བོད་ཡིག

e-texts produced with BDRC’s OCR application

rgya gar skad du/ su trid le kha/ bod skad du/ bshes pa'i phrin yig/ 'jam dpal gzhon nur gyur pa la phyag 'tshal lo// yon tan rang bzhin dge 'os bdag gis ni// bde bar gshegs pa'i gsung bsnyad las byung ba'i// bsod nams 'dun slad 'phags pa'i dbyangs 'di dag/ cung zad cig bsdebs khyod kyis gsan pa'i rigs// ji ltar bde gshegs sku gzugs shing las kyang // bgyis pa ci 'dra'ang rung ste mkhas pas mchod// de bzhin bdag gi stan ngag 'di ngan yang // dam chos brjod la brten slad slad mi bgyid// thub pa chen po'i bka' ni snyan dgu zhig/ khyod kyis thugs su lta yang chung mod kyi// rdo thal las bgyis dgung zla'i 'od kyis ni// ches dkar nyid du ci ste mi bgyis lags// rgyal bas sangs rgyas chos dang dge 'dun dang // gtong dang tshul khrims lha rjes dran pa drug/ rab tu bka' stsal de dag so so yi// yon tan tshogs kyis rjes su dran par bgyi// dge ba'i las lam bcu po lus dang ni// ngag dang yid kyis rtag tu brten bgyi zhing // chang rnams lngas ldog de bzhin dge ba yi// 'tsho ba la yang mngon par dgyes par mdzod// longs spyod g.yo ba snying po med mkhyen nas// dge slong bram ze bkran dang bshes rnams la// sbyin pa tshul bzhin rtsal bgyi pha rol tu// sbyin las gzhan pa'i gnyen mchog ma mchis so// khyod kyis tshul khrims ma nyams mong mi dma'// ma 'dres ma sngags pa dag bsten par mdzod// khrims ni rgyu dang mi rgyu'i sa bzhin du// ston kun gyi gzhi rten lags par gsungs// sbyin dang tshul khrims bzod brtson bsam gtan dang // de bzhin shes rab gzhal med pha rol phyin// 'di dag rgyas mdzod srid pa'i rgya mtsho yi// phra rol srin pa rgyal ba'i dbang po mdzod// gang la pha dang ma dag mchod byed pa'i// rigs de tshangs bcas slob dpon bcas pa'ang lags// de dag la mchod grags par 'gyur ba dang // slad ma la yang mtho ris 'gyur ba lags/ 2 dang chom kun 'khrig pa rdzun dang ni// chang dang dus min zas pa chags pa dang // mal stan mtho la dga' dang klu drag dang // gar dang 'phreng ba'i khyad par rnams spong zhing // dgra btsem tshul khrims rje su byed pa yi// yan lag brgyad po 'di dag dang ldan na// gso sbyong 'dod spyod lha yul yid 'ong ba// skyes pa bud med dag la stsol bar bgyid// ser sna g.yo sgyu chags dang snyom las dang // mngon pa'i nga rgyal 'dod chags zhe sdang dang // rigs dang gzugs dang / thos pa lang tsho dang // dbang thang che bas rgyags pa dgra bzhin gzigs// bag yod bdud rtsi'i gnas te bag med pa// 'chi ba 'i gnas su thub pas bka' stsal to// de ngas khyod kyis dge chos spel slad du// gus pas rtag tu bag dang bcas par mdzod// gang zhig sngon chad bag med gyur pa las// phyis nas bag dang ldan par gyur de yang // zla ba sprin bral lta bur rnam mdzes te// dga' bo sor 'phreng mthong ldan pang byed bzhin// 'di ltar bzod mtshungs dka' thub ma mchis pas// khyod kyis khro ba'i go skabs dbye mi bgyi// khro ba spangs pas phyir mi ldog pa nyid// thob par 'gyur bar sangs rgyas zhal gyi bzhes// bdag ni 'dis spyos 'dis btags pham par byas// 'di yis bdag gi nor phrogs gyur to zhes// 'khon du 'dzin pas 'khrug long rnams bskyed de// 'khon 'dzin rnam spangs bde bar gnyid kyis log/ sems ni se nu dang sa dang rdo ba la// ri mo bris pa de 'drar rig par gyis// de'i nang nyon mongs can la dang po ni// mchog ste chos 'dod rna la tha ma lags// rgyal bas snying la 'bab dang bden pa dang // log par smra ldan skyes bu rnams kyis ni// sbrang rtsi me tog mi gtsang lta bu'i tshig/ rnam gsum bka' stsal de las tha ma spangs// snang nas snang ba'i mthar thug mun pa nas// mun pa'i mthar thug snang nas mun mthar thug/ mun nas snang ba'i mthar thug gang zag ni// bzhi ste de dag rnams kyi dang po mdzod// mi ni a mri'i 'bras bzhin ma smin la// smin pa dang 'dra smin la ma smin 'dra// ma smin ma smin par snang smin la ni// smin par snang zhes bgyi ba 'drar rtogs mdzod// gzhan gyi chung ma mi lha mthong na yang // na tshod mthun pa ru ma dang bu mo dang // sring mo'i 'du shes bskyed bgyi chags gyur na// mi gtsang nyid du yang dag bsam par bgyi// g.yo ba'i sems ni thos mtshungs bu lta bur// gter bzhin srog dang 'dra bar bsrung bgyi ste// gdug pa gdug dang mtshon dang dgra bo dang // me bzhin 'dod pa'i bde la yid 'byung mdzod// 'dod pa rnams ni phung khrol skyed pa ste// rgyal ba'i dbang pos kam pa'i 'bras 'drar gsungs// de dag spangs bgyi de yi lcags sgrogs gis// 'khor ba'i btson rar 'jig rten 'di dag bcings// gang dag dbang po drug yul rnams la ni// rtag tu mi brtan g.yo dang gang dag gcig/ g.yul ngor dgra tshogs las rgyal de dag las// mkhas rnams dang po dpa' rab lags par 'tshal/ bud med gzhon nu'i lus ni logs shig tu// dri nga pa dang sgo dgu dod pa dang // mi gtsang kun snod 'dra ba dgang dka' dang // pags pas g.yogs dang rgyan yang logs shig gzigs// ji ltar mdze can srin pus nyen pa ni/ bde ba'i don du me la kun bsten kyang // zhi bar mi 'gyur de dang 'dra bar ni// 'dod pa rnam sla chags pa'ang mkhyen par mdzod// don dam gzigs par bgyi slad dngos rnams la// tshul bzhin yid la byed pa de goms mdzod// de dang 'dra bar yon tan ldan pa yi// chos gzhan 'ga' yang mchis pa ma lags so// skyes bu rigs gzugs thos dang ldan rnams kyang // shes rab tshul khrims bral ba skur ma lags// de ltas gang la yon tan 'di gnyis ldan// de ni yon tan gzhan dang bral yang mchod// 'jig rten mkhyen pa rnyed dang ma rnyed dang / pad dang mi bad snyan dang mi snyan dang // bstod smad ces bgyi 'jig rten chos brgyad po// bdag gi yid yul min par mgo snyoms mdzod// khyod kyi bram ze dge slong lha dang ni// mgon dang yab yum dag dang btsun mo dang // 'khor gyi slad du'ang sdig pa mi bgyi ste// dmyal ba'i rnam smin skal nod 'ga' ma mchis// sdig pa'i las rnams spyad pa 'ga' yang / nide yi mod la mtshon bzhin mi gcod kyang // 'chi ba'i dus la bab na sdig pa yi// las kyi 'bras bu gang lags mngon par 'gyur// dad dang tshul khrims thos dang gtong ba dang // dri med ngo tsha shes dang khrel yod dang // shes rab nor bdun lags par thub pas gsungs// nor gzhan phal pa don ma mchis rtogs mdzod// rgyan po 'gyeng dang 'dus la blta ba dang // le lo sdig pa'i grogs la brten pa dang // chang dang mtshan mo rgyu ba ngan song ba// grags pa nyams par 'gyur ba de drug spongs// nor rnams kun gyi nang na chog shes pa// rab mchog lags par lha mi'i ston pas gsungs// kun tu chog shes mdzod cig chog mkhyen na// nor mi bdog kyang yang dag 'byor pa lags nges pa bdog mang ji ltar sdug bsngal ba// 'dod pa chung rnams de lta ma lags te// klu mchog rnams la mgo bo ji snyed pa// de las byung ba'i sdug bsngal de snyed do// rang bzhin dgra 'brel gshed ma lta bu dang // khyim 'thab bsnyad bgying rje mo lta bu dang // chung ngu'ang brku ba chom kun lta bu yi// chung ma gsum po de dag rnam par spang // sring mo lta bur rjes mthun gang yin dang // mdza' mo bzhin du snying la 'bab pa dang // ma bzhin phan par 'dod dang bran mo bzhin// dbang gyur gang yin rigs kyis lha bzhin bkur// kha zas sman dang 'dra bar rig pa yis// 'dod chags zhe sdang med par brten bgyi ste// rgyags phyir ma lags bsnyem pa'i phyir ma lags// mtshar phyir ma lags lus gnas 'ba' zhig phyir// rigs pa'i bdag nyid nyin par mtha' dag dang // mtshan mo'i thun gyi stod smad bzlas nas ni// mnal tshe 'ang 'bras bu mod par mi 'gyur bar// dran dang ldan bar de dag bar du mnol// byams dang snying rje dag dang dga' ba dang // btang snyoms rtag tu yang dag sgoms mdzod cig/ gong ma brnyes par ma gyur de lta na'ang // tshangs pa'i 'jig rten bde ba thob par 'gyur// 'dod spyod dga' dang bde dang sdug bsngal dag/ rnam par spangs pa'i bsam gtan bzhi po yis// tshangs dang 'od gsal dag dang dge rgyas dang // 'bras bu che lha rnams dang skal mnyam 'thob// rtag dang mngon par zhen dang gnyen po med// yon tan gtso ldan gzhi las byung ba'i las// dge dang mi dge rnam lnga chen po ste// de bas dge ba spyod la brtson par bgyi// lan tshwa srad 'ga' chu ni nyung ngu zhig/ ro bsgyur bgyid kyi gang+gA'i klung min lngar// de bzhin sdig pa'i las ni chung ngu yang // dge ba'i rtsa ba yangs la mkhyen par bgyi// rgod dang 'gyod dang gnod sems rmugs pa dang // gnyid dang 'dod la 'dun dang the tshom ste// sgrib pa lnga po 'di dag da ge ba'i nor// 'phrog pa'i chom rkun lags par rigs par mdzod// dang dang brtson 'grus ngag dang dran pa dang // ting 'dzin shes rab chos mchog lnga nyid de// 'di la mngon brtson mdzod cig 'di dag ni// stobs dbang zhes bgyi rtse mor gyur pa'ang lags// nA rga 'chi sdug bral dang de bzhin du// las ni bdag gir byas las ma 'das zhes// de ltar yang dang yang du sems pa ni// de yi gnyen po'i sgo nas rgyags mi 'gyur// gal te mtho ris thar pa mngon bzhed na// yang dag lha la goms pa nyid du mdzod// gang zag log par lta bas legs spyod kyang // thams cad rnam par smin pa mi bzad ldan// mi ni yang dag nyid du mi bde zhing // mi rtag bdag med mi gtsang rig par bgyi// dran pa nye bar ma bzhag rnams kyis ni// phyin ci log bzhir lta ba 'phung bkrol ba// gzugs ni bdag ma yin zhes gsung ste bdag/ gzugs dang ldan min gzugs la bdag gnas min// bdag la gzugs mi gnas te de bzhin du// phung po lhag ma bzhi yang stong rtogs bgyi// phung po 'dod rgyal las min dus las myin// rang bzhin las min ngo bo nyid las min// dbang phyug las min rgyu med can min te// mi shes las dang sred las byung rig mdzod// tshul khrims brtul zhugs mchog 'dzin rang lus la// phyin ci log par lta dang the tshom ste// kun tu sbyor ba 'di gsum thar pa yi// grong khyer sgo 'gegs lags par mkhyen par gyis// thar pa dag la rag las 'di la ni// gzhan gyis grogs bgyid ci yang ma mchis pas// thos dang tshul khrims bsam gtan ldan pa yi// bden pa rnam pa bzhi la 'bad par mdzod// lhag pa'i tshul khrims lhag pa'i shes rab dang // lhag pa'i sems la rtag tu bslab par bgyi// bslab pa brgya rtsa lnga bcu lhag gcig ni// gsum po 'di nang yang dag 'du bar 'gyur// dbang phyug lus gtogs dran pa bde gshegs kyis// bgrod pa gcig pa'i lam du nye bar bstan// de ni bsgrims nas mngon par bsrung bgyi ste// dran pa nyams pas chos kun 'jig par 'gyur// tshe ni gnod mang rlung gis btab pa yi// chu yi chu bur bas kyang mi rtag na// dbugs rngubs dbugs 'byung gnyid kyi log pasaM las// sod khom gang lags de ni ngo mtshar che// lus mtha' thal ba mthar skam mthar 'bru zhing // tha mar mi gtsang snying po ma mchis pa// rnam par 'jig dengs myags par 'gyur/ ba ste// so sor 'gyes chos can du mkhyen par mdzod// sa dang lhun po rgya mtsho nyid ma bdun// 'bar bas sregs pa'i lus can 'di dag kyang // thal bar yang ni lus par mi 'gyur na// shin tu nyams chung mi lta smos ci 'tshal// de ltar 'di kun mi rtag bdag med de// skyabs med mgon med gnas med de slad du// 'khor ba chu shing snying po med pu la// mi mchog khyod kyis thugs ni dbyung bar mdzod// rgya mtsho gcig gnas gnya' shing bu ga dang // rus sbal phrad pa bas kyang dud 'gro las// mi nyid ches thob dka' bas mi dbang gis// dam chos spyad pas de 'bras mchis par mdzod// gang zhig gser snod rin chen spras pa yis// ngan skyugs 'chag par bgyid pa de bas ni// gang zhig mi ru skyes nas sdig pa dag/ bgyid pa de ni ches rab blun pa lags// mthun par gyur pa'i yul du gnas pa dang // skyes bu dam pa la ni brten pa dang // bdag gi legs smon sngon yang bsod nams bgyid// 'khor lo chen po bzhi ni khyod la mnga'// dge ba'i bshes gnyen brten pa tshangs par spyod// yongasu rdzogs par thub pas gsungs de'i phyir// skyes bu dam pa bsten bgyi rgyal ba la// brten nas rab tu mang pos zhi ba thob// log par lta ba 'dzin dang dud 'gro dang // yi dgas nyid dang dmyal bar skye ba dang // rgyal ba'i bka' med pa dang mtha' khob du// kla klor skye dang glen zhing lkugs pa nyid// tshe ring lha nyid gang yang rung ba ni// skye ba zhes bgyi mi khom skyon brgyad po// de dag dang bral khom pa rnyed nas ni// skye ba bzlog pa'i slad du 'bad par mdzod// nges pa 'dod pas phongs dang 'chi ba dang // na dang rga sogs sdug bsngal du ma yi// 'byung gnas 'khor ba la ni skyo mdzad cing // 'di yi nyes pa'i shas kyang gsan par mdzod// pha ni bu nyid ma ni chung ma nyid// skye bo dgrar gyur pa dag bshes nyid dang // bzlog pa nyid du mchis pas de slad du// 'khor ba dag na nges pa 'ga' ma mchis// re res rgya mtsho bzhi pas lhag pa yis// 'o ma 'thungs te da dung so so yi// skye bo'i rje su 'breng ba'i 'khor ba sa/ de bas ches mang nyid cig btung 'tshal lo// re reb bdag nyid rus pa'i phung po ni// lhun po mnyam pa snyed cig 'das gyur te// ma mi thug mtha' rgya shug tshig gu tsam// ri lus bgrangs kyang sa yis lang mi 'gyur// brgya byin 'jig rten mchod 'os gyur nas kyang // las kyi dbang gis phyir yA sa steng lhung // 'khor los sgyur ba nyid du byung nus kyang // 'khor ba dag tu yang bran nyid du 'gyur// mtho ris bu mo'i nu ma rked pa la// reg pa'i bde ba yun ring myong nas slar// dmyal bar 'thag gcod dbrad pa'i 'khrul 'khor gyi// rig pa shin tu mi bzang bsten 'chil lo// rkang pa'i reg pas nems par bde bzod pa// lhun po 'i spo la yun rings gnas nas ni// slar yang me mur ro myags rgyu ba yi// sdug bsngal mi bzang phog snyam bgyid 'tshal lo// mtho ris bu mo 'brongs shing dga' ba dang // rnam par mdzes 'tshal son par rtses nas slar// 'dab ma ral gri 'dra tshul nags rnams kyis// rkang lag rna ba sna gcod 'thob par 'gyur// dal gyi 'bab pa lha yi bu mo ni// gdong mdzes gser gyi pad+ma ldan zhugs nas// slar yang dmyal ba'i chu bo rab med par// tsha sgro bzod brlag chu tshan 'jug 'tshal lo// lha yul 'dod bde shin tu chen po dang // tshangs nyid chags bral bde ba thob nas slar// mnar med me yi bud shing gyur pa yis// sdug bsngal rgyun mi 'chad pa bsten 'tshal lo// nyi ma zla ba nyid thob rang lus kyi// 'od kyis 'jig rten mtha' dag snang byas te// slar yang mun gnag smag tu phyin gyur nas// rang gi lag pa brkyang ba'ang mi mthong ba gyur// de ltar nongs par 'gyur 'tshal bsod nams ni// rnam gsum mar me'i snang ba rab bzhes shig/ gcig pu nyi ma zla bas mi rdzi ba'i// mun nag mtha' yas nang du 'jug 'tsha lo// sems can nyes par spyad pa spyod rnams la// yang sos thig nag rab tu che ba dang // bsdug 'joms du 'bod mnar med la sogs pa'i// dmyal ba rnams su rtag tu sdug bsngal 'gyur// kha cig til bzhin 'tshir te de bzhin gzhan// phye ma zhib mo bzhin du phye mor rlog/ kha cig sog les 'dra ste de bzhin gzhan// sta ra mi bzang so rnon rnams kyi gshags// de bzhin gzhan dag khro chu bzhus pa yi// khu ba 'bar ba 'khrigs pa ltung bar bgyid// kha cig lcags kyi gsal shing rab 'bar ba'i// tsher ma can la kun tu rgyud par bgyid// kha cig lcags kyi mche ba ldan pa'i khyi// gtum pos dbrad cing lag pa gnam du bsgreng // dbang med gzhan dag lpags sa chu rnon po dang // sen mo bzang snun pa li khyA rnams 'brog/ kha cig srin bu sbyar ba sna tshogs dang // sha sbrang sbrang ma nag po khri thAg dag/ reg+sa na mi bzad ma sol char 'byin pas// za bar bgyid ci 'gre ldog smre sngags 'don// kha cig mdag ma 'bar ba'i tshogs su ni// rgyun ma 'chad par rab sreg khaM yang dgrang // kha cig lcags las byas pa'i zangs chen du// spyi'u tshugs 'bras kyi cung pang bzhin du 'tshed// sdig can dbugs 'byung 'gags pa tsam zhig gi/ dus kyi rabar du chod rnams dmyal ba yi// sdug bsngal gzhal yas thos nas rnam stong du// mi 'jigs gang lags rdo rje'i rang bzhin no// dmyal ba bris pa mthong dang thos pa dang // dran dang bklags dang gzugs su bgyis rnams kyang // 'jigs pa skye bar 'gyur na mi bzad pa'i// rnam smin nyam su myong na smos ci 'tshal// bde ba kun gyi nang na sred zad pa'i// bde ba bdag por bgyid pa ji lta bar// de bzhin sdug bsngal kun gyi nang na ni// mnar med dmyal ba'i sdug bsngal rab mi bzod// 'di na nyin cig mdung thung sum brgya yis// rab tu drug btab sdug bsngal gang lags pa// de ni dmyal ba'i sdug bsngal chung ngu la'ang // 'ol yang mi bgyi cher yang mi ho// de ltar sdug bsngal shin tu mi zad lo// bye ba phrag brgyar nyams su myong na yang ni ji srid ma dge de zung ma gyur pa// de srid srog dang bral bar mi 'gyuraro// mi dge'i 'bras 'di rnams kyi sa bon ni// lus ngag yid kyis nyes spyad khyod kyis ni// ci nas de rdul tsam yang ma mchis pa// de ltar nyid kyi rtsal gyis 'bad par mdzod// dud 'gro'i skye gnas na yang gsod pa dang // bcings dang rdeg sogs sdug bsngal sna tshogs pa// zhi 'gyur dge ba spangs pa rnams la ni// gcig la gcig za shin tu mi bzad pa// kha cig mu tig bal dang rus pa khrag/ sha dang pags pa'i ched du 'chi bar 'gyur// dbang med gzhan dag zlog pa lag pa dang // lcags dang lcags kyu btab pas btab ste bkal// yi dgas na yang 'dod pas phongs pa yi// bskyed pa'i sdug bsngal rgyun chags mi 'chos pa// bkres skom grang dro ngal dang 'jigs pa yis// bskyed pa shin tu mi bzad bsten 'tshalo// kha cig kha ni khab kyi mig tsam la// lto ba ri yi gtos tsam bkres pas nyen// mi gtsang gyi nar bor ba cung zad kyang // 'tshal ba'i mthu dang ldan pa ma lagaso// kha cig pags rus lus shing gcer bu yi// ta la'i yang tog bskams pa lta bu lags// kha cig mtshan zhing kha na 'bar ba ste// zas su 'bar ba'i khar babs bye ma 'tshal// smad rigs 'ga' ni gnag dang phyis dang // khrag sogs mi gtsang ba yang mi rnyed de// phan tshun gdong du 'tshig cing mgrin pa nas// lba ba byung ba smin pa'i rnag 'tsho'o// yi dag rnams la sos ga'i dus su ni// zla ba'ang tsha la dgun ni nyi ma'ang grang // ljon shing 'bras bu med 'gyur 'di dag gis// bltas pa tsam gyis klung yang bskums par 'gyur// bar chad med par sdug bsngal rten gyur pa// nyes par spyad pa'i las kyi zhags pa ni// sra bas bcings pa'i lus can kha cig lo// lta stong dag dang khrir yang 'chi mi 'gyur// de ltar yi dgas rnams kyis sna tshogs pa'i// sdug bsngal ro gcig thob pa gang lags pa// de yi rgyu ni skye bro 'jungs dga' ba// ser sna 'phags min lags par sad+ma rgyas gsung // mtho ris na yang bde chen de dag gi/ 'chi 'pho'i sdug bsngal nyid ni de bas che// de ltar bsams nas ya rabs rnams kyis ni// zad 'gyur mtho ris slad du sred mi bgyi// lus kyi kha dog mi sdug 'gyur ba dang // stan la mi dga' me tog phreng rnyings dang // gos la dri ma chags dang lus la ni// sngon chad med pa'i rdul 'byung zhes bya ba// mtho ris 'chi 'pho sbron byed snga ltas lnga// lha yul gna? pa'i lha rnams la 'byung ste// sa steng mi rnams 'chi bar 'gyur ba dag/ sbron par byed pa'i 'chi ltas rnams dang 'dra// lha yi 'jig rten dag nus 'phos pa la// gal te dge ba'i lhag ma 'ga' med na// de nas dbang med dud 'gro yi dgas dang // da myal bar gnas pa gang yang rung bar 'gyur// lha min dag na'ang rang bzhin gyis lho yi// dpal la sdang phyir yid kyi sdug bsngal cha// de dag blo dang ldan yang 'gro ba yi// sgrib pas bden pa mthong ba ma mchiso// / 'khor ba de 'dra lags pas lha mi dang // dmyal ba dud 'gro yi dgas rnams dag tu// skye ba bzang po ma lags skye ba ni// gnod pa du ma'i snod gyur lags mkhyen mdzod// mgo 'am gos la glo bur me shor na// de dag phyir bzlog bgyi ba btang nas kyang // yang srid med par bgyi slad 'bad 'tshal te// 'di bas ches mchog dgos pa gzhan ma mchis// tshul khrims dag dang shes rab bsam gtan gyis// mya ngan 'das zhi dul ba dri med pa'i// go 'phang mi rgas mi 'chi zad mi 'tshal// sa mu me rlung nyi zla bral thob mdzod// dran dang chos rab 'byed dang brtson 'grus dang // dga' dang shin tu sbyangs dang ting 'dzin dang // btang snyoms 'di bdun byang chub yan lag ste// mya ngan 'das thob bgyid pa'i dge tshogs lags// shes rab med par bsam gtan yod min te// bsam gtan med par yang ni shes rab med// gang la de gnyis yod pas srid pa yi// rgya mtsho gnag rjes lta bur 'tshal bar bgyi// lung ma bstan pa bcu bzhi 'jig rten ma// nyi ma'i ga rten gyis rab gsungs gang dag lags// de dag rnams la bsam par mi bgyi ste// de yi blo ni zhi bar bgyid ma lags// ma rig pa las las te de las ni// rnam shes de las ming dang gzugs rab 'byung // de las skye mched drug ste de dag las// reg pa kun tu 'byung bar thub byas gsungs// reg pa las ni tshor ba kun 'byung ste// tshor ba'i gzhi las sred pa 'byung bar 'gyur// sred pas len pa bskyed par 'gyur ba ste// de las srid pa srid las skye ba lags// skye ba yod na mya ngan na rga dang // 'dod pas phongs dang 'chi dang 'jig sogs kyi// sdug bsngal phung po shin tu che 'byung ste// skye ba 'gags pas 'di kun 'gag par 'gyur// rten cing 'brel par 'byung 'di rgyal ba yi// gsung gi/ mdzod kyi ches pa zab mo ste// gang gis 'di ni yang dag mthong ba ste// sangs rgyas de nyid rig pa rnam mchog mthong // yang dog lha dang 'tsho dang rtsol ba dang // dran dang ting nge 'dzin dag las mtha' dang // yang dag rtog nyid lam gyi yan lag brgyad// 'di ni zhi bar bgyi spyad bsgom par bgyid// skye 'di sdug bsngal sred pa zhes bgyi ba// de ni 'di yi kun 'byung rgya chen te// 'di 'gog pa ni thar pa lags te lam// de thob 'phags lam yan lag de brgyad lags// de ltar 'phags pa'i bden pa bzhi po dag/ mthong bar bgyi slad rtag tu brtson par bgyi// bang na dpal gnas khyim pa rnams kyis kyang // shes pas nyon mongs chu bo las rgal gyi// gang dag chos mngon bgyid pa de dag kyang // gnas las 'bas pa ma lags lo tog bzhin// sa ru me nas 'thon ma lags de dag sngon// nyon mongs rag las so so'i skye bor bas// bsnyengs dang bral la mang du gsol ci 'tshal// phan pa'i gdams ngag don po 'di lags te// khyod kyis thugs dul mdzod cig bcom ldan gyis// sems ni chos kyi rtsa ba lags par gsungs// khyod la de skad gdams pa gang lags de// bas par dge slong gis kyang bgyi bar dka'// 'di las gang zhig spyod pa'i ngo bo de'i// yon tan bsten pas sku tshe don snod mdzod// kun gyi dge ba kun la yi rang zhing // nyid kyis legs par spyad pa rnam gsum yang // sangs rgyas nyid thob bgyi slad yongs bsngos nas// de nas dge ba'i phung po 'di yis khyod// skye ba dpag tu med par lha mi yi// / 'jig rten kun gyi rnal 'byor dbang mdzad nas// 'phags pa spyan ras gzigs dbang spyod pa yis// 'gro ba nyam thag mang po rjes bzung ste// 'khrungs nas na rga 'dod chags zhe sdang rnams// bsal te sangs rgyas zhing du bcom ldan 'das// 'od dpag med dang 'dra bar 'jig rten gyi// mgon po sku tshe dpag tu med par mdzod// shes rab tshul khrims gtong 'byung grags chen dri ma med// lha yul na mkha' dang ni swa steng rgyas mdzad nas// sa la mi dang mtho ris lha ni nu chud mchog/ bad dga' dga' ba nges par rab tu zhi mdzad de// nyon mongs nyam thag sems can tshogs kyi 'jigs skye dang // 'chi ba zhi mdzad rgyal ba'i dbang po 'di brnyes nas// 'jig rten las 'das ming tsam zhi la mi bsnyengs pa// mi bgres nongs pa mi mnga'i gro 'phang brnyes par mdzod// bshes pa'i phrin yig slob dpon 'phag pa klu sgrub kyis// mdza' bo rgyal po bde spyod la bkur ba rdzogs// / rgya gar gyi mkhan po sarba dz+nyA de ba dang / zhu chen gyi lo tsa ba ban+da dpal rtsigs kyis bsgyur cing zhus te/ gtan la phab pa'o//