བོད་ཡིག

e-texts produced with BDRC’s OCR application

rgya gar skad du/ rat+na ma ti nA ma sA d+ha nAM/ bod skad du/ mi shigs pa'i rin po che zhes bya ba'i sgrub thabs/ thams cad mkhyen pa la phyag 'tshalo// glang zhig dri med gzi brjid ldan// spros pa pa'i rnam pa kun byal te// mtha' yas rigs kyi sprul 'phro ba// 'jam dbyangs de btung bla ma la'ang // blo gros pa/ zhan yang dad pa yis// 'dus pa'i don gyis de bzhin nyid// rang gzhan dran par byed pa'i don// / mi shigs rin tshon bshad pa'i bya// de la yang dag pa'i man ngag dang bral ba rnams ni chos kyi phung po brgyad khri bzhi stong ston cing shes kyang / bskal pa bye ba khrag khrig gi bar du bsgrubs kyang bla na med pa'i// / sangs rgyas rdo rje 'dzin pa'i go 'phong thob par mi nuso// du phyir bdag gis kyang bdag cag gi bla ma chen po sangs rgyas ye shes kyi zhal snga nas kyi rim pa nas 'ongs pa'i rlung gi de nyid kyi sgo nas mi shigs pa'i rin po sgrub pa'i thabs cung zad ston pas skyes bu chen po rnams kyis 'bade gzung bar bya'o// de la dngos po thams cad kyi mtha'i de bzhin nyid ni zab mo dang gsal ba gnyisu med pa'i de bzhin nyid de/ de yang chos kyi dbyings spros po'i mtha' thams cad dang bral po/ na mkha'i dkyil ltar rnam par dag pa'i ngo bo'o// de lta bu'i rnam par dag pa'i ngo bo la thog ma med pa'i dus nas sems can rnams kyis phyin ci log tu brtags pas rlung gi khams bsgrubs te// de las ma/ de las su/ de las sa khyams bsgrubs pas phung po dang sgyu mched dang khams srung zhing 'khor ba'i chos kyis rnam par sbyang ngo do// de ltar snang ba'i dun nyid yang rnam par dag pa'i don la ni g.yo ba rdul tsam yang med do// de lta bu'i don de sems can thams cad la kun rdzob kyi rnam pa'i gzugs kyi gnas rnam par gnas kyang bla ma'i zhal las bstan pa med par rtogs par mi 'gyur ro// de bas na lhan cig byed pa'i slob dpon gyis byin gyis brlabs pas rlung gi sgo nas spros pa dang bral ba'i ngo bo gnas dang ngal gso pa'i de kho na nyid bla ma'i kha las rtogs 'gyuraro// rtogs pa de bsgoms pas phyin ci log tu snang ba'i phung po la sogs pa rim gyis log pas yang dag pa'i phung po la sogs pa zab pa dang gsal ba dbyer med pa'i ngo bo 'thob pa'i rtags rnams rnyed par 'gyuraro// de rnyed pas bsgo pa la sogs pa dang bcas pas mi gnas pa'i mya ngan las 'das pa thob par 'gyur te// de bsta na ji skad bshad pa'i b+ha bas de rtogs par bya ste/ de phyin chad dgon pa 'am gang yang rung ba'i gnas su rnam par gnas nas// sngon du bya bar 'os pa thams cad tshogs par byas te/ thabs 'dir ni rim pa gnyis pa'i don bsgom par bya'o// de yang dang po sems can thams cad la mi btang ba'i snying rje chen po'i sems bskyod de/ de nas ra gi thugs ka na ye shes sems dpa'i sa bon de bzhin gshegs pa thams cad kyi ye shes rim pa dang po pa rnams la yi ge'i gzugasu snang ba gzhom du med pa de las/ yi ge kha dog lnga'i 'od zer steng gi blan g.yas nas byung ste/ de'i rtse las dkyil 'khor dang ldan pa'i de bzhin gshegs pa'i spros pas phyogs bcu'i sems can thams cad kyi kun tu rtog pa rlung gi bzhon pa dang ldan pa rnams/ de rnams bla ma lta bur gyur pa la thim pas rnam par dag par byas te/ de nyid slar bsdus te ye shes kyi ngo bor gyur te g.yon nas zhugs te/ mtshan ma'i dbus kyi bum pa'i sa bon la thim pas/ de sangs rgyas thams cad kyi yon tan bskyed pa'i rin po che dngos po thams cad la khyab pa'i rang bzhin mi shigs pa'i thig le 'od zer lnga dang ldan pa tsa nu ka'i 'bru ched tsam du gyur par bsam mo// de'i 'od zer gyis gnas dang ye shes sems dpa' la sogs po gsal bar byas nas/ bdag gi mthe bo'i rtsa ba dang rje ra dang / brla gnyis dang / gsang ba'i gnas dang / lte ba dang / gsus pa dang / nu ma gnyis dang / lag rtse dang / mgrin pa dang / mchu dang / 'gram pa dang / mig gnyis dang / rna ba'i rtsa dang / spyi bo dang / lus kun gyi nang gsal bar byas te/ de dag na gnas pa'i byang chub kyi sems sgra yig bcu drug gi gzugasu snang ba bkug ste/ thig ler zhugs par bsam mo// de bsams pa tsam gyis de'i nang du lha bcu dgu rten dang brten can lhag par mos pas bsgoms te/ de'i dbus kyi gtso bo'i thugs kar gong ma ltar ye shes kyi thig le bsgoms nas/ de'i 'od kyi rim pas rten gyi thig le'i bar gsal bar bya'o// de nas gnas bcu drug nas 'od zer bzhag pa phyung ste/ des dkyil 'khor gyi 'khor lo la sogs pa gsal bar byas nas/ phyogs bcu'i 'jig rten gyi khams na bzhugs pa'i de bzhin gshe pa thams cad kyi zhal du zhugs nas mi shigs pa'i thig ler song nas ye shes kyi bdud rtsi blangs te/ rdo rje'i lam nas byung te/ 'o ma'i rgyun ltar 'du zhing thibs dang shes rab kyi dbye pas/ sna bug g.yas g.yon du zhugs ye shes kyi thig le lnga thim pas/ de 'dzag pa'i ngang tshul dang ldan pa de la sems bzung ste/ yang gong gi rim pas spro ba dang bsdu ba dang gzung ba byas pas rtags rnams gdon mi za bar rnyed par 'gyur ro// de rnyed pas sangs rgyas rdo rje mchog 'dzin pa dang 'dra bar 'gyu ro// mi shegs pa'i thig le bsgom pa'i cho ga'o// gal te des rtags rnyod par ma gyur na de'i tshe mi shigs pa'i thig le de nyid rim pa 'dis bsgom par bya'o// de yang dang por rang gi ye shes sems dpa'i sa bon gyi 'od zer gyi lcags kyus dkyil 'khor 'khor lo dang ldan pa'i de bzhin gshegs pa rnams bsdus te/ rang gi snying gar btsud pas thams cad zhu ste 'dzag pa'i ngang tshul dang ldan pas yang rdul dang mun pa dang snying stobs kyi tshul du snying ga'i pad+ma la babs nas/ rang gi rdo rje'i bum pa'i dkyil du gnas pa las de byung ba dang ye shes lnga'i ngo bo'i rang gi mtshan ma phra mo 'od zer lnga dang ldan par bsams nas/ de'i bum pa la lhag par mos pas/ rten dang brtan can gyi 'khor lo thig le dang bcas pa bsgom par bya'o// gal te der sems bying bar song bas skyo bar gyur na nang gi gsang ba'i rdo rje las phyung ste/ lha mo'i pad+ma'i ge sar la bzhag nas bsgom par bya'o// de'i thig le las gong gi rim pa ltar 'od zer sna lnga pa/ steng gi sgo nis byung ba dang slar bdud rtsi bkug nas slar 'jug pa'i rim pa byed pa'o// de dbugs dgag gtong gi yan lag go// de nas de lta bu'i gsang ba'i thig le l+ya gong gi rim pa ltar sems dal bus bzung bas dngos po med pa'i gnasu 'gyur ro// de yang bzung ba yang dang yang du goms pa'i stobs kyis phyin ci log gi sa rnam par log pas smig rgyu lta bu byung ba ni rtags dang po'o// chu rnam par log pas du ba lta ba lta bu byung ba ni rtag gnyis pa'o// me rnam par 'gyur bas srin bu me khyer lta bu byung ba ni rtags gsum pa'o// rlung rnam par log pas mar me ltar 'bar ba ni rtags bzhi pa'o// rnam par shes pa log pas zab mo dang gsal ba gnyisu med pa'i nam mkha' ltar gsal ba ni rtags lnga po'o// gzung ba'i yan lag go/ de ltar mtshan ma lnga thob nas de kun khyab par bya ba'i phyir/ rdo rje'i lam nas na mkha'i khams su ji skad gsungs pa'i cho gas spro bar bya'o// spro ba de las sngon du mthong ba'i don rjes su dran par bskyed de/ de yang sangs rgyas rjesu dran pa dang / chos rjes su dran pa dang / rdo rje rjes su dran pa dang / rigs rjes su dran pa dang / khro bo rjes su dran pa dang / lha rjes su dran pa ni/ dkyil 'khor gyi 'khor lo re re'i dbang du byos pa yin no// gcig pa la yang rtogs par bya'o// lha rjes su dran pa ni kun la yang rtogs par bya'o// de yang rjes su dran pa lnga ni/ sku la sogs pa'i dkyil 'khor gyi 'khor lo sngon du bstan pa de spro ba dang bsdu bas gsal bar bya'o// dam tshig rjes su dran pa ni de dang spro ba las sngags brjod pa dang / cho ga dang po'i don rjes su dran pas so// dkyil 'khor rjes su dran pa ni cho ga gnyis pa la sogs pa'i dkyil 'khor de dang dri spro ba las dran pa'o// sku dang gsung dang thugs rjes su dran pa dang / sems can rjes su dran pa ni/ sku dang gsung dang thugs rdo rje bsgom pa rnam par smon pa ste/ spros pa las rjes su dran pa'o// sngags thams cad kyi spyi gzugs rjesu dran pa ni rdo rje sems dpa' dang rang gi lha'i gzugs longs spyod bzhis brgyan pa spros pa las rjes su dran pa'o// dam tshig rjesu dran pa ni bdud rtsis byin gyis brlabs pa la sogs pa las rjesu dran pa'o// shes rab kyi pha rol tu byin pa dang / ma skyes pa rjesu dran pa ni/ spros pa de dag kyang ci yang med ces bya ba dang / de gnyi su med pa'i ngo bo yin pas rje su dran pa'o// zhe sdang garigs la sogs pa'i mchad pa rjesu dran pa ni/ rang gi rigs kyi bu mo 'bring gi yan lag bzhis dag pa ni/ rje su chags pas mnyes par byas pa'i don rje su dran pa'o// gang dag bzung ba las nyams pa'i blo gros dman pa rnams kyis// bcu drug po 'di bya'o zhes gzhan dadag 'chad do// rjes su dran pa bcu drug po 'di phra mo'i rnal 'byor pas gzhan dang gzhan du spros pa las grub par shes par bya'o// de bzhin bsdu ba yang shes par bya'o// rje su dran pa'i yan lag go/ gsang ba'i thig le bsgom pa'i cho ga'o// de ltar des rtags rnyed par gyur nas rim pa 'dis sprul pa'i thig le spro bsdu bya'o// de yang spyi bo'i gnas rlung gi dkyil 'khor dud kha la oM dkar ba 'ong bya'i rang bzhin bsam mo// mgrin pa'i gnasu chu'i dkyil 'khor dkar po la a dmar po gnas pa'i rang bzhin bsam mo// thugs kyi gan su ma'i dkyil 'khor dmar po la hUM nAg mo 'gro ba'i rang bzhin bsnam mo// nu ma'i bar du dbang chen gyi dkyil 'khor la rang gi lha'i sa bon 'byung ba dang 'jug pa dang / gnas pa las grol ba'i ngo bo'o// de nyid las g.yas nas 'byung ba'i rlung gi dkyil 'khor dung kha las/ hUM gi rang bzhin 'gro ba snang ba srid kyi chos kun khyab cing dag par byas nas bdud rtsi rang bzhin oM gyi ngo bos 'ong bas nang gi chos kun dag par byas nas zhugs te/ AH'i ngo bos cung zad gnas par byas te/ de la rang gi lha'i de nyid dal bu dal bus dngos po med pa'i gnasu 'gyuraro// de bzhin du g.yon pa nas byung bya'i chu'i dkyil 'khor dkar po las/ hUM gi rang bzhin spro ba dang / oM gyi rang bzhin bsdu ba dang / A'i rang bzhin gnas pa la rang gi de bzhin bzung ba gong ma bzhin no// de ltar gnyi ga las drag tu 'byung ba ma'i dkyil 'khor dmur paM las/ hUM gi ngo bo spro ba dang / oM gyi ngo bo bsngo ba dang / AH'i ngo bo gnas pa las rang gi ngo bo de nyid bzung ba gong ma bzhi no// de bzhin du gnyi ga las dal bus 'byung ba'i dbang chen gyi dkyil 'khor ser po las/ hUM gi ngo bo spro zhing oM gyi ngo bo bsdu zhing / AH'i ngo bo gnas pa las 'byung ba dang / 'jug pa dang / gnas pa las grol ba'i ye shre rnyed par byed par som nyi mi bya'o// de ltar phyag rgya bzhi'i dbye bas re re la nyis brgya nyi shu rtsa lngar rnam par zlo ste/ de 'pho ba re re la dgu brgyar rnam par bsgres pa'i nyi shu rtsa bzhis khri khrag gnyis dang / stong phrag gcig dang / drug brgyar dbang phyug chen po'i rnal 'byor pas nyin mtshan du bzlas pa byed// bzlas pa des thams cad sgyu ma 'am/ smig rgyu dang / brag ca dang / mgal me'i 'khor lo dang / dri za'i grong khyer dang / sprul pa dang / mig 'phrul dang // gzugs brnyan dang / chu zla la sogs pa'i sku'i ngo bor thams cad rtogs shing shes nas rnam par gnas te/ des bcu'i dbang phyug rnams dang / skal pa lhag par mnyam pa ste/ rnal 'byor rnams kyis don de la rab tu 'bad de nan tan bya'o// de lta bu'i rang bzhin gyi bzlas pa la sems can thams cad thog ma med pa'i dus nas bzlas pa byed kyang gang bla ma'i man ngag med par yang dag par mi sho so// de bas na bla ma yang dag par mnyes par byas te/ dga' bral gyi ngo bo rtogs par byas nas/ gong gi rim pas bsgoms na ji skad du gsungs pa'i yon tan du 'gyur ro// de bas na de yongs su shes pas/ rnal 'byor pa'i bar chad kyi ngag gi bzlas pa rnams yong su spang bar bya'o// 'on kyang de la gnas pa ni gal te cung zad kyang yod pa ma yin no// de mi shigs pas 'di'i don rdo rje 'chang chen po'i ngo bo gang gis ji ltar bzlos te/ glang po rnyed na glang po'i rjes tshol ba lta bu'o// de bas na rdo rje 'chang gi bzlas pa 'di la rnal 'byor pas 'bad par byas pas de bzhin gshegs pa thams cad kyis byin gyis brlabs pa'i gnyid cung zad 'ong bas bzhi par 'gyur ba'i rtags lan grangs mang du rnyed par 'gyur ro// de skad du le'u bco lnga pa las/ bsam gtan bzlas la 'bad pa yis// sgrub pa pos ni rtag tu mthong zhes so// de mthong bas ji skad gsungs pa'i cho ga la gnas pas/ rnam pa thams cad mkhyen pa'i byang chub tshe 'di nyid la skad cig gis thob nas/ ro myang ba'i mtshan nyid brgyad dang ldan par srid pa ji srid kyi bar du bzhugs par mdzad do// sprul pa'i thig le bsgom pa'i cho ga'o// de bas na gzhung 'di las rim pa gnyis ston te// bskyed pa'i rim pa dang / rdzogs pa'i rim pa'o// bskyed pa'i rim pa de la gnyis te/ bskyed pa'i rim pa dang rdzogs pa'i rim pa'o// rdzogs pa'i rim pa la yang de bzhin te/ bskyed pa'i rim pa ni thig le gsum pa'i cho ga'o// rdzogs pa'i rim pa ni des mtshon pa'i ji bzhin pa'i don no// rim pa gnyis kyi bye brag gis lha'i sku yang rnam pa gnyis te/ sngags kyi sku dang ye shes kyi sku'o// ye shes kyi sku la yang rnam pa gnyis te/ ye shes cung zad dag pa'i sku dang / shin tu rnam par dag pa'i sku'o// shin tu rnam par dag pa'i sku ni/ mtshan nyid kyi tshul du gnas pas mi bslu ba'i sku dang // ji bzhin pa'i 'bras bu'i sku'o// de yang sbyor ba bdun te/ dpe med bde rdzogs kyi sku dang / gnyis su med pa dang / bde ba chen po dang / rang bzhin med pa dang / thugs rje rgyas pa dang / bar chad med pa dang / 'gog pa med pa'i sbyor ba ste/ bla ma mnyes par byas pa las yang dag par shes par bya'o// // nyag gcig rtogs pa'i spyod yul mchog/ ji bzhin pa yi de kho na// bdag 'dra blun pos mi dpogs pas// bzhag par bya bar 'os pa yin// 'on kyang yang dag lam stor la// phan snyam nas ni dad tsam gyis// cung zad tsam du bsdus pa la// dpa' bo mkhas pas bzod par mdzod// 'gro ba thams cad dngos po yi// gnyis med de nyid rab rtogs nas// 'bras bu rdo rje 'chang bar shog// mi shigs pa'i rin po che zhes bya ba'i sgrub thabs/ slob dpon chen po be ta pA das mdzad pa rdzogs so// / rgya gar gyi mkhan po ka ma la gu h+ya dang / bod kyi lo che ba chen po mnga' bdag lha ye shes rgyal mtshan gyis bsgyur cing zhus te gtan la phab pa'o//