi phyir rdo rje 'chang gi ye shes yin a de'i phyir gnod pa rmi 'gyur te/ rnam par rtog par
 'gyur ba cung zad kyang med do/ /de nyid kyi phyir/ can phyir thabs ni 'byung ba ste/ /'jig pa shes rab srid mthar byed/ /thabs kyi rdo rje 'chang ste/ 'byung ba ni yang dag pa'i ngo bor 'byung ba kun rdzob kyi bden pa'i bdag nyid do/ 'jig
 pa ni mya ngan las 'das pas te/ shes rab ni don dam pa'i bden pa'o/ /bden pa gnyis kyi bdag nyid can kho na rdo rje chang ngo/ /srid mthar byed ces pa srid ba skye ba dang mdza' 'jig pa skye ba dang 'jig pa'i bdag nyid can gyi kaM ye shes
 'di'i yod pa'i phyir srid mthar byed ces pa'o/ /yang na kaM/ srid pa 'khor ba mthar byed shes rab ste/ /srid pa dang mya ngan las 'das pa dbyer med pa bdag med ma nyid ces dgongs pa'o/ /des na 'di la rab 'jig med de/ /de
 nyid las ni skye ba med/ /la la 'jig pas zad 'gyur te/ /'jig pa med phyir zad pa'ang med/ /rgyu de na rdo rje 'chang nyid la 'jig pa dang mya ngan las 'das pa med do/ /gang gi phyir/ de nyid las ni skye ba med rang gi ngo bo las te/ chos thams cad
 gdod ma nas ma skyes pa nyid kyi phyir zhes dgongs pa'o/ /gang zhig skye ba'i chos can de ni nges par 'jig par 'gyur gyi gdod ma nas ma skyes pa nyid kyis skye ba med pa'i phyir 'jig pa med cing zad pa'ang med do/ /'ang ces pa gang gi phyir te/ gang
 zhig la la zad par 'gyur ba de ni nges par 'jig pa las so/ /de med pa'i phyir skye ba dang 'jig pa dag med pa nyid do/ /de'i phyir gnod pa rnam pa thams cad du med pa kho na'o/ /zhes pa'i tshigs su bcad pa gnyis kyis rnam par gshad pa'i
 don no/ /de nyid kyi phyir/ bskyed pa'i rim pa'i rnal 'byor gyis/ /spros pa sgom bya brtul zhugs can/ /spros pa rmi lam ltar byas nas/ /spros pa rnams kyis spros med byed/ /bskyed pa ces pa skye ba ste/ lha'i rnam pa'i rnam par dag pa'o/ /bskyed
 pa'i rim pa ni des thab pa ste/ rnal 'byor ni 'dus pa'o/ /bskyed pa'i rim pa'i rnal 'byor des dkyil 'khor gyi 'khor lo bsgom pas spros pa gzugs kyi phung po la sogs pa bsgom zhing snyoms par 'jug par bya'o/ /brtul zhugs can
 zhes pa rnam par dag pa gnyis nges pa'i bdag nyid do/ /spros pa lha'i rnal 'byor gyis rmi lam ltar byas nas/ gang zhi spros ba lha'i rnam pa rnams kyi spros med bya/ /gzugs kyi phung po la sogs pa dbyer med par rtogs par bya'o/ /'dis ni
 gzugs kyi phung po la sogs pa rnams lha'i rnam pas rnam par sbyang zhing goms par byed pa mngon du gyur pa na/ chu dang 'o ma bzhin tha dad pa yang tha dad med par skad cig la skye bar 'gyur ro zhes pa'o/ /yang na bskyed pa'i sgras yang dag pa'i ye shes so/ /de'i
 rim pa ni thob pa ste/ de yang rnal 'byor shes rab dang thabs dbyer med pa yis zhes pa ste/ bskyed pa'i rim pa'i rnal 'byor gyis yang dag pa'i ye shes thob pa la gnyis su med pa rtogs pas spros pa spro ba ste/ spros
 med bya sdud pas rnam par gnas par bya'o/ /spro ba dang sdud pa'i rang bzhin 'di nyid ye shes so zhes pa'i don no/ /'di ji lta bu zhe na/ de'i phyir gsungs pa/ ji ltar sgyu ma rmi lam dang/ /ji ltar srid pa bar ma bzhin/ /rtag tu goms pa'i sbyor
 ba las/ /de bzhin dkyil 'khor snang bar 'gyur/ /bar chad med par goms pas sbyor ba gnyis su med par rtogs pa las dkyil 'khor lha'i rnam pa bsgom pa so sor snang bar 'gyur ro/ /ji ltar sgyu ma zhes pa mngon sum nyid
 la bden pa ma yin brdzun pa ma yin pa'o/ /ji ltar rmi lam zhes pa mngon sum dam yin pa la bden pa ma yin brdzun pa ma yin pa'o/ ji ltar bar ma srid pa bzhin zhes pa rnam par shes pa tsam dmigs pa med pa'i rang bzhin te/ 'di
 ltar so sor gsal bar 'gyur ro zhes pa'o/ /yang na ji ltar dkyil 'khor yang dag pa'i ye shes nyid de/ de bzhin du sgyu ma snang ba sku rdo rje'o/ /rmi lam mtshan ma gsung rdo rje'o/ /mar ma srid pa rnam par shes pa thugs rdo rje ste/ rdo rje
 gsum so sor snang bar 'gyur ro/ /ji ltar zhe na/ rtag tu bar chad med pa tha dad med pa'o/ /goms pa kun nas thams cad du brtan par gnas pa ni goms pa ste tha dad pa'o/ /rtag tu goms pa'i sgras tha dad med pa dang tha dad do/ /de dag
 sbyor ba ni 'dus pa ste rtag tu goms pa'i sbyor ba las tha dad med pa dang tha dad mi dmigs pa'i phyir zhes pa'i don no/ /bskyed ba dang rdzogs pa dag gnyis su med pa nyid rab tu bstan pa'i phyir gsungs pa/ phyag rgya chen po'i dbang bkur
 la/ /ji ltar shes pa'i bde chen po 'di ni de'i mthu nyid de/ gzhan las dkyil 'khor 'byung pa med/ /dkyil 'khor 'di ni zhes pa lha'i rnam pa bsgom pa'i ye shes te/ gzhan las 'byung ba med gzhan las skyes pa ma yin no/ /'di ni de'i
 mthu nyid de/ de'i zhes pa gang gi zhe na/ ji ltar shes pa'i bde chen po/ /gang zhig rtogs pa'i bde ba chen po lhan cig skyes pa ste/ gang du phyag rgya chen po'i dbang bskur la chu'i dbang la sogs pa bdun po rnams la'o/ /'dis
 lhan cig skyes pa'i rang bzhin kho na dkyil 'khor yin gyi gzhan ma yin zhes pa ste/ rim pa gnyis dbyer med pa nyid do zhes pa'i don no/ /yang na phyag rgya chen po zhes pa 'di chen po dang phyag rgya yang yin pa'i phyir phyag rgya chen po ste
 dga' ba bzhin no/ /des dbang bskur ba dri ma med pa'i bya ba ste/ de rnams la ji ltar shes pa gang zhig myong ba'o/ /bde ba chen po yang dag pa'i ye shes de'i 'di nyid dkyil 'khor rdo rje 'chang gi ye shes so/ /khyad par ci zhe na/ gzhan
 las 'byung ba med/ gzhan lhan cig ma yin pa ste bdag med ma'o/ /'byung ba rdo rje 'chang ste/ gzhan dang 'byung ba ni gzhan dang 'byung ba'o/ /med ces pa de la shes rab dang thabs tha dad pa med ces pa ste ma ning ngo/ /de nyid kyi phyir
 phul du byung ba'i dngos po ni mthu ste/ rdzogs pa'i rim pa dang dbyer med pa'i bskyed pa'i rim pa zhes pa'i don no/ /de nyid kyi phyir/ bde ba nag po bde ba ser/ /bde ba dmar po bde bkar/ /bde ba ljang khu bde ba sngo/ /bde ba mdza' dag rgyu
 mi rgyu/ /bde ba shes rab bde ba thabs/ /de bzhin kun du ru skyes bde/ /bde ba dngos po dngos med bde/ rdo rje sems dpa' bde bar dran/ /bde ba zhes pa gang zhig lhan cig skyes pa'i ye shes pa'i ye shes te/ de ni nag po dang ser po
 la sogs pa'i rnam pa nyams su myong bar gyur pa mdza' dag brtan pa dang/ g.yo ba dang/ bud med dang/ skyes pa dang/ de gnyis las skyes pa nyams su myong ba'i ye shes dang/ dngos po dngos med dang rdo rje sems dpa' zhes pa
 rdo rje gsum dbyer med pa'i ye shes te/ thams cad bskyed pa'i rang bzhin kun rdzob kyi bden pa dang/ don dam pa'i bden pa'i rang bzhin nyid de rim pa gnyis dbyer med pa'o/ /yang na bde ba zhes ba su khu ba dang/ khaM/ bdag med ma ste/ su dang khaM ni
 bde ba'o/ /khu ba dang bde ba dbyer med pa'i byang chub kyi sems te/ de ni nag po mi skyod pa'i rang bzhin no/ /ser po dang/ dmar po dang dkar po dang ljang khu dang sngon po ni rin chen dbang po dang 'od dpag med dang/ rnam par snang mdzad dang/
 don yod grub pa dang/ rdo rje sems dpa' i rang bzhin te de gnyis nyid do zhes pa'o/ /mdza' dag thams cad de rgyu mi rgyu zhes pa brtan pa dang g.yo ba dang dbang po yul gyi rang bzhin no/ /shes rab dang thabs ni rdo rje dang pad+ma'o/ /kun du ru skyes pa dga' 
 ba gsum mo/ /dngos po dngos med ces pa dben pa gnyis so/ /rdo rje sems dpa' zhes pa rdo rje gsum dbyer med pa'i ye shes so/ /dran zhes pa thams cad mkhyen pa'o/ /da ni phyag rgya chen po'i dbang bskur la/ ji ltar shes pa'i bde
 chen po/ /'di ni de yi mthu nyid de/ /gzhan las dkyil 'khor 'byung ba med/ ces pa thugs la gnas par mdzad nas rdo rje snying pos gsol pa/ rdzogs pa'i rim pa'i rnal 'byor 'di/ /dam pa'i bde ba bde chen 'dod/ /rdzogs pa
 bsgom pa med pa ste/ /bskyed pa yis ni dgos pa ci/ /gal te gang zhig dam pa'i bde ba ye shes dang ldan pa de ni/ /bde ba chen po yin zhing/ /bskyed pa'i rim pa ni rang bzhin rtogs pa'o/ /gang zhig bde ba chen po de yang
 rdzogs pa'i rim pa'i rnal 'byor 'di'o zhes 'dod cing rdzogs pa'i rim pa la yang bsgom pa med do/ /de'i skyes pa'i bskyed pa'i rim pa bsgoms pas dgos pa ci ste/ dgos pa cung zad kyang med do zhes zhus pa na/ bcom ldan 'das kyis bka' 
 stsal ba/ e ma dad pa'i shugs kyis byang chub sems dpa' chen po 'di/ /e ma zhes pa bcom ldan 'das ngo mtshar du gyur pa nyid de/ byang chub sems dpa' chen po rdo rje snying po 'di gal te de ltar zhu ba de'i phyir 'di nyams te/
 'dis chos dang chos ma yin pa mi shes pa nyid de/ 'jal bar byed mi nus pa'i phyir nyams pa'o/ /ci ltar zhe na/ dad pa'i shugs kyis dad pa'i rjes su 'brangs pa nyid de/ 'dis chos kyi sku tsam nyid kho na nges kyi sprul pa dang longs spyod
 rdzogs pa'i sku gnyis ka yang ma yin no zhes nyid kyi thugs la mtshar bar dgongs nas rdo rje snying po la slar gsungs pa/ lus dngos med na gang las bde/ /bde ba smra bar mi nus te/ /khyab bya khyab byed rang bzhin gyis//
 bde bas 'gro ba khyab pa'o/ /lus kyi sgras 'phel ba'i mtshan nyid phung po lnga la sogs pa'i bdag nyid de'i dngos po med na bde ba nyams su myong ba'i ye shes gang la yod de/ /bde ba zhes smra bar mi nus pa nyid do/ /de'i phyir khyab
 bya khyab byed rang bzhin gyis khyab bya lus dang khyab byed bde ba te/ de lta bu'i rang bzhin bde ba dang ye shes kyis 'gro ba khams gsum pa khyab pa'o/ /yang na lus dngos med na zhes pa a'i rang bzhin gyi dngos po ni dngos med bdag med ma'i
 rang bzhin gyi rdo rje 'chang ngo/ /de yang lus te 'phel ba'i mtshan nyid do/ /'di lus dang dngos med kyang yin pa'i phyir lus dngos med de/ /de ltar gyur pa na 'phel ba'i bdag nyid can rdo rje chang gi rang bzhin bdag med ma nyid kyis so//
 gang las chos 'byung las te bde ba lhan cig skyes pa'i ye shes so/ /bde ba de yang smra bar mi nus te dag gi lam las 'das pa nyid kyi phyir/ /khyab bya khyab byed rang bzhin gyis zhes pa khyab bya khyab byed kyi bde
 ba lhan cig skyes pa'i ye shes kyis 'gro ba khyab ste yang dag pa'i ye shes 'gro ba dang dbyer med pa nyid do zhes pa'i don no/ /'di nyid dpe yis bstan par byed pa/ /ji ltar me tog la gnas dri/ /me tog dngos med
 las mi rtog de bzhin gzugs sogs dngos med pas/ bde ba dmigs pa nyid mi 'gyur/ /me tog la gnas pa'i dri rtogs shing khong du chud par 'gyur te/ me tog gi dngos po med pa las ma yin pa ji lta lta ba de bzhin du
 gzugs la sogs pa rnams kyi dngos po med pas bde ba dmigs par mi 'gyur ba nyid do/ /de'i phyir gzugs la gnas pa ni gzugs kyi dngos po med pa nyid do/ /'dra ba ni cung zad khyad par gnas pa yin gyi de thams
 cad mtshungs pa ni ma yin no/ /'on kyang de'i bdag nyid kyis rtogs par bya ste/ gzugs nyid gzugs med pa dang gzugs med pa nyid gzugs so zhes pa'o/ /yang na/ ji ltar me tog la gnas dri zhes pa/ dri shes pa de
 ni re zhig me tog la gnas pa rtogs shing khong du chud par 'gyur ro/ /me tog nyid gdod ma nas ma skyes pa nyid kyis dngos med las skye ba bkag pa'i phyir/ dri dang dri'i shes mi rtogs shing khong du chud par mi 'gyur te/
 gang zhig dri'i shes pa rtogs pa'i shes pa gzhan med pa'i phyir ro/ /de bzhin du bde ba yang dag pa'i ye shes dmigs pa nyid du mi 'gyur te/ mi dmigs pa'i rang bzhin kho na'o/ /ji ltar zhe na/ gzugs la sogs pa
 dngos med pas gzugs la sogs pa rnams kyi dngos po med pa ni a'i rang bzhin gyi dngos po ste/ des na gzugs la sogs pa rnams kyi rang bzhin bdag med pa nyid kyis zhes pa'i don no/ /'dis ci gsungs na rdzogs pa bsgom pa med
 pa ste zhes pa'i phyogs 'di grub pa nyid do/ /de ji ltar zhe na/ bskyed pa'i rim pa rtogs pa las zhes dgongs pa ste/ bskyed pa'i rim pa rnam par spangs nas rdzogs pa'i rim pa med pa kho na'o/ /de ltar yang/ 'di las bsal bya ci
 yang med/ /bzhag par bya ba cung zad med/ /yang dag nyid la yang dag blta/ yang dag mthong na rnam par grol/ zhes pa ste/ 'di ni bden pa mthong ba gang zhig chos thams cad kyi rang bzhin des par rtogs pa'o/ /dri ma blo bur ba
 dang ldan pa rnams la rtag tu ma rig pa'i dbang gis dngos po'i de kho na rtogs pa med do/ /dngos po de kho na rtogs pa'i yang ma rig pa rnam par bsal nas dngos po de kho na rdzogs pa med do/ /gnyis ka la yang dngos po de kho na rtogs
 pa med do/ /dngos pa'i de kho na rtogs pa ni yang dag pa'i ye shes nyid do/ /de nyid kyi phyir de ltar gyur pa'i rang bzhin rnams ni bdag gis mi shes te skyon cir 'gyur zhes pa'o/ /de'i phyir rtag tu ma rig pas gnas pa rnams kyi dri ma blo bur bsal
 pa'i don du lha'i rnam pa'i rnam par dag pa'i dngos pa zhes pa bskyed pa'i rim pa ste/ de nyid skad cig la mnyam pa nyid kyis mngon du gyur pa'i phyir 'di dang de'o zhes rnam par bcad par mi nus pa nyid kyis rdzogs pa'i rim pa thob par 'gyur
 ro/ /lha'i rnam par dag pa dang de bzhin nyid kyi rnam par dag pa 'di ni gnyis su med/ gnyis su byar med pa tha dad cing bcad du med pa'o zhes pa ste/ bskyed pa yis ni dgos pa ci zhes gang zhig rdo rje snying po'i zhu ba 'di ni de rnam pa thams cad du dge
 ba'i bshes gnyen spangs pa nyams pa'i chos can lta bu ste/ e ma dang pa'i shugs kyis nyams/ /byang chub sems dpa' chen po 'di/ zhes bcom ldan 'das kyi thugs la 'khrungs pa'o/ /bdag nyid nye bar
 bstan pa'i phyir bcom ldan 'das kyis bskyed pa'i rim pa'i dgos pa chen po gsungs pa/ dngos dang dngos po med pa dang/ /dngos po rtogs phyir sangs rgyas nga/ /phyag dang zhal gyi rnam pa'i gzugs nyid kyis nga nyid re zhig
 thams cad mkhyen pa'i dngos po ste dngos po'i rang bzhin no/ /dngos po med pa nga nyid de/ /phyag dang zhal gyi rnams pa'i gzugs ni rang bzhin nyid kyis gzugs med pa'i phyir ro/ /sangs rgyas nga nyid de rtogs pa dang ldan
 pa'i phyir sangs rgyas so/ /ji ltar zhe na/ dngos po rtogs pa nyid las sangs rgyas thams cad mkhyen pa zhes brjod do/ /de'i phyir bskyed pa'i rim pa rtogs pa kho nas rdzogs pa'i rim pa nges pa'o zhes pa'i don no/ /yang
 na/ nga a yig dang/ haM yig gi ngo bo nyid ni dngos po ste/ shes rab dang thabs kyi bdag nyid kyi phyir ro/ /de nyid dngos po med pa nga nyid de/ gnyis ka tha dad pa med pa nyid kyi phyir zhes pa'o/ /nga gnyis sangs rgyas te shes rab
 dang thabs/ dbyer med par shes pa'o/ /ji ltar zhe na dngos po rtogs phyir gang zhig gnyis ka dbyer med pa ma yin pa'i dngos po de med/ /dngos po thams cad shes rab dang thabs kyi rang bzhin kho na zhes pa'o/ /rgyu de'i phyir/ gang zhig
 le los bsnun pa dang/ rmongs pa gang zhig nga mi shes/ /dam pa nga spyod bde ba can/ /rdo rje btsun mo'i b+ha ga la/ /rmongs pa gang zhig gti mug gis bsgribs pa de rnams kyis nga mi shes te/ de bzhin nyid kyi rnam par dag pa ni
 re zhig rmongs pa rnams kyi spyod yul ma yin pa kho na'o/ /shes rab non po nyid kyis ni gal te de bzhin nyid kyi rnam par rtogs par 'gyur ba ri lta na yang/ dngos po'i de kho na nges par rtogs pa nyid de/ /bskyad pa'i rim pa las gzhan
 pa'i rdzogs pa'i rim pa med pa kho na'o zhes gsungs par 'gyur ro/ /gang zhig le los bsnun pa zhes le lo ni sgyid lug pa yin zhing/ bsnun pa ni bcom pa ste lha'i rnam pa'i sprul pa bsgoms pas ci zhes brtson 'grus dman pa
 lha'i rnam par dag pa mi shes pa'o/ /de rnams kyis kyang nga mi shes so/ /bskyed pa'i rim pa goms pas ni gnyis ka'i rnam par dag pa ste/ de ltar na yang rdzogs pa'i rim pa ni bskyed pa'i rim pa las gzhan ma yin pa kho na'o
 zhes pa'o/ /dam pa nga spyod bde ba can/ /rdo rje btsun mo'i b+ha ga la/ /nga zhes pa shes rab dang thabs dbyer med pa ste/ de nyid kyi phyir dam pa ma ning gi rang bzhin no/ /bde ba can chos 'byung la/ spyod pa sna tshogs pa'i sprul pa'i sku yis nga rnam
 bar gnas so/ /bde ba can yang gang zhe na/ gsungs pa/ rdo rje btsun mo'i b+ha ga zhes pa gang zhig bde ba dang ldan pa de ni rdo rje btsun mo ste/ de ni rdo rje mkha' 'gro ma ste de'i b+ha ga ni ye shes so yang na gang/ rdo rje ni rdo rje 'chang
 ste btsun mo ni bdag med ma'o/ /rdo rje 'chang dang btsun mo ni rdo rje btsun mo ste shes rab dang thabs dbyer med pa'o/ /de'i b+ha ga la nges dbyer med pa'i ye shes la'o/ /'dis ni rdo rje 'chang gi dbugs dbyung pa gsungs so/ /de
 bzhin gshegs pa'i dbugs dbyung ba gsungs pa/ e yig rnam pa'i gzugs can no/ /sangs rgyas rin chen za ma tog /e yig gi rnam pa ni e yig gi rnam pa ste/ chos 'byung gzhal yas khang ngo/ /de'i
 gzugs na de'i rang bzhin la'o/ /khyad par ci zhe na/ sangs rgyas rin chen za ma tog sangs rgyas kyi sgras me long lta bu la sogs pa ye shes lnga'o/ /de rnams kyi dga' ba rgyas pa'i phyir rin chen te/ sangs rgyas rnams
 kyi rin chen ni sangs rgyas rin chen no/ /de'i za ma tog ni gzhir gyur pa'o/ /'dis ni spyod ces pa 'dis sna tshogs pa'i gzugs dang spyod pas sprul pa'i sku nga nyid do/ /nga zhes pa 'dis nA da gnyis kyi bdag nyid longs spyod rdzogs pa'i
 sku'i rang bzhin yang nga'o/ /dam pa zhes pa 'dis ma ning gi rang bzhin nyid la chos kyi sku yang nga'o/ 'dis ni sku gsum gyi rang bzhin nga zhes pa'o/ /rdo rje btsun mo'i g+ha ga zhes pa rdo rje 'chang ste/ btsun mo ni bdag med ma'o/ /rdo rje dang
 btsun mo ni rdo rje btsun mo ste rdo rje 'chang dang dbyer med pa'i bdag med ma'o/ /rdo rje dang btsun mo ni rdo rje btsun mo ste/ rdo rje 'chang dbyer med pa'i bdag med pa'i bdag med ma'o/ /de'i b+ha ga zhes pa'i don no/ /e yig rnam pa'i gzugs can ni
 bdag med ma'i rang bzhin no/ /sangs rgyas rin chen gyi sgras rdo rje 'chang ste/ de'i za ma tog la'o/ /'dis rdo rje 'chang nyid bdag med ma dang bcas med ma nyid rdo rje 'chang ngo zhes pa'o/ /de nyid kyi phyir/ 'chad pa po dnga chos kyang nga/ /nyan
 pa rang dang ? ldan nga/ /'gro ba'i ston pa bsgrub bya la/ /'jig rten pa nga 'jig rten par/ /'chad pa po nga zhes pa nga nyid ston pa'o/ /chos kyang nga zhes pa bstan par bya ba'i rang bzhin chos kyang de nyid do/ /nyan pha nga zhes pa nyan pa po'i
 rang bzhin yang nga nyid do/ /rang dang tshogs ldan zhes pa rang nyid dang 'khor ldan pa yang nga nyid do/ /bsgrub bya nga zhes pa nga nyid 'bras bu'i rang bzhin nyid las chos yan lag bcu gnyis sam yan lag dgu po de lhag par rtogs pa'i
 rang bzhin yang nga'o/ /yan lag bcu gnyis po nyid kyang mdo'i sde dang/ dbyangs kyis bsnyad pa dang/ lung bstan pa dang/ tshigs su bcad pa dang/ ched du brjod pa dang/ gleng gzhi dang/ rtogs pa brjod pa dang/ de lta bu byung ba dang/ skyes pa'i rabs dang
 shin tu rgyas pa dang/ rmad du byung ba dang/ nye bar bstan pa zhes pa'o/ /de la don shin tu mang po mtshon par byed pa'i phyir mdo'i sde zhes brjod do/ /gang du tshig lhug pas gsungs pa'i don rnams mthar dbyangs su bsdebs pa'i tshigs
 su bcad pa rnams kyis dga' ba dang rangs par bya ba'i don du glur blangs pa de ni dbyangs kyis brnyad pa'o/ /gang du 'byung bar 'gyur ba'i don rnams 'di lta bu'i dus na 'di ltar 'byung bar 'gyur ro zhes lung ston par byed pa de ni lung
 bstan pa ste/ ji ltar bram ze'i khye'u khyod ma 'ongs pa'i dus bskal pa grangs med pa na de bzhin gshegs pa dgra bcom pa shAkya thub pa zhes bya bar 'gyur ro zhes pa la sogs pa de bzhin gshegs pa mar me mdzad kyi gsung
 rab las lung bstan pa lta bu ste/ mdo sde 'di dag ni drang ba'i don no/ /gsungs ba'i don rab tu gsal bar byed pa/ gdul bya'i don du sgra dang tshig dang/ yi ge sna tshogs pa rnams kyis rkad pa bzhi pa la sogs pas gdul bya'i
 rjes su mthun par rab tu gsal bar byed pa'i tshigs su bcad pa ste/ mdo sde 'di ni nges pa'i don no/ /gdul bya sna tshogs pa'i skye ba'i bsam pas zhus pa'i don gsal bar byed pa ni ched du brjod pa'o/ /so sor nges pa'i yul
 dang dus la sogs pa brjod pa nges par byed pa'i dag ni gleng gzhi'o/ /skye bo rtogs par 'dod pa la nges pa bskyed pa'i ched du dpe yis don brjod par byed pa ni rtogs pa brjod pa'o/ /sngon byung ba brjod par byed pa ni de lta bu byung
 ba'o/ byang chub sems dpa' i gnas skabs kyi skye bo sna tshogs pa rnams la lus sbyin pa la sogs pa'i spyod pa ston pa ni skyes rabs so/ /byang chub sems dpa' rnams la bden pa gnyis su med pa rab tu bstan
 pa'i ched du rnam par rgyas pa'i chos bstan pa ni shin tu rgyas pa'o/ /cho 'phrul chen po bstan pa la sogs pa chos rmad du byung ba so sor brtan pas sems can lam la 'jug par byed pa ni rmad du byung ba'o/ /rnam par bshad
 pa sbas pa'i don rab tu gsal bar byed pa ni nye bar bstan pa zhes pa ste yan lag bcu gnyis rnams so/ /'phags pa dge 'dun phal chen pa rnams kyi lugs kyis gleng gzhi dang/ rtogs pa brjod pa dang/ nye bar bstan pa'i ming
 can yan lag gsum ni mdo sde la sogs pa rnams kyi nang du gtogs shing ches yan lag dgu'o zhes pa rdo rje 'chang ngo/ /'gro ba'i ston pa zhes pa 'jig rten gsum gyi bla ma nga nyid do/ /'jig rten nga zhes pa 'jig rten gsum gyi rang bzhin
 nga nyid do/ /'jig rten gyi nga zhes pa 'jig rten gyi lugs kyi rang bzhin yang nga nyid do zhes pa'o/ /yang na nga zhes pa shes rab dang thabs dbyer med pa ste/ 'chad pa po nga zhes pa 'dis sprul pa dang longs spyod rdzogs pa'i sku'i bdag nyid
 do/ /chos kyang nga zhes pa gnyis su med pa'i rang bzhin chos kyi sku'i bdag nyid do/ /nyan pa nga zhes pa longs spyod rdzogs pa'i sku yongs su sgrub pa'i rang bzhin yang nga'o/ /rang dang tshogs ldan zhes pa rang sems dang tshogs pa
 dbang po dang yul rnams so/ /de rnams ldan pa gnyis su med pa ste/ rdo rje gsum dbyer med pa nyid bcom ldan 'das zhes pa'o/ /bsgrub bya nga zhes pa gsungs pa'i don kho na'o/ /'gro ba'i ston pa zhes pa 'gro ba dbang po
 rnams so/ /de rnams kyi ston pa ni nges par byed pa ste/ lha'i mig la sogs pa'i yon tan dang ldan pa'o zhes pa'i don no/ /de nyid kyi phyir 'jig rten nga zhes pa phung po lnga'i rang bzhin nga nyid do/ /'jig rten pa nga zhes pa gzugs la sogs pa yul gyi
 rang bzhin yang nga nyid do/ /de nyid kyi phyir/ lhan cig skyes dga' i rang bzhin nga/ mchog mdza' dga' bral dang po can/ lhan cig skyes dga' i rang bzhin nga/ zhes pa lhan cig skyes pa'i dga' ba'i rang bzhin nga nyid do/ /mchog mdza' dga' bral
 dang po can zhes pa mchog gi mdza' ni mchog mdza' ste/ de ltar gyur pa ni dga' bral lo/ /de lhan cig skyes pa gang gi dang por gyur pa de ni mchog mdza' dga' bral dang po can te ma ning ngo/ /yang na mchog ni mdza' ste dang po'i dga' ba
 gang gis mthar gyur pa de ni mchog mdza' o/ /dga' bral ni gsum pa'i dga' ba'o/ /dang po dang mdza' dag gis bar gyi dga' ba yang ste mchog tu mi 'gyur ba nyid kyis zhugs pa'i phyir ro/ /gang gi dang po dga' ba gsum yin pa
 de ni kaM/ lhan cig skyes pa'i ye shes te mchog mdza' dga' bral dang po can no/ /yang na/ gang mchog gi rang bzhin ni mdza' lhan cig skyes pa ste mchog mdza' o/ /mchog mdza' i rang bzhin ni dga' bral dang po dga' ba dang po ste mchog mdza' 
 dga' bral dang po'o/ /'di dag gi ngo bo nyid ni ka ma ye shes te dga' ba gsum gyi bdag nyid can kho na lhan cig skyes pa'i ye shes zhes pa'o/ /lhan cig skyes dga' i rang bzhin nga zhes pa 'dis 'chad pa po nga zhes pa la sogs pa bcom
 ldan 'das kyi ngo bo nyid grub po zhes pa'o/ /yang na mchog mdza' ni mdza' ni mthar thug pa nyid do/ /khyad par ci zhe na/ mchog rmad du byung ba ste 'di la gzhan cung zad kyang med do zhes pa'o/ /dga' bral dang po can gang gi phyir dga' bral ni
 rnam par chad pa nyams pa'o/ /dang po ni skye ba'o/ /dga' bral dang/ dang po ni dga' bral dang po ste/ 'jig pa dang skye ba dbyer med kaM ye shes so zhes pa'o/ /de bzhin du ni rtogs pa bu/ /mun pa la ni mar me ltar/ /de bzhin
 du zhes pa dpe gsungs pa ste rtog pa nyams su myong ba'i ye shes so/ /bu zhes pa rdo rje snying po la bod pa'o/ /mun pa la sgrom ma/ ji lta ba bzhin te rab tu gsal ba'i snang ba 'od dang dbyer med pa ni mun pa sel bar byed pa nyid do//
 de bzhin du lhan cig skyes pa'i ye shes kyi 'od gsal ba'i rang bzhin te/ lta ba ngan pa dang/ nyon mongs pa'i bag chags rjes su 'brel pa ma lus pa rnam par sbyor bar byed pa ste/ bla ma'i zhabs kyi bka' drin gyi spyod yul rtogs
 pa na zhes pa'i don no/ /de ni nga nyid de/ ston pa sum cu rtsa gnyis mtshan/ gtso bo dpe byad brgyad cu ldan/ /btsun mo'i b+ha ga bde can du/ /khu pa'i ming gis rnam par gnas/ de med pas na bde med 'gyur/ /bde ba spangs
 nas nga ma yin/ /nus pa med phyir ltos dang bcas/ /lha yi rnal 'byor las bde pa/ zhes pa 'di la mtshan sum cu rtsa gnyis yod pa'i phyir sum cu rtsa gnyis mtshan can te phyag dang zhabs 'khor los mtshan pa nyid dang/ phyag dang zhabs shin tu gnas pa
 nyid dang/ phyag dang zhabs kyi sor mo dra bas 'brel ba nyid dang/ phyag dang zhabs 'jam zhing gzhan pa nyid dang/ bdun mtho ba nyid dang/ sor mo ring ba nyid dang/ rting pa yangs pa nyid dang/ sku che zhing drang po nyid dang/ zhabs mtho ba nyid dang
 sku'i spu gyen du phyogs pa nyid dang/ byin pa e De ya'i byin pa lta bu nyid dang/ phyag ring zhing ma nges pa nyid dang/ gsang ba'i gnas spubs su nub pa nyid dang/ gser gyi mdog nyid dang/ pags pa srabs pa nyid dang/ /spu'i khud
 bu re re nas skyes pa nyid dang/ zhal mdzod spus brgyan pa nyid dang/ sku stod g.yogs seng ge lta bu nyid dang phrag pa legs shing zlum pa nyid dang/ thal gong rgyas pa nyid dang/ ro bro ba mkhyen pa nyid dang n+ya gro d+ha ltar chu zheng gab ba nyid dang/ dbu gtsug
 tor dang ldan pa nyid dang/ ljags che zhing srab pa nyid dang/ tshangs pa'i dbyangs nyid dang/ seng ge'i 'gram pa nyid dang tshems dkar po nyid dang/ tshems mnyam pa nyid dang/ tshems snyoms pa nyid dang/ tshems bzhi bcu tshang pa nyid dang/ spyan 'thon
 mthing nyid dang/ spyan gyi rdzi ma ba'i lta bu nyid do zhes pa mtshan sum cu rtsa gnyis po rnams bcom ldan 'das kyi mchog tu gyur pa nyid de/ shes rab dang thabs rnam par dag pa dbyangs bcu drug nyis 'gyur yongs su gyur pa nyid las zhes
 dgongs pa'o/ /de la bcom ldan 'das kyi phyag dang zhabs kyis mthil la 'khor lo rtsibs stong dang ldan pa mu khyud dang bcas pa lta ba dang bcas pa mnga' ba'i phyir phyag dang zhabs 'khor los mtshan pa nyid do/ /phyag dang zhabs dag mthil mnyam
 pa nyid las sa la bzhag pa na mi 'babs pa na med pa'i phyir phyag dang zhabs shin tu gnas pa nyid do/ /dad pa'i rgyal po'i rkang pa lta bu mnga' ba'i phyir phyag dang zhabs kyi sor mo dra bas 'brel pa nyid do/ /phyag dang zhabs shing bal dang
 mtshungs pa'i phyir phyag dang zhabs 'jam zhing gzhon pa nyid do/ /phyag dang zhabs thal gong dang mgrin pa rgyas pa'i phyir bdun mtho ba nyid do/ /phyag dang zhabs kyi sor mo ring ba nyid kyi phyir sor mo ring ba nyid do/ /zhabs kyi rting pa
 yangs pa nyid kyi phyir rting pa yang pa nyid do/ /sku bdun mthong zhing yon po ma yin pa nyid kyi phyir sku che zhing drang po nyid do/ /pus mo dang long bu mi mngon zhing mtho ba nyid kyi phyir zhabs mtho ba nyid do/ /ba spu g.yas bskor du 'khyil pa nyid kyi
 phyir sku'i spu gyen du phyogs ba nyid do/ /rim gyis rgyas shing zlum pa'i phyir dang nye bar zhom pa med pa nyid kyi phyir byin pa e Ne ya'i lta bu nyid do/ /mnyam zhing rgyas pa'i phyir dang brkyang bas phyag gi mthil dag gis pus mo'i lha nga
 smed ba'i phyir phyag ring zhing mdzes pa nyid do/ /gsang ba'i gnas mchog spubs su nub cing mi mngon pa nyid kyi phyir gsang pa'i gnas spubs su nub pa nyid do/ /mdog gser lta bu nyid kyi phyir gser gyi mdog nyid do/ /rdul gyis nye bar gos
 pa med pa nyid kyi phyir pags pa srab pa nyid do/ /spu'i khung bu nas gnyis pa ma yin pa nyid kyi phyir/ /spu'i khung bu re re nas skyes pa nyid do/ /gzi brjid chen po'i mdzod spus smin par brgyan pa nyid kyi phyir zhal mdzod spus brgyan pa nyid do//
 sku stod rnam par rgyas pa nyid kyi phyir sku stong seng ge lta bu nyid do/ /dpung mgo kun nas rgyas pa nyid kyi phyir phrag pa legs shing zlum pa nyid do/ /zlum zhing rgyas pa nyid kyi phyir thal gong rgyas pa nyid do/ /rlung la sogs pa rnams kyis nye bar ma
 bsnun pa'i ro byed pa nyid kyi phyir ro bri ba nyid do/ /dkyus rang zheng mnyam pa nyid kyi phyir n+ya gro d+ha ltar chu zhed gab ba nyid do/ /dbu'i gtsug tor zlum zhing yongs su rdzogs pa g.yas su 'khyil ba mnga' ba nyid kyi phyir dbu gtsug tor dang ldan pa nyid do/
 utpa la dmar po'i 'dab ma dang mtshungs pa'i kha dog gis khyab pa nyid kyi phyir ljags che zhing srab pa nyid do/ /dbyig gi snying po'i lta bur dbyangs snyan pa nyid kyi phyir tshangs pa'i dbyangs nyid do/ /'gram pa me long gi dkyil 'khor
 lta bur 'od gsal zhing shin tu zlum pa blta bar bya ba nyid kyi phyir seng ge'i 'gram pa nyid do/ /kunda dang zla ba lta bur dkar pa nyid kyi phyir tshems dkar pa nyid do/ /mthon dman du gyur pa med pa nyid kyi phyir tshems mnyam pa nyid do/ /'og
 dang steng la lhag tshang med pa nyid kyi phyir tshems ma tshang ba med pa nyid do ma tshang pa med pa nyid kyi phyir tshems bzhi bcu tshang ba nyid do/ /dkar po dang nag po'i phyogs nyams pa med pa nyid kyi phyir spyan 'thon mthing nyid do/ /steng dang 'og tu gnas pa'i rdzim ma mdzings pa'i phyir
 dang ma ching ba med pa nyid kyi phyir spyan gyi rdzim ba'i lta bu nyid do zhes pa ste/ skyes bu chen po'i mtshan sum cu rtsa gnyis rtag tu 'khyud pa gang yin pa de ni bcom ldan 'das zhes pa'i don no/ /ston pa zhes pa de ltar gyur pa'i mtshan dang ldan pa'i
 sprul pa'i sku'i bdag nyid longs spyod rdzogs pa'i sku yis 'gro ba'i don la rab tu 'jug pa'o/ /dpe byad brgyad cu dang ldan zhes pa ka yig la sogs pa gsal byed sum cu rtsa b+hi rnams dang/ DaDha da d+ha ya la gsal byed drug po
 rnams cung zad gsal ba rjes su zhugs pa las gsal byed bzhi bcu ste/ /de rnams nyid shes rab dang thabs kyi rang bzhin nyis 'gyur gsal byed brgyad cu yongs su gyur pa'i rang bzhin las dpe byad brgyad cu'o/ /de la sen mo zangs kyi
 mdog nyid do zhes pa dpe byad gcig ste/ bcom ldan 'das kyi 'dra ba'i mtshan ma'o/ /sen mo snum pa nyid dang/ sen mo mtho ba nyid dang/ sen mo zlum pa nyid dang/ sor mo rgyas pa nyid dang/ sor mo byin gyis phra ba nyid dang/ rtsa mi mngon
 zhing mdzes pa nyid dang/ rtsa mdud pa med pa nyid dang/ zhabs mi mnyam pa med pa nyid dang/ seng ge'i stabs su gshegs pa nyid dang/ glang po che'i stabs su gshegs pa nyid dang/ dad pa'i rgyal po'i stabs su gshegs pa nyid dang/ khyu mchog gi
 stabs su gshegs pa nyid dang/ g.yas skor du gshegs pa nyid dang/ mdzes par gshegs pa nyid dang/ sku yon po ma yin pa nyid dang/ sku 'khril bag chags pa nyid dang/ sku byi dor byas pa nyid dang/ sku rim par 'tsham pa nyid dang/
 sku gtsang ba nyid dang/ sku 'jam pa nyid dang/ sku rnam par dag pa nyid dang/ mtshan yongs su rdzogs pa nyid dang/ sku'i dkyil 'khor yangs shing mdzes pa nyid dang/ spyan mnyam pa nyid dang/ spyan rnam par dag pa nyid dang/ sku
 shin tu gzhon pa nyid dang/ sku zhum pa med pa nyid dang/ sku rgyas pa nyid dang/ sku shin tu grims pa nyid dang/ yan lag dang nying lag mdzes shing rnam par phyed pa nyid dang/ gzigs pa rab rib med cing dag pa nyid dang/ dku zlum pa nyid
 dang/ dku skabs byin pa nyid dang/ dku ma zhom pa nyid dang/ phyal phyang de ba nyid dang/ lte ba zab pa nyid dang lte ba g.yas su 'khyil ba nyid dang/ kun nas mdzes pa nyid dang/ kun tu spyod pa gtsang ba nyid dang/ sku sme ba med pa nyid dang/ phyag shing bal ltar shin tu
 'jam pa nyid dang/ phyag gi ri mo snum pa nyid dang/ phyag gi ri mo zab pa nyid dang/ zhal ha cang mi ring ba nyid dang/ mchu bim ba lta bu gzugs brnyan 'char du rung ba nyid dang/ ljags mnyen pa nyid dang/ ljags srab pa nyid
 dang ljags dmar ba nyid dang/ dbyangs glang po che dang sprin gyi sgra lta bu nyid dang/ gsung snyan cing mnyen la 'jam pa nyid dang/ mche ba zlum pa nyid/ mche ba rno ba nyid dang/ mche ba dkar ba nyid dang/ mche ba mnyam
 pa nyid dang/ mche ba byin gyis phra ba nyid dang/ shangs mtho ba nyid dang/ shangs gtsang ba nyid dang/ spyan yangs pa nyid dang/ rdzim stug pa nyid dang/ spyan dkar nag phyed cing pad+ma'i 'dab ma lta bu nyid dang/ smin ma
 zung tshugs ring ba nyid dang/ smin ma zung spu mnyam pa nyid dang/ smin ma zung snum pa nyid dang/ snyan sdug cing rgyas pa nyid dang/ snyan mnyam pa nyid dang/ snyan gyi dbang po ma nyams pa nyid dang/ dpral ba legs par 'byes
 pa nyid dang/ /dpral ba yangs pa nyid dang/ yan lag mchog legs par yongs su rdzogs pa nyid dang/ dbu skra bung ba lta bu nyid dang/ dbu skra stug pa nyid dang/ dbu skra snum la nyid dang/ dbu
 skra ma 'dzings pa nyid dang/ dbu skra mi gshor ba nyid dang/ dbu skra dri zhim pa nyid dang/ phyag dang zhabs kyi mthil dpal gyi be'u dang/ bkra shis dang g.yung drung 'khyil pas legs par brgyan pa nyid do zhes pa ste/ de ni de ltar
 dpe byad brgyad cu po rnams rtag tu 'byung ba gang yin pa'o/ /de la thugs 'du byed thams cad la 'dod chags dang bral ba nyid kyi phyir sen mo zangs kyi mdog nyid do/ /sems can thams cad la phan pa dang bde ba'i
 lhag pa'i bsam pa nyid kyi phyir sen mo snum pa nyid do/ /rigs mthon por 'khrungs pa nyid kyi phyir sen mo mtho ba nyid do/ /'jug pa kha na ma tho ba med pa nyid kyi phyir sor mo zlum pa nyid do/ /dge ba'i rtsa ba nye bar bsags pa nyid
 kyi phyir sor mo rgyas pa nyid do/ /dge ba'i rtsa ba rims kyis nye bar bsgrubs pa nyid kyi phyir sor mo byin gyis phra ba nyid do/ /lus la sogs pa'i las dang 'tsho ba bsrungs shing mdzes pa nyid kyi phyir rtsa mi mngon zhing
 mnyen pa nyid do/ /nyon mongs pa'i mdud pa 'byed pa nyid kyi phyir rtsa mdud pa med pa nyid do/ /sbas pa'i chos kyi blo gros mang ba nyid kyi phyir long bu mi mngon pa nyid do/ /bgrod par dka' ba thams cad las nges par sgrol bar byed pa
 nyid kyi phyir zhabs mi mnyam pa med pa nyid do/ /skyes bu seng+ge nyid kyi phyir seng+ge'i stabs su gshegs pa nyid do/ /skyes bu glang po che nyid kyi phyir glang po che'i stabs su gshegs pa nyid do/ /dang pa'i rgyal po lta bur nam mkha' la gshegs pa nyid kyi phyir dang pa'i rgyal po'i stabs su gshegs?
 pa nyid do/ /skyes bu khyu mchog nyid kyi phyir ma khyu mchog gi stabs su gshegs pa nyid do/ /g.yas skor gyi lam nyid kyi phyir g.yas skor du gshegs pa nyid do/ /mdzes pa gzigs pa nyid kyi phyir mdzes par gshegs pa nyid
 dang/ rtag tu blo gros yon po ma yin pa nyid kyi phyir sku yon po ma yin pa nyid do/ /yon tan rnam par dag pa rjod par byed pa nyid kyi phyir sku 'khril bag chags pa nyid do/ /chos sdig pa dang ma 'bigs pa nyid kyi phyir sku byi dor byas pa lta bu nyid do/ /rim par 'tsham
 pa'i chos ston par byed pa nyid kyi phyir sku rim par 'tsham pa nyid do/ /sku la sogs pa'i kun spyod gtsang ba mnga' ba nyid kyi phyir sku gtsang ba nyid do/ /thugs 'jam pa'i rang bzhin nyid kyi phyir sku 'jam pa nyid de/ /thugs rnam par dag pa'i rang bzhin nyid
 kyi phyir sku rnam par dag pa nyid do/ /chos 'dul ba legs par yongs su rdzogs pa nyid kyi phyir mtshan yongs su rdzogs pa nyid do/ /yon tan yangs shing yid 'phrog pa brjod par byed pa nyid kyi phyir sku'i dkyil 'khor yang shing mdzes pa nyid do/ /sems
 can thams cad la thugs thun mong ba nyid kyi phyir spyan mnyam pa nyid do/ /shin tu rnam par dag pa'i chos ston pa nyid kyi phyir spyan rnam par dag pa nyid do/ /chos shin tu go sla ba ston pa nyid kyi phyir sku shin tu gzhon pa nyid do/ /thugs rtag tu zhum pa
 med pa nyid kyi phyir sku zhum pa med pa nyid do/ /dge ba'i rtsa ba rgyas pa nyid kyi phyir sku rgyas pa nyid do/ /yang srid pa zad cing bcom pa nyid kyi phyir sku shin tu grims pa nyid do/ /rten cing 'brel par 'byung ba yan lag bcu gnyis dang/ de'i nyid
 lag shin tu phyed pa nyid kyi phyir yan lag dang nying lag mdzes shing rnam par phyed pa nyid do/ /shin tu rnam par dag pa'i chos gzigs pa nyid kyi phyir gzigs pa rab rib med cing dag pa nyid do/ /slab pa'i 'jug pa phun sum tshogs pa
 nyid kyi phyir dku zlam pa nyid do/ /srid pa'i skyon dang ma sbags pa nyid kyi phyir dku skabs phyin pa nyid do/ /nga rgyal gyi ri bcom pa nyid kyi phyir sku ma zhom pa nyid do/ /chos zad pa rnam par zlog pa nyid kyi phyir phyal phyang de ba nyid do/ /mchog tu zab pa'i chos
 rab tu rtogs po nyid kyi phyir lte pa zab ba nyid do/ /yon gnas kyi slob ma 'dzin cing rigs pa nyid kyi phyir lte ba g.yas su 'khyil ba nyid do/ /slob ma kun nas mdzes shing mnyam pa 'dus pa nyid kyi phyir kun nas mdzes pa nyid do/ /thugs shin tu gtsang ba/
 nyid kyi phyir kun tu spyod pa gtsang pa nyid do/ /chos 'dul ba nye bar ston pa dus ma yin pa dang bral ba nyid kyi phyir sku sme ba med pa nyid do/ /sku yang zhing shing bal ltar 'jam pa rab tu brnyes pa'i chos ston par byed pa nyid kyi phyir phyag shing
 bal ltar shin tu 'jam pa nyid do/ /skyes bu snum zhing mdangs yod pa'i dge sbyong chen po rab tu brnyes pa nyid kyi phyir phyag gi ri mo snum pa nyid do/ /mchog tu zab mo la brtan par gnas pa nyid kyi phyir phyag gi ri mo zab pa nyid do/ /yangs shing rgya
 che ba'i chos ston pa nyid kyi phyir phyag gi ri mo ring ba nyid do/ /bslab pa'i gnas ha cang mang po ma yin pa 'cha' ba nyid kyi phyir ha cang mi ring ba nyid do/ /'jig rten thams cad gzugs brnyan lta bur rtogs pa nyid kyi phyir mchu bim pa lta bu gzugs
 brnyan 'char du rung ba nyid do/ /'jam pa'i rim pas 'dul ba nyid kyi phyir ljags mnyen pa nyid do/ /skyon srab mor mdzad pa nyid kyis yon tan srab mo ma yin pa brnyes pa nyid kyi phyir ljags srab pa nyid do/ /chos 'dul ba byis pa'i skye bo chabs
 pa can gyis gting dpag dka' ba nyid kyi phyir ljags dmar ba nyid do/ /glang po che'i sgra dang sprin gyi sgra rnams la bsnyengs pa med pa nyid kyi phyir dbyangs glang po che dang sprin gyi sgra lta bu nyid do/ /dbyangs shin tu mnyen cing yid 'phrog pa kho na ma tho
 ba med pa nyid kyi phyir gsung snyan cing mnyen la 'jam pa nyid do/ /srid pa'i kun tu sbyor ba spangs pa nyid kyi phyir mche ba zlum pa nyid do/ /skye bo rnon po 'dul bar mkhas pa nyid kyi phyir mche ba rno ba nyid do/ /chos 'bul ba dkar ba nyid kyi phyir mche ba
 dkar ba nyid do/ /mnyam pa'i sI char legs par gnas pa nyid kyi phyir mche ba mnyam pa nyid do/ /mngon par rtogs pa mthar gyis nye bar ston pa nyid kyi phyir mche ba byin gyis phra ba nyid do/ /shes rab kyi ri bo mthon por gnas pa nyid kyi phyir shangs mtho ba nyid do/ /gdul
 bya'i skye bo gtsang ma phun sum tshogs pa mnga' ba nyid kyi phyir shangs btsang ba nyid do/ /sangs rgyas kyi chos shin tu yangs pa gzigs pa nyid kyi phyir spyan yangs pa nyid do/ /sems can stug po'i don byed pa nyid kyi phyir rdzi ma stug pa nyid do/ /spyan
 dkar nag phyed cing pad+ma'i 'dab ma lta bu lha dang lha ma yin gyi bu mo mang po rnams kyis kun tu dga' bar byas pa nyid kyi phyir spyan dkar nag phyed cing pad+ma'i 'dab ma lta bu nyid do/ /rtag tu gzigs pa rgya che ba nyid kyi phyir smin ma zung tshugs ring ba nyid do//
 skyon mdza' dag mkhyen pa nyid kyi phyir smin ma zung su mnyam pa nyid do/ /byams pa la sogs pa dge ba'i rtsa ba'i bsod nams nye par bsags pas rgyud snum zhing 'dul ba'i skye bo mnyen pa nyid kyi phyir smin ma zung snum pa nyid do/ /mchog tu stug
 cing rgyas pa mnga' ba nyid kyi phyir snyan stug cing rgyas pa nyid do/ /bdud ro mnyam par btul ba nyid kyi phyir snyan mnyam pa nyid do/ /sems nyams pa med par rnam par 'dren pa nyid kyi phyir snyan gyi dbang po ma
 nyams pa nyid do/ /lta bas byas pa'i skyon thams cad yongs su gyur pa'i chos nyid kyi phyir dpral ba legs par 'byes pa nyid do/ /dge sbyong dang bram ze la sogs pa phas kyi rgol ba rab tu bcom pa nyid kyi phyir dpral ba yangs pa nyid do/ /
 mchog gi smon lam legs par yongs su rdzogs pa nyid kyi phyir yan lag mchog legs par yongs su rdzogs pa nyid do/ /yul gyi me dang sbrang rtsi rnams la dbang po'i bung ba dga' ba rnam par bzlog pa nyid kyi phyir dbu skra bung ba lta bu nyid
 do/ /mthong ba dang bsgom pa lags par bsgrubs pas bag la nyal rab tu spangs pa nyid kyi phyir dbu skra stug pa nyid do/ /bstan pa'i snying po mnyen po'i blo yis mngon par shes pa nyid kyi phyir dbu skra snum pa nyid nyid do/ /rtag tu 'khrug pa
 med pa'i thugs mnga' ba nyid kyi phyir dbu skra ma 'dzings pa nyid do/ /rtag tu gsung mi rtsub pa nyid kyi phyir dbu skra mi gshor pa nyid do/ /byang chub kyi yan lag bdun gyi dri zhim pa'i me tog lhag par mnga' ba nyid kyi phyir dbu skra dri zhim pa
 nyid do/ /phyag dang zhabs dpal gyi be'u dang bkra shis dang g.yung drung 'khyil pa la sogs pas brgyan pa legs par brgyan cing mdzes pa nyid kyi phyir phyag dang zhabs kyi mthil dpal gyi be'u dang bkra shis dang g.yung drung 'khyil
 pas legs par brgyan pa nyid do zhes pa ste/ de de ltar dpe byad brgyad cu po rnams rtag tu 'byung ba gang yin pa'o/ /mtshan dang dpe byad kyi gzhi nyid kyis bcom ldan 'das kyi sku ni sprul pa'i sku yang longs spyod rdzogs pa'i sku dang dbyer
 med pa nyid kyis so/ /gtso bo zhes pa la 'dis de nyid chos kyi sku'i bdag nyid kyang ste/ dkyil 'khor gyi bdag po nyid kyi phyir ro/ /bskyed pa'i rim pa dang dbyer med pa kho na rdzogs pa'i rim pa yin gyi gzhan ma yin no zhes pa ste/ bskyed
 pa yis ni dgos pa ci zhes gang zhig rdo rje snying po'i rnam par rtog pa de ni rnam pa thams cad du mi rigs pa kho na'o zhes pa'o/ /lus dngos med na gang las bde zhes pa la sogs pa/ ston pa sum cu rtsa gnyis mtshan/ /gtso bo
 dpe byad brgyad cu ldan/ zhes pa'i bar gyi bcom ldan 'das kyi bskyed pa'i rim pa nyid rdzogs pa dang/ rdzogs pa nyid bskyed pa'o zhes pa ste/ 'di dag gnyis su dbyer med cing bcad du med
 pa'o/ /'on kyang dbyangs bco lnga yongs su gyur pa nyid bdag med ma la sogs pa mkha' 'gro ma bco lnga rnams te/ de rnams kyang rnam par bcad pa'i mdza' dbyangs bcu drug rnam par dag pa shes rab dang thabs rnam
 par dag pa nyis 'gyur nyid kyis rtsa sum cu rtsa gnyis kyi rang bzhin phyag zhabs zhes pa la sogs pa mtshan sum cu rtsa gnyis dang ldan pa/ cha dang bral ba'i rang bzhin mkha' 'gro ma yongs su gyur pa sbrul pa'i sku nyid re shig thob
 par 'gyur ro/ /gsal byed rnams kyang de bzhin gshegs pa la sogs pa yongs su gyur pa rnam par dag pa thabs kyi rang bzhin sprul pa'i sku'i bdag nyid can te/ thugs 'du byed thams cad la 'dod
 chags dang bral ba nyid kyi phyir sen mo zangs kyi mdog nyid do zhes pa la sogs pa rnam par shes pa rnam par dag pas gsungs pas chos kyi sku rab tu bstan pa'i phyir/ A li kA li nA da'i phreng ba gnyis shes rab dang thabs
 kyi rang bzhin nyid te/ de la/ Da Dha da d+ha ya la cung zad gsal ba'i yi ge drug bsnan pa las dbyangs sum cu rtsa gnyis dang/ dpe byad brgyad cu'i rang bzhin nyid kyi longs spyod rdzogs pa'i sku'o/ /longs spyod rdzogs pa'i sku nyid re zhig sprul pa dang chos kyi
 skur yang 'gyur te/ shes rab dang thabs kyi bdag nyid can kho na sku gsum ste/ rnam pa gzhan ma yin no zhes pa'o/ /kun rdzob dang don dam pa dbyer med pa bden pa gnyis kyi bdag nyid can kho na yang dag pa'i ye shes
 yin pa'i phyir bskyed pa las gzhan pa'i rdzogs pa med de/ dbyer med cing gnyis su med pa nyid do zhes pa'o/ /de bzhin du ni rtogs pa bcu/ /mun pa la ni sgron me ltar zhes pa gang yin pa de sdud pa gsungs pa/ btsun
 mo'i b+ha ga zhes mi la sogs pa'i gzugs kyi bud med ni btsun mo ste de'i b+ha ga chos 'byung la/ khu ba'i ming gis khu bar brjod pas rnam par gnas so/ /khyad par ci zhe na/ bde ba'i gzhi b+ha ga la zhes pa'i don no/ /
 yang na/ btsun mo rdo rje btsun mo ste bdag med ma'o/ /de nyid b+ha ga ye shes te/ de la rnam pa sna tshogs pa'i gzugs kyis a ba/ shes rab dang thabs dbyer med pa gnas te g.yo ba med pa'o/ /gang du bde can lhan
 cig skyes pa'i ye shes la'o/ /gang gis khu ba'i ming gis byang chub kyi sems su mngon par brjod pas so/ /de nyid kyi phyir byang chub kyi sems de med pas na bde ba lhan cig skyes pa'i ye shes med par 'gyur te bde ba med do/ /
 bde ba lhan cig skyes pa'i ye shes spangs shing dor nas kyang byang chub kyi sems kyi bdag nyid kyi khu ba zhes bya ba de yang ma yin te/ gnyis de'i bdag nyid kyi rang bzhin kho na'o zhes pa ste/ nus pa med pa'i phyir bltos pa
 dang bcas pa'o/ /de nyid kyi phyir de zhu ba bsdus pa las skyes pa kha dog dang phyag dang dbyibs kyi rang bzhin ni rdo rje 'chang ngo/ /de nyid ni lha'i rnal 'byor te gnyis su med pa'i rang bzhin no/ /de'i phyir lha'i rnal 'byor las
 bde ba yang dag pa'i ye shes zhes pa'i don no/ /'di nyid ni re zhig nyams su myong ba tshan po ste/ mun pa la ni sgron ma bzhin zhes pa'o/ /de'i phyir sangs rgyas dngos po min/ /de nyid dngos med tshul yang min/ /rgyu de'i
 phyir sangs rgyas dngos po min te khu ba'i rang bzhin lhan cig skyes pa nyid kyi phyir sangs rgyas dngos po ma yin no/ /lhan cig skyes pa'i rang bzhin khu ba nyid kyi phyir sangs rgyas de nyid dngos med
 tshul yang min te/ gnyis ka dbyer med pa nyid kyi phyir zhes dgongs pa'o/ /zhal phyag rnam pa gzugs can yang/ /gzugs med mchog tu bde ba las/ /khu ba'i rang bzhin nyid las zhal phyag rnam pa'i rang bzhin no/ /
 gzugs med gzugs las 'das pa ste mchog tu bde ba las zhes pa lhan cig skyes pa'i rang bzhin nyid las so/ /dngos po dang dngos med kyi bdag nyid can nyid kyis gzugs dang gzugs med pa'i rang bzhin nyid do zhes
 pa'i don no/ /de phyir 'gro kun lhan cig skyes/ /rang bzhin lhan cig skyes par brjod/ /de'i phyir lhan cig skyes ba'i rang bzhin khu ba yin pa'i phyir dang/ de yang rang bzhin 'gro pa phung po lnga'i bdag nyid can nyid kyi
 phyir 'gro ba thams cad lhan cig skyes pa'o/ /lhan cig skyes pa yang rang bzhin rang gi ngo bor brjod cing bsgrags par bya'o/ /rnam dag rnam pa'i sems kyis ni/ /rang bzhin mya ngan 'das pa nyid/ /rang bzhin zhes
 pa yang dag pa ji lta ba ste/ de nyid mya ngan las 'das pa thar pa'o/ /yang dag pa ji lta ba nyid ji ltar zhe na/ gsungs pa/ rnam dag rnam pa'i sems kyis ni/ /rnam pa phung po lnga rnams so/ /sems ni ye
 shes te de gnyis ka yang gang gi tshe rnam par dag pa de'i tshe zhes pa'i don no/ /'dis ni khu ba dang lhan cig skyes pa dag dbyer med pa ste lhan cig skyes pa yang rang bzhin no/ /rang bzhin yang mya ngan las 'das pa
 ste/ dbang po dang yul dang rnam par shes pa 'di dag thams cad rim pa gnyis tha dad med pa rnam par dag pa'i phyir zhes pa'i don no/ /de nyid kyi phyir/ lha'i gzugs kyi rnal 'byor ni/ /skyes pa tsam la rnam par
 gnas/ /bzhin lag kha dog dbyibs las te/ 'on kyang bag chags phal pas so/ /lha yi sgras phung po lnga la sogs pa rnams te/ de rnams kyi rang bzhin ni gzugs so/ /ci zhe na/ rnal 'byor shes rab dang thabs
 gnyis su med pa ma ning ste de yang rnam par gnas so/ /gang las zhe na/ bzhin lag kha dog dbyibs las te/ bzhin lag gi sgras zhal dang phyag la sogs pa'o/ /kha dog gi sgras nag po dang ser po la sogs
 pa'o/ /dbyibs kyi sgras mi la sogs pa tha dad pa de rim pa des rnam par gnas pa'o/ /gang la zhe na/ skyes pa tsam la rdzogs pa'i skad cig la'o/ /yang na gang skyes pa tsam la zhes pa lha mo'i pad+ma'i nang du son pa'i
 gnas skabs la sogs pa nyid do/ /de ni 'on te de ltar mi mtshon zhe na/ gsungs pa/ gang gi phyir gyi don la kyang gi sgra ste/ gang gi phyir bag chags phal pas phal pa ni mi shes pa'o/ /de rnams kyi bag chags te rgyu
 de'i phyir ro/ /gang yang ye shes dang ldan pa de rnams khu bar gyur pa'i rang bzhin nyid zhal dang phyag dang kha dog dang dbyibs kyi bdag nyid can du smra ba phal pa rnams slar mthong ba med do/ /'di ci ltar zhe na/ de'i phyir
 dpe yis ston par byed pa/ dug gi dum bu gang nyid kyis/ /skye bo thams cad 'chi bar 'gyur/ /dug gi de nyid shes pa nges/ /dug gis dug ni 'bigs par byed/ /re zhig dug gi nus pa ni zos pa tsam nyid kyis 
 srog chags thams cad 'chi bar 'gyur/ /dug gi de nyid yongs su shes na dug de nyid kyis dug ni 'bigs par byed de sel bar byed ces pa ste/ 'di ni thun mong ma yin par blta bar bya'o/ /gzhan yang ji ltar gsungs
 ba ji ltar rlung gis gzung ba la /mon sran bza' ba sbyin par bya/ /sman du brtags pas zlog pa las/ /rlung gis rlung ni 'joms par byed/ /rlung nad kyis gzung ba ni mon sran zos pa skyon lhag par 'gyur ro/ /de la mon sran
 gyi bza' ba sbyin par bya ste/ de las de'i rlung nad 'joms par 'gyur ro/ /'dis sman du brtags pa bzlog pa las zhes pa bzlog pa nyid sman yin te skyon byed pa nyid yon tan byed pa'i phyir ro/ /yon tan nyid thabs
 la mi mkhas pa nyid kyis rnam par bsgoms pa las skyon du 'gyur zhing/ skyon nyid thabs la mkhas pas rnam par bsgoms pa las yon tan du 'gyur ro/ /de nyid gsungs pa/ srid pa srid pa nyid kyis dag /rnam rtog so
 sor rtog pa las/ /ji ltar rnam par chu zhugs pa/ /chu gzhan gyis ni 'gugs par byed/ /de bzhin srid pa rnam rtog kyang/ /nges par rnam pa rnams kyis sbyang/ /srid pa skye ba kun rdzob kyi bden pa'o/ /de srid pa nyid kyis
 dag pa skye ba nyid kyis te skye ba'i rang bzhin skye ba med pa nyid du rtog pa las so/ /kun rdzob kyi bden pa nyid don dam pa'i bden pa zhes pa'o/ /rnam rtog ces pa dngos po'i mngon par zhen pa ste kun rdzob kyi bden pa
 rtogs pa'o/ /de yang so sor rtog pa las so so re re'i rtog pa las te/ lha'i rnam pa'i rnam par dag pa las so/ /yang na gang/ rnam rtog ces pa rnam par rtog pa med pa'i ye shes ma ning ste de bzhin nyid kyi
 rnam par dag pa'o/ /so sor rtog pa las zhes pa so so re re'i rtog pa las te lha'i rnam par dag pa las so/ /lha'i rnam par dag pa nyid de bzhin nyid kyi rnam pa dag pa ste bskyed pa'i rim pa nyid rdzogs pa'i rim pa zhes pa'i don
 no/ /ji ltar rna bar chu zhugs pa/ /chu gzhan gyis ni 'gugs par byed/ /de bzhin du srid pa'i rang bzhin ni 'khor ba'i rang bzhin rnam par rtog pa ni nges pa kho na ra lha'i rnam pa rnams kyis sbyang bar bya ste/ lha'i rnam
 par sbyangs par gyur pa'i 'khor ba gzugs la sogs pa'i phung po'i bdag nyid can ni shin tu rnam par dag pa chos dbyings kyi bdag nyid can du 'gyur ro zhes pa'i don no/ /dpe gzhan yang gsungs pa/ ji ltar 'tshed
 pas tshig pa ni/ /slar yang me yis gdung bar bya/ /de bzhin 'dod chags mes tshig pa 'ang/ /'dod chags me yis gdung bar bya/ /'jig rten na yang me yis chig pa me nyid kyis gdung bar byed de/ des de rnams kyi me
 yis tshig pa nye bar zhi bar 'gyur ro/ /de bzhin du 'dod chags kun tu chags pa'i mtshan nyid de/ de nyid sdug bsngal skyed bar byed pa nyid la me lta bu'o/ /des tshig pa ni nyon mongs par gyur pa'o/ /de rnams kyi nyon mongs
 pa gdung bar bya zhing nye bar zhi bar bya'o/ /gang gis 'dod chags me yis kun tu chags pa'i me yis te/ lha'i rnam pa'i rnam par dag pa'i kun tu chags pas zhes pa'i don no/ /dug gi dum bu gang nyid kyis zhes pa phyi
 rol kyi dngos pos bskyed pa'i skyon te/ yul gyi kun tu chags pa'i mtshan nyid do/ /ji ltar rlung gis bzung ba la zhes pa la sogs pa gang zag tu blta bas bskyed pa'i dbang po'i mngon par zhen pa'i mtshan nyid do/ /ji ltar
 rna bar chu zhugs pa zhes pa la sogs pa phyi rol dang nang gi bdag nyid yul dang dbang po gnyis ka kun tu chugs pa'i mtshan nyid do/ /ji ltar 'tshed bas tshig pa ni gnyis mo'i chags pas bskyed pa bde
 ba la sogs pa'i rnam pa nyams su myong ba'i mtshan nyid de/ thams cad kyi rang bzhin rnam par dag pa kho na'o/ /rang gi ngo bo ni rang bzhin te bdag gi dngos po'o/ /dngos po gang gi ngo bo gang yin pa dang rang bzhin gang yin pa ste/
 des na rang bzhin zhes pa kun rdzob gyi bden pa rnam par dag pa'o/ /bskyed pa'i rim pa rdzogs pa'i rim pa ste de kho na rtogs pa tham cad shin tu rnam par dag pa chos kyi dbyings kyi rang bzhin kho na yin gyi/ /rnam par ma dag
 pa cung zad kyang med do zhes sdud pa gsungs pa/ skye bo mi bzad pa yi las/ /gang gang gis ni 'ching 'gyur ba/ /de nyid thabs dang bcas pas ni/ /srid ba'i 'ching ba las grol 'gyur/ /ni'i sgra ni gang gi phyir
 gyi don la'o/ /mi bzad pa'i las drag po las gang dang gang gis skye bo srog chags rnams 'ching bar 'gyur ro/ /bcings par gyur pa'i las de nyid kyis grol zhing grol ba thob par 'gyur ro/ /khyad par cis she na/ gang
 gi phyir gyi don la ni'i sgra ste/ thabs dang bcas pas thabs dang lhan cig 'jug pa ste/ de thabs dang bcas pa des ci yang ma yin no zhes pa'i don no/ /las kyi sgras kun tu rtog pa'i yid do/ /de nyid ma rig pa'i mngon
 par zhen pa ste mi bzad pa'i las zhes brjod do/ /des 'ching bar 'gyur te de nyid thabs dang bcas pa lha'i rnam pa'i mngon par zhen pas grol bar 'gyur ro/ /de'i phyir 'ching ba dang grol ba zhes bya ba ni ma rig pa ste de spangs
 pa'i phyir yang rang bzhin ni 'ching ba dang grol ba med pa nyid do/ /'ching ba'i rtog pas grol ba'i rtog par 'gyur zhing grol ba'i rtog pas kyang 'ching ba ste/ ji ltar thag pa 'khyil ba la sbrul gyi shes pa bzhin no/ /rang bzhin ni thag pa'i
 shes pa 'khrul pa med pa nyid do/ /de la sbrul gyi shes pa ni 'khrul pa ste/ de nyid ma rig pa zhes brjod cing de'i sa bon yang 'khrul pa nyid do/ /sbrul du 'khrul pa lag pa ni thog pa 'khyil pa 'khrul pa med par rtogs pa  
 grub pa nyid de/ 'khrul pa med par rtogs pa'i bsgrub pa'i phyir/ 'khrul pa rtogs pa med pas 'khrul pa med par rtogs pa 'ga' yang med do/ /de'i phyir kun rdzob du bden pa nyid don dam pa'i bden pa gnyis kyi bdag nyid
 can kho na nyams su myong ba'i rang bzhin yang dag pa'i ye shes zhes pa'o/ /yang na gang/ de rnams 'ching bar mi 'gyur ro/ /gang gi zhe na/ mi bzad ba'i las kyis te gang zhig skye bo srog chags rnams 'ching bar mi 'gyur ro/ /ni'i sgra
 ni khyad par gyi don te khyad par du grol bar 'gyur ba nyid do/ /gang gis zhe na/ tshul gyis theg pa chen po lugs kyi bslab pas so/ /ji ltar gyur pas zhe na/ thabs dang bcas pas thabs dang ldan pa ste/ gang zhig gsungs
 pa/ dngos po med tsam bsgrub bya yang/ de ni thabs dang bral ba'i phyir/ /rang dang gzhan don nus min te/ /med phyir nam mkha' i me tog bzhin/ zhes pa'o/ /de'i phyir rdzogs pa'i rim pa sgrub par bya ba yin yang bskyed pa'i rim
 pa la bltos pa dang bcas zhes pa'i don no/ /thun mong du mngon par brjod nas khyad par du nye bar bstan pa'i phyir gsungs pa/ chags pas 'jig rten 'ching 'gyur te/ /chags pa nyid kyis rnam grol 'gyur/ /bzlog
 pa'i bsgom pa 'di nyid ni/ /sangs rgyas mu stegs kyis mi shes/ /chags pas zhes pa kun tu chags pa'i mtshan nyid kyis 'jig rten skye ba 'ching bar 'gyur te/ /chags pa nyid kyis lha'i rnam par dag
 pa'i kun tu chags pa'i mtshan nyid kho nas rnam par grol bar 'gyur ro/ /gang gi phyir bzlog pa'i bsgom pa 'di nyid de/ rigs mi mthun pa snyoms par 'jug pa 'di'o/ /gang gi phyir 'di mi shes te sangs rgyas mu stegs
 rnams kyis zhes pa nyan thos la sogs pa rnams kyis so/ /kho bo'i 'khor rnams kyis mi shes pa nyid du gsal bar 'gyur/ 'on kyang gzhan lta ba gzhan la gnas pa rnams kyis zhes thabs kyi che ba'i bdag nyid nye bar
 bstan pa'o/ /yang na gang rnam par bzlog pa'i sgom pa 'di zhes pa gang gi phyir rnam pa'i sgras rnam pa sna tshogs pa'i gzugs so/ /des rnam par bzlog pa dang ldan pa 'di ni sgom pa ste/ rnam par bzlog pa'i sgom pa
 khams gsum pa brtan pa dang g.yo ba ma lus pa tha dad pa med pa'i snyoms par 'jug pa'o/ /de sangs rgyas mu stegs pa rnams kyis mi shes te/ de rnams kyi spyod yul ma yin pa nyid kyi phyir zhes pa dgongs pa'o/ /yang na chags
 pas 'jig rten 'ching 'gyur te zhes pa 'jig rten phung po chags pas dga' ba la sogs pa dga' bral gyi mthar thug pas 'ching bar 'gyur te g.yo ba med pa nyid du 'gyur ro/ /chags pa nyid kyis zhes pa de nyid kyis rnam par
 grol bar 'gyur te yul gyi chags pa rnam par grol ba skye bar 'gyur ro/ /'di ji ltar zhe na/ gsungs pa gang gi phyir rnam par bzlog pa'i bsgom pa zhes pa gzugs sna tshogs pa dang ldan pa'i snyoms par 'jug pa'o/ /de mi shes
 shing mi rtogs te gang gis sangs rgyas mu stegs kyis dbang po dang yul dang rnam par shes pa rnams kyis snyoms par 'jug pa 'di'o/ /'di zhes pa dga' bral gyi dga' ba sngon du song ba'i lhan cig skyes pa'i dga' ba'i rang bzhin zhes pa'i
 don no/ /bzlog pa'i bsgom pa'i don nyid mngon par gsal bar byed pa 'byung ba lnga'i rang bzhin las kun du ru la lnga ru 'gyur/ /dga' ba chen po gcig nyid la/ /dbye bas lnga ru 'gro bar 'gyur/ /dga' ba chen po zhes pa lhan cig skyes
 pa'i dga' ba ste gcig gnyis su med pa kho na'o/ /lnga ru 'gro bar 'gyur te ye shes lnga'i rang bzhin nyid du 'gyur/ /ji ltar zhe na/ dbye bas tha dad du byed ba ste spro ba'i rang bzhin gyis zhes pa'i don no/ /kun du ru la zhes pa rdo rje dang pad+ma mnyam
 par sbyor bas dga' ba la sogs pa rnams skyes pa na lnga ru 'gyur ro/ /'di ji ltar zhe na/ gsungs pa/ 'byung ba lnga'i rang bzhin las kun du ru nyid 'byung ba chen po lnga'i bdag nyid kyi phyir ro/ /yang na/ kun du ru shes rab dang thabs
 dbyer med ye shes la gcig nyid du 'gyur te/ de yang dga' ba chen po lhan cig skyes pa'i rang bzhin no/ /ji ltar zhe na/ yang dag rang bzhin las te de bzhin nyid kyi rang bzhin las so/ /de nyid kyang lnga dang lnga nyid du 'gro bar 'gyur te
 dbye bas lnga tshan gsum gyi dbye ba las so/ /gang gi phyir lhan cig skyes pa'i dga' ba nyid mkha' 'gro ma bco lnga'i rang bzhin te/ rnal 'byor ma rnams de'i cha zhes pa'i gsungs las so/ /yang na gang gcig nyid de bzhin gshegs
 pa lnga dbyer med pa ste thams cad gnyis ka dbyer med pa nyid do/ /de nyid rnam par mi gsal ba gsal bar byed pa/ bo la k+ko la sbyor bas reg pas sra ba'i bag chags te/ /sra ba gti mug chos kyi phyir/ /gti mug rnam par
 snang mdzad brjod/ /gang phyir khu ba byang chub sems/ /khu ba chu yi khams su brjod/ /chu ni mi bskyod rang bzhin phyir/ /zhe sdang 'dren pa mi bskyod pa/ /gnyis ka bskyod pa'i sbyor ba las/ /drod ni rtag tu skye bar
 'gyur/ /'dod chags dpag med rdo rje yin/ /'dod chags me las 'byung bar 'gyur/ /kak+ko lar ni gang zhig sems/ /de ni rlung gi rang bzhin can/ phrag dog don yod grub pa yin/ /don yod rlung las byung ba'o/ /bde ba 'dod /
 chags khrag tu 'gyur/ /dga' ba nam mkha' i mtshan nyid de/ /nam mkha' ser sna rdo rjer 'gyur/ /ser sna nam mkha' las byung ba'o/ /sems ni chen po gcig nyid la/ /lnga yi gzugs kyis mtshon pa ste/ /rigs ni lnga po de nyid la/
 stong phrag du ma skyes pa'o/ /de phyir 'di dag rang bzhin gcig /bde ba chen po rtag pa mchog /'dod chags la sogs sems lnga yis/ /dbye bas lnga ru grol bar 'gyur zhes pa/ 'byung ba lnga yi rang bzhin las/ kun du ru la lnga ru 'gyur
 dga' ba chen po gcig nyid ni/ /dbye bas lnga ru 'gro bar 'gyur/ /zhes mdor bstan pa'i rgyas par bshad pa tshigs su bcad pa 'di rnams te rdo rje dang pad+ma mnyam par sbyor bas reg pa'o/ /skad cig de la sra ba'i bag chags skye bar
 'gyur te sra ba'i rang bzhin nyid kyi sa'i khams so/ /de yang gti mug mi gsal ba'i chos te/ de nyid rnam par snang mdzad brjod/ /ye shes lnga dang sku gsum dang/ shes rab dang thabs kyi rang bzhin no/ /de nyid kyi phyir po la kak+ko la sbyor
 ba reg pa las byang chub kyi sems nang du thim pa gsal ba ma yin pa gang yin pa de'o/ /de ni khu ba'i rang bzhin te/ de yang chu'i khams su brjod ces pa ye shes lnga dang/ sku gsum dang/ shes rab dang thabs kyi rang bzhin no/ /chu ni mi bskyod pa'i rang
 bzhin nyid kyis zhe sdang ste/ 'dir rnam pa gnyis nyid do zhes ba'i don no/ /'dren pa mi bskyod pa zhes pa byang chub kyi sems 'di nyid thams cad kyi bdag po yin pa'i phyir ro/ /yang na gang/ mi bskyod pa dang 'dren pa ni 'dren pa mi bskyod pas te rdo rje sems
 dpa' dang lhan cig dbyer med pa'i phyir ro/ /de nyid kyi phyir zhes dang ngo/ /'di nyid la nga rgyal yang nang du gtogs te tha dad ma yin no/ /rdo rje dang pad+ma bskyod pas me'i khams skye bar 'gyur ro/ /de yang rtag tu de bzhin gshegs pa thams cad
 kyis byin gyis brlabs pa nyid kyis rtag tu 'byung ba'i rang bzhin de bzhin gshegs pa re ni dbang po'o/ /de nyid 'dod chags dpag med rdo rje ste/ dpag med rdo rje zhes pa'i rin chen 'byung ldan dang dbyer med pa'o/ /gang gi phyir 'dod chags 'od
 dpag med de gang las me las te/ me'i khams las skye bar 'gyur ro/ /de yang/ 'dus pa'i ngo bor 'byung zhing skye bar 'gyur te/ de bzhin gshegs pa thams cad dang po nas dbyer med pa nyid kyi phyir zhes pa'i don no/ /kak+ko lar ni gang zhig
 sems zhes pa lha mo'i pad+ma'i nan du rgyu'i sems so/ /de ni rlung gi rang bzhin te/ g.yo ba'i ngo bo nyid kyi rlung gi khams zhes pa'i don no/ /de yang don yod grub pa ste gang gi phyir/ /don yod rlung las 'byung ba ste/ rta mchog rdo rje sems dpa' nyid
 las don zhes dgongs pa'o/ /de yang phrag dog go /yang na gang rlung las byung zhes pa thams cad mkhyan pa'i ye shes kyi rang bzhin bde ba nyis su myong ba'i mtshan nyid de/ /de nyid 'dod chags su 'gyur ro/ /ji ltar zhe na/ chags pa ste/ kun tu chags par
 gyur pa'o/ /dga' ba nam mkha' i mtshan nyid ces pa bde ba nam mkha' i khams zhes pa'i gsungs las nam mkha' i khams te nam mkha' yang ser sna rdo rje'o/ /ser sna rdo rje zhes pa rin chen dbang po dang 'od dpag med dbyer med pa'o/ /'dis ni sngar rin chen
 dbang po ser sna rnam par dag pas rab tu bstan pa'o/ /'dir ni 'od dpag med rnam par dag pa nyid rin chen dbang po dang/ rin chen dbang po rnam par dag pa nyid 'od dpag med de/ /shes rab dang thabs kyi
 rang bzhin gnyis su med pa gang yin pa de nyid sa la sogs pa 'byung ba chen po lnga po rnams dang yul lnga'i rang bzhin rnams so/ /de nyid gzugs la sogs pa phung po lnga dang dbang po rnams so/ /de nyid skye mched drug ste gti mug la
 sogs pa'i rang bzhin rnams so/ /'dis ni de nyid yul dang dbang po dang rnam par shes pa'i rang bzhin nyid kyi rdo rje gsum gyi ye shes kyi rang bzhin no zhes pa'o/ /dga' ba chen po nyid kyis bzhi pa'i mtshan nyid kyi rang bzhin te/ gcig
 nyid ces pa gnyis su med de/ 'di ni khams gsum pa thams cad kyi rang bzhin no/ /de nyid gsal bar byed pa sems gcig nyid byang chub kyi sems te/ chen po ni gang las lnga'i gzugs kyis mtshon cing rtogs pa'o/ /rigs lnga
 po rnams la skyes par gyur pa ste/ gcig po de nyid la stong phrag du mar 'gyur ro/ /gcig nyid lnga'i dbye bas du mar 'gyur ba'i phyir de las slar yang re re la lnga lnga'i dbye bas phye bar gyur pa na brgya dang stong du 'gyur zhing rigs
 mdza' yas par 'gyur te mngon par gsal lo/ /de'i phyir 'di dag rang bzhin nyid bde ba chen po ste/ thams cad dbyer med pa'i rang bzhin no/ /de nyid kyi phyir mchog tu rtag pa rnam pa thams cad gcig pa'i rang bzhin te/ dbyer med pa
 nyid dbye bas yongs su brtags par gyur pa na lnga ru 'gro bar 'gyur/ ye shes lnga'i ngo bo nyid kyis rtogs par bya'o/ /'dod chags la sogs sems lnga yis/ /'od dpag med nyid dang po gtso bo'i rgyu ste/ gang las de rnam par shes pa lnga
 po rnams kyis zhes dgongs pa'o/ /stong phrag du ma zhes mdor bstan pa'i rgyas par bshad pa ni/ /gang+gA'i klung ni bcu yi bye ma snyed/ /rigs gcig rnams la de bzhin gshegs tshogs rnams/ /rigs kyi tshogs la mdza' yas rigs rnams te//
 de rnams rigs la rigs ni rnam pa brgya/ /de rnams la yang 'bum phrag rigs chen rnams/ /bye ba'i rigs ni mang po rnams su 'gyur/ /bye ba'i rigs la grangs med rigs rnams te/ mchog tu dga' ba'i rigs las byung ba rnams/ /
 rigs gcig rnams la zhes pa de bzhin gshegs pa gcig la mang po'i tshig ni sdud pa'i tshul gyis gcig la mdza' yas pa'i mthar thug pa'i rang bzhin nyid kyis rnam par gnas so zhes pa'o/ /de bzhin gshegs pa'i tshogs ji snyed
 ce na/ de bzhin gshegs pa lnga ni dman pa'i sems can gyi dbang du byas nas gsungs pa ste/ de yang khyad par ci zhe na/ gang+gA'i klung ni bcu'i bye ma snyed mnyam pa'o/ /'dis bgrangs pas mthar thug pa lta bur mtshon par bya ste/ mthar
 thug pa med par yang gsungs pa ni bar ma'i sems can gyi dbang du byas nas gsungs pa'i phyir ro/ /de bzhin gshegs pa lnga po rnams gang+gA'i klung ni bcu'i bye ma snyed dang mtshungs pa rnams la mdza' yas pa'i rigs rnams te grangs med
 pa'i rigs rnams so/ /mchog gi sems can gyi dbang du byas nas gsungs pa'o/ /ji ltar mdza' yas pa'i rigs nyid ce na/ rim pa gsungs pa/ de rnams rigs la zhes pa nges par 'dzin pa la bdun pa ste/ de rnams kyi nang nas cung zad rigs
 gcig gang yin pa'o/ /de nyid la mang po'i tshig kyang de nyid mang po nyid kyi tshig go /rigs ni rnam pa brgya zhes pa 'byung ba chen po bzhi dang/ de bzhin gshegs pa lnga'i bdag nyid can te re re la lnga pa lnga ste/ nyi shu rtsa lngar 'gyur zhing bzhi yis
 bsgyur bas brgyar 'gyur te rigs brgya rnams so/ /de rnams kyang lnga'i dbye bas lnga brgya ste/ stong dang khri la sogs pa'i dbye bas 'bum phrag rigs rnams so/ /de nyid kyi phyir re zhig chen po ste de rnams kyang rnam pa lnga yis phye bar gyur
 pa 'bum phrag lnga la sogs pa'i dbye bas 'bum phrag nyi shu rtsa lnga rnams so/ /'byung ba chen po bzhi'i bdag nyid kyis de rnams bzhi 'gyur bye ba'i rigs rnams so/ /de ltar re zhig mang po rnams su 'gyur ro/ /bye ba'i rigs la grangs med rigs rnams te/ de
 kho na ltar rnam pa lnga'i dbye bas grangs med pa'i rigs su 'gyur ro/ /grangs med rigs rnams zhes pa mang po'i tshig gi ni mdza' med pa nyid kyi phyir rigs mdza' yas pa'o zhes grub bo/ /sdud pa gsungs pa/ mchog tu dga' ba'i rigs las byung ba rnams zhes
 pa mchog tu dga' ba'i sgras lhan cig skyes pa'i dga' ba brjod de/ /de las byung ba ni khams gsum pa thams cad de 'di dag gnyis su med cing gnyis su byar med pa'o/ /rang 'dod lha yi gzugs kyis ni/ /sems can ji lta 'grub par 'gyur/ /zhes dngos grub kyi
 dgos pa ni rim pa gnyis dbyer med pas grangs med pa'i rigs las/ mchog tu dga' ba'i rigs las 'byung bar 'gyur zhes pa 'dis bcom ldan 'das nyid kyis rnam par gsal bar mdzad do zhes pa'o/ /kye'i rdo rje mkha' 'gro ma dra ba'i sdom par dngos
 grub gtan la dbab pa zhes bya ba'i le'u ste gnyis pa'o// //kye'i rdo rje zhes pa rdo rje 'chang dang bdag med ma dbyer med pa'o/ /mkha' 'gro ma dra ba'i sdom pa zhes pa mkha' 'gro ma dra ba'i sgras bdag med ma la sogs pa mkha' 'gro ma
 rnams so/ /sdom pa'i sgras rdo rje 'chang ste/ bdag med ma dang dbyer med pa'i rdo rje 'chang gi ye shes gnyis ka la gnyis ka dbyer med par rtogs pa na nges par gdon mi za bar dngos grub 'byung bar 'gyur ba'i phyir dngos grub gtan la dbab pa'o/ /de ltar
 gyur pa'i le'u ni sbas pa'i don gsal bar byed pa ste/ gnyis pa ni gnyis kyi rdzogs pa gnyis ka'i rang bzhin no/ yang na gang gnyis pa ni gnyis su med pa'i rang bzhin te gnyis ka dbyer med pa nyid kyi phyir zhes pa'i don no zhes pa'o/ /kye'i rdo rje'i 'gral bshad
 kha sbyor shin tu dri ma med pa las brtag pa gnyis pa'i le'u gnyis pa'o// //da ni dngos grub gtan la phab pas the tshom med pa nyid kyis rnam par gnas pa ni mi g.yo ba'i sar zhugs pa'i mthar thug par bdud kyi ris kyi sems can gyi 'jug
 pas gsungs pa'i don res 'ga' brjod par 'gyur ro zhes dogs pa na/ bcom ldan 'das rang nyid rgyud thams cad kyi gleng gzhi'i thabs rnal 'byor ma rnams la ston par mdzad do zhes pa ste/ de gsungs pa/ de nas rdo rje can gyis rgyud thams cad kyi gleng gzhi zhes bya ba'i thabs
 rnal 'byor ma rnams la bka' stsal pa zhes pa'o/ /rgyud thams cad kyi sgras ye shes rnam par shes pa la sogs pa ma lus pa'i nus pa yang dag par rdzogs pa'i byang chub kyi mthar thug pa ni rgyud thams cad de/ de'i gleng gzhi ni dang po'i rgyu'o/ /de nas zhes pa de ma
 thag bar ma chad pa nyid kyis so/ /rdo rje can zhes pa mi phyed pa'i sku'o zhes bya ba ni brda tsam ste/ 'di ni gang gi yul las 'das pa'o/ /de nyid rdo rje can zhes brjod do/ /nga yang thabs te rdo rje 'chang gi ye shes te gang rnams kyi rnal 'byor ma rnams kyi ste/ rnal 'byor
 pa rnams kyi ye shes dang dbyer med pa nyid kyi phyir rdo rje 'chang gi ye shes bdag med ma la sogs pa rnams kyi'o/ /bka' stsal ba zhes pa brjod par bya ba ma yin pa nyid chos bstan pa mngon par gsal bas mngon par brjod par mdzad pa ste/ gang zhig 'phags
 pas gsungs pa/ gang gi brtse bas bstan pa'i chos/ /brjod byed rnams kyis brjod bya min zhes pa'o/ /rgyud thams cad kyi gleng gzhi'i thabs de nyid gsungs pa/ sdom pa dang ni dbang bskur dang/ /de bzhin dgongs pa'i skad nyid dang/ /dga' ba skad cig dbye ba dang/ gzhan yang
 bza' la sogs pa'o/ /zhes pa 'di ni mdor bsdus pa ste 'di'i rnam par bshad pa gsungs pa/ de la zhes pa sdom pa la sogs pa gsungs pa la re zhig sdom pa bka' stsal pa/ sangs rgyas kun gyi sdom pa ni/ e baM yi ge so sor
 gnas/ /de yang dbang las shes 'gyur te/ /rang gis rig bya bde chen po/ /sdom pa'i sgras le'u dang por mdor bstan pa'i rgyas par bshad pa ste/ sangs rgyas kun gyi sdom pa ni sdud pa'o/ /so sor gnas te so so re rer gnas so/ /gang du zhe na/ a baM yi ger
 shes rab dang thabs gnyis su med pa'i ye shes la'o/ /yang na gang sangs rgyas kun gyi zhes pa phung po khams dang skye mched la sogs pa rnams kyi e baM yi ger shes rab dang thabs gnyis su med pa rtogs pa las sdom pa rdo rje 'chang gi ye shes
 so sor gnas te/ so so re rer gnas so/ /'dis shes rab dang thabs dbyer med pa rtogs pa zhes bya ba spro ba dang sdud pa'i rang bzhin bden pa gnyis kyi bdag nyid can gyi ye shes nyid do zhes pa ste/ e baM mA ya zhes pa la sogs pa le'u dang por mdor
 bstan pa'i e baM nyid gleng gzhi'i tshig go /sdom pa de nyid ji ltar shes par bya zhe na/ gsungs pa/ dbang las zhes pa dbang bskur ba'i le'ur mdor bstan pa'i rgyas par bshad pa ste/ dbang bskur dang zhes mdor bsdus pa'i rnam pa bshad pa las shes
 par 'gyur zhing rtogs par 'gyur ro/ /khyad par ci zhe na/ sdom pa de yang ste ma ning ngo/ /rang gis rig bya bde chen po zhes pa yang dag pa'i ye shes te/ de la zhes pa e baM rnam par gnas pa la'o/ /de nas bcom ldan 'das rdo rje sems
 dpa' la rnal 'byor ma rnams kyis e baM zhus pa de nas zhes pa bar ma chad par rdo rje sems dpa' zhes pa rdo rje gsum dbyer med pa ste/ bcom ldan 'das zhes pa dbang phyug la sogs pa'i yon tan mdza' dag dang ldan pa'o/ /rnal 'byor ma rnams
 zhes pa bdag med ma la sogs pa rnams kyis/ /e baM gnyis su med pa zhus zhes pa 'chad par 'gyur pa zhus pa ste/ sangs rgyas kun gyi sdom pa ni/ /e baM yi ger rab tu gnas/ zhes bcom ldan 'das kyis gsungs pa la mkha' 'gro ma'i sdom pa ni/ e baM
 yi ge ji ltar brjod/ /bcom ldan ston pa 'gro ba'i bla/ /ji ltar rigs pa bshad du gsol/ /gal te re zhig sangs rgyas thams cad kyi sdom pa e baM yin pa de bzhin du mkha' 'gro ba rnams kyi yang sdom pa e baM yi ge ma ning ste/ e baM yi ge de nyid ji ltar
 brjod par bya/ /de bcom ldan ston pa zhes pa ston pa po'o/ /de nyid kyi phyir 'gro ba'i bla ma ste bshad du gsol zhes pa bshad pa mngon par gsal bas so sor bstan du gsol/ /ji ltar rigs pa zhes pa go rims bzhin no/ /de la bcom ldan 'das kyis
 bka' stsal pa/ e yig cha byad bzang po gang/ /dbus su baM yig gis brgyan pa/ /bde ba thams cad kyi ni gnas/ /sangs rgyas rin chen za ma tog /e yig cha byad ni e yig gi dbyibs te bzang po gang zhes pa lha'i gzhi'o/ /de ji ltar zhe na/
 dbus su de'i nang du baM yig gis brgyan pa byang chub kyi sems kyis yang dag par brgyan pa'o/ /de nyid kyi phyir/ bde ba thams cad kyi ni gnas/ /ye shes ma lus pa rnams kyi gzhi gyur pa'o/ /de nyid phyir sangs rgyas rin chen za ma tog mdzod do/ /
 yang na/ e yig cha byad bdag med ma'i rang bzhin gang yin pa de bzang po zhes pa lha thams cad kyi rang bzhin no/ /dbus su zhes pa de'i phyogs su chud pa nyid de/ baM yig gis brgyan pa zhes pa byang chub kyi sems kyi rang bzhin stong pa nyid dang snying rje
 dbyer med pa'o/ /bde ba thams cad kyi ni gnas zhes pa de nyid sku gsum gyi bdag nyid can no/ /sangs rgyas rin chen za ma tog ces pa shes rab dang thabs dbyer med pa ye shes lnga dang/ rdo rje gsum gyi bdag nyid can bzhi pa lhan cig skyes pa'i
 dbyer med pa'o/ /bde ba thams cad kyi ni gnas zhes pa de nyid sku gsum gyi bdag nyid can no/ /sangs rgyas rin chen za ma tog ces pa shes rab dang thabs dbyer med pa ye shes lnga dang/ rdo rje gsum gyi bdag nyid can bzhi pa lhan cig skyes pa'i
 rang bzhin rdo rje 'chang gi ye shes zhes pa'i don no/ /'di dag ni de yang dbang las shes 'gyur te/ rang gi rigs bya zhes gang gsungs pa de bshad pa'o/ /bde chen po zhes pa gang yin pa de ston par byed pa/ skad cig dbye
 bas phye ba yi/ /dga' ba de las skye bar 'gyur/ /skad cig shes pas bde shes pa/ e baM yi ger so sor gnas/ /de la zhes pa e baM yi ge de la dga' ba bzhir 'gyur ro/ /ji ltar zhe na/ skad cig gi dbye bas phye bar gyur pa'o/ /skad cig yongs su
 shes pa las bde ba ste/ bde ba nyams su myong ba'o/ /de nyid ye shes yang dag pa'i ye shes so/ /'dis e baM yig ger bde ba chen po so sor gnas te/ dga' ba la sogs pa gzhi'i dbye ba ni skad cig bzhi'i dbye ba ni skad cig gi dbye ba las so//
 skad cig bzhi yang bde ba bzhi las te/ 'dis ni stong pa nyid bcu drug rnam par dag pa'i ye shes e baM yi ge'i rang bzhin yang dag pa'i ye shes nyid do zhes pa ste/ don dam par ni dbye ba 'ga' yang med do zhes pa'o/ /dga' ba bzhi ni gzhan
 du gsungs pa'i phyir skad cig bzhi gsungs pa/ rnam pa sna tshogs rnam smin dang/ rnam nyid de bzhin mtshan nyid bral/ skad cig bzhi ni rab rtogs nas/ e baM rnal 'byor pas shes 'gyur/ /rnal 'byor pa zhes pa gnyis su med par rtogs pas
 gnas pa'o/ /e baM zhes pa shes rab dang thabs dang rang bzhin te shes par 'gyur ro/ /ci byas nas zhe na/ rab rtogs nas yang dag par rtogs nas/ ci zhe na/ skad cig bzhi rnam pa sna tshogs la sogs pa'i skad cig bzhi'o/ /yang na gang/
 skad cig bzhi ni skad cig bzhi pa lha cig skyes pa ste de shes nas zhes pa'i don no/ /rnam pa sna tshogs la sogs pa'i don gsungs pa/ 'khyud dang tsum pa na la sogs/ /sna tshogs rnam pa sna tshogs brjod/ /rnam par smin pa de las bzlog
 bde ba'i ye shes za ba'o/ /bdag gis bde ba zos so zhes/ /'gros ba rnam par nyed par brjod/ /mtshan nyid bral ba gsum las gzhan/ chags dang chags bral rnam par spangs/ dang po'i dga' ba sna tshogs la/ /rnam smin la ni mchog dga' o/ /
 dga' bral dga' ba rnam nyed la/ /mtshan nyid bral la lhan skyes dga' / /dga' bas sna tshogs pa'i kun tu chags pa spangs pa'i bde ba'i chags pa gcig pu nyams su myong ba'o/ /dga' bral gyi dga' bas bdag gis bde ba nyams su myong ngo zhes sems
 pa dang sems med pa'o/ /lhan cig skyes pa'i dga' bas mtshon bya dang mtshon byed dang mtshon pa po nye bar mi dmigs pa'i ye shes so/ /sna tshogs rnam pa sna tshogs zhes pa la sogs pa mtshan nyid bral la lhan skyes dga' zhes pa'i bar tshigs su
 bcad pa gsum gyis gang gsungs pa/ de'i don ni 'di yin te/ dga' ba la sogs pa bzhi po nyid dbang bzhi'o zhes rab tu bstan pa'o/ de gsungs pa/ slob dpon gsang ba shes rab dang/ /bzhi pa de yang de bzhin no/ /dbang ni bzhi yi grangs
 kyis ni/ /dga' ba la sogs rim shes bya/ /slob dpon gyi sgras rdo rje'o/ /gsungs pa'i sgras chos 'byung ste gnyis ka dbyer med pas rdo rje gsum dbyer med pa'o/ /shes rab ni dga' bral gyi dga' ba ste bzhi pa lhan cig skyes pa gang yin pa'o/ /de yang de bzhin zhes pa snga ma
 bzhin zhes pa'i don to/ /rgod pa dag pa slob dpon te/ lta ba gsang ba de bzhin no/ /lag bcangs la ni shes rab ste/ /de yang gnyis gnyis rgyud la'o/ /rgod pa dag pa zhes pa bya ba spyod pa dang/ rnal 'byor dang/ rnal 'byor bla ma dang/ rnal  
 'byor bla na med pa zhes pa ste bya ba spyod pa'i rgyud ni rgod pa zhes brjod do/ /rnal 'byor gyi rgyud ni lnga pa zhes pa'o/ /rnal 'byor bla ma'i rgyud ni lag bcangs zhes pa'o/ /rnal 'byor bla na med pa'i rgyud ni gnyis gnyis rgyud ces pa ste/ rgyud ni bzhi po rnams
 kyis kyang/ /dgongs pa'i skad ni ma bsgrags pa zhes bshad do/ /'dis rnam pa sna tshogs pa'i skad cig gi rang bzhin dga' ba'i ngo bo slob dpon du mngon par brjod pa'i sgra'i don nges pa bya ba spyod pa'i rgyud rnam par
 dag pa skad cig bzhi'i rang bzhin rnam pa sna tshogs la sogs pa'o/ /da ltar rnam par smin pa'i rang bzhin mchog tu dga' ba'i ngo bo gsang bar mngon par brjod pa lta ba'i sgra'i don des pa rnal 'byor gyi rgyud rnam par dag pa/ skad cig bzhi'i
 rang bzhin dga' ba la sogs pa'o/ /de ltar rnam par nyed pa'i rang bzhin dga' bral gyi dga' ba'i ngo bo shes rab tu mngon par brjod pa lag bcangs kyi sgra'i don nges pa rnal 'byor bla ma'i rgyud rnam par dag pa skad cig bzhi'i rang bzhin slob dpon
 la sogs pa'o/ /de ltar mtshan nyid dang bral ba'i rang bzhin lhan cig skyes pa'i dga' ba'i ngo bo de yang zhes pa mngon par brjod pa gnyis kyi rgyud sgra'i don nges pa rnal 'byor bla na med pa'i rgyud rnam par dag pa skad cig bzhi'i rang bzhin rgod pa la
 sogs pa'o/ /zhes pa bzhi tshan bzhi ni stong pa nyid bcu drug gi rang bzhin nyid de/ /de ltar thams cad bzhi'o zhes mdor bstan pa'i don rgyas par bshad pa'o/ /yang na/ rgod pa'i sgras gsal ba'i rang bzhin rnam par shes pa tsam mo/ lta ba'i
 sgras 'di dang de zhes khyad par gyi rang bzhin la yid 'jug pa'i rnam par shes pa'o/ /lag bcangs kyi sgras lnga'i bdag nyid can gnyis te/ dbang po dang yul gzung ba dang 'dzin pa'i mngon par zhen pas bde ba la sogs pa nyams su myong ba'i
 mtshan nyid kyi rnam par shes pa'o/ /gnyis gnyis kyi rgyud kyi sgras shes rab dang thabs dbyer med pa sku gsum dang ye shes lnga'i bdag nyid can bde ba la sogs pa'i gzung ba'i rang bzhin 'od gsal ba'i ye shes gang yin pa ste /
 de nyid lhan cig skyes pa zhes so/ /'dir yang dga' ba la sogs pa'i rim gyis rnam par bshad par bya'o/ /de nyid kyi phyir gsungs pa/ sems can rnams kyi dngos grub phyir/ /dbang ni rnam pa bzhi ru gsungs pa/ dbang gi don nyid gsungs pa/ blugs? pa dang 'khyud
 pa zhes bya 'dis/ /des na dbang zhes brjod par bya/ 'khyud pa zhes pa dri ma med par byed pa ste/ rim pa gnyis kyi gnyis ka rnam par dag par gyur pa'o/ /blo bur gyi dri ma bsal bas shin tu rnam par dag pa chos kyi dbyings kyi rang bzhin du
 bsgrub pa'i phyir zhes pa dbang gi don no/ /dbang rnam pa bzhi po nyid gsungs pa/ shes rab bcu drug lon pa la/ /lag pa dag gis yang dag 'khyud/ /rdo rje dril bu mnyam sbyor las/ /slob dpon gyi ni dbang du 'dod/ /bla ma'i rim pa
 las don go bla ba nyid do/ /yang na lag pa dag gis zhes bya ba yul dang dbang po dag gis yang dag par 'khyud cing dbyer med par byas te/ shes rab ces pa gnyis ka dbyer med pa'i ye shes so/ /khyad par ci zhe na/ gsungs pa/ bcu
 drug lon pa ste/ /ye shes de nges par stong pa nyid bcu drug rnam par dag pa'o/ /ji ltar zhe na/ dril bu zhes pa nA da'i phreng ba gnyis te rdo rje zhes pa de dag dbyer med pa'o/ /mnyam par sbyor ba'i sgras mnyam pa dbyer med pas khyab pa'i rnal 'byor
 ni spyor ba'o/ /de'i phyir slob dpon zhes pa rdo rje 'chang gi ye shes te/ dbang zhes pa shin tu rnam par dag pa chos kyi dbyings kyi rang bzhin no/ /'dod ces pa ye shes kyi rnam pa'o/ /yang na gang/ rdo rje dril bu'i sgras rdo rje dang pad+ma snyoms
 par 'jug pa'i rim pas dga' pa bzhi la sogs pa rtogs pa rnam par dag pa ste/ slob dpon gyi ni dbang du 'dod ces pa'i don brjod zin pa nyid do/ /'di ni slob dpon gyi dbang gi ming bzhin no/ /gsang ba'i dbang gsungs pa/
 shin tu bzhin bzangs mig yangs ma/ /gzugs dang lang tshos brgyan pa nyid/ /thu bo ming med dag gis ni/ slob ma'i kha ru gzhug par bya/ /ston pas shes rab mchod bya zhing/ /rjed par byas nas gtad
 par bya/ /ston pa zhes pa bla ma ste/ shes rab btsun mo mchod par bya zhing bsten par bya'o/ /khyad par ji lta bu zhe na/ shin tu bzhin bzang zhes pa la sogs pa yon tan gyi khyad par ro/ /rjod par byas nas zhes pa bsten par byas nas slob
 ma'i kha ru gzhug par zhes pa slob ma'i zhal du byang chub kyi sems te/ sbas pa'i don ni gdams ngag las rtogs par bya'o/ /gang gis shes na thu bo ming med dag gis ni sor mo gnyis kyis so/ /yang na gang/ mthe bong gnyis
 kyis rdo rje bstan nas slob ma'i khar byang chub kyi sems ltung bar bya'o/ /zhes pa 'di'i don ni gdams ngag las rtogs par bya'o/ /de'i bar ma chad par shes rab de slob ma la gtad par bya'o zhes pa'o/ /yang shin tu bzhin bzangs
 zhes pa gsung rdo rje'i rang bzhin no/ /mig yangs ma zhes pa thugs su gcig pa'i sku'o/ /gzugs dang lang tshos brgyan pa nyid ces pa zhal dang phyag dang rnam pa la sogs pa sku'i rang bzhin no/ /de ltar 'gyur pa'i sku gsum gyi rang
 bzhin gyi shes rab bdag med ma la ston pa rdo rje 'chang gis mchod par bya zhing yang dag par sbyin par bya'o/ /ji ltar zhe na/ gang las thu bo ming med dag gis ni/ gtad par bya thu bo rdo rje 'chang dang ming med bdag med ma ste/ de dag
 gis dbyer med par mnyam pas gtad cing rnam par gnas par bya'o/ /de ltar gyur pa'i gnyis su med pa'i ye shes slob ma'i kha ru dbang po dang yul las gzhug par bya zhing bsdu bar bya ste/ dbang po dang yul dbyer med pa kho na
 sku gsum gyi rang bzhin shes rab dang thabs kyi bdag nyid can yang dag pa'i ye shes zhes pa'i don no/ /'dis ni slob dpon gyi ni dbang du 'dod ces pa'i bar gyis slob dpon gyi dbang ngo/ /thu bo ming med dag gis ni/ /slob ma'i kha ru gzhug
 par bya/ /ston pas shes rab mchod bya zhing/ /zhes pa 'dis gsang ba'i dbang bskur bar gsungs so/ /rjed par byas nas gtad par bya/ /zhes pa 'dis shes rab kyi dbang bskur ba'i skabs nye bar rtsom par mdzad do/ /de nyid gsungs pa/ ston pas
 smras pa sems dpa' che/ /phyag rgya bde ba ldan pa zung/ /'di nyid brjod de gtad par bya/ /phrag dog khro ba spangs pa yi/ /slob ma cher gyur shes nas ni/ /ston pas de la gnang ba sbyin/ /kun du ru yis rdo rje 'dzin/ /phrag dog khro ba spangs pa ni/ /
 nyon mongs pa dang mi ldan pa'o/ /tshar gyur zhes pa chu'i dbang la sogs pas dbang bskur pa'o/ /kun du ru yis zhes pa/ rdo rje dang pad+ma mnyam par sbyor ba byos zhes pa'o/ /ston pa bla mas yang dag par bsgrub par bya ba'i gnang ba sbyin par bya'o/ /
 slob mas kyang de'i gnang pa thob nas gang zhig bsgrub par bya ba de gsungs pa/ /ji ltar dbang bskur gsol gdab pa'i/ /slob ma'i bya ba rab bshad bya/ /bla ma phyag rgya ldan mthong nas/ /bstod dang mchod pa ji bzhin bya/ /bcom ldan zhi ba chen po
 kye/ rdo rje rnal 'byor gcig mchog de/ /mi phyed phyag rgya sgrub pa po/ /rdo rje rnal 'byor yang dag 'byung/ /bcom ldan kye zhes pa dbang phyug la sogs pa'i yon tan dang ldan pa'i phyir ro/ /zhi ba chen po zhes pa nyon mongs pa'i bag chags kyi
 bud shing bsregs pa'i phyir ro/ /rdo rje rnal 'byor gcig mchog de zhes pa bden pa gnyis dbyer med pa'i phyir ro/ /phyag rgya'i dngos grub sgrub pa po zhes pa phyag rgya'i dngos grub sgrub pa'i phyir ro/ /mi phyed ces pa mdza' yas pa'i rigs rang
 bzhin gcig pa'i phyir ro/ /rdo rje rnal 'byor yang dag 'byung zhes pa rim pa gnyis phyin ci ma log pa'i chos gyi tshul ston par byed pa'i phyir zhes pa'o/ /bcom ldan kye zhes pa rnam par snang mdzad kyi bdag nyid do/ /zhi ba chen po
 zhes pa mi bskyong ba'i sku'o/ /rdo rje rnal 'byor gcig mchog ste/ /zhes pa mi bskyod pa'i sbyor ba las rin chen dbang po'i rang bzhin no/ /phyag rgya sgrub pa po zhes pa 'od dpag med kyi rang bzhin no/ /mi phyed ces pa don yod grub pa'i rang bzhin
 no/ /rdo rje rnal 'byor yang dag 'byung zhes pa rdo rje sems dpa' 'dzag pa med pa'i rang bzhin te/ ye shes lnga dang sku gsum dang shes rab dang thabs la sogs pa rnam pa thams cad kyi mchog dang ldan pa'i stong pa nyid kyi rang bzhin rdo rje bla ma zhes pa'i
 don no/ /bdag nyid chen po khyed ji bzhin/ /gtso bo bdag kyang mdzad du gsol/ /'khor ba 'dam gyi tshogs su ni/ /byid ba skyabs med bdag skyabs mdzod/ /bdag nyid chen po zhes pa sngar brjod pa'i bstod pa'i rim pas so/ /khyed
 ji lta bde bzhin du bdag kyang mdzad du gsol/ /'khor ba'i 'dam rdzab stug por bying ba skyabs med bdag skyabs mdzod/ skyabs med pa bdag bskyab tu gsol zhes pa ste/ ston pa spangs nas 'khor ba'i rgya mtsho las gdon par bzod pa/
 gzhan 'ga' yang med do zhes pa'o/ /de ltar gsol ba btab pa'i rjes la mchod pa gsungs pa/ zhim pa'i bza' ba btung ba dang/ /ma dan dang bal che/ /bdug pa lha bshos phreng ba che/ /dril bu rgyal mtshan byug pa ste/ slob mas mchod pa 'di rnams
 kyis/ /rdo rje 'dzin pa mchod par bya/ /ba la che zhes pa rgyal po sha li'o/ /de ltar bstod pa dang gsol ba gdab pa dang mchod pa rnams kyang brjod nas bla ma'i gdam ngag las rdo rje pad+ma mnyam par sbyor ba la sogs pa'i rim pas dga' 
 ba la sogs pa mngon du gyur pa na bla ma'i gnang ba gsungs pas/ dbang bzhi pa'i skabs nye bar rtsom par mdzad de/ mchog dga' legs par yang dag thob/ /sna tshogs spangs pa'i skad cig la/ /ston pas smras pa sems dpa' che/ /bde
 ba chen po gzung bar bya/ /ston pa bla mas smras pa zhes pa gsungs pa'o/ /de ci zhe na/ kye sems dpa' chen po da ni khyod ye shes chen po'i ros gang ba'o zhes bod pa ste/ /khyod kyis gzung bar bya zhing brtan par bya'o/ /de ci zhe na/ bde
 ba chen po yang dag pa'i ye shes so/ /gang gi che zhe na/ mchog tu dga' ba'i skad cig la/ bzhi pa legs par yang dag thob/ /legs par go rims bzhin yang dag par thob pa na'o/ /khyad par ci zhe na/ sna tshogs spangs pa
 tha dad pa spangs pa ste/ dbyer med pa khams gsum pa ro gcig pa'i rang bzhin du gyur pa na'o/ /'dis ni slob dpon gsang ba shes rab dang/ /bzhi pa de yang de bzhin no/ /zhes pa'i dbang bzhi gsungs so/ /yang na bde ba chen
 po yang dag pa'i ye shes te mchog rmad du byung ba'o/ /dga' ba ni dga' ba bzhi'o/ /su khu ba dang/ sam bde ba ste legs pa yang dag go /de thob dga' ba bzhi phul du byung bas thob pa na'o/ /de nyid kyi phyir sna tshogs spangs
 pa'i skad cig la/ ston pa smras pa sems dpa' che/ /gzung bar bya zhes pa'o/ /da ni dbang bskur nas rjes su gnang ba ster pa/ byang chub snying po'i bar du ni/ sems can don gyis rdo rje 'dzin/ /slob ma'i bya ba rdzogs
 byin nas/ rdo rje can gyis 'di skad brjod/ /byang chub kyi sgras yang dag par rdzogs pa'i byang chub po/ /de nyid snying po ste bstan pa'o/ /byang chub snying po nyid kyi bar te mthar thug la'o/ /de rtogs pa ni byang chub snying po'i bar
 te/ sems can gyis 'gro ba'i don sgrub par byos/ /kye rdo rje 'dzin kye rdo rje 'chang gi ye shes dang ldan pa'o/ /rdo rje can rdo rje bla mas slob ma la 'di skad brjod par bya'o/ /ci byas nas she na/ bya ba rdzogs
 pa byin nas chu la sogs pa'i cho ga rab tu bsgrubs nas so/ /yang na gang/ 'chad par 'gyur ba'i bya ba rdzogs pa brjod par bya ste/ de ltar slob ma la ni byin nas chu la sogs pa'i cho ga bzhi pa rtogs pa'i mthar thug pa so sor
 bsgrubs nas zhes pa'o/ /da ni dbang bskur zhing rjes su gnang ba ni rnam par mi rtog pa'i ting nge 'dzin la rnam par gnas par bya ba'i ched du gsungs pa/ /'di nyid ye shes chen po ste/ thams cad lus la rnam par gnas/ /
 gnyis med gnyis kyi rang bzhin te/ dngos dang dngos med bdag nyid gtso/ /brtan dang g.yo ba khyab par gnas/ /sgyu ma'i gzugs can nyid du snang/ /'di ni le'u dang por lus gnas ye shes chen po ni zhes mdor bstan pa'i
 rgyas par bshad pa ste/ thams cad lus la zhes pa'i sgras phung po dang khams dang skye mched la sogs pa thams cad la rnam pa sna tshogs pa'i rang bzhin a ba/ bdag med ma dang dbyer med pa'i byang chub kyi sems gnas te/
 g.yo ba med pa'i rang bzhin zhes pa'o/ /de nyid kyi phyir gnyis med gnyis kyi rang bzhin te/ dngos po dngos med kyi bdag (nyid can skye ba dang 'jig pa) dbyer med pa'i ye shes so/ /gtso bo zhes pa de bzhin gshegs pa thams cad dang mkha' 
 'gro ma rnams kyi mnga' bdag ma ning ngo/ /thams cad lus la rnam par gnas pa'i don nyid gsungs pa/ yang dag pa'i ye shes brtan pa dang g.yo ba khyab par gnas pa g.yo ba med pa'i rang bzhin bskyed par bya'o/ /de nyid
 kyi phyir sgyu ma'i gzugs can nyid du snang zhes pa 'gro ba'i rang bzhin 'od gsal ba'i ngo bo nyid ces pa'o/ /'di lta bu'i ye shes rtogs shing mngon du gyur pa ji lta bu zhe na/ de'i phyir gsungs pa/ dkyil 'khor 'khor lo thabs dang
 bos/ /rtag tu nges par 'gro bar 'gyur/ /dkyil 'khor ni dkyil 'khor gyi gtso bo nyid kyis rdo rje 'chang ste/ 'khor lo ni mi shes pa gtsod pa nyid las bdag ? ma'o/ /dkyil 'khor dang 'khor lo ni dkyil 'khor 'khor
 lo ste/ bdag med ma dang dbyer med pa'i rdo rje 'chang gi ye shes so/ /de nyid thabs dang po gleng gzhi ste dang po'i rgyu'o/ /rgyu des rtag tu goms par gyur pa ni nges par som nyi med pa nyid du 'gro bar 'gyur/ rnam par mi rtog pa'i ye shes mngon du byed
 par 'gyur ro zhes pa'o/ /de nas bcom ldan 'das ma rnal 'byor ma thams cad la bzod par gsol nas/ rdo rje snying pos bcom ldan 'das la 'di skad ces gsol to/ /de nas zhes pa bar ma chad pa ste/ de yang rdo rje snying pos
 bcom ldan 'das la 'di skad ces gsol to/ /ci byas nas she na/ rnal 'byor ma rnams la bzod par gsol nas te/ rnal 'byor ma thams cad bzod par gyur nas so/ /khyad par ci zhe na/ bcom ldan 'das ma ste/ rang gi dam
 tshig gi brda thams cad par gnas pa rnams so/ /yang na gang/ b+ha ga ye shes te 'di rnams de dang ldan pa'i phyir bcom ldan ma'o/ /de rnams kyi dkyil 'khor 'khor lo thabs dang pos rtag tu nges par 'gro bar 'gyur zhes
 bcom ldan 'das kyis gsungs pa de nyid/ dkyil 'khor 'khor lo ci zhig brjod/ /sangs rgyas kun bdag grong khyer la/ /bcom ldan bdag ni 'khrul par gyur/ /ji ltar rigs pa bshad du gsol/ /bcom ldan
 'das bshad du gsol zhes pa mang po'i tshig ni zhes pa las so/ /dkyil 'khor 'khor lo gang yin pa de ci zhig mngon par brjod/ /de yang grong khyer ni lus so/ /khyad par ci zhe na/ sangs rgyas kun
 bdag ces pa yul rnams so/ /sangs rgyas ni de bzhin gshegs pa ste dbang po rnams so/ /bdag ces pa sems te/ yul dang dbang po dang rnam par shes pa'o/ /de gsal bar byed pa'i phyir sangs rgyas kun gyi bdag nyid can yul
 dang dbang po dang rnam par shes pa'i rang bzhin rdo rje gsum gyi ngo bo ji srid pa'o/ /de lta bu'i tshul gyi grong khyer dkyil 'khor 'khor lo de nyid ci zhig mngon par brjod ces pa rdo rje snying po'i zhu ba ste/ ji ltar rigs pa zhes pa ji ltar bskyed
 pa dang rdzogs pa'i rim pa gnyis 'gal ba med pa de ltar zhes pa'o/ /de ltar zhus pa na bcom ldan 'das kyis bka' stsal pa/ dkyil ni snying po zhes brjod de/ /byang chub sems ni bde chen po/ dkyil gyi sgras snying po mchog brjod de/
 de yang ma ning ngo/ /de ci zhe na/ byang chub kyi sems stong pa nyid dang snying rje dbyer med pa'i ye shes so/ /de nyid bde ba chen po'o/ /de ci zhig byed ce na/ de ni len par byed pa'i phyir/ 'dus pa dkyil 'khor yin par 'dod/ /snying
 po de len cing 'dzin pa'i ngo bor byed la rdzogs par byed pa'i phyir dkyil 'khor ro/ /gang zhig dkyil 'khor de ni 'dus pa ste/ de bzhin gshegs pa thams cad 'dus pa'o/ /'dod ces pa yang dag pa'i ye shes te/ re zhig dkyil
 'khor gyi sgra'i don no/ /'khor lo'i sgra'i don brjod par bya ste/ 'khor lo tshogs pa mkha' khams brjod/ yul la sogs rnams rnam par sbyong/ tshogs pa zhes pa yul shes pa'o/ /mkha' i sgras dbang po zhes pa'o/ /khams
 kyi sgras 'byung ba chen po zhes pa'o/ /mkha' dang khams ni mkha' khams te/ 'di dag gis brjod cing bshad pa gang yin pa de ni 'khor lo'o/ /de nyid kyi phyir yul la sogs rnams rnam par spyod/ dri ma med par byed pa'o/ /'dis
 ni de bzhin gshegs pa thams cad 'dus pa'i dkyil 'khor dang/ yul la sogs pa rnam par dag pa yang 'khor lo/ /'di gnyis ni gang zhig de'i bde ba ye shes rtogs par 'gyur zhing shes par 'gyur ro/ /rgyu gang gis zhe na/ gsungs
 pa/ po la kak+ko la sbyor bas/ /po la rdo rje dkyil 'khor dang kak+ko la pad+ma 'khor lo ste/ de gnyis ka dbyer med pa'i sbyor ba'o/ /des dkyil 'khor 'khor lo nyid kyis de bzhin gshegs pa thams cad 'dus pa yul la sogs pa rnam
 par dag pa'i rang bzhin zung du 'jug par gyur pa'i rim pa ni dkyil 'khor 'khor lo zhes mngon par brjod do zhes pa'i don no/ /'dir de gnyis ka dbyer med pa'i phyir gnas pa med pa'i rnal 'byor gyis dmigs par bya'o/ /rdo rje snying
 pos gsol pa/ sdom pa zhes bya gang gis dang/ /dam tshig gang gis gnas par bgyi/ /gal te dam tshig na de bzhin gshegs pa thams cad 'dus pa'o/ /dam tshig des dam tshig gi rgyu yis gnas par bgyi ste/ gnas pa'i
 phyir dmigs par 'gyur ro/ /gal te sdom pa ni sdud pa ste/ bdag med ma so sor rtogs pas yul la sogs pa rnam par dag pa'o/ /de ltar na yang sdom pa des sdom pa'i byed pas kyang gnas par bgyi ste gnas pa ni dmigs pa'o/ /
 de cis gnas pa med pa'i rnal 'byor la gnas pa zhes bgye zhes pa'o/ /yang na gang/ dam tshig gang gis ji lta bu'i lha'i rnal 'byor gyis/ /dang sdom pa gang gis ji lta bu'i lha spro ba dang sdud pa gnas par bgyi zhes zhus pa'o/ /
 bcom ldan 'das kyis bka' stsal pa/ khyod kyis srog chags gsad par bya/ /brdzun gyi tshig kyang smra bar bya/ zhes pa 'di ni dam tshig ste/ bar chad med par bya ba la 'jug pa'o/ /khyod kyis ma byin par yang
 blang/ pha rol bud med bsten par gyis/ /zhes pa 'di ni sdom pa'i bslab pa'o/ /yang na gang/ saM yang dag pa ste/ bar mchog go /'di dag nyid gal te sgra ji bzhin pa ni bkag pa'i phyir de'i tshe mi dge ba'i skyon dang sgrib par
 'gyur ro/ /de'i don du srog chags gsod pa la sogs pa'i don dge ba nyid kyis ye shes kyis rang bzhin du mngon par gsal bar bya ba'i phyir bcom ldan 'das kyis bka' stsal pa/ sems gcig srog chags gsod pa ste/ gang gi
 phyir srog ni sems su brjod/ /'jig rten bsgral bar bya zhes pa/ /brdzun gyi tshig tu grags pa ste/ /btsun mo'i khu ba mi byin pa/ /pha rol bud med rang mtshungs mdzes/ /sems gcig ces pa lhan cig ma yin pa'i sems te /
 gzung ba dang 'dzin pa las rnam par grol ba'o/ /de ni srog chags gsod pa ste/ ji ltar zhe na/ gang phyir srog ni sems su rjod/ /rgyu gang gi phyir srog gi brda ni sems zhes pa'o/ /ji ltar bcom ldan 'das kyis 'phags pa
 brgyad stong par gsungs pa/ bdag gi sems can thams cad phung po lhag ma med par mya ngan las 'das pa'i dbyings su yongs su mya ngan las bzla bar bya'o zhes brjod kyang/ de na gang gis gang yang yongs su mya ngan las bzla bar
 bya ba med do/ /gal te de bzhin gshegs pa dgra bcom pa yang dag par rdzogs pa'i sangs rgyas mdza' yas pa mkhyen pa dang ldan pa'i gsung dbyangs kyi bskal pa gang+gA'i klung gi bye ma snyed rnams su sems can/ sems can zhes tshig tu
 brjod kyang/ de na sems can 'ga' yang skyes pa 'am/ skye bar bar 'gyur ba 'am/ skye ba 'am/ 'gag pa 'am 'gag par 'gyur ba 'am/ 'gag pa yang ga la yod de sems can gyi khams gdong ma nas ma skyes pa'i phyir ro zhes pa'o/ /
 de'i phyir yang gang gi yang skye ba dang 'gag pa yang nye bar mi dmigs pa de rnams bsgral bar bya'o zhes smra ba ni brdzun gyi tshig ste/ 'di ltar 'di ni brdzun smra ba brdzun gyi don yang dag par bden pa med pa'o/ /yang na/ grag pa ni sgra ste brdzun ni bden pa
 med pa'o/ gang gi tshig ni/ bA byang chub kyi sems dang a bdag med ma ste/ pA gnyis ka'o/ /de yang sbyin zhing gtong ba'i phyir/ /bA dang/ stong pa nyid dang snying rje dbyer med pa byang chub kyi sems kyi rang bzhin gang yin pa grags pa ste/
 nA da'i phreng ba gnyis so/ /de dbyer med par rtogs pa yongs su spong ba yang brdzun te/ dbang po las 'das pa nyid kyi phyir ro/ /gang zhig rab 'byor gyis smras pa/ kho bo ni gal te mya ngan las 'das pa las kyang khyad par du 'phags
 pa'i chos 'ga' zhig yod na de yang sgyu ma lha bu rmi lam lta bu'o zhes smra'o zhes pa brdzun gyi tshig tu grag pa'o/ /btsun mo'i byang chub kyi sems ma byin par len pa ni pha rol gyi rdzas 'phrog pa'o/ /yang na/ btsun mo bdag med ma dang khu ba rdo rje 'chang
 ste/ btsun mo dang khu ba ni btsun mo khu ba'o/ /de ma byin pa ni mi spong ba ste rtag tu bskyed pa'i ngo bo'i phyir ro/ /pha rol bud med ces pa mchog gi shes rab ste de ni rang mtshungs mdzes rang gi sgras rdo rje 'chang ngo/ /de dang mtshungs pa
 na de'i rang bzhin gyi shes rab ste mdzes pa ni thams cad mchog tu gyur pa'i phyir ro/ /rdo rje snying po rnal 'byor ma thams cad la bzod par gsol nas dkyil 'khor 'khor lo la sogs pa'i don zhus shing bcom ldan 'das kyis kyang zhu
 ba'i lung bstan pa'o/ /da ni bdag med ma la sogs pa rnal 'byor ma rnams ni cha dang bral ba'i rang bzhin te/ de rnams kyi dkyil 'khor 'khor lo la sogs pa'i thabs la the tshom ste/ dkyil 'khor 'khor
 lo la sogs pa yang bcom ldan 'das kyis kun rdzob kyi bden pa dang dbyer med pa'i don dam pa'i brda yis gsungs so zhes rnal 'byor ma rnams som nyir gyur te bcom ldan 'das la zhus pa/ de nas rnal 'byor ma thams cad kyis
 bcom ldan 'das la 'di skad ces gsol to/ /de nas zhes pa kha sbyor te/ rnal 'byor ma thams cad ces pa ma lus pa'i rnal 'byor dang ldan pa'o/ /'di skad ces gsol to zhes pa a baM yi ge'i rang bzhin kho nas dus gsum
 khyab par gyur pa'o/ /zhus pa nyid gsungs pa/ yul de rnams kyang ci lags dbang po rnams ni gang lags/ skye mched ni ci lags/ phung po rnams ni gang lags/ khams de rnams kyang ci lags zhes pa phung po lnga'i
 bdag nyid kun rdzob kyi bden pa'o/ /'di rnams kyi rang bzhin ci lags zhes pa 'di rnams kyi rang bzhin yongs su shes pa ni don dam pa'i bden pa'o zhes bgros te/ rnal 'byor ma rnams kyi zhu ba'o/ /de la bcom ldan 'das kyis bka' stsal ba/ yul rnams ni
 drug ste/ gzugs sgra de bzhin dri dang ni/ /ro dang de bzhin reg bya nyid/ chos kyi khams kyi rang bzhin te/ /'di rnams yul ni drug du 'dod/ /dbang po rnams ni rnam drug ste/ mig dang rna ba sna dang ni/ /lce dang lus dang de
 bzhin yid/ /'di rnams dbang po drug yin te/ /gti mug rdo rje la sogs ldan/ /yul dang yul can dag gis ni/ /skye mched bcu gnyis dag tu 'gyur/ /phung po lnga ni gzugs la sogs/ /'du byed mthar thug snying
 rje che/ /dbang po ni yul nyid dang/ /dbang po rnam par shes pa nyid/ /rnal 'byor ma rnams go bya'i phyir/ /khams ni bco brgyad rnams su bshad/ /rang bzhin gdod nas ma skyes nyid/ /bden min brdzun min de bzhin du/ /thams
 cad chu yi zla ba ltar/ /'dod pas rnal 'byor mas shes gyis/ 'di lta ste/ srub shing dang/ srub gtan dang/ skyes bu'i lag pa'i rtsol ba las glo bur du me skye bar 'gyur ro/ /me de ni srub shing la mi gnas/ /srub gtan la ma yin/
 skyes bu'i lag pa dag la ma yin te rnam pa thams cad du yongs su btsal na gcig la yang med do/ /me de yang bden pa ma yin/ brdzun pa ma yin no/ /de ltar chos thams cad rnal 'byor ma rnams kyis yid la gyis
 shig ces pa'o/ /rdo rje snying po ni thabs kyi ngo bo nyid kyis kun rdzob kyi bden pa'i rang bzhin te don dam pa'i bden pas gsungs so/ /thams cad chu yi zla ba ltar/ /'dod pas rnal 'byor ma shes gyis/ /'di lta ste/ srub shing dang/
 srub gtan dang/ skyes bu'i lag pa'i rtsol ba las glo bur du ma skye bar 'gyur ro/ /me de ni srub shing la mi gnas/ srub gtan la ma yin/ skyes bu'i lag pa la yang ma yin te zhes pa la sogs pa rnal 'byor ma rnams ni/ ye
 shes kyi ngo bo nyid kyis don dam pa'i rang bzhin te/ bcom ldan 'das kyis kun rdzob kyi bden pas gsungs so zhes pa tshigs su bcad pa rnams kyi bsdus pa'i don no/ /tshigs su bcad pa 'di rnams kyang rgyud thams cad kyi gleng gzhir gyur pa rdo rje rigs
 kyi le'u la sogs pa'i bdag nyid can kye'i rdo rje rgyud rdzogs pa'i mthar thug pa nyid kyi phyir rdo rje snying pos/ /dkyil 'khor 'khor lo ci zhig brjod ces bcom ldan 'das la zhus shing/ bcom ldan 'das kyis kyang/ dkyil na snying po zhes
 pa brjod do/ byang chub sems ni bde chen po/ zhes pa dang/ 'khor lo tshogs pa mkha' khams brjod/ /yul la sogs rnams rnam par sbyong/ zhes pa la sogs pa rab tu bstan to/ /de la rdo rje snying po ni thabs kyi ngo bo nyid kyi phyir/ 'khor
 lo tshogs pa mkha' khams brjod/ /yul la sogs rnams rnam par sbyong/ zhes pa bskyed pa'i rim pa rdzogs pa'i rim pa rtogs par bzhed pa nyid/ dkyil ni snying po zhes brjod/ /byang chub sems ni bde chen po/ /zhes pa rdzogs pa'i rim pa dang bskyed pa'i
 rim pa phyin ci ma log pa'i phyir bcom ldan 'das kyis dang po kho nar rdo rje snying pos zhus pa na rab tu bstan to/ /da ni rnal 'byor ma rnams ni rang bzhin med pa nyid kyis cha dang bral ba'i ngo bo nyid kyi phyir/ byang chub sems ni bde chen po zhes bzhed pa nyid de
 'khor lo tshogs pa mkha' khams brjod/ /yul la sogs rnams rnam par sbyong/ /zhes pa som nyir gyur cing de nyid blo la gnas par byas nas yul de rnams kyang ci lags zhes pa la sogs pa mgo bo bskyod pa sngon du 'gro bas zhu ba mdzad pa'o/ /de la
 bcom ldan 'das kyis bka' stsal pa/ yul rnams ni drug ste gzugs sgras zhes pa la sogs pa'o/ /de rnams kyang khyad par ci zhe na/ gti mug rdo rje la sogs ldan/ /drug ste/ gti mug rnam par snang mdzad dang rdo rje ma ning gi rim par gnas pa'i mkha' 'gro ma
 ste/ gti mug dang rdo rje ma ning gti mug rdo rje ma ning mig gi dbang po'o/ /gti mug rdo rje gang gis dang po yin pa de rnams ni/ gti mug rdo rje la sogs te/ de rnams dang ldan pa ni 'dus pa dbyer med pa'i rang bzhin no/ /de nyid kyi phyir drug ni lnga'i nang du 'dus ma
 dbyer med pa nyid de/ chos kyi dbyings kyi rang bzhin rtogs pa las zhes pa'i brda' las so/ /yul 'ba' zhig ma yin gyi dbang po rnams kyang gti mug rdo rje la sogs pa dang ldan pa'o/ /yang na/ gti mug la sogs pa ni de bzhin gshegs pa lnga'o/
 rdo rje ma la sogs pa ni mkha' 'gro ma bzhi ste/ gti mug rdo rje la sogs so/ /de rnams dang ldan pa ni dbyer med pa ste/ rdo rje ma la sogs pa mkha' 'gro ma bzhi 'byung ba chen po bzhi'i rang bzhin dang/ gnyi mug la sogs pa de bzhin gshegs pa lnga
 gzugs kyi phung po la sogs pa'o/ /de nyid kyi phyir gsungs pa/ phung po lnga ni gzugs la sogs pa 'du byed kyi mthar thug pa'o/ /snying rje che zhes pa rdo rje snying po la bod pa ste/ de'i the tshom nyid kyi phyir ro/ /sa la sogs pa 'byung ba chen po bzhi la yang gzugs
 la sogs pa phung po lnga lhag par gnas pa nyid kyis dbye ba tha dad pa nyi shu'o/ /de yang gzugs la sogs pa phung po lnga re re las rnam par snang mdzad la sogs pa de bzhin gshegs pa lnga lhag par gnas pa nyid kyis rnam pa tha dad pa brgya'o//
 rnam par snang mdzad la sogs pa de bzhin gshegs pa lnga po rnams kyang re re la rnam pa lngar phye bar 'gyur na de dag thug pa med pa'o/ /yul dang yul can dag gis ni/ /skye mched bcu gnyis dag tu 'gyur/ /gzugs la sogs pa yul
 drug dang/ mig la sogs pa dbang po drug rnams te gnyis po dag gis skye mched bcu gnyis dag tu 'gyur ro/ /yang na yul 'byung ba chen po bzhi dang yul can de bzhin gshegs pa lnga rnams so/ /yul dang yul can ni yul dang yul can
 te ma ning ngo/ /de len pa dang 'dzin par byed pa'i phyir zhes pa'i nges tshig gis na yi ge la yi ge ste yul dang yul can la'o/ /de gsal bar ston pa'i phyir yul dang yul can la ka ste/ de dag gis shes rab dang thabs kyi rang bzhin nyid kyis
 te khams rnams kyi rang bzhin no gdod nas ma skyes pa nyid do/ /rang gi dngos po ni rang bzhin no/ /khams ni bco brgyad rnams su bshad/ /khams ni sa la sogs pa 'byung ba bzhi phung po lnga lhag par gnas pa dgu ste/ nyis 'gyur
 bco brgyad rnams su bshad do/ /rnal 'byor ma bdag med la sogs pa rnams kyi go cha'i phyir yang dag par rdzogs pa'i byang chub thob pa'i ched du'o/ /rdo rje gsum rjes su zhugs pas skye mched bcu gnyis dag tu 'gyur ro/ /phung po lnga ni
 ji snyed ce na gzugs la sogs pa ste/ 'du byed mthar thug ces pa 'dis 'byung ba bzhi po nyid mtshon pa'o/ /'dis ni dbang po lnga dang yul bzhi ste dgu'o/ /dbang po rnam par shes pa nyid ces pa dbang po ni yul las gzhan med pa nyid kyi phyir dbang
 po'i rnam par shes pa yang dgu ste 'dis ni dgu tshan gnyis so/ /gang zhig gang dang gang gi rang bzhin de ni ma ning ste/ gang gi phyir zhe na/ gang las gdod nas ma skyes pa nyid de/ /gdod ma nas dang po nyid nas ma skyes pa ste/ dang por ma skyes
 pa'i rang bzhin nyid kyi phyir thog ma dang tha ma med pa'o/ /de nyid kyi phyir bden min bden pa bkag pa'o/ /bden pa bkag pa'i phyir pha rol dang tshu rol gyi rigs pas brdzun min zhes pa brdzun pa bkag pa'o/ /dpe cung zad tha dad pa lhag par gnas
 pa brtan pa byed pa/ thams cad chu yi zla ba ltar/ /'dod pas rnal 'byor mas shes kyis/ zhes pa de ltar yang dag pa yongs su shes pa yang chags pa nyid de thams cad spangs pa yin pa'i phyir spang bar bya'o zhes pa don dam pa'i bden pa yang mtshon
 pa'o/ /gal te 'dod pas yongs su shes pa yin na 'dod pa nyid ji ltar 'di'i phyir gsungs pa/ srub shing zhes srub par byed pa'i dbyug pa'o/ /srub gtan zhes pa shing gtan no/ /skyes bu'i lag pa'i rtsol ba zhes pa lag pa'i bya ba'o/ /'di
 dag tshogs pa'i bya ba las blo bur du skye bar 'gyur ro/ /blo bur du zhes pa gang gi phyir/ /me de thams cad du yongs su btsal na mi dmigs pa'i phyir te/ me de srub shing la mi gnas/ srub gtan la ma yin/ skyes bu'i lag pa dag la
 yang ma yin te/ rnam pa thams cad yongs su btsal na gcig la yang med do/ /de nyid kyi phyir blo bur du skye bar 'gyur te/ skye ba med pa nyid skye bas yongs su brtag par bya'o/ /me de yang bden pa ma yin brdzun pa yin pa ji lta ba de ltar chos thams cad de/
 lag pa'i rtsol bas ma bkod pa ste byas pa ni med pa nyid kyi phyir ro/ /me yang me'i khams nyid kyis cha shas dang bral ba sgrub par byed pa nyid kyi phyir te/ cha shas dang bral ba nyid las cung zad tha dad pa lhag par gnas pa'i dpe yis nye bar
 bstan pa'o/ /bden pa gnyis dbyer med pa dbang po las 'das pa zung ngu 'jug par 'gyur ba'i rim pa ni sangs rgyas kyi spyod yul te/ bla ma dam pa'i zhabs kyi bka' drin las khong du chud par bya'o/ /de ltar zhes pa e baM yi ge'i rgyas
 btab pa ste/ chos thams cad ni yul la sogs pa rnams so/ /kye rnal 'byor ma rnams bden pa gnyis kyi bdag nyid can rnams te/ yid la gyis shig chos kyi dbyings la rab tu zhugs shig ces pa'o/ /de nas rnal 'byor ma bdag med ma la sogs
 pa rdo rje mkha' 'gro ma thams cad bdud rtsi lnga dang/ dam tshig gi rdzas gzung ste/ bcom ldan 'das rdo rje sems dpa' zhes pa rdo rje gsum dbyer med pa chos kyi sku'i rang bzhin te/ bcom ldan 'das ni dbang phyug la sogs pa'i yon tan dang
 ldan pa'o/ /mchod par byed pa rab tu dang ba'i sems kyis sbyin pa ste/ dam tshig de nyid kyis bdag gi sems rnam par gnas par byed pa'o/ /ci byas nas she na/ bdud rtsi lnga rnam par snang mdzad la sogs pa dang/ dam tshig gi rdzas go ku
 da ha na la sogs pa gzung ste/ nges par 'di lta bu kho na yang dag par rdzogs pa'i byang chub kyi lam yin no zhes bstan pa'i sems bskyed nas te/ bdud rtsi lnga de bzhin gshegs pa lnga po rnams dang/ dam tshig gi rdzas de bzhin gshegs
 pa thams cad 'dus pa'o/ /'dis byang chub kyi sems brtan par byas nas mchod par byed do zhes bshad pa'i don nyid do/ /kundu ru'i sbyor bas rjes su chags par byed bcom ldan 'das la zhes sbyar ro/ /yang na/ byang
 chub kyi sems gnyis su med par rtogs pas rnam par gnas par byed pa'o/ /rdo rje bdud rtsi'i ro yang btung bar stong rab byed de bcom ldan 'das la'o/ /yang na/ rdo rje bdud rtsi ni byang chub kyi sems gnyis su med pa'o/ /de'i ro nyams su myong ba'i mtshan
 nyid de/ des tshim par byed pa'o/ /yang na gang rang gi blo la ji srid sdud par byed pa zhes pa'o/ /de phyir phyi nas bcom ldan 'das dgyes par gyur pa na byin gyis brlabs pa brtan pa 'dis ni rdo rje rnal 'byor ma rnams kyi kundu ru'i sbyor bas
 rjes su chags pa dang/ bdud rtsi'i ro 'thungs pa las kyang bcom ldan 'das dgyes par gyur pa nas bcom ldan 'das kyi byin gyis brlabs pa bstan pa'o/ /kye kye rdo rje mkha' 'gro ma/ /bdag gis spas pa'i de nyid ni/ /sangs rgyas kun
 gyis phyag mdzad pa/ /rdo rje mchod pa'i mthu yis ni/ /bshad kyis 'dod pas mnyan par byas so/ /gang zhig spas pa'i de nyid nyan thos la sogs pa'i spyod yul ma yin pa bde ba bshad par bya yis 'dod pas mnyan par byas so zhes pa rnam
 ba'i spyod yul gyis te/ brjod du med pa nyid brjod pas ston par byed pa'o/ /'di nyid bcom ldan 'das byin gyis brlab pa'i mthu'o/ /yang na gang byin gyis brlabs pa bstan pa zhes pa sprul pa'i sku chos kyi sku dang/ longs spyod rdzogs
 pa'i sku dbyer med pa sgrub par byed pa'o/ /yang na/ kundu ru'i sbyor bas zhes pa rdo rje pad+ma'i sbyor bas rjes su zhes pa rim gyis chags par byed do zhes pa chags par byed pa dang/ chags pa bar ma dang/ shin tu chags pa ste dga' bral
 gyi dga' ba'i mthar thug pa'o/ /de thob par byed pa ste de'i phyir rdo rje bdud rtsi'i ro yang btung bar ston par byed de/ bdud rtsi khu ba dang ro bde ba chen po ste bdud rtsi'i ro'o/ /de ni rdo rje mi phyed pa'o/ /de btung bar stob par byed pa de des mnyes pa'i rang
 bzhin kho nar rtogs par byed do zhes pa ste bzhi pa rdzogs pa'o/ /de'i phyir rgyu de nyid las bzhi pa nyid de/ gang gi phyir phyi nas lhag ma mthar thug pa las so/ /gang gi phyir bzhi pa nyid mthar thug pa yin zhing de nyid bcom ldan 'das so zhes brjod
 par bya'o/ /bcom ldan 'das dgyes par gyur pa na zhes pa chags pa thams cad zhi gnas kyi rang bzhin du mnyam par gyur pa na byin gyis brlabs pa zhes brjod de/ thams cad khyab pa nyid kyi phyir dang/ dus thams cad pa nyid kyi phyir dang/ rnam
 pa thams cad gcig tu sdom pa nyid kyi phyir ro/ /de nyid kyi phyir bstan pa zhes pa sna tshogs pa'i sprul pa'i sku'i rang bzhin te/ sprul pa'i sku brgya byin gyi gzhu lta bur gyur pa'o/ /de'i phyir sprul pa'i sku las longs spyod rdzogs pa'i sku zhes pa'o/ /kye kye
 rdo rje mkha' 'gro ma/ bshad kyi mnyan par byos zhes pa lan gnyis su bod pa ni mi phyed pa mkha' la spyod pa'i sgra'o/ /de'i phyir de dang dbyer med pa nyid kyi chos kyi sku ste/ sbas pa'i de nyid ces pa chos kyi sku de dbang po las 'das pa'o/ /ji ltar zhe na/ rdo rje
 mchod pa'i mthu yis ni zhes pa mchod pa ni mchod pa'i bya ba rdo rje gsum mi phyed pa'i ye shes so/ /de nyid rdo rje zhes pa rdo rje 'chang ngo/ /de nyid mthu shin tu rnam par dag pa chos kyi dbyings kyi rang bzhin kun rdzob kyi bden pa ste/ des mi phyed pa'i
 ngo bo nyid kyis zhes dgongs pa'o/ /bdag gis zhes pa rang nyid do/ /sangs rgyas kun gyis nges pa me long lta bu la sogs pa ye shes lnga yis phyag mdzad pa zhes pa rdo rje gsum mi phyed pa nyid kyis nges par gyur pa zhes pa'o/ /de nas lha mo
 thams cad dga' bar gyur te pus mo g.yas pa'i lha nga sa la btsugs nas bcom ldan 'das ga la ba der thal mo sbyar ba btung de/ bcom ldan 'das kyi gsungs nyan to/ zhes pa sku gsum dang ye shes lnga'i bdag nyid
 can yang dag pa'i ye shes khong du chud de/ /lha mo thams cad rol pa ma lus pa dang ldan pa'o/ /de nyid kyi phyir dga' bar 'gyur ba spro ba dang sdud pa'i ye shes kyi bdag nyid can no/ /de nas zhes pa bden pa gnyis dbyer med pa rtogs par gyur
 pa na btung nas sku gsung thugs dbyer med pas phyag byas te/ pus mo g.yas pa'i lha nga sa la btsugs nas bcom ldan 'das ga la ba der thal mo sbyar ba byas te zhes pa tshul de ltar byas nas bcom ldan 'das kyis gsungs pa nyan par
 byed do zhes pa'o/ /der bcom ldan 'das kyis bka' stsal pa/ bza' btung ji ltar rnyed pa dang/ /bgrod dang bgrod min spang mi bya/ yul la sogs pa ma lus pa rnams kyi rang bzhin gdod nas ma skyes pa chos kyi dbyings kyi rang bzhin nyid
 kyis de la bza' btung la sogs pa'i rnam par rtog pa med do zhes dgongs pa ste/ 'jig rten gyi chos brgyad las rnam par grol ba nyid kyis spros pa med pa'i spyod pas gnas pa'i phyir zhes dgongs pa'o/ /yang na/ bza' btung ji ltar
 rnyed par spang mi bya zhes pa snang ba dang mngon par brjod pa rnam par dag pa'o/ bgrod dang bgrod min spong mi bya zhes pa yang dag par rig pa rnam par dag pa ste/ 'dis ni rdo rje gsum rnam par dag pa 'di nyid ye shes zhes pa'o/ /khrus dang gtsang
 sbra mi bya ste/ /grong pa'i chos ni spang mi bya/ /khrus ni 'khrud par byed pa'o/ /gtsang sbra ni mi gtsang ba sel par byed pa ste de'i phyir de kho na'i rnal 'byor pas mi bya'o/ /grong pa'i chos ni spang mi bya/ /grong pa'i chos sgrib pa yang bya ba nyid do zhes pa'o//
 yang na khrus ni dbang bskur pa'o/ /des dri ma med par byed pa ni gtsang sbra ste sgrib pa thams cad rnam par dag pa'o/ de mi bya ste gnyen po bsgoms pas rnam par dag pa med do zhes pa'o/ /gang gi phyir/ nges par dngos po thams cad kyis/ /rnam dag de
 bzhin nyid du brjod ces pa'i gsung las so/ /de nyid kyi phyir/ grong pa'i chos ni spang mi bya/ /de nyid la bzhi pa'i phyag rgyas de bzhin nyid kyi rnam par dag pa rtogs pa'i phyir zhes dgongs pa'o/ gzhan yang blo ldan sngags nyid bzla zhing/ /bsam gtan nyid ni
 dmigs mi bya/ /gnyid ni spang bar mi bya zhing/ /dbang po rnams ni mi dgag go zhes pa phyi rol gyi bzlas pa la gzhol ba ni rdo rje'i bzlas pa mngon par mi shes na 'grub par mi 'gyur ba'i phyir sngags bzlas pa bkag pa'o/ /de nyid kyi phyir blo ldan bsam
 gtan nyid ni dmigs mi bya zhes pa zhal dang phyag dang rnam pa la sogs pa sprul pa'i sku'i lha bsgom pa ni rdo rje bzlas pa'i nang du thim pa nyid do zhes lha'i bsam gtan bkag pa'o/ /gnyid ni spang bar mi bya zhing zhes pa skye ba dang 'chi ba'i kun tu rtog
 pa yongs su spangs pa nyid kyi phyir zhes dgongs pa'o/ /dbang po rnams ni mi dgag go zhes pa kun rdzob kyi bden pa dang dbyer med pa nyid don dam pa'i bden pa'o zhes the tshom med par rnyed pa shes pa'i phyir zhes pa'o/ /yang na blo ldan sngags nyid
 mi bzla zhing zhes pa longs spyod rdzogs pa'i sku'i rang bzhin nyid bstan pa'o/ /bsam gtan nyid ni dmigs mi bya zhes pa chos kyi sku'i rang bzhin nyid bstan pa'o/ /gnyis ni spang par mi bya zhing zhes pa gti mug spong pa bkag pa las 'di'i sprul pa'i
 sku yang bstan pa'o/ longs spyod rdzogs pa'i sku 'di rnal 'byor ma rnams bstan pas thog ma kho nar byung zhing/ /rjes la chos kyi sku dang sprul pa'i sku yang nye bar bstan to zhes pa'o/ /da ni sku gsum dbyer med pa nyid mngon par gsal bar byed pa/ bal thams cad
 bza' bar bya/ rigs lnga la ni mnyam par spyad/ dogs pa med pa'i sems kyis ni/ /btsun mo thams cad dga' bar bya/ /chos thams cad chos kyi dbyings las byung ba nyid kyi phyir blang dor bya ba cung zad kyang med do//
 de'i phyir ba la thams cad bza' bar bya'o/ /rgyu'i sbyor ba dang bral bas kyang chos thams cad mtshan ma med pa'i rang bzhin nyid kyis/ rigs lnga la ni mnyam par spyad/ rnam par rtog pa ma lus pa yongs su spangs pa nyid las reg par
 bya ba dang reg par bya ba ma yin pa'i kun tu rtog pa med pa'i phyir ro/ /btsun mo thams cad dga' bar bya ba 'di ji ltar zhe na gsungs pa/ dogs pa med pa'i sems kyis ni rgyu yis rnam par mi rtog pa'i sems nyid las te/ 'dis stong pa
 nyid dang mtshan med pa dang/ smon pa med pa rnam par thar pa'i sgo gsum bstan to zhes pa'o/ /yang na/ ba la thams cad bza' bar bya zhes pa sku rnam par dag pa'o/ /rigs lnga la ni mnyam par spyad zhes pa gsung rnam par dag pa'o/ /
 btsun mo thams cad dga' bar bya zhes pa thugs rnam par dag pa'o/ /dogs pa med pa'i sems kyis ni zhes pa rdo rje gsum mi phyed pa rnam par dag pa'o/ /gzhan yang gsungs pa/ bshes la sdug par mi bya zhing/ /de bzhin sdug
 la sdang mi bya/ /rdo shing 'jim pa'i rang bzhin gyi/ /lha 'di rnams la phyag mi bya zhes pa bshes dang bshes ma yin pa'i kun tu rtog pa yongs su spangs pa nyid kyi phyir/ bshes la sdug pa zhes pa la sogs pa phyed snga ma'o/ /nang gi lha'i rang
 bzhin nyid las sems g.yo ba med pas phyi rol gyi lha'i rnam par rtog pa la yid dga' ba med pa'i phyir rdo shing 'jim pa'i rang bzhin gyi lha 'di rnams bdun du byung ba na phyag mi bya zhes pa'o/ /yang na/ bshes kyi sgras dbang po rnams so//
 sdug pa ni chags pa ste de mi bya'o/ /sdug pa zhes pa mi ning ste/ byams pa bsgoms/ pas mnyam pa nyid kyi ma ning nyid kyi phyir ro/ /gdug la sdang zhes pa gdug pa'i sems la zhe sdang gnyis 'dod par mi bya ste/ sdang zhes pa ni ma ning gnyis su med pas so//
 lha ni rol par byed pa ste/ /'di rnams la rol pa de yod pa'i phyir ro/ /lha yul rnams so/ /lha de rnams la phyag mi bya ste de'i mngon par zhen pa med par bya'o/ /khyad par ci zhe na/ rdo shing 'jim pa'i rang bzhin rnams te bems po'i rnam par rtog pas rnam par
 gnas pa zhes dgongs pa'o/ /rigs lnga la ni mnyam par spyad ces mdor bstan pa'i rgyas par bshad pa/ g.yung po gdol pa ko pags mkhan/ phyag dar mkhan sogs rigs ngan dang/ /bram ze rgyal rigs rje dmangs rnams/ /bdag gi lus ltar
 reg par bya zhes pa don rab tu gsal ba kho na'o/ /yang na/ g.yung po la sogs pa lnga dang/ bram ze rgyal rigs la sogs pa lnga pa gnyis ni phyi dang nang gi bdag nyid gnyis bstan pa'o/ bdag gi lus ltar zhes pa sems kyi lus nyid kyi phyir rang gi
 lus lta bur chos thams cad la reg par bya ste/ sems de yang chos kyi dbyings kyi rang bzhin nyid du rtogs par bya'o zhes upa'o/ /bdud rtsi lnga dang bu ram chang/ dug dang nim pa bu btsas skyes/ /skyur dang mngar dang bskal ba sogs/ /kha ba lan tsha tsha ba dang/
 dri nga dri zhim chu dang khrag /byang chub sems kyi bza' bar bya/ /byang chub sems kyi sgras gnyis su med pa rtogs pa ste/ the tshom dang bral ba nyid kyis kun tu spyad par bya'o zhes pa ste don go sla ba nyid do/ /de nyid kyi phyir gsungs pa/ gnyis med ye shes
 sems kyis ni/ /mi bza' cung zad yod ma yin/ /rab byung me tog rnyed nas ni/ /pad+ma'i snod du bzhag bya zhing/ /lud pa dang ni snabs dag gis/ /bsres nas brtul zhugs can gyis btung/ /rang byung gi sgras khu ba ste me tog ni rin chen dbang po'o/ /'di
 gnyis rnyed nas pad+ma'i snod du thod par bzhag par bya zhing/ brtul zhugs can nges par bstan pa'o/ /lung pa dang ni snabs dag gis/ /gcig tu byas nas btung par bya'o zhes pa'i don 'di ni 'di'i don no/ /yang na lung pa dang ni snabs
 dag gis zhes pa kha dang sna'i bu ga dag bsres te/ nA da'i phreng ba gnyis kha dang sna'i bu ga las 'og tu drangs te/ khu ba'i gzugs kyis pad+ma'i snod du lha mo'i nang du bzhag par bya'o/ /de nas rang byung me tog khu ba dang bde ba'i rnam par dbyer med pa byang
 chub kyi sems btung zhing bsdu bar bya'o/ /rnyed pa ni yang dag pa'i ye shes 'di nyid ces pa nges pa'i don no/ /bdud rtsi lnga la sogs pa thams cad mi bza' cung zad yod ma yin zhes pa'i bar gyis sku rdo rje'i mngon par zhen pa yongs su spyod ba'o/ /
 rang byung me tog rnyed nas ni/ /btung bar bya zhes pa'i bar gyis thugs rdo rje'i mngon par zhen pa yongs su spong ba'o/ /lung pa dang ni snabs dag gis/ /bsres nas pad+ma'i snod du bzhag par bya zhing zhes pa'i bar gyis gsung rdo rje'i mngon par zhen pa yongs
 su spong ba'o/ /da ni rdo rje gsum gyi mngon par zhen pa yongs su spong ba gsungs pa/ smad g.yogs kha dog sna tshogs dang/ ro bsregs thal bas de bzhin brgyan/ /me tog yi dags gnas rnyed pas/ /mgo skyes mchog ni bcing bar bya/ /sku chos
 'byung nam mkha' i khams la g.yogs pa rdo rje gsum dbyer med pa sku rdo rje'o/ /sna tshogs kyi sgras rdo rje gsum dbyer med pa thugs rdo rje'o/ /kha dog ces pa rdo rje gsum dbyer med pa gsung rdo rje'o/ /ji ltar zhe na/ rab sregs thal bas chos kyi dbyings
 bdag nyid mchog tu gyur pa'i rgyu yis so/ /'di ni rdo rje gsum thugs dbyer med pa ste/ rdo rje gsum brgyan pa mchog bla ma dgu'i bdag nyid can gyi dkyil 'khor gyi ngo bo nyid kyi phyir ro/ /de yang mgo skyes te spyi bor rang gi dbang por 'gyur ro zhes pa'i
 gsung las so/ /de ji ltar dgu'i bdag nyid can yin zhe na/ gsungs pa/ me tog bdag med ma rnyed pa ni yi dags gnas rdo rje 'chang gi gnas su byang chub kyi sems kyi rang bzhin bcing bar bya'o/ /gnyis ka dbyer med par gnas par bya'o/ /de'i phyir
 dgu'i bdag nyid can zhes brjod do/ /kun rdzob kyi don ni smad g.yogs zhes pa sham thabs so/ /kha dog sna tshogs zhes ba stag gi pags pa'o/ /yang na gang/ kha dog sna tshogs ni phyag dar khrod pa nyid do/ /ngo? sregs thal bas brgyan ces pa thal ba
 rnams kyis rnal 'byor pa de brgyan pa'o/ /me tog yi dags gnas ces pa dur khrod kyis gzhir rnyed pas mgo skyes mchog ni bcing bar bya zhes pa'i bar gyi yul ma lus pa'i rnam par dag pa'o zhes shin tu gsal ba kho nar bstan te/ bza' btung
 ji ltar rnyed pa la sogs pa'i bya ba rnams kyang dbang po rnam par dag pa med na 'grub pa rmi 'gyur ro zhes dogs nas/ de nas rdo rje snying pos gsol pa/ thams cad yul gyi rnam dag pa/ /bcom ldan 'das kyis sngar gsungs te/ /nges pa dbang po
 drug gi grangs/ rnam par dag pa ma mdzad do/ /bcom ldan 'das kyi yul gyi rnam par dag pa sngar gsungs te/ dbang po drug gi rnam par dag pa ni ma gsungs so zhes pa rdo rje snying po'i zhu pa'o/ /de ltar zhus nas bcom ldan 'das kyis bka' stsal pa
 mig la gti mug rdo rje ma/ rna bar zhe sdang rdo rje ma/ sna la ser sna ma zhes bshad/ /kha la 'dod chags rdo rje ma/ /lus la phrag dog rdo rje ma/ /yid la bdag med rnal 'byor ma/ /mig la gti mug rdo rje ma zhes pa gti mug rnam par snang mdzad de/
 rdo rje ma ni rnam par dag pa'i mkha' 'gro ma'o/ /'dis ni gnyis ka dbyer med pa rnam par dag pa mig gi dbang po'o/ /rna bar zhe sdang rdo rje ma zhes pa zhe sdang rdo rje ma dbyer med pa rnam par dag pa rna ba'i dbang po'o/ /sna la ser sna ma zhes
 bshad ces pa ser sna dang rdo rje ma dbyer med pa rnam par dag pa sna'i dbang po'o/ /kha la 'dod chags rdo rje ma zhes pa 'od dpag med dang rdo rje ma dbyer med pa rnam par dag pa lce'i dbang po'o/ /lus la phrag dog rdo rje ma zhes pa phrag
 dog don yod grub pa dang de rnam par dag pa'i mkha' 'gro ma ste/ de gnyis dbyer med pa rnam par dag pa lus kyi dbang po'o/ /yid la bdag med rnal 'byor ma zhes pa rdo rje sems dpa' dang dbyer med pa'i mkha' 'gro ma rnam par dag pa yid kyi
 dbang po'o zhes pa'o/ /dbang po rnams kyi rnam dag phyir/ /'dis ni go cha sems dpa' che/ /gti mug la sogs pa 'di rnams kyis go cha bstan par g.yogs pa'o/ /gang gi zhe na/ dbang po mig la sogs pa rnams kyi ci'i don du zhe na/ gsungs
 pa/ rnam dag phyir shin tu rnam par dag pa chos kyi dbyings kyi ched du'o/ /de nyid kyi phyir sems dpa' che zhes pa rdo rje snying po la bod pa ste/ sems dpa' chen po ni longs spyod rdzogs pa'i sku'i rang bzhin nyid las/ gang gi phyir longs spyod rdzogs pa'i
 sku ni 'gro ba'i don gyi bya ba rab tu 'jug pa'o/ /rgyu de nyid kyi phyir rdo rje snying po yang sdud par byed pa po zhes brjod do/ /'dis ci gsungs na/ skye bo ma bzad pa yi las/ /gang gang gis ni 'ching 'gyur ba/ /de nyid thabs dang bcas
 pas ni/ /srid pa'i 'ching ba las grol 'gyur/ zhes pa dang/ gzhan yang gsungs pa/ srid pa srid pa nyid kyis bdag ces pa la sogs pa'o/ /da ni dbang po rnam par dag pa yongs su zhus pa na rnam par ma dag pa rnam
 par dag pa lta bu ste/ dgongs pa'i dam tshig gi brda' dang tha snyad ni mtshon par dka' o zhes blo la gnas par mdzad nas rdo rje snying pos gsol pa/ dgongs pa'i skad ni ci zhig brjod/ /rnal 'byor ma yi dam tshig che/ /nyan thos
 sogs kyis mi phigs pa/ rgod dang lta ba dag dang ni/ /'khyud dang de bzhin gnyis gnyis kyis/ /bzhi po rnams kyi rgyud kyis ni/ /dgongs pa'i skad ni ma bsgrags pa/ /bcom ldan nges par gsung du gsol zhes pa dgongs pa'i skad
 ni mtshams sbyor gyi skad dang/ /thun mtshams kyi skad do/ /mtshams sbyar ba ni mtshams sbyor te nA da gnyis dbyer med pa'i nA da'o/ /de yang rnal 'byor ma bdag med ma la sogs pa rnams kyi dam tshig 'byung ba ste de yang ma ning
 ngo/ /skad ni dam tshig kyang ste/ de yang nyan thos la sogs pa rnams kyis mi phigs pa'o/ /thun tshams kyi skad ces pa'i phyogs la mtshan mo ma yin nyin mo ma yin pa gnyis ka dbyer med pa'i skad cig ni thun mtshams te snang ba
 dang/ snang ba mched pa dang/ snang ba nye bar thob pa gang yin pa de ni thun mtshams so/ /de ltar gyur pa'i skad ni mtshan ma ste ma ning ngo/ /de nyid rnal 'byor ma rnams kyi dam tshig go zhes pa ste brjod pa'i don no/ /yang na mtshams sbyor ba'i
 skad ces pa bud med dang skyes pa dang ma ning gi rang bzhin rdo rje gsum dbyer med pa nyid kyi skad cig gzhom du med pa'i rang bzhin 'od gsal ba'i ye shes so/ /de nyid rnal 'byor ma rnams kyi dam tshig ste/ 'di rnams la rnal 'byor
 yod pa'i phyir rnal 'byor ma rnams so/ /khyad par du 'phags pa'i don las i na'i mdza' can nyid las rtag tu rnal 'byor dang ldan pa ste/ stong pa nyid dang snying rje dbyer med pa'i rang bzhin nyid do/ /de rnams kyi dam tshig
 ni de dag dbyer med pa de bzhin gshegs pa thams cad 'dus zhes pa'o/ /de yang ma ning dam tshig go /de yang nyan thos la sogs pa rnams kyis mi phigs pa ste/ mtshan mar 'dzin pa la sogs pa rnams kyis nye bar
 mi mtshon pa'o/ /gang zhig bcom ldan 'das kyis 'phags pa brgyad stong par gsungs pa/ bdag spyod do zhes spyod na mtshan ma la spyod do/ /bdag byang chub sems dpa' o zhes spyod na mtshan ma la spyod
 pa ste/ byang chub sems dpa' sems dpa' chen po 'di ni thabs la mi mkhas par rig par bya'o zhes pa'o/ /'di ji ltar zhe na/ gsungs pa gang gi phyir mtshams sbyar ba'i skad dam thun mtshams kyi skad kyang rung ste ma bsgrags shing
 ma bshad pa'o/ /gang gis she na/ rgyud kyis rgyun chags pa yis so/ /gang gi zhe na/ bzhi po rnams kyi'o/ /bzhi po nyid gang gis she na/ gsungs pa/ gang gi phyir rgod dang lta ba dag dang ni/ /'khyud dang de bzhin gnyis gnyis kyis
 zhes pa ji ltar 'khyud pa dang gnyis sbyor ba de bzhin no zhes pa'i don no/ /'dis ci gsungs na bya ba spyod pa dang/ rnal 'byor dang/ rnal 'byor bla na med pa'i rgyud rnam kyis kyang dgongs pa'i skad ma gsungs pa nyid de/ dgongs pa'i skad 'di ni
 nyan thos la sogs pa'i spyod yul ma yin pa ma ning zhes pa'o/ /yang na mtshams sbyar ba'i skad dam thun tshams kyi skad kyang rung ste ma bsgrags pa'o/ /dgongs pa'i skad ces bzhi pa sgra'i yul ma yin pa'i mtshan ma las 'das pa ste cha dang bral
 ba nyid kyi phyir/ /gang gis she na/ bzhi po rnams kyi zhes pa dga' ba la sogs pa lhan cig skyes pa'i mthar thug pa rnams kyi'o/ /gang gis she na/ rgyud kyis khyad par bskyed pa yis so/ /gang dag gis she na/ rgod dang lta ba dag gis
 ni/ rnam pa sna tshogs dang rnam par smin pa dag gis so/ /'khyud dang gnyis gnyis rnams kyis zhes pa rnam par nyed pa dang mtshan nyid dang bral ba rnams kyis kyang ste bsdus pa las mang po'i tshig go /de bzhin zhes pa bzhi pa de yang de
 bzhin zhes pa'i gsung las so/ /mtshan ma las 'das pa nyid kyis brjod de med pa nyid kyi phyir de brjod du med pa'i bdag nyid kyang ngo/ /brjod du med pa'i bdag nyid can nyid kyi phyir/ /rig ma med pa'i rang bzhin yang ste/ rdo rje gsum dbyer med
 pa kho na dgongs pa'i skad gzhom du med pa 'od gsal ba/ gdod ma nas ma skyes pa shin tu rnam par dag pa chos kyi dbyings kyi rang bzhin po zhes pa sgyu ma la sogs pa dpe bcu gnyis rnams kyis sbyar bar bya zhing/ /sku gsum gyi rang bzhin thams cad
 khyab par 'gro ba'i don gyi bya ba la 'jug pa'i rgyur gyur pa'o zhes pa'o/ /skabs 'di la rdo rje sems dpas gsungs pa yul 'di nyid kyi phyir zhes dgongs pa'o/ /de ci zhig ce na/ ngas bshad kyis/ khyid ni rtse gcig sems kyis nyon/ /nga zhes pa nA
 da gnyis nyid de gsung gi bya ba'o/ /de yang mnyan pa'i yul longs spyod rdzogs pa'i sku'o/ /khyod ces pa sprul pa'i sku'o/ /rtse gcig sems kyis zhes pa chos kyi sku dang dbyer med pas sku gsum dbyer med pa'o/ /de nyid gsungs pa mtshams
 sbyar ba'i skad dam thun mtshams kyi skad kyang rung ste/ skad chen po dam tshig brda ni rgyas pa ru/ /dgongs pa'i skad ces pa brjod pa'i don nyid do de nyid kyi phyir skad chen po ste/ nyan thos la sogs pa'i spyod yul ma yin pa nyid kyi phyir ro/ /dam
 tshig brda ni rgyas pa'o zhes pa ni gang+gA klung gi phye ma dang mnyam pa'i lha spro ba'i sa bon nyid kyis brda rgyas pa zhes pa ste/ sgra ji bzhin pa la sogs pa chos kyi phung po stong phrag brgyad cu rtsa bzhi'i rtsa ba nyid kyi phyir ro/ /dgongs
 pa'i skad nyid gsungs pa/ ma da na char ba la sha /'du ba ma la ya dzar brjod/ /'gro ba khe Da ro sh+rA pa/ /rus pa'i rgyan ni ni raM shu/ 'od ba phreM khan shes rab can/ /cang te'u kri pI Ta ru brjod/ /skal med du du ra zhes brjod/ /
 skal ldan kA liny+dza rar 'dod/ /reg min DiN+Di ma zhes brjod/ /thod pa pad+ma b+hA dza na/ bza' ba tribti ka rar shes/ /mchod ma mA la tInd+ha na/ /bshad pa tsa tu(rgyud 'grel kar pU ra kar 'dod/ /sha chen shA li dza zhes brjod/ /dbang po gnyis spyor kundu ru/ /rdo rje bo la zhes brjod de/ /pad+ma kak+ko la ru 'dod/ /yi ge'i dbye bas phye ba ste/ /rigs ni rnams pa lnga ru bshad/ /'di ni dgongs pa'i skad yin te/ /sangs rgyas rigs
 lnga las byung ba/ /g.yung mo rdo rje'i rigs su bshad/ /gar ma pad+ma'i rigs su 'dod/ /rang 'tshed ma nyid rin chen rigs/ /gnyis skyes de bzhin gshegs par 'dod/ /chos ma las kyi rigs nyid de/ /phyag rgya 'di rnams legs grub sbyin//
 ma da na chang zhes pa thugs rdo rje'i ting nge 'dzin no/ /ba la sha zhes pa sku rdo rje'i ting nge 'dzin no/ /'du ba ma la ya dzar brjod ces pa gsung rdo rje'i ting nge 'dzin te/ chos kyi sku la bstan pa'i sku gsung nye bar bstan pa'o/ /'gro ba khe Ta zhes pa
 gsung rdo rje'i ting nge 'dzin no/ /ro sh+rA pa zhes pa sku rdo rje'i ting nge 'dzin no/ /rus pa'i brgyan ni ri shu zhes pa thugs rdo rje'i ting nge 'dzin te/ longs spyod rdzogs pa'i sku la brten pa'i sku gsum nye bar bstan pa'o/ /'ong ba phreM kha na zhes
 pa thugs rdo rje'i ting nge 'dzin no/ /shes rab can zhes pa bod pa ste rnal 'byor ma'i 'khor lo rnam par dag pa ston par byed pa'o/ /cang te'u kri pI Ta ru brjod ces pa gsung rdo rje'i ting nge 'dzin no/ /skal med du du ra zhes brjod ces pa sku rdo rje'i
 ting nge 'dzin te sprul pa'i sku gsum nye bar bsten pa'o/ /lugs las bzlog pas rigs ni rnam pa lnga ru bshad ces pa 'di dag re re la yang rigs rnam pa lngar gyur pa ste/ mkha' 'gro ma bco lnga'i rang bzhin gyi 'khor re re'o/ /gang zhig
 bcom ldan 'das kyis gsungs pa/ srid gsum yongs gyur thams cad ni/ gzung dang 'dzin pa spangs pa nyid ces pa'o/ /'di ji ltar zhe na/ yi ge'i dbye bas a yig la sogs pa mthar thug pa dbyangs bco lnga rnams so/ /de rnams kyi dbye ba ni sna tshogs pa
 nyid de/ des bye ba ni de las byung ba'i mkha' 'gro ma rnams nyid do/ /rtsa'i gzugs dang sngags kyi gzugs dang/ nyams su myong pa'i gzugs kyis 'khor lo bzhir son pa'o/ /de nyid rdo rje gsum dbyer med pa rdo rje gsum gyi rang bzhin mkha' 'gro ma
 bco lnga'i ngo bo a yig la sogs pa yongs su gyur pa las skyes pa byang chub kyi sems kyi rang bzhin las skyes pa ste/ pad+ma ye shes dang kak+ko la zhes pa chos 'byung bdag med ma'o/ /kaM zhes pa rdo rje 'chang ste/ 'dod ces pa gnyis ka dbyer med pa'i ye
 shes nyid do zhes pa'i don no/ /skal ldan kA liny+dza rar 'dod ces pa gsung rdo rje'i ting nge 'dzin no/ /reg mi na DinDi ma zhes brjod ces pa thugs rdo rje'i ting nge 'dzin no/ /thod pa pad+ma b+hA dza na zhes pa sku rdo rje'i ting 'dzin te/ longs spyod rdzogs pa'i sku la brten
 pa'i sku gsum nye bar bstan pa'o/ /bza' ba tripta ki ra shes zhes pa sku rdo rje'i ting nge 'dzin no/ /bshad pa tsa ru(rgyud 'grel pa thugs rdo rje'i ting nge 'dzin no/ /rang byung sihla ra shes par bya zhes pa gsung rdo rje'i ting nge 'dzin no/ /khu ba kar pU kar 'dod ces pa sku rdo rje'i ting nge 'dzin te/ chos kyi sku la brten pa'i sku gsum nye bar bstan pa'o/ /'dis ni rdo rje gsum dbyer
 med pa re re la sku gsum lugs dang mthun pa dang/ lugs las bzlog pas rdo rje gsum lhag par gnas pa nyid kyi phyir dgu'i bdag nyid rdo rje 'chang gi dkyil 'khor ro/ /'di nyid rigs re re la lugs dang mthun pa dang lugs las 
 bzlog pas de bzhin gshegs pa lnga lhag par gnas pa'o/ /de yang ji ltar zhe na/ yi ge'i dbye bas phye bar gyur pa ste ka yig la sogs pa yi ge lnga lnga rnams kyis/ yi ge re re la de bzhin gshegs pa lnga
 lhag par gnas pa nyid kyis gang+gA'i klung gi phye ma dang mnyam pa/ sgyu ma lta bu la sogs pa dpe yis nye bar bstan pa sku gsum gyi rang bzhin 'gro ba'i don gyi bye ba la 'jug pa'i rgyur gyur pa/ de bzhin gshegs pa thams cad kyi sku mkha' 
 'gro ma dang bdag med ma kha sbyar zhes pa ste/ pad+ma kak+ko la ru 'dod ces pa gsungs pa'i don nyid do/ /rdo rje gsum po nyid sdud pa gsungs pa'i don nyid do/ /sha chen shA la dzi zhes brjod ces pa rang byung gi ye shes so/ /dbang po gnyis sbyor kun du ru
 zhes pa de nyid shes rab dang thabs dbyer med pa'o/ /rdo rje bo la zhes brjod de zhes pa de nyid sku gsung thugs kyi rang bzhin zhes pa'i don no/ /sdud pa gsungs pa 'di ni dgongs pa'i skad yin te/ sangs rgyas rigs lnga las byung ba
 zhes pa sangs rgyas rnam lnga'i grangs kyi rim pas 'byung bar 'gyur ba'o/ /gang du zhe na dgongs pa'i skad nyid de/ nA da rnams kyis re re la rdo rje gsum dbyer med pa nyid kyis ye shes lnga lhag par gnas pa nyid kyi phyir de nyid du yin
 gyi gzhan du ma yin no/ /zhes dgongs pa'o/ /rigs lnga las byung ba zhes pa mdza' yas pa'i grangs nyid do/ /g.yung mo rdo rje'i rigs su bshad ces pa la sogs pa/ chos ma las kyi rigs nyid de/ /phyag rgya 'di rnams legs
 grub sbyin/ zhes pa'i bar gyis/ g.yung mo rdo rje'i rigs rnam par dag pa ste mi bskyod pa rnam par dag pa zhes pa'i don no/ /gar ma pad+ma'i rigs rnam par dag pa ste/ 'od dpag med rnam par dag pa zhes pa'i don no/
 rang 'tshed ma rin po che'i rigs rnam par dag pa ste/ rin chen dbang po rnam par dag pa rang 'tshed ma zhes pa'i don no/ /gnyis skyes de bzhin gshegs pa zhes pa rnam par snang mdzad rnam par dag pa zhes pa'i don no/ /chos ma las kyi rigs nyid
 de zhes pa don yod grub pa rnam par dag pa chos ma zhe pa'i don no/ /phyag rgya 'di rnams legs grub sbyin zhes pa la sogs pa'i dngos grub ni legs grub ste phyag rgya chen po'o/ /de sbyin par byed ces pa'i don no/ /'dis ci gsungs na
 mkha' 'gro ma lnga po 'di rnams me long lta bu la sogs pa ye shes lnga rnam par dag pa'o/ /'di rnams kyi yang rigs mdza' yas pa nyid gsungs so zhes pa ste/ dkyil 'khor gnyis dbyer med pa nyid dgongs pa'i skad ces
 pa'o/ /'di rnams khu ba rdo rjer 'gyur/ /brtul zhugs can gyis mchod nas btud/ /don gsal ba nyid do/ /yang na 'dis rnams ni bskyod pa ste nyon mongs pa'i bag chags rjes su 'brel pa spong ba'i phyir bdag med ma nyid do/ /rdo rje
 ni rdo rje 'chang ste/ gnyis ka mchod nas gang zhig khu ba byang chub kyi sems su gyur pa de btung/ /don gsal bar gnas par bya'o/ /'di su zhig ce na brtul zhugs can yang dag pa'i ye shes nges pa'i bdag nyid ces pa'i don no//
 bcom ldan 'das kyis bsdu ba gsungs pa/ rdo rje snying po sems dpa' che/ /dgongs pa'i skad ni mchar che ba/ /nga yis khyod la gang bshad pa/ /de kun gus bcas gzung bar bya/ /don gsal ba nyid do/ /yang na mtshams sbyar ba'i skad
 dam thun tshams kyang rung ste de ni gang zhig 'od gsal ba gzhom du med pa'o/ /mtshar che ba ni gang gi phyir mtshan ma nyid mtshan ma med pa'o/ /de ci zhe na/ thams cad lhag ma med pa ste bzhi pa yang dag pa'i ye shes so/ /gus
 bcas zhes pa bar ma chad par gzung bar bya zhing brtan par bya'o/ /de nyid gsungs pa khyod la zhes pa sprul pa'i sku'i rang bzhin la rdo rje snying po zhes pa chos sku'i bdag nyid de/ sems dpa' zhes pa longs spyod rdzogs
 pa'i sku'i rang bzhin no/ /nga yis zhes pa sku gsum gyi rang bzhin gyis bshad pa zhes brjod pa'i sgo nyid kyis bstan pa'o/ /gang zhes pa de rang rig par bya ba nyid kyis gzhan gyi spyod yul ma yin pa nyid kyi phyir te/ de nyid dgongs
 pa'i skad yang dag pa'i ye shes so/ /'di ni dran pa ma nyams ba'i sbyor bas rtag tu bya'o zhes gsungs pa/ kye rdo rje 'dir dbang bskur gang/ /dgongs pa'i skad kyis mi smra ba/ /de yi dam tshig rigs nyams pa/ /skye 'gyur 'di la the
 tshom med/ /'tshe ba dang ni rkun ma dang/ /gdon dang rims dang drug gis kyang/ /gal te sangs rgyas dgongs pa'i skad/ /mi gsung na yang 'grongs par 'gyur/ /gang gi dam tshig rigs rnyed nas/ /gal te tshig 'di mi smra na/ /
 gnas bzhi las skyes rnal 'byor ma/ /de tshe bskyed par byed par 'gyur/ /gang zhig kye'i rgyud 'dir dbang bskur ba de ni nges par dam tshig rig pa'o/ /de ni gal te dgongs pa'i skad kyis mi smra ba/ /de tshe de'i dam tshig rigs
 nyams pa skye 'gyur dam tshig nyams par 'gyur te/ /'di la the tshom med pa nyid do/ /de'i tshe gsungs pa/ 'tshe ba rdo rje ltung ba la sogs pa'o/ /rkun ma 'phrog par byed pa'o/ /de rnams dang gdon dang rims dang dug gis
 kyang gdon la sogs pa rab tu grags pa nyid de/ 'di rnams kyis 'chi bar 'gyur ro/ /'di dag ni re zhig sems can thun mong ba ste sangs rgyas kyang ngo/ /ji ltar zhe na/ gal te dgongs pa'i skad mi gsum na ste de'i skyon 'di rnams 'ga' 
 zhig ma yin gyi gzhan yang 'gyur ro zhes gsungs pa/ rang gi dam tshig rig pa'i rang gi dam tshig shes par gyur pa rnyed nas gal te tshig 'di mi smra na de'i tshe rnal 'byor ma rnams kyang bskyod par byed par 'gyur ro/ /gnas bzhi las skyes pa
 grub pa'i rnal 'byor ma zhes pa'i don no/ /de dag bskyod pa las nges par ngan 'gror 'gro bar 'gyur ro/ /zhes dgongs pa'o/ /yang na/ kye'i rdo rje'i gnyis su med pa'i ye shes su gang zhig dbang bskur ba dang sgrub pa dang bral ba nyid thob par
 gyur pa de gal te mi smra ba gzhom du med pa'i rang bzhin gyis 'od gsal ba nyid las mi gnas pa'o/ /de nyid kyi phyir de'i dam tshig rig pa rnam pa thams cad mkhyen pa nyid mngon par rdzogs par sangs rgyas pa nyams pa skye bar 'gyur te/
 de ye shes las nyams par 'gyur ro/ /'di la the tshom med do/ /de las g.yo bar 'gyur ba 'tshe ba la sogs pa rnams kyis kyang ye shes nyams pa nyid las 'chi bar 'gyur te/ gal te sangs rgyas yang dag pa'i ye shes brnyes pa dang ldan
 pa yang dgongs pa'i skad gzhom du med pa'i rang bzhin 'od gsal ba'i ye shes mi gsung zhing mtshon par mi byed na yang zhes pa'i don no/ /rang gi sgras sems te 'di dam tshig ni 'dus pa'o/ /de'i phyir rig pa'i ye shes te de rnams gang gi
 dam tshig rig pa me long lta bu la sogs pa ye shes lnga'i rang bzhin rnam par snang mdzad la sogs pa de bzhin gshegs pa lnga rnams so/ /de rnams kyi tshig ni de rnams dang 'brel ba dgongs pa'i skad de/ A li kA li nA da'i phreng ba yongs su rdzogs
 pa nyid las de rnams kyi A li kA li'i nA de rnams re re la yang rdo rje gsum dbyer med pa gzhom du med pa'i rang bzhin nyid kyis 'od gsal ba'i rang bzhin nyid kyi phyir dgongs pa'i skad ni tshig ces pa'o/ /de gal te mi smra zhing yang dag pa'i sbyor bas rdzogs
 par mi byed na de'i tshe rnal 'byor ma rnams skyod par byed par 'gyur te/ a yig la sogs pa'i dbyangs yongs su gyur pa'i sngags kyi sku rnams mi 'du bar 'gyur ro/ /de'i phyir dgongs pa'i skad nyid ma yin no zhes pa'o/ /gzhan yang de rnams
 khyad par ci zhe na/ gsungs pa/ gnas bzhi las skyes pa 'khor lo bzhi son pa/ 'byung ba chen po bzhi'i rang bzhin la bar ya'i nA da las yongs su rdzogs pa spyan ma la sogs pa'i lha mo rnams te/ ye shes lnga dang sku gsum dang/ shes rab dang thabs kyi
 rang bzhin no/ /ldog pa'i sgo nas rjes su 'gro bas sdud pas gsungs pa/ dgongs pa'i skad rnyed nas slar dgongs pa'i skad rtogs par byed pa ni gzhom du med pa de gsal ba'i ye shes mngon du 'gyur ro zhes pa ste/ rang gi dam tshig rig pa zhes pa de bzhin
 gshegs pa de rnams kyi yang mkha' 'gro ma'i rang bzhin nyid kyis/ A li kA li nA da'i phreng ba gnyis dgongs pa'i skad du 'gyur zhing/ rnal 'byor ma rnams kyi yang de bzhin gshegs pa'i rang bzhin nyid kyis nA da'i phreng ba gnyis dgongs pa'i skad
 du 'gyur gyi/ gal te nA da'i phreng ba gnyis po med pa rnam pa thams cad du sngags dang lha la sogs pa de kho nar mi 'gyur ro zhes pa'o/ /brtag pa gnyis par rgyud thams cad kyi gleng gzhi dang dgongs pa'i skad ces bya ba'i le'u gsum pa'o/ /zhes ba kye'i rdo rje'i
 'grel bshad kha sbyor shin tu dri ma med pa las brtag pa gnyis pa'i le'u gsum pa'o// //de nas rdo rje snying po la sogs pa rdo rje mkha' 'gro ma thams cad the tshom du gyur yid mi bde bar gyur te/ bcom ldan 'das rdo rje sems dpa' la
 'di skad ces gsol to/ /da ni rgyud thams cad kyi gleng gzhi dgongs pa'i skad bshad pa'i le'u 'di thos nas som nyir gyur te/ rdo rje snying po la sogs pa mkha' 'gro ma thams cad kyis 'di skad ces gsol to zhes pa 'chad par 'gyur pa zhus pa ste/ bcom
 ldan 'das the tshom bsal du gsol/ spyod pa'i le'ur gang bshad pa/ /glu dang gar yang dngos grub sbyin/ /de la bdag ni the tshom mchis/ /glu ni ci lags gar yang ci/ lha dang dbang bskur ba yang gang/ zhe sdang la sogs rgyas gdab gsungs/ /de la bdag ni the tshom
 mchis/ /gang gis rgyas gdab phyag rgya ci/ /sngags kyi le'ur gang gsungs pa/ /bdag med la sogs sa bon te/ /de la bdag ni 'khrul pa skyes/ /gang gis sa bon sa bon gang/ /rigs kyi le'u gang gsungs pa/ /bcu drug gnyis kyi bdag nyid rtsa/ /bcom ldan
 bdag ni 'khrul par gyur/ /de rnams rnam dag bshad du gsol/ /bcom ldan 'das kyis bka' stsal pa/ de ltar zhus pa na re zhig glu nyid thog mar bcom ldan 'das kyis gsungs pa/ /kol+la i re TThi a boM la /mummu ni re kak+ko la/ g+ha Na kri pi Da ho badzdza yi/ kA ru Ni ki
 a i na ro lA/ taM hiM ba b+ha khadzdza i/ gA DoM ma a NA pidzdza a i/ ha le kA laM dzi ra pA Ni a i/ dud+du ra ta haM badzdza a i/ tsa u sama kAts+tshu ri si hla/ ka pu ra lA i a i/ mA la a'ind+ha Na shA lidzdza/ ti hiM b+ha ru khA i a i/ phraM kha Na khe Ta ka ran+te/
 shud+d+ha shud+d+ha na ma Ni a i/ ni ra shu a/ aM ga tsa DA bi a/ ta hiM dza sha rA ba pA Ni a i/ mA la ya dza kundu ru ba Ta i/ Di Di ma ta hiM na badzdza a i re/ kol+la i reTThi a bo la zhes pa la sogs pa sgra ji bzhin pa'i don ni rab tu grags pa nyid de/
 sbas pa'i don slar brjod par bya'o/ /kol+la i reTthi a bi la zhes pa po la rdo rje hAM yig ste/ de ni kol+la i reTthi a/ spyi bo bde ba chen po'i 'khor lor thi a gnas pa'o/ /mummu ni re kak+ko la zhes pa kak+ko la pad+ma a yig ste/ mummu ni re lte ba'i dkyil
 'khor du sprul pa'i 'khor lo gnas pa'o/ /g+ha Na kri pi Ta ho badzdza i zhes pa aM yig dang haM yig gi nA da gnyis po de dag las g+ha Na bar ma chad par tshogs shing 'dus pas/ kri pi Da ho badzdza i/ cang te'u kri pi Da ru brjod ces pa'i gsungs las cang
 te'u yang nA da'i rang bzhin nyid kyis badzdza i sgra bya'o zhes pa ste/ aM haM nA da gnyis dbyer med pa'i nA da gnyis lte ba'i dbus nas bzhengs pa smin ma'i dbus su son pa ni nA da gnyis dbyer med pa sprul pa dang longs spyod
 rdzogs pa'i sku dbyer med par gyur pa'o/ /kA ru Ne ki a i Na ra lA/ ka ru Ni zhes pa byang chub kyi sems khu ba'i rnam pa chos kyi sku'o/ /des rol+la 'gal ba ste ki a i Na mi bya'o zhes pa sku gnyis dbyer med pas chos kyi sku 'byung bar 'gyur ro//
 kA ru Ne ki a i Na ro la kA ru Na zhes pa kaM bde ba 'gog pa'i phyir snying rje byang chub kyi sems bdud rtsi'i khu ba'o/ /des ro lA 'gal bar mi bya'o/ /'di ltar gsungs te sprul pa'i 'khor lo'i pad+ma'i nang du son pa'i aM yig gi thig le'i 'od zer gyis
 bde ba chen por gnas pa'i haM yig gi thig le las gang zhig spros pa'i bdud rtsi 'dzag pa'o/ /de nyid skra'i rtse mo brgya stong gi tshad tsam ste lus thams cad khyab par 'jug pa'o/ /'di lta bu'i rnal 'byor bskyed pa na cir 'gyur zhe na de'i phyir
 gsungs pa/ ta hiM ba la khadzdza i/ /ta hiM de'i tshe ba la bza' bar bya ste sku mngon par zhen pa skye ba rmi 'gyur ba'o/ /sku'i mngon par zhen pa mi skye ba 'ba' zhig ma yin gyi/ thugs kyi mngon par zhen pa yang mi 'byung ngo gsungs pa/ gA DeM
 ma a NA pi dzdza a i/ gA DeM zhes pa shin tu brtun pa phul du byung ba nyid kyis ma don sems par bya ste sems med pa nyid du rtogs par bya'o/ /thugs kyi mngon par zhen pa mi skye ba 'ba' zhig ma yin gyi /de la gsung gi
 mngon par zhen pa yang mi 'byung de zhes gsungs pa/ ha le kA liM dza ra pA Ni a i/ ha le zhes pa haM yi ge gzhom du med pa'i rang bzhin no/ /le zhes pa de len pa ste aM yig gis zhes pa blta bar bya'o/ /aM yig dang haM yig
 dag las 'dres par gyur ba na/ ka liM dza ra pA Ni a i ka'i sgra yis ka la sogs pa'o/ /gnyis ka A li ste gnyis ka'i nA da'i phreng ba gnyis so/ /dza ra zhes pa de gnas pa med pa ste de ni skal ldan ka ling dza ra'o/ /pA Ni a i zhes pa de dag
 las de'i bdag nyid kyis de nyid zhugs par 'gyur pa'o/ /rim pa 'dis sku gsung thugs kyi mngon par zhen pa yal bar gyur pa nA da de res 'ga' stong pa 'ba' zhig mngon par zhen par 'gyur ro zhes dogs nas gsungs pa/ du d+du ru
 ta haM badzdza a i/ skal med du d+hu ra zhes brjod ces pa stong pa'i kun tu rtog pa nyid skal med ces pa'i don no/ /nA da gnyis kyi rnal 'byor nyid ji ltar zhe na/ de'i phyir gsungs pa/ tsa u sa ma ka s+thu ri sihla/ kap+pu ra lA i a aM
 tsa u sa ma'i sgras de bzhin gshegs pa rnam par snang mdzad do/ /kA s+thu ri'i sgras de bzhin gshegs pa mi bskyod pa'o/ /sihli'i sgras de bzhin gshegs pa rin chen dbang po'o/ /kap+pu ra'i sgras de bzhin gshegs pa 'od dpag med
 de/ 'di rnams kyang de'i bdag nyid kyis de la thim par gyur pa'o/ /don yod grub pa ni nA da gnyis dbyer med pa nyid kyi rlung gi khams nyid yin pa'i phyir de 'dir tha dad du ma gsungs so/ /yang na gang tsa u sa ma'i sgras gzhi mnyam
 ste/ ya ra la wa rlung dang me dang sa dang chu rnams kyi bskyed par gyur pa/ rim pas lha mo sgrol ma dang/ /gos dkar mo dang/ spyan ma dang /mA ma kI rnams kyi bdag nyid can no/ /'di rnams kyang chos kyi 'khor lo dang/ longs
 spyod rdzogs pa'i 'khor lo'i pad+ma'i 'dab ma rnams la dbang ldan la sogs pa'i rim pas 'dab ma bzhi ni sbyar bar bya'o/ /kAs+thu ri hUM yig ste/ de yang chos kyi 'khor lo'i lte ba la sbyar bar bya'o/ /sihla oM yig ste de yang longs spyod
 rdzogs pa'i 'khor lo'i lte ba la dgong par bya'o/ /kapU ra dbyangs bcu drug rnams te/ bde ba chen po'i 'khor lo'i 'dab ma rnams la sbyar bar bya'o/ /ma la i zhes ba a ka tsa Ta ta pa ya sha rnams te/ sprul pa'i
 'khor lo'i shar la sogs pa'i 'dab ma brgyad po rnams la rim pas dgod par bya'o/ /in pha Na zhes pa/ a A/ i a'i/ u u/ e i /zhes pa'i dbyangs rnams so/ /de'i chos kyi 'khor lo'i dbang po la sogs
 pa'i 'dab ma bzhi la dbyangs thung du bzhi'o/ /longs spyod rdzogs pa'i 'khor lo'i dbang po la sogs pa'i 'dab ma bzhi la dbyangs ring po bzhi'o/ shA li dza/ ta haM b+ha ru khA a i zhes pa shA li dza'i sgras phung po dang khams la
 sogs ba'o/ /ha haM dir b+ha ru mang po bza' bar bya ste/ nye bar longs spyod par bya'o zhes pa'i don no/ /'dis bung po la sogs pa rnam par dag pa gsungs te /phung po la sogs pa shin tu rnam par dag pa chos kyi dbyings kyi rang
 bzhin du gyur pa ni dam pa'i bde ba thob par 'gyur ro zhes pa'o/ /gzhan yang skad cig de la skye bar 'gyur ro zhes gsungs pa /phriM kha Na kha Ta ka ran+te /shud+d+hA shu da d+ha na ma Di a i/ phreM kha Na zhes pa lte ba sprul pa'i 'khor lor
 gnas pa'i dbyangs dang po'i thig pa'i 'od zer las te steng du 'gro ba'o/ /khe Ta zhes pa'i 'od zer des bde ba chen po'i 'khor lor gnas pa kha dog tu phyogs pa'i haM yig bzhi pa las skyes pa'i bdud rtsi'i thig le 'og tu 'gro pa'o/
 de ltar gyur pa na dag pa dang ma dag pa yang shes par mi 'gyur te lhan cig skyes pa'i rang bzhin nyid kyis rnam par mi rtog pa nyid kyi phyir zhes dgongs pa'o/ /gzhan yang gsungs pa ni/ raM shu a zhes pa gang gi ma lus pas dag
 pa'i aM shu gsal ba de ni raM shu ste zla pa phyed pa'o/ /yang na gang/ gang gi cha shas dang bral ba'i cha de ni raM shu ste zla ba phyed pa'o/ /de aM ga 'khor lo bzhin gnas pa thams cad kyi yan lag mchog la/ tsa Da wi a byin nas/ /ta hiM de
 la dza'i sgras ngag gi rgyan no/ /sha rA ba pA Ni a i zhes ro sh+rA pa ste chos kyi dbyings byang chub kyi sems kyi thig le'i/ /de yang pa Ni a i gzhug par bya zhing ji srid sbyin par bya'o zhes pa ste/ 'dis thig le'i rnal 'byor gsungs so/ /phra mo'i rnal
 'byor gsungs pa/ ma la yang dzaM kun du ru bA Da i zhes pa ste ba las steng du sor mo bzhi'i bar du 'og gi 'od zer dang /steng gi bdud rtsi'i thig le phrad pa ni ma la ya dza'o/ /der bskyed pa tsam gyis sems 'dzin pa ni kun du ru ste/ kun du rI sgras kyang lhung
 ba nyid kyis kun du ru zhes par 'gyur ro/ /'di ni tshogs pa dang phrad pa'i bya ba'o/ /gang du bskyed pa bya zhe na/ gsungs pa/ DiM Di ma ta haM na badzdzi a i re zhes pa DiM Da ma a ba d+hu ti'o/ /der de spang bar mi bya ste/ de nyid du de'i rang
 bzhin nyid kyis thams cad mnyam par sbyor ba las zhes dgongs pa'o/ /de'i sgra ni bod pa ste/ 'di ni tshig kha skong ba'o/ /da ni bsdus pa'i don du bstan par bya ste/ lte bar pad+ma kha dog ser po 'dab ma drug cu rtsa bzhi ba'i dbus su dbyangs
 dang po zla ba phyed pa dang bcas pa thig le dang ldan pa ste/ shar la sogs pa'i 'dab ma brgyad po rnams la rim pa ji lta bar a ka tsa Ta pa ya sha rnams zla ba phyed pa dang bcas pa thig le dang ldan pa rnams so/ /snying khar pad+ma kha dog dkar po 'dab brgyad
 pa'i dbus su kha 'og tu phyogs pa'i hUM yig ste shar la sogs pa'i 'dab ma bzhi la a i u e dbyangs yig bzhi zla ba phyed pa dang bcas pa thig les brgyan pa dang/ dbang ldan la sogs pa'i 'dab ma bzhi la rim pa ji lta bar ya ra la wa rnams zla
 ba phyed pa dang bcas pa thig le dang ldan pa'o/ /mgrin par longs spyod rdzogs pa'i 'khor lor pad+ma kha dog dmar po 'dab ma bcu drug pa'i lte bar oM yig kha 'og tu phyogs pa ste /phyogs kyi 'dab ma bzhi la rim pa
 ji lta bar a a'i a'u i dbyangs ring po bzhi zla ba phyed pa dang bcas pa thig les brgyan pa dang /dbang ldan la sogs pa'i 'dab ma bzhi la de kho na ltar yar la wa rnams so/ /smin pa'i dbus su pad+ma kha dog sna tshogs pa 'dab ma sum
 cu rtsa gnyis pa'i lte bar haM yig kha 'og tu phyogs pa ste /shar la sogs pa'i 'dab ma gcig gis bar du chod pa de rnams la dbyangs bcu drug rnams zla ba phyed pa dang bcas pa thig le dang ldan pa'o/ /lte ba sprul pa'i 'khor lo kha dog
 ser po'i dbus kyi lte ba la dbyangs dang po zla ba phyed pa dang bcas pa thig les brgyan pa shar la sogs pa phyogs kyi 'dab ma rnams la a ka tsa Ta ta pa ya sha rnams so/ /dbang ldan la sogs pa'i phyogs kyi 'dab ma rnams la a yig la
 sogs pa dbyangs bcu drug po rnams dang ka yig la sogs pa gsal byed sum cu rtsa bzhi po rnams dang/ cung zad gsal ba'i Da Dha da d+ha ya la rnams te/ de ltar 'dab ma drug cu rtsa bzhi po rnams la sbyar bar bya'o/ /gang zhig tsaN+Da lI'i
 ming can de ni dbyangs dang po ste/ de nyid pad+ma'i rtsa ba lta bu shin tu phra mos steng du song bas ji srid longs spyod rdzogs pa'i bar du son pa'i 'od zer gyis chos dang/ longs spyod rdzogs par gnas pa'i hUM yig dang oM yig dag gi thig
 le gnyis bzhu nas bde ba chen po'i 'khor lor son pas haM yig thig lter bzhu bar bya'o/ /de nas haM yig thig ler zhu ba yang skra'i rtse mo brgya stong gi cha'i 'od zer la khyab cing/ /tsaN+Da lI'i thig le la zhugs par gyur pa de ni tsaN+Da lI
 ste/ de'i yang thig le sngar gyi bya ba bzhin bya'o zhes pa phra mo'i rnal 'byor gyi rim pa ste de bzhin gshegs pa thams cad dang lha mo'i sku'o/ /thig le'i rnal 'byor yang lte ba las steng du sor mo bzhi'i chas sbangs par de'i 'od zer dang hUM yig
 thig le'i rang bzhin gyi thig le yang chos kyi 'khor lo'i 'og tu ste/ /de ltar rten dang brten pa gnyis ka dngos po la til tsam yang 'dzin pa med pa/ lha thams cad 'byung ba med pa ni thig le'i rim pa dang phra mo'i rnal 'byor ro/ /rnal
 'byor 'di dag la gong nas gong du bsnyen pa dang dga' ba la sogs pa lhag par mos par bya'o/ /'di yang rnal 'byor dkyil 'khor rgyal po mchog gi bar ma chad par las rgyal po mchog brjod par bya ste/ 'di dag ni chags pa dang bcas
 pa dang/ chags pa dang bral ba mngon par rdzogs par byang chub pa la sbyar bar bya'o/ /rnal 'byor 'dis tha mal pa'i nga rgyal gyi rang bzhin bsregs nas/ phung po khams dang skye mched la sogs pa rnam par sbyong bar byed pa'o/ /de'i
 phyir/ lte bar gtum mo 'bar ba yis/ /de bzhin gshegs pa lnga bsreg cing/ /spyan la sogs pa yang bsregs te/ bsregs na ri bong can haM 'dzag /ces pa rdo rje rigs kyi le'ur gsungs pa'i tshigs su bcad pa'i don shin tu
 nges par gyur pa'o/ /de nyid kyi phyir bcom ldan 'das kyis gsungs pa/ phung po lnga ni mdor bsdus na/ sangs rgyas lngar ni rab tu grags/ /rdo rje skye mched rnams nyid ni/ /byang chub sems dpa' i dkyil 'khor mchog /ces pa
 phung po lnga ni gzugs la sogs pa ste/ shin tu rnam par dag pa chos kyi dbyings kyi rang bzhin no/ /sbyor ba 'dis rnam par sbyangs par gyur pa ni mdor bsdus pa sangs rgyas lngar 'gyur ro/ /rdo rje'i skye mched rnams nyid ni zhes pa 'byung
 ba chen po bzhi'i rang bzhin sbyan ma la sogs pa lha mo bzhi ste/ sa la sogs pa phung po lngas bsdus shing skye mched rnams kyang phung po lnga nyid kyis bsdus pa'o zhes pa ste/ phung po dang khams dang skye mched rnams
 thams cad shin tu rnam par dag pa chos kyi dbyings kyi rang bzhin nyid do zhes pa'i rim pa 'dis dang po'i sbyor ba yang mtshon pa ste/ ting nge 'dzin gsum la dang po'i sbyor ba ni phung po la sogs pa rnam par dag pas snang ba rnam par dag pa zhes
 pa'o/ /dkyil 'khor rgyal po mchog ni 'khor lo bzhir gnas pa nA da'i bdag nyid can sa bon gyis lus lha'i rang bzhin zhes pa'o/ /las rgyal po mchog ni bden pa gnyis kyi bdag nyid can shes rab dang thabs kyi rang bzhin zla ba dang nyi
 ma'i bdag nyid can zhes pa'o/ /yang na gang/ kol+la i re Tthi a bo la zhes pa po la ni rdo rje 'chang ngo/ /mummu ni re kak+ko la zhes pa kak+ko la ni pad+ma ste/ /chos 'byung bdag med ma'o/ /g+ha Na kri pi Ta ho badzdza i/ rtag tu gnyis ka dbyer med pa kho na zhes pa'o//
 ka ru Ni ki a i na ro lA/ 'dis rdo rje gsum gyi rang bzhin du gyur pa ni ka ka ru Ne ste kaM bde ba lhan cig skyes pa'i ye shes so/ /de 'gog pa'i phyir rdo rje byang chub kyi sems so/ /nges ro lA 'gal ba'i bya ba med pa ste/ kun rdzob dang don dam
 par dbyer med pa nyid bzhi ba lhan cig skyes pa zhes pa'o/ /ta hiM ba b+ha kha dzdza i gA DiM/ ta hi de'i tshe lhan cig skyes pa'i dga' bar gyur pa na sku'i mngon par zhen pa med do/ /ma a nA badzdzi a i/ /zhes pa thugs kyi mngon par zhen pa yang med do/ /
 ha lo ka liM dza ra pa Ni a i zhes pa stong pa'i mngon par zhen pa yang mod do/ /'di ji ltar zhe na gsungs pa/ gang phyir tsa u sa ma 'byung ba chen po bzhi'i rang bzhin no/ /kas+thu ri sahla ka pu ra la i a i zhes pa de sku gsum dbyer med pa yang ngo/ /
 mA la a in b+ha na zhes pa de me long lta bu la sogs pa ye shes lnga'i rang bzhin yang ngo/ /shA la dza ta haM b+ha ru kha i a i zhes ba 'di dag thams cad nyid shA li dza te/ de ta hi der/ b+ha ru mang po/ kha e a i zhes pa bza' par bya ste/ 'dzin pa med pa'i
 tshul gyis shin tu rnam par dag chos kyi dbyings nyid du skye par 'gyur ro/ /'di nyid ji ltar zhe na/ gsungs pa/ phreM kha Na khe Ta ran+te zhes pa 'ong ba phreM kha Na ste sdud pa do dam pa'i bden pa'o/ /'gro ba khe Ta ste/ spro ba kun rdzob kyi bden pa'o/ /don dam pa'i
 bden pa dang dbyer med pa'o/ /ci zhe na gsungs pa /shud+d+hA shud d+ha na ma Ni a i shud d+ha zhes pa don dam pa'i bden pa'o/ /a shud d+ha zhes pa kun rdzob kyi bden pa'o/ /gnyis ka dbyer med pa'i phyir gnyis ka yang med do/ /gzhan yang ci zhe na/
 /gsungs pa/ ni raM shu a i ga tsa DA wiM a/ ta hi dza sha ra ba pa Ni a i/ ni raM shu 'od gsal ba ste/ aM ka tsa DA wi a sku gsum 'di'i rang bzhin nyid du byas nas der dza sha ra ba pa Ni a i/ dza don yod grub pa rlung ste ji
 srid nA da zhes pa'o/ /sha rab/ ro sh+rA pa ste chos kyi dbyings thig le'o zhes pa nA da thig ler rab tu gzhug par bya'o/ /'di ji ltar zhe na ma la yA dza 'du ba ste gnyis su med pa'o/ /kun du ru bA d+ha i rdo rje 'chang dang bdag med ma dbyer med pa skye bar 'gyur
 ro/ /DiN+Di ma ta hiM na badzri a i re zhes pa DiN+Di ma a ba d+hu tI bdag med ma'o/ /de yang der na badzdza a i spang bar mi bya zhing dor bar mi bya ste/ spangs pa'i rang bzhin ni spang bar mi nus so/ /'di dag gis ci gsungs na sgyu ma lta bu la sogs pa dpe bcu
 gnyis kyis nye bar mtshon pa 'di ni rnam pa thams cad mkhyen pa nyid mngon par rdzogs par byang chub pa'i lam zung du 'jug pa'i rim pa'o zhes pa glu'i don te sgra ji bzhin pa'i don gyis dang por sbyor ba'o/ /sbas pa'i don gyis dkyil 'khor rgyal po
 mchog go /shin tu rgyas pa'i don gyis las rgyal po mchog go zhes pa ste ting nge 'dzin gsum bshad do/ /gang yang gsungs pa/ dran pa mi 'phrogs rnal 'byor las/ /he ru ka yi gzugs kyi gar zhes pa gar byed pa/
 ni gar te rkang stabs brgyad do/ /gang gi gzugs kyis she na he ru ka'i gzugs kyis zhes pa he ru ka'i rang bzhin gyis so/ /he ru ka'i gzugs nyid ji ltar zhe na gsungs pa/ dran pa mi 'phrogs rnal 'byor las/ /he ru ka phyag gnyis pa la
 sogs pa'i gzugs rjes su dran pas zhes pa'o/ /'di nyid ji ltar zhe na/ gsungs pa/ chags pa'i sems kyis bsgom pa ste/ bsgom pa'i rjes su chags pa'i yid kyis so/ /de nyid ji ltar zhe na/ rtag tu goms pa'i
 sems kyis ni /rgyun du bar chad med par gus pa dang bcas pas dus yun ring mor goms pa las zhes pa'i don no/ /'dis rtag tu sgom pa'i rjes su chags pas dman pa ni he ru ka'i gzugs nyid ma yin no/ /rim pa des gang
 zhig gar byed pa de nyid ni mchog ste/ gzhan ni gar ma yin no zhes ba'i don no/ /yang na/ gar ni gar byed pa ste gnas pa med pa'o/ /thams cad khyab pa nyid kyis g.yo ba med pa ste g.yo ba med pa nyid ji ltar zhe na/ he ru ka'i
 gzugs kyis stong pa nyid dang/ mtshan ma med pa dang/ smon pa med pa'i rang bzhin gyis so/ /'di nyid ji ltar zhe na/ gsungs pa/ chags pa'i sems kyis bsgom pa ste/ /sgom pa zhes pa snyoms par 'jug pa ste/
 de'i bde ba 'dod mar brjod ces pas chags pa ni 'dod ma ste bdag med ma'o/ /sems kyis zhes pa bdag med ma'i ye shes kyis so/ /glu dang gar gnyis po 'di dag kyang rdo rje gsum gyi rnal 'byor gyis bya'o zhes pa sdud pa gsungs
 pa/ /rdo rje chos dang sangs rgyas dang/ ma mo rnal 'byor ma rnams kyis /shes pa rdo rje chos ni chos kyi sku'i rang bzhin sku gsum gyis te mang po'i tshig go /sangs rgyas dang zhes pa sprul pa'i sku'i rang bzhin sku gsum gyis so/ /ma mo rnal 'byor ma
 rnams kyis zhes pa longs spyod rdzogs pa'i sku'i rang bzhin sku gsum nyid kyis so/ /re re la mang po'i tshig nyid kyis sku gsum nyid bstan to zhes pa'o/ /de ni gang zhig glu dang gar mchog ste/ glu dang gar 'di dag nyid mchog yin gyis gzhan tha
 mal pa la sogs pa'i glu dang gar dag gis ni ma yin te/ kol+la i re TThi a bo la zhes pa'i glu'i don nyid kyis mchog gi glu blang bar bya zhing/ he ru ka'i gzugs kyis gar zhes pa la sogs pa rnam par bshad pa'i don nyid kyis mchog gi gar
 bya'o/ /zhes pa ste/ glu dang gar ni 'di dag gis/ mchog gi glu blang gar bya'o/ /zhes pa legs par gnas pa'o/ /glu dang gar dag gis mchog nyid gsungs pa/ 'di nyid kyis ni tshogs bsrung zhing/ /de bzhin bdag kyang bsrung
 ba nyid /'dis ni 'jig rten dbang du byed/ /'dis ni sngags kyi bzlas pa'o/ /tshogs phung po dang khams dang skye mched la sogs pa ste de rnams kyi bsrung ba'o/ /khyad par gyi don la ni'i sgra ste /'di nyid kyis zhes pa dgongs pa bzhi
 mngon par brjod pa 'dis yin gyi gzhan gyis ma yin no zhes pa'i don no/ /bdag kyang bsrung zhes pa sems bsrung ba ste/ de bzhin zhes pa sems bsrung ba nyid tshogs bsrung ba'o zhes dgongs pa'o/ /'dis ni gang dang 'brel pa
 mngon par brjod pas gzhan gyis ma yin no zhes pa'i don no/ /gsung rdo rje longs spyod rdzogs pa'i sku/ /sku gsum dbyer med pas tshogs bsrung ba'o/ /sku dang gsung dang thugs rdo rje sku gsum dbyer med pas bdag bsrung ba ste gzhan gyis
 ma yin no zhes pa'i don no/ /'dis ci gsungs na/ ji snyed yan lag bskyod pa dang/ /tshig rnams rab tu spro ba yang/ /de snyed sngags dang phyag rgyar 'gyur/ /he ru ka dpal go 'phang gnas/ /shes pa tshigs su
 bcad pa 'di shin tu nges pa ste/ le'u de dang sbyod pa'i le'u gnyis su med par nges pa'o/ /gzhan yang bcom ldan 'das kyis gsungs pa/ bsrung ba zhes pa brtan pa ste/ dbang zhes pa de'i sems dbang du gyur pa'o zhes gsungs pa 'dis
 ni dbang du byed ces pa 'dis gar gsungs te/ khams gsum pa thams cad de'i rang bzhin nyid yin pa'i phyir 'jig rten ni snang ba dang mtshan ma ste/ phung po lnga'i don no/ /yang na 'jig rten phung po lnga la dbang zhing dbang du gyur pa mnyam
 pa nyid du gcig pa'i mtshan nyid g.yo ba med pa'i rang bzhin ni gar ro/ /'dis ni sngags bzlas pa'o zhes pa glu gsungs pa ste mtshan ma thams cad yongs su spangs pa'i phyir zhes dgongs pa'o/ /glu dang gar dag dang/ gar dang glu
 dag dgongs pa'i skad kyis 'di dag dbyer med par gsungs so zhes pa ste/ 'di nyid kyis ni tshogs bsrung zhing zhes pa la sogs pa'i don gzhan rab tu gsal ba nyid kyi phyir 'dir ma gsungs so/ /glu dang gar gyi byin rlabs gsungs
 Fpa/ gal te 'di nyid mchog gi glu dang gar yin te de nyid brjod par bya'o/ /gang du gus bcas glu len dang/ /gang du gus bcas gar byed pa/ /tshogs kyi bdag pos sngar byas nas/ /de la dri ni mtshon par bya/ /don rab tu gsal ba
 nyid do/ /gsar ba'i don brjod par bya ste/ gus bcas zhes pas 'bad pa dang bcas pa'o/ /glu len zhes pa gsungs pa'i glu'i don gyis 'jug pa'o/ /gang du zhes pa de'i tshe skad cig bzhi pa la'o/ /gang du gus bcas gar byed pa de
 bzhin du gar gyi don gyis 'jug pa'o/ /de la dri ni mtshon par bya/ /dri zhes pa mtshon bya dang mtshon byed dang mtshon pa po ni de nyid do/ /gnyis ka'i nA da'i phreng ba gnyis kyi bdag nyid te nA da'i phreng ba gnyis dra'o/ /de nyid mtshon par bya ste/ mtshon
 pa nyid kyis rnam par gnas par bya'o/ /gnyis ka'i nA da'i phreng ba gnyis dbyer med pa sku gsum ste/ gzhan cung zad kyang med do zhes dgongs pa'o/ /glu dang gar dag las bcom ldan 'das kyi sku gsum gyi rang bzhin gyis rgyas btab
 pa'o zhes nges pa'o/ /sgog pa dang po'i dri yin te/ de nas yang ni bya rgod dri/ /ga pur ma la ya dza'i dri/ zhes pa 'di ni gar gyi byin rlabs rab tu grags so/ /yang na/ la sun zhes pa rol rtsed kyi nges pa'i tshig gis dang po'i dri zhes
 pa dga' ye shes so/ /bya rgod dri zhes pa mngon par 'dod pa la dri gang/ g+hi d+ha 'dod pa dang mngon par 'dod pa'o/ /de nas de'i bar ma chad par mchog dga' i ye shes so/ yang ga pur dri/ dga' bral gyi dga' ba'i ye shes so/ /ma la ya dza bzhi pa lhan
 cig skyes pa'i dga' ba'i ye shes te/ ga pur ma la ya dza zhes pa bde ba spangs nas de ma yin zhes pa bsdus pas lhan cig skyes pa'o zhes gar gyi byin rlabs kyi mtshan nyid gsungs pa'o/ /de'i rjes la glu'i byin rlabs kyi mtshan nyid ni/ ngang
 pa dang ni bung ba'i sgras/ /glu yi mdza' nas mnyan par bya/ lce spyang dag gi sgra yang ni/ /phyi rol tshal du mtshon bar bya/ /don go sla ba nyid do/ /gsang ba'i don brjod par bya ste sgra zhes pa nA da'o/ /de yang ngang pa ni haM yig thugs rdo rje'i
 rang bzhin no/ /bung ba'i zhes/ /rkang pa drug pa ste drug par rang bzhin rdo rje 'chang gi ye shes so/ /glu'i mdza' cha dang bral ba ste mnyan par bya zhes pa mnyan pa'i sgo yis rtogs par bya'o/ /A li kA li'i nA da dbyer med pa las gang
 zhig 'dzag pa byang chub kyi sems zla ba zhu ba las 'byung ba ste de nyid sems kyi rdo rje sems pa'i rang bzhin no/ /go'i sgras dbang po rnams so/ /gzung ba dang 'dzin pa des yongs su gcod pa'i phyir lce sbyang ste/
 dbang po dang yul dang rnam par shes pa'o/ /de'i sgra de'i don rtogs pa'o/ /phyi rol tshal du zhes pa phyi rol ni dbang po dang yul rnams so/ /tshal ni rab tu rtogs pa'i tshul te yang dag pa'i ye shes so/ /phyi rol nyid tshal te phyi rol tshal dar
 zhes pa phyi rol ni dbang po dang yul rnams so/ /tshal ni rab tu rtogs pa'i tshal te yang dag pa'i ye shes so/ /phyi rol 'tshal te/ phyi rol tshal der mtshon par bya ye shes kyi mig gis thams cad dbyer med pa nyid rtogs par bya'o zhes pa glu'i byin
 rlabs so/ /gar gyi byin gyis brlabs kyis sku gnyis so/ /glu'i byin rlabs kyis longs spyod rdzogs pa'i sku ste gnyis ka'i byin rlabs kyis bcom ldan 'das kyi sku gsum bstan to zhes pa'o/ /lha dang dbang bskur bar yang gang/ /zhe sdang la sogs so
 rgyas gdab gsungs/ /de la bdag ni the tshom mchis/ /gang gis rgyas gdab phyag rgya ci/ /zhes zhus pa gsungs pa/ /rgyas gdab rtags dang mtshan ma ste/ /mtshan mas rigs kyi mtshon par bya/ /rigs 'chol sgom pa sbyor ba
 yis/ /dngos grub min cing sgrub pa 'ang min/ /dbang po gang gis yul gang zhig gzung bar bya ba de ni de'i yul te/ mig gis gzung bya gzugs yin te/ /rna bas mnyan par bya ba sgra/ /sna yis rig bya dri yin no/ /zhes pa la sogs
 pa'i dbang po'i yul nges pa nyid de/ 'di nyid kyang rnam par snang mdzad la sogs pa rigs brgya'i dbye bas rigs zhes brjod do/ /'chol bar gyur pa na sgom pa snyoms par 'jug pa ste/ de'i sbyor ba min zhing 'du ba min pa'o/ /de'i phyir
 dngos grub min te yang dag pa'i ye shes mi 'grub pa'o/ /sgrub po'ang min zhes pa yang dag pa'i ye shes 'grub pa'i rgyu yang ma yin no/ /'di nyid rigs ma 'chol ba'i sbyor ba nyid gsungs pa/ zhe sdang phyag rgyas bdag med ma/ /gti mug phyag rgyas rdo rje ma/
 ser sna'i phyag rgyas dkar mo ste/ chags pas chu ma phyag rgyas gdab/ phrag dog phyag rgyas mkha' 'gro ma/ zhe sdang phyag rgyas puk+ka sI/ /gti mug phyag rgyas ri khrod ma/ /ser sna'i phyag rgyas gdol pa mo/ /'dod chags phyag rgyas g.yung mo ste/ /yang ni dkar mo zhe sdang gis/ /
 gti mug phyag rgyas chom rkun ma/ /ser sna'i phyag rgyas ro langs ma/ /'dod chags phyag rgyas g+hasma ri/ /gti mug phyag rgyas sa spyod ma/ /'dod chags phyag rgyas mkha' spyod ma/ /'dod pas rgyas gdab shes par gyis/ /shes pa 'di'i don ni 'di yin te nang gi
 rim par gnas pa'i bdag med ma la sogs pa mkha' 'gro ma lnga ni mi bskyod pa la sogs pa de bzhin gshegs pa lngas de'i bdag nyid kyis rgyas gdab par shes par bya'o/ /zhe sdang ni mi bskyod pa rnam par shes pa'i phung po ste/ rnam par shes pa'i
 phung po dang bdag med ma 'di ni gnyis su byar med tha dad med cing bcad du med pa'o/ /gti mug ni rnam par snang mdzad gzugs kyi phung po ste/ gzugs kyi phung po dang rdo rje ma 'di ni gnyis su med pa'o/ /ser sna ni rin chen dbang po tshor pa'i phung po ste/ tshor pa'i phung
 po dang dkar mo 'di ni gnyis su med pa'o/ /'dod chags ni 'od dpag tu med pa 'du shes kyi phung po ste 'du shes kyi phung po dang chu'i rnal 'byor ma 'di ni gnyis su med pa'o/ /phrag dog ni don yod grub pa 'du byed kyi phung po ste/ 'du byed kyi phung po dang
 rdo rje mkha' 'gro ma 'di ni gnyis su med pa'o/ /'dis ni phung po lnga'i rang bzhin dang de bzhin nyid kyi rnam par dag pa 'di ni gnyis su med de gnyis su byar med tha dad med cing bcad du med pa'o/ /zhe sdang phyag rgyas puk+ka sI zhes pa zhe sdang mi bskyod pa
 rnam par shes pa'i phung po ste/ de dang puk+ka sI 'di ni gnyis su med pa'o/ /gti mug phyag rgyas ri khrod ma zhes pa gti mug ni rnam par snang mdzad gzugs kyi phung po ste de dang ri khrod ma 'di ni gnyis su med pa'o/ /ser sna'i
 phyag rgyas gdol pa mo zhes pa ser sna ni rin chen dbang po tshor ba'i phung po ste/ de dang gdol pa mo 'di ni gnyis su med pa'o/ /'dod chags phyag rgyas g.yung mo ste zhes pa 'dod chags ni 'od dpag tu med pa 'du shes kyi phung po ste/ de dang g.yung
 mo 'di gnyis su med pa'o/ /yang ni dkar mo zhe sdang gis zhes pa zhe sdang ni mi bskyod pa rnam par shes pa'i phung po ste/ de dang dkar mo 'di ni gnyis su med pa'o/ /gti mug phyag rgyas chom rkun ma zhes pa gti mug ni rnam par snang mdzad kyi phung po ste/
 de dang tshom rkun ma 'di ni gnyis su med pa'o/ /ser sna'i phyag rgyas ro langs ma zhes pa ser sna ni rin chen dbang po tshor ba'i phung po ste/ de dang ro langs ma 'di gnyis su med pa'o/ /'dod chags phyag rgyas g+hasma rI zhes pa 'dod chags ni 'od dpag
 med 'du shes kyi phung po ste de dang g+hasma rI gnyis su med pa'o/ /gti mug phyag rgyas sa spyod ma zhes pa gti mug ni rnam par snang mdzad gzugs kyi phung po ste/ de dang sa spyod ma 'di ni gnyis su med pa'o/ /'dod chags phyag rgyas mkha' spyod ma zhes
 pa 'dod chags ni 'od dpag med 'du shes kyi phung po ste/ de dang mkha' spyod ma 'di gnyis su med gnyis su byar med tha dad med cing bcad du med pa'o/ /mkha' 'gro ma rnams ni rdo rje gsum dbyer med pa nyid kyi phyir rnam par shes pa gsum byin gyis
 brlabs pa brtan pa ni chos kyi sku nyid sku gsum zhes pa ste/ zhe sdang phyag rgyas bdag med ma/ zhe sdang phyag rgyas puk+ka sI/ yang na/ dkar mo zhe sdang gis/ zhes pa rnam par shes pa dang dbang po dang yul rnams ni rnam par shes pa kho na'o
 zhes pa'o/ /de nyid kyi phyir bcom ldan 'das kyis gsungs pa/ gang gang dbang po'i lam nyid du/ /de de'i rang bzhin gyis 'gro ste/ mnyam par ma bzhag sbyor ba yis/ /rtag tu mnyam par bzhag pa nyid ces pa'o/ /gzugs kyi phung por rdo rje ma/ /
 tshor ba'i phung por dkar mo ste/ /'du shes chu yi rnal 'byor ma zhes pa sku gsum gyi rang bzhin mkha' 'gro ma gsum mo/ /'du byed phung po'i rang bzhin ni/ /rdo rje mkha' 'gro ma zhes bya zhes pa don yod grub pas byin gyis brlabs pa'i phyir/ A li
 kA li nA da'i phreng ba gnyis dbyer med pa kha sbyor kye'i rdo rje nyid do zhes pa'o/ /gti mug phyag rgyas ri khrod ma/ /ser sna'i phyag rgyas gdol pa mo/ /'dod chags phyag rgyas g.yung mo ste/ zhes pa sku gsum gyi rang bzhin nam mkha' 'gro ma gsum mo//
 gti mug phyag rgyas chom rkun ma/ /ser sna'i phyag rgyas ro langs ma/ /'dod chags phyag rgyas g+hasma rI/ /zhes pa mkha' 'gro ma gsum po 'di yang sku gsum gyi rang bzhin no/ /bdag med ma dang puk+ka sI/ /dkar mo rnam shes mkha' 
 'gro gsum/ /shes rab thabs kyi rang bzhin las/ /rdo rje mkha' 'gro ma zhes nges/ /ri khrod gdol ba g.yung mo ni/ /sku gsung thugs kyi phyag rgya can/ /de bzhin chom rkun la sogs gsum/ /sku gsung thugs kyi phyag rgya can/ /gnyis
 med gnyis kyi rang bzhin dang/ gsum ni rigs drug tu brjod de/ /shes rabs thabs kyi rang bzhin las/ /gsum ni rigs drug tu 'gyur ro/ /gnyis kyi rang bzhin gsum nyid dang/ /gnyis med gcig gi rang bzhin can/ /de yang
 rnam pa lnga zhes brjod/ /mdor bsdus pa las nges pa ste/ /gnyis dang gnyis med rang bzhin ni/ /dbye bas gsum du 'gro bar 'gyur/ /bzhi pa bsgrub bya'i rang bzhin te/ /de nyid brjod par nus ma yin/ /gang phyir zhe sdang gis rgyas
 btab/ /de'i phyir rigs 'chol shes pa las/ /dngos grub min cing sgrub po'ang min /zhes pa la sogs pa ste rigs 'chol ba bsgom pa'i sbyor ba 'di ni rigs 'dres pa bsgom pa sbyor ba nyid/ rigs 'chol ba bsgom
 pa'i spyod ba'o zhes dgongs pa ste/ rigs rnams 'chol ba khyad par gyis zhus pa gang gi tshe snyoms par 'jug pa'i sbyor ba la de ni rigs 'chol sdom pa'i sbyor ba'o/ /de'i phyir dngos grub med 'bras bu med pa'o/ /sgrub pa po med pa ni rgyu med pa ste rgyu
 dang 'bras bu dag rang bzhin dbyer med pa'i phyir ro/ /yang na gang/ rnam par snang mdzad la sogs pa de bzhin gshegs pa mngon par brjod pa la sogs pa rnams/ gang tshe sgom pa'i sbyor ba la rnam pa sna tshogs pa'i gzugs kyis zhugs shing
 'dres pa'i rigs rnams te de ni rigs 'chol bsgom pa'i sbyor ba'o/ /de'i phyir dngos grub med cing sgrub po med ces pa rigs 'chol ba med pa sgom pa'i sbyor ba las gang zhig zung du 'jug pa thob pa'i rim pa ni sangs rgyas kyi spyod yul zhes pa'o/ /de
 nyid kyi phyir rnal 'byor ma rnams 'dod pas shes par gyis/ /'dod pas zhes pa'i sgra 'dod pa med pas rnal 'byor ma zhes pa rang bzhin gyi dag pa'i sbyor ba dang ldan pa zhes pa'i don no/ /glu dang gar dang rgyas gdab pa'i the tshom gtan la dbab
 pa'o/ /da ni sngags kyi le'ur gsungs pa'i sngags btu ba gsungs pa/ A li dang po bdag med ma/ /A li gnyis pa rdo rje ma/ /A li gsum pa dkar mo ste/ /bzhi pa chu yi rnal 'byor ma/ /a A i a'i zla ba phyed pas brgyan pa ste/ aM AM
 iM a'iM mkha' 'gro ma bzhi'i sa bon no/ /yang na gang/ A li dang po bdag med ma zhes pa thugs rdo rje'o/ /A li gnyis pa rdo rje ma zhes pa sku rdo rje'o/ /A li gsum pa dkar mo ste zhes pa gsung rdo rje'o/ /bzhi pa chu yi rnal 'byor ma zhes pa rdo rje gsum dbyer
 med pa lhan cig skyes pa'o/ /yang na dga' ba dang mchog dga' ba dang 'bral? gyi dga' ba'i rang bzhin mkha' 'gro ma gsum mo/ /bzhi pa chu byang chub kyi sems te/ 'di la de'i rnal 'byor yod pa'i phyir chu'i rnal 'byor ma'o/ /bde ba spangs nas de ma yin/ zhes pa'i gsung
 las bzhi pa zhes pa lhan cig skyes pa'i dga' ba'o/ /lnga pa rdo rje mkha' 'gro ma/ /drug pa puk+ka sI ru brjod/ /bdun pa nyid ni ri khrod ma/ /brgyad pa gdol pa mo ru 'dod/ /dgu pa yang ni g.yung mo nyid/ /yang ni dkar mo lnga pa gnyis/ /u a'u ri rI li lI zhes pa
 rim pa bzhin sa bon drug ste/ zla ba phyed pa dang thig les brgyan par gyur pa/ uM a'uM riM rIM/ liM lIM/ mkha' 'gro ma drug gi sa bon rnams so/ /yang na gang/ lnga pa rdo rje mkha' 'gro ma zhes pa bzhi pa de nyid/ lnga pa me long lta bu la sogs pa ye shes lnga'i rang bzhin
 ni rdo rje mkha' 'gro zhes brjod do/ /de nyid drug pa ste /zhe sdang phyag rgyas puk+ka sI/ zhes pa'i gsung las drug pa rdo rje 'chang gi ye shes ni puk+ka sI zhes pa'o/ /de nyid bdun pa ste/ shes rab dang thabs gnyis su med pa'i rang bzhin ni lnga pa ye shes lnga skro ba'i rang
 bzhin thabs dang/ drug pa ni drug pa rdo rje 'chang gi ye shes shes rab bo/ /de gnyis ka dbyer med pa ni bdun pa byang chub kyi sems ri khrod mar 'dod do/ /brgyad pa zhes pa de nyid shes rab dang thabs dbyer med pa nyid rdo rje gsum gyi rang bzhin ni
 gdol pa mo zhes brjod do/ /A li kA li snyoms par zhugs pa bdag med mas byin gyis brlabs pa'i rang bzhin las gdol pa mo ni tsaN+Da lI brgyad pa zhes brjod do/ /dgu pa yang ni g.yung mo nyid slar yang bzhi pa ste/ g.yung
 mo ni reg pa min pa a ba d+hU tI bdag med rdo rje mkha' 'gro ma'o/ /de nyid yang zhes pa yang bzhi pa ste/ /sngar ni sdud pa'i rang bzhin gyis bzhi pa gsungs la/ da ni lnga pa rdo rje mkha' 'gro ma zhes pa la sogs pa'i rang bzhin gyis bzhi
 pa gsungs te/ spro ba dang sdud pa'i rang bzhin kho na bzhi pa zhes pa'o/ /de'i phyir gsungs pa/ dkar mo lnga pa gnyis zhes pa gnyis ka yang lnga pa gnyis te/ ye shes lnga'i rang bzhin nyid ces pa'i don no/ /bcu gcig chom
 rkun ma ru brjod/ /bcu gnyis ro langs ma ru 'dod/ /bcu gsum pa ni g+hasma rI/ /bcu bzhi pa ni sa spyod ma/ /bco lnga pa ni mkha' spyod ma/ /rnal 'byor ma yi sa bon no/ /zhes pa/ e i/ aau/ aM zla ba phyed pa thig les brgyan pa ste eM iM/
 o aau/ aM/ yang AM ngo/ /yang na gang/ lnga po de nyid kun rdzob dang don dam dbyer med pa ni bcu yin la/ bcu po de nyid gcig gnyis su med par brjod ces rab tu grags te/ 'od gsal ba ji snyed yang dag par rdzogs pa'i byang chub ces pa'o//
 bcu gnyis zhes pa de nyid shes rab dang thabs kyi bdag nyid can te/ 'dod ces pa yang dag pa'i ye shes so/ /bcu gsum zhes pa de nyid sku gsum gyi bdag nyid de/ kaM zhes pa yang dag pa'i ye shes so/ /bcu bzhi pa zhes pa rdo rje gsum dbyer med pa nyid bzhi
 pa ni bcu bzhi pa'o/ /gnyis ka'i ye shes lnga ni sa spyod ma ste/ sa spyod ma'i sgras sa bstan pa'i ye shes dang/ spyod ma spro ba'i ye shes te/ spro ba dang sdud pa'i rang bzhin kho na bzhi pa zhes dgongs pa'o/ /bco lnga pa zhes pa lnga nyid bcu pa'o/ /mkha' spyod ma
 zhes pa chos kyi dbyings kyi rang bzhin te/ chos kyi dbyings nyid bzhi pa'o/ /de nyid lnga dang bcu pa ste bco lnga pa zhes pa'o/ /'dis ci gsungs na/ bzhi pa chu'i rnal 'byor ma zhes pa ste/ A li dang po bdag med ma zhes pa la sogs pas sdud pa dang/ lnga
 pa rdo rje mkha' 'gro ma zhes pa la sogs pa sdud pas bcu gcig chom rkun ma ru brjod ces pa la sogs pas spro ba dang sdud pa dbyer med pa yang dag pa'i ye shes zhes pa nges pa'o/ /mkha' 'gro ma bzhi po rnams kyi sa 'byung ba chen po
 bzhi dang/ lnga po rnams kyis ye shes lnga dang/ drug po rnams kyis skye mched drug ste/ khams gsum pa 'di dag thams cad re re la lnga lnga'i rang bzhin ni mkha' 'gro ma bco lnga'i rang bzhin zhes pa'o/ /rnal 'byor ma'i sa bon no/ /zhes pa rnal 'byor
 ma'i sgras shes rab dang thabs dbyer med pa'i ye shes sku rdo rje sprul pa'i sku'o/ /sa bon gyi sgras gsung rdo rje longs spyod rdzogs pa'i sku'o/ /kaM zhes pa thugs rdo rje chos kyi sku'o/ /rnal 'byor ma'i sa bon no zhes pa sku gsum dbyer med pa A li nA da'i rang bzhin
 te/ kun rdzob dang don dam pa dbyer med pa bden pa gnyis zung du 'jug pas rgyas btab pa bla ma dam pa'i zhabs kyi bka' drin las khong du chud pa rnam pa thams cad mkhyen pa nyid mngon par rdzogs par byang chub pa'i lam zhes pa ste/ sngags kyi le'ur nye
 bar mtshon pa'o/ /rigs kyi le'ur gsungs pa/ rigs kyi le'ur rtsa rnams gang/ bcu drug gnyis kyi bdag nyid gsungs/ /rtsa ni gnyis gnyis rnal 'byor ma/ /re rer rim pa bzhin du 'dod/ /rigs kyi le'ur zhes pa rdo rje rigs kyi le'ur rtsa rnams
 gang byang chub kyi sems sum cu rtsa gnyis 'bab pa zhes gsungs pa'i rtsa gnyis gnyis kyis rnal 'byor ma re re gsungs so/ /rim pa bzhin zhes pa go rims bzhin te/ mi phyed ma dang/ 'jal ma zhes pa gnyis ni rdo rje ma'o/ /phra gzugs ma dang rangs
 ma zhes pa gnyis ni sbas pa'i dkar mo'o/ /rtse ba ma dang spyi ma zhes pa gnyis ni chu ma'o/ /g.yon? pa ma dang rgyu sbyin ma zhes pa gnyis ni mkha' 'gro ma'o/ /thung ngu ma dang sbyor ma zhes gnyis ni puk+ka sI'o/ /ru sbal skyes ma dang sdu gu ma zhes pa gnyis
 ni sha ba rI'o/ /sgom pa mo dang grub ma zhes pa gnyis ni tsaN+Da lI'o/ /dbang ma dang 'tshang ma zhes pa gnyis ni g.yung mo'o/ /skyon ma dang yid bzangs ma zhes pa gnyis ni gau ri'o/ /'jug ma dang gsum skor ma zhes pa gnyis ni tsau rI'o/ /ma mo dang
 'dod ma zhes pa gnyis ni bet+tA lI'o/ /mtshan mo dang khyim ma zhes pa gnyis ni g+hasma rI'o/ /bsil sbyin ma dang gtum mo zhes pa gnyis ni sa spyod ma'o/ /tsha ba mo dang 'dod pa ma zhes pa gnyis ni mkha' spyod ma ste/ 'di
 ni shes rab dang thabs rnam par dag pas mkha' 'gro ma bcu bzhi rnams so/ /la la nA dad a ba d+hu tI dang ras nA zhes pa gsum ni bdag med ma'o/ /de nyid gsungs pa/ /rkyang ma ro ma kun dar ma/ /bdag med rnal 'byor ma ru 'dod/ /
 'bad pas kun gyis lhag ma spang/ /gang phyir bcu drug cha med pas/ /kun gyis lhag ma zhes pa dA ri ka spang zhing ngor bar bya ste rnam par bcad pa'i ngo bo nyid kyi phyir zhes dgongs pa'o/ /'di ji ltar zhe na/ gang phyir bcu drug cha med pas/ /
 'grib pa dang 'phel ba dag gis tshes bco lnga rnams cha'i rim pas tshes gcig la sogs pa la 'grib pa la brten nas gnam stong la thim par 'gyur ro/ /de nyid tshes gcig la sogs pa la 'phel ba nyid la rten nas 'phel bar
 'gyur ro/ /de'i phyir zla ba ni bco lnga'i bdag nyid kho na ste/ de'i cha bcu drug med pa kho na'o/ /rgyu ci'i slad du zhe na/ don gyi bya ba mi byed phyir/ cha med pa'i phyir don gyi bya ba yang med do zhes dgongs pa'o/ /de nyid kyi phyir bcom ldan 'das kyis
 gsungs pa/ zla bar gyur pa byang chub sems/ /bco lnga cha yi bdag nyid can/ /bde ba chen po A la'i gzugs/ /rnal 'byor ma rnams de yi cha/ /zla bar gyur pa ni kun tu dga' bar byed pa'o/ /gang zhe na byang chub sems bdud rtsi'i khu ba'o
 de yang cha bco lnga'i bdag nyid can nA da bco lnga'i sku ste/ de nyid kyi phyir A li'i gzugs so/ /de nyid bde ba chen po ste bde ba chen po'i ye shes dga' bral gyi dga' ba'o/ /de nyid rnal 'byor ma rnams te/ /de yi zhes pa byang chub kyi sems
 bdud rtsi khu ba'i cha shas su gyur pa ni cha'o/ /'dis ni cha shas rnams rdul phra rab kyi rang bzhin gyis cha bral ba nyid kyi phyir/ rang bzhin dbyer med pa'i rnal 'byor ldan pa nyid rnal 'byor ma rnams te/ de'i cha zhes pa bde ba chen po dang dbyer med pa
 bdud rtsi khu ba'i zhes pa'o/ /phyi rol gyi zla ba yang rtsa gnyis kyi bdag nyid cha bco lnga'i cha yi bdag nyid can no/ /de nyid kyi phyir bcu drug pa dA ri kar brjod pa ni cha med pa nA da'i rang bzhin no/ /de nyid kyi phyir kun gyi lhag ma bzhi pa'i rang bzhin lhan cig
 skyes pa'i gzugs can ma'o/ /de nyid kyi phyir 'bad pa dang rab tu 'bad pa nyid kyis spang zhing rab tu dor te/ rnam par spyad pha nyid kyis rnam par gnas par bya'o/ /rgyu ci'i slad du zhe na/ don gyi bya ba mi byed phyir/ /dmigs pa thams cad spang ba'i
 phyir zhes pa'i don no/ /zla ba byang chub sems kyang don gyi bya ba la bde ba chen po'i rang bzhin du sgrub par byed pa ni bco lnga'i cha yis bdag nyid can zhes rtogs nas rdo rje snying pos gsol pa/ gang pur cung zad nges mi spang/ rnal 'byor ma kun
 las byung ba/ /lhan cig skyes dga' i rang bzhin yang/ /mi zad zang pa'i gzugs can no/ /mi zad tshogs pa mkha' 'gro'o zhes kyang klog go /ga pur ni bdud rtsi'i khu ba'o/ /de ni cung zad kyang nges par mi spang zhing spang bar mi bya'o/ /gang
 gi phyir/ rnal 'byor ma kun las byung ba/ /gang gis rnal 'byor ma thams cad las byung ba de 'am gang gi phyir de rnal 'byor ma thams cad kyi byung ba'o/ /'dis rnal 'byor ma thams cad bsdud pa'i rang bzhin de ni byang chub kyi
 sems te/ byang chub kyi sems las kyang rnal 'byor ma thams cad do/ /gang gi sgra ni tshig phrang de tshig phrad rnams don du ma nyid kyi phyir slar yang gi don la'o/ /lhan cig skyes dga' i rang bzhin yang mi zad pa ste/ thim pa'i ngo
 bo nyid kyi phyir de nyid zad pa'i rang bzhin te spangs pa'i rang bzhin gyis kaM ye shes so/ /thim pa med pa'i phyir zad pa med ces pa'i don no/ /mi zad tshogs pa mkha' 'gro'o zhes pa 'di'i don yang brjod par bya ste/ gzugs
 med pas mi zad pa bdag med ma'i rang bzhin gyis rang bzhin med pa'o/ /tshogs pa zhes pa chen po ste kun rdzob kyi bden pa nyid kyis rdo rje 'chang gi rang bzhin no/ /mkha' 'gro zhes pa gnyis ka dbyer med pa ste/ mkha' rin dbang po nyi ma dang/
 'gro ba 'od dpag med zla ba/ gnyis ka dbyer med pa zhes pa'i don no/ /yang na gang/ mkha' 'gro zhes pa kha chos 'byung ngo/ der 'gro zhing rtog pa ste de dang dbyer med pa'i rang bzhin gyis zhes pa kha ga'o bcom ldan 'das kyis bka' stsal pa
 'di ni ji ltar khyod kyis smras pa de bzhin no/ /ji ltar brjod pa 'di nyid kho bo yang bzhed do/ /yang na gang e baM gyi rang bzhin 'di ni mi zad pa'i rang bzhin can zhes pa 'am/ mi zad tshogs pa mkha' 'gro'o zhes pa gang yin pa'o/ /rdo
 rje snying pos gsol pa/ thabs gang gis byang chub kyi sems bskyed par bgyi/ byang chub kyi sems zhes pa zla ba spangs pa ma yin pa'o/ /lhan cig skyes dga' i rang bzhin yang mi zad pa'i rang bzhin can spangs te/ de
 gnyis ka yang thabs gang gis bskyed par bgyi zhes pa skye ba'i rang bzhin gyis spangs pa kun rdzob dang/ de nyid kun rdzob ma yin pa'i rang bzhin gyis don dam pa'i bden pa nyid kyis/ bskyed par bgyi zhing yang dag
 bar shes bar gyi/ bcom ldan 'das kyis bka' stsal pa/ /dkyil 'khor 'khor lo thabs dang pos/ /rang byin brlabs pa'i rim pas kyang/ /sgrib med sgrib pa'i rang bzhin can/ /byang chub sems ni bskyed par bya/ /dkyil 'khor zhes
 pa lha 'byung ba'o/ /'khor lo zhes pa rnal 'byor ma rnams kyi bskyed pa dang gnas pa ste/ dkyil 'khor dang dbyer med pa ni 'khor lo'o/ /'khor lo dang dbyer med pa yang dkyil 'khor te/ gang gi phyir dkyil 'khor nyid 'khor lo dang/
 'khor lo nyid dkyil 'khor zhes pa dkyil 'khor 'khor lo ste/ de bzhin gshegs pa nyid mkha' 'gro ma rnams dang mkha' 'gro ma nyid de bzhin gshegs pa rnams te/ 'di nyid dang po gtso bo yin zhing thabs rgyu'o/ /
 des na rgyu dang 'bras bu gnyis kyis so/ /rang byin gyis brlabs pa ni rang byin brlabs pa'o/ /des rims kyis rtogs pa'i phyir rang byin brlabs pa'i rim pa ste/ /des na rang gi bdag nyid la bya ba 'gal ba'i phyir thams cad
 dmigs pa med pas zhes dgongs pa'o/ /'dis ni dkyil 'khor 'khor lo thabs dang pos bskyed par bya ste/ rdo rje pad+ma mnyam par sbyor bas lte ba'i dbus su son pa mi spang ba'o/ /rang byin gyis brlabs pa'i rim pas kyang spang pa ste/ khyab
 pa'i kho bo lhan cig skyes pa'i ye shes kyi rang bzhin zhes pa'i don no/ /de nyid kyi phyir sgrib med sgrib pa'i rang bzhin can/ /sgrib med ni sgrib pa dang bral ba ste don dam pa'i bden pa'o/ /de nyid kun rdzob ste/ sgrib pa ni sgrib pa dang ldan
 par kun rdzob kyi bden pa'o/ /e baM gyi gzugs kyi rang bzhin gyi ye shes bden pa gnyis dbyer med pa nyid de/ /mi zad pa'i rang bzhin mi zad pa yang dag pa'i ye shes bzhi pa lhan cig skyes pa zhes pa'i don no/ /gnyis ka'i rang bzhin
 nyid gsungs pa/ /kun rdzob kun de lta bu ste/ don dam bde ba'i gzugs can no/ /bud med ka kol bde ba can/ /e baM yi ge'i rang bzhin no/ /kun da lta bu zhes pa bdud rtsi khu ba'i rang bzhin spangs pa ma yin kun rdzob bo/ /
 bde ba'i gzugs can zhes pa lhan cig skyes pa'i dga' ba'i rang bzhin spangs ba'i don dam pa'o/ /'di dag kyang bud med kak+ko la zhes pa bud med kyi gzugs can kak+ko la ste/ bud med kyi gzugs dang kak+ko la chos
 'byung de la/ bud med kyi gzugs kak+ko la de nyid ji lta bu zhe na/ gsum pa na e baM yi ge'i rang bzhin no/ /de la gang gis chos 'byung de nyid shes rab dang thabs dbyer med pa zhes pa ste/ de nyid e baM yi ge'i rang bzhin bde ba can
 bzhir gyur pa'o/ /'di ji ltar zhe na/ gsungs pa/ bde ba bsrung ba nyid kyi phyir/ /bde ba can zhes bsgrags pa ste/ /su khu ba rdo rje 'chang dang khang chos 'byung bdag med ma ste/ /rdo rje 'chang dang dbyer med pa'i ye shes ni bde pa'o/ /
 de bsrung ba nyid kyi phyir g.yo ba med pa'i rang bzhin gyi rgyu nyid kyi phyir ro/ /bde ba can zhes bsgrags pa ste zhes pa sgra'i yul du byas pa dang/ cha dang bcas pa nyed cha dang bral zhes pa'i don no/ /sangs rgyas byang chub sems dpa' dang
 rdo rje 'dzin pa rnams kyi gnas/ /sangs rgyas thams cad shes pa nyid kyi lam la gnas pa rnams so/ /byang chub sems dpa' lam shes pa nyid kyi lam la gnas pa rnams so/ /rdo rje 'dzin pa rnam pa thams cad mkhyen pa nyid
 mngon par rdzogs pas byang chub par gnas pa rnams te/ gnyis su med pa nyid kyi phyir gcig gi tshig go /'di rnams kyi gzhi ni gnas so/ /de nyid kyi phyir e baM nyid 'khor ba ste/ mya ngan las 'das pa'i e baM nyid/ /'khor ba spangs
 nas gzhan du ni/ /mya ngan 'das pa rtogs mi 'gyur/ /e yig dang baM yig gi rang bzhin shes rab dang thabs dbyer med pa'i ye shes nyid ni 'khor ba kun rdzob kyi bden par te ma ning ngo/ /de bzhin du mya ngan las 'das pa don dam pa'i
 bden pa yang ngo/ /de nyid kyi phyir gnyis ka gnyis ka'i bdag nyid can nyid las/ /'khor ba las tha dad pa'i mya ngan las 'das pa rtogs par mi 'gyur te/ 'khor ba nyid mya ngan las 'das pa dang mya ngan las 'das pa nyid 'khor ba'o/ /
 'khor ba nyid gsungs pa/ 'khor ba gzugs dang sgra la sogs/ /'khor ba tshor ba la sogs pa/ /'khor ba dbang po rnams nyid de/ /'khor ba zhe sdang la sogs so/ /gzugs dang sgra la sogs zhes pa skye mched drug go /tshor ba la sogs
 zhes pa phung po lnga'o/ /dbang po rnams nyid de zhes pa mig la sogs pa'i skye mched rnams nyid do/ /zhe sdang la sogs so zhes pa nyon mongs pa ste/ /de rnams nyid 'khor ba'o/ /'di rnams chos ni mya ngan 'das/ /de nyid kyi phyir gzugs
 la sogs pa'i chos rnams ni mya ngan las 'das pa ste gzugs la sogs pa dang/ dbyer med pa'o/ /kun rdzob kyi bden pa dang don dam pa'i bden pa ma yin pa'o/ /'dis ni 'khor ba nyid bden pa gnyis kyi bdag nyid can te mya
 ngan las 'das pa yang ngo/ /'di nyid chos rnams so/ /rmongs phyir 'khor ba'i gzugs can te/ rmongs phyir zhes pa rang rig pa rtogs pa'i med pa'i gyi? gzung pa dang 'dzin pa'i mngon par zhen pa nyid kyis 'khor ba'i gzugs can to
 skye ba dang 'gag pa'i chos can no/ /rmongs med 'khor ba dag pa yis/ /'khor ba mya ngan 'das par 'gyur/ /'khor ba de nyid dag bas slar rmongs pa med pa rang rig pa'i rang bzhin mya ngan las i' das par 'gyur ro/ /de nyid kyi phyir/ rmongs
 med 'khor ba dag pa yi sa/ /'khor ba mya ngan las 'das par 'gyur zhes pa'o/ /de nyid kyi phyir/ byang chub sems ni sgrib med de/ /byang chub sems ni sgrib pa'o/ /sgrib med ces pa don dam bden pa ste/ de nyid byang chub sems zhes pa stong
 nyid snying rje dbyer med pa/ byang chub sems zhes dran pa'o/ /zhes pa'i gsung las kun rdzob kyi bden pa dang dbyer med pa'o/ /byang chub sems ni sgrib pa'o zhes pa bden pa gnyis dbyer med pa nyid kun rdzob kyi bden pa ste/ khu ba dang
 bde ba dag gnyis su med pa'i phyir ro/ /kun rdzob byang chub kyi sems kyi rim pa nyid gsungs pa/ shin tu bzhin bzangs mig yangs ma/ /gzugs dang lang tshos brgyan pa nyid/ /sngo bsangs brtan pa rigs ldan ma/ /sihla ga bur yang dag 'byung/ /rang gis
 dbang bskur kye rdo rjer/ /skra bzangs sgrub pa po la dga' / /de la chang yang btung bar bya/ /phyi nas phyag rgyar rjes chags bya/ /rang bzhin don ni rab sgrub phyir/ /bo la kak+ko lar bcug nas/ /kun du ru gyis brtul zhugs can/ /shin tu bzhin bzangs zhes ba
 bzhin mdzes pa'o/ /mig yangs ma zhes pa mig mdzes pa'o/ /gzugs dang lang tshos brgyan pa nyid ces pa gzugs dang ldan zhing mchod bzhon pa ji srid lo bcu drug lon pa'o/ /sngo bsangs zhes pa dmar ba dang dkar ba'i mdog go /brtan pa
 zhes pa gya gyu med pa'o/ /rigs ldan ma zhes pa de bzhin gshegs pa'i rigs rnam par dag pa'o/ /sihla ga pur yang dag 'byung zhes ba khu ba dang khrag 'phel ba'o/ /rang gis dbang bskur zhes pa rang nyid kyis dbang bskur ba'o/ /kye rdo rjer zhes
 pa kye'i rgyud du gsungs pa'i tshogs so/ /skra bzangs zhes pa nag po ma yin pa dang rgas pa spangs pa'o/ /sgrub pa po la dga' zhes pa sgrub pa po la rjes su chags pa'i rigs so/ /de la zhes pa 'dis lta ba ngan pa spong zhing 'dor ba'o/ /ji ltar gyur
 pa rnyed nas ci bya zhes na/ de la chang myos byed kyang btung bar bya'o/ /rang yang btung bya rang nyid kyang myos byed btung bar bya ste/ brtul zhugs can zhes pa byang chub kyi lam la gnas pa'o/ /phyi nas bar ma chad par phyag rgya de la rjes su chags par
 bya ste/ mnyam pa'i chags pa dang ldan par bya'o/ /ci'i don du zhe na/ rang gzhan don ni rab sgrub phyir/ /gnyis ka'i yang dngos grub kyi don du'o/ /rjes su chags pa nyid gsungs pa/ /bo la rdo rje kak+ko la pad+ma bcug nas kun rdzob? mnyam par sbyor ba kyis brtul zhugs can
 zhes pa bla ma'i nye bar bstan pa rtogs pa'i rim pa la mkhas pa'o/ /yang na kundu ru kha sbyor bya ste gnyis su med pa nyid bsgrub par bya'o/ /brtul zhugs can zhes pa zung du 'jug ba nges pa'o/ /zung du 'jug pa nyid ji ltar zhe na/ gsungs pa/ bo la kak+ko lar
 bcug nas chos 'byung gi rang bzhin rdo rje bsgrub te/ bdag med ma dang dbyer med pa rdo rje 'chang gi rang bzhin du zhugs pa zhes pa ji srid pa'o/ /ci'i don du zhe na/ rang gzhan don ni rab sgrub phyir/ /su khu ba dang a bdag med ma bde ba zhes pa swa'o/ /
 de'i phyir gzhan gnyis ka dbyer med pa'i phyir gnyis ka las 'das pa'o/ /de nyid don te don dam pa'o/ /der phul du byung ba mchog phyag rgya chen po dngos grub po/ /'di ni de'i don te phyag rgya chen po'i dngos grub kyi ched du zhes pa'o/ /'dis
 rgyas 'debs shing mtshon par byed pa'i phyir phyag rgya'o/ /de la chags par bya ste chags pa nyid 'od dpag med yin la/ /'od dpag med dang dbyer med pa'i phyag rgya chen po ni phyi nas zhes pa lhag ma ste/ bzhi pa'i rang bzhin las zhes pa'i
 don no/ /khyad par ci zhe na/ shin tu bzhin bzangs zhes pa longs spyod rdzogs pa'i sku'i rang bzhin no/ /mig yangs ma zhes pa chos kyi sku'i rang bzhin no/ /gzugs dang lang tshos rgyan pa nyid ces pa sprul pa'i sku'i rang bzhin no/ /sngo bsangs
 zhes pa shes rab dang thabs dbyer med pa'o/ /brtan pa zhes pa g.yo ba med pa'i rang bzhin gyis gnyis su med pa'o/ /rigs ldan ma zhes pa'i rigs lnga'i cha dang ldan pa'o/ /sihla ga pur yang dag 'byung zhes pa sihla nyi ma dang ga pur zla ba
 ste/ gnyis ka las yang dag 'byung ba'o/ /'byung ba ni rdo rje 'chang dam tshig gi dkyil 'khor ro/ /aM bdag med mas brgyan pa nyid kyis ye shes kyi dkyil 'khor ro/ dkyil 'khor gnyis dbyer med pa'i ye shes kyi rang bzhin no/ /de nyid kyi phyir rang gi
 dbang bskur rang bzhin nyid kyis dri ma med par gyur ba'o/ /gang du zhe na/ kye'i rdo rje gnyis su med par rtogs pa las 'das pa lhan cig skyes pa mngon par gsal ba kho na'o/ /de nyid kyi phyir sgra bzangs mdzes pa'i ye shes gsal ba dang ldan pa'o/ /
 sgrub pa po la dga' zhes pa rdo rje 'chang gi rang bzhin no/ /chang ni byang chub kyi sems te/ de la nyon mongs pa'i bag chags spong ba ni btung ba ste bsrung ba'o/ /rang yang bdag nyid kyang ngo/ /de nyid kyi phyir btung zhing bsdu bar bya'o/ /de nyid kyi phyir btul
 zhugs can spro ba dang sdud pa'i rang bzhin gyi ye shes dang ldan pa zhes pa'i don no/ /'dis ni brtan pa zhes pa gnyis su med pa'i phyir gcig gi rang bzhin te/ sngo bsangs zhes pa gnyis su med pa'i phyir ro/ /bzhin bzangs gzugs dang lang tshos brgyan pa
 nyid ces pa sku gsum gyi rang bzhin nyid kyis rnam pa gsum mo/ /rang gi dbang bskur kye'i rdo rjer zhes pa bzhi pa'i rang bzhin ni/ /rigs ldan ma zhes pa rigs lnga'i cha dang ldan pa nyid kyi ye shes lnga'i rang bzhin no/ /skra bzangs zhes pa ye shes gsal ba
 nyid kyis 'dod pa thams cad kyis rang bzhin no/ /sgrub pa po la dga' zhes pa drug pa rdo rje 'chang las 'das pa gnyis ka'i ye shes dang ldan pa'o/ /sihla la ga pur yang dag 'byung zhes pa/ dkyil 'khor gnyis dbyer med pa nyid kyis spro
 ba dang sdud pa'i rang bzhin no/ /de nyid kyi phyir de la chang yang btung bar bya/ /rang yang btung bya brtul zhugs can zhes pa bsdus pa'i don no/ /kundu ru'i sbyor ba la gang yin pa de gsungs pa/ /sbyor ba de la gang 'byung ba/ /ga pur mkhas pas
 mi spang ste/ /de phyir lag pas mi blang zhing/ /nya phyis dung chos dag tu min/ /nges par stobs ni 'phel ba'i phyir/ /mi 'chi lce yis blang bar bya/ /ga bur nyid ni bdag med ma/ /bde ba bdag med rang bzhin can/ /sbyor ba de la gang byung ba byang chub kyi sems
 kyang spang bar mi bya'o/ /de la lag pas mi blang zhing de'i phyir nya phyis dang dung chos dag gi gzhi la ma yin te/ de yang mi 'chi lce yis blang bar bya/ /nges par stobs ni 'phel ba'i phyir/ /nus pa 'phel ba'i phyir zhes pa'o/ /'di ji ltar zhe na/ gsungs
 pa/ gang gi phyir ga pur nyid ni bdag med ma/ /bde ba bdag med rang bzhin can/ /de'i phyir zhes pa'i don no/ /yang na/ sbyor ba de la zhes pa gnyis ka dbyer med pa la gad ba'i ga pur yang dag par skyes pa'i byang chub kyi sems mi spang ste/ spang
 bya'i ngo bor brtag par mi bya'o/ /mkhas pa ye shes dang ldan pa'o/ /de'i phyir lag pas mi blang zhing rdo rje 'chang dang dbyer med pa'i bdag med ye shes kyis blang bya'i ngo bor yang bsgrub par mi bya'o/ /gang du zhe na nya phyis su min te chos 'byung du
 ma yin no/ /dung chos su min te rdo rjer ma yin no/ /gnyis ka dbyer med pa'i ye shes nyid las spang bya dang blang bya dag med pa'i phyir ro/ /de nyid kyi phyir mi 'chi lce yis te/ blo yis blang bar bya zhing bden pa gnyis dbyer med pa rtogs pas nges par
 bya'o/ /ci'i don du zhe na/ stobs ni 'phel ba'i phyir te stobs bcu dang mi 'jigs pa la sogs pa'o/ /stobs ni zhes pa nye bar mtshon pa'o/ /'di nyid ji ltar zhe na/ gsungs pa/ ga pur 'di ni bdag med ma/ /rdo rje 'chang nyid bdag med ma'i rang
 bzhin can ye shes bde ba yang dag pa'i ye shes so/ /de yi bde ba phyag rgya che/ /gnas pa lte ba'i dkyil 'khor du/ /dang po'i dbyangs kyi rang bzhin te/ /blo zhes sangs rgyas rnams kyis brtags/ /de yis bde ba zhes pa yang dag pa'i ye shes
 de'i yongs su shes ba'o/ /ji ltar zhe na/ gsungs pa/ phyag rgya che/ 'di chen po dang phyag rgya lnga yin pa'i phyir phyag rgya chen po ste/ rnam pa thams cad mkhyen pa nyid mngon par rdzogs par byang chub pa'o/ /de yang gnas pa yang dag par g.yo
 ba med pa'i rang bzhin no/ /gang du zhe na/ lte ba'i dkyil 'khor du chu'i khams byang chub kyi sems la'o/ /dang po'i dbyangs kyi rang bzhin te/ de yang dbyangs dang po'i rang bzhin can no/ /de lta na yang ji lta bu yin zhe na/ de'i phyir gsungs ba/ blo zhes
 sangs rgyas rnams kyis brtags/ /rtogs pa'i ngo bos sangs rgyas me long lta bu la sogs pa ye shes lnga rnams kyi brtags te phul du byung bas yongs su bcad pa'o/ /de nyid ci zhe na/ gsungs pa/ de nyid bcom ldan shes rab ma/ /ji ltar
 zhe na/ rdzogs pa'i rim pa'i rnal 'byor las/ rnal 'byor zhes pa dbyer med pa'i phyir ro/ /rdzogs pa zhes pa grub pa nyid do/ /de nyid dang khyad par ci zhe na/ gsungs pa/ de ni ring min thung ba min/ /gru bzhi ma yin zlum po min/ /dri dang ro dang mya
 ngan las 'das/ /lhan cig skyes dga' byed pa mo/ /zhes pa/ de ni ring min thung ba ma ni/ /gru bzhi ma yin zlum po min zhes pa tshig bzhi po yang de dbyer med pa zhes gsungs pa'o/ /dri dang ro dang mya ngan las 'das zhes pa rdo rje gsum
 dbyer med pa yang de nyid zhes pa'o/ /de nyid kyi phyir lhan cig skyes dga' byed pa mo/ /ka kA li/ a A li'o/ /ra gnyis ka 'dor ba'i phyir kA ra'o/ /de 'di la yod pa'i phyir lhan cig skyes dga' byed pa mo/ /de nyid la sku gsum mo zhes
 gsungs pa/ de la skye 'gyur rnal 'byor pa/ /de yi bde ba za ba ste/ de dang lhan cig 'grub par 'gyur/ /phyag rgya chen po bde ba sbyin/ /'di la rnal 'byor yod pa'i phyir rnal 'byor pa bdag med ma dang dbyer med pa'i rdo rje 'chang ngo/ /de ni
 bzhi'i rang bzhin bdag med ma de? la skye 'gyur ye shes mchog thob par 'gyur te/ de nyid kyi phyir rnal 'byor pa'o/ /bdag med ma de yi bde ba ye shes za ba ste/ de la yang rnam par gnas bar byed do/ /de long spyod pa nyid las zhes pa'i don no/ /de dang lhan
 tshigs grub par 'gyur zhes pa de'i mtshan nyid dang bral ba'i grub pa med pa'i phyir zhes pa'i don no/ /skye ba las sprul pa'i sku'o/ /za ba las longs spyod rdzogs pa'i sku'o/ /de dang lhan cig 'grub pas chos kyi sku'o zhes pa sku gsum gyi bdag nyid
 can kho na bcom ldan 'das zhes pa ste/ phyag rgya chen po bde ba sbyin zhes pa bsdus pa'i don no/ /de nyid kyi phyir/ gzugs sgra de bzhin dri dang ni/ /ro dang de bzhin reg bya nyid/ /chos kyi dbyings kyi rang bzhin yang/ /shes rab nyid kyis longs spyod bya/ /
 de bzhin du thams cad yang dag pa'i ye shes kyi rang bzhin me long lta bu la sogs pa ye shes lnga nyid do/ /gang gi phyir shes rab nyid kyi phul du byung ba'i ye shes nyid do/ /de nyid kyi phyir longs spyad par bya ste/ ji ltar mngon par shes pa rnams kyi rnam par
 gnas par bya'o/ /'di ji ltar zhe na/ de'i phyir gsungs pa/ de nyid lhan cig skyes pa'i gzugs/ /bde chen lha yi rnal 'byor ma/ /de nyid dkyil 'khor 'khor lo dang/ /ye shes lnga yi rang bzhin can/ /lhan cig skyes pa'i gzugs zhes pa 'dis
 shes rab dang thabs dbyer med pa nyid do/ /bde chen zhes pa 'di yang dag pa'i ye shes nye bar bstan to/ /lha'i rnal 'byor ma zhes pa 'dis spro ba dang sdud pa'i rang bzhin nyid nye bar bstan to/ /'dis ye shes kyi rang bzhin gnyis dang gnyis su
 med pa'o/ /mngon par shes pa lnga'i yon tan 'byung ba'i mtshan nyid lnga gsungs pa/ de ni me long ye shes gzugs/ /mnyam nyid ye shes dngos po can/ /yang dag gyur pa so sor rtog /bya ba grub pa nyid kyang ste/ /chos dbyings shin tu rnam dag ma/ /de nyid dkyil 'khor
 bdag po nga/ /de nyid bdag med rnal 'byor ma/ /chos kyi dbyings kyi rang bzhin can/ /me long ye shes gzugs zhes pa 'dis sprul pa'i sku nyid do/ /mnyam nyid ye shes dngos po can zhes pa 'dis longs spyod rdzogs pa'i sku nyid do/ /yang dag gyur
 pa so sor rtogs ces pa 'dis chos kyi sku nyid do/ /bya ba grub pa nyid kyang ste zhes pa 'dis lhan cig skyes pa'i ye shes sku gsum dbyer med pa nyid do/ /de nyid kyi phyir/ chos dbyings shin tu rnam dag ma zhes pa de de bzhin nyid kyi rnam par dag
 pa ste/ de nyid lhan cig skyes pa'i ye shes so/ /de nyid dkyil 'khor bdag po nga/ zhes pa 'dis a yig dang haM yig nA dA gnyis dbyer med pa rdo rje 'chang gi ye shes nyid do/ /de nyid bdag med rnal 'byor ma/ chos kyi dbyings kyi rang bzhin can
 zhes pa 'dis bdag med rnal 'byor ma'i rang bzhin kho na rdo rje 'chang gi ye shes zhes pa'o/ /rdo rje snying pos gsol ba/ 'khor lo bsgom pa'i lam dang ni/ /lha rnams ji ltar 'byung ba dang/ /bcom ldan 'das kyis sngar gsungs na/ /sdom pa bdag
 la bshad du gsol/ /'khor lo zhes pa bdag med ma'i dkyil 'khor ro/ /sgom pa'i lam de nyid zung du 'jug pa'o/ /lha rnams ji ltar 'byung ba dag ces pa yang dag pa'i tshul gyis ting nge 'dzin gyis ye shes te/ bcom ldan 'das kyis sngar gsungs
 so/ /yang na gang/ 'khor lo zhes pa rdo rje rigs kyi le 'ur gsungs pa'i rtsa ba'i 'khor lo'i rim pas sprul pa'i sku'o/ /sgom pa'i lam zhes pa'i sngags kyi le'u gsungs pa'i A li kA li nA di phreng ba gnyis dbyer med pa longs spyod
 rdzogs pa'i sku'o/ /lha rnams ji ltar 'byung ba bdag ces lha'i le'ur gsungs pa'i zhal dang phyag dang/ kha dog dang/ dbyibs dbyer med pa chos kyi sku'o/ /'dis ni sku gsum gsungs pa'o/ /'di'i sdom pa sdud pa bshad du gsol/
 zhes zhus pa'o/ /de la bcom ldan 'das kyis bka' stsal pa/ rnal 'byor ma lus dbus gnas pa/ /aM yig sdom pa gnas pa ste/ /ji ltar phyi rol de bzhin nang/ /sdom pa de ni rab tu gsal/ /aM yig gang yang dag pa mchog bla ma ste/ de yang de bzhin gyi ngo bo nyid la
 gnas pa g.yo ba med pa'o/ /de yang rnal 'byor ma ni 'di la rnal 'byor 'dus pa yod pa'i phyir rnal 'byor ma ste/ rang bzhin rnal 'byor dang ldan pa nyid do/ /zhes pa'i don no/ /rgyu de'i phyir chos 'byung ste/ de'i dbus gnas pa ni de nyid gru gsum zhes pa'i don no/ /de
 nyid kyi phyi rol sku gsung thugs/ de bzhin du nang yang ste/ de ni rab tu gsal ba nyid do/ /zhes pa'o/ /de nyid gsungs pa/ po la bde ba phyag rgya che/ /rdo rje skye mched thabs yin te/ /gsal ba'i snyoms par 'jug pa 'dis/ /phyi rol gnyis gnyis bstan pa med/ /
 bo la bde ba zhes pa gang zhig mi phyed pa'i ye shes te/ de ni phyag rgya chen po'o/ /rdo rje skye mched ces pa rdo rje skye mched de/ /ye shes 'byung ba'i rgyur gyur pa'o/ de nyid thabs yin te thabs ni ye shes so gsang ba'i snyoms par 'jug pa 'dis zhes pa rdo rje pad+ma dang/
 dbyer med pa nyid rdo rje'o/ /pad+ma rdo rje dang dbyer med pa nyid pad+ma ste/ gsang ba'i snyoms par 'jug pa mnyam par sbyor ba'o/ /rgyu des na phyi rol gnyis gnyis phyi rol gyi zung bstan pa med do/ /de nyid kyi phyir ji ltar phyi rol de bzhin nang zhes pa'o/ /nang nyid
 gsungs pa/ sku gsum lus kyi nang du ni/ /'khor lo'i gzugs kyis brjod par bya zhes pa nang ste/ lus kyi nang du sku gsum po nyid 'khor lo'i gzugs kyis brjod par bya'o/ /sku gsum yongs su shes pa ni bde ba chen po'i 'khor lor 'dod/ /sprul
 pa dang chos dang longs spyod rdzogs pa ste/ sku gsum po gang zhig yongs su shes pa ni bde ba chen po'i 'khor lo yang dag pa'i ye shes de nyid de/ 'dod pa ces rtogs pa'i rang bzhin no/ /sku nyid 'khor lo ste sku'i 'khor lo'o/ /de nyid bde ba chen po
 zhes pa sku gsum gyis bdag nyid can gyi sku nyid ces pa'o/ sku gsum gyi bdag nyid can gyi 'khor lo nyid gsungs pa/ sprul pa chos dang longs spyod de/ /de bzhin bde ba chen po nyid/ /skye gnas snying mgrin pad+ma la/ /sku gsum po yi rnam par gnas//
 sprul pa'i sku gsungs pa/ ma lus pa yi sems can gyi/ /gang du skye ba rab brjod pa/ /de la sprul pa'i sku yin te/ gang phyir sprul pa gnas brtan no/ /ma lus pa'i zhes pa 'gro ba sna tshogs par gtogs pa rnams so/ /sems can gyis zhes pa srid pa gsum du gnas pa
 rnams kyi gong du skye ba der de sprul pa'i sku yin te/ ji ltar zhe na/ gsungs pa/ gang phyir sprul pa gnas brtan no/ /gang phyir brtan pa'i ngang tshul lo/ /de nyid kyi phyir skye ba brtags pa'i skye ba'i don nyid gsungs pa/ 'dis ni bskyed cing sprul pa'i phyir sku ni sprul
 par 'gyur par 'dod/ /'di ni zhes pa skye gnas kyi sprul par gyur pa/ zhes pa zhal dang phyag dang rnam pa la sogs pa'i rang bzhin no/ /chos kyi sku gsungs pa chos ni sems kyi rang bzhin te/ chos kyi sku yang snying khar 'gyur/ /longs spyod rdzogs pa'i sku gsungs
 pa ro rnams drug ni gzugs can gyi/ /bza' ba nges pa longs spyod brjod/ /mgrin par longs spyod 'khor lo ste/ /drug gi zhes pa kha ba la sogs pa'i rang bzhin yongs su gyur pa rdo rje sems dpa' dang lhan cig de bzhin gshegs pa lnga rnams kyi bza' ba longs spyod
 pa A li kA li nA dI phreng ba gnyis kyi bdag nyid can gyi nA da yongs su gyur nas nA da'i phreng ba gnyis kyang mgrin pa nyid ces pa longs spyod rdzogs pa'i sku'o/ /spyi bor bde ba chen po gnas zhes pa sku gsum yongs su shes pa gang yin pa de ni 'khor lo ste/ de
 nyid bde ba chen por 'dod ces gsungs so/ /de yang spyi bor gnas zhes pa brtan pa g.yo ba med pa'i rang bzhin no/ /'dis ni sku gsum dbyer med pa nyid bde ba chen po'i ye shes zhes pa'o/ /sku gsum gyi bdag nyid can 'khor gsum gyi ni skye gnas dang
 snying kha dang mgrin pa'i rang bzhin nyid de bde ba chen po'i 'khor lo ni/ spyi bor bde ba chen po gnas zhes pa'o/ /sku gsum 'phel ba'i mtshan nyid kyi sprul pa'o /ka dang a ni kA ste/ A li kA li nA da'i phreng ba gnyis so/ /'di gnyis ka'i bdag nyid can
 a ya ye shes ste longs spyod rdzogs pa'i sku'o/ /kaM bde ba ste a ka'i A yA sku'o/ /bde ba yang dag par rig pa ni/ chos kyi sku'o/ /e baM yi ger rgyu mthun te/ /rnam smin chos kyi 'khor lo'o/ /skyes bu'i byed pa longs spyod la/ /bde ba 'khor lor dri ma med/ /rgyu 'thun
 sogs pas rnam phye ba/ /'bras bu rnam pa bzhi ru brjod/ /sku gsum yongs su shes pa gang yin pa de ni chos thams cad yongs su shes pa ste/ de yang sprul pa la sogs pa 'khor lo bzhi'i rang bzhin no/ /de yang rnam pa sna tshogs la sogs pa bzhi dang dbyer med
 pa dga' ba bzhi ste/ de yang rgyu 'thun la sogs pa'i 'bras bu bzhi'o/ /e baM yi ger rgyu 'thun te/ /zhes pa shes rab dang thabs dbyer med pa nyid rnam pa sna tshogs pa'i skad cig bzhi'i dang po'i dga' ba ni rgyu 'thun zhes pa ste/ /chos thams cad ro gcig
 pa'i rang bzhin sprul pa'i 'khor lo'o/ /rnam smin chos kyi 'khor lo'o zhes khyad par du smin pa ni rnam smin te/ de las gong ma'i gnas skabs mchog dga' o/ /skyes bu'i byed pa longs spyod la zhes pa yang dag par spyod cing yang dag nyams su myong ba bde
 ba dang chags pa ro gcig pa nyid ni longs spyod de/ de la skyes bu'i byed pa zhes pa skyes bus bsgrubs pa dbang po dang yul gyi dga' ba bzhi pa ro gcig pa'i rang bzhin gyi sku tsam rnam par nyed pa'i skad cig dang dbyer med pa dga' bral gyi
 dga' ba'o/ /de ni longs spyod rdzogs pa'i 'khor lo ste/ nA da'i phreng ba gnyis dbyer med pa'i phyir ro/ /bde ba'i 'khor lor dri ma med ces pa dri ma ni 'dod chags la sogs pa'o/ /gang la de rnams dang bral ba de ni dri ma dang bral ba ste/ de'i dngos po ni dri ma med pa sgrib pa
 thams cad spangs pa sku gsum gyi mtshan nyid lhan cig skyes pa'i ye shes so/ /de ni bde ba'i 'khor lo ste/ bde ba chags par dang bral ba'i ye shes la bde ba chen po'i 'khor lo zhes pa'i don no/ /rgyu 'thun la sogs pa'i don nyid gsungs
 pa las spyod bcom ldan shes rab ma/ /las kyi rlung gis bskul ba nyid/ /ji ltar byas pa de bzhin spyod rgyu 'thun zhes par bsgrags pa yin/ /rnam bar smin pa de las zlog/ /las chung 'bras bu che ba'o/ /rnal 'byor dag pa dri med 'bras/ /skyes bu'i
 byed pa bsgrubs ba'o/ /shes rab nyid kyi longs spyod bya/ /zhes pa mdor bstan pa 'di rgyas bar bshad pa ste/ bcom ldan 'das shes rab ma gang yin pa de ni las spyod longs spyod pa'o/ /'di ji ltar zhe na/ gsungs pa/ las kyi rlung gis bskul ba nyid las
 ni rlung ste/ des bskul zhing bskyod pa nyid do/ /longs spyod pa nyid ji ltar zhe na/ gsungs ba/ ji ltar byas pa de nyid spyod las nyid longs spyod do zhes pa ste/ de nyid rgyu 'thun zhes bar bsgrags pa yin/ /rnam pa sna tshogs la sogs pa rgyu dang 'bras bu'i rang bzhin
 ni rgyu 'thun zhes pa sprul pa'i sku'o/ /rnam par smin pa de las bzlog ces pa las chung ba nyung zad la gang zhig 'bras bu chen po ste/ rnam pa sna tshogs kyi mtshan nyid rdzogs pa ni las chung pa'o/ /de nyid 'bras bu chen po ni chos kyi sku'o/ /rnal 'byor dang/
 ba dri med 'bras zhes pa rnal 'byor ni 'dus ba ste/ A li kA li nA da'i phreng ba gnyis dbyer med pa'o/ /de nyid khyad par du dag pa ste de nyid 'bras bu'o/ /gang zhe na/ dri ma med pa nyid ni longs spyod rdzogs pa'i sku'o/ /'di ni sku gsum ste sku gsum dbyer med pa
 nying mngon par gsal bar byed pa skyes bu'i byed pa bsgrub pa'o/ /skyes bu las byung ba ni skyes bu'i byed pa'o/ /de ni bsgrubs pa ste rang rgyud nyid kyis thams cad grub pa'i phyir/ rang rig pa nyid sku gsum dbyer med pa'o/ /sku gsum po 'di nyid rang rig pa ste//
 gnyis ka dbyer med pa'i phyir la/ /de nyid bcom ldan 'das ma ste/ rnam pa thams cad mchog dang ldan pa stong pa nyid kyi rang bzhin yin pa'i phyir yang dag par rdzogs pa'i byang chub kyi lam ston pa'i ngo bo nyid kyi sku'o/ /sku'i sgra'i don gsungs pa/ sprul pa'i
 'khor lo'o gnas brtan pa/ /gang phyir sprul par gnas brtan no/ /thams cad yongs su chos 'khor lor/ /chos ni smra ba yang dag 'byung/ /longs spyod 'khor lor kun bkur te/ /gang phyir mgrin par kun rig byed/ /bde ba'i 'khor lor dge 'dun
 che/ /gang phyir bde chen mgor gnas te/ /sde pa zhes bya ba sku ru brjod/ /sde pa bzhi po 'di nyid ni ma ning ste/ sde pa zhes bya sku ru brjod ces pa'o/ /sprul pa'i 'khor lor gnas brtan pa/ /sprul pa'i 'khor lo la sprul pa'i 'khor lo nyid ces pa 'di ji ltar zhe na/
 gsungs pa/ gang phyir sprul pa gnas brtan no/ /gang gi phyir shin tu brtan pa g.yo ba med pa'i rang bzhin gti mug rdo rje'i ngo bo snang ba bsal ba'o/ /thams cad yod smra'i sde pa chos kyi 'khor lor chos kyi 'khor lo la ste/ chos kyi 'khor lo nyid ces pa
 ji ltar zhe na/ gsungs pa/ gang gi phyir chos ni smra ba yang dag 'byung/ /mngon par brjod pa'i yul zhe sdang rdo rje'o/ /kun gyis bkur ba'i sde pa ni/ /longs spyod 'khor lor kun bkur te/ /zhes pa longs spyod 'khor lo nyid do/
 'di ji ltar zhe na/ gsungs pa/ mgrin par kun rig byed yang dag pa'i rang bzhin 'dod chags rdo rje'o/ /dge 'dun phal chen po'i sde pa ni bde ba chen po'i 'khor lo nyid do/ /ji ltar zhe na/ gsungs pa/ gang phyir bde chen mgor gnas te/ /g.yo
 ba med pa'i rang bzhin no/ /dge 'dun ni tshogs pa ste 'di chen po dang dge 'dun yang yin pa'i phyir dge 'dun phal chen te/ tshogs pa chen po dang 'dus pa chen po'o/ /phung po dang khams dang skye mched la sogs pa te/ de 'di la la yod pa'i phyir ro/ /de yang bde ba chen po
 nyid de ngo bo nyid kyi sku'o/ /yang dag par rdzogs pa'i byang chub kyi ye shes sku gsum yongs su rdzogs pa'o/ /sde pa ni ma lus pa'i 'phel ba'i rang bzhin gyi sku ma ning ste/ /sngar brjod pa'i don no/ /sde pa bzhi'i gnas
 gsungs pa lte ba gnas su brjod par bya/ zhes pa lte ba chos 'byung gi nang ste/ de ni gnas gtsug lag khang dang brtan pa zhes brjod do/ /sde pa bzhi po nyid gsungs pa/ skye gnas su ni chags bral gyur/ /skye gnas b+ha ga chos 'byung du
 chags bral chags pa dang bral ba'i rang bzhin lhan cig skyes pa'o/ /chags bral rnams kyi na bza' gsungs pa/ khru ma'i dra ba chos gos te khru ma ni gang zhig btums shing g.yogs pa ste rab tu grags so/ /de btums
 nas gnas pa'i phyir de ni dra ba chos gos zhes pa'o/ /dra ba ni sgrib ba nyid de sgrib pa nyid sgrib pa med pa zhes pa'i don no/ /mkhan po gsungs pa/ de bzhin skyed byed mkhan ma'o/ /skyed byed ni ma ste de nyid mkhan mo 'o/ /de ni bde
 ba'i ye shes nyid de gang gi phyir de shes pa'o/ /mgo bor thal mo sbyar ba phyag /mngal na gnas pa'i gnas skabs na lag pa gnyis mgor thal mo sbyar nas gnas pa'o/ /gang gi phyir lnga pa gnyis dbyer med pa nyid sbyar ba
 ste/ mgo bo bde ba chen po'i 'khor lor phyag /khams gsum pa mngon par brjod pa'o/ /bslab pa'i gnas gsungs pa/ 'gro ba'i bya ba bslab pa'i gnas zhes pa mtshan mar 'dzin pa ma lus pa ni bslab pa'i gnas
 so/ /yang na gang/ bslab pa'i gnas zhes pa rig pa nye bar len pa'i ye shes te/ de ni 'gro ba'i bya ba zhes pa rdo rje gsum mi phyed pa'i ye shes so/ /sngags kyi bzlas pa gsungs pa/ sngags bzlas a hoM de bzhin te/ yid
 skyob par byed pa'i sngags te/ A li kA li nA da'i phreng ba gnyis so/ /de nyid bzlas pa ste tshig gi mtshan ma'o/ /de ni a hoM ngar 'dzin pa'o/ /yang na/ a yig dang hoM yig gi rang bzhin zhes pa ste/ de bzhin zhes pa ji ltar 'gro ba'i bya ba
 de bzhin du nga dang/ ji lta ba de bzhin du 'gro ba'i bya ba zhes pa ste/ skye gnas 'khor lo'i a yig dang/ /bde ba chen po haM yig go /gang zhig skye gnas 'khor lo'i a yig ma ning de ni bde chen 'khor lo'i hoM yig go /gang zhig bde
 chen 'khor lo'i hoM yig de ni skye gnas 'khor lo'i a yig ge /'dis ni gnyis ka sbyar ba las sngags bzlas a hoM zhes pa sgra'i rang bzhin te/ sgra ni cha dang bral ba'i cha'o/ /skyes pa dge slong sngags 'don pa/ /gcer bu skra dang kha sbu
 bregs/ /shes pa don go sla pa nyid do/ /yang na skyes pa zhes ba rdzogs pa skye ba spangs pa ste gdod ma nas ma skyes ba nyid kyi phyir zhes pa'i don no/ /dge slong ni sangs rgyas te sprul pa'i sku'i rang bzhin no/ /sngags 'don pa zhes pa longs spyod rdzogs
 pa'i sku'i rang bzhin no/ /gcer bu zhes pa 'dis bcom ldan 'das de yang sgrib pa med pa'i mdza' chos kyi sku'i rang bzhin no/ /skra dang kha spu bregs zhes pa rtag tu byis pa'i rang bzhin nyid de/ lhun gyis grub pas sangs rgyas su byas
 nas 'jug pa nyid kyi phyir zhes dgongs pa'o/ /'di rnams rkyen gyis sems can rnams/ /sangs rgyas nyid du the tshom med/ /don rab tu gsal ba nyid do/ /yang na gang/ 'di rnams rkyen gyis sems can sku gsung thugs rnams
 sangs rgyas nyid du the tshom med/ /zla ba bcu yang sa rnams te/ /sems can sa bcu'i dbang phyug go/ sems can rnams kyi sa bcu ni gnas bcu rnams te lnga pa gnyis so/ /de rnams kyang zla ba ste bgrang ba dang bral ba mdza' 
 yas pa'i rigs nyid kyi phyir zhes dgongs pa'o/ /de nyid kyi phyir sa bcu'i dbang phyug gnas bcu'i bdag po ste/ sku gsum po nyid ye shes lnga zhes pa'i don no/ /de nas rnal 'byor ma bdag med ma la sogs pa lha
 mo thams cad la 'di lta ste/ spyan ma dang/ mA ma kI dang/ gos dkar mo dang/ sgrol ma dang/ khro gnyer can dang/ tsun dA nA dang/ par+Na ri khrod ma dang/ 'og zhal ma dang/ de dag la sogs pa ri rab kyi rdul phra rab dang mnyam pa'i
 rnal 'byor ma rnams tshig 'di dag thos na mchog tu ngo mtshar bar gyur te/ brgyal ba dang/ skrag pa dang/ sa la 'gyel ba dang/ 'dar bar gyur to/ /de nas zhes pa bar ma chad par bdag med ma la sogs pa 'og zhal ma'i
 bar thams cad ni rnal 'byor ma dgu po rnams so/ /de dag la sogs pa ri rab kyi rdul phra rab dang mnyam pa rnams tshig 'di dag brjod pa thos nas rna ba'i dbang pos rtogs te 'dar bar gyur cing/ skrag pa dang/ /
 brgyal ba dang/ sa la 'gyel bar gyur to/ /'dis ni byin gyis brlabs pa bstan te/ dkyil 'khor ba'i rnal 'byor ma rnams kyi yang gnyis su med pa las zhu bar gyur pa bstan to/ /rdo rje can gyis lha mo de rnams thams
 cad gzigs nas slar bslang ba'i phyir yang dag par bstod pa/ rdo rje can ni rdo rje 'chang ste mi phyed pa'i ye shes so/ /yang dag par bstod pa'i sgras bskul bar mdzad de/ slar bslang ba'i phyir spro ba'i don du'o/ /lha mo de
 rnams thams cad ces pa de rnams shes rab ste/ thabs kyi rang bzhin nyid kyi phyir skyes pa'i rtags kyis bstan to/ /bstod pa nyid gsungs pa/ sa dang chu rlung byin za yi/ /lha mo sring mo khyed rnams ni/ /gang zhig sus kyang
 mi shes pa/ /spros pa de nyid mnyan par byos zhes pa mnyan par byos te/ mtshan mar 'dzin pa med par mnyan par byos zhes pa'o/ /ci zhig ces dogs pa'i lan du spro ba'i de nyid de /gang zhig spros pa yang de kho na'o/ /gang zhig sus
 kyang gang gis kyang mi shes pa spros pa gang yin pa sus kyang mi shes pa spros pa gang yin pa sus kyang mi shes shing ma rtogs pa ste/ rten dang brten pa nyid kyis rnam par gnas pa'i phyir zhes dgongs pa'o/ /bcom ldan 'das kyi
 gsung rmi lam lta bu thos nas de rnams thams cad srog rnyed par gyur to/ /bcom ldan 'das sku gsum gcig pa'i gsung thos nas/ ji lta bu zhe na/ rmi lam lta bu ste/ rmi lam dang 'dra bar bden pa ma yin brdzun pa ma yin pa'o/ /
 de rnams thams cad srog rnyed par gyur to zhes pa srog rnyed pa ni mtshan ma med pa nyid mtshan ma'i rang bzhin rtogs par gyur pa ste/ chos kyi sku nyid longs spyod rdzogs pa'i sku'o zhes sku gnyis po gnyis su med par khong du chud pa'o//
 sku gnyis po de yang sprul pa'i sku dang dbyer med par bstan pa'i phyir bcom ldan 'das kyis bka' stsal pa/ sems can sangs rgyas nyid yin te/ /'on kyang blo bur dri mas bsgribs/ /de bsal ba las sangs rgyas sogs/ /sems can zhes pa
 srid pa gsum na gnas pa ste sprul pa'i sku dang dbyer med pa sku gnyis kyi rang bzhin sangs rgyas nyid do/ /gal te 'di rnams la sangs rgyas kyi yon tan med pa'i phyir/ de ji ltar zhe na/ gsungs pa/ 'on kyang blo bur dri mas bsgribs/ /blo bur
 gyi sgras rjes su 'brel pa med pa'o/ /de ltar gyur pa'i dri ma ni dri ma lta bu ste/ gzung ba'i mngon par zhen pa phung po lnga rnams so/ /des sgrib pa ni bsgribs par gyur pa ste/ sems can rnams kyang rang bzhin gyis dag pa'o/ /gang zhig 'phags pas gsungs pa
 dri med zla ba nyi ma dag /ji ltar sgra gcan kha dang sprin/ /na bun rdul dang du ba sogs/ /dri ma lnga po rnams kyis bsgribs zhes pa'o/ /de bsal ba las zhes pa gzung ba'i mngon par zhen pa yongs su spangs pa las sangs rgyas so zhes
 gsungs pa na/ mkha' 'gro ma rnams kyi 'thad par gsungs pa/ bcom ldan 'das de de bzhin te bden zhing brdzun pa med do/ /gang zhig bcom ldan 'das kyis gsungs pa 'di ni bden pa ste/ de ni brdzun pa med do/ /bcom ldan 'das kyis bka' 
 stsal pa/ dpe yis sems can sangs rgyas su bden pa nyid gsungs pa/ gang zhig mi shes 'jig rten pa/ /btsan dug zos nas brgyal bar 'gyur/ /rmongs spangs de nyid rtogs pa yis/ /de yi skyon ni gcod par byed/ /de bzhin zhi ba'i thabs shes pa//
 kye yi rdo rjer ngal bsos pa/ /ma rig sogs pas mi 'dzin cing/ /gti mug la sogs 'ching bas min/ /brgyal bar 'gyur te/ sems med par 'gyur ro/ /ji ltar zhe na/ btsan dug zos na zhes pa dug zos pa na'o/ /de su zhe na/ 'jig rten pa ste/ khyad par ci zhe na gang zhig
 mi shes pa dug gi de nyid mi shes pa'o/ /gang yang de nyid rtogs pa dug gi de kho na rtogs pa ste/ de ni rmongs spangs/ smongs pa spangs par gyur pa'o/ /de nyid kyi phyir de'i skyon ni gcod par byed de/ de'i skyon gcod pa ni de brgyal bar mi 'gyur ro/ /dpe brjod nas dper bya  
 bar gsungs pa/ de bzhin zhi ba'i thabs shes pa/ de bzhin du gang zhig mya ngan las 'das pa'i thabs rigs pa de rnams kyang 'dzin par mi 'gyur ro/ /gang gis shes na/ ma rig sogs pa ste/ de rnams ma rig pas 'ching bar mi 'gyur ro
 yang gang zhig kye rdo rjer ngal bsos pa de rnams kyang gti mug la sogs pa'i 'ching ba rnams kyis 'dzin par 'gyur pa min te mi 'dzin pa nyid do zhes pa'i don to/ /yang na gang/ de bzhin zhi ba thabs shes pa ji ltar zhe na
 gang gi phyir kye rdo rjer ngal bsos pa spro ba'i rang bzhin nyid las mang po'i tshig ste/ /spros pa'i de nyid ces pa'o/ /de rnams 'dzin par mi 'gyur ro/ /gang gis she na/ gti mug la sogs pa'i 'ching bas te ma rig pa la sogs pa rnams kyis so/ /ji lta bus she na/ ma rig pa nyid la sogs pa gang gi dang po
 thog mar gyur pa de rnams kyis te ma rig pa'i rkyen gyis 'du byed thams cad ces pa'i gsungs las so/ /sems can sangs rgyas nyid yin te zhes pa'i rkyen gsungs pa/ rang dang rang gi rtogs pa las/ /sangs rgyas ma yin sems can ni/ /gcig kyang
 yod pa ma yin no/ /dmyal ba yi dags dud 'gro dang/ /lha dang lha min mi rnams dang/ /bshad pa'i srin bu la sogs rnams/ /rtag tu rang bzhin bde ba can/ /lha dang lha ma yin gyi yang/ /bde ba gang phyir mi shes pa/ /'jig rten khams ni gang du yang//
 sangs rgyas gzhan du rnyed mi 'gyur/ /sems ni rdzogs pa'i sangs rgyas nyid/ /sangs rgyas gzhan du bstan pa med/ /sangs rgyas ma yin pa'i sems can ni gcig yang med de/ thams cad sangs rgyas nyid do/ /ji ltar zhe na/ rtogs pa las te/ gang gi
 zhe na/ rang dang rang gi zhes pa bdag dang bdag gi'o/ /dmyal ba la sogs par rtogs pa'i sems can rnams kyang rtag tu thog ma dang tha ma med par bde ba can nyid de/ rang bzhin zhes pa rang gi ngo bo las te rang gi bde ba la zhes dgongs pa'o/ /'di ji
 ltar zhe na/ gsungs pa/ gang gi phyir dmyal ba la sogs pa'i sems can de rnams ni/ lha ma yin rnams kyi bdag mi shes te/ rang gi bde ba rtog las thams cad sangs rgyas nyid do/ /de nyid kyi phyir/ 'jig rten gyi khams gang du yang srog chags rnams
 las gzhan du sangs rgyas rnyed par mi 'gyur zhing thob par mi 'gyur ro/ /de lta mod kyi bdag gi phyir sems ni rdzogs pa'i sangs rgyas nyid de/ sems las gzhan du sangs rgyas bstan pa med/ chos thams cad sems kyi lus nyid kyi phyir dmyal ba la sogs
 pa thams cad kyang rang gi sems kyi lus nyid do/ /de'i phyir sangs rgyas nyid do/ /sems nyid rdzogs pa'i sangs rgyas zhes pa ji ltar shes par bya zhe na/ gsungs pa/ gdol pa smyig ma mkhan la sogs/ /gsod don don du sems pa po/ /de
 yang kye rdo rje zhes nas/ /'grub 'gyur 'di la the tshom med/ /gdol pa ni drag po'i las byed pa'o/ /smyig ma mkhan ni mnga' mkhan no/ /khyad par ci zhe na/ gsod pa'i don gyis dgos pa'i don sems par byed pa'i phyir sems pa po ste rtag tu srog
 chags gsod pa la dga' ba nyid kyi phyir ro/ /de rnams kyi sangs rgyas nyid shin tu ring ngo/ /de rnams kyang 'grub 'gyur 'di la the tshom med/ /ji ltar zhe na/ kye rdo rje shes nas chos thams cad kyang sems kyi lus su gcig pa rtogs par gyur
 na'o/ /'on kyang blo bur dri mas bsgribs zhes mdor bstan pa'i don du gsungs pa/ byis pa mi shes pas bgribs pa/ /'gro ba mi shes pa 'di rnams/ /'gro drug srid pa'i rgyu ba ru/ /rmongs pa de rnams 'khor bar 'gyur/ /mi shes pa bsgribs pa zhes pa gang
 zhig chos thams cad sems tsam nyid du mi shes pa de nyid bsgribs pa ste/ de nyid kyi phyir byis pa mi shes pa'o/ /'di nyid ji ltar zhe na 'gro ba mi shes pa 'di rnams/ gang zhig sems ni rdzogs pa'i sangs rgyas nyid ces pa mi shes pa'o/ /de rnams
 'khor bar 'gyur te yang dang yang skye ba dang 'gag par 'gyur ro/ /de nyid kyi phyir rmongs pa gti mug gis bsgribs pa'o/ /gang du srid pa'i rgyu ba skye ba'i dra bar te/ skye ba nyid 'ching ba'i rgyu nyid kyi phyir ro/ /khyad par ci zhe na/ 'gro drug ces pa lha la sogs pa 'gro ba drug gi rang bzhin
 du'o/ /de bsal bas sangs rgyas so zhes mdor bstan pa'i don gsungs pa/ rdo rje snying po snying rje che/ /kye yi rdo rje'i thabs rnyed nas/ /gang gi yul rnams rnam sbyong ba/ /de ni bla med rnyed par 'gyur/ /kye'i rdo rje'i rang bzhin gyi thabs rnyed nas gang zhig yul rnams rnam par sbyor
 ba de ni bla na med pa yang dag par rdzogs pa'i byang chub mngon par byed par 'gyur ro/ /de nyid kyi phyir yul rnam par sbyong ba nyid blo bur gyi dri ma sel ba yin zhing/ de'i thabs kyang kye'i rdo rje nyid yin gyi gzhan ma yin no zhes pa'o/ /gal te kye'i rdo rje'i thabs yul rnam par sbyong ba nyid kye'i rdo rje'i rang
 bzhin nyid du yul gyi rnam par dag pa gsungs te sems 'ba' zhig nyid khams gsum pa dang dbyer med pa kye'i rdo rje'o/ /de nyid sangs rgyas te/ de nyid kyi phyir sems can sangs rgyas nyid du the tshom med/ /sa ni puk+ka sI ru bshad/ /gang phyir gti mug sra ba nyid/ /sku ni rnam par snang mdzad 'dod/ /ji
 ltar mi bskyod phyag rgya lags/ /shes pa gong du rdo rje snying po pos nas gsungs pa/ de'i phyir rdo rje snying pos yul la sogs pa nam par dag pa nyid kye'i rdo rje'i zhes thugs la gnas par mdzad nas the tshom du gyur pa/ ji ltar mi bskyod phyag rgya lags zhes pa'i rnam pa 'dis zhu ba mdzad
 de/ ji ltar sku rdo rjer 'gyur zhes pa'o/ /bcom ldan 'das kyis bka' stsal pa/ sems spangs nas ni lus kyi ni/ /mdzes pa gzhan du mi 'gyur ro/ /de phyir rnam par snang mdzad sems/ /sku la thugs kyi phyag rgyas gdab/ /de'i phyir sku nyid thugs so/ /chu khams ri khrod ma ru bshad
 mi bskyod khu ba'i gzugs can te/ /mi bskyod phyag rgya ri khrod ma/ /gtso bo phyag rgya gdab par rigs/ /ri khrod ma ni chu khams te/ /de'i phyir thugs kyis phyag rgya gdab par rigs so/ /'dis ni gsung rdo rje nyid thugs rdo rje dang/ thugs rdo rje nyid gsung rdo rje ste/ thugs
 rdo rje yang sku rdo rje nyid ces pa'o/ /bcom ldan 'das kyis bka' stsal pa/ /lus spangs nas ni sems kyi ni/ /gnas pa gzhan du mthong ma yin/ /de phyir sems ni gti mug 'gyur/ /thugs la gti mug phyag rgyas gdab/ /de phyir sems dang tha dad pa'i lus mi
 dmigs so/ /de'i phyir thugs nyid sku ste de'i phyir sku gsung thugs so/ /sa dang chu'i rang bzhin mkha' 'gro ma nyid gsungs pa'o/ /me'i rang bzhin gdol pa mo gsungs pa/ me ni gdol pa mor bshad de/ /'dod chags phyag rgyas gdol pa mo/ /rigs kyi phyag
 rgya gzhan min na/ /ji ltar rin chen dbang po'i rgya/ /gdol pa mo ni gsung rdo rjes phyag rgya gdab par rigs na ji ltar rin chen dbang po'i phyag rgyas gang ba ces zhus pa'o/ /de la bcom ldan 'das kyis bka' stsal pa gang phyir 'dod chags chags
 par bshad/ /chags pa rin chen 'byung ldan te/ /me ni 'dod chags rang bzhin phyir/ /'dod chags ser sna'i phyag rgyas gdab gang gi phyir 'dod chags ni chags par bshad cing/ chags pa yang rin chen 'byung ldan te/ de yang me'o/ /me yang 'dod chags
 kyi rang bzhin nyid de/ 'dod chags kyang ser sna'i rang bzhin no// /ser sna nga rgyal rdo rje'o zhes pa'i gsungs las thugs nyid kyis phyag rgyas gdab ces dgongs pa'o/ /rlung gi khams kyi rang bzhin g.yung mo gsungs pa/ gang phyir g.yung mo rlung
 yin te/ /don yod rlung gi rang bzhin can/ /don yod phyag rgyas g.yung mo la/ /gtso bo phyag rgya gdab par rigs/ /g.yung mo la don yod grub pa'i phyag rgya gdab par rigs so zhes zhus pa/ bcom ldan 'das kyis bka' stsal pa/ 'dod chags spangs nas phrag
 dog ni/ /gzhan du 'byung ba ma yin te/ /de phyir 'dod chags phyag rgya yis/ /mkhas pas g.yung mo phyag rgyas gdab/ /'dis ci gsungs na/ 'dod chags ni 'od dpag med gsung rdo rje'o/ /de yang thugs rdo rje'i rgyas btab pa nyid kyi phyir rlung gi khams
 kyi rang bzhin g.yung mo yang thugs zhes dgongs pa'o/ /'dis ci gsungs na phung po lnga'i rang bzhin bdag med ma la sogs pa mkha' 'gro ma lnga ste/ sa la sogs pa 'byung ba chen po bzhi'i rang bzhin puk+ka sI la sogs pa/ mkha' 'gro ma bzhi
 po thams cad thugs nyid kyi phyag rgyas gdab po zhes pa'o/ /gzhan yang mkha' 'gro ma bzhi yang thugs nyid kyi phyag rgyas gdab po zhes gsungs pa/ gang phyir gzugs ni sra ba nyid/ /gau rI rnam par snang mdzad 'dod/ /sngar gsungs nyid kyi rigs pa
 yis/ /sems kyi bdag po phyag rgyas gdab/ /gzugs ni gti mug gi rang bzhin nyid kyi phyir sra ba nyid do/ /de'i phyir gau rI rnam par snang mdzad 'dod/ /rnam par snang mdzad ni sku'i rang bzhin nyid kyi phyir/ sngar gsungs nyid kyi sgyu la phyag rgyas gdab ces
 pa'o/ /de nyid rigs pas tshom rkun ma/ /zhes pa sgra'i rang bzhin nyid kyi phyir/ /rin chen dbang po rnam par dag pa 'od dpag med kyang mi bskyod pa rnam par dag pa'o/ /de bzhin ro langs ma nyid dang zhes pa dri'i rang bzhin 'od dpag med rnam par dag pa mi
 bskyod pa nyid ces pa'o/ /de yi rigs pas g+hasma ri zhes pa ro'i rang bzhin don yod grub pa rnam par dag pa mi bskyod pa nyid ces pa'o/ /ma log pa las phyag rgya'o zhes pa bdag med ma la sogs pa phyin ci ma log pa'i rim pa nyid kyis shes dgongs
 pa'o/ /sa spyod ma dang mkha' spyod ma'i mkha' 'gro ma gnyis kyi don ni phyi nas gsal bar brjod par bya ste/ sku gsung thugs rnams ni thugs kyi rang gi rang bzhin nyid kyis nang du thim pa'i phyir mkha' 'gro ma tha dad du ma gsungs so/ /nga ni sems can du
 gcig pa rtogs pa las sangs rgyas nyid de/ glo bur gyi dri mas bsgribs pa'i sems can rnams la ji ltar gtor ma chen po dang mchod pa chen po bya zhing/ thams cad kyi dbang po thams cad tshim par byed pa'i dgos pa ci zhes blo la gnas nas gsungs pa/ kye yi rdo rjer
 rdo rje 'dzin/ /snyoms 'jug gnas pa'i lha nyid la/ /sems can don phyir gtor ma che/ /de la bdag med mas zhus pa/ snyoms par 'jug ces pa gnyis su med pa rtogs pa'o/ /lha zhes pa kun rdzob kyi bden pa'i bdag nyid do/ /kye'i rdo rjer zhes pa
 sdud pa'i bdag nyid do/ /rdo rje 'dzin ces pa bden pa gnyis dbyer med pa la'o/ /de ltar rnam par gnas pa de la bdag med mas zhus pa/ gtor ma chen po yang dag pa'i mchod pa sems can don phyir srid pa gsum du gnas pa rnams kyi ched du'o//
 e baM yi ger bzhugs nas ni/ /rdo rje sems dpas gtor ma bstan/ /bgegs dang log par 'dren las kyang/ /sems can rnams kyi srog bsrung phyir/ /e baM yi ger zhes pa kha sbyor gyi rnal 'byor la'o/ /de nyid kyi phyir bzhugs pa
 'dus pa'i tshul gyis g.yo ba med pa'o/ /de nyid kyi phyir rdo rje sems dpa' ste/ gtor ma'i mchod pa'i cho ga bstan cing sbyon par bya'o/ /sems can sku gsum gyi rang bzhin rnams kyi srog bsrung phyir rnam par shes pa tsam du rtogs pa'i ched du'o/ /gang
 las she na/ bgegs dbang po rnams las te/ /log par 'dren pa sems las so/ /oM inda/ /dza ma dza la/ dzak+kha/ b+hu ta bah+ni/ ba a'u/ rak+kha/ tsanda/ sudzdza/ mA dA/ bapba ta la pA tA laM/ aDTha/ sap+pa swAhA/ i daM/ ba la b+huny+dza dzi g+haM/ phul+la d+hu pa/ maM sa pi g+haM/ a mg+hA/
 kadzdzaM/ sa(rgyud 'grel po rnam par bsgoms te/ de yongs su gyur pa las thod pa 'dab ma brgyad pa rnam par bsgom zhing/ de'i nang du bruM oM dzriM khaM hUM yongs su gyur pa rnam par snang mdzad dang/ rin chen dbang po dang/ 'od dpag med dang/ don yod grub pa dang/
 mi bskyod pa rnams dang bir shu ma mu yi ge lnga dang/ go ku dang ha na yongs su gyur pa rnams so/ /de'i 'og tu yaM du pa lta bu dang/ raM kha dog dmar po rnam par bsgoms te/ rlung dang me gnyis 'bar bar bsgom zhing me des bskol te/ gcig tu gyur cing
 zhu bar gyur par bltas nas/ de'i steng du hUM yig kha dog nag po'o/ /de yongs su gyur pa las rdo rjer bltas te/ de'i dbus su de bzhin gshegs pa lnga dang lha mo rnams kyang blta bar bya zhing/ de rnams rdo rje dang lhan cig khu bar bltas la thod pa de'i steng du
 oM yig kha dog dkar po'o/ /de yongs su gyur pa las zla ba'i dkyil 'khor du bltas nas/ de yang der zhu bar gyur pa bltas te oM A:hUM zhes pa'i yi ge gsum gyis gtor ma bdud rtsi'i rang bzhin du bsgrub par bya'o/ /de'i rjes la rang gi snying gar hUM yig yongs su gyur pa
 pad+ma'i 'dab ma la bltas nas/ dbang po la sogs pa'i phyogs kyi 'dab ma rnams la dbang po la sogs pa rnams sbyar bar bya'o/ /de la shar du dbang po mig stong dang ldan pa rin po che'i cod pan can/ ser skya lag na rdo rje thogs pa glang po che la zhon pa'o/ /lho'i 'dab
 mar gshin rje lag na dbyug pa thogs pa ma he la zhon pa rin po che'i cod pan can nag po'o/ /nub tu dza la zhes pa chu lha ste dkar po chu srin la zhon pa lag na zhags pa thogs pa rin po che'i cod pan can no/ /byang du gnod sbyin ser po rin po che'i cod pan can
 mi la zhon pa lag na dpal gyi 'bras bu thogs pa/ gshin rje nyi ma'i gdan te nyi ma'i 'od can no/ /b+hu ta zhes pa 'byung po'i bdag po ste dbang phyug chen po mig gsum pa ral pa'i cod pan can khyu mchog la zhon pa lag pa na rtse gsum pa thogs pa
 dkar po stag gi pags pa'i sham thams cad lus la thal bas byugs pa/ sbrul gyi rgyan dang ldan pa zla ba'i 'od can no/ /me lha bzhin ser po lto ba 'phyang ba ra la zhon pa bgrang phreng dang spyi blugs 'dzin pa/ rel pa'i cod pan nyi ma'i 'od can shing shun gyi na
 bza' can no/ /rlung lha nag po lag na rgyal mtshan thogs pa rin po che'i cod pan can ri dags la zhon pa zla ba'i gdan dang zla ba'i 'od can rgyan thams cad dang ldan pa'o/ /srin po nag po skra kham pa gyen du bsgreng ba gri thung dang thod pa 'dzin pa khro zhing smin ma bskyod pa
 dang bcas pa'o/ /de'i rjes la longs spyod rdzogs pa'i 'khor lor oM kha dog dkar po yongs su gyur pa las pad+ma dkar po 'dab ma bzhi pa'o/ /de las g.yon gyi 'dab ma la zla ba dkar po rta dkar po la zhon pa rin po che'i cod pan can/ lag na ku mu lda thogs pa h+rgyan thams cad
 kyis brgyan pa zla ba'i gdan dang zla ba'i 'od can no/ /lho'i 'dab ma la nyi ma dmar po phyag bzhi pa pad+ma 'dzin pa rta ljang khu la zhon pa rin po che'i cod pan can gyis brgyan pa nyi ma'i gdan dang zla ba'i 'od can no/ /mA nga zhes pa yum sa'i lha mo ser
 mo lha'i na bza' dang rgyan dang ldan pa lag na bum pa thogs pa/ zla ba'i gdan dang zla ba'i 'od can te/ de ni nub kyi 'dab ma la'o/ /bapba zhes pa pha tshangs pa'o/ /de yang ser po bgrang phreng dang spyi blugs 'dzin pa ral pa'i cod pan can ngang pa la zhon pa/ gsus
 pa che ba zla ba'i gdan te de ni shar gyi mdab ma la'o/ /ta la pa tA le aTTha sap+pa zhes pa rigs ldan dang dung skyong dang 'jog po rnams ser po'o/ /nor rgyas ni shin tu dmar ba'o/ /pad+ma dang pad+ma chen po dkar po'o/ /kak+ko Ta mdza' yas dag ljang khu dang sngon po'o/ /'od rnams
 rin po che'i cod pan mi'i gdong pa dang ldan pa sprul gyi mjug lus la rgyan thams cad kyis brgyan pa'o/ /'di rnams ni sprul pa'i 'khor lo A:yig yongs su gyur pa las pad+ma kha dog dmar po 'dab ma brgyad pa bltas te/ shar la sogs pa'i phyogs kyi 'dab
 ma rnams la rim pa bzhin rnam par bzhag par bya'o/ /oM inda dza ma dza la dzak+kha b+hu ta/ bah+ni/ bA yu/ rak+kha tsanda/ sudzdza/ mA dA pap+pa ta la pA tA laM aTtha sap+pa swAhA/ zhes pa'i sngags kyis dril bu dkrol ba sngon du 'gro bas spyan drangs te/ mchod yon dang zhabs bsil
 phul nas hUM yig gis dbang po la sogs pa brgyad mi bskyod pa'i ngo bor rdzogs par bsams la/ /oM yig gis zla ba la sogs pa rnams rnam par snang mdzad kyi ngo bor rdzogs par bsam zhing/ A:yig gis rigs ldan la sogs pa rnams 'od dpag med kyi ngo bor rdzogs nga la
 rnam par bltas nas lha'i rnal 'byor dang ldan pa'i lce la hUM yig kha dog nag po las rdo rje'i lce 'od zer gyi spubs nag po ste/ des tshangs pa la sogs pa rnams gtor ma'i yo byad longs spyod par bsam zhing dgos pa yang yid la bya ste/ de nas i daM ba laM b+huM dza/ dziM g+haM phul+la d+hU pa
 AM sa big+haM/ aM mha kadzdza/ sa(rgyud 'grel bya nutpan+na twA ta oM A:hUM phaT swAhA/ mu:zhes pa brjod cing dril bu dkrol nas gshegs su gsol bar zhes pa'o/ /gtor ma phul bas dgos pa ci zhig 'byung zhe na/ gsungs pa/ gal te rnal 'byor pa rnams dge ba'i phyir gtor ma 'dis 'byung po thams cad la mchod pa
 byed na de'i tshe de rnams la bde ba dri ma med par 'gyur zhing/ lha rnams kyang mnyes par 'gyur te 'gro ba rnams la 'byor par 'gyur ro/ /'dir gang zhig 'byung po'i tshogs kyi phyir rtag tu gtor ma 'bul bar byed na dbang dang mngon spyod dang/ dgra'i sde 'jig pa
 dang/ bskrad pa dang/ bsad pa dang/ dgug pa dang/ zhi ba dang/ bde ba dang/ rgyas par 'gyur ro/ /gal te rnal 'byor pa de kho na dang ldan pa su zhig dge ba'i phyir gtor ma 'dis zhes pa bdud rtsi lnga ye shes lnga'i rang bzhin/ rdo rje gsum ni mi phyed pa'i mchod pa
 'dis 'byung po thams cad la mchod pa byed na de'i tshe 'byung po rnams la bde ba phul du byung ba'i bde ba 'byung bar 'gyur zhing lha rnams kyang dbang po la sogs pa rnams so/ /yang na gang rol pa'i phyir lha ste me long lta bu la sogs pa'i
 ye shes lnga'i rang bzhin no de rnams mnyes shing tshim par 'gyur ro/ /de nyid kyi phyir 'gro ba rnams la 'byor par 'gyur te dbang phyug la sogs pa'i yon tan ma lus pa 'byung bar 'gyur ro/ /'dir gang zhig 'byung po'i tshogs
 kyi phyir rtag tu bar chad med par gtor ma dbul bar byed na dbang dang mngon spyod la sogs pa rnams kyang mthong ba'i chos la 'byung bar 'gyur ro/ /yang na dbang ni sdud pa'o/ /mngon spyod ni spro ba'o/ /dgra'i sde ni gti mug la sogs pa yon tan mi shes dra
 rnams te de rnams 'jigs pa'o/ /bskrad pa ni spro ba'o/ /bsad pa ni sdud pa'o/ /dgug pa ni gnyis ka'i rang bzhin du gyur pa spro ba dang sdud pa dbyer med pas rnam par gnas pa'o/ /zhi ba zhes pa yongs su mya ngan las 'das pa'i
 go 'phang la gnas pa'i mthar thug par skyon thams cad drungs phyung ba'o/ /bde ba zhes pa 'di nyid yang dag par rdzogs pa'i byang chub kyi ye shes so/ /de nyid ji lta bu zhe na rgyas par 'gyur te/ rnam pa bcu gnyis kyi 'khor lo rab tu bskor ba
 bzod pa'o/ /'di ji ltar zhe na/ gsungs pa/ gang zhig gtor ma dbul bar byed pa oM A:hUM zhes pa'i yi ge las byung ba rdo rje gsum po de gal te spong bar byed pa ste/ de'i kun tu rtog pa yang mi 'byung ba'o/ /ci'i don du zhe na/ gsungs pa
 'byung po'i tshogs kyi phyir bgrang bar bya ba'i phyir tshogs te phung po lnga'o/ /'byung po ni yang dag pa ji lta ba ste shin tu rnam par dag pa chos kyi dbyings kyi rang bzhin no/ /de rnams tshogs dang yang dag pa ste/ de phyir dang de'i ched du'o/ /de
 yang rtag tu bar chad med pa zhes pa'i don no/ /rdo rje gsum po nyid mngon par gsal bar bya ba'i don du snying pos gsol pa/ phyag rgya gang gis mkha' spyod ma/ /gang gi phyag rgyas sa spyod ma/ /gtso bo bdag gis sngar ma 'tshal/ /bcom ldan
 ji ltar phyag rgya bgyi/ /de ltar zhus pa na bcom ldan 'das kyis bka' stsal ba/ /gsang gsum 'khor lo dbus su ni/ /sku gsung thugs gyi dbye ba las/ /'og dang steng dang dbus gnas pa/ /'khor lo'i dbus su rnam par gnas/ /gsang gsum zhes pa gsum po 'di ni kun
 rdzob kyi bden pa ste/ de yang 'khor lo'i dbus su'o/ /'khor lo dbus su zhes pa sprul pa dang/ longs spyod rdzogs pa dang chos kyi 'khor lo rnams kyi nang du oM A(rgyud 'grel dbye ba las so/ /de nyid gsungs pa 'og dang steng dang dbus gnas zhes pa'o/ /de nyid kyi phyir/ sa spyod sku yi phyag rgya can/ /steng zhal sku yi rdo rje ma/ /mkha' spyod 'dod chags phyag rgya can/ /'og zhal gsung gi rdo rje ma/ /sa spyod ma sku rdo rje'i rang bzhin no//
 mkha' spyod ma gsung rdo rje'i rang bzhin no/ /bdag med ma thugs rdo rje'i rang bzhin te/ sems ni bdag med rang bzhin can/ /rang bzhin med pa'i rang bzhin gyi ye shes so/ /de nyid kyi phyir/ sems ni dbu mar gnas pa ste des na bdag med pa dbus
 skyes dbus mar gnas pa gnyis su med pa'i rang bzhin no/ /de ltar na gang gsang ba gsum gyi rang bzhin nyid rdo rje gsum ste/ gzugs kyi phung po la sogs pa rdo rje ma la sogs pa rnams so/ /de'i phyir gsangs pa rgyas par rab tu phyed las/ /rigs
 ni rnam pa drug tu brjod/ /rnam gsum rnam pa lnga nyid kyang/ /bshad bya rnal 'byor ma rnams nyon/ /mi bskyod rnam snang rin chen 'byung/ /dpag med don yod rdo rje sems/ /zhe sdang gti mug ser sna dang/ /'dod chags phrag dog bde dag
 pas/ /'dis ni rim pas bsgom par bya/ /'dis ci gsungs na bdag med ma dang/ rdo rje ma dang/ dkar mo dang/ chu ma dang/ rdo rje mkha' 'gro ma rnams ni mi bskyod pa la sogs pa de bzhin gshegs pa lnga'o/ /sku dang gsung gi dbye bas
 rdo rje sems dpa' ste/ mkha' 'gro ma bdun ni de ltar rigs drug go /de bzhin du phyi'i rim par gnas pa mkha' 'gro ma brgyad po rnams ni drug go /ye shes lnga'i rang bzhin lnga dang/ rdo rje gsum dbyer med pa gsum mo/ /'dis ni zhe sdang/
 la sogs pa'i rang bzhin drug ste/ mi bskyod pa la sogs pa rnams dang/ zhe sdang la sogs pa rnam par dag pa drug tshan gnyis so/ /gnyis ka dbyer med pa las ye shes pa drug po rnams kyang ste/ bco brgyad kyi rang bzhin rnams rdo rje
 gsum dbyer med pa rigs drug tu 'gyur ro/ /rgyas pa las te bshad pa las so/ /dag pa 'dis ni rim pas bsgom zhing snyoms par zhugs pa'i rang bzhin du bya'o/ /rigs drug po de rnams nyid rigs rnam pa lngar 'gyur ro zhes gsungs pa
 rdo rje sems dpa' spangs nas ni zhes pa sa spyod ma dang mkha' spyod ma gnyis te/ gnyis ka dbyer med par gyur pa/ bdag med ma rnal 'byor ma'i rang bzhin no/ /de'i phyir rdo rje sems dpa' srid pa gsum gcig par gyur pa bdag med
 rnal 'byor ma'i rang bzhin no zhes pa ste/ /rdo rje sems dpa' spangs nas ni/ /phyi nas bar ma chad par rigs ni rnam pa lnga'o/ /de bzhin du phyi'i rim pas gnas pa'i mkha' 'gro ma gsum/ rdo rje gsum dang dbyer med pa ni mkha' 'gro ma lnga pa rnams
 kyi nang du thim par gyur cing/ lnga tshan gnyis te/ gnyis ka'i ye shes bskyed pa'i ye shes pa lnga dang bco lnga'o/ /de nyid rdo rje gsum dbyer med par gyur pa rigs rnam pa lnga'o/ /'dod chags zhe sdang gti mug gis/ /de rjes rnam pa gsum du
 'gyur/ /'di rnams kyang de bzhin gshegs pa lnga'i rang bzhin mkha' 'gro ma lnga po rnams ni rigs rnam pa gsum te/ rin chen dbang po dang/ don yod grub pa ni rnam par snang mdzad dang/ 'od dpag med sku dang gsung gi rang
 bzhin gti mug dang 'dod chags dag gi nang du zhugs pa'i phyir ro/ de ltar phyi'i rim par gnas pa rnams kyi yang ste/ gsum pa gnyis dbyer med pa las skyes pa'i shes pa gsungs dang/ dgu ni rdo rje gsum dbyer med pa'i rigs rnams
 gsum mo/ /'dod chags dang/ zhe sdang dang/ gti mug gis rdo rje gsum gyi ye shes kyis zhes pa'i don no/ /rnal 'byor ma rnams nyon zhes pa gang zhig pos pa de ni thams cad du rnal 'byor nyid las zhes pa'i don te/ rang bzhin gyis grub pa'i rnal 'byor
 dang ldan pa bdag med ma nyid do zhes pa'o/ /de bos nas mngon par gsal bar mdzad pa thugs kyi dbang po'i rigs gcig ni/ /mi bskyod zhe sdang rang bzhin can/ /sku dang gsung dag shes rab dang thabs kyi rang bzhin gyis gnyis ka'i sbyor ba las rigs
 gcig nyid do/ /de ni thugs kyi dbang po thugs kyi rang bzhin te/ dbang po na skyes pa las ma ning ngo/ /de nyid mi bskyod pa g.yo ba med pa'i rang bzhin te de nyid kyi rnam pa'o/ /de nyid kyi phyir zhe sdang rang bzhin can rtog pa dang rnam par rtog pa thams cad
 las 'das pa yang dag pa'i ye shes so/ /'di yang zhe sdang rdo rje'i mthu yin no zhes gsungs pa/ zhe sdang rdo rje'i mthu 'di ni/ /rigs ni drug dang lnga ru 'dod/ /phul du byung ba'i dngos po ni mthu ste 'di zhe sdang dang rdo rje yang yin pa'i phyir zhe sdang rdo rje'o//
 de nyid mthu ste/ thugs kyi dbang po mi bskyod pa/ /zhe sdang gi rang bzhin no zhes pa gsum mo/ /zhe sdang gis rnam pa gnyis so/ /gnyis su med pa nyid kyis gcig go /gcig nyid las gcig kyang med pa bzhi pa'o/ /'di nyid rnam pa gnyis dang/ rnam pa gsum
 dag gis lnga'o/ /'di nyid bzhi pa ste/ gcig dang du ma'i don nyid kyis/ /gnyis su med pa'i rang bzhin rnam pa gsum gyi ngo bo nyid kyis drug ces pa rigs drug dang/ lnga zhes pa yang dag pa'i ye shes so/ /'dis ni gcig nyid drug gi rang bzhin
 dang/ drug nyid gcig gi rang bzhin te/ gnyis su med cing gnyis su byar med cing bcad du med pa'o zhes pa'o/ /rdo rje dkar mo puk+ka sI/ /sa dang rnam snang bdag nyid can/ /dkar mo chom rkun ro langs ma/ /me dang rin chen dbang po'i rgya/ /chu ma
 ri khrod ro langs ma/ /chu khams dpag med dbang phyug go /g+hasma rI dang g.yung mo dang/ de bzhin rdo rje mkha' 'gro ma/ /chu khams rta zhes rab tu brjod/ /de bzhin mkha' sbyongs spyod ma/ /bdag med mkha' 'gro ma nyid kyang/ /mkha' khams pa zhe sdang zhes par
 brjod/ dbang po dang ni 'byung chen dang/ /yul zhes bya bar de rnams 'dod/ /gnyis na yang dag sbyor las kyang/ /rnam shes gsum po gcig nyid do/ /phung po lnga rnams so so la/ /phung po lnga yi rang bzhin can/ /sa la sogs pa'i
 'byung chen yang/ /re re 'byung ba lngar 'gyur ro/ /gzugs la sogs pa'i phung po dang/ /gang zhig 'byung ba che rnams dang/ /gang yang gzugs la sogs pa'i yul/ /ye shes lnga yi rang bzhin can/ /ye shes lnga yi rang bzhin ni/ /zhe sdang rdo
 rje las gzhan min/ /zhe sdang rdo rje'i mthu 'di ni/ /rigs ni drug dang lnga ru 'dod ces pa rgyud thams cad kyi phyag rgya bsdus pa'i don zhes bya ba'i le'u ste bzhi pa'o// //rgyud thams cad kyi sgras ma lus pa'i khyad par bskyed pa rnam pa thams cad mkhyen
 pa nyid do/ /de'i phyag rgya'i mtshan ma ste rgyud thams cad kyi rgyas gdab pa'o/ /rgyas gdab pa de yang bsdus pa ste/ bsdus pa'i rang bzhin ni don no zhes bya ba brdar gtags pa'i le'u ste bzhi pa'o/ /le'u bcu gcig pa dang lhan cig mkha' 'gro ma lnga
 bsdus pa ni le'u bzhi pa'o zhes pa kye'i rdo rje'i 'grel bshad kha sbyor shin tu dri ma med pa las brtag pa gnyis pa'i le'u bzhi pa'o// //zhe sdang rdo rje'i mthu 'di ni zhes gsungs pa la zhe sdang rdo rje nyid ci lta bu zhes bdag med ma'i zhu ba'i
 sgo nas zhe sdang rdo rje'i rang bzhin gsungs pa/ phyag ni bcu drug zhal brgyad pa/ /zhabs bzhi pa dang 'jigs pa po/ /dpa' bo thod pa'i phreng ba can/ /bdag med mi yas sku la 'khyud/ /phyag rgya lnga ni 'dzin lha la/ /bdag med ma nyid kyis zhus pa/ bco
 lngas yongs su bskor ba yi/ /bdag gi 'khor lo khyod kyis bshad/ /khyod kyi dkyil 'khor ji ltar lags/ /gtso bo bdag gis sngar ma 'tshal/ /zhabs bzhi pa dang 'jigs pa po/ /zhes pa bdud bzhi 'joms pa nyid kyi phyir ro/ /dpa' bo zhes pa phas kyi rgol ba la sogs pa rnams kyis mi brjid
 pa nyid kyi phyir ro/ /thod pa'i phreng ba can zhes pa ye shes lnga dang sku gsum gyi rang bzhin nyid kyis mdza' yas pa'i ye shes rang bzhin nyid kyi phyir ro/ /bdag med tsumpa na mdzad nas/ /rdo rje thod par stsal nas ni/ /sta naM ngag
 ni mnyes nas lha/ /dkyil 'khor yang dag rab gsal mdzad/ bdag med ma la tsum pa nas dga' ba'o/ /thod par stsal pa las mchog dga' o/ /sta naM mnyes mdzad do zhes pa 'di dga' bral gyi dga' ba'o/ /lta ni rol bar byed pa'i phyir lhan cig
 skyes pa'i dga' ba'o/ /de ltar dga' ba bzhi'i rang bzhin gyi dkyil 'khor yang dag rab gsal mdzad/ /'od gsal ba nyid kyis rnam par gnas par mdzad do/ /'khor lo ji ltar sngar gsungs bzhin/ do shal do shal phyed pas brgyan/ /zur bzhi pa
 la sgo bzhi pa/ /rdo rje srad bu rnams kyis brgyan/ /der ni dbus su nga rig ma/ /khyod dang lhan cig bzhin bzangs ma/ /'dod chags chen po'i rjes chags pas/ /lhan cig skyes dga' i rang bzhin las/ /'khor lo ji ltar sngar gsungs bzhin zhes pa le'u gsum par
 mdor bstan pa'i/ dang por byams pa bsgom par zhes pa la sogs pa tshangs pa'i gnas bzhi bsgom pa dang/ de'i rjes la slar yang stong nyid byang chub ste zhes pa la sogs pa nas bzhi pa la ni yig 'bru dgod ces pa'i bar gyis gang gsungs pa dang/ re phas nyi ma sngon du
 nas bsgom zhing/ zhes pa la sogs pa gur bcing ba yang rnam par bsgom par bya zhes pa'i bar gyis gang gsungs pa/ de thams cad thugs la gnas par mdzad nas/ de'i rjes la le'u brgyad par gsungs pa/ nam mkha' i khams su b+ha ga bsam zhes pa la sogs pa bsgom pa po yang
 ji ltar 'byung zhes pa'i bar gyis gang gsungs pa de thams cad dang/ de'i dbus su bsam bya ro zhes pa la sogs pas pad+ma 'dab ma brgyad pa rim gcig pa bsams nas A li kA li yongs su gyur pa las zla ba dang nyi ma'o/ /de'i dbus su sa bon no/ /gcig tu gyur pa nyid kyis bya ba
 grub ba'i ye shes so/ /gzugs brnyan rdzogs pa'i mthar thug pas shin tu rnam par dag pa chos kyi dbyings kyi ye shes te/ thams cad mtshon pa'o/ /der ni dbus su nga rig ma zhes pa nga nyid rig ma ste rig ma zhes pa phyag rgya chen po'o//
 khyod dang lhan cig ces pa kha sbyor gyi rnal 'byor gyi rang bzhin nyid las zhes dgongs pa'o/ /de nyid gsungs pa/ 'dod chags chen po'i rjes chags pas dga' bral gyi dga' ba'i rang bzhin gyi rgyu yis lhan cig skyes dga' i rang bzhin las bya ba
 grub pa'i ye shes las gzugs brnyan rdzogs pa'i rang bzhin no/ /zhal brgyad pa la zhabs bzhi pa/ /phyag ni bcu drug dag gis brgyan/ /bdud bzhi mnyam par mnan pa ste/ /'jigs pa la yang 'jigs par mdzad/ /mgo bo'i phreng ba'i do shal
 mdzad/ /nyi mar bzhugs shing rol mor bcas/ /sna tshogs rdo rje spyi bor 'dzin/ /kha dog nag po 'jigs pa'o/ /ye shes kyi dkyil 'khor dang dam tshig gi dkyil 'khor dag gcig pa nyid gsungs te/ gong du phyag ni bcu drug zhal brgyad
 pa zhes pa la sogs pa gang gsungs pa de ni ye shes kyi dkyil 'khor gyi rang bzhin zhe sdang rdo rje'i ngo bor brjod do/ /da ni zhal brgyad ces pa la sogs pas dam tshig gi dkyil 'khor dang dbyer med pa nyid de/ rdo rje 'chang ni
 dkyil 'khor gnyi ga'i rang bzhin nyid do zhes gsungs so/ /zhal brgyad pa zhes pa bzhi tshan gnyis so/ /zhabs bzhi pa zhes pa re re yis phyag ni bcu drug dag gis brgyan zhes pa ste/ bzhi po re re la bzhi'i rang bzhin nyid kyi phyir ro/ /bdud
 bzhi mnyam par mnan pa ste zhes dga' ba bzhi mnyam pa nyid gcig pa nyid kyis so/ /'jigs pa la yang 'jigs par mdzad ces pa 'dis dmigs pa thams cad spong ba nyid kyi phyir ro/ /mgo bo'i phreng ba'i do shal mdzad
 ces pa 'dis de A li kA li nA da'i phreng ba gnyis dbyer med pa nyid do/ /nyi mar bzhugs shing rol mor bcas zhes pa 'dis ye shes ni spro ba dang sdud pa'i rang bzhin nyid do/ /sna tshogs rdo rje spyi bor 'dzin pa de nyid spro ba'i rang bzhin no/ /kha
 dog nag po zhes pa de nyid bsdud pa'i rang bzhin no/ /'jigs pa po zhes pa gnyis ka dbyer med pa ste/ gnyis ka'i bdag nyid can nyid kyi phyir zhes dgongs pa'o/ /'dis ni dam tshig gi dkyil 'khor dang ye shes kyi dkyil 'khor dag
 dbyer med pa'i phyir zhe sdang rdo rje'i rang bzhin zhal brgyad pa nyid gsungs so/ /de nyid mngon par gsal bar mdzad pa nyid kyi zhal nas hUM yig spro/ /thal bas lus la byugs pa ste/ /dga' bas gnyis gnyis snyoms 'jug pa/ /bdag med
 ma dang lhan cig sbyor/ /rlabs dang bral ba'i bde ba thob/ /rlabs dang bral ba'i rang bzhin can/ /zhes de'i phyir bcom ldan 'das kyi zhal brgyad kyi rang bzhin las hUM yig spro ba'o/ /khyad par ci zhe na/ thal bas lus la byugs ste thal
 ba ni rdul phra rab 'o/ /de bzhin du lus la byugs pa de gang gi skur gyur pa ste/ de nyid hUM yig til gyi gzugs lta bu spros pas nam mkha' i khams su yang mi shod bar gyur pa'o/ /gzhan yang khyad par ci zhe na/ dga' bas gnyis
 gnyis snyoms 'jug pa/ /dga' ba zhes pa phul du byung ba'i bde ba ste/ de'i gnyis gnyis ni gnyis ka'i ye shes so/ /des snyoms par 'jug pa ni ldan pa'o/ /de nyid kyi phyir bdag med ma dang lhan cig sbyor/ lhan cig yang dag
 par kha sbyor te/ gnyis su med pa'i rang bzhin nyid ces dgongs pa'o/ /de nyid bdag med ma ste/ bdag med pa nyid de yin pa'i phyir kha sbyor ro/ /rlabs dang bral ba'i bde ba thob ces pa rlabs lta bu ste/ spros pa'i rang
 bzhin kun rdzob kyi bden pa'o/ /gang phyir de dang bral zhing de la brten pa ni rlabs dang bral ba ste/ kun rdzob kyi bden pa'i rang bzhin don dam pa'i bden pa'i bdag nyid can no/ /de ltar gyur pa'i bde ba ye
 shes so/ /de nyid thob ste de'i rang bzhin zhes dgongs pa'o/ /ye shes de yang rlabs dang bral ba'i rang bzhin de ltar gyur pa'i hUM yig rlabs dang bral ba'i rang bzhin no/ /zhal brgyad kyi kha dog gsungs pa/ rtsa ba'i zhal ni nag po
 che/ /g.yas pa kun da lta bu ste/ /g.yon pa dmar zhing cher 'jigs pa/ /steng gi zhal ni gtsigs pa can/ /sgra ji bzhin pa'i don gsal ba nyid don gzhan brjod par bya'o/ /zhal dang po de nyid rtsa ba ste/ de yang nag po che 'od
 gsal ba'i rang bzhin thugs su brjod pa'o/ /g.yas pa kun da lta bu ste/ kA li'i rang bzhin thabs kyi ngo bo sku ru brjod pa'o/ /g.yon pa dmar po A li'i rang bzhin shes rab kyi ngo bo gsung du brjod pa'o/ /steng gi
 zhal ni rdo rje gsum gyi steng du cher 'jigs pa bzhi pa ste/ gtsigs pa can me long lta bu la sogs pa'i ye shes lnga'i rang bzhin gyi phyir ro/ /spyan ni nyi shu rtsa bzhi ldan/ /zhal so so la spyan gsum nyid kyi phyir zhal brgyad
 po rnams la spyan nyi shu rtsa bzhi'o gsungs pa yang/ rdo rje gsum gyis dag pa'i spyan zhes pa ste/ rdo rje gsum gyi skabs nyid dang ldan pa'o/ /zhal gzhan bzhi ma gsungs par spyan rnams gsungs te/ gnas dang nye ba'i gnas
 la sogs pa gnas nyi shu bzhi rnam par dag pa rnams so/ /lhag ma'i zhal ni bung ba bzhin/ /gzhan zhal bzhi po ni nag po nyid ces pa'o/ /'dis ni de ltar gsungs te/ rdo rje gsum gyi rang bzhin dga' ba gsum
 dang de dang dbyer med pa bzhi pa lhan cig skyes pa'o/ /bzhi pa de yang de dang dbyer med pa nyid ces pa ste/ bung ba dang mtshungs pa'i zhal bzhi pa'o/ /'dis zhal nag po lnga po rnams kyi ye shes lnga dbyer med pa nyid do/ /dmar po dang
 dkar po dag gis shes rab dang thabs kyi rang bzhin nyid do/ /rnam par gtsigs pa can gyis sku gsum dang ye shes lnga nyid de/ zhal brgyad pa zhe sdang rdo rje nyid gsungs pa'o/ /gnyis ka snyoms par zhugs te spro ba'i tshul gyis
 dkyil 'khor spro ba gsungs pa/ grong khyer nyams dgar khyod dang nga/ /rol pa'i dga' ba rgyas pa yis/ dkar mo dbang po'i phyogs phyung nas/ /shar gyi sgo ru yang dag nas/ /gnyis ka dbyer med pa phul du byung ba'i bde ba nyid rol pa ste/
 dga' ba'i ye shes mtshon pa'o/ /dkar mo zhes pa sa dang gti mug rnam par dag par gyur pa ste/ dga' ba nyid ye shes gsum gyi bdag nyid can zhes pa'o/ /bsrub cing bsrub pa'i sbyor ba yis/ /slar yang chom rkun ma phyung ste zhes pa
 mchog dga' i ye shes mtshon pa'o/ /chom rkun ma zhes pa me'i khams dang ser sna rnam par dag par gyur pa ste/ mchog dga' nyid ye shes gsum dbyer med pa'o/ /lho yi sgo ru spros nas ni/ /chom rkun ma ni sgo srung ma zhes pa lho'i sgo ni
 nyi ma'i rang bzhin nyid brjod pa'o/ /bo la kak+ko la sbyor bas/ /ro langs ma chu'i khams dang 'dod chags rnam par dag par gyur pa ste/ dga' bral gyi dga' ba nyid ye shes gsum gyi bdag nyid can no/ /spros te nub kyi sgo ru ni/ /bdud 'joms
 ma ni rnam par gnas/ /nub kyi sgo ru zhes pa zla ba'i rang bzhin nyid brjod pa'o/ /bdud 'joms ma zhes pa nyon mongs pa dang nye ba'i nyon mongs pa'i kun nas nyon mongs pa nye bar zhi ba'i phyir ro/ /gnyis gnyis snyoms 'jug chen po la//
 rten nas slar yang g+hasma rI/ /gnyis gnyis snyoms 'jug chen po la zhes pa lhan cig skyes pa'i dga' ba'i ye shes mtshon pa ste/ g+hasma rI zhes pa rlung gi khams dang phrag dog rnam par dag par gyur pa'o//
 phyung nas byang gi sgo ru ni/ /'jigs pa'i gzugs can ma nyid gnas/ /byang gi sgo ru zhes pa nyi ma dang zla ba dag dbyer med pa'i phyir lhan cig skyes pa'i dga' ba'i rang bzhin rdo rje gsum ste/ rdo rje gsum dang dbyer med pa'i
 'byung ba chen po bzhi'i rang bzhin nam mkhar 'gro ma bzhi dga' ba bzhi'i ye shes me long lta bu la sogs pa ye shes lnga rnam par dag pa thar pa chen po'i grong khyer du 'jug pa'i sgo nas skyong bar byed pa bzhi po 'di'o/ /gnyis kyis
 bskyod pa'i sbyor ba las/ /slar yang puk+ka sI phyung ste/ spros nas dbang ldan mtshams su ni/ /gnas pa drag po'i gzugs can ma/ /gnyis kyis bskyod pa'i sbyor ba las zhes pa 'dis sngar gsungs pa'i mkha' 'gro ma bzhi ni thabs
 kyi rang bzhin rdo rje 'chang gi dga' ba la sogs pa bzhi'i rang bzhin no/ /nga ni gnyis kyis bskyod pa'i sbyor ba las zhes pa 'dis shes rab kyi rang bzhin bdag med ma'i dga' ba la sogs pa dga' ba bzhi'i rang bzhin puk+ka sI las so/ /mkha' 'gro ma bzhi
 sa la sogs pa 'byung ba chen po bzhi'i bdag nyid can du gsungs pa/ dbang ldan mtshams su zhes pa 'byung po'i gnas su'o/ /drag po'i gzugs can ma zhes pa 'dis bdag med pa'i yan lag dga' ba dang po mtshon pa'o/ /yang
 ni bsrub pa'i sbyor ba yis/ /'tshed pa'i mtshams su ri khrod ma/ /bsrub pa'i sbyor ba yis zhes pa mchog dga' ste/ bdud rtsi bsrub pa nyid las me'i khams yin zhing chu'i khams rnam par dag pa ri khrod ma'o/ /srin mo'i mtshams su
 gdol pa mo/ /zhes pa dga' bral gyi dga' ba'i rang bzhin me'i khams rnam par dag pa gdol pa mo ste/ srin po'i mtshams su zhes pa dbang po dang yul thim par gyur pas zla ba dang nyi ma'i rang bzhin nyid ces pa'o/ /rang gi
 mtshams su g.yung mo ni zhes pa g.yung mo lhan cig skyes pa'i dga' ba'i rang bzhin te/ rlung gi khams rnam par dag pa g.yung mo'o/ /de nyid kyi phyir rlung gi mtshams su'o/ /de nas rdo rje chags chen las/ /rig mar
 bcas pa zhu bar gyur/ /'dis ni gnyis ka'i dga' ba la sogs pa bzhi'i rang bzhin mkha' 'gro ma brgyad rdzogs pa na dmigs pa med pa'i rang bzhin nyid kyis dri za'i grong khyer la yang dag par zhugs pa'i
 phyir te/ de ni rdo rje can mi phyed pa sku'o/ /rig mar bcas pa shes rab dang lhan cig pa'o/ /'di nyid ji ltar zhe na/ gsungs pa zhu pa thig ler gyur pa ste/ de nyid yang dag pa de kho na ma ning ngo/ /ji ltar zhe na/ chags
 chen las gnyis ka lhan cig skyes pa'i dga' bas yongs su bcad pa'i phyir zhes pa'i don no/ /de nas lha mo rnams kyi bskul/ /sna tshogs glu yis mchod pa las/ /de nas zhes zhu bar gyur pa'i rang bzhin bar
 ma chang par lha mo rnams zhes pa spro ba'i tshul gyis dri za'i sems can zhugs pa rnam par gnas pa'o/ /bskul ba ni sad par byed pa'o/ /sna tshogs glu yis mchod pa las sna tshogs pa'i mtshan ma 'bul pa'i phyir te/  
 mtshan ma'i rang bzhin nyid mtshan ma med pa zhes mtshon pa'o/ /glu yi mchod pa nyid gsungs pa/ rje btsun snying rje'i yid bzhengs shig /puk+ka sI ni bdag la skyobs/ /stong pa'i bsam gtan nyid spongs la/ /bde chen sbyor
 bas bdag 'dir? mdzod/ /rje btsun ni bcom ldan 'das so/ /snying rje'i yid ni snying rje'i yid mnga' ba'o/ /bzhengs shig ces pa bzhengs par mdzod cig pa'o/ /puk+ka sI ni bdag la skyobs puk+ka sI
 bdag yongs su skyabs par mdzod ces pa'o/ /khyed kyis yongs su skyob pa nyid ji ltar zhes dogs pa la la na gsungs pa bde chen sbyor bas bde ba chen po'i rnal 'byor lhan cig skyes pa'i bzhin gyi bdag 'dod mdzod bdag
 la 'dod pa dang bzhed pa mdzod/ stong pa'i bsam gtan nyid spongs la stong pa nyid kyi ting nge 'dzin spongs zhes pa'o/ /khyod med ni na bdag 'gum pas kye yi rdo rje khyod bzhengs shig /stong pa'i rang bzhin nyid spongs la/ /ri khrod
 ma 'bras 'grub par mdzod/ /khyod med na ni bdag 'bum ste khyod mi bzhugs na bdag 'chi par gyur pas/ kye'i rdo rje khyod bzhengs shig kye'i rdo rje khyed bzhengs par mdzad du gsol/ /stong pa'i rang bzhin nyid spongs te
 stong pa nyid kyi rang bzhin spangs nas ri khrod ma 'bras grub par mdzod/ /ri khrod ma'i dgos pa grub par mdzad du gsol/ /dga' gtso 'jig rten 'gron gnyer nas/ /stong pa nyid la bzhugs sam ci/ /khyod ma de
 phyogs ni ma 'tshal bas/ /gdol pa mo bdag zhu ba bgyi/ /dga' gtso 'jig rten 'gron gnyer nas/ /kye'i dga' ba'i gtso bo stong pa nyid la bzhugs sam ci khyod stong pa nyid la bzhugs pa ci lags/ gdol
 pa mo bdag zhu ba bgyid gdol pa mo bdag gsol ba 'debs par 'tshal te/ khyod med phyogs ni mi 'tshal bas khyod med na phyogs mi rtogs so/ /mig 'phrul mnga' ba khyod bzhengs shig /bdag gis khyod ma thugs
 'tshal te/ /g.yung mo bdag yi tshad par gyur/ /snying rje rgyun chad ma mdzad cig /mig 'phrul mnga' ba khyod bzhengs shig kye mig 'phrul mdzad pa khyod bzhengs par mdzod/ /bdag gis khyod kyi thugs 'tshal te
 khyod kyi rang bzhin bdag gis shes zhes pa'o/ bdag ces pa nged rnams te bud med kyi nga rgyal nyid las mang po'i tshig go /yi chad par gyur te yid nyams par gyur pa'o/ /snying rje rgyun chad ma mdzad cig ces pa snying rje rgyun mi 'chad
 bar mdzod ces pa'o/ /'dis ni sa dang chu dang me dang rlung gi rang bzhin mkha' 'gro ma bzhi ni bdag med ma'i cha shas su gyur pa dga' ba bzhi'i rang bzhin cha dang bral ba nyid de/ mya ngan las 'das pa dang dbyer med pa kun rdzob kyi bden pa'i
 rang bzhin bcom ldan 'das bskul bar byed pas ye shes gsum gyi bdag nyid can no/ /gnyi ka dbyer med pa'i ye shes kyi rang bzhin gang yin pa de nyid chos kyi sku ste/ de nyid bdag med ma sgyu ma lta bu dbang po'i gzhu dang mtshungs pa'o
 puk+ka sI'i glus bskul bas snying rje'i yid stong pa'i bsam gtan nyid spongs zhes gsungs so/ /de ltar ri khrod mas kyang kye'i rdo rje'i khyod bzhengs shig stong pa'i rang bzhin nyid yongs su spongs zhes gsungs so/ /de ltar gdol pa mos kyang
 stong pa nyid la bzhugs sam ci/ /khyod med phyogs ni mi 'tshal bas zhes gsungs so/ /de ltar g.yung mos kyang/ bdag gis khyod kyi thugs 'tshal te/ snying rje rgyun chad ma mdzad cig ces gsungs so/ /yang na snying rje'i yid ces pa 'dis
 snang ba'i mtshan nyid sku rdo rje'i rang bzhin sprul pa'i sku'o/ /kye'i rdo rje khyod ces pa 'dis mngon par brjod pa'i mtshan nyid gsung rdo rje'i rang bzhin longs spyod rdzogs pa'i sku'o/ /dga' gtso/ stong pa nyid la bzhugs sam co zhes pa
 'dis yang dag par rig pa'i mtshan nyid thugs rdo rje'i rang bzhin chos kyi sku'o/ /mig 'phrul mnga' ba khyod bzhengs shig /bdag gis khyod kyi thugs 'tshal te/ zhes pa 'dis snang ba mngon par brjod pa
 dang/ yang dag par rig pa'i mtshan nyid sku gsung thugs kyi rang bzhin sprul pa dang longs spyod rdzogs pa dang/ /chos kyi sku dbyer med pa ngo bo nyid kyi sku zhes gsungs so/ /rig ma bcas pa zhu bar gyur rdo rje can zhes pa 'di'i don
 ni gau rI la sogs pa mkha' 'gro ma bzhi ni rdo rje 'chang gi cha shas su gyur pa'i dga' ba bzhi'i rang bzhin nyid kyis kye'i rdo rje'i rang bzhin rdo rje lta bu ste/ de rnams kyis bskul pa dang snyoms par 'jug pa bstan par mi rig pa'i phyir
 de rnams kyi bskul ba ma gsungs te/ de rnams rdo rje 'chang dang yang dag par ldan pa nyid kyi phyir zhes dgongs pa'o/ /'dis ni rdo rje 'chang nyid thabs su gyur pa kun rdzob kyi bden pa'i bdag nyid don dam pa'i bden pa'i rang bzhin gau rI
 la sogs pa mkha' 'gro ma bzhi'i bdag nyid can zhes mtshon cing bdag med ma nyid shes rab bzhin don dam pa'i bden pa'i bdag nyid can kun rdzob kyi bden pa'i rang bzhin puk+ka sI la sogs pa mkha' 'gro ma bzhi'i bdag nyid
 can zhes kyang mtshon te/ gnyis ka la yang gnyis ka dbyer med pa byang chub kyi sems tha dad med pa zhes gsungs so/ /glang po rta bong glang rnga mo/ /mi dang sha ra b+ha byi la/ /g.yas pa'i thod pa brgyad po la/ /gnyis 'thung la sogs
 rim shes bya/ /sa dang chu dang rlung dang ni/ /me dang zla ba nyi ma nyid/ /mthar byed dang ni nor sbyin nyid/ /g.yon pa'i thod pa brgyad la'o/ /sgeg pa dpa' ba mi sdug pa/ /drag shul rgod pa 'jigs rung ba/ /snying rje ngo mtshar zhi ba yis//
 gang dgu'i nyams dang ldan pa'o/ /aM hUM dag las rdo rje che/ /khu ba'i gzugs las bzhengs nas ni/ /bskul ba'i rjes la bzhengs te/ /rdo rje che yang dag pa'i kha sbyor gyi rang bzhin no/ /gang las zhe na/ aM hUM dag las zhes pa shes rab
 dang thabs dag las so/ /de nyid ji ltar zhe na/ khu ba'i gzugs las rang bzhin med pa'i rang bzhin las te/ bcom ldan 'das de'i phyag g.yas na gnas pa'i thod pa brgyad po rnams la glang po che la sogs pa rnams rim shes bya//
 rim pa bzhin shes par bya ste/ dbang po la sogs pa 'jig rten skyong ba brgyad rnam par dag pa'o/ /sa la sogs pa rnams ni gza' brgyad rnam par dag pa ste/ g.yon pa'i thod pa brgyad po rnams la shes par bya'o/ /sgeg pa la
 sogs nyams dang ldan zhes pa 'dis nyi mar bzhugs shing rol mor bcas zhes pa gang yin pa de mtshon pa ste/ sgeg pa la sogs pa lnga yis ye shes lnga'o/ /'jigs rung la sogs pa gsum gyis sku gsum mo/ /zhi ba'i rang bzhin
 nyid kyi shes rab dang thabs dbyer med pa'o/ /de'i phyir gar dgu ni gnas pa med pa'i rang bzhin nyid do/ /nyams ni de nyid nyams su myong ba'i ye shes so/ /de dang ldan pa ni 'dus pa ste/ kha sbyor zhes pa'i don gar dgu'i nyams dang ldan pa dgu
 po rnams dbyer med pa nyid ces pa'i don ni/ zhabs rnams sa la brdebs pa dang/ /lha dang lha la bsdigs pa dang/ /gaM tsaM baM g+haM paM shaM laM DaM/ /'di rnams sa bon gyis spro zhing/ /bdag po dga' ba'i sa bon dag /hUM oM 'bar
 'jigs sngo dag las/ /zhabs zhes pa zhabs bzhi po rnams la brdebs shing lha dang lha ma yin rnams la zhabs 'di rnams kyis bsdigs shing rgyu bar byed de dga' ba bzhi'o/ /de rnams chos 'byung lha mo pad+ma'i nang du brdeb pa'o
 'di ji ltar zhe na/ gsungs pa/ gang gi phyir hUM aM sa bon dag las spro zhing bsdigs par byed de/ mtshon pa'i rang bzhin gyis gnas par byed pa'o/ /gang zhe na/ lha dang lha min ye shes lnga dang sku gsum rnams so/ /
 de nyid kyi phyir gaM tsaM baM g+haM paM sha laM DaM/ zhes pa'i sa bon rnams dang lhan cig go /'dis zhu bar gyur pa na gau rI la sogs pa rnams kyi sa bon liM eM iM oM a'uM rIM lIM zhes pa lta bar bya'o/ /de nyid kyi phyir gsungs pa/ /yi ge'i dbye
 ba so so gzhan zhes bya'o/ /'di ni gau rI la sogs pa rnams sa bon gnyis gnyis sbyar ba las rdzogs pa zhes pa mtshon pa'o/ /khyad par ci zhe na/ hUM aM bdag pa'i sa bon dag las te/ bdag po ni rdo rje 'chang ngo/ /dga' ba ni
 bdag med ma ste/ de dag gi sa bon dag las so/ /gzhan yang khyad par ji lta bu las zhe na 'bar 'jigs sngo dag las te/ 'bar 'jigs nyid kyis spros pa'i rang bzhin no/ /sngon po nyid kyis sdud pa'i rang bzhin no/ /gong du aM hUM dag?
 las rdo rje che zhes pa shes rab ni yan lag nyid de/ thabs kyi nang du thim pa'o zhes gsungs so/ /da ni hUM aM zhes pa 'dis thabs ni yan lag nyid de/ shes rab kyi nang du thim pa'o zhes pa'i don no/ /ho yig dmar po gnyis kyi nang
 du chud pa'i A li kA li nA da'i phreng ba gnyis zhal gyi sgo nas zhugs te/ rdo rje rdo rje lam nas 'thon pa lha mo'i nang du spro bar bya'o zhes pa dkyil 'khor spro bar gsungs pa'o/ /ma mo'i 'khor lo grong nyams dgar/ /gtso bo 'di ltar sgom
 par bya/ /kha dog nag po 'jigs chen no/ /bdag med bde ba sbyin pa po/ /kha dog nag po la sogs pa yon tan dang ldan pa sngar gsungs pa'i phyag bcu drug la sogs pa'i rang bzhin 'di lta bu ste/ gtso bo zhes pa nyid 'phrog pa po dang
 rang nyid byed po'o/ /grong khyer chos 'byung gzhal yas khang sgom zhing snyoms par 'jug par bya'o/ /khyad par bya'o/ /khyad par ci lta bu'i grong du zhe na/ ma mo'i 'khor lor gau rI la sogs pa lha mo'i tshogs pa'i grong du'o/ /de nyid kyi phyir nyams
 dga' ba'o/ /yang na gang kha dog nag po zhes pa phra mor gyur pa ste/ A lI kA lI nA da'i phreng ba gnyis nyid kyis cha dang bral ba'o/ /de nyid kyi phyir 'jigs pa chen po'i gting dpag dka' ba'o/ /bdag med ma'i ye shes te/ de sbyin zhing
 gtong ba'i phyir bdag med pa bde ba sbyin pa po'o/ /gau rI la sogs pa rnams kyi mtshan ma gsungs pa/ dkar mo'i g.yas na gri gug ste/ /de bzhin g.yon na ro hi ta/ /chom rkun g.yas na cang te'u/ /g.yon pa'i phyag na pag pa'o/ /
 ro langs mo g.yas ru sbal te/ /g.yon pa yis ni pad+ma'i snod/ /g+hasma rI yi g.yas na sbrul/ /g.yon bas rnal 'byor snod yin no/ /puk+ka sI g.yas seng ge ste/ /de bzhin g.yon pas dgra sta'o/ /ri khrod ma g.yas dge slong ste/ /de bzhin
 g.yon pas gsil byed do/ /gdol pa mo g.yas 'khor lo ste/ /de bzhin g.yon pas thod pa'o/ /g.yung mo'i g.yas na rdo rje ste/ /de bzhin g.yon na sdigs mdzub bo/ /gri gug dang/ cang te'u dang/ pad+ma'i snod dang/ rnal 'byor gyi snod
 dang/ dgra sta dang/ gsil byed dang/ 'khor lo dar/ rdo rje rnams ni shes rab rnam par dag pa'i mtshan ma rnams te/ ro hi ta la sogs pa brgyad ni thabs rnam par dag pa'o/ /skyil krungs phyed pa'i gar gyis gnas/ /dkar mo la
 sogs phyag gnyis 'dod/ /spyan gsum skra ni gyen du ste/ /phyag rgya lnga yis rnam par brgyan/ /skyil krung phyed pa'i gar gyis gnas/ /zhes pa nges par gnyis su med par gnas pas mtshan cing/ brtan pa g.yo ba ged pa'i rang
 bzhin no/ /phyag gnyis zhes pa shes rab dang thabs kyi rang bzhin te/ spyan gsum zhes pa rdo rje gsum gyi rang bzhin no/ /skra ni gyen du zhes pa kaM ye shes te/ gyen du rgyas pa'o/ /de kaM dang gyen du rgyas pa yang yin
 pa'i phyir ro/ /de nyid ni dbang po gtso bo ste/ thams cad kyi bdag por gyur pa'i sbyor ba las dbu skra gyen du bgreng ba'o/ /de 'di rnams la yod pa'i phyir skra gyen du 'greng ba dang ldan pa ste/ bzhi pa'i rang bzhin zhes pa'i don no/ /
 phyag rgya lnga yis rnam par brgyan zhes pa phyag rgya lnga yis mngon par rdzogs par byang chub pa'i rang bzhin nyid ces pa'i don no/ /'dis ni skyil krung phyed pa'i gar gyis gnas pa nyid kyis gnyis su med pa'i rang bzhin no/ /phyag gnyis
 pa nyid kyis gnyis su med pa'i rang bzhin kho na gnyis kyi rang bzhin nyid do/ /spyan gsum pa nyid kyis gnyis kyis rang bzhin nyid gsum gyi rang bzhin no/ /dbu skra gyen du bsgreng ba nyid kyis gsum gyi rang bzhin nyid bzhi pa'i rang
 bzhin no/ /phyag rgya lnga yis rnam par brgyan pa nyid kyis bzhi pa'i rang bzhin nyid lnga pa'i rang bzhin zhes pa ste/ mkha' 'gro ma bco lnga'i rang bzhin gyi dkyil 'khor mkha' 'gro ma rnams kyi rang bzhin nyid gsungs pa'o/ /kha
 dog dbye ba so so gzhan zhes pa'i don nyid gsungs pa/ gau rI kha dog nag mor 'gyur/ /tsau rI btsod dang mtshungs pa ste/ /ro langs ma ni gser btsos bzhin/ /g+hasma rI ni mar kata mtshungs/ /in+d+ra nI la puk+ka sI/ /ri khrod zla
 ba chu shel 'dra/ /gtum mo nam mkha' sngo bsangs mdog /g.yung mo sna tshogs pa zhes 'dod/ /yan lag drug gis rnal 'byor rnam par dag pas gau rI la sogs pa mkha' 'gro ma rnams kyi kha dog tha dad pa drug ni sngar gsungs
 pa'i don gsungs pa ste/ /dang por nag por bsgom par bya/ /gnyis par dmar po rnam par bsgom/ /gsum par ser po bsgom bya zhing/ /bzhi par ljang ku de bzhin no/ /lnga par kha dog sngon po dang/ /drug pa dkar po'i lus can te/ /yan lag drug bsgoms
 rnal 'byor pa/ /dga' bral mthar yang de bzhin no zhes pa dga' bral gyis mdza' lhan cig skyes pa'o/ /de bzhin du gtum mo nam mkha' sngo bsangs mdog bya ba yang ste/ g.yung mo sna tshogs pa zhes 'dod ces pa dga' ba la sogs pa rnams
 kyang lhan cig skyes pa'i rang bzhin yin pa'i phyir g.yung mo sna tshogs pa nyid ces pa'o/ /gau rI la sogs pa'i gdan rnam par dag pa gsungs pa/ tshangs pa dbang po nye dbang grag /gshin rje dang ni nor bdag dang/ /bden bral dad ni thag
 bzangs ris/ /gau rI la sogs rnams kyi gdan zhes pa'o/ /dkyil 'khor rdzogs pas lha'i de kho na khong du chud pa'i phyir/ sngags kyi de kho na rtog pa'i don du bdag med mas zhus pa/ bo la bzhib par mdzad nas ni/ /bcom ldan 'das la
 gus mchod do/ /dam 'khyud tsum+ba na byed pas/ /bdag med ma yis sngags zhus so/ /bo la bzhib par mdzad nas ni zhes pa rdo rje pad+ma mnyam par sbyor bar mdzad nas/ bcom ldan 'das bdag la mchod de ces pa rim pa 'di nyid kyis mchod
 nas/ gus pa chags pa chen po'o/ /dam 'khyud tsam+ba na byed pas zhes pa kha sbyor ba las zhes pa'i don no/ /bud med rnams kyi dbang byed sngags/ /de bzhin gdug pa bsdigs pa dang/ /klu rnams skrod par byed pa nyid/ /lha
 dang lha min rnams nyed pa/ /de ni nga yis bshad bya yi/ /lha mo bde ba sbyin pa nyon/ /sangs rgyas byang chub sems dpa' la/ /bdag gis gzhan du ma bstan to/ /'di yi sngags kyi gang 'byung ba/ /rdo rje sems dpa' gar
 mdzad pa/ /lha mo shin tu 'jigs ma ste/ /ngo mi chog pas khyod la bshad/ /'bar ba'i phreng ba 'khrigs pa yis/ /dkyil 'khor rab tu bzhengs nas ni/ /rdo rje snying po'i dbang sbyin phyir/ /til mchog ma ni bkug par gyur/
 bzlas pa khri yis gsal ba dang/ /sgra ring ba dang mdzes pa yis/ /sgra ji bzhin pa'i don gsal ba nyid do/ /don gzhan brjod par bya ste/ /bzlas pa khri yis zhes pa a bdag med ma'o/ /des na 'di ni a ldan pa dang sngags bzlas pa yang yin pa'i
 phyir/ /a ldan pa bzlas pa de yis so/ /gsal ba zhes pa 'od gsal ba'o/ /sgra ring ba ces pa nA da mdza' dag gi bdag nyid can no/ /mdzes pa yis zhes pa yid 'phrog pas so/ /de nyid kyi phyir/ kye yi rdo rje'i sbyor ldan pas/ /btsun mo thams cad ces pa
 spyan ma la sogs pa'i lha mo rnams so/ /'bum phrag bzlas pas rnal 'byor bdag /'di ni las kun byed par 'gyur/ /he yig badzra'i rnal 'byor gyis/ /dogs pa med pa'i sems kyis so/ /'bum phrag bzlas pas zhes pa la k+ShaM mtshon par byed pa ste/
 'di ni 'bum dang sngags bzlas pa yang yin pa'i phyir/ des na 'bum phrag bzlas pa'o/ /'di ji ltar zhe na gsungs pa/ rnal 'byor bdag rnal 'byor dang ldan pa'o/ /las kun shes pa gdug pa bsdig pa la sogs pa byed par 'gyur ro/ /rnal
 'byor gyi bdag nyid ces pa ji lta bu zhe na gsungs pa/ he yig badzra'i rnal 'byor gyis/ /shes rab dang thabs dbyer med pa'o/ /'di nyid ji ltar zhe na gsungs pa/ dogs pa med pa'i sems kyis rnam par mi rtog pa'i ye shes kyis zhes pa'i don no/ /
 sngags nyid gsungs pa/ rig byed rnams kyi dang po nyid/ /zla phyed thig les brgyan pa ste/ /oM yig ces pa'i don no/ /phyi nas aSh+TA na nA ya/ pid+gord+ha ke sha warta ma ne/ tsa turpiM sha ni te trA ya/ de rjes Sho Da sha b+hu dzA ya/ kriSh+Na dzI mU ta wa pu She/ ka pA la
 mA lA ne band+ha? ri Ne/ Ad+h+na ta krU ra tsit+ta ya/ ard+he ndu daMSh+TI NaM/ oM mA ra ya mA ra ya/ kA ra ya kA ra ya/ gardzdza ya gardzdza ya/ tardzdza ya tardzdza ya/ sho Sha ya sho Sha ya/ sapta sA ga rAn/ band+ha band+ha/ nA gASh+Ta kAn/ grih+Na grih+Na sha trUM/ ha hA hi hI hu hU he hai ho hau haM ha(rgyud 'grel na rig byed rnams kyi dang po zhes pa me lta bu la sogs pa ye shes lnga po rnams kyi nye bar len par gyur pa'o/ /de nyid zla phyed ni rlung dang nA da ces pa'i don no/ /thig le ni ind+hu zla pa yongs su rdzogs pa zhes pa'i don no/ /phyi nas zhes pa mdza' ma'o/ /
 aSh+TA na nA ya ces pa a na na gnas te/ A li kA li nA da'i phreng ba gnyis so/ /aSh+Ta khyab pa ste/ de ni aSh+TA na na ces pa nA da'i rang bzhin cha dang bcas pa nyid ji srid cha dang bral ba'i nA da ces pa'o/ /de ltar gyur pa'i A yang ye shes te/ de ni gang zhig
 aSh+TA na nA yang zhes pa bod pa'i tshig go /de nyid kyi phyir pid+gord+ha ke sha barma ne khyod la zhes pa ste/ pid+hord+ha nyi ma'o/ /ke sha bde ba'i dbang po zla ba ste/ de ni pid+hord+ha ke sha gang gi ba rma lam de'i che du'o/ /slar yang bod la tsa tu rbaM sha ti ne trA ya ye shes lnga dang
 sku gsum gyi rang bzhin ni mkha' 'gro ma brgyad po rnams te/ de rnams kyang re re la ye shes gsum gyi bdag nyid kyis spyan nyi shu rtsa bzhi'i rang bzhin te/ de nyid gang gi a ya ye shes de bod pa'o/ /rjes Sho Da sha b+hu dzA ya mkha' 'gro ma brgyad po
 rnams shes rab dang thabs kyi rang bzhin nyid kyis bcu drug ste/ stong pa nyid bcu drug rnam par dag pa kho Da sha b+hu dzA'o/ /de nyid kyi phyir A ya gang gi ye shes de bod pa'o/ /kriSh+Na dzI mu ta ba pu She 'od gsal ba'i rang bzhin chos kyi sku khyod
 kyi phyir ces pa'o/ /ka pA la mA lA ne kand+ha ri Ne zhes pa mdza' yas pa'i ye shes kyi rang bzhin nyid kyis rnam pa thams cad mngon par rdzogs par byang chub pa mtshon pa'o/ /A d+hU? ta kru ra tsit+tA ya ces pa Ad+hU ta nyid kyis kun rdzob kyi
 bden pa'i bdag nyid do/ /kru ra nyid kyis don dam pa'i bdag nyid do/ /gang zhig bden gnyis kyi bdag nyid can de ni tsi ta tA zhes pa ste/ a b+hmA ta ka krU da tsit+tA'o/ /de ltar gyur pa'i A ya gang gis ye shes de bod pa'o/ /
 a d+hwendu daMSh+Ti Ne zhes pa ard+ha indu nA da ste/ thabs kyi yan lag nyid kyis kA lI'i phreng ba/ cung zad gsal ba'i Da Dha da d+ha ya la rnams dang lhan cig nA da bzhi bcu'o/ /de nyid gang gi mche bar gyur pa de ni a d+handu daMSh+Shir Ne zhes
 pa ste/ tshoms bzhi bcu gsungs so/ /mA ra ya mA ra ya/ kA ra ya kA ra ya/ gardzdza ya gardzdza ya/ tardzdza ya tardzdza ya/ sho Sha ya sho Sha ya/ sapta sA ga rAn/ band+ha band+ha na g+hASh+Ta kAn/ grih+na grih+na sha trUM/ ha hA hi hI hu hU he hai ho hau haM ha:
 zhes pa bcom ldan 'das kyi sngags kyi rang bzhin shes rab dang thabs dbyer med pa nyid rab tu bstan te/ kha sbyor mngon par gsal ba nyid kyi phyir ro/ ri rI li lI dbyangs bzhi'i sbyor ba ma bstan te/ ma ning nyid kyi phyir ro//
 'bar ba'i phreng ba 'khrigs pa yi/ /dkyil 'khor rab tu bzhengs nas ni/ /zhes gsungs pa la/ dkyil 'khor de'i don nyid lha mos zhus pa'i sgo nas gsungs pa/ de la lha mo de dgyes nas/ /bsrub cing bsrub pa'i sbyor
 ba las/ /dam 'khyud tsum+ba na byed pas/ /dkyil 'khor yid du 'ong ba zhus/ /der ni ston pa ye shes che/ /rang nyid dkyil 'khor 'dri bar mdzad/ /der ni zhes pa dbang bskur ba sbyin pa'i dus su'o/ /ston pa zhes pa 'gro ba'i
 bla ma'o/ /ye shes che zhes pa thams cad mkhyen pa ste/ de ni ma gzigs pa dang/ ma gsan pa dang/ ma rig pa cung zad kyang med pa'o/ /rang nyid dkyil 'khor rdul tshon gyi rang bzhin 'dri par mdzad de/ /rdo rje pad+ma mnyam
 sbyar nas/ dgyes pa'i thugs ni mnyam gzhag ste/ /rim pa gcig pa sgo bzhi pa/ /sna tshogs 'od zer yang dag 'khrigs/ /rta babs bzhi dang yang dag ldan/ /rdo rje srad bu rnams kyis brgyan/ /re khas? lnga dang yang dag ldan/ /de
 nas bum pa brgyad po dgod/ /rin chen lnga yi phye ma 'am/ /yang na 'bras la sogs pa yis/ /dur khrod sa phag gis kyang ste/ /de bzhin dur khrod sgrol bas so/ /de dbus 'dab brgyad pad+ma ni/ /ze bar bcas pa bri
 bar bya/ /snying por thod pa cha gsum pa/ /kha dog dkar po bri bar bya/ /dbang ldan du ni sha ra b+ha/ /me yi mtshams su dge slong bri/ /bden bral du ni 'khor lo bri/ /de nas rlung du rdo rje bri bar bya/ /shar sgor de bzhin gri
 gug ste/ /lho ru cang te'u bri bar bya/ /nub tu ru sbal bri bya zhing/ /de bzhin byang du lto 'phye'o/ /lha mo'i kha dog dbye ba yis/ /phyag mtshan brgyad du rab tu grags/ /dbus su thod pa dkar po yang/ /sna tshogs rdo rjes
 mtshan pa bri/ /de nas rnam rgyal bum pa dgod/ /yal ga'i rtse mo gos bzangs can/ /lto ba rin chen lnga bzang po/ /sha li skyes pas yongs gang ba'o/ /mang du rab tu brjod pas ci/ /ji ltar de nyid bsdus pa yis/ /
 dkyil 'khor cho ga de bzhin bya/ /sgra ji bzhin pa'i don rab tu gsal ba nyid do/ /yang na/ rim pa gcig pa zhes pa rim pa kha sbyor te/ gcig gnyis su med pa'o/ /sgo bzhi pa zhes pa dga' ba bzhi'i rang bzhin no/ /sna
 tshogs 'od zer yang dag 'khrigs/ /zhes pa mngon par shes pa drug gi yon tan dang ldan pa'o/ /rta babs bzhi dang yang dag ldan zhes pa gzhan dga' ba bzhi'i rang bzhin no/ /rdo rje srad bu rnams kyis brgyan zhes pa
 rdo rje rigs kyi dbang po ste/ srad bu a ba d+hu tI'o/ /gnyis ka bzhi'i rang bzhin nyid las gnyis la mang po'i tshig go /rdo rje srad bus brgyan zhes pa dang ldan pa'o/ /re khA lnga dang yang dag ldan zhes pa me long
 lta bu la sogs pa ye shes lnga'i rang bzhin no/ /de nas bum pa brgyad ces pa de nyid kyi phyir ye shes lnga'i rang bzhin nyid sku gsum dang lhan cig brgyad de chos nyid kyi rang bzhin rgyu dang gzhir gyur pa'o/ /rin
 chen lnga'i phye ma 'am zhes pa la sogs pa sngar gsungs pa'i don nyid do/ /de dbus 'dab brgyad pad+ma ni de dbus zhes pa dbus zhes pa dkyil 'khor dbus su pad+ma zhes pha ye shes te/ 'dab brgyad ces pa mdza' 
 yas pa'i ye shes kyis khyab pa'o/ /ze bar bcas pa zhes pa ke sha zla ba'o/ /ra nyi ma ste lhan cig gyur pa ke sha ra'o/ /snying por thod pa cha gsum pa zhes pa snying po'i smras ze ba'i dbus te/ 'dis zla ba dang
 nyi ma dag gi dbus su thod pa rdo rje 'chang gi ye shes so/ /zla ba dang nyi ma sa bon gsum po rnams dang ldan pa ste/ kha dog dkar po la sogs pa 'od gsal ba'i rang bzhin no/ /lha mo'i kha dog dbye ba yis/ /phyag mtshan brgyad
 du rab tu grags zhes pa zla ba dang nyi ma dang sa bon la sogs pa'i rim pas me long lta bu la sogs pa ye shes lnga'i rang bzhin sku gsung thugs dang lhan cig phyag mtshan brgyad do/ /dbus su thod pa dkar po yang zhes pa brgyad
 po rnams kyi dbus su chos 'byung ngo/ /sna tshogs rdo rjes mtshan pa zhes pa mtshan sna tshogs rdo rje ste/ rdo rje 'chang dang bdag med ma kha sbyor zhes pa'i don no/ /rnam rgyal bum pa zhes pa nyon mongs pa'i bag chags ma lus pa'i dgra
 las rnam par rgyal pas rnam rgyal te/ de lta ma gyur pa'i bum pa'i ye shes so/ /lte ba rin chen lnga zhes pa mi skyod pa la sogs pa de bzhin gshegs pa lnga'i sku'o/ /de nyid kyi phyir bzang po lha'i bdag nyid can no/ /shA li skyes pas
 yongs su bkang zhes pa shA li skyes pa'i sgras shin tu rnam par dag pa'i yul te/ de rnams kyis yongs su bkang ba'o/ /mang du rab tu brjod pas ci smra ba mang pos chog ste/ ji ltar de nyid bsdus pa yi/ /dkyil 'khor cho ga de bzhin bya//
 de nyid bsdus pa zhes pa de kho na yang dag pa'i ye shes te/ bsdus pa rtogs pa'o/ /de ni de ltar gyur pa ni dkyil 'khor gyi cho ga ste/ de ji lta ba de bzhin du bya'o/ /'dis ni/ rkang pa'i rjes ni dkyil 'khor yin zhes pa 'di'i
 don shin tu nges pa'o/ /bcu gnyis brgyad gnyis lon pa yi/ /rig ma bde chen brgyad po ni /do shal rkang gdub kyis brgyan te/ /dkyil 'khor du ni rab tu gzhug /ma dang sring mo nyid dang ni/ /bu mo sring mo'i bu mo dang/ /de
 bzhin zhang po'i chung ma dang/ /ma yi spun dang sgyug mo dang/ /de bzhin pa yi sring mo nyid/ /rig ma brgyad du rab tu grags/ /sgra ji bzhin pa'i don gsal ba nyid do/ /bcu gnyis lon pa zhes pa ma ning gi rang bzhin bzhi spangs pa'o//
 brgyad gnyis lon pa zhes pa de nyid bzhi dang rtogs pa'o/ /rig ma brgyad po zhes pa dga' ba la sogs pa bzhi tshan gnyis kyis so/ /de nyid kyi phyir bde ba chen po ste/ dkyil 'khor yang dag pa'i ye shes su gzhug par bya zhing
 de'i bdag nyid kyis rnam par gnas par bya'o/ /'dis ni dkyil 'khor gnyis pa kha sbyor nyid mtshon pa'o/ /dam 'khyud tsumpa na byed pas/ /'di rnams rnal 'byor pa yis mchod/ /der ni ga bur btung bya zhing/ /de yis
 dkyil 'khor bsang gtor bya/ /de rnams btung bya rnal 'byor pa/ /dngos grub myur du thob par 'gyur/ /dam 'khyud ces pa la sogs pas kha sbyor gyi rnal 'byor gsungs so/ /der ni de'i dus na ga bur
 byang chub kyi sems btung bar bya ste/ rdo rje lce yis zhes pa gdams ngag go /de yis dkyil 'khor bsang gtor bya zhes pa des 'dus pa rnam par dag pa zhes pa'i don no/ /de rnams btung bya ces pa rdo rje lce yis zhes
 pa gdams ngag go /de nyid kyi phyir rnal 'byor pa dngos grub myur du thob par 'gyur te myur du de'i skad cig las 'grub par 'gyur ro zhes pa'i don no/ /der ni chang yang btung bar bya ces pa der thugs kyi mngon par
 zhen pa yal bar gyur pa'o/ /sha dang shI la skyes pa bza' zhes pa de la sku'i mngon par zhen pa yang med do ces pa'i don no/ /mngon par zhen pa gnyis yal bar gyur pa na mtshan ma'i mngon par zhen pa yang yal ba'i
 phyir tha dad du ma gsungs so/ /de ni gos dang bral byas nas/ /b+ha gar tsumpa yang yang bya/ /de ni gos dang bral zhes pa sgrib pa dang bral ba rang bzhin med par byas na b+ha ga ye shes la tsum+ba bya'o/ /yang yang zhes pa skad cig so
 sor bar ma chad par rab tu rtogs par gyur pa'o/ /yang na gang tsum+ba bya ces pa 'dis gsung gi mngon par zhen pa yang de la med do/ /zhes gsal ba nyid kyis gsungs so/ /de rnams kyis kyang bo la bzhi ba/ /gar bya glu
 yang blang bar bya/ /de rnams kyis kyang bo la rdo rje ye shes bzhi pa ste/ ye shes kyi mngon par zhen pa bshig par bya'o/ /gar dang glu yang blang bar bya ces pa gar dang glu'i don gsungs pa nyid do/ /bo la kak+ko la sbyar nas/ /de la
 rol bar bya'o/ /kha sbyor gyi rnal 'byor nyid las thams cad bsgrub par bya'o/ /zhes pa'i don no/ /de nas thun tshod gnyis pa la/ /gos kyi mig ni bkab nas su/ /der ni slob ma gzhug bya zhing/ /phyi nas dkyil 'khor rab tu bstan/ /gos kyis
 zhes pa gos ser pos/ /mtshan mo skye bo med khyim du/ /ji ltar gsungs pa'i dbang bskur ni/ /slob dpon la sogs dbye ba las/ /de la dbang ni sbyin par bya/ /slob ma'i sgras dbang po la sogs pa'o/ /de rnams gzhug par bya zhing de
 nas dkyil 'khor bstan pa 'dus pa'i ye shes mngon par gsal ba'o/ /de nyid dbang ste dri ma med pa'i ye shes so/ /de nyid kyi phyir skye bo med khyim du skye bo sku'i mngon par zhen pa dang bral ba'o/ /ji ltar mchod dang bstod bshad pa/ /slob
 ma bzang pos sngar shes bya/ /de la de nyid bstan bya ste/ /dga' bral dang po mchog mdza' can/ /rgyud kun tu ni sbas pa ste/ /mdza' ni mdza' rab tu gsal ba/ /'di ni dang po dang dga' ba yang ba'i phyir dga' bral dang po'o/ /'di ni
 mchog dang mdza' yang yin pa'i phyir mchog ste/ de ltar gyur pa'i kaM dga' bral dang po mchog mdza' can no/ /yang na gang/ dga' bral de gang gi dang po yin pa ni dga' bral dang po ste/ /de ltar gyur pa'i mchog phul du byung ba'o/ /
 mdza' ni mthar gyur pa ste/ mdza' gyur pa 'di lta bu ni kaM ye shes so/ /yang na gang 'di ni dga' bral dang/ dang po mchog kyang yin pa'i phyir dga' ba dang po mchog go /de mthar gyur pa'i phyir dga' bral dang po mchog
 mdza' can no/ /rgyud kun tu ni sbas pa ste zhes pa rgod par brjod pa la sogs pa rnams su'o/ /yang na gang/ bstan bcos thams cad du sbas pa'o/ /de khyad par ci zhe na mdza' ni ste/ de las mchog
 ci yang med pa'o/ /de nyid mdza' mthar thug pa ji srid yang dag pa'i mdza' de bzhin nyid ces pa'o/ /de rab tu gsal te 'od gsal ba'i rang bzhin zhes pa'o/ /rdo rje mchod pa'i
 rab sbyor las/ /de la lha mo des zhus pa/ lha de'i skad cig ji ltar lags/ /gtso bo chen pos bshad du gsol/ /bcom ldan 'das kyis bka' stsal pa/ de la thog ma dbus mdza' med/ /srid med
 mya ngan 'das pa med/ /'di ni mchog tu bde chen nyid/ /bdag med gzhan yang med pa'o/ /thog ma med ces pa thog ma skye ba med do/ /de med pa'i phyir mdza' 'jig pa med do/ /skye ba dang 'jig pas med pa'i phyir de la dbus med de
 skad cig de la dbus gnas pa med do/ /de nyid gsal bar byed pa sred med 'khor ba med de/ gdod ma nas ma skyes pa'i bar kun rdzob med do/ /de med phyir mya ngan las 'das pa med de/ gdod ma nas ma skyes
 pa nyid kyi phyir mya ngan las 'das pa 'jig pa med do zhes dgongs pa'o/ /yang na gang/ srid med mya ngan las 'das pa med ces pa kun rdzob kyi bden pa dang/ don dam pa'i bden pa zhes bya ba'i bden
 pa gnyis po med do/ /de ltar yang 'phags pas/ dngos po gang zhig ma skyes pa/ /ji ltar gzhan du skye bar 'gyur/ /mo gsham bu yang bu nyid du/ /'dir ni skye bar 'gyur ba 'am zhes so/ /'di ni
 mchog tu bde chen nyid/ /'di mchog tu bde ba chen po phul du byung ba'i bde ba yang dag pa'i ye shes so/ /de la bde ba nyams su myong ba yang med de/ nyon mongs pa'i bag chags yongs su
 spangs pa'i rang bzhin nyid kyi phyir ro/ /de nyid kyi phyir bdag med gzhan yang med pa'o/ /de la bdag dang gzhan rtog pa yang med de/ dbyer med pa'i rang bzhin nyid kyi phyir zhes dgongs pa'o/ /skad cig
 'di nyid ji ltar rtogs par bya zhe na gsungs pa/ rang gi lag pa g.yas g.yon gyi/ /mthe bong ming med de dag gis/ /longs spyod rdzogs pa'i rlabs gnyis su/ /rnal 'byor pa yis btsir bar
 bya/ /'di ni rang gi lag pa dang/ g.yas pa dang g.yon pa yang yin pa'i phyir rang gi lag pa g.yas g.yon no/ /g.yas pa dang g.yon pa de'i gang zhig mthe bo dang ming med gang yin pa de dag
 gis longs spyod rdzogs pa'i 'khor lor brlabs gnyis bsdum par bya'o/ /rnal 'byor pa ces pa rnal 'byor shes pa ste/ 'dir bla ma'i gdams ngag yod pa'o/ /yang na gang rang zhes pa sems
 so/ /g.yon pa zhes pa zla ba ste/ g.yas ni nyi ma'o/ /'dis zla ba dang nyi ma dang sa bon rnams te/ gcig nyid kyis bya ba grub pa'i ye shes las/ lag pa zhes shin tu rnam par dag pa chos kyi
 dbyings kyi ye shes lhan cig ye shes lnga rnams so/ /ye shes lnga dang rang bzhin gcig pa de mthe bong ni gang zhig snying rje'i rang bzhin thabs kyi ye shes kun rdzob kyi bden pa'o/ /ming med ces pa gang zhig stong pa
 nyid kyi rang bzhin shes rab kyi ye shes don dam pa'i bden pa'o/ /de dag gi rlabs gnyis shugs gnyis te/ gzung ba la sogs pa'i mngon par zhen pa'o/ /de btsir zhing gcig tu bya'o/ /rnal 'byor pa zhes pa zung du 'jug pa shes pa'o/ /zung du 'jug pa shes
 pa'i mtshan nyid gsungs pa/ longs spyod rdzogs pa zhes pa yang dag par longs spyod pa ni longs spyod rdzogs pa ste/ lhan cig skyes pa'i skad cig de la zhes pa'i don no/ /'dis ni stong pa nyid dang snying rje dbyer med pa gang yin pa de byang chub kyi sems te/ de
 nyid ye shes lnga dang sku dang gsum gyi rang bzhin nyid do ces pa gsungs pa'i don no/ /yang na gang/ rang gi lag pa g.yas g.yon gyi zhes pa lag pa g.yas pa dang g.yon pa dag gi mthe bong dang ming med pa/ gang yin pa de dag gis/ longs spyod rdzogs pa byang chub kyi
 sems rdo rje nor bu'i bar du son pa'i skad cig la rlabs gnyis 'og dang steng du rnal 'byor pas brtsir bar bya'o/ /de las brtan par gyur pa ni lhan cig skyes pa rab tu gsal bar 'byung bar 'gyur ro zhes dgongs pa'o/ /de ltar byas pa na ci
 zhig 'byung bar 'gyur zhe na/ phyi nas ye shes skye bar 'gyur/ /gzhon nu ma yi dga' ba bzhin/ /phyi nas bar ma chad par skye bar 'gyur te/ lhan cig skyes pa'i ye shes rab tu gsal ba mngon du byed par 'gyur ro/ /dpe gsungs pa/ gzhon nu ma'i dga' 
 pa bzhin nyams su myong ba med pa spyod yul ma yin pa'i don te/ dga' ba ni bzang po'i dga' ba phul du byung ba'i bde ba'o/ /des na ye shes de ni gzhon nu ma'i nyams su myong ba de lta bu'o/ /gzhon nu ma'i dga' ba nyid ci lta bu zhe na/ dpe'i dpe gsungs pa/ gzhon nu
 ma'i dga' ba de yang de la ci yang skye 'gyur te/ lkugs pa'i rmi lam ji lta ba/ de la zhes pa gzhon nu ma de la ci yang med pa ma ning ste/ de dang 'di zhes gang zhig yongs su bcad par mi nus pa de lta bu skye bar 'gyur zhing rab tu gsal ba nyid kyis myong bar
 'gyur ro/ /de yang lkugs pa'i rmi lam ji lta bar zhes pa ji ltar smra mi shes pas rmi lam du mthong ba de yang brjod par mi nus kyi rang nyid yongs su shes pa bzhin no/ /'dis ni dpe tsam nyid de/ gang la tshig gis nges par mi nus pa de la dpes mtshon pa'i
 chos brjod pas chog go ces pa'o/ /rang rig pa rdo rje gsum dbyer med pa de ni lhan cig skyes pa'i ye shes yin pa'i phyir/ lhan cig skyes pa'i rang bzhin nyid gsungs pa/ mchog mdza' dga' bral gyi dbus ni/ /stong dang stong min he ru ka /zhes pa mchog ni phul du byung ba'o//
 mdza' ni mthar gyur ba ste/ gang gi zhe na/ dga' bral gyi dbus so/ /dga' bral gyi dbus zhes pa mdza' dga' bral yang chags pa dang bral ba'i ngo bor gnas pa'o/ /de ni res dga' mdza' nyid do zhes dogs pa gsal pa'i don du dga' bral gyi dbus zhes pa ste/ 'di
 dbus dang dga' bral yang yin pa'i phyir dbus dga' bral lo/ /dga' ba dang mchog dga' dag dang/ lhan cig skyes pa dang/ dga' bral dag go /de dag gi dbus ni chags pa dang bral ba ste/ de'i mdza' o/ /de khyad par ci zhe na/ gsungs pa/ stong dang stong min zhes pa ni rang
 bzhin dang bral ba ste de nyid stong min phal pa'i rang bzhin zhes pa'i don no/ /de gang zhe na/ he ru ka zhes pa ste/ he zhes pa dang po rgyu dang bral ba'o/ /ru zhes pa ru yig bkod pa dang bral ba'o/ /ka zhes pa gang du yang mi gnas pa ste/ rdo rje gsum dbyer med pa rnam par
 thar pa'i sgo gsum gyi rang bzhin ma ning zhes pa'o/ /gal te yang/ dga' bral gyi dga' ba la mi 'jug pa ltar na yang thams cad du khyad par gyi 'dod chags nyams su myong ba'i phyir/ the tshom du 'gyur ro/ /gzhan du na skad cig bzhi tha dad du mi 'gyur te/ dga' 
 ba'i rang bzhin shin tu phra mo gcig nyid yin pa'i phyir zhes dgongs pa'o/ /yang na gang mchog mdza' zhes pa mchog dang de mdza' yang ste/ mchog mdza' o/ /gang gi zhe na dbus dang dga' bral gyi dbus mchog dga' / dbus mchog dga' dang mdza' dga' bral gyi dga' ba ste/ mdza' dang dbus
 dag la dang po med pas bar ma yang ngo/ /de la dga' ba yang yod pa'i phyir dga' ba gsum po gang yin pa de nyid kyi mchog mdza' lhan cig skyes pa'o/ /de yang lus dang ngag dang sems rnams kyi spyod yul yin pa nyid kyis nges par mi nus pa nyid kyi phyir gzhon nu ma'i
 dga' ba la sogs pa'i dpe cung zad tha snyad lhag par gnas pas nye bar bstan to/ /stong dang stong min he ru ka zhes pa gsungs pa'i don nyid do/ /kye'i rdo rje mngon par 'byung ba zhes bya ba'i le'u ste lnga pa'o/ /kye'i rdo rje zhes pa shes
 rab dang thabs dbyer med pa'i ye shes so/ /de'i mngon par 'byung ba ni rnam pa thams cad mchog dang ldan pa stong pa nyid kyi rang bzhin gyis yongs su grub pa rdo rje 'chang gi go 'phang yang dag par rdzogs pa'i byang chub bo/ /de ltar gyur pa'i zhes
 bya ba ni brda dang ldan pa'o/ /de ni le'u lnga ste/ lnga rnams kyi rdzogs pa'o zhes pa kye'i rdo rje'i 'grel bshad kha sbyor shin tu dri ma med pa las brtag pa gnyis pa'i le'u ste lnga pa'o// //kye'i rdo rje mngon par 'byung ba ye shes lnga dang/ sku
 gsum gyi rang bzhin nyid kyi ye shes lnga'i rang bzhin phyag rgya lnga po nyid bstan pa'i phyir gsungs pa/ lha mo la ni dam 'khyud cing/ /bo la thod par bcug nas ni/ /dam du ku tsa bzung mdzad de/ /skyes pa'i mdza' ni bzhi bas
 nas kyang/ /tshems kyis ma mchu btsir nas ni/ /mchan khung sen mos rma mdzad de/ /mnyam sbyor bde ba mya mdzad nas/ /phyag rgya lnga ni rnam phye ba/ don rab tu gsal ba nyid do/ /yang na lha mo la ni dam 'khyud cing zhes pa dga' ba'i ye shes so/ /bo la thong bar bcug
 nas ni zhes pa mchog dga' i ye shes so/ dam du ku tsa gzung mdzad de ces dga' bral ces dga' bral gyi dga' ba'i ye shes so/ /skyes pa'i mdza' ni bzhi pas nas zhes pa lhan cig skyes pa'i dga' ba'i ye shes so/ /de ltar gyur pa na mnyam sbyor bde ba gnyis su med pa'i ye
 shes mngon du gyur par mdzad nas phyag rgya lnga rab tu gsal bar mdzad do/ /tshems kyis ma mchu btsir nas ni/ /mchan khung sen mos rma mdzad de/ /zhes pa sngon du rjes su chags pa ste/ /de'i rjes la dam 'khyud ces pa gsol ba'o/ /phyag rgya lnga po nyid gsungs pa/ /bla ma
 slob dpon 'dod lha la/ /phyag 'tshal don du 'khor lo 'dzin/ /spyi bor 'khor lo 'dzin pa nyid las rtag tu bla ma la sogs pa la/ phyag 'tshal nyid de/ 'khor lo'i phyag rgya rnam par dag pa ni mi bskyod pa zhes dgongs pa'o/ /bla ma rdo rje 'dzin pa
 la/ /smod tshig mi nyan pa yi phyir/ /rna ba dag la rna cha 'dzin/ /rna cha rnam par dag pa 'od dpag med de/ de yang 'du shes kyi phung po yin pa'i phyir mngon par brjod pa rnam par dag pa rna cha'i phyag rgya 'dzin pa smod tshig mi nyan pa nyid do/ /sngags kyi bzlas pa mgul
 rgyan te zhes pa mgul ba nyid sgra yin zhing sgra'i rang bzhin ni sngags yin pa'i phyir mgul rgyan gyi phyag rgya rnam par dag pa sngags bzlas pa'o/ /de ni tshor ba'i phung po rnam par dag pa ste/ /de ni rin chen dbang po'o/ /gdu bu srog chags gsod pa spangs lag
 pas srog chags gsod par byed de/ de yang gdu bu'i phyag rgyas rgyas btab pas srog gcod pa spong ba gdu bu'i phyag rgya rnam par dag pa gzugs kyi phung po'i bdag nyid can rnam par snang mdzad rnam par dag pa'o/ /phyag rgya bsten ska rags te/ /rked pa'i
 phyag rgyas phyi rol gyi phyag rgya bsten pa spong ba rnam par dag pa ste/ 'di rtag tu nang gi phyag rgya bsten pa nyid do/ /ska rags kyi phyag rgya rnam par dag pas phyag rgyas bsten pa ste/ 'du byed kyi phung po'i bdag nyid can don yod grub pa gsungs so//
 sdud pa gsungs pa sangs rgyas lnga yi phyag rgya yis/ /rtag tu lus la phyag rgyas gdab/ /lus zhes pa kye'i rdo rje'i rang bzhin no/ /phyag rgyas gdab ces pa mtshan par byed pa'o/ /rtag tu zhes pa rgyan du bar chad med pa nyid kyis so/ /ci zhe na/ mtshan ma dang
 phyag rgya yis so/ /gang gi zhe na sangs rgyas lnga'i zhes pa me long lta bu la sogs pa ye shes lnga'i rang bzhin gyi zhes pa'o/ /'dis kye'i rdo rje mngon par 'byung ba ni rgyu brgyad dang chos nyid de/ chos yan lag dgu mtshon pa'o/ /sku gsum ye shes lnga'i rang
 bzhin nyid kyis bsgom bar bya ba'i dkyil 'khor dang/ bri bar bya ba'i dkyil 'khor gyi don du bdag med mas zhu ba'i sgo nas dri ba mdzad pa/ de nas rab tu bzhad mdzad nas/ /tshems kyis ma mchu btsir nas ni/ /lhan skyes gzugs
 can kye'i rdo rje/ /de la lha mo des zhus pa/ /rab tu bzhad ces pa rnal 'byor ma rnams kyi drag tu bzhad pa'i sngags ha ha ha ha ha zhes pa de bzhin gshegs pa lnga'i skur mdzad nas/ tshems kyis ma mchu btsir nas ni zhes pa sngon du bcom ldan 'das la rjes su
 chags par mdzad nas rab tu bzhad ces dgongs pa'o/ /lha mo zhes pa spro ba'i rang bzhin te/ kye rdo rje zhes pa gnyis ka dbyer med pa'i sku'o/ /de nyid kyi phyir lhan skyes gzugs can yang dag pa'i ye shes kyi rang bzhin no/ /de ci zhe na gsungs
 pa/ gtso bo cho ga gang gis dang/ /de bzhin bya ba gang zhig gis/ /kye ye shes rdo rje'i bris sku bya/ /bde ba chen po bshad du gsol/ /bcom ldan 'das kyis bka' stsal pa/ 'dir ni 'dri mkhan dam tshig can/ /sgrub po 'ang dam tshig ldan pa
 yis/ /bris sku 'jigs pa bri bar bya/ /thod par gnas pa'i kha dog lngas/ /re yi skra yi pir gyis ni/ /bris sku bla ma bri bar bya// /thod par gnas pa zhes pa mi'i thod par gnas pa ste/ kha dog lngas zhes
 pa bdud rtsi lnga bsres pa'i kha dog lnga po rnams kyis so/ /ro yi skra zhes pa sbyangs pa'i ro'i skra'i pir gyis/ kye'i rdo rje'i bris sku bri bar bya'o zhes pa ste/ bdag med ma'i dris sku dang/ phyag gnyis pa la sogs pa'i he ru ka'i bris ba yang kye'i rdo rje nyid kyi kha sbyor
 nyid kyi phyir ro/ /he ru ka phyag gnyis pa'i yang dkyil 'khor ba'i lha mo rnams ni/ ji ltar phyag bcu drug pa'i dkyil 'khor ba bzhin no/ /yang na gang bris sku bla ma zhes pa kun rdzob kyi bden pa'i bdag nyid can gyi kye'i rdo rje'o/ /bris sku 'jigs
 pa zhes pa don dam pa'i bden pa'i bdag nyid can gyi kye'i rdo rje ste/ bden pa gnyis dbyer ba med nyid bden pa gnyis zhes gsungs so/ /de bri zhing ba sgrub par bya'o/ /gang gis zhe na kha dog lngas me long lta bu la sogs pa ye shes lnga yis so/ /ji lta
 bus zhe na/ thod mar gnas pa na yig dang ra yig dbyer med pa las kha sbyar ro/ /de ltar gyur pa'i kaM ye shes te/ der gnas pa de'i bdag nyid kyis de'i nang du thim par gyur pa'o/ /ro'i skra zhes pa chos kyi dbyings kyi ye shes so/ /pir zhes pa thams
 cad rang bzhin gcig pa nyid kyis zhes pa'i don no/ /gang gang skud pa mkhal ba dang/ /gang gang ras yug 'thag pa ste/ /de yang dam tshig can nges pas/ /dam tshig byin rlabs rnal 'byor las/ /de yang dam tshig can nges par zhes pa dam tshig lha
 spro ba'o/ /de ldan pa bdag med ma nges so/ /'di nyid ci ltar zhe na/ dam tshig byin rlabs rnal 'byor las zhes pa lha thams cad kyi byin rlabs kyi sbyor ba nyid de/ de'i kha sbyor zhes pa'i don no/ /zla ba zla ba'i mar ngo yi/ /bcu bzhi pa la khyim dben
 pa/ /nyin gung drag po'i sems kyis ni/ /cung zad chang ni btung bya zhing/ /lus la ni rang shu bsams te/ de bzhin gcer bur gyur pas kyang/ /lhag ma dang ni mi gtsang bas/ /de nas dam tshig bza' bar bya/ /zla ba zla ba'i zhes pa la sogs  
 pa/ de nas dam tshig bza' bar bya zhes pa'i bar gyis/ 'dri mkhan dang sgrub pa po dang slud pa dang ras yug sgrub par byed pa gsum char gyis kyang 'di bri ste/ don gsal ba nyid do/ /yang na gang zla ba zla ba'i zhes grang ba dang bral ba'o/ /'di nyid ji ltar
 zhe na/ mar ngo zhes pa bdag med mar gyur pa'o/ /bcu bzhi pa zhes pa mkha' 'gro ma bcu bzhi dang ldan pa'o/ /khyim dben par zhes pa chos kyi dbyings kyi rang bzhin chos 'byung gzhal yas khang par ru'o/ /khyad par ci zhe na/ nyin gung gnyis su med pa'i
 rang bzhin kye'i rdo rje'i bdag nyid do/ /'di ji ltar zhe na gsungs pa/ cung zad ces pa sems par byed pa'i phyir sems so/ /de khyad par ci zhe na kiM/ ci zhes pa spyod yul ma yin pa'i rang bzhin nyid kyi phyir ro/ /chang ni btung bya zhing
 sems kyi mngon par zhen pa spong ba'o/ /lus la mkha' spyod ma'i mthar thug pa rtog pa na/ ni ra shu zla ba'o/ /ka bde ba ste/ bsams te 'di'i mthar thug pa bsam pa'i spyod yul nyid ces pa'o/ /de bzhin gcer bur gyur pas kyang zhes pa
 sgrib pa dang bral ba'i rang bzhin nyid du gyur pa'o/ /de bzhin yang zhes pa bzhi pa de yang de bzhin no zhes pa mtshon pa'o/ /lhag ma dang ni mi gtsang bas zhes pa gtsang ba dang mi gtsang ba la sogs pa rnam par rtog pa spangs pa'i phyir ro/ /dam
 tshig ni lha thams cad kyi 'byung ba'i rang bzhin te/ bza' ba ni rang bzhin med pa'i rang bzhin nyid rtogs par bya'o zhes pa'i don no/ /bzhin bzang snying rje ldan pa dang/ /gzugs dang lang tsho skal bzang ma/ /me tog bzang por sgrub por
 dga' / /rang gi phyag rgya g.yon du bzhag /'di ni 'dri mkhan gyis ri mo 'dri bar byed pa'i dus na ji ltar bya ba de gsungs pa'o/ /yang na gang rang gi phyag rgya lhan cig skyes pa'i ye shes te/ bzhag pa ni g.yo ba med pa nyid kyis nges
 par byed pa'o/ /gang du zhe na g.yon zla bar te/ bzhin bzang gnyis ka'i nA da'i phreng ba gnyis dbyer med cing dkyil 'khor gnyis dbyer med pa'i rang bzhin oM zhes pa'o/ /snying rje ldan zhes pa 'gro ba'i don bsgrub par bzod pa ste/ 'du
 shes kyi phung po'i rang bzhin 'od dpag med kyi ye shes kyi rang bzhin no/ /gzugs dang lang tsho skal bzang ma zhes pa rdo rje gsum gyi rang bzhin te/ sngar brjod pa'i don gyi rang bzhin no/ /me tog bzang po zhes pa bzang po khu ba dang/
 me tog rdul te/ zla ba dang nyi ma dbyer med pa'o/ /aM de lta bu'i don nyid do/ /de nyid kyi phyir sgrub pa po la dga' ba ni rdo rje 'chang dang dbyer med pa nyid kyis kha sbyor gyi rang bzhin nyid do zhes pa'i don no/ /kye'i rdo rje mkha' 'gro ma dra ba
 sdom par bris sku'i cho ga'i le'u ste drug pa'i/ /zhes pa kye'i rdo rje'i 'grel bshad/ kha sbyor shin tu dri ma med pa las brtag pa gnyis pa'i le'u ste drug pa'o// //de nas de la lha mos zhus/ /bo la kak+ko la sbyor bas/ /tshems kyis ma mchu
 btsir nas ni/ /glegs bam yang ni ji ltar 'gyur/ zhes pa'o/ da ni dkyil 'khor gsum gyi rang bzhin rtogs te/ bsgom par bya ba'i dkyil 'khor dang/ rdul tshon gyi dkyil 'khor dang/ bris sku'i cho ga sngar rtogs shing/ rdo rje rigs kyi
 le'ur mdor bstan pa sku rdo rje'i ngo bo sprul pa'i sku'i rang bzhin khong du chung nas sngags kyi le'ur mdor bstan pa gsungs rdo rje'i rang bzhin longs spyod rdzogs pa'i sku sprul pa'i sku dang dbyer med pa glegs bam yang ji ltar 'gyur zhes zhu ba'i sgo
 nas gsungs pa'o/ de nyid gsungs pa/ rdo rje pad+ma mnyam sbyor las/ mnyes te lha yis rab gsal mdzad/ /kha sbyor gyi rang bzhin nyid las spro ba'i bdag nyid 'od gsal ba nyid kyis rnam par gnas pa'o/ /glegs baM nga yis bshad bya yis/
 lha mo skal ba chen mo nyon/ /brang chen snang tsha byas nas ni/ /mi yi rus pa'i 'dri smyug gis/ /glegs baM sor ni bcu gnyis pa/ /gro gar dam tshig can gyis bri/ /sbrang chen gyi sgras rin chen dbang po'o/ /yang na gang bdud rtsi lnga nyid do zhes 'ga' 
 zhig 'dod do/ /glegs baM dang ni bris sku nyid/ /gal te skal med mthong na ni/ /skye ba 'dir ni dngos grub med/ /'jig rten pha rol spyod yul min/ /yang dag rab sbyin ldan pa la/ /res 'ga' tsam zhig bstan pa nyid/ /glegs baM lam gyi
 spyod yul du/ skra dang mchang khung nyid du sba/ /sgra ji bzhin pa'i don gsal ba nyid do/ /yang na glegs bam dang ni bris sku nyid ces pa bcom ldan 'das kyi sku gnyis so/ /gal te skal med mthong na ni zhes pa rnam par dag pa ma
 yin pa'i dbang po dang yul gyi bdag nyid can te/ gang zhig ye shes de ni spyod yul ma yin pa nyid ces pa'o/ /de nyid kyi phyir skye ba 'dir 'khor bar 'grub par mi 'gyur zhing 'jig rten pha rol spyod yul min/ mya ngan las 'das pa la yang
 rtogs par gyur na 'gyur ba med pa nyid do zhes dgongs pa'o/ /gang la bstan par bya zhe na gsungs pa/ yang dag rab sbyin ldan pa la/ phul du byung ba'i sbyor ba dang ldan pa nyid kyis yang dag rab sbyin te/ man ngag yang dag par rab tu sbyin pa'i
 sbyor ba las yang dag rab sbyin zhes brjod do/ /bden pa gnyis kyi bdag nyid kyis nyon mongs pa spangs pa nyid kyis bstan pa ni rtogs pa'o/ /res 'ga' tsam zhig ste/ de la yang bag chags spangs pa med do zhes dgongs pa'o/ /
 b+ha gar ling ga rab bzhag nas/ /yang yang tsumpa na mdzad cing/ /bde chen mnyam ba myang mdzad de/ /rdo rje can gyis bza' ba bstan/ /bza' ba zhes pa longs spyod rdzogs pa'i sku'i rang bzhin te/ de bstan par mdzad do zhes pa'i don no/ /tshogs
 kyi dkyil 'khor bza' ba ni/ /nyon cig lha mo mig yangs ma/ /gang du zos na sgrub pa po'i/ /'dod pa thams cad 'grub par 'gyur/ zhes pa rnam pa thams cad mkhyen pa nyid mngon par rdzogs par byang chub pa mtshon pa'o/ /dur khrod
 ri yi bya skyibs dang/ /de bzhin mi med grong khyer dang/ /yang na dben pa 'am rgya mtsho'i mthar/ /bza' ba 'di ni kun tu spyad/ /sgra ji bzhin pa'i don gsal ba nyid do/ /yang na dur khrod ces pa chos kyi 'khor lo'o/ /ri yi bya skyibs zhes
 pa bde ba chen po'i 'khor lo'o/ /mi med grong khyer zhes pa sprul pa'i 'khor lo'o/ /dben pa zhes pa longs spyod rdzogs pa'i 'khor lo'o/ /bza' ba 'di ni kun tu spyad ces pa bya ba la 'jug pa'o/ /'di yang ji ltar zhe na gsungs pa/ rgya mtsho'i mthar zhes pa
 rgya mtsho ni phyag rgya dang bcas pa ste/ 'khor lo bzhir gyur pa'o/ /de rnams kyi mdza' ni mthar thug pa'o/ /yang na gang/ de'i mdza' ni de'i rang bzhin te/ spro ba dang sdud pa nyid las zhes dgongs pa'o/ /de la gdan du brtag bya ba/ /ro yi gzugs can
 dgu yin te/ de la zhes pa dur khrod la sogs par gdan zhes pa gnas pa dang brtan pa ste/ de brtag par bya zhing de'i mngon par zhen pa yongs su spang par bya'o/ /ji lta bu zhe na dgu zhes pa bdag med ma dang dbyer med pa'i rdo rje 'chang dbus su bzhugs
 pa'i mkha' 'gro ma brgyad de/ de rnams dang lhan cig dgu'o/ /ro yi gzugs can zhes pa chos kyi dbyings kyi rang bzhin no/ /yang na stag gi pags pa dang/ /de bzhin du ni dur khrod ras/ /dbus su kye yi rdo rje'i gzugs/ /de nas rnal
 'byor ma rnams dgod/ /dgu zhes mdor bstan pa'i rgyas par bshad pa ste/ ji ltar sngar bzhin gnas shes nas/ phyogs dang phyogs bral rnams su yang/ /mkha' 'gro ma rnams kyi phyogs dang phyogs bral gyi dbye bas gnas shes
 pa'i don no/ /ji ltar sngar bzhin zhes pa gdod ma nas ma skyes pa nyid kyi phyir/ phyogs dang phyogs bral gyi dbye ba brtag par mi bya'o zhes pa'i don no/ /dam tshig mA lA tI na b+ha na/ /stag gi pags pa'i steng du bza' / /dam tshig zhes pa go ku
 da ha na la sogs pa rnams kyi'o/ /der ni rgyal po shA li yi/ /bza' ba 'bad pas bza' bar bya/ /rgyal po shA li'i sgras/ mi'i sgron ma bza' bar bya zhing dam tshig gzhan yang bza' bar bya ste/ de ni zos shing zos nas kyang/ /der ni ma mo mchod
 par bya/ /rnal 'byor pa de shA li la sogs pa zos nas/ /der de'i tshe ma mo mkha' 'gro ma rnams mchod par bya'o/ /yang na gang/ zos shing zos nas der ma mo mchod par bya'o/ /gal te ma dang sring mo dang sring mo'i bu mo sgyug mo ste/ /de
 rnams rtag tu legs mchod na/ /tshogs kyi dkyil 'khor 'grub par 'gyur/ de rnams rtag tu zhes pa rgyun tu snyoms par 'jug pas mchod na tshogs kyi dkyil 'khor zhes pa rnam pa thams cad do/ /skyes pa'i thod chen cha gcig pa/ /chang
 ni bzang pos yongs bkang ste/ /bla ma la dbul skal chen ma/ /phyag 'tshal nas ni yang yang btung/ /pad+ma'i lag pas blang ba dang/ /de nyid kyi ni lag pas dbul/ /yang dang yang du rab btung ba/ /der ni sgrub pa po yis bya/ /cha gcig
 pa zhes pa gnyis su med pa'i rang bzhin te thod chen zhes pa yang dag par rdzogs pa'i sangs rgyas kyi ye shes so/ /de nyid kyi phyir/ chang ni bzang pos yongs bkang ste/ rdo rje gsum dbyer med pa'i rang bzhin no/ /bla ma la dbul de nyid du
 bzhag par bya'o/ zhes pa'i don no/ /gang zhig rtag tu bla ma la phyag 'tshal ba nyid kyis de rang yang btung ste/ de nyid rang rig pa zhes pa'i don no/ /pad+ma'i lag pa blang ba dang zhes pa gnyis ka'i ye shes lnga dbyer med pa nyid kun rdzob kyi bden pa'i
 bdag nyid can gyi ye shes zhes pa'i don no/ /de nyid kyi lag pas dbul zhes pa gnyis ka'i ye shes lnga dbyer med pa nyid don dam pa'i bden pa'i bdag nyid can kyi ye shes zhes pa'i don no/ /yang dang yang du rab btung ba/ der ni sgrub pa po
 yis bya zhes pa du yun ring mor bar chad med par gus pa dang bcas pas goms pa ste/ de nyid sgrub pa po rnams zhes pa'o/ /bza' ba'i le'u ste bdun pa'o/ /glegs bam gyi cho ga gsum pas sngags kyi de kho na'i bdag nyid can longs spyod
 rdzogs pa'i sku ste/ de nyid kyi phyir bza' ba'i yi ges gsungs so/ /de yang pa Ta sbas pa ste/ de len pa dang 'dzin pa'i phyir le'u'o/ /zhes pa kye'i rdo rje'i 'grel bshad kha sbyor shin tu dri ma med pa las brtag pa gnyis pa'i le'u bdun pa'o// //da ni bris
 sku dang glegs baM gyi cho gas bden pa gnyis kyi rang bzhin sku gnyis gsungs nas/ bden pa gnyis kyi bdag nyid can chos kyi sku bstan pa'i phyir rnal 'byor ma rnams kyi zhu ba'i sgo nas nye bar rtsom pa/ de la rnal 'byor mas zhus pa/ /phyag
 rgya chen po ji lta bu/ /kun rdzob rnam pa'i rang bzhin gyis/ /bde ba sbyin pa bshad du gsol/ phyag rgya chen po kun rdzob kyi bden pa'i rang bzhin gyis ji lta bu kye bde ba sbyin pa bshad du gsol zhes rnal 'byor ma bdag med ma la sogs pa rnams
 kyis zhus pa'o/ /bcom ldan 'das kyis bka' stsal pa/ shin tu ring min thung pa min/ /gnas pa ma yin dkar ba min/ /pad+ma'i 'dab ma'i rnam pa 'dra/ /de yi dbugs ni dri zhim ldan/ /pad+ma'i 'dab ma 'dra ba nyid kyis mchog tu sngo bsangs
 te/ sgrol ma'i rang bzhin rnal 'byor ma bzhi pa nyid gsungs so/ /de nyid kyi phyir/ de'i dbugs nA da'i phreng ba gnyis dbyer med pa'o/ /dri zhim ldan ye shes bzang po dang ldan pa ste/ gnyis ka dbyer med pa'i ye shes kyi phyir zhes dgongs pa'o/
 rdul yang dri zhim ldan 'gyur te/ ri dags lte ba'i dri dang mtshungs/ /de'i rdul gla rtsi'i dri dang mtshungs pa ste/ 'dis ni rin chen dbang po rnam par dag pa nyid gsungs so/ /pad+ma la yang utpal dri/ /skad cig pad+ma lta bu 'byung/ /pad+ma zhes pa
 chos 'byung ste/ de yang utpal lta bur shin tu 'jam par bstan pa'o/ /dri zhes pa pad+ma de'i dri pad+ma lta bu ste/ pad+ma'i dri dang 'dra ba 'byung bar shes par bya'o/ /ji ltar zhe na skad cig ste/ mnyam par sbyor ba'i skad cig las ces pa'i don no/ /
 'dis ni 'di 'od dpag med rnam par dag pa nyid gsungs so/ /de'i ga pur sihla dag /mkhas pas dri bzangs mtshon par bya/ /utpa la yi drir 'gyur zhing/ /a ka ru ni nag mtshungs pa'o/ /shin tu ring min thung ba min/ /gnag
 pa ma yin dkar ba min/ zhes pa 'dis snang ba'i mtshan nyid sprul pa'i sku bstan to/ /de yi dbugs ni dri zhim ldan zhes pa 'dis mngon par brjod pa'i mtshan nyid longs spyod rdzogs pa'i sku'o/ /rdul yang dri zhim ldan gyur te/ ri dags lta
 ba'i dri dang mtshungs/ zhes pa 'dis yang dag par rigs pa'i mtshan nyid chos kyi sku'i rang bzhin gsungs so/ /pad+ma la yang utpa la dri/ skad cig ma lta bu 'byung zhes pa 'dis ngo bo nyid kyi sku ste/ rdo rje gsum dbyer med pa'i rang bzhin pa
 gsungs so/ /de yi ga pur sihla dag /mkhas pa dri bzangs mtshon par bya/ /sku bzhi po 'di nyid dga' ba bzhi'i rang bzhin te/ kha sbyor nyid las ga pur dang sihla dag rdo rje 'chang dang bdag med ma dag gi dri bzangs po mtshon cing
 shes par bya ste/ mkhas pa yang dag par rdzogs pa'i sangs rgyas kyi ye shes dang ldan pa zhes pa'i don no/ /blo ldan mi g.yo ba nyid dang/ snyan par smra zhing yid 'ong ma/ /skra bzangs dbus su gnyer ma gsum/ /phal pas pad+ma can
 du 'dod/ /blo ldan zhes pa mkhas pa nyid do/ /mi g.yo ma zhes pa skyes pa gzhan la mi 'gro ba'o/ /snyan par smra zhes pa mi snyan pa brjod pa dang/ rtsub mo yang mi smra ba'o/ /yid 'ong ma zhes pa yid dga' bar byed pa'o/ /skra bzangs
 zhes pa 'dam zhing gzhon pa dri zhim po dang ldan pa skra mtshams phyed pa dang ldan pa'o/ /dbus su gnyer ma gsum zhes pa lang tsho gsar ba dang ldan pa'o/ /de nyid sems can phal pa 'dod pa dang chags pa'i dbang du gyur pa rnams
 kyis pad+ma can mchog gi 'dren ma zhes brjod do/ /yang na sngar gsungs pa'i ga bur dang sihla dag dri bzang po dang ldan pa kha sbyor nyid kyi blo ldan te/ stobs bcu dang mi 'jigs pa la sogs pa yon tan gyi rang bzhin no/ /de nyid kyi phyir ???
 pa'i rang bzhin te/ sprul pa'i sku dang ldan pa'o/ /snyan par smra ba zhes pa longs spyod rdzogs pa'i sku'i rang bzhin no/ /yid 'ong ma zhes pa chos kyi sku'i bdag nyid can no/ /skra bzangs zhes pa sku gsum dbyer med pa ngo bo nyid kyi sku'i rang bzhin no/ /de nyid
 kyi phyir dbus su gnyer ma gsum zhes pa thams cad sku'i rang bzhin dbyer med pa'o/ /de ni phal pa de kho na dang ldan pas pad+ma can yang dag par rdzogs pa'i byang chub kyi ye shes dang ldan pa zhes 'dod cing nges pa nyid lhan cig skyes pa'i gzugs can ma/ /de rnyed na
 ni 'grub par 'gyur/ /pad+ma can rnyed cing shes na/ phyag rgya chen po'i dngos grub 'grub par 'gyur ro/ /'di ji ltar zhe na/ gang gi phyir de ni lhan cig skyes pa'i gzugs can ma'o/ /yang na gang/ ci zhig 'grub par 'gyur zhe na/ lhan cig skyes pa'i gzugs
 can ma lhan cig skyes pa'i ye shes nyid 'grub par 'gyur ro zhes pa'i don no/ /da nas rnal 'byor ma bdag med mas gsol pa/ smon lam ji ltar gdab par bgyi/ /'di yi don ni 'di yin te/ phyag rgya chen po ji lta bu/ /kun rdzob rnam pa'i gzugs can zhes pa
 de ni thun mong ma yin pa ste/ 'di lta bu'i mtshan nyid kyi smon lam gyi stobs las 'byung bar 'gyur/ /de ji lta bu'i smon lam gyis 'di lta bu'i phyag rgya chen po'i rang bzhin du 'gyur zhes zhus pa'o/ /de ltar zhus pa na bcom ldan 'das kyis bka' stsal pa/
 rigs su skye dang dam tshig can/ /smyo med kye yi rdo rje ston/ /bla ma la gus snying rjer ldan/ /skye zhing skye bar 'gyur bar shog /lag pa rdo rje dril bu 'khrol/ /zab mo'i chos ni klog pa dang/ /btsun mo'i khu ba mnyam zas can/ /skye ba skye bar 'gyur bar shog /rigs su rgyu
 zhes pa de bzhin gshegs pa la sogs pa mchog tu skye ba'o/ /dam tshig can zhes pa bsrung ba dang bza' ba'i dam tshig dang ldan pa'o/ /smyo med ces pa bag med pa ma yin pa ste/ rigs dang rus kyi khengs pa yongs su spangs pa'o/ /kye'i rdo rje ston
 zhes pa bden pa gnyis kyi tshul la gnas pa'o/ /de nyid kyi phyir bla ma la gus snying rje ldan/ /skye ba skye bar 'gyur bar shog ces pa srid pa gzhan dang gzhan du'o/ /lag pa rdo rje dril bu 'khrol zhes pa 'di ni mchog nye bar mtshon pa ste/ de kho na shes par gyur cig
 ces pa'o/ /zab mo'i chos ni klog pa dang zhes pa theg pa chen po'i sngags 'chad par dga' ba'o/ /btsun mo'i khu ba mnyam zas can zhes pa rtog pa thams cad yongs su spangs pa'i sku zhes pa'i don no/ /lag pa rdo rje dril bu 'khrol ba nyid kyis rigs su skye dang dam
 tshig can no/ /zab mo'i chos klog pa nyid kyis smyo med kye'i rdo rje ston pa'o/ /btsun mo'i khu ba mnyam zas can zhes pa 'dis bla ma la gus snying rje ldan pa'o/ /skye ba skye bar 'gyur bar shog ces pa smon lam ste/ de'i mthu las de lta bu'i phyag rgya chen po zhes
 brjod do/ /de nas lha mo de mnyes te/ /tshig 'di dag ni zhu ba mdzad/ /skal med sems can gdul dka' ba/ /gang gis 'dul bar 'gyur ba lags/ /gdul ba dka' ba zhes pa mi dge ba'i las la mngon par dga' ba'o/ /de nyid kyi phyir skal med ces pa snod du mi rung ba'o//
 'dul ba zhes pa bslab pa dang sdom pa la gnas pa'o/ /gang gis ji ltar thob par 'gyur zhes rtog pa ste/ gang gi phyir smin lam gyi stobs kyis phyag rgya chen po'i ngo bo nyid du 'gyur/ smon lam yang 'dul ba 'dzin pa sngon du 'gro zhing/ gdul dka' ba skal ba med pa rnam
 la 'dul ba nyid srid pa ma yin no/ /de rnams kyang dngos grub 'dod pa nyid de/ de ji ltar zhes rnam par rtog cing 'di zhu bar mdzad do/ /de ltar zhus pa na/ bcom ldan 'das kyis bka' stsal pa/ dang por gso sbyong sbyin par bya/ /de rjes bslab pa'i gnas
 bcu nyid do/ /de la bye brag smra ba bstan/ /mdo sde pa yang de bzhin no/ /de nas rnal 'byor spyod pa nyid/ de yi rjes la dbu ma bstan/ /rgyud kun gyi ni tshul shes nas/ /de rjes kye yi rdo rje brtsam/ /dang por gso sbyong sbyin par bya/ /de rjes bslab pa'i gnas bcu nyid/ /
 ces pa srog gcod pa la sogs pa spong ba dang/ chang 'thung ba dang dri dang phreng ba dang/ byug pa la sogs pa spong ba ni gso sbyong bslab pa'i gnas bcu'o/ /de la bye brag smra ba bstan zhes pa nyan thos dang rang sangs rgyas kyi tshul te/ /nyan thos rnams kyi byang
 chub ni nyon mongs pa'i sgrib pa spangs pa'i rang bzhin no/ /rang sangs rgyas rnams kyi ni shes bya'i sgrib pa'i phyogs gcig spangs pa'i rang bzhin no/ /mdo sde pa zhes pa mdo sde klog par byed pa'o/ /rnal 'byor spyod pa zhes pa rnam par shes tsam bden pa
 zhes rnal 'byor spyod pa'i lugs so/ /dbu ma zhes pa mdza' bzhi las rnam par grol ba kun rdzob thams cad pa zhes dbu ma'i lugs so/ /rgyud kun gyi ni tshul shas nas/ /de rjes kye yi rdo rje brtsams/ /'dis gso sbyong sbyin par bya ba la sogs pas rgyud
 thams cad kyi lugs shes nas kye'i rdo rje brtsam par bya'o/ /yang na gang/ rgyud thams cad kyi tshul gyi sgras ma lus pa'i khyad par bskyed pa yongs su shes nas kye yi rdo rje zhes pa bden pa gnyis kyi bdag nyid rnam pa thams cad mkhyen pa nyid mngon par
 rdzogs par byang chub pa'i mtshan nyid tsam zhig thob par bya'o/ /zhes pa'i don no/ /slob ma gus pas blang na ni/ /'grub 'gyur 'di la the tshom med/ /bya ba'i tshogs 'di thams cad gal te slob ma gus pa dang bcas pas bzung na de'i tshe 'grub par 'gyur
 te/ 'di la the tshom med pa nyid do zhes dgongs pa'o/ /'dul ba'i le'u zhes bya ba ste brgyad pa'o// //de ni le'u gang du 'dul ba nyid gtso bor gsungs pa'o zhes pa kye'i rdo rje'i 'grel bshad kha sbyor shin tu dri ma med pa las brtag
 pa gnyis pa'i le'u brgyad pa'o// //de nas kha sbyor 'byed pa yi/ /mtshan nyid yang dag rab tu bshad/ /gang gis rnam par shes tsam gyis/ /sgrub bos dngos grub thob par 'gyur/ /skal ba med pa'i sems can
 gdul dka' ba rnams gso sbyong sbyin pa la sogs pas gdul bar bya'o/ /zhes gsungs shing/ tshar bcad pas kyang gdul bar bya ba'i phyir kha sbyor 'byed pa'i mtshan nyid gsungs pa'o/ /yang na gang/ bris sku dang/ glegs bam gyi cho gas kha
 sbyor nyid kyis phyag rgya chen po gsungs pas dbyer med pa'i mtshan nyid kyi phyir de 'byed pa'i mtshan nyid de/ spro ba dang bsdud pa'i rang bzhin no/ /de yi mtshan nyid ji ltar zhe na gsungs pa/ de nas kha sbyor 'byed pa yi/ /mtshan nyid yang dag rab
 tu bshad ces pa ste/ /gang gis rnam par shes tsam gyis/ /sgrub po dngos grub thob par 'gyur/ /kha sbyor 'byed pa'i mtshan nyid gang gis rnam par shes pa tsam gyis sgrub pa po dngos grub thob par 'gyur ro zhes pa'o/ /yang na gang/ sgrub pa po kha sbyor
 'byed pa'i mtshan nyid shes pa ni kha sbyor 'byed pa'i dngos grub thob par 'gyur ro/ /de'i phyir tshar bcad pas kyang sems can 'dul dka' ba rnams 'dul bar 'gyur ro/ /bsgrub bya'i lte ba'i rtsa ba ni/ /brtul zhugs can gyi lag pas dbye/ /he ru
 ka yi rab sbyor gyis/ /khong nas khro ba'i sems kyis te/ bsgrub bya'i zhes pa tshar bcad pa dang rjes su gzung bar bya ba'i lte ba'i rtsa bar lag pa bcug nas lag pas dbye bar bya'o/ /brtul zhugs can zhes pa bya ba par gyur pa'o/ /he ru
 ka'i rab sbyor gyis/ zhes pa rang nyid he ru ka'i ngo bor byas te/ khong nas khro ba'i sems kyis/ zhes bdag nyid khro ba'i nga rgyal gyi rang bzhin zhes pa'i don no/ /yang na gang/ bsgrub bya'i lte ba'i rtsa bar ni zhes klog pa de'i don ni 'di yin te/ bsgrub bya'i
 lte ba'i rtsa bar brtul zhugs can gyi lag pas kha sbyor dbye bar bya'o/ /he ru ka'i rab sbyor gyis zhes pa rang nyid he ru ka'i gzugs so/ /de bzhin du bsgrub bya yang ste/ de'i rnam par shes pa mi bskyod pa'i gzugs su 'pho bar byed pa'o/ /de'i phyir
 gdul dka' ba rnams kyang 'dul bar 'gyur ro/ /yang na bsgrub bya rdo rje 'chang gi dbye zhing spro bar bya ste/ rdo rje 'chang spro ba'i ngo bos rnam par gnas par bya'o/ /gang du zhe na/ lte ba'i bar lte ba'i rtsa ba ste/ byang chub kyi sems nyid rtsa ba'o/ /der
 brtul zhugs can kha sbyor la gnas pa'o/ /lag pa zhes pa gnyis ka'i ye shes lnga yis so/ /khyad par ci zhe na/ he ru ka'i rab sbyor gyis gnyis ka'i ye shes lnga he ru ka'i rnam par bskyed pa'o/ /de nyid kyi phyir khong nas khro ba'i sems
 so/ /de nyid kyi phyir/ 'di ni bsgoms pa tsam nyid kyis/ /sangs rgyas kyang ni des par 'jig /snyoms par 'jug pa kha sbyor nyid kyis sangs rgyas kyang zhes pa rnam par shes pa tsam yang 'jig par 'gyur te/ yang dag pa ni mthong ba'i lam
 du 'gyur ba ma yin no/ /bstan la gnod pa byed pa dang/ /bla ma sangs rgyas 'jig byed pa/ /bla ma thub pa la mnyan nas/ /snying rje yis ni gsad par bya/ /ji ltar bsgrub bya'i gzugs bltas te/ /kha ni 'og tu rnam bsgom zhing/ /khrag ni skyug
 par 'gyur ba nyid/ /'dar zhing mgo skyes grol ba'o/ /de yi lam du kha ba ni me'i/ /gzugs can 'jug par bsam bya zhing/ /snying gar byin za'i sa bon ni/ /bltas nas skad cig de la gsang/ /snying rje yis ni gsang par bya/ /zhes pa gsang ba ni sems
 can la phan pa'i rgyu nyid du'o/ /de'i phyir sems can la gnod pa byed pa'i skyon du mi 'gyur ro zhes pa'i don no/ /bla ma thub pa la mnyan nas zhes pa sangs rgyas dang byang chub sems dpa' rnams la dmyal bar 'gro ba'i sems can 'di gdon par
 'tshal zhes gsol pa'o/ /bstan la gnod pa byed pa dang zhes pa gzhan de bzhin gshegs pa'i gsung la 'god pa'o/ /de nyid kyi phyir bla ma sangs rgyas 'jig byed pa'o/ /gang zhig de ltar gyur pa de bltas nas snying rje nyid
 kyis he ru ka'i rab sbyor gyis de'i rnam par shes pa mi bskyod pa'i rigs la 'pho bar bya zhing bsad pa'i don du ji lta bu'i gzugs bsgom par bya ste/ de'i gzugs ji ltar yin pa de ltar bsgom par bya zhing/ /kha 'og tu gyur pa dang khrag skyug
 pa dang 'dar ba dang skra grol bar gyur pa zhes pa'o/ /de ltar gyur pa de'i lam zhes pa rdo rje'i lam du khab ni me'i gzugs can bsam bar bya ste snying khar ro/ /'di nyid ji ltar zhe na/ gsungs pa/ snying gar zhes pa bsgrub bya'i snying khar byin za me'i sa
 bon raM yig kha dog dmar po'o/ /de bltas nas de nyid khab du bsam par bya zhes 'brel te/ skad cig de nyid las bsad par bya'o/ /yang na snying rje yis bsad par bya zhes pa rnam par shes pa'i kun du rtog pa yongs su spong ba ste/
 de nyid kun rdzob kyi bden ba shin tu rnam par dag par gyur pa'o/ /des bya ste 'gro ba'i don bya ba la 'jug pa'o/ /'di nyid ji ltar zhe na/ rnam par shes pa'i kun tu rtog pa yongs su spong ba'i ye shes nyid ces pa ste/ snying
 gar byin za'i sa bon no/ /bltas nas 'jigs pas de'i skad cig la gsang par bya ste/ ye shes skad cig las so/ /'dis ni lte bar gtum mo 'bar ba na zhes pa la sogs pa'i tshigs su bcad pa'i rim pa'i gdams ngag
 mtshon pa'o/ /rim pa 'dis kha sbyor 'byed pa'i mtshan nyid gnyis su med pa'i rang bzhin spro ba dang sdud pa'i ngo bo nyid bcom ldan 'das rtog pa dang rnam par rtog pa thams cad spangs pa ste/ de nyid ni 'dus byas kyi dbyings la mi gnas 'dus
 ma byas kyi dbyings la mi gnas par bzhengs pa'o/ /kha sbyor ni rnam pa thams cad mngon par rdzogs par byang chub pa ste/ kha sbyor 'byed pa ni gnyis ka'i mtshan nyid kha sbyor zhes pa'o/ /rgyud 'di la ni sreg blugs med/ /phyag rgya bcing ba'i bya ba med/
 sngags chen bklags pas grub pa ste/ /bsam gtan tsam gyis 'grub par 'gyur/ /kye'i rdo rje'i rgyud 'di la sbyin sreg gi bya ba med cing phyag rgya bcing pa'i bya ba yang med de/ sngags brjod pa nyid las 'grub pa'i phyir bklags pas 'grub
 pa'i phyir/ de nyid kyi phyir sngags chen yang dag par rtogs pa'i ye shes so/ /bsam gtan tsam gyis sems bskyed pa 'ba' zhig 'grub par 'gyur ro zhes pa'o/ /gsang ba mchog ni bshad bya yis/ /nyon cig lha mo bzhin bzangs ma/ /srid
 pa spyod ba nyams dga' ba/ /rtog med dngos grub sbyin pa po/ /'bar ba'i phreng ba 'jigs pa'i sku/ /rin chen chen po lha mo ltos/ /ma phug pa yis sbyor bral 'gyur/ /phug pas dga' ba sbyin pa po/ /de ltar 'khor ba rin chen ni/ /'dod pa lnga yi 
 yon tan ldan/ /ma dag pa ni dug tu 'gro/ /dag pa bdud rtsi lta bu 'gyur/ /'khor ba'i rnam pa he ru ka /'gro ba sgrol bar byed pa'i gtso/ /gang gi gzugs kyis 'gyur ba nyid/ /de ni nga yis bshad kyis nyon/ /'dis ci gsungs na re zhig
 nyan thos la sogs pa rnams kyis gnyen po'i phyogs bsgoms pas byang chub mngon du byed par 'gyur ro/ /'di ni kye'i rdo rje'i rgyud kyi yang dag par rdzogs par byang chub pa'i ye shes kyi che ba'i bdag nyid de/ gnyen po'i phyogs bsgoms pa med par
 kha sbyor 'byed pas kyang rnam pa thams cad mkhyen pa nyid mngon par rdzogs par byang chub pa'i ye shes su 'gyur ba'i phyir bya ba thams cad rnam par grol bar 'gyur ro/ /de nyid mngon par gsal bar gsang chen mchog ni bshad bya yis/ /srid pa
 'khor ba sbyong ba nyams dga' ba zhes pa thams cad du gzhom du med pa'o/ /de nyid kyi phyir rtog med dngos grub sbyin pa po zhes pa phyag rgya chen po'i dngos grub kyi rang bzhin no/ /de nyid kyi phyir rin chen chen po lha mo bdag med ma
 bltos zhes pa yang dag pa'i ye shes dang yang dag pa'i lta ba'i yul phun sum tshogs pa'o/ /khyad par ci zhe na/ 'bar ba'i phreng ba 'khrigs pa'i thams cad kyi mig gi spyod pa ma yin pa'o/ /de ji lta bu zhe na/ sku zhes pa sku gsum gyi bdag nyid 
 can no/ /de nyid rin chen chen po ste/ sbyor bral 'gyur a bdag med ma dang sbyor ba rdo rje 'chang ste/ de lta bur 'gyur ro/ /ma phug pas bdag med ma mngon du gyur pas/ phug pa rdo rje 'chang dga' ba sbyin pa po kun rdzob kyi bden pa yang dag pa ji
 lta ba'i don rtogs par byed pa'o/ /yang na gang/ a sbyor 'gyur te/ de nyid rin chen chen po ma ning zung du 'jug pa nyid do/ /'khor ba skyes pa thams cad du 'gyur te/ /ji ltar zhe na/ ma phug pas a'i sbyor bas bden pa gnyis dbyer med
 pa'i ye shes rtogs pa las/ dga' ba sbyin pa po zhes pa phul du byung ba'i bde ba'i ye shes kyi kun tu rtog pa yang de la med do zhes dgongs pa'o/ /gzhan yang kun rdzob kyi bden pa tsam gyi dpe ni 'bar ba'i phreng ba 'khrigs pa'i sku rin chen
 chen po lha mo ltos/ /rin po che de ma phugs pas ni sbyor bral 'gyur/ /'thad pa skye bar mi 'gyur gyi/ /slar phugs pa dga' ba sbyin pa po sems can rnams kyi rgyan nyid las tshim par byed par 'gyur ro/ /dpes mtshon pa
 gsungs pa/ de bzhin de ltar 'khor ba ste/ 'khor ba ni ye shes so/ /rin chen ni dga' ba rgyas par byed pa'i phyir rin chen te/ /ji ltar zhe na/ 'dod pa lnga'i yon tan ldan zhes pa'o/ /de yang 'khor ba ma dag pa ni dug du
 'gro bar 'gyur zhing/ /dag par gyur na bdud rtsi lta bur 'gyur te/ /bdud rtsir 'gyur ro/ /yang na 'khor ba ni 'khor bar gyur pa ye shes te/ rin chen lhan cig skyes pa'i rang bzhin no/ /'dod pa lnga'i yon tan me long lta bu
 la sogs pa'i ye shes dang ldan pa'o/ /'khor ba nyid ma dag pa de bzhin nyid rtogs pa'i bdag nyid can ma yin pa ni dug tu brtag par bya zhing dag pa de bzhin nyid kyi rang bzhin du gyur na bdud rtsi lta bur byang chub sems
 dang ldan pa phun sum tshogs par 'gyur ro/ /de nyid kyi phyir 'khor ba ma ning gi rnam pa he ru ka 'gro ba sgrol bar byed pa sku gsum dang ye shes lnga'i rang bzhin no/ /gtso bo zhes pa rang nyid po la sogs par gyur pa'i phyir ro/
 gang gi gzugs kyis gang gi rang bzhin gyis 'gyur ba yang dag pa'i de kho na de ni a yig dang haM yig gi rang bzhin te/ bshad cing brjod par bya yis nyon/ /shes rab dang thabs kyi bdag nyid can kha sbyor de kho na sbyor
 'byed pa'i rang bzhin zhes pa'o/ /snying rje'i spyan ni dmar ba la/ /byams pa'i thugs la yan lag gnag /bsdu ba'i dngos po bzhi yis ni/ /zhabs ni rnam pa bzhi zhes brjod/ /zhal brgyad rnam par thar
 pa brgyad/ /phyag rnams stong pa bcu drug nyid/ /phyi mos sangs rgyas lnga ru 'gyur/ /gdug pa 'dul phyir khro bo nyid/ /snying rje 'gro ba gdon par 'dod pa nyid kyis spyan bden pa gnyis kyi rang bzhin gzigs
 pa ste/ dmar po rjes su chags pa'o/ /byams pa'i thugs la yan lag na gces pa thugs mnyam nyid kyis dmigs pa med pa'i rang bzhin gyi phyir ro/ /bsdu ba'i dngos po bzhi yis ni zhes
 pa sbyin pa dang/ snyan par smra ba dang/ don spyod pa dang/ don mthun pa nyid de/ 'dis zhabs bzhir brjod do/ /zhal brgyad rnam par thar pa brgyad rnam par dag pa ste/ gzugs can gzugs rnams stong par lta ba zhes pa stong pa nyid dang/ nang gi gzugs
 rnams stong par lta ba zhes pa mtshan ma med pa dang/ phyi rol gyi gzugs rnams stong par lta ba zhes pa smon pa med pa dang/ skye mched rnams stong par lta ba zhes pa skye ba med pa dang/ nam mkha' mdza' yas skye mched stong par lta ba zhes pa dngos po med pa dang/ rnam
 shes mdza' yas skye mched stong par lta ba zhes pa 'dod chags dang bral ba dang/ 'du shes med 'du shes med min skye mched stong par lta ba zhes pa 'gog pa dang/ cung zad med pa'i skye mched stong par lta ba zhes pa mya ngan las 'das pa ste rnam par thar pa'i
 sgo brgyad rnam par dag pa las zhal brgyad do/ /phyag rnams stong pa bcu drug nyid ces pa stong pa nyid bcu drug brjod zin pa nyid do/ /phyi mos sangs rgyas lnga ru 'gyur zhes pa 'khor lo dang/ rna rgyan dang/ mgul rgyan dang/ lag gdub dang/ ska rags rnams
 kyis mi bskyod pa la sogs pa de bzhin gshegs pa lnga po rnams so/ /gdug pa 'dul phyir khro bo ces pa gdug pa'i sems can gdul ba'i phyir khro bo'i bdag nyid do/ /de ltar yang/ sems ni bdud chen nyid yin te/ sems ni de bzhin gshegs
 pa nyid/ /rang gi sems ni gdul ba'i phyir/ /bdag ni bdud du nye bar 'gro/ zhes pa'o/ /yang na snying rje'i spyan ni dmar po la zhes pa kun tu chags pa'i rang bzhin bden pa gnyis nyid de/ spyan gnyis ni shes rab dang thabs kyi bdag nyid spro ba dang
 sdud pa'i rang bzhin gzigs pa gnyis so/ /yan lag gnag ces pa yan lag drug sgom pa las 'das pa'o/ /ji ltar zhe na/ byams pa'i thugs las mnyam pa nyid du gcig pa'i ye shes las so/ /bsdu ba'i dngos po'i sgras yang dag par
 'dzin pa ni bsdu ba'o/ /de'i rang bzhin gyi dngos po ni don dam pa dang ldan pa ste/ de rnams kyi gzhi ni bzhi pa'i ye shes so/ /des na zhabs bzhi ste/ dga' ba la sogs pa ye shes bzhi'o/ /zhal brgyad ces pa chos kyi rgyu brgyad nyid de/ yang dag par rdzogs
 pa'i byang chub kyi gzhi'o/ /phyag rnams stong pa bcu drug nyid ces pa dbang po drug dang yul drug dang rnam par shes pa drug ste/ skye mched bco brgyad po rnams ni thams cad stong pa nyid yin gyi nyan thos la sogs pa'i stong pa nyid phyogs gcig pa ni ma yin no//
 shes rab dang thabs kyi rang bzhin nyid kyis stong pa nyid gnyis nang du gtogs pa'i phyir ro/ /phyis mos zhes pa nges par gzung ba nyid kyis sangs rgyas lnga ru 'gyur ro/ /'dis ci gsungs na/ sangs rgyas lnga'i bdag nyid can kho na de bzhin gshegs pa
 thams cad sku zhes pa'o/ /gdug pa 'dul phyir khro bo nyid ces pa khro bo'i bdag nyid mi bskyod pa'i sku ste/ gdug pa 'dul phyir zhes pa nyon mongs pa'i bag chags gsal ba las zhes pa'i don no/ /gzhan yang gsungs pa/ sha yis puk+ka sI
 ru bya/ sha yis rang bzhin gti mug rdo rje puk+ka sI ste/ sha ni de'i rang bzhin nyid do/ /zhes pa'o/ /de bzhin khrag gi ri khrod ma/ /gsher ba nyid las rjes su chags pa'i rang bzhin nyid kyi phyir khrag gis ri khrod ma ste/ khrag ni ri khrod ma'i rang bzhin nyid ces pa'o//
 gdol pa mo ni khu par brjod gdol pa mo me'i rang bzhin te/ de nyid kyi phyir chags pa dang rjes su chags pa khu ba zhes brjod cing khu ba dang gdol ba mo 'di ni gnyis su med do zhes pa'o/ /g.yung mo rkang dang tshil yin te/ rkang dang tshil ni g.yung mo
 zhes brjod do/ /'dis ni sa'i khams sha dang/ chu'i khams khrag dang/ me'i khams khu ba dang/ rlung gi khams rkang dang tshil zhes pa ste/ ye shes lnga'i bdag nyid can kho na 'byung ba bzhi'o zhes pa dang/ pags pa byang chub yan lag bdun
 zhes pa dran pa yang dag byang chub kyi yan lag dang chos rab tu 'byed pa yang dag byang chub kyi yan lag dang/ dga' ba yang dag byang chub kyi yan lag dang/ shin tu sbyangs pa yang dag byang chub kyi yan lag dang/ ting nge 'dzin yang dag
 byang chub kyi yan lag dang/ brtson 'grus yang dag byang chub kyi yan lag dang/ btang snyoms yang dag byang chub kyi yan lag ces pa ste/ byang chub kyi yan lag bdun rnam par dag pa pags pa dang pags pa nyid byang chub kyi yan lag bdun
 zhes pa'o/ /rus ba bden pa bzhi po nyid ces pa sdug bsngal dang kun 'byung ba dang 'gog pa dang lam ste/ sdug bsngal shes par bya kun 'byung spangs par bya 'gog pa mngon du bya lam bsgom par bya zhes pa'o/ /sha dang/ khrag dang /khu ba
 dang/ rkang dang/ tshil dang/ pags pa dang/ rus pa ste/ khams bdun po rnams kyis mkha' 'gro ma bdun gyi sku yin zhing 'di ni shes rab dang thabs kyi bdag nyid can kye'i rdo rje'o/ /mkha' 'gro ma lnga ni rdo rje ma la sogs pa'o/ /mkha' 
 'gro ma gnyis ni sa spyod ma dang /mkha' spyod ma ste/ rdo rje 'chang dang bdag med ma dbyer med pa dang brgyad ni rgyu dang bzhi nyid de/ phyi rol gyi mkha' 'gro ma brgyad dang/ brgyad pa gnyis kyis bcu drug ni/ /phyag rnams stong nyid dag pa ste/ /zhes
 pa shin tu nges par gyur pa'o/ /'dis ni rdo rje rigs kyi le'ur/ /dngos po bsgom bya shes rab can/ /dngos po med pa'ang yongs shes pas/ /de ldan he ru ka bsgom bya/ /dngos po med pa'ang yongs shes pas/ /zhes pa mdor bstan pa gsungs
 pa'i rgyas par bshad pa'ang nges par gyur pa'o/ /bcom ldan 'das kyi sprul pa'i sku gsungs pa'o/ /sngags kyis le'ur mdor bstan pa'i sngags btu ba zhus pas longs spyod rdzogs pa'i sku mngon par gsal bar mdzad pa/ /sngags
 btu ba ni ji ltar 'gyur/ /gang gi sngags kyis skye bo yis/ /las kyi dngos grub 'gyur ba nyid/ /bde ba chen po bshad du gsol/ /gang gi sngags kyis zhes ba A li kA li nA da'i rang bzhin gyis te/ sngags zhes pa yid skyob par gyur pa nyid kyis so/
 skye bo'i zhes pa skye bo lus dang ldan pa rnams so/ /las kyi zhes pa las kyi lus dang ldan pa ste/ skye bo las kyi lus dang ldan pa rnams kyi ched du'o/ /de rnams kyi dngos grub ni phyag rgya chen po'i dngos grub kyi rang bzhin nyid thob par 'gyur ba'o
 de'i btu ba bstan pa ji ltar 'gyur ba bshad du gsol/ /kye'i bde ba chen po rdo rje 'chang zhes zhus pa na bcom ldan 'das rdo rje can chen po rdo rje snying po gzi brjid chen pos bka' stsal pa/ sngags ni khyod la ngas bshad kyis/ lha mo shes
 rab chen mo nyon/ /rdo rje can chen po zhes pa bden pa gnyis kyi bdag nyid can no/ /rdo rje nyid snying po ste/ de gang gis skur gyur pa'o/ /de nyid kyi phyir gzi brjid chen po thabs kyis mchod par 'os pa'o/ /des gsungs pa ni thams cad kyi tshe chos
 kyi 'khor lo rab tu bskor ba mdzad pa ste/ sems can legs byas ma bsgrubs pa rnams kyis ni rtogs par mi 'gyur nyan par mi 'gyur mthong par mi 'gyur ro/ /lha mo nyon zhes pa kun rdzob kyi bden pa'i dang bzhin te/ shes rab chen mo nyon
 zhes pa'i bden pa'i bdag nyid can no/ /sngags ni khyod la bshad par bya'o/ /sngags de yang dang zhes pa/ a yig dang haM yig nyid do/ /dang por rnam par snang mdzad spyin/ /uSh+ma rnams kyi bzhi pa la/ /puk+ka sIs brgyan stong pas mnan/ /mdog
 dkar mthar ni swAhA sbyar/ /'dis ni bzlas pa 'bum gyis ni/ /'gro ba rtag tu rengs par byed/ /dang por rnam par snang mdzad ces pa oM yig go /de'i rjes la uSh+ma rnams kyi bzhi pa zhes pa ha yig go /puk+ka sIs brgyan pa zhes pa u
 yig dang sbyor ba'o/ /stong pas mnan zhes pa stong pa thig le ste/ nges mnan pa'o/ /mdog dkar zhes ba bdog dkar po ste mthar ni swAhA spyar zhes pa g.yo ba'i dngos po la dgod par bya'o/ /sngon du sngags 'bum bzlas te/ de nas 'gro ba rtag tu rengs
 bar byed do/ par ma chad pas ces dgongs pa'o/ /oM hUM swAhA zhes pa sngags te/ /sngags 'dis rengs pa dang/ g.yo ba med par byed do/ /dang por yi ge'i bdag po bzhag/ de rjes mkha' spyod ma de nas/ /mthar ni swAhA sbyar na/ /sangs rgyas rnams
 kyang dbang du byed/ /yi ge'i bdag po oM yig ste/ de dang por byin nas/ /de'i rjes la mkha' spyod ma aM yig go /kha dog dmar po me tog la sbyar bar bya'o/ /khyad par ci zhe na/ mthar swAhA'o/ /sangs rgyas kyang zhes pa me long lta bu la sogs
 pa ye shes lnga po rnams so/ /dbang du byed pa ni dbang du gyur par byed pa ste /oM oM swAhA zhes pa'o/ /rigs byed rnams kyi dang po spyin/ /dang po yi ni gnyis pa la/ /stong bcas mthar ni swAhA sbyar/ /sangs rgyas kyang skrod shes rab can/ /rig
 byed rnams kyi dang po oM yig go /de byin te phyi nas dang po'i gnyis pa'o/ /khyad par ci zhe na/ stong bcas khaM yig du ba'i mdog ste/ gang zhig bskrad par bya ba de 'am gnas la spyar bar bya zhing mthar swAhA'o/ /'dis sangs rgyas rnams kyang skrod par
 byed de me long lta bu la sogs pa ye shes lnga po rnams kyang skrod par 'gyur ro/ /oM khaM swAhA skrod par byed ces pa spro pa'o/ /dang por rnam par snang mdzad sbyin/ /gnyis pa yi ni gsum pa la/ /ra dang ldan zhing chu mas brgyan/ /stong bcas mthar
 ni swAhA sbyar/ /mi rnams thams cad 'byed par byed/ /dang por rnam par snang mdzad ces pa oM yig go/ gnyis pa yi ni gsum pa zhes pa dza yig go/ khyad par ci zhe na/ ra dang ldan zhing chu mas brgyan zhes pa i yig dang ldan pa'o/ /stong
 bcas zhes pa thig le dang ldan pa ste/ mthar swAhA'o/ /'byed pa la ni kha dog nag po/ /de'am de'i gnas la sbyar bar bya'o/ /de'i phyir mi rnams 'byed par byed/ /de bzhin gshegs pa thams cad zhe sdang me bskyod pa nyid kyis rnam par gnas par bya'o//
 oM dzri swAhA zhes pa'o/ /dang por yi ge'i dbang phyug bzhag /lnga pa yin gsum pa la/ /stong bcas mkha' 'gro ma dang ldan/ /mthar ni swAhA mngon spyod che/ /dang por yi ge'i dbang phyug zhes pa thog mar oM yig byin te/ lnga pa'i gsum pa ba yi ge/
 mkha' 'gro ma dang ldan zhes pa yu yig dang ldan pa'o/ /stong bcas mthar swAhA mngon spyod kyi sngags oM buM swAhA/ buM yig kha dog nag po gang la mngon spyod bya ba de 'am de'i gnas la sbyar bar bya'o/ /'dis ni mngon spyod zhes pa rnam pa thams cad mkhyen
 pa nyid kyi dngos grub ste/ thams cad la sngon du bsnyen pa 'bum bzlas pa nyid do/ /oM hUM swAhA zhes pa mi bskyod pa'i sa bon gyis rengs par byed pa'o/ /oM aM swAhA zhes pa rin chen 'byung ldan gyi sa bon gyis dbang du byed pa'o/ /oM khaM zhes pa don
 yod grub pa'i sa bon gyis skrod par byed pa'o/ /aM dzri swAhA zhes pa 'od dpag med kyi sa bon gyis 'byed par byed pa'o/ /oM buM swAhA zhes pa rnam par snang mdzad kyi sa bon gyis mngon spyod de/ de bzhin gshegs pa lnga'i sa bon rnams kyis
 rengs pa dang/ dbang du byed pa dang/ skrod par byed pa dang/ dbye ba dang/ mngon spyod rnams so/ /rengs ba ni dga' ba'o/ /dbang du byed pa ni mchog dga' ba'o/ /skrod pa ni dga' bral gyi dga' ba'o/ /'byed pa ni lhan cig skyes pa'i dga' pa ste/
 dga' ba bzhi'o/ /mngon spyod ni rnam pa thams cad mkhyen pa nyid mngon par rdzogs par byang chub pa'o/ /thams cad du oM swAhA zhes pa'i oM yig gis rdo rje gsum dang swAhA'i yi ges ye shes lnga ste/ mkha' 'gro ma brgyad kyi rang bzhin ye
 shes lnga dang sku gsum dang ldan pa kha sbyor ba'i mtshan nyid sngags ba tu bas dgu'i bdag nyid kyi dkyil 'khor gsungs so/ /gzhan yang sngags btu ba rdo rje gsum dbyer med pa nyid gsungs pa/ yang ni yi ge'i thu bo
 sbyin/ /hUM yig khrag dang 'dra ba yi/ /mthar ni swAhA thig le mchog /dga' bzangs la sogs rtag tu 'gugs /oM hUM swAhA zhes pa 'gugs par byed pa ste/ 'dir yang 'bum ba zla ste hUM yig kha dog dmar po bsgom par
 bya'o/ /gti mug rigs ni dang por sbyin/ /gyu(rgyud 'grel g+hU(rgyud 'grel rnam gsod par byed sems dang sems las byung ba 'joms par byed ces pa'i don te/ rab tu grags pa'i don gsal ba nyid do/ /'dir yang bzlas pa 'bum ste/ g+hu(rgyud 'grel rnam par snang mdzad bzhag ces thog mar oM yig go/ dang po yi ni dang bo zhes pa ka yig go/ khyad par ci zhe na/ rdo rje mkha' 'gro ma dang sbyar zhes pa u yig dang sbyor ba'o/ /mthar gnas rnams kyi gnyis pa zhes par yig ste
 rdo rje mkha' 'gro ma dang ldan zhes pa u yig dang ldan ba'o/ /yang ni dang po'i rtse mo zhes pa ka yig ste/ /rdo rje mkha' 'gro ma dang ldan zhes pa u yig dang ldan pa'o/ /mthar gnas rnams kyi gsum pa zhes pa la yig ste/
 yang ni de dang ldan ba nyid ces pa la yig dang ldan pa'o/ /steng du cho ma rkun ma yis brgyan zhes pa e yig dang ldan pa'o /de yi rjes la h+rI(rgyud 'grel bzhi ma/ /mda' dang gzhu yi lag pa dang/ /utpa la dang lcags kyu 'dzin/ /'di ni bsgoms pa can gyis ni/ /'jig rten gsum po dbang du byed ces pa'o/ /mthar yang swAhA gzung bar bya zhes pa sngags bzlas pa gsungs pa ste/ bzlas
 pa'i grangs khrig phrag la sogs pas 'di rnams dbang du 'gyur ro zhes ji snyed gsungs pa nyid do/ /oM ku ru ku l+le h+rI(rgyud 'grel mthong zhes pa sngags btub rdo rje gsum dbyer med pa nyid bstan pa'o/ /gzhan yang he ru ka bzhi'i sngags btu ba gsungs pas de ltar thams cad bzhi'o zhes pa dga' pa bzhi'i rang bzhin nyid gsungs pa/ oM yig dang po bzhi pa'i gsum
 pa da yig ste/ chom rgun ma yis brgyan zhes e yig dang ldan pa'o/ /mthar gnas rnams kyi bzhi pa zhes pa ba yig go /pi tsu badzra sbyar bar bya zhes pa bsgom pa gsungs pa'o/ /uSh+ma rnams kyi bzhi pa zhes pa ha yig ste/ puk+ka sI yis rnam
 par brgyan zhes pa u yig gis sbyong ba'o/ /stong pas mnan zhes pa thig le dang ldan pa'o/ /sum 'gyur zhes pa lan gsum ste/ hUM hUM hUM gi yi ge gsum mo/ /lnga pa ya mi gnyis pa zhes pa pha yig ste/ gsum ba'i dang po zhes pa Ta yig go
 mthar swAhA zhes pa ste/ oM de ba pi cu badzra hUM hUM hUM phaT swAhA zhes pa kye'i rdo rje'i snying po zhal brgyad pa'i sngags te/ 'di ni 'bras bu'i rdo rje 'chang gi snying po'o/ /phyag bcu drug pa'i snying po gsungs nas phyag bzhi pa'i snying po gsungs pa/
 bzhi'i rang bzhin nyid kyi phyir bzhi pa nyid de/ snang mdzad dang po zhes pa dang po oM yig go /dzwa la gnyis sbyar nas zhes pa dzwa la dzwa la zhes pa ste bsgom pa gsungs pa'o/ /lnga pa'i bzhi pa zhes pa b+ha yig ste/ mthar gnas
 rnams kyi dang po sbyar zhes pa ya yig dang ldan pa'o/ /g+hasma rI yis rnam par brgyan zhes pa oM yig dang ldan pa'o/ /uSh+ma rnams kyi bzhi pa zhes ha yig ste/ rdo rje mkha' 'gro ma yis brgyud pa zhes pa u yig thung du ste/ de dang ldan pa stong
 pas mnan cing sum 'gyur ro/ /lnga pa'i gnyis pa pha yig dang/ gsum pa'i dang po Ta yig ste/ mthar swAhA/ oM dzwa la dzwa la b+hyo huM huM huM phaT swAhA zhes pa phyag bzhi pa'i snying po'o/ /bzhi pa nyid drug pa'i rang bzhin yin pa'i phyir phyag drug pa'i
 sngags btu ba gsungs pa/ dbang por rnam snang zhes pa thog mar oM yig go /dang po'i dang po ka yig ste/ nang gi dkar mos brgyan zhes pa yi yig dang ldan pa'o/ /gsum pa yi ni dang po zhes pa Ta yig ste/ nang gi dkar mos rnam par brgyan
 zhes pa i yig dang ldan pa'o/ /nyis 'gyur zhes pa ki Ti ki Ti'o/ /lnga pa'i gsum pa zhes pa ba yig go /gnyis pa'i gsum pa zhes pa dza yig ste/ me yis brgyan zhes par yig dang ldan pa'o/ /hUM gi yi ge gsum sbyar nas zhes pa bsgom
 pa gsungs pa'o/ /lnga pa yi ni gnyis pa zhes pa pha yig ste/ gsum pa'i dang po Ta yig go /mthar swAhA zhes pa phyag drug pa'i sngags btu ba ste oM ki Ti ki Ti/ badzra hUM hUM hUM phaT swAhA zhes pa phyag drug pa'i sngags so/ /thams cad
 shes rab dang thabs kyi bdag nyid can nyid do kha sbyor 'byed pa'i mtshan nyid bstan pa'i phyir phyag gnyis pa'i sngags btu ba gsungs pa/ dang por rnam snang oM yig dang po'o/ /bzhi pa'i dang po ta yig ste/ byin za yang dag ra dang ldan
 pa'o/ /ro langs ma yis rnam bar brgyan zhes pa e yig dang ldan pa'o/ /mthar gnas rnams kyi gsum pa zhes pa la yig ste/ gtas ma ri yis rnam par brgyan zhes pa oM yig dang ldan pa'o/ /dang po yi ni dang po zhes pa ka yig ste/ mthar gnas rnams
 kyi dang po sbyar zhes pa ya yig dang ldan pa'o/ /rdo rje ma yis rnam par brgyan zhes pa A yig dang ldan pa'o/ /k+Sha yig chom rkun ma yis brgyan ces pa e yig dang ldan pa'o/ /lnga pa'i zhes pa pa yig go /uShpa rnams kyi bzhi pa zhes pa ha yig ste/
 rdo rje mdza' 'gro ma yis brgyan ces pa u yig thung du ste de dang ldan pa'o/ /stong pas mnan cing sum 'gyur te/ phaT dang mthar ni swAhA sbyar phyag gnyis pa'i snying po'o/ /oM trai lo kya k+She pa huM huM huM phaT swAhA zhes pa'o/ /'dis kha sbyor 'byed pa'i
 mtshan nyid gsungs te/ sngags btub mdza' dag bsdus pa gsungs pa/ bdag med a yig go /dang po'i dang po ka yig go /gnyis pa'i dang po tsa yig go /gsum pa'i dang po Ta yig go /bzhi pa'i dang po ta yig go/ lnga pa'i dang po pa
 yig go/ mthar gnas rnams kyi dang po ya yig go /uSh+ma rnams kyi dang po sha yig go /dang por rnam snang mthar swAhA zhes pa a ka tsa Ta ta pa ya sha swAhA/ grong khyer dkrug pa'i sngags te bzlas pa ni 'bum mo/ /zhes gsungs so/ /bdag med
 ma zhes pa chos 'byung ste/ de nyid dang po'i dang po dga' ba'o/ /gnyis pa'i dang po mchog dga' o/ /gsum pa'i dang po dga' bral gyi dga' ba'o/ /bzhi pa'i dang po lhan cig skyes pa'i dga' ba ste/ /'dis lnga pa'i dang po thugs rdo rje'o/ /mthar
 gnas rnams kyi dang po gsung rdo rje'o/ /uSh+ma rnams kyi dang po sku rdo rje ste/ dang por rnam snang oM yig rdo rje gsum dbyer med pa dang mthar swAhA/ ye shes lnga'i rang bzhin ni rgyu brgyad nyid do zhes pa'o/ /da ni chos 'byung gi rang bzhin rnam par
 dag pa nyid kyi sngags btu ba gsungs pa/ mthar gnas rnams kyi gnyis pa zhes pa ra yig dang k+Sha yig gnyis shes pa rak+Sha rak+Sha zhes pa'o/ /hUM yig gsum zhes pa hUM hUM hUM zhes pa'o/ /dang por rnam snang phaT yig gi/ rnam pa nang bcug
 mthar swAhA zhes pas sbyang ba'i sngags ma ning gi sngags kyi le'ur gsungs pa nyid de/ shin tu rnam par dag pa chos kyi dbyings kyis rang bzhin dgu'i bdag nyid can nyid mkha' 'gro ma bco lnga'i rang bzhin rtag tu goms par byed pa dkyil 'khor
 byin gyis brlabs pa gsungs pa/ dang po rnam snang zhes pa thog mar oM yig go /de'i rjes su rdo rje ma A yig ste/ a dang 'dus pa las A:O/ /mdza' ru hUM zhes pa rdo rje gsum gyi yi ge oM A:hUM zhes pa ste/ bza' ba dang btung
 ba byin gyis brlabs pa zhes pa bsrungs ba dang bza' ba'i dam tshig byin gyis brlabs pa nyid las rdo rje gsum byin brlabs pa shin tu rnam par dag pa chos kyi dbyings kyi rang bzhin zhes pa'o/ /de nyid kyi phyir 'byung po thams cad pa'i gtor
 ma'i sngags btu ba gsungs pa/ dang por rnam par snang mdzad nyid/ /de rjes a kA ro mu khaM/ uSh+ma rnams kyi gsum pa sa yig go /mthar gnas rnams kyi bzhi pa ba yig ste/ steng du me yis rnam par brgyan/ steng du ra yig gis rnam par
 brgyan pa'o/ /d+harmA NAM de rjes rdo rje ma byin la zhes pa A yig sbyin pa'o/ /dya nu pan+na twAt/ oM A:hUM phaT swAhA zhes pa ste/ oM A kA ro mu khaM sarba d+harmA NAM a dya nut pan+na twAt oM A:hUM phaT swAhA zhes pa 'byung po thams cad pa'i gtor ma'i
 sngags btu ba ste/ sngags kyi don ni sngags kyi le'ur gsungs pa'i phyir slar 'dir ma gsungs so/ /'di ni kha sbyor 'byed pa'i mtshan nyid kyi sngags btu ba'i le'u ste dgu pa'o/ /zhes pa kye'i rdo rje'i 'grel bshad kha sbyor shin tu dri ma med
 pa las brtag pa gnyis pa'i le'u dgu pa'o// //da ni kha sbyor 'byed pa'i mtshan nyid kyi sngags btu ba gsungs nas/ /sngags bzlas pa'i yul gsungs pa/ /de nas chos kun sdom gcig pa'i/ /rdo rje sems dpa' zhes byas gsungs
 de yi don ni 'di yin te/ /rdo rje sems dpa' zhes bya ba rdo rje 'chang ste/ thams cad kyi tshe chos ston pa nyid kyis rnam par gnas pa'o/ /da ni slar gsungs rdo rje'i skabs su longs spyod rdzogs pa'i sku nyid kyis gsal bar rnam par gnas pa'o//
 de ji ltar zhe na/ gsungs pa/ rdo rje sems dpa' zhes dgongs pa'o/ /de nyid kyi phyir chos kun sdom gcig pa chos thams cad dbyer med pa'i sku'o/ /bdag med tsumpa na mdzad nas bdag med ma la tsumpa na mdzad pas gsung rdo rje mngon par
 gsal bar gsungs so/ /bzlas pa'i yul ni rab gsal mdzad sngags kyi kha sbyor dbye ba gsungs pa ste/ shel gyis rengs pa'i bzlas pa'o/ /rengs pa'i yul la shel gyi bgrang phreng gis bzlas pa bya'o/ /shel gyis rengs pa'i
 bzlas pa zhes pa 'od gsal ba mchog tu g.yo ba med pa'o/ /dbang la tsandan dmar po ste/ dbang du byed pa la tsandan dmar po'i bgrang phreng gis bzlas pa bya'o/ /dbang du bya ba dbang du gyur pa tsandan dga' bar byed pa ste/ dmar pa chags pa'i
 mtshan nyid do/ /lung tang gis ni mngon spyod nyid/ /mngon spyod kyi yul la lung tang gi bgrang phreng gis bzlas pa bya'o/ /lung tang zhes pa yang dag par rdzogs pa'i byang chub las/ mngon spyod ces pa rnam pa thams cad mkhyen pa nyid kyi don
 nges pa nyid do/ /de bzhin sdang la ni rang shus dbye ba'i yul la ni rang shus zhes pa mi'i rus pa'i bgrang phreng gis bzlas pa bya'o/ /yang na sdang ba rdo rje 'chang nyid do/ /ni rang shu ni ye shes te/ stong pa nyid bcu drug gi rang bzhin zhes
 pa'i don no/ /rta yi rus pas skrod pa'i/ /skrod pa'i yul la rta'i rus pa'i bgrang phreng gis bzlas pa bya'o/ /skrod pa zhes pa gnas nas bskyod pa'o/ /rta ni don yod grub pa rlung rdo rje ste/ de'i rus pa ni de'i 'od zer zhes pa'i
 don no/ /bram ze'i rus pas dgug pa nyid/ /bram ze'i rus bas zhes pa de bzhin gshegs pa'i rigs kyi rus pa'i bgrang phreng gis dgug pa'i yul la bzlas pa bya'o/ /yang na gang bram zer rus pa yongs su mya ngan las 'das pa
 rtogs pas dgug pa bsdus pa'o/ /glang po'i rus pas char dbab pa char dbab pa'i yul la glang po che'i rus pa'i bgrang phreng gis bzlas par bya'o/ /yang na gang/ char pa dbab pa zhes pa byang chub kyi sems 'byung ba ste/ glang po
 che'i rus pa zhes pa 'od dpag med dang dbyer med pa'i don yod grub pa'i ye shes kyis zhes pa'i don no/ /ma he'i rus pas gsad pa'o/ /zhes pa gsad pa'i yul la ma he'i rus pa'i bgrang phreng gis bzlas pa bya'o/ /yang na
 gang/ bsad pa zhes pa dbang po dang yul dang rnam par shes pa thams cad rnam par dag pa'i rang bzhin no/ /ma he'i rus pa zhes pa chos kyi dbyings kyi rang bzhin nyid do/ /rengs par 'o ma'i btung ba nyid/ /rengs par byed pa'i dus
 na'o ma'i btung ba bya'o/ /dbang la rang gi 'dun pas spyad ces pa dbang gi bya ba la rang gi 'dun pas spyad de/ ji ltar 'dod pa spyad par bya'o/ /bsad pa la ni sihla nyid ces bya'o/ /dgug pa la ni gzhi mnyam ste/ sdang la shA li dza ru?
 brjod/ /de bzhin skrod la gla rtsi'o/ /yang na/ mdza' i shA dang/ dang po'i sha dang/ na dang po dang/ ga dang po dang/ ha dang po nyid kyang de bzhin nyid de gsungs pa'i shA li dza nyid ni na dang go dang/ so can rnams zhes pa'i don no/ /rengs par byed
 pa dang dbang du byed pa dang/ bsad pa dang/ dgug pa dang/ dbye ba dang/ bskrad pa ste las drug po 'di rnams la de bzhin gshegs pa lnga'i sa bon dang/ rdo rje sems dpa' i sa bon bsgom par bya'o/ /de la 'o ma'i btung ba zhes pa byang chub kyi sems
 so/ /rang gi 'dun pa zhes pa de 'byung ba na lhan cig skyes pa'i dga' ba'i rang bzhin nyid do/ /sihla dang/ gzhi ma nyam dang/ shA li dza dang/ gla rtsi rnams gsungs pa nyid de/ nang gi bdag nyid can mig la sogs pa rnam par dag pa dang/
 phyi rol gyi yang gzugs la sogs pa rnam par dag pa'o/ /mdza' i shA la sogs pa rnams ni gnyis ka dbyer med pa nyid de/ shin tu rnam par dag pa chos kyi dbyings kyi rang bzhin no/ /longs spyod rdzogs pa'i sku rnam par dag pa kha
 sbyor 'byed pa'i mtshan nyid gsungs pa'o/ /bzlas pa'i le'u bcu pa'o/ /zhes pa kye'i rdo rje'i 'grel bshad kha sbyor shin tu dri ma med pa las brtag pa gnyis pa'i le'u bcu pa'o// //'dis ni shin tu rnam par dag pa chos
 kyi dbyings kyi rang bzhin sku gnyis bstan nas da ni lus can rnams kyi mtshan nyid gsungs pas chos kyi sku dang dbyer med pa ye shes lnga dang sku gsum gyi rang bzhin nyid bstan par bya ba'i phyir gsungs pa/ kyi'i rdo rje la dam 'khyungs
 cing/ /tshems kyis ma mchu btsir nas ni/ /lus can rnams kyi rigs kyi gzugs/ /de la bdag med mas zhus pa/ /dam du 'khyud pa nyid las kye'i rdo rje nyid do/ /tshoms kyis ma mchu btsir nas ni zhes pa rdo rje gsum dbyer ba'i
 rgyu nyid kyis kye'i rdo rje nyid do/ /skabs de la bdag med mas zhus ci zhe na/ gsungs pa/ lus can skye ba'i rang bzhin rnams kyi gzugs te/ de ltar gyur pa'i kaM ye shes so/ /b+ha gar ling ga bzhag nas ni/ /'khor lo'i 'dren
 pas 'di skad gsungs/ /b+ha gar ling ga bzhag nas ni zhes pa rdo rje 'chang dang bdag med ma dbyer med par gyur pa na 'khor lo'i 'dren pas de skad gsungs so/ /lus can rang gi rigs bshad kyis/ shes rab pha
 rol phyin ma nyon/ /lus can skye ba'i rang bzhin rnams kyi rang gi rigs gang dang gang gi rigs gang yin pa de bshad cing brjod par bya yis kye'i shes rab kyi pha rol tu phyin ma nyon cig ces pa'o/ /de nyid gsungs pa
 bud med dam ni skyes pa yis/ /gang gi ming med rtsa ba la/ /rdo rje rtse dgu par gyur pa/ /mi bskyod pa yis rigs mchog nyid/ /bud med lag pa g.yon pa'i ming med dang/ /skyes pa'i lag pa g.yas pa'i ming med de/ /de la gal te
 rdo rje rtse dgu pa'i mtshan ma yod pa de'i tshe skyes pa mi bskyod pa'i rigs su 'gyur ro/ /yang na/ ming med ni bdag med ma ste/ rtsa ba ni rdo rje 'chang ngo/ /gnyis ka'i ye shes su gyur pa na gang gi zhes pa ma ning ste/ bud med bdag med ma 'am/
 skyes pa rdo rje 'chang ngo/ /rdo rje mi phyed pa'i ye shes te/ rtse dgu pa dgu'i bdag nyid can nyid do/ /bdag med ma'i dkyil 'khor dang rdo rje 'chang gi dkyil 'khor zhes pa ste/ gnyis ka dbyer med pa'i dkyil 'khor de yang skabs
 dang gnas skabs so sor bstan pa nyid do/ /mi bskyod pa'i rigs mchog ces pa 'di gtso bo nyid do/ /rnam snang mdzad kyi 'khor lor 'gyur zhes pa rnam par snang mdzad kyi rigs kyi 'khor lo mtshan mar 'gyur ro/ /dpag med
 mgon gyi 'dam skyes nyid 'od dpag med kyi rigs kyi mtshan ma pad+mar 'gyur ro/ /rin chen 'byung gi rin chen che/ /rin po che'i rigs kyi mtshan ma rin po cher 'gyur ro/ /las kyi rigs kyi ral gri nyid/ /don yod grub pa'i
 rigs kyi mtshan ma ral grir 'gyur ro/ /'khor lo snang ba rnam dag pa'o/ /pad+ma mngon par brjod pa rnam par dag pa'o/ /rin po che yang dag par rigs pa'i rang bzhin no/ /ral gri ni mi shes pa thams cad gcod pa nyid kyis rdo rje
 gsum dbyer med pa lhan cig skyes pa'i rang bzhin 'bras bur gyur pa'o/ /rtsa dgu ba rdo rje'i rang bzhin mi bskyod pa'i rigs gnyis ka mnyam pa nyid kyi mchog ste/ rigs ma 'chol ba nyid kyi phyag rgya chen po'i dngos grub 'bad pa
 med pa nyid kyis mngon du 'gyur ro zhes pa ste/ rang 'dod lha'i rigs spyod pa bya zhes gang gsungs pa de shin tu nges pa'o/ /'dis ni mtshan ma rnam par dag pa de bzhin gshegs pa rnams kyi rang bzhin gsungs pa'o/ /gzhan
 yang kha dog gi mtshan ma gsungs pa/ rnal 'byor ba gang nag po che/ /de yi lha ni mi bskyod pa/ 'di ni nye bar mtshon pa ste/ /gnyis ka la yang mtshan ma 'di'o/ /rnal 'byor pa gang dkar po che/ /de yi lha ni rnam snang mdzad//
 rnal 'byor pa gang sngo bsangs che/ /de yi lha ni don yod nyid/ /rnal 'byor pa gang ser po che/ /rin chen dbang po rigs kyi lha/ /rnal 'byor pa gang dmar ser nyid/ /'od dpag med pa rigs kyi lha/ /rnal 'byor pa gang dkar dang ser
 de ni sems dpa' i rigs su 'gyur/ /'dis ni nag po mi bskyod pa thugs rje'o/ /dkar po rnam par snang mdzad sku rdo rje'o/ /sngo bsangs don yod grub pa gsung rdo rje'o/ /gang yang ser po che ba de ni rin chen dbang po zhes pa rdo rje gsum dbyer
 med pa rdo rje 'chang ngo/ /rnal 'byor pa gang dmar ser zhes pa dmar po rin chen dbang po dang ser po 'od pa de'i rigs kyi lha 'od dpag med do/ /dkar dang ser zhes pa 'od de gsal ba ste/ 'od gsal ba nyid kyis de ni sems dpa' i rigs
 zhes pa rdo rje sems dpa' i rigs te/ de nyid rdo rje sems dpa' i zhes pa'i don no/ /'dis ni thugs rdo rje dang sku rdo rje dang/ gsung rdo rje rnams kyis mi bskyod pa la sogs pa gsum mo/ /rin chen dbang po ni rdo rje 'chang ngo
 'od dpag med ni de'i thabs su gyur pa'o/ /rdo rje sems dpa' yang rnam pa thams cad mkhyen pa nyid mngon par rdzogs par byang chub pa ste/ kha dog gi mtshan ma gsungs pa'o/ /de'i phyir/ skye bo rnams la brnyas mi bya/ /
 'tshe mi rnal 'byor mthar phyin pas/ /skye bo rnams zhes pa lus can rnams la brnyas par mi bya zhing smad par mi bya'o/ /'tshe min rnam par 'tshe bar mi bya'o/ /gang gis zhe na/ rnal 'byor mthar phyin pas gnyis su med pa'i rang bzhin
 rtogs pa rnams kyis so/ /ji ltar zhe na/ gsungs pa/ de rnams de bzhin gshegs pa'i rigs/ /lus can de rnams de bzhin gshegs pa rnams kyi rigs te/ de bzhin gshegs pa'i grangs su gtogs pa de rnams de bzhin gshegs
 pa'i rang bzhin nyid do/ /ji ltar zhe na/ kun rdzob gzugs su gnas nas ni/ /kun rdzob gzugs kyi rang bzhin la gnas shing brten nas zhes dgongs pa'o/ /rnal 'byor pa gang zhes pa skyes pa'i mtshan mnye bar mtshon pa nyid kyi bud med rnams
 kyi yang blta bar bya'o zhes gang zhig gsungs pa de dag mngon par gsal bar byed pa/ bud med rnams kyi mtshan nyid 'di/ /ji ltar skyes pa de bzhin te/ /kun rdzob tha snyad tshul las ni/ /de rnams rigs su 'ang de 'gyur ro/ /de bzhin gshegs
 pa de rnams g.yung mo la sogs pa rdo rje btsun mo de rnams kyi rigs su 'ang 'gyur ro/ /ji ltar zhen kun rdzob tha snyad tshul las zhes pa'i don to/ kun rdzob kyi bden pa'i bdag nyid dang/ don dam pa'i bden pa gnyis ka dbyer med pa nyid bden pa
 gnyis kyi tshul la gnas pa zung du 'jug pa'i lam sangs rgyas kyi spyod yul zhes pa'o/ /b+ha ga ling ga'i tsum+ba las/ /der ni rdo rje chen mnyes te/ /der ni zhes pa de ltar rnam par gnas pa na rdo rje che rdo rje 'chang ste/ mnyes pa lhan cig skyes pa'i
 dga' ba'i rang bzhin no/ /ji ltar zhe na/ b+ha ga ling gas tsumpa las/ /phan tshun kha sbyor las zhes dgongs pa'o/ /bdag med ma yis go mdzad pa/ /lha mo rab tu mchod pa nyon/ bdag med ma la rtog pa'i rang bzhin du mdzad pa'o/ /de'i phyir gsungs
 pa/ lha mo rab tu mchod pa nyon 'di lta bu'i rang bzhin gyi rigs kyi mtshan ma dang ldan pa rigs rnams kyi nges pa phun sum tshogs pa nyid dang mnyam par sbyor ba las phul du byung ba'i mchod par 'gyur ro/ /phul du byung ba'i mchod pa'i rim pa nyid gsungs
 ba/ tshal dang skye bo med gnas dang/ /bdag gi khyim dang gzhan du yang/ /gcer bu phyag rgya cher byas nas/ /rnal 'byor rigs pas rtag tu mchod/ /rnal 'byor shes pas rtag tu bar ma chad pa nyid kyis mchod par bya'o/ /tshal zhes pa bde ba chen po'i
 'khor lo'o/ /skye bo med nas zhes pa longs spyod rdzogs pa'i 'khor lo'o/ /bdag gi khyim zhes pa chos kyi 'khor lo'o/ /gzhan zhes pa sprul pa'i 'khor lor te/ thams cad du gcer bu phyag rgya cher byas nas sgrib pa med pa'i rang bzhin nyid
 kyis rnam par gnas par byas te/ rnal 'byor rig pas rtag tu mchod ces pa don bshad zin no/ /ci byas nas she na/ gsungs pa/ tsumpa 'khyud pa byas nas ni/ /de bzhin b+ha gar reg pa nyid/ /skyes pa'i sna ni bzhin pa dang/ /ma mchu'i sbrang rtsi
 btung ba nyid/ /tsum+ba 'khyud pa byas nas naM zhes pa ngag gis sbyor mdzad/ /lus kyi sbyor ba byas te b+ha gar reg pa zhes pa sems kyi sbyor ba byas zhing/ skyes pa'i sna ni gnyis pa dang zhes pa gnyis ka'i rdo rje bug pas
 byang chub kyi sems gnyis bar du bstan pa las/ /ma mchu'i sbrang rtsi btung ba nyid/ /rim pa 'dis ma mchu'i sbrang rtsi btung ba'i gdams ngag ste/ myos pas mtshan pa'i lag pa las/ /bo la ldan pa rtag tu bya/ /myos
 pas mtshan pa'i lag pa zhes pa/ sor mo lnga bskyod pa la sa po la ldan pa ji ltar las byed pa de bzhin du shes rab kyi mchod pa bya'o zhes pa'o/ /yang na gang/ myos pa'i mtshan mi byed pa yis zhes pa ste/ myos pa'i rtags dang mtshan ma
 de byed pa'i phyir myos pa'i mtshan ma byed pa gsang pa'i sgra shIta zhes pa'o/ /myos pa'i mtshan ma byed pa des bo la ldan pa skyes pa rtag tu bar chad med pa nyid kyis las snyoms par 'jug pa'i sbyor ba bsgrub par bya'o/ /las kyi bye brag gsungs
 pa/ khyogs dang brla zhes bya ba dang/ de bzhin du ni brkyang pa yis/ /khyogs ni skyes pa'i gsang ba'i steng du bud med 'dug ste/ rkyed pa'i phyogs su mdun dang khyogs su byed pa ni khyogs dang 'dra ba'i phyir khyogs so/ /de ltar yang gsungs pa/ mdun dang
 rgyab tu mi mo ni/ /rim bzhin bskyed par 'dod la byed/ /'doms kyi steng du 'dug pa ni/ /mdo lar yongs su grags pa yin/ /zhes pa ste/ bla ma brgyud pa'i rim pa ni sems dpa' i skyil krung du 'dug nas/ /de'i steng du de nye bar 'dug la rdo rje lcags
 sgrog gis snyoms par zhugs te/ rdo rje pad+ma mnyam par sbyor ba 'od la des sgrub par byed pa'i phyir 'od la ste/ khyogs kyi rim pa'o/ /brla zhes pa steng du gnas pa ste/ bud med kyi mgrin pa nas 'khyud de brla g.yas pa'i 'og tu rang gi brla
 g.yon pa bcug nas lag pa g.yas pas de'i rgyab tu btud par bya'o zhes pa brla'i ming can gyi ka ra na'o/ /de ltar yang gsungs pa/ lag pa g.yon pas mi mo yi/ /brla g.yas gyen du bteg byas nas/ /gnyis ka mngon phyogs gnas pa dag
 gyen du sbyar bya ka ra na/ /gnyis ka zhes pa bud med dang skyes pa ste/ gang zhig mngon du phyogs par gyur pa'o/ /de nyid gyen du sbyar bar bya'o zhes pa ka ra na'o/ /yang na skyes par bud med kyi rkang pa g.yas pa steng du bya ste/ rdo rje pad+ma mnyam par sbyor bas mgran
 par 'khyud ba'i mchan khung gnyis kyi 'og tu dpung pa gnyis rgyab tu bcings te snyoms par 'jug pa'o/ /de bzhin du brkyang ba yis zhes pa bud med gin rkyal ba'i rkang pa'i mthil gnyis kas sor mo bcing ba ston du 'gro ba bya ste/ par pa'i
 gshog pa ltar dpung pa rab tu brkyang bar bya'o zhes pa shin tu brkyang ba'o/ /de ltar yang gsungs pa/ dang pa'i gshog pa'i rnam pa dang/ /gan rkyal du ni rab tu grags/ /rkang pa gnyis po rab brkyang phyir/ /shin tu brkyang ba zhes pa'o/ /rim pa
 'dis yang yang 'dod bya rdo rje can/ /steng dang 'og tu blta bar bya/ /kha dang pad+mar tsum pa byed pa'i phyir steng 'og tu lta bar bya zhes pa'o/ /yang na gang yang bar ma chad pa nyid kyis rdo rje can mi phyed pa'i sku 'dod bya lhan cig skyes pa mngon du
 bya'o/ /steng dang 'og tu blta bar bya zhes pa steng 'og dang steng du blta bar bya zhing nyams su myong ba'i sbyor bas mngon du bya'o/ /de las cir 'gyur zhe na/ 'bras bu gsungs pa/ dngos grub rgyas pa thob pa ste/ sangs rgyas kun dang mnyam par 'gyur
 phyag rgya chen po'i dngos grub thob par 'gyur ro/ /de nyid kyi phyir sangs rgyas me long lta bu la sogs pa thams cad mnyam pa gnyis su med pa 'byung bar 'gyur ro/ /skad cig de la ji ltar 'gyur zhe na/ gsungs pa/ der ni ga phur btung bar bya/ /
 khyad par du yang chang nyid do/ /der ni ga bur rgyu yi phyir/ /ba la bza' ba nyid du bya/ /ga pur btung ba zhes pa A li nA da'i phreng ba blta bar bya'o/ /khyad par du yang ma da na zhes pa A li 'byung ba nyid las kA li yang 'byung ba ste/ 'di nyid
 khyad par ro/ /de nyid kyi phyir ma da na thugs rdo rje yang btung bar bya'o/ /der ni zhes pa skad cig de la ba la bza' zhes pa sku'i mngon par zhen pa yang med pa'o/ /de dag thams cad ji ltar bya zhe na/ rim pa gsungs pa/ ga pur rgyu
 yi phyir zhes pa thams cad byang chub kyi sems bskyed pa'i rgyu nyid las zhes dgongs pa'o/ /lhan cig skyes pa'i don gyi sbyor ba'i le'u ste bcu gcig pa'o/ /lhan cig skyes pa'i sbyor ba zhes pa lhan cig skyes pa nyid don te/ don dam
 pa'o/ /de yang sbyor ba zhes ba shes rab kyi mchod pa'i mtshan nyid de/ le'u gang du de btso bor gyur pa'i phyir lhan cig pa'i don gyi sbyor ba'i le'u'o/ /bcu gcig pa lhan cig med pa ste/ a dang bcu ni kha sbyor nyid kyis dgu'i bdag nyid
 kyi phyir zhes pa'i don no/ /zhes pa kye'i rdo rje'i 'grel bshad kha sbyor shin tu dri ma med pa las brtag pa gnyis pa'i le'u bcu gcig pa'o// //da ni lhan cig skyes pa'i don gyi sbyor ba le'u bcu gcig par mngon par gsal
 ba la/ /de nas rdo rje can gyis dbang bzhi'i tshigs bcad bka' stsal pa/ de nas rdo rje can rdo rje 'chang ste/ dbang bzhi ni/ slob dpon gsang ba shes rab dang/ /bzhi pa de yang de bzhin no/ /zhes pa dbang bzhi ste/ gsang ba las ches shin tu gsang
 pa'o/ /de rnams kyi tshigs su bcad pa bka' stsal pa/ rdo rje che dang dril bu che/ /rdo rje rab tu gnas pa zung/ /di ring rdo rje slob dpon gyur/ /slob ma bsdu ba nyid du gyis/ /rdo rje che zhes pa kha sbyor gyi rang bzhin zung du 'jug pa nyid de/ 'di nyid
 dril bu che zhes pa 'di'i don yang ngo/ /rdo rje mi phyed pa'i sku zur zhes pa ste/ de nyid kyi phyir rab tu gnas pa thams cad du so sor gnas pa'o/ /de nyid kyi phyir rdo rje slob dpon gyur/ /slob ma me long lta bu la sogs pa ye shes lnga'i bdag
 nyid kyi bsdu ba yang dag par 'dzin pa'i rang bzhin bsgrub par gyis/ /rdo rje chen po zung zhes pa slob dpon gyi dbang ngo/ /dril bu che zhes pa gsang ba'i dbang ngo/ /ji ltar 'das pa'i sangs rgyas kyis/ /sangs rgyas sras rnams dbang bskur pa/ /bdag
 gis gsang ba'i dbang gis ni/ /sems kyi rgyun gyis khyod dbang bskur/ shes rab ye shes kyi dbang gsungs pa'o/ /lha mo dga' sbyin gnas sbyin ma/ /sna tshogs gzugs can yid 'ong ma/ /khyer cig khyer cig sems dpa' che/ /khyer la
 mchod pa dag tu gyis/ /dga' sbyin zhes pa phul du byung ba'i bde ba'i rang bzhin no/ /gnas sbyin zhes pa gnas pa med pa'i sbyor bas legs par gnas pa'o/ /lha mo zhes pa ye shes lnga dang sku gsum gyi rang bzhin no/ /de nyid kyi phyir sna tshogs
 gzugs can te/ de nyid kyi phyir yid 'ong ma'o/ /zung zhig ces pa shin tu brtan par gyis shig pa'o/ /kye sems dpa' chen po'i ye shes chen po'i ros yongs su gang ba'i sku/ /de ltar khyod kyis bzung nas shin tu brtan par byas te/ mchod
 pa dag tu gyis/ /gnyis ka dbyer med pa'i rang bzhin zung du 'jug pa thob par gyis zhes pa dbang bzhi pa'o/ /ye shes 'di ni ches phra zhing/ /rdo rje snying po nam mkha' mtshungs/ /rdul bral mthar sbyin zhi ba ste/ /khyod kyi pha yang khyod nyid do//
 'di ni gang zhig bzhi pa'i ye shes te/ /de nyid yang dag pa'i ye shes so/ /de yang ji lta bur zhe na/ ches phra ba dbang po las 'das pa nyid kyi phyir ro/ /de nyid kyi phyir rdo rje snying po mi phyed pa'i rang bzhin gyi snying po'o/ /de nyid kyi phyir nam mkha' 
 dang mtshungs pa'o/ /de nyid kyi phyir rdul dang bral ba'o/ /de nyid kyi phyir thar sbyin thar pa'i kun tu rtog pa yongs su spangs pa'i rang bzhin no/ /zhi ba zhes pa yongs su mya ngan las 'das pa chen po'i rang bzhin te/ thams cad kyi mig lam du
 mi snang bar gyur pa'o/ /de nyid khyod kyi bar ste/ khyod kyi skyed byed yin cing skyed byed de yang khyod nyid do/ /'di ji ltar zhe na/ bskyed bya skyed byed rang bzhin ni/ /rang las gzhan pa 'ga' yang med/ ces pa'o/ /'di ni bzhi pa de yang
 de bzhin no zhes la 'di'i don mngon par gsal ba ste/ ches phra ba zhes pa dang po'i dga' ba'o/ /rdo rje snying po zhes pa gnyis pa'i dga' ba'o/ /nam mkha' mtshungs pa gsungs pa khyad par gyi dga' ba'o/ /rdul bral zhes pa bzhi
 pa lhan cig skyes pa'i dga' ba'o/ /de nyid thar pa'i kun tu rtog pa yongs su spongs pa'i thabs yin pa'i phyir ye shes de ni zhi ba zhes pa ste/ don brjod zin no/ /lhan cig skyes pa'i ye shes 'di nyid rdo rje dang pad+ma byin gyis brlab
 pa med na/ bar chad med par mi 'gyur ba'i phyir rdo rje dang pad+ma byin gyis brlab pa gsungs pa/ rdo rje dang pad+ma byin gyis brlab pa'i sngags zhes pa ste/ de nyid gsungs pa/ oM pad+ma su khA bA ra ma hA rA ga su khaM dang/ tsa tu rA nanda b+ha ga bi shwa
 hUM hUM karyaM ku ru shwa me/ oM zhes pa rdo rje gsum mi phyed pa nyid gsungs pa'o/ /pad+ma ni kye kak+kol+la zhes pa ste/ su khA d+ha ra zhes pa yang dag pa'i ye shes kyi gzhir gyur pa'o/ /de nyid kyi phyir mahA rA ga su khaM dang chags pa chen po
 las sbyin par byed pa zhes shes par bya ste/ ma hA rA ga su khaM da kun tu rtog pa thams cad yongs su spangs pa nyid kyi phyir zhes dgongs pa'o/ /de nyid kyi phyir tsa tu rA nanda b+ha ga dga' ba bzhi gcig pa'i rang bzhin nyid kyi phyir ro/ /de
 nyid kyi phyir bi Shwa rdo rje 'chang ste/ hUM hUM zhes pa 'di nyid dgongs pa grub pa ste/ de bdag la grub par mdzad du gsol/ /lhan cig skyes pa'i gang skyes pa/ /de lhan cig skyes pa yin pa'i phyir/ de'i don du hUM hUM zhes pa gnyis
 gsungs so/ /oM badzra ma hA dwe Sha tsa tu rA nanda dA ya ka kha ga mu khe ka rA so nA thA hUM hUM karyaM ku ru shwa me/ oM zhes pa'i don bshad zin no/ /de nyid kyi phyir badzra mahA dwe Sha tsa tu rA nanda dA ya ka dga' bzhi'i kun tu rtogs pa yongs su spangs pa'o/ /kha
 ga mu khai ka rA sa(rgyud 'grel shwa med zhes pa'i don brjod zin no/ /rdo rje dang pad+ma byin gyis brlab pa'i sngags bsgrub pa'i dus na spyi bor oM yig zhes pa smin ma'i dbus su bde ba chen po'i 'khor lo zla ba'i gdan la oM yig kha dog dkar po snying khar hUM yig zhes pa snying khar
 chos kyi 'khor lo nyi ma'i gdan la hUM yig kha dog nag po'o/ /ze 'bru la A:yig zhes pa sprul pa'i 'khor lo'i dbus su A:yig kha dog dmar po'o/ /rked ba'i mtshams su swA yig kha dog ser po'o/ /brla zung la hA yig kha dog ljang khu'o/ zhes pa
 bsams nas oM A:hUM swAhA zhes pa byin gyis brlab pa rdo rje pad+ma mnyam par sbyor ba na bsgrub par bya'o/ /oM A:hUM zhes pa sku gsum gyi rang bzhin sku gsung thugs so/ /swAhA zhes pa ye shes lnga ste/ sku gsum dang ye shes lnga po nyid dgu'i
 bdag nyid can yi ge gsum gyi bdag nyid kye'i rdo rje theg pa chen po gsang sngags kha sbyor 'byed pa'i mtshan nyid do/ /sngags btu bas sprul pa'i sku'i rang bzhin no/ /sngags bzlas pas longs spyod rdzogs pa'i sku yi bdag nyid do/ /lhan cig skyes pa'i don
 gyi sbyor bas chos kyi sku'i rang bzhin no/ /dbang bzhi pa'i rang bzhin nyid kyis ngo bo nyid kyi sku'i rang bzhin brtag pa gnyis kyi bdag nyid can no/ /brtag pa sum cu rtsa gnyis pa las phyung ba brtag pa gnyis kyi bdag nyid can kye'i rdo rje rgyud kyi rgyal po rdzogs so
 brtag pa sum cu gnyis pa las phyung ba brtag pa gnyis kyi rang bzhin kye'i rdo rje'i rgyud kyi rgyal po rnam pa thams cad mkhyen pa nyid mngon par rdzogs par byang chub
 pa'i rang bzhin te/ rdzogs so zhes pa kha sbyor gyi rang bzhin nyid kyis thams cad la khyab pa nyid ces pa'o/ /zhes pa kye'i rdo rje'i 'grel bshad kha sbyar shin tu dri ma med pa
 las brtag pa gnyis pa'i le'u gnyis pa'o// //
 he ru ka ni zhal brgyad pa yi rim pa zung gis yongs khyab pa/ /grub pa kha sbyor shin tu dri ma med pa 'di ni rab brjod nas/ /dge ba gang ni
 bsags pa de yis kye yi rdo rje'i rnal 'byor las/ /sems can thams cad srid pa rnam par dag pa'i dngos grub bstan gyur cig /rgyud kyi
 rgyal po dpal kye'i rdo rje 'grel bshad kha sbyor shin tu dri ma med pa zhes bya ba grub pa'i slob dpon chen po d+haM ka dA shas mdzad pa rdzogs so// /
 // //
 smin drug zla ba la ni paN Di ta mchog dpal ldan chos kyi rgyal po'i bkas/ /kye yi rdo rje'i 'grel bshad yon tan mchog ldan d+haM ka dA shas mdzad pa ni/ /
 gang zhig dpal ldan kha che'i yul du 'khrungs pha dri med dpal zhes mtshan gsol dang/ /s+thi ra ma ti'i rnam rgyas mdzes pa'i dag gis 'dir ni legs par
 bsgyur ba'o// //
 thun mong dang thun mong ma yin pa'i yon tan mdza' yas pa/ brnyes pa bla ma dam pa chos kyi rgyal po'i bka' lung gis dpon zhang btsun gyis yon bdag byas te /
 phyi dang nang gi gzhung lugs rgya mtsho'i pha rol tu phyin pa kha che'i paN Di ta chen po bi ma la sh+rI b+ha dra'i zhal snga nas/ bod kyi lo tsA ba dge slong blo brtan gyis
 dpal sa skya'i gtsug lag khang du legs par bsgyur cing zhus te brtan la phab pa'i yi ge pa ni dge slong bsod nams dbang phyug ces bya'o/ / /gang dang gang
 gis 'di la 'dod pa'i dge ba'i mthus/ /skye ba skye bar skye bo'i tshogs mdza' dag gis/ /'di dang 'di lta'i rdo rje theg pa zab mo'i don/ /
 kun nas kun tu legs par rtogs shing rgyas par shog/ //
 ye d+harmA he tu pa b+hA wa he tun+te ShA na ta thA ga to hye wa dat/ te ShAny+tsa yo ni ro d+hA e waM bA di ma hA sh+ra ma Na(rgyud 'grel // bkra shis// //