བོད་ཡིག

e-texts produced with BDRC’s OCR application

thal rnam sa yam pa mes rgya 'i mang slob yo k+Sha sgrub kyi mdzangs bzhugs// rgya gar skad du/ be dA l+ya sU tA nA ma/ bod skad du/ zhib mo rnam par 'thag pa zhes bya ba'i mdo// slob dpon 'phags pa klu sgrub la phyag 'tshal lo// rtog ge shes pa'i nga rgyal gyis// gang zhig rtsod par mngon 'dod pa// de yis nga rgyal spang ba'i phyir// zhib mo rnam 'thag bshad par bya// tshang ma dang gzhal bya ni gnyis ka 'dres pa yin// rang las ma grub pa'i phyir ro// yod pa dang / med pa dang gnyis ka dag ni bltos pa ma yin no// ma yin te thug pa med par thal bar 'gyur ba'i phyir ro// tshad ma rnams ni mar me bzhin// rang dang gzhan sgrub par byed pa ma yino// tshad ma rnams la ni tshad ma med de mar me ni phrad pa 'am ma phrad pa'i mun pa bsal bar byed pa ma yin no// gza'i gnod pa bzhin du 'dir yang 'gyur ro zhe na/ ma yin te/ dpe dang 'gal ba'i phyir ro// bstan bcos las 'jig rten spyod pa po de yang seng ge la sogs pa dang mtshungs par mngon par 'dod pa yin no// mar me ni rang gi bdag nyid bsal ba ma yin te/ mun pa med pa'i phyir ro// phyin ci log tu thal bar 'gyur ba'i phyir mun pa yang bdag nyid la sgrib par byed par 'gyur ro// tshad ma dang gzhal bya dag ni dus gsum du ma grub pa'o// dus gsum du ma grub pas tshad ma dang gzhal bya dgag pa mi 'thad do// dgag pa sgrub na tshad ma dang gzhol bya'ang grub po zhe na/ ma yin te// sngar khas blangs pa'i phyir ro// gal te tshad ma dang gzhal bya ma grub par khas blangs pa yin na ni khas blangs pa dang dus mnyam kho nar rtsod pa rdzogs pa yin no// ma grub pa la rtog pa spang po'i phyir ro// mngon sum la sogs pa ni yod pa ma yin te/ gang las zhe na/ yang dag par rtogs pa'i phyir ro// mngon sum la sogs pa grub na gzhal bya ni 'thad pa ma yin no// de'i rkyen can yin pa'i phyir shes pa ma yin zhing shes bya ma yin no// / blo ni tshad ma ma yin te/ gzhal bya yin par brjod pa'i phyir ro// dmigs pa dang mi dmigs pa la the tshom med de// yod pa yang med pa'i phyir ro// the tshom za ba ni yod pa ma yin te/ khyad par la bltos pa med pa'i phyir ro// / khyad par la bltos pa ma yin no// sngar bkag zin pa'i phyir ro// dgos pa med do// yod pa dang med pa nyid kyi phyir ro// phyi ma 'jug pa ma yin te/ dpe yod pa'i phyir ro// de yang snga ma dang mtshungs pa nyid do// mtha' mthong ba yang ma yin te/ thog ma dang dbus med pa'i phyir ro// me ni gzi brjid kyi dpe ma yin te/ chos 'thun pa nyid kyi phyir ro// gzi brjid dpe chu yang ma yin te/ chos mi mthun pa nyid kyi phyir ro// gzhan yang cung zad chos mthun pas yin no/ zhe na/ ma yin te/ ri rab dang sgra bzhin no// phal cher chos mthun pas ma yin te/ sngar bkag pa'i phyir ro// thog ma ma grub na tha ma grub pa ma yin no// gal te thog ma grub na dbus dang mtha' ma gnyis ma grub bo// yan lag can med pa'i phyir yan lag yod pa ma yin no// tshogs pa la yang ma gra te/ re re la med pa'i phyir ro// yan lag can yang du mar 'gyur ro// yan lag can gcig yin pa'i phyir yan lag thams cad gcig tu thal bar 'gyur ro// dus gsum du ma grub pas yan lag can med do// 'on te rtswa phal pa ji bzhin du 'grub pa yin no// ma yin te/ bsgrub bya dang mtshungs pas so// rigs pa med pa'i phyir ro// gzhan yang yan lag can lha yan lag dgos pa ltar/ yan lag thams cad la yang yan lag yod par thal ba'i phyir ro// dam bca' ba las gtan tshigs dang gzhon dang gzhan ma yin pa'i phyir ro// gtan tshigs ma yin na/ gtan tshigs la gtan tshigs med pa'i phyir ro// dam bca' dang gtan tshogs med pa'i phyir nye bar sbyar ba dang mjug bsdu ba dag med pa yin no// lhag ma dag la yang gtan tshogs med do// gal te grub pa gtan tshogs byas pa yin no// ci zhig thob ce na/ dpe la sogs pa don med do// gtan tshigs don med pa nyid do// bdag med de/ ma grub pa'i phyir ro// gzhan dang gzhan brjod pa'i phyir gcig la gcig med do// yi ge dag la'ang de lta bu yin no// the tshom bzhin du rtog ge yang yin no// / rdzas yod pa dang / gcig nyid la sogs pa dag ni// gzhan dang gzhan ma yin pa gnyis ka mi 'thad pa'i phyir gtan la dbab pa med do// rtsod pa ni yod pa ma yin te/ brjod pa dang brjod par bya ba dag med pa'i phyir ro// don dam pa dpyod pa'i skabs yin pa'i phyir ro// brda byas pa'i ming dag ni rnam pa du mar mthong ba'i phyir ro// 'jig rten pa'i mkhas pa dag kyang brjod par byed pa dang brjod par bya ba du mar sbyor bar mthong ba'i phyir// brjod par byed pa dang / brjod par bya ba gcig nyid dang gzhon nyid du ma grub bo// brjod pa dang sun ci phyin du rgol ba dag kyang de bzhin no// gtan tshigs ltar snang ba ni med do// chos mthun pa nyid dang mi mthun pa nyid med pa'i phyir ro// ma 'khrul pa ni 'khrul pa med pa'i phyir ro// 'khrul pa dang bcas pa'i gtan tshigs yod do zhe na/ ma yin te/ de dag ni gzhan yin pa'i phyir ro// skad cig ma nyid kyi phyir ro// khyed kyi gtan tshigs thams cad 'gol ba brjod pa yin gyi// 'khrul pa dang bcas pa ma yin no// ma yin to// snga ma dang phyi mar 'byung bas 'gal ba med pa'i phyir ro// 'das pa 'angs par 'gyur ba yin na/ 'das pa ni 'das pa med do// 'das pa ni 'das par 'gyur ba'o// da pyod kyi rnam pa/ thams cad med par thal bar 'gyur ba'i yang phyir ro// 'ongs pa'i gtan tshigs sam dus ni yod pa ma yin te/ mi srid pa'i phyir ro// khyod kyi thams cad tshigs dor du brjod pa yin gyi/ don dam pa ni ma yin no zhe na/ ma yin te/ lan thams cad la thal bar 'gyur ba'i phyir ro// skyes pa dang ma skyes pa dang / gnyis ka med pa'i phyir lhag chad ni med do// ma yin te/ snga ma dang phyi ma gcig dang gzhan nyid la med pa'i phyir ro// tshar bcad pa'i gnas kyang de bzhin no// tshar bcad pa'i gnas la ni/ tshar bcad pa med pa de bcings pa bzhin no// gnyis ka khas ma blangs pa'i phyir ro// de ma grub na ma grub du zad do// de kho na bzhin du brjod pa ma yin te/ mngon par brjod pa ni med pa nyid yin no// zhib mo rnam par 'thag pa zhes bya ba'i mdo// slob dpon 'phags pa klu sgrub kyi zhal snga nas mdzad po rdzogs so// // kha che'i paN+Di ta a nan+ta dang / lo tsA ba dge slong grags 'byor shes rab kyis bsgyur ba'o// / rgya gar skad du/ shU n+ya ta sap+ta ti kA ri kA nA ma/ thing skad du/ stong pa nyid bdun cu pa'i tshig le'ur byas pa zhes bya ba/ 'jam dpal gzhon nur gyur pa la phyag 'tshalo// gnas pa 'am