བོད་ཡིག

e-texts produced with BDRC’s OCR application

rgya gar skad du/ ar+g+ha bi d+hi/ bod skad du/ r+g+ha'i cho ga/ dpal rdo rje sems dpa' la phyag 'tshal// sangs rgyas rgyal ba rnam 'phro shin tu rnam rgyal byang chub pa// rig ma'i lus sbyor las skyes bde bas shin tu khyab pa'i sku// 'khrul pa ma lus spangs shing 'gro ba rnams kyi don mdzad la// phyag byas nas ni 'dus pa'i gzhung gis ar+g+ha'i cho ga bshad// gtsug lag khang dang mchod rten ras bris gsung rab sku gzugs dang // khang bzang gzhal med khang dang khyams dang rdzing bu lba chu rnams// khron pa chu mig shing bzang ljon shing rnams kyi nags// rtsed mo'i de'u skyed mos tshal ni sbyin pa'i sa la mdor bsdus na'o// de la thog ma nyidadu slob dpon gyi mtshan nyid dang ldan pa'i slob dpon gzhan gyis maN+Dal sngon du song bas lan gnyis gsum gsol ba btab pas sam/ rang nyid bsod nams 'dod pa la sogs pas gtsug lag brtsig pa'i phyir bgros pas nyin zhag dge ba rgyu skar bzang po la tho rangs kyi dusu sa brtag par bya'o// tsin+d+ra skyer ba ba hu ra rams shing dang // ko pi da ra ka rany+dza dang yungs kar dgod// ri yi ze'u 'bras bur bcas dang rus sbal rgyan dang ni// glang po'i ba shul ba lta bu'i sa ni rnam pa ro spang // shar phyogasu ni pi pa la yis ni rnam par spang // shar phyogs su ni pi pa la yi shing rnams dang // p+lag sha'i shing dang gshin rje'i phyogs su yang dag ldan// n+ya gro d+ha yi ljon shing rnams dang nub phyogs su// sna gzhi'i byang phyogs su ni ba ku la dang bcas// me yi mtshams su ka ku b+he dang yang dag ldan// pa la shA yi ljon shing srin po'i phyogs su grags// sa skyes shal ma li ni rlung gi phyogs su ste// dbang ldan u duM ba rar bcas pa'i sa gzhi spang // mya ngan med dang pri yaM ku dang ku sha nim// a shwat+tha ma la mo tsa la ku tsa dang // ni a mud dim sa ni byang dang shar du gzhol// sa ni dkar ldan gru bzhi yang ni mtshan nyid bzang // de ru dong ni gru bzhir brkos te de nyid las// byu ba'i sa yis de ni dgang bar bya pa nyid// de ni gal te ma khengs na ni ma sngags so// gal te sa ni dang po las lhag rab tu bsngags// sa yi khungs bu mtho gang tsam du brkos nas su// de ni lhag med chu yis rab tu dgang bar bya// gom pa brgya ni song nas log ste blta bar bya// chu ni gal te ma 'gribs dge ba'o// gzhan du gzhan// sa la gnas pa'i chu ni g.yas skor gyis// dbang ldan mtshams su myur du bab na ni// brtan byed sa gzhi shin tu dag pa ste// 'jigs pa'i dus su yang ni nyams pa med// de la de ltar sa'i mtshan nyid rig pa'i sngags pas lus bkru zhing dri zhim pas ji ltar rnyed pas gos dang rgyan dang bcod pan dang bde ba'i stan mthon po la 'dug ste// dgos pa yongs su tshang ba dang bsrung ba'i sngags bzlas pa 'grub pas lag pa rdo rje dang dril bu 'dzin pas mnyams par bzhag pa ste/ lha'i rnal 'byor byas nas dgos ka zhi ba'i gtor ma byin te/ dag pa'am sbyangs pa'i sa gzhir lci ba dang sbas ba lang gi ko ba tsam byugs pa'i dbus su maN+Dal bya ba 'am byed du gzhug go// de nas de ru dkyil 'khor gyi 'khor lo rnam par bsgoms la mchod pa lnga yis de la yang dag par mchod de/ gtor ma rgya chen po man ngag ji lta ba bzhin du sbyangs te/ phyogs skyong ba thams cad la tur rgya'i sgra dang bcas pas 'bul lo// de'i rjes la pus mo g.yas pa'i lha nga sa btsugs nas lus btud de sangs rgyas dang byang chub sems dpa' thams cad dang lha rnams las blang bar bya'o// khams gsum gang na sangs rgyas dang // byang chub sems dpa' rdzu 'phrul tsha// lha klu gnod sbyin chen po dang / dri za rnams dang lha min sogs// thams cad la ni gsol bar 'tshal// sems can kun gyi don sgrub phyir// sa yi cha ni mdzes pa 'dir// gtsug lag 'byor pa rgyas phyir dang // thos dang bsam sogs 'phel ba yis// dam pa'i chos ni rtogs phyir dang // grags pa mthar thug gtsug lag khang // lus can kun gyi yang dag 'tsho// bdag ming 'dri zhes bgyi ba yis// bzang po 'di ni bdag phyir yang // khyed la gnod pa mi mnga' bas// grags pa dam pa bgyid par 'tshal// khyed la gnad pa kyis bzod cing gnang ba ni// bgyid par 'tshal gyi gzhan du min// rmi lam la sogs mtshan ma yis// dge ba'i sa 'di bdag las gsol// zhes bya bas so// de ltar lan gsum brjod nas oM mu tsu le swA hA/ oM mo hA ni swA hA/ oM dat+ta lI swA hA/ zhes bya ba rmi lam ston pa'i sngags 'dis lag pa g.yon pas lan nyi shu rtsa gcig tu mngon par bsngags te/ sa phyogs gtsang mar gos dang rgyan gtsang mas sngas lhor bstan te/ khi shar du bltas pas seng ge'i nyal stobs kyis nyal bar bya'o// yang na rje btsun 'jig rten dbang phyug yang dag par mchod de/ de dang nye bar snga ma bzhin nyal bar bya'o// tho rangs rmi laM gyi mtshan ma dge mi dge nye bar gzung bar bya ste/ rmi lam sangs rgyas zhal mthong dang // mchod rten sku gzugs mchod pa dang // dam chos nyan dang de shes pa'i// dge slong dge 'dun mthong ba dang // gtsug lag khang dang sangs rgyas sras// dge slong ma rnams skyed mos tshalnga// sa 'jun 'dzeg dang bsti gnas dang // chu po rdzing bu rgya mtsho dang // ri bo can dang ri dgas bdag/ e ne ya dang ba la bsngags// ngur pa rma bya la sogs khyad 'phags 'dab gshog can// ting 'dzin ldan pas rmi lam du ni nges par mthong // bzhon pa glang chen khyu mchog dang ni sa 'dzin dang // gzhal med gnas mchog dpag bsam gyi ni shing rnams dang // dge bsnyen dang ni sdom can mi yi bdag po rnams// gsang sngags dbang phyug rnams dang bud med mchog/ papha dang ma dang lha rnams dang ni bla ma dang / lha yi btsun mo rnams dang mchog gis gsang ba pa// sgrub po dam pa dang ni yon tan can dang gnyis skyes rnams// dga' ston chen po dang ni rgyal ba'i mcho gi dkyil 'khor rnams// rgyan rnams dang ni gos dang 'bru dang nor dang mchog/ sbyin sreg las dang 'bras bu dang ni me tog rnams/ rgyal po dbang bskur thob byed phun sum chog pa'i dngos// g.yul las rgyal dang rkun mo bcings dang rang gi tshogs// rgya mtsho dang ni chu bo rnams dang 'phrang la sogs// brgal bar dka' bya rnams las nges par thar pa yang // der de lta bu lA sogs pa'i rmi lam ni bzung ste de las bzlog pa ni ngan par shes nas// gal te ngan pa mthong na de'i tshe 'gegs mthar mdzad kyis sngags bzlas te// chos thams cad ni rmi lam lta bu ste/ rmi lam nye bar mi dmigs pa'i nye bar len pas so zhes lhag par mos pas sam/ yang na rmi lam ston pa'i sngags brjod pas// rmi lam ngan pa zhi bar bya'o// de nas rmi lam bzang po 'am bzang por bsgyur nas/ oM b+hu khaM zhes bya ba'i sngags kyis na mkha' lta bur bsams nas// hUM laM hUM zhes bya ba'i sngags kyis rdo rje'i rdul phra rab kyi rang bzhin gyis sa gzhi rnam par bsgoms nas// oM me di ni badz+ri b+ha ba badz+ra ban+d+ha hUM zhes bya ba 'dri byin gyis brlab par bya'o// de nas der lus phyed 'thon pa gser gyis mdog can rin po che'i bum pa phyag na bsnams shing na bza' dang rgyan mchog dang ldan pa'i sa'i lha mo mdun du rnam par bltas te/ tshig su bcad pa gnyis kyis lhag par gnas par bya'o// 'byung po kun gyi 'dren pa yin// spyod pa'i tshul gyi bya ba dang // sa dang pha rol phyin pa la// lha mo khyod ni dbang du gyur// skyob pa shAkya steng ge yis// ji ltar bdud kyi sde bcom pa// de bzhin bdag gis bdud kyi sde// bcom nas gtsug lag khang mchog byed ces bya bas so// lan gsum du ni bskul nas su// sa la yon chab la sogs pa// nye bar spyod pa legs mchod de// de nyid du ni thim par bsam// de nas yongs su dag pa thob pa'i sa'i char sems mgu ba'i sngags pas chos thams cad rang bzhin gyis rnam par dag pa'o zhes lhag par mos pas thams cad kun tu spyad do// sna tshogs pad+mar sna tshogs rdo rje'i stegs bu la// zla bar b+h+rUM las dag pa'i 'khor lo rtsibs brgyad pa// de yi lter gnas b+h+rUM gyi 'od kyi dra ba las// nges par 'byung ba'i de bzhin gshegs pa thams cad rnams// kun nas bsdus te gyur pa las ni khyed 'phags pa'i// rigs ma mchog ni bzhi po las byung mdzes pa yi// khang pa brtsegs pa thar pa'i grong khyer ngo mtshor can// nor bu chen po 'od 'bar rang bzhin rab tu blta// der ni dkyil 'khor dri bzang sogs kyis byas nas ni// 'di la dkyil 'khor 'khor lo rnam par bsgom par bya// de la sna tshogs nyer spyod rnams kyis yang dag mchod// phyogs rnams su ni rim pa bzhin du gtor ma sbyin// de nas dri zhim po'i me tog dang bcas pa'i thal mos oM sarba ta thA ga ta su la li te/ bi lA si nA mi te ra nA m+bi b+hA ga bAn taM dzaHhUM baM hoHpra tIts+tsha ku su mi any+dza li// nA tha ho zhes brjod bzhin du steng du bltas te snyim pas me tog gtor bar bya'o// de nas pus mo g.yas pa'i lha nga sa la btsugs te lag pa g.yas pas dri zhim po'i bdug spos kyi ring bu bzung nas sngags lce la hUM yig las byung ba'i rdo rje dkar po phra mo rnam par bsgoms nas/ sangs rgyas dang byang chub sems dpa' thams cad dang gzhan dag kyang snyan gsan dbab par bya'o// bcom ldan che ge rdo rje mchog/ rig pa'i rgyal po phyag 'tshal bstod// mgon po thugs rje'i bdag nyid bdag/ gtsug lag khang ni bgyid par 'tshal// slob ma rnams la phan phyir dang // khyed rnams la yang mchod pa'i phyir// bcom ldan gus byed bdag la ni// rjes su gzung ba mdzad pa'i rigs// 'gro ba'i 'khor lo'i don mdzad pa// sangs rgyas rnams dang dgra bcom pa// 'jig rten skyong dang gsong sngags lho// gang gzhan rnams dang 'jig rten skyong // lha rnams dang ni rdzogs sangs rgyas kyis// bstan la gnas pa'i 'byung po dang // sems can gang zhig bstan dga' bo// rdo rje mig ldan dgongasu gsol// rdo rje can bdag che ge mo// gtsug lag khang ni cho ga bzhin// 'gro ba rnams ni dag bya'i phyir// ci nus bya ba bgyid par 'tshal// de phyir bdag dang slob ma la// rjes su brtse bas nyer dgongs te// 'dir ni 'khor bcas thams cad kyi// gang na ni gnon par mdzad pa'i rigs/ de ltar lan gsum brjod pas snyan gsan phab nas yang dag par mchod de bstod pa yang bya'o// de nas legs par brtags shing shin tu mnyam pa'i sa'i char stan bde ba la 'dug ste/ mdun du chu gtsang ku sha'i tshom bu dang bcas pa dang / 'o ma durma dang bcas pa dang / dri chu me tog dkar po dang bcas pa chu la sogs pa'i snod yongs su bzlas pa rnam g.yon du rim pas bzhag cing // ting nge 'dzin gsum dang ldan pa'i rnal 'byor pas bum pa lhag par gnas par bya'o// de la nag po dang brtsas pa med pa// mchu 'phyang ba/ mag+ninanA pa ring ba lto ba che bar nas dang gro dang 'bras so baM dang ma sha dang ma til rnams te 'bru lnga dang / 'ab+h+ri ha ti dang kAN+Da ka ri dang a pa ra tsi t+ta dkar po dang / ha sa dang has de ba rnams te sman lnga dang / gser dang dngul dang mu tig dang byu ru dang / mu men te rin po che lnga dang ldan pa/ dri'i chus gang ba tsu ta la sogs pa'i yal gas kha brgyan pa gos zung gis mgrin pa dkris pa// de la chos 'byung gi nang du gnas pa rang gi lha'i mtshan mas mtshan pa/ yi ge baM las rin po che'i rang bzhin las byas nas gdugs dang bcas par 'khor dang bcas pa'i bdag por kun tu brtags te/ me tog gi phreng bas dkris pa'i rdo rje rnam par rgyal ba'i bum pa'i steng du bzhag ste/ lag pa g.yon pa'i khu tshur gyis rdo rje dang 'brel pa'i me togi phreng ba'i rtse mo bzung nas/ sngags pas yi ge gsum dang spel te rang gi lha'i sngags brgya rtsa brgyad bzlas par bya'o// de bzhin du gzhan dkyil 'khor ba'i bum pa rnams kyang cho ga de bzhin du lha rang rang gi mtshan mas mtshan pa byas nas dkyil 'khor ba'i lhas byin gyis brlabs pa rnams la rang rang gi bsngags yi ge gsum gyis spel ba lan bdun du mngon par bzlas par bya'o// de bzhin du gzhi bdag gi bum pa yang ji lta ba rang gi mtshan mas mtshan pa rnams la yi ge gsum dang spel byas rang rang gi bsngags bzlas par bya'o// thams cad kyang srog ldan nya dang bcas pa rnams la rim pa bzhin lhag par gnas bar byas nas/ bsra gtor la sogs pa byas te mchod pa lngas yang dgu par mchod de/ dril bu dkrol bzhin pas bstod par bya'o// de nas las byed kyi skyes bu bgegs mthar byed kyi rnam par bsgoms te/ rgya dang za bas su khru do pa'i dong gru bzhi par brkos lo dbang ldan du tshad dam/ de'i phyed du zlum por brkos te srol btod nas gnyis ka l-I ba dang chu rnams kyis byug go/ de nas ar+k+ka nas la sogs pa byin nas dong gru bzhi par go rim bzhin rnam par rgyal ba la sogs pa'i bum pa rnams kyis chu blugs par bya'o// der shar ram byang du bltas te nya rnams 'phyo ba na gtsug lag khang 'khor dang bcas pa myur du 'grub par 'dod pa yin no// de nas de'i sbubs phye ste dong zlum por chu gtang ngo // de'i chu'i skor phyogs brtag par bya'o// gal te chu g.yas skor du 'bab na der dge slong brtul zhugs dam pa yon tan rnams nges par 'byung bar 'gyur ro// de'i rjes la glu ma mas dbang tu bya ba'i phyir/ der 'o ma can gyi yal ga rnams kyis g.yogs te nyi ma la gnas pa'i dza yig las byung ba'i rdo rje yongs su gyur pa las/ dzi ku li sku mdog ser po zhal sde po dang nag po dang dkar / gdeng ka bdun gyis brgyan pa/ rin po che'i cod pan can/ rtsa ba'i phyag gnyis kyis rang snang gi thabs la khyud pa/ g.yas gnyis na rdo rje dang mda' 'dzin pa/ g.yon gnyis kyis gzhu dang sdigs mdzub dang bcas pa'i zhags pa can/ sna tshogs pa'i na bza' dang sbrul gyi rgyan gyis brgyan pa/ nyi ma'i gdan dang 'od can bsgom nas bdag nyid kyang dzi ku la'i gzugs su rnam par bsgoms te/ sa 'og tu dmigs nas sna tshogs rdo rje'i rang bzhin gyi sa gzhi bsgom par bya'o// de'i yang ltad mo ba'i skye bo'i rnams tam po la dang dri zhim po'i me tog dang / tsan+dan la sogs pa byin pas mgu bar bya'o// de nas bsrung ba'i don du mchod sbyin gyi shing ngam seng ldeng gi rang bzhin las bde bar gshegs pa'i sor gyi sor brgyad kyi tshad du steng dang 'og rtse lnga pa dang rtse gcig pa'i rdo rje'i rnam pa can tsan+dan dmar pos byugs pa me tog dang skud pa dang / yungs kar dang bcas pa rnams la bgegs mthar byed kyi sngags kyis lan brgya rtsa brgyad bzlas te gdab par bya'o// oM g+ha g+h+nAM b+hU te ya g+hA ta ya/ sarba duSh+TAM phaT/ kI la ya kI la ya sarba pA ba~M hUM hUM hUM/ dz+ra kI la ya badz+ra d+hA dr-i adz+nyA pa ya tI k+She bak+Shi ts+tsha badz+ra kI la ye hU~M phaT zhes bya ba'i sngagaso 'dis phyogs thams cad du brdeg par bya'o// slar yang bgegs thams cad rnam par gzhig pa'i ched du rang rang gi phyogs su son pa'i dpung dang bu dang chung ma bcas pa'i dbang po la sogs pa zhes par 'gyur ba'i gtsug lag khang gi dbus sam/ dbang ldan du gcig tu gnas par bltas labadud rtsi 'khyil pa stong khro bo smad mdung gi rnam pas sngags de nyid kyis blos phur bu gdab par bya'o// de nas phyogs kyi dkyil 'khor bgegs med par rnam par bsgoms nas sgrub pa'i grogs dang lhan cig tu rdo rje'i rdo rje khu tshur gyis thig skud bzung nas g.yas skor du 'khor bas thig gdab pa bsgrub par bya'o// de nas slob dpon me'i mtshams nas byang du kha bltas te/ sgrub pa'i grogs dbang ldan nas lho ru mngon par phyogs pas shar gyi thig gdab par bya'o// de nas rlung gi mtsham su sa/ stelho ru mngon par phyogs pa dang / srin po'i mtshams nas byang du bltas pas nub kyi cha thig gdab par bya'o// slar yang g.yas skor gyis rlung gis mtshams su song ste dbang ldan du gnas pa dang byang gi cha thig gdab par bya'o// de bzhin me'i mtshams su song nas srin por 'dug pa dang / lho'i cha thig gdab bo// de'i tshe yang spaT pas dge mi dge'i mtshan ma brtag par bya ste/ de tshe gal te dge slong ngam// bram ze mnyam gzhag 'ongs pa na// sbyin bdag la ni dge ba ste// zhi dang rgyas pa chen po byed/ mkhas pa 'ongs par gyur pa na// rgyal po'i phun sum tshogs pa ston// gal te ba lang 'ongs pa ni// bu dang bu mo la sogs 'thob// bum pa gang ba 'ongs na ni// nor dang so ba la sogs 'phel// rgyal po 'am ni rgyal rigs 'ongs// ba lang ma he la sogs brnyed// gal te dga' byed gzugs ldan ma// 'ongs na dpal ni 'phel bar 'gyur// me tog la soDa 'ongs na ni// grags pa yang dag 'phel bar 'gyur// sgur po mi thung ldum po sogs// yan lag dman dang mtha' skyes dag/ de tshe der ni 'ongs pa na// dge legs byed 'gyur the tshom med// gtor zan bya rgod kang ka sogs// dur khrod bya ni gal te ni// steng gi na mkha' rgyu ba na// 'tsho bar 'gyur ba nyid yin no// don rig pa yis thig 'debs tshe// de phyir brtag par bya ba ste// mi dge rtags ni byung ba na// mkhas pas thig ni bshol bar bya// gang du las kyis bskul ba yis// gal te thig ni 'goms pa na// 'og na de'i rigs kyi na// rus pa yod par mkhas pas bshad// gzhan yang cho ga ji bzhin du// blo ldan nu dum de ni gdon// gal te rngu de ma bton na// nyes pa skyed par 'gyur ba yin// rus pa'i zug rngus lus ni 'dze byed cing // sol ba'i zug rngus me yi 'jigs pa skyed// thal bas nor brlag ma yis rus pas 'chi// sbrul sogs zug rngus sna tshogs nad la sogs// rngub rdul dang bye ma sen mo skra dang pags pa dang // shing dang pha khu bshang ba phub ma lcags dang tsher ma sogs// zug rngu rnams kyis bcing dang brdeg sogs rnam pa mang po yi// nyon mongs rnams skyed de phyir zug rngu chung yang brtags te gzhom// de nas las kyi rdo rje yis// rtsig pa'i rmang ni rim pa bzhin// gzhi bdag klu ni legs brtags te// tho rangs bsod nams 'phel phyir brko// mon gre tha skar smin drug zla ba dang / nyi ma'i 'gros kyis dbang po'i phyogs su mgo/ gshin rjer kha bltas klu ni nyal 'gyur te// thams cad du yang g.yon pa phab nas so// mgo dang rgyal mchu rnams la mgo bo ni// gshin rje'i phyogs su ston pa kho na ste// nub tu kha bltas lus dang po ni// mi yi chu byad ro smad sbrul dang 'dra// sgo dang nag pa sa ga'i zla ba la// byang gi phyogs su kha ni bltas gyur te// stobs chen sa gzhi bzhi ni bdag po'i klu// sngas ni nub kyi phyogs su bstan te nyal// snron dang mchu stong phyi bzhin rnams la niklur ni bzhogs kyis nyal bar byed pa ste// chu ra ni mgo bstan shar phyogs su// khaM bltas gzhi ni thams cad non par ro// kun tu gal te klu 'di yi// snying ka'i mdun du brkos pa na// sbyin bdag gi ni 'dod pa yi// dngos grub 'byung bar the tsom med// gal te mgo bor brkos na ni// pha ma snying grogs rtsa lag dang // bu dang bu mo la sogs rnams// nges par brlag pa 'gyur ba yin// gal te rgyab tu brkos na ni// gnas nyams dga' ba 'am yang na 'chi// mjug ma'i cha yis myur du yang // ba lang ma he sogs brlag 'gyur// de ltar cho ga bzhin g.yas skor gyis snying ka'i mdun du brkos nas// zug rngu thams cad kyang rnam par sbyangs te slob dpon gyis g.yas bskor du rim pa bzhin du kun nas grags pa dang ldan pa'i gnas brtag par bya'o// de nas yon bdag dang // sa dang gnas kyi lha dang phyo skyong dang 'jig rten skyong ba dang / zhing skyong ba dang / mi'i bdag po la sogs pa'i zhi ba'i don du dgongs mo zhi ba'i sbyin sreg byas nas gtor ma btang bar bya'o// de nas tshe grangs bzang po la yon bdag gis rjes su mthun pa'i gza' dang // skya skar dang dus sbyor dang yud tsam la// shar la sogs pa'i phyogs thams cad du ba dan dkar po dang dmar po ser popo dang sngon po dang dud mdog dang / dmar po dang tshon tshogs dang ser po dang ljang gu rnams te sa gzhir me tog dri zhim po bcal bkram nas/ dri zhim pos spos khang mang po bkod de/ shin tu gsal ba'i mar me'i phreng ba'i tsho rnams dang / dri chu zhim pos bsangs te dam pa'i chos bklag pa dang / bstod pa dang / bkra shis dang glu dang tu ra ya'i sgra dang bud med bzang po rnams kyi ca co dang gzhi'i sgra dang bcas pas phyogs kyi tshogs nas sa gzhi der byed du bcug nas/ ltad mo ba'i skye bo ba' rnams mgu bar bya'o// de nas sbyin bdag dang gzhan dag gi yang rgyas pa'i don du sngags pa gos bzang po dang rgyan dang cod pan dang / yo byad yongs su chang bas rgyas pa'i sbyin sreg byas nas yon bdag gis kyang de'i tshe gal te nus na rgyal po dbang por byas nas de'i bka' yang thog mar byas te/ rtsig mkhan rgyan thams cad kyis brgyan nas gos la sogs pa'i sbyin pas yongasu mgu bar byas te/ pha khu 'jog su gzhugs par bya'o// de'i rje la dga' ba'i yid kyis rang gi 'byor pa dang mthun pas rgyan thams cad kyis brgyan pa'i bu mo dang / glang po dang rta dang ba lang dang ma ho la sogs pa'i nor dang / gser dang dngul dang zangs dang nor bu dang mu tig la sogs pa'i rdzas rnams dang / rgyan dang gos pabarang po rnams dang / me tog yongs rgyas pa'i zhing // khang khyim dang / kun dga' ra ba la sogs pa'i gnas dang / bran po dang / bran mo la sogs pa'i 'khor rnams mngon par 'dod pa'i dgos pa bsgrub pa'i phyir thams cad kyis slob dpon mnyes par bya'o// de'i rjes la slob dpon gyis bsang gtor la sogs pa phul nas yang dag par mchod de bstod pa byas nas bdud rtsi myang ba byas te yi ge brgya pa lan bdun brjod nas phyag byas te/ bzod po gsol nas sbyin sreg rdzogs pa dang / sangs rgyas la sogs pa gshegs su gsol bar bya'o// de nas yon bdag slob dpon gyi mdun du byas te rang gi khyim du song nas dge slong dang dge slong ma dang dge bsnyen dang dge bsnyen ma la sogs pa rnams la chos ston drangs te yon yang phul nas sbyar gshegs par bya'o// de nas slob dpon 'khor dang bcas pa rnams dang / rtsig mkhan dang las byed rnams dang / gzhan dag la yang skyon mo byin nas nus pa dang mthun par phul te bzod pa gsol nas slar gtang ngo // mtshan ma tshogs kyil kho sa byas nas phyogs skyong la sogs pa rnams la gtor ma phul te/ thams cad nye bar bsdu ba ro d+ha'o// gtsug lag khang gi a na cho ga'o// de bzhin du mchod rten dang / glan la med khang khyams kyi Am yang rig par bya'o// gcugs / min po nis po rnyi po/ 'chos par 'dod na sngags pa ma'i// gto ma la sogs byin nas ni// de gnas ldan zla bar bya// byi nas snga sa bdag can gyis// rim pa bzhin du btsos nas ni/ rdzogs par nas spros pa de// der ni sgyu ma bzhin du gzhag ces bya ba ni gtsug lag khang la sogs pa rnying pa dang zhig ral gyi armam chaga'o// / de nas ras bris la sogs pa brtsom par 'dod pa'i sngags pas stan bde ba la 'dug ste// zhi ba'i gtor ma btang nas chos thams cad rang bzhin gyis dga' bar lhug par mos par byas te/ brtsams pa'i lha 'am rnam par snang mdzad kyi rnal 'byor byas nas de nas na mkhar sangs rgyas la sogs pa mngon par bltas te/ snyim pa'i me tog gtor nas phyag byas te cho ga bzhin lhag par gnas par bya'o// de'i rjes la gos gtsang ma 'am/ shing la sogs pa rnams la ji lta bar rang gi lha'i sa bon yongasu gyur pa las phyag mtshan sa bon gyis mtshan pa de yongasu gyur pa las zhal gsum phyag drug pa/ rje su mthun pa'i gzugs sku mdog dang phyag mtshan dang gdan dang 'od can thugs kar mtshan ma dang sa bon gyis byin gyis brlabs pa/ snying ga dang spyi bo dang lkog mar yi ge hUM dang oM dang AH/ zhes bya bas byin gyis brlabs pa la rigs dang mthun pa'i cod pan can snyoms par zhugs pa skad cig mas grub pa'i lha rnam par bsgoms nas mchod pa lnga yis mchod de bstod pa bya ba'o// de nas gzo byed rnams bgegs mthar byed kyi gzugs can la lus dang ngag dang yid la phyag mtshan dang sa bon gyis byin gyis brlabs pa rnam par bsams nas de'i lag pa g.yon dang g.yas dag zla ba rdo rjer byin gyis brlabs la bdud rtsi 'khyil pa'i sngags kyis lan brgya rtsa brgyad du bir dang tshon la sogs pa sngags te shes rab kyi ye shes kyi bdud brtsi'i rnam par bsgoms nas slar yang yi ge brgya pa'i sngags kyis brtan par byas te gtad nas rtsom du gzhug par bya'o// de nas bsang gtor la sogs pa phul te legs par mchod bstod pa byas nas bdud rtsi myang ba byas te/ sangs rgyas la sogs pa gshegasu gsol bar bya'o// de nas phyogs skyong ba rnams la gtor ma btang nas slob dpon dang las byed dang gzhan dag kyang ston mo byin te nus pa bzhin yon phul nas btang bar bya'o// ras ris la sogs pa'i arga'i cho ga'o// dam chos glegs bam rtsom pa yis// cho ga de bzhin byas nas ni// sh+log bu la ni d+hi las byung // shes rab pha rol phyin bltas nas// de yongasu gyur las byung ba yi// yi ge'i phreng ni blta bar bya// bsnag che smyig gu yongs bzlas te// brtsam par bya ba nyid yin no// de dag la bzlas pa'i sngags ni// oM d+hi su ti mr-i ti ma tI bi dza ye sar+b+ba a dz+nyA na na pa Ta lA pa ha ri Ni hr-i swA hA// slob dpon dang no 'dri 'khan la 'ang // ston mo drangs na nan tan gyis// yon phul nas ni gtang bya ste// lhag pa sngar bzhin rig par bya// gsang sngags kyi glegs bam rtsom pa na yang // snga ma bzhin thams cad bya ste// shog bu la sa bon dang phyag mtshan gyis sa bon yongs su gyur pa las byung ba'i 'od dpag med yongs su gyur pa'i yi ge'i tshogs kyis dkrigs par rnam par bsgoms mo// lhag ma ni thab ka rtsom pa'i cho ga bzhin bsgrub par bya'o// yang na ni dam pa'i chos kyi glegs bam yang cho ga 'di nyid kyis bya'o// gsung rab kyi arga'i cho ga'o// de nas gtor ma gtong ba yi// yo byad cho gas phul nas ni// sngags pas lhag gnas byas nas su// bsang gtor la sogs byin nas ni// der ni chu lha'i gzugs can du// rnam par snang mdzad blta bar bya/ sbrul zhags ral gri rin chen dang // chu skyes shes rab snyoms 'jug dkar// yi ge oM la sogs pa dang // badz+ra ba ru NA hUM zhes brjod// de yongs gyur las byung ba yi// rigs brgyad klu yi pho brang ni// ye shes bdud rtsi'i chus gang gi/ zhi ba'i klu yis byin gyis brlabs// dngos kun gyis ni rnam bsams nas// slar yang gsang sngags brjod par bya// oM badz+ra sa ma ya s+t+waM zhes bya'o// sa 'og mthar thug yan lag ni// brgyad ldan chu yis yongs gang bag chu yi rgyun ni blta bya ste// gzhan ni thams cad snga ma bzhin zhes bya ba ni rdzing bu dang wA chu dang khron pa la sogs pa'i ar+g+ha'i cho ga'o// / cho ga bzhin du mchod pa dang // lhag gnas sngar bzhin byas nas ni/ nang gi sa yi sbyang ba ni// rim bzhin dag par bya ba ste// blo ldan mnyam par bzhag pa yis// gsang sngags brjod de byin gyis brlabs// rol mo'i gnas ni nyams dga' bar// sangs rgyas la sogs bsgoms bya te// de nas sbyin sreg kyang ni btab// sangs rgyas sangs rgyas sras de bzhin// gzhan yang lha rnams thams cad la// mkhyen bya de nas bzod par gsol// rdzogs sangs lha mo de sras dang // tshangs sogs lha yi tshogs kyis gang // cho ga ma tshang bzod mdzad rigs// thams cad du yang sbyin bdag ni// zhi dang rgyas chen mdzad nas kyang // slar yang byon par mdzad slad du// sangs rgyas yul du gshegs su gsol// thams cad du gzod pa gsol ba dang gshegs su gsol ba'i sngags so// yang na oM khyed kyis sems can don kun mdzad// rjes su mthun pa'i dngos grub gsol// slar yang byon par mdzad pa'i phyir// sangs rgyas yul du gshegs su gsol// oM badz+ra muH zhes bya ba 'dis gshegs su gsol bar bya'o// kun dgu' ra dang rol mo'i dri ru dang ldum ra'i sbyin pa'i sa gzhi'i arga'i cho ga'o// / dpal ldan gsang 'dus gsung ba yi// chos gang zhig ma tshang ba/ spyi rgyud gsungs pa'i cho ga la// brten nas de ni bskangs pa yin// dpal ldan zhi ba bzang po'i zhabs kyi sprin las byung // man ngag chu rgyun dri med phun tshogs thob pa yis// snang byed zla ba'i sa gzhi la ni gang skyes pa'i// 'dus pa'i Arga'i cho ga lo tog 'gro la bsngo// nyon mongs 'phrog byed arga'i cho ga byas pa las// bdag la rnam dag bsod nams skyes pa gang gyur pa// de yis 'gro ba ma lus rdo rje sems dpa' ni// sems can gyi ni dgongs pa mdzad pa nyid du shog// arga'i cho ga snying po bsdus pa zhes bya ba slob dpon snang byed zla bas mdzad pa rdzog so// // rgya gar gyi mkhan po dpal ba retsA ba'i zhal snga nas dang / yo tsA ba dge slong bradz+nyA kIr+Nas bsgyur ba'o//