| བོད་ཡིག | e-texts produced with BDRC’s OCR application |
rje btsun 'phags mA sgrol ma'i sgrub thabs paN+Di ta gnas brtan dpe med kyis bsrungs pas mdzad par/ de'i rjes su cisngar snying gar gnas pa'i ri dgas kyi mtshan ma can gyi dkyil 'khor gyi dbus na yod pa'i ut+pa la sngon po rol pa'i lte ba'i nang na gnas pa'i mtshan mo'i mgon po'i dkyil 'khor la gnas pa'i tAM yig ser po'i sa bon las/ bcom ldan 'das ma 'phags ma sgrol ma sku mdog ljang gu'i mdog can/ phyag gnyis ma/ zhal rab tu bzhad pa/ yon tan bla na med pa ma lus pa'i gzhi/ skyon ma lus pa dang bral ba/ lha las byung ba'i gser dang nor bu dang mu tig gi rin po che la sogs pa'i rgyan gyis brgyan pa do shal gyi phreng ba yid 'phrog pa brgya yis nu ma zung la rgyan du byas pa/ lha las byung ba'i khrig ma'i ngang rgyan dang dpung rgyan la sogs pas phyag gnyis brgyan pa/ ska rags kyi nor bu dri ma med pa'i tshogs kyi 'od zer gyi phreng bas rked pa'i rgyab kyi cha shin tu mdzes par byas pa/ rin po che sna tshogs pas spras pa'i rkang gdub 'khrol bas zhabs gnyis rnam par mdzes par byas pa shing yongasu 'du la sogs pa'i me tog gi snye ma kun du phreng bar byas pa yongs su rgyas pas dbu skra mdzes par bcings pa/ bcom ldan 'das don yod grub pa de bzhin gshegs pas dbu'i phyogs rnam par gsal bar byas pa/ sku khyad par du 'phags pa dang ldan pa/ mchog tu sgeg pa 'bar ba'i sku can/ mngon par gsal ba'i lang tshe dang ldan ma/ ston ka'i ut+pa la sngon po dri ma med pa'i 'dab ma lta bu'i spyan can/ lha'i gos kyi na bzas sku g.yogs pa/ shing rta'i 'khor lo'i tshad tsam pa'i pad+ma dkar po'i steng du bsil ba'i 'od zer can gyi dkyil 'khor gyi sto na skyil krung phyed pas bzhugs pa/ phyag g.yas pas mchog sbyin pa/ g.yon pas rnam par rgyas shing mdzes pa'i ut+pa la sngon po 'dzin par grub par byas nas bsam par bya'o// de lta bu'i ngo bo'i bcom ldan 'das ma ji srid 'dod pa/ de srid du bsgom par bya'o// zhes gsungs so// 'di'i dbu zhabs rnams ni slob dpon 'di nyid kyis mdzad pa'i mgon po spyan ras gzigs dbang phyug mkha' la gshegs pa'i sgrub thabs dang 'dra sa snang ngo // mig la b+ha wa tu//