བོད་ཡིག

e-texts produced with BDRC’s OCR application

rgya gar gyi mkhan po wa la tsan tra dang / lo tshwa ba skan chung dar mu tshul khrims kyis legs par bsgyur ba'o// // rgya gar skad du/ yag k+Sha ka la ma hA s+yAd te rang na nA ma/ bod skad du/ gnod sbyin nag po chen po la rin po ches bstod pa zhes bya ba/ dpal rdo rje gtum po la phyag 'tshal lo// rdo rje 'chang la gus btud nas// thugs kyi sras cig gnod sbyin rgyal// nag po g.yung drung chen po la// gus pas bstod pa bri bar bya// hUM dpa' bo chen po gnod sbyin nag po ni// ri rab chen po'i lcog bzhi nas// khros pa'i sems kyis sku bzhengs la// dgra bgegs bsgrol la phyag 'tshal li// stobs chen mthing nag 'bar ba'i sku// gsod byed g.yas pa stag gi mgo/ 'joms byed g.yon pa seng ge'i gdong // gdug pa tshar gcod phyag 'tshal lo// 'bar ba'i phyag drug g.yas pa na// ye shes rdo rjes 'byung po 'dul// rtse gsum nyon mongs dug las rgyal// gsod pa'i phur bu phyag 'tshal lo// g.yon pas shes rab dril bu 'khrol// 'gugs par byed pa'i lcags kyu 'dzin// gdug khrog kha ru 'dren mdzad pa// g.yon pa'i 'phrin las phyag 'tshal lo// zhabs gsum g.yas pas shes rab bdud// 'ching byed 'dod chags rtsang nas gcong // g.yon gyis nyi gdong thabs kyi bdud// zhe sdang rtsad gcod phyag 'tshal lo// phur bus dag bgegs dmigs pa'i mgor// gnyis med bde chen rol pa'i zhabs// ma rig rtsad nas gcod mdzod pa// rtog med ye shes phyag 'tshal lo// 'jigs pa'i rgyan ldan ha ha ra bzhad// log par blta ba rtsad nas 'byin// rdo rje 'dzin pa'i bka' nyan la// 'jigs byed khro bo phyag 'tshal lo// gang zhig bla ma la smod dang // sangs rgyas bstan la smyung 'byin po// las dran sems can sdig can 'chi// bsgrub pa po la gdung ba rnams// skad cig tsam gyis gnod sbyin gyis// 'dir bsdus ling go 'di la bstims// nus pa med par srog dang phrol// snying la sogs pa'i nang khrol rnams// rang gi snyim pa bkang nas kyang // gtso bo nyid la bstims pa dang // ma lus khrag gi rgyun yang 'thung // rus pa rkang mar glang pa zhag/ ma lus par ni gsol bar mdzod// bdag la gnod pa'i bgegs tshan rnams// bsad cing bcing ba ma byas na// gnod sbyin dam tshig nyams 'gyur te// rdo rje 'dzin pa'i bka' ma bcag/ sangs rgyas rnams kyi dam ma bsgral// khyed kyis dam bcas dam bsgral na// mgo bo tshal pa brgyar 'gas te// snying yang dum bu stong du 'gyur// lus la bskal pa'i me 'bar te// sdug bsngal 'gyur bar nges pas na// nga yi 'phrin las myur du gyis// bskal du bsnyer ba'i 'phrin las 'di// nga lta nyid du thogs med kyis// k+Sha ma na ti dgra bo ma lus pa bi da ra ya bi da ra ya phaT/ hUM gnod sbyin chen po las le ya// nag po chen po las la ya// mkha' 'gro chen po las la ya// 'jigs byed gtum po las la yaM// thugs kyi sras cig las la ya// yak+Sha rno dpal las la ya// hUM k+ShA yak+Sha sa ma ya phaT// bdag gis bstod pa 'di byas pas// nag po'i 'phrin las grub nas kyang // skal dang mi ldan sems can rnams// chos dang 'gal ba tshar gcod shog/ gnod sbyin nag po la bstod pa rin po che zhes bya ba/ slob dpon ka na ri pas bstong po rdzogs s+ho// / rgya gar gyi mkhan po bla ma wa la tsan tra dang bod kyi lo tsha ba slan chung ngar ma tshul khrims kyis bsgyur ba'o//