བོད་ཡིག

e-texts produced with BDRC’s OCR application

rgya gar skad du/ bo d+hi satwa yo ga tsAr+ya tsa tu shwa ta ka Ti ka/ bod skad du/ byang chub sems dpa'i rnal 'byor spyod pa bzhi brgya pa'i rgya cher 'grel pa/ 'phags pa 'jam dpal gzhon nur gyur pa la phyag 'tshal lo// 'dir slob dpon 'phags pa lhas nye bar sbyar ba byang chub sems dpa'i rnal 'byor spyod pa bzhi brgya pa'i bstan bcos kyi rab tu byed pa bcu drug gi tshig le'ur byas pa'i don 'grel gcig gis rnam par dbye bar 'dod pas de'i spyi don nye bar bstan pa'i phyir bshad pa/ gang las 'jig rten pa'i dngos ji ltar gnas pa bzhin// rnam par phye nas rim gyis don dam ston gyur pa// de la rab tu byed pa dang po bzhis ni 'jig rten pa'i dngos po ji ltar gnas pa yongs su gsal bar bya ste/ 'di ltar gzugs la sogs pa phung po lnga po dag ni rgyu dang rkyen la rag las te skye ba yin la/ de dag kyang skye ba dang ldan pa nyid kyi phyir na mi rtag pa'o// gang dag mi rtag pa de dag ni gdon mi za bar mi rtag pa nyid kyis gnod pa'i bdag nyid yin pa'i phyir sdug bsngal ba'o// gang dag sdug bsngal ba de dag ni rtag tu skyo ba skyong bar byed pa nyid kyi phyir mi gtsang ba'o// gang dag mi gtsang ba de dag ni dor bar bya ba nyid kyis bdag tu 'dzin pa dang bdag gir 'dzin pas yongs su bzung bar mi 'os pa nyid kyis nga dang nga'i 'byung bar mi 'os pa nyid kyi phyir na bdog med pa'o// de'i phyir 'jig rten pa'i dngos po de lta bu 'di phyin ci log las rnam pa gzhan du snang bas gdon mi za bar 'di spang bar bya ba nyid du mngon par gsal bar byas nas sangs rgyas nyid blang bar bya ba nyid yin no// de ni byang chub sems dpa'i spyod pa yang dag par bstan pas 'thob pa'i phyir lnga pas ni byang chub sems dpa'i spyod pa bstan to// nyon mongs pas zin gyis mnan pa ni byang chub sems dpa'i spyod pa'i bar du gcod par byed pa yin pas na drug pas nyon mongs pa dpyad do// bdun pas ni yul rnams nyon mongs pa rnams skye ba dang gnas pa dang 'phel ba'i rgyu yin pas yul dpyad do// / yul de dag kyang sems can chos kyi rang bzhin ma rtogs shing yul rnams la tshul bzhin ma yin pa'i yid la byed pa dang ldan pa rnams la nyon mongs pa skye ba'i rgyu yin pas bstan bcos 'di las don dam pa bstan pa de la chos kyi rang bzhin rnam par bshad pa nyan par 'dod pa'i slob ma'i sems kyi rgyud las su rung bar bya ba'i phyir/ brgyad pa yongs su sbyong ba'i rab tu byed pa'o// de'i 'og tu rab tu byed pa brgyad kyis chos rnams kyi rang bzhin med pa nyid bstan to// zhes bya ba ni bstan bcos bzhi brgya pa'i bsdus pa'i don to// de 'di da lta'i snyan dngags mkhan gyis rnam gnyis byas/ bstan bcos bzhi brgya pa de ni da lta'i snyan dngogs mkhan btsun pa chos skyong gis ji ltar bkod pa phye nas rnam pa gnyis su byas te/ gcig ni chos bstan pa brgya pa nyid du'o// gzhan ni rtsod pa brgya pa nyid du'o// da ni bdag gis gcig tu de rnam dbye bar bya/ da ni bstan bcos bzhi brgya pa de gcig tu byas nas bdag gis rnam par dbye bar bya'o// de ltar byas dang bkod pa snga ma yang yongs su bskyangs par 'gyur la/ nges phan gdags par bya ba rnams la phan btags par yang 'gyur te/ bstan bcos kyi don brjod par 'dod pa mtha' dag blangs pas rang dang gzhan gyi don yang dag par 'grub pa'i phyir ro// gang gi phyir na slob dpon 'phags pa lha 'di ni// slob dpon klu sgrub slob mar gnang bar 'dod gyur pa// de'i phyir 'di'i de nyid lugs las lugs gzhan min// 'di ltar slob dpon 'phags pa lha ni si la'i gling du 'khrungs pa sing+ga la'i gling gi rgyal po'i sras zhig ste mthar rgyal tshab bor nas de nyid du rab tu byung zhing / de nas lho phyogs kyi brgyud ltar 'ongs te slob dpon klu sgrub kyi nye gnas nyid du gyur cing / de'i lugs kyi rjes su 'jug par gyur pa de nyid kyi phyir na bstan bcos bzhi brgya pa 'di'i de kho na nyid gang yin pa de ni dbu ma'i bstan bcos las bshad pa'i de kho na nyid las mtshan nyid tha dad pa can ma yin no// gang zhig mtshan nyid so sor byas nas smra bar byed pa de'i gzhung lugs so sor smra ba shin tu bab col yin te/ de'i chos nyid la log par rtog pa'i phyir ro// bstan bcos bzhi brgya pa 'di ni// bzhi sgra mi mngon byas pa dang // rtog rnams sel bar byed pa'i phyir// brgya pa zhes byar brjod pa ste/ 'dzin pa 'chos phyir bstan bcos so// dang po'i sgra mi mngon par byas pa'i phyir dang / rtog pa rnams sel bar byed pa'i phyir brgya pa yin la/ 'dzin pa rnam pa sna tshogs pa 'chos pa'i phyir na de nyid bstan bcos te/ ba ni yang de dag yin la tshigs su bcad pa brgya yang yin no// de la mi rtag pa nyid ni skyo ba dang / rjes su mthun pa'i phyir dang / de rtog pas sdug bsngal la sogs pa rnams khong du chud par sla ba nyid kyi phyir na dngos po ji ltar gnas pa bzhin yongs su gsal bar bya ba'i phyir re zhig mi rtag pa nyid bstan pa'i phyir bshad pa/ gang la 'jig rten gsum mnga' bdag/ rang nyid 'chi bdag byed po med// yod des rnal bzhin gnyid log na// de las ma rungs gzhan ci yod/ sangs rgyas bcom ldan 'das la bstan nas bstan bcos bzhi brgya pa 'od la gus pa bskyed par bya ba'i phyir/ gdon mi za ba kho nar bstan bcos kyi rtsom par ston pa la mchod pa bsgrub par bya dgos so zhe na/ bden mod kyi 'on kyang sngon gyi slob dpon rnams ni slob dpon klu sgrub kyi zhal snga nas kyis/ gang gis rten cing 'brel par 'byung // 'gag pa med pa skye med pa// zhes bya ba la sogs pas bstan bcos dbu ma'i rtsa ba las thog mar bcom ldan 'das la bstod pa brjod par mdzad la/ bstan bcos 'di yang bstan bcos de'i khongs su gtogs pa nyid kyi phyir rje btsun sangs rgyas bcom ldan 'das la logs su bstod pa brjod pa nye bar ma bkod do// zhe'o// 'dir rab tu byed pa brgyad kyi tshig le'ur byas pa dag re re la slob dpon chos kyi 'bangs kyis sbyar ba'i dpe rnams 'don pa de dag dang lhan cig rnam par bshad par bya'o// de la phung po lnga rgyur byas nas gdags pa'i gang zag ni skye ba'i gnas de dang der 'jig cing rab tu 'jig pas 'jig rten no// 'jig rten gsum nyid 'jig rten gsum ste/ rang gi don la Shan byas pa'i phyir ro// de dag kyang khams gsum po 'dod pa dang gzugs dang gzugs med pa zhes bya ba dag gam/ gang klu'i 'jig rten dang / mi dang lha'i 'jig rten zhes bya ba dag go// de'i phyir 'chi bdag ni ji ltar 'dod pa bzhin bya ba la mnga' brtsan pa'i phyir na 'jig rten gsum po 'di'i mnga' bdag go// de la sangs rgyas bcom ldan 'das 'chi bdag gi bdud pham par mdzad pa la 'chi bdag gi bstengs pa mi mnga' zhing / des bstan pa las skyes pa 'jig rten las 'das pa'i lam gyi 'od kyis sems kyi rgyud snang bar byas shing / nges par 'byung ba'i rga shi yongs su zad pa rnams la yang 'chi bdag gi 'jigs pa med mod kyi/ gang zhig 'phags pa'i lam rgyud la ma skyes shing / dngos po rnams la 'di nyid du bden par mngon par zhen pas khams gsum gyi 'ching ba las yongs su ma grol ba de 'chi bdag don po can yin pa nyid kyi phyir gang la zhes bya ba ste/ rnam pa de lta bu'i gang zag gang la 'jig rten gsum gyi yang bdag po rang nyid 'chi bdag gi rgyal po gzhan gyis rab tu ma sbyar ba dang / gzhan rab tu sbyor ba po ma yin pa nyid kyis na rang nyid kyis chad pa gcod par byed pa/ skyes bu'i byed pa gzhan dag gis slar bzlog tu med pa/ ral gri rnon po gdengs pa ltar srog gcod par bya ba'i phyir zhugs pa yod cing / gson pa de dag la rag las pa des 'chi ltas kyis zin pa ltar ram skra'am gos la me shor ba ltar gyur par byas te bag yod par spyod pas de'i phyir spyo ba dag la brtson par bya dgos te/ bya ba byas pa ltar 'chos shing brtson par mi byed par rnal ma bzhin gnyid log na ni/ de las ma rungs gzhan ci yod// ji skad bshang ba'i gang zag bag med pa dang ldan pa 'di las ches mchog tu ma rungs pa gzhan yod pa ma yin te/ gang zhig 'chi bdag gi chad pa'i dkyil na gnas bzhin du rnal ma bzhin du gnyid log cing de'i phyir spro ba'i cho gar 'phags pa'i lam bskyed pa la gus par mi byed pa de nyid ma rungs pa yin no// de'i phyir de ltar na chad pa drug pa med pa can gyi 'chi bdag gi spyod yul du gnas pas ni gor ma chag par bag yod pa dang ldan par bya dgos te/ mar me 'degs pas rab tu smyon par byas pa'i rgyal po dang / 'jigs pa dang bcas pa'i grong du bsdad pa'i mi bzhin no// rgyal po ri mo cher yongs su bzung ba'i blon po 'ga' zhig gis mar me 'dzin pa rnams ma gtogs pa rgyal po slas dang 'khor dang bcas pa rong gi khyim du spyan drangs nas ri mo cher rim gro byas pa dang / sems mgu bar ma byas pa de rnams kyis thabs kyis ci nas blon po gsod par 'gyur ba de ltar rgyal po log par 'dzin du bcug la des kyang rang gi rgud pa phyir ldog pa'i phyir gus pa dang ldan pas ji ltar de la gnod par mi 'gyur ba de ltar nan tan du byas par grag ste/ de bzhin du gzhan dag gis kyang bag yod pa la gnas te/ ji ltar 'chi bdag gi rgyal po gnod par byed bar mi 'gyur ba de ltar bsgom par bya'o// yang skyes bu zhig lam bzang po nor nas 'brog dgon pa zhig tu phyin par gyur zhing / de'i rjes thogs su bag med pas 'jigs pa shin tu che ba'i grong zhig tu yid bstan par byas te bcom nas shi bar gyur pa de bzhin du khams gsum gyi grong 'chi bdag gi chad pa nye bar bag med pa dang ldan pa gang zhig sdod pa de ni nges par 'chi bdag gis 'joms par 'gyur ro// de'i phyir bdag nyid shes pas rtag tu bag yod pa kho nar bya/ dgos te/ bag yod bdud rtsi'i gnas te bag med pa// 'chi ba'i gnas su zhes bshad do// 'dir smras pa/ gal te yang 'jig rten gsum gyi mnga' bdag 'chi bdag yod mod kyi/ de lta na yang de bas ches sngar de bzlog par byed pa po bya ba gson pa yod pa yin te/ de yod pa las na de'i bar du 'chi bdag la mi 'jigs te/ skyes pa tsam la 'chi ba mi srid pa'i phyir ro// bshad par bya ste/ gson pa la ni 'chi bdag gi 'jigs pa phyir ldog par byed pa po nyid yod pa ma yin te/ de yang 'chi ba'i don du yin pa nyid kyi phyir ro// 'di ltar 'chi bar bya phyir skyes gyur cing // gzhan dbang 'gro ba'i ngang can la// 'chi ba bya ba ltar snang ste// gson pa bya ba min ltar ro// rga shi skye bo'i rkyen can yin pa nyid kyi phyir skyes pa kho na 'chi'i ma skyes pa ni ma yin pas/ 'tsho ba'i ched du dang po skye ba 'byung ba de ltar na/ 'chi bar bya phyir skye 'gyur zhing / 'chi bdag dang spong ba'i rgyu che ba dang na ba dang chud pa la sogs pa'i rkyen lo rag los pa nyid kyi phyir rang dbang med cing 'cha ba'i lam na gnas pa'o// rga ba la sogs pa skyes bu gshed ma dang 'dra ba rnams kyis myur du 'chi bdag gi thad du bkri bar bya ba nyid kyi phyir na 'gro ba'i ngang can no// de'i phyir bsad par bya ba'i mgo gcod pa ltar mtha' yang 'chi bas thog ma dang bar dang tha ma rnams su de'i don kho nar zhugs pa nyid kyi phyir skye bo de la 'chi ba bya ba ltar mthong gi/ gson pa ni ma yin te/ de'i don du zhugs par mthong ba'i phyir ro// de'i phyir thog mar yang gson pa la re bas bdag nyid bslu bar mi bya'o// zhes bya ba ni yang dag par bskul ba'o// 'dir mi'i dpa' bo thog ma'i mtshan mo ni// gang nas 'jig rten mngal na gnas 'gyur ba// de nas brtsams te de ni nyin re zhing // 'gros bshol med par 'chi bdag drung du 'gro/ zhes bshad de/ zhag grangs po'i rgyal po'i pho nya dang / rnga mo la zhon pa'i kun tu rgyu mo dang / bshad byed mo bslang ba bzhin no// dper na rgyal po shin tu gtum po ma rungs pa snying rje med pas yongs su bgrangs pa'i zhag la 'ong bar bya ba'i phyir mngags pa'i pho nya'i bya ba ni 'ong ba kho na yin gyi 'dug pa ma yin pa de bzhin du/ skyes pa'i bya ba yang 'chi ba nyid yin gyi/ gson pa ni ma yin te/ skad cig skad cig la gasmon pa 'gag pa'i phyir ro// yang dper na kun tu rgyu mo zhig khyim du 'jug par bya'o snyam ste khyim sgo na 'dug pa'i rnga mo la bgom par zhags pa dang / rnga mo des 'di ni skyen bu zhig go snyam du shes te langs nas chas shing / de yang de'i dbang du gyur pa de bzhin du skye ba thams cad 'chi ba gzhan gyi dbang ste/ 'chi ba la rag las zhes bya ba'i don to// yang ji ltar gzhan bsad par bya ba'i phyir gshed byed bslang ba dang gzhan gsod par ma nus pas slong ba po de nyid bsad kyi/ gzhan ni ma yin pa de bzhin du skyes pa gnas par bya bar mi nus pa'i phyir 'chi ba nyid bye ba yin gyi/ gson pa ni ma yin te/ gson po ni slong ba po gsod par byed ba ltar blta bar bya'o// 'dir 'chi ba phyir bzlog par byed pa gson pa ni yod pa nyid de/ las kyo 'phen pa ji lta ba bzhin de yod pa'i byor ro// 'di ltar dang sang na mi rnams tshe lo brgyu ba yin la/ bdag gi dang po lo bcu drug ni 'das la/ brgyad cu rtsa bzhi ni ma 'ongs po yin te/ de'i phyir bdag gis dus cung zad cig yul gyi bde ba nyams su myong bar byas te phyis 'chi bdag bzlog pa'i phyir 'bad par bya'o// de'i phyir gson po'i dus ring po nyid du mthong ba'i phyir gson po'i re ba rig pa yin no// zhes smra'o// 'di yang mi rigs pa smras pa nyid du brjod pa'i phyir/ khyod kyi 'das dus thung ngu ltar// mthong zhing ma 'ongs gzhan du nA// khyod mnya mo mi mnyam ltar sems te// gsal bar 'jigs pa'i 'i dod 'dra// zhes bya ba smos so// gang la khyod kyis ches nyung ba nyid du nges par bzung nas yid bag med spyod pa lnga nye pabar sbyor ba 'das pa'i dus gang yin pa de ni ma 'ongs pa dang 'dra'o// ji ltar tshe la nges pa med pa'i phyir ma 'ongs pa'i dus thung ba 'am ring ba nyid du yongs su bcad par mi nus pa de bzhin du 'das pa yang thung ba 'am ring ba nyid du yongs su bcad par mi nus te/ de thung ba dang ring ba nyid ni ma 'ongs pa'i thung ba dang ring ba nyid la bltos pa'i phyir ro// de'i phyir de ltar na thung ba dang ring ba nyid du yongs su bcad par mi nus pas 'das pa dang ma 'ongs pa'i dus dag mnyam par rnam par gnas pa la/ gang 'das pa kho na thung gi ma 'ongs pa ni ma yin no// zhes mi mnyam par mthong ba dang ldan pa khyod kyi bsam pa de ni gsal bar 'chi ba'i 'jigs pa kho na ston pa yin te/ 'jigs pa'i sgra bzhin no// de'i phyir ma 'ongs pa ring ba nyid du yongs su brtags pa las yid brtan par mi rigs te/ 'dis 'chi bdag gi 'jigs pa dang bral bar bya ba'i phyir brtson par gyur par ni rigs te/ 'jig tshogs la lta ba'i bram ze dang / 'jigs nas bstan pa'i nga ro 'don pa bzhin no// grong gi khang dmigs 'ga' zhig tu don mthun byed pa brdal gcig gis mtshan mo bsdad nas phyogs dang phyogs su bshad pa btang te nang par snga ba nyid du dong bar gyur to// de dag gi nang nas bram ze kha cig gnyid kyis bor ba la khang pa de skyong ba zhig gi 'ongs te slang nas blun po smad pa'i gnas dag ji srid ma snun gyi bar du la mar bshang ba sol cig ces smras pa dang / de nas de dag gi rang rang gis bshad pa btang ba sel gyi/ gzhan gyis ni ma yin no// zhes smras par grags te/ bram ze de dag ni mi gtsang ba la yang bdag gir 'dzin par zhugs pas 'jig tshogs la lta ba'i bram ze zhes bya'o// ji ltar 'jig tshogs la lta ba'i bram ze de dag brdeg par bya'o// zhes thabs kyis bshang ba sel du bcug la/ ji ltar de dag bshad pa mi gtsang bar mtshungs kyang 'di ni bdag gi yin gyi/ 'di ni ma yin no// zhes mi mnyam par lta bu de bzhin du/ 'das pa dang ma 'ongs pa dag thung ba dang ring ba nyid du yongs su gcad du med par mnyam du zin kyang sems can rnams kyi thung ba zad la ring ba lus so snyam du mi mnyam par mthong ngo // yang na dper na lam 'jigs pa dang bcas par zhugs pa zhig rkun po'i tshogs nye bar gnas pas 'jigs bzhin du yang mi 'jigs pa skad du smra zhing / des 'jigs pa yin no// zhes bya bar shes par byed pa kho na yin pa de bzhin du tshe cung zad cig ni song ngo mang po ni lus so// zhes 'chi bas 'jigs pas skrag par smra ste/ de tsam gyis de dag dbugs phyung bar ni mi 'gyur ro// gang zhig ma 'ongs pa la ring po nyid du brtag par mi rigs mod kyi/ de lta na yang 'chi ba 'di ni sems can thams cad kyi thun mong yin pas de las skrag par mi 'byung ngo // zhes smra ba de las brtsad par bya ste/ gzhan dag la'ang spyi thun phyir/ khyod la 'chi ba'i 'jigs med na// gcig la gnod gang de phrag dog/ sgo nas sdug bsngal bskyed 'gyur ram/ gal te thun mong ma yin pa'i phyir gnod pas gzhan la mi gnod pa nyid kyis phun sum tshogs pa mi bzod pa'i rten phrag dog de la ltos nas 'joms shing / rang gi ngo bo nye bar lhags pa las ma yin na ni de'i tshe/ 'di yid brtan pa'i gnas su 'gyur ba zhig na/ 'di ni de ltar yang ma yin te/ gnod pa de'i rang gi ngo bo nyid tsha ba yin no// 'di ltar mes bsregs pa'i sdug bsngal ni gzhan la phrag dog pa la bltos te bsreg bya 'joms ba ma yin gyi/ 'on kyang gang phrag dog med par 'joms pa/ yul yang dag par lhags pa de nyid rnam pa de lta bu yin pa de bzhin du 'chi ba'i sdug bsngal 'di yang yin pas thun mongs pa nyid yid brtan pa'i rgyu ma yin no// kha cig tu phrag dog gis byas pa'i sdug bsngal bla lhag srid kyi/ phrag dog gi dngos po ni yul yang dag par lhags pas gnod pa'i sdug bsngal gyi rgyu ma yin no// de'i phyir skrag pa'i gnas su mkhas pa'i skrag pa nyid rigs pa'i ngo bo yin te/ grong ba'i dbya' dbul ba dang chom rkun gyis ded dpon bsang bya ba bzhin no// ji ltar grong pa rnams dpya' 'bul ba'i dus su thog mar gang bzung ba de sdug bsngal bar 'gyur la/ thams cad bzung ba'i tshe na ni ma yin pa de bzhin du 'chi ba ni ma yin te/ de ni phrag dog med pas sdug bsngal gyi rgyu nyid yin pa'i phyir ro// yang ji ltar rgyal pos chom rkun gyi rnyed dpon bsad par bya ba bsad par bya dgos so// zhes bka' lung stsal pa dang / de yang phrag dog gis sdug bsngal bar gyur la/ thams cad la bka' stsal na ni mi yin zhing / de dag bsad pa de la phan par 'gyur ba yang ma yin pa de bzhin du/ thams cad kyi thun mong yin no snyam du bsams nas byis pa so so'i skye bo rnams 'chi ba la mi 'jigs shing / 'ga' zhig 'chi bas 'ga' zhig la phan 'dogs par yang mi 'gyur ro// gang zhig gso dpyad dang bcud kyi len nye bar spyad pa dag gis dus re zhig rga ba dang na ba'i gnod pa nye bar lhags pa'i sdug bsngal bzlog ste/ des byas pa'i skyes bu'i byed pas 'chi ba yang mi 'jigs pa de skyo ba bskyed pa'i phyir bshad pa/ nad bco rga ba gso bya des/ de dag la khyod mi 'jigs mod// chad pa phyi ma bcor med pas// khyod ches gsal bar de la 'jigs// nad bcos su yod pa'i phyir dang / rga ba gsor yod pa'i phyir de gnyis la khyod mi 'jigs la rag mod/ 'chi ba la ni de ltar bzlog pa po mi srid pas khyod la de la 'jigs pa yod par ches gsal lo// chad pa phyi ma de ni bcos su med pa zhig ste/ srog mthar byed 'chi bdag ces bya ba bcos su med pa de la gdon mi za bar 'jigs par bya dgos pas rga ba dang na ba'i bcos ga tsam la re ba'i sgo nas khyod bdag nyid bslu bar mi rigs te/ blon po rengs pa bzhin dang / khrus mkhan dang rgyal po'i na bza' bzhin no// dper na rgyal po 'ga' zhig la blon po rengs shing / des de bzung ba'i phyir dmag mngags pa dang des de 'bul gyi btsos par gyur la/ dri nas gzhan btang ba dang / de yang kho na ltar bcos par gyur to// de nas rang nyid gshegs pa dang / des bcos su med par gyur pa de bzhin du/ rga ba dang na ba dang 'chi bo dag shes par bya'o// yang ji ltar khrus mkhan zhig khyim khol gyi bram ze rnams kyi gos dag chud gzan nas thabs kyis bstun par byed kyi/ gang gi tshe rgyal po'i na bza' chud gzan pa de'i tshe ni slar bstun par mi nus so// de ltar rgyal po'i na bza' brlag pa dang slob dpon kha cig dag rgyal po mthar 'gro zhon chad par byed te/ de'i na bza' chung gzan nas slar bskyal bar mi nus pas/ lugs mthun khyab 'jug la dgyes lho phyogs rgya mtsho'i bu mo gnag khrus 'gram dkrigs shing / gang gA'i do zla go da wa ri'i klung zhos rnam par grags par gyur pa gang // de la da lta sbyin dus byol du zin kyang khyod kyi glang chen dbang myos pa'o// mche ba'i gtun shing gis dkrugs bslang ba'i rdul rnams kyis chab dang ba yongs ma mchis zhes zhu gsol byas par grag go// 'chi bdag ni de ltar zhu bas bcos su yod pa ma yin te/ de ni ma rig pa'i dgra bo ni dran drag po 'byung ba can dang 'dra bar gdon mi za bar de la yang dbyung bar bya'o// ci ste nges par 'chi ba zhes bya ba so so'i skye bo rnams kyis skyes bu'i mthu nges par ldog tu med pa 'di ni yod mod kyi/ de ni da ltar nges par ma zin pa'i phyir 'jigs pa 'dren par byed pa ma yin no snyam na/ de yang yod pa ma yin te/ 'di ltar bsad par bya ba'i phyugs rnams ltar// 'chi ba kun gyi thun mang zhing // gzhan yang 'chi ba snang 'gyur na// khyod la 'chi bdag 'jigs cis med// gal te 'chi ba 'di thun mong ma yin pa dang / mi snang bar 'gyur na ni de de skad brjod par rigs pa zhig na/ gang gi phyir gang 'chi bar rtogs par mi 'gyur ba 'di ni shin tu byings che ba ma yin te/ du ma zhig ni shi zin zhing 'chi ba bzhin par rtogs so// de ni de kho na la yod pa yang ma yin te/ gang gi phyir 'chi ba thams cad kyi spyi thun yin par rtogs pa'i phyir ro// dper na bsad par bya ba'i phyugs rnams kyi 'chi ba ni thams cad la thun mong ba yin la/ gcig gis cig shos 'chi ba dmigs pa yang yin no// de bzhin du mi rnams kyi yang yin pas rgyu gang gis khyod la 'chi ba'i 'jigs pa med par 'gyur/ rgyu gnyis kyis 'chi ba'i 'jigs pa mi srid de/ de mi dmigs pa dang de las 'das pa yin pa zhig na/ gnyis po 'di ni khyod la mi srid de/ 'chi bdag gdol pa gson pa'i lam 'gags nas mdun na gnas pa de'i phyir bag med pas ci zhig bya/ bag med pas ni phyugs dang mtshungs pa nyid du 'gyur te/ gsong sa'i phyugs bzhin no// ji ltar bsha' ra'i phyugs rnams 'chi bar mtshungs bzhin du/ gang gi tshe bshan pas phyugs gcig bsad pa'i phyi khrid par gyur pa de'i tshe gzhan dag so gsod par gnas par 'gyur ba de bzhin du/ gsod sa'i phyugs ltar 'chi ba thams cad la thun mong du yod la bzhin du gang gi tshe gcig 'chi ba de'i tshe byis pa gzhan rnams rnal du gnas par 'gyur ro// gang 'astsal te 'chi mngon sum du dmigs mod kyi/ de lta na yang de'i dus ma nges pas de la gcig tu 'jigs pa ma yin no// 'di ltar ston brgya 'am stong na 'chi'o// zhes nges par mi zin te/ de'i phyir shin tu gus pas ci zhig bya snyam du sems pa de yang yod pa ma yin te/ 'di ltar dus la nges pa med pa'i phyir// bdag rtag snyam du sems na ni// nam zhig dus na 'chi bdag gis// khyod la gnod par byed par 'gyur/ 'dir dus 'di zhes bya ba na 'chi bar 'gyur ro// zhes bya ba'i nges pa med pas bdag ther zug pa yin no snyam du sems na/ 'chi ba'i dus la nges pa med pa nyid kyis 'jigs par bya dgos bzhin du de nyid kyis mi 'jigs so zhes bya ba 'di ni cher thun pa nyid de/ 'di ltar deng ngam sang zhes bya ba de lta bu la sogs pa'i dus gang yang rung ba zhig na gdon mi za bar 'chi ba'i chos can khyod la 'chi bdag nye bar lhags nas gnod pa byed par 'gyur te/ de nas rang nyams kyis shes par 'gyur ro// de'i phyir gson pa'i dus ring bar re brgya stong gi bdag nyid can de dor nas/ 'chi ba'i 'du shes mngon du bya ba la bag yod par bya bar rigs te/ srin po pa ga'i za res la 'gro ba bzhin no// ji ltar gang zag gi yul la/ srin po ba ka'i bza'i ched du gang la res 'ong ba de nyid 'gro po de bzhin du skye bo thams cad 'chi bar 'gyur ro// 'dir 'chi ba ngos mod kyi/ de lta na yang dpa' bo thob par bya ba rnyed pa dang bkur sti dang snyan pa sgrub pa lhur len cing / g.yul ngor mtshon cha rnon po babs pas nyam nga bar gyur par yang sdug bsngal med pa rnams ni/ rang gi bstan pa'i gdeng gis gzhan gnon par byed te/ de'i phyir 'chi ba'i 'jigs pa ni sngar me kho na la mi dga' ba skyed par byed pa yin gyi/ dpa' bo la ni ma yin no// zhes zer ba bzlog pa'i phyir bshad pa/ ma 'ongs pa yi don lta zhing // gson pa zad pa ma yin no// bdag nyid 'tshong la bdag nyid ni// byams zhes mkhas pa su zhig smra// 'dir khyod sred pas tshe 'di'i ma 'ongs pa'i don rnams gcig tu thob par bya ba nyid du lta yi/ gang gi ched du don thob par byed pa don nye bar longs spyod pa'i rten du gyur pa'i gson pa de zad pa la ni ma yin no// de'i phyir de ltar na rang gi srog 'tshong ba'i bya bas ma 'ongs pa'i don rnams don du gnyer zhing bdag 'tshong ba khyod la bdag rig go// zhes mkhas pa su zhig smra ste/ su yang ma yin gyi/ rmongs pa kho na smra bar byed do// de'i phyir rang gi srog dang bral ba kho na la so sor brtag par bya'i/ rnyed pa dang bkur sti la sogs pa rnams ni ma yin te/ tshong pa'i bu dang / phas btsongs pa'i bu bzhin no// tshong po'i bu zhig la chags 'brel mang ba la/ des kyang phor chags po kho na bltas kyi tshur 'brel pa ni ma yin pas chags pa'i rjes su mthun par bgod rko byas nas de phongs par gyur to// yang bram ze zhig la bu gsum yod par gyur la/ des mu ge'i dus su khyim thab la yu bu bu gcig btsong ngo zhes smras pa dang / de rgyal bu zhig gis thos par gyur zhing / des 'ongs nas bslangs par gyur to// de nas phas thu'o bzung la/ mas tha chungs bzung ngo // de nas 'bring pos rgyal bu la/ thu bo pha yi btsong bya ma no// tha chungs ma yis ma yin pas// 'bring po btsongs par gyur snyam gyis// rgyal bu kho bo bkri bar mdzod// ces smras so// ji ltar drang srong phrug gu 'bring po des rang gis rang btsongs pa de bzhin du kla ba de dag kyang bdag btsongs nas bdag skul bar byed do// 'dir smras pa/ gal te nor gyi don du srog gtong ba smang pa yin na/ 'o na rang gi srog bsrung bar bya ba'i phyir sdig pa dag la yang spyad par 'os so// brjod par bya ste/ bdag nyid gta' mar bzhag bya ste/ sdig las ci yi phyir na byed// nges par khyod ni mkhas rnams ltar// bdag la 'dod chags bral bar zad// 'di ji ltar chang la dga' ba kha cig chang khang du rang nyid kyi bor yang gtar bcug nas myos par gyur pa'i khu ba kho na 'thung gi/ bdag nyid kyi ma 'ongs pa'i sdug bsngal bkren pa las gyur pa 'am/ gzhan gyi dbang las gyur pa la mi lta ba de bzhin du khyod kyang ci'i phyir 'di yul smig rgyu lta bu la chags pa'i sgo nas dmyal ba la sogs pa'i sdug bsngal drag po la rtsis med par der bdag nyid gtar bzhag nas sdig pa'i las byed par 'gyur/ 'di na ji ltar dgra bcom pa rnams rgyu med pas bdag la chags pa dang bral ba de bzhin du khyod kyang yin no snyam mo// de ni rigs pa yang ma yin te/ de'i phyir bdag legs su 'dod pas sdig pa spyad pa mi bya ste/ smad 'tshong mas g.yon can btsongs pa dang / chang gis myos pa bzung ba bzhin no// g.yon can kha cig gis smang 'ching dang lhan cig rtse 'jo byas par gyur la/ der sngar bsags pa'i nor gyi phung po zad pas de la ci yang ma byin par gyur to// nam zhig na de las de'i bu gnyis skyes par gyur la/ de dang ha cang mi ring ba zhig na tshong dpon 'gron po zhig gi khyim yod par gyur to// de nas des g.yon can la/ yu bu gnyis la bu gzhan dag kyang skye bar 'gyur gyis/ bgong sgo'i phyir tshang ba 'dron pa'i lag tu byis pa gnyis btsongs par bya'o// zhes smras pa dang / des de ltar byas par gyur to// de nas tshong pa rang gi yul du chas pa dang / smad 'tshong mas g.yon can la ngas song ste tshong pa 'gron po'i khyim du gte'u mar bsdad kyis khyod kyis byis pa gnyis long la chung shos la khrus gyis la zar chug cig ces smras pa dang / g.yon can gyis nga 'gron bo'i khyim du gte'u mar bsdad kyis khyod kyis byis pa gnyis khug la tha chung khrus byed du chug cig zar chug ces smras pa dang / de bzhin du bya'o// zhes te/ des byis pa gnyis khrid nas sa phyogs lkug pa zhig tu bsdad pas nyi ma gnyis pa la tsheng pa 'gron pos g.yon can ngo bcings nas rang gi yul du song ba de bzhin du skye bo byis pa rang gis rang gter bzhag nas sdig pa'i las rnams byed do// de rnam par smin pa ni de kho na nyams su myong bar bya ba yin no// yang mi nor med pa 'ga' zhig gis chang khang du phyin te/ rin sbyin par bya yis zhes te chang mang po 'thungs la/ de yang yod par ma gyur pa dang / des de bzung nas tso dris par gyur to// gang zhig ring du gson du ri bas mthong ba'i chos kho na la rang gis rang btsongs nas sdig pa'i las bya ba la 'jug pas 'jig rten phyi ma'i rnam par smin pa sdug bsngal ba'i ched du bdag nyid gtar 'jog pa de la yang skur brtsad par bya ste/ su la'ang gson pa zhes bya ba// sems kyi skad cig las gzhan med// skye bos de nges mi rig pa// des na bdag nyid shes pa dkon// dmigs pa las myur du 'pho ba nyid kyi phyir na sems kyi skad cig mar 'jig pa rtogs pa ra ha cang yang mi dka' ste/ 'di ltar yi ge a la sogs pa'i yig 'bru rnams ches skyen par brjod pa na/ yig 'bru re re zhing dus dang rnam pa tha dad pas de la dmigs pa'i sems dus dang rnam pa tha dad pa rtogs la/ dus dang rnam pa tha dad pa las kyang sems skad cig ma nyid du grub po/ skad cig ces bya ba ni dus 'gribs pa'i mthar thug par gyur pa la bya la/ skyes bu stobs dang ldan pas se gol gtogs pa tsam gyis skad cig drug cu rtsa lnga 'da' ste/ rnam pa de lta bu'i skad cig gis rnam par shes pas skad cig ma yin no// ltar rnam par shes pa skad cig ma yin pa de bzhin du 'du byed thams cad kyang sems ltar skad cig ma yin te/ 'du byed thams cad kyang skyes ma thag tu 'jig pa la gegs med pa'i phyir dang / mi rtag pa nyid kyang skyes pa tsam la bltos pa nyid kyi phyir ro// de ltar na sems can su la yang skad cig las lhag pa'i gson pa yod pa ma yin no// de'i phyir 'dus byas thams cad kyi chos nyid de ltar rnam par gnas pa na kha cig dag yun ring du gson pa re bas shin tu yun ring por yul longs spyad par bya ba'i phyir sdig pa'i bye ba khas blangs nas yul nye bar sogs pa gang yin pa de ni mi rigs so// gal te mi rigs na 'jig rten ci ste spyod ce na/ brjod par bya ste/ gang gi phyir 'du byed kyi rgyur bye brag ches mang mos tha dad par ma gyur pa de nyid 'di'o de nyid bdag go zhes 'dra bas blos phrogs pas gcig nyid du lhag par sgro btags nas skye bo skad cig mar nges shing gsal bar mi rigs pas spyod do// de nyid kyi phyir 'jig rten na bdag gi rang bzhin shes pa rnyed par dka'o// gang zhig bdag gi rang bzhin shes pa de ni phyin ci log gi rgyu ma tshang bas sdig pa'i las la mi 'jug par spro na/ 'jig rten 'di ni phal cher sdig pa'i bya ba la gzhol bas 'jig rten na bdag shes pa dkon pa nyid do// de'i phyir mkhas pas bdag gi rang bzhin so sor brtag pa la rtag tu ches gus pas 'bad par nus so// chu klung du lhung ba'i gos tshol ba bzhin dang / lha'i bu 'gro mgyogs bzhin te/ ji ltar mi mkhas pa 'ga' zhig gos chu klung du lhung ba yun ring du lon bzhin du yang sa de nyid du tshol ba de bzhin du bdag nyid mi shes pa yang na tshod 'das su zin kyang bdag nyid byis pa kho nar blta'o// yang dper na lha'i bu 'gro mgyogs dag gi 'gros ni sa bla ba 'am bar snang la spyod po'i lha yang rung ste bsdus kyang thub par mi nus te/ de bzhin du skad cig mar 'jig pa'i gson pa las ches chung ba'i dus 'ga' yang yod pa ma yin no// 'dir smras pa/ gson pa skad cig ma yin mod kyi de lta na yang de rgyun mi 'chad pas tsho ring ba nyid kyi phyir na de la mngon par zhen pa rigs pa nyid do// zhe na/ bshad par bya ste/ khyod ring gson pa la dga' zhing // rgan nyid la khyod mi dga' na// e ma khyod spyod skye bo ni// 'dra la dam pa lta bur 'gyur// 'dzi na ji ltar na khyod nyams pa med par yun ring du gson pa la dga' ba de ltar khyod tshe ring po med na mi 'byung ba/ gnyer ma dang mgo skye ba dang 'brel pa'i rgan po nyid la ni dga' ba ma yin te/ de'i phyir kye ma khyod kyi spyod log 'di ni dam pa ma yin yang khyod dang 'dra ba'i byis pa'i skye bo kho na la dam pa ltar rab tu 'jug pa nyid yin gyi/ gzhan la ni ma yin no// de'i phyir rga ba la rnam par sdang bas rgyun dag la mngon par zhen par mi bya ste/ skyed mos tshal du zhugs pa'i rgan po la gzhon nus bzhidang gang byis pa bzhin no// mi rgan po 'ga' zhig skyed mos tshal du zhugs pa la gzhon nu rnams kyis rgang po khyod gzugs ngan no zhes bzhad gang du byed cing de rnams kyis yun ring du gson par 'dod pa yang yin te/ de rnams kyi spyod pa ni rmongs pa'i skye bo 'dra ba kho na la dam pa ltar 'gyur ro// de'i phyir de lta na bdag nyid kyi sdug bsngal rig pas gzhan 'chi ba na gzhan dag kyang 'di lta bu'i chos can no// zhes skyo ba dang ldan par bya dgos so// gang zhig rga shi ni mi 'dod pa yin mod kyi/ de lta na yang de gnyis ji ltar bu la yod par mya ngan gyi rgyur 'gyur ba de ltar rang la yod pa ma yin no snyam du sems pa de la brjod par bya ste/ khyod rang 'chi la mya ngan na// bu sogs rnams phyir ci ste yin/ rang nyid spro bya smra bo ni// ji lta bur na smad mi 'gyur// 'chi ba 'chi ba'i chos can te// bdag nyid 'chi ba'i chos can nyid du gyur pa des ni bya ba ma byas pa nyid kyi phyir rang kho na la mya ngan bya bar 'os pa na/ bu la sogs pa'i don du mya ngan bya bar mi rigs so// rang nyid 'chi bdag las 'das pas ni gzhan la 'chi bdag babs pa la sems nang bya bar rigs na/ gang zhig skyon mtshungs pa nyid kyis spyod pa bya bar gyur zhing gzhan dag la de smra ba por 'gyur ba de ni smod par 'os par ji ltar mi 'gyur/ de lta yin dang / khyod bdag nyid kyi mya ngan bya bar 'os pa nyid las mi bltos par bu la sogs pa dag kho na la ngas mya ngan bya bar 'os so// zhes smra ba na rgyu gang gis dam pa rnams kyis smad pa nyid du mi 'gyur/ de'i phyir gzhan dag la yang 'chi bdag babs pa nges par zin par byas te ches shin tu yid dbyung bar bya'i/ mya ngan lhur len pas rtag tu dge ba'i phyogs rgyun chad par ni mi bya ste/ bram ze bran rtags mtshan btab pa bzhin no// ji ltar bram ze'i 'bangs rma bya'i mdongs sgros mgo la mdongs ris btab pa zhig 'jig rten kho na bran nyid du sbyor bar byed kyi/ bdag nyid la ni 'bangs yin no// zhes bya bar mi rtogs pa de bzhin du 'jig rten yang rang nyid kyi 'chi ba'i chos can brjed par byas nas bu la sogs pa dus byas par gyur pa rnams la mya ngan byed do// ci ste yang bdag ni 'chi ba'i chos can yin no// zhes bdag nyid la mya ngan bya bar 'os mod kyi/ de lta na yang bu nyid du yongs su bzung ba'i ma dris par 'jig rten pha rol tu 'gro ba ni sdug bsngal gyi phyir yin no snyam na/ 'di yang mi rigs so// zhes bstan pa'i phyir bshad pa/ gang tshe 'ga' zhig ma bcol bar// rang nyid bur gyur de yi tshe// de 'gro dri ba ma byas pa// rigs par mi 'gyur ma yin no// khyod kyi mya ngan 'di ni gnas ma yin pa zhig la ste/ gang tshe sems can 'ga' zhig 'jig rten pha rol nas 'dir 'ong bar gsol ba ma btab par rang nyid bu nyid du gyur pa de'i tshe de ltar rang rgyal du spyod cing 'jig rten pha rol tu 'gro 'dod pa de'i skal pa ma bgos pa nyid du 'gro ba yang mi rigs pa ma yin no// gsol ba ma btab par 'ongs pa'i ma dris par 'gro ba la ni mi rigs pa 'ga' yang med te/ rigs par spyod pa de la mya ngan bya bar mi rigs te/ glo bur du 'ongs pa'i bud med bzhin no// bud med zhig glo bur du 'ongs nas skyed mos tshal na gnas pa 'ga' zhig la chung ma nyid du khas blangs la/ gang nas 'ongs pa yang mi shes so// dus phyis de de kho na ltar slar yang song bar gyur la/ de nga'i rgyus mya ngan byed par gyur to// gzhan gyis de gang nas 'ongs pa khyod kyis shes sam zhes smras pa dang / des mi shes so// zhes so// / smras pa/ gang nas 'ongs pa ji ltar mi shes pa de bzhin du de'i 'gro ba yang yin te de la mya ngan ci ste byed ce'o// de bzhin du blun po rnams gang zhig gang nas 'ongs pa'am gar 'gro tol med bzhin du/ bu shi ba la mya ngan byed do// yang ni de ma dris par 'gro ba ma yin te/ gang gi phyir nges yig 'bru med par mdza' shes dang nye 'brel la skal bgos mod kyi/ khyod ni gti mug phyir na bu yi ni// rnam par rtogs pa med par zad// de'i phyir de'i rnam pas bstan pa'i 'gro ba ma rtogs pas ni rang gi mi shes pa la mya ngan bya'i/ bu la ni ma yin no// yang gang gis na mdza' shes rnams la skal bgos pa/ de'i rnam pa gang yin zhe na/ bshad pa/ 'di yi 'gro ba spro ba nyid// rga bas ston pa byed par 'gyur// de ni skad cig gcig nas gcig tu 'brel pa yongs su 'gyur bas 'khogs bzhin pa na byes 'gron yun ring po 'jig par rtogs par byas so// de'i phyir mya ngan yongs su btang ste gti mug dang bral ba nyid la bsgrim par byed par nus te/ bu gcig ga khur la chus pa bzhin no// bu gcig pa 'ga' zhig gi bu khur gyi phyir mngon par chas la/ de'i pha nyid kyis de 'gro po'i rjes su mthun par byas shing 'gro bar zhugs pa la cho ngas 'debs par rtsams te/ de bzhin du 'jig rten yang bu bskyed pa'i phyir rang nyid 'bad pa byed la/ bskyed pa'i 'bras bu dang / phrad na mya ngan byed do// 'dir smras pa/ gal te yang rga bas 'di'i 'gro ba la spro ba nyid ston par byed mod kyi/ de lta na yang bu la cher chags pa nyid pa'i mya ngan gyi rgyur 'gyur ro// bshad par bya ste/ ji ltar pho la bu sdug pa// de ltar de la skye ma yin// bu la pha ltar pha la bu dga' ba ma yin te/ 'di ltar bu tsha rnams ni dka' ba brgya phrag gis bskyed bzhin du byas pa shes pa nyid kyi dngos po lhod pa'i phyir dang / bdag gi ba la sred pa shas che ba nyid kyi phyir sngar ma mthong ba gzhan ltar pha gcig char yal bar dor nas rang dgar spyod pa nyid du 'gyur ro// gang gi phyir de ltar na ji ltar 'jig rten sred pas bu la sogs pa 'og ma dag tu lhung ba de ltar sred pas bu la sogs pa rnams gong du pha la 'dzag pa mi srid pa de'i phyir na sred pa ji lta ba bzhin/ las 'phen pa'i phyir chags pas khrid pa'i sems kyis rgyud chu ltar thur du bab pa nyid do// zhes bstan pa'i phyir/ 'jig rten 'di ni 'og tu 'gro/ de phyir mtho ris kyang rnyed dka'// srang ba'i dbang du gyur pa'i 'jig rten gyis ni gyen la 'gro ba'i rgyu thob par dka' ba nyid kyi phyir na/ re zhig mtho ris kyang rnyed par dka' na/ thar pa lta ci smos/ de'i phyir bla ma la gus pa'i chags pa lhur blang bar bya'o// bu la sogs pa pha la nyes pa byed pa rnams la ni ngan 'gror gzhol bas mya ngan bya bar rigs kyi/ dus byas pa rnams la ni ma yin no// shing gun chud zos pa dang / dril bu'i skad bzhin no// tshong pa rnams kyi 'byung khung nas shing gun nyung zad cig ji lta ji ltar drangs pa de lta de ltar rlag pa na thams cad rlag par 'gyur ba dang / dril bu'i skad rim gyis gtan med par 'gyur ba de bzhin du byas pa chud gzon pa nyid la sogs pa'i spyod pa ngan pa rnams kyis chos bshig pas mtho ris kyang rnyed par dka' bar 'gyur na/ thar pa lta smos kyang ci dgos/ gzhan yang mya ngan gyis gnod par gyur pa 'di la re zhig 'di nyid rgal zhing brtag par bya ste/ ci khyod kyi chags pas rjes su mi mthun pa'i bu la 'am/ 'on te rjes su mthun pa la yin grang / de la/ gang tshe rjes su mi mthun pa// 'ga' yang sdug ces bya yod min// gang gi tshe gang zhig gang rjes su mthun par mi 'gyur ba de'i tshe de de la sdug pa ma yin te/ de'i phyir rjes su mi mthun pa la chags so// zhes bya ba mi srid do// ci ste rjes su mthun pa kho na la chags par 'gyur ro snyam na/ 'gyur la rag mong / de lta na yang / de tshe chags pa tshong dang ni// 'dra ba 'ba' zhig skye bar 'gyur// 'ba' zhig ni rgyu dang bcas pa gcig pu nyid do// gal te 'di'i ngo'i ngor 'jug go// zhes bya bas chags pa bskyed na ni/ de'i phyir de'i rjes su 'jug pa la lan du phan gdags pa'i phyir chags par byed pa na lag rje lug rje dag gis tshong rjes su bsgrub par 'gyur gyis/ chags pa ni ma yin te/ de'i phyir bu'i mya ngan gyis ci bya/ bu shi ba la langs po'i rgyal po'i mya ngan bsal ba bzhin no// rgyal po 'ga' zhig la bu shin tu sdug pa zhig yod la/ de dus byas par gyur pa dang / blon po rnams kyis rengs so// zhes snyam du zhus shing gsan nas kyang mchog tu skyon pas 'khrugs te/ de bsad pa'i phyir zhugs so// de nas shi'o// zhes zhus pa dang / de las dgyes shing kun nas dga' ba'i rnga bo che yang brdungs so// de ltar na 'jig rten la rjes su mthun pa sdug par 'gyur gyi gzhan ni ma yin no// 'dir smras pa/ chags pa'i 'brel pa ni bltos pa yin no// zhes bya ba de ni ma yin te/ bu la pha'i chags pa brtan pa nyid du yod pa'i phyir ro bshad par bya ste/ bral bas bskyed pa'i sdug bsngal ni// mi rnams snying nas myur ldog ste// chags pa'ang sdug bsngal bral ba yis// mtshon pa'i mi brtan pa nyid ltos// tshogs pa la brtan pa nyid yod pa ma yin te/ yun mi ring ba kho nar bral ba las skyes pa'i sdug bsngal ldog par mthong ba'i phyir ro// 'di ltar bu shi bas bskyed pa'i mya ngan chen po yang bya ba dang 'jigs pa'i bya ba'i gzhan gyi dbang gis yan mi ring ba nyid du mi rnams kyi snying las ldog pa yin no// gal te chags pa'i 'ching ba ldong pa nyid du mi 'gyur na ni de'i tshe des bskyed pa'i sdug bsngal ldog par mi 'gyur ba zhig na/ de ldog pa ni mthong ba yang yin te/ de'i phyir chags pa la yang brtan pa nyid yod pa ma yin pas des bskyed pa'i mya ngan gyis bdag nyid gdung bar mi bya ste/ dga' can chur lhung ba'i bu'i las bzhin no// rgyal po 'ga' zhig chu steng nas 'gro ba na mi ma yin pa rnams kyis gru bzung ba dang / de'i blon po dga' can zhes bya ba zhig yod pa des bskyong bar mdzad 'tshal lo// zhes bu rnams rgyal po la bcol nas bdag nyid chu klung du mchongs la/ nga khyer la rgyal po thong shig ces mi ma yin pa rnams la gsol ba yang btab te/ de yang btang bar gyur to// bu rnams de shi ba thos nas shin tu kho na sdug bsngal bar gyur la/ gang gi tshe rgyal pos longs spyod rnams kyis yang dag par 'geng par mdzad par gyur pa de'i tshe pha dang bral ba'i sdug bsngal dang bral bar gyur zhing pa shi ba la yon tan gyi rgyur btags par gyur to// de'i phyir de ltar mya ngan yang gtan du ba ma yin pa dang / ma nges pa yin no// 'dir gal te yang chags pa'i 'ching ba lhong pa nyid kyi phyir de dang bral bas bskyed pa'i mya ngan gyis bdag nyid gzir bar bya ba ma yin mod kyi/ de lta na yang 'jig rten shes pas de'i 'jug pa dang bstun te/ lus sgyur ba dang / rang gi lus la rdeg pa dang skra 'bal ba la sogs pas bdag nyid gzir bar bya dgos so// zhes smra'o// bshad par bya ste/ gnod pas gzir ba byas zin kyang // yon tan med snyam shes bzhin du// khyod bdag nyid la phyir 'chos 'gyur// de yang bdag la mi rigs so// 'dir khyod kyis 'jig rten dang mthun par 'jug pas byas pa'i gnod pas gzir bar byas su zin kyang de la yon tan 'ga' yang yod pa ma yin par shes mod kyi/ de lta na yang bdag gzir bar byeng ba nyid do// de'i phyir de ltar na khyod kyis bdag nyid la phyir 'chos 'jug pa 'dis gzir ba thob par byed na de yang bdag nyid la mi rung ngo // phyi 'chos ni rang gi don bsgrub par bya ba'i don du chos ma yin pa lhur byas te gzhan ngo mo tshar bskyed par bya ba'i phyir/ sbyar bar bya ba yin na/ de nyid ni bdag la rab tu sbyar bar mi rigs so// de'i phyir gzhan gyi rjes su 'jug pas byas pa'i sdug bsngal gyis bdag nyid skyo bar mi bya'o// blun po g.yon can rnams kyis brten pa'i lam 'di la mkhas pa rnams kyis dpyad par mi bya ste/ de'i phyir rang dbang du gyur pa nyid du bya dgos pas mya ngan la skabs sbyin par mi bya'o// lcib pa ston pa mo bzhin no// gong gi tshe bud med 'ga' zhig bud med la la zhig la lceb pa bslab par bya'o// snyam ste bdag nyid gsod par byed cing slob dpon nyid du snyoms par byed la/ gang zhig de ltar byed pa de'i tsho ba nyid du 'ong shes mod kyi de lta na yang byed par 'gyur te/ de bzhin du mya ngan gyis nyen pa rnams kyang de la yon tan 'ga' yang med do// zhes bya bar shes bzhin du yang bdag nyid la rtog par byed do// 'dir smras pa/ gal te gzir ba la yon tan ci yang med mod kyi de lta yang sdug pa dang 'brel pa thob par 'dod pas ni de med na mi 'byung ba'i gzir ba'i cha yang yongs su spang du med pa nyid do// bshad par bya ste/ sdug bsngal rnam par 'geng lta bu// 'jig rten 'di na yongs su 'khyam/ sdug bsngal gyur pa'i skye bo la/ sdug bsngal 'geng bas ci zhig bya// 'jig rten 'di thams cad ni las dang nyon mongs pa rnams kyis 'gro ba de dang de dag tu khrid pa na/ skye ba dang rga ba dang na ba dang 'chi ba la sogs pa'i sdug bsngal gyi bdag nyid can gyi sdug bsngal las mi 'da' la/ de ltar 'khor ba'i sdug bsngal gyi sgo nas rang nyid sdug bsngal gyis nyen pa'i 'jig rten de la/ skye bo gzhan sred pa dang ma grol ba 'di 'gro ba gzhan de dang der yang dang yang du bu dang bu mo dang / nye du'i dngos por gyur nas slar 'gro ba na pha dang ma dang nye dur gyur pa'i sems can gyi tshogs la rma la rgya tsha btab pa ltar bdag nyid dang bral bas bskyed pa'i sdug bsngal 'ged pa ltar byed cing yongs su 'phyan 'gyur ro// de'i phyir rang bzhin gyis sdug bsngal gyur pa'i skye bo 'di la yang bral ba'i sdug bsngal rnam par bgos pa yongs su bzung bas dgos pa ci yod/ 'di ltar gal te skye bo 'di sdug bsngal med pa dang / sdug bsngal don du gnyer ba zhig yin na ni de'i tshe 'di la sdug bsngal gyis rnam par 'ged pa rig pa zhig na/ 'di ni de ltar yang ma yin pas sdug bsngal rnam par 'geng pa la dgos pa cung zad kyang med do// de'i phyir sems dang bcas pa su zhig don ma yin pa byed pa'i skye bo rnam pa de lta bu la phrad bar byas nas de log pas mya ngan byed par 'gyur/ de'i phyir de ltar na 'khor ba dang 'brel pas skye ba la sogs pa'i sdug bsngal gyis gnod pa rig par byas nas gzhan dag sdug bsngal las bzlog por 'dod po'i mkhas pas ni bdag dang gzhan gyi don ma yin pa'i rgyu yin pa'i phyir 'khor po kho na dor bar bya'i/ mya ngan gyi khang par zhugs nas dge ba'i phyogs yongs su nyams par ni mi bya'o// spun gnyis pa dang me'i 'chi ba go bar byed pa bzhin no// spun gnyis las gcig gi gan du ma dus byas bar gyur la/ gzhan gyi gan du pha dus byas par gyur to// de gnyis char yang phan tshun go bar bya ba'i phyir phrad bar gyur to// de la gcig gis mthong nas kye hud a za zhes ngu la/ gnyis pa shos kyang kye hud o bo zhes ngu'o// de bzhin du 'jig rten yang sdug bsngal bar gyur pa rnams sdug bsngal 'geng bar byed do// 'dir smras pa/ sdug bsngal gyi rgyu yin pa nyid kyi phyir/ bral ba mi dga' ba yin mod kyi/ de lta na yang bde ba'i rgyu yin pa nyid kyi phyir 'du ba la dga' ba yin no// brjod par bya ste/ gang gi 'du ba dga' yin de'i// bral ba ji ltar dga' ma yin// 'du ba dang ni bral ba dag/ lhan cig rgyu bar snang min nam/ gang gi ste khyod dam gzhan gyi yang rung ste/ yid du 'ong ba rnams dang 'du ba dga' ba yin pa de'i de rnams dang bral bu dga' ba ji ltar ma yin/ rgyud gang kho na la 'du ba yod pa de nyid la gdon mi za bar 'byung ba'i bral ba yang yin pas 'du ba dang bral ba gnyi ga yang lhan cig spyod par snang ngo // de'i phyir 'du ba 'dod pas bral ba la dga' ba yang bya dgos so// de'i phyir bde ba'i rgyu yin yang mtha' ngan pa nyid kyi phyir de gnyi ga dang bral ba'i rnam par grol ba mngon sum nyid du bya'o// bkra shis ma dang sna nag ma 'jug po dang / kha zas dug dang bcas pa dang / mchil pa'i zas bzhin no// kha cig gis ngal bkri shis yong bar gyur cig ces lha mnyes par byas pa dang / des dam pa thob par gyur to// de khyim du zhugs pa'i khyim du mtshan mo bkra shis dang de'i phyi bzhin 'brang ba'i sna nag mo yang zhugs par gyur to// de nas bkra shis ma la 'di su yin zhes dris pa dang / des sna nag mo'o// zhes smras so// des smras pa bdag gis 'di'i phyir dam pa thob pa ma yin no// des smras pa gang na nga yod pa der 'di yang gdon mi za bar yod do// zhe'o// de bzhin du gang na 'du ba yod pa de na bral ba yang yin no// gang dag sdug pa rnams dang 'grog sa pa tsam zhig kho na mngon par 'dod kyi bral ba ni ma yin pa de dag gi de ni yid ston tsam zhig tu 'gyur ro// kha zas drug dang bcas bya za ba la mthar gdon mi za bar 'chi ba 'am 'chi ba la thug pa'i sdug bsngal du 'gyur ba de bzhin du/ 'du ba'i bde ba thams cad bral ba'i sdug bsngal dang rjes su 'brel pa nyid do// gang zhig mchil ba'i zas bza' bar 'dod pa de la ni gdon mi za bar mchil pas phug ste/ drangs pa yang yod do// 'dir gal te bral ba mthar nges mod kyi/ de lta na yang thog mar 'grogs pa yun ring ba nyid kyi phyir na de la brtsis su bya ba ma yin no// zhes smra'o// 'das la thog ma yod min la// ma 'ongs tha ma yod min na// ces na khyod kyis 'du mthong zhing // ring por gyur kyang bral ba min/ 'khor ba 'di na ma rig pa dang ldan pa'i gang zag gi 'das pa'i dus la thog ma mi srid cing / de thams cad kyang bral bas rab tu phye ba yin no// ma rig pa dang ldan pa nyid kyi ma 'ongs pa la yang tha ma med la/ de yang ma thob pa'i phyir na de'i bdag nyid can kho na'o// de'i phyir skye ba dang rga ba dang na ba dang 'chi ba'i 'khor ba'i rgya mtsho chen po'i thog ma dang tha ma med pa 'dir lhung ba'i don dang / 'grogs pa gang yin pa de ni skad cig ma yin te/ 'du byed thams cad skad cig re rer 'jig pa'i ngad can nyid kyi phyir ro// de'i phyir de ltar na ci'i phyir khyod kyis 'das pa dang ma 'ongs pas bsdus pa'i bral ba ring du zin kyang ma mthong zhing / ring po ma yin pa yang 'du ba 'ba' zhig kho na ring po nyid du mthong // de'i phyir 'di mi rigs so// de'i phyir de ltar skad cig mar 'jig pa shin tu phra bo nyid kyi phyir na 'du ba mthong ba yod na bral ba mthong bas ni rtag tu skyo ba dang ldan bar bya dgos so// chung ma gzhan gyis phrogs pas sdug bsngal ba bzhin no// mi 'ga' zhig yul gzhan du song bar gyur la/ byes na gnas pa de'i chung ma gzhan gyis bdag gir byas so// 'ongs te grong de'i 'dabs na gnas pas thos par gyur zhing / thos nas kyang g.yon can gyi khyim du song ste dus der skyes pa'i bral ba'i sdug bsngal gyis sdug bsngal bar gyur gyi/ dus sngar byung ba'i bral bas ni ma yin no// de'i don du rtsod par yang zhugs so// de bzhin du 'jig rten yang 'das pa dang ma 'ongs pa'i don dag la mya ngan mi byed par de'i dus kyi bral ba'i sgo nas de dang de la mya ngan byed do// 'dir smras pa/ gal te bral ba ring mod kyi/ de lta na yang dus tshigs phun sum tshogs pas sems khrid pa'i phyir de la brtsi btab med do// brjod par bya ste/ skad cig la sogs dus de rnams// nges par dag dang 'dra 'gyur te// des na dgrar gyur de dag la// rnam kun khyod 'dod chags mi bya// gang gi/ phyir 'di na dgun dang dgun chung dang dpyid la sogs pa dus rnams skad cig dang thang cig dang yud tsam gyi rim pa mngon par 'phel bas dag ltar khyod kyi gson pa'i skad cig zad par byed cing nges par gnas par 'gyur to/ de'i phyir de ltar srog 'phrog par byeng pa'i dus de dag la khyod chags par mi bya ste/ mdza' bshes kyi sgo nas gnas pa'i dgra bo yongs su shis pa ltar bag yod par spyod pas de yongs su shes pa la mkhas par bya ste/ bran mo rgan mo sdug bsngal dang rjes su 'brel pa bzhin no// ji ltar skad cig la sogs pa'i dus rnams 'gro ba na las mi nus pa dang rje dpon dag gis brnyas pa'i nyes pa los bran mo rgan mo la sdug bsngal 'khor lor 'byung mod kyi/ de lta na yang 'di de dag la chags pa kho na yin gyi/ de dag la mya ngan mi byed pa de bzhin du 'jig rten yang skad cig la sogs pa'i dus rnams la chags pa yin te/ tsha ba'i dus nu tshad pas gnod pa na dgun chung mngon par 'dod do// de bzhin du gzhan gyi sgo nas gzhan yin te/ de la gang nas kyang bde ba yod pa ma yin no// de'i phyir de ltar na 'du byed kyi chos nyid dag mngon sum du gnas pa ltar rjes su sems shing yid skyo bar gyur pas rjes su mthun par spyad par rigs so// de yang cir rigs shes na/ 'di dag thams cad nges par bor nas khyim nas khyim med par rab tu byung ste gnas par ro// gal te 'di rigs par bden mod kyi/ nus pa ni mo yin no// gnyen 'dun gyi skye bo dang bral ba ni dka' ste/ de ji ltar byed par nus/ de'i phyir des byas pa'i skrag pa las na kho bos nags su 'jug par bya ba'i phyir 'gro bar yang mi bya'o// zhe na/ brjod par bya ste/ blo ngan bral ba'i 'jigs pa yis// khyim nas nges par mi 'byung na// mkhas pa su zhig nges par ni/ bya dgos chad pas byed par 'gyur// blo gros ngan pa khyod gnyen gyi skye bo dang bral ba ni dka'o snyam ste/ de'i 'jigs pas khyim nas mi 'byung na/ de ni nam du yang rung ste 'chi bdag gi dbang gi gdon mi za ste/ de'i phyir bya dgos pa kho na'o// de ltar gdon mi za bar bya dgos pa'i nges par 'byung ba ni dka' thub bsgrub par bya ba'i phyir dang nyid kyis ma byas par/ 'chi bdag gi chad pa 'ba' zhig gi sgo nas shes rab can su zhig byed/ de'i phyir thabs mngon du gtang te bdag dang bdag gi ba yongs su gtong ba'i ngang tshul can du bya'o// gzir zhing grong pa dpya' 'bul ba bzhin no// dper na grong pa rnams sdug bsngal chen po nyams su myong nas phyis nges par 'bul bar bya ba'i dbya' mtha' dag 'bul gyi gzhan du ni ma yin pa de bzhin du mi mkhas pa rnams nges par btang bar bya dgos pa'i gnyen gyi skye bo 'chi bdag gis gtong du 'jug gi/ bdag nyid kyis ni mi gtong ngo // 'dir smras pa/ gal te yang rtsa lag ni gdon mi za bar btang bar bya ba yin mod kyi/ de lta na yang bu bskyed de/ lang tsho rdzogs pa na bag ma blangs pa de la khyim gyi khur bskur nas bgyi 'tshal yongs su rdzogs par bya ste nges par 'gro bar bya'o// bshad par bya ste/ khyod ni byas nas gsal bar ni// nags su bgrod bya snyam sems na// gang zhig byas kyang gtong bya ba/ de byas yon tan ci zhig yod// gal te bdag gis gdon mi za bar nags su 'gro bar bya ba yin mod kyi 'on kyang bya ba'i 'phro cung zad cig yod pas de byas la 'gro bar bya'o snyam du sems na/ gal te de 'di gang byed pa dang / gang gi don du byed pa de gnyi ga byas nas kyang gal te slar yongs su btang bar bya ba yin na 'o na ni de lta na byas pa la yon tan ci zhig yod te/ de bas na 'di ni bya ba ma yin pa nyid do// de'i phyir de la bltos nas dus 'da' bar mi rigs pas bya ba dang bya ba ma yin par rnam par dpyod pa la mkhas par bya ste/ mi gtsang ba'i nang du lhung ba'i shing tog a mra blangs te 'dor ba dang / 'gron po rdo brdar ba bzhin no// 'ga' zhig gis shing tog a mra mi gtsang ba'i nang du lhung ba blangs pas/ de la gzhan gyis 'dis ci byed ces dris pa des bkrus la dor bar bya'o// zhes smras pa lta bu ste de bzhin du gal te yul rnams btang bar bya ba yin na ni de dag yongs su btsal bas ci zhig bya/ yang ji ltar 'gron po 'ga' zhig gis 'gro ba bor nas rdo brdar bar brtsams so// de la ci byed ces dris pa dang / de nyid bdar bar byed par gyur cing / don mthun song ba na de rdo de lham par ma sbyangs par tshul ma yin pas nyon mongs pa'i bar du gyur pa de bzhin du/ 'khor ba'i 'gron po rnams kyi khyim gyi bya ba dag shes par bya'o// 'dir gal te don du na nags su 'gro ba gtso bo yin mod kyi/ de lta na yang bdag dang bdag gi la chags pa dang ldan pa la de las 'jigs pa 'byung ngo // zhes smra'o// brjod par bya ste/ bdag ni 'chi'o snyam sems pa// gang la nges par yod 'gyur ba// de ni chags pa yongs btang phyir// 'chi bdag la yang ga la 'jigs// 'dir shes rab dang ldan pa gang la la zhig la/ lung gi rjes su 'brangs te bdag ni 'chi ba'i chos can no snyam du sems pa nges par yod pa de la ni/ 'du 'dzi yongs su spangs nas bsrung bar bya ba nyid du yongs su bzung ba'i srog la yang sred pa'i chags pa yongs su btang ba'i phyir re zhig 'chi bdag la yang 'jigs pa yod pa ma yin na/ nags su 'gro ba 'am bu dang bral ba la 'jigs par lta ga la 'gyur/ de'i phyir 'chi ba rjes su dran pa sgom pa la brtson par bya ste/ dug med par bya ba'i sor gdub 'jug pa dang / kha zas dug dang bcas pa yongs su 'dor ba bzhin no// ji ltar dug med par bya ba'i phyir lag pa la sor gdub 'jug pa ltar/ de bzhin du mkhas pa rnams kyi nyon mongs pa'i dug gzhom par bya ba'i phyir mi rtag pa'i 'du shes 'jug go// yang ji ltar kha zas dug dang bcas pa yongs su dor bas dge shis su 'gyur ba de bzhin du chags pa thams cad yongs su btang bas nges par legs par 'gyur ro// slob dpon 'phags pa lha'i zhal snga nas kyi byang chub sems dpa'i rnal 'byor spyod pa'i bzhi brgya pa las/ rtag par phyin ci log spang ba'i thabs bstan pa ste/ rab tu byed pa dang po'i 'grel pa'o// re zhig rab tu byed pa dang pos mi rtag pa la rtag go snyam du phyin ci log pa spang ba'i thabs bshad zin to// de ni sdug bsngal la bde'o snyam du phyin ci log pa spang ba'i thabs kyi dbang du byas te bshad pa/ lus ni dgra ltar mthong mod kyi// de lta ni yang de bsrung bya// khrims ldan yun ring 'tsho ba ni// de las bsod nams chen po byed// gang gi phyir lus la nang gi bdag nyid las gyur pa khams ma snyoms pa'i rgyu can nang bzhi brgya rtsa bzhi dang / phyi rol las gyur pa dbyig pa dang / bong ba dang / mtshon dang / grang ba dang tsha ba dang sha sbrang dang / sbrang bu mchu rings dang / sdig sbrul la sogs pas rog pa'i rgyu can gyi sdug bsngal dag 'byung ste/ de'i phyir sdug bsngal du ma 'byung ba'i phyir dang / glags su snun pa'i phyir dang / brten par dka' ba'i phyir na 'phags pa'i ji ltar gnas pa'i rang gi ngo bo so sor brtag pa mdzad pa rnams kyis/ lus ni dgra ltar mthong ngo // gal te 'o na ni de ltar na de bskyang bar bya ba ma yin te/ dgra'i phyogs su bslan pa'i phyir ro// zhe na/ de ltar yin mod kyi/ de lta na yang de bsrung bya ste/ dgos pa dang bcas pa nyid kyi phyir ro// dgos pa de yang ci zhig ce na/ lus la brten nas dge ba'i rtsa ba'i tshogs thams cad nye bar sog pa'o// 'di ltar lus 'di yod na ni gang gi tshe yun ring du 'tsho ba dang tshul khrims dang ldan par 'gyur ba de'i tshe na bsod nams chen po byed kyi/ lus med na ni ma yin te/ de'i phyir re zhig bsrung bar bya ba nyid du 'gyur ro// rnam pa gcig tu na/ thal ma thag pa'i mi rtag pa nyid kyi gtam gyis sems skyo zhing / lus don ma yin pa 'dren pa 'dis ci zhig bya zhes de la brnyas pa thob par gyur pa de la brnyas pa yongs su spyad pa'i phyir/ lus ni dgra ltar zhes bya ba la sogs pa smos te/ bshad pa de nyid sbyar bar bya'o// 'ching ba gcig gis sprul pa'i tshong dpon gyi bu rkun po 'tsho ba bzhin no// ji ltar du ni 'chag pa la sogs par 'gro ba la nga la grogs mi byed por 'gyur du 'ong ngo // zhes tshong dpon gyi bu rkun po 'ching ba gcig gis sbrel pa/ btson du gyur kyang skyong par byed pa de bzhin du mtho ris dang thar pa thob pa'i rgyu lus yongs su skyong ba la yang bsod nams dang ye shes kyi tshogs yongs su rdzogs par bya ba'i phyir yin par blta bar bya'o// 'di ji ltar bdag don 'ching ba ni// gcig sbrel rkun po bsrung ba ltar/ de bzhin mkhas pas lus yin te/ tshul khrims la sogs spel phyir ro// zhes bya bar 'gyur ro// smras pa gral te lus bsrung bar bya ba yin na ni/ de'i phyir de la snying nye bar bya dgos so// brjod par bya ste/ mi rnams sdug bsngal lus nyid las/ skye zhing bde ba gzhan lngas na// sdug bsngal kun gyi snod gyur pa// khog pa la khyod ci ste gus// 'di ltar gang gi lus la bkres pa dang sgom pa la sogs pa'i sdug bsngal gang cung zad cig 'byung ba de ni lus kho na las yin gyi/ gzhan las ma yin la/ lus la gang bde ba gang cung zad cig 'byung ba de ni gzhan kho na las yin gyi lus las ni ma yin no// de'i phyir lus sdug bsngal thams cad kyi snod 'di la gus par mi bya ste/ ji ltar gson pa dang / dge ba 'phel bar 'gyur zhing nyes pa 'byung bar mi 'gyur bar dran pa tsam gyis de btsa' bar bya'o// dgon pa'i sha ba mo la chags pa bzhin no// mi dgon par zhugs pa 'ga' zhig gi mdun na sha ba mo zhig bud med kyi gzugs gzugs bzang bar ston pa mngon par sprul nas bdag nyid gya zhing mgon med par ston zhing gnas par gyur pa dang de des shing rta la bskyon no// de nas ring po ma lon par de 'gro ba'i mdun na sha za mchog tu mi sdug pa zhig gnas par gyur to// des de ral gri rnon bris dkyil du bcang ba dang / de nas gnyis su gyur to// des de gnyis kyang bcad pas bzhir gyur to// de ltar de nyis 'gyur du 'phel bar gyur to// de nas mi de'i gna' bshes lha zhig gis na mkha' las bud med gang shing rta la zhon pa 'di nyid bsad par bya ste/ 'di bsad na thams cad bsad par 'gyur ro// zhes tshig smras so// des kyang de kho na ltar byas so// de ltar sdug bsngal ba dang mi rtag par bltas pas lus la lhag par chags pa btang ste/ lus mi 'byung bar bya ba'i phyir nan tan bya ste/ de med par sdug bsngal thams cad med par 'gyur ro// 'dir smras pa/ gal te yang mi rnams kyi sdug bsngal lus kho na las byung mod kyi/ de lta na yang de'i phyir bcor yod te/ 'di ltar bde ba rgya chen po myong bar bya ba zas dang skom dang / mal cha dang stan dang bzhon pa la sogs pa'i yul yongs su longs spyod ba shin tu sna tshogs pa rnams ni ji ltar nye bar lhags pa'i sdug bsngal 'joms pa'i rgyu yin pa 'ba' zhig tu ma zad kyi/ 'on kyang bde ba chen po 'byung ba'i rgyu yang yin no// de'i phyir sdug bsngal ches chung ba nyid yin pa'i phyir dang / bde ba phal che ba nyid kyi phyir sdug bsngal la gcig tu 'jig par mi rigs so// zhe'o// bshad par bya ste/ sdug bsngal la ni 'jigs par bya dgos pa kho na ste/ 'di ltar/ gang tshe bde ba sdug bsngal ltar// shas cher mi la mi 'byung na// de ltar sdug bsngal chen po de// chung ngu snyam du sems byed dam/ lus la sdug bsngal 'byung ba na drag pa dang cher 'byung gi/ bang ba ni de lta ma yin no// 'di ni 'jig rten la rab tu grags pa yin te/ 'di lta ste/ lhas sbyin gding ba 'jam po gting ba'i mal cha la nyal lam 'dug kyang rung ste/ gzugs dang sgra dang dri ngang ro dang reg pa yid du 'ong ba dag gis yongs su brten pa na rang gi bdag nyid la bde bas phan btugs su zin kyang gang gi tshe/ sbrang bu mchu rings mchu khab rtse ltar rno bas phug par gyur pa de'i tshe/ bde ba de dag thams cad la brtsis med par glo bur du sdang zhing sdug bsngal gyis skyo bar 'gyur ro// de bzhin du gang zhig bde ba phul du 'byung bar 'gyur pa bde bas ni/ gang la chags pas rus pa yang 'gas shing snying yang 'dral bar 'gyur ba bu 'phangs par shrI ba la sogs pa'i gnas skabs su ji 'dra ba'i sdug bsngal 'byung ba de'i bcu drug gi char yang mi phod // de'i phyir sdug bsngal chen po zil gyis mnan pa'i bde ba ni yod du zin kyang skyob byar mi byed do// gal te bde bA shin tu che ba zhig yod par 'gyur na ni de sdug bsngal gyis zil gyis gnon par mi 'gyur te/ 'di ltar chung ngus ni chen po zil gyis mi gnon pa ma yin no// de la lus la bde ba che la sdug bsngal chung ngo zhes gong 'dod pa de ni ma yin no// / 'dir/ gang zhig stobs kyis shin tu che gzhan yang // zil gyis gnon de chung ngu ma yin la// gzhan gyi stobs kyis zil gyis gnon pa gang // de ni chen po yin zhes bsnyad mi bya zhes bya bar 'gyur ro// de'i phyir de ltar na phyi rol gyi rkyen nye bar lhags pa'i sdug bsngal dag gis kyang sdug bsngal bar gyur pa'i lus ni sdug bsngal ches chung ba nyid las bde ba yang yin no zhes mi bya ste/ sgra sgrogs sI ta 'phrog pa bzhin no// ji ltar sdug bsngal chen pos s+thi ta 'phrog par byas mod kyi/ de la bde ba ni chung ngu yang yod pa ma yin pa ltar/ de bzhin du sdug bsngal gyi chu bo'i 'dam du bying ba'i 'khor ba yang bde bar semaso// sdug bsngal gyis zil gyis mnan pa dang / chung ngu nyid yin pa de nyid kyi phyir/ 'jig rten bde la mngon phyogs shing // bder 'gyur dag kyang rnyed dka' ste// bde ba 'dod cing sdug bsngal dang mi mthun pa'i skye bo ni sdug bsngal la 'bros mod kyi/ de lta na yang sdug bsngal dang ro gcig pa'i lus la bde ba sgrub par mi nus pa nyid kyi phyir/ ji lta ji ltar 'jig rten bde ba mngon par 'dod pa de lta de ltar 'di la bde ba thag ring bar 'gyur zhing / sdug bsngal kho na mngon du 'gyur te/ bde ba'i re bas sdug bsngal gyi rgyu nye bar sogs pa'i phyir ro// / de'i phyir bde ba dang ldan pa dag shin tu dkon no// gang gi phyir 'di de lta yin pa/ des na skye bo 'jig 'di la// sdug bsngal rjes su snyeg pa 'dra// skyes bu la grib ma rjes su 'brang ba ltar sdug bsngal la bris su zin kyang skye bo la sdug bsngal rjes su 'brang ste/ rang bzhin ni spang bar mi nus so// khron par yib pa la glang po che bzhin te/ 'ga' zhig glang po che myos tshabs che ba lcags kyu med pas ji lta ji ltar bdas pa dang khron par gab par byed cing khron pa'i phyang du phyin nas bdag thar bar sems te/ de ni glang po che myos pas rjes su bsdams pa kho nar 'gyur ba de bzhin du rtag tu sdug bsngal dang rjes su 'bral ba'i 'jig rten yang gti mug gis bde ba'i 'du shes dang ldan par 'gyur ro// 'dir/ 'di na 'phongs par gyur pa'i skyes bu ni// bde bas gzhan bzhin skad cig la yongs 'dor// 'chi bzhin par ni gyur pa'i sems can la'ang // sdug bsngal grib ma bzhin du rjes su 'breng / zhes 'brang bar 'gyur ro// 'di'i phyir yang 'di de lta yin te/ gang gi phyir/ sdug bsngal 'dod pas snyed 'gyur gyi/ 'dod pas bde ba ga la yin// sdug bsngal ni rtag tu nye ba'i phyir dang / mi nye ba yang shin tu 'bad pas sgrub par bya ba ma yin pa nyid kyi phyir 'dod bzhin pa na de snyed kyi/ bde ba ni 'dod pas rnyed pa ma yin te/ sdug bsngal gyi bdag nyid can gyi lus la de shin tu dkon pa'i phyir te/ nyin mtshan la grang ba bzhin no// 'jig rten 'di rtag tu nye bar gnas pa'i sdug bsngal la mi 'jigs shing sdug bsngal yang mi dge ba'i las las yin la/ bde ba shus tsam la re ba'i 'jig rten yang sdug bsngal gyi 'bras bu can gyi las la shin tu ches 'jug ste/ de'i phyir/ de ldog pa'i phyir bshad pa/ khyod cis dkon pa la gus shing // mong la ci ste khyod mi 'jigs// 'dir sdug bsngal gang gi tshe dang / ci 'dra ba dang / ji tsam zhig ring dbang du 'dod pas rnyed pa de ltar ni bde ba ma yin te/ de ni gzhan la rag las pa nyid kyi phyir 'dod pas mi thob na/ 'jig rten ni chags pas rnyed par dka' zhing gzhan la rag las pa'i bde ba la gus kyi/ bun pas rnyed par sla zhing rang dbang du gyur pa'i sdug bsngal la 'jigs par mi 'gyur ro// ji ltar bde ba dkon yang 'dod par bya pa yin pas don du gnyer ba/ de ltar yid dbyung bar bya ba'i sdug bsngal mod la ci ste yid mi 'byung ste/ thams cad du rang bzhin dang 'tshems pa'i nan tan rigs so// de'i phyir 'dis mi dge ba spang bar rigs so// de'i phyir de ltar na rang dbang du gyur pa nyid kyi phyir sdug bsngal kho na 'jig rten gyi bdag gi ba yin gyi bde ba ni ma yin te/ mdzod 'bugs pa bzhin no// ji ltar rgyal po'i mdzod brtol ba las rang 'dod kyis sdug bsngal 'thob pa de ltar bde ba ni ma yin no// 'di 'jig rten 'din mi shes pa// 'dris kyang sdug bsngal la mi 'jigs// 'dod pas bde ba'ang mngon 'dod te// bde nyid rnyed par dka' phyir ro// zhes bya bar 'gyur ro// yang na sdug bsngal gyi yan lag nyid kyi phyir bde ba yang skyo bar bya ba yin pas de yang btang bar rigs so// yang ji ltar de'i yan lag nyid yin zhe na/ 'di ltar/ bde bar gyur pa'i lus po ni// sdug bsngal snod du 'gyur pa ste/ bde ba dang ldan pa rnams kyi lus bde bo myong bar bya ba'i yul can/ rtag tu longs spyod kyis shin tu gzhon sha can du gyur pa dag ni sdug bsngal ches chung ngus reg kyang 'bar bar gyur pa'i me lces lo ma sar pa dag ltar rod nyams par 'gyur gyi/ gnas skabs der thams cad la sron pa'i pha dang ma rnams ni mi 'gyur te/ de'i phyir bde ba phul du byung ba ni/ sdug bsngal 'phel ba'i rgyu yin no// gang gis 'di de lta yin pas/ des/ lus la gus dang dgra la gus// de dag gnyis ni mtshungs par snang / sdug bsngal bsgrub pa la lus dang dgra bo la bye brag 'ga' yang med de/ de'i phyir de gnyis brten pa na de dag kyang mtshungs par 'gyur te/ sdug bsngal gyi rgyu sdud par gnyis char yang 'dra ba'i phyir te/ shing rta la nyal ba bzhin no// ji ltar mi 'ga' zhig so ka'i dus kyi nyi ma'i gung la shing rta'i steng du bde bar gnyid kyis log pa/ rgyal po 'ga' zhig gis 'dod rgyal du mthong bar gyur to// / des de snying rjes phyis ji ltar mal cha la 'dug pa na yungs kar gyi 'bru gcig gis reg pas kyang gnyid mi rnyed pa de ltar bde ba'i mchog chas dag gis yongs su bskyangs pa de bzhin du lus ji lta ji ltar badre ba'i yo byang ngag gi nye bar bsten pa de ltar sdug bsngal gyi snod du 'gyur ro// gzhan yang lus ni bde bar 'gyur bar bya bar mi nus pa nyid kyi phyir de las bzlog pa'i rang bzhin can nyid du rtogs te/ 'di ltar lus ni shin tu 'gor bas kyang // bde ba'i bdag tu mi 'gyur te/ rang bzhin gzhan gyis zil non zhes/ bya ba rig pa ma yin no// lus ni bde ba'i longs spyod kyi rgyu yul de dang de dag gis nye bar bsten kyang bde ba'i bdag tu mi 'gyur te/ sdug bsngal gyi rang bzhin yin pa'i phyir ro// ji ltar sra ba'i rang bzhin can zha nye dang ro nye dang gser dang dngul rnams me dang phrad pas zhu ba nyid du 'gyur mod kyi/ de lta na yang sra ba'i rang bzhin nyid kyi phyir na zhu ba nyid de rnams kyi bdag gi ba ma yin pa de bzhin du sdug bsngal gyi rang bzhin yin pa'i phyir bdag gri ba ma yin pa'i bde bas lus kyi bdag gi nyid yun ring pos kyang bya bar mi nus te/ de'i phyir lus ni sdug bsngal gyi rang bzhin can nyid ste/ khu byug gi phrug gu bzhin no// ji ltar khu byug gi phrug gu bya rog gis cher bskyed bzhin du/ khu byug kho na'i yin par 'gyur gyi bya rog gi ma yin pa de bzhin du lus bde ba'i ma yin no// 'dir 'gyur te/ rmongs mun sdug bsngal bdag nyid lus// bde ba'i bdag gir byed dam ci// nam yang cher yun ring bas kyang // lcags gnag gser du 'gyur ba min// 'di snyam du sdug bsngal yod du zin kyang ma tshor ba ni don ma yin pa'i gnas ma yin te/ 'di ltar/ kha cig dag ni skyes pa nas brtsams te 'chi ba la thug pa'i bar du gcig tu bde ba dang ldan par snang la sems can mchog tu gyur pa gzhi chen po la re ba bzhag pa rnams kyang de la g.yengs pas tshor bar mi 'gyur te/ de'i phyir de ltar lus sdug bsngal gyi bdag nyid can yin snyam na/ brjod par bya ste/ mchog la yid kyi sdug bsngal te// tha mal rnams la lus skyes so// sdug bsngal gnyis kyi 'jig rten 'di// nyin re nyin re 'joms par byed// sdug bsngal ni rnam pa gnyis te// lus kyi dang yid kyi'o// de la mchog tu gyur pa gang dag longs spyod che zhing rigs dang ldan la 'dod pa brlabs che ba de dag la ni mngon par 'dod pa'i gzhi chen po thob par dka' ba'i phyir/ phrag dog phal che bas 'dod pa mi rnyed pa las skyes pa yid kyi sdug bsngal ldog pa meng la/ yang sems can tha shal rigs dma' zhing bza' ba dang / mal cha dang gnas dang gos dman pa gang dag yin pa de dag ni lus kyi sdug bsngal gyis bcom pa nyid kyis na su la yang bde ba'i go skabs ga la yod/ de'i phyir de ltar na 'jig rten 'di dag thams cad sdug bsngal gnyis kyis nyin re nyin re zhing 'joms par 'gyur ro// de'i phyir rang bzhin gyis bde bar gyur pa ni 'dir 'ga' yang yod pa ma yin te/ glang po che la bskyon pa mthong nas dbang byed brnyas skran langs pa dang yongs su dga' ba bzhin no// rgyal po 'ga' zhig gis tshogs shig ces 'ga' zhig glang po che gdul dka' ba la bskyon la/ des kyang glang po che yang dag par bskul bar gyur to// de nas rgyal po mgu nas ri mor byas so// myi de'i bya dga' mthong nas glang po che'i dbang byed pa'i mi sdug bsngal bar gyur to// de nas 'jigs pas de la yid mi bde bar skyes par gyur to// yang mi gnyis pa dman pa zhig rgyal po des tshogs shig ces glang po che de la bskyon pa dang nges ma nus par gyur te/ rgyal pos des lus kyi chad pa dang sbyar la/ dbang byed la yang yongs su dga' ba skyes par gyur to// de la gcig la yid kyi sdug bsngal yod par gyur la/ gnyis pa la lus kyi'o// de bzhin du chen po rnams la ni khyad du sad pa las yid kyi sdug bsngal 'byung la/ dman pa rnams la ni brdegs ba las lus kyi'o// 'dir/ sdug bsngal gnyis bcom 'jig rten ni// rang bzhin sdug bsngal nyen mthong nas// de ni bde zhes snying rje yi// bdag can skyes bu su zhig smra// zhes bya bar 'gyur ro// 'dir smras pa/ sdug bsngal gnyis ni yod mod kyi/ de lta na yang bde ba chen po nyid kyis zil gyis mnan pas mi shes so// bshad par bya ste/ bde ba la ni chen po nyid ga la yod de/ sdug bsngal gyi dbang du gyur pa'i chos rtog pa zhes bya ba la yang rag las te 'jug pa'i phyir ro// 'di ltar/ bde ba rtog pa'i dbang gyur zhing // rtog pa sdug bsngal dbang gyur pa// de phyir kun na sdug bsngal las// shin tu stobs ldan ci yang med// gang gi tshe skyes bu 'di bdag ni gtong ba po'o// bdag ni phyug po'o// bdag ni dbang po'i yul yid du 'ong ba dang yid du mi 'ong ba nye bar longs spyod pa'o zhes de ltar rtog par byed pa de'i tshe/ de ltar yongs su rtog par byed pa 'di la yi'i tshe bde ba 'byung la/ bde ba 'byor du zin kyang gzhan gyis gnod par dogs pa rnams la/ longs spyod rgyun 'chad pa'i rtog pas phyis yid kyi bde ba de ldog par 'gyur te/ de ltar na bde ba 'byung ba dang gag po dag ni rtog pa la rag las pa nyid kyi phyir de ba rtog pa'i dbang du gyur pa yin no// sdug bsngal ni de ltar ma yin te/ gang zhig sdug bsngal gyi gnong ba'i mthu 'gog par byed pa'i rtog pa ni 'ga' yang yod pa ma yin no// de'i phyir sdug bsngal ni bde ba ltar rtog pa'i dbang du gyur pa ma yin no// yang yul yid du 'ong ba longs spyod pa'i bde ba gang yin pa dang / bde ba 'byung ba dang rjes su mthun pa'i rtog pa gang yin pa de gnyis char yang sdug bsngal nye bar skyes pas 'joms par 'gyur te/ 'di ltar dbang ba'i yul nye bar longs spyod kyang 'di sdug bsngal gling yang rung ba zhig gis zil gyis mnan pa na bde ba de thams cad rtog pa dang lhan cig btang nas sdug bsngal kho na so sor myong por 'gyur gyi/ bde ba ni ma yin no// de'i phyir de ltar na bde ba'i rtog pa sdug bsngal la rag las pa'i phyir/ sdug bsngal kho na cher stobs dang ldan pa yin gyi bde ba ni ma yin te/ chun ma'i bu bkur bas sdug bsngal bar gyur pa nyid bzhin no// chen chun gnyis las gcig ni bu shi baM zhig yin la/ gnyis pa ni bu dang bcas pa zhig go// de la gang bu shi ba dri chun ma'i bu bkur zhing brgyan pa mthong nas shin tu ngu bar gyur to// de la shi zin pa la yang ci'i phyir ngu zhes dris pa dang / nges smras pa/ kho mo nga la mi du'i/ 'on kyang gang chun mo'i bu gson pa 'di la kho mo du'o// de dus phyis chun ma'i bu na ba na grong gzhan zhig du song ngo nyi ma kha cig lon nas grong de'i 'dabs su bsnyen pa dang / de nas ro zhig bton par gyur to// des 'di ltar chun ma'i bu de shi'o snyam du yongs su brtags so// de ltar yongs su brtags nas de la shin tu yid bde ba skyes la/ sdig pas yan lag gi cha la brdungs pa dang / de phyir de la rtog pa'i dbang gis yid bde ba skyes pa dug gi sdug bsngal zin gyis mnan te/ de'i phyir gang na yang sdug bsngal las ches stobs che ba gzhan cung zad kyang yod pa ma yin no// 'di ltar gang phyir phyin log las skyes pa// de phyir bde ba shin tu dkon// sdug bsngal yang dag las skyes pa// de phyir de ches stobs dang ldan/ zhes bshad do// 'dir smras pa/ gal te yang bde ba shin tu rnyed par dka' mod kyi/ de ltar yang gnod pa mi byed pa'i phyir de lus kyi bdag gi ba yin la/ sdug bsngal ni mang yang gnod pa byeng pa'i phyir gzhan nyid du 'gyur ro// bshad par bya ste/ ji lta ji ltar dus 'gro ba// de lta de ltar sdug bsngal 'phel// de phyir bde ba lus 'di yang // gzhan pa lta bur snang bar 'gyur// lus gang gi byis pa dang gzhon nu dang ngar la bab dang / rgan po nyid dag ni ji lta ji ltar dus 'phel ba de lta de ltar sdug bsngal mngon par 'phel bar mthong gi/ bde ba ni ma yin no// glang gi phyir bde ba ni de ltar rnam par 'phel po'i lus kyi rgyab nas rgyab nas 'byar la/ sdug bsngal ni mdun nas mdun nas nye bar 'du ba de'i phyir sdug bsngal kho na lus 'di'i bdag gi ba yin par snang la/ bde ba ni gzhan du gyur pa ste/ lam ring por 'gro ba bzhin no// ji ltar lam ring por 'gro ba la nyin re nyin re bzhin ngal ba'i sdug bsngal dang lam rgyags zad pa'i sdug bsngal ches drag po 'byung ba de bzhin du/ byis pa so so'i skye bo thams cad kyi ji lta ji ltar yun ring bar 'tsho ba de lta de ltar rga ba'i sdug bsngal 'thob cing 'chi ba yang nye bar 'gyur ro// 'dir/ gang phyir chags pa ltar sdug bsngal// 'di yi mdun du mdun du 'gro/ gzhan bzhin lus kyi bde ba ni// 'dor ba de phyir gzhan du 'gyur/ zhes bshad do// 'dir smras pa/ gang gi phyir gal te yang lus 'di la sdug bsngal rang bzhin gyis yod mod kyi de lta na yang bde ba'i rgyus bcor yod pa de'i phyir bdag gi lus la skyo bar mi bya'o// bshad par bya ste/ sdug bsngal gyi ni rgyu mang po// nang rnams dang gzhan snang 'gyur ba// de steng du ni mi rnams la// bde ba'i rgyu dag snang ma yin// 'di na lus la sdug bsngal gyi rgyu nang gi bdag nyid las gyur pa khams ma snyoms pa'i rgyu can nang rnams dang / gzhan grang ba la sogs pa phyi rol gyi rgyu las byung ba reg pa yid du mi 'ong ba can rnams ji snyed yod pa de snyed kyi bde ba'i rgyu nang dang phyi rol gyi rgyu can dag ni lus 'di la mi snang ngo // gang gi phyir lus la bde ba'i rgyu dag nyung la/ sdug bsngal gyi rgyu dag mang ba de'i phyir bde ba'i rgyu yod pa'i phyir sdug bsngal la skyo bar bya ba ma yin no// zhes bya ba de ma yin te rgyal po'i bu mo la rang nyid kyi khyim thab don du gnyer ba dang / rnam thos kyi bu'i bu mos nga las nu bzhin no// gang dag rang nyid kyi khyim thab las rgyal po'i bu mo'i don du gnyer ba de dag ni sdug bsngal dang 'brel par 'gyur ro// de ni gcig kho na bde ba'i rgyur 'gyur gyi/ thams cad kyi ni ma yin la/ mang po zhig kyang don du gnyer bar byed kyi/ 'thob pa yang ma yin te/ de'i phyir sdug bsngal dang ldan par 'gyur ro// de bzhin du sems can rnams la sdug bsngal gyi rgyu dag mang la/ bde ba'i rgyu dag ni nyung ngo // de bzhin du rnam thos kyi bu'i bu mo 'phrogs pas nga las nu la sdug bsngal gyi rgyu dag du ma yod par 'gyur la/ bde ba'i rgyu dag de ltar ma yin pa lta bu ste/ gnyis char stobs dang ldan pa'i phyir ro// 'dir bshad pa/ lus bde chu yi thigs 'dra zhing // sdug bsngal rgya mtsho'i chu bzhin du// shes nas mkhas pa ji lta bur// de la bde ba yod par sems// 'dir smras pa/ gal te bde ba zhes bya ba yod par mi 'gyur na ni/ 'di la 'phel bar mi snang bar 'gyur ba zhig na/ gang gi phyir bde ba la 'phel ba snang ba de'i phyir yod do// bshad par bya ste/ 'phel bzhin pa'i bde ba la// ji ltar ldog pa mthong 'gyur ba// de ltar sdug bsngal 'phel bzhin pa// bzlog pa yod pa ma yin no// bde ba ji lta ji ltar 'phel bar 'gyur ba de lta de ltar 'phel bzhin pa de las bzlog par mthong ngo // gal te rang bzhin gyis bde bar gyur na ni de las bzlog pa yod par mi 'gyur pa zhig na/ bde ba 'phel bzhin pa la ni de ltar bzlog pa yod kyi/ sdug bsngal la ni ma yin te/ 'di ltar bde ba ni mngon par 'phel ba na yun ring pos smang ba dang mnog chung bar 'gyur la/ sdug bsngal mngon par 'phel ba ni ches lhag pas gdung bas rtsub cing / lus dang sems ches shin tu nye bar 'joms par 'gyur ro// de'i phyir de ltar na 'phel ba la bzlog pa med pa'i phyir lus sdug bsngal gyi rang bzhin yin gyi/ rang bzhin gyis ni bde ba med do// nga las nu lhung ba bzhin no// ji ltar brgyu byin gyi spyan phyung 'dod pas 'og tu lhung ba'i phyir nga las nu'i bde ba gzhal du med par 'phel bzhin pa la yang bzlog pa mthong ba de ltar sdug bsngal la ma yin no// 'dir bshad pa/ gal te bde de rang bzhin gyis// yod na bzlog los sdug mi 'gyur// gang phyir bzlog 'gyur de yi phyir// 'di la rang bzhin yod ma yin// bde ba rang gi ngo bos nyam chung ba nyid yin pa 'ba' zhig tu ma zad kyi/ 'on kyang rkyen nyam chung ba nyid kyang yin te/ 'di ltar/ rkyen dang lhan cig bde ba la// bzlog pa mthong gi sdug bsngal la// rkyen rnams nyid dang lhan cig tu// bzlog pa yod pa ma yin no// bde ba'i rgyu dro ba dang bsil ba'i reg pa la sogs pa rnams ni bsten pa na mthar sdug bsngal gyi rgyu nyid du rnam par 'gyur gyi sdug bsngal gyi rgyu rnams ni yun ring pos bsten pa na zhe sdang drag pos mig dmar por gyur pa'i mi srun pa rnams ltar ches sri ba med par 'jug pa la spyod do// de'i phyir rgyu stobs che ba nyid kyi phyir sdug bsngal ni stobs dang ldan pas yang dag par mnan pa'i phyir las sdug bsngal gyi rang bzhin kho na yin pas bde ba med de/ rgyal po mya ngan med kyi btson ra nyams dga' bzhin no// rgyal po mya ngan ming la btson ra nyams dga' zhes bya ba zhig yod par gyur la/ der thog mar zhugs pa gang zhig rang 'dod kyi spyod lam bzhi las gang yang rung ba zhig gis gnas pa de bde bar gyur pa ma yin la/ de bde ba'i rkyen de yod kyang phyis sdug bsngal bar 'gyur te/ de bzhin du rkyen dag yod bzhin du bde ba kho na bzlog par 'gyur gyi/ sdug bsngal ni ma yin no// 'dir smras pa/ gal te bde ba med na ni/ lha sbyin bde ba dang ldan no zhes bya ba'i brjod par mi 'gyur ba zhig na/ brjod pa 'di na yod pa yang ma yin te/ de'i phyir bde ba yod do// bshad par bya ste/ khyod 'chi bzhin la dus song zhing // 'gro ba dang ni 'gro 'gyur na// 'chi bzhin pa ni bde 'gyur zhes// rnam pa kun tu rigs ma yin// skad cig re re la 'jigs pa'i ngang can yin pa'i phyir 'du byed rnams skad cig dang skad cig la 'chi ba yin la/ de yang dus gsum la mi 'khrul pa yin pas 'chi bzhin pa la khyod kyi dus song zhing 'gro bar 'gyur ro// de'i phyir de ltar na dus gsum la khyab pa'i 'chi bas 'chi bzhin pa na bde ba dang ldan par 'gyur ro// zhes rnam pa thams cad du mi rigs so// de'i phyir bde ba dang ldan no/ zhes bya ba'i brjod pa las bde ba yod do zhes bya ba mi rung ste/ bran ngan pa na le sham za ba dang / chang 'thung ba bzhin no// 'bangs gzhon du zhig gis khyim bdag 'ga' zhig gi mchin l+h+wam brlag go/ de nas khri'u'o// de nas ni rta'o// de khams nas de na le sham gyi mdzod du bcug go// der bcug nas kyang na le sham za ba dang / chang 'thung ba la goms par byas so// de nas de nas khyim bdag de stong phrag dang phral lo// de nas stong phrag gnyis ngang ngo // de nas de la des gang khyod bya ba ma yin pa byed kyang ngas slar bskyangs bzhin du yang nas yang du gnod pa byed pa/ khyod ni byas pa chung gzon pa dang byas pa mi shes pa zhig go zhes brjod pa dang / des gang khyod yang nas yang du nyes pa byas kyang nga la yid rton par 'gyur ba khyod nyid byas pa chud gzon zhing byas pa mi shes pa zhig go zhes smras te/ de bzhin du byis pa rnams kyang nur nur po la sogs pa nas 'chi bzhin du kho bo cag ni bde'o zhes smra'o// 'dir bshad po/ gang zhig yang dang yang du 'tsho de ba min zhing // gang nas rtag tu nang gzhi yong de rnal ma min// gang du rkun pa mdun na rtag ste 'byor min la// gang zhig tshul ma yin pas bsags de nor ma yin// dus thams cad la 'khrul pa med pa'i 'chi bdag gis bzung ba la bde ba cha tsam gyi yang grags med pa 'ba' zhig tu ma zad kyi/ gzhan yang de las gzhan pa sdug bsngal gyi rgyu bar med par lhags pa las kyang bal che ba nyid kyi phyir/ yang sdug bsngal la bde ba'i 'du shes mi rigs so// 'di ltar/ lus can rnams la bkres sogs kyis// gnod pa rtag tu yod 'gyur na// gnod bzhin pa ni bde'o zhes// rnam pa kun tu'ang rigs ma yin// sdug bsngal gyi rgyu lus la gnod par byed pa bkres pa dang sgom pa dang grang ba dang tsha ba dang nad la sogs pa rtag tu nye ba de rnams kyis/ bar mtshams mang bar 'khor mor gnod pa ji ltar bde bar 'gyur te/ mna' ma khyim gyi so chos don du gnyer ba bzhin no// mna' ma kha cig gis khyim gyi dbang don du gnyer bar gyur to// de sgyug mos de dang de la nges par sbyar ba dang de nas gang sngar chas bdar lhur byed par gyur pa zhig bya ba byas pa dang ma byas pa dag la mchog tu sdug bsngal bar gyur te/ de bzhin du 'jig rten yang bkres pa dang / skom pa la sogs pa'i sdug bsngal bco ba'i rgyur zas dong skom la sogs pa tshol bas rtag tu sdug bsngal te/ bde ba'i blo ni phyin ci log las yin no// 'dir bshad pa/ rgyal po'i skyes bu rnams kyis rkun po ltar// / sdug bsngal rnams kyis rtag tu lus 'joms na// de 'dir dam pa rnams kyis bde'o zhes// bya bar ji lta bur na rigs par 'gyur// 'dir smras pa/ gal te yang byude ba rang bzhin gyis med mod kyi/ de lto na yang bde ba ni tshogs pa'i sgo nas yang ngo // bshad par bya ste/ nus pa med pas 'byung kun la// tshogs pa zhes bya skye 'gyur to// 'gal ba rnams la bde'o zhes// rnam pa kun tu'ang mi rigs so// 'dir bde ba dang sdug bsngal dag ni lus la rag las pa yin la/ lus de yang sa la sogs pa 'byung ba chen po tshogs pa las 'byung ngo // 'byung ba chen po yang re re la lus mngon par sgrub pa'i nus pa med pas 'tshogs par 'gyur ro// 'di ltar gal te nur nur po'i gnas skabs nas med par gyur na ni de'i tshe 'byung ba gsum 'dzin par mi 'gyur te/ de'i phyir nur nur po'i 'og tu lhung bar 'gyur ba zhi ga na/ sa'i khams kyis ni bzung ba yang yin no// gal te chu'i khams med na ni de'i tshe go bu'i ngo bor mi 'gyur ba zhig na/ chu'i khams kyis bsdus pas na gong bu'i ngo bor 'gyur gyi bye ma ltar rdul phra rab re re nas 'thor ba'i ngo bor mi 'gyur ro// gal te me'i khams med par gyur na ni/ de'i tshe nur nur po 'drul bar 'gyur ba zhig na/ me'i khams kyi skam pa na de 'drul bar yang mi 'gyur ro// gal te rlung gi khams med par gyur na ni nur nur po de 'phel ba dang / rgyas pa dang yang ba nyid du mi 'gyur ba zhig na/ rlung gi khams kyis 'phel bar 'gyur ba yang yin no// de lta na re re med par gzhan rnams la lus mngon par sgrib pa'i nus pa med pa'i phyir 'byung ba thams cad 'tshogs par 'gyur ro// 'byung ba chen po de dag ni phan tshun gnod par zhugs pa yang yin te/ 'di ltar sa'i khams ni rlung gi khams kyi 'gros sdug par bya ba'i phyir zhugs la/ rlung gi khams kyang sa'i khams rnam par 'thor ba la mngon par brtson no// chu'i khams ni me'i khams la gnod par bya ba'i phyir yin la/ me'i khams kyang chu'i khams skams par bya ba'i phyir rab tu zhugs so// de ltar na 'byung ba chen po 'di rnams ni phan tshun 'gal ba yin la/ 'gal ba rnams kyang lus gcig la sdug bsngal 'byung ba'i rgyu nyid yin pa'i phyir/ bde ba'i ge skabs med pas lus ni sdug bsngal gyi bdag nyid can kho na zhig ste/ thag pa gcig gis bcings pa'i srog chags drug dang / chung ma bzhis sdug bsngal bar gyur pa bzhin no// ji ltar phan tshun 'gal zhing spyod yul tha dad pa thag pa gcig la btags pa rta dang / ce spyang dang / sbrul dang / 'dab chags dang / ri dwag sa dang / chu srin byis pa gsod rnams la tshogs pa yid kyang 'gal bas ji ltar bde ba med pa de dang 'dra'o// / 'dir bshang ba/ 'gal ba khang pa gcig gnas rnams// bde bar mi 'gyur ji 'dra ba// de 'dra tshegs kyang 'gal ba yi// 'byung ba rnams la yang bde yod min// ji ltar chung ma phan tshun mi mthun pa bzhi las der gcig ni rtag tu khengs pa zhig go// gzhan zhig ni rtag tu ngu ba zhig go// gzhan ni rtag tu khro ba zhig go// bzhi pa ni rtag tu smyo ba zhig ste/ de dag bdag pos sbyar ba las lus la rim gro bya ba la 'phrong par mi nus shing / phan tshun mi mthun pas rim gro yang dag par yang mi byed pa de bzhin du las dang yang dag par yang mi byed pa de bzhin ldan pas khams bzhi la bde ba ga la yod/ 'dir smras pa/ 'byung ba chen po rnams phan tshun 'gal mod kyi/ de lta na yang de phyir bco pa yod de las bde bar 'gyur ro// 'di ni mi rigs te gang gi phyir/ grang sogs rnams la bco 'tsho ba// rtag tu yod pa ma yin na// brlag bzhin pa ni bde'o zhes// rnam pa kun tu rigs ma yin/ 'dir skyes bu 'di grang ba'i tshe grang ba'i 'jigs pa las 'bros pa na de'i gnyen po// dro ba'i nus pa can bgo ba dang gding ba la sogs pa rnams brten la/ tsha ba'i tshe ni gnyen po bsil ba'i nus pa can tsan dan dang bu shel tse dang / pri yang ku la sogs pa rnams te/ de bzhin du rgyas par ro// gang zhig grang ba la sogs pas nyams pa de ni 'jigs pa de/ bcom bzhin pa na de'i 'jigs pa spang bar bya ba'i phyir gnyen po kun nas bsten gyi/ bde ba'i phyir ni ma yin no// gal te de rnams rang bzhin gyis bde ba'i rgyur 'gyur na ni/ thams cad kyi tshe yang bde ba dag bskyed par 'gyur ba zhig na de ltar yang ma yin te/ de'i phyir khyod sdug bsngal gyi gnyen po la bde ba'i blor 'gyur ta r-i/ zhag pa dang dbyug pa can gyis bangs pa'i rkun po'i tshogs bzhin no// ji ltar zhags pa dang dbyug pa can stobs dang ldan pas bdas pa'i rkun po'i tshogs bdag bsrung bar bya ba'i don du 'di dang / de rgyug pa na bde bar ma gyur pa de bzhin du/ 'jig rten sdug bsngal gyis bcos pa yang sdug bsngal gyi gnyen po dro ba la sogs pa de dang de la/ rgyug pa dang bde ba dang ldan pa ma yin no// 'dir bshad po/ rkun po 'bros ltar rtag 'jigs shing // grang sogs sdug bsngal la 'jigs pas/ de dang der ni rgyug pa yi// 'jig rten 'di lta ga la bde// 'dir smras pa/ gang gi phyir 'jig rten na lhas sbyin bde bar nyal lo 'dug go// 'phro'o zhes bya ba'i tha snyad 'dir 'gyur pa de'i phyir na bde ba'i tha snyad yod pa las bde ba yod do// bshad par bya ste/ 'bad rtsol med par spyod pa zhes// 'ga' 'ang sa steng yod min na// las byed bde ba yin no zhes// rnam pa kun tu'ang mi rigs so// sa steng na 'bad pa med par nyal ba la sogs pa'i spyod pa yod par ma mthong la/ gang gi tshe 'di nyam chung bar 'gyur zhing 'bad rtsol med la rang gi lag pa yang 'degs par mi nus pa de'i tshe gzhan gyis 'dogs shing // gang gi tshe na nus pa de'i tshe ni nyal ba dang / bskum pa la sogs pa'i spyod pa dag la/ sdug bsngal bar mi shes pa des na de rnams bde bar rtog par byed do// gang gi phyir 'di nyin re bzhin langs shing langs te lus 'tsho bar bya ba'i don du las rnam pa du ma dag byed kyi/ bde ba'i phyir ma yin pa de'i phyir las byed pa bde ba ma yin te/ mkhan po las yongs su nyon mongs pa'i rgyal po'i bu bzhin no// ji ltar brda' sprod pa dang / gtan tshigs dang / nor gyi bstan bcos dang / 'phong dang sa 'dzin bslab pa'i phyir/ mkhan po lnga dang rjes su 'brel ba'i rgyal po'i sras rtag tu sdug pa kho na ste/ gal te gcig gis btang na ni gnyis pas 'dzin pa de bzhin du/ byis pa so so'i skye bo rnams kyang rkun po bshed ma phung po lnga dang rjes su 'brel pa'i las byed pa'i phyir rtag tu sdug pa yin no// 'dir bshad pa/ lus 'tsho'i don du bya ba la// rtag tu 'bad par rab zhugs shang // las byed lta bur lus 'bangs la// bde ba de ko ga la yod/ 'dir smras pa/ gang gi phyir 'jig rten gyi dbang po'i don gyi bde ba'i phyir/ sdug bsngal de dang de dag nyams su myong bar 'gyur ba de'i phyir yang bde ba yod do// bshad par bya ste/ 'di dang gzhan du bdag nyid ni// rtag tu sdig las bsrung bar bya// ngan 'gro yod na bde'o zhes// rnam pa kun tu'ang rigs ma yin// gang gi phyir yul la brkam pa'i sems can rnams ni// dbang po'i don gyi bde ba'i phyir sdig pa'i las dag byed cing / 'di dang 'phos par de'i rgyu can gsod pa dang / bcing ba dang / bsdam pa dang / brdeg pa la sogs pa'i sdug bsngal myong bar 'gyur ro snyam du bsams te mkhas pa bdag bde bar 'dod pas 'jig rten 'di dang pha rol tu sdig pa'i rgyu can gyi sdug bsngal las rtag tu bdag bsrung bar bya dgos pa de'i phyir bdag nyid la ngan 'gro yod bzhin du 'ga' yang bde'o zhes bya bar rnam pa thams cad du mi rigs te/ ma tshor bar 'jug pa'i dgra bzhin no// ji ltar 'od ni su zhig gam gang na zhes yongs su mi shes par 'jug pa'i dgra las rtag tu 'jigs par 'byung ba ltar/ de bzhin gang du 'am nam 'gro bar bya ba mi shes pas sdig pa dang dmyal ba la sogs pa dag las rtag tu bsrung bar bya'o// 'dir bshad pa/ gang phyir 'jig rten 'di 'jigs dang // de bzhin 'jig rten pha rol gyi// 'jigs las bdag rtag bsrung bya ste// de la bde ba ga la yod// 'dir skyes bu bde ba don du gnyer ba rnams rkang pa gnyis kyis 'gro ba la sdug bsngal dmigs nas rta dang glang po dang shing rta bzhon pa dag la zhon par byed do// gal te de na bde ba med na ni de dag la mi zhon pa zhig ste/ de'i phyir yoyang bde ba yod do zhes smra'o// bshad par bya/ ste/ bzhon pa sogs la mi rnams kyi// bde ba rtag tu yod min te// dang por gang la rtsom med pa// de la mthar 'phel ga la yod// bzhon pa la sogs rnams la ni// bde ba yod pa ma yin no// gal te de rnams la bde ba yod na ni mthar sdug bsngal bar mi 'gyur ba zhig na// gang la mthar sdug bsngal dmigs pa de la thog ma kho nar sdug bsngal rtsom pa yod par 'gyur ro// gal te dang po kho nar sdug bsngal de phra ba'i ngo bos yod par ma gyur na ni phyis de 'phel bar yang sdug bsngal bar mi 'gyur ba zhig go/ gang gi phyir thog ma dang tha mar sdug bsngal kho nar 'byung gi bde ba ni ma yin pa de'i phyir/ bzhon pa la sogs pa rnams la bde ba yod pa ma yin te/ thun po khur skya phyed kyis 'drangs pa bzhin no// ji ltar skyes bu blun po zhig pha ma'i khur skya phyed 'phro bkres pa sil ba'i rgyur sems pa bzhin du/ mi mkhas pa rnams bzhon pa la sogs pa la ste/ bzhon pa dang bza' ba dang btung ba dang / nyal ba la sogs pa'i spyod lam dag la phyis sdug bsngal bar sems so// 'dir bshad pa/ bzhon pa sogs la rang bzhin gyis// gal te cung zad bde yod na// mthar de sdug bsngal mi 'gyur te/ rang bzhin rnam par 'jig mi 'gyur// 'dir smras pa/ sdug bsngal phyir bcos po'i rgyu can gyi bde ba ni yod de/ gal te de med par gyur na ni sdug bsngal phyir 'tsho ba mi byeng ba zhig na/ byed pa yang yin te/ de'i phyir yang bde ba yod do// bshad par bya ste/ gser gyi snod du skyug pa na// ji ltar 'ga' zhig dgar 'gyur la// de bzhin sdug bsngal phyir bcos te// bde'o snyam du sems par byed// ji ltar phyug po 'ga' zhig lus kyi phyir 'tsho bar byed pa na gser gyi snod du skyug cing / der skyug pa na bran po sa'i gyo mor skyug par mthong nas bdag nyid dbang thang phan sum tshogs pa la dga' zhing mngon par rlom pa bskyod nas bdag ni phyug po'i bde ba dang ldan pa'o zhes bdag tu 'dzin pa skye bar byed la/ gser gyi snod dam gyo mor skyug par byed pa de gnyis kyi skyug pa'i sdug bsngal la ni bde ba yod pa ma yin pa de bzhin du/ so so'i skye bo thos pa dang mi ldan pa yang phyin ci log pa las sdug bsngal phyir bcos pa de dang de la bde'o snyam du sems te/ rta spangs kyi snun bzeng ba bzhin no// ji ltar 'ga' zhig rta spangs snun pa'i sdug bsngal nye bar zhi bar byed pa yin no// snyam du bsams nas tshogs pas snun pa zed pa de bzhin du/ mi mkhas ba rnams sdug bsngal phyir bcos pa la bde bar 'du shes so// 'dir smras pa/ dper na khur ru pa phrag pa gcig nas phrag pa gnyis par khur rtswa zhing / des 'di la bde ba'i blor 'gyur ba lta bu ste/ gal te der bde bar ma gyur na ni der mi spo ba zhig go// de'i phyir yang bde ba yod do// bshad par bya ste/ rtsom pas skyes pa ldog 'gyur na// sdug bsngal rtsom la'ang bde ci yod// de phyir thub pas skye 'jig dag/ sdug bsngal yin zhes gsungs pa snyam// bde ba 'dod pa yongs su skyo ba bskyed pa'i yul ha cang bsten pas sdug bsngal chen po byung ba can ni/ de ldog pa'i sred pas bde ba myong bar bya ba'i yul longs spyod par rtsom la/ der yang 'di la mthar sdug bsngal chen po skye bas rtsom pa'i dus na yang sdug bsngal chung ngu skyes par rtogs so// sdug bsngal chung ngu skyes pa de yang sngar gyi g.yer po ldog pa'i rgyu yin pas sdug bsngal chung ngu rtsom pa na/ sngar gyi sdug bsngal skyes pa ldog par 'gyur ro// skyes pa'i sgra ni 'phel ba'i rab brjod pa'o// de'i phyir ngag gi don ni sdug bsngal chung ngu skyes pas sdug bsngal chen po 'jig par 'gyur ro zhes bya ba'o// skye ba dang 'gag pa'i gnas skabs gnyi gor yang bde ba mi srid par bshad pa ni/ sdug bsngal rtsom la'ang bde ci yod/ ces bya ba ste/ sdug bsngal rtsom la ni bde bo ci yang med do// 'ang gi sgra ni sdug bsngal 'gag pa na yang bde ba ci zhig yod de sdug bsngal tsam zhig kho na skye zhing 'gag pa'i phyir gnas skabs gnyi gar yang / rang bzhin gyis bde ba yod pa ma yin pa kho na'o// bde bar rtog pa ni phyin ci log tshad mar byas nas 'gyur ro// 'dis khu ru pa'i dpe yang rnam par bshad pa yin no// gang gi phyir de ltar rnam par spyad pa na bde ba cung zad kyang yod pa ma yin pa'i rgyu/ de nyid kyi phyir sangs rgyas bcom ldan 'das kyis ka t+ya'i bu skye ba na yang sdug bsngal kho na skye'o// 'gag pa na yang sdug bsngal kho na 'gag go zhes gsungs par sems so// / 'dir bshad pa/ byis pa sdug bsngal rtsom de la// bde'o snyam du mngon par rlom// gal te de de ltar bde na// de sdugo bsngal bar mi 'gyur nyid// sgo'i shun pa'i 'ching bas bsdams pa bzhin no// ji ltar sba'i shun pas bkyigs pa char dang nyi ma dag gis 'joms pa de bzhin du/ sdug bsngal bco ba bsdus pa las sdug bsngal gzhan rtsol bas sdug bsngal snga ma ldog go// 'dir smras pa/ gal te yang sdug bsngal rang bzhin gyis yod mod kyi/ de lta na yang bde bas byis pas mi mngon no// bshad par bya ste/ so so'i skye bos sdug bsngal ni// bde bas g.yogs ltar mi mthong na// gang gis sdug bsngal sgrib 'gyur ba// bde ba zhes bya ci yang med// rgyu cis byis pa so so'i skye bo 'di rnams kyi sdug bsngal de mi mthong / gal te bde bo zhes bya ba rang bzhin gyis grub pa cung zad cig yod na ni/ de'i tshe des g.yogs pa'i sdug bsngal mi snang ngo zhes bya bar brjod par rig par 'gyur ba zhig na/ gang gi phyir yongs su brtags pa na bde ba zhes bya ba cung zad kyang yod pa ma yin pa de'i tshe/ ji ltar yod pa ma yin pa des sdug bsngal sgrib par 'gyur/ de'i phyir dade bas sdug bsngal bsgribs so zhes bya bar mi rigs te/ khron pa'i byed du lhung ba sbrang rtsi myangs pas rton pa dang / glang po che'i ror zhugs pa'i bya rog chu chen pos bangs pas bzhin no// ji ltar 'brog tu glang po ches bangs pas khron pa ring par lhung zhing lam phyed du rtsa du rba'i rtsa ba byi bas za bzhin pa la 'jus pas thogs pa/ 'og nas sbrul chen pos a dza ga ras bsgrags pa/ nges nas lto 'phye chen pos snyeg pa/ steng nas sbrang rtsi'i thigs pa babs pa myangs pas rton pa zhig bdag nyid bang bar shis pa de bzhin du/ byis pa'i skye bo 'khor ba'i dgon par 'chi ba'i glang chen gyis bdas pas rga ba'i khron par lhung zhing mi'i lam phyed du/ dge bcu'i las kyi lam gyi rtsa durda la 'jus pas thogs pas/ 'og nas ngan song gi sbrul chen po a dza ka ras bsgrags pa/ ngos nas mi dge ba'i rtog pa'i nyon mongs pa'i lto 'phyes mngon pa bsnyeg pa/ tshe'i rtsa du rba'i rnam par smin pa'i byi bas za bzhin pa yul yid du 'ong ba la/ 'dun pa'i 'dod chags kyi sbrang rje'i thigs pa lhung ba ro myangs pas sems rton pa yang bdag nyid bde bar sems kyi/ bde ba ni cung zad kyang yod pa ma yin no// yang ji ltar bya rog zhig glang po che'i thang du zhugs pa dang / lhas char phab pas thed de chu bo chen pos g.yengs shing / de yang de nyid du shi bar gyur la/ mnog chung ba dang nyes dmigs che ba de bzhin du/ byis pa so so'i skye bo'i yul gyi bde ba'i ro myang ba'i theng du zhugs shing / de'i nyes dmigs ma mthong ba rnams kyang 'khor ba'i rgya mtsho chen por 'chi bar 'gyur ro// 'dir bshad pa/ gang phyir rang bzhin gyis gang bder// 'gyur na de sdug bsngal 'gebs na// de rang bzhin gyis gang med pa// de yis sdug bsngal ji ltar sgrib// 'dir smras pa/ gal te sdug bsngal rang bzhin gyis grub na 'dir nye bar bstan pas dgos pa ci zhig yod de/ nyi tshan dro bo zhes smra ba'i nye bar ston pa ni mdzes pa ma yin no// bshad par bya ste/ khyod sdug chags bral mong ngo zhes// so so'i skye bo bstan bya des// nges par de bzhin gshegs rnams kyis// gti mug kun gyi tha mar gsungs// 'dir bstan par mi bya ba ni ma yin te// gang gi phyir lus 'di sdug bsngal gyi rang bzhin yin yang gti mug gis so so'i skye bos de'i rang bzhin yang dag pa ji lta ba bzhin mi rtogs pa de'i phyir/ khyod la lus sdug bsngal gyi rang bzhin can la 'dod tshogs dang bral ba yod pa ma yin no zhes nye bar bsten par bya dgos so// gang gi phyir 'di de nyid la gnas bzhin du yang de nyid mi mthong ba de'i phyir bcom ldan 'das kyis 'od skad du/ tshe zhes 'di ni sgrib pa rnams kyi mchog ste/ gang 'di ma rig pa'i sgrib pa'o zhes gsungs so// bong mjug nas 'dzin pa bzlog pa bzhin no// grwa bran kha cig gis grwa blangs te las phyed byas nas bor bar gyur to// de la mas gang 'dzin pa de legs par 'dzin par byos shig ces smras pa dang / des nam zhig gi tshe bong mjug nas gzung la/ des brdegs su zin kyang / thams cad la legs par gzung bar bya'o zhes mi gtong bar gyur to// de bzhin du bcom ldan 'das kyang sdug bsngal las yid byung bar gyis shig ces skye bo gti mug gis bzung ba la slob par mdzad do// 'dir smras pa/ gal te de ltar lus mi rtag pa yin mong kyi/ de lta na yang 'di la bde ba yod pa nyid do// bshad par bya ste/ mi rtag pa la nges par gnod // gang la gnod yod ngo bde min// de phyir mi rtag gang yin de// thams cad sdug bsngal zhes byar 'gyur// gdon mi za bar mi rtag pas gnod par bya bzhin pa'i dngos po mi rtag pa la ni gnod par 'gyur la/ gang la gnod pa yod pa de yang bde ba ma yin te/ de'i phyir gang cung zad mi rtag pa de thams cad sdug bsngal por 'gyur te/ sdug bsngal ni gnod ba'i mtshan nyid can yin pa'i phyir te/ lan tshwa'i byung khungs su lhung ba bzhin no// ji ltar lan tshwa'i byung khungs su lhung ba de thams cad lan tshwa can du 'gyur ba de bzhin du gang mi rtag pa de thams cad sdug bsngal ba kho na yin pas 'du byed rnams ni sdug bsngal gyi bdag nyid can kho na'o// 'dir 'gyur te/ gang phyir 'dus byas gang de kun// mi rtag nyid kyis 'dir gnod pa// de phyir byas pa thams cad ni// sdug bsngal 'ba' zhig kho nar 'gyur// skye ba dang rga ba dang 'chi ba la sogs pa'i 'khor ba'i dgon pa sel bar mkhas pa'i thabs 'dod chags dang bral ba skyed par byed pa/ rab tu byed pa 'dis ni slob dpon 'phags pa lha'i zhal snga nas kyis khams gsum gyi srid par skyo ba na mkha' lhur mtha' yas pa dag la gdul ba'i skye bo skyo bar bya ba'i phyir dang / bla na med pa yang dag par rdzogs pa'i byang chub kyi sems snying rje chen po'i rgyu can/ gnyis su med pa'i ye shes nyid kyis sbyangs pa la rab tu dgod par bya ba'i phyir don ji lta ba bzhin bcom ldan 'das kyi gsung nyid nye bar sbyar ba yin te/ skye ba sdug bsngal lo// rga ba sdug bsngal lo// sdug pa dang bral ba sdug bsngal lo// mi sdug pa dang phrad pa sdug bsngal lo// gang 'dod pa btsal te ma rnyed pa yang sdug bsngal lo// me dor na nye bar len pa'i phung po lnga sdug bsngal lo zhes bya ba dang / dri bzhin du/ dge slong dag de ni skad cig ma yang yin no// zhes bya ba dang / de bzhin du ston pas chos mngon pa'i bstan bcos las kyang nye bar len pa'i phung po lnga sdug bsngal lo zhes gsungs te/ sdug bsngal kun 'byung 'jig rten dang // lta nas srid pa'ang de dag yin// zhes bya ba dang / sdug bsngal nyid gsum ldan pa'i phyir// ci rigs ma lus sdug bsngal lo// zhes bya ba dang / yid 'ong yang du mi 'ong dang // de las gzhan zag med rnams nyid/ ces bya bas so// de ltar na 'khor ba'i nyes dmigs bshad pas/ yid skrag cing grol bar 'dod pa rnams theg pa chen po la nges par sbyar ba'i don du bcom ldan 'das kyis dge slong dag yun ring por 'khor bar 'khor ba rnams la gang pha 'am/ ma 'am bu 'am bu mo 'am/ snag gi nye mtshams gang yang rung ba'i gnas dang 'dra bar mi smra ba ni sems can gyi ros na sems can 'gra'i yang yod pa ma yin no zhes gsungs la/ byang chub sems dpa' rnams kyang bcom ldan 'das kyi gsung rig par byas nas 'khor ba'i rgya mtsho sdug bsngal dang ro gcig pa/ skye ba dang rga ba dang na ba dang / 'chi ba la sogs pa'i chu srin dang chu srin dz+nyA ShA sha na dang / chu glang dang / chu srin kum+b+hi ra'i 'byung gnas/ dmyal ba dang / yi dwags dang / dud 'gro dang / gshin rje'i 'jig rten du skye ba'i blong / 'khor rnga bo che'i sbubs 'dra ba brgya phrag gcig gis dkrugs pa las/ 'khor ba brgyud pa thog ma med pa nas pha dang ma la sogs pa'i rtsa lag tu gyur pa'i 'gro ba bya zhing mgon med pa mtha' dag theg pa chen po'i tshul gyi gzings kyis bsgral bar bya ba'i phyir mchong bar bzod pa yin te/ 'di ltar lnga la'i slob mar 'gyur ba ste/ la la yi ni bla mar 'gyur// thabs rig sna tshogs thabs rnams kyis// ma rtogs sems can rtogs par byed// ces bya ba la sogs pa 'di nyid las 'chang pa rgyas par brjod par bya'o// byang chub sems dpa' ni khams gsum po 'dod pa dang gzugs dang gzugs meng ba'i srid pa brgya phrag mtha' yas par bde ba skyed par byed pa'i las bsam gtan ngang ting nge 'dzin pa 'tshamadage legs la byed ci da du phun sum tshogs pa'i phyir/ 'gro ba ma lus rnams la yangs su bsdu bar byang la/ 'khar bya'o tshig gi sdug bsngal ma lus pa la skye zhing grol bar 'dod pas 'di dag gi sdug bsngal thams cad zad bar bya ba'i phyir/ nyin mtshan par sbyor bar yang 'gyur to// ji skad du 'phags pa rin po che'i rkang ba las/ de ltar byang chub sems dpas kyang / mthong nas byang chub nges par 'dod // 'on kyang de ni snying rje yis// byang chub par du si mtshamos/ sa bya ba nga lus kyi sdug bsngal med// yid kyi sdug bsngal ga la yod// de ni snying rjes 'jig rten sdug// de nyid kyis ni yul ring gnas/ zhes gsungs pa lta bu'o// de bzhin du 'phags pa ting nge 'dzin gyi rgyal po'i mdo las kyang / ye shes kyis ni ku po stong par shes// shes nas nyon mongs rnams dang mi 'grogs// tha snyad tsam gyis rnam par spyod byed cing // 'jig rten 'di na mya ngan 'das par gnas// zhes 'byung ngo // de'i phyir khams gsum mtha' dag gi skye ba dang / 'chi sdug bsngal gyi gtam gyis gdul ba'i skye bo rnams 'khor ba'i btson ra'i tshogs la skyo bar bya ba'i phyir/ skye ba la sogs pa'i sdug bsngal can la slob dpon 'phags pa lha'i zhal snga nas kyis/ mi rtag pa la nges par gnong // gang la gnod yod de bde min// de phyir mi rtag gang yin de// thams cad sdug bsngal zhes byar 'gyur// zhes bya ba dang / bde ba rtog pa'i dbang gyur zhing // rtog pas sdug bsngal dbang gyur pa// de phyir kun la sdug bsngal las// shin tu stobs ldan ci yang med/ ces bya ba la sogs pa'i bshad pa yin no// de'i phyir lha dang / mi dang lha ma yin dang / mi 'am ci dang / lto 'phye dang / grub pa dang / rig pa 'dzin pa la sogs pa'i gnas kyi 'gro ba dag na/ de dag gi rtogs pa tshad ma nyid las na byis pa so so'i skye bo ma rig pa'i mun pas blo'i mig ldongs par byas pa rnams la rang bzhin dang bcas pa dang bral zhing bden pa ma yin pa'i phyin ci log tsam gyis yod par sgrub pa'i bde ba dang / yid bde ba yod pa ma yin pa'i rang gi ngo bo can yod pa nyid de/ rmi lam gyi gnas skabs na mngon par 'dod pa'i yul nye bar longs spyad pa'i bde ba dang yid bde ba bzhin no// de'i phyir khams gsum 'di na bde ba la sogs pa'i dngos po rdzas su yod pa rnams 'byung bar lta ga la 'gyur te/ ji skad du/ gang gi ltar na rdzas skye ba/ de la chad la sogs 'gyur zhing // 'jig rten mtha' dang ldan pa dang // mtha' mo ldan pa'ang de la 'gal// zhes bshad do// gal te rdzas de skyes ma thag tu 'jig pa zhig yin no de'i tshe chang bar 'gyur te/ sa bon mos tshig pa los sbu gu dag 'byung ba zhes bya ba la sogs pa bzhin no// de'i phyir rgyu dang rkyen las skyes pa'i dngos po nang dang phyi rol gyi dbye bas dang tshib ngas pa yong ngo bos stong pa rdzas su yod pa ma yin pa/ rnam rtog log pa'i dra ba'i phreng ba'i 'jo bag gis dga' bar bya ba rnams 'byung bar nges par bya'o// 'gal me'i 'khor lo sprul pa dang / rmi lam sgyu ma chu zla dang / khug rna nang gi brag cha dang // smig rgyu sprin dang srid pa mtshungs// shes bya ba'i lung las na// gang gis na slob dpon dbyig gnyen gyis 'di skad du re zhig bde ba la skur pa 'debs pa de la 'di dri bar byas te zhes bya ba la sogs pa gsung ba/ slob dpon 'phags pa lce'i zhal snga nas dngos po rang bzhin du gsung ba nyid ga la yod/ de'i phyir yod pa dang med pa'i dngos por 'dzin pa sel bar zhugs pa gnyis su med pa'i chos la lhag par mos pa dang bral pa/ rdzas su yod pa'i rang bzhin smra ba 'di dag gi shin tu bab tshol yin te gnyis su med pa'i blo'i chos nyid mchog tu zab pa dang rgya che ba la log par rtogs pa'i phyir ro// de nyid kyi phyir/ dbang po yis ni dmigs gyur pa// 'das pa yul gyi rnam pa la// yid kyi dmigs nas rtog pa na// bde'o snyam du rlom par byed/ ces gsungs so// rnam par rtog pa log pa tsam las 'byung ba'i phyir dang / skyes ma thag tu 'jig pa'i phyir bde ba sdug bsngal nyid do zhes bya bar rig nas gdul ba rnams sdug bsngal ma lus pa'i 'byung gnas khams gsum po mtha' dag la chags pa dang bral bar 'gyur ro// 'dir/ slob dpon klu sgrub zhabs kyi lam las ni// phyi rol gyur pa ni ba'i thabs med do// de dag kun rdzob de nyid bden las nyams// de las nyams pas thar pa grub yod min// tha snyad bden pa thabs su gyur pa dang // don dam bden pa thabs byang gyur pa dang // de gnyis rnam dbye gang gis mi shes pa// de ni rnam rtog ldog pas lam ngan zhugs/ zhes bshad do// ci ste dbang po lnga'i dmigs pa'i yul gyi rjes su byed pa tshor ba yid du mi 'ong ba mi 'dod pa gang yin pa de sdug bsngal te/ gnod par byed pa yin na/ 'o na ni gang gnod par byed ba ma yin pa/ dbang po gzugs can gyi 'byung ba chen po rgyas par byed pa'i bde ba rang bzhin dang bcas pa dang / yid las byung ba yid bde ba rdzas su grub po snyam du 'dod na/ 'di ni khyed cig gi 'dod pa tsam zhig tu 'gyur te/ 'di ltar dngos po gang zhig rang gi bdag nyid kyis yod pa de ni skye ba ma yin te/ yang skye ba don med par thal bar 'gyur ba'i phyir te/ mdun na gnas pa'i bum pa dang rnam bu dang zlos gar bzhin no// ci ste yod pa nyid skye na ni/ nam yang mi skye bar mi 'gyur bas bde ba kho na skye bar 'gyur gyi/ de'i mjug thogs su gzhon sems las byung ba sdug bsngal lo sogs pa ni ma yin pa zhig na/ 'di ni mthong ba 'am 'dod pa yang ma yin no// tshor ba sdug bsngal la brten nochos tshor ba bde ba 'byung bar yang mi 'gyur te/ de'i rang gi mtshan nyid kho nas yong ba'i phyir ro// gal te 'di ba sdug bsngal las gzhan du 'gyur na ni sdug bsngal de la ma brten par 'gyurd kyi lugs kyis bde bar yang 'gyur ba zhig na/ ma brten par ni dngos po 'gar yang mi 'gyur te/ gang zhig gang nas nam gyi tshe'ang // ma brten par ni yang nyid med// des na nam yang gang zhig tu// rtag pa 'ga' yang yong ma yin/ zhes bya ba'i lung lus dang / bcom ldan 'das kyis ka'i rgyal po ma dros pa'i gnas su gshegs pa'i mdo las/ mkhas pas brten 'byung chos rnams rtogs 'gyur zhing // mthar lta ba la rton par byed pa'ang min// rgyu dang rkyen dang bcas pa'i chos shes shing // rgyu rkyen med pa'o chos nyid yong ma yin/ zhes bya ba la sogs pa gsungs pa'i phyir ro// ci ste myu gu dang 'du byed la sogs pa'i dngos po gang ma rig pa dang sa bon la sogs rgyu/ dang rkyen gyi tshogs pa la brten nas 'gyur na/ ci dri bden par yod pa can zhig gam/ 'on te dngos po yod pa ma yin par bden pa can zhig 'gyur grang / de la myu gu dang 'du byed la sogs pa yod pa las sa bon dang ma rig pa la sogs pas gos pa ci zhig yod de/ der rang gi ngo bos pang pa'i rang bzhin nyid yin pa'i phyir ro// 'on te yod pa ma yin pa'i rang bzhin yin na ni mo gsham gyi bu ltar 'di rtag tu 'byung bar mi 'gyur ba zhig na/ myu gu dang 'du byed la sogs pa'i dngos po ni rmi lam dang / sgyu ma dang / chu zla la sogs pa ltar yong po dang med pa'i rtog pa 'joms shing / rang gi rgyud dang rkyen gyi tshogs pa la brten nas 'byung ba yang yin no// ji srid du sems la yid kyi tshor ba bde ba yod pa de srid du tshor ba sdug bsngal gyi skabs med la/ yang na bde ba'o// sems kyi skad cig gcig la tshor ba gnyis gcig car srid pa ni ma yin te/ the tshom dang gtan la phebs pa'i sems bzhin dang / 'dod chags dang 'dod chags dang bral ba bzhin dang / 'chi ba'i srid pa dang skye ba'i srid pa bzhin dang / snang ba dang mun pa bzhin phan tshun 'gal ba'i phyir ro// ci ste tshor ba sdug bsngal 'gag pa dang dus mnyam pa kho nar tshor ba bde pa skye na/ de dag gi skye ba dang 'gag pa gnyis skad cig gcig la srid por 'gyur na/ skye ba dang 'gag pa phan tshun 'gal ba nyid gnyis ni lhan cig 'byung bar rigs par yang ma yin te/ bde 'gro dang ngan 'gro'i don mtha' dag 'byung ba'i tshe brlag pas sangs rgyas pa rnams la/ rgyu med pa'i nyes pa'i dug tu thol bar 'gyur ba'i phyir ro// de nyid kyi phyir/ sa bon 'gags dang ma 'grags las// myu gu 'byung ba ma yin te/ khyod kyis skye ba thams cad ni// / sgyu ma'i skye ba bzhin du gsungs/ zhes bya ba dang / kun la mi rtag smra ba rnams// sangs rgyas lam la gnas nas so// dngos po dpyad do rtsod pa yis// gnas pa gang yin de rmad do// 'od 'am nga'o zhes gang du// rnam par dpyad na ma dmigs na/ rtsod pa 'di dang de bden zhes// mkhas pa su zhig smra bar 'gyur/ zhes bshad do// gal te tshor ba bde ba rang gi bdag nyid kyis rdzas su yod pa zhig sdug bsngal la brten nas 'gyur na ni/ de lta na 'o na de yod pa nyid kyi phyir bde bar 'dzin pa phyin ci log tu mi 'gyur ro// phyin ci log ces bya ba ni dngos po rnam pa gzhan du gnas pa la gzhan du 'dzin pa ste/ dper na gaN+DI mug gi dra bas blo gros kyi mig g.yogs pa'i 'jig rten 'khor ba'i btson ra'i grong khyer gyi khang pa la chags shing / gtsang bar mngon par rlom pa'i mun pa 'thug po'i dra bas blo gros kyi mig bsgribs pas na chung dang mi'i lus mi gtsang ba rnam pa du ma'i 'byung gnas rnam par bsal te/ 'di ni mngon par dga' bar bya zhing / mig yid du 'thad pa zhig go snyam du rtogs nas rang gi rnam par rtog pa bden pa'i rnam pas mngon par dga' bar byed pa bzhin no// de'i phyir rnal 'byor pa rnams la gtsang ba phyin ci log tu 'gyur ro// de nyid kyi phyir/ bud med chags pa phal cher ni// bud med gzugs gtsang sems lngas byung // bud med lus la don du ni// gtsang ba cung zad yong ma yin// kha ni kha chu rul ba dong // so skyug mi gtsang snod yin te// sna ni rnag rnabs sna tshu'i snod// mig gnyis mig rdul mchi ma'i snod // lto ba'i khong ni bshang gci dang // glo ba mchin pa'i snod yin par// rmongs pas bud med ma mthong bas// de yaM lus la chags par byed// lus yul shin tu dri nga ba// chags bral rgyu ni gang yin pa// de la'ang 'jig rten ches chags na/ gang gis 'dod chags bral bar dkri/ gzugs bzang ba dang gzugs ngan nam// rgan nam yang na gzhon yang rung // bud med gzugs kun mi gtsang na// khyod chags khyad par ga la skye// gal te mi gtsang kha dog bzang // shin tu gsar la dbyibs legs kyang // de la chags par mi 'os lta// bud med gzugs la'ang yo de bzhin// zhes bshad do// de lta bu la sogs pa 'byung ba las na bud med kyi lus mi gtsang ba'i rang bzhin yin la/ de la byis pa so so'i skye bo blo'i mig yang dag pa ma yin par phyin ci log tu gyur pas/ gtsang ba nyid du lhag par sgro btags nas yul gyi bde ba nyams su myong ste/ de las gtsang bar phyin ci log tu 'gyur ro// rgyu gtsang ba med pa de nyid kyi phyir na/ rgyu med pa las 'jug rnams kyi// ldog pa rgyu las ga la zhig/ ces bya ba slob dpon 'phags pa lha'i gsung ba bden pa ma yin par phyin ci log pa nyid bsal bar snang ste/ nyi ma sprin dang bral zhing nub par ma gyur pa bzhin no// rnal 'byor pa rnams kyis rtag par lta ba phyin ci log bsal nas mi rtag pa nyid sgom pa'i bag chags goms par byed do// ji ltar gnod par byed pa yid du mi 'ong ba sdug bsngal yin na/ 'o na ni gang dbang po'i 'byung ba chen po rgyas par byed pa rang bzhin gyis bde bar grub bo// zhes bya bar 'dod pa de bzhin du rtag par lta ba don med pa can mthong ba dang / ma mthong ba'i 'bras bu yid du mi 'ong ba la smyon pa rtag tu don ma yin pa brgya phrag gi 'byung gnas su gyur pa'i phyin ci log yin no// snyam du rig par byas nas mi rtag par lta ba rtag par lta ba ltar phyin ci log tu 'gyur te/ de'i gnyen por gyur pa nyid kyi phyir gtsang bar lta ba bzhin no// ma rig ldongs pa'i glo can rnams// nang gi bdag tu gang 'dod pa// rnam shes dor ba mu stegs kyi/ rmongs byed de ni gang du song // gang tshe nang bdag bud med min// skyes min ma ning ma yin pa// de tshe mi shes 'ba' zhig las// khyod bdag pho'o snyam du sems// reg dang mi ldan dngos po las// bskul ba zhes bya mi skye ste// de phyir lus kyi g.yo ba la/ srog ni byed pa por mi 'gyur/ zhes bya bo la sogs pas mu stegs byed kyis brtags pa'i bdag yod pa ma yin pa nyid de/ rgyu med pa'i phyir na mkha'i me tog bzhin dang / bya rog dang chu sbyar dang / ne tso dang / spyang ki'i mgo'i nor bu bzhin no// de ltar nang gi bdag bden par yod pa ma yin pa la yod pa nyid du mthong ba gang yin pa de ni/ yod pa ma yin pa'i dngos po la yod cing rtag pa nyid du sgro btags pas phyin ci log ste/ de ni 'khor ba'i btson ra'i 'ching ba yin no// de'i gnyen por rtag par lta ba phyin ci log ni gnyen por gyur pa bdag med pa lta ba sgom pa yin la/ gang sdug bsngal gyi 'gal zlar grub pa bde ba'i dngos po rang bzhin phyin ci log tu mi 'gyur ba bdag med par lta ba yod pa ma yin pa'i bdag tu lta ba phyin ci log gi gnyen por grub po// de'i phyir phyin ci log bzhi'i tshogs bsal ba grub pa'i phyir/ dngos po'i bo bo bden par smra ba rnams la bdag la sogs par lta ba phyin ci log bzhi ltar phyin ci log kho nar 'gyur na/ 'di ni khyed cag gis 'dod pa 'am mthong ba yang ma yin no// de'i phyir 'jig rten pa dang 'jig rten las 'das pa'i gsung rab mtha' dag la mkhas pa'i blo gros mnga' ba slob dpon 'phags pa'i lha'o zhal snga nas la 'gar yang bde ba lo skur pa 'debs pa nyid cung zad kyang ma rtogs kyi/ khyed cag dngos po rang bzhin du smra ba rnams kho na bde ba la skur pa 'debs pa nyid du ches gsal bar rtogs te/ gsung rab ji lta ba bzhin nges par mi zin pa'i phyir la/ drang ba dang nges pa'i don gyi mdo sde rnams kyi rang gi ngo bo ji lta ba bzhin du ma nges pa'i phyir ro// yang dge slong dag 'das pa'i gzugs yod par ma gyur na ni 'phags pa nyan thos thos pa dang ldan pa dang 'das pa'i gzugs la mngon par mi dga' bar mi 'gyur ba zhig na/ dge slong dag gang gi phyir 'das pa'i gzugs yod pa de'i phyir/ 'phags pa nyan thos 'das pa'i gzugs la mngon par mi dga'o// dge slong dag ma 'ongs pa'i gzugs yod par ma gyur na ni 'phags pa nyan thos thos pa dang ldan pa ma 'ongs pa'i gzugs la mngon par mi dga' bar mi 'gyur ba zhig na/ dge slong dag gang gi phyir ma 'ongs pa'i gzugs yod pa de'i phyir 'phags pa nyan thos ma 'ongs pa'i gzugs la mngon par mi dga'o// dge slong dag 'das pa'i tshor ba yod par ma gyur na ni 'phags pa nyan thos thos pa dang ldan pa 'das pa'i tshor ba la mngon par mi dga' bar mi 'gyur ba zhig na/ dge slong dag gang gi phyir 'das pa'i tshor ba yod pa de'i phyir 'phags pa nyan thos 'das pa'i tshor ba la mngon par mi dga'o// dge slong dag ma 'ongs pa'i tshor ba yod par ma gyur na ni/ 'phags pab nyan thos thos pa dang ldan pa ma 'ongs pa'i tshor ba la mngon par mi dga' bar mi 'gyur ba zhig na/ dge slong dag gang gi phyir ma 'ongs pa'i tshor ba yod pa de'i phyir 'phags pa nyan thos ma 'ongs pa'i tshor ba la mngon par mi dga'o// de bzhin du ji ltar du dge slong dag 'das pa'i rnam par shes pa yod par ma gyur na ni 'phags pa nyan thos thos pa dang ldan pas 'das pa'i rnam par shes pa la mngon par mi dga' bar mi 'gyur ba zhig na/ dge slong dag gang gi phyir 'das pa'i rnam par shes pa yod pa de'i phyir 'phags pa nyan thos 'das pa'i rnam par shes pa la mngon par mi dga'o// dge slong dag ma 'ongs pa'i rnam par shes pa yod par ma gyur na ni 'phags pa nyan thos thos pa dang ldan pa/ ma 'ongs pa'i rnam par shes pa la mngon par mi dga' bar mi 'gyur ba zhig na/ dge slong dag gang gi phyir ma 'ongs pa'i rnam par shes pa yod pa de'i phyir 'phags pa nyan thos ma 'ongs pa'i rnam par shes pa la mngon par mi dga'o// zhes sangs rgyas bcom ldan 'das thugs rje chen po'i thabs brgya phrag mnga' ba rnams kyis 'das pa dang / ma 'ongs pa la sogs pa yod pa nyid du bstan pa ni byis pa'i 'jig rten gyi rtogs pa'i pa'i ngor rab tu 'jug pa kho na ste/ gdul bya'i skye bo la sman 'dogs par mdzad pa la mkhas pa nyid kyi phyir ro// de'i phyir de ltar na bcom ldan 'das kyis phung po lnga rdzas dang ldan pa kho na lung dang mdo gzhan dag las nye bar bstan to// gal te 'das pa dang ma 'ongs pa'i dngos po rang bzhin gyis yod na ni de da ltar ba nyid du 'gyur te/ yod pa'i phyir mdun na gnas pa'i bum pa dang skam bu dang re lde dang cod pan la sogs pa bzhin no// ci ste de 'das pa'i ngor yod na ni/ de ni rtag pa 'am 'on te mi rtag pa zhig yin/ re zhig rtag pa ni mi 'dod te/ mu stegs byed kyi lta bar thal bar 'gyur ba'i phyir la/ rten cing 'brel par 'byung ba ma yin pa nyid kyis bong bu'i rwa la sogs pa bzhin yod pa ma yin pa'i phyir ro// mngon par gsal bar smra ba rnams la yang skyon rnam pa gnyis thog tu 'bab pa'i phyir ro// ci ste de mi rtag pa nyid du yod na ni de mi rigs so// gang las she na 'gag pa dang yod pa dag 'das pa dang ma 'ongs pa'i dus gnyis su thal bar 'gyur ba'i phyir ro// 'das pa dang da ltar ba 'di gnyis ni dus gcig tu dngos po gcig la srid pa yang ma yin te/ 'jig pa dang skye ba 'di dag phan tshun 'gal ba'i phyiraro// yid gcig la the tshom dang gtan la phebs pa dag gam 'chi ba'i srid pa dang / skye ba'i srid pa dag gcig car 'byung bar ni khyed cag gis mi 'dod do// skad cig gcig las sa bon dang myu gu gnyis sred pa ni med do// rgyu med pa can gyi nyes par thal bar 'gyur ba'i phyir ro// 'jig rten sa lu dang til dang nas dang gro la sogs pa'i sa bon la sogs pa rnams sdud par yang mi 'gyur ro// ji skad du/ 'bras 'byung ched du 'jig rten 'di yis sa bon la sogs ni// brgya phrag dag gi sgo nas sdud par byed par yang mi 'gyur/ zhes bshad do// rgyu med par smra ba shin tu tha chad rgyang bsrings te yongs su spang bar bya'o// de bzhin du bcom ldan 'das kyis mdo sde gzhan las dge slong dag lnga po 'di dag ni ming tsam khas 'ches pa tsam/ tha snyad tsam ste/ 'di lta ste/ 'das pa'i dus dang ma 'ongs pa'i dus dang / na mkha' dang mya ngan las 'das pa dang / gang zag go zhes 'das pa dang ma 'ongs pa la sogs pa'i dngos po nang dang phyi rol tu gyur pa thams cad 'jig rten gyi tha snyad tsam nyid du gsungs so// de bzhin du bcom ldan 'das kyis mdo gzhan las gzugs ni dbu ba rdos pa 'dra// tshor ba chu yi chu bur bzhin// 'du shes smig rgyu lta bu ste/ 'du byed rnams ni chu shing bzhin// rnam par shes pa sgyu ma ltar// nyi ma'i gnyen gyis bka' stsal to// de ltar tshes rnams rtog pa yi// dge slong brtson 'grus brtsams ldan zhing // nyin nam gal te mtshan mo'ang rung // shes bzhin so sor dran ldan pa// 'du byed nyer zhi zhi ba yi// go 'phangs zhi ba rtogs par 'gyur/ zhes gsungs so// de bzhin du 'phags pa ting nge 'dzin gyi rgyal po las/ ji ltar dbu ba mang po rdos pa dag/ chu bos khyer ba skyes bu des mthong ste// de la brtags na snying pa yong mi snang // chos rnams thams cad de bzhin shes par gyis// ji ltar char pa thigs chen bab pa na// chu yi chu bur dag ni tha dad 'byung // byung nas zhig ste chu yi chu bur myong // chos rnams thams cad de bzhin shes par gyis// ji ltar so ga'i nyi ma phyed dus na// skyes bu skom pas gdungs shing 'gro ba yis// smig rgyu dag la chu yi phung por mthong // chos rnams thams cad de bzhin shes par gyis// mig rgyu la yang chu ni yong med na// sems can rmongs pa de la 'thung 'dod de// mi bden chu ni btung bar yong mi nus// chos rnams thams cad de bzhin shes par gyis// ji ltar chu shing rlon pa'i sdong po la// snying po 'dod phyir skyes bu de gshegs kyang // nang dang phyi rol kun na snying po med// chos rnams thams cad de bzhin shes par gyis// sgyu ma byed pa bdag gis gzugs sprul te// rta dang glang po shing rta sna tshogs byas// de la ji ltar snang ba gang yang mong // chos rnams thams cad de bzhin shes par gyis/ shes 'byung ngo // / de'i phyir dngos po bden pa'i ngo bor smra ba la/ rtag pa dang bde ba dang gtsang ba dang bdag tu lta ba'i phyin ci log ltar mi rtag po dang sdug bsngal ba dang mi gtsang ba bdag med par lta ba la phyin ci log tu 'gyur na/ 'di ni 'dod pa yang ma yin no// de'i phyir dngos po yod par smra ba khas blangs na/ re zhig bde ba la skur pa 'debs par byed pa 'di la 'dri bar bya ste/ sdug bsngal de ci zhig/ gang gnod par byed pa'o zhe na/ gnod par byed pa ma yin pa bde ba zhes bya bar 'grub bo zhes bya ba la sogs pa gang smras pa de ni mi rigs te/ rang gis khas blangs pa dang 'gal ba'i phyir ro// ci ste byis pa'i 'jig rten gyi rtogs pa dang bstun pa'i dbang gis bcom ldan 'das kyis gsungs pa de kho na lngar slob dpon 'dis kyang gsungs pa yin no zhe na/ 'o na ni de lta na yang / gang gis na 'di slob dpon 'phags pa lha la ma rangs pa'i tshig 'di smra ba/ slob dpon la drang ba dang nges pa'i don gyi mdo sde rnams ji lta ba bzhin ma rtogs pa yongs su gsal bar byas par mi 'gyur ro// de'i phyir byis pa'i skye bo ma rig pa'i rab rib kyis blo gros kyi mig nyams par byas pa rnams kyis rtogs pa'i dbang gis// sangs rgyas bcom ldan 'das kyis thugs rje chen po'i thabs kyi tshul la mkhas pa rnams kyis phyin ci log bzhi po rtag pa dang bde ba dang gtsang ba dang / bdag tu lta ba rnams kyi gnyen por mi rtag pa dang mi bde ba dang / mi gtsang ba dang / bdag med par lta ba 'khor ba'i rgya mtsho las sgrol ba'i thabs su gyur pa gsungs pa yin no// slob dpon 'phags pa lha'i zhal snga nas kyi byang chub sems dpa'i rnal 'byor spyod pa bzhi brgya pa las/ bde bar phyin ci log spang ba'i thabs bstan pa ste/ rab tu byed pa gnyis pa'i 'grel pa'o// // da ni gtsang bar phyin ci log spang ba'i thabs kyi dbang du byas nas brjod par bya ste/ 'dir smras pa/ gal te yang de 'du byed rnams sdug bsngal gyi bdag nyid can yin mod kyi/ de lta na yang yul yid du 'ong ba la longs spyod pa ros tshim pas bde bar gyur pa de'i phyir yul rnams nye bar brten par bya'o// bshad par bya ste/ yun ni shin tu ring pos kyang / yul la mu thug yod min te// sman pa ngan ltar khyed lus la// ngal ba 'bras bu med pa 'byung // yul gyi bde ba'i longs spyod la brkam pa'i yid can gang zhig/ na tshong dang po la yul nye bar longs spyad par bya la/ bar du nor bsag cing tha mar chos brten no zhes 'di snyam du sems pa te la brjod par bya ste/ gal te yul rnams tshang nyung zad gcig tu 'gyur na ni na tshod dang por 'di rnams zad par thob par byas nas bde ba srid pa zhig na/ dus yun ring por nye bar bsten pas kyang 'di rnams yongs su chad par sgrub par mi byed do// yongs su chad pa med na ni gang zhig 'di rnams nye bar longs spyad pa nyid kyis mthar byed pa 'dod pas/ de'i ngal ba ni sman pa ngan pa nad kyis mtshan nyid mngon par mi shes pa'i phyir/ nad bco ba dag la nus 'i lus kyi gso dpyad kyi/ 'bad pa mthar ma phyin pas tshegs tsam gyi 'bras bu can du 'gyur ba ji lta ba de bzhin du 'bras bu med par 'gyur ro// gzig lpags bskon pa'i spre'u bzhin no// ji ltar gzig lpags g.yogs pa'i spre'u rtag tu spre'u rnams kyi skyo ba'i rgyur gyur cing skyo bar bya ba de la dus nges pa yod pa ma yin zhing rnam par bzhag pa med pa de bzhin du/ yul nye bar longs spyad ba dag la yang 'di tsam gyis tshim par 'gyur ro snyam du mu thug pa yang ba ma yin no// 'dir bshang ba/ gsher ba gsher bas mi skems shing // chu ba tsha bas nyams myin ltar/ de bzhin 'dod pa nyer dbyung bas// 'dod pa'i re ba spongab mi byed// 'dir smras pa/ ji ltar chu dag gis ngoms pa la skom pa yod pa ma yin pa de bzhin du/ 'dod pa dag gis tshim pa 'dod pa dag la sred par mi 'gyur ro// bshad par bya ste/ sten par byed pa 'ga' zhig la// sa sred ldog pa med ji bzhin// bsten bzhin pa yi mi rnams la// 'dod re 'phel ba'ang de bzhin no// ji ltar sa za ba bsten pa la sa'i sred pa 'phel ba kho nar 'gyur ba de bzhin du/ 'dod pa nye bar longs spyod cing 'dod pa gang bsten pa rnams la yang 'dod pa'i re ba 'phel ba nyid du 'gyur bas 'dod pa'i sred pa mthur dbyung bar bya bar mi nus so// 'di ltar 'dod pa dag nye bar bsten pas ni ji ltar gong du mngon par brtson pa los cha rkyen sbyor ba dang / nye bar longs spyod pa la mkhas pa 'thob cing / rigs mtshungs pa'i rkyen gyis gsos btab pa'i 'dod chags stobs dang ldan pa skyed par yang byed do// de'i phyir de lar skad cig re re zhing nye bar 'phel ba'i shu gos can 'dod pa'i sred pa'i chu klung gi g.yeng ba'i mi la tshim pa lta ga la yod de/ gnyid la sogs pa'i 'phel ba bzhin dang / skom pas nyen pa'i ri dgas bzhin no// ji ltar gnyid drang le lo dang 'khrig pa rnams ji lta ji ltar bsten pa de lta de ltar 'phel ba bzhin du nyon mongs pa rnams kyang yin no// yang ji ltar ri dgas skom par gyur pa rnams sa skam po ches rtsub pa sprin dang bral ba'i nyi ma'i gung gi nyi ma'i 'od kyis yongs su gdungs shing / chu ltar gyur pa smig rgyu'i klung lta bu can mthong nas chur 'du shes shing rab tu rgyug la/ skom pa sel ba yang mi thob pa de bzhin du/ 'dod pa smyig rgyu dang 'dra ba dag ma shes te/ de'i rang bzhin la mngon par zhen pa gang dag yul rnams don du gnyer bar byed pa de dag la nyon mongs pa ldog pa lta yod par ga la 'gyur te/ yul nye bar longs spyod pas tshim pa yod pa las nyon mongs pa'i gdung ba ldog pa'i phyir ro// 'dir bshad pa/ bud shing dag gis mi lce dang // chung 'bogs pa yis krung ji bzhin// de bzhin 'dod pa nyer spyad pas// mi rnams 'dod pa'i re ba 'phel// 'dir smras pa/ re zhig nye bar bstan pa 'dis skye bo bud med thun mong pa las bzlog par nus kyi/ gang dag gzugs bzang zhing / reg pa dang ldan pa/ yan lag thams cad dga' bar bya ba/ snying dang mig tu sdug pa/ snying nas chags pa'i mig ras kyis bltas po dag gis me dang phrad pas mar sar ltar chags pa can rnams kyi snying dag 'ju bar byed pa yongs su longs spyod pa thun mong ma yin pa can de dag las bdag gis yid bzlog par ji ltar nus/ de la yang chags pa bzlog pa'i phyir bshad pa/ bud med kun la 'khrig pa la// thA dad cung zad yod min zhing // gzugs gzhan gyis kyang longs spyad na// khyod la mo mchog gis ci byed// brtags pa 'di bden pa ma yin pa'i don gyi rtog pa kho nas yul mchog tu byung ba nyid du sgro btags shing / bdag nyid dma' bar byas nas yongs su skyo bar byed pa 'ba' zhig tu zad de/ 'dis ni 'thad pa 'dis yul dma' bar byas te de la chags pa dang bral ba nyid kyis bdag kho na bstod par rigs so// re zhig bud med thams cad kyi mi gtsang ba'i phyogs dbang po'i rdul phra rab 'dus pa'i bdag nyid can/ rang gi ngang gis dri ngu zhing / rtag tu 'dzag pa/ lus kyi grong khyer gyi mi gtsang ba'i stor khung du gyur pa/ bshang khang ltar skye bo mang pos blugs pa'i mi gtsang ba nod par lhur byed pa bshang dong lngar mun nag gi mi gtsang ba dri tshabs cher nga ba'i srin bu'i tshigs 'khrig chags pa/ bshang bu cung zad rad cing ras pa ltar nang myags shing / myags pa des bangs pa'i pags pa tsam gyis phyi btums pa/ sngon gyi las kyis thob cing bcor med pa/ lus kyi sbubs kyi rma tha chad shin tu chen po de'i rang bzhin yongs su rtogs pa rnams ngas dang ldan pa rnams kyi 'dod chags dang bral ba'i tshogs chen po gnyis med pa de la rang gi sems phyin ci log las ma gtogs par 'khrig pa'i reg pa tha dad pa nyid mi srid la/ de dag gi gzugs gang yin pa de yang lta ba'i dbang po'i yul yin pa nyid kyi phyir/ mig dang ldan pa gzugs de spyod yul du gyur par gnas pa thams cad kyi longs spyod thun mong ba nyid yin pa'i phyir la/ tha na khyi dang bya rog la sogs pa rnams kyis kyang nye bar longs spyad par bya ba yin pa nyid kyis na/ dngos po thun mong ba la mngon par zhen pa bskyed par mi rigs te/ bud med kyi khog pa la brkam pa khyod la nga lta bud med mchog gis yon tan lhag pa ci zhig bskyed pa ci zhig smros shig/ de'i phyir bud med mchog dag la mngon par zhen pa dor bar bya ste/ bud med gzugs ngan pa dang / gzhan gyi bud med kyi blos mun khung du rang gi chung ma dang dus btab ste phrad par gyur pa bzhin no// bud med gzugs ngan pa 'ga' zhig la khyim thab kyis khyod gzugs ngan no zhes spyod la/ des kyang rje bo la gzugs ngan nam/ gzugs bzang yang rung ste 'khrig pa bsten pa la 'dir khyad par 'ga' yang med do zhes zhus kyang des rtogs par ma gyur to// de nas des snod sna tshogs ngag tu snyan tsho bzhag nas zas kyi dus su skyes bu de la drangs pa dang / des 'di ci zhig ces smras so// des smras pa 'di sran tshod de/ 'on kyang snod lta bar 'os pa dag tu bzhag pa yin no// des 'di la khyad par ci zhig yod ces smras pa dang / des 'khrig pa lo yang nges par 'di nyid yin no zhes smras so// yang skyes bu 'ga' zhig gzhan gyi bud med mthong nas nam zhig na 'di dang phrad par 'gyur zhes brkam par gyur la/ der grogs bshes zhig gis gang zhig don du gnyer ba de ni 'di yin gyis/ 'on kyang khyod kyis de la ci yang smra bar mi bya ste/ de ni ngo tsha dang ldan pas rigs kyi mna' ma zhig go zhes de la mun khung du rang gi chung ma dang spyad pa dang / de yang shin tu dga' zhing rnam pa 'di lta bu'i bud med ni med do zhes smra'o// oM ma gang gis 'gro 'di sna tshogs cher// bsgribs shing rmi 'dra'i reg des rnam ltas la// chags rmongs 'di dag gzhan du rgyug gyur pa// 'di ni mun pa'i rang bzhin dra ba che// bud med mchog ni blun po'i 'dod chags kyi rgyu yang ma yin pa nyid de/ 'di ltar gang la gang yid 'ong 'gyur ba// de ni de yis 'tshe nges par brlom// khyi sogs rnams lnga'ang thun mong pas// blo gros ngan pa khyod cis chags// gang zhig gzugs ngan yang gang la yid du 'ong bar 'gyur pa des de bdag nyid 'tshengs par sems so// gal te 'dod par 'os pa nyid 'dod chags kyi rgyu yin na ni/ de dang thams cad kyang thams cad kyi tshe de la chags par 'gyur ba zhig na/ 'di ni de ltar yang ma yin no// de'i phyir yang 'dod chags kyi rgyu ni 'dod par bya bar 'os pa nyid ma yin gyi/ chags pa kho na rgyu yin no// chags pa yang rgyu med par khyi dang bong bu dang rnga mo dang phag pa la sogs pa rnams la yang / rang rang gi mo dag la yod pa nyid de/ de'i phyir chags pa thun mong pa kho na'o// de'i phyir mkhas pas rgyu gang gis kyang der 'dod chags par mi bya ste/ gnod sbyin rang gi chung ma la sdug pa phyogs su lhung ba bzhin no// gnod sbyin gnyis rang gi chung ma dag la sdug pa phyogs su lhung bar gyur la/ de gnyis kyang rtsod pa na gang gi chung ma lta na sdug ces dge slong gi gon du son pa dang / des gang zhig gang la sdug par gyur pa de'i de'i lta na sdug pa yin no zhes smras so// 'dir gal te/ gauti mug 'dod chags rgyu yin te// gzugs ni 'dod chags rgyu ma yin// kun kyang de la chags 'gyur ba// de phyir 'dod chags kyi rgyu min// zhes bshad do// 'dir smras pa/ bu mo yan lag thams cad yid 'phrog pa ni rnyed par dka' ste/ su zhig de rnyed pa ngo mtshar ba ltar rtsi ba na de la kun tu chags par mi byed ce'o// bshad par bya ste/ khyod la yan lag kun mdzes mo// gal te sngar kun thun mong na// de rnyeng khyod la ngo mtshar ltar// ji ltar yang ni 'gyur ba min// bu mo rnams ni khyo'i don du yin la/ khyo la yang nges pa med pas thams cad la srid par bya dgos so// de'i phyir gang 'di 'di las chags par 'gyur ba dngos po thun mong ba rnyed pa la ngo mtshar ci yod/ de'i phyir lam po chen yod pa'i zong dang 'dra ba rnyed pas ya mtshan par mi rigs te/ bad sa la'i rgyal pos dbang pos byin rnyed pa bzhin no// bad sa la'i rgyal po 'char byed ces bya bas bud med thun mong ba dbang pos byin rnyed nas ngo mtshar thob par gyur la/ de yang thams cad kyi thun mong du gyur pa zhig yin pa de bzhin du/ bud med gzhon nu mar gnas pa ni thams cad kyi don du gnyer bar bya ba yin pa'i phyir ril gyis thun mong bar 'gyur la/ phyis gcig kho na'i yin par 'gyur ro// 'dir bshad pa/ lam chen zong lta'i bud med ni// ri ba'i rin gyis 'dir rnyed nas// de rnyed pa la mkhas bas 'dir// ngo mtshar snyam du mi bya'o// 'dir smras pa/ gang gi phyir chags pa skye ba ni yon tan sngon du 'gro ba can yin par 'jig rten na mthong ste/ de'i phyir bud med yon tan dang ldan pa la chags par rigs so// / bshang bar bya ste/ yon tan ldan pa sdug pa dang // bzlog pa la ni bzlog mthong na// rnam par gnas med snga ma 'am// cig shos la ni gang zhig bden// gal te yon tan dang ldan pa la 'dod chags shing / bzlog pa la zhe sdang na/ 'o na de'i skyon dang yon tan 'tshol ba'i phyir/ bud med mchog 'dod chags kyi rgyu ma yin la/ yon tan dang skyon dag kyang nges pa med pas yul gcig lnga yang rim gyis gnyis char yang yang dag par 'byung ngo // / de'i phyir de ltar yon tan dang skyon gnyis nges pa ro mi gnas pas de dag la rag las pa nyid kyis/ rnam par gnas pa med pa ko// snga ma yon tan dang ldan pa nyid dang / dus phyis 'byung ba'i skyon dang ldan pa lta gang zhig bden par 'gyur/ gal te yon tan dang ldan pa nyid bden na ni/ de nyid la skyon mthong bas de mi bden pa yin nam/ ci ste skyon dang ldan pa nyid bden na/ de lta na yang de nyid la yon tan mthong bas de bden pa ma yin no// de'i phyir gang rung zhig la yang bden pa'i don nyid med pa'i phyir 'dod chags dang zhe sdang gnyi ga yang mi 'jug par rigs so// de'i phyir yon tan dang ldan pa la 'di'i 'dod chags mi rigs te/ 'chag du 'gro ba dang / bshang khang mthong ba bzhin no// ji ltar kha zas legs par 'dus byas pa ni yongs su longs spyod pa na dga' bar 'gyur la/ gang gi tshe de'i skyon gyis 'chag tu 'gro ba ste/ 'chag khang du 'jug pa de'i tshe mi dga' ba dang / yang ji ltar bzlog tu zin kyang grogs bshes kyi khyim gyi bshang khang blta bar 'dod cing / gang gi tshe mthong ba de'i tshe de nyid la yon tan mthong ba'i phyir dang / yon tan ma yin pa mthong ba'i phyir shin tu chags pa dang bral par 'gyur ba de bzhin du/ bud med kyi rang bzhin mthong bas 'dod chags dang bral bar 'gyur ro// 'dir 'gyur te/ gal te yon tan ldan nyid phyir// dngos po la lngar chags 'gyur na// blun po yon tan 'byor pa de// / spangs nas gzhan la chags mi 'gyur// 'dir smras pa/ yon tan med pa rnams la ni rjes su mi mthun pas 'dod chags par mi 'gyur gyi/ rjes su mthun pa'i phyir yon tan dang ldan pa rnams la ni 'dod chags so// / bshad par bya ste/ thun pa'i 'dod chags yon tan dang // ldan pa 'ba' zhig la mi skye// rgyu med pa las 'jug rnams kyi// ldog pa rgyu las ga la zhig/ 'dir sems can gang dag 'dod chags kyis kun tu rmongs shing 'dod pas zil gyis mnan pa ngo tsha dang / khrel dang bral ba de dag gi 'dod chags ni yon ton dang ldan pa rnams kho na la 'gyur ba 'ba'i zhig tu ma zad kyi/ de dag gi 'dod chags ni rnams cad la phyung ste/ yon tan dang ldan pa rnams la me lngar khyad par med par mngon par 'byung ste/ gti mug phal che bas rgyu yongs su 'dzin pa dang bral ba'i phyir ro// rgyu dang bcas par 'byung na ni rgyu rgyu gzhan gyis bzlog pa'i phyir bzlog pa yod par bya bar nus kyi/ thun po rgyu med pa las 'jug pa rnams kyi ldog pa ni rgyu sngon du 'gro bar can du yod par bya bar mi nus so// rgyu sngon du 'gro ba can ma yin par 'jug na ni gzugs mi gtsang ba la yon tan dang ldan ba ga la yod de/ de'i phyir bud med dag la 'dod chags pa yon tan dang ldan pa'i rgyu can du mi rigs so// bram ze mo ning ngu ba bzhin no// bram ze'i me ning 'ga' zhig de ltar ma byed par dka' thub kyi nags tshal du dengs shig ces bu rnams kyis bzlog par gyur pa dang / de ngu bar zhugs so// de rnams kyis dris pa/ ci bral ba'i sdug bsngal gyis ngu 'am/ des smras pa/ kho bo ni 'bral ba'i sdug bsngal gyis mi ngu'i/ 'on kyang gang khyed cag gis bde ba 'di ma tshor ba de ltar kho bo ru'o// de rnams kyis dris pa/ las 'di la yon tan ci yod/ des ngu bar kho nar 'gyur gyi/ smra bar ni mi 'gyur te/ de bzhin du thun pas gang dag gi 'dod chags yon tan gyis ma byas pa de dag ni gso dka'o// 'dir 'gyur te/ skyon dang yon tAn ma dpyad par// mi gang bud med la rmongs pa// de dag brgya phrag rgyu yis kyang // bud med rnams las bzlog mi nus// 'dir smras pa/ bud med kyi skyes pa shi yang phyi bzhin lceb kyi/ skyes pa ni bud med la de ltar ma yin no// de ltar chags pa dang rjes su 'brel pa'i bud med dag ji ltar mi brten/ bshad par bya ste/ ji srid gzhan shes ma gyur pa// de srid de ni khyod la 'dug/ nang ngan dang mtshungs bud med ni// rtag tu rkyen las bsrungs par bya// bud med ni ji srid du rkyen 'ga' zhig dang bral ba las skyes pa gzhan gyi ro ma myangs po de srid du khyod la snying nye zhing khyo dang mthun gyi/ gong gi tshe skyes bu gzhan gyi ro myangs par gyur pa de'i tshe na ni 'di gcig la mngon par mi dga' ste/ de'i phyir nang ngan pa ltar gdon mi za bar bsrung bar bya dgos pa'i bud med rnams la yid brtan par mi bya ste/ 'khrug pa'i rkyen nye bar gyur na rnam par 'gyur ba la brten pa'i phyir ro// 'di ltar zab cing nges par dka' bo'i byung tshul zol du ma dang ldan pa can gyi bud med rnams ni rtag tu skyes pa mthong bar 'dod ngo // de'i phyir nges par dga' yang gang la yang mi chags pas mkhas pas bud med rnams la yid brtan par mi bya ste/ sngar mi 'dod pa'i bram ze mo log par sgrub pa bzhin no// skyes bu zhig gis bram ze mo 'ga' zhig don du gnyer ba dang / des bdag po la skyes bu zhig bdag gi gan du 'ong gis/ bdag ni de la 'jigs pa dang bcas te/ gang gi tshe 'jug par 'gyur pa de'i tshe khyod la brda' sprad kyis zhes smras so// de skad smras nas gnas pa la gang gi tshe de zhugs shing log par gyur pa de'i tshe de de la chags shing / rje bo de la skyes bu de 'ongs so zhes kyang mi smra ba de bzhin du/ bud med rnams ni rtag tu bsrung bar bya ba zhig ste/ de dag la su zhig yid rton par 'gyur/ 'dir bshad pa/ gang phyir bud med bsrung byas kyang // rang gi 'dod pas 'gro 'gyur ba// de phyir yon shes rje bo la// gshin pa'i bud med shin tu dkon// 'dir spros pa/ lang tshol bab pas na tshod dang po la 'dod pa nye bar bsten par bstan lo/ nye bar bstan pa ji lta ba bzhin gnas pa rnams ni bya ba ma yin po byed par yang mi 'gyur ro// bshad par bya ste/ sems can bcas pa su ngag khyi ltar bud med kyi lus mi gtsang ba la mngon par zhen la gzhan yang der 'dzud cing / 'jig rten la don ma yin pa byed pa rnams kyi tshig lo tshad mar byed par 'gyur/ 'di ltar 'dod chags kyi chang 'thungs pas smos pa ngo tsha shes pa dang khrel yod pa dang bral ba bag med pa spyod cing dge ba'i phyogs mtha' dag bcom pa/ bud med kyi skye bo'i bsgo ba bzhin byed pa 'dis dar ma'i gnas skabs su spyod pa rjes su gdung bar byed pa gang spyad cing / dar ma rang gis byas pa dang // de ni rgan po mi 'dod na/ gang gi tshe 'di dbang po yongs su smin cing khams yongs su nyams pa na 'dod chags dang bral ba ma yin yang shes rab kyis rang gi 'das pa'i spyad pa rnam par 'byed pa de'i tshe rang gis spyad pa'i sdug bsngal de nges par bsams nas rjes su gdung par 'gyur ro// de lta yin dang / ji lta bur na grol ba rnams// de la shin tu gdung mi 'gyur// gang du de kho na nyid ma mthong zhing skad cig la nyon mongs pa'i sdug bsngal log pa'i spyod pa yang / yongs su dga' ba'i rgyur mi 'gyur ba der nyon mongs pa'i 'ching ba mtha' dag grol zhing / rab tu dang la ring po gzigs pa rnams kyi ma la dang smad pa dang rga ba rnams brgya phrag stong ngam rgyun mi 'chad par ji ltar mi 'gyur/ dri ma rnams kyis brnyogs pa'i spyod pa de ni de ltar 'dres pa zhig go// mna' ma rtabs te gyos po'i ske la be'u brtod pa bzhin no// rigs kyi mna' ma 'ga' zhig dus ston la bab pa na dga' ston nyams su myong bar bya'o// snyam ste rings pa rings par khyim nas 'byung bar gyur pas be'u yang phyir byung bar gyur pa dang / des da gyos po'i ske la btags so// de la 'di ci byed ces dris pas/ mthong ste de te bor ngo tsha bar gyur pa de bzhin du re zhig 'dod pa rnams mi bzad pa nyid du ma shes nas lang tsho'i tshe gang byas pa de la rgan po mi dga' na/ gang dag gis dngos po'i de nyid yongs su shes par byas pa de dag gi// de la spyod pa ches gdung bar ji ltar mi 'gyur te/ smos ci dgos/ 'di ni ches smad par bya ba nyid do zhes bya ba'i don to// 'dir bshad pa/ rmongs las 'byung pos brlabs gyur pas// 'dod pa'i dbang gis gang byas pa// de ni na tshod yongs gyur las// yid gdung dka' ba skyed par byed// 'dir smras pa/ bde ba 'di ni 'dod pa'i khams na mchog yin te/ gang bud med kyi bde ba'o// de'i rgyu ni bud med yin te/ de'i phyir de'i don du gdon mi za bar bud med yongs su bzung bar bya'o// bshad par bya ste/ mo chags pa la bad+ma med cing // de yang thun min la med la// gang yid rtag tu phyir phyogs pa// de yi bde ba ci 'dra zhig/ 'dir 'dod pa'i khams kyi bud med kyi bde ba gang yin pa de ni ma chags pa la med la/ gang gi tshe chags par gyur pa de'i tshe ni chags pas chags par bya ba'i dngos po la de'i rang bzhin du 'gyur zhing / 'dod chags kyang dngos po ma yin pa dngos pos byas nas 'jug pas gti mug med par mi 'byung ngo // gang gti mug gis yul gyi rang gi ngo bo mi rig cing / rang gi rnam par rtog pas blo phrogs pa/ 'khrul 'khor gyi mi ltar kun tu rmongs par byas pa'i yul gyi rang gi ngo bo la sems gtad de/ de las gzhan du sems g.yengs pas ni yang dag pa ji lta ba bzhin du 'ga' yang mi shes te/ mi shes pa des ni bde ba so so yang dag par rig par mi 'gyur ro// bde ba so so yang dag pa rig pa mang na yang phyin ci log gi rtog pa tsam nyid las ma gtogs pa 'di la bde ba cung zad kyang mi 'byung ngo // de la bud med kyi bde ba bskyed pa'i phyir gdon mi za bar bud med yongs su bzung bar bya'o// zhes gang smras pa de ni ma yin to// byis pa rgyal po'i btsun mo 'dod pa dang / tha ga pa bzhin no// byis pa 'ga' zhig gis rgyal po'i btsun mo mthong la/ de mthong nas de la 'dod chags kyi sems cher skyes te/ de'i bran mo zhig bya dgas yang dag par bskyongs nas bdag dang lha lhan cig spong par nus sam zhes smras so// des smras pa nus so// de nas des don du rgyal po'i btsun mo de la zhus pa dang / des rgyal po'i pho brang 'khor ni shin tu bsrungs pas te/ 'on kyang gang gi tshe yang btsun mo'i rgyu bar 'gyur ba de'i tshe don 'di nus par 'gyur gyis shes smras so// de nas bran mo des don de byis pa de la glengs pas des bud med kyi cheng du lo khyung kor gyi mthar thug par dri dang bdug spos dang / me tog dang me tog phreng dang / tam po la dang / phye ma la sogs pa btsal bar gyur la/ btsun mo rgyu ba nye bar gnas pa na byis pa sang rgyal po'i btsun mo dang bdag lhan cig 'phrad bar 'gyur ro zhes rang gi bar khang legs par 'du bya'o// de'i nyin mo byis pa de'i mkhan po zhig gi ba lang brlag par de de'i don du mngags so// de srong ba dang rgyal po'i btsun mo byis pa de'i khang par phyin te/ slar log ste song ngo // ji ltar byis pa lo khyung kor du yid phyir gyur pa de la sdug bsngal mchog mngon par 'byung ba de bzhin du/ 'dod chags kyis yid phyi rol tu gyur pa'i mi rnams bde ba 'thob pa go la yod/ yang tha ga pa zhig rgyal po'i btsun mo dang 'dzol te/ 'dod chags kyis smyos par gyur nas/ kA'i khyod kyis lha mthong ngam/ kA'i 'ongs sam/ kA'i nga 'dri 'am zhes re re la 'dri bar gyur to// 'dir bshad pa/ chags rmongs gang zhig bud med kyi// bde bar mun pas mig phrogs pas// de ni gnas pa mi mthong ste// 'khrug pa'i chu la gzugs brnyan 'dra// gzhan yang / gal te bud med kyi bde ba la bud med dang phrad pas 'byung la/ bud med med par mi 'byung bas de'i don du khyod bud med yongs su 'dzin par byed na/ ci'i phyir/ khyod la gus bzhin rtag par ni/ mo dang lhan cig phrad pa med// ji ltar khyod kyi bud med longs spyod pa'i gus pa chung ngu dang 'bring dang chen po'i rim par 'phel bas nyin mtshan du rgyun mi 'chad par 'phel ba de ltar longs spyod kyang ci ste mi 'phel/ de'i phyir ci'i don du yud tsam longs spyod pas yongs su dub pa'i tshogs pa can rnams chags bral ltar bud med dag yongs su gtong bar byed/ de'i phyir gus pa ltar bud med longs spyod par mi nus pa 'di dag gi/ 'di nga'i gzhan gyi ma yin zhes// yong 'dzin 'di ko ci zhig yin// longs spyod kyi phyir na chung ma yongs su sdud pa gang yin pa de ni mi rigs te/ de longs spyod pa la nus pa med pa'i phyir ro// 'di byed na yang ser sgra med pa'i sgo nas bya bar rigs kyi/ yongs su 'dzin pa 'di ni bdag gi yin gyi gzhan gyi ma yin no zhes de ltar rang las gzhan pa'i skyes bus longs spyod pa bkag pa ni mi rigs pa nyid do// bdag la phan 'dogs pa'i tshing du yongs su 'dzin pa'i g.yeng ba la skyo ba bzod kyi/ gang zhig bdag la phan 'dogs pa'i ched du ma yin pa de gzhan dag la ma gyur cig ces bya ba 'di ni yongs su 'dzin pa ma yin gyi/ gti mug gi rnam par 'gyur ba zhig ste/ bram ze mo drod nyams pas zan yongs su 'dzin pa dang / rgyal po bud med mang po can la gtam bya ba dang / long bas mi mthong ba bzhin no// / bram ze 'ga' zhig me drod zhan pas za bar mi nus par gyur cing / de la kha zas mang zhing gya nom pa grub par gyur la/ cung zad kyang gang la yang sbyin par mi 'dod cing / cher len par yang 'gyur ba dang / yang ji ltar rgyal po 'ga' zhig la pho brang 'khor gyi nang na bud med brgya phrag du ma yod la/ rgyal po de de dag dang bya ba yang mi byed cing / gzhan la yang mi ster bar gyur to// nam zhig na rgyal po de la dge slong zhig gis ci bud med thams cad kyis bya ba byed dam zhes dris pa dang / des smras pa/ ma yin no// de nas dge slong des de dag btang bar bya ba'i phyir rgyal po de la chos dang ldan pa'i gtam byas pa la btang bar yang gyur to// skyes bu long ba zhig mig med pa'i phyir gzugs kyi ched du bud med dag la gus pa dang ldan par yang mi 'gyur la/ de ltar yang bud med 'di dag ni bdag kho na'i yin gyi gzhan gyi ni ma yin no zhes yongs su 'dzin par byed do// 'dir bshad pa/ skye bos gang la bya yod pa// de de gal te mi byed na// de yongs 'dzin pas ci dgos te// yongs 'dzin rmongs pa ma yin nam// 'dir smras pa/ 'jig rten na ni 'dod chags la bde ba zhes brjod la/ de ni bud med dang sbyor ba med par mi 'byung ba de'i phyir dgos pa'i don du gdon mi za bar bud med dag 'dod par bya'o// bshad par bya ste/ gal te 'dod chags bde yin na// bud med dag gis dgos med 'gyur// bde ba dor bya zhes bya ba/ ji ltar yang ni ma mthong ngo // gal te 'dod chags bde ba yin na ni/ 'dir bud med dag gis dgos pa med pa ro 'gyur te/ bde bu zhes bya ba ni skyon med pa'i phyir nam yang dor bar bya ba rI mi 'dod do// gang gi phyi ri 'dod chags ni dug ltar 'gal zla'i dug bud med kyi slar 'joms par byed pa de'i phyir/ 'dod chags bde ba yin no zhes bya bar mi rigs te/ thu bo tsha bas zas yongs su dor ba bzhin no// rigs kyi bu mchog tu bkren pa 'ga' zhig bru ba tsha bas gnod par gyur te/ mtshan mo khyim 'ga' zhig tu zhugs la/ des der snod 'ga' zhig tu thal ba mthong zhing / gzhan du chu mthong ngo // des cher 'du shes nas thal ba de smras te zos shing / bru ba tsha ba dang bral ba dang thal ba'o snyam du shes par gyur to// de de nyid kyis skyo bar gyur nas zas yod kyang bor nas phyir byung ngo // khyim bdag gis 'di ci yin zhes kyang dris la/ des kyang smras so// de nas nges rdzas mang po la bkod la/ rmag pa nyid du yang ngo // de bzhin du gal te 'dod chags bde ba yin na 'di dor bar mi 'gyur ba zhig go/ 'dir bshang ba/ gang phyir dug lnga'i 'dod chags kyi// zla ral dug mtshungs bud med rnams// de ltar phos bsten bya de'i phyir// de la bde ba ga la yod// 'dir smras pa/ sbyor bas bde ba 'byung la/ de'i rgyu ni bud med yin pa de'i phyir yang bde ba bud med las skyes pa yin no// bshad par bya ste/ bud med lhan cig sbyor na'ang // bde ba gzhan las skye 'gyur na// de rgyu mdza' mo nyid yin zhes// blon po mun pa su zhig 'dzin// 'dir skyes bu rnams bud med dang lhan cig phrad par 'gyur mod kyi/ de lta na yang bud med dang sbyor ba tsam der bde ba'i rgyu ma yin no// 'di ltar 'dod chags dang bral ba ma yin yang bslabs pa la gus par byed pa kha cig ngag 'dod pa po ma yin bzhin du bud med dag gis btsan thabs kyis yongs su spyod la/ de dag la mdza' mo bde'i rgyur yang mi 'gyur ro// gal te bud med dang sbyor ba bde ba'i rgyur 'gyur na de'i tshe 'dod pa dang bcas pa dang 'dod pa med pa thams cad la mes tshig pa'i sdug bsngal ltar khyad par med par 'gyur ba zhig na/ de ltar ni srid pa yang ma yin no// de'i phyir skyes bu tshul bzhin ma yin pa yid la byed pa dang ldan pa/ mi gtsang ba la gtsang bar 'du shes shing sdug bsngal pa la bde bar 'du shes pa rnams kho na la phyin ci log dang dbang po gnyis sbyor ba la brten nas bde ba 'byung ba na/ rkyen du ma nye ba las 'byung ste/ sbyor ba'i bde ba kun tu rtog pa log pas bskyed pa de'i rgyu bud mod kho na yin gyi gzhan ma yin no// zhes blun po ma yin po su zhig ste/ mkhas pa su zhig 'dzin par 'gyur/ blun po kho na 'dzin par 'gyur ro// byis pa rang gi khyim thab kyi las byed du bcug pas mgu ba bzhin no// byis pa 'ga' zhig la rang gi khyim thab kyis khrus bya yis chu 'on cig ces smras la/ des kyang blangs par gyur te// de bzhin du shing len pa dang / chu slo ba dang / mnye ba dang / snum gyi dril phyis kyis rim gro dag byed du bcug cing / des ni phyogs ma yin pa mnye ba tsam zhig byas la/ de yang de tsam gyis yongs su mgu ste/ de bzhin du 'dod pa'i bdag nyid can rnams bdag nyid kyis ngal ba la brtsis med par byas nas bde ba bud med la yod pa kho nar glom mo// 'dir bshad pa/ gang phyir rgyu rkyen tshogs pa las// bde ba 'byung ba de yi phyir// de yi rgyu ni gcig min par// de nyid rig rnams kyis shes bya// 'dir smras pa/ gal te de ltar rgyu du mas 'dod pa smad na/ ci'i phyir chags pa can yang dang yang du 'dod pa dag bsten/ gang gi phyir 'dod pa dag bsten pa'i phyir na 'di nges par 'dod pa las skyes pa'i bde bas bde ba dang ldan par 'gyur ro// bshad par bya ste/ nges par/ mdze po 'phrug bzhin 'dod chags kyis// ldongs pas 'dod pa'i skyon mi mthong // ji ltar g.yan pa tshabs chen pos thebs pa'i mdze bo 'phrug pa na/ de dang nye ba'i sdug bsngal gyis nad par gyur pa nyid kyis g.yan pa'i skyon te/ me dpal gyi nyes pa dang lpags pa bshus pa dang / khrag dang chu ser 'dzag pa'i nyes pa mi mthong bar yang dang yang du 'phrug par byed kyi/ de las mi ldog la de la skyon du blta bar yang mi 'gyur ba de bzhin du/ 'dod chags can yang 'dod pa'i g.yan pas zil gyis mnan pas 'dod pa dag la skyon du mi mthong zhing / yang dang yang du 'dod pa'i bde ba nye bar longs spyod kyi/ de las ldog pa yang ma yin la/ 'dod pa dag la mi gtsang ba'i skyon du lta bar yang mi 'gyur ro// gang gi phyir 'di de ltar yin pa de'i phyir/ tshogs bral rnams la mdze po ltar// chags can sdug bsngal ldan par snang // gang gi phyir 'dod chags kyi g.yan pa'i skyon las grol ba'i 'phags pa 'dod chags dang bral zhing / 'dod pa dag la chags pa dang bral ba gang dag yin pa de dag la 'dod chags can rnams mdze can ltar sdug bsngal bar gyur par snang ba de'i phyir nam yang chags pa can bde bar gyur pa yin no zhes bya bar mi rung ste/ brgyan po la sogs pa brten pa bzhin no// ji ltar rgyan po dang chad dang 'phrug pa rnams rdzas dang lus zad pa'i rgyur yang dag par gnas pa de bzhin du/ bud med dang gnyis spyod pa'i 'dod pa bsten pa yang yin no// 'dir bshad pa/ skyug phag mi gtsang la ji bzhin// de bzhin 'dod bde mi gcing du// chags can bying bar mthong 'gyur nas// de la gtsang sbra can su dga'// 'dir smras pa/ 'dod pa la mi gtsang ba nyid yod mod kyi/ de lta na yang gang der 'dod chags las spyod pa rnam pa du mar 'gyur bya de ni brade ba yin no// bshad par bya ste/ mgon med bkres pas nyen rnams la// mu ger bya ba gang 'byung ba// de ni bud med phrad pa'i tshe// chags can kun gyis g.yo ba yin// ji ltar mu ge tshe ba'i dus na bkres pa dang skom pa'i sdug bsngal gyis mngon por bcom zhing dbul ba/ gnyen gyi skye bo yongs su zad cing mgon med pa la zas rnyed par dka' ba/ nor can dag la tsher 'phongs pa'i lus kyi bya ba dang / ngag tu smra ba dang / phyug po shin tu brtse ba med pa dag gis lan brgyar brnyas su zin kyang de ltar brnyas kyang 'di dag bdag cag la phyis cung zad ster bar 'gyur ro// snyam du slar re ba rnams la brnyas pa'i gnas de mi gtong ba na nyon mongs pa'i g.yo ba ci 'dra bya mthong ba de 'dra ba'i g.yo ba ni chags pa can bud med dang sbyor ba mngon par 'dod pa/ skye mo na chung dang ba lhung byed pa// de'i rkyen can mgor rting pas pas brdeg pa dang / mchil thor dang / thal chag btab pa'i brnyas chos rnam pa du ma sron zhing / dra rgyal dang bral ba 'dod pa nye ba re longs spyod pa'i re bas ldongs pa rnams la yang mthong ngo // gang gi phyir 'di lta yin pa de'i phyir bud med dang phrad na chags pa la spyod pa gang du 'gyur ba de ni bde ba yin no zhes bya ba mi 'thad de/ btson rar chud pa ba lang gi lci bo'i khu ba don du gnyer ba bzhin no// dper na btson rar chud pa 'ga' zhig lci ba'i chu mngon par 'dod pa de bzhin du/ 'dod chags can thams cad stong ra'i tshig dag gis bud med rnams la 'dod pa'i longs spyod don du gnyer bar byed do// 'dir bshad pa/ bud med phrad tshe tshul gang dang // chags can rnams kyi spyod de dag/ tho snga par gyur nas chags bral rnams// 'di na 'dzem pa byed par 'gyur// 'dir smras pa/ gang gi phyir 'di ni bde ba la kun tu chags pas bud med gra la 'byung la/ de'i ched du gzhan dag la phrag dog pa de'i phyir bud med kyi bde ba yod do// bshad par bya ste/ dregs pa yis ni kha cig la// bshang khang la'ang chags bskyed cing // bud med la la la chags pa// 'ga' zhig 'ga' la phrag dog bying // phyug po dbang 'byor pa 'ga' zhig dregs byas bshang khang stug po'i snod la yang chags par 'gyur la/ de'i chung ngu gzhan dag la phrag kyang dag go/ gang gi phyir bud mang dag la kun tu chags par 'gyur ba kho na dang / phrag dog pa 'ba' zhig tu ma zad kyi/ 'on kyang bshang khang la yang yin pa de'i phyir yang bud med dag la 'dod chags pa'i phyir dang phrag dog yod pa'i phyir bde ba yod do zhes bya ba de yang ma yin te/ skam po rtse mo'i bran mo la chu grang gi phrag dog bzhin no// rgyal po skam po rtse mo dbang phyug gi dregs pas dregs pa 'ga' zhig khyod dang nga'i khyad par gang yin por 'gyur zhes phrag dog gi ser snas bran mo la btung ba'i don du chung yang ma gnang ngo // de'i phyiraru de ltar 'dod chags ni yon tan dang ldan pa dag kho nA la yin paru ma zad kyi/ dregs pas yon tan med pa rnams la yang 'gyur ro// 'dir bshad pa/ gang gi phyir na bud med dang // bshang khang mi gtsang snod nyid de// de phyir de nyid shes pa yas// de la 'khren par mi bya'o// 'dir smras pa/ rtsig par rtogs pa na gang la bde ba yod pa de de la chags par rigs pa nyid do// bshang par bya ste/ mi gtsang ba la gti mug ni// 'byung ba khro ba 'byung rigs kyi// rnam pa kun tu 'dod chags ni// 'byung bar rig pa ma yin no// 'ga' zhig la mi gtsang ba rdzis pas gti mug dang khro ba dag 'byung bar rigs te/ de mun pas bsgribs pas blta ba dang bral ba'i phyir ma mthong ba la gti mug 'byung ba srid cing / dri nga ba nyid kyis na gnod pa nye ba'i phyir khro ba 'byung ba yang srid kyi/ rjes su mi mthun pa'i phyir 'dod chags 'byung ba ni mi rigs pa de ltar bud med kyi lus mi gtsang ba la yang phyir bco bas bkab pa'i phyir gti mug dang dri nga ba nyid kyis khro ba yang 'byung bar rigs kyi/ 'dod chags 'byung bar ni rnam pa thams cad mi rigs te/ mi gtsang ba'i rang bzhin yin pa'i phyir ro// de la gang bde ba yod pas de la chags par rigs so zhes 'dod pa de ma yin te/ mtshan mor mi gtsang ba mnan pa bzhin no// 'ga' zhig gis mtshan mor rkang pa gnyis kyis mi gtsang ba mnan par gyur lo/ des de mthong nas de 'khrugs par gyur cing / phyis chags par gyur to// de la gzhan gyis khyod kyis ci phyir mi gtsang ba mnan zhes dris pa dang / nges mun pas bsgribs pa'i phyir ro zhes smras so// de nas khyod ci ste 'khrugs/ gnas pa rjes su mi mthun pa'i phyir ro// de na gang du rgyu med pa kho ci'i phyir chags par gyur zhes bya ba 'dir ci zhig smra bar byed/ de ltar na lus mi gtsang ba la khro ba dang gti mug gnyis 'byung bar rigs kyi/ 'dod chags ni rnam pa thams cad du ma yin no// 'dir bshad pa/ de ni lte bar ci nas kyang // rigs min rnam par ga la zhig/ de la chags par 'gyur zhes pa// e ma 'jig rten mun chen yin// 'dir smras pa/ lus ni mi gtsang ba yin mod kyi/ de lta na yang 'jig rten na skyon can ma yin pa'i phyir spang bar bya ba ma yin pa nyid do// de skad du yang / bzhin las bram ze rnams gtsang zhes/ bud med rnams ni kun las gtsang / zhes smra'o// mi rnams ma rtogs mi gtsang ba'i// snod ni smad par 'byung 'gyur na// gang las mi gtsang 'byung 'gyur ba// de ni smang bar cis mi sems// lus mi gtsang ba las 'byung bas sun byung ba'i snod rnams kyang mchog tu skyon du brtsi bar bya bar 'gyur na/ gang las bar med par mi gtsang ba'i phung po 'thon pa de gtsang ngo snyam du sems rnal du gnas ba rnams kyis ji ltar rtogs/ de'i phyir bud med kyi lus spang par bya ba ma yin no zhes bya bar mi rung ngo // bud med tshol zangs thogs pa mthong ba bzhin no// phyug po 'ga' zhig la chol zangs 'dzin pa'i bud med mchog tu mdzes pa zhig yod la/ de skyes bu 'dod pa dang ldan pa rnams kyis don du gnyer zhing bsten par gyur to// de nas nam zhig de chol zangs kyis skyugs pa blangs nas phyir byung ba dang / de rnams kyis kyang mthong bar gyur la/ de rnams skyon du 'grang zhing sna bug bkag nas dong bar gyur te/ mi gtsang ba de ni lus las byung ba kho na yin no// de bzhin du byis pa rnams rang gi lus la gnas pa'i mi gtsang ba skyon du mi lta zhing / lus las lhung ba mi gtsang bar rlom mo// 'dir bshad pa/ chags rmongs de'i rang bzhin yin phyir dang // tshangs par spyod pa'i stobs phyir yang // de sun dbyung min zhes thun po// mkhas pa'i nga rgyal can rnams smra// 'dir smras pa/ gang las der skyes bu gtsang ba chags par 'gyur ba/ bud med kyi lus la gtsang ba nyid yod do// de'i phyir yang bud med 'gong bar bya ba yin no// bshad par bya ste/ dngos po gtsang ba thams cad kyi// tha ma gang du dmigs 'gyur/ ba/ de la gtsang ba yod do zhes// blo ldan ma ni gang zhig smra// me tog dang dri dang / gos dang rgyan la sogs pa dngos po gtsang ba thams cad lus dang phrad pa nyid kyis mi gtsang ba nyid du 'gyur la/ gang la reg pas a ka ru dang // gla rtsi dang / gur gum dang / tsan ngan dang / gos la sogs pa'i dngos po gtsang ba rnams la de ltar tha ma dmigs pa gtsang ba nyid yod do zhes bya bar mi 'thad do// gang gi phyir blo dang ldan pa dag de la smod par byed pa de'i phyir/ bud med lus de gtsang ba nyid yod do zhes bya ba ma yin te/ de bzhin du skyes pa'i lus la yang mi gtsang ba nyid mtshungs par bsam par bya'o// gang gA'i chu rgya mtsho re 'brub pa bzhin no// dper na gong gA'i chu rgya mtshor phyin pa ni rgya mtsho'i chu bzhin lan tshwa can du gyur pa ltar/ de bzhin du bza' ba dang bsgo ba la sogs pa rdzas gtsang ba thams cad kyang lus dang phrad pa las las lar mi gtsang bar 'gyur ro// 'dir bshad pa/ pad+ma kha dog bzang zhing dri bsung ldan// gtsang bar gyur kyang gzhan gyis bsnams pa yis// skye bo lA nga ma gtsang bar 'gyur ba// da yi phyir na lus ni rma gtsang 'gyur// 'dir smras pa/ 'di nagang zhig gtsang ba nyid du dregs par 'gyur ro// gal te lus gtsang ba nyid du mi 'gyur na ni de'i tshe dregs par mi 'gyur ba zhig na/ 'gyur ba yang yin te/ de'i phyir yang lus gtsang ba nyid yod do// bshad par bya ste/ gang zhig bshang khang nang 'dug cing // de med par ni mi gnas pa// mi gtsang ba yi srin de la// rmongs pas dregs pa skye bar zang // skye bzhin pa gang zhig dang po ma'i mngal du pho ba dang long ka gnyis kyi bar 'tshig khang dang 'dra bar bsdad cing / bshang ba'i nying khus gnas par byas pa mi gtsang ba'i srin bu dang 'dra ba de ni 'dir gti mug kho na las bdag gtsang ngo / snyam du dregs par 'gyur ba 'ba' zhig tu zad de/ byi bo skyug 'khron du bcug pa bzhin no// phyag phrug gzhan gyi chung ma la 'phyan pa 'ga' zhig gis gzhan gyi khyim du phyin pa dang / de bzung nas bshang pa'i khron par bsgyur ro// de der bshang ba des srog btsas te nam zhig na char chen po babs pas bshang ba'i khron pa'i ngos zhig par gyur cing / de nas de byung bar gyur la/ gonyen gyi skye bos kyang khrid nas khyim du bcug ste/ sman pa mkhas pa bkug nas nyi ma kha cig gis snga mkho'i stobs dang kha dog gi tshogs la bkod do// de dus gzhan zhig na lus bkrus shing nye bar byugs te/ lam po che'i dkyil du son pa la mi dbul po zhig gis 'dod rgyal du gos yugs kyis reg pa dang / des dregs pas spros te spyad pa'i gnas so// khyod kyis gos tha malnga pa 'dis bdag mi gtsang bar byas so zhes 'di la smyos par gyur to// de bzhin du byis pa'i skye bo mi gtsang bas lto ba bkang ba yang zla ba dgu 'am zla ba bcur ma'i mngal du mi gtsang bas gronas par byas nas mi gtsang ba'i sgo nas byung ste mi gotsang ba'i srin bur gyur nas rmongs pas slar yang longs spyod dong gtsang sbra dang / gzugs dang stobs la sogs pa rnams kyi sgo nas dregs pa bskyed // 'dir bshad po/ sun dbyung min zhes smras na yang // lus 'dir gtsang ba yod min te// de lta'i sa bon gnas zos dang // dri da ba dag zag phyir ro// 'dir smras pa/ gal te lus la gtsang ba nyid yod par ma gyur na ni/ mi gtsang ba spong bar byed par mi 'gyur ba zhig na/ gang gi phyir mi gtsang ba yongs su spong bar yang byed do// bshad par bya ste/ thabs gang gis kyang lus kyi ni// nang phugs gtsang bar mi 'gyur na// khyod ni ning la 'bad byed pa// de ltar phyi rol la ma yin// chu'i bsang gtor dang / khrus dang / byug pa dang / gsang sngags kyis gsang ba la sogs pa rnams dus shin tu ring mer bsten kyang / lus kyi nang bku bar mi nus so// de'i phyir nang nas 'dzag pa'i mi gtsang bas sun dbyung gA'i lus la gtsang ba lta ga la yod/ gzhan yang gnas gang dag gi nang nas mi gtsang ba 'byin par byed pa de dag nyid la 'di nye bar longs sbed pa'i re ba 'cha' ste/ de la ni khrus la sogs pa rnams kyis med do// de'i phyir de ltar na mi gtsang ba'i rang bzhin gyi lus la gtsang ba nyid ga la yod de/ glong pa'i mdza' bshis 'chag khang gi blar bkos pa mthong ba dang / ce spyang gi pa la sha'i mu tog bzhin no// grong pa 'ga' zhig gi mdza' bshes zhig rgyal pos 'chag khang gi bla byas la/ mdza' bshes nges de nam zhig na bskyang nul dang bdug spos la sogs pa dag gis 'chag khang la gau tsang sbra byed pa mthong bas/ de la nges brgad nas 'di nam gtsang bar 'gyur zhes smras pa/ de bzhin du/ mi mkhas pa rnams bza' ba dang btung ba dri zhom po dag gis khong nas lus la gtsang sbra byed par 'dod pa yang mkhas pa rnams kyi bzhad gang du byed do// yang ce spyang gnyis shing pa la shwa'i 'og na gnas par gyur pa dang / de la gcig ni me tog lhung bar gyur pa la gnas nas 'di dag thams cad kyang gor ma chags par rnam pa de lta bu yin no snyam ste ji ltar 'dod pa bzhin du son par gyur to// gnyis pa ni pa la sha'i me tog lhung ba gang yin pa de ni sha ma yani gyi/ gang pa la sha la gnas pa de ni sha yin no// zhes de snyam du 'gyur ro// de bzhin du mi mkhas pa rnams kyang gang lus la 'byung ba de ni mi gtsang gi gnas pa de ni gtsang ngo snyam du rlom mo/ 'dir bshad pa/ gang phyir lus 'di mngal nas ni// bzung ste mi gtsang rang bzhin nyid// de phyir gtsang bar bya bar ni// mi nus mi gtsang ji bzhin no// 'dir smras pa/ gang gi phyir bud med kyi lus gci ba can yin yang drang srong bud med kyi bde ba'i longs spyod 'dod pa dka' thub chen po can rnams kyis kyang yongs su mi spong ste/ de'i phyir bud med dag spang bar bya ba ma yin no// bshad par bya ste/ gal te mdze can bzhin de ltar// gcin can kun la mtshungs min na// mAdze can ji bzhin gcin can te// de ltar mi kun gyis spong 'gyur// gal te chu dri nga pa 'dzag pa 'di thun mong ma yin pa nyid du 'gyur na ni/ ji ltar chu ser zags pa myags pas lus rnam par myags shing / rnyogs la rul pa nyid kyi phyir na mdze can dgra gtsang sbra 'dod pa rnams kyis spong ba de bzhin du mi gtsang ba zag pa'i lus kyang yongs su spong bar 'gyur ba zhig na/ thun mong nyid yin na ni gang gis gang spong bar byed/ 'di ltar sdug bsngal thun mong pa ni de'i rgyus smod pa na mdzes par mi 'gyur ro// gal te de ltar gcin thun mong nyid yin pa de bzhin du mdze yang yin par 'gyur na ni de'i tshe/ ji ltar gcin can mi spong ba de bzhin du mdze can yang mi spong bar 'gyur ba zhig na/ thun mong ma yin pa nyid kyi phyir/ mdze can ni spong gi/ gcin can+da ni ma yin te/ thun mong pa nyid kyi phyir ro// gal te gcin can yang skyon med par 'gyur na ni/ ci'i phyir mi thams cad de la de ltar mtshungs par 'gyur te/ gang gi phyir 'bru mar gyi snod du sbrang ma ltar la la ngag der bying gi/ la la ngag ni lcags kyi thu ldum 'bar ba la sbrang bu dag bzhin du de'i skyon mthong ba'i phyir/ de la yid 'byung bar 'gyur te/ de'i phyir de la mthong ba mi mthun pas drang srong rnams kyis yongs su mi spong ngo // de'i phyir bud med kyi lus spang bar bya ba ma yin no// / zhes bya ba de ma yin te/ smyo rgyu'i chu yongs su spong ba dang rke lnga can gyi yul du phyin pa'i mi bzhin no// rgyal po 'ga' zhig la bltas mkhan rnams kyis char 'bab par 'gyur la/ gang zhig chu des bya ba byed par 'gyur ba de ni smyon par 'gro bar 'gyur ro zhes zhus pa dang / de nas rgyal po des rang gi don du khron po g.yogs la/ char de yang 'bab par gyur to// de nas yul mi de chu des bya ba byas nas smyo bar gyur kyang rang bzhin gcig nyid kyi phyir na bdag nyid kho na rnal mar gnas la/ rgyal po smyo bar sems par gyur to// de nas rgyal pos don de mkhyen nas nga la smyon pa'o zhes brtags te bzhad gang du byeng po 'amo brlag par byed par gyur du 'ong gis snyam du chu de nyid spyad par gyur to// de bzhin du gal te gcig kho na gcin can yin na ni de mdze can bzhin yongs su spong bar 'gyur ba zhig na/ gang gi tshe thams cad kho na gcin can yin pa de'i tshe de rnams las kun tu gtsang bar 'du shes par 'gyur la/ yang yul la skye bo thams cad rke spras ma bcags shing mchog tu gzugs ngan par gyur la/ der gzhan mdzes pa zhig son pa dang / 'di ni mchog tu gzugs ngan zhing / yan lag ma tshang ba zhig go zhes de dag gis de spangs so// 'dir boshad pa/ gal te skyon med pa yin na// 'jig rten kun kyang der chags na// gang phyir skyon ni yod pa'i phyir// dam pa rnams kyis de spong 'gyur// 'dir smras pa/ gang zhig lang tshe la bab par gyur te/ bud med na chung mchog chas thams cad dang ldan po dga' bas nye bar longs mi spyod pa de gson pa'i 'jig rten na mchog tu bslus par 'gyur te/ 'di ltar dri zhim po'i dud kyis bsgos pa de'i mi gtsang ba de sel bar 'gyur te/ de'i phyir gtsang ba brten pa rnamasA la nyes pa med do// bshad par bya ste/ yan lag nyams pa 'ga' zhig ni// sku yi tshab mas dga' 'gyur ltar// mi gtsang phyir 'phyo me tog las// sogs la 'dod chags de bzhin 'dod// ji ltar sna sdu ma 'ga' zhig bcos pa'i sna sel ba na bdag nyid yan lag tshang bar rlom zhing mgu bar yang 'gyur te/ de ni byis pa'i rang bzhin can nyid kyis na lus kyi sna brnyan gang gis ngo tsha bar bya dgos pa de nyid kyis dga' ba skyed bar byed pa de bzhin du/ byis pa'i skye bo 'dod pa dag la rang bzhin gyis brkam pa'i rang bzhin can yang rmongs pas lus kyi rang bzhin ma mthong ba na mi gtsang ba'i phyir 'phyo ba me tog dri zhim po dang / dri dang brgyan la sogs pa dag la kun tu 'dod chags par 'gyur zhing / phyir bzlog pa des bdag dang gzhan gtsang bar sems so// me tog la sogs pa dag srel yang sgog pa la bya ba ltar 'di la dri phul du byung ba gting tshugs su bsgo ba ra nI mi nus te/ byi la'i sna mar gyis byugs pas ro myangs pa dang / gser sna mthong bas dga' ba bzhin no// ji ltar byi la sna mar gyis bskus nas kha zas skya bo'i chang bu byin pas de de snum dang ldan par sems pa dang / yang ji ltar sna dang bral ba zhig gser gyis sna brnyan byas nas de mthong ste dga' ba skyed par byed pa de bzhin du/ byis pa rnams kyang me tog dang dri la sogs pa dag gis btso ba byas nus 'dod chags skyed par byed do// 'dir bshad baM/ rmi dang 'dra ba'i lus po yi// rma skud gyur pa dr-i dar ni// me tog phreng dang gos sogs lo// rmongs pas skye bo kun tu chags// 'dir smras pa/ 'dod chags kyi rgyu me tog dang dri dang sogs pa dag yod de/ gal te yod par ma gyur na ni de dag gis skye bo 'dod pa dag la chags par mi 'gyur ro// bshad par bya ste/ gang du 'dod chags bral skye ba// de gtsang zhes byar mi rigs la// nges par 'dod chags rgyur gyur pa'i// dngos de'ang gang na'ang yod ma yin/ dngos po rang bzhin gyis gtsang ba zhes bya ba ni cung zad kyang med do// de la re zhig mthong ba ma nyams pa rnams ni mi gtsang ba zag pas mi sdug par mthong ba'i lus la lta ba na 'dod chags dang bral bar 'gyur ro// de'i phyir de la 'dod chags dang bral ba'i rgyu yin pa'i phyir na bshang ba'i tshogs ltar lus gtsang ba nyid du mi mthang ngo // me tog dang dri la sogs pa dag kyang nges par 'dod chags kyi rgyu nyid du mi 'thad de/ de la yang 'dod chags dang bral ba srid pa'i phyir ro// 'di ltar 'dod pa la 'dod chags bral ba thob pa rnams de dag la yang 'dod chags dang bral bar 'gyur ro// gzhan yang gang zhig nges par 'dod chags kyi rgyur 'gyur ba/ gtsang ba zhes bya ba cung zad cig rang bzhin gyis yod pa ni ma yin te/ 'di ltar me tog dang dri la sogs pa gtsang ba nyid bsnyad par yongs su spyad pa rnams la yang gzhan du 'gyur ba las rjes su mi mthun pa nyid 'byung ngo // gal te ngo rnams rang bzhin gyis gtsang ba nyid du 'gyur na ni de'i tshe rnam pa gzhan du 'gyur bar mi 'gyur te/ rang bzhin la ldog pa med pa'i phyir ro// de'i phyir de rnams la rang bzhin gyis gtsang ba nyid med do// gal te me tog dang dri la sogs pa'i dngos po rnams nges par 'dod chags kyi rgyur 'gyur na ni/ thams cad kyang thams cad kyi tshe de la 'dod chags bskyed par 'gyur ba zhig na/ 'di ni de ltar yang ma yin pas me tog la sogs pa rnams 'dod chags kyi rgyur mi rung ste/ gcig gis 'dod pa dang mi 'dod pa dang bar mar mthong ba bzhin no// tshong pa 'ga' zhig bu mo skyes pa'i tshe 'gron la son la/ de yang dus gzhan zhig na 'ongs par gyur cing de'i bu mo de yang lung tsho la bab pa na grong khyer de'i phyi rol tu skyed mos tshal du bu mo rnams dang lhan cig brtse bar gyur to// de mthong nas de la 'dod chags drag po skyes la/ gang gi tshe gzhan las 'di ni khyod kyi bu mo'i zhes thos pa de'i tshe 'dod chags dang bral ba de bzhin du/ gang nges par 'dod chags kyi rgyur 'gyur ba'i dngos po ni 'ga' yang med la/ gang du 'dod chags dang blol bskye ba de ni mi gtsang ba'o zhes bya bar khong du chud par bya'o// 'dir bshad pa/ gang phyir de nyid la chags shing // de nyid la ni chags bral ba// de yi phyir na 'dod chags rgyu// nges par grub pa yang ma yin// de'i phyir de ltar na lus mi gtsang ba yin la/ ji ltar sdug bsngal ba dang mi rtag pa yin pa de ni gong du bshad zin zhing bdag med pa nyid ni ston par 'gyur te/ 'odi dag ni phyin ci ma log pa bzhi yin no// 'di bsam par bya ste// phyin ci ma log pa bzhi po 'di dag dngos po gcig la srid dam/ 'on te ma ya ni/ bshad par bya ste/ mdor na mi rtag mi gtsang dang // du bshad zan zhang bdog med pa nyad na stan par 'gyur te/ 'di dag na phyin tsam lag pa bzhi yan na// 'ang bsam par bya ste/ phyan tsam lag pa bzhi pa 'ang dag dngas pa gcig la srang ngam/ 'on ta ma yin/ sdug bsngal ba dang bdag med ces// bya ba bzhi po thams cad ni/ gcig nyid la ni srid par 'gyur// gang du 'dus byas pa rten cing 'brel par 'byung ba de ni mi rtag ste/ skad cig ma nyid kyi phyir ro// gang mi rtag pa de ni mi gtsang ba ste skyo ba bskyed pa nyid kyi phyir ro// gang mi gtsang ba de ni sdug bsngal te gnod pa byed pa'i phyir ro// gang sdug bsngal ba de yang bdag med pa ste/ rang dbang ma yin pa nyid kyi phyir ro// de'i phyir de ltar mdor bsdu na dngos po gcig kho na la phyin tsa ma log pa bzhi chur yang srid par 'gyur ro// 'di dag ni yod du zon kyang byis pa phyin ci log par gyur pa rnams kyis yongs su mi gcod la/ dngos po rnams la de dag las bzlog pa nyid du yongs su rtog go// de'i phyir shes rab can gyis dngos po rnams la mi rtag pa nyid la sogs pa ji ltar gnas pa bzhin rtogs par byas nas/ rang bzhin med pa rtogs pa la sems yang dag par spro bar 'os te/ sha za mo'i rang bzhin mthong bas 'jigs pa bzhin no// skyes bu 'ga' zhig sha za mo zhig chung ma'i gzugs kyi rnam par gnas la/ de la chung ma ltar nye bar spyod do// gang gi tshe na des de'i rang bzhin sdug bsngal bskyed pa dang / mi sdug pa nyid dang / bsgo ba bzhin mi byed pa nyid dang / gtan du ma yin pa nyid du mthong ba de'i tshe na 'di ni bdag gi chung ma ma yin gyi/ 'di ni sha za mo'o snyam du 'jigs par 'gyur zhing / de'i tshe 'dod chags dang bral bar 'gyur ba de bzhin du shes rab can rnams 'dus byas kyi rang bzhin mthong ba nyid kyi phyir 'dod chags dang bral bar 'gyur ro// 'dir 'dus byas gang de rtag min la// mi rtag gang de gtsang min zhing // mi gtsang gang de sdug bsngal te// sdug bsngal gang de bdag med do// zhes bshad do// gang phyir phyin ci log bzhi yang // 'dus byas gcig la'ang srid 'gyur ba// de phyir nyon mongs thams cad ni// dngos po med pa par 'gyur ro// zhes bya ba'o// slob dpon 'phags pa lha'i zhal snga nas kyi byang chub sems dpa'i rnal 'byor spyod pa bzhi brgya pa las mi gtsang ba bsam pa zhes bya ba gtsang bar phyin ci log pa spang ba'i thabs bstan pa ste/ rab tu byed pa gsum pa'i 'grel pa'o// // 'dir smras pa/ phyin ci log gsum gyi spong ba'i thabs bshad zin gyis/ da ni bzhi pa spong ba'i thabs brjod par bya'o// bshang bar bya ste/ bdag gram bdag gi snyam dregs pa// srid par dam pa su la 'gyur// gad phyir lus can thams cad la// yul rnams thams cad mtshungs phyir ro// ngar 'dzin pa dang nga yir 'dzin pa dag ni rgyal po la bklags te/ gnas pas de gnyis bkag pa'i sgo nas phal tshar rgyal po kho na la rjes su ston to// de la bdag tu 'dzin pa ni de ni mnga' bdag go zhes bdag nyid la bstod pa'i khyad par yongs su rtog pa las skye la/ bdag gi 'dzin pa ni yul 'di dag ni bdag gi'o zhes bdag gir byas pa'i don dbang du gyur pa nyid du brtags pa las skye'o// dregs pa ni dregs chos nyid de rgyags pa zhes bya ba'i don to// srid pa ni las dang nyon mongs pa la rag las pa/ skye ba dang 'chi ba brgyud pas 'gro ba lngar yongs su 'phyan pa'i 'khor ba ste/ de na gnas pa'i mkhas pa su la ngar 'dzin pa dang nga yir 'dzin pa dag/ gis dreg pa 'byung bar 'gyur/ gal te 'ga' zhig la 'ga' zhig tu thun mong ma yin pa'i dbang po nyid yod na ni/ de'i tshe bdag ni yul thams cad kyi bdag po yin la yul de dag thams cad kyang bdag gi'o snyam du mthong ba'i phyir/ 'di'i de la dmigs pa'i dregs pa rigs par 'gyur ba zhig na/ 'di ni byis pa 'khor bar yongs su gtogs pa la srid pa yang ma yin no// 'di ltar gzugs la sogs pa yul thams cad ni sems can thams cad kyi spyi mthun gyi las kyis bskyed pa zhig go/ de'i phyir nags tshul dang khang khyim la sogs pa thun mongs pa rnams ltar sems can thams cad kyi spyi thun gyi longs spyod dag la bdag tu 'dzin pa dang bdag gir 'dzin pa yongs su bzung nas dregs par mi rigs te/ rgyal po'i zlos gar mkhan bzhin no// ji ltar rgyal po'i zlos gar mkhan yud tsam gyis rgyal por 'gyur zhing / yu tsam gyis blon po dang bram ze dang / khyim bdag dang bran du 'gyur ba de bzhin du rgyal po yang mi brtan pa yin te/ 'gro ba lnga'i ltang sar zlos gar byed pa'i phyir ro// 'dir 'gyur te/ dbang ngam longs spyod phun tshogs pa// gang phyir bsod nams kyis thob pa// de phyir 'jig rten las bdag pas// dam pas dregs par mi rigs so// 'dir smras pa/ gang gi phyir rtsom pa thams cad ni rgyal po la dbang du byas pa yin te/ de'i phyir de la dbang du byas pa'i rgyu can gyi dregs pa rigs so// bshad par bya ste/ tshogs bran drug chas bstabs gyur pa// khyod kyi dregs pa ci zhig yin// gang ngam de ru bya ba ni// dbang du byas la rag las 'gyur// bskal pa dang po 'jig rten ma byin par len par gyur pa na/ 'di bdag cag bsrung ba'i phyir yongs su spyod na ci ma rung snyam ste/ zhing bsrung ba'i don du skye bo mang pos skyes bu stobs dang ldan pa zhig 'bru'i drug cha'i glus glas par gyur te/ da lta de la yang dag par bsrung ba'i las kyis skye dgu dga' bar byed pa'i phyir rgyal po zhes bsnyad do// de nas bzung nas rgyal po thams cad drug cha'i gles skye dgu skyong bar byed de/ de'i phyir yang drug chas bstabs pa'i rgyal pos 'jig rten gyi bya ba ni nga la rag las so zhes byas te dregs par bya bar mi rigs so// rje dpon gyis bran las 'ga' zhig la dbong du byas na yang rje dpon gyi las cung zad cig de la rag las par 'gyur mod kyi/ 'bangs des bdag la rag las so zhes rjeng dpon la dregs par bya bar ni mi rigs so// de'i phyir gal te gcig la rag las sa zin kyang 'dis rang dbang sgrub par mi 'os na/ kye sa bdag skye bo phal po che la rag las pa ci smos/ de'i phyir 'di'i dregs pa rnam pa thams cad mi rigs te/ dgon pa'i sa mkhan bzhin no// dper na po 'ga' zhig phyogs las rnam par rgyal bar bya ba'i phyir chas pa dang / rang gis bskos pa'i sa mkhan gdol pa zhig gis 'brog dgon pa chen po zhig 'das par byas par gyur la/ rgyal po de yang dpung gi tshogs dang bcas par de la rag las par gyur mod kyi/ des de'i rgyus rgyal po dpung gi tshogs dang bcas pa bdag la rag las so// zhes rgyags par bya bar mi bzod pa de bzhin du/ rgyal sa kyang skye dgu nga la rag las so zhes rgyags par mi bya'o// 'dir bshad pa/ bya ba kun la dbang ba yis// gal te mi bdag dregs 'os na// drug chas glas pa nyid kyi phyir// dregs pa mi rigs ma yin nam// der smras pa/ gang gi phyir rgyal po rje bo gtong ba po yin pa de'i phyir yang rgyal po la drag pa nyid de/ nor dang cha rkyen rnams gtong ba dang sdud pa dag la dbang 'byor pa'i phyir ro// bshad par bya ste/ jiltar gso bya 'thob thob nas// rje'o gtong por sems de bzhin// rje'o sbyin bya byin byas nas// bdag ni gtong ba po snyam rlom// ji ltar rgyal po gso bya'i tshogs rang gi zhwa 'bring las 'byung ba gdon mi za bar 'thob par bya ba sbyin bya lo phogs sam zla phogs thob nas/ bdag nyid la dma' ba'i sems dang / rgyal po la mtho ba'i sems bskyed de rje'o ni gtong ba po zhig go snyam du sems pa de bzhin du/ rgyal po yang gso bya'i tshogs la gdon mi za bar sbyin par bya ba'i gla rngan byin nas bdag ni gtong ba po snyam du rlom mo// de la ji ltar gso bya'i tshogs rgyal po la brten pa'i skyes bu'i byed pa las skyes pa'i nor 'thob bya thob nas kyang sems 'phangs dma' ba nyid du 'gyur gyi/ rgyal po la dregs pa mi byed pa de bzhin du rgyal pos kyang gdon mi za bar sbyin par bya ba'i don byin te dregs pa bya bar mi 'os te/ khol po glu 'thob par bya ba bzhin no// ji ltar khol po gla gdon mi za bar sbyin par bya dgos la 'dir gtong ba po dregs par bya bar mi 'os shing / khol pos kyang ma yin pa de bzhin du/ rgyal pos nor sdud pa 'am gtong na dregs pa bya bar mi 'os so// 'dir 'gyur te/ gal te g.yog la glu byin to// rgyal pos dregs pa rigs na ni// nor 'dod tshong pa rnams la yang // de ltar rigs pa ma yin nam// der smras pa/ 'dod dgur yul gyi bde ba nye bar longs spyod pa rtag tu nye ba'i phyir rgyal po ngar 'dzin par 'gyur la/ de'i rgyu can gyi dregs par yang gdon mi za bar 'gyur ro// bshad par bya ste/ gzhan rnams kyi ni sdug bsngal gnas// khyod la phyin ci log tu dran// / gzhan gyi las kyis 'tsho khyod kyi// dga' ba gang gis bskyed par 'gyur// bud med chang dang rgyan po la sogs pa la bya ba ltar yul dag la shin tu chags pa ni dbang po thul ba rnams kyis sdug bsngal gyi gnas su bshad de/ dbang po thul ba'i phyir ro// de'i phyir dbang phyug 'di rgud pa du ma'i rgyu yin pa nyid kyi phyir sdug bsngal gyi gnas yin bzhin du/ gal te khyod la mngon par mtho ba'i gnas su 'gyur na ni mi rig pas 'bras bu sgrub par gyur to// gzhan yang yul la chags pa rnams dga' bar bya ba'i phyir yul nye bar bsten par smra na/ skye bo phal po che bsrung ba'i dbang du byas pa'i sdug bsngal bar mtshams med par gzhan gyi las byed cing / de'i 'bras bu nye bar 'tsho ba nyid kyis nyon mongs pa'i dgo' ba gau gang zhig yin te/ rkun po chad pas gcod par byed pa bzhin no// dper na rkun po la chad pa gcod par byed pa las dman pa des dga' bar mi 'os pa de bzhin du de rgyal po yin no// bshad par bya ste/ zhen pas gang gis 'jig rten na// rigs dang ldan la 'dzem 'byung ba// de yis gang la dregs yin na// de 'dzam gzhan las 'gyur ba min// 'dir smras pa/ rgyal po ni 'jig rten gyi bsrung ba po yin te/ des na bsrung ba po nyid kyis 'di gdon mi za bar rgyags par 'gyur ro// de med na ni tshul lugs kyis rjes su mi 'jug pa na skye dgu rnams brlag par 'gyur ro// brjod par bya ste/ 'jig rten gyi ni srung ba dang // bsrung byar sa bdag snang 'gyur na// ci ste gcig gis dregs yod cing // ci ste gzhan gyis dregs bral min// gal te 'jig rten gyi bsrung ba bdag la rag las so snyam du sems te rgyal po rgyags par 'gyur na/ bdag bsrung ba 'jig rten la rag las pa nyid kyi phyir bdag nyid bsrung byar rtogs te rgyags pa dang bral bar yang ci ste mi 'gyur/ 'jig rten gyis ma bsrungs pa'i rgyal pos ni 'jig rten bskyang bar mi nus te/ khyo shug dang nags dang seng ge bzhin no// skyes bus 'ga' zhig gis chung ma la bdag gis ni sdug bsngal ni brgya phrag nyams su myong la/ khyod ni tshegs med par khyim nas bde bar 'dug go zhes smras par gyur la/ des kyang re zhig nyin zhag gcig khyim gyi zhal ta gyis dang de nas shes par 'gyur gyis zhes smras pa dang / des de bzhin du byas par gyur zhing / de skyo bar yang gyur to// ji ltar khyo shug gcig gis gcig la bsrung ba de bzhin du rgyal pos skye dgu rnams bsrung la/ skye dgu rnams kyis kyang rgyal po yin no// de bzhin du seng gis nags yin la/ nags tshal gyis seng ge yin no// 'dir bshad pa/ mi shes gang gis nga rgyal gyis// gnyen po spangs nas nga rgyal nyid// 'dzin pa de yi nga rgyal ni// thabs 'ga' yid kyang gzhom mi nus// 'dir smras pa/ gang gi tshe skye dgu rnams bu ltar so sor skyong bar byed pa de'i tshe de rnam par rgyal ba yin dang / rigs la bsten pa bsod nams kyi las can gang dag yin pa de dag gi bsod nams kyi drug cha'i 'phrog pa por 'gyur te/ de'i phyir rang dang gzhan la sogs pa'i dge ba'i phun sum tshogs pa 'byor pa can 'di'i rgyags pa ni rigs so// bshad par bya ste/ rigs kun nang nas rang las la/ dga' ba'i 'tsho rnams rnyed par dka'// / gal te khyod la mi dgar 'gyur// des na khyod la 'gro bzang dkon// deng snga no rnyings ma lnga po dag 'jug pa shas che bar gyur pas rigs la brten pa thams cad rang rang gi las dag la dga' ba rnyed par dka' zhing // phal cher mi brtan par snang ngo // gal te khyod de dag gi bsod nams kyi drug cha'i 'phrog pa po yin na de bzhin du sdig pa'i yang yin par 'gyur ro// de lta yin dang rigs la brten pa nyon mongs pas zil gyis mnan pas/ lhod par gyur cing sdig pa'i grogs po dang rjes su mthun pa rnams la bsod nams ma yin pa phal che bas khyod la 'gro ba bzang po dkon par 'gyur ro// 'di ltar re zhig rang gi sdig pa rnams kho nas kyang rgyal po rnams la bde 'gro mi srid na/ kye skye 'gro mtha' dag gis sdig pas smos kyang ci dgos/ de'i phyir blo 'chal pa rnams 'phung bar 'gyur te/ mdze can 'o ma dang nya za bar mngon par 'dod pa bzhin no// ji ltar mdze can phyin ci log la gnas pa'i phyir rang gi nad phyir btso ba'i rgyu sman dag mi bsten pa 'ba' zhig tu ma zad kyi/ 'on kyang 'o ma dang nya za bar byed pa de bzhin du/ rgyal po yang rang nyid kyis mi dge ba mang po sog pa 'ba' zhig tu ma zad kyi/ 'on kyang rigs la brten pa rnams kyis nye bar spyad pa dang yang bdag nyid sbyor bar byed de/ bag med pa'i gnas la gnas pa'i phyir ro// 'dir 'gyur te/ gal te rgyal pos las rnams kyi// drug cha nges pa'i 'dir 'dzin na// 'jig rten bsod nams min mang bas// de yi bde 'gro rnyed par dka'// 'dir smras pa/ gang gi phyir rgyal po 'jig rten gyi mgon dang rang dbang yin pa de'i phyir/ 'di'i nga rgyal rigs pa'i ngo bo yin no// bshad par bya ste/ gzhan gyis bskul te byed pa gang // de ni sna steng blun+da zhes bya// khyod dang mtshungaso pa'i gzhan dbang gzhan// 'ga' yang yod pa ma yin no// gang zhig pha rol pos bskul ba byas te/ cung zad cig byed pa'am rtog par byed par 'gyur gyi/ rang dbang gis ma yin pa de la ni 'dzag rten na blun po zhes bya'o// 'di na rgyal po ji lta ba de ltar gzhan gyi dbang du gzhan 'ga' zhig yod pa yang ma yin te/ de ni grogs du mas bskul ba na mi brtan pa'i ngo bor gyur cing / phal cher gzhan la rag las pa'i ngo bo nyid du gnas ba la brten to// 'di ni bya ba 'am bya ba ma yin pa gang ci byed pa de gzhan gyis bskul ba nyid na byed do// gang gi phyir gzhan la rag las par gnas pa'i phyir 'jig rten na rgyal po kho na mchog tu blun zhing gzhan gyi dbang du gyur pa de'i phyir/ de'i nga rgyal mi rigs pa'i ngo bo yin te/ khyi dang spre'u sprad pa bzhin no// ji ltar khyi dang spre'u bzung ba dang btang ba la gzhan gyi bsgo ba nyan pa de bzhin du rgyal po yang gzhan la rag lus pa yin te/ bya ma rta'i mig can nyid kyi phyir ro// 'dir bshad pa/ gang phyir rgyal po 'grog bskul te// bya dang bya min byed 'gyur ba// de phyir 'di ni rgyal po nyid// gzhan dbang blun dang gti mug pa'o// 'dir smras pa/ gang gi phyir 'jig rten thams cad kyi bsrung ba rgyal po la rag las pa de'i phyir yang nga rgyal rigs so// bshad par bya ste/ bsrung ba nga la rag las shes// 'jig rten las ni gla len zhing // rang nyid kyis kyang sdig byed na// de mtshungs brtse med su zhig yin// gal te srung ba nga la rog las so snyam du byas nas rgyal po 'jog rten las gla len na ni/ des dam pa'i tshul lugs kyi rjes su zhugs shing skye bo phongs pa so sor rkyang ba lhur blang bar bya dgos te/ de lta na ni des khas blangs pa rjes su bsgrubs par 'gyur ro// 'di ni de ltar rjes su byed pa yang ma yin te/ 'di ltar 'di ni gla rngan ster bar mi nus pa dag dang / sdig to can dag la bsad pa dang bcing ba dang brdeg pa dang / bsdigs pa dang bskrad pa la sogs pa'i bya ba dang / srog dang bdog pa thams cad 'phrog pa'i sgo nas bsri ba med par rab tu 'jug par 'gyur ro// de'i phyir khrel med pa 'dis bsrung ba'i 'bras bu 'jig rten las gla len zhing / bsrung ba'i 'bras bu'i tshod du rang nyid sdig to'i las byed pas brtse ba med pa 'jig rten na de las gzhan su zhig yod/ sdig pa'i las la 'jug pa la mkhas pa'i phyir/ de nyid kho na brtse ba med pa yin no// zhes bya bar dgongs pa ste/ shen pa'i sman pa bzhin no// shen pa 'ga' zhig rus pa brdung ba na mig gi nang du rus pa'i 'dzel ma zhig zhugs te/ de sman pa'i gan du song bar gyur la/ sman pa des sku byug gis nad zhi bar byas kyi zug rngu ni ma phyung ngo // de nas de yang nas yang du rab tu 'khrug pa dang / sman pa de yang mig 'khrug po zhi bar byed kyi zug rngu mi 'byin la/ nad pa de la nor mang po yang gcod do// sman pa de grong gzhan zhig tu son pa dang / sman pa de'i bus mig gi zug rngu 'byin par byas par gyur to// sman pa ji lta ba de bzhin du rgyal po yang yin te/ 'jig rten las nor mang po yang gcod la/ thams cad kyi thams cad du 'jig rten gyi bya ba yang mi byed do// 'dir bshad pa/ gla la brkam pas ngu ba dang // shin tu gdug gzhan 'tshogs byed gang // de las gzhan pa 'jig rten na// shin tu brtse med mi su yod// 'dir smras pa/ rgyal pos sdig pa'i bdag nyid can dag la brtse ba mi bya ste/ gal te sdig pa'i bdag nyid can dag la chad pa gcod par mi byed na/ de'i tshe 'jig rten 'di thams cad nyams par 'gyur ro// de'i phyir 'jig rten bsrung ba'i phyir sdig to'i bdag can nyid dag gdon mi za bar tshar bcad par bya dgos so// bshad par bya ste/ skye bo sdig to byed rnams la/ gal te brdzi ba bya min na// byis pa so so'i skye bo ni// thams cad bsrung byar mi 'gyur ro// gal te 'di mi dge ba byed pa yin pas brtse ba'i snod ma yin na/ da ni gang zhig brtse ba'i snod du 'gyur/ de'i phyir brtse ba'i sdod ma yin pa nyid kyi phyir na/ byis pa so so'i skye blo thams cad kyang 'dis bsrung bar bya bar mi 'gyur ro// de la byis pa zhes bya ba ni gang byis pa'i mtshan nyid dang ldan pa yin la/ so so'i skye bo ni 'phagaso pa'i lam ma skyes pa ste/ mi dge ba'i las byed pa nyid kyis na gnyis kyis khyad par du 'phags pa rnams la byis pa so so'i skye bo zhes bya'o// brtse ba can dag ni gang las de dag gis de rnams yongs su skyong bar 'gyur ba gang dag lo brtse ba yod pas te/ 'di ltar de'i brtse ba ni gzhan dag gi don ma yin pa 'gog pa'i bsam pa yin la/ de'i yongs su sbyong ba ni brtse bas de sgrub pa'o// de'i phyir ji ltar 'di brtse ba med par de'i 'bras bu bsrung bar byed par 'gyur/ mi srung bar gla len na yang gsal bar chom rkun du ma grags pa'i chom rkun grong dang grong khyer na gnas par 'gyur ro// lus dang nor bsrung po bzhin no// gal te rgyal pos sdig pa'i las can dag la brtse bar bya ba ma yin na/ thams cad don ma yin par 'gyur ba'i phyir rang gi lus dang nor yang bsrung bar bya bar mi 'gyur ba zhig na/ 'on kyang bsrung ba yang yin te/ de bzhin du/ sdig pa byed pa thams cad kyang rjes su brtse bar bya bar 'gyur ro// 'dir bshad pa/ gang dag rang chos kyis bsrungs pa// de dag rgyal pos bsrung bya min// gal te tshul 'tshal bsrung byas na// de phyir de bsrung bsrung bar 'gyur// 'dir smras pa/ skye dgu bskyang bar bya ba'i phyi ri gdug pa can rnams la chad pas gcod pa na rgyal po lnga sdig par mi 'gyur te/ dam pa dag la phan 'dogs par zhugs pa'i phyir ro// bshad par bya ste/ bdag nyid dga' ba bskyed pa yin// rgyu ni gang du yod min 'gyur// lung la sogs pa'i rgyu rnams kyis// bsod nams min la'ang 'jig yod min// bdag dga' ba bskyed pa'i rgyu zhes bya ba ni gang na yang med pa ma yin te/ nye pa dang phag gsod pa la sogs pa sdig pa'i las la dga' ba'i bdag nyid can rnams kyang / srog chags gsod pa 'di ni kho bo cag gi rigs brgyud las 'ongs pa zhig ste/ 'di ni skye dgu'i bdag pos 'tsho ba yongs su brtags pa yin la/ 'di la chos ma yin pa 'ga' yang med do zhes 'di snyam du 'gyur ro// de ltar bdag cag yongs su mgu ba'i rgyu dag tu 'gyur la/ de dag gi bsod nams ma yin pa la ni 'jig pa yod pa ma yin te de bzhin du rgyal po'i yang yin no// 'di ltar bdag nyid la sdig pa phal che bar blta zhing ngan 'gro dag tu de'i rnam par smin pa mthong ba na/ de'i snying mya ngan gyi mes bcom zhing rnam pa brgyar ches 'gas par 'gyur la/ de yongs su spong ba'i phyir 'di dam pa ma yin pa'i lta ba'i dpyod pa dri ma can dag gis bdag nyid dbugs 'byin par byed mod kyi/ de la bsod nams ma yin pa 'jig pa ni ma yin no// 'di ltar ji ltar khyad par du 'phags pa rnams la dge legs su bya ba'i phyir/ phan pa'i bsom pa yin pa de bzhin du tshar bcad par bya ba'i phyir gdug pa can rnams la mi phan pa'i bsam pa yang yin pas sa la spyod pa brtse ba dang bral ba ma rungs pa'i sems dang ldan zhing gzhan dag lo srin po dag dang khyad par med pa rnams la der mngon par mtho ba'i go skabs ga la yod/ chad pas lugs byed pa po rgyal po rnams dang / chos ma yin pa 'dod pa la sogs pa rnams ni sdom pa ma yin pa can no// zhes lung gis kyang de rnams gnod pa dang bcas pa nyid du ston par byed la/ rgyal po rnams ni sdom pa ma yin pa dang ldan pa ste/ gzhan la gnod par zhugs pa nyid kyi phyir to// gshed ma bzhin no zhes rjes su dpag pa yang yod do// de ni rnal 'byor pa las kyi rnam par smin pa la mngon sum gyi spyan dang ldan pa rnams kyi mngon sum yang yin te/ de'i phyir lung dang rjes su dpag pa dang nye bar mjal ba dang / mngon sum dag gis bsod nams ma yin pa de yod pas rgyal po rnams la sdig pa'i las ngag yod pa nyid do// ma zhu b.rare zhu bar byas te za ba po bzhin no// skyes bu 'go' zhig ma zhu bar ngas zhu'o snyam du bdag nyid dga' bas bdag bza' 'am zhes bram ze dag la dris pa dang / de dag gis zo shig ces smras shing de bzhin du chu 'thung zhing gnyid log gam zhes bya ba thams cad dris pa de dag gis gnang la/ des kyang thams cad byas de sdug bsngal phrad par gyur to// sman pas smras pa/ khyod kyis de ltar ci'i phyir byas par gyur/ des smras pa/ bdag gis ma dris par ni ci yang ma byas she'o// ji ltar skyes bu 'di gzhan ngag la dris nas dga' bar bya ba'i phyir mi 'phrod pa na nad skyel chen pos zin pa de bzhin du rgyal po rnams kyang / bdag nyid dga' ba bskyed pa'i rgyu dag gis bdag nyid dga' bar byas nas sdig po'i las dag byed la/ de'i phyir sems can dmyal ba ngag tu de'i rgyu can gyi sdug bsngal chen po sgrub par byed do// bstan chos tshad mar byas nas kyang / sdig pa byed pa 'di rnams kyi 'bras bu yid du mi 'ong ba ni chos ma yin pa las 'gyur ro zhe'o// 'dir bshad pa/ lung gi dbang gis 'tshe byed pa'i// rgyal la sdig pa myed na ni// 'khor pa sgrol bar byed rnams la// ci phyir de ltar chos yod min// 'dir smras pa/ 'jig rten yang dag par yongs su skyong ba gang yin pa de nyid mtho ris kyi don du sa bdag rnams kyi chos yin pa de'i phyir chos gzhan gyis dgos pa med do// bshad par bya ste/ yang dag srung byed ces bya ba// gal te sa bdag chos yin la// nyon mongs bzo mkhan rnams la yang // ci ste chos su 'gyur ma yin// ji ltar gla pa ji lta ba bzhin phan 'dogs kyang shing mkhan dang lcags mgar la sogs pa rnams la phan brtags pa de'i rgyu can gyi chos su mi 'gyur ba de bzhin du yang dag par bsrung bar byed kyang drug chas glas pa'i rgyal po rnams la yang chos su mi 'gyur te/ kha che ba'i sa rko bar byed pa dang / go mtshon brdung bar byed pa bzhin no// ji ltar kha che ba rnams grong khyer srung bar byed pa'i las 'obs la sogs pa dag byed cing / de dag gis yul mi bsrung bar yang 'gyur mod kyi/ de rnams la rgyu des bsod nams yod pa ma yin pa de bzhin du rgyal po rnams la yang yin no// yang dper na go mchi ni brdung ba rnams mi bsrung bar bya ba'i go mtshon dag brdung bar byed mod kyi/ de rnams la de'i rgyu can gyi bsod nams ni yod pa ma yin pa de bzhin du rgyal po rnams la yang yin no// 'dir bshad pa/ gal te skyong bas rgyal po la// chos 'gyur gzhan gyis ma yin na// yang dag las byed 'gyur ba yi// bzo bo rnams la'ang chos su 'gyur// 'dir smras pa/ gang gi phyir 'di na 'jig rten thams cad kyang rgyal po la rA ga las te/ de'i phyi ra thams cad kyis rgyal po smad par bya ba ma yin no// bshad par bya ste/ 'jig rten sa bdag dag las kyi// sa bdag de ni smad de dper// dam pas 'jig rten kun gyi ma// srid pa yi ni sred pa bzhin// gal te yang khyim na gnas pa dang / rab tu byung ba dang bcas pa 'jig rten thams cad bya ba'o cho ga bya ba la rgyal po la rag las mod kyi/ de lta na yang de ni ngan par brtsi ba zhig kho na'o// dper na sred pa dang bcas pa rnams la skye ba mthong ba'i phyir la/ sred pa dang bral ba rnams la ma mthong ba'i phyir srid pa'i sred pa 'khor bar 'gro ba skyed par byed pa na ma yin mod kyi/ de lta na yang 'khor ba'i btson rar 'gro ba mtha' dag sdoms par bying pa 'khor ba'i rgyu yin pa'i phyir/ dam pa gzigs pa phyin ci ma log pa rnams kyis smad pa nyid du 'gyur ba de bzhin du rgyal po yang ste/ gal te yang 'jig rten thams cad kyi phar gyur pa yin mod kyi/ de lta na yang de ni las shin tu drag po dang ngan 'gro'i 'bras bu mang po can la nges par sbyar ba'i phyir smad pa kho na ste/ dgon pa'i tshong pa bzhin no// ji ltar 'brog dgon par don mthun gyi tshogs bsrung ba la sogs pa cha rkyen sgrub par byed pa'i phyir tshong pa la rag las par 'gyur la/ de ni rin thang ches che bas ster ba'i phyir smad pa yin gyi/ don mthun pa rnams ni smad pa ma yin pa de bzhin du/ 'jig rten yang bsrung ba la sogs pa phyan 'dogs ba'i phyi ris bdag la rag las mod kyi/ de lta na yang sa bdag ni smad pa yin te/ rang gi don sgrub pa lhur byed pa nyid kyi phyir ro// 'dir bshad pa/ yon tan la gnas rgyal po ni// gal te 'jig rten par gyur mod// de lta'ang gnas kyi nyes pa yis// dam pas smad 'gyur rlung ji bzhin// 'dir smras pa/ gang gi phyir rgyal po blo phun sum tshogs shing brtse ba dang ldan pa ni 'jig rten yang dag par yongs su skyong bar byed pa ste/ de'i phyir 'di la chos su 'gyur ro// bshad par bya ste/ thun min rgyal srid mi 'thob pa// blun la brtse ba yod ma ni nA// bsrung ba yi na yang mi yi bdag/ brtse ba med la chos mi gnas// rgyul thabs shes bya ba ni rgyags pa dang bag med pa thams cad kyi gzhir gyur pa ste/ 'dis dbang phyug nyid tsam la chags pas rang dang gzhan gyi skye bo la phan 'dogs par byed pa'i lam bor nas thob pa na/ blun po min zhes bya bar srid par ji ltar nus/ 'di ltar 'jig rten gyi bya ba la g.yengs pa la yid gtad pa gsal ba 'dis ldong ba ltar bdag dang longs spyod dag gi mi rtag pa yi rjes su 'brel pa bzhin du mi mthong zhing / yid gtad pa myed pa lus tshul khrims la 'gro bas dga' bar bya ba nyid kyang thams cad du mthong ba dang ma mthong ba'i 'bras bu yid du 'ong ba phun sum tshogs pa nye bar me bcom par byas te ma mthong la/ de las bzlog pa'i skyon gyi tshogs yon tan du yang rtogs pa na 'di chos thun pa kho na yin pas blun po kho nas rgyal srid 'thob bo// thun por gyur pa'i rgyal po la ni brtse ba ni mi gnas te/ nga rgyal grags pa'i phyir ro// mi yi bdag bo brtse ba med pa la mi chos yod pa yang ma yin te/ 'tshe ba phal che ba'i phyir ro// de la rgyal po blo dang ldan cing / brtse ba dang ldan pa la chos yod do zhes bya ba 'dod pa gang yin pa de ni ma yin no// gang zhig gla blangs bzhin du yang 'gro ba skyong bar mi byed pa de ni zhag re zhing rkun po nyid yin gyi rgyal po ma yin to// rgyal po brtsi ba med pa drag pos byin gyi blon po bzhin no// rgyal po grag pos byin gyi blon po zhig gis chad pas phog pa'i mi gsar 'dzel bar byed du gzhug par ma nus par gyur pas/ khyod ji ltar mi nus zhes de la rgyal po de khros par gyur pa dang / ngol grogs bshes mtshan te zhig yod par gyur pas de la des bzlas so// des smras pa/ 'jil du gzhug gis zhes smras so// de nas des ji ltar 'dzel bar byed par 'gyur bar gzir ba drag po brtsams la rgyal po des kyang mtshan de nyid blon por bzhag go// des kyang rgyal po gnyis par bya bar 'dod pas sdig pa'i las chen po byas te/ mthar gang gis mtshon chas gsod ma nus pa de'i tshe thams cad mes bsregs shing der srog chags 'bum phrag mang po bsad par gyur la/ rgyal po des kyang de la rjes su yi rang bar byas so// de'i phyir de ltar na gang na blun pa nyid yod pa de na ba rtse ba yod pa ma yin la/ gang na brtse ba med pa der yang bsod nams dang phrad pa lta ga la yod/ rgyal po rnams la yang 'di dag thams cad yod de de'i phyir bsrung bar byed pa po yin yang 'di dag la chos yod pa ma yin no// 'dir bshad pa/ gang phyir brtse ba'i bdag can rnams// chos brtse 'tshe med yin smra ba// de yi phyir na mi bdag ni// brtse ba med la chos yod min// 'dir smras pa/ drang srong gis byas pa'i rgyal rigs kyi chos kyi 'tshe ba byas kyang rgyal po la chos ma yin pa med do// bshad par bya ste/ drang srong rnams kyi spyod pa kun// mkhas pas byed pa ma yin te// gang gi phyir na de dag la'ang // sman 'bring khyad 'phags yod phyir ro// mkhas pa ni drang srong rnams kyi spyod pa thams cad byed bya ma yin te/ gang gi phyir de dag la yang dman pa dang 'bring dang khyad par du 'phags pa yod pa'i phyir ro// 'dir mkhas pas ni drang srong rnams kyi lus dang ngag dang yid dag gi g.yo ba thams cad kho na bya ba ma yin te/ 'di ltar drang srong de dag la yang dmun pa dang 'bring dang khyad par 'phags pa nyid yod ba'i phyir ro// de la gang gi bstan bcos las 'tshe ba byed pa'i dbang gis chos su bshad pa de ni dman pa'o// gong zhig 'gyur ram mi 'gyur snyam du the tsom za ba de ni 'bring ngo // gang zhig 'tshe ba ni chos ma yin pa kho na'o zhes bya bar 'dod pa de ni khyad par du 'phags pa'o// de'i phyir drang srong phyi rol pa thams cad kyi bstan bcos ni tshad ma ma yin no// de la gang drang srong gis byas pa'i rgyal rigs kyi chos kyi 'tshe ba byas kyang / rgyal bopo la chos ma yin pa med do zhes 'dod pa de ni ma yin no// sna tshogs sgra dang gnas 'jog dang // dza mang dag ni bu bzhin te// sna tshogs sgra dang gnas 'jog dang // dza mang dag ni bu rnams la rku ba dang bza' bar bya ba ma yin pa za ba dang / bgrod par bya ba ma yin pa la bgrod pa dang / srog gcod pa la sogs pa grags pa'i phyir ro// de la sna tshogs sgras dza bu dang bza' bar bya ba ma yin pa za bar glags te/ khyi tshed dag las khyi sha 'phrog par 'dod nas des// gson pas sdig pa'i las ni rgal nus te// bdag cag khyad par las 'di chad pa zhig/ kho bi shi nas sdig pa 'di rgal bar// mau nus de phyir khyi sha 'di bza'o// zhes smras so// gnas 'jog gdol pa mo dbang mo phreng can la log par zhugs shing / de nas bu dgra skyes so zhes bya bar yang thos shing glag go// dza mad+ma dag na'i bus kyang be'u phrogs pas khros nas sri ta bi d+ya'i bu srid sgrub kyi lag pa stong lhung bar byas te/ dul zhing bzod dang ldan par gyur kyang bshis ngan skye bo rnams kyis de dang de'i/ nyes rma dag gis nan gyis drang srong gi yid bstan bral kho na bcas byed 'gyur te/ ba be'u khyer bas 'jo ba'i dus kyi 'bu sgra dag gis shin tu nyes bral ba'i// rA ma'i ngag sta'i so la mi yi ba go po rnams zhugs gang yin de byas so// zhes de skad du yang smras so// de bzhin du mas spang nas de nyid kyis lan nyi shu rtsa gcig tu sa stengs rgyal rigs med par byas so// de la mas 'di skad du smras par grag ste/ rnam brgyar dka' thub can drang 'jam pa 'am// gang yang bla ste pha rol po rnams kyis// g.yul ngor khyod kyis 'gros 'tshoms med pa'i rgyu// gcig la'ang bltos pa byas par ma gyur na// gnod por 'gyur dang mnyam pa'i lus kyis su// nus ldan mi ni tshim pAr mi 'gyur gyis// dpa' bo klags te gnod byos dgra bo ni// sdang rnams rtsa ba ma lus 'don par gyis// zhes bya'o// de nas de gi yul spang per 'dong pas 'ongs pa ga ru klod pa'i sgra bos par gyur te/ dze mA dAg+ni'i bu'i gzhu'i sgra rgyal po rnams kyi pho brang 'joms 'joms ltar// ra ba'i rtse las 'das par gyur pa yis// btson byas bu ni sku nus bzung ltar gyur// zhes bya ba'o// 'dir bshad pa/ skyes bu gang gis don byas nas// nges par ngan 'gror 'gro 'gyur ba'i// bstan bcos de ni bdag don la// mkhas pas tshang mar bya ba min// 'dir smras pa/ gang gi phyir rgyal po glana' rabs rnams kyis bstan bcos kyi don tshad mar byas nas/ 'byor bar 'gyur ba'i sa yang dge bar bskyangs pa de'i phyir yang bstan bcos tshad ma yin no// bshad pa bya ste/ sngar gyis sa bdag dge rnams kyis// 'jig rten bu ltar bskyangs pa de// rtsod dus chos la bsten rnams kyis// deng sang ri dgas dgon par byas// rtsod pa'i dus kyi snga rol du 'khrungs pa'i sa bdag 'khor lo sgyur ba la sogs pa dge ba ste rigs pa dang mi rigs pa yongs su dpyod po/ dge ba bcu'i las kyi lam la rab tu gnas shing / bu gcig pa sdug pa ltar 'gro ba la dga' ba dang / rjes su 'brel pa rnams kyis ni chos dang mthun pa'i bstan chos tshad mar byas shing / chosnga ma yin pa dang mthun pa yongs su spangs te/ 'jig rten yongs su bskyangs na/ da ltar ni rtsod pa'i dus su skyes pa'i rgyal po rang gi sems kyi bdag nyid ngan pa'i gzhan gyi dbang du gyur pa nor tsam gtso bor gyur pa snying rje med pa rnams kyis chos ma yin pa dang rjes su mthun pa'i bstan bcos tshad mar byas shing / chos dang mthun pa bor nas ji ltar ri dgas kyi dgon par gyur pa de ltar 'jig rten stong par byas te/ de'i phyir yang chos ma yin pa dang ldan pa'i bstan bcos tshad ma ma yin no// kla klo bu ram gyi shing yongs su rdzogs par ma skyes pa 'chir ba bzhin no// kla klo'i rkun po gang zhig gti mug pas bur shing yongs su rdzogs par ma skyes pa 'tshir bar byed pa de ni don ma yin pa kho na byed kyi don ni ma yin pa de bzhin du/ gal te rgyal po yang bskyang bar bya ba mi skyong na de la 'di'i don med cing pha rol gyi/ don med de/ bsod nams ma yin pa mang po byed pa'i phyir ro// 'dir bshad pa/ gang las rung gzhan yul 'khor la// rnam par dbye ba ma byas pa'o// skye dgu bder 'gyur bstan bcos de// mkhas pa rnams kyis bsti stang byas/ 'dir smras pa/ 'dir rgyal po glags dag la bab na dgra la snun pa la chos ma yin pa med de/ bstan bcos las mthong ba'i phyir ro// bshad par bya ste/ glags su snun pa'i rgyal po la// gal te sdig pa yod min na// rkun po gzhan rnams la yang ngo // dang po nyid du yod me yin// gal te dgra po dag gam gzhan ma dag la'ang rung ste/ glags dog la bab pa na snun pa'i rgyal po la sdig pa yod pa ma yin na/ rkun po rgyal po las gzhan pa'i rkun po nor bsrung ba rnams la glags cung zad cig snyed nas/ gzhan gyi nor 'phrogs pa rnams la yang glags su snun pa nyid kyis thog mar sdig par mi 'gyur ba bya dgos te/ de rnams glags su snun pa nyid du thu bor gyur pa'i phyir ro// rgyal po la ni phyis te/ 'di ni de ltar yang ma yin no// de'i phyir rgyal po glags dag tu snun pa la sdig pa yod pa ma yin no zhes bya bar gang 'dod pa de ni ma yin no// rgyal bum pham sde bzhin no// rgyal po 'ga' zhig gis blon po zhig la gang gi tshe nga 'chi bar gyur pa de'i tshe nga'i spun zla rgyal bu gzhon nu ma pham sde rgyal srid la dbang bskur cig ces smras par gyur la/ de nas blon po des rgyal po de shi ba dang glags su snun te rgyal bu gzhon nu de bsad cing bdag nyid kyis rgyal srid de bzung ngo // sdig pa spyod pa'o zhes de la 'jig rten du grags pa ma yin pa rab tu gnas shing / pha rol tu yang bsod nams ma yin pas ngan 'gror lhung bar 'gyur ro// de bzhin du glags su snun pa'i rgyal po rnams la yang ji ltar grags pa ma yin pa dang sdig par mi 'gyur/ 'dir bshad pa/ nag po'i las gang des byas pa// de las 'bras dkar mi 'byung ste// rul pa shing gi sa bon las// tsam pa'i shing gi myug mi 'byung // 'dir smras pa/ g.yul ngor dgra bo dag pham par byas te/ rang gi dpa' ba'i rnam par gnon pas bsags po'i nor phun sum tshogs pa mthong ba ni rgyal po yongs su dga' bar 'gyur la/ ci ste 'di g.yul ngo re shi bar gyur na ni de'i tsho 'dis g.yul du bdag ni yongs su dor bas gdon mi za bar mtho ris su 'gro ste/ bsang na mtho ris thob pa 'am// phab ste sa ngag spyod 'gyur gyis/ de yi phyir na kon+ti'i bu// 'gyed la nges byas langs par byos// zhes kyang smra'o// bshang bar bya ste/ chang sogs dag la bdog pa kun// yongs gtong mchod pa ma yin na// g.yul ngor bdag kyang yongs gtong ba// mchod pa snyam du sems sam ci// chad dang rgyan po dang bud med smad 'tshong rnams la bdagro pa kun gsal bar gtong ba rnams ni bsod nams la brten pa ma yin zhing / skye bo dam pa'i thugs mnyes par byed pa yang ma yin te/ gtong ba de chags pa dang rjes su 'brel pa'i phyir ro// de bzhin du g.yul ngor bdag gi dngos po yongs su gtong ba yang mchod par bya ba ma yin pa nyid de/ de ni bsod nams ma yin pa'i gnas yin pa'i phyir ro// 'di ltar g.yul 'gyed pa na rngam pa dang bcas par rgyug cing / brtse ba dang bral bas mi gzhan la brtsam pa med pa'i bsam pa can/ bsad pa'i phyir gzhan gyi mgo la mig gtang ba mtshon 'phyar bzhin pa zhig dgra pha rol pos bsad pa la mtho ris su 'gro ba srid par ji ltar rigs/ de la g.yul ngor shi ba gdon mi za bar mtho ris su 'gro'o// zhes khyod 'dod pa gang yin pa de ni ma yin no// gnag rdzi mo gyos po l-i lus stobs pa bzhin no// gnag rdzi mo 'ga' zhig gis khyo 'gron la son pa dang / gyos po la ches khyad du bsad par gyur to// de nas gnag rdzi rgan po des de 'ongs pa na don de go bar byas shing / gal te khyod kyi chung ma phyis yang bdag cag la khyad song byed na ni khyod kyi khyim du mi 'dug go// zhes kyang smras so// de ni bud med bla mar mi byed cing pa la snying nye ba zhig ste/ nges de la spyos nas yang nga'i pha la yang khyad song byed na ni/ khyod bdag gi khyim du bsdad du med kyis/ 'di'i bya bar dkA ba yang gyis la sbyin par dka' ba yang 'di la byin cig ces smras la/ des kyang de kho na ltar khas 'ches so// de nas khyo mgron la son pa dang / des ldog cing ldog cing gyos po la gus pa dam pas sri zhu byas par gyur la/ khrus dang sku byug dang phreng ba dang sbyin pa dang / zas dang skom dang / bza' ba gya nom pas nyin par rim gro byas shing mtshan mo chu dron mos de'i rkang pa bkrus shing / til mar bskus nas rang gi gos phung de sgron mor sbyor ba ngan pa byed pa'i chu la gyis de'i mal du nyal bar brtsams so// gnag rdzi rgang pos smras pa/ kwa'i sdig can ma 'di ci zhig brtsams/ gnag rdzi mos smras pa/ bdag la khyos khyod kyis 'di la byA dka' ba yang gyis la sbyin par dka' ba yang byin cig ces smras kyi sna/ 'di las ches bya dka' ba dang / sbyin dka' ba la se s+t+rIn+da dka' ba yang med do// gnag rdzi rgad pos smras pa/ bdag dbyung ba'i phyir thabs bshams kyis dga' bar sdod cing phyin chad khyim 'dir mi 'dug go zhes smras te phyir byung bar gyur to// de'i bu de 'ongs pa dang pha ma mthong ste chung ma la de gar song zhes dris pas/ des rje'o bdag la ma tshang ba ci yang med kyis// bdag gis mchog tu gus pas de la snying nye ba dang / nam zla la gsod pa'i khrus dang byug pa dang bza' ba la sogs pas zhabs 'bring byas la/ jo bos ji skad bka' stsal pa ltar bya dka' ba yang byas la/ sbyin par dka' ba yang byin mod kyi/ de ltar byas kyang bdag nan gyis bor nas song ngo zhes smras so// khyod kyis ji skad byas zhes dris pas yang byung tshul snga ma bshad do// de nas pha la gus pas des de bskrang de khyim nas phyung la/ pha la spro bsring byas nas rang gi khyim du bcug go/ ji ltar chung ma ngan ma gnag rdzi mo 'di'i lus gyos po la byin pa mchod pa ma yin pa de bzhin du/ rgyal po ngan pa sems can rnams kyi g.yul ngor srog gtong ba yang mchod pa ma yin no// 'jig rten du yang skyon can yin pa'i phyir chang la sogs pa dag la bdog pa thams cad gtong ba mchod pa ma yin no// 'dir bshad pa/ gal te g.yul ngor shi ba ni// lhun po'i rtse mor nges 'gro na// sku tshe shi ba rnams kyang ni// de ltar 'gro bar cis mi 'gyur// 'dir smras pa/ 'di na rgyal po 'jig rten thams cad kyi mgon nyid byed pa gang yin pa de nyid de'i dga' ba'i rgyu tshar phyin pa yin no// bshad par bya ste/ rgyal po 'jig rten mgon khyod la// mgon 'ga' yod pa ma yin na// mgon med de yis bdag nyid ni// ma btang su zhig dga' bar 'gyur// 'dir rgyal po ni 'jig rten thams cad kyi mgon yin te/ 'di ltar 'jig rten ni de'i rjes su bstan pas rang gi srog dang nor bskyung ba'i don du mi rigs pa spangs nas rigs pa'i las la 'jug go// rgyal po la ni rang dgar spyod pa nyid kyi phyir na rjes su ston pa po mgon 'ga' yang yod pa ma yin la/ mgon med pa zhes bya yang mchog tu chud pa rnams kyi gzhi yin te/ rang yan du gyur zhing rjes su 'chos pa po dang bral ba la rigs par ro gcig po'i 'jug pa ga la yod/ de'i phyir 'di gyu rgud kyi spang na gnas pa nA gal te bdag nyid yongs su btang bar gyur pa ma yin na ni de'i tshe mgon nyid des dga' bar mi 'gyur ro// de'i phyir 'jig rten gyi mgon nyid ni 'di'i dga' ba'i rgyur mi rung ngo // de'i phyir bag med pa'i gnas na gnas pa nyid kyi phyir sto ba nyid mchog tu btus par 'gyur gyi/ yongs su mgu ba ni ma yin no// dge 'dun gyi gnas brten so so'i skye bo la phyag 'tshal ba bzhin no// ji ltar dge 'dun gyi gnas brtan sa so'i skye bo mgon med pa zhig phyog la sogs pas dga' bar 'gyur ba de bzhin du/ rgyal po mgon med pa yang rab tu 'dud pa dang bkur sti la sogs pas dga' bar 'gyur ro// 'dir bshad gA/ mkhas gang gson pa'i 'jig rten na// dngos po 'di las slar yang ni// 'byung bas gzhan la tshol ba yi// mgon med dngos pos dga' bar 'gyuraro// 'dir smras pa/ gang gi phyir chang pa gzhan pa'i rgyal po la grags par mi 'gyur la/ rgyal po chang ba drag po can la ni shing yang grags pa rjes su 'jug pa yin te/ de'i phyir rgyal pos chad ba drag po can du bya dgos so// bshang bar bya ste/ rgyal po shi bar gyur pa la'ang // grags pas yon tan 'ga' mi 'byung // khyod yon med dang khyi 'tsheng la// glags pa chen po ci ste med// gal tA shrI bar gyur kyang rgyal po la grags pa'i sgo nas yon tan gyi khyad par 'ga' zhig 'byung bar 'gyur na ni/ rgyal pos chung ba drag po can du bya bar rig pa zhig na/ grags pa'i sgo nas de la yon tan gyi khyad par 'ga' zhig yod pa yang ma yin te/ grags pas de'i sdig pa de rnam par sel ba ma yin no// ci ste bdag gi grags pa 'jig rten na ji srid gnas pa de srid du bdag rnam par ltung ba med pa'i chos can du 'gyur bas grags pas yon tan du 'gyur ro snyam na/ be sh+yAd par bya ste/ brtse ba med pa dang / rku ba la sogs pa yon tan med pa'i tshogs rnam pa sna tshogs yang khyod la ci ste med/ gang gi phyir khyod la yon tan med pa cher yod pa de'i phyir de'i rgyu can gyi grags pa chen bos nges par sdigs pa bosogs pa las/ khyod den 'a d+mor ltung ba'i mthar phyin pa gcig pur byed pa 'gyur ro// grol te grags pas kha na mo tha bo'i dri ma 'khru bar byed na ni de'i tshe khyi ching dag l-i yang khye rna mas la brjid dang ldan pa nyid kyis grags pa chen po yod pas khyi 'tshod dag la yang 'khru bar byed par 'gyur ba zhig na/ 'di ni de ltar yang ma yin pas grags pas dgos pa ci yang med de/ de'i phyir bdag legs su 'dod pa'i rgyal pos chang pa drag po can ma yin par bya dgos so// bu mo lcib pa bzhin no// phyug po'i bu mo 'ga' zhig shi ste/ 'byor pa chen pos phyir 'byin par gyur to// bu mo gzhan zhig gis mthong la mthong nas kyang bdag la yang 'di lta bu'i 'byor par 'gyur ro snyam ste/ bdag nyid 'geg thag la dbyangs te srog dang bral ba nyid du gyur pa de bzhin du/ rgyal po yang rgyal po de shi bar gyur kyang de ltar rjes su bstan pa 'bar bar gyur to// zhes grags pa'i ched du sdig pa byed do// 'drir bshad pa/ gral te ma rungs rgyal shi la// grags pas yon tan 'gyur na ni// rkun po ma rungs pa la yang // ci phyir de ltar 'gyur ma yin// 'dir smras pa/ rigs dang ldan pa'i rgyal bu gang yin pa de nyid rgya lde thabs la 'os kyi gzhan ni mu yin te/ de'i phyir 'di'i rgyags pa rigs so// bshad par bya ste/ gang tshe kun gyi dbang phyug nyid// bsod nams kyis skyed de yi tshe// 'di ni dbang phyug brten min zhes// brjod par rnyed pa ma yin no// gang dang gang la longs spyod yang dag por 'grub par 'gyur ba'i las bsod nams zhes bya ba yod pa/ de dang de la dbang phyug nyid phun sum tshogs par 'gyur la/ las de yang gcig la nges pa ma yin no// gang gi tshe sems can 'di ni dbang phyug nyid la brten pa ma yin no zhes brjod par mi nus na de'i tshe/ 'di la 'dis rgyags par bskyed par mi rigs te/ bzo slob pa bzhin no// ji ltar bzo slob pa 'jig rten na thams cad kyi thun mong ste/ gang 'ga' zhig 'dod pa de thams cad slob pa de bzhin du/ bsod nams dag byas na rgyal srid thob bo// 'dir bshad pa/ gang tshe las bdag 'jig rten na// rang byas 'bras bu la spyod pa// de tshe mi dbang bde thob pas// de la phrag dog mi bya'o// 'drir smras pa/ gang gi phyir rgyul srid yongs su sbyong ba'i chos ni rgyal rigs kho na la bshad kyi/ gzhan rigs gsum la ni ma yin te/ de'i phyir rigs dang ldan pa'i rgyal rigs kho nas rgyal srid bya dgos te/ gzhan dag gis ni ma yin no// de'i phyir 'di'i rgyags pa rigs pa nyid do// bshad par bya ste/ 'tsho ba'i thabs so cog la'ang // 'jig rten na ni rigs shes bsnyad// des na sems can thams cad la rigs las dbye ba yod ma yin/ 'di dag ni 'tsho ba'i thabs shig ste/ 'di lta ste rgyal rigs la sogs pa'i rigs dag go// 'di ltar bskal pa dang por ni sems can thams cad phyi rol gyi rkyen sa bon la mi bltos par skye ba nyid kyi phyir brdzus te skye zhing / yid tsam las skyes pa'i phyir yid las byung ba rang gi 'od can/ rdzu 'phrul dang ldan pa/ na mkha' la 'gro ba dga' ba za zhing dga' ba'i zas can po dang mo'i dbang po dang bral ba ste/ de'i phyir 'di dag thams cad brdzus te skye ba'i skye gnas los byung ba nyid kyi phyir rigs las tha dad pa nyid mi srid do// de'i dus phyis ni kham gyi zas la zhugs shing zas ches rags pa la goms bar byed pa na/ de'i rgyu mthun dbyung bar bya ba'i gcin dang phyi sa'i lam byung ba/ phan tshun po dang mo'i dbang pos byas pa'i dbyibs tha dad pa lta ba na/ tshe snga mar goms pa'i dbang gis 'dod pa'i 'dod chags skye ba rnams la phan tshun log par zhugs pas mngal nas skye ba'i skye gnas byung bar gyur to// de nas 'jig rten du sog 'jog gi skyon gyis ma byin par len pa la sogs pa la zhugs pas rang gi 'tshe ba'i bya ba'i khyad par khas blangs pa las rigs tha dad par gyur to// 'di ltar/ skye bo'i tshogs phal po ches zhing bsrung ba'i phyir mi spras la bab pa zhig bskos pa dang / las de khas blangs pas de la rgyal rigs zhes bya bar grags so// thul bar 'dod pa gang dag dka' thub bsgrub par bya ba'i phyir/ grong los yid phyir phyogs par gyur pa de dag la ni bram ze zhes bya bar grags so// rgyal po dka' bzhin byed pa rnams ni rje'u rigs so// rmo ba la sogs pa las ngan pa la sbyar ba rnams ni dmangs rigs te/ de dag la yang las kyi khyad por gyi nang tshan tha dad pa las las byed pa la sogs pa'i rigs tha dad par gyur to// de lta na 'tsho ba'i thabs so cog la yang / gang gi phyir 'di de lta yin pa de'i phyir sems can rnams la rigs kyis byas pa'i dbye ba yod pa ma yin no// de'i phyir khyad par med pas rigs rgyags pa'i rgyur mi rigs te/ bum pa sar pa'i rnam grangs bzhin no// ji ltar bum pa gsar pa rnam grangs kyis ji ltar 'dod pa bzhin byed de/ 'dod pa'i sgo nas 'bru mar gyi bum pa dang mar gyi bum pa'i bar du 'gyur ro// bum pa ji lta ba de bzhin du bskal pa dang por las gang byed pa de la rigs zhes brjod do// 'dir bshad pa/ rigs ngan nam rigs ldan yang sla// las gang gis ni 'tsho 'gyur ba// de nas bzung ste de de yi// rigs su dus kyis 'gyur ba'o// 'dir smras pa/ gang gi phyir rus bzhi po bram ze'i rigs dang / rgyal rigs dang / rje'u rigs dang / dmangs rigs dag rnam par gnas te/ rus rnam par gnas pa de'i phyir sems can rnams la rigs tha dad pa zhes bya ba yod do// bshad par bya ste/ 'das dus shin tu ring ba dang // mi mo rnams yid g.yo ba ste// de phyir rgyal rigs shes bya ba// rigs las 'ga' yang yod ma yin// 'di na pha dang ma dag cing skyes shing skyes pa la rigs brgyud ces bya bar bsnyad na de ni rnyed par dka' ste/ bud med rnams la 'khrul pa mthong ba'i phyir ro// de la 'das ba'i dus ring ba nyid kyi phyir la/ bud med rnams kyi yid kyang g.yo bag can yin pa'i phyir de rnams la rus gzhan dang phrad pa la bu tsha dag skye ste/ de'i phyir rigs yang dag par sun phyung bar 'gyur ro// de'i phyir g.yem ma rnams kyis rigs sun phyung ba rnams kyis rigs kyis byas pa'i rigs brgyud kyi nga rgyal mi rigs so// de'i phyir de ltar na rgyal rigs zhes bya ba rigs las yod pa ma yin no// dang sang gi rgyal po dag ni phal cher dmangs rigs kyi skye gnas can te/ de dag gi rgyags pa yang mi rigs so// ma ra kan+da'i bus ril pa spyi blugs bcol ba dang rgyas pa bzhin no// ji skad du 'jig rten 'jig bzhin pa na mar kan da'i bu yongs su 'khyam ba na/ khyim rje ba dang spyi blugs rje bar grags te/ des bram ze zhig gi khyim du gser gyi spyi blugs zhig gtams la/ de dus ring mo zhig na khyim der 'ongs te/ bram ze'i khyim 'di na su yod ces dris so// de dag gis smras pa/ 'di ni bram ze'i khyim mo yun gyi/ 'di ni rgyal rigs kyi khyim zhig go// mar kan+da'i bus smos pa/ gtams pa zhig yod de/ bram ze 'ga' zhig gi gser gyi spyi blugs bzhog go/ de dag gis gser gyi ni med kyi/ 'on kyang dngul gyi rang bzhin can zhig yod do zhes smras so// de de dag gi lag tu de gtams te slar yang dus ring po zhig na 'ongs la/ rje'u rigs kyi khyim du gyur la/ spyi thugs zangs kyi rang bzhin can du'o// slar yang de dag gi lag tu bcol nas dus gzhan zhig na 'ongs pa de dmangs rigs kyi khyim du gyur la/ spyi blugs kyang lcags kyi rang bzhin can gyi bar du gyur par grag go/ ji ltar gser gyi spyi blugs 'di dus gzhan du gnas skabs de dang der gyur la/ khyim de yang gnas skabs tha dad pas tha dad par gyur pa de bzhin du 'jig rten gyi rigs rje ba yang yin no// de'i phyir rgyal rigs zhes bya ba'i rigs las 'ga' yang yod pa ma yin no// rgyas pa yang spos ldan du rtsi bas logs skyes kyi snga dro khu rna dkrigs nas nya bu'i bu mo las bskyed par grags te/ de ni gling du skyes pas gling skyes zhes kyang bya la/ rig byed la chags pas rgyus pa zhes bya'o// 'dir bshad pa/ dus la mtha' med nyid phyir dang // bud med tshogs ni g.yo phyir te// de yi phyir na mkhas pas 'dir// rigs kyis nga rgyal bya min nyid// 'dir smras pa/ gal te rigs kyis rgyal rigs su mi 'gyur na/ de'i tshe skye dgu skyong ba'i las kyis rgyal rigs su 'gyur ro// bshad par bya ste/ gal te las kyis dmangs rigs kyang // rgyal rigs zhes byar 'gyur na ni// las kyis dmangs kyang bram zer ni// gang gis 'gyur ba min par semasaso// gal te da lta rgyal rigs ma yin pa yang rgyal rigs kyis las byed pa na rgyal rigs su 'gyur na/ dmangs rigs kyang bram ze'i las byed cing len pa dang 'don pa na bram zer 'gyur ro// de lta yin na yang gzhan yang gzhan gyi las la spyod pa na de nyid du 'gyur ro// de la las kyis rgyal rigs su 'gyur ro zhes bya bar gang 'dod pa de ma yin te/ gru pha rol tu phyin 'gro ba bzhin no// ji ltar gru pha rol tu 'gro ba dang 'ong bar 'gyur la/ der klung gi 'gram gnyis na 'dug pa dag gru pha rol tu song gru pha rol tu song zhes smra mod kyi/ rang las grub pa'i pha rol ni ci yang yod pa ma yin pa de bzhin du/ bram ze 'am rgyal rigs kyang ma grub po// gal te dmangs rigs las kyi rgyal rigs su 'gyur na ni// de bzhin du bram ze yang las kyis dmangs rigs su 'gyur te/ rgya skyugs dang ni lan tshwa dang // sha yis 'phral du nyams par byed// 'o ma 'tshong ba'i bram ze gang // nyi ma gsum gyi dmangs rigs 'gyur zhes bya ba la sogs pa smras pa yang yin no// 'dir bshad pa/ gal te las kyis rus 'gyur na// de la rigs ni rgyu ma yin// de dag gnyis las kyang min te// gang phyir rigs sngar sun phyung zin// 'dir smras pa/ gang gi phyir rgyal srid kyi dbang phyug chen pos skye bo phal po che la dus la bab par dbang phyug bged par bya bar nus pa de'i phyir/ rgyal pos ches phyug par 'dod par bya dgos so// bshad par bya ste/ rgyal po sdig la dbang phyug ltar// bged pa yod pa ma yin na// gzhan gyi don du mkhas pa ni// su zhig phyi mar 'joms par byed// rgyal pos dus ring por bstsags pa'i dbang phyug chen po skye bo phal po che la bged par nus pa bden mod kyi/ de ni skye bo phal po che gzer ba med bar sgrub par mi nus shing / skye bo phal po che gzir bas kyang nges par sdig pa chen por 'gyur la/ sdig pa chen po las kyang phyi mar bdag nyid lo sdug bsngal chen por 'gyur dgos so// ji ltar dbang phyug bged pa de ltar de'i ched du/ kho na ma tho ba bsags pa bged par bya bar mi nus te/ 'on kyang gcig pu kho nas sdug bsngal de nyams su myong bar bya dgos so// de'i phyir mkhas pa su zhig gzhan la phan gdags pa chung ngu'i don du nor bged par bya'o/ zhes don ma yin pa mi chung ba stob pa la mkhas pa'i kha na ma tho ba thun mong ma yin pa nye bar sog cing phyi mar bdag nyid 'joms par byed par 'gyur/ de'i phyir 'di ni ngo tsha ba'i gnas yin gyi dregs pa'i ni ma yin no// ma he'i mchod sbyin lta bu dang / shen pa'i bu bzhin no// ji ltar ma he mchod sbyin bya ba'i phyir gcig gis gsod cing mang po rnams kyis za bar 'gyur la/ sdig pa de yang gsod pa po de kho na la 'gyur ba de bzhin du/ rgyal po rgyal srid kyi phyir sdig po'i las byed cing / longs spyod ni mang po zhig gis longs spyod la/ des byas pa'i sdig pa ngan 'gror 'bras bu shin tu mi bzad pa can ni rgyal po de nyid la 'gyur ro// yang ji ltar shin pa'i bu zhig sdig pa la 'jigs pas ri dgas la stsogs pa rnams gsod par mi byed pa dang / de la gnyen 'dob kyis khyod sod cig/ der gang chos ma yin par 'gyur ba de ni 'o sgrol thams cad la thun mong nyid du 'gyur ro zhes smras pa dang / des thabs kyis bdag gi mgo la tshor ba'i sdug bsngal chen po zhig yod kyis de bgos shig ces smras so// de dag gis smras pa mi nus so des smras pa/ de'i phyir ji ltar ngan 'gro'i tshor ba sdug bsngal thun mong nyid du 'gyur/ 'dir bshad pa/ gzhan du bde ba 'dod pa'i mis// 'jig rten 'di ru ma smad cing // pha rol tu'ang bde ba ni// 'dren pa gang yin de bya'o// 'dir smras pa/ 'di ni dbang phyug chen po la gnas pa'i rgyal pos gdon mi za bar rlom pa chen po nyid du 'gyur bar bya/ dgos so// bshad par bya ste/ dbang phyug gis bskyed nga rgyal ni// mnyam dang khyad par 'phags pa yi// pha rol nus ldan blta bya ste// dam pa'i snying la mi gnas so// bdag nyid la gzhan pas mchog tu byung ba mthong ban nga rgyal du 'gyur na/ de ni gzhan la bltos pos mi gnas pa'i phyir mkhas pa rnams rlom par mi 'gyur ro// de'i phyir 'gro ba la phan pa bskyod par 'dod pas nga rgyal spangs te/ tha ma dag lta bu 'am/ rje'o bzhin du gzhan la khyad du bsad par mi bya'o// de'i phyir de ltar byed pa na de dag phun sum tshogs pa thams cad kyi snod du 'gyur te/ 'gro ba rangs pa mgu bar byed par zhugs pa nyid kyi phyir ro// nor 'dzin gyi chung ma bzhin no// bram ze nor 'dzin zhes bya ba la chung mas bdag dang gzugs mnyam pa'i bud med ni sa steng na 'ga' yang med mod kyi/ khyod ni nga la 'tsham pa'i gos dang rgyun gyis brjed par mi byed do zhes smras so// des de thabs kyis rgyal po drag po zhes bya ba'i btsun mo'i 'khor du bcug go// der rim gro ma mthong nas de'i gzugs kyi dregs pa de nyams par gyur te/ rgyal po'i btsun mo lta ci smos/ de bzhin du rgyal pos kyang bang gi dang mnyam pa dang / khyud par du 'phyags pa mthong nas rgyags pa dang bdag tu 'dzin pa yongs su dor bar rigs so// 'dir bshad pa/ re zhig rgyal pos rgyal dman la// nga rgyal bya bar mi rigs na// mnyam dang phul phyung mi bdag la// nga rgyal go skabs ga la yod// slob dpon 'phags pa lha'i zhalnga snga nas kyi byang chub sems dpa'i rnal 'byor spyod pa bzhi brgyu ba las/ bdag tu 'dzin pa spang ba'i thabs sgom pa bstan pa zhes bya ba ste/ rab tu byed pa bzhi pa'i 'grel pa'o// // 'dir smras pa/ yang legs par bshad pa'i rin po che'i khyad par 'jig rten pa'i don gyi de kho na nyid ji ltar gnas pa ston par byed pa 'dod chags dang bral ba'i rgyu 'di dag gang las rnyed// bshad par bya ste/ sangs rgyas bcom ldan 'das rnams las so// sangs rgyas bcom ldan 'das de rnams kyang ci 'dra ba zhig ce na/ thugs rje chen pos non pas 'gro ba ma lus pa'i don sgrub pa'i rnam pa thams cad du bsam gyis mi khyab pa lhur mdzad pa rnams so// 'di ltar/ sangs rgyas rnams kyi g.yo ba ni/ rgyu med 'ga' yang yod min te// dbugs kyang sems can rnams la ni// sman slad kho nar yang dag 'byung // 'di ltar sangs rgyas bcom ldan 'das rnams ni 'gro ba thams cad rjes su bzung ba'i dgongs pas 'phangs pa'i phrin las kyis sprul pa nyid kyi phyir rkyen ji lta ba bzhin 'bras bu 'byin zhing 'gro ba la dman pa sgrub pa 'byung ba la mkhas pa'i g.yo ba dag gis 'gro ba khams gsum po na mkha'i mthar thug pa na gnas pa mtha' dag la sman 'dogs par mdzad do// sku yongs su bskyod pa'i mtshan nyid can gyi g.yo ba gang zhig sems can ma lus pa sman mi 'dogs pa de ni 'ga' yang mnga' ba ma yin te/ ji skad du 'phags pa ting nge 'dzin gyi rgyal po las/ 'od zer brgya stong dpag tu med pa dag/ chos kyi rgyal po'i zhabs kyi mthil nas byung // sems can dmyal ba thams cad bsil bar gyur// sdug bsngal med par byas nas bde ba myong // der ni stobs bcu ldan pas chos bshad pas// lha dang mi yi mig kyang rnam par dag/ srog chags brgya stong dpag tu med pa rnams// thams cad sangs rgyas ye shes nges par gyur// zhes bya ba la sogs pa dang / de bzhin du/ rgyal bas sgo yi thim steng zhabs bzhag ste// dmus long gyur pa'i mi gang ci yod dang // rna bas mi thos mgon med bsod nams chung // de dag thams cad mig dang rna ba thob// rgyal bas sgo yi them steng zhabs bzhag tshe// gshin rje'i yul gyi yi dgas gang yod pa// shin tu sdug bsngal dur snabs mchil ma za// thams cad 'od kyis reg pas bde bar 'gyur/ zhes rgyas par gsungs pa lta bu'o// re zhig g.yo ba lta zhog cig/ skul bar byed pa'i sems dpa'i khyad par gyi 'phen pa la mi bltos pa ri rang gi ngang gis 'byung zhing / bltam pa nas bzung ste mya ngan las 'das pa'i bar du nyin mtshan du rjes su 'jug pa'i dbugs gang yin pa de yang skye ba dang ldan pa 'di dag la sman pa'i slad du rab tu 'jug pa kho na'o// 'di ltar sangs rgyas bcom ldan 'das rnams kyi dbugs dag ni byung nas sems can dmyal ba'i snod rnams kyi steng du sprin nag po chen po'i dud pa'i mig sman gyi phung po chen po dang 'dra zhing / sems can dmyal ba'i skye bo'i yid 'phrog pa/ dmyal ba'i snod kyi dkyil 'khor ma lus pa khebs pa/ 'brug sgra ches snyan zhing gsal la bar mtshams med pa dag gis/ sems can dmyal ba'i me lce phreng bas kun nas bskor baba'i sems can dmyal ba rnams tshim par byed pa/ char gyi tshogs shin tu ro zhim zhing bsil ba dag gis sems can dmyal ba'i me'i phung po 'jil par byed pa dag tu yongs su 'gyur ba yin la/ de'i rkyen gyis des sdug bsngal ba'i sems can dmyal ba kho bo cag la gang gi mthus 'di nye bar lhags snyam du snying la spyod par gyur cing / mdun du de bzhin gshegs pa'i gzugs kyi sku bsam gyis mi khyab pa mthong bas sems can gyi rgyud rangs pa/ sangs rgyas bcom ldan 'das la mngon par dad pa'i rgyus mi dge ba'i las kyi phung po ma lus pa bsrabs shing / de'i rgyu nyid kyis thar pa'i cha dang mthun pa'i dge ba yang dag par 'phangs pa rnams la gtan du phan 'dogs pa'i phyir na/ dbugs kyang sems can rnams la ni// sman slang kho nar yang dag 'byung // dri bzhin du gzhan 'chag pa dang bzhengs pa dang / bzhugs pa dang gzims pa'i spyod lam dag la yang lung ji lta ba bzhin sbyar bar bya'o// de'i phyir de ltar na blo gros dang ldan pa 'khor ba'i skyon ngas shing de zad par bya ba'i phyir brtson pas rnam pa thams cad du ji skad bsnyad pa'i legs par bshad pa'i rin po che'i brten sa gsum gyi bla ma/ sangs rgyas bcom ldan 'das srid pa gsum gyi skye bo yongs la bu gcig pa sdug pa ltar ro// byams par lhag par nye bar bsnams pa la dad pa sngon du btang ste yid btang bar 'os so// rtsib logs skyes kyi dge slong bzhin no// rtsib logs skyes kyi rigs su gtogs pa'i dge slong 'ga' zhig yod la 'khrul 'khor gyi slob dpon zhig gis bdag gis khyod la bsod snyoms sbyin gyis/ khyod kyis bdag gi khyim du dbyar bya dgos so zhes 'gron du gnyer bar gyur zhing / de'i khang bzangs kyi 'og nas 'khrul 'khor gyi bye ba bya ba'i phyir 'khrul 'khor dag mang du yod par yang gyur to// de nas des dge slong de 'di ji ltar 'dod pa de ltar sdod cig/ ces khang bzangs kho nar bzhag go// dbyar gyi dus song ba dang rdzang ba'i phyir de la chos gos kyi rin byin te las kyi gla byin par gyur to// dge slong gis bdag gis khyod kyi las ci yang ma byas par ci'i gla blang bar bya zhes smras pa dang / de khyod kyis yud tsam yang khyim 'dir los med par spyod lam gang gis kyang ma bsdad do zhes smra zhing / de la 'khrul 'khor dang de sgrub pa'i kha yang ston par byed par gyur to// ji ltar dge slong de la de'i 'khrul 'khor bskor bas gang zhig de la 'kho ba'i phyir byung ba ma yin pa'i spyod lam 'ga' yang med pa de bzhin du sangs rgyas bcom ldan 'das la yang sku dang gsung dang thugs kyi spyod pa gang zhig 'gro ba thams cad la don chung ngu ma yin pa 'am/ don ma yin pa sel bar mi 'gyur ba 'ga' yang mi mnga'o// bshad pa/ thugs rje ches drangs rnam dag mkhyen mnga' ba'i// thub la rang don sku gsung thugs 'jug pa// mi mnga' don med pa yang ma yin te/ gzhan dge nyid kyi phyir ni 'jug par 'gyur// de la nye bar bsnyen pa rnams ni 'chi ba'i 'jigs pa la thug pa sdug bsngal thams cad las 'da' bar 'gyur ro// 'di ltar/ 'jig rten kun la 'chi bdag sgra// ji ltar 'jigs pa bskyed 'gyur ba// de bzhin kun mkhyen sgra 'di ni// 'chi bdag la yang 'jig pa bskyed// gang gi phyir de bzhin gshegs pa'i lam la yang dag par rjes su sgrub pa por gyur pa rnams de'i yul gyi mtshams las 'das shing / de bzhin gshegs pa'i mtshan thos pa las de ltar rjes su sgrub pa'i sa bon dge ba'i rtsa ba rnams kyang skrun par byed pa'i phyir te/ bcom ldan 'das kyis gang dag nga'i mtshan thos par gyur pa de dag thams cad kyang theg pa gsum las theg pa gang yang rung ba zhig gis/ yongs su mya ngan las 'da' bar 'gyur ro zhes ji skad du gsungs pa lta bu'o// btson btang bas dbang du byas pa bzhin no// rgyal po 'ga' zhig gis bu skyes pa dang btson ril gyis dong sprug par dril bsgrags par gyur la/ sgra des kyang 'jig rten thams cad dga' bar 'gyur ro// der btson la dbang du byas pa ni btson gtong ba'i sgra thos nas 'jigs shing rims nang kyis thebs pa bzhin du/ de bzhin gshegs pa byung na bdud ma gtogs pa'i sems can thams cad dga' bar 'gyur ro// sangs rgyas zhes bya'i sgra 'di nyid// gang dag rna bar grag 'gyur ba// thams cad rnam par thar bya'i phyir// de nyid rgyu ru 'gyur ba'o// de nas sangs rgyas zhes bya ba 'di ci zhig/ gang dag gis chos thams cad ji lta ba bzhin du thugs su chud pa'o// chos thams cad kyi de kho na nyid mngon par rdzogs par byang chub pas shes bya thams cad la blo kha byi bas rnam par rgyas pa la sangs rgyas zhes bya ste/ dper na pad+ma rgyas pa bzhin no// yang na nyid kyis thugs su chud cing lha dang mi ma rtogs pa rnams rtogs par mdzad pas na/ sangs rgyas yin pa 'am/ ma rig pa'i gnyid ma lus pa dang bral bas rnam par sad pa na sangs rgyas te/ skyes bu gnyid sad pa bzhin no// yang na de kho na nyid thugs su chud pas sangs rgyas so// de nyid ni bcom ldan 'das te/ bdud bzhi bcom pa'i phyir ram/ chen po rnam pa drug nyid la mnga' bas dbang phyug la sogs pa'i yon tan dang ldan pa'i phyir ram/ skal ba phun sum tshogs pa nyid kyi phyir ro// thugs thams cad la thogs pa mi mnga' ba nyid kyi phyir ni thams cad mkhyen pa zhes bya'o// gal te lung du ma bstan pa'i dngos po brda mi spong ba'i phyir 'di thams cad mkhyen pa ma yin pa nyid du 'gyur ba ma yin na mo/ 'di ltar 'jig rten rtag ces bya ba la sogs pa'i dri ba bcu bzhi de bzhin gshegs pa la dris pa na yang mi gsung bar gyur to zhe na/ bshad par bya ste/ de ltar thams cad mkhyen pa ma yin pa nyid du mi 'grub ste/ gang gi phyir/ thub la mdzad dang mdzad min dang // gsung bya gsung bya min mnga' ba// des na kun mkhyen kun mkhyen ni// min zhes bya la rgyu ci yod// de la mdzad pa ni mdzad par 'os pa yin te/ mdzad min ni mdzad par mi 'os pa ste/ 'di gnyi ga yang thub pa la ma nga'o// de la mdzad pa ni sems can rnams bde 'gro dang thar pa'i rgyu la nges par sbyar ba yin la/ mdzad min ni gzhan dag la gnod pa'o// gsung bar bya ba dang gsung bar bya ba ma yin pa yang mnga' ste/ gsung bya ni gzhan la phan par sgrub par byed pa'i bka'o// gsung bya ma yin pa ni gnod pa sgrub par byed pa'o// 'di yang thub pa la mnga'o// mdzad bya dang mdzad bya ma yin pa dang / gsung bar bya ba dang gsung bar bya ba ma yin pa 'di sus yongs su gcod par nus she na~M/ gang gi ye shes spyod po mtha' yas pa'i dbye bas phye ba'i sems can gyi phung po la thog pa mi mnga' bar ji lta bzhin 'jug pas so// de ni rnam pa de lta bu'i ye shes dang ldan pas mdzad pa mdzad pa nyid du yang dag pa ji lta ba bzhin rab tu mkhyen la/ mdzad pa ma yin pa ni mdzad pa ma yin par ro// gsung bar bya ba yang gsung bar bya bar yang dag par ji lta ba bzhin du rab tu mkhyen la/ gsung bar bya ba ma yin pa yang gsung bar bya bar ma yin par ro// de'i phyir de ltar yang dag par ji lta ba bzhin gzigs pa de'i sems can rnams ji ltar 'dod pa bzhin bde 'gro dang thar pa'i rgyu la 'god pa don yod par 'gyur ro// de mngon par mi shes pa ni ma shes pa dang phyin ci log tu shes pa dang / the tshom gyi shes pa dag gis 'dod pa'i don sgrub par mi byed do// de'i phyir gsung bar bya ba ma yin pa'i don bka' ma sprul pa nyid las 'di thams cad mkhyen pa ma yin pa nyid du nges par mi nus so// / don zab mor gyur pa dri ba ni ji lta 'am de lta yang rung ste dri bar bye ba la 'dri na// dri bar bya bar gyur pas dri ba po'i nyams dang nyams med pa shes par bya ste dri ba'i lan gdab par bya'o// bcom ldan 'das kyis ni 'dri ba po'i don zab mo khong du chud pa'i mthu med pa las dri ba'i don rtogs par mi nus pa nyid gzigs pa yang yin te/ de la ni lung du ma bstan pa kho na mdzes so// zab mo'i chos la lhag par mos pa la ni lung ston pa yang yin te/ de la des phan 'dogs pa nyid kyi phyir ro// gang skye bo snod du ma gyur pa la zab mo'i chos mi gsung ba 'di nyid ni thams cad mkhyen pa nyid kyi rgyu yin te/ de nyid kyi phyir kha cig gis// dus dang bsam pa mkhyen khyod kyis// / la lar dris kyang mi gsung la// nyor byon nas kyang gsung mdzad cing // gzhan du bkug nas gsung bar mdzad/ ces bshad do// thams cad mkhyen pa nyid lo rgyur gyur pa gang yin pa de nyid blo blun pa la de'i thams cad mkhyen pa ma yin pa'i rgyur 'gyur bas/ rmongs pas ma byas pa ci zhig yod/ rgyal bu bsnyengs bral dang 'gron pa 'gugs pa bzhin no// ji ltar rgyal po gzugs can snying po'i bu rgyal bu gzhon nu bsnyengs bral gyis gcer bu pas spang nas bcom ldan 'das la de bzhin gshegs pa gang gis gzhan dag khro bar 'gyur sdang bar 'gyur 'khrug par 'gyur zhing / khro ba 'am zhe sdang ngam nga rgyal lam gti mug gis yid mi ches par 'gyur ba/ gzhan la mi snyan pa dang / mi 'dod pa dang mi mdzes pa dang yid du mi 'ong bar 'gyur ba'i tshig gang yin pa de gsung ngam zhes zhus pa dang / de la bcom ldan 'das kyis 'di la ni mgo gcig tu ma yin te/ gang phan pa byed pa de ni res 'ga' gsung ngo zhes rgya cher gsungs so// gal te thams cad mkhyen pa gsung bar bya ba ma yin pa mi gsung na/ ji ltar lhas sbyin la brtsams te/ de'i tshe gos du ma can gyi bu mchil zan la ci zhes bya ba la sogs pa 'di gsungs par 'gyur zhe na/ bshad par bya ste/ 'di de ltar yin mod kyi/ 'on kyang dgongs pa btsal bar bya dgos so// 'di ni gzhan la don ma yin pa sgrub par byed pa'i gsung ma yin te/ de ltar ma dgongs pa'i phyir ro// gal te mi snyan pa thos pas sdug bsngal nye bar sgrub pa tsam gyi dgongs pa kho nas de skad gsungs par gyur na ni de lta yin pa zhig na/ 'di ni dgongs pa des gsungs pa ma yin gyi/ 'on kyang sdig pa la 'jug pa bskyung ba'i phyir gsungs so// 'di ltar gal te mthong ba'i dug drag po spro ba'i sbrul dag ltar 'gro ba'i dge ba'i phyogs zad pa la mkhas shing / mngon par rlom pas 'gying tshul drag po bstan pa 'gro ba yang dag pa'i lam las skrag par byed pa 'khor ba'i 'brog dgon pa chen po mu mtha' med pa ston par byed pa dag la de skad ma gsungs na ni de'i tshe/ de dag gi kha na las pa'i 'jig rten 'phung bar 'gyur la/ gang gi tshe gzhan la sman pa'i mdzad pa la 'bab pa thugs rje mnga' ba rnams kyis chos dang mthun pas rgol bas zhum par mdzad pa de'i tshe ni shin tu sman btags par 'gyur ro// de'i phyir de ltar na sman gdags pa'i dgongs pas kun nas blang ba nyid kyi phyir de don ma yin pa 'dren pa'i gsung ma yin no// rgyal po 'ga' zhig bram ze nor 'byor pa zhig chad pas bcad par 'dod pas/ khyod kyi khyim na khron pa legs mo zhig 'dug pas de nged cag la dgos kyis/ de myur du thong zhig/ de lta ma yin na khyod la chad par 'gyur ro zhes smras pa dang / de nas bram ze de'i bu mo zhig gis/ nor gyis nor rnams 'gugs byed cing / glang po ches kyang glang tshan te// rgyal ba khron pa mngag 'tshal lo// de nas khron pa 'ong bar 'gyur/ zhes gsol to// ji ltar thabs 'dis khron pa btang bar mi nus pas byas pas chad pa bral bar byas pa de bzhin du sangs rgyas bcom ldan 'das rnams kyang thabs mkhas bas 'gro ba'i don ma yin pa bsal ba'i phyir re 'ga' mi snyan pa'i gsung yang bka' stsol bar mdzad la/ der kha na ma tho ba yang mi mnga' ste/ 'gro ba la dman pa'i dgongs pa nyid kyi phyir ro// 'di'i phyir yang 'di ni de ltar yin te/ sems ma rtogs par 'gro sogs la// gang phyir bsod nams la sogs pa// ma mthong de phyir las kun la// yid ni don por bsgrub par bya// sems ci lta ba ma rtogs par 'gro ba dang 'ong ba dang langs pa dang 'chag pa dang // smra ba dang sbyin bsreg la sogs pa'i bya ba dag la rang gi bsod nams sam/ bsod nams ma yin pa yod pa ma yin pa kho na ste/ gal te 'gro ba la sogs pa de srog gcod pa rdzogs par bya ba'i phyir brtsams na ni/ de'i tshe/ 'gro ba la sogs pa de bsod nams ma yin par 'gyur la/ 'on te de spang ba'i don du rtsom na ni/ de'i tshe de las bsod nams su 'gyur ro// gang gi tshe de tsam gyi sems pas rtsom na ni de'i tshe lung du ma bstan par 'gyur ro// / gang gi phyir 'di de lta yin pa de'i phyir las gzhan dag la yang yid gtso bar rnam par bzhag ste/ sems ji lta ba bzhin du des 'phangs pa'i lus dang ngag dang yid kyi las rnams kyi rang gi ngo bo rnam par 'jog pa'i phyiraro// / gang gi tshe 'di de lta yin pa de'i tshe de bzhin gshegs pa thugs kyi rgyud thugs rje chen po'i thabs dang / gnyis su med pa'i ye shes dri ma med pa dang rjes su 'brel pa/ don ma yin pa'i rgyu ma lus pa gcod cing kun nas @mdzes pa rnams la 'gro ba'i don ma yin pa la 'jug pa dogs par mi bya'o// gcer bu pa sku gzugs la phyag 'tshal ba bzhin no// gcer bu pa 'ga' zhig lha khang du zhugs te sku gzugs la phyag 'tshal bar gyur la/ de na sku gzugs dag kyang kun nas rnam par gnas pas gang gi tshe sku gzugs gcig la phyag byed pa de'i tshe gzhan rnams la mjug mas reg par byed pa dang / de la 'ga' zhig gis gang khyod sku gzugs gcig la phyag byed cing gzhan la rkub kyis reg par byed pa ni mi legs pa byed pa zhig go// zhes smras so// de bzhin du gang dag gi ltar na sems ma rtogs shing sems med par bsod nams 'thob pa de dag la rnam pa de lta bu'i skyon du 'gyur ro// de'i phyir sems ma rtogs par bsod nams la sogs pa'i las rnams rnam par bzhag par mi 'gyur ro// 'dir bshad pa/ gal te sems rab dang 'gyur na// las rnams shin tu dang 'gyur ba// de yi phyir na mkhas pa yis// sems dag pa yis las rnams bya// de nyid kyi phyir/ bsam pas byang chub sems dpa' la// dge 'am gal te mi dge'ang rung // thams cad dge legs nyid 'gyur te// gang phyir yid bde'i dbang 'gyur phyir// mi dge ba ni sdug bsngal dang ngan song gi rnam par smin pa can yin pa nyid kyi phyir mi dge ba'o// dge ba yang bde ba dang bde 'gro'i rnam par smin pa'i 'bras bu can yin du zin kyang skye ba dang / rga ba dang / 'chi ba la sogs pa'i sdug bsngal sgrub par byed pa nyid kyi phyir na dge legs ma yin no// dge legs ma yin pa'i las gnyis po 'di thams cad ni byang chub sems dpa' sems la dbang thob pa rnams la dge legs nyid du 'gyur te/ skye ba can rnams kyi 'khor ba ldog pa'i rgyur gnas so// zhes bya bar don to// 'jig rten ni sems dul ba nyid kyi phyir sems la rag las pa na/ sems ji lta ba bzhin du 'jug gi/ byang chub sems dpa' rnams ni sems dbang du gyur pas/ de dag gi lus dang ngag dang yid kyi g.yo ba thams cad dge legs su ro gcig pa nyid du 'gyur ro// de'i phyir na gang seng ges don mthun btang ba la sogs pa dag las byang chub sems dpa' rnams srog chags gsod par 'dod pa de yang ji skad bshad pa'i tshul gyis de bzhin gshegs pa'i snyan pa'i gsung la sogs pa ltar bsod nams ma yin pa 'ba' zhig tu ma zad kyi 'on kyang sems can phan 'dogs par zhugs pa nyid kyi phyir bla na med pa yang dag par rdzogs pa'i byang chub kyi tshogs nyid la brten to// sbrul gyis bzung ba'i sor mo gcod pa sdug bsngal chos rgya che ba rgyun gcod pa'i rgyu yin zhing / sdug bsngal de tsam zhig 'byung ba'i rgyur gyur pa ni sman pa rnams la bsod nams ma yin pa 'am/ dge legs ma yin par mi 'gyur ba ltar/ byang chub sems dpa' rnams kyi spyod pa 'di yang de dang 'dra'o// gzhan dag la yang de ltar ci'i phyir mi 'gyur zhe na/ sems la dbang thob pa med pa'i phyir dang / sems kyi rgyud nyon mongs pa phra zhing nye ba sad pas bzung ba nyid kyi phyir ro// rngon pas bu bsad pa dang / byes su yun ring mor gnas pa'i bu gcig pa la yongs su 'khyud pa dang / seng ges don mthun btang ba dang // rkun po la mdung thung gis snun pa dang // de bzhin gshegs pa la mi snyan pa'i tshig bzhin no// sngon ba la la zhig gi bu gnyis ri'i g.yang sa la nye ba zhig tu 'thob par gyur la/ der gcig gis spun zla bzung nas g.yang de la mchod par brtsams pa dang / rngon pa des bshug par ma nus nas gnyis char 'chi bar 'gyur du 'ong ngo snyam ste bu de mangs bsad par gyur to// yang nyam shed dang ldan pa 'ga' zhig gis bu sdug pa yun ring por 'gron lnga bsdang ba nyams chung ba ches yongs su 'khyud bas de dus byas par 'gyur ro// yang byang chub sems dpa' seng ge ngag gi nang du skyes pa zhig gi sbrul chen pos yongs su bskor ba'i skye bo'i tshogs chen po thar par bya ba'i phyir glang po che'i spyi bor bsdad nas seng ge'i nga ro chen pos bsgrags pas sgra de thos nas sbrul chen po 'jigs pas lus bskyil ba bshig ste skye bo'i tshogs phal po che btang bar gyur to// yang byang chub sems dpa' gzhan zhig gis seng ges bsgrags pa'i don mthun gyi dpung yongs su thar bar bya ba'i phyir/ seng ge dang don mthun gnyi ga la snying rje bskyed nas seng ge'i mgo la mangs bsnun la/ don mthun thar te dong bar gyur to// de bzhin du byang chub sems dpa' snying rje chen po zhes bya ba ded dpon du gyur pa zhig gis 'di ni bskol pa bzang po'i byang chub sems dpa' lnga brgya tshong bar gyur cing bzhon pa la zhon pa rnams bsad par byas te rdzas khyer bar 'dod pa zhig go snyam du/ bzhon pa la zhon pa 'thab mo pa stong phrag dang ldan pa bsel gyi phyir glas pa'i bsam pa shes par byas te/ de nas bdag ngan 'gror 'gro ba ni bla'i/ 'di byang chub sems dpa' lnga brgya bsad nas bskul pa brgyar mnar med par gnas par 'gyur du 'ong ngo snyam du snying rje chen po bskyed nas/ de dag la bde ba bskyed te/ ded dpon rkun po de gcig pu mdung gis bsad par gyur la/ dge ba'i rtsa ba des kyang bskal ba stong phrag brgyar 'khor ba la rgyab kyis phyogs par byas so// de nyid kyi phyir 'phags pa klu sgrub kyis byang chub kyi tshogs las/ sdug bsngal gzhan lta yar 'dug cig/ gang zhig sems can phan pa de'i phyir// dmyal ba'i sdug bsngal che bzod pa// de'i lag g.yas na byang chub po// zhes gsungs so// de bzhin du bcom ldan 'das 'od srungs la rdza mkhan bum byed ces bya bas bsdigs pa brjod pa na byang chub sems dpa' snang skyong bram zer gyur pas/ mu stegs can du gyur pa'i byang chub sems dpa' sems rangs pa lnga po rjes su bsrung ba'i phyir byang chub chen po thob par dka' zhing / bcom ldan 'das la bsam gyis mi khyab pa nyid la bsams nas/ dge sbyong mgo reg de la byang chub ga la yod te/ byang chub ni mchog tu dkon no// zhes smras so// de'i phyir de ltar na byang chub sems dpa' nyams nga ba 'ga' zhig tu chud pa rnams sems can la bltos nas ni dge ba yang byed la/ mi dge ba de yang sems kyi dbang gis dge legs nyid du 'gyur ro// 'dir bshad pa/ gdug lnga snying rje chen po dang // gdug min byams pa che skye ba// de phyir skyes bu mchog rnams la// sdig to'i sgo mo yod ma yin// byang chub sems dpa' 'dri rnams la gang nas bzung nas byang chub sems dpa' zhes bya zhe na/ rab tu dga' ba zhes bya ba sems bskyed pa dang po nas bzung nas so// 'dir byang chub sems dpa' ni rnam pa gnyis te/ gcig ni mngon par 'dod pa'o// gnyis pa ni don dam pa'o// de la mngon par 'dod pa ni bla na med pa yang dag par rdzogs pa'i byang chub 'dod pa nas bzung ste/ so so'i bo'i gnas skabs na yang yod do// don dam pa ni rnam pa bcur 'gyur te/ sa rab tu dga' ba sems bskyed ba dang po nas chos kyi sprin sems bskyed pa bcu pa'i bar ro// de la re zhig ga byang chub sems dpa' rnams kyi sems bskyed pa dang po rab tu dga' ba zhes bya ba de nyid kyi yon tan gyi khyad par bstan pa'i phyir bshad pa/ byang chub sems dpa' sems dang po// so stengs skye bo thams cad ni// 'khor lo sgyur ba nyid 'gyur ba// de dag bsod nams las khyad 'phags// bsod nams gang zhig nye bar bsags pas gling bzhi pa'i bdag po 'khor los sgyur ba'i rgyal por 'gyur ba de nyid ro zhig ches mang na/ gang sa stengs kyi sems can rnams 'khor lo sgyur bar 'gyur ba'i las la lta smos kyang ci dgos// sems can thams cad gling bzhi pa'i dbang phyug 'khor los sgyur bar 'gyur ba'i las de ni byang chub sems dpa' rnams kyi sems bskyed pa dang po'i bsod nams kyi cha 'am zla yang nye bar mi 'gro'o// 'di ltar de ni 'jig rten dang 'jig rten las 'das pa'i dge ba'i rtsa ba'i tshogs thams cad 'byung ba'i sa bon gyi ngo bor gnas pas 'khor ba ji srid pa'i mthas gtugs pa'i 'gro ba rjes su bzung ba'i phyir gnas la/ 'khor los sgyur ba'i bsod nams ni dus nyung zad cig kha cig dag gi mngon par mtho ba'i bde ba tsam gyi rgyu yin pas shin tu khyad par che ste/ bsad bya'i thar pa dang / ltad mo ba pham par byas pa dang / khye'us pham par byas pa da nga / rgyal po'i dril 'du ba'i sgo yin pa bzhin no// ji ltar bsad par bya ba la thar pa ji lta ba bzhin du don du gnyer bar bya ba dang / dga' bar bya ba'i chos rnam pa de lta bu gzhan 'ga' yang yod pa ma yin pa de bzhin du/ byang chub sems dpa' la yang sems bskyed pa dang po nye bar bzung ste/ sems can thams cad 'khor bar bcings po thar par byed pa ji lta ba de ltar chos gzhan mngon par 'dod par bya ba med de/ de'i phyir 'khor lo sgyur ba'i bsod nams dang mnyam par ga la 'gyur/ yang ji ltar gyang rgan rabs ltangs pa thams cad pham par byas te don po'i ba ngan bzung nas khye'us pham par byed pa de bzhin du/ 'khor los sbyor ba dag kyang gling bzhi'i gnas thams cad phebs kyang byang chub sems dpa' sems dang po bskyed pa bas zil gyis gnon to// yang ji ltar rgyal po'i dril ni de'i sgo nas bde blag tu rigs pa dang / mi rigs pa rnam par spyod pa'i phyir rgyal po la nor mang po 'du ba dang 'gro ba yongs su bsrung ba'i rgyur 'gyur ba de bzhin du/ byang chub sems dpa' rnams kyi sems dang po yang sems can thams cad kyis sangs rgyas nyid thob pa'i bar gyi rgyu yin pa'i phyir 'gro ba'i don chen po 'byung ba'i sgor 'gyur ro// byang chub sems dpa' ni 'khor lo sgyur ba'i bsod nams 'byung ba'i sgor yang 'gyur te/ des mchod pas 'khor lo sgyur ba nyid 'thob pa'i phyir ro// 'dir bshad pa/ re zhig byang chub sems dpa' ni// gcig gi bsod nams gang yin pa// de 'dir gal te gzugs can na// 'gro yongs khyab nas gnas gyur te// sems can rnams mtha' yas phyir dang // sangs rgyas mkhyen pa tshad med dang // der ni yongs su bsngos pa'i phyir// bsod nams de ni mtha' yas 'gyur// 'dir smras pa/ sems bskyed pa dang po'i bsod nams ni bshad na/ gang gzhan dag la byang chub kyi sems skyed par byed pa de'i bsod nams ci tsam zhig tu 'gyur/ bshad par bya ste/ rin chen rang bzhin mchod rten ni// 'jig rten rnyed mtho 'gas byas pa// de bas sems can gcig 'dul po// mchog tu bkrabs par brjod pa yin// 'jig rten gsum gyi ston pa gcig pu/ bsod nams kyi gzhi dam pa/ dam pa'i chos kyi 'khor lo sgyur ba// sangs rgyas bcom ldan 'das kyi slad du de'i ring bsrel gyi snying po can gser dang bai DUr+ya la sogs pa rin po che'i rang bzhin gyi mchod rten chen po 'phang du 'og min gyi gnas kyi mthas gtugs pa/ rgyur stong gsum gyi stong chen po'i 'jig rten gyi khams kyi tshad dang ldan pa zhig byas te/ de la rjes su mthun pa'i gdugs zlum brtseg ma dang / rin po che thams cad kyi them skas bres shing beskal pa rdzogs par de la me tog dang bdug pa dang mar me dang / zhal zas dang / rol mo'i sgra dang / gdugs dang / rgyal mtshan dang / ba ngan la sogs pa mchod pa'i bye brag thams cad dang / gar dang glu dbyangs dang / rol cha rnam pa sna tshogs pa rnams kyis mchod pa byed la/ yang gang zhig sems can gcig bla zhig byang chub kyi phyir 'dul bar byed cing / yang dag par 'dzud par byed na/ mchod rten bzhengs shing mchod pa byed pa'i mo de bas yang dag par 'dzud par byed pa 'di ches mchog tu 'gyur te/ bsod nams ches mang po 'byung ba'i phyir ro// shi ba sbyong bdung / bu smyung g.yo ba bzhin no// skyes bu 'ga' zhig dus byas pa dang / de la mdza' bshes gnyis yod par gyur la/ de gnyis las gcig gis ni shi ba'i ro 'byin cing sbyong ba tsam zhig byas la/ gzhan gyis bro smad la sogs pa gso ba dang skyong ba byas na/ de'i ro sbyang ba tsam gyis ni ci zhig bya ste/ rigs brgyud srol ba byas pa mchog yin no// de bzhin du 'ga' zhig ni sangs rgyas bcom ldan 'das rnams yongs su mya ngan las 'das pa'i spur yongs su sbyang ba la 'jug la/ de bzhin du kha cig ni dam pa'i chos yun ring du gnas par bya ba'i phyir sangs rgyas kyi gdung brgyud rgyun mi 'chad par bya ba'i don du/ srog chags rnams byang chub tu sems bskyed pa la'o// de bzhin gshegs pa'i spur sbyong ba pos ni/ sangs rgyas kyi rgyud rjes su 'jug par byed pa ji lta ba bzhin du/ bsod nams kyi phung po rnams de lta bu bskrun pa ma yin no// 'di bshad pa/ gang phyir 'jig rten mthar thug par/ dkon mchog gsum rgyu ni ma bcad phyir// rgyud kyi sa bon btab gyur pa// de phyir de yi bsod nams che// byang chub sems dpa' 'dis ji ltar sems can rnams kyi don bya zhes na/ de dag gi bsam pa rjes su mthun par tha snyad byed pas so// de'i phyir des ches thog mar/ de la phan 'dod bla ma yis// slob ma la ni sri zhu bya// gang phyir des phan mi shes pa/ de phyir slob ma zhes bya'o// des blo 'chal pa'i phyir bla ma dag la bsnyen bkur bya'o snyam du mi shes so// de ni dul ba zhes bya ba'i 'dzol du gzhug par 'dod pa'i hwags kyi la du dang bur shing du ma bu la sogs pa dag gis glang po che smyon pa ltar rim gros gzhug par bya zhing / de nas do la nye bar dkri ba'i zhags pas btab nas bsdams pa'i skam khas yongs su sbyong bar byed pas dul ba'i lcags kyus bsdam par bya ste/ de ltar byed pa na phan par 'dod par 'gyur ro// de nyid kyi phyir 'di bdag la phan pa mi shes pa'i phyir rjes su bstan par bya ba yin te de'i phyir slob ma zhes brjod do// lteng rgyas 'od srungs bzhin te/ cho 'phrul dgu rgyas par lteng rgyas 'od srungs kyi mdo las brjod par bya'o// 'dir bshad pa/ tshig bstan dag gis sri zhur yang // byas te yid rjes bzung nas ni// de 'og bla mas slob ma la// byang chub sems ni bskyed par bya// byang chub sems ni bskyed nas de// khad kyis khang kyis rgya che yi// chos rnams dang ni zab mo yis// chos kyi tshul la yang dag dgod// ci ste slob ma gnod mi bkur bar 'gyur na// de ltar na yang nges de la skyo bar mi bya'i// de'i bshis ngan gang dag gis byas pa'i nyon mongs pa de dag gzhom par bya ste/ dper na/ khro yang 'byung pos bzung ba la// sman pa 'khrug pa min de ltar// thub pa nyon mongs dag gzigs kyi// nyon mongs dang 'brel gang zag min// 'di ltar gang zhig gang la 'khrugs pa des ni de la phan pa sgrub par mi nus so// de'i phyir rje dpon mkhros par gyur pa ltar de la rim 'gro byas nas mgu bar byed la/ de nas nyams ji lta ba dang / ji ltar bsten pa ltar phan pa byed te/ dper na sman pa skye bo gdon gyi brlams pas bshes kyang de la skyon du mi lta ba ni de la mi khro bar/ shin tu ches 'byung po bcos pa la rab tu sbyor zhing 'byung pos zin pa la phan pa'i bsam pa skyed par byed pa de bzhin du/ nyon mongs pa dag kho na gnod pa drag cing rtsub pa can du rig nas de dag kho na'i rtse ba gcad bar bya ba'i phyir ches tshabs cher go gyon to// gang du bdag nyid khros pa dag kyang mgu bar bya dgos pa der des gzhan khro bar byed pa zhes bya ba 'di la skabs med pa nyid do// seng ge mtshon 'phen pa po la bsnun pa bzhin no// ji ltar ri dgas kyi rgyal po seng ge 'phen pa po la bsnun gyi 'phangs pa la ma yin pa de bzhin du sangs rgyas bcom ldan 'das rnams dang byang chub sems dpa' rnams kyang nyon mongs pa dag la bsnun gyi/ nyon mongs pa dang 'brel pa dag la ni ma yin te/ de'i phyir gzhan dag gis kyang de kho na ltar rjes su brlab par bya'o// 'dir bshad pa/ 'di 'dir sems can skyon min gyi// 'di ni nyon mongs rnams skyon zhes// rnam par dpyid nas mkhas pa rnams// sems can dag la 'khrug mi byed// de'i phyir de ltar na slob ma la rjes su ston pa'i slob dpon gyis// gang zhig gang gang la dga' ba// ngo yo de de lngar spyad bya// nyams par gyur pa dam chos kyi// snod ni cis kyang ma yin no// phan pa nye bar 'doms shing gzhan gyi bsam pa yang dag par sun 'byin par mi byed pa/ dang po ches 'phel bar byed pa/ gzhan gyi bsam pa dang mthun par bsgrubs pas ni de nye bar lung dbog par bya'o// 'di ltar ser sna can ni sbyin pa'i gtam gyis mi dga' la/ tshul khrims 'chal pa/ tshul khrims kyi gtam gyis so// khro ba can bzod pa'i gtam gyis so// longs spyod pa 'dod pa sbyin pa'i gtam gyis dga' la/ mtho ris 'dod pa tshul khrims kyi gtam dang / gzugs bzang bar 'dod pa bzod pa'i gtam gyis so// de'i phyir de lta bu la sogs pa'i gtam dag sngar nye bar bstan nas phyis snod du gyur par shes par byas nus/ zab mo'i gtam dag gleng bar bya ste/ dang po kho nar rjes su mi mthun pa'i gtam gyis mi dga' bar gyur pa ni de las 'byol ba na phan pa nye bar ston pa'i snod nyid du mi 'gyur ro// skra mdzes kyi skyes rabs dang // mkhan po slob ma'i rjes su 'jug pa bzhin no// byang chub sems dpa' skra mdzes zhes bya ba sman par gyur pas tshong pa'i bud med 'dod chags kyis smros shing khyo shi ba'i ro phrag pas khur ba dbugs dbyung ba'i phyi ro bud med shi ba'i zla ba drug tu phrag pas khur ba ji lta ba dang / dgra bcom pas zas la zhen pas bdag nyid la sems snang ba'i nyes pa las slob mas bden pa dag mi mthong bar shes nas de dang bstan pa'i phyir zas bsres te snod gcig gis blangs pa gang yin pa de nyid phyis so sor snod mang pos khyer du bcug par gyur la/ de nas des rab tu dang bar gyur nas mkhan po'i thad du dgra bcom pa nyid mngon du byas pa ji lta ba bzhin no// 'dir bshad pa/ re zhig thog mar nyan pa po// sbyin gtam sogs la yang dag sbyar// snod du shes nas phyis de la// zab mo'i gtam ni bsnyad par bya// yang gang dag lan brgyar bzlog tu zin kyang yang dang yang du mi rigs pa'i lam de nyid bsten pa de dag ni byang chub sems dpa' rnams kyis yon tan dang ldan pa rnam pas chos shin tu snying brtse bar bya ba yin te/ de'i phyir/ ji ltar ma ni khyad par du// nad thebs bu la gdung 'gyur ba// de bzhin byang chub sems dpa'i brtse// dam pa min la khyad par du'o// snying rje ni gzhan dag gi sdug bsngal sel ba'i rnam pa can no// de ni de la dmigs pa'i khyad par gyis phul du byung ba dang ldan par skye ste/ ji skad bshad pa'i rang bzhin can gyi sems can mtha' las pa rnams da ltar byung ba'i kun nas nyon mongs pa'i sdug bsngal dang / 'byung bar 'gyur ba'i ngan 'gro la sogs pa myong bar 'gyur ba'i sdug bsngal gyis shin tu sdug bsngal ba de'i phyir de rnams la/ byang chub sems dpa' rnams kyi snying rje chen po khyad par dang ldan par 'gyur ro// de'i phyir byang chub sems dpa' sems spro bar gyur cing gzhan la phan pa'i bya ba lhur byed pa rnams ji ltar de dag la btang snyoms su 'gyur te/ spong ba lta smos kyang ci dgos/ 'di ni bu la byams pa'i ma bu nid kyis thebs pa la che so shin tu gus par byas te rim 'gro byed pa ji lta ba de ltar snal mar gnas pa'i ngo bo la ma yin pa de dang 'dra'o// gdol pa mos bu drug pa so so'i skye bo la bya ba ma yin ba dogs pa bzhin no// ji ltar gdol pa mo de dag la bya ba ma yin pa mi dogs pas bu 'phags pa'i gang zag lnga po bya ba ma yin pa byed pa bsad par bya'o zhes rgyal pos bkas sbran pa na nyen par ma gyur la/ de la bya ba ma yin pa dogs pas drug pa sbran pa na shin tu nyen par gyur pa de bzhin du byang chub sems dpa' rnams dam pa ma yin pa dag la lhag par snying brtse'o// 'dir bshad pa/ brtse ba'i bdag nyid can 'di rnams// sems can kun la sems snyoms mong // de lta'ang de rnams snying rje ni// sdig bdag can la khyad par du'o// gang gi phyir byang chub sems dpa' rnams kyi snying rje chen po dam pa ma yin pa dag la klags par 'gyur ba de nyid kyi phyir sems can gyi phung po shin tu sna tshogs pa/ bsam pa dang mos pa dang dbang po tha dad pa'i phyir/ la la'i slob mar 'gyur ba ste// gang zhig nga rgyal gyis khengs pa de ni yon tan lhag pa de la bsnyen bkur mi byed de/ de la ni gdul bar bya ba'i phyir slob ma nyid du rjes su 'jug go/ la la'i bla mar gyur te// gang zhig bdag nyid smang bcad du rig pa de la ni bla ma nyid du bsgrubs pa na khyad par bstan pa'i sgo nas rjes su ston to// de'i phyir de ltar na/ thabs rig sna tshogs thabs rnams kyis// ma rtogs sems can rtogs par byed// thabs sna tshogs la mkhas pas bsam pa'i dbye ba dpag tu med pas phye ba'i sems can gyi khams ji ltar 'tshams pa 'dul bar byed pa ste/ sman pa chen po snam chos dang sgra chos byed pa bzhin no// ji ltar sman pa chen po ni nang pa thams cad la gdon mi za bar snum chos mi byed kyi/ kha cig la sgra chos kyang byed pa de bzhin du/ byang chub sems dpa' rnams kyang kha cig la slob ma nyid du khas len la/ kha cig la bla ma nyid du'o// 'dir bshad pa/ sems dpa' che rnams slob ma'am/ sman po'am tshangs dbang du gyur nas/ ngo bo de dag gis sems can tshogs rnams 'dul bar byed/ je skad du bcom ldan 'das kyis/ grong ba'i dpon dang kha lo bsgyur gyur zhing / 'gron dpon khyim bdag dang ni rgyal po dang // blon po 'dun na 'don dang po nya dang // bstan bcos tshul shes sman pa mkhas gyur nas/ zhes bya ba la sogs pa gsungs so// de nyid kyi phyir byang chub sems dpa' sems can yongs su smin pa 'phel ba las mthu'i khyad par 'phel ba yin pa dang / ji ltar sman pa mkhas gyur pas// nad pa sgrub med dkon de bzhin// byang chub sems dpa' stobs rnyed nas// gdul bya ma yin shin tu dkon// sman pa mkhas pa zug rngu 'byin pa ni gsor mi rung bar sems shing nad pa 'ga' yang 'dor bar byed pa ma yin pa de bzhin du/ thabs la mkhas pa'i stobs nye bar 'phel ba/ sems can gyi dbang po mchog dang mchog ma yin pa shes shing / bsdu ba'i dngos po la mkhas pa yang gdul ba'i sems can thams cad la lta ba na 'ga' yang 'dor bar mi byed kyi/ nyams ji lta ba dang brten pa ji lta ba bzhin rnam par sbyong ba'i phyir dge ba'i sa bon snun par byed cing / de smin pa gcig nas gcig tu brgyud pas dus phyis de dag 'dul bar byed par 'gyur te/ seng ldeng gi chu nye bar spyod pa dang / slob dpon klu sgrub kyis gso dpyad mdzad pa'i rgyal bu bzhin no// ji ltar sman pa mkhas po gcig gis sa ljang gi chu'i sbyor bas phyug po zhig gos nad gsor mi rung ba zhig nye bar zhi bar byas pa de bzhin du/ byang chub sems dpa' mthu chen po thob pa rnams la yang gangal bar bya ma yin zhing gso bar bya ba ma yin pa shin tu dkon// yang ji ltar slob dpon klu sgrub kyis rgyal po'i bu'i sems kyi nang bud med 'dod pas bslang ba sman pa thams cad kyis ma shes pa zhig mkhyen nas nye bar zhi bar mdzad pa de bzhin du/ byang chub sems dpa' rnams kyang sems can gyi bsam pa dang bag la nyal yongs su shes pa las sems can thams cad kyi nyon mongs pa'i nang ril nye bar zhi bar byed do// 'dir bshad pa/ sems can dbang po la mkhas shing // thabs mkhas yongs su shes phyir te// des na byang chub sems dpa' la/ gdul min sems can shin tu dkon// de ltar mthu'i khyad par nye bar gyur pa'i/ byang chub sems dpa'i yul du ni// gal te 'ga' shig ma bskul pa9// ngan song 'gro bar 'gyur na de// blo ldan gzhan gyi smad byar 'gyur// gal te gang zhig bskul zhing brjed bskul na ngan 'gor mi 'gro ba de la sems can thams nga la phan 'dogs bar dam bcas pa la/ son pa'i byang cheb sems dpa' 'di mi bskul zhing dran par mi byed na ni dam bco' nyams pa 'di la byang chub sems dpa' gzhan rnams smod par byed do// de'i phyir bdag cag smad par 'gyur du 'ong ngo zhes ri ltar 'tshams pa'i chos bstan pas rang gi yul na gnas pa'i sems can rnams bskul bar bya'o// don mthun pa grub pa dang bde bas ded dpon chen po bzhin no// ji ltar gal te ngan mthun po 'ga' zhig mgon med pa nyid kyis sdug bsngal dang blang bar byed na ded dpon chen po dam pa rnams kyis dgongs pa yin pa de bzhin du/ 'di yang yin no// 'dir bshad pa/ brje can rdzu 'phrul ldan yul du// chos dang lhan cig ma sbyar bar// 'ga' zhig ngan 'gror 'gro 'gyur na// de ni mkhas pas smad par 'gyur// gzhan du na ni gang zhig nyen pa gzhan dag la// snying brtse legs shes mi 'dod pa// de rjes brtse bas mgon med pa// ga la ji ltar sbyin pa gtong // byang chub sems dpa' rnams kyis ni byang chub 'dren par byed pa'i chos thams cad kyi sngon du 'gro ba'i phyir snying rje 'dod pa yin no// las dang po'i byang chub sems dpa' gang zhig sdug bsngal la zhen pas nyen pa'i sems can gzhan dag la snying brtse ba legs so/ zhes bya ba mi 'dod pa de/ ji ltar bru ba tsha zhing ring ba mchu dang lce dang rkan dang khur chos bskams pa/ nyon mongs pa nyams thag cing slong ba mgon med la nyam chung ba zug gzer dang ldan pa dag la rjes su brtse bas sbyin pa gtong bar 'gyur/ de'i phyir byang chub sems dpa' rnams kyi gdon mi za bar thog ma kho nar sems can dag la snying brtse ba 'dod par bya'o// long ba las rdzas 'phrog pa dang lham gyi don du gsod pa bzhin no// gang zhig long ba nyon mongs kyi gam nas nor 'phrog pa brtse ba med pa de la bya ba ma yin pa gzhan ci zhig yod par 'gyur de bzhin du gang zhig nyen par gyur pa gzhan dag la snying brtse ba tsam yang yod pa ma yin pa de ji ltar sdug bsngal mang pos bsags pa'i nor mgon med ba dag la rjes su brtse bas gtong bar 'gyur/ de bzhin du gang zhig lham hrul po'i phyir gsod par byed pa des ji ltar de las gzhan gyis rdzas kyi ched du gsod par mi byed pa 'am 'ga' zhig la cung zad gcig ster bar 'gyur/ 'dir bshad pa/ gang la bu ltar sems can ni// kun la snying rje drag yod pa// de yi rdzogs pa'i byang chub phyir// mgon med dag la sbyin gtong nus// gal te de ltar byang chub sems dpa' rnams snying rje chen po'i dbang du gyur pa nyid kyis 'khor ba'i bar du 'gro ba'i don sgrub pa lhur len pa rnam par gnas na/ ris su lta ba'i sdug bsngal gyis nang par gyur pa gang dag de rnams la mang du sdang ba de dag gi gtam tshul ci zhig ce na/ bshad par bya ste/ 'gro la phan phyir gang zhig la// 'jig rten srid du gnas yod pa// de la'ang sor gnas ngag phyung na// sdung la bsam thag ci zhig yod// gang zhig phung po lhag ma med pa'i mya ngan las 'das pa'i dbyings kyi mthar thug par sems can gyi khams ma lus pa'i phun sum tshogs pa sgrub par byed pa phun sum tshogs pa phul du dbyung du med pa'i gter du gyur pa bsod nams kyi zhing byang chub sems dpa' de la rje bar mar gnas pa gang dag yin pa de dag kyang / de la sbyin pa dang ri mo dang rim gro la sogs pa dag gis bsod nams kyi khyad par nye bar ma bsags pas re zhig brlags na/ gang dag yid kyi skyon la sogs pa rnams kyi sdang bar gyur pa lta smos kyang ci dgos te/ de dag ni ngan 'gro dag tu sdug bsngal brgya phrag lhags pas nges par 'phung zhing rab tu 'phung bar 'gyur ro// de'i phyir de la gus pa dang ldan pas bar mar gnas pa dor te/ byang chub sems dpa' rnams la bsnyen bkur bya'o// smad 'tshong mas rkang pa g.yas pa ma smras sam dris pa bzhin dang / der ba lang dang / lug g.yengs pa dang / mkhar bas rgyal ba rnam par bshad pa dang / rgan po arka'i me tog za ba mthong bas khur skya dngal du bzhin no// shing mkhan 'ga' zhig gi bu mo grong gzhan zhig tu phyin la de'i pha'i drung nas mi zhig 'ongs te/ des de la kwa'i bdag gi o bo'i rkang pa g.yas pa ma smas sam zhes dris pas/ des de la g.yon pa ci'i phyir mi 'dri zhes smras pa dang / des de'i rkang pa g.yon pa smras pa la bdag rnam par mi dpyod kyi/ g.yas pa ni bdag the tshom za'o zhes smras so// de bzhin du gang dag byang chub sems dpa' la gtang snyoms su gnas pa de dag kyang re zhig phung na/ sdang ba rnams lta smos kyang ci dgos// yang mi 'ga' zhig gis glang po che la dbang du byas pa dag la gnag lug gtams par gyur la/ des dus gzhan gyi tshe 'ongs te 'a'i khyed cag bde 'am zhes dris pa dang / de dag gis kho bo cag la bde ba'i go skabs ga la yod/ gang gi ba glang thams cad g.yengs par gyur ba'i char rlung 'di 'dra ba byung ngo zhes smras so// de'i blo la gang du glang po che dag la bka' mching 'di ru gyur pa der ni gnag lugs g.yengs pa zhig go snyam du gyur te/ gnag lug gi gtam ma dris pa kho nar dong la// gang du lo ni drug cu yi// glang chen rgan rnams g.yengs gyur pa// der ni gnag dang lug g.yengs par// the tshom med par shes par bya// zhes bya ba 'di skad du yang smras so// de bzhin du gzhan zhig gis 'khar brgyal bas dkris te mdza' bo zhig gi khyim du bcol la des dus gzhan zhig na 'ongs te/ snyun gsol gyi gtam dris pa dang / des bde ba ga la mchis byi ba dag gis cher rtsos nas gnas te/ gang khyod kyis 'khar ba btams pas de yang zos so zhes smras so// mi de rkyal ta ma ma dris pa kho nar song la/ 'di skad du byi ba mche rnon rnams kyis ni// gang du dbyug pa'ang za 'gyur ba// der ni rgyal pa dbyug pa dang // lhan cig zos pa shes par bya// zhes kyang smra'o// de bzhin du rgan po rnams arka'i ma nyag za bar mthong nas/ kha cig gis shin tu za phod rgan po rnams// arka'i me tog rnams gang du/ za der la du dag dang ni// lhan cig khur skya zar shes bya// zhes smras so// de bzhin du byang chub sems dpa' la btang snyoms su gnas pa de dag kyang re zhig 'phung na/ sdang ba rnams la lta smos kyang ci dgos/ 'dir bshad pa/ 'di na mi gang lta zhig sems can thams cad la ni snying rab sdong 'gyur na/ rab tu sdang ba'i yid can de yi sdig pa gang zhig de ru bsdoms byas pa// de snyed sdig pa 'di na rgyal ba'i sras la khro ba bskyed pas 'thob 'gyur te// de phyir rgyal sras khyu mchog me dang 'dra bar bltas te yang dag spang bar bya// 'dir smras pa/ bsod nams dang ye shes kyi stobs dang ldan pa'i byang chub sems dpa' rnams kyi mchog tu bya dka' ba ci zhig yin/ bshad par bya ste/ gang la skye ba thams cad du// mngon shes lnga char yang yod pa// de yi dman par dman lha'i dngos// 'di ni shin tu bya dka' ba'o// gang de bzhin gshegs pa'i chos kyi longs spyod kyi ro zhim po bsam gyis mi khyab pa chog mi shes pa dang / spros pa med pa'i ting nge 'dzin la gnas pa dang bsod nams dang ye shes kyi 'bras bu bsam gyis mi khyab pa dang / sems thams cad kyi mchog spangs nas snying rje chen pos gzhan gyi rjes su 'jug pa nyid kyis/ sems can la phan pa'i don du srin bu dang phye ma leb dang / sdig sbrul dang / ma he dang / ri bong dang / spre'u dang / ri dwags ru ru la sogs pa'i skye ba yongs su 'dzin pa na/ gzugs de dang skad cig de dang des sems can gyi ris de dang de dag byang chub kyi phyir yongs su smin par byed pa 'di ni byang chub sems dpa'i bzod pa thob cing / mngon par shes pa ma nyams pa de dag gi mchog tu bya dka' ba yin no// de'i phyir de ltar na byang chub sems dpa' mchog tu bya dka' ba byed pa rnams kyi mchog tu bya dka' ba nyid 'di bltas nas/ byang chub sems dpa' la rab tu dang ba mchog bskyed par bya ste/ sems can la byams pa phul du byung ba mthong ba'i phyir ro// rgyal bu dang khyi'i skye ba dang / gong ma sreg gi skyes rabs bzhin no// rgyal po 'ga' zhig gis/ byes na 'dug cing bran mo dang lhan cig gnas par gyur la/ de las khye'u zhig skyes par gyur to// de la khye'u gzhan dag gis bran mo'i bu phar song / gang khyod su'i bu yin pa mi shes so zhes smras pas/ des song nas ma la bdag sus bskyed ces dris so// des smras pa rgyal pos so// des smras pa/ nyid kyi sras snoms shig ces rgyal po la bdag phul cig ce'o// des khyod kyang rgyal pos snoms par mi 'gyur la/ der bdag la yang brdung thag byed par 'gyur ro zhes smras pa dang / de ngu bar zhugs so// de nas bu'i sred pas brdung thag snying la bzhag ste/ rgyal po 'khor gyi dkyil 'khor na bzhugs pa la bu de lag brdas ston zhing gnas la/ rgyal po ni ngo gzhan du nus nas gnas so// de byis pa des bskul zhing yang de phyogs su song nas bu de ston par gyur la/ rgyal po ni slar yang de kho nar ltar gnas so/ byis pas ma la smras pa/ tshig gis smros shig lag brdas ci zhig bya/ de nas rgyal po de la bu'i gdung bas bran mos nyid kyi sras lag par mkhyen par mdzod cig/ kho mos yun ji tsam par du gsos pA bgyi zhes khyab par skad kyis zhus so// rgyal po des kyang ngo tsha nas bran mo mi bden par smra ba 'di gzhus shig ces skyes bu dag la lung bsgo la/ de dag kyang lag na lcug thogs te mngon par lhags pa dang / byang chub sems dpa' des ngang pa'i rgyal po 'dab ga shog rgyas pa ltar ma'i pang nas 'phar te na mkha' la brten nas rgyal po la bdag rgyal po'i bu yin par mi dgyes sam zhes smos so// de la rgyal po des pa spu langs mchi ma cung zad phyung / gser gyi gdan khri las langs shing lag pa gnyis brkyang nas tshig sub sub pos skyes bu dam pa gshegs shig/ re zhig lha'i rgyal po brgya byin yang sras khyod kyis rjes su 'dzin na bdag cag lta bu lta smos kyang ci 'tshal zhes smras so// smras nas kyang 'di ma dang bcas pa tshul bzhin du mchod par gyur to// byang chub sems dpa' 'ga' zhig tu khyi rnams la ma 'ongs pa'i gnod pa dag rig par byas nas khyi'i skye gnas su zhugs so// de nas de skyes pa tsam nyid nas dgon pa na gnas par mngon par brtson zhing rtag tu khyi dag dang lhan cig tu dgon pa'i mtha' gcig na gnas so// nam zhig na rgyal po rta'i shing rta la dga' ba zhig gi rto'i shing rta'i ko lpags khyi dag gis zos par gyur te/ de nas rgyal po bkyon par gyur pas khyi thams cad yul yul nas khug la/ dus gcig tu sod cig ces bka' stsal to// de nas byang chub sems dpa' sus kyang ma mthong bar rgyal po'i 'khor gyi dkyil na bzhugs ba'i seng ge'i khri'i 'og tu zhugs la/ rgyal po des kyang gzigs par gyur to// rgyal po rta'i shing rta'i ko lpags za ba 'dir 'ongs kyis/ 'ongs su zin kyang khyod mi btang ngo zhes kyang lung stsal lo// des smras pa/ gal te bdag phaman chad pa gsal bar thob cig/ rgyal pos smras pa/ khyod ko lpags bos pa'i phyir pham pa kho na ma yin nam/ des smras pa/ khyed cag pho brang 'khor ba nams nyon cig/ dud 'gro dag tu skyes pas ni bza' bar bya ba dang bza' bar bya ba ma yin pa mi shes so// gal te re zhig bdag kho nas zlos pa de lta na yang 'di ni de'i bsrung ba po rnams kyi tshul ma yin pa yin gyi bdag ni ma yin na/ yul drang grong khyer dang grong na gnas pa rnams la nyes pa ci yod// / de ni gcig gis zos kyis thams cad kyis ni ma yin la/ rgyal pos kyang thams cad la chad pas chod cig ces tshad mar ma byas par bka' stsal to// de'i phyir ci mi rnams pa yang chos 'di yin nam/ 'on te ma yin/ gal te de rnams la ma yin na ni mi snyoms pa nyid du thal bar 'gyur ro// de nas rgyal po de de lta bu la sogs pa'i snying 'dzin par byed pa mi'i tshig rmad du byung ba dag gis mnyes par gyur tI/ khyi'i gnod pa de yang bzlog par mdzad la/ chos la gzhol bar yang gyur to// de ltar na dman pa dag tu dman pa lta bu'i dngos po ni byang chub sems dpa' rgyu med par mchog tu mnyes gshin pa'i rang bzhin can rnams kyi shin tu bya dka' ba yin no// yang gi sgras ni mngon par shes pa mtha' dag smos so// de'i phyir de ltar byang chub sems dpa' rnams mngon par shes pa lnga char yang dag par ldan par gyur nas sems can la phan pa'i phyir/ dud 'gre'i skyes gnas kyi gnas gang ngag tu skyes pa ka pin dza la dang ne tso dang phug ron la sogs pa'i skyes rabs de dag dka' ba byed pa shes par bya ba'i phyir brjod par bya'o// 'dir bshad pa/ gang las sems can yongs smin phyir/ bsod nams phung po btang b+hUs+t+waM/ brtse bas ngan song du smra ba// las 'di dam pa'i dka' spyod do// yon tan gzhal du med pa nyid mthong ba'i phyir yang byang chub sems dpa' la dad pa bskyed par bya ste/ 'di ltar/ thabs kyis kun tshe bsod nams gang // shin tu yun ring bsags pa do// thams cad mkhyen pa'i gzhal bya yang // min zhes de bzhin gshegs pas gsungs// bsgral pa grangs med pa mang por bsags pas chen po nyid du bstan pa'i phyir shin tu yun ring zhes bya ba smos so// gang cung zad bsod nams 'byung ba'i rgyur gyur pa de mtha' dag lus dang ngag dang yid rnams kyis bsten pa'i phyir kun tshe zhes bya ba smos so// thabs ni mngon par 'dod pa'i don shin tu bya dka' ba yang 'bad pa med par sgrub par nus pa'i rgyu nye bar rtogs pa'o// de la thabs la mkhas pa'i stobs dpag tu med pas par mtshams med par bskal pa grangs med pa stong phrag brgyar nye bar bsags pa'i bsod nams ni na mkha' ltar mtha' yas pa'i phyir thams cad mkhyen pas kyang gzhal bar mi spyod na/ gzhan dag gis lta ci smos te/ byis pa'i skye bo'i 'khor ba'i lhag ma bzhin no// ji ltar byis pa'i skye bo'i 'khor ba'i mtha' yas pa de bzhin du/ byang chub sems dpa'i dge ba'i rtsa ba yang mtha' yas te/ snying rje chen po dang ldan pa'i phyir dang dus mtha' yas pa'i phyir dang / thabs mtha' yas pa'i phyir dang / sems can mtha' yas pa'i phyir ro// / 'dir bshad pa/ gang zhig rgya mtsho chu thigs dang // lhun po yungs kar sa gzhi ni// bag tsam ngag gis 'jal nus te// byang chub sems dpa'i yon tan 'jal// 'dir smras pa/ yang ci'i phyir skyes pa'i rabs la sogs pa dag las byang chub sems dpa' yon tan rin po che thams cad kyi gter du gyur pa rnams la yang sbyin pa'i sgra ji skad du snyan par 'don pa de skad du gzhan ma yin/ bshad par bya ste/ 'chi dang chos dang srid pa gzhan// sbyin pa'i sgra yis gsal byed pa// de phyir byang chub sems dpa' la// sbyin pa'i sgra ni rtag tu snyan// de la de ni gtub pa la'o// 'dab ni rngu ba la'o// zhes skad kyi dbyings gnyis po der sbyin pa'i sgra bye brag tu 'chang ba ni de'i tshe 'chi ba gsal bar byed pa ste/ de'i phyir skyo bo dang rjes su mthun pa'i phyir byang chub sems dpa' rnams la sbyin pa'i sgra spyan no// gang gi tshe daN+Da ni sbyin pa la'o// rlung nya ni sbyin pa'i la'o zhes bya ba de ltar yin pa de'i tshe ni gtong ba'i rjod par byed pa yin pa de'i phyir chos bsnyad do// gtong ba yang rnam pa gsum ste/ zang zing dang mi 'jigs pa dang chos kyi sbyin pa'i dbye bas so// de la zang zing gi sbyin pa ni sbyin pa'i pha rol tu phyin pa'o// mi 'jigs pa'i sbyin pa ni// tshul khrims kyi pha rol tu phyin pa dang / bzod pa'i pha rol tu phyin pa'o// chos kyi sbyin pa ni bsam gtan dang shes rab kyi pha rol tu phyin pa dag go// brtson 'grus ni thams cad du nye bar mkho ba'i phyir gsum kar yang 'gyur ro// de ltar chos rjod par byed pa yin pa'i phyir sbyin pa'i sgra ni snyan no// gang gi tshe de dang bsrung ba la'o// de ba ni sbyong ba la'o// zhes skad kyi dbyings gnyis po der sbyin pa'i sgra bye brag tu 'chad pa de'i tshe ni/ tshe 'di nyid du yul dag la lus dang ngag dang yid bsrung ba'i phyir dang / de yongs su dag pas ji ltar 'dod pa bzhin srid pa gzhan mngon par sgrub pa'i phyir na/ srid pa gzhan gsal bar byed pa'i phyir sbyin pa'i sgra byang chub sems dpa' rnams la snyan no// bsad par bya bas gtong ba thos pa bzhin no// bsad par bya ba la thar pa'i sgra las sgra gzhan ches snyan pa 'ga' yod pa ma yin pa de bzhin du/ byang chub sems dpa' rnams la yang sbyin pa'i sgra snyan pa las ches snyan pa'i sgra gzhan med de/ de ni bsod nams dang mi rtag pa nyid dang / srid po gzhan gsal bar byed pa'i phyir ro// 'dir bshad pa/ gang phyir sbyin pas gtong po dang // len pa po la bde 'dren pa// de phyir sbyin sgra rdzogs pa yi// byang chub sems dpa' la rtag snyan// 'dir smras pa/ gang byang chub sems dpa' rnams kyi sbyin pa kho na mtha' yas kyi// gzhan dag gi ni ma yin no zhes bya ba khyad par ci yod 'bras bu la mi bltos pa'i phyir ro// gang zhig 'dir byin po yi sbyin pa la// 'bras bu chen po 'byung 'gyur zhes// len dang yongs su gtong ba ni// tshong spogs bzhin du smad par 'gyur// gzhan dag 'bras bu bsngags par byed cing gtong ba dang len pa sgrub par byed pa de ni ji ltar tshong pa dag khe'i phyir rdzas gtong ba de dang 'dra la/ byang chub sems dpa' rnams ni snying rje chen po'i gzhan gyis dbang du gyur pas gzhan mngon par mtho bar bya ba'i ched kho nar yongs su gtong ste/ de'i phyir de rnams kyi sbyin pa las byung ba'i bsod nams la zad pa med do// / yo byad thams cad btsongs pa'i khe bzhin no// ji ltar yo byad thams cad btsongs par gyur pa dang / rdzas dang bcas pa'i tshong ba la khe tsam kho nar 'gyur gyi bsod nams ma yin pa de bzhin du/ 'bras bu 'dod pa'i sbyin pa po la longs spyod chen po nyid du 'gyur gyi thar pa ni ma yin te/ 'khor ba'o btson ra'i khang par bsdams pa'i phyir ro// 'dir bshad pa/ sbyin gang ser sna dang bral ba// snod dam snod min de dag la// mnyam par sems snyoms pas gtong ba'i// sbyin do sbyin pab po las dag/ brtse bas sbyin dang sbyin pa'i 'bras// gnyi ga'ang cig car don gnyer la// gtong ba'i sbyin gang ser sna med// de ni dam pa rnams kyis bsngags// de'i phyir de ltar na/ rgyud dge ba la gcig tu gtad cing gzhan la phan gdags pa'i phyir 'khor ba'i bar du gnas pa/ sems can gyi phung po mtha' yas pa ltar rgya che ba'i bsod nams gzhal du med pa nye bar bsags pa/ gang la phyogs tsam gyis don ma yin pa byas pa las mi dge ba gang 'phangs pa 'am nye bar bsogs par gyur pa/ sngar byas sdig pa de yang ni// yod nyid yod pa ma yin pa// dge ba'i las can de la ni// sgrub min zhes bya yod ma yin// bsod nams ma yin pa chung ngu yang med pa'i phyir dang / dge ba'i rtsa ba nye bar bsags pa'i khyad par mi phyar na/ mtha' dad+ma dulta bu te/ chung lta bu'i mngo bon rgyab nga brjod bsdus pa ni// lan tsha sra 'ga' chu ni nyung ngu zhig/ me sku'i kyi bami ga yin na/ de bzhin sdig 'i sa kyang dge sa yi// rtsa ba u du me yangs la mkhyen bgyi// zhes bya ba'o// yi bshadapa/ gis sgrib pa rnams// rnam pa kun tu spangs gyur pa// mya 'dis pa yang med// te ltar byang chub sems dpa' gcig tu dge ba'i phyir mi ldog pa yin na// mya 'gro zhe na/ bshad par bya ste/ rlabs chen yid kyin des na// nag shan yod min te// des na da srid pa/ mya nan 'das la khyad bar med/ gang gi phyir byang chub sems dpa' yid rgya che zhing nye bar mi dmigs pa yin la/ ma bo sa lakha man pa'i yi ma pa mongs pa thams don mongs shing chus pad+ma lta 'khor pa'i mtshor yid nye bar nyon me phyir de la 'di na yang gnod pa med do// la ni skye bsogasami lnga srams 'angs pa la khyang las 'das par mi 'gro'o// bu gcig pa na ba'i rim gro ma bzhin no// ji ltar bu gcig pa na ba'i rim gro byed pa na ma yid mi 'byung ba de bzhin du/ byang chub sems dpa' rnams kyang nyon mongs pa'i nad thams cad nye bar zhi bar bya ba'i phyir rim gro de dang de byed pa na/ skyo bar yang mi 'gyur ro// 'dir bshad pa/ dbang bcu rnam dag dbang gyur pa// kun kyang gang dag la yod pa// de dag la der srid pa 'am// mya ngan 'das khyad ci zhig yod// skad du 'phags pa ting nge 'dzin gyi rgyal po las// ye shes kyis ni phung po stong par shes// shes nas nyon mongs rnams dang nga mi 'grogs// tha snyad tsam gyis rnam par spyong byed cing // 'jig rten 'di na mya ngan 'das par gnas// / zhes gsungs so// 'dir smras pa/ sems bskyod pa dang po nye bar bzung nas byang chub sems dpa' rnams la phal cher dbang 'byor par 'gyur ro zhes bya ba 'di la rgyu ci zhig yang / bshad par bya ste/ gang la ku mtshe sems dbang ni// nyid las skye ba yod gyur pa// de ko rgyu cis 'jig rten ni// kun gyi mnga' bdag 'gyur ma yin// gang gi phyir byang chub sems dpa' bsod nams dang ye shes kyi stobs dang ldan pas bsams bzhin du srid pa yongs su len par byed pa des rgyu cis thams cad kyi tshe 'jig rten thams cad kyis mnga' bdag tu mi 'gyur// yid bzhin gyi nor bu bzhin dang / dpag bsam gyi shing chen po dang / bum pa bzang po bzhin no// jiltar yid bzhin gyi nor bu 'dod pa'i dor ster ba de bzhin du byang chub sems dpa'i sems kyang yin la/ yang ji ltar dpag bsam gyi shing 'jig rten yongs kyi yid la mngon par 'dod pa'i gnas skabs kyi 'bras bu ster bar byed pa yin pa de bzhin du byang chub sems dpa' yang yin te/ de'i phyir dge ba'i rtsom pa sems cad 'di la rag las pa yin no// 'dir bshad pa/ gang dag la ni yid dag dang // bsod nams stobs yangs yod gyur pa// de dag bsam bzhin 'gro bar ni// mi 'gyur zhes 'di rgyu ci yod// byang chub sems dpa'i mthu las kyang de'i spyod pa'i 'bras bu'i ngo bo sangs rgyas bcom ldan 'das dpe mi mnga' ba mthu'i khyad par bsam gyis mi khyab pa gang dag gcig ni rang gi lhag par mos pos 'bul ba nyid kyis sangs rgyas bcom ldan 'das mthu bsam gyis mi khyab pa mnga' ba de de ltar mi rtogs pa 'ba' zhig tu ma zad kyi/ 'on kyang bskur ba 'debs par yang byed de/ de skad du yang / de bzhin gshegs pa ni thams cad mkhyen pa ma yin te/ skyes bu nyid yin pa'i phyir mi gzhan bzhin no// zhes smra'o// de'i phyir 'dir de bzhin gshegs pa ni thams cad mkhyen pa ma yin te/ zhes smra ba 'di la 'di skad dri bar bya ste/ gang dam bca' ba'i tshig gnyis nyes par bkod pa de ci don gcig pa zhig gam/ 'on te don tha dad pa zhig yin grangs// don gcig go zhe na ni/ zlos pa'i nyes par 'gyur ro// don tha dad do zhe na/ brjod par 'dod pa'i don go bar byed pa ma yin no// brjod du med pa yin no zhe na/ brjod du med pa nyid 'di ci zhig/ gal te brjod pa nyid med pa nyid yin na ni/ de'i phyir tshig 'di gnyis ma smras pa nyid kyi phyir don ci yang go bar mi byed do// ci ste de nyid dang gzhan nyid du brjod du med pa nyid kyi phyir brjod du med pa yin no// zhe na 'o na ni ji skad du brjod par bya ba de skad du brjod gyis shig/ gang cig ma yin zhing gcig pa yin pa yang ma yin pa'i dngos po de lta bu ni srid par bya ba yang mi nus so// de'i phyir de ltar rang gi dam bca' ba'i ngag gi don khong du chud par mi nus pas ko rtsod pa ga la rnyed/ gtan tshigs 'di yang dam bca' ba las tha dad pa zhig bsgrub bya'i don go bar byed dam/ tha mi dad pa zhig yin grang / gal te tha dad na ni de tha dad pa nyid kyi phyir go bar mi byed de/ tha dad pa gzhan bzhin no// ci ste tha mi dad na/ de lta na yang dam bca' ba'i rang gi bdag nyid ltar go bar mi byed do// gal te 'di ni ltag chod zhig go zhe na/ lan yod na ni ltag chod du 'gyur ba zhig na do yang nga la gdab par mi nus te/ gang dang gang smras pa de dang de gnyi ga la grub pa med pa'i phyir ro// gang zhig gnyi ga la 'grub par 'gyur pa bdag gis ni ci yang khas ma blangs so// ci khyod la thams cad med dam zhe na/ re zhig thams cad nyid brjod par bya dgos te/ de nas de yod pa'am med pa zhes bya ba der 'gyur ba thams cad ces bya ba'i dngos pa 'ang ci zhig/ tsa sna khyod kyang med dam/ tsa khyod yod pa zhig gam/ yod nan ru zhig bdag sgrubs shig/ bdag dang gzhan dang gnyi ga dang rgyu med pa las rnam par dpyad pa na khyod la yod pa nyid med la/ de bzhin du rgyu la yang yod pa dang / med pa dang dus gsum du yang mi srid pas ji ltar khyod kyi yod pa nyid du 'gyur/ khyod la 'jig rten pa dang 'gal bar 'gyur ro zhe na/ bdag dang 'jig rten mi 'gal te/ 'di ltar bdag ni khyod la yang rnam pa gzhan du zhugs la/ 'jig rten la yang rnam pa gzhan du yin no// khyod ni mkhas par rlom pa zhig ste/ bdag gis tshig 'di lta bus de'i mkhas par rlom pa nyid de sel bar byed do// khyod ni des 'jig rten bslu bar byed de/ de bsal bas 'jig rten yongs su bskyangs par 'gyur ro// gang gi tshe 'jig rten dang lhan cig smra ba de'i tshe na ni 'jig rten gyi rtogs pa ma bsal bar 'jig rten pa'i dngos po la tha snyad du byed de/ bdag dang 'jig rten la ni 'jig rten pa'i don la tshig tha dad pa 'am blo tha dad pa 'am blo tha dad pa med la/ khyod ni rang gi blos phyin ci log tu rtogs pas bslus la/ rjes su dpag pa gtsor byed cing bdag nyid mkhas par khas mchis nas 'jug pas kho bos de mi bzod do// khyod ji lta ba de bzhin du grub pa'i mtha' gzhan gyis bslus shing mkhas par rlom pa gzhan rnams kyang yin pas thams cad kyang bdag gis dgag par bya'o// rjes su dpag pas gtso bor gyur pa 'di la ni mi 'dod pa mang por 'gyur te/ ma la sogs dag kyang 'di'i dgod byar 'gyur te/ bud med nyid kyi phyir rang gi chung ma bzhin no// de bzhin du 'di'i ltar na rig byed kyi sgra yang rtag pa dang ma byas pa dang rang 'byung dang tshad mar mi 'gyur te/ sgra nyid yin pa'i phyir smyon pa'i sgra bzhin no// 'di ni bram zer yang mi 'gyur te/ lag pa la sogs pa dang ldan pa nyid kyi phyir nye ba la sogs pa bzhin no// zhes 'di'i mngon par 'dod pa thams cad nyams par 'gyur ro// 'dis 'jig rten gyi gnod pa gzhug par yang mi nus te/ 'jig rten gyi mthong ba tshad ma nyid du thal ba'i phyir la/ 'jig rten dang 'gal ba'i don smra ba tshad ma ma yin pa nyid du thal bar 'gyur ba'i phyir ro// nas dang til dang sa lu la sogs pa ngag ltar rgyu'i khyad par las 'bras bu'i khyad par khas len pas 'gro ba'i bla ma de bzhin gshegs pa rnams kyi bsam gyis mi khyab pa nyid khas blang bar nus pa nyid de/ 'di ltar/ phul 'gro las ches phul 'gro ba// 'ga' zhig 'jig rten 'dir yang snang // des na bsam mi khyab mthu yang // nges par yod ces rtogs par gyis// rigs kyi phul du byung ba bram ze la thug pa dang / skye ba'i gnas kyi phul du byung ba 'du shes med 'du shes med min gyi skye mched la thug pa dang / ri bo phul du byung ba lhun po la thug pa dang / rgyal po'i phul du byung ba 'khor los sgyur ba la thug pa ji lta ba de bzhin du shes pa'i phul du byung ba yang rnam pa thams cad mkhyen pa'i ye shes kyi mthar thug pa 'byung bar 'gyur ro// de'i phyir phun sum tshogs pa dag gi khyad par gyi gnas skabs mthong ba'i phyir 'di yang phul du byung ba dang ldan par 'gyur ro zhes bya bar srid de/ rgyu yang dag par sbyar ba dag gis rang dang mthun pa'i 'bras bu phun sum tshogs pa nye bar skyed par byed do zhes bya ba 'di ni byis pa'i bar la rab tu grags so// rgyu ni byang chub sems dpa' rnams kyi 'byor pa shin tu rgya che zhing nyams par rtogs pa med pa yin la/ 'bras bu yang de dang rjes su mthun pa de bzhin gshegs pa yin pas 'gro ba'i bla ma rnams kyi yon tan bsam gyis mi khyab pa'i 'byor pa rgya chen po srid do// 'bru mar gyi bum pa brgya nye bar sbyor ba la dge sbyong gi rkyen bzhin no// dge slong mkhas pa 'ga' zhig gnas kyi ched du dbul po zhig gi khyim du zhugs la/ dbul po des kyang de la rkang po bsku ba'i 'bru mar dang mal cha bstabs par gyur to// de nas gang zhig yul der yul dpon du gyur pa des dge slong de 'ongs so zhes thos par gyur pa dang / des dge slong de'i gan du 'ongs nas ci bgyi bka' stsol zhig ces dge slong de la gus pas gsol ba btab bo// dge slong des gang gi khyim du kho bos mtshan mo gnas bcas pa'i skyes bu 'di la 'bru mar bum pa brgya byin cig ces smras la/ des kyang de bzhin du byas te de ltar na 'jig rten phul du 'gro ba bas ches phul du 'gro ba mthong ngo // rjes su dpag pa 'dis ni gang zhig bsam gyis mi khyab pa mthu'i stobs khyad par du gyur pa de 'ga' zhig yod do zhes bya bar rtogs par bya'o// 'dir bshad pa/ mngon sum min don gang de dag/ mngon sum don gyis rtogs bya de// med ces bya bar brjod min te// tshe kun tshe rnams la 'gyur ro// 'dir smras pa/ yang ci'i phyir sems can 'di dag phal cher theg pa chen po la skrag cing / ji skad bshad pa'i mthu'i khyad par la yang mi gus par 'gyur/ skrag pa'i phyir ro// 'di ltar// blun la shin tu zab chos la// skrag pa skye ba ji lta ba// de bzhin gzhan la shin tu ni// rmad 'byung chos la skrag pa skye// ji ltar blo zhan pa rnams thun pa'i rang bzhin can nyid kyis rab tu rnam par 'byed par mi nus pa'i phyir rten cing 'brel bar 'byung ba zab mo rang bzhin gyis ma skyes pa'i mtshan nyid can bdag dang bdag gi ba dang bral ba la skrag pa de bzhin du/ phra mo lta bu rnams kyang rgya che ba'i khyad par dang ldan pa'i chos la yin te/ de'i phyir byis pa rnams ni mos pa dman pa nyid kyis de bzhin gshegs pa'i phul du byung ba gcig gis gcig tu brgyud pa'i mthar thug pa de la mi dad do// de las de med pa yang ma yin te/ de mngon par 'dod cing 'gro ba mtha' dag rjes su 'dzin par 'dod pas zab pa dang rgya che ba'i chos kyi tshul gsal bar byed pa'i theg pa chen po la rab tu dad pa bskyed de/ de la lhag par mos pa la bdag nyid nges par sbyar bar bya'o// 'phags pa lus bzang bzhin no// ji ltar sa bdag 'phags pa lus bzang khyim par gyur pa/ ri dwags kyi brtul zhugs can ri dgas mo la log par zhugs par mthong nas dge slong rnams la yid mi ches par gyur zhing / nga'i gnas skabs ci zhig tu 'gyur zhig gu/ gang du ri dgas kyi brtul zhugs can rnams la/ ji lta bu sdug bsngal bar gyur pa dag la 'khrig pa'i goms pa mi ldog na/ yang 'di ltar mchog tu bde bar gyur pa'i shAkya rnams la ldog pa lta ci smos zhes klas kyi nang du dge slong 'jug pa rnams la 'jig par yang gyur to// gna' tshe sna tshogs bshes gnyen gnas 'jog kan nA ser kya chu klung za ba rnams// na chung rnams kyis mig dkyus ring pos bltas pa dag gis chu so'i dbang byas na// mar dang bcas shing sran tsheng shar bcas zho mchog gis brgyan kha zas zos gyur nas// gal te shAkya rnams kyi dbang thul gyur na 'bigs byed rgya mtshor 'byo bar 'gyur/ zhes kyang smra'o// des btsun mo'i 'khor nas dge slong bzlog la/ de spun zla thu bo mkhas pa rgyal po mya ngan med kyis bsad bar bka' lung stsal ba'i thabs kyis btul bar yang gyur to// de bzhin du blun po yang zab cing shin tu rgya che ba'i chos 'di la mos par ji ltar 'gyur te/ lhag par zhen pa 'thob pa smos kyang ci dgos/ 'dir bshad pa/ zab pa dang ni rgya che'i gtam// phal cher theg pa tshe las bstan// des na yid chung dman pa rnams// 'di las skrag pa yang dag skye// chos 'di blo chung rnams dang ni// dman pa rnams kyi'ang spyod yul min// chos 'di sangs rgyas sras rnams kyi// yul du rgyal ba rnams kyis gsungs// lha yi theg dang tshangs pa'i theg/ nyi che ba yi theg pa gang // thams cad theg pa chen po yi// gnas chen 'dir ni 'du bar 'gyur// de phyir 'od ni theg chen nam// gang phyir che rnams kyis bsten pa 'am// yon tan chen po nyid kyi phyir// che rnams kyis 'di bzung ba 'am// yon tan phung po chen por ni// mya ngan 'das rnams phan 'dogs pa 'am// dam pa rnams kyis mchod pa'i phyir// 'di ni theg pa chen por 'dod// slob dpon 'phags pa lha'i zhal snga nas kyis byang chub sems dpa'i rnal 'byor spyod pa bzhi brgyu pa las/ byang chub sems dpa'i spyod pa bstan pa ste rab tu byed pa lnga pa'i 'grel pa'o// // yang de ltar byang chub sems dpa' yon tan gyi tshogs phul du byung ba khong du chud pa/ 'gro ba'i gonyen gcig pu// des ni rgyud po thams cad 'byung ba'i gnas ni 'khor ba yin no// zhes rig par bya ste/ 'gro ba rnams la bcad par bya ba'i phyir sgrim pa dang ldan par bya dgos so// de ni ci nas slar mi 'byung ba'i chos can du 'gyur bar rgyu bkags pa las dgag par bya la/ de'i rgyu yang nyon mongs pa rnams dang las rnams yin no// de'i phyir 'dul ba'i skye bo rnams nyon mongs pa dang las 'di dag tshor bcad pa la sbyar bar bya'o// gal te de ltar na rab tu byung ba rnams la ci'i phyir gtsug lag khang dang kha zas dang chos gos gya nom pa la sogs pa yongs su longs spyod par gnang / 'di ltar/ gtsug lag khang chos yid du 'ong ba sa gzhi bltar ba sna tshogs pas brgyan pa/ rtsig pa mtshon mdog yid du 'ong bas bskus pa skar khung yangs pa/ sbrang bu mchu rings dang sha sbrang dang sdig sbrul dang bral ba dang / ras 'jam pos gtum pa'i stan dang rngas nang tshangs can gyis mdzes par byas pa'i khri 'degs dang bcas pa can dag yongs su longs spyad pa'i phyir gnang la/ de bzhin du bza' ba dang btung ba dri zhim zhing shin tu 'jam pa'i tshed ma ro brgya pa dang / sha dang zho dang 'o ma dang mar dang rgyal mo ka ras rgyan pa yongs su longs spyod pa dag dang / chos gos rin 'bum phrag ri ba dag yongs su longs spyod pa'i phyir gnang ba yin no// gang gi phyir 'di dag thams cad ni bde ba dang rjes su mthun pa yin zhing / bde ba sgrub par byed pa dag kyang 'dod chags kyi gzhi yin la/ thog mar gzhi yongs su spangs pa'i sgo nas kyang nang dag phyiraru btso bar bya'o// de'i phyir sdug bsngal phal che ba'i lam bsgrub par bya ste/ dper na gcer bu pa dag bzhin no// ji skad nye bar bstan pa bzhin gnas shing rlung dang nyi ma grang zhing tsha ba dag gis mngon par bcom pa dri ma'i 'dam gyis lus spags pa de dag ni sgo 'bal ba la sogs pa'i sdug bsngal sron pa nyid kyi phyir dka' thub can zhes bya'o zhe na/ bshang bar bya ste/ bde bas 'dod chags 'phel 'gyur zhing / sdug pas khro ba 'phel 'gyur na// ci ste dka' thub can min zhing // sdug pa dka' thub can cis yin// gal te bde bas 'dod chags 'phel ba'i phyir/ bde ba myong bar 'gyur ba'i yul yongs su spangs pa mchog tu 'gyur ro// snyam na ni sdug bsngal gyis kyang khro ba 'phel ba'i phyir sdug bsngal myong bar 'gyur ba'i yul yongs su spang ba yang mchog tu btus par 'gyur ba ma yin nam/ de'i phyir khyod la rgyu gang gis bde bar 'gyur ba dka' thub can ma yin pa dang / sdug bsngal can dka' thub can du 'gyur/ gang gi phyir nyon mongs pa gdung bar byed pa las dka' thub can yin na/ 'di dag ni gnyis char yang 'dod chags dang zhe sdang gi me dag gis gdung ba'i phyir/ ji ltar gcig dka' thub can la cig shos ma yin/ gzhan yang 'dod chags dang zhe sdang dang sdug pa dang mi sdug pa'i mtshan ma lhag par sgo btags pas bskyed pa dag ni bde ba dang sdug bsngal myong bar 'gyur ba'i yul tsam nye bar longs spyod pa yod kyang skye bar mi rigs te/ 'dod chags dang bral ba rnams la yang de skyed par thal ba'i phyir ro// sbyangs pa'i yon tan dang yo byad bsnyungs pa ston pa las bde ba myong bar 'gyur ba'i longs spyod pa bkag pa shAkya 'dod chags can rnams la yang 'dod chags skye bar lta ga la 'gyur la/ gtsug lag khang dang zas dang chos gos gya nom la sogs pa longs spyod pa'i phyir zhe sdang can rnams la yang zhe sdang 'byung bar lta ga la 'gyur/ de'i phyir rnam thams cad du shAkya rnams kho na dka' thubo can yin te/ 'dod chags dang bral ba ltar kun tu 'dod chags can yang thabs kyis nyon mongs pa 'dul ba la zhugs pa'i phyir ro// phyi rol pa dag ni skye bo rnam par rmongs pas nye bar bstan pa'i lam gyi rjes su 'gro bas rtag tu nyon mongs pa'i gdung bas gdungs pa nyid kyi phyir dka' thub can ma yin par 'gyur ro// bu ram shing tshir ba bzhin no// ji ltar bu ram shing btsir bar gyur dang bu ram gyi khu ba dang / tshigs ma dang / bu ram gyi dbu ba dang hwags dang rgyal mo kar la sogs pa rnams 'thob par 'gyur pa de bzhin du/ shAkya rnams kyis kyang sdug pa dang mi sdug pa'i mtshan ma'i sgro mi 'dogs pa'i phyir 'dod tshugs la sogs pa'i nyon mongs pa gzir ba yin dang / mthong ba'i chos dang phyi mar bde ba'i khyad par sna tshogs 'thob par 'gyur gyi/ sdug bsngal gtso bor gyur pa rnams kyis de ltar ma yin no// 'dir bshad pa/ mi gang mkhas bde 'dod chags kyi// mi yi gdung ba bzod pa de// don dam par na dka' thub can// sdug la 'dod chags me yod min// gal te phyi gdung nang rmongs phyir// dka' thub can de nyid du min// ri dwags 'dab chags thams cad kyang // ci phyir dka' thub can mi 'gyur// chos mi mthun phyir rig pa yis// gnyis kyis dka' thub can mi 'gyur// 'di na tsha grang dag cig tshar// gnas yod ma yin ji bzhin no// gal te 'dod pa tshad ma na// chos dang chos ni ma yin pa'i// gdung la 'dod pa mtshungs par 'gyur// gal te dam pa'i blo chos na// dam min blo yis chos mi 'gyur// 'dod chags la sogs pa de dag spong bar 'dod pas de dag gi las shes par byas nas/ de dag gi gnyen po bsten par bya ste/ de la/ 'dod chags las ni sdud pa ste// khro ba'i las ni rtsod pa'o// 'byung ba kun la rlung bzhin du// gti mug las ni gsos 'debs pa'o// 'dod chags ni de la mngon par chags pas sems can dang sems can ma yin par bgrangs pa'i dngos po yang dag par 'dzin par byed de/ de'i sman ni 'khor 'dab spong ba'o// khro ba ni kun nas rgyab kyis phyogs pa'i phyir na 'thab pa dang rtsod pa'i las can te/ de'i sman ni tshogs sdud pa gtong ba dang byams pa'i rjes su 'jug pa dang / yid dang mthun pa'i gtsug lag khang dang zas la sogs pa yongs su longs spyod pa'o// gti mug ni mchog dang mchog ma yin pa mi shes pa'i phyir kun nas nyon mongs pa'i tshogs thams cad yongs su gsal bar byed do// ji ltar rlung ni me la sogs pa 'byung ba chen po rnams lhag par 'jug pa'i sgra nas/ me'i 'bar ba dang chu'i grang ba nyid dang / sa'i sra ba nyid gsal bar byed pa de bzhin du/ gti mug kyang 'dod chags dang zhe sdang gnyis shin tu chen po nyid skyed par byed de/ rang gi dmigs pa la skyon du mi lta ba'i phyir ro// de'i sman ni dngos po'i bdag nyid ji lta ba bzhin rab tu rnam par 'byed pa la sogs pa'o// / chu'i srin bu mes sgrog par byed pa bzhin no// dper na chu'i srin po ni bsnyams pa dang / 'byed pa dang rab tu sbyin pa la sogs pa dag gis sgrog par bya bar mi nus kyi chad pa kho nas nus la/ de la yang shin tu gzhon sha chags pa'i phyir na me kho nas yin gyi gzhan gyis ma yin pa de bzhin du/ 'dod chags dang zhe sdang dang gti mug rnams kyang sdud pa dang rtsod pa dang btang snyoms ngag gis bzlog par mi nus kyi/ ye shes kyi me kho nas bzlog par sgrub par nus so// rab tu zhi phyir mnyam phyogs rung min zhing // nor sogs dag las sbyin pa bsngags min la// dpung snyems skye bo dbye bas sgrub min te// de la bdag 'dir pha rol gnon par 'dod/ ces smra'o// de bzhin du/ thub chen khyod kyis gang gsungs pa// de nyid legs par tshar phyin te// nyon mongs ye shes kho na yis// rtogs kyi las gzhan gyis ma lags/ shau'o// rnam par rtog pa gzhan yang ste/ chu'i srin po la la zhig chu la rgyu ba dag gis 'tsho ba rtog par byed la/ de nas phyogs der nya pa gnyis shig mngon par 'ongs so// de nas chu'i srin pos mi'i gzugs su sprul nas de gnyis la dris pa/ khyed cag su yin/ ci byed par 'dod/ de gnyis kyis smras pa/ nged cag ni nya bar shes par byos shig/ nya bshor ba'i phyir 'ongs so// smras pa/ de ltar na khyed gnyis las gcig gis me spor ba'i las gyis la/ gnyis pas 'tshed pa'i las byos shig/ bdag gis nya sbyin par bya'o// de ltar na'o skol cag gi zas kyi tshul gegs med par legs par 'grub par 'gyur ro// de gnyis kyis kyang de bzhin no zhes khas mchis nas/ rang rang gi las nan tan du byas so// ji ltar chu'i srin po'i las nya sdud pa yin pa de bzhin du 'dod chags kyi las kyang thams cad sdud pa'o// ji ltar mi gnyis pa'i las 'tshed pa yin pas bzhin du/ khro ba'i las ni rtsod pa yin te/ de ni rtsod par byed pa na mi snyan zhing zhe gcod pa la sogs pa dag gis gzhan 'tshed par byed do// ji ltar gsum pa'i las me spor ba yin pa de bzhin du gti mug gi las kyang ste/ de ni 'byung ba thams cad la rlung bzhin du/ 'dod chags dang zhe sdang gnyis gsos 'debs par byed do// ji ltar rlung ni mtshan nyid mi mthun pas 'gal bar gyur pa'i me dang chu dag la ches grang ba nyid dang gro ba nyid skyed par byed pa de bzhin du/ gti mug kyang 'dod chags dang zhe sdang mtshan nyid mi mthun pa dag shin tu chags pa dang sdang ba skyed par byed do// 'dir bshad pa/ chags pas bud med dag la spel// zhe sdang gis ni byams pa 'joms// de la rmongs phyir thun pa yis// yang dag nyes pa mi mthong ngo // de la 'di snyam du 'dod chags la sogs pa rnams zil gyi mnan pa la/ thabs 'di yod mong / de dag ni spang bar bya ba'o zhes bya ba 'di ga las snyam na/ sdug bsngal gyi gzhi yin pa nyid kyi phyir ro// 'di ltar/ ma phrad pa las 'dod chags ni// sdug bsngal spungs med las khro sdug/ yongs mi shes las gti mug ste// de dag gis de dag mi rtogs// 'dir 'dod chags ni 'dod chags kyi gzhi mngon par 'dod pa'i yul ma thob pa las sdug bsngal yin la/ khro pa ni stobs dang ldan pa gzhom par mi nus pa las sdug bsngal yin zhing / gti mug ni don zhib mo yongs su mi shes pa las sdug bsngal yin no// de'i phyir 'di dag ni rgyu 'di dag gi sgo nas sdug bsngal du gyur la/ de dag nyid kyis zil gyis gnan pa'i// de dag nyid yongs su mi shes pa gang yin pa 'di ni/ 'di'i cher sdug bsngal ba'o// de'i phyir de ltar na sdug bsngal gtong pas rtsub pa nyid kyi phyir dgra bo lag pa mtshon cha ral gri rnon po thogs pa gdengs pa rnams bzhin du yongs su spang bar bya'o// dbang phyug gi btsun mo 'dod pa bzhin no// skyes bu dbul po 'ga' zhig dbang phyug gi btsun mo don du gnyer bar gyur la/ dbang phyug rnams kyi tsun mo'i 'khor ni shin tu bsrungs pa zhig ste/ de de ma thob pas 'dod chags kyi kun nas bslang ba'i sdug bsngal drag po nyams su myong bar 'gyur ro// de nas de la ji ltar 'di'i btsun mo rnams shin tu yang dag par bsrungs par gyur zhes dbang phyug de la khro ba skyes par gyur la/ de la gnod pa cung zad kyang bya bar mi nus te/ de nas khro bo las byung ba'i sdug bsngal shin tu nyams su myong ngo // 'dod chags dang zhe sdang gis mdongs pa la yang gti mug shas che bar 'phel bar 'gyur la/ de yang yongs su mi shes shing / de las byung ba'i sdug bsngal gyis kyang gzi ra bar gyur to// ngo ni de dag nyid kyis ldongs par byas pas de dag nyid mi rtogs te/ de bzhin du 'dod chags la sogs pa 'di dag las kyang sdug bsngal 'byung bar 'gyur ro// 'dir bshad pa/ rang nyid bskal pa bral phyir 'dir// skye gang 'dod don mi 'thob pa// de la de las gzhan pa yi// sdug bsngal ches dka' ci zhig 'grub// 'dir smras pa/ ci ji ltar gti mug la 'dod chags dang zhe sdang dang lhan cig phrad pa yod pa de ltar 'dod chags dang zhe sdang gnyis la phan tshun phrad dam yod pa med/ bshad par bya ste/ ji ltar bad kan la mkhris dang // lhan cig phrad pa med mthong ba// de bzhin khro la 'dod chags dang // lhan cig phrad pa med par mthong // dper na chu las gyur pa dang me las gyur pa nyid kyi phyir phan tshun 'gal bas bad kan la mkhris pa dang lhan cig phrad pa med cing / mkhris pa la yang bad kan dang med pa de bzhin du khro ba la yang 'dod chags dang lhan cig phrad pa med la 'dod chags la yang khro ba med te/ chags pa dang rgyab kyis phyogs pa dag gi phan tshun 'gal ba'i phyir ro// gti mug la ni de gnyis dang lhan cig phrad pa yod te/ rjes su mthun pa'i phyir bad kan dang mkhris pa gnyis dang rlung bzhin no// chu'i bum par me ldugs pa bzhin no// blun po 'ga' zhig bdag 'dir me dang chu bsrel par bya'o zhes chu'i bum par me 'dzud la/ 'gal ba'i phyir na de gnyis phrad par yang mi 'gyur ro// 'gal phyir me gyur mkhris pa dang // chu las gyur pa'i bad kan dang // ji ltar lhan cig phreng med ltar// 'dod chags zhe sdang dag de bzhin// de'i phyir de ltar 'dod chags dang zhe sdang gnyis phan tshun 'gal bar shes nas/ slob ma 'chos pa'i slob dpon gyis// 'dod chags bran bzhin bkol bya ste// gang phyir mi phangs de sman phyir// khro la rje bo bzhin lta ste// de'i sman phangs pa yin phyir ro// 'dod chags ni rjes su mi mthun pa'i dngos po bsten pas spang bar bya ste/ dngos po gya nom pa ni 'dod chags kyi rjes su mthun pa nyid kyi phyir ro// ji ltar sdigs mdzub la sogs pa dag gis bran shing bcang nas srel ba de bzhin du 'dod chags la spyod pa yang btud cing gzer te bkol bar bya ste/ gang gi phyir las la bskos pa la ni 'dod chags kyis skye ba'i glags mi rnyed do/ de'i phyir de'i sman ni mi phangs pa yin no// zhe sdang la spyod pa ni rje bo'i rim gros rim gror bya ste/ gang gi phyir phangs par rim gror byas pa la zhe sdang mi 'khrug ste/ de'i phyir de'i sman ni phangs pa'o// gti mug la spyod pa ni gang gis de'i gti mug bsrabs pa nyid du 'gyur ba phangs pa dang mi phongs pas bsten par bya ste/ de'i sman ni de yin no// de ltar bla mas 'dul ba'i sems can gyis spyod pa la mkhas par byas te/ ci nas nyon mongs pa skye bor mi 'gyur bar slob ma bzlog par bya ste/ khrus mkhan gyi bong bu bzhin no// ji ltar khrus mkhan bong bu tre por shed bcad nas 'khor bar byed cing / gang dang gang du mi gtsigs pa byed pa de dang der skyon byed na mi rung ngo zhes de la shin tu rdeg par byed pa de bzhin du/ dam pa dag ni 'dod chags la spyod pa mnan nas 'khor bar byed cing / nyes pa byed par 'gyur du 'ong ngo zhes las 'dzin par byed do// de ltar khrus mkhan de nyid bong bu khyim du chud pa la chag stob pa la sogs pa'i rim pas rje dpon ltar bsten pa de bzhin du/ bla ma dag zhe sdang la spyod pa rje bo ltar bsten to// 'dir bshad pa/ bla ma gang zhig bsam shes nas// slob ma rjes su 'chos nus pa// de yis slob ma bzung bya ste// blun pos bco bar 'os ma yin// 'di dag gi skye ba'i dus kyang nye bar zin par byas ste/ dus dang rjes su 'tsham par gnyen po bsten par bya'o// de la/ dang por gti mug yang dag 'byung // bar du khro ba 'byung 'gyur zhing // phyis ni 'dod chags 'byung ba ste// nyin la rim pa gsum du'o// nang par 'phro dang bcas pa yi// gnyid kyis mig brnya' la/ phyer zin kyang zum zum por blta zhing lus kyi bya ba la g.yeng bas gti mug phal che bar gnas pa rjes su 'jug go/ phyis ni tshol khro'i sdug bsngal gyi 'khor lo la zhugs te/ bkres pa dang / skom pas dub par gyur zhing / mig g.yo la yangs pa 'byed cing / 'byed pa'i bu la yang pha rol po ltar mngon par mi dga' ba na khro ba 'ba' zhig dang ldan pa'i gnas skabs nyams su myong bar 'gyur ro// phyi dro ni dub pa'i tshogs dang bral zhing dbang po yongs su tshim pa na/ 'dod chags kyi chom rkun bde 'tshams legs par rnyed pas dge ba'i nor bcom pas nor med par byed do// de'i phyir de ltar rig par byas nas bag yod pas dus ji lta ba bzhin phyir bzlog par bya'o// rgyal po 'dzin ta kas bram ze la co dris pa bzhin no// ji ltar rgyal po 'dzin ta kas bram ze 'ga' zhig la/ bzhu ba brgya nos shog/ 'bru mar bum pa brgya sbyin gyis zhes zhal gyis 'ches la/ de yang spro bar gyur zhing de la gti mug 'di skyes so// rmongs pa ni tshor ba bde ba yang ma yin/ sdug bsngal ba yang ma yin pa'o// de nas bzhus pa brgya nyams su myong ba la tsher ba sdug bsngal 'byung zhing rgyal po la zhe sdang skyes so// phyis 'bru mar gyi bum pa brgya khugs pas de la 'dod chags skyes te/ de bzhin du las byas nas mtshan po gnyid dang rmugs pa phal che ba'i phyir dang / bad kan shas che ba nyid kyi phyir/ sems can rnams la snga dro gti mug 'byung ngo // de nas las du ma byed pa'i phyir dang / nyi mas gdungs pa'i phyi ri dang / bad kan yongs su byang ba'i phyir dang / mkhris pa shas tsha ba nyid kyi nyi ma gung la khro ba 'byung ngo // phyi nas lus bkrus shing byugs la zas zos par gyur cing / dbang po yongs su rgyas pa tha snyad kyi bgyi 'tshal yongs su rdzogs pa rnams la 'dod chags 'byung ngo // de ltar na lus kyi skyon gyi rjes su byed pa nyid kyi phyir nyon mongs pa rnams 'byung bar bya ba nyid mo la rim gsum du 'byung ngo // 'dir bshad pa/ gang zhig nyon mongs rim shes nas// / de gzhom la tshul sgom byed pa// de yis de dag sel byad de// sman pa'i rgyal pos nang rnams bzhin// 'dod chags la ni mdza' bshos kyi gsob su zhugs nas 'jig rten slu bar byed la/ de ma 'phrigs pas nges sdug bsngal bar yang mi 'gyur ro// de'i phyir de la gus par bya ba'i phyir bshad pa/ gang 'dod chags mdza' min mdza' 'dra ba// des de la khyod mi 'jigs te/ mi phan mdza' bo khyad par du// skyes bus spang bar bya min nam// / 'dod chags dang zhe sdang dang gti mug rnams ni 'dza' bo dang mi 'dza' ba dang bar ma'i sgo nas skyes bu la nye bar lhags pa zhig go// de la re zhig zhe sdang gang yin pa 'di ni dgra'i tshul gyis skyes bu la 'ong ste/ de'i gnod pa snang rung yin pa pa nyid kyi phyir de la bdag nyid yang dag par bsrung bar sla'o// gti mug ni bar ma'i tshul gyis skyes bu la nye bar 'ong ste/ de la yid mi rton pa'i phyir de las kyang bdag nyid bsrung ba sla'o// gang 'di 'dod chags byo te mdza' bo ma yin mdza' bo'i tshul gyis skyes bu la nye bar 'ong zhing mdza' bshes kyi bzhin can nyid kyi phyir mdza' bo yang yin la/ dge ba'i phyogs kyi srog gi dbang po la gnod pa byed pa 'di nyid kyi phyir mi phan pa yang yin pa de las ni bdag da par du bsrung bar bya'o// ji ltar bsrung bar bya zhe na/ rtag tu yid gtad pas rtson pas phul du byung ba dang bcas pas de'i gnyen po bsten pa'i sgo nas rgyud la de skye ba'i go skabs mi ster ba las so// rgyal po skya seng bzhin no// ji ltar rgyal po skya seng lings la song bas drang srong ri dwags mo la log par zhugs pa zhig sgra thos te/ sgra grags par phog pa nyid kyi phyir drang srong la mangs bsnun pa dang des de la gang gi tshe 'khrig pa bsten par gyur pa de'i tshe khyod 'chi bar 'gyur ro// zhes dmod pa dor bas so// de tshangs par spyod pa don du gnyer bas rgyal srid btang nas nags su dong ngo // de nas nam zhig na nyi ma nub ka'i tshe nyi ma nub la khang par gyur zhing / des rang gi btsun mo rgyal po ma dri'i bu mo gos sgren du gyur pa la nyi ma mngon du phyogs pa mthong bas de 'di snyam du gang lha rnams kyang 'gugs par byed pa'i nga'i btsun mo ni 'di ltar lta na sdug pa zhig go snyam du sems te/ de nas 'dod chags kyi dbang gis de dang lhan cig sbyar bar gyur zhing shi bar yang gyur to// 'dir bshad pa/ ji ltar mi phan bzhin zhim zas// gang de las bdag sgrim bsrungs pa// de bzhin mdza' gdong 'dod chags la// 'bad bas bdag nyid bsrung bar bya// 'dod chags de la rnam pa gnyis so// ji ltar zhe na/ 'di ltar/ 'dod chags rgyu las skye 'gyur zhing // rkyen las kyang ni skye ba ste// 'dod chags rkyen las skye ba gang // de ni sgrub sla cig shos min// nyon mongs pa rnams da rgyu gnyis las skye ste/ rgyu dang rkyen las so// de la rgyu ni skye ba snga ma'i skal pa mnyam pa nyid skyed par byed pa ste/ de yang 'dod chags la goms pa'i bag chags yongs su rgyas pa'i ngo bo'o// rkyen 'di 'jig rten 'di'i skal pa mi mnyam zhing 'gyur ba'o// de la phug ron la sogs 'dod chags kyi bdag nyid can gyi sems can gyi ris ngag las shi 'phos te 'jig rten 'dir skyes pa de ni tshe rabs snga mar byas pa'i rgyus 'dir yang 'dod chags la spyod pa nyid du 'gyur bas 'dod chags 'di ni rgyu las skyes pa zhes bya'o// 'dis ni zhe sdang la spyod pa yang bshad do// yang gang zhig sdig pa'i grogs po dang phrad pa las 'dod chags la spyod par 'gyur de'i 'dod chags 'di ni rkyen las skyes pa zhes bya'o// de la gang zhig rgyu las 'dod chags la spyod pa de ni tshogs kyis bsgrub par bya ba yin no// gang zhig rkyen las yin pa de ni sgrub par sla ste/ rkyen spangs pa nyid las mi skye ba'i phyir/ cig shos ni ma yin no// de ni rtsa bo gting du zug pa nyid kyi phyir dpung stobs pham par dka' ste/ de pham par bya ba la 'bad pa cher bya'o// phan tshun las skyes pa gang yang rung ba zhig pa bzhin no// ji ltar mdung khyim bzhin phan tshun brten pa'i phyir phan tshun las skyes pa'i chos rnams ni gang du gcig zhig pas 'jig par 'gyur pa de bzhin du rkyen gyis bskyed pa yang rkyen zhig pas 'jig par 'gyur te rgyus bskyed pa ni ma yin no// rtog pa gzhan ni chos gang dag gnyis gang ngag gnyis sbyor ba las skyes pa de dag ni gang rung gcig ma tshang bas 'byung bar mi 'gyur ro// dper na 'dab chags la gshog pa gnyis yod pas 'phur ba 'byung la/ gshog pa gang yang rung ba gcig ma tshang bas mi 'byung ba de bzhin du rkyen las skyes pa'i 'dod chags blta bar bya'o// 'di ltar 'di ni phyi dang nang gi rkyen yod pa las 'byung la/ gang rung gcig ma tshang bas mi 'byung ba'i phyir sgrub sla'o// yang mig gis gzugs 'dzin pa ltar chos gang ngag gnyis sbyor ba dang gnyis mi sbyor ba las kyang 'byung ba de ltar ni 'dod chags rgyu las skyes pa blta bar bya'o// de ni phyi rol gyi rkyen med par yang 'byung ba nyid kyis sgrub par dka'o// 'dir bshad pa/ nyon mongs can gang phrad pa las// yin te 'bad pas rnam par 'byung // rang bzhin nyid kyi nyon mongs can// gang de tshegs kyi 'byang bar 'gyur// de bzhin du khro ba'i thams cad btang ba la yang 'jug par bya ste/ 'di ltar khro ba brtan zhing nges par ni// mi dge nyes chen byed pa ste/ de ltar rnam kun dbye shes pas// nyon mongs rnams mthar byed par 'gyur// gang gi phyir zhe sdang ni dam par 'dzin pa dang sha kho na mang ba dang mi dge zhing rang bzhin gyi rgyud bsreg la/ gzhan la gnod pa gsal bar byed pa dang mdog ngan par byed pa zhes bya ba de lta bu la sogs pa don ma yin pa rnams kyi skyed par byed pa yin pa'i phyir dang / ngan 'gro'i 'bras bu can nyid kyi phyir dang / mtshams med pa la sogs kha na ma tho ba chen po nyid kyi phyir na 'dod chags pas nyes pa che ba dang ches lci ba zhig go// 'dod chags ni dar cig gis 'dod chags dang bral ba can nyid du 'gyur ba'i phyir dang / nyes pa chung ba nyid kyi phyir zhe sdang bas ches yang ste/ mtshan nyid ni 'dir phyi nas rgyas par 'chad do// gang zhig de ltar rnam pa thams cad du 'dod chags la sogs pa rnams kyi skyon rnam par dbye ba dang nyes dmigs dang gzhi dang spyod pa'i thabs shes par byas nas de'i gnyen po bsten pa de ni gdon mi za bar nyon mongs pa rnams rtsa ba nas bcad pa'i sgo nas sel bar byed par 'gyur te/ chos sred bzhin no// ji ltar byang chub sems dpa' blo gros bzang po'i lung bstan pa'i dus su bcom ldan 'das mar me mdzad kyi zhabs kyis ral pa mnan pa mthong ste/ chos sred pa 'khrugs pas dud 'gro rnams ji lta ba bzhin du rkang pa gnyis kyis ral pa gnon no// zhes ngag gis nyes par spyod pa smras pa dang / las des bskal pa dgu bcu rtsa gcig tu dud 'gro dag tu skyes so// de nyar gyur pas gzings rdugs pa na bcom ldan 'das shAkya thub pa'i mtshan thos te da dung du yang bdag bde ba rgyas shing dud 'gro'i skyes gnas su sdod dam zhes rang gi lus chud gsan zhing shi 'phos nas mi rnams kyi nang du skyes te/ bcom ldan 'das shAkya thub pa'i bstan pa la rab tu byung nas rang gi sgo drung na 'chag pas skyo ba las dgra bcom pa nyid mngon sum du byas te/ bcom ldan 'das kyis kyang gzigs nas chos sred shin tu yun ring mo zhig nas mthong ngo // zhes gsungs pa lta bu'o// 'dir bshad pa/ nyon mongs rnams dbye shes byas naso/ gang zhig mi mthun phyogs bsten nges// myur du zhi ba thob sde dper// sman 'phrod bsten pa'i nad pa bzhin// 'dod chags dang zhe sdang gi mtshan nyid kyi rnam par dbye ba smras kyis/ da ni gti mug gi mtshan nyid kyi rnam par dbye ba brjod par bya'o zhe na bshad par bya ste/ lus la lus dbang ji bzhin du// gti mug kun la gnas 'gyur te// de phyir nyon mongs thams cad kyang // gti mug bcom pas bcom par 'gyur// 'dir dngos po rten cing 'brel par 'byung ba rnams ni rang bzhin gyis rnam par dben pa nyid kyi phyir stong pa nyid la gti mug ni de rnams la ji ltar bden par rtogs pa las rmongs pa nyid kyi phyir dngos po bden pa'i rang gi ngo bor lhag par sgro 'dogs par rab tu 'jug go// 'dod chags la sogs pa pag kyang mug gis kun tu gas pa'i dngos po'i rang bzhin kho na la sdug pa dang mi sdug pa la sogs pa'i khyad par sgro 'dogs par 'jug pa nyid kyi phyir gti mug las tha mi dad par 'gyur zhing / gti mug la brnyed par yang 'gyur te/ gti mug gtso ba nyid kyi phyir ro// ji ltar mig la sogs pa'i dbang po lus kyi dbang po las tha mi dad par 'jug pa rnams lus kyi dbang po kho na la brten nas 'byung ba de bzhin du nyon mongs pa thams cad kyang gti mug la brten nas 'byung ngo // ji ltar lun dbyung po nyams na lus kyi dbang po la brten pa'i dbang po thams cad nyams par gyur pa de bzhin du rten cing 'brel par 'byung ba bsgoms pas nyon mongs pa bcom na brten med pas nyon mongs pa thams cad bcom par 'gyur te/ dug gi shing ljon pa bzhin no// ji ltar dug gi shing la don ma yin pa thams cad yod la/ de zhig pas don ma yin pa thams cad 'jig par 'gyur la/ ma zhig na mi 'jig pa de bzhin du gti mug rab tu zhi bar 'gyur ro// 'dir shad pa/ ji ltar mgo bo bcad pa na// srog ni rab tu mi 'jug pa// de bzhin gti mug bcad pa yis// rten mongs 'khor lo 'jug mi 'gyur// yang ji ltar don ma yin pa'i rtsa ba gti mug 'di spangab rig par bya zhe na/ ba papar bya ste/ rten cing 'brel par 'byung ba ni// mthong na gti mug 'byung mi 'gyur// de phyir 'bad pa kun gyis 'dir// gtam de kho na bsnyad par bya// gal te myu gu dang 'du byed la sogs pa phyi dang nang gi bdag nyid can rnams la rang bzhin yod par 'gyur na ni/ de'i tshe de rnams rang gi ngo bos yod pa nyid kyi phyir ma rig pa dang sa bon la sogs pa la bltos par mi 'gyur te/ grub par gyur pa ni yang sgrub pa ma yin no// myu gu dang 'du byed la sogs pa 'di rnams ni ma rig pa dang sa bon la sogs pa'i tshogs pa las brten nas 'byung ba yin te/ de'i phyir rten cing 'brel par 'byung ba'i phyir gzugs brnyan dang sprul pa bzhin du rang bzhin med pa yin la rang bzhin dang bral ba nyid kyis kyang stong pa'o// de ltar na rten cing 'brel par 'byung ba yang dag par mthong na gti mug spong bar 'gyur la/ de spangs pa las kyang de la brten pa 'dod chags la sogs pa rnams kyang spong bar 'gyur ro// gang gi phyir de ltar ma rig pa spong ba'i thabs nyid kyis rten cing 'brel bar 'byung ba nye bar ston pa don chen po yin pa nyid kyi phyir bdag nyid thams cad kyi bstan bcos bzhi brgya pa 'dir 'chad par 'gyur ba'i gzhung gis rten cing 'brel par 'byung ba'i gtam de nyid byed do// zla ba nye ba bzhin no// ji ltar zla ba nya ba gyur pa dang mun pa 'jig pa de bzhin du rten cing 'brel par 'byung ba mthong bas ye shes kyi zla ba gsar gyur pas gti mug 'jig par 'gyur ro// 'dir bshad pa/ gti mug rkyen nyid 'di pa yi// nyi ma'i 'od zer 'bar rnams dang // lhan cig gnas pa ma yin te// nyi ma'i zer dang mun pa bzhin// 'dod chags la sogs pa rnams kyi spong ba'i thabs ni smras na/ yang de rnams la spyod pa'i sems can dag ji ltar shes par bya zhe na/ de dag gi mtshan nyid kyi dbang du byas nas bshad pa/ rtag tu sa 'dzin sogs dga' ba'i// gtong po za bo gtsang zhing 'gyur// de 'dra la sogs mtshan nyid rnams// 'dod chags can gyi mi la snang // sa 'dzin pa'i gar dang / bzhad gad dang / 'jo sgeg dang / me tog dang dri dang / phreng ba dang byug pa dang rgyan dang kha dog la sogs pa la dga' ba dang / 'jam pa dang / bde ba'i ngang tshul can dang / gtsang ba dang / mkhas bag dang / snyan par smra ba dang / gsong por smra ba dang / gtong ba po dang / zab po dang 'gyur ba ste/ de lta bu la sogs pa dag ni 'dod chags la spyod pa'i mtshan nyid do// de las bzlog pa dag ni zhe sdang la spyod pa yi'o// 'dren ma dag ni gti mug la spyod pa dag ste/ de ltar na ji skad bshad pa'i rtags dag gis bsam pa rjes su rtogs par bya'o// nor bsgyur gyi sha za bzhin no// ji ltar nor bsgyur gyi sha za ni nor bsgyur mkhan yod na 'tshog chas rnam pa sna tshogs sdud par byed la de dor na thams cad 'dor ba de bzhin du 'dod chags yod na 'tshog chas rnam pa sna tshogs sdud par bye de la/ 'dod chags dor na thams cad 'dor ro// 'dir bshad pa/ 'dod chags kyis gzhan chags byed cing // rang chags bya la cher dgar 'gyur// sdang bas 'di dag las bzlog cing // gti mug gis de rmongs par byed// 'dir smras pa/ 'dod chags dang zhe sdang la spyod pa la sogs pa dag gi mtshan nyid dag ni smras na/ yang de dag 'dul ba'i thabs ni gang zhig yin bshad par bya ste/ sangs rgyas rnams kyi chags can la// zas dang chos gos gtsug lag khang // dge legs spang ba thams cad dang // rtag tu bla ma'i thad gnas gsungs// 'dod chags la spyod pas ni gnas dang zas dang chos gos 'dod chags dang bral ba bskyed cing ser ba yid dang mi mthun pa dge legs spangs pa dag 'dod par bya'o zhes sangs rgyas bcom ldan 'das rnams kyis gsungs so// de la 'dod chags can rnams kyi gtsug lag khang la zhen pa'i gnyen por ni sangs rgyas bcom ldan 'das kyis dgon pa pa nyid dang / shing drung pa nyid dang / dur khrod pa nyid dang / bla grub med pa nyid gsungs so// mal stan la zhen pa'i gnyen por ni cog pu nyid dang / gzhi ji bzhin pa nyid do// zas la zhen pa'i gnyen por ni bsod snyoms pa nyid dang / stan gcig pa nyid dang / zas phyis mi len pa nyid do// chos gos la zhen pa'i gnyen por ni// chos gos gsum pa pa nyid dang / phyag dar khrod pa nyid dang / phying ba pa nyid de/ de ltar na gtsug lag khang dang / mal stan dang / kha zas dang chos gos la zhen pa'i gnyen por sangs rgyas bcom ldan 'das kyis sbyangs pa'i yon tan bcu gnyis rnam par bzhag go// yang gang 'dod chags dang bral ba dag kyang 'di rnams bsten pa de ni bsod nams kyi zhing bdag nyid la ngan pa la mos pa'i skye bo rab tu dang bar bya ba'i phyir te/ de'i sgo nas de la dang ba rnams de'i nye bar bstan pas nges par mya ngan las 'das par gzhol bar 'gyur ro// yang 'dod chags la spyod pa de ni rtag tu bla ma'i drung du bzhag par bya ste/ de ltar rtag tu bla mas bzhin bskul zhing 'phags pa'i rigs la rab tu gnas pa 'di'i 'dod chags thul bar 'gyur la/ tshul bzhin ma yin pa'i yid la byed pas rbad pas srab sgyogs dang bcas pa nyid kyi phyir mtshams las 'da' bar mi nus so// zhe sdang la spyod pa ni de las bzlog pa'i gtsug lag khang la sogs pa dag dang gnas rnam par dben pa'o// gti mug la spyod pa la ni 'dren ma dag go/ bram ze srin pos bzung ba la mi gtsang ba ster pa bzhin no// ji ltar skyes bu gang zhig bram ze'i srin pos bzung bar gyur pa de la 'bru chang la sogs pa mi gtsang ba'i rdzas rnams ster zhing des de gro bar 'gyur pa de bzhin du 'dod chags can rnams la mi sdug pa'o// gang gis bsten par byed pa'i mi// nyon mongs zhi bar 'gyur ba de// de yis bsten bya gang gi phyir// 'di la nyon mongs mi 'phel phyir// yang khro ba spangs par 'dod pas ni 'di ltar khro ba'i nyes dmigs dag rtogs par bya ste/ nus med la khro bdag nyid la// mdog mi sdug pa 'ba' zhig byed// nus pa gang la'ang brtse med pa// de ni tha chad ces byar brjod// gzhon la gnod par mi nus pa la ni khro ba skyes pa tsam gyis bdag nyid la mdog sdug pa 'ba' zhig byed kyi nus pa dang mi ldan pa nyid kyi phyir gzhan dag la gnod par ni mi byed do// gzhan la gnod phod cing nus pa la yang gal te nus pa med pa la gnod pa la rtse ba med na ni de gnod pa thams cad kyi rgyu nyid yin pa'i phyir tha chad du 'gyur te/ srog 'joms pa ni gnod pa tha tshad yin pa de nyid kyi phyir gang zag 'di la yang tha chad ces bya'o// rnam pa gcig tu na gang zhig brtse ba med par gyur nas nyams chung ba dag la bsnun pa de las ma gtogs pa brtse ba med pa gzhan med pa'i phyir tha chad du 'gyur ro// rigs la gnod pa bzhin no// ji ltar rigs kyi nang nas gcig gis nyes par 'gyur ba bzhin du thams cad chad pa dang sbyor ba'am/ brlag par 'gyur pa de bzhin du gnod sems kyang rnam pa thams cad du 'phung bar byed par 'gyur ro// 'dir bshad pa/ me dang khro ba byung bas ni// dang por ci nas de gnyis sreg/ phyi nas mtshad par gyur pa na/ mi gzhan dag ni sreg par 'gyur// yang khro ba dang ldan pa rnams la ni// khro ba nye bar zhi bar bya ba'i phyir tshul 'di bstan par bya ste/ yid du mi 'ong ba'i sgras// sngar byas sdig mthar byed par brjod// khyod tshig rtsub mo thos bas 'khrug pa gsad par gyur zhing gzhan dag la sdang ba gang yin pa de ni shin tu khyod kyis tshul ngan pa chen po zhig ste/ gang gi phyir khyod kyis sngar tshig yid du mi 'ong ba thos pa yang dag par 'grub par 'gyur ba'i las byas shing bsags pa gang yin pa de 'dir gshe ba thos pa las 'bras bu phyung ste zad par 'gyur na/ rmongs shing dam pa ma yin pa// bdag nyid rnam par dag mi 'dod// yid du mi 'ong ba'i tshig thos pa las 'bras bu phyung ste/ las zad par 'gyur la// las zad pas kyang 'di rnam par dag par 'gyur ro// de de ltar bdag nyid rnam par dag bzhin du gal te bshe ba po la khro ba skyed par byed pa ni de slar yang dri ma des bdag nyid khyad par dang bcas par dbog par byed cing thun pa bas kyang ches blun par 'gyur ro// glang rgan la sman gtong ba bzhin no// ji ltar glang rgan skyon can 'ga' zhig de'i nad nye bar zhi bar bya ba'i phyir sman ster ba'i rdzi bo nyid gsod pa bzhin du yid du mi 'ong ba thos pa myong bar 'gyur ba'i las sngar byas pa'i sbyor ba por yang 'gyur te/ gang yid du mi 'ong ba thos par byed pa'o// de ni rmongs pas sbyong bar byed pa po de nyid la bkur sti ma yin pa byed do// 'dir bshad pa/ gal te rang sdig pha rol pos// gshe ba'i skad kyis sbyong byed na// de des de la phan btags pas// de'i der mkhas pa khro mi 'byung // 'di las kyang gzhan gyi ngan smras kyi tshig dag la khro ba mi rigs te/ 'di ltar/ mnyan pa yid du mi 'ong ba 'ang // ngo bo nyid kyis gnod mi byed// de phyir rnam rtog las byung ba// gzhan las yin no snyam du rlom// gshe ba la sogs pa'i sgra rnams ni rang bzhin gyis gnod pa skyed par byed pa'i rgyur mi 'gyur ro// gal te 'gyur na ni sme ba po la yang gnod par 'gyur ba zhig na/ bdag nyid 'dis bdag la de ltar smad do snyam du rnam par rtog pa na gnod par 'byung ba yang yin te/ de'i phyir rang gi rnam par rtog pa las gnod par gyur pa na ci'i phyir gzhan la khro bar 'gyur ba/ phyugs rdzi mo'i bu mo bzhin dang // dge tshul bzhin no// ji ltar phyugs rdzi mo zhig mun khung na rang gi bu mo khur skya dag za ba'i sgra thos te/ chun ma'i bu mor yongs su brtags nas khros pas ban glang mo 'di ci za zhes smras la/ gang gi tshe de'i bu mos nga nyid yin no zhes smras pa de'i tshe dga' ste e ma byi ba mo zhig za'o zhes smras te/ de'i phyir rnam par rtog pa ma gtogs par sgra 'ga' yang yid du 'ong ba 'am yid du mi 'ong ba mi srid do// yang sangs rgyas 'bangs zhes bya ba'i dge tshul 'ga' zhig dge tshul rnams kyis ming sangs rgyas skyong zhes smos pas khros par gyur te/ des ngu zhing mkhan po la zhus pa dang / des kyang song zhig khyod kyi ming ni chos kyi 'bangs yin gyis zhes smras la/ de de rnams kyis sangs rgyas 'brangs kyang zhes bya bas mi snyan pa smras kyang 'di ni bdag gi ming ma yin no snyam ste thos bzhin du yang mi ngu zhing 'di ni gang gi sangs rgyas 'bangs yin pa de mi snyan gyi bdag gi ming gzhan yin no zhe'o// 'dir bshad pa/ rnam par rtog med tshig thos nas// rmongs pas byis pa rab 'khrug gi/ brtan zhing de shes des thos nas// 'khrug par mi 'gyur dgar mi 'gyur// 'dir smras pa/ gshe ba la ni rang bzhin gyis skyon yod de/ gang gi phyir lugs kyi bstan bcos 'di las gshe ba pho la chad pa bshad pa'i phyir ro// bshad par bya ste/ 'di ltar gshe ba po la ni// chad par bya bar mngon brjod pa// de bzhin snyan par smra po la// mchod par bya bar cis mi 'gyur// gal te srung ba'i gshe bas gzhan gyi snying la gnod pas gshe ba po chad pas gcad par bya ba yin no zhes bstan bcos las mthong ba'i phyir bshad na ni tshig snyan pa brjod pa las kyang gzhan gyi sems 'dzin pa'i phyir de bzhin du stong pa po mchod par bya ba yang de las ci'i phyir ma bshad/ rgyu mtshungs bzhin du ci'i phyir gcig chad pas bcad par bshad la gcig mchod byar ma yin te/ de'i phyir mi snyoms pa nyid kyi phyir lugs kyi bstan bcos tshang ma ma yin no// 'gro lding ba 'thab pa dang / 'gro lding ba'i glang po che bzhin no// ji ltar 'gro ldong ba rnams la 'thab pa tsam gyis bsad pa'i sems skye zhing gsod par yang byed kyi de ltar tshig snyan pas mchod par byed pa ni ma yin no// de bzhin du gang zhig stobs chung ba de ni glang bo che kho nas gsod la/ gang zhig stobs dang ldan par gyur nas bdag nyid glang po che las srung bar byed pa yang khyod ci'i phyir glang po che la sla bab byed ces rgyal po'i pho brang du gsod do// 'dir bshad pa/ gal te der ni mnyam mthong na// bstod po gshe po yang rung ste// de gnyis la cis byas ma byas// de'i phyir de ni tshad ma min// 'dir smras pa/ gang zhig gshe bas gzhan gyi smad ra gzhan dag la gsal bar byed pa de la ji ltar cig shos 'khrug par mi 'gyur/ bshad par bya ste/ khyod kyis smad bya ma smras kyang // gal te gzhan gyis shes na ni// smra bo la khro mi rigs na// yang dag smin smra la ci smos// gal te de'i yan lag smad par bya ba zhar ba zhes bya ba 'am lag rdum bya ba gang yin pa de ma smras kyang gzhan dag gis shes par 'gyur na ni bden pa'i skyon des gshe mod kyis bden par gyur pa nyid kyi phyir gshe ba po yang dag par smra ba la de las des khro bar bya bar mi rigs na yang dag min smra la ci smos te/ mi bden par smras pa'i skyon gyis gnod pa'i phyir ro// de ni gtan nyams pas ji ltar na de la dam pas bsri ba med par gnas par 'gyur/ zhar ba dang zhar ba ma yin pa la smras pa bzhin no// 'ga' zhig gis zhar ba la zhar ba zhes smras pas de la rgyal pos chad pas bcad do// gzhan gyis ma zhar ba la zhar ba zhes pa smras pas de la yang chad pas bcad do// de bzhin du mkhas pas bden pa la yang bzod pa byas la/ mi bden pa la yang bya'o// 'dir bshad pa/ dam pa de nyid gzigs rnams la// yang dag min phyir mi bden pa'am// bdeni phyir bden par gyur la'ang rung // khro ba'i go skabs yod ma yin// 'dir smras pa/ de ltar yin mod kyang dman pa dag las/ mi snyan pa thos pa las mi la khong khro bar ji ltar mi 'gyur bshad par bya ste/ dman las mi snyan zhes bya ba// nges par 'byung ba ma yin te// de phyir dman byung mi snyan pa// yan gar nyung zad lta bur snang // gang gi phyir skyes bu dman pa chos ma yin pa 'dod cing sdig pa kun tu spyod la/ pha rol sdug bsngal ba la mngon par dga' ba dag las ni mi snyan pa thos pa kho na nges par 'byung ba ma yin te/ don ma yin ne cog byed pa nyid kyi phyir ro// gal te de tshig mi snyan pa tsam zhig byin pas yongs su tshim na na gang gsod pa dang 'ching ba la sogs pa mngon par mi 'dod pa lnga ches mchog cig rnyed pa ma yin nam/ de'i phyir yongs su dga' ba'i gnas la ci ste khro ba bsten par 'gyur/ 'phags pa gang po dang / dug be'u lte ba lta bu bzhin no// ji ltar 'phags pa gang po krung sho na'i pha mtha'i yul gyi mi rnams gdul bar 'dod pa la bcom ldan 'das kyis 'di skad du mi de dag ni ma rungs shing / rab tu gtum pa ste/ der sdug bsngal bar gnas par gyur ta re zhes bka' stsal pas/ des bcom ldan 'das gal te bdag la gshe bar gyur na ni/ e ma ma la gang dag bdag la rdeg par mi byed pa 'di dag ni des pa zhig go/ snyam du kho bo sems par bgyid la gal te srog dang bral ba'i bar du bgyid na yang / e ma ma le gang dag bdag gi lus rul pa 'di la thar bar byed pa 'di dag ni bdag la phan 'dogs pa zhig go snyam du de ltar sems par bgyid do// zhes gsol pa dang / de'i tshe bcom ldan 'das kyis gnang ngo // yang ji ltar dug be'u lte ba lta bu'i rtsa ba'i 'og tu 'ga' zhig la nyon mongs pa dag thig tu bab par 'gyur ba dang de de'i rgyus mya ngan byed pa na gzhan gyis gang dug mi bzad pa dang 'brel pa las srog dag dang phral bar ma gyur na khyod mya ngan ma byed cig/ gang 'dir bsdad pa ni ma shi ba 'ga' yang med kyis khyod ni bsod nams dang ldan pa zhig ste/ dga' ba nyid bya bar 'os pa/ ma yin nam zhes smras te/ de bzhin du gang zhig skye bo dman pa las ba rlang ba tsam zhig thos pa des ni dga' ba kho nar bya'i mya ngan ma yin te/ nyung zad tsam gyis thar pa'i phyir ro// 'dir bshad pa/ dman pa bya min med dman la// brjod bya brjod bya min pa'ang med// de phyir 'di ni dman de las// mi snyan 'ba' zhig nyung ngu 'dra// 'dir smras pa/ gang zhig skyon med pa la gshe ba de tshar bcad pa la nyes pa ci yang med do// bshad par bya ste/ gzhan la gnod byas bdag la ni// yon tan nyung zad kyang med na// khyod khro yon tan med pa la// gus pa zhen pa rkyang bar zad// gal te gzhan khros par gyur pa de la khro ba'i dbang gis gnod par byed pa gang yin pa des 'di la yon tan 'ga' zhig skyed par byed na ni gzhan la gnod par bya bar rigs na/ gang gi phyir gzhan la gnod par byed kyang de bdag nyid la yon tan 'ga' yang skyed par mi byed de/ de'i phyir de ltar yon tan med pa'i khro ba la gang zhig gus par byed po de ni de'i zhen pa 'ba' zhig kho nar zad do// mtshon cha yongs su rtogs bzhin no// dper na 'ga' zhig mtshon cha rnon po zhig yin nam yod na ma yin zhes gang kho nas mtshon de byas pa de kho na'i lus la nyams song par byed na/ de ltar mtshon brtags nas skyes bu de la byas pa chung gson pa nyid dang / sdig pa sogs pa las ma gtogs pa yon tan 'ga' yang yod pa ma yin pa de bzhin du bdag la 'dis tshig rtsub mo dang / rdeg pa la sogs pa mi 'dod pa dag gis gnod par byas so zhes de la gnod par byed pa dang byed du 'jug pa la yang sdig pa sog pa las ma gtogs pa bdag la yon tan 'ga' yang med do// gang zhig der gus de'i zhen pa 'ba' zhig tu 'gyur ro// 'dir bshad pa/ gzhan la gnod pa bdag nyid la// yon tan rnam pa che byed mod// de lta 'ang rigs su skyes pa yis// gzhan la gnod pa byed mi nus// 'dir smras pa/ skyes bu mkhas pa su zhig gzhan gyi gshe ba yon tan med pa la bzod par 'gyur// bshad par bya ste/ gal te bzod pas 'bad med par// bsod nams chen po thob 'gyur na// gang zhig de la gogs byed pa// de mtshungs blun po su zhig yod/ bzod pa ni chos su bshad do// gal te bzod pa dang ldan pas ni sbyin pas bya ba'i dngos po yongs su tshol ba la sogs pa'i 'bad pa med par pha rol po'i ngan smras kyi tshig bzod pa nyid kyis khro ba la sogs pa'i go skabs ma par gzhan la gnod pa ma byas pa'i sgo nas bsod nams chen po 'thob par 'gyur na/ yang gang zhig chos kyi rgyu gshe ba po de la gegs byed pa de dang mtshungs pa'i byis pa gzhan su zhig yod// de'i phyir gang zhig gzhan gyis gshe ba bzod pa de kho na mkhas par 'gyur zhing // chos chen po yang de la 'gyur ro// rang gi khyim thabs gsod pa bzhin no// rigs kyi bud med 'ga' zhig rang gi khyo shi 'dod cing srog 'phro cung zad lus par gyur te/ des ci 'di sdug bsngal bas mnar zhing 'chi'o// gang 'di ni bdag gis bshad par bya'o// snyam du bsams shing des ji ltar sdig pa bsags pa'i don du 'bad par gyur de ltar yang byas so// de bzhin du la la dag blun pas bzod pa'i sgo nas 'bad pa med par bsod nams chen po mi 'dod cing / bsgrims te don ma yin pa chen po'i rgyu mi bzod pa la brten to// 'dir bshad pa/ gang gi phyir na bzod stobs kyis// bzod pa chos kyi dam par gsungs// de phyir chos la gzhol ba ni// chos la gegs byed ma yin no// 'di las kyang khro ba ni/ spang bar bya ba yin te/ skye bo zhan pa la gnod par byed pa'i phyir ro// 'di ltar/ khro ba zhes bya khyad par du// stobs ldan dag la skye mi 'gyur// des na zhan 'joms khro ba la// ci nas khyod gus gyur ta re// gal te yang khro ba ni phyir rjes su mi mthun pa'i dngos po'i yul can yon mod kyi// de ltar nA yang stobs drang ldan pa la gnod par mi nus pa'i pa'i phyir gang du kha drag pa de kho nar khyad par du 'gyur te/ de'i phyir snga ma la gnod par byed pa'i phyir ni skyes bu gzi can gyis 'di dam pa ma yin pa ltar spang bar bya'o// de'i phyir de ltar rig nas khro ba zhan pa 'joms pa la ci nas kyang gus par mi bya ste/ bud med rnams la dpa' ba bzhin no// rgyal po 'ga' zhig gzhan gyi yul 'khor mngon par dbab par 'dod pas rang gi dmag mi'i tshogs bos nas gzhan gyi yul 'khor dbab pa'i phyir 'gro yis// der khyed cag gang gis ci zhig byed ces smras pa dang / der kha cig ni 'di skad du rje bo ji ltar grong khyer de nas su yang 'byung bar mi 'gyur zhing 'jug par mi 'gyur ba de ltar bgyid do zhes smra'o// gzhan dag ni kho bo cag ni 'obs kyi bar du mchi'o zhes smra'o// yang gzhan dag ni kho bo cag ni ra ba la 'dzeg par bgyid do// zhes smra'o// de la gcig ni gang rje bo cher dgyes pa dang bdag nyid kyang bsrung bar bgyid do zhes smra'o// rgyal pos kyang gus pa dam pas smras pa dang bdag ni gang gi tshe 'di rnams kyis rgyal po de kun nas gnod par 'gyur ba de'i tshe rgyal po de lta bzhin du btsun mo'i 'khor gyi bud med kyi skye bo la lcag rtsub mo dag gis shin tu brim par bgyid do zhes smra'o// de skad thos nas rgyal pos skyes bu nyon mongs 'di ni zhan pa 'joms pa zhig go snyam ste/ dmag mi de la thugs nye bar log cing khyad du bsad par yang 'gyur ro// de bzhin du khro ba yang nyams chung ba dag lal khyad par du skye'i stobs dang ldan pa dag la ni ma yin te/ de'i phyir zhan pa 'joms pa'i khro ba la gus par mi bya'o// 'dir bshad pa/ brjid can stobs dang ldan pa rnams// gang du dpa' ba shes pa na// mkhas pa yon tan sbyor ba'i mis// zhan pa 'joms la gus mi bya// 'dir smras pa/ gang zhig bzod pa de ni bya ba la lan du gnod pa byed par mi nus so snyam pas 'jig rten gyis zil gyis gnon te de'i phyir brnyas par 'gyur bas khro ba'i gnas la khro bo nyid mdzes so bshad par bya ste/ gang zhig khro gnas la bzod pa// de la sgom pa skye bar 'gyur// yon tan gnas la 'jigs shes pa// khyod kyi blun pa 'ba' zhig nyid// bzod pa ni phra rgyas khro ba'i gnyen po ste/ de khro ba'i gnas la bsgoms pa na byams pa'i ting nge 'dzin sgom pa 'dren par 'gyur ro// de la gal te ba 'jos tsam gyi dus su bsgoms pas goms par byeng na de'i tshe sgom pa po la yon tan brgyad 'dren par 'gyur ro// 'di lta ste/ lha dang mi rnams la sdug par 'gyur ro// de rnams kyis bsrung bar yang 'gyur ro// bde ba dang yid bde ba mang bar 'gyur ro// de'i lus la dug gis mi tshugs so// mtshon gyis mi tshugs so// de'i nor rnams 'bad pa med bar rgyas par 'gyur ro// lus zhig nas shi ba'i 'og tu bde 'gro tshangs pa'i 'jig rten du skye bar yang 'gyur ro// de ltar byams pa'i yon tan brgyad thob par 'gyur ro// phra rgyas khro ba spangs pas rnyed par bya ba bsam gtan dang tshad med pa dang / gzugs med pa dag kyang 'thob par 'gyur ro// de ltar na gang la khro ba'i gnas la bzod pa yod pa de la sgom pa 'byung ngo // gang zhig ji skad bshad ba'i yon tan gyi bzod pa spangs nas byas pa la lan du gnod pa byed pa tsam mi nus bsam pas 'jigs pa bskyed de yon tan gyis gnas bzod pa mi bsten pa de ni de'i blun pa nyid kho na 'ba' zhig go snyam ste/ khro ba'i sgo nas don ma yin pa mang po 'byung ba'i phyir dang / ji skad bshad pa'i yon tan mchog tu 'byung ba 'joms pa'i phyir ro// nyes par spyod pa las log pa ngo tsha ba bzhin no// skyes bu 'ga' zhig nyes par spyod pa las log par byas nas ngo mtshar byed de/ ji ltar 'ga' zhig yon tan gyi khyim du skye ste skye bo dam pa phrad pas srog gcod pa la sogs pa dag los log par gyur dang / gzhan mdza' bo blun po rnams kyis ri dwag so myi shor zhing skyes bu lag na mtshon cha thogs pa rnams 'thab pa'i phyir mngon par 'ongs po la 'byos pa khyod ni bud med du gyur cing khyo ga'i rtags pasel bar 'gyur ba zhig go zhes bzhad gang du byas pas de blun pa'i phyir ngo tsha byed par 'gyur ba de dang 'dra bar gang zhig khro ba'i gnas su bzod par byed pa de sgom pa 'thob na blun pas 'jigs pa skye bar byed de/ 'dir bshad pa/ bzod bral mi rnams khro ba ni// nyes chen byed pa yin mod kyi// 'on kyang mkhas pa'i yon tan ni// byed de bzod pa'i rgyu yin phyir/ 'dir spros pa/ gzi can gyis dman pa dag gis khyad bsad du ba sran par dka' ste/ de'i phyir 'di dag tshar bcang par rigs so// bshang par bya ste/ su zhig khyad bsad thar byas nas// 'jig rten pha rol 'gro/ ba yod// de'i phyir bdag ni sdig pa bas// brnyas pa legs so snyam du sems// sems pa dang ldan pa rnams la khyad bsang gcig nas gcig tu gyur pa mthar thug pa med pa nyid kyi phyir sus de mthar bkri bar nus// ji ltar gang dag gna' rabs kyi rgyal po na hu sha dang / aM ba ra shiR+Sha dang / de li pi la sogs pa mngon par rlom zhing g.yul spyod par nus pa de dag las 'dir gang du khyad du bsad pa 'od bsal bar byas nas 'jig rten pha rol tu song ba'i rgyal po su zhig yod/ de dag kyang brnyas sman gyi dbang gis sdig pa byas nas shi bar gyur pa ma yin nam/ de'i phyir 'drir bdug la ni sdig pa byas brnyes pa mchog bklubs so snyam du snang ste/ gang gi phyir khyad du gsang bas brnyas pa la dmyal bar mi 'gro la/ sdig pa las ni 'gro ba'i phyir ro// zo chun gyi 'khrul 'khor dang / dza mdo g+ha na'i bu bzhin no// ji ltar zo chun gyi 'khrul 'khor la mtha' yod po mye yin pa de bzhin du/ khyad bsad la sogs pa yang ngo // de bzhin du je mdA g+hA ne'i bus lan bdun gsum dus sbrengs na rgyal rigs med par byas nas smra bab kyi 'jigs pa las ma grol zhing / dron ma byas par shi bar gyur to// rgyal rigs de dag kyang gtan kho nar 'phung ba ma yin no// de bzhin du 'jigs pas bu mo gzhon nu ma'i cheng du de g.yul du sma phab pa la/ rA mos kyang gzhu'i rgyu mtshan gyis ched du sma phab po// 'dir bshad pa/ byang du bsad pa 'am sdig pa ste// sdig pa bas ni khyad bsad sla// gang phyir sdig las skyes bu ni// dmyal 'gro khyad bsang las ma yin// gang zhig de de ltar so sor rtog par mi nus pa des ni rnam par shes pa'i skye ba dang 'gag pa la sogs pa phyir bzlog par bya ste/ 'di ltar/ gang gis rnam shes gnas la sogs// yang ngag tu ni rnam shes pa// de yod na ni nyon mongs rnams// nam yang blo gros la mi gnas// rnam par shes pa ni rkyen du ma la rag pas te skye ba nyid kyi phyir 'dus byas yin la 'dus byas nyid kyi phyir gnas pa dang skye ba dang 'jig pa dang ldan pa zhig na/ 'di ni skad cig re re la dmigs pa'i khyad par 'dzin pa la mkhas pa'i phyir dang mi gnas pa nyid kyi phyir 'di la gnas ba med do// gnas pa med pa na yang gnas pa'i rgyu skye ba mi rigs te 'dus ma byas ltar gnas pa dang skye ba dang bral ba 'di la ni mi rtag pa nyid kyang ga la yod de/ de'i phyir rang bzhin gyis gsum char yang med do// gsum po mi srid na yang rnam par shes pa la rang bzhin med de/ rnam shes sgyu ma lta bur ni// nyi ma'i gnyen gyis bka' stsal to// zhes tshigs su bcad pa 'byung ba'i phyir ro// gang la rang bzhin yod pa ma yin pa de ni rang bzhin dang bral ba nyid kyi phyir sgyu ma'i skyes bu ltar stong pa nyid yin zhing nges kun brtags pa'i khams gsum pa gang yin pa de yang stong ngo // de'i phyir de ltar rnam par shes pa'i chos gnas pa la sogs pa'i rang gi ngo bo so sor rtog par byed cing sgyu ma dang / gzugs brnyan gyi chos nyid la zhugs pa 'jig rten las 'das pa'i ye shes dang ldan pa la phyin ci log tu mthong bas kun nas bslang ba'i nyon mongs pa'i 'dod chags la sogs pa rnams nges par ldog par 'gyur te/ de ltar na sgom pa 'di nyid legs so// de ltar dge slong rnal 'byor spyod pa sgom pa la mngon par brtson pa la nam yang nyon mongs pa thams cad mi gnas so// de'i phyir de ltar nyon mongs pa'i me nye bar zhi ste/ sems rnam par byang bas 'gro la phan par bsgrub par bya zhing / gzhan dag kyang lam do la gzung bar bya'o// byi ba'i dug dang dug gi shing gi rtsa ba bzhin no// gang zhig byi ba'i dug gi rim gro shes pa des ni gzhom pa'am bzlog par nus pa de bzhin du skyon rnams kyi skye ba dang 'gag pa dang gnas pa'i rkyen shes pa des nyon mongs pa rnams 'joms par nus so// yang ji ltar dug gi shing rtsa ba drungs phyung na slar 'byung bar mi 'gyur ba de bzhin du 'khor ba'i 'jug pa'i dug gi shing gi skye ba la sogs pa'i rtsa ba phyung ba slar 'jug par mi 'gyur ro// 'dir bshad pa/ sems la brten pa'i skye dang gnas// rgyu mtshan mnyam par gyur pa dang // shes bya'ang grub pa'i yul gyur na// de yis gti mug mun pa 'joms// slob dpon 'phags pa lha'i zhal snga nas kyi byang chub sems dpa'i rnal 'byor spyod pa bzhi brgya pa las nyon mongs pa spong ba'i thabs bstan pa zhes bya ba ste rab tu byed pa drug pa'i 'grel pa'o// // nyon mongs pa rnams spang ba'i thabs bshad zin to// da ni 'khor ba'i nyes dmigs bstan pas de la skyo ba bskyed par bya ba'i don du las ngag spang ba'i thabs brjod par 'dod pas bshad pa/ sdug bsngal rgya mtsho 'di la mtha'// rnam pa kun tu'ang yod min na// byis khyod 'dir ni bying ba la// 'jig pa ci na skye mi 'gyur// phyogs bcu thams cad du son pa'i phyir sdug bsngal gyi rgya mtsho chen po thog ma med pa'i dus nas srid pa ma rig pa dang bdag tu nga rgyal nga sred pa las byung ba sred pa'i kun tu spyod pa sum cu rtsa drug gi sbrul gyis gang bar gyur pa/ lta bar 'dzin pa drug cu rtsa gnyis kyi chu'i srin po dkrugs pa skye ba dang 'chi ba'i klong 'khor mang ba// khrag dang mchi ma dang 'o ma'i chu phon rgyas pa/ rga ba dang na ba dang 'chi ba'i chu rlabs tshil tshil g.yo ba/ mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i nya dang / rul sbal dang / nya ti mi dang / nya ti mi gi la dang / chu srin lang long du gyur pa du mas dkrigs pa/ 'dod pa la gnod pa'i rgyu 'khrug pa 'di la mtha' yod pa ma yin na sdug bsngal gyi rgya mtsho chen po gting med pa 'dir bying ba khyod la rgyu cis 'jig pa 'byung bar mi 'gyur pha rol mngon zhing gdon mi za bar gting rnyed pa'i mtshor bying ba mngon par gdong ba'i srog 'bral ba sdug bsngal dogs pa la yang 'jigs pa mtshungs pa med pa skye na/ sring po'i mtsho pha rol dang gting kun nas yod pa ma yin pa nye bar 'tshe ba med pa so so'i skye bo la lta smos kyang ci dgos/ de'i phyir 'di mi skrag cing gnod par ma gyur pa gang yin pa de ni 'di'i spyod pa spyo bar bya ba zhig ste byis pa nyid do// ro hi ta'i rta bzhin no// ji ltar ro hi ta'i rta zhes bya ba'i drang srong mngon par shes pa lnga dang ldan pa zhig byung bar gyur la/ de 'di snyam du gang dag 'jig rten gyi khams kyi mthar 'gro po snyam du sems te/ rkang 'gros kyi rdzu 'phrul gyis lhun po'i zom du rkang pa 'jog pa na 'jig rten gyi mthar ma phyin par du shi nas lha dag gi nang du skyes shing bcom ldan 'das kyi thad du 'ongs par gyur to// de nas de la bcom ldan 'das kyis ro hi ta'i rta ngan khyod kyi lus 'dom gang rtsam po 'di nyid la 'jig rten dang 'jig rten kun 'byung ba dang / 'jig rten 'gog pa dang 'jig rten 'gog par 'gro ba'i lam bstan par bya yis zhes bka' stsal pa lta bu'o// de ltar 'phags pa'i bden pa bzhi bstan pas 'phags pa'i bden pa bzhi mthong bar byas par gyur to// 'dir bshad pa/ khrag dang mchi ma'i chu yangs shing // rga shi'i klong dkrugs dpa' rlabs can// sdug bsngal rgya mtsho gting med du// bying la ji ltar 'jigs mi 'byung // 'dir smras pa/ lang mtsho la sogs pa'i rgyags pa dag gis kun tu rmongs pa la 'khor bas 'jigs pa mi 'byung ngo // bshad par bya ste/ lang tshe rgyab tu byung gyur nas// slar yang mdun du byung bar 'gyur// gnas kyang 'jig rten 'di la ni// 'gros kyi 'gran pa lta bur mngon// 'dir lnga tsho ni 'jig rten la dga' ba'i rgyab tu byung nas/ yang de la dus phyis mdun du 'byung zhing mdun du byung nas kyang slar rgyab tu byung la shi bas chos de slar yang mdun du byung ngo // de'i phyir 'jig rten 'dis 'jig rten gyi bdag gis bdag nyid gnas par rlom mod kyi// de ltar na 'di'i lang tshe la sogs pa'i gnas skabs rnams mi gnas par mthong ba'i phyir lang tshe dang rgas pa dang / 'chi ba rnams 'gros kyis 'gran pa ltar mngon no// 'gros kyis 'gran pa ni 'gros 'gran pa ste/ sbyin zhing mgyogs pa'i bdag ni sngon du'o bdag ni sngon du'o snyam du phan tshun 'gros la sngo zhing lam du 'gro ba rnams bzhin no// de ltar lang tsho la sogs pa rnams mi gnas par yongs su dpyad de/ de'i lang tshe'i rgyags pa mi rigs so// / skye ba dang 'chi ba bzhin dang // 'khor los 'tshir bar byed pa'i grib ma bzhin no// ji ltar srog chags rnams kyi skye ba dang 'chi ba yongs su 'gyur zhing mdun du byung nas rgyab tu 'byung ba dang / yang ji ltar kha mkhan gyi 'khor los til 'tshir ba rnams kyi grib ma mdun du byung nas rgyob tu byung ba de bzhin du lang tsho yang yin no// 'dir bshad pa/ skye dang 'chi phyir skye 'gro 'di// 'gro ba sna tshogs rnams su ni// rang las ngag gis 'gro ba na// rtag tu sbyin zhing mgyogs pa yis// de dang der ni yang dag rgyug/ 'dir smras pa/ 'gro ba'i chos can nyid kyi phyir 'jig rten la gdon mi za bar 'gro ba yod mod kyi/ de lta na yang de'i bdag nyid yin pas de la mi 'jigs so// bshad par bya ste// srid par khyod la rang 'dod kyis// 'gro ba gzhar yang yod min na// gzhan gyi dbang dang 'jigs med par// blo dang ldan pa su zhig 'gyur// 'khor ba na rtag tu de dang der 'khyam pa la rang gi 'dod pas lha dang mi la sogs pa'i 'gro bar 'gro ba nam yang yod pa ma yin no// yang gang la rang gi 'dod pas dong zhing 'gro ba yod pa ma yin pa de rang dbang ma yin par gyur nas gal te rang dbang can ltar mi 'jigs par 'gyur ba na ni de las ches rmongs pa gzhan su zhig yod de/ blo dang ldan pa ni gzhan dbang du gyur pa dang 'jigs pa med par mi 'gyur ro// las dang nyon mongs pa la rag las te 'gro zhing gshed du 'gro'o snyam ste 'gro ba'i khyad par nges par ma zin pa 'dis ni nyin mtshan khyad par skyo bar bya bar rigs so// klung 'bogs pa'i shing dang mna' ma gsar ba bzhin no// ji ltar krung brug pa'i shing la rang 'dod kyis 'gro ba med pa dang / yang ji ltar gyos po la sogs pa rnams kyi dbang du gyur pa nyid phyir mna' ma saro pa rtag tu rang dbang ma yin par gyur pa de bzhin du byas pa so so'i skye bo rnams kyang rtag tu rang dbang med pa yin te/ rang gi las la rag las te 'gro ba'i phyir ro// 'dir bshad pa/ 'khor bar 'khor ba'i skye bo la// 'gro gang las dbang gis 'gyur ba// de'i phyir ci nas 'gro bar ni// 'gyur ba min por las bcang bya// 'dir smras pa/ 'di'i bde bas phrogs pa'i phyir 'gro ba gcod par mi nus kyi ma 'ongs pa'i skye ba la ni sbyar bar bya'o// bshad par bya ste/ ma 'ongs thams cad yong min zhing // kun tshe'ang so so skye bo ste// khyod 'das ji ltar de bzhin du// de yang mi 'gyur de ltar byos// ma 'ongs pa'i dus la mtha' med las 'das pa yang de bzhin du yin zhing khyod kyang 'das pa'i dus thams cad du so so'i skye bo zhig ste/ khyod kyis 'das pa'i dus ji ltar don med par gyur pa de bzhin du ma 'ongs pa yang mi 'gyur ba de ltar gyis shig/ nyon mongs pa nye bar zhi ba ma myong bzhin du khyod kyis 'das pa'i dus song ste/ de'i phyir da ltar yang ji ltar yang srid pa 'di mthar gyur pa de ltar 'bang bar bya'o// ji skad du 'phags pa sdong po bkod pa'i mdo las/ khyod kyi 'dod rgyus don med chung gsan pa'i// lus kyi sngon gyi mtha' gang dran bya ste// de ring byang chub yongs tshol brtul zhugs dang // bcas 'dir brtul zhugs kyis ni 'dod pa chom// khyod kyi 'dod rgyus don med chung gsan pa'i// lus kyis sngon gyi mtha' gang dran byas te// gang gA'i bye snyed dran par ma byas shing // 'di 'dri'i gsung gang sangs rgyas las ma thos// zhes gsungs pa lta bu'o// gzhan gyi khyim thabs la 'phyan pa bzhin no// gzhan gyi bud med la 'phyan pa 'ga' zhig la mdza' bo de ltar ma byed cig ces rjes su bstan pa dang phyin chad de ltar byed do zhes smras la/ des kyang sngon ji lta ba de bzhin phyin chad mi bya ste/ sngon yang khyod kyi phyin chad mi byed do zhes smras mod kyi byis pa yang yin pas ma 'ongs pa'i dus su de ltar mi bya'o zhes smras so// de bzhin du byis pa blun zhing 'khor ba'i 'jigs pa dang bral ba gti mug gis dkrugs pa kha cig la dge ba'i bshes gnyen gyi 'khor ba ni 'jigs pa chen po ste/ mya ngan las 'das pa la 'bad par bya'o// zhes smras pas/ de ma byon pa'i thub pa gang gA'i klung gi bye ma snyed dag 'byung bar 'gyur gyis/ de dag la tshangs par spyod pa spyad par bya'o zhes smras pa dang de snyed dag ni 'das par yang gyur la/ de dag khyod kyis mnyes par ma byas te// ji ltar 'das pa'i dus don med par sdug bsngal bas 'das pa de bzhin du ma 'ongs pa yang de ltar mi 'gyur ba de ltar byos shig ces smras so// 'dir bshad pa/ rnam par grol la sbyar ba'i phyir// tshe 'di nyid la 'bad par bya// 'jig rten gzhan du dam chos la// dang skye'i nges pa ci zhig yod// mdo las kyang / sangs rgyas 'byung ba brgya la rnyed 'gyur gyi// mi ni thob pa tshegs kyis rnyed par 'gyur// kye mo dad pa dang ni chos nyan pa// 'di 'dra'i bskol pa brgyur yang ches rnyed dka'// zhes gsungs so// 'dir smras pa/ yang ci 'khor ba 'di la mtha' yod dam 'on te med/ gal te yod na ni de'i tshe bsgrims pa med par mtha' yod pa'i phyir 'bad pa 'bras bu med pa nyid do// ci ste med na ni de'i tshe bsgrim pa yod kyang mtha' med pa'i phyir 'bad pa 'bras bu med pa nyid do// bshad par bya ste/ 'di ni gcig tu nges par bzung bar mi nus so// gang la zhe na/ rang bzhin med pa'i phyir dang / rang bzhin med pa'i mtha' dang ldan pa dang / mtha' dang mi ldan pa nyid kyang rig pa dang ma rig pa'i rgyu can nyid kyi phyir dang de gnyis kyang rkyen gzhan du ma la rag las pa'i phyir dang / rkyen rnams kyang shin tu dkon pa'i phyir te/ 'di gnyis char nges par rnam par bzhag pa mi nus so// nges pa med pa de nye bar bstan pa'i phyir bshad pa/ nyan po mnyan bya 'chang po rnams// 'byung ba shin tu rnyed dka' ste// de nas mdor na 'khor ba ni// mtha' med ma yin mtha' bcas min/ de la dal 'byor la gnas pa'i gang zag ni nyan pa por 'gyur ro// des ni de lta dge ba'i bshes gnyen gyis lung 'bogs pa thos nas de'i gsung gi don la spyod par nus na dal 'byor de yang rnyed par shin tu dka'o// mnyan par bya ba ni bden pa mthong ba dang rjes su mthun pa'i gsung yin na/ de yang shin tu rnyed par dka' ste/ 'chad pa po dang nyan pa po shin tu dkon pa'i phyir ro// 'chod pa po ni de bzhin gshegs pa yin na de yang shin tu rnyed par dka' ste/ de bzhin gshegs pa 'byung ba ni u duskA ra'i me tog dang 'dra bar shin tu dkon pa nyid kyi phyir ro// de ltar nyan pa po dang mnyan par bya ba dang 'chad pa po rnam pa gsum char yang 'byung ba rnyed pa shin tu dka'o// nges par 'byung ba dang nges par mi 'byung ba ma gzigs pas shin tu rnyed dka' ste/ zhes bshad do// dkon mchog gsum po 'di tshogs pa yod na// 'khor ba la mtha' mthong ba'i phyir mtha' med do zhes brjod par mi nus la/ ma tshogs nAn mtha' ma mthong ba'i phyir mtha' dang bcas pa'o zhes kyang brjod par mi nus so// de la bcom ldan 'das kyis lung ma bstan pa'i dngos po bcu bzhi las gang 'khor ba la mtha' dang ldan pa nyid dang / mtha' dang mi ldan pa nyid zhal gyis ma bzhes pa de ni mdor bsdu na rgyu 'di nyid kyis yin la/ zhal gyis mi bzhes pa la rgyu gzhan stong pa nyid du smra ba dang ldan pa dag rgyas par med pa yang ma yin no// de'i phyir de ltar rkyen la rag las pa nyid kyi phyir ji srid du mtha' dang mtha' med pa dag gi rkyen tshogs pa 'di la ma tshang ba med pa de srid du mkhas pas srid pa yongs su zad pa la mngon par brtson par rigs so// u dum+ba ra'i me tog bzhin no// ji ltar u dum+ba ra'i me tog shin tu dkon pa de bzhin du nyan pa po dang mnyan par bya ba dang 'chad pa po dag kyang shin tu dkon ste/ des na 'khor ba la mtha' dang bcas par yang ma yin no// 'dir bshad pa/ gang phyir rgyu rkyen tshogs pa las// shes pa bskyed pa de yi phyir// gsum po rnyed par dka' bas na// mtha' la nges pa ma bstan to// ci ste ji srid gsung rab gnas pa de srid du dge ba'i bshes gnyen dag dang / de'i lung dpogs pa mngon pa yin te/ de'i phyir gzhan gyi tshe bdag 'khor ba yongs su zad par byed do snyam na/ 'di ni mi rigs te/ gal te gsung rab gnas pas gnyis yod mod kyi/ de ltar na yang nyan pa po mi srid do// ci'i phyir zhe na/ gang gi phyir/ phal mo cher ni mi rnams ni// dam pa ma yin phyogs yongs 'dzin// des na so so'i skye bo rnams// phal cher nges par ngan 'gror 'gro/ gang gi phyir sems can rnams phal cher ma rig pas ldongs shing gzhan sdug bsngal ba la dga' la/ skyes bu dam pa ma yin pa dang phrad pas srog chags gsod pa la sogs pa mi dge ba bcu'i las kyi lam par mtshams med pa'i phyir mi 'di dag ni phal cher ngan song du 'gro bar 'gyur te/ gang mi dge ba'i las kyi lam la rab tu gnas pa de bde 'gror 'gyur ba 'di ni gnas med cing go skabs med do zhes 'byung ba'i phyir ro// de nyid kyi phyir so so'i skye bo rnams shes bya ste/ 'gro ba dag so sor bskyed pa'i phyir ro// de'i phyir 'di gal te bdag nyid ma 'ongs par ngan song sdug bsngal gyi me 'bar bas yongs su bskor bar yang dag par bltas nas gal te/ thod pa la me 'bar ba ltor ches myur du phyir 'tsho bar mi byed pa ni rgyal po blon po'i spyi bo nas dbang bskur ba bzhin no// sha na'i shing khur ba bzhin no// ji ltar skyes bu gnyis sha na'i shing gi phyir son par gyur la/ de gnyis slar log pas ral bal gyi khur gnyis mthong ngo // de nas gcig gis she na'i khur bor nas ral bal gyi khur bzung ba na/ de bzhin du ji srid gcig gser khur khur nas 'ongs shing gnyis ba ni kho bos 'di yun ring mo zhig tu khur khur nas ji ltar bsgyur bar bya snyam ste/ sha na'i khur kho na khur ba de bzhin du dbang phyug chen po la sogs pa rnams kyang rang gi phyogs la chags pas blo mnyam pa nyid kyi gtan tshigs kyi don dang ldan du zin kyang sangs rgyas kyis gsungs pa la gus pa mi byed cing ji ltar kho bo cag yun ring por rjes su 'brel pa'i grub pa'i mtha' 'di yongs su spong bar byed ces kyang smra'o// 'dir bshad pa/ 'gro ba yangs par 'gro phyir ram// / gang phyir so sor 'gro ba'am// 'gro ba yangs pa skyed byed pa// des 'dir so so'i skye bor bshad// 'dir smras pa/ ngan song ni mi khom pa nyid kyi phyir dang sdug bsngal rnam pa sna tshogs pa yod pa'i phyir mngon par dga' ba'i gnas ma yin mod kyi/ de lta na yang bsod nams dag gi sgo nas bde 'gro'i 'gro ba mngon par dga' ba'i gnas yod do// de'i nye bar 'tshe ba dang bral ba'i phyir ro// de'i phyir de las skyo bar mi bya'o// bshad par bya ste/ ngan song ltar bde 'gro la yang skyo bar rigs te/ 'di ltar/ sa steng sdig pa'i rnam smin ni// co 'dri kho na yin par mthong // des na srid pa gsod gnas dang // mtshungs par dam pa rnams la snang // bde 'gror skyes pa rnams kyis kyang // yid du mi 'ong ba'i las de'i rnam par smin pa lus pa las yan lag dang nying lag nyams pa dang / dbang po ma tshang ba nyid dang / dbul ba nyid dang / mthu chung ba nyid dang / shes rab bul ba nyid dang dam pas kha na ma tho ba spyod pa nyid du du dogs pa zhes bya ba'i co 'dri ba rgung pa ches mi dga' ba nyams su myong bar 'gyur ro// de'i phyir kun nas ches rab tu 'bar bar snang ba'i chung ba 'di la gnas bzhin du de gzhom pa'i phyir mi rtsom pa ni gti mug smad pa'i gnas su zad do// rgyal rgyal pos blon po bcad pa bzhin no// ji ltar rgyal po 'ga' zhig gis blon po zhig ri mor bya ba dam pas ri mor byas la/ phyis de la mi 'jigs pas des de la lag pa dang rkang pa dang rna ba dang sna bcang bar sbyar te/ de bzhin du phyug por gyur zhing 'jig rten pha rol la bltos pa med pa dag sdig pa'i las rnams byed la de dag dus byas par gyur pa dang / sems can dmyal ba la sogs pa rnams su rnam par smin pa nyams su myong nas gang gi tshe lan grangs gzhan la myong bar 'gyur ba'i bsod nams kyis mir skye ba thob pa de'i tshe de dag sdig pa'i las kyi lhag ma de gzugs mi sdug pa nyid la sogs pa rnams kyi co 'dri ba rjes su bsten par 'gyur ro// 'dir bshad pa/ gson pa'i 'jig rten 'di na ni// sngon byas pa yi las de rnams// rnam smon rnam pa sna tshogs kyis// 'jig rten 'di la co 'dri byed// 'dir smras pa/ gal te dam pa rnams la srid pa bsrog pa'i gnas dang mtshungs na de la 'jig rten ci ste mi skyo zhe na/ glang po che smyon po chang gis myos pa ltar smyon pa'i rang bzhin can nyid yin pa'i phyir ro// ci 'jig rten 'od thams cad spro 'am zhe na/ de bzhin no zhes smras te/ smyon pa'i mtshan nyid kyi phyir ro// 'di na khams ma snyoms pa las sems kyi 'jug pa gnas pa med pa'i gang zag la ni 'jig rten gyis smyon pa zhes brjod na rang bzhin gyis g.yo ba'i sems la yang 'jug pa gnas pa meng pa nyid do// de ltar na/ rnam shes gnas ba med pa las// gal te smyon par gyur na ni// srid gnas smyon pa ma yin zhes// mkhas pa su zhig smra bar 'gyur// mkhas pa rnams ni rnam par shes pa gnas pa med pa nyid la smyon par smra la/ de las kyang 'di mi rigs pa'i tshul mang po 'dod cing brdol thabs kyang smra'o// gang srid par gtogs shing 'phags pas smyon pa ma yin no zhes gsungs par gyur pa/ gang la dmigs pa gcig la rnam par shes pa rtag tu gnas pa yod pa'i so so'i skye bo de ni 'ga' yang yod pa ma yin no// de'i phyir smyo ba'i rgyu yin pa'i phyir myos par 'gyur ba 'thung ba ltar bdag legs su 'dod pas 'di yongs su spang bar rigs par 'gyur ro// chags pa log pa bzhin no// ji ltar rgyal po 'ga' zhig la bu yon tan thams cad dang ldan pa ya ba la gcig tu snying nye ba gcig yod la/ rgyal po de gang gi tshe de ma mthong ba de'i tshe bu'i sred pas shin tu gzir bar 'gyur zhing / mthong nas kyang de la ches dam du 'khyud nas pang du 'jog par byed do// de nam zhig na glo bur kho nar bu de mthong nas shin tu 'khrugs par gyur cing bu ngan phar song nga'i mdun du ma sdod cig khyod mthong nas mes tshig pa rtug byed do zhes smra'o// des pus mo gnyis ka sa la btsugs nas thal mo sbyar te ngu zhing 'dar bzhin du rgyal po la dngos kyi ci nongs zhes skang ldipa ljib po dang bcas par zhus pa dang / rgyal po des khyod kyis ci yang ma nyes mod kyi/ khyod mthong bas mi 'dod ces smras so// rnam par 'gyur ba de rtogs nas sman pa mkhas pa zhig gis gsangs ste blon po la ji ltar rgyal po 'di 'di la glo bur du mtshan ma ngan pa chags pa log par mngon pa ltar na/ 'di la spro ba'i chu rnam par shes pa gnas pa mad par gor ma chag ste/ ji srid bsnyun 'di dkyil chen po ma gyur pa de srid du gso dpyad la 'bad par bgyis shig de ltar ma yin na bsnyun yal bar dor na tshegs kyis sgrub par 'gyur ro zhes smras so// de nas blon po de legs par yongs su brtags te byed pa zhig yin du zin kyang rgyal po'i las la g.yengs pas sman pa de la dngos su smad pa mchog tu tha shal du gyur pas kyang tha shal du gyur pa smad pa'i gnas zhig ste bdag nyid chen po 'di'i dgra rnams kyang smyo bar ma gyur cig/ 'di la tshig de lta bu su'i mdun du'ang ma gleng zhig/ yul 'di nas dong ba'i cha'o zhe'o// de nas rgyal po'i nang de btang snyoms su bor ba dang nyi ma kha cig na rgyal po de ngas zil gyis mnan cing gnas ma yin par rgod pa dang ngu ba dang gar dang glu dag byed do// ji ltar rgyal po 'di sems gnas pa med pa las chags pa log pas smyo ba de bzhin du so so'i skye bo rnams kyang sems gnas pa med pa las phyin ci log pa nyid kyi phyir spro ba zhig go// 'di ltar 'di dag na yul gang la mngon par zhen pa de nyid la 'jug pa yongs su gtong bar snang ngo // de'i phyir srid par gnas pa smon pa ma yin no// zhes blo gros dang ldan pa su zhig smra bar 'gyur/ 'dir bshad pa/ mi la smyo ba'i drung na las// don min byed de smyo ba min// las kyi skyes bu sna tshogs su// byed lta smyo bas min phyir ro// de'i phyir de ltar na bsrog pa'i gnas nyid kyi phyir dang / smyo ba'i gnas nyid yin pa'i phyir mkhas dag gis srid pa yongs su spang bar byas la/ de yang las kyis 'jug pa thams cad bkag pa'i sgo nas spong bar bya'o// de ji ltar 'gyur zhe na/ de'i thabs bstan pa'i phyir bshad pa// 'gro la sogs pa'i sdug bsngal dag/ bzlog la nyams par mthong gyur te// des na las kun zad pa la// blo gros ldan pa'i blo bskyed do// ji ltar sdod pa dang 'chags pa la sogs pas bskyed pa'i sdug bsngal dag ni yongs su spang ba na sngar gyi 'phen shugs zad pa las mthar gyis zad par 'gyur pa de bzhin du las thams cad rgyun chad par gyur pa dang sdug bsngal dag thams cad kyi thams cad du'o// de'i phyir skyes bu mkhas pa las thams cad rgyun chad pa don du gnyer ba las thams cad zad pa la 'bad pa de bzhin du gzhan yang 'bad pa na rnam pa de rnyed par 'gyur bas blo gros dang ldan pas las thams cad zad pa 'thob par bya ba tshor bar byed pa 'gags pa'i rang bzhin can mya ngan las 'das pa la 'bad par bya'o// lam rings su 'gro ba bzhin no// dper na lam rings su 'gro ba ji lta ji ltar 'gro ba de lta de ltar ngal ba'i sdug bsngal dang / lam rgyags zad pa'i sdug bsngal gyis sdug bsngal bar 'gyur ba de bzhin du byis pa 'khor ba'i lam na gnas pa rnams kyang ngal ba'i sdug bsngal dang dge ba'i las yongs su zad pa'i sdug bsngal gyis sdug bsngal ba nyid du 'gyur ro// rnam pa gcig tu na ji ltar lam rings su 'gro ba'i sdug bsngal gyis gzir ba 'greng ba rtsom zhing / des de'i 'gro ba'i sdug bsngal ldog go 'greng ba'i sdug bsngal yang 'dug pas yin la/ 'dug pa'i sdug bsngal yang 'greng bas so// gal te yang 'dug pa'i sdug bsngal gyis yongs su dub ste de btang nas spyod lam gzhan mi rtsom na ni de'i tshe 'di la spyod lam las byung ba'i sdug bsngal gtan ldog pa srid pa zhig go// de bzhin du las thams cad zad pa la yang brjod par bya'o// de'i phyir de ltar na sdug bsngal thams cad ldog pa'i rgyu ni las thams cad zad pa yin pas blo gros dang ldan pas las thams cad zad pa la blo gros bskyed par bya'o// 'dir bshad pa/ lus kyi bde ba las sems kyi bde// phul du gyur pa ji bzhin du// nyon mongs zad pa'i bde las kyang // las zad bde ba de bzhin no// 'di las kyang blo gros dang ldan pa rnams kyis 'khor ba btang bar rigs te/ 'jigs pa'i rgyu yin pa'i phyir ro// 'di ltar/ glang tshe 'bras bu gcig gi yang // thog ma'i rgyu ni snang min pa// de tshe gcig la yang rgyas par// mthong nas gang la 'jigs mi 'byung // 'di na re zhig gang gi tshe skye ba gcig nas gcig la brgyud pa thog ma dang mi ldan pa nyid kyi phyir na 'byung ba las gyur pa 'am/ sems las gyur pa yang rung ste gcig nas gcig tu brgyud pas dang po yongs su brtags bzhin pa'i 'bras bu gcig gi yang dang po'i rgyu mi snang ba de'i tshe de ltar 'bras bu gcig la yang mtha' yas pa nyid shin tu rgyas par mthong nas 'jigs pa dang bral ba ma yin pa gang zhig la 'dir 'gro ba'i 'jug pa mthong bas 'jigs pa mi 'byung ste/ 'dis ni rgyun dpag gis mi lang ba'i tshang tshing gis ches rgyu bar dka' ba'i 'khor ba'i 'brog chen po la rtag tu skyo ba dang / de dang rjes su 'tsham pa'i tshul bzhin gyi rnam pa bsgom pa rigs so// bum pa bzhin no// dper na bum pa la rkyen dag tu ma lta bu ste re zhig bum pa la 'jim pa'i gong bu dang dbyug gu dang 'khor lo dang srang bu dang chu dang skyes bu'i rtsol ba la sogs pa dag snang na/ gzhan ches brling ba rnams sgrub pa la lta ci smos/ 'dir bshad pa/ 'di ltar dus mtha' yas pa'i phyir// 'gro la thog ma yod min pa// de phyir skye bo sngon gyi mtha'// yang dag kun nas shes par dka'// gzhan yang 'dir gang zhig mngon par 'dod cing sred pas yongs su g.yo ba de gal te nges par 'grub par 'gyur na ni de'i tshe g.yo bar rigs pa zhig na/ 'bras bu thams cad nges par ni// 'grub par 'gyur ba ma yin zhing // grub pa nges par mthar 'gyur na// de yi don du ci ste 'joms// 'di na brtsams pa'i 'bras bu thams cad ni nges par 'grub pa 'am/ ma yin pa zhig tu 'gyur la/ 'bras bu grub pa'o cog kyang nges par gdon mi za bar 'jog pa zhig go// de la gang 'grub pa ni nges par gdon mi za bar yun mi ring bar 'jig ste/ de'i don du 'jig rten 'di ko ci ste rnam par 'joms// de'i phyir dra ba can spangs te de bcad pa la bsgrim par bya'o// rdza mkhan so gtong ba bzhin no// 'di ltar rdza mkhan so gtong ba la grub pa ma nges shing grub pa rnams kyang nges par 'jig pa de bzhin du 'jig rten pa'i dngos po thams cad la yang ngo // 'dir bshad pa/ byas shing dngos po thams cad la// nges par grub pa yod ma yin// de yi phyir na de dag ni// nges par gor ma chags par 'jig/ ji ltar 'bras bu la nges par 'jig pa de bzhin du las kyang yin no// zhes bstan pa'i phyin bshad pa/ las ni 'bad pas byed 'gyur zhing // byas zan 'bad pa med par 'jig/ de ltar gyur kyang khyod la ko/ las la chags bral 'ga' yod min// 'di na 'bad pa chen pos sgrub pa'i thabs mang po ngag gis las byed la/ de yang 'bad pa chen po dang sgrub par byed pa mang po dag gis byas bzhin du 'bras bu ltar 'bad pa med pa kho nar 'jig go// de'i phyir de ltar na mkhas pa skyes bu'i byed pa sgrub byed chen po don med par byed pa'i las la 'dod chags dang bral bar ji ltar mi 'gyur/ khyod ni slar yang las de dag byed pa'i phyir na 'dod chags dang bral ba med pas blun pa nyid du ston par byed do// de'i phyir 'dod chags bral ba la skabs dbye bar bya ste/ phan 'dogs pa bsri ba med pa'i 'jug pa ni mdzes pa ma yin no// ri la rdo 'dzugs pa bzhin no// ji ltar ri rtser rdo 'bad pas 'dzugs shing / de 'bad pa med par kho nar 'gyel pa de bzhin du 'jig rten pa'i 'jug pa thams cad kyang yin no// 'dir bshad pa/ gang gi phyir na rgyu dang rkyen// tshogs pa yis ni las byed pa// de'i phyir 'bad pas de byed cing // de ma tshang bas 'jig par 'gyur// 'dir smras pa/ gal te yang 'bad pa med par las 'jig mod kyi/ de ltar na yang bde ba'i rgyu nyid kyi phyir de la 'dod chags dang bral bar mi 'gyur ro// bshad par bya ste/ 'das la bde ba yod min zhing // ma 'ongs pa la'ang yod min la// da ltar byung ba'ang 'gro nyid de// khyod kyi ngal 'di gang phyir yin// re zhig rnam par shes pa 'ongs pa la ni bde ba yod pa ni ma yin te/ 'gags zin pa'i phyir ro// ma 'ongs pa la yang bde ba yod pa ma yin te/ ma phrad pa'i phyir ro// da ltar ba la yang bde ba yod pa ma yin te/ gnas med pa'i phyir ro// de ltar bde ba med par gyur pa dang / des phan 'dogs pa med pa'i phyir/ bde ba longs spyod pa la brkam pa khyod kyi bde ba'i rgyu sogs pa'i dub pa gang yin pa de gang gi ched du yin pa zhig ste/ rnam pa thams cad du bde ba'i rgyu sogs pa'i ngal ba'i tshogs 'bras bu med pa kho na'o snyam du dgongs so// klung gi ngogaso su khang pa rtsig pa bzhin no// 'ga' zhig gi chu klung gis 'gram du khang pa brtsigs pa dang / sa phyogs de rdib par gyur to// nas de las gzhan zhig de dang mthun pa'i 'gram nyid du brtsigs pa dang / de yang rdib ste rdib pa kho na thug pa med par 'gyur ro// ji ltar khyim rtsig pa 'di la ngal du ba 'ba' zhig tu 'gyur zhing / mngon par 'dod pa'i 'bras bu thob pa med pa de bzhin du 'jig rten pa'i 'jug pa thams cad kyang yin no// 'dir bshad pa/ skad cig la g.yo'i 'gros can sems// gang gi phyir na dus gsum du'ang // yongs su brtags na bde med na// las rnams gang gi don du sog/ 'dir smras pa/ de lta yin mod kyi/ 'on kyang mtho ris kyi bde ba'i don du gdon mi za bar dge ba'i las bya'o// bshad par bya ste/ mkhas pa rnams la mtho ris kyang // dmyal ba dang mtshungs 'jigs bskyed 'gyur// rnam pa kun tu de rnams la// srid gang 'jigs pa mi bskyed dkon// de la kun nas nyon mongs pa rnam pa sna tshogs skye ba'i sgor gyur pa nyid kyi phyir dang / yul las yang dag par 'byung ba'i nyon mongs pa drug po'i me 'bar ba nyid kyi phyir dang / gti mug shas che ba nyid kyi phyir mtho ris kyang dmyal ba ltar 'jigs pa bskyed pa nyid kyi phyir mkhas pa rnams kyis spong bar byed do// gang dag la mtho ris phun sum tshogs pa slad du med pa'i bde ba la longs spyod pas dga' bar 'os pa rnams kyi sa re 'jog skyed par mi byed pa de dag de las gzhan pa'i srid pa dur khrong sa gzhi lta bu la dga' bar ga la 'gyur/ kyang gi sgra ni 'dir rim pa gzhan du sbyar te/ mtho ris kyi sgra'i 'jug thogs su blta bar bya zhing / re zhig srid pa gzhan lta zhog shig mtho ris kyang mkhas pa rnams la dmyal ba dang mtshungs so// zhes rnam par bshad par bya'o// byis pa'i 'ching ba grol ba bzhin dang // 'ba' li'i 'ching ba grol ba bzhin no// dper na rgyal po byis pa zhes pa rang bzhin gyis ma rung ba'i chos lugs lcags ltar rno ba zhig byung bar gyur la de'i btson khang du gang 'jug pa de log pa dong rkang pa dang skye dge la 'ching ba lngas dam du 'ching ngo // de gang gi tshe 'ga' zhig 'grol bar byed pa de'i tshe skyes bu bsrungs ma rnams la/ 'di 'ching ba thams cad las grol bar bya mod kyi/ 'on kyang spyod lam gcig po gang zhig gis tshe'i mthar gnas par 'dod pa de legs par bsrungs par bzhag par bya'o zhes lung bsgo bar byed le/ lho de bzhin no zhes de rnams kyis ji skad du smras pa de bzhin byas pa lta bu ste/ de la gang zhig rgyal po byis pa'i 'ching ba las grol bar gyur pa de la ni grol ba yang bcings pa dang mtshungs par 'jigs pa bskyed pa nyid do// sdug bsngal khyad par du gyur pa'i phyir ro// de bzhin du gzhan bdag nyid chen po rnams la yang mtho ris kyang dmyal ba'i gnas dang 'dra bar 'jigs pa bskyed par 'gyur ro// yang ji ltar 'ba' li 'jig rten thams cad kyi dpon byin nas brdams par gyur pa ni 'di gzhan byin te 'gro bar snang ngam/ de bzhin du gang dag la mtho ris kyang sdug bsngal gyi rgyu yin pa'i phyir dmyal ba dang mtshungs pa de dag la gang zhig 'jigs pa mi skyed pa'i srid pa gzhan gang zhig yod/ gzhan yang ji ltar mkhas pa 'khor ba'i skyon so sor rdog pa la 'dzangs pa rnams 'khor ba gcig tu sdug bsngal gyi me 'bar bas yongs su bskor ba ji lta ba bzhin lta ba de ltar/ gal te byis pa'ang rnam kun tu// 'khor ba'i sdug bsngal shes gyur na// skad cig de la sems dong ni// lhan cig gtan tu 'jig par 'gyur// sdug bsngal gang zhig bsams pa na 'phags pa rnams 'khor ba las skyo bar 'gyur/ ba de gal te so so'i skye bos mngon sum du bya bar nus na ni de'i tshe skad cig de nyid la 'di'i snying lus dang lhan cig tu rnam par 'jig par 'gyur ba zhig na ma rtogs pa'i phyir na 'di grogs po'i gsob kyis g.yogs po'i dgra la bya ba ltar 'khor la mngon par dga'o// 'phags pa rnams kyis 'khor ba'i sdug bsngal sems can thams cad la phan gdags pa'i bsam pa brtan pos bzung ba ni byas pa shes pa nyid dang snying rje chen po'i thabs dang stobs dag gis de ltar skyo ba'i rgyu ma yin pas gzhan la phan pa'i bya ba la gzhol ba de rnams la gtan nas 'jigs pa dogs par bya bar mi nus la/ so so'i skye bo 'jigs tshegs la lta ba dang rjes su 'brel pa'i phyir dang gnyen po sgom pa dang bral ba'i phyir na/ gal te 'khor ba'i sdug bsngal rnam pa thams cad du shes na nges par rdul phra rab tu 'jig par 'gyur ro// gnod sbyin gyis brlams pa dang / dbang pos byis pa bzhin no// 'ga' zhig ni gnod sbyin gyis mngon par brlams shing gnod sbyin de yang des ma mthong bar gyur pa dang / de 'di snyam du re zhig gnod sbyin de ma mthong bar sdug bsngal 'di 'dra ba 'byung na gal te mthong na ni bdag gi lus phyag dar spar gang ltar rnam par 'jig par 'gyur ro snyam du sems so// yang ji ltar sde sna gzhon nu dpon thabs la chags pas srog yongs su btang nas sde sna nyid slar 'dzin pa de bzhin du byis pa'i skye bo yang gal te 'khor ba'i sdug bsngal khong du chung na de'i 'jigs pas srid pa thams cad yongs su btang ba las gtan du 'jigs par 'gyur te thar par ro// zhes bya ba'i don to// 'dir bshad pa/ sangs rgyas rnams kyi sdig pa yi// 'bras bu ci 'dra mkhyen ji ltar// ji ltar byis pas shes na de// skad cig de la brgyal bar 'gyur// gzhan yang 'khor ba 'di na bya ba dag la nus pa dang ldan zhing g.yo bar gyur pa bde bar 'gyur na/ de yang nges par dpyad pa na/ sems can rlom pa can min dkon// rlom can snying rje ldan pa med// des na snang ba nas snang bar// 'gro ba shin tu rnyed dkar gsungs// bde ba myong bar bya ba'i yul ma thob par nye bar sogs pa'i phyir dang / thob pa yongs su bsrung ba'i phyir dang / skyes bu nus shing zho sha dang ldan pa kho na rlom pa nye bar skye la/ rlom pa'i dbang gis kyang bdag nyid khyad par du gyur pa yongs su rtog cing lhag par mi bzod pa na de gzhom por 'dod pas brtse ba med par 'gyur ro// gang las bde ba nyams su myong bar 'byung ba 'gyur ba brtse ba med pa lnga ni ngan 'gro'i mthar thug pa nyid kyis 'byor pa dag ga la yod/ de nyid kyi phyir bcom ldan 'das kyis snang ba nas snang bar gzhol ba'i gang zag ni dkon no zhes gsungs te/ rigs dang longs spyod dang / phyug pa las skyes pa'i nga rgyal gyis nges par thur du lhung ba'i phyir ro// dza mA dAg+ni'i bu bzhin no// ji ltar dza mA dA g+ni'i bu nus shing rlom pas lan nyi shu rtsa gcig tu sa steng rgyal rigs med par byas te/ snying brtse ba med pa'i phyir ro// de'i phyir gang zhig srungs yod cing nga rgyal can ma yin par 'gyur ba dang / nga rgyal can snying rje dang ldan pa zhes bya ba ni shin tu rnyed par dka'o// gal te de ltar rlom pa can sdig pa'i las la spyod pa'i phyir ngan 'gro'i mthar thug pas smad pa yin na'o na bzlog ste rlom pa can ma yin pa dag chos mtho ris kyi bde ba sgrub par byed pa la spyod pa'i phyir sngags par 'os par 'gyur te/ de'i phyir 'khor ba ni gcig tu dgongs pa yin no zhe na/ bshad par bya ste/ phyin ci log pa nyid kyi phyir chos la yang chags par mi rigs so// 'di ltar/ 'di na yul log gyur pa la// yul ni dmigs par grags gyur te/ phyin ci log tu gyur pa'i chos// rgyu ci zhig gis yang dag 'dod// gang yul dog la re ba med pa ni tshongs par spyod pa khas blangs pa las de dag yongs su 'dor la de nas shi 'phos shing / phyug po'i rigs sam mtho ris su skyes pa la yul yid du 'ong ba dag dmigs so// gang gi phyir 'di 'dor ba'i rang bzhin yin bzhin du rang gis thob pa'i ngo bo can gyi 'bras bu mngon par sgrub par byed pa de'i phyir na chos ni phyin ci log yin no// de de ltar phyin ci log ya ni yang phyin ci log tu gyur pa'i 'jig rten gyi rgyu ci zhig ste/ dam pa rnams mi bzhed pa gang zhig gis khas blangs pa ste/ de'i phyir de la mngon par zhen pa mchog tu bkrabs par mi 'gyur ro// lug brdung bar 'dod pa bzhin no// ji ltar lug ni brdung bar 'dod pa na ring por song ba yang log pa yin pa de bzhin du yul log cing yul don du gnyer ba yang yin no// de ltar na re zhig chos kyang phyin ci log nyid yin pa'i phyir spang bar bya ba yin no// las de'i 'bras bu phyug pa gang yin pa de yang rang dbang du gyur pa nyid med pa'i phyir dang / sdug bsngal rnam pa sna tshogs kyi gnas yin pa nyid kyi phyir na mkhas pas re ba bzhag par mi bya ste/ 'di ltar/ bsod nams 'bras bu phyug pa ste// de gzhan las yong bsrung bya na// rtag tu gzhan las bsrung bya gang // de ni ji ltar bdag gir 'gyur// sngar byas pa'i bsod nams kyi las kyi 'bras bu ni phyug pa nyid yin no// de yang bdag gi bar 'du shes byas pa zhig yin la/ de ni rtag tu dgra zla dag las bsrung bar bya ba yin no// gal te de bdag gi ba yin na ni mi bdag brgyas can dang / rkun po dang chu dang me rlung la sogs pa dgra zla dag las bsrung bar bya bar mi 'gyur ba zhig na/ gang zhig gzhan dag gis gcad par bya ba'i phyir rtag par bsrung ba'i tshul bya dgos pa de ci ltar bdag gi ba yin par brjod par nus/ de'i phyir 'di nam zhig bsrung ba'i sgrub pas par med par mchog tu 'tshams shing yul gyi ro/ myang bar byed/ de'i phyir 'di'i 'bras bus kyang phan 'dogs par mi nus so// bla ma bzhin no// ji ltar rtag tu bla ma'i rjes su 'jug par bya ba dang blo ma la 'bad par bya ba de bzhin du phyug pa bsod nams kyi stobs las skyes pa yin la/ de yang rgyal po dang chom rkun dang / chu dang me dang 'bras la sogs pa dag las bsrung bar bya ba yin no// gang zhig rtag tu bsrung bar bya ba yin pa de ni bdag gi ma yin no// 'jig rten pa'i chos ni gnas pa med pa'i phyir de la re ba mi legs te/ 'di ltar 'jig rten tshul lugs gang dang gang // de dang de la chos rjes 'jug/ de yi phyir na chos pas kyang // 'jig rten stobs ldan lta bur snang // chos ni 'jig rten gyi yul dang rigs dang rus dang spyod tshul gyis rnam par bzhag pas bu mo rjong pa dang srol ba la sogs pa'i tshul lugs gang dang gang rnam par 'jog por byed pa de dang de yang dag par rjes su 'jug ste/ tshul lugs de dang de la chos shes grags par 'gyur ba'i phyir ro// gang zhig yul dang dus kyi khyad par ngag rnam pa gzhan du 'gyur ba 'di ni rang bzhin gyi rnam par gnas pa'i chos kyi lugs su'ang mi rigs te/ de'i phyir 'di la shin tu gus par mi rigs so// bu mo bag mar len pa bzhin no// skyes bu yul ya ba nar phyin pa 'ga' zhig gis yul ya ba na ba 'ga' zhig me sbar nas rig sngags kyis me de la khyod la bu mo chung mar rung ngo zhes bya ba'i sgra 'byin par byed pa mthong ngo // skyes bu de yang shin tu 'dod chags la spyod pa zhig yin zhing / de'i bu mo gzugs dang lang tsho dang ldan pa zhig kyang rang gi yul na gnas so// de nas me des ya ba na ba de'i thad nas rig sngags de nor mang po byin nas don du gnyer bar byas shing / rang gi yul du 'ongs te rang gi bu mo chung mar bya bar 'dod nas don te smra bar bya ba'i phyir me la dris pa dang me des tshul lugs rnam pa gzhan du yin no smra te/ de ltar na/ chos pas kyang 'jig rten stobs dang ldan no// 'dir smos pa/ 'di na mngon par 'dod pa'i yul yang dag par 'byung ba med par bde ba myong bar 'gyur ba'i nyams su myong ba yod pa ma yin/ yul 'byung ba de yang gang gi phyir bsod nams kho na la srid pa de'i phyir yul 'dod pas chos bya ba kho na'o// bshad par bya ste/ yul ni dge bas yid 'ong na// yul de'ang dran par brtsi ba yin// gang zhig btang ba shis 'gyur ba// de grub pa yis ci zhig dgos// yul yid du 'ong ba// gzugs dang sgra dang dri dang ro dang reg bya zhes bya ba 'dod pa'i yon tan lnga'i bdag nyid can gang yin pa de ni dge ba'i las kyis 'thob na/ de nyid thar pa 'dod pa'i sems can rnams kyis mi gtsang ba bsdus pa'i khyim ltar smang bar 'gyur ro// gang zhig don ma yin pa'i rtsa ba yin pa'i phyir dang / mi rtag pa nyid dang / sdug bsngal ba dang / mi gtsang ba dang / bdag med pa nyid kyis rtag tu so mi gsod pa'i phyir dang / 'dod chags la sogs pa nyon mongs pa skyed par byed pa nyid kyis bag med pa'i gnas nyid kyi phyir yongs su btang ba mchog tu bkrabs par 'gyur ba de ni grub pa yis kyang dgos pa ci zhig yod/ de'i phyir 'bras bu'i yul gyi rgyu chos nye bar sogs pa'i tshegs don med pa kho na yin pas/ chos ma yin pa ltar chos la yang chags pa dor bar gyis shig/ kam po cir slong rgyu ba bzhin no// dge slong 'ga' zhig kam po ci'i yul mi dag la slong du song ba dang / de la g.yo rgyu can 'ga' zhig gis rang gi don du 'di ni yul 'di'i khrims yin gyi bsod snyoms la rgyu ba na re zhig 'dir ci yang ma smra zhig/ bzhad gang du ra du 'ong ngo zhes smras so// de drang bas dang por byas pa nyid kyis de ltar byas so// de nas skye bo'i tshogs des bdag cag la rdo bas skyes bu des 'khrul 'khor 'di byas nas bdag cag la mngags so snyam du shes shing / e ma 'di'i mig 'byed pa dang 'dzums pa ni mi ltar sbyar bar gyur to zhe'o// de bzhin du nying lag thams cad la smra bar gyur to// de nas de dag gis kyang de dang 'dra ba'i 'khrul 'khor dag byas nas skyes bu de la mngags so// de nas des dge slong de la da ni skyes bu de dag gi don du tshig smros shig ces pa dang / des kyang de ltar byas te a rok+Sha la sogs pa'i tshig phyung ngo // de nas de dag ya mtshan du gyur te 'di ni bdag gis mi nus kyis gsal bar bdag cag des pham par byas so zhes smra'o// g.yo rgyu can de yang rang gi ngo bo yongs su shes pa las dran par brtsi bar 'gyur te/ 'di yung de dang 'dra'o// 'dir smras pa/ gal te yul spang ba yin pa'i phyir yul sgrub pa'i don du chos dgos pa med pa yin mod kyi/ de lta na yang rgyal srid dag ni bka'i ro myang bas brling ba yin pas de'i don du rgyal srid la dbang ba'i bsod nams bdag la 'bad par bya'o// bshad par bya ste/ thams cad la bkas dgos pa yod pa ma yin no// de'i phyir/ gang la bka' lung dgos med pa// de la chos don med par 'gyur// gang zhig gis 'dod pa'i don rnam pa gzhan du grub pa mi srid pa des ni gzhan gyis de sgrub tu gzhug pa'i phyir bka' lung stsol ba'i ngal ba thob par 'gyur/ gyi/ gang zhig bka' lung med par don grub par 'bad pa myed par 'thob pa de la ni bka' lung dgos pa ci yang med la/ gang la bka' dgos pa yod pa ma yin pa de la ni de'i rgyu chos kyang don med do// de ltar na re zhig bka' drin du mi gnyer ba de chos med do// 'o na ni bka' lung dgos pa yod pa de la chos 'bras bu dang bcas par 'gyur bas de'i don du rigs so zhe na/ bshad par bya ste/ gang yang chos don gnyer ba nyid// de ni skye nang blun zhes bya// blun po'i rigs dang mi rigs par spyod par mi nus pa kho na bka' don du gnyer bar 'gyur gyi/ mkhas pa ni phyi rol tu g.yengs pa'i tshogs kyi ngal ba bde bar mi sems so// gzhan yang 'di bka' lun la gnod pas brod pa dang bral ba las de dang rjes su mi mthun pa dag la 'jug pas gnas pa na 'dod bzhin du bya ba ma yin pa byed de/ de'i phyir ches sdig pa'i gnas skabs su 'gyur bas don du gnyer bar mi rigs so// gal te 'di dge ba'i las kyis bka' tsam don du gnyer bar gyur zhing mi bde ba'i phung po rgyal srid don du gnyer bar byed na ni/ de las ches blun pa gzhan su zhig yod par 'gyur/ lo tshigs zhes pa bzhin no// rtsis mkhan 'ga' zhig la bu gcig la gzugs la sogs pa yon tan dang ldan pa zhig yod la/ de yang bu de dang lhan cig yul gzhan du song bar gyur zhing de gzhan dag gi gam du bdag nyid dor bar bya'o// zhes ngu bar brnams so// gzhan dag gis de la ci'i phyir ngu zhes dris pa dang / des nyi ma drug na bdag gi bu 'di 'chi ba'i dus byed par 'gyur ro zhes smra ste/ nyi ma de dag tsam kho nar des bu de bsad par gyur to// 'dir smras pa/ mtho ris kyi gnas na mi rnams la chos kyi 'bras bu phyug pa'i khyad par dmigs nas ma 'ongs pa'i 'bras bu'i khyad par 'dod pa na mkhas pa su zhig gus pa dang bcas pas bsod nams dag mi byed/ bshad par bya ste/ ma 'ongs pa yi 'bras mthong nas// chos 'dod chags pas khyod chags na// ma 'ongs mtha' ni mthong gyur nas// 'jigs pa med dam ci zhig byed// mngon par 'dod pa'i 'bras bu ma 'ongs pa la 'dod pa na 'di 'du/ byed dge ba dag la 'dod chags bsrel na/ de'i 'bras bu de ma thag tu 'byung ba'i ngan 'gro ni mchog tu yid du mi 'ong ba zhig ste/ de yongs su spang bar byed pas 'bras bu ltar chos la yang re ba spang bar bya'o// 'bras bu dang chos la chags pa med pa mi nges par yongs su mya ngan las 'du' ba'i chos can du 'gyur ro// gal ba'i gnas nyo ba bzhin no// ji ltar mi mi mkhas pa 'ga' zhig yon tan dang ldan no snyam du bsams nas gel pa'i gnas nyo la/ de yang 'jig rten thams cad dang mi mthun par 'jug pa'i rgyu nyid kyi phyir nyes pa du mas skyon chags par gyur pa lta bu'o// gzhan yang 'bras bu'i rgyu mtshan du dge bar 'dod pa/ gla ba lta bu'i bsod nams ni// rnam kun rngan pa dang mtshungs 'gyur// ji ltar gla ba 'bras bu 'dod na gla'i don du las byed pa de bzhin du skye bo 'di yang 'bras bu'i tshad du sbyin pa la sogs pa la 'jug gi/ de'i phyir gla ba dang 'dra bar 'gyur du 'ong bas 'bras bu yid du 'ong ba'i ched du sbyin pa la sogs pa'i las la 'bad par mi bya'o// de la mkhas pa rnams la de las bzlog par 'gyur bar dogs par mi bya ste/ 'di ltar/ glang dag dge ba'ang mi 'dod la// de dag mi dge ji ltar byed// bya ba mngon par 'dod pa la ni rang dang gzhan gyi bde ba 'byung ba'i rgyu yin pa'i phyir bsod nams kyi bya ba mchog yin na glang dag de yang 'khor ba'i rgyu yin pa nyid kyi phyir mi 'dod pa de dag da ltar rang dang gzhan la gtan don ma yin par gyur pa'i mi dge ba ji ltar byed de dag la ni 'di dogs par bya bar mi nus kyang 'khor ba las ldog pa ni srid de/ de'i rgyu las mi byed pa'i phyir ro// rang ka Tas rgyal bu la glang bskul ba bzhin no// rang ka Ta zhes bya ba mchog tu dbul zhing phongs pa smyung ba 'ga' zhig gis 'ga' zhig dag la khu 'pho legs par ma sbyar ba zhig rnyed do// de yang rang gi gos hrul dri ma dang chu ser la sogs pa dri ma'i skyon du mas brlag pa zhig tu btums par gyur pa dang / bag med pa de'i de khyis phrogs par gyur la/ de dang shin tu mi ring ba zhig na rgyal bu zhig lha mnyes par bya bar 'dod pas sbyang bar rnam par gnas pa de la des rgyal bu 'dis bdag gi slongs mo phrogs te zos so zhes skur pa btab ste rgyal bu de ni sbyang bar gnas pa nyams par 'gyur du 'ong zhes te/ rang gi kha zas shin tu legs par sbyar ba yang mi za na de lta za bar ga la 'gyur/ de bzhin du gang dag srid pa'i rgyu yin pas bsod nams dag kyang byed par mi phod pa de dag ji ltar na dran 'gro'i rna bas bsod nams ma yin pa dag byed par 'gyur/ gzhan yang ma rig pa dang rjes su 'brel pa'i byas pa rnams ni dge ba dang mi dge ba la sogs pa'i las dag byed cing bde ba dang yid bde ba dang rnam par shes pa la sogs pa'i rnam par smin pa'i phyir sog par yang byed kyi/ ma rig par phyin ci log 'phel ba drungs phyung ba/ rang bzhin med pa'i mthong ba skye ba'i phyir rten cing 'brel par 'byung ba'i don dam pa khong du chud pa/ gang gis 'gro ba 'khrul 'khor gyi// tshogs 'dra sgyu ma'i skyes bu ltar// mthong bar gyur pa de ngag ches// gsal bar go 'phang dam pa 'gro/ 'khrul 'khor ni srad bu dang shing du ma sogs pa las grub pa yin la/ sgyu ma ni gsang sngags dang sman chen po'i stobs kyi rkyen las byung ba'i skyes pa dang bud med la sogs pa'i cha byad dag go// ji ltar gang dag phyin ci log las mi mkhas pa rnams la kun nas nyon mongs pa'i rgyur 'gyur pa de dag kho na de'i rang bzhin la mkhas pa'i 'khrul 'khor dang sgyu ma mkhan skyes pa dang bud med kyi rang bzhin gyi stong pa nyid mthong ba rnams la ji ltar kun nyon mongs pa'i rgyur mi 'gyur ba de bzhin du gang dag gis 'gro ba rten cing 'brel par 'byung ba'i phyir 'khrul 'khor dang sgyu ma la sogs pa ltar rang bzhin dang bral zhing yod pa ma yin pa'i rang gi ngo bor mthong ba de dag ni phyin ci log gis kun nas bskyed pa'i 'khor ba las brgal nas bsod nams dang sdig pa'i bya ba las 'das pa'i mya ngan las 'ongs pa'i grong khyer gcig pu'i mthar thug par 'gyur ro// 'khrul 'khor gyi bu mo bzhin no// ri mo mkhan 'ga' zhig gis 'khrul 'khor gyi slob dpon zhig gis khyim du gnas bcas par 'gyur la/ des der bzhad gad kyi bsam pas 'khrul 'khor gyi bu mo zhig bsngags so// des bran mo 'di ni bdag ji ltar 'dod pa bzhin du yongs su longs spyod pa'i phyir btang ba zhig go snyam du brtags lag pa nas bzung nas drangs pas shing thang po zhig tu gyur te/ de de mthong nas shin tu ngo tsha bar gyur to// des kyang lan klan pa'i phyir rtsig ngos la bdag nyid lcibs pa de ltar bris pa dang / de mthong nas 'khrul 'khor gyi slob dpon em kyi hung brtun ngas pa las 'khrul 'khor la reg pa'i ri mo mkhan gyis ngo tsha bdag nyid/ 'gegs te bsod do snyam du sems par gyur to// de'i phyir de ltar na sgyu ma'i rang bzhin dang tha mi dad pa'i chos kyi rang bzhin la mkhas pa/ gang dag la ni 'khor ba na// yul rnams kyis kyang dga' med pa// de dag la 'dir rnam kun tu// dka' ba 'thad pa ma yin nyid/ yul la chags pa ni byis pa rnams kyi 'khor bar gnas pa'i rgyu yin gyi gang dag la chos kyi rang bzhin legs par so sor brtags pa'i phyir 'khor bar mngon par dga' ba dang / lha dang mi'i yul rje a mthun pa rnams kyis kyang mngon par dga' bar yod pa ma yin pa de dag la gzhan skyo ba dang rjes su mthun pa skye ba dang rga ba dang na ba dang 'chi ba dang mya ngan dang smre sngags 'don pas 'khrug pa'i rnam pa can la mngon par dga' ba yod par 'gyur ram zhes mi srid par sems shing / de dag la 'dir rnam kun du// dga' ba 'thod pa ma yin nyid ces bshad de/ mkhas pa rnams ni dga' ba'i rgyu phyin ci log spangs pa'i phyir 'khor bar dga' ba ma yin te/ legs mthong chen po bzhin no// ku sha'i grong khyer du byang chub sems dpa' legs mthong chen po zhes bya ba 'khor los sgyur ba'i rgyal srid la rnam par gnas shing khyim na gnas pa zhig gis yul gyi nyes pa mthong ba'i phyir btsun mo brgyad khri bzhi stong spangs nas bsam gtan bzhi bskyed do// 'dir legs mthong chen po smos pa ni dpe tsam zhig tu zad do// de las gzhan pa byang chub sems dpa' sa thob pa dag kyang 'gro ba rang bzhin med par mthong ba'i phyir lha'i yul dag gis kyang 'khor bar dga' ba ma yin mod kyi 'on kyang 'gro ba rnams kyis de'i rang bzhin khong du chud par bya ba'i phyir smon lam gyi dbang gis 'khor ba'i mtshor 'khor zhing 'khor ba'i nyes pa'i dri ma dag gis ma gos pa yin no// slob dpon 'phags pa lha'i zhal snga nas kyi byang chub sems dpa'i rnal 'byor spyod pa bzhi brgya pa las mi nyid kyis mngon par 'dod pa'i yul gyi longs spyod la mngon par zhen pa spang ba'i thabs bstan pa zhes bya ba ste rab tu byed pa bdun pa'i 'grel pa'o// // gang zhig 'dod chags kyi 'ching ba tsha bas cher gtang ba nyid kyi phyir bdag dang gzhan la 'dod chags spongs par mi srid par dogs pa de la bshad pa/ ji lta mi mthun mi rnams la// mdza' ba yun ring mi gnas pa// de bzhin kun la skyon shes la// 'dod chags yun ring mi gnas so// skye bo rjes su mthun par 'jug pa rnams kho na la des phan btags pa'i stobs kyis 'jug pa drangs pa'i mi rnams kyi mdza' bo de'i yon tan lhag par sgro btags pa sngon du 'gro ba can skye ba dang gnas par dmigs kyi rjes su mi mthun pa dag la ni ma yin no// de'i skyon nye bar rtog pa la zhugs pa'i phyir ro// de'i phyir de ltar na ji ltar 'gal ba'i mi rnams la mdza' ba yun ring por gnas pa yod pa ma yin pa de bzhin du rnal 'byor pa la yang phyi dang nang gi dngos po rnams la skyon du mthong ba nyid kyi phyir ji ltar thams cad du 'dod chags dang bral ba mi srid/ bram ze'i khye'u rgyu dang / 'phags pa dgra bo pham dang / rgyal po'i bu g.yul ngor pham pa bzhin no// ji ltar bram ze'i khye'u rgyu zhes bya ba bag ma len pa'i dus su lan kA na rnam par gnas shing gzhon nu ma'i lag pa nas 'dzin par 'dod pa la bcom ldan 'das kyis bram ze'i khye'u 'brel na 'ching zhing / bral na rnam par grol lo zhes gsungs pa dang / des gsung de thos te/ de na gnas pa nyid kyis 'phags pa'i bden pa bzhi mthong ba so sor rtogs par byas pa lta bu ste/ de la 'brel na zhes bya ba ni kun 'byung gi bden pa'o// 'ching zhing zhes bya ba ni sdug bsngal gyi bden pa'o// bral na zhes bya ba ni lam gyi bden pa'o// rnam par grol lo zhes bya ba ni 'gog pa'i bden pa'o// rab tu byung nas kyang dgra bcom pa nyid mngon sum du byas so// de bzhin du 'phags pa dgra bo pham sngon phyugs rdzir gyur pa yang ste/ de'i pha shi zhing kho bo rab tu byung la/ de la yang bag ma len pa'i chos nye bar gnas pa dang / de byung tshul de kho bo de la go bar byas pas des khyod kyi don du gnyer bas mang du btang na/ ci bu mo 'di'i rin cha rjes su 'tsham mam re zhig de'i bshang ba'i ring thang ci yin pa chod dang / de bzhin du gci ba dang khrag dang snabs dang / zhag dang chu ser dang sungs pa dang / sbubs kyi zhes rgyas par smras so// de yul gyi skyon shes pa'i phyir tshig de dag thos nas tshogs las byung ste/ rab tu byung zhing dgra bcom pa nyid du yang gyur to// de bzhin du rgyal po 'ga' zhig la bu shin tu phangs pa zhig yod la/ de nas re zhig na rengs pa dang / brgyal ba des de g.yul gyis pham par byas nas bzung la/ de'i nyes pa mthong ba'i phyir de las rgyal po'i de'i chags pa log par gyur to// de bzhin du skyon shes pa la thams cad du 'dod chags mi gnas so// thams cad du skyon du mthong ba'i phyir 'dod chags mi gnas pa 'ba' zhig tu ma zad kyi/ 'di las kyang spongs pa srid do// 'dod chags kyi gzhi med pa'i phyir ro// de'i gzhi ji ltar med pa de ltar bstan pa'i phyir bshad pa/ la la de nyid la chags te// la la de nyid la sdang zhing // lnga la de nyid la rmongs la// de'i phyir 'dod pa dron med pa'o// 'dod chags ni chags par 'gyur ba'i dngos po la rag las pa yin no// chags par 'gyur ba'i dngos po de yang rang gi ngo bos ma grub ste/ 'di ltar gcig gi chags par bya ba gang yin pa nyid gzhan gyis sdang bar bya ba dang rmongs pa dang bar ma byas par dmigs so// gal te rang gi ngo bos chags par bya ba'i dngos por gyur na ni/ de thams cad la thams cad kyi tshe de ltar 'gyur ba zhig na/ nges pa 'di ni mthong ba ma yin no// 'di ltar gang la gcig chags pa de nyid la gzhan sdang zhing de nyid la gzhan rmongs te/ de'i phyir na/ 'dod pa rang gi ngo bos ma grub pa'i phyir stong pa yin zhing / de ltar chags par 'gyur ba'i dngos po stong pa nyid du bsgom pa lhur byed pa'i rnal 'byor pa la 'dod chags spong ba yod pa nyid do// ma dang chun ma dang bran mo bzhin no// skyes bu 'ga' zhig la chung ma gnyis yod cing de las gcig ni bu dang lhan cig 'dug la/ gnyis pa ni bu med par ro// de la ma do ni gang gi tshe rang gi bu mthong ba de'i tshe dga' bar 'gyur zhing chun ma de ni de mthong nas sdug bsngal ba nyid du 'gyur la/ bran mo ni mthong nas bar mar gan pa 'gyur te/ de ltar na 'dod chags la sogs pa rnams kyi dmigs pa la rang gi ngo bos grub pa yod pa ma yin no// de ltar re zhig dmigs pa ma grub pas 'dod chags la sogs pa ma grub par bstan nas rgyu ma grub pas kyang 'dod chags la sogs pa ma grub par bstan pa'i phyir/ rtog pa med par 'dod chags la// sogs pa yod nyid yod min na// yang dag don de rtog pa zhes// blo dang ldan pa su zhig 'dzin// zhes bya ba smos te/ 'dod chags zhe sdang gti mug ni// kun tu rtog las 'byung bar bshad// ces 'byung ba'i phyir ro// 'dod chags la sogs pa nyon mongs pa'i rgyu ni yul rnams la tshul bzhin ma yin pa'i rtog pa ste/ de'i phyir gang dag rtog pa yod pa kho nas yod pa nyid dang / rtog pa med par yod pa nyid med pa de dag ni gor ma chags par thag pa bsdogs pa la brtags pa'i sbrul ltar rang gi ngo bos ma grub par des so// gang zhig 'dod chags la sogs pa rnams la rang gi ngo bos grub par khas len pa de ni nges par rang gi ngo bos grub pa dang 'gal ba rtog pa la bltos te/ skye ba nyid khas blang bar mi bya'o// gal te 'di yang dag pa'i don yin na ni ci'i phyir de yod pa nyid du bya ba la rtog pa la bltos/ 'on te bltos na ni 'di ji ltar yang dag pa'i don yin/ de ltar na 'thad pa dang bcas pa'i lung gi snang bas sems kyi rgyud gsal bar byas pa'i phyir mkhas pa rnams rang gi ngo bos grub pa la rtog pas bskyed pa nyid khas len par mi byed kyi/ thun pa rnams ni ji zhig ltar phyin ci log pas rab tu 'jug par 'gyur ro// bsam gtan pa'i mgo'i thod pa bzhin no// bsam gtan pa 'ga' zhig bdag gi mgo la thod pa zhig 'jar ro snyam du sems rnam par 'khrul par gyur pa dang / de la 'ga' zhig gis 'di khyod kyi mgo las ltung ngo zhes thod pa gzhan zhig bsgyur bas de de ltar ro snyam du rtogs nas rnal mar gyur te/ rtog pa log pa'i phyir ro// 'dir smras pa/ 'dod chags la sogs pa rnams la rang bzhin yod pa kho na ste/ 'ching ba yin pa'i phyir ro// 'di ltar bud med ni skyes pa'i yul can gyi 'dod chags kyis skyes pa dang lhan cig bcings pas skyes pa las mi 'da' la/ skyes pa yang bud med kyi yul can gyi 'dod chags kyi bud med dang lhan cig bcings pas bud med mi gtong ba yin no// bshad par bya ste/ 'ga' la'ang gang dang lhan cig tu/ bcings pa zhes bya yod min te// de ltar 'dod chags rtog pa la bltos te skye ba nyid kyi phyir rang bzhin gyis ma grub pa de bzhin skyes pa dang bud med dag kyang rang gi ngo bos ma grub pa'i phyir na don 'ga' zhig yang don 'ga' zhig dang bcings pa'i rang bzhin gyis yod pa ma yin pas bcings pa'i rgyu can yin pa'i phyir 'dod chags rang gi ngo bos grub pa ma yin no// ci ste yang de ltar rnam par dpyod pa dor nas gzhan dang gzhan lhan cig bcings par rtog na/ de ltar na yang / gzhan dang lhan cig bcings pa la// bral ba rigs pa ma yin no// bral ba dang rnam par thar pa dang rnam par grol ba zhes bya ba ni don gzhan ma yin no// gal te rang bzhin gyis gzhan gyis 'ching ba'i rgyu nyid du 'gyur na ni de'i tshe rang gi ngo bo la gzhan du 'gyur ba med pa'i phyir grol ba med pa'i phyir grol ba med pa kho nar 'gyur ba zhig na rnam par grol ba yod pas 'dod chags la rang gi ngo bos 'ching ba'i rgyu nyid yod pa ma yin no// 'ching ba'i rgyu nyid med na yang bcings pa ga la yod/ de'i phyir 'dod chags la sogs pa rnams kyi rang bzhin gyis stong pa kho na yin zhing / rang bzhin gyis stong pa nyid du mthong ba las spong bar 'gyur ro zhes bya ba gzhag par nus so// glang nag po dang dkar po'i sbyor ba bzhin no// ji ltar glang nag po glang dkar po la sbyor ba ma yin la/ dkar po yang nag po la ma yin gyi 'on kyang gnya' shing dang chu thag la sogs pa yin te/ de bzhin du dbang po rnams yul rnams la ma yin la/ yul rnams kyang dbang po rnams la ma yin gyi 'on kyang 'dir 'dun pa'i 'dod chags gang yin pa de 'ching ba yin no// gal te de ltar rnam par dpyad pas nyon mongs pa rnams ldog na ni ci'i phyir phal cher nyon mongs pa pham par ma byas pa dag ltar snang zhe na/ zab mo'i chos la lhag par mos pa dang bral ba'i phyir ro// 'di ltar/ bsod nams chung ngus chos 'di la// the tshom za bar yang mi 'gyur/ the tshom za ba tsam zhig gi/ srid pa hrul por byas par 'gyur/ mi mkhas pa 'khor ba thog ma med pa nas phyin ci log tu lta ba goms par byas shing dngos po gzugs brnyan lta bu rnams la 'di'i bden par mngon par zhen pa ni stong pa nyid nye bar ston pa g.yang sa ltar sems te/ sems kyi rgyud stong pa nyid kyi lhag par mos pa'i rgyud dge ba'i rtsa ba dang bral ba'i phyir ro// rnam pa de lta bu'i sems can la ni phyin ci log tu nges pa las ma gtogs pa stong pa nyid kyi chos 'di la ji ltar yin nam 'di ltar ma yin snyam du the tshom yang mi skye'o// de'i phyir grol ba'i rgyu la phyin ci log pa'i phyir de la thar pa lta ga la yod/ gal te stong pa nyid kyi chos yang dag par nye bar bstan na rgyu ci zhig gcig gis chos 'di ltar ma yin zhing 'di the tshom bskyed na ni the tshom za ba 'di tsam gyis kyang nges par 'di'i srid pa dengs pa nyid du 'gyur te/ de ni gal te 'di ltar yin snyam du dmigs pa na de'i tshe de rim gyis nyon mongs pa'i rkun po gcod pa'i rgyur 'gyur ro// yang the tshom za ba po nges par don du gnyer zhing 'thad pa dang bcas pa'i lung gi stobs las yang dag pa'i lta ba la nges par gyur pa ni nyon mongs zad pa las 'khor ba rgyun chad par byed pas the tshom za ba'i dus na yang 'di'i srid pa hrul po bo nar 'gyur mAngon te/ de 'joms pa dang mthun pa'i gnas skabs la gnas pa'i phyir ro// srin mos bzung ba'i rta'i rgyal po ba la ha kas thar par byas pa bzhin no// dper na bzhon pa chad pa'i ded dpon srin mos bzung ste khyim thab nyid du bsten zhing des khyod kyis nem yang lho phyogs su 'gro bar mi bya'o zhes lho phyogs nas bzlog pa dang / de ci'i phyir 'di dag bzlog par byed snyam du the tshom za ba tsam gyis phyin la/ de yang rta'i rgyal po ba la ha ka dang phrad nas de nas srin mo de las thar zhing rgya mtsho'i pha rol tu phyin no// gal te de la the tshom 'byung bar mi 'gyur na ni srin mo de las thar bar mi 'gyur na/ rgya mtsho'i phar 'gram du yang phyin par mi 'gyur ba lta bu'o// yang gang la the tshom za ba srid pa hrul po nyid kyi rgyur 'gyur ba rang bzhin gyis stong pa nyid kyi mtshan nyid can gyi chos gang yin pa de ni bcom ldan 'das kyis bzod pa'i skad cig dang po nas nye bar bzung nas ji srid thar bar 'gyur ba de'i bar du yongs su mi nyams pa dang 'phel bar gsungs kyi 'jig rten pa'i chos rnams ni de lta ma yin te/ de rnams ni rnam par smin pa zad pa las kyang zad par 'gyur la/ rkyen ma tshang ba las kyang mi 'byung ngo // 'di ltar shes rab kyi pha rol tu phyin pas byin gyis ma brlabs pa'i sbyin pa la sogs pa rnams kyis ni dmus longs ltar thams cad mkhyen pa nyid kyi grong khyer du phyin par byed mi nus so// zhes ston pas gsungs so// de'i phyir de ltar na/ chos gang zhig la thub po yis// thar pa'i bar du 'phel ba nyid// gsungs der gang la gus med pa// de ni gsal bar blo ldan min// gang zhig gtan du phan 'dogs shing 'phel ba rab tu 'gyur pa dang ldan pa'i chos la gus pa skyed par mi byed pa'i rmongs pa de ni dor ba'i gnas la 'jigs par lta ba de'i phyir bdag nyid blun po nyid du mngon par byed pa zhig ste/ de'i phyir de ltar blun por 'gyur du 'ong bas mkhas pa rnams kyi rang bzhin stong pa nyid du lta ba la gus pa bzhag par bya'o// li kha ra'i la du bzhin dang / thur ma dang phyag rgya bzhin no// dper na li kha ra'i la du kun nas myang bar bya ba yin pa de dang 'dra'o// yang ji ltar skyes bu 'ga' zhig gis rigs sngags gnyis grub po// de la gcig gis ni thur ma la yongs su bzlas nas skye bo rnams kyi nang thams cad nye bar zhi bar byed do// gnyis pas ni phyag rgya bcas nas so// de nas des 'dza' bo 'ga' zhig la khyod rig sngags gnyis po 'di nos dang / khyod la phan par 'gyur gyi zhes smras pa las des ma mnos so// de nas grogs po mdza' ba de shi ba dang / de la nang chen po byung ba de yang gsor mi rung pa zhig ste/ de nyid shi bar yang 'gyur ba bzhin no// yang ci dngos po 'di rnams mi stong bzhin 'dod chags dang bral bar bya ba'i phyir stong pa ltar mthong ngam/ 'on te rang bzhin gyis stong pa kho na yin dang stong pa'o zhes bsnyad ce na/ bshad par bya ste/ bdag ni mya ngan 'das 'gyur zhes// stong min stong ltar mthong min te// log las mya ngan mi 'da' bar// de bzhin gshegs pa rnams gsung ngo // dngos po rnams gzhan du gnas pa las pa gzhan du yongs su shes pa de ni log par lta ba'o// gal te dngos po rnams rang bzhin gyis mi stong bzhin du rang bzhin du stong zhes mthong na ni de'i tshe log par lta ba kho na las mya ngan las 'das pa thob par 'gyur ba zhig na/ log par lta ba'i gang zag la ni sangs rgyas bcom ldan 'das rnams mya ngan las 'das par rnam par 'jog par mi mdzad de/ yang dag pa'i lta ba sngon du btang ba kho nas mya ngan las 'das pa ji ltar 'thob par rnam par 'jog pa'i phyir ro// de'i phyir rgyu ma ltar rten cing 'brel par 'byung ba'i phyir dngos po rnams rang bzhin gyis stong pa kho nar gyur pa na dngos po de kho na nyid ji ltar gnas pa bzhin du mthong bas rgyud sbyangs shing sgro btags pa dang skur pa 'debs pa'i mthar rtog pa'i dri mas dri ma can du ma gyur pa'i 'phags pa rnams kyis chos thams cad rang bzhin gyis stong ngo snyam du rtogs te/ bcom ldan 'das kyis chos thams cad ni stong pa nyid de rang bzhin med pa'i tshul gyis so zhes gsungs pa'i phyir ro// mtshan mo dge tshul btung bya ma yin pa la bsngags pa bzhin no// dge tshul 'ga' zhig bla mas btung bar bya ba ma yin pa'i don du mtshan mo mnan zhing bsngags pa dang / de nas de la des 'di ni dge slong rnams la rung ba ma yin na khyod ji ltar 'thung zhes brjod do// des smras pa chu bo snyam du byas nas 'thung ngo zhe'o// des kyang nyi ma gzhan zhig la chu nyid 'on pa dang / des ci'i phyir gzhan nyid blangs zhes smras la/ dge tshul gyis kyang gang gi tshe khyod chu nyid do snyam du byas nas 'thung na de'i phyir 'di la khyad par ci zhig ces smras so// gal te dngos po rnams rang bzhin gyis stong pa kho na yin na ci'i phyir ma rig pa la sogs pa'i rim pas sems can dang snod kyi 'jig rten gyi 'jug pa bstan te/ don dam pa yin pa'i phyir rang bzhin gyis stong pa nyid kho na cig rkyang nye bar bstan par bya bar 'gyur ba ma yin nam zhe na 'di ni de ltar ma yin te/ dang po 'jig rten pa'i don dam par 'jug pa'i bdag nyid can nye bar ma bstan par ni de kho na nyid rang bzhin gyis stong pa nyid kyi mtshan nyid can kun nas bstan par mi nus te/ de'i phyir de kho na nyid kyi bdud rtsi la 'jug pa'i skabs su gyur ba nyid kyi phyir na 'jug pa nye bar bstan pa yang bya dgos la/ chags pa thams cad yongs su btang bas mya ngan las 'das pa'i bde ba thob pa'i rgyu rang bzhin gyis stong pa nyid nye bar ston par yang bya dgos par bya dgos so// de'i phyir 'dir de bzhin gshegs pa'i gsung rab// gang las 'jig rten bstan 'byung ba// de las 'jug pa gsungs pa ste// gang las don dam bsnyad byung ba// de la ldog pa gsungs pa'o// mkhas pa ni gang las rang dang spyi'i mtshan nyid bden pa'i dngos por rtog pa'i sgo nas rgyu med pa nyid dang / rgyu gcig pa dang mi mthun pa'i rgyu dgag par bya ba'i don du ma rig pa dang 'du byed la sogs pa'i rim pas 'khor ba'i 'jug pa'i tshul ston pa 'jug pa gsungs so zhes bya bar shes par bya'o// gang la rten cing 'brel par 'byung ba rang bzhin ma skyes pas rang bzhin gyis stong pa nyid du ston pa de las ni 'khor ba 'jug pa'i ldog pa gsungs te/ don dam par rang bzhin stong pa nyid khong du chud pas thams cad du ma tshogs pa dang ldan zhing tshor ba dag la sred pa med pa la sred pa'i rkyen can len pa la sogs pa rgyu 'gag pa dang / rnam pa thams cad du skye ba dang rga ba dang na ba dang 'chi ba la sogs pa 'gag pa'i phyir ro// gting khung du 'jug pa bzhin no// ji ltar gting khung 'jug na cha rkyen gyi 'jug pa gang cung zad yod pa de thams cad dor bar bya ba yin la/ de dag gis dgos pa ci yang med pa de bzhin du 'jig rten pa'i 'jug pa'i snying po med pa de dag thams cad kyang mkhas pas yongs su btang bar bya ba zhig ste/ gang las 'jug pa'i chos yin pa de nyid las ldog pa'i chos yin pa'i phyir ro// gal te de ltar dngos po thams cad stong ba'i phyir don dam pa'i bsnyad pa la ci yang yod pa ma yin na ni de'i tshe thams cad dngos po med par thal bar 'gyur ro// thams cad dngos po med pa las kyang bya ba cung zad kyang med par 'gyur de rnam pa thams cad du yang las dang byed pa po dang byed pa dang bya ba la sogs pa rnams med pa'i phyir ro// bya ba la sogs pa rnams dngos po med pa las kyang thar pa med par 'gyur bas khyod kyis thams cad mi rigs pa nyid do zhe na/ bshad par bya ste/ kun yod ma yin ci bya zhes// khyod la 'jig pa skye 'gyur grang // gal te bya ba yod na ni// chos 'di zlog byed mi 'gyur ro// gang gi phyir thams cad yod pa ma yin pa de nyid kyi phyir don dam pa chos 'di 'jug pa zlog byed du rigs te/ de'i phyir zlog pa don du gnyer bas bya ba la sogs pa'i rten yod pa thams cad med pa ci ste mi 'dod/ ci ste 'jug pa ltar de la yang bya ba yang yod na ni de'i tshe bya ba'i 'bras bu'i dngos po yang 'jug pa'i phyir 'jug pa de nyid yin pas ji ltar chos 'di mya ngan las 'das pa 'dren par byed par 'gyur/ smig rgyu bzhin no// ji ltar smig rgyu'i chu'i 'du shes bskyed cing de chur yang mi 'gyur la/ der gang zhig la skom pa skye ba de nyid ni tshegs su 'gyur/ ba de bzhin du phung po dag la bdag tu 'du shes pa yang yin no// gang zhig ldog par byed pa'i chos la ci yang yod pa ma yin pa de'i phyir stong pa nyid kyi phyogs mchog tu bkrabs par 'gyur ro zhes stong pa nyid kyi phyogs la chags shing bzlog pa rang bzhin dang bcas pa'i phyogs la sdang ba de la klan kar 'gyur te/ khyod la rang phyogs chags yod cing // gzhan gyi phyogs la mi dga' na// mya ngan 'das par mi 'gro ste// gnyis spyod zhi bar spong mi 'gyur// phyogs ni 'dir mdor bsdu na rnam pa gnyis te/ rang gi phyogs dang gzhan gyi phyogs so// de la gal te rang bzhin stong pa nyid kyi phyogs ni mchog go snyam du khyod la rang gi phyogs la 'dod chags shing mngon par zhen pa yod cing / gzhan yang dag pa ma yin no snyam du rig nas gzhan gyi phyogs la khyod mi dga' na ni de'i phyir mya ngan las 'das par mi 'gro ste rjes su chags pa dang khong khro bas bcom zhing gnyis la spyod pa las ni mya ngan las 'das pa yod pa ma yin no// dam pa rnams kyis ni thams cad la bar ma gnas par 'gyur ba na chags pa bcad par zhi ba de ro gcig pa ldog pa med par 'thob par 'gyur ro// de nyid kyi phyir bcom ldan 'das kyis gang zhig chos thos rjes su chags 'gyur pa/ de ni chos min thos nas nyams 'gyur te/ de ni nga rgyal dregs bcom phyir log cing // nga rgyal dbang gis de yi sdug bsngal myong // gang dag bdag gi/ gnas mi 'gyur zhing // rtag tu khengs min dma' ba ma yin la// gang dag dga' dang mi dag las grol ba// de dag yun du yid grol gyur zhing gnas zhes gsungs so// 'phags pa dge 'dun sde'i sdom partson bzhino// sdom brtson 'ga' zhig dge slong 'phags pa dge 'dun sde'i gan du bstan bcos nyan par 'dod par 'gyur la/ nam zhig na des de la dge bsnyen gyis shig ces smras pa dang / des kyang nyi ma gzhan zhig gi tshe slob dpon la phyag 'os kho bo ni dge bsnyen du gyur te gang gi phyir bram ze mthong nas bsad par 'dod pa'i phyir ro zhes smras so// 'dir smras pa/ nye bar 'tshe ba thams cad dang bral ba'i phyir mya ngan las 'das pa bde ba dam pa yin mod kyi/ de lta yang de 'thob pa'i thabs la spyod pa shin tu dka' ba'i phyir de 'thob par mi nus la/ srid pa ni 'bad pa med par bsgrub par bya ba yin pa'i phyir sgrub par sla ste/ de'i phyir bdag cag de la 'jug par 'gyur ro// bshad par bya ste/ phyin ci log tu nges par bzung ba zhig go/ 'di ltar/ byed med mya ngan 'da' 'gyur zhing // byed las yang srid 'gyur te des bsam khral med pas mya ngan las// 'das pa thob sla gcig shos min/ gang gi phyir bya ba thams cad la byed pa log cing bsam khral med pas mya ngan las 'das pa de'i phyir mya ngan las 'das pa thob pa sla'i// dge ba dang mi dge ba la 'jug pas bsgrub par bya ba nyid kyi phyir na mya ngan las sa pa las cig shos yang srid pa ni bde blag tu mi 'thob la// mkhas pas ni sgrim pa med par 'thob pa'i mya ngan las 'das pa spangs nas bya ba rnam pa sna tshogs pa'i dub pas 'thob par bya ba'i yang srid pa don du gnyer bar yang mi rigs so// nad med pa'i stobs sgrub pa bzhin no// nad med pa'i stobs sgrub pa la rkyen mang po mthong mod kyi/ gang gi tshe khyad par cung zad kyang mi 'dod pa de'i tshe na rkyen thams cad don du mi gnyer bar 'gyur ro// gal te mi byed na mya ngan las 'da' bar gyur na ci'i phyir khyod kyis bstan bcos 'di las mi rtag pa nyid la sogs pa'i don ston par byed ce na/ bshad par bya ste/ 'khor ba la chags pa'i 'gro ba 'khor ba la skyo bar bya ba'i phyir ro// 'di ltar/ gang la 'dir skyo yod min pa// de la zhi gus ga la yod// rang khyim la bzhin sbrid pa ni// 'di nas 'byung ba'ang bya ba dka'// 'khor ba las sems skyo ba rnams ni de las nges par 'byung bar bya ba'i phyir mya ngan las 'das pa bsten gyi gang la skyo ba yod pa ma yin pa de ci'i phyir de don du gnyer bar bya/ skyo ba med pa nyid kyis blo chung ba rnams 'khor po las nges par 'byung ba yang mi bzod do/ 'di ni dper na rang gi khyim snying po chung yang chags pa yongs su gcang par bya dka' ba nyid kyi phyir blo chung ba rnams kyis gtong bar mi nus pa dang de 'dra'o// gsang bya btung ba don du gnyer ba bzhin no// gsang bya 'ga' zhig 'phral bsad par bya'o zhes bsad par bya ba'i phyir btang ba yang btung ba don du gnyer bar 'gyur te/ de bzhin du rjes su 'brel pa rnams la yang 'dod pa mi ldog go// gzhan yang phyug po rnams kyis ni yul gyi bde ba'i longs spyod med pa'i khyim dag spong ba dang / dgon par mya ngan las 'da' ba thob par bya pabar btang ba yang nus par ma gyur mod// gang dag la nad dang dbul ba la sogs pa sdug bsngal gyi rgyu rnams spyir bco ba mi srid pa de dag gis ni 'khor ba la dga' ba yongs su dor bar rig pa nyid do// 'di ltar/ la la sdug bsngal zin mnan zhing // 'chi bar 'dod pa dag snang ste// de tshe de dag gti mug phyir// go 'phang dam par mi 'gro zad// la la dag ni nad dang dbul ba dang sdug pa dang bral ba la sogs pa'i sdug bsngal gyis gzir te/ bdag la chags pa der nas bdag/ nyid ngos nas skur zhing me dang chur 'jugs pa la sogs pa dag kyang byed de/ gal te de kho na ltar 'khor ba sdug bsngal du nges par byas nas bdag la chags pa gtan du phyung bar gyur na ni mya ngan las 'das pa'i bde ba la mi ring bar gnas pa zhig na/ yod pa ma yin phyin ci log gis mthong bar phyin ci log rnams ni gti mug che ba'i phyir gang gis na mya ngan las 'das pa sgrub par 'gyur ba de ltar mi 'jug go// thug pa kun nas 'thungs te nyal ba dang / btung ba'i sman pa the tshom za pa bzhin no// 'ga' zhig thug pa 'thungs nas nyal ba dang / khyad par mang pos sdug bsngal bar gyur to// de bzhin byis pa rnams kyang ji lta ji ltar bde ba 'dod pa de lta de ltar sdug bsngal bar 'gyur ro// yang ji ltar 'ga' zhig sman btung ngo snyam ste nye bar bsnams par gyur to// de yang nye bar bsdums par gyur nas ci btung bar bya ba'i sman zhig gam/ btung bya ma yin pa zhig snyam du the tshom za bar gyur la/ de na de las ma thar pa de bzhin du byis pa so so'i skye bo thams cad kyang sdug bsngal dang nye bar 'tshe ba'i snum chos kyi nyon mongs pa dag zhu bar byas pa yin du zin kyang / ma rig pas gtugs shing thibs po'i rnam pa mi shes pa'i nang sel ba'i rgyu 'dod chags dang bral ba'i sman la the tshom za ba ni nyon mongs pa thams cad nye bar 'joms pa'i sman ma 'thungs par kun nas nyon mongs pa'i nang chen po thams cad grol ba las gnyis su med pa'i go 'phangs dam pa skyon med pa mi 'thob bo// 'dir smras pa/ gal te de ltar srid pa thams cad yongs su btang bas rga shi med pa'i go 'phangs mya ngan las 'das pa gcig pu kho na don du gnyer bar bya ba yin na de thob par bya/ ba'i phyir sgom pa'i gtam kho na yin la rag mod/ ci'i phyir bcom ldan 'das kyis sbyin pa dang tshul khrims kyi gtam dag kyang mdzad/ bshad par bya ste/ dman pa dang 'bring dang rab kyi dbye bas sems can gyi khams ni rnam pa sna tshogs la de'i dbye ba las kyang bcom ldan 'das thabs chen po can gyi thugs rje chen po'i rang bzhin mnga' ba gang gi 'bras bu lhun gyis grub pa 'jug pa'i 'gro ba mtha' dag gi bsam pa dang bag nyal mkhyen pa'i chos bstan pa rnam pa sna tshogs pa yin no// de la bcom ldan 'das des/ sbyin pa dman pa la gsungs shing / 'bring la tshul khrims gsungs pa ste// mchog la zhi ba gsungs gyur pa// des na rtag tu mchog tu byos// dman ba'i gang zag la ni sbyin pa kho na dang tshul khrims la sgom ni ma yin te/ de gnyis kyi snong ma yin pa nyid kyi phyir ro// 'bring po la ni tshul khrims kho na gsungs kyi sbyin pa ma yin zhing sgom pa ma yin te/ sbyin pa la gnas zin pa'i phyir dang sgom par nus pa med pa'i phyir ro// mchog la ni sgom pa kho na gsungs kyi sbyin pa tshul khrims dag ni ma yin te/ de gnyis la gnas par gyur zin pa'i phyir ro// de la sbyin pas ni longs spyod che bar 'gyur ro// tshul khrims kyis ni lha dang mi'i skye ba'o// sgom pas ni nyon mongs pa bsrab pa nyid du 'gyur lo bsrabs pa nyid kyi phyir mya ngan las 'das pa'i phyir thams cad la mya ngan las 'das pa mi gsung ngo // de'i phyir bdag mchog tu gyur cig ces mya ngan las 'das pa la mngon par dga' bar byos shig/ rgyal bu gsum la nye bar 'doms pa bzhin no// ji ltar 'di la rgyal bu gsum yod pa la der na tshod la bltos te gcig ni yi ge ngag nye bar ston te/ gnyis pa la ni bstan bcos 'don pa'o// gsum pa la ni mtshon cha'i thabs 'don pa ston to// de bzhin du dman pa la sogs pa rnams la sbyin pa la sogs pa'o// mchog tu byung ba'i phyir ches thog ma kho nar mya ngan las 'das pa'i gtam bya ba yang ma yin gyi/ bsod nams min las dang por bzlog/ bar du bdag ni bzlog pa dang // phyi nas lta zhig kun bzlog pa// ni bya ste gang gi shes de mkhas pa yin// bstan pa 'dir rim gyis 'dus byas thams cad bzlog par bya'o// de la 'dir re zhig bsod nams ma yin pa'i phyogs thams cad bzlog pa ni dang por bya ste/ mthong ba dang ma mthong ba'i nyes pa brgya phrag du ma'i rgyu yin te/ spang bar sla ba dang por bzlog par bya'o// sdig pa bzlog pas ni phung po dang khams dang skye mched rnams la bdag rnam pa lngar yang mi srid pa'i phyir bdag tu lta ba tsha nyi shu dor bar bya'o// phyi nas bdag la chags pa yang dag par ston pa'i phung po dang khams dang skye mched dag la chags pa yang yongs su btang bar bya ba'i phyir dngos po thams cad bzlog par bya'o// de'i phyir de ltar na blo dang ldan pa 'di len pa med par yongs su mya ngan las 'das te/ de ltar na rim pa'i sgo nas gang zhig gis thams cad bzlog pa'i thabs shes pa/ de la ni sangs rgyas kyi bstan par mkhas pa zhes brjod do// nang phyir bco ba'i bya ba bzhin no// ji ltar nang phyir bco ba dag sdum chos dag la sogs pa dag byas dang bya ba dang 'gal bar spyod pa'i skyon du mi 'gyur ba de bzhin du thar ba'i tshul la yang ngo // yang ji ltar len pa med pa nyid 'thob ce na dngos po thams cad rang bzhin med pa nyid du mthong ba las so// gal te dngos po rnams mtha' yas pa de'i yul can de ji ltar blta bar nus/ chos gcig kyang yongs su ma shes shing / ma spangs par sdug bsngal gyis mthar byed pa yang mi srid la de bzhin du bcom ldan 'das kyi sa skad cig gcig dang ldan pa'i shes rab kyis gang cung zad shes par bya ba dang blta bar bya ba dang mngon sum du bya ba de thams cad mngon sum du mdzad do zhes 'don pa yang yin te/ de'i phyir 'di ji ltar blta bar bya zhe na/ bshad par bya ste/ dngos po gcig gis lta po gang // de ni kun gyi lta bor bshad// gcig gi stong nyid gang yin pa// de nyid kun gyi stong nyid do// gzugs kyi rang bzhin stong pa nyid gang yin pa de nyid tshor ba la sogs pa phung po rnams kyi rang bzhin stong pa nyid do// de bzhin du mig gi skye mched kyi rang bzhin stong pa nyid gang yin pa nyid skye mched bcu gnyis kyi char yang yin no// de bzhin du mig gi khams kyi rang bzhin stong pa nyid gang yin pa de nyid khams bco brgyad car gyi yang ngo // de bzhin du dngos po dang yul dang dus dang rten gyi dbye ba tha dad cing rab tu dbye ba mtha' yas pa rnams las dang po gcig gis rang bzhin stong pa nyid gang yin de nyid dngos po thams cad kyi rang bzhin stong pa nyid de/ bum pa dang mkhar gzhong la sogs pa tha dad kyang na mkha' tha dad med pa bzhin no// gzugs la sogs pa'i dngos po tha dad kyang gzugs la sogs pa rnams kyi rang bzhin gyis ma skyes pa lngas tha dad pa med pa'i phyir chos gcig kho na'i rang bzhin gyis ma skyes pa yongs su shes na chos thams cad kyi rang bzhin gyis ma skyes pa yang yongs su shes par 'gyur te/ de bzhin gyis ma skyes pa yong yongs su shes par 'gyur te// de bzhin du spang ba la sogs pa dag la yang sbyar bar bya'o// de nyid kyi phyir 'phags pa nam mkha' mdzad kyi ting nge 'dzin las/ gang gis chos gcig bsgoms nas chos rnams kun// sgyu ma smig rgyu 'dra zhing gzung med la// gsob brdzun ther zug min par shes pa de// ring po mi thogs byang chub snying por 'gro zhes gsungs so// de bzhin du 'phags pa ting nge 'dzin gyi rgyal po las kyang // gcig gi thams cad shes 'gyur zhing // gcig gi thams cad mthong bar 'gyur// ji snyed mang po brjod byas kyang // de la dreg pa skye mi 'gyur// bdag gi 'du shes shes pa ltar// de bzhin kun la blo sbyar bya// chos kun de yi rang bzhin te// rnam par dag pa na mkha' 'dra zhes bya ba la sogs pa 'byung ngo // rgya mtsho'i chu thigs pa 'thungs pa bzhin no// ji ltar ro mtshungs pa'i phyir/ gcig tu rgya mtsho ro myangs na thams cad du ro myangs par 'gyur ba de bzhin du dngos po rnams kyi 'dus byas stong pa nyid kyang yin te/ mtshan nyid mtshungs pa'i phyir ro// 'dir smras pa/ gal te chos thams cad stong pa'i phyir spang bar bya ba yin na/ dge slong dag de lta bas na gus par byas te/ gus par byas nas byas pa'i bsod nams kyi rnam par smin pa 'dod pa dang sdug pa dang phangs pa dang yid du 'ong ba so sor myong bar 'gyur ro// zhes bya ba 'di ci'i phyir gsungs/ 'di ni mi 'gal te gang gi phyir/ chos chags de bzhin gshegs rnams kyis// mtho ris 'dod pa rnams la gsungs// thar pa 'dod rnams la de nyid// smad 'gyur gzhan du smos ci dgos// chos la chags pa ni de'i thabs kyi ngo bo yin pa'i phyir gdon mi za bar bya ba nyid du/ bsod nams ngag ni byar 'os te/ bsod nams ma byas nyid sdug bsngal/ bsod nams byas pa'i 'jig rten ni/ 'di dang gzhan du dga' 'gyur ro// zhes sangs rgyas bcom ldan 'das kyis 'dod cing ngan 'gror 'gro bas 'jigs pa skye ba dang / 'jigs pa bsgom par mi nus pa rnams la gsungs kyi// thar pa 'dod pa rnams la ni ma yin no// de rnams la ni chos la chags pa 'khor ba'i brtson ra'i khang bar 'ching ba nyid yin te/ gang gi phyir chos kyi rnam grangs gzings dang 'dra bar kun nas shes pa rnams kyis ni chos rnams spang bar bya ba yin na chos ma yin pa dag lta ci smos zhes gsungs pa'i phyir ro// rnam par grol ba'i bde ba 'dod pa la ni 'gar yang chags pa shis par mi 'gyur te/ de ni chags pa ma lus pa bcad pas thob par bya ba yin pa'i phyir ro// mi pham pa'i mdo bzhin no// gang gi tshe bcom ldan 'das shAkya thub pas ba ra NA sir khyod ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas byams pa zhes bya bar 'gyur la/ yang de'i tshe 'khor los sgyur ba'i rgyal po dung zhes bya ba 'byung bar 'gyur zhing / der grong khyer 'di nyid du khyod bzhugs pa dang yongs su mya ngan las 'das pa la mchod pa chen po byas te rab tu byung nas dgra bcom pa nyid kyis yongs su mya ngan las 'das par 'gyur ro zhes byang chub sems dpa' mi pham pa zhes bya ba lung bstan par mdzad pa dang / de nas 'khor de'i nang nas dge slong mi pham pa zhes bya ba zhig yod par gyur la/ des e ma ma la bdag gling bzhi'i dbang phyug 'khor los sgyur ba dung du gyur cig ces smon lam btab ste/ de ni bcom ldan 'das kyis 'di ltar sdug bsngal bzlog par bya ba'i phyir/ rab tu byung na sdug bsngal de nyid 'dod pa khyod ni skyes bu blun po zhig go/ zhes smad pa mdzad do// de bstan nas bcom ldan 'das kyis da ni de'i skad cig tsam gyi srid pa mngon par 'grub pa yang bsngags par mi mdzad do// de ci'i phyir zhe na/ dge slong dag srid pa mngon par grub pa ni sdug bsngal ba ste/ dper na phyi sa ni chung ngu yin du zin kyang dri nga na/ mang po lta ci smos zhes gsungs te/ de bzhin du zhes bya ba ni gong ma bzhin no// de ni de ltar smad la/ gzhan dag ni srid pa'i rgyu bsod nams dag la sbyar ro// 'dir smras pa/ gal te stong pa nyid kyis chags pa log pas sdug bsngal rangs pa ldog na de lta na ni/ 'o na sdug bsngal mtha' dag nye bar gcod pa'i rgyu nyid kyi phyir de kho na nyid gcig pu nye bar bstan par bya'o// de ni de lta ma yin/ te/ de ni snod kyi khyad par la bltos pa'i phyir ro// 'di ltar snod ma yin pa la bstan pa'i phyir stong pa nyid ni bza' nyes pa'i zas dang skom la sogs pa ltar phung ba'i rgyur 'gyur ro// de ni lhag par ma mos pas bcom ldan 'das kyi stong pa nyid spong bar 'gyur ro// yang na stong pa nyid kyi don ni thams cad med pa'i don du log par yongs su brtags nas log par lta bas ngan song du 'gro bar 'gyur ro// de'i phyir/ bsod nams 'dod pas stong pa nyid// kun tshe brjod par bya min te// gnas ma yin par sbyar ba'i sman// dug du 'gyur ba ma yin nam// 'dir snying rje can bsod nams 'dod cing sems can rnams rjes su bzung bar 'dod pas ni thog mar sems can yongs su ma smin zhing / dge ba'i rtsa ba ma smin pa rnams la stong pa nyid brjod par mi bya ste/ don med pa'i phyir ro// dper na sman chen po legs shing ro zhim pa gnas ma yin par btang ba ni nang pa'i don ma yin pa'am rnam par 'jig pa'i rgyur gyur pa ltar/ 'dir gnas ma yin pa dag la stong pa nyid sbyar ba de dag gi don ma yin pa 'gyur te/ bcom ldan 'das kyis 'od srungs 'di lta ste rdza mkhan gyi snod so ma btang ba rnams la me rags pa gtong ste/ 'od srungs byang chub sems dpa' yongs su ma smin pa'i sems can rnams la sangs rgyas kyi chos rgya chen po'i ye shes kyi me gtong ba yang de bzhin du blta bar bya'o// zhes gsungs pa'i phyir ro// blun la nye bar bstan pa ni// 'khrug pa'i rgyu yin zhi phyir min// lag 'gro'o ma 'thungs pa ni// dug 'phel 'gyur pa 'ba' zhig go/ zhes bshad do// rtswa'i phur ma dang za ma tog lta bu dang zin pa dang ma zin pa la rtsi nad med gtong ba bzhin no// ji ltar tshong pa'i rtsa phur ma ni rdzas gzhan dang gzhan la gnod pa gzhan dang gzhan du 'gyur pa de bzhin du chos ston pa la sems can rnams kyang yin no// ji skad du bcom ldan 'das kyis za ma tog lta bu'i mdo las tshon gyi sbrul gdug pa bzhi la rtsi sman gzhan dang gzhan gsungs pa de bzhin du nyon mongs pa'i sbrul gdug pa rnams la yang yin no// yang ji ltar 'ga' zhig gis dug gi sman pa mdza' bo zhig las dug thams cad sel ba'i rtsi nad med thob par 'gyur la/ de nas des de dug gis rnam par 'gyur ba zhig la btang ba dang de yang zhi bar gyur to// de nas dug med pa zhig la btang ba dang / des de bsad pa ltar sems can rnams la chos ston pa yang de bzhin du shes par bya'o// de'i phyir sems can gyi sems kyi rgyud las su rung bar bya ba'i phyir ches thog ma kho nar 'jig rten pa'i dngos po ji ltar gnas pa bshad par bya ste/ de la de mkhas pa rnams stong pa nyid la bde blag tu 'jug pa'i phyir ro// de nyid kyi phyir/ dri bral gos la tshon bzhin du// dang por sbyin sogs gtam rnams kyis// sems la legs pa nyid bskyed de// de nas chos ni bsgom par mdzad ces gsungs so// don nyid bstan pa'i phyir dpe bshad pa/ ji ltar kla klo skad gzhan gyis// bzung bar mi nus de bzhin du// 'jig rten pa yi ma gtogs par// 'jig rten gzung por nus ma yin// dper na kla klo skang gzhan mi shes pa nyid kyi phyir rang gi skad kho nas bstan par bya ba yin pa bzhin du 'jig rten yang 'jig rten pa'i dngos po rnam par bzhag pa'i sgo nas de kho na nyid la gzhug par nus so// 'jig rten pa'i kun rdzob la ma zhugs par ni mkhas pa sus kyang bdag dang chos gnyis sgyu ma lta bu nyid dam don dam pa'i ngo bo brjod du med pa nyid du bzung bar mi nus kyi/ 'jig rten gyi kun rdzob la ji lta ba bzhin du zhugs pas ni sgyu ma lta bu nyid du bzung bar nus shing // sgyu ma lta bu la zhugs pas kyang shin tu don dam pa'i chos kyi rang bzhin brjod du med par bzung bar nus so// de'i phyir 'jug pa'i rim pa ji skad bshad pa gdon mi za bar bya dgos so// khye'u gzhon nu bzhin no// dper na khye'u gzhon nu skad gzhan gyis khong du chud par bya bar mi nus pa de bzhin du so so'i skye bo'i 'jig rten yang yin no// de nyid kyi phyir yod pa dang med pa la sogs pa brtan pa 'jig rten gzung ba'i thabs yin pa nyid kyi phyir bcom ldan 'das kyis/ yod dang med dang yod med dang // gnyi ga min zhes kyang bstan te// thams cad med par lta ba'i dri ma bkru ba'i phyir ni bcom ldan 'das kyis gdul bya rnams la yod do zhes bstan pa/ dngos por mngon par zhen pa thams cad spang ba'i phyir 'ga' zhig tu med do zhes gsungs so// yang rnam pa gnyis kar lta ba spang ba'i phyir ni yod pa dang med pa zhes bya ba gsungs la/ spros pa rnam pa thams cad du gcad pa'i phyir ni gnyis ka ma yin pa zhes bya bar yang rab tu bstan to// gzhan yang re zhig khyod nyid kyis rnam par spyod pa dang / nad kyi dbang gis thams cad ni// sman zhes bya bar 'gyur min nam// nad dag ni phyir btso bar bya dgos la// de dag la yang gzhi'i bye brag gis du ma zhig sman du 'gyur gyi/ gcig nyid thams cad du ni nye bar mkho ba ni ma yin te/ 'di yang de dang 'dra'o// rab tu byung bas gnod sbyin dang yi dgas la chos kyi btung ba sbyin pa lta bu dang / gnod sbyin gyis phyir 'jil bar mthong ba bzhin no// dper na spun gsum zhig yod pa la de las gcig ni rab tu byung ngo // gnyis pa ni gnod sbyin rdzu 'phrul che ba zhig tu gyur zhing / gsum pa ni yi dgas skar mda' gdong du gyur te// de gnyis car yang dge slong de'i gan du song bar gyur to// de nas dge slong des gnod sbyin de la longs spyod chen po'i rgyu shes par bya ba'i phyir sbyin pa'i yon tan bshad cing / rnam par smin pa'i rgyu shes par bya ba'i phyir tshul khrims 'chal pa'i skyon bstan to// yi dgas la ni sdug bsngal shes par bya ba'i phyir btung ba byin pas mi'i gdung bas sdug bsngal nye bar zhi bar byas nas ser sna'i skyon brjod pa lta bu te/ de bzhin du sems can rnams kyi bsam pa sna tshogs pas sangs rgyas bcom ldan 'das kyi 'gro ba mtha' dag rjes su 'dzin pa la gzhol ba rnams kyi chos ston pa yang sna tshogs par 'gyur ro// yang na dper na 'ga' zhig gis phas yul gzhan nas bu mo zhig blangs la/ de'i pha de yang dus byas par gyur to// de la mas khyod kyi pha'i grogs po gnod sbyin 'di zhes bya ba de don gnyer bar gyis la bu mo de blta bar bya ba'i phyir song zhig ces smras pa dang / des de ltar byas so// de nas gnod sbyin des de gzhal med khang ni nam mkha' la khyer nas 'ongs pa dang / mi zhig kyang gan du 'ongs por gyur to// de la gnod sbyin des bu song la 'di bsdogs shig ces smras la/ des kyang de ltar byas te 'ongs nas de la ci'i phyir mi 'dis sngangs su bcug ces dris pa dang / des 'di ni rab tu byung ba zhig ste/ bdag gis 'di'i gzi byin mi bzod do zhes smras so// de nas des grong khyer der khrid nas khye'u de 'dabs gcig tu gzhag ste bu mo de btsal ba'i phyir rang nyid grong khyer der zhugs pa dang / bu mo de mthong nas gnod sbyin de la 'dod pa'i 'dod chags skyes te des de bzung ngo // khye'u de yang 'di yun ring por thogs par byed do// snyam ste rang nyid song ba dang / de nyid kyis bzung ba'i bar du mthong nas des de la 'di thong zhig ces 'di ni khyod kyi mna' ma yin no zhes zhus pas des ma btang bar gyur to// de nas phyir zlog par byed pa zhig bkug ste de sgor gnas pas gnod sbyin yang ngu bar rtsom zhing phyogs gcig stsol cig mchi'o// zhes smra ba bzhin no// de ltar na 'ga' zhig 'ga' zhig gnyen por 'gyur te/ chos ston pa yang de dang 'dra bar shes par bya'o// yod pa dang med pa la sogs pa'i bstan pa 'di rnams las kyang nang gi bdag nyid du sems pa la zhugs pa'i phyir na gnyi ga ma yin par bstan pa gang yin pa de don dam pa'i bstan pa yin la/ don dam pa'i bstan pa de yang // yang dag mthong na gnas mchog la// cung zad mthong na bzang 'gro ste// de'i phyir nang bdag bsam pa la// mkhas pas rtag tu blo gros bskyed// don dam pa'i shes pas de nyid yang dag par mthong ba yod na gnas kyi mchog mya ngan las 'das pa thob la/ cung zad chung ngu zhig mthong na lha dang mo'i 'gro ba bzang po'o// gang gi phyir ye shes mthong ba rdzogs pa yod na mya ngan las 'das pa 'thob la/ ma rdzogs na bzang 'gro yin pa'i phyir mkhas pas rtag tu nang gi bdag nyid bsam pa la blo bya dgos so// / rgyal po'i pho brang du rkun po chos ma yin pas mgron du bos pa bzhin no// rkun po 'ga' zhig yang yang gtsug lag khang du 'gro bar gyur la/ de la dge slong 'ga' zhig gis nged cag la skyes rengs shig long zhig ces smras pas/ des skyes ci 'dra ba zhig ces smras pa dang / dge slong gis chos kyi skyes bslab pa'i gzhi long zhig ces smras la/ des kyang srog gcod pa dang ma byin par len pa dang / brdzun du smra ba dang / 'bru'i chang dag spong bar mi nus kyis/ 'on kyang 'dod pa la log par g.yem pa spang ngo zhes smras so// des de spangs te bslab pa'i gzhi cig blangs nas song ste mtshan mo rgyal po'i grwa sa'i khab tu rku ba'i phyir zhugs pa dang / dar bu mo tshes ma yin pas mgron du gnyer nas nges kyang 'dod par ma gyur to// don de yang rgyal pos mkhyen la/ des kyang de la btsun mo rgyan thams cad kyis klubs pa btsal zhing ri mor byas pa lta bu ste/ de bzhin du nang gi bdag nyid 'di bsams na mya ngan las 'das pa'i 'bras bu nges par thob bo// ci ste rkyen 'ga' zhig ma tshang ba las/ de nyid shes pas gal te 'dir// mya ngan 'das pa ma thob kyang // skye ba phyi mar 'bad med par// nges par thob 'gyur las bzhin no// de kho na nyid kyi ye shes la blta bar bya ba'i phyir mngon par brtson pas skye ba 'dir 'dod chags dang bral ba'i mtha' mi 'thob mod kyi don dam pa'i ye shes grub pa las skye ba phyi mar 'bad pa med par mya ngan las 'das pa nges par 'thob ste/ las bzhin no// dper na gti mug gis byas pa'i las nges par las skye ba 'dir 'bras bu 'byung ba med mod kyi/ sa bon 'gags ma thag tu myu gu dang lo ma dang me tog dang 'bras bu la sogs pa ltar de la skye ba gzhan du gdon mi za ba kho nar 'bras bur 'gyur pa bzhin te/ rdzogs sangs rgyas rnams ma byung zhing // nyan thos rnams kyang zad pa na// rang sangs rgyas kyi ye shes ni// brten pa med pa las rab tu 'byung zhes gsungs pa'i phyir ro// a mra zos te 'dzugs pa bzhin no// gang zhig a mra'i 'bras bu smon pa zos zin par byas nas sa bon ma brlag par 'dzugs pa des 'phral du sa bon myang ba'i 'bras bu mi 'thob kyi/ de lta na yang dus gzhan du don chen po 'thob ste/ ji ltar 'dod par shing tog 'thob bya'i phyir ro// gal te de ltar de kho na nyid shes pa yod na ci'i phyir grol ba dag mi snang zhe na/ la lur snang mod kyi/ 'on kyang / bsam bzhin pa na bya ba ni// kun la grub pa shin tu dkon// 'di na'ang myang 'das med min gyi// sbyor dang grol rnams rnyed par dku'// mya ngan las 'das pa kho na dkon pa 'ba' zhig tu ma zad kyi 'on kyang rtsom pa thams cad 'bras bu 'byung bar nges par dka' ba zhig go// bsam pa kho na 'bras bu'i sgrub par byed pa ma yin gyi/ 'on kyang rgyu dang rkyen gyi tshogs pa 'dod pa'i 'bras bu sgrub par byed pa yin la/ de yang shin tu rnyed par dka'o// de'i phyir 'dir bya ba thams cad bsam pa na 'grub pa shin tu dkon te/ de bzhin du bde bar gshegs pa'i bstan pa 'di na yang mya ngan las 'das pa 'dod pa yod mod kyi/ de ltar na yang rgyu gang gi phyir dge ba'i bshes gnyen dang bral ba dang nang gi tshul bzhin yid la byed pa med pa las sbyor ba dag rnyed par dka' ba de'i phyir grol ba rnams kyang rnyed par dka'/ de'i phyir grol rnams ma mthong bas de kho na nyid mthong ba med par rtogs par mi nus so// gtum mo lugs ldag pa bzhin no// ji ltar gdol ba mo skud btsugs pa zhig nyes pa de dang bral ba yin du zin kyang / kho mo ni gtum mo nyid kyis sme ba'i rang bzhin can zhig ste/ ji ltar lha khang dang nye bar lcags ldag par byed ces lcags ldag bar byed ma phod de/ gal te byed na ni log par glang bskal pa de las grol bar 'gyur ba lta bu ste/ de bzhin du byis pa la la dag kyang bdag nyid dman par sems shing sangs rgyas nyid la sbyor bar mi zad do// gal te rigs pas sbyor na ni gdon mi za bar sangs rgyas nyid 'thob par 'gyur ro// gang de ltar dus yun ring por zhugs pa'i nyon mongs pa'i tshogs 'di la zad pa yod do// zhes bya ba 'di ji ltar nges par nus she na/ bshad par bya ste/ lus la yon tan med thos nas// 'dod chagaso yun rings mi gnas te// lam de nyid kyis thams cad kyang // zad par 'gyur ba ma yin nam// ji ltar 'di na dus yun ring pos kyang bdag gi ba nyid kyis mngon par btsas pa'i lus longs spyod sna tshogs pa dag gis nye bar gsos kyang 'jig pa'i chos can du gyur cing byas pa mi shes pa la yon tan med par thos nas mkhas pa la skad cig der 'dod chags mi skye bar de ltar legs par bsgoms ba'i lam 'dod chags dang bral ba skyed par byed pa de nyid kyi dus yun ring por zhugs pa'i 'dod chags thams cad kyang gtan nas zad par 'gyur ba ma yin nam/ de'i phyir phyi dang nang gi bdag nyid kyi dngos po thams cad la rang bzhin stong pa nyid kyis snying po med pa nyid du mthong ba'i phyir 'dod chags la sogs pa'i nyon mongs pa'i 'ching ba ma lus pa bcad pa las grol ba srid par bya'o// tsa na kas gser yongs su dor ba bzhin no// ji ltar tsa na kas rtsi sman dag gis gser ma sha gcig byed pa na gang gi tshe gser ka ka ni tsam zhig bsgrubs pa de'i tshe bdag gi thabs 'dis gser ches shin tu mang po sgrub par nus so snum ste/ des de yongs su dor ba bzhin du rnal 'byor pa yang lus yon tan dang bral ba thos pa tsam gyis 'dod chags skad cig tsam mi gnas par mthong nas/ bdag gis lam 'di'i sgo nas 'dod chags la sogs pa'i nyon mongs pa gtan bzlog par bya bar nus so// zhes lam de nyid goms par byed do// 'dir smras pa/ thog ma med pa'i dus nas zhugs pa'i skye bo'i rgyun la ji ltar mtha' yod par 'gyur/ bshad par bya ste/ ji ltar sa bon mtha' mthong zhing // de la thog mA yod min ltar// de bzhin rgyu ni ma tshang phyir// skye ba'ang 'byung bar mi 'gyur ro// ji ltar dus yun ring po nas zhugs shing rgyu dang 'bras bu gcig nas gcig tu brgyud pas 'jug pa'i sa bon gyi rgyun thog ma dang mi ldan pa la mes tshig pa la mtha' mthong ba bzhin du skye ba gcig nas gcig tu brgyud pa'i rgyu can thog ma med pa'i dus nas 'jug cing thog ma dang mi ldan pa'i rnam par shes pa'i sa bon gyi skye ba la yang rgyu ma tshang ba las yang 'byung ba yod pa ma yin no// nyon mongs pa la bltos pa'i las kyi ni skye ba tshar phyin pas 'phen par nus la/ nyon mongs pa de dag kyang ye shes kyi mes bsreg pa la dngos po med par nye bar 'gro ste/ de'i phyir grogs med pa las kyis skye ba 'phen par mi nus so// de ltar na skye ba mur thugs pa 'di bsil bar 'gyur ro// mar me dang til brdos pa dang / kun tu rgyunamakha' dang / shing ljon pa bzhin no// ji ltar mar me'i rkyen dag yod na gnas par 'gyur ba dang / ji ltar til brdos pa'i sa bon sa kyis myu gu rgyas par mi 'gyur ba dang / kun tu rgyu na mkha' ldong ros bsgrubs te/ de'i rgyus namakha' 'gro bar gyur cing gang gi tshe de gzhan gyis phrogs pa de'i tshe rgyu med pas sa la lhung ba dang / ji ltar shing ljon pa'i rtsa ba bton pas rgyu med pa'i phyir slar 'phel bar mi 'gyur pa de bzhin du rgyu dngos por zhen pa med pas 'dod chags la sogs pa nyon mongs pa rnams mi 'byung ngo // byang chub sems dpa' rnams kyi 'jug pa nyon mongs pa'i dbang gis kyang ma yin te/ 'on kyang smon lam gyi dbang gis so// de'i phyir srid pa'i 'gro ba dngos po'i rang bzhin med pa mthong ba nyid kyis gang sems can gyi don la sbyor zhing 'ga' yang sems can du mngon par zhen pa/ byang chub sems dpa'i mchog tu dka' bar spyad pa ni shin tu rmad du byung ba zhig ste slob dpon sangs rgyas bskyungs kyis/ 'gro ba stong par gzigs mod kyang // 'gro ba'i sdug bsngal bsal bzhed pas// yun rangs khyed nyon mongs pa gang // de ni mchog tu rmad 'byung ba'o// zhes gsungs so// 'phags pa nye ba 'khor gyis zhus pa'i mdo las kyang / 'di ni sems can srog 'ga' yod min la// rgyal ba'i dbang po sems can smin pa'ang mdzad// sems can yod pa min yang don mdzad pa// 'di ni khyod kyi dka' spyod chen po'o// zhes bya ba la sogs pa bcom ldan 'das kyis gsungs so// de bzhin du shes rab kyi pha rol tu phyin pa sum brgya pa las/ sems can ji snyed sems can du bsdu bas bsdus pa sgo nga las skyes pa 'am/ mngal las skyes pa 'am/ drod gsher las skyes pa'am/ gzugs can nam gzugs can ma yin pa 'am/ 'du shes can nam 'du shes can ma yin pa 'am 'du shes med 'du shes med pa ma yin pa dag kyang rung ste/ ji snyed sems can gyi khams su gdags pas btags pa thams cad bdag gis phung po lhag ma med pa'i mya ngan las 'das pa'i dbyings su mya ngan las 'da' bar bya'o// de ltar sems can yongs su mya ngan las ma 'das pa rnams yongs su mya ngan las 'das kyang sems can 'ga' yang yongs su mya ngan las 'das par mi 'gyur ro// zhes 'dod pa'i phyir ro// 'phags pa rin po che'i phreng ba las kyang / ji ltar chu shing yan lag dag/ ma lus bcas te bshig byas na// ci yang med ltar skyes bu yang // khams bcas bshig na de dang 'dra// de ltar bdag dang bdag med pa// yang dag ji bzhin dmigs su med// bdag dang bdag med lta ba dag/ de phyir thub pa chen pos bzlog/ ces bya ba la sogs pa gsungs so// 'gro ba thams cad rang bzhin med par mthong ba 'dir ji ltar 'gyur ba de ltar ni 'og nas rab tu byed pa brgyad kyis ston par 'gyur ro// slob dpon 'phags pa lha'i zhal snga nas kyi byang chub sems dpa'i rnal 'byor spyod pa bzhi brgya pa las slob ma yongs su sbyong ba zhes bya ba ste/ rab tu 'byed pa brgyad pa'i 'grel pa'o// // 'di man chad slob dpon rab tu byed pa lhag ma rnams kyis slob ma rab tu byed pa thal ma thag pa'i rgya mtsho'i chu'i g.yo bas sems kyi rgyud bshal cing de kho na nyid kyi bdud rtsi bstan pa'i snod du 'gyur bas dngos po mtha' dag gi de nyid ji lta ba bzhin rtogs par bya ba'i ched du de kho na nyid rnam par gtan la phab pas brtsam par bzhed pas 'dus byas skye ba dang 'jig pa dang ldan pa nyid kyis snying po med pa nyid du brjod pa'i phyir bshad pa/ thams cad 'bras bu'i don skye ba// des na rtag yod min de'i phyir// 'bras bu'i don du 'jug pa ni 'jig rten na rang bzhin pa ma yin te/ 'jig rten na 'di'i tshogs pa 'di ni 'bras bu'i ched du yin gyi dngos po pa ni ma yin no// zhes tha snyad 'dogs pa'i phyir ro// 'byung ba dang 'byung ba las gyur pa dang / sems dang sems las byung ba dang / mtshan gzhi mtshan nyid la sogs pa 'dus byas la yang tshig rkyang skye ba med pas ci rigs pa tshogs pa kho na skye ba yin no// tshogs pa de yang phan tshun rgyu dang 'bras bu'i dngos po gnas pa'i phyir gang zhig yod na gang 'byung zhing gang med na gang mi 'byung ba de de'i rgyu yin zhing cig shos 'bras bu yin la sa med par 'byung ba gsum po de med pa'i phyir dang yod na yod pa'i phyir sa skye ba 'bras bu la dgos pa yin no// de ltar na 'dus byas thams cad dag nyid ji lta ba bzhin du 'bras bu'i don du skye ba de'i phyir de rtag pa ma yin no// de ltar na 'dus byas thams cad dag nyid ji lta ba bzhin du 'bras bu'i don du skye ba de'i phyir de rtag pa ma yin no// rtag pa'i sgra ni rang bzhin dang / bden pa dang / snying po dang / dngos po dang / rdzas kyi rnam grangs yin pa'i phyir la/ de med pa'i phyir 'dus byas rang bzhin med pa dang / mi bden pa dang / snying po med pa dang / dngos po ma yin pa dang / rdzas ma yin pa dang / slu ba'i bdag nyid can dang / byis pa'i 'jig rten 'drid pa yin no// zhes bya ba rtogs so// 'di skad du bcom ldan 'das kyis rab 'byor mig ni bdag dang bdag gi ba dang / rtag pa dang / bstan pa dang / ther zug pa dang / rnam par 'gyur ba'i chos can ma yin pas stong pa ste zhes bya ba dang / de bzhin du ther zug tu gnas pa ma yin pa dang / 'jig pa ma yin pa nyid kyi phyir mig ni mig gis stong pa ste zhes bya ba la sogs pa gsungs so// de nyid kyi phyir ston pas gang 'dus byas yin pa de ni brdzun pa bslu ba'i chos can no zhes gsungs so// 'di yang 'chad par 'gyur ba'i rig pa dang ldan par nges par mdzad nas bshad pa de'i phyir/ thub pa ma gtogs ji ltar dngos// de bzhin gshegs pa yod ma yin// mi slob pa'i sku dang gsung dang thugs thub pa dang ldan pas na thub pa ste/ sangs rgyas bcom ldan 'das so// de nyid mi rtag pa dang stong pa nyid nye bar ston pa na dngos po rnams kyi rang bzhin ji lta ba de bzhin du gshegs shing thugs su chung bas de bzhin gshegs pa zhes bya'i gzhan ni ma yin te/ de kho na nyid phyin ci ma log par ston pa'i sgo nas de kho na nyid kyi don ji ltar gnas pa bzhin ma rtogs pa'i phyir ro// / ji skad du/ 'das dang ma 'ongs da ltar byung // chos rnams thams cad de bzhin nyid// ji ltar de bzhin gzigs des na// de la de bzhin gshegs par bsnyad// ces bya ba dang / rab 'byor de bzhin gshegs pa de bzhin gshegs pa zhes bya ba ni gang du yang mi gshegs la gang nas kyang ma byon pa ste/ des na de bzhin gshegs pa zhes bya'o// zhes bya ba dang / de bzhin du de bzhin nyid ji lta bar thugs su chud pa des na de bzhin gshegs pa zhes bya'o zhes gsungaso// yang na bcom ldan 'das kyis gang kun 'byung ba'i chos can de ni gdon mi za bar 'gog pa'i chos can te/ skye ba'i rkyen gyis rga shi zhes bstan pa'i phyir skyes pa gang yin pa de'i 'bras bu 'jig pa kho na zhig ste skyes pa ni de'i don du yin pa nyid kyi phyir ro// de'i phyir thams cad 'bras bu'i don du skye ba des na rtag pa yod pa ma yin te/ rang bzhin yod pa ma yin no// zhes bya ba'i don to// gang gi phyir 'di de ltar yin pa de'i phyir/ thub pa ma gtogs ji lta'i dngos// / de bzhin gshegs yod ma yin te// 'di'i don ni de gong ma bzhin no// rnam pa gcig tu na tshor ba gsum myong bar 'gyur ba'i las yul dang dus dang lus kyi gnas skabs kyi khyad par gyi myong bar bya ba rnams la de dag med par las kyi 'bras bu yang dag par myong bar med pas de'i don du phyi dang nang gi dngos po dag skye ba'i phyir dngos po thams cad 'bras bu'i don du skye ba'i rang gi ngo bo nyid kyis rnam par gnas pa ni ma yin te/ des na rtag pa yod pa ma yin no// rnam pa gzhan du na ni rang bzhin ldog pa med pa'i phyir rtag pa nyid du 'gyur na de ltar na yang ma yin no// des na rtag yod min te// thams cad rang bzhin stong / zhes bya ba'i don to// dngos po thams cad stong pa nyid 'di yang ston pa gzhan gyi tshig gis ma bstan to// zhes bshad pa ni de'i phyir/ thub pa ma gtogs ji lta'i dngos// de bzhin gshegs pa yod ma yin// zhes bya ba'o// rtog ge ba dag ni gang zhig pha rol pos 'bras bu'i don du ma skyes pa nyid du khas blangs pa de ni skyes pa yin te/ 'bras bu'i don yin pa'i phyir 'bras bu'i don du skyes pa gzhan bzhin no// zhes smras te/ 'dir re zhig pha rol pos kun brtags pa sa dang chu dang me dang rlung gi rdul phra rab skye ba dang 'jig pa dang mi ldan pa rnams la na mkha'i me tog ltar rgyu med pa nyid kyi phyir yod pa nyid yod pa ma yin no// yod pa ma yin pa 'di rnams rgyu nyid du sgro btags nas skye ba sgrub pas mi rtag pa nyid du sgrub par rigs pa yang ma yin te/ rang nyid la 'bras bu'i don ma grub pa'i phyir la gzhan la grub pa gtan tshigs su khas len na ha cang thal bar gyur pa'i phyir ro// dngos po mi rig pa khas blangs pas pha rol po bzlog par bya ba yin pa'i phyir na rtag pa 'bras bu'i don nyid du khas blangs par rig pa yang ma yin no// 'dis gzhan gyi dam bca' la rjes su dpag pa dang 'gal ba brjod par rig pa yang ma yin te/ de ni gnyi ga la grub pa kho nas brjod pa'i phyir ro// gang gi ltar na gnyi ga la grub pa'i sgo nas rjes su dpag pas gnod mi srid pa'i phyir rang la grub pas kyang rjes su dpag pas gnod pa yod do// zhes 'dod pa de ltar na yang don ston pa la mi mkhas pa nyid du 'gyur te/ mkhas pa ni sla bas bstan par bya ba'i don dka' bas ston par mi byed do// gzhan yang na mkha' yang mig gi rnam par shes pa dang myu gu bskyed pa la rgyu nyid du brjod pa'i phyir dang / khams drug 'don pas gang zag tu btags pa'i rgyu nyid kyi phyir 'bras bu'i don de nyid ni ma nges pa nyid kho nar 'gyur ro// gal te rgyu ni rgyu ru 'gyur ba na gzhan gyi rgyu ru 'gyur ba ste zhes bya ba'i tshul ldes ni nam mkha' la rgyu nyid yod pa ma yin no// zhes de ni de ltar ma yin te/ der ni sa bon myu gu'i rgyu nyid du yin pa ltar gang gis byed ba de rgyu yin no// zhes skyed par byed pa kho na rgyur mngon par 'dod la/ rgyu mtshan gyi dngos po tsam gyis na mkha' yang rgyu nyid du 'dod pa kho na ste/ de ltar mi 'dod na mad+mo dang bstan bcos gnyis mi 'gal bar brjod par mi 'gyur// slob dpon rnam pa thams cad du dngos po rang bzhin med par gsung ba yin pa'i phyir grub pa'i sgo nas mi rtag pa nyid sgrub par mdzad pa yang ma yin te/ de kho na nyid kyi skabs yin pa'i phyir dang / rtag pa nyid de yang phyi nas 'gog par 'gyur ba'i phyir te/ skye dang gnas dang 'jig rnams la// cig car 'byung ba yod min zhing // rim gyis 'byung ba yod min na// nam zhig 'byung ba yod par 'gyur// zhes 'chad par 'gyur ro// bstan bcos las kyang // gal te mi rtag rtag go zhes// de ltar 'dzin pa log yin na// stong la mi rtag pa'o zhes// 'dzin pa'ang ji ltar log ma yin/ zhes gsungs so// gzhan yang dngos po ni 'jig rten la rab tu grub pa yin pa'i phyir de sgrub pa la rjes su dpag pa yongs su 'dzin pa dgas pa med pa nyid do// gang zhig blun pa nyid kyi dngos po ma yin pa ri bong gi rwa ltar yod pa ma yin par mi rtogs pa de yang skye ba spyi la grags pas brjod par 'dong ba'i don 'dzin par byed du gzhug par nus pa kho na'o// dngos po yod pa nyid sgrub pa ni yan lag gsum yang bsgrub par bya ba ltar ma grub pa'i phyir don sgrub par byed pa mi srid pa nyid do// de'i phyir rtog ge pa rnams kyis rtog ge byed pa'i ngal ba don med pa nyid du rtogs so// de ltar yin dang de'i phyir rtog gi'i mtshan nyid ma rtogs par gyur du zin kyang 'jig rten pa'i don rnam par gtan la 'bebs pa la mkhas pa rnams kyis dngos po gang zhig ji ltar gnas pa de de kho na ltar rtogs la gzhan dag la ston par yang byed do// gzhan yang mi rtag pa nyid 'jig rten la grags pa'i phyir gang du 'jig rten gyis kyang de nges pa der de bzhin gshegs pa kho na don phyin ci ma log pa gsungs pa'o// zhes bya ba de brjod par mi nus pa nyid do// 'jig rten pa gang zhig rang gi mtshan nyid du sgro btags nas mi rtag pa nyid du rtogs pa des ni dngos po brdzun pa dang / slu ba'i chos can nyid du ma rtogs pa'i phyir thams cad du de bzhin gshegs pa kho na phyin ci ma log par gzigs pa yin no// zhes bya bar rigs so// 'dir kha cig dag na re gang zhig 'bras bu'i don du skyes pa de ni rtag pa ma yin pa ni bden mod kyi/ dngos po gang dag yan lag gnyi ga ma tshang ba 'di lta ste na mkha' la sogs pa yid kyi mur thug pa dag dang / gang dag yan lag gcig ma tshang ba sA la sogs pa'i rdul phra rab de dag rtag par 'gyur la/ de dag gi yod pa nyid dang rtag pa nyid thugs su ma chud pas de bzhin gshegs pa phyin ci ma log pa gzigs pa yang ma yin no// zhes 'dzer to// de dag gi lugs kyang ma rigs pa nyid du ba rjod pa'i phyir slob dpon gyis/ ma brten par ni yong nyid med/ ces bya ba smos so// 'dis bde ba la sogs pa bdag nyid kyi rgyu dang rkyen ji lta bu la rag las pa rnams yod pa nyid du dmigs nas don gyis go bar rten cing 'brel par 'byung ba ma yin pa dag yod pa ma yin pa nyid du ji ltar mi rtogs te 'di ni ches gsal bar 'di ngag na mkha'i ut+pa la la sogs pa rnams ltar yod pa ma yin pa nyid du rtogs par 'os pa nyid do// gal te ma rtogs na ni reb rib can ltar nges par 'di la sgro btags pas byas pa'i lta ba'i rnam par 'gyur ba mngon par 'gyur ro// de'i phyir ma brten par ni yod nyid med do// tshul 'di yang yul dang dus dang dngos po tha dad pas tha dad pa'i dngos po thams cad la mi 'khrul lo zhes bshad pa ni/ gang zhig gang na nam gyi tshe'ang zhes bya ba'o// gang gi phyir 'di ltar yin pa/ des na nam yang gang zhig tu'ang // rtag pa 'ga' yang yod ma yin// phyed gong mas grub pa nyid phyed phyi mas mjug bsdud pa'o// gang rten cang 'bral par 'byung ba'i// yang pa gang gi tshe de ltar gzhan gyis kun brtags pa'i dngos po rten cing 'brel par mu byung ba dag la yod pa nyid dang rtag pa nyid dag yod pa ma yin pa de'i tshe de bzhin gshegs pa phyin ci ma log pa gzigs pa nyid du grub bo// 'di ltar des ni yod pa yod par mkhyen te gang rten cing 'brel par 'byung ba'o// yod pa ma yin pa yang yod pa ma yin par te gzhan gyis kun brtags pa rten cing 'brel par 'byung ba ma yin no// gang dag 'byung ba dang 'jig pa gnyis mngon par 'byung ba dang / mi mngon par gyur pa tsam yin pas chen po la sogs pa la ma byung ba bsal nas mngon par gsal ba tsam zhe la gzhag ste/ rtag pa nyid du rtogs shing 'ga' yang rten cing 'brel bar 'byung ba mi 'dod pa de dag kyang bshad zin pa'i sun 'byin pa las mi 'da'o// ci ste re zhig bde ba la sogs pa rten cing 'brel par 'byung ba rnams ni yod la/ bdag ni de rnams kyi 'du ba can gyi rgyu yin no// med pa 'du ba can gyi rgyu nyid du rig pa yang ma yin no// de'i phyir de'i 'bras bu dmigs pa'i phyir re zhig bdag yod do// de yang rtag pa zhig ste/ yod la rgyu dang mi ldan pa nyid kyi phyir te/ gang zhig yod cing de'i rgyu ma dmigs pa de ni rtag pa'o// bdag yod na ni de'i rigs can gyi dngos po rnams kyang yod par 'gyur ro snyam na 'di la bshad par bya ste/ gal te bdag nyid yod par 'gyur na ni de ltar 'gyur ba zhig go/ ji ltar zhe na/ 'di ltar/ rgyu med par ni dngos po med/ dngos po dang rang bzhin dang bdag rtag pa dang brtan pa zhes bya ba rnam grangs dag go// de ni rgyu med pa sring pa ma yin te/ 'di ltar pha rol nyid kyis 'di rgyu dang mi ldan pa nyid du khas len par byed na rgyu med pa can nyid du khas blangs la/ gang zhig rgyu med pa de ni bong bu'i rwa la sogs pa ltar yod pa ma yin no// zhes bya bar grub bo// nam mkha' la sogs pa rnams kyis ma nges pa nyid du zhe na/ ma yin te/ de rnams kyi yod pa nyid kyang de kho na ltar 'gog par 'gyur ba'i phyir ro// ci ste nyes pa 'di spang bar 'dod nas khas blangs pa dang 'gal bar rgyu dang ldan pa nyid khas len par byed na de ltar yang 'di'i rtag pa nyid nyams par 'gyur te/ gang gi phyir rgyu ldan rtag pa yod ma yin/ rgyu dang ldan pa nyid kyi phyir bde ba la sogs pa bzhin du mi rtag pa yin no snyam du dgongs pa'o// gang gi phyir 'di de ltar yin pa// des na rgyu med las grub ni// de nyid mkhyen pas grub min gsungs// bcom ldan 'das kyis// mkhas pa brten 'byung chos la lhag mos shing // mthar lta ba la brten par byed pa min// rgyu bcas rkyen bcas chos ni shes 'gyur te// rgyu med rkyen med chos nyid yod ma yin zhes pa gsungs so// bstan pa 'di la/ ji skad bshad pa'i 'thad pa dang rjes su 'brel bas de bzhin gshegs pa kho na don phyin ci ma log par mkhyen pa'o// zhes bya bar grub po// ci ste bum pa dang bde ba la sogs pa byas pa'i don la mi rtag pa nyid dmigs nas/ don gyis go bas bdag la sogs pa ma byas pa rtag pa nyid du 'gyur ro snyam na/ 'di yang mi rigs te/ gang gi phyir bum pa dang bde ba la sogs pa byas pa la yod pa nyid dmigs te/ bzlog pa'i sgo nas don gyis go bas bdag la sogs pa ma byas pa yang yod pa ma yin pa nyid du 'gyur ro// de nyid bstan pa'i phyir bshad pa/ mi rtag byas par mthong gyur nas// ma byas gal te rtag na ni// byas la yod pa nyid mthong nas// rtag pa yod nyid min par 'gyur// yod pa ma yin pa ni rtag pa nyid du rig pa ma yin pas dngos po rtag pa yod pa nyid ma yin pa nyid te/ nam mkha'i me tog bzhin no// ci ste chos mngon pa'i bstan bcos las 'don pa na mkha' dang so sor brtags pa'i 'gog pa dang so sor brtags pa ma yin pa'i 'gog pa byas par ma gyur pa rnams rtag pa nyid dang yod pa nyid du khas blangs pa'i phyir ma byas pa yod pa ma yin pa nyid du ston pa las khas blangs pas gnod par 'gyur ro snyam na/ de yang yod pa ma yin te/ gang gi phyir na mkha' la sogs rtag go zhes/ so so'i skye bo dag gis rtog/ mkhas pa rnams kyis de dag la// 'jig rten pas kyang don ma mthong // gzugs med pa tsam nyid la nam mkha' tha snyad btags kyi nam mkha' zhes bya ba dngos po'i ngo bo ni cung zad kyang yod pa ma yin no// gzugs gzhan med pas gzugs can rnams 'byung ba gegs med pa'i phyir gzugs gzhan med pa nyid de la/ dngos po rnams la 'di'i nang du ches snang bas na mkha'o// zhes bya bar brjod do// de'i phyir dngos por ma gyur zhing ci yang ma yin pa de la ming tsam nye bar bstan pas rnam par rmongs pa rnams kyis dngos po yod pa nyid du sgro btags pa gang yin pa de ni tshad ma ma yin no// 'di ltar dngos po'i rang bzhin la mkhas pa rnams kyis ni nam mkha'i ming sbyor ba na ji ltar sa la sogs pa'i brjod pa dag la sra ba la sogs pa ltar 'jig rten pa'i shes pas kyang rang gi ngo bos brjod par bya ba cung zad kyang mi dmigs na/ dngos po'i rang bzhin mkhyen pa la gnas shing phyi nang gi bdag nyid can gyi dngos por dmigs pa mi mnga' ba rnams kyis de'i rang gi ngo bo dmigs par 'gyur ba lta ci smos/ de bzhin du 'gog pa gzhan gnyis la yang brjod par bya'o// rtag pa nyid ni de rnams ci yang ma yin pa nyid kyis gzhan du 'gyur ba med pa tsam gsal bar byed pa yin gyi/ sgrub pa gtso bor gyur pa ni ma yin no// de'i phyir na mkha' la sogs pa rnams la rtag pa nyid med do// 'dir smras pa/ nam mkha' ni rtag pa kho na ste/ khyab pa nyid yin pa'i phyir ro// gang mi rtag pa de ni khyab pa ma yin te/ dper na bum pa bzhin no// 'di la bshad par bya ste/ ma skyes pa 'di yod pa ma yin pa nyid du bstan pas don gyis de'i rten can brten pa thams cad mi srid pa de yang bstan pa yin mod kyi/ de lta na yang pha rol po'i lugs la grags pa'i dngos po rang gi ngo bo khyad par bsal ba'i sgo nas de'i lugs mi rigs pa nyid du brjod par 'dod pas na mkha'i khyab pa nyid bkag pas rtag pa nyid bsal bar 'dod nas bshad pa/ phyogs shes bya ba phyogs can ni// kun la gnas pa ma yin te// de phyir phyogs can la phyogs ni// gzhan la shin tu gsal bar yod// nam mkha' ni nam mkha'i cha shas gang dag yin pa de dag gis cha shas can du 'gyur la/ der bum pa la sbyor ba'i phyogs gang yin pa de ni de las gzhan pa'i dngos po la sbyor ba'i phyogs la ni gnas so// gal te gnas na ni de'i tshe de dang yul tha mi dad pa'i phyir bum pa yang thams cad na yod pa nyid du 'gyur na/ de yang yod pa ma yin pas 'di ni mi rigasaso// / gzhan yang gal te phyogs thams cad kyang thams cad du gnas na ni/ de yang khyab pa yin pa'i phyogs can bzhin du phyogs kyi ming la brten par mi 'gyur la phyogs med pa'i phyir phyogs can yang med par 'gyur ro// ci ste nyes pa 'di spang bar 'dod nas phyogs shes bya ba phyogs can thams cad la gnas pa ma yin no// zhes bya ba 'dod na ni de'i tshe gnod mi za bar phyogs can la phyogs gzhan yang shin tu gsal bar yod ces bya bar khas blang bar bya'o// de'i phyir thams cad na yod pa ma yin pa'i phyogs dang ldan pa'i phyogs can na mkha' la ni bum pa ltar khyab pa nyid nyams par 'gyur ro// phan tshun tha dad pa'i phyogs tsam las tha dad par phyogs can zhes bya ba 'ga' zhig dmigs pa yang ma yin pas yod pa ma grub pa can 'di rtag pa nyid du ga la 'gyur te de'i phyir na mkha' rtag pa ma yin no// ci ste yang cha shas med pa'i phyir 'di phyogs can nyid du khas mi len na ni de lta yin na ni des bum pa la sogs pa rnams la sbyor bar mi 'gyur ba yin nam/ de rnams nye bar sbyor ba de ni bdag nyid thams cad kyis 'gyur ram phyogs gcig gis yin grang na/ de la re zhig bdag nyid thams cad kyis ni ma yin te/ bum pa la sogs pa rnams kyang re re zhing thams cad na yod pa nyid du thal bar 'gyur ba'i phyir ro// de'i phyir bum pa la sogs pa rnams phyogs dang sbyor bar gdon mi za bar khas blang bar bya la/ de ltar khas len pa la yang gdon mi za bar ji skad bshad pa'i nyes par 'gyur ro// de'i phyir na mkha' rtag pa ma yin no// ji skad du bcom ldan 'das kyis 'od srungs rtag ces bya ba 'di ni mtha' gcig go// mi rtag ces bya ba 'di ni mtha' gnyis pa'o// gang mtha' 'di gnyis kyi bar de ni gzugs med pa bsnun du med pa/ mi gnas pa/ snang ba med pa/ rnam par rig pa ma yin pa gnas med pa ste/ 'od srung 'di ni dbu ma'i lam chos rnams kyi zhes bya ba dang / de bzhin du 'phags pa gsang ba bsam gyis mi khyab pa bstan pa'i mdo las zhi ba'i blo gros 'di lta ste/ dper na nam mkha' ni sus kyang rtag pa 'am mi rtag par brjod par bya ba ma yin te/ zhi ba'i blo gros de bzhin gshegs pa'i sku yang sus kyang rtag pa dang mi rtag par brjod par bya ba ma yin no// zhes gsungs so// dus smra ba ni/ 'gro ba 'jug pa dang bsdud pa dus kyis byas pa nyid dmigs nas dus srid par rjes su dpag ste/ 'di ltar sa bon la sogs rkyen rnams yod kyang thams cad kyi tshe myu gu la sogs skye ba ma dmigs la ci ste 'ga' zhig gi tshe dmigs shing de gnas pa dang 'gal ba'i dus nye na yang ldog par 'gyur ro// de'i phyir de ltar/ gang zhig yod na dngos po la// 'jug dang ldog pa'ang dmigs par 'gyur// dus shes bya ba de ltar rjes su dpag pa de ni yod la/ de ni yod kyang rgyu mi dmigs pa'i phyir rtag pa nyid do snyam du sems so// de lta yin na ni myu gu la sogs pa skye ba de la rag las pa rnams rtag tu skye bar 'gyur ro// ci ste de yod kyang res 'ga' bya ba byed pa ngag la bya ba log pa nyid du rtog na/ de lta na yang de nyid kyis de med pa nyid du dbog par byed par 'gyur ro// ci ste yod kyang sa bon la sogs pa bzhin du 'bras bu 'jug pa la rung ba'i bdag nyid kyi khyad par la mngon du ma phyogs pa'i ngo bo yin pa'i phyir thams cad kyi tshe 'bras bu yod pa ma yin no// zhe na/ de ltar na yang sa bon la sogs pa rnams ltar de'i rung ba'i bdag nyid kyi khyad par de re 'ga' ba nyid yin pa'i phyir mi rtag par 'gyur la/ de yang ci'i phyir thams cad kyi tshe mi 'dod/ ci ste rkyen gzhan la rag las pa de ni mi nyen thams cad kyi tshe yod pa ma yin no// snyam na sems na/ de lta na yang rkyen yod na yod pa'i phyir dang / med na med pa'i phyir dang / byung nas kyang slar med pa'i phyir nges par/ de ni gzhan gyi dbang 'gyur te/ de'i 'jug pa dang ldog pa gang la ragA las pa de la rag las pa'i phyir de gzhan la rag las par 'gyur ro// de'i phyir myu gu la sogs pa ltar 'bras bu nyid las mi 'da'o zhes bstan pa'i phyir/ des na 'bras bur yang 'gyur ro// zhes bya bar smos te/ 'bras bur gyur pa ni myu gu la sogs pa bzhin du mi rtag pa kho nar 'gyur ro// de'i phyir dus de la rtag pa nyid bsal ba'i sgo nas dngos por yod pa spel ba yin gyi/ rnam pa thams cad du dus med par ston pa ma yin te/ de lhan cig byed pa'i rgyu nyid du 'dod pa'i phyir te/ lus can rnams kyi las rnams ni// bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur// zhes tshigs su bcad de 'byung ba'i phyir/ dus la brten nas brtag pa'i don mngon par ma shes pa nyid kyis ming tsam la rnam par rmongs shing / dus kyis 'byung ba smin par byed// dus kyis skye dgu sdud par byed// dus kyis gnyid log sad par byed// dus la 'da' bar shin tu dka'// zhes smra ba kha cig dag gis dus rtag par rtogs pa de dag 'dir 'gog par byed do// dngos po rnams la brten nas dus su brtags na khyim ltar brtogs par yod pa las mi 'da'o gzhan yang dus rgyur smra bas 'gro ba 'jug pa la dus rgyu'i dngos por rtog pa na don gyis 'bras bu nyid du khas blangs par 'gyur ro// ji ltar byas nas shes na/ gang gi phyir/ 'bras bu med par rgyu la ni// rgyu nyid yod pa ma yin te// de yi phyir na rgyu'o cog/ 'bras bu nyid du thal bar 'gyur// ci yang mi byed pa la rgyu nyid mi srid pa'i phyir 'dir rgyu zhes bya ba'i dngos po rang bzhin gyis ci yang yod pa ma yin pas don 'bras bu 'byung ba'i rgyu can gyi rgyu nyid du 'gyur ba na ji ltar rang gi 'bras bu'i nyid du mi 'gyur/ 'bras bu nyid yin na yang myu gu la sogs pa ltar 'di rtag pa nyid du lta ga la 'gyur/ de'i phyir de ltar na rgyu dang 'bras bu dngos po rnam par gnas pa med pa'i phyir gnyi ga yang rang gi ngo bos grub pas yod pa ma yin no// ci ste 'bras bu zhes bya ba ni chu byung nas 'byung ba yin te/ 'di ltar sa bon yod na myu gu 'byung gi/ myu gu yod na sa pon ni ma yin te/ de'i phyir rgyu la 'bras bu nyid yod pa ma yin nam snyam na 'di yang yod pa ma yin te/ gang gi phyir sa bon gyi ming can gyi dngos po ga' yin pa de myu gu skye ba'i snga rol tu yongs su rtog pa na rnam par rtog pa gzhan gsum pa med pa'i phyir rgyur gyur pa'am rgyu ma yin par gyur pa zhig rtog grang / de la re zhig me la sogs pa ltar rgyu ma yin par 'gyur pa las ni 'di skye bar mi rigs so// rgyu/ nyid kyang 'bras bu skyes pas mtshon pa zhig ste/ des na 'bras bu skye ba'i snga rol tu mi srid do// ci ste 'bras bu skye ba'i bya ba'i rjes su 'gro ba med par yang cung zhig 'bras bu nyid du rtog na ni de'i tshe thams cad thams cad kyi 'bras bu nyid gyur na 'di ni de ltar yang ma yin te/ de'i phyir rgyu med pa can nyid du thal ba'i phyir rgyu ni 'bras bu skye ba la ma bltos par rang las grub pa yod pa ma yin no// de'i phyir na rgyu'o cog/ 'bras bu nyid du thal bar 'gyur zhes bya ba kha na ma tho ba med de/ gal te dus smra ba rnams kyi ltar na dus 'di 'gro ba sna tshogs kyi rgyur 'gyur na ni de'i tshe des nges par sngar gyi gnas skabs las tha dad pa'i ngo bo can gyi rnam par 'gyur pa 'bras bu skye ba la phan 'dogs pa nyid du 'gyur bar bya/ dgos te/ 'di ltar 'jig rten na/ rgyu ni rnam par 'gyur ba na// gzhan gyi rgyu ru 'gyur ba ste// gang gi byed pa de ni rgyu'o// zhes bya bas mthar don gang gis rjes su byed pa'i 'bras bu byung bar 'gyur ba sa bon gyi ngo bor gyur pa'i skyeng par byed pa kho na 'dir rgyur brjod par 'dod la/ sa la sogs pa rnams kyi rgyu nyid gang yin pa de ni rtsa ba'i rgyu'i rang gi 'bras bu skye ba dang rjes su mthun pa'i gnas skabs ska pa la yan lag gi ngo bor nye bar 'gro ba las yin no// / sa bon zhes bya ba rtsa ba'i rgyu gang yin pa de ni rang nyid rnam par 'gyur bar gyur pa na myu gu'i rgyu nyid du 'gyur te/ sngar gyi gnas skabs ma btang bar ni ma yin no// de ltar gal 'gro ba ma tshogs das kyis byas par 'gyur na ni de dus kyang nges par 'bras bu bskyed pa la thag ring bar gnas pa ri ma spong zhing rnam gnas skabs 'bras su 'byung ba dang mthun pa rnas bshad pa ni gang la rnam par 'gyur yod pa/ de ni rtag ces byar yod min zhes bya ba'o// ci ste mi 'gyur na ni de'i tshe 'di'i rgyu'i dngos por yongs su rtog pa don med pa 'ba' zhig tu ma zad kyi/ de'i rgyu can du 'dod pa'i 'bras bu yang rgyu med pa can skye bar 'gyur ro// zhes bshad pa/ rtag pa gang gi rgyu yin pa'i// dngos de ma byung ba las skye// sa bon rnam par 'gyur ba las skyes pa'i myu gu ni sa bon las gzhan nyid du mi srid pa'i phyir dang / sa bon gyi rjes su byed pa'i phyir dang / lhon cig mi gnas pa'i phyir gzhan nyid skyes so snyam du bsam par mi bya ste/ mi 'dra ba lhan cig gnas pa rnams la rgyu nyid mi srid pa'i phyir dang / dus rtag pa'i phyir rgyu la 'bras bu las gzhan nyid yod// de nyid kyi phyir mi 'dra ba dang lhan cig gnas pa yang yod de/ 'bras bu skyes kyang dus rnam par mi 'gyur ba'i phyir ro// de'i phyir 'bras bu gang zhig dus las skyes pa de ni ma byung ba las byung ba zhig ste/ rgyu dang rkyen la bltos pa med par 'gyur/ zhing rang nyid 'byung ngo // zhes bya ba'i don to// rgyu dang rkyen la rag las te 'byung ba 'am 'bras bu ni ma byung ba las 'byung ngo // zhes bya bar mi rigs te/ de la bdog nyid thams cad kyi ma byung ba las byung ba med pa'i phyir ro// gang las bdag nyid thams cad kyis yod pa mi srid pa de ni bong bu'i rwa la sogs pa bzhin du rgyu dang rkyen dag gis bskyed par mi nus so// de'i phyir rgyu'i chos las 'das pa'i rtag pa dngos po gang gi rgyur 'dod pa'i dngos po de ma byung ba las skyes pa 'di ni rgyu med pa can kho nar skye ste rang nyid kho na 'byung ngo // zhes bya ba'i don to// de ltar yin dang / yang 'di la rgyu yongs su rtog pa don med pas ci zhig bya zhes bshad pa/ rang nyid byung bar gyur de la// rgyu ni log par 'gyur ba ste// rang nyid grub pa'i phyir 'gro ba 'di la rgyu dus shes bya ba dgos pa med par 'gyur te/ de'i phyir rgyu'i rgyu nyid mi rung ngo // 'di las kyang mi rung ste/ 'di ltar/ dngos po rtag pa las skyes pa// ji lta bur na mi rtag 'gyur// 'jig rten na ni sa bon mi rtag pa kho na la 'bras bu myu gu zhes bya ba mi rtag pa 'byung bar grags kyi// rtag pa 'ga' zhig las mi rtag pa cung zad cig 'byung ngo // zhes bya bar ni ma yin na/ dus ni rtag la de'i 'bras bu ni mi rtag pas ji ltar de grub par 'gyur/ ji ltar 'jig rten du nam yang rgyu dang 'bras bu gnyis/ mtshan nyid mi mthun mthong ma yin// rgyu ni rtag la 'bras bu ni mi rtag go// zhes de ltar mtshan nyid mi 'dra ba ni 'jig rten na nam yang ma mthong bas dus la rgyu nyid med do// gal te yang ba lang gi spu dang lug gi bal gnyis las rta durba dang rwa las 'dam bu dang 'angam las pad+ma la sogs pa mthong ba ma yin nam zhe na/ de yang mi rtag pa rnams kho nar rang nyid rnam par 'gyur bar nye bar 'gro bas rgyu nyid du khas blangs pa'i phyir mtshan nyid mi mthun pa med de/ de rgyu dang 'bras bu dag gnyi gar yang mi rtag pa nyid kyi phyir ro// gdon mi za bar thams cad la mtha' de dang 'dra ba'i 'bras bu mngon par grub pa srid pa yang ma yin te/ 'bras bu yang las sna tshogs kyi rjes su byed pa nyid kyi phyir ro// nor bu chu shal dang mu shel dag las kyang sngar gyi gnas skyabs las khyad par du 'phags pa'i bdag nyid kyi khyad par skyes par gyur na rnam pa de lta bu'i rnam par 'gyur ba srid pa'i phyir chu dang me 'byung ba las 'gal ba med do// da phyir de ltar dus sla ba bkag pa yin dang / rdul phra rab smra ba ni sa la sogs pa'i rdul phra rab rtag cing ma mthong bas bskul ba yon tan dang ldan pa'i grogs can rdul phra rab gnyis pa la sogs pa'i rim gyis yan lag can gyis rdzas rtsom par byed pa rnams kyis 'gro ba sna tshogs skyed par byed do snyam du sems so// de'i lugs kyang mi rigs pa nyid du brjod pa'i phyir bshad pa/ gang gi phyogs 'ga' rgyu yin zhing // phyogs 'ga' rgyu ma yin pa des na// des na sna tshogs 'gyur na go// sna tshogs rtag par mi rigs so// yan lag can thams cad rdul phra rab tsam du thal ba spang bar 'dod pas rgyu la yod pa'i zlum pa nyid gang yin pa de 'bras bu la yod pa ma yin no// zhes bya bar gdon mi za bar khas blang bar bya'o// gang gi phyir 'di de ltar yin pa des na rdul phra rab rnams la bdag nyid thams cad kyi sbyor bar mi 'thad do// gang gi tshe rdul phra rab rnams la bdag nyid kyi thams cad kyi sbyor ba yod pa ma yin pa de'i tshe de'i cha gang gis rdul phra rab rdul phra rab gzhan dang sbyor ba'i cha de rgyu yin zhing / gang gis mi sbyor ba de rgyu ma yin no// de ltar na ni gang gis phyogs 'ga' rgyu yin zhing / phyogs 'ga' rgyu ma yin pa de ni du ma'i ngo bo yin pa'i phyir sna tshogs pa zhig go// de'i phyir ri mo bzhin rtag pa ma yin no// zhes bstan pa'i phyir bshad pa ni sna tshogs rtag par mi rigs so// zhes bya'o// ci ste rdul phra rab rnams la cha shas med pa'i phyir phyogs phyogs dang mi sbyor ba kho na yin gyi thams cad bdag nyid thams cad kyi sbyor bar ni 'gyur te/ de'i phyir phrad pa'i mtshan nyid can ldan pa yod la/ phyogs dang ldan pa nyid kyang ma yin no snyam na/ 'di la bshad par bya ste/ rgyu yi zlum bu gang yin pa// de ni 'bras bu la yod min// des na bdag nyid kun sbyor ba// rdul phran rnams la mi 'thad do// rgyu dang zlum po nyid dang phyogs med pa zhes bya ba ni rdul phra rab rdzas kyi mtshan nyid do// gal te rdul phra rab bdag nyid thams cad kyis rdul phra rab gzhan dang sbyor zhing phyogs kyis ma yin na ni de'i tshe rgyu ste rdul phra rab la yod pa'i zlum po gang yin pa de 'bras bu rdul phran gnyis pa la sogs pa la yang thal bar 'gyur te/ de'i phyir yan lag thams cad rdul phra rab tsam nyid yin pa'i phyir dbang po las 'das po nyid du 'gyur na/ de dag ni rdul phra rab tsam nyid ma yin no// des ni rdul phra rab rnams bdag nyid thams cad kyis sbyor bar mi 'thad ngo // yang gang gi tshe rdul phra rab rdul phra rab gzhan dang bdag nyid thams cad kyis mi sbyor ba de'i tshe/ rdul phran gcig gis gnas gang yin// de ni gzhan gyi'ang mi 'dod// de phyir rgyu dang 'bras bu gnyis// bong tshed mnyam par 'dod ma yin/ de'i phyir de ltar rdul phra rab rdul phra rab gzhan dang bdag nyid thams cad kyi sbyar ba med pa'i yan lag can gyi rdzas rnams dbang po las 'das pa nyid du ma gyur mod/ rdul phra rab phyogs dang ldan pa nyid ni g.yo ba med la/ phyogs dang ldan pa nyid kyi phyir yang 'di sna tshogs pa nyid yin te/ de'i phyir rtag pa nyid ma yin no// zhes bya bar gnas so// 'dir 'bras bu'i rdzas rtsom pa'i dus na nyes pa 'dir 'gyur gyi/ 'bras bu rtsom pa'i snga rol gyi gnas skabs su rdul phra rab rnams la cha shas med pa'i phyir ji skad smras pa'i skyon du thal ba med do// zhes smra'o// gnas skabs der yang shar la sogs pa'i phyogs cha'i dbye ba yod de/ de'i tshe nges par gang la shar gyi phyogs yod pa/ de la shar gyi cha yang yod// de'i phyir 'di phyogs dang ldan pa'i phyir bum pa la sogs pa bzhin du rdul phra rab nyid du mi 'gyu ro// zhes bshad pa/ gang gi rdul la phyogs yod pa// des rdul rdul phran min par bsnyad// gal te rdul phra rab cha shas med par gyur na ni de la 'gro ba med pas rdul phra rab gzhan dang sbyor ba med pa yin dang / yan lag can gyi rdzas rtsom par byed pa nyid du mi 'gyur ro// 'di ltar 'gro ba'i dus na lus dang ldan pa'i don gyis/ mdun gyis len zhing rgyub kyis ni// gtong bar 'gyur na de dag gnyis// / gang la yod pa ma yin la// de la 'gro bor 'ang mi 'gyur// lus dang ldan zhing 'gro ba mngon du phyogs pa'i don gyis phyogs kyi sngon phyogs gnon zhing / rgyab kyi phyogs kyi rgyu ba phyogs gtong ba las 'gro ba po'i 'gro ba po nyid nye bar rtog pa zhig na cha med pa'i phyir rdul phra rab gang la mdun dang rgyab kyi yan lag gis len pa dang gtong ba nyid med pa de ni 'gro ba por mi 'gyur la/ de med pas 'bras bu rtsom par byed po nyid med pa'i phyir rdul phra rab dngos po yod par smra bar mi rigs so// 'dir smras pa/ gal te rdul phra rab med na ni 'di rnal 'byor pa rnams kyis dmigs par mi 'gyur ba zhig na/ 'di ni rnal 'byor pa rnams kyis lha'i mthong bas dmigs pa yang yin no// de'i phyir rdul phra rab rtag pa yod do// bshad par bya ste/ gang la dang po yod min zhing // gang zhig la dkyil yod min na// gang la tha ma yod ma yin// mngon med de ni gang gis mthong // cha shas med pa'i rdul phra rab la mdun dang bar dang rgyab kyi cha yod pa ma yin te/ de'i phyir mngon pa med de// / mngon pa ni gsal ba dang bzung bar bya ba nyid dang / blta bar bya ba nyid ces pa'i don te de med pa'i phyir mngon pa med do// blta bar bya ba ma yin pa ni sus kyang blta bar bya bar nus pa yang ma yin pa 'di rnal 'byor pa rnams kyis dmigs par 'os pa ma yin no// de'i phyir rdul phra rab rtag pa med do// gang dag de ltar 'thad par mthong bar mi 'thad bzhin du mthong ngo snyam du sems shing / rab rib can gyis mthong ba yang dag pa ma yin pa las mthong ba khyad par du ma gyur pa de dag ni nges par log par nye bar bstan pas 'jig rten phyin ci log tu byed pa de dag gi lung tshad ma nyid du byed pa las rdul phra rab yod pa nyid du mi rigs so// 'dir smras pa/ rdul phra rab rnams ni rtag pa kho na ste/ rigs pa byung ba las sa bon gyi ngo bor nye bar 'gro ba'i phyir ro// gal te de rnams med na ni rags pa rnams sa bon med par 'byung bar 'gyur ro// 'di ltar gang las bskal pa dang por rigs pa rnams 'byung bar 'gyur ba 'jig pa'i dus na yan lag can gyi rdzas thams cad 'thor zhing rdul phra rab tsam zhig lus pa na rags pa rnams srid pa yod pa ma yin no// yang gang dag gal te gnas skabs der rags pa rnams bzhin du rdul phra rab rnams kyang med par 'gyur na ni de'i tshe rags pa rnams rgyu med par 'byung bar 'gyur ro// de'i phyir yan lag can gyi rdzas kyi rgyu rdul phra rab rnams yod pa kho na yin la/ de rnams kyang rtag pa zhig ste khongs rgyu dang mi ldan pa nyid kyi phyir ro// de yang mi rigs te/ gang gi phyir// 'bras bu yis ni rgyu bshig pa// des na rgyu ni rtag ma yin// gal te rdul phra rab rnams rgyu nyid du gyur na ni sa bon gyis myu gu bzhin du de rnams rdul phra rab gnyis la sogs pa yan lag can gyi rdzas kyis 'jig par 'gyur ro// de'i phyir 'bras bu dang lhan cig mi gnas pa'i phyir na rdul phra rab rnams sa bon ltar mi rtag par 'gyur ro// ci ste gang la 'di mi rtag pa nyid du 'gyur ba 'bras bus rgyu 'jig pa ni ma yin gyi/ 'on kyang rgyu'i rang bzhin mi gtong zhing 'bras bu don gzhan du gyur pabaskyed par byed do snyam du sems na de lta yin na ni 'bras bu'i rgyu'i yul las tha dad pa'i phyir rigs mi mthun pa dgra bzhin du yul bye ba'i rdul phra rab rnams rgyu'i dngos por mi 'gyur ro// de nyid kho na zol thabs gzhan gyi sgo nas bstan pa'i phyir ro// yang na gang na rgyu yod pa// de la 'bras bu yod ma yin// zhes bya ba smos so// gang gi tshe de ltar rgyu nyid mi srid pa de'i tshe/ rdul phra rab rtag par brtags pa don med pas ci zhig dgos te/ de'i phyir rdul phra rab rtag pa rnams med do// 'di las kyang rdul phra rab rnams rtag pa ma yin te/ gang gi phyir/ thogs ldan dngos po rtag pa ni// gang du snang ba ma yin te// 'di na rdul phra rab la rdul phra rab gzhan gyis bdag nyid thams cad kyis 'jug pa med pa'i phyir rdul phra rab thogs pa dang bcas pa nyid yin la thogs pa'i bum pa nyid la sogs pa ltar rtag pa nyid du yang mi rigs te/ de'i phyir rdul phra rab rtag pa nyid med do// gang gi phyir rtag pa nyid yod pa ma yin pa// des na nam yang sangs rgyas rnams// rdul phran rtag pa nyid mi gsung // gang zhig phyin ci ma log par gzigs pa des ni don gang zhig ji ltar gnas pa de de kho na ltar nges par bya ba zhig go/ rdzas brgyad kyi rdul phra rab mi rtag pa yod pa'i phyir de yod pa nyid yod la/ de yang brtags par yod pa zhig ste/ rdzas brgyad la brten nas bum pa ltar brtags pa'i phyir ro// de la rdul phra rab kyi rdzas brgyad gang dag yin pa de dag nI re re zhing rdul phra rab kyi sgras brjod par bya ba ma yin te/ de dag la so so so sor rdul phra rab nyid med pa'i phyir ro// de'i phyir ji ltar bye brag pa rnams kyi ltar bde bar gshegs pa rnams la rdzas kyi rdul phra rab ces bya ba yod pa ma yin no// de'i phyir de bzhin gshegs pa rnams nam yang rdul phra rab rtag pa nyid ston par mi mdzad de/ rang nyid kyis de ltar ma gzigs pa'i phyir ro// gang dag rigs pa bcug nas rdzas brgyad kyi rdul phra rab kyi yod pa nyid sel zhing rnam par shes pa tsam nyid du rtogs pa de dag ni re zhig 'jig rten pa'i dngos po 'jig rten pa'i don la mkhas pas nye byur bsnun pa spel ba 'jig rten dang lung gi gnod pa gnyis kyi selta bar byed pa de dag gis rgyu sku rab yang pa nyid bsal byur ma nas shing rdul pU rabyA wAr num+b+ha par shes pa'i mang pa rnyed 'byung byung 'gal ba yang bzhag par mi nus so// 'di ltar de'i skye ba dang gnas pa dang 'gag pa rnams rim gyis dang cig nar med pa'i phyir mi 'jug la/ skye ba la sogs pa dang bral ba la ni yod pa nyid rigs pa yang ma yin no// de'i phyir 'jig rten pa'i dngos po rnams ni 'jig rten las 'das pa la yongs su mthong ba'i rnam par dpyad pa ma bcug par 'jig rten na ji ltar yin pa de ltar khas blangs par bya zhing / ji ltar rnam par shes pa 'jig rten pa yin pa de ltararo rdul phra rab kyang yin pas 'dis rigs pa bcug nas rdul phra rab bsal bar mi nus te/ de'i rig pa la 'jig rten dang lung gi gnod pas gnod pa'i phyir ro// de ltar rdul phra rab tu smra ba bklag pa dang / yang rang gi sde pa 'dus ma byas ming tsam nyid du mi rtogs shing mya ngan las 'das pa rdzas su yod pa rtag pa nyid du rtog par 'gyur ba kha cig dag sangs rgyas rnams rdul phra rab dag rtag pa nyid du mi gsung ba 'di ni bden mod kyi/ gang zhig rtag pa nyid du gsungs pa de ni rtag par gyur yod pa yin te/ de skad du bcom ldan 'das kyis dge slong dag ma skyes pa dang ma byung ba dang / 'dus ma byas pa de ni yod do// zhes gsungs la/ chos 'dus ma byas pa rnams ni rtag go// zhes kyang gsungs so// de'i phyir mya ngan las 'das pa rtag cing lam gyi bden pas 'thob par bya ba rtag cing 'byung bar 'gyur ba'i nyon mongs pa dang skye ba gnyis skye ba la chu 'gog pa'i chu lon ltar gtan du gegs su gyur pa zhig yod do// gal te de rtag par ma gyur na ni de'i tshe nyon mongs pa dang skye ba dag skye ba la gegs byed pa'i don med pa'i phyir de dag skye bar 'gyur ba zhig na/ de ltar yang ma yin no// de'i phyir mya ngan las 'das pa zhes bya ba rtag pa de yod do// gal te de yod par ma gyur na ni sdug bsngal dang kun 'byung gi bden pa'i mjug thogs su 'phags pa'i bden pa gsum pa zhes bya bar ston par yang mi 'gyur ba zhig na/ nye bar bstan pa yang yin te/ de'i phyir de yod do// 'di la bshad par bya ste/ 'ching dang bcing dang thabs las gzhan// thar pa gal te yod na ni// de las ci yang mi skye ste// des na de thar zhes mi brjod// de la 'ching ba ni kun 'byung gi bden pa'o// 'ching bar bya ba la rang dbang med par byed pas 'ching bar 'gyur ba nyid kyi phyir ro// bcing ba ni sdug bsngal gyi bden pa ste/ nyon mongs pa'i gzhan gyi dbang yin pa'i phyir ro// de ldog pa'i thabs ni lam gyi bden pa ste/ des nyon mongs pa ldog par byed pa'i phyir ro// 'ching ba dang bcing bar bya ba med par ni 'ching ba'i bya ba mi srid pas 'ching ba dang bcing bar bya ba dag gi yod pa nyid ni de yod pa'i rgyu can yin no// de bzhin du bzlog par bya ba dang / zlog par byed pa med par ni zlog pa yod par mi 'gyur zhing de yod pa las bzlog par bya ba dang / zlog par byed pa gnyis yod pa nyid do// de la bzlog par bya ba ni kun nas nyon mongs pa yin la/ zlog par byed pa ni lam ste/ mun pa la sgron ma bzhin no// ji ltar bden pa gsum po 'di kun nas nyon mongs pa dang de las log pa las dpags pa'i yod pa nyid yin pa de ltar nyon mongs pa zad pa'i mtshan nyid can gyi thar pa ni ma yin te/ gang gi phyir de las cung zad kyang 'byung ba med do// 'ching ba dang thar pa gnyis char la yang yan lag gi ngo bor nye bar ma son pa'i phyir ro// gal te 'di 'ga' zhig tu nye bar sbyor ba nyid du 'gyur na ni de'i tshe 'di 'bras bu des dpags pa'i yod pa nyid du 'gyur na/ 'di ni de ltar yang ma yin te/ de'i phyir 'di la yod pa nyid med do// ci ste thar pa ni grol ba'o snyam na/ de ltar na yang 'di grol bar gyur pa las don gzhan ma yin te/ de ltar ma yin na de de dang 'brel ba med pa nyid dang / ci yang mi byed pa nyid du 'gyur ro// de'i phyir 'di thar par brjod par mi rigs te/ des na de thar pa zhes mi brjod/ grol ba'i bya ba ni gang zhig 'ching ba bcad pas bcing bar bya ba las grol ba nyid 'dren pa dngos po grol bzhin pa bya ba dang ldan pa nyid yin la/ de yang de nyid dang gzhan nyid du brtag pa dang bral ba na don gzhan du ma gyur pa yin na/ thar pa ni don gzhan du gyur pa zhig yin pa 'di yod pa nyid du mi rigs so// de'i phyir nyon mongs pa dang skye ba mi 'byung ba de byas so// zhes bya bar brtag par mi rigs so// dngos po rgyu dang rkyen gyi tshogs pa las 'byung ba rnams ni de med pa'i phyir sa bon tshig pa las myu gu la sogs pa ltar nam yang skye bar mi 'gyur te/ de'i phyir de'i don du don gzhan brtag pa ches mi legs so// bden pa gsum pa'i sgra brjod par bya ba nyid kyang mi 'gal te/ nyon mongs pa dang skye ba gnyis slar mi 'byung ba tsam zhig bden pa gsum pa'i sgra brjod par bya ba yin pa'i phyir ro// dngos po da par gyur pa la grangs kyis yongs su bgrang ba yod pa ma yin pa yang ma yin te/ bcom ldan 'das kyis dge slong dag lnga po 'di dag ni ming tsam ste/ khas 'ches pa tsam tha snyad tsam kun rdzob tsam ste/ 'di lta ste/ 'das pa'i dus dang / ngas pa'i dus dang / na mkha' dang mya ngan las 'das pa dang / gang zag go zhes bya ba de lta bu la sogs pa gsungs pa'i phyir ro// gzhan dag ni 'ching dang bcing dang thabs las gzhan// thar pa gal te yod na ni// de las ci yang mi skye ste// des na de thar mi brjod// zhes bya ba la gtan tshigs de las thar pa zhes bya ba cung zad kyang mi skye ste 'ching ba la sogs pa gsum las rnam par grol ba'i phyir brjod du med pa bzhin no// des na rang bzhin log pas de la 'ga' zhig gi yang thar pa zhes mi brjod de/ dam mi 'cha'o// zhes bya ba'i don to// zhes 'chad do// gzhan yang bcom ldan 'das kyis 'di skad du/ gang sdug bsngal 'di ma lus par rab tu spangs shing / spangs pa bsal ba/ zad pa 'dod chags dang bral ba 'gag pa nye bar zhi ba/ nub pa sdug bsngal gzhan yang nying mtshams mi sbyor ba dang / nye bar mi len pa 'di ni zhi ba/ gya nom pa ste/ 'di lta ste/ phung po kun spangs pa/ sred pa zad pa 'dod chags dang bral ba/ 'gag pa mya ngan las 'das pa'o// zhes gsungs te/ lung 'di las na rnam pa thams cad du/ mya ngan 'das la phung po rnams// yod min gang zag srid ma yin// gal te mya ngan las 'das pa la phung po rnams yod cing gang zag kyang yod na ni de'i tshe de dag yod pa'i phyir mya ngan las 'das par gyur pa dmigs pa dang mdo dang 'gal ba dang mya ngan las 'das pa 'khor ba las mi 'da' bar 'gyur ro// de'i phyir mya ngan las 'das pa de la mya ngan las 'das par gyur pa 'ga' yang ma dmig so// / de'i phyir/ gang du mya ngan 'das gyur pa// ma mthong der myang 'das gang zhig/ mya ngan las 'das pa ni mya ngan las 'das pa ste de yang dngos po'i ngo bo yin pa'i phyir rten la rag las so// 'di'i rten yang mya ngan las 'das par gyur pa yin la/ de yang phung po rnams sam/ gang zag yin na/ de med pas rten med par 'gyur te/ phyogs de las mya ngan las 'das pa gang zhig yin par 'gyur/ rnam pa gcig tu mya ngan las 'das pa dngos po bden par smra ba'i mya ngan las 'das pa rtog pa na rten du gyur pa zhig gam/ brten par gyur pa zhig rtog grang / de la re zhig rten du gyur pa ni mi rung ste/ 'di ltar/ mya ngan 'das la phung po rnams// yod min gang zag srid ma yin// de dag med pas gang du mya ngan las 'das par 'gyur ba 'ga' zhig kyang ma dmigs pa der mya ngan las 'das pa gang zhig tu 'gyur/ de ltar na re zhig mya ngan las 'das pa rten du gyur pa mi srid do// yang gang du ma rten par gyur pa yin pa der yang nyes pa de nyid yin te/ gang gi phyir mya ngan 'das la phung po rnams// yod min gang zag srid ma yin// gang du mya ngan 'das gyur pa// ma mthong der myang 'das gang zhig/ rten med pa'i brten pa mi srid pa'i mya ngan las 'das pa gang zhig 'gyur/ yod pa ma yin pa la ni rtag pa nyid rig papa ma yin pas dngos po rtag pa rnams yod pa ma yin no// grangs can pa rnams ni yon tan dang skyes bu tha dad par shes pa las chen po la sogs pa'i 'jug pa'i rim pa log pas rnam par 'gyur ba'i tshogs rnam pa thams cad du zhi bas thar pa'i gnas skabs na skyes bu shes pa yod pa nyid gnas pa'i phyir bdag grol ba yod pa yin dang / ji skad brjod pa'i nyes pa spangs pas thar par rtog par byed do// de dag gi de yang / sred dang bral la thar pa'i tshe// / shes yod yon tan ci zhig yod// grol bar gyur pa'i skyes bu la ni thar pa'i gnas skabs na shes pa yod pa nyid yod par brtag par mi rigs so// de dag gi lha na blos lhag par zhen pa'i don la skyes bus shes par byed cing // shes pa yod pa nyid kyang me'i tsha ba nyid ji lta ba bzhin du de'i rang gi ngo bo zhes bya bar mngon par 'dod la/ de yang yul ji ltar bstan pa yongs su gtsang pa'i bdag nyid can yin no// rang bzhin yul nye bar longs spyod pa'i 'dod pa rig cing skyes bu dang tha mi dad par rtogs nas rim gyis dbang po'i tshogs 'byung ba na skyes bu'i yul nye bar longs spyod pa'i rgyu yin no// gang gi tshe yul nye bar longs spyod pa'i skyes bu 'dod pa log pa de'i tshe de la srid pa ldog go// sred pa ni 'dod pa yin la/ sred pa dang bral ba de la ni shes pa yod pa nyid kyis yon tan 'ga' zhig yod pa yang ma yin no// des ni de'i tshe don 'ga' yang yang dag par mi myong ste/ rnam par 'gyur ba'i tshogs rgyu dang 'bras bu'i bdag nyid can mtha' dag rab tu zhi bar 'gyur ba'i phyir ro// de'i phyir grol ba'i bdag la thar pa shes pa yod pa nyid mi rigs so// 'o na ni de'i tshe skyes bu shes pa yod pa ma yin par 'gyur la rag go zhe na/ de ltar na yang / shes med pa yi yod pa yang // gsal bar yod pa min dang mtshungs// pa ma yin nam/ shes pa yod pa las tha dad med pa'i rang gi ngo bo can gyi skyes bu la shes pa yod pa nyid med na shes pa med pa la gang zhig bden pa yod par brtags pa de ni ches gsal bar yod pa ma yin pa mo gsham gyi bu la sogs pa dang 'dra ba zhig go/ ci ste grol ba'i gnas skabs can shes pa yod pa nyid kyi nus pa yod pa'i phyir bdag yod do snyam du sems na 'di yang snying po med pa zhig ste/ gang gi phyir/ thar pa bdag gcig yod na ni// shes yod sa bon srid pa yod// gal te grol ba'i gnas skabs su bdag brtag par nus na ni de'i tshe bdag yod dang de'i rten can shes pa yod pa nyid kyis nus pa yod par 'gyur ba zhig na/ de ni shes pa yod pa nyid kyi rang gi ngo bo can yin pa nyid kyi phyir de med par yod pa ma yin pas rten med pa'i nus pa yang mi srid do// gzhan yang 'byung bar 'gyur ba'i don de lta mi nye ba'i phyir 'gar yang nus pa'i khyad par yod pa nyid brtag pa mdzes par mi 'gyur la grol ba'i bdag la gang shes pa yod pa nyid kyi 'jug pa'ang 'byung bar 'gyur ba ni srid pa yang ma yin no// 'di'i phyir yang sems pa can nyid kyi sa bon yod pa ma yin pas bdag med do// gal te thar par grol bar gyur pa 'ga' yang med pas thar pa med pa nyid du 'gyur ro// de'i phyir srid pa 'di mi 'jig par 'gyur ro// zhes mi 'dod pa mang po zhig tu 'gyur ba ma yin nam zhe na/ de ni yod pa ma yin te/ shes pa yod pa'i 'jug pa dang / de'i nus pa gnyis po bden par yod na ni ji srid 'jug pa yod pa zhig gam 'on te med pa zhig snyam du the tshom za bar 'gyur ba zhig na/ gang gi tshe rten med pas de dag rnam pa thams cad du yod pa ma yin pa de'i tshe/ de med na ni srid pa la// bsam pa'ang yod pa ma yin no// myu gu la sogs pa'i nus pa'i rten sa bon tshig par gyur na myu gu la sogs pa'i rgyun mi 'jug pa bzhin du rnam pa thams cad du bdag gi rgyun tsam zhig kyang mi 'jug pas thar par rigs so// gang gi phyir 'di de ltar yin pa de'i phyir// sdug bsngal las thar mi rnams la// gzhan las yod pa min par nges// de phyir rnam pa kun tu'ang bdag/ zad pa legs shes bya bar brjod// sdug bsngal las grol ba ni sdug bsngal yang mi 'byung ba yin no// sdug bsngal yang skye ba dang 'gag pa'i chos can gyi 'du byed las dang nyon mongs pas bskyed pa rnams yin la/ de rnams la brten nas kyang gang zag tu 'dogs te/ de ni bdag yin no// sdug bsngal 'gags na ni de dang grub pa dang bde ba gcig pa'i nye bar len pa po bdag rnam pa thams cad phyis mi 'byung ba'i bdag nyid kyis zad pa gang yin pa de nyid legs pa'o// zhes bya'i grol ba'i bdag yod pa ni ma yin no// de ni re zhig rgyu med pa can nyid kyi phyir rang nyid kyis yod pa ma yin te/ mo gsham gyi bu bzhin no// de'i rang gi ngo bo yod na yang de rtag pa nyid kyis rnam par mi 'gyur ba'i phyir bcings pa dang / thar pa gnyis la khyad par med pas snga ma bzhin du 'khor ba ldog par mi 'gyur ro// khyad par khas len na yang rnam par 'gyur ba yod pa'i phyir mi rtag par 'gyur la/ de'i phyir rgyu dang ldan pa nyid du 'gyur ro// de'i phyir sdug bsngal gyi rgyun dang 'dra ba nyid dang rang gi rtsod pa btang bar 'gyur ro// de'i phyir 'dis bdag khas blangs par mi rigs so// gang zhig gzhan la bstan par mi nus pa dang / bshad zin pa'i skyon gyis khas blangs nas kyang yongs su dor bar bya ba yin pa de ni khas blangs pa ci zhig dgos de'i phyir bdag tu smra ba dor bar bya'o// gal te de ltar grol ba'i gnas skabs na grol ba'i bdag kyang yod pa ma yin la/ don dam pa'i ming can mya ngan las 'das pa na yang 'du byed rnams mi 'byung bas gtan yongs su zad pa'i ngo bor smra na ni/ de'i phyir de dang 'dra ba'i dam pa'i don 'di don du gnyer ba cig zhig bya/ de'i phyir bdag legs su 'dod pa la/ 'jig rten pa 'di nyid bla yi// don dam rnams kun ma yin te// 'jig rten pa la cung zad yod// dam pa'i don la yod ma yin// bdag legs su 'dod pa ni mig nang byung du dogs pas mig 'byin pa rjes su mi sgrub kyi/ nad sel ba kho na byed pa de bzhin du 'khor ba'i sdug bsngal la yid byung bas kyang sdug bsngal ba tsam btang ba kho na mchog gi thams cad med pa ma yin no// thams cad med par gyur na ni bde ba yang rnam pa thams cad bcad pas 'dis bdag la phan cung zad kyang btags par mi 'gyur ro// de'i phyir 'jig rten pa 'di nyid bla'i/ 'jig rten pa der ni khyod kyis cung zad cig khas len te gang mig la sogs pa dang / myu gu la sogs pa 'am brten nas btags pa bum pa dang / snam bu dang / re lde dang / khyim dang / nags dang / dmag dang / kun dga' ra ba dang / bzhon pa dang / gru la sogs pa rnams so// cung zad cig ni khas mi len te/ gang mu stegs can rnams kyis yang dag pa ma yin par sgro btags pa dang / dngos po rnams rang bzhin dang bcas pa'o// yang na gang dge ba dang mi dge ba la sogs pa'i las 'das pa 'bras bu ma phyung ba dang / bde ba'i 'bras bu ma 'ongs pa'am/ 'du byed da ltar byung ba rnams te/ de lta bu 'di khyod 'jig rten pa la yod la/ de las lhag mar gyur pa ni yod pa ma yin pas gang du thams cad med pa ma yin pa 'jig rten pa'i bla'o// don dam pa ni mchog ma yin te/ gtan du yang dag par slob ma yin pa'i phyir ro// slob dpon 'phags pa lha'i zhal snga nas kyi byang chub sems dpa'i rnal 'byor spyod pa bzhi brgya pa las dngos po rtag pa dgag pa bsgom pa'i ting nge 'dzin bstan pa zhes bya ba ste/ rab tu byed pa dgu pa'i 'grel pa'o// // bshad par bya ste/ gal te bdag ces bya ba 'ga' zhig rang gi ngo bos yod na ni de mya ngan las 'das par thams cad du chad pa mthong ba'i phyir bdag med do// 'byung bar yang mi 'gyur ro// bdag gi ba med do// 'byung bar mi 'gyur ro snyam du dogs pa la 'jig rten pa nyid 'di bla'i zhes bya ba la sogs pa 'di de ltar 'gyur ba zhig na/ bdag ni rang gi ngo bos srid pa yang ma yin no// gal te yod na ni de nges par bud med nyid dam/ skyes pa nyid dam/ ma ning zhig tu 'gyur te/ de las gzhan pa'i rtog pa med pa'i phyir ro// mu stegs can rnams ni bdag rnam pa gnyis smra bar byed de/ 'di lta ste/ nang gi bdag dang / phyi'i bdag go// de la nang gi bdag ces bya ba ni gang zhig lus kyi khong na rnam par gnas shing / de'i dbang po'i tshogs de dang der rab tu 'jug par byed pa'o// nang gi byed pa'i skyes bu 'gro ba'i ngar 'dzin pa'i rgyu dge ba dang mi dge ba dang lung du ma bstan pa'i las kyi 'bras bu'i za ba po rgyud re re zhing rnam par rtog pa du ma'i dbye bas phye ba'o// phyi'i bdag ni lus dang dbang po 'dus pa'i ngo bo can gyi bdag la phan 'dogs pa'o// de la re zhig nang gi bdag gang yin pa de/ gal te bud med nyid du rtog na ni de'i tshe rang gi ngo bo mi 'dor ba'i ngo bo can yin pa'i phyir tshe gzhan du rjes kyang rtags gzhan la mi brten pas rtag tu bud med nyid du 'gyur na/ de ltar yang ma yin te/ 'chol ba dmigs pa'i phyir dang / bud med nyid la sogs pa rnams bdag gi yon tan nyid du med pa'i phyir ro// de nyid kyi phyir/ 'dod chags shin tu 'bar ba'i sems dang ni// lus ngag dbang po'i blo dang las rnams kyis// bud med bzhin du 'khrig pa'i nang 'jug pa// mi mkhas de ni gzhan du bud med 'gyur// de ni skyes dngos phun tshogs phan bsams pas// de bzhin gshegs pa'i sku dang rnam pa brgyar// bud med nyid la yang dag smad byas nas// pha rol tu ni mi nyid mchog tu 'gyur zhes bshad do// de bzhin du/ skyes pa nyid dang ma ning nyid la yang brjod par bya'o// / de'i phyir de ltar/ gang tshe nang bdag bud med min// skye min ma ning ma yin pa// de tshe mi shes 'ba' zhig las// khyod bdag pho bo snyam du sems// pho'o zhes bya ba ni nye bar mtshon pa yin pa'i phyir bdag ni bud med do bdag ni ma ning ngo snyam pa thams cad ni mi shes pa las 'gyur ro// rnam par dpyad pa dngos po yod pa de ltar grub pa med pa'i phyir de ltar yongs su btags pa las mi shes pa las ma rtogs pa'i rgyu gzhan mi rigs te/ thag pa'i rang gi ngo bo yongs su mi shes na sbrul du lhag par sgro 'dogs pa bzhin no snyam du dgongs so// de nyid kyi phyir bcom ldan 'das kyis/ dper na dogs pa'i 'du shes kyis ni dug langs pa// dug de khong du song ba med kyang brgyal bar 'gyur// de bzhin byis pa bdag dang bdag gir khas len pa// bdag der 'du shes yang dag min rtog skye zhing 'chi zhes gsungs so// ci ste skyes pa dang bud med dang ma ning nyid 'di dag ni phyi'i bdag gi brtags te/ de dang 'brel pa las nang gi bdag kyang rtag go/ snyam du sems na/ 'di ni de ltar ma yin no// ji ltar zhe na/ 'dir na mkha' la 'byung ba chen po nyid mi rigs pa'i phyir 'byung ba chen po dag ni bzhi kho na'o// yang gang gi ltar na 'byung ba chen po lnga yin pa de yang de'i nam mkha' las rtsom par byed pa nyid du mi rigs pa'i phyir 'byung ba chen po bzhi kho na rgyu'i dngos por 'gyur na/ de dag la ni skyes pa dang bud med dang ma ning rnams rang gi ngo bos yod pa ma yin no// gal te yod na ni de'i tshe de dag gi rang bzhin gyis rjes su byed pa'i phyir lus thams cad rtags nges pa nyid du 'gyur la/ nur nur po la sogs par yang rtags dmigs par 'gyur na/ 'di ni de ltar yang ma yin no// de'i phyir gang tshe 'byung ba thams cad la// pho mo ma ning yod min pa// de tshe ci ste/ de dag nyid// brten nas pho mo ma ning yin// gang rang gi ngo bos rtags dang bral ba'i 'byung ba chen po dag la brten nas lus rnams la bud med nyid la sogs pa 'byung bar 'gyur ba 'di la rgyu ci zhig yod/ de'i phyir de ltar phyi'i bdag la yang bud med dang skyes pa dang ma ning nyid rnams mi rigs pa'i phyir khyod kyi bdag ni skyes pa'o// bdag ni bud med do// bdag ni ma ning ngo snyam pa'i bsam pa 'di ni mi shes pa las yin pa 'ba' zhig tu zad do// gang dag khri dang ljon shing dag la nu ma la sogs pa dang spu mang ba nyid la sogs pa rgyu mtshan med pas rnam pa gzhan du bud med nyid la sogs pa rnams su rtogs par byed pa de dag gi yang rtogs pa tsam bzlog par bya ba ma yin no// khyod la yang thal bar 'gyur ba mtshungs so zhe na/ de ni de ltar ma yin te/ kho bo ltar na ni rten cing 'brel par 'byung ba'i phyir dngos po rnams rang bzhin med pa yin la/ rang bzhin med pa la ni ri mo dang lder so dang / 'khrul 'khor dang / sgyu ma'i bud med la sogs pa'i gzugs ltar rkyen ji lta ba bzhin rnam pa gzhan du 'gyur bar mi rigs pa yang ma yin pas nyes pa med do// bcom ldan 'das kyis/ brtan pa mo zhes mi spyod cing // phor yang rtog pa mi byed de// chos kun skye ba med pa'i phyir// / btsal na mthong bar mi 'gyur ro// zhes gsungs so// rang bzhin dang bcas par smra ba'i ltar na ni rang bzhin la gzhan du 'gyur ba nyid mi srid pa'i phyir rang bzhin ji lta ba bzhin du rtag par nges par thal bar 'gyur ro// de'i phyir bdag ni skyes pa'o snyam pa de lta bu la sogs pa'i rtog pa rnams gti mug tsam las byung ba'i phyir rtags dang ldan pa'i bdag rang bzhin yod pa nyid mi rigs so// 'di las kyang rang gi ngo bos yod pa ma yin te/ 'di ltar gal te bdag rang gi ngo bos yod na ni de ji ltar gcig gi ngar 'dzin pa'i rgyur dmigs pa yin pa de bzhin du thams cad kyi yang ngar 'dzin rgyu dmigs par 'gyur te/ 'jig rten na ni me'i rang bzhin tsha ba 'ga' zhig la mi tsha bar mi 'gyur ro// de bzhin du bdag gal te rang gi ngo bos yod par 'gyur na ni de thams cad kyi bdag dang ngar 'dzin pa'i yul du 'gyur na 'di ni de ltar yang ma yin no// 'di 'di ltar/ khyod kyi bdag gang nga bdag min// des de bdag min ma nges phyir// khyod kyi bdag dang khyod kyi ngar 'dzin pa'i yul dang bdag du chags pa'i yul gang yin pa de nyid ni kho bo'i bdag tu mi 'gyur te/ kho bo cag gi ngar 'dzin pa'i yul ma yin pa'i phyir dang / bdag tu chags pa'i yul ma yin pa'i phyir ro// gang gi phyir 'di de ltar yin pa/ des de bdag min ma nges phyir// gang zhig nges par bdag gi bdag tu mi 'gyur ba de ni rang bzhin gyis yod pa ma yin pas yod pa ma yin po'i don can bdag tu lhag par sgro btags pa 'di dor bar bya'o// gal te bdag med na ni 'o na ngar 'dzin pa dang bdag la chags pa 'di gnyis gang zhig la 'gyur zhe na/ bshad pa/ dngos po mi rtag pa rnams la// rtog pa skyes par 'gyur min nam// ji skad bshad pa'i tshul gyis phung po las tha dad pa'i bdag rang gi ngo bos grub pa rnam pa thams cad du ma dmigs pa'i phyir dngos po mi rtag pa gzugs la sogs pa'i ming can rang bzhin med pa rnams lo bdag dang / sems can dang / srog dang / skye ba po dang / shed las skyes dang / byed pa po dang / tshor ba po zhes bya ba la sogs pa bdag go snyam du log par rtog par byed do// ji ltar bud shing la brten nas me yin pa de bzhin du phung po rnams la brten nas bdag tu 'dogs la/ de yang phung po rnams las de nyid dang / gzhan nyid du rnam pa lngar nges par dpyad pa na rang gi ngo bos yod pa ma yin pas brten nas yongs su brtags pa zhig ste/ de ltar na 'du byed mi rtag pa rnams la bdag tu rtog par 'gyur ro// / zhes bya bar gnas so// 'dir bdag ni rang bzhin gyi yod pa kho na ste 'jug pa dang ldog pa'i rgyu yin pa'i phyir ro// gal te bdag med na ni su zhig dge ba 'am mi dge ba 'am mi g.yo ba'i las byas nas de'i 'bras bu myong bar byed/ des ni dge ma mi dge ba 'am mi g.yo ba'i las byas nas rigs rang 'gro ba dang skye gnas la sogs pa'i dbye bas phye ba'i khams gsum du las dang rjes su mthun pa'i skye ba'i rgyun rab tu mtha' yas shing bde ba dang sdug bsngal ba'i 'bras bu nye bar longs spyod pa'i rgyur gyur pa 'thob la/ de ni mngon par 'du byed pa po dang / so sor myong bar byed pa po yang yin zhing / de ni gsod ba dang gnod pa dang / reg pa dang bcing ba dang grol bar yang 'gyur ro// de'i phyir bdag rang gi ngo bos yod do zhes 'dzer to// yang ci bdag 'di tsha rlabs gzhan du lus kyi khyad par gyi rnam par 'gyur ba'i rjes su byed dam/ 'on te ma yin/ gal te rjes su mi byed na ni de'i tshe cung zad kyang mi byed pa'i bdag tu btags pa 'dis ci dgos ci ste rjes su byed na ni de'i tshe nges par khyod la/ skyes dang skye bar skyes bu ni// lus bzhin rnam par 'gyur bar 'gyur// de'i phyir/ khyod kyi dri la lus los gzhan// nyid dang rtag nyid mi rigs so// 'di ni lus las gzhan ma yin te/ lus kyi rnam par 'gyur ba'i rjes su byed pa'i phyir te/ lus kyi phyogs cig bzhin no// rtag pa yang ma yin te/ lus las gzhan ma yin pa'i phyir lus kyi rang gang gi bdag nyid bzhin no// de'i phyir bdag tu sgro 'dogs par mi rigs te/ des ni 'du byed skad cig re rer 'jig pa'i ngang can rnams la gnas pa med pas/ las kyi 'bras bu myong bar bya ba'i phyir bdag rtag par rtogs so// gang gi tshe bdag rtag pa de mi rigs pa de'i tshe nges pa 'dis 'du byed kyi rgyun skad cig re rer 'jig pa kho na la las dang 'bras bu la sogs pa thams cad khas blang bar bya'o// 'dir smras pa/ gal te bdag rang gi ngo bos grub par mi 'gyur na ni de'i tshe lus kyi g.yo ba bskum pa dang rkyong ba la sogs pa rnams kyi 'jug pa por gang zhig 'gyur/ skul ba po med pa'i shing rta ni rgyu ba yang ma yin te/ de'i phyir gdon mi za bar shing rta'i skul ba po lha sbyin ltar lus kyi g.yo ba'i rgyu nang gi byed pa'i skyes bu 'ga' zhig khas blangs par bya'o// 'di yang mi rigs so// zhes bstan pa'i phyir bshad ba/ reg dang mi ldan dngos po las// bskul ba zhes bya mi skye ste// de phyir lus kyi dbye ba la// srog ni byed pa por mi 'gyur// shing rta ni reg pa dang mi ldan pa'i don 'gas kyang bskul bar mi nus te/ reg pa dang ldan pa kho nas de bskul ba'i phyir/ khyed cag gis yongs su brtags pa'i bdag kyang reg pa dang mi ldan pa zhig ste/ dus ltar lus med pa'i phyir ci la yang mi reg cing don 'ga' zhig gis reg pa yang ma yin no// gang gi tshe 'di de ltar yin pa de'i tshe/ gang las lus kyi g.yo ba'i rgyu nyid kyis 'di yod pa nyid du rjes su dpag par 'gyur ba reg pa dang mi ldan pa'i dngos po 'di las bskul ba ste/ spong ba 'byung bapar ji ltar 'gyur/ gzhan yang bdag 'di ni phyogs med pa'i phyir reg pa dang mi ldan no// gang zhig phyogs mi ldan pa de la ni sbyor ba yod pa ma yin no// sbyor ba dang bral ba la ni bskul ba yod pa ma yin pas bya ba de dang ldan pa nyid kyis de yod pa nyid du khas blang bar mi rigs so// gal te de kho na ltar sems la yang lus kyi g.yo ba'i rgyu nyid mi rigs pa'i phyir khyod la yang nyes pa 'dir 'gyur ba ma yin nam/ sems ma gtogs par 'gro sogs la/ gang phyir bsod nams la sogs pa// ma mthong de phyir las kun la// yid ni don por brjod par bya// zhes gong du smras pa yang yin no// de'i phyir skyon mtshungs par thal bar 'gyur ba'i phyir sun 'byin pa 'di ni mi rigs so// zhe na bshod par bya ste/ kho bos ni sems reg pa dang mi ldan pa nyid du khas ma blangs so// 'di ltar/ yul dang dbang po dang rnam par shes pa rnams phan tshun reg pa'i mtshan nyid can sems las byung ba'i chos reg pa yod pa'i phyir rnam par shes pa lus dang ldan pa kho na yin zhing lus kyi g.yo ba'i rgyu yin no// khyod kyis ni de ltar bdag reg pa dang ldan par khas blangs pas mi mtshungs so// yang na kho bos sems dngos po mtha' dag skye ba'i rgyu nyid du khas blangs pa'i phyir des kun nas bslang pa'i rlung gi khams reg pa dang ldan pa yin la/ des bskul ba na lus de lta de ltar skyes pas g.yo ba yin no// zhes bya bar rigs so// 'dir/ 'dun pa'i rtsol ba'i 'du byed las// skyes pa'i rlung can yul gzhan du// rnam chad med par skye ba ni// 'gro ba po yi mar me bzhin// zhes kyang bshad do// cis te khyad par 'di bdag la yang rtog na na da'i cha 'di skad cig ma nyid du khas blang bar bya ste/ rtag pa la rnam par 'gyur ba med pa nyid kyis khyad par rnam pa da bu mi srid pa'i phyir ro// de'i phyir sems kho na bdag ces bya bar 'gyur bas bdag rtag pa ma yin no// yang gal te bdag 'di rtag par 'gyur na ni/ de yongs su bsrung bar bya ba'i phyir mi 'tshe ba'i bdag nyid can gyi chos nye bar sten par mi 'gyur te na mkha' bzhin no// mtshon rnon po dang me dang dug dang / thog babs pa rnams kyis ni de'i spu yang 'gul bar mi nus so// de nyid kyi phyir bshad pa/ mi 'tshe ba dang bdag rtag pa// 'di la rgyu ni ci yod snyam// rnam pa kun tu'ang shing srin las// rdo rje bsrung byar mi 'gyur ro// gnod par dogs pa med pa'i rdo rje ni shing gi srin bu las yongs su bsrung bar mi rtsom mo// de bzhin du bdag rtag par yod na ni mi 'tshe ba'i bdag nyid can gyi chos mi rigs na mi 'che ba'i bdag nyid can gyi chos 'di ni yod pa yang yin te/ de'i phyir rtag pa'i bdag khas mi blang ba 'am/ yang na rgyu gzhan zhig brjod par bya dgos na/ de yang ma brjod pas 'di ni mi rigs so// 'dir smras pa/ bdag ni rtag pa kho na ste/ skye ba dran pa yod pa'i phyir ro// 'du byed skyes ma thag tu 'jig pa'i ngang can rnams la ni tshe rabs gzhan dran par mi rigs so// skye ba gzhan gyi 'du byed rnams ni gang du skyes pa nyid du 'jug la/ 'dir ni gzhan dag cig kho na skye ba yin no// de'i phyir/ bdag 'das pa'i dus na skye ba 'di lta bu dang 'di lta bu zhig tu gyur to snyam du skye ba dran par mi rigs so// bdag rtag pa yod na ni de nyid tshe rabs gzhan du rgyu ba'i phyir rjes su dran par rigs so// 'di yang ma nges pa nyid du brjod pa'i phyir bshad pa/ skye ba dran pa yod pa'i phyir// / gal te khyod kyi bdag rtag na// sngon byas pa yi rma mthong nas// khyod kyi lus ko cis mi rtag/ 'di na tshe rabs gzhan dag tu mtshan cha la sogs pas bsnun pa las byung ba'i rma'i srol rnams de lta bus nye bar mtshon pa'i lus can la la dag rnam par 'jig cing / de ltar mngon par mtshon pa'i lus dang ldan pa kho nar 'gyur te skye ba dang rjes su dran pa na ji ltar nyams su myong ba ltar tshe rabs gzhan gyis byung mtha' ston pa lhur byed pa dmigs so// de'i phyir skye ba dran pa yod pas byas pa'i bdag rtag pa nyid du yongs su rtag pa ltar de dag gi lus rtag pa nyid du brtag par bya dgos na 'di ni de ltar yang ma yin pas de yod pa ma yin no// rgyu dang 'bras bu dag de nyid dang gzhan nyid du rtog pa spangs shing / rgyu'i khyad par gyis gsal bar gyur pa 'du byed kyi rgyun ni mi rtag pa kho nar yod na ni de'i nye bar len pa can btags par yod pa'i bdag gis skye ba rjes su dran no// zhes bya bar rigs so// dngos po rnams ni rang gi mtshan nyid kyis ma grub pa ste/ de rnams la rnam pa de lta bu'i rkyen nye bar lhags pa yod dang gzhan du 'gyur ba nyid mi rigs pa ma yin te/ de'i phyir dngos po rang gi mtshan nyid kyis ma grub pa'i rgyu can bya ba'i khyad par bsam gyis mi khyab pa yongs su brtag par bya'o// / 'di ltar 'dam bzhin du zho'i snod khang pa'i nang na gnas pa dag la rtsa thog che mang pos g.yogs pa'i steng nas gnas pa'i phug ron skya bo'i rkang rjes dmigs mod kyi/ de'i rkang pa zhugs pa ni ci nas kyang srid pa ma yin no// de'i phyir bshad pa dang 'chad par 'gyur ba'i rigs pas mi 'thad pa'i 'dus byas rang bzhin med cing mig 'phrul dang 'dra ba 'di'i snying po dang mi ldan pa nyid kyis chog go// 'di la snying po dang mi ldan pa nyid khas blangs pa ltar dngos po yod pa nyid du khas blang bar bya bar nus pa yang ma yin te/ de ni gdon mi za bar 'thad pa la bltos pa'i phyir ro// de ni ji lta 'am de lta'ang rung ste khas blang bar bya bar nus pa ma yin te/ gzhan dag gis de mi bslu ba nyid du khas blangs pa'i phyir ro// de'i phyir skye ba dran pa ltar rma dang bcas pa'i lus gzhan gyi rgyu can gyi lus sngon byas pa'i rmas nye bar mtshon pa rnam pa de lta bu'i las kyi bye brag gi rkyen can nye bar skye'o// zhes bya ba mi srid pa ma yin no// de'i phyir skye ba dran pa yod pa 'di las bdag rtag pa nyid du mi rigs te/ lus kyang rtag pa nyid du thal bar 'gyur ba'i phyir ro// yang ji ltar bdag 'ang sa skye ba dran no// zhes bya bar rtog/ gal te rang gi ngo bo kho nas yin na ni de mi rigs te/ de ni mi rtog pa'i rang gi ngo bo yin pa'i phyir ro// ci ste sems pa can dang ldan pa las yin no snyam du rtog pa na de yang mi rigs te/ rang gi ngo bo btang bar thal bar 'gyur ba'i phyir ro// de nyid bstan pa'i phyir bshad pa// sems pa can dang ldan bdag kyang // gal te shes pa nyid yin na// de yis sems pa can sems pa// min zhing skyes bu rtag mi 'gyur// gal te blo la sogs pa rnams ni bdag gi yon tan yin zhing de rnams dang ldan pas bdag yon tan gyi rjes su mthun par 'jug cing / dngos po rnams kyang rang bzhin mi 'dor ba yin la/ de rnams don gzhon dang 'brel pa las bya ba'i khyad par dang ldan par gyur na ni 'o na de rnams la khyad par sngar yod pa ma yin par rnam par 'gyur ro// rnam par 'gyur ba dang ldan pa rnams la ni rang gi ngo bo yod pa yang ma yin pas khyod kyi bdag rang bzhin med de/ ri mo la sogs pa bzhin du rnam par 'gyur ba dang ldan pa'i phyir ro// gzhan yang ji ltar sems pa can nyid dang ldan pas bdag sems pa can du 'gyur pa de bzhin du sems pa can ma yin pa'i bdag dang ldan pa sems pa can yang sems pa can ma yin par ci'i phyir mi 'gyur/ de'i phyir 'di la skye ba dran pa nyid mi rigs pa 'ba' zhig tu ma zad kyi sems pa can nyid kyang mi rigs pa'i phyir rtag pa'ang ma yin pas bdag la rtag pa nyid yod pa ma yin no// gzhan yang bdag 'di ji ltar sems dpa' can nyid dang ldan pas sems pa de bzhin du bde ba dang sdug bsngal la sogs pa dang ldan pas sngar gyi rang gi ngo bo nyams pa'i phyir khyad par de dang de 'thob par 'gyur te/ de'i phyir 'di mi rtag pa nyid du 'gyur zhes bstan pa'i phyir bshad pa/ bde ba la sogs dang ldan srog/ bde sogs bzhin du sna tshogs mthong // de phyir bde la sogs bzhin te// rtag pa nyid du'ang mi rung ngo // gal te bde ba dang sdug bsngal gyi gnas skabs dag tu 'di la khyad par 'ga' yang med na ni de dag phan tshun tha dad par mi 'gyur te/ de'i phyir bdag gi yon tan 'di rnams tha dad par mi 'gyur ro// de'i phyir gdon mi za bar bdag 'dis bde ba la sogs pa sna tshogs pa'i rjes su byed par bya dgos la/ de'i rjes su byed pa nyid kyang bde ba la sogs pa kho na ltar 'di rtag pa nyid du yang mi rigs so// 'ang gi sgras ni byed pa po nyid dang za ba po nyid dang gcig pu nyid la sogs pa thams cad sel bar byed do// yang gzhan dag ni gang gi ltar na skyes bu sems pa can ma yin pa de la nyes pa 'dir 'gyur gyi kho bo cag gi ltar na ni skyes bu shes pa yod pa'i rang bzhin yin pa'i phyir mi 'dod pa ci yang med do// zhes smra'o// de'i lugs kyang mi rigs pa nyid du brjod pa'i phyir bshad pa/ gal te shes pa yod rtag na// byed pa log par 'gyur ba ste/ gal te me ni rtag 'gyur na/ bud shing gis don yod mi 'gyur// 'di gang gi tshe mig la sogs pa byed par gyur pa rnams kyi 'jug pa dag gzugs la sogs pa'i don rnams lnga 'bab pa de'i tshe gzugs sogs pa'i blo gzugs la sogs pa'i rnam pas rjes su bsgyur ba rnams nye bar skye zhing blos zhen par byas pa'i don de yang skyes bus sems par byed do// shes pa yod pa nyid kyang yul rtog pa'i rang gi ngo bo yin la skyes bu de yang nge las tha mi dad pa'i rang gi ngo bo dang / rtag pa yang yin te/ rtag tu nye ba'i phyir ro// skyes bu'i rang gi ngo bo las tha mi dad par gnas pa'i phyir shes pa yod pa nyid kyang rtag tu nye ba yin no// de'i phyir 'di la mig la sogs pa'i byed pa dgos pa med pa'i phyir don med par 'gyur ro// gal te mig la sogs pa rnams med na de rnams kyi 'jug pa dag med par 'gyur la/ de med pas kyang blo med cing blo med pas kyang shes pa nyid med par 'gyur na ni de'i tshe dgos pa dang bcas pa'i phyir de las bzlog pa'i sgo nas mig la sogs pa byed par rigs par 'gyur na/ gang gi tshe ji skad smras pa'i tshul la bltos pa med pa kho nas shes pa yod pa nyid rtag pa yod pa de'i tshe ni byed pa la sogs par 'gyur ba ste/ gang gi ltar na bud shing med par mi mi 'byung zhing / yod na ni 'byung ba de'i ltar na ni bud shing tshol bar rigs na gang gi ltar na me rtag pa yod do// zhes bya ba khas len pa de lta na bud shing nye bar sogs dgos pa med pa kho na ste 'di dang 'dra'o// de'i phyir 'di'i chen po la sogs pa rnam par 'gyur ba'i tshogs kyis 'jug pa'i 'bras bu med pa nyid kyis 'di'i bstan bcos su lo rgyus byed pa'i ngal ba don med pa kho nar rtogs so// ci ste skyes bu ni shes pa yod pa nyid kyi nus pa'i ngo bo yin la/ de mig la sogs pa byed pa'i bya ba'i rgyu can blo mngon par gsal ba las shes pa yod pa nyid 'jug pas mngon par gsal bar 'gyur ro// skyes bu ni nye bar longs spyod pa po yin la/ de yul nye bar longs spyod pa'i bya ba mngon par grub pas yul la sems par byed do// de'i yul nye bar longs spyod pa'i bya ba de ni shes pa yod pa nyid 'jug pa'i bdag nyid can gyi bya ba yin la de yang mig la sogs pa byed pa'i tshogs med par mi 'byung ba'i phyir rnam par 'gyur ba'i tshogs 'di don med pa nyid du ga la 'gyur snyam na bshad par bya ste/ gal te shes pa yod pa shes pa yod pa nyid kyi 'jug pa'i rang gi ngo bo yin la de yang bya ba'i rang bzhin can yin na ni de'i tshe 'di'i bye ba'i chos las mi 'da' bar 'gyur dgos so// bya ba rnams kyi chos kyang gang zhig ce na/ rdzas la brten pa nyid dang g.yo ba nyid do// 'di ltar/ rdzas ni bya ba ji bzhin du// 'jig pa'i bar du g.yo ba med// ni rdzas kyi byed pa'i rang bzhin yin te/ de ni skyes pa nas bzung ste 'jig pa'i bar du g.yo ba yin no// 'di ltar shing la sogs pa rlung la sogs pa nye bar lhags pa med par bya ba mi rtsom pa rnams skyes nas 'jig pa'i bar mi par mi g.yo bar sdong la/ 'di rnams kyi 'gul ba'i bya ba rlung la sogs pa'i rkyen las byung ba ni sa zhig bar du g.yo ba nyid las mi 'da'o// yang gi phyir 'di de ltar yin pa// nges na skyes bu yod ces pa/ yod pa med ces bya mi ri ji ltar shing la sogs pa rnams g.yo ba'i bya ba rtsom pa'i snga rol gyi gnas skabs na rdzas kyi rang bzhin shing la sogs pa'i/ bdag nyid du dmigs pa de bzhin du skyes bu ni ma yin no// de ni shes pa yod pa nyid kyang rang da yin pa phyir dang / de las tha dad pa'i rdzas kyi rang bzhin med pa'i phyir shes pa yod pa dang bral ba'i bdag nyid du yang yod pa yin no// zhes bya bar brtag par mi nus so// de'i phyir skyes bu yod kyi shes pa yod pa nyid ni ma yin no// zhes bya ba mi rig so// gang yang shes pa yod pa nyid kyi nus pa yod pa'i phyir de'i tshe skyes bu yod pa nyid du rtog pa de yang mi rigs te/ rten med pa'i nus pa yod pa ma yin pa'i phyir ro// ji ltar shes pa yod pa nyid 'jug pa'i gnas skabs na shes pa yod pa nyid las tha dad pa'i skyes bu ni mi srid pa de bzhin du nus pa'i gnas skabs na yang shes pa yod pa nyid kyi nus pa tsam las tha dad pa'i skyes bu yod pa ma yin no// de'i phyir rten med pa'i nus pa med la/ nus pa med pa las kyang nus pa gsal ba'i rang bzhin gyi dngos por 'gyur ba la nye bar mkho ba nyid kyis dmigs la sogs pa rnams nye bar mkho ba dang bcas pa nyid du brtags pa gang yin pa de mi rigs pa kho na ste/ de'i phyir gal te shes pa yod rtag na/ byed pa log par 'gyur ba ste/ zhes bya ba 'di mi 'chug go// gzhan yang gal te skyes bu 'di shes pa yod pa nyid kyi nus pa gsal ba las sngar shes pa 'di'i snga rol na shes pa yod pa'i nus pa ngo bor 'gyur na ni de'i tshe/ gzhan du shes pa yod pa'i khams// mthong zhing gzhan du shes yod de/ shes pa yod pa la tshul gnyis rtog na khyod kyis shes pa yod pa las gzhan du ste tha dad pa nyid du shes pa yod pa'i khams te/ shes pa yod pa'i sa bon shes pa yod pa'i nus pa dang shes pa yod pa'i nus pa las kyang gzhan du ste tha dad par shes pa yod pa mthong ste de'i phyir shes pa yod pa'i khams las shes pa yod pa 'byung ba na khams dang yul mtshungs par 'gyur ba zhig go// dpe bshad pa/ lcags kyi zhu nyid bzhin// zhes bya ba'o// 'dir dper na lcags zhu ba nyid du 'gyur ba na lcags kyi yul las tha mi dad pa'i yul can du 'gyur ba de dang 'dra'o// sa bon dang myu gu dag ni mngon par 'byung ba dang mngon par mi 'byung ba mthong ba'i phyir yul mtshungs pa nyid ma yin te/ skyes bu lngas ni mngon par 'byung ba dang mi mngon par gyur pa gnyis med pas yul mtshungs pa nyid yod do// de nyid kyi phyir lcags kyi zhu nyid bzhin zhes lcags kyi zhu ba nyid dpe gzhan smos so// shes pa yod pa'i nus pa'i ngo bo las tha dad par skyes bu'i nus pa gsal bar yod pa yang ma yin te/ de las gzhan ma yin pa'i phyir ro// de'i phyir nus pa'i ngo bor gyur pa 'di gsal ba'i ngo bor gyur pa na lcags kyi zhu nyid bzhin na// de'i phyir/ skyes bu rnam par 'gyur bar 'gyur// rnam par 'gyur ba nyid las kyang lcags kho na bzhin du bdag la rtag pa nyid med do// zhes bya bar grub bo// yang gzhan dag ni kho bo cag ni skyes bu shes pa yod pa'i ngo bor ma yin te/ 'o na ci zhe na/ shed yod yid tsam zhig la ste// skyes bu na mkha' bzhin du tshe// srog chags thams cad la lus re re zhing yod pa'i bdag nyid na mkha' ltar khyab pa yin la/ de'i yid tsam dang ldan pa shes pa yod pa ni thams cad la khyab pa ma yin no// yod kyang bdag gi phyogs rdul phra rab tsam nyid la ldan pa zhig ste/ des na yid dang sbyar nas skyes bus de dang yul tha mi dad pa'i can gyi shes pa yod pa skyed par byed de de'i phyir kho bo cag gi phyogs la ji skad smras pa'i skyon gyi skabs med do// zhes smra'o// bshad par bya ste/ gang gi phyir khyod kyi skyes bu na mkha' ltar shin tu che ba 'di'i shes pa yod pa yid tsam la khas len pa/ de'i phyir de'i ngo bo ni// shes pa yod nyid min ltar mthong // de ltar yin dang skyes bu shes pa yod pa ma yin pa kho nar 'gyur te/ rdul phra rob tsam gyi phyogs dang shes pa yod pa dang 'brel pas skyes bu shes pa yod pa dang bcas pa yin no// zhes brjod par mi nus so// rdul phra rab tsam dang lan tshwa dang 'brel pas gang gA'i kruklung gi chu lan tshwa dang bcas so snyam du bsam par nus pa ni ma yin te/ 'di ni de dang 'dra'o// bdag ni rdzas yin zhing shes pa yod pa ni yon tan gyi ngo bo yin te/ de gnyis phan tshun tha dad pas skyes bu ni shes pa yod pa ma yin pa'i ngo bo pha na zhig go/ shes pa yod pa ma yin pa de la ni bum pa ltar bdag nyid du rtag par rigs pa yang ma yin pas bdag mi 'thad ngo // yang gal te bdag 'di sems can re re zhing thams cad du yod par 'gyur na ni de'i tshe/ gal te bdag kun la yod na// gzhan gyis der rang cis mi rtogs// gal te khyod kyi lugs kyis na bdag na mkha' ltar thams cad du 'gro zhing thams cad du khyab par 'gyur na ni de'i tshe sems can gzhan la yang bdag gi bdag yod pas bdag nyid kyi bzhin du der de la ngar 'dzin pa ci ste mi 'byung / gal te bdag ltar gzhan yang bdag gi bdag la dAr 'dzin par 'gyur na ni/ de ltar na de thams cad yod pa nyid du rigs pa zhig go// gzhan gyi lus la gzhan gyi bdag gis bdag gi bdag bsgribs par rig pa yang ma yin no// gzhan gyi bdag gi yul na bdag gi bdag med pa ni ma yin te/ bdag nyid thams cad kyi khyab pa nyid du khas blangs pa'i phyir ro// gang gi tshe yul mtshungs pa nyid yin pa de'i tshe des de la sgrib par brjod par mi nus so// zhes bstan pa'i phyir bshad pa/ de nyid kyis ni de nyid la// sgrib ces bya bar mi 'thad do// yul mtshungs pa'i phyir rang gi bdag gi ngo bo ltar rang gi bdag gis gzhan gyi bdag la sgrib pa yod pa ma yin pas gzhan gyi bdag kyang ngar 'dzin pa'i yul nyid du thal bar 'gyur na/ de ltar yang ma yin pas bdag thams cad na yod pa ma yin no// de ltar re zhig lugs gnyi ga ltar yang bdag yod pa nyid du mi rigs so// zhes bstan nas yon tan rnams kyang 'gro ba mtha' dag gi byed pa po nyid du mi srid pas mi rigs pa nyid du brjod pa'i phyir bshad pa/ gang gi yon tan byed po dang / rnam kun shes yod ma yin pa// de dag dang ni smyon pa la// khyad par ci yang yod ma yin// rdul dang mun pa dang snying stobs rnams ni yon tan gsum mo// de dag cha mnyam pa'i gnas skabs ni gtso bo yin la skye ba'i gnas skabs ni rang bzhin no// yon tan gsum gyi bdag nyid can gyi rang bzhin skyes bu yul nye bar longs spyod par 'dod par rig pa de ni de'i tshe sems pa can ma yin par gyur kyang skyes bu dang tha mi dad par rtogs par byas nas rnam par 'gyur pa'i tshogs mtha' dag skyed par byed do// de la tshul ni 'di yin te/ 'di lta ste/ rang bzhin las ni chen po'o// chen po zhes bya ba ni blo'i rnam grangs so// chen po las ni nga rgyal lo// de ni rnam pa gsum ste/ snying stobs can dang / rdul can dang / mun pa can zhes bya'o// de la snying stobs can gyi du rgyal las ni mig dang / rna ba dang / sna dang / lce dang / pags pa zhes bya ba'i blo'i dbang po lnga dang / ngag dang / lag pa dang / rkang pa dang / rku ba dang / 'doms zhes bya ba las kyi dbang po lnga dang / gnyi ga'i bdag nyid can gyi yid de de ltar na bcu gcig 'byung ngo // rdul can gyi nga rgyal las ni de tsam lnga ste/ gzugs dang / sgra dang / dri dang / ro dang / reg pa dag go// de tsam lnga dag las ni 'byung ba rnams te/ sa dang / chu dang / me dang / rlung dang / nam mkha' zhes bya ba'o// mun pa can gyi nga rgyal ni// gnyi ga'i 'jug par byed pa'o// de ltar na rang bzhin gyi rnam par 'gyur ba'i ngo bo yin pa'i phyir rnam par 'gyur pa mtha' dag gi 'jug par byed ba ni yon tan gsum yin no// de ltar yon tan rnams byed pa po nyid dang / shes pa yod pa ma yin pa nyid do// zhes bya ba rgol ba gang gi bsam pa yin pa de dag dang smyon pa rnams khyad par cung zad kyang yod pa ma yin no// / zhes dngos po'i de nyid las mkhas pa rnams kyis mthong ngo // smyon pa ni rgyud las shes pa phyin ci log tu gyur pa'o// de ni phyin ci log gi rnam par shes pa de don ji lta ba bzhin mi rtogs shing phyin ci log tu'ang nges par 'dzin par byed la/ yod pa ma yin pa'i don yang rdol bar byed de grangs can 'di yang de bzhin du yon tan shes pa yod pa ma yin pa rnams bstan bcos kyi sgo nas byed pa po nyid du ston pa na don ji ltar rnam par gnas pa de ltar mi rtogs shing phyin ci log tu'ang nges par 'dzin par byed la/ yod pa ma yin pa'i don gtam par yang byed pas smyon pa rnams dang mtshungs pa kho na zhig go snyam mo// gzhan yang 'di'i skyes bu 'di ni/ rnam par 'gyur ba'i tshogs kyi byed pa po ma yin zhing za ba po yin la yon tan rnams ni byed pa po yin gyi za ba po ma yin te/ de'i phyir 'di'i yon tan rnams rigs pa med pa'i byed pa po nyid dang za ba po ma yin pa nyid du ston pa na bdag nyid shin tu myi rigs pa smra ba nyid gsal bar byed pa yin no// zhes bstan pa'i phyir bshad pa/ yon tan rnams kyis rnam kun du// khyim la sogs dag byed shes kyi// za ba rnam par mi shes pa// 'di las mi rnyogs gzhan ci yod// smra ba 'od ni rigs pa dang 'gal ba'i phyir dang / 'jig rten gyis mi 'dod pa'i phyir 'di las mi rigs pa gzhan yod pa yang ma yin no// zhes dgongs pa'o// de ltar na re zhig yon tan rnams byed pa po nyid du mi rigs so// gang gi ltar na bdag kho na chos dang chos ma yin pa gnyis kyi byed pa po dang / de dag gi 'bras bu'i za ba po yin no// zhes bya bar 'dod pa de'i bdag kyang rtag pa nyid du mi rigs te/ 'di ltar/ bya ba dang ldan rtags pa med// 'di na byed pas na byed pa po yin la de'i byed pa po nyid ni bya ba'i rgyu can yin no// cung zad kyang mi byed cing rgyu med pa na 'ga' yang byed pa po yin no// zhes bya bar mi rigs so// bya ba dang ldan pa nyid du yod na yang nges par bya ba rtsom pa'i dus na 'di la bya ba de'i sngar gyi gnas skabs las khyad par khas blang bar bya'o// snga phyi'i gnas skabs dag tu khyad par med pa'i bdag ni sngar gyi gnas skabs bzhin du bya ba dang ldan pa nyid du mi 'gyur ro// reg pa me dang rlung la sogs po bya ba dang ldan pa rnams la ni rtag pa nyid yod pa ma yin te/ de bzhin du 'di la yang yod par mi 'gyur ro// gzhan yang bdag 'di'i bya ba dang ldan pa nyid mi rigs te/ thams cad na yod pa nyid du khas blangs pa'i phyir ro// bya ba zhes bya ba ni byed pa po brten pa 'am lam las la brten par 'gyur ba zhig go// de yang rnam pa gnyis te/ byed pa'i ngo bo dang / dngos po'i ngo bo'o// de la byed pa po la brten pa byed pa'i ngo bo ni 'di lta ste 'gro ba'i bya ba'o// de ni 'gro ba po lhas sbyin la gnas te/ de dang 'brel pa las lhas sbyin 'gro zhes bya bar brjod do// de ni thams cad du song ba ma yin pa'i phyir rkang pa 'degs pa dang 'jog pa'i mtshan nyid can gyi bya bas yul snga phyi gnyis gtong ba dang len pa'i phyir bya ba dang bcas pa rigs so// gal te 'di thams cad du song ba nyid du rtog na de'i tshe gang du 'gro bar gyur pa 'di nye bar mi gnas pa gang zhig na yod/ gang gi phyir 'di de ltar yin pa de'i phyir/ kun tu song la bya ba med/ lhas sbyin 'dug go// zhes bya ba la sogs pa byed pa po la gnas pa mi 'gul ba'i mtshan nyid can gyi bya ba dngos po'i bdag nyid can gang yin pa de yang sngar gyi bya ba bcom nas rtsom pa na sngar bdag nyid nges lus bkod pa mi srid pa'i phyir sa phyogs dang ldan pa'i lhas sbyin la khyab bdag ma yin pa nyid yod dang rigs par 'gyur gyi thams cad du song ba la ni ma mnan pa'i phyogs 'ga' yang yod pa nyid pas bya ba dang ldan pa nyid mi rigs so// de bzhin du las la gnas pa'i bya ba 'gul ba'i bdag nyid can sbyang la sogs pa nas phye ba'i ngo bo gang yin pa dang 'tsheng pa la sogs pa'i mi 'gul ba'i bdag nyid can gang yin pa de yang byed pa po la gnas pa'i byed pa dang dngos po gnyis dang mtshungs par rig par bya'o// de'i phyir de ltar na bya ba dang ldan brtag pa med/ kun tu song la bya ba med// ces bya ba gnas pa yin no// 'o na ni bdag bya ba dang bral bar 'gyur ro zhe na/ de ltar na yang / bya ba med pa med dang mtshungs// ma yin nam dngos po bya ba med pa ni yod pa ma yin pa na mkha'i me tog la sogs pa dang mtshungs par 'gyur ro// bdag nyid kyi rgyu dang rkyen ji lta ba la rag las te 'byung ba'i skye ba'i bya ba bskyed pa'i dngos po rnams ni re zhig ches thog mar bdag nyid yod par sgrub par byed la de nas bdag gi dngos po thob par 'gyur zhing rgyu dang 'bras bu gcig nas gcig tu brgyud pa rgyun rnam par ma chad par 'byung ba na bya ba'i khyad par de dang de'i skye ba'i rgyur 'gyur bar bya ba dang bcas pa'i don kho na yod pa nyid du bzhag par nus so// rang gi sde pa gang dag bya ba med pa'i chos tsam zhig rtog pa de dag gi ltar na de lta yin dang chos tsam gyis yang nyams par 'gyur te/ bong bu'i rwa bzhin bya ba med pa'i phyir ro// ci ste yang chos bya ba med pa tsam zhig yod pa nyid du 'don pa las na 'di nyes pa meng do snyam na/ de yang mi rigs te/ gsung rab kyi don rnam pa gzhan du nges pa'i phyir ro// de las ni byed pa po rang dbang ba rnam pa thams cad du med pas de'i byed pa po'i ngo bo'i bya ba bkag pas chos rnams bya ba med pa nyid du ston gyi/ dngos po byas pa'i rgyu can gyi bya ba bkag pas kyang ma yin no// de med na ni rten cing 'brel bar 'byung ba 'gal ba nyid du 'gyur la/ rten cing 'brel par 'byung ba 'gal ba las kyang de la rten cing 'brel par 'byung ba brten par byed pa po dang las byed pa dang yang dag par sbyin pa la sogs pa byed pa'i tshogs de med pa'i phyir chos dang chos ma yin pa la sogs pa dang / de dag gi 'bras bu med pa yin dang / 'gro ba thams cad bong bu'i rwa dang 'dra bar 'gyur bas de sangs rgyas pa ma yin pa kho nar 'gyur ro// de'i phyir de ltar bya ba dang ldan pa la yod pa nyid mthong ba'i phyir na de zlog pa'i sgo nas bya ba med pa med dang mtshungs shing / bdag kyang bya ba med pa'i phyir rnam pa thams cad du yod pa ma yin pas/ bdag med la khyod cis mi dga'// gal te bdag rtag pa yod pa ma yin na rgyu gang gis khyod bdag med pa la mi dga' ste/ dam pa ma yin pa'i lta ba mtha' dag ldog pa'i rgyu yin pa'i phyir dga' ba kho nar 'gyur dgos so// yang gal te bdag ces bya ba 'di 'ga' zhig me'i tsha ba nyid ltar rang gi ngo bos yod na ni de'i tshe de rang gi ngo bo des yod pa'i phyir nges par dmigs pa zhig na de ltar yang ma yin no// 'di ltar de ni rgol ba dag gis// la lar kun tu song bar mthong // la lar skyes bu lus tsam zhig/ la lar rdul tsam zhig mthong ste// shes rab can gyi med ces mthong // de la kha cig dag gis ni lus re re zhing tha mi dang pa'i bdag thams cad du song bar rtogs so// gzhan dag gis ni 'gro ba mtha' dag gi bdag zla bo ltar gcig kho nar rtogs so// de'i tha dad pa ni lus tha dad pa las btags pa pa ste/ 'bru mar dang chu la sogs pa'i snod tha dad pas zla ba'i gzugs brnyan tha dad pa bzhin no// de yang thams cad du song ba zhig ste de ltar na la lar kun tu song bar mthong ngo // la las skyes bu lus tsam zhig ste/ 'di ltar la la ngag gis ni sbrang bu mchu rings dang grog ma dang glang po che la sogs pa rnams la bdag lus tsam zhig yin pa'i phyir zhum pa dang rgyas pa nyid du rtogs so// gzhan dag gis ni 'di zhum pa dang / rgyas pa'i chos nyid du mi bzod pa na bdag rdul phra rab tsam zhig tu rtogs so// de bzhin gshegs pa'i gsung la brten te yang dag pa'i shes pa skye zhing / rten cing 'brel bar 'byung ba'i chos nyid mngon par shes pa shes rab can dag gis ni yod pa ma yin pa kho nar dmigs so// gal te de rang gi ngo bos yod na ni de'i tshe nges par dngos po'i de kho na nyid phyin ci ma log par mthong ba'i sangs rgyas pa dag gis bdag nyid des dmigs par 'gyur zhing / mu stegs can rnams la yang de ltar lta ba tha dad par mi 'gyur ba zhig na 'di thams cad yod pa yang yin pas bdag rang gi dngos po ngo bos yod pa ma yin no// yang gal te bdag rang gi ngo bos yod na ni de'i tshe de rnam par mi 'gyur pa nyid kyi phyir grol bar mi 'gyur ro// nye bar 'tshe ba dang bcas shing de la rgyab kyis phyogs pa'i skyes bu la ni de ldog pa bde bar 'gyur srid kyi/ bdag rtag pa'i nye bar 'tshe ba med pa la ni ma yin no// rtug la gnod pa ga la zhig/ gnod med thar pa ga la yod// des na gang gi bdag rtag pa// de la thar pa mi rigs so// phan pa dang gnod pa dag las khyad par med pa'i phyir na gang zhig thar pa'i gnas skabs su yod par 'gyur ba/ 'di la da ltar med pa ni ci zhig yod/ de'i phyir rnam pa thams cad du khyad par med pa'i phyir bdag rtag par smra ba la thar pa mi rigs so// thar par 'dod pas ni rten cing 'brel par 'byung ba kho ma khas blang bar bya ba'i bdag rtag pa ni ma yin no// dngos po rten cing 'brel par 'byung ba rnams ni skad cig ma yin la/ de rnams ni rgyu dang rkyen dag rnam par chad pa med pas rgyun chags su 'byung ba na rgyu dang rkyen ma tshang ba las mi 'byung bas thar par rigs so// gzhan yang ya mtshan can thams cad kyis bdag tu 'dzin pa dang / bdag gir 'dzin pa rnam pa thams cad zad par bya ba'i phyir grol ba khas blangs te/ de'i phyir de dag la grol ba'i gnas skabs na/ gal te bdag ces bya yod na// bdag med snyam ste mi rigs shing // de nyid rig pa nges pa las// mya ngan 'das 'gyur zhes bya'ang brdzun// gal te bdag rang gi ngo bos yod na ni de'i tshe rang gi ngo bo la ldog pa med pa'i phyir thar pa'i gnas skabs na yang yod pa nyid du 'gyur ro// de'i phyir thar pa'i gnas skabs na yang bdag tu 'dzin pa'i rgyu bogs dbyung du med pa'i bdag yod pa'i phyir bdag med do// zhes de ltar bdag tu 'dzin pa spangs pa mi rigs so// de'i phyir bdag gi de kho na nyid rig pa nges pas bdag tu 'dzin pa spangs pa las mya ngan las 'da' bar 'gyur ro// zhes bya ba yang brdzun te der yang ngur 'dzin pa yod pa'i phyir ro// yang na grol bar 'dod pas bdag med pa kho na khas blang bar bya ste/ bdag med pa yod dang bdag tu 'dzin pa spong la bdag tu 'dzin pa spangs pa las thar pa grub par 'gyur ro// ci ste bdag yod na thar pa'i gnas skabs na bdag tu 'dzin pa 'jug par thal bas 'jigs nas grol ba'i gnas skabs na bdag yod pa nyid du khas mi len na/ de ltar yin dang / gal te grol ba yong nyid na// de ni sngar yang med pa med// mi ldan pa la gang mthong ba// de ni rang bzhin zhes byar bshad nam yin nam/ 'brel pa can gyi chos dang mi ldan zhing rkyang par rang gi ngo bo tsam la gnas pa'i dngos po tsam la cha ji tsam zhig dmigs pa de ni de'i rang bzhin no// zhes bya bar rnam par bzhag ste/ de las gzhan pa'i chos dang a 'dres pa'i phyir ro// dper na zad mi shes pa'i gser gyi de las gzhan pa'i 'brel pa can lcags yongs su zad pa las rnam par byang ba'i gnas skabs gang yin pa de de'i rang bzhin du rnam par bzhag pa de bzhin du grol ba'i bdag gi shes pa rnam par byang ba'i gnas skabs su shes pa'i khyad par gyi ngo bo ci 'dra ba zhig snang ba de yang de'i rang bzhin yin no// zhes bya bar rigs na cung zad cig snang ba yang ma yin te/ bdag tu 'dzin pa 'jug par thal bar 'gyur pa'i phyir ro// de'i phyir thar pa'i snga rol gyi gnas skabs na yang de'i rang bzhin de kho na yin par rigs so// sngar gyi gnas skabs su phyin ci log gi dri ma can du gyur cing don ji lta ba bzhin dngos po'i rang gi ngo bo ma rtogs pa'i blo tshad ma nyid du khas blang bar nus pa ni ma yin no// de'i phyir don 'di mthong ba phyin ci log gi dmigs su zin kyang de ltar khas blang bar mi nus te/ rab rib can gyi mthong ba yod pa ma yin pa'i skra shad dang sbrang bu la sogs pa'i don sgro 'dogs pa yang de ltar khas blangs par thal bar 'gyur ba'i phyir ro// de'i phyir bdag rang gi ngo bos grub pa yod pa ma yin no// zhes bya bar gnas so// 'dir smras pa/ gal te bdag med na de'i tshe skad cig re re la 'jig pa'i ngang can gyi 'du byed rnams skyes ma thag tu 'jig pa'i phyir chad par lta bar 'gyur la/ dngos po skad cig ma'i rten bdag skad cig ma ma yin pa yod pas rnam pa thams cad du med par khas ma blangs pa las chad par lta ba yod pa ma yin no// bshang par bya ste/ gal te mi rtag chad yin na// da dung rtswa sogs rnams cis yod// 'di ni gal te bden gyur na// su la'ang gti mug kyang mi 'byung // 'jig rten na ni mi rtag pa'i don chad pas rtog pa yod pa ma yin te/ 'di ltar bskal pa dang po nas zhugs pa rtsa dang lcags ma dang / ljon shing la sogs pa'ang rnams rgyu dang 'bras bu'i 'brel pa 'jug pa'i rim pa rnam par chad pa med par da dung du yang 'byung bar dmigs so// yang gal te mi rtag pa chad par 'gyur na ni de'i rgyun mi 'jug pa'i mtshan nyid can gyi 'jig par 'gyur te/ de'i phyir ji ltar rtsa la sogs pa 'di rnams da dung du'ang dmigs par 'gyur/ dmigs pa las ni mi rtag pa la chad pa yod pa ma yin no// zhes bya bar rtogs so// 'di ni gdon mi za bar de ltas khas blang bar bya'o// de lta ma yin to/ mi rtag pa chad ngo do// zhes bya ba'i lta ba 'di gal te ji lta ba'i don can du 'gyur na ni de'i tshe nges par sems can gang la yang gti mug kyang mi 'byung ngo // kyang gis sgras ni bde ba la sogs pa dang 'dod chags la sogs pa rnams kyang mi 'gyur ba zhig go// 'di'i gti mug kyang mi rtag pa yin la/ mi rtag pa yang chad pa yin pas nges par chad pa nyid kyi phyir ma rig pas 'jug par mi bya ba zhig go// de'i phyir 'khor ba ldog pa'i sgrim pa med par bsgrub par bya bar 'gyur la/ 'jig rten thams cad kyi ma rig pa spangs pas 'gar yang de kho na nyid ma mthong ba nyid du mi 'gyur ba zhig na/ 'di ni de ltar yang ma yin pas mi rtag pa la chad pa med do// ci ste dngos po mtha' dag 'byung ba'i rgyu bdag rtag pa nyid yod pas rgyu nges 'jug pa rtsa la sogs pa rnams la chad par lta ba yod pa ma yin no snyam na/ de yang yod pa ma yin te/ dngos po rtag pa rgyu dang rkyen la rag ma las par 'byung ba 'ga' la yang yod pa nyid do// zhes sngar bstan to// yod pa ma yin pa'i bong bu'i rwa ltar 'gro ba 'jug pa'i rgyu nyid du mi rigs pas de yod pa'i rgyu can 'gro ba'i 'jug pa yod pa ma yin no// yang na bdag yod du chug mong 'di'i 'gro ba 'jug pa'i rgyu nyid ni mi rigs so// 'di ltar/ bdag ni yod par 'gyur na'ang gzugs// gzhan las 'byung bar snang 'gyur la// gzhan las gnas par snang 'gyur zhing // / gzhan las rnam par 'jig par snang // gal te dngos po rnams bdag gi rgyu can du 'gyur na ni de rnams bdag las gzhan du gyur pa'i dngos po gzhan las 'byung bar mi 'gyur ba zhig na/ nor bu dang bud shing dang nyi ma phrad pa las me 'byung ba dang / zla ba dang phrad na nor bu chu shel las chu 'dzag pa dang / sa bon la sogs pa dag las myu gu la sogs pa rnams 'jug pa dang nur nur po la sogs pa'i 'byung ba chen po dag las ji ltar gong du mer mer po dang / gor gor po dang / mkhrang gyur dang / rkang lag 'gyus pa dang / nying lag 'gyus pa rnams dang / de las mig la sogs pa rnams dmigs pa yang yin no// de ltar na gzugs ni gzhan las 'byung bar dmigs so// yang gal te 'di dag thams cad bdag gi byed pa po can nyid yin na ni/ gzugs 'di 'jug pa de kho na las yin par rag mod/ rgyu gzhan brtags pas ci zhig bya/ ci ste rgyu gzhan po de yang bdag kho na las 'byung ngo snyam du sems na/ ci ste de ltar ma mthong / gal te nye bar bstan pa med pa'i phyir ro zhe na/ ci mig la sogs pa rnams rang gi yul la 'jug pa la nye bar bstan pa la bltos pa zhig gam de ma yin no// 'o na ni don de dmigs pa la nye bar bstan pa dgos pa yod pa ma yin nono// gal te dang po 'jug pa bdag las yin no zhe na/ ci bdag de la dang po yod dam med de/ gal te de ltar na de'i 'bras bu yang thog ma med par 'gyur dgos so// ci ste yod kyang de sngar rgyu nyid du ma yin na phyi de'i rgyu nyid sus bya/ gal te don gzhan la bltos so zhe na/ 'o na ni don de de'i rgyu nyid la rgyu yin pas de nyid rgyu brgyad par 'gyur te/ rgyu de'i rgyu nyid la gzhan rgyu yin la de'i yang gzhan yin pas rgyu thug pa med par 'gyur ro// de'i phyir rgyu kho na las 'gro ba 'jug par 'gyur bas bdag rgyu nyid du brtag pa don med pa 'dis ci bya/ ci ste rgyu de yang bdag la rag las te 'byung ba yongs su rtog na/ de ltar yin dang bdag dang dus mnyam pa'i rgyu 'jug la rag mod/ de'i phyir bdag bzhin du de'i 'bras bu yang thog ma med pa nyid du 'gyur ro// dus mnyam pa nyid yin na ni bdag dang de'i 'bras bu la rgyu dang 'bras bu'i dngos po mi 'thad do// yod pa ni mi skye ste gnyi ga yang de'i tshe yod pa'i phyir gang zhig gang gis skyed par byed/ de'i phyir gzugs 'jug pa bdag gi rgyu can du mi rigs so// de'i phyir de ltar gzugs gzhan las 'byung ba mthong nas phyin ci ma log pa su zhig de bskyed par bya ba'i don du bdag yongs su rtog par byed/ yang na mo gsham gyi bu la sogs pa rnams kyang 'gro ba 'jug pa la byed pa po nyid du brtag par bya'o// ji ltar gzugs gzhan las 'byung ba mthong na de bzhin du gnas pa yang gzhan las yin par snang ste/ rgyu bud shing dang sbyor ba la sogs pa las me la sogs pa'i don gnas par mthong ba'i phyir ro// gzhan las rnam par 'jig par snang ste/ bud shing ma tshang ba la sogs pa'i rgyu las so// mthong ba bor nas ma mthong ba'i bdag 'thad pas yod par 'gal zhing rgyu'i chos dang ma 'brel pa brtag par rig pa yang ma yin te/ de'i phyir bdag rang gi ngo bos yod pa ma yin no// gang gi tshe rtag pa las skye ba med pa de'i tshe 'jig rten na/ ji ltar sa bon byas pa las// myu gu byas pa skye 'gyur ba// de bzhin mi rtag thams cad ni// mi rtag ngag las 'byung bar 'gyur// ji ltar rgyu dang rkyen gzhan la rag las te 'byung ba'i sa bon byas pa rang bzhin gyis ma grub cing rten cing 'brel par 'byung ba las myu gu byas pa ste/ rang nyid kyis rnam par gnas pa ma yin pa rang bzhin med cing rang bzhin gyis stong pa ste de bzhin du mkhas pas dpe 'di dngos po gzhan rgyu dang 'bras bu'i gnas skabs mi snang ba chod pa dang phra ba rnams dang / tshor ba la sogs pa gzugs can ma yin pa rnams dang / rgyu las dang nyon mongs pa las 'das pa 'du byed zag pa med pa rnams kyang rang bzhin med pa'i rgyu las rang bzhin med pa 'byung ba yin no// zhes bya bar nges par bya'o// de ltar yin dang gang du 'du byed rnams la rtag pa dang chad pa'i rdo rje'i thog 'jig rten pa dang 'jig rten las 'das pa'i rgyu dang 'bras bu'i 'brel pa rab tu 'joms pa 'bab pa de yang mkhas pas rten cing 'brel par 'byung ba'i rig sngags kyis ches rgyang ring por bzlog pa yin no// zhes bstan pa'i phyir bshad pa/ gang phyir dngos po 'jug 'gyur ba// de nas chad par mi 'gyur zhing // gang phyir dngos po ldog 'gyur ba// des na rtag par mi 'gyur ro// dngos po ni 'byung ba'i chos can te 'bras bu myu gu la sogs pa'o// gang gi phyir rgyu sa bon zhes bya ba las 'bras bu myu gu 'byung ba de'i phyir sa bon zhes bya ba chang par mi 'gyur ro// gal te myu gu la sogs pa'i rgyun ma skyed par me dang phrad pa las yin pa ltar sa bon 'gag par 'gyur na ni de'i tshe chang pa lta bar 'gyur na myu gu la sogs pa 'jug pa yod par mthong ba las ni sa bon chad par lta mi srid ngo do// tshig le'ur byas pa'i dngos po'i sgra gnyis pa ni rgyu rjod par byed pa ste/ 'di las 'bras bu 'byung ba zhes byas nas so// yang gal te myu gu zhes bya ba'i 'bras bu zhugs kyang rang gi ngo bos gnas pas sa bon mi ldog na de'i tshe sa bon rnam par mi 'byung bar mthong ba'i phyir rtag par lta bar 'gyur na/ 'di ni de ltar yang ma yin te/ sa bon log par mthong ba'i phyir ro// gal te ldog par mi 'gyur na ni/ de'i tshe las myu gu gzhan yang 'byung bar 'gyur pa zhig na 'di ni de yang ma yin pas/ gang phyir dngos po ldog 'gyur ba// des na rtag par mi 'gyur ro// de yang rang gi ngo bos ma grub pas sa bon dang myu gu gnyis de nyid rang gzhan nyid du rtog pa dag mi srid pa las 'grub pas dngos po rnams rang bzhin med par ches gsal bar grub bo// // slob dpon 'phags pa lha'i zhal snga nas kyi byang chub sems dpa'i rnal 'byor spyod pa bzhi brgya pa las/ bdag dgag pa bsgom pa bstan pa zhes bya ste rab tu byed pa bcu pa'i 'grel ba'o// // 'dir dus smra ba ni gzugs la sogs pa rnams gzhan las 'byung ba mthong ba'i phyir dang / 'jig rten gyi mngon sum ma yin pa'i phyir dang / 'bras bu 'ga' yang ma mthong ba rjes su dpag pas go bar bya ba ma yin pa nyid kyi phyir na bdag yod pa ma yin no// zhes gang smras pa yin gyi/ rnam pa thams cad du dngos po rtag pa rnams med pa ni ma yin te/ dus yod pa'i phyir ro// 'di na sa dang chu dang me dang rlung dang na mkha' dang sa bon la sogs pa rnams yod kyang res 'ga' myu gu dang me tog la sogs pa rnams kyi skye ba dang 'jig pa dag med pa'i phyir la/ ci ste res 'ga' yod pa'i phyir dus zhes bya ba 'bras bu de mthong ba las dpag pa yod do// de ni skad cig dang thang cig dang yud tsam la sogs pa gsal bar bya zhing / 'das pa dang ma 'ongs pa dang / da ltar byung ba ste dus gsum na rnam par gnas pa'i dngos po las tha dad pa rtag pa zhig go// zhes smra'o// 'di la brjod par bya ste/ gal te dus shes bya ba dngos po las tha dad cing bdag gis grub pa yod par 'gyur na ni nga skye ba dang 'jig pa'i rgyu nyid du 'gyur na/ de ltar yang ma yin te/ dngos po las tha dad par 'dzin par thal bar 'gyur ba'i phyir ro// gang zhig yod na dngos po la// 'jug dang ldog pa'ang dmigs 'gyur ba// de ni gzhan gyi dbang 'gyur te// des ni 'bras bur yang 'gyur ro// zhes bya ba la sogs pas bkag zin pa'i phyir yang rang gi mtshan nyid kyis grub pa'i dus la 'jug pa dang ldog pa'i rgyu nyid yod pa ma yin no// gzhan yang dus gsum pa gang dag dus kyi khyad par gyi ngo bor rnam par bzhag pa de dag kyang lus can ma yin pa nyid kyis rang bzhin las nges par mi nus pa'i phyir rang gi ngo bos rnam par bzhag par mi nus kyi de dag gi bsnyang bar bya ba'i dngos po'i khyad par bum pa la sogs pa'i sgo nas ni rnam par bzhag par nus so// de dag ni dngos po las tha dad pa'i rang bzhin yin zhing tshor ba la sogs pa ltar nyams su myong ba'i rnam pa ma yin la/ gzugs dang sgra la sogs pa bzhin dbang po'i sgo nas yongs su gcad par bya ba yang ma yin no// de'i phyir bum pa la sogs pa'i sgo kho na nas de dag gi khyad par yongs su gcod pa'i phyir de'i sgo nas dus gsum bkag pas dus dgag par mdzad par bzhed pas bshad pa/ ma 'ongs bum pa da ltar ba'i// bum yod ma yin 'das pa med// gang phyir de gnyis ma 'ongs pas// de phyir ma 'ongs yod ma yin/ ma 'ongs pa'i dus nye bar mtshon par bya ba'i don du ma 'ongs pa'i bum pa nye bar bkod la/ de bzhin du 'das pa dang da ltar byung ba'i dus nye bar mtshon pa'i don du 'das pa dang da ltar byung ba'i bum pa nye bar bkod do// de la ma 'ongs pa ni da ltar byung ba'i dus su ma phyin pa'o// 'ongs pa ni de nyid las 'das pa'o// da ltar byung ba ni skyes la ma 'gags pa'o// da ltar ba ni da ltar dmigs pa'i phyir gtso bo yin gyi/ der ma 'ongs pa dang brgal ba dag gis ma 'ongs pa dang 'das pa'i dus gnyis rnam paro 'jog pa ni gtso bo ma yin no// dus gsum po de dag kyang phan tshun bltos pa nyid du gnas te/ gnyis gnyis la ma bltos par re re med pa'i phyir ro// / 'das pa dang da ltar gnyis la ma bltos par ni ma 'ongs pa'i dus rnam par gzhag par mi nus te/ ma 'ongs pa ni ma 'ongs pa las yin la ma 'ongs pa'i rang gi ngo bos de gang du ma 'ongs pa 'das pa dang da ltar gyi dus gnyis po der gdon mi za bar 'gyur dgos so// de med na ni gang du ma 'ongs pa las 'di ma 'ongs pa nyid du 'gyur/ dus gzhan gnyis kyi rnam par bzhag pa yang de dang 'dra bar sbyar bar bya'o// de ma 'ongs pa'i bum pa gang yin pa de la da ltar ba'i bum pa yod pa ma yin la 'das pa yang ma yin te/ mtshan nyid tha dad pa'i phyir dang / gcig la gcig mi srid pa'i phyir ro// gang gi tshe de ltar ma 'ongs pa'i bum pa la da ltar ba dang 'das pa gnyis yod pa ma yin pa de'i tshe ltar ba dang 'das pa gnyis kyang ma 'ongs par ma 'ongs pas de gnyis kyang ma 'ongs par 'gyur ro// ji ltar ma 'ongs pa da ltar du ma 'ongs pa las ma 'ongs pa yin pa de bzhin du da ltar dang 'das pa gnyis kyang ma 'ongs par ma 'ongs pas ma 'ongs par 'gyur ro// gal te da ltar du ma 'ongs pa las ma 'ongs pa yin gyi/ ma 'ongs par ma 'ongs pa las ni ma yin no zhe na/ 'di ni de ltar ma yin te/ ma 'ongs pa grub pa yod na ni da ltar dang 'das pa gnyis 'grub na gang gi tshe ma 'ongs pa nyid med pa de'i tshe ji ltar 'das pa 'am da ltar byung bar 'gyur/ 'di la dgongs nas slob dpon ma 'ongs pa med par bstan pa bzhed de/ de nyid kyi phyir/ gang phyir de gnyis ma 'ongs pa// de phyir ma 'ongs pa yod ma yin/ zhes bshad do// gang gi phyir gnyi ga yang ma 'ongs pa yin pa de'i tshe gsum car yang ma 'ongs pa nyid du 'gyur la/ gsum char ma 'ongs pa nyid yin na yang da ltar byung ba dang 'das pa gnyis mi srid pa'i phyir gang du ma 'ongs pa las ma 'ongs par rnam par bzhag/ de'i phyir ma 'ongs pa'i dus yod pa ma yin no// ci ste ma 'ongs pa'i bum pa rnam pa thams cad du med pa nyid ma yin gyi ma 'ongs pa'i ngo bor ma 'ongs pa'i bum pa la yod pa yin te/ de'i phyir ma 'ongs pa la yod pas 'das pa tha dad par grub pa yod na yang ma 'ongs pa yod pa kho na'o snyam du sems na/ de lta na yang / gal te zhig pa ma 'ongs pa'i ngo bo ma 'ongs la yod na// ma 'ongs bdag nyid du yod gang // de ni ji ltar 'das par 'gyur// gal te 'das pa ma 'ongs pa nyid du ma 'ongs pa'i bum pa la yod do snyam du sems na ni de'i tshe 'das pa nyid du mi rigs te/ khyod kyi lugs kyis ma 'ongs pa la yod pa'i phyir te/ ma 'ongs pa rang gi bdag nyid bzhin no// de'i phyir nyes pa de nyid du 'gyur ro// / yang ma 'ongs pa'i dngos po gang yin pa de ci khyod la yod dam 'on te med/ smras pa ma 'ongs pa'i ngo bor yod pas ma 'ongs pa yod ces bya bar rnam par 'jog go// de ltar yin na ni 'di ma 'ongs pa nyid du mi 'gyur ro// gang las shes na/ gang gi phyir na ma 'ongs dngos// ma 'ongs bdag tu gnas 'gyur ba// de yi phyir na da ltar bar// 'gyur te ma 'ongs nyid mi srid// gang zhig la da ltar yod pa nyid yod pa de ni da ltar ba nyid du 'gyur te/ da ltar yod pa'i phyir da ltar ba'i rang gi bdag nyid bzhin no// ci ste de ni da ltar ba'i bdag nyid du yod pa ma yin gyi/ 'on kyang ma 'ongs pa'i bdag nyid du ste/ de'i phyir da ltar bar yod pa med pa'i phyir 'di la ma 'ongs pa nyid yod pa kho na'o snyam du sems na brjod par bya ste/ gang zhig gi rang bzhi na gang yin pa de ni bdag nyid der yod par gyur dang da ltar bar 'gyur ro// 'di ltar sngon po sngon po'i bdag nyid kyi yod pa da ltar bar 'gyur gyi de ser po'i bdag nyid kyis ma yin pa de bzhin du ma 'ongs pa yang ma 'ongs ra bdag nyid du yod pa na da ltar ba nyid du 'gyur bas 'di la ma 'ongs pa nyid srid par bya bar mi nu so// gang gi tshe de ltar ma 'ongs pa mi srid pa de'i tshe gang zhig 'das pa 'am da ltar bar 'gyur bar bsam par bya'o// de'i phyir dus gsum yod pa ma yin no// / rang gi sde pa gang dag dngos po rnams la rang gi mtshan nyid khas blangs nas de dus gsum kar yod pa'i phyir rang bzhin mi 'dor ba'i dngos po kho na rgyu dang rkyen gyi tshogs pas gnas skabs de dang der 'gyur ro// zhes smra ba de dag la brjod par bya ste/ ma 'ongs pa yod 'das pa yod// da ltar ba yod ci zhig med// gang gi dus kun yod pa nyid// de yi mi rtag nyid ga las// gang gis dngos po da ltar bar 'gyur ba 'di'i rang gi ngo bo gang zhig blo la snang ba'i rang gi ngo bo de nyid ma 'ongs pa'i gnas skabs dang 'das pa'i gnas skabasu yang khas blangs pa'i rgol ba de la mi rtag pa lta ga la yod/ de'i phyir na dngos po rnams rang bzhin gyis rtag pa nyid kyis rtag pa kho nar 'gyur ro// de ltar yin dang de la lung dang 'gal bar yang 'gyur te/ bcom ldan 'das kyis kye ma 'du byed rnams mi rtag/ skye zhing 'jig pa'i chos can yin// skyes nas 'jig par 'gyur ba ste// de dag nye bar zhi ba bde// zhes gsungs so// ji ltar ma 'ongs pa la ma 'ongs pa nyid mi srid pas ma 'ongs pa nyid med pa de bzhin du 'das pa la yang 'das pa nyid mi srid pa nyid med par bstan pa'i phyir bshad pa/ 'das pa la ni 'das gyur pa// ci'i phyir na 'das par gyur// 'das pa las ni ma 'das pa// ci yi phyir na 'das par 'gyur// 'das pa'i dus gang yin pa de ci 'das pa'i rang gi ngo bo las 'das sam// 'on te ma 'das/ re zhig gal te 'das pa las 'das na ni de 'das pa zhes bya bar mi rigs so// 'das pa zhes bya ba ni thal zin pa la bya ste/ gang zhig de lta de las 'das shing brgal ba de ji ltar 'das par 'gyur/ 'o ma'i dngos po las 'das pa'i zho la 'o ma zhes bya ba dang byis pa'i dngos po las 'das pa'i lang tsho la bab pa la byis pa zhes bya bar brjod pa ma yin no// de ltar na 'das pa las 'das pa ni 'das pa'o// zhes bya bar mi rung ngo // ci ste 'das pa ni 'das pa las ma 'das pa kho na'o snyam du sems na de ltar na yang 'das pa las ni ma 'das pa ste 'das pa las mi 'da' ba 'das pa'i bya bas mi stong pa ci'i phyir na 'das par 'gyur te/ de las 'das pa nyid mi srid pa kho na'o snyam du dgongs so// de'i phyir de ltar na 'das pa las ma 'das par yang 'das par mi rigs so// ci ste 'das pa ni 'das pa'i rang gi ngo bo la rnam par gnas pa'i phyir 'das pa las ma 'das pa'ang yin te/ de'i phyir 'das pa las ma 'das pa kho na 'das par 'gyur ro snyam du sems na/ bshad par bya ste/ 'das pa grub pa yod dang 'di de ltar 'gyur na/ 'das pa grub pa de nyid ni rnam par dpyad pa na yod pa ma yin no// de ni rtog pa na 'das pa las 'das pa rA ram/ ma 'das par rtog grang na/ gnyi ga ltar na yang de'i grub pa mi srid pas 'das pa rang gi ngo bo nyid je ma grub par ji ltar de'i bdag nyid du rnam par gnas shing / 'das pa las ma 'das pa'i 'das pa'o// zhes bya bar brtag par nus// de'i phyir 'das pa'i dus rang gi ngo bos yod pa mi yin no// 'das pa med na yang de la mi bltos pa'i 'das pa ma yin pa yang mi srid byas dus gsum char yang ngo bo nyid kyis yod pa ma yin no// bye brag tu smra ba gang zhig dus thams cad yod pa nyid du smra ba'i phyir thams cad yod par smra ba nyid bsngags par byed pa de la slar yang brgal zhing brtag par bya ste/ gang ma 'ongs pa'i don yod pa nyid du rtog pa de skyes pa 'am ma skyes pa zhig la rtog grang / de la re zhig/ gal te ma 'ongs skyes yod na// ci ltar da lta bar mi 'gyur// gal te ma 'ongs pa'i dngos po skyes par gyur te yod // zhes bya ba yongs su rtog na ni de skyes pa nyid du gyur pas yod pa nyid kyi phyir da ltar bar 'gyur gyi ma 'ongs par mi 'gyur ro// ci ste ma skyes par gyur pa de la yod pa nyid du rtog na/ de ltar na yang / ci ste de la skyes med na// ma 'ongs rtag par 'gyur ram ci// gang zhig mo skyes par gyur pa dang yod pa de ni mya ngan las 'das pa bzhin du rtag pa kho nar 'gyur te/ de'i phyir mya ngan las 'das pa kho na ltar de'i ma 'ongs pa nyid nyams par 'gyur ro// ci ste mi 'ongs pa ma skyes pa yin mod kyi/ de ltar na yang de ni 'dus ma byas ltar mi 'jig pa ma yin no// 'di ltar rgyu dang rkyen rnams kyis de'i ma 'ongs pa'i dngos po nyams pas da ltar ba nyid du 'gyur gyi/ 'dus ma byas ni de ltar rang gi ngo bo las nyams po yang ma yin pas 'di 'dus ma byas bzhin du rtag pa nyid du mi 'gyur ro// de ltar brtags na yang // skye ba med kyang 'jig pa las// gal te ma 'ongs mi rtag na// de ltar na ni 'o na/ 'das la 'jig pa yod min te// de ni rtag par cis mi rtogs/ gal te rang gi ngo bo nyams pa yod pa'i phyir ma 'ongs pa rtag pa nyid du mi 'dod na ni 'o na dngos po 'das pa la rang gi ngo bo nyams pa yod pa ma yin pas de yang rtag go zhes bya bar brtag par gyis shig/ yang na dngos po gang zhig mi rtag papar rtag nus par 'gyur/ gang gi tshe mi nus pa de'i tshe dngos po thams cad la mi rtag pa nyid mi srid pas rtag pa nyid kho nar 'gyur ro// de la re zhig/ 'das pa dang ni da ltar ba// 'di ni mi rtag 'gyur min la// re zhig dngos po da ltar ba gang yin la ni je mi rtag pa nyid yod pa ma yin no// de ni nga ltar yin pa nyid kyi phyir yod pas rang bzhin las mi nyams pa'i phyir nga ltar ba zhes bya bar brjod na/ gang zhig mi rtag pa nyid yin pa de ni da ltar ba nyid du mi 'gyur te/ dngos po med pa dang mngon par 'brel pa'i phyir ro// dngos po dang dngos po med pa dag cig car mi srid pa'i phyir yang da ltar ba la mi rtag pa nyid mi srid do// de bzhin du 'das pa la yang mi rtag pa nyid mi srid de/ 'das pa ni zhig pa la bya na/ zhig zin pa ni slar yang 'jig par mi rigs te dgos pa med pa'i phyir dang / rten med pa'i phyir dang thug pa med par thal bar 'gyur ba'i phyir ro// de ltar na re zhig/ 'das pa dang ni da ltar bya// 'di ni mi rtag 'gyur min la// mi rtag pa nyid de las 'das pa dang da ltar ba gnyis las ma gtogs pa'i go skabs gsum pa zhig rigs pa yang ma yin no// zhes bshad pa// de dag las gzhan rnam pa ni// gsum pa'ang de la yod ma yin// gang gi tshe skyes pa mi rtag pa'i rten la mi rtag pa nyid mi srid pa de'i tshe nam mkha' la sogs pa bzhin du de skye bas stong pa'i ma 'ongs pa la de yod par 'gyur ro// zhes bya ba ni gtan ma 'brel ba zhig go// mi rtag pa nyid dang bral ba na mkha' la sogs pa la dus gsum rtog pa rig pa dang ldan pa yang ma yin te/ de bzhin du dngos po rang bzhin dang bcas par smra ba la dus gsum mi rig so// 'dir smras pa/ ma 'ongs pa'i dngos po ni yod pa nyid de/ rkyen rnams yod na de skye bar mthong ba'i phyir ro// sngar med pa ni mo gsham gyi bu la sogs pa ltar phyis skye bar mi rigs te/ de'i phyir skye ba mthong ba las ni ma 'ongs pa'i dngos po yod do// de ltar rtags na yang dngos po gang zhig phyis skye ba/ de ni gal te sngar yod na// de yi phyir na bya'i smra ba// rnams kyi phyogs ni log mi 'gyur// / gal te gang zhig skye ba'i snga rol na dngos po me cing ngo bo med pa'i phyir rgyu dang rkyen rnams kyis bskyed pa de bskyed pa'i snga rol na rang gi ngo bos yod do// zhes bya bar rtog na de lta yin dang / sha smra ba ste/ rang bzhin so sor nges pa'i 'gro ba rgyu med pa skyes bu'i byed pas sbyong zhing 'thad pa dang 'gal ba smra ba rnams kyi khas blangs pa log par mi 'gyur ba zhig na de dag gi smra ba ni log pa ma yin pa yang ma yin te/ de'i phyogs mthong ba dang ma mthong ba dang 'gal ba'i phyir ro// de rnams kyi ltar na 'gro po skyes bu'i byed pa la mi bltos pa'i phyir rten cing 'brel par 'byung ba med par 'gyur la/ de med pa'i phyir 'gro ba thams cad bong bu'i rwa ltar bzung du med par 'gyur bas gnam gyis bskos par smra bar mi rigs so// gal te dngos po ma 'ongs pa yod par smra ba 'di rigs par 'gyur na ni de'i tshe rgyun smra ba rnams kyi smra ba yang rigs par 'gyur bas ma 'ongs pa'i don yod par smra ba mi rigs so// 'di las kyang mi rigs te/ gang gi phyir/ gang zhig 'byung bar byed pa ni/ sngar yod ces byar mi rigs te// gal te yod pa skye 'gyur na// skyes zin pa yang 'byung bar 'gyur// don gang zhig rgyu dang rkyen rnams kyis 'byung ba ste skyed par byed pa de ni skyes pa'i snga rol du yod do// zhes bya bar mi rigs so// gal da pa nyid du 'gyur na ni de'i tshe yod cing bdog pa yang skye bar 'gyur na yod pa ni yang skye bar rigs pa yang ma yin te/ dgos pa med pa'i phyir ro// 'khor ba'i bar du yang dang yang du skye bar skye ba yongs su ma rdzogs par gyur pa'i don gcig kho na thug pa med par thal ba'i phyir de la dngos po gzhan mi 'jug par rgyu dang 'bras bu'i dngos po 'gal bar gyur na dngos po rgyu dang 'bras bur gyur pa rnams la rgyun rjes su 'jug pa 'di yod pa yang ma yin pas dngos po ma 'ongs pa yod par smra bar mi rigs so// 'dir smras pa/ ma 'ongs pa ni yod pa nyid de/ de la dmigs pa rnal 'byor pa'i smon nas shes pa yod pa'i phyir dang / don ji lta ba bzhin du ma 'ongs pa lung bstan pa'i phyir dang / de yang de kho na ltar yod pa'i phyir ro// mo gsham gyi bu la sogs pa la ni 'di srid pa ma yin no// bshad par bya ste/ khyod kyi rtog pas/ ma 'ongs pa yi dngos mthong na// dngos po med pa cis mi mthong / skye ba'i snga rol gyi gnas skabs nA ma 'ongs pa'i dngos po rang gi ngo bos yod bla ma yin no// zhes bstan zin to// gal te yod pa ma yin pa'i dngos po rnal 'byor pa rnams kyis mthong na ni mo gsham gyi bu la sogs pa dag kyang mthong bar 'gyur ro// gnyis ka yang rang bzhin med pa nyid du mtshungs bzhin du nges gcig mthong la cig shes ma yin no// zhes bya bar mi rigs so// yang ci rnal 'byor pa rnams kyis ma 'ongs pa mi mthong ngam zhe na/ ji ltar khyed cag yongs su rtog par byed pa de ltar mi mthong ngo // ji ltar ma 'ongs pa'i don de da ltar ba'i gnas skabs su 'gyur bar bya dgos pa de ltar/ de rnams la smon nas shes pa'i stobs kyis drangs pa'i ting nge 'dzin gyi khyad par las shes pa de skye ba na de ltar don gyi rnam par yongs su rtog cing skye'i/ shes pa de da ltar ba'i sngon po la dmigs pa'i shes pa ltar nye bar gyur pa'i rnam pa'i rjes su byed par ni mi skye ste/ shes pa'i don de da ltar ba nyid du thal bar 'gyur ba'i phyir ro// / dngos po dngos po yod par smra ba'i ltar na ni ji srid du dngos po de'i yod pa nyid yin pa de srid du de ltar rang gi ngo bo yang yin pa nyid la/ gang gi tshe rang gi ngo bo dang bral ba de'i tshe de la dngos po de rnam pa thams cad du med pa'i phyir bong bu'i ra dang 'dra bas gnyis su smra ba las ma 'das pa'i phyir 'di'i mngon par 'dod pa thams cad 'grigs dka' bar 'gyur ro// dngos po rang bzhin med par smra ba'i ltar na ni dngos po'i rang gi ngo bo rnam pa thams cad du mi srid pa las dngos bo'i rtog pa thag ring por spangs pa yin no// gang gis skye bar 'gyur bar bya dgos pa de ni med pa nyid ma yin no// gal te med pa nyid du 'gyur na ni de'i tshe bong bu'i ra la sogs pa ltar skye bar mi 'gyur ro// ci ste yod pa nyid du 'gyur na ni de'i tshe nga lta ba nyid bzhin du skye bar mi 'gyur ba zhig na/ de la skye ba'ang yod de/ de'i phyir gnyis med par smra ba 'di grub bo// gang gi phyir de la med pa nyid med pa de nyid kyi phyir ma 'ongs pa mthong ba mi 'gal la/ gang gi phyir yod pa nyid yod pa ma yin pa de nyid kyi phyir mi 'ongs pa'i bsnyad pa yang grub bo// 'di yang 'jig rten pa'i tha snyad yin gyi don dam pa ni ma yin pas 'di la gcig tu nges par 'thad pa myi 'jug go// sangs rgyas bcom ldan 'das rnams kyi ma 'ongs pa'i ye shes gang yin pa de ni sngon gyi smon lam gyi byin gyis brlabs kyis 'phangs pa'i sgra don ji lta ba bzhin ston par byed pa thos pa'i stobs bskyed pa las de rnam pa de lta bu'i chos nyan par 'gyur pa'i las kyi mthus shes pa'i rgyud yongs su 'gyur zhing de lta bu'i rnam pa dang rjes su 'brel pa'i shes pa skyes pa rnams kyis de bzhin gshegs pa'i byin gyis brlabs kyis don de rtogs pa ni don ji lta ba bzhin du rtogs par 'gyur zhing / dus gzhan du'ang don da lta bar 'gyur ba de de kho na ltar khong du chud par 'gyur ro// de ltar sangs rgyas bcom ldan 'das rnams kyi ma 'ongs pa'i ye shes rnam par bzhag gi/ chos kyi rang bzhin la bzhugs pa de rnams kyis cung zad cig gzigs pa 'am gsung ba ni ma yin te/ spros pas chog go// de bzhin gshegs pa'i gsang ba'i mdo las/ 'khrul 'khor las byas sil snyan ni// rlung gi bskul bas sgra 'byin zhing // de la rdung ba 'ga' mong// / de lta na yang sgra 'byin ltar/ de bzhin sngon legs sbyangs pa'i phyir// sems can kun gyi bsam pa yis// bskul ba'i sangs rgyas gsung 'byung mong // de la 'dir rtog yang mi mnga'// zhes bya ba la sogs pa gsung so// de ltar na re zhig ma 'ongs pa'i dngos po yod par smra ba la ma 'ongs pa mthong ba mi srid do// gzhan yang gang gi ltar na ma 'ongs pa'i don rang gi ngo bos yod pa de'i ltar na de ring bar mi 'gyur ba zhig na/ 'di la ring ba nyid yod pa yang yin no// chos ring ba rnams gang dag cig ce na/ 'das pa dang ma 'ongs pa'o// chos nye ba rnams kyang gang dag cig ce na/ da ltar byung ba'o// zhes khas blangs pa'i phyir de'i ltar na ma 'ongs pa ring ba yin no// 'di'i ring ba nyid de yang mi rig so// zhes bstan pa'i phyir bshad pa/ gang la ma 'ongs yod 'gyur ba// de la ring ba yod ma yin// da ltar ba bzhin yod pa'i phyir ro snyam du dgongs pa'o// / 'dis dge ba'i bshes gnyen dang phrad pas chos mnyan pa'i sgo nas dbang po yongs su smin pa las byung ba'i rkyen gyis sbyin pa dang tshul khrims la sogs pa'i bdag nyid can gyi chos bya dgos pa gang yin pa de yod ma 'ongs pa'i don yod par smra ba'i phyir de la yod pa nyid do// de'i tshe/ gal te byas pa med kyang chos// yod na nges sdom don med 'gyur// gang gi don du 'di lus dang ngag dang yid rnams yang dag par sdom pa'i chos de 'di la ma byas pa kho nar yod pas de nye bar bsags par bya/ ba'i phyir nges par sdom pa'i ngal ba don med par 'gyur te med kyang de yod pa'i phyir ro// ci ste 'di'i nges par sdom pa des chos de la khyad par 'ga' zhig sgrub na ni/ khyad par de nyid sngar med bzhin du phyis byed pas 'di'i ma 'ongs pa'i don yod bapar smra ba nyid nyams par 'gyur ro// zhes bstan pa'i phyir bshad pa ni/ ci ste cung zad byed na yang // 'bras bu yod pa mi srid do// zhes bya ba'o// gzhan yang gang gi 'du byed rnams mi rtag go// zhes khas blangs pa de'i ltar na mi rtag pa nyid dus gsum char la yang mi 'khrul pa'i phyir gang mi rtag pa de snga phyi'i cha gnyis nges par yod pa ma yin par 'gyur par bya dgos te/ de lta yin na ni 'di'i mi rtag pa nyid du 'grub par 'gyur ro// ci ste skye ba'i sngon dang phyis kyis gnas skabs gnyis na de yod pa nyid du 'gyur na ni de'i tshe rtag pa nyid du 'gyur ro// ci ste 'dis mi rtag pa nyid khas len na ni/ de'i tshe de'i/ mi rtag yin na ji lta bur/ 'bras bu yod ces bya bar 'gyur// 'di gnyis ni phan tshun 'gal ba'i phyi ro zhes bya bar dgongs so// 'di ltar/ gang la thog ma mtha' yong pa// de la 'jig rten mi rtag bshad// gang gi sde rol du dngos po gzhan med pa de ni 'jig rten nu thog ma zhes bya la/ gang gi 'og rol du dngos po gzhan med pa de ni mtha' zhes brjod la/ don gang la thog ma dang tha ma yod pa de ni mi rtag pa'o// zhes 'jig rten na mngon par 'dod do// dngos po la ni gang zhig skye bas byed pa dang po yod cing / gang zhig mi rtag pa nyid kyis byed pa tha ma yang yod de/ de'i phyir thog ma dang tha ma yang yod pas rtag par smra ba med dang / de'i 'bras bu yod par smra ba mi rigs so// gang zhig 'bras bu yod par smra ba la skyon mthong bas ma 'ongs pa med do// zhes bya bar rtogs pa de'i ltar na yang / sgrim pa med par thar 'gyur te// grol la ma 'ongs yod ma yin// ma 'ongs pa'i nyon mongs pa dang skye ba dag med pas sgrim pa med par te 'phags pa'i lam bskyed pa med par yang 'di grol bar 'gyur ro// grol ba rnams la ni 'phags pa'i lam gyi stobs kyis ma 'ongs pa'i nyon mongs pa dang skye ba gnyis mi skye ba'i phyir ma 'ongs pa yod pa ma yin no// ji ltar grol ba rnams la ma 'ongs pa med par sgrim po med par sgrub par byed pa yin te/ de rnams bzhin du 'bras bu ma 'ongs pa med par smra ba 'di yang sgrim pa med par thar par 'gyur na/ 'di ni de ltar yang ma yin pas 'bras bu med par smra bar mi rigs so// thar par thal bar 'gyur ba 'ba' zhig tu ma zad kyi/ 'di'i phyir na rgyu med pa can smra bar yang 'gyur ro// zhes bstan pa'i phyir bshad pa/ chags med par yang 'dod chags ni/ da lta yin na 'byung bar 'gyur// ma 'ongs pa med na rnam par shes pa skye'o// zhes bya bar mi 'gyur te/ rnam par shes pa ni ma 'ongs pa nyid kyi phyir yod pa ma yin no// de ltar yin dang rten med pa'i skye ba'i bya ba mi 'byung ngo // de bzhin du chags pa'i rten can 'dod chags kyang skye ba'i bya ba bzhin rten gyi gzhan gyi dbang yin te/ de chags ba med par 'dod na rgyu med pa can nyid du 'gyur na/ rgyu med pa can ni srid pa yang ma yin te/ dgra bcom pa la yang 'dod chags yod par thal bar 'gyur/ phyir ro// de'i phyir rgyu med pa can gyi skye ba med do// gang gi tshe skye ba rgyu med pa can mi srid pa de'i tshe ma 'ongs pa med pa nyid du mi rigs so// yang gi sgras ni chags pa med par yang 'dod chags su 'gyur ba 'am/ yang na ma 'ongs pa med pa ma yin zhes bya ba rnam par rtog pa'i don to// da ni 'bras bu yod pa dang med par smra ba gnyi ga'i ltar na yang rgyus 'bras bu sgrub par mi nus pa mngon par gsal bar bya ba'i phyir bshad pa/ 'bras bu yod nyid gang 'dod dang // 'bras bu med nyid gang 'dod la// khyim gyi don du ka ba las// sogs pa'i rgyun ni don med 'gyur// grangs can dang bye brag tu smra ba dag ni 'bras bu yod par smra ba nyid do// grangs can pa'i ltar na ni gang zhig yod pa de kho na yin la/ gang zhig yod pa ma yin pa de med pa kho na ste/ med pa la skye ba med cing yod pa la 'jig pa med do// zhes khas len to// de ni med pa mi byed pa'i phyir dang nye bar len pa 'dzin pa'i phyir dang / nus pas nus pa byed pa'i phyir dang zhes bya ba la sogs pas 'bras bu yod pa nyid skye ste/ 'bras bu med par smra ba yin na ni thams cad las 'byung bar 'gyur na/ 'di ni de lta yang ma yin// de'i phyir yod pa kho na 'bras bur 'gyuraro snyam du semaso// bye brag tu smra ba pa yang rang bzhin ma byung ba las 'byung bar thal bas 'jigs pas dus gsum char du yang yod pa nyid du rtog cing tshogs pa yang gnas skabs kyi 'bras bu can yin gyi/ rdzas kyi 'bras bu can ma yin pas dus gsum gar/ rnam par gnas pa'i rang gi mtshan nyid kyis rdzas ni rgyu dang rkyen gyi tshogs pas da ltar ba'i gnas skabs tsam zhig 'du byed kyi/ snga na med pa'i rdzas bskyed pa ma yin no snyam du semasaso// bye brag pa dang mdo sde pa dang rnam par shes par smra ba dag ni 'bras bu med par smra ba ste/ de dag gis ni 'bras bu yod pa skye ba don med par sems shing 'bras bu med pa kho na skye'o// zhes bya bar rtogs so// de la bye brag pa rnams kyi ni sa la sogs pa'i rdul phra rab rnams las don gzhan rdul gnyis 'dus pa la sogs pa yan lag can gyi rdzas skye bar rtogs shing 'bras bu med pa kho na skye'o// zhes bya bar rtog so// de bzhin du mdo sde pa rnams kyang dge slong dag de ltar na mig ni ma byung ba las 'byung zhing byung nas kyang rnam par 'jig par 'gyu ro// zhes bya ba'i lung las ni gtan tshogs snga ma 'bras bu med pa skye'o snyam du sem so// rnam par shes par smra ba rnams kyang dngos po'i rnam pa mtha' dag skye ba'i rgyu bag chags kyi khyad par gzhag pas kun gzhi rnam par shes pa'i bag chags yongasasu smin pa'i rkyen nye ba las 'jug pa'i rnam par shes pa la sogs pa gong dang gang skye ba de dang de ni med pa kho na skye'o zhe'o// de ltar na rgol ba de dag ni 'bras bu yod pa dang med par smra ba nyid las mi 'da' ste/ bdag nyid ji lta ba bzhin du dngos po'i rang gi mtshan nyid khas blangs pa'i phyir la/ de yang yod pa dang med par rtog pa gnyis las tha dad par rnam pa gzhan du brtag par mi nus pa'i phyir ro// de'i phyir rgol ba gnyis po 'di dag las re zhig 'bras bu yod par smra ba la khyim gyi don du ka ba dang sgo skyes la sogs pa rnams kyi rgyan pa tra dang bya la sogs pa bkod pa'i khyad papar smras pa'i bdag nyid can gang yin pa de ni mi rung ste/ de'i 'bras bu khyim yod pa'i phyir dang / rnam pa gzhan du bsgrub par bya ba nyid du khas len na yang 'bras bu med par smra bar thal bar 'gyur ba'i phyir ro// gang zhig 'bras bu med par smra ba de'i ltar na yang ka ba la sogs pa'i rgyan ji skad bshad par dgos pa med pa nyid du 'gyur te/ de'i 'bras bu meng pa'i phyir ro// mo gsham gyi bu yod pa ma yin pa ni sus kyang sgrub par nus pa ma yin te/ de bzhin du 'bras bu med par smra ba la yang 'bras bu khyim 'grub par mi 'gyur ro// ci ste skyon 'di spang bar 'dod pas 'bras bu rnam pa thams cad du med par khas mi len na ni 'o na de'i 'bras bu med par smra ba nyams par 'gyur ro// ji ltar yod pa dang med pa'i khyim bsgrub par bya ba'i phyir ka ba la sogs pa'i rgyan mi rig pa de bzhin du yod pa dang med pa brtags nas phyi dang nang gi dngos po myu gu dang 'du byed la sogs pa thams cad la yang rgyu sa bon dang ma rig pa la sogs pa don med par sbyar bar bya'o// gang gi ltar na dngos po rnams rang bzhin med pa yin pa de'i ltar na ni rnam pa thams cad du dngos po yod pa nyid med pa'i phyir yod pa dang med pa la sogs pa'i rtog pa dang dngos po'i chos kyi rten can rnams mi srid pas bshad zin pa'i nyes pa'i go skabs med pa yin dang / thams cad 'grub bo// gang skye ba de ni skye ba'i snga rol na yod pa ma yin te/ rang bzhin med pa'i phyir dang skye ba don med pa'i phyir ro// med pa yang ma yin te/ rang bzhin med pa'i phyir dang / skye ba mi srid pa'i phyir ro// de'i phyir de ltar na mkhas pas mtha' gnyis spangs nas rten cing 'brel par 'byung ba khas blang bar bya'o// de'i phyir dngos po rnams rang bzhin med par 'grub po// de ltar na re zhig 'das pa dang ma 'ongs pa gnyis rang gi ngo bos grub pa yod pa ma yin no// 'dir smras pa/ khyod kyis 'das pa dang ma 'ongs pa'i dus dag bkag mod kyi/ de ltar na yang re zhig da lta ba ni yod pa yin te/ de yod pas ma 'ongs pa yang yod par 'gyur ro// ma 'ongs pa'i gnas skabs kyi dngos po ni yongs su 'gyur bas da ltar ba nyid du 'gyur ro// gal te mi 'gyur na ni gang zhig yongasu 'gyur bas da ltar bar 'gyur/ de'i phyir da ltar yod pas ma 'ongs pa yod do// bshad par bya ste/ gal te yong su 'gyur ba nyid yod na ni de ltar 'gyur ba zhig na/ de ni srid pa ma yin te/ ci ste zhe na/ 'di na yongasu 'gyur ba 'di ma 'ongs pa'i don la rtog pa na rang gi ngo bo nyams pas rtog gam gnas pas rtog grang na/ gal te re zhig rang gi ngo bo nyams pas yin na ni de'i tshe gcig 'jig cing gzhan skye ba yongasasu 'gyur/ ba yin pas skye ba dang 'jig pa dag kho na la yongs su 'gyur ba zhes bya bar 'gyur gyi/ gnas pa'i rdzas kyi chos gzhan log nas chos gzhan 'byung ba ni yongasu 'gyur ba ma yin no// ci ste kho bo cag gi yongs su 'gyur ba ni 'di 'dra ba kho na yin te// 'di ltar dper na ba lang gi khu bcud kyi rdzas gnas pa'i chos gzhan 'o ma'i dngos po log dang chos gzhan zho'o dngos po 'byung ba yongasu 'gyur ba yin pa de bzhin du yon tan gsum po/ rdul dang mun pa dang snying stobs rnams kyis ma 'ongs pa'i gnas skabs log dang da ltar ba'i gnas skabs 'byung ba yongasasu 'gyur ba'o snyam du sems na/ yongs su 'gyur ba 'di yod pa nyid du bzhag par mi nus te/ 'jig rten gyis ni ma 'ongs pa'i yon tan gsum po 'di dag yod pa nyid du dmigs nas de dag gi yongs su 'gyur bar dmigs pa med pa nyid do// zho 'o ma'i rnam par 'gyur ba yin par rnam par bzhag par nus pa yang ma yin te 'o ma'i gnas skabs nyid du ni 'o ma la 'o ma zhes bya la/ 'o mo'i gnas skabs kho nar gnas pa'i 'o/ ma la zho'i dngos po yod par yang ma yin no// gul te yod par 'gyur na ni 'o ma kho na la zho zhes bya bar 'gyur na 'di ni rigs pa yang ma yin te/ de'i phyir 'o ma la ni zho'i dngos po yod pa ma yin no// gang gi tshe 'o ma la zho'i dngos po yod pa de'i tshe gzhan grang zhig la srid par 'gyur/ de'i phyir yongasu 'gyur ba med do// 'o ma dang zho'i gnas skabs las tha dad par ba lang gi khu ba'i rdzas zhes pa cung zad cig dmigs pa yang ma yin no// de ltar na/ dngos rnams yongs su 'gyur ba yang // yid kyis kyang ni 'dzin mi 'gyur// dngos po rnams kyi yongs su 'gyur ba ni mig la sogs pa'i dbang po rags pa mthong ba lngas mi 'dzin pa 'ba' zhig tu ma zad kyi/ chod pa dang phra ba dang gzugs can ma yin pa'i don yongasu gcod par nus pa'i yid kyis kyang mi 'dzin no// de ltar na yang nga lta ba/ yod par mi mkhas rnams kyis rtogs// ji ltar bshad pa'i tshul gyis da ltar ba nyid kyi rgyu yong su gyur pa ma dmigs mod kyi de ltar na yang mi mkhas shing blun pa rang nyid kyi rang gi ngo bo nges par mi zin pa rnams kyi da ltar ba de yod par rtog go// de ltar skye bo blun po la bltos nas da ltar ba zhes bya bar rang gi ngo bos yongs su brtag par nus pa yang ma yin pas dus gsum med do// 'dir smras pa dus rnams ni yod pa kho na ste/ de'i rgyu dngos po yod pa'i phyiraro// dus de ni rang nyid kyis lus can ma yin pa'i phyir dngos po kho na nye bar gzung nas yongs su gcad par nus kyi/ rang nyid kyis ni ma yin no// de'i phyir dus mngon par gsal ba'i rgyu mtshan yod pas dus yod do// bshad par bya ste/ gal te de'i rgyu dngos po nyid yod na ni dus 'di yod par 'gyur ba zhig na srid pa yang ma yin no// ji ltar mi srid pa de ltar bstan pa'i phyir/ bshad pa/ gnas med dngos po gal yod/ 'di na dngos po skad cig re re la skye ba dang 'jig pa dang ldan pa rnams la gnas pa rnam pa thams cung ngu yod pa ma yin la/ gnas pa med pas dus kyi rgyu dngos po yod pa ma yin no// gnas med pa nyid bstan pa'i phyir bshad pa/ mi rtag pas gnas ga la yod/ mi rtag pa nyid kyis zos pa'i dngos po la gnas pa mi srid do// gal te gnas pa yod na ni gnas pa dang ldan pa'i dngos po slar rga ba dang 'brel par mi 'gyur te/ rga ba ni gnas pa dang 'gal ba'i phyir ro// gzhan yang / gal te dang por gnas 'gyur na// tha mar rnyings par mi 'gyur ro// phyis rnyings pa med par thal bar 'gyur ba'i phyir sngar nyid nas gnas pa med par rtogs par gyis shig/ 'di la kyang gnas pa med do// 'di ltar/ rnam shes gcig gis ji lta bur// don gnyis rnam par mi shes pa// de bzhin rnam par shes gnyis kyis// don gcig rnam par mi shes so// gal te dngos po la gnas pa zhes bya ba zhig yod na ni de'i tshe rim gyis rnam par shes pa du ma'i shes byar 'gyur ro// don gang zhig rnam par shes pa gcig gis dmigs pa de gal te rnam par shes pa gzhan phyis 'byung ba zhig gis dmigs na ni de'i tshe sngar mthong ba'i don la rnam par shes pa gzhan phyi mas gcod pa'i bar du gnas pas gnas pa yod par rtogs par 'gyur na/ 'di ni srid pa yang ma yin te/ shes pa dang shes bya gnyi ga skad cig ma nyid yin pa'i phyir ro// gang gcig gis bzung ba de gzhan gyis bzung bar nus pa yang ma yin te/ de'i phyir gnas pa med do// 'di na mig la sogs pa rnams ni bdag nyid ji lta ba bzhin de rnams kyang yul drug yin zhing / dbang po dang don gyi dbang gis kyang rnam par shes pa'i tshogs drug tu 'gyur ro// de'i phyir 'dir rnam par shes pa zhes bya ba gang yin pa de thams cad ni rten cing 'brel par 'byung ba dang sgrad cig mar 'jig go// zhes bya bar rang gi sde pa rnams la grags pa yin no// de'i phyir rang gi sde ba rnams kyis skad cig gnyis par 'byung ba'i yul 'dzin pa'i dus kyi bar du gnas pa med par shes pa gcig gis don gnyis yongs su gcod par mi nus te/ mig gi rnam par shes pa ni yul lhan cig skyes pa yongs su bcang nas 'gag par 'gyur la/ 'gags pas na yul gzhan dmigs par mi nus so// zhes bya ba 'di khas blangs pa yin no// ji ltar mig gi rnam par shes pa rten cing 'brel par 'byung ba yin zhing de ma thag tu 'jig pa'i phyir skad cig ma yin pa de bzhin du nga'i yul yang de'i shes pa don gnyis pa yongs su gcod pa'i dus na ni mi gnas pa ltar skad cig ma yin pa'i phyir rnam par shes pa gzhan gnyis kyis bzung bar bya bar mi 'gyur ro// de ni rnam par shes pa dang lhan cig 'gags kyang rgyun 'dru ba rjes su 'jug pas na gang dngos po'i rang bzhin la mi mkhas pa rnams kyi shes pa gzhan la de nyid do snyam du snang ba yin no// de'i phyir gnas pa med do// tshul 'di ni gzhan dang ldan pa'i don can gyi rnam par shes pa rnams kyi don dag la yang 'du byed 'dra ba rgyu rnams la 'du byed kyi skad cig snga phyir byung ba rnams gcig nyid du rtog pa'i gnod pa byed par sbyor bar bya'o// / gal te chos mngon pa las gzugs la sogs pa'i don lnga po rnams ni re re zhing rnam par shes pa gnyis kyis shes par bya ba 'don pa ma yin nam/ de ji ltar mi 'gal zhe na/ ci chos mngon pa pa skad cig mar 'jig par khas mi len nam/ gal te khas mi len na ni de'i tshe bde bar gshegs pa ma yin pa nyid du 'gyur ro// ci ste khas len na ni de'i tshe gzugs de mig gi rnam par shes pa ltar zhig pa'i phyir ji ltar rnam par shes pa gzhan gyis shes par 'gyur/ 'o na chos mngon pa las 'don pa 'di ji ltar drang zhe na/ bshad par bya ste/ gang dbang po gzugs can las skyes pa'i rnam par shes pa de ni yul da ltar ba'i rnam pa yongs su gcod pararu byed pa skye la yul dang rnam par shes pa de gnyis skad cig mur 'jig pas 'gags pa yin dang / phyi nas gang yid kyi rnam par shes pa 'byung ste/ ji ltar 'byung ba bzhin mig gi rnam par shes pa la sogs pa'i rgyu'i stobs kyis skye ba de ni dbang po lus skyes pa'i rnam par shes pa'i rnam pa rnam par rtog cing 'byung ba na de'i rnam pa can nyid du skye ste rgyu dang 'bras bu dag de nyid dang gzhan nyid du rtog pa dang bral ba'i phyir dang / 'bras bu phal cher rgyu'i khyad por gyi rnam pa'i rjes su byed pa'i phyir ro// zhes de ltar yongs su brtags nas 'jig rten pa'i tha snyad du rnam por shes par bya bar bshad do// de'i phyir rnam par shes pa gnyis kyis don gcig rnam par shes pa ma yin te/ gcig ni yul gyi rnam pa dngos su gcod par byed pa ste/ gang dang por skyes pa'o// gnyis pas ni dngos su byed pa nyid du rnam par shes pa ma yin te/ dbang po'i rnam par shes pa'i stobs kyis de ltar rtog cing skye ba na des kyang don de rnam par shes so// zhes nye bar 'dogs so// tshul 'di gnas pa la yang brtag par nus pa ni ma yin te/ gnas pa ni dngos po'i rang gi mtshan nyid kyis gnas pa yin te/ rang gi mtshan nyid de ni dngos su 'dzin pa ma yin pa'i rnam par shes pa yongs su gcad par mi nus so// de'i phyir yongs su gtsang bar bya ba ma yin pas gnas pa med la/ gnas pa med pa las kyang dngos po med pa yin dang dus kyang med do// zhes bya papar grub po/ 'dir smras pa/ gnas pa ni yod pa nyid de bltar ba'i dus kyi mtshan nyid yin pa'i phyir ro// gnas pas ni da ltar ba'i dus mtshon par byed de gnas pa dang bral ba'i da ltar ba nyid mi srid pa'i phyi ro// 'di la brjod par bya ste/ gal te dus la gnas yod na// gnas pa dus su mi 'gyur ro// ci ste gnas med na gnas pa// med par mtha' yang yod ma yin// de la gol te dus la gnas pa yod do snyam du sems na ni 'o na ni gnas pa dus su mi 'gyur ro// dper na rten dang rten pa dag tha dad pa'i phyir khyim na yod pa'i lha sbyin khyim nyid du mi 'gyur ba de gnas pa dus su mi 'gyur te/ dus la yod pa'i phyir ro// de'i phyir dus kyi rang bzhin ma yin pas de dus kyi mtshan nyid ma yin no// ci ste gnas pa med na ni gnas pa dang bral ba'i dus la mtha' yang ste 'jig pa yang yod par mi 'gyur ro// de'i phyir da ltar byung ba'i dus yun du gnas par 'gyur la/ dus te rtag pa'i phyir da ltar byung ba'i dngos po yang rtag par 'gyur na/ 'di ni de ltar yang ma yin te de'i phyir gnas pa med do// 'dir smras pa/ gnas pa de ni yod pa nyid de/ de dang ldan pa'i dngos po la mi rtag pa nyid yod pa'i phyir ro// gnas pa dang bral ba'i dngos po yod pa ma yin pa'i phyir rten med pa'i mi rtag pa nyid mi srid pa zhig na/ dngos po la mi rtag pa nyid yod pa'ang yin te de'i phyir de yod pas gnas pa yang yod par 'gyur ro// 'di la bshad par bya ste/ gal te mi rtag pa nyid ces bya ba 'ga' zhig yod par 'gyur na ni de dngos po las gzhan nyid dam gcig nyid du 'gyur grang na/ gnyi ga ltar yang mi 'thad // zhes bstan pa'i phyir bshad pa/ gal te mi rtag dngos gzhan nu// dngos po mi rtag par mi 'gyur// gcig na mi rtag nyid gang yin// de nyid dngos de ga la gnas// galnga te mi rtag pa nyid dngos po las gzhan nyid du 'gyur na ni de'i tshe mi rtag pa nyid mtshan nyid tha dad ba'i phyir dngos po rtag par 'gyur na dngos po ni rtag pa yang ma yin pas mi rtag pa nyid la gzhan nyid yod pa ma yin no// ci ste gcig nyid 'dod na de lta na yang de las tha dad pa'i dngos po mi srid pa'i phyir mi rtag pa nyid gang yin pa de nyid dngos po yin pas dngos po mi rtag pa nyid kyi bdag nyid can yin pa'i phyir gnas pa gtan mi srid pa kho na ste de'i phyir gnas pa med do// gnas pa med pas ni mi rtag pa nyid kyang yod pa ma yin zhing gnas pa dang mi rtag pa gnyis med pas kyang dngos po med la/ de med pa'i phyir na dus kyang yod pa ma yin no// zhes bya ba grub po/ gang sngar gnas med dngos po ga la zhig/ mi rtag pas gnas ga la yod ces brjod pa de la smras pa/ mi rtag pa nyid yod kyang gnas pa yod pa kho na'o// ji ltar byas nas she na/ gnas pa'i dus na ni gnas pa ches stobs dang ldan gyi mi rtag pa nyid ni ma yin la/ stobs chung bas stobs dang ldan pa 'joms par nus pa yang ma yin no// 'di yang mi rigs so// zhes bstan pa'i phyir bshad pa/ mi rtag gnyi gar stobs chung der// gnas pa stobs chung ma yin na// phyi nas de dag nges par go/ bzlog par ci yis mthong bar 'gyur// gal nas pa'i dus na mi rtag pa nyid stobs chung na gang gis na phyis chos mthun par gnas pa de 'joms par 'gyur ba phyi nas de stobs dang ldan pa nyid ces yin/ de'i phyir snga rol nyid du de ches stobs dang ldan pa ma yin pa nyid yin pa 'am/ yang na ye nas ches stobs dang ldan pa ma yin pa nyid du 'gyur ro// de'i phyir dngos po rtag pa 'am gnas pa med par 'gyur na 'di ni rigs pa yang ma yin no// de'i phyir de yod pa ma yin no// gzhan yang / gal tAM mi rtag stobs chung min// dngos po kun na yod na ni// gal te mi rtag pa nyid stobs chung ba ma yin pas stobs dang ldan par 'gyur te/ dngos po kun la gnas shing gal tu dngos po mtha' dag la khyab pas gnas na ni de'i tshe thams cad la yang gnas pa med do// ci ste kun la mi gnas na ni de'i tshe chos thams cad mi rtag pa ma yin gyi/ de'i cha 'ga' zhig ni rtag par 'gyur te gang na gnas pa ches stobs dang ldan pa'o// cha 'ga' zhig ni mi rtag par 'gyur te gang na mi rtag pa nyid ches stobs dang ldan pa'o// de ltar na thams cad mi rtag pa ma yin pa 'am/ yang na gnas pa med par 'gyur ro// gzhan yang mi rtag pa nyid 'di mtshan gzhi dang lhan cig 'byung ba 'am dus phyis 'byung ba zhig tu 'gyur grang na/ de la/ gal te rtag tu mi rtag nyid// yod na rtag tu gnas yong min// mtshan nyid mtshan gzhi la mi 'khrul pa'i phyir ro// gal te mi rtag pa nyid rtag tu rjes su 'brel na ni// de'i tshe gnas pa rtag tu yod pa ma yin te/ mi rtag pa dang rjes su 'brel ba'i phyir ro// yang na rtag par 'gyur zin nas// phyi nas mi rtag par 'gyur ro// gal te ji skad du bshad pa'i skyon spang bar 'dod nas phyi nas dngos po mi rtag par 'dod na ni de'i tshe dngos po de sngar gnas pa dang ldan pas rtag par 'gyur nas phyis mi rtag pa nyid dang ldan pas mi rtag par 'gyur ro// zhes bya bar 'gyur na/ gang dngos po gcig rtog pa yang yin la mi rtag pa yang yin no// zhes bya/ ba de yang rigs pa yang ma yin no// yang 'dus byas kyi mtshan nyid rnams phan tshun mi 'khrul pa'i phyir/ gal te gnas pa mi rtag dang // lhan cig dngos po la yod na// de ltar na yang / mi rtag log par 'gyur ba 'am/ yang na gnas pa brdzun par 'gyur// gal te dngos po de gnas pa de'i tshe de'i mi rtag pa nyid log par 'gyur ro// ci ste 'jig na ni de'i tshe gnas pa brdzun par 'gyur bas gnas pa mi rigs so// gnas pa de med pas kyang dngos po med la dngos po yod pa ma yin na yang de'i rten can gyi dus med pas dus rang bzhin med par grub po/ 'dir smras pa/ dngos po'i rgyu can gyi dus ni yod pa nyid do// 'di ltar 'du byed 'das pa'i rten can 'das pa'i dus ni yod do// gal te dngos po 'das pa med na ni bdag 'das pa'i dus na 'di lta bu dang 'di lta bu zhig tu gyur to snyam du 'das pa la dmigs pa dran pa ci'i yul can zhig tu 'gyur/ de'i phyir de'i yul can gyi dran pa yod pas dngos po'i rgyu can gyi dus yod pa nyid do// zhes brjod do// 'dir dran pa 'di nyams su myong bar gyur pa'i yul kho na la 'jug ste/ da lta ba'i yul rnam par shes pas dngos su dmigs bzhin pa la ni dran pas sa pa ci yang med ngo // ci ste lhan cig 'byung bar nges par nga ltar ba'i yul can yang yod mod kyi de ltar na yang de gnas skabs der gtso bo la brten par mi byed de de 'jug pa shas che ba'i gnas skabasal bltos nas dngos po gang yang rung ba 'ga' zhig gis mtshan nyid byed pas dngos po 'das pa la dmigs pa'i rnam par shes pa kho na la dran pa'i mtshan nyid ches gsal gyi gzhan la ni ma yin no// de'i phyir gang la dmigs pa'i dran pa dmigs pa'i dngos po de yod pa yin no// de yang snying po med do// zhes bstan pa'i phyir bshad pa/ mthong zin dngos po mi snang zhing // slar yang sems skye min nges na// dran pa zhes bya log pa yi// don la log pa kho na 'byung // da ltar ba'i gnas skabs kyi dngos po de'i rang gi ngo bo dngos su byed pa'i shes pa da ltar bas mthong ba gang yin pa de ni slar mi snang ngo // don gcig rnam par shes pa gnyis kyis yongs su gcad par bya ba nyid yin pa ni gong du bkag zin te/ tshul de nyid kyis na mthong zin pa'i dngos po mi snang ngo // gang gi tshe mi snang ba de'i tshe de'i yul can gyi sems slar yang mi skye'o// gang gi tshe dngos po de bdag nyid des yod par gyur na da ltar bar thal ba'i phyir la/ yod pa ma yin na yang de'i rnam pa can gyi rnam par shes pa 'jug pa mi srid pa'i phyir de'i rnam pa'i dmigs pa can gyi rnam par shes pa slar mi skye ba de'i tshe dran pa de rnam par shes pa gang zhig dang mtshungs pa dang ldan par 'gyur/ yang ci 'das pa'i yul can gyi dran pa med dam med do// zhes de skad du su smra/ kho bo bdag cag ni rten cing 'brel par 'byung ba sel ba ma yin no// de ji ltar yod pa de ltar ni// des na dran pa zhes bya log pa yi// don la log pa kho na 'byung // zhes slob dpon nyid rnam par 'jog par mdzad do// de'i phyir dran pa'i dmigs pa ni 'das pa'i dngos po yin no// gal te de rang gi ngo bos yod na ni de'i tshe dran pa de yod pa'i don la dmigs pa'i phyir rang gi ngo bos grub pa zhig na/ gang gi tshe 'das pa'i dngos po de rang bzhin med pa de'i tshe de la dmigs pa'i dran pa yang rang bzhin med pa yin te/ de'i phyir log pa yin no// zhes bya bar grub po/ log pa zhes bya ba ni rang bzhin med pa dang / rten cing 'brel bar 'byung ba zhes bya ba dang / don gzhan ma yin pa ste/ dngos po med pa'i don ni log pa'i don ma yin no// 'das pa'i dngos po rnams pa thams cad du med pa ni ma yin te/ dran par bya ba yin pa'i phyir dang / de'i 'bras bu mthong ba'i phyir ro// rang gi ngo bos yod pa yang ma yin te/ rtag pa nyid du thal ba'i phyir dang / dngos su 'dzin par thal bar 'gyur ba'i phyir ro// rnam pa de lta bu'i dngos po las skye ba na dran pa yang rnam po de lta bu yin pas/ des na/ dran po zhes bya logs pa yi// don la log pa kho na 'byung zhes bya ba grub ste/ sod pa'i gnas skabs su rmi lam gyi gnas skabs kyi nyams su myong ba'i yul dran pa bzhin no// slob dpon 'phags pa lha'i zhal snga nas kyi byang chub sems dpa'i rnal 'byor spyod pa bzhi brgya pa las dus dgag pa bsgom pa bstan pa zhes bya ba ste rab tu byed pa bcu gcig pa'i 'grel pa'o// / 'dir smras pa/ khyod kyis bdag med pa 'di ches bsal zhing rgyas par bstan la/ de bzhin gshegs pa yang 'di thugs su chud pa po dang / nye bar 'doms pa po yin na/ de ci'i phyir chos 'di la 'jig rten phal cher 'jug par mi 'gyur// gang gi phyir chos 'di ni mdzad pa po dang rnam par 'chad pa po dang chos kyi che ba'i bdag nyid rnams kyis ches dkar ba zhig ste/ de'i phyir thar pa 'dod pa thams cad kyis 'di la 'jug par rigs na/ lugs kyi khyad par nye bar bshad pa gzhan rnams ci ste 'byung / bshad par bya ste/ chos 'di la rab tu gsung ba po dang rnam par 'chad pa po dang / chos kyi rang gi ngo bo'i bdag nyid chen po dag yod mod kyi/ de lta na yang nyan pa po'i che ba'i bdag nyid shin tu rnyed par dka'o// / 'di ltar gzur gnas blo ldan don gnyer ba'i/ nyan po snod ces bya bar bshad// de la gzu bor gnas pa ni gang phyogs su ma lhung ba'o// phyogs su ma lhung ba yang gang zhig ce na/ gang zhig rang dang gzhan gyi phyogs dag la rjes su chags pa dang rgyab kyis phyogs pa dang bral ba'o// de ni de ltar sems kyi rgyud nyon ma mongs pa'i phyir legs par bshad pa rin po che'i khyad par tshol ba lhur byed pa kho na yin pas kun nas nyon mongs pa'i phyogs 'dor ba'i rtsa ba ni gzu bor gnas pa nyid yin no// de'i phyir de ltar na nyan pa po gzu bor gnas pa ni dam pa'i chos kyi bdud rtsi phul du byung ba'i snod yin no// gzu bor gnas par gyur kyang gal te blo dang ldan par 'gyur na ste/ legs par bshad pa dang / nyes par bshad pa dag gi snying po dang snying po med par rnam par dbye ba la mkhas na'o// de ni blo dang ldan pa nyid kyis snying po med pa btang nas snying po len no// de ltar gal te nyan pa po blo dang ldan par gyur na ni de de ltar snod du 'gyur ro// de ltar gzu bor gnas shing blo dang ldan par gyur kyang legs par bshad pa nyan pa don du gnyer bar 'gyur zhing ri mo'i skyes bu'i rnam pa ltar mi brtson pa ma yin te/ de ltar na/ gzur gnas blo ldan don gnyer ba'i// nyan po snod ces bya bar bshad // nyan pa po rnams de lta bu yin na ni nges par/ smra bo yon tan rnam pa gzhan du// mi 'gyur nyan pa po la'ang min// de la smra ba po'i yon tan ngag ni zur dod pa dang phyin ci ma log pa dang / gsal ba dang ma 'khrugs par brjod pa dang / nyan pa po'i lhag pa'i bsam pa khong du chud pa dang / sems la zang zing med pa nyid de/ de lta bu la sogs pa dag go// nyan pa po yang chos dang chos smra ba po gnyis la gus pa dang / yid gtod pa nyid dang / gzu bor gnas pa nyid dang / blo dang ldan pa nyid dang / don du gnyer ba nyid do// de'i don du gnyer ba nyid ni chos dang chos smra ba dag la gus par byed pa dang yid gtod pa nyid la sogs pa dag gis rtogs par byed do// de ltar yin dang smra ba po la yon tan rnam pa gzhan du mi 'gyur la/ nyan pa po la'ang yon tan rnam pa gzhan du mi 'gyur ro// nyan pa po rnam pa de lta bu yod na ni smra ba po la yon tan skyon gyi ngo bor mi 'gyur ro// nyan pa po'i skyon las ni yon tan yang skyon gyi ngo bor rnam par 'gyur la/ skyon yang yon tan gyi ngo bor rnam par 'gyur gyi/ bshad zin pa'i mtshan nyid can gyi nyan pa po thos pa las byung ba la sogs pa'i yon tan phyin ci ma log pa'i tshogs kyi gzhir gyur pa yod na ni/ smra ba po la yon tan rnam pa gzhan du mi 'gyur la/ nyan pa po la yon tan skyon gyi ngo bor mi 'gyur ro// de'i phyir smra ba po ches yongs su dag pa yin yang nyan pa po rang gi nyes par mi brtsi ba rnams kyi skyon dang ldan pa nyid du 'dzud par byed de/ blun po bdag la bstod pa na ci bdag cag la shes rab med dam ci zhig bya/ rtog par byed pa po med do// zhes de skad du gung smra ba kho na yin no// 'di ni lhag pa'i bsam pa bskul ba'i mdo las rtogs par bya'o// de nyid kyi phyir bcom ldan 'das kyis/ srid dang srid thabs zhi ba yi// thabs dang de bzhin zhi gsungs te/ 'jig rten yongs su mi shes gang // de ni thub pa'i lta buR+Ya mngon// de la srid pa ni 'bras bur 'gyur ba'i nye bar len pa'i phung po lnga'o// srid pa'i thabs ni rgyur gyur pa'i 'du byed rnams so// zhi ba ngan las 'das pa ste nye bar 'tshe ba thams cad log pa'i rang bzhin yin pa'i phyir ro// zhi ba'i thabs ni 'phags pa'i lam yan lag brgyad ngo // de ltar bcom ldan 'das kyis thar pa 'dod pa rnams la 'phags pa'i bden pa bzhi nye bar bstan te/ blang bar bya ba dang dor bar bya ba'i 'bras bu dang bcas po dag nye bar bstan pa'i phyir ro// de la thos pa dang bsam pa dang sgom pa dang ldan zhing yang dag pa ji lta ba so so rang gis khong du chud pa rnams kyi rgyud la ni bcom ldan 'das kyis nye bar bstan pa don ji lta ba bzhin kho na yin gyi/ thos pa dang bsam pa dang sgom po la mngon par brtson pa la brdar ba rnams ni bdag nyid snod ma yin par ma 'phrigs pa na gang gi phyir kho bo cag gis don ji lta ba bzhin mo rtogs pas nges par 'di yang dag par ma bshad do// zhes 'khrul pa de thub pa'i yin pa ltar nges par byed do// de tsam gyis ni sangs rgyas bcom ldan 'das nings pa dang ldan pa yang ma yin no// 'phags pa'i bden pa bzhi ston par mdzad pa nyid kyis skyes bu'i don ma lus pa nye bar ston pa'i mdzad pa po yin pa'i phyir smra ba po'i skyon grwa la yod/ de'i phyir na thub pa'i lta bur zhes bshad de/ kha cig dag gis des bar bstan pa'i dngos po'i de kho na nyid ji lta ba bzhin nges par ma zin po'i phyir ro// dmus long gis ma mthong ba ni snang bzhin pa'i nyi ma'i skyon ma yin te ma long ba rnams kyis de mthong ba'i phyir ro// 'dir smras pa/ de bzhin gshegs pa'i mngon par mtho ba'i gtam thams cad ni ches don gsal ba yin na/ nges par legs pa'i gtam ni dngos po thams cad med par ston pa lhur len pa nyid kyis kho bo cag lta bu rnams kyis rtogs par mi nus te/ 'di ltar bcom ldan 'das dngos po thams cad kyi rang gi ngo bo sun 'byin par zhugs pa'i phyir kho bo cag gi yid mgu bar mi mdzad do// bshad par bya ste/ thams cad btang bas mya ngan lnga// 'du' bar ya mtshan can kun 'dod // kun sun 'byin la de dag ni// mi dgar 'gyur ba'i rgyu ci zhig/ grangs can pa dang bye brag po sogs pa ya mtshan can thams cad kyis bde ba dang sdug bsngal ba la sogs pa dngos po kun nas nyon mongs pa mtha' dag/ log pas thar pa 'thob bo// zhes bya bar khas blangaso// gang gi tshe de ltar ya mtshan can thams cad kyis thams cad btang bas mya ngan las 'das par mngon par 'dod pa de'i tshe gang zhig rgyab kyis phyogs pa'i rgyur 'gyur ba sngan tshad ma byung ba gsungs pa cung zad tsam yang med do// ya mtshan can+da rnams kyis dngos po gang+gA dag mya ngan las 'das par skar mi 'byung bas mya ngan las 'das par 'dod pa de dag kho na bdag gi rang bzhin med par ston pa ltar byed cing dam pa ma yin pa'i lta ba'i tshor ma 'byin pa'i bdag nyid can gyi bstan bcos kyis mya ngan las 'das pa'i grong khyer du 'gro ba'i lam yongs su sbyong bar bsgrubs pa yin te des khyod yod pa ma yin pa'i 'jigs pa snying la brtags nas/ ci'i phyir 'jigs/ yid la yongs su dga' ba bskyed pa dang / chos 'di bdag tu 'gyur bar gyis shig/ bdag nyid la kun nus nyon mongs pa'i dngos po thams cad mya ngan las bzlo ba'i gtam yang khod cig/ ji skad du bcom ldan 'das kyis/ mya ngan 'das la chos rnams chos yod mi no// 'di na gang med de dag gzhar yang med// yod dang myed ces bya rtog pa dang ldan zhing // de ltar spyod rnams sdug bsngal zhing mi 'gyur zhes gsungs so// mya ngan las 'das pa ni mya ngan las rgyal ba phung po lhag ma med pa'i mya ngan las 'das pa'i dbyings te sdong bla dang mar yongs su zad pas mar mi shi ba bzhin no// rang nyid kyis yang dag pa ji lta ba bzhin rtogs pa rnams la de kho na nyid kyis ye shes kyis me'i stong kyis bdag gi ba la chags pa log pas 'dod chags dang zhe sdang dang gti mug dang rgyags pa dang nga rgyal la sogs pa rnams kyi yod pa nyid rnam pa thams cad du med pa nyid yin no// zhes bya bar khyed cag ya mtshan can/ thams cad kyis mngon par 'dod do// zhes sangs rgyas bcom ldan 'das kyis bshad pa rnams kyis yid yongs su dga' bar 'gyur gyi/ mu stegs byed rnams kyis 'di de kho na ltar yin no// zhes bya bar nges par zin to// 'dir su pa rnams kyi su mi mngon par byas so// zhes bya ba la sogs pa'i mdor byas pa bdun pa mi mngon par byas pa'o// 'di la bcom ldan 'das kyis da ltar gang dag mya ngan las 'das pa 'di na med pa ste/ rab rib med pa'i gnas skabs na rab rib can rnams kyis dmigs pa'i sgra bshad dang sbrang bu la sogs pa lta bu 'am/ sgron ma'i gnas skabs na khyim na na mkha'o zir gyur pas thag pa la sbrul du mthong ba'i 'jigs pas mthong ba'i dug 'phos pa'i dogs pa log pa bzhin rnam pa thams cad du mi snang bar gyur cing yod pa ma yin pa de gni ra'i can gyi sa nas sku rnams kyi sgra shad dang sbrang bu la sogs pa dag lta bu dang ji ltar snang ba'i gnas skabs na sbrul med pas thag pa la sbrul gyi blo med pa de bzhin du mun pa'i gnas skabs na yang de na bden par gyur pa'i sbrul med pas sbrul gyi blo gang yin pa de yang med pa bzhin gzhar yang ste/ 'khor ba'i gnas skabs 'gar yang yod pa ma yin no// zhes gsungs par gyur to// 'o na ji ltar 'khor ba kun nas nyon mongs pa dang las la byung zhe na/ bshad pa 'khor ba ni rab rib can gyis dmigs pa'i skra shang la sogs pa'i blo'i ngo bo'i tshogs dang 'dra ste/ mun pa'i gnas skabs na sprul gyis 'jigs pa phyin ci logs bzhin no// 'di yang yod pa ma yin pa'i phyin ci log gi mun pas blo gros kyi mig ljo du rgyas 'i byis pa'i skye bo rnams kyi yin no// zhes bshad pa ni yod dang med ces rtogs pa dang ldan zhing / de ltar spyod rnams sdug bsngal zhi mi 'gyur zhes bya ba'o// legs par bshad pa las ni rnam pa yod min zhes bya bar 'gyur mod kyis/ ting ngan ni ting ngor 'gyur ro// zhes bya ba brjod par bya'o// zhes bya ba'i mtshan nyid las na chos yod min zhes gsungs so// d+harmA NA a ma zhes bstan par bya la/ 'dir yi ge A dang ma mi mngon par byas so// de la yad ces rtog pa dang ldan pa ni khyed cag grangs can pa dang 'ug pa dang / gzegs zan dang ser skya dang / bye brag tu smra ba pa rnams yin la/ med ces rtog pa dang ldan pa ni bye brag pa dang mdo sde pa dang rnam par shes pa smra ba rnams te/ de ltar spyod pa yod pa dang med pa'i gdon gyis zin pa rab rib kyis gnas skabs rab rib can rnams lta bu dang mun khung du thag pa la sbrul gyi blo can rnams bzhin du lta ba phyin ci log tu gyur pa rnams kyis sdug bsngal te 'gro ba ldi'i 'khor bar skye ba dang / rga ba dang na ba dang 'chi ba'i sdug bsngal dang mya ngan la sogs pa zhi bar mi 'gyur ro// de dag gi rnam par dpyad pa ni gnas dang gnas su 'di nyid las bstan zin pa'i phyi ma bshad do// de nyid kyi phyir gang zag phung po smra ba yin/ 'jig rten grangs can 'ug phrug dang / gos med bca' la gal te zhig/ yod med 'das pa smra na dris// de phyir sangs rgyas rnams kyi ni// bstan pa 'chi med yod med las// 'das pa zab mo zhes bshad pa// chos kyi khung pa yin zhes kyis// zhes gsungs so// gal te gang 'di lta ste/ thams cad btang bas mya ngan las 'da' bo zhes bya ba 'di nyid ya mtshan can rnams kyi yang bsam pa yin na ni khyod dang mu stegs can rnams la khyad par ci yod ce na/ khyad par ni mu stegs can rnams la thams cad btang ba'i bsam pa tsam zhig tu zad kyi thams cad gtong ba'i thabs brjod pa med pa gang yin pa 'di yin no// thams cad gtong ba'i thabs ma bstan na yang / gang zhig gtong thabs mi shes de// ci zhig gtong bar byed par 'gyur// thams cad gtong ba'i bsam pa la gnas kyang mu stegs can gyi lugs la brten zhing btang ba'i thabs mngon par mi shes pas ci zhig gtong bar byed par 'gyur te/ gang gi phyir thams cad gtong ba'i thabs don dam pa'i bden pa'i chos thams cad rang bzhin gyis stong pa nyid kyi mtshan nyid can mi shes pa'i phyir ro// de nyid kyi phyir/ des na nges par thub pa yi// gzhan du zhi ba med ces gsungs// 'di nyid la dgongs nas thub pas dge sbyong dang po ni 'di nyid du'o// gnyis pa dang gsum pa ni 'di nyid du'o// bzhi pa ni 'di nyi'o// pha rol po'i smra ba ni dge sbyong dag gis stong pa'o// zhes gsungs so// zhes bya bar nges so// thams cad gtong ba'i thabs yang dag par bstan pa 'di las ni sangs rgyas bcom ldan 'das kyi ye shes kyi 'jug pa thams cang la thogs pa med pas don ji lta ba bzhin du ston pa po nyid du rtogs so// mu stegs can rnams ni thams cad gtong ba'i thabs ston pa'i nus pa dang bral bas dngos po'i rnam pa gzhan du yang shes pa'i phyin ci log pa nyid du grub pa'i phyir sgrub par mi bya'o// gal te khyod kyi ltar na yang mngon sum ma yin pa'i phyir na shes bya mtha' yas pa dbang po las 'das pa'i don nye bar bstan pa dag la ci don 'di ji skad bstan pa de kho na ltar yin nam 'on te gzhan du yin zhes de rnams the tshom skye bar 'gyur ba nyid ma yin nam/ de'i yul can gyi nges pa'i rgyu ni yod pa ma yin no// de la yang bshad par bya ste/ sangs rgyas kyis gsungs lkog gyur la// gang zhig the tshom skye 'gyur ba// de yis stong pa nyid brten te// 'di nyid kho nar yod ches bya// dngos po thams cad mngon sum du shes pas go bar bya ba ni ma yin gyis rjes su dpag pas rtogs par bya ba yang yod do// rjes su dpag par bya bar nus pa yang yin te/ dpe yod pa'i phyir ro// 'dir thams cad gtong ba'i thabs ni chos thams cad rang bzhin gyis stong pa nyid yin te/ de ni gang gis kyang gzhan nyid du bsgyur bar mi nus so// don 'di ni rtag tu nye yang skye bo thams cad kyis mngon sum ma yin pa'i phyir phra ba yang yin la de ni 'thad bas chos thams cad la rang bzhin du 'dzin pa bzlog pa'i sgo nas ji lta ba bzhin du'ang bstan to// re zhig 'di nyid la 'di nges par gyis shig/ ci ste 'di la ci 'di ni de kho na ltar yin nam 'on te rnam pa gzhan du yin snyam du mi nges pa'i rgyu cung zad cig yod cing gal te bshad zin pa dang 'chad pa'i rab tu byed pas bstan pa'i nges pas de ma bsal na ni de smros shig/ 'dis ma nges pa'i rgyu cung zad kyang brjod par nus pa ni ma yin te/ de'i phyir dpe 'di grub pa kho na'o// de'i phyir de las gzhan pa'i bcom ldan 'das kyi gsung mngon sum ma yin pa'i don ston par byed pa yang rang nyid kyis tshul gyis don ji lta ba bzhin no// zhes bya ba rtogs par bya ste/ de bzhin gshegs pa bstan pa'i phyir rang bzhin gyis stong pa nyid kyi don sdod par byed pa'i gsung bzhin no// de'i phyir sangs rgyas kyis gsungs pa'i lkog tu gyur pa dag la the tshom ga la za/ bcom ldan 'das kyis/ 'jig rten khams ni stong rnams su// nga yis mdo rnams gang gsungs pa// yi ge tha dad don gcig ste// yongs su bsgrag pa nus pa yin/ dngos po gcig ni bsams byas na// de dag thams cad bsgoms 'gyur te// sangs rgyas kun gyi chos mang po// ji snyed rab tu bstan pa rnams// chos rnams kun gyi bdag myang yin// mi gang don la mkhas rnams kyis// gnas 'di la ni bslab byas nas// sangs rgyas chos rnams rnyed mi dka'// zhes bya ba dang / de bzhin du ji ltar bdag gi 'du shes shes gyur pa// de bzhin thams cad la ni blo sbyar bya// chos rnams thams cad de yi rang bzhin te// rnam par dag pa na mkha'i lta bu yin zhes/ ji skad du gsungs pa lta bu'o// de bzhin gshegs pa ltar mu stegs can rnams kyang phyin ci ma log pa nyid du brjod pa nyid du nges par ni mi nus te/ de rnams ni mthong ba'i chos nyid la phyin ci log tu gyur pa'i phyir ro// 'di ltar de rnams kyis ni 'jigs rten 'di'i 'jug pa rgyu rtag pa sngon du 'gro bar ston na mthong ba dang 'gal ba dang 'thud pa dang 'gal ba de ni bstan par mi nus so// de ltar na/ gang gis 'jig rten 'di mthong dka'// de ni gzhan la blun pa nyid// zla ba nya ba la mthong ba yi// nus pa nyams pa 'ga' zhig gis// skar ma d+hU ba dang a run dan ti mthong ba ni ma yin no// de/ bzhin du mu stegs can 'dis kyang gang gi tshe re zhig sems can dang snod ces bya ba'i 'jig rten 'di'i rgyu dang 'bras bu la rmongs pas don rags pa yang dag par mi mthong ba de'i tshe don ji ltar na shin tu phra ba yul dang dus ring pos chod cing rab tu dbye ba dang bcas pa shes par 'gyur/ de'i phyir 'khor ba'i lam gyi ngal dub bsal bar bya ba'i phyir de kho na nyid mthong ba'i chu dri ma med pa btung bar 'dod pa/ glang dag mu stegs can rang nyid lta ba shin tu phyin ci log cing smig rgyu'i chu lngar bsten par bya ba ma yin pa/ de'i rjes de 'gro de dag/ shin tu yun ring bslus par 'gyur// gang dag sangs rgyas bcom ldan 'das kyis don ji lta ba bzhin ston pa la mi bsnyen par thar pa 'dod pa nyid kyis mthong ba dang dang ma mthong ba'i dngos po'i rang bzhin la rnam par rmongs pa'i mu stegs can gyis rjes su 'gro ba de dag ni phyi ma'i mur gtugs pa med pa can gyi 'khor bar bslus par 'gyuraro// 'dir ji ltar nor la mi mkhas tshong pa ngan pa rin chen // gling du song ba rnams rin po ma/ 'dod pas rmongs las nor bu rir thang chen po btang nas nor gru chang bu len+d+ra pa ltar// de bzhin gzhung lugs dag la mI khas blo gros dran zhing 'dzam bu'i gling du son pa rnams// thar pa'i re ba bcas pas rmongs pas sangs rgyas gzhung lugs dor nas mu stegs gzhung lugs len// zhes bshad do// yang ci'i phyir/ thar pa 'dod pa de dag phyin ci log tu mthong ba mu stegs can gyi rjes su 'gro zhe na/ rang bzhin gyis stong pa nyid kyi chos bstan pa nyan pa la 'jigs pa'i phyir ro// 'jigs pa de nI bdag yod ma yin 'byung mi 'gyur// bdag gi yod min 'byung mi 'gyur// zhes brtags nas skrag pa las so// skrag pa de yang shin tu yun ring por bdag tu 'dzin pa dang bdag gir 'dzin pa goms pa lngas so// de nyid kyi phyir shin tu yun rings par goms par byas kyang dge ba'i bshes gnyen gyis yongs su bzung bas dngos po'i rang bzhin la mngon par zhen pa'i dri ma dor nas/ mya ngan 'das par rang 'gro glang // de dag shin tu bya dka' byed// rlung nyid sangs rgyas bcom ldan 'das su gyur nas rang nyid kho na mya ngan las 'das pa'i grong khyer du nye bar gshegs te/ de ltar dga' ba mdzad pa thugs rje chen po mnga' ba/ 'dren slang bzhin du'ang dam pa ni// dam po ma yin yid 'gror sgo ma yin/ ngem pa ma yin pa bdag tu 'dzin pa dang bdag gir 'dzin pa la rnam par gnas pa'i yid rang zhing rgyu dran las 'das par mi spro ba 'ba' zhig tu ma zad kyis/ 'on kyang dam pa ma yin pa'i yid ni mdzad dga' ba mdzad pa'i 'dren pa po'i slad bzhin du yang mya ngan las 'das par 'gro bar mi spro'o// yang ci'i phyir dam pa ma yin pa'i gang zag gis yid 'dren po po'i de'i rjes bzhin du yang mya ngan las 'das par 'gro ba mi spro zhe na/ stong pa nyid la skrag pa'i phyir ro// yang gang zhig 'di la skrag par 'gyur zhe na/ gang zhig 'gyur ba de bstan pa'i phyir bshad pa/ ma mthong skrag par mi rtsom ste/ mthong na rnam kun de bzlog 'gyur// des na nges par cung zad cig/ shes la skrag par brjod par bya// bstan bcos kyi brda la ma byang ba ni ba lang rdzi la sogs pa dag ste/ de dag ni stong pa nyid lan brgyar bstan kyang rnam pa thams cad du sasu zhugs pa med pas stong pa nyid kyis don ma mthong ba'i phyir de la skrag pa mi 'byung ste/ skad cig mar 'jigs pa la der rmongs pa lta bu dang / dmyal ba'i me ling la log par lta rgyud bzung ba yin no// mthong na rnam kun de ldog 'gyur// stong pa nyid ces bya ba'i chos mthong na ni de la mkhas pa rnams rnam pa thams cad du sdug par ldog par 'gyur te 'jigs pa'i rgyu bdag dang bdag gir mngon par zhen pa dang bral ba'i phyir ro// thug par mthong na thag pa la sbrul du phyin ci log skyes pa'i sbrul gyi 'jigs pa dang bral ba bzhin no// gang zhig cung zad cig shis shing cung zad cig mi shes pa de la ni nges pa ste/ gdon mi za bar 'gyur bas skrag par bsgrub par bya'o// glang po che myos pa'i rkyen bu legs par bslabs pa ni glang po ches spar ba na de lta mi 'jigs la/ de la bzhon par 'dod pa'i grong pa shin tu rmongs pa yang ma yin no// de ni de las lhung ba la sogs pa'i skyon ma mthong bas zhon pa nyid rtog par sems pa na de la mi 'jigs so// cung zad cig shes pa ni bdag nyid de la zhon par bya bar rlom pa na ches shin tu 'dzugs so// gzhan yang bya ba thams cad la 'jug pa na cung zad cig shes pa nges par skrag par 'gyur gyi/ de kho na nyid rigs pa ma yin te ma bsnyengs pa'i phyir ro// gtan mi shes pa yang ma yin te/ gti mug gis bcas pa'i phyir ro// cung zad cig shes pa ni skrag ste/ ci 'di nus sam mi nus zhig gu snyam du rnam par dpyod pa'i phyir ro// yang ci'i phyir cung zad cig shes pa 'di dag de dag gis shes par bya ba yongs su rdzogs par ma gyur gyi bar du go 'phang go ma mi tshol zhe na/ bshad par bya ste/ skrag pa'i phyir ro// yang na skrag pa'i rgyu ci zhig ce na/ bshad pa ma goms pa'o// yang na de'i rgyu ci zhig ce nA/ phyin ci log tu goms pa'o// de nyid bstan pa'i phyir bshad pa// byis rnams nges pa kho nar ni/ 'jug byed chos la goms pa ste// de dag goms pa med pa yis// ldog byed chos la 'jigs par byed 'gyur// 'jug par byed pa'i chos ni 'khor ba'i 'jug pa dang rjes su mthun pa ste/ sems can so so'i skye bor gtogs pa'i sa la gnas pa rnams ni 'jug par byed pa'i chos la gom so// ldog par byed pa'i chos ni de la goms pa'i pa'i gegs dngos po rnams kyi rang bzhin stong pa nyid de 'khor ba ldog pa'i rjes su mthun pa'i phyir ro// so so'i skye bo rnams ni sems kyi rgyud bdag la chags pa dang rjes su 'brel pa'i phyir de ldog par byed pa'i chos la chos shin tu 'jigs la/ dngos po thams cad rang bzhin gyis stong pa nyid la g.yeng sa'i sul ltar sems pa na ji lta ba bzhin rtogs pa mi bzod do// de'i phyir de ltar na gang zag ma rig pa'i mun pa 'thug pos dngos po'i de nyid g.yogs shing thog ma dang tha ma dang mi ldan pa'i 'khor ba'i 'brog dgon par lam bzang po chud zos pa 'ga' zhig gal te rang bzhin stong pa nyid kyi gtam la gus par 'gyur na de dang mthun pa'i rkyen nye bar bsgrubs pa'i sgo nas ji ltar stong pa nyid la dang ba 'phel bar 'gyur ba de ltar bya zhing snying rje che ba dang / bcom ldan 'das de bzhin gshegs pa la byas pa gzo zhing bdag nyid kyi dam pa'i chos kyi bar chad kyis rgyu mtshan g.yang sa chen po'i rgyu yongs su spang bar 'dod pas yang ba la brten pa dang / sbyin par dka' ba yang sbyin pa dang / bsdu ba'i dngos po bzhis kyang bsdu bar bya ste/ dam pa'i chos 'di 'bad pa thams cad kyis skye bo dam pa'i chos kyi snod du gyur pa la nye bar bstan par bya'o// gang zhig ji skad bstan pa la mi gus pa 'bra'o zhig tu ma zad kyi/ gzhan yang / gang zhig gti mug bga' zhig gis/ bsgribs shing de nyid gegs byed pa// de la dag legs 'gro ba'ang // ma thar pa smos ci dgos// gti mug pa 'ga' zhig gis shes bya ba ni phrag dog dang ser sna dang le lo dang 'jigs pa dang nyan pa po sdang ba la sogs pas so// gang zhig de kho na nyid nye bar bstan pa'i snod du gyur pa'i skye bo la de kho na nyid lta ba dang nyan pa la sogs pa'i gegs byed pa de la ni nges par ngan 'gror 'gro bas bde 'gro ste/ lha dang me'i bdag nyid can yang srid pa med na/ de la thar pa'i gtam gyi go skabs su 'gyur ba lta smos kyang ci dgos/ 'dis rang dang gzhan gyi rgyud dag la gnod pa ci ma byas/ des na shes rab kyis sgron ma phyogs kyi sgo ma lus pa khyab cing snang ba ches gsal ba dus gsum du mthu 'jug pa nyams pa med pa nyin re zhing ma rig pa'i mun pa gzhom pa'i phyir snang ba'i tshogs 'phel bzhin par gyur pa/ 'gro ba'i bsam pa ma lus par snang bar nus pa rgyud la skye bzhin pa la gnod pa rjes su bsgrub pa yin no// 'di nyid kyang rang dang gzhan gnyis la gnod pa byed pa nyid du gzigs nas/ bcom ldan 'das kyis/ tshul khrims las ni nyams bla yi// lha las cis kyang ma yin no// zhes gsungs te// tshul khrims nyams pa ni bla'i lta ba nyams pa ni ma yin no// zhes mdo las gsungs so// de'i phyir de bzhin gshegs pa'i gsungs 'di 'thad pa dang bcas pa nyid du brjod pa'i phyir/ slob dpon gyis/ tshul khrims kyis ni/ bde 'gror 'gro// lta bas go 'phang mchog thob 'gyur// zhes bya ba smos so// tshul khrims nyams pa na/ gal te yang dag pa'i lta ba dang ldan pa 'phags pa rnams la bcom par mi 'gyur na/ chung ngu dang 'bring dang chen po'i rim pas skyes pa rnams la yi dgas dang dud 'gro dang dmyal bar skye ba'i 'bras bu rnam par smin pa la 'di tsam zhig tu yongs su gcad pas 'jug la/ tshul khrims rnam par dag pa ni yang dag pa'i lnga ba skyes pa so so'i skye bo rnams la mchog tu gyur par mtho ris 'bras bu can du 'gyuraro// lta ba nyams pa ni gal te ches chung ba zhig yin na/ de yang rnam par smin pa che ba nyid du tshul khrims nyams pa grangs med pa brgya stong phrag dang mnyam par bya bar mi nus na/ pham par bya ba lnga tsa smos/ ci ste gang zag de la 'phags pa'i lam skyes pas rkyen las ci zhig ltar yang dag pa'i lta ba phun sum tshogs pa skyes nas ni de'i tshe 'di gdon mi za bar 'khor ba thog ma dang tha ma med par zhugs pa'i ma rig pa'i mun pa bsal nas sems can gyi khams ma lus pa mdun du bdar te mya ngan las 'da' bar 'gyuraro// de ltar na mkhas pas de kho na nyid la lta ba 'di ni shin tu don che ba nyid du rig par byas te de mi nyams pa'i phyir 'bad par bya'o// de nyams pa'i 'jigs pa mthong ba 'dis ni thams cad la snod kyi khyad par nges par ma bzung bar snong ma yin pa rnams la bdag med par lta ba 'di bstan par bya ba yang ma yin te/ de la nye bar bstan pa ni don ma yin pa'i rgyu kho nar 'gyur ro// blun la nye bar bstan pa ni// 'khrug par 'gyur gyis zhi phyir min// lag 'gro 'o ma 'thung ba ni// dug 'phel 'gyur ba 'ba' zhig go// zhes kyang bshad do// bcom ldan 'das kyis kyang 'o srungs gang zag tu lta ba ri rab tsam ni bla'i/ mngon pa'i nga rgyal can stong pa nyid du lta ba ni ma yin no// de ci'i phyir zhe na/ 'od srungs lta bar gyur pa thams cad la nges par 'byung ba ni stong pa nyid yin na gang stong pa nyid du lta de ni gsor mi rung ngo // zhes gsungs so// de nyid kyi phyir/ dam pa yin la bdag 'dzin mchog/ bdag med ston pa ma yin te/ bdag med pa'i chos la lhag par mos pa dang bral zhing bdag tu 'dzin par mngon par zhen pa dam pa'i chos ma yin pa la brten pas lta ba thibs po'i rje su 'brang ba'i mi la ni dam pa ma yin pa zhes bya ste/ dam pa ma yin pa de la ni des nyes par spyod pa ldog pa dang mthun pa'i phyir/ bdag bstan pa mchog yin no// 'di ltar de ni bdag cag la chags pa dang rjes su 'brel pas bdag nyid la phan pa dang bde ba mngon par 'dod cing / nyes pa spyad pa las log pa la 'tshengs par sems la sdig pa las log pa des ni bde 'gror 'gro rnyed par sla bar yang 'gyur ro// bdag med pa'i chos ston pas ni spong ba dang phyin ci log tu rtogs pa dag gis 'di'i lus dang ngag dang sems kyi rgyud 'joms par 'gyur ro// de'i phyir de ltar na/ gcig ni ngan 'gror nyid 'gro la// tha mal ma yin zhi nyid du'o// bdag med par lta ba log par zhugs pa'i mkhas pa ni ngan 'gro kho nar 'gro'i zhi bar ni ma yin no// gang zhig tha mal pa ma yin pa de ni zhi ba kho nar 'gro'i ngan 'gror ni ma yin no// tha mal gyi sgra ni mchog ma yin pa'i tha tshig go// mchog ma yin pa yang gang zhig ce na/ gang zhig stong pa nyid kyis don phyin ci log tu rtogs pa 'am spong ba'o// / de bkag pas ni tha mal pa ma yin pa ste/ tha mal ma yin zhes bya ba ni mchog ces bya ba'i don to// stong pa nyid nye bar bstan pa gang zhig kho na las tha mal pa ngan 'gro'i mthar thug pa'i stong pa nyid bstan pa de nyid las tha mal pa ma yin pa mya ngan las 'das pa'i mthar thug par 'gyur ro// stong pa nyid mthong ba'i rkyen gyis thams cad la tshags pa spangs pa las las dang nyon mongs pa'i tshogs bcom pa ni nges par mya ngan las 'das pa'i go 'phang du nye bar 'gro'o// yang na dam pa ma yin gang zhig bdag med pa'i chos nyan po de ni spangs pa dang phyin ci log tu rtogs pas ngan 'gro kho nar 'gro la/ gang zhig mi nyan pa de ni bsod nams kyi lus kyi rkyen gyis bde 'gro nyid du'o// yang gang zhig dam pa ma yin pa dag la bstan par bya ba ma yin zhing / dam pa dag la bstan par bya ba bdag med pa zhes bya ba 'di yang gang zhig ce na/ de bstan pa'i phyir bshad pa/ zhi sgo gnyis pa med pa dang / lte ba ngan rnams 'jigs byed cing // sangs rgyas kun gyi yul gyur la// bdag med ces ni bya bar brjod// gang zhig zhi ba'i sgo gnyis pa med pa de ni/ bdag med pa'o// gang zhig lta ba ngan pa rnams 'jigs par byed pa de ni bdag med pa'o// gang zhig sangs rgyas thams cad kyi yul du gyur pa de ni bdag med pa zhes bya'o// de la bdag ces bya ba ni gang zhig dngos po rnams kyi gzhan la rag ma las pa'i ngo bo rang bzhin te de med pa ni bdag med pa'o// de ni chos dang gang zag gi dbye bas gnyis su rtogs te chos kyi bdag meng ba dang / gang zag gi bdag med pa zhes bya'o// de la gang zag ces bya ba ni gang phung po la brten nas brtags pa ste/ de ni phung po dag la rnam pa lngas brtul ba ni mi skyid do// chos ni phung po dang khams dang skye mched ces bya ba'i dngos po rnams so// de'i phyir chos de rnams dang gang zag la bdag nyid ji lta ba'i rgyu dang rkyen las rag las te/ skye ba'i phyir dang brten nas brtags pa'i phyir bdag gi rang gi ngo bo rang la rag las shing gzhan la rag ma las pa yod pa ma yin pas gang zag dang chos rnams rang bzhin med par rnam par gzhag go// don gang zhig la rang gi ngo bos grub pa ma yin pa de bdag nyid gzhan gang zhig gis 'grub par 'gyur/ de'i phyir dngos po rnam pa thams cad du rang gi mtshan nyid kyis ma grub pa brten nas sam nye bar blangs nas bslu ba'i bdag nyid du 'byung ba rnams ni blo blun pa'i chags pa'i gzhir 'gyur la/ rang bzhin ji lta ba bzhin du yang dag par mthong ba rnams kyis bsgoms pa na chos dang gang zag gnyis la chags pa yongs su zad pa 'dren par 'gyuraro// chags pa yongs su zad pa ni mya ngan las 'das pa thob pa'i rgyu yin la/ rang bzhin med par lta ba las ma gtogs pa'i chos 'ga' zhig de ltar chags pa yongs su zad pa'i rgyu yod pa yang ma yin no// de nyid kyi phyir rang bzhin med pa'i mtshan nyid can gyi bdag med pa 'di ni zhi ba'i sgo gnyis pa med par 'gyur te/ mya ngan las 'das pa'i grong khyer du 'jug par bya ba la 'di gcig pu kho na zla med pa'i sgo yin no// gal te yang stong pa nyid dang mtshan ma med pa dang smon pa med pa zhes bya ba rnam par thar pa'i sgo gsum yod mod kyi/ de lta na yang bdag med pa lta ba kho na gtso bo yin te/ chos ma lus pa bdag med par rig cing dngos po thams cad la chags pa ma lus pa zad pa la 'gar yang 'ga' zhig/ don du gnyer ba 'am mtshan mar dmigs pa ga la yod/ de'i phyir bdag med pa 'di ni zhi ba'i sgo gnyis pa med pa kho na zhig go// de nyid kyis phyir byang chub kyi tshogs las rang bzhin med pas stong la stong pa ni// yin dang mtshan mas ci zhig byed par 'gyur// mtshan ma thams cad ldog par 'gyur ba'i phyir/ mkhas pas ci ste smon lam 'debs par 'gyur/ zhes bshad do// 'di ni lta ba ngan pa rnams 'jigs par byed pa ste/ lta ba ngan pa ni ngan par brtsis pa'i lta ba ngag go// bdag med pa yin na ni dngos po rnams rnam pa thams cad du ma dmigs pas dngos po'i rang gi ngo bo yongs su brtags pa'i rten can lta ba ngan pa rnams gtan nas 'jigs par mthong ba'i phyir bdag med pa 'di ni 'jig par byed pa'o// bdag med pa ni sangs rgyas kun gyi yul te sangs rgyas kun gyi zhes bya ba ni nyan thos dang rang sangs rgyas dang bla na med pa yang dag par rdzogs pa'i sangs rgyas rnams kyi'o// ye shes kyi khyad par gyi yul nyid du gnas pa'i phyir na sangs rgyas kun gyi yul zhes bya'o// yang na yang dag par rdzogs pa'i sangs rgyas chos kyi sku las tha mi dad par bzhugs pa thams cad kyi yin par bstan pa'i phyir sangs rgyas kun gyi zhes bshad do// khyad par gyi phreng gis ni slob dpon gyis chos thams cad bdag med par gsungs so// bdag med pa 'di ni dam pas skye bo blo zhan pa la bstan par bya ba ma yin te/ gang gi phyir/ chos 'di yis ni ming las kyang // dam pa myin pa 'jigs pa skye/ dam pa ma yin pa ni chos 'di gting thug par dka' zhing zab pa'i phyir bdag med pa'i sgra thos pa las kyang 'jigs pa skye'o// 'di ltar/ gzhan la 'jigs pa mi skyed pa'i// stobs ldan zhes bya gang zhig mthong // bdag med pa ro lta ba ni stobs dang ldan pa yin te/ dam pa ma yin pa'irnabad kyid du byas da payi ni rta'i sru ste bu byur rgyu can 'i phyi gang stobs dang ldan pa la stobs chung ba 'jigs so// zhes bya ba 'di ni nges pa yang yin no// de'i phyir stobs chung zhing lta ba ngan pas sems kyi rgyud bdag gir byas pa la chos 'di bstan par mi bya ste/ 'jigs pa'i rgyu yin pa'i phyir ro// gale te lta ba ngan pa ril 'joms pa'i phyir chos 'di bstan par bya ba ma yin nam/ 'di ltar phas kyis rgol ba rnams ni gdon mi za bar chos dang mthun par tshar gcad par bya ba zhig ste/ de'i phyir rtsod pa don du gnyer zhing gzhan gyis lugs pham par bya bar 'dod par gyur pas chos 'ad snong dog la nye bar bsnun par bya'o zhe na/ bshang bar bya ste 'di ni de ltar ma yin te/ 'dri lngar chos 'dri de bzhin ga shegs rnams kyis// rkyong pa'i cheng du gsungs so// gal te chos 'di rtsod pa'i ched du bstan par 'gyur na ni 'di de ltar 'gyur ba zhig dang / 'di ni rtsod pa'i don du bstan pa ma yin te/ rnam par thar pa'i sgo nyid du bstan pa'i phyir ro// gal te yang de lta yin mod kyi// de lta'ang 'dis ni gzhan smra rnams// bsreg ste me yis bud shing bzhin// rtsod pa'i don du ma bstan yang chos 'di ni pha rol po'i smra ba sel bar byed pa kho na'o// me nye bar len pa ni btse ba la sogs pa'i bya ba'i don du yin la bud shing bsregs pa'i don du ma yin mod kyi de lta na yang sreg par byed pa'i rang bzhin yin pas 'dod pa'i bya ba rjes su sgrub cing bud shing yang sreg par byed do// me ji lta ba bzhin du chos thams cad rang bzhin gyis bdag med par shes pa yang dad pa can gyi rgyud la nye bar skye ba na de ltar shes par bya ste/ nyon mongs pa'i 'ching ba thams cad sreg pa'i bdag nyid can yin pa'i phyir ro// yang ji ltar chos 'di dad pa can gyi rgyud la nye bar skye na pha rol po'i smra ba dag sreg par 'gyur zhe na bshad pa/ chos 'di gang gis sa gyur pa/ de ni gzhan la mi dga' ste/ dam pa'i chos kyi de kho na nyid mthong ba'i bdud rtsi myangs pa ni de las gzhan pa'i lta ba'i ro la mnog med par byed pa'i phyir de las gzhan pa'i lta ba thams cad de mi dga'o// slob dpon dam pa'i chos kyi bdud rtsi'i ro myangs pa lta bur gyur te skye bo blo dang ldan pa'i yid tshim par byed pa'i tshig gsung ba/ des na bdag la chos 'di ni// 'jigs pa'i sgo dang 'dra bar snang // slar mi skye bas 'jigs pa mthong ba'i phyir chos 'di ni bdag med pa'i chos rtogs pa'i rgyud la dam pa ma yin pa'i lta ba thams cad 'jigs pa'i rgyu yin no snyam du slob dpon la snang ngo // 'di ni mi dmigs pa'i bdag nyid can yin pa'i phyir 'ga' zhig yang 'jigs pa'i rgyu ma yin pas 'jigs pa'i sgo dang 'dra bar zhes bshad do// yang na bstan pa'i chos dgongs nas 'jigs pa'i sgo dang 'dra bar zhes bshad do// mya ngan las 'das pa ni gtan du ba'i 'jigs pa yin la/ der rjes su 'jug pa'i sgo ni rnam par thar pa'i sgo stong pa nyid rtogs pa'i bdag nyid can yin la bstan pa'i chos kyang slob dpon la de dang 'dra bar snang ste/ ji ltar 'phags pa'i chos kyi rang bzhin thugs su chud par shes nas dad pa dang ldan pa lta ba gzhan la mi dga'o snyam mngon par mi 'dod pa de bzhin du lung gi chos rtogs pa yang gzhan la mi dga'o snyam du dgongs so// ci ste 'phags pa rnams la yang ci'i phyir 'di skrag pa'i rgyur mi 'gyur zhe na/ bdag la chags pa log pa'i phyir ro// gang la bdag la chags pa yod pa de ni de dang rjes su mthun pa'i dngos po'i lta ba 'dod kyi de dang mi mthun pas bdag med par lta ba ni ma yin no// de nyid du bdag med snyam du// de ltar gang la dgongs gnas pa// 'phags pa de ni yod pas ga la dga'// med pas 'jigs par ga la 'gyur// gang zhig la phyi dang nang gi dngos po'i rang gi ngo bo yongs su mi rtog pa'i phyir zhes bya ba'i dngos po 'ga' yang rang bzhin gyis yod pa ma yin no snyam pa'i dgongs pa rnam par gnas pa de ni gang med par mthong ba las de bdag med pa las 'jigs par 'gyur ba yod par lta ba yod pas yongs su tshim par ga la 'gyur/ de nyid kyis phyir de dag gi rjes su chags pa dang khong khro ba dang bral ba'o zhes bya ste/ yod par lta ba la rjes su chags pa med pa'i phyir la bdag med par lta ba yang khong khro ba med pa'i phyir ro// de'i phyir gnyis la mi spyod cing rtsod pa med pa 'di ni mya ngan las 'das pa'i grong khyer du bde blag tu 'gro ste/ de'i phyir mya ngan las 'das pa dam pa'i gnas yin pa'i phyir na bdag med pa de de'i 'jigs pa'i rgyu ma yin no// dngos por lta ba la mngon par zhen pa'i mu stegs can mya ngan las 'das pa la g.yang sar 'du shes pa rnams ni mya ngan las 'das pa las 'jig rten gcod par byed cing skye bo sdug bsngal mtha' yas pa'i rgyu dngos por lta ba la sbyor ba na 'gro ba rnams kyi sdug bsngal mu mtha' med pa'i sa bon du gyur pa yin no// de'i phyir don min sa bon gyur pa yi// mu stegs can mang mthong nas ni// chos 'dod pa yi skye bo la// su zhig snying mi brtse bar 'gyur// 'jig rten 'di ni mu stegs byed kyi sbrul dngos po dang dngos po med par lta ba dam pa ma yin pa'i tsher ma shin tu 'thibs pa'i tshang dang ldan pa rnams kyis lam bzang po nas bkug ste/ lta ba'i tsher ma tshang tshing du bcug nas thar pa'i cha dang mthun pa'i dge ba'i srog gi dbang po bcang po'i sgo nas nyin re byin re zhing gsod par byed do// gang zhig spyi lhur skyes bu'i byed pas bdag nyid de las yongs su grol bar byas nas lam bzang po la brten pa de ni mdza' ba shas tshogs che zhing ya bar byin pa de las grol ba zhig sngar gyis rgung pa'i gtam thos pas snying zhu ba'i gnyen rnams kyis brtse bar bya ba yin pa de lta bu ste/ de dang 'dra bar rnam pa de lta bu'i skye bo rnams la byang chub sems dpa'i rigs can gang zhig snying brtse bar mi 'gyur/ snying brtse ba las kyang gus par byas te de la gang gis na 'dir slar yang mu stegs can gyis sbrul dag gis phrogs par mi 'gyur ba rang bzhin med pa'i lam nye bar bstan par bya'o// yang ci'i phyir sems can rnams dge ba'i bsam pa can yin yang phal cher mu stegs can rnams kyi lugs dang rjes su 'brel gyis bde bar gshegs pa'i drang ma yin zhe na/ de ni phra ba'i phyir ro// 'di ltar rag pa mthong zhing bde bar gshegs pa pa rnams kyis gtsug lag khang dang kha zas dang chos gos la sogs pa mchog tu gyur pa dmigla n+da lta ba phyin ci log pa rnams de bzhin gshegs pa'i gsung rab kyi don zab mo mkhas shing 'dzangs pas rig par bya ba'i gting mi dpogs shing mthong ba dang thos pa tsam gyis bslus pa na mu stegs can rnams kyi gzung lugs dag la gus par byed do// ji ltar bde bar gshegs pa pa rnams kyis chos 'di phra ba nyid dang / de las gzhan pa rnams kyi rags pa nyid yin pa de ltar bstan pa'i phyir bshad pa/ shAkya gos mod bram ze ste// gsum po rnams kyisa'ang chos yid dang // mig dang rna ba yis 'dzin pa// de phyir thub pa'i gzhung lugs phra// bram ze rnams ni 'don pa snying por byed pa ste// de rnams kyi de ni rna ba'i yulo// gcer bu pa dag ni gtsang sbrar spyod pa dang bral ba'i phyir lus dri nga ba'i 'dam 'phel bzhin pas gos shing khrus ras dang bral ba grang ba dang rlung dang nyi ma dang skra 'bal ba la sogs pa'i sdug bsngal gyi gzhir gyur pa rnams te/ de rnams kyi lugs de ni mthong bas go bar bya ba yin te/ de'i phyir de rnams kyi chos ni mig gi rnam par shes par bya ba yin no// shAkya dngos po thams cad rang bzhin med par lta ba'i nyi mas sems kyi rgyud snang bar byas shing dam pa ma yin pa'i lta ba ma lus pas 'thibs shing tshang tshing du gyur pa'i ma rig pa'i mun pa bcom pa/ 'dus byas rmi lam dang mig 'phrul dang sgyu ma'i na chung dang gzugs brnyan dang sprul pa dang mtshungs par mthong ba/ nyon mongs pa'i dri ma ma lus pa bsal bsdu sems kyi rgyud dri ma med par gyur pa rnams ni de ltar mnyam par gzhag pa dag kho nas nges par bya ba yin te/ de'i phyir de dag gis dge ba'i bsam pa ni yid kyi rnam par shes pas go bar bya ba yin pas thub pa'i gzhung lugs phra ba yin no// de'i phyir ma nges pas bsod nams 'dod kyang skye bo bde bar gshegs bya ba'i chos la mi 'jug go// 'dir smras pa/ gal te blo rigs pa'i phyir 'jig rten phyi rol pa la bsten nas 'jug na 'o nu 'dir yang de ltar rjes su sgrub par gyis shig/ phyi rol pa'i bya rjes su mi 'grub ste/ 'di ltar/ ji ltar bram ze rnams la chos// phal che phyi 'chos brjod pa ltar// de bzhin gcer bu rnams la chos// phal cher blun pa brjod pa yin// bram ze rnams ni bzlas brjod dang sbyin bsreg dang / bkra shis dang 'gyod tshangs la sogs pa'i bya ba dag gis gzhan dag las rnyed pa dang bkur sti la sogs pa 'dod pas phyi 'chos par 'dod do// de dag gi chos ni phal cher phyir 'chos pa zhig ste/ phyir chos gtso bo yin no// zhes bya ba'i don to// chos 'di ni thar pa 'dod pa rnams la 'gal ba/ yin te/ 'khor ba'i rjes su mthun pa'i phyir la/ kha gsag gis rjes su rig pa'i bdag nyid can gyi nye ba'i nyon mongs pa mngon par 'phel ba'i rgyu yin pa'i phyir shAkya rnams la ma bstan to// ji ltar thar pa'i bar du gcod par byed pa'i phyir bram ze rnams kyi chos phyi 'chos pha lnga che ba thar pa 'dod pa rnams kyis spyad par bya ba ma yin pa de bzhin du gcer bu rnams kyi chos sems blun pa nyid du byed pa'i rgyu yang blun pa phal cher ba'i phyir spyad par bya ba ma yin pas de ltar nye bar bstan pa rjes su mi sgrub bo// gang gi bram ze 'dri rnams kyi chos phyi 'chos phal che bo de nyid kyi phyir 'jig rten phal cher/ ji ltar rigs pa blangs pa las// bram ze gus pa skye ba ltar// de bzhin nyon mongs blangs pa las// gcer bu pa la brtse bar 'gyur// ji ltar 'don par byed pa tsam gyis sems rengs par gyur pa'i 'jig rten ni rigs pa blangs pa las bram ze rnams la gus pa skye ba de bzhin du nyon mongs pa blangs pa las te mgo 'balta ba lnga sogs pa lus yongs su drug pa las gos med pa rnams la brtse ba skye'o// 'di rnams kyi lus yongs su nyon mongs pa'i sdug bsngal nyams su myong ba ni chos kyi tshod du 'gyur ba 'di ni mi srid de nyes pa spyad pa'i 'bras bu yin pa'i phyir ro// zhes bstan pa'i phyiraro// / sdug bsngal las kyis rnam smin phyir// ji ltar chos su mi 'gyur ba// zhes bya ba smos so// ji ltar sgren mos rgyu ba rnams kyi 'di pa'i sdug bsngal gyi nyams su myong ba yang dmyal ba'i sdug bsngal gyi nyams su myong ba bzhin chos kyi ched du mi 'gyur ba ltar bram ze rnams kyi yang / de bzhin skye ba las kyi ni// rnams smin phyir na chos ma yin// gal te las kyi rnam par smin pa yin pa'i phyir mig la sogs pa ltar sdug bsngal dang skye ba chos su mi 'gyur na 'o na chos gang zhig yin zhe na// bshad par bya ste/ chos ni mdor na mi 'tshe bar// de bzhin gshegs pa rnams kyis gsungs// 'tshe ba ni gzhan la gnod par zhugs pa'i phyir sems can la gnod pa'i bsam pa dang / des kun nas bslang ba'i lus dang ngag gi las yin la// mi 'tshe ba ni de las bzlog pa'i sgo nas dge ba bcu'i las lam mo// gang yang cung zad gzhan la phan 'dogs pa de thams cad kyang mi mche ba'i khongs su 'du ba yin no// de bzhin gshegs pa rnams kyi chos ni mdor bsdu na mi 'tshe ba de nyid yin nono// zhes bstan to// stong nyid mya ngan 'das par te// 'dir ni de gnyis 'ba' zhig go// rang bzhin stong pa nyid du byang bshad pa de nyid sangs rgyas bcom ldan 'das rnams kyi mya ngan las 'das par gsungs so// sdug bsngal phung po lnga'i rang bzhin can gtan nye bar zhi ba gang yin pa de ni mya ngan las 'das pa yin la rang bzhin gyis ma skyes par mthong ba'i dus su yang sdug bsngal rang bzhin gyis ma skyes par khong du chud pas phyi ci log zad pa yin dang de slar yang rnam pa gzhan du 'gyur bas yongs su brtags pa mi srid pa'i phyir sdug bsngal 'gag pa kho na'o snyam du dngos po rnams rang bzhin gyis stong pa nyid du mthong ba nyid mya ngan las 'das pa'o// zhes de bzhin gshegs pas gsungs kyis dngos po'i rang bzhin gyi ngo bor slar mi skye bas mya ngan las 'das pa yino// zhes bya bar ni ma yin te rang bzhin la ldog pa med pa'i phyir ro// de'i phyir rang bzhin gyis ma skyes pa mthong ba kho na mya ngan las 'das pa yin no// mi 'tshe ba ba dang stong pa nyid ces pa'i chos de gnyis ni mtho ris dang byang grol thob par byed par ste de'i phyir 'dir ni de gnyis 'ba' zhig go// 'ba' zhig ces bya ba ni yongs su dag pa ste/ de bzhin gshegs pa'i bstan pa 'di kho nar 'di gnyis ches yongs su dag par dmigs kyi gzhan du ni ma yin no// zhes rang dang gzhan gyis bdag nyid la mtho ris dang byang grol gyi bde ba yang dag par bskyed par 'dod pas rtog par bya'o// yang ci'i phyir phyi rol pa 'di dag bde bar gshegs pa'i bstan pa 'di mthong bzhin du yang chos gnyis po 'di la mi gus she na/ rang gis phyogs la chags pa'i phyir ro// 'di ltar/ rang phyogs 'jig rten thams cad la// skyes pa bzhin du sdug 'gyur na// de yi ldog par byed pa'i rgyu// khyod la gang gis sdug par 'gyur// rang gi phyogs la chags pa ni 'khor ba thog ma med pa nas goms pa zhig ste/ rang gi skye ba'i gnas ltar 'jig rten gyi de yongs su btang bar mi nus te/ de'i phyir rang gri lta ba la mngon par zhen pas byis pa rnams de bzhin gshegs pa'i chos 'di la mi 'jug go// mkhas pas rang skye ba'i sa yin yang rgud pa'i rgyur gyur pa la re ba spangs nas 'byor pa byed pa'i yul la brten par rigs la/ 'dra ji ltar yin pa de ltar rang gi phyogs la chags pa spangs nas gzhan gyi phyogs yin yang yon tan dang ldan pa la yid gzhug par bya'o// de'i phyir de ltar phyogs su lhung ba med par gyur pas/ rigs pa'i don ni gzhan las kyang // blo ldan legs pa 'dod pas blangs// nyi mas sa steng mig ldan la// kun gyi spyi thun ma yin nam// blo gros dang ldan pa bdag nyid kyi yin pa lta bur sems pas gang la lar legs par bshad pa dmigs pa de de las blang bar bya'o// chos 'di 'ga' zhig tu phrag dog gis gnas pa ni ma yin te/ thams cad du ngo bo mtshungs pa'i phyir ro// dper na thams cad la rjes su chags pa dang khong khro ba dang bral ba'i phyir nyi ma snang ba'i bya ba la mig dang ldan pa thams cad la thun mongs pa ma yin pa de bzhin du chos 'di yang gal te bsgrubs pas rdzogs par 'gyur na/ rang gi sde pa dang gzhan gyis sde pa thams cad la phan 'dogs pa yin no// de'i phyir de ltar rigs par byas nas gus pa dang ldan pas chos 'di bdag tu bya bar rigs so// / slob da pon 'phags pa lha'i zhal snga nas kyi byang chub sems dpa'i rnal 'byor spyod pa bzhi brgya pa las blta bar byas pa dgag pa bsgom pa bstan pa zhes bya ba ste rab tu byed pa bcu gnyis pa'i 'grel pa'o// // 'dir rigs pa'i don ni gzhan las kyang // blo ldan legs par 'dod pas blang // zhes gang smras na/ gang zhig blo dang ldan pas blang bar bya ba rigs pa'i don de yang gang zhig yin zhes 'dzer to// bshad par bya ba ste/ phyi dang nang gis dngos po thams cad rang bzhin gyi bdag med par mthong ba'o// gal te dngos po thams cad rang bzhin med pa zhes bya ba 'di nyid rtogs par mi nus te/ yod pa ma yin pa'i bong bu'i rwa la sogs pa la ni mngon sum nyid yod pa ma yin no// bum pa la sogs pa rnams dang sngon po la sogs pa rnams ni mngon sum yod pa nyid yin no// de'i phyir bum pa la sogs pa'i dngos po thams cad rang bzhin dang bcas par yod pa kho na'o zhe na/ 'di ni mi rigs te/ gzugs mthong cha na bum pa ni// thams cad kho na mthong mi 'gyur// bum pa mngon sum zhes bya ba'ang // de nyid rigs pa su zhig smra// 'ang gi sgras ni de'i nye bar len pa sngon po la sogs pa dag kyang mngon sum yin no// zhes de kho na nyid shes pa su zhig smra bar 'gyur// de la kha cig gis ni bum pa yon tan gsum yongs su 'gyur ba'i ngo bor rtogs la/ yang gzhan dag gis ni bum pa zhes bya ba yan lag can gyis rdzas yan lag las tha dad pa mthong ba dang / reg pa'i dbang pos bzung bar bya ba yin par rtogs te/ de dag gis yang dngos po rtag pa las skyes pa/ ji lta bur na mi rtag 'gyur// nam yang rgyu dang 'bras bu gnyis// mtshan nyid mi ldan mthong ma yin// zhes bkag ba'i phyir bum pa nyid yod pa ma yin pas de'i mngon sum nyid ga la yod/ gal te de ltar mi srid na 'o na ji ltar bum pa 'di rnam par gzhag par rig par bya zhe na/ de bshad par bya ste/ 'byung ba chen po bzhi dang rgyur byas pa'i gzugs bzhi ste/ rdzas brgyad po de dag la brten nas bum pa 'dogs te/ ji ltar bud shing la brten nas me dang / rtswa dang shing la sogs pa la brten nas khyim dang phung po dag la brten nas bdag tu 'dogs la/ de yang rang gi rgyu las rnam pa ltas btsal na ma dmigs pa de bzhin du rang gi rgyu la brten nas sbrang rtsi dang chu dang 'o ma mchu zhing 'dzin par nus pa mthong ba'i dbang pos go bar bya ba yin pas 'jig rten gyi mngon sum du gyur pa'i bum pa nye bar len pa po nyid du rnam par gzhag gis/ ji skad bshad pa'i brten nas brtags pa 'di khas blangs par rtogs pa gzhan gyis bum pa rnam par gzhag par nus pa ma yin na// gang zhig gzugs la sogs pa las ma gtogs par bum pa gzhan du ma dmigs pa'i phyir gnas skabs de lta bu'i gzugs la sogs pa dag kho na la bum pa'i blor 'gyur gyi bum pa zhes bya ba dngos po 'ga' zhig yod pa ni ma yin no// snyam du sems dpa' de ltar rgol ba de ltar na rtag tu 'bar ba nyid la sogs pa'i nyes par thal bar gyur pa'i phyir bud shing las ma gtogs par las med par gyur pa'i me'i yod pa nyid med pas de yang blos yongs su btags pa tsam du 'gyur la/ de bzhin du 'byung ba rnams dang sems dang sems las byung ba rnams phan tshun med par 'byung bar ma grub pa'i phyir bum pa bzhin du blos btags pa tsam nyid du 'gyur zhing rang gi ngo bos 'grub par mi 'gyur na/ 'di ni de ltar 'das khas blangs pa yang ma yin no// de'i phyir bum pa la sogs pa rnams sems dang sems las byung ba lta bu dang / 'byung ba chen po bzhin du rten cing 'brel par 'byung ba 'am brten nas brtags par cis te khas mi len te/ de'i phyir bum pa rdzas brgyad kyi nye bar len pa can rang gi nye bar blangs pa'i nye bar len pa po'i gyur cing nye bar len pa'i bya ba byed pa po'i 'jig rten gyi mngon sum du gyur pa'i yan lag can de ltar rnam par gnas pa yin dang 'di rnam par dpyad de/ gzugs mthong tshe na bum pa ni// thams cad kho na mthong mi 'gyur te/ bum pa rdzas brgyad kyi bdag nyid can yin pa'i phyiraro// mig gis ni gzugs gcig pu mthong gi dri la sogs pa dag ni ma yin te yul tha dad pa'i phyir ro// de'i phyir bum pa thams cad mig gis mi mthong ba'i phyir na dngos po'i rang gi ngo bo rnam par ma phye bas 'jig rten ci rung rung ltar rang gi rtog pa tshad mar byas nas bum pa bdag gi mngon sum yin no zhes smra la rag mong gang zhig rnam par 'byed par byed cing dngos po'i rang gi ngo bo la mkhas pa gang phyogs gcig mthong bas ril mthong bar srid par mi byed pa de ni bum pa mngon sum mo zhes bya ba rnam pa de lta bur smra bar mi 'os so// 'di la rtog ge ba rnams na re bum pa la mngon sum nyid yod pa ma yin pa kho na ste/ gzugs la sogs ba rnams kyi rang zla mnan bskrun du yod pa yo sa/ sadun sum thos bsgyu ts+tsha ts+tsha mag la sogs da'i rnam pa smos pa yul yin pa spyod mngon sum nas byu bar 'dogs so// thum than d+ham yangam su brtags pa tsam yin pa'i phyir rang gi mtshan nyid du yod pa ma yin la/ glang la rang gi mtshon nyid yod pa ma yin pa de la ni dngos kyi gnas pas mngon sum nyid mi srid pa 'bra' zhig tu ma zad kyi de la btags pa'i mngon sum nyid kyang mi rung ngo // de'i phyir mngon sum nyid 'gog pa dgos pa med pa'i phyir sgra la mig gis gzung bar bya ba 'gog pa ltar bum pa 'di la yang 'gogs par rigs pa ma yin no zhes zer ro// rtog ge ba 'di 'jig rten pa'i don dag la gtan ma byang ba'i phyir byis pa gzhon nu ltar je dang po kho na nus sbyang bar bya bar gyur pa yin pas de bstan par bya ba'i phyir khyod kyi mngon sum gang zhig yin zhes brgal zhing brtag par bya'o// smras pa shes pa mngon sum yin no// shes pa ci 'dra ba zhig/ gang rtog pa dang bral ba'o// rtogs pa yod ci zhig/ gang don la ming dang rigs su lhag par sgro 'dogs par zhugs pa'i 'du shes g.yer po ste de dang bral ba'i phyir dbang po'i rnam par shes pa'i skad cig ma gcig ji ltar sum nyid yin/ de ni dbang po dang dbang po la brten nas 'jug pa ma yin te/ thun mongs ma yin pa'i phyir dang / dbang po dang rnam par shes pa'i skad cig dag skyes ma thag tu 'jig pa nyid kyi phyir ro// gal te rnam par shes pa'i tshogs lnga ni bsags pa'i rten dang dmigs pa can yin pas dbang po'i rdul phra rab dang yul gyi rdul phra rab re re zhing rten nyid dam dmigs pa nyid du rtogs pa ma yin te/ rab rib can gyi sgo shang re re logs su ma mthong ba'i phyir ro// tshogs pa'i nang na gnas pa re re yang rgyu'i dngos po yin pa ltar mig la sogs pa'i rdul phra rab tshogs pa rnams ni re re zhing rgyu nyid yin no zhe na/ dpe mi mthun ba zhig ste/ rab rib med pas sku re re nas mthong ba'i phyir mig la gnod pa yod na mi mthong bar 'gyur na/ dbang po'i rdul phra rab rnams la ni tshigs pa'i gnas skabs las phyi rol tu rdul phra rab re re rang gi rnam par shes pa'i rten nyid du ma mthong bas tshogs pa la gnas pa rnams la re re rten nyid du brtags pa 'di mi rigs so// bye ma la nus pa cung zad tsam zhig ma dmigs nas tshogs pa la gnas pa la yang de dang mthun par brtags par rigs par 'gyur ro// 'di ltar rtsa gcig la sha sbrang dang sbrang bu mchu rings la sogs pa'i rkang pa 'ching ba'i nus pa dmigs nas de dag gis tshegs pa la glang po che 'ching ba'i nus pa'i bar sring la/ de bzhin du til rnams la r-ire ra la 'bru mar nyung zad tsam 'byin bI nus pa yod dang tshogs pa rnams la 'bru mar bum gang 'byin pa yang srid na tshogs pa la ltos pa'i dbang po'i rdul grab rnams la ni de ltar re re rnam par shes pa'i rten nyid du yod pa ma yin pas rdul phra rab la ltos nas kyang gnod sa srid dodo/ de'i phyir dbang po'i rdul phra rab la brten nas mig gi dbang po zhes bya ba rdul phra rab dag dang de nyid dang gzhan nyid rtog pas stong pa rang gi rnam par shes pa'i rten du gyur pa brten nas brtags pas 'jig rten par gyur pa yul la lta ba'i bya ba can zhig yod pa ma yin la de yang skad cig ma nyid kyi phyir rang gi rnam par shes pa dang ldan/ cig 'gags pas gnod pa ga la srid// de'i phyir shes pa gang zhig dbang po dang dbang po la gnas pa de ni mngon sum mo// zhes bya ba mi rigs so// ci ste rnam par shes pa'i tshogs pa bdag nyid ji lta bu'i dbang po dag la gnas pa'i phyir de skad du bye brag tu bshad par 'gyuraro// snyam na 'di yang yod pa ma yin no// gang las shes na/ mig gis rnam par shes pa'i skad cig ma gcig la de ltar bye brag tu bshad pa mi srid pa'i phyir la/ tshogs pa rdzas su med pa la yang dbang po brten pa nyid med pa'i phyiraro// brten nas btags pas rnam par shes pa'i brten du gyur pa mig gi dbang po'i rnam par gzhag pa ji ltar yin pa de bzhin du gzugs la sogs pa rnams kyi rnam par gzhag pa yang rig par bya ste/ de dag kyang brten nas btags pa na rnam par shes pa'i rten yin pa'i phyir ro// de ltar na rnam par shes pa la mngon sum du rtogs pa mi rigaso// yul lo ni rigs te/ de la ni zla ba ches pa la sogs pa cig car rgyud du mas skyes pa'i dbang po'i yul nyid mthong ngo // 'jig rten pa'i don la 'jig rten pa'i mthong ba spangs nas don gzhan la brten par rig pa yang ma yin no// de'i phyir 'jig rten na yul khon dngos kyi 'jug pas mngon sum yin la shes pa ni btags pA las so// gzhan gyi ltar na ni mngon sum gyi sgyu shes pa la dngos su yon la yul la rtags pa yin no// de n-i 'jig rten pa mo yin te/ 'jig rten la de ltar kun tu tha snyad med pa'i phyir ro// de'i phyir de ltar 'jig rten pa'i tha snyad gnas pa yin dang 'jig rten kho na las bum pa mngon sum mo zhes bya bar brjod par rigs kyi/ rang bzhin tshol ba'i dus su de nyid rig pas de skad du smra bar 'os pa ma yin te/ bum pa'i rang gi ngo bo rnam pa thams cad du ma dmigs pa'i phyir ro// 'jig rten pa'i rnam par shes pa la ni bum pa yang mngon su yin zhing gzugs la sogs pa dag kyang mngon sum yin la de'i nye bar ljon pa rnams kyang mngon sum yin pas nyes pa med do// gang yang 'dis dbang po'i rnam par shes pa 'di mngon sum nyid du sgro btags nas gzhan tshad ma nyid du rtogs par byed pa de yang ches shin tu ma 'brel ba zhig go// mi bslu ba'i shes pa ni 'jig rten na tshad ma nyid du mthong na rnam par shes pa yang bcom ldan 'das kyis 'dus byas yin pa'i phyir brdzun pa bslu ba'i chos can dang sgyu ma lta bur gsungs so// gang zhig brdzun pa bslu ba'i chos can dang sgyu ma lta bu yin pa de ni mi bslu ba ma yin te/ rnam pa gzhan du gzhan pa'i dngos po la rnam pa gzhan du snang ba'i phyir ro// de lta bur gyur pa ni tshad ma nyid du brtag par rigs pa ma yin te/ rnam par shes pa thams cad kyang tshad ma nyid du thal bar 'gyur ba'i phyir ro// de'i phyir rtog ge ba 'di gal te rtog ge'i chang 'thung pas myos su smos par ma gyur na ni rten cing 'brel par 'byung ba dang / brten nas brtags pa zhes bya ba lam bzang po spangs nas mu stegs can gyi gzhung las bstan pa'i dngos po rnams gsal bar byed pa dam pa ma yin pa'i tshig khyal gyi tshogs ches brtol bar mi 'gyur ba zhig go// 'jig rten yang phal cher ma'i bzhin ltar dpyod cing 'jig rten dang 'jig rten las 'das pa'i dngos po gnas pa la rnam par rnam par cho pa 'dis rang gi rtog pa tsam gyis sbyar zhing mtho ris dang thar pa'i lam la bar du gcod par byed pa shin tu don med par rtog ge ba'i lam la bkod pa yin no// de'i phyir 'dir sgro chu 'thungs pa ltar don med pa'i ngag 'khrul las bzlog par ma nus so// spros pas chog go// bum pa mngon sum yin pa bsal ba 'dis ni mthong ba'i yul gyi dngos po thams cad mngon sum nyid yin pa bsal ba yin par rig par bya'o// ji ltar ji skad bshad pa'i tshul gyis bum pa la sogs pa rnams mngon sum nyid yin par mi rigs pa de ltar las gzhan pa'i dbang pos yongs su bcad par bya ba brten nas gdugs pa bsdum par bya ba dang myang bar bya ba dang / reg par bya ba rnams mngon sum nyid yin pa bsal ba'i phyir bshad pa/ rnam par dpyad pa 'di nyid kyis/ blo mchog ldan pas dri zhim dang // mngar dang 'jam pa thams cad dag/ so sor dgag par bya ba yin// dri zhim zhes bya ba 'dis ni snas yongs su gcad par bya ba sna ma'i me tog dang pad+ma dang ut+pa la dang tsan+dan la sogs pa sna'i dbang po'i yul mtha' dag nye bar mtshon par byed do// gzugs la sogs pa mthong ba med par mun khung du yang dri tsam 'dzin pa'i phyir ro// de bzhin du mngar dang zhes bya ba 'dis kyang bu ram dang lan tshwa dang nim pa la sogs pa lce'i dbang po'i yul thams cad nye bar mtshon par byed do// 'jam pa zhes bya ba 'dis ni shing bal dang bye ma dang / rdo ba la sogs pa lus kyi dbang po'i yul thams cad nye bar mtshon par byed do// de dag kyang rdzas brgyad kyi nye bar len pa can yin pas bdag nyid ji lta ba'i dbang po dag gis yul re re 'dzin pa yin dang rnam pa thams cad mi 'dzin pa'i phyir sna ma'i me tog dang bu ram dang shing bal la sogs pa dag bdag gi mngon sum yin no// zhes de kho na nyid shes pa su zhig smra/ sgra dgag pa ni phyis rgyas par 'chad do// ci ste bum pa gzugs las tha dad pa med mod kyi gzugs kyis de khyab par byas nas ni gnas pas gzugs mthong bas bum pa thams cad mthong bar 'gyur zhe na/ 'di yang snying po med do zhes bstan pa'i phyir bshad pa/ gal te gzugs mthong ba yis de// thams cad mthong bar 'gyur na ni// ma mthong ba yi gzugs mthong ba// mthong ba min par cis mi 'gyur/ gal te gzugs tsam zhig mthong bas mthong yang bum pa thams cad mthong bar 'gyur na ni bum pa mthong bas gzugs mthong ba ma yin par ci'i phyir mi 'gyur/ yang na 'di ni don gzhan yin te bum pa rdzas brgyad kyi nye bar len pa can yin yang gal te rdzus gcig gzugs mthong bas ril mthong bar rtogs na ni re zhig de dag dang so sor mi gnas pa'i gzugs de nyid de de las gzhan rdzas bdun ma mthong bas na ma mthong ba yin no zhes ci'i phyir mi rtog/ 'jig rten na yang phal che bas brjod pa mthong ba ste/ mon sran sde'u la sogs pa yod kyang mon sran gre'u'i phung po bsnyad pa bzhin no// de'i phyir de ltar na ma mthong ba yis te dri la sogs pa yongs su ma bcad pas mthong ba'i gzugs kyang mthong ba ma yin pa nyid du 'gyuraro// de'i phyir gzugs nyid mngon sum ma yin pa'i phyir bum yang mngon sum nyid du mi rigs so// ci ste ji skad bshad pa'i rnam par dpyad pas bum pa mngon sum nyid mi srid mod/ bum pa'i gzugs ni re zhig mngon sum yin te/ de'i phyir rgyud nas bum pa yang mngon sum nyid du 'gyur// snyam du sems na 'di ni yod pa ma yin no// gzugs la mngon sum nyid yod na ni 'di de skad du brjod par 'gyur ba zhig na/ gzugs la sogs pa mngon sum nyid srid pa ni ma yin no zhes bstan pa'i phyir bshad pa/ gzugs ni 'ba' zhig kho na la// mngon sum nyid ni yod ma yin// gang phyir de la'ang pha rol gyi// cha dang tshu rol dbus yod phyir// dri la sogs pa dang 'brel pa brjod par mi 'dod pa'i gzugs 'ba' zhig la yang rnam pa thams cad du tshu rol dang dkyil dang pha rol gyi cha rnams mthong ba'i phyir mngon sum nyid mi rigs so// tshu rol dang pha rol dang dbus kyi cha de dag la yang slar tshu rol dang pha rol dang dbus kyi cha gzhan dag yin la de dag la yang gzhan yin zhing de dag la yang gzhan yin no// zhes de ltar rnam par phye ba na gzugs te rdul phra rab kyi mthar thug nas gnas so// brtags bzhin pa'i rdul de la yang mdun dang rgyab kyi phyogs kyi cha'i dbye ba dang / tshu rol dang dbus dang pha rol gyi cha'i dbye ba las cha gas yod med ces/ dpyad pa der yang 'jug par 'gyur// gal te de la mdun dang rgyab kyi cha'i dbye ba dag yod na ni de'i tshe bum pa ltar de'i rdul phra rab nyid nyams par 'gyur ro// tsaM ste med na da ltar na yang gsal byed med cing ma bzung ba'i ngo bo can de la yod pa nyid med do// de'i phyir de la mngon sum nyid srid par ga la 'gyur/ byis m+bu dbyong kyi Sh+ya DU rje ma 'dzid// da byor de ltar ni mngon sum nyid ma grur mi 'phang / de'i phyir de ltar ni mngon sum nyid ma grub cing bsgrub par bya bar gyur pas bsgrub par bya ba ste dngos po rnams rang bzhin dang bcas pa nyid du gzhan gyi khas blangs grub pa/ mi 'thad do// gzhan yang dbang pa gzugs can gyis bzung bar bya ba'i don yongs su brtags pa na/ kun kyang yan lag tu gyur na/ slar yang yan lag can du 'gyur// bum pa ni yan lag gyo mo la bltos nas yan lag can rnams yin la/ gyo mo de dag kyang rang gi yan lag la bltos nas yan lag can du 'gyur ro// de bzhin du rdul phra rab kyi bar du sbyar bar bya'o// de yang rdzas brgyad la bltos nas sam mdun dang rgyab dang dbus kyi cha la ltos nas slar yang yan lag can yin pas 'ga' la yang rang gi ngo bos yan lag nyid nga yan lag can nyid yod pa ma yin te/ de'i phyir bum pa la sogs pa rnams la mngon sum nyid med do// ji ltar rdul phra rab la rnam par dpyad pa de bzhin du ming gis mthar gnas pa'i yi ge la yang ste/ rdul phra rab ltar ma grub pa'i phyir ro// de'i phyir yi ge brjod pa yang // 'di na yod pa ma yin no// yi ge brjod pa yang mi srid do snyam du dgongs so// rnam pa gcig tu na bum pa la sogs pa med na de'i brjod par byed pa yi gre yang mi srid de/ don med na shes pa dang brjod pa dag 'jug pa mi srid pa'i phyir yi ge brjod pa yang 'di na yod pa ma yin no// gang dag gzugs kyi skye mchid kha dog dang dbyibs kyi bdag nyid rnam pa gnyis su rnam par bzhag ste de'i sgo nas bum pa mngon sum nyid du rtog par byed pa de dag la brjod par byed pa ste/ 'dir dbyibs 'di rtog pa na kha dog las gzhan nyid dam/ gzhan mo yin pa nyid du rtog grang na/ de la re zhig/ gal te mdog las dbyibs gzhan na/ ji lta bur na dbyibs 'dzin 'gyur// sngon po la sogs pa'i kha dog ni mig gi dbang po'i yul yin na/ gal te de las dbyibs par gyur na kha dog las tha dad pa'i phyir sgra la sogs pa ltar mig gi gzung bar byar mi 'gyur ba zhig na/ kha dog ltar mig gis 'dzin pa yang yin pas de las gzhan ma yin no// ji ltar sngon po dang ser po la sogs pa tha dad pa rnams las gang yang rung nge gcig bzung nas cig shos kyang 'dzin pa de ltar kha dog las gzhan pa'i gzugs ni mi 'dzin to// 'on te gzhan min na lus kyis// mdog kyang cis te mi 'dzin 'gyur// gal te ji skad bshad pa'i skyon spang bar 'dod pas dbyibs kha dog las gzhan ma yin par rtog na ni ji ltar mun khung du lus kyis ring po la sogs pa 'dzin pa de bzhin du de las tha mi dad pa'i phyir dbyibs ltar kha dog kyang ci ste mi 'dzin te bzung / dgos nA 'dzin pa yang ma yin no/ de'i phyir dbyibs 'dzin yang ma bzung ba'i phyir kha dog las dbyibs gzhan ma yin pa ma yin no// de nyid dang gzhan nyid du rtogs pa las ma rtogs par rtogs pa gzhan bzhag par nus pa ma yin no// de'i phyir kha dog ltar dbyibs kyang mi rigs la/ de med pas kyang 'ga' la yang mngon sum nyid yod pa ma yin no zhes bya bar grub bo// 'dir smras pa/ gzugs kyi skye mched ni yod pa kho na te de'i rgyu yod pa'i phyiraro// 'drir gzugs kyi rgyu ni 'byung ba chen po bzhi yin la/ de dag ni re zhig yod pa yin no// de dag yod pas de dag gis 'bras bu gzugs kyi rgyu skye mched kyang yod par 'gyur zhes smra'o// 'di yang yang dag par me yin no// zhes bstan pa'i phyir bshad pa/ gzugs ni lta zhig ma rtogs par// gzugs kyi rgyu ni myi snang ngo // rdzas brgyad lhan cig 'byung ba nges pa 'byung ba chen po bzhi ma gtogs par gzugs mi dmigs la/ gzugs kyi skye mched ma gtogs par yang gzugs kyi rgyu mi dmigaso// gzugs kyi skye mched ni mig gi dbang pos bzung bar bya ba yin la/ gzugs kyi rgyu ni lus kyi dbang pos bzung bar bya ba yin no// de'i phyir gal te gzugs kyi rgyu zhes bya ba cung zad cig rang gis ngo bos 'grub par 'gyur na ni de'i tshe/ gzugs kyang rang gi ngo bos grub par 'gyur ba zhig na/ gzugs kyi rgyu gzugs las tha dad par grub pa gang yin pa 'di ni srid pa yang ma yin no// de'i phyir gzugs kyi rgyu med na rgyu med pa'i gzugs kyang yod pa ma yin no// zhes bya bar grub po// ci ste 'o na ni tha dad pa ma yin par gnas pa'i gzugs kyi rgyu las gzugs yin par rag go snyam du sems na/ de yang srid pa ma yin no// gal te de ltar 'gyur na ni// gnyi ga yang ni mig nyid kyis// 'dzin par ci yi phyir mi 'gyur// gzugs kyi rgyu yang gzugs las tha mi dad pa'i phyir mig gis dbang pos rgyu dang 'bras bu gnyis ka yang 'dzin par 'gyur na 'di ni srid pa ma yin te/ dbang po tha dad pa'i yul yin pa'i phyir dang / mtshan nyid tha dad pa'i phyir// de nyid bstan pa'i phyir bshad pa/ sa ni bstan zhes bya bar mthong // de yang lus kyi 'dzin par 'gyur// 'dzin pa'i las kyis rten gyi dngos por gnas pa'i phyir rten nyid yin pas brtan pa nyid kyis nas ni brtan pa zhes bya bar mthong la/ de yang lus kyis 'dzin te de'i sra ba lus kyi dbang po'i bzung bya yin pa'i phyiraro// / gang gis phyir 'di la de ltar yin pa/ des na reg pa 'ba' zhig 'di// sa'o zhes ni bya bar brjod// gzugs kyi skye mched ni mig gis dbang po'i bzung bar bya'o// de'i phyir de ltar na rgyu dang 'bras bu gnyis tha mi dad par med de// mtshan nyid tha dad pa'i phyir dang / 'dzin par byed pa tha dad pa'i phyir ro// tha dad pa yod na yang rgyu med pa'i smra bar 'gyuraro// de nyid dang gzhan nyid dang bral ba'i dngos po 'di 'ga' zhig la rang gi ngo bos yod pa nyid du rtag par rigs pa yang ma yin te/ de'i phyir gzugs kyi rgyu yod pa ma yin no// gzugs kyi rgyu med na yang gzugs rang gi ngo bos yod pa ma yin no zhes bya bar grub po// de nyid kyi phyir bcom ldan 'das kyis/ gang dag nga la gzugs su mthong // gang dag nga la sgrar shes pa// log par spong bzhugs pa ste// skye bo de dag pa mi mthong // 'o na ji ltar lta bar bya zhe na/ sangs rgyas rnams ni chos nyid lta// 'dren pa rnams ni chos kyi sku// chos nyid shes bya ma yin te// de ni shes par nus ma yin zhes gsungaso// 'dir kha cig dgra na re bum pa ni rang gas ngo bos blta bar bya ba ma yin zhing / blta bar bya ba ma yin pa'ang ma yin mod kyi/ blta bar bya ba nyid dang 'brel pa las blta bar bya bar ni 'gyur na/ blta bar bya bar gyur pas kyang mngon sum du 'gyuraro// zhes zer ro// 'di yang mi rigs so zhes bstan pa'i phyir bshad pa/ blta bya skyes pas bum pa ni// 'di lnga yon tan 'gar mi 'gyur// des na blta bya nyid skye ltar// yod pa'i ngo bo'ang yod ma yin// gal te blta bar bya ba nyid ni mngon par gsal ba 'am cis khyad par du gyur pa yin pa zhig na/ gnyi ga ltar 'di la blta bar bya ba nyid dgos pa med do// 'dir blta bar bya ba nyid 'di yongs su brtags nas don blta bar bya ba'i rang gi ngo bo 'am/ blta bar bya ba'i rang gi ma yin pa'i rang gis ngo bo zhig la rtog re zhig gal te blta bar bya ba'i rang gis ngo bo la yin na de'i tshe de brtags gas/ gis den yongs rtogs pa de ni med par yang yod pa nyid pas brtag par mi rigs so// ci ste blta bar bya ba ma yin par gyur pa la blta bar bya ba nyid rtog na de yang mi rigs te lus can ma yin pa rnams kyang blta bar ba nyid du thal ba'i phyir dang / blta bar bya ba nyid skyes pa med pa la 'gal ba'i phyir ro// blta bar bya ba nyid skyes pa med pa des na blta bya nyid rtog na skye ba ltar te ji ltar blta bar bya ba dang blta bar bya ba ma yin pa'i bum pa la rnam pa thams cad du blta bar bya ba nyi mi rigs pas skye bo mi srid pa de bzhin du blta bar bya bar ma gyur pa'i bum pa yod pa'i dro bor yang yod pa ma yin la/ yod pa ma yin pa'i bum pa la ni blta bar bya ba nyid brtag par rigs pa yang mya yin pas 'di ni mi rigs 'dir smras pa/ yul gzugs la sogs pa mngon sum dag ni yod pa kho na ste de'i 'dzin par byed pa mig la sogs pa'i dbang po yod pa'i phyir ro// yod par gyur pa'i dbang po 'di rnams ni gdon mi za par rang gi yu par 'gyur dgos la/ gang du de rnams 'jug pa srid pa gzugs la sogs pa don de dag ni mngon sum yin no// bshad par bya ste/ gal te dbang po rnams kyis yongs su gcod par nus par 'gyur na ni gzugs sogs pa'i don dag tu 'gyur ba zhig na/ 'gyur ba nyid kyang ma yin no// ji ltar zhe na/ 'di na mig la sogs pa lnga po ni spyir 'byung ba las gyur pa nyid du nye bar ston la/ de rnams kyi bya ba ni yul dad pas tha dad pa zhig go/ 'di ltar mig gis gzugs kho na mthong gi sgra mi thos la/ rna bas kyang sgra thos kyis gzugs mi mthong ngo // gang gi tshe de ltar/ mig ni 'byung 'gyur rna de bzhin// mig gis mthong gis gzhan gyis min// de'i tshe 'thad pa dang 'gal ba'i bya ba srid pa'i phyir mig la sogs pa rnams kyi rang gi ngo bo rtog pa ga la yod/ 'byung ba las gyur pa nyid du mtshungs bzhin du yul 'dzin pa tha dad pa brtag par ni mi rigs so// mig la sogs pa rnams kyi yod pa nyid ni yul 'dzin pa las rjes su dpag pa yin na de yang 'gal bas mi srid de de'i phyir dbang po yod pas yul rnams mngon sum nyid du mi rigs so// gal te de ltar mig la sogs pa rnams mi srid na/ de'i phyir ji ltar mig la sogs dbang po 'di rnams las kyi rnam par smin pa'i ngo bor rnam par bzhag ce na/ ci kho bo cag gis 'di rnams kyis rnam par smin pa'i ngo bo nyid bkag gam/ gal te mig la sogs pa rnams 'gog par sgrub pas de ji ltar ma bkag ce na/ kho bo cag gi rnam par dpyod pa don rang bzhin tshol ba lhur byed pa nyid kyi phyir ro// kho bo cag ni 'dir dngos po rnams rang gis ngo bos grub pa 'gog gi mig la sogs pa byas shing rten cing 'brel par 'byung ba'i las kyi rnam par smin pa nyid ni mi 'gog pa'o// de'i phyir de yod pas gang zhig rnam par smin pa nyid du bsnyad pas mig la sogs pa yod pa nyid do// gal te de ltar na yang mig ni 'byung 'gyur rtswa de bzhin// mig gis mthong gis gzhan gyis min+da zhes bya ba'i nyes pa nyid du 'gyur ba ma yin nam zhe na/ nyes pa 'di ni med de/ las kyis rnam par smin pa bsam gyis mi khyab pa'i phyir ro// las rnams kyi rnam par smin pa ni rigs pa bcu nas bsam par bya bar mi nus te/ re shig las de nyid rang gi ngo bros grub pa'i phyir gal te de rang gis ngo bos grub par gyur na ni de'i tshe dus thams cad du rnam par mi 'chad par 'gyur ra zhing rnam par smin pa phyung zin pa las kyang slar rnam par smin par 'gyur ba 'am yang na rnam par smin par mi 'gyur ba nyid de/ rang bzhin gzhan nyid du bsgyur bar mi nus pa'i phyiraro// las kyi 'bras bu mthong ba med pa yang ma yin no// de'i phyir mkhas pas 'jig rten pa'i don la ji skad bshad pa'i rnam par dpyad pa de kho na nyid mthong ba dang rjes su mthun pa ma bcug par las rnams kyis rnam par smin pa bsam gyis mi khyad pa nyid du khas blangs te sprul pa las sprul pa 'byung ba'i tshul du 'jig rten pa thams cad khas blang bar bya'o// mthong ba la ni bsnyon par mi nus la/ gang mig 'byung ba las gyur pa yin yang gzugs kho na mthong gi sgra mi thos so zhes bya ba la sogs pa 'di ni mthong ba yang yino// gang gis phyir 'di de ltar yin pa/ des na nges par las rnam smin// / thub pa bsam mi khyab par gsungs// dngos po rang bzhin med pa rnams kyang bya ba'i 'bras bu des pa'i phyir bcom ldan 'das kyis/ sems rkun las kyi rnam smin bsam yas byas// rlung las 'jig rten 'di thun 'byu 'gyur te// mtsho dang ri dang lha yis gzhal med khang // rin po chos phye sa bon bkram rnams// rlung las byung ba'i sprin gyi char 'bebs shing // slar yang rlung gi sprin ni rab tu 'jil// rlung las 'jig rten la tog rgyas 'gyur te// rlung gis 'gro ba kun la bde ba 'dren// zhes bya ba dang / de bzhin du gang dag srid bar rgyu yang srid pa'i skyon las grol ba rnams// stong par smra zhing las kyi 'bras bu'ang 'drar mi 'gyur// gang dag shes pas dri ma bsregs kyang brtses brlan pa// spyod pa rtag med dbang bsgyur de dag kyang dkris 'gyur// zhes las rnams kyi 'bras bu rnam par smin pa bsam gyis mi khyab par gsungs so// 'dir smras pa/ mig la sogs pa ni rang bzhin gyis yod pa nyid de/ de'i 'bras bu rnam por shes pa mthong ba'i phyir ro// bshad par bya ste/ gal te de'i 'bras bu rnam par shes pa nyid yod na ni mig stsogs pa yod par 'gyur na srid pa ni ma yin no// ji ltar zhe na/ de la re zhig rkyen ma tshang phyir shes pa ni// lta ba'i snga rol yod ma yin// 'on te phyis na shes don med// gsum par byed pa don med 'gyur// re zhig lta ba'i snga rol du ni mig gis rnam par shes pa yod pa ma yino// mig gi lta ba bdag po'i rkyen ma tshang phyir ro// ci ste lta/ ba'i 'og rol du rtog na ni de'i tshe shes pa don med de/ gal te rnam par shes pa med pa'i mig gis gzugs mthong na ni 'o na rnam par shes pa yongasu rtog pa don med do// gsum pa byed pa don med 'gyur te rtog pa gsum pa ni ltar dang shes pa gnyis cig car 'byung ba ste/ de la rgyu don med do// 'di lta blu na lta ba ste byed pa don med par 'gyur ro// lta ba dang shes pa gnyis cig car yod na ni rnam par shes pa gang zhig lta ba dang dus mtshungs pa la de lta ba la rag las te 'byung bar mi rigs so// kha lang gi rwa g.yas g.yon lhan cig 'byung ba dag la ni cig shos cig shos la rAg las te skye ba nyid mi srid de/ de bzhin du lta ba dang lhan cig 'byung ba'i rnam par shes pa lta ba las rag las te skye ba nyid du mi 'gyur bas lta ba don med pa kho nar 'gyuraro// ci ste sgron ma dang 'ong bzhin du dus mnyam pa dag yin yang lta ba la rag las te gnas pa nyid du 'gyur// snyam du sems na de yang yod pa ma yin te/ de yang brgal zhing brtags pa mtshungs pa'i phyiraro// 'jig rten pa'i mthong bas de kho na nyid mthong ba gsal bar rigs pa yang ma yin te/ de ni 'jig rten pa kho na las tshad ma nyid yin pa'i phyir dang / des dmigs pa'i don yang brdzun ba bslu ba'i chos can nyid du sgrub pa'i phyir ro// gang gis tshe de ltar rnam par shes pa mi srid pa de'i tshe de yod pas mig la sogs pa rnams yod pa nyid du brtag pa gang yin pa de mi rigs so// 'dir smras pa/ mig ni byed pa'i ngo bo ma yin pa kho na ste/ 'o na ci zhe na/ byed pa po nyid dade byed pa po'i dngos por khas blangs pa'i phyir/ gsum par byed pa don med 'gyur khrag sna mas man ga d+hA'i byag sus gyu / te mig gis lta ba na yul gyi yul du song nas sam ma song bar lha glang na/ gnyi ga ltar yang skyon du 'gyur ro// zhes bstan pa'i phyir bshad pa/ mig de 'gros dang ldan 'gyur na// thag rings yun ring gis mthong 'gyur// ha cang nye dang ches ring du// gzugs de gsal ba ci ste min// gal te mig phrad nas 'dzin pa'i phyir yul gyi yul du 'gro na ni de'i tshe phye ba tsam gyis zla ba dang skar ma la sogs pa'i don dag 'dzin par mi 'gyur ro 'gro ba'i dus tha dad pa'i phyir na 'gro ba dang ldan pa'i don gyis yul nye bar 'dzin pa dang / dus mnyam par yul thag ring bar 'dzin pa ni mi rigs na/ phye ba tsam gyis mig gis thag ring ba na gnas pa ltar mthong ba yang yin pas 'di ni mi rigasaso// / gal te yang mig phrad nas 'dzin par 'gyur na ni de'i tshe ha chang nye bar yang mig la gnas pa'i sman nam thur ma mthong bar 'gyur la/ thag ring por yang gsal bar mthong bar 'gyur na/ 'di ni srid pa yang ma yin pas 'di ni mi rig so// gzhan yang gal te mig gis phyin nas gzugs mthong na/ ci ste mthong nas de'i yul du 'gro ba'am 'on te ma mthong ba yin/ de las cir 'gyur/ gnyi ga ltar yang skyon du 'gyur zhes bshad pa/ gal te gzugs mthong mig 'gro na// song bas yon tan 'ga' yang med pa// yang na blta byar 'dod par ni// 'dod ces bya bar brdzun par 'gyur// gal te gzugs mthong nas gzugs kyis yul du mig 'gro'o// snyam du rtog na ni 'gro bya ste/ dong bas mig la dgos pa ci yang mang ngo // mig 'gro ba ni yul blta bar bya ba'i phyir/ yin na de yul de snga nyid du 'di na gnas pa mthong bas 'gro ba la dgos pa ci yang med do// ci ste ma mthong bar 'gro na ni de'i tshe lta bar 'dod pa'i yul nges par mthong bar mi 'gyu ro// ma mthong bar mngon par ma rtogs pa'i yul du 'gro ba'i phyir long bA ltar blta bar bya ba'i yul nges par mthong ba mi 'gyuraro// ci ste skyon 'di spang bar 'dod nas gal te/ mig ma song bar 'dzin na ni// 'gro ba 'di kun mthong 'gyur te// gang la 'gro ba yod min pa// de la rang med sgrib pa'ang med// glang zhig mig dang yid dang nA pA ni// yul dang ma phrad pa yin no// zhes bya ba'i lung las ni mig gis yul dang ma phrad pa kho na'o snyam du sems pa de la brjod par bya ste/ re zhig lung dang 'gal ba ni mAd de phrad nas 'dzin pa nyid tsam zhig 'gog pa lhur byed pa'i phyir ro// 'gra' zhig tu sgrub pa gtso bo nyid yin te gung du de mi 'gal ba'o// la lar ni dgag pa gtso bo nyid yin te gang du de mi 'gal ba'o// de'i phyir 'di la rnam par dpyad pa srid pas phrad nas 'dzin pa nyid bkag pa tsam gyis yul dang ma phrad pa nyid du rnam par bzhag ste/ sgrub pa'i sgo nas yul dang ma phrad pa nyid du rtog na ni 'di na gnas pa'i mig kho nas 'gro ba thams cad mthong bar 'gyur ro// 'di ltar gang la 'gro ba yod pa ma yin pa de la thAg rang ba ga la yod de 'dis ni nye ba na gnas pa'i don yang ma song bar blta bar bya ba yin la/ thag ring ba na gnas pa yang yin pas/ thag ring bar byas pa'i khyad par du mi 'gyuraro// gang gis tshe ma song bar mthong ba de'i tshe 'di na gnas pa bzhin thag ring po na gnas pa yang mthong bar 'gyur la/ de bzhin du bsgribs yang mthong bar 'gyuraro// 'gro ba yod na ni bsgribs pas bcom pa'i phyir bsgribs pa mi mthong ngo // zhes bya bar rigs na/ gang gis tshe ma song bar blta bar bya ba yin pa de'i tshe ni bsgribs pa la yang 'gro ba'i gegs med pas ma bsgribs pa bzhin mthong bar 'gyur ro// yang gal te mig lta ba'i rang bzhin du 'gyur na ni de'i tshe thams cad du rang bzhin mi nyams pa'i phyir rang gis ngo bo la yung blta bar 'gyur ro// ji ltar 'jig rten na ni/ dngos po kun gyi rang bzhin ni// dang por bdag la snang 'gyur na// mig ni mig nyid kyis 'dzin par// gang zhig gli ni 'gyur ma yin// gal te ji ltar tsam pa ka dang ut+pa lnga la sogs pa dag gis dri bsung dang por rang gis rten nyid la dmigs te/ phyis de dag phrad pa las til+la sogs pa dag la yang yin pa dang / yang ji ltar rang la gnas pa'i me'i tsha ba de dang 'brel pa las gzhan gyis bdag nyid la dmigs pa de bzhin mig blta ba'i rang bzhin du gyur na ni de'i tshe rang gis bdag nyid kho na la blta bar 'gyur te/ ci'i phyir mig mig nyid kyis 'dzin par mi 'gyur/ dngos po rnams kyi rang bzhin yang chas dang por rang nyid kyis bdag nyid la yod pa'i phyir myig kho nas mig 'dzin par rigs na mig ni rang gi bdag nyid la blta ba yang ma yin pas bong ba la sogs pa ltar gzhan la blta ba yang ma yin pas de la mi srid do// gang zhig mig 'ba' zhig la gzugs lta ba'i nus pa med kyi/ 'on kyang mig dang gzugs dang mig gis rnam par shes pa gsum tshogs pa yod pa dang gzugs mthong bar 'gyur ro// snyam du sems pa de yang snying po med de/ gang gis phyir/ mig la rnam shes yod min zhing // rnam par shes pa lha med la/ gnyi ga gzugs la yod min na// de dag gis gzugs ji ltar mthong de lnga re zhig mig lnga rnam par shes pa med do// mig gis ni yul rnam par shes pa ma yin te/ rnam par shes pa ma yin pa'i rang bzhin yin pa'i phyir// mig ni 'byung ba las gyur pa yin te/ byams po yin pas de la yul rtog pa mi srid do// de ltar na mig la rnam par shes pa med do// rnam par shes pa lnga yang mig med do// de ni gzugs can ma yin pa zhig ste/ de la lta bA ga lnga yod de de med pas nu long ba ltar mi mthong ngo // gzugs la ni gnyi ga yang yod pa ma yin no// rnam par shes pa ni ma yin te/ rtog pa'i rang bzhin ma yin pa'i phyir ro// lta ba yang ma yin te/ lta ba ma yin pa'i bdag nyid can yin pa'i phyir ro// gang gi tshe de ltar dbang po dang yul dang rnam par shes pa rnams don phan tshun ma tshung ba de dag tshogs par yod kyang de dag gis rigs gzugs mthong ba ma yin pa nyid de/ gzugs la lta bu'i yan lag ma tshang ba'i phyir long ba'i tshogs bzhin no snyam du dgongs so// gang gi tshe de ltar gzugs la lta ba med pa de'i tshe de nyid rig pa su zhig gis gzugs mthong ngo zhes bya bar brjod pa 'am blta bar 'os/ ji ltar de kho na nyid rigs pas gzugs lta bar mi 'os pa de bzhin du sgra yang mnyan par mi 'os te/ gzugs lta ba bzhin sgra nyan pa yang med pa'i phyir ro// 'di na gal te sgra thos na de nyan pa'i yul du phyin pa 'am ma phyin pa zhig thos grang na/ gal te re zhig phyin te thos na de nyan pa'i yul du phyin pa 'am ma phyin pa zhig thos grang na/ gal te re zhig phyin te thos na de nyan pa'i yul du phyin pa 'am 'gro ba na sgra 'byin zhing 'gro ba 'am sgra med pa yin/ dwe la gal te rtog pa dang po yin na ni de'i tshe gal te smra zhing sgra 'gro na// gang gis smra ba por mi 'gyur// 'on te mi smra bar 'gro na'ang // gang gis de la shes pa skye// de'i phyir smra ba po yin pa'i phyir lhas byin ltar sgrar mi 'gyur ro// ci ste mi smra bar 'gro nA ni de'i tshe sgra med par 'gro ba'i sgra de la 'di ni sgra'o snyam du nges par su zhig la 'gyur/ ma bzung ba de ni yod pa nyid kyang ma yin pas 'di ni mi rigs so// gzhan yang gal te phrad te sgra 'dzin na// sgra yi dang po gang gis 'dzin// sgra ni rkyang pa'ang mi 'ong na// rang bu ji ltar 'dzin por 'gyur// gal te rna ba'i dbang po'i gnas su phyin pa'i sgra 'dzin na ni 'o na ni de'i de'i dang po gang gis 'dzin// phrad nus 'dzin pa'i phyir rna ba la ni sgra'i dang por 'dzin pa med la/ de'i 'dzin par byed pa'i dbang po gzhan yang yod pa ma yin pas 'di dbang po gang gis kyang mi 'dzin no// de'i phyir ma bzung ba'i don de ni sgra nyid du mi 'gyur ro snyam du dgongaso// sgra'i rdul phra ba ni rdzas dgu'i bdag nyid yin pa'i phyir spyi rkyang bar mi 'ong na/ khyod kyis ni sgra tsam zhig kho na rna bas 'dzin gyi/ dri la sogs pa dag ni ma yin no// zhes te mi rigs s+ho/ rnam pa gcig tu na sgra yang mi 'dzin par 'gyur ba dAm/ yang na d+hi la sogs pa dag kyang zung zhig/ 'di ni de ltar na yang ma yin pas sgra phrad pa'i yul nyid ma yin no// ci ste gal te phrad de sgra 'dzin na// sgra yi dang po gang gis 'dzin// zhes gang smras na/ gal te de'i dbang po ma bzung na de'i tshe nyes pa ci zhig yod ce na/ gang zhig de'i sgra nyid nyams par 'gyur ba 'di ni nyes pa yin no// 'di ltar ta ji srid sgra thos ma gyur pa// de yi bar du smrar mi 'gyur// sgra med pa yang mthar sgra nyid// 'gyur na de ni mI rigaso// gang zhig mi thos pa de ni thos bzhin pa ma yin pa'i phyir dri la so/ gas pa ltar sgra nyid du mi 'gyur ro// ci ste gang zhig gi tshe thos pa de'i tshe sgrar 'gyuraro snyam du sems na/ 'di yang srid pa pa ma yin no// dri la sogs pa phyis sgra nyid du mthong ba ni ma yin te de bzhin du sgra med pa 'di yang phyis sgra nyid du mi rigaso// bcom ldan 'das kyis/ yid du 'ong ba'i sgra gang thos gyur pa// / de ni nam yang nang du zhugs pa med/ de yi 'pho ba rnyed par mi 'gyur mod// rtog pa'i dbang gis sgra ni 'byung bar 'gyur zhes bya ba dang / de bzhin du dper na shing dang rgyud la brten byas la// lag pas rtsol byas pa gsum tshogs na// sgrogs byed pi wang gling bu la sogs pa// de dag las ni sgra yang 'byung bar 'gyur// de nas mkhas pa la las brtag bya ste// de ni gang nas 'ongs la gar song zhes// phyogs dang phyogs mtshams kun tu brtag byas na// sgra yis 'gro ba 'am 'ongs pa mi dmigs so// zhes ji skad du gsungs pa lta bu'o// de ltar re zhig dbang po rnams la yul 'dzin pa'i nus pa med par brjod nas yid la yang yul de 'dzin pa'i nus pa med par brjod pa'i phyir bshad pa// dbang po rnams dang bral sems kyis// song ste 'ang ci zhig byed par 'gyur// gal te sems yul gyi yul du song nas yul yongs su gcod par byed do snyam du rtog na de ni mi rigaso// 'di nas sems 'di dbang po dang lhan cig pa zhig yul gyi yul du 'gro/ bam/ rang bu zhig yin grang na/ de la re zhig dbang po dang bcas pa ni mi 'gro ste/ dbang po de rnams ni rtag tu lus kho na la nye bar gnas pa'i phyir la 'gro ba yin na lus dbang po med pa nyid du thal ba'i phyir ro// ci ste reng bu 'gro na de'i tshe yang // dbang po rnams dang bra sems kyis// song ste'ang ci zhig byed par 'gyur/ mig la sogs pa yang dbang po'i sgo spangs pa de ni gzugs la sogs pa lta ba la sogs pa'i nus pa yod pa ma yin te/ long ba la sogs pa rnams la yang lta ba la sogs pa yod par thal bar 'gyur ba'i phyir ro// ci ste yang ci zhig ltar 'di la yang yul gyi yul du 'gro bas don mi dmigs par rtog na de'i tshe na don rtogs pa mthar thug pa med pa'i phyir mi ldog par 'gyuraro// de ltar yin dang srog 'di ni// rtag tu yid med ci ste min// dus thams cad du bdag sems med pa kho nar 'gyur na/ sems med pa ni bdag nyid du srid par rigs pa yang ma yin te/ ka ba dang bum pa la sogs pa rnams kyang bdag nyid du thal bar 'gyur ba'i phyir ro// / de'i phyir de ltar rigs pas rnam par dpyad pa na dbang po dang yul dang rnam par shes pa rnams la yod pa'i ngo bo med pas rang gi ngo bos grub pa med do// gal te 'di rnams rang gi ngo bos grub par 'gyur na ni de'i tshe 'thad pas rnam par dpyad pa rnams ches gsal ba ji ltar gnas pa'i ngo bosu yod pa nyid du dmigs par 'gyur ni dmigs pa yang ma yin te de'i phyir rang bzhin gyis stong ngo // zhes bya bar grub po// gal te dri rnams la rang bzhin med na 'on gang zhig bye brag rnam par bzhag pa'i rgyu nyid du ston pa de rnas kyi khyad par yongs su gcod par byed pa'i bdag nyid can gyi 'du shes ko ji ltar zhe na/ brjod par bya ste/ dngos po rnams yod na ni de rnams kyi bye brag yongs su gcod pa'i bdag nyid can gyi 'du shes rigs na gang gi tshe dngos po de rnams yod pa ma yin pa nyid du bstan pa de'i tshe de rnams kyi sgo nas 'du shes de rang gi ngo bos grub par ga la 'gyur// gal te yul yongs su gcod pa 'di rnam pa thams cad du med dam zhe na/ med pa ma yin te/ rang bzhin med pa'i dngos po yod pa'i phyiraro// 'di ltarasngar mthong ba yi don gang zhig/ yid kyis smig rgyu ltar 'dzin pa// de ni chos kun rnams bzhag la// 'du shes phung po zhes bya'o// 'di na mig dang gzugs la brten nas mig gi rnam par shes pa skyes nas 'gag pa na dbang po dang yul rnams dang lhan cig 'gag par 'gyuraro// de 'gag na sngar mthong ba'i don gang yin pa de nyid phyis yid kyis 'dzin to// yang ji ltar nye ba ma yin pa la 'dzin pa srid ca na/ smig rgyu ltar zhes bya ba smos te/ smig rgyu la chu bag tsam kyang med mod kyi/ 'on kyang rgyu dang rkyen gyi dbang gis chu'i rnam pa can gyi 'dus shes 'byung ba nyid yin pa de bzhin du smig rgyu la bya ba ltar yod pa ma yin ba'i rang bzhin can gyi dngos po bzung zin pa la gang rnam par shes pa'i skye ba de ni chos thams cad rnam par 'jog pa'i rgyu yin no// chos thams cad rnam par 'jog pa'i rgyu yin no// chos thams cad rnam par 'jog pa'i rgyu nyid yin pa'i phyir na de nyid la 'du shes phung po zhes bsnyad de/ rnam pa de lta bu'i 'du shes kyi khyad par dang mtshungs par ldan pa'i phyir ro// chos thams cad rnam par gzhug pa yid 'du shes kyis dbang gis shes par bya ba'i dngos por rang gi ngo bo'i rgyu can ni ma yin te rang bzhin rnam pa thams cad du mi rung ba'i phyir ro// gal te de lta na ni 'o na 'du shes kyi phung po rang bzhin gyis yod pa yin te de med na ni chos thams cad rnam par bzhag par mi nuso zhes na/ brjod par bya ste/ 'du shes de yang rnam par shes dang mtshungs par ldan pa'i phyir rnam par shes pa de ma rtogs par med la/ rnam par shes pa de yang 'du shes de ma rtogs par ma grub pa'i phyir rang gis ngo bos med do// 'di las kyang yin te/ gang gis phyir/ mig dang gzugs la brten nas yid// sgyu ma bzhin du skye bar 'gyur// gang zhig skye ba'i bya ba'i rten// nyid du 'byung bar 'gyur ba rnam par shes pa de skye ba'i snga rol na ni yod pa ma yin te/ mig la sogs pa'i rkyen rnams kyang rnam par shes pa'i rang gis ngo bo med par skye ba'i bya ba mi 'jug pa'i phyir skye ba mi rigs na/ rnam par shes pa 'di ni skye ba yin no// de'i phyir sgyu ma'i chos nyid las ma gtogs par ci zhig nges par bya bar nus/ bcom ldan 'das kyis/ dge slong dag dper na sgyu ma mkhan sgyu ma mkhan gyi mchan bu zhig gis lam po che'i bzhi mdor sgyu ma'i las rnam pa sna tshogs ston pa 'di lta ste/ glang po'i tshe'i tshogs dang rta'i tshogs dang / shing rta'i tshogs dang / dpung bu chung gi tshogs dang zhes brgya tshur 'byung zhing / de skyes bu mig dang ldan pa zhig lta bar byed pa sems par byed tshul bzhin du yongs su rtog par byed pa na lta zhing sems la tshul bzhin du yongs su rtog pa de la yod pa ma yin par yang snang gsog dang gsob dang snying po yang snang ngo // de ci'i phyir slad du zhe na/ ci sgyu ma byas pa de la snying po lta yod dam/ dge slong dag de bzhin du rnam par shes pa gang ci yang rung bar 'das pa dang ma 'ongs pa dang da ltar byung ba 'am nang gi 'am phyi'i 'am/ rag pa 'am phra ba 'am/ ngan pa 'am gya rlom pa'am thag ring po na yod pa gang yin pa 'am/ nye ba na yod pa gang yin pa de dge slong zhig lta bar byed/ sems par byed tshul bzhin du yongs su rtog par byed pa na lta zhing sems la tshul bzhin du yongs su rtog par byed pa de la yod pa ma yin par yang snang // gsog dang gsob dang snying po med pa dang nas dang 'bras dang / zug rngu dang sdig pa pa dang mi rtag pa dong sdug bsngal ba dang stong pa dang bdag med par yang snang ngo // de ci'i slad du zhe na/ ci rnam par shes pa'i phung po 'di la snying po lha yod dam zhes rgya cher gsungs te/ ji ltar dmigs pa de ltar rnam par dpyad pa la rang gi ngo bo med pa'i phyir rnam par shes pa sgyu ma'i na chung dang 'dra'o zhes bya bar nges par nus so// de'i phyir mig dang gzugs la brten nas yid// sgyu ma bzhin du skye bar 'gyur// zhes bya ba 'di legs par gsungs pa yin no// yang gal te 'di'i rang gi ngo bo zhig tu 'gyur na ni de'i tshe rang gis ngo bos/ gang la yod pa nyid yod de/ sgyu ma zhes byar mi rigs so// sngar bzhin gyis mi stong zhing yod par 'gyur ba'i bud med ni 'jig rten na sgyu ma zhes bya bar mi rigs te/ de bzhin du rnam par shes pa yang rang gis ngo bos yod pas sgyu ma lta bur mi 'gyur na/ rnam par shes pa sgyu ma lta bur bstan pa yang yin no// de'i phyir rnam par shes pa rang bzhin med do// gang gi tshe rnam par shes pa rang bzhin med pa de'i tshe rang bzhin med pa'i rnam par shes pa dang mtshungs par ldan pa'i 'du shes kyang rang bzhin med do// zhes bya bar gnas so// bcom ldan 'das kyis/ rab rdzogs shes pa don can gyis// 'dzin la 'du shes nges par bstan// 'du shes de yang 'dzin med de// rnam par dben pa'i don gyi bstan// rnam dben grung nga 'du shes te// rnam dben gang de bstan pa yin// de ltar don de bsam byas nas// des na 'du shes 'byung mi 'gyur// 'du shes 'di yang spang snyam du// gang la 'du shes 'byung ba ni// 'du shes spros la spyod 'gyur gyi// 'du shes las ni grol mi 'gyur// 'du shes 'di ko ga la 'byung // gang zhig gis ni 'du shes bkag/ gang la 'du shes 'byung 'gyur ba'i// chos ni sangs rgyas kyis ma brnyed// de ltar don de bsam byas na// de nas 'du shes 'byung mi 'gyur// zhes gsung so// 'dir smras pa/ ci nus kyang dbang po rnams yul 'dzin pa mi srid la// mig dang gzugs la brten nas mig gi rnam par shes pa yang skye'o zhes bya ba 'di ni ngo mtshar ba zhig go// brjod par bya ste/ ci 'di kho na ngo mtshar gyis gang 'gags pa dang 'gag bzhin ba'i sa bin las myu gu 'byung bar mi rigs lha// sa bon la brten nas m+b+ha gu skye bo yang yin pa dang / de bzhin du rgyas shing bstsags pa'i ltas las 'gags nas yun shin tu ring por lon pA la 'gar yang gnas pa med mod kyi'o kyang 'gags nas briskal bi sums mchod ba'i las las kyang 'bras bu dngos su 'byung ba dang thum pa la sogs po rnams rang gi rgya las de nyid dang gzhan du rnam pa lngar dbyung ba na yod pa ma yin mod/ de ltar na yang brten nas brtags pas sbrang rtsi dang chu dang 'o ma 'dzin pa dang 'chu ba la sogs par bya ba la rung bar 'gyur ba 'di ci ngo mi 'char ba zhig gam/ de'i phyir da ltar na/ gang cha mkhas wa stang na// ngo mtshar can min cang med ba/ de'i tshe dbang rtogs de 'dra la// ya mtshan zhes bya ci zhig yod// 'bras bu ni rang gi rgyu'i rjes su byed par mthong ste/ dbyar na ba lang las ba lang dang / rta las rta dang / sA lu las sA lu zhes bya ba la sogs pa dang lta bu yin na/ 'byung ba rnams dang gzugs dang sgra la sogs pa rnams la ni tshul 'di mi rigaso// 'di lta 'byung ba chen po dag ni lus kyi dbang pos bzung bar bya ba yin zhing mnyan par bya ba ma yin la/ de dag las gzugs las mig gis gzung bar bya ba dang / mnyan pa bya ba sgra 'byung ba zhes bya ba 'di ni mchog tu ngo mtshar ba zhig go// de bzhin du sna la sogs pa'i yul dang mig la sogs pa dag la yang sbyar bar bya'o// yang na dbang po rnams kyis don rtogs pa ni 'di ni ya mtshan gyi rgyu ma yin no// gal te ngo mtshar 'di dbang po rnams kyi don dam pa 'ba' zhig kho na 'gyur na nI/ de'i 'tshe 'di ya mtshan pa'i gnas su 'gyur na/ gang gis tshe ji skad bshad pa'i tshul gyis mkhas pa rnaMs la grol thams cad mig 'phrul ltar ya mtshan gyi rgyu yin pa de'i tshe 'di ngo mtshar ba ma yino// srid par mi 'os pa cung zad cig phyogs 'gar gnas par dmigs pa ni ya mtshan du byed par 'gyur gyi/ thams cad du mtshungs med pa'i ngo bo ni ma yin te/ me'i tsha ba yang ya mtshan gyi rgyu yin pa'i phyir ro// gang gi phyir de ltar rang gi ngo bos ma nges pas rkyen ji lta ba de lta de ltar rnam par 'gyur ba'i phyir mkhas pa rnams la/ 'gal me'i 'khor lo sprul pa dang / rmi lam sgyu ma chu zla dang / khu rna nang gi brag cha dang // smig rgyu sprin dang srid pa mtshungs// ji ltar me dang bcas pa'i yog pa myur du bskor ba'i 'gros de mthong ba phyin ci log gis rgyu yin pa'i phyir 'khor lo'i rnam par dmigs par 'gyur mod kyi/ de la 'khor lo rang gi ngo bo bag tsam yang yod pa ma yin pa dang / ji ltar sprul pa'i ting nge 'dzin gyis rkyen las byung ba'i bud med dag yod par 'gyur ba'i bud med rnams ltar 'dod chags can rnams la kun nas nyon mongs pa'i rgyur 'gyur zhing / thub pa rnams kyis sprul pa'i ting nge 'dzin gyis stobs kyi sprul pa'i thub pa'i rang gi ngo bo med cing yod par gyur pa'i rang bzhin dang bral ba rnams badren par gyur pa'i thub pa dag ltar skye bo ma lus pa'i yid kyi mun pa 'joms pa na sems can rnams kyi mtho ris dang byang grol gyi lam gyi rgyur 'gyur la/ de rnams sems dang sems las byung ba dang bral bas bden par gyur pa ma yin pa dang / ji ltar sad pa'i bdag gis dngos po ltar gnyid dang mtshungs par ldan pa'i rnam par shes pa dang ldan pa'i bdag gis dngos po'i rkyen can rmi lam gyi bdag gis dngos po bdag la chags pa phyin ci log gi rgyu yin la/ sad pas de ltar mthong ba med pas de bden par gyur pa yang ma yin pa dang / ji ltar sgyu ma mkhan gyi 'khrul 'khor gyi rgyu can sgyu mar byas pa'i na chung rnams bden par gyur pa'i na chung gis stong bzhin du de'i rang bzhin rnam par mi shos pa rnams gyi sems rmongs pa lhur byed par 'gyur ba dang / ji ltar badren par gyur pa'i zla bas/ stong pa'i chu'i zla ba rten cing 'brel par 'byung ba'i stobs kyi de ltar 'byung ba na byis pa rnams la zla bar phyin ci log pa'i rgyur 'gyur ba dang / ji ltar yul dang dus dang rgyu mtshan rnam pa de lta bu dag la brten cing 'brel par 'byung ba'i stobs nyid las khug rna byung ba rgyang ring po na gnas pa rnams la bden par 'gyur ba'i du bar phyin ci log pa'i rgyur 'gyur ba dang / ji ltar ri'i tshang tshing dang / ri khrod kyi sul dang / rlung gi zab rnams kyis nang gi brag chas skye bo rnams laM yod par gyur pa'i sgrar mngon par rlom pa spyad par byed pa dang / ji ltar yul dang dus kyis khyad par du nye bar lhags pa'i nyi ma'i 'od zer gyi rten can gyi smig rgyu chu'i rang gi ngo bos dben bzhin du thag ring ba rnams la tshur phyin ci log skyed par byed pa dang / yang ji ltar sprin rnams thag ring po nas ri la sogs pa'i rnam par phyin ci log nye bar skyed par byed pa de bzhin du mkhas pa ji lta ba bzhin brten cing 'brel par 'byung ba'i rang bzhin la bzo ba rnams la ma rigs pa'i phyin ci log gis 'phangs pa las kyi rkyen can gyis 'khor ba rnam par shes pa la sogs pa'i skye ba phyi rol gyis snod dang bcas par skye bzhin pa 'gal me'i 'khor lo la sogs pa ltar/ brdzun pa bslu ba'i chos can yin dang rang bzhin gyis stong par gyur du zin kyang byis pa'i skye bo rnams 'drid par snang bar 'gyur te dngos po'i rang bzhin shes pa rnams thams cad du chags pa zad pas rnam par grol ba la brtson par 'gyur bas 'khor ba 'gal mo'o 'khor lo la sogs pa ltar rang bzhin med do zhes bya ba 'di mi g.yo bar gnas so// ji skad du/ ji ltar mig ni 'khrul pa yis// 'gal me 'khor lo 'dzin byed pa// de bzhin dbang po rnams kyis ni// da lta'i yul dag 'dzin par byed// ces bya ba/ dang / bden pa'i dge slong dngos bral dge slong gnyis shig gis// dkon mchog brtsegs pa las thub pa yongs su mya ngan las 'das par// thub dbang zla ba'i dam pa'i chos kyi nyi ma'i 'od zer gyis// dge slong brgya phrag lnga de dag gi gti mug mun pa bsal// de bzhin du/ ji ltar bu mo gzhon nu'i rmi lam na// bu pho thung zhing shi ba des mthong nas// byung nas dga' shing shi nas mi dga' ltar// chos rnams thams cad de bzhin shes par gyis// sgyu ma byed pa dag gis gzugs sprul te// rta dang glang po shing rta sna tshogs byaste// de la ji ltar snang ba gang yang med// chos rnams thams cad de bzhin shes par gyis// ji ltar na mkha' dang bar zla shar ba// de yi gzugs brlan dang ba'i mtshor snang ste// zla ba chu yi nang du 'phos pa med// chos kun mtshan nyid de 'drar shes par gyis// brag phug ri rdzong chu klung ngogs dag tu// de dag la brten brag cha 'byung ji ltar// de bzhin 'dus byas 'di kun shes par gyis// 'gro ba thams cad sgyu ma smig rgyu mtshungs// ji ltar sos ka'i nyi ma phyed dus na// skyes bu sgom pas gdungs shing 'gro yis// smig rgyu dag la chu yi phung por mthong // chos rnams thams cad de bzhin shes par gyis// smig rgyu la yang chu ni yongs med na// sems can rmongs pa de la 'thung 'dod de// mi bden chu ni btung bar yod mi nus// chos rnams thams cad de bzhin shes par gyis// ji ltar bar snang cung zad sprin med par// skad cig tu ni sprin gyi dkyil 'khor snang // thog mar gang nas byung bar shes par bya// de bzhin chos rnams thams cad shes par gyis// ji ltar smig rgyu dri za'i grong khyer dang // sgyu ma ji bzhin rmi lam ji lta bur// mtshan ma bsgom pa ngo bo nyid kyi stong // chos rnams thams cad de bzhin shes par gyis/ shes bya ba la sogs pa gsungaso// slob dpon 'phags pa lha'i zhal snga nas kyis byang chub sems dpa'i rnal 'byor spyod pa bzhi brgya pa las/ dbang po dang don dgag pa sgom pa bstan pa zhes bya ba/ rab tu byed pa bcu gsum pa'i 'grel pa'o// / 'dir sprus lags te rten cing 'brel par 'byung ba'i phyir srid pa 'gal me'i 'khor lho dang sprul pa dang rmi lam la sogs pa ltar rang bzhin med na 'o na de gang zhig rang bzhin du 'gyur/ zhe na/ dngos po 'ga' la yang rang bzhin brtag par mi nus te/ rnam pa de lta bu'i dngos po rnam pa thams cad du mi dmigs pa'i phyir// 'di ltar/ dngos po gang zhig gzhan 'ga' la'ang // rag pa las pa zhig mi 'gyur na/ de yis bdag nyid 'grub 'gyur na// de ni gang la'ang yod ma yon// gal te dngos po 'ga' zhig 'grub pa la 'ga' yang cung zad cig rag par gnas pa nyid du mi 'gyur na de'i tshe rang dbang pa gzhan la rag las pa de rang nyid kyis rnam par gnas pa'i phyir rang bzhin gyis yod pa nyid du brtags par rigs na gang zhig rgyu dang rkyen la rag las te skye ba'i dngos po gzhan lba ba nyid du mi 'gyur ba 'am/ rgyu med pa'i dngos po 'ga' zhig 'byung ba 'di ni srid pa yang ma yin no// gang gis phyir de ltar rgyu med par thal bar 'gyur bsu 'gra' zhig tu dngos po 'ga'i rin rang gis ngo bo med pa de'i phyir 'ga' la yang rang bzhin med la/ rang bzhin med pas kyang mgal me'i 'khor lo la sogs pa ltar rang bzhin gyis grub pa med do zhes bya bar gnas s+ho// gal te dngos po 'di dag mgral me'i 'khor lo dang sprul pa la sogs pa lhor bslu b+hA raM dngos po med par mi 'gyur na ni de'i tshe nges par 'thad pas rnam par dpyad pa na sa le sbram la sogs pa ltar rang gi ngo bo ches gsal bar dmigs par 'gyur na/ de dag ni phyin ci log tsam gyi rgyu can yin pas rnam par dpyod po'i mes bsregs pas na rang gi ngo bos med par ni mi 'gyur ba ma yino// dngos po ni 'thad pa dang bral ba ma yin te/ de rnam pa thams cad du mi bslu ba nyid yin pa'i phyir ro// de nyid kyis phyir slob dpon gyis dngos po la mngon par zhen pa lhong par bya ba'i phyir 'di man chad du ji lta bum pa la sogs pa rnams la rang gi ngo bo mi srid pa de ltar 'thud pa bshad pa/ gzugs nyid bum zhes gcig ma yon// gzugs ldan bum gzhan yod mon la// bum pa la gzugs yod min zhing // gzugs la bum pa yod ma yin// 'di na bum pa zhes bya ba'i dngos po 'ga' zhig yod par 'gyur na nI// de lta ba'i dbang po'i bzung bar bya ba yin pas tha dad pa 'am mi dad pa zhig tu rtog grang na/ de la re zhig/ gzugs nyid bum zhes gcig ma yin// gzugs gang yin pa de nyid bum pa'o zhes gzugs dang bum pa gcig pa ni mi srid do// gal te ga zugs dang bum pa gnyis gcig tu 'gyur na ni de'i tshe gang dang gang na gzugs yod pa de dang de na bum pa'o zhes gzugs thams cad la bum pa yod pa nyid du 'gyur zhing / so btang ba las skyes pa'i yon tan 'byung bas gzugs 'dzag pa'i tshe bum pa 'jig par 'gyur na/ 'di ni srid pa yang ma yin pas gzugs nyid bum pa'o zhes gcig pa yod pa ma yin no// ci ste nyes pa 'di spang bar 'dod nas dper na lhas spyan don gzhan du gyur pa'i ba lang dag dang ldan pa ltar gzugs las gzhan pa'i bum pa zhig gzugs dang ldan par yongs su rtog na/ 'di yang mi rigs te/ 'di ltaragazugs ldan bum gzhan yod min la/ gal te bum pa gzugs las gzhan du 'gyur na ni de gzugs las mi rtog par gzung du yod par 'gyur ro// ba lang dag las tha dad pa'i lhas sbyin ni ba lang las tha dad par mi 'dzin pa ma yin te/ de bzhin du bum pa yang gzugs la ma ltos par gzung du yod par 'gyur nas 'dzin pa yang ma yin no// de'i phyir gzugs las tha dad pa'i bum pa med do// gang gis tshe med pa de'i tshe yod pa ma yin pa ji ltar de dang ldan pa nyid du 'dzin// mo gsham gyi bu yod pa ma yin pa ni ba lang dang ldan no zhes bya bar mi bsnyad do// de bzhin du bum pa gzugs dang ldan no zhes bya bar yang mi rung ngo // gzhan nyid mi srid pa nyid kyi phyir gzugs dang bum pa gnyis rten dang brten pa'i rtog pa nyid kyis grub pa yang med pas/ bum pa la gzugs yod min zhing // gzugs la bum pa yod ma yin// gzugs dang bum pa gnyis gzhan yin na ni 'khar gzhong dang zho ltar bum pa la gzugs zhes bya bar 'gyur zhing / re lde la lhas sbyin ltar gzugs la bum pa zhes bya bar yang 'gyur na/ 'di ni srid pa yang ma yin no// de'i phyir bum pa rang bzhin gyis med do// gang zhig rang bzhin gyis med la dmigs pa yang yin pa de ni 'gal me'i 'khor lo ltar rang bzhin gyis stong pa yin no// gzhan yang ji ltar bdag byed pa po dang nye bar len pa las gcig nyid du thal ba'i phyir dang / phung po bzhin skye ba dang 'jig pa la brten pa nyid du thal bar 'gyur ba'i phyir phung po bdag ma yin pa de bzhin du gzugs kyang bum pa ma yin te/ nye bar len pa dang nye bar len pa po dag gcig tu nyid du thal bar 'gyur ba'i phyir dang / nye bar len pa mang bas bum pa mang po nyid du thal ba'i phyir dang / ji ltar so sor 'dzin par thal ba byar dang / rgyu med pa nyid du thal bar 'gyur ba'i phyir bdag med pa phung po dag las gzhan du mi 'gyur ba de bzhin du bum pa yang gzugs las tha dad par mi 'gyur te/ so sor 'dzin par thal ba'i phyir dang / rgyu med pa nyid du thal bar 'gyur ba'i phyir ro// yang ji ltar phung po dag las de nyid dang gzhan nyid du rtog pa med pas bdag phung po dang ldan no// zhes bya bar bsnyad pa ma yin pa de bzhin du bum pa gzugs dang ldan no zhes bya bar yang mi srid do// gzugs dang bum pa dag de nyid dang gzhan nyid du rtog pa med pa'i phyiraro// ji ltar phung po dag las de nyid dang gzhan nyid du rtog pa med pas bdag la phung po dag dang phung po dag la bdag go zhes bya ba rnam pa gnyi ga yang mi rig pa de bzhin du bum pa la gzugs dang / gzugs la bum pa zhes bya ba'i rtog pa gnyis kyang mi 'thad do// yang ji ltar gzugs la bltos nas bum pa la rtog pa gzhi mi srid pa de bzhin du brtags pa'i rgyu thams cad la bltos pa'i gzhi yang mi srid pas bum pa rang gis ngo bos grub pa med do// ji ltar bum pa rang bzhin gyis yod pa ma yin pa de bzhin du dngos po thams cad kyang btsal ba na rang bzhin gyis yod pa ma yin pas srid pa mgal me'i 'khor lo dang sprul pa la sogs pa dang 'dra ba nyid du 'gyuro// 'dir kha cig dag na re gzugs dang bum pa dag la gzhan nyid mi srid mod kyi/ de lta na yang dngos po dang bum pa gnyis la gzhan nyid yod do// gang gis phyir kho bo cag gis ltar na ni bum pa yang gzhan nyid yin la yod pa yang gzhan nyid yin no// yod pa zhes bya ba ni spyi chen po yin la bum pa ni khyad par gyis rdzas yin te/ de ni yod pa dang 'brel pa las yod do// zhes bya bar bsnyad do zhes zer ro/ de dag la brjod par bya ste/ gnyis mtshan mI mthun mthong nas ni// gal te dngos lus bum gzhan na// ma yin de ltar dngos po'ang // bum pa las gzhan cis mi 'gyur// gal te bum pa la sogs pa'i rdzas rnams la rjes su 'jug pa'i mtshan nyid can yin pa'i phyir dngos po ni spyi yin la/ bum pa ni ldog pa'i mtshan nyid can yin pa'i phyir khyad par gyis mtshan nyid ces dngos po dang bum pa de gnyis kyis mtshan nyid mi mthun pa mthong nas dngos po las bum pa gzhan du 'gyur na ni de kho na ltar mtshan nyid mi mthun pa las dngos po yang bum pa las gzhan du ci'i phyir mi 'gyur/ de'i phyir mtshan nyid mi mthun pa kho na las gzhan gyi blo dang sgra 'jug pa grub pas gzhan gyis blo dang sgra'i rgyu mtshan rjes su 'jug pa'i mtshan nyid can nyid gzhan brtags par mi bya ba zhig na/ gzhan nyid gzhan rtog pa yang yin pa dang / 'o na dngos po dang bum pa dag la mtshan nyid mi mthun pa la bltos pa'i gzhan nyid yod pa ma yin no// de'i phyir gnyis mtshan mi mthun mthong na ni// dngos las bum gzhan zhes bya ba de ma yin no// ji ltar dngos po rjes su 'jug pa'i mtshan nyid can yin pa'i phyir bum pa las gzhan yin pa de bzhin du gzhan nyid kyang rjes su 'jug pa'i mtshan nyid can yin pa'i phyir bum pa las gzhan du 'gyur la/ gzhan nyid la gzhan gyis blo dang sgra 'jug pa'i rgyu mtshan gzhan nyid gzhan yod par yang mi 'gyur// gal te 'gyur na ni gzhan nyid rnams la mthar thug pa med pa'i skyon du 'gyuraro// ci ste gzhan nyid med pa kho nar gzhan nyid la gzhan gyi blor 'gyur na ni de kho na ltar gzhan la yang srid par 'gyur bar gyis shig/ de'i phyir cung zad kyang mi byed pa'i gzhan nyid yongs su brtags pas ci zhig bya/ gzhan nyid med na yang 'ga' la yang gang las kyang gzhan nyid med do zhes bya bar grub po// gzhan yang 'di bsam par bya ste/ yod pa nyid ci 'dra ba zhig gzhan nyid dang ldan par 'gyur/ ci gzhan du gyur pa zhig gam 'on te gzhan ma yin par gyur pa zhig/ yin grang / gal te gzhan du gyur pa zhig yin ni/ de'i tshe gzhan nyid dang ldan pa'i don med do// 'on te gzhan ma yin par gyur pa yin na de lta na yang 'gal ba gzhan ma yin pa nyid dang ldan pas gzhan nyid dang ldan par mi 'gyur ro// gzhan nyid med pas na bum pa las dngos po gzhan yin no zhes bya ba mi rung ngo // 'jig rten na ni phyin ci log tshad mar byas te yod pa'i blo dang sgra 'jug pa'i rgyu mtshan yin pas bum pa'i rang gi ngo bo kho na dngos po zhes bya ba 'jog gi/ gzugs las rnam pa bzhir dpyad pa na de la rang gi bzhin yod pa ma yin pas de kho na nyid rig pa la bltos nas bum pa 'gal me'i 'khor lo la sogs pa bzhin rang bzhin gyis stong ngo // zhes bya bar grub po// 'dir smras pa/ bum pa ni yod pa nyid de yon tan gyi rten yin pa'i phyir ro// yod pa ma yin pa ni yon tan gyis rten du ma mthong na/ bum pa gcig bum pa gnyis shes bum pa yon tan gyi rten du 'gyur ba yang yin no// gcig nyid la sogs pa rnams ni yon tan gyis tshig gi don gyis bsdus la bum pa ni rdzas yin zhing / yon tan rnams rdzas la brten pa nyid kyang srid pa yin no de'i phyir yon tan gyis rten yin pa'i phyir bum pa yod pa kho na'o// 'di la brjod par bya ste/ khyod kyi lugs kyis/ gal te gcig bu ma mi 'dod na// bum pa 'ang gcig tu mi 'gyur ro// gal te tshig gi don tha dad pas gcig bum par mi 'gyur ro// snyam du sems na/ 'o na ni bum pa yang gcig tu mi 'gyur ro// ji ltar gcig nyid de gcig gis grangs bum par mi 'gyur ba de bzhin du rdzas nyid kyis gcig gi grangs las gzhan du 'gyur ba'i phyir bum pa yang gcig tu mi 'gyur te/ gnyis nyid la sogs pa bzhin no snyam du dgongs so// gzhan yang bum pa'i rang bzhin gcig la gcig gis grangs rtog gam/ rang bzhin du ma la yin grang gal te rang bzhin gcig la yin na ni de'i tshe gcig rtog pa don med do// 'on te rang bzhin du ma la yin na ni de'i tshe yang 'gal ba'i phyir mi rigs pa nyid do// de'i phyir 'jig rten na don gzhan mi nye ba'i bum pa'i rang gi ngo bo kho na la gcig tu rtogs par shes par bya'o// ci ste yon tan rnams rdzas la brten pas bum pa kho na gcig tu 'gyur gyi gcig nyid ni bum par mi 'gyur zhe na/ 'di la brjod par bya ste/ ldan ni mtshungs pa'ang ma yin la// des kyang gcig tu mi 'gyuraro// ldan pa zhes bya ba ni mtshungs pa dag kho na la 'gyur gyi mi mtshungs pa dag la ni ma yin te/ dper na ldan pa gnyis la gnas pas spyan gnyi ka la yang spun zla nyid dang 'brel pa yin gyi gang yang rung ba ni ma yin pa bzhin no// gcig dang bum pa gnyis ni mtshungs pa ma yin te/ bum pa kho na gcig nyid dang ldan pa'i phyir la gcig nyid bum pa dang mi ldan pa'i phyir te/ yon tan rnams la ni rdzas la brten pa'o zhes khas blangs pa'i phyir ro// de la gang gis phyir gcig ni yon tan du mthong la bum pa ni rdzas yin zhing rdzas dang yon tan gnyis kyang mtshungs par mi 'gyur ba de'i phyir de gnyis ldan pa nyid du mi 'gyuraro// ldan pa med pas kyang gang gcig nyid ldan pa las bum pa kho na gcig tu 'gyuraro// zhes bya ba de yang ma yin no// gal te 'dir ldan pa mthong na ni de'i tshe bum pa yang gcig dang ldan par 'gyur la gcig kyang bum pa dang ldan par 'gyur na/ de ni de ltar srid pa yang me yin pas de gnyis kyi ldan pa nyid mi 'thang ngo // ldan pa med pas kyang gcig bum par mi 'gyur bas bum pa yang gcig ma yin no// de'i phyir 'dir phyed snga mas ni ldan pa khas blangs nas sun 'byin pa bshad la/ phyed phyi mas ni ldan pa mi srid pa'i sgo nas sun 'byin par bshad do// kyang gis sgra ni sun 'byin pa'i rgyu bsdu ba'i don du blta bar bya'o// gzhan yang pha rol po'i gzhung lugs la/ gang yon tan rnams rdzas la brten par rnam par 'jog cing khyad par gyi yon tan rnams yon tan la brten par ni ma yin pa ches mi rigs pa 'di snang na/ yon tan rnams kyang yon la brten pa nyid du rigs pa yang yin no// 'di na bum pa bong tshad ci tsam yin pa de tsam kho nar de'i rten can gyi gzugs kyang 'gyur dgos so// de'i phyir rdzas ltar gzugs kyang chen po nyid du 'gyuraro// gang tshe rdzas ci tsam gzugs na// de tshe gzugs chen ci ste min// gang gi tshe rdzas ci tsam ste rdzas kyi chu zheng gis bdag nyid can gyi dbyibs ji tsam yin pa de tsam gzugs te gzugs kyi chu zheng gis bdag nyid can gyi dbyibs yin no zhes gzhan gyis khas blangs pa de'i tshe nges pa phra ba dang che ba'i rdzas de la gzugs kyang phra ba dang che ba nyid du 'gyur dgos so// de'i phyir gang rdzas bzhin du gzugs la phra ba dang chen po nyid dag mi 'dod pa 'di la rgyu ci zhig yod/ ci ste gzugs ni yon tan yin zhing phra ba nyid dang chen po nyid kyang yon tan kho na yin la yon tan yon tan gyis dbyib su yang mi 'gyur ba zhes bya ba 'di ni kho bo cag gis gzhung lugs yin te de'i phyir rdzas ci tsam yin pa de tsam kho nar gzugs kyang yin mod kyi de ltar na yang grub pa'i mtha' dang 'gal ba'i 'jigs pas gzugs la phra ba nyid dang chen po nyid dag yod pa ma yin no snyam na/ brjod par bya ste/ gal te phyir rgol gzhan min na/ gzhung lugs bsnyad par bya bar 'gyur// gal te phyir rgol khyad rang gi sde mtshan nyid du 'gyur na ni de'i de la gnod par nus pas de bzlog par bya ba'i phyir de la grub pa'i mtha' dang 'gal bar brjod par rigs na/ gang gi tshe pha rol po phyir rgol ba yin na ni de la grub pa'i mtha' dang 'gal ba brjod pa ci yang mi byed pa zhig ste/ de grub pa'i mtha' de sel bar zhugs pa'i phyir ro// de la rigs pa dang 'jig rten dang 'gal ba brjod pa ni rigs te/ de'i sgo nas de bzlog par nus pa'i phyir ro// de'i phyir lung dang 'gal ba brjod pa gang yin pa 'di ni/ lan ma yin pa nyid pas nyes pa de nyid ma g.yos pa yin no// de'i phyir dngos po dang bum pa gnyis gzhan nyid med do// de'i phyir 'dir yod pa gzhan nyid bkag pas de las gzhan bum pa nyid la sogs pa spyi dang bye brag rnams dgag par yang shes par bya ste/ spyi'i yon tan rnams ni grangs dang 'dral bye brag gis yon tan rnams ni grangs dang 'dral bye brag gi yon tan rnams ni chen po nyid dang 'dra'o// 'dir smras pa/ bum pa la sogs pa dag las dngos po gzhan nyid yin pa dgag pa ni bshad na/ bum pa'i rang bzhin ni ma bkag pas dngos po bum pa zhes bya ba rang gis ngo bos yod pa kho na'o// brjod par bya ste mtshan nyid kyis kyang mtshan gzhi ni// gang du grub pa yod min pa// der ni grangs sogs tha dad par// dngos po yod pa ma yin no// 'dir bum pa dang yod pa dag la ldog pa dang rje su 'jug pa'i mtshan nyid smra ba na/ pha rol pos bum pa la ldog pa'i mtshan nyid rnam par bzhag ste/ de'i phyir mtshan nyid 'dis kyang mtshan nyid gzhi grub pa med do// gang zhig mtshan gzhi nyid du grub par 'gyur ba ldog pa tsam gyis ni dngos po rnams kyis dngos po yi rang gi ngo bo nges par mi nuso// re zhig gcig ni yon tan rnams yin pa'i phyir bum par mi 'gyur la/ phra ba dang chen po zhes bya ba dang / gzugs la sogs pa rnams kyang yon tan yin pa'i phyir bum pa zhes bya bar mi 'gyuraro// yod pa yang rdzas dang yon tan dang las rnams kyi spyi yin pa'i phyir bum par mi 'gyur ro// de'i phyir 'odi grangs dang phra ba dang chen po dang gzugs la sogs pa rnams las ldog pa na rang bzhin 'di 'dra ba zhig go zhes bya bar rnam par bzhag par mi nus so// de'i phyir de ltar rgol ba gzhan gyis phyogs gang du mtshan nyid kyis kyang mtshan gzhi'i bum pa'i rang gis ngo bos grub pa yod pa ma yin pa'i phyogs der dngos po bum pa zhes bya ba'i grangs la sogs pa las tha dad par rang gi ngo bo yod pa ma yin no// de'i phyir bus pa rang bzhin gyis stong ngo zhes bya bar grub bo// rnam pa gcig tu na grangs dang gzugs la sogs pa dag ni bum pa'i mtshan nyid yin la bum pa ni de dag gis mtshon par bya ba yin pas mtshan gzhi yin te/ de la ni mtshan nyid kyis kyang rang gi ngo bo logs su grub pa yod pa ma yin te/ grangs la sogs pa las tha dad par de'i rang gi ngo bo ma dmigs pa'i phyir ro// gal te mtshan gzhi de rang gi ngo bor rnyed na ni de'i tshe nges par 'di ni rang gi ngo bos grangs la sogs pa las tha dad pa de yin la/ yang 'di ni de'i mtshan nyid grangs la sogs pa las tha dad pang gzung du yod par 'gyur na/ 'di ni de ltar yang ma yin no// de'i phyir te mtshan nyid kyis kyang mtshan gzhi ni// gang du grub pa yod min pa// de ni grangs sogs tha dad par// dngos po yod pa ma yin no// de'i phyir bum pa rang gi ngo bos med do// re zhig mtshan nyid dang mtshan gzhi ngas gzhan nyid yin dang dgag pa bshad zin to// gang dag gi bum pa gzugs la sogs pa rnams dang gcig pa grub pa'i mtha' yin pa de dgas pa'i phyir 'di brjod par / ste/ mtshan nyid rnams dang so so ni// min phyir bum pa gcig ma yin// re Ter bum pa med na ni// mang nyid 'thad par mi 'gyur ro// gang dag gzugs la sogs pa rnams ni mtshan nyid sna tshogs pa yin zhing de rnams dang bum so so ma yin pa nyid du 'dod pa de dag gis ltar na/ bum pa mtshan nyid gzugs la sogs pa rnams dang so so ma yin pa'i phyir gcig tu mi 'thad pa de mang po rnams dang gzhan ma yin pa'i phyir// gal te bum pa gcig tu mi 'gyur 'o na mang po nyid du 'gyur ro snyam du 'dod na 'di la brjod par bya ste/ gang gis phyir gzugs la sogs pa rnams las re re lo bum pa med pa mthong ba de'i phyir mang po nyid kyang yod pa ma yin no// 'dir smras pa/ gal te gzugs la sngogs pa mtshan nyid rnams dang so so ma yin pa'i phyir bum pa la gcig med na/ de rnams phan tshun sbyor ba las bum pa gcig tu 'gyur ro// 'di la brjod par bya ste/ reg ldan reg dang mi ldan dang // lhan cig sbyor ba zhes bya med// de phyir gzugs sogs rnams sbyor ba/ rnam pa kun tu'ang rigs ma yin// de la reg pas na reg pa ste lus kyi dbang po'i gzung bar bya ba nyid do// de 'di la yod pas na reg ldan no// lus kyi dbang po'i gzung bar bya ba yin pa'i phyir reg bya kho na reg ldan yin te/ reg bya reg pa dang ldan pa de gzugs dang dri dang ro dang reg pa dang mi ldan pa rnams dang sbyor ba ste/ phrad cing reg pa mi srid de dper na na mkha' dang bum pa bzhin no// gang gi phyir 'di de ltar yin pa de'i phyir gzugs la sogs pa rnams kyi sbyor ba rnam pa thams cad du mi srid do// gang gis tshe de ltar yin pa de'i tshe gzugs la sogs pa rnams kyi khyad par phan tshun phrad pas byas pa las tshegs pa'i rgyu can bum pa yin no// zhes bya ba gang smras pa de mi rigs so// ci ste phan tshun reg pa med par yang de rnams kyi tshegs pa nyid du bum pa zhes bya bar 'gyur zhe na/ de yang yod pa ma yin te/ 'di ltar/ gzugs ni bum pa'i yan lag ste// des na re zhig de bum min// gang phyir yan lag can med pa// des na yan lag kyang yod min// gzugs la sogs pa'i tshogs pa'i ngo bo can bum pa'i gzugs la sogs pa rnams ni re re zhing yan lag tu gyur pa'i phyir bum pa'i brjod pa la brten bar mi 'gyur ro// bum pa ni yan lag can yin la gzugs la sogs pa rnams ni yan lag yin no// re zhig gzugs ni yan lag yin pa'i phyir bum pa ma yin no// gzugs ji ltar yin pa de bzhin du dri la sogs ba dag la yang brjod par bya'o// gal te 'o na ni gzugs yan lag yin pa'i phyir yan lag can zhes bya ba de 'ga' zhig yod pa ma yin nam/ yan lag can la mi bltos pa'i yan lag dag ni mi rigaso zhe na/ bshad par bya ste/ 'dir gzugs la sogs pa re re la bum pa nyid de na yan lag can 'ga' zhig lta gra la yod/ yan lag can zhes bya ba gzugs la sogs pa tha dad par yongs su bcad par nus pa ma yin la/ rang gis ngo bo yongs su ma bcad pa ni yod pa nyid du bzhag par nus pa yang ma yin pas yan lag can med do// gang gis phyir yan lag can med pa'i phyir gzugs yan lag tu yang mi srid pas yan lag dang yan lag can gnyis med pa nyid do// 'di las kyang / gzugs la sogs pa tshogs pa bum pa yin te/ gang gis phyir/ gzugs rnams kun la'ang gzugs nyid ni// mtshan nyid mi mthun ma yin na// gcig la bum pa yod 'gyur zhing // gzhan dag la myin rgyu ci zhig/ gzugs rnams kun la'ang zhes bya ba ni gzugs kyi phung pos bsdus pa yin pa'i phyir gzugs dang dri la sogs pa rnams la gzugs zhes bya'o// gzugs de rnams bum pa ltar snam bu la sogs pa dag la yang yod la/ de rnams bum pa la sogs pa tha dad kyang rang gi mtshan nyid la 'khrul pa yang ma yin te/ thams cad du ngo bo mtshungs pa'i phyir// de la ji ltar gzugs gcig bum pa nyid du gnas pa de bzhin du snam bu la sogs pa dang 'brel pa'i gzugs gzhan yang bum pa nyid du gnas par ci'i phyir mi 'dod/ de yang bum pa nyid du gnas par ni mi rigs te/ mtshan nyid tha mi dad pa'i phyir bum pa nyid du gnas pa'i gzugs la sogs pa bzhin no// de ltar khas mi len pa ni rgyu nyid yod pa ma yin te/ de'i phyir bum pa thams cad bum pa nyid kho nar 'gyur ba 'am/ yang na bum pa yang bum pa ma yin pa nyid du 'gyuraro// ji ltar bum pa la sogs pa rnams tha mi dad par thal bar 'gyur ba de bzhin du gzugs dang dri la sogs pa rnams kyang mi dad par thal bar 'gyur te/ bum pa gcig las gcig gzhan ma yin pa'i phyir ro// ci ste de rnams bum pa las gzhan ma yin pa nyid yin mod kyi/ de ltar na yang gzugs la ro la sogs pa dag la tha dad pa yod de de'i phyir tha mi dad par thal ba med do snyam na/ 'di yang mi rigaso zhes bstan pa'i phyir bshad pa/ ro sogs ngag las gzugs gzhan zhing // bum pa las min zhes 'dod na// de rnams ma rtogs rang med gang // gang de gzugs/ gzhan ji ltar min// gal te dbang po tha dad pa'i gzung bar bya ba yin pa'i phyir gzugs ro la sogs pa dag las gzhan du rnam par 'jog na ni gzugs de bum pa las kyang gzhan yin no zhes bya bar ci ste mi gzhag/ de gzugs las gzhan ro lnga sogs pa dag las tha mi dad pa'i phyir ro la sogs pa'i rang gi bdag nyid ltar gzugs las gzhan nyid du 'gyur na/ gzhan nyid du 'dod pa yang ma yin pas 'di mi rig so// gang gi tshe de lta gzugs la sogs pa rnams la bum pa'i rgyu nyid mi srid pa de'i tshe nges par/ bum pa la ni rgyu yang min// rgyu dang bral ba la ni rang nyid la rgyu med pa can gyi 'bras bu nyid med pas rang nyid 'bras bur mi 'gyur te/ gang gi phyir de ltar 'di rgyu med pa'i 'bras bu nyid mi srid pa/ de'i phyir gzugs sogs las gzhan du// bum pa la ga' yang yod ma yin// gzugs las sogs pa las tha dad par bum pa 'bras bur gyur par ma dmigs pa'i phyir ro// gzugs la sogs pa las tha dad pa'i bum pa med do// / zhes bya bar grub bo// ci ste bum pa ni gzugs la sogs pa'i nye bar len pa can ma yin pa kho na'o// 'o na ci zhe na/ rang gi yan lag tu 'gyur ba'i rgyu gyo mo rnams la bltos nas bum pa 'bras bu nyid yin la gyo mo rnams ni rgyu nyid yin no snyam du sems na 'di yang snying po med do zhes bshad pa/ bum pa rgyu las 'grub 'gyur zhing // rgyu ni gzhan las grub 'gyur na// gang las rang la grub med pa// de yis gzhan po ji ltar bskyed// gal te bum pa'i rgyu gyo mo la brten nas bum pa grub nade'i tshe gyo mo de rnams gang la bltos nas 'grub// re zhig de rnams ngo bo nyid kyis 'grub pa ni ma yin te rgyu med pa can nyid du thal bar 'gyur ba'i phyir// ci ste de rnams la yang rgyu gzhan zhig 'dod na/ 'o na ni gyo mo rnams la rang gi ngo bo grub pa med de de rnams kyang rgyu gzhan gseg ma la bltos pa'i phyir ro// gyo mo gang dag la rang nyid las grub pa yod pa ma yin pa de rnams kyis ni ji ltar gzhan rang gi ngo bos grub par 'gyur// de'i phyir bum pa med do// bum pa 'gog par byed pa'i tshul gang yin pa nyid ni 'bras bu thams cad mi 'grub pa la yang sbyar bar bya'o// 'dir smras pa/ gzugs la sogs pa tshogs pa rnams la bum par brjod pa'i phyir gzugs la sogs pa mang po nyid yin yang bum pa mang po nyid du thal bar mi 'gyur ro// / 'di yang mi rigs te/ tshogs pa nyid med pa'i phyiraro// 'di ltar/ 'phrod par 'dus par gyur kyang gzugs// dri nyid du ni mi 'thad de// des na bum pa bzhin tshogs pa// gcig nyid du ni mi rigs so// gzugs la sogs pa rnams tshogs kyang tshogs pa la gnas pa rnams kyis rang rang gis mtshan nyid mi 'dor ro// de'i phyir ji ltar chags pa'i gnas skabs na gzugs la rang gi ngo bos yongs su btang ba las dri nyid mi srid pa de bzhin du du ma'i brten can gyi tshogs pa la gcig nyid mi srid do// tshogs pa de ni gzugs la sogs pa rnams las tha mi dad la gzugs la sogs pa rnams las tha mi dad pa'i tshogs pa gcig tu ji ltar 'gyur dpe bshad pa ni bum pa bzhin zhes bya ste/ ji ltar mtshan nyid rnams dang so so ni// min phyir bum pa gcig ma yin// zhes bya ba la sogs pa bshad pa de bzhin du 'dir yang / mtshan nyid rnams dang so so ni// min phyir tshogs la gcig med do// de ltar na/ des na bum pa bzhin tshogs pa// gcig nyid du ni mi rig so// de'i tshogs pa mi srid pas gzugs la sogs pa tshogs pa la yang bum pa brtags par mi rigs so// ji skad bshad pa'i rnam par dpyad pas/ ji ltar gzugs sogs ma gtogs par/ bum pa yod pa ma yin pa// de bzhin rlung la sogs pa ni// ma gtogs gzugs kyang yod ma yin// ji ltar gzugs la sogs pa ma gtogs par bum pa ma grub pa de bzhin du bum pa btags pa'i nye bar len par gyur pa gzugs la sogs pa rnams kyang rlung la sogs pa 'byung ba chen po bzhi ma gtogs par mi 'grub ste/ rgyu med pa can nyid du thal bar 'gyur ba'i phyir ro// yang ji ltar rlung lnga sogs pa ma gtogs par gzugs dang dri la sogs pa mi skyid pa de bzhin du 'byung ba chen po rnams kyang phan tshun ma gtogs par 'grub pa med pas rang gi ngo bos ma grub par brjod pa'i phyir bshad pa tshab me nyid du 'gyur te/ tsha bI min pa ji ltar sreg/ de snga na bud gling zhes bya ba// yod min de med me yod min// 'di na ma ni sreg pa po yin la 'byung ba gsum ni bsreg par bya ba'o// de'i phyir bud shing zhes bya ba 'byung ba chen po gsum po de me kho nas bsreg gi gzhan gyis ni ma yin la bud shing kho na tshig par 'gyur gyi gzhan ni ma yin no// de la gal te bung shing tsha ba ches sreg na ni de'i tshe tsha ba de me kho nar 'gyur gyi bud shing ni ma yin no// tsha ba ma yin pa la yang sreg pa mi srid pas tsha ba ma yin pa yang bud shing ma yin no// de'i phyir de ltar rnam pa thams cad du bsreg par bya ba mi sred pas gang zhig 'byung ba gsum gyi bdag nyid can du gyur pa bud shing zhes bya ba med do// gang gi tshe de ltar me ma gtogs par bud shing zhes bya ba gzhan mi srid pa de'i tshe bud shing me dang rgyu med pa'i me yang mi srid pas/ de med me yod ma yin no// 'dir smras pa/ bud shing ni sra ba la sogs pa'i ngo bo yin pas tsha ba ma yin pa'i bdag nyid can zhig ste/ de tsha ba'i rang bzhin gyis mes zil gyis mnan pa las tsha bar 'gyur la/ tsha ba yin dang bsreg par bya bar 'gyuraro// zhe na/ de ltar yongs su brtags na yang bud shing zhes bya ba'i don de/ gal te zil mnan tshwan yang // de yang ci ste mer mi 'gyur// gal te bud shing zhes bya ba'i// don tsha ba ma yin pa'i rang bzhin yin yang / mes zil gyis mnan te che bar 'gyur ro snyam du rtog na/ de'ang me kho nar 'gyur te tsha ba'i rang bzhin yin pa'i phyir ro// de'i phyir bud shing med pa nyid du 'gyuraro// 'on te mi tsha na dngos gzhan// me la yod ces byar mi rung // ci ste don de zil gyis mnan yang tsha ba ma yin pa nyid du 'dod na/ 'o na ni me las gzhan pa'i dngos po bud shing zhes bya ba 'byung ba gsum po tsha ba dang 'gal bas che ba ma yin pa'i rang bzhin can de ma la yod do zhes bya bar mi rigaso// de'i phyir 'byung ba gsum dang bral ba'i me tsam zhig tu 'gyur na/ 'byung ba chen po 'di rnams la ni phan tshun med par 'thung ba yod pa ma yin pa de'i grub pa'i mtha' dang 'gal ba'i phyir ro// me la bud shing zhes bya ba'i dngos po gzhan med pas rgyu med pa can nyid du yang 'gyur bas 'di ni mi rigaso// ci ste me'i rdzas kyi rdul phra rab la 'byung ba gsum med pas bud shing med par yang me yod pa nyid do// snyam du sems na bshad par bya ste/ gal te rdul la shing med na// des na shing med ma yod do// de'i phyir rgyu med pa can nyid kyi skyon du thal de nyid kyis don du 'gyuraro// rgyu med pa nyid du thal ba'i skyon de nyid kyi phyir bye brag pa dag ltar rang gis sde pa rnams kyis rdzas kyi rdul phra rab lnga khas blang bar mi rigs so// bye brag pa'i rdul phra rab tu smra ba ni rab tu byed pa dgu po nyid las bag pa'i phyir yang mi dgag go// ci ste me rgyu meng ba can nyid du thal las 'jigs nas rdul phra rab la bud shing yod par rtog na/ de'i phyir/ gal te de la'ang shing yod na/ gcig gis bdag can rdul yod min// kal rdul la bud shing yod do zhes rtog na/ 'o na ni me'i rdzas kyi rdul phra rab gcig gi ngo bor yod do zhes khas blang bar mi bya'o// rdzas rgyas lhan cig 'byung bar nges pa rdul phra rab gcig gis bdag nyid med pa 'ba' zhig zin kyi 'on kyang de las gzhan pa'i dngos po yang ste/ dngos po gang yang yongs btags pa/ de dang de la gcig nyid med// ji ltar de las gzhan yod pas 'byung ba chen po rnams la gcig gis bdag nyid can yong bzhin du rgyu med pa can nyid du thal d+ha yAr+tha Sh+Ta ka b+ha la rnams med par rgyang pa med do// de bzhin du sems med par sems las byung ba rnams mi srid la/ sems las byung ba rnams meng par yin no// de bzhin du skye ba la sogs pa mtshan nyid rnams med par mtshan gzhi gzugs la sogs pa yod pa ma yin la/ mtshan gzhi med par yang rten med pa'i mtshan nyid mi srid do// gang gis phyir de ltar dngos po gcig byo 'ga' la yang grub pa yod pa ma yin pa de'i tshe gcig rnams kyi tshogs pa med na du ma grub pa rgyang ring du spangs pa nyid do// zhes bshad pa/ gang gis gcig kyang yod min pa// des na du ma dag kyang med// re re ma grub pa yin dang tshogs pa rnams kyang grub pa med do// ci ste lhan cig 'byung bar nges par khwas blangs pas sun dbyung ba 'di rang gi sde pa la 'thad kyi pha rol po la ni ma yin te/ sa la sogs pa'i rdul phra rab de las gzhan pa'i dngos po la yod pa dang bral ba rtag pa rnams yod pa nyid du khrus blangs pa'i rgyu no sgyu ma mu/ dwe l+yA yang mi rligs pa nyid du brjod pa'i phyir bshad pa/ gal te gang na dngos de rnams// med der gcig yod ces 'dod na// de yang yang dag pa ma yin no// ci'i phyir zhe na/ gang gis kun la gsum nyid yod/ des na gcig nyid yod ma yin// pha rol po la yang gcig ces bya ba'i dngos po 'ga' yang yod pa ma yin te/ gang gis phyir de la yang sa'i rdul phra rab la rdzas nyid dang gcig nyid dang yod pa yod pa nyid ces bya ba de gsum yod la/ de bzhin bu yon tan la yon tan nyid dang yod pa nyid dang gcig nyid dang ces bya ba yod do// gang gis phyi du ma yin pa de'i phyir gcig nyid ces bya ba yod do// gang gis phyir du ma dngos po 'ga' yang yod pa ma yin no// de bzhin du grangs can la yang thams cad yon tan gsum gyis bdag nyid can yin pa'i phyir gcig gi dngos po 'ga' yang med pas bshad zin pa'i sun 'byin pa las mi 'da'o// gzhan yang sun 'byin pa'i tshul 'di mkhas pas rgol ba thams cad kyi phyogs gsal bar bya ba'i phyir sbyar bar bya'o zhes bslab pa'i phyir slob dpon gyis bshad pa/ yod dang myed dang yod med dang // yod med min zhes bya ba'i tshul// 'di ni mkhas pas gcig nyid sogs// dag la rtag tu sbyar bar bya// gcig nyid la sogs pa dag nyid dang gcig nyid dang gzhan nyid dang gnyi ga dang gnyi ga ma yin pa zhes bya ba ste/ blo bzang pos rgol ba rnams gcig nyid la sogs pa'i phyogs rnam par gnas pa de dag la go rim ji lta ba bzhin du yod pa dang med pa nyid la sogs pas mtshon pa'i sun 'byin pa'i tshul gzhig par bya'o// de la 'bras bu yod par smra ba'i phyogs ni rgyu dang 'bras bu gnyis gcig pa nyid ces bya ba ste/ de'i ltar na 'bras bu de rgyu'i bdag nyid du rnam par gnas pa nyid du gyur pa 'bras bu'i bdag nyid du yongs su 'gyur ba ste/ med pa ni bya bar mi nus so// gal te 'byung na ni de'i tshe thams cad las thams cad 'byung bar 'gyur na/ thams cad las thams cad 'byung bar mthong ba yang ma yin te/ 'o ma la sogs pa kho na las zho la sogs pa so sor nges par mthong ba'i phyir ro// de phyir rgol ba nga'i ltar na rgyu dang 'bras bu dag gcig nyid du khas blangs pas 'bras bu yod pa nyid du skye ste de ltar na gcig nyid kyis phyogaso// gcig nyid kyi phyogs de la 'bras bu yod par smra bas dpyad pa'i sgo nas sun 'byin pa rtag tu brjod par bya ste/ de yang 'bras bu nyid gang 'dod la// khyim gyi don du ka ba la// sogs pa'i rgyan ni don med 'gyur// zhes bya ba 'dis bshad la/ de bzhin du gang zhig 'byung bar byed pa de// sngar yod ces byar mi rigs te// gal te yod par skye 'gyur na// skyes zin pa'ang 'byung bar 'gyur// gal te byas pa med kyang chos// yod na nges sdom don med 'gyur// ci ste cung zad byed na yang // 'bras bu yod pa mi srid do// zhes bshad do// de ltar mkhas pa rnams kyi 'bras bu yod par smra bas nye bar mtshon pa'i sun 'byin pa gcig nyid kyi phyogs la sbyar bar bya'o// 'bras bu med par smra ba ni rgyu dang 'bras bu dag gzhan nyid du smra ba dag go// de dag gis ni yod pa skye ba don med par sems shing 'bras bu med pa kho na skye'o zhes rtogs te/ de dag gis gzhan nyid phyogs la yang 'bras bu med pas nye bar mtshon pa'i sun 'byin par brjod par bya'o// de yang 'bras bu med nyid gang 'dod la/ khyim gyi don ka ba la sogs pa'i rgyan ni don med 'gyur/ zhes bshad do// gang dag rgyu dang 'bras bu gnyis gcig nyid du 'gyur la gzhan nyid du yang 'gyur ro snyam du rtog pa de dag ni 'bras bu yod pa dang med par smra'o// de dag ni lhas sbyin srog gis bdag nyid du nang bar+b+ha shing rta sbyin gyi bdag nyi du rnam ma gan pa skye 'dod la/ de bzhin du gdu bu dang dpung rgyan la sogs pa gser gyi bdag nyid du rnam par gnas pa shing gdu bu dang dpung rgyan dang la sogs pa'i bdag nyid du rnam par mi gnas pa rnams skye bar rtogs so// de dag gi gcig dang nyid dang gzhan nyid gnyi ga'i phyogs la 'bras bu yod pa dang med par smra ba dgag pas nye bar mtshon pa'i sun 'byin pa brjod par bya'o// de yang 'bras yod nyid gang 'dod dang zhes pa la sogs pas bshad de/ rgol ba gnyis kyi phyogs kyis skyon phyogs gcig la sbyar bar bya ba 'di ni khyad par ro// gang dag gi ltar na bum pa la sogs pa dngos po med par rang gi rgyu de dag las gcig nyid dang gzhan nyid du brjod du med pa dag dngos po rdzas su yod pa'i rgyu can yin pa de dag la yod pa dang med par smra ba bzlog pa'i sgo nas yod pa yang ma yin med pa yang ma yin pa zhes bya ba dpyad par sun 'byin pa brjod par bya'o// de yang gnyi ga srid na ni de dag bkag pa'i sgo nas gnyi ga ma yin pa zhes bya bar 'gyur na/ gang gi tshe 'di gnyi ga mi srid pa de'i tshe gang bkag pas gnyis ma yin pa'i rtog par 'gyur zhes don gyis bshad zin pa nyid do// de ltar na go rim ji lta ba bzhin du/ yod dang med dang yod med pa// yod med min zhes bya ba'i tshul// 'di ni mkhas pas gcig nyid sogs// ga lnga rtag tu sbyar bar bya// gzhan dag ni gal te gcig nyid dang gzhan nyid la sogs pa'i tshul kho nas dngos po rnams bkag gam 'on te tshul gzhan gyis kyang yin zhe na/ brjod par bya ste/ yod dang med dang yod med dang // yod med min zhes bya ba'i tshul// 'di ni mkhas pas gcig nyid sogs// ngag la rtag tu sbyar bar bya// yod pa dang med pa dang / yod kyang yod la med kyang med pa dang / yod pa yang ma yin med pa yang ma yin pa zhes bya ba'i tshul 'di ni mkhas pa rnams kyis gcig nyid la sogs pa phyogs bzhi la rtag tu kho na sbyar bar bya'o// de la yod pa zhes bya ba ni bdog pa zhes bya ba'i don to// med pa zhes bya ba ni bdog pa ma yin pa zhes bya ba'i don to// yod kyang yod la med kyang med ces bya ba ni bdog kyang bdog la mi bdog kyang mi bdog ces bya ba'i don to// yod pa yang ma yin med pa yang ma yin/ zhes bya ba ni bdog pa yang ma yin mi bdog pa yang ma yin zhes bya ba'i don to// gcig nyid sogs dag la zhes bya ba ni/ gcig nyid dang gzhan nyid dang gnyi ga dang gnyi ga ma yin pa zhes bya'o// de la gnyis sam mang po rnams la gcig nyid dam gzhan nyid dang / gnyi ga dang gnyi ga ma yin pa zhig tu 'gyur grang na/ de la gang dag gi snam bu dang dkar po gcig nyid ces bya ba phyogs yin pa de la yod pa zhes bya ba'i tshul 'di yul dang dus dang mtshan nyid las sbyar bar bya'o// de la re zhig yul las ni gral te snam bu dang dkar po dag gcig nyid yin na/ gang dang gang na dkar po yod pa de dang de na snam bu yang yod par 'gyur bar bya dgos so// gang dang gang na snam bu yod pa de dang de na dkar po 'ang yod par 'gyur bar bya dgos so// ci ste gang dang gang na dkar po yod pa de dang de na snam bu yod par mi 'gyur zhing / gang dang gang na snam bu yod pa de dang de na dkar po yod par mi 'gyur na ni/ de la snam bu dang dkar po dag gcig nyid yin no zhes gang 'dod na de mi 'thad de// yul tha dad pa'i phyir ro// dus las kyang ste/ de la dus ni rnam pa gsum ste/ 'das pa dang ma 'ongs pa dang du ltar ro// de la 'das pa baM la ni 'das pa'i gnas skab kho nar sngar skyes pa'i saM dkar po mthong ngo // gal te snam bu dang dkar po dang gcig nyid yin na nI de'i tshe gal te dkar po sngar skyes na ni snam bu yang sngar skyes par 'gyur koso// ci ste snam bu phyis skyes nas// dkar po yang phyis skye bar 'gyur dgos so// gal te dkar po sngar skyes na ni de lta na snam bu phyis skyes pa yin la/ gang zhig sngar skyes pa dang gang zhig phyis skyes pa de dag ni gcig nyid du mi 'gyur skye bayi ri mA ba tha dad pa'i phyir ro// gzhan yang gal te snam bu dang dkar po dag gcig nyid du 'gyur na ni de'i tshe dkar po zhig na snam bu 'jig par 'gyur dgos la/ snam bu zhig na yang dkar po 'jigs par 'gyur dgos na/ gang 'tshe dkar po zhig na dkar po 'jigs par 'gyur gyi snam bu 'jig par mi 'gyur la/ snam bu zhig na yang snam bu kho nar 'jig par ma 'gyur gyi/ dkar po 'jig pa ni mi yin te/ de la snam bu dang dkar po dag gcig nyid do zhes 'dod pa de ma yin te/ 'jigs pa dang mi 'jigs pa tha dad pa'i phyir ro// gzhan yang dkar po zhes smra ni dkar po zhes bya ba kho na smras par 'gyur gyi snam bu zhes smras pa ni ma yin no// snam bu zhes smras na yang snam bu kho na smras par 'gyur gyi dkar po zhes smras pa ni ma yin no// gang gis phyir dkar po zhes smra na dkar po zhes bya ba kho na smras par 'gyur gyi snam bu zhes smras par mi 'gyur la/ snam bu zhes smras na yang snam bu kho na smras par 'gyur gyi dkar po ma yin pa de'i phyir yang de dag gcig tu mi 'gyur gyi smras pa dang ma smras pa tha dad pa'i phyir ro// mtshan nyid las kyang ste/ 'di na mtshan nyid ni dkar ba'i ngo bo yin la/ mtshan gzhi ni snam bu yin na gal te de gnyis gcig tu nyid du 'gyur na ni/ de'i tshe gal te dkar po mtshan nyid yin na snam bu yang mtshan nyid kho nar 'gyuraro// gal te snam bu mtshan nyid du mi 'gyur na ni dkar po yang mtshan nyid du ma gyur cig/ gal te dkar po kho na mtshan nyid du 'gyur gyi snam bu ma yin la snam bu kho na mtshan gzhir 'gyur gyi dkar po ni ma yin na ni de la snam bu dang dkar po dag gcig nyid do zhes gang 'dod pa der mi 'gyur te/ mtshan nyid dang mtshan gzhi tha dad pa'i phyir ro// ji ltar snam bu dang dkar po yang mtshan nyid du dag gcig nyid bkag pa de bzhin du dngos po thams cad kyi gcig nyid dgag pa yang rgyas par brjod par bya'o// 'dir smras pa/ snam bu dang dkar po dag gcig nyid dgag pa ni smras na/ gzhin nyid la brjod par bya'o// brjod par bya ste/ gal te snam bu dang dkar po dag gzhan nyid yin zhing / gal te yon tan rdzas la brten pa'i phyir dkar po snam bur mi 'gyur na ni ji ltar gal te mchod sbyin lhas sbyin zhes bya ba'i spun zla ma yin na lhas sbyin yang mchod sbyin gyi sngun zlar mi 'gyur ba nyid yin pa ltar snam bu yang dkar por mi 'gyur ro// gal te dkar po dang ldan pa las snam bu dkar por 'gyur zhes 'dod na/ de la yang brjod par bya ste/ gal te dkar po dang ldan pas snam bu dkar por 'gyur na// snam bu de ci dkar po dang ldan pas dkar po'i mtshan nyid thob pa zhig gam 'on te ma thob pa zhig yin grang na/ gal te re zhig dkar po'i mtshan nyid thob pas snam bu dkar po nyid du 'gyur na ni 'dir snam bu nyid nyams par 'gyur ro// ci ste dkar po'i mtshan nyid ma thob pa yin na ni dkar po'i mtshan nyid ma thob pa'i phyir ldan pa yod kyang snam bu dkar por mi 'gyur/ te/ de la dkar po dang ldan pas snam bu dkar po yin no zhes bya ba gang 'dod pa ma yin no// ji ltar snam bu dkar por mi 'gyur ba de bzhin du snam bu'i khyad par gang dag sngon po dang ser po dang dmir po dang / dmar ser dang ser skya dang phug ron kha dang / nag po dang / ring po dang / thung ngu dang / 'jam pa dang / rtsub pa la sogs pa de dag las snam bu gzhan nyid yin pa'i phyir thams cad du srid pa med par 'gyuraro// thams cad du srid pa med pas kyang snam bu nyid du mi 'gyur ro// ji ltar snam bu nyid du mi 'gyur ba de bzhin du dngos po thams cad kyang yon tan gyi khyad par de dang de dag la gzhan nyid du yang 'gyur zhes bya ba phyogs yin pa'i phyir thams cad du srid pa med par 'gyuraro// 'drir smras pa/ yod pa dang med pa dag gis gcig nyid dang gzhan nyid la ni dgag pa smra na gnyi ga'i phyogs la yang dag pa brjod par bya'o// brjod par bya ste/ gang gis snam bu dang dkar po dag gcig nyid du yang 'gyur la gzhan nyid du yang 'gyur ro zhes bya ba phyogs yin pa de la gcig nyid dang gzhan nyid dgag pa sngar bshad pa dag kho nas dgag pa rnam par bshad do// gnyi ga ma yin pa gang gis phyogs yin pa de la mdor bsdus nas dgag pa brjod par bya'o// gal te snam bu dang dkar po dag gcig nyid ma yin la// gnyi ga nyid kyang ma yin na ni gnyi ga'i mtshan nyid ma thob pa'i phyir dkar po yang dkar po nyid ma yin zhing / dkar po ma yin pa yang ma yin la snam bu yang snam bu nyid ma yin zhing snam bu ma yin pa yang ma yin no// de'i phyir mtshan nyid gnyi ga ma thob pa'i dkar po lnga ci'i phyir dkar po zhes brjod kyis nag po zhes ma yin gang gi phyir dkar po de la dkar po zhes bya ba brjod kyi nag po zhes bya ba ma yin pa de'i phyir dkar po nyid du yod do// mtshan nyid gnyi ga ma thob pa'i snam bu de la yang ci'i phyir snam bu zhes brjod kyi bum pa zhes ma yin/ gang gis phyir snam bu de la snam bu zhes bya ba nyid brjod kyis bum pa zhes bya ba ma yin pa de'i phyir snam bu nyid du yod do// de ltar dkar po nyid dang snam bu nyid du grub dang gdon mi zi ba de dag gcig nyid dam gzhan nyid du 'gyur dgos la gcig nyid yin na ni slar yang gcig nyid 'gog pa'i rim pa kho na brjod par bya'o// gzhan nyid yin nu yang gzhan nyid 'gog pa'i tshul lo// de bzhin du dngos po thams cad la yang 'gog pa'i tshul rgyas par brjod bar bya'o zhes rnam par 'chad do// 'dir smras ga gal te de ltar ma grub pa'i phyir dngos po rnams kyi rang bzhin myed na rgol ba de dag 'thad pa gang gis dngos po yod par rtog ce na/ de la 'thad pa 'ga' yang med kyi 'on kyang / ji ltar rgyu la blta nyes na/ rtag pa yod ces byar 'gyur ba// de bzhin tshogs la blta nyes na// dngos po yod ces bya bar 'gyur// ji ltar mar me'i me lce skad cig re re la 'jig cing snga ma dang phyi ma skad cig rgyu dang / 'bras bu 'brel pa rnam par ma chad pas gnas pa la rgyu dang rkyen kyis tshegs pa yod na yod pa'i rgyun 'byung ba de bzhin du 'du byed skyes ma thag tu 'jig pa thams cad la bdag nyid ji lta bu'i rgyu dang rkyen gyis tshogs yod na yod pa'i rgyun rgyu dang 'bras bu'i 'brel pa rnam par ma chod par gnas pa thog ma med pa 'byung ngo // de'i phyir ji ltar rgyun de'i rang gi ngo bo ji ltar gnas pa ltar nges par 'phrigs shing phyin ci log tu nges pa'i phyi rol pa'i drang srong rnams yi sngon gyi gnas rjes su dran zhing 'dir skad cig mar 'jig pa mngon sum ma yin pas phung po gcig nas gcig tu brgyud pa'i rgyun la nges par mthong ba yin dang bdag gam gzhan yang rung ste/ dngos po rtag pa yod do snyam par 'byung ba de bzhin du tshogs pa de dang de la brten nas 'byung ba dang 'byung ba las gyur pa dang / sems dang sems byung ba dang / mtshan nyid gzhi dang mtshan nyid la sogs pa'i bdag nyid can dang de'i nye bar ldan pa can rtsa dang phyam dang rdzas la sogs pa tshogs pa khyim la sogs pa dang gzugs dang dri la sogs pa'i yon tan tshogs pa bum pa la sogs pa dang / dngos po tshogs pa bdag dang na mkha' la sogs pa yod do// tshogs pa las logs shig tu mtshan nyid ma grub pa'i chos 'byung ba dang 'byung ba las gyur pa dang / sems dang sems las byung ba dang / bum pa la sogs pa gzugs brnyan dang brag cha la sogs pa dang 'dra ba de dang de las so so so sor 'jig rten pa'i phyin ci log tshad mar byas te 'jig rten gzhug par bya ba'i phyir nye bar blangs nas sam brten nas rang dang spyi'i mtshan nyid du 'dogs pa tsam zhig byed la/ de dag kyang skye ba na tshogs pa kho na skye zhing tshegs pa kho na 'gag par 'gyur ro// de'i phyir tshogs pa de ji lta ba bzhin ma shes pa dang blta ba zhes pas rgol ba dag la sogs pas sa l-I rang ni rnga bas yongasu grub par rtog cing phyin ci log tsam lus rig pa med pa'i dngos po kho na rtog so// gal te de ltar dngos po med pas kho bo cag gis dngos por lta ba phyin ci log yin na/ khyod kyang dngos po khas mi len na dngos po med par blta bar 'gyur na de yang shin tu mi rigs te/ mthong ba dang mthong ba dang 'gal ba'i phyir ro zhe na/ bshad par bya ste/ bdag ni dngos po med par smra ba yin te/ rten cing 'brel par 'byung ba smra ba yin pa'i phyir ro// sa khyod dngos por smra ba zhig gam zhe na ma yin te// rten cing 'brel par 'byung ba smra ba yin pa nyid kyi phyir ro// khyod ci smra ba zhig ce na/ rten cing 'brel par 'byung ba smra ba'o// yang rten cing 'brel par 'byung sngar smai bA'o// yang rten cing 'brel par 'byung ba'i don gang zhe na/ rang bzhin med pa'i don dang / rang bzhin gyis ma skyes pa'i don dang / sgyu ma dang smig rgyu dang gzugs brnyan dang dri za'i grong khyer dang sprul pa dang rmi lam dang mtshungs pa'i rang bzhin can gyis 'bras bu 'byung ba'i don dang / stong pa nyid bdag med pa'i don to// 'di ltar/ gang la brten nas 'byung yod pa// de ni rang dbang mi 'gyur ro// 'di kun rang dbang med pa ste// des na bdag ni yod ma yin// 'di na gang la rang gis ngo bo dang rang bzhin dang rang dbang dang gzhan la rag ma las pa nyid yin pa de la ni rang las grub pas rten cing 'brel par 'byung ba yod pa ma yin na 'dus byas thams cad rten cing 'brel par 'byung ba yang yin no// de ltar na dngos po gang la brten nas 'byung ba yod pa de ni rang dbang du mi 'gyur te/ rgyu dang rkyen la rag las skye ba'i phyir ro// 'di kun rang dbang med pa ste// de'i phyir dngos po gang la yang bdag ste rang bzhin yod pa ma yin no// de'i phyir 'dir rten cing 'brel par 'byung ba rang dbang ba'i ngo bo dang bral ba'i phyir rang dbang ba'i ngo bo dang bral ba'i don stong pa nyid kyis don yin gyi thams cad dngos po med pa'i don ma yin no// de'i phyir 'di la rten cing 'brel par 'byung ba byas shing sgyu ma dang 'dra ba kun nas nyon mongs pa dang rnam par byang ba'i rgyu la skur pa dang / ba pas de med par lta ba phyin ci log yin la rang bzhin yod pa ma yin pa'i phyir na dngos por lta ba yang phyin ci log yin no// de'i phyir da ltar na dngos po rang bzhin dang bcas par smra ba rnams la rten cing 'brel bar 'byung ba med pa dang rtag pa dang chad par lta ba'i skyon du 'gyur ro// ci ste gal te rang dbang med pa'i don rten cing 'brel par 'byung ba'i don yin na ni 'o na gang khyed kyis nged cag la gang khyad par ci yod snyam du sems na bshad par bya ste/ gang khyed kyis rten cing 'brel par 'byung ba'i don ji lta ba bzhin rtog pa dang brjod pa mi shes pa 'di ni khyad par ro// ji ltar byis pa gzhon nu tha snyad la ma byang bas gzugs brnyan la bden par gyur par lhag par sgro btags pas ji lta ba bzhin gnas pa'i rang bzhin stong pa nyid bsal nas rang bzhin dang bcas par rtogs na gzugs brnyan rtog mi shes pa de bzhin du khyod kyis kyang rten cing 'bral bar 'byung ba khas blangs kyang gzugs brnyan dang mtshungs pa'i rten cing 'brel par 'byung ba rang bzhin gyis stong pa nyid du gyur kyang rang gi ngo bos ji srid ltar gnas pa bzhin khong du chud par mi shes te/ rang bzhin med pa nyid du mi 'dzin pa'i phyir dang / yod pa ma yin pa'i rang gi ngo bo la yod pa'i rang gi ngo bo nyid du lhag par sgro btags na 'dzin pa'i phyir ro// brjod kyang mi shes te/ rang bzhin med pa nyid du ma ban pa'i phyir dang dngos po'i rang gi ngo bo nyid du brjod pa'i phyir ro// de'i phyir de ltar rtogs pa dang brjod mi shes pa na bdag nyid dang gzhan nyid bslu bar byed do// de'i phyir kho bo cag ches tshegs che ba 'dir gnas pas bstan bcos byed pa'i rtsom pa 'di 'bras bu med pa ma yin no// gang gi phyir 'ga' la yang ngo bo nyid kyi skye ba yod pa ma yin pa de nyid kyi phyir/ 'bras bu med par dngos po ni// kun la 'du ba yod ma yin// 'bras bu'i don du 'du ba gang // de ni 'phags la ma 'dus pa'o// gal te dngos po rnams kyis 'jug pa rang bzhin par 'gyur na ni de rtag pa dang 'bras bu la bltos par mi 'gyur te rang bzhin ni 'bras bu la mi bltos so// gcig gis dngos pos ni 'gags kyang 'bras bu cung zad kyi sgrub par mi nus pa sna tshogs pa'i 'bras bu bsgrub par bya ba la phan tshun 'du bar yang 'gyur la/ gang zhig 'bras bu'i ched du 'du ba de ni de'i rang bzhin gzigs pa'i 'phags pa rnams 'du ba med pa zhig ste bden par gyur pa nyid du mngon par mi bzhed do// zhes bya ba'i don to// de nyid kyis phyir rnam par shes pa dngos po'i rang gi ngo bo lhag par sgro 'dogs par byed pa nyon mongs pa can gyis mi shes pa'i dbang gis dngos po rnams la chags pa dang ldan zhing 'khor ba 'jug pa'i sa bon du gyur pa rnam pa thams cad du 'gags pa las 'khor ba ldog par rnam par bzhag go zhes bstan pa'i phyir bshad pa/ srid pa'i sa bon+da rnams shes te// yul rnams de yi spyod yul lo// yul la bdag med mthong na ni// srid pa'i sa bon 'gag par 'gyur// ji skad bshad pa'i tshul gyis yul rang bzhin med par mthong bas chags pa'i rgyu rnam par shes pa srid pa'i sa bon du gyur pa rnam pa thams cad du log pa las nyan thos dang rang sangs rgyas dang / mi skye ba'i chos la bzod pa thob pa'i byang chub sems dpa' rnams la 'khor ldog pa rnam par bzhag go// de bzhin gshegs pa'i ye shes 'byung ba'i sa bon byang chub kyi sems de ni de rnams la mi ldog ste/ thams cad la de bzhin gshegs pa'i ye shes rnyed pa gdon mi za bar 'byung ba'i phyir ro// gang dag byang chub kyis sems rnam pa de lta bu ma bskyed pa de dag gis kyang phyis gdon mi za bar bskyed nas byang chub sems dpa'i spyod pas bla na med pa'i ye shes thob par bya ba kho na ste/ 'di ni 'phags pa dam pa'i chos pad+ma dkar po'i mdo la sogs pa la btsal bar bya'o// slob dpon 'phags pa lha'i zhal snga nas kyi byang chub sems dpa'i rnal 'byor spyod pa bzhi brgya pa las mthar 'dzin pa dgug pa bsgom pa bstan pa zhes bya ste rab tu byed pa bcu bzhi pa'i 'grel pa'o// 'dir smras pa/ 'dus byas rang bzhin gyis yod pa nyid de de'i mtshon nyid skye ba la sogs pa yod pa'i phyir ro// bong bu'i rwa la sogs pa yod pa ma yin pa la 'dus byas kyi mtshan nyid yod pa ma yin na 'dus byas la ni 'dus byas kyi mtshan nyid skye ba la sogs pa yod pa yang yin no// de'i phyir 'dus byas yod do zhe na/ bshad par bya ste/ gal te de'i mtshan nyid lta zhig tu 'gyur na ni 'dus byas yod par 'gyur na yod pa yang ma yin no// ji ltar byas te zhe na/ 'di na skye ba 'odi 'dus byas kyi dngos po bskyed pa na 'dus byas med pa 'am yod pa zhig bskyed grang na/ de la re zhig gang 'bras bu med par smra ba de'i ltar na sa bon gyis gnas skabs na myu gu med pa'i phyir rgyu dang rkyen gyi tshogs pas sa bon gyi mtha'i skad cig las myu gu skye'o// de'i phyir rgol ba de'i/ tha mar med pa skye bar 'gyur/ zhes bya ba phyogs yin na/ yod pa ma yin pa ni 'byung bar rigs pa yang ma yin pa ste/ bong bu'i rwa la sogs pa yang skye bar thal ba'i phyir ro// de nyid kyi phyir/ des na med pa ga la skye zhes bya ba smos so// des na zhes bya ba ni yod pa ma yin pa nyid kyi rgyus so// ga la zhes bya bi ni mi srid pa ste/ yod pa ma yin pa'i phyir med pa la skye ba med do zhes bya ba'i don to// ci ste nyes pa 'dis 'jigs nas 'bras bu yod par smras pa yod pa kho na la skye ba 'dod na/ de ltar na/ yod pa gdod mar skye 'gyur ba// des na yod pa ga la skye// gal te skye ba'i chos snga rol sa bon gyis gnas skabs kho nar myu gu sme rtog na do ni skye mi 'gyur te yod pa'i phyir ci ste yod pa la skye bar yongs su rtog na de'i tshe skye ba thug pa med par 'gyur zhing / de la slar skye bas byas pa'i ngogs su yang 'gyur na de ni skyid pa yang ma yin pas yod pa la yang skye ba yod pa ma yin no// gzhan yang / 'bras bu yis ni rgyu bshig pa des ni med pa// des na med pa skye mi 'gyur// gang gis phyir myu gu/ skye bzhin pas rgyu sa bon zhes bya ba bshig pa de'i phyir myu gu med pa kho na sa bon las skye'o zhes bya ba yang mi rigs so// ji ltar nas dang gro la sogs pa dag la yod pa ma yin pa'i sa lu'i myu gu de dag rnam par 'gyur bas skye ba ma yin pa de bzhin du yod pa ma yin pas sa lu'i sa bon rnam par 'gyur bas kyang skye ba ma yin pa zhig na/ 'bru mar byung na ti la la sogs pa dag ltar myu gu skye ba na sa bon de 'jig pa ya yin/ da phyir med pa mi skye'o// grub la smra byed yod ma/ yin// de'i phyir yod pa mi skye yi/ grub zin pa'i myu gu ni slar 'grub pa ma yin pas yod pa yang mi skye'o// skye ba'i dus mi srid pa'i phyir yang skye ba yod pa ma yin par brjod pa'i phyir bshad pa/ de'i tshe skye ba yod min zhing // gzhan tshe skye ba yod ma yin// de tshe gzhan tshe mi skye na// nam zhig skye ba yod par 'gyur// gleng gi tshe myu gu 'di bdag gi dngos po rnyed pa yin pa de'i tshe ni grub pa'i ngo bo yin pa'i phyir 'di la skye bo mi srid do// gang gis tshe 'di ma grub pa'i ngo bo yin pa'i dus der yang 'di skye ba mi rigs te/ ma grub pa ni med pa nyid kyis rten med pa'i skye ba'i bya ba mi 'byung bas gzhan gyi tshe skye ba mi srid do// cung zad cig grub cing cung zad cig ma grub pa grub bzhin pa la yang phyogs gnyis gar brjod pa'i skyon du thal ba'i phyir de'i tshe dang gzhan gyis tshe skye ba mi srid do// gang gis tshe de ltar dus gsum char du yang skye ba mi srid pa de'i tshe de las tha dad pa gzhan mi srid pas nam zhig skye ba yod par 'gyur te/ gang du 'di skye bar 'gyur ba'i dus de yod pa ma yin no snyam du dgongaso// 'dir smras pa/ 'o ma zho'i dngos por 'byung bar skye ba yin no// 'di yang mi rigs te/ 'o ma la zho'i dngos po mi srid pa'i phyir ro// re zhig 'o ma'i dngos por gnas pa'i 'o ma la ni de'i bdag nyid du skye ba med de/ de'i 'o ma'i bdag nyid der yod pa'i phyir ro// de'i phyir de ltar na/ de la de yi dngos po ru// ji ltar skye ba yod min ltar// de bzhin gzhan gyi dngos por yang // de la skye ba yod ma yin// ji ltar 'o ma'i ngo bor gnas pa'i 'o ma la skye ba mi srid pa de bzhin du 'o ma las gzhan zho'i dngos por skye ba yang mi srid do// gang las 'o ma zho yin no// zhes bya bar 'gyur paba'o ma zho zhes bsnyad pa yang ma yin te/ gang gis tshe yin pa de'i tshe 'o ma ma yin la/ yang gang gis tshe de 'o ma yin pa de'i tshe de zho ma yin pas 'o ma zhor 'gyur ro zhes bya bar mi rung ngo // 'di las kyang 'dus byas la skye ba med de/ 'di ltar/ thog ma bar dang tha ma rnams// skye ba'i snga rol srid ma yin/ 'dir thog ma dang bar dang tha dag ni dngos po'i skye ba dang gnas pa dang 'jigs pa ste/ re zhig de dag skye ba'i snga rol gyis gnas skabs na/ yod pa'i blo dor med pas smra ba'i snga rol na 'dus byas mi srid do// ci ste skye ba'i dus na skye ba yin la gnas pa'i dus na gnas pa yin zhing 'jigs pa'i dus na 'jig pa'o snyam nA/ 'di yang myi rigs te/ 'di ltar/ gnyis gnyis ngag ni med pa rla// ji ltar re re rtsom par 'gyur// 'did skye ba'i dus na gnas pa dang mi rtag pa gnyis med pas gnas pa dang / 'jig pa dang bral ba'i 'dus byas nyid med pa'i phyir skye ba yang mi 'gyur ro// de bzhin du gnas pa'i dus dang 'jigs pa'i dus su yang gnyis gnyis dag med par re re 'jug pa mi srid la/ de med pas 'dus byas ma yin no// 'di las kyang 'dus byas kyis skye ba mi rigs te gang gi phyir gzhon gyi dngos po med par ni// bdag gos dngos po 'byung ba med/ de yi phyir na bdag gzhan ni/ gnyis ka las 'byung yod ma yin/ 'dir bram pa lnga rang las grub pa'i ngo bo med de gyo mo la bltos pa'i phyir ro// gyo mo de dag la yang bdag gi dngos pa med de gsag myu lta bzlas pa'i phyir ro// de'i phyir de ltar na gzhan gyi dngos ba gyo ma mang ni bum pa la bde/ gis dngos po med pa ma yin no/ de bzhin du kye me dag rgya mo'i bdag gis dngos po med/ kye mongag zum pa la bathos nas gzhan sa rdzun/ gang gis phyir de ltar bdag gi dngos po med par 'ga' yang gzhan nyid du mi 'gyur ba de'i phyir gnyis ka la skye ba mi srid de/ bdag dang gzhan dag mi srid pa'i phyir ro// rang gi dro bo med pas rang la skye ba mi srid do// gzhan yang rang gis ngo bos ma grub pa'i phyir gzhan la yang mi srid pas skye ba med do// gzhan yang skye ba med pa 'di skye ba po'i snga rol lam phyis sam cig car rtog grang na/ de la gal te snga rol tu yin na ni/ mi rigs te rten med pa'i phyir ro// ci ste phyis yin na de yang mi rigs te/ ma skyes pa ni yod pa ma yini phyir dang / skye ba don med pa'i phyiraro// ci ste tsog car yin na ni de'i tshe gnyi ga yang phan tshun bltos pa med pa nyid du 'gyuraro// de'i phyir de ltar na/ sngon dang phyis dang cig car zhes// brjod pa nyid du mi nus pa// de'i phyir skye dang bum pa la// cig car 'byung ba yod ma yin// gang gis phyir skye ba po dang skye ba la rim pa 'di mi srid pa de'i phyir skye ba dang bum pa la cig car 'byung ba yod pa ma yin no gang gis tshe yod pa ma yin pa de'i tshe bum pa skye'o zhes bya bar mi rigs so// 'dir smras pa/ bum pa'i skye ba yod pa nyid de/ gal te 'dri skye bar mi 'gyur na ni de'i tshe 'di'i rnying pa'i ngo bor mi 'gyur ba zhig na/ 'di la gog po nyid kyis mtshan nyid can rnying pa'i ngo bo yod par mthong ba yang yin no// de'i phyir rnying pa'i ngo bo yod pas skye ba yod pa nyid do// bshad par bya ste/ gal te 'ga' zhig la rnying pa nyid yod na ni skye ba yod par 'gyur na srid pa yang ma yin no// ji ltar zhe na/ 'di ni gal te rnying pa zhes bya ba cung zad cig yod na ni sngar skyes pa nyid dam phyis skye ba zhig yin grang na gnyi ga ltar yang mi skye'o zhes bstan pa'i phyir bshad pa/ sngar skyes pa'i phyir na ni// sngar skyes rnyid par mi 'gyur zhing phyi nas kun tu skyes pa yang // phyis nas skyes par mi 'gyuraro// rnying pa'i rnying pa nyid gang yin pa de ni 'jig rten gyi dngos po sngar skyes pa la rtog na/ bum pa'i sngar skyes pa'i gnas skabs ni rnying pa nyid du mi rigs te/ de'i tshe// de la gsar pa zhes bsnyad pa'i phyir ro// phyis skye ba'i gnas skabs khe tshad ma la yang phyis skyes pa'i phyir sar pa yin pas rnying pa nyid du ga la 'gyur/ gal te sngar skyes pa de da ltar rnying pa yin no zhe na/ ci ste de nyid yin nam/ gzhan yin/ gal te de de nyid yin na ni de'i tshe sar pa'i gnas skabs ma nyams pa'i phyir/ de rnyid pa ma yin no// ci ste gzhan yin na ni de yang da ltar skyes pa'i phyir sar pa kho nar 'gyur bas de rnying pa ma yin no// de'i phyir de ltar na rnying pa nyid med pas de yod pas mtshon pa'i skye ba mi srid do// de ltar rnam par dpyad pa grub pa yin dang dus ches yun ring bar ting 'dzin bsgoms pas rga ba dang 'khor ba rnying par byed cing pham par byed pa byang chub sems dpa' rnams kyi chos thams cad rang bzhin med po bsgoms pas kyang 'chi ba'i mi dga' ba 'joms shing pham par byed do// ji skad du de'i tshe rga ba rgya chen ni/ med cing sdug bsngal 'chi ba med// ces bya ba la sogs pa dang / de bzhin du/ gang zhig rtag tu skye ba skye med par// shes de 'chi bdag pha rol 'da' bar 'gyur zhes rgya cher gsungs so// 'di las kyang skye ba mi srid do// dus gsum car du yang de mi rigs pa'i phyir ro// de nyid bstan pa'i phyir bshad pa/ da ltar ba'i dngos po ni/ de nyid las byung ma yin zhing // ma 'ongs las 'byung yod min la// 'das pa las kyang yod ma yin// de ltar ba'i don 'di nyid las de nyid 'byung ba ni med de/ rgyu dang 'bras bu dag cig car med pa'i phyir la/ cig car ba nyid du yod na yang rgyu dang 'bras bu'i dngos po mi 'thad pa'i phyir ro// ma 'ongs pa las byung ba yod min te/ ma 'ongs pa yod pa ma yin pa'i phyir bdag nyid can yin pa'i phyir ro// 'das pa lus kyang 'byung ba yod pa ma yin te/ 'dus pa yang yod pa ma yin pa'i phyir ro// gang gi tshe dus gsum char du yang 'byung ba yod pa ma yin pa de'i tshe rang bzhin gyis skye ba med do// zhes bya ba gnas so// gzhan yang gal te dngos po de dag la rang gis ngo bos yod na ni de'i tshe rang bzhin la ldog pa med pas dngos po skyes pa'i rang bzhin ma byung ba las 'byung ba med pa'i phyir gshed nas 'ongs par 'gyuraro// 'gags pa'i rang bzhin la yang byung nas med pa med pa'i phyir gshed du 'gro bar 'gyur na/ 'di ni srid pa yang ma yin no// bcom ldan 'das kyis dge slong dag de ltar na mig ni skye ba gang nas 'ongs pa ma yin la/ 'gag pa na gar yang 'gro ba ma yin no zhes gsungs la/ de bzhin du 'phags pa glang po rtsal gyi mdo las/ gal te chos rnams rang bzhin yod 'gyur na/ rgyal ba nyan thos bcas pas de mkhyen 'gyur// ther zug chos ni mya ngan 'da' mi 'gyur// mkhas rnams nam yang spros dang bral mi 'gyur/ zhes gsungs so// de'i phyir de ltar na don gang zhig/ skyes pa la ni 'ong ba dang / de bzhin 'gags la 'gro ba med pa de las nges par rang bzhin med do// gal te de la rang bzhin med na/ ci zhig yod ce na/ brjod par bya ste/ gang kun nas nyon mongs pa dang rnam par byang ba'i rgyur byas pa'i ngo bo rten cing 'brel par 'byung ba de yod la/ sgyu mar byas pa'i glang po che dang rta la sogs pa dang 'dra ba de yang byis pa phyin ci log pa dag gis rang bzhin dang bcas pa nyid du yongasu rtog go/ 'phags pa rnams kyis ni sgyu ma dang smig rgyu la sogs pa ltar rang bzhin med pa don ji lta ba bzhin du yongs su gcod do// ji skad du mdo las/ sems can mi drang shed skyes kyang rung ste/ 'dir skye shi ba 'ga' yang skye mi 'gyur// chos kun rang bzhin sgyu 'dra stong pa ste/ mu stegs can gyis shes par nus ma yin zhes gsungs la/ de bzhin du chos kun sgyu ma 'dra zhing de bzhin du// rmi lam dang mtshungs sprin ltar blto byas nas/ 'di 'dra'i chos kyi tshul la rnam spyod pa// rdzogs par gnas shing chos la legs gnas sgom// gang zhig bdag dang bdag gi snyam sems shing // dngos po phra mo de bzhin du zhen pa/ 'dzin gnas mi mkhas de ni 'jigs 'gyur te/ chags shing sdang la de bzhin rmongs par 'gyur// shAkya'i sras po rang bzhin med pa'i chos// rten cing 'brel par 'byung ba rtogs 'gyur te// nam mkha' lta bu'i sems dang ldan pa ni// legs par mthong nas mi 'khor grol mi 'gyur// zhes gsungaso// slob dpon yang 'phags pa'i ye shes la bltos nas rnam par dpyod pa'i 'bras bu brjod pa'i phyir gsungs pa ni/ de ltar yin na ji lta bur// srid pa sgyu ma 'dra ma yin// zhes bya ba ste/ rten cing 'brel par 'byung ba ni ji lta ba bzhin mthong ba na sgyu ma byas pa lta bur 'gyur gyi mo gsham gyi bu lta bu ni ma yin no// gal te rnam par spyod pa 'dis skye ba rnam pa thams cad du bkag pa las 'dus byas skye ba med par bstan par 'dod na ni de'i tshe sgyu ma lta bu nyid du mi 'gyur gyi mo gi sham gyis bu la sogs pa dag gis nye bar gzhal bar 'gyur ba zhig na/ rten cing 'brel por 'byung ba med par thal bar 'gyur ba'i 'jigs pas de dag dang bstun pa mi byed kyi/ de dang mi 'gal ba sgyu ma la sogs pa dag dang ni byed do// de'i phyir 'phags pa ni sgyu ma byas pa lta bu'i srid pa snying po med pa nyid du gzigs pa na snying po med pa'i 'khor ba la chags pa thams cad yongs su zad pas rnam par grol bar 'gyur bas 'di la mi rigs pa ci yang med de/ 'dir rten cing 'brel par 'byung ba la skur pa ma btab pas 'jig rten pa'i rnam par bzhag pa thams cad mi 'jigs la/ yang dag pa ji lta ba bzhin khong du chud pas thar pa 'grub pa'i phyir ro// de ltar 'dus byas sgyu ma byas pa ltar bur brjod nas de'i mtshan nyid rnams kyang yod pa'i ngo bo ma yin par bstan pa'i phyir bshad pa/ skye dang gnas dang 'jigs pa rnams// cig car 'byung ba yod min zhing // rim gyis 'byung ba yod min na// nam zhig 'byung ba yod par 'gyur// re zhig phan tshun 'gal ba'i phyir skye ba dang gnas pa dang 'jigs pa rnams skad cig mo gcig la 'byung ba ni med do// rim gyis kyang 'byung ba yod pa ma yin te/ gnyis gnyis dag med par re re 'byung ba med pa'i phyir ro// rim dang cig car ma gtogs par grub pa'i rgyu gzhan ma gzigs pa'i phyir/ nam zhig 'byung ba yod par 'gyur zhes bya ba smos so// gzhan yang skye ba la sogs pa 'di rnams 'du byed kyi phung po'i khongs su gtogs pa'i phyir 'dus byas nyid yin te/ de'i phyir nges par de rnams la yang 'dus byas kyi mtshan nyid gzhan dag gcig nyid 'gyur bar bya dgos so// zhes bstan pa'i phyir bshad pa/ skye ba la sogs thams cad la// slar yang thams cad 'byung ba ste// de las 'jigs pa skye 'dra zhing // gnas pa 'jig dang 'dra bar snang // skye ba la sogs te skye ba dang gnas pa dang 'jigs pa 'dus byas nyid du khas blangs pa rnams la slar yang thams cad 'byung ba ste/ yang thamaca 'byung bar 'gyur ro// yang 'byung ba yin na ni skye ba la skye ba gzhan du 'gyur// ji ltar skye ba la skye ba gzhan yin pa'i tshul de las 'jigs pa skye 'dra zhing ste/ 'jigs pa la yang / 'dus bya sa yin pas mtshan nyid gsum dang me ldan no// de phyir 'jig pa la yang 'jig pa gzhan yod pas 'jigs pa'i 'jig par 'gyur ro// de bzhin du gnas pa la yang 'dus byas kyi mtshan nyid gsum yod dang / gnas pa'i gnas par 'gyur bar gnas pa 'jig pa dang 'dra bar snang ngo // de dag la'ang 'dus byas yin pa'i phyir gzhan dag tu 'gyur bar bya dgos la/ de dag la yang gzhan dag yin zhing / de la yang gzhan dag tu 'gyur bas thug pa med do// thug pa med pa yin na yang dngos po thams cad mi 'grub pas 'dus byas kyi mtshan nyid rnams rang bzhin gyis med do// gzhan yang mtshan nyid 'di rnams 'byung ba na mtshan gzhi las tha dad pa'i ngo bo can zhig gam tha mi dad pa zhig mtshan nyid kyis las la 'jug grang na/ de la re zhig/ mtshan las mtshan gzhi gzhan zhe na/ mtshan gzhi mi rtag nyid ga las// ji ltar tsha ba dang grang ba dang bde ba dang sdug bsngal la sogs pa dag gcig la gcig med par 'gyur ba sdu gzhan nyid du gnas pa de bzhin du mtshan gzhi yang mtshan nyid las tha dad par 'jug pa na mi rtag pa nyid med par yang 'byung bar 'gyur na/ 'dus byas ni mi rtag pa nyid med par 'byung ba ma yin pas 'di'i gzhan nyid mi rigaso// ci ste nyes pa 'di spang bar 'dod nas mtshan nyid dang mtshan gzhi gzhan ma yin pa nyid du rtog na ni de'i tshe skyon gzhan 'di yin te/ 'di ltar te yang na gzhi ga yang yod pa'i ngo bor gsal bar yod ma yin// glagral te mtshan nyid gsum dang mtshan gzhi gcig nyid du khas len na/ de'i tshe mtshan nyid gsum dang mtshan gzhi ste bzhi char yang dngos po med par 'gyur ro// ji ltar zhe na/ 'dir gcig nyid du khas blangs pa yin na ni mtshan gzhi nyid du/ mi rigs pa'i phyir la mtshan gzhi yang mtshan nyid du mi rigs pa'i phyir bzhi car yang med par 'gyur ba 'am/ yang na rang gi ngo bo ma grub pa'i phyir de nyid dang gzhan nyid du// blangs par mi bya'o// 'dir smras pa/ skye ba la sogs pa rnams ni yod pa nyid de/ de dag gis rgyu mtshan gyi rgyu yod pa'i phyir ro// 'dir myu gu la sogs pa rnams rgyu'i tshogs pa de dang de la brten nas 'byung bar de la mkhas pa rnams 'chad do// gal te skye bo la sogs pa rnams med na ni rgyu'i tshogs pa don med pa nyid du 'gyur na/ don med pa yang ma yin// de'i phyir skye ba la sogs pa rnams med yod pa nyid do// bshad par bya ste/ gal te 'ga' zhig las 'ga' zhig skye bar 'gyur na ni skye ba la sogs pa dag tu 'gyur na/ srid pa yang ma yin no zhes bstan pa'i phyir bshad pa// dngos po dngos las mi skye ste/ dang slo mi skye/ dngos po dang sa sde'i skye/ dngos med dngos las mi skye'o// re zhig dngos po myu gu grub pa'i ngo bo ni// dngos po sa bon rnam par ma gyur pa las skye ba mi srid de rnam par 'gyur bzhin pa ma yin pa'i sa bon skyed par byed pa nyid du mi rigs pa'i phyir la/ grub pa'i myu gu dngos po'i ngo bo slar yang skye bar mi rigs pa'i phyir dngos po dngos po med pa las kyang mi skye ste/ dngos po med pas mes tshig pa'i sa bon la ni 'bras bu bskyed pas nus pa med la skye bo'i ngo bo can gyis dngos po la yang slar skye ba med pas dngos po med pa las mi skye'o// dngos po med pa dngos po med pa las mi skye ste/ dngos po med pa la cung zad kyang skye ba'i nus pa med pa'i phyir la/ dngos blo med pa la mo go sham gyi bu la sogs pa ltar skye ba mi srid pa'i phyir dngos po med pa las kyang dngos po med pa mi skye'o// dngos po med pa ni dngos po med pa las kyang mi skye ste/ bshad zin pa'i nyes pa thog tu 'bab pa nyid kyi phyir ro// de ltar na dngos po las kyang dngos po med pa mi skye'o// gang gi tshe dngos po dang dngos po las dngos po dang dngos po med pa skye ba yod pa ma yin pa de'i tshe skye ba srid pas rgyu dang rkyen gyi tshogs pas dngos po ci zhig yod de/ 'di ni gyi na'o// 'di las kyang yod pa ma yin te/ skye bo dang 'jigs pa dag mi rigs pa'i phyir ro// 'dir skye ba dngos po'i rang bzhin gyi don nam dngos po med pa'i rang bzhin rtog glang na/ de bzhin du 'jigs pa yang rtog pa na/ dngos po 'am dngos po med pa zhig la rtog grang na/ rnam pa thams cad du mi srid do zhes bstan pa'i phyir bshad pa/ dngos po dngos por mi 'gyur te// dngos med dngos por mi 'gyuraro// dngos med dngos med mi 'gyuraro// / dngos po dngos med mi 'gyur ro// de la dngos po zhes bya ba ni skyes shing bdag nyid kyi dngos po rnyed pa'i don te/ de slar yang dngos por mi 'gyur zhing / slar yang skye bar mi 'gyur te// yod pa skye ba don med pa'i phyiraro// de ltar na dngos dngos po dngos por mi 'gyur ro// dngos po med pa yang dngos por myi 'gyuraro// dngos po med pa zhes bya ba yod pa ma yin pa ji ltar dngos po 'gyur te/ mo gsham gyi bu yang skye bar thal ba'i phyir ro// de ltar na dngos po med pa yang dngos por mi 'gyuraro// de ltar na re zhig dngos po 'am dngos po med pa dang dngos por mi 'gyur bas skye ba mi srid do// da ni 'jigs pa yang ma srid de// ji ltar zhe na/ re zhig dngos po med pa ni dngos po med par mi 'gyur te/ yod pa ma yin pa la ni ri bong gi rwa ltar yang dngos po med pa med pa'i phyir ro// de'i phyir dngos po med pa dngos po myed par mi 'gyur ro// dngos po yang dngos po med par mi 'gyur te/ phan tshun 'gal ba'i phyir ro// dngos po med pa med na ni 'jigs pa med la/ skye ba dang 'jig pa med na yang 'dus byas med do zhes bya bar grub po// ji skad du/ bcom ldan 'das kyis 'dus byas 'dus ma byas kun rnam par dben/ dra srong de dag rnam rtog mi mnga' ste// 'gro ba kun la 'dus ma byas thob cing // rtag tu lta bar gyur pas rnam par dben zhes gsungs so// 'dir smras pa/ skyes pa mi skye la ma skyes pa yang mi skye ste/ dngos po dang dngos po med pa dag la skye ba bkag pa'i phyiraro// 'o na ci zhe na/ skye bzhin pa'i don skye'o// 'di yang mi rigs so zhes bstan pa'i phyir bshad pa/ skye bzhin pa ni phyed skyes phyir// skye bzhin pa na skye mi 'gyur// gal te gang cung zad cig skyes shing cung zad cig ma skyes pa de skye bzhin pa yin na/ de ltar na ni 'o na skye bzhin pa de yod pa ma yin te skyes pa dang ma skyes pa dag la rjes su zhugs pas gzhan gsum pa skye bzhin pa'i dus kyis rnam pa med do// de'i phyir med pa nyid kyis skye bzhin pa mi skye'o// gal te gnyi ga'i ngo bo skyes bzhin pa yin na ni de'i phyir de'i gang cung zad cig skyes pa de ni skyes pa'i khongs su gtogs pa'i phyir mi skye ste/ dngos po ni myi skye'o zhes brjod pa'i phyir ro// de'i cung zad ma skyes pa gang yin pa de yang mi skye ste/ dngos po med pa mi skye'o zhes brjod pa'i phyir ro// ci ste skyes pa dang ma skyes pa dag la skye bzhin pa nyid rtog na/ de lta yin no/ 'das pa dang ma 'ongs pa gnyis kyang skye bzhin pa nyid du 'gyur ro// zhes bstan pa'i phyir bshad pa/ yang na thams cad skye bzhin pa// nyid ni yin par thal por 'gyur/ zhes bya ba smoso// skye ba'i bya ba thob par gyur pa skyes zin pa ni mi gnas pa'i phyir 'das pa kho nar 'gyur/ ma skyes pa ni ma 'ongs par 'gyuraro// de'i phyir 'dir skye bzhin la skye ba rtog na/ yang na dus gsum po thams cad skye bzhin po'i khongs su gtogs pa 'am/ yang na skye bzhin pa zhes bya ba gang na yang med do// zhes bya bar gnas so// gzhan yang skye bzhin pa'i dngos por gnas pa yongs su brtag pa gang yin pa de ci skye bzhin pa'i bdag nyid du bya ba 'am skye bzhin pa'i bdag nyid du bya ba ma yin pa zhig tu 'gyur grang na/ gnyi ga ltar yang skyon du 'gyuraro// zhes bstan pa'i phyir bshad pa/ skye bzhin pa yi bdag nyid du// bya ba skye bzhin par mi 'gyur// skye bzhin pa yis bdag nyid du// mi bya'ang skye bzhin par mi 'gyur// skye bzhin pa'i rang bzhin gang yin pa de ni de'i bdag nyid du rnam par gnas pa'i phyir bya ba ma yin/ la/ gang zhig skye bzhin pa'i bdag nyid du mi bya ba de yang skye bzhin par mi 'gyur te/ skye bzhin pa'i bdag nyid du ma gyur pa'i phyir ro// gang zhig skye bzhin pa'i bdag nyid du bya ba de yang skye bzhin pa ma yin pa ltar skye bzhin par mi 'gyur bas skye bzhin pa med do// skye bzhin pa med pas kyang skye bzhin pa mi skye'o// 'dir smras pa/ skye bzhin pa'i don de ni yod pa nyid dang 'das pa dang ma 'ongs pa'i bar na gnas pa'i phyir ro// 'dir 'das pa dang ma 'ongs pa'i bar na skye bzhin pa zhes bya ba yod de/ gal te med na ni ci la bltos nas 'das po dang ma 'ongs pa rnam par 'jog par 'gyur// de yod na ni ma 'ongs pa'i don de la ma 'ongs pa dang thal ba zhes bya ba de la 'das pa zhes brjod do// de'i phyir skye bzhin pa la bltos pa nyid kyis dus gnyis po de rigaso// bshad par bya ste/ gang gis gnyis po bar med par// srid pa yod pa ma yin pa// de la skye bzhin pa med do// gang phyir de la'ang bar yod phyir// rgol ba gang gi ltar na bar med par te/ dkyil med par 'das pa dang ma 'ongs pa gnyis srid pa yod pa ma yin pa de la skye bzhin pa med do// ji ltar zhe na/ gang phyir de la'ang bar yod phyir te// ji ltar skye bzhin pa 'das pa dang ma 'ongs pa dag gis bar na gnas pa pa nyid yin pa de bzhin du/ skyes bzhin pa skyes pa dang ma skyes pa'i rang bzhin can de la yang gang la bltos nas skyes pa dang ma skyes par rnam par 'jog par 'gyur ba bar zhig tu 'gyur bar bya dgos na/ skyes pa dang ma skyes pa'i bar du gzhan gsum po skye bzhin pa zhes bya ba de rnam par bzhag par nus pa yang ma yin te/ thams cad du skyes pa dang mi skyes pa'i bar du skye bzhin par rtog pa thug pa med par thal bar 'gyur ba'i phyir ro// 'dir smos pa/ gang la bshad pa'i skyon du thal bar 'gyur ba phyed skyes pa ni skyes bzhin pa ma yin no// 'o na ci zhe na/ gang zhig 'gags pas dngos po skye bar 'gyur ba skyes pa'i snga rol gyi gnas skabs kyi ngo bo'i don de la skye bzhin pa zhes bya'o// de nyid bstan pa'i phyir smras pa/ gang gis phyir na skyes bzhin pa// 'gags pas skyes pa skye 'gyur ba// de yi phyir na skye bzhin pa// gzhan yang yod pa'i ngo bor snang // gang gi phyir skye bzhin pa 'gags pas dngos po skye bar 'gyur ba de'i phyir phyed skyes pa ma rtogs par skye bzhin pa'i dngos po yod do// 'di la bshad par bya ste// gang tshe skyes pa de yi che// skye bzhin pa la srid pa med// re zhig gang gi tshe dngos po 'di skyes so zhes brjod pa de'i tshe skye bzhin pa med do// skye bzhin pa mi srid pas kyang gang las skyes pas gang gis skye bzhin pa rjes su dpags par 'gyur ba skyes pa zhes bya ba nyid med do// ci ste skyes pa yang skye bzhin par 'gyur na po na ni de la skye ba mi srid de skyes pa'i phyir ro zhes bstan po'i phyir bshad pa/ gang tshe skyes pa skye bzhin na// de tshe ci phyir skye bar 'gyur// gang gi tshe skyes pa'i don kho na la skyo bzhin pa zhes brjod na ni de'i tshe skye bzhin pa'i don skye'o zhes bya bar ci'i phyir rtogs te/ grub pa'i phyir 'di la skye ba brtag pa mi rigs so// snyam du dgongs so// de'i phyir skye bzhin pa skye'o zhes bya bar mi rung ngo // 'dir smras pa/ skye bzhin pa'i don 'di ma skyes kyang skye ba la mngon du phyogs pas skyes so zhes brjod do// de'i phyir skyes pa kho na skye bzhin yin la/ 'di'i skye ba don med pa yang ma yin no zhe na/ de ltar na yang / gal te/ skye bzhin pa ni ma skyes pa// kho na skyes shes byas par glog/ gal te gzhan gyis skye bzhin pa'i dngos po ma skyes pa kho na skye ba la mngon du phyogs pas skyes so zhes bya bar brtags te/ de ltar yin na skyes pa dang ma skyes pa dag la/ khyad par med phyir de yi tshe// bum pa med pa cis mi rtog/ skyes pa'i gnas skabs kyi dngos po kho na gum pa la zhes brjod la skyes pa dang ma skyes pa dag kyang gcig pa nyid kyis phyir bum pa skyes pa yang sngar med pas dngos po med par 'gyur na/ 'di ni srid pa yang ma yin pas 'di ni mi rigs so// ci ste yang skye bzhin pa dang ma skyes pa la khyad par med par ma yin pa kho na ste skye bzhin pa ni skye ba'i bya ba dang 'brel pa'i dngos po yin no snyam na bshad par bya ste/ skye bzhin pa ni ma rdzogs kyang // ma skyes pa las phyi rol 'gyur// gal te skye bzhin pa'i dngos po ni ma rdzogs pa'i ngo bo yin yang ma 'ongs pa las phyi rol du rnam par bzhag mod kyi/ de ltar gang phyir skyes pa las// phyi rol gyur phyir ma skyes skye// ji ltar bya ba dang 'brel pas skye bzhin pa ma skyes pa las phyi rol du 'gyur ba de bzhin du skyes pa las kyang phyi rol tu gyur pa nyid de ma rdzogs pa'i ngo bo yin pa'i phyir ro// de'i phyir ma skyes pa kho na skye'o zhes bya bar 'gyur bas skye bzhin pa zhes bya ba med do// skyes pa las phyi rol tu gyur pa'i phyir ma skyes pa nyid skye ba 'ba' zhig tu ma zad kyi/ 'di las kyang ma skyes pa nyid skye'o// 'di ltar gzhan gyis/ skye bzhin po sngar ma byung yang // phyi nas yod pa yin par grag/ des kyang ma skyes pa skye'o// ma byung zhes bya ba byung ba ma yin pa zhes bya ba'i don to// gang zhig da ltar skye bzhin pa nyid du bskrad pa de ni skye bzhin pa'i gnas skabs kyi sngar te gang du ma byung ngo // ma 'ongs pa'i dus na skye bzhin pa'i don de med kyang phyis skye bzhin par yang 'gyur bar grag go// de'i phyir yang skye ba'i bya ba dang 'brel pa'i dus na mo skyes pa kho na skye bzhin par 'gyur ro// de'i phyir 'di ma skyes pa nyid kyis ma byung ba nyid yin la/ bdag gi dngos po ma thob pa'i ma byung ba la ni skye ba'i bya ba 'jug par mi bzod do// zhes bshad pa ni/ ma byung zhes bya skye ma yin// zhes bya'o// gzhan yang rdzogs pa yod ces byar 'gyur la// ma byas pa ni med ces brjod// yod do zhes bya ba 'dis ni rdzogs par brjod do// rdzogs pa'i dngos po kho na yod do zhes bya bar 'gyur ro/ yod do zhes bya ba yin no zhes bya ba'i don to// med do zhes bya ba 'dis kyang ma byas shing ma rdzogs pa kho na brjod do// de'i phyir gnas skyabs 'di gnyis dang bral nasA/ gung gis tshwa na skye bzhin pA// med pa de tshe gang deru brjod// gang gis tshe dngos po 'di ni 'di ltar yin no// zhes bya bar skye bzhin pa'i gnas skyabs kyi dngos po bstan par mi nus pa de'i tshe rang rang gi ngo bo nges par ma zin pa yin pa'i phyir yod pa ma yin po nyid de'i phyir nges par mi nus so// de'i phyir de ltar ji skad bshad pa'i tshul gyis skye bzhin pa mi srid pa'i phyir/ gang tshe rgyu ni ma gtogs par// 'bras bu yod pa ma yin pa// de yi tshe na 'jug pa dang // ldog pa 'thad pa nyid mi 'gyur// gang gi tshe rnam par dpyad pa na rgyu las logs shig pa'i 'bras bur mi 'gyur ba de'i tshe rten med pa'i 'jug pa 'bras bu skye ba dang ldog pa rgyu 'jig pa med de/ ji skad du bcom ldan 'das kyis sems can mi dang shed skyes kyang rung ste/ 'dir skye so shi ba'iga' yang skye mi 'gyur// chos kun rang bzhin rgyu 'dra stong pa ste/ mu stegs can gyis shes par nus ma yin zhes rgya cher gsungs la// de bzhin du skye ba dang ni 'chi 'pho'ang // skye ba med cing 'chi 'pho med// gang zhig 'di ni shes gyur pa// de'i ting nge 'dzin rnyed mi dka' zhes 'byung ngo // de'i phyir de ltar yongasu dpyad pa na dngos po rnams kyis rang bzhin 'grub par mi 'gyur bas so so nas dngos po rnams la sgyu ma lta bu de nyid lhag myur lus par 'gyur ro// de'i phyir de ltar rnam pa thams cad mkhyen pa'i ye shes skyes pas 'gro ba mtha' dag 'gyed par 'dod pas sgyu ma skye bo blun po rmongs par byed pa skye bo blun pa ma yin pa ya mtshan pa skyed par rig cing / 'dir bden par mngon par zhen pas bslang ba'i dngos po la sred pa bsal la/ 'gro ba yongs la phan gdags pa'i phyir bla na med pa'i ye shes kyi rgyur 'gyur ba'i snying rje chen po dang byang chub kyis sems dang / gnyis su med pa'i ye shes zhes bya ba gsum mngon du byas te/ mkhas pa srid par skye ba la bzo zhing ji lta ba bzhin nges pa'i 'khor ba'i rang bzhin nyon mongs pa dang sdug bsngal gyi me 'bar ba'i phreng ba'i tshogs kyis bskor ba'i srid pa gsum gyi khang pa'i dbus su chud pa'i 'gro ba la skyob po med par lta zhing 'gro bar 'gro ba'i sdug bsngal ma lus par bsdoms pa lhags pa/ 'khor ba'i bar du skad cig dang skad cig la rnam pa gzhan dang gzhan du lus dang sems ngag la gnod pa dag gis kyang breng bar mi 'gyur lo// 'gro ba'i sdug bsngal cig car lhags pa dag gis 'khor ba'i bar du spro bar byas pa'i brtson 'grus kyis skad cig re re ni 'gro ba mtha' dag gi rnam pa thams cad mkhyen pa nyid kyi nor gyi tshogs mtha' yu pa skye ba'i rlig par byas nas slar yang srid pa brgya phrag blang bar rigs te/ ji skad du bcom ldan 'das kyis/ de yi lhag bsam 'khor bar gtogs pa ste// sbyor ba mya ngan 'das par rtogs pa yin// sbyin pas sems can yongs su smin phyir dang // rnam par smin la re ba med pa nyid// ces bya ba la sogs pa dang / de bzhin du 'phags pa de bzhin gshegs pa gsang ba'i mdo las/ rgyal po chen po yang de'i tshe de'i dus na 'khor der byang chub sems dpa' sems dpa' chen po dpa' ba'i stobs zhes bya ba zhig lhags par gyur nas 'khod de/ des bcom ldan 'das de la 'di skad ces gsol to// bcom ldan 'das de de ltar lags so// badre bar gshags pa de de ltar lags so// byang chub sems dpa' rnams kyis brtson 'grus brtsams shing lus drang srog dor bar bgyi'o// bdag gis bcom ldan 'das kyis ji skad gsungs pa'i ngan 'tshal te/ gang zhig 'di snyam du bla na med pa yang dag par rdzogs pa'i byang chub mngon par rdzogs par 'tshang rgyu bar bya'o snyam du sems pa'i byang chub sems dpa' de ni le lor ltung ba lags par kho bo la snang ngo // de ci'i slad du zhe na/ bcom ldan 'das brtson 'grus brtsams pa'i byang chub sems dpa' rnams la 'khor ba yongs su skyo ba mi 'byung ngo // bcom ldan 'das byang chub sems dpa' rnams sems can yongs su smin pa nyid nye bar bzung nas 'khor ba la phan yon du lta ba de ltar ni yongs su mya ngan las 'das pa chen po ni ma lag so// bcom ldan 'das byang chub sems dpa' rnams ni sems can gyi don la mngon par brtson pa lagaso// de ci'i slad du zhe na/ bcom ldan 'das byang chub sems dpa' rnams la 'khor ba ches bde ba'i mya ngan las 'das pa chen po ni ma lags so// de ci'i slad du zhe na/ bcom ldan 'das byang chub sems dpa' rnams ni sems can thams cad kyi don la brtson pa ste/ de rnams ji ltar sems can gyi don byed pa de lta de ltar bde bar 'gyur lags so// bcom ldan 'das rnams yongs su mya ngan las 'das pa ni slar ci zhig bgyid par 'gyur/ bcom ldan 'das de'i slad du byang chub sems dpa' ni 'khor ba'i bde ba'i ro mi myang bar 'khor ba'i spyod yul can du bgyi/ mya ngan las 'das pa'i spyod yul can ni ma lags so// bcom ldan 'das byang chub sems dpa' 'khor ba'i spyod yul can 'khor ba'i bde ba'i ro mi myang bar sems can gyi don la brtson pa ni sangs rgyas bcom ldan 'das dpag tu med pa khums shing tshes dpag tu med pa khums la sems can dpag tu med pa yongs su smin par bgyid do// bcom ldan 'das 'khor ba'i spyod yul can gyi byang chub sems dpa' ni sems can gyi spyod yul gyi rjes su 'jug go// bcom ldan 'das mya ngan las 'das pa'i spyod yul can gyi byang chub sems dpa' ni btang snyoms su lhung ngo // bcom ldan 'das gal te byang chub sems dpa' 'khor ba'i spyod yul la skrag na ni spyod yul ma lags par ltung ngo // spyod yul ma lags par ltung na phyis sems can gyi don mi bgyid do// des ni de bzhin gshegs pa'i spyod yul la dgod par mi nus shing / sems can gyi nye ba 'tsho ba/ mi 'gyur lagaso// yang de'i spyod yul ma lags pa gang zhe na gang 'di nyan thos dang rang sangs rgyas kyis sa la dga' ba nyid dang / sems can yongs su smin par bya ba la btang snyoms pa'o// de ci'i slad du zhe na/ bcom ldan 'das nyan thos rnams kyis spyod yul gang lags pa de ni byang chub sems dpa'i spyod yul ma lagaso// bcom ldan 'das nyan thos rnams ni 'khor ba'i spyod yul la skrag par 'gyur lcags kyi byang chub sems dpa' rnams ni slar 'khor ba dpag tu med pa yongs su 'dzin par byed par 'gyur ba lagaso// de la bcom ldan 'das byang chub sems dpa' ni spyod yul la gnas par 'gyur bar bgyi 'tshal lo zhes rgya cher gsungaso// slob dpon 'phags pa lha'i zhal snga nus kyi byang chub sems dpa'i rnal 'byor spyod pa bzhi brgya pa'i 'brel pa las/ 'dus byas kyi don dgag pa sgom pa bstan pa zhes bya ba ste rab tu byed pa bco lnga pa'i 'grel pa'o// da ni thal zin pa'i rab tu byed pa bco lngas bstan bcos kyi bya ba yongasu rdzogs par byas nas bstan bcos rtsom pa'i dgos pa dang / rgol ba ngan pa'i lhag ma spangs par bstan pa'i phyir rab tu byed pa bcu drug pa rtsom mo// rgyu 'ga' zhig gis stong pa yang // stong pa min pa lta bur snang // rab tu byed pa thams cad kyis// de ni so so 'gog par byed// stong pa nyid kyi don ji lta ba bzhin nges par ma byas par ni 'gas kyang 'khor ba lha chags pa spangs nas mya ngan las 'das pa la dga' ba bskyed par mi nus so// chos thams cad rang bzhin gyis stong pa nyid de yang 'gro ba bdag dang bdag gis pa la mngon par zhen pa'i zhags pas dbang du byas pa thos pa dang mi ldan pa rnams ha cung skrag par byed pa yin pas mkhas pas mi snyan pa gleng ba la mkhas pa'i skyes bus rgyal po la btsun mo phangs pa shi ba'i tshul gsol bas thugs bde ba bskyed pa bzhin du rigs pa 'ga' zhig gis gzhug par bya'o// / bdag tu 'dzin pa dang bdag gir 'dzin pa'i 'dzin pas phyin ci ldog pa'i 'jig rten gyis ni dngos po mi rtag pa nyid la skad cig mar 'jig pa ma mthong bas 'du byed tsam gyi rgyun gyi don yang dag par ma nges pa las stong pa nyid du lta ba'i bgegs su 'gyur ba rtag pa nyid du nges par byas nas phyir 'jil bar byed pa na 'gro ba mi stong pa kho nar rtogs te de'i phyir de'i stong pa nyid ma yin pa nyid du lta ba dgag pa'i phyir rab tu byed pa dang po brtsamaso zhes bya ba la sogs pa sbyar bar bya'o// 'dir stong pa nyid kyi don rang bzhin dang bral ba'i don yin no zhes ni lan cig ma yin par bstan zin to// de'i phyir de ltar na dngos po'i rnam pa rang bzhin dang bral ba yin yang rgyu 'ga' zhig gis stong pa yin par grang dag la snang ba de dag yod pa ma yin pa'i 'dzin pa'i rgyu de rab tu byed pa bco lnga po thams cad kyis 'gog par byed do// gal te de lta bu'i don du rab tu byed pa de rnams brtsams na/ de nyid kyis phyir dngos po rnams stong pa ma yin nam 'di ltar rab tu byed pa de rnams kyi smra ba po ni re zhig khyod yod la/ rab tu byed pa'i brjod par bya ba'i don stong pa ma yin pa'i rgyu zlog par byed pa'i rgyu yang yod cing don khyad par du 'phags pas mtshams byas pas sgra'i tshogs kyi ngo bo can gyis tshigs rab tu byed pa bco lnga'i bdag nyid can 'di yang yod pas smra ba po dang brjod par bya ba dang / tshig rnams yod pa las dngos po rnams stong pa nyid ma yin par grub ste/ de'i phyir khyod kyi rab tu byed pa thams cad rtsom pa'i ngal ba'i tshegs don med pa nyid do zhes bstan pa'i phyir smras pa/ gang tshe smra bo brjod bya na'ang // de'i tshe stong pa zhes byar mi rung ngo // 'ang gi sgra ni tshig bsdu ba'i don du'o// gang gis tshe khyod smra ba po yod cing brjod par bya ba rab tu byed pa bco lngas bstan par bya ba'i don yod la khyod kyi tshig stong pa nyid kyi don rab tu sgrub par byed pa yang yod pas de'i tshe dngos po thams cad grub po// mo gsham gyi bu yod pa ma yin pa ni don gang gis yang smra ba por mi rigs shing / de'i tshig kyang yod pa ma yin la de'i tshig gis bstan par bya ba'i don yang med na 'di gsum ni yod pa yang yin pas dngos po rnams rang bzhin dang bcas pa nyid du grub po/ bshad par bya ste/ 'di ni rigs pa ma yin no// gang las she na 'di ltar/ gang zhig brten nas kun 'byung ba de ni gsum la'ang yod ma yin/ rang bzhin bya ba ni tshig gi lhag ma'o// 'di na smra ba po gang yin pa de yang kho bo cag gis ltar na rten cing 'brel par 'byung ba yin dang sgru ba po nyid du rnam par bzhag ste/ tshigA dang brjod par bya ba la brten nus smra ba por 'dogs kyis mI smra ba ni ma yin no// grang gis tshe de ltar yin pa dri'i tshe smra ba po'i rang bzhin med la tshig dang brjod par bya ba la yang smra ba po'i rang gi ngo bo yod pa ma yin// gal te yod na ni skye ba don med pa nyid du 'gyuraro// de'i phyir smra ba po'i rang bzhin rang ngam de la med de/ de'i phyir stong pa yin no de bzhin du brjod par bya ba yang smra ba po dang tshig la brten nas gdags kyi/ rang bzhin nyid kyi ni ma yin zhes bya ba la sogs pa dang tshig la yang sbyar bar bya'o// de'i phyir gsum po de dag gis rang bzhin ni gsum char la yang yod pa ma yin pas smra bya po dang / brjod par bya ba dang tshig rnams rang bzhin stong pa nyid du grub pa kho na ste/ de'i phyir skyon med do// 'dir smras pa/ gal te thams cad stong pa yin na de'i tshe dbang po dang don dag rnam pa thams cad du med pas 'a gro ba bong bu'i rwa dang 'dra bar 'gyur ni/ dbang po dang don bden pa'i ngo bo 'di yod pa yang yon pas dngos po thams cad rang bzhin dang bcas pa kho na yin no// 'di la brjod par bya ste/ gal te stong pa nyes pa yis// stong pa ma yin 'grub 'gyur na// de lta yin dang de las bzlog pa'i sgo nas khyod la// mi stong nyes pas stong pa ni// ci ste 'grub par 'gyur ma yin// gul te 'gro ba stong pa ma yin par 'gyur na ni de'i tshe 'gro ba ldog pa med pa'i rang bzhin gyis gnas pa'i phyir rtag par 'gyur zhing ma skyes pa dang ma 'gags par 'gyur na de ltar yang ma yin te brten nas dmigs pa'i phyir ro de ltar na stong pa ma yin pa'i nyes pas khyod la stong pa nyid kyis don 'grub par ci ste mi 'gyur stong pa nyid du smra ba bsal rtsam gyis rang gi phyogs 'grub par rigs pa yang ma yin no// phyogs gzhan khas blangs pa'i rgol bas ni gdon mi za bar/ gzhan gyi phyogs ni bzlog ba dang / rang gis phyogs ni sgrub pa ste/ gnyis bya ba zhig na khyod ni stong pa nyid du smra ba bsal brtsam la zhugs pa'i phyir/ gal te sun 'byin byeng phyogs gcig/ dga' na sgrub byed la cis min// khyod sun 'byin par byed pa'i phyogs ltar sgrub par byed pa'i phyogs la yang dga' la rag go// de'i phyir gal te ril bsgrub par bya ba dang mtshungs par mi 'gyur na/ rang gis phyogs sgrub pa'i phyir ro zhig 'thad pa cung zad cig brjod dgos na/ stong pa nyid du smra ba la ni thams cad bsgrub par bya ba dang mtshungs par yang 'gyuraro// de'i phyir rang gis phyogs sgrub pa'i nus pa dang bral ba'i phyogs yongs su 'dzin pa mthong zhig/ phyogs su ma lhung zhing dbu ma lam nas zhugs pa khyod la mthong ba dang ma mthong ba dang 'gal ba med pas 'ga' la yang 'jig pa mi srid // ci ste re zhig khyod kyis stong pa nyid du smra ba'i phyogs 'di yongs su brtag pa na/ mi rigs pas yod/ pa ma yin no// de'i phyir 'di med pa nyid du grub na phyogs gzhan med pas sel bar byed pa kho bo cag gis phyogs su grub par 'gyur ro snyam na/ 'di yang yod pa ma yin te/ gal te yongs su btags pas na/ med gang de phyogs mi 'gyur na/ des na gcig nyid la sogs gsum// kun kyang phyogs ma yin par 'gyur// ji ltar kho bo cag gi phyogs yongasu brtags pa na med pas yod pa ma yin pa de bzhin du rgol ba rnams kyis gcig nyid dang gzhan nyid dang brjod du myed pa'i phyogs rnams kyang rnam par dbyung ba na yod pa ma yin pas de rnams kyang phyogs ma yin pa nyid du 'gyuraro// de'i phyir yongs su brtags pa na phyogs thams cad yod pa ma yin pas khyod kyis phyogs yongs su 'dzin pa mi rigs so// 'dir smras pa/ khyod kyis stong pa nyid kyis gcig nyid la sogs pa'i phyogs thams cad mi rigs par brjod do// glang du mngon sum gyis bum der// stong pa'i gtan tshigs don med 'gyur// gang du bum pa mngon sum gyis dmigs pa'i phyogs de la stong pa'i gtan tshigs don med do// mo gsham gyis bu yod pa ma yin pa ni 'ga' zhig gis yang mngon sum ma yin ni bum pa 'di ni mngon sum yin te/ de'i phyir mngon sum nyid kyi gtan tshigs bsal ba'i phyir stong pa nyid kyi gtan tshigs kyi mi rigs pa nyid do zhe na/ sngar bum pa'i mngon sum nyid bsal zin pa'i phyir des khro bo cag la gnod pa myed pa ma yin nam/ gal te bum pa mngon sum nyid khyod kyis bsal gyi bdag gis ni ma yin de de'i phyir khyod la bum pa mngon sum ma yin gyi/ kho bo cag ltar na ni bum pa mngon sum nyid yin pa'i phyir 'di mi rigs so zhe na/ 'di ni yod pa ma yin te/ gang gi phyir/ 'di na gzhung lugs las 'byung bya'i// gtan tshigs yod min gzhan du yod/ 'di na ste stong pa nyid rigs par smra ba ni gzhung lugs gzhan du grags pa'i gtan tshigs khas len pa med de/ gzhan gyis gzhung lugs de nyid mi rigs pa nyid du bstan par 'dod pa'i phyir ro// gang du rgol ba rnams la lta ba mtshungs pa yod pa der ni gnyis gas kyang dron der khwas blangs pas tshad ma nyid du rigs pa kho na yin gyis/ rigs pa smra na ni 'thung pa dang bcas pa'i don nam grub pa'i mtha' ma kho na yongs su 'dzin te/ de'i phyir 'di la gzhan gyi gzhung lugs su grags pa'i gtan tshigs kyis gnod pa mi srid pas stong pa nyid kyis gtan tshigs la don med pa nyid med do// ci ste stong pa nyid smras pa nyid smra ba khyod kyis stong pa nyid kyi dngos po smra la/ stong pa ma yin pa la ma bltos pa'i stong pa yod pa yang yin pas dngos po thams cad rang bzhin dang bcas pa nyid du sgrub po snyam na bshad par bya ste/ gal te stong pa nyid ces bya ba rang gis ngo bos grub pa 'ga' zhig yod na ni dngos po rnams rang bzhin dang bcas par 'gyur na yod pa ni ma yin no zhes bstan pa'i phyir bshad pa/ stong min med par stong pa ni// gang las 'byung ba nyid du 'gyur// ji lta bur na cig shos kyis ni// med par gnyen po 'byung bar 'gyur// gal te stong pa ma yin pa'i zhes pa'i dngos po 'ga' zhig yod na ni de'i tshe de'i gnyen por gyur pa stong pa'i dngos po cung ba ci tu 'gyur na/ stong pa ma yin pa ni srid pa yang ma yin te/ rgyu med par 'ga' la yang na mkha'i me tog ltar yod pa nyid mi srid pa'i phyir ro// gang gis tshe stong pa ma yin pa mi srid pa de'i tshe de'i gnyen po stong pa yang cig shas stong pa ma yin pa med par mi srid do// 'di ltar yod pa ma yin pa'i khyi ni spre'u'i gnyen por mi 'gyur te/ thams cad du 'gal ba'i don gzhan med par 'gal ba'i don gzhan mi srid pa'i phyir ro// de'i phyir stong pa ma yin pa med par stong pa yod pa ma yin la/ de med pa yin dang stong pa nyid ces bya ba cung zad kyang med do zhes bya bar grub po// ji skad du stong nyid lta ba thams cad ni// nges par 'byin par thub pas gsungs// gang dag stong pa nyid lta ba// de'i phyir de dag sgrub tu med par gsungs zhes gsungs la/ bcom ldan 'das kyis kyang / 'od srungs 'di lta ste/ mi nad pa zhig yod la sman pas de la sman btang nas sman des nga'i nang thams cad bskyod de sman lto na 'dug pa nyid mi 'byung na 'od srungs de ji snyam du sems/ myi de nad de las thar bar 'gyur ram/ gsol pa bcom ldan 'das de ni mi 'gyur lags te/ ga sman des nad thams cad bskyod nas sman ltor ma mchis pa nyid ma byung na ni myi de'i bro na shin tu tsha bas che bar 'gyur lags so// bcom ldan 'das kyis bka' stsal pa/ 'od srungs de bzhin du lta bar gyur pa thams cad las byung ba ni stong pa nyid yin na/ 'od srungs stong pa nyid kho nar lta ba de ni gsor mi rung ngo // zhes ngas bshad do zhes gsungs so// 'dir smras pa/ stong pa zhes bya ba cung zad kyang med pas stong pa nyid kyis phyogs su mi 'gyur mod kyi/ de lta na yang phyogs med pa yang phyogs nyid du yongs su gzung bas phyogs nyid du 'gyur la/ mithun ba'i phyogs la ma bltos par phyogs srid pa yang ma yin pas mi mthun pa'i phyogasu yang 'gyur ro// phyogs dang mi mthun pa'i phyogs yod pa las kyang dngos po thams cad 'grub bo// 'di yang mi rigs so zhes bstan pa'i phyir bshad pa/ gsal te phyogs nyid du 'gyur na/ phyogs med phyogs kyi ngo bar 'gyur// galnga te phyogs med pa nyid yod na ni de de ltar 'gyur na srid pa yang ma yInA te/ mi mthun pa'i phyogs med pa'i phyir ro// mi mthun pa'i phyogs med pa de ni rgol ba thams cad bsal bas bstan zin to// yang gang gi tshe de ltar phyogs meng nyid meng na/ gang zhig mi mthun phyogs su 'gyur// phyogs med pa'i phyir mi mthun pa'i phyogs kyang med pas yongs su zin pa thong zhig 'dir smras pa/ dngos po rnams kyi rang bzhin ni yod pa kho na ste/ khyad par gyi ngo bo dmyigs pa'i phyir ro// 'di ltar/ gal te dngos po yong min nA// me ni ji ltar tsha bar 'gyur// de'i phyir khyad par dmigs pa 'di la sa dngos po rnam kyikyirang bzhin yod pa nyid do// brjod par bya ste/ 'di ni mi rigs so// gang gi phyir tsha ba me yang yod min zhes// gong nyid du ni bzlog par byas// me tsha ba'i rang bzhin nyid ni sngar tsha ba me nyid du 'gyur to/ tsho ba min pa ji ltar sreg/ des na bud shing zhes bya ba/ yod min de med me yod min zhes bya ba der bzlog zin to// de'i phyir khyad par med pas dngos po rnams kyi rang gi ngo bo med do// gzhan yang gal te/ dngos po mthong nas dngos po ni// med pa zhes bya bzlog 'gyur na// gal te dngos po med gas nas de'i dngos po med pa bzlog na ni rigs par bstan pa zhig ste/ dngos po'i dngos po med pa dmigs nas dngos po yang bzlog par ci'i phyir mi 'gyur/ tshul 'di nyid kyis/ de ltar phyogs ni bzhi char la// nyes pa spangs pa gang zhig mthong // 'di yang / yod dang med dang yong med dang // yod med min zhes bya ba'i tshul// 'di ni mkhas pas gcig nyid sogs// dag la rtag tu sbyor bar bya// zhes bya ba der bshad zin to// de'i phyir de ltar na phyogs bzhi ga la yang skyon mthong ba'i phyir phyogs 'ga' yang yongs su bzung bar mi rigs so// 'di las kyang phyogs yongs su 'dzin par mi rigs te/ rdul la cha shos yod med ces// dpyad pa der yang 'jug par 'gyur// de'i phyir bsgrub par bya ba yis// bsgrub bya ba sgrub par mi 'thad do zhes sbyar bshad pa'i phyir ro// de'i phyir 'dris rnam par dpyad pa na dngos po shin tu zhib pa/ rdul phran la yang yod pa'i dngos// gang du med der ji ltar 'byung // gang du rdul phra rab tsam la yang bden pa'i ngo bo yod pa ma yin pa der ji ltar 'byung zhing skye ste/ rdo skye ba po rnam pa thams cad du med pas der skye ba kho na'o// snang ba med pa'i spyod yul mnga' ba/ dngos po thams cad kyi de kho na nyid ji lta ba bzhin thugs su chud pa'i nyi ma'i 'od zer gyi tshogs kyis ma rig pa'i mun pa mtha' ngag gsal ba/ mi shes pa'i mun pa thug po'i mtshan mo'i gnyid kyis log pa'i 'gro ba rangs pa sad par mdzad pa lhur ba zhes pa byang chub tu yang dag par mngon par rdzogs par sangs rgyas pa'i/ sangs rgyas rnams la med nyid kyang // de nyid phyir na ma 'brel pa'o// de nyid kyi phyir de nyid kyi ye shes la bltos nas dngos po 'ga' yang ma dmigs pas yod pa nyid ltar med pa nyid kyang mngon par mi bzhed do// yang na rang bzhin ma skyes pa'i phyir de med pa yang mi srid pas sangs rgyas rnams la med pa nyid kyang ste/ nyan thos dang rang sangs rgyas dang bla na med pa yang dag par rdzogs pa'i sangs rgyas rnams la mi bzhed do// yongs su rtog par byed pas ni gdon mi za bar gnyis med par smra ba 'di thams cad du son pa yin no zhes bya bar nges par bya'o// 'di ltar / gal te kun la gnyis min na// rnam par spyad bzhin pa yi don// gzhan gang zhig la yod dngos yod// gal te khyod la'ang de rigs na// brgal ba gzhan po ci ste byed// gang du gnyis ma yin pa gnyis su med par smra ba 'dir mi 'gyur ba dngos po gang zhig la dngos po'i ngo bo yod// re zhig dngos po rtag pa gang dag yin pa de dag la ni rang gis ngo bos yod pa ma yin pas yod pa dang med pa nyid kyi rtog pa ngag brtag par mi nus te/ yod pa dang med par rtog par 'jug pa'i rgyu dngos po rtag pa yod pa ma yin pa'i phyir ro// dngos po gang dag skye ba dang ldan pa de dag kyang rtag pa'i ngo bo med pas rang bzhin gyis mtshan nyid dang mtshan nyid mi mthun pa yod pa yin dang rang bzhin yod pa dang med pa'i rtog pa dag rnam par gzhag par mi nus so// 'dus byas dang 'dus ma byas las ma gtogs pa'i dngos po gzhan yod pa nyid du bzhag par nus pa yang ma yin no// de'i phyir rigs pas thob par bya ba'i phyir drangs shing gsal ba'i don 'di rgol ba dag gis gnyis smra ba rang gi blos phyin ci log tu brtags pa spangs te gnyis med par smra ba 'di rang gi blo la bzhag par 'os pa nyid do// ci ste 'thad pa gang zhig gis don 'di mi 'grub pa sring na ni 'o na gang gis kho bo cag gi kyang yid ches par 'gyur ba de brjod par gyis shig/ 'on te ji skad bshad pa'i don dang 'gal ba'i 'thad pa gang zhig kyang brjod par mi nus na ni de'i tshe gal te kho bo cag gis bshad pa'i 'thad pa kho nas khyod la yang mtha' gnyis spangs pa de rigs na ci'i phyir rtsod pa gzhan po byed/ gang gi phyir 'jig rten pa dang 'jig rten las 'das pa'i dngos po rang dang gzhan gyi gzhung lugs kyis yongs su brtags pa rnams la gnyis su med pa'i de dor 'dir dbyer med pa de nyid kyi phyir/ dngos po kun gyi dngos med la// rnam par dbyed mi rigs te// rdzas rnams kun lnga gang mthong ba// de ni rnams dbyer mi 'gyur ro// rgyu dang rkyen las skyes pa'i phyir rang bzhin byas pa can nyid du thal ba'i phyir dngos po rnams kyis rang bzhin gang yin pa de ni rgyu med pa can kho na yin la rgyu med pa lnga yang yod pa nyid mi sgyid byas med par dgag pa lnga brten nas dngos po med pa kho na rang bzhin yin te dngos po ma yin pa'i phyir ro// de'i phyir rang bzhin 'di thams cad la dbyer med pa'i ngo bo yin pa'i phyir dngos po thams cad rang bzhin gyis ma skyes par rang gi ngo bo gcig pa ste/ 'di lta ste dngos po med pa'i rang bzhin gyi ngo bo'o// dper na bum pa dang 'khar gzhong la sogs pa tha dad kyang bzhin du rdzas thams cad la gang zhig mthong ba yang rtswa tha dad par thams cad sgrib pa med pa nyid mtshungs pa'i phyir gzugs med pa tsam gyis ngo bo na mkha' rang gi ngo bo tha dad pa yod pa ma yin pa dang / yang dper na dngos po rnams bdag nyid ji lta ba bzhin du 'dus byas thams cad mi rtag pa nyid dang / zag pa dang bcas pa thams cad sdug bsngal ba nyid do zhes bya ba la sogs pa tha mi dad pa de bzhin du rdzas thams cad la gang zhig mthong ba yang rdzas tha dad par rnam par gzhag par mi nus so// de nyid kyis phyir/ dngos po gcig gi lta bo gang // de ni kun gyi lta bor bshad// gcig gis stong nyid gang yin pa// de ni kun gyi stong pa nyid/ ces sngar bshad do// de nyid kyi phyir bcom ldan 'das kyis/ gang gis dngos rnams dngos po med ces shes gyur pa// de ni dngos po kun la gzhar yang chags pa med// gang zhig dngos po kun la gzhar yang chags med pa/ 'di ni mtshan ma med pa'i ting 'dzin la reg ces ga sungs so// gzhan yang / gzhan rtog pa sngon du gtong bar gyur pas kyang / ji skad bshad pa'i don 'di khas blang bar bya ba 'am yang na brgal zhing brtags pas lan gdab par bya'o// ci ste gang cung zad cig srid pa de la lan gdab par rigs kyis/ gang gis ltar na thams cad dngos po med pa de la brjod par bya ba dang / tshig dang smra ba po rnams dang / rtog pa dang rtogs par byed pa dang rtog pa po rnams rnam pa thams cad du med pas ji ltar lan gdab par bya/ de'i phyir de la lan ma smras pa nyid do snyam na/ gal te de ltar/ med phyir gzhan gyis phyogs la len// brjod pa min par grags na nI// gtan tshigs kyis bzlog rang phyogs kyang // ci yis phyir na sgrub mi 'gyur// gal te gzhan la thams cad med pas lan mi 'debs na khyod kyi 'thad pa 'ga' zhig gis khyod kyi rang gi phyogs stong pa nyid kyis gtan tshig kyi gazlog pa ci ste mi sgrub/ ma grub pa ni khas blangs par rigs pa yang ma yin pas 'di ni yod pa ma yin no// gang yang sun 'byin byed pa'i gtan tshigs rnyed// sla zhes 'jig rten na brjod na// de yang ma rigaso// gal te sun 'byin par byed pa'i gtan tshigs yod par 'gyur na ni de'i tshe rnyed sla ba'i phyir de khyod la yang yod pas khyod kyis kyang / gzhan gyis phyogs la skyon brjod pa nyid du ci'i phyir mi nus khyod kyis gzhan gyi phyogs la sun 'byin pa brjod par mi nus pas sun 'byin par byed pa'i gtan tshigs rnyed par mi slo'o// bcom ldan 'das kyis/ ji ltar mi g.yo ri rab chen po ni// grog ma kun gyis bskyod par mi nus ltar// de bzhin yang dag tshul la legs bslabs pa'i// mkhas te lha yi gzugs kyis kyang mi bskyod// na mkha' tshon rtsis bkru bar bya nus shing // nam mkha' lag pa yis ni gzung nus kyi// de ni bskyod par 'dod chags zhe sdang dang / bdud rnams bye bas nus pa nyid ma yin// 'ga' yis brag cha bzung bar bya nus shing // bragA ni chu yi nang du'ang 'phyo 'gyur gyi// gong zhig 'di 'dra'i lus sdom la slob pa// de yis bsam pa 'dir ni brdar mi nus// zhes rgyas par gsungaso// ci ste 'thad pa med bar yang // yod ces bya ba tsAmra zhig gis// gal te de nyid dngos yod na// maud ces bya ba tsamu zhig gis// myed par yang ni cis mi 'gyur// ji ltar khyod kyis yod do zhes bya ba'i tshig tsam gyis dngos po'i de kho na nyid yod do zhes bya ba 'jog pa de bzhin du nga'i med do zhes bya ba'i tshig tsam gyis kyang don dam par dngos po yod pa ma yin no zhes bya bar ci ste rnam par mi 'jog/ de'i phyir yu bu cag gnyis kyi gnyis su smra ba bsal bas gnyis med par smra ba spros pa thams cad bcos pa 'di gzhung lug btsugs par 'gyur ro// 'dir smras pa don dam par dngos po med na ni de'i tshe med pa la yod do zhes bya bar ming 'dir mi 'gyuraro// yod pa ma yin pa'i mo gA sham gyis bu la ni yod do zhes bya ba'i ming 'di mi rung ngo // bshad par bya ste/ gang phyir yod bdog ces ming btags// de phyir med par mi 'gyur na// gal te de ltar na/ gang phyir med ces ming byas pa// de phyir yod par mi 'gyur ro// ming ni ming can gyi rang gi ngo bo'i rjes su mi byed do// de rnams/ ming can gyi dngos po'i rang gi ngo bo dang dus mtshungs pa yang ma yin te/ de rnams dang snga rol dang phyis 'dod pas byed pa'i phyir ro// 'di ltar mig/ legs pa la zhar ba zhes bya ba dang / tshe thung b+ha la tshe ring po zhes bya ba dang / choms pa la lhas btsas pa zhes bya ba la sogs pas don dang mi mthun pa'i ming rnams kyang dmigs pa yin no// de'i phyir/ gang phyir yod ces ming byas pa/ de'i phyir maM yod par mi 'gyur ro// ming ni ming can rnam pa gcig tu na 'don pa gzhan yin te/ gang phyir med mi bdog ces ming // btags pa de phyir yod 'gyur min// gal te yod pa la yod do zhes ming byas pa las dngos po rang gi ngo bo yod pa nyid du rtog na ni rigs pas rnam par dpyad pa na yod pa ma yin pa nyid kyis yod pa ma yin pa la med do zhes ming brtags pa las yod pa nyid dgag pa ci'i phyir mi nges te/ 'di yod pa nyid du rtog pa ltar med pa nyid du yang btags par rigs so// 'dir kha cig na re smra rnams ni don gyi rang gi ngo bo ston par byed pa ma yin te/ gal te ston na ni de'i tshe me zhes smras nu khwa 'tshig par 'gyur la/ bum pa zhes smras na kha khengs par 'gyur// de'i phyir kho bo cag gis don gyi rang gi ngo bo la mi reg pa'i sgra rnams kyis brjod par bya ba dang / brjod par byed pa'i brda 'jig rten pas thams cad yod do zhes brjod do zhes zer ro// de la brjod par bya ba ste/ gal te thams cad 'jig rten pas// / brjod pas 'jig rten pa yod na// dngos gang de nyid du yod pa// de ni 'jig rten par cis 'gyur// galnga te dngos po yod pa'i rang bzhin can nyid rang gis ngo b+ho la mi rig pa'i sgra rnams kyis 'jig rten pa brjod cing / de'i rang gi ngo bo yod na ni de'i phyir rang gis ngo bos yod pa'i phyir de don dam pa kho nar 'gyur gyi/ 'jig rten pa ni ma yin no// ci ste de 'jig rten pa nyid du yod pa nyid yin gyi/ rang bzhin gyis ma yin na ni de'i tshe 'jig rten pa de don dam pa nyid du 'grub cing / don dam pa mthong ba las rnal 'byor pa rnams 'khor ba las grol bar yang 'grub po zhes bya bar rigs so// 'dir smras pa/ khyod kyis thun mong du smra mod kyi/ de lta na yang dngos po bsal bas khyod la dngos po rnams med pa nyid du 'gyuraro// bshad par bya ste/ tshig 'di ni kho bo'i bsam pa las ma 'das par mi gnas so// gal te bdag dngos po bkag pa las yod pa nyid dang 'gal ba med pa nyid khas len par 'gyur na ni de'i tshe bdag gis smra ba thams cad sel ba bsgrub par mi 'gyur te med pa nyid du smra ba shin tu thu chad pa khas blangs pa'i phyir ro zhes bstan pa'i phyir bshad pa/ gal te dngos kun med pa'i phyir// med pa nyid du 'gyur na ni// de ltar yin na phyogs rnams kun// dngos po med par mi rigs so// dngos po yod na ni de bkag pas dngos po med par smra bar 'gyur na gang gis tshe ji skad bshad pa'i tshul gyis dngos po nyid mi srid pa de'i tshe dngos po med phyir dngos med la// srid pa yod par mi 'gyuraro// ci'i phyir dngos po myed ce na// dngos po med pa med pa'i phyir ro// gang las dngos po med pa med ce na// 'di ltar/ dngos po med par dngos po ni// med par ga la 'grub par 'gyur// dngos po 'jig pa gzhan du 'gyur ba'i mtshan nyid can ni dngos po med pa'o zhes 'jig rten smra ba la dngos po de yang nges par dpyad pa na yod pa ya ma yin pas gang zhig med pas dngos po med par srid par 'gyur/ gang gis tshe dngos po med pa yod pa mo srid pa de'i tshe dngos por rtog pa dngos po med pa la bltos pas de med pa yin dang dngos po med pa med par grub po// 'dir smras pa/ rgyu med pa'i don la grub pa med pa'i phyir khyod kyis gdon mi za bar stong pa nyid du bsgrub pa la gtan tshigs bstan par bya dgos la/ gtan tshigs yod pas kyang / dngos po thams cad stong pa nyid ma yin te/ gtan tshigs ltar gzhan yang yod pa'i phyir// bshad par bya ste/ gal te stong pa gtan tshigs las gyur pa// de phyir stong par mi 'gyur na// dam bca' gtan tshigs las gzhan ni// ma yin des na gtan tshigs med// rgyu'i snga rol du stong pa nyid yod pa ma yin pa'i phyir la/ phyis yod pa'i phyir stong pa nyid byas par 'gyur la// byas pa ma yin na yang sgyu mas sprul pa'i ban glang mor ltar bslu bar 'gyur na/ stong pa nyid ni ye mtshungs pa'i ngo bo yin pa'i phyir bslu ba yang ma yin pas stong pa nyid rgyus bsgrub par bya ba ma yin no// ci ste shes par byed pa'i rgyu la bsams nas brjod na yang gtan tshigs ma srid pa nyid do// ji ltar zhe na/ 'dir gtan tshigs 'di dam bca' ba 'ga' zhig bsgrub pa'i phyir brjod pa zhig na/ gal te dam bcas pa de las gtan tshigs de gzhan yin na ni// de ltar yin na phyogs kyis chos ma yin pa'i phyir dam bca' ba'i don go bar mi byed pas gtan tshigs la dam bca' ba las gzhan nyid yod pa ma yin no// gang gi tshe gzhan du mi 'gyur pa de'i tshe gzhan nyid med pa'i phyir dam bca' ba'i rang gi ngo bo bzhin du 'di gtan tshigs ma yin pas gtan tshigs med pa ste de'i phyir dngos po rnams rang bzhin med par grub po// 'dir smras pa/ gal te gtan tshigs med pas gtan tshigs dang bsgrub par bya ba stong pa nyid ma yin par mi 'gyur na/ 'o na re zhig stong pa nyid kyi dpe yod la/ de yod pas de dang 'dra bar dngos po gzhan yang 'byung bar 'gyur ro// bshad par bya ste/ dpe de yang rtog pa na gtan tshigs kyi don dang ma 'brel pa kho na zhig gam/ 'brel pa bzhin rtog grang / re zhig gal te 'brel na ni gtan tshigs kyi sun 'byin pa nyid kyis bsal to// ci ste ma 'brel na ni de'i tshe gnyis la dam bca' ba'i don sgrub pa'i nus pa nyid med pas cung zad kyang mi byed la de brtags pas ci dgos zhes bstan pa'i phyir bshad pa/ gang phyir stong pa'i dpe yod pa// de na stong par mi 'gyur na// bya rog ji ltar de bzhin du// bdag kyang nas shes brjod nus sam/ gal te gtan tshigs kyi don dang ma 'brel ba'i dpe las don grub par sems na ni de'i tshe bya reg gi nag po'i dpe bdag kyang nag por 'gyur na/ 'di ni srid pa yang ma yin pas dpe mi rigs te// dngos po med pa'i phyir ro// gal te gtan tshigs kyang med la dpe yang med cing dngos po thams cad kyang med na khyed kyi bstan bcos byed pa'i tshegs 'di don gang du bsgrub par bya ba'i phyir yin/ brjed par bya ste/ gal te nges par btags pa na dngos po 'ga' zhig gis rang bzhin dmigs na ni de'i tshe khas len par byed pa de lta yin dang stong pa nyid du lta ba yang phyin ci log nyid du 'gyur ro// zhes bstan pa'i phyir bshad pa/ gal te rang bzhin gyis dngos yod// stong mthong yon tan ci zhig yod// stong pa nyid nye bar bstan pa ni de kho na nyid bstan par bya ba'i phyir/ yin la/ de kho na nyid kyang rang bzhin dang ngo bo yin no// gal te dngos po 'ga' zhig la yod na ni de'i tshe de nyid don dam pa yin pas grol ba don du gnyer ba la de mthong ba kho na mdzes kyi stong pa nyid mthong ba ni ma yin no// de ni de'i tshe yon tan du mi 'gyur ga ba' zhig tu ma zad kyis skur pa 'debs pa la zhugs pa'i phyir skyon nyid du 'gyur ro// gang gis tshe dngos po rang bzhin med pa rnams phyin ci log las rang bzhin dang bcas pa nyid du snang ba ba na 'jig rten gyi mngon par zhen pa'i rgyur 'gyur zhing / dngos por lhag par zhen pa'i rgyu can las dang nyon mongs pa las skye ba'i rgyun skye ba'i phyir de las 'khor bar 'jug par 'gyur ba de'i tshe dngos po rang bzhin med pa rnams rang bzhin med pa nyid du mngon par gsal bar byed pa'i bsten bcos 'dis sgro 'dogs pa dang skur pa 'debs pa spongs pa'i sgo nas rang bzhin med pa nyid ston zhing / 'jig rten yang dngos po rnams kyi rang bzhin med pa nyid bton nas gzugs brnyan dang sprul pa dang sgyu ma la sogs pa ltar dngos po rnams la mngon par zhen pa na dngos po lnga mngon par zhen pa'i rgyu can las dang nyon mongs pa zad pas 'dod chags la sogs pa'i 'ching ba mtha' dag chad pa las nges par grol bar 'gyur ro// de'i phyir bstan bcos 'dis dngos po rnams rang bzhin gzhi med pa tsam zhig ston to// bcom ldan 'das kyis chos thams cad ni stong pas te rang bzhin med pa'i tshul gyis so// chos thams cad mtshan ma med pa ste// mtshan ma med pa nye b+har bzung nas s+ho// chos thams cad smon pa med pa ste// mo smon pa yos tshul gyis so// chos thams cad ni rang bzhin gyis 'od gsal ba ste/ shes rab kyis pha rol tu phyin pa yongs su dag pas so zhes bya ba dang / de bzhin du/ gang zhig rkyen las skyes pa de ma skyes// de lta skye bo rang bzhin yod ma yin// rkyen la rag las gang de stong par bshad// gang zhig stong nyid shes de bag yod yin// zhes ji skad du gsungs pa lta bu'o// yang 'dir rten cing 'brel par 'byung ba las bskon pa ni ma yin no// zhes bshad pa/ rtogs pas mthong ba 'ching bya ste// de ni 'di ru dgrag par bya// rtog pa ni yang dag pa ma yin pa'i rang bzhin gyis don sgro 'dogs pa ste/ de'i sgo nas sems can rnams bcings par dmigs nas/ 'khor ba'i sdug bsngal bcad par bya ba'i phyir doni de bzlog par bya ba'i phyir don de thugs rje chen po mnga' zhing sems can gyi sdug bsngal gyis sdug bsngal ba'i de bzhin gshegs pa rnams dang / byang chub sems dpa' rnams rten cing 'brel par 'byung ba dang mi 'gal ba dngos po rnams rang bzhin med pa tsam zhig ston par mdzad de/ de ltar na 'ad ni mdor bsdus na sangs rgyas kyi gsung gi don yin no zhes slob dpon gyi bstan bcos 'dis rnam par bshad do// bcom ldan 'das kyis/ 'di na rang bzhin gyis stong zhing // rang bzhin rnam dag bdag med chos shes pa// de la nam yang sdom min mi 'byung ste// 'di ltar yang dag nges la de bslabs phyir// gang zhig phung po lnga po stong pa rnams// dben pa bdag med rang bzhin stong zhes shing // las gang zhig la lus kyi kun spyod pa// de la gzhan yang sdom pa min mi 'byung zhes rgya cher gsungs so// gang dag ji ltar gnas pa'i gsung rab kyi don ji lta ba bzhin ma rtogs par na/ dngos po gang cig dngos po yod pa dang / kha cig dngos po med par yongs su gsal bar byed pa de dag gi rtog pa de phyin ci log pa nyid du bstan pa'i phyir bshad pa/ gcig yod gcig med ces bya ba// de nyid min 'jig rten pa'ang mi// gang tshe 'jig rten pa'i dngos po bshad par 'dod pa de'i tshe phyi nang gi don gyi dbye bas phung po lnga char yang 'jig rten pa'i rtog pa tshad mar byas te khas blang bar bya la/ gang gis tshe 'jig rten+do las 'das pa'i de kho na nyid rnam par bshad par bya 'dod pa de'i tshe ni 'phags pa'i ye shes la bltos nas phung po lnga char yang rang bzhin gyis stong par bshad par bya'o// de las gzhan du gang rung gcig 'dod cing gang rung mi 'dod pa'i rgol bas ni de kho na nyid dang 'jig rten pa yang bshad par mi 'gyur ro// gang gis 'di de ltar yin pa/ des na 'di yod 'di ces med// brjod pa nyid du nus ma yin// gal te sems dang sems las byung ba rnams yod na ni de'i tshe bum pa dang snam bu la sogs pa rnams kyang yod de 'jig rten mtha' dag la grags pa'i phyir ro// ci ste bum pa dang snam bu la sogs pa de rnams rnam par dpyad pa na med na ni de'i tshe sems dang sems las byung ba rnams kyang med par 'gyur te/ gnyi ga yang rigs pa dang bral ba'i phyir ro// de ltar nu 'di yod la 'di ni med do zhes bya bar brjod pa nyid du mi nus so// 'dir smras pa/ bdag gis khyod la lan gdab par mi nus mod kyi de ltar na yang gang dag khyod la lan 'debs par 'gyur ba/ de bzhin gshegs pa'i bstan pa la mngon par brtson pa dag 'byung bar 'gyur ro// bshad par bya ste/ khyod kyi re ba 'di ni brdzun pa zhig ste// 'di ltar yod dang med dang yod med zhes// gang la phyogs ni yod man pa// de la yun ni ring po na'ang // klan ka brjod pa nus ma yin// phyogs yongs su 'dzin pa yod na ni rnam pa gzhan du bsgrubs pa las de lta bang dus ches yun ring ba zhig gis de la sun 'byin pa srid na/ gang la yod pa dang med pa dang gnyi ga'i phyogs spangs pas/ gang la phyogs yongs su 'dzin pa nyid yod pa ma yin pa de la ni yod pa dang med pa gnyi ga'i phyogs spangs pas yun ring pos kyang sun 'byin pa brjod par mi nus pa nyid do// na mkha'i gzugs can nyid da lta mi srid pas dus yun ring pos kyang srid par bya ba mi nus pa de bzhin du rgol ba dag gis kyang de'i rten phyogs gsum ga ya mi srid pas/ stong pa nyid du smra ba'i sun 'byin pa yun ring pos kyang brjod par mi nus te/ mkhas pas stong pa nyid du smra ba la sun 'byin pa na mkha'i ri mo dang lcags kyis gzhus pa'i gzir ba dang 'dra bar khong du chud par bya'o// yang ji ltar na mkha'i nyi ma'i 'od zer gyi tshogs kyis bsal zhing zhig par gyur pa'i mun pa rnams kyis dus yun ring pos kyang nyi ma'i 'od zer gyi tshogs gsal ba mog mog por bya bar mi nus pa de bzhin du zab cing rgya che la bsam gyis mi khyab pa'i rten cing 'brel par 'byung ba bsgoms pas rtogs pa'i nyi ma'i 'od zer gyis rgol ba mtha' dag gis gzhung lugs kyis mun pa rnams bsal ba yang yin no zhes bya bar khong du chud par bya'o// yang bshad pa/ ji ltar 'di na nyi ma'i 'od zer mtshungs pa med pa yis// dus yun ring bar mun pa'i tshogs chen 'joms shing 'joms 'gyur ltar/ de bzhin 'gro ba'i don byed gnyis su med pa'i nyi ma yong // yod dang med pa la sogs gzhung lugs mun pa 'joms byed yin// rtog ge'i gzhung lugs mun pas bkab pa yis// blo yi mIg 'di da ltar phye byas nus// bsod nams gang theb de yis skye bo 'di// yongs kyi de nyid blo mig gis mthong shog/ slob dpon 'phags pa lha'i zhal snga nas kyi byang chub sems dpa'i rnal 'byor spyod pa bzhi brgya pa las/ slob dpon dang slob ma rnam par na kun ya sa mnas pa tan na rgyu/ ts+tsha du smra du slo la sa gas rdzanas pa sa dung ba rdzams seM/ la myo kyir mi na sa smye sa yang/ ma'i nas kyi grangs med par brtsi ta brgyad ma'i rigs su sku lakhrungs pa bram ze chen du rin chen rdo rje'i dben po bram ze chen po s+yAd+d+han / sras gcig tu bde bar gshegs bya'i bstan gcos spras su mdzad pa bdag dang gzhan gyi gzhung khrig rgya mtsho'i pha rol tu son pa'i zhal snga nas dang / da kyis sgra bsgyur gyis ma dge slong pa tsha ba nyim grags kyi ba ra zhus te gtan la phab pa rdzogs so//