བོད་ཡིག

e-texts produced with BDRC’s OCR application

yang sgrog/ 'di'i rgyud pa ni/ rnal 'byor dbang phyug b+hI wa pa/ paN+Di ta sha ri pu traM/ lo che ba glo gros brtan pa bzhi pa/ des yang lungs pa chos dpal bsam 'grub la// gas kyi ca chu lagag/ rgya gar skad/ pradz+nyA a lo ka sa d+ha naM/ bod skad du/ shes rab snang ba'i sgrub pa'i thabs/ dpal rdo rje phag mo la phyag 'tshalo// blo gros ngan pa sreg par mkhas ma// 'chal pa'i ngag gi phyogs bcom ma// dug gi zin pa'i skye bo'i tshogs la/ brtson pas thar pa nye bar bskyed ma// rab tu zhi ba'i bde ba phun tshogs lha mo rdo rje phag mo la/ btud nas 'di'i rnam par 'phel ba ko kas sbyin gyis bri bar bya// de la mtshan mo'i thun phyed kyi rjes la cho ga bzhin du langs te/ dur khrod la sogs pa yid dang rjes su mthun pa'i gnas tsan dan mchog la sogs pas byugs pa/ me tog sna tshogs pas nye bar mdzes par byas pa/ mngon du gyur pa'i ro la'ang rung ste ji ltar bde bar 'dug nas// byams pa la sogs pa sgom pa sngon 'gro bas/ rang gi snying khar a'i rnam pa las skyes pa'i nyi ma'i dkyil 'khor gyi steng du/ hrI dkar po'i 'od zer gyi dra bas rab tu gsal bar byas pa'i rdo rje phag mos gtso byas pa'i bla ma dang / rnal 'byor ma dang / de bzhin gshe pa dang / byang chub sems dpa' rnams mdun du gnas ji lta bar yang dag par ltas nas/ snying ka'i sa bon las mthon pa'i lha mo rab tu gtumo dang / gtum pa'i mig can ma dang / 'od ldan ma dang / sna chen ma dang dpa' ba'i blo gros ma dang / mi'u thung ma dang / lang ka'i dbang phyug ma dang / shing grib ma ste thugs kyi 'khor lo'i brgyad dang / sa spungs ma dang / 'jigs byed chen mo dang / rlung gi shugs can ma dang / chang 'thung ma dang / lha mo sbyang khum dang / shin tu bzung mo dang / tArnam dang / byAgad m+b+ha ste gsung / 'khan ma'i brgyud dang / 'khrur bya shugs can ma dang / dun+da kyis mA na/ nang tshong ma dang / 'khor mo'i chog ma dang / shi tu dpa' mo dang / stobs tshan ma dang / 'khor los sgyur ma dang / brtson 'grus chen mo ste sku'i 'khor lo'i brgyad po// sku mdog sngon po dang / dmar po dang / dkar po/ spyi bor mi bskyod pa dang / 'od dpag med dang / rnam par snang mdzad 'dzin pa/ nyi ma'i gdan can/ spyan gsum pa/ phyag rgya lnga 'dzin pa/ rdo rje dang pad+ma dang / 'khor lo dang thod pa'i phreng bas bsnams pa'i zur phud gsum gyi dbul brgyan po/ phyag na bri khug dang thod pa dang kha Ti ka dang ldan pa'i mchod pas brel ba rnams kyis mchod yon la sogs pa sngon du 'gro bas mchod nas/ phyag 'tshal ba dang / sdig pa bshags pa dang / slan chad mi byed pa'i sdom pa dang / bsod nams la rje su yid rang ba dang / gsum la skyabs 'gro ba dang / byang chub tu sems bskyed pa dang / lam la bsten pa dang / bdag nyid kyi dngos po dbul ba dang / bskul ba dang / gsol ba gdab pa rnams tshig bzhin du byas la/ bsod nams yong su bsngos nas/ stong pa nyid kyi yo shes rab tu rtogs par bya ba'i phyir spyi bor thal mo sbyar la/ tshigs bcad brjod pa sngon du 'gro bas de bzhin gshegs pa rnams la gsol ba gdab par bya'i/ de la 'di ni tshigasu bcad pa ste/ de bzhin gshegs pa rnams kyis mngon par 'dod pa'i dngos grub thams cad sems can thams cad la rgyas par mdzad du gsol/ de bzhin gshegs pa thams cad kyi byin gyis brlab par yang mdzad du gsol/ oM de bzhin gshegs pa thams cad kyi/ phun sum tshogs don 'byor gyur cing // sems can kun gyi don sgrub pa/ de bzhin gshegs rnams bzhugasu gsol/ tsas paso// oM swa b+ha wa shud+d+ha sarba d+harma sAswa b+hA wa shud+d+ho haM/ de'i 'jug thogasu mchod bye dang / mchod pa dang / mchod byed rnams dang / chos thams cad stong pa nyid dang / mtshan ma med pa dang / smon pa med pa'i rmi lam gyi rtog pa bzhin du so so rang gi rig pa bya bar mos par bya zhing / snying kha'i sngags kyi 'od zer gyi dri bas snang ba med par byas nas/ oM n+ya ta dz+nyA na badz+ra swa b+ha wa ad ma ko he zhes byas nga rgyal bya'o// de nas rang gi sems paM dmar po'i rnam par bskyed la/ daM yongasu gyur pa las pad+ma'i steng du a los skyes pa'i nyi ma'i dkyil 'khor la yi ge hUM dkari po las rdo rje dmar po rtse lnga pa nyi ma la gnas pa'i yi ge hri dkar pos mtshon po bsgom nas spro ba dang / bsdu ba sngon du 'gro bas/ de yongasu gyur pa las bdag nyid rdo rje phag mo ston ka'i zla ba ltar dkar ba lo bcu drug lon pa'i rnam pa can/ spyan gsum dmar la zlum pa/ zhal mche ba cung zad gtsigs pa/ me tog sna tshogs pas mdzes pa'i skra phyed grol zhing phyed bcings pas mdzes pa/ rdo rje nag po'i phreng ba gnyis kyi dbus na thod pa'i phreng ba yod pa/ bcings pa'i zur phud len gsum pa can/ 'khor lo dang / rna rgyan dang / mgul rgyan dang / gadru bu dang / 'od pag gis rgyan pa/ ba dan rnam par bskyod pas mdzes pa'i phyag g.yas pa na gnas pa'i gong du bshad pa'i rdo rje mi shes pa'i skyes bu 'jigs par byed pa mo// g.yas min na kha T+wAM ka'i yu ba dkur po ba sha Sha rtse gcig pa stor nag po rtsa ga lnga pa dang rjesu 'brel pa'i mgo bo skam po dang / rnying po dang / rlon pa dang / sna tshogs rdo rje dang / gser gyi bum pa'i rtsa ba la btag pa'i dril bu phra mau sgra sgrogs pa dang ldan pa sna tshogs pa dan gyi mdzes pa'i dru bya yu ba dpung pa la rten pa dang / bdud bzhi'i khrag gi gang ba'i pad+ma'i snod bsnams pa'o// khrag mdzag cing rlan dang bcas pa'i rgyu ma la rgyus pa'i mgo bo'i phreng ba 'phyang ba pad+ma dmar po'i steng du nyi ma la gnas pa'i shes pa med pa'i skyes bu la g.yas brkyang gi stabs kyis bzhug pa/ na bza' dang bral ba/ rab tu gtum pa/ nyi ma'i 'od can la/ ba spu'i phreng ba rab tu 'phro ba can/ gzugs brnyan pa dang mtshubs pa/ sgeg pa la sogs pa'i nyams dgu dang ldan pa/ sprul pa sna tshogs kyi phyogs bcu'i 'gro ba'i don la brtson pa/ thugs khar nyi ma la gnas pa'i rdo rje nyi ma la gnas pa'i hriHyis mtshan pa sgom par bya'o5// de nas thugs kha'i sa bon gyi 'od zer gyi dra bas sems can thams cad do'i gzugasu rdzogs par skyed nas bdag nyid la bcug ste/ bdag nyid bcom ldan 'das ma rdo rje phag mo'i nga rgyal po du bya'o// de'i rje su rang gi lte bar sna tshogs pad+ma dang nyi ma'i dkyil 'khor dmar zhing dkar ba la yi ge hri/ dkar po ltas la/ de la sngags kyi phreng ba bgrang phreng gi rnam pa dkar po 'khor lo 'khor ba'i sbyor bas zhal gyi nang nas 'thon nas sangs rgyas kyi yon tan gyi tshogs dang / nor bu dang / sngags dang / sman dang zla ba dang / sgyu skar dang / bstan bcos dang / sgyu rtsal la sogs pa'i nus mthu rnams blangs nas lte ba'i nang nas 'jug cing rang gzhan gyi mi shes pa thams cad sreg pa'i bdag nyid can du sgom par bya'o// de nas thugs kha'i sa bon gyi yang dag skul po'i ye shes kyi lha mo nam mkha' la gnas pa mdun du bltas nas sngar bshad pa'i lha mo'i tshogs kyi mchod yon la sogs pa sngon du 'gro bas mchod nas phe gi rnam pa'i sngags brjod pa sngon du 'gro bas dra ba'i phyag rgya bcings te dpral ba'i thad kar g.yon skor du bskor zhing des spyan drang bar bya'o// de nas gcig tu 'dres par gyur pa las/ sngags kyi nga rgyal bya'o// de la sngags ni 'di'o// oM yo ga shu d+haHsarba d+harma yo ga shud+d+ho haM/ de nas sa bon des skul ba'i mi bskyod pa la sogs pa'i de bzhin gshegs pa namakhar bzhugs pa rnams spyan drangs la/ de bzhin gshegs pa lnga'i bdag nyid kyi bum pa bdud rtsi lngas bkang ba dang / de la sprul pa'i sil spyan sna tshogs pa dang / dung dang / rdza lnga dang / 'khar lnga dang pi wang dang / gling bu dang / glu'i sgra dang / lha dang lha mo rnams kyis rgyal bar gyur cig rgyal bar gyur cig/ ces mchog tu gzhol ba dang / gur gum dang / ga bur dang / gla rtsi dang / dri zhim po'i me tog gi char 'bebs pa rnams kyis/ ji ltar bltam pa tsam gyis ni/ de bzhin gshegs kun khrus gsol ltar/ lha yi chu ni dag pa yis/ de bzhin bdag gi khrus gsol bgyi/ zhes pa'i tshigasu bcad pa brjod cing bdag nyid la dbang bskur nas/ oM sarba ta thA ga ta a b+he she ka ta sa ma ya shrI ye hUM zhes pa 'dis byin gyis brlabs la/ de las spyi bor sna tshogs pad+ma dang nyi ma la gnas pa'i mi skyed pas brgyan par byas mo// de nas de las rnam par sprul pa'i rab tu gtum mo la sogs ba'i lha mo rnams kyi sprul pa'i lha mo rnams kyi sprul pa'i mchod pa snum pa sna tshogs pas bdag nyid la mngon par #/ srid thos tshogs bzlas mchod nas/ 'chad par 'gyur ba'i rim pas bdud rtsi myang ba byas nas/ ji srid 'dod par bsgoms te/ spro ba dang bsdu ba sngon du 'gro bas/ myur ba la sogs pa'i skyon dang bral bas sngags bzlas par bya'o// de la sngags ni 'di'o// hriHgang gi tshe ldang bar 'dod pa de'i tshe sngags kyi phreng ba lte bar gnas pa'i yi ge tsA la bstims tI/ mchod pa sngon du 'gro bas smon lam btab te/ bsod nams yongasu bsngos nas/ yi ge brgya pa lan gsum brjod do lha mo'i nga rgyal dang ldan pas chos thams cad kyang de'i tshul du rdzogs par blta zhing ji ltar bde bar gnas par bya'o// de la yi ge brgya pa ni 'di'o// oM aHoM badz+ra satwa sa mA ya badz+ra ma nu pA la ya/ badz+ra satwo ta na pa ti shwa Di Do me b+ha wa/ a nu rak+to ma~M b+ha wa/ su to Sh+yo me b+ha wa/ sarba sid+hi me pra ya tsha/ sarba karma su tsa me ti ta shri yang ku ru phuM ha ha ha ha hoHb+ha ga wan sarba ta thA gra ta badz+ra ma me muny+tsa/ badz+ra b+ha wa ma hA sa ma ya satwA aHphuM// thun gzhan la'ang skad cig gis lha mo'i nga rgyal sngon du byas la/ mchod pa la sogs pa sngon du 'gro bas/ ji srid 'dod par rnam par bsgoms te/ sngar bzhin sngags ba nas sngar bzhin thams cad bya'o// nam phyed kyi thun la ni sngar bzhin du thams cad byas nas nyal dus su snga su bla ma dang / sangs rgyas dang byang chub sems dpa' rnams bltas nas yang dag par mchod la/ yan lag brgyad pa'i phyag gi bsam pa sang+ge ri nyal thab su nyal bar bya'o// de nas snga dro'i thun la lha rnams kyis bslang ba las langs te thams cad sngar bzhin du bya'o// yang na rim pa 'dis sa'i phyogs 'ga' zhig du stan bde ba la sems dpa'i dkyil krung gis 'dug te yang byan du sems can rnams brtse bas dmigs par byas la/ sdigs pa bshags pa nas brtsams nas byang chub tu sems bskyed pa'i bar sngon du 'gro bas/ rang gi lce'i yi ge aHyongasu gyur pa lngas pad+ma'i rnam pa la yi ge hrI/ 'od zer 'bar ba ji srid 'dod par bsgoms te brtan par byas nas/ ril bu brgya phyed du bgrang ba'i bgrang phreng gi thun gsum mam/ thun bzhir rnal 'byor pas sngags bzlas par bya'o// de ltar bzlas pa dang bsgoms pa'i bdag nyid can gyi rnal 'byor pa cho ga bzhin du snang ba thob pa/ 'jig rten gyi chos brgyad las rnam par grol gdod pa can/ dam tshig dang sdom pa la gnas pa/ brtse ba dang ldan pa/ dge ba'i bshes gnyen mnyes pa la brtson pa'i rnal 'byor pas/ 'bum phrag bdun 'das na bstan bcos thams cad dang / // sgyu sbrul gyi tshogs rnams mngon par shes par 'gyuraro// yid gzhungs pa dang / rtul phod pa dang / 'jigs pa med pa dang / 'khor zil gyis mi non pa dang / sgra mkhas par gyuraro// 'dir sngags bzlas par gyur pa la des sngags mngon par sngags pa'i sa dkar gang gi lag du byin pa rmongs pa yin yang snyan dag mkhan du 'gyuraro// 'di'i dri tsam gyis dug sbrul la sogs pa nye bar mi 'gyuraro// []ShAH/ 'di rnams kyis nye bar 'tshe bas gtos pa dang gzhan rnams la yang phad par nus par 'gyuraro// mang du brjod pas ci zhig bya ste/ rmongs pa'i blo can bsten bcos la ma sbyangs pa/ sems nyid nyon mongs pas kun nas dkris pa bdag gis kyang 'di'i sngags 'bum phrag gnyis bzlas pas/ shes rab snang ba'i sbubs thabs 'di byaso// yang gang zhig sems brtan pa/ bshad ma thag pa'i yon tan dang ldan par gyur pa de rnams kyis bde thag du 'gyur// shes rab snang ba zhes bya ba'i sgrub thabs/ bcom ldan 'das rdo rje phag mos rjesu bzung ba'i slob dpon chen po ko kas sbyin gyis mdzad pa/ paN+Di ta chen mo nor bu dpal ye shes dang / lots+tsha ba tshig dge slong chos rje dpal gyis sgyub cing zhus te gtan la phab pa rdzogaso// dmal ga yid ga