བོད་ཡིག

e-texts produced with BDRC’s OCR application

rgya gar skad du/ tsit+tA radA na bi sho d+ha na kra ma nA ma le kha/ bod skad du/ sems rin po che rnam par sbyang ba'i rim pa bzhes bya ba'i snying yig/ sangs rgyas dang byang chub sems dpa' thams cad la phyag 'tshal lo// sa gsum dbang phyug skye dgu chos kyis skyong mdzad pa// lha mi'i bla ma 'phags pa'i gang zag rnams kyi yab// rgol ba tshar gcod rang gi 'khor gyi dga' bskyed pa// chos kyi rgyal po gcig pu de ni rgyal gyur cig/ blo zhan bdag 'dras gzhan la bskul bar mi nus shing // bskul bas phan par 'gyur ba'ang deng srang nyung mod kyi// 'on kyang sa yi bdag po khyod kyis nongs pa yal bor no// 'gro mang de 'drar 'gyur 'di ma bzod khyod la bskul// mi skyong khyod kyi dbang phyug 'di ni sngon chad nyid kyi thugs// gdul dka' legs par btul las bsnyes kyi gzhan gyis byin pa dang // sa yi rum nas 'then dang gnam babs lta zhig ga la lags// sa bdag dpal 'di ma nyams bzhed na dA dung thugs thul 'tshal// gang zhig phan na de ni brtags te dka' yang mdzad rigs la// gang zhig mi phan de ni bsgrub par sla yang btang ba'i rigs// de phyir sngon tshe thub chen rgyal bu zla bar gyur pa yis// rgyal po su ta sa'i bu la gdams pa smras pa yang // rgyal po gcig pos g.yul ngor dmigs gi dpung wa rgyalasems tsam tshar gcad phyir ni sngar mA mdzad cig/ ma yi bdag po 'jig rten phyi ma'ang gzigs pa'i rigs// de bas dgyes kyang phan pa ma yin bstan mi rigs zhes so// de phyir gang gis dman pa'i rigs su ltung byed pa// nga rgyal dgra spangs bdag gi tshig 'di sad phyir yang // mi bdag khyod kyis gus pas gsan rigs te// legs smras byis las blang zhes thub chen gsal bar gsungs// sa bdag tsher ma'i shing las sbrang rtsi bzhin// dgra bo las kyang legs smras gzung bar bya// gser gyi ri las dug gi chu rgyan bzhin// yid 'ong skye bo'i tshig ngan spang 'tshal lo zhes so// gang zhig ma btul mnar med sogs// sdug bsngal bzod dka' skye byed cing // de nyid btul bas lha mi dang // 'jig rten min pa'i bde ba'ang 'thob// rab tu mthu ldan sems 'di ni// mkhas pa su zhig 'dul mi byed// 'dir sems ni rang bzhin gyis 'od gsal brtag tu rnam par mi rtog pa'i rang bzhin yin mod kyi// lus dang ngagra bran lta bu dang bcas pa glo bur gyi nyon mongs pa dang nye de'i nyon mongs pa dag gis dkrugs pa ste// de'i phyir 'di dag rnam par sbyangs te nor bu chu shel gyi 'od ltar rab tu 'od gsul ba'i rang bzhin dkrugs ma dang bral ba bskyed de// 'di tsam ni mi gnas pa'i mya ngan las 'das pa'o// de la 'dir bsdus na sems te dkrugs pas rtog pa can du byed cing // lus dang ngag bran ltar 'khor ba ni rnam pa bzhi ste/ thams cad kyi rgyu rnam par rtog pa mang ba dang / 'dod chags dang / zhe sdang dang / gti mug shas che ba'o// de la gang rnam par rtog pa myang ba des ni rlung gi ting nge 'dzin la dmigs pas de spang bar bya ste/ bgrang dang rjes 'gro 'jog pa dang / rtog pa dang ni bsgyur ba dang // yongs dag rnam pa drug du 'dod// de ni bgrang ba dang / rjesu 'gro ba dradrung / 'jog pa dang / nye bar rtog pa dang / sbyor ba dang / yong su dag pa ste rgyu drug dang ldan na yong su rdzogs pa yin no// de la bgrang ba zhes bya ba ni dbug ces thub pa dang dbugs 'byung bya dag la sems gtad nas mngon par 'du byu med par lus dang sems rnal du bzhagasku dran pa tsam gyis gcig dang gnyis nas bcu'i bar du bgrang bar byed ba'o// sems mngon par bsdus pa dang rnam par g.yeng par dogs pas ha cang mang ba dang nyung ngur ni mi yon node la skyon ni gsum yod de// gal te gcig la gnyis su bcis na lhag par bgrangs pa'i skyon no// gal te gnyis la gcig tu 'dzin nam tshang bar bgrangs pa'i sgron no// gal ti gas rngub pa lta dbug sa 'byin par 'dzin tam dbu gros 'byin pa la rngub par 'dzin na 'chol bar 'dzin par skyon no// de las gzhan pa ni yang dag par bgrang ba yin no// bar skabasu sems rnam pa g.yeng na// yang mgo nas ji srid du ting 'dzin ma thob kyi bar du bgrang bar bya'o// rjesu 'gro ba zhes bya ba ni 'di dag ji srid gcig tu 'byung ngam 'jug/ ci 'di dag lus thams cad la khyab pa dag gcig gam phyogs 'ga' zhig nas rgyu ba dag yin zhes mngon par 'du bya ba med par dbugs rngub ba dang dbugs 'byung ba'i rjes su 'gro ba ste// de 'jug pa na lkog ma dang / snying ga dang / lte ba dang / rkang pa dang brla dang / byin par 'jug pa'i rim gyis rkang pa gnyis kyi bar du rje su 'gro la/ 'byung ba na mtho gang dang 'dom gang gi bar du 'byung ngo // gzhan dag na re rlung gi dkyil 'khor dang rnam par 'thor byed kyi rlung gi bar du'o// zhes zer te/ 'di ni de kho na yid la byed pa'i phyir rig pa ma yin no// 'jug pa zhes bya ba nor bu'i thag pa bzhin du sna'i rtse mo nas rkang po'i mthe bo'i bcu gnas par lta zhing ci ba'i dag phan 'dogs par byed pa zhig gam// gnod pa byed pa zhig gam// grang ngamo dro ba zhig ces rtog pa'o// nye bar rtog pa zhes bya ba ni 'di dag gi rlung 'ba' zhig ma yin gyi 'byung ba chen po bzhi po dag dang 'byung ba dag las mngon par grub pa'i rgyur byas pa'i gzugs dang // de dag la brten pa'i sems dang sems las byung ba rnams kyang yod do// zhes phung po lnga nyi bar rtog pa'o// sgyur ba zhes bya ba ni rlung la dmigs pa'i blo bsgyur te chos kyi mchog gi bar du blo gong nas gong du dge ba'i rtsa ba rnams la yang dag par sbyor ba'o// yong su dag pa ni mthong ba'i lam la sogs pa la 'jug pa'o// gzhan da ga na re sgyur ba ni dran pa nye bar gzhag pa nas rdo rje lta bu'i ting 'dzin gyi bar yin la// rnam par dag pa ni zad pa shes pa la sogs pa yin no zhes zer ro// 'di lta bu ni slob dpon dbyig gnyen gyi zhal snga nas ji ltar bris pa kho bos 'dir yang bris par shes par bya'o// de ltar rim pa drug po de dag gis las ni ji skad du 'phags pa sa'i snying po 'khor lo bcu pa'i mdo las gsungs pa bzhin te// de las ni ji ltar dran pa'i dbang gis yang drag pa ji lta ba bzhin du dbugs phyi nang du rgyu ba la rtog ce na/ yang dag pa ji lta ba bzhin du bgrang ba dang / rjes su 'gro ba dang / zhi gnas dang / lhag mthong dang / 'jug pa dang / yongs su dag pa la rtog go/ de la bgrang bas ni bya ba'i las kyi dngos po rnam pa gnyis byed par 'gyur te// rten du gyur pas rnam par rtog pa dang rnam par dpyod pa thul pa dang / dbugs phyi nang du rgyu ba'i mtshan nyid 'dzin par nus pa'o// rje su 'gro bas kyang bya ba'i las kyi dngos po rnam gnyis byed par 'gyur te/ yang dag par 'byung ba la rten cing rnam par rtog pa dang rnam par dpyod pa dang bral ba dang / dbugs phyi nang du rgyu bo'i 'jug pa'i mtshan nyid la mkhas par 'gyur ba'o// zhi gnas kyis ni bya ba'i las kyi dngos po rnam pa gnyis byed par 'gyur te/ dbugs phyi nang du rgyu ba'i 'bri bar mngon du ston pa dang / ting nge 'dzin gyi mchog la gnas par nus pa'o// lhag mthong gis kyang bya ba'i las kyi dngos po rnam pa gnyis byed par 'gyur te/ dbugs phyi nang du rgyu ba zad par mngon du ston pa dang / sems dang sems las byung ba'i chos so so bar rtogs pa la gnas pa'o// 'jug pas kyang bya ba'i las kyi dngos po rnam pa gnyis byed par 'gyur to// nye bar len pa'i phung po spong ba'i sbyor ba la mkhas pa dang / 'phags pa'i sar 'jug pa la sbyor ba'o// yongasu dag pus kyang bya ba'i las kyi dngos po rnam pa gnyis byed par 'gyur te/ kun nas nyon mongs pa spong ba dang / lta ba yongasasu dag pa'o zhes so// de ltar dbugs thung ngu rngubs na yang dbugs thung ngu rngubs so snyam du yang dag pa ji lta ba bzhin du rab tu shes so snyam mo zhes bya ba la sogs pa bcu drug kyang legs par rtog par 'gyur ro// / 'dir rnam par rtog pa med pa la bstan pa ni gtsor byas kyi yon tan ma lus pa 'di la brten pas na thar pa'i grong khyer gyi sgo 'byed pa ni dbugs rngub pa dang 'byung ba dran pa yin te zhes gsungs so// ji ltar zhe na rab tu gdul dka' ba'i sems zhes brjod pa de ni rlung las gung du ma dmigs pa'i phyir te/ de bas na sems zhes bya ba de ni rlung du brjod do zhes gsung so// de ltar mi bdag khyod kyis rlung gi phywa dang zab mkhyen nas// yun ring dus nas rnam rtog dgra yis/ rab tu gces pas shin tu yang // mnyel zhing skyo ba'i thugs ni dang nas ngal byasos rtog dgra bzlog pa dang // lo yis mA yAn gus par sbyor bas zhag gi rim pas rtog bral mdzod// de nas rim gyis yongasu dag pa'i mthar yang khyod kyi thugs gzhal na// sa bdag khyod kyis skye ba 'bras bcas de nas chos kyi rgyal por 'gyur// de yi bar du lha mi'i bde ba tshad mod rnams la dgyes bzhin du// thugs btul mthu yis spyod par 'di la the tshom med par mngon sgyum gnas// m+b+ha par rtog pa'i gnyen po bshad zan te/ sems kyi rtog pa sbyang ba'i rim pa'o// me byung khyod kyi thugs ni gal te bud med kyis phyogs zla// 'du na sa yaM bdug po mthu rtsal rab tu dman pa ste/ gang gis g.yul chen 'jigs su rung ba gzhom pa'i thabs mkhyen na// mi gtsang kun snod mngon gyur bud mod mtshan nyid mi mkhyen 'di mtshar tshwa// shin tu yid 'ong tsher ma'i gnod pa'ang mi bzod lus 'di ni// bud med bstan pa'i rgyu las 'di dang slad ma mgo gcod sogs// rab tu bzod dka'i sdug bsngal 'byung 'di nyid kyi mngon sum na// 'on kyang bla ma bka' yis 'dod chags zhi bar byed pa mdor brjod bgyi// chags pa can rnams kyi gnyen po ni rus gong yid la bya ba yin te/ keng rus chags can thams cad le zhes bshad pas so// ji ltar zhe nA// rus pa rgya mtsho'i bar du nI// spro zhing sdud pas las dang po// rkang rus dang ni thod phyed par// btang bas sbyang ba byas par bshad// smin ma'i bar du sems 'dzin pas// yid la byed pa rdzogs pa yin// zhes bshad pa'i rim pas so// gzhan yang byas pa rnams ni phal cher kha dog dang / dbyibs dang / reg pa 'jam pa dang / bsnyen bkur la chags te/ de dag gi bsnyen por ni rnam par bsngos pa dang / rnam par dmar ba dang / rnam par tshig pa dag yid la byed pas kha dog la chags pa dag sel to// rnam par rnag pa dang / rnam par zos pa dang / rnam par 'thor ba dag yid la byed pas ni dbyi bas la chags pas sel to// rnam par 'bus zhigs pa dang rus gong rgyus pas 'brel pa dag yid la byas pas ni reg bya 'jam pa la chags pa sel to// rnam par bam pa'i ro mi g.yo ba rgyal pa stong pa pus po lta bu/ rdo ltar bsnyen bkur byed pa dang bral ba yid la byed pas ni rkang pa bkrub la sogs pa'i bsnyen bkur la chags pa sel bar byed do// gzhan yang rnam par phyi ste brjod na/ sngo bsangs la sogs pa'i kha dog la chags pa zhig na rnam par bsngos par yid la bya'o// tsan dan dang ga pur la sogs pa'i dris byugs pa'i lus la chags pa lta na rnam par rnags par yid la bya'o// mtshan spyad pa'i reg bya la chags pa zhig na rnam par 'bus zhig parwa yid la bya'o// dbyings phun sum tshogs pa lta na rnam par bam par yid la bya'o// rgyan gyis mdzes pa'i lus la chags pa zhig na rnam par dmar bar yid la bya'o// sha rgyas pa'i lus la chags pa zhig na rnam par zos par yid la bya'o// 'khyud pa dang 'o byas pa la sogs pa'i rtsed 'jo la chags pa'i dus na rnam par 'thor bar yid la bya'o// kha dag dang dbyibs phun sum tshogs pa la chags par gyur na rnam par tshig par yid la bya'o// sa rnams dkar ba li chags pa so zhi bar 'gyuraro// rab tu mi bzad nags bsreg mai lce'i tshigs// char rgyun drag pos skad nig zhi byed ltar// byismra pa'i nags tshal thal bar byed pa yi// 'dod chags me chen mi sdug char gyis 'joms// 'jig rten gnod pa'i rtsa ba ji snyed pa// kun gyis phul byung 'khrig pa'i 'dod chags te/ sa bdag 'di mkhyen 'dod las phyir ltos dang // rab tu dgyes pa byis pas ma myong ba// bsam gtan bde bas lus la phan 'dogs shing // kha na ma tho med pa myang ba'i rigs// 'dod chags dang bcas pa'i sems sbyang ba'i rim pa ste/ 'dod chags kyi gnyen po bshad zin to// lha mi'i bla mas gang du 'bad pas bkag/ de ni 'gro la byams dang snying rje med pa ste// de phyir mi dbang khyod kyis thub la gus pa dang // nyid kyi thugs kyang dam pa'i grangasu 'gyur pa'i phyir// gang la sku rtses gzung bya'i skye bo de la yang // nyid kyi sras bzhin gces shing byams pas bskyang ba'i rigs// bshes gnyen dam pa'i lung gis goms par byas pa las// srin po sha za seng+ge sogs kyang 'gro la byams// de phyir mI dbang khyod kyi thugs ni 'jam pa dang // 'gro ba bskyang las nam yang phyir ldog rlom mdzad cig/ legs pa'i lam ni ji snyed bstan pa dag las kyang // gtso bor gyur pa byams dang snying rjer dam pas gsungs// 'di ji ltar bsgom par bya zhe na/ dang por rang gi ma 'am pha 'am bu 'am bu mo 'am/ 'brel pa gnyis sam gang yang rung ba gcig la bde ba ma lus pa dang phrad par gyur cig snyam pa dang / byadag gis de dang phrad par bya'o/ zhes pa dang nus pa lta na dngos su de bsgrub pa dang / phrad pa la phrag dog mod pa nyi ma 'ga' zhig gus par bsgom mo// de nas ni de bas cung zad mi btsugs pa la'o// rim gyis par ma la'o// de nas dgra po dman pa la'o// de nas de ngar ma la'o// de nas de dgra po rab tu ma rungs pa le'o// de la mya la sogs pa dang mnyam pa thob pa na grong dang grong khyer pa la'o// de nas ni yul dang ljongs dang gling gcig dang gnyis la sogs pa nas stong spyi phud dang / stong gnyis bar ma dang / stong gsum gyi stong chen po dang / phyogs bcu'i 'jig rten gyi khams gang+gA'i klung go bye ma snyed la sogs par byams pas khyab par byas te/ de nas gzhung de bzhin du sdug bsngalo dang bral bar gyur cig ces pa dang / sdug bsngal dang bral ba lnga dga' ba dang / de dag 'jig rten las 'das pa'i lam la dgod par bya'o// zhes po'i rim pas snying rje dang dga' ba dang btang snyoms bsgom mo// dang po nyid du sdug cing yid du 'ong ba'i mtshan nyid can byams pa yid la ma byas par ni sdug bsngal dang bral ba'i snying rjegs la 'jug ste/ de ltar rim pa gzhan yang ngo // gnod par sems de'i yid tsam por bas kyang // 'khor los sgyur nyid thob par thub pas gsungs/ byams sogs goms las 'tshe med ma brnyes kyang / tshangs pa'i 'jig rten bde ba rgyu chen thod// de phyir ma khyed kyi ci spyod pas// tshangs pa'i gnas bani yis ni gnas par rigs// khyod kyis 'byor pa dug can zas bzhin du// bor nas gcig bu gzhan du gshegs 'tshal na// grogs bzang 'don med dge ba de bkri'i phyir// thugs ni rnam par sbyang bar cis mi mdzad// zhe sdang dang bcas pa'i sems sbyang ba'i rim pa ste/ zhe sdang gi gnyen po bshad zin to// rang dang gzhan dang gnyis ka las skye dang // rgyu med 'byung zhes smra ba gang lags pa// 'di dag log par smra ba phung khrol ba// legs par spyad kyang 'bras bu mi 'dod 'byin// de phyir khyod kyis rten cing 'brel 'byung ba// lha dran nges 'joms thub pa'i mon ngag mi cho ga/ bdud rtsi'i mchog 'di myur du gsol ba yis// dkar mchog ma lus rgyas shing brtan por mdzod// rten cing 'brel par 'byung ba ji lta bu zha na/ 'di lta ste mi rig pa'i rkyen gyis 'du byed/ 'du byed kyis rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug/ de'i rkyen gyis tshe reg pa/ de'i rkyen gyis tshor ba/ de'i rkyen gyis srid pa/ de'i rkyen gyis len pa/ de'i rkyen gyis srid pa/ de'i rkyen gyi skye ba/ de'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te de ltar na sdug bsngal gyi phung po chen po 'di 'bra' zhig 'byung bar 'gyuraro zhes/ shes rab kyi mig gis blta bar byas te rgyu med pa la sogs pa bsal lo// don 'di ni 'phags pa byang chub sems dpa'i sde snod las/ gang du ma rig skye 'gyur ba// nyon mongs rgyu ni tshul bzhin min// de yi rkyen nI 'du byed de// sdug bsngal ba ru du skye bar 'gyur zhes pa dang / gang gis sems can+da dag 'gyur ba// rgyu gnyis dang ni rkyen gnyis te// gzhan los rjesu mthun sgra dang // nang du tshul bzhin lta ba'o// de bzhin rgyu ni zhi ga na s+ye te// lhag mthong yang ni rkyen yin no// zhes gsungs so// de ltar srid pa 'byung ba'i ri ma pA la yid ches par byas nas yang ma rig pa 'gags pas 'du byed 'gegs pa nas sdug bsngal gyi phung po chen po 'di 'ba' zhig 'gag par 'gyur ro// zhes bya ba'i bar du yid la bya'o// de nas rtag par ma yin pa dang / chad par ma yin pa dang / 'pho bar ma yin pa dang / de dang 'dra ba'i rgyu 'jug pa dang / rgyu chung ngu las 'bras bu chen po 'byung zhes nges par gzung ste/ phyi rol yang snga bon las myu gu dang / de las 'dab ma dang / de las sdong bu dang / de las me tog dang / de las 'bras bu 'byung zhing / rgyu de dag dang rkyen dang 'brel par 'byung ba khams bzhi dang / na mkha' dus kyi khams te/ rnam pa bcu gnyis po 'di dag tsam mo zhes 'byung ba dang / 'gag pa la rgyu med pa dang / mi mthun pa'i rgyu spangs te/ 'di ni mdor bsdus nas rten cing 'brel par 'byung ba yid la byas pas rig pa bskyed pa dang / ma rig pa'i ngo po 'am de las 'byung ba'i log par lta ba spang ba'o// gal te rgyas par yid la byed pa lta zhig na rang rang gi mtshan nyid dang / ming gi don dang / las tha dad pa dang / yan lag lngas yang dag par bsdus pa dang / yan lag gsum gyis yang dag par bsdus pa dang / gsum las gnyis 'byung ba dang / gnyis los bdun 'byung ba dang / bdun las gsum 'byung ba dang / dus gsum pa'i ngo bor bzhag pa dang / rkyen dang 'brel pa dag yid la bya'o// sa bdag rten cing 'brel 'byung mkhyen na snang bas mun pa bzhin// khyod kyi thugs la gnas pa'i gti mug go skabs ga la mchis// 'di mkhyen srid pa'i 'khor lo phra zhing zab pa gzigs pa'i phyir// shes rab ye shes spyan gnyis dri med lung gi sman byugs gzigs// ji skad du 'phags pa klu sgrub kyi zhal snga nas kyang / rten cing 'brel par 'byung 'di rgyal ba yi// gsung gi mdzod kyi gces pa zab mo ste// gang gis 'di ni yang dag mthong ba des// sangs rgyas de nyid rig pa rnam mchog mthong zhes bstan to// gti mug dang bcas pa'i sems sbyang ba'i rim pa ste/ rten cing 'brel par 'byung ba yid la byed pa bshad zin to// mi yi bdag po gal te phra ba'i thugs kyi go skabs su/ thog ma'i rtsom dus can sdig ba'i rtsa ba'i rtog dgra 'di/ zhen pa gnas snyam zhum pa'i rtog pa mi bzang zhugs gyur na// de yi gnyen por rten cing skyes pa'i dngos po'i rang bzhin gzigs// dri med me long ngos la skyes pa'i bzhin gyi gzugs brnyan gang // gal te yang dag gnas na rkyen la rag las mi 'gyur zhing // slar 'di rnam par 'jig 'gyur go skabs can du ga la 'gyur// de phyir dngos med rkyen la rag las gcig pu rnam par spangs// ji ltar gnas pa'i rang bzhin 'di yang legs par rnam dpyad na// rab tu phra rdul par du 'gyur zhes dam pas dang por gsungs// gal te dngos yod de dag shes rab cis mi 'bab// de phyir de yang phyogs cha'i bye brag dag gis ga la gnas// rin chen sems kyi khyad par 'ga' zhig sna tshogs snang zhe na// de bzhin 'di la'ang skad cig ces bya rab phra dam pas gsungs// skad cig skad cig ces bya'i gang dag phra la rnam par rmongs// de yang ji ltar thog ma dbus mtha' blta mi nus// de'i phyir rin po che yi phreng ba las/ skad cig ji ltar mtha' yod ltar// thog ma dang dbus de ltar brtag/ skad cig rang bzhin gsum gyi phyir// 'jig rten skad cig la mi gnas/ zhes bstan to// de ltar 'di dag phyi dang nang du bcas pa gcig min zhing // de nyid phyir na de yi rang bzhin rnam bsags du ma'ang min// 'di dag las dben dngos po shes rab mig gi 'ga' ma dmigs// des na 'di dag mtha' gnyis grol bar dam pas gsal bar gsungs// de bzhin gcig gis gcig nyid skyed pa mngon sum 'gal mthong ste// rab tu phra ba'i 'bras bu rgyu ni gcig min la bltos par// 'gro ba'i mngon sum nyid du ston pa bzhin du nges par gnas// de bzhin gcig gis gcig min bskyed sogs thams cad gnod par bcas// dngos rnams thug med ma lus slar skyed 'gyur 'di bzlog dka'i phyir// yod pa 'ga' zhig skye zhes 'di ni sus kyang sgra mi nus// gang med 'ga' zhig skye na med pa'i tha snyad su zhig 'jog/ de phyir bdag las skye sogs 'di dag mkhas pas rtsa nas bton// de ltar khyod kyis shes rang spyan gsal dri med rnam rgyan pas// rten cing 'brel 'byung mtshan nyid 'di la yun ring gzigs pa na// thog ming srid rgyud bsags pa'i bsnyengs gnas rab tu phra ba yang // gang na'ang gnas par 'gyur 'di gzigs minAM bdag gang gis zhum// de ltar ni 'phags pa mi pham pa'i zhal snga nas// 'di la bsal ba ci yang med// bsnan par bya ba cung zad med// yang dag nyid la yang dag blta// yang dag mthong na rnam par grol// zhes gsungs shing / 'phags pa klu sgrub kyi zhal snga nas kyang / mthong ba'i chos la mya ngan 'das bya ba byas pa'ang de nyid yin/ zhes gsungs so// de nas gang la dga' ba'am// yang dag skrag nas 'di ci zhig/ bskal pa bye bar bsgrubs kyang gtan nAM de ni su yis nus// gang zhig rnam par gzhom zhes 'bad pa'ang blun te rnam par ngal// ci'i phyir zhe na gdod nas ma skyes de la su yis dgag/ de 'dra'i gnas med 'dir gnas ye shes can te rtag bde ldan// gang la rnam rtog med 'di bde zhes thub pas gsal bar gsungs// 'di spangs lha yul 'dod pa'i rab tu yid 'phrog byed pa dang // 'khor los sgyur ba'i 'byor pa'ang dam pas tsher ma'i gnod 'drar gsungs// sa bdug 'on kyang gnas 'dir shin tu dgyes par ma gyur cig/ ci phyir zhe na bdag gzhan phan pa mi bzod 'byor las khyod// rnam par ltung ba'i sgo mo mi mkhas rnams la 'di rab spangs// kha cig sgo 'dir rab dga' 'jug la snying brtse ring du spangs// gzhan dag gnas 'dir 'khrug phyir las 'bras thal ba bzhin du byed// gzhan dag shin tu med las sangs rgyas yon tan bsam yas 'dod// 'di 'dra 'di dag sgo 'dir zhugs las rang gzhan de las nyams// de phyir 'di ni yan lag ldan par bags kyi bsten par bgyi// de ltar ni 'phags pa dri ma med par grags pas bstan// zhes bya ba theg pa chen po'i mdo las kyang / ming yang yod dang yod ma yin par tshig gis gsungs// rgyu las rten te byung ba'i chos ni 'di kun te/ 'di la bdag med tshor ba po dang byed mod kyang // dge dang mi dge'i las rnams cung zad med mi 'gyur zhes gsungs so// rten cing 'brel par 'byung ba'i de bzhin nyid bsam gyis mi khyab par yid la bya'o// mi dbang yan lag bzhi po 'di tsam gyis// khyod kyi thugs kyi dri ma rags par rnams// nges par bsal 'gyur 'di la dgos ma mdzad// de las gong du khyad par rnam bzhed na// dkyil 'khor byug pa sngon du 'gro ba yis// skye ba gzhan du 'byor pa mi bzad pa// da lta'i bzhed pa nyid kyi phyag gnas ltar// slu ba med par bdag gis brjod par bgyi// oM badz+ra re kha hUM/ gtsang sbyong ba yi lci ba ni// chu dang 'o ma zho dang mar// thams cad de las byung ba dag/ snod gtsang bskol te chu rnams dgo// tshig ma dor te dbus kyi chas// dbyibs ci dga' ba'i maN+Dal ni// sa bdag khru gang yan chad ber// gsang sngags 'don la gzhol bar byug/ de nas de ni gus pa yis// rgyal ba sras gsu bcas la dbul// 'jug tu thub pas gsungs pa yis// tshigs bcad 'di dag brjod par bya// ba yi lci ba tshur bcas sbyin pa ste// legs par byugs par byed pa tshul khrims so// srin bu grog spur gsal ba bzod pa yin/ bya ba la ni nye zhugs brtson 'grus te// de yi skad cig sems ni gcig byed pa// bsdam gtan shes rab ro mo bsal ba'o// thub pa'i maN+Dal byas pa yis// pha rol phyin pa 'di drug 'thob// gser gyi mdog tu 'gyur ba ste// nad rnams kun dang bral bar 'gyur// zla ba ltar mdzes gsal ba yi// lha dang mi ni dmar par skye// nor dang gser ni 'byor pa yi// rgyal po'i rigs su skye bar 'gyur// bde bar gshegs pa'i pho brang mchog/ maN+Dal gang zhig byed pa dang // sdig pa thams cad mi byed cing // dge ba phun sum tshogs pa dang // rang gi sems ni yongs 'dul ba// 'di dag sangs rgyas rnams kyis sngags/ zhes so// de nas dag pa de nyid rgyu mtshan du byas/ dkon mchog gsum la phyag 'tshal zhing // dkon mchog gsum la skyabs su mchi// bdag ni khyed la rnam kun dbul// sdig pa thams cad bshags par bgyi// 'gro ba'i dge la rjes yi rang // dam chos 'khor lho mchog bskor dang // yongasu mya ngan 'das spang phyir// bdag ni khyod la gsol ba 'debs// 'di sogs dge ba'i las rnams ni// byang chub bla na med par bsngo// 'gro ba sdug bsngal khur chen bor ba'i phyir// bdag gis sems ni byang chub phyir bskyed do// ma bsgral bsgral dang ma grol dgrol ba dang // dbugs ma phyin pa bdag gis dbugs dbyung ste// mya ngan ma 'das bdag gis mya ngan bzla// de ltar byang chub kyi sems rab tu bstan par bskyed lnga ji ltar 'dod pa'i bya ba dge pa la 'jug par bya'o// mi dbang khyod thugs sbyangs pos dge ba rgya chen dag la dgyes bskyed na// sbyin dang tshul khrims bzod po brtson 'grus bsam gtan shes rab pha rol phyin// rgya tshor spel mdzad der yang khyod kyi thugs ni sma med 'bad 'tshal te// sems ma bsrungs pa'i skyes bu'i dge la 'jug pa phu chu'i rgyun khrus ltar// phan dang 'brel pa'i gnod pa'ang rab tu ma rungs gyur pa'i gnas skabs mchis// gnas 'di mkhas pas gzigs nas mthu ldan nyid kyi thugs ni bsrungs 'tshal lo// de ltar bsnyengs dang bral na mang du gsol ci 'tshal// phan pa'i man ngag don po 'di lags te// khyod kyi thugs thul mdzod kyi bcom ldan gyis// sems ni chos kyi rtsa ba lags zhes gsungs// tshigasu bcad pa gcig pu 'di 'phags pa klu sgrub kyi zhal snga nas mkhar gyi rgyal po bde spyod lnga gdams pa bshes pa'i spring yig la sla bdag gis drangs pa'o// mi skyong khyod ni gal te gsang ba'i lam+ba la dgyes pa na// lam de rab tu rtogs dka' sems la rma 'byin tshig 'phros te// bung med 'khyud sogs tshul bzhin ma yin yid la byed par ldan// kha cig mngon sum 'khrig dang drag shul spyod la 'jug pa ste// mi dbang thugs la gnod na thub po'i bka' yang dug dang 'dra// de phyir khyod kyis gsang ba'i lam du zhugs pa'i rgyu mtshan las// khyod thugs 'dod chags la sogs dri mas gos pa 'di ni spang // gang gzhan skye ba de 'dra bzlog par khyod kyis rnam bsgrub rigs// don 'das zhu bo'i 'og tu za ba la// mar gyi nying khu ka ra dang // sbrang rtsi dag ni bdud rtsi bzhin// ma zhu zab dug du 'gyur// de bzhin rab rgyas bdud rtsi mchog/ dgongs pa'i tshig la mi mkhas shing // byis pa'i blo dang ldan rnams la// mi bzad pa yi dug du 'gyur// zhes gsungs te/ 'di ni 'phags pa yongs su mya dran las 'dus pa chen po zhes bya ba theg pa chen po'i mdo las gsungs pa bdag gis 'dir bris pa'o// rin chen sems ni 'di rnam par sbyang ba'i phyir// thub pa'i bka' lung cung zad 'dir bris pas// sa yi bdag po thugs ni dr-i med pa// ston+da ka'i zla rgyas lta bur gsal gyur cig/ 'gro ba'ang rim gyis sems ni rnam sbyangs te// gti mug dri med 'bru ltar rnam dag sh+lo gau/ sems rin po che rnam par sbyang ba'i rim pa zhes bya ba'i springs yig slob dpon byang chub sems dpa' chen po dgra las rgyal gsang bas mdzad pa rdzogs so// / rgya gar gyi mkhan po A tsaR+tha du la~M ba dang / lo tsA ba dge slong chos kyi shes rab kyis bsgyur cing zhus te gtan la phab pa'o// / rgya gar skad du/ gu ru le khA/ bod spyad du/ bla ma la