བོད་ཡིག

e-texts produced with BDRC’s OCR application

bcu'i las kyi lam bstan pA zhes bya ba/ slob dpon rta dbyangs kyis mdzad pa rdzogs so// / rgya gar gyi mkhyen po a dzi ta shrI b+ha dra dang / zhu chen gyi lo tsA ba dge slong shAkya 'od kyis bsgyur ba'o// rgya gar skad du/ sad+d+ha rma s+thi ti u paM sha nA ka ri kA/ bod skad du/ dam pa'i chos dran pa nye bar gzhag pa'i tshig le'ur byas pa/ dkon mchog gsum la phyag 'tshal lo// yon tan ldan zhing dbab bya phabs// yang dag ye shes snang ba ldan// rtag tu gzhan gyi don mdzad pa// 'jig rten gsum gtso phyag 'tshal lo// gang la byed po gzhan med pa// lus dang ngag dang yid kyi las// dge dang mi dge rang byas gang // de yi 'bras bu 'jig rten spyod// de ltar mkhyen nas thugs brtses non// 'jig rten gsum gtso gcig pa nyid// 'gro ba'i don du las gang dang // 'bras bu gang dag yin gsungs pa// de ni bdag gis mdor bshad kyis// khyod kyis nyon la dam pa dang // dam pa min pa'i rgyu yi las// bya ba dang ni spang ba'i rigs// chags dang gti mug 'jigs dang 'khro// mi gang mi ni gsod pa dang // gzhan yang bskyed nas gsod byed pa// de dag nges par yang sos 'gro// gang gi phyir na lo stong phrag/ mang por yang ni de dag tu// btags shing btags shing yang 'tsho bas// de phyir yang spos yin par bshad// pha ma dang ni grog dang gnyen// bshas gnyen la ni 'khu byed dang // phra ma rdzun ni smra ba'i mi// thig nag du ni 'gro bar 'gyur// gang phyir de la shing bzhin du// thig nag btab nas sog le dag/ 'bar ba yi ni shog byed de// de phyir thig nag yin par bshang// ra dang lug dang waM dag dang // ri bong byi ba ri dgas phag/ gzhan yang bskyed nas gsad byas na// lus can bsdus 'joms 'gro bar 'gyur// gang phyir bsdus nas der 'dor dang // yang dag sreg par byed pas na// de yi phyir ni bsdus 'joms te// de ltar ming ni don mthun grags// 'dir ni lus can gang dag lus dang ngag yid nyon mongs byed// gang dag lhang 'jug gzhan g.yo byed// mi de dag ni ngu 'bod 'gro// der ni drag po'i me dag gis// rgyun mi 'chad par bsgrags byas na// gang phyir skad ni drag 'byin pa// de phyir de dag du 'bod yin gang gis lha dang bram ze dang // blo ma'i rdzas phrogs sdug bsngal byas// gang dag gtams pa 'phrog byed pa// de dag ngu 'bod chen por 'gro// mes bsregs pa ni drag phyir dang // ngu 'bod pa yang me phyir dang // lci zhing che ba nyid kyi phyir// de ni ngu 'bod chen po yin// yon tan dag gis che ba la// gnod par drag po byas pa'am// phra ma bla mo bsad byas na// nges par bskal par myanar med 'tshed// me drag dar ni lus dag gis// rus pa dag kyang lhag par 'gyur// gang phyir bde ba'i skabs med pa// de phyir mnar med yin par bshad// lus can gang dag gcig la gcig/ gnod par dka' bas g.yul ngor gsod// sdig can de dag sdug bsngal dang // ldan pa'i ral gri sems can skye// gang phyir do yi sen mo ni// lcags byas 'bar rno de dag gis// gcig gis gcig gsod gang yin dAs// ral gri rtsa mo can du bshad// bya bo byed pa shal ma ri// lcags kyi rtse mo rtse mo 'bar// ser ni bcu drug yod pa la// ngu zhing stobs kyis 'dzeg par 'gyur// bud med shin tu 'jigs 'jigs lta// mchu rno lus chen 'bar ba yis// gzhan gyi bud med 'phrog pa la// 'jus nas za ba kho nar 'gyur// bag phab pa la gnod byed mi// nags tshal ral gri 'dab can du// gtubs byas ngu zhing bya rgod khyi// 'ug pa bya rog za bar 'gyur// gang dag gzhan gyi nor 'phrog pa// de dag lcags kyi tho lum ni// che ba dag kyang za ba dang // yang dang yang du zangs bskol 'thung // rtag tu mngon la dga' ba gang // lo ni bye bar ngu zhing yang // khyi ni lcags kyi mche ba can// mi bsrun shin tu dbang sred za// chu skyes nya la sogs bsad nas// chu bo rab med 'bar ba yi// zangs kyi khu ba'i chur 'gro zhing // mi de mes kyang sreg par 'gyur// gang zhig rang don tsam rmongs nas// chos dang mi ldan shags 'gyed na// sems can dmyal bar de ngu zhing // 'khor los mngon par gzir bar 'gyur// 'di la gang gis gzugs can la// gnod pa rnam pa mang byas pa// de dag yun rings 'khor lo dang // ri dang tho ba 'bar bas gzir// gang zhig chos kyi stegs 'jig cing // yang dag ma yin lam smra ba'i// mi de dag ni spu gri'i sos// gtams pa'i lam du 'gro bar 'gyur// sen mos shig la sogs bcom na// de dag lus ni cher 'gyur la// ston brgyar yang dang yang du ni// brag sgor po yis 'joms par 'gyur// gang zhig brtul zhugs bzang mnos nas// legs par srung bar mi byed na// de ni nges par shwa dang rus// 'jig pa'i me mar mur du bsregs// gang du 'tsho ba log pa ni// cung zad kyis kyang 'tsho byed pa// de ni skyugs 'jim nub gyur nas// srin bu rnams kyi za bar 'gyur// 'bru yi nang na 'khod pa yis// srog chags mthong nas 'joms pa gang // de ni lcags kyi gtun shing gi sa// yang dang yang du brdung bar 'gyur// shin tu khro zhing gtum pa dang // g.yo byad rdzun du smra ba dang // gzhan la gnod byed dga' ba ni// gshin rje'i srin por skye bar 'gyur// sdug bsngal kun gyi sa bon ni// chung ngu la sogs dbye ba yis// lus ngag yid kyi sdig pa ste// de ni phra yang spang bar bya// sems can dmyal ba'i rabs rdzogs so// / 'dod chags kyis ni rmongs pa dag/ dang pa phug ron la sogs dang // bong bu 'dod chags can rnams kyi// skyes nas srin sogs skye gnas skye// khong khro 'dzin pas sbrul du skyes// nga rgyal khengs sems seng+ger 'gyur// che ba yis ni nga rgyal gyis// khyi dang bong bu'i skye gnas skye// ser sna ga dog la sogs pa'i// skyon gyis lus can shi nas spre'u// mu chor smra dang spyi btol che// rang bzhin mi brtan khrar skye'o// gsod dang 'ching dang ser sna yis// lus can pa yang khyi la sogs// 'gyur ro mi bsrun las kyis ni// sdom dang sdig pa mi sdug skye// khro dang sor sna can gyi mi// shi nAs shA ni za byed pa// stug dang spre'u wa dang dom// bya rgod spyang ka la sogs skye// mi bstan khro gnyer sbyin byed mi// rdzu 'phrul chen po'i klur skye'o// gtong zhing khro dang dregs pa yis// nam mkha' lding gi dbang phyug skye// rang gi lus dang ngag yid kyis// sdig pa'i las ni gang byas pa// de ni dud 'gro'i skye bas na// de ni chung yang ma byed cig/ dud 'gro'i rabs rdzogs so// / rtse log can gang sbyin pa spangs// bza' dang lta ba 'phrog byed pa// de dag yi dgas lus srul po// ro rnams za bar byed par skye// gang zhig byis pa rnams la 'tsho// sred pas 'drid par byed pa de// khong gi dri ma za byed pa'i// lus srul por ni skye bar 'gyur// mi gang spyod pa dman pa dang // shin tu zhum dang ser sna ldan// rtag tu 'dod byed de shi nas// yi dgas lba ba can du skye// gang zhig ci yang mi ster la// sbyin pa zlog par byed pa de// yi dgas bkres pas rnyongs pa yi// gsus che kha ni khab tsam 'gyur// gang zhig sbyong dang sbyin mi byed// rigs kyi don du nor bsrung na// da ni yi dgas mtshan gtor spyod// shin dus bsngos za der skye'o// gang zhig gzhan gyi nor 'phrog 'dod// byin nas 'gyod par byed pa de// shi nas mchil ma skyugs pa la// za bar byed pa'i yi dgas skye// gang zhig khros pas mi snyan smra// mtshang 'dru ba ni smra byed pa// las des shin tu yun ring bar// yi dgas kha 'bar skye bar 'gyur// gang zhig 'thab mo byed pa dang // ma chags sems ni khro byed pa// de ni yi dgas me 'bar ma// srin dang sdig sbrul phye leb za// gang zhig grong bca' 'beb shing ster// byin zhig gnod par byed pa de// grul bum byang ni mi thug pa// mchod par 'os par skye bar 'gyur// zas kyi ched du brtse med pas// srog chags bsad cing sbyin byed gang // de dag shi nas nges par ni// srin po'i bza' dang bca' bar 'gyur// rtag tu dri dang phreng la dga'// sbyin byed khro ba chung ba ni// lha rnams dga' ba'i rgyur 'gyur ba// dri za rnams su skye bar 'gyur// gang dag kha cig phra ma tshe// khro zhing dgos pa'i ched sbyin na// de ni sha za ma rungs nyid// bzhin mi sdug par skye bar 'gyur// rtag tu rab sdang rtabs bag can// gzhan la gnod pa byed pa dang // rtag tu sbyin la dga' ba ni// de dag shi nas 'byung por skye// ma rung khro zhing sbyin byed la// chang zhim dag la dga' ba'i mi// shaM nas gnod sbyin ma rungs pa// chang la dga' ba rnams su skye// gang dag pha ma bla ma rnams// ji ltar 'dod par bzhon pas 'dags// de dag gzhal med khang rgyu ba'i// gnod sbyin bde ba ldan par skye// sred dang ser sna'i skyon gyis ni// shi nas yi dgas skye bar 'gyur// de phyir de ni spang bar bya// yi dgas kyi rabs rdzogs so// // mi 'tshe ba yi lha dang mi// lha min rnams su tshe ring 'gyur// 'tshe bas thung ngur skye bar 'gyur// de phyir 'tshe ba rnams par spang // mdze dang smon pa zad byed rims// mi nad gzhan yang gang dag yin// 'byung po rnams la gsang dang bcing // brdeg par byas pa rnams kyis 'byung // gang zhig gzhan gyi nor 'phrog cing // ci yang sbyin par mi byed pa// de ni 'bad pa chen pos kyang / rdzas ni rnyed par mi nus so// gang zhig rdzas ni ma byin par// lan cing sbyin pa sbyin byed pa// de ni rdzas dang ldan gyur la// byis nas de ni med par 'gyur// mi gang mi 'phrog sbyin mi byed// ha cang 'jungs pa ma yin pa// de dag tshegs ni chen po yis// nges par rdzas ni brtan pa thob// gang zhig gzhan gyi nor mi 'phrog/ gtong dang ldan zhing ser sna spangs// mi de rdzas ni mi 'phrog pa// rgya chen yid du 'ong ba 'thob// gang zhig 'di la zas sbyin pa// tshe dang mdog dang stobs ldan zhing // dpal dang ldan zhing nad spangs pa// rtag par bde dang ldan par 'gyur// gang zhig gos ni sbyin byed pa// 'dzem bcas gzugs bzang longs spyod ldan// byin can srog chags rnams la sdug/ gos rnams kyang ni rnyed par 'gyur// gang zhig 'di la rab dga' ba'i// sems kyi gnas ni sbyin par byed// lus can de la khang bzangs ni// 'dod pa kun dang ldan par 'gyur// mi gang lham dang zam pa la// sogs pa sbyin par byed pa de// rtag tu bde dang ldan pa dang / bzhon pa dag kyang rnyed par 'gyur// bsti sa khron pa mtshe'u la sogs// rten rnams byed du bcug na ni// de dag bde dang ldan pa dang // gdung bral skom nad med par 'gyur// gang zhig kun dga' 'bul// de ni dbus bkur dpal dang ldan// lus can kun gyi skabs su 'gyur// rtag par 'byor pa ldan par 'gyur// reg pa sprin dang shes rab la// gom pas mkhas pa nyid du 'gyur// sman dang mi 'jigs sbyin pa yis// nad med par ni skye bar 'gyur// mar me byin pas mig ldan 'gyur// sil snyan byin pas dbyangs snyan 'gyur// mal stan dag ni byon pa yis// mi de bde dang ldan par 'gyur// gang zhig 'di la ba lang sogs// spyod bya'i 'o ma yon tan ldan// sbyin byed mi de stobs ldan zhing // mdog ldan tshe ring longs spyod ldan// bu mo byin pas 'dod rnams rnyed// 'khor rnams dang yang ldan par 'gyur// sa bzhi byin pas nor ldan zhing // 'bru rnams 'byor par skye bar 'gyur// lo ma me tog 'bras bu dang // chu dang mi 'jigs tshig snyan dang // gang gang ji ltar 'dod pa de// de 'dod pa la gus pa sbyin// 'di la bskol nas sbyin byed dam// mtho ris ched du 'am 'jigs pas sam// snyan pa'i bde ba 'dod phyir na// de ni 'bras bu nyon mongs 'thob// rang gi don la mi bltos shing // snying rjes non pa'i sems kyis ni// gzhan gyi don du 'dir byin la// de yi 'bras bu mthar thugs yin// dus dang tshul ni ji bzhin du// gang ci gzhan la sbyin byed na// rnam pa de dang de lta bur// de kun nye bar gnas par 'gyur// gzhan la gnod pa med pa nyid// rang gi don du ci 'dod pa// chos dang mi 'gal gang phan pa// mi bskol bar ni sbyin par bya// de ltar sbyin pa sbyin byed na// de lta bu yi 'bras bu 'a byung // bde ba dag ni thams cad kyi// rgyu ba'i gtso bo sbyin pa nyid// gzhan gyi bud med rnams spongs na// bud med sdug gu rnyed par 'gyur// yul dang dus min rang gi yang // spong na skyes pa nyid thob 'gyur// gang zhig gzhan gyi chung ma la// chags pa'i sems ni mi sel dang // yan lag min la chags byed pa// skyes pa de ni bud med 'gyur// gang zhig bud med smong byed cing // khrims btsun 'dod chags chung byed la// rtag tu skyes par 'dod byed pa// ma ma deni skyes par 'gyur// gang shig yang dag skyon med par// mangs pa spyod lnga sbyin pa de// gaN+DI ldan spyad drug do/ dang ldan// dag bya rdzun sa rnams kyis kyang lan// rang 'thung ba na mi bsnyen pas/ mi de dran pa brtan pa dang // rmongs med bden par smra ba dang // snun pa'i bde dang ldan par skye// gang zhig sems dang 'byed par yang // byed pa 'di ni ma byed par// de yi 'khor rnams mi phyed cing // brtan pa'i bde dang ldan par skye// gang zhig rtag pas yid dga' bas// phan dang mi phan ston pa'i mi// de yi tshig ni btsun par 'gyur// gzhan brnyas pa yis smad par 'gyur// zlog pa yis ni mthon por 'gyur// bde ba byin pas bde dang ldan// sdug bsngal byin pas sdug bsngal 'gyur// / gzhan la 'drid par dga' ba dang // g.yo byed rdzun ni smra ba dang // gang dag gzugs kyi nga rgyal can// skur la lus ni thung bar 'gyur// skye bo bshes gnyen sar sna byed// lcogs gyur kun la mi sdug 'gyur// rmongs pa'i rang bzhin phan pa'i tshig/ mi bzod pa ni 'on par 'gyur// sdig pa'i sdug bsngal bsod nams kyis// bda'o 'dren ma'i 'dren ma ste// las rnams kyis ni 'bras bu kun// 'dra ba rgyu mthun yin par brtag/ mi'i rab rdzogs so// / rtag tu g.yo dang rgyu spyod cing // sdig pa dag ni ma byas la// 'thab la dga' zhing sbyin byed pa// de ni lha min dbang phyug 'gyur// lha ma yin gyi rabs rdzogs so// // gang zhig bdag med mi 'dod cing // yongs su bzung la mi dga' ba// de ni gza' rnams dag gi mchog/ rgyal chen bzhi pa dag tu 'gyur// pha ma pha tshan gtso bo la// bkur byed stong ldan bzod par ldan// 'thab mo la ni dga' ba gang // da ni sum cu rtsa gsum skye// rtsod la mi dga' 'thab mo la// yid ni dga' bar mi byed la// gcig tu dge la brtson pa gang // de dga' 'thab bral nyid du 'gro// thos pa mang dang chos 'dzin dang // shes rab ldan zhing thar par 'dod// yon tan rnams la dga' ba'i mi// de dag dga' ldan nye bar 'gro// mi gang rang nyid dul ba la// zhugs shing tshul khrims 'bog pa la// spro ba che dang ldan pa ste// gdon mi zla bar 'phrul dgar 'gro// sems can gang zhig dman min mchog/ sbyin dang dul dang yang dag sdom// phul byeng yon tan lhag gyur te// nges par gzhan 'phrul dbang byed 'gro// tshul khrims kyis ni mtho ris thob// bsam gtan gyis ni khyad par 'gyur// yang dag ji bzhin yongs shes pas// mthor ni yang srid med par 'gyur// mi dge bas ni bde mi 'thob// dge ba yis ni bde ba 'thob// de ltar dge dang mi dge ba'i// las kyi 'bras bu gsal bar bstan// sdug pa dang ni bral ba dang // mi sdug pa dang phrad pa dang // las rnams rang gi 'bras bur bcas// 'chi dang rga dang na ba nyid// gsum po 'di la bsam par bya// de lta na ni chags bral thob// chags dang bral na bsod nams 'dod// de bzhin sdig pa spong bar byed// de dag nyid kyang mdor nyon cig/ bdag dang gzhan gyi don byed dang // gzhan la gnod byed spong ba ni// bsod nams bzlog pa sdig yin par// bdag nyid chen pos de skad gsungs// lha'i rab rdzogs so// // dam pa'i chos dran pa nye bar gzhag pa'i 'gro drug gi tshig le'ur byas pa/ slob dpon btsun pa chos ldan rab 'byor dbyangs kyis mdzad pa rdzogs so// / rgya gar gyi mkhan po d+har+m+ma ka ra dang / zhu chen gyi lo tsA ba rtsangs de ban tra rak+Sha tas bsgyur cing zhus te gtan la phab pa'o// / 'dod pa'i yo na tan lnga'i nyes dmigs bshad pa// 'jam dpal gzhon nur gyur pa la phyag 'tshal lo// ri dgas