བོད་ཡིག

e-texts based on the ACIP/ALL Input

dpal lwa ba pa'i zhabs kyis mdzad pa rdzogs so// //kha che'i paN+Ti ta chen po su ma na shri dang / bod kyi lo tsA ba dge slong rin chen grub kyis bsgyur ba'o// //[]@#/ /tshigs su bcad pa bdun pa drug pa nyid kyis bsgyur ba bzhugs/ @##/ /rgya gar skad du/ ar+ya sap+ta sh+lo ki kA/ b+ha ga ba tI pradz+nyA pA ra mi tA sU tra/ bod skad du/ bcom ldan 'das ma shes rab kyi pha rol tu phyin ma 'phags ma tshigs su bcad pa bdun ma zhes bya ba'i mdo/ /sangs rgyas dang byang chub sems dpa' thams cad la phyag 'tshal lo/ /bcom ldan 'das ma 'phags ma shes rab kyi pha rol tu phyin ma la phyag 'tshal lo/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par snang mdzad la phyag 'tshal lo/ /byang chub sems dpa' sems dpa' chen po thugs rje chen po can/ 'phags pa kun tu bzang po la phyag 'tshal lo/ /ta d+ya thA/ oM dz+nyA pra tI tiH ak+Sha ya ko sI pra ti b+hA ba teH sarba bud+d+hA a ba lo ki te yo ga pra ti ni span+na/ gi d+hI rArdu gi ga hi trai Tau pa ra ni span+na/ bo d+hi satwA saM dzu na nI sarbA shi se Sha pi/ sok+Sh-i sarba ta thA ga tA b+hA s+ya tI/ d+harmA sA gra ra saspI tAH/ d+har+m+ma rA dza b+hA sa tI/ a mo g+ha su d+ha nI/ mr-i hA sa man+t+ra ru ta Tu r+ha ni R+yA tI/ byA ka ra Na pa ri pra ra ni sarba bud+d+hA bo d+hi sa twA saM dzu na mI/ b+ha ga ba t+yai bud+d+ha mA tA/ oM a ra DI/ a ra DI ka ra DI ma hA pra dz+nyA pA ra mi tA swA hA/ gang dus gcig na rjes su dran par byed pa de bskal pa dpag tu med par lhan cig nye bar bsags pa'i las kyi sgrib pa med pa dang / sangs rgyas stong gis nye bar bsags pa'i dga' ba thams cad yang dag par bsdus pa dang / gang 'khor bar bde ba dang ldan par byed par 'gyur ba dang / skye ba brjes nas kyang 'khor los sgyur ba'i rgyal po stong phrag so sor rnyed par 'gyur ro/ /'chi ba'i dus kyi tshe sangs rgyas stong mthong bar 'gyur ro/ /yongs su dag pa'i sangs rgyas kyi zhing rnams su nye bar 'gro bar 'gyur ro/ /nyin lan gsum mtshan lan gsum du nyin re la lan nyi shu rtsa gcig brjod na/ nyi ma nyi shu rtsa gcig pa la sangs rgyas bcom ldan 'das pad+ma'i gdan la bzhugs pa mthong bar 'gyur ro/ /yongs su dag pa'i sangs rgyas kyi zhing rnams su 'gro bar 'gyur ro/ /sangs rgyas sems dpa' yang dag par brjod pa'i mdo dag pa'o zhes so/ /bcom ldan 'das ma shes rab kyi pha rol tu phyin ma tshigs su bcad pa bdun ma'i mdo rdzogs so// //kha che'i paN+Di ta chen po su ma na shri dang / bod kyi lo ts+tsha ba dge slong rin chen grub kyis bsgyur ba'o/ / @#/ /dpal ldan ka lA par 'jug pa zhes bya ba yul rnams kyi mchog tu gyur pa sham+b+ha la ra 'gro tshul gyi lam yig 'phags pa don yod lcags kyus gsungs pa bzhugs/ /oM trI swA tA/ oM ang+ku sha ang+ku sha a mo g+ha hi swA hA// @##/ /rgya gar skad du/ ka lA pa/ a wa ta ra/ bod skad du/ ka lA par 'jug pa/ 'jig rten dbang phyug la phyag 'tshal lo/ /'gro ba'i mgon po thabs dang ldan/ /de bzhin gshegs la rab btud nas/ /gang gis dga' ba'i gnas thob 'gyur/ /thabs de 'dir ni bshad par bya/ /gzhon nu zur phud lnga pa ni/ /thugs rje ldan pa 'jam pa'i dbyangs/ /rgyal sras stong phrag brgyad dag dang / /lhan cig tu ni rab gshegs nas/ /dbang chen zhes bya'i ri bo chen po ni/ /shar dang nub tu chu gter zab mo gnas/ /gang gi phyogs gnyis me tog 'bras bus brgyan/ /rig 'dzin rnams kyis rol pa'i gnas der bzhugs/ /shes bya kun la ma thogs pa'i/ /spyan dang ldan pa 'jig rten dbang / /rgyal sras bye ba'i tshogs bcas pa/ /gnas skabs der ni der gshegs nas/ /lha dang lha min 'byung po'i dbang / /lto 'phye'i bdag dang klu yi gtso/ /bskal bzang mthu dang ldan pa yi/ /me dang mi rnams der 'dus la/ /gang zhig bla na med pa mchog /gzi brjid chen po theg mchog ste/ /bye ba phrag brgya'i chos kyi gtam/ /yang dag bgros nas rab tu bstan/ /b+har ta'i dum bu'i 'dzam gling skyes/ /ko sa la dang yangs