| བོད་ཡིག | e-texts produced with BDRC’s OCR application |
pa'o// rgya gar skad du/ dz+nyA na sa twa many+dzu shrI na ba la rat+na mu tra bi d+hi nA mA/ bod skad du/ 'jam dpal ye shes sems dpa'i rin po che'i phyag rgya dri ma med pa'i cho ga zhes bya ba/ 'phags pa'ajam dpal ye shes sems dpa' chen po lnga phyag 'tshal lo// bdag blo yang ldan cho ga rdzogs pa dang / dri ldan mnyes gshin byang chub sems dpa' des// rtsod dus rkyen dbang shes rab nyam chung la// rgyud kyi rin chen phyag rgya btud de bshad// snying rje cha dang chen por ldan// brtse bas don byed skyo ba med// spobs pa che zhing phan blor ldan// ngong tshul bzang zhing skyo bar bzod// shes rab che zhing nus pa yod// rtsod dang tshig gi sbyor ba sde ba mkhas// dpa' zhing rtul phod brtson 'grus che// bkas bsgo ba la drin mi 'jog/ dad dang shes rab gtso bor gnas// bla ma'i rgyud thabs skyog bzhin bsrung // yid la mi byed don bstan na// pad+ma'i mdangs 'phro gnas la ldog/ dam tshig gsum ni mig bzhin du// bsrung byed rin chen phyag rgya'i snod// de la 'jam dpal ye shes sems dpa'i mtshan thos pa tsam gyis yid la sos par 'gyur ba'i skyes bu des ni grub pa'i tshogs chung ngus bdag gir byed par 'gyur ro// de yang bsam gautan gyi khang par yid du 'ong ba'i ras bris kyi mdun du glegs bam rab tu gnas pa byas te/ bdag la de dang nye bar tsan ngan dkar pos byugs pa'i maN+Dal khru gang ba gru bzhi pa'i steng du me tog gi tshom bus mchod la/ tsan ngan gyi bdar bu dang / me tog dkar po snyim pa gang thogs te/ 'phags pa 'jam dpal ye shes sems dpa' la phyag 'tshal lo// ye shes sems dpa' chen mchog nyid la phyag 'tshal lo// mtshan gyis 'khor lo thams cad la phyag 'tshal lo// bdag gi rnam par shes pa'i tshogs thams cad dang yang dag pa'i don gyi rnal 'byor du mdzad du gsol zhes lan nyi shu rtsa gcig tu brjod la/ me tog dkar po'i phreng ba mgo la bcings te/ tsan dran sen rtsi dang / til mar la bdar ba'i chu mig la byugs lnga rmi lam brtag pa'i lhas kyang shes par bya'o// de nas tho rangs ci rigs pa'i rnal 'byor du gnas te/ slob ma rtag pa dang rmi lam gyis shes pa'i yo byad kyis spras nas/ nye ba dang lha'i maN+Dal dang / sems bskyed pa'i rin po che'i phyag rgya'i yon phul te/ tshul dang mthun pa'i gnas la/ oM kye kye kye ye shes sems dang zhi ba rab mdzes sku/ khyod thugs bskyed pa 'gro lo sman pa'i gtso// 'khor lo'i phyag rgyas gti mug bral mdzod cing // me long lta bu'i mtshan bstod thugs chung ltar// sems bskyed la mos bde gshegs rigs 'gyur dag/ 'gro ba rnams kyi sku yis gdul bya'i phyir// bde gshegs rigs kyi sems bskyed gzung bar bgyi// dkyil 'khor 'khor lo bdag byin brlab tu gsol// zhes lan gsum dang gsum du brjod pa ni dbang po dang shes pa'i bye brag gis shes par bya'o// phyag rgya'i bye brag ni man ngag gis so// de nas tshes gcig nas tsA bar bzung ste/ rnal 'byor pas nang gi spyod pa bcu la zhugs nas/ lha'i bsgrub pa'i bsten pa'i mtshan yang dag par brjod pa'i gnyen po ji srid spro'i bar du bya'o// thun mtshams dang glo bur gyi las ni mkhas pa dag gis ci rigs par sbyar ro// paN+Di ta dang / rgyal bo dang / blon po chen po dang / dmag dpon dang / bram ze sgo ba dang / grong du 'jug pa dang / don gnyer po lo sogs pa'i tshogs na gnas pa rnams kyis ni dran pa gcig pa'i byin gyis brlabs pa tsam la tse rigs pas bstod de/ bdag dang 'gro ba sbyang tsam bya'o// tshe la sogs pa'i sbyor ba 'phel ba dang / 'dir gsungs yon tan rnams ni 'grub par 'gyur// lha dang mi yi mchog 'gyur gtso bo bzhin// lo ka dag las lhag pa'i gnas sru 'gro/ mun nag mthug posngo dkris po rnams// zang 'gyur dri ma med pa'i 'od zer spud// pad+ma'i rtsa bar rtsi'i mchog gnas gang // g+ha Ta shing gi 'dab mas len bzhin du// bskul ba'i grangs la rag las mi 'gyur dwa/ mi yi tshe 'di nyid kyis 'dod bzhin thob// yang dag mtshan 'di'i sgo la dad pa gang // de'i mtshams med lnga yang skad cig de// dag na 'don dang klog pa smos ci dgos// ri khrod mgon po las thob pa'i// rgyud kyi rin chen phyag rgya 'di// sgyu 'phrul dra ba'i ting nge 'dzin// skye ba'i rim babyung byams pas byas// rigs gang rigs kyi lha las ni// dngos grub thogs med thob gyur cig/ na mkhas gar khyab yo ka 'gro ba rnams// ma rig phyag rgyas rab tu bcings gyur pa// blo gros chen po'i phyag rgyas bcad nas kyang // 'jam dpal ye shes sems dpa'i zhabs grub shog/ 'phags pa 'jam dpal ye shes sems dpa'i rin po che'i phyag rgya dri ma med po'i cho ga zhes bya bu/ rgya gar gyi mkhan po dpal ldan gnyis su med pa'i rdo rjes mdzad pa rdzogs so// / rnal 'byor pa bsod snyoms pa pradz+nyA shri dz+nyA na kIrtos rang 'gyur du mdzad pa'o// dge'o// /