བོད་ཡིག

e-texts produced with BDRC’s OCR application

rgya gar skad du/ b+hA ba na kra ma/ bod skad du/ sgom pa'i rim pa 'jam dpal gzhon nur gyur pa la phyag 'tshal lo// theg pa chen po'i mdo sde yi// tshul spyod las ni dang po pa// de las brtsams te sgom pa yi// rim pa mdo tsam brjod par bya// thams cad mkhyen pa nyid myur du thob par 'dod pas mdor na snying rje dang / byang chub kyi sems dang / sgrub pa dang / gnas 'di gsum la 'bad par bya'o// de la sangs rgyas kyi chos ma lus pa'i rgyu'i rtsa ba snying rje kho na yin par shes par byas la de nyid la thog mar bsgom mo// de skad du 'phags pa chos yang dag par sdud pa las gsungs te/ de nas bcom ldan 'das la 'phags pa spyan ras gzigs dbang phyug gis 'di skad ces gsol to// bcom ldan 'das byang chub sems dpa' chos rab tu mang po la bslab par mi bgyi'o// bcom ldan 'das byang chub sems dpa' chos rab tu mang po la bslab par mi bgyi'o// bcom ldan 'das byang chub sems dpa' chos gcig rab tu gzung zhing rab tu rtogs par bgyis na sangs rgyas kyi chos thams cad de'i lag mthil du mchis pa lags so// chos gcig po gang zhe na 'di lta ste/ snying rje chen po'o// bcom ldan 'das snying rje chen pos ni sangs rgyas kyi chos thams cad byang chub sems dpa' rnams kyi lag mthil du mchis pa lags so// bcom ldan 'das dper bgyis na 'khor los sgyur ba'i rgyal po'i 'khor lo rin po che gang du mchis pa der dpung gi tshogs thams cad mchi'o// bcom ldan 'das de bzhin du byang chub sems dpa'i snying rje chen po gang du mchis pa der sangs rgyas kyi chos thams cad mchi'o// bcom ldan 'das dper bgyis na srog gi dbang po mchis na dbang po gzhan rnams 'byung bar 'gyur ro// bcom ldan 'das de bzhin du snying rje chen po mchis na byang chub sems dpa'i chos gzhan rnams kyang 'byung bar 'gyur ro zhes 'byung ngo // 'phags pa blo gros mi zad pas bstan pa las kyang gsungs te btsun pa shA ra dwa ti'i bu gzhan yang byang chub sems dpa' rnams kyi snying rje chen po ni mi zad do// de ci'i phyir zhe na/ sngon du 'gro ba'i phyir ro// btsun pa shA ra dwa ti'i bu 'di lta ste dper na dbugs phyi nang du rgyu ba ni mi'i srog gi dbang po sngon du 'gro ba yin no// de bzhin du byang chub sems dpa'i snying rje chen po ni theg pa chen po yang dag par 'grub par bya ba'i phyir sngon du 'gro ba yin no zhes bya ba la sogs pa rgyas shad do// 'phags pa gA ya go'i ri'i mdo las kyang gsungs te/ 'jam dpal byang chub sems dpa' rnams kyi spyod pa'i rtsom pa ni ci// gnas ni gang / 'jam dpal gyis smras pa/ lha'i bu byang chub sems dpa' rnams kyi spyod pa'i rtsom pa ni snying rje chen po'o// gnas ni sems can no zhes de la sogs pa rgya cher 'byung ngo // de ltar snying rje chen pos bskyod pas byang chub sems dpa' bdag nyid la mi lta bar gzhan la shin tu phan pa don du gnyer ba'i phyir tshogs bsags pa shin tu dka' zhing yun ring la dub par 'gyur ba la 'jug go// 'phags pa dad pa'i stobs bskyed pa las gsungs pa lta bu ste/ de la snying rje chen po ni gang sems can thams cad yongs su smin par bya ba'i phyir sdug bsngal bskyed pa mi len pa ci yang med do// des bde ba skye ba mi 'dor ba ci yang med do zhe'o// de ltar shin tu dka' ba la zhugs nas ring po mi thogs par tshogs yongs su rdzogs te gdon mi za bar thams cad mkhyen pa'i go 'phang thob par 'gyur ro// de bas na sangs rgyas kyi chos thams cad kyi rtsa ba ni snying rje chen po kho na'o// snying rje chen pos yongs su zin pas na sangs rgyas bcom ldan 'das kyis thams cad mkhyen pa'i ye shes go 'phang brnyes nas 'gro ba ma lus pa'i don mdzad cing bzhugs so// mi gnas pa'i mya ngan las 'das pa de lta bu yang bcom ldan 'das kyi thug rje chen po'i rgyus mya ngan las 'da' ba la mi gnas so// de yang sdug bsngal ba'i sems can la dmigs shing yid la byas pas skye bar 'gyur te/ sems can 'jig rten gsum na spyod pa thams cad sdug bsngal rnam pa gsum gyis ji ltar mthun pa bzhin du sdug bsngal lo zhes de ltar sems can thams cad la bsgom mo de la sems can dmyal po de dag ni rgyun mi 'chad cing yun ring la tsha ba la sogs pa'i sdug bsngal sna tshogs kyi chu bor bying ngo zhes bcom ldan 'das kyis bka' stsal to// de bzhin du yi dwags rnams kyang phal cher shin tu mi bzang ba'i bkres pa dang sgom pa'i sdug bsngal gyi mes skams pa'i lus shin tu sdug bsngal mang po myong ste/ lo brgyar yang la las mchil mya'i thal ba dang / mi gtsang ba tsam yang bzar mi rnyed do// zhes bcom ldan 'das kyis bka' stsal to// dud 'gro rnams kyang gcig la gcig za ba/ khro ba dang rnam par 'tshe ba dang / gsod pa la sogs pas sdug bsngal mang po myong ba kho nar snang ste// 'di ltar kha cig sna 'bugs pa dang / brdeg pa dang bcing ba dang / gdags pa la sogs pa bdag la dbang med pa kun gyis bda' ba yin te/ mi 'dod bzhin du khal chen po lci ba bskur bas skyo zhing ngal lo// de bzhin du dgon pa na 'khod pa yang nyes pa med par kha cig phyed du tshol zhing gsod de/ rtag tu 'jigs pas yid 'khrugs te phan tshun 'khor cing 'bros pa yang grangs med pa'i sdug bsngal dpag tu med po kho nar snang ngo // de bzhin du mi la yang sems can dmyal ba'i sdug bsngal la sogs pa yod pa kho na ste/ 'di na rkun po la sogs pa gang dag yan lag btub pa dang / gsal shing la skyon pa dang / sbyangs te btags pa la sogs pas nyon mongs pa de dag ni sems can dmyal ba'i sdug bsngal kho na yin no// gang dag dbul zhing phongs pa de dag ni yi dgas dang 'dra bar bkres shing skom pa la sogs pas sdug bsngal lo// bran la sogs pa gang dag gzhan gyis lus la dbang byas pa dang / gang dag mthus mnan te gnod par byed pa de dag ni dud 'gro dang 'dra bar brdeg pa dang / gdags pa la sogs pas sdug bsngal lo// de bzhin du btsal bar bya ba dang / gcig la gcig gnod pa byed pa la sogs pa dang / sdug pa dang bral ba dang / mi sdug pa dang phrad pa la sogs pa de dag la sdug bsngal dpag tu med do// gang dag kha cig phyug cing skyid pa dang 'dra bar snang ba de dag kyang 'byor pa'i mtha' ni rgud pa ste/ lto ba ngan pa sna tshogs gzing gzing bar nub cing sems can dmyal ba la sogs pa'i sdug bsngal myong bar 'gyur ba'i rgyu las dang nyon mongs pa bsags pas gang ka na 'dug pa dang 'dra bar sdug bsngal gyi rgyur gyur pa yang yang dag par sdug bsngal ba kho na yin no// lha la yang gang dag 'dod pa'i khams na spyod ni pa de dag ni 'dod pa'i sems yid rab tu 'bar zhing sems 'khrugs pa dang 'dra bar gshu' mar mi 'dug la skad cig kyang sems mnyam par 'jog par mi 'gyur te/ rab zhi ba bde ba'i nor gyis dbul ba de dag la bde ba ci zhig yod// rtag tu 'chi 'pho ba dang ltung ba la sogs pa'i 'jigs pa'i mya ngan gyis non pa dag ste de dag ji ltar bde/ gang dag gzugs med pa na spyod pa de dag kyang sdug bsngal ba las 'das mod kyi/ 'on kyang de dag 'dod pa na spyod pa'i bag la nyal rnams shin tu ma spangs pas yang sems can dmyal ba la sogs par ltung ba yod pas 'gyur ba'i sdug bsngal yod pa nyid do// lha dang mi 'di dag thams cad ni las dang nyon mongs pa la sogs pa'i rgyu'i gzhan gyi dbang du gyur pas na 'du byed kyi sdug bsngal gyis sdug bsngal ba nyid do// de ltar 'gro ba thams cad sdug bsngal gyi me lha'i phye ba'i sa yin par bltas la/ ji ltar bdag nyid kyi sdug bsngal mi sdug pa ltar gzhan dag gi yang de dang 'dra ba sems shing sems can thams cad la sI nga brtse ba kho na bsgom par bya ste/ thog ma kho nar mdza' bshes kyi phyogs la gong du smos pa'i sdug bsngal sna tshogs myong bar lta zhing bsgom par bya'o// de nas sems mnyam pas bye brag med par lta ste/ thog ma med can gyi 'khor ba lan brgyar yang bdag gi gnyen du ma gyur pa'i sems can gang yang mdo do snyam du sems pas phel pa la bsgom par bya'o// gang gi tshe mdza' bshes kyi phyogs dang 'dra bar 'phel ba rnams la yang snying rje mtshungs par 'jug pa de'i tshe dgra'i phyogs la yang de bzhin du sems mnyam pa nyid la sogs pa yid la byed pas bsgom par bya'o// gang gi tshe mdza' bshes kyi phyogs dang 'dra bar dgra la yang mnyam par 'jug pa de'i rim gyis phyogs bcu'i sems can thams cad la yang bsgom par bya'o// gang gi tshe yid du 'ong ba'i bu mi bde ba bzhin du sems can thams cad la yang sdug bsngal gtan nas dbyung bar 'dod pa'i snying rje rang gi dang gis 'jug pa bdag nyid kyis mtshungs par 'jug par gyur pa de'i tshe de rdzogs pa yin pas snying rje chen po'i ming thob ste/ 'phags pa blo gros mi zad pas bstan pa'i mdo las bsngags pa bzhin no// 'di ltar snying rje bsgom pa'i gau rim 'di ni bcom ldan 'das kyis chos mngon pa'i mdo la sogs pa la bka' stsal to// de ltar snying rje goms pa'i stobs kyis sems can ma lus pa rlung bar dam bcas na bla na med pa yang dag par rdzogs pa'i byang chub tu smon pa'i rang bzhin gyis byang chub kyi sems sgrim mi dgos pa kho nar skye ste/ 'phags pa chos bcu pa'i mang las/ sems can mgon med pa/ skyabs med pa/ gling med pa dag mthong nas bla na med pa yang dag par rdzogs pa'i byang chub tu sems bskyed do// zhes gsungs pa bzhin no// gzhan gyis yang dag par 'dzin du bcug pa las kyang byang chub sems dpa' la byang chub kyi sems bskyed mod kyi/ 'on kyang snying rje chen pos non te/ byang chub sems dpa' bdag nyid kyis byang chub tu sems bskyed pa khyad che bar bcom ldan 'das kyis 'phags pa de bzhin gshegs pa'o/ ye shes kyis phyag rgya'i ting nge 'dzin las bka' stsal to// byang chub kyi sems sgrub pa dang mi ldan yang 'khor bu'i nang na 'bras bu che bar bcom ldan 'das kyis de skad byams pa'i rnam par thar pa las bka' sprul te/ ribs kyi bu 'di lha ste dper na rdo rje 'on pa che ni chag kyang gser gyi rgyan khyad par du 'phags pa thams cad zil gyis gnon to// rdo rje rin po che'i ming yang mi 'dor zhing dbul ba thams cad kyang bzlog go/ rigs kyi bu de bzhin du thams cad mkhyen po nyid du sems bskyed pa'i rdo rje rin po sgrub pa dang mi ldan pa yang nyan thos dang rang sangs rgyas kyu gsar gyi rgyan thams cad zil gyis gnon to// byang chub sems dpa' mang yang mi 'dor ning 'khor ba'i dbul ba yang rnam par byed do zhes 'byung ngo // gang la pha rol tu phyin pa rnams la rnam pa thams cad kyi rnam pa thams cad du slob mi nus pa des kyang 'bras bu che ba'i phyir thabs kyis yongs su zin par byang chub tu sems bskyed par bya ste/ 'di ltar rgyal po chen po khyod ni bya ba mang byed pa mang ste/ thams cad kyi thams cad du sbyin pa'i pha rol tu phyin pa la bslab pa nas/ shes rab kyi pha rol tu phyin pa'i bar la slob mi bzod na 'di ltar rgyal po chen po rdzogs pa'i byang chub la 'dun pa dang dad pa dang / don du gnyer ba dang / smon pa 'di 'gro yang rung / 'greng yang rung / 'dug kyang rung / nyal yang rung / sad kyang rung / za yang rung / 'thung yang rung / rtag tu rgyun mi 'chad par dran par gyis shig/ yid la gyis shig/ bsgoms shig/ sangs rgyas dang byang chub sems dpa' dang / nyan thos dang rang sangs rgyas dang / so so skye bo thams cad dang / bdag gis 'das pa dang / ma 'ongs pa dang / nga ltar byung ba'i dge ba'i rtsa ba thams cad bsdus te rjes su yi rang ba'i mchog gis rjes su yi rang bar gyis shig/ rjes su yi rang nas kyang sangs rgyas dang / byang chub sems dpa' dang / rang sangs rgyas dang / nyan thos rnams mchod par bya ba'i phyir dbul lo// phul nis kyang sems can thams cad dang thun mong du thos shog/ dunas sems can thams cad thams cad mkhyen pa pyod kyi bar du thob par bya dwa'i phy-ir dang / sangs rgyas sna chos thams cad yangasu rdzogs byar bya ba'i phyung nyon gcig bzhin du dus gsum du bla na med pa yang dag par rdzogs pa'i byang chub tu yongs su sngos shig rgyal po chen po khyod de ltar zhugs la rgyal po gyis shig/ rgyal po'i srid kyang mi nyamaso// byang chub kyi tshogs kyang yongs su rdzogs par 'gyur ro zhes de la sogs pa rgyas par bshad nas/ yang bka' stsal pa/ rgyal po chen po khyod yang dag par rdzogs pa'i byang chub kyi sems kyi dge ba'i rtsa ba de'i rnam par smin pas lan du mar lha dang mir skye bar gyur to// lha dang mir skyes pa thams cad na yang dbang por gyur to zhes rgyas par bka' stsal pa bzhin no// sgrub pa snying por byed pa'i byang chub sems kyi 'bras bu gang yin pa de bzhin du rgya che bar grub ste/ 'phags pa dpas sbyin gyis zhus pa las byang chub sems kyi bsod nams gang // de la gal te gzugs mchis na// nam mkha'i khyams ni kun glang ste// de ni de bas lhag par 'gyur// zhes gsungs pa lta bu'o// sdong po bkod pa las kyang bsngags te/ rigs kyi bu byang tshochub kyi sems ni sangs rgyas kyi chos thams cad kyi sa bon lta bu'o zhes rgyas par bshad do// byang chub kyi sems de yang rnam pa gnyis te/ smon pa'i sems dang zhugs pa'i sems te/ 'phags pa sdong po bkod pa'i mdo las gsungs pa/ rigs kyi bu sems can gyi 'jig rten na gang dag bla na med pa yang dag par rdzogs pa'i byang chub tu sems kyi smon pa'i sems can de dag ni rnyed par dka'o// sems can gang dag bla na med pa yang dag par rdzogs pa'i byang chub tu yang dag par zhugs pa de dag ni de bas kyang shin tu rnyed par dka'o zhes 'byung ngo // de la 'gro ba mtha' dag la phani pa'i phyir sangs rgyas su gyur cig ces gang thog mar don du gnyer ba'i ni smon pa'i sems so// gang phan chad sdom pa bzung ste tshogs rnams la zhugs pa de ni zhugs pa'i sems so// sdom pa ni pha rol po mkhas pa mthu dang ldan pa sdom pa la gnas pa las mnod // mthun pa med na sangs rgyas dang byang chub sems dpa' rnams mngon du byas la 'phags pa 'jam dpal rgyal po nam mkha' zhes bya bar gyur pa na byang chub tu sems bskyed pa de bzhin du bskyed par bya'o// de ltar sems bskyed pa'i byang chub sems dpa' bdag ma dul na gzhan mi dul bar shes nas bdag nyid sbyin pa la sogs pa sgrub pa la rab tu sbyor ro// sgrub pa med par byang chub mi thob bo// 'di lta ste 'phags pa ga yaM go'i ri las gsungs pa/ byang chub ni sgrub pa snying por byed pa'i byang chub sems dpa' sems dpa' chen po rnams kyi yin te/ log par sgrub pa snying por byed pa rnams kyi ni ma yin no zhe'o// 'phags pa ting nge 'dzin rgyal po las kyang gsungs te/ de lta bas na sgrub pa snying por bya'o zhes gzhon nu khyod kyis bslab par bya'o// de ci'i phyir zhe na/ gzhon nu sgrub pa snying por byed pa la bla na med pa yang dag par rdzogs pa'i byang chub rnyed dka' ba ma yin pa'i phyir ro zhe'o// byang chub sems dpa'i sgrub pa de yang pha rol tu phyin pa dang tshad med pa dang / bsdu ba'i dngos po la sogs pa'i bye brag yin par 'phags pa blo gros mi zad pas bstan pa dang / dkon mchog sprin la sogs pa'i mdo las rgyas par bshad pa yin no// 'di ltar 'jig rten gyi bzo la sogs pa'i gnas kyi bar dag la yang byang chub sems dpa' bslab par bya ba yin na 'jig rten las 'das pa'i bsam gtan la sogs pa lta ci smos te de lta ma yin na sems can gyi don gyi rnam pa thams cad ji ltar bya/ byang chub sems dpa'i sgrub pa de yang mdor na thabs dang shes rab kyi ngo bo yin te/ shes rab 'ba' zhig kyang ma yin te/ thabs 'ba' zhig kyang ma yin no// de yang 'phags pa dri ma med par grags pas bstan pa las kyang shes rab dang bral ba'i thabs dang / thabs dang bral ba'i shes rab ni byang chub sems dpa'i 'ching ba'o zhes gsungs so// thabs dang bcas pa'i shes rab dang / shes rab dang bcas pa'i thabs ni thar pa'o zhes bsngags so// 'phags pa ga ya go'i ri las kyang gsungs te/ byang chub sems dpa' rnams kyi lam ni mdor sdu na 'di gnyis te/ byang chub sems dpa' dag la lam 'di gnyis dang ldan na myur du bla na med pa yang dag par rdzogs pa'i byang chung mngon par rdzogs par 'tshang rgya'o// gnyis gang zhe na/ 'di lta ste/ thabs dang / shes rab po zhe'o// de las shes rab kyi pha rol tu phyin pa ma gtogs par sbyin pa la sogs pa'i pha rol tu phyin pa dang / bsdu ba'i dngos po la sogs pa zhing yongs su dag pa dang / longs spyod chen po dang / g.yog 'khor mang po phun sum tshogs pa la sogs pa dang / sems can yongs su smin por byed pa dang / sprul pa la sogs pa mngon par mtho ba'i chos sdud par byed pa'i dge ba thams cad ni thabs zhes bya'o// shes rab ni thabs de'i ngo bo nyid phyin ci ma log par rtogs pa'i rgyu yin te/ des yang dag par thabs kyi bye brag phyed nas phyin ci log med pas bdag dang gzhan gyi don ji lta ba bzhin du bsgrubs pas sngags kyis btab pa'i dug za ba dang 'dra ste/ kun nas nyon mongs par mi 'gyur ro// de skad du mdo sde de nyid las bka' stsal te/ thabs ni bsdu ba shes pa'o// shes rab ni yongs su spyod pa shes pa'o zhe'o// 'phags pa dad pa'i stobs bskyed pa las kyang gsungs te/ thabs la mkhas pa ni chos thams cad yang dag par sdud pa gang yin pa'o// shes rab gang zhe na/ gang chos thams cad ma 'dres pa la mkhas pa'o// thabs dang shes rab 'di gnyis ni sar chud pa rnams kyis kyang dus thams cad bsten par bya ste/ shes rab 'ba' zhig ni ma yin no// 'di ltar byang chub sems dpa'i sa bcu po thams cad la yang pha rol tu phyin pa thams cad kun tu spyod do/ sa bcu pa'i mdo la sogs las kyang lhag ma rnams kyang kun tu mi spyod pa ma yin no zhes 'byung ngo // sa brgyad pa la byang chub sems dpa' zhi bar gnas pa la sangs rgyas bcom ldan 'das rnams kyis bslang ba dang yang 'gal te/ 'di ltar de las gsungs pa ni/ kye rgyal ba'i sras byang chub sems dpa'i sa mi g.yo ba 'di la gnas pa'i byang chub sems dpa' sngon gyi smon lam gyi stobs bskyed pa dang / chos kyi sgo'i rgyun de la gnas pa de la sangs rgyas bcom ldan 'das rnams de bzhin gshegs pa'i ye shes nye bar sgrub par mdzad do// de la 'di skad ces kyang bka' stsal to// rigs kyi bu legs so/ legs so// sangs rgyas kyi chos thams cad rjes su rtogs par bya ba la 'di ni don dam pa'i bzod pa yang yin na/ 'on kyang gang nged kyi stobs bcu dang mi 'jigs pa la sogs pa sangs rgyas kyi chos phun sum tshogs pa de khyed la med kyi/ sangs rgyas kyi chos phun sum tshogs pa de yongs su btsal ba'i phyir brtson 'grus rtsoms shig/ bzod pa'i sgo 'di nyid kyang ma dor cig/ rigs kyi bu khyod kyis de ltar zhi ba rnam par thar pa thob kyang byis pa so so'i skye bo ma zhi ba/ rab tu ma zhi ba/ nyon mongs pa sna tshogs kun 'byung bar 'gyur ba/ rnam par rtog pa rnam pa sna tshogs kyis g.yen spyo ba 'di dag la soms shig/ yang rigs kyi bu sngon gyi smon lam dang / sems can gyi don thob par bya/ ba dang / ye shes kyi sgo bsam gyis mi khyab pa dran par gyis shog/ yang rigs kyi bu 'di ni chos rnams kyi chos nyid de/ de bzhin gshegs pa rnams byung yang rung / ma byung yang rung / chos kyi dbyings 'di ni gnas pa nyid de/ 'di ltar chos thams cad stong pa nyid dang / chos thams cad dmigs su med pa'o// 'dis ni de bzhin gshegs pa rnams nyi tshe rab tu dbye bar bya ba ma yin gyi/ nyan thos dang rang sangs rgyas thams cad kyang rnam par mi rtog pa'i chos nyid 'di thob bo// yang rigs kyi bu nged kyi lus tshad med pa dang / ye shes tshad med pa dang / sangs rgyas kyi zhing tsha nga med pa dang / ye shes mngon par sgrub pa tshad med pa dang / 'od kyi dkyil 'khor tshad med pa dang / dbyangs kyi yan lag rnam par dag pa tshad med pa la bltos te/ khyod kyis kyang de bzhin du mngon par sgrub pa skyed cig/ rigs kyi bu gang khyod kyi chos thams cad la rnam par mi rtog pa'i snang ba 'di ni snang ba gcig pa zad do// rigs kyi bu de bzhin gshegs pa rnams la ni chos snang ba 'di 'dra ba mtha' yas par 'gyur te/ mdzad pa mtha' yas shing 'brel po mtha' yas par 'gyur te/ gang dag grangs dang / bgrang ba dang / tshad dang dpe dang / zla yang med pa de dag thob par bya ba'i phyir mngon par sgrub pa skyed cig/ rigs kyi bu re shig phyogs bcu'i zhing tshad med pa dang / sems can tshad med pa dang / chos rnam par phye ba tshad med pa la ltos te/ ji lta ba bzhin bgrang bar gyis shig ces de skad bka' stsal to// kye rgyal ba'i sras dag de ltar byang chub sems dpa' de lta bu la sangs rgyas bcom ldan 'das de dag ye shes mngon par sgrub pa'i tshad med pa de dag la sogs pa gang dag gis byang chub sems dpa' ye shes rnam par phye ba tshad med pa mngon par sgrub pa'i las mngon par sgrub pa dag nye bar sgrub par mdzad do// kye rgyal ba'i sras khyod mos par bya'o// khyod kyis khong du chud par bya'o// gal te sangs rgyas bcom ldan 'das de dag gis byang chub sems dpa' de de ltar thams cad mkhyen pa'i ye shes mngon par sgru ba pa'i sgo dag la zhugs par ma mdzad du zin na de ni de nyid du yongs su mya ngan las 'da' bar 'gyur te/ sems can thams cad kyi bya ba yang rgyun chad par 'gyur ro zhes rgya cher 'byung ngo // 'phags pa dri ma med par grags pas bstan pa dang / ga ya go'i ri las gsungs pa gong du smos pa yang spyir bshad pa yin pas de dang yang 'gal lo// / 'phags pa chos thams cad shin tu rgyas par bsdus pa las bka' stsal pa de dang yang 'gal lo// de ni 'di skad bka' stsal te/ 'jam dpal dam pa'i chos spring ba'i las kyi sgrib pa ni phra'o// 'jam dpal gyad la de bzhin gshegs pas gsungs pa'i bka' la la ni bzang bar 'du shes/ la la ni ngan par 'du shes pa de ni dam pa'i chos spang ba'o// gang chos spong ba des chos spangs pas de bzhin gshegs pa la skur pa yin no zhes rgyas par bka' stsal to// de las yang bka' stsal pa/ ma pham pa byang chub sems dpa' rnams kyi pha rol tu phyin pa drug yang dag par sgrub pa 'di ni byang chub kyi phyir yin na/ de la yang mi blun po de dag 'di skad du byang chub sems dpa' shes rab kyi pha rol tu phyin pa kho na la bslab par bya'o zhes zer zhing / pha rol tu phyin pa lhag ma rnams la sun 'byin to// ma pham pa 'di ji ltar sems/ nga ka shi ka'i rgyal por gyur pa gang yin 'di ltar phug ron gyi phyir bdag gi sha khra la byin pa de/ shes rab 'chal pa yin nam/ byams pas gsol pa/ bcom ldan 'das de ni ma lags so// bcom ldan 'das kyis bka' stsal pa/ byams pa du byang chub sems dpa'i spyad pa spyod pa na/ pha rol tu phyin pa drug dang ldan pa'i dge ba'i rtsa ba dag bsags na dge ba'i rtsa ba de dag gis gnod par gyur tam/ byams pas gsol pa/ de ni ma lags so// bcom ldan 'das kyis bka' stsal pa/ ma pham po khyod kyis bskal pa drug cur sbyin pa'i pha rol tu phyin pa yang dag par bsgrubs/ bskal pa drug cur tshul khrims kyi pha rol tu phyin pa dang / bskal pa drug cur shes rab kyi pha rol tu phyin pa'i bar du yang dag par bsgrubs na/ de la me blun po de dag 'di skad du tshul gcig kho nas byang chub ste/ 'di lta ste/ stong pa nyid kyi tshul gyis so / zhes rgyas par 'byung ngo // de lta bas ni gnyi ga dus thams cad du yang byang chub sems dpa' bsten par bya ba kho na yin no// de ltar na nga bzhin gshegs pa'i mi gnas pa'i mya ngan las 'das pa yang 'grub po// 'di ltar sbyin pa la sogs pa'i thabs kyis gzugs kyi sku dang / zhing dang g.yog 'khor la sogs pa longs spyong chen po 'bras bu phun sum tshogs pa yongs su 'dzin pas bcom ldan 'das mya ngan las 'das pa la yang mi gnas/ shes rab kyis phyin ci log yang dag par spangs pas 'khor ba la yang mi gnas te/ 'khor ba'i rtsa ba ni phyin ci log yin pa'i phyir ro// shes rab dang thabs kyi rang bzhin gyi lam 'dis sgro 'dogs pa dang skur pa'i mtha' rnam par spangs nas dbu ma'i lam bstan te/ shes rab kyis ni sgro 'dogs pa'i mtha' spong la/ thabs kyis ni skur pa'i mtha' spong ba'i phyir ro// de bas na 'phags pa chos yang dag par bsdud pa las kyang bka' stsal te/ mtshan dang dpe byad bzang po'i gzugs kyi sku yongs su grub pa la mngon par dga' ba yin gyi/ chos kyi sku mngon par rtogs pa tsam la mngon par dga' ba ni ma yin no zhes so// yang bka' stsal pa/ de bzhin gshegs pa ni shes rab dang thabs kyis bskyed pa ste/ gzhan gyi dring la 'jog pa yang srid par shes par bya'o zhe'o// rnam par snang mdzad mngon par rdzogs par byang chub pa las kyang / thams cad mkhyen pa'i ye shes de ni snying rje'i rtsa ba las byung ba yin/ byang chub kyi sems kyi rgyu las byung ba yin/ thabs kyi mthar phyin pa yin no zhes gsungs so// gang rgyas gzings dang 'dra bar shes pa rnams rjes chos nyid kyang spang bar byan/ chos ma yin pa lta tsa smos zhes gsungs pa ngo yang byon ci log tu mngon par non pa sbyang phyir de la dgongs te spang ngo zhes bka' stsal gyi/ dgos pa sgrub pa'i phyir mi bsten pa yang ma yin no// yang 'di skad du gsungs te/ chos yongs su bzung srod kyi log par mi bzung zhes 'byung ba'i log par m+b+hi bzla zhes bya ba ni lam ldog par bzung bar mi bya ba'i don to// kha cig las sbyin pa la sogs pa 'khor ba'i 'bras bu brjod pa gang yin pa de ni shes rab dang bral ba'i sbyin pa la sogs pa sngar brjod pa dang / de tsam gyi dge pa'i rtsa bas chog par 'dzin pa rnams kyi dbang du mdzad nas gong nas gong du dge ba'i rtsa ba la spro bar bya ba'i phyir ro// de lta ma yin du zin na 'phags pa dri ma med par grags pas bstan pa la sogs pa sngar smos pa thams cad dang yang 'gal ba kho nar 'gyur ro// de lta bas na shes rab dang thabs gnyis ka bsten dgos pa kho nar gnas so// de la shes rab kyis yongs su zin pa'i sbyin pa la sogs pa pha rol tu phyin pa'i ming thob ste/ gzhan du ma yin no// de bas na sbyin pa la sogs pa yongs su dag par bya ba'i phyir mnyam par gzhag pa la gnas par byas la/ shes rab bskyed pa la je 'bad par bya'o// de la thog mar re shig thos pa las byung ba'i shes rab bskyed par rgyu na cha shog lung don kun tu 'dzin par byed do// donas byasams pa la smra rmyang sgyu ba / ngas dang byung ba'i pon rnam par 'byod bar byud do// dranas ngas kyi brag sbyong du'i don la ban nus yang dag gaN noni don bsgom par bya'i yang dag pa ma yin pa don ma yin no// de lta ma yin du zin na byin ci log tu bsgoms shing the tsom yang ma bsal bas yang dog pa'i shes pa yang 'byung bar mi 'gyur te/ de'i phyir bsgom pa don med par 'gyur bas mu stegs can rnams kyis bsgom pa dang 'dra'o// bcom ldan 'das kyis ting nge 'dzin gyi rgyal po las kyang bka' stsal te/ gal te chos la bdag med so sor rtog/ so sor de brtags gal te bsgom pa ni// de nyid mya ngan 'das thob 'bras bu'i rgyu// rgyu gzhan gang yin de ni zhi mi 'gyur zhe'o// de lta bas na bsams pa'i shes rab kyis rigs pa dang lung gis brtags la yang dag pa kho na'i dngos po'i rang gi ngo bo bsgom par bya'o// yang dag pa'i dngos po'i rang gi ngo bo ni don dam par skye ba med pa kho na ste/ rigs pa dang lung gis gtan la dbab bo// de la lung ni 'phags pa chos yang dag par sdud pa las skye ba med paMbaM ni bden no// skye ba la sogs pa'i chos gzhan ni mi bden no zhes ji skad du gsungs pa lta bu'o// de yang don dam pa dang mthun pa'i phyir skye ba med pa bden no zhes gsungs kyi/ don dam par ni skye ba yang ma yin/ mi skye ba yang ma yin te/ de bskrad thams cad las 'das pa'i phyir ro// yang de nyid las bka' stsal pa/ rigs kyi bu'ajug rten gnas pa na 'jug pa dang 'byung ba la mngon par nan te/ nga'i phyir de bzhin gshegs pa thugs rje chen po dang ldan pas 'jig rten gyi skrag pa gnas bsal ba'i phyir tha snyad kyi dbang gis skye'o// 'gag go zhes gsungs kyi// 'di la ni chos gang yang skye ba med do zhe'o// 'phags pa sangs rgyas bgro ba las kyang bka' stsal te/ tshul bzhin 'dri ba ni gang lags/ tshul bzhin ni gang lags/ bka' stsol pa/ skye ba med pa ni tshul bzhin no// de 'dri ba ni tshul bzhin 'dri ba'o zhe'o// yang de nyid las bka' stsal pa/ chos thams cad ni tsa'i sgo ste/ 'chi 'pho dang bral ba dag go/ chos thams cad ni ngo bo nyid kyi sgo ste/ ngo bo nyid kyis stong pa nyid kyi phyir ro zhes 'byung ngo // 'phags pa bden pa gnyis rnam par 'byed pa las kyang / skye ba med par mnyam pa nyid kyis chos thams cad mnyam pa nyid do zhes brjod do// shes rab kyi pha rol tu phyin pa las kyang / rab 'byor gzugs ni gzugs kyi ngo bo nyid kyis stong ngo // rnam par shes pa'i bar du rnam par shes pa'i ngo bo nyid kyis stong ste rang gi mtshan gyi stong pa nyid kyi phyir ro zhes bka' stsal to// glang po'i rtsal las kyang / gang la skye ba srid pa yi// dngos po gang yang mi dmigs te/ 'byung bu med pa'i dngos rnams la// byis pa dag ni 'byung bar 'dod ces gsungs so// yab dang sras mjal ba las kyang / chos 'di dag thams cad ni dus gsum du mnyam pa nyid kyis mnyam pa dag ste/ 'das pa'i dus na yang chos thams cad ngo bo nyid med pa nas/ da ltar byung ba'i dus kyi bar du ngo bo nyid dang bral ba'o zhes bka' stsal te/ de ltar re shig lung gis brtag par bya'o// rigs pas brtag par byas na lung gi don gud du bkri mi nus te/ de bas na rigs pas so sor brtag par bya'o// de la rigs pa mdor brjod par bya ste/ dngos po rnams kyi skye ba rgyu med pa las 'byung ba zhig gom+ba/ rgyu yod pa las 'byung ba zhig tu 'gyur grang na/ res 'ga' ba yin par snang ba'i phyir rgyu med pa las 'byung ba ma yin te/ rgyu la mi bltos par bye brag med pa'i phyir skye ba'i dus bzhin du thams cad du dngos po rnams ci'i phyir mi 'byung / dngos po med pa'i dus dang yang bye brag med pas skye ba'i dus na yang 'byung ba'i mi rigs so// de ltar re zhig rgyu med pa las 'byung du mi rung ngo // rgyu yod pa las 'byung ba ma yin te/ 'di ltar mu stegs can rnams kyis dbang phyug la sogs pa rtag pa rgyur btags pa de las kyang dngos po rnams mi skye ste/ rim gyis 'byung bar snang ba'i phyir ro// rgyu ma tshang ba med pa'i 'bras bu ni rim gyis 'byung ba mi rigs te/ bltos pa med pa'i phyir ro// dbang phyug la sogs pa bdag nyid la mthu yod pa ni gzhan la bltos pa med de/ rtag pa yin pas de la gzhan dag gis phan gdags mi dgos pa'i phyir ro// phan mi 'dogs pa la ltos par yang mi rung ngo // de bas na dbang phyug la sogs pa nus thams cad kyis stong pa'i phyir mo gsham gyi bu la sogs pa bzhin du ngo bo nyid med pa kho na yin no// dngos po ni don byed nus pa'i mtshan nyid yin na/ de dag ni gang du yang 'bras bu rim gyis bskyed kyang mi nus te/ gong du brtag pa yin no// cig car yang mi skye ste/ 'di ltar 'bras bu thams cad bskyed nas/ phyin chad kyang gal te de kho na bzhin du de nyid bskyed nus na ni de'i tshe nus pa'i rang bzhin rje su 'jug pas snga ma bzhin du 'bras bu skye bar 'gyur ro// rjes su mi 'jug na ni snga ma'i ngo bo nyid bor bas mi rtag par 'gyuraro// de bas na rtag pa zhes bya ba'i dngos po gang yang med do// de nyid kyi phyir bcom ldan 'das kyis bka' stsal pa/ blo gros chen po 'di lta ste/ na mkha' dang / 'gog pa dang / mya ngan las 'das pa la sogs pa ma byas pa'i dngos por mngon par zhen cing sgro 'dogs pa yin no zhe'o// de ltar re zhig de dag ni rtag pa las skyer mi rung ngo // mi rtag pa las kyang ma yin te/ de las 'das pa dang ma 'ongs po ni dngos po med pa de la skyes shes byar mi rung ste/ rgyu med pa las skye bar 'gyur ba'i phyir ro// dus mnyam pa dang mi mnyam pa de las mi skye ba'i phyir da ltar gyi las kyang mi skye'o// 'di ltar re zhig dus mnyam pa las ma yin pa ni rgyu'i ngo bo nyid dang 'dra bar 'bras bu yang de dang dus gcig tu 'byung ste/ grub pa'i phyir ro// dus tha dad pa las kyang mi skye ste/ dus gzhan gyis mchod de skye na ni 'das pa la sogs pa las skye bar 'gyur ba'i phyir ro// bar du ma chod par skye na gal te bdag nyid thams cad kyis bar du ma chong na ni skad cig gcig tu skad cig thams cad chud pas bskal pa yang skad cig tsam du 'gyur te/ dper na rdul phra rab rnams bdag nyid thams cad kyis 'dres nas gong bu rdul phra mo tsam nyid du 'gyur ba bzhin no// ji ste phyogs gcig gis phrad na ni de'i tshe skad cig la ma shes yod par 'gyur ro// bdag nyid kyang mi skye ste rgyu med pa las byung ba kho na'i phyogs kyi nang du phyogs 'di 'dus pa'i phyir te/ bdag nyid la byed pa 'gal ba'i phyir ro// gnyis ka las kyang ma yin te/ phyogs gnyis ka'i skyon 'du bar 'gyur ba'i phyir ro// de lta bos ni don dam byar dngos po 'di dog thams cad mo skyes pa kho na yin la kun rdzob tu ni skye ba yod pas lung la sogs pa dang yang mi 'gal lo// de skad bcom ldan 'das kyis kyang bka' stsal te/ dngos po skye ba kun rdzob tu// dam pa'i don du rang bzhin med/ rang bzhin med la 'khrul pa gang // de ni yang dag kun rdzob 'dod ce'o// rigs pa 'di bcom ldan 'das kyis kyang dgongs te/ sA lu ltung ba la sogs pa las/ bdag dang gzhan dang gnyis ka dang rgyu med pa las skye ba bklag pa'i phyir ro// rnam pa gcig tu na 'di ltar rigs pas rnam par dpyad par bya ste/ dngos po rnams ni rnam pa gnyis te/ gzugs can dang / gzugs can ma yin pa'o// de la re zhig gzugs can bum pa la sogs pa de dag ni rdul phra mo tha dad pa'i ngo bo yin pas na rang bzhin gcig pa ma yin no// rdul phra mo shar nub na gnas pa rnams kyang shar la sogs pa'i phyogs dang ldan pa nyid kyis tha dad pa rnams kyang mi 'grub pa'i phyir rdul phra mo bsags pa'i bdag nyid du ma'i rang bzhin yang ma yin no// gcig dang du ma'i ngo bo nyid las ma gtogs pa dngos po'i ngo bo nyid gzhan med pas dngos po gzugs can 'di dag ni rmi lam la sogs par dmigs pa'i gzugs la sogs pa bzhin du don dam par ngo bo nyid med pa kho na'o// de yang 'phags pa lung kur gshegs pa las bcom ldan 'das kyis bka' stsal pa/ blo gros chen po glang gi rwarA yang rdul phra mor bshig na mi 'dug go// rdul phra mo rnams kyang so sor bshig na rdul phra mo'i mtshan nyid las mi gnas so zhe'o// gang dag gzugs med pa de dag kyang de bzhin du brtags na ngo bo nyid med pa kho na ste/ 'di ltar phyi rol gyi sngon po la sogs pa'i don med pa'i stobs kyis rnam par shes pa la sogs pa phung po gzugs can ma yin pa de dag nyid sngon po la sogs pa'i ngo bor khas blang dgos so// bcom ldan 'das kyis kyang / phyi rol gzugs ni yod min te/ rang gi sems ni phyi rol snang zhes bka' stsal to// de bas na sngon po la sogs pa sna tshogs kyi rnam par snang ba'i phyir dang / gzung ba dang 'dzin pa'i rnam par snang ba'i phyir ngo bo nyid gcig tu mi rung ste/ gcig dang du ma mi mthun pa'i phyir gcig ni du ma'i ngo bor mi rung ngo // gang gi ngo bo nyid gcig tu ma grub pa'i phyir du me'i ngo bor yang mi rung ste/ du ma nyid ni gcig 'dus pa'i ngo bo yin pa'i phyir ro// ji ste gzugs la sogs pa'i rnam pa 'di dag brdzun pa nyid du snang bar khas len na rnam par shes pa'ang mi bden par 'gyur te/ rnam par shes pa de'i ngo bo nyid dang tha dad pa ma yin pa'i phyir ro// bdag nyid rtogs pa'i ngo bo las gud na rnam par shes pa'i ngo bo med la/ gzugs la sogs pa'ang bdag nyid kyis snang bar byed na rnam par shes pa'i rang gi ngo bor gyur pa rnams brdzun pa nyid yin pas rnam par shes pa thams cad kyang brdzun pa nyid yin pas rnam par shes pa thams cad kyang brdzun pa yin par khas blangs par 'gyur to// rnam par shes pa ni sgyu ma dang 'dra'o// zhes bcom ldan 'das kyis kyang bka' stsal to// de lta bas na gcig dang du ma'i ngo bo nyid kyis stong pa'i phyir dngos po 'di dag thams cad don dam par bden pa ma yin no zhes bya ba de nges so// de'i don bcom ldan 'das kyis kyang 'phags pa lang kar gshegs pa las/ ji ltar gzugs rnams me long la// gcig dang gzhan rnams rnam spangs par// snang yang de ni yod ma yin// de bzhin dngos rnams ngo bo nyid ces bka' stsal to// gcig pa nyid dang du ma nyid bral zhes bya ba'i tha tshig go// yang bka' stsal pa/ blo yis rnam par gzhig na go/ ngo bo nyid ni gzung du med// de phyir de dag brjod med cing // ngo bo nyid kyang med par bshad ce'o// de ltar bsams pa'i shes rab kyis yang dag pa'i don bye brag phyed pa byas la de mngon sum du bya ba'i phyir bsgom pa'i shes rab bskyed do// thos pa la sogs po tsam gyis don mngon sum du mi 'gyur ro// zhes 'phags pa dkon mchog sprin la sogs pa las bstan pa yin no// sgrub pa po rnams la yang nyams yod de/ shes pa'i snang ba rnams shin tu gsal po 'byung ba med pa yang dag par sgrib pa'i mun pa mi spongs so// bsgom pa lan mang du byas na yang dag pa ma yin pa'i don la shes pa shin tu gsal ba 'byung ste/ dper na mi sdug pa dang zad par sI la sogs pa la snyoms par zhugs pa rnams kyis shes pa 'byung ba lta bu yin na yang dag pa'i don la lta ci smos// de ltar bsgoms pa'i 'bras bu ni yongs su gsal ba'i shes pa yin pas 'bras bu dang bcas pa'i don yin par bcom ldan 'das kyis ting nge 'dzin gyi rgyal po las bka' stsal te/ khyod kyis khong du chud par bya mis par bya ji lta ji ltar mang du mis brtags na/ de la gnas pa'i rnam par rtog pa nges de lta de ltar de la sogs gzhol 'gyur zhes de la sogs pa rgya cher 'byung ngo // de lta bas na de kho na mngon sum du bya ba'i phyir bsgom pa la rab tu 'jug go/ de la rnal 'byor pas sems gnas par bya ba'i phyir thog mu kho nar re shig zhi gnas bsgrub par bya'o// sems ni chu bzhin du g.yo ba'i phyir zhi gnas kyi gzhi med par gnas po med do// mnyam par ma gzhog pa'i sems kyis ni yong dag pa ji lta bar shes par mi nus te/ bcom ldan 'das kyis kyang mnyam par gzhag pas yang dag pa ji lta ba bzhin du shes so zhes bka' stsal to// zhi gnas de ni rnyed pa la sogs pa 'dod pa la myi lta zhing tshul khrims la legs par gnas lnga sdug bsngal la sogs pa dang du len pa'i ngang tshul can du gyur la brtson 'grus brtsams na shin tu myur du 'grub bo// de byas na 'phags pa dgongs pa nges par 'grel pa la sogs pa las kyang sbyin pa la sogs pa gong ma'i yang gong ma'i rgyu nyid yin par bstan to// de lcer tshul khrims la sogs pa zhi gnas kyi tshogs rnams la gnas te/ yid du 'ong ba'i phyogs su sangs rgyas dang byang chub sems dpa' thams cad la phyag la sogs pa bya zhing sdig pa bshags pa dang / bsod nams kyi rjes su yi rang ba yang byas nas/ snying rje chen po kho na mngon sum du byas pas 'gro ba mtha' dag gdon pa'i bsam pa can du gyur nas lus drang po sring la stan bde ba'i stong du 'dug ste/ dkyil mo dkrung bcas la ting nge 'dzin mngon par sgrub po// de la thog mar re zhig mdor bsdu na rnam pa ji snyed kyis rnam par dpyad par bya ba dngos po mtha' dag 'du bar 'gyur ba'i dngos po gang yin pa de la sems gzhag par bya'o// dngos po 'dus pa ni gzugs can dang / gzugs can ma yin pa'i bye brag gis rnam pa gnyis te/ las dang po pa'i rnam par g.yeng ba'i nyes pa bsam pa'i phyir re shig 'dus pa de la ni dmigs pa'i rigs so// gang gi tshe yid la byed pa khugs par gyur pa de'i phung po dang khams la sogs pa'i bye brag gi rgyas par yang dmigs par byed pa kho na ste/ 'di skad dgongs pa nges par 'grel pa la sogs pa las kyang rnal 'byor pa rnams kyi stong pa nyid bco brgyad la dmigs pa la sogs pa'i bye brag gis dmigs pa'i rnam pa kun tu bka' stsal to// ngo bas na bcom ldan 'das kyis thams cad la phan gdags pa'i phyir gzugs can dang gzugs can ma yin pa la sogs pa'i bye brag gis mdor bsdus pa dang bar ma dang / rgyas pa dag gis dngos por rab tu dbyi ba chos mngon pa la sogs pa las bstan to// de yang dngos po la sgro 'dogs pa dang skur pa spang ba'i phyir phung po dang khams la sogs par bsdus pa'i sgo nas 'grang ngo // de nas dngos po thams cad bsdus pa'i bye brag phyed nas de nyid la sems yang dang yang rgyun du 'jug par bya'o// gang gi tshe bar skabs su 'dod chags la sogs pas sems phyi rol tu rnam par g.yeng bar byed pa de'i tshe rnam par g.yeng bar shes par byas la mi sdug pa la sogs pa bsgom pas rnam par g.yeng ba zhi bar byas shing myur du de nyid la sems phyi phyir gzhug par bya'o// mi sdug pa la sogs pa bsgom pa'i go rims 'dir yi ge mangs kyi dogs te ma bris so// gang gi tshe de la mi dga' bar mthong de'i tshe ting nge 'dzin gyi yon tan la lta bas de la dga' ba bsgom zhing rnam par g.yeng ba la nyos par lta bas mi dga' ba rab tu zhi bar bya'o// ji ste gang gi tshe rmugs pa dang gnyid kyis non te/ dmigs pa 'dzin pa la mi gsal zhing sems bying bar gyur pa de'i tshe snang ba'i 'du shes bsgom pa 'am/ mchog tu dga' ba'i dngos po sangs rgyas la sogs pa'i yon tan yid la byed pas bying ba bsal la dmigs pa de nyid dam du bzung ngo // ji ste gang gi tshe de sngon rgod pa dang rtse ba la sogs pa dran zhing bar bar du sems rgod par mthong ba de'i tshe mi rtag pa la sogs pa yid 'byung bar 'gyur ba'i dngos po yid la byed pas rgod pa zhi bar bya'o// de nas yang dmigs pa de nyid la sems mngon par 'du byed pa med par 'jug pa la 'bad par bya'o// gang gi tshe bying ba dang rgod pa gnyi ga dang bral mnyam par 'jug cing sems rang gi ngang gis 'byung bar mthong ba de'i tshe rtsol ba klong de btang snyoms su bya'o// gal te mnyam par 'jug pa la rtsol ba byas na sems rnam par g.yeng bar 'gyur ro// gang gi tshe dmigs pa de nyid la mngon par 'du byed pa med par ji srid 'dod pa'i bar du sems 'jug par 'gyur ba de'i tshe zhi gnas rdzogs pa yin par rig par bya ste/ zhi gnas kyi ngo bo nyid ni sems rtse gcig pa tsam du zad pa'i phyir 'di ni zhi gnas thams cad kyi spyi'i mtshan nyid yin no// de'i dmigs pa la ni nges pa med do// zhi gnas kyi lam 'di ni shes rab kyi pha rol tu phyin pa la sogs pa las kyang bshad de/ bka' stsal pa/ de dang de la sems 'jog go/ rgyun du 'jog go/ blan te 'jog go/ nye bar 'jog go/ dul bar byed do// zhi bar byed do// rnam par zhi bar byed do// rtse gcig tu byed do// mnyam par 'jog go zhes tshig dgu smos so// / de la 'jog ces bya ba ni dmigs pa la sems 'dogs pa'o// rgyun tu 'jog ces bya ba ni dmigs pa de nyid la rgyun tu 'jog pa'o// blan te 'jig ces bya ba ni rnam par g.yeng ba shes nas de spong ba'o// nye bar 'jog ces bya ba ni rnam par g.yeng bya spangs nas phyi phyir brtun te dmigs pa de nyid la 'jog pa'o// 'dul bar byed do zhes bya ba ni dga' ba skyed pa'o// zhi bar byed do zhes bya ba ni rnam par g.yeng ba'i nyes pa mthong nas mi dga' bar rab tu zhi bar byed do// rnam par zhi bar byed pa ni rmugs pa dang gnyid la sogs pa langs pa rnams sel ba'o// rtse gcig tu byed pa ni mngon por 'du byed pa med pas 'jug par 'bad par byed pa'o// mnyam par 'jog ces bya ba ni sems mnyam par gyur pa na btang snyoms su byed pa ste/ mnyam par 'dzin zhes bya ba'i tha tshig go tshig 'di rnams kyi don 'di ni 'phags pa byams pa dang / sngon gyi mkhan po rnams kyis bshad do// mdor na ting nge 'dzin thams cad kyi nyes pa drug yod de/ le lo dang dmigs pa brjed pa dang / bying ba dang rgod pa dang / mi rtsol ba dang rtsol bya'o// de rnams kyi gnyen po spong ba'i 'du byed brgyad bsgom mo// 'di lta ste/ dad pa dang / 'dun pa dang / rtsol ba dang / shin tu sbyangs pa dang / dran pa dang / shes bzhin dang / sems pa dang / btang snyoms so// de la gong ma bzhi ni le lo'i gnyen po ste/ 'di ltar ting nge 'dzin gyi yon tan dag la mngon par yid ches pa'i mtshan nyid dang ldan pa'i dad pa rnal 'byor pa rnams de la 'dod pa skye'o// de nas 'dod pas brtson 'grus rtsom mo// de brtson 'grus kyi stobs kyis lus dang sems las su rung ba nyid byed do// de nas lus dang sems shin tu sbyang bar gyur pas le lo ldog ste/ de bas na dad pa la sogs pa ni le lo spong ba'i phyir bsgom mo// dran pa ni dmigs pa brjed pa'i gnyen po'o// shes bzhin ni bying ba dang rgod pa'i gnyen po ste/ des bying ba dang rgod po yang dag par rtog pa'i phyir ro// bying ba dang rgod pa rab tu zhi ba'i dus na mi rtsol ba nyes pa ste/ de'i gnyen por sems pa bsgom mo// bying ba dang rgod pa rab tu zhi ste/ gang gi tshe sems rnal du 'jug pa de'i tshe rtsol ba nyes pa yin te/ de'i gnyen por de'i tshe btang snyoms sgom mo// spong ba'i 'du byed brgyad po de dag dang ldan na ting nge 'dzin shin tu khugs pa yin te/ des rdzu 'phrul la sogs pa yon tan rnams sgrub par bying // de lta bas na mdo sde las spong ba'i 'du byed brgyad dang ldan pa'i rdzu 'phrul gyi rkang pa sgom mo// zhes bka' stsal to// sems rtse gcig pa de phyi phyir las su rung ba nyid dang ldan zhing dmigs pa la sogs pa'i yon tan gyi khyad par thob pas bsam gtan dang / gzugs med pa'i snyoms par 'jug pa dang / rnam par thar pa dang sogs pa'i ming thob po 'di ltar gang gi tshe btang snyoms kyi tshor ba dang ldan zhing rtog pa dang bcas pa dang / dpyod pa dang bcas par gyur pa de'i tshe mi lcogs pa med pa zhes bya ste/ bsam gtan dang po'i sbyor ba'i sems so// gang gi tshe 'dod pa'i sred pa dang / sdig pa'i chos rnams dang bral zhing rtog pa dang / spyod pa dang / dga' ba dang / bde ba dang ldan par gyur pa de'i tshe bsam gtan dang po zhes bya'o// bsam gtan dang po de nyid las rtog pa tsam med pa de ni bsam gtan khyad par can zhes bya'o// gang gi tshe rtog pa dang dpyod pa dang bral te bsam gtan dang po'i sa'i sred pa dang bral bar gyur nas dga' ba dang bde ba dang / nang yongs su dang ba dag dang ldan par gyur pa de'i bsam gtan gnyis pa zhes bya'o// gang gi tshe bsam gtan gnyis pa'i sa'i sred pa dang bral bar gyur te bde ba dang / btang snyoms dang / dran pa dang / shes bzhin dang ldan par gyur pa de'i bsam gtan gsum pa zhes bya'o// gang gi tshe bsam gtan gsum pa'i sa'i sred pa dang bral te sdug bsngal yang ma yin bde ba yang ma yin zhing / btang snyoms dang / dran pa dag dang ldan par gyur pa de'i tshe bsam gtan bzhi pa zhes bya'o// de bzhin du gzugs med pa'i snyoms par 'jug pa dang / rnam par thar pa dang / zil gyis gnon pa'i skye mched la sogs pa yang dmigs pa dang rnam pa la sogs pa'i bye brag gis sbyar bar bya'o// de ltar dmigs pa de la sems brtan par byas nas shes rab kyis rnam pa dpyad par bya ste/ 'di ltar shes pa'i snang ba byung pos kun tu rmongs pa'i sa bon shin tu spong bar 'gyur ro// de lta ma yin+da na mu stegs can rnams kyi bzhin du ting nge 'dzin tsam gyis nyon mongs po spong bar mi 'gyur ro// mdo sde las ji skad du/ ting nge 'dzin de bsgom par byed mod kyi// de ni bdag tu 'du shes 'jig mi byed// de yi nyon mongs phyir zhing rab 'khrug ste// lhag spyod 'di ni ting 'dzin bsgom pa bzhin zhes gsungs pa lta bu'o// de la 'phags pa lang kar gshegs pa las shes rab sgom pa'i rim pa mdor bka' stsal te/ sems tsam la ni rab brten nas// phyi rol don la mi brtag go/ de bzhin nyid kyi dmigs gnas nas// sems tsam las kyang bzla bar bya// sems tsam las ni bzlas nas su// snang ba med las bzla bar bya// snang med gnas pa'i rnal 'byor pa// de yis theg pa chen po mthong // zhi ba lhun gyis grub pa'i gnas// smon lam dag gis rnam par sbyangs// ye shes dam pa bdag med par// snang ba med pas mthong bar 'gyur// de la don ni 'di yin te// thog mar rnal 'byor pas chos gzugs can gang dag gzugs la sogs pa phyi rol gyi don du gzhan dag gis brtags pa de dag la ci 'di dag rnam par shes pa las gzhan zhig yin nam/ 'on te rnam par shes pa de nyid de ltar snang te/ rmi lam gyi gnas skabs ji lta ba bzhin nam zhes dpyad par bya'o// de la rnam par shes pa las phyi rol pa rdul phra rab tu bshig ste/ rdul phra rab rnams kyang cha shas kyis so sor+yA bar+t+ta gus na rnal 'byor pas don de dag mi mthong ngo // des de dag ma mthong bas 'di snyam du 'di drug thams cad ni sems tsim ste phyi rol gyi don med do snyam du sems so// 'di ltar sems tsam la ni rab brten nus// phyi rol don la mi brtog go// zhes de skad 'byung ba ni chos gzugs can la rnam par rtog pa sbeng ba'o zhes bya ba'i tha tshig dmigs su rung ba'i mtshan nyid du gyur pa de dag la rnam par spyad na mi dmigs pa'i phyir ro// de ltar chos gzugs can rnam par bshig nas gzugs can ma yin pa rnam par bshig par bya ste/ de la sems tsam gang yin pa de yang gzung ba med na 'dzin par mi rung ste/ 'dzin pa ni gzung ba la ltos pa'i phyir ro// de lta bas na sems ni gzung ba dang 'dzin pa las dben zhing gnyis su med pa kho na yin par rnam par dpyad nas gnyis su med pa'i mtshan nyid de bzhin nyid kyis dmigs nas/ sems tsam las kyang bzla bar bya/ 'dzin pa'i rnam pa las shin tu bzla bar bya ste/ gnyis su snang ba med pa gnyis med pa'i shes pa la gnas par bya zhes bya ba'i tshig go// de ltar sems tsam las bzlas nas gnyis snang ba med pa'i shes pa las kyang bzla bar bya ste/ bdag dang gzhan las dngos po rnams skye ba mi 'thad pa'i phyir gzung ba dang 'dzin pa brdzun pa kho na yin la/ de dag las de yang gud na med pa'i phyir de yang bden pa nyid ma yin par brtags la gnyis med pa'i shes pa de la yang dngos por zhen pa dor bar bya ste/ gnyis med pa'i shes pa snang ba med pa'i shes pa kho na la gnas par bya zhes bya ba'i tha tshig go/ de ltar ni chos thams cad la ngo bo nyid med par rtogs pa la gnas pa yin no// de la gnas pas yang dag pa nyid kyi chos la zhugs pas rnam par mi rtog pa'i ting nge 'dzin la zhugs pa yin no// de ltar rnal 'byor pa gang gi tshe gnyis med pa'i shes pa snang ba med pa'i shes pa la gnas par gyur pa de'i tshe/ mthong ba'i dam pa la gnas pas theg pa chen po mthong ngo // de kho na dam pa mthong ba gang yin pa de nyid theg pa chen po zhes bya'o// de kho na dam pa mthong ba de ni chos thams cad shes rab kyi mig gis brtags te yang dag pa'i ye shes kyi snang ba shar na ci yang mthong ba med pa gang yin pa'o// de skad mdo las kyang gsungs te/ don dam pa mthong ba gang zhe na/ chos thams cad mthong ba med pa gang yin pa'o zhes 'byung ngo // 'dir de lta bu'i mthong ba med pa lnga dgongs te/ mi mthong ba zhes bka' stsal gyi mig btsums bya dang / dmus long la sogs pa lta bu rkyen ma tshang ba dang / yid la mi byed pas mi mthong ba ni ma yin no// de bas na dngos por mngon par zhen pa la sogs phyin ci log gi bag chags ma spangs pas 'du shes med pa'i snyoms par 'jug pa la sogs pa las langs pa bzhin du dngos po lo sogs pa mngon par zhen pa'i rtsa ba can 'dod chags la sogs pa nyon mongs pa'i tshogs yang 'byung ba'i phyir rnal 'byor pa ma grol ba nyid du 'gyur ro// 'dod chags la sogs pa'i rtsa ba ni mngon par zhen pa yin no// zhes 'phags pa bden pa gnyis bstan pa las kyang bka' stsal to// rnam par mi rtog pa la 'jug pa'i gzungs las yid la mi byed pas gzugs la sogs pa'i mtshan ma spang ngo // zhes gsungs pa gang yin pa de yang shes rab kyis brtags na mi dmigs pa gang yin pa der yid la mi byed pa dgongs kyis/ yid la byed pa med pa tsam ni ma yin te/ 'du shes med pa'i snyoms par 'jug pa la sogs pa lngar thog ma med pa'i dus nas gzugs la sogs pa la mngon par zhen pa'i yid la byed pa spangs pa tsam gyis spong ba ni ma yin no// the tshom ma sbyangs par ni sngon dmigs pa'i gzugs la sogs pa la mngon par zhen pa'i yid la byed pa yongs su spang bar mi nus te/ me ma spangs par che ba spang du myi rung ba bzhin no// 'di ltar gzugs la sogs pa rnam par rtogs pa logs pa 'di dag tsher ma la sogs pa bzhin du sems las lag pas dbyung zhing bsal du mi rung ste/ the tshom gyi sa bon spangs dgos pa'i phyir ro the tshom gyi sa bon de yang rnal 'byor pa'i ting nge 'dzin gyi snang ba byung ste/ shes rab kyis mig gis brtags na gzugs la sogs pa sngar dmigs pa dmigs su rung ba'i mtshan nyid du gyur pa de dag mi dmigs pa'i phyir thag pa las sbrul du shes pa bzhin du spang gi/ gzhan du ma yin no// de'i tshe the tshom gyi sa bon dang bral bsdu gzugs la sogs pa'i mtshan ma yid la byed pa spong nus par 'gyur te/ gzhan du ma yin no// de lta ma yin te/ ting nge 'dzin gyi snang ba ma byung / shes rab kyi mig gis ma bltas na/ mun khung na 'dug pa'i mi dang / khyim gyi nang na yod pa'i bum pa la sogs pa som nyi ze bar gyur pa bzhin du rnal 'byor pa yang gzugs la sogs pa yod par som nyi za ba ldog par mi 'gyur ro// de ma log na mig rab rib kyi skyon ma bsal ba bzhin du/ gzugs la sogs pa mi bden la mngon par zhen pa 'byung ste cis kyang mi zlogs so// de lta bas na ting nge 'dzin gyi lag gis sems gzung ste shin tu cha phra ba'i shes rab kyi mtshon gyis gzugs la sogs pa log par rtog pa'i sa bon gyis zug rngu sems de la yod pa bsal bar bya'o// de ltar byas na rtsa ba nas phyung ba'i shing dag sa las mi skye ba bzhin rtsa ba med pas na log par rnam par rtog pa'i sems yang skye bar mi 'gyur ro// de bas na sgrib pa spangs pa'i phyir zhi gnas dang lhag mthong zung du 'brel par 'jug pa'i lam bcom ldan 'das kyis bka' stsal te/ de gnyis ni yang dag pa'i ye shes rnam par mi rtog pa'i rgyu yin pa'i phyir ro// de skad du/ tshul khrims la ni gnas nas ting nge 'dzin thob ste// ting nge 'dzin thob nas kyang shes rab bsgom par byed/ shes rab kyis ni ye shes rnam par dag pa 'thob/ ye shes rnam par dag pas tshul khrims phun sum tshogs zhes bka' sprul to// 'di ltar gang gi tshe zhi gnas kyis dmigs pa la sems bstan par byas pa de'i tshe shes rab kyis rab tu brtags na/ yang dag pa'i ye shes kyi snang ba 'byung ste/ de'i tshe snang ba byung bas mun pa bsal ba bzhin du sgrib pa 'byung ngo // de gnyis ka yang mig dang snang ba bzhin du yang dag pa'i ye shes 'byung ba la phan tshun mthun par gnas pa yin gyi/ snang ba dang mun pa bzhin du mi mthun pa ma yin no// ting nge 'dzin ni mun pa'i ngo bo nyid ma yin te/ ci zhe na/ sems rtse gcig pa'i mtshan nyid do// de ni mnyam par gzhag na yang dag pa dz+nyA lta ba bzhin du shes so zhes bka' sprul pa'i phyir de shes rab dang shin tu mthupa yin gyi mi mthun pa ma yin no// de lta bas mnyam par bzhag pa'i shes rab kyis brtags na chos thams cad mi dmigs pa gang yin pa de nyid dmyigs pa'i dam pa'o// rnal 'byor pa rnams kyi gnas skabs kyi mtshan nyid de 'dra ba de ni lhun gyis grub pa yin te/ de'i pha rol tu lta bar bya ba gzhan med pa'i phyir ro// zhi ba ni yod pa dang med pa la sogs pa rnam par rtog pa'i mtshan nyid kyi spros pa thams cad nye bar zhi ba'i phyir ro// 'di ltar gang gi tshe rnal 'byor pas shes rab kyis brtags na dngos po'i ngo bo nyid gang yang mi dmigs pa de'i tshe de la dngos po rnam par rtog pa mi 'byung ba nyid do// dngos po med pa rnam par rtog pa yang de la med pa nyid de/ gal te brgya la dngos po 'ga' zhig mthong bar gyur na ni/ de lta na ni bkag pas dngos po med pa rnam par rtog pa 'byung ngo // gang gi tshe rnal 'byor pas shes rab kyi mig gis brtags na dus gsum du yang dngos po mi dmigs pa de'i tshe ci zhig bkag pas dngos po med par rnam par rtog par byed/ de bzhin du rnam par rtog pa gzhan dag kyang de'i tshe de la mi 'byung ba nyid de/ yod pa dang med pa rnam par rtog pa gnyis kyis rnam par rtog pa thams cad la khyab pa'i phyir te/ khyab par byed pa myed pas khyab par bya ba yang med pa'i phyir ro// de ni rnam par mi rtog pa'i rnal 'byor dam pa yin te/ de la gnas pa'i rnal 'byor pa ni rnam par rtog pa thams cad nub pas/ nyon mongs pa'i sgrib pa yang dag par spong ngo // 'di ltar nyon mongs pa'i sgrib pa ni ma skyes pa dang ma 'gags pa'i dngos po rnams la dngos po la sogs par phyin ci log pa'i rtsa ba ste rgyu yin no zhes 'phags pa bden pa gnyis bstan pa la sogs pa las bcom ldan 'das kyis bka' stsal to// rnal 'byor goms pa 'dis dngos po la sogs pa rnam par rtog pa thams cad spangs pa'i phyir dngos po la sogs par phyin ci log pa ma rig pa'i ngo bo nyid nyon mongs pa'i sgrib pa'i rtsa ba spong ste/ de'i phyir rtsa ba bcad pas nyon mongs pa'i sgrib pa'i rtsa ba yang dag par spong ngo // ji skad du yang 'phags pa bden pa gnyis bstan pa las gsungs te/ 'jam dpal ji ltar nyon mongs pa rnams 'dul bar 'gyur/ ji ltar nyon mongs pa rnams yongs su shes pa yin/ 'jam dpal gyis smras pa/ don dam par shin tu ma skyes pa dang / ma byung ba dang / dngos po med pa'i chos thams cad la kun rdzob tu yang dag pa ma yin pa'i phyin ci log go/ yang dag pa ma yin pa'i phyin ci log de las kun tu rtog pa dang / rnam par rtog pa'o// kun tu rtog pa dang / rnam par rtog pa de las tshul bzhin ma yin pa yid la byed 'o// tshul bzhon ma yin pa yod la byed pa de las bdag tu sgro mas su rgyas lta ba kun nus ltung ngo // lta ba kun nas ldang bA da las nyon mongs pa rnams 'byung ngo // lha'i bu don dam par chos thams cad shin tu ma skyes pa dang / ma byung ba dang / dngos po med par rab tu shes pa gang yin pa de dod sa par phyin ci ma log pa'o// gang don dam par phyin ci ma log pa de mi rtog/ rnam par mi rtog go// gang mi rtog rnam par mi rtog pa de tshul bzhin la zhugs pa'o// gang tshul bzhin la zhugs pa de bdag tu sgro 'dogs par mi 'gyur ro// gang bdag tu sgro 'dogs par mi 'gyur ba de lta ba kun nas ldang ba mi 'gyur te/ don dam par mya ngan las 'das par lta ba'i bar gyi lta ba kun nas ldang ba'i bar gyi lta ba kun nas ldang ba yang 'byung bar mi 'gyuraro// de ltar skye ba med par gnas pa de'i nyon mongs pa rnams shin tu thul bar lta bar bya ste/ de ni nyon mongs pa 'dul ba zhes bya'o// lha'i du gang gi tshe nyon mongs pa rnams snang ba med pa'i shes rab kyis don dam par shin tu stong pa dang / shin tu mtshan ma med pa dang / shin tu dngos po med par rab tu shes pa de'i tshe lha'i bu nyon mongs pa rnams yongs su shes pa yin no// lha'i bu 'di lta ste dper na gang sbrul gdug pa'i rigs rab tu shes pa des sbrul gdug pa de'i dug zhi bar byed do// lha'i bu de bzhin du nyon mongs pa rnams kyi rigs rab tu shes pa de'i nyon mongs pa rnams rab tu zhi bar 'gyur ro// lha'i bus smras pa/ 'jam dpal nyon mongs pa gyur pa rnams kyi rigs 'jam dpal gyis smras pa/ lha'i bu don dam par shin tu ma skyes pa dang / ma byung ba dang / dngos po med pa med pa'i chos thams cad la kun tu rtog pa gang yin pa de ni nyon mongs pa rnams kyi rigs yin no// zhes rgya cher 'byung ngo // dngos po la sogs par phyin ci log pas phyin ci log pa mtha' dag la khyab pa'i phyir/ de spangs na phyin ci log thams cad spong bar 'gyur ba'i phyir shes bya'i sgrib pa yang 'dis yang dag par spong bar 'gyur te/ sgrib pa ni phyin ci log gi mtshan nyid yin pa'i phyir ro// shes bya'i sgrib pa spangs na gags med pa'i phyir nyi ma'i 'od sprin dang bral ba'i na mkha' la thams cad du thogs pa med par snang ba bzhin du ye shes kyi snang ba 'byung ngo // 'di ltar rnam par shes pa ni dngos po'i ngo bo nyid rtog sa pa yin na/ de yang dngos po nye bar gnas su zin kyang gags yod pas gsal byar mi 'gyur ro// gags med par gyur na ni mthu'i khyad par bsam gyis mi khyab pa thob pas ci'i phyir dngos po mtha' dag ji lta ba bzhin du gsal bar mi 'gyur/ de bas na kun rdzob pa dang / don dam pa'i tshul gyis dngos po mtha' dag ji lta ba bzhin du shes pas thams cad mkhyen pa nyid thob po// de'i phyir 'di nyid sgrib pa spangs pa dang / thams cad mkhyen pa nyid thob par 'gyur ba'i lam mchog yin no// nyan thos la sogs pa'i lam gang yin pa des ni phyin ci log thams cad spongs par mi 'gyur ba'i phyir sgrib pa gnyis legs par mi spongs so// de skad 'phags pa lang kar gshegs pa las kyang bka' stsal pa sde/ gzhan dag ni chos thams cad rkyen la rag las par mthong nas mya ngan las 'das pa'i blor 'gyur te/ chos la bdag med par mthong ba med pa'i phyir/ blo gros chen po de dag la thar pa med do// blo gros chen po nyan thos kyi theg pa mngon par rtogs pa'i rigs can ni nges par 'byung ba ma yin pa la nges par 'byung ba'i blor 'gyur te/ blo gros chen po 'di la lta ba ngan pa las bzlog pa'i phyir brtson par bya'o zhes 'byung ngo // de nyid kyi phyir lam gzhan gyis thar par 'gyur ba med pas theg pa gcig kho na'o zhes bcom ldan 'das kyis bka' stsal to// nyan thos la sogs pa'i lam bstan pa las ni gzhug pa la ldem por dgongs nas khye'us khye'u dbyung ba bzhin du bstan par zad// 'di ltar 'di dag ni phung po la sogs pa'i chos tsam du zad de/ bdag med par bsgoms nas nyan thos gang zag bdag med pa la 'jug/ khams gsum rnam par shes pa tsam du bsgoms pas rnam par shes par smra ba'i phyi rol gyi don bdag med pa la 'jug go// tshul 'dis ni gnyis med pa'i shes pa de yang bdag med pa nyid du 'jug pas bdag med pa nyid mchog la zhugs pa yin no// rnam par rig pa tsam la 'jug pa ni de kho na la 'jug pa ma yin te/ sngar bshad pa bzhin no// 'phags pa 'jig rten las 'das pa'i le'u las kyang gsungs te/ kye rgyal ba'i sras gzhan yang khams gsum ni sems tsam du rtogs te/ sems de yang mtha' dang dbus med par rtogs so zhes 'byung ste/ skye ba dang 'jig pa'i mtshan nyid mtha' gnyis dang / gnas pa'i mchin nyid dbus med pa'i phyir sems mtha' dang dbus med do// de lta bas na gnyis med pa'i shes pa la zhugs pa'i de kho na la zhugs pa nyid yin no// rnal 'byor pa rnams kyi gnas skabs de cis rnam par dag ce na/ smon lam dag gis rnam par sbyangs zhes gsungs te/ snying rje chen pos sems can mtha' dag gi don la lta bar byang chub sems dpa' smon lam btab pa gang yin pa'i smon lam de'i stobs kyis phyi phyir zhing sbyin pa la sogs pa dge ba la goms par byas pas gnas skabs de de ltar yongs su dag par 'gyur te/ des chos thams cad ngo bo nyid med pa nyid du shes kyang sems cani mtha' dag la lta bar go bzlog cing / 'khor ba'i nyes pa rnams kyis mi gos por 'khor ba ji srid par gnas pa yin no// de ltar lhun gyis grub cing zhi ba yin zhe na/ ye shes dam pa bdag med par// snang ba med pas mthong bar 'gyur// zhes 'dir bka' stsal to// 'di ltar nang gi shes bya smra ba rnams kyis gnyis med pa'i mtshan nyid kyi shes pa dam pa mchog yin par 'dod pa gang yin pa de yang bdag med do// ngo bo nyid med par rnal 'byor pas gnyis med par snang ba med pa'i ye shes kyis mthong ngo // de phan chung lta bar bya ba med pas na lhun gyis grub pa'o// rnam par rtog pa sna tshogs thams cad dang bral bas zhi ba'o// gal te ji snyed de'i tshe gang de ltar mthong ba'i rnal 'byor pa de su yod ce na/ bden te don dam par na bdag la sogs pa rang dbang yod pa'i rnal 'byor pa gang yang med do// mthong ba ci yang med do// de lta mod kyi kun rdzob tu ji ltar gzugs la sogs pa yul gyi rnam pa'i shes pa 'byung ba tsam gyis rnam par shes pa nyid la de lha de ltar 'jig rten na lha sbyin nam mchod sbyin gyi shes pas mthong ngo zhes tha snyad 'dogs te/ bdag la sogs pa ni gang yang med do de bzhin du 'dir yang gnyis med pa'i ye shes snang ba med pa'i shes pa kho na 'byung ba na snang ba med pa'i ye shes kyis mthong ngo zhes de ltar ming 'dogs so// chos thams cad don dam par ngo bo nyid med mod kyi/ kun rdzob tu rnal 'byor pa'i shes pa'am/ so so'i skye bo'i shes pa gzhan yang rung ste/ mi 'dod pa ma yin no// de skad 'phags pa bden pa gnyis bstan pa las bka' stsal te/ de don dam par shin tu dngos po med kyang kun rdzob tu lam bsgom par byed do zhes bya ba la sogs pa 'byung ngo // de lta ma yin na nyan thos dang / rang sangs rgyas dang / byang chub sems dpa' dang / sangs rgyas dang / so so'i skye bo la sogs pa'i bye brag kyang cis dbye/ 'di ltar gang la kun rdzob tu yang rgyu med pa de ni kun rdzob tu yang mi skye ste/ ri bong gi rwa la sogs pa bzhin no// gang la rgyu yod pa de don dam par rdzun pa yin kyang skye ba kho na ste/ sgyu ma dang / gzugs brnyan dang / brag cha la sogs pa bzhin no// sgyu ma la sogs pa kun rdzob tu rten cing 'brel por 'byung ba yin yang de dag brtag mi bzod pas don dam par dngos po yod pa nyid du mi 'gyur ro// de bas na 'gro ba thams cad sgyu ma lta bu kho na'o zhes gsungs so// de la 'di ltar nyon mongs pa dang las sgyu ma'i dbang gis sems can gyi skye ba sgyu ma 'byung ngo // de bzhin du rnal 'byor pa rnams kyi bsod nams dang ye shes kyi tshogs sgyu ma'i dbang gis rnal 'byor pa'i ye shes sgyu ma 'byung ba nyid do// de skad du 'phags pa shes rab kyi pha rol tu phyin pa las kyang bka' stsal te/ rab 'byor 'di ltar chos tham cad ni sprul pa yin te/ la la ni nyan thos kyi sprul pa'o// la lnga ni rang sangs rgyas kyi sprul pa'o// lA la ni byang chub sems dpa'i sprul pa'o// la la ni de bzhin gshegs pa'i sprul pa'o// la la ni nyon mongs pa'i sprul pa'o// le la ni las kyi sprul pa'o// rab 'byor rnam grangs 'dis chos thams cad sprul pa lta bu'o zhes 'byung ngo // rnal 'byor pa rnams dang so so'i skye bo rnams kyi bye brag ni 'di yin te/ de dag ni sgyu ma mkhan bzhin du sgyu ma de ji lta ba bzhin du yongs su shes pas bden pa nyid mngon par zhen pa med do// des na de dag rnal 'byor pa zhes bya'o// gang dag byis pa ltas mo po bzhin du de la bden pa nyid du mngon par zhen pa de dag ni phyin ci log tu mngon par zhen pa'i phyir byis pa zhes bya ste/ de dag thams cad 'gal ba med do// de skad 'phags pa chos yang dag par sdud pa las kyang bka' stsal te/ dper na sgyu ma'i mkhan po zhig/ sprul pa thar par bya phyir brtson// des ni snga nas de shes pas// sprul pa de la chags pa med// sring gsum sprul pa 'dra bar ni// rdzogs bya'i byang chub mkhas pas shes// 'gro ba'i ched du go bgos te// 'gro ba de ltar snga nas shos zhes gsungs so// de ltar bsgom pa'i rim pa 'dis de kho na bsgom par bya'o// de la bying ba dang rgod pa la sogs pa byung nu sngar bstan pa bzhin du zhi bar bya'o// gang gi tshe chos thams cad ngo bo nyid med par dmigs pa la bying ba dang rgod pa la sogs pa dang bral zhing mngon par 'du byed pa med par shes pa 'jug par gyur pa de'i tshe zhi gnas dang lhag mthing zung du 'brel par 'jug pa'i lam rdzogs pa yin no// de'i tshe ji srid du nus pa de srid du mos pa'i stobs kyis mos pas spyod pa'i sa la gnas pas bsgom par bya'o// sku du rgyun nga ga yas la snyas du rnams ra b+han+tu/ dun mas 'ang drug thams cad don dam par nga bad sad pa yin mang spyan rdzom dus ba dang dun na sbyinams ga skyes+yai/ dza~M wA byung rgya m+b+ha ts+tsha ga sa pa la ma m+bu bru~M yin na na/ rAgs b+h+rUM m+b+ha la byung chub sems dpa ya eM stsal po tshor ba dang 'du shes dang / 'du byed rnams dang / rnam par shes pa la so sor rtog ste/ de gzugs la so sor rtog pa na gzugs kyi sgrub mi dmyigs kun+da 'byung ba mi dmigs/ 'gog pa mI dmyigs so// de bzhin du tshor ba dang / 'du shes dang / 'du byung rnams dang / rnam par shes pa'i skye ba me dmigs so// de yang don dam par skye ba med par gnas pa'i shes rab kyis yin gyi/ dad pa'i ngo bo nyid kyis ni ma yin no zhes rgya cher 'byu // skyes pa'i blo can 'di dang ngo bo nyid med pa'i dngos po rnams la mngon par zhen pa'i dbyung gi 'khor ba na kun tu 'khyam ning sdug bsngal sna tshogs dag nyams su skyong ngo snyam du snyeng rje chen po mngon du byas la 'di snyam dus ma par bya // zin sa bdag gis thams cad ma khyen pa nyid po nas 'di ches nyid khong du chud bar byeng por 'gyur bdi myur bya'i snyam du bsam mo// denas songs rgyas dang byang chub sems dpa'i sem pa ca mchod pa dang bstod pa gsol te/ 'phags pa bzang po spyod pa la sogs pa'i smon lam chen po gdab bo// de nas stong pa nyid dang snying rje'i snying po can gyi sbyin pa la sogs pa bsod nams dang ye shes kyi tshogs mthu' dug sgrub pa la 'jug par bya'o// de skad 'phags pa chos yang dag por sdud pa las kyang bka' stsal te/ yang dag pa ji lta ba bzhin du/ mthong ba'i byang chub sems dpa' sems can rnams la snying rje chen po 'jug go// de yang 'di snyam du bdag gis chos thams cad yang dag pa ji lta ba bzhin du mthong ba'i ting nge 'dzin gyi sgo 'di sems can thams cad la bsgrub par bya'o snyam du sems te/ de'i snying rje chen po des bskul bas/ lhag pa'i tshul khrims dang lhag pa'i sems dang / lhag pa'i shes rab kyi bslab pa yongs su rdzogs par byas nas bla na med pa yang dag par rdzogs pa'i byang chub mngon par rdzogs par 'tshang rgya'o zhes 'byung ngo // thabs dang shes rab zung du 'brel bar 'jug pa 'di ni byang chub sems dpa' rnams kyi lam yin te/ 'di ltar don dam pa mthong yang kun rdzob mi gcod la/ kun rdzob ma bcad pas snying rje chen po sngon du 'gro zhing phyin ci log med pa sems can gyi don byed pa la sogs pa la 'jug go/ de skad 'phags pa dkon mchog sprin las kyang bka' stsal te/ ji ltar na byang chub sems dpa' theg pa chen po la mkhas pa yin zhe na/ 'di la byang chub sems dpa' bslab pa zang la bslab pa de yang mi dmigs/ bslab pa'i lam yang mi dmigs/ gang slob pa de yang mi dmigs te/ rgyu de dang gzhi des chad par lta bar mi ltung ngo zhes 'byung ngo // 'phags pa chos yang dag par sdud pa las kyang bka' stsal te/ byang chub sems dpa' rnams kyi sgrub pa gang zhe na/ bcom ldan 'das kyis byang chub sems dpa' rnams kyi lus kyi las gang ci lags pa dang / ngag gi las gang ci lags pa dang / yid kyi las gang ci legs pa de dag thams cad ni sems can thams cad la lta bas 'jug pa lags so// snying rje chen po sngon du 'gro ba lags so// snying rje chen po'i dbang du gyur pa lag so// sems can thams cad la sman pa dang bde bar bgyi ba'i lhag pa'i bsam pa las byung ba lags so// de ltar sman par bgyi bu'i byasam pa dang ldan pa de 'di snyam du 'du shes bgyid de/ sems can thams cad la phan pa bsgrub pa'i sgrub pa gang yin pa de bdag gis bsgrub par bya'o snyam lags so// de phung po rnams la sgyu mi lta bur so sor rtog pa yang bsgrub la phung po yongs su 'dor ba yang mi 'tshal/ khams rnams la sbrul gdugs pa lta bur so sor rtog pa yang bsgrub la khrims yongs su 'dor ba yang mi 'tshal/ skye mched rnams la grong stong ltar so sor rtog pa yang bsgrub la skye mched yongs su spong ba yang mi 'tshal/ gzugs la dbu bsngos ji lta so sor rtog pa yang bsgrub lnga de bzhin gshegs pa'i gzugs kyi sku rnam par sgrub pa yang mi 'dor// tshor ba la chu'i chu bur ltar so sor rtog pa yang bsgrub la de bzhin gshegs pa'i bsam gtan dang ting nge 'dzin la snyoms par 'jug pa'i bde ba bsgrub pa'i sbyor ba mi rtsom pa yang ma lags/ 'du shes la smig rgyu lta bur so sor rtog pa yang bsgrub la de bzhin gshegs pa'i ye shes sgrub pa mi bsgrub pa yang ma lags/ 'du byed rnams la chu shing ltar so sor rtog pa yong bsgrub la sangs rgyas kyi chos mngon par 'du bgyi ba mi bsgrub pa yang ma lags/ rnam par shes pa la sgyu ma lta bur so sor rtog pa yang bsgrub la/ ye shes thog mar 'gro ba'i lus dang ngag dang yid kyi las mi bsgrub pa yang ma lagaso zhes bya ba la sogs pa rgyas par 'byung ngo // de ltar mdo sde de dang de dag la thabs dang shes rab kyi tshul sgrub pa mtha' yas pa 'byung ba khong du chud par bya'o// 'jig rten las 'das pa'i shes rab kyi gnas skabs na thabs la brten pa mi 'byung mod kyi/ thabs bsten pa'i dus na byang chub sems dpa' sgyu ma mkhan ltar phyin ci ma log pa'i phyir 'jig rten las 'das pa'i ye shes la sbyor ba'i rjes las byung ba dngos po'i don gyi de kho na ji lta ba bzhin du rtogs pa'i shes rab nyid de/ thabs dang shes rab zung du 'brel bar 'jug pa'i lam de kho na yin no// 'phags pa blo gros mi zad pas bstan pa las kyang bsam gtan mi zad pa'i skabs nas thabs dang shes rab zung du 'brel par 'jug pa'i lam 'byung ba khong du chud par bya'o// rim pa 'di lta bu 'dis byang chub sems dpa' thabs dang shes ra rtag tu gus par yun ring du goms par bsgoms na gnas skabs kyi bye brag bcu gnyis su 'gyur ro// gnas skabs de dag ni gong ma gong ma'i yon tan gnas pa'i phyir sar rnam par bzhag ste/ mos pas spyod pa'is nas sungs rgyas kyi sa'i bar du'o// de la ji srid du gang zag dang chos la bdag med pa'i de kho na mngon sum du mi byed mod kyi/ mos pa shin tu brtan pa tsam du zad de bdud la sogs pas mi phyed la gang gi tshe mos pa'i stobs kho nas sgom par byed pa de'i tshe mos pa brtan pa'i sgo nas mos pas spyod pa'i sar rnam par gzhag go// sa 'di la gnas pa'i byang chub sems dpa' ni so so'i skye bo yin mod kyi/ byis pa'i phongs pa thams cad las yang dag par 'das te ting nge 'dzin dang / gzungs dang / rnam par thar pa dang / mngon par shes pa la sogs pa'i yon tan grangs med pa dag dang ldan pa 'phags pa dkon mchog sprin las 'byung ba yin no// 'di nyid tha ma dang / 'bring dang / rab dang / rab kyi mchog gi gnas skabs bzhin nges par 'byed pa'i cha dang mthun pa bzhir rnam par bzhag ste/ 'di ltar gang gi tshe phyi rol gyi don rnam par 'jig pa na shes pa'i snang ba cung zad gsal ba byung ba de'i tshe nges par 'byed pa'i cha dang mthun pa/ dro bar gyur pa yin no// de ni theg pa chen po 'dir snang ba thob pa'i ting nge 'dzin zhes bya'o// gang gi tshe shes pa'i snang ba de nyid 'bring tsam du gsal bar gyur pa de'i tshe nges par 'byed pa'i cha dang mthun pa rtse mo zhes bya ba yin no// snang ba mched pa'i ting nge 'dzin zhes kyang bya'o// gang gi tshe de nyid ches gsal bar gyur te phyi rol gyi don mi snang ba'i shes pa'i snang ba byung ba de'i tshe rnam par shes pa tsam la gnas pa'i nges par 'byed pa'i cha dang mthun pa bzod pa zhes bya ba yin no// phyogs gcig la zhugs pa'i ting nge 'dzin zhes kyang bya ste/ gzung ba'i rnam pa mi dmyigs par zhugs pa'i phyir ro// gang gi tshe 'dzin pa'i rnam pa dang gnyis su med pa'i shes pa yang rnam par 'jig pa de'i tshe nges par 'byed pa'i cha dang mthun pa chos kyi mchog ces bya ba yin no// de ma thag pa'i ting nge 'dzin zhes kyang bya ste/ de ma thag kho nar de kho na la 'jug pa'i phyir ro// de'i bar du ni mos pas spyod pa'i sa yin no// gzhan dag ni mdor na yan lag bcu gcig yongs su rdzogs pa'i sgo nas rnam par gzhag go/ de la sa dang po ni thog mar gang zag dang chos la bdag med pa'i de kho na rtogs pa'i yan lag yongs su rdzogs pa las rnam par gzhag ste/ 'di ltar gang gi tshe chos kyi mchog gi 'jug thogs kho nar chos thams cad ngo bo nyid med par mngon sum du byed pa'i ye shes shin tu gsal ba 'jig rten las 'das pa spros pa thams cad dang bral ba thog ma byung ba de'i tshe byang chub sems dpa' yang dag pa nyid skyon med pa la zhugs pas mthong ba'i lam skyes pa'i phyir sa dang por chud pa yin no// de bas na de khong du chud pas 'di la thog mar khong du chud pa'i phyir byang chub sems dbu'i sa rab tu dga' ba yin te/ des na sa de rab tu dga' ba zhes bya'o// sa der mthong bsu spang bar bya ba'i nyon mongs pa brgya rtsa bcu gnyis spong ngo // sa lhag ma rnams ni sgom pa'i lam gyi ngo bo nyid de/ de dag tu bsgom pas sbyang bar bya ba khams gsum pa'i nyon mongs pa'i nyon mongs pa bcu drug spong ngo // sa der byang chub sems dpa' chos kyi dbyings kun tu 'gro ba nyid rtogs pas bdag gi don dang 'dra bar gzhan gyi don la 'jug pa'i phyir sbyin pa'i pha rol tu phyin pa shin tu shas che ba yin no// byang chub sems dpa' des de kho na khong du chud kyang ji srid du ltung ba'i 'khrul pa cha phra ba rnams la shes bzhin du gnas par byed mi nus pa de srid pa drang po'o// gang gi tshe nus pa de'i yan lag de yongs su rdzogs pas sa gnyis par rnam par bzhag go/ de bas na sa de la ltung ba'i 'khrul pa che phra ba kun tu mi spyod pas tshul khrims kyi pha rol tu phyin pa shin tu shas che ba yin no// 'chal pa'i tshul khrims kyi dri ma thams cad dang bral ba'i phyir sa de dri ma med pa zhes bya'o// ltung ba'i 'khrul pa che phra ba rnams la shes bzhin du gnas pa yang yin no// ji srid du 'jig rten pa'i ting nge 'dzin mtha' dag la snyoms par 'jug pa dang / ji skad thos pa'i don kun tu 'dzin mi nus pa de srid du sa gnyis pa kho na'o// gang gi tshe nus pa de'i tshe yan lag de yongs su rdzogs pas sa gsum par rnam par bzhag go/ sa de la byang chub sems dpa' thos pa gzung ba'i phyir dang / 'jig rten pa'i ting nge 'dzin thams cad mngon par sgrub pa'i phyir sdug bsngal thams cad bzod pas na bzod pa'i pha rol tu phyin pa shin tu shes che ba yin no// ting nge 'dzin de dag thob pas sa de ni 'jig rten las 'das pa'i ye shes kyi snang ba med pa byed pas 'od byed pa zhes bya'o// de 'jig rten pa'i ting nge 'dzin mtha' dag thob kyang ji srid du ji ltar thob pa'i byang chub kyi chos rnams kyi lan mang du gnas par byed pa dang / chos dang snyoms par 'jug pa'i sems btang snyoms su byed mi nus pa de srid du sa gsum pa'o// gang gi tshe nus pa de'i tshe yan lag de yongs su rdzogs pas sa bzhi par rnam par bzhag go// sa de la byang chub sems dpa' rgyun mi 'chad par ngag dang yid kyi brjod pa las yang dag par bzla ba'i phyir byang chub kyi phyogs kyi chos rnams kyis gnas pas na brtson 'grus kyi pha rol tu phyin pa shin tu shas che ba yin no// sa de ni nyon mongs pa'i shing mtha' dag bsreg par nus pa'i byang chub kyi phyogs kyi chos kyi 'od 'phro ba shin tu byung bas 'od 'phro ba can zhes bya'o// de byang chub kyi phyogs kyi chos kyis rgyun mi 'chad par gnas pa yang yin no// ji srid du bden pa rnams bsgom pa na 'khor ba la mi phyogs pa dang / mya ngan las 'das pa la mngon du phyogs pa las sems bzlog ste/ thabs kyis zin pa'i byang chub kyi phyogs bsgom ma nus pa de srid du sa bzhi pa'o// gang gi tshe nus pa de'i tshe yan lag de yongs su rdzogs pas sa lnga par rnam par bzhag go/ de bas na sa de la thabs kyis zin pa'i byang chub kyi phyogs bsgom pa de yongs su rdzogs par byed pa ni shin tu sbyang bar dka' bas na shin tu sbyang dka' zhes bya'o// sa de la bden pa'i rnam pa sgom pa len mang du byed pas bsam gtan gyi pha rol tu phyin pa shin tu shas che ba yin te/ de thabs kyis zin pa'i byang chub kyi phyogs kyis mang du gnas pa yang yin no// ji srid du 'khor bar 'jug pa la so sor rtog pas skyo ba dang ldan pas sems kyi rgyud kyis mtshan ma med par gnas pa la mnyam par 'jog mi nus pa de srid du sa lnga pa'o// gang gi tshe nus de'i tshe yan lag de yongs su rdzogs pas sa drug pa rnam par bzhag go/ sa de la byang chub sems dpa' rten cing 'brel par 'byung ba bsgom pas gnas pas na shes rab kyi pha rol tu phyin pa shin tu shas che ba yino// de bas na shes rab kyi pha rol tu phyin pa shin tu shas che ba'i phyir sa de la sangs rgyas kyi chos thams cad mngon du gyur pa zhes bya'o// de mtshan ma med par gnas pa thob pa yang yin no// ji srid du skabs med par mtshon ma med par gnas pa la mnyam par 'jog mi nus pa de srid du sa drug pa'o// gang gi tshe nus pa de'i tshe yan lag de yongs su rdzogs pas sa bdun par rnam par gzhag go/ sa dA la byang chub sems dpa' mtshan ma thams cad mtshan ma med par khyod du chud la mtshan mar byas pa'i tha snyad kyang 'gog par mi byed do// de bas na sa de la thabs kyi pha rol tu phyin pa shin tu shas che ba yin no// sa 'di lhun gyis grub pa'ilam dang 'brel pa'i phyir shin tu ring du song bas na ring du song ba zhes bya'o// de skabs med pa mtshan mo med pa la gnas pa yang yin no// ji srid du ljon gyis grub pas 'jug pa'i mtshan ma med par gnas pa la mnyam par 'jog mi nus pa de srid du sa bdun pa'o// gang gi tshe nus pa de'i tshe yon lag de yongs su rdzogs pas su brgyad par rnam par bzhag go// sa de la lhun gyis grub par dge ba'i phyogs la sbyor bas na smon lam gyi pha rol tu phyin pa shin tu shas che ba yin no// mtshan ma myed pa la rtsol bas mi bskyod pa'i phyir de mi g.yo ba zhes bya'o// de lhun gyis grub par mtshan ma med pa la gnas pa yang yin no// ji srid du rnam grongs dang / nges pa'i tshig la sogs pa'i rab tu dbye bas rnam pa thams cad du chos ston pa la dbang bsgyur bar mi nus pa de srid du sa brgyad pa'o// gang gi tshe nus pa de'i tshe yan lag yod de yongs su rdzogs pas sa dgu par rnam par bzhag go/ sa de la byang chub sems dpa' so so yang dag par rig pa'i khyad par thob pas shes rab kyi stobs kyi khyad par dang bas shas rab kyi sgrubs kyi khyad par ldan pas na stobs kyi pha rol tu phyin pa shas che ba yin no// rnam pa 'ams/ cad du chos ston pa la mkhas pa'i phyir kha na ma tho ba med pa'i blo gros kyi khyad par rdob pa legs pa'i blo gros zhes bya'o// de so sor yang dag par rig pa bani thob pa yang yin no// ji srid du sangs rgyas kyi zhing dang 'khor dang sprul pa la sogs pa bstan pa dang / chos yongs su rdzogs par longs spyad pa dang / sems can yongs su smin par byed mi nus pa de srid du sa dgu pa'o// gang gi tshe nus pa de'i tshe yan lag yongasasu rdzogs pas sa bcu rnam par gzhag go// de la sprul pa la sogs pas sems can yongs su smin par bya ba la mkhas pa'i khyad par dang ldan pas byang chub sems dpa' ye shes kyi pha rol tu phyin pa shin tu shas che ba yin no// de ni chos ston pa'i sprin rnams kyis 'jig rten gyi khams mtha' yas pa rnams su chos kyi char 'bebyas pas na chos kyi sprin zhes bya'o// gzhan yang phung po yongs su dag pa la sogs pa'i rnam par bzhag pa rnams kyis sa rnams rnam par bzhag pa yod de/ yi ge mangs kyis dogs nas ma bris so// des sprul pa la sogs pa'i dbang thob kyang ji srid du shes bya thams cad la rnam pa thams cad du chags pa med pa dang / thogs pa med pa'i ye shes bskyed par mi nus pa de srid du sa bcu pa'o// gang gi tshe nus pa de'i tshe yan lag de yongs su rdzogs pas sangs rgyas kyi sngar rnam par bzhag go/ sa rnam par bzhag pa 'di ni 'phags pa dgongs pa nges par 'grel pa lus bstan to// sangs rgyas kyi sa 'di ni phun sum tshigs pa rnam pa thams cad mtha' dag rab kyi mthar phyin pa'i phyir 'di las gong na rnam pa gzhan med pas de phan chad sa rnam par bzhug pa med do// sangs rgyas kyi sa de'i yon tan phyogs rab tu dbye ba dpag tu med pas rnam pa thams cad brjod pa ni sangs rgyas rnams kyis kyang mi spyod na bdag 'dra bas lta smos kyang ci dgos/ ji skad du 'phags pa sdong po bkod pa las kyang / shin tu brtags kyang rang byung gi/ yon tan rnams kyi phyogs gcig mtha'// mi rtogs sangs rgyas rnams dang ni// chos rnams bsam gyis mi khyab bo zhes bka' stsal pa lta bu'o// mdor 'di tsam zhig brjod par nus te/ bdag dang gzhan gyi don phun sum tshogs pa rab kyi mthar phyin pa nyes pa ma lus pa bsal ba'i mthar thug pa brnyes nas/ sangs rgyas bcom ldan 'das rnams chos kyi sku la bzhugs te/ ljongs spyod rdzogs pa dang / sprul pa'i skus 'gro ba ma lus pa'i don lhun gyis grub pa'i tshul gyis mdzad cing 'khor ba ji srid par bzhugs so// de lta bas na rtog pa dang ldan pa rnams kyis yon tan thams cad kyi 'byung gnas bcom ldan 'das rnams la dad pa bskyed la de dag gi yon tan yongs su bsgrub pa'i phyir rnam pa thams cad kyis rab tu 'byung bar bya'o// sku gsum la sogs pa'i rnam par dbye ba ni yi ge mangs kyi dogs te ma bris so// mdo sde drug gi tshul gyi lugs mthun pa// rgyal ba'i sras kyi lam 'di legs bshad pas// bdag gi bsod nams mi rlung gang thob des// 'gro ba shes gzhan blo mchog myur thob shog sa'i mnga' bdag dpal lha bcin pos bka' stsal nas/ ka ma la shrI las sgom pa'i rim pa mdor bsdus pa 'di bgyis so// sgom rim dang po rdzogs so// rgya gar gyi mkhan po pradz+nyA war+m+ma dang / zhu tshon gyi lo tsa ba ban d+he ye shes sde la sogs pas bsgyur cing zhus te gtan la bab pa'o//