བོད་ཡིག

e-texts based on the ACIP/ALL Input

po'i nags khrod du bsgyur ba'o/ 'dis kyang sems can thams cad kyi don du rten 'di nyid la rdo rje'i smon lam rgya mtsho'i pha rol tu phyin par gyur cig/ @#/rgya gar skad du/ bo d+hi A ka ra pra Ni d+hA na/ bod skad du/ byang chub 'byung ba'i smon lam/ 'jam dpal gzhon nur gyur pa la phyag 'tshal lo/ /log rtog mun bsal mkhyen rab 'dab rgyas shing / /bdud bzhi'i dgra bcom yang dag ji bzhin gshegs/ /thugs rje'i mtsho bskyil don mchog 'byor pa'i gter/ /sangs rgyas bcom ldan rnams la phyag 'tshal lo/ /mkha' ltar mtshan med rab zhi rtog las 'das/ /sgrib pa'i skyon bral legs tshogs 'byung ba'i gnas/ /skye bo 'gro mang byang chub 'byung ba'i gnas / /yang dag dam chos rnams la phyag 'tshal lo/ /nyon mongs dgra rgyal srid mtsho las rgal cing / /sdug bsngal mtshon spangs yang dag thar lam mkhyen/ /'gro la phan mdzad yon tan mang po'i phul/ /'phags pa'i dge 'dun rnams la phyag 'tshal lo/ /chos dbyings mkha' dkyil mkhyen rab nyi shar nas/ /rmongs pa'i mun bsal yang dag chos nyid rtogs/ /thabs ldan thugs rjes 'gro la phan brtson pa/ /byang chub sems dpa'i tshogs la phyag 'tshal lo/ /rin chen sa gzhi dpag bsam nags tshal bcas/ /yid bzhin gzhal yas gdan khri rgyan mchog ldan/ /lha mi'i mchod sprin mang po gtibs pa rnams/ /yon tan gter mnga' sras bcas rgyal la 'bul/ /dus kun bdag gis dkon mchog gsum spangs shing / /de yi bskor phyogs byang chub sems btang dang / /mtshams med la sogs smad pa'i las byas rnams / /bla ma'i spyan sngar de bshags slan chad bsdams / /sangs rgyas rang sangs rgyas dang nyan thos dang / /byang chub sems dpa' so so'i skye bo yi/ /bsod nams rgyu dang 'bras bcas ci mchis pa/ /de dag kun la rjes su yi rang ngo / /phyogs gang 'gro la sman slad bde gshegs rnams/ /mya ngan 'dar bzhed chos bshad bskul gzhes la/ /'gro ba'i don slad mya ngan mi 'da' zhing / /chos kyi 'khor lo dam pa bskor bar bskul/ /skyon kun byang zhing yon tan kun rdzogs pa/ /sangs rgyas dam chos dge 'dun dkon mchog la/ /bdag ni dus kun lus 'bul skyabs gsol gyis/ /yongs bzhes log lta'i lam las bskyab tu gsol/ /bdag gis 'gro ba'i nyon mongs bsal slad dang / /byang chub spyad pa'i bcom ldan gdung bsab phyir/ /bdag med rtog bral mi gnas rtag pa yi/ /bla med byang chub mchog tu dus kun bskyed / /phyogs dus bzhugs pa'i rgyal ba sras bcas dgongs/ /khyod la bdag gi sdom pa'i tshul khrims dang / /dge ba chos sdud sems can don byed pa'i/ /bslab gsum deng nas brtsams te gzung bar bgyi/ /bsod nams stobs 'dis chos gnas thams cad la/ /bla med mchod sprin 'byung zhing bgyi bgyis shog /sems can rnams kyang sgrib tshogs kun byang nas/ /yon tan tshogs rdzogs kun mkhyen mchog gyur cig /bdag kyang dus kun blo rnams snying rje ldan/ /ting 'dzin shes rab gzungs sgo mchog thob nas/ /'gro kun bder 'gyur spyod mchog rnams byed cing / /chos rnams mtshan nyid ji bzhin rtogs gyur cig /bsdu ba bzhis bsdus pha rol phyin rdzogs shing / /mos spyod la sogs sa rnams kun sbyangs nas/ /nyon mongs shes bya'i sgrib tshogs rnams spangs te/ /bsod nams ye shes tshogs rdzogs sangs rgyas gyur/ /bdag ni mthong thos reg pa'am dran tsam gyis/ /'gro kun nyon mongs sdug bsngal zhi byed shog /lus sems ngag rnams spyod yul cir 'jug pa/ /srog chags rnams la bde ba'i rgyur gyur cig / dus kun bdag gis lus ngag yid kun nas/ /dge ba'i rtsa ba cung zad ci bsags pa/ /dus gsum rgyal bas ji ltar bsngos pa bzhin/ /thams cad bla med byang chub myur 'grub bsngo/ /byang chub 'byung ba'i smon lam slob dpon 'phags pa klu sgrub kyis mdzad pa rdzogs so/ /[ ]##//rgya gar skad du/ tsan+d+ra go mi pra Ni d+hA na nA ma/ bod skad du/ btsun pa zla ba'i smon lam zhes bya ba/ 'jam dpal gzhon nur gyur pa la phyag 'tshal lo/ /srid pa'i las ni nyam nga yis/ /gang