བོད་ཡིག

e-texts produced with BDRC’s OCR application

dpal rdo rje sems dpa' la phyag 'tshal lo// gtso bo lha mo thams cad bde// de nyid thams cad rab rtsed mdzad// gru gsum pad+ma'i dbus gnas pa'i// zla ba nyi ma me'i brgyan// pad+ma chen po nyer gnas te// yi dgas chen pos gdan byas par// gdan skyes rnal 'byor ma bsgoms na// myur du dngos grub 'thob par 'gyur// gdan bzhi pa yi rgyud kyi ni// lung gi don gyi rjes 'brengs te// shing gcig la sogs dka' 'grel ni// rnal 'byor grub phyir bshad par bya// dam tshig ma dang sgrub pa pos// rnal 'byor pho mo'i dkyil 'khor la// gtor ma'i las ni khyad par du// nges pa nyid ni sbyar bar bya// zla ba mar de'i tshes brgyad dang // bco lnga dang ni bcu bzhi la// rang khyim rnal 'byor ma mchod nas// phyi nas gtor ma brtsam par bya// rang bzhin de bzhin phyi rol dang // lus la gnas pa'i lha rnams mchod// shing gcig la sogs gnas rnams su// gtor dang btung bas yongs su mchod// de ltar gyur pa'i sngags kyis ni// rnal 'byor ma kun mchod par bya// de ltar sngags kun ma shes par// sngags pas phyi rol spyod byed na// bskal pa bye brgya bsgrubs kyang // lha rnams mnyes par mi 'gyur ro// de phyir rgyud rnams thams cad du// bcom ldan 'das kyis rtag sbas pa// rnal 'byor rgyud 'di thams cad la// dngos grub thob pa'i rgyu ru ni// 'di ni rgyas par byas pa la// nyon cig bzang po bdag gis bshad// oM zhes pas ni mchod pa'i ngag/ shing gcig la sogs bdun du ni// rgyang grags gcig gi nang rol nas// shing gzhan dag ni rnam spangs la// shing gcig pa ni thams cad kyis// bshad pas shes rab mi 'gyur phyir// lus ni shing zhes bya bar bshad// lag pa yal ga la sogs bya// rigs byed mtha' las gsungs pa dang // rgyud gzhan dag las de skad gsungs// steng gi rtsa ba yal ga'o// a shwad zhes gsungs mi zad pa// me tog 'bras bus yongs su brgyan// shing zhes bya bar bshad pa yin// lus kyi dbus na a gnas pa'i// gsang ba'i phyir ni mi shes phyir// lte ba nas ni sor bzhin// de la lus brten rab tu gnas// 'di las steng 'byung yal ga gsum// shing gi bu gur yongs su ldan// lte snying smin ma'i dbus gnas par// thig le gsum ni gsungs pa dag/ steng dang 'og tu 'gro ba las// yal ga bcu zhes bya bar bshad// me tog 'bras bu rtag tu ldan// 'dab ma brgyad pa shin tu mdzes// gang tshe sna las phyir byung srog/ shing gcig pa zhes bya bar bshad// gsang ba'i shing gi shing chen po// gsang ba yi ni gnas na gnas// mu stegs nyan sogs thams cad kyis// shing de rnam par shes mi 'gyur// chos 'byung ba yi tshal chen por// de yi dbus su yongs gnas par// su tra rak+ta rang 'byung ba'o// me tog 'bras bu yongs su brgyan// de la gnas pa'i rnal 'byor pas// thar pa'i dngos grub thob par 'gyur// bla ma'i zhal snga'i bka' drin gyis// mngon sum nyid du bdag gis bshad// pa zhes bya ba su krar brjod// ma ni raka tar yongs su shes// yi ge gnyis ni kun sbyor ba// dur khrod du ni rnam par grags// dur khrod shi ba'i tshal bu shes// yi dgas kyi ni gnas su bshad// gang yang pha yis bsdus pa yis// gzugs dang kha dog mdzes pa'o// ma las byung ba'i gsum gyi dngos// de bzhi pa las byung ba'ang gsum// 'gyur ba drug po bsdus pa ni// dur khrod du ni rnam par grags// de phyir shi ba'i tshal bu bshad// lus po yis ni brten byas pa// dbang po bcu po la sogs kun// 'dus pa dang ni khu bar 'gyur// sor ni dur khrod zhes byar brjod// rim gyis 'byung sogs ngo bo ni// tshogs bshad dang por gang gsungs pa// de lta bar ni gsang ba'i gzugs// shes rab pad+ma'i mkha' khams su// ri dwags 'dzin pa'i tshul gyis su// 'byung po thams cad ltung ba'i gnas// dur khrod du ni yongasu brtag/ ri zhes bya ba'i ri bor bshad// lha rnams gnas su sa 'dzin te// lus kyang ri zhes bya bar brjod// gsum 'dus par ni yang dag ldan// dbang po bya yis yongs su gang // ri dwags la sogs sna tshogs ldan// lung rig gnas pa'i lha rnams ni// gtor dang btung bas mchod par bya// srog kyang ri/ zhes bya bar bshad// rgyu dang mi rgyur bcas par 'dzin// 'bras bu shing gis kun tu gang // ba spu rtsi yang phreng bas gang // chu ni yongs su 'bab par ldan// grub pa'i rnal 'byor ma bsnyen pa// sa zhes pa ni pad+mar bshad// rba zhes bya ba rdo rjes shes// / ta zhes pa ni bde ba che// de phyir ro la ri zhes brjod// gang yang re yi phyogs gcig gnas// de la gnas pa'i lha rnams ni// mkhas pa yis ni mchod par bya// dbang po sgo dgu'i gnas rnams ni// sna tshogs cho ga yi ni gnas// de phyir cong rong zhes su bshad// srog gi co re cong rong ni// ka zhes pa ni lus kyi dngos// de ni srog gi rlung gis gzung // de phyir cong rong zhes su btags// ye shes bdud rtsi'i chu 'bab pas// b+ha ga cong rong zhes su gsungs// gang yang 'dod chags zhu ba yi// khu ba yi ni gzugs su gnas// ka zhes pa ni myos pa'i mdog/ da zhes pa ni zhu ba'i bdag/ ri zhes pa ni dga' ba'i bdag/ cong rong de ni de ltar bshad// phug ni phyi nas bshad tshul gyis// sgrub pa po yi gnas su gsungs// bye ba brgyad cu'i rnal 'byor pas// gang du gnas ni rab brtags pa// de ni phug zhes bya ba'i ming // lus kun de dang 'dra bar gsungs// rkang pa'i mthil nas spyi bo'i bar// gsang char khyab pa rlung gi gzugs// rtag tu rlung gi gzugs su gnas// phug zhes bya bar bshad pa yin// gsang ba'i gsang bar gnas pa'i lha// de ni lha dang mi la gsang // rgyud dang rgyud ni thams cad las// snga bar gsang ba yin par bshad// skye bo'i gnas las glong 'dab du// gtor dang btung bas mchod par bya// dbang po'i grong gi kun tu gang // 'dab ni lus la rnam par gnas// rang gi bdag po'i lha bsgoms la// nus pa yis ni mchod par bya// lus kyi grong khyer spyi bor gnas// 'dab ni mtha'i rnam par gnas// dbang du gnas pa'i nang gi gang // grong gi 'dab zhes bya bar bshad// grong khyer gang la gnas pa ni// skye ba'i byin gyis brlabs las 'byung // shes rab dbyings kyi dngos po ni// grong khyer bya ba'i ming du gsungs// rtse gcig pa dang rtse gnyis pa// gsum po dang ni bzhi mdo ru// lha yi mchod pa sngar bshams te// lam du gnas te mchod par bya// las bcu la ni gnas pa ni// lam zhes pa ni lus la gnas// gcig pa rtogs pa las byung ba// gnyis po gnyis kyi khyad par gyi// sum mdo theg pa'i khyad par du// rnal 'byor pas ni rtag shes bya// srog ni sum mdo zhes su gsungs// gsher dang dmar ser skam pa yi// bzhi mdo ru ni shes par bya// skyer ba la sogs rnam pa bzhi// steng dang 'og gi khyad bar gyis// sum mdo zhes ni yongs su grags// steng du tshangs pa'i lam zhes bya// de bzhin 'og tu khyab 'jug dran// drag po dbus su rnam par shes// lam ni gsum po dag tu bshad// gru bzhi yon tan kun ldan pa// gsang ba yi ni pad+mar gnas// gru gsum lam gsum du shes bya// gnyis kyi gzugs su gnyis su 'gro// gang tshe dngos po gcig gyur pa// 'gro ba rnams kyi gnas kyi dngos// de ltar lam gcig shes bya ste// thar pa yi ni gzugs su gnas/ btab pa'i lam ni yongs thob pa'i// zhing brgyad du ni gnas par bya// shin tu dgod dang spyod pa'i gnas// de bzhin du ni rigs kyi ri// rgyal ba dang ni nye rgyal dang // de bzhin rab mchog chu yi gnas// char ba'i rtse dang de brgyad dang // de dag zhing zhes bya bar grags// gnas de dag tu 'dug nas kyang // gtor ma a yis mchod par bya// zhing gi 'gram na gnas pa ni// nye ba yi ni zhing du bstan// zhing brgyad dag ni gnas rnams ni// lus la gnas pa'i bdag gi bshad// zhing brgyad dag ni gnas rnams ni// bla ma'i zhal snga'i bka' drin gyis// rim pa ci bzhin bdag gis bkrol// shin tu rgod pa kha la gnas// spyod ma'i gnas ni smin ma'i mtshams// rigs can rna ba dag tu brjod// rgyal ba sum mdo yi ni bdun// nye rgyal de bzhin snying gar gsungs// rab mchog sna yi rtse mo la// chu yi gnas ni mig tu shes// char pa'i rtse mo spyi bor gnas// san da ha ni sdom par gsungs// gsang ba yi ni pad+mar gnas// ze 'bru dang ni ze bar ldan// 'dab ma brgyad kyis rnam par brgyan// de lta bas na brgyad du shes// ye shes dbang phyug ma dang ldan// lus ni zhing zhes bya bar gsungs// zhing ma shes rab tu shes bya// rnam pa kun gyi stong pas na// khyim stong du ni rab tu bshad// de na gnas pa'i lha rnams ni// cho ga snga mas mchod par bya// dngos po thams cad rnam spangs pas// lus kyang stong pa nyid du brjod// khyim stong zhes pa lus la bzung // bsgoms pas lha rnams bsgoms nas ni// sna tshogs mchod pa/ drug chogs// rtag tu rnal 'byor pa yis mchod// gzugs kyi stong pa de nyid ltar// na Ti bcu po'ang de bzhin no// de la gnas pa'i ye shes ni// yid kyi sbyor bas mchod par bya// stong pa'i ye shes rdo rje yis// gnas gang la ni rab gnas par// chos 'byung zhes bya ba yi khyim// ye shes rnam shes dag dang ldan// de la gnas pa'i lha mo rnams// me tog chu yis mchod par bya// sgrub pos dngos grub thob pa'i phyir// gsang ba las kyang gsang ba ste// gang dang gang du gang bsnyen pas// de phyir bsnyen pa zhes su gsungs// de dag las kyang gnas rgyu ru// gnas nas kyang ni mchog tu 'gro/ 'khor ba'i rgya mtsho las brgal ba'o// 'gram du phyin pas chu 'gram gnas// rab dga' la sogs sa brgyad dang // legs pa'i blo gros dang bcas dgu// zhing brgyad khyad par du brjod pa// zhing dgu'i bdag por shes par bya// 'dod pa srog zhes bya bar shes// sa bon zhes bya dbang phyug go/ 'dod pa las byung nga rgyal ni// de ni rdo rje 'dzin pa che// 'dod pa'i spyi bor yongs gnas te// rkang pa nas ni spyi bor khyab// 'dod pa sum 'dor bab pas ni// der ni 'gro ba gsum po rmongs// sa la sogs pa de bzhin drug/ 'dod pa yi ni gzugs su gnas// gzhan du bdud rtsi lnga yang brjod// dbang phyug dang sogs dngos grub brgyad// mi rnams gang gis sgrub byed pa// chu ngu la sogs sgrub par bstan// 'dod pa lus kyi yan lar ste// de nas glang chen zhes su bshad// gnas de dag na gnas pa nyid// lha rnams su ni rab grags pa// lnga po lnga po'i bdag nyid kyi// sngags pas rtag tu mchod par bya// dbang po phyogs nas brtsams nas ni// ji srid dbang ldan mtshams bar du// g.yas dang g.yon du bskor ba yi// rim pa brgyad pa shes par bya// dang po drag nag zhes bya ba// rkang pa yi ni mthe bong bar// dus med drag po zhes grags pa// lha mo yau ni 'khor gyis bskor// gsang ba'i gnas su drag chen dang // lus kyi yan lag kun la khyab// lte ba'i gnas la lha byin te// sgyu ma yi ni gzugs kyi tshul// snying gar gnas pa'i nag po che// sgyu ma chen mo mchog tu mchog/ gtsigs pa kha yi phyogs gnas te// rdo rje mtshon ni mtshon chen po// 'jigs byed mchu la brtag tu gnas// 'bar ba'i me dang mnyam pa'i 'od// mgo bor gnas pa dag pa che// tshangs pa bug las rnam par byung // sna yi bar du rtag gnas pa// bgegs kyi rgyal po gtso bo che// de dag mtshams su gnas pa ni// dbang ldan la sogs rim pa bzhin// tsa muN+Di ni mgo bo'i gnas// 'ba' ti li ni shing la brten// A g+ho tsor ni sum mdor gnas// de nyid gsum po la gsum bzhi// mgo zhes bya ba sgra chen po// bcu gnyis kyi ni mtshams su gnas// shin tu rgod pa rgod chen po// bgegs med kyis ni rnam par 'joms// pi bang tsha yis 'joms pa ste// snying ga yi ni pad+mar gnas// lha mo sgyu ma zhes su grags// 'gro rnams smos pas rmongs par bshad// lha mo u ma glad par gnas// glad pas mi tshugs 'dod pa ma// rgyal mo lha tshogs lha mo che// na li yi ni gzugs su gnas// pus mo byin pa nag po sogs// bzhi po dag ni chen po yin// dbang mo la sogs lha mo'i tshogs// snying ga yi ni pad+mar gnas// gzugs la sogs pa'i bye brag drug/ reg bya yi ni gzugs su gnas// ze 'bru la ni a yi gzugs// rdo rje sems dpa'i rnam par bzhugs// ngag 'phrog la sogs lha mo che// nye ba'i ngan long bzhi por 'dod// ngag 'phrog ma ni gsang bar gnas// 'bar byed mau ni spyir gnas te// sreg ma dang ni 'chang mar byed// dbang phyug chen mo me'i gzugs// 'jigs byed ma ni rkan la gnas// rlung gi gzugs can dbang phyug dag/ 'jigs pa'i gzugs kyi lha mo ni// mkha' 'gro ma dang 'dus pa'i tshul// lce yi rtsa bar gnas pa'i rtsa// de ni chu yi gzugs su gnas// 'jigs byed la sogs lha mo bzhi// lam bzhi ru ni gnas pa yin// rnal 'byor rnal 'byor ma yi tshogs// de ni dgra yi gzugs su gnas// thod pa'i phreng gis phreng bcings pa'i// lha mo bzhi ni chen mo yin// thig le gnas na rtag 'byung ba// shak+ti yi ni gzugs su gnas// ral gri la sogs 'dzin pas brgyan// lag pa dang ni rkang par bzhag/ 'dod pa la sogs nyon mongs bcod// rgol ba thams cad phyir mthar byed// bgegs rnams thams cad 'joms pa'i lha// pad ma dbyings kyi rjes su 'gro/ zhing sogs las kyi dngos grub dang // mkha' 'gro ma la bsgrub pa la// de bzhin gshegs pa'i sku chen po// rdo rje sems dpa' khyab pa'i gtso// bdag nyid de ltar bsgoms nas ni// rtag tu sngags pa yi ni mchod// bza' dang btung ba gos dag kyang // phreng ba dri dang gos la sogs// lus kyi de nyid la gnas te// rnal 'byor rigs pas rtag tu mchod// ji ltar de nyid rjes 'brangs te// de yi gtor las cho ga bshad// khrag ni rab tu mchod sbyin che// chu yi gnas ni de bzhin nya// til gyi khur ba char pa'i rtse// shin tu rgod pa mkhur skya ba// kha dog lnga pa spyod pa'i gnas// sha ni rigs kyi ri ru gsungs// A li de bzhin rgyal ba'i gnas// nye bar rgyal ba'i don gsungs pa// zhi brgyad kyi ni mtshan pa'o// de nas zhing gi bdag po rnams bshad bya// shar phyogs su ni shin tu bkod pa las// zhi ba'i mig ma gser bsregs pa'i mdog lta bur// phyag na rdo rje bsnams shing gtam pa la gnas pa'o// me'i phyogs su ni spyod pa nag mo'i lha mo'i kha dog dmar mo// phyag na shak+ti bsnams shing ka rany+dza la gnas pa'o// lho phyogs su ni ki li gi ris mtshan ma pa'i lha chen po kha dog nag po dbyug pa bsnams pa'o// bden bral du ni rgyal ba can te/ shing nim+ba la gnas pa/ phyag na ral gri bsnams pa du ba'i mdog can zhal 'bar ba dang // nub phyogs su ni nye rgyal de// sgyu 'phrul chen mo dang / shing a shwat+tha la gnas pa'i bshags pa bsnams pa'o// rlung gi phyogs su ni mchod sbyin pa rlung gi shugs can te/ ba dan bsnams shing rlung gi mdog can shing u dum+ba ra la gnas pa'o// byang gi phyo rigs su ni shing ka ri dbyug pa bsnams pa la/ kha dog ser po shing ta la la gnas pa'o// dbang ldan gyi phyogs su ni char pa'i rtse la rna bo che/ mdog dmar po rtse gsum pa bsnams pa/ shing sba ta la gnas pa'o// de dag ni shing gi bdag po shes par bya zhing mkha' 'gro ma lnga'i rang bzhin nyid do// kaR+ka ta dang ro ha ha ni sna'i steng du'o// chu srin dang po ha ta ni sna'i 'og tu'o// bi bA dang rtsa ba na dang / k+Sha dang du ba dang me'o// seng ge dang mig gi r-i dang / hUM dang pad+ma dang sa'o// gzhon nu ma dang / bi tri dang dkar mo dang / suM ngang chu'o// 'dod pa dang gzhu dang / yuM dang rlung ste/ de dag sna bug g.yas pa la'o// glang ku ma dang k+She ro tsa na dang me'o// buM pa dang mo hi ta dang / hUM dang dri med gsum dang sa'o// nya dang ba tA dang s+m+R+YuM dang chu dang sa'i gdug so// 'khrig pa dang chu srin dang smye dang dbye ba dang rlung ngo // de dag sna bug g.yon pa la'o// suM dang aM dang ye shes dang / rdo rje sems dpa' dang na mkha'o// a dang ye shes mkha' 'gro ma dang / lug dang rnam wu par shes pa dang nam mkha'i rtsa'o// bla ma'i chu zhal gyi rim pa 'di ni dngos grub 'dod par phyir gsang bar bya'o// dang po la ni nor btang bya/ gnyis pa la ni nor bsdu'o// gsum pa las ni zhing las bya/ bzhi pa la ni sa bon gda'/ lnga pa la ni khyim du 'jug/ drug pa la ni khyim bzhi gnas// bdun pa la ni las bya ba// gos dang rgyan dang long spyod rdzogs// rgyan rnams sbyin par byas nas ni// song ba dag ni phyir mi ldog/ sangs rgyas dngos grub sgrub rnams kyis// bla ma mcho de phyir rang phyag rgya// rang gi phyag rgya bstan pa yis// dngos grub thob pa rgyud las gsungs// gzhan las dngos grub thob mi 'gyur// phyi rol bskum pas dam tshig med// dpal ldan sangs rgyas kun gyi dngos// slob dpon byang chub rdo rje nyid// dngos rnams sgyu ma lta bu las// spo ba dang ni bsdu ba mdzad// rnal 'byor chen po skal ldan rnams// sdig pa rnams ni rnam byang zhing // bsod nams rnams ni 'phel ba rnams// bde ba can du 'gro bar shog/ shing gcig pa'i dka' 'grel slob dpon 'phaT ba'i lha'i zhal snga ni mdzad pa rdzog so//