བོད་ཡིག

e-texts produced with BDRC’s OCR application

rgya gar skad du/ d+ha sha ku sh+tsa la kar mA pA phA nIr d+he sha/ bod skad du/ dge ba bcu'i las kyi lam bstan pa/ dkon mchog gsum la phyag 'tshal lo// dge ba bcu po 'di dag ni mngon par mtho ba dang / nges par legs pa thams cad kyi rgyu yin pas na/ sangs rgyas kyi slob ma dag gis 'di la bslab par bya'o// de la bcu gang zhe na/ lus kyi las rnam pa gsum ste/ srog mi gcod pa dang / ma byin par mi len pa dang / 'dod pas log par mi g.yem pa'o// ngag gi las rnam pa bzhi ste/ rdzun mi smra ba dang / phra ma mi smra ba dang / tshig rtsub po mi spro ba dang / tshig 'khyal par mi smra ba'o// yid kyi las rnam pa gsum ste/ brnab sems spangs pa dang / gnod sems spangs pa dang / log lta ba spangs pa'o// de yang mi dge ba bcu spangs pa ni/ dag pa bcu yin pas spang bar bya ba bcu brjod pa par bya ste/ de ni 'phags pa byang chub sems dpa'i sde snod las ji skad du/ srog gcod pa'i sems can dang // gzhan gyi nor la 'phrog pa dang / 'dod pas log par g.yem pa dang // sems can dmyal ba'i bar du 'gro// dbyen byed pa dang tshig rtsub dang // rdzun du smra zhing mi sdom pa// byis pa 'khyalnga pAr smra ba rnams// so so'i skye bo bslus pa bcings// gzhan gyi spyod la brnab sems dang // gnod sems dag ni mang ba dang // mi gang lta ba log zhugs pa// ngan 'gro dag tu 'gro bar 'gyur// lus kyi sdig pa rnam gsum dang // ngag gi sdig pa rnam bzhi dang // yid kyi sdig pa rnam gsum ni// sdig byed pa dag rab tu byed/ sdig pa'i las rnams byas pas na// de phyir ngan 'gror 'gro bar 'gyur// ci nas ngan 'gror mi btang bar// bskyab pa'i phyir ni rab tu 'byung // zhes bcom ldan 'das kyis gsungs pa dag go/ ji ltar na nyes pa de dag rdzogs par 'gyur zhe na/ srog gcod pa ni/ gzhi sems can yin pa dang / der 'du shes pa dang / gsad par bsas pa dang / sbyor ba byas pa dang / sbyor ba byas pa de nyid kyi tshe'am/ gzhan gyi tshe shi la zhes pa yan lag lngas rdzogs par 'gyur ro// ma shi bar 'gyod pa las shra ba ni na smad do// myos pa dang sems 'khrug pa dang / tshor bas gzir ba la nyes pa med par thams cad la sbyar ro// ma byin par len pa ni/ yan lag bzhis rdzogs par 'gyur te/ blang bar bya ba gzhan gyis yongs su bzung bar gyur pa yin pa dang / der 'du shes pa dang / brku bar bsams pa dang / gnas nas spos pa'o// 'dod pas log pa ro g.yam pa ni rnam pa bdun te/ bdag nyid las byung ba dang / rang gi chung ma las byung ba dang / chu mar mi rigs pa chung mar byas pa las byung ba dang / chung ma yin pa las byung ba dang / skyes pa las byung ba dang / dud 'gro las byung ba dang / khye'u dang bu mo las byung ba'o// de la bdag nyid las byung ba ni/ mi rigs pa'i yul dran pas dbang po las rang 'am/ gzhan gyis khu ba 'byin par byed pa'o// rang gi chung ma las byung ba ni/ dus ma yin par nyin par dang / bsnyen gnas la gnas pa dang / na ba dang / sbrum pa dang / mya ngan gyi gdungs pa dang / zla mchen dang ldan pa dang / bang ma sangs pa la sogs dag dang / gnas ma yin pa pha ma dang / bla ma dang / dkon mchog dang / mchod rten la sogs pa'i gnas dang / yan lag ma yin pa kha dang / bshad pa'i lam dang / lte ba la sogs te/ mdor na bud med kyi dbang po las gzhan pa thams cad do// de ltar dus dang / gnas dang / yan lag min pa dag tu rang gi chung ma la 'khrig pa spyod pa ni/ rang gi chung ma las byung ba'i 'dod pas log par g.yem pa'o// chung mar mi rigs pa chung mar byas pa la byung ba ni/ tshangs par spyod pa'i dge bsnyen ma 'am/ dge slong ma 'am dge slob ma 'am/ dge tshul ma 'am bsnyen gnas la gnas pa'i bud med chung mar blangs te/ de dag mi dga' ba 'am/ dga' yang rung ste/ sdom pa gtong ba'i rkyen byas pa ste/ 'di ni chung mar mi rigs par chung mar byas pa las byung ba'o// chung ma ma yin pa las byung ba ni/ bud med gang khyim thab gzhan gyis bzung ba dang / rang gi bdun rgyud las ma 'das pa'i 'brel par gyur pa dang / chos kyi mtshan can dang / sdom pa can dang / pha ma dang / ming po dang / spun zla dang / rus chags dang / cho 'brang du smos pas bsrungs pa dang / gyos rgyug dang / srung po la sogs pa khyo'i phyogs smos pas bsrungs pa dang / mi mnyam pa'i rigs dang yon tan gyis bsrungs pa dang / smad 'tshong ma dag kyang skyes bu gzhan gyis rin sngar byin pas bzung ba dang / skyes bu gzhan gyis chung ma dang 'dra bar bdag gir byas pa rnams te/ de dag dang 'khrig pa spyod pa rnams ni gzhan gyis tshor na ches sdig pa che la/ ma tshor du zin kyang 'dod pas g.yem pa'i rnam par smin pa 'byung ngo // skyes pa las byung ba ni skyes bu gzhan gyi kha dang bshang ba'i lam la sogs par mtshon sbyor ba'o// dud 'gro las byung ba ni/ ba lang dang / ra lug dang / rna bong la sogs pa'i mtshan dang bshangad pa'i lam la sogs mtshan sbyor ba'o// khye'u dang bu mo las byung ba ni/ 'khrig pa spyad mi bzod pa'i khye'u dang bu mo'i kha dang mtshan dang / bshang ba'i lam du mtshon sbyor ba'o// de ltar 'dod pas log par g.yem pa de dag ni/ yan lag gsum gyis rdzogs par 'gyur te/ dus la sogs pa de dag la de dag tu 'du shes pa dang / sbyor ba byas pa dang / rje su mthun pa'i tshor ba nyams su myong ba'o// de ltar de dag ni lus kyi nyes par spyod pa gsum mo// rdzun du smra ba ni yan lag gsum gyi rdzogs par 'gyur te/ gzhi ma nor bar khong du chud pa dang / de la 'du shes bsgyur ba dang / log par smras pa'o// phra ma ni yan lag gnyis kyis rdzogs par 'gyur te/ dbye bar bya ba sems can nyid dang / dbyen gyi tshig smras pa'o// tshig rtsub mo ni yan lag gnyis kyis rdzogs par 'gyur te/ gzhi sems can yin pa dang / tshig rtsub mo smras pa'o// rlig 'khrul pa ni/ yan lag gnyis kyis rdzogs par 'gyur te/ chos dang ldan pa der bsams pa dang / tshig 'khyal pa smras pa'o// de dag ni ngag gi nyes par spyod pa bzhi'o// brnab sems ni/ yan lag gnyis kyi rdzogs par 'gyur te/ gzhi gzhan gyi yin pa dang / de la brnab sems bskyed pa'o// gnod sems ni yan lag gnyis kyis rdzogs par 'gyur te/ gzhi sems can yin pa dang / de la kun nas mnar sems par gyur pa'o// log par lta ba ni/ yan lag gnyis kyis rdzogs par 'gyur te/ gzhi phyin ci ma log pa dang / de nyid la bsam pa phyin ci log pa skyed pa'o// de dag ni khyad par gyi yan lag go// thun mong gi yan lag ni/ sems gtso zhes bya ba'o// de dag ni yid kyi nyes par spyod pa gsum mo// de ltar na kun nas slong ba'i sems pa dang / rjes su spyod pa'i sbyor ba dang / sbyor ba'i gzhi bsams pa de nyid dang / sbyor ba'i 'bras bu dngos gzhi nyid spyad pa dang / mjug rje su yi rang ba'o// yan lag lnga rdzogs na ni mi dge ba gang yang legs par rdzogs pa yin no// thams cad ma tshang na ni cung zad spyad pa ci rigs par sbyar ro// cung zad du na gzhi ma nor ba nyid ni kha cig tu ma nges pa srid do// de ltar mi dge ba bcu po de dag spyad pa'i 'bras bu rgya cher ni/ dam pa'i chos dran pa nye bar gzhag pa las shes par bya zhing / mdor bsdus pa ni ji skad du/ bcom ldan 'das kyis 'phags pa sdong po bkod pa las gsungs pa/ srog gtsad pas ni/ sems can dmyal bar khrid do// byol song gi skye gnas su khrid do// gshin rje'i 'jig rten du khrid do// de nas ci ste mir skyes na yang / rnam par smin pa gnyis mngon par bsgrub pa 'di lta ste/ tshe thung ba dang nad mang ba'o// ma byin par len pas ni/ sems can dmyal bar khrid do// byol song gi skye gnas su khrid do// gshin rje'i 'jig rten du khrid do// de nas ci ste mir skyes na yang / rnam par smin pa gnyis mngon par bsgrub pa 'di lta ste/ longs spyod chung ba dang / thun mong gi longs spyod du 'gyur ba'o// 'dod pas log par g.yem pas ni sems can dmyal bar khrid do// byol song gi skye gnas su khrid do// gA shin rje'i 'jig rten du khrid do// de nas ci ste mir skyes na yang / rnam par smin pa gnyis mngon par bsgrub pa 'di lta ste/ lhod pa dang bcas pa'i chung ma dang / g.yog 'khor ma bsrungs pa'o// rdzun du smra bas ni/ sems can dmyal bar khrid do// byol song gi skye gnas su khrid do// gshin rje'i 'jig rten du khrid do// de nas ci ste mir skyes na yang / rnam par smin pa gnyis mngon par bsgrub pa 'di lta ste/ skur pa mang ba dang / gzhan gyis bslu ba'o// phra mas ni sems can dmyal bar khrid do// byol song gi skye gnas su khrid do// gshin rje'i 'jig rten du khrid do// de nas ci ste mir skyes na yang / rnam par smin pa gnyis mngon par bsgrub pa 'di lta ste/ g.yog mi mthun pa dang g.yog ngan par 'gyur ba'o// tshig rtsub pos ni/ sems can dmyal bar khrid do// byol song gi skye gnas su khrid do// gshin rje'i 'jig rten du khrid do// de nas ci ste mir skyes na yang / rnam par smin pa gnyis mngon par bsgrub pa ni 'di lta ste/ yid du mi 'ong ba'i tshig thos pa dang / 'thab mo'i tshig thos par 'gyur ba'o// ngag 'khyal pas ni sems can dmyal bar khrid do// byol song gi skye gnas su khrid do// gshin rje'i 'jig rten du khrid do// de nas ci ste mir skyes na yang / rnam par smin pa gnyis mngon par bsgrub pa ni 'di lta ste/ tshig mi btsun pa dang / spobs pa mang ba'o// brnab sems kyis ni/ sems can dmyal bar khrid do// byol song gi skye gnas su khrid do// gshin rje'i 'jig rten du khrod do// de nas ci sdo mor smyos na yang / rnam byar smin pa gnyis mngon par bsgrub pa ni 'di lta ste/ chog mi shes pa dang / 'dod pa che ba'o// gnod sems kyis ni sems can dmyal bar khrid do// byol song gi skye gnas su khrid do// gshin rje'i 'jig rten du khrid do// de nas ci ste mir skyes na yang / rnam par smin pa gnyis mngon par sgrub pa ni 'di lta ste/ gnod pas glags lta ba dang / pha rol gyis mnar ba'o// log par lta ba ni/ sems can dmyal bar khrid do// byol song gi skye gnas su khrid do// gshin rje'i 'jig rten du khrid do// de nas ci ste mir skyes na yang / rnam par smin pa gnyis mngon par bsgrub pa ni 'di lta ste/ lta ba ngan pa ltung ba dang / g.yo sgyu can du 'gyur pa'o zhes gsungs te/ de dag kyang mtshon pa ste/ mi dge ba bcu po 'di dag ni/ re re la yang rnam par smin pa yang shin tu mang po yod par rig par bya'o// da ni 'di dag gi lci ba dang / yang ba nyid brjod par bya ste/ de ni 'phags pa de bzhin gshegs pa'i mdzod kyi mdo las gsungs pa/ 'od srungs pha yang yin la/ rang sangs rgyas kyang yin pa gsod pa gang yin pa 'di ni srog gcod pa'i nang na ma rungs pa'o// dkon mchog gsum gyi dkor 'phrog pa 'di ni ma yin par len pa'i nang na ma rungs pa yin no// ma yang yin la dgra bcom ma yang yin pa las nyal po byas pa 'di ni 'dod pas log par g.yem pa'i nang na ma rungs pa yin no// de bzhin gshegs pa la la skur pa 'debs pa 'di ni/ rdzun du smra ba'i nang na ma rungs pa yin no// dge 'dun gyi dbyen byas pa 'di ni phra ma'i nang na ma rung ba yin no// 'phags pa rnams la mi snyan par brjod pa 'di ni/ ngag nub mo rnams kyi nang na ma rungs pa yin no// chos thos par 'dod pa rnams la rnam par g.yeng bar byed pa 'di ni tshig 'khyal ba'i nang na ma rungs pa yin no// yang dag par song ba dang / yang dag par zhugs pa rnams kyi rnyed pa 'phrog par sems pa 'di ni/ brnab sems kyi nang na ma rungs pa yin no// mtshams med pa byed pa 'di ni/ gnod sems kyi nang na ma rungs pa yin no// lta ba mchog tu 'dzin pa 'di ni/ log par lta ba'i nang na ma rungs pa yin no zhes bya ba la sogs pa'o// mdor bsdu na rgyun tu spyod pa dang / nyon mongs pa drag pos spyod pa dang / rten gyi rang bzhin byang chub kyi sems dang / dkon mchog gsum la mi brten cing / rnam par sun 'byin pa kun tu spyod pa la sogs pa med pa dang / yon tan dang gtso bo 'phags pa'i gzhi las byung ba ste/ de dag dang gang ldan pa'i mi dge ba bsu ni lci ba nyid do// de bas na 'phags pa nA gA rdzu nas kyang / rtag dang mngon par zhen dang gnyen po med// yon tan gtso ldan gzhi las byung ba'i las// dge dang mi dge rnam lnga chen po ste// de bas dge ba spyod la brtson par bgyi zhes bshad do// da ni de dag rtsa ba'i nyon mongs pa gang gang gis rdzogs par byed pa bstan ce na/ de ni chos mngon pa'i tshig le'ur byas pa las// gsod dang gnod sems tshig rtsub dag/ zhe sdang gis ni mthar phyin byed// log g.yam brnab sems ma byin len// chags pa yis ni mthar phyin byed// log par lta ba gti mug gis// lhag ma gsum gyis rdzogs par 'dod// ces bshad pa las shes par bya'o// da ni de dag gis gnang ba nyid brjod par bya ste// gang bdag gi don la rjes su lta ba cung zad tsam yang med la byed pa gzhan gyi don 'ba' zhig 'dod cing thams cad du snying rje dang ldan pa dag la ni/ yid kyi nyes par spyod pa gsum ma gtogs pa 'am/ log par lta ba nyid gtogs pa dag la lam rjes su gnang ba ste/ de la byang chub sems dpa'i sdom pa gtan la phab pa'i gtsug lag dag la blta'o// de ltar blang bar bya ba dang // mi mthun pa'i phyogs dang yan lag dang / 'bras bu dang / lci yang dang rgyu dang / rjes su bstan pa dag gis dge ba bcu'i las kyi lam rgyas par bstan pa yin no// dge ba bcu yi las kyi lam// legs brjod bsod nams dri med gang // deng 'dir bdag gis bsgrub pa des// 'gro ba mi na du/ dag kya ngan mas na d+h+r-i/ na 'grom pa du// 'gro ma // gtananas da bye bar do// dge btsu smras rdzun pa sa rlob dpon bram ze btsun bachom ldan rang 'byor dbyangs kyin pa snun sa mdzad pa rdzogs so// rgya gar gyi mkhan po bud d+ha ka ra bar ma dang bod kyi lo tsA ba dge slong chos kyi shes rab kyis bsgyur cing zhus te gtan la phab pa'o//