བོད་ཡིག

e-texts based on the ACIP/ALL Input

cig /'gro kun sangs rgyas thob par shog/ //rdo rje rnal 'byor ma'i dbang mdor bsdus pa bzhugs so// //*/ /rgya gar skad du/ badzra yo gi n+yA b+hi She ka saM k+She pA nA ma/ bod skad du/ rdo rje rnal 'byor ma'i dbang mdor bsdus pa zhes bya ba/ rdo rje rnal 'byor ma la phyag 'tshal lo/ /spros pa dang bcas zhal nas gsungs pa mang yod kyang/ /spros bral mos pa bdag 'dras byin brlabs don/ /phag mo mngon 'byung rgyud la brten nas ni/ /byin brlabs mdor bsdus bdag gis bshad par bya/ /de la snying po'i don ngo sprod pa'i man ngag la thun mong gi dbang dang/ thun mong ma yin pa'i dbang ngo/ /de la thun mong gi dbang gi bum pa'i dbang la sogs pa rig pa'i dbang lnga'o/ /thun mong pa ma yin pa'i dbang ni rdo rje rnal 'byor ma byin gyis brlab kyi dbang ngo/ /de la rdo rje rnal 'byor ma'i byin rlabs kyi dbang ni dang po dur khrod la sogs pa dben pa'i gns sugzhi brtag pa la sogs pa byas ba'i rjes su lhag gnas gsum ni gzhan nas shes par bya'o/ /de nas rdo rje rnal 'byor ma'i byin rlabs kyi dus su dkyil 'khor tshul bzhin du bri bar bya ste/ dbus gru gsum bsnol ma la dga' ba 'khyil pa bri/ /de'i mthar pad+ma 'dab ma bcu drug gam brgyad la rdo rje me ris 'khor bar bri'o/ /dbang bskur ba'i rdzas ni de'i steng du bum pa dmar po gsum gyi nang du/ rin chen lnga dang sman lnga dang rdzas gzhan chu la sogs pas bkang la/ kha rgyan dang mgul chings dmar pos brgyan te bzhag/ dbu rgyan dang rdo rje dril bu rtsar bzhag/ de'i steng du thod pa mtshan nyid dang ldan pa gsum gyi nang du /mtshan nyid dang ldan pa'i bu mo gzhon nu ma lo bcu drug ma 'am nyi shu rtsa lnga ma'i lag bsams gis thod pa 'gengs su gzhug go/ de la mtshan ma brtag par bya'o/ /de nas bu mos mchod pa byas yon yang dbul lo/ /de'i dgos pa ni rtags rab 'bring gsum gang rung cig byung ba dang/ de'i steng du me long g.ya' dag pa la gur gum gyi chus bkrus la sin d+hur brtsags la gser smyug gis gru gsum bsnol ma bri/ de'ang gnyis sprad du bya'o/ /de'i dbus su sngags kyi rgyal po bris la/ de nas sngags gzhan yang g.yon skor du bri'o/ /de'ang man ngag gis bri'o/ /de'ang ras dmar pos zhal khebs bya'o/ /de'ang mchod pa sna tshogs pa'i rdzas la/ mkha' 'gro ma mchod pa'i rdzas ni zhal gcig pa'i dbang du byas nas mchod pa bzhi bzhir bzhed do/ /me tog dmar po sna bzhi chu las skyes dang thang las skyes/ spos sna bzhi la gu gul nag po dang a ru ra sha chen dang byig nag po'i ril ma 'am rang byung gi me tog dmar po dang bzhi'o/ /dri sna bzhi ni tsandan na dang gla rtsi dang ga pur dang gur gum mo// sgron me sna bzhi la 'bru mar dang mar dkar la sogs pa la bya'o/ /lha bshos sna bzhi la 'bras la sogs pa la bya'o/ /de dag ni khro mo'i zhal du mchod pa'o/ /de la gtor ma'i ka ne ni chang sna bzhi la 'bru char sbrang chang gnyis/ bur chang 'bras chang gnyis te bzhi'o/ /khur ba sna bzhi la gru gsum zla gam gnyis/ /zlum po gru bzhi gnyis te bzhi'o/ /sha sna bzhi la mi sha rta sha khyi sha ba lang dang bzhi'o/ /bdud rtsi sna bzhi la byang sems dkar dmar gnyis dang dri chen dri chen dri chu gnyis te bzhi'o/ /phag gdong gi zhal du mchod pa'i rdzas so/ /de ltar mchod pa la sogs pa'i rdzas bshams pa dang/ rdo rje rnal 'byor ma'i bskyed rim la sogs pa bsgom par bya'o/ /de nas skyon bzlas pa bya'o/ /de nas bstod pa bya ste mchod pa dang tshogs dbul ba la sogs pa bya'o/ /de nas byin gyis brlabs par bya'o/ /de la bzhi ste/ mchod pa dang rdzas dang sngags dang ting nge 'dzin to/ /de nas slob ma gzhug cing dbang bskur ba ni slob ma rnams la mig las dmar pos bka' ste/ las kyi slob dpon gyis nang du drangs te/ bgegs bskrad? la dkyil 'khor gyi shar nas 'jug par bya'o/ /'diskad brjd de de ring khyod mkha' 'gro ma thams cad kyi rigs gzhug gi/ /ye shes gang gis mkha' gro ma kun gyi dngos grub thob pa 'gyur la/ dngos grub gzhan lta smos kyang ci dgos te/ de lta bu'i rdo rje yi shes pas khyod la bskyed par bya yis/ khyod kyis rdo rje rnal 'byor ma'i dkyil 'khor ma mthong ba rnams kyi drung du smra bar ma byed cig/ gal te khyod smras na dam tshig nyis par 'gyur te/ de nas yang 'di ni dam tshig rdo rje ste/ gal te tshul 'di gang su yang rung pa'i drung du bzlas na/ khyod kyi mgo rdo rnal 'byor mas 'gas par byed do/ /? mkha' 'gro ma khyod dang/ /khyod kyi snying la yang dag zhugs/ /gal te tshul 'di smra na ni/ /de ma thag tu dral te gshegs/ /'di ni khyod kyi dmyal ba'i chu/ /dam tshig nyamS na sreg par byed/ /dam tshig bsrung na dngos grub ni/ /rdo rje bdud rtsi'i chu 'dis 'grub/ oM badzra DA ki ni a mri to da ka/ de nas 'di brjod de/ de ring phan chad khyod kyi rdo rje mkha' 'gro mang yin gyi/ ngas gang gis brjod pa de bu khyod kyis bya dgos la/ da la bsnyas pa'i las ma byed cig /gal te byas na yang ba ma spangs par tshe 'di'i 'du byed byas nas sems can dmyal ba chen po rnams su ltung bar gyur ta re/ de nas 'di skad brjod de/ de bzhin gshegs pa dang mkha' 'gro ma thams cad kyis byin gyis rlobs la rdo rje rnal 'byor ma bdag la dbab tu gsol/ de nas 'di skad brjod par bya ste/ rdo rje mkha' 'gro'i dkyil 'khor 'dir/ /bdag gis slob ma gzhug par bya/ /mkha' 'gro'i rigs kyi rim pa bzhin/ /bsod nams gang yin de bzhin shog/ 'dis ni dngos grub gang thob pa/ /rigs ni gang gi snod du 'gyur/ /'di la bsod nams ci yod pa/ /dkyil 'khor 'dir ni de bzhin shog/ badzra DA ki ni badzra ho:lha gang gis dngos grub thob pa brtag par bya'o/ /de nas me tog blangs la slob ma'i mgo la gdags par bya'o/ /mig dbye ba ni oM/ rdo rje mkha' 'gro khyod nyid kyi mig dbye bar ni nan tan mdzad/ /phye bas thams cad mthong 'gyur la/ /rdo rje'i mig ni bla na med ces brjod do/ /de nas slob ma la lha'i dkyil 'khor bstan par bya'o/ /de nas dbang bskur bar bya ste/ /rdo rje rnal 'byor 'byor ma rnams la/ mchod chen ji ltar mdzad pa ltar/ /bdag kyang rab tu bsgrub slad du/ /dbang bskur dam pa bdag la gsol/ /zhes gsol ba gdab bo/ /de nas bum pas dbang bskur ba/ /sangs rgyas kun gyi bum pa'i dbang/ /de ring khyod la bskur bar bya/ /sangs rgyas? kun ni rab bsgrub phyir/ /bum ba'i dbang ni khyod la bskur/ /bum pa byang chub sems kyis bkang/ /spyi bo nas tshangs pa'i bu ga pan mar song pas bdud rtsi'i rgyun gyi lhag ma spyi bor mi bskyed pa gzhugs pa bsam mo/ /de nas dbu rgyan gyis dbang bskur ba ni/ sangs rgyas kun gyi dbu rgyan dbang/ /de ring khyod la bskur bar bya/ /sangs rgyas kun tu rab bsgrub phyir/ /dbu rgyan dbang ni khyod la bskur/ /de nas dril bu'i dbang bskur pa ni/ /sangs rgyas kun gyi dril bu'i dbang/ /de ring khyod la bskur bar bya/ /sangs rgyas kun tu rab bsgrub phyir/ /dril bu'i dbang ni khyod la bskur/ /de nas ming gi dbang bskur ba ni/ sangs rgyas kun gyi ming gi dbang/ /de ring khyod la bskur par bya/ /sangs rgyas kun tu rab bsgrub phyir/ /ming gi dbang ni khyod la bskur/ /zhes ma rig pa las gnaS nas rig pa ye shes su bsgrub par rig pa'i dbang bzhi'o/ /da ni gsang ba'i dbang bskur ba ni /sangs rgyas kun gyi thod pa'i dbang/ /de ring khyod la bskur bar bya/ /sangs rgyas kun tu rab bsgrub phyir/ /gsang ba'i dbang ni khyod kyi longs/ /zhes thos pa'i 'chang 'thung du gzhug go/ de nas shes rab ye shes kyi dbang bskur ba ni/ sangs rgyas kun gyi me longs dbang/ /de ring khyod la bskur bar bya/ /sangs rgyas kun tu rab bsgrub phyir/ /shes rab ye shes khyod gyis long/ /skabs 'dir rdzogs pa'i rim pa bsgom ste/ rang gi lte ba'i nang du me long gi dkyil 'khor 'bar bar bsam mo/ /phag gdong gi dpral ngar? g.yung? drung ris dmar po 'khor par bsam la/ srin po'i zhal cung zad bsdam mo/ /gsum pa'i don dran pas bsgom mo/ /de la dbang bzhi pa'i thun mong ma yin pa'i lta ba phyag rgya chen po'i don ji lta ba bzhin du rtogs par byas la/ /gang du yang gnas par mi bya'o/ /de yang brda sna tshogs kyi sgo nas bstan par bya'o/ /de lta bu'i byin brlabs thob pa'i slob mas bla ma la yon phul/ nas mnyes par bya ste/ mkha' 'gro ma la gtor ma btang/ tshogs kyi 'khor los mnyas par byas nas/ gtor ma btang bar bya'o/ /bkra shis brjod sbyin sreg kyang bya'o/ /de nas rdul mtshan gshegs la yi ge brgya pas kha bskang bar bya'o/ /rdo rje rnal 'byor ma'i byin rlabs kyi chog mdor bsdus pa zhes bya ba grub pa thob pa sha ba ri zhabs kyis mdzad pa rdzogs so// //rgya gar yul ma ga d+ha'i paN+DI ta gau ta ma b+ha dra'i zhal snga nas mnyan te/ lo tsa ba shAkya'i dge slong nyi ma rgyal mtshan dpal bzang pos gtsang tshong dus 'gur mo'i sa cha/ chos gnas chen po gnyal sper legs par bsgyur ba'o// //*/ /rnal 'byor ma'i tshogs kyi 'khor lo'i cho ga bzhugs so// //rgya gar skad du/