བོད་ཡིག

e-texts produced with BDRC’s OCR application

rgya gar skad du/ nI rbi kalpa pra ka ra NA/ bod skad du/ rnam par mi rtog pa'i rab tu byed pa/ bla ma dang sangs rgyas la phyag 'tshalo// rnam par rtog pa gang gang gis// dngos po gang dang gang brtags pa// yongasu brtags pa 'di nyid dag/ rang bzhin yod min pa kho na// slob dpon klu sgrub zhal snga yi// lam las phyi rol song gyur cing // legs par mngon pa'i thabs med pa'i// kun rdzob de nyid bden pa las// nyams pas thar pa'i dngos grub ni// yod pa ma yin de dag nyams// gang zhig las las byung ba yi// rnam par rtog pa gang ci'ang rung // de dag spangs pa'i rang bzhin las// mya ngan 'das pa gzhan na ni// yod min yul ni gang du yang // rnam par mi sems bdag nyid do// gang yang dgra' ba'i rang bzhin gyis// sems la bde bya 'byung gyur cing // nyams su myong ba'i sar phyin pa// de yang kun tu rtog pa tsam/ gang de 'dod chags bral ba yi// rang gi ngo bo de dag dang // gnyis po gang yin pa de ni/ srid pa'i rgyu yi mchog yin no// dngos po dngos po las mi skye// dngos po dngos med las kyang min// dngos po skye bya rtag tu spang // dngos 'khrul na mkha'i me tog bzhin// mkha' dang mnyam pa'i chos rnams kun// skye ba mkha' dang mnyam pa nyid// rkyen ni mkha' dang mnyam kun nges// srid par gyur pa bden pa yin// rgyu med 'bras bu med gyur cing // las kyi rang bzhin yod ma yin// 'jig rten pa med 'jig rten med// mi bden par gyur chos 'di kun// ma skyes pas ni dngos po gang // ji ltar gzhan las shes par gyur// mo ga bu yi bu yang ni// de ltar shes par mi nus so// 'jig rten bzod nas ma skyes te/ gang gis kyang ni sprul pa med// don med 'khrul pa'i 'jig rten 'di// dri za'i grong khyer ji bzhin no// rnam rtog las gang 'jig rten 'byung // rnam rtog sems las byung ba ste// gang phyir lus las sems byung bas// de phyir lus la rnam par brtag/ gzugs stong tshor ba rang bzhin med// 'du shes med cing 'du byed kyi// dngos po yod pa ma yin te// rang rig gsal ba'i bdag nyid ngo // de la shes dang shes bya med// sems dang sems lngas byung ba med// 'byung po med de de yi phyir// rnam par mi rtog rang bzhin no// de ni sems min+da lus kyang med// khams rnams ma yin chos kyang min// gnyis su med pa'i lam mchog 'di// de nyid rig pa rnams kyis gsungs// dmigs pa med pa'i chos 'di kun// dmigs pa med las rab tu grol// dmigs med blo yi dang byas na// dmi pa med par 'gyur ba yin// rnam par mi rtog pa'i rab tu byed pa slob dpon chen po Ar+ya de ba'i zhal snga nas mdzad pa rdzogs so// / paN+Di ta chen po ma hA kA ru Na dang / bod kyi lets+tsha ba rma ban chos 'bar gyis bsgyur ba'o// / rgya gar skad du/ pany+tsa sarga nA ma/ bod skad du/ tshig su bcud pa lnga pA zhes bya ga dpal he ru ka la phyag 'tshal lo// chu zad pas ni 'dam gyi pad+ma skams// sbrang rtsi bros pas gar song cha