<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
GT3875: bsam gtan la 'jug pa<br><table><tr><td>
<input type="button" onclick="location.href='tcompletep.php?id=GT3875&coll=TG&volcur=0';" value="show page break" />
<td width=150><td>
<input type="button" onclick="location.href='tcompletel.php?id=GT3875&coll=TG&volcur=0';" value="show line break" />

<td width=150><td>
<a href="tcompleteu.php?coll=TG&id=GT3875&volcur=0" style=font-size:25px;">བོད་ཡིག</a><td width=150><td>e-texts produced with BDRC’s OCR application <a href="https://github.com/buda-base/tibetan-ocr-app" target="_blank"><img src="../sub/link.png" width=20></table><hr><p style="font-size:18px;">mthong shog/ zhi gnas la 'jug pa'i thabs cung zad bris pa rdzogs so// / dngos dang dngos med rab mkhyen te// sku mchog mkha' 'dra ba rnyes 'gyur kyang // thugs rje'i dbang gis ji srid
 par// 'gro drug sems can mun 'thom la// chos kyi sgron ma spor mdzad pa// de la gus pas phyag 'tshal te// tha pa las las dang byung bas na// 'di la mos pa'i skye bo 'ga'// yod srid
 de don bdag gis ni// bsam gtan la 'jug ci nus bsdu// sdom ni/ tshogs dang dmigs dang nyes pa dang // spang bya go rims rtags 'bras bu// de la tshogs ni rnam pa gnyis te/ phyi dang nang gi'o// de la phyi'i/
 mdor bsdu na yid du 'ong ba'i sna phyogs so// nang gi yang mdor sdu na gnyis te/ ma chags pa dang tshul khrims rnam par dag pa'o// 'jig rten chags pa med la mngon dgas 'grub/ ces kyang gsungs
 sdom pa'i tshul khrims kyi sems gnas pa'i bya ba byed ces kyang gsungs te// de la dmigs pa gang zhe na/ 'dir skye ba med pa'o// de yang mdo sde lngas chos 'di dag thams cad ni sems la gnas pa/
 sems las byung ba/ sems sngon du 'gro ba ste/ sems shin du bcil/ shin tu btul/ shin tu khong du chud par byas na/ chos de dag thams cad kyang / shin tu bcil pa dang / shin tu btul ba dang / shin tu
 khong du chud par 'gyur te/ des chos rnams de ltar mthong bas rgyu de dang rkyen de dang / gzhi des sems zhi bar bya ba'i phyir nan tan byed de/ sems nyid la sems nyid 'dogs so// sems nyid kyis sems zhi bar
 byed do// sems nyid la sems rab tu gzhog go// de ltar zhi ba la brtson pas sems rtse gcig tu 'gyur te/ rtse gcig tu gyur nas mnyam par 'jog go// sems mnyam par bzhag pa la dben pa las skyes pa'i
 dga' ba mngon du 'gyur te/ de yi dga' bar gyur nas 'dod pa dag las dben pa sdig pa mi dge ba'i chos rnams las dben pa/ rnam par rtog pa dang bcas pa/ dpyod pa dang bcas pa/ dben pa las skyes pa'i
 dga' ba dang / bde ba can bsam gtan dang por rdzogs par bya ste gnas so zhes bya ba la sogs pa gsungs so// de la sems ni skad cig ma'i mtshan nyid yin la de yang blos gzhigs na mi gnas te/ 'das
 pa dang ma 'ongs pa ni 'gags pa dang / ma skyes pa'i phyir ma grub na/ da ltar gyi yang skye ba'i cha dang / gnas pa'i cha dang / 'gag pa'i chus gcig tu mi 'grub bo// gang gi ngo bo gcig tu ma grub pa des du ma yang
 spangs te/ de bas na sems ni gcig dang du ma dang bral ba/ gzung du med pa dang / bstan du med pa dpag gzugs can mu yin pa ste/ skad cig thog ma mtha' yod pa/ 'jig rten spyad cig la mi gnas zhes
 kyang gsungs so// de ltar sems ma skyes par rtogs pa de nyid kho na la goms par bya'o// nyes pa ni lnga ste/ de spang ba'i ched du 'du byed brgyad bsgom par gsungs so// mdor na dmigs pa brjed pa'i gnyen
 po dran pa ma shor na shes bzhin gnas te/ de'i skabs su mi brtsal bar lus dang sems la mi gnod tsam du bsgom zhing 'dug par bya'o// spang bar bya ba ni 'dod pa'i sred pa dang / sdig pa mi dge
 ba'i chos rnams te/ de yang ji skad du 'dod pa ni nyon mongs pa'i 'dod pa dang / dngos po'i 'dod pa ste/ mtshungs par ldan pa las dben pa dang / dmigs pa las dben pa'o// sdig pa mi dge ba'i chos ni gang dag nyon
 mongs pa'i rgyud las byung ba lus dang / ngag dang / yid kyis nyes pas spyod par gtogs pa chad pas gcod pa dang / mtshon chas 'debs pa dang / 'thab pa dang / rtsod pa dang nye bgyes pa dang / g.yo'i tshig dang / gnod
 pa dang / rdzun zer ba la sogs pa las dben pa'o zhes gsungs so// go rims ni rnam pa bdun du gsungs te/ de la mtshan nyid rab tu rig pas ni/ spang bar bya ba dang / 'thob par bya ba legs par yongs su shes
 nas spang ba dang / thob par bya ba'i phyir sems 'jog go// de ni thos pa dang sems pa dang 'dres par rig par bya'o// de'i 'og tu thos pa dang sems pa las 'das nas gcig tu bsgom pa'i rnam pas de'i rags pa zhi
 ba'i mtshan nyid kyis mtshan ma lo dmigs pa'i zhi gnas dang lhag mthong bsgom zhing yang ji ltar yongs su btsal bar rags pa zhi ba nyid du mos te/ de ni mos pas yid la byed pa zhes bya'o// de goms pas
 thog ma kho nar spong ba'i lam dang ldan pa'i yid la byed pa'i rab tu dben pa'i yid la byed pa zhes bya'o// des kun nas nyon mongs pa chen po rnams rab tu spong ngo // de dag kyang gad+ha na/ ye shes sgron ma'i mdo las/
 de la 'dod chags chen po gang zhe na/ gang lus thams cad du khyab ste/ sems kun nas gzung zhing gnas pa dang / gang zhig de la gzhol zhing 'dod chags dang bral ba'i sems mi 'thob pa ste/ de la gzhol ba de la ngo
 tsha ba dang / 'dzem pa thams cad kyi thams cad du med par 'gyur te/ ji ltar na ngo tsha ba dang 'dzem pa thams cad kyis thams cad du med pa yin zhe na/ de gcig tu lkog du song ste/ de nyid rjes su rnam par rtog cing de
 nyid legs par shin tu smon pa dang / de nyid la yang yon tan du lta ba yin te/ de ltar na de la ngo tsha med pa yin na/ ji ltar na 'dzem pa med pa yin zhe na/ de rgyu de dang rkyen de dang / gzhi des pha ma'am bla ma lta bu
 gzhan pa dag dang rtsod cing phyir zlog pa dang / rgol bar byed cing des ngo mtshal/ de la yon tan du lta ba yin te/ de ltar na 'dzem pa med pa yin te/ rgyu de dang rkyen de dang / gzhi des na ngan song rnams sku skye bar 'gyur te/
 dza ltar na nga tsha ba dang 'jam po thams cad kyis thams cad med pa yam na naM/ de gcag tu lhag dru sing ste/ de nyid rdzas su rnam par rtag cang dbang lags par shin tu sman pa dang / dkang yi yang yon tan du lta ba yan
 de ni 'dod chags chen po zhes bya'o// zhe sdang chen po gang zhe na/ zhe sdang gi rnam pa gang gis zhe sdang zhe sdang zhing rnga ma 'khrugs gtum par gyur na/ mtshams med pa lnga las gang yang rung la la byed
 ba'am/ dam pa'i chos spong ba gang byas pa la mtshams med pa lnga bsgoms kyang grangs su yang nye bar mi 'gro/ cha dang / bgreng ba dang / dbye dang rgyur yang nye bar mi 'gro ba de lta bur byed de/ de rgyu de dang rkyen de dang / gzhi
 des lus zhig nas sems can dmyal ba chen po dag tu skye zhing / gal te brgya la mir skyes na yang gnag cing mig dmar la gtum zhing gnod sems mang bar 'gyur te/ de rgyu de dang rkyen de dang gzhi des yang sems can
 dmyal ba dag tu skyo bar 'gyur te/ de ni zhe sdang chen po zhes bya'o// gti mug chen po gong zhe na/ gang ji skad du smos pa'i gnas de dag la nyes kyang dga' zhing mya ngan du mi byed/ smre sngags mi 'don/ 'gyod pa med pa
 yin te/ de ni gti mug chen po zhes bya'o// zhes gsungs so// rnal 'byor pa de de'i 'og tu spong ba la dga' bar 'gyur zhing spong ba la phan yon tu lta ste/ rab tu dben po'i dga' ba dang bde ba chung ngus reg nas dus
 dus su dad par 'gyur ba'i yid la byed pas ji tsam du rmugs pa dang gnyid dang rgod pa dang bral bar bya ba'i phyir rab tu dga' bar byed pa 'di ni dga' ba sdud pa zhes bya'o// des nyon mongs pa'i rnam pa 'bring rab tu spong
 ngongo// de yang gang zhe na/ de nyid las 'dod chags 'bring po gang zhe na/ gang gis 'dod pa rnams la brten par gyur na bya ba grub kyi bar du bsten cing bya ba grub nas 'dod chags dang bral ba'i sems 'thob pa dang / 'gyod pa
 'thob pa dang / sems la mi chu ba 'thob pa ste/ de ni 'dod chags 'bring po zhes bya'o// zhe sdang 'bring po gang zhe na/ gang gis zhe sdang bar 'gyur te/ sdig pa mi dge ba'i las byas na myur ba myur bar skyen pa skyen par la gor
 la gor du 'gyod cing de'i gnyen po la yang brten pa ste/ de ni zhe sdang 'bring po zhes bya'o// gti mug 'bring po gang zhe na/ gang gis me dge ba'i las la la byas kyang la gor la gor du 'gyod cing tshangs pa mtshungs par
 spyod pa rnams kyi drung du 'chags shing mi 'cha ba la de yon tan du yang mi lta ba yin te/ de ni gti mug 'bring po zhes bya'o// de ltar legs par zhus pa de dge ba'i phyogs la sbyor bas brtan pa'i phyir 'dod pa na spyod pa'i
 nyon mongs pa'i kun nas dkris pa kun tu mi 'byung bas de spangs sam ma spangs pa khong du chud par bya ba'i phyir de 'byung ba dang mthun pa sdug pa'i mtshan ma yid la byed pas so sor rtog pa ni dpyod pa yid la byed pa'o//
 des thob pa mngon pa'i nga rgyal med pa la sems 'jog par byed de/ des de ltar dpyad nas gnyen po bsgom pas dus des ji srid gcig pa'i tshul gyis 'dod pa na spyod pa'i nyon mongs pa thams cad dang bral bar bya ba'i
 phyir bsam gtan dang po la sbyor ba'i mthar thug pa'i gnyen po yid la byed pa ni sbyor ba'i mtha'o// des nyon mongs pa'i rnam pa chung ngu rab tu spong ngo // de nyid la 'dod chags chung ngu gang zhe na/ gang gis
 'dod pa rnams bsten par gyur kyang mnam pa dang byugs pa dang / lus kyis reg pa tsam mam/ tshig tu smras pa tsam gyis tshim par 'gyur ba de ni 'dod chags chung ngu zhes bya'o// 'dor na 'tsho ba'i yo byad thams cad la/
 chags pa'i sems su gyur pa ste/ de ni 'dod chags zhes bya'o// zhes sdang chung ngu gang zhe na/ gang gis zhes spang bar gyur nas/ tshig tsam dang / mi snyan pa dang / ngan du brjod pa tsam gyis mi dge ba'i las sogs pa ste/ byung
 na yang skad cig de nyid dang / yud tsam de nyid dang / thang cig de nyid la gnyen po bsten pa ste/ de ni zhe sdang chung ngu zhes bya'o// gti mug chung ngu gang zhe na/ gang gi rang bzhin gyi kha na ma tho ba ma yin pa bcas pa'i kha na ma tho ba
 bslab pa kun spyad pa'i lan gnyis gsum las 'da' ba ste/ de ni gti mug chung ngu zhes bya'o// zhes gsungs so// rtags ni lus g.yo ba snyam byed pa dang / lus phyar pa rtsub pos drud pa sgyum byed pa dang / lus thams cad
 la 'o mas gtor ba skam byed pa dang / lus drod 'byung ba dang / snying ga nas mar me lta bu 'byung ba dang / smin mtshams nas nyi zer gyi 'od 'byung ba dang / spyi bo nas 'od zer sna lnga 'byung ba la sogs pa gsungs so// 'bras bu
 yang de nyid de bsam gtan dang po zhes bya'o// dang bas ni bsdebs bsod nams kyi/ 'gro kun srid pa yong spong zhing / bsam gtan bde la brten byed de// rtag tu gzhan don mos par shog/ bsam gtan la 'jug pa bsdus
 pa rdzogs so// sems kyi nyams cung zad tsam zhig mdor bsdus te brjod par bya'o// de la mtshan ma dang bcas pa'i rnal 'byor dang / mtshan ma med pa'i rnal 'byor rnam pa gnyis te/ de la mtshan