བོད་ཡིག

e-texts produced with BDRC’s OCR application

rnams kyi snying kha nas lcags kyus drangs te/ rgyab nas mtshon cha sna tshogs pas bdebs pas dpag tshad du bskrad par bsam/ gzugs gu gul gyis bdug go// / yum tsaN+Di ka'i sgrub thabs kyi rtsa gzhung ma ra/ he ru ka dpal yab yum dang // sku gsung thugs kyi 'khor lo'i tshogs// nag po che la phyag 'tshal nas// las kyi lha mo'i sgrub thabs bshad// thab khrung tshang ldan mdog bsgyur bya// mthun pa'i dam rdzas tshogs par bsag/ rgya tshogs ling ga mdzub gang ste// rims bzhin ma nor stang du bzhag/ rdor gsum tshal chen me gsum gsum// logs gsum gtor ma mchod pa bshamo// rang nyid bde mchog 'khor lo 'am// yang na ye shes mgon por sgom// logs gsum du ni lha mi ste// sku mdog la sogs zhal las shes// de nas bzlas pa tshul bzhin bya// oM ma hA kA lI de wi gr-ih+Na bA liM a mu kAM kha kha khA hi khyA hi/ da ha da ha/ pa tsa pa tsa/ mA ra ya mA ra ya/ s+pho Ta ya s+pho Ta ya/ khaM hri hUM phaT/ gsang sngags de brjod rtags rnams 'byung // des kyang rtags rnams ma byung na// drag po'i las la sbyar bya ste// shin tu drag po'i las byed na// mchod rten nag po tshang ldan dang // sgrub bya'i ling ga tshul bzhin bya// rtags kyi ngang ru gnyis kyang gzugs// thun rdzas drag por brtag par bya/ oM kA li kA li ma hA kA li rak+ta li nr-i rbad shrI b+hak+Sha swa ra bA laM stam+b+ha ya stam+b+ha ya hUM hUM phaT/ de nyid drag tu bzlas pa yis// sgro las me stag 'byung ba ste// de tshe drag po'i las rnams ni// bla ma'i zhal las shes par bya/ des kyang las byed ma 'chun na// dpa' bo'i nga rgyal sngags 'di bzlas// sarba sha~M trAM lam thibs thabs swA hA/ sbyin sreg ngag gi las la gzhug/ mthun pa'i rdzas kyi btang rag btang // mgon po'i gsang ba'i srog thig/ dam nyams kyi snying 'byin/ bstan la sdang ba dgral ba'i las// tsaN+Di ka'i tshig sgrub ces bya ba rdzogs so// / rong glings lo tsA ba rdo rje dbang phyug gis bsgyur ba'o// /