| བོད་ཡིག | e-texts produced with BDRC’s OCR application |
byed sogs dbang du byed la bstod// longs spyod mi zang na mkha'i mdzod la bstod// dam tshig 'dzin la dngos grub ma lus stsol zhes bstod do// bla ma chen po tsaN+DA pas mdzad do// / rgya gar skad du/ ga Na pa ti kro d+ha yo sa d+ha naM/ bod skad du/ tshogs kyi bdag po khro bo'i sgrub thabs/ 'jig rten dbang phyug la phyag 'tshal lo// dam tshig sdom pa la gnas pas// rang gzhan don gnyis sgrub byed pa'i// tshogs bdag chen po bsgrub par bya// maN+Dal gru bzhi ser po'i steng // me tog ser po'i tshem bu dgod// spos kyi dri chus chag chag gdab// gur gum gling sa ser gyis// pad+ma 'dab brgyad legs bris te// ma hA ga Na'i ru po ni// tsan dan la sogs khyad par shing // rin chen gser la sogs pa 'am// sa la de dag brdar bA la// spre'u gzugs thal sbyar khong stong nang // spre'u'i tsi ta go r-i'i brgyan// dar sna lnga dang ldan par bri// zhab su gang 'dod ming spel bya// rat+na 'bru sna dri sna gzhug/ zhabs sdoms rab gan legs byas la// dngos grub ster zhing rang la gzigs// 'dab brgyad 'khor gyi gnod sbyin brgyad// ser po phyag gnyis thal mo sbyar// rin chen thogs pa gtso la 'dung// tshad med bzhi po bsgom bya zhing // bdag nyid yi dam lhar sgoms nas// rang bzhin gnas nas spyan drangs te// dzaHhUM baM hoHdgug gzhug bstim// dgyes gur mchod pa rnam lnga dbul// la phug la du gtor ma dang // tsan dan dkar po dri bgos par// ma tsa ra yi hu ka dang // a ka ru dang gu gul gyi// khyad bar dri yi dril bus bdug/ 'dod pa'i don ni gsol bar bya// rgyu skar rgyal gyi nyin pA ra nas// zhag bdun sgrub cing rig sngags bzlas// oM rang na rang na rod Na rong Na/ ga Na pa ti gaHgaHgaHgaHgaHga Na pa ti/ tsu ru tsu ru/ ma NaM b+ha tra tu ru tu ru g+ha g+ha ta ya/ gaHNa pa ti ye swA hA/ 'dod pa'i don rnams 'grub pa'i rtags// rin chen char 'bebs lo legs rtags// gter rnams rnyed cing dge rnams 'grub// 'dzam gling nor rnams lag du 'ong // de nas grub par gyur pa dang // sku de mchod pa'i gral du bzhugs// za ma tog du dar gyis dril// mi la mi bstan sba bar bya// oM ba ra ta ka swA hA/ oM bruM gaHNa pa ti ye swA hA/ oM b+ha ga ba ta e ka daM shrI b+hin+d+ha hUM phaT/ gal te ma grub na spogs pa'i cho ga ni/ zhag gcig sbyar te/ des kyang ma grub na/ gzugs mgo gzhug bzlog ste gu gul gyi dud pas bdug cing mal 'og tu nyungs kar gyis brabs pas 'grub par 'gyur ro// // sbyin sreg ni/ 'bru/ po 'dul byed kyi rgyud le'u dgu pa nas/ dbang dang dam tshig ldan pa yis// bgegs kyi rgyal po mchod pa na// ma mo'i gnas dang mkha' 'gro 'dra// dben par tsan dan du ru ka/ si h+la ga bur lo sogs spos// me tog dmar po'i mchod pas mchod// sngags bzlas gtor mas 'dod don gsol// mkhas pas me la sbyin sreg bya// gsungs pas/ dkyil 'khor zla gam dmar po bya// de yi dbus su pad+ma dmar po 'dab brgyang bya// de'i char yang zla khyum dmar po gcig bya/ 'dab brgyad kyi dbus su shing 'bras bu can rtsigs lha sbyin sreg bya/ ril bu dmar po brgya rtsa brgyad// nas nag 'bru gu brgya rtsa brgyad// la du dum bu brgya rtsa brgyad rnams sngags gnyis sbrel la dbul oM gaHgaHsid+hi sid+d+hi/ sarba ar+tha me pra sa d+hA ya hUM hUM dzaHdzaHswA hA/ dgug pa'o// oM A~MHgaHhUM swA hA/ bzlas pa'i sngags so// oM pad+ma ka ma la ya s+t+wa~M/ gdan dbul ba'o// rang gi yi dam gyi lhas tshogs bdag sngags pas/ tshogs bdag gis lha 'dre thams cad dbang du bsdus te/ ci bsams pa thams cad sgrubs par bas mo// rgyal ba'i bzhed pa sgrub pa dang // sdug bsngal chu bor gnas pa yi// skye bo yun du skyab pa'i phyir// byang chub mchog tu sems bskyed bgyi// nyi ma'i 'od bzhin gsal ba'i zhal// ma rig sgrib pa sangs pa'i sku// 'jig rten 'dir ni don mdzad pa'i// tshogs bdag nyid la phyag 'tshal lo// dkon mchog gsum mchod gzungs bzlas pas// bgegs sel don kun sgrub byed ces// rgyal ba rnams kyis lung bstan gang // tshegs bdag nyid la phyag 'tshal lo// lha rnams khyed la mchod par byed// tshogs bdag khyed la phyag 'tshal lo// me tog 'phreng sogs rin chen dbyig/ la du la phug yid 'od zas// tsan ngan ga bur du ru ka/ si h+la la sogs spos mchog dang // mar me rol mo la sogs kyis// bgegs rgyal tshogs bdog 'khor bcas mchod// bdag la dngos grub rgya chen bstsol// ces gsol ba gdab bo// dbu rgyan pa'i zhal nas/ 'di lha chen brgyad kyi ya ba yin pas/ spogs cho ga byar mi rung gsung / dam tshig mi gtsang ba la 'dzem/ ci ci 'thung gi phud kyis mchod / bla ma gser gling bas mdzad pa rdzogs so//