<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
D4312: yan lag brgyad pa'i snying po'i rnam par 'grel pa'i tshig gi don gyi zla zer zhes bya ba<br><table><tr><td>
<input type="button" onclick="location.href='tcompletep.php?id=D4312&coll=TD&volcur=2';" value="show page break" />
<td width=150><td>
<input type="button" onclick="location.href='tcompletel.php?id=D4312&coll=TD&volcur=2';" value="show line break" />

<td width=150><td>
<a href="tcompleteu.php?coll=TD&id=D4312&volcur=2" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">text in 3 volumes<br><br><a href="tcomplete.php?id=D4312&coll=TD&volcur=0">volume 1  (mdo 'grel (ko))</a> - <a href="tcomplete.php?id=D4312&coll=TD&volcur=1">volume 2  (mdo 'grel (kho))</a> - <span style="color:red;border: 2px solid red;border-radius: 5px;padding:3px;">volume 3 (mdo 'grel (go))</span> - <br><br>de nas dmu rdzing gso ba'i le'u bshad par bya'o/ /zhes bya ba la/ 'di'i go rims dang mtshan nyid kyis nad gso ba 'di brtsams pa yin no/ /nad ni shas cher sogs pa dang / /bu ga'i rgyun srang 'gags pa la/ /
 dmu rdzing 'byung bas de yi phyir/ /rtag tu bkru sman gtang bar bya/ /zhes bya ba la/ gang gi phyir dmu rdzing gi nad thams cad ni dang por nad kyi dkyel shas cher sogs shing nang na 'phel bar 'gyur ba dang / de bzhin du bu ga'i rgyun srang
 'gags pa rlung gis dkrugs par gyur pa las dmu rdzing 'byung bar 'gyur ba yin no/ /rgyu de bas na dmu rdzing gi nad kyis thebs pa la ni rtag par rgyun du bkru sman gtang bar bya'o/ /yang na zla ba gcig gam gnyis/ /e ran+Da'i
 mar ba gcin bcas/ /'o mar bcas pa'am ba gcin nam/ /ma he'i gcin ni blud bya zhing / /ba yi 'o ma blud par bya/ /zhes bya ba la/ dmu rdzing gi nad dang ldan pa de la zla ba gcig gam gnyis kyi bar du e ran+Da'i mar ba
 gcin dang sbyar ba nyin re zhing blud par bya ba'am/ yang na ba'i 'o ma zla ba gcig gam gnyis kyi bar du nyin re zhing blud par bya ba'am/ ba'i gcin nam ma he'i gcin zla ba gcig gam gnyis kyi bar du blud par bya'o/ /lto sbos tsha
 bas nyam thag cing / /skom dang brgyal bas non pa la/ /rnga mo'i 'o ma blud par bya/ /zhes bya ba la/ yang dmu rdzing can lto sbos pa la sogs pa'i nad kyi bla brnan gyis nyam thag pa la ni rnga mo'i 'o ma blud bar bya'o/ rtsub cing rlung shas che ba yi/ /nad
 ni sbyang bar bya 'dod pas/ /snum chos dang ni sman mar dag /dmu rdzing 'joms par sbyar bar bya/ /zhes bya ba la/ dmu rdzing can gyi nad pa khong rtsub cing lhag par rlung gi shas che bar gyur pa'i nad kyi tshogs sbyang zhing sel bar 'dod pas snum gyi cho ga dang sman mar gyi sbyor ba dmu
 rdzing sel bar byed pa dag gtang bar bya'o/ /srang drug rtsa ba bcu pa'i chu/ /zho ga chu ni bre brgyad bskol/ /zhes bya ba la/ yang na rtsa ba bcu ni chu gnyis dang bskol ba srang drug pa sman mar ji skad smos pa de sbyin par bya'o/ /dong gra srang gsum mar dang ni/ /til mar
 bre ni re re dang / /zho ga chu ni bre bzhi dag /bskol ba 'di ni blud gyur na/ /dmu rdzing thams cad 'joms par byed/ /rlung dang bad kan las byung ba'i/ /skran la'ang mchog du phan pa yin/ /zhes bya ba la/ dong gra srang gsum gyi lde gu dang / mar bre gang dang / til mar bre
 gang dang / zho ga chu bre bzhi'i nang du bskol te blud na yang phan zhing / rlung dang bad kan gyi skran la yang phan no/ /bzhi 'gyur chu dang nyis 'gyur gcin/ /kru trug tres srang gcig lde gu/ /bre gang mar bskol thal sman bcas/ /dmu rdzing can la blud bar bya/ /zhes bya ba la/
 mar bre gang ste de la ltos pa'i chu bzhi 'gyur te bre bzhi ba gcin nyes 'gyur te bre do/ kru trug tres srang gcig gi lde gu dang bskol ba'i mar thal sman dang bcas pa blud na yang dmu rdzing sel bar byed do/ /nas dang rgya shug rgya sran dang / /rtsa ba lnga dang bskol ba'i chu/ /chang dang rang
 skyur bcas pa dang / /mar bskol ba yang blud par bya/ /zhes bya ba la/ yang na nas la sogs pa'i khu ba dang mar bskol ba blud na yang phan no/ /snum 'di snum byas nyams stobs ni/ skye zhing rlung nad zhi gyur nas/ /nad ni gnas las bskyod pa dang / /cho ga grub bshad
 bkru sman gtang / /zhes bya ba la/ sngar bshad ma thag pa'i sman mar gyi snum 'di snum par byas shing lus kyi nyams stobs bskyed pa dang / khong pa'i rlung zhi zhing dag par gyur pa dang / nad rang gi gnas las bskyod cing 'gul bar gyur na cho ga grub pa la ji skad bshad
 pa'i bkru sman dag sbyin par bya'o/ /pa to la'i rtsa 'bras bu gsum/ /skyer ba byi dang ga zho re/ /kam bi la dang ni li ni/ /tsi tra ka zho gnyis gsum bzhi/ /phyer btags ba gcin sbyar te blud/ /'khrus nas thug pa sha khu ni/ /skam sar gnas pa'i sha khu sbyin/ /de nas
 zhag drug 'o ma dang / /tsha ba gsum dang bskol ba ni/ /yang dang yang du blud byas na/ /'di yis dmu rdzing thams cad ni/ /dmu chur gyur kyang 'joms par byed/ /ces bya ba la/ pa to la'i rtsa ba la sogs pa sman sna re zhing zho re re/ kam bi la zho gnyis/ ni li
 ni zho gsum/ tsi tra ka zho bzhi ste/ de dag thams cad phye mar btags la ba gcin dang sbyar ba blud na de 'khrus nas thug pa la sogs pa'i sbyor ba sbyin zhing / de'i 'og tu zhag drug 'o ma dang tsha ba gsum bskol ba blud la/ de'i 'og tu zhag bdun pa la yang blud par bya ste/
 de ltar phye ma de yang dang yang du blud na dmu rdzing thams cad sel bar 'gyur ro/ /bi sha la dang shang khi ni/ /dan da seng phrom shun shu dag /rgya shug phre'u rgun 'brum dang / /rgya shug sbom chu bu ram chang / /ba gcin dang ni sbyar ba blud/ /ces bya ba la/ bi sha la la sogs
 pa'i sman rgya shug phre'u ka ri kan da zhes bya ba bskol ba'i khu ba 'am/ rgun chu 'am/ rgya shug sbom po bi di ra zhes bya ba'i chu 'am/ bu ram chang gang yang rung ba dang sbyar te blud na yang phan te/ bu ram chang dang / ba gcin dang sbyar te blud pa ni bkru sman gyi don du gtang ngo / /
 la la phud dang spa ma'i 'bras/ /'u su shu ti ze ra gnag /pi pi ling tsa ka ra bI/ /a za mo dang zur pa dkar/ /shu dag zi ra tsi tra ka /tsha ba gsum dang khron bu dang / /'bras bu gsum dang thal sman gnyis/ /ma nu ru rta lan tshwa lnga/ /byi dang ga rnams cha snyoms
 dang / /dan da cha gsum de bzhin du/ /dur byid bi sha la nyis 'gyur/ /sa da la ni bzhi 'gyur te/ phye ma 'di ni sred med bu/ /zhes bya nad kyi tshogs 'joms byed/ /'di bsten nad ni mi gnas te/ /khyab 'jug gis bcom lha min mtshungs/ /
 dmu rdzing nad la dar ba blud/ /skran can rgya shug chu sbyar blud/ /rlung gis lto sbos chang sbyar blud/ /rlung nad nyid la chang dngas sbyar/ /phyi sa 'gags la zho ga chus/ /gzhang 'brum can la zho ga chus/ /bcad snyam sems la da trig chus/ /ma zhu ba la chu dron las/ /
 mtshan bar rdol dang skya rbab dang / /lud pa dbugs mi bde skad 'gags/ /snying nad 'pho ba'i nad dang ni/ /mdze dang me drod nyams dang rims/ /mche ba'i dug dang rtsa ba'i dug /dbyig dug sbyar ba'i dug bcas la/ /ci rigs par ni phye ma 'di/ /khong pa snum dang ldan
 pa la/ /blud nas 'khru ru gzhug par bya/ /zhes bya ba la/ la la phud nas byi dang ga'i bar gyi sman cha mnyam par byas la/ sman dang po la ltos pa'i dan da cha gsum gzhug cing / de bzhin du dur byid dang / byi shal dang po'i nyis 'gyur sa da la zhes bya ba sman sa da la dang po'i
 bzhi 'gyur du byas te/ phyi ma 'di ni sred med kyi bu zhes bya ste/ de ni nad kyi tshogs du ma 'joms par byed pa yin te/ phye ma 'di bsten cing zos na nad la gnas shing 'dug pa'i mthu med cing / dper na khyab 'jug ces bya ba sred med kyi bus lha ma yin rnam par bcom
 par gyur na gnas shing 'dug pa'i mthu med pa dang 'dra'o/ /de dmu rdzing can gyi nad pa la ni dar ba dang sbyar te blud bar bya ba nas ma zhu ba la chu dron dang sbyar te blud par bya la/ bcad snyam sems pa ni rgyu ma'i nang gi bcad pa snyam du sems te de la da trig bskol ba'i chu
 dang blud par bya'o/ /mtshan bar rdol nas sbyar ba'i dug gi bar du ni phye ma 'di dang po khong pa snum gyis zhen par byas la/ sbyor ba ji lta ba bzhin du blud de legs par 'khrur gzhug par bya'o/ /sba ma'i 'bras bu bya ru dang / /'bras bu gsum dang ni li ni/ /pu tse shel dang kyi
 lce ba/ /dur byid shu dag sa la dang / /rgyam tsha dang ni kha ru tsha/ /pi pi ling ni phye mar btags/ /se'u 'bru'i khu ba'am 'bras bu ni/ /gsum gyi khu ba'am sha khu'am/ /ba gcin dro 'jam chu las blud/ /'dis ni skran nad thams cad dang / /mcher pa dmu rjing thams cad dang /
 sha bkra mdze nad ma zhu dang / /drod nyams me drod ma snyoms dang / /gzhang 'brum skya rbab mig ser dang / /rkang lag zha ba'i nad dang ni/ /rlung dang mkhris pa bad kan rnams/ /bkru sman btang bas myur du sel/ /zhes bya ba la/ sba ma'i 'bras bu zhes bya ba ha pu sha
 la sogs pa'i sman phye mar byas la phye ma 'di se'u 'bru'i khu ba la sogs pa gang yang rung ba dang sbyar te ci rigs par blud na skran gyi nad thams cad la sogs pa sel cing phye ma de bkru sman du btang bas nad gzhi gsum char sel bar byed do/ /ni li ni dang tsha ba gsum/ /lcang ma
 ya bak+Sha ra dang / /lan tshwa lnga dang kru trug tres/ /phye ma zhun mar blud na ni/ /dmu rdzing skran gyi nad rnams sel/ /zhes bya ba la/ ni li ni la sogs pa'i sman phye mar btags la zhun mar dang sbyar te blud na dmu rdzing dang skran gyi nad rnams sel bar byed do/ /sbyang byas nyam chung
 bar bar du/ /rnga mo 'am ba 'am ra yi ni/ /'o ma sngon bzhin blud par bya/ /zhes bya ba la/ bkru sman btang bas lus nyam chung bar gyur ba la ni bar bar te/ skabs skabs su rnga mo'am ba'am ra'i 'o ma tsha ba gsum dang bcas pa blud par bya'o/ /bshol du med pa'i
 nad la ni/ /bkru sman phyir ni snum bcas gtang / /mchog tu nyam chung nyid la sbyin/ /zhes bya ba la/ dmu rdzing gi nad gdon mi za bar bya dgos shing shin tu gtugs par gyur pa la ni/ bkru sman snum can btang bas gso bar bya la/ de las kyang mchog tu nyam
 chung bar gyur pa la ni snum gyi bkru sman btang bar bya'o/ /a ru ra yi phye ma ni/ /bre gang mar ni bre bzhi dang / /me la bzhus nas gzar bu yis/ /dkrugs nas nas kyi spun pa'i nang / /zla gcig bzhag nas de rjes la/ /phyung nas legs par bzhus nas ni/ /a ru ra bskol
 khu ba dang / /zho ni skyur po bcas par bskol/ /de 'thungs dmu rdzing skran lto sbos/ /gtun 'dra'i rlung nad khong 'bras dang / /mdze dang smyo byed brjed byed rnams/ /nye bar 'joms par byed pa yin/ /zhes bya ba la/ a ru ra'i phye ma zhib tu btags la bre
 gang mar bre bzhi dang bcas pa me la bzhus nas/ de'i 'og tu gzar bus legs par dkrugs la legs par 'dres par byas te/ nas sam nas kyi sbun pa'i nang du zla ba gcig gi bar du sbangs nas de'i rjes la phyung ste/ yang a ru ra bskol ba'i khu ba dang / zho skyur po dang bcas par
 sman mar de 'thungs na dmu rdzing la sogs pa'i nad 'joms par byed do/ /shrI khaN+Da ba'i 'o ma/ /bskol te bsgrangs nas gzar bus dkrugs/ /las byung mar ni snu ha yi/ /'o mar bcas bskol snga mar mtshungs/ /zhes bya ba la/ shrI khaN+Da zhes bya ba shing snu ha'i 'o ma dang bskol te
 bsgrangs nas gzar bus dkrugs nas bsrubs pa las byung ba'i mar sar gang yin pa de yang shing snu ha de nyid kyi 'o ma dang bskol ba blud na yang yon tan snga ma dang mtshungs te dmu rdzing la sogs pa sel bar byed do/ /'o ma bre ni bcu drug dang / /su d+hA k+Shi ra bre phyed bcas/ /zhor gyur bsrubs
 las mar byung dang / /dur byid bskol ba yang yon tan de'o/ /zhes bya ba la/ 'o ma dang su d+hA k+Shi ra ji skad smos pa zhor gyur pa la sogs pa'i sbyor ba yang yon tan gong dang 'dra'o/ /mar ni bre gang dag dang ni/ /'o ma brgyad 'gyur nang du ni/ /snu ha'i 'o ma srang gcig dang / /dur byid
 srang drug bskol de bzhin/ /zhes bya ba la/ mar bre gang dang 'o ma de'i brgyad 'gyur gyi nang du shing snu ha'i 'o ma srang gcig dang dur byid zho drug gi lde gur byas pa dang bskol te blud na yang yon tan snga ma dang 'dra ste/ gong ma bzhin no/ /'di blud 'og tu thug pa dang / /sha khu mngar po 'am
 'o ma blud/ /ces bya ba la/ 'dir mar 'di blud pa'i 'og tu thug pa la sogs pa gang yang rung ba blud par bya'o/ /ma zhu 'khrus par gyur ba dang / /bca' sga bskol ba'i chu dron blud/ /de nas thug pa de'i 'og ni/ /ku lad tha yi yu sha blud/ /ces bya ba la/ yang sman mar
 de zhu zhing 'khrus par gyur pa dang / nad pa la bca' sga dang bskol ba'i chu dron blud bar bya la/ de nas ni thug pa rkyang rkyang po blud par bya la/ de'i 'og tu ni rgya sran ku lad tha g.yos pa'i yu sha blud par bya'o/ /de ltar khong rtsub zhag gsum blud/ /slar yang thug sogs rim pa
 blud/ /ces bya ba la/ de ltar rim pa 'dis khong rtsub cing rlung shas che ba dag gis ni sngar bshad pa'i mar gang yang rung ba zhag gsum gyi bar du blud cing thug pa la sogs pa'i rim pa 'di yang zhag gsum gyi bar du blud par bya'o/ /rim pa 'di dag nyid kyis ni/ /zhun mar yang dang
 yang du blud/ /ces bya ba la/ go rims 'dis sman mar yang dang yang du blud cing sbyin par bya'o/ /mar ni bskol bar gyur pa 'di/ /sman pa las la byang ba yis/ /skran rnams dang ni dbyig dug dang / /dmu rdzing bsal phyir blud par bya/ /zhes bya ba la/ mar de ltar bskol
 ba 'di sman pa las la byang zhing rmongs pa med pa dag gis skran la sogs pa bsal bar bya ba'i phyir sbyin par bya'o/ /yang na pi lu lde gur bskol/ /lto sbos sel ba blud par bya/ /zhes bya ba la/ yang na pi lu btags pa'i lde gu dang bskol ba'i mar blud na yang phan no/ /seng phrom ni
 li ni'i mar ram/ /'dres pa'i sman mar blud par bya/ /zhes bya ba la/ yang na sngar bshad pa'i seng phrom gyi sman mar ni li ni'i sman mar ram/ 'dres pa'i sman mar gang yang rung ba blud par bya'o/ /nad bsal nas ni rim gyis sel/ /sA lu'i 'bras chan yang zhing nyung / /byin la dmu
 rdzing can gyi ni/ /nad kyi lhag mar dag bya'i phyir/ /a ru ra ni rdog po stong / /ba gcin dang sbyar 'o ma blud/ /yang na pi pi ling rdog stong / /su d+hA k+Shi rar legs bsres pa'am/ /pi pi ling ni bskyed sbyin pa'am/ /'o mar 'thungs shing brag zhun bza'/ /de bzhin gu gul 'o ma dang / /
 cha mnyam sge'u gsher khu ba sbyin/ /zhes bya ba la/ lto ba'i nad bsal zhing sbyangs nas thug pa la sogs pa'i rim pas kha zas sbyin par bya ba dang sA lu'i 'bras chan yang bzhin du nyung zhing sbyin pa dang yang nad kyi lhag ma ma lus par dag par bya ba'i phyir a ru ra rdog ma stong ba gcin dang sbyar ba/ /
 blud pa de'i rjes la 'o ma blud par bya'o/ /yang na nyes pa'i lhag ma de dag par bya ba'i phyir/ pi pi ling gi rdog ma stong shrI khaN+Da dang bsres shing de la sbangs pa sbyin par bya'o/ /yang na pi pi ling gis cha bskyed pa'i tshul bcud kyis len pa'i cho ga las ji skad smos pa bzhin du
 sbyin pa'am yang na 'o ma blud cing brag zhun sbyin par bya ba'am/ de bzhin du gu gul dang 'o ma sbyar te sbyin par bya ba'am/ yang na nyes pa'i lhag ma sbyang ba'i phyir 'o ma dang sge'u gsher gyi khu ba sbyar te blud par bya'o/ /yang na thang shing tsi tra ka'i/ /lde gu 'o mar sbyar ba blud/ /zla gcig ha
 sti pi pi ling / /bca' sga 'o mar bcas pa blud/ /ces bya ba la/ yang na lto ba'i nyes pa'i lhag ma dag par bya ba'i phyir thang shing dang tsi tra ka'i lde gu 'o ma dang sbyar te blud par bya ba'am/ yang na ha sti pi pi ling dang bca' sga dang bcas pa'i lde gu 'o ma dang sbyar te zla ba gcig gi bar du sbyin
 par bya'o/ /dan da tsi tra byi dang ga /dbyi mo tsha gsum lde gu ni/ /zho gnyis 'o mar sbyar blud na/ /dmu rdzing 'phel ba sel bar byed/ /ces bya ba la/ dan da la sogs pa'i sman de dag gi lde gu zho gnyis kyi tshad tsam 'o ma dang sbyar te blud na yang / dmu rdzing 'phel zhing stobs dang ldan
 pa dag sel bar byed do/ /yang na su d+hA k+Shi ra mar/ /bcas pa'i kha zas zla gcig sbyin/ /zhes bya ba la/ yang na su d+hA k+Shi ra dang / mar cung zad tsam dang bsres pa kha zas zla gcig bar du sbyin par bya'o/ /su d+hA k+Shi rar la spangs pa'i/ pi pi ling dang khur ba sbyin/ /zhes bya ba la/
 yang na su d+hA k+Shi ra la sbangs pa'i pi pi ling dang bcas pa'i khur ba zla ba gcig gi bar du sbyin par bya'o/ /gal te rtsib logs gzer zhing rengs/ /snying brgal rlung gi nad ldang na/ /de la til mar bil ba dang / /thal sman dang ni ldan par sbyin/ /zhes bya ba la/ gal te dmu rdzing can gyi nad de
 la rtsib logs na ba la sogs pa'i rlung nad ldang par gyur na nad pa de la til mar bil ba dang thal sman dang sbyar ba sbyin par bya'o/ /tun tu ka dang ba la dang / /ba la sha'am til sdong dang / /a ba marka ka ta li/ /ag ni man tha'i thal ba rnams/ /so sor gzags pa bskol ba blud/ /ces
 bya ba la/ yang na tun tu ka la sogs pa'i thal ba so sor gzags pa'i khu ba bskol ba blud par bya'o/ /tun tu ka ni so na ka'o/ /ag ni man tha ni karka ra'o/ /bad kan rlung ngam mkhris pa'am/ /de gnyis rlung dang 'dres gyur pa/ /stobs ldan rang gi sman bcas pa'i/ /e
 raN+Da yi til mar phan/ /zhes bya ba la/ bad kan rlung dang 'dres par gyur pa'am/ mkhris pa dang rlung 'dres par gyur pa'am/ bad kan dang mkhris pa de gnyis ka rlung gang yang rung ba dang 'dres par gyur pa'i dmu rdzing can nyams stobs dang ldan pa la ni rang rang gi sman gang yin pa
 dang bskol ba'i e raN+Da'i til mar blud na phan no/ /thang shing arga ba la sha/ /ha ti pi pi ling shi kru/ /a shwa kar+Na ba gcen bcas/ /lde gu lto yi phyi rim byug /ces bya ba la/ thang shing la sogs pa ba gcin dang bcas pa'i lde gus dmu rdzing gi lto'i phyi rim nas bsku
 zhing byug par bya'o/ /pri shi ka li shu dag dang / /bca' sga rtsa ba lnga pa dang / /'u su ru rta ba sbru gnyis/ /bskol ba ba gcin bcas pa blud/ ces bya ba la/ bri shi ka li la sogs pa'i sman bskol ba'i khu ba dang ba gcin sbyar bas dmu rdzing can de la blud pa'i cho ga ji skad smos pa
 dag kyang bya'o/ /'khrus shing lto ba zhum gyur ba/ /sa ra na sogs dugs byas la/ /gos kyis legs par dkri bar bya/ /de ltar rlung gis sbos mi 'gyur/ /zhe bya ba la/ bkru sman gyis 'khrus shing lto ba sbyangs pas sra ba de zhum zhing snyi bar gyur pa dang / sa ra na la sogs pa'i
 sman gyi dugs kyi le'u las ji skad bshad pa'i tshul gyis dugs byas la gos kyis bcing zhing legs par dkri bar bya ste/ de ltar byas na de'i lto ba rlung gis slar sbos shing rgyas par mi 'gyur ro/ /gang zhig legs par 'khrus gyur pa/ /slar yang sbos gyur de la ni/ /snum bcas
 skyur dang lan tshwa gnyis/ /bkru sman mas gtong drag por bya/ /zhes bya ba la/ dmu rdzing can gyi nad pa gang zhig legs par 'khrus shing bkru sman gyi sbyor ba legs par gyur nas slar yang sbos par gyur na nad pa de la snum dang bcas pa skyur ba dang lan tshwa'i bag dang sbyar ba'i bkru sman
 ni ru ha btang bas de tshar gcad cing gso bar bya'o/ /rlung gis rengs dang bcas gyur pas/ /gang zhig lto sbos gyur pa'i mi/ /de la thal sman rnon po ni/ /ba gcin bcas pa mas gtong bya/ /zhe bya ba la/ rlung gis nad rengs shing 'gyur mi
 shes pa la sogs pa la ni/ ji skad smos pa'i bkru sman mas gtong ba drag po 'dis gtang bar bya'o/ /de ltar dmu rdzing spyi yi ni/ /gso ba grags par bshad pa yin/ /zhes bya ba la/ de ltar sngar ji skad bshad pa'i dmu rdzing thams cad kyi spyi'i thun mong gi gso ba sman
 dpyad kyi rgyud thams cad la grags pa/ mngon sum du grub par snang ba bshad pa bstan pa yin no/ /de nas rlung gyur dmu rdzing can/ /bi da ri sogs mar bskol blud/ /de nas snum gyis zhen byas shing / /yan lag dugs byas bkru sman gtang / /'di la seng phrom mar
 ram ni/ /'dres pa'i sman mar lan mang blud/ /ces bya ba la/ de nas de'i 'og tu rlung las gyur pa'i dmu rdzing can gyi nad pa nyams stobs dang ldan pa la bi da ri la sogs pa'i sman gyi sde tshan dang bskol ba'i mar blud par bya la/ de'i 'og tu seng phrom gyi sman mar ram
 'dres pa'i sman mar gyi snum gyis zhen par byas la yan lag la dugs byas nas bkru sman gtang bar bya'o/ /thug sogs rim pa byas nas ni/ /stobs bskyed phyir ni 'o ma blud/ /ces bya ba la/ 'khrus par gyur nas thug pa la sogs pa'i rim pa byas pa'i rjes la lus kyi
 stobs bskyed par bya ba'i phyir 'o ma blud par bya'o/ /nyams stobs rnyed nas rim gyis ni/ /'o ma de ni spang bar bya/ /zhes bya ba la/ 'o ma des nyams stobs rnyed par gyur nas ni rim gyis 'o ma de mi btung bar spang bar bya'o/ /yu sha sha khu skyur dang ni/ /lan tshwar bcas pas
 me drod skyed/ /rtug 'gags gyur nas slar snum dang / /dugs byas de 'og mas gtong bya/ /rtsub cing mas gtong sman bcas pa'i/ /rtsa ba bcu pa'i mas gtong sbyar/ /zhes bya ba la/ de'i 'og tu dmu rdzing can gyi nad pa de la sran khu yu sha dang sha khu skyur dang lan tshwa shas
 chung ba blud la/ me drod bskyed par bya zhing rtug 'gags kyi nad kyis btab na mas gtong ba'i bkru sman dang sbyar ba'i rtsa ba bcu pa bskol ba'i bkru sman gtang bar bya'o/ /g.yo zhing tshigs rus la 'jug pa/ /rtsub cing 'phyen dang phyi sa 'gags/ /me drod che la til mar dang / /
 e raN+Da'i mar rlung 'joms pa'i/ /sman dang bskol ba'i 'jam rtsi gtang / /khrus mi bya la 'o ma mar/ /sha khu la sogs zhi byed gtang / /zhes bya ba la/ g.yo zhing tshigs dang rus pa la 'jug pa'i rlung nad skyes par gyur pa dag la e raN+Da'i til mar tshul bzhin du
 bskol ba'i 'jom rtsi gtang bar bya'o/ /dmu rdzing can gang la khrus byar mi rung ba'i nad yod pa de ni 'o ma la sogs pa zhi bar byed pa'i sman gtong bar bya'o/ /mkhris pa las gyur stobs che la/ /mngar dang sbyar ba'i snum chos bya/ /sha ma dur byed 'bras bu gsum/ /
 bskol ba'i khu ba'i bkru sman gtang / /zhes bya ba la/ mkhris pa las gyur pa'i dmu rdzing can nyams stobs che bar gyur pa la ni dang por snum chos byas la/ de'i 'og tu ji skad smos pa'i bkru sman gtang bar bya'o/ /de 'og n+ya gro d+ha sogs bskol/ /khu bar kha ra sbrang rtsi
 mar/ /ldan pa ni ru ha yang phan/ /de bskol snum gyi 'jam rtsi'ang gtang / /nyam chung dang po 'jam rtsi gtang / /'o ma mas gtong gis sbyang bya/ /zhes bya ba la/ de'i 'og tu nad pa de la n+ya gro d+ha la sogs pa'i sde tshan bskol ba'i khu ba'i nang du/ kha ra dang / sbrang
 rtsi shas che ba'i mas gtong ba drag po ni ru ha btang la de'i rjes la n+ya gro d+ha la sogs pa de nyid la bskol ba'i snum gyi 'jam rtsi gtang bar bya'o/ /nyam chung bar gyur pa'i nad pa la ni dang por 'jam rtsi byas la de'i 'og tu 'o ma'i bkru sman mas gtong bas sbyang zhing bsal bar bya'o/ /
 me stobs skyed cing snum chos bya/ /'o ma dur byid lde gu 'am/ /e raN+Da dang bskol ba'am/ /sa da la dang gyi lce ba'am/ /dong ga bskol ba dag gis bya/ /bad kan can la ba gcin bcas/ /rlung can tig ta mar bcas pas/ /yang dang yang du bkru sman gtang / /zhes bya
 ba la/ me drod kyi stobs skyes shing rnyed nas nad pa de la snum chos bya zhing 'o ma dang / dur byid sbyar ba'i lde gu'am/ e raN+Da dang 'o mar bskol ba'am/ pa to la dang kyi lce ba dang 'o ma bskol ba'am/ dong ga dang 'o ma bskol ba dag gis yang dang yang du bkru sman
 btang nas sbyar bar bya la/ bad kan dang mkhris par bcas pa la ni ba gcin dang bcas pa'i 'o mas bkru sman gtang ngo / /rlung gis dmu rdzing de rlung bcas pa yin na tig ta dang mar dang bcas pa 'o mas yang dang yad du bkru sman gtang bar bya'o/ /'di dag 'o mar bcas bza'
 ba'am/ /bi da ri sogs sde bskol sbyin/ /dmu rdzing can la 'o thug ni/ /sbyin zhing nye bar bsku bar bya/ zhes bya ba la/ 'o ma sman dang bcas pa'i sbyor ba dag gang yang rung ba dang bcas pa kha zas sbyin par bya/ yang na bi da ri la sogs pa'i sde tshan bskol ba'i 'o ma dang
 kha zas sbyin par bya'o/ /yang na dmu rdzing can de la 'o thug sbyin zhing 'o thug des lto ba bsku bar bya'o/ /slar yang 'o ma 'jam rtsi dang / /bkru sman yang dang yang du gtang / /rim pas nges par gnas byas te/ /ma yengs mkhris gyur dmu rdzing bsal/ /zhes bya ba la/ 'o ma
 dang 'jam rtsi la sogs pa'i sbyor ba yang dang yang du bya ba gnas pa'i rim pas gzhan du ma yengs shing de la gtod bar gyur pa dang / mkhris pa las gyur pa'i dmu rdzing gso zhing bcos par bya'o/ /bad kan las gyur snum chos bya/ /dug mo nyung sogs mar bskol gtang / /nyams
 stobs ldan pas dugs byas te/ /su d+hA k+Shi ri'i bkru sman btang / /thug sogs rim dang thal sman tsha/ /ldan bas bad kan sel ba sbyin/ /zhes bya ba la/ bad kan las gyur pa'i dmu rdzing gi nad la ni dug mo yungs la sogs pa dang bskol pa'i mar blud cing snum chos byas la/ de
 nyams stobs dang ldan pa yin na dugs byas pa'i 'og tu su d+hA k+Shi ra dang sbyar ba'i bkru sman btang la/ bad kan sel ba'i kha zas kha ba dang tsha ba dang thal sman dang ldan pa blud par bya'o/ /ba gcin tsha gsum til mar bcas/ /mas gtong drag po bya ba'ang phan/ /mud+ga ka sogs lde
 gu dang / /snum gyi 'jam rtsi de nas gtang / /zhes bya ba la/ yang de la ji skad smos pa'i mas gtong ba drag po dang / 'jam rtsi mud ga ka la sogs pa'i sman gyi sde tshan dang sbyar ba btang na phan no/ /kha zas 'o ma tsha ba gsum/ /yang na rgya sran khu ba sbyin/ /zhes bya ba la/
 kha zas kyang 'o ma dang tsha ba gsum sbyar ba'am/ rgya sran ku lad tha'i khu ba sbyin na phan no/ /bad kan 'thas shing lto ba skrang / /rmongs bag snying 'phar yi ga 'chus/ /me drod chung ba chang goms na/ /chang snying nas tshig 'khus thal blud/ /ces bya ba la/ bad kan cam gyi
 dmu rdzing can de 'o mas bad kan de 'thas pa nas me drod chung ba'i bar du yang gyur la/ sngar chang goms shing 'dris pa yin na/ chang snying rnon po dang / nas tshig 'khus pa'i thal ba'i chu blud par bya'o/ /shing kun dang ni pi pi ling / /'bras bu gsum dang thang shing dang /
 ser po rnam gnyis go bye dang / /na le sham dkar pu tse shel/ /seng phrom shu dag bca' sga dang / /bong nga gla sgang ru rta dang / /sa ra na dang lan tshwa snga/ /btags pa zho dang snum bzhi sbyar/ /du ba ma shor bar bsregs la/ /thal ba de las zho gnyis gnyis/ /chang dang
 chu dron zho ga chu/ /chang rnying mnan chang sbyar ba blud/ /skran dang dmu rdzing gtun 'dra'i nad/ /rtsig pa 'dra dang gsud dang skran/ snying nad mcher pa gzhang 'brum dang / /rtug 'gags nad rnams 'joms par byed/ /ces bya ba la/ shing kun nas lan tshwa lnga'i bar du zhib tu
 btags la zho dang snum rnam pa bzhi po zhun mar la sogs pa dang sbyar te rdza snod kha sbyar gyi nang du du ba ma shor bar bsregs la/ thal ba de las zho gnyis gnyis kyi tshad du byas pa la chang dngas ma la sogs pa gang yang rung ba dang sbyar te blud na/ skran la sogs pa'i nad 'joms par byed
 do/ /bad kan dmu rdzing nyam chung la/ /chang snying dang ni ba gcin dang / /lcags phye dang sbyar btung ba dang / /thal sman til mar bcas pa blud/ /ces bya ba la/ bad kan las gyur pa'i dmu rdzing can gyi nad pa nyam chung bar gyur pa la ni/ chang rnying pa la sogs pa blud par bya'o/ /
 yungs kar phabs dang la phug gi /sa bon btags pa'i lde gu yis/ /bsku zhing dmu rdzing dugs bya ba/ /'di la rgyun tu sbyang bar bya/ /zhes bya ba la/ de la yungs kar la sogs pa'i lde gus bsku zhing dkris pa la yang dang yang du dugs bya'o/ /'dus pa
 las gyur dmu rdzing ni/ /me drod nyam stobs ma zad la/ /nad shas che ltar re thag bcad/ /gso ba'i sbyor ba 'di bya'o/ /zhes bya ba la/ 'dul pa las gyur pa'i dmu rdzing can gyi me drod nyams stobs shas cher zad pa ma yin pa la ni nad shas che zhing gsor mi rung ba'i tshul du re thag
 bcad de 'dus pa las gyur pa'i nad la ni gsor mi rung ngo zhes bsgo zhing gso ba ma byas na ni nges par 'chi bar 'gyur la/ gso ba byas su zin kyang the tsom dang bcas pa yin no/ /zhes brjod la nad gzhi gang shes che ba'i dbang du byas te 'og nas 'byung ba'i gso ba 'di bya'o/ /dan da tra
 pan ti'i 'bras bu/ /btsir ba'i mar ni blud pa bsngags/ /zhes bya ba la/ 'dul pa las gyur ba'i dmu rdzing can la ni dan da dang / tra pan ti'i 'bras bu btsir ba'i mar blud pa phan no/ /dmu rdzing gsos kyang ma 'chos dang / /mchog tu nyes gsum las gyur la/ /de yi nye
 du dris nas ni/ /ka ka da ni 'ol ma se/ /ka ra bI ra'i rtsa ba dag /btags pa'i lde gu chang sbyar blud/ /ces bya ba la/ de ltar gsos par gyur kyang dmu rdzing zhi bar ma gyur cing gso ba las 'das pa dang mchog tu yang nad gzhi gsum char gyur pa'i dmu rdzing 'chos pa na/ nad pa de'i
 nye du la dris nas gros su byas pa'i rjes la/ ka ka da ni la sogs pa'i sman rno zhing brgyal bar byed pa'i lde gu sbyin par bya'o/ /yang na bza' btung nang du ni/ /dug kyang rim pas sbyin par bya/ /zhes bya ba la/ yang na btsan dug gi rigs kyi sbyor ba legs par byas btsos pa'i
 nang du sbyin par bya'o/ /gang du sbrul ni khros gyur nas/ /shing thog la ni dug bsgos pa/ /de yis 'di yi nad tshogs ni/ /brtan zhing zhen pa lam log zhugs/ /bshig ste phyir ni 'byin par byed/ /dug gis myur du 'jig par byed/ /de bzhin nad med gyur pa'am/ /'chi
 ba nyid du 'gyur ba yin/ /zhes bya ba la/ yang na shing tog gang las sbrul khros pas dug gis bskos par gyur pa'i shing thog de sbyin par bya ste/ dug des nad pa de'i nad kyi tshogs brtan zhing gting zug pa dang / rtsa sbubs la sogs pa'i bu ga la zhen par gyur pa rnams dang lam
 log par zhugs shing bde blag tu 'byung bar mi byed pa rnams bshig cing phye nas phyi rol du 'byin par byed do/ /de nas dug des nad de myur du 'jig par byed pas na/ de'i tshe nad med cing bde bar 'gyur ram/ yang na dug de'i shugs kyis 'chi bar 'gyur ba yin no/ /nad bsal nad
 de chu grang gis/ /khrus byas 'o ma 'am thug pa blud/ /ces bya ba la/ gal te dug des nad bsal bar gyur na ni nad pa de chu grang gis khrus byas la/ 'o ma 'am thug pa gang yang rung ba blud par bya'o/ /dur byid kyi ni tshod ma 'am/ /rgya sne'u pAstu ka par+Ni/ /ka la sha ka sne'u
 yi/ /khu ba dang ni bskol ba la/ /skyur dang lan tshwa snum med cing / /shin tu tshos pa'am ma tshos min/ /zas med zla ba gcig sbyin la/ /de nas skom na khu ba blud/ /ces bya ba la/ dur byid kyi ni tshod ma la sogs pa nas sne'u'i bar gyi khu ba dang bskol ba skyur ba la sogs pa med
 cing shin tu tshos pa'am min pa zla ba gcig gi bar du sbyin no/ /de nas skom na tshod ma de dag gi khu ba blud par bya'o/ /de ltar zla ba gcig gi bar/ /tshod mas nad ni bsal gyur nas/ /nyam chung ba la brtas byed pa/ /rnga mo'i 'o ma blud par bya/ /zhes bya ba la/ de ltar
 rim pa 'dis tshod ma'i sbyor bas nad bsal nas zla ba gcig gi rjes la nyams brta ba'i phyir/ rnga mo'i 'o ma blud par bya'o/ /mcher ba'i dmu rdzing nad gzhi ni/ /ji bzhin snum chos dugs bya ste/ /zho dang 'bras chan bcas sbyin la/ /lag pa g.yon la gtar ga gdab/ /
 ces bya ba la/ mcher ba'i dmu rdzing la ni nad gzhi ji lta ba bzhin du snum chos dang dugs byas la/ zho dang 'bras chan du bcas pa sbyin nam/ yang na zho nyi tshe blud la lag pa g.yon pa nas gtar ga bya'o/ /nyams stobs rnyed nas slar yang ni/ /snum blud nas ni sbyang bar bya/ /rgya
 mtsho'i nya phyis thal sman dang / /'o ma sbyar ba blud par bya/ /zhes bya ba la/ nyams stobs rnyed nas nad pa de la yang snum blud la bkru sman gyis sbyar bar bya ste/ rgya mtsho'i nya phyis bsregs pa'i thal ba dang 'o ma sbyar ba blud par bya'o/ /pu di ka rany+dza'i thal
 ba/ /skyur khu kha ru tsha dang ni/ /pi pi ling gi phye btab blud/ /ces bya ba la/ yang de bzhin du pu di ka rany+dza zhes bya ba ta ma la'i thal ba ro skyur ba'i khu ba dang btsags pa'i chu'i nang du kha ru tsha dang pi pi ling gi phye ma btab ste blud par bya'o/ /shi kru bskol bar pi pi ling / /rgyam tsha
 tsi tra ka btab blud/ /ces bya ba la/ yang na shi kru zhes bya ba la pi pi ling dkar po bskol ba'i khu ba dang pi pi ling la sogs pa btab pa blud par bya'o/ /shing kun sogs phye thal sman dang / /mar sbyar me drod ji bzhin sbyin/ /zhes bya ba la/ shing kun la sogs pa'i phye
 ma skran gso ba'i skabs su bshad pa dang / thal sman rnam gnyis dang mar zhes pa srang drug pa'i sman mar dag kyang pho ba'i me drod ji lta ba bzhin du sbyin par bya'o/ /dong gra dan+da pi pi ling / cha mnyam a ru ra nyis 'gyur/ /kha ru tsha ni cha phyed bcas/ /phye ma chu dron sbyar ba
 blud/ /ces bya ba la/ dong gra la sogs pa'i sman cha mnyam por byas shing a ru ra dong gra'i nyis 'gyur kha ru tsha dong gra'i cha phyed dang bcas pa'i phye ma chu dron dang blud na yang phan no/ /byi dang ga dang kru trug tres/ /phye dang rgya tsha shu dag rnams/ /kham skyogs nang bsregs 'o mar
 bcas/ /blud na skran dang mcher nad 'joms/ /zhes bya ba la/ byi dang ga la sogs pa'i sman rdza skyogs kyi nang du bsregs la thal ba de 'o ma dang sbyar te blud na skran dang mcher ba'i nad dmu rdzing 'joms par 'gyur ro/ /rgya shug lo ma til mar bsres pa dag /legs
 par mnyes pa bsregs te de 'og tu/ /gtun bur btsir la de nas 'o ma blud/ /mcher pa dmu rdzing sogs ni 'jigs par 'gyur/ /zhes bya ba la/ rgya shug gi lo ma til mar dang bsres la/ legs par mnyes pa des dkris shing bcings la/ de'i 'og tu mcher pa'i
 phyogs der gtun shing gis mnan cing btsir nas de'i rjes la 'o ma blud par gyur na yang mcher ba'i dmu rdzing la phan no/ /ro hi ta yi lcug ma gtubs/ /dum bu sha ru ra bcas chu'am/ /ba gcin nang du zhag bdun ni/ /sbangs pa de ni blud gyur na/ /mig ser mcher pa
 skran gzhang 'brum/ /srin nad gcin snyi dmu rdzing 'joms/ /zhes bya ba la/ ro hi ta zhes bya ba'i lcug ma mtshon gyis dum bu dum bur gtubs la/ dum bu de dang a ru ra'am ba gcin gyi nang du zhag bdun gyi bar du legs par sbangs la de'i 'og tu khu ba de btsags te blud
 na yang mig ser la sogs pa'i nad 'joms par byed do/ /ro hi ta ka'i shun lpags ni/ /srang na nyi shu rtsa lnga'i tshad/ /rgya shug bre dor bcas pa ni/ /bskol ba'i khu ba byas nas ni/ /tsha ba lnga ni srang re dang / /de dag kun dang mnyam pa yi/ /ro hi ta ka'i shun
 lpags phye/ /mar bre gang dang btsos nas ni/ /'di blad pa yis myur du ni/ /mcher pa rab tu 'phel ba sel/ /zhes bya ba la/ ro hi ta ka'i shun spags srang nyi shu rtsa lnga la sogs pa dang mar bre gang ji skad smos pa'i sbyor bas bskol la/ sman mar de blud na yang mcher pa
 rab tu 'phel zhing skye ba yang sel bar byed do/ /chu shing til gyi sding bu dang / /bu ram shing bsregs thal ba ni/ /til mar bskol ba blud gyur na/ /bad rlung las gyur mcher nad 'joms/ /zhes bya ba la/ chu shing la sogs pa bsregs pa'i thal ba dang / til mar
 bskol ba blud na yang nad de 'joms par byed do/ ma zhi skran gyi cho ga ltar/ /rlung dang bad kan shas che la/ /mcher nad spyi bag ma gyur na/ /me yi las ni sbyad par bya/ /zhes bya ba la/ de ltar byas kyang nad de zhi zhing byang bar ma gyur na/ bad kan dang rlung shas che ba'i mcher
 pa'i nad spyi bag can gyi chu skyes par ma gyur ba la skran gyi cho ga las smos pa'i tshul du lde gu bsregs pa la sogs pas me'i las bya'o/ /mkhris gyur 'tsho byed sna bcu dang / /mar dang 'o ma'i 'jam rtsi gtang / /khrag dbyung sbyang ba bya ba dang / /'o ma blud par gyur ba'ang bsngags/ /zhes
 bya ba la/ mkhris pa la gyur pa'i mcher pa'i dmu rdzing la ni 'tsho byed sna bcu dang sbyar ba'i sman mar blud pa dang / 'o ma'i 'jam rtsi la sogs pa dang / bkru sman dang / skyug sman gyis sbyong bar bya ba dang / 'o ma blud par bya ba bsngags so/ /mchin bar
 mcher pa la ltar gso/ /gtar ga lag pa g.yas nas bya/ /zhes bya ba la/ mchin pa'i dmu rdzing la ni mcher pa'i gso ba ji skad smos pa dag gis bya la/ khyad par du ni lag pa g.yas pa la gtar ga bya'o/ /rgyu ma 'gags gyur dugs byas la/ /ba gcin sman ni
 rno bcas pa'i/ /til mar lan tshwa bcas pa yi/ ni ru ha ni 'jam rtsir byas/ /phyi sa sla gyur kha zas dang / /bkru sman rnon po 'di la btang / /rtug 'gags bsal ba'i gso ba ni/ /rlung ni 'joms pa gang yin bya/ /zhes bya ba la/ rgyu ma 'gags pa las gyur pa'i
 dmu rdzing la ni dang por dugs byas la/ ba gcin sman rnon po dang til mar dang lan tshwa dang bcas pa'i ni ru ha byas la/ de'i 'og tu 'jam rtsi bya'o/ /gzhan yang phyi sa sla bar bya ba'i zas dang btung ba sbyin par bya ba dang bkru sman rnon po ji skad bshad pa dag kyang btang bar byas la/ de
 bzhin du rtug pa 'gags pa'i nad gso ba gang dag yin pa rlung 'joms par byed pa de dag bya'o/ /rgyu ma rdol ba'i dmu rdzing la/ /dugs ma gtogs pa'i gso ba kun/ /bad kan dmu rdzing lta bur bya/ /sogs pa bzhin du chu gzags shing / /sman pas de ltar 'tshe tsam bya/
 zhes bya ba la/ rgyu ma rdol ba'i dmu rdzing la ni dugs kyi sbyor ba ma gtogs pa bad kan gyi gso ba ltar bya ste/ der ni dugs byar mi rung ngo / /zhes ston pa yin no/ /de bzhin du chu sogs shing 'dus ba bzhin du gzags shing bsal bar bya la/ /sman pas de ltar byed bzhin
 du nad pa de re zhig 'tsho ba tsam du'o/ /dmu chu la ni chu yi ni/ /nyes sel sman ni dang por ni/ /sman rno ba gcin ldan pa dang / /sna tshogs thal sman ldan par sbyin/ /zhes bya ba la/ dmu chu'i rdzing la ni dang po kho nar chu la sogs pa'i nyes pa sel bar 'gyur ba'i sman rno ba ba
 gcin dang thal ba sna tshogs dang bcas pa sbyin par bya'o/ /drod skyed bad kan 'joms pa yi/ /zas kyis de ni gso bar bya/ /zhes bya ba la/ dmu rdzing can de la ni me drod bskyed pa'i khyad par du yang bad kan 'joms pa'i zas byin la bcos par bya'o/ /ra yi ril ma'i thal
 ba'i chu/ /ba gcin bcas gzags me bskol ba/ /ska bar gyur pa de'i nang du/ /pi pi ling dang de'i rtsa ba/ /bca' sga dur byid lan tshwa lnga/ /dan da khron bu 'bras bu gsum/ /sha dag kar ka ta sring gi /ya bak+Sha ra ba ta la/ /swa rdzi k+Sha ra zhes bya ba/ /zho ni gnyis
 gnyis btags phye gzhug / rgya shug tsam gyi ri lu bya/ /de nas skyur rtsabs dang sbyar la/ /blud na ma zhu 'or nad dang / /dmu chu'i nad ni 'phel ba sel/ /zhes bya ba la/ ra'i ril ma legs par bsregs pa'i thal ba ba gcin dang bsres te/ btsags pa gzags pa'i
 khu ba mes legs par bskol ba la thal chu skas par gyur pa dang de'i nang du pi pi ling la sogs pa'i sman zho gnyis gnyis kyi tshad btags pa'i phye ma bcug la/ de'i 'og tu rgya shug tsam gyi ri lu skyur rtsabs kan dzi dang sbyar te blud na ma zhu ba la sogs pa'i nad sel bar byed do/
 de ltar sman gyis ma thub na/ rgyu 'gags la sogs dmu rdzing gsum/ /gnyen gyi rgyal po la zhus te/ /mtshon gyi las ni spyad par bya/ /zhes bya ba la/ de ltar ji skad smos pa'i sman gyi sbyor ba byas su zin kyang nad de ma thub cing / zhi bar ma gyur na rgyu ma 'gags pa'i dmu
 rdzing dang / rgyu ma rdol ba'i dmu rdzing dang / chu'i dmu rdzing ste/ gsum la mtshon gyi las bya dgos la/ de yang nad pa de'i gnyen gyi rgyal po la zhus shing gsol ba btab pa la/ de yi gnang ba mnos te mtshon gyi las bya'o/ /rgyu 'gags rdol ba'i dmu rdzing la/ /snum
 zhen dugs byas lte ba'i 'og / g.yon logs su ni sor bzhi yi/ /lte ba'i phyogs su bzhag nas ni/ /sor bzhi tsam gyi tshad dbral la/ /de las rgyu ma phyung nas ni/ /brtags te spu dang dri ma dang / /'byar bag rdo ba la sogs bsal/ /zhes bya ba la/ rgyu ma 'gags pa dang /
 rgyu ma rdol ba las byung ba'i dmu rdzing la dang po snum gyis zhen cing dugs byas pa'i nad pa'i lte 'og g.yon logs su sor bzhi'i tshad gzhal/ de dor ba'i lto ba'i phyogs su sor bzhi tsam gyi tshad legs par dral la sgo de nas rgyu ma drangs la phyung ste brtags nas/ gal
 te spu 'am rgyu ma dri ma la 'byar ba'i ljan ljin nam/ /rdo ba la sogs pas rgyu ma 'gags par byed pa gang dag yin pa bsal cing gdon par bya'o/ /brtol la zug rngu phyung nas ni/ /rnam par bsal la gzags par bya/ /bu ga dbral la char gzhug cing / zin nas de yi lus
 kyi ni/ /mgo bo rnam par gcad par bya/ /de rjes mar dang sbrang rtsi yis/ /bskud nas rgyu ma legs par gzhug /de 'og phyi'i ngos nas rma btsem/ /zhes bya ba la/ rgyu ma rdol ba'i dmu rdzing la ni/ nang nas 'dzags pa'i sgo de nas nang gi zug rngu'i gnod pa phyung ste ljan ljin
 rnam par bsal zhing chu ci yod pa legs par gzags la/ de'i bu ga ma ka la zhes bya ba'i srin bu'i sos 'debs su gzhug go /srin bu des zin pa dang / de'i lus las mgo ba u0f7cgcad par bya'o/ /de nas de rjes la rma de sbrang rtsi dang / bu ram gyis bskus nas/ rgyu ma gnas g
 ang yin par legs par bcug nas rang gi gnas su gzhag par bya'o/ /de ltar bzhag pa'i rjes la lto'i phyi rol nas rma btsem par bya'o/ /de nas sa nag shing mngar gyi/ /lde gus legs par bsku bar bya/ /zhes bya ba la/ de nas de'i 'og tu sa nag sor rta zhes bya ba
 dang shing mngar btags pa'i lde gus legs par bskus la rma dkri zhing bcing bar bya'o/ /de 'og rlung med gnas su ni/ /bzhag nas 'o mas gsos pa dang / /snum gyis snod nas spying bar bya/ /zhes bya ba la/ de ltar bcings pa'i rjes la nad pa de rlung med pa'i khang pa'i
 nang du bzhag la 'o ma blud cing brten pa dang / snum gyis gang ba'i snod chen po'i nang du lus spying bar bya'o/ /chu bcas dmu rdzing til mar ni/ /rlung 'joms bskol bas bskus nas ni/ /chu dron blugs pas dugs bya zhing / /lto ba ras kyis dkris nas ni/ /rgyu 'gags rdol
 bar bshad nas su/ /sor gcig tsam ni dbug par bya/ /der ni gce'u bcug nas su/ /da la chu phyed gzags par bya/ /zhes bya ba la/ chu dang bcas pa'i dmu cha'i dmu rdzing chags pa la ni rlung 'joms pa'i sman dang bskol ba'i til mar gyis nad pa'i lus bskus la snum gyi cho
 ga byas nas/ chu dron po snum can blugs pa de ji skad smos pa bzhin du dugs bya zhing lto ba mchan khung man chad ras kyis dkri zhing bcings nas rgyu ma 'gags pa dang / rgyu ma rdol ba'i skabs su bshad pa'i lus kyi gnas lte ba'i 'og tu g.yon log su sor bzhi bcal ba ma
 gtogs pa'i 'og gi gnas kyi phyogs su 'bras kyi dbyibs lta bu'i rtse mo yod pas gtsags bus sor gcig tsam zhes bya ba mthe bong shong ba tsam dbug cing drang bar bya'o/ /de nas rma kha der de dang 'tsham pa'i gce'u de las nad kyi chu de'i phyed tsam gzags shing gdon par bya'o/ /
 de nas gce'u phyung nas ni/ /til dang rgya mtsho'i lde gu yis/ /rma bskus nas ni bkag nas su/ /ras kyis lto ba dkri bar bya/ /zhag gsum yang na zhag bzhi zhing / /zhag ni bcu drug bar gyis bya/ /zhes bya ba la/ de nas de'i 'og tu zhag gsum pa'am/ zhag bzhi
 pa 'am/ lnga pa 'am/ zhag bcu gnyis pa'i bar ram/ zhag bcu drug pa'i bar gyis/ nad pa'i nyams dang dus la sogs pa'i rang bzhin gyis dpags te/ chu gzags par byas la de ltar gzags pa'i tshe gce'u nas gzags shing bton pa'i 'og tu gce'u de phyung nas til
 dang lan tshwa btag pa'i lde gus rma bkag cing glan te lto ba ras kyis dkris shing bcing bar bya'o/ /de ni bar bar dub bsti zhing / /chu ni nyung zad nyung zad dbyung / /zhes bya ba la/ yang nad pa de'i chu 'byin pa na bar skabs su zhag tshigs kyis bcad cing ngal sos pa'i dub brtas
 nas nad kyi chu rim gyis nyung zad nyung zad dbyung bar bya ste/ gal te cig car thams cad dus gcig tu phyung na ni skom dad dang rims dang rkang lag bcom pa snyam du na ba dang / 'khru ba dang / lud pa dang / dbugs mi bde ba dang / rkang pa sbrid cing tsha bar gyur pa'i skyon yod
 pa'am/ slar zhing shas cher chus 'gengs par 'gyur ba'i skyon yod do/ /lto ni lhod par gyur pa na/ /shin tu dam du dkri bar bya/ /zhes bya ba la/ dmu chu de gzags nas lto ba legs par mnyes pa la lto ba de lhod cing snyi bar gyur pa ni lug gi pags
 rlan nam/ ri bong la sogs pa'i pags rlon gyis shin du dam du bcing bar bya ste/ de ltar byas na rlung 'jug cing lto spos par mi 'gyur ro/ /chu ni gzags pa smyung byas la/ /thug pa lan tshwa snum med blud/ /ces bya ba la/ nad kyi chu gzags shing bton nas nad pa de smyung ba byas
 shing / nas kyi thug pa lan tshwa dang snum med pa tshad tsam zhig blud cing sbyin par bya'o/ /zla drug bar du 'o mas gso/ /zla gsum thug pa 'o thug blud/ /zla gsum bar du 'o thug gam/ /'bras bu skyur bcas sha khu ni/ /lan tshwa snum ni nyung ba blud/ /khre dang ci tshe rnying ba sbyin/
 zhes bya ba la/ de nas zla ba drug gi bar du phal cher 'o ma blud cing 'o thug sbyin pa dang / de'i 'og zla ba gsum nas thug pa'am 'o thug blud pa dang / de'i 'og tu zla ba gsum gyi bar du 'o thug gam 'bras thug la sogs pa la se'u 'bru la sogs pa'i 'bras bu skyur ba btab pa dang / sha
 khu lan tshwa dang snum nyung ba blud par bya ba dang / khre dang ci tshe la sogs pa'i rtsa 'bru rtsub cing yang ba lo gcig lon pa sbyin zhing / mdor na kha zas yang ba dang rtsub pa sbyin par bya'o/ /de ltar lo gcig 'bad pa yis/ /chu yi dmu rdzing legs par gso/ /spang ba rnams ni bsdams pa
 dang / /brten par bya zhing skom med bya/ /zhes bya ba la/ ji skad smos pa'i tshul 'dis lo gcig gi bar du 'bad cing brtson pa dang ldan pas dmu chu'i dmu rdzing gi nad legs par gso bar bya zhing / de la gnod pa'i bag spang bar bya ba rnams shin tu bsdams pa dang / srog 'tsho ba'i sman
 pas bslabs shing bstan pa'i kha zas dang spyod lam rnams brtan par bya zhing bkag pa rnams la dbang po thul zhing skom pa med par bya'o/ /gang phyir dmu rdzing thams cad ni/ /nad sogs pa las byung bas na/ /de phyir rlung sogs bsal ba yi/ /gso ba kun la bsngags pa yin/ /
 zhes bya ba la/ phal cher nad sogs shing 'dus pa yin pas na de'i phyir de'i rgyu rlung la sogs pa'i nad bsal ba'i cho ga gang dag yin pa de gso ba thams cad las lhag par bsngags shing phan pa yin no/ /nad kyis lto ba gang gyur bas/ /me drod 'bri bar gyur pa yin/ /de bas
 nang na drod skyed pa'i/ /rtsa ba lnga bcas nyung ba dang / /lan tshwa snum dang kha ba nyung / /'ju sla'i kha zas sbyin par bya/ /zhe bya ba la/ rlung la sogs pa'i nad kyi khong pa'i nang gang zhing rgyas par gyur na khong pa'i me drod 'bri zhing zhan par 'gyur ba yin pas de'i phyir dmu rdzing
 can la kha zas kyang yang ba dang / drod bskyed pa rtsa ba dang bcas pa dang / kha zas lan tshwa la sogs pa'i zhad nyung ba 'ju sla ba dag sbyin par bya'o/ /ba gcin dang ni spangs pa yi/ /drug cu pa yi 'bras dag las/ /thug pa 'o thug btsos nas ni/ /ci 'dod par ni sbyin par
 bya/ /dmu rdzing skyon ni sbyang ba'i phyir/ /de rjes bu ram shing khu blud/ /des ni rlung mkhris bad kan rnams/ /rang rang gnas su 'gro bar 'gyur/ /zhes bya ba la/ 'bras drug cu ba ba gcin gyi nang du sbangs pa las ci 'dod par thug pa la sogs pa byas nas sbyin par bya zhing / de'i
 rjes la dmu rdzing gi nad sbyang zhing dag par bya ba'i phyir bu ram shing gi khu ba blud par bya ste/ sbyong ba des ni rlung la sogs pa'i nad rang rang gi gnas su song ste bde bar gnas par gyur ro/ /dmu rdzing gi nad thams cad la shin tu tsha ba la sogs pa'i kha zas dang spyod lam spang bar bya'o/
 shin tu tsha ba'i chu lan tshwa/ /rtsub cing bshang sri grang zhing lci/ /bu ram til g.yos tshod ma dang / /chu 'thungs lus ni 'khru ba dang / /rtsol drags lam dub nyin mo'i gnyid/ /bzhon pas 'gro ba spang bar bya/ /shin tu ska sla min zhing mngar/ /dar ba skom du blud par bsngags/
 rlung la rgyam tsha pi pi ling / /mkhris par kha ra tsha ba gsum/ /bad kan las gyur la la phud/ /rgyam tsha zi ra sbrang rtsi dang / /tsha ba gsum dang ldan pa sbyin/ /'dus pa las gyur sbrang rtsi dang / /shu dag til mar bca' sga dang / /shu ti ru rta lce myang tsha/ /mcher pa rgyu 'gags
 dmu rdzing la/ /tsha ba gsum dang la la phud/ /rgyam tsha go snyod sba 'bras bcas/ /rgyu rdol sbrang rtsi pi pi ling / /tsha ba gsum dang ldan pa blud/ /ces bya ba la/ dar ba shin tu ska ba yang ma yin la/ sla ba yang ma yin pa'i dar ba sar pa ro mngar
 ba blud pa bsngags pa de yang rlung las gyur pa'i dmu rdzing la ni/ dar ba 'jam po rgyam tshwa dang pi pi ling btab pa blud pa yang phan no/ /mkhris pa las gyur pa'i dmu rdzing la ni kha ra dang tsha ba gsum btab pa'i dar ba blud na phan no/ /bad kan la ni dar ba de la la la phud la sogs pa'i sman
 btab ba blud do/ /'dus pa las gyur pa'i dmu rdzing la ni sbrang rtsi la sogs pa btab pa'i dar ba blud na phan no/ /mcher pa dang mchin pa dang rgyu ma 'gags pa'i dmu rdzing la ni/ tsha ba gsum dang spa ma'i 'bras bu ha bu sha zhes bya ba'i bar dang bcas par blud na phan no/ /rgyu ma rdol ba'i dmu
 rdzing la ni pi pi ling dang sbrang rtsir bcas pa'i dar ba blud na phan no/ /chu yi dmu rdzing can la ni/ /tsha ba gsum bcas blud na phan/ /zhes bya ba la/ chu'i dmu rdzing dmu chu can la ni tsha ba gsum dang bcas pa'i dar ba blud na phan no/ /rlung dang bad kan gyis gzir zhing / /lus lci lto sbos
 yi ga 'chus/ /tshad 'khru me drod nyams pa la/ /dar ba bdud rtsi lta bu yin/ /zhes bya bal/ rlung dang bad kan gyis nyen pa'i nad/ lus lci ba la sogs pa'i nad nyam thag pa la dar ba blud pa ni bdud rtsi lta bur phan zhing bsngags pa yin no/ /sbyor ba kun gyi rjes la ni/ /
 'o ma nye bar sbyar byas te/ /lus zungs thams cad brtan byed cing / /stobs bskyed nas ni lhag lus sel/ /zhes bya ba la/ dmu rdzing gi nad sel ba'i sbyor ba kun gyi rjes sam rting thog la 'o ma blud cing sbyin pa bya ste/ ci'i phyir zhe na/ 'o ma des lus zungs dngas ma la sogs pa brtan
 par byed cing lus kyi stobs bskyed par bya ba dang / nad kyi lhag ma ma lus pa sel zhing phyis nad 'byung bar mi byed pa yin no/ /sman gyis nyams smad gyur lus la/ /'o ma bdud rtsi lta bu yin/ /zhes bya ba la/ sman gyi sbyor bas gang lus kyi nyams smad cing red par gyur pa de la/ 'o ma
 blud pa ni bdud rtsi ltar phan pa yin zhing srog ster bar byed pa yin no/ /yan lag brgyad pa'i snying pa'i rnam par 'grel pa tshig gi don gyi zla zer zhes bya ba slob dpon zla ba la dga' bas nges par sbyar ba las/ gso ba'i gnas le'u bco lnga pa'i rnam par 'grel ba'o// //de
 nas skya rbab kyi nad gso ba'i le'u bshad par bya'o/ /zhes bya ba la/ nad gzhi ji skad bstan pa'i rim pas gso ba yang de dang 'dra bar brtsams pa yin pa'i phyir go rims la bab pas/ skya rbab kyi nad gso ba brtsams pa yin no/ /skya rbab nad la dang bor ni/ /dge ba chen po'i
 sman mar ram/ /ba yi lnga dang tig ta che'am/ /dong ga sogs bskol sman mar blud/ /ces bya ba la/ de la skya rbab kyi nad dang ldan pa'i mi la ni dang po kho nar dge ba chen po zhes bya ba'i sman mar ram/ ba'i rnam lnga'i sman mar ram/ tig ta chen po'i sman mar ram/ dong ga
 la sogs pa'i sde tshen dang bskol ba'i sman mar blud na phan no/ /se'u 'bru phul gang 'u su phyed/ /tsi tra ka dang bca' sga las/ /srang re pi pi ling srang phyed/ /lde gur byas pa mar srang ni/ /nyi shu chu bre bzhi nang bskol/ /skya rbab snying nad gzhang 'brum skran/ /mcher rlung bad kan
 gyis nyen sel/ /drod skyed lud pa dbugs mi bde/ /sel zhing rlung 'khyil bder 'byung byed/ /bu btsas dka' dang mo gsham la/ /'di ni mchog tu bsngags pa yin/ /zhes bya ba la/ se'u 'bru'i khu ba las phul gang ste srang bzhi/ 'u su'i 'bras bu phul phyed de srang gnyis
 tsi tra ka dang bca' sga srang re re/ pi pi ling srang phyed do/ de dag btags la lde gur byas nas mar srang nyi shu dang chu bre bzhi'i nang du bskol ba'i sman mar byin na skya rbab la sogs pa'i nad sel bar byed cing / drod skyed pa la sogs pa'i yon tan dang ldan pa dang / bud med bu btsas
 pa'i tshe na sdug bsngal zhing ma thon pa dang / bud med mo gsham ste bu med pa dag la mchog tu phan pa yin no/ /snum byas skyug sman rnon po gtang / /slar yang snum byas bkru sman ni/ /'o ma gcin sbyar btang ba'am/ /mkhur bkang lan mang byas pas sbyang / /zhes bya ba la/
 yang skya rbab kyi nad dang ldan pa de la/ dang por snum gyi cho ga legs par byas la skyug sman rnon po btang la slon du gzhugs par bya'o/ /de nas yang brtas la slar snum gyi cho ga byas nas/ 'o ma dang ba gcin sbyar ba'i bkru sman btang ba'am/ 'o ma mkhur bar
 bkar ba lan mang du bsten pas sbyangs shing dag par bya'o/ /dan da'i 'bras bu'i khu ba drod/ /tang pal yang na rgun 'brum ni/ /srang brgyad zhag gcig sbangs mnyes pa/ /de 'thungs skya rbab nad sel to/ /zhes bya ba la/ /dan da'i 'bras bu'i khu ba cung zad tsam dro bar tang pal srang
 brgyad dam/ rgun 'brum srang brgyad dang mtshan mo sbangs la de nang par mnyes te tshags kyis btsags pa de 'thungs na/ skya rbab kyi nad sel bar byed do/ /a ru btags pa ba gcin sbyar/ /yang na de bskol 'bras bu gsum/ /zhes bya ba la/ a ru ra btags te ba
 gcin dang sbyar ba blud pa'am/ yang na ba gcin de'i nang du 'bras bu gsum bskol ba'i khu ba blud na yang skya rbab kyi nad la yang phan no/ /khron bu ma sha dur byid dang / /thang shing bca' sga'i lde gu ni/ /ba gcin srang brgyad sbyar ba'am/ /ba gcin lhan cig bskol ba blud/
 ces bya ba la/ khron bu la sogs pa btags pa'i lde gu dang ba gcin srang brgyad sbyar te blud pa'am/ khron bu la sogs pa de dag nyid dang ba gcin srang brgyad bskol ba de blud na yang phan no/ /de dag nyid ni mar bskol ba/ /blud na'ang nad ni sel bar byed/ /ces bya ba la/
 yang khron bu la sogs pa sman de dag nyid dang mar bskol ba blud na yang skya rbab kyi nad sel zhing sbyong bar byed do/ /yang na lcags phye ba gcin nam/ /'o mar zhag bdun gzhag pa blud/ /zhu nas kha zas 'o 'am/ /sha khu mngar po sbyin par bya/ /zhes bya ba la/ /yang na lcags
 kyi phye ma zhag bdun gyi bar du ba gcin nam 'o ma'i nang du bzhag pa blud na sman de zhu nas kha zas 'bras chan 'o ma 'am/ sha khu mngar po dang spags te byin na yang phan no/ /stod sman sbyangs nas a ru ra/ /sbrang rtsi mar sbyar lde gu sbyin/ /zhes bya ba la/ slon sman dang bkru sman
 gyis stod smad kyi nad sbyangs nas/ a ru ra dang / mar dang / sbrang rtsi sbyar ba'i lde gu sbyin par bya'o/ /bi shal dang pu tse shel/ /gla sgang ru rta thang shing dang / /dug mo yungs ni zho gnyis gnyis/ /mur ba srang phyed bong nga ni/ /zho gcig de rnams phyer btags chu/ /dro
 'jam sbyar blud sbrang rtsi sbyin/ /skya rbab rigs dang khong tsha dang / /lud pa dbugs mi bde skran sbo/ /yi ga 'chus dang ma zhu rlung / /khrag mkhris des ni sel bar byed/ /ces bya ba la/ bi sha la la sogs pa'i sman zho gnyis gnyis dang mur ba srang phyed dang bong nga dkar po
 zho gcig ste/ de rnams phye mar btags la chu bskol ba 'jam tsam dang sbyar te blud la/ de'i 'og tu sbrang rtsi byin na phye ma des skya rbab la sogs pa'i nad sel bar byed do/ /sle tres dang ni ba sha ka /'bras bu gsum dang pu tse shel/ /tig ta nim pa rtsa mkhris rnams/ /bskol te
 bsgrangs par sbrang rtsi ni/ /btab pa blud na skya rbab dang / /mig ser khrag mkhris 'joms par byed/ /ces bya ba la/ sle tres la sogs pa'i sman bskol ba'i khu ba bsgrangs pa'i nang du sbrang rtsi btab ste blud na yang skya rbab la sogs pa'i nad 'joms par byed do/ /tsha ba gsum dang tsi tra
 ka / 'bras bu gsum dang byi dang ga /ga dur dang mnyam lcags kyi phye/ /mar dang sbrang rtsi dar ba'am/ /chu dron 'o mar sbyar ba blud/ /mig ser snying nad skya rbab dang / /mdze dang gzhang 'brum nad rnams sel/ /zhes bya ba la/ tsha ba gsum la sogs pa'i sman dgu po cha mnyam
 pa'i phye ma ji snyed yod pa dang mnyam pa'i lcags kyi phye ma mar la sogs pa'am/ chu dron dang sbyar te blud na mig ser gyi nad la sogs pa sel bar byed do/ /dong gra lcags phye til dang ni/ /bu ram cha snyoms pa yi tshad/ /pi pi ling ni nyis 'gyur gzhug /ri lu skya rbab can la sbyin/
 zhes bya ba la/ dong gra la sogs pa cha mnyam par byas la pi pi ling dong gra'i nyis 'gyur bcug nas ri lu'i sbyor ba byas te skya rbab can la byin na phan no/ /ta bya skyer pa'i shun pa dang / /dbyi mo pi pi ling rtsa ba/ /thang shing rtsa ba gsum sogs dgu/ /phye mar btags pa nyis 'gyur gyi/ /
 man du ra'i phye dngul rdo 'dra/ /de dag gi ni brgyad 'gyur gyi/ /ba gcin nang du so sor bskol/ ri lur bya bar bzod pa dang / /gcig tu bsres te ri lur bya/ /de ni man du ri'i ri lu/ /de zos dar ba 'thungs nas ni/ /skya rbab can la srog ster ro/ /mdze
 dang ma zhu 'or nad dang / /brla rengs yi ga 'chus pa dang / /gzhang 'brum me gser gcin snyi dang / /mcher pa'i nad rnams zhi bar byed/ /ces bya ba la/ ta bya ni pa Ta ma k+Shi ka'o/ /tsha ba gsum la sogs pa'i dgu pa ni tsha ba gsum dang / tsi tra ka dang / bi da ka dang /
 'bras bu gsum dang / gla sgang ste dgu'o/ /de dag thams cad phye ma zhib tu btags la de phye ma de'i nyis 'gyur gyi man du ra zhes bya ba lcags nag po'i phye ma yin no zhes nyi ma 'char ka'i zhes bya ba'i sman pa zer ro/ /sman pa rgan po gzhan dag ni gtsigs ma tsha tsha zhes bya ba la man
 du ra'i zhes bya'o/ /zhes zer ro/ /de phye ma phye ma bying po'i nyis 'gyur gnag cing 'tsher bas dngul rdo 'dra bar btags la/ de nas phye ma de sor bzhag ste/ ba gcin brgyad 'gyur gyi nang du so sor bskol la/ /ri lur bya bar bzod pa dang / gcig tu bsres la ri lur
 bya'o/ /'di ni man du ra'i ri lu zhes bya ste/ de las ran par zos shing de'i rjes la/ dar ba blud na skya rbab la sogs pa'i nad zhi bar byed do/ /rta bya brag zhun rdul lcags kyi/ /dri ma sna re srang lnga lnga/ /tsi tra ka dang 'bras bu gsum/ /tsha ba gsum dang byi dang ga /srang re kha ra
 srang brgyad sbyar/ /phye ma sbrang rtsis sprus pa yis/ /skya rbab dug dang lud pa lu/ /gcong chen mi bzad rims dang ni/ /mdze dang ma zhu gcin sri dang / /skran dbugs mi bde yi ga 'chus/ /khyad par du ni brjed byed dang / /mig ser gzhang 'brum nad rnams sel/ /zhes
 bya ba la/ /ta bya la sogs pa'i sman bzhi po sna re zhing srang lnga lnga dang / tsi tra ka la sogs pa srang re re kha ra srang brgya dang sbyar ba'i phye ma zhib tu btags pa sbrang rtsis sprus te lde gur byas pa/ byin na skya rbab la sogs pa'i nad rnams 'joms par byed do/ /dug mo yungs dang 'bras bu
 gsum/ /nim pa gla sgang ba to la/ /dong gra bskol ba'i khu bar ni/ /brag zhun srang brgyad zhag bcu 'am/ /nyi shu 'am sum cu'i bar du sbangs/ /kha ra dkar po de mnyam dang / /smig rkang dang ni pi pi ling / /karka ta sring skyu ru ra/ /srang re'i tshad du byas pa dang /
 kaN+Da ka ri'i rtsa 'bras bu/ /srang gcig tshad du byas pa dang / /dri sna gsum po zho gnyis gnyis/ /sbrang rtsi srang gsum bcas par ni/ /ri lu zho gnyis tshad byas zos/ /se'u 'bru'i khu ba 'o ma dang / /bya yi sha khu chu dron dang / /a sa ba dang chang rnying dang / /de ni zos
 rjes blud pa'am/ /zas sngon zas kyi rjes blud na/ /skya rbab mdze dang rims mcher pa/ /mgo 'khor gzhang 'brum mtshan bar rdol/ /rnams dang snying nad khu ba'i nad/ /gcin nad drod nyams sel byed cing / /skems dang sbyar dug dmu rdzing dang / /lud pa khrag mkhris
 gsar pa dang / /'or nad skran dang lkog ma'i nad/ /rgyu rlugs mgo 'khor bcas pa yi/ nad kun sel zhing dge ba yin/ /zhes bya ba la/ dug mo yungs la sogs pa'i sman bskol ba'i khu ba'i nang du brag zhun bzang po srang brgyad zhag bcu nyi shu'am sum cu ste zla ba gcig gi
 bar du sbangs la kha ra dkar po brag zhun dang mnyam pa srang brgyad dang / smig rkang la sogs pa la sman sna re zhing srang re dang / kaN+Da ka re'i rtsa ba dang / 'bras bu srang gcig dang / dri sna gsum zhes bya ba shing tsha dang / sug smal dang / gan+d+ha b+ha dra ci rigs par gzhug par bya ste/
 de dag la sbrang rtsi srang gsum bsres te/ ri lu de zho gnyis kyi tshad du byas pa dang / se'u 'bru khu ba la sogs pa gang yang rung ba dang / ci rigs par blud cing de yang zas zos pa'i sngon du blud na des skya rbab la sogs pa'i nad sel bar byed cing dge ba dang / bde legs skyed par
 byed pa yin no/ /rgun 'brum pi pi ling bre re/ /kha ra srang ni lnga bcu dang / /shing mngar bca' sga smig rkang dag /srang ni gnyis gnyis phye mar bya/ /skyu ru ra'i khu bre bcu drug /nang gzhug lde gu de bzhin bskol/ /bsgrangs par sbrang rtsi bre gang gzhug /de las zho gnyis
 tshad zos na/ /gzugs 'khums skya rbab nad dang ni/ /mig ser gyi ni nad 'joms so/ /zhes bya ba la/ rgun 'brum bre gang dang / pi pi ling bre gang dang / kha ra srang lnga bcu/ shing mngar la sogs pa'i sman sna re re zhing zho gnyis gnyis te/ de ma lus par
 phye mar byas te/ skyu ru bskol ba'i khu ba bre bcu drug gi nang du bcug la/ me chung ngus lde gur gyur pa dang / de bsgrangs pa'i sbrang rtsi bre gang bcug la/ de las zho gnyis gnyis kyi tshad du zos na gzugs 'khums pa la sogs pa'i nad 'joms par byed do/ /rtsa ba lnga pa chung
 ngu'i chu/ /rgun 'brum skyu ru ra'i khu ba/ /bza' dang btung bar sbyar ba ni/ /skya rbab mig ser nad sel to/ /zhes bya ba la/ skya rbab kyis nyen pa'i mi la rtsa ba lnga bskol ba'i chu la sogs pa dang / bza' ba dang btung ba dang sbyar te bsten pa bsngags so/ /de ltar skya rbab nad
 la ni/ /spyi yi sman ni bstan pa yin/ /mkhas pas nad dmigs so sos yi/ /stobs dbang las kyang sbyar ba bya/ /zhes bya ba la/ de ltar sngar bshad pa'i tshul gyis skya rbab kyi nad bsal bar bya ba'i phyir thun mong gi sman btang ba yin no/ /sman de gso ba la mkhas pa'i
 sman pas rlung la sogs pa so so'i nad kyi stobs gang shas che ba'i dbang du byas nas kyang de ci rigs pa'i gso bar sbyar zhing gtang bar bya'o/ /rlung gyur phal cher snum chos bya/ /mkhris par kha dang bsil ba gtang / /bad kan las gyur rtsub tsha dro/ /'dus par 'dren mar sbyar bar
 bya/ /zhes bya ba la/ skya rbab kyi nad rlung las gyur pa la ni sngar smas pa'i sman las phal cher snum gyis shas cher gso bar bya'o/ /mkhris pa las gyur pa'i skya rbab kyi nad la ni/ sman kha ba dang bsil ba btang zhing gso bar bya'o/ /bad kan las gyur ba'i skya rbab kyi nad la ni
 sman rtsub pa dang / tsha ba dang / dro ba'i bag gtang bar bya'o/ /'dus pa las gyur ba'i nad la ni sman de dag phan tshun 'dren mar sbyar zhing gtang bar bya'o/ /sa zos las gyur sbyang ba ni/ /rnon pos lus las bsal bar bya/ /de 'og lto sbyangs stobs bskyed phyir/ /de la zhun mar
 sbyin par bya/ /zhes bya ba la/ sa zhag zos pa las gyur pa'i skya rbab la ni dang po kho nar bkru sman dang slon sman rnon po btang bas lus las bsal zhing gdon par bya'o/ /de'i 'og tu lto ba'i nad sbyangs pa'i skya rbab can gyi nad pa'i lus kyi stobs bskyed cing brta bar bya ba'i phyir zhun mar dag sbyin par bya'o/
 tsha ba gsum dang bil ba dang / /ser po gnyis dang 'bras bu gsum/ /ba spru ba gnyis gla sgang dang / /lcags phye pa tha byi dang ga /thang shing bri sh+tsi ka li dang / /ga bra'i rtsa ba 'o ma mar/ /bskol ba 'thungs na sa zhag zos/ /las gyur nad ni thams cad sel/ /zhes bya ba la/ tsha ba gsum la sogs pa'i
 sman 'di dag 'o ma dang mar tshul bzhin du bskol ba blud na sa zhag zos pa las gyur pa'i nad thams cad sel zhing 'joms par byed do/ /de bzhin nA ga ge sar dang / /shing mngar ku sha pi pi ling / /'o mar bskol ba blud na phan/ /zhes bya ba la/ de bzhin du nA ga ge sar la sogs pa'i sman dang 'o ma
 bskol te blud na yang sa zhag zos pa las gyur ba'i nad thams cad sel bar byed do/ /de la sred par gyur na ni/ /byi dang ga dang pa tha dang / /nim pa bskol ba'i khu ba 'am/ /mur ba dang bsres sa zhag dag /sred pa dgag phyir sbyin par bya/ /zhes bya ba la/ skya rbab can gyi nad pa des zhag la sred cing de
 la dga' bar gyur na de'i sred pa dag ga cing de dang 'gal 'gras par bya ba'i phyir byi dang ga la sogs pa dang sa zhag tu bsres pa sbyin par bya'o/ /yang na mur ba dang bsres pa'i sa zhag sbyin par bya'o/ /sa zhag bye brag tha dad nad/ /rjes su mthun pa'i sman sbyin bya/ /zhes bya ba la/ sa zhag gi bye brag tha dad
 par zos pa las nad tha dad par gyur pa las ni rjes su mthun zhing nad dmigs ji lta ba bzhin du sman gyi sbyor ba sbyin par bya'o/ /de ni 'di skad ston pa yin te ro bska ba'i sa zhag zos pa las nad du gyur pa la ni rlung 'joms pa'i sman sbyin par bya la tsha sgo can gyi sa zos pa las nad du gyur ba la ni mkhris pa sel ba'i sman
 sbyin par bya la/ sa mngar po zos pa las nad du gyur pa la ni bad kan sel ba'i sman sbyin par bya'o/ /mig ser la ni mkhris 'joms sman/ /skya rbab gnod pa med pa sbyin/ /zhes bya ba la/ mig ser gyi nad la ni 'khris pa 'joms shing sel ba'i sman sbyin par bya la de yang skya rbab la gnod cing mi mthun pa
 med pa sbyin par bya'o/ /a ru ra ni brgya'i khu bar/ /a ru ra rdog lnga bcu'i phyed/ /mar ni bre gang nang du bskol/ /skran dang mig ser skya rbab 'joms/ /zhes bya ba la/ a ru ra brgya bskol ba'i khu ba dang mar bre gang bskol ba'i nang du a ru ra lnga bcu btab pa'i
 lde gu byin na skran la sogs pa'i nad 'joms so/ /dong ga bu ram shing khu 'am/ /bi da ri dang skyu ru ra'i/ /khu ba tsha ba gsum bcas pa/ /srang gcig blud na mig ser 'joms/ /zhes bya ba la/ bu ram shing gi khu ba dang / /dong ga tsha ba gsum dang bcas pa srang gcig tsam
 byin na yang mig ser gyi nad 'joms so/ /yang na bi da ri dang skyu ru ra'i khu ba tsha ba gsum dang bcas pa srang gcig tsam byin na yang phan no/ /dan da bu ram nyis gyur gyi/ /lde gu chu grang sbyar ba blud/ /ces bya ba la/ yang na dan da bu ram nyis 'gyur dang sbyar ba'i lde gu chu
 grang sbyar te blud na phan no/ /dur byid phye ma sbrang rtsir bcas/ /'bras bu gsum gyi khu ba blud/ /ces bya ba la/ dur byid kyi rtsa ba phye ma sbrang rtsi dang bcas pa'i lde gu 'bras bu gsum bskol ba'i khu ba dang sbyar te blun na phan no/ /'bras bu gsum mam sle tres sam/ /skyer
 pa'am nim pa'i khu ba dag / sbrang rtsir sbyar ba nang re ni/ /mig ser gyis ni nyin la blud/ /ces bya ba la/ 'bras bu gsum gyi khu ba sbrang rtsir sbyar ba'am/ sle tres bskol ba'i khu ba sbrang rtsir sbyar ba'am/ skyer ba'i khu ba sbrang rtsir sbyar ba'am/ nim pa'i khu ba sbrang rtsir
 sbyar ba ste/ de dag gang yang rung bas mig ser gyi nad kyis nyen pa la nang re zhing blud na phan te sel bar byed do/ /skyer ba yug snum skyu ru ra/ /mig ser sel ba'i mig sman yin/ /zhes bya ba la/ skyer pa dang btsag yug snam dang skyu ru ra sbyar ba'i mig sman bskus na yang
 mig ser gyi nad sel bar byed do/ /mig ser can gang dri ma ni/ /til btags lta bur byung gyur na/ /bad kan lam 'gags de la ni/ /bad kan mkhris pa sel bas so/ /zhes bya ba la/ mig ser can gyi mi gang zhig bshang ba zhes bya ba'i dri ma til btags pa'i
 mdog 'dra ba byung bar gyur cing bad kan gyis mkhris pa rgyu ba'i lam 'gags pa yin no/ de la ni bad kan dang mkhris pa sel ba'i kha zas dang spyod lam dang sman gyis gso bar bya'o/ /rtsub grang lci dang mngar ba dang / /drag shul rlung ni bkag pa yis/ /rlung dang bad
 kan gcig gyur pa/ /mkhris pa phyir 'byin de yi tshe/ /mig dang pags pa ser ba dang / /phyi sa skya bar gyur pa dang / /bshang 'gags rgyu ma 'khrugs pa dang / /snying ga lci ba nyid gyur la/ /mkhris pa yan lag la brten na/ /rid cing drod chung rtsib log gzer/
 skyigs bu lud pa yi ga 'chus/ /rims 'debs rim gyis 'byung bar gyur/ /zhes bya ba la/ gang gi tshe rtsub pa la sogs pa'i rgyus rlung dang bad kan 'dres shing gcig tu gyur pa de'i tshe mkhris pa khong pa nas phyir 'byin par byed la de'i tshe mig dang pags pa ser por 'gyur
 zhing phyi sa shin tu skya rbab shing dkar bar 'gyur ba dang / bshang ba 'gags shing rgyu ma krug krug zer zhing lbo ba dang bcas te/ snying ga shin tu lci zhing na bar gyur na mkhris pa'i rims kyis yan lag byer zhing brten par gyur pa dang / 'bri bar gyur pa na/ rid cing drod chung ba la
 sogs pa'i bla brnan gyi nad rnams 'byung bar 'gyur ro/ /de la rma bya'am khyim bya dang / /sreg pa'i sha khu'am la phug ni/ /skam po'i khu ba'am rgya sran khu/ /rtsub kha skyur bar sbyar ba sbyin/ /zhes bya ba la/ yan lag la brten pa'i mig ser gyi nad de la rma bya la sogs pa'i sha
 khu dang / la phug skam po'i khu ba la sogs pa'i khu ba de dag rtsub pa dang kha ba dang skyur ba dang sbyar ba sbyin par bya'o/ /rab tsha skyur dang rno ba dang / /lan tshwa shin tu dro ba bsngags/ /zhes bya ba la/ yang nad de la zas skom dang sman la sogs pa rab tu tsha ba dang skyur ba la sogs pa phan no/ /kha
 lung khu ba tsha ba gsum/ /sbyar ba'i lde gu'ang sbyin par bya/ /zhes bya ba la/ mig ser gyi nad dang ldan pas kha lung la sogs pa'i lde gu zos na yang phan no/ /des ni mkhris pa rang gnas su/ /'jug cing bshang mdog tha mal 'gyur/ /rgyu ma 'khrug sogs bla brnan bcas/ /rlung
 yang rab tu zhi bar 'gyur/ /zhes bya ba la/ bshad ma thag pa ltar byas la/ des nang gi rlung dang bad kan bsal bas yan lag byer ba'i 'khris pa rang gi gnas gang yin pa der 'jug cing 'ong bar 'gyur la/ des na bshang ba yang snga ma las mdog 'gyur te/
 til btags pa lta bu las ser por 'gyur ro/ /de bzhin du rlung bla brnan dang bcas pa yang zhi bar 'gyur ro/ /'di yis bla brnan zhi nas ni/ /mig ser gso ba'i cho ga bya/ /zhes bya ba la/ skyes bu de'i bla brnan zhi bar gyur nas/ /mig ser la phan pa'i gso ba bya'o/ /mig
 ser khong du zhen pa na/ /brag zhun ba gcin dang sbyar ba/ /gser gyi dri ma'am ta bya ni /ba gcin sbyar ba zla gcig blud/ /ces bya ba la/ /mig ser khang pa'i nang du zhen pa la ni brag zhun dang ba gcin dang sbyar ba zla ba gcig gi bar du blud pa'am/ gser bzhus pa'i dri
 ma dang / ba gcin nam/ ta bya dang ba gcin sbyar ba zla ba gcig gi bar du blud par bya'o/ /ha li sa ka sle tres khu/ /'o ma ma he'i mar bskol ba'i/ /skyu ru ra yi khu ba dang / /dur byid sbyar ba'i bkru sman blud/ /'khrus nas kha zas mngar bag ni/ /rlung 'joms mkhris pa
 'joms par sbyin/ /zhes bya ba la sogs pa'i/ ha li sa ka zhes bya ba 'di'i nad yod pa la ni/ sle tres kyi khu ba dang / /'o ma mar gyi nyis 'gyur dang ma he'i mar bskol bas lus snum par byas la/ skyu ru ra'i khu ba dang / dur byid sbyar ba'i bkru sman blud nas 'khrus par gyur
 ba dang / mkhris pa la phan pa'i kha zas mngar bag sbyin par bya'i gzhan sbyin par mi bya'o/ /sngar bshad rgun 'bru'i lde gu dang / /mngar ba'i sman mar zhun mar sbyin/ /'o ma mas gtong sman dang ni/ /'jam rtsir byas pa bsten par bya/ /zhes bya ba la/ sngar le'u 'di nyid
 las bshad pa'i rgun 'bru'i lde gu dang / mngar ba'i sman dang sbyar ba'i mar dang / 'o ma'i mas gtong ba 'og nas bshad pa dang / snum gyi 'jam rtsi dang bcas pa sbyin par bya'o/ /me drod bskyed par bya ba'i phyir/ /rgun chang chang rnying sbyin par bya/ /zhes bya ba la/ de bzhin du
 rgun chang dang chang rnying dag kyang khong pa'i me drod bskyed ba blud par bya'o/ /lud pa'i skabs bshad a ru ra'i/ /shing mngar ba la pi pi ling / /'o ma sbyar ba nad dmigs dang / /me drod ji bzhin sbyin par bya/ /zhes bya ba la/ ha li sa ka'i nad de la lud pa gso ba'i skabs su
 bshad pa'i a ru ra'i lde gu r-i Shis bshad pa sbyin par bya'o/ yang na pi pi ling la sogs pa nad kyi ji lta ba dang / me drod kyi stobs ji lta ba bzhin du sbyin par bya'o/ /mkhas pas 'or nad skabs bshad pa'i/ /gso ba skya rbab la yang sbyar/ /zhes bya ba la/ sman pa
 mkhas pas 'or nad kyi gso bar bshad pa dag kyang nad dmigs ji lta ba bzhin du skya rbab kyi nad la sbyar bar bya'o/ /yan lag brgyad pa'i snying po'i rnam par 'grel pa tshig gi don gyi zla zer zhes bya ba/ slob dpon zla ba la dga' bas nges par sbyar ba las gso ba'i gnas kyi le'u bcu drug
 pa'i rnam par 'grel pa'o/ / //de nas 'or nad gso ba bshad par bya'o/ /zhes bya ba la/ go rims kyis na 'or nad gso ba bshad pa'i phyir le'u 'di brtsams pa yin no/ /'or nad yan lag kun zhugs shing / /nad skyes ma smin la dang por/ /smyung byas kha zas yang
 ba bza'/ /bong nga thang shing byi dang ga /dug mo yungs dang na le sham/ /bskol ba'i chu dron blud par bya/ /zhes bya ba la/ 'or nad kyi rnam pa lus kyi yan lag thams cad la zhugs shing nad gzhi so so dang / gnyis dang kun 'dus pa las skyes ba ma yin pa la dang po kho nar smyung ba
 byas pas de'i rjes thug pa la sogs pa'i kha zas mang po sbyin par bya'o/ /de'i 'og tu bong nga la sogs pa dang bskol ba'i chu 'jam blud par bya'o/ /yang na a ru ra bcas dang / /thang shing ba spru bskol ba'am/ /lcags phye dgu par bcas pa blud/ /ces bya ba la/ yang na a ru ra rnam par
 rgyal ba la sogs pa'i khu ba smyung bar byas shing / kha zas yang bzos pa'i 'og tu blud par bya'o/ /yang na lcags phye dgu pa skya rbab kyi nad gso ba'i skabs su bshad pa dang / chu dron du sbyar te blud par bya'o/ /'or nad shas cher a ru ra/ /ba gcin bcas pa sbyang phyir blud/ /ces bya ba la/ 'or
 nad shas cher bdo ba la ni a ru ra dang ba gcin sbyar ba blud cing sbyangs nas dag par bya'o/ /'bras bu gsum bskol pu tse shel/ /zhes bya ba la/ yang na 'bras bu gsum bskol ba'i nang du pu tse shel nas tsha ba gsum gyi sman yan
 btab pa blud par bya'o/ /yang na de bzhin gu gul lam/ /brag zhun dang ni sbyar ba blud/ /ces bya ba la/ yang na 'bras bu gsum bskol ba'i khu ba gu gul la brag zhun gang yang rung ba dang sbyar te blud par bya'o/ /me drod chung zhing ma smin la/ /lci zhing rtug 'gags yang na 'khru/ /
 tsha ba gsum dang rtsal ru tsha/ /sbrang rtsi dar bar sbyar ba'am/ a ru ra dang bu ram bcas/ /bu ram bca' sgar bcas pa dang / /zos rjes dar ba blud par bya/ /zhes bya ba la/ 'or nad can gyi nad pa me drod chung ba la sogs pa dang ldan pa la tsha ba gsum dang ldan pa'i dar ba blud pa'am/ yang
 na a ru ra dang bu ram zos pa'i rjes la dar ba blud par bya ba'am/ yang na bu ram dang sgar sbyar bzos nas/ /de'i rjes la dar ba blud par bya'o/ /sge'u gsher bu ram cha snyoms pa/ /srang phyed tshad kyis bskyod nas ni/ /che tshad srang lnga'i bar du ni/ /zla gcig za zhing yu sha dang / /'o ma
 sha khu bcas zos na/ /'or nad dmu rdzing skran gzhang 'brum/ /gcin nad dbugs mi bde cham pa/ /sgyid snyom ma zhu mig ser dang / /lus skem gdon gyi nad rnams dang / /lud pa bad kan sbyor 'dis sel/ /zhes bya ba la/ yang na sge'u gsher bu ram dang cha mnyam pa srang phyed
 phyed kyis bskyed nas che tshad srang lngar phyin gyi bar du zla ba gcig gi bar du bza' zhing bsten par bya'o/ /de ni 'di skad ston te/ sge'u gsher dang bu ram cha mnyam ste bsres pa nyi ma dang po la srang phyed bza'/ nyi ma gnyis pa la srang gcig bza'/ gsum pa la srang phyed dang gnyis/ bzhi
 pa la srang gnyis/ lnga pa la srang phyed dang gsum/ drug pa la srang gsum/ bdun pa la srang phyed dang bzhi/ brgyad pa la srang bzhi/ dgu pa la srang phyed dang lnga/ zhag bcu pa la srang lnga/ zhag bcu gcig pa nas zla ba gcig gi bar gyi zhag nyi shu la sge'u gsher dang bu ram yod na
 srang lnga lnga bza' bar bya'o/ /sman de zhu bar gyur nas bad kan gyi shas che ba'i 'or nad la ni yu sha sran khu blud par bya'o/ /mkhris pa shas che ba la ni 'o ma blud par bya'o/ /rlung shas che ba la ni sha khu dang bcas par zas sbyin par bya'o/ /'dis ni 'or nad la sogs pa nas bad kan gyi mtha'i nad
 sel bar byed do/ /gdon gyi nad ni smyo byed dang / brjed byed la sogs pa'o/ /sge'u gsher dong gra'i lde gu'i khu ba dang / /'o ma dag dang mar ni bskol blud na/ /'or nad sbrid pa dmu rdzing me drod nyams/ /nad kyis zil mnan na yang nad med 'gyur/ /zhes bya ba la/ sge'u gsher de
 nyid dong gra yin pas na/ sge'u gsher dong gra'o/ /yang na gsar zhing rang gi khu ba dang bcas pa bzang zhing khyad par du gyur ba'i sge'u gsher nyid la sge'u gsher dong gra zhes bya ste/ de'i lde gu'i khu ba dang 'o ma gnyis dang mar bskol te blud na 'or nad la sogs pas nyam thag cing zil gyis
 mnan na yang nad med par byed par 'gyur ro/ ma zhu med cing phyi sa 'gags/ /'or nad kyis gzer tsha ba gsum/ /dur byid dan da kru trug tres/ /bskol ba'i 'o ma blud par bya/ /zhes bya ba la/ ma zhu ba med cing ma zhu ba'i nad de byang bar gyur nas kyang phyi sa 'gags pa dang ldan pa'i
 'or nad kyis gzir bar gyur pa la tsha ba gsum la sogs pa dang bskol ba'i 'o ma blud par bya'o/ /ma he'i gcin nam ba gcin nam/ /'o ma btung zhing de dang bza'/ /zhes bya ba la/ yang na 'o ma dang bcas par zas bza' zhing / ma he 'am/ ba'i gcin zhes bya ba gang yang rung ba
 'o ma dang bcas pa blud par bya'o/ /zhag bdun yang na zla gcig bar/ /rnga mo'i 'o ma blud pas gso/ /zhes bya ba la/ yang na zhag bdun nam/ zla ba gcig gi bar du zas gzhan mi sbyin par rnga mo'i 'o ma blud pas gso bar bya'o/ /ti mu sa dang nas tshig thal/ /la la phud dang tsha ba
 lnga/ /na le sham dang se'u 'bru dang / /ba ta 'u su star bu dang / /bil ba gzhon nu zho gnyis gnyis/ /chu bre bzhi bskol mar bre gang / /bskol ba blud na 'or nad dang / /gzhang 'brum skran dang za gu 'joms/ /zhes bya ba la/ yang 'or nad la ti mu sa zhes bya ba/ yang ba na ka la sogs pa'i
 sman sna re zhing zho gnyis gnyis chu bre bzhi'i nang du bskol/ de'i khu ba bzhi cha lus pa dang / sman gyi khu ba btsags pa bre gang / mar bre gang bskol ba blud na 'or nad la sogs pa 'joms par byed do/ /zho dang tsi tra kar bsres las/ /byung ba'i mar ni dar bar
 bcas/ /tsi tra ka btab bskol ba ni/ /yon tan gong ma mtshungs pa yin/ /zhes bya ba la/ tsi tra ka dang bsres pa'i zho bsrubs pa las mar sar gang zhig byung bar gyur pa de dar ba nyid dang bcas la tsi tra ka'i lde gu btab ste bskol ba'i sman mar blud na yang yon tan snga ma dang 'dra ste/
 'or nad gzhang 'brum la sogs pa 'joms par byed do/ /thang la 'bar dang tig ta che/ /dge ba'am a ru ra'i sman mar/ /dus shes pa yis sbyin par bya/ /zhes bya ba la/ dus shes pa'i sman pa mkhas pas nad dmigs kyi shas gang che ba las dpags te/ thang la 'bar gyis
 bshad pa'i sman mar gcin nad za gu'i skabs su bshad pa dang / tig ta chen po'i sman mar mdze nad kyi skabs su bshad pa dang / dge ba chen po'i sman mar smyo byed gso ba'i skabs su bshad pa dang / a ru ra'i sman mar dmu rdzing gso ba'i skabs su bshad pa de dag las ci rigs par sbyin
 par bya'o/ /rtsa ba bcu pa'i khu ba ni/ /bre bzhir a ru ra brgya bskol/ /der ni bu ram srang brgya gzhug /tsha ba gsum dang dri sna gsum/ /nas tshig 'khus thal cung zad btab/ /bsgrangs nas sbrang rtsi bre phyed gzhug /de byin na ni 'or nad dang / /rims skran gcin nad lus
 skems pa/ /ma zhu mkhris pa rlung dang ni/ /sgegs skyur kha dog mi sdug dang / /gcin nad rlung gi khu chu'i nad/ /dbugs mi bde dang yi ga 'chus/ /mcher pa'i nad dang sbyar ba'i dug /dmu rdzing gi ni nad rnams sel/ /zhes bya ba la/ rtsa ba bcu pa bskol ba'i khu ba bre bzhi'i
 nang du a ru ra rdog ma brgya bskol la der bu ram srang brgya gzhug par bya ste/ de tshul bzhin du bskol/ gzar bur chags pa'i tshad kyi lde gur gyur pa dang / de'i nang du tsha ba gsum pi pi ling dang / na le sham dang / bca' sga zhes bya ba dang / dri sna gsum po sug smel dang /
 shing tshwa dang / gan+d+ha b+ha dra zhes bya ba dang / nas tshig 'khus pa'i thal ba las cung zad cig ci rigs par btab ste btags pa'i phye ma dang bsres la bsgrangs pa dang / sbrang rtsi bre phyed de srang bcu drug gzhag go/ /tsha ba gsum dang / dri sna gsum dang / ya bak+Sha ra'i tshad 'dir slob
 dpon gyis ma bshad mod kyi/ de gzhung gzhan las shes par bya ste/ de yang rgyud gzhan las/ tsha ba gsum las srang bzhi dang / /dri sna gsum las srang gnyis dang / /ya bak+Sha la sogs zho gnyis/ /bsgrangs pa'i sbrang rtsi bre phyed gzhug /ces bshad pa yin no/ /sman de
 byin nas 'or nad nas dmu rdzing gi nad kyi bar du sel bar byed do/ /nas dang sA lu 'bras rnying zas/ /rtsa ba bcu yi chu dang bskol/ /lan tshwa nyung snum shas chung ba/ /byin na 'or nad sel bar byed/ /rgya sran mu d+ga'i khu ba ni/ /thal sman tsha ba gsum ldan dang / /de bzhin
 skam sa'i sha rus sbal/ /skyin gor byi dur sha khu sbyin/ /zhes bya ba la/ 'or nad la ni nas dang sA lu la sogs pa'i 'bras rnying pa rtsa ba bcu'i chu dang bskol ba'i lan tshwa dang snum cung zad cig byin na phan no/ /rgya sran mud+ga'i khu ba dang nas tshig 'khus pa'i thal ba dang / tsha ba gsum
 dang ldan pa dang / de bzhin du skam sa'i srog chags rus sbal la sogs pa'i sha khu la thal sman dang tsha ba gsum dang byin na yang phan no/ /btung bar dar ba sar pa dang / /chang ni sman dang bcas pa blud/ /ces bya ba la/ 'or nad can la btung ba ni dar ba sar pa bsrubs ma thag
 gam/ chang sman dang ldan pa mnan pa'i chang a sa dang / chang snying dang / rgun chang la sogs pa blud na phan no/ /zi ra zur pa dzi ban ti/ /ma nu tsi tra ka ra bI/ /ya bak+Sha ra bil ba'i rkang / /da trig zho re'i tshad du byas/ /mar dang til mar nang du brngos/ /byin na 'or nad skran
 gzhang 'brum/ /tshad 'khru dang ni snying gi nad/ /me drod chung dang gcin nad sel/ /tsha ba lnga dang sbyar ba yi/ /thug pa'ang yon tan de dang 'dra/ /zhes bya ba la/ zi ra la sogs pa'i sman mar dang / til mar gyi nang du brngos nas thug par byas te blud na yang 'or nad la sogs pa la
 mchog tu phan la/ de bzhin du tsha ba lnga dang sbyar ba'i thug pa yang 'or nad la sogs pa la mchog tu phan pa yin no/ /rdo dreg ru rto ne ya/ /ha re Nu ka a ru ra/ /shi be ta ka shu pa dang / /chu srin sder mo pri yang ku/ /spri ka thang shing spang spos dang / /pi pi ling
 dang dbyi mo dang / /kun tan ta na bya ma ka /ba la ka dang dri sna bzhi/ /bal bu'i lo ma gla sgang dang / /gan+d+ha pa la sha la ni/ bskus pa'i til mar dag dang ni/ /khrus kyi chu dang lde gu bya/ /zhes bya ba la/ rdo dreg la sogs pa'i sman lde gur byas pa dang / til mar du bcas
 pas bsku bar bya ba dang / yang sman de dag zhib tu btags pa'i lde gus bsku ba dang / yang sman de dag nyid dang bskol ba'i chus lus khrus bya'o/ /rdo dreg ni shil pus pa'o/ /sto na ya ni ta la bid ka'o/ /shi pe ta ka ni thang shing phra mo 'thing chu'o/ /pri ka ni de bi la ta'o/ /kun
 tan ta ni pa ri bi la'o/ /nim pa arga ba spru dang / /nag ta ma li'i chus khrus bya/ /zhes bya ba la/ /yang na nim pa dang / arga dang / /ba spru ba dang nag ta ma la bskol ba'i chus khrus bya'o/ /yan lag phyogs gcig skrangs pa la/ /ka ra bI ra ba spru ba/ /king shu ka dang bi sha
 la/ 'bras bu gsum dang seng phrom dang / /na li ka dang thang shing dang / spang spos ko sha ta ki dang / /bong nga ta la'i lo ma dang / /dza yan ti dang 'ol ma se/ /ka ka ta ni sa li shing / /pri sha ka r+Ni dbyi mo dang / /rid ti bri ti glang po'i sna/ /lde gu dro 'jom bskus pa phan/
 zhes bya ba la/ yan lag gi phyogs gcig skrangs pa'i nad la ni/ ka ra bI ra la sogs pa'i sman gyi lde gu dro 'jam tsam gyis bskus pa phan no/ /ba spu ba ni du rga'o/ /king shu ka ni pa la sha'o/ /na li ka ni pa dru ma la ta'o/ /ko sha ta ka ni kri ta tsi tra'o/ /bong nga ni a ti bi
 Sha'o/ /ta li'i lo ma ni mo sa li'o/ /dza yan ti ni ag ni man ta'o/ /'ol ma se ni gun dza'o/ /pri sha karni ni mu sha kar ni'o/ /rid ti ni dud sti'o/ /bri ti tra ba ni shir sha'o/ /ha sti ka ra Na ni glang po che'i rna ba ste ba ra dada'o/ /de nas 'or nad rlung gyur la/ /zla phyed bar du dur byid
 dam/ /yang na e raN+Da'i mar blud/ /ces bya ba la/ de nas rlung las gyur pa'i 'or nad la dur byid dang bskol ba'i mar ram/ e raN+Da las byung ba'i mar zla ba phyed kyi bar du blud par bya'o/ /rlung gis rtug 'gags la de nyid/ /zas kyi sngon du 'o ma 'am/ /sha khu blud cing
 rlung 'jom pa'i / /sman gyi dugs dang bsku bar bya/ /zhes bya ba la/ 'or nad la rlung gis rtug pa 'gags pa dang ldan pa la ni e raN+Da'i til mar de nyid zas ma zos pa'i sngon du 'o ma 'am/ sha khu dang sbyang te blud par bya'o/ /yang na rlung las gyur pa'i 'or nad la rlung 'jom pa'i sman gang
 dag yin pa dugs dang bsku ba'i rnam pa dag bya'o/ /phyogs gcig skrangs la kha lung dang / ag ni man tha sdang spos dang / /bca' sga thang shing lde gus bsku/ /zhes bya ba la/ lus kyi phyogs gcig skrangs par gyur pa la ni/ kha lung la sogs pa'i sman gyi lde gus bsku
 bar bya'o/ /mkhris gyur tig ta'i sman mar ram/ n+ya gro d+ha sogs bskol ba blud/ /ces bya ba la/ mkhris pa las gyur pa'i nad la tig ta'i sman mar ram/ n+ya gro d+ha la sogs pa dang bskol ba'i mar blud par bya'o/ /skom dad che dang rmongs bag tsha/ /'o ma bsku byug bsil ba
 bya/ /zhes bya ba la/ mkhris pa'i 'or nad skom dad che ba dang / rmongs bag dang khong tsha ba gyur pa la ni 'o ma blud pa dang / de bzhin du bsku ba dang byug pa dang reg pa dang nus pa'i sman gyis byas pa phan no/ /pa to la rtsa kyi lce ba/ /shing mngar thang shing pu tse shel/ /skyer pa
 tsaN+Dan a ru ra/ /da na lcang ma bi sha la/ /pi pi ling dang mar bskol blud/ /khong tsha mgo 'khor skom dad che/ /'dus pa'i nad dang me dbal skrang / /lus tsha rim dang bcas pa sel/ /zhes bya ba la/ pa to la la sogs pa bskol ba'i khu ba mar dang bcas pa blud na khong tsha
 ba la sogs pa'i nad sel bar 'gyur ro/ /bad kan las gyur dong ga sogs/ /til mar dang ni bskol ba blud/ /ces bya ba la/ bad kan las gyur pa'i 'or nad la ni dong ga la sogs pa'i sde tshan dang bskol ba'i til mar blud par bya'o/ /rgyun srang 'gags shing me drod nyams/ /
 rmongs bag yi ga 'chus pa la/ /thal sman chang snying mnan chang dang / /ba gcin dar bar bcas pa blud/ /ces bya ba la/ bad kan las gyur pa'i skran nad rgyun srang 'gags pa la sogs pa la ni thal sman la sogs pa blud cing bsten par bya'o/ /pi pi ling
 dang 'ba' cha rnying / /shi kru'i shun pa zangs ma dang / /ba gcin lde gu dro 'jam sbyar/ /bsku dang dril ba'i las la sbyar/ /zhes bya ba la/ pi pi ling la sogs pa ba gcin dang lde gur byas pa dro 'jam tsam gyis lus la bsku ba dang dril phyis bya ba la sbyar bar bya'o/ /ru rta ag ni man
 tha dang / /rgya sran dong ga tsi tra ka /ba gcin chu bskol bas khrus bya/ /tsa rong a ka ru yis byug /ces bya ba la/ ru rta la sogs pa'i sman ba gcin dang chu'i nang du bskol la des khrus byas la/ tsa rong dang a ka ru'i lde gur byas pas ni byug par bya'o/ /nA ga ba la sa ra la/ /
 a za sring gi a ma ba ta/ /a za gan+d+ha zhes bya dang / /a shwa gan+d+ha'i lde gu ni/ /yan lag phyogs gcig skrangs la phan/ /zhes bya ba la/ yang yan lag gi phyogs gcig skrangs pa'i 'or nad la ni nA ga la sogs pa'i lde gus bskus na phan no/ /sa ra la ni tsi tra'o/ /am ba ta
 ni e'i sha shi ka'o/ /a za gan+d+ha ni bad gab+d+ha'o/ /nad gzhi ji bzhin yan lag ni/ /nye ba'i phyogs nas gtar ga bya/ /zhes bya ba la/ yan lag gi phyogs gcig la brten pa'i skran nad la nad gzhi so so ji lta ba dang / yan lag gi phyogs gang dang nye ba'i phyogs nas gtar
 ga bya ba la/ slon sman dang bkru sman gyis sbyang par bya'o/ /'dris pa'i nad la nad gzhi ni/ /shas che'i dbang du gso ba bya/ /zhes bya ba la/ 'dris pa'i nad dang ldan pa dang / 'dus pa zhes bya ba la ni/ nad gzhi gang shas che ba'i dbang du byas nas ji skad smos pa'i gso ba nyid ci rigs
 par sbyar bar bya'o/ /go snyod pa tha gla sgang dang / /kaN+da ka ri tsha ba lnga/ /skyer ba chu dron sbyar blud pa/ /rtsa mkhris bca' sga chu dron blud/ /nad gzhi gsum gyi 'or nad ni/ /yun rings lon zhing tshabs chen sel/ /zhes bya ba la/ go snyod la sogs pa'i lde gu chu dron dang sbyar te
 blud na/ nad gzhi gsum 'dus pa las gyur pa'i 'or nad yun ring po lon cing tshabs shin tu che ba dag kyang sel bar byed do/ /de bzhin du rtsa mkhris zhes bya ba bu nim pa dang bca' sga bskol ba'i chu dron blud na yang yon tan de dang 'dra'o/ /sle tres dang ni a ru ra/ thang shing gu gul ba
 spru ba/ /ba gcin sbyar blud dmu rdzing dang / mdze dang skya rbab srin bu'i nad/ /gcin nad za khu bad kan dang / /rlung ni stod du 'joms pa sel/ /zhes bya ba la/ sle tres la sogs pa'i sman ba gcin dang sbyar te blud na dmu rdzing la sogs pa'i nad sel bar byed do/ /de ltar
 rang rang nad kyi dbang byas bshad/ /snad ba las byung ba la khrag dbyung zhing / bsil sman mar khus byugs shing byugs shing blugs par bya/ dug skyes skrangs la dug sel sbyor ba bya/ /zhes bya ba la/ tshul de ltar rang rang gi nad gzhi'i dbang du byas nas 'or nad kyi gso ba bshad pa yin la/
 mtshon la sogs pas snang pa las byung ba la gtar ga bya ba dang / bsil ba'i sman dang mar la sogs pas bsku ba la sogs pa byas la dug gis phog pa las gyur pa'i skrangs nad la ni dug sel ba'i sbyor ba gang dag yin pa byas na phan no/ /grong dang rlan can chur gnas sha rid rlon/
 tshod skam til gyi zas dang bu ram can/ /phye btags zas dang zho dang lan tsha dang / /kha zas rul bag chang skyur yos sha skam/ /'dris pa'i zas dang lci dang ma goms za/ /tsha ba bskyed dang nyin par gnyid log dang / /mtshan mo gnyid ma log dang nyal po rnams/ /'or nad can
 gyis de dag thams cad spang / /zhes bya ba la/ skrang nad dang ldan pa thams cad kyis kyang grod gi phyogs kyi sha la sogs pa dang / tshod ma skom po la sogs pa spang par bya'o/ /chur gnas ni chu na spyod pa'i srog chags kyi sha'o/ /chur gnas pa zhes smos pa rlan can gyi
 sha'i sgras kyang spang ba nyid yin mod kyi/ 'dir gtso bor bya ba'i phyir logs shig tu smos pa yin no/ /yang na rlan can nyid chur gnas pa yin par sbyar ro/ /sha rid ni srog chags sbeg pa'i sha'o/ /sha rlon ni ma btsos pa'o/ /tshod ma skam po ni pa to la la sogs pa tshod
 ma'i sde tshan las bshad pa'o/ /til gyi kha zas ni til las byas pa'i la du la sogs pa'o/ /bu ram ni bu ram las byas pa'i zas sam btung ba'o/ /phye zan ni 'bras la sogs pa btags pa las zan du byas so/ /de bzhin du zho 'ba' zhig kyang
 skrang bar byed pa yin pas spang bar bya'o/ /de bzhin du lan tshwa dang kha zas rul cing spyi bag tu gyur pa spang bar bya'o/ /chang 'ba' zhig kyang spang bar bya'o/ /de bzhin du skyur ba'i rnam par rang skyur la sogs pa gang yang rung ba dang / nas brngos pa'i yos dang sha skam
 dang 'dris pa'i zas de phan dang mi phan zhes bya ba dang / de bzhin du gzhan yang lci ba la sogs pa'i mtshan nyid dang ldan pa'i kha zas kyang spang bar bya ba dang / de bzhin du nyin par gnyid log cing nyal la mtshan mo gnyid ma log pa dang / bud med la 'khrig pa spyod cing nyal po
 byed pa gang dag yin pa de dag thams cad 'or nad can gyis spang par bya'o/ /yan lag brgyad pa'i snying po'i rnam par 'grel pa tshig gi don gyi zla zer zhes bya ba slob dpon zla ba la dga' bas nges par sbyar ba las/ gso ba'i gnas las le'u bcu bdun pa'i rnams par 'grel
 pa'o/ / //de nas med bal gso ba bshad par bya'o/ /zhes bya ba la/ go rims kyis na 'di nyid kyi gso ba bshad dgos pas 'di brtsams pa yin no/ /med bal nad la thog ma nyid/ /smyung ba dang ni rtsub chos dang / /khrag dbyung skyug sman bkru sman phan/ /snum
 chos sbyad par mi bya'o/ /zhes bya ba la/ /me dbal gyi nad la ni nad kyi sngon byung ba'i tshul skyes pa'i thog ma nyid la smyung ba bya zhing nyams smad pa dang rtsub par 'gyur ba'i cho ga bya ba dang / gtar ga btab cing khrag dbyung ba dang / bkru sman dang skyug sman blud pas sbyang ba byas na phan gyi med dpal
 gyi nad gang la yang thog ma kho nar snum chos bya ba ni phan pa ma yin no/ /po son cha dang dug mo yungs/ /shing mngar bcas ba pa to la/ /nim pa'i lo ma pi pi ling / /skyug sman btang na me dbal 'joms/ /zhes bya ba la/ de la po son cha la sogs pa'am/ yang na po son
 cha dang pa to la las skyug sman btang na yang med dbal gyi nad 'joms par byed do/ /kyi lce ba yi khu ba'am/ /rgun 'bru'i 'bras bu gsum yang rung / /dur byid phye ma btab pa 'am/ /'o ma mar sbyar bkru sman ni/ /khong na zhen pa'i nad la ni/ /khyad par du ni sbyang ba btang / /zhes
 bya ba la/ kyi lce bskol ba'i khu ba 'am/ rgun 'bru'i khu ba 'am/ 'bras bu gsum bskol ba'i khu ba 'am/ gang yang rung ba'i nang du dur byid kyi phye ma btab pa'i bkru sman btang ba'am/ yang na dur byid dang / 'o ma dang mar du sbyar ba'i bkru sman gtang bar bya'o/ /de
 las kyang khyad par du ni khong pa'i nang du zhen pa'i nad la skyug sman dang bkru sman gyis sbyang bar bya'o/ /sbyang min nad tsha bas chung ba la/ /zhi sman tsan+dan ut+pal gtang / /zhes bya ba la/ me dbal gyi nad dang ldan pa las sbrum ma la sogs pa sbyang bar mi rung la nad tshabs chung ba yin
 na zhi bar bya ba'i sman tsan+dan dang ut+pal la sogs pa gtang bar bya'o/ gla sgang nim pa pa to la/ /pa to la sogs nyid dag gam/ /zhes bya ba la/ yang na sbyar ba byar mi rung zhing nad tshabs chung ba la zhi bar bya ba'i sman gla sgang la sogs pa blud par bya'o/ pa to la la sogs pa
 ni pa to la dang pu tse shel/ /zhes bya ba bstan pa yin no/ /thal tres gla sgang skyu ru ra/ /pu tse shel gyi chu bskol blud/ /ces bya ba la/ yang na de la zhi bar bya ba'i sman thal tres la sogs pa blud par bya'o/ me dbal skom dad can la ni/ /byi tsher ba dang pa ra pa ta/ /sle
 tres bca' sga bskol ba ni/ /khu ba bsgrangs pa blud par bya/ /zhes bya ba la/ me dbal gyi nad skom dad can gyis btab pa la ni byi tsher ba la sogs pa bskol ba'i khu ba 'am/ bskol te bsgrangs pa blud par bya/ skyer pa sran chung pu tse shel/ /pa to la dang 'bras bu gsum/ /
 nim pa shing mngar kyi lce ba/ /bskol ba mar dang bcas pa blud/ /ces bya ba la/ yang me dbal skom dad can la skyer pa la sogs pa'i sman gyi khu ba nyid blud pa'i sbyor bar bskol la de'i nang du mar bcug ste blud na yang phan no/ /yan lag nad zhugs nad khrag nyid/ /thog
 ma nyid du khrag dbyung bya/ /zhes bya ba la/ lag dar dad byin pa la sogs pa yan lag rnams la nad khrag yod pa las gyur pa'i me dbal ni thog ma nyid du khrag de phyung bas bsal bar bya ste/ nad gzhi ji lta ba las rngabs ru dang / ku ba dang /
 sin bu pad pas khrag dbyung ba'am/ gtar ga btab ste khrag dbyung bar bya'o/ /pags pa sha dang rgyus pa 'drul/ /khrag rul pa las byung ba yin/ /zhes bya ba la/ gang gi phyir khrag rul pa las pags pa la sogs pa 'drul zhing rnags par 'gyur bas de'i
 phyir khrag dbyung bar bya'o/ /smin zhing bad kan zad pa dang / /rlung dang mkhris pa shas che la/ /tig ta tig ta chen po'i mar/ /kyi lce ba bskol mar phan no/ /zhe bya ba la/ smin cing bad kan zad par gyur nas/ rlung dang mkhris pa shas che zhing rgyas par gyur
 pa la ni tig ta dang tig ta chen po'i sman mar mkhris pa las gyur pa'i mdze nad kyi skabs su bshad pa dang / kyi lce ba'i sman mar khong 'bras kyi skabs su bshad pa phan no/ /khrag phyung khong pa dag gyur nas/ /nad ni sha lpags la gnas la/ /phyi rol nas ni byugs
 sogs kyis/ /'phral du me dbal zhi bar 'gyur/ /zhes bya ba la/ khrag phyung zhing bsal bar 'gyur ba dang / sbyang ba byas pas khong pa dag par gyur nas nang gi skyon med par rlung la sogs pa'i nad gang yang med par sha dang pags pa la gnas par gyur pa la/ phyi
 rol nas sman gyi byugs pa la sogs pa byas na 'phral du de'i mod la me dbal zhi bar 'gyur ro/ /rlung gyur shu ti gla sgang dang / /'o ma 'u su ba ra hi/ /ar ta ka la pi pi ling / /thang shing shi kru ru rta yi/ /lde gus byugs pa byas na phan/ /zhes bya ba la/ rlung las
 gyur pa'i me dbal ni shu ti zhes bya ba'i sha ta pus pa la sogs pa'i sman btags pa'i lde gus bskus na phan no/ /ba ra ha ni bi na ma li ka'o/ /ar ta ka la ni ru dza ga ra'o/ /'u su ni 'u su'i 'bras bu'o/ /shi kru ni so ban dza na'o/ /mkhris par n+ya gro d+ha sogs te/ /de
 bzhin pad+ma uta pa la sogs/ /zhes bya ba la/ mkhris pa las gyur ba'i me dbal la ni n+ya gro d+ha la sogs pa'i sde tshan gyis bsku ba'am/ yang na pad+ma dang ut+pal la sogs pa bsdus pa las bshad pas bskus na phan no/ /de las mkhris pa la ni pad+ma dang ut+pal dang nya
 lcibs dang / 'dam dang pad+ma'i rtsa ba dang / sring ga ta ga dang / ka shi du ka dang / sha kha ra dang / ba la ka dang / tsan+dan dkar po dang / mu tig dang / nor bu dang / btsag yug snum dang / pa ya s+ya dang / pra du na Da rI ka dang / shing mngar dang / shug pa dang
 mar sar dang / 'o ma'i lde gu bskus na phan no/ /zhes bshad do/ /n+ya gro d+ha'i rtsa gzhon nu dang / /chu shing nang gi lo mar bcas/ /pad+ma'i rtsa ba'i lde gu dang / /lan brgyar bkrus pa'i mar gyis byug /ces bya ba la/ n+ya gro d+ha'i rtsa ba gzhon nu sar pa dang chu shing gi nang
 gi lo ma dang bcas shing bsres pa dang / pad+ma'i rtsa ba'i lde gur sbyar ba lan brgya phrag mang du bkrus shing btsir ba'i mar dang sbyar bas byug par bya'o/ /pad+ma can gyi 'dam bsil ba'am/ /mu tig btags par gyur pa la/ /dung ngam byi ru nya phyis sam/ /yug snam mar dang bcas
 pas byug / ces bya ba la/ gang na pad+ma skyes pa'i 'og gi 'dam bsil bas byug pa'am/ mu tig zhib tu btags pa nyid kyis byug pa'am/ dung la sogs pa gang yang rung ba btags nas mar dang bcas pas byugs na yang phan no/ /bad kan las gyur 'bras bu gsum/
 shug ba btsod dang pu shel tse/ /ka ra bI ra 'dam bu'i rtsa/ /a nan da yi lde gus bskus/ /zhes bya ba la/ bad kan las gyur pa'i me dbal la ni 'bras bu gsum la sogs pa'i lde gus bskus na phan no/ /da ba lo ma bdud pa dang / /seng ldeng thang shing bkru sman dang / /gla
 sgang dong gar bcas pa'am/ /ba ra na sogs lde gus bsku/ /zhes bya ba la/ da ba la sogs pa'i lde gu ra sbyar ba'am/ ba ra na la sogs pa'i sde tshan gyi lde gu bskus na yang bad kan las gyur ba'i me dbal sel to/ /dong ga yi ni lo ma dang / /sle sman ta ka'i shun lpags
 dang / /in+d+ra ba ru na'i lo ma/ /shrI Sha 'ol ma se'i me tog /ces bya ba la/ dong ga'i lo ma dang / sle sman ta ka las skyes pa'i shun lpags dang / en+d+ra ba ru na'i lo ma dang / shrI Sha dang / 'ol ma se'i me tog lde gu ra byas pa bskus na yang phan no/ /
 chu blugs mar bsku sman mar dang / /lde gu phye ma ji bzhin du/ /sman ni 'di dag nyid kyis bya/ /zhes bya ba la/ bkru ba'i don du bshad pa'i sman shu ti la sogs pa 'di dag nyid kyis chu blugs pa dang / rma'i phyi rol nas bsku ba'i mar dang lde gu dang phye ma'i sbyor ba yang ji lta ba
 bzhin du byas te gtang bar bya'o/ /rlung rgyas mar ni shas cher bya/ /zhes bya ba la/ yang lde gu'i sman la sogs pa 'di dag rlung shas che ba'i me dbal la ni mar shas che bas bya'o/ /bad kan gnas zhen ma smin la/ /dro dang rtsub shas che ba sbyar/ /de bzhin mkhris pa'i gnas
 zhugs la/ /khrag mkhris la ni mar ldan bya/ /zhes bya ba la/ bad kan gyi gnas la gnas shing rten pa'i me dbal ma smin par gyur pa la ni dro ba dang rtsub pa'i lde gus bsku ba phan la/ de bzhin du mkhris pa'i gnas su zhugs pa'i me dbal dang khrag dang / mkhris pa
 las gyur pa'i me dbal la ni mar sar dang ldan pa'i sman de dag gi lde gus bsku bar bya'o/ /shin tu bsil zhing srab pa dang / /gos srab nang du bzhag pa ni/ /nus pa chung las yang dang yang / /gzhan dang gzhan ni sbyar bar bya/ /zhes bya ba la/ shin tu bsil zhing
 grang la srab cing chung ba dang / gos srab mo'i nang du gtums shing bzhag pa'i lde gu ni skad cig ma re re zhing yang dang yang du gzhan dang gzhan spos la sbyar bar bya ste/ gang gi phyir lde gu de de ltar bskus pa ni nus pa chung ba yin pa'i phyir ro/ /'dres pa'i nad la las 'di ni/ /
 'dren mar bya ba la bsngags ba yin/ /zhes bya ba la/ nad gzhi gnyis 'dres pa'i ldan pa las gyur ba'i me dbal la ni/ gong du bshad pa'i gso ba'i las de 'dren ma byas na bsngags shing phan no/ /me ltar tsha la lan brgyar ni/ /bkrus pa'i mar sar 'ba' zhig
 phan/ /zhes bya ba la/ me lta bur tsha ba'i me dbal ni/ mar sar chu grang mo'i nang du lan mang du mnyes pa 'ba' zhig gis bskus na phan no/ /mar gyi nying khu blugs pa 'am/ /shing mngar bskol ba'i chu grang ngam/ /ut+pal pad+ma kha ra'i chu/ /'o ma bu ram shing khu
 blugs/ /zhes bya ba la/ yang me ltar tsha ba'i me dbal la mar gyi nying khu dngas ma blugs pa 'am/ yang na chu grang bskol pa'i chu bsgrangs te blugs pa'am/ yang na ut+pala'am/ kha ra'am/ 'o ma 'am/ bu ram shing khu'i khu ba grang mo blugs par bya'o/ /btung ba
 bsku dang blugs pa dang / /tig ta chen po'i sman mar phan/ /zhes bya ba la/ me lta bu'i me dbal la tig ta chen po'i sman mar mdze nad kyi skabs nas bshad pa blud pa la sogs pa sbyar na mchog tu phan no/ /rmen bu khrag mkhris sel ba yi/ /gso ba ci rigs legs byas
 la/ /rlung dang bad kan 'joms byed la/ /glan dang dkri ba la sogs phan/ /zhes bya ba la/ rmen bu'i me dbal la ni sngar bshad pa'i mkhris pa dang 'dres pa las byung ba nas/ bkru sman gyi bar khrag dang mkhris pa sel ba'i gso ba legs par byas la/ de'i rjes la rlung
 dang bad kan la phan pa'i gso ba glan pa'i dugs dang / dkri ba'i dugs la sogs pa byas na phan no/ /rmen bu'i me dbal gzer bcas la/ /til mar rtsa ba bcu dang bskol/ /ba gcin dron mo chu dron blugs/ /zhes bya ba la/ rmen bu'i me dbal gzer dang bcas pa 'byung ba
 la ni rtsa ba bcu dang bskol ba'i til mar blugs pa'am/ de bzhin du ba gcin dron mo'am chu dron mo blugs par bya'o/ /yang na shi kru'i lde gu'am/ /na ta ma la'i shun pa'am/ /la phug skam po ba ru ra'i/ /lde gu dro 'jam bsku ba'am/ /zhes bya ba la/ yang na shi kru'i shun
 pa lde gur btags pa dro 'jam tsam gyis bsku ba'am/ yang na na ta ma la zhes bya ba ka rany+dza'i shun lpags btags pa'i lde gu chu dro 'jam tsam mam/ la phug skam po btags pa'i lde gu dro 'jam tsam bsku ba 'am/ ba ru ra'i lde gu dro 'jam tsam bskus na yang rmen bu'i me dbal
 gzer dang bcas pa la phan no/ /dan da shing tsha tsi tra ka /arka snu ha'i 'o ma dang / /bu ram go bye'i rus nag tshur/ /lde gus rdo yang 'bigs byed na/ /bad kan las gyur rmen bu'i nad/ /phyi rol gnas pa smos ci dgos/ /zhes bya ba la/ dan
 pa dang / tsi tra ka'i rtsa ba'i shun spags/ arka dang / shing snu ha'i 'o ma dang / bu ram dang / go bye'i nang gi rus pa dang / nag tshur gyi lde gur byas pas bskus na rdo yang 'bigs par byed na bad kan las gyur pa'i rman bu lus kyi phyi rol na gnas pa lta smos kyang ci dgos te
 nges par 'bigs par byed do/ /yun ring gnas pa'i rmen bu la/ /la phug rgya sran ku lad tha'i/ /khu ba thal sman se'u 'brur bcas/ /gro yi zan dang nas kyi zan/ /rgun chang sbrang rtsi bu ram dang / /kha ra chang gi dngas mar bcas/ /kha lung khu bar bcas pa dang / /'bras
 bu gsum gyi sbyor lde gu/ /pi pi ling dang sbrang rtsir bcas/ /thang shing dang ni sle tres dang / /brag zhun gyi ni sbyor ba dang / /gla sgang go bye'i sbyor ba'am/ /sbrang rtsi yi ni sbyor ba dang / /mgo bkru sman dud rngub pa dang / /sngar bshad skran ni gzhig pa dang / /lcags gser
 lan tshwa bsregs pa dang / /rdo bas btsir bar bya ba yin/ /sman 'di yis ni 'jigs par byed/ /ces bya ba la/ rmen bu'i nad yun ring du gnas shing rgyun du chags par gyur pa la 'og nas bshad pa'i sman 'di dag gis bshig par bya'o/ /la phug gi khu ba thal sman rnam gnyis
 gang yang rung ba dang bcas pa se'u 'bru dang bcas pa dang / de bzhin du rgya sran ku lad tha'i yu sha'i khu ba dang thal sman bcas pa dang / de bzhin du gro'i zan dang nas kyi zan rtag tu sbyin pa dang / rgun chang la sogs pa blud pa dang / de bzhin du 'bras bu gsum mam/ pi pi ling
 gi sbyor ba lde gu'am/ phyi mar byas pa'am/ de bzhin du thang shing la sogs pa'i sbyor ba ste/ ci rigs par sbyor ba de dang des bya ba dang / nam tshong yan chad kyi nad du gtogs pa'i rmen bu la/ mgo bo'i bkru sman dang / dud pa rngub pa'i rnon po dang / lngar bshad pa'i skran
 gzhig pa'i sbyor ba gang yin pa dang / lcags la sogs pa bsregs pas btsir zhing mnan pas yun ring du gnas pa'i rmen bu 'jigs par byed do/ /zhes thams cad la sbyar par bya'o/ /sbyor ba sna tshogs de dag ni/ /byas kyang zhi bar ma gyur cing / /shin tu sra bar gnas
 gyur la/ /nad stobs che bar gyur na ni/ /de 'og 'di la thal sman nam/ /lde gu'am gser gyis bsregs pa phan/ /zhes bya ba la/ sbyor ba gong du smos pa sna tshogs pa de dag gis gso ba byas kyang de zhi bar ma gyur cing / rdo ltar shin tu sra bar gnas par gyur la nad
 kyi stobs shin tu che zhing zhig par ma gyur na sman gyi sbyor bar de dag gi 'og tu rmen bu'i nad 'di la thal sman gyis bsreg pa'am/ lde gu mes bsregs pas bsregs pa'am/ gser mer bsregs pas bsregs na phan no/ /smin par byed pas rnags byas la/ /dbral nas de
 nas dbyung bar bya/ /zhes bya ba la/ yang rmen bu de smin par byed pa'i sman gyis smin cing bsrubs la/ de'i 'og tu gtsags spyad kyis bsal te/ /rmen bu gang yod pa dbyung bar bya'o/ /'di la khrag 'di rnags 'dod pa/ /yang dang yang du gdon par bya/ /zhes bya ba
 la/ rmen bu'i me dbal zhes bya ba la/ khrag rnags par 'dod cing gnas pa las g.yos shing phyed tsam smin par gyur pa la yang dang yang du khrag gdon cing dbyung bar bya'o/ /khrag bsal 'og tu slar yang ni/ /rlung dang bad kan sel sman gtang / /zhes bya ba la/ khrag
 bsal zhing bton nas de yi 'og tu rlung dang bad kan sel ba'i sman gang dag yin pa gtang bar bya'o/ /tsha zhing smin pas rnags gyur la/ /phyi nang rma ltar gso bar bya/ /zhes bya ba la/ rmen bu'i me dbal de dang smin pas rnags par gyur pa la ni phyi dang nang gi rma'i gso ba ltar
 gso bar bya'o/ skyer pa srin sman kam bi khyai/ /bskol ba'i til mar rma la phan/ /zhes bya ba la/ skyer pa la sogs pa'i sman dang til mar bskol ba rma la phan no/ /bad kan mkhris pa shas che la/ /dUr ba'i khu ba mar bskol phan/ /zhes bya ba la/ bad kan dang mkhris pa shas
 cher gyur pa'i me dbal la ni dUr ba bskol ba'i khu ba dang mar bskol ba phan no/ /gso ba'i las kun phyogs dang steng / /khrag dbyung pa ni phyogs gcig yin/ /me dbal de ni khrag mkhris dang / /ma 'dres pa las byung mi 'gyur/ /'di yi rten ni khrag
 nyid yin/ /de bas khrag ni mang du dbri/ /zhes bya ba/ me dbal gyi nad la skyug sman dang / bkru sman btang ba la sogs pa'i gso ba'i las kun nad sel ba'i las byed pa'i phyogs gcig tu bzhag pa dang / khrag dbyung ba gcig tu gso ba'i phyogs gcig ste phyed yin no/ /
 de yang gang gi phyir me dbal de ni khrag dang mkhris pa dang ma 'dris shing de la me brten pa las 'byung bar mi 'gyur te/ de bas na rgyu de'i phyir me dbal 'di'i rten nam/ gnas ni khrag nyid yin te/ de bas na khrag mang du dbri zhing dbyung ba kho na 'di'i dpyad kyi mchog yin no/ /
 nad gzhi mang po me dbal la/ /bkru sman ma gyur mar mi sbyin/ /de yis nad ni sra gyur pas/ pags pa khrag dang sha 'tshong byed/ /ces bya ba la/ gang nad gzhi mang po las gyur pa'i me dbal de la ni bkru sman du ma gyur cing gang zhig blud na 'khru ba'i bya ba mi byed pa'i mar
 de sbyin par mi bya'o/ /de ci'i phyir zhe na/ 'khru bar mi byed pa'i mar des slar zhing sra la rengs shing 'thas par 'gyur bas pags pa dang khrag dang sha 'tshod cing sreg par byed pa'i skyon yod do/ /yan lag brgyad pa'i snying po'o rnam par 'grel pa tshig gi don gyi zla zer zhes bya ba/ slob
 dpon zla ba la dga' bas nges par sbyar ba las gso ba'i gnas le'u bco brgyad pa'i rnam par 'grel pa'o/ / //de nas mdze nad gso ba bshad par bya'o/ /zhes bya ba la/ /go rims kyis na mdze nad kyi gso ba brtsams pa yin no/ /mdze can kun la thog ma nyid/ /
 snum blud pas ni gso bar bya/ /zhes bya ba la/ mdze'i nad kyis btab pa thams cad la ni dang po kho nar sman mar blud cing snum sbyin pas gso zhing bcos par bya'o/ /de la rlung shas che ba la/ /rtsa ba bcu pa sle tres dang / /sha rang ka ta e raN+Da/ /me sha sring gi mar ram ni/ /
 til mar bskol te blud pa phan/ /zhes bya ba la/ de la mdze nad de rnams kyi nang na rlung las gyur pa de'i shas che ba'i mdze nad la ni rtsa ba bcu pa la sogs pa'i mar ram/ til mar bskol te blud na phan no/ /nim pa pa to pu tse shel/ /skyer pa pa ta byi tsher ba/ /par pa ta dang
 kyi lce ba/ /srang re chu bre brgyad kyi ni/ /nang bskol brgyad cha lus pa ru/ /gla sgang rtsa mkhris kyi lce ba/ /dug mo yungs dang pi pi ling / /tsan+dan zho ni gnyis gnyis dang / /zhun mar srang ni bcu gnyis bskol/ /tig ta'i sman mar de 'thungs na/ /mkhris pa'i
 mdze dang me dbal dang / /'brum phran lus tsha skom dad che/ /mgo 'khor g.yan pa skya rbab 'bras/ /rma 'grams 'bras kyi phreng ba dang / /thor bu khong 'bras skran dang ni/ /zad byed smyo byed myos pa dang / /snying nad rab rib ngo khabs dang / /sha bkra mig ser pho ba'i
 nad/ /mtshan par rdol dang brjed byed dang / /dmu rdzing zla mtshan mi chod dang / /sbyar dug gzhang 'brum khrag mkhris sel/ /gzhan yang mkhris pa las gyur nad/ /shin tu gso dka'i rnams la'ang phan/ /zhes bya ba la/ nim pa la sogs pa'i sman sna re srang re chu bre brgyad
 kyi nang du bskol la bskol ba de brgyad cha lus pa dang zhun mar srang bcu gnyis dang gla sgang la sogs pa'i sman sna re zho gnyis gnyis lde gur byas pa dang bskol ba'i sman mar te tig ta'i sman mar zhes bya ste/ de blud na mkhris pa las gyur pa'i mdze dang me dbal la sogs pa sel bar
 byed do/ /de bzhin du 'dir ma smos pa'i mkhris pa dag las gyur pa'i nad gzhan dag sel bar byed cing de la phan pa yin no/ /lo ma bdun pa par pa ta/ /dong ga shu dag pu tse shel/ /shug pa pa ta 'bras bu gsum/ /ser bo gnyis dang thal tres gnyis/ /nim pa tsan+dan
 pi pi ling / /shing mngar sle tres be sha la/ /dug mo yungs dang pu tse shel/ /rtsa mkhris mur ba ba sha ka /nye'u shing bu ga pa to la/ /gla sgang byi tsher kyi lce ba/ /skyu ru'i khu ba nyis 'gyur dang / /de rnams mar gyi brgyad 'gyur chur/ /bskol ba'i tig ta chen po ste/ /yon tan
 yang ni sngar bas lhag / ces bya ba la/ lo ma bdun pa la sogs pa'i sman lde gur byas pa dang / skyu ru ra'i khu ba nyis 'gyur dang / mar gyi brgyud 'gyur gyi chu'i nang du bskol ba'i sman mar ni tig ta chen po'i sman mar zhes bya ste/ de'i yon tan yang sngar smos
 pa'i tig ta'i sman mar bas yon tan che ba yin no/ /lo ma bdun pa ni sab ta la'o/ /par pa ta ni ldum bu skra bzangs so/ /ser po rnams gnyis ni yung ba dang skyer pa'o/ /thal tres gnyis ni sha ri pa dkar nag gnyis so/ /pi pi ling gnyis ni pi pi ling dang / ha ti pi pi ling
 ngo / /bad kan las gyur nim pa dang / /lo ma bdun pa tsi tra ka /ru rta dong gra tsha ba gsum/ /pi la ya yi mar blud phan/ /zhes bya bal/ bad kan las gyur pa'i mdze nad la ni nim pa la sogs pa'i sman lde gur byas pa dang / mar tshul bzhin du bskol ba blud na phan no/
 kun la go bye'i mar ram ni/ /yungs dkar du ba ra'i mar blud/ /ces bya ba la/ mdze nad thams cad la go bye zhes pa bse shing gi 'bras bu btsir ba'i mar ram/ yungs kar gyi mar ram/ du bar btsir ba'i mar blud na phan no/ /byi dang ga dang a ka ru/ /go bye'i lde gu mar
 bskol blud/ /ces bya ba la/ yang na mdze nad thams cad la srin sman byi dang ga dang / a ka ru dang / go bye btags pa'i lde gu dang bskol ba'i sman mar blud do/ /dong ga'i rtsa ba dag dang mar/ /lan brgya'i bar bskol mar yang blud/ /seng ldeng bskol ba'i chu bsten na/ /mdze
 nad myur du sel bar bya'o/ /ces bya ba la/ dong ga'i rtsa ba lde gur byas pa dang / mar gnyis lan du ma'i bar du bskol ba blud la/ seng ldeng bskol ba'i chu 'thungs na mdze nad thams cad myur du sel bar byed do/ /'di dag nyid kyis ci rigs par/ /snum chos bsku ba byas pa'ang
 phan/ /zhes bya ba la/ bshad ma thag pa'i snum de dag gis nad gzhi ji lta ba las/ ci rigs pas snum gyi cho ga byas pa dang / bsku ba byas na yang phan no/ /snum gyis zhen la med dbal gyi/ /skabs su bshad pa'i sbyar sman gtang / /zhes bya ba la/ mdze nad kyis thebs pa
 de lus snum gyis khebs par byas nas/ me dbal gso ba'i skabs su bshad pa'i bkru sman dang skyug sman btang bas sbyar bar bya'o/ /dpral ba lag pa rkang pa las/ /'di la gtar ga gdab par bya/ /zhes bya ba la/ yang nad pa de la nyams stobs kyi tshul nas dpags te
 dpral ba la sogs par gtar ga gdab cing khrag dbyung bar bya'o/ /mdze nad tshabs chung zhal zhal gdab/ /rwa sogs kyis kyang khrag dbyung bya/ /zhes bya ba la/ mdze nad cung zad kyis btab pa la ni gtsags bus zhal zhal gdab cing khrag dbyung bar bya'o/ /nad
 dmigs kyi tshul las dpags te/ gtar ga gdab pa'i le'u las 'byung ba'i tshul du rngabs ru dang bsku ba la sogs pas khrag phyung na phan no/ /mdze nad 'joms pa'i snum gyis ni/ /'di la bar bar brta bar bya/ /khrag byung bkru sman gyis sbyang zhing / /lto stong gyur pa'i
 mdze can la/ /ci nas rlung gis 'di yi ni/ /lus ni 'jigs pa de ltar bya/ /zhes bya ba la/ yang mdze can de la mdze nad 'joms shing sel bar byed pa'i snum go bye dang / yungs kar gyi mar la sogs pas bar du nyams brta zhing tshim par byas na/ de sngar byung ba dang / bkru
 sman gyis sbyang bar gyur pas rlung brta bar byed pa'i rgyus lus la gnod cing 'jig par byed par mi 'gyur ro/ /nim pa sle tres ba sha ka /'bras bu gsum dang pa to la/ /kaN+Da ka ri ka rany+ja/ /lde gu chu dang mar bskol ba/ /sman mar rdo rje can zhes bya/ /des ni me dbal mig ser
 rims/ /khrag nad lud pa mdze nad 'joms/ /zhes bya ba la/ nim pa la sogs pa'i sman lde gur byas pa bskol ba'i chu dang mar du bskol ba'i sman mar de ni slob dpon gyis rdo rje can zhes bya'o zhes bshad de/ de blud pas na me dbal la sogs pa'i nad sel bar byed do/ /'bras bu
 gsum dang tsha ba gsum/ /dur byid kaN+Da ka ri gnyis/ /dan da dong ga pu tse shel/ /shu dag bong nga tsi tra ka /pa thar bcas pa zho gnyis gnyis/ snu ha'i 'o ma srang gcig dang / /bre gang mar bskol lto sra ba'i/ /snum bcos bkru sman dag tu sbyar/ /mdze dang sha
 bkra mcher pa dang / /rgyu rlugs rde'u 'gags skran 'joms byed/ /'di ni rdo rje chen por bshad/ /ces bya ba la/ 'bras bu gsum la sogs pa'i sman sna re re zhing zho gnyis gnyis kyi tshad du byas la/ snu ha zhes bya ba su d+ha k+Shi ra'i 'o ma sar pa srang gcig
 dang btags te lde gur byas te/ lde gu de dang mar bre gang bskol ba'i sman mar de ni lto sra ba dag la snum chos bya zhing btang ba dang bkru sman gnyi ga ci rigs par sbyar zhing gtang bar bya ste/ des mdze nad la sogs pa'i nad shin tu gso dka' ba dag kyang sel bar byed do/ /sman mar de ni
 rdo rje chen po zhes bya'o/ /kaN+Da ka ri gnyis ni kaN+Da ka ri dang bri ha ti'o/ /dan da bre bzhi chu bre ni/ /bcu drug bskol ba de mar bskol/ /ko sha ka ti srang gcig btang / /de blud steng 'og sbyong byed yin/ /zhes bya ba la/ dan da bre bzhi bre bcu drug gi nang du bskol ba de'i brgyad cha
 lus par mar bre gang bskol ba mar dang ko sha ta ki srang gcig lde gur byas te bsres la de las ci rigs par blud na steng dang 'og tu sbyong zhing slon pa dang khrus byas pas dag par byed pa yin no/ /a par ta ki srang brgyad chu/ /bre bcu drug bskol brgyad cha lus/ /khu ba der ni de'i rtsa ba/
 mar ni bre gang bskol bar bya/ /blud ba de ni zhag gcig gis/ /bar du chod de legs zhu nas/ /khre rgod rang skyur mar bskol blud/ /mdze nad sha bkra 'bras kyi phreng / /sel zhing bu mang dran 'dzin 'gyur/ /zhes bya ba la/ a par ta ki ni rak+ta puSh+pe dang / tsar ma rang ga
 dang / ro hi zhes bya ba me tog dmar po can sag ti tshod pa zhig yod pa la bya'o/ /la la ni sab ta la la ar pa ta ki zhes bya ba'o zhes zer ro/ /de srang brgyad chu bre bcu drug gi nang du bskol ba de las chu bre do lus pa dang khu ba de'i nang du ar ga ta ki de'i rtsa ba lde gur byas pa dang /
 mar bre gang bskol la mar de zhag gcig gis bar du chod pa'i tshul gyis blud la de legs par zhu bar gyur pa dang / khre rgod dam ci tshe'i chan dang rang skyur kan dzi zhes bya ba bskol ba blud na mdze nad la sogs pa sel zhing 'joms par byed pa dang de bzhin du bu tsha mang du 'phel ba dang dran pa
 'dzin cing mi brjed par 'gyur ro/ /ni li ta ka'i tshil sbrang rtsi/ /dzA ti'i khu ba mar bcas pa'am/ /seng ldeng a sa na'i chur bcas/ /dbang bo bsdams brtan mdze nad 'joms/ /zhes bya ba la/ dbang po bsdams shing yul thub pa dang ni li ka'i tshil sbrang rtsi dang me
 tog dzA ti'i khu ba dang bcas pa zos na mdze nad 'joms par 'gyur ro/ /yang na ni li ta ka'i tshil mar dang cha snyoms pa zos na yang mdze nad 'joms par 'gyur ro/ /yang na ni li ta ka'i tshil dang seng lde nga dang a sa na bskol ba'i chu dang bcas pa blud na yang mdze nad 'joms par
 'gyur ro/ /sA lu nas dang gro dang ni/ ci tshe khre dang mud+ga dang / /sran chung dang ni tu ka ra'i/ /tshod ma kha bo skam sa'i sha/ /'bras bu gsum dang pa to la/ /seng ldeng nim pa go bye sbyar/ /chang ni sman dang sbyar ba dang / /dar ba sar pa ra dang bcas/ /bza' dang btung
 ba mdze la phan/ /skyur tsha lan tshwa can rnams gnod/ /ces bya ba la/ sA lu ni sA lu rtsa snar la sogs pa ste/ de dang nas dang skam sa'i sha'i bar gyi kha zas 'bras bu la sogs pa dang sbyar ba bza' bar bya ba dang / /de bzhin du btung bar ni chab kyi nang du sman bcug pa la sogs
 pa blud na phan no/ /skyur ba dang tsha ba dang lan tshwa'i bag dang ldan pa'i bza' ba dang / btung ba ni de gnod pa yin par shes par bya'o/ /zho dang 'o ma rlan can sha/ /bu ram ma sha til mar spang / /zhes bya ba la/ zho la sogs pa ni mdze can gyis shin tu spang bar bya'o/ /pa to la'i
 rtsa 'bras bu gsum/ /pi sha la ni re re ni/ /cha gsum gyis dbri zho phyed gsum/ /kyi lce ba dang pu tse shel/ /zho phyed dong gra bzhi char bcas/ /de ltar srang gcig brdungs pa dag /bskol ba'i chu ni 'thungs gyur na/ /nad kyi tshogs ni sbyong bar byed/ /sman de zhu nas
 skam sa yi/ /ri dgas bya yi sha khu dag /'bras rnying chan dang sbyar ba bza'/ /sbyor 'di zhag drug bsten na ni/ /mdze nad kun dang skrangs pa'i nad/ /pho ba'i nad dang gcin sri dang / /gzugs 'khums gso dka'i nad rnams dang / /snying nad chu sor gzir rims
 sel/ /zhes bya ba la/ pa to la'i rtsa ba la sogs pa'i sman sna re zhing sum cha sum cha dbri ba'i zho phyed sum cha/ des na sman lnga po dag sna re zhing cha gsum pas phri ba'i zho phyed dang gnyis te/ de la da na drug la zho phyed yod pas de la pa to la zho phyed dang
 gnyis/ de las zho phyed kyi sum cha da na gnyis kyis dbri/ des na pa to la da na bco brgyad las bcu drug tu bya/ de bzhin du a ru ra dang / skyu ru ra dang / ba ru ra dang bi sha la yang da na zho gnyis bri ste/ da na bcu drug bcu drug bya/ de ltar bcu drug phrag lnga pa da na
 brgyad cu yod la/ kyi lce ba dang pu tse shel gnyis cha gcig gis bskyed pa dang dong gra bzhi cha dang bcas pa de ltar sbyar na kyi lce ba zho phyed de/ da na drug pu tse shel yang zho phyed de/ da na drug dang gra bzhi cha ste/ da na bzhi ste spyir da na dgu bcu rtsa drug la spyir srang drug yod do/ sman
 gcig pa de brdungs la phye mar byas te bskol ba'i chu 'thungs na nad kyi tshogs sbyong zhing dag par byed la sman de zhu nas skams ri dgas dang bya'i sha khu dang 'bras rnying pa'i chan zos shing spyod la spyod la sbyor ba 'di zhag drug gi bar bsten zhing longs spyad par gyur na mdze nad la sogs pa sel bar 'gyur ro/ de bzhin du rtag pa'i rims la sogs pa'i rims thams cad kyang sel bar 'gyur ro/
 /byi dang ga yi snying po dang / /a ru ra dang skyu ru ra/ /srang re dan da srang gsum dang / /bu ram srang ni bcu gnyis dag /ri lur byas 'di byin gyur na/ /mdze dang sha bkra dbugs mi bde/
 lud pa dmu rdzing gzhang 'brum dang / /gcin nad mcher pa'i rmen bu'i nad/ /thor bu srin nad skran rnams 'joms/ /grub pa'i sbyor 'di gnod sbyin ni/ /nor bu bzang pos dge slong zhig /srog 'dor nyid la bshad ces grags/ /zhes bya ba la/ byi dang ga'i snying po la
 sogs spyir srang re re srang gsum/ /dan da gcig pu srang gsum/ bu ram srang bcu gnyis te/ de dag spyir ri lu byas pa dbang po thul zhing bsdams pa'i nad la byin na/ mdze nad la sogs pa sel bar byed do/ /sbyor ba 'di ni rab tu grub par grags pa yin no/ /gnod sbyin
 nor bu bzang pos dge slong zhig srog 'dor du nye ba'i tshe sbyor ba 'di bshad cing bstan to zhes grags te/ grags zhes bya ba ni de skad zer ro/ /zhes lung las 'byung ba ston pa yin no/ /thor bu ni tshogs dag tu rtsa ba cher 'chos pa'i 'bras nad la bya'o/ /tig ta nim pa 'bras bu
 gsum/ /shug pa bong nga pi pi ling / /mur ba dang ni pa to la/ /ser po rnam gnyis pu tse shel/ /shu dag in+d+ra ba ru ni/ /dug mo yungs bcas cha snyoms pa/ /dan da dur byid bra ma sha mi/ /phyi ma bzhin du nyis 'gyur byas/ /phye ma sbrang rtsi mar bcas zos/ /mdze
 dang za gu tshor ba chung / /sel ba'i sman gyi mchog yin no/ /zhes bya ba la/ tig ta la sogs pa'i sman cha mnyam por byas la/ dan da dang dur byid dang bra ma sha mi zhes bya ba phyi ma bzhin nyis 'gyur du byas te/ des na gal te tig ta zho gcig byed na dan da zho gnyis dur byid zho
 bzhi bram sha mi zho brgyad dang sbyar ro/ /sman de dag phye mar zhib tu btags pa sbrang rtsi dang sbyar ba rtag tu zos na mdze nad la phan no/ /'bras bu gsum dang pi pi ling / /byi dang ga dang sbrang rtsi ni/ /til mar mar sbyar lde gu'am/ /zhes bya ba la/ 'bras bu gsum la
 sogs pa'i lde gu sbyar ba zos na yang mdze nad la phan no/ /ka ka u dum+bA ra dang / /nim pa gla sgang byi dang ga /tsha ba gsum gyi lde gu ni/ /dug mo yungs kyi khu bar bcas/ /blud na lpags nad thams cad 'joms/ /zhes bya ba la/ /ka ka u dum+bA ra la sogs pa'i lde
 gu dug mo yungs bskol ba'i khu ba dang sbyar te/ blud na mdze nad du gtogs pa'i bags pa'i skyon thams cad sel bar byed do/ /ka ka u dum+bA ra ni phal gu ste/ phred du zhes bya'o/ /dug mo yungs dang tsi tra ka /nim pa thang shing seng ldeng dang / /lo ma bdun pa a sa na/ /
 khu ba skol mar dang a ru ra/ /sbrang rtsi ldan zos mdze nad 'joms/ /zhes bya ba la/ dug mo yungs la sogs pa'i sman bskol ba'i khu ba'i nang du a ru ra dang sbrang rtsi dang mar btab ste zos na mdze nad thams cad sel bar 'gyur ro/ /seng ldeng nim pa sle tres dang / /pa to la
 dang byi tsher bskol/ /seng ldeng la sogs lnga pa ste/ /khyab 'jug gis ni lha min bzhin/ /mdze nad 'phral du 'joms par byed/ /ces bya la/ seng ldeng nas byi tsher bar sman lnga po bskol ba'i khu ba ni seng ldeng lnga pa zhes bya ste/ des ni mdze
 nad kyi rnam pa 'phral du 'joms shing sel bar byed do/ /dper na lha chen po khyab 'jug gis lha ma yin rmeg med par byed pa dang 'dra'o/ /skyer pa nim pa seng ldeng gi /shun lpags bskol bas mdze nad sel/ /zhes bya ba la/ skyer pa la sogs pa bskol ba'i khu ba blud
 pas kyang mdze nad sel bar byed do/ /skyer pa nim pa 'bras bu gsum/ /pa to la'i rtsa pu tse shel/ /shu dag bcod ni bskol ba yis/ /dam chos la brten 'khor ba ltar/ /khrag mkhris las gyur mdze nad gcod/ /sman 'di nyid dang ba yi mar/ /bskol bas rlung gyur mdze
 nad rnams/ /mchog tu sel bar byed pa yin/ /zhes bya ba la/ skyer ba la sogs pa sman bskol ba'i khu ba blud na yang khrag dang mkhri pa las gyur pa'i mdze nad sel bar byed do/ /dper na dam pa'i chos la legs par brten cing bsgoms pas 'khor ba'i 'ching ba gcod pa dang 'dra'o/ /
 yang skyer pa la sogs pa'i sman 'di dag nyid dang ba'i mar bskol ba'i sman mar blud na rlung las gyur pa'i mdze nad sel bar gyur ro/ /seng lding nim pa skyer pa dang / /sle tres thang shing sna rer bskol/ /zhes bya ba la/ de bzhin du seng ldeng la sogs pa'i sman sna re re bskol ba'i khu
 ba'am sman de dag mar du bskol ba blud na yang mdze nad la phan no/ /pa tha skyer pa tsi tra ka /dan da dug yungs pu tse shel/ /ba gcin yang na chu dron bcas/ /zla ba gcig blud mdze nad dang / /gzhang 'brum za khu skran nad dang / /skya rbab ma zhu srin nad 'joms/ /zhes bya ba la/
 pa to la la sogs pa'i sman gyi lde gu ba gcin dang sbyar ba'am/ chu dron dang sbyar ste zla ba gcig gi bar du blud na mdze'i nad la sogs pa 'joms par byed do/ /rgya skyegs dan da'i 'bras bu gsum/ /mur ba pa ta tsi tra ka /a pa mar ga byi dang ka /lo ma bdun pa tsha ba gsum/ /btsod
 dang skyer pa ba sha ka / nim pa thang shing rtsa ba lnga/ /gnyis po phye ma ba gcin sbyar/ /zla ba gcig 'thungs phan zas bza'/ /mdze yi nad kun 'joms par byed/ /ces bya ba la/ rgya skyegs la sogs pa nas rtsa ba chen po lnga dang / chung ngu lnga/ gnyis po'i bar phye mar byas pa dang
 ba gcin du sbyar te zla ba gcig gi bar du blud cing phan zhing 'phrod pa'i zas zos nas mdze'i nad thams cad sel bar byed do/ /skyer pa pi pi ling dong gra/ /byi dang ga dang do ba ri/ /tsi tra ka dang ta bya rnams/ /go rims bzhin du cha res bskyed/ /ba gcin sbyar ba'am ri lu ni/ /byin
 na mi bzad mdze yang 'joms/ /zhes bya ba la/ skyer pa la sogs pa go rims bzhin du cha res bskyed pa'i phye ma ba gcin dang sbyar te blud pa'am/ yang na bskol te ri lur byas pa byin na mdze nad gso dka' ba'am mi bzad pa yang 'joms shing sel bar byed do/ /tsha ba gsum dang
 'bras bu gsum/ /til dang go bye'i phye ma ni/ /mar dang sbrang rtsi kha rar sbyar/ /ri lur byas pa cha bdun pas/ /mdze yi nad rnams 'joms byed cing / /bcud kyis lan dang ro tsar 'gyur/ /zhes bya ba la/ tsha ba gsum cha gcig /'bras bu gsum cha gnyis pa/
 til gsum pa/ go bye bzhi pa/ mar lnga pa/ sbrang rtsi drug pa/ kha ra bdun pa ste/ de lta bu'i cha bdun mnyam por byas pa'i sman 'dis ni mdze'i nad thams cad 'joms par byed cing bcud kyis len du 'gyur zhing ro tsa ba dang stobs skyed par 'gyur ba yin no/ so ma ra dza tsi
 tra ka / skyer pa du ba ra'i rus pa/ /go bye srin sman 'bras bu gsum/ /bsten na mdze nad ma lus 'joms/ /zhes bya ba la/ so ma ra dza la sogs pa'i sman bu ram dang ri lur byas pa bsten zhing zos na mdze nad ma lus par 'joms shing sel bar byed do/ /so ma ra dza byi dang
 ga / go bye tsi tra ba ra hi/ /a ru ra dang lang ga li/ /til nag po dang pi pi ling / /bu ram dang ni ri lur byas/ /mdze yi nad rnams 'joms par byed/ /ces bya ba la/ so ma ra dza la sogs pa'i phye ma gcig tu bsdus te bu ram dang ri lur byas pa gang yin pa dag gis
 kyang mdze'i nad rnams 'joms par byed do/ /'dis so ma ra dza la sogs pa'i phye ma ji snyed yod pa'i bu ram nyis 'gyur dang ri lur byas te/ de yang / tshad ni rnam par ma bshad par/ /phye ma bu ram nyis 'gyur gzhug /ces smos pa yin no/ /
 lang ga li ni bi sha la'o/ /so ma ra dza pi pi ling / /de yi rtsa ba byi dang ga /snying po lcags rkyag skyu ru ra/ /til mar lde gus mdze nad 'joms/ /zhes bya ba la/ so ma ra dza la sogs pa dang til mar dang bu ram ri lu byas pa byin na yang phan no/ /a ru ra dang
 go bye til/ /bu ram ri lus mdze nad 'joms/ /zhes bya ba la/ yang na a ru ra la sogs pa'i ri lu byin na yang mdze nad la phan no/ /so ma ra dza byi dang ga /bu ram ri lur byas pa'ang phan/ /zhes bya ba la/ so ma ra dza dang bu ram ri lur byas na yang phan no/ /seng ldeng
 brag zhun byi dang ga / sbrang rtsi mar dang ldan za zhing / /phan dang ran par zos na ni/ /'brum phran sha bkra shu ba 'joms/ /zhes bya ba la/ seng ldeng gi phye ma dang brag zhun dang byi dang ga mar dang sbrang rtsi dang sbyar ba za zhing mdze la phan pa'i kha zas 'brum phran la sogs pa 'joms par
 byed pa zos na yang mdze nad la phan no/ /kha ra lcags phye byi dang ga /tsi tra ka dang skyu ru ra/ /pi pi ling gi lde gu yis/ /mdze nad shin tu gso dka' 'joms/ /zhes bya ba la/ kha ra la sogs pa'i sman gyi lde gu byin na yang shin tu gso dka' zhing lci ba'i mtshan nyid 'joms so/ /
 gla sgang tsha gsum 'bras bu gsum/ /rtsa ba lnga nyid thang shing btsod/ /nim pa shing tsha lo ma bdun/ /shing tsha tsi tra ka dang ni/ /mur ba pi sha la'i phye ma/ /nas phye dgu cha sbrang rtsi ni/ /cha gcig sbyar ba 'di rtag tu/ /'thungs na mdze nad 'joms byed cing / /'or nad skya rbab
 sha bkrar bcas/ /pho nad gzhang 'brum rgyu rlugs dang / /mtshan bar rdol dang 'brum phran dang / /g.yan pa shu ba nad rnams 'joms/ /zhes bya ba la/ gla sgang la sogs pa'i sman phye mar btags pa nas phye dgu cha dang / sbrang rtsi cha gcig tu sbyar te skyo mar byas pa 'thungs na
 mdze nad 'joms par byed pa yin no/ /tu pa ra yi rus pa'am/ /go bye so ma ra dza dang / /tsi tra ka dang brag zhun rnams/ /bcud len cho ga ltar bsten phan/ /zhes bya ba la/ tu pa ra'i nang gi rus pa bcud len gyi cho ga las bshad pa'i tshul ltar bsten na yang phan no/ /de
 bzhin du go bye dang / so ma ra dza dang / tsi tra ka dang / brag zhun rnams re re zhing bcud kyi len gyi cho ga ltar bsten na yang mdze'i nad la phan no/ /de ltar nad bsal nang gi ni/ /nad sbyangs nas ni phyi rol gyi/ pags par gnas la sman byugs phan/ /nad kyi dri ma ma
 dag la/ /sman rnon byugs na mdze nad ni/ /bslangs pas slar ni 'phel bar 'gyur/ /zhes bya ba la/ tshul de ltar mdze'i nad nang du sbyangs shing bsal nas pags par gnas pa'i nad la ni sman gyi phyi rol nas bsku ba la sogs pa phan te/ gang gi phyir dri ma can gyi lus ma
 dag bar gyur pa las sman rnon pos byugs shing bskus na nad de bslangs pas slar zhig 'phel bar 'gyur bas na dang por nang gi sbyangs nas gzod bsku bar bya'o/ /gting zug sra zhing kor kor po'i/ /mdze la dugs bya snyi ba dang / /'bur bar gyur nas mtshon gyis ni/ /zhal zhal
 gdab cing byug par bya/ /zhes bya ba la/ mdze'i nad gting zug cing zhen pa dang / sra zhing mkhrang ba dang / zlum bo kor kor bo'am til til du chags pa la ni sman rno ba la sogs pas dugs bya zhing dkris la 'bur zhing mtho bar gyur pa dang mtshon gyis dril zhing zhal zhal byas la sman
 gyis byug cing bsku bar bya'o/ /gang zhig pags pa kun nyams shing / /mtshon gyis gdab tu mi rung ba/ /de la khrag ni phyung nas su/ /thal sman rnon pos bsku bar bya/ /zhes bya ba la/ mdze nad gang pags pa kun nyams shing zhig ste/ mtshon gyis gdab tu mi rung ba de la
 ni nad kyi khrag phyung zhing bsal la thal sman rnon pos bsku bar bya'o/ mdze nad rab sra rtsub pa dang / /tshor ba med brtan yun ring lon/ /sngags bcas dug khu blud pa dang / /dug gi sman ni rjes su bsku/ /zhes bya ba la/ mdze'i nad sra zhing rtsub par gyur pa dang / tshor ba med
 cing bem bem por gnas pa dang / brtan zhing 'gyur ba med pa dang / yun ring zhing lo mang zhig lon pa la dug gis byug cing blud par bya ba de yang sngags kyis btab pas byug cing bsku bar bya ba la/ de'i 'og tu dug gi sman rjes su sbyar zhing blud par bya'o/ /
 mdze nad rengs shing tshor ba med/ /rngul mi 'byung zhing g.ya' ba la/ /lci skam rgya mtsho'i dbu ba'am/ /mtshon gyis bdar la lde gus byug /ces bya ba la/ mdze nad gang lus rengs shing 'gyur mi shes pa dang / shin tu tshor ba med cing bem bem por 'dug pa
 dang / 'byung mi shes pa dang / g.ya' ba dang ldan pa'i mdze nad la ni lci ba skam po'am/ rgya mtsho dbu ba'am mtshon gyi bdar zhing drud la de'i 'og tu lde gus bsku bar bya'o/ /gla sgang dong gra 'bras bu gsum/ /po son cha dang ka rany+dza/ /lo ma bdun pa dug mo yungs/ /
 ru rta skyer ba pri yang ku/ /yungs kar sbyor bas lus bkru zhing / /lde gus slon sman bkru sman dang / /bzhar zhing lus ni bskus gyur na/ /pags pa'i nad dang mdze nad dang / /skrangs nad skya rbab mdze nad 'joms/ /zhes bya ba la/ gla sgang la sogs pa'i lde gus ni don
 thams cad grub ba'i lde gu ste/ de la lus khrus byas pa dang / yang des slon sman dang / bkru sman gyi sbyor ba byas pa dang / bzhar ba'i rjes la bskus na pags pa'i nad la sogs pa sel ba yin no/ /ka ra bI ra nim pa dang / /dug mo yungs dang dong ga dang / /tsi tra ka'i rtsa ba gcin
 bskol/ /bskus nas mdze nad 'joms par byed/ /ces bya ba la/ ka ra bI ra la sogs pa'i sman ba gcin dang bskol ba gzar bu la chags pa tsam zhig blud na yang mdze nad la phan no/ /ka ra bI ra kar rtsa ba/ /dug mo yungs dang ka rany+dza'i/ /bras bu skyer pa'i shun lpags
 ni/ /so ma na yi myu gur bcas/ /bskus na mdze 'joms grub pa yin/ /zhes bya ba la/ ka ra bI ra dkar po'i rtsa ba dang / dug mo yungs dang / ka rany+ja'i 'bras bu dang / skyer pa'i shun lpags dang / so ma na zhes bya ba dzA ti'i myu gu dang bcas pa btags pa'i lde gus bskus na
 yang mdze nad 'joms par mngon sum du grub cing mthong bas yid ches pa yin no/ /shri sha'i shun pa ras bal gyi/ /me tog dong ga'i lo mdang / /mon sde'u dmar ru bzhi po ni/ /btags pa'i lde gus mdze nad 'joms/ /zhes bya ba la/ shing shri sha'i shun lpags dang / ras
 bal gyi sa bon gyi me tog dang / dong ga'i lo ma dang / mon sran snge'u dmar ru ka ka ma tsi zhes bya ba'i rtsa ba dang lo mar bcas pa ste rnam pa bzhi po de dag btags pa'i lde gus bskus na yang mdze'i nad rnams 'joms shing sel bar byed do/ /nim pa ser po rnam pa gnyis/ /bye'u rug pa dang
 pa to la/ /ru rta a shwa gan+d+ha dang / /thang shing shi kru yungs kar dang / /g.yer ma 'u su gla ba dang / /tsa rong cha snyoms phye mar bcas/ /dar ba sbyar ba til mar gyis/ /bskus pa'am lus byug dril gyur na/ /mdze nad g.yen pa 'dum por bcas/ /'brum phran skrang
 pa'i nad rnams sel/ /zhes bya ba la/ nim pa la sogs pa'i sman cha mnyam por phye mar byas la/ phye ma de dag dar ba dang bsres nas dang por lus til mar gyis bskus la byugs te/ de'i 'og tu lde gu des bsku zhing drel phyis byas nas mdze'i nad la sogs pa sel bar
 byed do/ gla sgang dngul rdo dang ni skyer ba dang / /nag tshur ka ma bi l+ya dang ru rta dang / /seng phrom mu zi pog kar byi dang ga /ldong ros ba bla ka ra bI ra'i shun/ /phye mar byas pa til mar gyis bskus pa'i/ /steng du phye ma'i dong du 'di blugs na/ /shu ba g.yan pa 'brum bu
 phra mo dang / /rkang shu la sogs 'byung bar mi 'gyur ro/ /zhes bya ba la/ yang sngar til mar gyis bskus pa'i lus la gla sgang la sogs pa'i sman phye mar byas pa zhib tu btags pas lus kyi steng du gtor zhing blugs par gyur na shu ba dang / g.yan pa la sogs pa'i mdze nad kyi
 rnam pa 'byung bar mi 'gyur ro/ /skam pi l+ya ni ra dza na ga'o/ /mu zi ni gan+d+ha pa sha na ste rdo dri can no/ /ka ra bI ra'i shun lpags ni a shwa ma ra'i shun lpags so/ /yungs kar snu ha'i shing dum btags/ /lde gu me ma mur btsos te/ /'dod chags shugs kyi ngo tsha bzhin/ /bskus
 na glang shu 'jig par byed/ /ces bya ba la/ yungs kar dang snu he'i shing gi dum bu'i nang bskol ba btags pa'i lde gus sman gyi phur ma btso ba'i tshul du me ma mur gyi nang du btsos te bskus na glang shu'i nad 'jig cing sel bar byed do/ /ji ltar 'dod chags kyi
 shugs bdo bar gyur na ngo tsha 'jig par byed pa bzhin du lde gus glang shu 'jig par byed do/ /ldong ros ba bla na le sham til mar/ /a rka'i 'o ma'i lde gus mdze 'joms byed/ /ces bya ba la/ ldong ros la sogs pa'i sman til mar a rka'i 'o ma dang lde gus byas pa bskus na
 yang phan no/ /de bzhin tsi tra mar da ka rany+dza/ /ru rtar bcas pa ba gcin btag pa'ang phan/ /zhes bya ba la/ tsi tra mar da dang / ka ra ny+dza'i sa bon dang / ru rta dang bcas pa ba gcin dang btags te bskus na yang mdze nad sel bar byed do/ /gu gul yungs kar
 na le sham/ /nag tshur dang ni byi dang ga /shrI pe Sh+Ta dang sra rtsi pog /gla sgang ldong ros mu zi dang / /ru rta dang ni ka m+bi l+yai/ /ser po gnyis dang bcas pa ni/ /'khor los btsir ba'i til mar bsres/ /'di ni mtshon gyis bzhar te bskus/ /nyi mar bsregs na mdze nad
 sel/ /zhes bya ba la/ gu gul la sogs pa'i sman 'khor los btsir ba'i til mar bsres pa mtshon cha la sogs pas bzhar zhing bdar ba lus la bskus nas nyi ma'i 'od la bsregs na mdze nad de'i mod la sel bar byed do/ /ta ma la'i lo ma na le sham/ /ru rta ldong ros nag
 tshur bcas/ /zangs kyi snod du til mar du/ /zhag bdun legs par sbangs pa des/ /zhag bdun bsku zhing nyi mas bsreg /sha bkra 'joms par byed pa yin/ /sha bkra sar par zla ba gcig /bsten zhing sbyangs pa byas na sel/ /zhes bya ba la/ ta ma la'i lo ma la
 sogs pa zangs kyi snod du bcug la til mar gyi nang du zhag bdun sbangs pa des bsku zhing byugs nas nyi ma'i than pa la bsregs na sha bkra zla ba gcig gis sel bar byed/ de yang skyug sman dang bkru sman gyi sbyang ba byas na de sel zhing 'joms par 'gyur ro/ /a pa marga'i thal ba'i chu/ /lan
 bdun legs par gzags pa ru/ /pri yang ku yi mar bskol ba/ /bskus na sha bkra sel bar byed/ /ces bya ba la/ a pa marga'i thal ba'i chu lan bdun gyi bar du legs par gzags shing 'khus par byas la/ de'i nang du pri yang ku'i mar bskol bas bskus na yang sha bkra'i nad
 sel par yang 'gyur ro/ /ka ka dzang gi rtsa ba dang / /ras bal sa bon 'dam ma dang / /la phug sa bon dar bar sbyar/ /mig dmar gza' la bskus na ni/ /sha bkra sel bar grub pa yin/ /zhes bya ba la/ ka ka dza'i rtsa ba la sogs pa'i sman dar ba dang spyar ba gza' mig dmar la
 babs pa'i zhag la bskus na yang sha bkra sel bar byed cing mngon sum du mthong bas yid ches pa yin no/ /dzi ban ti dang skyer ba btsod/ /kam+bi l+ye+e dang spangs ma ni/ /'o ma mar dang til mar bskol/ /sra rtsi phog dang spra tshil ni/ /btab pa bskus na de yis ni/ /rkang lag
 zhig pa sel bar byed/ /pags pa gcig pa'i mdze dang ni/ /'brum phran 'bras ni 'byer ba yi/ /mdze nad 'jig par byed pa yin/ /zhes bya ba la/ dzi ban ti la sogs pa'i lde gur byas la 'o ma bzhin 'gyur bcug ste/ mar dang til mar dang ji skad smos pa ltar bskol la de'i nang du
 sra rtsi phog sar dza ra na zhes bya ba dang spra tshil brtab ste bskus na rkang lag zhig cing 'brul ba rnams sel bar byed la pags pa gcig pa'i mdze nad rnams 'jig par byed do/ /lo ma bdun pa'i rtsa ba dang / /shrI sha yi ni shun lpags dang / /su ma na dang tsi tra ka /thal tres nim pa'i shun pa
 dang / /ka rany+dza dang yungs kar dang / /tsi tra mar dang 'bras bu gsum/ /byi dang ga dang tsha ba gsum/ /ser po rnams gnyis til mar dang / /ba gcin bcas par bskol bas ni/ /pags pa'i nad dang rma 'grams dang / /rlung dang bad kan las gyur pa'i/ /mdze yi nad
 ni sel byed de/ /'di ni rdo rje 'dra bas na/ /rdo rje can zhes bya ba yin/ /zhes bya ba la/ lo ma bdun pa'i rtsa ba dang / shri sha la sogs pa'i shun lpags dang / ka rany+dza la sogs pa'i sa bon dang / 'bras bu gsum la sogs pa'i sman lde gur byas la ba gcin bzhi 'gyur dang til
 mar dang bcas par bskol na pags pa'i nad la sogs pa sel zhing 'joms par byed do/ /des na 'di ni rdo rje dang 'dra bas na ming rdo rje can zhes bya'o/ /e raN+Da dang dngul rdo dang / /gla sgang nim pa ka dang ni/ /ga bra'i rtsa ba ka m+bi l+yai/ /byi dang ga dang ni rgun thi/ /go bye
 iN+Da pa ru ni/ /thang shing khron bu gu gul dang / /ldong ros shri pi ru rta dang / /lan tshwa ta la bca' sga rnams/ /cha snyoms snu ha'i 'o ma dang / /arka til mar lhan cig bskol/ /lde gu rdo rje chen po ste/ /rdo rje can pas yon tan lhag /sha bkra dang ni gzhang 'brum dang / /'bras
 kyi phreng ba 'joms par byed/ /ces bya ba la/ e raN+Da la sogs pa'i sman cha mnyam dang til mar bskol la arga dang snu ha'i 'o ma til mar dang cha mnyam par byas te/ de dag lhan cig bskol ba'i sman mar ni rdo rje chen po zhes bya ste/ sngar gyi rdo rje can gyi yon tan pas yon tan ches lhag
 cing che ba yin la/ khyad par du yang sha bkra la sogs pa'i nad sel bar byed pa yin no/ /ru rta ka ra bI ra dang / /bring ga ra dza arka dang / /shu dag shi ra rgyam tsha gcin/ /til mar bskol bar dug bcug pa/ /bsku ba mdze nad sel ba'i mchog /ces bya ba la/ ru rta la sogs pa'i
 sman lde gur byas pa'am/ ba gcin dang mar bskol te de'i nang du dug bcug pas bskus na mdze nad sel ba'i mchog yin no/ /spra tshil li khri gu gul dang / /sbangs ma dngul rdo yungs kar bskol/ /g.yan pa glang shu myur du sel/ /zhes bya ba la/ /spra tshil la sogs pa'i sman
 lde gur byas pa dang yungs kar gyi mar bskol bas ni g.yan pa la sogs pa sel bar byed do/ /rgya skyegs tsi tra mar da dang / /shi be shri ta tsha ba gsum/ /ru rta yungs kar la phug gi /sa bon ser po rnam gnyis kyi/ /lde gu dar bar sbyar bskus na/ /shu ba thams cad sel bar
 byed/ /ces bya ba la/ rgya skyegs la sogs pa'i lde gu dar ba dang sbyar te bskus na shu ba'i nad thams cad sel to/ /zhes drang srong rnams kyis bshad do/ /tsi tra ka dang shi kru'am/ /sle tres thang shing a ba mar/ /seng ldeng d+ha ba'i lde gu'am/ /dur byid dan da tra ban ti/ /rgya
 skyegs dngul rdo sug smel lam/ /pu r+Na rna pa'i lde gu ste/ /tshig rkang drug bshad lde gu drug /zho ga chu dang sbyar ba yis/ /bskus na bad kan rlung las ni/ /gyur pa'i mdze nad sel bar byed/ /ces bya ba la/ tsi tra ka dang shi kru zhes bya ba'i pi pi ling dkar po zho ga chu dang sbyar
 ba'i lde gu bskus na yang bad kan dang rlung las gyur pa'i mdze nad sel bar byed do/ /de bzhin du sle tres dang a ba marga dang thang shing zho ga chu dang sbyar ba'i lde gu yang seng ldeng dang / d+ha ba btags pa'i lde gu dang / dur byid dang dan da dang tra ban ti'i lde gu'am/ rgya skyegs
 sam/ /dngul rdo dang sug sme la sbyar ba'i lde gu'am pu r+Na rna ba gcig pu'i lde gu ste/ de ltar tshig rkang pa re res bshad pa'i lde gu drug po de dag gang yang rung ba zho ga chu dang sbyar ba de bskus na rlung dang bad kan las gyur pa'i nad sel bar byed do/ /ba la ka dang ma nu dang / /a gar
 nA ga ge sar dang / /gan+d+ha b+ha dra gla ba dang / /tsan+dan dang ni pu shel tse/ /cha res bskyed pa'i lde gu yis/ /bad mkhris mdze nad sel bar 'gyur/ /zhes bya ba la/ ba la ka la sogs pa'i sman cha brgyad po cha res bskyed pa'i lde gus bskus na bad kan dang mkhri pa las gyur pa'i
 mdze nad sel bar byed pa grub cing mngon du gyur pa yin no/ /de la ba la ka zho gcig /ma nu zho gnyis/ /a ru ra zho gsum/ nA ga ge sar zho bzhi/ gan+d+ha b+ha dra zho lnga/ gla ba zhes bya ba ni pe la zho drug /tsan+dan zho bdun/ pu shel tsi zhes bya ba u shi ra zho brgyad sbyar bar bya'o/ /tig
 ta'i sman mar brgya bkrus mar/ /bskus na mdze yi tsha ba sel/ /zhes bya ba la/ mdze nad sel bar byed pa tsha ba dang sbyar ba la ni sngar bshad pa'i tig ti'i sman mar chu'i nang du lan du ma bskus na phan no/ /til mar tsan+dan shing mngar dang / /stag tsher ba dang ut+pal/ /bcas pa
 bskus na phan pa yin/ /zhes bya ba la/ yang tsha ba dang ldan pa'i mdze nad de la til mar tsan+dan dang shing mngar dang stag tsher ba zhes bya ba pra pu N+Da rI ka dang ut+pa la sbyar ba'i lde gus bskus na de la phan zhing sel bar byed do/ /rnags shing yan lag 'drul ba dang / /lus tsha 'brum bu phra mo 'byung / /
 pags pa myags dang bcas pa la/ /bsil ba'i sman chus blugs shing byugs/ /gtar ga bkru sman btang ba dang / tig ta'i sman mar byin na phan/ /zhes bya ba la/ rnags shing rul bar gyur pas yan lag dang nying lag 'drul bar gyur pa dang / lus tsha/ 'brum
 bu phra mo tsag tsag byung ba dang / pags pa myags shing zhig par gyur pa la ni sman bsil ba can la sogs pa'i chus lus la blugs pa dang lde gus byugs pa phan no/ /de bzhin du nad de la ni gtar ga gdab cing khrag dbyung ba dang / bkru sman sbyin pa dang / tig ta'i sman mar bza' ba dang /
 btung ba dang / blugs pa dang / bsku ba'i don du sbyar ba phan no/ /seng ldeng nim pa ba sha ka /dug mo yungs dang 'bras bu gsum/ /byi dang ga dang sle tres dang / /pa to la dang ba gcin sbyar/ /phyi dang nang nas btang gyur na/ /srin bu las gyur mdze nad 'joms/ /zhes
 bya ba la/ seng ldeng la sogs pa'i sman ba gcin dang sbyar ba phyi nas blugs pa dang / nang nas btung bar sbyar na srin bu las gyur pa'i mdze nad sel bar byed do/ /rlung shas che la thog mar ni/ /mar btang bad kan shas che la/ /skyug sman mkhris pa las gyur la/ /gtar ga
 gdab cing bkru sman gtang / /zhes bya ba la/ rlung gi shas che ba'i mdze nad la ni dang po kho nar zhun mar sbyin par bya'o/ /bad kan shas che ba'i mdze nad la ni dang po kho nar skyug sman gtang bar bya'o/ /mkhris pa rgyas par gyur ba'i mdze nad la ni dang por gtar gas khrag dbyung la bkru sman
 gtang bar bya'o/ nang sbyangs khrag ni phyung ba dang / /gnas ni dag par gyur pa la/ /bsku ba gang zhig byas gyur pa/ /de ni mod la byang bar 'gyur/ /zhes bya ba la/ mdze'i nad gang zhig la nang gi nad bkru sman la sogs pas bsal zhing khrag phyung nas lus kyi gnas dag par
 byas pa la ji skad smos pa'i lde gus bskus na 'phral du de nad med par 'gyur ro/ /nad gzhi bsal zhing khrag ni phyung ba dang / /phyi dang nang nas zhi ba'i gso ba byas/ /sman mar yang ni dus su byin gyur na/ /mdze yi nad ni gso sla nyid du 'gyur/ /zhes bya ba la/ mdze nad gzhi
 sbyangs zhing bsal ba la sogs pa byas par gyur na mdze'i nad de gso sla zhing bde blag kho nar 'byung du rung bar 'gyur ro/ /mdze can nad ni lan mang sbyangs gyur pa/ /de yi srog bsrung lan mang 'bad bya ste/ /nad ni lhag par mang du phyung bas nyam chung ba/ /rlung ldong myur du gsod par byed par
 'gyur/ /zhes bya ba la/ mdze'i nad dang ldan pa gang zhig nad lan mang du sbyangs shing dag par gyur pa de'i la srog bsrung zhing gnod par mi 'gyur bar sman pas 'bad par bya ste/ de ci'i phyir zhe na/ nang gi nad lhag par mang du phyung bar gyur pa la/ nyams stobs shin tu bri zhing chung bar
 gyur pa la/ rlung gi nad langs nas myur ba kho nar gsod pa'i skyon yod pa'i phyir ro/ /zla ba phyed cing skyug sman btang ba dang / /zla ba re re nas ni bkru sman gtang / /mgo bo sbyang ba zhag ni gsum gsum dang / /zla ba drug drug nas ni gtar ga bya/ /zhes bya ba la/ mdze can la
 zla ba phyed phyed 'das pa dang skyug sman btang zhing slon du gzhug pa dang / zla ba re re 'das nas bkru sman btang zhing 'khrur gzhug pa dang / zhag gsum gsum 'das pa dang mgo ba'i bkru sman ji skad smos pa bzhin du bya ba dang zla ba drug drug nas gtar ga bya zhing nad khrag dbyung bar bya'o/ /
 gang zhig slon dang 'khru ba dka' 'gyur te/ /mdze can nad shas che bas khyab gyur pa/ /de ni nges par gso dka' nyid 'gyur bas/ /de bas nad ni ma lus dbyung bar bya/ /zhes bya ba la/ mdze can gang zhig skyug sman byin yang slon par dka' zhing de bzhin du bkru sman byin yang
 'khrus par dka' bar gyur pa'am/ yang na cung zad tsam zhig slon zhing 'khrus nas nad 'thon par ma gyur pa'i mdze can de nad kyi shas che bas khyab par gyur pa yin la/ de lta bu dag ni nges par gso dka' ba'am/ gsor mi rung ba'i mdze nad du 'gyur bas de bas na mdze nad de'i nad
 ci nas kyang ma lus par dbyung bar bya zhing gting phyin par bya ba'i nad cung zad 'bri ba tsam gyis gso bar ni mi bya'o/ /yan lag brgyad pa'i snying po'i rnam par 'grel pa tshig gi don gyi zla zer zhes bya ba/ slob dpon zla ba la dga' bas nges par sbyar ba las gso ba'i gnas le'u bcu dgu pa'i
 rnam par 'grel pa'o/ / //de nas sha bkra dang srin bu'i nad gso ba bshad par bya'o/ /zhes bya ba la/ sngar nas gzhi bshad pa'i go rims kyis gso ba yang de ltar bshad dgos pa'i phyir skabs 'dir le'u brtsams pa yin no/ /gang zhig mdze nad pas
 kyang 'jigs 'gyur zhing / /myur du gso dka' nyid du 'gyur bas na/ /khang pa 'bar bar gyur pa lta bur ni/ /sha bkra'i nad zhi ba la 'bad par bya/ /zhes bya ba la/ sha bkra'i nad la ni mdze'i nad pas kyang 'jigs par gyur pa yin pas de ni ma bcos na myur du gso dka'
 ba nyid du 'gyur te/ rgyu de bas na sha bkra'i nad de'i gso ba'i sbyor ba la 'bad cing brtson par bya ste/ dper na khang pa'i me 'bar bar gyur pa la gyur pa la myur du zhi zhing bsil bar dgos pa dang 'dra'o/ /khyad par du ni dang por lus la ni/ /sbyang ba bya ba nye bar sbyang bar bya/ /zhes bya ba la/ sha
 bkra'i nad thams cad la ni gso ba gzhan pas khyad par du dang po kho nar lus kyi nad sbyang ba'i cho ga 'og nas smos pa nye bar sbyar par bya'o/ /sha bkra la ni so ma ra dza'i khu/ bu ram chang ngam sha khu bkru sman ni/ /snu ha'i 'o mar bcas pa blud par bya/ /de 'thungs nas ni lus bkrus nyams
 stobs dag / ci yod pa las nyin mtshan bsten par bya/ /skom dang skyes na zhag gsum thug pa blud/ /ces bya ba la/ sha bkra'i nad la so ma ra dza bskol ba'i khu ba bu ram dang chang sbyar te blud pa 'am/ yang na so ma ra dza bskol ba'i khu ba sha khu dang sbyar la blud par bya ste/ de ni bkru sman
 gyi dam pa'am/ mchog yin par 'dod la/ de bas na so ma ra dza'i khu ba de 'thung nas lus bskus te nyams stobs kyis ji tsam bzod par nyi tshan la bstan cing 'dug par bya'o/ /des sha bkra can de bkrus par gyur pa dang / skom dang skyed na zhag gsum gyi bar du thug pa rkyang
 rkyang po blud par bya'o/ /sha bka'i lus la chu bur byung gyur na/ /de ni tsher ma dag gis brtol bar bya/ /zhes bya ba la/ gong gi sman des bskus nas nyi ma la 'dug pa na sha bkra can gyi lus de las 'brum bu 'am chu bur byung bar gyur na chu bur de tsher mas brtol la chu gzags par bya'o/ /
 chu bur gzags par byas nas nang re zhing / /so ma ra dza dang ni a sa na/ /pri yang ku dang shu ti chur bskol blud/ /ces bya ba la/ de ltar chu bur de brtol te chu gzags pa'i 'og tu nyi ma re re zhing nang par gyi dus su so ma ra dza la sogs pa'i sman chur bskol ba blud par bya'o/ /rgya
 skyegs shing thal bu ram phran sbyar ba'i/ /chu ni nyams stobs ci yod pa la blud/ /ces bya ba la/ yang na chu bur gzags pa'i 'og tu rgya skyegs kyi shing pa la sha zhes bya ba'i thal ba dang / /bu ram phra mo pha ni rta zhes bya ba sbyar ba'i chu nad pa'i nyams stobs ci yod pa las zla ba phyed kyi
 bar du nang re blud par bya'o/ /bal gu skyu ru ra'i shun dug mo yungs/ /khu ba so ma ra dzar bcas pa blud/ /dro bar 'dug nas chu bur byung ba na/ /lan tshwa med zas dar bar bcas par sbyin/ /zhes bya ba la/ so ma ra dza'i lde gu shing bal gu dang skyu ru ra la sogs pa'i shun pa
 bskol ba'i khu ba dang sbyar te blud nas sha bkra can de nyi tshan dro ba la 'dug tu bcug nas chu bur byung bar gyur pa dang / tshwa med pa'i zas dar ba dang bcas pa sbyin par bya'o/ /ba gcin tsi tra ka dang tsha ba gsum/ /sbrang rtsir sbyar ba mar gyi snod du gzhag /zla phyed lon nas sha bkra can
 la blud/ /'di la mdze nad gso ba'i cho ga'ang bya/ /zhes bya ba la/ ba gcin dang / tsi tra ka dang / tsha ba gsum sbyar ba'i nang du sbrang rtsi btab la rdza mar bcug pa'i snod kyi nang du zla ba phyed kyi bar du bzhag la/ de'i 'og tu blud par bya zhing yang sha bkra'i nad kyis btab pa 'di la mdze'i
 nad kyi gso ba'i cho ga ji skad bshad pa byas na yang phan no/ /yang na bring ga ra dza lcags snod bcug /til mar nang du brngos pa sbyin bya zhing / /a sa na yi sa bon 'o mar bskol/ /de rjes blud na sha bkra 'joms par byed/ /ces bya ba la/ yang sha bkra'i nad kyis btab pa
 la/ bring ga ra dza lcags kyi snod kyi nang du bcug ste/ til mar gyis brngos pa byin nas/ de'i rjes la a sa na'i sa bon lo mar bskol ba blud na sha bkra'i nad 'joms par byed do/ /dong ga arka pu ti ka ra ny+dza/ /snu ha dzA ti'i lo ma ba gcin btags/ /lde gu bskus na sha bkra gzhang
 'brum dang / /shu ba g.yan pa rma 'grams sel bar byed/ /ces bya ba la/ dong ga nas snu ha dang dzA ti'i bar gyi lo ma ba gcin dang lhan cig zhib tu btags pa'i lde gus bskus na sha bkra la sogs pa'i nad sel bar byed do/ glang chen gzig gi pags bsregs
 til mar dang / /sbyar ba bskus na sha bkra sel mchog yin/ /zhes bya ba la/ glang po che'i pags pa dang / /gzig gi pags pa me'i nang du bsregs pa la til mar dang bcas pa'i lde gus bskus na yang sha bkra'i nad sel ba'i mchog dam pa yin no/ /sbur ba dri ngan dong ga'i 'o ma dang / /
 sbyar te bskus pa gcig pus sha bkra sel/ /zhes bya ba la/ sbur ba dri nga zhing gnag pa gang yin pa de dong ga'i shing gi 'o ma dang sbyar te sha bkra la bskus na rdzas kyi sbyor ba gzhan dang ma 'dres pa gcig pu des kyang sha bkra'i nad sel bar byed do/ chu bur bskyed phyir go bye cham chom
 brdungs/ /nub mo ba gcin la sbangs nyi grib bskom/ /de ltar lan gsum byas te zhib tu btags/ /snu ha'i 'o sbyar bskus na sha bkra 'joms/ /zhes bya ba la/ sha bkra las chu bur bskyed cing 'byung bar bya ba'i phyir go bye zhes bya ba bse shing gi 'bras bu cham chom brdungs te nub mo ba
 gcin gyi nang du sbangs nas nyin par grib ma la bskams te tshul de ltar lan gsum sbangs shing bskams nas de'i 'og tu de zhib par btags la/ lde gu sbyar te/ shing snu ha zhes bya ba shI khaN+Da 'byung ba'i 'o ma dang sbyar te bskus na sha bkra'i nad 'joms shing sel bar byed do/ /sbrul nag bsregs
 pa las byung snag tsha ni/ /ba ru ra yi mar dang sbyar te bsku/ /zhes bya ba la/ sbrul nag po snod kha sbyar ba'i nang du du ba ma shor bar bsregs pa'i thal ba snag tsha ltar gyur pa de ba ru ra'i tshi gu btsir ba'i khu ba mar dang sbyar te bskus na yang sha bkra sel bar byed do/ /de bzhin rma bya'i mkhris pa
 bsregs pa 'am/ /ba la ka bsregs rma bya'i mkhris bsregs phan/ /zhes bya ba la/ rma bya'i mkhris pa bsregs pa bskus pa 'am/ ba la ka bsregs pa'i thal ba 'am/ rma bya'i mkhris pa bsregs te bskus na yang sha bkra'i nad la phan no/ /so ma ra dza'i sa bon phul gang dang / /
 ba bla bzhi cha dag ni bsregs nas su/ /pa yi gcin dang sbyar te btags bskus na/ /sha bkra lpags mdog 'dra bar byed pa'i mchog /ces bya ba la/ so ma ra dza'i sa bon las phul gang ste srang bzhi/ ba bla de'i bzhi cha ste/ srang gcig gcig tu bsres nas ba'i gcin dang sbyar te
 bskus na yang sha bkra'i nad de pags pa gzhan dang mdog 'dra bar byed pa'i mchog yin no/ /glang chen rtug pa legs bsregs thal ba ni/ /glang chen gcin dang bsres te gzags gyur pa/ /bre bcu drug dang so ma ra dza yi/ /sa bon bcu chas btab bskol sbyin bag gyur/ /mang du
 bdar ba de yis bskus na ni/ /sha bkra'i nad ni rnam par 'joms 'gyur zhing / /mdze'i nad dam sme ba nag po'am/ /sha lhag skyes pa'i rma ni sbyong bar byed/ /ces bya ba la/ glang po che'i rtug pa legs par bsregs pa'i thal ba yang / glang po che'i gcin dang lhan cig tu bsres
 pa lan mang du gzags pa'i khu ba bre bcu drug tsam gyi tshad la so ma ra dza'i sa bon bcin khu'i bcu cha btab ste bskol la de tshos nas sbyin bag 'byar ba gcan du gyur pa dang / sha bkra'i nad lci ba skam po la sogs pas mang du bdar te/ lde gu des bskus na sha bkra'i nad 'joms par
 'gyur la/ de bzhin du mdze nad la sogs pa'i nad la yang dang por bdar te des bskus na sbyong zhing sel bar byed do/ /go bye tsi tra ka dang snu ha dang / arka'i rtsa ba dang ni 'ol ma se/ /de bzhin tsha ba gsum dang dung dang ni/ /spangs ma ru rtar bcas dang lan ch+wa lnga/ /thal ba gnyis dang lang+ga
 li btags phye/ /snu ha arka'i 'o mar bskol nas ni/ /ska bar gyur ba lcags kyi nang du gzhag de ni thur mas bskus na mdze nad dang / /sha bkra sme ba nag por gyur pa dang / /mdzer ba gzhang 'brum pags pa'i rmen bu sel/ /zhes bya ba la/ shing snu ha dang arga'i 'o ma'i nang du
 go bye la sogs pa'i sman phye mar byas te bskol nas 'o ma de ska bar gyur pa dang de thur mas blangs nas bskus na mdze nad la sogs pa sel bar byed do/ /sbyang byas gtar ga gdab pa dang / /rtsub chos phye zan zos gyur pas/ /sdig pa zad par gyur pa yi/ /'ga' zhig gis ni sha
 bkra 'byung / /zhes bya ba la/ sha bkra'i nad skyes par gyur nas skyug sman dang bkru sman gyis sbyang ba byas pa dang / gtar ga gdab cing khrag dbyung ba dang / rtsub chos kyi rnam pa kha ba dang / phye zan zos par gyur pa la ni sdig pa zad cing bsod nams dang ldan pa'i
 mi 'ga' zhig gis sha bkra 'byang bar 'gyur gyi thams cad ni ma yin no/ /khong pa'i srin yod snum dugs byed/ /bu ram 'o ma nya sogs kyis/ /bad kan srin bu bslangs nas ni/ /nub mo de ni bde bar gnas/ /bye'u rug sogs sde ba gcin dang / /chu phyed bcas pa bskol nas ni/ /
 khu ba de'i nang pi pi ling / /po son cha dang byi dang ga /til mar swa rdzi k+sha rar bcas/ /mas gtong bas ni gtang bar bya/ /zhes bya ba la/ srin bu khong pa na yod pa'i nad pa la ni snum gyis shes par byas la/ de'i 'og tu dugs byas nas bu ram dang 'o ma dang nya'i sha la sogs pas bad kan
 dang srin bu bslangs shing gnas la bkod la nub mo de bde bar gnas shing gnyid log la/ nad par bye'u rug pa la sogs pa'i sde tshan ba gcin dang chu ba gcin phyed blugs pa'i nang bskol la/ khu ba'i nang du pi pi ling la sogs pa'i lde gu btab la til mar dang swa rji ka k+Sha ra dang bcas pa'i nas
 gtong ba'i bkru sman gtang bar bya'o/ /de nyid de la de nyid dam/ /dur byid lde gu po son cha/ /pi pi ling ni khu bar bsres/ /bkru sman de la blud par bya/ /zhes bya ba la/ de'i 'og tu nyin zhag de nyid la/ lto na srin bu yod pa'i nad pa de la ni ru ha mas gtong ba de nyid blud par bya ba'am/ dur
 byid dang lde gu po son cha dang pi pi ling bskol pa'i khu ba dang bsres pa'i bkru sman blud par bya'o/ /de ltar steng 'og sbyang byas nas/ /tsha ba lngar ldan thug sogs blud/ /tsha dang kha dang bska ba yi/ /sman bskol chu ni blud par bya/ /zhes bya ba la/ de ltar steng dang 'og dang 'og nas sbyang bar byas pa'i rjes la
 nad pa de la tsha ba lnga dang ldan pa'i thug pa la sogs pa'i rim pa blud par bya'o/ /de bzhin du sman tsha ba dang / kha ba dang bska ba dang ldan pa'i sman chu bskol ba blud par bya'o/ /dus su byi dang ga'i til mar/ /'jam rtse de la gtang bar bya/ /zhes bya ba la/ bkru sman dang skyug sman btang ba'i
 rjes la/ srin bu yod pa'i nad pa de la 'jam rtsi gtang bar 'os pa'i dus su byi dang ga'i til mar gyi 'jam rtsi mas gtong bar bya'o/ /mgo yi srin bur mgo nad ni/ /gso bar bya ba'i rim pa bya/ /tsha dang kha ba shas che zhing / /snum nyung kha zas sbyin par bya/ /zhes bya ba la/ mgo
 bo la brten zhing gnas pa'i srin bu yod pa la ni mgo bo'i nad gso ba las bshad pa'i sman gyis gso ba'i rim pa bya zhing kha zas tsha ba dang kha ba'i shas che zhing de lta bu las gzhi blangs pa sbyin zhing snum chung ba'i kha zas sbyin par bya'o/ /byi dang ga dang pi pi ling / /pi pi ling rtsa na le sham/ /na
 le sham ni dkar po dang / swa rdzi ka ni thal bar bcas/ /nas thug dar ba btsos pa blud/ /ces bya ba la/ byi dang ga la sogs pa'i sman dang bcas pa'i nas thug dar bar btsos pa blud par bya'o/ /gi ri kar ni shi sha ka /pa ri pa tra ke du ka/ /pa la sha'i 'bras ba tu ra/ /su ti ka ni so sor
 bskol/ /khu ba sbrang rtsi bcas pa'am/ /zhes bya ba la/ gi ri kar ni la sogs pa'i sman sna gang yang rung ba so sor bskol ba'i khu ba dang / byi'u rug pa dang sbrang rtsi+er sbyar ba blud par bya'o/ /byi'u rug pa sogs sbrang rtsi sbyar/ /zhes bya ba la/ yang na byi'u rug pa la sogs pa
 ste/ byi'u rug pa gnyis dang pha ni ta zhes bya ba la sogs pa'i sman sna re re sbrang rtsi dang sbyang ba'i lde gu sbyin par bya'o/ /rta sbangs phye ma byi dang ga /bskol ba'i nang sbangs mang du bza'/ /sbrang rtsir bcas pa'i lde gu'am/ /'bras bu gsum khur sbangs pa sbyin/ /mgo bo'i srin bu'i
 nad la ni/ /de yi phye ma bung par bya/ /zhes bya ba la/ yang na rta sbangs kyi phye ma byi dang ga dang bskol ba'i nad du sbyangs shing bsres pa lan mang du bza' ba 'am/ yang na rta sbangs kyi phye ma sbrang rtsi dang bcas pa'i lde gu'am/ 'bras kyi khu ba dang sbyar ba sbyin par bya ste/ yang na mgo
 bo srin bu yod pa'i nad pa la ni rta sbangs kyi phye ma sna'i sgo nas bus la btang na yang phan no/ /mu sha kar+Na'i 'dab ma ni/ /zhib tu btags ba 'bras phyer bcas/ /btsos pa'i khu ba sbyin par bya/ /de yi rjes la rang skyur ram/ /dar ba sla ba tsha ba lnga/ /lan tshwar bcas pa
 blud par bya/ /zhes bya ba la/ mu sha kar+Na zhes bya ba a khu kar+Na'i 'dab ma byi ba'i rna ba 'dra ba zhin tu btags la/ 'bras sA la'i phye ma dang sbyar te 'dab ma la btsos pa'i skya khur byin na de'i 'og tu 'bras kyi khu le'i rang skyur kan dze zhes bya ba la/ tsha ba lnga dang lan
 tshwar bcas pa blud pa 'am/ dar ba sla ba tsha ba lnga dang bcas pa blud bar bya'o/ /nim pa a pa marga dang / /ni rgun thi lo'ang de bzhin bya/ /zhes bya ba la/ nim pa dang a pa marga dang / ni rgun tha'i lo ma la yang mu sha ka r+Na'i skabs su bshad pa'i cho ga de bzhin du byas pa'i khu ba
 sbyin par bya'o zhes sbyar ro/ /byi dang ga yi phye ma dang / /bsres pa'i 'bras phye'i khur ba sbyin/ /go bye'i mar ni rnying pa la/ /byi dang ga yi shun pa bsal/ /cha phyed bcug ste nyi mar gzhag /btung dang 'jam rtsir sbyar bar bya/ /thang shing shri beSh+Ta yi snum/ /so sor de
 bzhin sbyar bar bya/ /zhes bya ba la/ yang na byi dang ga'i phye ma dang bsres pa'i 'bras kyi phye'i khu ba sbyin par bya ba'am/ go bye btsir ba'i mar gyi nang du byi dang ga shun pa drus pa mar de'i cha phyed bcug la nyi ma la bzhag ste btung ba dang 'jam rtsir sbyar na yang srin bu'i nad sel to/ /
 thang shing dang shri beSh+Ta zhes bya ba sa ra la'i shing gi snum khu so sor snga ma bzhin du byi dang ga snun ba cha phyed bcug ste/ btung pa dang 'jam rtsir sbyar na yang phan no/ /bshang bar skyes la lhag par yang / /bkru sman dang ni 'jam rtsi gtang / /zhes bya ba la/ bshang ba las skyes pa'i
 srin bu la khyad par du yang srin bu 'joms par byed pa'i sman dang sbyar te/ bkru sman dang 'jam rtsi gtang bar bya'o/ /bad kan las gyur mgo ba'i nad/ /bkru sman slon dang zhi sman gtang / /zhes bya ba la/ bad kan las gyur pa'i srin bu la ni mgo ba'i bkru sman dang slon sman
 zhi ba'i sman btang bas bsal bar bya'o/ /khrag las gyur pa'i srin bu la/ /gso ba mdze yi tshul du bya/ /zhes bya ba la/ khrag las gyur pa'i srin bu la ni mdze nad gso ba'i cho ga ji skad smos pa bzhin bya'o/ /spu 'byi byed la gso ba ni/ /in+d+ra lub ta'i cho ga bya/ /
 zhes bya ba la/ khrag las gyur pa'i srin bu spu za zhing 'byin par byed pa la ni/ de'i gso ba in+d+ra lub ta zhes bya ba'i nad gso ba'i cho ga rgyud phyi ma las mgo na ba'i skabs su bshad pa gang dag yin pa de bya'o/ /'o ma sha dang mar dang bu ram dang / /zho dang 'dab ma can gyi tshod ma
 dang / /mdor na mngar dang skyur ba'i khu ba rnams/ /srin bu gzhom par 'dod pas yongs su spang / /zhes bya ba la/ mi'i srin bu'i nad gzhom zhing bsal bar 'dod pas 'o ma la sogs pa spang bar bya ba'am/ de bzhin du 'dab ma can gyi tshod ma ste rgya sne'u dang / lcam pa la
 sogs pa'i tshod ma spang ba dang / mdor bsdu na mngar ba dang skyur ba'i bag thams cad yongs su spang zhing dor bar bya'o/ /yan lag brgyad pa'i snying po'i rnam par 'grel pa tshig gi don gyi zla zer zhes bya ba/ slob dpon zla ba la dga' bas nges par sbyar ba las gso ba'i gnas
 le'u nyi shu pa'i rnam par 'grel pa'o/ //de nas rlung nad gso ba bshad par bya'o/ /zhes bya ba la/ go rims 'di nyid la bab pas 'di'i gso ba bstan pa'i phyir brtsams pa yin no/ /ma 'dres rlung las dang por ni/ /mar dang rkang dang tshil dang ni/ /til mar
 blud cing snum gyi ni/ /sbyor bas legs par gso bar bya/ /zhes bya ba la/ rlung gi nad ma 'dres pa des/ bad kan dang mkhris pa'i nad med pa la ni dang por mar la sogs pa'i snum blud cing bsku ba dang dugs la sogs pa snum gyi sbyor bas gso bar bya'o/ /de nas snum zhen
 ngal bsos ste/ /'o mas slar yang snum chos bya/ /rlan can grong dang chu la gnas/ /sha khu snum dang ldan pa gtang / /'o thug kri sar skyur dang bcas/ /lan tshwar ldan blud 'jam rtsi gtang / /sna sman skyo byas kha zas ni/ /snum byas byin zhing dugs byas la/ /legs bskus
 snum dang ldan pa la/ /gseg ma la sogs dugs bya'o/ /zhes bya ba la/ de nas de'i 'og tu rlung nad kyis zhen pa'i nad pa la snum gyi cho ga byas pas dub par gyur pa de la/ gso zhing dub brtas te 'o ma blud cing snum gyi cho ga bya ba'am/ rlan can gyi srog chags la sogs pa'i
 sha khu gang yang rung ba blud cing 'o thug dang kris ra'i thug pa skyur dang lan tshwa dang ldan pa blud pa 'am/ 'jam rtsi mas gtong ba dang / sna nas sman gyi sbyor ba btang ba dang / skyo ma la sogs pa'i sman kha zas snum can byin la brta bar byas la/ de'i 'og du legs
 par snum gyis zhen pa dang gseg ma la sogs pa'i dugs kyi le'u las bshad pa rnams snum dang ldan pas dugs bya'o/ /snum gyis zhen byas dugs byas pas/ /g.yo zhing rengs dang gzer bcas pas/ /zhes bya ba la/ snum gyis legs par zhen par byas pa dang / dugs
 legs par byas pa ni lus rlung nad kyis g.yo zhing sgul ba ltar rengs pa dang / gzer dang bcas pa lhang lhang por na ba dag kyang ji ltar 'dod pa bzhin du 'gugs shing lus sdud par bde blag kho nar nus par 'gyur ro/ /ji ltar 'dod bzhin 'gugs pa ni/ /bde blag nyid du nus
 par 'gyur/ /ji ltar shing skam dag kyang ni/ /snum bskrus bsros par gyur na ni/ /las su bya bar rung gyur na/ /srog bcas lus ni smos ci dgos/ /zhes bya ba la/ de yang dper na/ shing skam par gyur pa dag kyang snum gyis bskrus shing me la bsros par gyur na dgug
 pa la sogs pa las su bya ba ji ltar 'dod pa ltar byar rung ba yin na/ 'tsho ba'i dang po srog dang bcas pa'i lus la snum dang dugs kyis bde blag tu mnos pa lta smos kyang ci dgos te nges par nus so zhes bya ba'i don to/ /sbu brtse gzer na snyom pa dang / /lus skem rengs pa'i nad
 la sogs/ /dugs byas myur du zhi 'gyur zhing / /mnyen pa nyid du 'ang 'gyur ba yin/ /zhes bya ba la/ snum dang dugs byas pa'i rlung nad can gyi ba spu brtse ba la sogs pa'i nad myur du zhi bar 'gyur ba dang / mnyen zhing 'jam pa nyid du yang 'gyur ba yin no/ /snum btang bas
 ni lus zungs rnams/ /bskams pa myur du rgyas par byed/ /nyams stobs me drod 'phel 'gyur zhing / /de yi srog kyang ring nas byed/ /ces bya ba la/ rlung gi nad kyis nyam thag pa de la snum gyi sbyor ba btang bas/ dngas ma la sogs pa'i lus zungs bskams pa rgyas shing 'phel
 ba la sogs pa'i yon tan skyed par byed pa yin no/ /lan mang snum dang dugs kyi ni/ /cho ga legs par sbyar bar bya/ /de ltar snum gyis mnyen byas ltor/ /rlung gi nad ni gnas mi 'gyur/ /zhes bya ba la/ yang rlung nad can de la yang dang yang du snum gyi sbyor ba la sogs pa
 byas na rlung nad de nges pa sel bar 'gyur ba yin no/ /gal de nad gzhan bcos pa'i phyir/ las 'dis zhi bar ma gyur na/ /'jam zhing snum dang ldan pa yi/ /snum gyis de ni sbyang bar bya/ /zhes bya ba la/ gal te bshad ma thag pa'i sbyor ba 'dis rlung nad bad kan la sogs pa'i
 nad gzhi gzhan dang 'dres pa'i phyir byang bar ma gyur na snum can gyi skyug sman nam bkru sman gyis ci rigs par sbyar bar bya'o/ /zhun mar seng phrom btsos pa 'am/ /sap+ta la dang bskol ba'am/ /'o ma e raN+Ta yi mar/ /bskol ba nad sel dge ba blud/ /ces bya ba la/ spyang ba
 de yang seng phrom gyi mar la sogs pa gsum las gang yang rung ba blud par bya'o/ /snum skyur drod dang lan tshwa sogs/ /zas kyis dri ma sogs gyur nas/ /bu ga 'gags te rlung 'gags pas/ /de phyir de ni bde rgyu bya/ /zhes bya ba la/ snum sel ba'i zas snum pa dang skyur ba la sogs pas
 bshang ba zhes bya ba'i dri ma sogs shing 'phel bar gyur pas rlung rgyu ba'i bu ga 'gags par byed pa yin pas de'i phyir de bkru sman gyis sbyangs la bde bar rgyu bar bya'o/ /nyam chung bkru sman byar 'os pas/ /de la drod skyed smin byed pa'o/ /kha zas smin pa'ang de bcas pa'i/ /mas gtong bkru
 sman sbyar bar bya/ /zhes bya ba la/ rlung nad can gang zhig lus kyi nyam stobs chung bar gyur kyang bkru sman gtong bar 'os pa yin na de la drod skyed cing smin par byed pa'i sman dang / kha zas sbyin par bya ba'am/ drod skyed pa dang smin par byed pa dang bcas pa'i mas gtong ba'i ni ru ha gtang
 bar bya'o/ /sbyangs shing me drod bskyed gyur nas/ /slar yang snum dang dugs byas phan/ /zhes bya ba la/ de ltar sbyang ba byas na me drod kyang legs par skyed par gyur ba dang de'i 'og tu slar yang snum dang dugs kyi cho ga byas na rlung nad bde bar 'byang bar 'gyur ro/ /ma zhu'i
 gnas su zhugs pa'i rlung / /slon byas zas rim byin nas ni/ /ba ra Na sogs drug pa'am/ /shu dag sogs chu dro sbyar blud/ /ces bya ba la/ ma zhu ba'i gnas pho ba yan chad du zhugs pa'i rlung dang por skyug sman gyis slon byas la thug pa la sogs pa'i
 kha zas kyi rim pa tshul bzhin du byin pa'i 'og tu ba ra Na la sogs pa'i sman gyi sbyor ba drug gi phye ma ba ra Na drug pa mdze nad kyi skabs nas bshad pa'am/ shu dag la sogs pa skyug sman gyi sde tshan gyi skabs su bshad pa chu dron dang sbyar te blud par bya'o/ /me drod bskyed nas de 'og tu/ /rlung
 can gcig pu'i gso ba bya/ /zhes bya ba la/ thug pa'i rim pa la sogs pa'i sbyor bas khong pa'i me drod bskyed cing sbar nas de yi 'og tu rlung nad ma 'dres pa dang ldan pa la rlung nad gcig pu'i gso ba ji skad smos pa bya'o/ /lte ba'i phyogs zhugs bil ba ni/ /gzhon dang nya
 shas g.yos byas sbyin/ /zhes bya ba la/ rlung gi nad lte ba'i phyogs su zhugs shing brten pa la ni bil ba'i 'bras bu ma smin pa gzhon nu dang / nya'i sha btsos pa sbyin par bya'o/ /lte ba'i 'og zhu 'jam rtsi dang / /zas kyi sngon du snum btang phan/ /zhes bya ba la/ lte ba'i
 'og zhu ba'i gnas su brten pa'i rlung la ni snum gyi 'jam rtsi mas gtong ba dang / de bzhin du kha zas ma zos ba'i sngon du mar ram/ til mar sbyin na phan no/ /khong par zhugs la thal sman sogs/ /phye ma drod bskyed sman byin phan/ /zhes bya ba la/ rlung lto ba'i nang du
 zhugs pa la ni thal sman rnon po la sogs pa dang sbyar ba'i sman gyi phye ma phan no/ /snying gnas sa la pa r+Ni dag /'o ma dang ni bskol ba phan/ /zhes bya ba la/ snying la gnas pa'i rlung la ni sal par+Ni zhes bya ba sman s+thir dang bskol ba'i 'o ma sbyin na yang phan no/ /mgo bor gnas
 la mgo snum bsku/ /sna sman dud brngub snum can dang / /rna ba sogs la brta byas phan/ /zhes bya ba la/ mgo bo la brten pa'i nad la ni/ mgo bo snum gyis bsku ba'i sbyor bas gso ba dang / sna nas sman snum can btang ba dang / dud pa snum can brngub par bya
 ba dang / rna ba dang mig la sogs pa la yang brta zhing snum gyis dgang ba dag kyang byas na phan no/ /pags par gnas la bsku byug dugs/ /rlung med gnas su gnas pa dang / /kha zas yi ga 'byed pa phan/ /zhes bya ba la/ pags pa la brten pa'i nad la ni snum gyis
 bskus pa dang / dugs bya ba dang / rlung med cing ser bus mi 'phog pa'i gnas khang pa la sogs par gnas pa dang / kha zas zhim zhing bsod pa phan no/ /khrag gnas bsil sman bsku ba dang / /bkru sman khrag ni dbyung ba phan/ /zhes bya ba la/ khrag la gnas pa'i rlung la
 ni tsan+dan la sogs pa'i sman bsil bas bsku ba dang / bkru sman bya zhing sbyang ba dang / gtar ga gdab cing khrag dbyung ba phan no/ /sha tshil brten la bkru sman dang / /mas gtong drag dang zhi bya'i sman/ /zhes bya ba la/ sha dang tshil la gnas pa'i rlung la ni/ bkru sman dang mas
 gtong ba'i bkru sman ni ru has sbyang pa byas pa dang / phyi dang nang nas zhi bar bya ba'i sman bsten pa dag phan no/ /rus pa rkang la gnas pa la/ /phyi dang nang nas snum gyis gso/ /zhes bya ba la/ rus pa dang rkang lag la gnas pa'i rlung la ni phyi dang nang nas snum gyi sbyor ba bya bas bsal
 bar bya'o/ /khu chur gnas la sems dga' dang / /kha zas stobs skyed ro tsa phan/ /zhes bya ba la/ khu chu la gnas pa'i rlung la ni/ sems dga' bar bya ba dang / lus kyi stobs skyed cing ro tsa la khu ba 'phel bar byed pa'i kha zas sbyin par bya'o/ /khu ba rgyu ba 'gags gyur na/ /
 bkru sman btang bas gso bar bya/ /zhes bya ba la/ khu ba rgyu ba 'gags shing rgyu mi shes par gyur na/ bkru sman gyi sbyang bas gso bar bya'o/ /'khrus shing zas rim bsten gyur nas/ /sngar shes pa yi gso ba bya/ /zhes bya ba la/ dang por bkru sman gyis 'khrus par gyur
 cing de yi 'og tu thug pa la sogs pa'i zas kyi rim pa bsten par gyur nas sngar bshad ma thag pa'i sbyor bas gso bar bya'o/ /rlung las mngal chags bskams gyur dang / /byis pa skems par gyur pa la/ /kha ra tang pal shing mngar rnams/ /'o mar sbyar bskol blud pa phan/ /zhes
 bya ba la/ rlung nad kyi shas che ba'i khu ba las mngal du sems can chags par gyur nas de'i lus bskams par gyur pa dang / de bzhin du btsas nas byis pa'i lus de skam por gyur pa la ni kha ra dkar po dang tang pal shing mngar 'o ma'i nang du bskol ba
 blud la brta zhing sha skyed pa phan no/ /rgyus pa tshil dang rtsar zhugs la/ /snum tsha dkri ba'i dugs byas phan/ /zhes bya ba la/ rgyus pa la sogs par zhugs pa'i rlung la ni snum tsha ba dang dkri ba'i dugs ji skad bshad pa byas na phan no/ /yan lag 'khums la ma sha dang / /rgyam
 tsha til mar bskol bas bsku/ /zhes bya ba la/ yan lag gi gzugs 'khums shing 'jas pa la ni ma sha zhes bya ba mon sran gre'u dang rgyam tsha dang bskol ba'i til mar bskus na phan no/ /khrag gzags drags la yan lag ni/ /tshor ba med la khyim dud pa/ /rgyam tsha til mar
 sbyar ba bsku/ /dkri ba'i dugs ni sbyar bar bya/ /zhes bya ba la/ khrag gzags shing phyung drags pa las yan lag tshor ba med cing bem bem por gyur pa la ni khyim gyi dud pa dang / rgyam tsha dang til mar btags pa'i lde gus bskus na phan no/ /de bzhin du dkri ba'i dugs byas na
 yang phan no/ /gzhan dbang can gyis gzir gyur cing / /mig 'gyur mi shes 'dar ba med/ pho mtshan mi ldang rngul mi 'byung / /phyi rol rtsol ba med gyur ba/ /khri yi bcings pas ma nen pa/ /de la myur du gso dpyad bya/ /zhes bya ba la/ gzhan dbang can zhes bya ba'i
 rlung gi nad yod de/ /des gzir bar gyur cing mig gi 'bras bu 'gyur mi shes pa dang / /'dar zhing g.ya u0f7cba med pa dang / /pho mtshan ldang zhing las su mi rung ba dang / /rngul 'byung mi shes pa dang / /phyi rol gyi rtsol ba 'gyur ldog med pa dang / /khri'i bcings pas bsdams nas mnon p
 a de lta bu de la ni gso dpyad shin tu gsar te bya'o/ /der ni thog mar snum zhen bya/ /dugs byas sna sman rnon pos ni/ /bug sbyang phyir btang ba dang / /bi da ra yi sde bskol dang / /zho dang 'o ma sha khu dang / /mar bskol ba yi dngas ma blud/ /ces bya ba la/ gzhan
 dbang can gyi nad kyis btab pa de de la thog ma kho nar snum gyis legs par zhen par bya ba dang / dugs kyis brlan par byas nas sna sman rnon po btang zhing spyi bo bkru sman gyis sbyang bar bya zhing / tsha ba gsum dang / byi dang ga dang / pi pi ling dkar po la sogs pa btang zhing bu ga'i
 rgyun dag par bya'o/ /de ltar sna sman btang nas de la bi da ri la sogs pa'i sde tshan bskol ba dang / zho dang 'o ma dang sha khu dang 'o ma cha mnyam bskol ba'i mar gyi dngas ma blud par bya'o/ /des ni rlung nad tshabs che ba 'am/ /'phral du khyab par mi 'gyur ro/ /zhes bya ba la/
 de ltar byas par gyur na rlung nad tshabs po ches 'debs par mi 'gyur ba'am/ 'phral du lus la khyab cing 'byer bar mi 'gyur ro/ /rgya sran nag dang rgya shug sogs/ /thang shing la sogs sde tshan ni/ /rlan can sha ni bskol ba dang / /skyur dang 'o ma dag dang ni/ /mngar ba'i
 sde tshan btab pa yi/ /snum chen dag ni bskol ba yis/ /blugs dang bsku dang lus sbyin dang / /btung dang sna sman 'jam rtsi bya/ /snum dang dugs ni legs sbyar ba/ /de dang des ni rlung nad 'joms/ /zhes bya ba la/ rgya sran ku lad tha la sogs pa dang de bzhin du thang shing la sogs pa'i sde tshan skyug
 sman la sogs pa'i sde tshan las bshad ba'i rlung 'joms ba'i sman sde dang / rlan can na gnas pa'i srog chags kyi sha khu bskol ba'i cho gas bskol ba'i khu ba dang / de bzhin du rang skyur la sogs pa'i skyur dang / snum chen po mar dang / til mar dang / rkang dang / tshil zhes bya ba dang / 'o ma
 dang mngar ba'i sde tshan gyi sman bskol ba byas la/ de lta bu'i snum chen po des ni lus la blugs pa la sogs pa byas na rlung 'joms par byed la/ de bzhin du snum dang dugs kyi le'u las bshad pa'i sbyor ba de dang de dag legs par sbyar zhing btang na des rlung nad 'joms par byed do/ /nad
 shugs par ma dag la ni/ /bad kan sel zhing rno ba yi/ /spyi yi bkru sman lan mang gtang / /bud cing btang bar byas pa yis/ /dbugs rgyu'i gnas ni dag gyur na/ /des ni dran pa rnyed par 'gyur/ /zhes bya ba la/ gzhan dbang can gyi rlung nad kyis btang ba'i shugs dang po las/
 gzhan pa'i shugs bar ma'i gnas skabs su spyi'i bkru sman bad kan sel zhing 'joms par byed pa'i mgo bo'i bkru sman yang dang yang du gtang par bya ba dang / sna sman gyi phye ma bud cing gtang bar bya ba dang / de ltar byas pas dbugs rgyu ba'i bu ga'i gnas dag par gyur
 nas skyes bu de dran pa rnyed par 'gyur ro/ /kha ru tsha dang a ru ra/ /tsha ba gsum bskol rlung chen sel/ /zhes bya ba la/ rlung gi shas che bar gyur pa la ni kha ru tsha la sogs pa bskol ba'i mar blud na phan no/ /seng phrom srang brgyad 'bras bu gsum/ bre gang rtsa ba chen po lnga/
 e raN+Da dang bri ha ti/ dur byid srang re chu bre ni/ /bcu drug nang du bskol nas ni/ /bzhi cha lus pa de dang ni/ /mar bre gang dang zho bre bzhi/ /nas tshig 'khus thal srang gsum bskol/ /de bsten rlung nad ma rungs pa/ /yan lag phyogs gcig kun la zhugs/ /mngal
 gyi nad dang rgyu rlugs dang / /skran dang dmu rdzing 'joms par byed/ /ces bya ba la/ seng phrom zhes bya ba ro ha srang brgyad/ 'bras bu gsum bre gang / rtsa ba lnga chen po sna re zhing srang re re/ e raN+Da dang / bri ha ti dang / dur byid kyang srang re re chu bre bcu drug gi nang du bskol
 la sman gyi khu ba bzhi cha lus pa dang / mar bre gang dang / zho bre bzhi nas tshig 'khus pa'i thal ba srang gsum gyi lde gu dang yang bskol la sman mar de bsten zhing goms par byas na rlung nad shin tu ma rungs shing gso dka' ba lus kyi phyogs gcig gam/ yan lag kun la zhugs pa'i
 nad la sogs pa 'joms par byed do/ /ram nye ba dang a sho ka cho ga seng phrom lta bur bya/ /zhes bya ba la/ ram nye ba dang / a sho ka /cho ga yang seng phrom dang 'dra bar shes par bya ste/ ji ltar seng phrom las srang brgyad bcug ste/ 'bras bu gsum la sogs
 pa'i tshad gang du ji skad bshad pa dang / sman mar sbyor ba ltar 'di yang de ltar shes par bya'o/ /gso ba 'di ni gzhan dbang can/ /rlung nad ma 'dres pa la bya/ /zhes bya ba la/ 'das ma thag pa'i gso ba 'di ni gzhan dbang can gyi nad nad gzhi gzhan dang ma 'dres pa la bya ba
 yin no/ /nad gzhi 'dren mar 'dren mas bya/ /zhes bya ba la/ rlung nad gzhan dbang can de nyid bad kan nam 'khris pa dang 'dres par gyur na gso ba yang 'dren mar bya'o/ /bad kan bcas pa'i gzhan dbang can/ /snying ga rtsib logs na ba la/ /g.yer ma shing kun a ru
 ra/ /ma nu dang ni lan tshwa gsum/ /nas bskol khu bar sbyar ba blud/ /ces bya ba la/ bad kan dang 'dres pa'i gzhan dbang can gyi rlung nad snying ga dang rtsib logs na ba dag la ni/ g.yer ma la sogs pa'i sman gyi phye mas bskol ba'i khu ba dang sbyar ba blud par bya'o/ /shing
 kun bca' sga rtsabs ru tsha/ /se'u 'bru star bu bcas pa blud/ /ces bya ba la/ yang na gzhan dbang can gyi nad snying ga dang rtsib logs na ba la shing kun la sogs pa'i sman bskol ba'i khu ba dang blud par bya'o/ /bad kan rlung ni 'des pa la/ /snying nad gso ba'i skabs bshad
 phan/ /zhes bya ba la/ bad kan dang rlung 'dres pa'i nad la ni/ snying nad gso ba'i skabs su bshad pa'i sbyor ba gang yin pa phan no/ da rgan phyir dgye nang gug gnyis/ /glad pa gzhogs phyed na ltar gso/ /tol mar gyis bkang snod du bsnyal/ /'dir ni nang gug rab
 gso dka'/ /zhes bya ba la/ da rgan gyi nang phyir dgye ba dang / nang du gug pa gnyis la yang blud pa gzhogs phyed na ba'i gso ba ji skad smos pa dag byas na phan no/ /de bzhin du til mar gyis snod chen po bkang ba'i nang du 'us bcings kyis nyal ba yang phan no/ /de ltar phyir dgye ba dang nang du gug
 pa'i nad 'di nyid las nang du gug pa'i da rgan gang yin pa de ni shin tu gso dka' zhing mi bzad pa'i nad yin no/ /so dang bzhin gyi mdog nyams shing / /yan lag lhod cing dran pa nyams/ /rab tu rngul ba gzhu rengs yin/ /de ni zhag bcu las mi 'tsho/ /zhes bya ba la/ gzhu ltar rengs pa zhes bya ba'i da rgan
 gyi nad so dang bzhin ras kyi mdog nyams pa dang / lus kyi yan lag lhod cing zhigs pa/ dran pa stong zhing nyams pa/ rngul shas cher 'byung ba de ni zhag bcu las mi 'tsho ste/ de las mi thub po/ de las gzhan shugs sman gyur 'tsho/ /lus sgub dang 'on glen dang / /'theng dang zha bo
 gzhogs phyed nyams/ /'phye bo 'am dbang po ma tshang 'gyur/ /zhes bya ba la/ gal te gzhu ltar rengs pa'i da rgan de ltar bshad pa las gzhan du shugs dman zhing zhan par 'gyur bas zhag bcus 'chi ste/ gal te 'tsho bar gyur na lus sgu zhing sgur ba dang /
 'on zhing rna ba'i dbang po nyams pa dang / 'theng zhing rkang gis 'gro mi shes pa dang / zha zhing lag pas bya ba mi nus pa dang / lus kyi gzhogs phyed nyams shing bskams pa dang / 'phye bo ste brla gnyis kyis 'gro bar 'gyur ba 'am/ yang na dbang po ma tshang ba ste 'on pa dang
 long ba la sogs par 'gyur ro/ /'gram pa nyams par 'gram pa snum/ /dugs byas nas ni rang gnas gzhug /kha gdangs pa la ko sko ni/ /bteg ste mkhas pas gzhug par bya/ /'thams par gyur pa lhag ma la/ /phyogs gcig gus pa lta bur gso/ /zhes
 bya ba la/ 'gram pa gnas las bskyod cing 'chus te nyams par gyur pa'i nad la ni snum gyis bsku zhing dugs byas nas rang rang gi gnas su gzhug par bya ba dang / yang kha gdangs par gyur pa'i rlung gi nad la ko sko'i phyogs nas legs par bteg ste rang gi gnas su gzhug par bya la/
 'thams par gyur pa'i nad lhag ma la ni phyogs gcig tu gug pa'i da rgan ji lta ba bzhin du gso ba'o/ /lce ldibs gnas skabs ji bzhin du/ /rlung nad kyi ni gso ba bya/ /zhes bya ba la/ lce ldibs pa'i rlung nad la ni rlung nad kyi gso ba ji skad bshad pa dag nad kyi gnas
 ji lta ba las brtags te sbyar bar bya'o/ /glad pa gzhogs phyed na ba la/ /sna sman spyi bor til mar dang / /mig dang rna ba dgang bar bya/ /zhes bya ba la/ glad pa'i gzhogs phyed na ba'i rlung gi nad la ni sman sna nas btang ba dang / spyi bor til mar bsku ba'i sbyor ba dang /
 mig dang rna ba dgang ba'i sbyor ba ji skad smos pa dag bya'o/ /skrang la skyug sman gtang bar bya/ /tsha zhing dmar bcas gtar ga gdab/ /ces bya ba la/ glad pa'i gzhogs phyed na ba dang / skrang ba dang bcas pa la ni skyug sman gtang bar bya'o/ /yang na klad nad de tsha zhing dmar ba dang
 bcas pa la ni gtar ga gdab pas gso bar bya'o/ /gzhogs phyed bskams la snum chos dang / /snum dang ldan pa'i bkru sman gtang / /zhes bya ba la/ gzhogs phyed bskams pa'i phyogs gcig pa'i rlung nad la ni snum gyi cho ga la sogs pa bya'o/ /dpung ba 'jas la sna
 sman dang / /zas kyi rjes la snum sbyin bya/ /zhes bya ba la/ dpung pa 'jas pa'i rlung nad la ni sman sna nas gtang ba la sogs pa bya'o/ /brla rengs pa la snum chos dang / /sbyang byas phan pa ma yin te/ /bad kan mazhu tshil mang bas/ /de phyir de la rtsub chos kyi/ /zad
 par bya bas gso bar bya/ /zhes bya ba la/ brla rengs kyi rlung nad la ni snum gyi cho ga dang sbyang ba bya ba bkru sman dang / slon sman dang / mas gtong ba dang gtar ga gdab pa phan pa ma yin te/ ci'i phyir zhe na/ bad kan dang ma zhu ba dang / chil mang ba'i rgyu las byung ba'i phyir te/ de la ni skyug sman
 la sogs pa gnod pa yin te/ de bas na de la rtsub pa'i cho ga byas pa dag gis bad kan la sogs pa de dag zad cing bskams pas gso bar bya'o/ /nas dang khre dang khre rgod sbyin/ /tshod ma lan tshwa med pa ni/ /til mar cung zad chur bskol ba'am/ /skam sa'i sha ni mar med dang / /
 sbrang rtsi chu dang chang rnying sbyin/ /zhes bya ba la/ rtsub pa'i cho ga bya ba de yang nas la sogs pa'i kha zas sbyin zhing tshod ma yang lan tshwa med pa til mar cung zad btab nas chu'i nang du bskol ba sbyin la/ gzhan yang skam sa'i sha mar med pa la sogs pa sbyin par bya'o/ /phyug po'i rlung
 la dug mo yungs/ /yung ba'i sde tshan shu dag sogs/ /bskol la rgyam tshar bcas pa'am/ /ba ra Na sogs phyer sbyar blud/ /ces bya ba la/ phyug po'i rlung nad ces bya ba'i brla rengs kyi nad la ni dug mo yungs la sogs pa'i sde tshan nam/ shu dag gi sde tshan nam/ yung
 ba'i sde tshan gang yang rung ba bskol ba'i nang du rgyam tsha btab pa'i chu dro 'jam tsam gdab par bya'o/ /yang na bar Na la sogs pa'i phye ma ba ra Na drug pa zhes bya ba'i phye ma chu dro 'jam tsam dang sbyar te blud par bya'o/ /yang na dbyi mo 'bras bu gsum/ /pu tse shel dang pi pi ling / /sbrang
 rtsir sbyar ba'i lde gu sbyin/ /zhes bya ba la/ yan na dbyi mo la sogs pa'i sman sbyang rtsi dang sbyar ba'i lde gu sbyin par bya'o/ /yang na dbyi mo a ru ra/ /tsi tra ka dang thang shing dang / /sbrang rtsir sbyar ba'i lde gu sbyin/ /zhes bya ba la/ yang na dbyi mo dang / a
 ru ra la sogs pa'i lde gu sbyin par bya'o/ /gu gul brag zhun a ru ra/ /ba gcin dang ni sbyar ba blud/ /ces bya ba la/ yang na ba gcin dang gu gul lam/ brag zhun nam/ a ru ra gang yang rung ba blud par bya'o/ /gla sgang tsi tra tsha ba gsum/ /'bras bu gsum dang byi dang
 ga / gu gul cha mnyam phye ma sbyin/ /tshil dang bad kan ma zhu las/ /gyur pa'i nad rnams thams cad sel/ /zhes bya ba la/ gla sgang dang tsi tra ka la sogs pa'i sman cha mnyam pa'i phye ma byin na tshil la sogs pa las gyur pa'i rlung nad thams cad sel bar 'gyur ro/ /de ltar
 bad kan shas che zhing / /tshil bcas rlung ni nad sel byed/ /ces bya ba la/ de ltar sngar bshad pa'i gso ba'i rim pa nye bar sbyar bar gyur pas bad kan gyi shas che zhing tshil las gyur pa'i rlung gi nad sel zhing 'joms par byed do/ /thal sman ba gcin sbyar dugs dang / /
 blugs dang lus la dril ba'ang bya/ /zhes bya ba la/ brla rengs kyi nad de la thal sman dang ba gcin sbyar ba'i dugs bya ba dang / lus la blugs pa dang / bsku zhing dril phyis kyang thal sman dang ba gcin sbyar bar bya'o/ /yungs kar ka rany+dza'i 'bras bu/ /ba gcin sbyar bas
 bsku ba bya/ /zhes bya ba la/ /phyi rol nas kyang bad kan zad par bya ba'i phyir/ ka rany+dza 'bras bu dang yungs kar ba gcin mang po dang sbyar ba'i lde gus bsku bar bya'o/ /arka ag ni man tha dang / nim pa'i rtsa ba thang shing dang / bong ba dang ni grog mkhar sa/ /yungs
 kar sbrang rtsir bcas pa bsku/ /zhes bya ba la/ de bzhin du bad kan zad par bya ba'i phyir arka dang / ag ni man tha dang / nim pa gsum gyi rtsa ba thang shing yungs kar btags te sbrang rtsi dang sbyar ba bsku bar bya'o/ /grog mkhar zhes bya ba ni grog mas brkos pa las
 bton pa'i sa'o/ /bad kan zad phyir drag shul ni/ /bzod na de la brten par bya/ /zhes bya ba la/ brla rengs kyi nad dang ldan pa de la bad kan zad par bya ba'i phyir drag shul gyi rtsol bas lus dub par byed pa dag bzod cing nus na de la brten zhing gnas par bya'o/ /de yang
 'di lta ste/ thang la mchong dang ci nus kyi/ /nyal po dag kyang yongs su brten/ /zhes bya ba la/ gzhi mnyam pa'i sa gzhi la mchod zhing brgal ba dang / de bzhin du lus kyi nyams stobs las dpags te bud med la brten zhing nyal po bya'o/ /chu mig g.yo dang ldeng ka
 dang / /chu rgyun bzlog pas chu bo brgal/ /zhes bya ba la/ de bzhin du chu mi g.yo zhing brtan par gnas pa la/ ci bder gnas pa dang / de bzhin chu'i rgyun bzlog cing gyen du brgal bar bya'o/ /'dir ni tshil dang bad kan dag /zad nas snum la sogs pa gtang /
 zhes bya ba la/ brla rengs kyi nad 'di la tshil dang bad kan gnyis zad cing bri bar gyur nas snum la sogs pa rlung gi gso bar bshad pa gtang bar bya'o/ /gnas dang lus zungs sogs brtags la/ /lhag ma rnams kyang gso bar bya/ /zhes bya ba la/ rlung nad lhag
 ma gzugs 'khums pa nas rkang pa tsha ba'i bar gyi rlung nad la gnas dang lus zungs nyams stobs dang dus la sogs pa la brtags te/ ci rigs par gso bar bya'o/ /sa ha ra dza thang shing dang / /dong gra bskol ba til mar sbyar/ /rlung gis lus gzer la blud na/ /ci 'dod
 thogs pa med 'gro nus/ /zhes bya ba la/ sa ha ra dza thang shing dang / dong gra bskol ba'i chu til mar dang sbyar te/ rlung gis lus gzir cing nyen pa la blud na ci 'dod pa bzhin du thogs pa med par 'gro nus par 'gyur ro/ /ra sna dong gra tsi tra ka /zur pa ma nu pi pi ling / /btags
 pa'i phye ma mar bskol ba/ rlung nad sel bar byed pa'i mchog /ces bya ba la/ ra sna la sogs pa'i sman btags pa'i phye ma mar dang bskol na rlung nad sel bar byed pa'i cho ga yin no/ /nim pa sle tres ba sha ka /kan+Da ka ri pa to la/ /srang ni bcu bcu tshad byas pa/ /chu bre bcu
 drug nang du bskol/ /khu ba brgyad cha lus pa der/ /mar ni bre gang bcug ste bskol/ /pa ta thang shing byi dang ga /dong gra ha ti pi pi ling / /skyer ba shu ti dbyi mo dang / /te dzo ba ta na le sham/ /ru rta dang ni dug mo yungs/ /thal sman rnams pa gnyis po dang / /ti mu sa dang kru trug tres/ /bse shing
 'bras bu pu tse shel/ /shu dag pi pi ling rtsa ba/ /btsod dang bong nga la la phud/ /zho ni gnyis gnyis tshad byas pa/ /gu gul sbyar ba srang lnga dang / /lde gu btab ste bskol ba'i mar/ /blud na rlung ni tshabs che ba/ /rus tshigs rkang la zhen pa'ang 'joms/ /mdze nad de 'dra'ang sel bar byed/ /bu ga rma dang lba ba
 dang / /mtshan bar rdol dang 'bras kyi phreng / /nam tshong yan chad nad kun dang / /skran dang gzhang 'brum za khu dang / /gcong chen dbugs ni mi bde dang / /yi ga 'chus dang cham pa dang / /lus pa 'or nad snying nad dang / /skya rbab myos dang khong 'bras dang / /rlung dang khrag gi nad rnams 'joms/ /zhes bya ba la/ nim
 pa la sogs pa'i sman srang bcu bcu'i tshad du byas pa ji skad smos pa bzhin bskol te/ de las sman khu bre do lus pa la mar bre gang bcug ste/ pa tha la sogs pa zho gnyis gnyis kyi lde gur byas pa dang / gu gul dag cing dri ma med par byas pa srang lnga yang bcug ste lde gur byas pa dang bskol ba'i mar blud na
 rlung nad shin tu tshabs che bar 'khrugs shing rus pa dang / tshigs dang rkang pa la yang zhen pa 'joms par byed la/ de bzhin du mdze nad rus pa dang / rkang pa la zhen pa yang sel bar byed pa dang / bu ga'i nang gi rma dang lba ba la sogs pa'i nad 'joms par byed pa yin no/ /thal sman gnyis ni ya bak+Sha ra dang /
 swa rdzi k+Sha ra'o/ /bil ba gzhon nu'i 'o ma dang / /mar gyi nying khu bskol nas ni/ /de las srang ni gcig gam phyed/ /sna sman byas mgo'i rlung nad sel/ /zhes bya ba la/ bil ba gzhon nu dang / 'o ma bskol ba dang / mar gyi nying khu zhes bya ba mar khu'i steng gi cha'i dngas ma bskol la de las srang gcig gam srang phyed
 tsam sna sman du btang na mgo bo'i rlung nad thams cad sel bar byed do/ /de bzhin chu srin nag khra dang / /nya dang rus sbal 'ug pa'i tshil/ /bskol ba ma 'dres rlung la ni/ /khyad par du ni gtang bar bya/ /zhes bya ba la/ chu srin la sogs pa'i shing ngam snga ma bzhin du bil ba gzhon nu dang bskol ba yang rlung gi nad
 gzhan dang ma 'dres pa la phan no/ /til gyi tshigs ma rnying pa dang / /rtsa ba lnga po so sor bskol/ /gcig tu bsres pa til mar ni/ /'o ma brgyad cha'i nang du bskol/ /blud na rlung dang bad kan dang / /'dres pa'i nad ni mchog tu 'joms/ /zhes bya ba la/ til gyi tshogs ma 'ba' cha rnying pa dang / rtsa ba lnga ba chen po ste/ de gnyis
 sman bskol ba'i cho gas so sor bskol la/ de gnyis gcig tu bsres pa til mar 'o ma brgyad cha'i nang du bskol la/ til mar blud na rlung dang bad kan 'dres pa'i nad gang dag yin pa de sel zhing 'joms par byed do/ /pra sa ra ni srang brgyad bskol/ /til mar 'o ma bre re dang / /me da gnyis dang sha pu Sh+ra/ /btsod dang ru
 rta ra sna dang / /tsan+dan dmar po dzi ba ka /ra sna ram nye ba gnyis dang / /thang shing btags pa'i lde gu dang / /bskol blud rlung nad thams cad sel/ /zhes bya ba la/ sman pra sa ra srang brgyad bskol ba'i khu ba'i nang du til mar bre gang 'o ma bre gang bsres la me da gnyis la sogs pa'i sman lde gu'i tshul du btags la bskol
 ba'i til mar des ni rlung la sogs pa'i nad ji snyed pa thams cad sel zhing 'joms par byed do/ /sa ha ra dza'i rtsa ba yal gar bcas/ /srang brgya rtsa ba bcu ni de dang mnyam/ /nye'u shing srang ni lnga bcu chu bre drug cu ni/ /rtsa bzhi'i nang bskol bzhi cha lus ba der/ /chu srin sen mo ru rta bu shel tse/ /tsan+dan sug smel pri ka pri
 yang ku/ /na li ka dang rdo dreg ba le ka /spang spos thang shing btsod dang a ka ru/ tsa rong shu ti rgya spos du ru ka /srang re cha mnyam 'o mar bcas pa ni/ /til mar bre bzhi lhan cig bskol ba blud/ /rlung nad gso dka' dag kyang 'joms par byed/ /lus 'dar lus la rlung 'jug lus rangs dang / /lus bskams pa yis
 shin tu gzir la sogs/ /skran dang smyo byed cham pa mngal nad 'joms/ /zhes bya ba la/ sman sa ha ra dza'i rtsa ba dang yal ga srang brgya rtsa bcu yang de dang mnyam pa ste/ spyir srang brgya/ nye'u shing srang lnga bcu chu bre drug cu rtsa bzhi'i nang du bskol sman gyi khu ba bzhi cha lus pa der chu srin sen mo la sogs pa sman sna re zhing srang re 'o ma bre
 bcu drug dang / til mar bre bzhi lhan cig bskol te til mar lus pa blud na rlung gi nad shin tu gso bar dka' ba dang / lus 'dar ba la sogs pa 'joms par byed do/ /pri ka ni ba li ta ste 'a bu sug hang ngo / /na li ka ni bi ru ma la ta'o/ /ba la ka ni am bu'o/ /rdo dreg ni shil pus pa'o/ /tsa rong ni tsan+dan no/ /sa ha ra dza srang brgya yi/ /
 khu bar til mar bre bzhi bskol/ /de rtsa lde gu srang bcu dang / /'o ma bzhi 'gyur bcug ste bskol/ /yang na rgya spos shu dag dang / /spri ra ru rta shu dag dang / /sug smel rdo dreg spang spos dang / /shu ti tsan+dan dmar po gzhug /bskol ba de ni kha ra'i chu/ /srang ni bco brgyad gzhug par bya/ /til mar sman mar yin par
 bshad/ /des ni rlung nad ma lus dang / /rlung nad 'khyil dang smyo byed dang / /skran dang rlig rlugs la sogs sel/ /zhes bya ba la/ sa ha ra dza srang brgya sman khu bskol ba'i sbyor bas bskol la/ khu ba de'i nang du til mar bre bzhi dang bsres te/ sa ha ra dza'i lde gu sreng bcu dang 'o ma til mar gyi bzhi 'gyur bcug la bskol
 te sman mar bya ba'am/ yang na sa ha ra dza'i rtsa ba srang bcu po mi gzhug par rgya spos la sogs pa srang bcu bcug la bskol bar byas te/ til mar gnyis gang byas kyang rung ste/ de bskol ba'i nang du kha ra dkar po'i phye ma srang bco brgyad gzhug par bya'o/ /de lta bu'i til mar gyi sman mar blud na des rlung nad gso
 dka' ba ma lus pa dang / rlung nad 'khyil pa la sogs pa sel bar byed do/ /ba la srang brgya sle tres ni/ /chu bre bzhi brgya'i nang du bskol/ /khu ba brgyad cha lus pa dang / /zho dang zho ga chu bu ram/ /shing khu tshwa dang til mar dang / bre ni bzhi bzhi bskol nas ni/ /ra yi 'o ma cha phyed dang / /zur pa
 skyer pa sa ra la/ /sug smel btsod dang a ka ru/ tsan+dan a ti ba la dang / /shug pa gla sgang mud+ga'i lo/ /ha re Nu ka shing mngar dang / bya gri na ga bye'u rug pa/ /zangs rtsi ba dang dzi ba ka /gla rtsi lce phog pa la sha/ /dzA ti sho ka na li ka /gur gum rdo dreg pri ka dang / /dzA ti pha la kad pa la/ /ba li ka dang shing tsha dang / /
 kun tu ru dang ga phur dang / /shi ri ba sa du ru ka /li shi chu srin sen mo dang / /ru rta spang spos ka ko la/ /pri yang ku dang sto ne ya/ /rgya spos shu dag bya ma ka /ma da na ga bla ba dang / /nA ga ge sar srang re dang / /bskol te btsags par gyur pa ru/ /gan+d+ha b+ha dra'i lde gu ni/ /cho ga bzhin du bcug pa des/ /lud pa dbugs mi bde dang rims/ /
 brgyal dang slon skran zad byed dang / /glo 'grams mcher nad skems pa dang / /brjed byed bkra mi shis pa sel/ /ba li til mar bzang po ni/ /rlung ga nad ni 'joms byed yin/ /zhes bya ba la/ sman ba la srang brgya/ sle tres bzhi cha ste srang nyi shu rtsa lnga/ ra sna brgyad cha ste srang phyed dang bcu gsum/ chu bre bzhi brgya cha ste chu srang khri nyis
 stong dgu bcu rtsa dgu dang bskol ba la/ de la chu bre brgyad cha ste bre bzhi lus par gyur pa dang zho dang zho ga chu dang bu ram shing gi khu ba dang / tsha bre bzhi bzhi til mar bre bzhi dang bskol nas ra'i 'o ma cha phyed de bre do bcug la zur pa la sogs pa'i sman sna re zhing srang re'i lde gu bcug pa bskol la tshos pa dang phab ste btsags pa'i
 nang du gan+d+ha b+ha dra'i lde gu srang gcig tsam mam/ yang na ci ran gzhug par bya'o/ /de nas til mar de cho ga bzhin du bcug na lud pa dang dbugs mi bde ba la sogs pa sel bar byed do/ /ba la'i til mar 'di ni sman gyi mchog dam pa yin pas rlung gi nad thams cad 'joms par byed pa yin no/ /mud+ga'i 'o ma
 ni mud+ga pa r+Ni'o/ /ha re Nu ka ni kon ti'o/ /lce pog ni bo la'o/ /pa la shing ni rgya skyegs shing po/ /dzA ti ka sha ni dzA ti pa tra'o/ /na li ka ni be dru ma ga ta'o/ /dzA ti pha la ni lig shi lber ro/ /ba la ka ni a ma nu'o/ /ka ko la ni ba hu'i dza ga ste sa bon mang po can no/ /sto na ya ni tre la pa tri ka'o/ /bya ma ka ni da ba da gi tha'o/ /ma
 dan ka ni ma nam tha'o/ /bla ba ni kun tan na tha'o/ /btung dang sna sman bsku dang 'jam rtsi ni/ /snum gyi sbyor ba'ang dus su legs bsten na/ /des ni ma rungs rlung nad myur zhi byed/ /bud med mo gsham bu yi snod byed 'gyur/ /zhes bya ba la/ sman 'di btung ba dang / sman la sogs pa sbyor ba bzhi la snum gyis
 sbyor bar dus dang rjes su mthun par bsten cing goms par byas nas rlung nad shin tu mi bzad pa dag zhi zhing sel bar byed la/ de bzhin du bud med mo gsham bu med pa dag kyang bu'i snod nyid du 'gyur zhing bu skyed par byed pa'i don no/ /gang tshe bad kan mkhris pa ni/ /zhu ba'i gnas 'dug snum dugs kyis/ /zhu nas mkhris
 par snang gyur pa/ /de la 'jam rtsis bsal bar bya/ /zhes bya ba la/ snum dang dugs kyi sbyor ba byas pas gang gi tshe bad kan zhu ba'i gnas na 'dug cing zhu zhing mkhris pa'i tshul du snang bar gyur pa'am/ yang na mkhris pa zhu ba'i gnas na 'dug pa de snum dang dugs kyi zhu nas mkhris pa'i tshul du
 snang bar gyur na de gnyis ka la 'jam rtsi btang bas bsal zhing sbyang bar bya'o/ /yan lag brgyad pa'i snying po'i rnam par 'grel pa tshig gi don gyi zla zer zhes bya ba/ slob dpon zla ba la dga' bas nges par sbyar ba las gso ba'i gnas le'u nyi shu rtsa gcig pa'i rnam par 'grel ba'o// //
 de nas dreg nad gso ba bshad par bya'o/ /zhes bya ba la/ bsten pa ji lta ba bzhin du bshad pa yang de lta bur byas pa'i tshul gyis rims la sogs pa'i gso ba rnam par dgod pa yin pas dreg nad gso ba skabs 'dir brtsams pa yin no/ /dreg nad
 can ni snum chos byas/ /rlung bsrubs nad gzhi nyams stobs las/ dpags te khrag ni cung zad tsam/ /lan mang du ni dbyung bar bya/ /zhes bya ba la/ dreg nad kyis btab pa'i mi la ni dang por snum bcos byas nas de'i rjes la khrag dbyung zhing gtar ga bya la/ de yang nad
 gzhi'i tshul dang lus kyi nyams stobs ci yod pa las dpag cing rlung mi ldang bar bsrungs la khrag nyung zad nyung zad lan mang du bstud mar dbyung bar bya'o/ /dmar gzer na zhing tsha ba la/ /srin bu pad pas khrag dbyung ngo / /g.ya' zhing na la tsag tsag tsha/ /shas cher tsha la rngabs rwas
 dbyung / /zhes bya ba la/ dreg nad mdog dmar ba la sogs par snang bar gyur pa la ni srin bu pad pas 'jibs pas khrag dbyung zhing gdon par bya'o/ /de bzhin du g.ya' ba dang lhang lhang por na ba dang / yungs kar gyi lde gus bskus pa ltar tsag tsag por tsha ba dang / shas cher tsha zhing
 tsha ba 'ur 'ur por khyab pa la ni re 'am ku bas khrag dbyung bar bya'o/ /gnas nas gnas su 'phos pa la/ /gtar ga 'am zhal zhal gyis khrag dbyung / /zhes bya ba la/ nad khrag lus kyi gnas kyi phyogs gcig nas gcig tu 'phos shing 'gro ba la ni gtar ga gdab pa'am/ zhal zhal bya zhing
 khrag dbyung bar bya'o/ /de yang nyung shas nyung shas lan mang du dbyung bar bya'o/ /lus zhum pa dang khong rtsub cing / /rlung shas che la khrag mi dbyung / /zhes bya ba la/ /lus zhum zhing snying la nyam chung ba dang / khong rtsub cing rlung nad kyi shas che bar gyur pa'i dreg nad la ni khrag dbyung
 bar mi bya'o/ /khrag zad pa la rlung gis ni/ /skrangs ba gting zab rengs pa dang / /'dar zhing rtsa rgyus na dang zhum/ /rlung nad gzhan yang skyed par byed/ /ces bya ba la/ khrag gtar drags pa las zad par gyur nas rgyu des rlung nad ldang zhing 'khrugs par gyur pa la/ dreg nad kyis skrangs pa
 'di zab cing mi mngon pa dang / lus shing ltar rengs pa dang / 'dar zhing g.yo ba dang / rtsa dang rgyus pa lhang lhang por na ba dang / rkang lag zhum zhing rnyid pa dang / /de bzhin du rlung las gyur pa'i nad mi bzad pa gzhan yang skyed par byed do/ /snum chos byas la bkru sman ni/
 snum dang ldan pas 'khru ru gzhug /ces bya ba la/ rlung las gyur pa'i dreg nad can de la dang por snum chos legs par byas la/ de'i 'og tu snum dang ldan pa'i bkru sman byin la 'khrur gzhug par bya'o/ /rlung shas che ba'i dreg nad la/ /mar ni rnying pa blud par bya/ /zhes bya ba la/ rlung gi
 shas che ba'i rlung khrag 'dres pa'i dreg nad la mar rnying pa blud par bya'o/ /ram nye ba dang sra man ni/ /pa yas s+ye dang dzi ba ka /zangs rtsi ba rnams cha snyoms te/ /'o ma mar bskol dreg nad 'joms/ /zhes bya ba la/ ram nye ba la sogs pa'i sman gyi lde gur byas pa de dang 'o mar
 bcas pa bskol te blud na dreg nad 'joms par 'gyur ro/ /rgun 'brum ma du ka bskal ba'i/ /khu ba kha ra mar bcas pa 'am/ /de bzhin sle tres khu bar ni/ /'o ma bskol ba blud par bya/ /zhes bya ba la/ rgun 'brum dang ma du ka gnyis bskal ba'i khu ba'i nang du/ kha ra dkar po
 bcug pa dang bskol ba blud pa sbyar ba'i mar dang / de bzhin du sle tres bskol ba'i khu ba dang 'o ma gnyis bskol ba'i nang du kha ra btab pa blud par bya'o/ /til mar 'o ma kha rar bcas/ /legs par bsres la blud par bya/ /pa la nye shing ra sna dang / /pi lu rtsa ba bcu par bcas/ /dur byid
 sti ra e raN+Da/ /bskol ba'i 'o ma rlung dreg sel/ /ba gcin 'o ma bzhos ma thag /bcas pa'ang nad ni de 'byung byed/ /ces bya ba la/ /ba gcin dang ba 'am ra'i 'o ma bzhos ma thag sbyar ba blud na yang nad 'khyil ba bde bar 'byung bar byed do/ /mkhris par nye'u shing pu tse shel/ /pa to
 la yi rtsa 'bras gsum/ /sle tres dang ni sman mngar kha/ /'o ma 'am mar dang bskol la blud/ /ces bya ba la/ mkhres pa las gyur pa'i dreg nad la ni/ nye'u shing la sogs ba bskol ba'i khu ba blud par bya ba'am/ yang na sman mngar ba dang kha ba bskol ba'i 'o ma 'am/ mar blud par bya'o/ /
 nad gzhi shas cher bkru sman phyir/ /e raN+Da'i mar 'o mar sbyar/ /sbyor ba ji bzhin blud par bya/ /zhu nas 'o ma 'bras chan sbyin/ /zhes bya ba la/ dreg nad nad gzhi mang po dkyel che ba las gyur pa la ni bkru sman gyi don du e raN+Da'i mar
 'o ma dang sbyar ba sbyor ba las ji skad bshad pa'i rigs pas bshad par bya la/ de zhu nas 'o ma dang 'bras chan sbyar ba sbyin par bya'o/ /a ru ra ni mar brngos pa/ /khu ba blud par bya ba'am/ /zhes bya ba la/ yang na a ru ra mar du brngos pa bskol ba'i khu ba blud par bya'o/ /dur
 byid phye ma rgun chu 'am/ /'o mar sbyar ba blud par bya/ /zhes bya ba la/ yang na dur byid kyi phye ma rgun chu dang sbyar ba 'am/ 'o ma dang sbyar ba de la blud par bya'o/ /yang na de yi nad gzhi ni/ /'jam rtsi 'o ma mar bcas sbyar/ /zhes bya ba la/ yang dreg nad can de'i nad
 gzhi gang dag yod pa 'jam rtsi 'o ma dang mar du bcas pa mas gtong bas skyang bar bya'o/ /rlung dang khrag nad gso ba la/ /'jam rtsi las lhag gang yang med/ /mchog tu gzhang dang rtsib logs brla/ /tshigs nad dmu rdzing nyam thag sel/ /zhes bya ba la/ gang gi phyir
 rlung dang khrag 'dzag ba dreg nad kyi gso ba la ni 'jam rtsi mas gtong ba las mchog tu gyur pa'i sman gang yang yod pa ma yin la/ de las khyad par du gzhang la sogs pa na ba'i dreg nad la ni 'jam rtsi las lhag pa gang yang med do/ /bad kan shas che gla sgang dang / /rgun 'bru skyer pa
 bskol ba dang / /'bras bu gsum bskol sbrang rtsir bcas/ /yang na sle tres ci rigs blud/ /ces bya ba la/ bad kan gyi shas che ba las gyur ba'i dreg nad la ni gla sgang la sogs pa bskol ba'i khu ba dang / sbrang rtsir byas pa 'am/ 'bras bu gsum bskol ba'i khu ba sbrang rtsi
 dang bcas pa blud par bya ba'am/ /yang na sle tres khu bar bskol ba 'am/ lde gur byas pa'i mar dang bskol ba'i sbyor bas ji ltar 'tsham par bya'o/ /ji ltar 'tsham par snum blud de/ /slon byas nas ni rtsub chos bya/ /zhes bya ba la/ bad kan gyi shas che bar gyur pa'i dreg nad
 dang ldan par gyur pa la ni ji ltar 'tsham pa bzhin du snum blud de/ de'i 'og tu skyug sman gyis slon du bcug la/ de'i 'og tu rtsub pa'i sbyor bas gso bar bya'o/ /'bras bu gsum dang tsha ba gsum/ /gan+d+ha b+ha dra shing tsha dang / /cu gang kha ra tsi tra ka /pi pi ling rtsa byi dang
 ga / spang spos ba sha ka'i shun phrags/ /rid di dbyi mo lang ga li/ /cha mnyam lde gur byas pa las/ /nang par lcags snod bskrus te bzhag /nyi ma phyed dus de zos na/ /nad gzhi kun gyur dreg nad ni/ /gzer dang ldan la mchog tu phan/ /zhes bya ba la/
 'bras bu gsum la sogs pa'i sman cha mnyam pa btags pa lde gur byas la nad par gyi dus su lcags kyi snod du bskus te bzhag la/ de'i 'og tu nyi ma phyed kyi dus su bkogs te/ zos na lde gu 'am phye ma de ni nad gzhi kun las gyur pa ste/ mkhris pa las gyur pa'i dreg nad
 gzer dang ldan pa la khyad par du phan pa yin no/ /ko ki la k+Sha bskol ba'i khu/ /blud cing de yi tshod ma zos/ /snying rje goms pa'i skyes bu ltar/ /dreg nad sel bar byed pa yin/ /zhes bya ba la/ ko ki lak+Sha bskol ba'i khu ba blud cing ko ki lak+Sha'i tshod ma dang bcas
 pa'i kha zas zos na dreg nad sel bar byed de/ dper na snying rje la goms pa'i skyes bus 'gro ba la zhe sdang ba sel cing spong bar byed pa dang 'dra'o/ /rtsa ba lnga 'am skyu ru ra'i/ /khu ba li li ta yi zhag /'khrig pa spong zhing 'thungs na ni/ /dreg 'theng shin tu gting zug
 sel/ /zhes bya ba la/ rtsa ba lnga pa chen po bskol ba'i khu ba 'am/ skyu ru ra bskol ba'i khu ba srog chags li li ta zhes bya ba'i zhag dang bcas par 'thung zhing nyal ba'i las 'khrig pa spang zhing tshangs par spyod pa dang ldan pas bsten na dreg nad kyis 'theng bar gyur cing /
 lus la shin tu gting zug par zhen pa yang sel bar byed do/ /de ltar nang gi bstan nas ni/ /de 'og phyi rol gso ba bshad/ /ces bya ba la/ de ltar bshad ma thag pa'i tshul gyis nang gi gso ba'i cho ga bstan nas/ 'di man chad ni phyi rol nas ji ltar gso ba bshad par
 bya'o/ /rang skyur bre bzhir til mar dang / /sra rtsi pog ni bzhi char bskol/ /chu nang gzar bus mang du dkrugs/ /rims tsha nad gzir sel mchog yin/ /zhes bya ba la/ rang skyur kan dzi zhes bya ba bre bzhi'i nang du til mar dang / sra rtsi pog
 de'i bzhi cha bcug ste bskol ba gzar bus dkrugs nas lde gur byas pa phyi rol nas bskus na rims dang / tsha ba la sogs pa'i nad kyis gzir ba sel zhing 'joms pa'i mchog dam pa yin no/ /til mar btsod dang sbrang rtsi dang / /sra rtsi pog dang thal tres bcas/ /
 til mar ska bas lus bskus na/ /dreg nad sel ba'i dam pa yin/ /zhes bya ba la/ til mar btsod la sogs pa dang bcas pa bskol te/ /gong por gyur ba'i ska bas bskus na dreg nad sel par byed pa yin no/ /rtsa ba bcu dang 'o ma bskol/ /yang na lde gu chu
 dron sbyar/ /blugs na rlung shas che ba yi/ /gzer nad 'phral du sel byed yin/ /zhes bya ba la/ rtsa ba bcu dang bskol ba'i 'o ma blugs na rlung shas che bar gyur pa'i dreg nad gzer dang bcas pa 'phral du sel bar byed pa yin no/ /yang na rtsa ba bcu'i lde gu dro 'jam
 tsam dang sbyar te blugs na yang de dang 'dra'o/ /lus 'jug rengs dang gzer gyis nyen/ /snum bzhi po ni mngar pa'i sman/ /dro 'jam sbyar ba blugs bar bya/ /zhes bya ba la/ lus la 'jug pa'i rlung nad la sogs pas nyen cing gzir pa'i nad pa la snum bzhi po zhun
 mar dang / rkang dang tshil dang til mar dang / /rgun 'bru la sogs pa mngar ba'i sman dang sbyar ba dro 'jam tsam lus la byug par bya'o/ /tsha bar gyur la grong mo blugs/ /zhes bya ba la/ gal te lus la 'jug pa la sogs pa'i dreg nad de tsha ba yin na ni snum bzhi
 bo dang mngar pa'i sman bskol ba bsgrangs pa blugs par bya'o/ /de bzhin ra lug ba yi ni/ /'o ma til mar sbyar ba'am/ /zhes bya ba la/ de bzhin du ra la sogs pa'i 'o ma til mar dang sbyar ba yang dro 'jam tsam du byas te lus la byug pa dang rengs pa la sogs
 pa dang gzer gyis nyen par gyur pa'i rlung las gyur pa'i dreg nad la blugs par bya'o/ /dreg nad tsha ba la ni 'o ma 'di dag dang til mar sbyar ba grang mo blugs par bya'o/ /'tsho byed sde tshan bskol ba'am/ /rtsa ba chung ngu lnga bskol blugs/ /zhes bya ba la/ 'tsho byed kyi
 sde tshan bskol ba'i khu ba'am/ /rtsa ba chung ngu lnga bskol ba'i khu ba dro 'jam tsam lus la 'jug pa la sogs pa'i nad kyis nyen pa la blugs par bya ba la/ /tsha ba la ni grang mo blugs par bya'o/ /rgun chu bu ram shing khu chang / /rang skyur zho dang zho ga chu/ /'bras
 bkrus chu dang sbrang rtsi'i chu/ /kha ra'i chu ni blugs na'ang phan/ /zhes bya ba la/ /dreg nad tsha ba dang ldan pa la ni rgun chu 'am bu ram shing gi khu ba la sogs pa blud na phan no/ /bud med gzugs sdug snyan par smra/ /lag pa nu ma tsan+dan bskus/ /reg na bsil
 zhing bde ba yis/ /tsha dang na dang rmya ba sel/ /zhes bya ba la/ /bud med gzugs sdug cing yid du 'ong la snyan par smra ba/ /lag pa dang nu ma tsan+dan gyis bskus pa reg na bsil zhing bde ba skyed par byed pa la 'khyud pas lus tsha ba dang na ba dang rmya zhing dub pa sil bar
 byed do/ /mdog dmar tsha dang nad bcas la/ /khrag phyung nas ni lde gus bsku/ /stag tsher ba dang shing mngar btsod/ /skyer pa tsan+dan kha ra dkar/ /e raN+Da yi sa bon phye/ /sran chung shug pa pu shel tse/ /lde gus tsha na shu ba mched/ /na zhing mdog dmar
 skrangs ba sel/ /zhes bya ba la/ /stag tsher pa zhes bya ba/ /bra phuN+Da rI ka tsa la sogs pa'i lde gus bskus na mdog dmar zhing tsha ba la sogs pa'i nad sel bar byed do/ /kri sa ra ni rlung 'joms sman/ /snum bcas bskol ba 'am mu dag dang / /'o thug yungs
 kar til tshigs ma/ /glan zhing dkris pas gzer 'joms byed/ /cis bya ba la/ kri sar ni til dang mon sran sde'u la sogs pa las byas pa'i thug pa ste/ /de rlung 'joms pa'i sman gyi khu ba dang / /snum dang bcas pa bskol ba'i lde gu lta bus bskus la dkris
 pa 'am de bzhin du mud ga zhes bya ba mon sran snge'u dang 'o thug gam yungs kar dang til gyi tshigs ma rlung 'joms pa'i sman dang snum bskol bas glan zhing dkris pas kyang dreg nad gyi gzer 'joms par byed do/ /chur gnas rlan can mthu rtsal gyis/ /gzas
 tshol sha btags g.yos legs pa/ /'tsho byed sman dang snum bcas pas/ /glan zhing dkri ba byas gyur na/ /sra zhing gzer la na ba dang / /skrangs dang g.yan pa 'joms par byed/ /ces bya ba la/ /srog chags chu na gnas pa dang / /rlan can dang mthu rtsal
 gyis gzas tshol ba'i sha zhib tu btags te/ /tsha la sogs pas g.yos legs par byas pa dang / /'tsho byed kyi sman gyi sde tshan dang snum dang bcas pas glan zhing dkris pas kyang dreg nad sra zhing rengs la gzer ba la sogs pa 'joms par byed do/ /'tsho byed sman dang
 bskol ba yi/ /'o ma zhag gis bskus na 'ang phan/ /zhes bya ba la/ /yang na sra ba la sogs pa'i nad la 'tsho byed kyi sde tshan dang bskol ba'i 'o ma 'am zhag gis bskus na yang de la phan no/ /sa ha ra dza'i rtsa ba dang / /dzi ban ta'i mar ra'i 'o ma/ lde gus bskus
 pa 'am de bzhin du/ til btags brngos pa'i 'o mar sbyar/ zhes bya ba la/ /sa ha ra dza'i khu ba la sogs pa mar dang bskol ba'am/ /ra'i 'o ma dang lde gus sbyar ba 'am til btags pa brngos pa 'o ma dang sbyar ba'i lde gus bskus na yang phan no/ /zar ma 'o mar
 sbyar ba'am/ /e raN+Da yi 'bras bu ni/ /'o ma dag dang sbyar ba 'am/ /shu ti'i 'o mar spyar ba ni/ /rlung shas che ba'i gzer 'joms byed/ /ces bya ba la/ /'o ma dang zar ma'i sa bon btab pa 'am/ yang na e raN+Da'i 'bras bu 'o ma dang btags pa 'am/
 yang na shu ti'i 'o ma dang sbyar ba'i lde gus bskus na rlung gi shas che ba'i dreg nad kyis gzer ba'i nad 'joms pas byed do/ /ba gcin thal sman chang dang bskol/ /mar gyis bskus na'ang de la phan/ /zhes bya ba la/ yang na ba gcin la sogs pa dang bskol ba'i mar gyis
 bskus na yang rlung shas che ba'i dreg nad 'joms par byed do/ /bad kan shas cher rgun tsha dang / /bskol ba'i mar bsku blugs pa phan/ /zhes bya ba la/ dreg nad bad kan gyi shas che ba la ni/ rgun chang gi tsha dang bskol ba'i mar bsku ba dang blugs pa phan no/ /
 shu dag ru rta khyim dud pa/ /shu ti ser po rnam gnyis kyi/ /lde gus bskus na dreg nad ni/ /rlung dang bad kan shas che sel/ /zhes bya ba la/ /rlung dang bad kan shas che ba'i dreg nad la ni shu dag la sogs pa btags pa'i lde gus bskus na phan no/ /shu ti
 sha ta ni pus pa'o/ /ser po rnam gnyis ni yung ba dang skyer pa'o/ /de bzhin shi kru'i sa bon ni/ /'bras kyi khu ba'i rang skyur ni/ /yud tsam btags nas skyur gyur pa/ /blugs na bad rlung shas che sel/ /zhes bya ba la/ /ma du shi kru'i sa bon 'bras kyi khu ba'i rang
 skyur dang btags pa des yud tsam bskus la de'i 'og tu tsha la sogs pa skyur po blugs na bad kan dang rlung shas che ba'i dreg nad sel bar byed do/ /rtogs par sla la byugs dang bsku/ /blugs dang lus ni bcing bas bsal/ /rtogs dka' mas gtong drag po dang / /bkru sman
 snum gyis blud pas gso/ /zhes bya ba la/ /dreg nad rtogs par sla ba mthon por bsten na gnas pa ni sman gyi lde gus byugs pa la sogs pas gso bar bya'o/ /dreg nad rtogs par dka' ba zhes bya ba mi mngon zhing khong bar gting zug par na na/ ni ru ha la sogs pas
 gso bar bya'o/ /bad rlung shas cher dro 'jam sbyar/ /de byugs la sogs grang mo yis/ /lus na tsha zhing g.ya' zhing skrang / /sra ba rnam par 'phel bar 'gyur/ /zhes bya ba la/ bad kan dang rlung shas che ba'i dreg nad la ni bsku ba la sogs pa dro 'jam tsam
 btang na phan gyi/ /der bsku byug la sogs pa grang mo byas na ni lus tsha ba la sogs pa 'phel bar 'gyur ro/ /khrag mkhris shas che'i dreg nad la/ /byugs pa la sogs bsil bas bya/ /dro bas tsha zhing na la dmar/ /rdul 'byung gas ba 'byung bar 'gyur/ /
 zhes bya ba la/ khrag dang mkhris pa shas che ba la ni byug pa la sogs pa bsil ba phan gyi/ byug pa la sogs pa dro ba btang na tsha ba la sogs pa 'byung bar 'gyur ro/ /shing mngar srang brgya bskol ba yi/ /khu ba bzhi cha lus par til mar bre bzhi 'o ma mnyam/ /
 tir mar bre bzhi'o ma mnyam/ /ti ra mur ba ta ma la/ /nye'u shing a gar pa ya s+ya/ /tsan+dan haM sa ba ti dang / /spang spos sle tres me da gnyis/ /ram nye ba gnyis shu te dang / /shug pa rnam gnyis dzi ban ti/ /dzi ba ka dang ri sha ba/ shing tsha gan+d+ha b+ha dra dang / /
 chu srin sen mo ba le ka /btsod dang pra puN+Da rI ka /sha ri ba dang bi sha la/ /ku tan na ta srang re yi/ /lde gur bcas pa bskol bar bya/ /sbyor ba bzhi bos dreg nad kyi/ /mkhris pa'i tsha ba rims nad sel/ /zhes bya ba la/ shing mngar srang brgya khu ba
 bskol pa'i cho gas bskol la/ de'i sman khu bzhi cha lus par til mar bre bzhi srang brgya nyi shu rtsa brgyad dang / /'o ma bre bzhi bsres la s+thi ra la sogs pa'i sman sna re srang rer byas pa lde gur byas ba dang / bskol ba'i sbyor ba bzhi po de blud pa dang / /sna nas btang ba dang / /'jam
 rtsi dang bsku ba'i sbyor ba bzhi po byas na dreg nad kyi tsha ba la sogs pa sel bar byed do/ /s+thi ra ni sa la par Na'o/ /ta ma la ka ni bu da tri'o/ /pa yas s+ya ni ar ga pus pa'o/ /a ka ru ni a ka ru nag po'o/ /haM sa pa ti ni tri pa di dang kri mi mar zhis bya ba'o/ /med gnyis
 ni me da dang ma hA me da'o/ /bi sha la ni in dra'o/ /ku tan na ta ni pa ri per la'o/ /ba la'i khu ba'i lde gu dang / /til mar 'o ma cha mnyam bskol/ /lan brgya'i bar du bskol ba des/ /dreg nad rlung can sel bar byed/ /bcud kyis len gyi dam pa ste/ /dbang po
 gsal bar byed pa yin/ /tshe ring lus 'phel skad snyan dang / /khu chu khrag gi nad sel byed/ /ces bya ba la/ /sman pa la bskol ba'i khu ba'am btags pa'i lde gu til mar dang 'o ma cha mnyam por bskol la/ til mar de lan brgya phrag mang po'i bar du bskol ba des ni rlung
 las gyur pa'i dreg nad sel bar byed pa yin la/ /de bzhin du bcud kyis len gyi yang mchog yin zhing mig la sogs pa'i dbang po gsal ba dang / /tshe ring zhing srog 'dzin pa dang / /lus 'phel zhing rgyas pa dang / /gdangs snyan pa dang / /khu ba dang khrag gi nad gang dag
 yin pa sel zhing 'joms pa yin no/ /rgyu ba'i lam 'gags 'khrugs gyur pas/ /tshil lam bad kan shin tu ni/ /'phel bar gyur pa'i rlung nad la/ /snum brtas dang po phan pa yin/ /zhes bya ba la/ /rlung gi rgyu ba'i lam 'gags par gyur pa'i rgyu tshil lhag
 par 'phel ba 'am/ /bad kan lhag par 'phel bar gyur pa la dang por snum pa dang brta bar bya ba'i sman gyi sbyor ba byas bas ni phan pa yin no/ /der ni phyug po'i rlung nad kyi/ /gso ba dreg nad gso bar bya/ /khrag ni dngas par byed pa yi/ /snum dang sman gyi sbyor
 ba bya/ /zhes bya ba la/ /tshil lam bad kan 'phel bar gyur pa'i nad de la ni phyug po'i rlung nad ces bya ba'i tshil dbri/ /gso ba'i sbyor ba gang dag yin pas rlung gi dreg nad de gso bar byas la de'i 'og du dreg nad gso ba'i sbyor ba ji skad smos ba bya zhing khrag nad med par bya ba'i sbyor ba
 gang dag yin pa de yang bya'o/ /dreg nad kyi gso ba bshad zin nas de'i zhar la srog ces bya ba'i rlung la sogs pa rlung lnga po'i gso ba smras pa ni/ srog sogs rlung ni cig car 'khrugs/ /ji skad bstan dang nad gzhi bzhin/ /ji ltar nye bar sman rnams ni/ /nad tshul ji
 bzhin sbyin par bya/ /zhes bya ba la sogs pa yin te/ srog la sogs ba'i rlung lnga po cig car dus gcig tu 'khrugs shing ldang bar gyur pa la ni/ /rlung gi nad gso ba'i mtshan nyid ji skad bstan pa dang mi 'gal zhing srog la sogs pa'i nad ldang ba las gyur pa'i tshad kyi
 tshul ji lta bu dang srog la sogs pa'i gnas gang dag yin pa dang / ji ltar nye ba'i tshul dang mi 'gal bar nad gang yin pa la srog ces bya ba'i rlung la sogs pa la gang zhig phan par gyur pa'i sman nad kyi tshul las brtags te sbyin zhing gso bar bya'o/ /de ltar na 'dir sman ci
 rigs par blos brtags te sbyin par bya ba'i don yin no/ /ma zhu bcas la dugs dang smyung / /smin bya rtsub sman byug pa dang / /rlung sogs kyis ni ma zhu bsal/ /byas la ma 'dres rlung gso bya/ /zhes bya ba la/ ma zhu ba dang bcas pa'i rlung nad la ni
 dugs dang / /smyung ba la sogs pas smin cing ma zhu ba med par byas la/ de'i 'og tu ma 'dres pa'i rlung nad nyi tshe ba'i gso ba ji skad smos pa dag bya'o/ /skem dang bya rmyang yan lag 'khums/ /rengs dang 'dar bu tshor ba med/ /'gram nyams kha yo 'theng po dang / /
 zha bo dreg nad kyis 'theng dang / /tshigs 'khrul gzhogs phyed na ba dang / /tshigs dang rkang rus la zhugs nad/ 'di dag gnas ni gting ring bas/ /de bas 'di dag gsar btab dang / /bla brnan med cing nyams stobs ldan/ /'bad na 'tsho yi gzhan du min/ /
 zhes bya ba la/ /skem ba'i lus ni rid cing skam par 'gyur ro/ /bya rmyang ni lus 'gyur zhing gcu ba'o/ /yan lag 'khums pa ni lus kyi yan lag 'dus shing zhum pa'o/ /rengs ba ni shing ltar rengs pa'o/ /'dar ba ni lus 'dar ba'o/ /tshor ba med pa ni bem bem
 por gyur pa'o/ /'gram pa nyams pa ni 'gram pa gnyis gnas las 'chugs shing nyams pa'o/ /kha yo ba ni rlung gis kha phyed yon par gcus pa'o/ /'theng po ni rkang ba'i gzugs phyed nyams pa'o/ /zha bo ni yan lag 'jas pa'o/ /dreg nad kyis 'theng ba de ni rlung dang
 khrag gi nad kyis 'theng par 'gyur ba'o/ /tshigs 'khrul pa ni rang gi gnas 'chugs pa'o/ /gzhogs phyed na ba ni lus kyi gzhogs phyed lhag par na ba'o/ gzhan yang tshigs la sogs pa la gnas shing gting du zhen pa'i nad 'di dag ni gnas gting ring zhing brtag dka' bar
 zhen pa yin pas de'i phyir nad 'di dag ni nad kyis gsar du btab cing nad byung nas ring po ma lon pa dang / bla brnan gyi nad gzhan med cing nad pa nyams stobs dang ldan pa dag la sman pas 'bad pa dang bcas te gsos na 'tshos/ gzhan du ni 'tsho bar ma 'gyur bar gsar du btab pa dang bla
 brnan med pa'i skabs su 'bad de gso bar bya'o/ /mkhris 'dres rlung la grang dro ba'i/ /gso ba'i rim gyis mang du byas/ /'tsho byed sde dang bskol ba yi/ /sman mar dag kyang blud par bya/ /zhes bya ba la/ /mkhris pa dang 'dres pa'i rlung nad ni grang ba dang dro ba'i
 gso ba'i rim gyis spong mang du byas pa la/ de bzhin du 'tsho byed kyi sde tshan dang bskol ba'i smad mar dag kyang nad pa de la blud par bya'o/ /skam sa'i sha dang sA lu nas/ /bkru sman 'o mar bcas 'jam gtang / /zhes bya ba la/ mkhris ba dang 'dres shing mkhris pa
 bsgribs pa'i rlung gi nad 'di la skam sa'i srog chags kyi sha dang 'bras sA lu dang nas kyi kha zas sbyin zhing bkru sman 'o ma dang sbyar ba'i 'jam po gtang bar bya'o/ /rtsa ba lnga dang ba lar bskol/ /'o ma'i mas gtong sbyor ba bya/ /zhes bya ba la/ mkhris pa dang 'dres pa'i rlung
 'di la mas gtong ba'i sman rtsa ba lnga chen po dang ba la bskol ba'i khu ba dang lhan cig bskol ba'i mas gtong ba'i sbyor ba dag gtang bar bya'o/ /sman mar bskol ba'i til mar gyi/ /'jam rtsi dus su gtang bar bya/ /zhes bya ba la/ yang de 'jam rtsi btang ba'i dus la bab
 pa na sman mngar ba'i sde tshan dang bskol ba'i til mar gyi snum gyi 'jam rtsi mas gtong bar bya'o/ /shing mngar ba la til mar dang / /mar dang 'o mar bskol ba blugs/ /rtsa ba lnga yi khu ba 'am/ /chu ni grang mo nyid blugs bya/ /zhes bya ba la/ yang na de la shing mngar bskol
 ba'i til mar 'o ma dang mar du bskol ba blud na yang phan no/ /yang na rtsa ba lnga bskol ba'i khu ba blugs pa 'am/ yang na grang mo blugs na yang mkhris pa dang 'dres pa'i rlung la phan no/ /bad kan bcas la nas kyi zan/ /skam sa'i ri dgas bya yi sha/ /dugs dang mas gtong bkru
 sman no/ /slon sman bkru sman bcas pa gtang / /mar rnying til mar yungs kar las/ /byung ba'i mar ni blud na phan/ /zhes bya ba la/ /bad kan bcas shing 'dres ba'i rlung la ni nas kyi zan dang / /skam sa na gnas pa'i ri dgas dang bya'i sha dang / dugs bya ba dang /
 ni ru ha rnon po gtang ba dang / slon sman dang bkru sman btang pa dag phan la/ de bzhin du mar rnying dang / yungs kar gyi mar blud na phan no/ /bad kan mkhris pa 'dres pa la/ /dang por mkhris pa 'dres pa gso bar bya/ /zhes bya ba la/ bad
 kan dang mkhris pa gnyis 'dres pa'i rlung nad la ni dang po kho nar mkhris pa gsos la/ de'i rjes la bad kan dang 'dres pa'i rlung nad bsal par bya'o/ /khrag dang 'dres la dreg nad kyi/ /gso ba ji skad bshad bar bya/ /zhes bya ba la/ khrag dang 'dres pa'i rlung nad
 ni dreg nad kyi gso ba gong du ji skad smos pa dag bya'o/ /dugs bsku sha khu 'o ma dang / /snum dang bcas pas sha bkra sel/ /zhes bya ba la/ sha la gnas shing de'i nang du zhugs pa'i rlung la ni dugs la sogs ci rigs su sbyar ro/ /phyug po'i rlung la gcin snyi dang / /tshal
 dang rlung 'joms sman gyis gso/ /zhes bya ba la/ /phyug po'i rlung nad tshil dang rlung du 'dres pa la gcin snyi ba za gu'i nad 'joms pa dang / /tshil 'joms pa'i sman gang dag yin pas gso bar bya'o/ /rus pa rkang gnas snum chen gyis/ /khu tshur gnas la sngar bshad
 pa'i/ /zhes bya ba la/ /rus pa dang rkang la gnas pa'i rlung la ni snum chen po bzhi'i sbyor bas gso bar bya'o/ /khu tshur gnas pa'i rlung nad la ni sngar rlung nad kyi gso pa'i skabs su khu chu la gnas pa'i rlung la phan pa'i sman gyis gso bar bya'o/ /zas dang 'dres la
 'ju byed dang / /dod skyed skyug sman yang ba btang / /zhes bya ba la/ /zas dang 'dres ba las gyur pa'i rlung nad la ni 'ju bar byed pa'i sman dang / de bzhin du drod skyed pa dang skyug sman gyi slon pa dang / /rang bzhin dang tshad kyis yang bar gyur ba'i sman gang dag yin pa
 btang bas gso bar bya'o/ /gcin 'dres gcin ni 'phel ba dang / /dugs dang 'jam rtsi gong mas gso/ /zhes bya ba la/ /gcin dang 'dres pa'i rlung la ni gcin 'phel bar byed pa'i sman ga gon dang / gze ma la sogs pa'i sman byin na phan pa dang de bzhin du dugs dang
 mtshan gyi sgo nas 'jam rtsi btang bas gso bar bya'o/ /bshang 'dres e raN+Da'i mar dang / /'jam rtsi snum ni 'khru byed phan/ /zhes bya ba la/ /bshang ba la gnas shing de dang 'dres pa'i rlung la ni e raN+Da'i til mar dang 'jam rtsi dang snum 'khru bar byed pa byin na
 phan no/ /lus zungs kun zhugs rlung nad la/ /bad kan mkhris par mi gnod dang / /gang yang rlung ni bder rgyu ba'i/ /sman de rlung nad de la gtang / /zhes bya ba la/ lus thams cad la zhugs shing brten pa'i rlung nad la ni sman gang bad kan dang mkhris pa la
 gnod pa mi skyed cing / ldang bar mi 'gyur ba rlung la ni bde bar rgyu bar byed pa'i sman de gtang bar bya'o/ /'khru bar mi byed snum pa dang / /rtsa rgyun sbyong bar byed pa dang / /mas gtong ba ni mngar ba dang / /snum gyi 'jam rtsis gso bar bya/ /nyams stobs ci yod
 brtags nas ni/ /bkru sman 'jam po gtang bar bya/ /bcud kyis len ni thams cad kyi/ /sbyor ba dag kyang bsngags pa yin/ /mchog tu brag zhun sbyor ba dang / /de bzhin gu gul nyi tshe 'am/ /kha ra srang stong chig brgyar bcas/ /pa ba sangs bshad lde gu'ang
 phan/ /zhes bya ba la/ lus zungs thams cad la gnas pa'i rlung nad de la ni yang 'khru bar mi byed pa'i snum dang / /bu ga'i rtsa rgyun sbyong zhing dag par byed pa'i zas dang skom dang sman thams cad gtang bar bya'o/ /de bzhin du phal cher mngar ba dang sbyor ba'i 'jam rtsi mas
 gtong ba dang / snum gyi 'jam rtsi dag gis gso bar bya ba dang / nad ba'i nyams stobs las dpags te bkru sman 'jam po btang ba dang / bcud kyis len gyi sbyor ba ji skad smos pa dag bsten na phan pa dang / khyad par ram mchog tu brag zhun gyi sbyor ba lan mang du bsten
 na phan pa dang / /de bzhin du gu gul nyi tshe'i sbyor ba btang na phan pa dang / /pa pa sangs kyis bshad pa'i bcud kyis len pa'i sbyor ba ji skad bshad pa dag kyang phan te/ de ni kha ra srang stong chig brgya dang bcas pa'i lcags phye'i sbyor ba las byed pa yin no/ /thur sel 'dres la drod
 skyed dang / /'khru gcod rlung ni bder rgyu byed/ /gcin gyi gnas ni sbyong byed pa'i/ /sman rnams de la gtang bar bya/ /zhes bya ba la/ /thur du sel ba zhes bya ba'i rlung gang dang 'dres kyang rung ste/ de la ni pho ba'i me drod skyed par byed pa
 dang / /'khru ba gcod par byed pa dang / /rlung bde bar rgyu zhing 'byung bar byed pa dang / gcin gyi gnas lgang ba sbyong bar byed pa'i sman gang dag yin pa de thams cad gtang bar bya'o/ /de ltar srog la sogs pa yi/ /'dres pa'i gso ba mdor bshad yin/ /sman
 pas de gso rgyas par ni/ /blo yis brtags te ci rigs bya/ /zhes bya ba la/ /de ltar bshad ma thag ba'i tshul gyis srog ces bya ba la sogs pa'i rlung dang nad gzhan 'dres pa'i gso ba mdo tsam du bstan pa yin gyi/ srog la sogs pa'i rlung lnga po de dag gi gso ba rgya
 cher ni sman pas blos legs par brtags la ji ltar 'os pa dang ci rigs par sbyar bar bya'o/ /stod du rgyu ba'i spyi bor bsdu/ /thur sel de las bzlog par bya/ /me dang mnyam gnas mnyam par bya/ /khyab byed gsum du sbyar bar bya/ /zhes bya ba la/ /stod du rgyu ba'i
 rlung ni spyi bor drang zhing bsdu bar bya la/ thur du sel ba'i rlung ni de las go bzlog pa ste/ ci nas kyang thur du rgyu zhing 'gro bar bya la/ me dang mnyam du gnas pa ni/ cha mnyam pa nyid du byas te/ steng du drang bar yang mi bya la/ 'og tu drang bar yang mi bya'o/ /
 ci nas kyang de nyid du mnyam par gnas par bya'o/ /khyab byed ces bya ba'i rlung ni steng dang 'og dang bar gsum char du gnas par bya'o/ /bzhi po bas kyang srog bsrung ste/ /de gnas na ni lus gnas 'gyur/ /zhes bya ba la/ stod du rgyu ba la sogs pa'i
 rlung bzhi po bas kyang / rnam pa thams cad du 'bad de srog ces bya ba'i rlung lhag par bsrung bar bya ste/ gang gi phyir srog ces bya ba'i rlung de gnas na lus gnas shing mi 'jig par 'gyur ba yin no/ /de ltar rlung ni lam gzhan zhugs/ /rang rang gi ni gnas
 su gzhag / ces bya ba la/ de ltar tshul 'dis na lam gzhan du zhugs pa'i rlung thams cad rnam pa sna tshogs kyis de las bzlog cing rang gi gnas su gzhag cing bsdu zhing gzhag par bya'o/ /khrag mkhris 'dres pa ma gtogs pa/ /'dres pa'i nad ni thams cad
 la/ /bcud kyis len gyi cho ga bzhin/ /sgog skya bsten na sel par byed/ /ces bya ba la/ rlung nad gzhan dang 'dres pa sngar bshad pa thams cad la khrag dang 'dres pa mkhris pa dang 'dres pa ma gtogs par gzhan thams cad la bcud kyis len gyi cho ga ji skad bshad pa
 bzhin du sgog skya bsten na yang nad de thams cad sel bar byed do/ /mkhris pa 'dres la mkhris sel bas/ /rlung ni bde bar rgyu bar bya/ /zhes bya ba la/ mkhris pa dang stod du rgyu ba la sogs pa 'dres pa ni mkhris pa sel bar byed pa'i sman gang dag yin pa dang / de
 bzhin du rlung bde bar rgyu ba gang dag yin pa de bya'o/ /khrag dang 'dres la de nyid dang / /'theng pa'i nad bshad sman bya'o/ /zhes bya ba la/ stod du rgyu ba la sogs pa khrag dang 'dres pa la ni mkhris pa'i sman dang rlung bde bar rgyu ba snga ma de nyid dang / /rlung nad 'theng pa'i sman gang
 dag yin pa de bya'o/ /khrag mkhris rlung ni sel ba yi/ /bcud kyis len ni sna tshogs sbyar/ /zhes bya ba la/ yang na nad de la nad gzhi dang / lus zungs la sogs pa khrag dang 'dres pa la ni legs par brtags la khrag la sogs pa sel pa'i bcud kyis len pa sna tshogs
 dang ci rigs par spyar bar bya'o/ /nad gzhi ji ltar bstan pa bzhin/ /gso ba de ltar yang dag bshad/ /nyam thag 'phral du sel ba 'di/ /tshe yi rig byed gnas 'bras bu/ /zhes bya ba la/ nad gzhi sngar ji skad bstan pa bzhin du gso ba'i bshad pa yang de ltar bkod cing
 bshad de tshul de ltar le'u nyi shu rtsa gnyis kyi gso ba yang dag par bshad pa yin no/ /gso ba'i gnas 'di ni nad kyis nyam thag pa nyid 'phral du de'i mod la sel zhing 'jig par byed pa'i rgyus na tshe'i rig byed kyi gnas ma lus pa'i 'bras bur gyur pa yin no/ /gso ba phan pa gnod sel
 dang / /sbyor ba sman dang rtsi dang ni/ /zhi bar byed dang sngags bya ste/ /de dag sman ming rnam grangs yin/ /zhes bya ba la/ sman ni gso ba dang phan pa zhes bya ba la sogs pa'i ming gi rnam grangs kyi tshe'i rig byed la mkhas pa'i drang srong
 rnams kyis bstan cing bshad pa yin no/ /yan lag brgyad pa'i snying bo'i rnam par 'grel ba tshig gi don gyi zla zer zhes bya ba slob dpon zla ba la dga' pas nges par sbyar ba las/ gso ba'i gnas le'u nyi shu rtsa gnyis pa'i rnam par 'grel pa'o// //yan lag
 brgyad pa'i snying po'i gnas zhes bya ba gnas bzhi ba'i 'grel pa rdzogs so/ / //de nas skyug sman gyi cho ga bshad bar bya'o/ /zhes bya ba la/ gso ba'i gnas kyi 'og tu cho ga grub ba'i gnas bshad pa ni shin tu rigs pa kho na yin te/ gso ba ni cho ga'i gnas la
 ltos par bya dgos pa yin pa'i phyir ro/ /de yang / dus stobs bya ba shes pa yis/ /skyo ma sha khu bu ram shing / /khu ba 'am cho ga las bshad chang / /skyug sman don du sbyar bar bya/ /zhes bya ba la sogs pa smos pa'i rigs pas gso ba ni phal cher cho ga'i gnas la ltos
 dgos pa nyid yin pa'i phyir ro/ /skyug par byed pa'i sman rnams bya ba'i sbyor ba ni cho ga ste las su bya'o/ /de la nad 'byin par byed pa ni skyug pa'i sman te/ de ltar skyug sman sngon du btang bas bkru sman la sogs pa las rnam pa lnga'i nang na skyug sman mchog nyid yin par bshad pa yin no/ /
 rgyun shes kyi bu la sogs pa drang srong chen po rnams kyis 'di ltar bshad de zhes bya ba la ni snga ma bzhin du bshad par bya'o/ /skyug sman mchog ni po son cha/ /dur byed rtsa ba bkru sman mchog /gzhan dag nad kyi dbang las ni/ /khyad par du ni gyur pa yin/ /zhes bya ba la/ /
 skyug sman du btang ba'i sman rnams kyi mchog ni po son cha zhes bya ba ma da na pha la mchog dam pa yin te/ de ni skyon med pa yin la/ de bas na sman de ni dus thams cad du nad thams cad la phan pa yin pa'i phyir ro/ /bkru sman rnams kyi nang na dur byid kyi rtsa ba mchog dam pa yin te/ rtag par
 nad thams cad bde bar 'khru bar byed cing gnod pa mi skyed pa yin ba'i phyir ro/ /dzi mu ta la sogs pa'i sman gzhan rnams ni nad re re'i dbang du byas pa'i khyad par la ltos nas khyad par du 'phags shing mchog tu gyur pa yin gyi/ po son cha'i 'bras bu dang / dur byid kyi rtsa ba ltar dus
 thams cad la phan zhing mchog tu gyur pa ma yin no/ /po son cha de mdog skya zhing / /shin du sngo ba 'am ma yin pa/ /nyin zhag tshes grangs shes pa la/ /sos ka dpyid kyi mtshams su btu/ /phyis nas 'jag ma'i snod du ni/ /bcug ste bcings la ba lang gi /lci bas snod
 de byugs nas ni/ /'bru yi nang du gzhag par bya/ /zhes bya ba la/ po son cha de btu ba yang mdog skya ba ste smin pa las shin tu thal ba'i mdog ha cang skya ba ma yin pa dang / de bzhin du shin tu sngo ba yang ma smin pa yin pas de lta bu yang ma yin te/ de ltar smin nas thal ches pa dang / ma
 smin pa gnyis ka ma yin pa de nyin zhag dang tshes grangs shis shing bzang ba la sogs pa'i dus tshigs dang / dpyid kyi dus kyi bar mtshams su legs par btu zhing blangs nas phyis shing sbyangs nas 'jag ma'i snod du byas ba'i nang du bcug ste/ steng nas srad bu la sogs pas
 bcings la de'i 'og tu ba lang gi lci bas snod de'i phyi rol nas bsku zhing byug par bya'o/ /de ltar bsdus ba'i rjes la 'jag ma'i thum bu de zhag brgyad kyi par du 'bras kyi phung po'i nang du bcug la gzhag par bya'o/ /'jag mas dkris pas 'jam pa dang / /sbrang rtsi lta bur dri zhim
 la/ /zhag brgyad 'das par gyur pa dang / /phyung ste de ni nyi mar bskam/ /zhes bya ba la/ po son cha de 'jag mas dkris pa'i dbang gis gang gi tshe 'jam por gyur cing sbrang rtsi lta bur dri cung zad zhim par gyur ba dang / zhag brgyad 'das pa de'i tshe 'jag ma'i snod kyi nang nas
 phyung la nyi ma la skam par bya'o/ /de 'og pags par bskams pa dang / /nang gi 'bras bu phyung nas ni/ /zho dang zhi ga chu mar gyi/ /lde gur mnyes la slar yang bskam/ /zhes bya ba la/ /po son cha de legs par bskams par gyur pa dang / /nang gi 'bras bu gang yin pa de phyung
 la de zho la sogs pa dang mnyes la/ /lde gu de yang bskam par bya'o/ /de nas legs par skam te bzhag /dgos ba'i dus su sbyar bar bya/ /zhes bya ba la/ de'i 'og tu nang gi 'bras bu bskams pa des rdza'i bum pa sar pa mgrin pa'i bar du bkang ste/
 legs par sras la de nas nam sbyor ba la dgos pa'i dus su de sbyar zhing gtang bar bya'o/ /de nas de la tshad tsam du/ /blangs nas cham chom brdungs nas ni/ /shing mngar go bye bi da ra 'am/ bim pa lcang ma sle sman ta/ /bu ti a pa marga dang / /arga gang yang rung pa ni/ /
 bskol ba'i chu yi nang du ni/ /nub gcig legs par sbang bar bya/ /zhes bya ba la/ de nas de'i 'og tu po son cha'i 'bras bu de las ci tsam gyi slob par gyur pa'i tshad tsam blangs la/ gtun gyi nang du cham chom brdungs te btags pa shing mngar la sogs pa gang yang rung ba bskol
 ba'i chu'i nang du nub gcig gi bar du spang bar bya'o/ /de nas sman gyi khu ba de/ /mnyes shing btsags la nang par ni/ /mdo nas bstan pa'i cho ga bzhin/ /legs par blud la skyug tu gzhag /ces bya ba la/ de ltar nub gcig sbangs nas sman gyi khu ba de legs par mnyes
 la/ tshags kyis btsags te/ /nang par gyi dus su blud pa la sngar mdo'i gnas su ji skad bstan pa'i cho ga bzhin du legs par byas te/ /slon zhing skyug tu gzhug par bya'o/ /bad kan las gyur rims cham pa/ /skran dang khong 'bras rnams la ni/ /ji srid mkhris pa
 snang gi bar/ /khyad par du ni skyug tu gzhug /ces bya ba la/ /bad kan las gyur pa'i rims la sogs pa'i nad la skyug sman byin te/ dus ji srid du mkhris pa snang bar gyur pa de srid kyi bar du skyug tu gzhug go/ /po son cha yi 'bras bu yi/ /phye ma bskol ba'i khu bar ni/ /
 'bras bu gsum phye cha gsum btab/ /ko bi da ra sogs khur bcas/ /blun na rims dang dmu rdzing dang / /rmen bu 'bras dang 'brum chen dang / /gtun 'dra'i rlung nad sel bar byed/ /ces bya ba la/ /po son cha'i nang gi 'bras bu'i phye ma 'am/ de bskol ba'i rang gi khu ba
 dang de'i sum cha'i 'bras bu gsum gyi phye ma bsres la/ ko pi dar la sogs pa'i khu ba dang bcas par blud na rims la sogs pa'i nad sel bar byed do/ /mkhris pa bad kan gnas zhugs la/ /dzi mu ta sogs khu bar blud/ /ces bya ba la/ po son cha'i nang gi
 'bras bu'i phye ma de dzi mu ta la sogs pa ste/ /dzi mu ta ka dang i k+Sha ku dang / ka sha ta ki rnam gnyis dang / /dug mo yungs kyi sa bon bskol ba'i khu ba dang sbyar ba blud na mkhris ba bad kan gyi gnas su zhugs pa'i nad la phan no/ /snying tsha khrag mkhris dag la ni/ /de 'bras 'o mar
 bskol ba yi/ /'o thug bcas pa blud par bya/ /zhes bya ba la/ /po son cha de'i nang gi 'bras bu 'o mar bskol ba dang sbyar te blud pa'am/ 'o thug gi nang du po son cha'i nang gi 'bras bu btab pa blud na snying tsha ba la sogs pa'i nad sel bar byed do/ /bad kan las gyur pa'i slon bro dang / /
 cham pa mun thibs byed pa la/ /de bskol 'o ma las byung ba'i/ /zho yi spris ma 'am zho blud bya/ /po son cha sogs lde gu dang / /bskol ba'i 'o ma las byung ba'i/ /mar sar bad kan gyis drod nyams/ /lus skam pa la skyug sman bya/ /zhes bya ba la/ bad kan las gyur pa'i slon bro
 ba la sogs pa'i nad la ni po son cha'i nang gi 'bras bu 'o ma dang bskol ba mnan pa las gyur pa'i zho'i spris ma'am/ /mnan pa'i zho de nyid blud la slon du gzhug par bya'o/ /cham pa'i nad bad kan gyi ljan ljin mang du 'byung bar byed pa'o/ /mun thibs zhes bya ba ni/ /dbugs
 mi bde ba'i nad kyis mun par zhugs pa snyam du sems pa'o/ /po son cha la sogs ba'i lde gu dang bskol ba'i 'o ma blugs pa las byung ba'i mar sar blud na/ /bad kan gyis drod nyams par byas pa dang / de bzhin du lus bskams shing sbegs par gyur pa la skyug sman du bya'o/ /po son cha
 sogs zhes bya ba'i sogs pa'i sgras ni/ /dzi mu ta ka dang / i k+Sha ku dang ko sha ta ki dang / ra dza ko sha ta ki dang / dug mo yungs kyi sa bon bsdus te skyug sman gyi mchog drug pa de dag bskol ba'i khu ba'am btags pa'i lde gu dang 'o mar bsres pa las byung ba'i mar sar ro/ /
 po son cha yi khu ba ni/ /bse shing cho gas btsags nas ni/ /gzar bur chags pa'i bar du bskol/ /byin la bde bar skyug tu gzhug /ces bya ba la/ po son cha'i nang gi 'bras bu bskol ba'i khu ba ni bse shing gi 'bras bu'i cho ga ji skad
 smos ba ltar btsags te/ gzar bu la chags kyi bar du bskol/ de'i 'og du lde gu de byin la/ bde zhing nyam nga ba med par skyug tu gzhug par bya'o/ /lde gu de'am de'i khu ba/ /bza' dang btung bar sbyar te gtang / /zhes bya ba la bshad ma thag pa'i lde gu de bza'
 pa dang btung ba bsres te btang ba 'am/ /po son cha'i nang gi 'bras bu bskol ba'i khu ba bza' ba dang btung pa la sogs pa dang sbyar te byin la slon du gzhug par bya'o/ /po son cha'i 'bras bu'i khu ba/ /dug mo yungs sogs sde tshan btab/ /nim pa arga gang yang rung / /
 bskol ba'i khu bar bcas pa ni/ /blud na nyams brtas las byung nad/ /gting zug kun kyang sel bar byed/ /ces bya ba la/ po son cha'i nang gi 'bras bu bskol ba'i khu ba'i nang du dug mo yungs la sogs pa'i sman gyi sde tshan gyi phye ma btab la/ nim pa 'am arga
 bskol ba'i khu ba dang sbyar te blud na/ nyams brtas pa las byung ba'i nad gting zug cing nang du zhen par gyur pa thams cad kyang sel zhing 'joms par byed do/ /po son cha yi me tog ni/ /zhib btags phreng bsgos mnams nas ni/ /thug sha khu sogs ngoms pa blud/ /
 skyid de ba ni bder slon gzhug /ces bya ba la/ /po son cha ni ma da na pha la ste/ de'i me tog zhib tu btags pa me tog gi ge sar gyi rdul 'dra bar byas la/ phye ma des me tog gi phreng ba la legs par bsgos pa de lta bu'i dri phun sum tshogs pa mnams pas bad kan dang
 mkhris pa legs par bslangs shing g.yos par byas nas thug pa dang / /sha khu dang kris ra dang / nas thug la sogs pa gang yang rung ba ngoms par blud de/ dri de mnam la de lta bus sdug ma myong zhing / skyid de bar gnas pa'am/ byis pa gzhon nu ngag bde zhing nyam
 nga ba med bar slon du gzhug bar bya'o/ po son cha med me tog dang / /'bras bu gzhon nu de bzhin sbyar/ /zhes bya ba la/ /gal te po son cha'i 'bras bu med cing ma rnyed par gyur na de bzhin du po son cha'i me tog gam/ po son cha'i 'bras bu ma smin pa gzhon nu
 btags la shing mngar la sogs pa bskol ba'i chu'i nang du nub gcig sbangs la/ slar btsags pa'i khu ba mdo'i gnas las smos pa'i cho gas btung bar bya ba la sogs pa nas/ de'i phye ma zhi ba mos bskol pa'i phreng ba mnams pas bde bar slon du gzhug ba'i bar ji skad
 smos pa bzhin du bya'o/ /de yan chad ni po son cha'i cho ga ji ltar bya ba bstan pa yin no/ /dzi mu ta sogs de dang 'dra/ /zhes bya ba la/ dzi mu ta ka dang / a k+Sha ku dang ko sha ta ki rnam gnyis dang / dug mo yungs kyi sa bon gyi bar de dag kyang po son cha dang 'dra bar gtang
 bar bya zhing / /cho ga yang de dang mthun par sbyar bar bya'o/ /dzi mu ta ni khyad par du/ /rims dang lud pa dbugs mi bde/ /skyigs bu la sogs nad la gtang / /zhes bya ba la/ /dzi mu ta ni de ba ta li dang kar ko Ti dang / bi ni dang / dzi mu ta ka zhes ming gi rnam grangs
 kyis bshad pa yin te/ dzi mu ta de khyad par du rims la sogs ba'i nad kyis btab pa la gtang bar bya'o/ /'di yi me tog 'o mar btsos/ /'bras bu smin pa 'o thug bcas/ /spu bcas 'o ma'i spris mar sbyar/ /spu med zho yi spris mar sbyar/ /zhes bya ba la/ dza u0f72mu ta'i me tog skyes pa r
 dzogs par gyur pa de 'o ma'i nang du btsos pa blud la skyug tu gzhug bar bya ba 'am/ dzi mu ta 'di 'bras bu smin par gyur ba de 'o thug gi nang du btab ste/ blud la skyug tu gzhug par bya'o/ /yang 'di'i 'bras bu spu dang bcas pa 'gyur pa ni 'o ma'i steng gi spris ma dang sbyar te skyug sman du gtang bar bya la
 'bras bu spu med pa ni zho'i spris ma dang sbyar te skyug sman du gtang bar bya'o/ /skya ba 'am sngon 'gyur 'o mar bcug /zho ni skyur bar gyur pa 'am/ /zhes bya ba la/ dzi mu ta'i 'bras bu skya ba 'am sngo bar gyur pa 'o ma'i nang du bcug la/ de mnan pas zho skyur por gyur pa de skyug
 sman gyi don du sbyin par bya ba'am/ yang na/ mnan pa'i chang gi dngas mar ni/ /mnyes te zhu bar 'gyur pa blud/ /ces bya ba la/ dzi mu ta de mnan pa'i chang a ru ra zhes bya ba'i dngas mar dang por mnyes te zhu bar gyur nas btsags te blud par bya'o/ /bad kan lud
 pa yi ga 'chus/ /skya rbab gcong chen nad la gtang / /zhes bya ba la/ /dzi mu ta'i sbyor ba 'di dag ni bad kan las gyur pa'i lud pa la sogs pa'i nad la gtang bar bya'o/ /ku ba ko sha ta ki yang / /sbyor ba'i cho ga 'di nyid bya/ /zhes bya ba la/ ku ba ni ku ba kha po ste/ /kaD+Da ka la pu zhes bya'o/ /
 ko sha ta ki ni ra dza ko sha ta ki zhes bya ba ko sha pa la zhes bya ba dang / ko rda ko sha ta ki zhes bya ba ko sha ta ki ro kha ba ste/ de ltar ko sha ta ki rnam gnyis dang ku ba kha bo ste/ sman gsum po 'di dag la yang 'di'i me tog 'o mar btsos zhes bya ba nas mnyes te zhu bar gyur pa blud ces bya ba'i bar
 du sbyor ba snga ma dang mthun pa kho nar bya'o/ /smin cing bskams par gyur pa yi/ /dzi mu ta yi 'bras bu dag /phye ma srang phyed 'o mar bsres/ /rlung mkhris nad kyis nyen la blud/ /ces bya ba la/ dzi mu ta'i 'bras smin cing bskams la rnying bar gyur pa'i phye ma srang phyed 'o ma dang bsres pa rlung
 dang mkhris pas nyen pa'i nad pa la blud cing skyug tu gzhug par bya'o/ /dzi ma ta 'bras gnyis sam gsum/ /brdungs ba de yi khu ba ni/ /dong ga la sogs dgu pa ni/ /gang yang rung ba la sbangs te/ /mnyes la btsags par gyur pa dag /bad kan mkhris rims can la blud/ /ces
 bya ba la/ dzi mu ta'i 'bras bu gnyis sam gsum cham chom brdungs pa pa to la bskol ba'i khu ba'i nang du sbangs pa'am/ yang na dong ga la sogs pa'i sman gyi sde tshan te/ dong ga dang / dug mo yungs dang / ka ka tig ta dang / pha Ta li dang / nim pa dang / sle tres dang / mur ba
 dang / dUr ba dang / /byi dang ga dang / pa tha'i bar gyi sman gang yang rung ba gcig bskol ba'i khu ba'i nang du sbangs te/ nang par mnyes la tshags kyis btsags pa'i khu ba de bad kan dang mkhris par ldan pa'i rims kyis btab pa'i mi la blud par bya'o/ /dzi mu ta yi phye ma 'am/ /lde gu chu grang sbyar
 ba dag / mkhris rims can blud bad kan dang / /rlung 'dres rims la chu dron blud/ /ces bya ba la/ dzi mu ta'i phye ma 'am/ lde gur byas pa dag mkhris pa las gyur pa'i rims la ni chu grang dang sbyar te blud la bad kan rlung 'dres pa 'am/ bad kan 'ba' zhig las gyur
 pa'i rims la ni chu cung zad drod dang sbyar te blud par bya'o/ /lud pa dbugs mi bde dang dug /slon rims bad kan gyis nyen dang / /mun thibs byed ba'i nad ldan la/ /ku ba kha bo'i skyug sman bsngags/ /zhes bya ba la/ /ku ba kha bo ni i k+Sha ku ste/ de ni khyad par du lud pa la sogs
 pa'i nad kyis btab pa'i skyug sman du bsngags so/ /de bzhin du mun pa'i nang du zhugs pa snyam byed pa'i nad la yang bsngags so/ /de ni me tog 'bras bu med/ /myu gu gzhon nu 'o mar btsos/ /bad kan mkhris pa las gyur rims/ /mkhris pa shas cher gyur la blud/ /ces bya ba la/ ku ba
 kha bo de me tog 'bras bu med bar gyur pa'i skabs kyi myu gu 'dab ma 'jam po yod pa dang bskol ba'i 'o ma ni bad kan dang mkhris pa las gyur pa'i rims mkhris pa'i shas che ba la blud cing slon du gzhug bar bya'o/ /'bras bu smin pa'i nang gi ni/ /'bras bu phyung ste 'o ma bcug /zhor gyur lud pa dbugs
 mi bde/ /blud de slon du gzhug par bya/ /zhes bya ba la/ ku ba kha bo'i 'bras bu lags par smin par gyur pa dang / ku ba'i nang nas 'bras bu phyung la/ ku ba'i nang du 'o ma bcug ste/ mnan la zhor gyur pa dang / lud pa dang dbugs mi bde ba'i nad pa la blud la slon du gzhug go /'bras bu'i
 nang ma zho ga chu/ /mdze dug skya rbab nyid la blud/ /ces bya ba la/ ku ba kha bo'i nang gi 'bras bu zho ga chu dang sbyar te/ mdze nad la sogs pas btab pa la blud de slon du gzhug par bya'o/ /de dang dar ba bskol ba ni/ /rgyam tsha sbrang rtsi bcas pa 'ang blud/ /ces bya ba la/ yang na ku ba kha bo
 dang / dar ba bskol ba'i nang du rgyam tsha dang sbrang rtsi btab ste blud la/ mdze dang dug dang skya rbab kyis nyen ba'i nad pa slon du gzhug par bya'o/ /yang na de yi sa bon ni/ /ra yi 'o mar bcas ba dag /dug skran dmu rdzing rmen bu dang / /'bras dang rkang bam nad la blud/ /ces bya ba la/ ku ba kha bo'i sa
 bon ra'i 'o ma dang sbyar ba ra'i 'o ma de nyid dang bcas pa dug la sogs pa'i nad kyis btab pa la blud la slon du gzhug go/ /bad kan las gyur lud pa'i rims/ /lkog ma'i nad dang ma zhu la/ /ku ba kha bo'i khu ba ni/ /phye dang sbyar ba'i skyo ma blud/ /ces bya ba la/ bad kan las
 gyur pa'i lud pa la sogs pa'i nad la/ ku ba kha bo bskol pa'i khu ba phye dang sbyar ba'i skyo ma blud la slon du gzhug go/ /skran dang rims rnying bying ba la/ /lde gu sha khur sbyar blud na/ /legs pa kho nar slon 'gyur zhing / /nyam chung bar yang 'gyur ma yin/ /zhes bya ba la/ /yang ku ba kha bo'i lde gu sha
 khu dang sbyar ba blud na skran dang rims bying ba yun ring du lon pa rnying pa sel zhing sbyor ba de lta bus nyam nga ba med par legs par slon par 'gyur zhing nad pa de nyam chung bas nyen bar mi 'gyur ro/ /ku ba kha bo'i me tog dang / /'bras bu'i phye mas bsgos pa yi/ /me tog phreng ba bsnams pa ni/ skyid de ba
 yi skyug sman yin/ /zhes bya ba la/ ku ba kha bo'i me tog dang 'bras bu bskams pa zhib tu btags pas me tog gi phreng ba la bsgos te/ de'i dri ma mnams pas skyid de ba/ /bde ba la brten pa dag skyug tu bzhug go/ /skran lud dmu rdzing lkog ma'i nad/ /bad kan gnas la brten pa'i rlung / /bad
 kan kha dang mgrin par gnas/ /bad kan 'phel bar gyur pa dang / /brtan zhing dkyil ni skyes pa la/ ko sha ta ka'i skyug sman bsngags/ /zhes bya ba la/ skran la sogs pa'i nad dang bad kan gyi gnas la brten pa'i rlung nad la/ kha dang lkog mar gnas pa'i bad kan dang / bad kan 'phel
 zhing rgyas par gyur ba dang brtan cing dkyel che bar gyur pa la ni ra dza ko sha ta ki zhes bya ba marga'i skyug sman btang ba bsngags pa yin no/ /'tsho byed nye'u shing zangs rtsi ba/ /kha sral phre'u ram nye gnyis/ /shra ba ni dang me da dang / /ma hA me da mu ng+hu li/ /'di dag re re'i phye ma dang / /ko sha ta ki'i
 phye mar bcas/ /sbrang rtsi kha rar sbyar ba ni/ /lud pa snying ni tsha la bsngags/ /zhes bya ba la/ /'tsho byed dang / nye'u shing la sogs pa gang yang rung ba'i phye ma ra dza ko sha ta ki'i phye ma dang bcas pa sbrang rtsi dang sbyar ba'i lde gu byin te slon du bcug na lud pa la sogs pa'i nad la phan no/ /de rjes chu dron blud
 pa ni/ /bad kan mkhris tsha ldan la bsngags/ /zhes bya ba la/ /lde gu de byin pa'i rjes la chu dron blud pa ni mkhris pa tsha ba dang ldan pa'i bad kan la skyug sman du bsngags so/ /'u su g.yer ma'i khu ba dang / /de yi khu bas dug 'joms so/ /zhes bya ba la/ 'u su'i 'bras bu dang / g.yer
 na bskol ba'i khu bar dza ko sha ta de'i lde gu dang sbyar ba'i skyug sman blud na dug 'joms par byed par 'gyur ro/ /bim pa ka sa mar da 'am/ /ba spru ba yi khu bar ni/ /ra dza ko sha ta ki ni/ /rdog ma gcig gam gnyis mnyes pa'i/ /dngas ma snying gi nad la blud/ /ces bya ba la/ /ra dza ko sha
 ta ki'i rdog ma gcig gam gnyis bim pa bskol ba'i khu ba 'am/ ka sa mar da bskol ba'i khu ba'am/ /ba spru ba ba skol ba'i khu ba'i nang du mnyes la btsags pa'i dngas ma blud de slon du bcug na mchog tu snying gi nad sel zhing 'joms par byed pa'i dam pa yin no/ /de bskol 'o ma las byung
 mar/ /po son cha sogs bskol ba blud/ /ces bya ba la/ /yang na ra dza ko sha ta de dang bskol ba'i 'o ma las byung ba'i mar sar dang po son cha la sogs pa ste po son cha dang / dzi mu ta ka dang / ku ba kha bo dang / ko sha ta ki dang / dug mo yungs kyi sa bon dang / kri da be da zhes bya ba
 ko sha ta ki gnyis pa bskol ba'i khu ba dang bcas pa'i skyug sman blud na snying gi nad la phan no/ /ko sha ta sogs kha dang tsha/ /mdze dang skya rbab mcher pa'i nad/ /'or nad skran nad sbyar dug sogs/ /gting zug pa la bsngags pa yin/ /zhes bya ba la/ ko sha ta ka la sogs pa'i sman ro kha
 ba dang / tsha ba'i skyug sman btang na/ mdze la sogs pa'i nad sel bar 'gyur ro/ /po son cha sogs drug so sor/ bskol ba dang ni rlan can sha /ko sha ta ka cha mnyam bskol/ /khu ba rgyam tshar bcas pa blud/ /ces bya ba la/ po son cha la sogs pa gong du smos pa'i skyug sman drug
 po so sor bskol ba'i khu ba dang / rlan can gyi srog chags kyi sha ko sha ta ka dang cha mnyam pa bskol la/ bskol ba'i khu ba de rgyam tsha dang bcas pa blud nas slon du bcug na yang mdze la sogs pa'i nad la phan no/ /po son cha sogs pi pi ling / /cha mnyam ko sha ta kar sbyar/ /yang na ko sha ta
 ka yi/ /khu ba bu ram shing khu blud/ /ce bya ba la/ po son cha la sogs pa'i skyug sman drug po pi pi ling dang cha mnyam pa ko sha ta ka'i khu ba dang sbyar ba'i skyug sman blud pa 'am/ yang na ko sha ta ka blud ba'i khu ba bu ram shing gi khu ba dang sbyar te/ blud de slon du bcug na
 yang mdze nad la sogs pa'i nad la phan no/ /dug mo yungs ni skyid de ba/ /bad kan mkhris pa khrag bcas dang / /rims nad shu ba snying nad dang / /dreg nad kyis 'ther mdze la bsngags/ /zhes bya ba la/ /dug mo yungs kyi sa bon bskol ba'i khu ba ni skyid de ba'am/ byis pa gzhon nu bad
 kan dang / mkhris pa la sogs pa'i nad dang bcas pa'i skyug sman du gtang ba bsngags so/ /dug mo yungs kyi sa bon te/ /yungs kar ram ni ma du ka /bskol ba'i chu'am rgyam tsha'i chu/ /yang na kri sa ra ldan blud/ /ces bya ba la/ yang na dug mo yungs kyi sa bon yungs kar bskol ba'i
 chu 'am ma du ka bskol ba'i chu 'am/ rgyam tsha'i chu gang yang rung ba dang sbyar te skyug sman du btang ba 'am/ yang na dug mo yungs kyi sa bon kri sa ra zhes bya ba'i til gyi sbyar thug dang ldan pa blud la slon du gzhug go/ /de yi sa bon arga yi/ /'o mar zhag bdun sbangs pa ni/ /po son cha dang dzi mu ta/ /
 ku ba kha bo dzi ban ti/ /dzi ba ka ni bskol ba yi/ /khu ba gang yang rung ba blud/ /ces bya ba la/ /dug mo yungs de'i sa bon kyi phye ma arga'i 'o ma nang du zhag bdun gyi bar du sbangs pa po son cha la sogs pa gang yang rung ba bskol ba'i khu ba dang sbyar te/ skyug sman du blud par bya'o/ /skyug sman gyi
 ni gtso bo yi/ /cho ga phyogs tsam bshad pa yin/ /blo dang ldan pas tshul 'di yis/ /gzhan yang ci rigs sbyar bar bya/ /zhes bya ba la/ de ltar tshul 'dis skyug sman gyi gtso bo po son cha la sogs pa'i cho ga bya ba'i thabs ma smos par de'i phyogs tsam zhig bshad cing bstan pa yin pas
 blo dang ldan pa'i sman pas sa bon tsam du smos pa'i tshul 'dis skyug sman gyi rnam pa gzhan dag la yang ci rigs par rjes su dpags te sbyar zhing gtang bar bya'o/ /yan lag brgyad pa'i snying po'i rnam par 'grel pa'i tshig gi don gyi zla zer zhes bya ba/ slob dpon zla ba la dga' bas nges par sbyar
 ba las/ cho ga grub pa'i gnas kyi le'u dang po'i 'grel pa'o// //de nas bkru sman bya ba'i cho ga bshad par bya'o/ /zhes bya ba la/ ro stod kyi sbyang ba bshad pa'i rjes la/ ro sman kyi sbyang ba bstan par bya ba'i phyir le'u 'di brtsams pa yin no/ /de las kyang dur byid ni bkru sman gyi gtso
 bo yin pas dang por bshad pa yin te/ de'i phyir smos pa ni/ /dur byid bska zhing mngar la rtsub/ /zhu rjes tsha bar gyur pa yin/ /bad kan mkhris pa zhi byed de/ /rtsub pas rlung ni 'khrugs par byed/ /ces bya ba la sogs pa yin te/ dur byid ni sha ma dang / /tri byid dang / ma ka ti ka zhes
 bya ba la sogs pa'i ming gi rnam grangs kyis bshad pa yin no/ /de ni ro bska ba dang mngar ba yin la/ /rang bzhin ni rtsub pa'i yon tan dang ldan pa yin la/ /zhu bar gyur pa ni zhu rjes kyi ro tsha ba yin no/ /de bzhin du bska ba la sogs pa'i rgyus bad kan dang mkhris pa ni zhi zhing sel bar byed pa yin la/
 rtsub pa'i rgyus rlung ni 'khrugs shing ldang bar byed ba yin no/ /de 'dir sman gyi sbyor ba yis/ /rlung dang bad kan mkhris pa sel/ /cho ga'i khyad par la brten nas/ /nad kun 'joms par byed pa yin/ /zhes bya ba la/ yang dur byid de ni rlung dang mkhris pa dang / bad kan sel bar byed pa'i sman
 gyi sbyor ba dang / bsrel shing cho ga'i las kyi rim pa la brten cing gnas na/ /nad thams cad kyang sel cing 'joms par byed pa yin no/ /dur byid rnam pa gnyis su bshad/ /de rtsa dmar nag dkar ba yi/ /rnam pa gnyis su bshad pa yin/ /zhes bya ba la/ /dur byid de'i rtsa ba rnam pa
 gnyis su bshad de/ sha ma zhes bya ba rtsa ba dmar nag tu 'dug pa ni gcig yin la/ /dri byid ces bya ba rtsa ba dkar po yod pa ni gnyis pa yin no/ /de la tri byid mchog tu bshad/ /nyes pa med cing bde bar 'khru/ /zhes bya ba la/ rtsa ba rnam pa gnyis su yod pa de'i nang nas tri byid ces bya ba dur
 byid dkar po ni shin tu mchog yin par bshad de/ de ci'i phyir zhe na/ nyes pa'i skyon med par nad sel zhing bde blag tu 'khru bar byed pas mchog yin la/ /de ni byis pa dang / /rgan po dang / mi skyid de bar gnas pa dag lto snyi ba'i nad pa'i bkru sman du mchog tu bsngags pa yin no/ /brgyal rmongs
 byed cing lkog ma ni/ /rtsub cing gnod par byed pa dang / /rno zhing myur du 'khru byed pa/ /lto sra nad gzhi shas che dang / /sdug bsngal gyis nyen nad pa la/ /sha ma dur byid bsngags pa yin/ /zhes bya ba la/ dur byid dmar nag tu 'dug pa sha ma zhes bya ba'i sgras bshad
 pa de ni shin tu rno zhing myur du 'khru bar byed pa yin pas/ brgyal ba dang sems rmongs par byed pa dang / lkog ma shas cher rtsub cing 'dar ba snyam sems la nyams shing gnod par byed pa yin no/ /de bas na rtsa ba dmar nag tu 'dug pa'i dur byid de ni nad pa lto sra ba dang / nad gzhi sogs pa'i shas
 che ba dang / nad kyi sdug bsngal gyis lus nyen cing gzir ba dag la de bsngags shing nad kyi gting 'byin pa yin no/ /de ni zabs su zug cing 'jam/ /thad kar 'phros pa ma yin pa/ /btus la snying po bor nas ni/ /shun ba bskams te sba bar bya/ /zhes bya ba la/ rtsa ba de gnyis kyang zabs su
 zug cing sa'i gting ring por nus par gyur pa dang / 'jam zhing mnyen pa dang / rtsa ba yan man du ma 'phros bar thur du drang por zug pa btus shing bton la/ nang gi snying po shing bu ltar sra ba de bor nas shun pa legs par bskams te/ snod bzang po'i nang du sba bar ba'o/ /de nas de'i 'og de'i
 phye ma/ /rgyam tsha dong ga cung zad btab/ /rlung nad la ni skyur las blud/ /ces bya ba la/ de nas de'i 'og tu bkru sman gtong ba'i dus su rlung gi nad la ni/ dur byid kyi phye ma rgyam tsha dang dong ga'i phye ma cung zad tsam dang bsres te/ /rang skyur kan dzi'am/ rtsa ba mo'i dngas ma la sogs ba btung ba
 skyur bag dang sbyar te blud par bya'o/ /mkhris par sbrang rtsi kha ra mar/ /'o ma rgun 'brum bu ram shing / /khu ba tang pal mngar ba yi/ /sman de 'bras bu gsum gyi ni/ /khu bar bcas pa blud par bya/ /zhes bya ba la/ mkhris pa'i nad la ni dur byid kyi phye ma de sbrang rtsi dang kha ra dang mar dang
 sbyar zhing bsres ba'i 'o ma 'am/ /rgun chu 'am/ bu ram shing gi khu ba 'am/ /tang pa la bskol ba'i khu ba 'am/ mngar ba'i sman gyi sde tshan bskol ba'i khu ba 'am/ 'bras bu gsum bskol pa'i khu ba gang yang rung ba dang ci rigs par sbyar te blud par bya'o/ /bad kan la pi lu yi/ /
 khu ba ba gcin chang skyur rtsabs/ /tsha ba lnga sogs phye ma ni/ /bad kan 'joms dang ci rigs sbyar/ /zhes bya ba la/ bad kan gyi nad la dur byid kyi phye ma pu lu bskol ba'i khu ba 'am/ ba gcin nam/ chang ngam/ skyu rtsabs kan dzi zhes bya ba gang yang rung ba dang sbyar te tsha ba lnga'i phye ma la
 sogs pa bad kan 'joms par byed pa'i sman gyi phye ma btab ste ci rigs par blud par bya'o/ /dur byid ldi gu khu ba dang / /bskol pa'i khu ba bsgrangs kha ra/ sbrang rtsi dri bzangs gsum dang bcas/ /lde gu yid 'ong bkru sman yin/ /zhes bya ba la/ dur byid lde gur btags pa 'am/ /bskol
 ba'i khu ba bsgrangs ba'i nang du sbrang rtsi dang kha ra dang / shing tsha la sogs pa dri bzangs gsum gyi phye ma btab pa'i lde gu ni bkru sman shin tu yi gar 'ong ba yin no/ /a rdza gan+d+ha smig rkang dang / /kha ra dur byid bi da ri/ /phyer btags sbrang rtsi mar dang ni/ /lde gu byin na 'dus pa dang / /rims dang lus
 rengs tsha ba dang / /skom dad kyis gzir legs par 'khru/ /zhes bya ba la/ /ardza gan+d+ha la sogs pa'i sman btags pa'i phye ma dang / sbrang rtsi dang / mar du sbyar ba'i lde gu byin na 'dus pa'i nad la sogs pas gzir ba legs par 'khru zhing bde bar byed par 'gyur ro/ /bu ram shing ni tshal
 par bkas/ /nang ngos dur byid lde gus bskus/ /gcig tu sbyar te phur ma yis/ btso ba'i tshul byas de bza' bya/ /zhes bya ba la/ bu ram shing gi dum bu tshal pa gnyis su bkas la/ de'i nang ngos dur byid kyi lde gus bskus la/ slar gcig tu sbyar te sman gyi phur ma btsos ba'i tshul du btsos
 pa de zos na/ 'dus pa dang rims la sogs pas gzir ba'i nad legs par 'khru bar 'gyur ro/ /shing tsha sug smel mnyam ni li/ /de mnyam dur byid sha kha ra/ /phye ma rgun chu sbrang rtsi dang / /phye dang skyo mar sbyar te blud/ /rlung mkhris bad kan las gyur dang / /me drod chung ba'i
 nad dang ni/ /skyid de ba yi mi rnams la/ /gnod pa med pa'i bkru sman yin/ /zhes bya ba la/ shing tsha sug smel spyir cha gcig dang / de gnyis kyi cha ji tsam yod pa dang / ni li zhes bya ba sman ni li ni cha mnyam du bya/ sman de gsum ji snyed yod pa'i cha dang / dur byid cha mnyam du bya/ /dur
 byid yan chad kyi sman bzhi po dang / kha ra cha mnyam du bya/ de lta bu'i sman gyi phye ma de rgun chu dang sbrang rtsi dang phye dang lhan cig skyo mar byas te blud na/ rlung dang mkhris pa dang bad kan las gyur ba'i nad dang / /pho ba'i me drod nyams pa dang / skyid de bar gnas pa'i
 mi rnams la bkru sman 'di ni sdug bsngal skyes pa'i gnod pa'i 'tshe ba med cing dam par gyur pa yin no/ /byi dang ga yi snying po dang / /'bras bu gsum zhes bya ba dang / /ya bak+Shar pi pi ling / /dur byid kun gyi cha byed bcas/ /sbrang rtsi mar ram bu ram gyis/ /lde gur byas pa byin na ni/ /
 skran dang mtsher pa dmu rdzing dang / /gzugs 'khums lud pa yi ga mtshus/ /rlung dang bad kan las gyur nad/ /mang po gzhan dag sbyor bar byed/ /ces bya ba la/ /byi dang ga'i spun pa bsal ba'i snying po dang / 'bras bu gsum dang ya bak+Shar zhes bya ba nas tshig 'khus pa'i thal ba dang
 pi pi ling cha mnyam po bya/ byi dang ga la sogs pa'i sman de dag kun gyi cha phyed phyed du byas te/ phye mar btags pa de sbrang rtsi dang mar gyi lde gur bcas pa byin na skran la sogs pa'i nad sbyong zhing dag par byed do/ /de bzhin du rlung dang bad kan las gyur pa'i nad 'dir ma smos pa gzhan dag kyang sbyong
 par byed do/ /pi pi ling rtsa byi dang ga /'bras bu gsum dang 'u su dang / /tsi tra ka dang ma le sham/ /pi pi ling dang dug mo yungs/ /zi ra ha ti pi pi ling / /ti mu sa dang lan tshwa lnga/ /zho ni gnyis gnyis phye mar byas/ /dur byid dang ni til mar gnyis/ /srang ni brgyad brgyad char bsres dang / /skyu
 ru ra'i khu bre gsum dang / /bu ram srang ni lnga bcu me/ /chung bskol de las ran tsam ni/ /zos na mdze dang gzhang 'brum dang / /mig ser za khu skran dang ni/ /dmu rdzing mtshan par rdol ba dang / /pho ba'i nad dang skya rbab rnams/ /'joms shing cho ga bsrung mi dgos/ /bu skyed par yang de
 yis byed/ /bu ram dge ba can zhes bya/ /dus kun du ni 'phrod pa yin/ /zhes bya ba la/ pi pi ling gi rtsa ba la sogs pa sman sna re re zhing zho gnyis gnyis tshad du byas pa'i phye ma dang / /til mar dang dur byid kyi phye ma gnyis srang brgyad brgyad kyi tshad du byas pa dang bsres la/ /skyu ru ra'i 'bras bu
 bskol ba'i khu ba bre gsum dang / bu ram srang lnga bcu gcig tu bsres de thams cad me chung ngu la bskol la/ /dge ba'i bu ram zhes bya ba de las ji tsam ran pa'i tshad tsam zos na des mdze la sogs pa'i nad 'joms par 'gyur ba dang / bu skyed par byed pa dang / dus drug char du yang
 'phrod cing bsngags pa yin no/ /tsha ba gsum dang dri sna gsum/ /gla sgang dang ni byi dang ga /skyu ru ra de thams cad ni/ /mnyam ba'i dur byid kha ra dang / /sbrang rtsi'i ri lur byas zos na/ /gcin sri rims dang slon bro dang / /lud pa sha skems mgo 'khor dang / /zad byed lus
 tsha skya rbab dang / /me drod chung dang dug nad sbyong / /zhes bya ba la/ tsha ba gsum la sogs pa'i sman cha mnyam por byas pa spyir ji snyed pa yod pa dang / dur byid cha mnyam par byas la/ /kha ra yang dur byid cha mnyam par byas te/ des tsha ba gsum la sogs pa'i sman spyir cha gcig dur
 byid cha gnyis kha ra cha gsum par sbyar la de thams cad sbrang rtsi dang lhan cig ri lur byas na/ gcin sri ba'i nad la sogs pa sbyong bar byed cing bsngags pa yin no/ /dur byed dug mo yungs sa bon/ /pi pi ling dang bca' sga rnams/ /sbrang rtsi rgun 'bru'i chur sbyar ba/ /dbyar gyi dus
 kyi bkru sman yin/ /zhes bya ba la/ dur byed la sogs pa'i sman gyi phye ma sbrang rtsi dang rgun 'bru'i chu dang sbyar ba ni/ dbyar gyi dus kyi bkru sman du bsngags so/ /dur byid gla sgang byi tsher dang / /kha ra tsan+dan ba le ka /shing mngar ba ta la phye ma/ /rgun chu dang sbyar ston gyi yin/ /zhes
 bya ba la/ dur byid la sogs ba'i sman gyi phye ma rgun chu dang sbyar ba ston gyi dus su bkru sman btang bar bsngags so/ /dur byid pa ta kru trag tres /zir shu dag sa ra la/ khron bu'i phye ma chu dron sbyang / /dgun gyi dus su blud par bya/ /zhes bya ba la/ /dur byid la sogs pa'i sman cha
 mnyam ste phye mar btags pa chu dron mo dang sbyar ba ni dgun gyi dus su bkru sman du bya bar bsngags pa yin no/ /dur byid kha ra cha mnyam pa/ /sos ka'i dus kyi bkru sman yin/ /zhes bya ba la/ dur byid dang kha ra cha mnyam pa ni sos ka tsha ba'i dus su bkru sman du blud bar bya'o/ /dur byid sba
 'bras kyi lce ba/ /pa ta la dang pu tse shel/ /khron bu legs par btags nas ni/ /ba gcin nang du zhag gsum sbangs/ /'di ni dus kun sbyor ba ste/ /snum zhen dri ma nad rnams 'byin/ /zhes bya ba la/ dur byid la sogs pa'i sman phye mar btags pa ba
 gcin gyi nang du zhag gsum sbangs pa/ 'di ni dus kun du btang ba'i sbyor ba yin te/ snum gyis zhen par byas pa'i lus las dri ma zhes bshad pa dang nad rnams 'byin par byed pa yin no/ /sha ma dur byin byi tsher ba/ /gla sgang ha ti pi pi ling / /dug mo yungs dang ni li ni/ /'bras bu gsum dang bu
 tse shel/ /phye ma sha khu 'am mar ram ni/ /chu dron dang sbyar thams cad du/ /khong rtsub la yang gtang bar bya/ /zhes bya ba la/ sha ma dur byid la sogs pa'i sman cha snyoms te phye mar btags la/ sha khu 'am mar ram chu dron dang sbyar te dus thams cad du skyes bu khong rtsub pa dag la yang gtang
 bar bya ba yin no/ /rims dang snying nad dreg nad dang / /rtug skam la sogs nad rnams la/ /dong ga'i bkru sman lhag par ni/ /'jam mngar bsil la phan pa yin/ /zhes bya ba la/ rims la sogs pa'i nad la ni lhag par yang dong ga'i bkru sman phan pa yin te/ de ni 'jam par 'khru la ro mngar
 zhing bsil pa'i nus pa dang ldan pa yin no/ /byis pa rgan po glo rdol dang / /skyid de ba yi mi rnams la/ /'jam zhing skyon ni med pa'i phyir/ /mchog du dong ga'i bkru sman gtang / /zhes bya ba la/ khyad par du byis pa la sogs pa'i nad rnams la lhag par 'jam par 'khru zhing 'tshe
 ba'i skyon med pa'i phyir dong ga'i bkru sman gtang ba lhag par yang bsngags pa yin no/ /'brus bu'i dus su legs smin pa'i/ /de yi 'bras bu btus nas ni/ /zhes bya ba la/ /dong ga de'i 'bras bu 'byung ba'i dus su skyes ba shing dus ma yin par skyes pa ma yin la/ /legs par smin
 cing tshos pa de btu zhing blang bar bya'o/ /de ni yon tan ldan gyur pas/ /khur gcig phye ma'i nang du gzhug /ces bya ba la/ dong ga'i 'bras bu de 'bus zos ba la sogs pa'i skyon med pa de khur gcig tsam zhig gzhug par bya'o/ /zhag bdun lon nas byung nas ni/ /nyi ma la ni
 bskam par bya/ /zhes bya ba la/ 'bras bu de phye mar sbas pa'i 'og tu zhag bdun nas phyung la nyi ma la bskam par bya'o/ /de nas rkang ni phyung nas su/ /snod ni gtsang mar gzhag par bya/ zhes bya ba la/ de ltar bskams pa'i 'og tu 'bras bu de'i nang gi rkang phyung la/
 rdza snod la sogs pa'i snod gtsang ma'i nang du gzhag par bya'o/ /byis pa lo bzhi lon pa nas/ /lo ni bcu gnyis lon gyi bar/ lus tsha rtug 'gags kyis gzir la/ /rgun chur sbyar te blud par bya/ /zhes bya ba la/ dong ga'i rkang de lus tsha ba dang / rtug ba 'gags
 pa'i nad kyis gzir bar byed pa'i byis pa lo bzhi nas lo bcu gnyis lon ba'i bar dag la rgun chu dang sbyar te blud na bde bar 'khru par byed do/ /dong ga'i rkang ni mnyes pa dang / /bskol ba'i chu ni grang mo blud/ /ces bya ba la/ yang de la dong ga'i rkang mnyes pa bskol ba'i chu bsgrangs
 ba blud na yang bde bar 'khru bar byed pa yin no/ /yang na chang dngas zho ga chu/ /skyu ru ra yi khu ba 'am/ /rang skyur dag dang bcas pa 'am/ /dur byid lde gur sbyar ba spyin/ /zhes bya ba la/ /yang na dong ga'i rkang mnyes pa'i khu ba chang gi dngas ma 'am/ zho ga chu la sogs pa'am/ /dur
 byid kyi lde gu yang blud par bya'o/ /dan da'i khu bar de yi rkang / /bu ram rnying pa bcug nas ni/ /zla ba gcig gam zla phyed bar/ /mnan pa'i chang ni blud par bya/ /zhes bya ba la/ dong ga'i rkang dang bu ram rnying ba dan da bskol ba'i khu ba'i nang du bcug la de zla ba gcig gam zla ba phyed kyi
 bar du mnan te blud na yang bde bar 'khru bar byed do/ /seng phrom rtsa ba'i shun pa ni/ /nang gi shun lpags por nas ni/ /bskams te phye mar byas nas ni/ de la cha gnyis bskol te gzags/ /seng phrom cha ni gsum pa sbangs/ /rtsa ba bcu yi khu ba dang / /cha de slar yang sbang bar bya/ /
 slar yang skams te phye mar byas/ /de las zho gnyis ba gcin nam/ /chang gi dngas ma 'am zho ga chu/ /rgya shug skyu ru ra'i khu ba/ /gang yang rung bar sbyar te blud/ /ces bya ba la/ seng phrom ni ro tra dang / bi hang pa tra zhes bya ba ste/ de'i rtsa ba dang shun pags kyi nang rim bor te/
 legs par bskams nas phye mar byas la de'i 'og tu phye ma de cha gsum du byas la cha gnyis bskol ba'i khu ba de btsags nas/ khu ba de dang seng phrom cha gsum pa bsres la/ spang bar bya ba dang / rtsa ba bcu'i khu ba dang yang cha de sbang bar bya'o/ /de nas slar phyung la bskams te
 phye mar byas nas phye ma de la zho gnyis kyi tshad ba gcin nam chang gi dngas ma 'am/ zho ga chu la sogs pa gang yang rung ba dang sbyar te/ ci rigs par blud par bya'o/ /seng phrom bskol ba'i khu ba dang / /lde gur byas te kha ra dang / /mar dang bskol ba'i lde gu de/ /bkru sman gyi ni dam pa yin/ /zhes
 bya ba la/ seng phrom zhes bya ba ro tra bskol ba'i khu ba kha ra dang bskol ba'i lde gu de byin na yang bkru sman gyi mchog yin no/ /shrI khaN+Das nad kyi tshogs/ /shas cher sogs ba 'ang 'jig byed de/ /myur du 'khru zhing grags pas na/ /lto snyi nyam chung byis pa dang / /rgan po nad pa yun rings la/ /de ni
 gtang bar mi bya'o/ /zhes bya ba la/ shrI khaN+Da zhes bya ba shing su ta'i 'o ma bskol bas nad kyi tshogs shas cher tshogs shing dkyel skyes pa yang myur du 'khru bar byed cing skrag cing sdug bsngal bas sems myos par byed pa yin pas na de'i phyir lto snyi ba la sogs par bkru sman du gtang par mi bya'o/ /
 skran dang dmu rdzing sbyar ba'i dug /lpags nad gcin nad sbrang rtsi 'dra/ /skya rbab skran dang dug gis phog /nad kyis sems dkrugs gyur la gtang / /zhes bya ba la/ yang shrI khaN+Da de skran la sogs pa'i nad kyis btab pa la bkru sman du gtang bar bya'o/ /de ni tsher ma rnon po ni/ /mang pos
 khyab par gyur pa mchog / ces bya ba la/ shing su ta de yang tsher ma rnon po mang pos khyab cing g.yogs par gyur pa de thams cad kyi mchog yin no/ /lo gnyis pa 'am lo gsum pa/ /khyad par du ni dgun gyi mthar/ /de ni mtshon gyis rnam bcad la/ de las 'o ma blang bar bya/ /zhes
 bya ba la/ yang shing su ta de lo gnyis sam lo gsum lon pa'i gzhon nu rtsa ba legs par zug pa/ dpyid zla ra ba'i tshe mtshon gyis bcad la/ de las 'o ma gzags shing blang bar bya'o/ /bil ba la sogs rtsa ba lnga/ bri ha ti ni rnam gnyis dang / /bskol ba'i khu ba dang mnyam pa'i/ /du ta'i 'o
 ma dang bsres la/ /de 'og me yi mdag mar bskam/ /ri lur byas pa zho ga chu 'am/ /chang ngam ba gcin sogs sbyar blud/ /ces bya ba la/ bil ba la sogs pa rtsa ba chen po lnga dang / bri ha ti ni rnam pa gnyis te kaN+Da ka ri dang / bri ha ti gnyis po las sman sna re re zhing bskol ba'i khu
 ba dang / shing su ta'i 'o ma bsres te cha mnyam du byas la/ de nas de'i 'og tu de gnyis ka me'i mdag ma la bskoms te/ de nas ri lur cha mnyam par byas la/ zho ga chu 'am chang ngam rtsa ba mo'i dngas ma ba gcin nam/ rgya shug gi khu ba 'am/ skyu ru ra'i khu ba 'am/ skyur rtsabs kan dzi
 gang yang rung ba dang sbyar te blud par bya'o/ /dur byid sogs dgu 'bras bu gsum/ khron bus ba ta la dang bcas/ /su ta'i 'o mas zhag bdun sbangs/ /sha khu 'am mar dang sbyar te blud/ /ces bya ba la/ dur byid la sogs pa dgu ste/ tri byid ces bya ba dur byid dkar po dang / sha
 ma dur byid dang / dong ga dang / /seng phrom dang / su ta zhes bya ba shrA u0f72khaN+Da dang shang khi ni dang / dan da dang / /tra ban ti dang / /sa ta la zhes bya ba dang bcas pa ste dgu po dang / 'bras bu gsum gyi phye ma dang / rtsang sman khron bu dang bcas pa shing su ta zhes bya ba snu ha'i 'o ma'i nad du zhag bdun sbangs pa s
 ha khu 'am mar dang sbyar te blud na yang bde bar 'khru bar byed do/ /tsha ba gsum dang 'bras bu gsum/ /dur byid dan da tsi tra ka /de bzhin bu ram chus sbyar blud/ /ces bya ba la/ tsha ba gsum dang / 'bras bu gsum dang / /dur byid dang dan da dang / tsi tra ka'i phye ma snga ma bzhin du su ta'i 'o ma'i
 nang du sbangs pa blud na yang nges par 'khru bar byed do/ /shang khi ni yi 'bras bu ni/ /phub ma med cing ma bskams btu/ /de bzhin sa ba ta la'i rtsa ba/ /de dag rnon por 'khru byed yin/ /bad kan dmu rdzing sbyar ba'i dug /skran sogs nad la gtang bar bya/ /zhes bya ba la/ shang khi ni
 ni tu la dang / ya ba tig ta zhes bya ba'i sman de de'i 'bras bu'o/ /phub ma med par gyur pa dang / /shas cher ma bskams btu ba dang / /de bzhin du sa ba ta la'i rtsa ba sbyar te/ de dag gis rno bar 'khru bar byed pa yin pas bad kan gyi nad la sogs pa la gtang bar bya'o/ /de gnyis ri lu zho gnyis
 tsam/ /chang dang rgyam tshar sbyar ba ni/ /bad rlung las gyur snying nad dang / /de bzhin skran gyi nad la gtang / /zhes bya ba la/ shang khi ni'i 'bras bu dang / sab ta la'i rtsa ba de gnyis phye mar btags te/ /ri lur bsgongs ba zho gnyis tsam chang dang rgyam tsha
 dang sbyar ba ni bad kan dang rlung las gyur pa'i snying nad dang skran gyi nad la gtang bar bya'o/ /dan da dra ban ti'i rtsa ba/ /glang po'i so ltar brtan zhing sbom/ /dmar zhing gnag la rno zhing dro/ /myur du 'khru bar byed pa yin/ /lci zhing rlung ni 'khru byed cing / /mkhris pa bad kan 'ju bar byed/ /
 ces bya ba la/ dan da ni kum pa ste de dang dra ban ti zhes bya ba'i rtsa ba glang po che'i so ltar brtan zhing sbom par gnas pa dmar gnag tu 'dug pa rang bzhin rno zhing dro ba/ myur du 'khru zhing sbyong bar byed pa lci ba'i nus pa dang ldan pa/ /rlung gi nad 'khru par byed pa/ mkhris pa dang bad kan gyi nad
 'ju bar byed pa yin no/ /de ni sbrang rtsi pi pi ling / /lde gus bskus la 'jag ma dang / /'jim pas bskus shing mes bsregs la/ /nyi ma chung zad dro bskoms pas/ /de yi rno bas bsal bar bya/ /zhes bya ba la/ dan da dang dra ba na ti'i rtsa ba de sbrang rtsi dang pi pi ling gnyis kyi lde
 gus bskus la 'jag ma dang 'jim pas kyang bskus te sman gyi dur bu'i tshul du bsregs la tshos par gyur pa dang / nyi ma'i tsha ba ha cang mi che ba la yang bskam par mi bya ste/ ci'i phyir zhe na/ de dag ni rno ba lus zungs la gnod par byed pa med pa dang / nyi ma'i tsha bas bsal zhing gzhig par
 bya'o/ /de ni chang dngas zho ga chu/ /dar ba mnan chang pi lu yi/ /khu ba gang yang rung sbyar blud/ /nyam chung skran dang gcin snyi dang / /dmu rdzing sbyar ba'i dug rnams sel/ /zhes bya ba la/ de ltar byas pa'i rtsa ba de/ lde gur byas pa la chang gi dngas ma la sogs pa gang yang rung ba dang
 sbyar te blud na lus nad kyis nyams smad pa'i skran la sogs ba'i nad rnams sbyong bar byed do/ /ba glang ri dgas ra sha yi/ /khu bar sbyar bas skya rbab dang / /lto srin mtshan bar rdol nad sel/ /zhes bya ba la/ dan da dang dra ban ti'i rtsa ba'i phye ma ba glang ngam ri dgas sam ra sha'i khu ba dang
 sbyar te blud na skya rbab dang lto na srin bu yod pa dang / mtshan par rdol ba'i nad sel cing sbyong bar byed do/ /de bskol khu ba lde gu dang / /rtsa ba bcu yi khu bar bskol/ /rtsa ba bcu yi khu bar bskol/ /mar gyis me dang la khong 'bras dang / /'brum phran mtshan khung tsha ba sel/ /zhes bya ba la/ dan da dang dra ban ti'i
 rtsa ba btags ba'i lde gu rtsa ba bcu bskol ba'i khu ba dang / bskol ba'i mar blud na me dbal gyi nad la sogs pa sel bar byed do/ /til mar bcas pas skran za khu/ /gzhang 'brum rtug 'gags bad rlung sel/ /zhes bya ba la/ bshad ma thag pa'i cho ga 'di nyid kyis til mar bskol
 te bskus na skran la sogs pa'i nad sel bar byed do/ /snum chen sbyar pas khu chu bshang / /'phyen 'gags rlung gi nad rnams sbyong / /zhes bya ba la/ cho ga 'dis snum chen po ste zhun mar dang rkang dang tshil dang til mar bskol ba blud na khu chu 'gags pa la sogs pa'i nad dang rlung gi
 nad gzhan dag kyang sbyong bar byed do/ /dur byid la sogs dgu po 'di/ /bkru sman gyi ni rab mchog yin/ /zhes bya ba la/ dur byid rnam gnyis dang / dong ga la sogs pa sman dgu po 'di dag ni bkru sman rnams kyi nang na mchog tu gyur pa yin no/ /a ru ra yang dur byid kyi/ /cho ga bzhin
 du sbyar bar bya/ /zhes bya ba la/ a ru ra yang gong du bshad pa'i dur byid kyi cho ga bzhin du bshad par bya ste/ de nas dus su de'i phye ma/ /rgyam tsha dong ga cung zad gdab/ /rlung nad la ni skyur las blud/ /ces bya ba la sogs pa sbyar pa'i bar ji snyed smos pa rnams la dur byid kyi gong
 a ru ra bcug la sman gyis sbyang bar bya'o/ /bu ram srang brgyad a ru ra/ /nyi shu dan da tsi tra ka /srang re pi pi ling dur byid/ /zho ni gnyis gnyis lhan cig sbyar/ /ri lu bcu byas zhag bcu bar/ /ri lu re re zos rjes la/ /chu dron blud cing cho ga 'dis/ /
 de dag thams cad zos gyur na/ /kun zos bsrung ba 'ang mi dgos par/ /'dis ni thams cad sel bar byed/ /mchog tu skya rbab pho ba'i nad/ /lpags nad zlum po gzhang 'brum dang / /g.yan pa'i nad rnams sel ba yin/ /zhes bya ba la/ bu ram srang
 brgyad dang / /a ru ra rdog ma nyi shu/ dan da dang tsi tra ka srang re re/ /pi pi ling dang dur byid gnyis zho gnyis gnyis sbyar la de dag las ri lu cha mnyam pa bcur byas te/ ri lu re re zhag bcu bcu'i bar du zos la/ de'i rjes la chu dron blud de cho ga 'dis ri lu
 de thams cad zos par gyur na ri lu 'dis cho ga bsrung zhing bsdams mi dgos par nad thams cad sel cing 'joms par byed pa yin la/ de las kyang khyad par du skya rbab la sogs pa'i nad sel zhing 'joms par byed pa yin no/ /chung ngu 'ang don ni chen po dang / /chen po 'ang las ni nyung zad
 dang / /'dre dang dbye ba byas pa dang / /dus dang sbyor ba ldan par byed/ /ces bya ba la/ /chung ba ste nus pa chung ngu yang tshad chen po dang ldan pas don chen po ste/ las su bya ba chen po byed par 'gyur ba dang / nus pa chen po dang ldan pa dag kyang tshad chung ngur btang bas/ las kyi bya ba
 nyung zad byed cing nus pa zhan par 'gyur te/ ji lta zhe na/ 'dres pa la sogs pas bya ba de dag byed de/ de la sman rnon po dang sbyar ba chung ngus kyang don chen po byed par 'gyur la/ /mang po yang sman rnon po dang / dbye zhing de dang mi ldan na las nyung zad byed par 'gyur ro/ /de bzhin dus
 kyis kyang sman btul zhing 'jam pa de nyid sos ka'i tshe btang na don chen po byed par 'gyur la/ sman rnon po yang dgun gyi dus su btang na las nyung zad byed par 'gyur ro/ /sbyor ba ni nus pa skyed par byed pa ste/ sbyor ba des na sman 'jam po rnon po dang sbyar bas kyang don chen po byed par 'gyur
 la/ sman rnon po yang sman rtul po dang sbyar na yang las nyung zad byed par 'gyur ro/ /yang de bzhin du rigs pa'i sbyor bas nus pa zhan pa'i sman de nyid sman rnon po dang ci rigs par sbyar na rnon por 'gyur la/ de bzhin du sman rnon po yang nus pa zhan pa'i sman dang sbyar na rtul por 'gyur ro/
 de yang drang srong tsa ra kas/ /sman ni 'dre bas chung ngu yang / /las ni mang po byed par 'gyur/ /de bas sman ni nus pa dag /mtshungs pas nye bar sbyar bar bya/ /chu med srin bus gnod ma byas/ /yul dang dus kyi yon tan ldan/ /tshad ni chung dang lhag par ldan/ /nus pa mtshungs
 shing legs sbyar la/ /snum dang dugs kyi cho ga byas/ /sman ni rno ba nyid du 'gyur/ /yon tan 'di dag chung zad sman/ /sngar bshad tshad kyis mnyam 'gyur la/ /snum dugs legs par ma byas la/ /sman gyi nus pa 'bring por 'gyur/ /sman mthu chung zhing rtsub
 pa dang / /tshad ni chung bar gyur pa dang / /mthu ni mi mtshungs sbyar gyur pas/ /shugs dal lta bur nus zhan 'gyur/ /zhes bya ba bshad pa yin no/ /shing tsha nA ga ge sar dang / /a mra ta ka se'u 'bru dang / /sug smel kha ra sbrang rtsi dang / /kha lung chang sogs de dang
 de/ /yid dang rjes su mthun pa yi/ /rigs pas bkru sman gtang bar bya/ /zhes bya ba la/ shing tsha la sogs dang ldan pa'i bkru sman de dang de nad pa so so'i yid dang rjes su mthun pa 'dir ma bshad par gzhan dag kyang ci rigs par sbyar zhing bkru sman du gtang bar mi bya ste/ gang gi
 phyir yid dang rjes su mi mthun zhing zhe 'gras pa yid du mi 'ong ba dag byin na slon pa la sogs pa 'byung bar 'gyur ba'i skyon yod pa'i phyir ro/ /yan lag brgyad pa'i snying bo'i rnam par 'grel pa tshig gi don gyi zla zer zhes bya ba/ slob dpon zla ba la dga' bas nges par sbyar ba las/
 cho ga grub ba'i gnas kyi le'u gnyis ba'i 'grel pa'o// //de nas skyug sman dang bkru sman gyi nyes pa grub par bya ba'i cho ga bshad bar bya'o/ /zhes bya ba la/ skyug sman dang bkru sman gyi cho ga bshad nas de dag nyid kyi cho ga'i sbyor ba phyin ci log tu gyur pa de grub par bya zhing
 gso bar bya ba dang / bcos par bya ba'i sbyor ba bshad par bya ba'i phyir le 'u 'di brtsams pa yin no/ /skyug sman lto ni snyi pa 'am/ /ltogs pa 'am bad kan shas chung ba 'am/ /shin tu rno ba 'am grang ba'ang chung / /ma zhu ba 'am nyam chung la/ /blud na nad 'byung re ba nyams/ /
 de tshe thur 'byung nad slong 'gyur/ /de la slar yang snum chos bya/ /sngar gyi skyon bral skyug sman gtang / /zhes bya ba la/ gal te skyug sman nad pa lto snyi bar gyur ba 'am/ /ltogs shing bkres par gyur pa 'am/ bad kan gyi shas chung ba 'am/ shin tu rno ba la sogs pa la blud
 par gyur na/ nad gyen du 'byung ba'i re ba des nyams par 'gyur zhing 'dod pa'i don thob par mi 'gyur la/ sman yang thur du 'byung bar 'gyur zhing slar yang nad bslangs shing skyed par 'gyur ro/ /nyes pa de la slar yang snum chos bya la slar skyon gang gis
 nyes par gyur pa de ran par byas la tshad dang dus la sogs par ltos pa'i sman gyis de skyugs shing slon du gzhug par bya'o/ /bkru sman ma zhu bad kan dang / /ldan pa 'am shin tu rno ches pa/ /dro ba 'am lan tshwa shas che ba/ /yi gar mi 'ong mangs pa yis/ /gyen du rgal bar
 gyur pa dag / sngar bshad nyes pa de la ni/ /grub pa'i sbyor ba de bzhin bya/ /zhes bya ba la/ bkru sman de nad pa ma zhu ba dang ldan pa 'am/ bad kan dang ldan pa la ni shin tu rno ches ba 'am lan tshwa shas che ba'i yi gar mi 'ong zhing yid dang mi 'thad pa 'am/ sman shin tu mang po
 'thungs pas tshad las ches bar gyur pa la sogs pas gyen du rgal zhing kha'i sgro las byung bar gyur pas sngar bshad pa'i nyes pa nad 'byung ba'i re ba nyams pa dang / nad slar la glongs par gyur pa dag la grub pa'i sbyor ba yang sngar bshad pa dang 'dra bar nad pa de snum chos bya zhing sngar
 gyi skyon gang yin pa yang ngos zin par byas la/ tshad dang dus la sogs pa la ltos pa'i bkru sman btang zhing sngar skyon du gyur pa'i nyes pa dag kyang spang bar bya'o/ /de yang snod du ma chags na/ /gsum po de la blud mi bya/ /gzhan du goms pa 'am zhim pa yi/ /sman ni gnod pa
 med pa gtang / /zhes bya ba la/ de ltar gso ba log par gyur pa'i tshul gyis blud pas sman de yang khong pa'i snod kyi nang du chags par ma gyur cing yang gyen du rgal bar gyur na/ de'i 'og du sman gsum po de la blud par mi bya zhes gzhan du sngar goms par gyur pa dang / zhim zhing yi
 gar 'ong ba'i sman gnod pa med pa'i lde gu la sogs pa skyin pa ni ma gtogs te/ yon tan de lta bu dang ldan pa ni gsum pa yin yang gtang bar bya'o/ /snum chos dugs ni ma byas la/ /sman ni rnying zhing rtsub pa yis/ /nad slong phyin par ma gyur pas/ /mgo 'khor skran dang skyigs bu dang / /
 mun par mthong dang skom dad che/ /byin snying na zhing lus g.ya' dang / /brla na kha dog mi sdug pa'i/ /nad ni skyed par byed pa yin/ /zhes bya ba la/ nad pa snum chos dang dugs ma byas pa'i lus la sman rnying pa dang rtsub pa dag gis nang glongs shing gnas las bskyod nas phyir 'byin
 cing bskyod par ma nus pas mgo 'khor ba la sogs pa'i nad skyed par byed pa yin no/ /snum chos dugs byas sman nyung zhing / /me drod che bas zhu gyur pa 'am/ /grang bas rengs pa 'am ma zhu bas/ /nad glongs pas ni ma phyin pas/ /nad ni de dag nyid skyed cing / /de nyid sbyor nyes thams
 cad yin/ /zhes bya ba la/ snum chos dang dugs legs par byas pa'i nad pa la sman shin tu thun chung zhing nyung ba byin pa 'am/ pho ba'i me drod che bas sman tshad chung ngu de zhu bar byas ba 'am/ grang bas rengs shing 'thas par gyur pa 'am/ ma zhu ba dang ldan pas nad glongs nas phyir
 'byin par ma nus pa dag gis sngar bshad ma thag pa'i nad mgo 'khor ba dang skrangs pa la sogs pa de dag nyid skyed par byed de/ de dag nyid ni sbyor ba nyes pa zhes bya ba thams cad yin no/ /de la til mar rgyam tshas bskus/ /gshag ma rdo bas dugs byas shing / /mas gtong drag
 byas skam sa'i sha / kha zas byin la 'jam rtsi ni/ /po son cha dang pi pi ling / /thang shing til mar bskol ba gtang / /zhes bya ba la/ de lta bu'i nyes ba dang ldan pa'i mi de la til mar dang rgyam tshas lus bskus la/ gshag ma rdo yis dugs bya zhing mas gtor ba drag po ni ru ha byas la skam
 sa'i sha khu dang zas byin pa po son cha la sogs pa dang bskol ba'i til mar gyi 'jam rtsi mas gtong ba chad dang ldan par byas pa nad gzhi dang lus zungs la sogs pa'i tshul la brtags te gtang bar bya'o/ /rlung 'joms snum gyis snum chos bya/ /slar yang bkru sman rnon pos sbyang / /zhes bya ba la/
 yang de la rlung 'joms par byed pa'i snum gyi sbyor bas snum chos byas la/ bkru sman snga ma bas rno ba btang la sbyang bar bya'o/ /nad gzhi che zhing khong rtsub la/ /me drod chung dang sman chung ba/ /rtug skam bcas pas glongs pa dang / /nad kyis lam ni 'gags par 'gyur/ /mi bzad sbo dang lte ba dang / /
 rgyab dang rtsib logs mgo bo na/ /phyi sa gcin 'gags dbugs mi bde/ /mi bzad pa ni skyed par byed/ /ces bya ba la/ nad gzhi shas che ba dang / khong rtsub pa la sogs pa dang ldan pa dang / rtug skam dang bcas pas gyen du 'khyil zhing nad glongs pa dang /
 nad des rtsa sbubs kyi lam 'gags par byas nas mi bzad par sbo ba dang / lte ba la sogs par na ba dang / phyi sa 'gags pa la sogs pa brnag par dka' ba skyed par byed par 'gyur ro/ /bsku dang dugs dang reng bu sogs/ /mas gtong drag po 'jam rtsi bya/ /rtug skam sel ba'i gso
 dpyad las/ /thams cad sbo ba dag la phan/ /zhes bya ba la/ sbo ba la sogs pa'i nad dang ldan pa'i mi de la sogs pa'i nad rnams dang / rtug skam sel ba'i gso dpyad kyi las gzhang 'brum gso ba'i skabs su bshad pa thams cad phan no/ rtsa ba lnga pa nas tshig 'khus/ shu dag
 pi ti ka rany+dza/ /rgyam tsha nas thug legs sbyar bas/ /gzer nad rtug skam lto sbos 'joms/ /zhes bya ba la/ /rtsa ba lnga po la sogs pa'i sman dang / nas thug legs par g.yos pas ni gzer la sogs pa'i nad rnams sel bar 'gyur ro/ /thal sman se'u 'bru pi pi ling / /
 shing kun bca' sga star bu dang / /rgyam tsha bcas pa'i chang ngam ni/ /mar ram chu dron sbyar ba blud/ /mkhregs shing yongs su 'dzag pa dang / /na zhing bcad snyam sems pa sel/ /zhes bya ba la/ thal sman ya bak+Sha ra dang se'u 'bru la sogs pa chang la sogs pa gang yang rung pa dang
 sbyar te blug na mkhregs shing 'khru ba la sogs pa'i nad sel bar byed do/ /sman 'thungs gyur pa'i shugs bkag ni/ /rlung la sogs pa'i nad rnams ni/ /'khrugs te snying gi phyogs song nas/ /snying nad mi bzad skyed par byed/ /skyigs bu lud pa rtsib logs na/ /rmya zhing mig
 'gul kha chu 'dzag / dran pa nyams shing lce 'cha' la/ /so ni khrig khrig 'cha' bar byed/ /ces bya ba la/ nad pas sman 'thungs par gyur nas/ 'byung bar 'gyur pa'i shugs bkag cing brnags te 'byung du ma ster na rlung la sogs pa'i nad 'khrugs shing ldang bar 'gyur te/ snying
 gi phyogs su song nas snying gi nad btsir ba snyam sems pa la sogs pa mi bzad cing brnag par dka' ba skyed pa dang / skyigs bu la sogs pa'i nad 'byung bar 'gyur ro/ /de la sman pa ma rmongs pas/ /mkhris pas nyen la mngar ba dang / /bad kan gyis nyen kha ba yi/ /skyug
 sman dag ni myur du gtang / /zhes bya ba la/ de lta bu'i gnas skabs su gyur pa'i nad pa de la sman pa rmongs shing 'khrul bar ma gyur pas gal te nad de mkhris pas brgyal bar gyur pa yin na/ sman mngar ba'i skyug sman blud de myur du skyug tu gzhug la/ bad kan gyis brgyal
 ba yin na/ sman kha ba'i skyug sman blud de skyug tu gzhug par bya'o/ /de nas de la smin byed pa'i/ /nad kyi lhag ma smin par bya/ /zhes bya ba la/ de nas nad pa de smin par byed pa'i sman gyis nad lhag ma rnams smin cing zad par bya'o/ /de yi me drod lus kyi stobs/ /rim gyis
 mngon par 'phel bar byed/ /ces bya ba la/ yang nad pa de'i pho ba'i me drod dang lus kyi stobs rjes su mthun pa'i sman dang / /zas dang skom gyis rim gyis mngon par 'phel bar bya zhing bskyed par bya'o/ /shas cher slon gyur rlung gis ni/ /gang gi snying ni gzir gyur pa/ /
 de la snum 'gyur lan tshwa sbyin/ mkhris pa bad kan de las gzhan/ /zhes bya ba la/ gang zhig shas cher slon par gyur pas rlung gis snying gzer zhing na bar gyur pa de la/ sman dang / zas dang / skomasnum pa dang / skyur ba dang / lan tshwa'i shas che ba sbyin par bya'o/ /
 mkhris pa dang bad kan gyi shas che ba slon pa'i nang ni de las gzhan pa ste/ rtsub pa dang kha ba dang bska ba'i zas skom dang sman sbyin par bya'o/ /sman ni 'thungs par gyur nas shugs/ /bkag par gyur pa 'am bad kan gyis/ /'gags pa 'am shin tu sbyangs gyur pa'i/ /
 lus la rlung ni 'jug gyur nas/ /rengs dang 'dar dang zug pa dang / /lus snyom dkris snyam sems shing zug /ces bya ba la/ skyes bu sman 'thungs par gyur nas shugs 'byung ba bkag pas rlung gis lam srang 'gags par byas pa dang / bad kan gyis 'gags
 par byas pa 'am/ yang na shin tu sbyangs shing slon khrus drags par gyur pas lus la rlung 'jug par 'gyur te/ des rlung rengs pa la sogs pa'i nad 'byung bar 'gyur ro/ /de la rlung ni 'joms pa yi/ /snum chos dugs sogs thams cad bsngags/ /
 zhes bya ba la/ sbyor ba nyes pa de la ni rlung 'joms par byed pa'i gso ba dang snum chos la sogs pa thams cad phan no/ /sogs pa smos pas ni 'jam rtsi dang / bkru ba dang sman chu blugs pa dang / lus bying ba dang / kha zas dang / skom dang / sman rlung 'joms par byed pa dag
 bsdu'o/ /sman thun che la rno ba ni/ /bkres nyen lto snyi la blud na/ /bad kan mkhris pa bshang ba ni/ /bsal nas lus zungs 'dzag par byed/ /ces bya ba la/ bkres pas nyen pa dang / lto snyi ba'i nad pa la sman thun che zhing mang bar btang bar gyur na/ bad kan la sogs pa
 myur du bsal zhing phyung nas dngas ma la sogs pa'i lus zungs rnams 'jag cing 'byung bar byed do/ /de la sbyor drags mngar ba yi/ /sman gyis lhag ma slon du gzhug /ces bya ba la/ sbyor ba drags ba'i nyes ba byung ba de la mngar ba'i sman gyis ma zhu ba'i sman lhag ma slon du
 gzhug cing sbyar bar bya'o/ /skyug sman drags la bkru sman gtang / /'khrus drags skyug sman 'jam po gtang / /zhes bya ba la/ skyug sman gyi sbyor ba drags pa la ni bkru sman gtang bar bya'o/ /bkru sman drags par gyur pa la ni skyug sman 'jam po gtang bar bya'o/ /de la chu grang
 blud pa dang / ro smad bcings pas gcad par bya/ /zhes bya ba la/ sbyor ba drags pa'i nad pa de la chu grang blud par bya'o/ /ro smad man chad bcings pa dang zas dang skom shin tu bsil bas de gcad par bya'o/ /stang zil tsan+dan pu shel dang / /ra khrag kha ra'i chu dang ni/ /'bras yos phye
 ma'i skyo ma ni/ /sbyor drags sel ba'i dam pa yin/ /zhes bya ba la/ stang zil de dngul rdo la sogs pa dang sbyar ba'i chu dang 'bras yos skyo mar byas pa ni sbyor ba drags pa sel ba'i mchog yin pas de blud par bya'o/ /slon sman sbyor ba drags pa la/ /chu grang dag ni blugs
 par bya/ /rgun 'bru la sogs khu ba mar/ /sbrang rtsi kha ra'i skyo ma blud/ /ces bya ba la/ skyug sman gyi sbyor ba drags pa la chu grang gis lus la blugs par bya zhing rgun 'bru la sogs pa'i skyo ma blud par bya'o/ /sgregs par bcas pa shin tu skyugs/ /mur ba 'u su gla sgang
 dang / stang zil ma du ka'i phye ma/ /sbrang rtsir bcas pa'i lde gu sbyin/ /zhes bya ba la/ sgregs par bcas par drag tu skyug pa la mur ba la sogs pa'i phye ma sbrang rtsi dang lde gur sbyar ba sbyin zhing bldag tu gzhug par bya'o/ /slon mthar lce ni 'khums pa la/ /snum dang skyur dang lan tshwa dang / /
 ldan pas mkhur ba bkang ba dang / /yid 'ong yu sha sha khu phan/ /zhes bya ba la/ mi slon drags pas lce 'khums shing / nang du zhugs par gyur pa la snum la sogs pa dang ldan pas mkhur ba bkang ba dang / de bzhin du/ yid du 'ong ba'i yu sha dang sha khu blud na phan no/ /de yi
 mdun du mi gzhan ni/ /'bras bu skyur pa za ru gzhug /ces bya ba la/ lce 'khums pa'i nad pa de'i mdun du skyes bu gzhan 'bras bu skyur pa zar bcug na phan no/ /lce phyir byung la til dang ni/ /rgun 'bru'i lde gu bskus nas gzhug /ces bya ba la/ /slon drags pas lce phyir
 byung zhing sdud mi shes pa la ni til dang rgun 'bum btags pa'i lde gus bskus la nang du gzhug par bya'o/ /tshig lkugs rlung gi nad la ni/ /mar dang sha dang g.yos pa yi/ /nas thug sla ba sbyin bya zhing / /snum dang dugs kyi sbyor ba bya/ /zhes bya ba la/ tshig lkugs shing thogs pa dang /
 de bzhin du rlung gi nad ldang ba la ni dus shes pa'i sman pas mar dang sha dang g.yos su byas pa nas thug sla ba sbyin par bya zhing / de bzhin du snum dang dugs kyi sbyor ba dang ldan par bya'o/ /sman gyi sbyor ba drags pa yis/ /srog ces bya ba'i khrag phyung bas/ /gang phyir de ni srog 'phrog pas/ /
 srog len pa ni yin par bshad/ /ces bya ba la/ sman gyi sbyor ba drags pas shas cher 'khrus pa na/ srog ces bya ba'i khrag 'byung bar 'gyur la/ des ni mi rnams kyi srog 'phrog cing gsod par byed pas de'i phyir de la ni srog len pa zhes slob dpon gyis bshad do/ /khrag
 de dang ni zas bcas pa/ /khyi 'am bya rog la byin la/ zos na srog ces brjod par bya/ /ma zos mkhris pa yin par bshad/ /ces bya ba la/ srog ces bya ba'i khrag 'khrus pa de dang zas su sbyar la/ khyi 'am bya rog la byin na/ gal te za bar
 gyur na ni/ srog ces bya ba'i khrag yin par brjod par bya la/ gal te za bar ma gyur na srog ma yin gyi mkhris pa yin par shes par bya'o/ /yang na ras dkar la bsgos te/ /bskams la chu dron gyis bkrus la/ /bkrus kyang dag par ma gyur na/ /mkhris pa'o dag na
 khrag yin no/ /zhes bya ba la/ yang na 'khrus pa'i khrag de ras dkar po la bsgos te/ de'i 'og tu nyi ma la bskams la/ de nas chu dron gyis bkru ste ma dag par gyur na ni mkhris pa yin la/ gal te de dag par gyur na ni srog ces bya ba'i khrag yin par shes par bya'o/ /
 skom dad brgyal dang myos pas nyen/ de la srog ni myur bsrung phyir/ /khrag dang mkhris pa sel pa yi/ /gso ba 'tsho ba'i bar du bya/ /zhes bya ba la/ skom dad la sogs pas nyen pa'i nad pa la srog bsrung bar bya ba'i phyir khrag dang mkhris pa sel ba'i gso ba ji
 skad bshad pa dag shis par gyur gyi bar du rgyun du bya'o/ /ri dgas ba glang ma he ra/ /gson po'i khrag ni phyung ma thag /srog ni 'byor bar byed pa blud/ /de ni myur du srog tu 'gyur/ /zhes bya ba la/ ri dgas la sogs pa gson po'i khrag phyung ma thag mi'i srog ces
 bya ba'i khrag 'byor cing 'dzin par byed pa yin pas de blud par bya ste/ des ni de'i srog myur du 'dzin par byed cing tshim par byed par 'gyur ro/ /de nyid 'jag ma dang mnyes pa'i/ /khrag ni 'jam rtsir gtang bar bya/ /zhes bya ba la/ khrag de nyid 'jag ma dang mnyes te
 btsags pa'i 'jam rtsi mas gtong bar bya'o/ /dur byid tang pal shing mngar dang / /dUr ba pu shel tse 'o ma/ /bskol ba mar gyi snying po dang / /stang zil dang ni bcas pa yi/ /'jam rtsi grang mo gtang bar bya/ /zhes bya ba la/ dur byid la sogs pa'i sman dang 'o ma bskol ba dang /
 mar gyi snying po dang / stang zil dang bcas pa'i 'jam rtsi grang mo btang na yang phan no/ /spyi bag 'jam rtsi rab grang ba 'am/ /mar gyi snying po 'jam rtsi gtang / /zhes bya ba la/ yang na spyi bag gi 'jam rtsi rab tu grang mo 'khru ba gso ba'i skabs su bshad pa gtang bar bya ba 'am/
 de bzhin du mar gyi nying khu'i 'jam rtsi gtang bar bya'o/ /gzhang phyir byung la sman khu yis/ /'khru ba bcad la gzhug par bya/ /zhes bya ba la/ gzhang phyir byung ba la ni sbyor ba dang 'phrod pa'i sman gyi khu bas 'khru ba bcad la/ nang du legs par gzhug par bya'o/ /dran pa
 stor la rig byed tshig / gling bu glu dbyangs nyan du gzhug /ces bya ba la/ sman gyi sbyor ba drags pas dran pa stor bar gyur pa la ni snyan tshig gi rig byed dang / gling bu dang / glu dbyangs snyan pa nyan du gzhug cing yid gso bar bya'o/ /yan lag brgyad pa'i snying po'i rnam
 par 'grel pa tshig gi don gyi zla zer zhes bya ba/ slob dpon zla ba la dga' bas nges par sbyar ba las/ cho ga grub pa'i gnas kyi le'u gsum pa'i 'grel pa'o// //de nas sman mas gtong ba'i cho ga bshad par bya'o/ /zhes bya ba la/ sngar byas zin pa'i 'og tu
 'jam rtsi mas gtong bar bya ba yang rigs pa yin pas skyug sman dang / bkru sman gtang ba'i cho ga'i 'og tu le'u 'di brtsams pa yin no/ /ba la sle tres ra sna 'bras bu gsum/ /rtsa ba lnga pa rnam gnyis srang re'i tshad/ /po son cha brgyad ra sha srang lnga bcu/ /chu nang bskol te bzhi cha lus gyur pa/ /
 btsags par la la phud dang po son cha/ /bil ba ru rta sha ta puSh+pa dang / /shu dag gla sgang pi pi ling rnams kyi/ /lde gu bu ram sbrang rtsi mar dang ni/ /til mar rgyam tsha dag dang ldan gyur pa/ /dro 'jam cho ga bzhin du btang gyur pa/ /mas gtong mchog ste nad kun 'joms byed yin/ /nad
 med la phan tshe ring nyams brtas byed/ /'jam rtsi gang du lde gu ma smos pa/ /der ni kun la 'di nyid gzhug par bya/ /zhes bya ba la/ ba la nas rtsa ba bcu pa'i bar sman sna re zhing srang re'i tshad du byas pa dang / po son cha rdog ma brgyad srang gcig tsam yod pa dang / ra sha srang lnga bcu
 chu tshad bzhin du byas pa'i nad du bskol la/ de'i khu ba bzhi cha lus pa byas te/ de yang 'dir ba la la sogs pa sman sna bcu drug po de dag gi chu bcu drug 'gyur te/ chu srang nyis brgya lnga bcu rtsa drug yod do/ /de tsam dang de dag bskol la/ de'i bzhi cha ste/
 chu srang drug cu rtsa bzhi lus pa dang dbab par bya ste/ 'dir sman la ltos nas chu srang bcu drug 'gyur gzhug par ba'o/ /sha la ltos na ni chu shin tu bskol ba mang bas bskol ba thal ches par 'gyur ba'i phyir dang / dgos pa med pa'i phyir sman pa rgan po de dag de ltar nye
 bar sbyod par mi byed do/ /'dir dper brjod pa ni ra sna la sogs pa'i sman mar lud pa gso ba'i skabs su bshad pa lta bu yin no/ /de ltar bzhi cha lus pa'i sman gyi khu ba de btsags la/ de'i nang du la la phud la sogs pa btags pa'i lde gu dang bu ram dang sbrang rtsi la
 sogs pa dang ldan par byas pa dro 'jam tsam sngar bshad pa bzhin du mas gtong bar gyur pa ni 'jam rtsi'i mchog yin te/ nad thams cad 'joms par byed cing nad med pa la yang phan zhing tshe ring bar byed pa yin no/ /'dir lde gu la sogs pa'i tshad mas gtong ba'i cho ga
 las bshad pa ltar shes par bya ste/ de bde blag tu dran par bya ba'i phyir yang de nyid bstan par bya ste/ lde gu ni bskol ba'i sman gyi brgyad cha gzhug par bya ba 'am/ shin tu sla ba 'am shin tu ska bar ma gyur pa de tsam du gzhug la/ bu ram ni srang gcig gzhug par bya zhing
 sbrang rtsi dang rgyam tsha ni ci rigs pa gzhug par bya'o/ /'dir snum ni bskol ba'i sman khu'i bzhi cha dang cha mnyam par gzhug par bya'o/ /de yang gang gi phyir sbrang rtsi rgyam tsha la sogs pa ci rigs pa zhes bshad pa yin la/ rigs pa de yang bkru sman drug po mas gtong ba bshad pa'i tshig
 gzhan dag la bshad par bya ste/ de yang sprang rtsa dang til mar ni khyor bzhi gzhug par bya la/ rgyam tsha ni zho gnyis gzhug par bya'o/ /zhes ji skad bshad pa dang / de bzhin du snying po las/ snum dang sbrang rtsi re re zhing / /srang ni gsum gsum tshad du bya/ /zhes bya ba la sogs pa
 smras pa yin no/ /mas gtong ba'i 'jam rtsi'i skabs gang du lde gu'i sman ma smos pa de 'jam rtsi kun la yang la la phud la sogs pa'i lde gu 'di nyid gzhug par bya'o/ /rtsa ba bcu pa'i khu ba skyur dang ni/ /ra sha bcas pa snga ma btags pa dang / /snum chen gsum ldan mas gtong mchog
 yin te/ /rlang gi nad kun rab tu 'joms par bshad/ /ces bya ba la/ sman rtsa ba lnga pa che chung gnyis dang / ra sha dang bcas pa'i khu ba bskol ba cho ga bzhin du bskol ba'i sman gyi khu ba sbyor ba dang 'tsham pa'i skyur dang ldan pa dang sngar bshad pa'i la la phud la sogs pa'i sman btags pa
 gzhug pa dang / snum chen po gsum po til mar dang zhun mar zhag dang ldan pa 'am/ nad gzhi'i tshul las dpag te/ snum gsum po de dag las gang yang rung ba dang sbyar te mas gtong ba ni mas gtong ba'i dam pa yin te/ rlung gi nad thams cad 'joms par byed pa yin no/ /zhes drang srong rnams
 kyis bshad do/ /pa la pa tol rtsa ba chung ngu lnga/ /kyi lce ba dang e raN+Da dang nas/ /bskol ba'i khu ba bre gang ra sha'i khu/ /de yi phyed bcug la bskol bre gang lus/ /pri yang ku dang gla sgang pi pi ling / /lde gur byas shing til mar zhun mar dang / /sbrang rtsi rgyam tsha dang ni ldan gyur pa'i/ /
 'jam rtsi btang na me drod 'phel ba dang / /nyams stobs bskyed cing sha ni rgyas pa dang / /mig gi gsal stobs 'phral du skyed par byed/ /ces bya ba la sogs pa'i sman gyi tshogs bskol ba'i cho ga bzhin du legs par bskol ba bre gang dang ra sha'i khu ba bre phyed bcug la yang
 de bre gang lus kyi bar du bskol la/ pri yang ku dang gla sgang dang / /pi pi ling gi lde gu brgyad cha cha mnyam pa dang ldan pa til mar dang sbrang rtsi dang rgyam tsha dang ldan par byas pa'i 'jam rtsi des ni pho ba'i me drod 'phel bar byed pa la sogs pa skyed par byed pa yin no/ /e raN+Da'i rtsa srang
 gsum pa la sha / srang gsum rtsa ba lnga pa chung ngu dang / /ra sna pa la sle tres ba spru ba/ /a shwa gan+d+ha dong ga thang shing rnams/ po son cha brgyad chu bre brgyad du bskol/ /brgyad cha lus par gyur pa de yi nang / /shu dag shu ti sba ma'i 'bras bu dang / /pri yang ku dang shing mngar pi pi
 ling / /dug mo yungs kyi sa bon gla sgang dang / /skyer pa'i khaN+Dar bcas ba zhib tu btags/ /zho gnyis tshad kyis rgyam tshar bcas pa dang / /sbrang rtsi til mar ba gcin dang sbyar ba'i/ /mas gtong skyugs byed me drod skyed pa dang / /rkang pa byin pa brla
 dang 'jug to dang / /lto ba snyi dang pho mtshan na ba dang / /lus lci rlung dang bshang gci 'gags dang skran/ /rde'u chags rgyu rlugs gzhang 'brum pho ba'i nad/ /bad kan rlugs nad de dang de dag 'joms/ /zhes bya ba la/ e raN+Da'i rtsa ba dang pa la sha srang gsum
 gsum/ rtsa ba lnga pa chung ngu la sogs ba'i sman sna re zhing srang re/ /po son cha rdog ma brgyad chu bre brgyad de/ /srang nyis brgya lnga bcu rtsa drug gi nang du de thams cad bskol te/ bskol ba de las brgyad cha ste bre gang lus par gyur pa dang / sman gyi khu ba de'i nad du shu dag la
 sogs pa nas skyer pa'i khaN+Da dang bcas par zhib tu btags ba'i lde gu dang / rgyam tsha zho gnyis sam/ nad gzhi'i tshul las dpags pa'i tshad dang ldan pa'i sbrang rtsi la sogs pa sbyar bas mas gtong bas ni bad kan dang tshigs la sogs pa'i nad la sogs pa skyugs
 par byed pa dang / rkang pa'i nad la sogs pa bad kan dang rlung las gyur pa'i nad gang dag yin pa de dang de dag thams cad 'joms shing sel bar byed do/ /shing mngar seng phrom tsan+dan ut+pal a ru ra/ /tsan+dan ut+pal ba yi 'o mar bskol/ /'tsho byed kha ra mar dang bcas pa yi/ /
 'jam rtsis mkhris pa'i nad rnams sel bar byed/ /ces bya ba la/ shing mngar la sogs pa'i sman pa'i 'o mar bskol ba'i nang du 'tsho byed kyi sde tshan gyi lde gu dang kha ra dang mar dang bcas par sbyar ba'i 'jam rtsi mas gtong bas ni mkhris pa la sogs ba'i nad 'joms shing sel bar
 byed do/ /ra sna ba sha ka 'tshod byi tsher ba/ /ba la rtsa ba chung lnga rtswa yi lnga/ /thal tres tsan+dan shug pa rnam gnyis dang / /shing mngar seng phrom srang ni phyed phyed dang / /chu dang bskol ba'i khu ba de dang ni/ /'o ma bre bzhi bskol te chu ngu'i bar/ /dzi ban ti dang me da rnam
 gnyis dang / /nye'u shing ram nye ba gnyis bi da ri/ /ka she ru dang kha ra dkar po dang / /dzi ba ka dang pad+ma ge sar dang / /stag tsher ut+pal dang pad+ma dkar/ /seng phrom kha sral phre'u shing mngar dang / /nA ga ge sar mun dza ta ka dang / /tsan+dan rnam gnyis btags
 pa mar dang ni/ /sbrang rtsi rgyam tsha dang ni ldan byas pa/ /bsgrangs pa'i ni ru ha ni gtang bar bya/ /slar phyung skam sa'i sha khu 'am 'o ma dang / /'bras chen byin la lus la chu blugs bya/ /lus tsha tshad 'khru mngal nad khrag mkhris dang / /snying nad skya rbab mi bzod rims dang
 ni/ /skran bcas gcin 'gags mig ser la sogs pa/ /mkhris pa las gyur nad ni thams cad 'joms/ /zhes bya ba la/ ba sha ka ni bri sha'o/ /rtsa ba chung ngu lnga ni bri ha ti la sogs pa'o/ /rtswa'i rtsa ba lnga ni dUr ba dang / 'jag ma dang / bu ram shing dang /
 'dam bu dang / 'bras kyi rtsa ba'o/ /thal tres ni sha ri pa ste/ go sang gan+d+ha zhes bya'o/ /ra sna la sogs pa 'di dag sman sna re re zhing srang phyed phyed sman gyi khu ba bskol ba'i cho gas chu'i nang du bskol la/ de dang 'o ma bre bzhi bskol la chu du bar gyur cing 'o ma lus kyi bar
 du bskol nas de'i nad du dzi ban ti la sogs pa lde gu'i cho ga bzhin du btags te sbyar ba'i lde gu dang / mar la sogs pa dang ldan pa'i ni ru ha gtang bar bya'o/ /mas gtong ba de slar byung bar gyur na skam sa'i srog chags kyi sha khu 'am 'o ma dang sbags te/ 'bras chen sbyin par
 bya'o/ /de bzhin du lus la chu blugs shing khrus byas te de ltar btang ba'i 'jam rtsi des ni lus kyi khong tsha ba la sogs pa'i nad dang / mkhris pa las gyur pa'i nad thams cad 'joms par byed do/ /ko sha ta ka dong ga thang shing dang / /mur ba gze ma arka dug mo yungs/ /pa tha
 rgya sran bri ha ti chur bskol/ /khu ba srang ni nyi shu lus pa dang / /des ni yungs kar sug smel po son cha/ ru rta zho ni gnyis gnyis tshad dang ni/ /sbrang rtsi po son cha yi mar dang ni/ /thal sman yungs mar srang ni gnyis bcas pa/ /mas gtong me drod chung dang yi ga 'chis/ /bad
 kan las gyur nad ni kun la phan/ /zhes bya ba la/ ko sha ta ka la sogs pa'i sman gyi khu ba bskol ba'i cho gas bskol la de'i khu ba srang nyi shu ste/ khyor bcu lus par gyur te/ de nas ko sha ta ka nas bri ha ti'i bar gyi sman srang lnga bcu chu drug 'gyur gyi nang
 du bskol la/ khu ba srang ni nyi shu lus par byas la khu ba srang nyi shu po der yungs kar la sogs pa'i sman bzhi po zho gnyis dang bcas shing sbrang rtsi dang / /po son cha'i mar dang / thal sman dang / yungs mar sna re re zhing srang gnyis dang ldan par byas la/ mas gtong
 ba drag po ni ru ha zhes bya ba btang na me drod chung ba la sogs pa'i nad thams cad la phan no/ /de nas ni ru ha de ni/ /snum 'jam skyid de ba dang ni/ /las kyi lus snyom gyur pa'i sman / /srang ni gnyis gnyis so sor bshad/ /ces bya ba la/ de nas de'i 'og tu mas gtong ba
 ni ru ha snum zhing snum par byed nus pa 'jam zhing rtsub pa ma yin pa skyid de ba'i mi rnams dang / skyug sman la sogs pa'i las kyi lus snyom zhing rab tu zhig par gyur pa'i mas gtong ba'i sman srang gnyis gnyis mtshon pa so sor bshad par bya'o/ 'o ma las ni srang bzhir bya/
 sbrang rtsi til mar mar khyor re/ /gzar bus dkrugs pa'i mas gtong bas/ /rlung 'joms stobs dang kha dog skyed/ /ces bya ba la/ 'o ma las srang bzhi ste/ khyor do/ /sbrang rtsi dang / til mar dang / mar las srang gnyis gnyis te khyor re bsdus la gzar bus
 dkrugs pa'i mas gtong bas ni rlung gi nad rnams 'joms par byed cing / stobs dang kha dog rnams skyed cing 'phel bar byed do/ /til mar chang dang sbrang rtsi mar/ /khyor ni re re'i tshad du byas/ bil ba la sogs rtsa ba ni/ /khyor gnyis rgya sran khu ba ni/ /khyor
 do bcas pas rlung nad sel/ /zhes bya ba la/ til mar la sogs pa sna re khyor re ste srang gnyis gnyis/ /bil ba la sogs pa'i rtsa ba lnga'i sman khyor gnyis gnyis/ /rgya sran gyi khu ba khyor do ste srang bzhi dang bcas pa'i 'jam rtsi mas gtang bas ni rlung gi nad rnams sel bar byed
 do/ /pa to la dang nim pa dang / /lo ma bdun pa pu ti ka /ra sna'i khu ba srang gnyis gnyis/ /mar srang gnyis dang yungs kar gyi/ /lde gur byas pa kha ba lnga/ /bad kan mang dang srin nad dang / /mdze dang za kha'i nad rnams 'joms/ /zhes bya ba la/ /pa tol
 la sogs pa'i sman sna lnga po srang gnyis gnyis te/ khyor re dang mar srang gnyis te de khyor drug dang / yungs kar gyi lde gu dang bcas pa'i kha ba lnga pa zhes bya ba'i 'jam rtsi yin te/ des ni bad kan mang ba la sogs pa'i nad rnams 'joms par byed do/ /til mar ba gcin
 zho ga chu/ /skyur rtsabs khyor ni re re dag /yungs kar btags pa'i lde gur sbyar/ /rtug 'gags lto sbos sel byed yin/ /zhes bya ba la/ til mar la sogs pa khyor re re ste khyor bzhi dang yungs kar btags pa'i lde gus ni rtug pa 'gags pa la sogs pa sel zhing
 'joms par byed do/ /pa yas s+ya dang bu ram shing / /sa la pa r+Ni bi da ri/ /ra sna khyor re pi pi ling / /lde gu sbrang rtsi mar sbyar ba'i/ /mas gtong khu ba 'phel bar byed/ /ces bya ba la/ pa yas s+ya la sogs pa lnga po khyor re re bskol ba'i nang du pi pi ling gi lde gu
 dang / sbrang rtsi dang mar sbyar ba'i mas gtong bas ni khu ba 'phel zhing ro tsa bar byed do/ /de nas grub pa'i 'jam rtsi ni/ /nyes pa med cing 'bras bu che/ /stobs skyed lus 'phel bde bar byed/ /kun du sbyar bya bshad par bya/ /zhes bya ba la/ de nas de'i 'og tu grub pa'i 'jam
 rtsi ste 'bras bu dag gis mngon sum du mthong ba nyes pa med cing gnod par 'gyur ba'i skyon dang bral bar 'bras bu che zhing yon tan mang ba nyams stobs bskyed cing lus 'phel zhing rgyas par byed pa dang / dus kun tu sbyar zhing gtang bar bya ba gang yin pa de bshad par bya'o/ /sbrang rtsi til
 mar cha mnyam la/ /rgyam tsha zho gnyis shu ti bzhi/ /e raN+Da yi rtsa ba bskol/ /mas gtong sbrang rtsi til mar can/ /bcud kyis len te gcin snyi dang / /gzhang 'brum srin bu skran nad dang / /rgyu ma rlugs pa'i nad rnams sel/ /zhes bya ba la/ sbrang rtsi dang til mar gnyis cha
 mnyam por byas pa dang / rgyam tsha 'am/ lce myang tsha zho gnyis/ shu ti zho bzhi/ e raN+Da'i rtsa ba bskol ba dang / sbrang rtsi dang til mar bskol ba gtso bor gyur pa'i 'jam rtsi ni bcud kyis len du 'gyur zhing gcin snyi ba la sogs pa'i nad
 sel bar 'gyur ro/ /'di ni shing mngar phye mar bcas/ /mig la phan zhing khrag mkhris sel/ /zhes bya ba la/ bshad ma thag pa'i sman 'di nyid shing mngar gyi phye ma dang bcas pa'i 'jam rtsi ni mig la phan par byed pa dang / khrag dang mkhris pa'i nad sel bar byed do/
 gla sgang lde gu sbrang rtsi dang / /til mar sha khu mar bcas pa/ /'tsho bar byed pa zhes bya ste/ /gzhang gi nad dang brla nad dang / /chu so dang ni rlig pa dang / /pho mtshan zug pa'i nad rnams sel/ /zhes bya ba la/ gla sgang gi lde gu dang gong du smos pa'i 'jam rtsi 'di nyid
 sbrang rtsi dang til mar dang sha khu dang ldan pa ni ming 'tsho bar byed pa zhes bya ste/ gzhang gi nad la sogs pa sel bar byed do/ /sbrang rtsi mar dang zhag dang ni/ /til mar khyor ni re re'i tshad / /rgyam tsha zho gcig sba ma yi/ /'bras bu srang phyed bcas pa dang / /de yang 'tsho ba yin
 par bshad/ /ces bya ba la/ sbrang rtsi la sogs pa sna re zhing khyor re'i tshad dang / rgyam tsha zho gcig sba ma'i 'bras bu srang phyed dang sbyar ba de yang 'tsho bar byed pa zhes bya ba'i 'jam rtsi yin te/ des kyang gzhang gi nad la sogs pa sel bar byed do/ /e ran+Da'i rtsa bskol
 ba yi/ /khu ba shu dag pi pi ling / /po son cha yi phye mar bcas/ /sbrang rtsi til mar rgyam tshar bcas/ /'di ni shing rta can zhes bya/ /zhes bya ba la/ /e raN+Da'i rtsa ba bskol ba'i khu ba la sogs pa dang tshul bzhin du sbyar ba'i 'jam rtsi 'di ni ming shing rta can zhes
 bya ste/ des kyang gzhang gi nad la sogs pa sel bar byed do/ /de bskol shu dag shu ti dang / /shing kun rgyam tsha thang shing dang / /ra sna sbrang rtsi sbyar ba yi/ /'jam rtsis nad sel zhes bya dge /zhes bya ba la/ e raN+Da'i rtsa ba de bskol ba'i khu ba shu dag la
 sogs pa dang ldan pa'i 'jam rtsi ni ming nad sel zhes bya ste dge zhing mchog tu gyur pa yin no/ /rtsa ba lnga yi khu ba dang / /pi pi ling dang rgyam tsha dang / /shing mngar sbrang rtsi bcas pa yi/ /til mar grub pa'i 'jam rtsir bshad/ /ces bya ba la/ rtsa ba lnga pa
 bskol ba'i khu ba dang pi pi ling la sogs pa sbyar ba'i 'jam rtsi ni ming grub pa'i 'jam rtsi zhes bya ba yin no/ /rtsa ba bcu pa 'bras bu gsum/ /po son cha ni bil bar bskol/ /ba gcin dang ni de btags shing / /pa tha gla sgang dug mo yungs/ /lan tshwa po son
 cha til mar/ /thal sman lan tshwar bcas pa ni/ /rig pa'i 'jam rtsi bad kan nad/ /skya rbab gsud pa'i nad rnams dang / /khu ba rlung ni 'gags pa dang / /rlung 'khrugs pa la bsngags pa yin/ /zhes bya ba la/ rtsa ba bcu ba la sogs pa'i sman tshul bzhin du
 bskol ba ni rigs pa'i 'jam rtsi zhes bya ste/ des ni bad kan gyi nad la sogs pa sel bar byed pa yin no/ /gla sgang pa ta e raN+Da/ /sle tres ba la ba spru ba/ /ra sna btsod dang dong ga dang / /bu shel tse dang kyi lce ba/ /ba ru ra dang pu tse shel/ /rtsa ba lnga pa chung ngu rnams/ /
 srang re po son cha rdog brgyad/ /de ni chu bre bzhi nang bskol/ /bzhi cha lus pa btsags nas ni/ /'o ma bre dro dang bsres la/ /'o ma lus pa slar yang bskol/ /skam sa'i sha khu bzhi cha dang / /sbrang rtsi rgyam tsha shing mngar dang / /shu ti dur byid pi pi ling / /dug mo yungs
 dang skyer khaN+Da/ /btags pa dang ni bsres pa yi/ /'jam rtsi dro 'jam btang na ni/ /sha dang me drod lus kyi stobs/ /khu ba 'phel bar byed pa yin/ /dreg nad rmongs bag gcin snyi dang / /gzhang 'brum skran dang bshang gci 'gags/ /mi bzad rims dang me dbal dang / /
 rgyu rlugs lto spos mkhregs shing 'khru/ /chu so rked pa brla dku na/ /gnye'u rengs rna ba mgo yi nad/ /zla mtshan nad dang smyo byed dang / /'or nad lud pa rde'u chags dang / /gcin 'khyil pa yi nad rnams 'joms/ /dbang po nyams shing zhum pa dang / /mig la
 phan zhing bu skyed byed/ /'tsho byed rgyal po bcud len yin/ /zhes bya ba la/ /gla sgang nas rtsa ba lnga pa chung ngu'i bar sman re re zhing srang re re dang / po son cha brgyad chu bre bzhi'i nang du bskol la/ de las bzhi cha ste/ bre gang lus pa btsags nas sman
 gyi khu ba dang 'o ma bre do bsres la/ yang 'o ma lus nas chu du bar gyur gyi bar du bskol la/ de'i nang du skam sa'i srog chags kyi sha khu bzhi cha dang sbrang rtsi dang rgyam tsha la sogs pa dang bsres pa'i 'jam rtsi dro 'jam tsam btang bas ni sha la sogs pa 'phel bar byed pa dang / dreg nad
 la sogs pa 'joms par byed pa dang / mig la phan zhing bde bar byed pa dang / bu skyed cing mngal 'chags bar byed de 'tsho byed kyi 'jam rtsi rnams kyi rgyal po yin zhing yon tan gyis khyad par 'phags par byed pa dang / bcud kyis len du 'gyur ba yin no/ ri dgas phra
 mo mgo chung ba/ /rtsa ba bcu pa bskol ba'i chu/ /sba ma'i 'bras bu shu ti dang / /gla sgang lde gu snum chen bcas/ /mas gtong rlung ni sel ba'i mchog /shin tu ro tsar byed pa yin/ /zhes bya ba la/ ra dgas phra mo ri bong la sogs pa dang / mgo bo chung ba phag
 rgod la sogs pa'i chu dang / sba ma'i 'bras bu la sogs pa'i lde gu dang / snum chen po zhun mar dang / til mar dang / rkang dang / tshil gcig tu sbyar ba mas gtong ba ni rlung gi nad sel bar byed pa'i mchog yin zhing de bzhin du ro tsa bar byed pa yin no/ /rma bya'i mkhris
 pa gshog pa dang / /rgyu ma rkang ba mchu rtug pa/ /bor ba'i sha ni 'ba' zhig dang / /rtsa ba lnga pa chung ngu ni/ /srang re dang ni ldan gyur pa/ /chu dang 'o mar bskol nas ni/ /'o ma lus par sbrang rtsi mar/ /bcas dang de bzhin bi da ri/ /shing mngar shu ti pi pi ling / /po son
 cha yis lde gur bsres/ /rgyam tsha cung zad btab pa yi/ /'jam rtsi stobs 'phel ro tsa'i mchog /ces bya ba la/ rma bya'i gshog pa la sogs pa bor ba'i sha 'ba' zhig dang / rtsa ba lnga pa chung ngu srang re chu dang 'o ma brgyad 'gyur gyi nang du bskol la/ chu du ste 'o ma lus
 pa sbrang rtsi de mar dang bcas par byas pa dang / pi da ri la sogs pa'i lde gu bcug la/ rgyam tsha cung zad btab pa'i 'jam rtsi ni shin tu stobs skyed bar byed pa dang / ro tsa bar byed pa'i mchog yin no/ /gong ma sreg la sogs pa yang / /cho ga 'dis ni so sor
 bya/ /khron gyis gzas tshol thams cad dang / /mthu rtsal mchu yis gzas tshol ba/ /chu la gnas pa'ang de bzhin te/ /nya la 'o ma spang bar bya/ /zhes bya ba la/ bshad ma thag pa'i rma bya'i sha'i skabs kyi cho ga 'di ni gong ma sreg la sogs pa dang / khron gyis
 gzas tshol ba la sogs pa'i sha re re la yang de cho ga bzhin du bya la/ chu la gnas pa'i srog chags ngang pa la yang de bzhin du bya zhing / ro hi ta la sogs pa'i nya la yang cho ga de bzhin du byas la nya'i skabs su sngar gyi 'o ma smos pa de spang bar bya'o/ /sram dang ne'u le byi la dang / /
 reg 'jam byi ba rnams kyi sha/ /re re srang bcu rtsa ba lnga/ /'o ma'i nang du bskol ba la/ /'o ma der ni po son cha/ /pi pi ling dang lan tshwa gnyis/ /kha ra til mar sbrang rtsi mar/ /'jam rtsi btang ba bcud len yin/ /rtsol bas dkrugs nas glo 'grams dang / /dbang
 po nyams dang gzi mdangs stobs/ /khu chu bshang gci 'gags pa dang / /dreg nad kyis 'theng nad rnams dang / /rta dang glang po shing rtas g.yengs/ /rkang lag chag grugs gyur pa la/ /slar ni bde bar 'tsho byed cing / /ro tsa byed pa'i mchog yin no/ /kha sral bu ram
 shing phran las/ /g.yos su byas pa'i 'o thug blud/ /ces bya ba la/ sram la sogs pa'i sha srog chags re re'i srang bcu bcu dang / rtsa ba chen po lnga las sna re re zhing srang bcu bcu 'o ma bcu 'gyur gyi nang du bskol la 'o ma de'i nang du po son cha dang pi pi ling gi lde gu lan tshwa gnyis
 la sogs pa dang ldan ba'i 'jam rtsi bcud kyis len gyi dam par 'gyur zhing / rtsol bas lus dkrugs shing bskyod de glo 'grams par gyur pa'i mi dang dbang po nyams shing zhum par gyur pa la sogs pa rnams slar yang bde bar 'tsho bar byed cing / skyon de dag sel bar byed pa
 dang ro tsa bar byed pa'i sbyor ba rnams kyi nang na mchog dam pa yin no/ /sman gyi sbyor ba 'di la ni/ kha sral pad+ma kun da dang / bu ram shing ni phra mo las g.yos su sbyar ba'i 'o thug tu sbyar ba blud par bya'o/ /snum zhing bsdam
 pa mi dgos pa'i/ /grub pa'i sman ni sbyar bar bya/ /zhes bya ba la/ grub pa'i sman gong du bshad ma thag pa'i sbrang rtsi til mar cha mnyam la/ /rgyam tsha zho gnyis shu ti bzhi/ /e raN+Da yi rtsa ba bskol/ /mas gtong 'jam rtsi til mar can/ /zhes bya ba la
 sogs pa smos pa'i snum gyi mas gtong ba bsdams shing bsrung bar bya mi dgos pa grub pa'i sman gyi sbyor ba ni ru ha gtang bar bya'o/ /nad 'joms bsrung dang bcas pa yi/ /snum gyi 'jam rtsi bshad bya ste/ /zhes bya ba la/ 'di man chad kyi snum gyi mas gtong
 'jam rtsi zhes bya ba nad kyi tshogs 'joms par byed cing bsrung zhing bsdams pa dang bcas pa khyad par du rlung nad 'joms par byed pa gang yin pa de bshad pa yin no/ /rtsa ba bcu pa ba la dang / /ra sna a shwa gan+d+ha dang / /ba spru ba dang e raN dang / /sle tres ga
 bra'i rtsa ba dang / /ba sha ka dang pu ti ka /sa ha ra dza nye'u shing pa/ /ka ka na se srang re dang / /nas dang ma sha zar ma dang / /rgya shug rgya sran khyor re'i tshad/ /chu bre drug cu rtsa bzhir bskol/ /de las bre ni bcu drug lus/ /'tsho byed sde ni srang re bcug /
 til mar bre ni bzhi dang bskol/ /'di ni 'jam rtsir btang gyur na/ /rlung nad thams cad sel bar byed/ /ces bya ba la/ rtsa ba bcu pa la sogs pa'i sman sna re re zhing sngar re dang / /nas la sogs pa'i khyor re la srang gnyis gnyis/ chu bre drug cu rtsa bzhi ste/ /
 dro na bzhi'i nang du bskol la/ de las bcu drug ste/ dro na gcig lus pa dang / 'tsho byed kyi sman kyi sde tshan srang re bcug la/ til mar bre bzhi dang bskol te 'jam rtsi 'di btang na rlung las gyur ba'i nad thams cad sel zhing 'joms par byed pa yin no/ /de
 bzhin skam sa'i srog chags sha/ /'tsho byed sde dang bcas par bskol/ /zhes bya ba la/ skam sa'i srog chags kyi sha'i zhag 'tsho byed sna bcu dang bskol ba'i 'jam rtsi btang na yang rlung las gyur pa'i nad thams cad sel bar byed do/ /shu ti nas dang bil ba
 skyur/ /til mar bskol bas rlung nad sel/ /zhes bya ba la/ shu ti la sogs pa'i sman kan dzi rang skyur la sogs pa dang / til mar bskol ba'i 'jam rtsi btang na yang rlung las gyur pa'i nad thams cad sel bar byed do/ /rgyam tsha mdog dmar gyur
 gyi bar/ /mer bsregs mar gsur rlung nad 'joms/ /zhes bya ba la/ rgyam tsha 'am lce myang tsha mdog dmar por gyur gyi bar du mer bsregs la/ de mar gyi nang du gsur ba'i nad 'jam rtsi btang na yang rlung nad 'joms par byed do/ /dzi ban ti dang po son
 cha/ /me da rnam gnyis sra ba ni/ /shing mngar ba la shu ti dang / /zangs rtsi ba dang pi pi ling / /ka ka na si nye'u shing pa/ /kha sral k+ShaM ra ka ka ri/ /zur ba kar ka ta sring gi /shu dag btags pa'i lde gu dang / /mar dang til mar 'o ma ni/ /bzhi 'gyur gyi
 ni nang du bskol/ /'jam rtsi nyams brtas rlung mkhris 'joms/ /stobs dang khu ba me drod 'phel/ /khrag dang khu ba'i nad sel byed/ /bu skyed par yang byed pa yin/ /zhes bya ba la/ dzi ban ti la sogs pa'i sman btags te lde gur byas pa dang / mar dang til
 mar cha mnyam par byas pa 'o ma bzhi 'gyur dang bsres te/ tshul bzhin du bskol ba'i 'jam rtsi btang na nyams brtas par byed pa dang / rlung dang mkhris pa 'joms pa la sogs pa'i yon tan skyed par byed do/ /rgyam tsha ru rta po son cha/ /shu ti lcang ma shu dag dang / /ba la ka
 dang shing mngar dang / /ga bra'i rtsa ba kad phal/ /thang shing dong gra ma nu dang / /me da dbyi mo tsi tra ka /zur pa bong nga byi dang ga /sha ma dur byid ha re Nu/ /s+thi ra bil ba ni li ni/ /ti mu sa dang pi pi ling / /dan da ra sna cha mnyam pa/ /e raN+Da yi mar ram ni/ /til
 mar bskol ba'i 'jam rtsi yis/ /bad kan nad 'joms rgyu rlugs dang / /rtug skam skran dang gzhang 'brum dang / /mcher pa'i nad dang gcin snyi dang / /rlung nad 'khyil dang lto spos dang / /rnge'u chags nad ni myur du sel/ /zhes bya ba la/
 rgyam tsha la sogs pa cha mnyam par byas pa lde gur btab la/ e raN+Da'i 'bras bu btsir ba'i mar dang bskol ba'i 'jam rtsis ni bad kan gyi nad 'joms shing rgyu rlugs la sogs pa'i nad sel bar byed do/ /yang na bil ba la sogs pa'i/ /rtsa ba lnga dang til
 mar bskol/ /zhes bya ba la/ yang na bil ba la sogs pa'am/ rtsa ba lnga dang til mar bskol ba'i 'jam rtsi btang na yang rlung gi nad 'joms par byed do/ /yang na bad kan sel sman sbyar/ /til mar dang btang bad kan 'joms/ /zhes bya ba la/ yang na
 bad kan sel ba'i sman tsha ba lnga la sogs pa dang sbyar ba'i til mar gyi 'jam rtsi btang na bad kan 'joms par byed do/ /yang na po son cha brgyad 'gyur/ /skyur bskol 'jam rtsi bad kan sel/ /zhes bya ba la/ yang na rang skyar la sogs pa khu ba skyur po til mar
 gyi brgyad 'gyur dang / /po son cha'i lde gu bskol ba'i 'jam rtsi btang na yang bad kan sel bar byed do/ /'jam rtsi 'jam pas rmongs gyur pa/ /rnon pos nye bar sbyar bar bya/ /rno bas gnod la snum pa dang / /mngar zhing bsil la 'jam pa gtang / /zhes bya ba la/
 'jam rtsi 'jam zhing rtul ba btang bas skyes bu rmongs bag tu gyur pa 'jam rtsi rnon pos sbyang zhing dag par bya ba dang / de bzhin du 'jam rtsi rnon pos gnod par gyur pa la/ snum pa dang mngar ba dang / bsil ba dang / 'jam pa'i 'jam rtsi gtang bar bya'o/ /rnon po
 ba gcin pi lu dang / /tsi tra ka dang lan tshwa dang / /thal sman dang ni yungs kar rnams/ /dus la bab par gtang bar bya/ /'o ma mar sogs 'jam po yis/ /zhes bya ba la/ 'jam rtsi 'jam po las nyes par gyur pa la ni ba gcin la sogs pa mas gtong ba
 rnon po dus la bab pa'i tshe gtang bar bya la/ rnon pos nyes par gyur pa la ni 'o ma dang mar la sogs pa rdzas 'jam po'i mas gtong ba dag gis gso bar bya'o/ /nyams stobs dus dang nad gzhi rang bzhin dag /rnam par phye ste 'jam rtsi gtang bya ba/ /rang rang
 gi ni sman gyi sde tshan gyis/ /rang rang gi ni nad rnams bsal bar bya/ /zhes bya ba la/ blo dang ldan pa'i sman pas nad pa'i nyams stobs la sogs pa rnam par phye zhing brtags te rang rang gi sman gyi sde tshan mngar ba la sogs pa'i sman gyi tshogs rnams kyis rlung la sogs
 pa rang rang gi nad bsal ba'i phyir 'jam rtsi gtang bar bya'o/ /tsha bas nyam thag la bsil ba/ /bsil bas nyen la dro 'jam sbyar/ /de dang 'tsham pa'i sman ldan par/ /'jam rtsi brtags te gtang bar bya/ /zhes bya ba la/ zas dang spyod lam la sogs pa
 mkhris pa skyed par byed pas/ nyam thag cing gzir bar gyur pa la ni bsil pa'i sman dang 'jam rtsi gtang bar bya la/ de bzhin du zas dang spyod lam la sogs pa'i grang ba'i dbang gis rlung dang bad kan gyis nyen pa'i nad la ni/ de dang 'tsham pa'i sman dang sbyar ba'i 'jam
 rtsi tsam gang yin pa gtang bar bya ste/ de dag kyang sman dang nad kyi mtshan nyid brtags te/ ji ltar 'tsham pa bzhin du gtang bar bya'o/ /sbyang bar bya ba'i nad rnams la/ /brta byed 'jam rtsi mi gtang zhing / /mi gang mdze gcin nad kyis nyen/ /tshil rgyas nad
 la gtang mi bya/ /zhes bya ba la/ sbyang bar bya ba skyug sman dang bkru sman gtang bar rigs pa'i nad rnams la brta bar byed pa'i 'jam rtsi gtang bar mi bya zhing / yang mi gang mdze nad dang gcin nad kyis nyen pa la sogs pa la 'jam rtsi gtang bar mi bya'o/ /nyam
 chung glo 'grams pa dang brgyal ba dang / /lus skem rid dang sbyangs pa'i lus can dang / /gang yang dri mas tshe ni bzung gyur la/ /sbyong bar byed pa'i mas gtong gtang mi bya/ zhes bya ba la/ nyam chung ba dang / glo 'grams pa dang / brgyal
 bar gyur pa dang / lus zungs zad pas shas cher rid cing skem pa dang / bkru sman la sogs pas lus sbyangs zin pa'i lus can gang dang gang dri ma ste bshang bas tshe bzung zhing srog gi rten byas pas de dag la sbyong zhing bkru bar byed
 pa'i mas gtong pa gang yin pa de gtang zhing sbyang du mi rung ngo / /yan lag brgyad pa'i snying po'i rnam par 'grel pa/ tshig gi don gyi zla zer zhes bya ba slob dpon zla ba la dga' bas nges par sbyar ba las/ cho ga grub pa'i gnas kyi le'u bzhi pa'i 'grel pa'o// //
 de nas mas gtong ba'i cho ga'i nyes pa grub pa bshad par bya'o/ /zhes bya ba la/ mas gtong ba phyin ci log tu nye bar sbyar ba las nyes pa gang zhig 'byung ba de bsal zhing gso bar bya ba'i phyir de grub par bya ba'i cho ga'i le'u brtsams pa yin no/ /snum chos dugs ni ma byas dang / /
 lto lci ba la sman grang snum/ /tsha nyung sman tshad chungs pa 'am/ /sman ni ska ba btang gyur na/ /de yis nad ni glongs gyur dang / /stobs chung ba yis nad ma phyin/ /sbyor ba nyes pa bskyed gyur cing / /'phyen dang phyi sa gcin sri dang / /lte ba chu so na zhing tsha/ /dang gar chags shing gzhang
 skrangs dang / /g.yan pa thor bu mdog mi sdug /mi dga' me drod chung bar 'gyur/ /zhes bya ba la/ dang por snum chos kyi sbyor ba dang / dugs ma byas shing lto lci bar gyur pa la/ /'jam rtsi'i sman grang ba dang snum nyung ba dang lan tshwa nyung ba dang sman gyi tshad chungs par gyur pa
 la/ yang na sman ska zhing 'jug pa bul ba btang bar gyur na/ sman des nad glongs shing dkrugs par gyur nas mi bde bar byed la/ stobs chung bas nad phyin cing sel bar mi nus te/ sbyor ba nyes pa'i mtshan ma rnams bskyed par 'gyur la/ sbyor ba nyes pa de dag 'phyen dang
 phyi sa la sogs pa 'gags par byed cing sri ba dang / lte ba dang chu sor zug cing na ba dang / lus khong tsha ba dang / dang gar 'dam gyis bsdus pa snyam sems shing mer mer por byed pa dang / gzhang kha skrangs pa dang / g.yan pa la sogs pa 'byung bar 'gyur ro/ /tshad
 'khru'i nyes pa bar ma la/ /sngar bshad sman gyi khu ba gnyis/ /de las gcig ni dro ba yi/ /btung bar blugs pa bsngags pa yin/ /zhes bya ba la/ de la mas gtong ba la nyes par gyur pa'i nad la/ tshad pas 'khru ba'i nyes pa bar ma la/ pham pa'i skabs
 su sngar bshad pa'i sman gyi khu ba gnyis po/ /pu ti ka dang / pi pi ling dang / bca' sga dang / shu dag dang / 'u su dang / a ru ra bskol ba'i khu ba dang / yang na bil ba dang / 'u su'i 'bras bu dang / gla sgang dang / dong gra dang / ba la ka bskol ba ste/
 sman gyi khu ba de gnyis las gang yang rung ba gcig blud na gong du smos pa'i nad rnams bstod cing bsngags pa yin no/ /po son cha yi reng bu'i dugs/ /dus shes pa yis bkru sman gtang / /zhes bya ba la/ 'dir lte bar zug pa dang / rlung dang bshang ba la sogs pa
 'gags pa la po son cha btags pa'i reng bu mas gtong ba dang / dus tshod shes par byas nas bkru sman btang ba yang phan zhing bsngags pa yin no/ /bil ba'i rtsa ba dur byid dang / /thang shing nas dang rgya shug dang / /rgya sran chang dang ba gcin bcas/ /mas gtong 'gags
 pa sel bar byed/ /ces bya ba la/ yang mas gtong ba 'gags par gyur pa de la bil ba'i rtsa ba la sogs pa btags pa'i lde gu dang / chang dang ba gcin sbyar ba mas gtong bas kyang sel cing sbyong bar byed do/ /nad gzhi shas che lus rtsub dang / /lto sra nus pa chung btang na/ /
 mas gtong nad gzhi glongs nas ni/ /rlung gi lam ni 'gag par byed/ /rlung ni lam log zhugs pa des/ /lto sbos nad rnams gzir bar byed/ /gzhang dang lto ba tsha ba dang / /rlig pa chu so na byed cing / /snying gar 'gags pas gzer ba dang / /phan tshun du
 ni 'gro bar byed/ /ces bya ba la/ nad gzhi shas che skyel dus sogs shing che ba dang / khong rtsub cing snum gyis ma zhen ba dang / lto sra bar gyur pa la mas gtong ba'i sman nus pa chung bas mas gtong ba de dang de rlung 'dres par gyur nas rlung rgyu ba'i lam 'gags
 par gyur la/ de ltar lam 'gags pas rlung rang gi rgyu ba'i lam spangs nas lam log par zhugs par gyur nas/ /des lto sbos pa la sogs pa'i nad skyed par byed cing snying gar rlung gis 'gags shing rgyas pas gzir bar byed pa dang /
 rlung de gzer dang bcas par lus phan tshun du 'gro zhing khyab par byed par 'gyur ro/ /de la lus bsku dugs byas pa'i/ /lus la reng bu gzhug par bya/ /zhes bya ba la/ lto sbos la sogs pa'i nad kyi nyes pa byung bar gyur pa de la dang por lus bsku zhing
 dugs byas la po son cha btags ba'i lde gu mas gzhug par bya'o/ /bil ba sogs dang pi lu dang / /yungs kar ba gcin bcas mas gtong / /zhes bya ba la/ yang de la bil ba'i rtsa ba dur byid dang zhes bya ba la sogs pa bshad ma thag pa ni ru ha 'am/
 yang na pi lu'i 'bras bu dang / yungs kar dang ba gcin sbyar ba'i mas gtong ba'i bkru sman drag po bya'o/ /tsi tra thang shing til mar ni/ /bskol ba'i 'jam rtsi gtang bya'o/ /zhes bya ba la/ tsi tra zhes bya ba shi pe ta'i shing dang thang shing gnyis bskol ba'i 'jam rtsi btang na de
 la phan no/ /shugs ni bkag par gyur pa'am/ /btsir drags par ni byas pa'am/ /lan tshwa snum shas chung la tsha/ /sman chung ba yi mas gtong ba/ /'jam pas rlung gis gyen du 'phul/ /kha dang sna nas 'byung bar 'gyur/ /de yis brgyal dang snying nad dang / /
 skom dang tsha ba la sogs 'byung / /zhes bya ba la/ 'jam rtsi btang bas shugs bkag par gyur pa'am/ lgang pa shas cher btsir drags pa'am/ lan tshwa dang snum shas chung zhing tsha drags pa'am/ sman nyung shis btang ba'am/ 'jam po btang bas sman de rlung gis gyen du
 phul nas kha dang sna'i sgo nas 'byung bar 'gyur la/ de ltar gyen du 'byung ba des brgyal ba la sogs pa'i nas skye bar byed do/ /brgyal ba'i nad ni mthong gyur na/ /de yi gdong la chu grang gtor/ /ngal sos bar du g.yob pa dang / /dbugs rngub 'byung bar byed du gzhug /kha sbub bzhag
 ste rgyab rtsib log sa/ /lto ba lag pa dron pos mnye/ /skra nas bteg ste sprugs pa dang / /sbrul dang mche ba can 'jigs bstan/ /mtshon dang thog 'bab rgyal po'i mis/ /skrag byas mas gtong thur du 'byung / /zhes bya ba la/ de ltar nad pa brgyal bar gyur par
 snang na/ de'i gdong la chu grang gis 'phral du gtor ba dang / ji srid ngal sos par gyur pa de srid kyi bar du/ rlung yab kyis g.yob cing dub pa bsang ba dang / de'i dbugs rngub pa dang / 'byung ba la shas cher rngub cing nang du dgag pa byed du gzhug pa dang / nad pa kha bub tu gzhug
 ste/ rgyal la sogs pa lag pa dron pos mnye bar bya de'i skra nas bzung ste/ gyen du bteg la sprugs pa dang / de bzhin du sbrul la sogs pa dang 'jigs shing skrag tu gzhug pa dang / mtshon dang rgyal po'i skyes bu mi srun pa dang / thog 'bab pa la sogs pas kyang 'jigs shing
 skrag tu gzhug par bya ste/ de ltar byas na 'jam rtsi nang du 'khyil pa de thur du 'byung zhing bshang ba'i sgo nas 'dzag par 'gyur ro/ /lag pa gos kyis mgul par bsdams/ /ci nas 'chi bar mi 'gyur bya/ /srog dang gyen rgyu rlung bkag pas/ /thur sel shin tu bde rgyu
 ba/ /grub pa yis ni mas gtong ba/ /myur du 'dren par byed pa yin/ /zhes bya ba la/ yang nad pa de'i lag pa gnyis sam gos kyis mgul pa bsdams shing bcing bar bya la/ bsdams pa'i tshe na yang de 'gems te 'chi bar mi 'gyur ba de ltar sman pas bsrung zhing
 tshod zin par byas la de ltar byas pas srog ces bya ba dang / gyen du rgyu ba zhes bya ba'i rlung bkag par gyur pas gyur pas thur du sel ba zhes bya ba'i rlung shin tu bde bar rgyu ba grub pa yin ste/ des na mas gtong ba de myur ba kho nar thur du 'dren cing bshang sgo nas 'byin par byed do/ /ru rta
 gla gor zho sha yi/ /lde gu skyur rtsabs sbyar te blud/ /dro dang rno dang 'khru ba yi/ /mas gtong lugs bzhin 'byung bar byed/ /ces bya ba la/ ru rta dang gla gor zho sha btags pa'i lde gu skyur rtsabs kan dzi dang sbyar te nad pa de la blud na/ lde gu de ni rno ba dang / dro ba dang / 'khru bar
 byed pa'i yon tan gyis mas gtong ba gyen du 'byung ba de lugs bzhin du thur du 'byung bar byed do/ /dur byid a ru ra ba gcin/ /sbyar blud lugs bzhin 'byung bar byed/ /ces bya ba la/ yang dur byid dang / a ru ra'i lde gu ba gcin dang sbyar te blud
 na yang gyen du byung ba de thur du 'byung bar byed do/ /zhu ba'i gnas 'dug dugs byas la/ /rtsa ba bcu ba rgya shug nas/ /rgya sran ba gcin bskol ba yis/ /mas gtong drag po sbyar bar bya/ /zhes bya ba la/ mas gtong ba zhu ba'i gnas na 'khyil zhing 'dug par gyur na/
 nad pa de dugs bya zhing rtsa ba bcu pa la sogs pa'i sman ba gcin dang bskol ba'i ni ru ha mas gtong bar bya'o/ /sle tres smyug ma'i lo ma dang / /bu ti ka rany+dza shun pa/ /'o ma zur pa thang shing dang / /bu ti ka ni ba gcin bskol/ /til mar bu ram rgyam tshar bcas/ /
 bkru sman lde gur bcas pa gtang / /zhes bya ba la/ yang na ma zhu ba'i gnas na 'khyil pa de la sle tres dang smyug ma'i lo ma dang / pu ti kar ny+dza'i shun pa dang 'o ma ba gcin dang bskol ba'i nang du til mar la sogs pa btab ste/ bkru sman gang yang rung ba'i lde gu
 bcug pa gtang bar bya'o/ /mas gtong brang na gnas pa la/ /bil ba la sogs lnga bskol gtang / /zhes bya ba la/ mas gtong pa'i sman brang ngam/ snying gar 'khyil pa ni bil ba la sogs pa rtsa ba lnga bskol ba'i sman mas gtong bar bya'o/ /mgor gnas snar
 blugs dud pa brngub/ /yungs kar lde gus mgo bo bsku/ /zhes bya ba la/ mas gtong ba mgo bor gnas shing 'khyil pa la ni sna nas sman blugs pa dang / dud pa sngon po brngub pa dang / /yungs kar btags ba'i lde gus mgo bo bsku bar bya'o/ /mas gtong
 dro ches rno skyur drags/ /ska ches dugs ni drags pa dang / /nad gzhi chung zhing lto snyi la/ /yang dang yang du btang ba yi/ /sbyor ba drags pas nyes gyur pas/ /lto ba'i nad ni skyed par byed/ /de la bkru sman sbyar drags dang / /gso ba mtshungs pa nyid du bya/ /
 zhes bya ba la/ gal te sman mas gtong ba de drod ches pa'am/ rno drags pa'am/ skyur drags pa'am/ shin tu ska drags pa'am/ dugs kyi sbyor ba drags pa'am/ nad kyi gzhi chung zhing lto snyi ba la yang dang yang du bstud mar btang par gyur na/
 de ni sbyor ba drags pa'i nyes par gyur cing lto ba'i nad rnams skyed par 'gyur ro/ /de lta bu'i sbyor ba drags pa'i nad du gyur pa de la ni bkru sman gyi sbyor ba drags pa'i gso ba sngar ji skad bshad pa dang / gso ba mtshungs pa kho nar bya'o/ /des na bkru sman gyi sbyor ba drags
 ba'i mtshan nyid ci ltar shes par bya zhing gso ba'i tshul yang de nyid las bshad pa'i tshul yang shes par bya'o/ /mas gtong thal sman skyur rno dro/ /lan tshwa can nam mkhris can la/ /gzhang tsha 'brud cing gnod pa dang / /yongs su 'dzag par byed par 'gyur/ /khrag ni tshos
 pa lta bur 'byung / /mkhris pa 'am mdog mang 'byung bar byed/ /lan mang shugs drag 'byung ba dang / /yang dang yang du brgyal bar 'gyu/ /zhes bya ba la/ mas gtong ba'i sman la sogs pa shas che bar sbyar cing btang ba'am/ mkhris pa can gyi mi la de lta bu dag
 btang na/ mas gtong ba des gzhang kha tsha ba la sogs pa 'byung bar gyur la/ mi de las khrag btsos shing smin par byas pa lta bu 'byung ba dang / de bzhin du mkhris pa yang kha dog sna tshogs pa 'byung bar byed cing / lan mang du shugs drag tu 'byung bar byed la/ yang dang
 yang du brgyal zhing mi dran pa nyid du 'gyur ro/ /de la khrag mkhris 'khru ba sel/ /gso ba rab tu bsngags pa yin/ /zhes bya ba la/ gzhang kha tsha ba la sogs pa'i mkhris pa'i nad de la khrag dang mkhris ba 'khru ba sel bar byed pa'i gso ba sngar bshad pa de bsngags shing
 bshad pa yin no/ /tsha ba sogs la dur byid kyi/ /lde gu rgun chur sbyar ba blud/ /de yis bshang rlung mkhris pa ni/ /bsal nas tsha ba la sogs 'joms/ /zhes bya ba la/ gal te tsha ba la sogs pa dang ldan par gyur na/ dur byid kyi lde gu dang rgun chu dang sbyar ba
 blud par bya ste/ des ni bshang ba la sogs pa bsal zhing phyung nas tsha ba la sogs pa'i bla brnan 'joms par byed do/ /dag gyur nas thug grang mo ni/ /kha ra dang ni bcas pa blud/ /ces bya ba la/ skyes bu de'i nad dag cing sbyang bar gyur nas
 thug pa grang mo'i nang du kha ra btab pa blud par bya'o/ /'khru ba drags par gyur pa yis/ /bshang ba zad la kha zas ni/ /ma sha'i khu ba zan dron sbyin/ /zho dang chang ni blud par bya/ /zhes bya ba la/ 'khru ba drags par gyur cing bshang ba zad par gyur pa la ma sha'i
 khu ba yu sha dang zan dron nam sha btsos pa sbyin par bya zhing / btung bar zho chang blud par bya'o/ /de ltar grub pa'i mas gtong nyes/ /bshad nas snum gyi mas gtong bshad/ /ces bya ba la/ de ltar chu la 'dis grub pa'i mas gtong ba'i nyes pa'i gso ba bshad
 zin nas/ de'i 'og tu snum gyi 'jam rtsi mas gtong pa'i nyes pa'i gso ba bshad pa'i phyir snum gyi mas gtong ba bshad ces smos pa yin te/ de ni snum gyi 'jam rtsi mas gtong ba'i nyes pa gang yin pa de'i gso ba bshad par bya'o zhes bya ba'i don to/ /rlung can grang zhing chung
 ba dang / /mkhris pa rab tsha bad kan 'jam/ /'grangs ches pa la lci ba dang / /bshang ba sogs la stobs chung gtang / /de ni snum rlung 'dres gyur pa/ /zil gyis mnan par 'byung mi 'gyur/ /zhes bya ba la/ rlung gi nad shas che ba la snum gyi 'jam rtsi grang ba 'am/
 chung ba btang ba'am/ khrag dang mkhris pa shas che ba'i nad la snum gyi 'jam rtsi shin tu tsha ba btang ba dang / bad kan shas che ba'i nad la snum gyi 'jam rtsi 'jam por btang ba dang / shin tu 'grangs ches pa la snum gyi 'jam rtsi lci bar btang pa dang / bshang ba sogs shing nang
 du 'phel bar gyur pa la/ snum gyi 'jam rtsi nus pa chung bar btang bar gyur na/ rlung la sogs pa'i nad de dag snum du 'dres par gyur cing / nad kyis zil gyis mnan pas thur du 'byung bar mi 'gyur ro/ /rengs dang brla na sbo ba dang / /rims dang gzer dang yan lag na/ /rtsib
 logs na dang 'dar ba ni/ /rlung snum 'dres las 'byung zhes bya/ /zhes bya ba la/ rlung dang snum 'dres par gyur pa las ni rengs pa la sogs pa'i nad 'byung bar 'gyur bar shes par bya'o/ /de snum lan tshwa dro dang skyur/ /ra sna bi da dro yi mar/ /rang skyur chang
 dang rgya shug dang / /rgya sran nas dang bskol ba'am/ /rtsa ba lnga pa ba gcin bcas/ /mas gtong drag pos legs bsal bya/ /zhes bya ba la/ snum pa dang lan tshwa dang dro ba dang skyur pa'i bag dang ra sna dang bi da dro btsir ba'i mar dang rang skyur la sogs pa bskol ba'i
 ni ru ha mas gtong bas legs par bsal bar bya ba'am/ rtsa ba lnga pa dang ba gcin bcas ba'i ni ru ha mas gtong bas legs par bsal bar bya'o/ /de dag nyid kyi til mar dang / /dgongs kar zan zos 'jam rtsi gtang / /zhes bya ba la/ bshad ma thag pa'i ni ru ha'i
 sman 'phrod pa gnyis po gang yang rung ba dang / til mar bskol la/ dgongs ka zas zos ba'i rjes la til mar de'i 'jam rtsi mas gtong na yang nad de la phan no/ /skom dad lus tsha rmongs bag dmar/ /mdog nyams rims 'debs mun par mthong / /'khris pa dang 'dres yin
 zhes bya/ /zhes bya ba la/ skom dang la sogs pa'i bla brnan dang bcas pa'i 'jam rtsi'i snum mkhris pa dang 'dres shing des gnod pa yin par shes par bya'o/ /kha mngar mas gtong bas de sbyang / /zhes bya ba la/ snum dang mkhris pa 'dres pa de sman kha ba dang mngar ba'i mas gtong bas sbyang zhing
 thur du 'byung bar bya'o/ /lus snyom sbyid zhan rims drag 'debs/ /cham pa lus lci yi ga 'chus/ /brgyal bcas na bas bad kan dang / /'jam rtsi snum ni 'dres shes bya/ /zhes bya ba la/ lus snyom pa la sogs bla brnan dang bcas na ni 'jam rtsi'i snum de bad kan dang bcas pa
 yin par shes par bya'o/ /de la bska dang kha dang tsha/ /chang dang ba gcin la bskol ba/ /po son cha dang til mar dang / /skyur bcas mas gtong ba yis bsal/ /zhes bya ba la/ bad kan dang 'dres pa'i nad de la bska ba la sogs pa'i sman gyi sbyor ba byas pa'i til mar rang
 skyur la sogs pa skyur bag dang bcas pa'i mas gtong bas bsal zhing thur du dbyung bar bya'o/ /slon dang brgyal dang yi ga 'chus/ /snyom gzer gnyid ches yan lag na/ /ma zhu'i mtshan mar lus tshar bcas/ /de ni 'grangs ches 'dres shes bya/ /
 zhes bya ba la/ 'grangs ches pa dang 'dres ba'i bla brnan la ni slon pa la sogs pa'i yin par shes par bya zhing / ma zhu ba'i mtshan ma gzhan dag kyang de las 'byung bar shes par bya'o/ /de la tsha dang lan tshwa'i phye/ /bskol ba'i smin ches sman dang ni/ /bkru sman 'jam po btang
 ba dang / /ma zhu la phan thams cad phan/ /zhes bya ba la/ 'grangs ches pa dang 'dres pa'i snum de la ni sman tsha ba dang lan tshwa rnams kyi phye ma dang bskol ba'i khu ba smin cing 'ju bar byed pa sbyin pa dang / bkru sman 'jam pos 'khrur gzhug pa dang / ma zhu ba la phan pa'i zas
 dang spyod lam gang dag yin pa thams cad kyang phan no/ /gcin rtug 'phyen ni 'gags pas nyen/ /lus lci lto sbos snying ga na/ /snum dang bshang 'dres yin zhes bya/ /de la snum dugs reng bur bcas/ /dur byid bil ba sogs bskol ba/ /mas gtong drag dang 'jam rtso
 gtang / /rtug pa 'gags pa sel bas kyang / /cho ga bzhin du legs par bsal/ /zhes bya ba la/ /gcin dang rtug pa dang 'phyen 'gags pas nyen pa la sogs pa'i bla brnan las ni snum de bshad pa la sogs pa dang 'dres pa yin par shes par bya ste/ nad de la
 ni snum dang dugs kyi cho ga bya ba dang / po son cha'i reng bu gzhug pa dang / sha ma dur byid la sogs pa bskol ba'i sbyor ba btang ba dang / rtug pa 'gags ba sel pa'i cho gas kyang legs par bsal zhing thur du dbyung bar bya'o/ /ltogs pa 'am gzhang ni skrangs pa'am/ /thug
 pa rin par 'thungs pa yis/ /rkub tu snum ni btang gyur pa/ /sdod pa med par shugs kyis rgyu/ /de nas ro stod mgrin pa dang / /stod kyi bu ga dag tu 'byung / /zhes bya ba la/ ltogs shing kha zas ci yang ma zos pa'am/ yang na gzhang skrangs par gyur pa'am/ thug pa
 'thungs par gyur pa ni sdod pa med par rgyu zhing ro stod du song zhing / stod kyi bu ga mig dang rna ba dang / sna la sogs pa las 'byung bar 'gyur ro/ /de la dur byid rgya shug nas/ /rgya sran ba gcin bskol ba dang / /de dang bskol ba'i til mar ni/ /mas gtong
 'jam rtsir bcas pa gtang / /zhes bya ba la/ /nyes pa de la dur byid la sogs pa dang ba gcin bskol ba'i mas gtong ba byas la/ yang dur byid la sogs pa dang bskol pa'i til mar gyi 'jam rtsi gtang bar bya'o/ /lkog mar byung la dgag pa dang / /lkog ma
 bsdams shing skyug sman dang / /slon bro sel ba'i gso bas kyang / /bzlog pa dang ni de la bya/ /zhes bya ba la/ snum de lkog mar byung bar gyur ba la nan gyis dgag pa dang / lkog ma bsdams pa la sogs pas gyen du 'byung ba'i snum des gazlog par bya'o/ /snum
 chos ma gyur mi btang ste/ /des ni gzhang khar chags gyur cing / /de las nad bcas rmongs bag dang / /g.ya' dang skrangs pa 'ang skyed par byed/ /ces bya ba la/ 'jam rtsi'i snum tshos par na gyur pa la ni bshang ba'i sgo nas gtang bar mi bya ste/ /ci'i phyir zhe na/ ma tshos
 pa'i snum ni gzhang gi khar chags la gos par gyur la/ de las ni rmongs bag la sogs pa'i nad skyed par 'gyur ro/ /de la mas gtong rnon po dang / /arga'i lor bskol til mar gtang / /zhes bya ba la/ /de lta bu'i nad de la gso ba ni mas gtong la rnon po dang / shing
 arga'i lo ma dang bskol ba'i til mar gtong bar bya'o/ /dbugs ma phyung bar bcings pa'am/ /ma lus par ni btang ba yis/ /rlung zhugs nas ni 'khrugs byed cing / /gzer dang na ba skyed par byed/ /ces bya ba la/ 'jam rtsi lgang pa'i kha'i dbugs ma phyung bar bcings
 pa'am/ yang na der blugs pa'i snum ma lus bar btsir te btang bar gyur na/ rlung khong pa'i nang du zhugs nas 'khrugs par byed cing gzer ba la sogs pa'i nad skyed bar byed do/ /de la gzhang kha bsku dugs bya/ /rlung 'dzoms pa yi kha zas gtang / /zhes bya ba la/
 gzer dang na ba byung bar gyur ba de la gzhang kha bsku ba dang dugs byas pa dang / rlung 'joms pa'i kha zas sha khu la sogs pa sbyin par bya'o/ /myur du bcug cing phyung ba'am/ /glo bur du ni bteg pa yis/ /rked pa gzhang dang brla byin pa/ /
 chu sor rengs shing na bar 'gyur/ /zhes bya ba la/ 'jam rtsi'i gce'u de rings shing myur du bcug pa dang / myur du phyung ba'am/ yang na glo bur du rkub kyi sngas las bteg par gyur na/ rked pa la sogs ba'i yan lag rnams na ba dang rengs par 'gyur ro/ /de la rlung
 'joms kha zas dang / /dugs bsku 'jam rtsir bcas ba phan/ /zhes bya ba la/ rked pa rengs pa la sogs pa de la rlung 'joms pa sel bar byed pa'i kha zas sbyin pa dang / dugs la sogs pa rlung 'joms par byed pa byas na phan no/ /'tshir ba'i tshe na bar du grol/ /
 rlung gis gzhang la gnod gyur nas/ /brang dang mgo bo gzer cing na/ /brla yi nad ni skyed par byed/ /ces bya ba la/ lgang pa 'tshir bar byed pa'i tshe na/ legs par ma bsdams bas bar du grol bar gyur na/ rlung gis gzhang la gnod pa skyed par byed pas/ brang na ba la
 sogs pa bskyed par byed do/ /de la bil ba la sogs dang / /po son cha dang dur bid sogs/ /ba gcin dang ni sbyar ba gtang / /zhes bya ba la/ nyes pa de la bil ba la sogs pa'i rtsa ba lnga dang / po son cha dang dur byid la sogs pa'i sde tshan ba gcin dang sbyar ba gtang bar bya'o/ /
 btsir drags pa yis khong par ni/ /mi 'dug lkog mar 'byung bar 'gyur/ /zhes bya ba la/ lgang pa btsir drags par gyur pa las khong ba'i nang du snum de mi 'chags pa'am/ lkog mar gyen du 'byung bar 'gyur ro/ /de la mas gtong bkru sman dang / /mgul ba bsdams sogs las
 rnams bya/ /zhes bya ba la/ nyes par gyur pa de la 'jam rtsi'i khyad par mas gtong ba dang / bkru sman btang ba dang mgul ba bsdams pa la sogs pa'i las gong du bshad pa rnams byas na phan no/ /bkru sman sogs pas dag byas nas/ /lus dang nyams stobs me drod chung / /
 sgo nga gzhon nu 'am til mar gyi/ /snod ni gang ba ji bzhin du/ /gnod par gyur pa thams cad las/ /sman pas 'bad de bsrung bar bya/ /zhes bya ba la/ bkru sman sogs zhes bya ba skyugs sman bkru sman drag po mas gtong ba'i las kyis dag cing lus sbyangs par gyur
 pas lus rid pa dang / nyams stobs zhan pa dang me drod chung bar gyur pa la gnod par gyur pa'i zas dang spyod lam thams cad la sman pas 'bad pa dang bcas pas bsrung zhing bskyang bar bya ste/ dper na bya'i sgo nga gzhon nu ma smin pa'am til mar gyis snod gang ba bsrung ba ji lta ba
 bzhin du nad pa de sman pas nye bar bsrung bar bya'o/ /kha zas mngar dang yid 'ong sbyin/ /de 'og skyug dang lan tshwar bcas/ /de nas mngar dang kha ba spyin/ /ro ni snum dang rtsub pa ltar/ /phan tshun gnyen por gyur pa yin/ /rim par nye bar sbyar
 ba yi/ /rim pas de ni rnal du dbab/ /ces bya ba la/ de ltar sbyang ba byas shing dag par gyur pa'i nad de la/ dang por mngar zhing yi gar 'ong ba'i zas dang skom dag sbyin par bya'o/ /de'i 'og tu ni ro skyur ba dang lan tshwa dang bcas pa'i zas skom sbyin bar bya'o/ /de nas ni ro mngar ba dang /
 kha ba sbyin par bya'o/ /da'i 'og tu ni yang ro bska ba dang kha ba sbyin par bya'o/ /ro de dag ni snum pa rtsub pa'i tshul du phan tshun gcig la gcig gnyen por gyur pa yin te/ de ltar rim par nye bar sbyar ba de rim bzhin du rang gzhin rnal ma la dbab par bya'o/ /kun bzod nyams stobs
 brtan pa ni/ /rnal mar gyur pa yin zhes bya/ /zhes bya ba la/ de la nad pas nam zas dang spyod lam thams cad bsten bzod cing nyams stobs brtan pa nyid du gyur na nad pa de rnal mar gyur pa yin par shes par bya'o/ /yan lag brgyad pa'i snying po'i rnam par 'grel pa tshig gi don gyi
 zla zer zhes bya ba/ slob dpon zla ba la dga' bas nges par sbyar ba las/ cho ga grub pa'i gnas kyi le'u lnga pa'i 'grel pa'o// //de nas sman gyi cho ga bshad par bya'o/ /zhes bya ba la/ sman rnams kyi spyi'i cho ga bstan par bya ba'i phyir le'u 'di brtsams pa yin no/ /sa phyogs
 skam zhing cha mnyam pa/ /gzhi mnyam gtsang zhing sa gzhi bzang / /dur khrod shing chen lha gnas dang / /g.yang sa grog ma can ma gtogs/ /'jam zhing chu ni g.yas nas 'bab/ /'jag ma dUr ba dang ldan pa/ /thong lcags kyis ni
 ma snad pa/ /ljon shing grib mas ma phog pa/ /kha dog bcud la sogs dang ldan/ /sman skyes pa ni bsngags pa yin/ /'bus ma zos shing mes ma tshig /'byung ba sogs kyis gnod ma gyur/ /nyi grib chu la sogs ma nyen/ ji bzhin dus su brten gyur pa/ /
 rtsa ba che zhing gting du zug /byang gi phyogs su brten pa bzang / /zhes bya ba la/ sman skye ba'i sa phyogs skam par gyur cing rlan gyi shas chung ba dro grang gi cha mnyam pa gzhi mnyam zhing mthon dman med pa gtsang zhing dag pas sa gzhi bzang ba ste/ snum zhing mdangs dang ldan pa dang /
 gnag pa dang / gser gyi mdog can la ro mngar pa'i sa yod pa dang / de bzhin du dur khrod la sogs pa ma yin pa'i sa phyogs dang / mchod rten nam shing chen te grong gi phyi rol na shing chen po gcig bu gnas pa dang / lha khang ste lha rnams kyi gnas su byas pa'i khang ba dang /
 g.yang sa ste/ gad kha dang / grog ma can gyis las skyes pa ma gtogs pa/ 'jam zhing sa phyogs rtsub shas med pa dang / chu g.yas phyogs nas 'bab pa dang / de bzhin du 'jag ma dang / dUr ba'i ne'u sing gis khyab cing gdal pa dang / de bzhin du gshol gyi thong lcags
 kyis smas shing snad par ma gyur pa dang / ljon shing gi grib mas khebs par ma gyur pa dang / gzhan yang sprul la sogs pa gdug pas phog par ma gyur pa ste/ de lta bu'i sa phyogs su skyes par gyur ba'i sman ni/ bsngags shing shis ba yin par bshad do/ /yang sman de yang srin bu rnams kyis ma zos
 shing ma smas pa dang / nags kyi mes ma tshig pa dang / grang lhags la sogs pa 'byung ba'i gnod pa rnams kyis gnod par ma gyur pa dang / nyi ma dang / grib ma dang / chu la sogs pas ma nyen cing gnod bar ma gyur ba'i sman de dus ji lta ba bzhin du btus pa dang / rtsa ba che
 zhing sa'i gting du zug pa dang / byang gi phyogs na gnas pa gang yin pa de bzang ngo / /de nas dge ba la spyod cing / /dad ldan gtsang sbra smyung ba byas/ /sman ni legs par gnas ba btu/ /'o mar bcas pa dus su sbyar/ /bu ram mar dang sbrang rtsi dang / /pi pi ling dang byi dang ga /
 'bru rnams ma gtogs 'o ma med/ /lo gcig 'das par ma gyur sbyar/ /zhes bya ba la/ de nas zhes bya ba ni bkra shis pa'i don te/ de ltar sman btu ba de yang sman pa dge ba la spyod cing gnas pa dang / dad pa dang ldan zhing ngang tshul bzang ba dang / khrus dang / gtsang sbra byas
 ba dang / smyung ba byas pas sman legs bar gnas shing 'dug pa btu zhing blang bar bya la/ btus nas kyang yon tan dang ldan zhing de dang 'tsham pa'i snod du bcug la/ /dus su 'o ma dang bcas pa sbyar bar bya la/ /'o ma med pa'i sman ni lo gcig 'das par ma gyur pa spyad par bya ste/
 de la bu ram la sogs pa ni ma gtogs te/ de dag ni rnying ba nyid bzang ba yin no/ /'o ma ba ni yar ma yi/ /gcin dang lci ba skyon med yin/ /na tshod stobs ldan lus zungs dang / /rwa 'dzug rmig pa la sogs bzang / /zhes bya ba la/ ba yar ni be'u btsas nas yun ring po ma
 lon pa ste/ de'i 'o ma ni lhag par bzang ba yin no/ /ba'i gcin dang lci ba ni nad kyi skyon med pa gang yin pa de glang bar bya'o/ /lus zungs la sogs pa ni na tshod dang lus kyi stobs dang ldan pa'i blang bar bya'o/ /sogs pa'i sgras ni spu dang pags pa la sogs pa bsdu'o/ /lan tshwa
 ma gtogs ri lnga po/ /sman khu yi ni skye gnas yin / /zhes bya ba la/ mngar ba la sogs pa'i ro lan tshwa ma gtogs par ro lnga po ni sman gyi khu ba 'byung ba'i gnas yin zhing sman khu zhes btags pa yin no/ /sman khu lde gu bskol dang bsgrangs/ /khaN+Da zhes ni bya ba ste/ /sman ni rnam pa lnga
 ru brtag snga ma gzhin du mthu stobs che/ /zhes bya ba la/ sman khu la sogs pa lnga po mngar ba la sogs pa'i dbye bas phye ba dag ni dbye ba rnam pa lngar 'gyur te/ sman khu ni sman gyi rang gi khu ba ste/ ming gi rnam par sman gyi bcud ces kyang bya'o/ /lde gur ni gsher ba'i rdzas dang bsres
 te/ rdo leb la btags pa'o/ /bskol ni btsos pa'i khu ba ste/ bskol ba'i sman gyi khu ba zhes bya'o/ /bsgrangs pa ni sman gyi khu ba bskol ba ste/ mtshan mo 'das par byas pa'o/ /sman gtugs te bcug nas 'phral du btsags pa ni khaN+Da zhes bya ste/
 de ltar sman gyi khu ba'i sbyor ba ni rnam pa lnga yin no/ /de las snga ma bzhin mthu stobs che ba yin te/ phan b+gaMs ni bsgrangs pa mthu stobs che la/ bsgrangs pa bas ni bskol ba'o/ /bskol ba bas ni lde gu'o/ /lde gu bas ni sman khu mthu stobs che ba yin no/ /'phral du btus te
 brdungs nas ni/ /tshags las btsir te btsags pa gang / /de ni khu ba zhes bshad do/ /zhes bya ba la/ sman 'phral du btus ma thag rdo leb steng du brdungs la ras la sogs pa'i tshags kyis btsir ba las/ sman gyi khu ba gang zhig byung ba de ni slob dpon gyis sman gyi khu ba yin no zhes
 bshad do/ /lde gu gsher gyis sprus btags pa'o/ /zhes bya ba la/ lde gu ni sman gyi phye ma skam ba nyid chu la sogs ba'i rdzas gsher bas sbrus te btags pa de nyid la lde gu zhes bya'o/ /de bskol ba ni bskol ba yin/ /zhes bya ba la/ bskol ba ni sman de nyid phra mor blags shing btags pa gcad
 par bya ba yang bcad de/ chu'i nang du bskol ba'i sman gyi khu ba de ni bskol ba zhes bya'o/ /bsgrangs pa mtshan mo gzhag pa yin/ /zhes bya ba la/ bsgrangs pa'i sman gang chu grang mo dang sbangs te mtshan mo gzhag pa'i zhag lon pa nang par btsags pa'o/ /khaN+Da 'phral du sbyar btsags
 pa/ /zhes bya ba la/ khaN+Da ni sman 'phral du chu dron po'i nang du sbangs shing mnyes te btsags pa'o/ /de dag gi tshad brtag pa/ /nad sogs stobs las sbyar bar bya/ /zhes bya ba la/ sman gyi khu ba la sogs pa de dag gi tshad kyi nges par brtags pa ni nad dang nad gzhi
 lus zungs la sogs pa gnod par byed pa la dus dang / kha zas dang / ro dang / goms pa dang / dus tshigs la sogs pa'i stobs las dpags te/ ci tsam ran pa'i tshad sbyar bar bya'o/ /gzhan yang sman gyi ro dang nus pa la sogs pa yang legs par brtags te
 sbyar bar bya'o/ /de yang drang srong gis bshad pa/ /tshad kyi nges pa yod min te/ /nad dang lto tshad nyams dang ni/ /dus dang yul ni rnam brtags te/ /de ltar sman ni gtang bar bya/ /zhes bya ba la/ sngar bshad pa'i tshig de tshad ma ldan pa nyid du bsgrub pa'i phyir
 drang srong ste/ rgyun shes kyi bus bshad pa ni tshad kyi nges pa yod pa ma yin no/ /zhes dam bcas pa ste/ sman gyi khu ba la sogs pa ni nad kyi dus su gtang bar bya la/ de yang nad kyi dkyel dang / lto sra snyi'i tshad dang / nyams che chung dang / dus grang dro dang / than mong dang /
 yul skabs dang / rlan can dang cha mnyam ba ste/ de dag gi tshul las brtags nas blo dang ldan pa'i sman pas sman gtang bar bya'o/ /zhes mkhas ba dag gis sman gtang ba thams cad kyi tshad bstan pa'i phyir 'di skad bshad pa yin la/ de las kyang phyogs gcig tsam bshad pa ni/ /sman gyi khu
 ba srang bzhi ni/ /'bring tshad tsam du bshad pa yin/ /zhes bya ba la sogs pa yin te/ sman gyi khu ba'i 'bring tshad ni srang bzhi tsam yin no/ /zhes slob dpon gyis bshad pa yin no/ /lde gu zho gnyis dag dang bsre/ /de ni chu srang gsum gyi tshad/ /ces bya ba la/ sman lde gur
 btags pa de dag gi 'bring tshad ni lde gu zho gnyis tsam du byas la/ lde gu de rdzas gsher ba gang dang gtong yang gsher srang gsum gyi nang du bcug la dkrugs te blud par bya'o/ /bskol ba'i sman ni srang gcig bya/ /bre phyed chu bskol bzhi cha lus/ /zhes bya ba la/ sman bskol ba'i 'bring
 tshad sman srang gcig chu bre phyed ces bya ba srang bcu drug gi nang du bskol la de las bzhi cha ste/ /srang bzhi lus pa na phab ste blud par bya'o/ /bsgrangs ba srang gcig srang drug ni/ /zhes bya ba la/ bsgrangs pa'i sman khu ni sman srang gcig chu la sogs pa gsher ba'i rdzas srang drug gi nang du nub
 mo sbangs te blud par bya'o/ /de las gzhan pa srang bzhi yin/ /zhes bya ba la/ bsgrangs pa'i sman khu de'i las gzhan pa ste/ de'i 'og ma khaN+Da zhes bya ba ni sman srang gcig dang chu srang bzhi sbangs la btsags te blud par bya'o/ /sman mar bskol tshad ma smos par/ /lde gu snum
 dang gsher rdzas ni/ /bzhi 'gyur du ni bskyed de sbyar/ /zhes bya ba la/ sman mar bskol ba de dag tu tshad ma smos pa der lde gu dang snum dang chu la sogs pa gsher ba'i rdzas bzhi 'gyur du bskyed la sbyar bar bya'o/ /mar la sogs ba'i snum ni sman gyi lde
 gu'i bzhi 'gyur bya la/ chu la sogs pa'i gsher ba'i rdzas ni/ snum gyi bzhi 'gyur gzhug par bya'o/ /sho na ka yis bshad pa ni/ /snum bskol chu ni 'ba' zhig dang / /khu ba bskol ba rim bzhin dang / /lde gu'i cha ni bzhi dang drug /brgyad ni rim bzhin sbyar
 bar bya/ /zhes bya ba la/ drang srong sho na ka zhes bya bas bshad pa'i gzhung ni snum gang zhig chu 'bal zhig dang bskol ba der ni snum lde gu'i bzhi 'gyur gzhug par bya la gang sman gyi khu ba dang bskol ba der ni lde gu'i drug 'gyur dang bskol bar bya'o/ /gang du bskol ba'i khu ba dang
 bskol ba de ni lde gu brgyad 'gyur dang bskol bar bya'o/ /lde gu sor mor ma 'byar dang / /snum ni mer bcug sgra med dang / /gang tshe kha dog sogs phun tshogs/ /de tshe de ni myur du dbab/ /ces bya ba la/ sman mar bskol ba na lde gu sor mo la dril ba nam 'byar ba dang / de bzhin
 du snum mer bcug pa na/ sgra tsheg tsheg zer ba mi 'byung ba dang / de bzhin du kha dog dang / dri dang / ro phun sum tshogs par gyur pa de'i tshe/ sman mar de tshos pa yin pas dbab par bya'o/ /mar ni wu ba dngas ma dang / /til mar lbu ba byung ba dang / /lde gu nal nal por gyur cing / /
 chu nang 'bying zhing gyes mi 'gro/ /zhes bya ba la/ gzhan yang mar bskol ba legs par tshos par gyur pa na/ bskol pa'i wu ba de dngas shing med par 'gyur ro/ /til mar bskol ba legs par tshos pa ni wu ba 'byung bar 'gyur ro/ /lde gu bskol ba tshos pa na ni sor mos mnyes pa na/
 rgyun nal nal por 'byung bar 'gyur ba dang / de bzhin du chu'i nang du bcug pa 'og tu 'bying zhing phan tshun gyes par mi 'gyur gyi/ gcig tu lus te gnas par 'gyur ro/ /tshos pa'i tshad ni rnam gsum ste/ /'jam tshos 'byar bag 'byar la rtsub/ /ces bya ba la/ snum tshos pa'i
 tshad ni rnam pa gsum ste/ 'jam por tshos pa dang / 'byar bag dang / 'byar bag rtsub pa'o/ /'jam tshos tshigs ma lde gu 'dra/ /'byar bag sbrang rtsi lta bu yin/ /cung zad tshig cing mdog gnag par/ /snang 'gyur de ni tha ma yin/ /zhes bya ba la/ gsum
 po de dag las kyang / 'jam por tshos pa'i 'og gi tshigs ma lde gu 'dra bar gyur pa yin no/ /bar ma 'byar bag can ni btsos pa na sbrang rtsi ltar 'byar bag snang ba yin no/ /'byar bag rtsub por gyur pa ni cung zad tshig par 'gyur zhing / gzar bur chags pa rtsub la mdog
 gnag par gyur pa yin no/ /de las 'das pa don mi byed/ /ma tshos me drod nyams par byed/ /ces bya ba la/ de ltar tshos pa thams cad 'byar bag rtsub po de las kyang 'das par gyur cing snum tshig par gyur pa la ni/ sman gyi don byed par mi nus te/ nus pa dang
 'bral bar 'gyur ro/ /shin tu ma tshos pas ni pho ba'i me drod nyams par byed do/ /'jam tshos snar btang rtsub pas bsku/ /btung dang 'jam rtsi 'byar bag bya/ /zhes bya ba la/ sman sna nas gtong ba bskol ba'i tshad ni dang po 'jam tsam du tshos pa gtang bar bya'o/ /lus
 bsku ba la ni tha ma smin pa rtsub por gyur pas bsku bar bya'o/ /sman mar btung ba dang / 'jam rtsi btang ba la ni bar ma 'byar bag can gtang bar bya'o/ /sha na kar sha lag mthil dang / /spar gang phul bre a da ka /dron ba ha ri ma bzhin du/ /bzhi 'gyur yin par shes par
 bya/ /zhes bya ba la/ sha na ma sha bzhi ste/ 'jig rten pa dag ni ma sha drug la sha na gcig tu 'dod do/ /sha na de bzhi la kar sha ste/ zho gnyis yod la/ de nyid ni lag mthil zhes bya ba'i tshad yin no/ /lag mthil de bzhi la ni sbar gang zhes bya ba yin no/ /sbar ba bzhi
 la ni phul gang ngo / /phul bzhi la bye gang ngo / /bye bzhi la a da ka'o/ /a da ka bzhi la ni dro na'o/ /dro na bzhi la ba ha zhes bya'o/ /rlon pa nyis 'gyur sbyar bya zhing / /gsher ba phul gang sogs de bzhin/ /zhes bya ba la/ sman gsher ba rnams ni ji skad smos pa'i tshad sha
 na nas ba ha'i bar du nyis 'gyur gzhug par bya'o/ /de la yang / /tu la zhes bya ba srang brgya dang / b+ha ra zhes bya ba khur gcig ste/ de gnyis ni srang brgya dang khur gcig kho nar bya'i rlon pa yang nyis 'gyur du mi bya'o/ /ang chu dang 'o ma la sogs
 pa gsher pa'i rdzas ni rlon pa la sogs pa yan chad kyang de bzhin du nyis 'gyur du sbyar bar bya'o/ /btags te skrus nas gsher med pa'i/ /snum bskol ba la chu gzhug bya/ /zhes bya ba la/ sman btags te sbrus pa la ni btags pa ste/ sbru ba'i phyir chu gzhug par byas la/ de bzhin du
 gsher ba'i rdzas med pa'i snum bskol ba la ni chu nyid dang sbyar zhing gzhug par bya'o/ /gang du tshad ni ma bshad pa/ /der ni cha mnyam sbyar bar bya/ /zhes bya ba la/ sman gyi sbyor ba phye ma dang / sman bskol ba'i khu ba dang / mar dang / til mar la sogs pa'i sman gyi
 tshad nges pa ma smros pa der ni sman dag cha mnyam pa kho nar bya'o/ /sha na gnyis la ba ta ka /de gnyis kar sha ko la dang / /ba ru ra dang drang 'khru med/ /ces bya ba la/ de la zho phyed la ni sha na ste/ sha na gnyis ni pa ta ka gcig go/ /pa ta ka gnyis la ni/ kar
 sha dang / ko la dang / ba ru ra dang / drang 'khru med ces bya ba'i ming gi rnam grangs kyis bshad pa yin no/ /ak+Sha pi tsu su bar+Na/ /lag mthil kham tshad bi la'i sder/ /tin du ka dang lag pa'i tshad/ /sgra gzhan don ni gcig pa yin/ /zhes bya ba la/ yang kar sha de
 nyis ni ak+Sha dang bi tsu nas lag pa'i tshad ces bya ba'i bar gyi sgras bstan pa yin te/ de dag ni don gcig la ming gi rnam grangs kyis sgra gzhan du bstan pa yin gyi don tha dad pa ni ma yin no/ /shu ti brgyad pa pi tsu yin/ /zhes bya ba la/ kar sha gnyis la ni shu ti ste de nyid ni ming
 brgyad pa dang pi tsu zhes bya'o/ /srang gcig bil ba pra ku dza/ /sbar gang a mra bzhi po yin/ /zhes bya ba la/ srang gi rnam grangs ni/ bil ba dang / pra ku dza dang / sbar gang dang / a mra dang / bzhi bo zhes bya ba yin no/ /srang gnyis khyor gang de gnyis la/ snyim
 gang de gnyis ma ni ka / zhes bya ba la/ khyor gang la srang gnyis yod par shes par bya ste/ khyor gnyis la snyim pa gang yin te/ snyim pa gnyis la ni ma ni ka zhes bya ba'i tshad yin no/ /a da ka dang snod kan sa/ /dro na kum pa bum chen yin/ /zhes bya ba la/ a da ka zhes
 bya ba bre bzhi pa'i ming gi rnams grangs ni/ snod dang ka nas zhes bya ba yin la/ dro na zhes bya ba/ bye bcu drug pa'i bre bo che'i tshad kyi ming gi rnam grangs ni/ kum pa dang / ga da zhes bya ba bum pa chen po yin no/ /tu la srang ni brgya yin te/ /de nyi shu la khur du bshad/ /
 ces bya ba la/ tu la zhes smos pa ni/ sman skam pa 'am/ rlon pa rdzas gsher ba yin yang rung ste/ srang brgya'i tshad yin par shes par bya'o/ /srang brgya phrag nyi shu la ni/ b+ha ra zhes bya ba khur bu'i tshad yin par shes par bya ste/ b+ha ra zhes bya ba'i tshad de ni skam po'am
 rlon pa 'am/ khu ba'i tshad gang yang rung ste/ tu la dang 'dra bar srang brgya phrag nyi shu kho na la bya'i/ nyis ldab tu gzhan ltar mi bgrang ngo / /gangs can 'bigs byed ri yis ni/ /sa gzhi phal cher khyab pa yin/ /de las dang po bsil zhing phan/ /'bigs byed
 sman ni me'i rang bzhin/ /zhes bya ba la/ ri bo gangs can dang / ri bo 'bigs byed gnyis kyi rang bzhin gyis sa gzhi 'di la phal cher khyab pa yin la/ /de gnyis kyi nang nas dang po ste/ ri kha ba can las skyes pa'i sman rnams ni rang bzhin bsil zhing phan pa yin te/ de ni
 zhi zhing grang ba'i rang bzhin can yin pa'i phyir ro/ /'bigs byed kyi ri'i rang bzhin ni dro ba yin pa'i phyir me'i rang bzhin can yin par shes par bya'o/ /yan lag brgyad pa'i snying bo'i rnam par 'grel ba tshig gi don gyi zla zer zhes bya ba slob dpon zla ba la dga' bas nges par sbyar pa las/
 cho ga grub pa'i gnas kyi le'u drug pa'i 'grel pa ste/ gnas lnga ba'i 'grel pa rdzogs so// //de nas byis pa gso pa'i cho ga'i le'u bshad par bya'o/ /zhes bya ba la/ rgyud kyi gnas lngas ni yan lag gi gtso bo lus kyi gso ba bshad pa yin la/ yan lag lhag
 ma bdun po'i nad ni rtag tu 'byung zhing rtogs shing shes par dka' ba yin par bshad la des na byis pa gso ba la sogs pa'i yan lag cung zad tsam gsal bas nges par bstan par bya ba'i phyir rgyud phyi ma zhes bya ba gnas kyi mchog brtsams pa yin no/ /de
 las kyang byis pa gso zhing rim gror bya ba'i phyir thog ma kho nar byis pa gso ba bshad pa yin no/ /de nas zhes bya ba la sogs pa ni snga ma bzhin du bshad par bya'o/ /byis pa gso zhing bsnyen bkur ba'i dbang du byas pa'i gzhung ni byis pa gso ba'i cho ga'i le'u ste/ de bshad par bya'o/ /
 zhes bya ba'o/ rgyun shes [(]gyi [,]kyi[)]bu la sogs pa drang srong chen po rnams kyis 'di skad ces bshad do/ /zhes bya ba la/ yang snga ma bzhin bshad par bya ste/ bdag nyid kyis rang bzor thor byas pa ma yin no/ /zhes bstan pa'i phyir mdo'i tshig 'di smos pa yin no/ /byis pa btsas ma
 thag phru ma/ /bsal te rgyam tsha mar bskus sbyang / /de 'og btsas pas sdug bsngal la/ /ba la'i til mar blugs par bya/ /zhes bya ba la/ byis pa mngal nas btsas ma thag tu phru ma zhes bya ba de bsal zhes phyi bar bya ste/ de yang gzhung las/ /gang gis dkris nas byis pa
 skyes/ /phru ma zhes ni bya ba yin/ /zhes bshad pa yin te/ de bsal zhing phyis la rgyam tshwa dang mar du sbyar bas bsku zhing phyi bar bya'o/ /de'i 'og tu btsas pa'i tshe sdug bsngal zhing nyam thag pa de bsal bar bya ba'i phyir ba la'i til mar ji skad bshad pa de lus la blugs par bya'o/ /
 de ni rna ba'i drung du ni/ /rdo gnyis brdung ba spyad par bya/ /zhes bya ba la/ de'i 'og tu rna ba sbyang ba'i phyir byis pa de'i rna ba'i drung du rdo gnyis brdab cing brdung ba nye bar spyad cing sgra bsgrags par bya'o/ /de nas de yi rna ba ni/ /g.yas par sngags 'di brjod bar bya/ /zhes bya ba la/ de nas
 de'i 'og tu byis pa de'i rna ba g.yas ba'i rtsa bar sngags 'di brjod par bya'o/ /yan lag yan lag las byung khyod/ /snying las mngon par skyes pa yin/ /bdag nyid bu zhes bya ba khyod/ /lo brgyar yang dag 'tshor gyur cig /lo brgya thub cing ston brgya 'tsho/ /tshe ring ba ni thob gyur cing / /rgyu skar
 phyogs dang mtshan mo dang / /nyin mos khyod ni bsrung bar shog /ces bya ba ni rig byed las de bshad pa'i sngags kyi chigs su bcad pa yin te de brjod par bya'o/ /bde bar gyur nas lte ba ni/ /sor bzhi'i 'og tu srad bus bcing / /de yi 'og tu bcad nas ni/ /lte ba la ni
 brtod de gzhag / ces bya ba la/ byis pa de mngal nas btsas pa'i sdug bsngal nye bar zhi ba'i rang bzhin rnam par 'dug pa'i bde ba thob par gyur pa'i 'og tu/ lte ba 'phyang ba'i sor bzhi'i 'og tu sra dbus legs par bcings ba'i gong du mtshon rnon bos bcad de srad bus
 lte ba'i lhag par mdud de brtod par bya'o/ /de 'og lte ba ru rta yi/ /til mar gyis ni bsku bar bya/ /zhes bya ba la/ de nas byis pa de'i lte ba ru rta dang bskol ba'i til mar gyis ni bsku bar bya'o/ /'o ma can shing bskol chu'am/ /dri zhim bcud ldan chu dag ni/ /
 gser ram dngul ni bsregs pa yis/ /bsros pa'i dro 'jam chu yis bkru/ /zhes bya ba la/ /de ltar bskus nas de'i rjes la/ /'o ma can gyi shing gang yang rung ba bskol ba'i khu bas bkru bar bya ste/ /'o ma can gyi shing ni/ u dum bA ra a shwad tha/ /blag sha dang
 ni n+ya gro d+ha/ /pi pi ling ste lnga po 'di/ /'o ma can gyi shing du bshad/ /ces bya ba yin no/ /yang na dri zhim po thams cad dang sbyar pa'i chu'i nang du gser ram dngul gang yang rung ba bsregs pas gsung la dro 'jam tsam du bsros pas bkru bar bya'o/ /de nas 'dzub mo g.yas pa ni/ /
 dkris pas rkan ni bteg nas kyang / /mgo bor ras bal snum can g.yogs/ /zhes bya ba la/ de'i 'og tu sman pa'i mdzub mo g.yas pa ras bal gyi ye'us dkris pas byis pa'i rkan legs par btegs la mgo bo'i steng nas ras bal snum gyis bkang cing g.yogs par bya'o/ /
 blo dang tshe dang stobs bskyed phyir/ /shu dag phra ma bi sha li/ /shaM ka pu Sh+ba'i lde gu ni/ /mar dang sbrang rtsi bcas pa dag /sngags btab ha re Nu tsam spyin/ /zhes bya ba la/ de nas byis pa de'i blo dang / tshe dang stobs bskyed pa'i phyir shu dag dang phra ma la sogs pa btags pa'i
 lde gu sbrang rtsi dang mar sbyar ba ha re Nu'i tshad tsam 'jag ma'i rtse mo la sngags kyis btab cing mngon par bzlas te/ gser gyi snod du sbyin par bya'o/ /gser dang shu dag mu men dang / /ma nu a ru ra'i phye ma 'am/ /gser dang skyu ru'i phye ma
 dang / /sbrang rtsi mar bcas lde gu sbyin/ /zhes bya ba la/ yang na gser la sogs pa phye mar btags pa sbrang rtsi dang lde gur sbyar ba 'am/ yang na gser dang skyu ru ra'i phye ma mar dang sbrang rtsi dang sbyar ba gang yang rung ba de blo dang tshe dang stobs bskyed pa'i phyir sbyin par bya'o/ /
 de nas mngal chu rgyam tsha ni/ /mar dang bcas par skyug tu gzhug /ces bya ba la/ de ltar lde gu de sbyin pa'i rjes la rgyam tsha dang sbyar ba'i mar byin la/ mngal gyi gnas na gnas pa'i tshe chu gang dag sogs pa de slon du gzhug par bya'o/ /skye dgu'i bdag po'i cho ga yis/ /
 btsas pa'i cho ga byed du gzhug /ces bya ba la/ de nas skye dgu'i bdag pos bshad pa'i cho ga rig byed kyi gsang tshig las bshad pa'i btsas pa'i cho ga byed du gzhug go /snying la gnas pa'i rtsa rnams ni/ /btsas nas kha ni dbye ba'i phyir/ /nyi ma gsum pa'am bzhi
 pa la/ /bud med kyi ni nu zho 'byung / /zhes bya ba la/ bud med bu btsas pa'i snying la gnas pa'i rtsa rnams btsas pa'i dbang gis kha dbye ba'i phyir/ btsas nas nyi ma gsum mam bzhi pa la nu zho 'byung par 'gyur ro/ /de nas nyin zhag dang po la/ /dus gsum du ni sbrang rtsi
 mar / /byi tsher ba dang sbyar ba la/ /sngags kyis btab ste byis par sbyin/ /zhes bya ba la/ gang gi phyir de ltar de nyin zhag dang po la byi tsher ba dang sbyar ba'i mar dang sbyang rtsi la sngags kyis btab ste/ byis pa la dus gsum du sbyin par bya'o/ /gnyis pa dang ni gsum pa
 la/ la k+Shi ma dang bskol mar blud/ /ces bya ba la/ btsas nas nyi ma gnyis pa la/ la k+Shi ma zhes bya ba'i sman dang bskol ba'i mar la sngags gyis btab pa dus gsum du ni sbyin par bya'o/ /nyi ma gsum pa la yang mar de nyid la sngags kyis btab pa dus
 gsum du sbyin par bya'o/ /de nas dang po'i nu zho ni/ /bkag pa de la lar sar ni/ /zho gnyis tsam gyi tshad sbyin zhing / /nu zho dus gnyis blud par bya/ /zhes bya ba la/ de'i 'og tu dang por nu zho mi blud par bkag pa'i byis pa de la mar sar zho gnyis tsam gyi
 tshod byin la/ de'i rjes la nu zho ldags kyis btab la sbyin par bya'o/ /ma nyid kyi ni nu zho blud/ /de yi lus ni 'phel byed yin/ /zhes bya ba la/ nu zho de yang ma kho na'i blud par bya'o/ /gzhan gyi blud par mi bya ste/ ci'i phyir zhe na/ ma'i 'o ma de ni byis pa'i lus 'phel
 zhing rgyas par byed pa yin no/ /de med ma ma shin tu byams/ /skyon med 'khrig pa spangs pa dang / /rigs dang rang bzhin de dang mnyam/ /nad med na tshod dar la bab/ /bu ma shi zhing brkam chags med/ /gnyis kyi 'o ma blud par bya/ /zhes bya ba la/ ma'i 'o ma de med
 par gyur na/ ma ma byis pa la shin tu byams shing brtse ba la lus la skyon med cing 'on pa dang zhar ba ma yin zhing yan lag ma tshang ba med pa dang / 'khrig pa spangs shing skyes pa dang nyal bo spong ba dang / rigs dang rang bzhin byis pa de dang mnyam pa dang / nad med cing bde bar
 gnas pa dang / dar la bab cing byis pa dang rgas pa ma yin pa/ sngon chad bu shi ma myong zhing bu 'tsho ba dang / brkam chags kyi zhen pa chung ba'i ma ma gnyis bskos la/ de'i 'o ma blud par bya'o/ /de gnyis zas dang spyod lam ni/ /phan pas 'bad de gso bar bya/ /
 zhes bya ba la/ ma ma gnyis zas dang spyod lam phan zhing gnod pa med pa dag gi 'bad pas gso zhing bsten bkur bya'o/ /mya ngan khro dang myung ba dang / /lus dub nu zho nyams pa'i rgyu/ /zhes bya ba la/ mya ngan la sogs ba ni bud med kyi nu zho nyams shing 'jig
 pa'i rgyu yin bas de dag kyang sbang par bya'o/ /bu ram chang ma gtogs chang dang / /rlan can sha khu 'o ma dang / /'o ma can sman mya ngan sogs/ /go bzlog nu zho'i rgyu yin no/ /zhes bya ba la/ nu zho'i rgyu ni bu ram chang ma gtogs pa'i chang dang /
 rlan can gyi srog chags kyi sha khu dang / 'o ma dang / 'o ma can gyi sman dzi ban ti la sogs pa dang / mya ngan la sogs pa las go bzlog pa ste sems dga' ba dang / 'grangs par za ba dang lus dub par ma gyur pa ni/ nu zho'i rgyu
 yin no/ /de bas na de dag ni sbyin par bya'o/ /mi mthun zas ni zos pa dang / /ltogs dang sems ni nyams pa dang / /lus zungs gnod bcas sbrum ma yi/ /'o ma byis pa'i nad skyed byed/ /ces bya ba la/ ma 'am/ ma mas kha zas mi mthun zhing 'phrod
 pa ma yin pa zos pa dang / de bzhin du ltogs shing bkres par gyur pa dang / sems nyams shing brgyal bar gyur pa dang / lus zungs rlung la sogs pa'i gnod pa dang bcas pa dang / sbrum ma'i nu zho gang yin pa de ni byis ba'i nad skyed par byed pa yin no/ /
 nu zho med na ra 'am ba'i/ /'o ma bri ha ti sogs rtsa 'am/ /sti ra gnyis bskol kha rar bcas/ /yon tan de ldan blud par bya/ /zhes bya ba la/ gal te ma 'am ma ma'i nu zho med par gyur na/ byis pa la ba 'am ra'i 'o ma bri ha ti la sogs pa rtsa ba chen po lnga
 dang / chung ngu lnga dang bskol ba 'am/ yang na ba 'am/ ra'i 'o ma sti ra gnyis po ste/ sa la par+Ni dang / kriSh+Na pa r+Ni dang bskol ba 'am/ kha ra dang bcas pa ma'i 'o ma'i yon tan dang bcas pa blud par bya'o/ /drug pa'i mtshan mor khyad par du/ /
 bsrung dang gtor ma'i bya ba bya/ /de yi gnyen gyis mel tse bya/ /shin tu dga' ba nyid kyang bya/ /zhes bya ba la/ btsas nas nyi ma drug pa'i mtshan mo la bab pa na mchog gam khyad par du bsrung ba'i sbyor ba ji snyed pa rnams bya ba dang / gtor ma'i cho ga bya
 ba dang / de'i nye du'i skye po rnams kyis mtshan mo mel tshe bya zhing dga' bar 'gyur ba'i rol mo sna tshogs kyang bya'o/ /zhag bcu rdzogs par gyur pa dang / /rang rigs 'tsham pa'i cho ga ni/ /byed du gzhug cing btsas ma bslang / /lus la ldong ros ba bla dang / /gi waM
 tsan+dan a kar gdags/ /rgyu skar lha 'am nye du las/ /dras ba'i yi ge mnyam pa yi/ /ming ni byis pa la gdags bya/ /zhes bya bal/ btsas nas zhag bcu rdzogs par gyur pa dang / rang gi rigs dang mthun pa'i tshogs bcas pa'i bud med
 bslang ba'i las bya zhing dga' ston byas la/ byis pa de'i lus la ldong ros nas a ga ru'i bar gyi rdzas gdags pa dang / byis pa la ming gdags par bya/ /zhes bya ba la/ ming de yang rgyu skar gyi lha las dras nas gdags par bya ba ste/ de yang bre nye'i lha
 ni tha skar gyi bu gnyis so/ /smin drug ni me lha'o/ /snar ma ni gshin rje ste/ /de dag la sogs pa rgyu skar rang rang gi lha yod la/ /de las dras pa'i ming ni mes byin bya ba la sogs pa gdags pa'o/ /yang na nye du las dras nas gdags par bya ste/
 de yang nye du'i bdun brgyud tshun chad de/ de las dras pa'o/ /yi ge mnyam pa ni yi ge tsheg bar gyi grangs mnyam pa ste/ de lta bu'i tshul du ming gdags par bya'o/ /de nas rang bzhin dbye las bshad/ /gzugs kyis tshe ni yongs su brtag /ces bya ba la/
 de'i 'og tu lus kyi rang bzhin gyi dbye ba'i cha ji lta bu dang ldan na bzang ba dang / ngan pa'i bye brag bshad pa'i tshul las smos pa'i gzugs kyis byis pa'i tshe'i tshad ji tsam pa yin pa yongs su brtag par bya'o/ /mkha' pas byis pa'i mal stan ni/ /byang ngam shar du mgo
 bstan la/ /sngas dang gos ni gtsang zhing bkrus/ /'jam zhing gnyer ma med pa yi/ /gos la gdon ni 'joms byed pa'i/ /sman gyi dud pas bdug par bya/ /zhes bya ba la/ /sman pa bstan bcos kyi don shes pa'i mkhas pas byis pa de'i mal bstan las sngas
 byang phyogs su bstan la/ /stan dang gos gtsang zhing dag pa dang / /dri ma med par bkrus pa dang / 'jam shing mnyen pa dang / gnyer ma med cing ma 'khums pa dang / sngas dang bcas pa la gdon 'joms pa'i sman shu dag dang / yungs kar la sogs pa'i sman
 bsregs pas bdug par bya'o/ /bya rog bsad pa snum gsum dang / /bcas ba'i dud par bdug pa bsngags/ /zhes bya ba la/ khwa 'am bya rog bzang po bdag nyid kyis bsad pa 'am rang nyid shi bar gyur pa dang / /snum gsum
 po zhun mar dang / rkang dang / zhag ces bya ba dang bcas pa'i dud pas bdug pa yang bsngags pa yin no/ /bse ru la sogs gson po yi/ /rwar btags nor bu bzang po'i spu/ /bram+hi 'tsho byed in dri sogs/ /sman ni bzang po gdags par bya/ /mchog tu
 rtag par shu dag ni/ /lag gnyis mgul dang spyi bo gdags/ /des ni tsha dang yid gzhungs dran/ /bde ba skyed byed gdon las srung / /zhes bya ba la/ yang byis pa la srog chags bse ru la sogs gson po'i rwa phug pa'i rtse mo la nor bu bzang po ma rgad dang / pad+ma rA
 ga la sogs pa btags shing glan pa dag lag pa gnyis sam mgul pa 'am spyi bor gdags par bya ba dang / de bzhin du bra m+hi dang / 'tsho byed dang in dri la sogs pa'i sman bsngags shing bzang ba dag lag pa la sogs par gdags par bya ba dang / de bzhin du mchog gam
 khyad par du shu dag rtag par dus thams cad du gdags par bya ste/ des ni tshe 'phel ba la sogs pa'i yon tan skyed par byed cing gdon thams cad las bsrung ba yin no/ /zla ba bdun nam brgyad pa na/ /nad med nyin zhag shis pa la/ /ma ma'i pang du spo bsrings la/ /dgun gyi
 dus su rna ba dbug / khye'u'i dang por g.yas pa dbug /bu mo'i g.yon pa dbug par bya/ /sman pas khab ni g.yas pas bzung / /g.yon pas rna shal bzung nas ni/ /rna ba'i khyon gyi dbus las ni/ /mkhur tshos kyi ni phyogs dag tu/ /pags pa dag
 ni phug nas su/ /nyi ma'i 'od zer snang bar du/ /mi 'gyur brtan por bzung nas ni/ /rgya skyegs kyi ni khu bas bsku/ /dbus su rang bzhin gyis grub ba'i/ /bu ga drang por cig car dbug /ces bya ba la/ de nas zla ba bdun nam brgyad 'das nas byis
 pa nad med pa la ni nyin zhag shis pa'i tshe/ ma ma'i pang par bzhag la spro bsrings te/ dgun gyi dus kyi tshe rna ba dbugs par bya la/ de dag gi dbug pa'i tshul ni go bar zad do/ de nas rtsa ni gnas pa'i phyir/ /steng 'og ngos su gtang mi bya/ /nag po gnad sgra dmar
 po ste/ /rtsa de phug na dmar zhing na/ /skrang zhing sra la tsha ba dang / /gnye'u rengs gzhan dbang can skyed byed/ /ces bya ba la/ 'di ni dbug par mi bya ba'i dmigs ni 'di yin te/ yang go bar zad do/ /de rnams nad gzhi ji bzhin du/ /gso bdag ni myur du bya/ /
 zhes bya ba la/ phug pa la skyon du gyur pa'i nad de la yang nad gzhi ji lta ba bzhin du gso bar bya'o/ /gnad du phug na khrag med cing / /na dang dmar sogs 'byung mi 'gyur/ /khab rjes skud pa snum can ni/ /rjes su gzhug pa nyid du bya/ /til mar
 rlon pas bsku ba dang / /rgya cher de ni bskyed par bya/ /rna shal phug nas phan zas sbyin/ /de 'og sdong bu spom po gzhug /zhag gsum bzhag la rma 'tshob nas/ /rim gyis de ni bskyed par bya/ /zhes bya ba la/ 'di dag ni legs par dbug pa dang / bu ga
 bskyed pa'i thabs yin no/ /de nas de yi so skyes nas/ /nu zho 'thungs las rim gyis bzlog /sngar bshad 'o ma sbyin bya zhing / /kha zas yang dang rtas byed sbyin/ /zhes bya ba la/ byis pa so skyes par gyur nas/ nu zho 'thungs pa las rim gyis bzlog par bya zhing
 cig car bzlog par mi bya la/ yang de la sngar bshad ba'i ba 'am ra'i 'o ma sbyin par bya pa dang / kha zas yang ba dang rtas par byed pa sbyin par bya'o/ /nu zho spangs nas pi ya la'i/ /rkang dang shing mngar 'bras yos dang / /kha ra dkar po'i la du sbyin/ /bil ba gzhon nu sug smel
 dang / /kha ra 'bras yos drod skyed sbyin/ /zhes bya ba la/ bud med kyi nu zho spangs shing dor bar gyur pa'i byis pa la pi ya la'i rkang pa sogs pa dang la du'i tshul du sbrus pa sbyin par bya ba dang / bil ba gzhon nu la sogs pa byin na me drod skyed par byed do/ /'khru gcod da ta ka'i me tog /khar 'bras yos
 skyo ma sbyin/ /zhes bya ba la/ yang byis pa de la 'khru bar byed pa'i sman da ta ka'i me tog la sogs pa'i skyo ma sbyin par bya'o/ /gnod pa skyed par mi byed pa'i/ /sman gyis de yi nad bsal bya/ /zhes bya ba la/ /yang byes pa de'i rims nad la sogs pa'i nad skyes par gyur
 na gnod pa skye bar mi 'gyur ba'i sman 'jam po mar dang / 'o ma dang / kha ra dang / rgun 'brum la sogs pa de bsal zhing bzlog par bya'o/ /shin tu drag nad ma gtogs gzhan/ /rno sman bkru sman kun tu spang / /zhes bya ba la/ shin tu drag cing gnod par byed pa ma gtogs pa nad gzhan dag la ni gong
 du smos ba'i sman 'jam pos gso bar bya la/ shin tu drag cing gso dka' ba'i nad la ni sman drag cing rno ba yang gtang bar bya'o/ /bkru sman ni rnam pa thams cad du spang bar bya'o/ /tshul min skrag par mi bya ste/ /skrag na gdon ni 'jug par 'gyur/ /zhes bya ba la/ byis pa de tshul dang mi ldan zhing dbang bar med par
 gyur kyang skrag par mi bya ste/ ci'i phyir zhe na/ byis pa 'jigs shing skrag par gyur na skom byed la sogs pa'i gdon 'jug cing 'dzin par 'gyur ro/ /gos kyi rlung dang gzhan reg dang / /'goms pa la ni de bsrung bya/ /zhes bya ba la/ yang byis pa de gos kyis g.yab ba'i rlung gis ma phog par bsrung
 ba dang / de bzhin du gzhan gyis reg pa dang / 'goms na gnod par 'gyur bas de las bsrung bar bya'o/ bram+hi yungs kar shu dag dang / /rgyam tsha ru rta sha ri ba/ /pi pi ling bcas bskol ba yi/ /sman mar dran dang yid gzhungs skyed/ /tshe 'phel gdon ni mi bzad 'joms/ /'byung po smyo byed zlog par byed/ /
 ces bya ba la/ bram+hi la sogs pa'i sman lde gur byas pa dang / mar dang 'o mar bcas par bskol ba'i sman mar byin na dran pa dang yid gzhungs pa skyed par byed cing 'phel bar byed pa dang / gdon mi bzad pa rnams 'joms par byed cing 'byung po la sogs pa yang zlog par byed pa yin no/ /so ma ra dza shu dag dang / /spal pa nye'u
 shing sle tres dang / /shang ka puSh+pa bram+hi dang / /bra ma so ma srang re ni/ /lde gu brgyad cha mar bre gang / /'o ma bzhi 'gyur nang du ni/ /bskol ba de blud dpal yon dang / /tshe blo yid gzhungs dran pa skyed/ /ces bya ba la/ so ma ra dza la sogs pa'i snum srang re lde gur byas pa brgyad cha mar bye gang dang / 'o ma bzhi
 'gyur dang bcas pa bskol ba de blud na dpal yon te nor 'phel zhing bkra mi shis pa 'jig par byed pa dang / tshe dang blo gros dang / yid gzhungs pa dang / dran pa myur pa'i yon tan skyed par byed do/ /ra yi 'o ma a ru ra/ /tsha ba gsum dang pa ta dang / /shi kru shu dag lce myang tsha/ /bskol ba'i sman mar dbyangs can
 de/ /tshig dang blo gros dran pa dang / /ngag gsal me drod skyed par byed/ /ces bya ba la/ mar gyi bzhi 'gyur gyi 'o ma dang / a ru ra la sogs pa'i lde gu bskol ba'i sman mar ni ming dbyangs can gyi sman mar zhes bya ste/ des ni tshig dang blo gros la sogs pa skyed par byed do/ /shu dag sle tres a ru ra/ /nye'u shing dang
 shang khi ni/ /a ba marga bskol ba yi/ /sman mar yon tan snga mar mtshungs/ /zhes bya ba la/ shu dag la sogs pa'i sman lde gur byas pa dang / mar gyi bzhi 'gyur gyi chu dang bskol bar bya ste/ 'dir gsher ba'i rdzas ma smos pa thams cad la chu gzhug par bya ba yin pas na tshul de ltar bskol bar bya ste/ sman mar
 de blud na yon tan tshig dang blo gros la sogs pa skyed par byed pa yin no/ /shu dag dkar po ru rta gser/ /arga'i puSh+pa gser dang bcas/ /lcags rkyag dang ni dung dang gser/ /karany+dza dang shu dag gser/ /rkang pa re res bshad pa bzhi/ /sbrang rtsi mar dang bcas
 lde gu / lo gcig byin na lus dang blo/ /kha dog nyams stobs skyed par byed/ /ces bya ba la/ shu dag dkar po ni kha ba can gyi ri la skyes pa'o/ /gzhan dag ni go bar zad do/ /rkang pa bzhi bshad pa'i sman gyi sde tshan bzhi po sbrang rtsi dang mar dang sbyar ba'i
 lde gu lo gcig gi bar du byin na lus kyi nyams dang / blo dang kha dog la sogs pa skyed pa yin no/ /shu dag shing mngar lce myang tsha/ /dong gra shu ti a ru ra/ /ru rta zi ra pi pi ling / /mar bcas lde gus ngag dag byed/ /ces bya ba la/ shu dag la
 sogs pa'i lde gus ngag dag par byed cing tshig gsal bar byed pa yin no/ /yan lag brgyad pa'i snying po'i rnam par 'grel pa tshig gi don gyi zla zer zhes bya ba/ slob dpon zla ba la dga' bas nges par sbyar ba las/ gnas phyi ma'i le'u dang po'i 'grel pa'o// //
 de nas byis pa'i nad gso pa'i le'u bshad par bya'o/ /zhes bya ba la/ byis pa'i nad gso ba ni/ nad bcos pa'i thabs te/ de ston pa'i le'u bshad par bya'o zhes ston pa'o/ /'o ma zas dang gnyi gas 'tsho/ /byis pa rnam pa gsum du bshad/ /
 de dag gnod med las bder 'gyur/ /gnod pa las ni nad rnams 'byung / /zhes bya ba la/ byis pa ni 'o ma 'thung ba dang / kha zas za ba dang / zas dang 'o ma gnyis kas 'tsho zhing gnas pa ste/ rnam pa gsum du bshad do/ /des na nu zho'i 'o ma dang / kha zas
 de gnyis la gnod pa med pa las ni byis pa nad med cing bde bar 'gyur la de gnyis gnod cing mi 'phrod pa las ni byis pa'i nad rnams 'byung bar 'gyur ro/ /gang zhig chu dang gcig tu 'dres/ /nyes pa yod pa ma yin te/ /'o ma de ni skyon med yin/ /zhes bya ba la/ bud
 med kyi nu zho gang zhig chu'i nang du bcug pa na gcig tu 'dres par gyur pa ni rlung la sogs pa'i nad kyi nyes pa'i skyon med pa yin par shes par bya'o/ /rlung gis gnod gyur chu steng 'phyo/ /bska zhing rtsub la dbu ba can/ /de yis bshang gci sri bar byed/
 ces bya ba la/ 'o ma gang rlung gis gnod cing ma rungs par gyur pa ni chu'i nang du bcug na steng du 'phyo bar 'gyur gyi 'og tu nub par mi 'gyur ba dang / ro bska ba dang rang bzhin rtsub pa dang / dbu ba can du gnas pa yin zhing de 'thungs na bshang ba dang gcin sri zhing 'gag par
 byed pa yin no/ /mkhris pas gnod gyur dro skyur tsha/ /ri mo ser snang des tsha skyed/ /ces bya ba la/ mkhris pas gnod par gyur ba'i nu zho ni dro bar 'gyur ba dang / ro skyur zhing tsha ba dang / me'i nang du bcug na ri mo ser po lta bur snang ba yin te/ de blud na byis pa
 tsha ba skyed par byed pa yin no/ /bad kan gyis ska lan tshwar bcas/ /sbyin bag can la chu nang 'bying / /zhes bya ba la/ bad kan gyis gnod par gyur pa'i 'o ma ni ska ba dang ro lan tshwar bro ba dang / spyin bag nal nal por 'dug pa dang / chur bcug na 'og tu 'bying ba yin no/ /
 ldan ba'i mtshan ma 'dren ma ste/ /'dus pa'i mtshan nyid gsum dang ldan/ /zhes bya ba la/ bud med kyi nu zho nad gzhi gnyis dang 'dres pa'i ldan pas gnod par 'gyur ba ni mtshan ma 'dres par snang ba yin la/ nyes pa gsum char 'dus par gyur ba'i nu zho ni nad gzhi gsum
 char gyi mtshan nyid dang ldan pa yin no/ /rang gi mtshan ma ci 'dra las/ /de 'thungs bas ni nad skyed 'gyur/ /zhes bya ba la/ 'o ma de nad gzhi re re dang ldan pa dang / 'dus pa'i skyon dang ldan pa'i mtshan nyid ci 'dra ba 'thungs pa las rang gi mtshan nyid dang mthun pa'i nad so so
 dang ldan pa dang / 'dus pa de sogs shing 'phel bar 'gyur ro/ /byis pa rtag tu mi bzad par/ /du ba la ni nad shes bya/ /zhes bya ba la/ byis pa na ba'i mtshan ma ni/ byis pa yang dang yang du rtag bar shas cher ngu ba las nad kyis gzir ba yin par shes par bya'o/ /
 de ni phyogs gang shas cher 'dzin/ /gang du reg par mi bzod pa/ /de na nad yod shes par bya/ /zhes bya ba la/ yang byis pa de lus kyi phyogs gang du shas cher 'dzin cing reg par byed pa dang / lus kyi phyogs gang du reg cing mnan na lus kyi phyogs de na nad yod pa kho
 nar shes par bya'o/ /mgo nad mig 'byed las shes bya/ /zhes bya ba la/ de las kyang khyad par du mgo bo na ba ni mig gnyis rtag tu 'byed cing 'dzums mi shes pas mgo'i nang yod par shes par bya'o/ /snying nad lce mchu sos gnon dang / /dbugs dang khu tshur bsdams shes
 bya/ /zhes bya ba la/ lce dang mchu sos gnon pa la sogs pa las ni byis pa de snying nad yod par shes par bya'o/ /khong nad bshang gci sri dang slon/ /nu ma sos 'debs rgyu ma 'khrugs/ /lto sbo rgyab ni 'gugs dgye dang / /lto 'gugs pas kyang shes par bya/ /zhes bya ba la/ bshang
 gci sri ba la sogs ba la ni khong ba ste/ /lto ba'i nang na nad yod par bya'o/ /chu so mtshan nad bshang gci sri/ /skrag cing phyogs lta las shes bya/ /zhes bya ba la/ chu so ste lgang pa dang / gsang ba'i mtshan ma la nad yod pa'i rtags ni bshang gci srib
 la sogs pa las shes par bya'o/ /de nas ma ma nad gzhi dang / /skyon ni ji bzhin gso bar bya/ /zhes bya ba la/ de nas de'i 'og tu byis pa la nu zho blud ba'i ma ma nad gzhi ji lta bu yod pa dang / nad kyi skyon ji lta bu yod pa'i tshul las gso
 zhing bcos par bya'o/ /de la nu zho rlung can la/ /rtsa ba bcu bskol zhag gsum blud/ /ces bya ba la/ rlung gis gnod par gyur pa'i nu zho la ni rtsa ba bcu po bskol ba'i khu ba ma ma la zhag gsum gyi bar du blud par bya'o/ /yang na ru rta tsi tra ka /pa tha shu dag phu tse
 shel/ /ga bra'i rtsa ba la la phud/ /thang shing dang ni sa ra la/ /bri sh+tsi ka ni pi pi ling / /na le sham ni bskol ba blud/ /ces bya ba la/ /yang na rlung gis gnod par gyur pa'i nu zho la ru rta dang tsi tra ka bskol ba'i khu ba ma ma la zhag gsum gyi bar du blud par bya'o/ /
 de nas rlung nad 'joms pa yi/ /sman mar gang yang rung ba blud/ /de rjes chang gi dngas ma blud/ /snum gyur bkru sman 'jam po gtang / /zhes bya ba la/ de'i 'og tu sman gyi khu ba sngar smos pa blud pa'i rjes la sman de zhu bar gyur pa'i skabs su/ /rlung gi nad la phan
 par bshad pa'i sman mar gang yang rung ba ci rigs pa blud par bya la/ /mar de 'thungs pa'i rjes la chang gi dngas ma blud par bya'o/ /de ltar tshul 'dis ma 'am ma ma de snum gyis zhen par gyur pa dang / bkru sman 'jam po nyung shas btang la 'khrur gzhug par bya'o/ /de 'og
 'jam rtsi'i las bya zhing / /dugs sogs rlung nad 'joms pa bya/ /zhes bya ba la/ de'i 'og tu bkru sman btang ba'i rjes la 'jam rtsi mas gtong bar bya zhing dugs dang / bsku ba dang / byug pa dang / mnye ba la sogs pa rlung 'joms pa'i gso ba bya'o/ /bil bar
 sna ti mus/ /thang shing sa ra la bcas phye/ /mar dang sbyar ba'i lde gu'am/ /de bskol kha ra dkar btab spyin/ /zhes bya ba la/ byis pa la ni ra sna dang ti mu sa zhes bya ba a dza mo da las btags pa'i phye ma mar dang sbyar ba'i lde gu 'am/ yang na ra sna la sogs pa dang bskol
 ba'i mar dang kha ra dkar po bsres pa sbyin par bya'o/ /mkhris pas gnod la sle tres dang / /nye'u shing nim pa pa to la/ /tsan+dan sha ri ba bskol ba/ /ma ma dang ni byis par blud/ /ces bya ba la/ mkhris pas gnod par gyur pa'i nu zho la ni sle tres la sogs pa bskol
 ba'i khu ba ma ma dang byis pa la blud par bya'o/ /yang na gla sgang 'bras bu gsum/ /rtsa mkhris pu tse shel blud bya/ /zhes bya ba la/ yang na mkhris pas gnod par gyur pa'i nu zho la gla sgang la sogs pa'i snum bskol ba byis pa dang / /ma ma la blud par bya'o/ /thal tres la
 sogs shug pa sogs/ /pa to la sogs sde bskol blud/ /ces bya ba la/ de bzhin du sha ri ba zhes bya ba thal tres la sogs pa'i sde tshan bkru sman la sogs pa'i skabs nas bshad pa 'am/ shug pa la sogs pa'i sde tshan nam/ pa to la la sogs pa'i sde tshan bskol
 ba'i khu ba ma ma dang / byis pa la ci rigs par blud par bya'o/ /sman ni 'di bskol mar dang ni/ /mkhris pa sel ba'i bkru sman dang / /bsil sman gyis bsku byug sogs sbyar/ /zhes bya ba la/ yang na mkhris pas gnod par gyur pa'i nu zho la phan pa'i sman 'di rnams
 dang / mar bskol la byis pa dang ma ma la blud par bya ba dang / mkhris pa sel ba'i bkru sman ma ma kho na la gtang bar bya ba 'am/ de bzhin du bsil sman gyis bsku ba dang byug pa la sogs pa'i sbyor ba bya'o/ /bad kan can gyi bdag nyid la/ /shing mngar rgyam tshar bcas
 pa 'am/ /rgyam tshar shing mngar pi pi ling / /mar sbyar byis pa la blud bya/ /zhes bya ba la/ bad kan gyis gnod par gyur pa'i bdag nyid can ni nu zho la shing mngar dang / rgyam tsha dang bcas pa'i mar byis pa la blud par bya ba 'am/ yang na rgyam tsha shing mngar dang / /
 pi pi ling dang / mar sbyar ba byis pa la blud par bya'o/ /de nas po son cha'i me tog /btags pa sbrang rtsir bcas pa yi/ /lde gus nu ma byis pa'i mchu/ /bskus la byis pa bder slon gzhug /ma ma rnon pos slon du gzhug /ces bya ba la/ de nas de'i 'og
 tu po son cha'i me tog zhib tu btags nas/ sbrang rtsi dang mar sbyar zhing btags pa'i lde gus ma ma'i nu ma dang / byis pa'i mchur bskus la/ tshul de lta bus byis pa bde zhing nyam nga ba med par slon du bcug na/ nu ma lhud pa'i ma ma ni sman rnon pos
 skyug tu gzhug par bya'o/ /de nas thug sogs rim par spyad/ /gla sgang la sogs bskol ba blud/ /ces bya ba la/ de nas de'i 'og tu ma ma thug pa blud pa la sogs pa'i rim pa spyad cing gla sgang la sogs pa'i sde tshan gyi nang nas bshad pa blud par bya'o/ /de bzhin go
 snyod rgya spos dang / /thang shing dug mo yungs bskol blud/ /ces bya ba la/ de bzhin du go snyod la sogs pa dang / bskol ba'i thug pa la sogs pa ma ma la blud par bya'o/ /yang na gla sgang bong nga dkar/ /shu dag tsha ba lnga bskol blud/ /ces bya ba la/
 yang na gla sgang la sogs pa'i khu ba ma ma dang byis pa la blud par bya'o/ /nu zho nyes gsum dri ma can/ /dri mnam 'khru zhing chu dang 'dra/ /mkhregs shing sla la rgyun bar chad/ /wu ba can du 'khru bar gyur/ /bshang ba kha dog sna tshogs 'byung / /na zhing gcin ser dkar
 zhing ska/ /rims nad skom dang yi ga 'chus/ /sgregs pa skam po 'byung zhing slar/ /lus na yan lag rkyong ba dang / /mkhun zhing 'dar la mgo 'khor dang / /sna mig khar ni shu ba sogs/ /nad ni gzhan dag de las 'byung / /'o ma'i be'u snabs zhes bshad de/ /gnod
 pa'i nad ni mi bzad yin/ /zhes bya ba la/ bud med kyi nu zho nyes pa gsum char gyis gnod par gyur cing dri ma can du gyur nas/ byis pa shin tu dri ma mnam par 'khru na/ 'khru ba de yang chu 'dra ba la sogs pa'i mtshan nyid can du 'byung bar 'gyur ba dang / bshang ba kha
 dog sna tshogs shing na bar gyur pa dang / gcin yang kha dog dkar pa 'am ser bor gyur pa la ska ba dang / de bzhin du byis pa'i rims la sogs pa'i nad dang / 'dir ma smos pa'i nad gzhan dag kyang 'di la 'byung bar 'gyur te/ de lta bu'i nad de ni 'o ma'i nad be'u snabs
 she 'am/ 'o ma ma zhu ba zhes bya'o/ /zhes drang srong rnams kyis bshad de/ de ni byis pa rnams la shin tu gnod pa dang / mi bzod cing gso bar dka' ba yin no/ /de la ma ma byis pa la/ /slon sman btang bas myur du gso/ /zhes bya ba la/ de lta bu'i nad de la
 nu ma lhud pa'i ma ma 'am/ ma dang bu gnyis ka slon sman btang bas myur ba kho nar gso bar bya'o/ /thug sogs rim par bshad pa ni/ /shu dag la sogs sde tshan nam/ /skyer pa la sogs pa'i sde tshan nam/ /pa ta dang ni pi pi ling / /gla sgang pu tse shel bskol
 blud/ /ces bya ba la/ /sngar thug pa la sogs pa'i rim pa bshad pa dag tu shu dag la sogs pa'i sman gyi sde tshan dang sbyar ba dang / de'i khu ba blud par bya ba 'am/ skyer pa la sogs pa'i sde tshan nam/ yang na bong nga dkar po nas pu tse shel gyi bar gyi sman bskol ba blud par
 bya'o/ /pa tha bca' sga pu tse shil/ /sle tres rtsa mkhris sha ri ba/ /thang shing gla sgang mur ba dang / /dug mo yungs bcas bskol ba blud/ /nu zho'i nyes ba sel ba'i mchog /ces bya ba la/ yang na pa ta la sogs pa'i sman bskol ba blud na yang nu zho'i nyes pa
 sel pa'i mchog yin no/ /rjes 'brel nad la ji bzhin du/ /dus shes pa yis gso bar bya/ /zhes bya ba la/ 'o ma'i be'u snabs kyi nad de dang rjes su 'brel cing rjes su 'brang ba'i bla brnan gyi nad rnams la yang nad kyi dmigs ji lta ba bzhin du/ dus shes pa'i sman pas
 gso ba brtsam par bya'o/ /so 'byung ba dag nad rnams ni/ /thams cad kyi yang rgyu yin no/ /mchog tu rims dang 'khru ba yi/ /lud pa slon dang mgo nad dang / /bad mig 'dzag pa'i nad dang ni/ /shu ba rnams ni skyed par byed/ /ces bya ba la/ byis pa'i so 'byung
 ba ni byis pa'i nad thams cad kyi rgyu dang gnas yin no/ /de las kyang khyad par du rims la sogs pa'i nad rnams skyed par byed pa'i rgyu yin no/ /byi la'i sgal tshigs bye ba dang / /rma bya'i gtsug ni 'byung ba dang / /byis pa'i so ni skye ba na/ /mi na ba ni cung zad med/ /
 ces bya ba la/ byi la'i sgal tshigs bye zhing 'bur ba'i dus dang / rma bya'i gtsug gi cod pan 'byung ba'i dus su yan lag thams cad brdung zhing na bar mi byed pa cung zad kyang med do/ /de bzhin du byis pa'i so skye ba na yang yan lag mi na ba cung zad kyang med kyi
 thams cad na bar 'gyur ro/ /de la nad ni ji bzhin dang / /nad stobs ji bzhin 'jigs ji bzhin/ /yul dang dus sogs rnam phye ste/ /sman gyi sbyor bas gso bar bya/ /zhes bya ba la/ so skye ba las byung ba'i nad de la nad kyi tshul ji lta ba dang / nad gang dang gang stobs
 che ba'i shas ji lta ba dang / 'jigs pa gang dang gang las byung pa ji lta ba de bzhin du yul dang dus la sogs pa'i tshul shes par byas la/ sman gyi sbyor bas gso bar bya'o/ /gnod dang gnod bya de nyid dang / /rims sogs nad kyang de nyid 'byung / /de bas sman ni de nyid de/
 gzhon sha can dang lus chung phyir/ /zas kun bsten par mi byed pas/ /'di yi tshad ni chung du sbyin/ /zhes bya ba la/ byis pa'i gnod pa de nyid de rlung dang mkhris pa dang bad kan de nyid dang / dngas ma la sogs pa'i lus zungs bdun po'i gnod bya de nyid dang / rims la
 sogs pa'i nad kyang sngar lus spyi'i gso bar bstan pa de nyid 'byung bar 'gyur ro/ /de bas na sman yang rims la sogs pa'i skabs de dag tu smos pa de nyid kyis gso bar bya'o/ /'on kyang byis pa'i skabs su khyad par 'di yod de/ byis pa ni gzhon sha can khul zho pa yin pa'i
 phyir dang lus chung ba'i phyir dang / zas thams cad brten par mi byed pa'i phyir 'di la sman gyi tshad chung du sbyin par bya'o/ /mar dang 'o ma la brten pas/ /byis pa rtag par khong snum yin/ /de bas 'phral du skyug sman ni/ /'jam po blo dang ldan pas blud/ /ces bya ba la/
 byis pa ni dus rtag tu mar dang / 'o ma la brten cing des 'tsho ba yin pas/ rtag par khong snum pa yin la/ de bas na byis pa de la ni 'phral du de'i mod la skyug sman 'jam po sman pa blo dang ldan pas blud par bya'o/ /'o ma 'o ma zas brten la/ /nu zho ngoms par byas pas slon/ /
 zhes bya ba la/ byis pa 'o ma la brten pa dang / 'o ma dang zas gnyis ka la brten pa dag la ni nu zho ngoms par byas nas slon du gzhug go/ /zas za ba la mar bcas pa'i/ /thug pa sla ba blud par bya/ /zhes bya ba la/ zas 'ba' zhig gis gso ba'i byis pa ni thug pa
 sla ba rkyang rkyang po blud pas slon par bya'o/ /bkru sman gyis gso mas gtong dang / /tshad chung tshad phran dag gis bya/ /zhes bya ba la/ byis pa bkru sman gyis gso bar bya ba'i nad yod pa la ni bkru sman mas gtong bas gso bar bya'o/ /sna sman tshad chung du btang ba'i nad yod pa
 la ni tshad phran dag gtang bar bya'o/ /bkru sman la sogs ji skad bshad/ /ma ma nyid la gtang bar bya/ /zhes bya ba la/ ma ma 'am ma la ni bkru sman la sogs pa ji skad du smos pa'i sbyor ba thams cad sbyar bar bya ste/ de la byis pa la ni bkru sman rnam pa thams cad du btang du mi
 rung ngo / /mur ba rgya shug tsha ba gsum/ /'bras bu gsum dang 'dzam bu'i shun/ /thang shing pa ta yungs kar bcas/ /sbrang rtsir sbyar ba'i lde gu sbyin/ /nu zho'i nyes pa sel mchog yin/ /zhes bya ba la/ mur ba la sogs pa'i sman sbrang rtsi dang btags pa'i lde gu ni nu zho'i
 nyes pa sel ba'i mchog yin no/ /pi pi ling dang skyu ru ra/ /da ta ka yi me tog gi /phye ma sbrang rtsi bcas pa yi/ /lde gus rnyil ni byug par bya/ /zhes bya ba la/ pi pi ling gi phye ma sbrang rtsi dang sbyar ba'i lde gus rnyil bsku bar bya ba 'am/ yang na skyu ru ra dang / da ta ka'i me tog gi
 phye ma dang / sbrang rtsi sbyar bas rnyil bsku bar bya'o/ /'ur bya sreg pa'i sha skam gyi/ /phye ma sbrang rtsi sbrus pa yis/ /byis pa'i so yi myu gu ni/ /myur du skyed par byed pa yin/ /zhes bya ba la/ 'ur bya zhes bya ba bya la ba dang / sreg pa'i sha skam gyi phye ma sbrang rtsi sbrus pa
 bskus na byis pa'i so'i myu gu myur du skyed par byed do/ /shu dag bri ha ti gnyis dang / /ba ta gla sgang pu tse shel/ /bong nga mngar ba'i sman sde dag /bskol ba'i sman gyis so skyed grub/ /ces bya bal/ shu dag la sogs pa'i sman dang / de bzhin du rgun 'bru la sogs pa
 mngar ba'i sman gyi sde tshan dang bskol ba'i mar gyis bskus na/ so myur du skyed pa de mngon du grub pas yid ches pa yin no/ /skyer pa thang shing sa ra la/ /bri ha ti gnyis nye shing pa/ /kr-iSh+Na pa r+Nishri ya se/ /sbrang rtsi mar sbyar lde gu ni/ /pho ba'i me drod
 skyed pa'i mchog / rlung ni bde bar rgyu bar byed/ /'khri ba rims dang dbugs mi bde/ /mig ser skya rbab lud ba 'joms/ /byis ba'i nad ni thams cad la/ /phan zhing mdog dang nyams stobs skyed/ /ces bya ba la/ sa ra ni tsi zhes bya ba'i shing ngo / /pi ha ti gnyis ni
 pri ha ti dang kaN+Da kA ri 'o/ /shri ya se ni ha ti pi pi ling ngo / /gzhan dag ni grags par zad do/ /sman de dag btags pa'i phye ma sbrang rtsi dang mar dang sbyar ba'i lde gu ni pho ba'i drod bskyed pa la sogs pa'i yon tan dang ldan pas nad thams cad la phan zhing lus kyi mdog dang nyams
 stobs skyed par byed pa yin no/ /btsod dang sing phrom da ta ki /ku tan na ta pa la gnyis/ sa ha che chung gnyis dang ni/ /mud ga bil pa gzhon nu rnams/ /ras ba la sa bon bcas pa dag /chu bskol pa dang mar dang ni/ /thal sman zho ga chur bskol bas/ /so skyes
 las byung sna tshogs nad/ /'di yis myur du 'joms byed do/ /'od srungs rgan pos bshad pa yin/ /zhes bya ba la/ btsod la sogs pa'i sman chu dang / bskol ba'i sman gyi khu ba dang / mar dang / thal sman dang / zho ga chur sbyar te bskol bas ni so skyes pa las byung ba'i
 nad sna tshogs 'dis sel bar byed do/ /sbyor ba 'di ni 'od srungs rgan po zhes bya ba'i drang srong gis bshad pa yin no/ /byis pa so skye'i nad la ni/ /sngags kyis mngon par gdab mi bya/ /so skyes pa yi nad gang yin/ /gso bas rang nyid nyer zhing 'gyur/ /zhes bya ba la/
 byis pa so skye ba'i nad la sngags kyis gdab par mi bya ste/ so skyes pa'i nad gang yin pa de ni gso ba de dag byas pas rang nyid nye bar zhi bar 'gyur bas sngags gdab mi dgos so/ /nyin par gnyid drags chu grang dang / /nu zho bad kan can brten bas/ /byis pa'i dngas ma rgyu
 ba yi/ /rtsa rgyun bad kan gyis bkag pas/ /yi ga 'chus dang cham pa dang / /rims dang lud pa 'byung bar 'gyur/ /de nas byis pa lus bskams shing / gdong snum mig ni dkar bar 'gyur/ /zhes bya ba la/ nyin par gnyid log drags pa la brten pas dngas ma rgyu
 ba'i rtsa sbubs 'gags pa la sogs pa'i phyir yi ga 'chus pa la sogs pa'i nad byung la/ des na byis pa lus skams par 'gyur ro/ /rgyam tsha tsha gsum sha rang ga /pa tha gi ri ka dam pa/ /mar dang sbrang rtsi sbyar skams dang / /yi ga 'chus pa sogs la gtang / /zhes bya ba la/
 byis pa lus skams shing yi ga 'chus pa la sogs pa la rgyam tsha la sogs pa'i sman gtang bar bya'o/ /pu tse shel dang a sho ka /tsha ba lngar bcas phye ma phan/ /zhes bya ba la/ yang na phu tse shel dang a sho ka dang tsha ba lnga'i phye ma sbrang rtsi dang / mar dang sbyar ba yang byis pa'i yi ga 'chus
 pa la sogs pa'i nad la phan no/ /da ta ki dang skyu ru ra/ /rgya shug phye ma mar bcas phan/ /zhes bya ba la/ yang na da ta ki la sogs pa'i phye ma dang / mar dang sbrang rtsi dang sbyar ba yang byis pa skem zhing yi ga 'chus pa la sogs pa la phan no/ /sa la par+Ni shu dag dang / /bri ha ti gnyis
 ram nye ba/ /pi pi ling dang rgya sbos dang / /lcang ma ut+pa la ba spru ba/ ga bra'i rtsa ba gla sgang rnams/ /srang re yi ni tshad byas pa/ /mar ni bre gang bcas bskol ba/ /rtsa rgyun sbyong ba'i dam pa yin/ /zhes bya ba la/ sa la par+Ni la sogs pa'i sman sna re re srang re mar bre gang gi nang du bskol
 ba blud na yang rtsa rgyun bad kan gyis 'gags pa sbyong bar byed pa yin no/ /a shwa gan+d+ha bye'u ru ga pa/ /bri ha ti dang pi pi ling / /bskol ba'ang yon tan de dang 'dra/ /zhes bya ba la/ a shwa gan+d+ha la sogs pa'i sman dang bskol ba'i mar blud na yang yon tan snga ma dang 'dra ste/
 rtsa rgyud sbyong bar byed pa yin no/ shing mngar seng phrom pi pi ling / /shug pa tsan+dan ut+pa la/ /lam bu'i lo ma sha ri ba/ /bskol ba'i mar gyis skem pa yi/ /nad ni 'joms par byed pa yin/ zhes bya ba la/ shing mngar la sogs ba dang / bskol ba'i mar gyis kyang
 byis pa'i skem pa'i nad sel bar byed pa yin no/ /shring gi ma tu lung ga dang / /ga bra'i rtsa ba pi pi ling / /thang shing a shwa gan+d+ha dang / /ram nye ba gnyis ra sna dang / /zangs rtsi ba dang dzi ba ka /ma sha mud ga pa r+Ni dang / /byi dang ga yi lde
 gur byas/ /ri bong mgo bskol khu ba dang / /bskol pa'i mar ni blud gyur na/ /lus skem rgyas par byed ba'i mchog /ces bya ba la/ kar ka ta shring gi dang ma du lung ga la sogs pa'i sman gyi lde gu dang / ri bong gi mgo bo bskol ba'i khu ba dang / lhan cig bskol ba'i
 mar gyis ni byis pa'i lus skem par gyur pa mchog tu brtas par byed pa yin no/ /shu dag sle tres ka ya s+tha/ /rgya spos tsa rong ra thug gcin/ /chang bskol til mar 'thungs pa phan/ /zhes bya ba la/ shu dag la sogs pa dang / til mar bskol ba yang lus skem pa la
 phan no/ /rgya skyegs khu ba cha mnyam dang / /til mar bre gang zho ga chu/ /bzhi 'gyur a shwa gan+d+ha dang / /skyer ba thang shing ru rta dang / /ha re Nu ka ba ta la/ /tsan+dan mur ba pu tse shel/ /ra sna nye'u shing shing mngar mnyam/ /bskol ba'i til mar rgya skyegs sogs
 zhes bya bskus na phan par 'gyur/ /stobs skyed rims dang zad byed dang / /smyo byed brjed dbugs mi bde/ /rlung gi nas rnams sel bar byed/ /gnod sbyin srin po 'byung po 'joms/ /sbrum ma la yang bsngags pa yin/ /zhes bya ba la/ rgya skyegs kyi khu ba bye gang
 dang / zho ga chu bre bzhi dang / a shwa gan+d+ha la sogs pa sman cha mnyam par byas pa dang / bskol ba'i til mar ni rgya skyegs la sogs pa'i til mar zhes bya ste/ de bskus na yang lus skems ba la phan zhing rgyas par 'gyur ba dang / stobs skyed pa la sogs pa'i
 yon tan dang ldan pa yin no/ /bong nga kar ka ta sring gi /pi pi ling dang sbrang rtsi sbyar/ /lde gu byis pa la sbyin pa/ /zhes bya ba la/ bong nga dang kar ka ta shring gi la sogs pa sbyar ba'i lde gu sbyin na yang phan no/ /bong nga dkar bo gcig pu yi/ /lde gus lud pa rims
 slon bro/ /bla brnan gyi ni nad sel byed/ /ces bya ba la/ yang na bong nga dkar bo gcig pu sbrang rtsi dang sbyar ba'i lde gus kyang lud pa dang rims la sogs pa'i nad sel bar byed do/ /nu zho 'thung zhing slon pa la/ /de la zhun mar sbrang rtsi dang / /kaN+Da kA ri bri ha ti/ /'bras bu'i
 khu ba tsha ba lnga/ /sbyar ba'i lde gu sbyin par bya/ /zhes bya ba la/ byis pa gang ma'i nu zho 'thungs shing slon par gyur pa de la ni/ mar dang sbrang rtsi dang / kaN+Da ka ri dang / bri ha ti'i 'bras bu'i khu ba dang / tsha ba lnga'i phye ma dang sbyar ba'i lde gu sbyin par bya'o/ /pi pi ling dang lan
 tshwa lnga/ /ba ri pa tra byi dang ga /de bzhin lde gur bcas pa sbyin/ /zhes bya ba la/ pi pi ling dang / lan tshwa lnga dang / ba ri pa tra dang / byi dang ga'i phye ma sbrang rtsi dang sbyar ba'i lde gu sbyin na yang slon pa'i nad la phan no/ /de bzhin tsha ba gsum reg 'jam/ /sha ri da ta rma bya sram
 ji snyed pags pa spu bsregs la/ /snag tsha sbrang rtsi mar sbyar phan/ /zhes bya ba la/ yang de bzhin du tsha ba gsum dang / bya reg 'jam la sogs pa ji snyed pa'i pags pa dang / sbu bsregs te snag tshar bcas pa mar dang sbrang rtsi sbyar ba'i lde gu byis pa la byin na yang nad de la phan
 no/ /seng ldeng bal bu a rdzu na/ /ru rta twa ta na'i khu ba/ /'o ma mar dang bcas bskol bas/ /slon bro nye bar sel bar byed/ /ces bya ba la/ seng ldeng la sogs pa 'o ma dang mar bcas pa bskol ba blud na yang slon bro ba sel bar byed do/ /gang zhig so dang bcas
 skyes dang / /gang gi dang por ya so skyes/ /bkra mi shis pa de la ni/ /zhi ba bya zhing bram ze la/ /yon dang bcas pa sbyin par bya/ /de bzhin skem byed mchod par bya/ /zhes bya ba la/ byis pa gang ma'i khong nas so dang bcas par skyes pa dang / yang byis pa gang yang so dang por
 skyes pa'i bkra mi shis pa'i gnod pa can de la ni zhi ba'i sbyin sreg bya ba dang / dge sbyong dang bram ze la byis pa de yon dang bcas pa sbyin par bya ba dang / de bzhin du gzhon nu skem byed mchod par bya'o/ /bad kan 'khrugs pas rkan gyi shar/ /rkan gyi mdzer pa zhes bya ste/ /
 des na rkan gyi phyogs kyi ni/ /spyi bo du ma'i bar 'byung bar 'gyur/ /rkan lhung nu zho 'gras pa dang / /ska ba 'thungs shing bshang ba sla/ /skom dad kha g.ya' mig na zhing / /gnya' ba 'degs dka' slon par 'gyur/ /zhes bya ba la/ bad kan 'khrugs
 pas rkan gyi shar rkan gyi mdzer pa zhes bya ba'i nad skye bar 'gyur ro/ /rkan gyi mdzer pa des rkan gyi phyogs kyi spyi bor dma' zhing lcong bar 'gyur la/ de bzhin du rkan lhung zhing babs pa dang / nu zho dang 'gras shing 'thung bar mi dga' ba dang / dka' zhing sdug bsngal bas 'jigs
 pa la sogs par 'gyur ro/ /de la rkan bteg nas tshig 'khus/ /thal pa sbrang rtsi+er sbyar ba bsku/ /yang na bcal sga pi pi ling / /ba glang lci khu lan tshwa bsku/ /zhes bya ba la/ rkan du mdzer pa byung ba de la btegs nas/ nas tshig 'khus pa'i thal ba dang / sbrang rtsir bcas pa'i
 lde gus bsku bar bya ba'am/ yang na bca' sga la sogs pa'i sman sbrang rtsi dang sbyar ba'i lde gus bsku bar bya'o/ /dong gra skyer pa shing tsha yi/ /lde gu n+ya gro d+ha'i lo mar/ /gtums la ba lang lci bas byugs/ /de rjes me ma mur la bsregs/ /khu bas rkan dang kha bsku zhing / /mig
 tu yang ni blugs par bya/ /zhes bya ba la/ dong gra dang skyer pa dang / shing tsha lde gur byas pa bya gro d+ha'i lo mar gtums la/ /de'i 'og tu ba lang gi lci bas phyi rol nas bskus la/ de'i 'og tu me ma mur gyi mdag mer bsregs la/ chos pa dang khu ba btsir te byis pa de'i rkan dang / /
 kha'i phyogs bsku zhing / mig tu sman gyi thigs pa blugs par bya'o/ /ru rta shu dag a ru ra/ /sbrang rtsir bcas pa'i lde gu ni/ /nu zhor sbyar bas byis pa blud/ rkan gyi mdzer pa las thar 'gyur/ /zhes bya ba la/ /ru rta la sogs pa'i lde gu dang nu zho dang lhan cig blud na yang rkan gyi
 mdzer pa'i nad las thar bar 'gyur ro/ /dri mas gos sam rngul ba las/ /gzhang khar bad kan khrag las byung / /rma ni nad dmar g.ya' ba dang / /bla brnan mang po 'byung bar 'gyur/ /la las ma mo'i nyes par bshad/ /gzhan dag lus srul pos byas zer/ /rgyab kyi thor bu gzhang
 bsdebs zer/ /la las de ming med ces bshad/ /ces bya ba la/ bshang ba zhes bya ba'i dri mas gos pa dang / lan 'ga' rngul bar gyur pa las bad kan khrag las gyur pa'i rma nang na dmar zhing g.ya' ba dang bcas pa dang / bla brnan mang po dang ldan par 'byung bar
 'gyur la/ rma de la ni la las ni ma mo'o gdon gyis nyen pa las byung ba yin par bshad la/ de bzhin du gzhan dag ni lus srul po'i gdon gyis nyen pa byas zer/ la las ni rgyab kyi thor bu zhes bya ba yin zer la/ gzhan dag ni gzhang bsdebs pa zhes bya ba yin no/ /zhes
 zer ba'o/ /la las ni nad de ming med ces bya'o/ /zhes zer ro/ /de la ma ma bad mkhris dag /sel ba'i sman gyis nu zho sbyang / /zhes bya ba la/ ming du ma dang ldan pa'i nad de la ni ma ma'i mkhris pa dang / bad kan sel bar byed pa'i sman gyis de'i nu zho sbyang zhing nyes pa med par
 bya'o/ tsan+dan dkar chu bsil ba dang / ldan pa'i skom ni nang nas blud/ /ces bya ba la/ ma ma de la tsan+dan dkar po chu bsil ba dang sbyar ba'i skom ma ma dang byis pa la blud par bya'o/ /de dang skyer pa'i khaN+Da ni/ /sbrang rtsir bcas pas rma bsku bya/ /zhes bya ba la/ tsan+dan
 dkar po dang skyer pa'i khaN+Da sbrang rtsi dang bcas pa'i lde gus rma bsku bar bya'o/ /rgya shugs 'bras bu gsum blag sha'i/ /shun pa bskol ba'i chu blugs bya/ /nag tshur gi waM spangs ma dang / /dngul rdo ba bla ldong ros ni/ /skyur dang btags pas bsku bya zhing / /zhes bya ba la/
 rgya shug la sogs pa bskol ba'i khu bas rma de la blugs par bya ba 'am/ nag tshur la sogs pa'i sman khu ba skyur po dang / sbyar ba'i lde gus rma bsku bar bya'o/ /yang na shing mngar skyer khaN+Da/ /dung ni zhib tu btags pa 'am/ /dung gi lte ba sha ri ba 'am/ /a sa na yi shun pa ni/ /
 phye mar btags pas gdab par bya/ /zhes bya ba la/ yang na rma de shing mngar la sogs pa zhib tu btags pa'i phye ma gdab bar bya ba 'am/ yang na dung gi lte ba dang / /sha ri ba zhes bya ba thal tres kyi phye mas gdab bar bya ba 'am/ yang na a sa na'i shun pa phye mar zhib tu btags
 nas gdab par bya'o/ /dmar zhing g.ya' ba'i shas che la/ /srin bu pad pas khrag dbyung bya/ /zhes bya ba la/ gzhang bsdebs pa'i nad de mdog dmar zhing / g.ya' ba'i shas che bar gyur pa ni srin bu pad pas khrag dbyung bar bya'o/ /gzhang
 bsdebs nad la mkhris pa yi/ /rma la phan pa thams cad bsngags/ /zhes bya ba la/ gzhang bsdebs pa zhes bya ba'i nad la mkhris pa'i rma la phan pa'i zas dang / skom dang / sman thams cad phan no/ /pa tha gla sgang ser po gnyis/ /ga bra'i rtsa ba byi dang ga /pur+Na rna bar
 bil bar bcas/ /bri sh+tsi ka li tsha ba gsum/ /mar bcas bskol ba tshad tsam bldag /sa zos nad las thar bar 'gyur/ /zhes bya ba la/ ba tha la sogs pa sman bskol ba'i khu ba mar dang bskol ba tshad tsam byis pas bldags shing zos nas zos pa la sogs pa'i
 nad las thar bar 'gyur ro/ /nad ni gang gi sman gang yin/ /de yis nu ma bskus nas ni/ /yud tsam 'dug la de rjes bkru/ /blud na nad ni de des sel/ /zhes bya ba la/ rims la sogs pa'i sman gang dag yin bar bshad pa'i sman des nad gzhi ji lta ba dang sbyar te
 bskus nas yud tsam ste/ chu tshod gnyis 'das kyi bar du bsdad la/ de'i rjes la nu ma bskus te/ byis pa la nu zho blud na rims la sogs pa'i nad de sman des 'joms bar 'gyur ro/ /yan lag brgyad pa'i snying bo'i rnam par 'grel pa/ tshig gi don gyi zla zer zhes bya ba
 slob dpon zla ba la dga' bas nges par sbyar ba las/ gnas phyi ma'i le'u gnyis ba'i 'grel pa'o// //de nas byis pa'i gdon gso ba bshad par bya'o/ /zhes bya ba la/ le'u snga mar/ tshul min skrag par mi bya ste/ /skrag na gdon ni 'jug par 'gyur/ /zhes
 bshad pa'i rim pas byis pa'i gdon gso ba bstan par bya ba'i phyir le'u 'di brtsams pa yin no/ /sngon gyi skem byed bsrung ba'i phyir/ /gdon ni skyes pa'i gzugs can lnga/ /bud med kyi ni gzugs can bdun/ /lha chen po yi sprul pa yin/ /zhes bya ba la/ sngon gyi dus
 su lha chen po'i bu skem byed ces bya ba gzhon nu gdong drug pa rims las bsrung ba'i phyir/ gdon skyes pa'i gzugs can lnga dang bud med kyi gzugs can bdun lha chen po nyis kyis bskyed pa yin no/ /skem byed sa ga lug thug gdong / /khyi gdong yi dgas zhes bya dang / /zhes bya ba
 la/ skem byed kyi gdon la sogs pa lnga ni skyes pa'i gzugs can yin par shes par bya'o/ /bya gdon srul mo grang pa yi/ /srul mo long ma lus srul mo/ /de bzhin bzhin gyi rgyan can ma/ /nam gru nam gru skem mo yin/ /zhes bya ba la/ bya'i gdon la sogs pa'i gdon bdun
 po ni/ bud med kyi gzugs can yin no/ /de rnams kyis ni gzung ba'i tshul/ /rtag tu ngu dang rims kyis 'debs/ /zhes bya ba la/ gdon de rnams kyis dang po gzung zhing 'jug pa'i tshul lam rtags ni rtag par rgyun du ngu ba dang / rims kyis 'debs par byed
 pa yin no/ /spyi'i tshul skrag dang glal ba dang / smin ma 'degs shing rmya ba dang / /dbu ba slon zhing gyen du blta/ /ma mchu sos 'debs gnyid yar dang / /ngu zhing mkhun la nu zho la/ /mi dga' skad ni 'gyur ba dang / /glo bur du ni sen mo yis/ /rang gi ma
 ma'i yan lag 'brad/ /ces bya ba la/ gdon de rnams kyi spyi'i rtags ni/ skrag cing 'jigs pa dang glal ba la sogs pa nas rang gi ma ma 'am ma la rgyu med par yan lag thams cad sen mos 'brad cing gnod par byed pa'i bar yin no/ /de la skem byed kyis zan rtags
 mig gcig mchi ma 'dzag pa dang / /yang dang yang du mgo bo rdeb/ /phyogs gcig nyams shing lus rengs la/ /rngul bcas skye ba rengs ba dang / /so 'cha' nu zho la mi dga'/ /sngangs shing ngu la skad gsang nyams/ /kha yo kha chu skyug pa dang / /mi bzad par ni
 gyen du blta/ /tshil khrag dri bro yid mi dga'/ /bshang ba khu tshur la bcangs shing / /mkhur tshes mig dang smin ma gcig /g.yo zhing mig ni gnyis ka dmar/ /des ni yan lag nyes nyams sam/ 'chi ba kho nar byad par 'gyur/ /zhes bya ba la/ de la
 gdon de rnams kyi nang nas skem byed ces bya ba'i gdon gyis zin cing nyen pa'i rtags ni byis pa'i mig gcig nas 'chi ma 'dzag pa dang / skad cig ma re re zhing yang dang yang du mgo bo brdegs shing bskyod pa dang / /lus kyi gzhogs phyed nyams shing ma
 rungs pa dang / lus shing ltar rengs pa dang / rngul 'byung ba dang / ske ba gnye'u rengs kyis btab pa la sogs pa dang / tshil dang khrag dri mi zhim pa dang / yid mi dga' zhing lto ba ltar gnas pa dang / bshang ba khu tshur gyi nang du bcangs pa dang / mkhur tshos dang kha yo
 par gnas pa la sogs pa yin te/ des ni yan lag nyams shing mi tshang par 'gyur ba'am/ 'chi ba kho na 'gyur ro/ /skem byed brjed byed mtshan ma ni/ /dran pa nyams shing yang dang yang / skra 'bal ske ba 'gugs pa dang / /rnam par 'dud cing glal bzhin du/ /
 bshang dang gci ba 'byin par byed/ /wu bar skyug cing gyen du blta/ /rkang lag smin mas gar yang byed/ /nu ma rang lte so yis 'debs/ /kun tu g.yo zhing gnyid yar rims/ /khrag ni rnag gi dri bro'o/ /zhes bya ba la/ skem byed brjed byed ces bya ba gdon sogs bzung
 pa'i mchan ma ni byis pa'i dran pa nyams shing brgyal ba la sogs pa dang / lus rnam par 'gugs shing btud nas glal bzhin du bshang ba dang / gci ba 'byin par byed pa la sogs pa yin no/ /lug thug gdong gis rtags kyi nad/ /sbo zhing rkang pa lag pa dag /'dar zhing wu
 bar skyug pa dang / /skom dad che 'khru chang pa sdom/ /skad gsang dma' zhing mdog mi sdug /mkhun zhing slon par byed pa dang / /lud pa skyigs bus 'debs gnyid yang / /so yis mchu gnon yan lag sdud/ /rengs shing lug thug dri bro la/ /gyen du lta zhing dgod pa dang / /
 bar du 'gugs shing rims kyis 'debs/ /brgyal zhing mig gcig skrangs pa yin/ /zhes bya ba la/ lug thug gi gdong zhes bya bas zin pa'i rtags ni byis pa lto sbo ba la sogs pa'i nad kyis 'debs pa dang / lus kyi bar du gugs shing sgur por byed pa la sogs pa yin no/ /
 khyi yi gdong gi rtags gyur pa/ /'dar zhing ba spu ldang ba dang / /rngul zhing mig ni 'dzums pa dang / /rgyab tu gug cing lce dang so/ /mchu dang rkan sgra 'byin zhing skyug /bshad pa'i dri 'byung khyi skad 'don/ /zhes bya ba la/ khyi'i gdong gi rtags ni byis pa lus 'dar ba la
 sogs pa nas khyi'i skad 'byin pa'i bar yin no/ /yi dgas kyi ni gdon gyi rtags/ /ba spu ldang zhing yang yang sdang / /glo bur ngu zhing rims kyis 'debs/ /'khru zhing slon byed lud pa lu/ /glal skom mi ro'i dri dang ldan/ /lus ni bskyod cing g.yo ba dang / /skem
 zhing rengs la mdog mi sdug / khu tshur bsdam zhing mchi ma 'dzag /ces bya ba la/ byis pa yi dgas kyi gdon mtshun lha zhes bya bas gzung ba'i rtags ni ba spu ldang zhing yang dang yang du sdang ba yin no/ /bya gdon lus lhod 'khru bar byed/ /lce rkan lkog mar rma byung zhing / /thor bu
 na zhing tsha la rnags/ /tshigs dag tu ni yang yang 'byung / /mtshan mo skye la nyin mo 'bri/ /kha 'am bshang sgo 'gags pa dang / /'jigs shing bya yi dri dang ldan/ /rims kyis 'debs par byed pa yin/ /zhes bya ba la/ byis pa bya'i gdon gyis zin pa'i rtags ni/
 lus lhod cing yan lag shig shig por gyur pa dang / 'khru bar byed pa la sogs pa dang / lus dang yan lag la rma 'byung ba dang / mtshan mo skye zhing mched la nyin mo ni bri ba la sogs pa yin no/ /srul mos slon zhing 'dar ba dang / /lus snyom mtshan mo gnyid yar dang / /
 skyigs bu lto sbo 'khru ba dang / /skom zhing gcin ni sri ba dang / /lus lhod ba spu gshor ba dang / /kha ltar dri ni mnam pa yin/ /zhes bya ba la/ srul mo zhes bya ba'i gdon bud med kyi gzugs can gyi gdon gyis zin pa'i rtags ni byis pa slon zhing skyug pa dang / lus 'dar ba dang
 skom zhing gnyid kyis log pa ltar/ yul 'dzin mi nus pa dang / mtshan mo gnyid yar ba la sogs pa yin no/ /grang ba'i srul mos 'dar ba dang / /ngu zhing zur gyis lta ba dang / /skom zhing 'khru la rgyu ma 'khrugs/ /zhag ltar dri ni mnam pa dang / /yan lag logs
 gcig grang ba dang / /cig shos dro ba nyid yin no/ /zhes bya ba la/ grang ba'i lus srul mo zhes bya ba'i bud med kyi gzugs can gyi gdon gyis zin pa'i rtags ni byis pa lus 'dar ba la sogs pa nas lus kyi gzhogs gcig ni dro bar gyur pa la sogs
 pa'i bar yin no/ /srul mo long mas slon pa dang / /rims dang lud pa gnyid chung dang / /bshang ba sla zhing mdog mi sdug /dri nga bskus pas myur du skam/ /mthong ba nyams shing mig na g.ya'/ /mig skrang glo bar gyur ba dang / /skyigs bu mi dgod nu zho 'gras/ /mdog
 mi sdug cing nga ro rtsub/ /mdog nyams nya yi dri dang ldan/ /yang na dri ni skyur bcas yin/ /zhes bya ba la/ srul mo long ma'i gdon gyis zin pa'i rtags ni/ byis pa slon zhing skyugs pa la sogs pa dang lus dri nga ba dang lus kyi lde gu myur du bskam pa la sogs pa'i bar yin no/ /
 bzhin rgyan can gyis rkang pa dang / /lag pa gdong ni mdzes pa dang / /rtsa ni nag po snang ba yis/ /lto ba khyab cing rims kyis 'debs/ /yi ga 'chu zhing yan lag na/ /ba gcin lta bu'i dri 'byung 'gyur/ /zhes bya ba la/ bud med kyi gzugs can gyi gdon bzhin rgyan can
 gyis zin pa'i rtags ni byis pa'i rkang pa la sogs pa sdug cing mdzes par gyur pa la sogs pa yin no/ /nam grus gnag cing sngo ba dang / /mig dang rna ba sna med cing / /mig 'gul skyigs bu lud pa lu/ /kha ni yo zhing dmar ba dang / /lug thug drir ldan rims 'debs skem/
 bshang ba sngo zhing sla ba yin/ /zhes bya ba la/ nam gru'i bya'i gdon gyis zin pa'i rtags ni/ byis pa'i mdog gnag cing sngo ba la sogs pa yin no/ /nam gru skem mos lus kun ni/ /rims kyis 'debs bar gyur ba dang / /skra 'byi zas la mi dga' dang / /skad gsang
 zhum zhing mdog mi sdug / bshang ba kha dog sna tshogs dang / /lto bar rtsa yi mdud pa chags/ /ngu zhing bya rgod dri ldan la/ /yun rings na bar byed pa yin/ /zhes bya ba la/ nam gru skem mo zhes bya ba'i gdon gyi rtags ni/ /lus kyi yan lag thams cad skam zhing rangs pa la
 sogs pa nas nad yun ring du na zhing rjes su 'brel pa la sogs pa'i bar yin no/ /lto bar rmen bu zlum por 'byung / /bshang ba kha dog sna tshogs 'byung / /lce yi dbus ni dma' ba dang / /rkan ni gnag 'gyur de spang bya/ /zhes bya ba la/ byis pa gang lto bar rmen bu 'am/
 thor bu zlum po byung ba dang bshang ba kha dog sna tshogs su 'byung ba la sogs pa'i byis pa de ni gso bar mi rung bas spang bar bya'o/ /kha zas mang po zos kyang ni/ /byis pa gang zhig lus skem byed/ /skem pas nyen cing mig nyams pa/ /de ni nam gru skem mos gsod/ /
 ces bya ba la/ byis pa kha zas mang zhing sna tshogs zos su zin kyang lus skem zhing sbegs pa la sogs pa'i mtshan nyid dang ldan pa de nyid nam gru'i gdon gyis nges par gsod par 'gyur ro/ /'tshe ba la dga' mchod par 'dod/ /gdon rnams 'dzin pa'i rgyu yin no/ /zhes bya ba
 la/ gdon 'jug par 'gyur ba'i rgyu ni 'tshe bar byed cing srog gcod pa la dga' ba dang / /mchod cing brjod par 'dod pa yin no/ /de la 'tshe ba'i bdag nyid can/ /byin tshe sna nas 'dzag pa dang / /lce nyams mig ni gting du 'bros/ /bde med mig ni mchi mar bcas/
 nyam chung tshig ni dman pa dang / /dri nga ba ni 'byung bar 'gyur/ /skem zhing rang gi bshang dang gci/ /lag bas nyed kyi smod mi byed/ /lag bas bteg ste 'bad pa yis/ /bdag dang de bzhin gzhan la brdeg /mtshon dang shing sogs kyis brdegs shing / /'bar ba'i
 me la 'jug par byed/ /chu nang 'bying zhing khron par ltung / /gzhan yang de 'drar byed par 'gyur/ /skom dad che zhing tsha bas gnag /slon par byed par 'gyur pa dang / /bu ga kun nas khrag 'dzag cing / /'chi ltas byung ba de sbang bya/ /zhes bya ba la/ de la gdon
 de rnams kyi nang nas gdon 'tshe ba'i bdag nyid can zhes bya bas ni/ /byis pa 'tsho ba'am/ yang na 'tshe ba'i mtshan nyid dang ldan pa dag la 'dzin cing de sna nas 'dzag pa dang / /lce nyams pa la sogs pa nas mtshon dang shing la sogs pa'i bar gyis kyang bdag dang
 gzhan la rdeg par byed pa dang / me la 'jug pa dang / chu'i nang du lus bying ba dang / khron par mchong zhing ltung ba dang / gzhan yang 'tshe ba'i las de lta bu gzhan yang byed par 'gyur ba dang / skom dad che ba la sogs pa yin te/ de lta bu'i 'tshe
 ba'i bdag nyid can gyis zin pa gang yin pa de ni gsor mi rung bas spang bar bya'o/ /dga' ba 'dod pas gzir gyur pa/ /dben par bud med 'dod smra dga'/ /dri dang me tog phreng rgyan dga'/ /mgu zhing zhi ba gso bar dka'/ /zhes bya ba la/ dga' ba 'dod pa zhes bya
 ba'i gdon gyis mi chen po 'am/ /byis pa zin par gyur pa ni/ dben pa'i gnas su bud med dang lhan cig 'dod pa spyod pa dang / smra ba la dga' bar 'gyur ba dang / dri dang me tog la sogs pa la dga' bar 'gyur ba dang / /sems mgu zhing dga' ba la brtags pa dang /
 spyod lam zhi ba dang / gdon de gso bar dka' ba yin no/ /lces ni kha la nyug pa dang / /mchu rkan gre ba skams pa dang / /dogs pas lta zhing ngu ba dang / /sems khong chud cing zhum pa dang / /zas 'dod ltogs par gyur kyang ni/ /byin na za bar mi 'dod pa/ /gtor ma
 'dod pas zin pa ste/ /de ni gso sla yin zhes bya/ /zhes bya ba la/ gtor ma 'dod pa zhes bya ba'i gdon yod de/ /des byis pa 'am/ mi chen po gang dag zin par gyur pa de ni lces kha la 'byug cing 'byug pa dang / mchu la sogs pa bskam par 'gyur ba dang / /dogs pa dang
 bcas bas kun la lta ba dang / ngu zhing nga ro 'byin pa dang / sems khong du chud pa dang / yid zhum par 'gyur ba dang / zas 'dod cing shin tu bkres par gyur kyang zas byin na zas mi 'dod par gyur pa ni gtor ma 'dod pa zhes bya ba'i gdon gyis zin pa yin par shes par bya ste/
 de ni gso sla ba yin no/ /gsod 'dod pa las grub pa yi/ /sngags bzlas sbyin sreg bya bas gzhom/ /zhes bya ba la/ gdon srog 'dod pa zhes bya ba gsod par 'dod pa yod de/ de la ni grub cing 'bras bu mngon du snang ba'i mthu dang ldan pas sngags bzlas shing sbyin sreg bya bas
 gzhom zhing gso bar bya'o/ /cig shos la ni ci 'dod par/ /dga' dang gtor ma sogs sbyin pas/ /zhes bya ba la/ gsod par 'dod pas cig shos su gyur pa'i gdon dga' par 'dod pa dang / gtor ma 'dod pa zhes bya ba la ni dga' ba dang / /gtong ma sbyin pas gso
 bar bya ste/ /dga' bar 'dod pa la ni rtse dga'i bya ba sbyin pas gso la/ gtor ma 'dod pa la ni gtor ma sbyin pas gso bar bya'o/ /sogs pa smos pas ni 'og nas bshad pa'i cho ga gzhan dag kyang sbyar bar bya'o/ /de nas gsor rung gdon la ni/ /byis pa khang ba dben
 par gzhag / zhag gsum chag chag phyag dar byas/ /rtag tu me ni bzhag pa yi/ /pu ti'i me tog sil ma dang / /'dab ma sa bon yungs kar gtor/ /gdon 'joms til mar sbar ba yi/ /mar mes gdon ni 'joms par byed/ /nad g.yog nyal po chang dang
 sha/ /yong su spangs par gyur pa yi/ /mar ni rnying pas bskus nas ni/ /pa la nim pa tar ka ri/ /dong gra thang shing ka tab ga /'dzam bu dang ni ta ma la/ /ka tri na dang lcam pa dang / /a pa marga pa ta li/ /ma du shi kru zhes bya dang / /ka ka dza ka shre ta che/ /bil rkang 'o ma can
 gyi shing / /ka dam pa bcas karany+dza/ /chu ni dro 'jam dag gis bkru/ /zhes bya ba la/ de nas gsor rung ba'i gdon gyis zin pa'i byis pa khang pa dben zhing yangs par zhag gsum gyi bar du chag chag dang / phyag dar lan gsum byas la rtag par rgyun mi 'chad bar me
 gzhag pa dang / /pu ti la sogs pa'i me tog gi sil ma gtor bar bya ba dang / de bzhin du gdon 'joms pa'i rdzas yungs mar la sogs pa spar ba'i mar me gzhag par gyur pa der nad pa de gzhag la/ nad g.yogs 'khrig pa la sogs pa spangs par byung pa dag gis mar rnying pas
 nad pa'i lus bskus la ba la dang nim pa la sogs pa'i sman dang / bskol ba'i chu dro 'jam tsam gyis blugs shing nad pa bkru bar bya'o/ /tar ka ri ni ag ni man ta'o/ /ka tang ga ni a ru la ka'o/ /ta ma la ni bar na'o/ /ka tri na ni bu tri na'o/ /lcam pa ni su par tsa la'o/ /ma du
 shi kru ni so ban dza na'o/ /shwe ta che ni ma hA kash+pe ta ste gi ri kar Ni'o/ /'o ma can gyi shing ni n+ya gro d+ha'i shing la sogs pa'o/ /ka dam pa ni am pa dan pa'o/ /stag dang gzig dang seng ge sbrul/ /dom gyi pags pa mar dang bcas/ /bdug pas khrus byas 'og tu
 'dug / ces bya ba la/ byis pa khrus byas pa'i 'og tu stag la sogs pa'i pags pa bsregs pa'i dud pas lus la bdug par bya'o/ /pu ti yungs kar sha rang ga /shu dag go bye la la phud/ /ru rta mar bcas bdug pas ni/ /gdon kun las ni thar byed yin/ /zhes
 bya ba la/ pu ti ka rany+dza dang / sha rang ga'i rtsa ba dang / lo ma dang / me tog dang / 'bras bu dang / myu gu dang / shing gi nang gi snying po dang / khu ba dang / tsher ma dang / shu dag la sogs pa'i sman gyi bdugs pas kyang byis pa'i gdon thams cad las thar bar byed do/ /
 yungs kar nim pa'i lo ma dang / shu dag ka ra bI ra'i rtsa/ /gro ba mar sbyar bdugs pas ni/ /gdon ni thams cad sel bar byed/ /ces bya ba la/ yungs kar la sogs pa'i sman mar dang sbyar ba'i dud pa byis pa la bdugs na yang gdon thams cad sel bar byed do/ /ba lang
 rwa dang rus pa spu/ /pags ba byi li'i rtug pa dang / /nim pa'i lo ma pu tse shel/ /mar dang bri ha ti gnyis dang / /ras bal sa bon po son cha/ /nas dang ra spu thang shing dang / /yungs kar rma bya'i sgro dang pog /skra dang phub ma pha bang dang / /rdza mar ra thug gcin dang sbangs/ /
 zhib btags pa yi bdugs pas ni/ /'byung po'i gdon na thams cad dang / /mi bzad rims ni 'joms par byed/ /ces bya ba la/ ba lang gi rwa la sogs pa'i sman rdza snod sar pa'i nang du Ra thug gi gcin dang sbangs te/ gcin de nyid btags pa'i reng bu skam po'i dud
 pas ni gdon thams cad dang rims nad thams cad 'joms par byed do/ /byi tsher a mra'i tshi gu dang / /rgya sbos mngar sde na le sham/ /kr-iSh+Na par+Ni gla sgang rnams/ /lde gur bcas pa mar dang ni/ /'o ma rtsa ba bcu bskol khur/ /bcas bskol de ni gdon 'joms mchog /ces
 bya ba la/ a mra'i tshi gu ni a mra'i 'bras bu'i nang na yod pa'o/ /mngar ba'i sde tshan ni 'tsho byed kyi sde tshan no/ /gzhan ni go bar zad de rdzas de dag lde gur byas pa dang / mar la sogs pa bskol te/ mar de blud na gdon thams cad 'joms par byed do/ /ra sna aM shu ma ti gnyis/ /
 ba la rtsa ba chen po lnga/ /gla sgang btags te mar dang bskol/ /tsha ba gsum dang tsi tra ka'i/ /thal tes ba tra byi dang ga /shing mngar shing kun pa ya s+ya/ /thang shing pi pi ling rtsa ba/ /dug mo yungs dang bcas pa yi/ /lde gu mar dang bskol ba yis/ /rtag tu byis pa la phan
 zhing / /nad dang gdon ni thams cad 'joms/ /me drod stobs dang kha dog skyed/ /ces bya ba la/ /ra sna dang aM shu ma ti gnyis kyi lo ma la sogs pa'i sman gyi lde gu dang bskol ba'i mar ni byis pa la rtag tu phan zhing rims la sogs pa'i nad dang 'byung po la sogs pa'i gdon thams
 cad 'joms par byed cing me drod skyed pa dang / /lus kyi stobs dang / kha dog skyed pa yin no/ /sha ri ba dang mu ra dang / /bra h+mi shu dag shang khi ni/ /yungs kar ashwa gan+d+ha dang / bye rug pa bcas mar dang bskol/ /de ni btung ba 'am bsku ba yis/ /gdon rnams thams cad
 'joms par byed/ /ces bya ba la/ sha ri ba la sogs pa lde gu dang mar du bskol ba'i mar de btung ba 'am bsku ba byas na gdon thams cad 'joms par byed pa yin no/ /mar gang 'byung po'i rig pa ru/ /'og nas bshad pa dag dang ni/ /de bzhin gtor ma sbyin sreg dang / /
 khrus ni sngags rgyud shes pas sbyar/ /zhes bya ba la/ sman mar gang 'byung bo'i rig pa zhes bya ba/ /'byung po'i nad gso ba'i skabs nas 'byung ba gang yin pa yang byis pa la sbyar bar bya la/ de bzhin du 'og nas bshad pa'i gtor ma dang / gzhan yang sbyin sreg gi las dang
 khrus kyi cho ga gang yin bdag kyang sngags kyi rgyud shes pa'i sngags bas sngags las bshad pa'i cho ga bzhin du sbyar bar bya'o/ /pu ti kar ny+dza'i shun pa/ /bar ba ra yi rtsa ba dang / /ku ba kha bo bi sha la/ /ka tra ka dang bil pa dang / /ka pid tha bskol des mtshan mo/ /byis pa bkrus na shis
 pa yin/ /zhes bya ba la/ pu ti ka ra ny+dza'i shun pa dang / /lo ma dang / shing mngar bar ba re'i rtsa ba dang / ku ba kha bo nas bil pa dang / ka pid tha'i bar cha mnyam par byas pa bskol ba'i chu des mtshan mo byis pa bkrus na shis shing dpal bskyed ba yin
 no/ /gdon dang bral yang bla brnan nad/ /rjes su 'brel pa thams cad la/ /byis pa'i nad gsor bshad pa yi/ /sman gyis ji bzhin gso bar bya/ /zhes bya ba la/ gnod pa bsal zhing de dang bral bar gyur kyang bla brnan gyi nad dang rjes su 'brel bar gyur cing yun ring du gnas
 par gyur pa de thams cad la nad dmigs ji lta ba bzhin du byis pa'i nad gso bar bshad pa'i sman gyis gso zhing bcos par bya'o/ /yan lag brgyad pa'i snying po'i rnam par 'grel ba tshig gi don gyi zla zer zhes bya ba slob dpon zla ba la dga' bas nges par sbyar ba las/ gnas phyi ma'i
 le'u gsum pa'i 'grel pa'o/ /byis pa gso ba'i bshad pa rdzogs so// //de nas 'byung po'i gdon gyi nad dmigs shes pa bshad par bya'o /zhes bya ba la/ byis pa'i gdon gyi rjes la 'byung po'i gdon gyi dmigs shes par bya ba'i le'u bzhi pa ni de nyid du
 brtsam par 'os pa yin no/ /gdon phal cher phan tshun gcig la gcig gso ba'i tshul gcig ste khyad par med pa yin pa'i phyir ro/ /shes dang rnam shes tshig dang ni/ /spyod pa snying stobs rang bzhin dag /gang gi rang bzhin 'gyur bar snang / /de la 'byung po'i gdon yod bshad/
 ces bya ba la/ skyes bu gang shes pa la sogs pa rang bzhin 'gyur zhing phyin ci log tu snang na/ /mi de la 'byung po'i gdon yod ces nges par bshad par bya'o/ de la shes pa ni 'jig rten pa'i sgra shes pas brtsam mo/ /rnam par shes pa ni skabs 'dir khyad par shes pas de kho na nyid
 rtogs pa'o/ /'byung po'i gzugs dang rang bzhin dang / /smra dang 'gro sogs spyod pa dang / /gang zhig 'dre bar byed pa dag /de la de ni zhugs par bshad/ /ces bya ba la/ /'byung po ni lha dang lha ma yin dang dri za la sogs pa'i dbye bas phye ba'i sems can rnams te/
 de'i gzugs dang rang bzhin la sogs pa'i tshul mthun par byed pa gang yin pa de ni mi de la gdon de zhugs pa yin par shes par bya'o/ /de ni lha dang lha min sogs/ /dbye ba rnam pa bco brgyad bshad/ /ces bya ba la/ 'byung po'i gdon lha dang mi dang lha ma yin dang dri za la sogs pa'i dbye bas
 mdor bsdus na grangs bco brgyad yin par shes par bya'o/ /de 'dzin rgyu ni 'phral gtam ni/ /sngon chad shes rab 'tshol ba yi/ /blo yis nyes pa byas gyur nas/ /de yi chags pa sogs bskyed pas/ /brtul zhugs spyod dang chos lugs nyams/ /mchod 'os rnams ni brnyas pa
 dang / /gzhung lugs nyams pa de dang ni/ /sdig dang bdag nyid gsod byed na/ /gdon ni glags skabs tshol byed pas/ /lha la sogs pa 'ang rjes gnod byed/ /ces bya ba la/ gdon de rnams 'dzin cing 'jug pa'i rgyu ni shes rab 'chal ba'i dbang gis nyes pa'i las tshe 'dir 'phral
 du byas pa 'am/ yang na sngon chad byas par gyur la/ /rgyu de'i dbang gis chags pa dang / khro ba dang nga rgyal la sogs pa skyes par gyur bas skyes bu brtul zhugs dang spyod pa dang rang gi chos lugs nyams par gyur cing mchod par 'os pa bla ma la sogs pa la brnyas par byed pa dang / de bzhin
 du rang gi chos lugs sam/ /'jig rten pa'i khrims kyi gzhung las nyams par byed pa dang / sdig pa'i tshul la sogs pa byed par 'gyur la/ de lta bu'i glags rnyed ba dang / glags skabs tshol bar byed pa'i gdon gyi rigs lha la sogs pa rnams kyis de la gnod cing 'tshe par byed do/ /
 glags ni sdig la sogs pa dang / /mi dge'i las ni smin pa dang / /gcig pur khang stong gnas pa 'am/ /dur khrod sogs par mtshan mo gnas/ /gcer bur rgyu ba 'am bla ma smod/ /'khrig pa tshul min spyod pa dang / /gtsang sbra med par lha mchod dang / /mi gtsang gzhan dang
 'dres pa dang / /sbyin sreg sngags gtor mchod sbyin rnams/ /phyin ci log tu byed pa dang / /mdor na nyin re spyod sogs pas/ /spyod pa brtan pa las 'das pa'o/ /zhes bya ba la/ /gdon de rnams 'dzin cing glags skabs tshol ba'i rgyu ni srog gcod pa la sogs pa'i sdig pa la brtson
 par byed pa dang / sngon chad mi dge ba'i las byas par 'gyur pa smin cing nyams su myong ba'i dus la bab pa dag ni gdon de la 'jug pa'i glags skabs yin no/ /de bzhin du gcig pu grogs med par khang stong la sogs par gnas pa dang / yang na dur khrod dang / shing
 chen po'i drung dang / bas mtha' la sogs par mtshan mo gnas shing nyal ba dang / de bzhin du dus su phyogs kyi gos 'chang zhing gos spang pa dang / de bzhin du mchod par 'os pa'i bla ma rnams la smod cing brnyas pa dang / dus tshigs dag tu spyod pa dang / bud med zla mtshan dang ldan
 pa la 'khrig pa spyod par byed pa dang / gtsang sbra'i spyod pa med par lha la mchod par byed pa dang / gzhan bu btsas shing mi gtsang ba dag dang 'dres shing reg pa dang / sbyin sreg la sogs pa'i las phyin ci log tu byed cing de'i brtul zhugs nyams pa ste/ mdor na nyin re zhing rtag tu
 spyad pa'i le'u las smos pa'i spyod pa dag las 'das par gyur pa de thams cad ni gdon 'jug pa'i glags skabs kyi rgyu yin no/ /lha yi gdon gyi yar ngo yi/ /tshes gcig bcu gsum dag la 'dzin/ /zhes bya ba la/ gdon de dag las lha'i gdon 'dzin pa'i dus ni yar ngo'i tshes
 gcig dang bcu gsum pa la 'dzin par byed do/ /lha min gdon ni yar ngo yi/ /bcu gsum mar ngo'i bcu gnyis la/ /zhes bya ba la/ lha ma yin gyi gdon yar ngo'i tshes bcu gsum dang mar ngo'i tshes bcu gnyis la 'dzin par byed do/ /dri za'i gdon ni bcu bzhi dang / /bcu gnyis dag
 la 'ang 'dzin par byed/ /ces bya ba la/ dri za'i gdon gyis ni mar ngo'i tshes bcu bzhi dang bcu gnyis la 'dzin par byed do/ /klu gdon tshes lnga la 'dzin byed/ /ces bya ba la/ klu'i gdon ni zla ba yar ngo'i tshes lnga la 'dzin to/ /gnod sbyin gdon ni yar ngo yi/ /tshes bdun bcu gcig dag
 la 'dzin/ /zhes bya ba la/ gnod sbyin gyi gdon zhes bya ba nor gyi bdag po'i gdon ni zla ba yang ngo'i tshes bdun dang bcu gcig dag la 'dzin no/ /tshangs pa srin po yar ngo yi/ /tshes brgyad bco lnga dag la 'dzin/ /zhes bya ba la/ tshangs pa srin po zhes bya ba'i gdon ni tshes brgyad dang
 zla ba la mi la 'dzin par byed do/ /srin po sha za sogs mar ngo'i/ /tshes gcig tshes dgu bcu gcig la/ zhes bya ba la/ srin po la sogs pa'i gdon ni mar ngo'i tshes gcig dang tshes dgu dang bcu gcig la 'dzin to/ /mtshun lha gnam stong tshes bcu dang / /brgyad dang dgu pa dag
 la 'dzin/ /zhes bya ba la/ mtshun lhar gtogs pa'i gdon ni gnam stong la sogs pa la 'dzin no/ /rgan po la sogs gzhan dag ni/ /phal cher dus de'i thun mtshams la'o/ /zhes bya ba la/ rgan po ste/ pha ma la sogs pa las gdon du gyur pa gzhan dag la ni phal
 cher tshes brgyad dang / tshes dgu dag la nyin mtshan gyi thun mtshams la 'dzin par byed do/ /lha yi gdon gyis dpang byas la/ /gdong ni pad+ma kha bye 'dra/ /lta stangs zhi zhing khro ba med/ /tshig nyung rngul dang bshang gci nyung / kha zas la ni gnod pa med/ /lha dang bram ze la rab dga'/ /
 gtsang zhing saM skr-i ta'i skad smra/ /yun ring nas ni mig 'dzums shing / /lus dri zhim zhing mchog ster byed/ /gos phreng dkar po chu bo dang / /ri mtho khang pa mtho la dga'/ /gnyid med tshugs pa med pa yin/ /zhes bya ba la/ gdon de dag las lha'i gdon gyis zin cing dbang du byas
 pa'i rtags ni gdong pad+ma kha phye ba 'dra ba ltar mdangs dang ldan pa dang / lta stangs zhi zhing mi sdug pa med pa dang / khro zhing 'khrug pa med pa dang / tshig nyung zhing rngul dang bshang gci nyung ba dang / kha zas la mi gdu ba dang / lha dang bram ze la dga' zhing mchod pa dang / gtsang zhing
 khrus la sogs ba la dga' ba dang / saM skr-i ta'i skad du smra ba dang / mig yun ring zhig nas 'dzums par byed pa dang / lus la dri zhim po'i ngad dang ldan pa dang / mchog sbyin mchog sbyin no/ /zhes smra ba dang / gos dkar po la sogs pa la dga' ba dang / mtshan mo gnyid yar
 zhing chung ba dang / gzhan gyis tshugs pa med cing zil gyis mi non te/ de lta bu'i mi de ni lha'i gdon gyis dbang du byas pa yin par shes par bya'o/ /lha min gdon gyis zin pa ni/ /yon por blta zhing rang bzhin don/ /lha dang bla ma bram ze dang / /'jigs med khengs shing dpa' ba
 dang / /khro zhing rtsol ba che ba dang / /da ni drag po khyab 'jug dang / /skem byed brgya byin yin zhes bshad/ /sha dang chang la dga' zhes bya/ /dri za'i gdon gyis zin pa'i rtags/ /rang sbyod la dga' lus dri zhim/ /snying dga' glu dang gar yang byed/ /
 khrus dang skyed mos tshal la dga'/ /gos phreng byug pa dmar la sred/ /sgeg dang rtsed mo la mngon dga'/ /klu yi gdon gyis zin pa'i rtags/ /mig dmar khro zhing mig 'gyur lta/ /yon por 'gro zhing blta ba dang / /nyin mtshan dbugs rgod lce las ni/ /kha chu 'dzag
 cing kha 'gram lhag / bu ram lo ma khrus la dga'/ /kha bub tu ni nyal bar byed/ /gdugs mthong na yang 'jigs pa yin/ /zhes bya ba la/ de la klu'i gdon gyis zin pa'i dbang du byas pa'i rtags ni mig dmar zhing khrag gis khyab pa dang / khro zhing zhe sdang ba'i ngang tshul dang
 ldan pa dang / 'gyur ba med cing mig mi 'gyur bar lta ba dang / sbrul ltar yon por 'gro ba dang / g.yo zhing mi brtan pa dang / nyin dang mtshan du rgyun du dbugs rgod cing 'byin pa dang / lce skyod cing 'byin pa dang / kha chu 'dzag pa dang / mchu gnyis kyi mtshams kyi kha 'gram
 lhag pa dang / bu ram la dga' ba dang / 'o ma la dga' ba dang / khrus dang gtsang sbra la dga' ba dang / /kha bub tu gdong phab ste nyal bar byed pa dang / gdugs mthong na 'jigs shing skrag par byed pa yin no/ /gnod sbyin gdon gyis zin pa'i rtags/ /mig dmar bgrang cing
 skrag la 'gul/ /lus dri zhim zhing gzi mdangs ldan/ /gtam dang glu dang khrus dang ni/ /phreng ba byug pa la dga' zhing / /nya yi sha sred dga' ba dang / /dga' mgu stobs che nad med la/ /lag rtse bskyod cing su zhig la/ /ci zhig sbyin zhes smra bar byed/ /gsang tshig smra zhing sman
 pa dang / /bram ze la ni brnyas par byed/ /khro ba chung zhing mgyogs 'gro ba'o/ /zhes bya ba la/ de la gnod sbyin gyi gdon gyis zin pa'i mtshan ma ni mig dmar ba bgrad cing skrag pa'i tshul du 'gul ba dang / lus la bsod nams kyi dri zhim po 'byung ba dang / gzi mdangs bzang po
 dang ldan pa dang / gtam la sogs pa la dga' ba dang / nya'i sha la sred cing mngon par 'dod pa dang / dga' ba dang mgu ba dang bcas pa dang / lus kyi stobs che ba dang / nad med par bde bar gnas pa dang / lag pa'i rtse mo bskyod cing 'gul ba dang / /srog chags gang
 zhig la nor la sogs pa ci zhig sbyin par bya zhes smra bar byed pa dang / gsang zhing sba bar bya ba'i dngos po smra ba byed pa dang / sman pa dang bram ze la sogs pa la brnyas par byed pa dang / khro ba chung zhing cung zad tsam khro bar byed pa dang mgyogs par 'gro ba ste/ /mtshan ma de dag dang
 ldan pa yin no/ /tshangs pa srin pos zin pa'i rtags/ /dgod cing gar la dga' ba dang / /spyod pa gtum zhing glags skabs tshol/ /gshe zhing myur du 'gro ba dang / /sman pa bram ze lha la sdang / rang la shing dang mtshon sogs rdeg /kye zhes bya ba'i sgra sgrogs shing / /bstan
 bcos rig byed 'don pa yin/ /zhes bya ba la/ tshangs pa srin po zhes bya 'i gdon gyis zin pa'i mtshan ma ni dgod pa la dga' ba dang / gar byed pa la dga' ba dang / lus ngag gi spyod pa gtum zhing 'jigs su rung ba dang / glags skabs tshol zhing dor thabs byed pa dang / gshe
 zhing tshig ngan pa smra ba dang / mgyogs par 'gro ba dang / sman pa la sogs pa la sdang ba dang / rang gi lus la shing la sogs pas brdeg pa dang / kye kye zhes 'bod par byed pa dang / bstan bcos kyi tshig dang / rig byed kyi tshig 'don cing smra bar byed pa yin par shes par bya'o/ /
 srin po'i gdon gyi zin pa'i rtags/ /khro gnyer bcas shing khro bar lta/ /stobs bag tu ni byed pa dang / /rdeg cing rab tu rgyug pa dang / /ngu zhing gdong ni 'jigs rung ston/ /zas ma zos kyang stobs dang ldan/ /gnyid med mtshan mo rgyu ba dang / /ngo tsha gtsang sbra med cing dpa'/ /
 gdug cing tshig rtsub smra ba dang / /khro zhing phreng ba dmar po dang / /bud med sha chang khrag la dga'/ /sha 'am khrag ni mthong ba na/ /mchu ni ldag par byed pa dang / /zas za'i tshe na dgod pa yin/ /zhes bya ba la/ srin po'i gdon gyis zin par gyur pa'i mtshan ma ni dpral bar khro gnyer
 dang bcas pa'i khro bas lta bar byed pa dang / brtags shing g.yo ba dang bcas pas rdeg par byed pa dang / rab tu rgyug cing 'gro ba dang / skad kyi nga ro chen pos ngu ba dang / gdong 'jigs su rung ba ston pa dang / kha zas ma zos kyang lus stobs dang ldan pa
 dang / gnyid med pa dang / mtshan mo rgyu zhing 'gro ba la dga' ba dang / ngo tsha med pa dang / gtsang sbra med cing khrus la sogs pa la mi dga' ba dang / dpa' zhing brtan pa dang / gdug cing las ngan pa byed pa dang / tshig rtsub cing rno bar smra ba dang khro zhing 'khrug pa dang / phreng ba
 dmar po la sogs pa la dga' ba dang / sha 'am khrag mthong na mchu ldag cing 'jib par byed pa dang / zas za ba'i tshe dgod par gyur pa ste/ /de lta bu'i mi ni srin po zhes bya ba'i gdon gyis zin pa yin par brjod par bya'o/ /sha za'i gdon gyis zin pa'i rtags/ /sems ni bde bar
 mi gnas shing / /yongs su rgyug par byed pa dang / /mi gtsang la dga' glu gar dang / /dgod dang chang dang sha rlon dga'/ /spyos na gdod ni zhum pa dang / /rgyu med par ni ngu ba dang / /bdag gnyis sen mos 'brud pa dang / /khong rtsub lus nyams skad gsang dma'/ sdug bsngal
 ba ni brda sprod cing / /'brel dang mi 'brel tshig mang smra/ /dran pa nyams zhing gnas stong dga'/ /mi brtan gcer bu dri ma can/ /srang bar 'khyams pa'i gos gyon zhing / /rtswa yi phreng ba rgyan du thogs/ /shing 'dzeg rta la zhon par byed/ /de bzhin phyag dar thung por 'dzeg /
 mang du za par byed pa yin/ /zhes bya ba la/ sha za'i gdon gyis zin cing dbang du byas pa'i mtshan ma ni sems mal na mi gnas shing sdug bsngal la blo kun du phyogs par yul thams cad rgyug par byed pa dang / /mi gtsang pa dang sbags pa la dga' ba dang / glu la sogs pa la
 dga' ba dang / sbyos shing brgyab na gdong zhum zhum por gyur cing spa bkong ba dang / gdung ba'i rgyu med par ngu ba dang / rang nyid kyi lus la sen mos 'brud pa dang khong rtsub cing mdangs nyams la skad 'gag par 'gyur pa dang / sdug bsngal brda
 sprod cing smre bar byed pa dang / /rigs pa dang mi rigs pa'i tshig 'brel pa dang mi 'brel pa mang du smra ba dang dran pa nyams shing brgyal ba dang / skye bo med pa'i gnas stong pa la dga' ba dang / mi brtan zhing g.yo ba dang / gcer bur 'dug cing gos med par gnas pa dang / /dri mas
 sbags pa dang / srang bar na 'khyam zhing ltung ba'i gos ngan ngon gon pa la dga' ba dang / rtswa phreng bar lhas rgyan du thogs pa dang shing la 'dzeg pa la sogs pa la dga' ba dang / kha zas mang du za bar byed pa ste/ /mi de lta bu ni sha za'i gdon gyis brlabs pa yin par shes par bya'o/ /
 yi dgas gdon gyis zin pa'i rtags/ /spyod tshul dri ni yi dgas 'dra/ /sdar zhing zas la mi dga' dang / /rtsa gcod byed pa zhes kyang bya/ /zhes bya ba la/ mi yi dgas kyi gdon gyis brlabs pa'i rtags sam mtshan ma ni spyod pa dang dbyibs dang / dri yi dgas dang 'dra ba dang
 sdar zhing 'jigs pa dang / kha zas mi dga' ba dang / rtsa gcod par byed pa yin no/ /grul bum gdon gyis zin pa'i rtags/ /tshig mang smra zhing kha gdong gnag /dal gyis 'gro bar byed pa dang / /rlig pa skrang zhing 'phyang ba yin/ /zhes bya ba la/ mi grul bum gyi gdon
 gyis zin pa'i mtshan ma ni tshig 'brel pa dang mi 'brel pa dang mang du smra ba dang kha gdong gi mdog gnag pa dang / rang gi gnas na dal gyis 'gro zhing 'khyams pa dang / rlig pa skrangs pa dang bcas shing shas cher 'phyang ba yin no/ mi ni byed stems zin pa'i rtags/ /shing dang bong
 ba sogs thogs shing / /tshal pa gyon te 'gro ba dang / /gcer bur rgyug cing 'jigs bag tu/ /lta la rtsa yi rgyan du byed/ /dur khrod gnas ni stong pa dang / /srang bar shing gcig brten pa dang / /til zas sha dang chang la ni/ /rtag tu mig ni tshag pa dang / /tshig rtsub de ni smra
 ba yin/ /zhes bya ba la/ mi byad stems zhes bya ba'i gdon gyis zin pa'i mtshan ma ni shing la sogs pa thogs shing / gos kyi tshal pa dum bur gyon te/ 'gro ba la dga' ba dang / gcer bur 'gro ba dang / 'jigs shing rta bas bag tu lta ba dang rtsa'i rgyan thogs pa dang / dur khrod
 la sogs par brten cing 'dug par dga' ba dang / til la sogs pa la dga' zhing rtag tu de la lta ba dang / tshig rtsub par smra ba ste/ de lta bu ni byad stems kyi gdon gyis zin pa yin no/ /zhes brjod par bya'o/ /g.yengs byed kyis ni zin pa'i rtags/ /
 chu 'dod zas ni mi slong dang / /dngangs shing mig ni dmar ba dang / /tshig rtsub smra ba shes par bya/ /zhes bya ba la/ mi g.yengs byed ces bya ba'i gdom gyis zin pa'i mtshan ma ni rtag tu chu 'dod cing slong gi zas slong bar mi byed pa dang / dngang bag dang bcas pa'i mig dmar pos
 lta ba dang tsig rtsub cing gzhan la gnod par smra ba yin no/ /ro langs gdon gyis zin pa'i rtags/ /dri dang phreng ba la dga' zhing / /tshig bden smra la yongs su 'dar/ /gnyid che bar ni shes par bya/ /zhes bya ba la/ mi ro langs zhes bya ba'i gdon gyis zin pa'i mtshan ma ni/
 dri dang phreng ba bsten par dga' ba dang dam bcas pa la brten cing tshig bden par smra ba dang lus 'dar ba la sogs pa'i mtshan nyid can yin par shes par bya'o/ /yi dgas mchu na lta'i gdon gyi rtags/ /mig ni gsal zhing bzhin ras zhum/ /rkan ni skam par byed pa dang / /mig
 dang rdzi ma skyod pa dang / /gnyid che me drod chung ba dang / /g.yon phyogs nas ni gos gon zhing / /sha dang bu ram til la dga'/ /tshig 'khrul ba ni yin zhes bya/ /zhes bya ba la/ yi dgas mtshun lha zhes bya ba nye du shi ba las gdon du gyur pa'i mtshan ma ni mig mi gsal zhing rab rib tu
 'gyur ba dang bzhin ras zhum zhing gsang dma' ba dang / rkan gyi phyogs skam pa dang / /mig gi rdzi ma g.yo ba dang gnyid che ba nas tshig 'khrul zhing cal col du smra ba'i bar gyi mtshan nyid dang ldan par shes par bya'o/ /bla ma drang srong rgan dang drug /dmod pa sems kyi rjes mthun pa/ /
 spyod lam kha zas rang bzhin la/ /ci 'dra gdon ni de yin bshad/ /ces bya ba la/ bla ma dang rgan po la sogs pa bzhi po dag gi gdon gyis zin pa ni dmod pa btab pa dang sems kyis bsam pa dang rjes su mthun pa dang / de bzhin du de'i spyod lam dang kha zas kyi rang bzhin ci 'dra ba las gdon
 yang de 'dra ba yin par shes par bya'o/ /gzhon nu'i tshogs kyi rjes 'brang zhing / /gcer bu skra ni gyen du brdzes/ /yid mi bde zhing dus yun ring / /gyur pa'i gdon de 'ang spang bar bya/ /zhes bya ba la/ byis pa gzhon nu'i tshogs kyi rjes su 'brang zhing rgyu ba dang gcer bur gnas shing skra
 gyen du brdzes pa dang yid mi bde zhing sems gnod par 'gyur ba dang / gdon gyis zin nas dus yun ring por lon pa'i gdon dang bcas pa de ni gsor mi rung bas yongs su spang bar bya'o/ /yan lag brgyad pa'i snying po'i rnam par 'grel pa tshig gi don gyi zla zer zhes bya ba/ /slob dpon
 zla ba la dga' bas nges par sbyar ba las/ /phyi ma'i gnas kyi le'u bzhi pa'i rnam par 'grel pa'o// //de nas gdon nad gso ba bshad par bya'o/ /zhes bya ba la/ gang du gdon gyis zin pa'i nad gso ba ston pa'i le'u gang yin pa de bshad par bya'o/ /zhes ba'o/ /'byung po
 'tshe ba mi 'dod dang / /bzlas dang sbyin sreg gtor ma dang / /brtul zhugs tshul khrims mnyam 'jog dang / /sbyin zhes brtse ba sogs pas bsal/ /zhes bya ba la/ 'byung po'i gdon ni gzhan la 'tshe zhing srog gcod pa mi 'dod pa dang gtor ma 'dod pa dang / 'dod pa'i dga' ba
 'dod pa'i gdon gsor mi rung ba dag ni bzlas pa la sogs pa dang brtul zhugs kyi dka' thub dang / tshul khrims la sogs pa bsten pas de bsal zhing gzhom par bya'o/ /shing kun ba la tsha ba gsum/ /gla rtsi sgog skya a rga'i rtsa/ /spang spos a za lo mi dang / la ba 'bam po ku ku
 ti/ /shu dag gan+d+ha pri yang ku/ /sar pa gan da til dang ni/ /ka ka an da ram nye ba/ /snu ha kar ka ta shing gi /sle tres ma hA na ba li/ /yungs kar dang ni lig bu mig /gdon 'joms sman ni gzhan dag dang / /bong bu rta dang khyi dang lug /rnga mo khra dang dred dang ni/ /sre mo reg
 'jom byi la gung / /ba glang seng ge stag dang ni/ /rgya mtsho yi ni srog chags kyi/ /pags pa mkhris pa sen mo so/ /sde tshan 'di dang mar rnying ngam/ /til mar dag ni bskol ba dang / btung dang snar ni blugs pa dang / /bsku ba'i don du sbyar bya zhing / /'di dag phye mas bdug pa bya/ /zhes
 bya ba la/ shing kun la sogs pa'i sman gyi sde tshan 'di dang mar rnying pa 'am til mar bskol te mar ram til mar te btung ba dang / sna nas btang pa dang lus la bsku ba'i don du sbyar bar bya ba dang / /de bzhin du sman 'di dag gi phye ma'i dud pas bdug pa yang sbyar bar
 bya'o/ /cha ba gsum ni pi pi ling la sogs pa'o/ /gla rtsi ni ne pa li ste la la ni ne pa li zhes bya ba gla rtsi ma yin gyi skabs 'dir ldong ros la bya'o/ /zhes zer ro/ /arka'i rtsa ba ni shing arka'i rtsa ba'o/ /a za lo mi ni mi sha byi lo can zhes bya ba'i sman no/ /la ba ni go ro mi'o/ /'bam po ni
 'bu ta ke shi'o/ /ku ku ti ni lag mna'o/ /gan+d+ha pri yang ku ni la tA zhes bya ba'o/ /sar pa gan da ni gan da na gu li'o/ /ka kan da ni ka na'o/ /smu ha ni shrI khaN+Da'i shing ngo / /sle tres ni gu rtse'o/ /gdon 'joms sman ni gdon sel ba'i sman la sogs pa ji snyed pa'o/ /bong bu la sogs
 pa'i pags pa la sogs pa ji snyed pa gzhug par bya'o/ /'di yi ri lu byas nas ni/ /mig sman sna sman bya ba dang / /'di yi lde gus byug pa dang / /bskol ba'i khu ba blugs par bya/ /zhes bya ba la/ shing kun la sogs pa'i sman gyi sde tshan 'di dag ri lur byas nas/ mig sman du
 bya ba dang / sna nas gtang ba dang / yang shing kun la sogs pa'i sman 'di dag gi lde gus lus la byug pa dang / yang sman de dag bskol ba'i khu bas lus la blugs par bya'o/ /sbyor ba 'dis ni smyo byed dang / /brjed byed bcas pa'i gdon zhi byed/ /ces bya ba la/ shing kun la
 sogs pa'i sbyor ba 'dis ni smyo byed dang brjed byed kyi gdon gang dag yin pa de zhi zhing med par 'gyur ro/ /yungs kar ha ti bi pi ling / /pi pi ling rtsa tsha ba gsum/ /skyu ru ra dang go da dang / /sre mo byi la dza sha yi/ /mkhris pa dang btags sna sman dang / /bsku byug byugs sogs byas
 gdon 'joms/ /zhes bya ba la/ yungs kar la sogs pa'i sman srog chags go da la sogs pa'i mkhris pa dang btags te/ sna sman la sogs pa'i sbyor ba byas na yang smyo byed la sogs pa'i gdon 'joms par byed do/ /yungs kar shing kun shu dag dang / /pri yang ku dang
 ser po gnyis/ /gi ri kar ni dkar nag gnyis/ /'bras bu gsum dang shwe ta dang / /nim pa'i lo ma karany+dza/ /shri sha gnyis dang sa bon dang / /thang shing dang ni tsha ba gsum/ /mar dang ba gcin de'i bzhi 'gyur/ /bskol ba don grub ces bya ste/ /btung dang snar blugs pa sbyar na/ /
 gdon ni thams cad myur 'joms byed/ /mchog tu lha min gdon sel byed/ /brjed byed dug dang bkra mi shis/ /smyo byed gshed byed rims rnams 'joms/ /zhes bya ba la/ yungs kar dang shu dag la sogs pa'i sman lde gur byas pa dang / mar dang mar gyi bzhi 'gyur gyi ba
 gcin dang / bskol ba'i sman mar ni ming don grub ces bya ste/ de btung ba la sogs par sbyar na gdon thams cad myur du 'joms par byed de/ mchog gam khyad par du lha ma yin gyi gdon rnams 'joms par byed la/ de bzhin du brjed byed nas rims kyi bar yang 'joms par byed pa
 yin no/ /sman te nyid ni ra thug gi gcin dang sbyar te blud pa dang / /snar blugs mig sman byug pa dang / /khrus dang dril ba las sbyar ba/ /sngar bshad yon tan dang 'dra zhing / /rgyal po'i sgor yang don grub byed/ /ces bya ba la/ yungs kar la sogs pa'i sman 'di dag nyid ra thug
 gi gcin dang sbyar te lde gur byas la blud pa la sogs par sbyar na gdon thams cad 'joms pa la sogs pa sngar bshad pa'i yon tan dang ldan zhing de bzhin du rgyal po'i sgor yang don grub par byed pa yin no/ /yungs kar shu dag tsha ba gsum/ /a shwo gan+d+ha ser po gnyis/ /shing kun kun
 dong rtsa ba dang / /ka rany+dza yi sa bon dang / /shi ri sha yi me tog dang / /ka pid tha yi 'bras bu dang / /rgyam tsha ru rta rgya spos dang / /gi ri kar ni dkar po dang / /so na ka yi rtsa bar bcas/ /ra gcin dag dang legs bsgos shing / /ba glang mkhris pa bu ram dang / /ri lur byas pa'i
 sbyor ba de/ /mig bskus snar blugs bsku byas na/ /smyo byed rma ni red pa dang / /mtshan mo mi mthong mun thibs byed/ /bgegs dang lus chur nub par brgyal/ /dug bskus mda' yis phog pa dang / /gdug pa'i sbrul gyis zin pa sel/ /zhes bya ba la/ ser po gnyis ni yung
 ba dang / /skyer pa'o/ /kun dong rtsa ba ni sgog pa kun dong zhes bya ba'i rtsa ba'o/ /gzhan dag ni go bar zad de/ sman de dag thams cad ra gcin dang legs par spangs shing bsrel la de'i 'og tu ba glang gi mkhris pa dang bu ram dang sbyar te ri lur byas pa'i
 sbyor ba de mig tu bsku ba dang / snar blugs pa dang / /lus la bskus na smyo byed la sogs pa'i nad sel bar byed do/ /ras bal sa bon rma bya'i sgro/ /me tog sman ma bri ha ti/ /shing tsha spang spos po son cha/ /byi la'i rtug pa phub ma dang / /shu dag mi skra sbrul lpags dang / /glang po'i
 so dang glang gi rwa/ /shing kun dang ni na le sham/ /cha mnyam bdugs par byas pa yis/ /skem byed smyo byed sha za'i rigs/ /srin po lha yi gdon 'joms mchog /ces bya ba la/ ras bal gyi sa bon la sogs pa'i sman 'di rnams cha snyoms te sbyar ba'i dud pas bdugs na skem byed la sogs
 pa'i gdon sel bar byed pa'i mchog yin no/ /skem byed ni gzhon nu'i gdon yin no/ /gan+d+ha b+ha dra tsha ba gsum/ /gur gum pi pi ling rtsa ba/ /kaN+Da ka ri skyer pa dang / /thang shing dang ni yungs kar gnyis/ /pa la dkar dang dug mo yungs/ /tsan+dan dkar po rgyam tsha dang / /'bras bu gsum
 dang pu shel tse/ /shu dag spangs ma pu tse shel/ /tsan+dan dmar po ba la dang / /shing mngar sug smil ldong ros dang / /shug pa rgya spos shri pa sa/ /ma du ka yi snying po dang / /bong nga gnyis po pri yang ku/ /dbyi mo ru rta skyer khaN+Da/ /cha snyoms zhib btags lde gu dang / /mar rnying gcin kun
 cha snyoms bskol/ /gdon khus 'debs zhes bya bar brjod/ /de blud gdon 'joms mchog yin no/ /zhes bya ba la/ yungs kar gnyis ni yungs kar ser po dang dmar po'i mdog gis phye ba'o/ /ba la ka ni am pu'o/ /tsan+dan dmar po ni lohi ta ste/ la la dag tsan+dan dmar po ma
 yin gyi btsod la bya'o zhes kyang zer ro/ /shri be ta ni shri pa sa'o/ ma du ka'i snying po ni ma du ka'i me tog gam/ shing ma du ka'i dbus kyi cha na yod pa'o/ /pri yang ku ni gan+d+ha pri yang ku'o/ /bong nga gnyis ni bong nga dkar bo dang nag po'o/ /gzhan dag ni go bar zad de/ /sman de dag thams cad
 cha snyoms te/ zhib tu btags pa'i lde gu dang mar rnying pa dang / gcin brgyad po kun cha snyoms te mar ji tsam yod pa gcin re re yang de tsam du byas dang bsres te bskol pa'i sman mar ni gdon khus 'debs zhes slob dpon gyis bshad de blud cing bsku ba la sogs pa'i sbyor ba byas na gdon
 thams cad 'joms pa'i mchog yin no/ /rgya spos shing mngar ka rany+dza/ /rgya skyegs da ta pa to la/ /shu dag shing kun pa ta la/ /yungs kar kaN+Da ka ri dang / /ser po gnyis dang pu tse shel/ /rgya shug gan+d+ha pri yang ku/ /tsha ba gsum dang 'bras bu gsum/ /thang shing sle tres byi dang
 ga/ /ko sha ta ki ka kan dang / /shi kru nim pa dug mo yungs/ /shing sha'i me tog sa bon dang / /gla sgang ru rta dan da dang / /gi ri kar Ni tsi tra ga /bil ba cha mnyam lde gur byas/ /mar rnying can gyi sde tshan bcas/ /bskol te yun ring gzhag pa ste/ /khus 'debs chen po zhes bshad de/ /
 rim pa kun gyis sbyar na ni/ /gdon rnams kun dang smyo byed dang / /mdze dang rims ni myur du 'joms/ /zhes bya ba la/ rgya spos ni ta ka ru'o/ /ser po gnyis ni yung ba dang skyer pa'o/ /rgya shug ni rgya shug skyur po'o/ /ka kan da ni ma ha ka'i 'bras bu'o/ /shi kru ni so ban dza na'o/ /gzhan
 dag ni go bar zad de sman de dag thams cad cha snyoms te lde gur byas pa dang / mar rnying pa dang gcin gyi sde tshan chang gi sde tshan gyi nang nas bshad pa'i gcin brgyad po dang bcas par bskol te dus yun ring por gzhag pa'i rnying pa de ni khus 'debs chen po'i sman mar zhes bya ste/ de rim pa kun gyis
 zhes pa btung ba dang / snar blugs pa dang / bsku ba dang sbyar na gdon gyi nad thams cad dang smyo byed dang / /mdze'i nad rims la sogs pa myur du 'joms par byed do/ /gdon ni nyi ma gang gang la/ /'dzin pa'i nyi ma de dang der/ mchog tu sbyin sreg gtor ma sogs/ /sman pas rab
 tu 'bad de bya/ /zhes bya ba la/ gdon gang zhig nyin zhag gang la 'dzin par byed pa'i nyi ma zhag de la sbyin sreg dang gtor ma la sogs pa gdon bzlog pa'i thabs sman pas 'bad de sbyar te bya'o/ /khrus dang gos dang sha dang tshil/ /chang dang mar dang bu ram sogs/ /gang zhig gang la sred
 gyur pa/ /de'i tshe de ni de la sbyin/ /zhes bya ba la/ gdon gang zhig khrus la sogs pa gang zhig la sred cing 'dod par gyur pa de'i tshe gdon de la khrus la sogs pa dag sbyin par bya'o/ /rin chen dri dang phreng ba dang / /sa bon mar dang sbrang rtsi dang / /zas kun kun la
 sbyin bya ste/ /'di ni spyi yi cho ga'o/ /zhes bya ba la/ gdon thams cad la rin chen te rdo rje dang baiDUr+ya dang / ma rgad dang / gser la sogs pa dang / dri zhim pa sbyar ba'i dri dang / sna ma'i me tog la sogs pa'i me tog dri zhim pa'i phreng ba dang sa bon de'i sran mud ga dang / mon sran gre'u
 la sogs pa dang / mar dang sbrang rtsi dang la du la sogs pa'i zas kun gdon thams cad la sbyin par bya ste/ cho ga 'di ni spyi'i thun mong gi cho ga yin no/ /zhes bya ba'i don no/ /lha dang drang srong bla ma rgan/ /grub la lha yi gnas su sbyin/ /der yang lha yi gdon la ni/ /byang gi phyogs
 su gtor ma sbyin/ /zhes bya ba la/ lha la sogs pa'i gdon lnga po dag la ni lha'i gnas te/ lha gnas pa'i khang par gtor ma sbyin par bya la/ der yang lha'i gdon la ni byang gi phyogs su gtor ma sbyin par bya'o/ /lha min gdon la ci 'dod par/ /mtshams kyi gnas su nub tu sbyin/ /zhes
 bya ba la/ lha ma yin gyi gdon la ni ci ltar 'dod par grong gi mtshams zhes bya bar grong ngam yul gyi phyi rol du nub phyogs su sbyin par bya'o/ /dri za'i gdon ni ba glang ngam/ /gos dang rgyan bcas gtor ma sbyin/ /zhes bya ba la/ dri za'i gdon la ni ba glang rgyu ba'i lam du gos dang rgyan dang
 bcas pa'i gtor ma sbyin par bya'o/ /mtshun lha klu gdon 'bab chu'i 'gram/ /klu la shar lho'i mtshams su sbyin/ /zhes bya ba la/ mtshun lha'i gdon dang / klu'i gdon la ni 'bab chu'i 'gram du gtor ma sbyin par bya la/ de las kyang klu'i gdon la ni shar lho'i mtshams su gnas te gtor
 ma sbyin par bya'o/ /gnod sbyin rang gi gnas sam ni/ /chu gnyis 'dus pa'i gnas su sbyin/ /zhes bya ba la/ gnod sbyin gyi gdon la ni/ gdon sbyin gyi gnas su byas pa'am/ yang na chu bo gnyis 'dus pa'i gnas su gtor ma sbyin par bya'o/ /srin po lam gyi bzhi 'do'am/ /tshang tshing
 'jigs su rung bar sbyin/ /srin po'i lho'i phyogs su sbyin/ /tshangs pa'i srin po shar du sbyin/ /zhes bya ba la/ srin po dang tshangs pa'i srin po'i gdon gnyis la ni lam gyi bzhi mdo 'am/ nags kyi tshang tshing 'jigs su rung bar gtor ma sbyin par bya la/ de las kyang srin bo'i gdon la ni lho phyogs su sbyin par bya la
 tshangs pa'i srin po'i gdon la ni shar phyogs su gtor ma sbyin par bya'o/ /sha za ni khang stong du/ /nub phyogs su ni gnas te sbyin/ /zhes bya ba la/ sha za'i gdon la ni khang stong du nub phyogs su gnas te gtor ma sbyin bar bya'o/ /phreng ba gtsang zhing dkar po dang / /dri dang 'o thug 'bras chan dang / /zho dang gdugs
 ni dkar po yi/ /lha rnams kyi ni gtor mar 'dod/ /ces bya ba la/ lha'i gdon la ni phreng ba gtsang zhing dkar ba dang / a ka ru la sogs pa'i dri dang / 'o thug dang 'bras chan dang zho dang gdugs dkar po'i gtor ma bshams shing 'dod pa yin no/ /shing kun yungs kar shu dag dang / /tsha ba gsum ni srang phyed phyed/
 mar bre gang dang ba yi gcin/ /bzhi 'gyur dang ni lhan cig bskol/ /der btung snar blugs bskus pa yis/ /lha'i gdon las thar bar byed/ /ces bya ba la/ de ltar gtor ma byin yang ma zhi na sman gyi sbyor ba bya ba ni shing kun la sogs pa'i sman srang phyed phyed dang / /mar bre gang dang / ba'i gcin bre bzhi dang lhan cig bskol la
 mar de btung ba la sogs par sbyar na lha'i gdon las thar bar 'gyur ro/ /shu dag shing kun sgog skya rnams/ /ra gcin sbyar ba snar blugs dang / mig bskus lha yi gdon las thar/ /zhes bya ba la/ gzhan yang shu dag la sogs pa'i sman ra gcin dang sbyar te sna sman la sogs pa byas na yang lha'i gdon las thar
 par 'gyur ro/ /lha min gtor ma 'bras bu ni/ /mang po dag dang pu shel tse/ /zhes bya ba la/ lha ma yin gyi gdon la ni gtor ma 'bras bu shing thog la sogs pa mang ba dang / de bzhin du pu shel tse dang pad+ma dang / u t+pal dang bcas pa'i gtor ma sbyin par bya'o/ /klu yi gdon la dzA ti dang / /'bras yos bu ram snum khur
 dang / /'bras chan bu ram bcas pa dang / /zas mchog sbrang rtsi 'o ma dang / /sa na ga nA ga ge sar dang / /shu dag pad+ma pu shel tse/ /u t+pal pad+ma dmar po yi/ /'dab mar bcas pa'i gtor ma byin/ /zhes bya bal/ klu'i gdon la ni/ dzA ti zhes bya ba'i sna ma'i me tog dang / 'bras yos la sogs pa'i gtor ma sbyin par bya ste
 snum khur dang 'bras chen gnyis ka yang bu ram dang bcas par bya ba dang / zas mchog ces bya ba 'o thug dang sa nag ni sor shi ta zhes bya'o/ /seng phrom 'o ma dkar po dang / /rgya spos nA ga ge sar dang / /yungs kar chu grang la btags pas/ /snar blugs mig la bskus pa'ang phan/ /zhes bya ba la/ seng
 phrom 'o ma dkar po yod pa dang rgya spos la sogs pa dang yungs kar dkar po'i chu grang la btags te snar blugs pa dang mig sman du byas na yang klu'i gdon kyis zin pa la phan zhing thar bar 'gyur ro/ /gnod sbyin gdon la 'o ma zho/ /mar dang 'bras chan bsras pa dang / /gu gul pad+ma
 thang shing dang / /pu shel tse dang gos dang gser/ /dbyig ni gtor ma sbyin par bya/ /zhes bya ba la/ gnod sbyin gyi gdon la ni 'o ma la sogs pa'i gtong ma sbyin par bya'o/ /gser dang dbyig ni bzor byas pa dang ma byas pa'i dbye bas tha dad bar shes par bya'o/ /rgyan la sogs
 ba byas pa ni dbyig ces bya'o/ /mar dang 'o ma ba gcin ni/ /cha snyoms bskol ba btung ba dang / /snar blugs lus la bskus na phan/ /zhes bya ba la/ mar la sogs pa gsum po cha snyoms te bskol la blud pa la sogs pa byas na yang gnod sbyin gyi gdon gyis zin pa la phan no/
 a ru ra dang ser po gnyis/ /sgog skya shu dag na le sham/ /nim pa'i 'o mar gcin btags/ /lde gus sna sman mig sman bya/ /zhes bya ba la/ a ru ra la sogs pa'i sman ra gcin dang btags pa'i lde gu btsir ba sna sman la sogs pa byas na yang gnod gyis zin
 pa la phan no/ /tshangs pa srin po'i gtor ma ni/ /nas bre bzhi ni btsos pa yi/ /chu bre bcu drug til btags bsres/ /gdugs dang gos dang byug pa sbyin/ /zhes bya ba la/ tshangs pa srin po'i gdon la ni nas bre bzhi btsos pa'i chan gyi gtor ma dang / de bzhin du chu bre bcu
 drug dang til mar btags pa bsres pa'i dang gdugs dang gos kyi rnam pa'i dang / gur kum la sogs pa'i byug pa sbyin par bya'o/ /seng ldeng srang ni nyi shu dang / /tsha ba gsum dang 'bras bu gsum/ /shing kun shu dag shu ti dang / /yungs kar nim pa'i lo mar bcas/ /
 sgog skya srang ni phyed phyed dang / /zhun mar phul ni bdun dag dang / /ba gcin sum 'gyur bskol ba de/ /btung dang snar blugs bskus na phan/ /zhes bya ba la/ seng ldeng srang nyi shu bskol ba'i khu ba'i nang du tsha ba gsum la sogs pa srang phyed phyed lde gur byas pa dang / /zhun
 mar phul bdun dang ba gcin mar gyi sum 'gyur lhan cig bsres te bskol la sman mar de btung ba la sogs par btang yang tshangs pa srin po'i gdon gyis zin pa la phan no/ /srin po'i gdon la til phye dang / /me tog dkar po 'bras chan 'dres/ /sha btsos rjen pa nim pa ba/ /
 khrag dang bcas pa'i gtor ma sbyin/ /zhes bya ba la/ srin po'o gdon la ni til gyi phye ma dang me tog dkar po dang 'bras chan 'dres ma ste/ 'bras chan dang mu dag la sogs pa'i chan dang / /sha btsos pa dang rjen pa dang nim pa zhes bya ba rtsa 'bru'i rnam pa dang / khrag gi gtor ma
 sbyin par bya'o/ /nag ta ma la shi ri sha/ /shun lpags me tog 'bras bu dang / /de bzhin pa ta la nag po/ /pil ba'i rtsa ba tsha ba gsum/ /shing kun yungs kar dug mo nyung / /sgog skya skyu ru ra'i 'bras bu/ /ra gcin dang ni sbyar ba'i sman/ /snar blugs mig tu byugs na phan/ /
 zhes bya ba la/ nag ta ma la sogs pa'i sman ra gcin dang sbyar ba'i sna sman dang mig sman btang na srin po'i gdon gyis btab pa las thar par 'gyur ro/ /'di dag nyid dang mar gyi ni/ /bzhi 'gyur ba gcin bskol ba ni/ /btung dang snar blugs bskus pa yis/ /srin po'i
 gdon ni zlog par byed/ /ces bya ba la/ nag ta ma la dang shri sha'i shun lpags dang me tog dang 'bras bu la sogs pa'i sman 'di dag nyid dang mar dang mar gyi bzhi 'gyur gyi ba gcin dang bskol ba'i sman mar btung ba la sogs ba'i sbyor ba byas na yang srin po'i gdon sel
 bar byed do/ /sha za la ni bu ram chang / /til tshigs til gyi phye ma zho/ /la phug lan tshwa phye zan mar/ /'byung bor 'bras chen gtor ma sbyin/ /zhes bya ba la/ sha za'i gdon la ni bu ram chang la sogs pa'i gtor ma sbyin par bya'o/ /til gyi tshigs ma ni 'ba' cha'o/ /
 'gyur pa'i 'bras chen ni 'bras chan 'dres ma'o/ /la la ni 'byung po'i 'bras chen zhes mi bya'i/ 'byung po'i kha zas zhes bya ste/ de ni khrag yin no/ /phye zan ni nas kyi chan no/ /ser po rnam gnyis lan tshwa btsod/ /shu ti dong gra pri yang ku/ /shing
 kun sgog skya tsha ba gsu/ /'bras bu gsum dang ba ta li/ /shu dag gi ri kar ni dkar/ /shi ri sha yi me tog mar/ /ba gcin bzhi cha bcas par bskol/ /btung dang bsku ba byas na phan/ /zhes bya ba la/ ser po rnam gnyis la sogs pa'i lde gu dang / mar dang
 ba gcin gyi bzhi cha dang bcas par bsre/ ba gcin mar gyi bzhi 'gyur dang bskol ba'i mar btung ba la sogs par byas na sha za'i gdon gyis zin pa la yang phan no/ /yang na de nyid ra gcin btags/ /mig bskus snar ni blugs na phan/ /zhes bya ba la/ yang na ser po rnam
 gnyis la sogs pa'i sman de nyid dang ra gcin dang lhan cig btags te lde gur byas pa mig tu bskus shing snar blugs na yang sha za'i gdon gyis zin pa la yang phan no/ /lha dang drang srong mtshun lha dang / /dri za'i gdon la sna sman sogs/ /rnon po gtang bar mi bya zhing / /'di la
 zhun mar btung la sogs/ /sman ni 'jam por spyad par bya/ /zhes bya ba la/ lha la sogs pa'i gdon bzhi po la ni sna sman la sogs pa rno zhing drag pa gtang bar mi bya'o/ lha la sogs pa'i gdon 'di la zhun mar dang btung ba la sogs pa'i sman 'jam po gang yin pa de spyad cing
 gtang bar bya'o/ /sha za ma gtogs thams cad la/ /mi mthun sbyin par mi bya ste/ /mthu stobs che ba de khros na/ /nad pa sman par bcas gsod byed/ /ces bya ba la/ sha za'i gdon ma gtogs pa gdon thams cad la mi mthun zhing de la gnod par 'gyur ba ci yang sbyin zhing spyad
 par mi bya ste/ /ci'i phyir zhe na/ de rnams ni mthu stobs che zhing nus pa dang ldan pa yin pas lha la sogs pa'i gdon de dag la mi mthun pas spyad na khros zhing 'khrugs nas nad pa sman pa dang bcas pa gsod par byed par 'gyur ro/ /'phags pa spyan ras gzigs dbang phyug /mgon
 po phyag ni bcu gnyis pa/ /nad kun gso par mdzad pa yi/ /sngags bzlas na ni nad kun sel/ /de bzhin smyo byed brjed byed dang / /gzhan yang sems 'khrul byed pa 'joms/ /zhes bya ba la/ 'phags pa spyam ras gzigs dbang phyug sems can thams cad kyi mgon du gyur
 pa/ lha'i yang lha phyag bcu gnyis pa nad thams cad gso bar mdzad pa'i sngags ji skad bshad pa dag bzlas na yang gdon thams cad dang brjed byed la sogs pa 'joms par 'gyur ro/ /rigs sngags rgyal mo rma bya che/ /gtsang byas de la rtag tu bsgrags/ /zhes bya ba la/ yang
 na nad pa de khrus dang gtsang sbra byas la rig sngags kyi rgyal mo rma bya chen mo'i sngags dus thams cad du de'i rna bar bsgrags shing bzlas na yang gdon thams cad las thar bar 'gyur ro/ /'byung bo'i bdag po lha chen dang / /de yi 'khor gyi tshogs mchod cing / /de yi sngags grub
 bzlas na yang / /gdon ni thams cad 'joms par byed/ /ces bya ba la/ 'byung bo'i gdon rnams kyi legs ldan lha chen po mchod par bya ba dang / /de bzhin du de'i 'khor gyi tshogs 'joms byed rnams mchod pa dang / de'i sngags grub zin pa bzlas par gyur na yang gdon
 thams cad 'joms par byed do/ /gang yang 'og nas bshad pa yi/ /le'u gnyis las smos pa dang / /gang 'dir bshad pa de dag kun/ /phan tshun sbyor ba byas na phan/ /zhes bya ba la/ gang 'di'i 'og nas bshad pa'i le'u gnyis po smyo byed dang brjed byed ces bya ba'i nad gso ba
 la smos pa dang / /gang le'u 'di las bshad pa' de dag thams cad ni phan tshun 'dres mar sbyar zhing sbyor ba byas na phan no/ /yan lag brgyad pa'i snying po'i rnam par 'grel pa tshig gi don gyi zla zer zhes bya ba/ slob dpon zla ba la dga' bas nges par sbyar ba las/ phyi ma'i gnas kyi
 le'u lnga ba'i rnam par 'grel pa'o/ /de nas smyo byed gso ba bshad par bya'o/ /zhes bya ba la/ gdon gyi gso ba las smyo byed dang brjed byed kyi gso ba logs shig tu byas pa ni brjod pa mang ba yin pa'i phyir ro/ /smyo byed nad gzhi re re dang / /'dus sogs dug las
 gyur pa drug / ces bya ba la/ smyo byed ni rnams pa drug ste/ /rlung la sogs pa nad gzhi re re las gyur pa gsum dang 'dus pa las gyur pa gcig dang / sogs pa smos pas sems kyi gdung ba las gyur pa gcig dang / dug las gyur pa ste drug go/ /smyo byed
 ces bya lus dang ni/ /sems kyi nad lam log pa ru/ /zhugs pas smyos par gyur pa yin/ /zhes bya ba la/ smyo byed ces bya ba ni gang lus dang sems kyi nad lam log par gyur pas yid myos shing ma rtags pa nyid du myos par gyur pa de la myos shing brgyal ba zhes bya'o/ /bza' btung gnod
 pa dag dang ni/ /snying dang ma goms dri mar bcas/ /ma snyoms pa ni bsten pa dang / /yid zhum snying stobs chung ba dang / /rid cing spyod pa ma snyoms dang / /mchod 'os mchod par mi byed dang / /sems las kyis ni sems nyams dang / /dug
 dang nye ba'i dug las gyur/ /zhes bya ba la/ bza' ba dang btung ba gnod par gyur pa dag gis lus dang sems kyi nad skyed pa dang / /de bzhin du zas skom rnying pa lo lon pa dang / /sngar ma goms pa dang / /dri ma can du gyur pa dang / zas skom ma snyoms pa bsten pa dang / /de bzhin
 du yid zhum zhing mi dga' ba dang snying stobs chung zhing nad kyi khyad par gyis 'khrugs pa dang / lus rid cing nyam chung ba dang / /spyod pa drag dal ma snyoms pa dang / /mchod par 'os pa lha dang bla ma la sogs pa mchod par mi byed pa dang / /sems las kyis yid la gnod par byed pa
 dang / sems nyams shing ma rungs par gyur pa dang / /de bzhin du dug dang nye ba'i dug sbyar ba'i dug la sogs pa las smyo byed kyi nad du gyur pa yin no/ /'di yis snying stobs zhan pa yi/ /snying gi nad la gnod byas te/ /blo ni dri ma can byas te/ /yid rgyu ba yi lam bkag nas/ /smyo byed
 dag ni skyed par byed/ /de yis blo dang rnam shes dang / /dran pa 'khrul zhing lus kyi ni/ /bde dang sdug bsngal las nyams te/ /shing rta kha lo sgyur ba ni/ /med pa lta bur rtsom pa ni/ /kun kyang bsam pa med par spyod/ /ces bya ba la/ sngar bshad pa'i bza' ba dang
 btung ba gnod pa la sogs pa'i nad kyis snying la gnod par byas te/ blo dri ma'i rnyog ma can du byas te/ yid rgyu ba'i rtsa sbubs kyi lam bkag nas smyo byed kyi nad skyed par byed pa yin la/ smyo byed des blo la sogs pa 'khrug cing 'khrugs pa dang lus kyi bde ba dang / sdug bsngal las
 nyams shing / tshor ba med de thams cad du bsam pa med pa kho nar spyod pa ni dper na ji ltar shing rta kha lo sgyur ba'i skyes bu med pa dang phyogs med par 'khyams pa lta bur 'gyur ro/ /de la rlung gyur lus sbegs shing / /rgyu med ngu zhing tshig rtsub smra/ /dgod dang 'dzum dang gar byed dang
 glu len rol mo byed pa dang / /lus skyod pheg ni rdob pa dang / /gling bu pi wang la sogs kyi/ /sgra yi lad mo yang yang zlo/ /rgyun du kha nas sbu ba 'dzag /phan tshun rgyug cing mang du smra/ /rgyan min pas ni rgyan du byed/ /bzhon pa min par 'gro bar rtsom/ /kha zas la ni gdu
 bar byed/ /de rnyed na ni mi 'odad byed/ /mig zlum mig ni dmar ba dang / /kha zas zhu nus nad ldang 'gyur/ /zhes bya ba la/ de la rlung las gyur pa'i smyo byed ni lus sbegs shing rid pa dang / rgyu med par ngu ba nas pheg rdob pa'i bar du byed de/ rgyu med pa ni gnas skabs ma yin
 pa ste/ gang du ngu ba la sogs pa'i bya ba'i rigs pa dag la ni mi byed la/ mi byed par rigs pa dag la ni byed pa'o/ /'dzum pa ni chung zad dgod pa'o/ /gling bu la sogs pa'i lad mo byed pa na de dang rjes su mthun par byed pa'o/ /rgyan ma yin pa ni rtsa shing la sogs pa ste/
 des rgyan du byed pa'o/ /bzhon pa ma yin pa ni shing las byas pa'i rta la sogs pas 'gro bar rtsom pa'o/ /kha zas la gdu ba ni zas skom la sogs pa la chags pa'o/ /rnyed na mi 'dod pa ni de la mngon par mi dga' ba'o/ /kha zas zhu nas nad ldang ba ni/ nad de stobs can du
 'gyur ba'o/ /gzhan dag ni go bar zad do/ /mkhris las spyo zhing khro ba dang / /khu tshur bong bas rdeg cing rgyug /grib ma chu ni grang mo 'dod/ /gcig pu 'dug cing lus mdog ser/ /med par me ni 'bar ba dang / /skar ma mar me mthong ba'o/ /zhes bya ba la/
 mkhris pa las gyur pa'i smyo byed ni gzhan dag la tshig ngan pas sbyo ba dang / khro zhing 'khrug pa dang / khu tshur la sogs pas rdeg cing 'gro ba dang / btsog pa dang / sa phyogs gang na me 'bar ba la sogs pa med bzhin du me'i phung po la sogs pa mthong ba
 yin no/ /bad kan slon zhing yi ga 'chus/ /kha zas rtsol dang smra ba nyung / /bud med 'dod cing dben la dga'/ /khu chu snabs ni 'dzag pa dang / /'jigs rung gtsang sbra la mi dga'/ /gnyid che gdong ni skrang ba dang / /nub mo shas cher smyo ba dang / /zos ma thag tu
 ldang ba yin/ /zhes bya ba la/ /bad kan las gyur pa'i smyo byed ni slon bro ba dang / /yi ga 'chus pa la sogs pa dang / dben bar gcig pu 'dug par dga' pa dang / /'jigs su rung zhing smad par bya ba la gnas pa dang / gtsang sbra chung ba la sogs pa dang / kha zas
 zos ma thag tu smyo byed kyi nad shas cher ldang ba'i bar yin no/ /'dus pa'i rgyu dang mtshan ma ni/ /kun ldan de yi bdag nyid can/ /smyo byed mi bzang par shes bya/ /de ni sman pas yongs su spang / /zhes bya ba la/ 'dus pa las gyur ba'i smyo byed ni nad gzhi rgyu thams cad dang mtshan
 ma thams cad dang ldan pa yin te/ de lta bu ni 'dus pa'i nad de'i bdag nyid can yin la/ /smyo byed de ni shin tu mi bzad cing / 'jigs su rung ba yin pas/ gsor mi rung ba'i phyir sman pas spang bar bya'o/ /nor dang chung ma sogs bral bas/ /brnag dka' ba las sems
 gdung bas/ /smyo zhing zhum la yang yang brgyal/ /kyi hud kyi hud smre sngags 'don/ /glo bur du ni ngu zhing brgyal/ /de yi yon tan mang du sems/ /mya ngan gyis gdungs sems khong chud/ /gnyid yar rnam par 'khyams pa yin/ /zhes bya ba la/ sems kyi gdung ba na smyo byed
 ni nor dang chung ma la sogs pa yid du 'ong ba dang bral bas/ /brnag dka' ba la sems kyi gdung ba skye la/ de'i dbang gis mdog skya bo 'od 'od por gyur ba dang / sems zhum pa la sogs par 'gyur zhing / nor ram chung ma dang bral ba de'i yon tan yang dang yang du sems
 shing mya ngan gyis gdungs pa la sogs pa yin no/ /dug gis gdong ni sngo ba dang / /gzhi nyams dbang po stobs chung ba/ /shugs kyi bar du'ang 'khrul bar byed/ /mig dmar de ni spang bar bya/ /zhes bya ba la/ dug las gyur pa'i smyo byed ni mi'i gdong sngo ba dang / /gzi
 mdangs nyams pa la sogs pa dang / bshang gci la sogs pa'i shugs 'byin zhing bar du yang 'khrul zhing myos par 'gyur ba dang / mig dmar por 'gyur ba yin te/ de yang gsor mi rung bas spang bar bya'o/ /de nas rlung gyur smyo byed la/ /dang por snum gyi btung ba
 blud/ /ces bya ba la/ de nas de dag gi gso ba ni rlung las gyur ba'i smyo byed la ni dang bo thog ma kho nar sman mar blud nas gso bar bya'o/ /lam 'gags gyur la dang por ni/ /snum bcas sbyar ba 'jam po bya/ /zhes bya ba la/ rtsa sbubs kyi lam 'gags pa las smyo byed du
 gyur ba la ni dang bo kho nar snum dang bcas pa'i skyug sman dang / bkru sman dang 'jam po'i sbyor bas gso bar bya'o/ /bad kan mkhris gyur dang po ni/ /snum dang dugs byas skyug sman dang / /bkru sman mas gtong bcas pa dang / /mgo bo'i bkru sman dag kyang bya/ /zhes bya ba
 la/ bad kan dang mkhris ba las gyur ba'i smyo byed la ni dang po kho nar snum dang dugs kyi cho ga byas la skyug sman la sogs pa btang bas gso bar bya'o/ /de ltar lus ni dag byas na/ /yid ni dran pa rnyed par 'gyur/ /zhes bya ba la/ tshul de ltar byas pas smyo byed kyis btab
 pa'i nad pa de'i lus sbyang ba byas ba'i rgyus sems gsal zhing yid dran pa rnyed par 'gyur ro/ /de lta na yang rjes 'brangs na/ /sna sman mig sman rnon po gtang / /sems dga' dbugs 'byung skrag pa dang / 'jig dang rdeg dang sdigs mo byed/ /lus dri la byug dang bsku ba dang /
 dud brngub sman mar blud pa dag/ /sbyar te de ni dag gyur na/ /yid ni tha mal ba la sbyar/ /zhes bya ba la/ tshul de lta bu'i gso ba byas su zin kyang nad de rjes su 'brang zhing 'brel pa yin na sna sman rnon po la sogs pa btang ba dang / sems dga' ba la sogs pa byas te/ des ni
 yid tha mal par bde bar gnas par 'gyur ro/ /shing kun dang ni rtsabs ru tsha/ /tsha ba gsum ni srang gnyis gnyis/ /mar bre bzhi ni ba gcin bcas/ /bskol bas smyo byed 'byung bo dang / /brjed byed gdon ni sel mchog yin/ /zhes bya ba la/ shing
 kun la sogs pa'i sman srang gnyis gnyis dang / mar bre bzhi ba gcin dang bcas par bskol ba btung ba la sogs par sbyar na smyo byed la sogs pa sel bar 'gyur ro/ /bra m+hi'i khu ba bre do dang / /mar bre gang dang tsha ba gsum/ /sha ma dur byid bim pa dang / /shang ka puSh+pa dong ga
 dang / /sab+ha la dang byi dang ga /zho ni gnyis gnyis lde gur bskol/ bram+hi'i rtsa ba zhes bshad de/ /mar ni srang res bskyed de gtang / /che tshad srang bzhi'i bar zos na/ /smyo byed brjed byed mdze yi nad/ /sel zhing mo gsham bu skyed byed/ /skad snyan tshig gsal dran pa dang / /yid
 gzhungs dpal ni skyed par byed/ /zhes bya ba la/ sman bram+hi bskol ba'i khu ba bre do dang mar bre gang dang / tsha ba gsum la sogs pa'i sman sna re re zho gnyis gnyis kyi lde gu bskol ba ni bram+ha'i sman mar zhes bya bar bshad de/ mar de srang gcig nas srang re bskyed de srang bzhi bar du zos na/ mar des smyo
 byed la sogs pa'i nad sel zhing dpal skyed pa'i bar du byed do/ /'bras bu gsum dang bi sha la/ /pa tra e la thang shing dang / /e la ba lu ka dang ni/ /thal tres rnam gnyis ser bo gnyis/ /s+thi ra rnam gnyis pri yang ku/ /rgya spos ru rta bri ha ti/ /nA ga ge sar dong ga btsod/ /se'u 'bru
 bal bu'i lo ma dang / /dzA ti kha 'bus byi dang ga /dan da shug pa ut+pa la/ /tsan+dan dkar po zho gnyis gnyis/ /zhun mar bre gang bcas bskol ba/ /dge ba'i sman mar zhes bshad 'dis/ /'byung po'i gdon sogs smyo byed dang / /brjed byed lud pa sdig can 'joms/ /skya rbab
 g.yan pa skem dang dug / rmongs bag gcin snyi dbyig dug rims/ /khu ba med pa'am bu med pa 'am/ /dran pa gdon gyis brlams pa dang / /yid gzhungs med cing tshig 'khrul dang / /dran nyams me drod chung la phan/ /stobs skyed bkra shis tshe ring zhing / /mdangs skyed skal ldan
 lus rgyas byed/ /bu skyed byed pa'i mchog yin no/ /zhes bya ba la/ pa tra e la ni ha re Nu ka'o/ /e la ba lu ka ni ma lung ka'o/ /thal tres rnam gnyis ni sha ri ba dkar po dang / nag po gnyis so/ /ser po gnyis ni yung ba dang skyer pa'o/ /s+thir rnam gnyis ni sa la par+Ni dang
 kriSh+Na par+Ni'o/ /pri yang ku ni gan d+ha pri yang ku'o/ /dzA ti ni sna ma'i me tog ste/ de kha 'bus pa'o/ /ut+pa la ni ut+pa la sngon po'o/ /gzhan ni grags par zad de sman de dag zho gnyis gnyis kyi tshad du byas pa'i lde gu dang / /zhun mar bre gang bskol ba'i sman mar ni dge ba'i sman mar zhes drang
 srong dag gis bshad de/ sman mar 'dis ni 'byung bo'i gdon la sogs pa 'joms pa nas bu skyed pa'i mchog yin pa'i bar gyi yon tan dang ldan pa yin no/ /'di las thal tres rnam gnyis sogs/ /nyi shu rtsa gcig chu nang bskol/ /de yi khu ba mar dang ba/ /lan cig skyes 'o
 bzhi 'gyur dang / /me da rnam gnyis ram nye ba/ /bum gtsang stong dang kha sral phre'u/ /bu ram shing dang par+Ni gnyis/ /bskol ba yi ni sman mar ni/ /dge ba chen po zhes bya ste/ brtas byed 'dus pa'i nad 'joms shing / /snga ma bas kyang yon tan lhag /ces bya ba la/
 bshad ma thag pa'i sman 'di dag las dang po'i bdun ma gtogs pa thal tres rnam gnyis la sogs pa sman sna nyi shu rtsa gcig khu ba bskol ba'i cho gas chur bskol te/ sha ri ba rnams gnyis la sogs pa sman spyir bre gang chu bre bcu drug gi nang du bskol la sman gyi khu ba bzhi cha lus pa mar bre
 gang dang ba be'u lan cig skyes pa'i 'o ma bre bzhi dang / me da rnam gnyis la sogs pa spyir srang brgyad bskol ba'i sman mar ni dge ba chen po'i sman mar zhes bya ste/ des lus brtas par byed pa dang / 'dus pa'i nad sel bar byed pa dang / dge ba'i sman mar yon tan cher lhag pa yin no/
 spang spos pu ta ke shi dang / /chu rtsa shu dag kha sral phre'u/ /kyi lce ba dang ram nye ba/ /tsa rong dza ya pu tse shel/ /sle tres tsa tra ba ra ha/ /a ti tsha tra sa ta la/ /ma hA pu ru Sha dan Da/ /na ku li gnyis skyu ru ra/ /bri sh+tsi ka la ka dam pa/ /sa la par+Ni bcas bskol mar/ /sha za
 chen po'i mar zhes bya/ des ni nyin bzhi pa rims dang / /smyo byed brjed byed gdon 'joms shing / /blo dang yid gzhungs dran pa skyed/ /byis pa rnams kyi lus 'phel byed/ /bdud rtsi dang ni 'dra ba yin/ /zhes bya ba la/ spang spos la sogs pa'i
 sman dang / /mar tshul bzhin du bskol ba'i sman mar ni ming sha za chen po'i sman mar zhes bya ste/ des ni nyin bzhi pa'i rims la sogs pa sel ba'i yon tan dang ldan pa yin no/ /bram+hi in dri byi dang ga /shing kun spang spos mur ba dang / /ra sna sgog skya bong nga dkar/ /
 shu dag bya'u rug bi sha la/ /nA ga dan ti byi tsher ba/ /dzo ti sma ti tsha ba gsum/ /a ru ra dang sa nag rnams/ /glang po'i gcin btags ri lu byas/ /grib bskams snar blugs mig bsku zhing / /lus bskus spos bdugs smyo byed sel/ /zhes bya ba la/ bram+hi ni bram man ya sti ka
 zhes bya'o/ /in dri ni in dra ba ru na'o/ /la la ni sug smel la bya'o zhes zer ro/ /mor ni gan+d+ha mo ra'o/ /bi sha la ni lang ga li'o/ /dzo ti sma ti ni mar ma ta zhes bya ba phug ron gyi rkang ba 'dra ba ming gi rnam grangs ku ni zhes bya'o/ /nA ga dan da ni nA ga byi na'o/ /sa nag ni so ra shi zhes
 bya ba ste/ /sman de rnams glang po che'i gcin dang btags te ri lur byas nas/ grib ma la bskam la snar blugs pa la sogs pa byas na smyo byed kyi gdon sel bar 'gyur ro/ /yungs kar dang ni sbyar ba yi/ /sna sman rnam pa sna tshogs phan/ /zhes bya ba la/ gzhan yang smyo byed
 kyi gdon la ni yungs kar gyi mar dang sbyar ba'i sna sman rnam pa tha dad pa dag kyang phan pa yin no/ /yungs mar gyis ni lus bsku dang / yungs kar phye ma snar bud bya/ /zhes bya ba la/ yang smyo byed kyi nad 'di la yungs kar gyi mar gyis lus bsku ba dang / /yungs kar gyi phye ma sna nas 'bud
 pa dag byas na yang phan no/ /mdo gnas bstan pa'i cho ga bzhin/ /dud rnon shing kun bcas pa phan/ /zhes bya ba la/ /smyo byed kyi nad la mdo'i gnas las bshad pa'i dud pa rnon po shing kun dang bcas pa bdugs na yang phan no/ /wa dang reg 'jam 'ug pa dang / byi bar thug
 dza tu ka'i/ /gcin dang rtug pa spu dang ni/ /pags pa mkhris pa sen mo dang / /spos bdugs mig sman lus bskus dang / /byugs dang blugs pa sbyad par bya/ /zhes bya ba la/ wa la sogs pa'i gcin la sogs pa dang sbyar ba'i spos kyis bdugs pa la sogs pa byas na yang smyo
 byed kyi nad la phan no/ /bad kan rlung gyur la phal char/ /khyi dang ba glang nya sha ni/ /rul ba'i dud pas bdug par bya/ /zhes bya ba la/ bad kan dang rlung las gyur pa'i smyo byed phal cher la ni khyi dang ba glang dang nya'i sha rul zhing dri ma nam pa'i dud pas nad pa de la bdugs na phan no/ /
 mkhris gyur la ni tig ta'i mar/ /'tsho byed snum ni gnyis kyi mar/ /bza' dang btung ba bsil ba dang / /mngar ba dang ni yang ba bsngags/ /zhes bya ba la/ mkhris pa las gyur pa'i smyo byed la ni tig ta'i sman mar dang / mar dang / til mar gnyis kyi sman mar blud na phan
 pa dang / de bzhin du bza' ba dang btung ba bsil ba dang / mngar ba dang yang ba'i bag bsten pa bsngags pa yin no/ /ji skad bshad pa'i gtar ga gdab/ /yang na sha tshon gyis 'grangs bya/ /de 'og rlung med gnas bsnyal nas/ /sems myos pa las thar par 'gyur/
 zhes bya ba la/ /sngar mdo'i gnas su smyo byed la ni snying ga dang / mig zur dang / dpral bar gtar ga gdab par bshad pa'i cho gas gtar ga gdab par bya'o/ /yang na sha tshon gyis 'grangs par byas la/ /de'i 'og khang pa rlung med pa'i gnas su bsnyal na/ sems myos shing
 'khrul ba'i nad las thar par 'gyur ro/ /khron pa'i chu ni nyung bar gzhug /ltogs pa nyid du byas te bskam/ /zhes bya ba la/ yang na smyo byed kyis zin ba'i nad pa de khron pa'am/ rdzing bu chu nyung bar bcug la ltogs pa nyid du byas nas lus bskams na yang phan no/ /de la chos dang
 nor ldan pa'i/ /gtam dang mdza' bos dga' bar bya/ /zhes bya ba la/ yang na smyo byed dang ldan pa'i nad pa de la de'i snying du sdug pa'i mdza' bos chos dang nor dang ldan pa'i gtam snyan pas de'i sems dga' bar bya zhing spro bsring bar bya'o/ /yang na sdug pa dang bral ba 'am/ /
 rmad du byung ba bstan par bya/ /zhes bya ba la/ yang nad pa de la yid du 'ong zhing sdug pa dang bral ba'i gtam sems dngangs par 'gyur ba'am/ yang na ngo mtshar skye zhing rmad du gyur pa'i dngos po bstan par bya'o/ /bcings la yungs mar gyis bskus te/
 nyi tshan la ni gan rkyal bzhag /kha sral phre'u'am lcags tsha ba'am/ /til mar chu tshan gyis reg bya/ /zhes bya ba la/ yang na smyo byed can de bcings la/ yungs mar gyis lus bskus te/ nyi tshan la lus gam rkyal du bzhag ste/ kha sral phre'u lus la reg par byas pa
 'am/ yang na lcags dang til mar dang / chu tsha bas lus la bsreg par bya'o/ /yang na lcag gis gzhus nas ni/ /bcings te g.yang sar skyur bar bya/ /zhes bya ba la/ yang nad pa de lcag gis gzhus la bcings te nyam nga ba'i g.yang sar skyur bas sdang bar bya'o/ /
 yang na rdo dang mtshon med pa'i/ /mun khang mi ni med par bzhag /ces bya ba la/ yang na rdo dang mtshon cha med pa'i khang ba mun nag du gyur pa mi med pa dag tu gzhag par bya'o/ /mche ba bton pa'i sbrul dang ni/ /glang dang seng ge glang po ches/ /de ni skrag tu gzhug pa'am/ /yang
 na rgyal po'i skyes bu yis/ /dam du bcings te phyir phyung na/ /rgyal po'i bka' yis bsdigs pa dang / /'id gsad bya zhes skrag tu gzhug /ces bya ba la/ yang na smyo byed can gyi nad pa de mche ba bton zhing med par byas pa'i sbrul lam glang khyu mchog gam/ seng ge la sogs
 pas skrag tu gzhug par bya ba'am/ yang na nad pa de rgyal po'i mngags gzhug gi skye bos dam du bcings te/ rgyal po'i bkas bsdigs pa dang gsad pa la sogs pa'i tshig gis skrag tu gzhug par bya'o/ /lus kyi sdug bsngal 'jigs pa bas/ /srog gi 'jigs pa rab
 'jigs pas/ /de phyir kun tu 'khrul pa'i yid/ /nye bar zhi ba nyid du 'gyur/ /zhes bya ba la/ gang gi phyir lus kyi sdug bsngal bsreg pa dang brdeg pa dang / gzir ba la sogs pa las srog gi 'jigs pa rab tu 'jigs shing skrag par byed pa yin pas rgyu de'i phyir srog dang
 bral ba'i 'jigs pas smyo byed kyis kun tu 'khrul par byed pa'i yid nye bar zhi zhing med par 'gyur ro/ /grub pa'i sbyor ba 'di dag ni/ /nad dmigs dus sogs ltos te bya/ /zhes bya ba la/ de ltar sngar bshad pa'i gso ba'i sbyor ba grub par gyur pa 'di dag ni nad dmigs dang dus la
 sogs pa la ltos nas sbyad par bya'o/ /sdug dang nor dang bral ba las/ /gang gi yid la gnod gyur pa/ /de la de 'dra rnyed gyur pa/ /spro bsrings dbugs dbyung pa yis gso/ /zhes bya ba la/ skyes bu gang sdug cing yid du 'ong ba dang / /nor dang bral ba las yid la gnod
 cing gdung bar gyur pa'i mi de la ni de dang 'dra ba'i nor dang sdug pa dang phrad cing rnyed par 'gyur ba'i tshul gyis spro ba sring zhing dbugs dbyung pa'i tshul gyis de'i yid gso bar bya'o/ /'dod dang mya ngan 'jigs pa dang / /khro dang 'jigs pa chang las gyur/ /gnyis gnyis dag gis
 gcig la gcig / de dag nyid kyis zhi bar bya/ /zhes bya ba la/ 'dod chags la sogs pa las byung ba'i smyo byed ni 'dod chags la sogs ba de dag nyid kyis gcig la gcig gnyen por byas te zhi bar bya'o/ /de yang 'dod chags las byung ba'i smyo byed ni mya ngan gyis zhi bar bya
 la/ mya ngan las byung ba ni 'dod chags kyis zhi bar bya'o/ /de bzhin du khro ba las byung ba ni 'jigs pas zhi bar bya'o/ 'jigs pas ni khro ba zhi bar bya ste/ de ltar gcig la gcig gnyen por gyur pas bsal bar bya'o/ /bshad pa'i mtshon ma las lhag pa/ /gdon dang
 rjes 'brel yin zhes bya/ /gal te smyo byed gdon las gyur/ /gdon gsor bshad pa'i sman sbyar bya/ /zhes bya ba la/ sngar bshad pa'i smyo byed drug po las mtsham nyid lhag par gyur pa sman pas gang dang gang mthong ba de ni gdon dang rjes su 'brel ba yin pas na de ltar gdon las gyur
 pa'i smyo byed la ni gdon gso ba'i skabs su bshad pa'i sman gang dag yin pa dag gis btang zhing gso bar bya'o/ /til btags phye ma nas zan dang / /snum zhing mngar ba'i kha zas dang / /'bras ni khrag dang sbrus pa dang / /sha ni btsos pa rjen pa dang / /'bru chang sbyar chang mnan pa'i chang
 a ti mu ti'i me tog dang / /dzA ti sa ha ra dza yi/ /me tog bcas pa'i gtor ma ni/ /lam gyi bzhi mdo ba lang lhas/ /chu bo 'dus pa dag tu sbyin/ /zhes bya ba la/ de bzhin du gdon las gyur pa'i smyo byed la til btags pa'i phye ma skyo ma dang / de
 bzhin du nas chan nam zan dang de bzhin du snum zhing mngar ba'i shas che ba'i kha zas dang 'bras khrag gi gtor ma dang / sha btsos pa la sogs pa dang / sa ha ra dza'i me tog gi bar dang bcas pa'i gtor ma lam gyi bzhi mdo dang / ba lang gi lhas dang / chu bo gnyis 'dus pa'i lam
 du sbyin par bya'o/ /gang zhig sha dang chang sbangs shing / /phan la brtson zhing gtsang sbra che/ /snying stobs can la lhan cig skyes/ /glo bur smyo byed 'byung mi 'gyur/ /zhes bya ba la/ skyes bu gang sha dang chang sbangs shing bor ba dang / phan zhing 'phrod pa'i kha zas zos pa dang brtson
 pa che zhing dge ba'i las la 'bad pa dang ldan pa dang / gtsang zhing lus dang ngag dang yid kyi las dri mas ma gos pa dang / snying stobs dang dang ldan zhing rang bzhin gyis sran thub pa'i skyes bu la ni lhan cig skyes pa dang / glo bur pa'i smyo byed rnams 'byung par mi 'gyur ro/ /dbang po'i
 don ni gsal ba dang / /de bzhin blo dang yid gsal ba/ /lus zungs tha mal par gnas pa/ /smyo byed dang bral mtshan ma yin/ /zhes bya ba la/ gzugs la sogs pa'i dbang po'i don gsal bar rtogs shing ma 'khrul ba dang / blo'o shes pa dang / yid kyi 'dzin pa
 dngas ma la sogs pa'i lus zungs rnams tha mal par gnas shing / ma 'khrul pa dag ni smyo byed kyi gdon las thar zhing bral bar gyur pa'i mtshan ma yin no/ /yan lag brgyad pa'i snying po'i rnam par 'grel pa tshig gi don gyi zla zer zhes bya ba/ slob dpon zla ba la dga' bas
 nges par sbyar ba las/ phyi ma'i gnas kyi le'u drug pa'i rnam par 'grel pa'o// //de nas brjed byed gso ba bshad par bya'o/ /zhes bya ba la/ smyo byed gso ba'i 'og tu brjed byed gso bar bshad pa ni/ phal cher rgyu dang mtshan nyid dang gso ba mthun pa yin
 pa'i phyir smos pa yin no/ /brjed byed dran pa nyams pa ste/ /de ni snying stobs blo 'khrul dang / /sems las mya ngan 'jigs sogs kyis/ /gnod gyur sems las byung ba yin/ /zhes bya ba la/ brjed byed ces bya ba ni dran pa nyams shing 'du shes dang bral ba la
 bya ste/ 'di ni brjed byed kyi nges pa'i tshig bstan pa'i phyir/ 'di skad smos pa yin no/ /brjed byed de ni snying stobs dang blo la sogs pa 'khrul pa las byung ba yin te/ de la blo ni shes rab dang shes pa dang / blo gros zhes bya ba'i ming gi rnam grangs yin te de 'khrul pas sems las
 dang mya ngan dang 'jigs pa la sogs pas gnod cing nyan par gyur pa'i sems las brjed byed byung ba yin no/ /lus sems gtogs pa'i nad kyis ni/ /smyo byed bzhin du 'khrugs gyur pas/ /snying stobs nyams shing snying dang ni/ /'du shes rgyu ba'i rtsa sbubs khyab/ /mun par
 zhugs snyam sems shing rmongs/ /'jig su rung ba'i bya ba byed/ /so 'cha' wu ba skyug pa dang / /lag pa rkang pa g.yob pa dang / /gzugs med pa yang mthong ba dang / /'khrul zhing sa la 'gyel ba dang / /smin ma mi g.yo nad shugs dang / /bral nas sad par 'gyur ba dang / /
 de ni dus gzhan dag tu yang / /de bzhin du ni spyod pa yin/ /zhes bya ba la/ lus dang sems kyi char gtogs pa'i nad kyis smyo byed kyi tshul du 'khrugs shing ldang bar gyur pas snying stobs brtan pa yod pa gang yin pa de nyams shing med par gyur nas gnod pa de snying la khyab par
 gyur pa dang / 'du shes rgyu ba'i rtsa sbubs rnams su yang nad kyis khyab bar gyur la des na skyes bu mun pa'i nang du zhugs pa snyam du sems shing blo rmongs par gyur pa dang / las su bya ba 'jigs su rung zhing smad par bya ba byed pa dang / /so 'cha' ba la sogs pa dang / gzugs
 med cing 'dra ba ma yin pa gang yin pa de mthong ba dang 'khrul zhing 'du shes nyams pas sa la 'gyel ba dang / smin ma dang mig yon por snang ba dang / nad kyi shugs de dang bral zhing zhi nas sad cing 'du shes rnyed par 'gyur ba dang / yang mi de dus phyis nas gnas skabs gzhan dag tu yang
 spyod par 'gyur pa de bzhin du byed pa yin no/ /rlung la sogs pa dang 'dus pa'i/ /dbye bas brjed byed rnam pa bzhi/ /zhes bya ba la/ brjed byed ni rlung la sogs pa nad gzhi re re las gyur pa dang / 'dus pa las gyur pa'i dbye bas rnam pa bzhi
 yod pa yin no/ /de ni skye bar gyur ba'i tshul/ /snying 'dar khong stong mgo 'khor la/ /mun par mthong zhing sems khong chud/ /smin ma mi sdug mi 'gyur dang / /sgra mi thos shing rngul 'byung la/ /kha chu snabs ni 'dzag pa dang / /mi 'ju yi ga 'chus shing brgyal/ /
 lto sbos nyams stobs zad pa dang / /gnyid med skom zhing yan lag ni/ /rmi lam glu len gar byed dang / /til mar chang ni 'thung ba dang / /de gnyis gcin du 'byung ba rmi/ /zhes bya ba la/ brjed byed kyi nad de 'byung zhing skye bar 'gyur ba na/ sngar 'byung pa'i tshul lam
 mtshan ma ni snying 'dar zhing g.yo ba dang / khong pa stong zhing lto sbo ba dang / 'khor lo la bskyon pa ltar mgo 'khor ba dang / mun par mthong zhing mun 'thibs zhes byed pa dang / sems khong du chud pa la sogs pa nas til mar dang chang 'thung ba dang / de gnyis gcin du 'byung
 pa'i rmi lam rmi ba'i bar yin no/ /de la rlung gyur brla 'gul zhing / /yang dang yang du 'gyel ba dang / yang dang yang du dran pa stong / /'du shes rnyed nas mi gsal du/ /mig 'bur yang yang dbugs 'byin cing / /wu bar skyug cing 'dar ba dang / /so 'cha' mgo ni
 rdebs pa dang / /rlung gis gre ba rgyas par byed/ /yan lag kun du rdebs pa dang / /sor mo mi snyoms 'gugs pa dang / /mig dang pags pa sen mo ni/ /gnag cing rtsub por snang ba dang / /gzugs ni mi brtan rtsub pa dang / /mi sdug bzhin ras ngan pa yin/ /zhes
 bya ba la/ de la rlung las gyur pa'i brjed byed ni nad pa de'i brla 'gul ba la sogs pa dang / mig gyen du 'bur zhing 'byung ba dang / yang dang yang du dbugs 'byin par byed pa dang / wu ba skyug pa la sogs pa dang / rlung gis gre ba rgyas par byed cing 'gengs pa dang / yan lag kun
 du brdeb cing bskyod pa dang / sor mo mthon dman mi snyoms par byas nas 'gugs pa la sogs pa yin no/ /mkhris pa las gyur brjed byed ni/ dran pa yang yang nyams pa dang / /mig gdong pags pa dbu ba ser/ /sal rdeb par byed pa dang / /'jigs rung 'bar zhing khro ba
 yi/ /gzugs mthong skom dad che ba yin/ /zhes bya ba la/ mkhris pa las gyur pa'i brjed byed kyi mtshan ma ni dran pa yang dang yang du nyams shing yang dang yang du rnyed pa'i 'gyur ba dang / mig ser ba la sogs pa yin no/ /bad kan las gyur ring nas 'dzin/ /yun ring
 nyid nas sad par byed/ /g.yo 'gul nyung zhing kha chu mang / /kha mig sen mo pags pa dkar/ /gzugs rnams dkar por mthong ba yin/ /zhes bya ba la/ bad kan las gyur pa'i brjed byed kyi mtshan ma ni/ yun ring zhig nas 'dzin cing 'jug la/ ring zhig nas sad
 cing dran pa rnyed par 'gyur ba la sogs pa yin no/ /mtshan nyid kun dang ldan pa spangs/ /zhes bya ba la/ 'dus pa las gyur pa'i brjed byed ni mtshan nyid kun dang ldan pa yin te/ de ni gsor mi rung bas spang bar bya'o/ /de nas blo sems dran pa dang / /snying ga'i sbubs ni sad byed
 pa'i/ /slon sman la sogs las rnams ni/ /rnon po yis ni sbyang bar bya/ /zhes bya ba la/ blo dang sems dang dran pa rgyu ba'i snying ga'i rtsa sbubs 'gags par gyur pa la ni de sad cing dag par byed pa'i slon sman dang / skyug sman la sogs pa rnon po dag gis de dang por sbyang zhing dag
 par bya'o/ /rlung gyur 'jam rtsi mang du bya/ /mkhris gyur phal cher bkru sman gtang / /zhes bya ba la/ rlung las gyur pa'i brjed byed ni/ gso ba rnams kyi nang nas phal cher 'jam rtsi mang bas gso bar bya'o/ /mkhris pa las gyur pa'i brjed byed la ni phal cher bkru
 sman btang bas gso bar bya'o/ /bad kan phal cher skyug sman ni/ /btang bas brjed byed gso bar bya/ /zhes bya ba la/ bad kan las gyur pa'i brjed byed ni phal cher skyug sman la sogs pa btang bas gso bar bya'o/ /rnam pa kun tu legs dag cing / /legs par spro ni
 bsring bya zhing / /brjed byed las ni thar bya'i phyir/ /zhi bar bya ba'i sbyor ba nyon/ /zhes bya ba la/ brjed byed kyi nad kyis btab pa de rnam pa thams cad du steng dang 'og nas sbyang ba byas shing legs par dag par byas pa dang / legs par spro bsring zhing
 dbugs dbyung bar byas nas/ brjed byed las thar zhing zhi par bya ba'i sbyor ba gang dag yin pa mnyan par gyis shig pa'o/ /ba lci'i khu ba 'o ma dang / /zho dang gcin dang mar bskol ba/ /brjed byed rims dang smyo byed dang / /mig ser sel bar byed pa blud/ ces bya ba
 la/ ba'i lci ba btsags pa'i khu ba dang / 'o ma dang zho dang gcin re re zhing pa'i mar dang cha mnyam par byas pa'i rnam lnga'i sman mar ni brjed byed la sogs pa sel bar byed pa yin pas de blud par bya'o/ /rtsa ba bcu pa 'bras bu gsum/ /dug mo yungs shun ser po gnyis/ /
 a pa marga lo ma bdun/ /ni li ni dang pu tshe shel/ /dong ga puSh+kar mU la dang / /phal gu'i rtsa ba byi tsher srang / /gnyis gnyis chu bre bcu drug nang / /bskol ba las ni bzhi cha lus/ /ga bra'i rtsa ba du ba ri/ /pa tha dan da dur byid dang / /tsha ba gsum dang ro hi shai/
 mur pa rtsa mkhris bu ti ka /ha ti pi pi ling dang ni/ /ma du yan ti thal tres gnyis/ lcang ma dang ni tsi tra ka /zho ni gnyis gnyis mar bre gang / /de bzhin lnga ma'i gsher rdzas bskol/ /'di ni ba yi rnam lnga che/ /brjed byed rims dang dmu rdzing dang / /mtshan bar
 rdol ba sel mchog yin/ /'or nad gzhung 'brum mig ser dang / /skya rbab skran dang lud pa dang / /gdon rnams 'joms par byed pa yin/ /zhes bya ba la/ rtsa ba lnga pa rnam gnyis dang 'bras bu gsum la sogs pa'i sman sna re re zhing srang gnyis gnyis chu bre bcu drug gi
 nang du bskol la de las chu bre bzhi lus pa dang / de'i nang du ga bra la sogs pa'i rtsa ba zho gnyis gnyis lde gur byas pa dang / de bzhin du snga ma'i gsher rdzas pa'i lci ba'i khu ba la sogs pa ba'i rnam lnga chen po'i sman mar zhes bya ste/ /'dis ni brjed byed la sogs pa sel bar byed
 pa dang / 'or nad la sogs pa 'joms par byed pa yin no/ /ro hi sha ni bu sri na'o/ /rtsa mkhris ni bu nim pa ste/ ki ra ta tig ta'o/ /ha ti pi pi ling ni shi ba se'o/ /thal tres rnam gnyis ni sha ri ba dkar po dang nag po'o/ bra m+hi shu dag ru rta dang / /shang ka pu Sh+ka mar rnying bcas
 bskol ba'i mar ni yid gzhungs byed/ /smyo byed bkra mi shis pa dang / /brjed byed sdig pa 'joms par byed/ /ces bya ba la/ bra m+hi'i khu ba mar gyi bzhi 'gyur dang / shu dag la sogs pa'i sman gyi lde gu dang mar rnying pa bskol ba'i sman mar ni yid gzhungs par byed cing
 sdug pa dang bkra mi shis pa'i bar 'joms par byed pa yin no/ /'tsho byed sde tshan srang re dang / /til mar zhun mar bre re bsres/ /'o ma bre ni bcu drug bskol/ /'thungs na brjed byed las thar byed/ /ces bya ba la/ 'tsho byed kyi sde tshan sman bcu po srang re re dang / /
 til mar bre gang dang / mar bre gang bsres te 'o ma bre bcu drug gi nang du bskol la mar dang til mar 'ba' zhig lus pa las ran par 'thungs na brjed byed kyi nad las thar bar 'gyur ro/ /'o ma bu ram shing khu ba/ /bre bzhi dang ni tang pal gyi/ /khu ba brgyad 'gyur dag
 dang ni/ /'tsho byed sde tshan zho gnyis gnyis/ /zhun mar bre gang bcas bskol blud/ /des ni rlung mkhris las gyur pa'i/ /brjed byed myur du sel bar byed/ /ces bya ba la/ 'o ma dang bu ram shing gi khu ba bre bzhi dang / tang pal gyi khu ba de'i brgyad 'gyur
 dang / 'tsho byed sna bcu zho gnyis gnyis dang zhun mar bre gang bskol ba'i sman mar byin na rlung dang mkhris pa las gyur ba'i brjed byed myur du sel bar 'gyur ro/ /de bzhin 'jag ma byi da ri/ /ku sha bu ram shing 'o ma/ /bskol ba 'thungs pa 'ang de dang 'dra/ /zhes
 bya ba la/ /'jag ma la sogs pa dang 'o ma bskol ba la sogs pa 'thungs na yang de dang 'dra bar rlung dang mkhris pa las gyur ba'i brjed byed sel bar 'gyur ro/ /ku sman ta yi khu ba mar/ /bco brgyad 'gyur dang shing mngar gyi/ /lde gur bcas pa bskol ba ni/ /brjed byed
 sel bar byed pa dang / /blo dang tshig gsal skad snyan byed/ /ces bya ba la/ ku sman ta zhes bya ba bu mar sha'i khu ba mar gyi bco brgyad 'gyur dang / shing mngar gyi lde gu dang bcas par bskol pa'i sman mar gyis ni brjed byed sel ba la sogs
 pa'i yon tan dang ldan pa yin no/ /ba ni ser skya'i mkhris pa yi/ /sna sman btang yang mchog tu phan/ /zhes bya ba la/ kha dog ser skyar 'dug pa'i mkhris pa'i sna sman btang na yang brjed byed kyi nad la mchog tu phan pa yin no/ /khyi dang wa dang byi la dang / /seng
 ge sogs kyi mkhris pa bsngags/ /zhes bya ba la/ khyi la sogs pa'i mkhris pa'i sna sman btang na yang brjed byed kyi nad la phan no/ /go da sre mo glang po che/ ba glang dred dang pri sha ta'i/ /mkhris pa til mar bskol ba dag /lus bsku snar ni blugs na 'ang phan/ /zhes
 bya ba la/ go da la sogs pa'i mkhris pa dang til mar bskol la de lus la bskus pa dang / snar blugs na yang phan pa yin no/ /'bras bu gsum dang tsha ba gsum/ /nas tshig 'khus thal ko nyon tshe/ /pha ni dza ka sra rtsi phog a pa marga ka rany+dza'i/ sa bon
 til mar ra gcin dang / /bcas pa bskol ba snar blugs pa 'am/ /phye ma sna nas bus na 'ang phan/ /zhes bya ba la/ 'bras bu gsum la sogs pa'i lde gu dang til mar gyi bzhi 'gyur gyi ra gcin la sogs pa dang bskol la/ til mar nyi tshe lus pa snar blugs pa 'am/ /
 'bras bu gsum la sogs pa'i sman gyi phye ma sna nas bus na yang brjed byed kyi nad la phan no/ /sre mo 'ug pa sbre'u dang / /bya rgod khyi rta bya rog sbrul/ /mchu dang sgro dang rtug pa yi/ /dud pas 'di la bdug par bya/ /zhes bya ba la/ sre mo la sogs pa'i mchu la sogs
 pa gang rnyed pa'i dud pas nad pa de la bdugs na yang brjed byed kyi nad la phan pa yin no/ /til mar sgog skya bcas pa 'am/ /'o ma nye'u shing bsten yang phan/ /zhes bya ba la/ yang na brjed byed kyi nad kyis btab pa des til mar dang sgog skya bza' ba 'am/ 'o ma
 dang nye'u shing bsten cing goms par byas na yang phan no/ /bram+hi 'am ru rta'i khu ba'am/ /shu dag sbrang rtsir ldan pa 'ang phan/ /zhes bya ba la/ yang na bram+hi'i khu ba'am/ ru rta'i khu ba shu dag dang sbrang rtsir ldan pa dag kyang bsten par bya'o/ /nad gzhi mnyam du
 'khrugs pa las/ /lus dang sems la brten gyur nad/ /skyes par gyur pa gang yin de/ /brjed byed gnad ni chen por gnas/ /de bas gso dka' 'di la ni/ /bcud kyis len gyis gso bar bya/ /zhes bya ba la/ rlung dang mkhris pa dang / bad kan cha
 mnyam du 'khrugs shing ldang ba las lus dang sems la brten pa'i brjed byed kyi nad skyes par gyur pa 'di ni brjed byed de/ lus kyi gnad chen po la gnas shing / snying la brten pa yin te/ de bas na shin tu gso bar dka' ba'i brjed byed kyi nad 'di la ni bcud kyis len
 de dang 'phrod par gso bar bya'o/ /des nyen me dang chu la sogs/ /yang ba las rtag tu bsrung / /zhes bya ba la/ brjed byed ces bya ba'i nad des nyen zhing gdungs pa'i mi de mi dang chu la sogs pa yang zhing 'chi ba'i rgyur gyur pa la rtag par dus thams cad du bsrung
 par bya'o/ /thar pa na ni yid 'khrul pas/ /khyed kyis 'di ltar byas so zhes/ /mi brjod yul ni yid 'ong bas/ /nyams pa'i sems ni brta bar bya/ /zhes bya ba la/ brjed byed ces bya bas yid 'khrul zhing dran pa nyams pas tshul 'di ltar byas so zhes de thar zhing dran pa
 rnyed pa'i skabs su skyes bu gzhan dag gis brjod par mi bya zhing yid la gdung ba bskyed par mi bya'i/ de la sgra la sogs pa'i yul yid du 'ong zhing dbang po tshim par byed pas/ nyams nyes pa'i sems de brta bar bya zhing stobs dang ldan par 'gyur ro/ /yan lag brgyad
 pa'i snying po'i rnam par 'grel pa tshig gi don gyi zla zer zhes bya ba/ slob dpon zla ba la dga' bas nges par sbyar ba las/ phyi ma'i gnas kyi le'u bdun pa'i rnam par 'grel pa'o// //'byung po'i gdon gso ba'i rgyud rdzogs so// //de nas
 mig mchu'i nad dmigs shes par bya ba bshad par bya'o/ /zhes bya ba la/ 'byung po'i nad gso ba'i rgyud bshad pa'i rjes la mig sman gyi rgyud brtsams pa ni sngar mdor bstan pa ji lta ba bzhin du rgyas par bshad pa yang de ltar bya dgos pa'i tshul gyis
 brtsams pa yin te/ ji ltar brjed byed kyi nad gnad chen po zhes bya ba snying la gnas te skye bar byed pa de bzhin du gnad chen po mgo bo zhes bya ba la brten cing gnas nas nam tshong yan chad du gtogs pa'i nad skye bar 'gyur ba yin la de las kyang mig ni las su bya ba thams cad la
 'jug pa'i rgyur gyur pa yin pas gtso bo yin pa'i phyir de'i gso ba dang por brtsams pa yin no/ /de la mig mchu ni mig sbubs dang mig 'bras 'gebs par gyur pa'i pags pa la bya ste/ mig mchu der mig dbye dka' ba la sogs pa'i nad 'byung la de'i dmigs shes
 par bya ba ni nad gzhi nad kyi sngar byung ba'i tshul la sogs pa ji lta bu yin pa de bshad par bya'o/ /zhes bya ba la/ nad kun nad gzhi las bshad pa'i/ /gnod bas nad ni 'khrugs pa dang / /mchog tu mig la gnod pa dang / /phal cher mkhris pa skyed pa yis/ /rtsa
 las gyen du rgyus nas ni/ /mig gi yan lag mig mchu grwa/ /dkar nag mthong byed rgyal mo'am/ /mig kun la gnas nad skyed byed/ /ces bya ba la/ nad thams cad kyi nad gzhi las bshad pa'i nad kyi rgyu kha ba dang tsha ba dang nyung ba dang / kha zas ngan ngon la
 sogs pa zos pa dang / gnod cing mi 'phrod par gyur pa dag gis rang gi nad gzhi ji lta ba bzhin du 'khrugs par gyur pa dang / mchog gam khyad par du kha zas dang spyod lam dang / sman mig la gnod par gyur pa dag gis mig nad ldang bar byas pa dag phal cher ram/
 mang du mkhris pa skyed par byed pa dag gis nad ldang la des na rtsa las gyen du rgyus par gyur nas mig gi yan lag tu gyur pa mig mchu'am mig gi gra mtshams mig 'bras dkar po 'am mthong par byed pa'i mig gi rgyal mo'am/ mig thams cad la brten cing gnas nas rang
 rang gi mig gi nad skyed par byed do/ /de la rlung ni mig mchu yi/ /rtsa la zhugs par gyur pa dag /nyal nas lang tshe mig mchu ni/ /har bag na dang bcas par byed/ /mig ni rdul gyis gang snyam sems/ /'dzum par dka' zhing mchi ma 'dzag /mnyes na
 bde ba snyam du byed/ /de ni 'dzums dka' yin zhes bshad/ /ces bya ba la/ de la mig mchu'i nad de rnams kyi nang nas rlung gi nad dmigs mchu la gnas pa rtsar zhugs te/ mi nyal nas ldang bar gyur pa la/ na ba dang bcas pa'i mig mchu bsdur mi 'dod cing
 rengs te/ har bag tu 'dug pa skyed par 'gyur ba dang / mig rdul gyi tshogs sam bye mas gang ba snyam du sems pa dang / de bzhin du dka' zhing sdug bsngal bas 'dzums par byed cing / sdud par byed par 'gyur ba dang / mchi ma mang du 'dzag pa dang / nad de mnyes na
 bde ba snyam du sems shing / zhi bar byed de nad kyi khyad par de lta bu de ni mig 'dzums par dkar ba zhes bya ba yin no/ /zhes slob dpon gyis bshad do/ /rlung gis mig mchu bskyod nas ni/ /yang dang yang du 'byed cing 'dzums/ /'di ni 'dzums pa zhes bshad do/ /
 zhes bya ba la/ rlung gis mig mchu bskyod cing 'gul nas/ /yang dang yang du 'byed pa dang / 'dzums par byed pa de yang nad med par 'gyur ba'i mig mchu'i nad 'di ni 'dzums pa zhes bya'o/ /zhes bshad do/ /grwa mtshams lhod cing tshor ba med/ /rtag tu
 'dzums shing mig nyams pa/ /gang yin de ni rlung gnod yin/ /zhes bya ba la/ mig mchu gang mig gi grwa mtshams lhod par gyur cing tshor ba med pas rtag tu 'dzums par byed kyi/ nam yang 'dzums par mi byed la/ nyams pa'i nad de ni rlung gis gnod par byas
 pa zhes bya'o/ /zhes bshad do/ /mkhris pas mig mchu'i mtha' mar ni/ /'brum bu ku mu da yi ni/ /sa bon 'dra slar gang gyur pa/ /'brum phran ku mu da zhes bya/ /zhes bya ba la/ mkhris pas mig mchu'i mtha' ma thog thag tu 'brum bu phra mo ku mu da'i sa bon 'dra ba
 mang pos gang zhing khyab par gyur la/ bsal zhing brtol yang slar gang bar 'gyur ba'i 'brum phran gyi mig mchu'i nad de ni ku mu da zhes bya'o/ /tsha zhing 'drul la nad dang bcas/ /dmar zhing reg na mi bzod pa/ /mkhris pas mig mchur
 skyes pa de/ /mkhris pas skyes pa yin zhes bshad/ /ces bya ba la/ mkhris pas mig gi mchur tsha ba dang / 'drul ba dang / na ba dang bcas pa dang / mig dmar por snang ba dang / reg na mi bzod pa skyes par gyur na nad de ni mkhris pas skyed cing dkrugs pa yin
 no zhes slob dpon gyis bshad do/ /mkhris pa rdzi ma'i nad gnas shing / /g.ya' zhing tsha bar byed pa dang / /de rjes rdzi ma 'byi ba ste/ /rdzi ma 'byi ba zhes bshad do/ /zhes bya ba la/ mkhris pa rdzi ma'i nang na gnas shing brten nas g.ya' ba dang tsha bar byed la/ de'i
 rjes la rdzi ma 'byi zhing 'drul bar byed pa'i nad de ni rdzi ma 'byi ba zhes bya bar drang srong rnams kyis bshad do/ /bad kan las 'gyur mig mchu'i nad/ 'brum phran dkar po yungs kar 'dra/ /mthug skrangs g.ya' na mig rdul khebs/ /spyi bag can 'dzag po dag kya/ /zhes
 bya ba la/ bad kan las gyur pa'i mig mchu'i nad 'brum phran yungs kar lta bu la mthug cing skrangs pa la sogs pa dang ldan pa de ni ming po dag kya zhes bya'o/ /har bag 'drul ba rngu mas khebs/ /bad kan gyis bslangs mig mchu'i nad/ /ces bya ba la/ har bag
 tu 'dug pa dang / 'drul zhing rnags pa dang / mig rngu mas khebs shing gos pa'i mig mchu'i nad ni ming bad kan gyis bslangs pa zhes bya'o/ /bad kan las gyur rmen bu dkar/ /na zhing smin ma med g.ya' sra/ /rgya shug tsam mam de las ni/ /cung zad chung ba
 chags pa yin/ /zhes bya ba la/ bad kan las gyur pa'i mig mchu'i nad rmen bu dkar po re 'byung zhing re re zhing na ba dang / smin ma gnyis ka med pa shes cher g.ya' ba rdo ltar sra ba rgya shug tsam gyi tshad dam/ yang na rgya shug gi 'bras bu de las cung zad tsam chung ba'i mig
 mchu'i nang de ni 'byar zhing chags te gnas pa yin pas ming chags pa zhes bya'o/ /khrag las 'brum phran dmar ba dang / /de mtshungs 'brum phran gyis khyab pa/ /brtsegs pa zhes bya/ zhes bya ba la/ khrag 'khrugs pa las 'brum phran kha dog dmar ba zhig
 'byung la/ gzhan yang de dang mtshungs pa'i 'brum bu phra mos khyab pa de ni brtsegs pa zhes bya'o/ /des bskyed dmar/ reg mi bzod pa mig mchu slongs/ /zhes bya ba la/ yang khrag de nyid kyis de bzhin du mig mchu dmar po bskyed par 'gyur la de yang ri mo
 dmar po shar shar po'i ri mo dang ldan zhing reg par mi bzod pa ni mig mchu slongs pa zhes bya'o/ /mig mchu'i nang du sha lhag ni/ /sra zhing snum la tsha zhing na/ /mdog dmar de ni khrag 'dzag cing / /bcad bzhin 'phel byed mig 'brum yin/ /zhes bya ba la/ mig
 mchu'i nang du sha lhag khrag las gyur pa sra ba dang snum pa la sogs pa'i mtshan nyid dang ldan pa bcad bzhin du 'phel bar byed pa ni mig nad mig 'brum zhes bya'o/ /mig mchu'i mtha' 'am dbus su ni/ /g.ya' zhing tsha la na bcas brtan/ /mung+ga tsam gyi khrag 'brum
 dmar/ /'brum phran mig nad ces bya'o/ /zhes bya ba la/ mig mchu'i mtha' ma'i cha 'am dbus kyi gnas su 'brum phran mung+ga zhes bya ba mon sran sde'u tsam g.ya' ba la sogs pa dang ldan la brtan zhing mi 'gyur ba mdog dmar por gnas pa de ni 'brum phran gyi mig
 nad ces bya'o/ /nad kyis mig mchu'i phyi rol skrangs/ /nang du bu ga phra mos khyab/ /'dzag bcas nang na chu yod de/ /pad+ma'i rtsa 'dra pad rtsa yin/ /zhes bya ba la/ nad dmigs gsum po dag gis mig mchu'i phyi rol gyi cha skrangs par gyur cing nang na bu ga phra
 mos kun du khyab par gyur la chu ser 'dzag pa dang bcas shing nang na chu yod pa'i mig mchu'i nang de ni pad+ma'i rtsa ba'i dbyings 'dra bar 'dug pa de'i ming ni mig mchu'i nad pad+ma lta bu zhes bya'o/ /nad gzhi gsum dang khrag 'khrugs pas/ /mig mchu'i nad ni ldang ba dang / /
 rgyu med par ni rnyed 'gyur gang / /de ni mig mchu 'khrugs zhes bya/ /zhes bya ba la/ nad gzhi gsum dang khrag 'khrugs par gyur pas gang mig mchu'i nad yang dang yang du ldang bar gyur cing rgyu med par glo bur du rnyid cing cung zad skams te/
 zhum par gyur pa'i mig nad gang yin pa de ni ming mig mchu 'khrugs pa zhes bya ba'i ming du btags pa yin no/ /nad kyis mig mchu dri ma khrag /skrangs rnags na bcas mig mchu sngo/ /zhes bya ba la/ rlung la sogs pa'i nad gsum gyis mig mchu gang dri ma dang
 bcas shing khrag yod la skrangs pa dang / rnags pa dang / na ba dang bcas pa ni/ mig mchu'i nad sngon po zhes bshad do/ /g.yal zhing skrangs la dmar ba dang / /mig mchu 'byar ba 'byar zhes bya/ /zhes bya ba la/ dri ma dang khrag la sogs pa'i nad kyis
 g.ya' ba la sogs pa dang ldan zhing / mig mchu gnyis phan tshun 'byar zhing dbye bar dka' ba de ni mig mchu'i nad 'byar ba zhes bya'o/ /mig mchu'i nad ni sra zhing rtsub/ /'brum phran phye ma 'dra zhes bya/ /zhes bya ba la/ mig mchu'i nang gi char 'brum phran sra zhing
 rtsub par bye ma 'dra ba yod pa ni bye ma 'dra ba'i mig mchu'i nad ces bya'o/ /gnag cing 'dam 'dra 'dam bu'o/ /zhes bya ba la/ mig mchu gang kha dog nag cing 'dam ltar rnyog can du gnas pa gang yin pa de ni 'dam bu lta bu zhes bya'o/ /mdog 'dra sha ni mang pos
 rgyas/ /na shas che ba zhes bya'o/ /zhes bya ba la/ mig mchu gang sha mdog 'dra ba'i sha mang pos cha mnyam du rgyas shing khyab par gyur pa ni ming shas che ba zhes bya'o/ /byis pa so skyes tshe na 'byung / /des ni byis pa'i mig skrang zhing / /mig dmar lta bar mi nus la/ /mig
 mchu gzer zhing spyi bag 'dzag / rna ba sna dang mig nyid byed/ /gang yin de ni sgra ngan yin/ /zhes bya ba la/ sgra ngan zhes bya ba'i mig mchu'i nad ni byis pa so skye ba nyid kyi tshe na 'byung zhing de rgyur gyur pa yin te/ nad des byis pa'i mig skrangs pa la sogs pa'i mtshan nyid
 dang ldan zhing rna ba dang sna dang mig lag pas nyed par byed de/ /da'i ming ni sgra ngan pa zhes bya'o/ /rdzi 'gags rdzi ma 'dus shing zhum/ /mig mchu'ang de 'drar gyur pa dang / /rtsub cing nang du kha bltar la/ /spu gzhan yang ni tsher ma ltar/ /rtse mo rnon po skyes gyur cing / /
 des bdar mig ni skrangs pa dang / /tsha zhing rlung la sogs mi bzad/ /bton na cung zad bde bar byed/ /ces bya ba la/ rdzi ma 'gags pa zhes bya ba'i mig mchu'i nad ni rdzi ma nang du 'dus shing mig rnyid cing zhum pa dang / /mig gi mchu yang nang du 'dus shing rnyid par 'gyur
 ba dang rtsub cing kha nang du bltas pa dang / rdzi ma'i spu gzhan dag kyang tsher ma ltar rno zhing rtsub pa skyes pas des mig bdar zhing reg pas skrad par 'gyur ba dang / sha cher tsha ba dang / mig des rlung dang tsha ba la sogs pa mi bzod cing bsten mi nus pa dang / spu rtsub cing rno ba skyes pa de
 bton cing bsal na gnyis ka cung zad cig bde zhing zhi bar gyur nas sla yang de bzhin du 'gyur ba yin te/ de ni rdzi ma 'gags pa'i mig nad ces bya'o/ /mig phugs grwa mtshams phyi rol du/ /thor bu sra zhing mtho ba dang / /dmar zhing mchi ma rnag khrag 'dzag /yang yang rgyas
 pa slon pa yin/ /zhes bya ba la/ mig phugs zhes bya ba sna gong gi mig gi grwa mtshams kyi phyi rol gyi char thor bu sra ba la sogs pa'i mtshan nyid dang ldan pa yang dang yang du rgyas par 'gyur ba de ni mig slon pa zhes bya'o/ /nad gzhi gsum dang khrag las ni/ /mig mchu'i nang
 na sha'i dum bu/ /rmen bu sra la nad med pa/ /phyi rol mi mnyam g.yo mdzer pa/ /zhes bya ba la/ rlung la sogs pa'i nad gzhi gsum khrag dang bcas pa las mig mchu'i nang na sha'i dum bu rmen bu chags shing de sra ba dang zug gzer gyi nad med pa dang / /phyi rol mi mnyam
 zhing g.yo bar gyur pa'i mig mchu'i nad de ni mig gi mdzer pa zhes bya'o/ /de ltar nyi shu rtsa bzhi po/ /mig mchu la gnas nad yin no/ /zhes bya ba la/ de ltar 'dzums par dka' ba la sogs pa grangs nyi shu rtsa bzhis bshad pa de dag ni mig mchu la gnas pa'i nad yin no/ /
 /zhes bshad do/ /de la dang por sman gyis gso/ /de 'og gnyis dang 'brum bu spang / /zhes bya ba la/ 'dir de dag gi nang nas dang por 'dzums par dka' ba zhes bya ba'i mig mchu'i nad ni sman gyi sbyor bas gso bar bya'o/ /de'i 'og ma ste
 btsums pa dang / rlung gis gnod pa gnyis dang mig 'brum zhes bya ba'i mig mchu'i nad ni gsor mi rung bas spang bar bya'o/ /rdzi ma 'gags pa gsor rung tsam/ /lhag ma mtshon gyis gso bar bya/ /zhes bya ba la/ mig mchu'i nad rdzi ma 'gags pa zhes bya ba
 ni re zhig mi spang ba tsam du gsor rung ba yin la lhag ma ni mtshon gyis gdab cing gtsags bus gsor rung pa yin no/ /de dag las kyang rdzi ma 'byi/ /gtsags par bya la mig mdzer gcad/ /chags dang pad rtsa ku mu da/ /brtsegs dang 'brum phran slon pa 'dra la/ /
 zhes bya ba la/ mtshon gyis gso bar bya ba de dag las kyang rdzi ma 'byi ba zhes bya ba'i nad ni 'og nas bshad pa'i tshul gyis gtsags shing gso bar bya'o/ /de dag las kyang mig mdzer zhes bya ba ni gcad par bya'o/ /chags pa nas slon pa'i bar ni mtshon gyis 'dral zhing
 dbug par bya'o/ /mig mchu'i sha sngo bye ma 'dra/ /dbyar dang bskyed bya zhes pa bzhi/ /'dam bcas shas cher byas pa dang / /sgra ngan bcas pa mtshon gyis bzhar/ /zhes bya ba la/ mig mchu'i sha'i nad la sogs pa bcu gsum ni mtshon gyis phyi zhing bzhar te gso bar
 bya'o/ /yan lag brgyad pa'i snying po'i rnam par 'grel pa tshig gi don gyi zla zer zhes bya ba slob dpon zla ba la dga' bas nges par sbyar ba las/ phyi ma'i gnas kyi le'u brgyad pa'i rnam par 'grel pa'o// //de nas mig mchu'i nad gso ba bshad par bya'o/ /
 zhes bya ba la/ 'dzums par dka' la mar rnying ni/ /rgun 'bru'i lde gu chur bskol bar/ /kha ra btab dang sna sman dang / /dud pa mig sman snum can gtang / /zhes bya ba la/ 'dzum par dka' ba zhes bya ba'i mig nad la ni mar rnying pa dang rgun 'bru'i lde gu bskol ba'i khu
 ba dang bcas par btsos pa'i sman mar la kha ra btab pa btang ba dang / de bzhin du sna nas gtang ba'i sman dang dud pas bdugs pa dang / mig sman snum can gang yin pa gtang bar bya'o/ /ku mu da la zhal zhal gdab/ /de steng rgyam tsha gdab par bya/ /shing mngar dang
 ni skyu ru ra/ /pa to la bskol chu blugs bya/ /zhes bya ba la/ ku mu da zhes bya ba'i mig mchu'i nad la ni/ gtsags bus zhal zhal btab la de'i steng du rgyam tshwa'i phye ma btab ste/ shing mngar la sogs pa bskor ba'i chu dro 'jam tsam blugs par bya'o/ /rlung med gnas
 la g.yog mkhas pas/ /sbyang byas gan rkyal nyal ba la/ /mig mchu bzlog ste dro 'jam chur/ /bsros pa'i gos kyis dugs byas la/ /gos kyis legs par dkris nas ni/ /g.yon pa'i mtheb 'dzub kyis bzung zhing / /'gul zhing 'gyur ba med par ni/ /de nas
 mig mchu kun du ni/ /dkyil 'khor lta bu'i mtshon gyis ni/ /'phred du gdab cing mtshan ma byas/ /de nyid kyis sam lo rtsub bam/ /she pa li yi lo ma 'am/ /yang na rgya mtsho'i wu bas blud/ /ces bya ba la/ nad pa rlung med pa'i gnas su bzhag la/ /nad g.yog
 mkhas shing byang bas sngar sbyang ba byas pa'i nad pa la gan rkyal du nyal bar gyur pa la ni mig mchu'i phyi rol du bzlog la/ chu dro 'jam tsam gyis bsros pa'i gos kyis dugs byas/ gos 'jam pos dkris te nang du bcug la lag pa g.yon pa'i mthe bong dang mdzub mos bzung ste/
 de ltar byas pas mig 'gul zhing 'gyur ba med par gyur ba dang / de'i 'og tu mig mchu de dkyil 'khor lta bu'i mtshon gyi gtsags bus 'phred du gdab par bya zhing gtsags bus mtshan ma byas la/ dkyil 'khor lta bu'i gtsags bu de nyid kyis 'brud cing zhal zhal gdab par bya'o/ /
 yang na lo ma rtsub po 'am shing she la'i lo ma la sogs pa lo ma rtsub pas rma de brud par bya'o/ /yang na rgya mtsho'i wu bas brud par bya'o/ /de nas khrag byung ba dang / ras bal gyi ye 'us legs par phyi bar bya'o/ /khrag ni ras bal ye 'us phyi/ /khrag bcad legs par brud shes
 nas/ /rang rang sman ni sbrang rtsi dang / /bcas pa de la bsku bar bya/ /zhes bya ba la/ khrag chod cing 'gags par gyur nas legs par brud par gyur par shes nas rang rang gi sman sbrang rtsi dang bcas pa'i lde gus rma de la bsku zhing gdab par bya'o/
 de'i 'og chu dron gyis bkrus la/ /mar gyis blugs par bya ba dang / /rna ba'i steng dang 'og gi bar/ /nas kyi zan dang sbrang rtsi dang / /mar dang bcas pas dkri bar bya/ /zhes bya ba la/ mig mchu legs par brud pa de'i rjes la chu dro 'jam tsam gyis mig mchu de bkrus
 la mar blugs nas rna ba'i steng dang 'og gi bar du nas kyi zan mar dang sbrang rtsir bcas pas bsnan la dkri zhing bcing bar bya'o/ /zhag ni gnyis pa la dkrol te/ /ji lta bar ni sman blugs shing / /bzhi par sna sman la sogs bya/ /zhag ni lnga pa dag la dgrol/ /zhes bya ba la/
 de ltar glan zhing bcing ba'i mig mchu de zhag gnyis pa la bkrol te rang gi sman gang dag yin pa'i sman gyi khu ba ji bzhin du blugs shing snga ma bzhin du bcing bar byas la/ zhag bzhi pa la ni sna sman la sogs pa byas te dkri bar bya'o/ /zhag lnga pa la ni slar dgrol bar bya'i bcing bar mi
 bya'o/ /mnyam zhing sen mo ltar dmar la/ /skrang g.ya' drud sogs nad med pa/ /mig mchu sbyar legs yin zhis bya/ /de las bzlog pa slar bzhar bya/ /zhes bya ba la/ bzhar zhing brud legs pa'i mig mchu ni mnyam por gnas kyi mthon dman du mi 'gyur ba dang /
 sen mo'i mdog ltar dmar ba dang / skrangs pa la sogs pa'i nad med pa ni brud legs pa yin par shes par bya'o/ /mtshan nyid de las go bzlog pa ni bzhar ma legs pa yin pas slar zhing bzlas te bzhar zhing brud par bya'o/ /bzhar drags pas ni na ba dang / /rdzi ma 'byi zhing mig
 mchur 'gyur/ /zhes bya ba la/ bzhar drags pas ni na ba la sogs par 'gyur ro/ /de la snum dang dugs la sogs/ /rlung la phan pa'i sbyor ba bsngags/ /zhes bya ba la/ bzhar drags pa'i mig mchu de la snum chos dang dugs la sogs pa rlung sel ba'i sbyor ba bya bar
 slob dpon gyis bsngags pa yin no/ /mar sar gyis ni bsku bya zhing / /seng phrom dkar po mar sar gyis/ /legs par bsku bar byas nas ni/ /e raN+Da yi rtsa ba yi/ /lde gus byugs te phur mas btso/ /tshos pa bkrus te skams nas ni/ /btags pa thum por
 byas nas ni/ /ra 'am bud med 'o mar ni/ /mnyes la mig tu blugs par bya/ /zhes bya ba la/ seng phrom zhes bya ba ro tra dkar po mar sar gyis bskus la/ de'i 'og tu e raN+Da'i rtsa ba'i lde gus byugs la/ de'i rjes la sman kyi phur mas btso ba'i tshul gyis btsos
 la tshos par gyur pa dang / chus bkrus te de'i 'og tu skams pa de zhib tu btags la ras gtsang mas thum bur gtums nas ra 'am bud med kyi 'o ma'i nang du thum bu sngangs la mnyes pa de'i thigs pa mig tu blugs par bya'o/ /de nyid sA lu thug po che'i/ /lde gus bskus
 te de ltar byas/ /zho dang zho ga chus spangs pa/ /mig ni bzhar drags gyur la blugs/ /zhes bya ba la/ yang na seng phrom dkar po de nyid 'bras sA lu thug po che'i lde gus bsku la/ snga ma bzhin du mar sar gyis bsku zhing phur mas btso ba la sogs pa'i sbyor ba snga ma
 bzhin du byas la/ zho dang zho ga chu'i nang du sbangs pa de mig bzhar drags pa la sman gyi thigs pa blugs par bya'o/ /yang na zho ga chu nyi tshe/ /blugs shing skam sa'i sha khu sbyin/ /zhes bya ba la/ yang na mig bzhar drags pa las zho ga chu nyi tshe blugs shing skam sa'i sha khu sbyin par
 bya'o/ /'brum phran sra zhing mtho ba ni/ /'bras kyi rtse mos brtol bar bya/ /de rjes btsir te cho ga ni/ /lhag ma snga ma bzhin du bya/ /zhes bya ba la/ 'brum bu phra mo zhes bya ba'i mig mchu'i nad sra zhing mtho bar gnas pa ni 'bras kyi rtse mo 'dra pa'i gtsags bus brtol
 zhing phug pa de'i rjes la cho ga lhag ma bkru ba dang / sman bsku ba la sogs pa snga ma bzhin du bya'o/ /zhal zhal gdab dang 'dral ba la/ /rim 'dis mig mchu'i nad kun sbyar/ /zhes bya ba la/ mig mchu'i nad la zhal zhal gdab cing brud pa dang / 'dral zhing dbug pa'i las
 kun la yang bshad ma thag pa'i rim pa 'di nyid sbyar bar bya'o/ /khrag mkhris las gyur mngar ba yi/ /sde tshan dang bskol mar gyis gso/ /snum gyur nas ni gtar ga gdab/ /dur byid bkru sman gtang ba mchog /ces bya ba la/ khrag dang
 mkhris pas skyed pa'i mig mchu'i nad la ni mngar ba'i sde tshan dang bskol ba'i mar gyis gsos la/ snum par gyur pa dang gtar ga gdab cing khrag dbyung ba dang / dur byid kyi bkru sman gtor ba nyid mchog tu gyur pa yin no/ /bzhar zhing khrag ni phyung ba dang / /shing mngar
 bskol ba'i chus bkru zhing / /tsan+dan dkar po 'o mar bskol/ /mig mchu la ni blugs na phan/ /zhes bya ba la/ mig mchu bzhar zhing brud pa dang khrag gzags nas shing mngar bskol ba'i chus bkrus na phan pa dang / tsan+dan dkar po dang 'o ma bskol ba blugs na
 phan no/ /rdzi ma 'byi la khab kyis ni/ /ba spu'i bu ga gtsags pa 'am/ /srin bu pad pas khrag dbyung ngo / /zhes bya ba la/ rdzi ma 'byi ba la ni khab kyis ba spu'i bu ga gtsags pa'am/ srin bu pad pas de la khrag dbyung bar bya'o/ /yang na 'o ma'am bu ram shing / /
 khu bas slon bya mngar bsil sman/ /bskol ba'i mar ni gtang bar bya/ /zhes bya ba la/ rdzi ma 'byi ba'i mig mchu'i nad de la 'o ma'am bu ram shing gi khu ba'i slon sman bya ba'am/ rgun 'bru la sogs pa'i sman mngar ba dang bsil ba dang bskol ba'i mar gyis rdzi ma 'byi ba la sna
 nas btang ba'i sman gtang bar bya'o/ /nag tshur dkar po'i phye ma ni/ /bye'u rug pa'i khu bar bsres/ /zangs kyi snod du bcug pa de/ /rdzi ma 'byi ba'i mig sman mchog /ces bya ba la/ nag tshur dkar po phye mar byas pa dang / bye'u rug ba'i khu ba bsres la zangs
 ma'i snod kyi nang du zhag bcu'i bar du spangs pa'i mig sman de ni rdzi ma 'byi ba'i mig sman gyi dam par gyur pa yin no/ /mig mchu'i sha brud bca' sga dang / /rgyam tsha'i phye ma gdab par bya/ /chu dron gyis bkru seng ldeng dang / /na le sham dkar tu ba ri/ /chu bskol ba 'am ser po
 gnyis/ /shing mngar dang ni 'bras bu gsum/ /khu ba sbrang rtsir bcas pa blugs/ /zhes bya ba la/ mig mchu'i sha la 'brum phran byung ba la ni dkyil 'khor lta bu'i gtsags bus zhal zhal gdab cing brud la bca' sga dang rgyam tsha gnyis kyi phye ma gdab par bya zhing chu dron
 gyis bkrus la seng ldeng la sogs pa'i chur bskol ba'i sman gyi khu ba blugs par bya ba 'am/ yang na ser po gnyis dang shing mngar dang 'bras bu gsum bskol ba'i khu ba sbrang rtsi dang bcas pa blugs par bya'o/ /bad kan las gyur zhal zhal byas/ /nag tshur rgyam tsha
 pi pi ling / /ldong ros steng zil zhib btags pa/ /sbrang rtsi bcas ba bsku bar bya/ /zhes bya ba la/ /bad kan gyis bskyed pa'i mig mchu'i nad la ni gtsags bus zhal zhal byas shing brud la nag tshur la sogs pa'i sman zhib tu btags nas sbrang rtsi dang bcas pas
 bskus na phan no/ /skyug sman mig sman sna sman ni/ /bad kan sel ba thams cad phan/ /zhes bya ba la/ yang na bad kan las gyur pa'i mig mchu'i nad la skyug sman dang mig sman la sogs pa dang / bad kan sel zhing 'joms par byed pa gang yin pa de thams cad phan
 no/ /chags pa la yang 'di dag bya/ /ma zhi me btsa' gdab par bya/ /zhes bya ba la/ bad kan las gyur ba'i mig mchu'i nad gso ba 'di ni chags pa zhes bya ba'i mig nad la yang sbyar bar bya la/ des zhi zhing med par gyur na chags pa zhes bya ba'i mig mchu'i nad de la me
 btsa' gdab pas bsregs par bya'o/ /sgra ngan la ni seng ldeng dang / /nim pa'i lo ma 'bras bu gsum/ /mar dang sbyar ba 'am pi pi ling / /shing mngar rgyam tsha bskol ba ni/ /ma mar blud de slon du gzhug /ces bya ba la/ sgra ngan zhes bya ba'i byis pa'i mig mchu'i nad la
 ni seng ldeng la sogs pa'i sman bskol ba'i khu ba blud la ma ma slon du gzhug la/ de'i 'og tu pi pi ling la sogs pa bskol bas slon du gzhug par bya'o/ /rgun 'bru dang ni a ru ra/ /pi pi ling bskol bkru sman sbyin/ /zhes bya ba la/ de'i 'og tu ma ma de la rgun 'bru la sogs pa
 bskol ba'i skyug sman sbyin par bya'o/ /ser po rnam gnyis pi pi ling / /gla sgang lde gus nu ma bsku/ /zhes bya ba la/ yang ma ma de'i nu ma ser po gnyis la sogs pa'i lde gus bsku bar bya'o/ /yungs kar mar bcas dud pas bdugs/ /sbyad ba
 byas nas pa to la/ /gla sgang dang ni rgun 'bru dang / /sle tres 'bras bu gsum bskol blud/ /ces bya ba la/ ma ma de la yungs kar mar dang bcas pa'i dud pas nu ma la bdug par bya ba dang / yang ma ma de bkru sman dang skyug sman gyi sbyang ba byas nas pa to la la sogs pa
 bskol ba'i sman gyi khu ba blud par bya'o/ /byis pa'i mig mchu brud pa'am/ /srin bu pad pas khrag dbyung bya/ /a sman da ka skyu ru ra/ /'dzam bu'i lo ma bskol ba blugs/ /zhes bya ba la/ byis pa'i mig mchu de gtsags bus brud pa'am srin bu pad pas khrag
 phyung zhing bton la a sman ta ka la sogs pa'i lo ma bskol ba'i khu ba blugs par bya'o/ /byis pa 'o ma mar brten pas/ /phal cher bad kan nad 'byung pas/ /de bas dang por skyug sman nyid/ /nad kun la ni bsngags pa yin/ /zhes bya ba la/ byis pa ni 'o ma dang mar
 la brten cing spyod pa'i rgyus na phal cher te mang du bad kan gyi nad 'byung bar 'gyur bas/ de'i phyir byis pa'i nad thams cad la dang po kho nar skyug sman btang na nad kun la bsngags shing phan pa yin no/ /lce myang tsha dang pi pi ling / /a pa marga'i 'bras bu mar/ /'o ma shu
 dag sbrang rtsir bcas/ /po son cha ni shing mngar bcas/ /'o ma kha zas 'o ma dang / /zas la brten pa'i byis pa la/ /rim bzhin blud pas nad kun ni/ /sbyar bar bya phyir slon sman gtang / /mchog du sgra ngan nad la phan/ /zhes bya ba la/ byis pa'i nad thams cad la ni
 lce myang tsha la sogs pa'i sman dang mar 'o ma dang / sbrang rtsi sbyar ba'i skyug sman btang ba ni/ 'o ma la brten pa bsngags pa yin no/ /kha zas dang 'o ma gnyis la brten pa la ni shu dag gi phye ma sbrang rtsi dang bcas pa'i skyug sman nad thams cad la bsngags pa yin no/ /zas 'ba' zhig la brten pa'i
 shing mngar sbyar ba'i skyug sman nad thams cad la ni bsngags pa yin te/ /de ltar na 'o ma 'thung ba dang 'o ma dang / kha zas gnyis ka la brten pa dang / zas 'ba' zhig la brten pa dag la rim bzhin du sbyar bar bya ste/ de las kyang khyad par du ni sgra ngan
 zhes bya ba'i mig mchu'i nad la phan pa yin no/ /sab ta la yi khu ba mar/ /bskol ba gnyis ka sbyong byed sbyin/ /zhes bya ba la/ yang na sab ta la bskol ba'i khu ba dang mar lhan cig bskol ba'i sman mar ni bad kan dang sgra ngan gnyi ga sbyong bar byed pa de sbyin par
 bya'o/ /seng phrom shing mngar ser po gnyis/ /nim pa'i lo ma pu tse shel/ /zangs kyi phye mar bcas reng bu/ /sgra ngan gyi ni nad la phan/ /zhes bya ba la/ yang na seng phrom la sogs pa'i phye ma dang / zangs kyi phye ma dang bcas pa'i ri lu ni sgra ngan
 gyi nad la phan no/ /yang na lcags kyi phye ma bsregs/ /'o ma sbrang rtsi mar bcas phan/ /zhes bya ba la/ yang na lcags kyi phye ma bsregs pa dang / 'o ma sbrang rtsi bcas pa'i ri lu yang sgra ngan gyi nad la phan no/ /sug smel sgog skya ka ta ka /pha ni da dza ka na le sham/ /
 dung bcas chu dang bdar ba dang / kad pa la bcas ri lu'ang phan/ /zhes bya ba la/ yang na sug smel la sogs pa'i ri lu yang mig mchu'i sha'i nad dang sgra ngan gyi nad la phan no/ /ka ta ka pa la ni ki tsha'o/ /pha ni da dza ka ni ma du pa ka'o/ /rdzi ma 'gags nad 'phel ba
 la/ /sbyang ba byas par gyur pa ni/ /smin ma'i 'og gi cha gnyis dang / /rdzi ma'i cha gcig bar par ni/ /nas kyi tshad tsam nas kyi dbyibs/ /'phred du dpral la ras rlon pas/ /de yi khrag ni bsal nas ni/ /khrag ni chung bar gyur pa dang / /bar mtshams mung+ga
 tsam bzhag la/ /kha ba ni yon pos btsem par bya/ /zhes bya ba la/ rdzi ma 'gags pa'i nad bu 'phel bar gyur pa la nad pa sbyang ba byas shing dag bar byas pa'i smin ma'i 'og cha gnyis dang / rdzi ma'i cha gcig bor ba'i gnas su nas kyi tshad tsam la dbyibs nas 'dra par
 'phred du dbral la ras chu don mo'i nad du sbangs pas de'i khrag bsal zhing phyis nas khrag de bri zhing chung bar gyur pa dang bar mtshams su sran mud ga zhes bya ba mon sran sde'u tsam bzhag la/ kha ba yon pos legs par 'drub par bya'o/ /dpral ba ras kyis bcings nas ni/
 de bzhin skud pas btsem par bya/ /shin tu dam dang lhod min par/ /der ni legs par btsem bar bya/ /zhes bya ba la/ de'i 'og tu dpral ba ras kyi tshal pas bcing la/ der skud pas shin tu dam pa yang ma yin shin tu lhod pa yang ma yin par btsem par bya'o/ /de nas
 sbrang rtsi mar gyis byug / 'di la bcing bar mi bya'o/ /zhes bya ba la/ de'i 'og tu sbrang rtsi dang mar gyis byug cing de bskus nas ras kyis dkris la btsem par bya'i 'di la bcing bar ni mi bya'o/ /na na n+ya gro ng+ha sogs pa'i/ /khu ba 'o ma bcas pa blugs/ /zhes bya ba la/
 gal te rma de nad dang bcas par gyur na n+ya gro ng+ha la sogs pa'i sde tshan gyi khu ba 'o ma dang bcas pa blugs par bya'o/ /zhag lnga pa la skud pa ni/ /bsal te yug snam phye ma ni/ /rma la legs par gdab par bya/ /sna sman mig sman rnon po gtang / /zhes bya ba la/ zhag lnga pa la mtshon
 gyis dbral la de 'drubs par gyur pa dang skud pa bsal zhing bcad de btsag yug snam zhib tu btags pa'i phye ma rma la gdab par bya ba dang / de la sna sman dang mig sman rnon po gtang bar bya'o/ /zhag bcu'i mthar yang ma sos na/ /mig mchur brten gnyer bzlog ste bsreg/ /
 ces bya ba la/ sbyor ba des zhi bar ma gyur na mig mchur brten pa'i gnyer ma bzlog ste thal sman nam thur ma tsha bas bsreg par bya'o/ /rdzi ma'i lhag ma tsher zungs kyis/ /phyung la de yi gnas dag ni/ /me'i mdog 'dra'i khab rtses bsreg /ces bya ba la/ rdzi ma'i lhag ma
 tsher zungs kyis phyung la rdzi ma de'i gnas me'i mdog 'dra ba'i khab kyi rtse mos bsreg par bya'o/ /phyi rol rlon pa bsregs pa dang / /thor bu bcad par gyur pa la/ /me 'am thal sman rnon pos bsreg /ces bya ba la/ phyi rol gyi rlon zhing gsher ba me 'am thal sman kyis bsreg par
 bya ba dang / thor bu yang rtsa ba nas dang po bcad la me 'am thal sman rnon pos bsreg par bya'o/ /yan lag brgyad pa'i snying po'i rnam par 'grel pa tshig gi don gyi zla zer zhes bya ba/ slob dpon zla ba la dga' bas nges par sbyar ba las/ phyi ma'i gnas kyi le'u dgu pa'i rnam par
 'grel pa'o/ / //de nas mig zur dang mig gi 'bras bu dkar nag gi nad kyi dmigs brtag par bya ba bshad par bya'o/ /zhes bya ba la/ mig mchu'i nad kyi rjes la mig zur dang mig gi 'bras bu dkar nag gi nad kyi dmigs brtag pa bstan pa ni gnas kyi go
 rims kyis bshad pa yin te/ mig zur gnyis dang mig gi 'bras bu dkar po dang nag po dag gi nad kyi dmigs shes shing brtag par bya ba'i le'u gang yin pa de bshad par bya'o/ /zhes pa'o/ /rlung 'khrugs pas ni chu rgyu ba'i/ /rtsar song nas ni chu 'dra ba'i/ /mchi ma
 mig mchu'i mig phugs kyi/ /mtshams nas mchi ma 'dzag 'gyur la/ /des ni nad med rtsa dmar la/ /skrang 'gyur de ni chu 'dzag yin/ /zhes bya ba la/ rlung gi nad rang rang gi skye ba'i rgyus 'khrugs shing ldang bar gyur ba dang / chu rgyu ba'i rtsar song nas mig phugs kyi
 mtshams te/ mig 'bras dkar po'i mtha' sna gong gi phugs nas 'dra ba'i mchi ma 'dzag par 'gyur la/ nad des mig na ba lhang lhang po med par rtsa dmar ba dang / skrang par 'gyur te mig nad de ni mchi ma 'dzag pa zhes bya'o/ /bad kan las gyur spyi bag mang / /dkar ba
 bad kan 'dzag pa yin/ /zhes bya ba la/ bad kan 'dzag pa'i mig zur gyi nad ni bad kan las gyur cing mchi ma spyi bag nal nal por mang du 'dzag pa dang / mig dkar ba ni ming bad kan 'dzag pa zhes bya'o/ /bad kan gyis skrang rtse mo rno/ /lan tshwa'i chu bur 'dra ba 'byung
 rtsa ba che zhing g.yo la snum/ /mdog 'dra 'jam zhing spyi bag can/ /che zhing smin dka' g.ya' dang bcas/ /gzer med bcings pa lta bu yin/ /zhes bya ba la/ bad kan gyis mig skrang bar 'gyur zhing skrang bde'i rtse mo rnon por 'dug la skrang pa de lan tshwa'i chu bur 'byung ba 'dra
 zhing rtsa ba che ba la sogs pa'i mtshan nyid dang ldan pa ni bcings ba lta bu'i mig nad ces bya'o/ /khrag las mchi ma khrag 'dzag dmar/ /shas cher dro ba khrag 'dzag yin/ /zhes bya ba la/ khrag 'khrugs pa las mchi ma dmar zhing shas cher dro ba 'dzag pa ni
 mig zur gyi nad khrag gi mchi ma 'dzag pa zhes bya'o/ /mig mchu grwa mtshams dkar po ru/ /'brum phran tsha zhing gzer dang bcas/ dmar zhing mung+ga 'dra la gas/ /khrag 'dzag de ni tshigs can yin/ /zhes bya ba la/ mig mchu'i grwa mtshams dkar po'i cha ru 'brum
 phran tsha ba la sogs pa dang ldan pa sran mung+ga tsam dang 'dra ba kha gyes shing gas pa las khrag 'dzag pa de ni ming tshigs can zhes bya'o/ /rnag 'dzag dri ma khrag dang bcas/ /mig phugs kyi ni grwa mtshams nas/ /yang dang yang du rnag 'dzag cing / /sha lpags 'drul bas mchi
 mar bcas/ /zhes bya ba la/ rnag 'dzag pa zhes bya ba'i mig zur gyi nad ni dri ma zhes bya ba nad gzhi gsum po khrag dang bcas pa'i mig phugs kyi mig mchu'i mtshams nas yang dang yang du rnag 'dzag cing mchi ma 'byung ba dang bcas pa dang / sha dang pags pa 'drul ba'i rgyu las
 'byung ba'i rnag 'dzag pa'i mig nad ces bya'o/ /rnag sla 'dzag pa rma phra zhing / /skrang zhing g.yo ba che ba dang / /mig phugs mtshams skrang rnag 'dzag cing / /nad bcas rnag gi chu ser 'dzag /ces bya ba la/ rnag sla ba chu ser 'dra ba 'dzag pa dang / rma'i dbyibs phra zhing
 skrangs pa dang / g.yo zhing 'gul ba dang / rtsom pa che ba la mig phugs kyi grwa mtshams sna gong gi mtshams su skrangs pa dang / rnag gi tshogs 'dzag cing 'bab pa dang / nad dang bcas pa yin te/ nad de ni rnag gi chu ser 'dzag pa zhes bya'o/ /mig phugs kyi ni mtshams nang na/ /skrang
 zug tsha bcas chu ser nad/ /ces bya ba la/ mig phugs kyi mtshams ni nad na ba dang bcas pa dang / zug pa dang tsha ba dang bcas pa ni chu ser gyi nad ces bya'o/ /mig zur ram ni mig phugs su/ /g.yo' zhing rdzi ma'i bu ga nas/ /rnag 'dzag srin dang rmen bu 'byung / /na bcas
 srin gyi rmen bu can/ /zhes bya ba la/ mig 'gram gyi mig zur gyi phyogs sam mig phugs sna gong gi phyogs su g.ya' ba la sogs pa dang ldan pa'i srin gyi rmen bu 'byung bar 'gyur zhing na ba dang bcas pa ni srin bu'i rmen bu zhes bya'o/ /bcings pa lta bu'i srin rmen bu/ /rnag gi chu
 ser tshigs can dag / mtshon gyis gso bya lhag ma lnga/ /'dzag pa chu ser bcas pa spang / /zhes bya ba la/ /bcings pa lta bu zhes bya ba la sogs pa bzhi ni mtshon gyi gtsags bus gso bar bya la/ mig mchu 'dzag pa la sogs pa bzhi dang chu ser can te lnga po de dag spang bar
 bya'o/ /de yang 'dzag pa bzhi ni chu 'dzag pa dang / bad kan 'dzag pa dang / khrag 'dzag pa dang / rnag 'dzag pa'o/ /mkhris pas dkar po'i thig le ni/ /gnag pa 'am sngo ba 'am ser po skyed/ /gur kum me long dri mas gos/ /ltar snang na ba tsha ba med/ /'khru zhing skom dang
 rims dang bcas/ /nad ni nya phyis can zhes bya/ /zhes bya ba la/ mkhris pa'i nad kyis mig 'bras dkar po'i steng du thig le nag po 'am sngon po 'am ser po 'am/ /yang na dkar po thams cad me long dri mas gos pa ltar snang zhing tsha ba dang / lhang lhang por na ba med pa dang / 'khru ba
 la sogs pa dang bcas pa'i nad de ni ming nya phyis can zhes bya'o/ /bad kan las dkar sha lhag dkar/ /ring nas 'phel ba mig mdzer dkar/ /zhes bya ba la/ bad kan gyi rgyu las mig 'bras dkar po'i char sha lhag dkar zhing yun ring zhig na dal gyis 'phel ba gang yin pa de ni
 mig mdzer dkar po zhes bya'o/ /nad med pa la skrang pa dang / /mdog dkar lhun che 'jam pa dang / /lci snum chu yi thigs pa 'dra/ /bad kan mdud pa zhes byar bshad/ /ces bya ba la/ yang mig 'bras dkar po la na tshabs chung zhing skrang pa dang / mdog dkar zhing dkar por
 snang ba dang / /lhun che ba dang / 'jam zhing mnyen ba dang / lci ba la sogs pa'i rmen bu byung ba gang yin pa de ni bad kan gyi mdud pa zhes bya'o/ /zhes drang srong rnams kyis bshad do/ /thig le 'bras phye ltar dkar ba/ /mtho ba 'bras phye 'dra zhes bshad/ /ces bya ba la/ mig 'bras dkar
 po'i steng du thig le 'bras phye ltar dkar la dpangs mtho zhing pags pas khyab pa gang yin pa de ni 'bras phye 'dra ba zhes bya'o/ /dkar po'i ri mo dmar pos khyab/ /tsha zhing na dang bcas pa ni/ /skrang zhing mchi mas gos pa med/ /khrag gyur rtsa yi nyes par bshad /
 ces bya ba la/ mig 'bras dkar po'i steng du ri mo dmar po shar shar por khyab cing tsha ba dang / lhang lhang por na ba dang bcas pa la/ skrang pa dang / mchi ma dang ljan ljin gyis gos pa med par gyur pa de ni khrag las gyur pa'i rtsa'i nad yin pas na rtsa'i nyes pa zhes bya'o/ /rtsa nyes yal
 bar bor na ni/ /dmar ris de nyid 'phel bar 'gyur/ /khrag bcas rtsa ni brtse bar byed/ /de yis mig gis blta mi nus/ /zhes bya ba la/ rtsa'i nyes pa de yal bar bor zhing gso ba ma byas na rtsa ris dmar po shar shar por gnas pa de la 'phel zhing rgyas par gyur pas rtsa khrag dang
 bcas pa dang / rtsa brtse zhing tsha ba tsag tsag pos khyab par 'gyur ro/ /rtsa brtse ba des mig gis blta mi nus par 'gyur ro/ /rtsa yi dra bas g.yogs shing stug /mthong rtsa yi dra ba yin/ /zhes bya ba la/ rtsa'i dra ba zhes bya ba'i mig nad ni dkar po rtsa'i rtsa ba'i nang na khrag gis gang zhing
 che ba stug cing mtho bar gnas pa yin no/ khrag gi mig mdzer 'jam zhing mnyam/ /pad+ma 'dra ba sha lhag yin/ /zhes bya ba la/ khrag gi mig 'dzer dang mnyam pa ste mig zur gyi nad dang tshul 'dra ba 'jam zhing mnyam pa/ mdog pad+ma 'dra ba gang yin pa de ni sha lhag can zhes bya'o/
 nad med ri bong khrag ltar dmar/ /thig le ling thog dmar po yin/ /zhes bya ba la/ mig 'bras dkar po'i steng du ling thog nad kyi shas chung zhing ri bong gi khrag ltar dmar ba'i thig le 'byung ba de ni ming ling thog dmar po zhes bya'o/ /'jam zhing nad med myur du 'phel/ /dkar
 por khyab byed dmar nag ni/ /khyab pa'i mdzer pa zhes bya'o/ /zhes bya ba la/ 'jam zhing sra ba ma yin pa zug gzer gyi shas chung ba myur du mched cing 'phel bar byed pa dkar por khyab cing rgyas par byed la/ mdog dmar nag tu gnas pa de'i ming ni khyab pa'i mdzer pa zhes bya'o/ /
 dri ma khrag bcas rtsa'i mdzer pa/ /rtsa rgyus dang 'dra rtsa mdzer yin/ /zhes bya ba la/ nad gzhi gsum gyi dri ma khrag tu bcas pa las byung ba'i rtsa'i mdzer ba rtsa rgyus dang 'dra bar gnas pa gang yin pa de ni rtsa'i mdzer ba zhes bya'o/ /khrag skam gong bu ltar gnag cing / /sha ni che zhing rgyas pa
 gang / /de ni sha lhag mdzer pa yin/ /zhes bya ba la/ sha gang khrag skam po'i gong bu ltar ka dog gnag cing shas che ba dang / mdzer pa rgyas shing gtos che ba gang yin pa de ni sha lhag gi mdzer pa zhes bya ba yin no/ /tsha zhing reg na rtsub pa dang / /rtsas g.yogs mig 'bras nag
 dang nye/ /'brum phran yungs kar lta bus rtsa/ /zhes bya ba la/ mig 'bras nag po dang thag nye bar 'brum bu phro mo yungs kar lta bus khyab cing tsha ba dang / reg na rtsub pa dang ldan la rtsas g.yogs pa gang yin pa de ni ming rtsa zhes ba'o/ /nya phyis rtsa brtse rtsa'i nyes pa/ /'bras phye ma dud pa'i
 ling thog dmar/ /drug po sman gyis gso bar bya/ /lhag ma bdun po mtshon gyis gso/ /zhes bya ba la/ nya phyis la sogs pa'i mig nad drug po ni sman gyis gso zhing bcos par bya'o/ /mig nad lhag ma bdun ni mtshon gyis dpyad du bya zhing gso'o/ /de yang sar ba sman gyis gso/ /
 mdzer par bshad pa lnga po gang / /rgyus pa dang ni rtsas g.yogs pa/ /nag por phyin cing lpags gas 'dra/ /mthon po gcad par bya ba yin/ /zhes bya ba la/ mtshon gyis gso bar bya ba de dag kyang sar pa yin zhing nad byung nas ring po ma lon pa ni sman nyid kyis gso bar bya'o/ /mdzer
 bar bshad pa lnga po rgyus pa dang rtsas g.yogs pa mig 'bras nag por phyin pa pags pa gas pa lta bur snang ba mthon po gang yin pa de ni mtshon gyis gcad par bya'o/ /de la mdzer pa lnga bo ni/ mdzer pa dkar po dang / khrag gi mdzer pa dang / sha lhag gi mdzer pa
 dang / khyab pa'i mdzer pa dang / rtsa rgyus kyi mdzer pa ste lnga'o/ /mthong byed steng du phyin pa spang / /zhes bya ba la/ mdzer pa de mthong bar byed pa zhes bya ba'i mig gi rgyal mo'i steng du mdzer pa de dag byung na ni spang zhing dor bar bya'o/ /de ltar na de yan chad mig
 'bras dkar po'i nad bcu gsum du bshad pa yin no/ /nag po 'am mthong byed la mkhris pas/ /pags pa brtol te ling tog ni/ /zug dmar mchi mar bcas pa skyed/ /de yis mig 'bras dkyil 'khor nag /'dzam bu smin pa 'drar snang zhing / /dma'
 ba rma yi ling thog ste/ /de ni gso dka'/ /zhes bya ba la/ nag po zhes bya ba mig 'bras nag po'i sha'i steng ngam/ mthong bar byed pa'i mig gi rgyal mo'i steng du mkhris pas 'khrugs par gyur nas pags pa brtol te ling tog zug cing na ba dang / dmar ba dang / mchi ma dang
 bcas pa skyed par byed la/ nad des mig gi 'bras bu'i dkyil 'khor nag po 'dzam bu smin pa dang mdog 'dra bar snang bar gyur la/ ling thog de ni cung zad dma' ba yin te/ de la ni mig rma'i ling thog ces bya la de ni shin tu gso dka' ba yin no/ /rim gnyis dag /brtol
 ba gso pa tsam yin no/ /zhes bya ba la/ ling thog de rim pa gnyis brtol pa yin na ni de re zhig gsor rung ba tsam yin no/ /der ni zug pa la sogs mang / /nag po khab kyis phugs snyam byed/ /ces bya ba la/ rim pa gnyis brtol nas byung ba'i ling thog ni zug pa la
 sogs pa'i nas mang bar gyur pa dang mig 'bras nag po khab kyis phug pa snyam du sems bar gyur ro/ /rim pa gsum ni brtol ba dang / /rma yis khyab pa gser mi rung / /zhes bya ba la/ ling tog de mig lpags kyi rim pa gsum po brtol te byung ba dang / rmas khyab cing khebs pa
 gang yin pa de ni gsor mi rung bar 'gyur ro/ /bad kan las gyur dung ltar dkar/ /shas chen mi na gso sla dkar/ /zhes bya ba la/ bad kan las gyur pa'i ling thog dung ltar shas cher dkar zhing / ha cang shas cher mi na ba gang yin pa de gso sla ba yin pas de ni ling thog dkar po zhes bya'o/
 dmar zhing mchi ma spyi bag 'dzag /'brum phran dmar zhing shin tu na/ /ra yi ril ma 'dra zhing 'bur/ /khrag skyes ra ril 'dra ba spang / /zhes bya ba la/ khrag 'khrugs par gyur pa las mig gi 'bras bu nag po'i steng du 'brum bu phra mo kun las dmar zhing mchi ma spyi bag nal nal po 'dzag
 la 'brum phran de zangs ltar dmar ba shin tu na la dbyibs ra'i ril ma 'dra bar 'jong zhing 'bur la nag pa de ni ra'i ril ma lta bu zhes bya ste/ de gsor mi rung bas spang bar bya'o/ /nad khrag bcas pas rtsa'i ling tog /de yis mig 'bras nag po khebs/ /tsha zhing na la dmar ba yi/ /rtsa yis
 kun du rgyas gyur la/ /rgyu med mchi ma grang dro dang / /ska sla 'dzag pa de spang bya/ /zhes bya ba la/ rlung la sogs pa'i nad khrag dang bcas pas/ rtsa'i ling tog ces bya ba'i nad du 'gyur te nad des mig 'bras nag po khebs par gyur cing tsha ba la sogs pa kun du rgyas par 'gyur la/ rgyu med
 par mchi ma grang ba dang dro ba dang / ska ba dang sla ba 'dzag pa'i rtsa'i ling thog de ni gsor mi rung bas spang bar bya'o/ /nad gzhi khrag las mthong bcas gnag /'bras bu dkar por sgyur byed de/ /sprin dkar gyis ni g.yogs 'dra zhing / /nim pa ba ni bkas pa 'dra/ /shin tu mi bzad na zhing
 dmar/ /tsha zhing skrangs pas gzir ba dag /smin pas nyen pa'i ling tog de/ /mi bzad na ba spang par bya/ /zhes bya ba la/ nad gzhi gsum po dang khrag 'khrugs pa las mthong bar byed pa'i mig gi rgyal mo dang bcas pa'i mig 'bras nag po dkar po'i gzugs su sgyur bar byed cing sprin
 dkar pos g.yogs pa lta bu la nim pa zhes bya ba'i rtsa 'bru'i phyed du bkas pa'i dbyibs dang 'dra bar gnas pa dang / shin tu mi bzad par na ba la sogs pa gang yin pa de smin pas nye na pa'i rgyus ling thog de shas cher mi bzad par gyur pa ni gsor mi rung bas spang bar bya'o/ /gang gis
 mtshan ma nyams pa 'am/ /nang sngo ba 'am dmar bcas pa 'am/ /shin tu 'bur ba 'am gting ring ba 'am/ /mchi mar bcas zhing rtsa'i rmas khyab/ /rnying pa 'am mtho dman can dag gam/ /dbus chad ling thog spang bar bya/ /zhes bya ba la/ ling thog gang zhig skyes par gyur pa nas mthong bar byed
 pa'i mtshan ma zar ma'i me tog lta bur nyams par gyur pa'am/ nang sngo bar gyur pa 'am/ yang dmar ba dang bcas pa'i ling thog gam/ gang shin tu 'bur zhing mtho ba 'am/ gang gting ring zhing khong du bros pa 'am/ gang mchi ma dang bcas shing rtsa'i rmas khyab pa 'am/ gang rnying zhing yun ring
 du lon pa dang / gang mthon dman mi nyams par gnas pa 'am/ dbus su chad pa'i ling thog gang yin pa de ni gsor mi rung bas spang bar bya'o/ /nag po'i nad ni gsor rung dang / /mi rung dbye ba rnam lnga yin/ /zhes bya ba la/ mig 'bras nag po'i nad ni gsor rung ba'i dbye
 ba dang de bzhin du gsor mi rung ba'i dbye bas rnam pa lngar bshad pa yin no/ /yan lag brgyad pa'i snying po'i rnam par 'grel pa tshig gi don gyi zla zer zhes bya ba/ slob dpon zla ba la dga' bas nges par sbyar ba las/ phyi ma'i gnas kyi le'u bcu pa'i rnam par 'grel pa'o// //
 de nas mig zur dang mig gi 'bras bu dkar po dang nag po'i nad gso ba bshad par bya'o/ /mig nad bcings pa sman pa yis/ /dugs byas rtse mo 'bras 'dras dbug /rtse mo dkyil 'khor 'dra bas bzhar/ /zhes bya ba la/ mig zur gyi nad bcings pa zhes bya ba la ni/ sman pas dang po kho
 nar dugs byas la/ /de'i 'og tu rtse mo 'bras 'dra ba'i gtsags bus phug cing brtol la de nas rtse mo dkyil 'khor 'dra ba'i gtsags bus bzhar bar bya'o/ /de'i 'og rgyam tsha pi pi ling / /sbrang rtsi sbyar bas bsku bar bya/ /de nas snga ma bzhin du bcing / /pa to la'i lo skyu ru ra/ /bskol ba'i sman khu
 thigs pa blugs/ /zhes bya ba la/ de ltar bzhar ba'i 'og tu rgyam tsha la sogs pa'i sman sbyar bas bsku zhing byug par bya'o/ /de'i 'og tu sngar mig mchu'i nad gso ba'i skabs su bshad pa bzhin du bcing bar bya zhing de ltar bcings nas pa to la'i lo ma dang / skyu ru ra bskol ba'i sman gyi thigs pa
 blugs par bya'o/ /tshigs can lcags kyu'i cha spyad kyis/ /phyi ma'i mtshams kyi cha gsum gzung / /'phel gtsags kyis ni phyed gcad bya/ /gzhan du mchi ma rgyu la gnod/ /sbrang rtsi rgyam tshas bskus nas ni/ /mig mdzer lta bur gso bar bya/ /zhes bya ba la/ tshigs can zhes bya ba'i
 mig gi grwa mtshams kyi nad pa ni lcags kyu lta bu'i cha spyad kyis phyi'i mtshams kyi cha gsum nas gzung zhing blangs te de nas 'phel gtsags kyis phyed tsam du gcad par bya'o/ /de las gzhan du byas na mchi ma rgyu ba'i rtsa la gnod par 'gyur ro/ /de ltar bcad nas kyang de la sbrang rtsi dang rgyam tshar
 sbyar bas bskus te mig mdzer gso pa'i tshul du gso bar bya'o/ /chu ser rnag 'dzag gtar ga gdab/ /de nas de ni bcing bar bya/ /mig rnags cho gar bshad pa yi/ /las kun cho ga bzhin du bya/ /zhes bya ba la/ rnag gi chu ser 'dzag pa zhes bya ba'i mig gi grwa mtshams kyi nad la ni dang por
 gtar ga gdab la khrag gzags nas de'i 'og tu rnag gi chu ser 'dzag pa'i nad de bcing par bya ba dang / de bzhin du mig rnags pa'i gso ba'i cho gar bshad pa'i las kun cho ga ji lta pa bzhin spyad par bya'o/ /rgyam tsha sge'u gsher nag tshur dang / /lcags dang zangs ni zhib btags pa'i
 phye ma'i mig sman gtang ba 'am/ /sbrang rtsir sbyar ba'i khu ba blugs/ /zhes bya ba la/ rnag gi chu ser 'dzag pa de la rgyam tsha la sogs pa zhib tu legs par btags pa'i phye ma'i mig sman gtang bar bya ba 'am/ yang na rgyam tsha la sogs pa'i sman sbrang rtsi dang sbyar ba'i khu ba mig tu blugs
 shing gtang bar bya'o/ /srin gyi rmen bu lci ba yis/ /dugs byas brtol te phyi bar bya/ /nag tshur rgyam tsha 'bras bu gsum/ /sbrang rtsir sbyar bas bsku bar bya/ /zhes bya ba la/ srin gyi rmen bu ni lci ba 'am ril ma la sogs pas dugs byas la/ gtsags bus brtol te de'i 'og tu
 gtsags bu nyid kyis phyi zhing bzhar la de nas nag tshur la sogs pa'i sman bsku bar bya'o/ /nya phyis mkhris mchi 'dzag ltar gso/ /zhes bya ba la/ nya phyis zhes bya ba grwa mtshams kyi mig na na ni mkhris pa las gyur pa'i mchi ma 'dzag pa'i mig nad ltar gso bar bya'o/ /bad kan mdud
 pa 'bras phye gnyis/ /gtar ga ma gtogs bad kan gyi/ /mchi ma 'dzag pa bzhin du gso/ /zhes bya ba la/ bad kan gyi mdud pa dang 'bras phye lta bu'i mig zur gyi nad gnyis ni gtar ga gdab cing khrag dbyung ba'i sbyor ba ma gtogs par bad kan las gyur pa'i mchi ma 'dzag pa bzhin du
 gso bar bya'o/ /tsha ba gsum dang kad pha la/ /ba lung khu ba'i mig sman gtang / /zhes bya ba la/ bad kan gyi mdud pa dang 'bras kyi phye ma'i mig nad gnyis la ni/ tsha ba gsum dang kad pa la dang ba lung zhes bya ba pi dza pu ra'i khu ba dang sbyar ba'i mig sman gtang bar bya'o/ /rgyam tsha dzA ti kha 'bus pa
 thang shing bca' sga btags pa'i phye/ /chang gi dngas ma ri lur byas/ /mig sman skrang dang g.ya' ba sel/ /zhes bya ba la/ rgyam tsha la sogs par sman btags pa'i phye ma chang gi dngas ma dang ri lu byas pa'i mig sman ni skrang pa dang / g.ya' ba sel bar byed do/ /rtsa nyes rtsa
 brtse ling thog dmar/ /rtsa dra khrag 'dzag lta bur gso/ /zhes bya ba la/ rtsa'i nyes pa dang rtsa brtse ba dang ling thog dmar po dang rtsa'i dra ba ni/ khrag 'dzag pa'i mig nad dang 'dra bar gso bar bya'o/ /rtsa yi nyes la khyad par du/ /mar dang sbrang rtsi'i mig sman bsku/ /zhes bya ba la/ rtsa'i nyes pa la ni
 khyad par du mar dang sbrang rtsi sbyar ba'i mig sman bsku bar bya'o/ /rtsa brtse ba la sbrang rtsi dang / /skyer pa'i khaN+Da zhib btags bsku/ /zhes bya ba la/ rtsa brtse ba zhes bya ba la ni khyad par du sbrang rtsi dang skyer pa'i khaN+Da zhib tu btags pa'i mig sman gtar bar bya'o/ /ling thog dmar po zho ga chu/ /sbrang rtsi
 khu ra'i thigs pa blugs/ /zhes bya ba la/ ling thog dmar po la ni khyad par du zho ga chu dang / sbrang rtsi dang kha ra sbyar ba'i thigs pa blugs na phan no/ /shel dang gur kum shing mngar dung / /sbrang rtsi sbyar ba'i mig sman gtang / /zhes bya ba la/ yang ling thog dmar po la ni shel la sogs pa'i mig
 sman btang na phan no/ /yang na sbrang rtsi dung sbyar ba 'am/ kha ra rgya mtsho'i wu ba phan/ /zhes bya ba la/ yang na ling thog dmar po la sbrang rtsi dang dung sbyar ba'i mig sman phan pa 'am/ yang na kha ra dkar po dang rgya mtsho'i wu ba sbyar ba'i mig sman ling thog dmar po la phan no/ /mdzer par bshad pa rnam
 lnga las/ /dud pa lta bu'i rnyog can dang / /gang yang dmar zhing zho 'dra ba/ /de sman ling thog bzhin du bya/ /zhes bya bal/ khyab pa'i mdzer pa rnam pa lngar bshad pa gang yin pa de dag las dud pa lta bu'i rnyog ma'i rdul tsam dmar zhing zho 'dra ba gang yin pa de la ni ling
 thog bzhin du lus dang mgo bo'i bkru sman btang pa dang bzhar ba dang / mig sman bsku ba la sogs pa byas na phan no/ /cig shos gan rkyal bzhag dugs byas/ /kha lung dang ni rgyam tsha dag /sbyar ba'i mig sman bskus nas ni/ /mig btsums nas ni mnye bar bya/ /zhes bya ba la/ cig shos
 te sngar bshad pa'i mig mdzer gyi nad la ni/ gan rkyal du bzhag cing dugs byas la kha lung dang rgyam tshar sbyar ba'i mig sman bskus la mig btsums te mnye bar bya'o/ /de ltar mig ni 'khrugs bcas pa/ /sha lhag skyes pa bskyod nas ni/ /mgo bo mi 'gyur dam du bzung / /mig mchu
 mchog tu mi 'gul dang / /mig zur du ni lta bzhin du/ /mig phugs mtshams nas 'dzer pa mtho/ /gang du gnyer ma 'dus gyur pa/ /der ni lcags kyus dam bzung ba 'am/ /ha cang mi che mu tsi tra 'am/ khab bam skud pas blangs nas ni/ /kun nas dkyil 'khor 'dra bas dbral/ /
 zhes bya ba la/ de ltar rnam pa 'dis 'khrugs shing nad dang bcas pa'i mig 'di'i sha lhag skyes pa bskyod cing mnyes pas g.yo bar byas nas/ nad g.yog gis mgo bo gzhan du mi 'gyur bar dam du bzung la mig mchu yang mi 'gul ba nyid du brtan par byas zhing bzung la khyad par du
 mig zur de mig 'gam logs su lta bzhin du/ mig phugs kyi mtshams nas mdzer pa mtho zhing 'phags par 'gyur la/ /de ltar byas pa na gang dang gang du gnyer ma 'dus par gyur pa de dang der lcags kyus dam du bzung zhing blangs la/ ha cang rgya che ba ma yin par byas te/ mu tsi tra
 zhes bya ba'i cha sbyad dam khab bam skud par blangs la de'i 'og tu kun nas te thams cad nas dkyil 'khor 'dra ba'i gtsags bus dbral bar bya'o/ /de nas bton te bral nas kyang / /mig phugs mtshams su bsnyen nas ni/ /cha bzhi lus par gcad bya ste/ /mig phugs rtsa dang mchi ma ni/ /
 'dzag pa'i rtsa la mi gnod bsrung / /zhes bya ba la/ de nas mig mdzer de dbral zhing phug nas mig phugs kyi phyogs su bsnyen cing drangs nas cha bzhi lus pa tsam du de gcad par bya'o/ /mig phugs kyi rtsa dang mchi ma 'dzag pa'i rtsa la ni mi gnod cing mtshon gyis mi phog par bsrung ste/
 mtshon gyis gcad par mi bya'o/ /mig phugs zur bcad mchi ma 'dzag /mig gi rtsa sbubs rma can 'gyur/ /zhes bya ba la/ gal te mig phugs sna gong gi mig zur de bcad cing gnod par gyur na rtag tu mchi ma 'dzag pa dang / mig gi rtsa sbubs la rma 'byung bar 'gyur ro/ /mig 'gram
 'dzer pa cher skyes pa/ /mig phugs zur du bltas te bya/ /zhes bya ba la/ mig 'gram nas mig mdzer cher skyes shing 'phags par gyur pa la ni mig phugs kyi zur du nad pa bltar bcug la de la bzhi cha lus bar sbyad par bya zhing mig zur dang rtsa la mi gnod bar bsrung
 par bya'o/ /legs par bcad de tsha ba gsum/ /rgyam tsha sbrang rtsir bcas pa bsku/ /zhun mar dron po blugs pa dang / /sbrang rtsi mar sbyar bskus te bcings/ /zhes bya ba la/ mdzer pa legs par bcad cing pags pa la gnod par ma gyur par byas nas rma de la tsha ba gsum la sogs pa
 bsku bar bya zhing / zhun mar dro 'jam tsam blugs par bya ba dang / sbrang rtsi dang mar sbyar bas bskus te sngar bshad pa'i tshul du bcing bar bya'o/ /de nas zhag gsum la sogs nas/ /bkrol nas ka rany+dza'i sa bon/ /'o ma bskol ba de bzhin blugs/ /zhes bya ba la/ de nas rma de zhag
 gsum la sogs pa'i nyin par bkrol la/ ka rany+dza'i sa bon dang / 'o ma bskol ba dro 'jam tsam gyi thigs pa blugs par bya'o/ /ser po rnam gnyis pa to la/ /shing mngar dang ni rgya skyegs shing / /ka rany+dza yi me tog ni/ /kha 'bus sbrang rtsir bcas bskol blugs/ /zhes bya ba la/ gsum po
 la sogs pa'i nyin zhag la mig gi chings ma bkrol te/ ser po rnam gnyis la sogs pa dang / ka rany+dza'i me tog kha 'bus pa bskol ba'i khu ba sbrang rtsi dang bcas pa mig tu blugs par bya'o/ /zhag bdun nas ni de dgrol bya/ /zhes bya ba la/ zhag bdun pa la ni de dgrol bar bya'i bcing bar mi bya'o/ /
 legs par bcad na nad med 'gyur/ /zhes bya ba la/ mig gi mdzer pa de legs par bcad par gyur na/ mig de nad med pa kho nar 'gyur ro/ /bcad drags ma chod las nad 'gyur/ /sman khu blugs dang mig sman sogs/ /phyi ba dang brta bas gso/ /zhes bya ba la/ bcad drags pa dang / mchod cing bcad ma legs
 pa las nad du gyur ba la ni sman gyi khu ba la sogs pas gso bar bya'o/ /kha ra ldong ros e li ya/ /rgyam tsha bca' sga zho re dang / /skyer pa'i khaN+Da srang phyed dang / /sbrang rtsi sbyar ba'i mig sman gyis/ /bad kan las gyur rab rib dang / /chu ser gyis gang ling tog dang / /mig mdzer bcas pa'i sha lhag
 sel/ /zhes bya ba la/ kha ra dkar po la sogs pa'i sman 'di dag sna re zhing zho re dang / skyer pa'i khaN+Da srang phyed dang / /sbrang rtsi sbyar zhing sbrus pa'i mig sman gyis ni bad kan las gyur pa'i rab rib la sogs pa sel bar byed do/ /e li ya ni/ e la ba lu ka dang ma lung ka dang ha ri ba lu ka zhes
 bya ba yin no/ /'bras bu gsum ni gang rung ba'i/ /shun pa chur btags lde gur byas/ /kham phor sbyar ba'i nad du bsreg /de nas tshig nas phye mar btags/ /sman ni lhag ma'i khu ba yis/ /so sor legs par bsgos nas ni/ /snag tsha de bskams slar yang btags/ /rgyam tsha
 nyis 'gyur bcas pa yi/ /mig sman gsum po de dag ni/ /phyi ba'i mchog tu mu khyud 'chad/ /ces bya ba la/ 'bras bu gsum gang yang rung pa'i shun pa ste/ a ru ra'i shun pa 'am/ /ba ru ra'i shun pa dang / /skyur ru ra'i shun pa gang yang rung ba chur btags te lde gur byas la kham
 phor sbyar pa'i nang du du ba ma shor ba'i bsreg par bya'o/ /de nas tshig par gyur pa dang phye mar btags te de nas sman gyi lhag ma 'bras bu gsum las bzhag pa'i gnyis po'i khu ba dang so sor legs par bsgos shing bsregs nas snag tsha 'dra ba de yang bskams pa btags te rgyam tsha nyis
 'gyur dang bcas ba'i mig sman gsum pa de dag ni phyi zhing bsal ba'i mig sman gyi mchog yin par drang srong mu khyud ces bya bas bshad do/ /rtsa yi dras g.yogs rtsa gang zhig /sra bas phyi ba'i sman dag gis/ /ma zhi 'brum phran de la ni/ /mig mdzer cho ga bzhin du gso/ /
 zhes bya ba la/ rtsa'i dra bas g.yogs pa'i rtsa gang zhig sra zhing mkhrang bas phyi zhing bsal ba'i sman bskus su zin kyang nad de zhi zhing med par ma gyur na/ 'brum phran de la mig mdzer gyi gso ba ltar bya'o/ /ling tog nad gzhi'i dbang las ni/ snum rtsub 'bras su gsum sbyin zhing / /
 tig ta chen po'i sman mar spyin/ /gtar ga bkru sman sman khu yi/ /thigs pa blugs pa la sogs bya/ /zhes bya ba la/ ling thog gsor rung ba dag la ni nad gzhi rang rang gi gang dag yin pa'i dbang du byas nas snum pa 'am rtsub pa dag 'bras bu gsum sbyin par bya zhing tig ta
 chen po'i sman mar sbyin pa dang / de bzhin du gtar ga gdab pa dang / bkru sman du gtang ba dang / sman khu'i thigs pa mig tu blugs pa dang / kha bsku ba dang / sna nas gtang ba dang / brta ba dang / mig sman gyi phur ma btso ba'i sbyor ba dag byas na phan no/ /
 snad pa'i ling thog dur byid chu/ /lan gsum bskol ba'i mar blud bya/ /zhes bya ba la/ snad cing rma byung ba las ling thog tu gyur pa la ni dur byid bskol ba'i khu ba dang lan gsum gyi bar du bskol ba'i sman mar blud par bya'o/ /de 'og gtar ga 'am pad pa yis/ /mig
 las khrag ni dbyung bar bya/ /zhes bya ba la/ de'i 'og tu snad pa'i ling thog de la gtar ga gdab pa dang / srin bu pad pas 'jib tu gzhug pas khrag dbyung bar bya'o/ /u t+pal rgun 'brum ram nye ba/ /shing mngar bi da ri bskol ba/ /kha ra ra yi 'o ma 'am/ /chu bskol
 thigs pa blugs par bya/ /zhes bya ba la/ yang na snad pa'i ling thog la ra'i 'o ma dang / ut+pal la sogs pa sman bskol ba bsgrangs pa'i nang du khar btab pa blugs pa 'am/ yang na ut+pal la sogs pa'i sman chu'i nang du bskol ba'i thigs pa blugs par bya'o/ /mig dmar
 mchi ma nad zhi nas/ /de rjes phyi ba'i mig sman phan/ /zhes bya ba la/ mig dmar ba la sogs pa zhi bar gyur nas de'i 'og tu phyi ba'i mig sman btang na ling thog la phan no/ /dzA ti kha 'bus rgya skyegs dang / /yug snam tsan+dan ri lur byas/ /khrag dang mkhris pa dang byed cing / /
 snad pa las gyur ling thog sel/ /zhes bya ba la/ dzA ti'i me tog kha 'bus pa la sogs pa'i ri lur byas pa'i mig sman gyis ni/ khrag dang mkhris pa dang zhing sbyong bar byed pa dang / snad par gyur pa'i ling thog sel bar byed do/ /phag dang rnga mo glang po che/ /ba lang ra rta bong
 bu'i so/ /rgya mtsho'i wu ba mu tig dang / /ne la sham ni bzhi par sbyar/ /so yi ri lus snad ba yi/ /ling thog gis khyab sel bar byed/ /ces bya ba la/ phag la sogs pa'i so dang rgya mtsho'i wu ba dang / mu tig dang na le sham bzhi por sbyar ba'i mig
 sman so'i ri lu zhes bya bas snad pa'i ling thog gis shin tu khyab pa dag kyang sel bar byed do/ /ta ma'i lo ma ba lang so/ /rgya mtsho wu ba bong bu'i rus/ /zangs ma dung gcin ri lur byas/ /ling tog thams cad sel bar byed/ /ces bya ba la/ ta ma la'i lo ma
 la sogs pa gcin dang ri lur byas pas ni ling thog thams cad 'jig cing sel bar byed do/ /rin chen so dang rwa dang ni/ /khams dang sug smel tsha ba gsum/ /sgog skya ka rany+dza'i sa bon/ /rma la phan pa'i sman rnams ni/ /rma bcas rma med gting zug dang /
 lpags gnas ling thog 'joms sman yin/ /zhes bya ba la/ mar gad la sogs pa rin po che rnams dang / /glang po che la sogs pa'i so dang / gser la sogs pa'i khams te 'byung khungs las byung ba dang / /sug smel la sogs pa'i sman dang /
 rma la phan pa'i sman rma'i dbang du byas nas 'og nas bshad pa de thams cad mig sman du byas pa'i rma dang bcas ba'i ling tog dang / rma med pa'i ling tog dang gting du zug pa'i ling thog dang / phags pa la gnas pa'i ling thog mjoms shing sel bar byed pa yin no/ /sna
 sman snum blud sha khu ni/ /blud pas dma' ba bstod par bya/ /nad med ling tog dma' ba ni/ /phur ma btsos dang brta bas bstod/ /ces bya ba la/ dma' zhing gting na yod pa'i ling tog ni snum blud pa dang sna sman btang ba dang / sha khu blud pas bstod par
 bya ba la nad med pa'i ling tog gis dma' ba ni sman gyi phur ma btsos pa dang / brta ba'i sbyor bas bstod par bya'o/ /ling tog dkar po skyer pa dang / /shing mngar thal tres seng phrom chu/ /blugs pas seng phrom gtums pa ni/ /chu dron la sbangs thigs pa blugs/ /
 zhes bya ba la/ ling thog dkar po la ni skyer pa la sogs pa bskol ba'i chu'i thigs pa blugs par bya ba 'am/ yang na seng phrom btags te thum por gtums pa chu drod po la sbangs pa'i thigs pa blugs par bya'o/ /shing mngar bri ha ti'i rtsa ba/ /rgyam tsha dong gra zangs
 ma ni/ /skyu ru ra'i 'bras chu dang btags/ /lde gu zangs ma'i snod la bsku/ /nas mar skyu ru ra'i 'o ma/ /dud pas de 'og mang du bdug /de las ri lur bya ba ni/ /de ni chu dang sbrang rtsir btags/ /mthon ka chen po zhes bya ste/ /ling thog
 dkar bo sel mchog yin/ /zhes bya ba la/ shing mngar la sogs pa'i sman skyu ru ra'i 'bras bu bskol ba'i chu dang btags pa'i lde gus zangs ma'i snod bskus la nas dang mar la sogs pa'i dud pas zangs ma'i snod de bskus pa'i 'og tu mang du bdug par bya'o/ /de
 nas zangs ma'i snod de chu dang sbrang rtsi dang sbyar zhing btags te ri lur byas pa'i mig sman de'i ming mthon ka chen po zhes bya ste/ ling thog dkar po sel zhing 'joms par byed pa'i mchog yin no/ /ling thog brtan zhing mthug pa la/ /khrag ni lan mang dbyung bar bya/ /mgo
 dang lus kyi bkru sman dang / /phur ma btsos pa 'ang lan mang gtang / /zhes bya ba la/ ling thog brtan pa la sogs pa la ni gtar ga la sogs pas khrag mang du dbyung bar bya zhing / /mgo bo'i bkru sman la sogs pa lan mang du gtang bar bya'o/ /pi pi
 ling dang na le sham/ /rgyam tsha shri sha'i 'bras bu 'am/ /'bras bu gsum bskol rgyam tshar bcas/ /blud pas gnas las bstod par bya/ /zhes bya ba la/ ling thog dkar po de gnas nas bskyod cing bstod par bya ba'i phyir pi pi ling nas shri sha'i 'bras bu'i bar
 gyis sam/ yang na rgyam tsha dang 'bras bu gsum bskol te zhag gsum gyi bar du blud pas bstod par bya'o/ /dung dang rgya shug ka ta ka /rgun 'bru shing mngar sbrang rtsi dang / /mu ra so yi dri ma ni/ /shi ri sha yi me tog bcas/ /tshigs bcad phyed kyis bshad
 pa yi/ /mig sman sbyor ba gtang bar bya/ /zhes bya ba la/ yang na ling thog dkar po de bskyod cing bstod par bya ba'i phyir/ dung la sogs pa dang mur la sogs pa'i tshigs bcad phyed phyed kyis bshad pa'i mig sman gyi sbyor ba 'di gtang bar bya'o/ /skyu ru pha nid
 dza'i khu bar/ /lang ka li yi thal ba ni/ /nub gcig sbangs te skams pa'i phye/ /ling tog bskyod pa'i mig sman yin/ /zhes bya ba la/ skyu ru ra dang pha nid dza ka bskol ba'i khu bar lang ga li'i thal ba nu ba gcig sbangs pa de skams la phye mar byas pa'i mig
 sman de ni ling thog bskyed pa stod par byed pa yin no/ /mung+ga sbun pa med btags pa/ /dung dang sbrang rtsir bcas pa 'ang phan/ /zhes bya ba la/ yang na sran mung+ga sbun pa med par btags pa dang / dung dang sbrang rtsi dang sbyar ba'i mig sman ni ling thog sel ba yin no/ /
 sbrang rtsi ma du ka'i snying po 'am/ /ba ru ra rkang sbrang rtsir bcas/ /zhes bya ba la/ ma du ka'i snying po sbrang rtsi dang sbyar ba 'am/ ba ru ra'i rkang gi tshi gu sbrang rtsi dang sbyar ba yang ling thog sel to/ /ba glang rta bong rnga mo'i so/ /dung dang rgya mtsho'i wu ba dang / /a rdzu
 na'i chus ri lu byas/ /bskyod pa'i ling thog 'jig par byed/ /ces bya ba la/ ba glang la sogs pa'i so dang dung la sogs pa a rdzu na'i chu dang / ri lur byas pas kyang bskyod cing bstod pa'i ling thog 'jig par byed do/ /bstod pa 'am zug rngur
 bcas ba yi/ /ling thog spu la sogs bas phyi/ /zhes bya ba la/ ling tog bstod pa 'am zug rngu dang bcas pa ni spu la sogs pas phyi bar bya'o/ /rtsa yi ling thog mthong gnod med/ /snad pa'i ling thog sta bur gso/ /zhes bya ba la/ rtsa'i ling thog
 mthong bar byed pa la/ gnod pa med pa'i rma'i ling thog ltar gso par bya'o/ /shing mngar stag tsher ram nye ba/ /bri ha ti dang a ka ru/ /skyer ba'i mig sman ra'i 'o ma/ /btags pa'i lde gu nas dang mar/ /bcas pa'i dud pas bdug par bya/ /skyu ru ra yi
 lo ma dang / /ri lur byas pa mig sman mchog /ces bya ba la/ shing mngar dang stag tsher pa zhes bya ba pra puN+Da rI ka la sogs pa ra'i 'o ma dang btags te lde gur byas pa dang / nas dang mar dang bcas pa'i dud pas bdugs pa dang / skyu ru ra'i lo mas rim gyis dud
 pas bdugs pa'i ri lur byas pa ni rtsa'i ling thog sel ba'i sman gyi mchog dam pa yin no/ /me sos ra yi ril ma 'dra/ /mdzer pa lta bur mtshon gyis gso/ /zhes bya ba la/ nad de gal te zhi zhing sos par ma gyur na/ /rtsa'i ling thog la mig
 mdzer gyi dpyad ltar bya ba dang / de bzhin du ra'i ril ma lta bu zhes bya ba'i mig nad la yang mdzer pa ltar mtshon gyis gcad par bya'o/ /ra ril gsor ni mi rung dang / /ling thog de 'dra de bzhin gzhan/ /nad ma zhi na snum blud cing / /gtar ga gdab pa la sogs
 bya/ /smad byas de ni bsal bya zhing / /dkar zhing mtho ba gso bar bya/ /zhes bya ba la/ ra'i ril ma lta bu'i mig nad gsor mi rung ba dang / de bzhin du ling thog kyang de dang 'dra bar gsor mi rung ba dang / mig nad gzhan dag rtag tu nad ma zhi bar gyur pa
 la snum blud pa la sogs pas gso bar bya zhing de bzhin du smad par bya zhing mig nad 'jigs pa de thabs de dag gis bsal bar bya zhing dkar ba dang mtho zhing 'bur ba'i nad bsal bar bya'o/ /rgya star go bye lung tang dang / /ta la smyig ma ka ri ra/ /bsregs pa'i
 thal chu btsags pa dang / /rnga mo'i rus pa'i phye ma bsre/ /mig sman ling thog gso dka' dang / /mdog mi sdug pa 'joms par byed/ /ces bya ba la/ rgya star la sogs pa bsregs pa'i thal ba chu la sbangs te/ btsags pa thal chu de dang rnga mo'i rus pa'i
 phye ma bsres la/ mig sman des ni ling tog gso dka' ba dang / mdog mi sdug pa rnams 'joms shing sel bar byed do/ /gso sla la yang 'di nyid ni/ /bsten pas sel bar nus pa yin/ /zhes bya ba la/ ling tog gso zhing bcos par sla ba la yang bshad ma
 thag pa'i phye ma'i mig sman 'di nyid bsten zhing bskus na nad de sel bar nus pa yin no/ /ra yi ril ma ngos gnyis nas/ /khab kyis phug ste chu gzags nas/ /mthe bos mnyam du btsir nas ni/ /rma yi nang ni sha phye dang / /tshil ni rlon pas bkang nas ni/ /dkri zhing dkri zhing dgang
 par bya/ /zhes bya ba la/ ra'i ril ma lta bu zhes bya ba'i mig nad la ngos gnyis nas khab phra mos phug la chu gzags nas mthe bos cha mnyam du legs par btsir ba de'i rjes la rma'i nang na ba lang gi sha'i phye mas legs par bkang nas de bzhin du dkris shing phyis yang bkrol la
 de'i rjes la ba lang gi sha'i phye ma dang tshil rlon pas rma dgang bar bya'o/ /gzhan bdun nas ni rma 'byor nas/ /mig 'bras nag po mnyam brtan la/ /mig sman snum can gtang bya zhing / /mar dang 'o ma'i sna sman blugs/ /zhes bya ba la/ zhag bdun lon pa dang / rma 'byor cing 'tsho bas
 pa'i rjes la mig 'bras nag po mnyam zhing brtan par gyur pa dang / mig sman snum can mar dang sbyar ba gtang bar bya zhing mar dang 'o ma bskol ba'i sna sman blugs par bya'o/ /de ltar na yang rgyas gyur na/ /dbug dang gcad sogs bya ba byas/ /bcad drags pa yis
 mig nang du/ /zhugs par mi 'gyur ci rigs bya/ /zhes bya ba la/ de ltar sngar bshad pa'i tshul gyis gso ba byas su zin kyang slar gang zhing rgyas par gyur na ra'i ril ma lta bu'i mig nad de la dbug pa dang bcad pa la sogs pa'i gso ba ci rigs par bya ste/
 rnam pa gang gis bcad drags pa'i rgyus mig nang du zhugs par mi 'gyur bar legs pa kho nar bya'o/ /ling thog la ni rtag par rang gi sman/ /bskol ba'i mar blud sna sman bsten pa dang / /ci nas mthong ba nyams par mi 'gyur bar/ /mig sman rnon po rtag tu bsten
 par bya/ /zhes bya ba la/ ling thog gi mig nad la ni dus rtag par rang gi mig nad dang rjes su mthun pa'i sman dang bskol ba'i mar blud pa dang sna sman tshad phran bsten par byas ste/ de ltar byas pas ci nas kyang mig gi mthong ba nyams par mi 'gyur bar mig sman rnon po rtag tu
 bsten zhing goms par byas na nang du zhugs shing stobs nyams par mi 'gyur ro/ /yan lag brgyad pa'i snying po'i rnam par 'grel ba tshig gi don gyi zla zer zhes bya ba/ slob dpon zla ba la dga' bas nges par sbyar ba las/ phyi ma'i gnas kyi le'u bcu gcig ba'i rnam par 'grel pa'o// //
 de nas mthong bar byed pa'i mig nad kyi nad dmigs shes par bya ba bshad par bya'o/ /zhes bya ba la/ go rims su bab pa'i mthong bar byed pa'i mig gi rgyal mor nad zhugs pa'i tshul du shes par bya pa'i le'u bshad cing brtsams pa yin no/ /nad
 ni rtsa yi nang zhugs pa/ rim pa dang por gnas nas ni/ gzugs ni mi gsal mthong 'gyur zhing / rgyu med par yang gsal bar mthong / /zhes bya ba la/ rlung la sogs pa'i nad gang yang rung ba rtsa'i nang du zhugs shing 'gro bar gyur pa'i nad des rim pa dang po ste phyi rim
 du gnas shing brten par gyur pa na/ mig gis gzugs mi gsal bar mthong bar 'gyur ba dang / lan 'ga' zhig ni de ltar 'gyur ba'i rgyu med par gsal ba nyid du yang mthong bar 'gyur ba yin no/ /rim pa gnyis par phyin pa na/ /med pa dag kyang mthong 'gyur zhing / /yod cing
 nye bar bsgribs na mthong / /ring nas phra ba mthong bar 'gyur/ /nye dang ring bar gnas pa'i gzugs/ /phyin ci log tu shes par 'gyur/ /zhes bya ba la/ nad de mig gi rim pa gnyis par phyin par gyur pa na med par gyur pa'i gzugs dag kyang mthong bar 'gyur ba
 dang / gzugs can du yod cing gan na gnas te nye ba dag la bsgribs te bltas na mthong bar 'gyur ba dang / thag ring po nas mthong bar 'gyur ba yin te/ nye ba dang ring bar gnas pa'i gzugs la phyin ci log tu shes pa skye ste/ ring po na yod pa'i gzugs ni nye zhing
 gan na yod pa lta bur snang bar 'gyur la/ nye ba na yod pa'i gzugs ni ring po na gnas par shes par 'gyur ro/ /nad kyis zlum po'i dbyibs 'dra bar/ /zlum po nyid du mthong bar 'gyur/ zhes bya ba la/ rim pa gnyis pa na gnas par gyur pa na skyes bus gzugs
 nas kun nas zlum pa'i dbyibs 'dra bar zlum po kho nar mthong bar 'gyur ro/ /mthong byed dbus gnas gcig gnyis mthong / /mang du gnas na du ma mthong / /zhes bya ba la/ nad mthong bar byed pa'i mig gi rgyal mo'i dbus na gnas na dngos po gcig la gnyis su
 mthong bar 'gyur la/ mthong bar byed pa der nad mang du gnas na gzugs du ma ste/ sna tshogs par mthong bar byed par 'gyur ro/ /mthong byed nang du zhugs pa ni/ /che chung go ni bzlog pa mthong / /zhes bya ba la/ nad mthong bar byed pa'i mig gi rgyal
 mo'i nang du zhugs na gzugs che ba yang chung bar mthong la chung ngu ni che bar mthong bar 'gyur ro/ /'og tu gnas pas nye mi mthong / /steng du gnas pas ring mi mthong / /zhes bya ba la/ mthong bar byed pa'i 'og na nad gnas par gyur na gzugs nye bar gnas pa mthong bar
 mi 'gyur la/ mthong bar byed pa'i steng na nad gnas na gzugs ring po na gnas pa mthong bar mi 'gyur ro/ /ngos la gnas pas g.yas g.yon min/ /nad 'di rab rib ces byar bshad/ /ces bya ba la/ nang mthong par byed pa'i ngos gnyis la gnas par gyur
 na g.yas g.yon gyi logs na gnas pa'i gzugs mthong bar mi 'gyur te/ nad 'di dag ni rab rib kyi nad ces bya bar bshad do/ /nad ni rim pa gsum par brten/ /sngon po nyid du 'gyur ba yin/ /de yis steng mthong 'og mi mthong / /gos srab kyis g.yogs
 ltar mthong zhing / /kha dog ji bzhin 'gyur ba dang / /rim gyis mthong ba nyams par 'gyur/ /zhes bya ba la/ rlung la sogs pa'i nad mig sprin gyi rim pa gsum pa la brten cing gnas par gyur na mig mching bu ltar sngon por 'gyur ba yin la/ sngon por gyur pa des
 steng na gnas pa'i gzugs mthong bar byed kyi/ 'og na gnas pa mthong bar mi 'gyur ba dang / gang mthong ba de gos srab mos g.yogs pa ltar mthong ba dang / kha dog ji lta ji ltar mthong ba de la de bzhin du me long ltar rnam par mthong par byed pa dang / mthong ba de rim gyis
 nyams shing nus ba chung bar 'gyur ro/ /de lta na yang yal bar dor/ /rim pa bzhi bar phyin nas ni/ /mthong byed mtshan mo nyams byed cing / /mig gi rgyal mo khebs par byed/ /ces bya ba la/ de ltar mig mching bu ltar sngon bor gyur na yang yal bar dor te ma bcos
 na nad de mig gi rim pa bzhi bar phyin nas mthong bar byed pa'i mig gi mtshan ma'i dang po nyams par byed cing mig gi rgyal mo khebs pas long bar byed bar 'gyur ro/ /de lta na de yan chad ni rab rib la sogs pa'i spyi'i mtshan nyid bshad pa yin
 no/ /de la rlung gyur rab rib ni/ /long long por ni mthong ba dang / g.yo zhing rnyog can rtsa dmar snang / /ched 'ga' gsal bar mthong ba dang / /dra ba skra shad sbrang bu dang / /'od mthong / zhes bya ba la/ rab rib kyi nad de la rlung las gyur pa'i rab rib kyi mtshan nyid
 ni gzugs 'khrugs shing long long por mthong ba dang / g.yo zhing mi brtan pa dang / rnyog pa can de mi gsal ba dang / phal cher rtsa dmar bar snang ba dang / ched 'ga' ni gzugs gsal bar mthong ba dang / de bzhin du dra bas g.yogs pa dang / skra shad 'dzings
 pa dang / sbrang bu lta bu dang / 'od 'bar ba lta bur yang ched 'ga' mthong ba yin no/ /de ni yal bar bor/ sngon por gyur pa mig dmar la/ /bzhin la sna ni med par mthong / /zla ba med sogs du mar mthong / /yon po'ang drang por mthong bar 'gyur/ /zhes bya ba
 la/ de la rlung las gyur pa'i rab rib de yal bar bor zhing ma btsos na sngon por gyur pa las thal te/ mig dmar bar gyur pa dang / mig nad spris g.yogs pas nyen pa'i mi des rang gi bzhin de gdong la sna med par mthong ba dang / yang zla ba la sogs pa la gzugs
 du ma mthong ba dang / gzugs yon po yang drang por shes shing mthong bar 'gyur ro/ /sngon po 'phel na mthong byed ni/ /rdul gyis khebs ba lta bur mthong / /gsal zhing dmar ba 'am rgya che ba'am/ /phra mo'am mthong ba nyams par 'gyur/ /de ni mthong ba nyams pa
 yin/ /zhes bya ba la/ mig nad mching bu lta bur sngo ba de nyid 'phel zhing rgyas par gyur na mthong bar byed pa'i mig gi dkyil 'khor rdul gyi tshogs kyis khebs shing g.yogs pa lta bur 'gyur ba dang / gsal ba la sogs pa gang yang rung ba mthong zhing mthong ba nyams
 par byed par 'gyur te/ de lta bu'i mig nad de ni mthong ba nyams pa'am mtshan ma nyams pa zhes bya'o/ /zhes bshad de/ de la long ba dang spris g.yogs pa dang mtshan ma nyams pa zhes bya ba'i ming yang 'thob po/ /rlung gis mig gi rtsa 'khums 'gyur/ /mthong
 byed gting du zhugs pa dag / 'di ni gting ring zhes byar bshad/ /ces bya ba la/ rlung gi nad las gyur pa'i mthong ba nyams pa'i nad la ni mig gi rtsa 'khums par 'gyur ba dang / de bzhin du mthong bar byed pa'i mig gi rgyal mo'i gting du zhugs shing nang du zhen pa yin
 te/ mig nad 'di ni mig gting ring ba zhes bya'o/ /zhes drang srong rnams kyis bshad do/ /mkhris gyur rab rib glog dang ni/ /srin bu mar khyer me sgron 'od/ /rma bya sreg ba'i sgro dang 'dra/ /phal cher sngon po mthong bar 'gyur/ /zhes bya ba la/ mkhris pa las
 gyur pa'i mig nad rab rib ni glog dang srin bu me khyer la sogs pa'i 'od kyis snang bar byas pa lta bur gzugs mthong bar 'gyur ba dang / de bzhin du rma bya'i mjug sgro dang / sreg pa'i sgro 'dra bar gzugs kha dog sna tshogs su mthong ba dang / phal cher de mang du
 gzugs sngon por mthong bar 'gyur ro/ /mthong byed mig ni 'khar g.ya' 'dra/ /de lta bu ni mthong ba dang / /nyi zla 'khyims dang me dang ni/ /smig rgyu 'ja' tshon mthong bar 'gyur/ /zhes bya ba la/ mkhris pa las gyur pa'i mig sngon por gyur pa'i nad la ni
 mig 'khar ba'i g.ya' ltar sngo ba dang gzugs kyang 'khar ba'i sngon po ltar mthong ba dang / de bzhin du nyi ma dang zla ba 'khyims shing zlum pos bskor ba lta bur mthong ba dang / de bzhin du me dang smig rgyu dang 'ja' tshon lta bur gzugs mthong bar 'gyur ba yin no/ /bung ba ltar sngo
 mthong ba med/ /'bras bu snum pa mthong nyams yin/ /zhes bya ba la/ mkhris pa las gyur pa'i mig nad bung ba ltar sngo ba'i bung ba'i mdog ltar sngo nag tu snang ba dang / de bzhin du mthong ba med cing gzugs mthong ba las nyams pa dang / 'bras bu snum pa dang
 gzugs mthong ba nyams pa yin no/ /mkhris pas mig ni chung zhes bshad/ /chung mthong de ni thung ngu yin/ /zhes bya ba la/ mkhris pa 'khrugs par gyur pa las mig gang chung ngur mthong ba de ni ming chung ngu mthong ba zhes bya'o/ /ser zhing dngos po
 ser por mthong / /mkhris pas tshig par gyur ces bya/ /zhes bya ba la/ mkhris pa las gyur pa'i mig nad mig ser zhing dngos po ser por mthong ba de ni ming mkhris pas tshig pa zhes bya'o/ /bad kan rab rib phal cher ni/ /snum zhing dkar bar mthong ba dang / /dung dang
 zla ba kun da dang / /kun da'i me tog lta bus khyab/ /ces bya ba la/ bad kan las gyur pa'i mig nad rab rib can phal cher de mang du ni gzugs snum pa dang / dkar por mthong ba dang / de bzhin du gzugs dung dang zla ba la sogs pa lta bus khyab cing g.yogs pa lta bur
 mthong ba yin te/ de ni mig nad dkar po zhes bya'o/ /sngon po 'od med nyi zla dang / /sgron mes khyab pa lta bur mthong / /mig 'bras dkar por snang bar 'gyur/ /zhes bya ba la/ de nyid yal bar bor zhing ma gsos na mching bu lta bur sngon por gyur cing 'od med pa'i nyi ma
 dang zla ba dang / sgron ma la sogs pa lta bur khyab cing gzugs mthong ba dang / de ni mig 'bras dkar po nyid du snang zhing mngon par gyur pa yin no/ /bad kan mthong nyams des mngon khyab/ /snum zhing mthong ba nyams 'gyur la/ /chu yi thigs pa pad+ma yi/ /'dab
 ma'i steng na gnas ltar g.yo/ /dro na zhum par gyur pa dang / /grang bas yongs su khyab par byed/ /zla ba me tog kun da dung / /shel ltar snang zhing dkar ba yin/ /zhes bya ba la/ bad kan las gyur pa'i sbris g.yogs shing mthong ba nyams pa'i mig nad ni
 bad kan gyis mngon sum du khyab pa lta bur snang ba dang / mig snum par snang pa dang / mthong ba nyams shing long bar gyur ba dang / de bzhin du chu'i thigs pa pad+ma'i 'dab ma'i steng du gnas pa lta bur g.yogs par snang ba dang / thigs pa de dro ba'i gnas su
 ni zhum zhing 'dus par gyur la/ grib ma dang grang ba'i gnas su yongs su khyab cing rgyas par byed pa dang / yang de zla ba la sogs pa 'ga' yang rung ba bas kyang dkar bar gyur par snang ba yin no/ /khrag gi rab rib dmar ba dang / /mun par gyur pa mthong ba yin/ /zhes
 bya ba la/ khrag las gyur pa'i rab rib ni sbris g.yogs pa dmar bar snang ba dang / gzugs mun par zhugs pa lta bur mthong ba yin no/ /sngon po dmar ba 'am gnag par ni/ /mig gis de ltar mthong ba yin/ /zhes bya ba la/ khrag las mig nad mching bu ltar
 sngon por gyur pa ni/ mig dmar po 'am nag por gyur cing mig gis kyang dmar po 'am nag po mthong bar gyur pa yin no/ /mtshan ma nyams pa 'ang de ltar mthong / /'od med mthong ba nyams pa yin/ /zhes bya ba la/ de yal bar bor bas mtshan ma nyams
 shing sbris g.yogs pa khrag las gyur pa'ang mig de dang 'dra ba ste/ dmar po 'am nag por gyur zhing gzugs de gnyis ltar mthong ba dang / de bzhin du mig gi rgyal mo 'od med cing mthong ba nyams shing long bar 'gyur ro/ /ldan pa 'am ni 'dus ba yi/ /rab rib
 la sogs mtshan ma ni/ /'dren ma yin par shes par bya/ /zhes bya ba la/ nad gzhi gnyis 'dres pa'i ldan pa 'am gsum 'dus par 'gyur ba'i mtshan ma ni/ rab rib dang sngon po dang / sbris g.yogs pa'i mtshan ma 'dren mar snang ba yin par shes par bya'o/ /
 glo bur du ni rab rib dag /gsal dang mi gsal 'khrugs par byed/ /ces bya ba la/ ldan pa dang 'dus pa las rab rib tu 'gyur ba ni glo bur du gsal bar 'khrugs par 'gyur te/ lan 'ga' ni gsal bar 'gyur la/ lan 'ga' ni mi gsal bar gzugs mthong bar
 'gyur ro/ /lhag ma dag gis mthong byed ni/ /dmar zhing sna tshogs dag tu snang / /zhes bya ba la/ sngon po dang mthong ba nyams pa lhag ma 'dus pa dang / ldan pa las gyur pa ni mthong bar byed pa'i mig gi dkyil 'khor dmar zhing sna tshogs su snang pa yin te/ ldan
 pa dang 'dus pa'i rab rib gcig tu bshad pa ni/ ldan pa las 'gyur pa'i rab rib gcig dang / ldan pa las gyur pa'i mig sngon po gyur pa gcig dang / ldan pa las gyur pa'i mthong ba nyams pa gcig dang / de bzhin du ldan pa las gyur pa'i rab
 rib gcig dang / 'dus pa las gyur ba'i mig sngon por gyur ba gcig dang / 'dus pa las gyur pa'i mthong ba nyams pa gcig yin no/ /gang gis mthong byed nad kyis khyab/ /sre mo'i mig 'drar snang bar 'gyur / /de ni nyid mthong mtshan mo min/ /ne'u le long ba zhes
 de bshad/ /ces bya ba la/ mig gang gis mthong bar byed pa'i mig gi dkyil 'khor rlung la sogs pa'i nad kyis khyab cing sre mo'i mig dang 'dra bar 'tsher bar snang bar 'gyur ba'i nad de ni ming ne'u le long ba zhes bya bar bshad de/ ne'u le long ba zhes bya ba gang yin
 pa de'i mtshan nyid de ni nyin mor dngos po sna tshogs mthong bar 'gyur gyi/ /mtshan mo mthong bar mi 'gyur ro/ /nyi ma nus par gyur pa na/ /'od mi snang tshe rengs 'gyur zhing / /mthong byed nyams par byed pa ni/ /nad kyis long ba gnyis pa yin/ /nyi ma'i
 zer gyis phog pa na/ /mthong ba'i lam nas dri ma ni/ /zhu zhing med par gyur nas ni/ /nyin mo gsal bar mthong bar byed/ /ces bya ba la/ nyi ma ri'i rtse las nub par gyur cing nyin mo'i mtha' mar 'od mi snang bar gyur pa na/ mig gi nad de rengs shing sra bar gyur
 nas mthong bar byed pa'i mig gi rgyal mo bsgribs shing khebs par gyur pas mthong bar byed pa nyams par 'gyur te/ de ni nad kyis mtshan mo long ba snga ma las gnyis par gyur pa nyid yin te mtshan mo long ba 'di la nyi ma'i 'od zer gyis mthong bar byed pa na yod pa'i nad mthong bar
 byed pa'i lam gyi mig nas dri ma de zhu zhing med par gyur nas/ nyin mo dngos po gsal ba kho nar mthong bar byed pa yin no/ /tsha bas gdungs te mod la ni/ /chu grang nang du zhugs gyur na/ /nad gzhi gsum dang khrag 'khrugs te/ /drod ni gyen 'gro de nas mig
 tsha zhing nad dkar dri ma can/ /nyin mo long long por mthong zhing / /mtshan mo long bar gyur pa dag /de ni dro bas tshig ces bya/ /zhes bya ba la/ mig gang nyi ma la sogs pa'i tsha bas gdungs shing nyen par gyur pa de/ mod la de 'phral du chu grang mo'i nang du zhugs
 shing lus nub par byed pa'i rgyus/ lus kyi nang na yod pa'i me drod kyi tshogs rlung la sogs pa'i nad gzhi gsum dang khrag 'khrugs par gyur cing drod de nad de dang 'dres par gyur pas gyen du 'gro bar 'gyur la de nas de'i 'og tu rgyu des mig tsha zhing na bar gyur pa dang / mig
 'bras dkar po dri ma can du 'gyur la/ des ni nyin mo ni mthong ba mi gsal zhing rnyog pa can long long bor mthong la mtshan mo'i dus su ni long zhing ci yang mi mthong bar 'gyur te/ mig nad de ni dro bas tshig pa zhes drang srong rnams kyis bshad do/ /shas cher skyur zos
 nad dang ni/ /khrag dang bcas pas mig khyab 'gyur/ /'drul zhing g.yo ba dri ma can/ /de ni skyur gyis tshig ces bya/ /zhes bya ba la/ shas cher de ni mi zad pa 'am/ yang dang yang du kha zas skyur bag zos pa las rlung la sogs pa'i nad khrag dang bcas
 pas mig gi nang khyab bar 'gyur zhing khebs par gyur pas mig 'drul zhing rnags pa dang / shas cher g.ya' ba dang dri ma can du gyur pa'i mig nad de ni ming skyur gyis tshig pa zhes bya'o/ /zhes slob dpon dag gis bshad do/ /mya ngan rims dang mgo nad kyis/ /rlung
 sogs gdungs par gyur pa las/ /rlung sogs 'khrugs shing dung 'thul mthong / /de ni dud pa can zhes bya/ /zhes bya ba la/ skyes bu mya ngan la sogs pas gdungs par gyur pa las mig gis dud pa lta bur mthong zhing nang na dud pa bsku ba ltar 'khrugs pa'i
 mig nad de ni dud pa can zhes bya'o/ /snying stobs chung bas glo bur du/ /ngo mtshar can gyi gzugs mthong ba 'am/ /nyi ma 'od can sogs mthong nas/ /mig la brten ba'i rlung la sogs/ /gzi byin nyams pas mig gi ni/ /mthong ba nyams par byed
 par 'gyur/ /bai DUr+ya mdog mkhrang bag dang / /rang bzhin gnas ltar nad med 'gyur/ /'di ni 'phrad pa las byung ba'i/ /mtshan ma nyams pa zhes byar bshad/ /ces bya ba la/ skyes bu snying stobs chung zhing blo zhen pas glo bur te 'phral
 du ngo mtshar du gyur cing rmad dang ldan pa'i gzugs mthong bar 'gyur ba dang / yang na nyi ma la sogs pa 'od dang ldan zhing 'tsher ba'i gzugs mthong ba las mig la rten cing gnas pa'i nad kyis mig gi gzi byin gyis mdangs nyams par byas nas/ mig gi mthong ba nyams
 par 'gyur pa dang / bai DUr+ya'i mdog ltar sngo ba dang / mkhrang zhing gtar bag tu 'dug pa dang / rang bzhin du gnas shing tha mal par 'dug pa ltar na nad med par 'gyur te/ nad 'di ni 'phrad pa las byung ba'i mtshan ma nyams pa zhes bya'o/ /'di las bad
 kan ma gtogs mtshan/ /nyams dang thung ngu gting zhen spang / /zhes bya ba la/ mig nad 'di dag gi nang nas bad kan las gyur pa'i mtshan ma'am/ mthong ba nyams pa ma gtogs pa rlung dang mkhris pa dang khrag dang ldan pa dang 'dus pa dang 'phrad pa las gyur pa'i
 mthong ba nyams pa drug po spang bar bya ba dang / de bzhin du thung ngu zhes bya ba dang / gting du zhen pa zhes bya ba'i mig nad kyang gsor mi rung bas spang bar bya'o/ /mig sngon drug dang ne'u le yi/ /long ba 'tsho tsam/ /zhes bya ba la/ rlung dang mkhris pa dang bad kan dang /
 khrag dang ldan pa dang / 'dus pa las gyur pa'i mig sngon po mching bu ltar gyur pa drug po dang / ne'u le long ba ste bdun po de dag ni re zhig 'tsho ba tsam du byar rung ba yin no/ /lhag ma ni/ bcu gnyis po ni gso bar bya/ zhes bya ba la/ lhag ma mig nad
 bcu gnyis po rlung dang mkhres pa dang / bad kan dang khrag dang ldan pa dang / 'dus pa las gyur pa'i rab rib drug dang / mkhris pas tshig pa dang / bad kan gyis mtshan ma nyams pa dang / mtshan mo long ba dang dro bas tshig pa dang skyur bas tshig pa dang / dud pa
 can te bcu gnyis po ni bcos su rung ba yin pas gso bar bya'o/ /de ltar mig nad nyi shu ni/ /rtsa bdun dag tu bstan pa yin/ /zhes bya ba la/ tshul de ltar na mthong bar byed pa'i mtshan ma la gnod pa'i mig nad nyi shu rtsa bdun dag kyang bstan cing bshad pa yin
 no/ /yan lag brgyad pa'i snying po'i rnam par 'grel pa tshig gi don gyi zla zer zhes bya ba/ slob dpon zla ba la dga' bas nges par sbyar ba las/ phyi ma'i gnas kyi le'u bcu gnyis pa'i rnam par 'grel pa'o// //de nas rab rib gso ba bshad
 par bya'o/ /zhes bya ba la/ go rims kyis na le'u 'di brtsams pa yin no/ /rab rib sngon po nyid 'gyur zhing / /sngon po ma bcos long bar 'gyur/ /de bas mig nad la rab rib/ /mi bzad myur du gso bar bya/ /zhes bya ba la/ dang por mig nad rab
 rib tu gyur pa de ma bcos shing gso ba ma byas na/ rgyu des sngon po zhes bya ba'am/ spris g.yogs pa zhes bya bar 'gyur la/ de bzhin du sngon por 'gyur zhing spris g.yogs pa ma bcos na yang long ba nyid du 'gyur ro/ /rgyu de bas ni mig nad thams cad kyi nang
 nas rab rib ni mi bzad cing 'jigs pa yin pas de myur ba kho nar gso bar bya'o/ /'tsho byed srang brgya chu bre ni/ /bcu drug gnang bskol bzhi cha lus/ /khu ba 'o ma bre do dang / /mar ni bre gang lhan cig btso/ /stag tsher ba dang ram nye ba/ /seng phrom rgyam tsha pi pi
 ling / /shu ti shing mngar rgun 'bru dang / /thang shing kha ra 'bras bu gsum/ /zho ni gnyis gnyis btab bskol te/ /mtshan 'thungs rab rib sel mchog yin/ /zhes bya ba la/ sman 'tsho byed dzi ban ti zhes bya ba srang brgya chu bre bcu drug gi nang du bskol
 la de las bzhi cha ste bre bzhi lus pa'i khu ba dang mar bre gang dang / 'o ma bre do dang stag tsher ba zhes bya ba pra puN+Da rI ka dang ram nye ba la sogs pa'i sman zho gnyis btags pa'i lde gu bcug ste bskol la sman mar de mtshan mo nyal khar 'thungs na rab rib sel zhing 'joms par
 byed pa'i mchog yin no/ /rgun 'bru btsod dang tsan+dan dkar/ /ram nye ba gnyis dzi ba ka /kha ra nye'u shing me da dang / /shing mngar ut+pal puN+Da rI/ /zho ni gnyis gnyis mar rnying ni/ /bre gang 'o ma de mnyam bskol/ /de yis mig sngon
 rab rib dang / /mar gyis mgo bo'i nad rnams 'joms/ /zhes bya ba la/ rgun 'bru la sogs pa'i sman sna re re zhing zho gnyis gnyis dang mar rnying pa bre gang dang 'o ma de dang mnyam pa ste bre gang bskol ba'i sman mar des ni mig sngon po la sogs pa'i nad rnams 'joms par byed
 do/ /nim pa skyer pa pa to la/ /pu tse shel dang pu shel tse/ /'bras bu gsum dang ba sha ka /byi tsher ba dang kyi lce ba/ /par pa ta ni srang re yin/ /skyu ru ra ni bre gang dag /chu bre bcu drug nang du bskol/ /bre bzhi lus par gla sgang dang / /rtsa mkhris shing mngar dug mo
 yungs/ /ba lu ka dang tsan+dan dang / /pi pi ling srang phyed phyed dang / /mar bre gang dang bcas bskol ba/ /des ni rna mig sna nad dang / /khong 'bras rims dang mdzer pa dang / /'brum phran shu ba mdze nad sel/ /mchog tu ling tog rab rib dang / /mtshan long dro bas tshig
 pa 'joms/ /zhes bya ba la/ nim pa nas par pa ta'i bar srang re re dang / skyu ru ra bre gang dang / chu bre bcu drug gi nang du bskol ba de las bre bzhi lus pa'i khu ba dang / gla sgang la sogs pa'i mig sman srang phyed phyed btags pa'i lde gu dang mar bre gang dang bcas par bskol
 la sman mar de blud na/ rna ba dang mig dang sna la sogs pa'i nad sel bar 'gyur ba dang / mchog tu yang ling tog la sogs pa 'joms par byed pa yin no/ /'bras bu gsum ni srang brgyad dag /chu bre bzhi bskol bzhi cha lus/ /'o ma de dang cha mnyam dang / /'bras
 bu gsum gyi lde gu ni/ /srang gcig zhun mar bre phyed bskol/ /kha ra'am sbrang rtsi bcas pa 'am/ /'bras bu gsum gyi khu bar bcas/ /'thungs na rab rib thams cad 'joms/ /zhes bya ba la/ 'bras bu gsum srang brgyad/ chu bre bzhi'i nang du bskol la de las
 khu ba bre gang lus pa'i nang du 'o ma sman gyi khu ba de dang cha mnyam pa bre gang bcug la 'bras bu gsum srang gcig lde gu dang zhun mar bre phyed bskol te mar gyi nang kha ra 'am sbrang rtsi btab la rab rib can la blud par bya ba 'am/ yang na mar de dang 'bras bu gsum gyi khu ba dang bcas pa
 blud na rab rib kyi nad thams cad sel bar byed do/ /shing mngar ram nye ba gnyis dang / /kaN+Da ka ri pi pi ling / /a ru ra dang ut+pa la/ /kha ra rgun 'bru srang re bcas/ /ra yi 'o ma mar bre re/ /'bras bu gsum dang ba sha ka /bring ga ra dza'i khu bar bskol/ /'di ni
 'bras bu gsum chen mo'i/ /mar de mig nad kun sel mchog /ces bya ba la/ shing mngar la sogs pa'i sman srang re dang / mar dang 'o ma cha snyoms pa'i bre re re byas pa dang / 'bras bu gsum la sogs pa'i khu ba bre gang dang bskol ba'i sman mar 'di ni 'bras bu gsum
 bskol ba'i sman mar zhes bya ba ste/ mig nad thams cad sel ba'i mchog yin no/ /'bras bu gsum dang mar ram ni/ /'bras bu gsum dang shing mngar bcas/ /sbrang rtsi yis ni sbrus gyur pa/ /mtshan mo zos par gyur nas ni/ /zla gcig phan pa'i zas bsten zhing / /
 skyu ru ra yi chu mthungs na/ /mkha' lding lta bu'i mig thob ces/ /drang srong mu khyud kyis bshad do/ /zhes bya ba la/ 'bras bu gsum dang bskol ba'i sman mar ram/ 'bras bu gsum dang shing mngar du bcas par sbrang rtsis sbrus shing mnyes pa dang / 'bras bu gsum
 gyi sman mar dang bcas par mtshan mo nyal ka'i dus su zos par gyur cing phan zhing 'phrod pa'i zas bsten par byed cing skyu ru ra'i chu de'i rjes la 'thungs na/ de'i mig nam mkha' lding gi mig lta bur shin tu gsal bar 'gyur ro/ /zhes drang srong chen po mu khyud ces bya bas
 bshad pa yin no/ /ta bya shing mngar lcags dang gser/ /kha ra sbrang rtsi mar rnying dang / /'bras bu gsum dang ci 'dod sbyar/ /bsten pas rab rib 'joms mchog yin/ /zhes bya ba la/ ta bya zhes bya ba drub mar cang zhes grags pa rdo gser mdog can dang shing mngar
 la sogs pa'i sman ci 'dod pa sbyar ba ste sman 'di dag re re 'am gnyis sam gsum mam bzhi 'am ma lus bar sbyar zhing zos na/ rab rib 'joms par byed pa'i mchog gtso bo yin no/ /yang na 'bras bu gsum bskol mar/ /rab rib can gyis
 bsten bya 'am/ /zhes bya ba la/ yang na 'bras bu gsum bskol ba'i khu ba mar dang bcas pa rab rib can gyi nad pas bsten cing goms par bya'o/ /snum khur phye 'am sran tshod ni/ /'bras bu gsum gyi phye bcas pa'am/ /zhes bya ba la/ yang snum khur la sogs
 pa 'bras bu gsum gyi phye ma dang bcas pa de rab rib can gyis bsten par bya'o/ /'o thug 'bras bu gsum bcas pa/ /bsgrangs te kha ra sbrang rtsi gdab/ /ces bya ba la/ yang na 'bras chan dang 'o ma bskol ba'i 'o thug 'bras bu gsum dang bcas pa de bskangs pa de'i nang du kha
 ra dang sbrang rtsi btab pa rab rib can gyi nad pas bsten na yang phan no/ /zas ma zos pa'am nad par ni/ /rgun 'bru kha ra sbrang rtsi dang / /a ru ra ni so sor bza'/ /rtag tu rab rib can gyis bsten/ /zhes bya ba la/ yang na zas ma zos ba'i sngon du'am/ nang par tho rangs
 kyi dus su rgun 'bru la sogs pa rtag tu so sor bza' bar bya zhing / bsten na yang rab rib can thams cad kyi nad la phan no/ /lig bu mig cha drug cu bzhi/ /zangs dang dngul dang gser gyi cha/ /re re gcig tu sbyar ba ni/ /kong bu kha sbyar nang du gzhug 'dres par gyur pa'i bar
 du bud/ /de nas de yi ro drug gi /tshogs kyi khu bar lan bdun du/ /so sor de la blugs par bya/ /mu tig dung dang baiDUr+ya/ /tsha ba gsum dang de nas bsre/ /phye ma'i mig sman de btang na/ /rab rib thams cad sel byed yin/ /zhes bya ba la/ lig bu mig
 ces bya ba s+t+ro ta a na dza na cha drug cu rtsa bzhi zangs dang dngul gser sna re zhing cha re gcig tu bsdus la kong bu kha sbyar gyi nang du bcug nas du ba ma shor bar byas te me bus la 'dres par gyur gyi bar du bskol lo/ /rdo la btags te de'i 'og tu de mngar ba dang / skyur pa dang / lan tshwa dang /
 kha ba dang / tsha ba dang / bska ba'i sman gyi tshogs kyi khu ba'i nang du lan bdun gyi bar du de so sor blugs par bya zhing de la sbang bar bya'o/ de'i 'og tu mu tig dang / dung dang bai DUr+ya dang / tsha gsum mig sman zhes bya ste bsre bar bya'o/ /de lta bu de ni phye ma'i mig sman zhes bya
 ste/ mig sman de btang zhing bskus par gyur na rab rib thams cad sel bar byed pa yin no/ /rgun 'bru pad+ma'i rtsa ba yi/ khu ba 'o ma chang dang zhag /char pa de bzhin lig bu mig /bskol zhing bsku ba byas nas ni/ /phye ma de ni dung dang gzhug /mthong ba gsal byed mig
 sman yin/ /mig nad thams cad la bsngags zhes/ /lus 'phags rgyal pos bshad pa yin/ /zhes bya ba la/ rgun 'bru pad+ma'i rtsa ba bskol ba'i khu ba dang 'o ma la sogs pa lhan cig bskol ba dag gis lig bu mig bsgos shing de'i nang du bskol ba'i phye ma dung dang
 bcas pa de mig sman du bskus na rab rib sel cing mthong ba gsal bar byed pa dang / mig gi nad thams cad la yang phan par byed pa yin no/ /zhes lus 'phags kyi rgyal pos bshad pa yin no/ /spangs ma srang gnyis rgya shug gi /sol bar bsregs la ra yi ni/ /
 'o ma mar dang sbrang rtsi yi/ /nang du lan ni bdun bdun bcug /ta bya dang ni na le sham/ /lig bu mig dang pu tse shel/ /spang spos rgyam tsha a ru ra/ /seng phrom ldong ros pi pi ling / /sug smel rgya mtsho'i wu ba dang / /stang zil zho ni gnyis gnyis dang / /shing mngar srang
 gcig bcas pa ni/ /kong bu kha sbyar nang bsregs btags/ /mig sngon mtshan mo long bar bcas/ /dmar ris de bsten pa yis 'joms/ /phye mas mchog tu rab rib nad/ /nyi mas mun pa bzhin du sel/ /zhes bya ba la/ spangs ma shing rgya shug gi sol ba'i nad
 du bsregs la ra'i 'o ma la sogs ba'i nang du lan bdun bdun bcug la ta bya la sogs pa'i sman zho gnyis gnyis dang shing mngar la sogs pa srang gcig dang bsres te/ kong bu kha sbyar gyi nang du bcug la du ba ma shor bar bsregs te de bzhin du btags te mig sman du byas pas ni mig
 sngo ba la sogs pa'i mig nad 'joms par byed cing sman gyi phye ma des ji ltar nyi mas mun pa bzhin du rab rib kyi tshogs 'joms bar byed pa yin no/ /spang spos dri bzangs gsum dang lcags/ /gur gum ut+pal sngon po dang / /kha ra spangs ma a ru
 ra/ /rgya mtsho'i wu ba mching bu dkar/ /na le sham dang pi pi ling / /stang zil shing mngar dung dang bcas/ /tha skar zla ba'i tshe na ni/ /phye ma mig gnyis la bskus na/ /mig mdzer rab rib dmar ris dang / /g.ya' dang mig sngon sogs zhi byed/ /ces bya ba la/ spang
 spos la sogs pa'i sman gyi phye ma gza' zla ba dang skar ma tha skar la bab ba'i tshe bskus shing mig gnyis la byugs na rab rib la sogs pa'i mig nad thams cad sel bar byed pa yin no/ /na le sham dang rgyam tsha ni/ /cha re pi pi ling dang ni/ /rgya mtsho'i wu ba cha gnyis dang / /skyer
 pa'i khaN+Da cha dgu ni/ /nag pa la bab tshe na btags/ /mig bskus bad kan rab rib 'joms/ zhes bya ba la/ na le sham dang rgyam tsha gnyis cha re/ /pi pi ling dang rgya mtsho'i wu ba cha gnyis skyer pa'i khaN+Da cha dgu skar ma nag pa la bab pa'i tshe btags la bskus na bad kan las gyur pa'i rab
 rib 'joms par byed do/ /sbangs ma bsregs nas lan mang du/ /ba gcin ra thug khu ba dang / /skyur rtsabs bud med nu zho dang / /dug gi khu ba sbrang rtsi mar/ /bcug par gyur pa gang yin pa/ /phye mar byas des mi yi mig /mkha' lding mig ltar gsal bar 'gyur/ /
 zhes bya ba la/ sbangs ma legs par bsregs la/ ba gcin la sogs pa'i nang du lan mang du so sor bcug par gyur pa gang yin pa de skams la phye mar byas te/ phye ma des mig la bskus na mi'i mig nam mkha' lding dang 'dra bar gsal bar 'gyur ro/ /brid ga ra dza 'bras bu
 gsum/ /dug dang shing mngar khu ba dang / /mar dang ra yi 'o mar ni/ /zha nye lan ni bdun bdun du/ /bsregs shing bsregs shing btsos pa yi/ /mig sman thur mar byas pa de/ /mig sman bskol ba'am ma bskol ba'am/ /byugs na rab rib mig mdzer nad/ /chu ser
 'dzag dang 'byar bag can/ /g.ya' dang tshor ba med pa dang / /ri mo dmar por snang ba 'joms/ /zhes bya ba la/ brid ga ra dza'i khu ba dang / 'bras bu gsum gyi khu ba dang / dug gi khu ba dang / shing mngar gyi khu ba dang / mar dang ra'i 'o ma'i
 nang du bsregs pa de so sor lan bdun dang / zha nye nag po lan bdun gyi bar du bsregs shing btsos la/ bsnur ba'i zha nye de mig sman gyi thur mar byas la/ thur ma de mig sman dang bcas pa'am mig sman med par yang rung ste/ mig tu byugs na rab rib la sogs
 pa'i mig nad dang / g.ya' ba dang tshor ba med cing bem por 'dug pa dang / ri mo dmar po shar shar por snang ba 'joms shing sel bar byed do/ /dngul chu ro nye cha mnyam bya/ /de gnyis stang zil mnyam byas la/ /ga bur cung zad btab pa yi/ /mig sman rab rib sel
 mchog yin/ /zhes bya ba la/ dngul chu dang ro nye gnyis po cha mnyam par byas la gnyis pa de dang stang zil zhes bya ba dngul rdo cha mnyam du byas la zhib tu btags te de'i nang du ga pur cung zad btab pa'i mig sman ni/ mig gi bdud rtsi zhes bya ba ste rab rib sel ba'i mchog yin no/ /
 bya rgod dus su shi ba'i mgo bo ni/ /nyi ma 'char ka'i mdog 'dra gang yin de/ /ba lang lci bas bsregs te thal lig bu mig /cha mnyam btags par gyur pa'i phye ma yi/ /sbyor 'dis mig gis gsal stobs bya rgod lta bur byed/ /ces bya ba la/ bya rgod gang ma bsad par
 d us su shi ba'i mgo bo nyi ma 'char ka'i mdog dang 'dra bar dmar ba gang yin pa de ba lang gi lci ba'i mes bsregs te thal bar byas pa dang lig bu mig cha snyoms te zhib tu btags pa'i phye ma'i mig sman 'di bskus na mig gi mthong ba'i stobs bya rgod lta bur gsal bar mthong bar byed pa
 yin no/ /sbrul nag mgor ni lig bu mig /mar bcas dud pa ma shor bsregs/ /spang spos gan+d+ha b+ha dra dang / /lhan cig btags pas mig 'bras ni/ /rdol yang mig ni srung bar byed/ /ces bya ba la/ sbrul nag po shi ba'i mgo bo'i kha'i nang du lig bu mig mar
 dang bcas par bcug la/ 'jim pas bskus te dud pa ma shor bar bsregs nas/ spang spos dang / gar+ng+ha b+ha dra dang bcas par btags pa'i mig sman gyis mig gi 'bras bu brtol zhing mthong bar byed pa yin no/ sbrul
 nag shi ba'i ro dang ni/ sdig pa shi ba'i ro bzhi ni/ /'o ma'i bum par zhag nyi shu/ /rtsa gcig bcug ste bsrul la bsrub/ /de las mar sar gang byung bas/ /khyim bya gso ste de yi ni/ rtug pas mig ni bskus gyur na/ long bas kyang ni nges par mthong / /zhes bya ba
 la/ /sbrul nag po shi ba'i ro gcig dang / sdig pa zhes bya ba'i 'bu shi ba'i ro bzhi 'o ma blugs pa'i bum pa'i nang du bcug ste de zhag nyi shu rtsa gcig gi bar du bzhag la bsrul nas de'i 'og tu bsrub mas bsrubs te/ 'o ma las mar sar pa gang zhig byung bar gyur pa'i mar des
 khyim bya gso ste/ khyim bya de'i rtug pa mig tu bskus par gyur na long bas kyang nges par gzugs su mthong bar 'gyur ro/ /sbrul nag po yi zhag dang dug /stang zil ka ta ka'i 'bras bu/ /khu bar byas pa'i sbyor ba yis/ long ba'ang myur du mthong bar byed/ /ces bya ba la/
 sbrul nag po'i zhag la sogs pa'i sman 'di dag thams cad khu ba'i sman 'di dag thams cad khu ba'i sbyor ba byas la de gdus pa'i mig sman gyis bskus na long bas kyang ring por mi thogs par mthong bar byed pa yin no/ /na le sham ni rdog po bcu/ drub mar cang ni srang phyed dang / /sbangs ma srang gcig shing
 mngar ni/ /zho gnyis 'o ma'i nang du sbangs/ /du ba ma shor bsregs mig sman/ /khu ba mnyam med ces bya ste/ /rab rib 'joms pa'i mchog yin no/ /zhes bya ba la/ na le sham rdog ma bcu dang / drub mar cang zhes bya ba ta bya srang phyed dang / sbangs ma srang gcig
 dang / shing mngar ni zho gnyis te 'di dag 'o ma'i nang du sbangs la du ba ma shor bar bsregs pa'i khu ba mnyam pa med pa zhes bya ba'i mig sman yin te rab rib sel bar byed pa'i mchog dam pa yin no/ /ba ru ra yi tshe gu na le sham/ /skyu ru ra dang sbangs ma shing mngar ni/ /chu
 thags byas pa'i ri lu grib mar bskams/ /rab rib myur du 'joms par byed pa yin/ /zhes bya ba la/ ba ru ra'i tshi gu la sogs pa'i sman chu thags la btags la de'i ri lu grib ma la bskams te/ de mig tu bskus na rab rib kyi mig nad myur zhing ring por mi thogs
 par 'joms par byed pa yin no/ /na be sham dang skyu ru ra/ /rgya mtsho'i lbu ba sbangs ma dang / /dngul rdo dang ni drub mar bcas/ /go rims bzhin du cha res bskyed/ /drub mar cha ni drug pa ste/ /sbyor 'dis rab rib ling tog mdzer/ /rnag dang mig sngo g.ya' ba sel/ /zhes
 bya ba la/ na le sham la sogs pa'i sman cha res bskyed de sbyar ba'i mig sman 'di ni ming drub mar cha drug pa zhes bya ste/ sbyor ba 'dis rab rib dang ling thog la sogs pa'i mig nad sel bar byed do/ /de la cha res bskyed pa'i tshul ni na le sham cha gcig skyu ru ra cha gnyis/
 rgya mtsho'i lbu ba cha gsum/ sbangs ma cha bzhi/ dngul rdo cha lnga/ drub mar cang cha drug tu sbyar ro/ /rin chen dngul dang shel dang gser/ /lig bu mig dang zangs lcags dang / /tsa n+dan dmar po yug snam dmar/ /phye ma'i mig sman nad kun sel/ /zhes bya ba la/ rin po
 che la sogs pa'i mig sman du byas pas ni mig gi nad thams cad sel bar byed do/ /rin po che ni mar gad la sogs pa'o/ /til mar ba ru ra yi mar/ /bring ga ra dza a sa na'i/ /khu ba lcags kyi snod du bskol/ /snar blugs mig ni gsal stobs skyed/ /ces bya ba la sogs pa'i
 sman lcags kyi snod du bskol ba'i thigs pa snar blugs na yang mig gsal zhing mthong ba'i stobs skyed par byed do/ /ba ru ra'i mar ni de'i tshi gu btsir ba'i mar ro/ /bring ga ra dza dang / /a sa na'i khu ba ni/ de gnyis bskol ba'i khu ba'o/ /nad kyi tshul las de la lan mang
 du/ /snum blud gtar ga bkru sman sna sman dang / /mig sman mgo bo'i bkru sman mas gtong dang / /nyams brta byug dang blugs pas ci rigs gso/ /zhes bya ba la/ rab rib kyi nad de ni nad kyi tshul tha dad pa de la gcig ma yin par lan du mar snum blud pa dang gtar ga la
 sogs pa nas sman chu'i thigs pa blugs pa'i bar gyis de gso bar bya'o/ /'di ni spyi yi gso ba yin/ /da ni re re'i mnyan par gyis/ /zhes bya ba la/ gso ba 'di ni rab rib thams cad kyi spyi'i thun mong gi gso ba bshad pa yin la/ da ni
 'di man chad ni rlung la sogs pa nad gzhi re re las gyur pa'i rab rib gso ba ston pas de mnyan par gyis shig pa'o/ /de las rlung gyur rab rib la/ /rtsa ba bcu bskol khu ba mar/ /'o ma bzhi 'gyur 'bras bu gsum/ /lde gu bskol ba blud par bya/ /de 'og 'bras
 bu gsum dang ni/ /rtsa ba lnga'i khu 'o ma dang / /e raN+da yi til mar bcas/ /bkru sman nye bar gtang bar bya/ /zhes bya ba la/ de la rlung las gyur pa'i rab rib la ni rtsa ba bcu pa bskol ba'i sman gyi khu ba dang / /'o ma mar gyi bzhi 'gyur dang / /'bras bu gsum btags
 pa'i lde gu dang / bskol ba'i mar blud par bya'o/ /de'i 'og tu nad pa de smyung ba'i cho ga byas la 'bras bu gsum dang / rtsa ba lnga bskol ba'i khu ba 'o ma dang bcas pa dang / de bzhin du e raN+da'i til mar dang bcas pa'i bkru sman btang la 'khrur gzhug par bya'o/ dzi ban ti yi yal
 gar bcas/ /srang brgya chu bre bcu drug bskol/ /brgyad cha lus pa de nang du/ /til mar 'o ma bre re dang / /ba la gsum dang dzi ban ti/ /nye'u shing rtsa ba srang re dang / /shing mngar srang ni bzhi dang bcas/ /lcags kyi snod du bskol bar bya/ /lcags snod nyid du zla gcig bzhag /
 sna sman nam tshong yan chad kyi/ /rlung dang mkhris pa'i nad 'joms shing / /mchog tu mig la gnas pa sel/ /skra gdong gnya' ba phrag nad sel/ /rgyas shing bzhin mdangs mdzes par byed/ /ces bya ba la/ dzi ban ti'i yal ga dang / rtsa bar bcas pa srang
 brgya chu bre bcu drug gi nang du bskol la chu de'i brgyad cha lus pa'i nang du ti la mar dang 'o ma bre re dang ba la gsum zhes bya ba a ti ba la dang / nA ga ba la zhes bya ba dzi ban ti dang / nyi'u shing gi rtsa ba srang re re dang shing mngar srang bzhi lde gur byas pa lcags kyi snod kyi nang du
 bskol ba'i ti la mar de lcags snod de nyid du zla ba gcig gi par du bzhag la/ sna sman du btang na/ nam tshong yan chad kyi rlung dang / mkhris pa las gyur ba'i nad thams cad 'dzoms par 'gyur ro/ /de las kyang mchog gam khyad par du mig la gnas pa'i rlung dang mkhris
 pa sel bar byed pa dang / skra dang gdong la sogs pa'i nad sel bar byed cing bzhin mdangs mdzes par byed pa yin no/ /e raN+Da dkar rtsa ba dang / /thang shing bri ha ti'i 'bras bu/ /shu dag rgya spos tsi tra dang / /bil ba'i rtsa ba til mar dang / /'o mar bcas bskol
 snar blugs na/ /nam tshong yan chad rlung dang ni/ /bad kan gyi ni nad kun sel/ /zhes bya ba la/ e raN+Da dkar po'i rtsa ba la sogs pa lde gur byas pa til mar dang 'o ma dang lhan gcig tu bskol te sna sman du blugs na nam tshong yan chad kyi rlung dang bad kan gyi nad kyis nyen pa
 thams cad sel bar 'gyur ro/ /stag dang phag dang bya rgod dang / /sbrul dang khyim bya'i tshil dang ni/ /shing mngar so sor sbyar te bskol/ /mig sman bskus pa bsdags pa yin/ /zhes bya ba la/ stag gi zhag gam/ phag gi zhag gam/ bya rgod kyi tshil lam/ /
 sbrul gyi tshil lam/ khyim bya'i tshil shing mngar dang / so sor sbyar te bskol ba mig sman du bskus na yang nad de la bsngags pa yin no/ /de rjes mig sman lig bu mig /sha khu 'o ma mar rim bzhin / /snga ma bzhin du blugs na ni/ /rab rib 'joms byed mchog yin no/ /
 zhes bya ba la/ mig sman lig bu mig snga ma bzhin du bskol ba sha khu dang / 'o ma dang mar gyi nang du rim bzhin du lan bdun bdun sbangs shing blugs la mig tu bskus na rab rib sel ba'i mchog yin no/ /de ltar byas kyang ma zhi na/ /de 'og brta ba'i cho ga sbyad/ /ces bya
 ba la/ gal te de ltar byas su zin kyang rlung las gyur pa'i rab rib de zhi bar ma gyur na de'i 'og tu brta ba'i cho ga ji skad bshad pa spyad par bya'o/ /shu ti ru rta spang spos dang / /shing mngar ram nyi ba gnyis dang / /stag tsher ba dang sa ra la/ /pi pi ling dang thang shing ni/ /mar
 gyi brgyad 'gyur 'o mar bskol/ mig brta ba yi mchog yin no/ /zhes bya ba la/ shu ti la sogs pa'i sman mar gyi 'o ma dang bskol ba'i sman mar ni mig brta ba'i mchog yin no/ /ri dwags e na ya'i tshil ni/ /'o mar bskol te
 gzar bus dkrugs/ /de yi dngas ma shing mngar dang / /tsan+dan pu shel tse de bzhin/ /zhes bya ba la/ /ri dwags e na ya'i tshil 'o ma dang bcas par bskol te gzar bus dkrugs la de'i dngas ma blangs la/ shing mngar tsan+dan dang pu shel tsi dang / so sor bskol
 ba'i khu ba yang mig brta bar byed pa'i mchog yin no/ /shwa bid reg 'jam go da dang / /khyim bya sreg pa rma bya'i tshil/ /re re zhing ni cho ga dag /'di nyid kyis ni brta bar bya/ /zhes bya ba la/ shwa bid la sogs pa'i tshil yang sngar bshad pa'i sbyor ba'i cho ga nyid kyis brtag
 cing sbyar ba yang mig brta ba'i mchog yin no/ /bsal bar bya dang snum dang ni/ /sman phur btsos pa'i thigs pa blugs/ /zhes bya ba la/ rab rib de bsal bar bya ba dang / snum gyi cho gar byas pa'i sbyor bar sman gyi phur ma btsos pa'i thigs pa yang blugs par bya'o/ /
 'dir ni rlung gyur cham pa bzhin/ /ni ru ha dang 'jam rtsi bya/ /zhes bya ba la/ rlung las gyur pa'i rab rib 'di la gso ba rlung las gyur pa'i cham pa dang 'dra bar bya zhing de bzhin du bkru sman drag po mas gtong ba 'jam rtsi dang bcas pa gtang bar bya'o/ /mkhris pa las gyur
 rab rib la/ /'tsho byed 'bras bu gsum dang ni/ /bskol ba'i mar ni blud bya zhing / /snum gyis zhen par gtar ga gdab/ /ces bya ba la/ mkhris pa las gyur pa'i rab rib kyi mig nad la ni 'tsho byed kyi sde tshan dang / /'bras bu gsum bskol ba'i sman mar blud la/ snum
 gyis zhen par gyur pa dang de'i 'og tu gtar ga gdab cing khrag dbyung bar bya'o/ /kha ra dur byid sug smel phye/ /sbrang rtsi sbyar ba'i bkru sman gtang / /zhes bya ba la/ nad mkhris pa las gyur pa'i rab rib kyis nyen pa'i nad pa de la kha ra la sogs pa'i bkru sman gtang ba yang
 phan no/ /rab bsil sman chu blugs byug sogs/ /gdong dang mig dang spyi bor sbyar/ /zhes bya ba la/ mkhris pa dang khrag las gyur pa'i rab rib can la ni rab tu bsil pa'i nus pa dang ldan pa'i sman gyi chu bsil mo spyi bo nas blugs par bya zhing byug pa la sogs
 pas gdong bsku bar bya'o/ /thal tres shug pa pu shel tse/ /mu tig seng phrom tsan+dan dkar/ /ri lu'i mig sman bskus na phan/ /zhes bya ba la/ thal tres la sogs pa'i mig sman ri lur byas pa'i sman bskus na yang / /mkhris pa las gyur pa'i rab rib la
 phan no/ /de bzhin gan+d+ha b+ha dra dang / /nA ga pu Sh+pha ut+pa la/ /ga pur shing mngar yug snam phan/ /zhes bya ba la/ /de bzhin du mkhris pa las gyur pa'i rab rib la gan+d+ha b+ha dra la sogs pa'i phye ma'i mig sman bskus na yang phan no/ /skyer khaN+Da dang spangs ma dang / /kar ka ta yi
 sring gi dang / /skyu ru ra yi 'bras bu shel/ /ga bur cha ni lnga lnga dang / /cha gsum cha re sbyar ba yin/ /mig sman rab rib 'joms par byed/ /ces bya ba la/ /skyer ba'i khaN+Da cha dang spangs ma skyer pa khaN+Da'i cha dang / /kar ka ta sring gi dang / /skyu ru ra'i 'bras bu cha
 gsum/ /shel dang ga bur cha gcig sbyar ba'i mig sman ni rab rib 'joms par byed pa yin no/ 'tsho byed kha ra ut+pa la/ 'o ma mar bskol sna sman gtang / /zhes bya ba la/ 'tsho byed kyi sde tshan dang / kha ra dang / /ut+pa la sngon po dang / mar dang mar gyi gzhi 'gyur
 gyi 'o ma dang bskol ba'i mar sna nas btang na yang phan no/ /bad kan las gyur sle tres dang / /'bras bu gsum dang pi pi ling / /mar bskol snum blud gtar ga gdab/ /de rjes dan da dur byid bskol/ /gla gor zho sha a ru ra/ /bca' ska pi pi lir phye gdab/ /bkru
 sman dag ni gtang bar bya/ /zhes bya ba la/ /bad kan las gyur pa'i rab rib la ni sle tres la sogs pa dang / mar bskol ba'i khu ba blud pas snum gyi cho ga byas la de'i rjes la gtar ga gdab par bya'o/ /de'i rjes la dan da la sogs pa'i bkru sman gtang bar bya'o/ /rtsa ba
 bcu pa'i khu bar ni/ /ba le ka dang ser po gnyis/ /thang shing pi pi ling 'o ma/ /til mar bskor ba'i sna sman gtang / /ces bya ba la/ /yang na bad kan las gyur pa'i rab rib la rtsa ba bcu pa la sogs pa'i bkru sman gtang bar bya'o/ /dung dang gla
 rtsi pri yang ku/ /rtsa ba gsum dang 'bras bu gsum/ /dri med ri lus mig gsal byed/ /ces bya ba la/ /dung la sogs pa btags te ri lur byas pa ni/ /dri ma med pa'i ri lu zhes bya ba ste/ de mig gsal bar byed ba'i phyir bsku bar bya'o/ /lcags nag phye ma tsha ba
 gsum/ /rgyam tsha 'bras bu gsum mig sman/ /ri lu nag pos mig gsal byed/ /ces bya ba la/ /lcags nag po'i phye ma la sogs pa btags te ri lur byas pa'i mig sman ni ri lu nag po zhes bya ste/ /des kyang mig gsal bar byed pa yin no/ /ri bong bong bu seng ge
 glang / /rnga mo'i so dang dpral ba'i rus/ /ba lang dkar spu na le sham/ /rgya mtsho'i lbu ba tsan+dan dung / /nu zho ra yi 'o mar btags/ /ri lus rab rib ling tog sel/ /ces bya ba la/ /ri bong la sogs pa'i so dang / /ba lang dkar po'i spu dang
 na le sham la sogs pa thams cad bud med kyi nu zho dang / ra'i 'o ma dang btags te ri lur byas bas ni rab rib dang ling tog thams cad sel bar byed do/ /khrag gyur mkhris pa lta bur gso/ /bsil chos bya zhing gtar ga gdab/ /ces bya ba la/ /khrag las gyur pa'i rab rib ni
 mkhris pa las gyur pa'i rab rib dang 'dra bar gso bar bya zhing de bzhin du zas dang skom dang sman dang sbyod lam la sogs pa bsil bas bya zhing gtar ga gdab par bya'o/ /rgun 'bru spang spos seng phrom dang / /shing mngar tsan+dan zangs ma dung / /pad+ma shug pa ut+pa la/ /ra
 yi 'o mas ri lur byas/ /khrag gyur rab rib myur du sel/ /zhes bya ba la/ /rgun 'bru la sogs pa'i sman ra'i 'o ma dang btags te/ /ri lur byas pa'i mig sman bskus na khrag las gyur pa'i rab rib sel bar byed do/ /ldan pa 'dus pa las gyur pa/ /nad gzhi'i
 cha ni ji bzhin gso/ /zhes bya ba la/ /ldan ba las gyur pa dang / /'dus pa las gyur pa'i rab rib la ni nad gzhi'i cha shas gang che ba bzhin du bshad ma thag pa'i gso ba ji lta ba bzhin du bya'o/ /ma du ka dang byi dang ga /na le sham dang sgron shing dang / /lo ma til mar
 bskol ba'am/ /btags pa'i sna sman gdong bsku bya/ /zhes bya ba la/ /ma du ka la sogs pa sman dang 'o ma dang til mar bskol ba'i sna sman btang na ldan pa dang 'dus pa las gyur pa'i rab rib sel bar byed do/ /yang na ma du ka la sogs pa'i sman de dag nyid chu
 thags su byas pa'i lde gus gdong bskus na yang de dang 'dra bar phan no/ /rgya spos u t+pal a nan da/ /shing mngar su ni sha na ke+e /til mar bskol ba'i sna sman dang / /mgo bsku 'jal rtsi bya ba bsngags/ /zhes bya ba la/ /yang na rgya spos la sogs pas lde gur byas pa
 dang / /til mar bskol ba'i sna sman btang ba'am/ /til mar de nyid mgo la bsku zhing / 'jam rtsi bya ba yang bsngags shing phan pa yin no/ /pu shel tse bskol khu ba'i nang / /rgyam tsha pi pi ling phye gdab/ /de btsags slar yang mar bcas par/ /bskol la ska gyur
 bsgrangs nas ni/ /sbrang rtsi bcug pa'i mig sman ni/ /'dus pa las gyur rab rib sel/ /zhes bya ba la/ pu shel tse bskol ba'i khu ba'i nang du rgyam tsha dang pi pi ling gi phye ma btab ste/ /de tshags kyis btsags la yang ba'i mar dang bskol te ska bar gyur pa dang bsgrangs
 par sbrang rtsi bcug pa'i mig sman 'dis kyang 'dus pa las gyur ba'i rab rib kyi mig nad thams cad sel bar byed do/ /nub mo rgyu ba'i sems can gyi/ /rus pa rkang gis gang ba dang / /lig bu mig dang bcas pa ni/ /'bab chu'i nang du zla gcig gam/ /zhig ni
 nyi shu'i bar du bzhag / de nas phyung ste bskams nas ni/ /lug ru pa yi me tog dang / /shing mngar bcas pa'i phye mar byas/ /mig bskus 'dus pa las gyur pa'i/ /rab rib sel bar byed mchog yin/ /zhes bya bal/ /nub mo rgyu ba'i sems can 'ug pa la
 sogs pa de rnams kyi rus pa rkang gis gang ba dang / ji skad smos pa bzhin du phye mar byas pa'i mig sman gyi 'dus pa las gyur pa'i rab rib 'joms pa'i mchog yin no/ /mig sngon gso ba 'ang de nyid las/ /gtar ga gdab par mi bya ste/ /nad
 des long bar gyur pa yin/ /srin bu pad pas khrag dbyung bya/ /zhes bya ba la/ mig sngo ba zhes bya ba la spris g.yogs pa'i nad la yang rab rib kyi gso bar bshad pa 'di nyid nad gzhi ji lta ba bzhin du sbyar bar bya la/ gso ba de las gtar ga gdab cing bsngams pa
 ni mi bya ste/ ci'i phyir zhe na/ sngon po'i spris g.yogs pa'i nad mig la gnas par byed pa bsams par gyur na ni/ de skyon des long bar 'gyur ba'i skyon yod do/ /gal te khrag nges par dbyung dgos pa yin na ni bsdam zhing gtar ga mi bya'i/ /srin bu pad pas khrag
 gzhib pa'i phyir glan par bya'o/ /bu ram rgya mtsho'i lbu ba dang / /pi pi ling dang na le sham/ /gur gum sbrang rtsi lig bu mig /spris g.yogs 'tsho ba tsam mig sman/ /zhes bya ba la/ /bu ram la sogs pa'i mig sman ni/ /spris g.yogs shing mig sngon por gyur
 pa de re zhig mig sngon po la ba tsam du 'tsho bar byed pa'i mig sman yin no/ /'dus gyur ne'u le lta bur long / /rab rib skabs bshad cho gar sbyar/ /zhes bya ba la/ /ne'u le lta ba'i long ba zhes bya ba 'dus pa las gyur pa'i mig nad la ni rab rib kyi skabs su gso ba
 bshad pa'i cho ga gang dag yin pa sbyar bar bya'o/ /mar dang sbrang rtsi ba lang gi /lci pa'i khu ba skyer khan+Da/ /yug snam bal bu'i phye mar sbyar/ /mig sman mtshan mo long la phan/ /zhes bya ba la/ skyer pa'i khaN+Da la sogs pa'i sman mar la sogs pa dang sbyar ba'i
 mig sman ni mig nad mtshan mo long ba zhes bya ba la phan no/ /na le sham ni zho dang sbyar/ /mtshan mo mi mthong mig sman mchog /ces bya ba la/ /yang na na le sham zho dang sbyar ba yang phan no/ /ut+pal yug snam ka rany+dza/ /pad+ma ge sar ba lar gi /lci ba'i khu ba dang sbyar ba'i/ /ri lus mtshan
 mo long ba sel/ /zhes bya ba la/ ut+pal sngon po la sogs pa'i ji skad bshad pa bzhin du sbyar ba'i mig sman yang phan no/ /ha re Nu ka pi pi ling / /rgyam tsha dang ni lig bu mig /ra gcin ri lur byas pa phan/ /zhes bya ba la/ ha re Nu ka la segs pa'i ri lu yang
 mtshan mo long ba zhes bya ba'i mig nad la phan no/ /pri yang ku dang tsha ba gsum/ /ldong ros ba bla 'bras bu gsum/ /rgya mtsho'i lbu ba ra'i 'o ma/ /ri lur byas pa'i mig sman gyis/ /mtshan mo long ba'i mig nad sel/ /zhes bya ba la/ /pri yang ku la sogs pa'i ri
 lu yang de la phan no/ /mcher pa'i nang du pi pi ling / /bcug ste ma tshos bar btsos la/ /de skams sbrang rtsir btags pa ni/ /mtshan mo mi mthong mig sman mchog /ces bya ba la/ /mcher pa'i nang du pi pi ling bcug ste/ ji skad bshad pa bzhin du sbyar ba'i mig
 sman yang mtshan mo long ba la phan no/ /ma he'i mchin pa mcher pa dang / /til mar mar ni lhan cig bza'/ /zhes bya ba la/ yang na ma he'i mchin pa la sogs pa ji skad bshad pa bzhin du zos na yang phan no/ /'tsho byed sna bcu'i lo ma ni/ /mar dang lhan cig bskol ba
 bza'/ /zhes bya ba la/ yang 'tsho byed sna bcu'i lo ma mar gyi nang du bskol te zos na yang phan no// /a ti mug ta e raN+Da/ /nye'u shing lang ga li'i lo ma/ /mar dang brngos pa bza' bar bya/ /zhes bya ba la/ yang na a ti mug ta la sogs pa'i lo ma mar dang btsos te zos
 na yang phan no/ /dro na pu Sh+pa mar dang brngos/ /bza' dang btung bar sbyar ba'ang phan/ /zhes bya ba la/ yang na dro na puSh+pa zhes bya ba'i sman ji skad smos pa bzhin bsten na yang phan no/ /dud 'thul mkhris pa skyur bro bas/ /tshig la mar ni rnying pa dag /snum gyur bsil ba'i
 bkru sman gtang / /bsil sman gyis ni kun tu byug /ces bya ba la/ /mig sman dud pa 'thul ba zhes bya ba dang / mkhris bas tshig pa dang / skyur gyis tshig pa zhes bya ba'i mig nad la snum gyi cho ga byas la sman bsil bas bkru sman gtang bar bya zhing / de bzhin du lus kun
 du bsku zhing byug par bya'o/ /ba lang lci khu 'o ma mar/ /bskol ba yi ni mig sman nam/ /bal bu'i lo ma yug snam bskol/ /phye ma btab pa'i mig sman phan/ /zhes bya ba la/ /ba'i lci ba btsir ba'i khu ba dang 'o ma dang mar ram/ /yang na
 bal bu'i lo ma dang / btsag yug snam gyi phye ma bskol ba'i mig sman phan pa yin no/ /me da seng phrom a nan+ta/ /skyer pa btsod dang shing mngar ni/ /mar gyi brgyad 'gyur 'o ma bskol/ /til mar bskol ba'i sna sman phan/ /zhes bya ba la/ /me da la sogs pa'i
 sman mar gyi brgyad 'gyur gyi 'o ma dang / til mar bskol ba'i sna sman btang na yang phan no/ /'o ma mar sar gyis brta bya/ /des ma zhi na gtar ga gdab/ /ces bya ba la/ 'o ma las byung ba'i mar sar yin pas na 'o ma'i mar sar te/ /des brta bar bya la/ /de ltar byas su zin kyang zhi
 bar ma gyur na/ gtar ga gdab cing khrag dbyung bar bya'o/ /sems las nad dang mya ngan 'jigs/ /zas rtsub tsog tsog por 'dug dang / /skyug sman bkru sman sna sman dang / sman thigs blugs sogs nyes pa dang / /kha zas phyed zhu slon pa dang / /bkres skom la
 sogs brnag pa dang / /mig nad ma bcos yud ring las/ /rab rib nad ldan brta bar bya/ /zhes bya ba la/ /sems las la sogs pa bsten pa dang / skyug sman la sogs pa nyes pa dang / de bzhin du kha zas phyed tsam ma zhu ba las slon pa dang / bkres pa la
 sogs pa brnag pa las mig rab rib kyi nad dang ldan par brta bar bya'o/ /de la nad gzhi sogs brtags te/ /rang gi sman ni ji bzhin sbyar/ /zhes bya ba la/ sems las la sogs pa'i nad kyi rgyu de dag las rab rib dang 'dra bar nyes par brtags la nad gzhi ji
 lta ba las/ rang gi sman gang dang gang yin pa las de sbyar zhing gtang bar bya'o/ /nyi ma gzas 'dzin me 'od glog la sogs/ /bltas pas mig ni nyams bar gyur pa dag /de la bsil sman tshogs kyis brta bya zhing / /de ltar gser bdar mar gyi mig sman gtang /
 zhes bya ba la/ nyi ma gzas 'dzin pa'i tshe mig gis shas cher bltas pa dang / de bzhin du me'i 'od dang glog la sogs pa 'tsher bag can bltas par gyur pa las mig nyams par gyur cing nad de la nus pa bsil ba'i sman gyi khu ba la sogs
 pas brta bar bya ba dang / de bzhin du snum gyi sbyor ba la sogs pas brta bar bya ba dang / de bzhin du gser mar gyi nang du bdar ba'i mig sman gtang bar bya'o/ /mi yis ji srid 'tsho yi bar du ni/ /rtag tu mig bsrung ba la 'bad par bya/ /nyin dang mtshan mo 'dra bar
 gyur pa yi/ /mi la nor yod gyur kyang don med yin/ /zhes bya ba la/ /mi rnams ji srid 'tsho zhing gnas par gyur gyi bar du rtag tu gnod pa thams cad las mig bsrung zhing gnod par mi 'gyur ba la 'bad par bya'o/ /ci'i phyir zhe na/ skyes bu long bar gyur pa la
 ni/ nor dang 'byor pa bdog cing yod par gyur kyang 'jig rten 'dir don med cing 'bras bu med pa yin no/ /'bras bu gsum bsten gtar ga sbyang bya dang / /sems dga' mig sman sna sman bcas bsten na/ /bya sha za zhing rkang pa'i rim gro dang / /zhun mar btung bas
 rtag tu mig bsrung bya/ /kha zas mi 'phrod za ba rtag tu spang / /rab phra 'tsher dang g.yo ba mi lta zhes/ /skyes bu'i mig ni mchog tu bsrung pa'i thabs/ /drang srong chen po mu khyud kyis bshad do/ /zhes bya ba la/ mig bsrung bar bya ba'i thabs ni 'di dag ste/ rtag tu 'bras
 bu gsum bsten cing bza' ba dang / /de bzhin du gtar ga gdab pa dang / bkru sman dang skyug sman gyis sbyang ba bya ba dang / rtag tu sems dga' zhing yid bde bar bya ba dang / skyer pa'i khaN+Da la sogs pa'i mig sman bsku ba dang / de bzhin du til mar la sogs pa'i
 sna sman bsten pa dang / srog chags bya'i sha bsten te bza' zhing spyad pa dang / rkang pa'i rim gro bsku ba dang / dril ba dang / bkru ba dang / /mnye ba dang / lham bgo ba la sogs pas gnod pa med par bya ba dang / zhun mar rtag tu btung bas mig bsrung zhing gnod
 pa med pa la 'bad par bya ba dang / gzhan yang mig la gnod pa'i kha zas rtag tu spang ba dang / dngos po rab tu phra zhing brtag dka' ba la blta ba dang / /'tsher zhing 'od can la blta ba dang / g.yo zhing 'gyur pa'i dngos po la mi lta ba ste 'di dag ni
 skyes bu'i mig bsrung bar bya ba'i thabs yin pas/ thabs de dag la gnas par bya zhing mi'i mig bsrung ba la 'bad par bya'o/ /zhes drang srong chen po mu khyud kyis bstan cing bshad pa yin no/ /yan lag brgyad pa'i snying po'i rnam par 'grel pa tshig gi don gyi zla zer zhes
 bya ba/ slob dpon zla ba la dga' bas nges par sbyar ba las/ phyi ma'i gnas kyi le'u bcu gsum pa'i rnam par 'grel pa'o// //de nas mthong ba nyams pa gso ba bshad par bya'o/ /zhes bya ba la/ mig gi mthong ba nyams pa las ni bshad par bya ba mang
 du yod pas rab rib kyi gso ba las logs shig tu bshad pa yin te/ mthong ba nyams pa zhes bya ba dang / /mtshan ma nyams pa zhes bya ba dang / mig sngon por gyur pa zhes bya ba dang / spris g.yogs pa zhes bya ba dang / long ba zhes bya ba ni ming gi rnam grangs yin no/ /
 don gcig la/ /de 'gags par byed pa yin pas na/ /'gags pa la gso bya ba 'am/ yang na bkag cing bzlog la bsal ba'i thabs yin pas na gso ba zhes bya ste de'i le'u bshad par bya'o/ /zhes bya ba'i don yin no/ /bad kan las gyur spris
 g.yogs pa/ /rba klong la sogs bla brnan ni/ /drug po med par gyur pa dang / /legs smin mthong ba med par byed/ /zhes bya ba la/ mthong ba nyams shing sbris g.yogs pa'i mig nad rba klong la sogs pa ste/ rba klong pa dang / gseg ma lta bu dang / ri mo can dang
 gram bcad pa lta bu dang / gdugs 'dra ba'i bla brnan drug po med par gyur pa dang / legs par smin par gyur pa ste/ mthug po kho nar gyur cing bad kan gyis gong po ltar snang bar gyur pa med cing long bar gyur pa gang yin pa de ni thur mas dbug cing dbye bar bya'o/ /de smin ma
 gyur mi snyoms la/ /zho ga chu 'dra srab pa ni/ /thur ma yis ni drangs gyur kyang / /slar yang gyen du 'byung bar 'gyur/ /nad ni mi bzad skyed byed cing / /mthong byed slar yang 'gebs par byed/ /de ni zas bcas bla brnan bcas/ /bad kan can gyis myur du skyed/ /
 ces bya ba la/ /spris g.yogs pa'i nad de smin cing mthug par ma gyur pa dang / mi snyoms shing dma' bar gyur pa dang / de bzhin du zho ga chu 'dra bar snang zhing de'i mdog dang mtshungs pa dang srab par gyur pa de ni thur mas phug ste drangs shing bsdus su zin kyang / slar yang gyen
 du 'byung zhing 'byar bar gyur pa dang / de bzhin du nad mi bzad cing brnag par dka' ba skyed par byed pa dang / mthong bar byed pa'i mig gi rgyal mo slar yang 'gebs shing sgrib par byed pa de ni bad kan skyed par byed pa'i zas dang / skom dang sman gyis myur ba kho nar skyed cing smin
 bar bya la/ rlung dang mkhris pa can gyi zas skom la sogs pas yun ring zhig na smin par 'gyur ro/ /bad kan gyis ni mthong nyams pa/ /bad kan dkar bas dkar ba yin/ /zhes bya ba la/ bad kan las gyur pa'i mtshan ma 'am/ mthong ba nyams pa de'i rgyu bad kan
 gyi dkar ba yin pas na spris g.yogs pa yang dkar ba yin no/ /de ni nad gzhan gyis zil gnon/ /kun tu sngo ba'i nad du 'gyur/ /zhes bya ba la/ bad kan las gyur pa'i mthong ba nyams pa de rlung ngam mkhris pa gzhan gyi zil gyis mnan cing dbang du gyur na/ kun du
 sngo ba zhes bya ba'i nad mching bu lta bur 'gyur ro/ /de la rlung gyur mig g.yo zhing / /rba klong g.yo zhing dmar skyar 'dug /ces bya ba la/ de rba klong zhes bya ba'i mig nad ni rba klong 'khyil ba ltar g.yo zhing mi brten la dmar skya ste/ /cung zad dmar bar 'dug pa yin no/ /gseg
 ma arga'i 'o ma ni/ /thigs phran khyab 'dra mthug pa yin/ /zhes bya ba la/ /gseg ma lta bu'i mig nad ni shing arga'i 'o ma thigs pa phra mo lta bus khyab pa shin tu mthug pa yin no/ /gra ma lta bu'i mig 'bras ni/ /'bras kyi gra ma 'dras khyab yin / /zhes bya ba la/ gra mas
 khyab pa lta bu ni/ mig gi nang 'bras kyi gra ma lta bu'i ri mos khyab par gyur pa yin no/ /gra ma bcad pa gra ma tshig /bcad pa ltar snang na ba yin/ /zhes bya ba la/ gra ma bcad pa lta bu zhes bya ba'i mig nad ni gra ma bcad pa dang tshig pa dang bcad pa lta bur snang zhing na
 ba dang bcas pa yin no/ /rma sgro rma bya'i 'jug sgro 'dra/ /khar ba'i mdog tu snang ba yin/ /zhes bya ba la/ rma bya'i sgro lta bu zhes bya ba'i mig nad ni rma bya'i sgro lta bu'i dbyibs can la khar ba'i ri mo'i mdog lta bur snang ba yin no/ /gdugs 'dra kha dog sna tshogs pa/ /spris
 g.yogs gdugs can zhes bya'o/ /zhes bya ba la/ /gdugs 'dra ba zhes bya ba'i spris g.yogs pa'i nad ni dbyibs su gdugs dang 'dra bar snang zhing kha dog sna tshogs par snang ba dang / /spris g.yogs pa gdugs can zhes bya'o/ /gtar ga mi bya cham pa dang / /lud pa
 can ni dbye mi bya/ /ma zhu sngar ma skyugs pa dang / /rna mig mgo gzer can mi dbye/ /zhes bya ba la/ spris g.yogs pa gtar ga byar mi rung ba'i nad yod pa'i mig dbye bar mi bya'o/ /de bzhin du cham pas btab pa dang / /lung ba can gyi mig dbye bar mi bya ba dang / de bzhin du
 ma zhu ba dang / sngar ma dang / skyugs shing slon pa dang / rna ba gzer ba dang / mig gzer ba dang / mgo bo gzer ba'i mig dbye bar mi bya'o/ /de nas thun mong dus su ni/ /sbyang byas zas zos pa la ni/ /sa phyogs gsal bar snga dro ni/ /sman pa pus mnyam khri la 'dug /nad
 pa 'dug cing bsdams byas la/ /kha yi dbugs kyis dugs bya zhing / /mthe bos mig ni mnyes byas nas/ /nad ni g.yos par mthong ba dang / /mi 'gul bar ni mgo nas gzung / /rang gi sna la lta bzhin du/ /nag po sor phyed ma gtogs shing / /mig 'gram bzhi cha dor
 ba ru/ /mdzub mo gung mo mtheb mo yis/ /mig thur dam du bzung nas ni/ /rang grub bu ga nas 'phred du/ /gzug cing gyen mnye drang por byas/ /mig g.yon lag pa g.yas pas dbug /mig g.yas lag pa g.yon pas dbug /ces bya ba la/ de nas thun mong gi
 'du shes zhes bya ba/ ston zla 'bring po dang / ston zla tha chungs dang / dpyid zla tha chungs kyi dus su sbyang ba byas pas te/ snum chos dang dugs byas la bkru sman gyis sbyangs te/ brtas pa'i rjes la/ kha zas phan zhing 'phrod pa ran par zos par gyur nas sa phyogs mun pa
 med cing gsal bar snga dro ste nyi ma shar ba'i cha dang po la sman pa mkhas pa pus mo dang mthon dman mnyam pa'i khri la 'dug ste/ sa phyogs byi dor byas shing bde bar byas par stan bting la nad g.yog sgrin po rgyab tu legs par 'dug pas lag pa gnyis kyis mgo dam du bzung ste nyi
 ma la kha bstan la rkang pa gnyis brkyang ste sman pa'i kha'i dbugs kyis nad pa'i mig dugs byas la/ de'i 'og tu mig gong gnyis mthe bos mnyes nas mig gi nad spris g.yogs pa de g.yos shing / cung zad 'phags par mthong ba dang / nad pa rang gi sna'i rtse mo la lta bar byed
 bzhin du mgo bo mi 'gul bar dam du bzung ste/ nag po zhes bya ba mig 'bras nag po las sor phyed dor zhing de ma gtogs par byas la/ mig 'gram zhes bya ba mig zur nas sor gyi bzhi cha dor la mdzub mo dang / gung mo dang mthe bos mig thur dam du mi 'gyur bar bzung ste rang
 bzhin gyis grub pa'i mig gi bu ga phra mo yod pa'i ngos nas gyen du mnye zhing mig drang por ma yo bar bzhag cing / steng ngam 'og tu ma 'gyur bar byas la mig g.yon pa ni lag pa g.yas pas phug par byas la/ mig g.yas pa ni lag pa g.yon pas dbug par bya'o/ /legs par
 phug na sgra 'byung 'gyur/ /nad med chu ni nyung zhig 'byung / /zhes bya ba la/ de ltar 'bigs pa na legs shing ma nor bar phug na ni phug pa'i tshe sgra 'byung bar 'gyur ba dang / /de bzhin du nad med par 'gyur ba dang / chu'i thigs pa nyung zhig 'byur bar 'gyur ro/ /de rjes nad pa
 spro bsrings la/ /mig tu nu zho blugs par bya/ /zhes bya ba la/ de ltar phug pa'i 'og tu nad pa tshig gis legs par spro bsrings la/ mig dmar ba dang / nad med pa dang / mchi ma mi 'dzag par bya ba'i phyir bud med kyi nu zho blugs par bya'o/ /de nas thur ma'i rtse mo yis//
 gnod pa med par dal gyis ni/ /mig gi 'bras bu dbyi byas la/ /sna nas dal gyis phul bar bya/ /mig na gnas pa'i bad kan ni/ /sna nas brngubs bas bsal bar bya/ /zhes bya ba la/ de'i 'og tu sman pas thur ma'i rtse mos mig gi 'bras bu la
 gnod cing 'tshe ba med bar dal gyis mig gi 'bras bu dbyi zhing bsal bar bya zhing / sna nas nad dal gyis phul bar bya'o/ /de'i 'og tu sna nas brngubs pas mig la gnas pa'i nad dbyung zhing bsal bar bya'o/ /nad mi 'gul ba 'am 'gyung na ni/ /mig gi phyi rol nas dugs
 bya/ /zhes bya ba la/ mig gi spris g.yogs pa'i nad mi 'gul bar gyur pa 'am/ rlung gis 'gyur zhing mal na mi gnas par gyur na ni/ mig gi phyi rol nas dugs 'jam po bya'o/ /de nas gzugs ni mthong gyur nas/ /thur ma rim gyis dbyung bar bya/ /mar la
 sbangs pa'i ras bal gzhug / mig dkris nas ni de 'og tu/ /de las logs ni cig shos dbab/ /gnyis ka phye na gan rkyal bzhag /rlung med mal du mgo bo dang / /rkang bsku phan pa'i zas bsten bya/ /zhes bya ba la/ de nas de'i 'og tu gzugs mthong bar gyur na sman
 pas thur ma de rim gyis dal bus dbyung bar bya'o/ /de ltar phyung nas de'i rjes la mar gyi khu ba la sbangs pa'i ras bal bcug la nad pa de'i mig dkri ste nyal du gzhug la/ de yang mig gcig phug cing phye ba yin na ni/ /phye ba'i mig steng du phyung la ma phye ba'i mig cig shos kyi
 logs phab ste nyal du gzhug la/ gal te gnyi ga phye na ni gan rkyal du ba kan te bsnyal bar bya la/ de yang rlung me pa'i gnas mal du bsnyal zhing mgo bo dang rkang pa bsku ba dang / phan pa'i zas bsten du gzhug par bya'o/ /sbrid pa lung ba sgregs pa dang / /mchil ma 'dor
 dang chu 'thungs dang / /thur du gtong ba khrus byed dang / /so shing 'cha' bar byed pa dag /zhag bdun bar du spang bya zhing / /snum 'thungs cho ga bzhin du bsdam/ /zhes bya ba la/ nad pa de sbrid pa la sogs pa zhag bdun gyi bar du spang zhing bsdam bar bya ba dang / /
 'dir bsdam pa'i cho ga gzhan dag kyang snum 'thungs pa'i cho ga'i skabs su/ chu dron gyis ni nyer sbyod bya/ /zhes bya ba la sogs pa ji skad smos pa'i bsdam pa'i sbyor ba dag kyang bya'o/ /ci nus smyung bya na gyur na/ /mar khu dro 'jam blugs par bya/ /zhes bya ba la/ yang
 nad pa de nyams stobs ci yod pa las smyung ba bya ba la gal te na bar gyur na mar khu dro 'jam tsam gyi thigs pa blugs par bya'o/ /nas chan sla ba 'am thug pa ska/ /tsha gsum skyu ru ra mar sbyin/ /zhes bya ba la/ nad pa de la nas chag tsher batral ba'i chan sla pa la mar btab pa
 tsha ba gsum la sogs pa dang bcas pa sbyin par bya ba 'am/ yang 'bras thug gar po tsha ba gsum dang skyu ru ra dang mar dang bcas pa sbyin par bya'o/ /zhag gsum nas ni de bkrol la/ /rlung 'joms pa yi sman gyi ni/ /khu ba meg tu blugs par bya/ /zhes bya ba la/ /
 zhag gsum lon pa dang nad pa de'i mig phye/ rlung 'joms pa'i sman gyi khu ba'i thigs pa mig tu blugs par bya'o/ /zhag bdun nas ni mig de nyid/ /rnam pa kun tu dgrol bar bya/ /zhes bya ba la/ zhag bdun 'das pa dang mig de rnam pa thams cad kyi thams cad
 du bcing ba dgrol bar bya'i/ /bcing bar ni mi bya'o/ /ji srid mi gsal brtan gyur pa/ /bsdams la 'bad de gnas par bya/ /zhes bya ba la/ ji skad du bshad pa'i bsdams pa'i spyos pa ni ji skad mi gsal bar mthong ba nyams shing brtan par gyur pa de srid kyi bar du
 cho ga de la gnas par bya'o/ /gzugs ni phra dang 'tsher ba dag /mod la blta bar mi bya'o/ /zhes bya ba la/ de ltar spris g.yogs pa bsal nas/ des gzugs phra zhing brtag par dka' ba dang / 'tsher zhing 'od 'bar ba'i dngos po dag la mod la ste 'phral kho nar
 blta zhing brtag par mi bya'o/ /dbug nyes mi mthun zos pa las/ /skrangs dang na dang dmar la sogs/ /mig nad gdung ba 'byung bar 'gyur/ /nad tshul de bzhin de gso bya/ /zhes bya ba la/ /spris g.yogs pa dbug cing brtol ba nyes pa dang / nad dang mi 'phrod
 pa'i zas skom zos shing bsten pa las skrangs pa la sogs pa dang / mig nad gdung ba zhes bya ba 'byung bar 'gyur la/ skrangs pa la sogs pa de dag la ni/ nad kyi tshul ji lta ba bzhin dud dang 'tsham pa'i sman gyis de gso zhing bcos par bya'o/ /
 nad dang dmar ba zhi bya'i phyir/ /dUr ba nas dang yug snam dang / /thal tres mar dang ldan pa yi/ /lde gus gdong ni bsku bar bya/ /zhes bya ba la/ nad dang dmar ba snang ba zhi bar bya ba'i phyir/ dUr ba la sogs pa'i sman chu thags su bya ba'i lde gu mar dang ldan pas
 gdong bsku zhing byug par bya'o/ /de bzhin til dang yungs kar bcas/ /kha lung khu bas sbrus pa'ang phan/ /zhes bya ba la/ de bzhin du til dang / yungs kar lde gur byas pa kha lung zhes bya ba bi dza pu ra'i khu bas sbrus pas gdong bskus na/ yang na ba dang dmar ba la phan
 no/ /thal tres lo ma pa ya s+ya/ /btsod dang shing mngar ra yi ni/ /'o mar sbyar ba'i lde gu ni/ /dro 'jam bde bar byed mchog yin/ /zhes bya ba la/ thal tres la sogs pa'i sman ra'i 'o ma dang bskol ba dro 'jam tsam gyi lde gus mug tu bskus na yang na ba dang dmar ba bde
 bar byed pa'i mchog yin no/ /seng phrom rgyam tsha rgun 'bru dang / /shing mngar ra yi 'o mar bskol/ /thigs pa mig tu blugs pa ni/ /nad dang dmar ba 'joms par byed/ /shing mngar ru rta ut+pa la/ /rgun 'bru rgya skyegs kha rar bcas/ /zhes bya ba la/ seng phrom la
 sogs pa ra'i 'o ma dang bskol ba blugs na yang de la phan no/ /rlung 'joms sman bskol 'o ma ni/ /mar gyi bzhi 'gyur bskol ba dang / /shug pa la sogs lde gus btab/ /las kun la ni bsngags pa yin/ /zhes bya ba la/ rlung 'joms pa'i sman dang bskol pa'i 'o
 ma'i nang du shug pa la sogs pa'i lde gus btab na yang bskol ba'i sman mar ni las kun te btung ba dang sna nas btang ba dang / bsku ba la sogs pa thams cad la bsngags pa yin no/ /des ma zhi na snum chos dang / /dugs byas gtang ga gdab par bya/ /gdung ba'i
 gso ba dag kyang bya/ /zhes bya ba la/ de ltar byas su zin kyang nye bar zhi bar ma gyur na nad pa de snum chos dang dugs byas la/ gtar ga gdab par bya ba dang / de bzhin du mig nad gdung ba'i gso ba bshad pa'i cho ga dag kyang 'dir bshad par bya'o/ /dbug 'drub
 mig sman 'jam po bsku/ /zhes bya ba la/ mig dbug cing phye ba de legs par 'drub par gyur nas/ mig sman 'jam po dag bskus na phan no/ /tu pa ri'i rtsa na le sham/ /ba bla skyer pa'i khaN+Da bsku/ /mig phyed bu ram ri lu ni/ /char pa'i chu dang bdar ba gtang / /
 zhes bya ba la/ tu pa ri zhes bya ba a ta ka'i rtsa ba dang na le sham la sogs pa char pa'i chu dang bdar ba dag kyang gtang bar bya'o/ /dzA ti da pa sha u0f72ri sha /karkata sring gi me tog /mu tig 'bras bu be+e DUr+ya/ /ra yi 'o mar btags pa ni/ /zangs ma'i snod la sla bar bsku/ /
 zhag bdun nas bkog slar yang ni/ /'o ma dang btags lde gur byas/ /ri lu grib ma la bskams pa/ /mig bskus phye pa mthong ba ni/ /gsal zhing stobs ni skyed par byed/ /ces bya ba la/ dzA ti la sogs pa ra'i 'o ma dang zhib tu btags te lde gu zhib mo des zangs
 ma'i snod la srab mor bskus te zhag bdun 'das par gyur pa dang / slar bkog ste 'o ma dang lde gur byas te ri lur byas te/ de grib ma la bskams la mig la bskus na/ de ltar mig phye zhing phug pa de'i mthong ba gsal bar byed cing / mig rno ba'i stobs skyed par byed pa yin no/ /
 byi ru ldong ros lig bu mig /rgya mtsho'i wu ba na le sham/ /sna nas btang pa'i sman sbyar na/ /bshad pa'i yon tan mtshungs par bstan/ /zhes bya ba la/ byi ru la sogs pa snga ma bzhin du ra'i 'o ma dang zhib tu btags te/ des zangs ma'i snod du bsku ba la sogs
 pa gong du bshad ma thag pa'i sbyor ba dang yon tan thams cad mtshungs shing 'dra bar slob dpon gyis bstan cing bshad pa yin no/ /yan lag brgyad pa'i snying po'i rnam par 'grel ba/ tshig gi don gyi zla zer zhes bya ba/ slob dpon zla ba la dga' bas nges par sbyar ba
 las/ /phyi ma'i gnas kyi le'u bcu bzhi ba'i rnam par 'grel pa'o// //de nas mig nad thams cad kyi nad kyi dmigs brtag pa bshad par bya'o/ /zhes bya ba la/ mig nad kyi yan lag gi char gtogs pa bshad nas mig thams cad
 kyi nad gang yin pa de bstan par bya ba'i phyir le'u 'di brtsams pa yin no/ /rlung gi mig nas mchi ma 'dzag /sna rgyas cung zad skrangs pa dang / /mur 'gram dpral mig smin ma kha/ /na zhing zug la 'bar ba dang / /rngu ma skam zhing mchi ma grang / /sla nyung na ba ldang dub can/ /
 'byed dang 'dzums par dka' ba dang / /srin bu 'gro ba snyam du sems/ /mig ni bus pa lta bur snang / /zug rngu phra mos khyab snyam byed/ /snum dang dro bas nyer zher 'gyur/ /mchi ma 'dzag pa zhes bya'o/ /zhes bya ba la/ rlung las gyur pa'i mig nad rlung gis mchi ma
 'dzag par gyur pa na/ sna rgyas zhing bus pa'am/ gang ba lta bur gyur pa dang / cung zad skrangs pa dang / mur 'gram la sogs pa lhang lhang por na zhing zug pa dang / mig 'phar zhing 'gul ba dang / rngu ma zhes bya ba'i mig gi dri ma skam po 'byung ba dang / mchi ma grang zhing
 sla ba dang / nyung zhing 'byung ba dang / na ba ldang dub byed pa can du 'gyur zhing mi brtan pa dang / mig dbye ba dang / 'dzums par dka' zhing sdug bsngal ba dang / grog ma la sogs pa'i srin bu steng na 'gro ba snyam du sems pa dang / mig bus pa ltar rgyas par snang ba
 dang / khab kyis btsags shing zug rngu phra mos khyab pa snyam du byed pa dang / snum pa dang dro bas bde zhing nad nyi bar zhi bar gyur pa yin te/ nad de ni rlung gis mchi ma 'dzag pa zhes bya'o/ /de ma btsos na gdung bar 'gyur/ /rna ba sgra 'byung mgo 'khor dang / /dpral ba
 mig dang smin ma sogs/ /gtsub shing gis ni gtsubs snyam byed/ /ces bya ba la/ /mchi ma 'dzag pa zhes bya ba'i nad de ma bcos te yal bar dor na mig nad gdung ba zhes bya bar 'gyur te/ gdung bde ni rna ba nas sgra zing zing por 'byung bar 'gyur pa dang / /mgo
 bo 'khor ba dang / dpral ba la sogs pa gtsub shing gis gtsubs shing dkrugs pa snyam du sems par byed pa yin no/ /de yang bag med yal bar bor/ /gdung bas bcom gyur nad de yis/ /sna tshogs tshul ni 'byung 'gyur zhing / /mig mthong nyams byed rma
 'byung 'gyur/ /zhes bya ba la/ /yang gdung ba zhes bya ba'i nad de bag med pas yal bar bor na mig nad gdung bas bcom pa zhes bya ba'i mig nad du 'gyur te gdung bas bcom pa zhes bya ba'i nad des ni mig nad sna tshogs shing tha dad pa'i tshul du ma dag 'byung bar 'gyur
 zhing mig gi mthong ba nyams shing long ba'i rma 'byung bar byed par 'gyur ro/ /mur 'gram kha dang 'jing pa las/ /rlung ni gzhan du 'jug 'gyur zhing / /mi bzad na la gnag pa dang / /dmar zhing skrangs la mig mi sdug /zhum zhing kun nas mchi ma 'dzag /de ni
 rlung gis gzhan gyur yin/ /zhes bya ba la/ gdung bas bcom pa zhes bya ba de ma bcos te yal bar bor na mur 'gram la sogs pa las rlung gzhan du 'jug par 'gyur ba dang / de bzhin du mi bzad pa'i gnag pa la sogs pa'i nad skyed par byed pa dang / mig
 mi sdug cing mig kun nas zhum par 'gyur ba dang / thams cad nas mchi ma 'dzag par 'gyur te/ de ni rlung gis gzhan du gyur pa zhes bya ba'i mig nad yin no/ /de bzhin mig ni yon po dang / /chung ba rlung gis phyin ci log /ces bya ba la/ snga ma bzhin du
 rlung gis gzhan du 'gyur pa dang nad kyi tshul mthun zhing / gzhan yang yon po dang rang gi tshad las chung bar gyur pa ni rlung gis phyin ci log tu gyur pa zhes bya'o/ /mkhris pa'i mchi 'dzag mtshan ma ni/ /tsha grang du ba 'byung snyam sems/ /mig chu'i phyi rol gnag pa dang / /
 nang na rnag 'drul mchi ma tsha/ /ser zhing mig dmar ser por mthong / /rma la lan tshwas btab snyam sems/ /zhes bya ba la/ mkhris pa las gyur pa'i mig nad mchi ma 'dzag pa'i mtshan nyid ni tsha bar gyur ba dang / skrangs pa dang / du ba 'byung ba snyam du sems pa
 la sogs pa 'byung ba dang / dngos po ser por mthong bar 'gyur ba dang / rma la lan tshwas btab pa dang 'dra bar mig na bar 'gyur pa yin no/ /me mdag gtor ba 'dra ba dang / /mcher pa'i gong bu lta bur snang / /mig nang gdung bar gyur pa
 yin / /zhes bya ba la/ /mkhris pa las gyur pa'i mchi ma 'dzag pa de yal par bor na/ mig nad gdung ba zhes bya bar 'gyur te/ de ni mig lam me mdag gtor ba snam du sems pa dang / mcher ba'i gong bu ltar gnag pa snang bar 'gyur ba yin no/ /bad kan
 las gyur mchi 'dzag ni/ /tshor ba med skrang rab tu g.ya'/ /gsher zhing snum la shas cher dkar/ /mig gdung spyi bag 'dzag pa yin/ /zhes bya ba la/ bad kan las gyur pa'i mchi ma 'dzag pa ni mig tshor ba med cing bem bem por gyur pa dang / shas cher
 skrangs pa dang / g.ya' ba la sogs pa yin no/ /gdung ba des ni nag po dma'/ /'bras bu dkar po mtho ba dang / /cham pas thebs shing sna rgyas la/ /mig ni rdul gyis gang snyam byed/ /ces bya ba la/ bad kan gyis mchi ma 'dzag pa ni mig tshor ba med cing yal
 bar bor ba na/ gdung ba zhes bya bar 'gyur la/ des ni mig 'bras nag po dma' bar 'gyur pa dang / 'bras bu dkar po mtho zhing 'bur bar 'gyur ba dang / de bzhin du cham pas thebs pa la sogs par 'gyur ro/ /khrag gyur dmar ris mig tu dmar/ /mig 'bras
 dkar po dmar ba dang / /khrag 'dzag dmar po mthong ba dang / /mkhris pa'i mchi 'dzag mtshan nyid yin/ /zhes bya ba la/ khrag las gyur pa'i mchi ma 'dzag par gyur pa ni/ mig la ri mo dmar bo shar shar por snang ba nas/ mig 'bras dkar po dmar po nyid du
 snang zhing / dngos po dmar po nyid du snang ba dang / de bzhin du mkhris pa las gyur pa'i mchi ma 'dzag pa'i mtshan nyid gang dag yod pa de 'di las 'byung bar 'gyur ro/ /gdung ba mig ni mtha' dmar zhing / /phyung ba dang ni mtshungs par na/ /me tog ban+du ka ltar dmar/ /
 shin tu na zhing reg mi bzod/ /lung tang khrag tu nub pa 'dra/ /gnag cing me ltar snang ba yin/ /zhes bya ba la/ khrag las gyur pa'i mchi ma 'dzag pa de yal bar bor na mig nad gdung ba zhes bya bar 'gyur te/ de'i mtshan ma ni mig gi mtha' ma gzags pa ltar dmar
 bar 'gyur ba dang / de bzhin du mig phyung ba dang mtshungs par mi bzad bar na par 'gyur ba dang / me tog ban+du ka'i mdog ltar mig shin tu dmar ba dang / shin tu lhang lhang por na ba dang / reg mi bzod pa dang / lung tang khrag gi nang du nub pa dang 'dra ba'i mdog tu mig
 'bras nag por snang bar 'gyur ba dang / dngos po rnams me dang 'dra bar mthong ba yin no/ /gdung ba rang gi ji bzhin du/ /thams cad 'dzag pa las lhag na/ /mur 'gram so dang mkhur tshos dang / /mgo bo lhag par na bar byed/ /ces bya ba la/ mig nad gdung
 ba zhes bya ba'i nad rlung dang / mkhris pa dang / bad kan dang / khrag las gyur pa thams cad ni/ rang gi mtshan nyid ji lta ba bzhin du na pa yin no/ /rlung la sogs pa las gyur pa'i mchi ma 'dzag pa thams cad las lhag par mi bzad par na ba dang / de bzhin du
 mur 'gram la sogs pa lhag par na bar byed pa yin no/ /rlung mkhris shas cher drud snyam sems/ /zag cing na la phul snyam sems/ /shin tu rtsub cing mig mchu mig /'dzums dang 'byed par dka' ba dang / /na zhing skams par gyur pa dang / /grang 'dod
 smin cing skam dang bcas/ /mig skam smin pa zhes bya'o/ /zhes bya ba la/ mig la rlung dang mkhris pa gnyis kyi shas che zhing lhag par gyur na ni/ drud pa snyam du sems pa la sogs pa 'byung bar 'gyur ro/ /nad gzhi gsum ni khrag bcas la/ /skrang 'gyur de
 ni rab skrangs shing / /na dang tsha dang 'dzag dang bcas/ /u du m+l+wa ra'i 'bras smin 'dra/ /mig 'bras dkar por 'byung bar 'gyur/ /mchi ma grang zhing dro ba dang / /spyi bag ska sla ras kyis 'byung / /zhes bya ba la/ rlung la sogs pa'i nad gzhi gsum po khrag dang bcas
 pas ni skrangs pa dang bcas pa zhes bya ba'i mig nad du 'gyur te/ de ni rab tu skrangs pa dang / na ba la sogs par 'gyur ba dang / de bzhin du mig 'bras dkar por u du m+WA ra'i 'bras bu smin pa dang 'dra bar 'gyur ba dang / mchi ma phyed 'ga' ni grang bar/
 mchi ma phyed 'ga' ni dro bar 'byung / /phyed 'ga' ni spyi bag dang / /phyed 'ga' ni ska ba dang / phyed 'ga' ni sla ba la sogs par res kyis 'byung bar 'gyur ro/ /skrang chung cung zad skrangs zhes bya/ /de bzhin mtshan nyid gzhan gyis smin/ /zhes bya ba la/ cung zad
 skrang pa zhes bya ba'i mig nad ni skrangs pa cung zad tsam du 'gyur ba dang / bshad ma thag pa'i mig nad skrangs pa dang bcas pa zhes bya ba dang / mig nad 'di'i khyad par ni 'di yin te/ gang skangs ba cung zad chung ba dang / de bzhin du sngar bshad pa'i mtshan nyid smin pa dang
 tsha ba dang na ba med bar gnas la/ de bzhin du u du m+WA ra'i 'bras bu smin pa dang 'dra ba la sogs pa yin no/ /mig smin pas nyen skrangs pa yi/ /rtsom che mchi ma rnyog can 'dzag /bad kan gyis bsgos mig 'bras ni/ /dkar po dmar zhing 'drul ba dang / /tsha zhing
 mthong ba nyams pa dang / /nad ni mal na mi gnas yin/ /zhes bya ba la/ mig smin pas nyen pa zhes bya ba'i mig nad ni skrangs pa'i rtsom pa dang por che bar 'gyur pa dang / mchi ma rnyog pa can 'dzag pa dang / bad kan gyis bsgos shing byugs pa 'dra bar snang ba
 dang / mig gi 'bras bu dkar po mdog dmar zhing mig 'dzag cing 'drul ba dang ldan pa dang / tsha bar 'gyur ba dang / mthong ba nyams shing long ba dang nad mal na mi gnas shing kun tu 'pho bar gyur pa yin no/ /khrag mkhris shas che'i nad kyis ni/ /zas kyi dngas
 ma skyur por 'gyur/ /mig gi rtsar ni song nas ni/ /mig ni dmar por byed par 'gyur/ /skrang tsha smin zhing mchi ma 'dzag /shin tu long long por mthong na/ /skyur gyis skyed pa'i nad ces bya/ /zhes bya ba la/ khrag dang mkhris pa shas che ba'i rlung la sogs pa'i
 nad kyis zas kyi bcud dngas ma zhes bya ba skyur por gyur nas/ de nyid kyis khrag dang mkhris pa shas cher byas la/ yang mig gi rtsar song ba dang / des mig dmar por byed par 'gyur la/ de bzhin du skrang zhing tsha ba la sogs par 'gyur te/ mig nad 'di ni skyur
 gyis skyed pa zhes bya'o zhes drad srong rnams kyis bshad do/ /de ldar kun gtogs nad bcu drug /ces bya ba la/ de ltar bshad ma thag pa'i tshul gyis mig nad du gtogs pa'i nad ni bcu drug yod do/ /de la gdung bas bcom pa ni/ /mig smin bcas pa spang
 bar bya/ /zhes bya ba la/ mig nad 'di dag gi nang nas gdung bas bcom pa zhes bya ba'i mig nad dang / mig smin pa zhes bya ba'i nad dang bcas pa ni/ gsor mi rung bas spang bar bya'o/ /rlung gyur zhag lngas mig la gnod par byed/ /bad kan las gyur gdung bas
 zhag bdun gyis/ /de bzhin khrag gyur zhag gsum gyis 'joms byed/ /mkhris gyur 'phral du log spyod kyis gnod skyed/ /ces bya ba la/ rlung las gyur pa'i mig nad gdung ba ni log pa'i sbyod pa ste/ kha zas dang spyod lam la sogs pa mig la gnod par byed pas
 zhag lnga la mig la gnod cing nyams par byed do/ /bad kan las gyur pa'i gdung ba ni/ spyod lam dang kha zas log pas zhag bdun gyis mig la gnod cing 'joms par byed do/ /khrag las gyur ba'i mig nad gdung ba ni zhag gsum gyis mig 'joms shing gnod par
 byed do/ /mkhris pa las gyur pa'i mig nad gdung ba ni kha zas dang spyod lam la sogs pa log pas 'phral du gnod pa skyed cing mig 'joms par byed do/ /yan lag brgyad pa'i snying po'i rnam par 'grel pa tshig gi don gyi zla zer zhes bya ba slob dpon zla ba la dga' bas
 nges par sbyar ba las/ /phyi ma'i gnas kyi le'u bco lnga pa'i rnam par 'grel pa'o// //de nas mig nad thams cad gso ba bshad par bya'o/ /zhes bya ba ni/ go rims kyis na gso ba 'di brtsams pa yin no/ /mchi 'dzag sngar byung tshul nyid la/ /mkhur bkang
 sno sman rnon po gtang / /rlung 'khrugs ma gtogs nad bzhan la/ /smyung ba dag kyang bya ba yin/ /zhes bya pa la/ mchi ma 'dzag pa'i nad thams cad kyi sngar byung ba'i tshul la mkhur ba bkang ba rnon po dang / sna sman rnon po gtang bar bya'o/ /de'i
 rjes la rlung 'khrugs pa las gyur pa'i nad ma gtogs pa nad gzhan la smyung ba byas pas gso bar bya'o/ /tsha dang dmar dang gos pa dang / /skrang sogs zhi phyir kun la ni/ /sug smel gan+d+ha b+ha dra dang / /na le sham dang btsag yug snam/ /lde gur byas pas bsku
 bar bya/ /zhes bya ba la/ mchi ma 'dzag pa thams cad kyis tsha ba dang / dmar ba dang / ljan ljin gyis gos pa la sogs pa zhi bar bya ba'i phyir/ sug smel la sogs pa'i sman gyi lde gus mig gi phyi rol nas bsku bar bya ste/ de yang rdzi ma la mi gnod par bya'o/ /
 rlung gyur rgyam tsha skyer khaN+Da/ /shing mngar rgya spos tsan+dan nam/ /rgyam tsha dong gra skyer khaN+Da/ /mar gyi nying gu bdar ba'am/ /yang na seng phrom sbyar ba gtang / /zhes bya ba la/ de la rlung las gyur pa'i mig nad la ni rgyam tsha la sogs pa'i sman mar gyi nying gu zhes bya ba
 mar gyi steng gi dngas ma dang bcas pa bdar ba'i lde gus phyu rol nas bsku bar bya'o/ /yang na seng phrom mar dang bdar ba'i lde gus phyi rol nas bsku bar bya'o/ /khrag mkhris gyur la spang spos dang / /shug pa shing mngar ra mnye ba / /zhes bya ba la/ khrag dang mkhris
 pa las gyur pa'i mig nad la ni spang spos la sogs pa'i lde gus phyi rol nas bsku bar bya'o/ /bad kan las gyur pri yang ku/ /ldong ros sbrang rtsi sbyar ba bsku/ /zhes bya ba la/ bad kan las gyur pa'i mig nad la ni/ gan+d+ha pri yang ku la sogs pa'i ldi gus phyi rol
 nas bsku bar bya'o/ /'dus pa las gyur kun gyis bsku/ /zhes bya ba la/ nad gzhi gsum char 'dus pa la sogs pa'i mig nad la ni rlung dang / mkhris pa dang bad kan gyi sman thams cad bsres pa'i mig sman gyi lde gus phyi rol nas bsku bar bya'o/ /na le
 sham ni dkar po cha gcig dang / /ldong ros cha bzhi seng phrom cha bcu drug /zhib tu btags te ras gtsang phur mas gtums/ /nad ldang med la mig tu gdab par bya/ /zhes bya ba la/ /na le sham dkar po cha gcig ldong ros cha bzhi ste/ de'i bzhi 'gyur seng phrom
 cha bcu drug ste/ dang po'i bcu drug 'gyur te/ de dag thams cad zhib tu btags te/ ras gtsang ma'i nang du phur mar gtums la/ nad ldang ba'i mod la mig tu phur ma sprug cing gdab par bya'o/ /rgya sran nag po ba lci ra'i ril khu/ /legs btsos sen mos shun pa
 bshus gyur pa/ /de yis mtshan mo lan cig bskus pa yis/ /mig nad 'khrugs pa mod la zhi bar byed/ /ces bya ba la/ rgya sran ku lad+tha dgon pa ba'i lci ba dang / ra'i ril ma'i khu bar tshos btsos la sen mos shun pa bshus te rgya sran de'i phye ma mtshan mo'i dus
 su lan cig bskus shing mig tu btab na mig nas 'khrugs pa mod kho na la zhi bar byed do/ /shu ti shing mngar sbangs ma a ru ra/ /zhib btags ras kyi thum po lhod par bcings/ /zangs kyi snod du skyur rtsabs nang du bcug /mig tu bzhag na mig nad sna tshogs
 sel/ /zhes bya ba la/ shu ti la sogs pa ji skad bshad pa'i sbyor bas 'bras kyi rang skyur ram skyur khu'i nang du bcug pa de mig tu bzhag cing glan na mig nad rnam pa sna tshogs dag sel cing 'joms par byed do/ /skyer pa srang gcig chu bre phyed du yang / /khu ba brgyad
 cha lus par sbrang rtsi btab/ /de bzhin mig tu bskus par gyur na ni/ /nad gzhi thams cad 'khrugs pa'i mig nad sel/ /zhes bya ba la/ skyer pa srang gcig chu srang bcu drug gi nang du bskol la brgyad cha lus par sbrang rtsi gtab ste/ mig tu ji lta ba bzhin du bskus
 na mig nad sna tshogs pa nad gzhi so so dang 'dus pa las gyur pa sel bar byed/ /shi kru'i lo ma'i khu ba sbrang rtsir bcas/ /mig tu blugs na rlung dang mkhris pa dang / /bad kan 'dus pa las gyur mig nad rnams/ /mig nad mang po dag kyang myur du sel/ /zhes bya
 ba la/ shi kru'i lo ma bskol ba'i khu ba sbrang rtsi dang sbyar ba'i mig sman gyis kyang rlung la sogs pa las gyur pa'i mig nad sel to/ /i raN+da ni gzhon nu'i lo ma dang / /rtsa ba brdungs te ra yi 'o mar bskol/ /blugs sam zan dron mig tu glan pa
 yis/ /rlung gyur mchi 'dzag nad ni mod la 'joms/ /zhes bya ba la/ /e raN+Da gzhon nu'i lo ma dang rtsa ba gtun gyi nang du brdungs te ra'i 'o ma dang bskol te thigs pa mig tu blugs pa 'am/ de bzhin du zan dron mo mig tu glan na/ rlung las gyur pa'i mchi ma 'dzag
 pa'i nad gsar pa mod la 'joms par byed do/ /rlung gyur pa la bil ba sogs/ /bskol ba'i sman thigs blugs pa'am/ /e raN+Da'i rtsa bri ha ti/ /ma du shi kru dro 'jam blugs/ /zhes bya ba las/ rlung las gyur pa'i mig nad mchi ma 'dzag pa la ni bi' ba la sogs pa'am/ /
 e raN+Da'i rtsa ba la sogs pa bskol ba'i khu ba dro 'jam tsam gyi thigs pa'i rgyun mig tu blugs na phan no/ /sha rang gaSh+Ta ba la ka /rgya spos u dum+WA ra'i shun/ /chu dang 'o mar bcas bskol ba'i/ /thigs blugs gzer ni sel mchog yin/ /zhes bya ba la/ /sha rang ga
 la sogs pa'i shing gi shun pa chu'i nang du bskol ba'i thigs pa blugs na mig gzer zhing na ba sel ba'i mchog dam pa yin no/ /btsod dang skyer pa rgya skyegs dang / /rgun 'bru ut+pal shing mngar gnyis/ /bskol te bsgrangs par kha ra gdab/ /mig blugs khrag
 mkhris mig nad sel/ /zhes bya ba la/ btsod la sogs pa'i sman bskol ba'i khu ba bsgrags par kha ra btab pa grang mo'i thigs pa blugs na yang khrag dang mkhris pa las gyur pa'i mig nad 'joms so/ /shing mngar ka shi ru'i phye ma/ /ras ma 'jam pos lhod par
 bcing / /char chu'i nang du sbangs pa ni/ /khrag mkhris las gyur mchi 'dzag sel/ /zhes bya ba la/ shing mngar la sogs pa'i sman gyi sbyor ba ji skad du bshad pa ltar byas pa yang yon tan de dang 'dra'o/ /shing mngar skyer pa stag tsher ba/ /thum po nu zho kha rar bcas
 ra yi 'o mar sbangs pa blugs/ /tsha na mdog dmar mchi 'dzag sel/ /zhes bya ba la/ shing mngar la sogs pa ras gtsang ma'i thug bur byas te/ bud med kyi nu zho dang kha rar bcas pa'am/ ra'i 'o ma sbyar ba'i thigs pa mig tu blugs na tsha ba la sogs pa sel bar byed
 do/ /seng phrom dkar po shing mngar bcas/ /mar brngos legs par btags pa ni/ /ras la gtums te nu zhor mnye/ /khrag mkhris snad pa'i mig nad sel/ /zhes bya ba la/ seng phrom dkar po shing mngar dang bcas pa mar la brngos pa la sogs pa'i sbyor bas mig sman du
 btang na khrag dang mkhris pa dang snad pa las gyur pa'i mig nad sel lo/ /dong gra nim pa 'bras bu gsum/ /seng phrom ba sha ka'e khu ba/ /dro 'jam blugs pas bad kan sel/ /zhes bya ba la/ dong gra la sogs pa bskol ba'i khu ba dro 'jam tsam gyi thigs pa blugs na yang bad
 kan las gyur pa'i mig nad sel to/ /'dus par 'di dag bsres pa phan/ /zhes bya ba la/ 'dus pa las 'gyur pa'i mig nad la ni/ sman 'di dag bsres pa bskol ba'i thigs pa blugs na phan no/ /rlung la mar ni rnying pa dang / /mkhris pa kha rar bcas pa dang / /bad
 kan la ni tsha ba gsum/ /bskol dang thal sman bcas pa blud/ /de 'og khrag kyang dbyung ba dang / /de nas snam gyur bkru sman gtang / /zhes bya ba la/ rlung las gyur pa'i mig nad la ni/ /mar rnying pa btung bar bya la/ /mkhris pa las gyur pa la ni/ /mar rnying pa de
 nyid kha ra dang bcas pa blud par bya la/ bad kan las gyur pa la ni mar rnying pa de nyid tsha ba gsum dang bskol cing / thal sman gyi phye ma btab pa blud la/ de'i rjes la khrag dbyung zhing gtar ga gdab pa dang / de'i rjes la yang snum gyi cho ga byas la bkru sman gtang bar
 bya'o/ /dro bas tsha ste gzer ba la/ /skam sa'i srog chags sha btags pas/ /mgo dang gdong bsku/ zhes bya ba la/ mig dro zhing tsha bas gzer bar gyur pa la ni/ skam sa'i srog chags kyi sha zhib tu btags pas mgo dang gdong byug par bya'o/ /tsha ba la/ 'o
 ma mar bcas grang mos bsku/ /zhes bya ba la/ gal te tsha bar gyur na/ 'o ma mar dang bcas pa grang mos mgo bo dang / gdong bsku bar bya'o/ /rab rib gso ba'i cho ga yang / /brtags te ji bzhin gso bar bya/ /zhes bya ba la/ rab rib
 gso ba'i stobs las kyang brtags te de'i sman rab rib gso ba'i skabs su ji skad bshad pa dag gtang bar bya'o/ /cho ga 'di dag thams cad ni/ /gdung ba la sogs rnams la'ang phan/ /zhes bya ba la/ sngar bshad pa'i cho ga 'di dag thams cad ni
 gdung ba la sogs pa'i mig nad lhag ma rnams la'ang phan zhing bsngags pa yin no/ /gdung ba yong ye ma zhi na/ /smin ma'i steng du me btsa' gdab/ /ces bya ba la/ gdung ba zhes bya ba'i mig nad rnam pa thams cad du zhi bar ma gyur na smin ma'i steng du ji skad bshad
 pa'i cho gas me btsa' gdab par bya'o/ /ba zho snum med kyis dngul snod/ /byugs te sngon por gyur pa dang / /skam nas zho ga chu ri lur/ /byas pas rlung gyur mig nad 'joms/ /zhes bya ba la/ ba'i zho snum med cing spris ma bshus pa'am/ skyur pos dngul gyi
 snod byugs la de sngon por gyur cing skom pa dang / /bsdus te zho ga chus ru lur byas pas bskus na rlung las gyur pa'i mig nad 'joms par byed do/ /dzA ta'i me tog kha 'bus dung / /shing mngar ba la 'bras bu gsum/ /char chu dang btags ri lur byas/ /khrag
 mkhris las gyur mig nad sel/ /zhes bya ba la/ dzA ti zhes bya ba sna ma'i me tog kha 'bus pa dang / dung la sogs pa ji skad bshad pa bzhin du ri lur byas pa'i mig sman gyis ni khrag mkhris las gyur pa'i mig nad sel bar byed do/ /rgyam tsha 'bras bu tsha ba gsum/ /rgya mtsho'i
 lbu ba dung snying po/ /e la ba lu sra rtsi pog /ri lus bad kan mig nad sel/ /zhes bya ba la/ rgyam tsha dang 'bras bu gsum la sogs pa'i mig sman gyis bad kan las gyur pa'i nad gang dag yin pa sel bar byed do/ /shing mngar pra puN+Da rI ka/ /skyer pa srang
 ni brgyad brgyad dag / chu bre bcu drug nang bskol btsags/ /slar bskol ska bar gyur pa ni/ /ra gan dud pa srang bcu dang / /rna le sham phye zho gnyid gzhug /de la ri lu'am phye mar byas/ /bskus na mchi 'dzag thams cad dang / /dmar na drud pa byed snyam
 'joms/ /'phral du mig ni gsal bar byed/ /sbyor 'di phyugs bdag ces bya ste/ /sman pa rnams kyi gsang ba mchog /ces bya ba la/ shing mngar sogs pa ji skad bshad pa bzhin du bskol la bzhi cha lus pa dang btsags te yar bskol la/ gzar bu la
 chags pa tsam gyi bar du ska bar gyur pa dang / ra gan gyi dud pa la sogs pa ji skad smos pa bzhin du bcug ste/ de'i 'og tu ri lur byas pa'am/ phye mar byas pas bskus na mchi ma 'dzag pa la sogs pa 'joms par byed pa dang / 'phral du de'i mod la mig gsal zhing
 dngas par byed pa yin te/ mig sman gyi sbyor ba 'di ni ming phyugs bdag ces bya ste/ shin tu gsang par byed pa yin no/ /mig smin skam pa mar blud cing / /'tsho byed kyi ni sman mar ni/ /blud cing mig ni brta bya dang / /til mar chung nga'i sna sman gtang / /zhes bya ba la/ /
 mig smin ma skam po'i nad la ni mar blud na phan no/ /de bzhin du 'tsho byed kyi sde tshan dang bskol ba'i sman mar blud cing mig brta ba dang / de bzhin du sman mar de nyid kyi sman gtang ba dang / til mar gyi thigs pa chung ngu'i sna sman gtang ba'o/ /'di la 'o ma rgyam tshar
 bcas/ /dro 'jam thigs pa blugs pa'ang phan/ /zhes bya ba la/ mig smin ma skam po 'di la 'o ma la sogs pa ji skad smos pa bzhin btang na yang phan no/ /bca' sga bud med nu zhor btags/ /mar sbyar mig tu bskus na 'ang phan/ /zhes bya ba la
 la/ yang na de la bcal sga la sogs pa'i mig sman bskus na yang phan no/ /yang na rlan can sha yi zhag /dong gra rgyam tsha cung zad btab/ /ces bya ba la/ yang na rlan can gyi srog chags kyi sha'i zhag dong gra dang rgyam tsha cung zad bsres pa'i mig sman yang
 phan no/ /skra ni mar bskus me long gis/ /mnyes te kham phor kha sbyor bcug /bsregs te lcags snod mar dang bcas/ /snag tsha de ni mig sman mchog /ces bya ba la/ mi'i skra mar bsku ba la sogs pa'i sbyor ba ji skad smos pa bzhin du
 byas pa'i snag tsha ni mig smin ma skam po'i mig sman gyi mchog yin no/ /skrangs bcas cung zad skrangs pa la/ /snum chos byas te gtar ga gdab/ /snum byas rgun 'bru a ru ra/ /dur byid mar bcas bkru sman btang / /zhes bya ba la/ mig gi nang skrangs pa dang
 bcas pa dang / cung zad skrangs pa la dang por snum chos byas te de'i 'og tu gtar ga gdab ba dang / yang snum chos byas la ji skad smos pa'i bkru sman gtang bar bya'o/ /seng phrom dkar po mar la brngos/ /phyi mar byas te ras la gtums/ /chu dron la mnyes thigs pa
 blugs/ /gzer 'joms pa yi mchog yin no/ /zhes bya ba la/ seng phrom ji skad smos pa'i sbyor bas thigs pa mig tu blugs na/ mig nad kyi gzir 'joms par byed pa'i dam pa yin no/ /skyer pa pra puN+Da rI ka /bskol ba'i thigs pa blugs pas phan/ /zhes
 bya ba la/ yang na mig gzer ba la skyer pa 'am/ pra pun+Da rI ka bskol ba'i thigs pa mig tu blugs na phan no/ /mchi 'dzag na zhing drud snyam byed/ /sbyar sman 'di dag gtang bar bya/ /zhes bya ba la/ mchi ma 'dzag pa la sogs pa las 'og nas smos pa'i sbyar sman
 'di dag kyang gtang bar bya'o/ /lcags kyi snod du zangs ma ba gcin sbyar/ /mar bdugs mig bskus gzer ni 'joms par byed/ /ces bya ba la/ lcags kyi snod kyi nang du zangs ma ba gcin dang sbyar la mar gyi dud pas bdugs pa mig tu bskus na/ mig gzer
 zhing na ba 'joms par byed do/ /zangs ma'i snod du ba zho'i sbris ma bdar/ /rgyam tsha pi pi ling dang bcas pa mchog /ces bya ba la/ yang na zangs ma'i snos kyi nang du ba'i zho dang bdar ba dang rgyam tsha dang pi pi ling sbyar ba'i mig sman ni mig na zhing gzer ba 'joms
 par byed pa'i mchog yin no/ /zangs ma'i snod du nu zho dung bdar la/ /dong ga'i lo ma mar bcas dud pas bdug /sbyar sman zhes bya mig tu bskus na ni/ /drud snyam byed sogs mi bzang nad myur sel/ /zhes bya ba la/ zangs ma'i snod kyi nang du bud med kyi nu
 zho dang bdar te/ dong ga'i lo ma mar gyis bskus pas bdugs la/ mig tu bskus pa'i sbyar sman ni drud snyam du byed pa dang / tsha ba la sogs pa'i mig nad mi bzad pa myur du sel bar byed do/ /u dum wA ra'i 'bras bu ni/ /lcags snod nang du nu zho bdar/ /sha
 ma'i lo ma mar dud bdugs/ /mchi 'dzag gzer dmar drud pa 'joms/ /zhes bya ba la/ u dum wA ra'i 'bras bu ji skad smos pa bzhin du byas pa'i mig sman yang sbyar sman zhes bya ste/ mchi ma 'dzag pa la sogs pa 'joms par byed do/ /shi kru'i lo ma'i khu ba ni/ /
 zangs ma gnyis kyi bar du bdar/ /mar dud bdugs pas skrangs pa dang / /g.ya' dang mchi 'dzag nad rnams 'joms/ /zhes bya ba la/ shi kru zhes bya ba/ na le sham dkar po bskol ba'i khu ba zangs ma'i snod gnyis kha sbyar ba'i nang du bdar la/ mar gyi dud pas
 bdugs pa yang sbyar sman zhes bya ste/ skrangs pa la sogs pa'i nad 'joms par byed do/ /til gyi chu dang khar ba ni/ /kham phor bdar te nim pa yi/ /'o ma mar bskol dud pas bdugs/ /gzer ram mchi 'dzag drud snyam sems/ /zhes bya ba la/ til gyi chu dang
 khar ba kham phor gyi nang du bdar te nim pa'i lo ma mar gyis bskus pa'i nang du dud pas legs par bdugs pa'i mig sman yang sbyar sman zhes bya ste/ des bskus na gzer ba nas drud pa snyam du sems pa'i mig nad sel lo/ /sbyar sman gyis ni mig bskrus te/ /sman
 shugs zug gzer dang bral nas/ /bud med nu zho'i thigs pa blugs/ /lan gsum phan chad de mi bsku/ /zhes bya ba la/ sbyar sman zhes bya ba'i sman de dag gis mig bskus nas/ /sman gyis bskyed pa'i zug gzer gyi rtsom pa zhi zhing bral bar 'gyur ba dang / de'i
 'og tu bud med kyi nu zho'i thigs ba'i rgyun blugs par byas la/ sbyar sman de dag gis lan gsum phan chad ni mig bsku bar mi bya'o/ /bal bu'i lo ma pi pi ling / /rgya spos lcags phye stang zil dang / /dzA ti kha 'bus nag chur dang / /
 rgyam tsha ba gcin btags pa yi/ /lde gus zangs kyi snod bskus la/ /zhag bdun bzhag ste ba gcin dang / /btags te ri lur byas nas ni/ /de 'og grib ma la bskams te/ /bud med nu zho dang bdar bsku/ /drud snyam byed dang mchi ma 'dzag /skrang dang
 g.ya' ba sel bar byed/ /ces bya ba la/ bal bu'i lo ma la sogs pa'i sman ba gcin dang btags pas zangs kyi snod la bskus la/ zhag bdun gyi par du bzhag ste/ bkog la de'i 'og tu ba 'am re'i gcin dang btags te ri lur byas la grib ma la
 bskams te/ ri lu de bud med kyi nu zho dang bdar te/ mig tu bskus na mig nad drud pa snyam du sems pa la sogs pa sel bar byed do/ /kaN+Daka re'i shun pa dang / /shing mngar zangs ma'i bye ma ni/ /nga yi 'o mas lde gur byas/ /sha mi skyu ru ra'i lo
 ma/ /mar gyis bskus pa'i dud pas bdugs/ /bskus na skrangs dang gzer nad sel/ /zhes bya ba la/ kaN+Daka re'i shun pa la sogs pa ji skad smos pa bzhin du lde gur byas pa la sha mi dang skyu ru ra'i lo ma mar gyis bskus pa'i dud pas bdugs te bskus na
 skrangs pa la sogs pa'i nad sel bar byed do/ /skyur gyis bskyed la mkhris pa yi/ /mchi ma 'dzag pa'i cho gas gso/ /zhes bya ba la/ skyur gyis bskyed pa zhes bya ba'i mig nad la ni mkhris ba'i mchi ma 'dzag pa'i cho ga ji skad smos pas gso bar bya'o/ /
 bad kan khrag mkhris kyis bskyed dang / /'dus pas bskyed dang sgra ngan dang / /rdzi ma 'gags dang mig smin skam/ /rnag gi chu seng pad+ma'i rtsa/ /mig mchu'i sha dang skyur skyed cung / /mchi 'dzag gdung ba rlung ma gtogs/ /bco brgyad po dag chag par bshad/ /
 yun ring du ni na ba yin/ /zhes bya ba la/ /bad kan gyis bskyed pa dang / khrag gis bskyed pa dang / mkhris pas bskyed pa dang / 'dus pas bskyed pa dang / sgra ngan dang / rdzi ma 'gags pa dang / mig smin ma skam po dang / rnag gi chu ser can dang / pad+ma'i
 rtsa ba dang / mig mchu'i sha dang / skyur gyis bskyed pa dang / cung zad skrangs pa dang / mkhris pa'i mchi ma 'dzag pa dang / khrag gi mchi ma 'dzag pa dang / bad kan gyi mchi ma 'dzag pa dang / mkhris pa'i mig nad gdung ba dang / khrag gis gdung ba dang / /
 bad kan gyis gdung ba ste/ de ltar mig nad bco brgyad po dag ni yun ring du na zhing gnas par byed pa yin zhing / thams cad kyang mig tshag par bshad pa yin no/ /'di dag gso ba so so yi/ /le'u'i nang du bshad pa yin/ /de'i 'og mig tshag spyi yi bshad/ /
 ces bya ba la/ mig tshag pa 'di dag gi gso ba gang dag yin pa de so so'i le'u'i nang du bshad cing bstan pa yin zhing / rang rang gi gang dag bshad pa yin la/ de las gzhan yang mig tshag pa yun ring du rjes su 'brel cing na ba'i thun mong gi sbyi'i gso ba da ltar 'dir ston
 cing 'chad pa yin no/ /de nas mig tshag nad pa ni/ /snum chos slon ni byas nas kyang / /gtar ga gdab cing khrig dbyung bya/ /bkru sman btang zhing mig chu ni/ /dag par gyur gyi bar du bzhar/ /zhes bya ba la/ de nas de'i 'og tu mig tshag par gyur pa dag /dang
 por snum chos byas la skyug sman gtang zhing slon du bcug ste/ gtar ga gdab pa dang / de'i 'og tu snum chos te bkru sman btang la/ de'i 'og mig gi chu dag cing nad med par gyur gyi bar du bzhar zhing zhal zhal gdab pa'i spyad kyis bsal bar bya'o/ /spangs ma
 srang gcig na le sham/ /dkar po srang ni nyi shu dang / /skyur rtsabs srang ni sum cu dag /btags te zangs ma'i snod du gzhug /lo mang lon pa'i mig tshag pa'am/ /chu ser 'dzag sogs zhi bar byed/ /gos dang tsha dang mchi ma 'dzag /g.ya' skrangs de blugs
 pa yis sel/ /zhes bya ba la/ /sbangs ma srang gcig la sogs pa ji skad smos pa bzhin du btags te zangs ma'i snod du bcug la de'i thigs pa blugs na lo mang du lon pa'i mig tshag pa'am chu ser 'dzag pa la sogs pa zhi bar byed do/ /
 de bzhin du gos pa la sogs pa'i mig nad kyang de blugs pas sel bar byed do/ /bye'u rug ka rany+dza'i sa bon/ /dzA ti'i me tog kha 'bus ba/ /brdungs te bskol la btsags nas ni/ /khu bar byas pa de dang ni/ /stang zil dang sbyar mig sman ni/ /mig tshag g.ya'
 dang chu ser 'dzag / g.ya' zhing 'drul ba sel mchog yin/ /zhes bya ba la/ bye'u rug pa la sogs pa gtun la brdungs te bskol la/ /ras gtsang mas btsags pa'i khu ba dang / stang zil sbyar ba'i mig sman gyis ni mig tsha ba la sogs pa sel bar byed do/ /skyer
 pa'i khaN+Da sra rtsi phog / rag nang dud pa ldong ros dang / /rgyam tsho'i lbu ba rgyam tsha dang / /na le sham dang btsag yug snam/ /sbrang rtsi btags pas mig sman ni/ /mig tshag 'drul g.ya' sel bar byed/ /ces bya ba la/ skyer pa'i khaN+Da la sogs pa sbrang rtsi dang zhib tu btags
 pa'i mig sman ni mig tshag pa dang / 'drul pa la sogs pa sel bar byed pa yin no/ /rgya spos a ru ra'i khu bar/ /dngul rdo btags pas mig tshag sel/ /zhes bya ba la/ rgya spos dang u ru ra bskol ba'i khu ba dang / dngul rdo btags pa'i mig sman gyis kyang
 mig tshag pa sel bar byed do/ /thang shing snum dang bcas pa ni/ /ra gcin nang du sbangs pa'ang phan/ /zhes bya ba la/ thang shing snum dang bcas pa ra gcin gyi nang du sbangs pa'i mig sman yang mig tshag pa la phan no/ /rgyam tsha 'bras gsum pi pi ling / /dung gi snying
 po pu tse shel/ /zangs ma'i bye ma bcas ri lu/ /mig tshag ling tog sel bar byed/ /ces bya ba la/ rgyam tsha dang 'bras bu gsum la sogs pa zangs ma'i phye ma dang bcas pa ri lur byas pas kyang mig tshag pa dang / ling tog sel cing 'jig par byed do/ /
 yang na nag tshur phye ma ni/ /bye'u rug pa'i khu bar sbangs/ /zangs ma'i snod du zhag bcu bzhag /de yis mig tshag chu ser 'dzag /rdzi ma 'byi ba sel bar byed/ /ces bya ba la/ nag tshur gyi phye ma bye'u rug pa bskol ba'i khu bar sbangs pa zangs ma'i snod kyi nang
 du zhag bcu'i bar du bzhag pa'i mig sman des ni mig des ni mig tshag pa la sogs pa sel bar byed do/ /ldong ros dang ni skyer pa'i khaN+Da dang / /de mnyam zangs ma'i phye ma zhib tu tags/ /phye ma mig sman thur ma gcig gis kyang / /rdzi ma skyed cing mig tshag 'dis sel byed/ /
 ces bya ba la/ ldong ros dang skyer pa'i khaN+Da cha mnyam du byas la de gnyis ji tsam du yod pa dang / zangs ma'i phye ma mnyam du byas pa zhib tu btags te phye ma'i mig sman 'dis bskus na mig sman gyi thur ma gcig gis kyang mig tshag pa'i ba spu skyed cing sel bar byed
 pa yin no/ /rgya skyegs bring ga skyer pa ni rgun ti/ /khu bar ras kyi dum bu lan bdun sbangs/ /sdong bu mar me de bus las byung ba'i/ /snag tsha mig tshag sel par byed mchog yin/ /zhes bya ba la/ rgya skyegs la sogs ba'i khu bar ras kyi dum bu dri ma med pa bzang
 po lan bdun gyi bar du sbangs la/ de'i sdong bu mar dang bcas par sbyar ba las byung ba'i snag tshas kyang mig tshag pa sel bar byed pa yin no/ /mig mchu mang du zhal zhal bya/ /de bzhin gtar ga bya ba dang / /bkru sman yang yang bya ba ni/ /mig tshag can gyi nad
 pas bstan/ /zhes bya ba la/ mig tshag pa'i nad pas ni mig mchu zhal zhal bya ba la sogs pa lan mang du bsten par bya'o/ /rnag gi chu 'dzag ma zhi'i mthar/ /thur ma phra mos bsreg par bya/ /zhes bya ba la/ rnag gi chu ser 'dzag pa zhi bar ma gyur na/ de'i thams
 thur ma phra mos bsreg par bya'o/ /de ltar mig nad dgu bcu bzhi/ /nad gzhi mtshan nyid gso ba dag /phan tshun 'dres pa med par ni/ /ma lus par ni bshad par yin/ /zhes bya ba la/ tshul de ltar na mig nad kyi rgyu dang / mtshan nyid dang / gso ba'i tshul gyis
 nad dgu bcu rtsa bzhir bshad pa yin la/ de dag kyang phan tshun 'dres shing 'dom pa med pa'i tshul gyis ma lus par bshad pa yin no/ /skyes bu nad med pa yis kyang / /nas dang gro rnying drug cu ba/ /sA lu khre rgod rnying pa dang / /mung+ga la
 sogs pad mkhris 'joms/ /zhun mar mang du btab pa dang / /tshod ma de 'dra skam sa yi/ /sha dang se'u 'bru kha ra dkar/ /bsten zhing char chu btung ba dang / /gdugs cing l+h+wam ni bgo ba dang / /cho ga bzhin du nad sbyangs pa/ /rnam pa kun tu bsten par bya/ /
 zhes bya ba la/ skyed bu nad med pa dag gis kyang mig la gnod pa med cing phan par 'dod na nas rnying pa la sogs pa rnam pa thams cad du bsten par bya ba dang / de bzhin du sran mu d+ga la sogs pa bad kan dang mkhris pa 'joms pa'i kha zas mar mang du btab pa dang /
 tshod ma dang bad kan dang mkhris pa sel ba'i mar mang du btab pa bsten pa dang / /skam sa'i sha dang / se'u 'bru la sogs pa nas/ l+h+wam bgo pa'i bar cho ga ji lta ba bzhin du rnam pa thams cad du bsten par bya'o/ /shugs bkag pa dang ma zhur za/ /phyed zhu za
 dang rtug 'gag za/ /tsha dang phyi sa 'gag byed pa'i/ /zas dang sbyod lam sman kun spang / /zhes bya ba la/ nad med pa'i mis kyang / mig la phan par 'dod na/ shugs bkag pa la sogs pa dang / /phyi sa 'gag par byed pa'i zas la
 sogs pa rnam pa thams cad du spang bar bya'o/ /rkang pa gnyis kyi dbus na rtsa sbom po/ /gnyis gnas de yis mig ni nang du khyab/ /de bskus byug dang dril ba la sogs pa/ /rkang par byas na mig tu 'gro bar 'gyur/ /zhes bya ba la/ rkang pa gnyis kyi dbus na
 rtsa sbom po gnyis gnas la des kyang mig nang du khyab pas na rtsa de la bsku ba la sogs pa byas na mig tu 'gro bar 'gyur zhing phan par 'gyur ba yin no/ /dri ma tsha dang snad pa la sogs pas/ /de gnod gyur na mig la gnod par 'gyur/ /de bas mig la phan 'dod l+h+wam
 dang ni/ /bsku dang dril dang byug pa sogs sten bya/ /zhes bya ba la/ rtsa de dri ma la sogs bas gnod par gyur na/ mig la gnod par 'gyur la/ de bas na mig la phan par 'dod pas rtag par dus thams cad du l+h+wam bgo ba dang / snum gyis bsku ba dang / bag
 zan la sogs pas dril ba dang / sman gyi lde gus byug pa dang / bsku ba la sogs pa rnam pa thams cad du bsten par bya'o/ /yan lag brgya pa'i snying pa'i rnam par 'grel pa tshig gi don gyi zla zer zhes bya ba slob dpon zla ba la dga' bas nges par sbyar ba las/ phyi ma'i
 gnas kyi le'u bcu drug pa'i rnam par 'grel pa'o/ / //de nas rna ba'i nad kyi dmigs shis pa bshad par bya'o/ /zhes bya ba la/ mig nad kyi nges pa bshad nas rna ba'i nad kyi gzhi la sogs pa bshad par bya ba'i phyir le'u 'di brtsams pa yin no/ /cham pas
 btab dang chu la rtse/ /rna ba brud pas rlung 'khrugs shing / /sgra yi log pa'i sbyor ba dang / /ldang ba'i rgyu gzhan gyis 'khrugs nas/ /rna ba'i rtsar ni rlung zhugs te/ /rna ba'i bu gar shugs drag gzer/ /gzhogs phyed na zhig rengs pa dang / /grang ba dag ni mi 'phrod cing / /
 ring nas rnags shing smin nas kyang / /chu ser cung zad 'dzag par byed/ /rgyu med rna ba stong snyam sems/ /zhum dang rgyas ba snyam du byid/ /ces bya ba la/ cham pa la sogs pa dang sgra yid du mi 'ong ba log pa'i sbyor ba thos pa dang rlung 'khrugs pa'i rgyu zas dang sbyod lam gzhan
 dag gis kyang rlung 'khrugs par gyur cing / rna ba'i rtsar zhugs te rna ba'i bu gar shugs drag tu gzer bar byed pa dang / de bzhin du mgo bo'i gzhogs phyed na ba dang / rengs shing 'gyur mi shes pa dang / grang ba la mngon par mi dga' ba dang / yun ring zhig na smin
 cing rnags pa dang / /rna ba'i nad de smin nas kyang / chu ser cung zad 'dzag par gyur pa dang / rgyu med cing gzhi med par rna ba stong pa snyam du sems pa dang / thang 'ga' ni zhum thang 'ga' ni rgyas pa snyam du byed pa yin no/ /mkhris gyur tsha bcas na zhing gzer/ /grang
 'dod skrang zhing rim gyis 'debs/ /myur du smin zhing smin nas kyang / /chu ser ser por 'dzag par byed/ /chu ser des ni gang gang du/ /reg pa de dang der rnags 'gyur/ /zhes bya ba la/ mkhris pa rang gi rgyus 'khrugs par gyur pa las rna
 ba'i bu ga tsha pa la sogs pa dang ldan pa dang / de myur du smin cing rnags pa dang / smin nas chu ser ser por 'dzag par byed pa dang / chu ser de gnas gang dang gang du reg pa de dang der rnams shing 'drul bar 'gyur ro/ /bad kan las gyur mgo 'gram pa/ /mgrin pa lci zhing
 nad shugs dal/ /g.ya' zhing grang la dro ba 'dod/ /smin nas rnag dkar ska ba 'dzag /ces bya ba la/ /bad kan rang gi rgyus 'khrugs par gyur pa las/ rna ba'i bu ga dang mgo la sogs pa lci bar 'gyur ba dang / nad kyi shugs dal zhing chung ba dang / g.ya' ba
 la sogs pa myong bar 'gyur ba yin no/ /snad la sogs pas gnod gyur pa/ /rna ba gzer bar byed par 'gyur/ /khrag dang mkhris pa ltar na dang / /mtshan nyid cung zad lhag pa yin/ /zhes bya ba la/ snad pa la sogs pas gnod par gyur pa ni/ rna ba shas
 cher gzer bar byed pa dang / khrag dang mkhris pa dang 'dra bar na bar byed pa yin la/ de las kyang mtshan nyid cung zad tsam gyis lhag par gyur pa yin no/ /nad gzhi 'dus pas gzer ba dang / /skrangs bcas rims 'debs mi bzad na/ /res kyis grang dang dro ba 'dod/ /
 'od pa lta bu nyid du 'gyur/ /smin nas rnag ni dkar dang gnag /dmar dang ska ba 'dzag par 'gyur/ /zhes bya ba la/ rlung la sogs pa'i nad kyis rna ba gzer ba dang / /skrangs pa la sogs par 'gyur ba dang / res kyis ched 'ga' grang ba dang / ched 'ga' dro ba
 'dod par 'gyur ba dang / 'on pa lta bu sgra thos pa med par 'gyur ba la sogs pa yin no/ /sgra thos rtsar ni rlung zhugs pa/ /rgyu med par ni sna tshogs pa'i/ /sgra ni yang dang yang du thos/ /de ni rna ba'i sgra zhes bshad/ /ces bya ba la/ rlung sgra thos par byed pa'i rtsa'i
 nang du zhugs par gyur na/ rgyu med par sgra sna tshogs pa yang dang yang du thos par 'gyur ba yin te/ nad de ni rna ba'i sgra zhes bya bar drang srong rnams kyis bshad do/ /rlung ni bad kan dang 'dres pa'i/ /rna sgra yal bar bor na ni/ /skad gsang mthon por smras pa
 thos/ /rim gyis 'on pa nyid du 'gyur/ /zhes bya ba la/ rlung rim gyis bad kan dang 'dres pa las/ sgra grag pa'i nad yal bar bor zhing ma gsos na skad gsang mthon pos thos par 'gyur ba 'am/ yang na rim gyis 'on pa nyid du 'gyur ro/ /rlung gis bad
 kan bskams gyur pas/ /de la rna bar gos gyur na/ /na zhing lci la 'gags gyur pa/ /de ni rna pa 'gags zhes bshad/ /ces bya ba la/ bad kan rlung gis bskams par gyur na/ des rna bar gos shing chags la byugs pa lta bur 'gyur la rgyu des rna ba na ba la sogs par 'gyur
 te nad de ni rna ba 'gags pa zhes bya'o/ /zhes slob dpon gyis bshad do/ /bad kan las ni rna ba g.ya'/ /skrang sra de yi ming gis bshad/ /ces bya ba la/ bad kan las rna bar g.ya' ba la sogs pa 'byung bar 'gyur ba yang slob dpon gyis de'i ming gis bshad de
 g.ya' zhing skrangs la sra ba zhes bshad do/ /mkhris pas bad kan tshig gyur pa/ /nad bcas pa 'am nad med kyang / /rnag ska 'dzag cing mang du 'drul/ /rna ba rnag can byed par 'gyur/ /zhes bya ba la/ mkhris pas bad kan tshig par byas shing smin pa'i gnas
 skabs su gyur pa na/ rna ba rnag can zhes bya ba'i nad du 'gyur te/ de ni nad dang bcas pa la sogs pa'i mtshan nyid dang ldan pa yin no/ /rlung sogs pa yis rna ba'i sha/ /khrag la gnod gyur 'drul bar za/ /srin bus bskyod cing mi bzod na/ /rna nad srin bu can
 zhes bya/ /zhes bya ba la/ rlung la sogs pa'i nad rang gi rgyus bskyed pa dag gis rna ba'i sha dang khrag gnyis la gnos par byas shing 'drul bar gyur pa'i dbang gis za zhing 'cha' bar byed pa'i srin bus bskyod pa na mi bzad par na ba'i nad de ni ming srin bu can zhes bya'o/ /rna ba
 phug pa'i rma las byung / /rma ni snga ma'i mtshan nyid can/ /khong 'bras 'gyur ba'am/ /zhes bya ba la/ /rna ba phug pa las byung ba'i rma byung ba'i mtshan nyid ni/ sngar bshad pa'i nad gzhi'i skabs nas smos pa'i mtshan nyid can gyi khong 'bras su 'gyur
 ro/ /gzhan du'ang 'gyur/ zhes bya ba la/ gzhan du'ang 'gyur zhes bya ba ni/ khong 'bras rlung las gyur pa la sogs pa gzhan dag kyang / nad gzhi'i skabs nas sngar bshad pa lta bur gyur pa las 'di nyid ni khong 'bras kyi dbye ba tsam du zad pas de'i phyir grangs su
 logs shig tu ma bgrangs pa yin no/ /thor bu 'brum bu skrangs las 'byung / /de las rna ba rnags pa dang / /'on par byed pas gnod par 'gyur/ /zhes bya ba la/ rna ba thor bu dang 'brum bu skrangs pa las nad gzhi so so dang 'dus pa dang ldan pa dang khrag las gyur pa
 rlung 'byung bar 'gyur la/ thor bu 'brum bu de las rna ba rnags pa la sogs pas gnod par 'gyur ro/ /de ltar na 'di las thor bu dang 'brum bu'i rna ba'i nad ces bya ba gnyis su 'gyur ro/ /mngal du rlung gis rna ba'i sha/ /zhum 'gyur 'khums pa zhes bya'o/ /zhes bya
 ba la/ mngal gyi gnas skabs su rlung las rna ba'i 'gram gyi sha 'khums shing 'dus par gyur pa ni rna ba 'khums pa zhes bya ba yin no/ /mngal du sha mdzer sra na med/ /pi pi ling 'dra mang po'ang gcig /nad me pi pi ling zhes bya/ /zhes bya ba la/ mngal gyi gnas
 skabs nyid du sha'i mdzer pa sra zhing na ba med pa pi pi ling gi tshad tsam mang po 'am gcig 'byung ba gang yin pa de ni ming pi pi ling zhes bya'o/ /'dus pa las gyur gas pa ni/ /mdog 'dra na zhing sra ba dang / /skrangs gyur de ni ma gsos na/ /smin nas yungs mar lta bur ni/ /
 'dzag cing 'tsho ba dka' bar 'gyur/ /rma 'tshobs nas kyang nges par ni/ /rna ba'i sha ni zhum par 'gyur/ /zhes bya ba la/ 'dus pa'i rgyu las skrangs pa gang kha dog 'dra ba la sogs par 'gyur ba de ni ming gas pa zhes bya ste/ skrangs pa de ma gsos te yal bar bor nas
 smin cing rnags pa 'gyur na yungs mar lta bu 'dzag pa la sogs pa'i mtshan nyid dang ldan pa yin no/ /rtsa la gnas pa'i rlung gis ni/ /rna shal skam pa de ming can/ /zhes bya ba la/ rlung rna ba'i rtsa na gnas shing rna rtsa skam par byed pa'i nad de ni de'i ming can de rna shal
 skam pa zhes bya'o/ /rna shal pi lbang rgyud ltar phra/ /sra ba rgyud can zhes bya'o/ /zhes bya ba la/ rlung gis rna shal pi lbang gi rgyud ltar sra zhing phra bar gyur pa de ni ming rgyud can zhes bya'o/ /gzhon sha can ni yun ring du/ /btang snyoms bor nas 'phral du bskyed/ /rna shal
 skrang zhing nad bcas la/ /dmar zhing 'byar bar gyur pa ni/ /de ni rlung gis 'byar zhes bya/ /zhes bya ba la/ shin tu gzhon sha can gyi rna ba 'jam po yun ring du btang snyoms su bzhag nas/ de'i rjes la 'phral du de'i mod la rna ba'i bu gar bskyed cing brgyangs par
 gyur na rna shal skrangs pa dang / na ba dang bcas shing dmar la slar 'byar bar 'gyur te/ de ni rlung gis 'byar ba zhes bya'o/ /gnod 'gyur rgyan lci khur sogs kyis/ /khrag dang mkhris pa 'khrugs gyur pas/ /dmar zhing tsha na smin pa dang / /skrang dang 'brum bu
 'brum phran dang / /dmar zhing tsha la rnags pa yin/ /zhes bya ba la/ rgyan lci ba la sogs pa'i rgyus khrag dang mkhris pa 'khrugs par byas pas dmar ba la sogs pa dang ldan pa'i nad de ni ming gnod par gyur pa zhes bya'o/ /rlung dang bad kan gyis rna shal/ /
 skrang zhing nad med sra ba dang / /brtan zhing mdog 'dra g.ya' ba dang / /de ni mnye ba zhes byar bshad/ /ces bya ba la/ rlung dang bad kan gyi rgyus rna shal skrang zhing / /skrangs pas kun tu khyab la/ /na tsha chung zhing sra ba dang / /brtan par byas pa la sogs pa'i nad de ni
 mnye ba zhes bya ba dang / gal li ri zhes kyang bya'o/ /phug nyes rna ba brgyangs pa las/ /g.ya' bcas tsha grang smin cing na/ /'dus pa las gyur skrangs pa de/ /sdug bsngal 'phel byed ces bya'o/ /zhes bya ba la/ rna ba phug pa nyis shing nang brgyangs drags pa las
 g.ya' ba la sogs pa'i nad du 'gyur te/ nad de'i ming ni sdug bsngal 'phel ba zhes bya'o/ /bad kan khrag gyur srin bu phra/ /g.ya' zhing gnag la rnag bcas pa/ /srin bu phra mos bldags zhes bya/ /de ma gsos na rna shal ba/ /zhes
 bya ba la/ bad kan dang khrag las gyur pa'i srin bu phra mo g.ya' pa la sogs pa dang bcas pa ni rna shal bldags pa zhes bya ste/ /de ma bcos shing yal bar bor na rna shal za zhing bldags par 'gyur ro/ /de las 'dus gyur pi pi ling / /gzer can gas
 'khums gsor mi rung / /rgyud can gcig pu 'tsho ba tsam/ /lhag ma rnams ni gso bar bya/ /zhes bya ba la/ rna ba'i nad 'di rnams kyi nang nas pi pi ling zhes bya ba dang / gzer can zhes bya ba dang / gas pa zhes bya ba dang / /rna ba
 'khums pa zhes bya ba de ni gsor mi rung ngo / /rgyud can gcig pu ni re zhig 'tsho ba tsam du gsor rung ngo / /lhag ma nyi shu ni gsor rung ba yin no/ /de ltar rna ba'i nad kyi ni/ /dbye ba nyi shu rtsa lngar bshad/ /ces bya ba la/ de ltar bshad ma thag pa'i tshul gyis rna ba'i
 nad kyi dbye ba ni grags nyi shu rtsa lnga yod do zhes slob dpon gyis bshad do/ /yan lag brgyad pa'i snying po'i rnam par 'grel pa tshig gi don gyi zla zer zhes bya ba slob dpon zla ba la dga' bas nges par sbyar ba las/ phyi ma'i gnas kyi le'u bcu bdun pa'i rnam par 'grel
 pa'o/ / //de nas rna ba'i nad gso ba bshad par bya'o/ /zhes bya ba la/ go rims kyis na le'u 'di brtsams pa yin no/ /rlung las gyur pa'i rna nadal/ /sha khu blud cing rlung 'joms pa'i/ /sman bskol mar ni mtshan mo blud/ /ces bya ba la/ rlung
 las gyur pa'i rna ba'i nad la ni/ mtshan mo nyal khar nad pa la sha khu blud par bya zhing rlung 'joms pa'i sman rtsa ba bcu pa la sogs pa dang bskol pa'i mar blud par bya'o/ /rna ba dugs byas de rjes la/ /a shat+tha dang e raN+Da/ /bil ba arka'i lo ma dang / /til mar
 rgyam tshar bcas pa dang / /phur ma btso ba byas pa yi/ /khu ba dro 'jom tsam mam ni/ /la phug gu gul rna ba dgang / /zhes bya ba la/ rna ba dang por dugs bya zhing snum chos kyi cho ga byas nas de'i rjes la a shwat+tha la sogs pa'i lo ma'i sman gyi phur ma
 btso ba 'am yang na la phug dang gu gul bskol ba'i khu ba gang yang rung bas rna ba dgang bar bya'o/ /rlung 'joms sde tshan skyur rnams dang / /gcin gyi nang du snum chen ni/ /bskol ba de ni rna ba'i nad/ /mi bzad pa yang myur du sel/ /zhes bya ba la/ rlung 'joms
 pa'i sde tshan thang shing la sogs pa dang / skyur te skyur rtsabs dang / zhog chu dang dar ba la sogs pa rnams dang / ma he dang ba lang la sogs pa'i gcin gyi nang du snum chen po ste/ zhun mar dang til mar dang rkang dang zhag ces bya ba bskol ba des ni rna ba'i nad mi bzad
 cing brnag par dka' ba yang sel bar byed do/ /rtsa ba chen po lnga yi shing / /gang yang rung ba gso mas dkri/ /til mar gyis bskus 'bar ba'i rtse/ /snum 'dzag 'phral du nad sel byed/ /ces bya ba la/ rtsa ba chen po lnga'i shing gang yang rung ba cig dang / de
 bzhin du sa ra la zhes bya ba'i shing sor bcu tsam la gso mas cha gsum dkris la til mar gyis bskus te 'bar ba'i rtse mo la tshig pa'i tshe snum gang zhig 'dzag par gyu pa des ni 'phral du rna ba'i nad sel zhing 'joms par byed do/ /de bzhin thang shing ru rta dang / /sgron shing
 las kyang de bzhin bya/ /zhes bya ba la/ de bzhin du thang shing la sogs pa dag kyang shing sor bcu tsam la gso mas dkri zhing til mar gyis bskus la 'bar ba'i rtse mo nas 'dzag pa'i snum gang zhig byung ba de bsags pa dro 'jom tsam du blud na yang rna ba'i nad 'phral du sel bar
 byed do/ /rlung nad cham pa la bshad pa'i/ /gso bas 'dir yang phan pa yin/ /zhes bya ba la/ rlung las gyur pa'i cham pa la phan pa'i sman gang yin pa de 'dir rlung las gyur pa'i rna ba'i nad la yang phan pa yin no/ /mgo bo bkru dang chu grang btung / /nyin mo'ang yongs
 su spang bar bya/ /zhes bya ba la/ rna ba'i nad de la/ mgo bo bkru ba dang / chu grang btung ba ni nyin mo yang spang bar bya'o/ /mkhris gyur kha ra dkar por bcas/ /mar gyis snum byas bkru sman gtang / /zhes bya ba la/ mkhris pa las gyur
 pa'i gzer nad la ni/ kha ra dkar po dang bcas pa'i mar gyis snum gyi cho ga byas pa la mkhris pa sel ba'i bkru sman gtang bar bya'o/ /rgun 'bru shing mngar nu zho bskol/ /rna ba bkang pa'ang bsngags pa yin/ /zhes bya ba la/ rgun 'bru la sogs pa'i sbyor bas rna ba
 bkang ba yang mkhris pa las gyur pa'i rna ba gzer ba la phan no/ /shing mngar tsan+dan dUr ba dkar/ /pu shel tse dang ram nye ba/ /seng phrom pad+ma'i rtsa ba dang / /pad+ma'i sdong bu dzi ba ka /btsod dang thal tres bskol ba dang / /shing mngar khu ba bre gang dang / /'o ma bre do
 bcas pa dag / til mar phul gang bskol ba dang / /'di yis rnar blugs rna dgang bsku/ /yang na sbrang rtsi nyi tshes dgang / /gzer dang tsha dang na ba sel/ /zhes bya ba la/ shing mngar la sogs pa'i lde gu dang / shing mngar bskol ba'i khu ba bre gang la sogs pa ji
 skad smos pa bzhin du bskol ba til mar 'di rna bar blugs pa la sogs pa byas na/ gzer ba la sogs pa sel bar 'gyur ro/ /yang na sbrang rtsi nyi tshes bkang na yang gzer ba la sogs pa sel bar byed do/ /shing mngar la sogs mar dang bcas/ /rna ba kun tu byugs na 'ang
 phan/ /zhes bya ba la/ shing mngar dang tsan+dan la sogs pa bshad ma thag pa'i sman mar dang bcas pa'i lde gus rna ba kun tu byugs shing bskus na yang gzer ba la sogs pa la phan no/ /bad kan las gyur pi pi ling / /mar bskol snum gyur skyug tu gzhug /ces
 bya ba la/ bad kan las gyur ba'i rna ba'i gzer la ni/ /pi pi ling dang zhun mar bskol ba'i snum gyi cho ga byas la skyug sman gtang ste slon du gzhug go/ /bad kan sel ba'i sna sman dang / /mkhur bkang dugs dang dud pa brngub/ /ces bya ba la/ /bad kan las gyur pa'i
 rna ba'i gzer la ni bad kan sel ba'i sna sman la sogs pa bya'o/ /sgog skya sge'u gsher shi kru dang / /la phug chu shing mu rang ga /bskol ba'i khu ba dam pa ni/ /dro 'jam rna bar blugs na'ang phan/ /zhes bya ba la/ sgog skya la sogs pa'i khu ba dro 'jam tsam blugs
 na yang mchog tu phan pa yin no/ /arka'i myu gu skyur khur btags/ /til mar rgyam tshar bcas pa gang / /snu ha'i shing bu brus par ni/ /bcug la arka'i lo mas g.yogs/ /phur ma btsos pa'i tshul du bsregs/ /de yi khu ba gzer 'joms mchog /ces
 bya ba la/ shing arka'i myu gu rang skyur la sogs pa khu ba skyur po'i nang du btags la ji skad smos pa'i phur ma btsos pa'i tshul du bsregs pa'i khu ba ni gzer 'joms par byed pa'i mchog yin no/ /ma du lung ga'am ka pid tha'i/ /khu bas bkang ba byas na phan/ /zhes
 bya ba la/ yang na ma du lung ga'i khu ba'am ka pid tha'i khu bas rna ba bkang na yang gzer ba la phan no/ /yang na tshas bkang de rjes la/ /rgya mtsho'i wu ba'i phye mas gdab/ /ces bya ba la/ yang na rna ba tshas bkang la de'i 'og tu rgya mtsho'i wu ba'i phye ma btab na'ang phan no/ /ra
 lug gcin dang 'o mas shun/ /til mar bskol bas bkang na phan/ /zhes bya ba la/ yang na ra lug gi gcin la sogs pa'i sbyor ba'ang phan no/ /yang na yungs mar shing kun dang / g.yer ma dong gra bskol ba blugs/ /zhes bya ba la/ yang na yungs mar la
 sogs pa'i sbyor ba ji skad smos pa ltar btang na 'ang phan no/ /khrag gyur mkhris pa lta bur gso/ /gtar ga myur du gdab par bya/ /zhes bya ba la/ khrag las gyur pa'i rna ba'i nad la mkhris pa las gyur pa'i rna ba'i gzer ltar gso bar bya'o/ /smin cing
 rna ba khrag 'dzag la/ /dud pa mkhur bkang sna sman sbyar/ /sbu gu'i cho ga dag dang ni/ /rma red cho ga gang yin bya/ /zhes bya ba la/ rna ba'i nad smin cing rnag 'dzag par gyur na dud pa brngub pa la sogs pa sbyar bar bya zhing / de bzhin du sdu gu'i cho ga ji
 skad bshad pa dag kyang sbyar bar bya la/ rma red pa'i gso ba gang dag yin pa de yang sbyar bar bya'o/ /gos par ye'us dus gnyis su/ /rna ba phyi zhing dag par bya/ /gu gul dud pas bdugs nas kyang / /sbrang rtsi yis kyang dgang bar bya/ /zhes
 bya ba la/ rna bar rnag la sogs pa chags shing gos par gyur na/ ras bal gyi ye'us nyin re zhing dus gnyis su phyi zhing dag par byas la/ de'i rjes la gu gul gyi dud pas bdugs te sbrang rtsis yongs su dgang par bya'o/ /bye'u rug khu ba bskol ba dang / /bu ram
 khu bas bsgos pa yi/ /ras bal ye'u rab phras byug /de yi phye ma gdab par bya/ /zhes bya ba la/ yang na rna ba rnag can de bye'u rug pa'i khu ba la sogs pas bsgos pa'i ras bal gyi ye'u phra mos byug par bya ba dang / phye ma la sogs pa'i sman de dag zhib tu
 btags pa'i phye mas gdab par bya'o/ /gzer dang rnags dang lci ba la/ /cho ga 'dis ni bzlos par bya/ /zhes bya ba la/ bshad ma thag pa'i cho ga 'di nyid ni gzer la sogs pa yang zlog par byed pa yin par drang srong rnams kyis bshad do/ /pri yang ku dang
 am+pash+tha/ /shing mngar dang ni da ta ki /ut+pa la yi lo ma dang / /btsod dang seng phrom rgya skyegs dang / /ka pid tha yi khu ba dang / /til mar bskol te de blugs na/ /rnag 'dzag pa ni myur 'chad byed/ ces bya ba la/ pri yang ku la sogs ba'i ldi gu dang / ka pid
 tha la sogs pa bskol ba'i til mar de rna bar blugs shing bkang na rnag 'dzag pa myur du 'chad par byed do/ /sgra bcas 'on pa dag la ni/ /rlung gi gzer 'joms sman gtang bya/ /zhes bya ba la/ rna ba sgra dang bcas pas 'on par gyur pa gnyis la ni/ rlung gi rna ba'i nad
 kyi gzer 'joms par bshad pa'i sman gang dag yin pa gtang bar bya'o/ /bad kan las gyur bad kan ni/ /slon sman sogs kyis dang por bsal/ /zhes bya ba la/ /sgra dang bcas pa dang 'on pa bad kan las gyur pa dag la ni dang por slon sman la sogs pas bad kan
 bsal bar bya'o/ /e raN+Da dang shi kru dang / /la phug gzhon nu'i 'o ma dang / /khu ba til mar bzhi 'gyur dang / /lo ma brgyad 'gyur bcas pa dang / /shing mngar ram nye ba'i lde gu/ /bcas par bskol ba rnar blugs dang / /bsku dang rna ba bkang ba yis/ /sgra bcas
 'on dang gzer ba 'joms/ /zhes bya ba la/ e raN+Da la sogs pa'i lo ma bskol ba'i khu ba dang / til mar de'i bzhi 'gyur dang / lo ma til mar brgyad 'gyur dang bcas pa dang shing mngar dang ram nye ba'i lde gu bskol te tel mar lus pa rna bar blugs pa la sogs pa byas na sgra la
 sogs pa dang bcas pa'i nad 'joms par byed do/ /shing kun bong nga dkar po dang / /shu ti skyer shun swa rdzi ka /til mar tsha dang bcas bskol bas/ /bkang na gzer dang chu ser 'dzag /sgra bcas lon pa sel bar byed/ /ces bya ba la/ shing kun la sogs pa'i lde gu
 dang / til mar gyi bzhi 'gyur gyi tsha dang bskol ba'i til mar gyis rna ba bkang na rna ba gzer ba dang bcas pa yang sel bar byed do/ /rna ba sgra dang bcas pa la/ /yungs mar gyis ni bkang na phan/ /zhes bya ba la/ rna ba sgra zi zi po dang bcas pa la ni/ yungs
 mar btsir ba'i mar gyis rna ba dgang bar bya'o/ /la phug skam po'i dum bu yi/ /thal ba shing kun bca' sga dang / /shu ti ru rta shu dag dang / /thang shing shi kru skyer khaN+Da/ /ya bak+Sha ra rtsabs ru tsha/ /rgyam tsha rdul tsha swa rdzi ka /stag pa'i tsher ma kha ru tsha/ /gla sgang rgun
 cha bzhi 'gyur dang / /kha lu khu ba de dang 'dra/ /chu shing khu ba mnyam bskol ba'i/ /til mar bkang bas rna ba'i nad/ /g.ya' dang sgra bcas 'on pa dang / /rnag 'dzag gzer zhing srin bu can/ /shin tu gso dka' thal sman gyi/ /til mar gyis ni myur du 'joms
 kha dang so yi nad la'ang phan/ /zhes bya ba la/ la phug skam po'i dum bu thal bar byas pa dang / shing kun la sogs pa'i sman gyi bzhi 'gyur rgun tsha dang / kha lung gi khu ba bzhi 'gyur dang / chu shing gi khu ba bzhi 'gyur dang / til mar bskol la rna ba bkang na rna ba'i nad
 gso dka' ba yang myur du sel bar byed la/ thal ba'i til mar 'di ni kha dang so'i nad la yang phan zhing bsngags pa yin no/ /de nas tshor ba med pa la/ /nye ba la ni gtar ga gdab/ /ces bya ba la/ de nas rna ba tshor ba med cing bem bem por gyur na de
 dang nye ba la gtar ga gdab cing khrag dbyung bar bya'o/ /skrang zhing rnags la thos pa ni/ /mi gsal gyur la skyug sman gtang / /zhes bya ba la/ rna ba skrung zhing rnag 'dzag pa dang thos pa mi gsal zhing 'on pa la ni skyug sman blud de slon du gzhug par bya'o/ /byis pa rgan dang
 yun ring du/ /lon pa'i 'on pa spang bar bya/ /zhes bya ba la/ byis pa'i tshe nas 'on pa dang / rgas nas 'on pa dang / yun ring du 'on zhing lo mang du lon pa'i 'on pa la ni/ gsor mi rung bas spang bar bya'o/ /sgra bcas rnags par gyur pa la/ /snum dang dugs byas dag
 par bya/ /rna ba sbyangs nas de rjes la/ /rna ba sbyangs pa'i til mar dag /kha lung khu ba rgyam tsha dang / /tsha dang sbrang rtsir bcas pa'ang blugs/ /zhes bya ba la/ rna ba sgra dang bcas shing rnags par gyur pa'i rna nad la ni snum dugs byas pas rna ba sbyangs shing gsher bar byas la/
 de'i 'og tu rna ba'i ye'us sbyang zhing dag par bya'o/ /de ltar rna ba sbyangs nas/ de'i rjes la rna ba sbyang ba'i til mar ji skad smos pas dgang ba 'am/ yang na kha lung la sogs pa'i sman rna bar blugs par bya'o/ /dag byas rtsub par gyur na ni/ /mar gyi nying khus dgang bar
 bya/ /zhes bya ba la/ sbyang bas sbyangs shing dag par byas pas rna ba rtsub par gyur na/ mar gyi nying khus rna ba gnyis bkang ba phan no/ /rim 'di rna spabs gang la'ang bya/ /zhes bya ba la/ rna ba rna spabs kyis gang ba la yang sngar bshad pa'i rim pa 'di nyid phan no/ /g.ya'
 dang skrang la rna sman sogs/ /bad kan sel bar byed pa phan/ /skrang la tsha dang dro bas byug /ces bya ba la/ rna ba g.ya' ba zhes bya ba'i rna nad la ni/ rna sman dang / dud brngub pa dang / bza' ba dang btung ba la sogs pa bad kan sel ba dag phan no/ /de bzhin du skrang
 pa la yang rna sman dud pa brngub pa la sogs pas phan no/ /'dir skrang pa la ni khyad par du tsha ba dang / dro ba'i sman gyi lde gus byug pas phan no/ /rna ba rnag 'dzag 'bu can la/ /rna ba chu 'dzag gso bar bya/ /zhes bya ba la/ rna ba rnag can dang rna ba srin bu can la ni rna ba chu 'dzag
 pa'i gso ba thams cad byas na phan no/ /mchog tu rna nad srin can la/ /yungs mar dron po blugs par bya/ /zhes bya ba la/ rna nad srin bu can la ni khyad par du yungs mar dron pos dgang bar bya'o/ /rna ba'i 'bras la khong 'bras kyi/ /gso ba dang ni skyug sman gtang / /
 zhes bya ba la/ rna ba'i khong 'bras smin pa dang / /ma smin pa la ni sngar bshad pa'i khong 'bras kyi gso ba ji skad bshad pa bzhin bya zhing skyug sman gtang bas gso bar bya'o/ /snad pa'i khong 'bras gso ba ni/ /mkhris gyur rna gzer gso bar bya/ /zhes
 bya ba la/ snad pa'i khong 'bras la ni mkhris pa las gyur pa'i rna ba gzer ba'i gso ba thams cad bya'o/ /'brum pa thor bu sna ltar bya/ /zhes bya ba la/ rna ba'i 'brum bu dang rna ba'i thor bu la ni sna'i 'brum bu dang thor bu ltar gso bar bya'o/ /rna ba
 gas pa ma smin la/ /rna ba'i khong 'bras ltar gso zhing / /nad gzhi ji bzhin las kyang bya/ /zhes bya ba la/ rna ba gas pa zhes bya ba'i nad ma smin pa la ni rna ba'i khong 'bras kyi gso ba ji skad smos pa ltar bya zhing / de bzhin du nad gzhi ji lta bu'i tshul kyang gso bar bya'o / /rna shal
 skam la rlung gzer ltar/ /rna sman bsku ba la sogs bya/ /dugs bya snyi bar gyur pa na/ /rna shal til mar bskus shing mnye/ /shing mngar pi la ya'i sa bon/ /a shwa gan+d+ha nas bcas bsku/ /zhes bya ba la/ rna shal skam pa zhes bya ba'i rna ba'i nad la ni rlung las gyur pa'i rna
 ba'i gzer ltar rna sman dang bsku ba dang dugs la sogs pa bya'o/ /de ltar dugs kyis snyi bar gyur pa dang / rna shal til mar gyis bskus la pi la ya'i sa bon la sogs pa bsku zhing mnye bar bya'o/ /de nas rgyas byed snum gyis ni/ /bsku ba rtag tu bsten par bya/ /zhes
 bya ba la/ de nas de'i 'og tu rna shal mnyes pa'i rjes la rgyas par byed pa'i snum gyis rtag tu bsku bar bya'o/ /nye'u shing a shwa gan+d+ha dang / /e raN+Da dang pa ya s+ya/ /dzi ba ka dang 'o mar bcas/ /til mar bskol bas bsku ba ni/ /rna shal rgyas
 byed mchog yin no/ /zhes bya ba la/ nye'u shing la sogs pa bskol ba'i til mar gyis bsku ba ni rna shal mchog tu rgyas par byed pa yin no/ /'tsho byed sde tshan lde gu dang / rlan can sha ni bskol ba dag /rna shal 'phel zhing rgyas byed yin/ /zhes bya ba la/ 'tsho
 byed kyi sde tshan gyi lde gu la sogs pa dang bskol ba yang phan no/ /rna shal rab zad bcad pas ni/ /lhag ma sbyar la gso zhing bskyed/ /ces bya ba la/ rna shal shin tu zad cing chad du nye ba la ni/ gtsags bus bcad la rna shal lhag ma sbom po de ji skad bshad pa'i rim
 pa bzhin du sbyar la/ de'i 'og tu gso zhing bskyed par bya'o/ /de bzhin rgyud 'dra 'tsho tsam bya/ /zhes bya ba la/ tshul de bzhin du pi wang gi rgyud 'dra ba zhes bya ba'i rna ba'i nad kyang 'di bzhin du re zhig mi la ba tsam du gso bar bya'o/ /'byar ba zhes bya ba'i mig nad la yang
 bshad ma thag pa'i cho ga 'di nyid bya'o/ /'byar ba la yang cho ga 'di/ /gnod gyur bsil sman bsku ba dang / srin bu pad pas khrag dbyung bya/ /zhes bya ba la/ /gnod par gyur pa zhes bya ba'i rna nad la ni bsil sman bsku zhing srin bu pad pas gtar ga bya'o/ /'dzam bu a
 mra'i lo ma dang / /ba la shing mngar seng phrom til/ /btsod dang ut+pal ka dam pa/ /thal tres ti'i mar bcas pa dang / /skyur rtsabs bcas par bskol ba 'di/ /til mar bsku bar bya ba dang / /me dbal skabs bshad mar gyis bsku/ /zhes bya ba la/ gnod
 par gyur pa zhes bya ba'i rna nad la ni/ 'dzam bu la sogs pa'i lde gu dang / til mar dang de'i bzhi 'gyur gyi skyur rtsabs dang bskol ba'i til mar bskus na phan no/ /yang na med bal gyi skabs su bshad pa'i sman mar gyis bsku bar bya'o/ /mnye bgo ta rka ta/ /zhag dang
 bcas pa'i til mar dang / tA la'i lo ma a rka dang / /a shwa gan+d+ha bye'u rug pa/ /so ma ra dza 'bras bu dang / /rgyam tsha lang ka lir bcas bskol/ /til mar bsku bar bya ba dang / /rna sman rnon po gtang bar bya/ /zhes bya ba la/ mnye ba zhes bya ba'i rna ba'i nad la ni go
 ta dang / karka ta zhes bya ba ku ta lir gnyis kyi zhag dang bcas pa'i til mar la sogs pa bskol bas bsku bar bya ba dang / de bzhin du rna sman rnon po dag kyang gtang bar bya'o/ /dbug nyes pa la a sman ta/ /'dzam bu a mra'i lo ma ni/ /bskol ba'i khu ba blugs par
 bya/ /rna shal til mar gyis bsku zhing / /shing mngar btsod dang stag tsher ba/ /yung ba'i phye ma zhib po gdab/ /rgya skyegs byi dang ga bskol ba'i/ /til mar gyis ni bskus na phan/ /zhes bya ba la/ dbug nyes pa'i rna ba'i nad la ni/ a sman ta ka la sogs
 pa bskol ba'i khu ba blugs par bya ba la sogs pa'i sbyor ba bya'o/ /yang na rgya skyegs la sogs pa dang bskol ba'i til mar gyis bskus na dbug nyes pa'i nad sdug bsngal 'phel pa zhes bya ba sel bar byed do/ /srin bus zos la ba'i lci bas/ /lan mang du ni dugs byas la/ /
 byi dang ga yi snying po ni/ /lug gi gcin sbyar lde gus bsku/ /zhes bya ba la/ srin bus zos pa'i nad rna ba lhags pa zhes bya ba'i nad la ni ba'i lci bas dugs bya ba la sogs pa'i sbyor ba bya'o/ /dug mo nyung dang ing gu dang / ka rany+dza yi sa bon dang / /dang ga'i
 shun pa'i lde gus bsku/ /zhes bya ba la/ yang na dug mo nyung la sogs pa'i lde gus bskus na yang nad de la phan no/ /yang na de dang nim pa yi/ /lo ma na le sham dang bcas/ /sbrang rtsi'i lde gus rma la bsku/ /zhes bya ba la/ yang na 'bus ba ldags pa zhes
 bya ba'i nad de la/ sngar bshad pa'i sman dug mo nyung la sogs pa de dag kun dang nim pa'i lo ma la sogs pa'i sman lug gi gcin dang sbyar ba'i lde gus bsku bar bya'o/ /rna ba chad la sbyang byas te/ /skyon med khrag dang de 'tsham pa'i/ /bcing ba dag gis sbyar
 bar bya/ /sbyar nas 'phral bcang sbyang bar bya/ /zhes bya ba la/ rna ba'i nad kyis chad pa'am stobs kyis drangs te rna ba chad pa la slon dang khrus kyis sbyar ba byas te/ nad kyi slon med pa'i khrag dang / de dang 'tsham pa'i bcing bdag gis bcings
 te sbyar bar bya la/ de ltar sbyar nas ni bcad ma thag pa'i dag par bya ba'i tshogs sbyang bar bya'o/ /de nas skra mthar mdud byas te/ /rna shal bcad dang zhal zhal bya/ /bcad pa dang ni bsrung ba bya/ /mtshams ni mnyam par sbyar bya zhing / /mthon dman med pa nyid du bya/ /
 zhun mar dang ni sbrang rtsis byug /ras bal gyis ni glan pa dang / /skud pas dam lhod ran par bcings/ /rma yi khrag ni bcad pa yi/ /sman gyi phye mas gdab bya zhing / /spyod pa de la bstan par bya/ /zhes bya ba la/ de nas de'i rjes la nad pa'i skra'i tha ma'i mtshams su
 mdud pa byas la/ /rna shal bcad pa dang / zhal zhal bya ba dag byas nas rna ba'i mtshams shin tu mnyam zhing legs par sbyar la/ mthon dman med pa nyid du byas te bzhag la/ de'i 'og tu zhun mar dang sbrang rtsis byugs pa'i ras bal gyi glan la/ skud pas shin tu
 dam par yang ma yin la/ shin tu lhod pa yang ma yin par ran par bcings la/ khrag bcad pa'i phye ma gtar ga'i skabs nas smos pa'i phye mas gdab par bya la/ de'i 'og tu rma la phan zhing gnod pa med pa'i sbyod pa gang dag yin pa de la bstan cing bslab par bya'o/ /
 zhag bdun nas ni ma btsos pa'i/ /til mar bskus la ras bal dgrol/ /legs 'byor spu ni skyes pa dang / /mtshams 'byor mnyam zhing brtan pa dang / /tshad ldan nad ni med pa dang / /rim gyis rna ba skyed par byed/ /ces bya ba la/ zhag bdun gyi rjes la til mar sman
 ma btsos pas bskus la/ ras bal dal gyis bkrol te/ /rna ba legs par 'byor zhing spu skyes pa dang / mtshams 'byor zhing mnyam pa la sogs pa dang ldan nas rim gyis rna ba de skyed cing 'phel bar byed do/ /nya lcibs kha sral phre'u dang / /bri hati 'bras ser po gnyis/ /
 ba la ha ti pi pi ling / /a shwa gan+d+ha yungs dkar ser/ /ko shata ka'i rtsa ba dang / /kar bI ra ru shi ka /lo ma bdun pa pi pi ling / /sa nag sbrang ma'i gnas dang ni/ /bye'u chu skyes srin bu'i sha/ /de bzhin seng phrom sdong bu rnams/ /'di dag lde gu til mar bcas/ /
 ma he'i mar dang glang po rta'i/ /gcin dang bcas par bskol ba ni/ /bskus na rna ba 'phel byed mchog /ces bya ba la/ /nya lcibs la sogs pa dang sbrang mas brtsigs shing rang gi gnas su byas pa'i sa dang / byi'u la sogs pa 'di dag btags te lde gur byas la
 til mar dang bcas pa'i ma he'i gcin la sogs pa thal ches pa tsam gyi bar du bskol bas bskus na yang rna ba 'phel bar byed pa'i sman gyi mchog yin no/ /de nas na tshod ldan pa yi/ /sbyang ba byas nad rna chad gso/ /sna dang mnyam pa'i sha lpags ni/ /mkhur tshos las
 ni bcad nas kyang / /rna dang nye ba'i sha lpags ni/ /srab mo nyid du bzhar bar bya/ /de nas ras bal bcas pa yi/ /khab kyis mkhur ba btsem par bya/ /zhes bya ba la/ de nas mi na tshod dang ldan zhing gzhon par gyur pa sbyang ba byas nad rna ba chad pa de gso bar bste/ /de yang
 nad pa de nyid kyi sna dang mnyam pa'i shing la sogs pa'i shun pa bcad la/ de dang mnyam pa'i pags pa dang sha mkhur tshos las bcad de rna ba dang nye ba'i sha dang pags pa de srab mor bya'o/ /de nas ras bal gyis skud pa dang ldan pa'i khab kyis mkhur ba nas mkhur bar btsems te
 brtod par bya'o/ /sna bcad mtshon gyis bzhar nas ni/ /mkhur tshos las bcad pags pa yis/ /sna ni legs mer btsem par bya/ /kha yi dbugs ni dbyung ba'i phyir/ /snar ni sbu gu can gzhug bya/ /zhes bya ba la/ sna de bas de'i 'og sna bcad pa'i 'phro de
 mtshon gyis bzhar nas mkhur tshos las bcad pa'i pags pa rlog ste/ pags pa steng du phyung la sna dang legs par btsems la glan nas legs par drub par bya'o/ /de nas kha'i dbugs dbyung bar bya ba'i phyir sna'i nang du sbubs can smyig ma la sogs pa gnyis gzhug
 bar bya'o/ /de rjes til mar slon par bsku/ /rma ni sbrang rtsir sbyar bas bsku/ /khrag bcad pa yi sman gzhan yang / /zhib tu btags pa'i phye mas gdab/ /de nas mar dang sbrang rtsis bsku/ /bcings la spyod pa bstan par bya/ /zhes bya ba la/ /
 de'i 'og tu til mar slon par bskus la/ /rma shing dang sbrang rtsir sbyar bas bsku pa dang / /gzhan yang khrag bcad pa'i sman zhib tu btags pa'i phye mas bsku bar bya'o/ /de nas sbrang rtsis bskus te ras mas dkris la chu dron gyis nyer sbyod bya ba la sogs pa spyod pa bstan par bya'o/ /
 de nas gnas skabs shes byas nas/ /rma gsar gso ba'i cho ga bya/ /zhes bya ba la/ de nas de'i 'og tu gnas skabs kyi khyad par shes par byas la/ rma gsar pa gso ba'i cho ga 'og nas bshad pa dag bya'o/ /rma 'byor sna yi nye 'khor gyi/ /sha lhag legs par
 gcad par bya/ /de nas shin tu zhib tu btsem/ /dma' ba dag kyang bskyed par bya/ /zhes bya ba la/ rma de 'byor nas sna'i nye 'khor gyi sha lhag gang dag yod pa gcad par bya'o/ /de nas yang de bzhin du legs par btsems shing dma' bar gyur pa ni sha skyed
 pa'i cho gas slar sha bskyed par bya'o/ bcad ma thag la ci rigs par/ /bzhag ste cho ga 'di nyid bya/ /zhes bya ba la/ 'phral du sna bcad ma thag pa la ni ci rigs par sna de nyid glan te gso pa'i cho ga 'di nyid bya'o/ /mchu bcad pa la sbu gu dag /ma gtogs sna sbyar
 bzhin du bya/ zhes bya ba la/ mchu bcad pa la yang sna'i nang du sbu gu gzhug pa ma gtogs pa sna sbyar ba'i cho ga thams cad 'di nyid la sbyar bar bya'o/ /yan lag brgyad pa'i snying po'i rnam par 'grel pa tshig gi don gyi zla zer zhes bya ba slob dpon zla ba la dga' bas nges par
 sbyar ba las/ phyi ma'i gnas kyi le'u bco brgyad pa'i rnam par 'grel pa'o// //de nas sna nad kyi dmigs shes pa bshad par bya'o/ /zhes bya ba la/ nam tshong yan chad kyi nad bshad pa'i skabs kyis na/ sna nad kyi nad gzhi la sogs pa bstan par bya ba'i
 phyir le'u 'di brtsams pa yin no/ /ba mo rlung dang rdul dang ni/ /smra drags gnyid log gnyid g.yar drags/ /sngas ni mtho dang dma' drags dang / chu gzhan 'thungs par gyur pa dang / /chu mang 'thungs dang nyal po dang / /skyugs dang mchi ma bkag pa yis/ /
 rlung shas che ba'i nad 'khrugs nas/ /sna ni sra ba nyid 'gyur zhing / /cham pa skyed par byed pa yin/ /'phel na zad pa skyed par byed/ /ces bya ba la/ ba mo la sogs pa'i nyes pa las/ rlung shas che ba'i nad 'khyugs shing ldang bar gyur nas/ sna sra zhing 'thas
 la rgyas par gyur pas/ cham pa zhes bya ba'i nad skyed par byed pa yin no/ /de 'phel pa na ma bcos shing yal bar bor na zad pa zhes bya ba'i nad skyed par byed do/ /de la ba mo ni mtshan mo'i dus su nam mkha' las bab pa'i chu grang mo ba bas pa'o/ /drags pa ni gnyid
 log pa dang / ma log pa gnyis ka dang sbyar ro/ /sngas ni mal gyi mgo bo'i phyogs su bzhag pa gang yin pa'o/ /chu gzhan 'thungs pa ni sngar bstan pa dang mi 'dra ba'i chu gzhan 'thungs pa'o/ /gzhan dag ni go bar zad do/ /de la rlung gyur cham pa ni/ /kha skam
 sbrid pa drag tu 'byung / /sna 'gags zug cing na ba dang / /mur 'gram so dang klad pa dang / /smin ma nas ni sna rtse'i bar/ /srin bu rgyu ba snyam du sems/ /skad 'gags ring nas smin pa dang / /mchil snabs grang bar 'dzag pa yin/ /zhes bya ba la/ de la sna nad cham
 pa de dag gi nang nas rlung las gyur pa'i cham pa ni kha skam pa la sogs pa nas/ mchil snabs grang mo 'dzag par byed pa'i bar yin no/ /mkhris gyur skom dang rims kyis 'debs/ /mgo 'khor sna nang 'brum pa 'byung / /rna rtse gnag cing dro la rtsub/ /mchil snabs
 dmar ser 'dzag pa yin/ /zhes bya ba la/ mkhris pa las gyur pa'i cham pa ni/ skom dad la sogs pa nas mchil ma dang snabs rtsub pa dang dmar ba dang ser ba 'dzag pa'i bar yin no/ /bad kan lud pa dbugs mi bde/ /slon zhing lus lci yi ga 'chus/ /kha mngar
 bro zhing g.ya' ba dang / /mchil snabs snum dkar ska ba 'dzag /ces bya ba la/ bad kan las gyur pa'i cham pa ni dbugs mi bde ba la sogs pa yin no/ /'dus gyur mtshan nyid kun dang ldan/ /rgyu med 'phel dang 'grib par byed/ /ces bya
 ba la/ nad gzhi gsum char 'dus pa las byung ba'i cham pa ni/ rlung dang / mkhris pa dang / bad kan dang gsum char gyi mtshan nyid dang ldan pa dang / de glo bur du rgyu med par ched 'ga' ni 'phel/ ched 'ga' ni 'bri bar byed pa yin no/ /nad khrag sna yi rtsar zhugs nas/ /
 cham pas 'debs par byed 'gyur ba/ /brang na tshor ba med pa dang / /mig dmar dbugs kyi dri mi zhim/ /mig dang rtsa ba sna g.ya' zhing / /'di ni mkhris gyur mtshan nyid ldan/ /zhes bya ba la/ nad khrag las gyur pa'i cham pa ni/ brang tshor ba med cing bem bem
 par 'dug pa dang / mig dmar po la sogs pa dang / mkhris pa las gyur pa'i cham pa'i mchan nyid dang ldan pa yin no/ /cham pa thams cad ma gsos na/ /gnod pa mi bzad skyed byed 'gyur/ /zhes bya ba la/ bshad ma thag pa'i cham pa thams cad yal bar
 bor na/ nad mi bzad cing drag po skyed par byed do/ /ji skad bshad pa'i bla brnan ni/ /'phel bas dbang po kun gnod byed/ /me drod nyams nyes dbugs mi bde/ /lud pa brang dang rtsib logs zug /glo bur du ni shas cher 'khrugs/ /khra dri nga zhing skam par byed/ /sna
 nang 'drul zhing skam pa dang / /yang yang sna 'gags dag par byed/ snabs ni rnag 'dra dkar zhing dmar/ /dud pa can ni 'dzag par 'gyur/ /'di la srin bu snum zhing ring / /dkar zhing phra ba 'byung bar 'gyur/ /zhes bya ba la/ cham pas gnod cing ma rungs par gyur pa de ngi
 skad bshad pa'i bla brnan 'phel zhing rgyas pas dbang po kun la gnod cing gdung bar byed pa dang / /de bzhin du me drod nyams pa la sogs pa byed pa dang / /de bzhin du yang dang yang du sna 'drul ba dang / skam par byed pa dang / sna 'gags pa dang dag par yang dang yang du byed pa la
 sogs pa dang / 'di la srin bu snum pa las skye zhing 'byung bar byed pa yin no/ /de smin mtshan pa lus yang zhing / /sbrid pa zhi bar gyur pa dang / /snabs ni spyin zhing ser ba dang / /dri dang ro ni tshor ba yin/ /zhes bya ba la/ cham pa de smin par gyur pa'i mtshan ma ni/ lus yang
 pas dri dang ro tshong ba'i bar yin no/ /snabs sbyin zhing ser ba ni spra tshil lta bur 'byung ba'o/ /snar ni rnon po brngubs pa dang / /nyi 'od skud pa rtsa sogs dang / /rlung 'khrugs byed pa gzhan gyis kyang / /sna yi mtshul par zhugs gyur pas/ /bskyod de rlung ni 'khrugs gyur pa/ /
 sum mdor zhugs 'gyur 'gags nas ni/ /ldog nas mi bzad sbrid pa ni/ /snabs 'dzag bcas par skyed par byed/ /ces bya ba la/ sna tsha zhing dro ba brngubs pas rlung 'khrugs par byed pa dang / de bzhin du de dang 'dra ba gzhan gyis kyang 'khrugs nas sna'i mtshul pa'i rus pa
 'jam pa gzhon nu bskyod cing bsgul bas rlang 'khrugs par gyur la/ de mtshul pa'i sum mdor zhugs pa dang / rgyu ba 'gags te slar ldog nas sbrid pa mi bzad pa skyed par byed pa ste/ de'i ming ni cham pa ma rungs pa zhes bya'o/ /sna yi bu ga skem byed cing / /rlung gis bad kan
 skyed par byed/ /sna nang gra mas gang snyam sems/ /dbugs 'byung dkar bar gyur pa de/ /sna skams pa zhes bya bar bshad/ /sna rgyas pa ni 'byung 'gyur ba/ /sna ni bkag pa 'drar sems shing / /rlung gis 'gag par byed par 'gyur/ /dbugs 'byung dbugs rngub
 'gags pa las/ /bu ga gdangs pa ltabu yin/ /zhes bya ba la/ rlung gis sna'i bu skams te bad kan skyed par byed pa la sogs pa'i nad de ni skams pa zhes bya'o drang srong rnams kyis bshad do/ /sna rgyas pa zhes bya ba'i sna nad ni sna bus shing brgyangs pa lta bur
 'byung bar 'gyur ba la sogs pa yin no/ /mkhris pas sna khung rnags gyur pa/ /sha lbags tsha zhing gzer dang bcas/ /de ni sna yi shu bar bshad/ /ces bya ba la/ mkhris pa 'phel bas sna khung gi nang rnags par gyur cing smin la de'i sha dang lpags pa tsha ba dang gze ba dang
 bcas par 'gyur te/ nad de'i ming ni sna'i shu ba zhes bya'o/ /bad kan las gyur chu ser ni/ /chu 'dra rgyun du 'dzag pa dang / /mchog tu mtshan 'dzag de ming can/ /zhes bya ba la/ bad kan gyur pa'i chu ser ni chu dang 'dra ba rgyun du 'dzag cing / khyad par du mtshan
 mo 'dzag pa ni de'i ming can de sna chu 'dzag pa zhes bya'o/ /bad kan 'phel bas sna khung du/ /bu ga 'gags shing cham pa skyed / /dbugs ni ngar ngar por 'byin cing / /cham pa las kyang nad tshabs che/ /sna las lug ltar rnag 'dzag cing / /rgyun du spyi bag ser po dang / /
 smin ma'i rnag ni 'dzag 'gyur zhing / /de yi sna ni snabs bcas yin/ /zhes bya ba la/ sna'i nang du bad kan 'phel bas sna khung gi bu ga 'gags par byas te dbugs ngar ngar por 'byin par byed la/ cham pa bas nad tshabs che zhing lhag pa dang sna'i nang nas lug ltar rnag
 'dzag pa dang / rnag de yang rgyun du 'dzag cing / spyi bag la sogs par 'byung bar 'gyur ba ste nad de ni lug gi cham pa zhes bya'o/ /khrag gi sna ni tshig snyam sems/ /phyi dang nang du reg mi bzod/ /du ba lta bu'i dbugs 'byin pa/ /bsregs 'dra de ni 'bar ba yin/ /zhes
 bya ba la/ /khrag 'khrugs pas sna'i nang nas tshig pa snyam du sems shing sna'i nang dang / phyi rol du reg mi bzod pa dang / du ba lta bu 'byin pa'i nad de ni bsregs pa dang 'dra ba yin pas na sna nad 'bar ba zhes bya'o/ /rkan gyi phugs su nad 'khrugs pas/ /rlung ni kha dang sna nas
 'byung / /mchil snabs dri nga 'byung 'gyur ba/ /de ni sna nad rul pa yin/ /zhes bya ba la/ rkan gyi rtsa ba'i phugs su rlung la sogs pa'i nad 'khrugs pas rlung kha dang sna nas rlung 'byung zhing mchil snabs dri ma nam pa 'byung pa'i nad de ni sna nad rul pa zhes bya ba yin no/ /'dus pa
 'am snad pa las gyur pa'i/ /rnag dang khrag ni sna nas 'dzag /mgo bo tsha zhing na byed pa/ /de ni rnag khrag can zhes bshad/ /ces bya ba la/ snad cing rma byung pa las gyur pa'i rnag dang khrag 'dres pa 'dzag pa la sogs pa de ni mig rnag khrag can zhes bya'o/ /rlung gis mkhris pa
 bad kan dag / sna ni skams par gyur pa las/ /bad kan skams te gong por gyur/ /de ni bsgongs pa zhes bya'o/ zhes bya bal/ rlung gis mkhris pa dang bad kan sna'i nang du skams shing / gong gong por gyur pa dag ni sna nad bsgongs pa zhes bya'o/ /'brum bu thor
 bu nad gzhi yi/ /mtshan nyid ci 'dra dag las dbye/ /zhes bya ba la/ /sna'i 'brum bu dang / sna'i thor bu ni nad gzhi gsum gyi mtshan nyid las ji lta ba bzhin du shes par bya zhing dbye bar bya'o/ /kun las dbugs 'byung dka' pa dang / /rgyun du chu 'dzag sbrid pa 'byung / /sna 'gags
 lta bur smra ba dang / /sna nas rnag 'dzag klad pa na/ /zhes bya ba la/ 'brum bu dang thor bu'i nad kun las kyang dbugs 'byung bar dka' ba nas/ klad pa na ba'i bar gyi nad 'byung bar 'gyur ro/ /de ltar rnam pa bco brgyad las/ /cham pa ma rungs 'tsho ba tsam/ /zhes bya ba la /
 tshul de ltar sna nad rnam pa bco brgyad las cham pa ma rungs pa zhes bya ba ni re zhig 'tsho ba tsam du gsor rung pa yin la lhag ma rnams kyang gsor rung nyid yin no/ /yan lag brgyad pa'i snying po'i rnam par 'grel pa tshig gi don gyi zla zer zhes bya ba slob dpon zla ba la dga' bas nges
 par sbyar ba las/ phyi ma'i gnas kyi le'u bcu dgu pa'i rnam par 'grel pa'o// //de nas snad nad gso ba bshad par bya'o/ /zhes bya ba la/ go rims snga ma'i tshul gyis na le'u 'di brtsams pa yin no/ /sna nad kun la dang por ni/ /rlung med khang par 'dug nas
 ni/ /snum chos dugs dang skyug sman dang / dud pa brngub dang mkhur bkang bsten/ /gos ni lci zhing dro ba bgo/ /mgo bo shin tu mthug pas dkri/ /kha zas yang skyur lan tshwa snum/ /dro ba dang ni bska ba bza'/ /bu ram 'o ma skam sa'i sha/ /lan tshwa tsha ba gsum shas che/ /
 nas dang gra ni mang po dang / /zho dang se 'bru'i khu ba bsten/ /zhes bya ba la/ sna nad cham pa thams cad la ni kho nar rlung med pa'i khang par 'dug pa dang / de bzhin du snum chos la sogs pa bsten pa dang / gos lci ba bgo ba la sogs pa dang / kha zas yang zhing skyur ba la
 sogs pa bza' dang / bu ram la sogs pa'i bza' btung bsten par bya'o/ /la phug gzhon nu'i khu ba dang / /ku lad+tha yi khu ba'ang bsngags/ /zhes bya ba la/ cham pa de dag la la phug bskol ba'i khu ba dang / rgya sran ku lad+tha bskol ba'i khu ba yang phan
 pa yin no/ /rtsa bcu'i khu ba dro 'jam mam/ /chang snying dngas ma blud par bya/ /zhes bya ba la/ gal te skom par gyur na rtsa ba bcu bskol ba'i khu ba la sogs pa blud par bya'o/ /tsa rong ag+ni man+tha dang / /shu dag zir go snyod snom/ /zhes bya ba la/ yang na tsa rong zhes bya ba sman tsor
 ka dang / ag+ni man+tha la sogs pa btags pa'i thum po cham pa can gyis snom par bya'o/ /bal bu'i lo ma tsha ba gsum/ /dbyi mo da trig star bu dang / /zir tsi tra srang gnyis gnyis/ /shing tsha gan+d+ha b+ha dra dang / /sug smel zho ni gnyis gnyis dang / /bu ram rnying pa srang lnga
 bcu/ /bskol te ri lur byas pa ni/ /zos na cham pa dbugs mi bde/ /lud pa lu ba 'joms byed cing / /skad snyan yi ga 'byed mchog yin/ /zhes bya ba la/ bal bu'i lo ma la sogs pa ji skad smos pa'i sbyor bas bskol te/ de thams cad las ri lur byas pa zos na
 cham pa la sogs pa 'joms shing skad snyan par byed pa dang / yi ga 'byed par byed pa'i mchog yin no/ /shu ti'i shun pa ba la dang / /so na ka dang e raN+Da/ /bil ba'i rtsa pa dong grar bcas/ /zhag mar spra tshil dud pa brngub/ /ces bya ba la/ shu ti la sogs pa'i sman
 zhag dang mar dang spra tshil dang bsres pa'i dud pa brngubs na yang cham pa la phan no/ /yang na phye dang mar dang bcas/ /kham phor sbyar ba'i nang du bcug /bsregs pa'i dud pa brngub par bya/ /zhes bya ba la/ yang na phye dang mar sbyar ba kham phor nang du bcug pa'i dud pas
 brngubs na yang phan no/ /khrus dang mya ngan khro ba dang / /shas cher gnyid log chu grang spang / /zhes bya ba la/ cham pa can gyis spang bar bya'o/ /de yan chad ni thams cad sbyi'i gso ba bshad pa yin no/ /rlung gyur cham pa rlung 'joms pa'i/ /sman ni bskol ba'i khu ba
 'am/ /zhes bya ba la/ rlung las gyur pa'i cham pa la ni rlung 'joms pa'i sman dang bskol ba'i khu ba blud par bya'o/ /lan tshwa lnga ni bskol ba 'am/ /bi da ri sogs sde bskol blud/ /ces bya ba la/ yang na sman gyi khu ba gnyis po 'di las gang yang rung ba dang bskol ba'i mar
 blud na yang phan no/ /dugs dang sna sman la sogs bya/ /gzhogs phyed nar bshad gso ba'ang bya/ /zhes bya ba la/ yang na rlung las gyur pa'i cham pa la dugs la sogs pa'am gzhogs phyed na pa'i gso ba gang dag yin pa de bshad par bya'o/ /khrag mkhris las gyur
 thug pa ni/ /mar sar mngar ba'i sman bskol blud/ /ces bya ba la/ khrag dang mkhris pa las gyur pa'i cham pa la ni sman mngar ba dang mar dang bskol ba'i thug pa blud par bya'o/ /sman chu blugs shing byug pa dang / /nus bsil grang mo dag gis bya/ /zhes bya ba la/ /yang
 na khrag dang mkhris pa las gyur pa'i cham pa la ni nus pa bsil ba'i sman bskol ba'i chu grang mo blugs pa dang / de'i lde gus bsku bal sogs pa bya'o/ /dwa ba'i shun pa 'bras bu gsum/ /shi ri par+Ni pri yang ku/ /shing mngar seng phrom til mar gyi/ /bcu 'gyur 'o ma skyer
 par bcas/ /bskol ba'i sna sman gtang bar bya/ /zhes bya ba la/ shing dwa ba la sogs pa'i lde gu dang / til mar gyi bcu 'gyur gya u0f72'o ma dang skyer par bskol ba'i sna sman gtang bar bya'o/ /bad kan las gyur smyung ba dang / /yungs kar lde gus mgo bsku 'am/ /zhes bya b
 a la/ /bad kan las gyur pa'i cham pa la ni smyung ba'am yungs kar gyi lde gus bsku bar bya'o/ /thal sman bcas pa'i blud de/ /slon gzhug /ces bya ba la/ yang na bad kan las gyur pa'i cham pa la ni thal sman dang bcas pa'i mar blud la de'i 'og tu slon du gzhug
 par bya'o/ /rgyam tsha tsha ba gsum/ /byi dang ga dang dug mo nyung / /zi ra ra gcin sbyar ba yi/ /sna sman dag na gtang bar bya/ /zhes bya ba la/ rgyam tsha la sogs pa ra'i gcin dang sbyar te btsags pa'i sna sman btang na yang bad kan las gyur pa'i cham pa la phan no/ /'dus
 gyur tsha dang rno sbyar ba'i/ /mar gyi sna sman blugs pas gso/ /zhes bya ba la/ 'dus pa las gyur pa'i cham pa la ni sman tsha ba dang rno ba dang sbyar ba'i sman mar la sogs pas gso bar bya'o/ /gcong chen srin gso'i rim gyis ni/ /cham pa ma
 rungs 'tsho tsam bya/ /zhes bya ba la/ gcong chen po dang srin bu gso ba'i rim gyis ni/ cham pa ma rungs pa re zhig 'tsho ba tsam du bya'o/ /tsha ba gsum dang e raN+Da/ /thang shing ru rta byi dang ka /bong nga dkar po ing+gu dang / /dur byid pa rta ka'i sa bon/ /yungs kar
 nye'u 'phral rus pa/ /ag+ni man+tha'i me tog dang / /pi lu shi kru'i sa bon dang / /rta sbangs khu ba gcin dang ni/ /glang po'i gcin dang gcin tu sbyar/ /zar ma'i skud dkris reng bu yi/ /dud pa kha dang sna nas brngub/ /ces bya ba la/ tsha ba gsum la sogs pa'i sman rta sbangs btsir ba'i khung
 dang gcin dang glang po che'i gcin dang gcig tu sbyar ba'i reng bu zar ma'i skud pas dkris pa'i dud pa brngub par bya'o/ /smin dang sbrid pa 'byung zhes pa/ /sna sman rnon po bud pas phan/ /zhes bya ba la/ smin pa zhes bya ba dang sbrid pa 'byung ba zhes bya ba'i sna nad la ni sna sman rnon po'i phye ma
 bud par bya'o/ /bca' sga ru rta pi pi ling / /rgun 'bru byi dang ga'i lde gu/ /mar ram til mar bcas bskol ba'i/ /sna sman sbrid pa rnags pa sel/ /zhes bya ba la/ bca' sga la sogs pa'i lde gu dang / mar ram til mar bskol ba'i sna sman btang na sbrid pa dang rnags pa sel
 bar byed do/ /sna skam pa la ba la'i mar/ /btung sogs sha khur sbyar ba bza'/ /snum gyi dud pa dugs kyis gso/ /zhes bya ba la/ sna skams pa zhes bya ba'i sna nad la ni ba la'i til mar rlung nad gso ba'i skabs su bshad pa btung pa dang sna nas gtang ba la sogs pa bya
 ba dang / /de bzhin du sha khu dang sbyar ba'i kha zas bza' ba dang / /snum gyi dud pa brngub pa dang / /dugs bya bas gso bar bya'o/ /sna rgyas la yang cho ga 'di'o/ /zhes bya ba la/ sna rgyas pa zhes bya ba'i sna nad la yang sna skams pa'i gso ba 'di nyid sbyar bar bya'o/ /sna rnags
 'bar la mkhris 'joms sman/ /chu 'dzag sna sman sogs rnos bya/ /zhes bya ba la/ sna rnags pa dang sna 'bar ba snyam du sems pa'i sna nad gnyis la ni mkhris pa 'joms pa'i sman bsten cing / phan tshun nas chu 'dzag pa'i sna nad la ni sna sman dang mkhur ba bkang ba la sogs
 pa rnon pos bya'o/ /rnag can la ni bad kan gyi/ /gso ba dang ni 'dra bar bya'o/ /zhes bya ba la/ sna nad rnag can dang sna nad cham pa la ni bad kan gyi cham pa dang 'dra bar gso bar bya'o/ /rgya skyegs dang ni ka rany+dza/ /na le sham dang byi dang ga /shing kun bu ram pi pi ling / /
 lug thug gcin sbyar sna sman ni/ /slon byas 'og tu gtang bar [(]ba[,]bya[)]/ /zhes bya ba la/ sna nad rnag can dang cham pa la ni slon sman btang nas rgya skyegs la sogs pa lug gi gcin dang sbyar ba'i sna sman gtang bar bya'o/ /shi kru dan da bri ha ti/ /tsha ba gsum dang lce myong tsha/ /
 bye'u rug pa dang byi dang ga /til mar bskol ba'i sna sman yang / /btang na mchog tu phan pa yin/ /zhes bya ba la/ shi kru zhes bya ba na le sham dkar po dang / dan da dang bri ha ti'i sa bon tsha ba gsum la sogs pa dang bcas pa'i til mar dang bskol ba'i sna sman ni sna nad rnag can
 dang cham pa la mchog tu phan pa yin no/ /rnag dang khrag can sar pa ni/ /khrag gi cham pa lta bur gso/ /zhes bya ba la/ rnag dang khrag can gyi sna nad sar pa skyes ma thag pa la ni khrag las gyur pa'i cham pa ltar gso bar bya'o/ /shin tu 'phel la rma 'khyims ltar/ /zhes bya ba
 la/ rnag dang khrag shin tu 'phel ba la ni rma 'khyims pa ltar gso bar bya'o/ /'brum bu rmen bu tsha ba la/ /dan ti dur byid lce myong tsha/ /ldong ros dang ni pi pi ling / /tsi tra ka yi lde gu ni/ /mar dang sbrang rtsir sbyar ba yi/ /reng bu snar ni gzhug par bya/ /zhes bya ba la/ sna'i
 'brum bu dang rmen bu tsha bar gyur pa la ni dan ti la sogs pa'i lde gu mar dang sbrang rtsi dang sbyar ba'i reng bu snar gzhug par bya'o/ /shi kru la sogs sna sman yang / /rnag can gso ba'i skabs su bshad/ /ces bya ba la/ 'brum bu rmen bu'i sna nad 'di la ni/ /shi kru la sogs pa'i
 sna sman yang phan pa yin no/ /yan lag brgyad pa'i snying po'i rnam par 'grel pa tshig gi don gyi zla zer zhes bya ba slob dpon zla ba la dga' bas nges par sbyar ba las/ phyi ma'i gnas kyi le'u nyi shu pa'i rnam par 'grel pa'o// //de nas
 kha nad kyi dmigs shes pa bshad par bya'o/ /zhes bya ba la/ /stod kyi yan lag yin pa'i phyir/ /go rims kyis na kha nad kyi nad gzhi dang rgyu la sogs pa bsten par bya ba'i phyir le'u 'di brtsams pa yin no/ /nya dang ma he phag gi ni/ /sha dang la phug rjen pa dang / /ma sha'i
 sran tshod 'o ma zho/ /tsha dang bu ram shing kun dang / /bur bran kha sbub nyal bsten dang / /so shing gis snad goms pa spong / /dud pa mkhur bkang skyugs pa dang / /gtar ga dbug ni nyes pa yis/ /bad kan shas che'i nad 'khrugs pas/ /kha yi nang gi nad skyed
 'gyur/ /zhes bya ba la/ nya dang ma he'i sha la sogs pa za zhing bsten par byed pa dang / kha sbub tu nyal ba dang / so shing gis snad cing ma rungs par gyur pa dang / kha zas goms pa la mi dga' zhing spong ba dang / dud pa brngubs pa la sogs pa nyes par gyur pa
 dag gis bad kan shas che bar gyur pa'i rlung la sogs pa'i nad 'khrugs shing ldang bar gyur nas kha'i nang gi nad sna tshogs pa dag 'byung bar 'gyur ro/ /de la rlung gis mchu gas 'gyur/ /mchu ral ba yi nad ces bshad/ /ces bya ba la/ de la kha'i nad de dag gi nang
 nas rlung gis mchu gang gsar shing gnyis su byas pa de ni ming mchu ral ba zhes bya'o zhes drang srong rnams kyis bshad do/ /rlung gis mchu la gnod gyur pa/ /mchu sra nad tshabs che ba yin/ /mchu 'gas rdol bar 'gyur ba dang / /gnag cing rtsub pa mchu 'khrugs yin/ /
 zhes bya ba la/ rlung gis mchu la gnod par gyur pa'i nad ni mchu sra zhing rgyas te shing ltar 'dug pa dang / shas cher na ba dang / mchu 'gas shing zhig pa dang / rdol zhing zags par 'gyur ba dang / mdog gnag cing rtsub par gyur pa ni/ /mchu 'khrugs pa zhes bya'o/ /
 mkhris pas tsha ba mi bzod ser/ /'brum phran yungs kar 'dra bas khyab/ /myung smin mang du rnags pa yin/ /zhes bya ba la/ mkhris pa las gyur pa'i mchu nad tsha ba'i dngos po mi bzod pa dang kha dog ser ba dang / yungs kar 'dra ba'i 'brum phran gyis kun tu khyab cing
 g.yogs pa dang / myur du smin cing rnags pa dang / rnag dang chu ser mang ba dang ldan pa ni mkhris pas gnod pa'i mchu nad yin no/ /bad kan las gyur grang ba yis/ /mi bzod pa dang lci zhing skrang ba dang / /'brum phran dkar pos khyab pa yi/ /zhes bya ba la/ bad kan
 las gyur pa'i mchu nad la ni grang bas reg na mi bzod pa dang lci zhing skrang ba dang / 'brum phran kha dog dkar pos tsem tsem por khyab pa yin no/ /'dus gyur sna tshogs par snang zhing / /dri nga'i spyi bag 'dzag pa dang / /glo bur shas cher skrang zhing zhum/ /na dang min rnag
 mi snyoms/ /zhes bya ba la/ 'dus pa las gyur pa'i mchu nad dog sna tshogs par snang ba dang / mchu'i ljan ljin dri mi zhim pa dang / /spyi bag nal nal por 'dzag pa dang / glo bur du rgyu med par lan 'ga' ni shas cher skrangs pa dang / phyed 'ga' ni zhum zhing
 skrang / lan 'ga' ni na/ lan 'ga' ni na bar mi byed pa dang / rnag cing smin pa mi snyoms te/ lan 'ga' ni myur du smin la/ lan 'ga' ni ring nas smin pa yin no/ /khrag las gyur pa khrag 'dzag cing / /khrag gi mdog dang 'dra ba dang / /'di la 'bra go lta bu yi/ /
 khrag zad chu bur 'byung ba yin/ /zhes bya ba la/ khrag las gyur pa'i mchu nad ni rgyun du khrag 'dzag pa dang khrag gi mdog can du snang ba dang mchu nad 'di la khrag zad par gyur pa dang / chu bur 'bra go lta bu 'phyang ba yin no/ /sha gyur sha yi gong po 'dra/ /rim gyis
 srin bu skye zhing 'gul/ /zhes ba la/ sha las gyur pa'i mchu nad ni sha'i gong po 'dra bar gyur pa dang rim gyis sran bu skye zhing 'gul bar gyur pa yin no/ /tshil gyur g.ya' zhing 'drul ba dang / /skrang 'jam til mar lta bur 'dzag /ces bya ba la/ /tshil gyi gnod
 pa las gyur pa'i mchu nad g.ya' zhing 'drul pa dang / skrang zhing ljan ljin dang chu ser til mar lta bu 'dzag cing 'jam por 'dug pa yin no/ /snad pa las gyur gas pa dang / /yang dang yang du 'byed 'gyur la/ /slar yang 'drub par 'gyur pa dang / /mchu
 ni g.ya' bar byed pa yin/ /zhes bya ba la/ snad cing rma byung ba las mchu nad du gyur pa ni/ yang dang yang du gas par 'gyur ba dang / yang dang yang du 'bye par 'gyur ba dang / /slar yang de las 'drubs te rmen bur 'gyur pa dang / mchu de yang dang yang du g.ya' bar byed
 pa yin no/ /rlung dang bad kan 'dres pa las/ /chu yi chu bur lta bur 'byung / /zhes bya ba la/ rlung dang bad kan 'dres par gyur pa las mchu nad chu'i chu bur lta bur mtho ba dag 'byung ba ni/ mchu nad chu'i chu bur zhes bya ste/ /de ltar na mchu'i nad bcu gcig tu bshad pa yin no/ /
 mkhur ba'i 'bras 'byed skrang zhing brtan/ /mkhur ba tsha zhing rims dang bcas/ /zhes bya ba la/ mkhur tshos su skrang zhing brtan pa dang / mkhur ba tsha ba 'ur 'ur por gyur cing rims dang bcas pa gang yin pa de ni mkhur bar 'bras 'byed pa'i nad ces bya ste/ de ltar na mkhur
 pa'i nad ni gcig yin no/ /rlung gyur so nad dro la sred/ /grang bas reg na lhag par na/ /gzer zhing bcag pa snyam du sems/ /grang bas zhig par de bshad do/ /zhes bya ba la/ rlung las gyur pa'i so'i nad dro ba la sred cing bstan pa bzod pa dang / grang bas reg na
 lhag par na zhing lhang lhang por zug pa dang / de bzhin du gzer ba dang na bas bcag cing 'brul pa snyam du sems pa'i so nad de grang bas zhig pa zhes bya'o/ /rlung dang chu yis so brtse ba/ /grang dang skyur ba mi bzod par/ /skyur ba zos pa nyid kyis 'gyur/ /nad bcas 'gul par
 byed pa yin/ /zhes bya ba la/ so brtse ba zhes bya ba'i nad ni rlung dang grang ba la sogs pa sos bsten par mi bzod pa dang / nad de yang skyur pa zos pa nyed las gyur pa dang de bzhin du nad dang bcas shing 'gul bar byed pa yin no/ /sogs so ni zegs pa dang / /na zhing zug la
 g.yo ba yin / /zhes bya ba la/ so zegs shing na ba la sogs pa yin no/ /so 'gul so ni g.yo ba dang / /za ba'i tsha na lhag par na/ /zhes bya ba la/ so 'gul ba zhes bya ba'i nad ni so g.yo zhing ldeg pa dang / lhag par yang zas za ba'i tshe na na par gyur pa yin no/ /so sto so ni
 mi sdug par/ /so rnams skye bar 'gyur pa yin/ /zhes bya ba la/ so sto zhing mi sdug par gyur pa skye bar 'gyur ba yin no/ /so lhag so ni skyes pa ste/ /de ni 'phel ba zhes kyang bshad/ /ces bya ba la/ so rnams las gang lhag pa'i so skyes par gyur pa de ni/ so lhag
 ces bya ba'i so nad yin te de ni slob dpon la las de so 'phel ba'i nad yin no zhes zer ro/ /skye bar 'gyur ba'i tshe na ni/ /na zhing skyes nas de zhi byed/ /ces bya ba la/ so lhag de skye bar 'gyur pa'i tshe na ni shin tu na bar 'gyur la/ de skyes zin nas ni zhe bar 'gyur ba yin no/ /ma
 bkrus so yi dri ma 'am/ /bad kan rlung gis skams pa las/ /dri nga brtan gyur so dreg yin/ /zhes bya ba la/ kha ma sbyangs shing ma bkrus la so shing la sogs pas dag pa ram byas pa'i so'i dri ma gang dag yod pa de rlung gis skam par byas pa las so dreg dri mi zhim zhing brtan
 par chags pa'i nad de ni ming so dreg ces bya'o/ /de ni yal bar bor ba las/ /so ni dum bur zegs gyur pa/ /grugs shing so ni gogs pa yin/ /zhes bya ba la/ de nyid yal bar bor na so nad khar lta bu zhes bya ba 'byung ngo / /yang gang gis so dum bu dum bur yang dang yang
 gogs pa de ni dum bur gogs pa'i so nad ces bya'o/ /khrag dang mkhris pa rlung gis so/ /sngon por gyur pa so sngon yin/ /zhes bya ba la/ so khrag dang mkhris pa dang / /rlung gi nad zhugs par gyur pas so'i mdog sngon por gyur pa ni so sngon gyi nad ces bya'o/ /nad kyi
 rlung ni shas cher 'gyur/ /rtsa bar bcas pa'i so la brten/ /so dbus skams te stong par byas/ /so ni zas kyi dri mas gang / /rul bas srin bu phra mo ni/ /skye bar 'gyur te de 'og tu/ /rgyu med ba rnag dka' ldang du ba can/ /sbom che gnas la shas cher na/ /bcad pa 'drar
 snang rnag khrag 'dzag / de ni so srin can zhes bya/ /zhes bya ba la/ rlung la sogs pa'i nad kyi tshogs rlung gi shas che zhing rgyas par gyur ba rtsa ba dang bcas pa'i so la brten cing gnas pas so'i dbus skams par gyur pa las so de'i nang khong stong du byas
 la/ khong stong gi so der zas kyi dri mas gang ba de rul bar gyur pa dang / srin bu'i rigs phra mo skye bar 'gyur la de'i 'og tu nad pa de la rgyu med par so'i nad ched 'ga' 'byung zhing ched 'ga' 'byung zhing ched 'ga' zhi ba'i ldang dub can du 'byung ba dang / nad kun 'byung ba dang nad kun g.yo zhing bskyod pa dang / /
 mdog gnag pa dang / shas cher na ba dang / so bcad pa lta bur snang ba dang / rnag dang khrag gi tshogs 'dzag par gyur pa'i nad de ni so srin bu can gyi nad ces bshad do/ /de ltar na so'i nad ni grangs bcur bshad pa yin no/ /bad kan dang ni khrag gis rnyil/ /rnags
 shing rul par gyur pa dang / /mnyen la zags shing gnag pa de/ /grang bas nyen pa yin par bshad/ /ces bya ba la/ bad kan dang khrig gi nad de g.yos par gyur pas rnyil rnags shing dri nga bar gyur la/ rul zhing 'drul la rgyu med par khrag rgyun du 'dzag pa dang / /
 de mnyen zhing 'jam pa dang / khrag zags par gyur pa dang / mdog gnag par gyur pa de ni rnyil nad grang bas nyen pa zhes bya bar bshad do/ /khrag mkhris rnags pa las byung ba/ /rnyil ni tsha bar byed pa dang / /khrag gis skrangs ba mtho ba dang / /g.ya' zhing khrag ni 'dzag pa
 dang / /khrag chad nas ni rgyas par 'gyur/ /so na 'gul zhing nad tshabs chung / /kha dri mnam 'gyur nyer bdar yin/ /zhes bya ba la/ khrag dang mkhris pa las gyur pa'i rnyil gyi nad nye bar bdar ba zhes bya ba ni rnyil tsha ba 'ur 'ur pos khyab par gyur pa dang / de bzhin du khrag las
 gyur pa'i skrangs pa de mthon por 'gyu ba dang / de bzhin du khrag 'dzag pa dang / shas cher g.ya' ba dang / de bzhin du khrag de chad cing 'khyil bar gyur pa na ni rnyil gyi sha de rgyas par 'gyur ba dang / so na zhing 'gul bar 'gyu ba dang / nad tsha bas cung zad chung bar 'gyur pa dang /
 kha'i nang dri mi zhim zhing mnam par 'gyur pa'i rnyil gyi nad de ni nye bar bdar ba'i nad ces bya'o/ /so ni gnyis sam gsum thad kar/ bad kan las gyur rgya shug tsam/ /skrangs pa sra zhing mi bzad na/ /myur du smin pa so 'bud yin/ /zhes bya ba la/ so gnyis sam gsum
 gyi thad kar bad kan 'khrugs par gyur pa las rgya shug gi tshi gu tsam du skrang zhing sra ba dang / skrangs pa de mi bzad par na zhing myur du smin par 'gyur ba de ni so'i sha 'bur ba zhes bya ba'i nad ces bya'o/ /rnyil ni nad bcas khrag gis ni/ /phyi dang nang du skrang zhing lci/ /na zhing
 cha lags pa las/ /rnag khrag 'dzag so'i khong 'bras yin/ /zhes bya ba la/ rlung la sogs pa'i nad dang bcas pa'i khrag gis rnyil gyi sha phyi dang nang du skrangs pa dang / lci bar 'dug pa dang / na zhing tsha ba 'ur 'ur pos gnas pa dang / degs par gyur pa las rnag dang
 khrag 'dzag par gyur pa ni so'i khong 'bras zhes bya'o/ /so rtsar khrag mkhris las gyur na/ skrang zhing nad dang bcas pa dang / /kha chu 'dzag cing rnyil 'drul ba/ /khong stong gi ni nad ces bya/ /zhes bya ba la/ so rnams kyi rtsa bar khrag dang mkhris pa las gyur pa'i nad skrangs pa
 dang / kha chu 'dzag pa la sogs pa ni khong stong gi nad ces bya'o/ /'dug pa las gyur rims dang bcas/ /rnag dang bcas pa'i khrag 'dzag la/ /so yi sbrel mtshams zhig pa ni/ /khong stong chen po zhes bshad do/ /zhes bya ba la/ skrangs de nyid 'dus pa'i nad
 las gyur cing skrangs pa dang / rims kyis 'debs pa dang / de bzhin du rnags dang bcas pa la sogs pa'i mtshan nyid dang ldan pa ni/ ming khong stong chen po zhes bya'o zhes drang srong chen po rnams kyis bshad do/ bad kan gyis ni so yi mthar/ /sha mdzer ltar skrang 'gram pa
 dang / /rna ba na byed sbyod la mnyams/ /de ni sha lhag ces byar bshad/ /ces bya ba la/ bad kan 'khrugs par gyur pas sha'i mdzer pa lta bu'i skrangs pa 'byung bar 'gyur zhing / /des 'gram pa dang rna ba na bar byed pa/ rang gi spyod lam kha zas zab nyams par byed pa'i nad de ni
 sha lhag skyes pa'am/ sha'i rmen bu zhes bya bar bshad do/ /rnyil ni bdar bar gyur pa las/ /nad tshabs chen por 'byung 'gyur zhing / /gang zhig so ni 'gul gyur ba/ /de ni snad pa las byung yin/ /zhes bya ba la/ so shing la sogs pas
 bdar cing brud par gyur pa las shas cher na ba la sogs par gyur pa'i nad de ni so snad pa las byung ba zhes bya'o/ /rnyil la brten par byed pa'i nad/ /gsor rung yal bar bor ba gang / /nang du de ni nad 'dzag pas/ /des ni rgyun lam phra ba skyed/ /de ni yang yang rnag 'dzag cing / /
 pags pa sha dang rus pa 'bigs/ /zhes bya ba la/ mi gang gi rnyil la brten pa la ni nad gsor rung zhing bcos su 'dod pa gang yin pa dag yal bar bor bar gyur na nad de'i skyon nang du 'dzag pas de'i nang gi rgyun lam gyi bu ga phra mo bskyed la bu ga de las yang dang yang du rnag
 'dzag cing pags pa dang sha dang rus pa 'bigs par byed do/ /de yang rang rang mtshan nyid ni/ /ji skad bshad pas lngar shes bya/ /zhes bya ba la/ phra mor 'bigs pa'i nad de yang nad rang rang gi mtshan nyid kyis rnam par lngar 'gyur ba yin par shes par bya'o/ /de ltar
 na rnyil gyi nad ni bcu gsum du shes par bya'o/ /lce ni sha kha'i lo ltar rtsub/ /tshor ba med gas rlung gnod yin/ /zhes bya ba la/ rlung gi nad kyis gnod par gyur pa'i lce'i nad ni/ shing sha kha zhes bya ba'i lo ma ltar reg na rtsub pa dang / tshor ba med cing bem bem por
 'dug pa dang / kha mang du gas pa yin no/ /mkhris pas tsha zhing nad bcas 'gyur/ /mdzer pa dmar pos khyab pa yin/ /zhes bya ba la/ mkhris pas gnod par gyur pa'i lce ni tsha ba 'ur 'ur por 'dug pa dang / nad dang bcas pa yin la/ de bzhin du mdzer pa dmar
 pos khyab par gyur pa yin no/ /bad kan las gyur shal ma li'i/ /tsher mas khyab gyur lci zhing mthug /ces bya ba la/ bad kan gyis gnod par gyur pa'i lce ni shal ma li'i tsher ma 'dra ba'i sha'i mdzer pas khyab par gyur pa dang / rang bzhin lci zhing mthug par/ /
 gyur pa yin no/ /bad kan mkhris pas 'og tu skrang / /mtho zhing gyong bar byed pa dang / /smin na nya yi dra 'dra la/ /sha 'drul chu ser can zhes bya/ /zhes bya ba la/ bad kan dang mkhris pa las gyur pa'i nad kyis 'og tu skrang zhing mtho ba dang / de nyid kyis ni lce gyong zhing srab par byed pa
 dang / smin cing rnags par gyur na nya rul ba'i dri 'dra la/ lce'i sha 'drul cing zhigs pa de ni lce nad chu ser can zhes bya'o/ /lce rtsa'i 'og dang 'brel pa ni/ /skrang zhing lce yi rtse mo 'dra/ /mdzer pa byung zhing kha chu 'dzag /lce ni rings shing rtsub pa dang / /g.ya' dang nad bcas tshig
 mi thon/ /za bar mi nus lce lhag yin/ /zhes bya ba la/ lce'i phugs kyi rtsa'i 'og dang 'brel pa de skrang zhing lce'i mo 'dra ba'i mdzer pa byung ba dang / kha chu dang khrag 'dzag pa dang / /lce rengs shing gyong ba dang / kha zas za mi nus pa de ni ming lce lhag ces bya ba yin no/ /
 de dang 'dra ba lce steng na/ /gnas pa nye ba'i lce zhes bya/ /zhes bya ba la/ bshad ma thag pa'i mtshan nyid dang 'dra ba'i skrangs pa'i nad lce'i steng na gnas pa ni nye ba'i lce zhes bya ba'i ming 'dis bshad pa yin no/ /de ltar na lce'i nad ni drug yod pa yin no/ /rlung 'khrugs
 pa ni rkan gyi shar/ /'brum phran sra zhing nad bcas 'gyur/ /mang zhing mthug la 'dzag par bcas/ /rkan gyi 'brum phran zhes de bshad/ /ces bya ba la/ rlung gi nad 'khrugs pas rkan gyi shal gnod par gyur na 'brum phran sra zhing na ba dang bcas pa dang / mang
 ba dang / mthug cing 'brum bu 'dus pa dang / chu ser 'dzag pa dang bcas par 'byung ste/ /'brum bu de ni ming bad kan gyi 'brum phran zhes drang srong rnams kyis bshad do/ /bad kan khrag gis rkan phugs su/ /nya yi lgang pa 'dra zhing 'jam/ /'phyang zhing
 skrangs la spyi bag can/ /kha zas sna nas 'byung bar byed/ /lkog 'gags skom dang lud pa dang / /slon byed lkog ma'i sha lhag yin/ /zhes bya ba la/ bad kan khrag dang 'dres pas rkan gyi phugs su nya'i lgang pa 'dra ba 'jam zhing rab tu 'phyang la sbyi bag can du
 skrangs pa dang / de'i dbang gis kha zas sna nas 'byung bar byed pa dang / lkog ma 'gags pa la sogs pa skyed par byed do/ /nad de ni lkog ma'i sha lhag ces bya ba yin no/ /rkan gyi dbus su nad med sha/ /'dus pa rkan 'dus zhes bya'o/ /zhes
 bya ba la/ rkan gyi dbus kyi phyogs su sha 'dus shing spungs pa nad med par skyes pa gang yin pa pa de ni ming rkan 'dus pa zhes bya'o/ /rkan gyi dbus su pad+ma 'dra/ /khrag las skyes pa chu bur yin/ /zhes bya ba la/ rkan gyi dbus kyi phyogs su pad+ma 'dra bar skrangs pa khrag
 las skyes pa'i nang gang yin pa de ni ming chu bur zhes bya'o/ /bad kan la 'khrugs pas ring nas 'phel/ /nad med rus sbal 'dra zhes bya/ zhes bya ba la/ bad kan 'khrugs par gyur pa las skrangs pa'i nad gang yang yun ring zhig nas 'phel ba gang yin pa de ni ming rus sbal
 'dra ba zhes bya'o/ /bad kan tshil gyis rgya sran 'dra/ /nad med brtan pa 'bur ba yin/ /zhes bya ba la/ bad kan dang tshil 'phel bar gyur pa las skrang nad gang rgya sran gyi dbyibs 'dra zhing yun ring du gnas par 'byung ba gang yin pa de ni ming 'bur ba zhes bya'o/ /mkhris
 pas rnags pa smin zhes bya/ /rnag 'dzag nad dkyel che ba yin/ /zhes bya ba la/ mkhris pa 'khrugs pas rkan gyi nang du rnags par gyur pa ni smin pa zhes bya'o/ /de ni rnag 'dzag pa dang nad kyi dkyil che ba yin no/ /rlung mkhris las gyur cha nyon mongs/ /rkan skam de yi ming
 can yin/ /zhes bya ba la/ rlung dang mkhris pa las gyur pa'i rkan gyi nad tsha zhing skrangs pa de shas cher sdug bsngal ba dang / rkan gyi phyogs skam pa gang yin pa de ni de'i ming can te rkan skam pa zhes bya'o/ /de ltar na rkan gyi nad rnam pa brgyad yin no/ /lce dang 'brel pa lkog
 ma'i nad/ /sha yi myu gu myur 'phel zhing / /mi bzad lam ni 'gog byed pa/ /myur gsod byed pa gag pa yin/ /zhes bya ba la/ lkog ma'i phyogs su lce dang 'brel cing lce rtsa las byung ba lkog ma'i nang sha'i myu gu lta bu'i sha lhag skye zhing 'phel bar byed la/ mi bzad
 cing brnag par dka' ba lkog ma'i lam 'gog par byed pa myur du gsod cing 'joms par byed pa gang yin pa de ni mig gag pa zhes bya'o/ /de ni rlung gyur lkog ma kha/ /skam byed 'gram ba rna nad skyed/ /ces bya ba la/ gag pa de rlung las gyur pa la ni lkog ma dang kha
 skam par byed pa dang / 'gram pa dang rna ba'i nad skyed par byed pa yin no/ /mkhris pas rims skom rmongs bag can/ /lkog 'gags dud bas bdugs snyam sems/ /myur smin myur du 'phel ba dang / /dmar zhing reg na mi bzod byed/ /ces bya ba la/ mkhris
 pa las gyur pa'i gag pa ni rims dang skom dad la sogs pa dang ldan par 'gyur zhing lkog ma 'gags pa la sogs pa'i mtshan nyid can yin no/ /bad kan gyis dkar 'byar bag can/ /zhes bya ba la/ bad kan las gyur pa'i gag pa'i mtshan nyid ni dkar zhing mdog
 skya ba dang sbyin zhing 'byar bag can du 'dug pa yin no/ /khrag gyur 'brum bus khyab pa dang / /me mdag 'dra zhing rna nad skyed/ /mkhris pa las gyur mtshan nyid mtshungs/ /zhes bya ba la/ khrag 'khrugs pa las gyur pa'i gag pa ni 'brum bu phra mos khyab pa dang / me mdag
 dang reg pa'i tshul 'dra ba'am mdog 'dra ba dang / rna ba gnyis na bar byed pa dang / mkhris pa las gyur pa'i gag pa'i mtshan nyid dang mthun pa yin par shes par bya'o/ /'dus gyur rnag phugs gting ring zhing / /mtshan ma kun dang ldan pa yin/ /zhes bya ba la/ nad gzhi
 gsum 'dus pa las gyur pa'i gag pa ni rnag phugs gting ring zhing zab ste mi mngon pa dang / rlung la sogs pa'i mtshan pa thams cad dang ldan pa yin no/ /bad kan shas cher skrangs ba dang / /rmen bu rgya shug 'dra zhing mtho/ /gra ma tsher mas gang snyam byed/ /lam
 'gag byed pa rtsa ba yin/ /zhes bya ba la/ rlung la sogs pa'i nad las bad kan shas che bar gyur pas ni/ lkog ma'i phyogs skrangs pa dang / /rmen bu sha khyud rgya shug gi dbyibs 'dra zhing mtho ba skye ba dang / gra ma 'am tsher mas nang du gang ba snyam byed pa dang /
 lkog ma'i ngos na 'gag par byed pa ni/ /ming pad+ma 'am/ ku muda'i rtsa ba 'dra pa'i phyir rtsa ba zhes bya'o/ /blum zhing mtho la tsha ba dang / /lkog ma'i ngos gnas 'dus pa yin/ /zhes bya ba la/ lkog ma'i ngos na gnas pa'i skrangs pa'i nad zlum pa la
 sogs pa'i mtshan nyid can de ni ming 'dus pa zhes bya'o/ /'gram pa'i mtshams gnas mgul pa'i nad/ /ras bal sa bon lta bur zlum/ /spyi bag nad tshabs chung bar skrang / /sra ba mchu rtse can zhes bya/ /zhes bya ba la/ mgul pa'i phyogs su skrangs pa'i nad dgang
 bal gyi sa bon dang dbyibs 'dra ba'i zlum po spyi bag can shas cher min ba skrang zhing sra pa de ni ming mchu rtse can zhes bya'o/ /phyi dang nad du mi bzad skrang / /lkog ma'i lam gyi gtan pa 'dra/ /mgo lci snum dang kha chu 'dzag /rims skyed lkog mchu 'dzings pa yin/ /zhes
 bya ba la/ lkog ma'i phyogs su skrangs pa'i nad gang phyi nang du shas cher skrang zhing lkog ma'i rgyun lam gyi gtan pa 'dra bar skye zhing mgo bo lci ba la sogs pa gang yin pa de ni/ lkog ma'i mchu 'dzings pa zhes bya'o/ /skrangs pa shas cher min zhing / /chu zheng de dar gdu bu
 yin/ /zhes bya ba la/ lkog ma'i phyogs su skrangs pa gang nad tshabs chung zhing dpangs rgyar chu dang zheng gdu bu dang 'dra bar skrangs pa'i nad gang yin pa de ni ming gdu bu zhes bya ste/ /gdu bu dang dbyibs 'dra ba'i phyir ro/ /nad kyis lkog mar sha mdzer ni/ /gcig gam mang
 skyes nad tshabs chung / /dbugs 'byin dka' zhing zas ming dka'/ /rtsa ba che ba lkog ma'i mtshan/ /zhes bya ba la/ rlung la sogs pa'i nad 'khrugs par gyur pas lkog ma'i gnas su sha'i mdzer pa gcig gam/ mang po 'byung bar gyur cing dbugs 'byin par dka' ba
 la sogs pa'i mtshan nyid can gang yin pa de ni lkog ma'i mtshon zhes bya'o/ /sha yi mdzer pa mang pos khyab/ /rab skam tsha la mgo po na/ /mdung ltar shin tu nad skyed byed/ /mdzer pas khyab pas mdung 'dra yin/ /zhes bya ba la/ sha'i mdzer pa mang pos khyab cing g.yogs
 pa rab tu skom pa la sogs pa dang ldan pa'i mdzer pa mar po mdung ltar shin tu nad skyed par byed pa'i lkog ma'i nad de ni mdung lta bu'i nad ces bya'o/ /lkog ma kun ni myur khyab cing / /myur skye myur smin shas cher na/ /rul ba'i rnag 'dra 'dzag gyur pa/ /skrags pa lkog
 ma'i khong 'bras yin/ /zhes bya ba la/ lkog mar skrangs pas khyab pa'i nad gang lkog ma thams cad khyab par byed pa dang / de bzhin du myur du smin par byed pa dang / de bzhin du shas cher na ba la sogs pa'i nad de ni lkog ma'i khong 'bras zhes bya'o/ /lce yi
 mtha' ma lkog ma sogs/ /skrang zhing smin pa med pa'i nad/ /skrang zhing smin pa med pa'i nad / /brtan pa khrag gis skyed byed pa/ /nad med lkog ma'i rmen bu yin/ /zhes bya ba la/ lce'i mtha' ma dang lkog ma'i phyogs la sogs par skrangs pa la sogs pa'i mtshan nyid dang ldan pa de ni lkog ma'i rmin bu
 zhes bya'o/ /rlung dang bad kan tshil gyis ni/ /lkog ma'i phyi rol lba ba skyes/ /de ni 'phel bar gyur pa'i tshe/ /rlig par ltar 'phyang na ba med/ /ces bya ba la/ rlung dang bad kan dang tshil gyis nad 'khrugs par gyur pa las/ lkog ma'i phyi rol du lba ba skyes par gyur cing / /
 de shas cher na ba med la rlig pa ltar 'phyang ba yin no/ /de ni rlung gyur dmar ba'am gnag /na zug rtsa ris nag por bcas/ /'phel bas lkog ma kha skam zhing / /lce yis ro mi tshor bar byed/ /ces bya ba la/ lkog ma'i lba ba de rlung shas che ba las gyur pa yin na ni/ /
 dmar ba 'am shas cher gnag par snang zhing na zhing zug pa shas che bar gyur pa dang / rtsa'i ri mo nag po dang bcas pa dang / de 'phel bar gyur na lkog ma skams pa la sogs pa'i mtshan nyid dang ldan pa yin no/ /bad kan las lci reg na grang / /brtan zhing skya la g.ya'
 dang bcas/ /'phel na rkan dang lkog mar chags/ /kha ni mngar ba bro bar byed/ /ces bya ba la/ lkog ma'i lba ba de bad kan las gyur pa'i rang bzhin lci ba dang / reg cing mya ngan grang ba la sogs pa yin la/ de 'phel bar gyur na bad kan dang lkog ma'i phyogs su spyi bag
 can chags par 'gyur ba dang / kha'i nang ro mngar ba bro bar byed pa yin no/ /tshil gyur bad kan lta bur na/ /de ni 'phel 'bri lus 'dar byed/ /'phel bar byed ba'i tshe na ni/ /lkog mar sgra bcas skad gsang nyams/ /zhes bya ba la/ tshil
 'phel ba las gyur pa'i lba ba ni bad kan gyi lba ba dang rang bzhin 'dra zhing de ched 'ga' ni 'phel la/ ched 'ga' ni 'bri bar byed de/ tshil rgyas na ni 'phel la/ tshil brin 'dri bar shes par bya'o/ /gzhan yang lba ba 'phel bar byed ba'i tshe na ni lkog mar sgra ngar ngar po dang bcas pa
 dang / skad gsang nyams shing chung bar 'gyur ro/ /bad kan gyis ni rlung rgyun bkag /lkog skam skad gsang nyams pa dang / dka' bas dbugs 'byin mun zhugs snyam/ /rlung las skad nyams gang yin 'gyur/ /zhes bya ba la/ bad kan 'khrugs par gyur pa
 las gang gi tshe rlung rgyu ba'i rgyun bkag par 'gyur zhing / de bzhin du mi de lkog ma skams pa dang / skad gsang shin tu nyams par 'gyur ba dang / dbugs nyam thag par 'byin pa dang / mun par zhugs pa snyam du mun 'thibs zhes byed par 'gyur ba dang / rlung gi nad
 gang gis skad gsang nyams pa zhes bya bar nyams par 'gyur te/ de ltar na lkog ma'i nad bco brgyad yin no/ /rlung ni kun tu 'gro byed pas/ /kha nang rma ni 'pho bar byed/ /dmar la rtsub pa skyed byed cing / /mchu dmar pags pa lhod pa dang / /lce yis grang ba mi bzod
 lci/ /gas shing tsher mas khyab 'drar snang / /kha mnam gdangs par dka' ba ni/ /kha yi shu ba zhes byar bshad/ /ces bya ba la/ rlung kun 'gro ba g.yo bar byed pas kha'i nang du rma 'pho zhing yan man du gnas 'pho bar byed ba dang / mdog dmar zhing rtsub pa skyed par byed
 pa dang / de bzhin du mchu zangs ltar dmar ba dang / pags ba lhod cing 'gul ba dang / /lces grang ba mi bzod cing rang bzhin lci ba dang / mchu gas shing tsher mas khyab pa ltar snang ba dang / rnags shing shu ba byung bas kha gdangs pa bka' bar gyur pa'i nad de ni ming
 kha'i shu ba zhes bshad do/ /bad kan bzhang 'brum skran sogs kyis/ /'og tu gnod bar byas pa'i rlung / /gyen 'byung kha ni dri mi zhim/ /de ni steng gi rkub ces bya/ /zhes bya ba la/ bad kan la sogs pas rlung 'og tu rgyu ba bkag par gyur pas gnod par gyur na/ rlung
 de gyen du 'byung bas kha de dri mi zhim par 'gyur te/ de'i ming ni steng gi rkub ces bya ste/ 'phyen gyi rlung steng du 'byung bar 'gyur ba'i phyir ro/ /mkhris gyur kha shu ka rnag cing / /tsha na kha ni cha bro la/ /rma la lan tshwas byugs snyam sems/ /zhes bya ba la/ mkhris pa las gyur pa'i
 kha'i shu ba ni kha rnags par 'gyur ba dang / tsha ba dang / na ba dang / kha'i nad tshwa bro bar 'gyur ba dang / rma lan tshwa byugs shing bskus pa dang 'dra bar 'gyu ba yin no/ /khrag las gyur pa'ang de dang 'dra/ /zhes bya ba la/ khrag las gyur pa'i kha shu ni mkhris pa las
 gyur pa'i kha shu dang mtshan nyid 'dra bar shes par bya'o/ /bad kan las gyur kha mngar bro/ /g.ya' zhing rma ne 'byil bag can/ /zhes bya ba la/ bad kan las gyur pa'i kha shu ni/ kha'i nang ro mngar ba bro ba dang / shu pa'i rma de g.ya' ba la sogs pa'i mtshan nyid can
 yin no/ /mkhur tshos nang du brtan nas ni/ /'brum bu gnag cing [(]skye ba [,]skya ba [)]'byung / /de ni mnye zhing bcad pa dang / /bskyod na 'phel bar byed pa yin/ /zhes bya ba la/ bad kan 'phel bar byed pa mkhur tshos kyi nang du brten cing gnas na 'brum bu gnag cing [(]skya ba [,]skye ba [)]'byung bar
 'gyur te/ 'brum bu de lag pas mnye zhing bskyod pa la sogs pa byas na/ slar 'phel zhing rgyas par 'gyur ro/ /nad ni khrag bcas gyur kha shu/ /kha shu nad ni khrag bcas 'gyur/ /'dus pa'i mtshan nyid kun dang ldan/ /zhes bya ba la/ rlung la sogs pa'i nad khrag dang
 bcas pa las gyur pa'i kha shu ni/ mtshan nyid sngar smos pa thams cad dang ldan pa yin no/ /de nyid so shing la sogs la/ /mi dga' kha dri mi zhim 'gyur/ /zhes bya ba la/ nad khrag dang bcas pa de nyid so shing la sogs pa la mi dga' zhing bsten par mi byed pas/ kha dri mi
 zhim zhing dri ma nam par 'gyur ro/ /mchu dang mkhur tshos so rtsa dang / /lce dang rkan dang mgul pa dang / /kha dang thams cad dag gi ni/ /nad ni bdun cu rtsa lnga yin/ /bcu gcig gcig dang bcu dang ni/ /bcu gsum de bzhin drug dang brgyad/ /bco brgyad
 brgyad po dag dang ni/ /de dag go rims bzhin du sbyar/ /zhes bya ba la/ mchu'i nang ni bcu gcig yid par bshad do/ /mkhur tshos la ni gcig yod do/ /so la ni bcu yod do/ /so rtsa la ni bcu gsum yod do/ /lce la ni drug yod do/ /rkan la ni brgyad yod do/ /mgul pa la ni bco brgyad
 yod do/ /kha la ni brgyad yod do/ /de ltar na kha nad ni spyir bdun cu rtsa lnga yod pa yin no/ /so sto sha dang khrag gyur mchu/ /chu bur chu ni med pa dang / /rkan gyi rus sbal 'brum phran dang / /mid khong stong stong che mchu 'dzings/ /skad nyams so sngon steng gi rkub/ /mdung 'dra gdu bu chu
 ser can/ /'dus gyur mid pa mchu nad dang / /khrag dang 'dus gyur gag pa dang / /so gogs so ni chag pa dang / /smin pa'i nye ba'i lce dang ni/ /lkog ma'i lba ba skad nyams dang / /dbugs mi thon pa lo gcig lon/ /zhes bya ba la/ nad de rnams kyi nang nas/ /so sto
 ba la sogs pa'i nang ni gsor mi rung ba yin te/ so nad las ni so sto ba'o/ /mchu nad las ni sha las gyur pa dang / /khrag las gyur pa'o/ /chu bur ram rmen bu las ni nang na chu yod pa'i chu bur ma gtogs par 'brum bu'i chu bur lta bu dang / /rlung gi chu bur dang / bad kan gyi
 chu bur dang skrang pa gsor mi rung ngo / /bad kan gyi nad las ni rus sbal lta bu dang / 'brum phran zhes bya ba dag gsor mi rung ngo / /yang so nad las ni khong stong dang khong stong chen po gsor mi rung ngo / /mid pa'i nad las ni mchu 'dzings dang / skad 'gags pa dang / yang so'i nad
 las ni sngon po dang / kha'i nad las steng gi rkub dang / mgul pa'i nad las mdung 'dra ba dang / gdu bu lta bu dang / lce'i nad chu ser can dang / 'dus pa las gyur pa'i mid pa dang / mchu nad dang / khrag dang 'dus pa las gyur pa'i gag pa dang / so gogs ba dang chag par gyur
 pa dang / smin pa'i nye ba'i lce yang gso dka'o/ /lkog ma'i lba ba la sogs pa lo gcig lon pa yang gso dka' ba yin no/ /so brtse sogs 'tsho ba tsam/ /zhes bya ba la/ so brtse ba dang gas pa'i nad gnyis ni re zhig 'tsho ba tsam du bya ba yin no/ /lhag ma mtshon dang sman
 gyis gso/ /zhes bya ba la/ mchu la sogs pa'i nad lhag ma rnams ni 'og nas bshad pa'i tshul du mtshon dang sman gyi sbyor bas gso bar bya'o/ /yan lag brgyad pa'i snying po'i rnam par 'grel pa tshig gi don gyi zla zer zhes bya ba/ slob dpon zla ba la dga' bas nges par
 sbyar ba las/ phyi ma'i gnas kyi le'u nye shu rtsa gcig pa'i rnam par 'grel pa'o// //de nas kha nad gso ba bshad par bya'o/ /mchu ral ba yi mtha' brud de/ /btsems la rma ltar gso bar bya/ /zhes bya ba la/ mchu ral ba zhes bya ba'i mchu nad kyi mtha' ma brud
 de/ gtsags bus brud cing zhal zhal byas te sbyar la legs par btsems te rma gso ba'i tshul ltar gso bar bya'o/ /shing mngar seng phrom kra ku ni/ /thal tres ut+pa la shra pa ni/ /mon sne'u dme ru pa to la/ /til mar bskol bas bsku bar bya/ /zhes bya ba la/ yang na
 mchu ral ba la shing mngar la sogs pa'i sman gyi lde gu dang / til mar bskol bas bsku bar bya'o/ /rlung 'joms mngar ba'i sde tshan dang / /bskol ba'i til mar sna sman gtang / /zhes bya ba la/ yang de la rlung 'joms pa'i sman gyi sde tshan dang / mngar ba'i sman gyi sde tshan dang
 bskol ba'i til mar sna nas gtang bar bya'o/ /rlung gyur mchu nad so rtsi pog /sbra tshil gu gul thang shing ni/ /snum chen bskol ba'i ras bal dag /sbangs pa'i ye'us glan par bya/ /zhes bya ba la/ rlung las gyur pa'i mchu nad la ni sra rtsi pog la sogs pa dang snum chen po
 gang yang rung ba bskol pa'i nang du sbangs pa'i ras bal gyi yi'us glan par bya'o/ /shing mngar phyi mar bcas pa dang / /de nyid kyis ni bsku bar bya/ /zhes bya ba la/ yang na shing mngar gyi phye ma dang / snum chen po de nyid sbyar bas bskus na yang rlung las gyur pa'i mchu nad la
 phan no/ /e raN+Da yi lo ma ni/ /'o mar bskol bas sbu bas dugs bya/ /zhes bya ba la/ yang na rlung las gyur ba'i mchu nad la/ e raN+Da'i lo ma 'o mar bskol ba'i sbu gu las dugs bya'o/ /mchu ral skabs bshad sna sman dang / /mgo bo brta ba dag
 kyang bya/ /zhes bya ba la/ yang na gong du mchu ral ba'i skabs su bshad pa'i sna sman dang / de bzhin du mgo bo brta zhing bsku ba dag kyang bya'o/ /mkhris pas snad pa'i mchu nad la/ /srin bu pad pas khrag dbyung bya/ /zhes bya ba la/ mkhris pa las gyur pa'am/ snang pa las
 gyur pa'i mchu nad la ni srin bu pad pa la sogs pas gtar ga gdab cing khrag dbyung bar bya'o/ /seng phrom sbrang rtsi sra rtsi pog /shing mngar bcas pa'i phye ma gdab/ /ces bya ba la/ yang nad de la seng phro mal sogs pa'i phye ma 'am lde gus bskus na phan no/ /sle tres shing
 mngar rma shing dang / /bskol ba'i mar gyis bskus na 'ang phan/ /zhes bya ba la/ yang na khrag dang snad pa'i mchu nad la sle tres la sogs pa dang bskol ba'i mar gyis bskus na yang phan no/ /mkhris pa'i khong 'bras ltar yang gso/ /zhes bya ba la/ 'dir mkhris pa
 dang kha snad pa las gyur pa'i mchu nad la ni mkhris pa'i khong 'bras kyi gso ba ji skad smos pa dag kyang bya'o/ /khrag las gyur pa sar pa la/ /de dag nyid kyis gso bar bya/ /zhes bya ba la/ khrag las gyur pa'i mchu nad sar pa yun ring du ma lon pa la ni mkhris pa'i gso
 bar bshad pa 'di dag nyid kyis gso bar bya'o/ /bad kan las gyur mchu nad la/ pa to'i thal ba tsha ba gsum/ /sbrang rtsi dang ni sbyar bas bsku/ /gtar ga byas nas phye ma gdab/ /bad kan 'joms par byed pa yin/ /dud brngubs sna sman mkhur bkad bya/ /zhes
 bya ba la/ bad kan las gyur pa'i mchu nad kyis nyen pa la ni pa to la la sogs pa'i sman gyi lde gus bsku ba dang / /gtar ga gdab pa la sogs ba bya'o/ /tshil gyur dugs byas dbral nas ni/ /me yis nges par bsreg par bya/ /zhes bya ba la/ tshil las gyur pa'i
 mchu nad la ni dugs byas la dbral ba la sogs pa bya'o/ /pri yang ku dang 'bras bu gsum/ /seng phrom sbrang rtsir sbyar bas bsku/ /zhes bya ba la/ tshil las gyur ba'i mchu nad la ni pri yang ku la sogs pas bsku bar bya'o/ /chu yi chu bur brtol nas sbyang / /sman rnon
 sbrang rtsis bsku bar bya/ /zhes bya ba la/ chu'i chu bur ni dang por brtol nas sbyang zhing dag par byas la/ sman rnon po pi pi ling la sogs pas bsku bar bya'o/ /gting ring pa 'am rab 'phel la/ /thang sman dag gam me btsas gso/ /zhes bya ba la/ chu'i chu bur
 gting ring zhing nang du zhugs pa'am rab tu 'phel ba la ni thang sman nam me bcas bsreg par bya'o zhes bya'i don to/ /mkhur ba'i chu ser smin skabs su/ /skrangs pa'i nad ltar gso bar bya/ /zhes bya ba la/ mkhur ba chu ser 'byung ba smin cing rnags par gyur pa'i
 skabs su ni mdo'i gnas su bshad pa'i skrangs pa'i nad ltar gso bar bya'o/ /so grang ba la dugs bya ste/ /so rtsa brud de til mar bsreg /ces bya ba la/ so grang bar gyur pa la ni dang por dugs byas la/ rtse mo dkyil 'khor 'dra ba'i gtsags bus brud de til mar
 bskol bas bsreg par bya'o/ /gla sgang rgyam tsha sbrang rtsi dang / /se 'bru'i shun pa 'bras bu gsum/ /skyer pa'i khaN+Da 'dzam bu'i rkang / /bca' sga sbyar bas bsku bar bya/ /zhes bya ba la/ yang so'i phreng ba de gla sgang la sogs pa'i sman sbyar ba'i lde gus bsku bar bya'o/ /
 'o ma can bskol mkhur ba bkang / /e raN+Dapar sna sman gtang / /zhes bya ba la/ 'o ma can gyi shing bskol ba'i khu bas mkhur ba dgang ba 'am/ e raN+Da'i mar gyi sna sman gtang bar bya'o/ /so brtse de bzhin bye ba la/ /rlung 'joms gso ba thams cad bya/ /zhes bya ba la/ /
 so brtse ba dang po gas shing bye ba la ni rlung 'joms pa'i zas dang skom dang sman thams cad kyis gso bar bya'o/ /til dang shing mngar sbrang rtsi ni/ /'o mar bskol ba'i mkhur bkang bcang / /zhes bya ba la/ yang na nad de gnyis la til la sogs pa dang bskol ba'i khu ba
 mkhur bar bcangs na phan no/ /so 'gul ba la ba bcu'i/ /khu ba mar bskol mkhur ba bkang / /zhes bya ba la/ so 'gul ba'i nad la ni rtsa ba bcu bskal ba'i khu ba dang / zhun mar ram til bskol ba mkhur bar bcangs na phan no/ /spangs ma
 seng phrom pi pi ling / /'bras bu gsum dang rma shing dang / /rgyam tsha yis ni bdar bar bya/ /zhes bya ba la/ yang so 'gul ba la spangs ma la sogs pas so bdar na yang phan no/ /snum bag gis ni sna sman dang / /mkhur bkang gnas skabs ji bzhin bsten/ /
 zhes bya ba la/ yang so 'gul ba la snum bag can gyi sna sman la sogs pa gnas skabs ji lta ba bzhin du bsten par bya'o/ /so lhag skyes la 'bras sman gyis/ /bskus te gogs par gyur pa dang / /srin can so ltar phyung nas ni/ /de tshe de dang 'dra bar gso/ /zhes
 bya ba la/ so lhag skyes pa zhes bya'i so nad la ni thal sman gyis bskus te gogs shing bye bar gyur pa dang / srin bus zos pa'i so ltar phyung la/ de dang 'dra ba kho nar gso bar bya'o/ /khrag ni chod par ma gyur na/ /bsregs la rma ltar gso bar bya/ /zhes bya ba la/ so
 lhag skyes pa de phyung ba'i tshe khrag chod par ma gyur na gnas de bsregs la/ de'i 'og tu rma ltar gso bar bya'o/ /so dreg chags la so rtsa la/ /gnod pa med par bsal bar bya/ /zhes bya ba la/ so dreg chags pa la ni so'i rtsa ba la gnod pa med par byas te/ so
 brud pa'i gtsags spyad kyis de brud cing bsal bar bya'o/ /thal sman sbrang rtsir bcas pas ni/ /de yi 'og tu bsku bar bya/ /zhes bya ba la/ de ltar so dreg bzhar nas thal sman gyi phye ma sbrang rtsi dang sbyar ba'i lde gus so la bsku bar bya'o/ /so gogs pa la'ang 'di
 nyid dang / so brtser bshad pa'i gso ba bya/ /zhes bya ba la/ so gogs pa'i nad la yang so dreg chags pa'i gso ba 'di nyid dang / so brtse pa la bshad pa'i gso ba thams cad bya'o/ /srin can so ni mi 'gul la/ /dugs byas nas ni khrag dbyung bya/ /snum gyis
 bsku zhing mkhur bkang dang / /sna sman kha zas rlung 'joms sbyin/ /zhes bya ba la/ so srin bus zos pa mi 'gul bar gnas pa la ni dang por dugs byas la khrag dbyung bar bya la rlung la phan pa'i snum gyis bsku ba la sogs pas gso bar bya'o/ /khong stong
 bur ma sbra tshil gyis/ /gang ba'i thur mas bsreg par bya/ /zhes bya ba la/ so khong stong du 'dug pa la ni bu ram mam spra tshil gyis gang ba'i thur mas de bsreg par bya'o/ /lo ma bdun pa a rka yi/ /lo mas bkang na srin gzer 'joms/ /zhes bya ba la/ yang khong
 stong de la lo ma bdun pa'am/ arka'i lo mas bkang na srin bus zos pa'i zer 'joms par byed do/ /shing kun nag tshur kad pa la/ /swa rdzi ka dang byi dang ga /ru rti phye ma ras la gtums/ /sor glan zug gzer myur du 'joms/ /zhes bya ba la/ shing kun la sogs pa'i
 phye ma ras gtsang mar gtums te so'i steng du bzhag na yang zug gzer gyi nad myur du sel par byed do/ /yang na 'di nyid bskol ba yi/ /til mar mkhur bar dgang bar bya/ /zhes bya ba la/ yang na shing kun la sogs pa 'di nyid dang / bskol ba'i til mar gyis mkhur ba
 bkang bar bya'o/ /yang na bri ha ti rnam gnyis/ /bu ga dam pa e raN+Da/ /bskol ba'i khu bas mkhur ba bkang / /zhes bya ba la/ yang na bri ha ti gnyis ni kaN+Da ka ri dang / bri ha ti dang / de la sogs pa sman gyi sbyor ba bya'o/ /de ltar gso ba mang po yis/ /nang ni zhi bar
 ma gyur na/ /skam pa phra mo dag gis sam/ /so dbyung ba yi cha spyad kyis/ /dang por rtsa ba nas bslangs te/ /gtan nas de ni dbyung bar bya/ /zhes bya ba la/ rnam pa de lta bu'i sman gyi gso ba sna tshogs pa dag gis nad de zhi zhing med pa ram song na skam pa phra mo
 'am/ yang so dbyung ba'i cha spyad du byas pas de mi 'gul ba yin yang dbyung bar bya'o/ /til mar shing mngar phyed bcas pa'am/ /sbrang rtsis de'i mkhur bkang bya/ /zhes bya ba la/ de ltar so phyung nas til mar dang shing mngar gyi phye ma sbyar ba 'am/ yang na shing
 mngar gyi phye ma dang sbrang rtsir sbyar bas mkhur ba bkang bar bya'o/ /de 'og shing mngar bi da ri/ /brid ta ga dang ka shi ru/ /til mar bcu 'gyur 'o ma dang / /bskol ba'i sna sman gtang bar bya/ /zhes bya ba la/ de'i 'og tu bi da ri la sogs pa dang bskol ba'i sna
 sman gtang bar bya'o/ /rid cing nyam chung rgan po dang / /rlung nad kyis nyed so mi dbyung / /ya so dbyung bar mi bya ste/ /de ni bla brnan mang po skyed/ /ces bya ba la/ rid pa la sogs pa dang / de bzhin du gzhan dag gi ya so ni dbyung bar mi bya ste/ ci'i phyir zhe na/ de ni nad kyi bla
 brnan skyed par byed pa yin pa'i phyir ro/ /de yang 'byin na snum pa dang / mngar dang bsil ba'i rim pas gso/ /zhes bya ba la/ /de ltar dbyung du mi rung ba de yang 'byin na snum pa la sogs pas gso bar bya'o/ /grang bas nyen la khrag dbyung zhing / /sbrang rtsir bcas pas
 bsku bar bya/ /gla sgang ardzu na'i shun pa/ /pri yang ku dang skyer khaN+Da/ /bca' sga sbrang rtsir sbyar ba bsku/ /zhes bya ba la/ grang bas nyen pa'i so nad la ni khrag phyung la gla sgang la sogs pa'i sman sbrang rtsi dang sbyar ba'i lde gus bsku bar bya'o/ /de bskol bas ni mkhur bkang dang / /
 mngar sman til mar bskol snar blugs/ /zhes bya ba la/ gla sgang la sogs pa'i mkhur ba bkang ba bcang ba dang / de bzhin du mngar ba'i sman gyi sde tshan dang til mar bskol ba'i sna sman gtang bar bya'o/ /rnyil ni nye bar bdar bal/ /chu tshan mkhur bkang bas dugs bya/ /
 dkyil 'khor 'dra ba'am sha kha yi/ /lo mas mang du brud par bya/ /zhes bya ba la/ rnyi la nye bar bdar bzhes bya ba'i so nad la ni/ chu tshan mkhur ba bkang bas dugs bya ba dang / gtsags bu'i rtse mo dkyil 'khor 'dra ba'am/ /shing sha kha la sogs pa'i lo ma rtsub
 mos mang du brud par bya'o/ /rgya skyegs rma shing pri yang ku/ /rgyam tsha ru rta btsag yug snam/ /na le sham dang bca' sga dang / /shing mngar skyer pa'i khaN+Da dang / /mar gyi snying po sbrang rtsi dang / /sbyar ba de 'og bsku bar bya/ /zhes bya ba la/ de'i 'og tu rgya skyegs la
 sogs pa'i sman mar khu'i snying po dngas ma dang sbyar bas bsku bar bya'o/ /mar khu 'am til mar mkhur spo ba/ /dro 'jam de yi rjes la bya/ de ltar byas pa'i rjes la mar khu'am til mar dro 'jam tsam gyis de mkhur ba bkang zhing spo bar bya'o/ /mngar
 ba'i sde dang bskol ba'i mar/ /mkhur bkang sna sman byas na phan/ /zhes bya ba la/ yang na mngar ba'i sman gyi sde tshan bskol ba'i khu ba'am/ lde gu dang bskol ba'i mar gyis mkhur ba bkang ba'am sna sman bya'o/ /so 'bur bal dugs byas la/ /bcad dang dbug dang brud bar
 bya/ /shing mngar bca' sga swardzi ka /rgyam tsha'i phye ma bsku bar bya/ /zhes bya ba la/ so 'bur ba'i nad la ni dugs bya ste/ bcad pa la sogs pa byas la/ de'i 'og tu shing mngar la sogs pa'i lde gus bsku bar bya'o/ /so yi khong 'bras tsha rno dro/ /rtsub pa'i
 mkhur bkang bsku bar bya/ /zhes bya ba la/ so'i khong 'bras zhes bya ba'i nad byung ba la ni sman tsha ba la sogs pa'i khu bas mkhur ba bkang ba dang / lde gus bsku bar bya'o/ /pu tse shel dang ba spru ba/ /ru rta nas tshig 'khus phyes bdar/ /zhes bya ba la/ so'i khong 'bras de la pu tse
 shel dang btags pa'i phyes bdar na yang phan no/ /bsil sman gyis ni smin mi gzhug /smin nas dral la gting ring bsreg /ces bya ba la/ so'i khong 'bras de nus pa bsil sman phyi dang nang nas btang bas smin du mi gzhug par rnags pa las zlog pa'i phyir
 bsrung bar bya la/ smin cing rnags nas gtsags bus dral la gting ring bar 'dug na bsreg par bya'o/ /khong sdong bcad de brung nas ni/ /gla sgang seng phrom 'bras bu gsum/ /shu ti rma shing skyer khaN+Da/ /rgya skyegs shing mngar ka pa la/ /sbrang rtsir sbyar bas bsku bar bya/ /
 zhes bya ba la/ so khong stong du gyur pa la ni/ /dang por brud cing bzhar la/ de'i 'og tu gla sgang la sogs pas bsku bar bya'o/ /de nyid khu bas mkhur ba bkang / /zhes bya ba la/ yang na gla sgang la sogs pa'i sman de dag gnyid kyi khu bas mkhur ba bkang na phan no/ /
 shing mngar seng phrom ngUr ba dkar/ /thal tres tsan+danaa ga ru/ /khur dkar po btsag yug snam/ /pad+ma dkar po stag tsher ba/ /bskol ba'i til mar sna sman gtang / /zhes bya ba la/ yang na khong stong gi nad de la sheng mngar la
 sogs pa'i lde gu dang bskol ba'i til mar sna sman btang na yang phan no/ /sha lhag skyes pa bcad nas ni/ /shu dag te dzo ba ti dang / /pa tha nas tshig 'khus thal ba/ /swardzi ka dang sbrang rtsis bsku/ /zhes bya bal/ sha lhag skyes pa'i nad la ni shu dag la
 sogs pa'i sman gyi lde gus bsku bar bya'o/ /'bras bu gsum dang pa to la/ /nim pa bskol bas mkhur ba bkang / /zhes bya ba la/ sha lhag skyes pa de bcad nas 'bras bu gsum la sogs pa bskol ba'i khu ba blud na yang phan no/ /snad pa las byung nad la ni/ /
 dkyil 'khor rtse mo 'dra bas sbyangs/ /de nas thal sman sna sman gtang / /mkhur bkang la sogs bsil sman gtang / /zhes bya ba la/ snad pa las byung ba zhes bya ba'i so nad la ni dkyil 'khor gyi rtse mo 'dra ba'i gtsags bus so'i rtsa ba sbyangs shing dag par byas
 la/ de'i 'og tu thal sman gyis bskus la sman bsil pa'i nus pa dang ldan pa'i sna sman dang mkhur ba bkang ba dag bya'o/ /lus kyi gong 'og nas sbyang bya/ /de 'og mgo bo'i bkru sman bya/ /so yi rtsa ni gsos nas kyang / /phyung ste nad dang ldan pa yi/ /bu ram
 spra tshil bkang bas bsreg / ces bya ba la/ lus kyi gong 'og skyug sman dang bkru sman gyis sbyangs la/ de'i 'og tu so'i rtsar rgyu ba'i rtsa sbubs la gnod pa med par gsos la so phyung ste/ nad sna chogs dang ldan pa'i rtsa sbubs yan man kun khyab par byed pa bu ram
 mam/ spra tshil gyis bkang ba'i thur mas bsreg par bya'o/ /dzA ti seng ldeng sbra tshil dang / /gze ma bskol ba'i khu bas bkru/ /zhes bya ba la/ yang rtsa de seng ldeng la sogs pa bskol ba'i khu bas bkru bar bya'o/ /'o ma can shing chus mkhur
 bkang / /de bskol til mar sna sman gtang / /zhes bya ba la/ 'o ma can gyi shing bskol ba'i khu bas mkhur bkang bar bya ba'am/ yang na 'om can gyi shing gi lde gu dang bskol ba'i til mar sna sman gtang bar bya'o/ /rlung gyur lce ni rtsub pa la/ /
 rlung gi mchu nad gso bar bya/ /zhes bya bal/ rlung las byung ba'i lce'i nad tsher ma ltar rtsub pa la ni/ rlung gi mchu nad kyi gso ba gang yin pa dag bya'o/ /mkhris pa las gyur lce nad la/ /bzhar te khrag ni dbyung bar bya/ /bsku dang mkhur ba bkang ba dang / /
 sna sman mngar ba dag kyang bya/ /zhes bya ba la/ mkhris pa las gyur ba'i lce'i nad tsher ma lta bu byung ba la ni gzhar zhing gtar ga bya ste khrag phyung la/ de'i 'og tu mngar ba'i sman gyi sde tshan gyi lde gus bsku ba dang / sman de dag bskol ba'i khu bas mkhur ba bkang ba
 dang sna sman bya'o/ /de bzhin bad kan las gyur la/ /yungs kar tsha ba gsum la sogs/ /sman ni rnon pos gso bar bya/ /zhes bya ba la/ de bzhin du bad kan las gyur pa'i lce'i nad tsher mas khyab pa lta bu la ni snga ma bzhin du bdar la/ yungs kang
 la sogs pa'i sman rnon pos bsku ba dang / mkhur ba bkang ba la sogs pa bya'o/ /lce las chu ser 'dzag pa gsar/ /mtshon mi reg par de bzhin gso/ /zhes bya ba la/ chu ser 'dzag pa zhes bya pa'i lce nad las skyes nas ring por ma lon pa'i sar pa la
 yungs kar la sogs pa'i sman bsku ba la sogs pa snga ma bzhin du byas la/ chu ser 'dzag pa'i nad de la khyad par du mtshon gyis bzhar ba dang gtar ga mi bya'o/ /lce lhag skyes pa lce bteg ste/ /lcags kyus lce lhag drangs nas ni/ /rtse mo dkyil 'khor 'dra
 bas bcad/ /rno dang dro bas bdar sogs bya/ /zhes bya ba la/ lce lhag skyes pa ni lce bteg ste lcags kyus lce lhag de phyir drangs nas/ rtse mo dkyil 'khor 'dra ba'i gtsags spyad kyis bcad par bya zhing / sman rno ba dang dro bas gtar ga la sogs pa
 bya'o/ /nye ba'i lce la khrag gzags te/ /nas tshig 'khus pa'i thal bas bdar/ /zhes bya ba la/ nye ba'i lce la ni sha kha la sogs pa'i lo ma rtsub po 'am/ sor gdub lta bu'i mtshon gyis gtar zhing khrag gzags la/ de'i 'og
 tu nas tshig 'khus pa'i thal bas bdar zhing brud par bya'o/ /sha lhag skyes la bad kan 'joms/ /sna sman mkhur bkang bdar bar bya/ /zhes bya ba la/ lkog ma sha lhag gam rmen bu skyes pa la ni bad kan 'joms par byed pa'i sman la sogs pa btang bas gso
 bar bya'o/ /ga go nas pon lta bur ni/ /'phel zhing rtsa ni mi mngon dang / /rtse mos lce yi rtsa bar slebs/ lcags kyu yis ni bzung nas kyang / /rtse mo dkyil 'khor 'dra ba yis/ /rtse mo rtsa ba ran par gcad/ /ces bya ba la/ lkog mar sha lhag
 skyes pa 'phel bar gyur cing / ga gon gyi sa bon dang 'dra bar skyes pa dang / rtsa ris mi mngon par gyur pa dang / lce de'i rtse mo lce'i rtsa bar babs shing slebs pa ni mu tsu tri 'am lcags kyus bzung la/ rtse mo dkyil 'khor 'dra ba'i btsags bus de ran bar gcad
 par bya'o/ /bcad drags khrag zags 'chi bar byed/ /bcad chung nad ni 'phel bar byed/ /ces bya ba la/ lce chung ngam sha lhag skyes pa bcad drags na ni khrag zags par byas nas 'chi bar 'gyur la/ rtse mo nas bcad dam chung na ni nad zhar la 'phel zhing
 skye bar 'gyur ro/ /bong nga pa tha na le sham/ /shu drag ru rta pa ri la/ /rgyam tsha sbrang rtsir bcas pa yis/ /bcad pa dag ni bdar bar bya/ /zhes bya ba la/ legs par bcad nas bong nga la sogs pa'i sman sbrang rtsi dang sbyar bas bdar
 zhing bskus na phan no/ /pa ri pe la ni kun tan na ta'o/ /pu tse shel dang bong nga dkar/ /pa ta nim par sna dang / /shu dag chu yis mkhur bkang bya/ /zhes bya ba la/ bu tse shel la sogs pa de bskol ba'i khu bas mkhur ba dag dbar bya'o/ /'dus dang so 'dur
 rus sbal 'dra/ /de bzhin bzhar te gso bar bya/ /zhes bya ba la/ so 'dus pa dang 'bur ba dang rus sbal 'dra ba'i nad la yang snga ma bzhin du bzhar te gso zhing bcos par bya'o/ /rkan rnags ma smin pa la ni/ /nag tshur sbrang rtsi skyer khaN+Da/ /bsku bar bya'o/ /
 zhes bya ba la/ rkan gyi rnags pa'i nad smin par ma gyur pa la ni nag tshur la sogs pa'i sman gyis bdar bar bya'o/ /bsil dang mdar/ sman bskol khu bas mkhur bkang bya/ /zhes bya ba la/ nus pa bsil ba dang / ro mngar ba'i sman dang / bskol ba'i khu
 bas mkhur ba bkang ba byas na yang phan no/ /smin nas na ya'i gzhi ltar dras/ /dro dang rna bas bsku bar bya/ /zhes bya ba la/ rkan rnags pa smin nas ni mtshon gyis na ya'i gzhi ltar dras la mar sar dang / sman dro ba dang rno ba sbyar bas bsku bar bya'o/ /na ya'i
 gzhi ni gang du na yang rtse ba'i gzhi spang leb la sogs par mig mangs ris su bris pa ste/ de dang 'dra bar dkyil 'khor 'dra ba'i gtsags bus ri mo mang por dra zhing dgas par bya'o/ /ba sha ka dang pa to la/ /nim pa la sogs rno ba yi/ /sman gyi khu bas mkhur
 ba dgang / /zhes bya ba la/ rkan rnags pa'i sman rnog po ni/ ba sha ka la sogs pa'i snan kha ba la bya ste/ de'i khu ba mkhur bar bcangs na yang phan no/ /rkan skam skom dad gdung med pa/ /zas zos rjes la zhun mar ni/ /bca' sga pi pi ling bskol blud/ /skyur
 bse mkhur ba spob bcang / /zhes bya ba la/ yang rkan skam pa'i nad skom dad kyi gdung ba mid pa la ni/ zas zos ba'i 'og tu zhun mar bca' sga la sogs pa bskol ba blud la/ de bzhin du chang dngas ma la sogs pa skyur bas mkhur ba spo ba bcangs na yang phan
 no/ /skam sa'i sha khu snum pa dang / /zhun mar 'o ma'i sna sman gtang / /zhes bya ba la/ yang rkan skam pa'i nad de la/ skam sa'i srog chags kyi sha khu snum dang bcas pa zas kyi rjes la blud na phan la/ de bzhin du zhun mar la sogs pa'i sna sman btang na yang
 phan no/ /lkog ma'i nad la gtar ga gdab/ /sna sman la sogs rnon po bya/ /zhes bya ba la/ lkog ma'i nad thams cad la ni gtar gdab cing khrag dbyung ba dang / sman rnon po'i sna sman dang / mkhur ba bkar ba dang bsku ba la sogs
 pa'i las byas na phan no/ /skyer pa'i shun pa skyer khaN+Da/ /dug mo nyung bskol khu ba blud/ /ces bya ba la/ skyer pa'i shun pa la sogs pa'i sman bskol ba'i khu ba rkan gyi nad la blud par bya'o/ /a ru ra yi khu ba ni/ /sbrang rtsir ldan pa sbyin par bya/ /zhes bya ba la/
 yang na a ru ra bskol ba'i khu ba sbrang rtsi dang ldan pa blud na yang lkog ma'i nad la phan no/ /'bras bu gsum dang tsha ba gsum/ /nas tshig 'khus thal skyer pa dang / /tsi tra ka dang skyer khaN+Da/ /pa ta te dzo ba ti dang / /nim pa tsha dang ra gcin bskol/ /mkhur ba spo dang ri lu
 dang / /phye ma gdab pa dag kyang bya/ /zhes bya ba la/ de la lkog ma'i nad de dag la 'bras bu gsum la sogs pa dang / tsha ba gsum la sogs pa dang bskol ba'i mkhur ba spo ba dang / ri lu bcang ba dang / phye mas gdab pa dag kyang bya'o/ /lcang ma gi ri kar+Na dang
 gla sgang thang shing bca' sga dang / /shu dag dan da mur ba yi/ /lde gu dro bskus skrangs nad sel/ /zhes bya ba la/ lcang ma la sogs pa'i phye ma dang sbyar ba'i lde gu dro 'jam tsam bskus na lkog ma'i nad kyi skrangs pa dang na ba sel bar byed pa'i na no/ /de nas phyi nang dugs
 byas te/ /sor gdub cha spyad dag gis sam/ /rgyam tsha ldan pa'i sen mo yis/ /rlung gyur gag pa bzhag bar bya/ /zhes bya ba la/ /de nas rlung las gyur pa'i gag pa la phyi dang nang nas dugs legs par byas la/ sor gdub lta bu'i cha spyad dam rgyam tsha dang bcas pa'i sen
 mos brud cing bzhar bar bya'o/ /rtsa ba lnga bskol mkhur bkang dang / /til mar mkhur spo sna sman gtar/ /zhes bya ba la/ rlung las gyur pa'i gag ba de la rtsa ba lnga pa chen po bskol ba'i khu bas mkhur ba bkang ba dang / de bzhin du til mar gyis mkhur ba spo ba dang / /
 sna sman dag byas na phan no/ /mkhris pa las gyur gtar ga gdab/ /kha ra sbrang rtsi bri yang ku/ /seng phrom rma shing bcas pa bdar/ /de bskol khu ba mkhur bar bcad/ /zhes bya ba la/ mkhris pa las gyur pa'i gag pa la ni/ dang bo gtar ga gdab cing
 khrag phyung la/ kha ra la sogs pa'i sman gyis bskus shing bdar ba dang / kha ra la sogs ba de dag bskol ba'i khu ba nyid mkhur bar bcang bar bya'o/ /rgun 'bru ba ru sha ka bskol/ /mkhur ba bkang pa'ang phan pa yin/ /zhes bya ba la/ yang na mkhris pa las
 gyur pa'i gag pa la rgun 'bru la sogs pa'i sbyor ba 'di byas na yang phan no/ /khrag las gyur pa'ang de bzhin du/ /gtar ga gdab ste gso bar bya/ /zhes bya ba la/ khrag las gyur pa'i gag pa la ni de bzhin du mkhris pa las gyur pa dang 'dra bar gso zhing gtar ga
 bdab pa dang khrag dbyung bar bya'o/ /bad kan las gyur gag pa yi/ /dud pa tsha ba'i sman bcas gdab/ /a pa marga'i 'bras bu dang / /gi ri kar+Ni byi dang ga /rgyam tsha tsan+Dan til mar bskol/ /sna sman mkhur bkang bya ba bsngags/ /zhes bya ba la/ bad
 kan las gyur pa'i gag pa la ni/ khang pa'i dud pa la sogs pa'i sman gyis btab cing / /a pa [(]ma[,] marga [)]la sogs pa'i sman bskol pa'i khu ba mkhur bar bcang bar bya'o/ /de bzhin 'dus dang rtsa ba dang / /mchu rtse lkog ma'i mtshon la'ang bya/ /zhes bya ba
 la/ lkog ma'i nad 'dus pa dang rtsa la sogs pa bzhi po dag la yang / bad kan las gyur pa'i gag pa dang 'dra bar gso bar bya'o/ /khong 'bras khrag gzags 'bras bu gsum/ /gi lbang yug snam skyer khaN+Da/ /seng phrom rgyam tsha rma shing dang / /pi pi ling
 bsku mkhur bkang bya/ /zhes bya ba la/ lkog ma'i khong 'bras la ni 'bras la ni gtar gas khrag phyung la/ 'bras bu gsum la sogs pa'i sman gyi lde gus bsku zhing bskol ba'i khu bas mkhur ba bkang ba bcang bar bya'o/ /rlung las gyur pa'i lba ba la/ /dugs byas nas ni
 khra gang byung zhing / /til dang zar ma le brgan rtsi/ /pi la ya dang gso 'bras kyis/ /rma 'drubs nas bskus dkri bar bya/ /zhes bya ba la/ rlung las gyur pa'i lkog ma'i lba bal ni dugs bya zhing gtar gas khrag phyung la rma 'drubs
 par gyur ba dang / til la sogs pa'i sa bon gyis bskus te dkri bar bya'o/ /shi kru seng phrom ta rka ri/ /ta la ha ti pi pi ling / /ba spru ba dang a ru ra/ /arka'i rtsa ba po son cha/ /e ke+eShikar bcas pa ni/ /chang ngam rang skyur btags pas bsku/ /lde gus
 yang dang yang du bsku/ /zhes bya ba la/ rlung las gyur pa'i lba ba de la shi kru la sogs pa'i sman chang ngam rang skyur kany+dzi dang btags pa'i lde gus yang nas yang du bsku bar bya'o/ /sle tres nim pa dug mo nyung / /ha na sa pa ti bal gnyis/ /thang shing dang ni pi pi
 ling / /bskol ba'i til mar blud par bya/ /zhes bya ba la/ rlung las gyur pa'i lba ba la sle tres la sogs pa dang bskol ba'i til mar bskus na yang phan no/ /bad kan la yang 'di dag ni/ /bya zhing lhag par dugs bsku bya/ /zhes bya ba la/ bad kan las
 gyur pa'i lba ba la yang rlung las gyur pa'i gso ba 'di dag nyid bya zhing / de las kyang lhag par dugs dang lde gus bsku ba dag shas cher bya'o/ /a za gan+ha bong nga dkar/ /a za shing gi bi sha l+ya/ /ku ba kha bo 'ol ma se/ /shi re sha dang rgya skyegs shing / /thal
 chu'i lde gu bsku bar bya/ /zhes bya ba la/ bad kan las gyur pa'i lba ba la ni a za gan+d+ha la sogs pa'i sman gyi phye ma rgya skyegs kyi shi dang mthal ba'i chu dang lde gur byas la bsku bar bya'o/ /thal ba drag po gcin bskol btsags/ /khro rgod bza' zhing btung
 bar bya/ /zhes bya ba la/ thal ba drag po ni rtsa'i thal ba dang chu btsags pa las byas pa ste/ ming gi rnam grangs chu'i thal ba zhes kyang bya'o/ /de gcin dang bskol ba btsags te khre rgod za zhing de blud na bad kan las gyur pa'i lnga ba sel to/ /dug mo nyung sogs
 lan tshwa lnga/ /til mar lhan cig bskol ba blud/ /ces bya ba la/ yang na dug mo nyung gi sde tshan la sogs pa'i sman dang lan tshwa lnga po dang bcas bar til mar bskol la/ khre rgod bza' zhing de blud par bya'o/ /bad kan 'joms pa'i dud pa dang / /slon sman sna
 sman la sogs bsten/ /zhes bya ba la/ bad kan las gyur pa'i lpa ba la dud pa brngub pa la sogs pa bad kan sel ba rnams bsten par bya'o/ /tshil gyur pa la gtar ga gdab/ /bad kan 'joms pa'i cho ga bsten/ /zhes bya ba la/ tshil las gyur pa'i lba ba la ni/
 snum chos byas la gtar ga gdab pa dang / bad kan bsal ba'i sbyor ba bya'o/ /'di la a sa la sogs pa'i/ /khu ba gcin ni snga dro blud/ /ces bya ba la/ tshil las gyur pa'i lba ba la a sa na la sogs pa'i sde tshan bskol ba'i khu ba gcin dang sbyar ba snga dro dang po'i cha
 la blud par bya'o/ /des ma zhin thams cad ni/ /smin byas rma ltar gso bar bya/ /zhes bya ba la/ lkog ma'i nad thams cad gso ba'i sbyor ba de dag byas su zin kyang zhi zhing med par ma gyur na/ de smin par byas pa rma'i gso ba ltar bya'o/ /kha shul ni 'bras bu gsum
 pa ta rgun 'bru dzA ti ni/ /'o mar bskol ba'i sbrang rtsir bcas/ /kha ni bsku zhing bcang bar bya/ /zhes bya ba la/ kha shu'i nad thams cad la 'bras bu gsum la sogs pa bskol ba'i khu ba bsgrangs pa'i nang du sbrang rtsi btab pa ste/ kha ra bcang zhing bsku bar bya'o/ /yang na
 zin thig la sogs sde/ /gza' zhing bsten pa nyid du bya/ /zhes bya ba la/ yang na kha'i shu ba la 'bras bu gsum la sogs bzos nas zin thig la sogs pa'i sde tshan bza' bar bya'o/ /rlung gi kha shur pi pi ling / /rgyam tsha sug smel phye ma gdab/ /ces bya ba la/ /
 rlung las gyur pa'i kha shul ni pi pi ling la sogs pa'i phyi mas gdab pa'am/ 'de gus bsku bar bya'o/ /yang na rlung 'joms sman bskol ba'i/ /til mar sna sman mkhur bkang phan/ /zhes bya ba la/ yang rlung las gyur ba'i kha shul rlung sel ba'i sman gyi sde tshan
 bskol ba'i til mar sna sman dang mkhur ba bkang ba byas na phan no/ /khrag mkhris gyur la khrag mkhris 'joms/ /bad kan las gyur de 'joms bsten/ /zhes bya ba la/ khrag dang mkhris pa las gyur pa'i kha shu la ni khrag dang mkhris pa sel ba'i cho gas phan
 no/ /bad kan las gyur pa'i kha shu la ni bad kan sel bar byed pa'i cho ga bsten par bya'o/ /'brum phran sra zhing brtan pa la/ /sha kha'i lo ma sogs kyis bzhar/ /zhes bya ba la/ bad kan las gyur pa'i shur 'brum bu phra mo brtan zhing mi 'gyur bar gnas pa gang yin pa de la
 ni sha kha'i lo ma la sogs pas bzhar zhing bsal bar bya'o/ /'dus pa las gyur gso ba ni/ /nang gzhi ji bzhin shas cher bya/ /zhes bya ba la/ 'dus pa las gyur pa'i kha shul ni nad gzhi gang shas che ba'i dbang du byas te gso bar bya'o/ /chu bur gsar zhing ma 'phel ba/ /
 bcad la swardzi ka'i thal ba/ /bca' sga sbrang rtsi gdab par bya/ /zhes bya ba la/ mdzer pa chu bur gsar du byung zhing ring po ma lon pa ma 'phel ba la ni dkyil 'khor 'dra ba'i gtsags bus bcang la/ swardzi ka la sogs pa'i phyi mas gdab par bya'o/ /de bskol mkhur ba bkang bar bya/ /
 sle tres nim pa'i lde gu ni/ /sbrang rtsi til mar bcas pa'ang rung / /zhes bya ba la/ de ltar chu bur bcad nas sman snga ma de bskol ba'am/ sle tres la sogs pa'i khu bas mkhur ba bkang bar bya'o/ /nas zan za zhing til mar rnos/ /sna sman dang ni bsku byug bya/ /zhes bya ba la/ yang chu bur
 can de la nas kyi zan bza' ba la sogs pa'i sbyor bar bya'o/ /kha dri nga la slon sman dang / /dud pa sna sman rnon po gtang / /zhes bya ba la/ /kha dri mi zhim pa la slon sman btang la/ slon pa'i 'og du dud pa brngub pa rnon po dang sna sman gtang bar bya'o/ /btsod dang seng phrom da ta ki/ /shug pa pri yang ku yi chus/ /kha yi nang ni
 bkru ba dang / /phye mas kha ni dag par bya/ /zhes bya ba la/ yang kha'i nang dri nga zhing mnam pa la sogs pa'i phye ma dang bcas pa'i chu dang kha bkru zhing dag par bya'o/ /grang nyen nye bar bdar bshad pa'i / /sna sman la sogs bsten par bya/ /zhes bya ba la/ yang kha dri nga ba la ni grang bas nyin pa dang nye bar
 bdar ba zhes bya ba'i nad gso ba'i skabs su bshad pa'i sna sman la sogs pa yang bya'o/ /'bras bu gsum dang rtsa mkhris tsi tra ka /shing mngar yungs kar gla sgang tsha ba gsum/ /ya bak+Shar ser po rnam gnyis dang / /da trig tsan+pa na lcang ma star bu dang / /a shwat+tha dang 'dzam
 bu'i myu gu dang / /da nan dzA ya ka ra bI ra'i shun/ /seng ldeng snying po bskol te ska bar gyur/ /de yi phye ma btab ste ri lu bya/ /de ni kha nang rtag tu bzhag gyur na/ /mchu dang rkan sogs nad ni mi bzad 'joms/ /mchog tu kha skams pa dang gag pa dang / /ro mi tshor sel lus 'phags bdag
 pos bshad/ /ces bya ba la/ 'bras bu gsum la sogs pa bskol ba'i tshogs btsos te ska bar gyur pa dang / yang 'bras bu gsum la sogs pa de nyid kyi phye ma btab ste ri lur byas te kha'i nang du rtag tu bzhag na mchu dang rkan la sogs pa'i nang mi bzad cing gso dka' ba
 dag kyang sel bar byed la/ mchog gam khyad par du kha skams pa dang / gag pa la sogs pa'i nad sel bar byed la/ sbyor ba 'di ni lus 'phags po'i rgyal po zhes bya ba'i rgyal pos bshad pa yin no/ /seng ldeng srang brgya chu bre bcu drug bskol/ /khu ba de dang tsan+dan a ga ru/ /gur
 gum bal ba ri pe la dang / /thang shing seng phrom rgun 'bru pu shel tse/ /btsod dang tso tsa shug pa byi dang ga /pri ka rgya spos kad pal chu srin sder/ /sug smel d+he ma ka dang rma shing bcas/ /zho ni gnyis gnyis til mar bre gang bskol/ /de ni btur dang sna sman mkhur bkang byas/ /kha yi
 nad kun 'joms byed bya rgod ltar/ /mig gsal rna ba phag 'drar gsang bar byed/ /ces bya ba la/ seng ldeng srang brgya la sogs pa ji skad smos pa bzhin du bskol la/ til mar de btung ba dang sna sman la sogs pa'i sbyor ba byas na mig ni bya rgod ltar gsal bar 'gyur la/ rna ba
 phag dang 'dra bar gsang bar 'gyur ro/ /tsa kra marda skyer pa seng phrom gyi/ /lde gus gdong la byugs par gyur na ni/ /ngo khabs sme ba dri ma la sogs sel/ /zla ba lta bu'i mdangs dang ldan par 'gyur/ /zhes bya ba la/ sngar bshad ma thag pa'i til mar gyis bskus la tsakramarda zhes
 bya ba pra pun da dang skyer pa la sogs pa'i lde gus bskus na/ ngo khabs sel ba la sogs pa'i yon tan dang ldan par 'gyur ro/ /sa ha radza srang stong chu bre ni/ /bcu drug nang bskol brgyad cha lus pa ru/ /seng ldeng 'dzam bu shing mngar e raN+Da/ /a mra a ti mar ut+pal
 sngo/ /zhi ba btags til mar bre gang nang du bskol/ /de ni kha yi nang du bcangs gyur na/ /kha yi nad kun 'joms shing khyad par du/ /so yi phreng ba 'gul ba brtan par byed/ /ces bya ba la/ sa ha ra dza nI la puSh+pa ste me tog sngon po can yin te/ de las srang stong chu bre bcu drug gi nang du bskol de/ /de'i
 brgyad cha lus pa'i nang du seng ldeng la sogs pa'i sman srang re lhag tsam bcug ste/ til mar bre gang lhan cig bskol ba'i til mar de mkhur ba bkang zhing kha'i nang du bcangs par gyur na/ kha nad sel cing so brtan par byed pa'i yon tan dang ldan pa yin no/ /seng ldeng snying po srang ni nyis brgya
 dang / /a ri me da sa ni srang brgyad dag /chu bre drug cu bzhi bskol bzhi cha lus/ /btsags te slar yang ska ba'i bar du bkol/ /de nang dbyi mo rma shing bal ka /tsan+dan rnam gnyis seng phrom stag tsher ba/ /shing mngar rgya skyegs a dza ri rnam gnyis/ /da ta ki dang kat+pha la'i 'bras bu/ /ser
 po rnam gnyis 'bras bu gsum dang ni/ /dri sna bzhi dang gla sgang a ga ru/ /btsod dang spang spos n+ya gro d+ha'i myu gu/ /shug pa btsong dang e la ba lu ka /zho ni gnyis gnyis btab ste bsgrangs pa ru/ /dzA ti pa tra dzA ti pha la dang / /li shi a ko la dang ka ko la/ /srang re ga bur srang bzhi bcug par bya/ /de las ri
 lur byas la rtag tu ni/ /khar bzhag na ni kha nad thams cad sel/ /zhes bya ba la/ seng ldeng gi snying po srang nyis brgya dang / /a ri med sa zhes bya ba a ti la'i shun pa srang brgyad/ /chu bre drug cu rtsa bzhi'i nang du bskol la/ /de las chu bre bcu drug lus pa dang btsags te slar ska bar gyur gyi par su bskrol la/ /
 de'i nang du dbyi mo la sogs pa zho gnyis gnyis btags pa'i phye ma zhib mo bcug la de grangs par gyur pa dang / /dzA ti pa tra la sogs pa srang re re dang / ga bur srang bzhi de'i nang du bcug la/ /de'i 'og tu de las ri lur byas la/ dus rtag tu khar bzhag na kha'i nad thams cad sbyong bar byed do
 bskol dang reng bu'i sman ni go bzlog pa/ /btags pa 'di yi til mar bskol bar bya/ /kha nad kun sel bar ni de bshad do/ /so brtan byed pa'i mchog kyang 'di nyid yin/ /zhes bya ba la/ bskol ba dang reng bur byas pa'i sman seng ldeng gi snying po dang / sa ha tsa ra'i sman tshan
 gnyis go bzlog pa'i tshul 'di nas bshad pa'i cho ga ltar byas te/ des nas ha tsa ra srang brgyad byas la/ seng ldeng srang gcig tu byas te/ gzhan thams cad gong ma bzhin sbyar bar byas te/ til mar des ni kha nad thams cad sel bar byed pa yin no/ /ri lu 'di ni seng lding sbyar
 til mar/ /a ri me da sa dang bskol ba dag /nyin re bsten par byed na nad med pa 'ang / /so ni nges par brtan par byed pa yin/ /zhes bya ba la/ ri lu 'di nyid seng ldeng dang byas la/ de bzhin du til mar dang / a ri me da sa bskol ba'i ri lu dang / til mar de dag
 tha mal par gnas pa dag gis kyang rtag tu bsten na so brtan par 'gyur ro/ /rgun 'bru sle tres dzA ti'i myu gu dang / /skyer pa byi tsher 'bras bu gsum bskol ba'i/ sbrang rtsir sbyar ba 'di ni mkhur bar bcangs/ /kha yi nad du gtogs pa thams cad sel/ /zhes bya ba la/ rgun
 'bru la sogs pa bskol ba'i khu ba bsgrangs pa sbrang rtsi dang sbyar ba yang nad de la phan no/ /skyer pa ba tha ru rta gla sgang bcod/ /yung ba seng phrom te dzo ba ti dang / /pu tse shel gyi phye ma sbrang rtsir sbyar/ /bskus na rnyil nad nyam thag g.ya' ba dang / /rnag dang 'dzag pa'i nad rnams sel bar
 byed/ /[(]cas[,]ces [)]bya la/ skyer pa'i shun pa la sogs pa'i phye ma sbrang rtsi dang sbyar ba bskus na yang rnyil gyi nad kyis nyen pa la sogs pa sel par byed do/ /khyim gyi dud pa pa tha skyer khaN+Da/ /tsha ba gsum dang nas tshig 'khus thal ba/ tsi tra ka dang lcags phye 'bras bu gsum/ /
 te dzo sbrang rtsir sbyar ba ni/ /nag po khar bcangs so dang 'gul nad sel/ /zhes bya ba la/ khyim gyi steng gi ngos la chags pa'i dud pa nag po dang / pa tha la sogs pa'i sman sbrang rtsi dang sbyar ba'i lde gu nag po zhes bya ba khar bcangs na/ so 'gul ba'i nad sel bar byed do/ /
 skyer pa'i shun pa ldong ros rgyam tsha dang / /ba bla nas tshig 'khus pa'i thal ba'i phye/ /sbrang rtsi mar sbyar phye ma ser po can/ /khar bzhag so dang mgul pa'i nad rnams sel/ /zhes bya ba la/ skyer pa'i shun pa la sogs ba'i phye ma ni ser po can zhes bya ste/ de kha dang so'i nad la bcang bar bya'o/ /
 ba gcin a ru ra bskol thim gyur par/ /shu ti ru rta ba le ka'i phye zos/ /nang gi kha nad phra mo yan chad ni/ /rgyal por brten na gnod pas mi tshugs shing / /nang du bzhag na nad rnams sel par byed/ /ces bya ba la/ ba gcin gyi nang du a ru ra bskol te/ ba gcin de a ru ra'i nang du thim par gyur ba de lta bu'i
 a ru ra dang shu ti la sogs pa'i phye ma dang bcas pa mis zos par gyur na/ kha'i nang gi nad phra mo rnams kyis gnod par mi 'gyur te/ ji ltar 'gro ba rnams kyis skyob par gyur pa'i rgyal po dam pa la brten na 'tshe ba'i tshogs kyis mi tshugs par 'gyur ro/ /lo ma bdun pa gla sgang pu shel tse/ /
 a ru ra dang tig ta ba to la/ /shing mngar dong gra tsa n+dan pu shel tse/ /bskol ba 'thungs na kha yi shu ba 'joms/ /zhes bya ba la/ lo ma bdun pa la sogs pa'i sman bskol ba'i khu ba 'thungs na kha'i nang gi shu ba dang rnags pa sel bar 'gyur ro/ /pa to la dang bca' sga 'bras bu gsum/ /pi sha l+ya dang tig
 ta kyi lce ba/ /sle tes bskol ba sbrang rtsir bcas blud dam/ /khar bzhag kha yi nad kun ma lus 'joms/ /zhes bya ba la/ pa to la la sogs pa'i sman bskol ba'i khu ba btsags pa'i nang du sbrang rtsi dang bcas pa blud cing btung ba 'am/ khar bzhag cing 'khur ba bkang ba byas na kha'i nad thams cad sel bar byed do/ /skyer ba bskol
 ba'i khu ba ni/ ska gyur yug snum btsag dang bcas/ /sbrang rtsir bcas pa kha nang bzhag /shu ba rma 'khyims sel bar byed/ /ces bya ba la/ skyer pa bskol ba'i khu ba ska bar gyur pa yug snum dang sbrang rtsi sbyar ba khar bzhag na shu ba la sogs pa sel bar byed do/ /nim pa shing mngar pa to la/ /ba sha ka dang dzA ti
 dang / /seng ldeng a ri me da sa/ /'bras bu gsum po re re la'ang / /de bzhin du ni gtang bar bya/ /zhes bya ba la/ nim pa la sogs pa'i sman re re zhing bshad ma thag pa'i khu ba'i cho ga dang 'dra bar btang na yang yon tan de dang 'dra'o/ /seng ldeng lcags phye 'bras bu gsum/ /ma ta yan ti a rdzu na/ /a ti ma ra bskol
 ba ni/ /mkhar bcangs kha nad so nad sel/ /zhes bya ba la/ seng ldeng la sogs pa'i sman chu dang bskol ba mkhar bar bcangs na yang kha nad dang so'i nad rnams sel bar byed do/ /kha dang so rtsa mgul nad bal cher ni/ /bad kan khrag las mang du 'byung ba yin/ /de bas nad de bsal bar bya ba'i
 phyir/ /nad khrag lan mang du ni dbyung bar bya/ /mgo dang lus kyi skyug sman bkru sman dang / /kha dang cha dang mkhur bkang bca' bar bya/ /zhes bya ba la/ kha'i nad dang / so rtsa'i nad dang / mgul pa'i nad phal mo che ni bad kan dang khrag las mang du 'byung bar 'gyur ba yin pas/ de'i phyir na nad de rnams
 la nad brag yang dang yang du dbyung bar bya ba dang / de bzhin du mgo bo dang lus kyi bkru sman gtang bar bya ba dang / de bzhin du skyug sman dang bkru sman kha ba dang / tsha bas mkhur ba bkar bar bya ba yin no/ /de bzhin bad kan khrag ni sel ba yi/ /gso ba'i nad ni phal cher bsngags pa yin/ /zhes
 bya ba la/ yang na bshad ma thag pa'i nad de dag la bad kan dang khrag sel ba'i gso ba dag byas na mang du phan pa yin no/ /nas dang rtsa 'bru phub ma med byas la/ /thal sman nang du sbangs shing snum med bza'/ /khu ba bsten pa la sogs gang gzhan ni/ /bad kan sel bar byed pa phan pa yin/ /zhes
 bya ba la/ nas dang rtsa 'bru tsi tse la sogs pa phub ma med par drus pa thal sman gyi nang du sbangs nas snum med pa'i bza' ba dang / de dag gi khu ba la sogs pa bsten pa dang / /gzhan yang bad kan sel bar byed pa'i kha zas dag kyang phan pa yin no/ /srog ni rlung gi lam la gnas bas na/ /bag med pa yis 'gag
 par 'gyur ba yin/ /de bas lkog ma'i nad kyi gso ba ni/ /shin tu myur bar bya ba kho na yin/ /zhes bya ba la/ srog ces bya ba'i rlung ni lkog ma'i lam la gnas shing / de las rgyu bas na bag med par gyur pa'i mi dbugs rgyu bzhin du yang nad des 'gag par byed bas na/ de bas na de rnams kyi nang
 nas lkog ma'i nad kyi gso ba ni shin tu rings pa kho nar gso ba yin no/ /yan lag brgyad pa'i snying bo'i rnam par 'grel pa tshig gi don gyi zla zer zhes bya ba slob dpon zla ba la dga' bas nges par sbyar ba las/ phyi ma'i gnas kyi le'u nyi shu rtsa gnyis pa'i rnam par 'grel pa'o// //
 de nas mgo bo'i nad kyi dmigs shes par bya ba bshad par bya'o zhes bya ba la/ go rims kyis na le'u 'di nyid brtsams pa yin no/ /du ba nyi tshan kha ba dang / /chu dang rtse dang gnyid drags dang / /gnyid yar rdul dang mdun gyi rdul/ /mchi ma pa kag dang dus
 drags dang / /chu 'thungs chang 'thungs drags pa dang / /srin bus shugs ni bkag pa dang / /sdas dang bsku byugs dril phyis la/ /mi dga' rgyun du thur du blta/ /ma goms dri dang zas gnod zos/ /mang du smras pas mgo bo yi/ /nang du nad ni skyed bar byed/ /ces bya ba la/ du ba
 dang nyi tshan la sogs pa bsten pa'i rgyu dang / srin bu'i shugs 'byung ba bkag pa dang / sdas la sogs pa la mi dga' ba dang / rgyun du thur du blta ba dang / sngar ma goms pa'i snoms pa dang / kha zas gnod pa zos pa dang / mang du smras pas nad langs bar gyur te/ mgo bor
 zhugs nas mgo bo'i nad du gtogs pa rnams skyed cing 'byur bar byed do/ /de la rlung ni 'khrugs pa las/ /mur 'gram gnyis su shin tu zug /'gram so phugs pa snyam du sems/ /smin ma'i mtshams dang dpral ba ni/ /ltung ba snyam sems rab tu na/ /rna bar sgra yis gnod
 par byed/ /mig ni phyung ba snyam du sems/ /mgo bo 'khor ba lta bur sems/ /tshigs rnams bye ba snyam du byed/ /rtsa yi dra ba shid tu 'phar/ /mjing pa 'gram pa 'byar snyam byed/ /gsal ba mthong bar mi bzod cing / /sna chu 'dzag cing glo bar du/ /na ba dang ni nad gzhi
 byed/ /mnye zhing snum bskus dugs byas dang / /bcings pas bde bar 'gyur ba yin/ /mgo bo tsha ba'i nad ces bya/ /zhes bya ba la/ mgo bo'i nad de dag gi nang nas/ /rlung las gyur pa'i mgo bo'i nad kyi mtshan ma ni mur 'gram gnyis shin tu na zhing zug pa la sogs pa 'byung ba dang / /
 rna ba gnyis su sgra 'ur 'ur po grags pa las gnod par byed cing na ba dang / mig phyir byung ba snyam du sems pa dang / mgo bo thams cad bskor ba ltar sems pa dang / de bzhin du rus pa'i tshigs rnams byed pa snyam du byed pa la sogs pa dang / snang ba'i phyogs la sogs pa gsal ba
 mthong bar mi bzod pa la sogs pa dang / /mnye ba dang / snum bsku ba la sogs pas nad rtse zhil zhing bde bar 'gyur ba yin te/ nad 'di ni mgo bo tsha ba'i nad ces bya'o/ /glad ba'i gzhogs phyed na ba ni/ /gzhigs phyed nad ces bya bar bshad/ /zla gcig zla phyed nas ldang de/ /
 rang nyid zhi bar 'gyur ba yin/ /shas cher 'phel na mig dang ni/ /rna ba dag kyang ma rungs byed/ /ces bya ba la/ glad pa'i gzhogs phyed de spyi bo'i phyed kyi cha shin tu na bar gyur ba ni ming gzhogs phyed kyi nad ces bya la/ de yang zla ba gcig gam zla ba phyed nas ldang zhing na la/ de nas ni
 smin mi dgos la rang nyid zhi bar 'gyur la/ de shas ches 'phel bar gyur na ni/ /mig la sogs pa ma rungs par byed do/ /mkhris gyur mgo bo tsha ba dang / /dud pas bdugs snyam sems rims 'debs/ /rngul zhing mig tsha brgyal ba dang / /mtshan mo grang pas rtse 'jil
 'gyur/ /zhes bya ba la/ mkhris ba las gyur pa'i mgo bo tsha ba'i nad ni mgo bo dud pas bdugs bsnyam du sems par 'gyur ba la sogs pa dang / /mtshan mo'i dus dang grang ba la rtse 'jil bar 'gyur ba yin no/ /bad kan las gyur yi ga 'chus/ /mgo lci tshor ba med cing
 grang / /rtsa mi 'phar zhing sgyid snyom la/ /nyin mo nad chung mtshan mo ljang / /rmya zhing mig ni skrangs ba dang / /rna ba g.ya' zhing slon pa yin/ /zhes bya ba la/ bad kan las gyur pa'i mgo bo tsha ba'i nad la yi ga 'chus ba la sogs pa dang / rtsa thams cad mi 'phar ba la sogs pa nas/ /
 slon pa'i bar gyi mtshan nyid dang ldan pa yin no/ /khrag gyur mkhris pa las cher na/ /zhes bya ba la/ khrag las gyur pa'i mgo bo tsha ba'i nad ni/ mkhris pa'i mtshan nye dang ldan par gyur pa las/ shin tu drag par na bar gyur pa yin no/ 'dus gyur mtshan nyid kun dang ldan/ /
 zhes bya ba la/ nad gzhi gsum char 'dus pa las gyur pa'i mgo bo na ba'i mtshan nyid ni nad gzhi gsum char 'dus pa'i mtshan nyid dang ldan pa yin no/ /'dren ma'i zas kyis spyi bo yi/ /khrag dang sha ni 'drul byas pas/ /'dus pa'i nad ni 'khrugs 'gyur zhing / /mgo bo'i srin bu
 skye bar 'gyur/ /des ni mgo bo'i khrag 'thung zhing / /sems ni 'khrul bar byed pa yi/ /mi bzad nad ni skyed par byed/ /lud pa rims dang nyams stobs zad/ /mgo bo rtsub skrang dbugs snyam na/ /tsha zhing mgo 'gul rnags pa dang / /thod pa rkan dang mgo
 bor ni/ /g.ya' zhing skem la tshor ba med/ /snabs kyi mdog ni dmar ba la/ /rna ba sgra bcas srin skyis nad/ /ces bya ba la/ srin bu las byung ba'i mgo bo tsha ba'i nad kyi mtshan nyid ni 'di dag yin te/ 'phrod pa dang mi 'phrod pa'i kha zas 'dres mar zos pas/ spyi
 bo'i khrag dang sha'i tshogs 'drul zhing rnags par gyur pa la/ 'dus pa'i nang 'khrug par gyur pa las/ de las mgo bo'i srin bu'i nad skyed par 'gyur te/ 'bu de rnams mgo bo na gnas ba'i khrag 'thung bar byed cing / sems 'khrul ba skyed par byed pa'i nad mi bzad pa brnag par
 dka' ba skyed par byad pa dang / de bzhin du lung ba la sogs pa'i nad skyed par byed pa dang / khab kyis phug pa snyam du na pa la sogs pa dang / rna ba nas sgra zi zi'o 'byung ba ste/ de dag ni srin bu las gyur pa'i mgo nad kyi mtshan nyid yin no/ /rlung shas che bas mgo 'dar zhing / /de yi ming
 can nad skyed byed/ /ces bya ba la/ nad gzhi gsum rang gi shas che ba las mgo 'dar zhing 'dar ba'i nad skye bar 'gyur la/ de ni de'i ming can te mgo bo 'dar ba dang / mgo bo 'dar ba zhes bya'o/ /mkhris shas che ba'i rlung sogs kyis/ /mur 'gram skrang zhing khrag bcas la/ /
 mi bzad tsha zhing na la dmar/ /glal zhing rims 'debs skom mgo 'khor/ /kha nang kha bro gdong ser zhing / /myur du gsod byed mur 'gram can/ /zhag gsum nas ni srog 'joms shing / /myur du gso na 'tsho ba yin/ /zhes bya ba la/ rlung la sogs pa'i nad zhe gsum po la/ /
 mkhris pa shas che zhing khrag dang bcas pa 'khrugs pa las/ mur 'gram skrang bar 'gyur ba dang / de yang mi bzod par tsha ba la sogs pa dang ldan pas myur du gsod par byed pa yin te/ de'i ming ni mur 'gram can zhes bya ste/ de gso ba ma byas na zhag gsum nas gsod par 'gyur pa
 yin la/ gal te myur du gso ba byas na ni 'tsho bar 'gyur yin no/ /rlung mkhris rjes 'brel mur 'gram mig /smin ma 'phral ba na ba dang / /'phar bar byed pa skyed par byed/ /nyi ma 'char bar gyur ba nas/ /nyi ma phyed kyi bar du 'phel/ /de phan chad ni bde bar 'gyur/ /
 ltogs na de ni lhag par na/ /grang dang dro la nges pa med/ /de ni nyi ma 'khor zhes bya/ /zhes bya ba la/ rlung gi nad mkhris pa dang 'brel zhing 'dres par gyur na mur 'gram la sogs par nyi ma 'char ba'i tshe na zhing 'phar bar byed pa skyed bar byed la/ de yang nyi ma phyed kyi bar du ni
 nad 'phel zhing shas cher na la glal te/ ltogs na yang lhag par na ba yin no/ /de bzhin du grang ba dang dro bas bde bar 'gyur pa la nges pa med de lan 'ga' ni dro na bde bar 'gyur la/ lan 'ga' ni grang na bde bar 'gyur ba yin la/ nyi ma phyed yol bar gyur ba de phan chad
 ni nad de zhi zhing bde bar 'gyur ba yin te/ nad de ni glad nad nyi ma ltar 'khor ba zhes bya'o/ /de ltar mgo bor gtogs pa'i nad/ /rnam pa bcur ni bshad pa yin/ /zhes bya ba la/ de ltar bshad ma thag pa'i tshul gyis na mgo bo'i nad ni grangs bcur bshad pa yin no/ /gzhan
 yang thod pa la brten nad/ /dgu bo mgo bo bzhin bshad bya/ /zhes bya ba la/ mgo bo'i nad dang 'dra bar thod pa la brten pa'i nad ni rnam pa dgur bshad pa yin no/ /glad pa rlung ni 'khrugs gyur la/ /nang na gnas pa'ang nad skyed byed/ /mdog gnag nad chung skrangs pa
 yin/ /de ni nye ba'i mgo zhes bya/ /zhes bya ba la/ mngal gyi nang du gnas pa'i 'gro ba la yang rlung 'khrugs par gyur na klad pa na bar byed de/ de yang mdog gnag pa dang nad tshabs chung bar skrangs pa yin te nad de ni nye ba'i mgo nad ces bya'o/ /'brum phran thor bu khong 'bras ni/ /
 nad gzhi ji bzhin brjod par bya/ /zhes bya ba la/ thod par 'brum phran la sogs pa byung ba yang nad gzhi'i tshul ji lta ba nyid las bshad par bya'o/ /thod par ljan ljin mang po dang / /khrag dang mkhris pa'i 'bu las ni/ /khre dang yungs kar lta bur 'byung / /'brum phran
 srin gyi nad skyed 'gyur/ /zhes bya ba la/ thod par rnag dang ljan ljin mang po yod pa las khrag dang mkhris pa las gyur pa'i 'bu las khre dang yungs kar lta bu 'byung bar byed pa gang yin pa de ni srin nam glog pa'i nad ces bya'o/ /rlung dang mkhris pa 'khrugs
 pa las/ /pags pa rtsub cing gas pa dang / /g.ya' zhing skra 'byi tshor ba med/ /gyur ba mi bzad yin zhes bya/ /zhes bya ba la/ rlung dang mkhris pa gnyis 'khrugs pa las pags pa rtsub cing gas pa sogs dar gyur na/ de ni thod pa'i mi bzad pa zhes bya'o/ /mkhris pa rlung
 dang 'dres pa ni/ /ba spu'i nang du zhugs gyur pa/ /skra'i 'byi bar byed pa yin/ /de ces bad kan khrag bcas pas/ /ba spu'i bu ga 'gag byed de/ /de yis gzhan dag mi 'byung ba/ /'khor ling skra 'byi zhes bya ste/ /gzhan dag skra 'byi zhes byar 'dod/ /[(]cas [,]ces [)]bya ba la/
 ba spu'i bu ga na gnas pa'i mkhris pa'i nad rlung 'dres ba spu'i nang du zhugs te skra'i tshogs 'byi bar byed la/ de'i 'og tu bad kan dang khrag dang bcas pas ba spu'i bu ga 'gag par byed de/ rgyu des na de la spu gzhan dag 'byung bar me 'gyur ba'i nad gang yin pa de ni kor ling du skra
 'byi ba zhes bya'o/ /zhes slob dpon gyis bshad do/ /drang srong gzhan dag ni nad de la skra 'byi ba zhes bya'o/ /zhes zer ro/ /spyi cer skye ba'am de bzhin du/ /skra 'byi de la rim gyis 'byung / /zhes bya ba la/ spyi cer yang bshad ma thag pa'i tshul de bzhin du 'byung ba yin la/ spyi
 cer de la ni skra rim gyis 'byi bar 'gyur ro/ /de ni rlung gyur mes tshig 'dra/ /mkhris gyur rlan can rtsa yis khyab/ /bad kan pags pa'i mdog dkar mthug /pags pa rang gi ji bzhin snang / /zhes bya ba la/ spyi ces rlung las gyur pa ni skra 'byi ba'i rdzas mes tshig pa 'dra la/ /
 mkhris pa las gyur pa'i rjes de rngul gyi rlung can yod cing rtsa rgyas pa yin no/ /bad kan las gyur ba'i pags pa'i mdog dkar zhing mthug pa yin no/ /gzhan yang pags pa rang gi nad gzhi ji lta ba bzhin du snang ste/ gnag pa dang / dmar ba dang / dkar bar snang ba yin no/ /'dus
 gyur mtshan nyid kun dang ldan/ /sen mo'i mdog 'dra gsor mi rung / /zhes bya ba la/ nad gzhi gsum char las gyur ba'i skra 'byi ba ni mtshan nyid thams cad dang ldan la/ /mdog sen mo'i mdog ltar snang ba yin te/ /de ni gsor mi rung ba yin no/ /mes bsregs lta bur spu med
 gang / /tsha bcas de yang gso mi rung / /zhes bya ba la/ spyi cer gang mes bsregs pa lta bur snang la spu med cing / /tsha ba dang bcas bar gyur pa de yang gsor mi rung ba yin no/ /mya ngan khro dang ngal las byung / /lus kyi drod ni mgor zhugs pas/ /nad des skra ni bcos nas ni/ /de las
 skra dkar skye bar 'gyur/ /zhes bya ba la/ mya ngan la sogs pa las byung ba'i lus kyi drod mgo bo'i nang du zhugs pas des skra btsos te de'i phyir skra dkar skye bar 'gyur ba yin no/ /de ni rlung gyur yid tsam gnag /sra zhing rtsub la chu mdog can/ /zhes bya ba la/ skra dkar de rlung las
 gyur pa la ni skra yid tsam gnag cing srab pa la sogs pa yin no/ /mkhris pas tsha zhing mdog ser yin/ /zhes bya ba la/ mkhris pa las skra dkar ni tsha ba dang bcas shing mdog ser ba yin no/ /bad kan las gyur snum zhing 'phel/ /sbom zhing mdog ni dkar ba yin/ /zhes bya ba
 la/ bad kan las gyur pa'i skra dkar ni snum pa la sogs pa'i mtshan nyid can yin no/ /'dus gyur mtshan ma 'dren ma yin/ /zhes bya ba la/ nad gzhi gsum char las gyur pa'i skra dkar ni mtshan nyid gsum char dang ldan pa yin no/ /mgo bo'i nad las byung ba gzhan/ /mdog ngan reg
 na mi bzod yin/ /zhes bya ba la/ skra dkar mgo bo'i nad las gyur ba gzhan dag ni mdog ngan pa la sogs pa yin no/ /'dus pa las ni gyur pa yi/ /spyi cer skra dkar gso mi rung / /zhes bya ba la/ nad gzhi gsum 'dus pa las gyur pa dang / de bzhin du 'dus pa las gyur pa'i spyi cer ni gsod mi rung
 ba yin no/ /lus kyi 'gyur ba las byung ba/ /bcud kyis len gyis gso bar bya/ /zhes bya ba la/ lus kyi 'gyur ba rgas pa zhes bya ba las byung ba'i skra dkar ni bcud kyis lon pa la ltos shing de la brten te gsod pa yin no/ /yan lag brgyad pa'i snying bo'i rnam
 par 'grel ba tshig gi don gyi zla zer zhes bya ba slob dpon zla ba la dga' bas nges par spyar ba las/ phyi ma'i gnas kyi le'u nyi shu rtsa gsum pa'i rnam par 'grel pa'o// //de nas mgo bo'i nad gso ba bshad par bya'o/ /zhes bya ba la/ rlung las
 gyur pa'i mgo nad la/ /rlung nad gso ba'i cho ga bshad/ /ces bya ba la/ rlung las gyur pa'i mgo bo'i nad la ni rlung nad gso ba'i cho ga ji skad smos ba dag bshad par bya'o/ /'di ni mtshan mo zhun mar blud/ /de rjes 'o ma dron mo blud/ /ces bya ba la/ yang na mgo bo'i nad 'di mtshan
 mo na ba ni zhun mar blud cing de'i rjes la 'o ma dron mo blud bar bya'o/ /ma sha rgya sran mud ga'ang rung / /mar dang ldan pa de bzhin sbyin/ /zhes bya ba la/ de bzhin du sran ma sha mar ldan pa'am/ rgya sran mar dang ldan pa'am/ mud ga mar dang ldan pa byin la/ de bzhin du 'o ma dron
 mo blud bar bya'o/ /til mar til gyi lde gu ni/ /'o ma dang ni lhan cig blud/ /ces bya ba la/ til mar dang til gyi lde gu ni 'o ma dang lhan cig sbyar ba blud na yang phan no/ /glan dang bcing ba'i dugs dag ni/ /sha dang 'u su las byas phan/ /zhes bya ba la/ rlung las gyur pa'i
 mgo bo tsha ba'i nad la sha dang 'u su'i 'bras bu sbyar ba las byas ba glan cing / sbyar ba'i dugs dang ba cing zhing dkri ba'i dugs byas na yang phan no/ /rlung 'joms rtsa ba bcu la sogs/ /bskol ba'i 'o ma snum can blud/ /ces bya ba la/ rtsa ba bcu la sogs pa'i rlung 'joms
 pa'i sman dang bskol ba'i 'o ma'i rgyun blud na yang phan no/ /sna sman dud brngub snum can dang / /mgo dang rna ba brta bar bya/ /zhes bya ba la/ rlung las gyur pa'i mgo bo'i tsha ba la sna sman snum can la sogs pa byas na phan no/ /ba ra na sogs sde tshan brdung / /'o ma chu phyed
 bskol ba yi/ /'o ma lus ba de bsgrangs la/ /bsrubs te snying bo blangs nas ni/ /de nas mngar ba'i sde tshan bskol/ /mar gyi sna sman blugs pa bsngags/ /zhes bya ba la/ ba ra na la sogs pa'i sde tshan gtun gyi nang du brdungs pa 'o ma a phyed kyi chu dang bsres pa'i nang du
 bskol te/ 'o ma lus pa dang bsgrangs te bsrungs la de las de'i snying bo mar sar blangs nas/ de'i 'og tu dzi ban+hi la sogs pa mngar pa'i sde tshan dang bskol ba'i mar des sna sman blugs na yang phan no/ /'dir ni 'o ma'i sde tshan bskol/ /mar dang kha rar bcas pa blugs/ /
 zhes bya ba la/ yang nad 'dir 'o ma'i sde tshan las bshad pa'i 'o ma brgyad po bskol ba las bsrubs ba'i mar kha ra dang bcas pa blugs na yang phan no/ /ras ba las sa bon shing tsha dang / /gla sgang dzA ti kha 'bus pa/ /chu dron btags pa'i sna sman ni/ /mgo bo'i nad kun 'joms
 byed yin/ /zhes bya ba la/ ras bal gyi sa bon la sogs pa chu dron la btags te btsags pa'i sna sman btang na mgo bo'i nad thams cad sel bar byed pa yin no/ /khrag dang mkhris pa las gyur ba/ /kha ra gur gum mar bskol gtang / /zhes bya ba la/ khrag dang mkhris pa las
 gyur pa'i mgo bo'i nad la ni kha ra dang gur gum dang mar bskol ba'i sna sman gtang bar bya'o/ /ru rta rgya spos ut+pa la/ /tsan+dan mar sbyar mgo bor bskus/ /zhes bya ba la/ yang de la ru rta la sogs pa'i sman sbyar bas bsku bar bya'o/ /rlung shas che la 'jigs yod pas/ /gtar ga 'di la
 mi bya'o/ /zhes bya ba la/ rlung gi shas che ba'i mgo bo'i tsha ba'i nad la ni gtar ga byar mi rung ste/ des ni rlung 'khrugs par 'gyur ba'i skyon yod do/ /des ma zhi na bad rlung la/ /me btsa' ji skad bshad pa bya/ /zhes bya ba la/ sman gyi sbyor ba de dag gis nad de zhi bar ma gyur na/ rlung
 dang bad kan las gyur pa'i mgo bo'i nad la ji skad bshad pa bzhin du me btsa' gdab par bya'o/ /gzhogs phyed na la'ang de bzhi te/ /nad dang 'brel ba'i gso ba bya/ /zhes bya ba la/ rlung las gyur pa'i mgo bo'i tsha ba'i gso ba bshad ma thag pa 'di ni gzhogs phyed na ba la yang
 phan la/ /nad gzhan dang 'brel ba dag la yang 'brel ba'i tshul las gso ba ci rigs par byas na phan no/ /shi ri sha yi sa bon dang / /a pa marga'i rtsa ba dang / /kha ru tsha bcas sna sman gtang / /zhes bya ba la/ shi ri shi'i sa bon la sogs pa'i sna sman btang na yang de
 la phan no/ /yang na sa la par+Ni'ang / /tsakra ma rda gang yang rung / /skyur khu dang sbyar lde gus bsku/ /zhes bya ba la/ yang na sa la par+Ni'i sman gyi sna sman gtang ba'am/ yang na 'di gnyis gang yang rung ba'i lde gus bsku bar bya'o/ /nyi ma ltar 'khor de yi
 tshe/ /gtar gas khrag ni dbyung bar bya/ zhes bya ba la/ glad nad nyi ma ltar 'khor ba la yang cho ga 'di nyid ltar bya ste/ rlung las gyur pa'i mgo bo tsha ba'i gso ba'i sbyor ba bya'o/ /de la khyad par du ni nad 'di la gtar ga gdab par bya'o/ /mkhris pa las gyur mgo nad la/ /snum
 chos byas nas gtar ga gdab/ /ces bya ba la/ mkhris pa las gyur pa'i mgo bo'i tsha ba'i nad la ni dang por snum chos byas la/ de'i 'og tu gtar ga gdab par bya'o/ /mgo dang gdong byugs sman chu blugs/ /rlon khrus mas gtong bsil bar bya/ /zhes bya ba la/ mkhris
 ba las gyur pa'i mgo bo'i tsha ba la ni mgo bo dang gdong bsku ba la sogs pa'i sbyor ba nus pa bsil ba'i sman gyis bya'o/ /'tsho byed dang bskol 'o ma dang / /mar ni sna sman btung ba blugs/ /zhes bya ba la/ yang nad de la 'tsho byed kyi sde tshan dang bskol ba'i 'o ma dang mar gyi sna
 sman gtang ba dang btung ba blugs par bya'o/ /khrag las gyur pa'ang 'di nyid bya/ /zhes bya ba la/ khrag las gyur pa'i mgo bo'i tsha ba'i nad la yang mkhris pa gso bar bshad pa'i cho ga 'di nyid bya zhing / de bzhin du mur mgram can zhes bya ba'i mgo
 nad la gtar ga ma gtogs pa gso pa 'di dag nyid bya'o/ /bad kan mgo nad mar rnying dang / /snum chos byas la tsha bas slon/ /zhes bya ba la/ bad kan las gyur pa'i mgo bo'i tsha ba'i nad la ni mar rnying snum chos bya la/ sman tsha ba'i slon sman blud par bya'o/ /dugs dang byugs
 pa sna sman tshogs/ /rtsub dro rno ba'i sman gyi gso/ /zhes bya ba la/ yang bad kan las gyur pa'i mgo bo'i tsha ba'i nad la sman rtsub cing dro ba la sogs pa'i mgo bo'i tsha ba'i nad la mar rnying bas gso bar bya'o/ /'dir ni smyung ba 'ang bsngags pa yin/ /zhes bya ba la/ bad kan las gyur
 pa'i mgo bo'i tsha ba'i nad 'di la smyung ba byas pa na yang phan pa yin no/ /'dus pa las ni 'dren mar gso/ /zhes bya ba la/ 'dus pa las gyur pa'i mgo bo'i tsha ba'i nad la ni gso ba snga ma de dag 'dren mas bya'o/ /srin gyur sna sman khrag blugs te/ /de yis 'bu ni brgyal bar 'gyur/ khrag
 gi dri yis ra ro nas/ /kha dang sna nas 'byung bar 'gyur/ /zhes bya ba la/ srin bu las gyur ba'i mgo bo'i nad la ni sna sman du khrag blugs bar bya ste/ khrag de'i dris 'bu de brgyal zhing ra ro bar gyur nas de'i 'og tu kha dang sna'i bu ga nas phyir 'byung bar 'gyur ro/ /de nas sna sman dud brngub rnos/ /
 de ni nye bar dbyung bar bya/ zhes bya ba la/ de'i 'og tu 'bu de rnams sman dang dud pa brngub pa shin du rno bas phyir dbyung bar bya'o/ /yungs kar nim pa ing gu dang / /bi lu'i mar dang sbyar ba yi/ /byi dang pa dang sa rdzi ka/ /dan da shing kun ba gcin bskol/ /sna sman so sor gtang bar
 bya/ /zhes bya ba la/ yungs mar ram nim pa'i mar ram/ ing gu'i mar ram pi lu'i mar dang byi dang ga la sogs pa'i lde gu so sor gtang bar bya'o/ /byi dang ga ni ra gcin dang / /sbyar ba'i sna sman 'bu 'joms chog /ces bya ba la/ byi dang ga ra gcin dang sbyar ba'i sna sman yang
 srin bu 'joms par byed pa'i mchog yin no/ /nya rul bcas pa'i sna sman dang / /dud pa dag kyang brngub par bya/ /zhes bya ba la/ nya rul ba dang bcas pa'i sna sman dang dud pa brngub pa dag kyang bya ste/ don du na sman dang dud pa'i skabs su bshad pa'i sman dang nya rul bas bya ba'i don to/ /
 srin bus khrag ni 'thungs pa'i phyir/ /'di la khrag ni dbyung mi bya/ /zhes bya ba la/ srin bu las gyur pa'am mgo nad 'di la sngar srin bus khrag 'thungs zin pa'i phyir gtar ga gdab cing khrag dbyung du mi rung ngo / /mgo 'dar rlung gi mgo nad kyi/ /gso ba me btsa' ma gtogs bya/ /zhes
 bya ba la/ mgo mdar zhing 'dam pa'i mgo bo'i nad la rlung las gyur pa'i mgo bo'i tsha ba'i nad kyi gso ba las me btsa' ma gtogs pa thams cad bya'o/ /nye ba'i mgo nad skyes pa yi/ /rjes dang skyes ma thag la ni/ /rlang nad kyi ni gso ba bya/ /smin nas khong 'bras gso las bya/ /
 zhes bya ba la/ nye ba'i mgo nad ces bya ba nad de skyes pa'i rjes la dang / skyes ma thag pa'i gsar la ni rlung nad kyi gso ba ji skad smos pa bya la/ nye ba'i mgo nad smin nas ni khong 'bras kyi gso ba'i las bya'o/ /'bru phran 'brum bu khong 'bras la/ /smin dang ma smin ji bzhin
 bya/ /zhes bya ba la/ /'brum phran dang 'brum bu dang khong 'bras la ni smin pa dang ma smin pa'i gnas skabs kyi sman ji lta ba bzhin du sbyar bar bya'o/ /srin la srin bu bad pa yis/ /gtar ga byas te nim pa'i chu/ /blugs shing rta sbangs khu ba ni/ /lan tshwa shas cher gtab pas bsku/ /zhes bya ba la/
 srin pra mo'am glog ba byung ba la ni srin bu bad pas gtar ga byas la/ nim pa'i chu blugs pa la sogs pa'i sbyor bar bya'o/ /nim ba pa to la'i lo ma/ /yungs mar bcas pa zhib btags bsku/ /zhes bya ba la/ yang na glog pa la nim pa dang / pa to la'i lo ma dang yungs mar dang bcas
 pa zhib tu btags pas bsku bar bya'o/ /ba gcin 'ba' cha rnying bar sbyar/ /khyim bya'i rtug pa dag gis bsku/ /zhes bya ba la/ yang na nad de la ba bcin la sogs pas bsku bar bya'o/ /gyo mor ru rta brngos pa dang / /til gyi phye mar bcas pa yis/ /glog par bskus na g.ya' ba'am/ /
 chu 'dzag tsha ba sel bar byed/ /ces bya ba la/ ru rta gyo mo'i dum bu'i nang du brngos shing tshogs par byas la/ til gyi phye ma dang bcas pa'i lde gus glog pa 'am srin nad la bskus na chu 'dzag pa la sogs pa sel bar byed do/ /ma la ci dang tsi tra ka/ /ka ra bI ra ka rany+dza/ /til mar
 sbu gris bregs pa yi/ /rjes bskus 'khor ling 'bye pa sel/ /zhes bya ba la/ ma la tsi la sogs pa'i sman dang bskol ba'i til mar spu gris bregs pa'i rdzas la bskus na 'khor ling du 'byi ba dang / glog pa sel bar byed do/ /des ma zhi na mgo bo yi/ /sbyang bya slon sman sogs pa
 bya/ /zhes bya ba la/ sbyor ba de dag gis ma zhi na mgo bo'i bkru sman la sogs pas mgo bo sbyang ba la 'bad par bya'o/ /mi bzad pa la dang por ni/ /dpral ba'i rtsa la gtang ga bya/ /mgo bo'i bkru sman sna sman gtang / /zhes bya ba la/ mi bzad pa zhes bya ba'i mgo bo'i nad la ni dpral
 ba'i rtsa nas gtar ga gdab pa la sogs pa bya'o/ /shing mngar bi la ya'i sa bon/ /ru rta ma sha yungs kar bcas/ /sbrang rtsir bcas pa'i 'de gus bsku/ /zhes bya ba la/ mi bzad ba'i mgo bo'i nad la/ shing mngar la sogs pa'i 'de gus bskus na yang phan no/ /rgya skyegs dong
 ga'i lo ma dang / /tsakra ma rda skyu ru ra/ /sbrang rtsir sbyar bas bskus kyang phan/ /zhes bya ba la/ yang de bzhin du nad de la rgya skyegs la sogs ba'i 'de gus bskus na yang phan no/ /khre rgod rtsa bsregs thal ba ni/ /chu dang sbyar bas bskus na phan/ /zhes bya ba la/ yang na de la khre rgod la sogs
 pa bsregs pa'i thal ba chu dang sbyar ba bskus na yang phan no/ /'khor ling skra 'byi'i nad la ni/ /nye bar gtar ga gdab pa dang / /zhal zhal byas te na le sham/ /ldong ros sbangs ma nag tshur bsku/ /zhes bya ba la/ 'khor ling du 'byi ba zhes bya ba'i nad la ni nad gang na yod pa dang nye pa'i
 phyogs nas gtar ga gdab la/ de'i 'og tu rab tu zhal zhal byas nas/ na le sham la sogs pa'i sman gyis bsku bar bya'o/ /yang na 'ba' n+ya thang shing ngam/ /'ol ma se yi 'bras bu rtsa/ /zhes bya ba la/ yang na 'ba' n+ya zhes bya ba pa ri be la ba dang / ku tan nad zhes bya ba dang / /
 thang shing gi 'de gu'am/ 'ol ma se'i 'bras bu dang rtsa ba'i 'de gus rab tu zhal zhal btang bar bsku bar bya'o/ /yang na leng+ga li'i rtsa ba'am/ /kar bI ra'i khu ba'am/ /zhes bya ba la/ yang na lang+ga li zhes bya ba bi sha l+ya'i rtsa ba'am/ kar bIr zhes bya ba a sho ma rda'i khu bas bsku bar bya'o/ /
 kaN+Da ka ri'i khu ba ni/ /sbrang rtsir bcas bas bsku ba la 'am/ /ng+ha du ra yi lo ma'am/ /bse shing 'bras bu'i khu bas bsku/ /zhes bya ba la/ yang na kaN+Da ka ra'i 'bras bu'i khu ba sbrang rtsi dang bcas bas bsku ba 'am/ yang na ng+ha du ra'i lo ma'am 'bras bu'i 'de gus bsku ba'am/ yang na bse shing
 gi 'bras bu'i 'de gus bsku bar bya'o/ /til gyi me tog gze ma dang / /mar dang sbrang rtsir bcas ba'am/ yang na til gyi me tog la sogs pas bsku bar bya'o/ /glang bo'i so bsregs til mar bsres/ /'khor ling 'byi ba'i sman mchog yin/ /zhes bya ba la/
 yang na glang bo che'i so bsregs pa dang til mar rnag tsha lta bu ni 'khor ling du 'byi ba'i sman gyi cho ga yin no/ /skra dkar skyes la lug gi rwa'i/ /snag tshas de bzhin bsku bar bya/ /zhes bya ba la/ skra dkar skyes ba la ni lug ger bsregs pa'i snag
 tsha dang til mar bsregs pas de bzhin du bsku bar bya'o/ /ji srid skra ni skyes kyi bar/ /chu blugs pa ni srang bar bya/ /zhes bya ba la/ skra 'byi ba la sman gyi sbyor ba byed pa'i tshe/ skra skyes kyi bar du chu blugs pa spang bar bya'o/ /sbyi cer skra dkar gnyer ma mang / /skra ser skyes la sbyar byas
 nas/ /sna sman gtang dang mgo bkrus la/ /byug pa rnams kyis gso bar bya/ /zhes bya ba la/ sbyi ces la sogs pa la sbyar ba legs par byas nas sna sman la sogs pas gso bar bya'o/ /bri ha ti sogs til mar bskol/ /'tsho byed bskol ba'i sna sman blugs/ /
 zhes bya ba la/ yang de la bri ha ti la sogs pa lnga dang / til mar bskol ba dang / 'tsho byed kyi sde tshan dang bskol ba'i til mar gyi sna sman blugs par bya'o/ /nim pa'i mar gyis zla ba gcig /sna sman btang ste 'o ma blud/ /ces bya ba la/ yang na nim pa'i mar gyis sna sman blugs
 shing 'o ma blud la/ shin tu gdams pa dang bcas bar bya'o/ /shing sha e raN+Da dang rams/ /bring ga rA dza'i khu bar spangs/ /se'u lu til dang ba ru ra/ /pri yang ka ka ta'i sa bon/ /cha mnyam lcags la bskol nas ni/ /nyi ma'i 'od la bskams nas ni/ /mar 'dzag pa yi sna sman
 gtang / /'o ma 'thungs bas skra dkar sel/ /zhes bya ba la/ shing sha la sogs pa'i sman ji skad smos pa'i sbyor ba'i sna sman du byung ste/ de yang se'u lu zhes bya ba sle sman ta ka dang / til dang / ba ru ra dang / pri yang ku dang / ka ka an ta'i sa bon cha mnyam pa shra sha la sogs pa'i
 khu bar sbangs pa 'o ma dang btags la lcags kyi snod la bskol te nyi ma'i 'od la skams pa las mar 'dzag pa gang yin pa'i sna sman btang zhing / de'i rjes la 'o ma blud na skra dkar sel bar 'gyur ro/ /sa ha tsa ra bye'u rug pa/ /bring ga rA dza'i khu ba ni/ /bre gang til mar phul gang dang / /
 shing mngar srang gcig btang ste bskol/ /a sa na'am rdo snod dam/ /lug gi rwa yi nang du gzhug /ces bya ba la/ sa ha tsa ra la sogs pa'i khu ba bre gang dang / 'o ma dang til mar phul re 'am/ shing mngar srang gcig lhan cig bskol ba'i til mar a sa ni'i snod dam/ rdo'i
 snod dam/ lug gi rwa'i nang du gzhug la sna sman gtang bar bya'o/ /ka ra bI ra ba ya s+ya/ /'o ma dang ni zhib btags pas/ /skra dkar phyur ba'i rjes bskus shing / /sbangs na skra dkar sel bar byed/ /ces bya ba la/ ka ra bI ra dang pa ya bya 'o ma dang zhib tu btags te/ skra dkar dang po phyung
 la skra dkar gyi rjes la bskus na skra dkar sel bar byed do/ /pi la ya dang shing mngar dang / /'tsho byed sde tshan til nag dang / /sa nag 'o ma lde gu yis/ /gdong bskus gnyer ma spu ser sel/ /zhes bya ba la/ pi la ya la sogs pa'i lde gus bskus na yang gnyer ma lhags pa
 dang / ba spu ser po skyes pa sel bar byed do/ /til dang pad+ma ge sar dang / /shing mngar sbrang rtsi skyu ru ra/ /lde gu 'di yis mgo bskus na/ /skra 'phel gnag par 'gyur ba yin/ /zhes bya ba la/ til la sogs pa'i sman lde gur byas pa 'dis mgo la bskus na skra 'phel ba dang
 nag por 'gyur ba yin no/ spang spos ru rta til nag dang / /thal tres ut+lal sngon po dang / /'o mar btags te sbrang rtsir sbyar/ /skra ni 'phel bar byed pa'i mchog /ces bya ba la/ spang spos la sogs pa'i lde gus bskus na yang skra 'phel bar byed pa yin no/ /lcags phye bring ga rA
 dza dang / /'bras bu gsum dang sa nag po/ /bu ram shing khur zla gcig gzhug /skra dkar rtsad nas skyur bar byed/ /ces bya ba la/ lcags phye la sogs pa bu ram shing gi khu bar zla ba gcig gi bar du gzhug la/ de'i lde gus skra dkar rtsa ba nas tshon sgyur bar byed cing nag por byed
 do/ /ma sha khre rgod skyur rtsabs dang / /nas thug lcags phye tsha mar btab/ /zhag gsum bzhag ste btags pa yis/ /bya dkar yang ni nag por byed/ /ces bya ba la/ ma sha zhes bya ba mon sran sde'u dang / khre rgod la sogs pa dang sbyar ba'i nas thug byas te/ lcags phye dang
 tsha mang du btab ste/ zhag gsum gyi bar du bzhag la/ de'i 'og tu btags te skra la bskus na bya dkar yang nag por byed na/ skra lta smos kyang ci dgos te 'di ni khyad par can yod par bstan pa'i phyir smos pa yin no/ /shing mngar tsan+dan stag tsher dang / /pi pi ling
 dang ut+pal dang / /skyu ru ra khu til mar bskol/ /sna sman bsku ba byas gyur na/ /skra dkar dang ni klad pa yi/ /nad kun 'joms par byed pa yin/ /zhes bya ba la/ shing mngar la sogs pa'i 'de gu dang skyu ru ra'i khu ba dang til mar sbyor ba ji lta ba bzhin du bskol te/ sna sman dang
 bsku ba byas na skra dkar dang klad pa'i nad thams cad sel bar byed do/ /nye'u shing dzi ban+ti'i khu ba/ /'o ma mar dang til mar dang / /'tsho byed bskol ba'i sna sman gyis/ /nam tshong yan chad nad kun sel/ /zhes bya ba la/ nye'u shing dzi ban+ti bskol ba'i khu ba dang / 'o ma dang 'tsho byed kyi
 sde tshan dang bcas par bskol ba'i sna sman 'dis ni nam tshong yan chad kyi nad thams cad sel bar byed do/ /rma bya'i sgro mkhris rgyu ma dang / /rkang pa rtug pa chu bor ba'i/ /sha dang ba la rtsa ba bcu/ /ra sna shing mngar srang gsum gsum/ /chu bskol khu ba mar bre gang / /'o ma bre gang
 bcas bskol ba/ /mngar ba'i sman sde'i lde gu btab/ /de btung mas gtong bsku ba dang / /sna sman rtag tu bsten pa yis/ /nam tshong yan chad nad kun sel/ /zhes bya ba la/ rma bya'i sha sgro la sogs pa bor ba dang / rtsa ba bcu la sogs pa'i sman la ltos pa'i chu bcu
 drug 'gyur du byas pa yin gyi/ sha la ltos pa ni ma yin te/ 'dir dper brjod pa na/ ra sna la sogs pa'i sman mar dang 'dra'o/ /chu der bskol ba bre bzhi lus pa'i nang du mar bre gang dang 'o ma bre gang dang bcas par bskol la mngar ba'i sman gyi sde tshan srang brgyad kyi lde gu btab ste
 bskol la/ de btung ba la sogs pa'i sbyor bas bsten na nam tshong yan chad kyi nad thams cad sel bar byed do/ /sman 'di dag gi lde gu dang / /dzi ban+ti dang 'bras bu gsum/ /me da rgun 'brum dbyi mo dang / /pa ru sha sa mang ga /ga bra'i rtsa ba tang pa la dang / /kaR+kata sring kha
 sral phre'u/ /ma hA med ta la dang / /'bra go pad+ma'i rtsa ba dang / /pad+ma'i sdong bu ba rdzu na/ /shing mngar nye'u shing dzi ba ka/ /pi da ri dang bu ram shing / /thal tres rnam gnyis bri ha ti/ /mur ba gzem zangs rtsi ba/ /sring ga ta dang ka she ru/ /ra sna s+thir lca ba dang / /sug smel zur
 pa ma nu dang / /ba spu ba dang cu gang dang / /ram nye ba dang byi tsher ba/ /ma du ka dang star ga dang / /a bi shu ka muny+dza ka/ /zho ni gnyis gnyis phyer btags dang / /mar bre gang dang 'o ma ni/ /bzhi 'gyur dag dang bskol ba'i mar/ /'di ni rma bya chen po ste/ /rma bya las ni yon tan lhag /
 lus zungs dbang po nyams skad 'gags/ /lud pa dbugs mi bde nyen 'joms/ /zla mtshan khu ba'i skyon la'ang phan/ /mo gsham la yang bu skyed byed/ /ces bya ba la/ sman bshad ma thag pa 'di dag gi 'de gu dang / /dzi ban ti la sogs pa zho gnyis gnyis kyi 'de gu dang / mar bre
 gang dang / /'o ma bzhi 'gyur dang bcas pa bskol ba 'di ni rma bya chen po'i mar bas yon tan che ba yin te/ lus zungs nyams pa la sogs pa nad phra mo yang sel cing mo gsham lta bu la yang bu skyed par byed pa yin no/ /byi ba
 khyim bya ngang ba dang / /ri bong dang yang de bzhin sbyar/ /zhes bya ba la/ byi ba la sogs po re re zhing yang rma bya'i sman mar gyi tshul du sbyar bar bya ba'i don no/ /nam tshong yan chad gtogs pa'i nad/ /nyis brgya sum cu rtsa gcig yin/ /de dag phan tshun ma 'dres par/ /rgya cher
 rab tu bshad pa yin/ /zhes bya ba la/ nam tshong yan chad du gtogs pa'i nad spyir grangs nyis brgya sum cu rtsa gcig yod pa yin la/ de dag kyang phan tshun mtshan nyid ma 'dres par rgya cher rab tu bstan cing bshad pa yin no/ /drang srong rnams kyis skyes bu'i mgo/ /rtsa ba
 'og ni yal gar bshad/ /de phyir rtsa ba la gnod pa'i/ /nad ni myur du gso bar bya/ /zhes bya ba la/ drang srong rnams kyis skyes bu'i mgo bo ni rtsa ba yin la/ mgo bo man chad kyi 'og tu ma lus pa thams cad ni yan lag yin par bshad de/ de bas na/ sman pas lus kyi rtsa
 bar gyur pa mgo bo la gnod par gyur ba'i nad rnams ni shin tu rings pa kho nar gso bar bya ba yin no/ /gang la dbang bo kun rten zhing / /gang la srog ni gnas byed pas/ /des na yan lag dam pa yi/ /bsrung ba la ni 'bad par bya/ /zhes bya ba la/ mgo bo gang
 la rgyu gang gis mig la sogs pa'i dbang po kun rten par byed pa dang / gang la srog gi dbang po gnas par byed pa'i rgyu des yan lag dam par gyur pa'i mgo bo de bsrung zhing gnod pa med par bya ba la sman pas 'bad cing brtson pa nyid du bya'o/ /mgo bo'i nad gso ba'i rgyud rdzogs so// //
 yan lag brgyad pa'i snying po'i rnam par 'grel ba tshig gi don gyi zla zer zhes bya ba/ slob dpon zla ba la dga' bas nges par sbyar ba las/ phyi ma'i gnas kyi le'u nyi shu rtsa bzhi ba'i rnam par 'grel ba'o// //de nas rma gso ba bshad par bya'o/ /zhes bya ba la/ yan
 lag brgyad pa'i gso ba las yan lag bzhi bshad nas/ da ni go rims kyis na rab tu byed pa lnga ba brtsams pa yin te/ de la rma rnams kyi nad kyi nyes pa dgag pa'i rma gso ba ste/ de'i le'u bshad par bya'o zhes pa'o/ /rma ni lhan cig skyes glo bur/ /red dang ma red dbyed gnyis/ /
 zhes bya ba la/ rma ni lhan cig skyis pa dang / glo bur ba'i dbye ba dang / red cing gnod pa dang bcas pa dang / ma red cing skyon med pa'i dbye bas rnam pa gnyis kho na yin no/ /lus kyi nad gzhis skyed lhan cig /phyi rol rgyus byung glo bur ba'o/ /zhes bya ba la/ de la lhan cig skyes pa'i rma
 ni lus las byung ba'i nad rlung la sogs pas skyed pa yin no/ /glo bur ba'i rma ni mtshon cha dang mtshon cha phra mo dang rdo dang dbyig pa dang sen mo dang so dang dug dang bse zho la sogs pa phyi rol gyi rgyu las byung ba yin no/ /nad dang 'dres pa red pa yan/ /de med dag pa ma red yin/ /zhes bya ba la/ /
 rlung la sogs pa'i nad dang 'dris shing des skyed pa'i rma ni red pa'am ma dag ces bya la/ nad de dag med cing dag par gyur pa ni ma red pa zhes bya ba'o/ /rma red kha rgyas zhum pa dang / /shin tu sra ba'am shin tu snyi/ /shin tu mtho 'am shin tu dma'/ /shin tu grang ngam shin tu tsha/ /dmar
 zhing skya bam gnag pa nyid/ /rnag ni dri mnam yongs su 'dzag /sha dang rtsa rgyus 'drul ba dang / /g.yos shing mched la rab tu na/ /g.yo zhing tsha la skrang ba dang / /g.ya' ba la sogs bla brnan bcas/ /yun ring du ni 'tsho ba dka'/ /rma rad mtshad mar shes bar bya/ /zhes bya ba la/
 de la rma red cing ma dag pa'i mtshan ma ni rma'i kha rgyas shing bye ba dang / zhum zhing 'khums pa dang / shin tu sra zhing rtsub pa'ang shin tu snyi ba la sogs pa dang / kha dog shin tu dman pa la sogs pa'am/ gnag pa la sogs pa'am/ rma mched cing rab tu na la bla brnan dang bcas pa dang / /
 yun ring du gnas shing 'tsho bar dka' ste/ rma shin tu ma rungs pa'i mtshan ma ni de dag yin par shes par bya'o/ /de ni khrag bcas nad bco lnga/ /zhes bya ba la/ de la rlung las gyur pa dang / mkhris pa las gyur pa dang / bad kan las byung ba dang / khrag las gyur pa dang / rlung
 dang mkhris ba las gyur pa dang / rlung dang bad kan las gyur ba dang / rlung dang mkhris pa dang bad kan las gyur ba dang / rlung dang khrag las gyur pa dang / mkhris pa dang khrag las gyur pa dang / bad kan dang khrag las gyur pa dang / rlung dang mkhris pa dang khrag las gyur pa
 dang / rlung dang bad kan dang khrag las gyur pa dang / bad kan dang mkhris pa dang khrag las gyur pa dang / bad kan dang mkhris pa dang khrag las gyur pa dang / rlung dang mkhris pa dang bad kan dang khrag las gyur pa ste/ de la rnam pa bco lnga yin no/ /de la rlung las gyur pa'i rma/ /gnag
 cing smug dmar thal mdog dang / /thi pa'i rus pa lta bur snang / /zho ga chu'am 'bras bkrus chu/ /'dra ba'i chu las nyung du 'dzag /sha zad shas cher na zhing zug /rtsub cing tseg tseg tsha ba yin/ /zhes bya ba la/ de la rma de dag gi nang nas rlung las gyur pa'i rma ni kha dog gnag cing
 sngo ba dang / smug pa dang dmar ba la sogs pa dang / zho ga chu ltar snang pa'am/ 'bras bkrus pa'i chu dang 'dra bar snang ba'i chu ser sla ba nyung shas shig 'dzag pa dang / de bzhin du sha zad pa dang / shas cher zug cing na ba dang / reg na rtsub pa dang / steng na tsha ba tseg tseg byed
 cing gas pa yin no/ /mkhris gyur myur rnags sel ba dang / /sngo zhing sel skya'am kham par 'dug /gcin dang thal chu rgya skyegs khu/ /til mar 'dra chu mang du 'dzag /rma la thal sman btab ltar na/ /dmar zhing tsha la rnags pa yin/ /zhes bya ba la/ mkhris
 pa las gyur pa'i rma ni myur du rnags shing na par byed pa dang / kha dog ser po la sogs pa gang yang rung bar snang pa dang / chu ser gcin la sogs pa dang 'dra ba mang du 'dzag pa dang / de bzhin du rma'i nang du thal sman gyi chu btab pa ltar tsha zhing na ba dang / shas ches dmar zhing tsha ba la sogs
 pa dang ldan pa yin no/ /bad kan las gyur mdog skya g.ya'/ /chu ni ska ba mang du 'dzag /rma kha sbom zhing na ba dang / /rtsa rgyus kyis khyab nad tshabs chung / /zhes bya ba la/ bad kan las gyur pa'i rma ni mdog skya ba la sogs pa dang ldan pa dang / rma kha sbom zhing mthug pa dang / rma sra ba
 dang / rtsa rgyus pa'i tshogs kyi dra bas khyab bar snang ba yin no/ khrag gyur byi ru'i mdog ltar dmar/ /khrag dang bcas pa'i rnag 'dzag cing / /rta bres kyi ni dri ltar bro/ /mkhris pa'i mtshan ma dag dang ldan/ /zhes bya ba la/ khrag las gyur pa'i rma ni byi ru ltar dmar ba la sogs pa
 dang / rta bres kyi gnas kyi dri bro zhing de dang mtshungs pa'i dri dang ldan pa dang / de bzhin du mkhris pa'i mtshan pa ji skad bshad pa dag dang yang ldan pa yin no/ /gnyis sam gsum mam thams cad las/ /gyur pa'i mtshan ma 'dren ma yin/ /zhes bya ba la/ nad gzhi gnyis gnyis sam gsum gsum
 mam/ khrag dang bcas pa thams cad las gyur pa'i mtshan ma ni gang dang gang gi shas 'dres pa de dang de'i mtshan ma 'dres mar snang ba yin no/ /lce yi mdog 'dra 'jom zhing mnyen/ /rma kha smug cig 'brum phran can/ /mnyam pa dbus ma cung zad mtho/ /bla brnan med rma dag pa yin/ /
 zhes bya ba la/ rma ma reg cing skyon med pa'i mtshan ma ni lce'i mdog 'dra bar snang pa dang / reg na 'jam pa dang / mnyen zhing gyong bag med pa dang / rma kha cung zad smug pa dang / phyi rol na 'brum phran yod pa dang / dbyibs mtho dman med cing mnyam pa dang / rma'i dbus yid
 tsam mtho ba'am/ bla brnan gyi bag med pa'i rma ni dag cing skyon med pa yin no/ /bags pa sha dang rtsa rgyus dang / /tshig dang rus pa nang grol gnad/ /brgyad po de ni rma gnas ba/ /phyi ma bzhin du gso bar dka'/ /zhes bya ba la/ pags pa nas gnas kyi bar brgyad po ni rma'i
 gnas yin pa las/ de dag phyi ma bzhin du gso dka' ba yin te/ de la pags pa'i rma bas ni sha la brten pa'i rma gso dka'o/ /de bas ni rtsa'i 'o/ /de bas ni rgyus pa'i 'o/ /de bas ni tshigs nas ji srid gnad la gnas pa'i bar thams cad bas kyang gso dka' ba yin no/ /gso sla snying
 stobs me drod sha/ /na tshod nyams stobs ldan ba'i rma/ /zlum zhing dkyus ring rim gsum pa/ /zur bzhi ba ni gang yin dang / /de bzhin dbyi rkub pho mtshan mchu/ /rgyab dang kha nang mkhur tshos 'byung / /zhes bya ba la/ rma mi snying stobs dang ldan pa dang / rus tshigs sha dang bcas pa
 dang / nang gi me drod 'bar ba dang / na tshod dar la bab pa dang / nyams stobs dang ldan pa'i rma gang yin pa de ni gso par sla ba yin no/ /de bzhin du rma'i dbyibs zlum pa dang / dkyus ring ba dang / rim pa gsum yod pa dang / zur bzhir gnas pa gang yin pa dang / de bzhin du
 gso sla ba'i rma ni dpyi dang rkub tshos dang / pho mtshan dang / mchu dang / rgyab dang / kha'i nang dang mkhur tshos su byung ba ni gso sla ba yin no/ gso dka' mig dang so dang ni/ /sna dang mig zur lte ba dang / /srub mtshams lto ba rna ba dang / /rtsib logs mchan khung nu mar byung / /zhes
 bya ba la/ rma gso dka' ba ni/ mig la sogs pa las byung ba yin no/ /lbu ba rnag 'dzag rlung 'byung zhing / /zug rngur bcas shing stong nas 'dzag /mtshan par rngol zhing kha nang bltas/ /de bzhin rked pa'i rus par gnas/ /zhes bya ba la/ yang rma gang lbu ba 'dzag pa
 dang / rnag 'dzag pa dang / rlung 'byung ba dang / nang na zug rngu dang bcas pa dang / stod kyi cha nas rnag 'dzag cing ljan ljin 'byung bar byed pa de yang gso dka' ba yin la/ de bzhin du mtshan bar rdol la kha nang du bltas ba dang / rked pa'i rus par gnas pa ni gso
 dka'o/ /mdze can dug gis phog pa dang / /lus skem gcin nad sbrang rtsi 'dra/ /rma steng rma ni byung ba gang / /rma de gso bar dka' ba yin/ /zhes bya ba la/ mdze'i nad yod pa'i phyir mdze can no/ /dug gis phog pa ni dug gis nyen pa'o/ /lus skem
 pa ni zad byed kyi nad gcong chen pos btab pa'o/ /gcin nad sbrang rtsi 'dra bas btab pa'i gcin snyi ba'i nad mdog sbrang rtsi 'dra bas btab pa ste/ de dag gi rma ni gso bar dka' ba yin no/ /de bzhin du rma'i steng du rma byung ba gang yin pa de yang gso bar dka' ba yin no/ med bal rims dang
 tshad par 'khru/ /lud pa lu dang skom dad che/ /gnyid med pa dang dbugs mi bde/ /me drod chung bar gyur pa yin/ /rma ni 'tshob par mi gyur ro/ /zhes bya ba la/ med pa la la sogs pa gnas me drod chung zhing smin mi shes pa'i rma ni 'tsho bas shing 'drubs par mi 'gyur ro/ /mgo bo'i
 thod pa chag gyur zhing / /klad rgyas mtshan ma snang de bzhin/ /zhes bya ba la/ mgo bo'i thod pa'i rus pa chag par gyur nas/ klad rgyas zhes bya ba klad pa'i mtshan ma snang bar gyur pa'i rma yang 'tsho bar mi 'gyur ro/ /chu ba rul zhing rtsa chad dang / rma phugs ring dang srin bus zos/ /
 rus pa chag dang zug rngur bcas/ /dug bcas ba dang ma rtogs dang / /bcing ba nyes dang snum ches dang / /rtsub pas sbu tshogs bdar ba dang / /bskyod dang khong pa ma dag dang / /'grangs drags nyams dman drags ba dang / /chang 'thungs nyin par gnyid log dang / /nyal po la brten
 mtshan gnyid yar/ /rma ni log par gsos pa dang / /gsos kyang 'grub par mi 'gyur ro/ /zhes bya ba la/ rma gso bar bya ba yin yang chu ba rul ba gang yin pa de ni gsos kyang gso ba 'grub cing bde bar mi 'gyur ro/ /de bzhin du rtsa rnams chad par 'gyur ba dang / /rma'i
 phugs shin tu gting ring bar 'gyur ba dang / de bzhin du srin bus zos pa dang / rus pa dum bur chad pa dang / nang na zug rngur bcas pa dang / dug dang bcas pa dang / gang na yod pa ngos ma zin cing ma rtogs pa dang / bcing ba nyes par gyur pa dang / snum drags pa dang / /
 rtsub ches bas sbu la sogs pa bdar zhing reg pa dang / lus bskyod cing g.yeng ba dang / khong pa ma dag cing nang gi nang ma sbyangs pa dang / ha cang 'grangs drags pa dang / nyams dman pa'i smyur ba byas ba ha cang drags pa dang / chang mang du 'thungs pa dang / nyin par gnyid log
 pa dang / nyal po'i las 'khrig pa la brten pa dang / de bzhin du mtshan mo gnyid yar ba dang / gso ba log par byas pa ste/ rgyu de dag gis ni rma gsor rung ba yin yang gso ba'i las 'grub par mi 'gyur ro zhes re re la sbyar ro/ /gang zhig nang ni thi ba'i mdog /'dra zhing
 rnags pa med pa dang / /brtan zhing 'brum phran rnyid bcas pa/ /'tshob par 'gyur bar de bshad do/ /zhes bya ba la/ rma gang zhig gi nang thi ba'i mdog 'dra bar snang ba dang / nang na rnag dang ljan ljin med pa dang / brten zhing mi 'gyur ba dang / 'brum phran rnyid pa lta bu dang bcas
 ba'i rma de ni/ ba cing 'drubs par par 'gyur pa yin par shes bar bya'o/ /des na 'dir skrangs gnas skabs su/ /gang la nye ba de las sbyang / /sbyangs pas skrangs par gyur ba dang / /rma ni myur du 'tshob par 'gyur/ /zhes bya ba la/ da ni 'di dag gis gso ba ston te/ des na 'di la skrangs
 pa'i gnas skabs su ni/ rma de dang gang dang nye ba'i steng ngam 'og gnas sbyang ba ste/ bkru sman dang skyug sman la sogs bas sbyang par bya ste/ de ltar sbyangs par gyur na skrangs pa dang / rma de myur du zhi zhing 'tshob par 'gyur ro/ /skrangs pa'i skabs su rgyun du ni/ /nye bar sbyod pa bsil bas gso/ /de
 yis nad med chu lta bur/ /mod la zhi bar 'gyur ba yin/ /zhes bya ba la/ rma de skrangs ba'i skabs su ni rtag par rgyun du bsil bar bya ba'i gso ba'i tshogs nye bar gso bar bya ste/ gso ba'i cho ga byas pa des nad kyi tsha ba me lta bu me la chu blugs pa ltar mod la zhi bar 'gyur ro/ /rma skrang
 sra bar gyur ba dang / /nad bcas mdog ni mi sdug dang / /dug can la ni khyad par du/ /bad+ma sogs shas khrag dbyung ngo / /zhes bya ba la/ rma skrang bar byed pa sra bar gyur pa rtsub cing nad dang bcas pa mdog mi sdug par 'gyur ba dang / rma dug can la ni khyad par du srin bu pad
 pa dang rngabs rwa la sogs pas khrag dbyung bar bya'o/ /nad khrag bral nas mod la ni/ /skrang dang mdog dmar nad zhir 'gyur/ /zhes bya ba la/ nad khrag bsal cing / de dang bral nas ni mod la de nyid kyi che skrang pa la sogs pa zhi bar 'gyur ro/ /khrag dbyung nas
 ni chung zad lus/ /reg na nus pa rab bsil ba/ /shin tu zhib par de nyid btags/ /bu ram shing khu 'o mas sprus/ /lan brgyar bskus pa'i mar dang bcas/ /gzhan ma skam par yang dang yang / /rjes su mthun par bskus na phan/ /byug dang blugs pa de bzhin bya/ /zhes bya ba
 la/ khrag phyung ba'i rjes la/ de'i nad khrag cung zad lus par gyur pa la reg na bsil pa nus pa bsil ba'i sman zhib tu de'i nyin zhag nyid la btags sheng sbyar gyi zhag lon pa ma yin pa dang / bu ram shing gi khu ba dang 'o mas sprus te lan brgyar bskus pa'i mar dang bcas par byas
 la/ sman sngar bskus te ma skam par yang dang yang du rjes su mthun par bsku bar bya zhing / de bzhin du rig pa dang / nus pa bsil sman gyi 'dag gus byug cing de'i chu blugs na yang phan no/ /u dum wA ra n+ya gro dang / /blag sha lcang ma a shwa t+tha'i/ /shun pa mar dang bcas bskus na/ /
 skrangs bsil ba'i mchog yin no/ /zhes bya ba la/ u dum wA ra la sogs pa'i shun pa btags pa'i mar dang bsres pas bskus nas yang skrangs pa zhi bar byed pa'i dam pa yin no/ /rlung shas che zhing mkhrang ba dang / /sra zhing nad tshabs che ba dang / /khrag 'dzag pa dang rma skrang ba/ /'di
 lta bu yi rma la ni/ /rlan can sha btags la dugs bya/ /zhes bya ba la/ rlung gi shas che ba'i rma mkhrang zhing mi 'gyur ba dang / sra ba la sogs pa'i rma 'di lta bu la ni rlan can gyi sha btags shing brdungs ba la sogs pas dugs byas na phan no/ /zar ma til ni brngos pa dang / /'o mas
 dbal ni bsad pa dag / de btags bskus na tsha na sel/ /zhes bya ba la/ zar ma dang til cha mnyam du brngos pa 'o mas dbal bsad de/ 'o ma de nyid dang btags pa'i lde gus bskus na tsha ba dang na ba sel bar byed do/ /rma skrangs brtan zhing nad tshabs chung / /bad kan rlung 'joms
 snum bsku zhing / /de yi rjes la 'od ma yi/ /sbu gus rim gyis dugs bya'o/ /zhu bar bya phyir lag mthil lam/ /mthe bo yis ni mnye bar bya/ /zhes bya ba la/ rma skrangs pa brtan zhing nad kyi shugs dal ba la ni bad kan dang rlung 'joms par byed pa'i snum gyis bsku zhing / /de'i 'og
 tu 'od ma'i sbu gus mnye zhing dugs byas la/ gzhan yang zhu bar bya ba'i phyir lag mthil lam mthe bos dal gyis mnye par bya'o/ /nas dang gro dang mon sran sde'u/ /btsos te btags pa'i lde gus bsku/ /zhes bya ba la/ yang na skrangs ba sra zhing nad tshabs chung ba la nas la sogs
 pa dang por btso bas sam brngo ba byas la de btags pa'i lde gus bsku bar bya'o/ /gal te de yis ni ma zhum na/ /de nas de ni dkri bar bya/ /ma smin pa ni zhi 'gyur la/ /smin na rnags pa nyid du 'gyur/ /zhes bya ba la/ de ltar byas su zin kyang skrangs ba'i smin cing zhum par ma gyur na/ de'i
 'og tu skrangs ba de dkri ba'i dugs kyis dkri bar bya'o/ /de ltar byas bas ma smin cing ma rnags pa'i skrangs pa ni zhi bar 'gyur la/ smin cing rnags pa ni legs par 'gyur ro/ /rgya shug til dang zar ma dang / /rgyam tsha phabs dang ru rta'i phye/ /zho skyur zan dron gyis glan zhing / /dugs
 byas nas ni dkri bar bya/ /zhes bya ba la/ rgya shug la sogs pa las byas pa'i zan dron 'jam tsam glan zhing dkri bar bya'o/ /legs smin skrangs pa phyogs gcig 'dus/ /btsir bas nye bar btsir gyur ba/ /dral bar 'os la dral bya zhing / /shing tu 'jam par gyur ba'ang dral/ /zhes bya ba
 la/ skrangs ba de smin cing rnags par gyur pa dang / phyogs gcig tu 'dus shing bsgongs par 'gyur la/ btsir ba'i sman gyis nye bar btsir zhing / bsdus par gyur nas dral bar 'os pa ni dral bar byas la/ /de bzhin du shin tu 'jam por gyur ba yang dral bar bya'o/ /gu gul zar ma ba
 langs so/ /khron bu phug ron rtag pa dang / /thal sman 'phrod dang thal sman de/ /smin pa'i sman gyis brtol bar bya/ /zhes bya ba la/ gu gul la sogs pa'i sman dang / thal sman gyi 'phrod kyi sman dang thal sman nyid do/ de ltar smin pa'i sman dag gis kyang smin pa rnag de brtol bar
 bya'o/ /nang na rnag 'byung sgo phra zhing / mtho bar gyur dang gnad la gnas/ /snum med btsir pa'i sman gyis ni/ /kun nas rab tu btsir bar bya/ /zhes bya ba la/ nang na rnag yod pa dang / 'byung ba'i sgo phra zhing kha chung ba dang / rma'i kha mtho bar gyur pa dang / /
 gnad kyi gnas na gnas pa'i rma la ni btsir ba'i sman gyis thams cad nas btsir bar bya'o/ /bsku ba skams na btsir ba yi/ /las la btang snyoms nyid du bya/ /zhes bya ba la/ lde gu skams par gyur na ni btsir ba'i sbyor ba de btang snyoms nyid du bya zhing bshol bar bya'o/ /de yi rma sgor
 mi bsku ste/ /de 'dras nad ni dbyung mi 'gyur/ /zhes bya ba la/ rma 'di'i rma kha'i steng du ni bsku bar mi bya ste/ de ltar byas na rnag ces bya ba'i nad de 'byung bar mi 'gyur ro/ /sran na nas dang gro dang ni/ /ma sha mu dag bro bo dang / /sman ni sbyi bag can dag gis/ /pags pa'i rtsa bar rab tu
 bsdams/ /zhes bya ba la/ sran ma la sogs pa dang / sman sbyi bag can de gu gul dang thang chu la sogs pa pags pa'i rtsa bar rma rab tu bsdams par bya'o/ /gcin snyi mdze yi rma dang ni/ /shas cher red pa'i rma dag la/ /dong ga byi'u rug pa sogs kyis/ /lan ni bdun bdun bkru
 sogs bya/ /zhes bya ba la/ gcin snyi ba la sogs pa'i rma la byi'u dug pa la sogs pa'i sde tshan gyis 'og nas bshad pa'i tshul lan bdun bdun bkru pa la sogs pa bya'o/ /ma dag nim pa pa to la'i/ /lo ma bskol bas bkru bar bya/ /zhes bya ba la/ rma ma dag pa ni nim pa dang
 pa to la'i lo ma bskol ba'i chus bkru bar bya'o/ /rma dag pa la n+ya gro d+ha/ /la sogs shun lpags bskol bas bkru/ /zhes bya ba la/ rma dag par gyur pa la ni/ n+ya gro d+ha la sogs pa'i shun lpags bskol ba'i khu bas bkru bar bya'o/ /shing mngar til dang pa to la/ /dur byid dan da
 ser po gnyis/ /nim pa'i lo ma rgyam tshar bcas/ /lde gus bskus na rma sbyor byed/ /ces bya ba la/ shing mngar la sogs pa'i lde gus bskus na yang rma sbyong bar byed pa yin no/ /rma ni kha phra gnad mtshams gnas/ /dan da rgyam tsha lang+ka li/ /dur byid sbrang rtsir sbyar ba yis/ /
 red bur byas bas rma [(]sbyong [,]sbyang [)]bya/ /zhes bya ba la/ rma bu ga phra zhing kha chung ba dang / /gnad dang mtshams na 'dug pa la ni dan da la sogs pa'i sman red bur byas bas sbyang bar bya'o/ /rlung gis gnod cing khrag bcas shing / /mi bzad na la nas dang gro/ /sbra tshil shri beSh+Ta ka dang / /thang shing
 mar bcas dud pas bdug / ces bya ba la/ rma rlung gis shas cher gnod par gyur cing khrag dang bcas pa la sogs pa la ni nas la sogs pa'i dud pas bdug par bya'o/ /khrag mkhris dag gi shas che ba'i/ /shin tu bsil ba'i sman gyis bsku/ /zhes bya ba la/ khrag la sogs pa'i
 shas che ba'i rma la ni shin tu bsil ba'i sman gyis yang nas yang du bsku par bya'o/ /skam zhing sha nyung gting ring rma/ /sha skyed pa yi sman bya ste/ /shug pa n+ya gro d+ha sogs dang / /ba la a shwa gan d+ha til/ /bskus te sha ni bskyed par bya/ /zhes bya ba la/ rma skam zhing sha nyung ba dang zab cing
 gting ring ba la shug pa la sogs pa'i lde gu bsku bas sha cher bskyed par bya'o/ /sha za'i sha ni cho ga bzhin/ /g.yos su byas te sbyin par bya/ /sems dga' ba dang sha za yi/ /sha zos na ni sha 'phel 'gyur/ /zhes bya ba la/ gzhan yang sha za ba'i srog chags seng ge dang stag dang bya rgod
 la sogs pa'i sha cho ga bzhin du legs par g.yos su byas te/ sha skyed pa'i phyir sbyin par bya ste/ gang gi phyir nad pa sems dga' zhing sred pa dang ldan bas sha za ba'i srog chags kyi sha zos na nad pa'i sha 'phel bar 'gyur ba yin no/ /sha snyi 'bur bar gyur ba la/ /dzA ti'i me tog nag tshur
 dang / /ldong ros ba bla gu gul dang / /tsi tra ka sogs lde gus bsku/ /zhes bya ba la/ rma'i sha snyi zhing 'bur bar gyur pa la ni dzA ti'i me tog la sogs pa dag gis bsku zhing sha bskyed par bya'o/ /sha 'bur bar ni sra ba dang / /g.ya' zhing ring nas 'tsho ba dang / /rma ni na zhing sbyang dga' la/ /thal
 sman las kyis sbyang bar bya/ /zhes bya ba la/ rma sha 'bur ba la sogs pa la ni thal sman gyi las kyis gso bar bya'o/ /rde'u 'byung rma ni gcin 'dzag dang / /gang gzhan khrag ni sbyar ba dag /ji skad bshad ba'i cho ga yis/ /gso bar byed bzhin
 mi 'grub na/ /de ni me yi las kyis gso/ /zhes bya ba la/ rma gang rde'u 'byung ba'i lam nas gcin 'dzag pa dang / rma gang rtag tu khrag 'byung ba dang / rma gang zhig bcad nas sbyor ba dang / rma gang ji skad bshad pa'i cho ga byas kyang 'tshob bar ma gyur cing rma de gso ba'i
 las grub par ma gyur pa de la ni mes bsreg pa'i las kyis gso bar bya'o/ /skyon med rma la rma 'byor ba'i/ /sman dang sha skyed gang yin sbyar/ /zhes bya ba la/ rma skyon med cing dag par 'gyur ba la ni rma 'byor pa dang / sha skyed pa'i sbyor ba bshad pa gang dag yin pa dag bya'o/ /a shwa
 gan d+ha seng phrom dang / /shing mngar btsod dang kad pa la/ /da ta ka yi me tog gi/ /phye mas rma 'tshob byed pa'i mchog /ces bya pa la/ a shwa gan d+ha la sogs pa'i phye mas btab pa ni rma 'tshob par byed pa'i dam pa yin no/ /rnag dang sha ni med pa dang / /sha yi gnas su ma 'drubs
 par/ /til dang shing mngar bcas pa yi/ /lde gus rma ni 'tshob par bya/ /zhes bya ba la/ rma rnag dang sha med pa dang / sha'i gnas ma sobs shing ma 'drubs pa la ni/ til dang shing mngar sbyar ba'i lde gus bskus na 'tshob par 'gyur ro/ /snum dro mngar dang kha ba dang / /bska bas
 thams cad sel bar byed/ /ces bya ba la/ snum pa nyid dang dro ba dang / mngar ba la sogs pa'i lde gus ni nad thams cad las byung ba'i rma yang sel bar byed do/ /nim pa'i lo ma sbrang rtsir bcas/ /bskus bas rma sbyor mchog yin no/ /zhes bya ba la/ nim pa'i lo ma la sogs
 pa'i 'dag gus bskus na yang rma 'tshob ba'i mchog yin no/ /snga ma gnyis dang zhun mar sbyar/ /myur du rma 'tshob byed pa yin/ /zhes bya ba la/ snga ma nim pa'i lo ma dang sbrang rtsi gnyis dang / zhun mar dang sbyar bas kyang rma myur du 'tshob par byed pa yin no/ /til 'drar nas kyi lde
 gu ni/ /de dang 'dra bar la la 'dod/ /ces bya ba la/ slob dpon la la ni thang la 'bar gyis nas kyi lde gu 'dra bar 'dod do/ /til gyi lde gu ji ltar sbyar ba de bzhin du nas kyi lde gu yang sbyar bar bya'o/ /khrag mkhris dug dag dang glo bur dang / /gting ring tsha dang bcas pa'i rma/ /'o ma
 rma 'byor sman dang ni/ /bskol ba'i mar gyis rma 'tshob bya/ /zhes bya ba la/ rma gang khrag dang mkhris pa dang bcas pa dang / 'o ma dang rma 'byor pa'i sman dang bskol pa'i mar gyis bskus na rma 'tshob par 'gyur ro/ /bad kan rlung gyur rma 'byor sman/ /til mar bcas pas rma 'tshob 'gyur/ /
 zhes bya ba la/ bad kan dang rlung las gyur pa'i rma la ni rma 'byor par bshad pa'i sman dang til mar dang bcas bas rma 'tshob par 'gyur ro/ /nag tshur seng phrom a ru ra/ /li khri dngul rdo sra rtsi phog /spangs ma po son chu'i phye ma/ /til mar bcas pa rma 'tshob mchog /ces bya ba la/
 nag tshur la sogs pa'i phye ma til mar dang bcas ba bskus na yang rma 'tshob par byed pa'i mchog yin no/ /mnyam zhing sha ni brtan pa dang / /pags par gnas la phye ma phan/ /zhes bya ba la/ rma mthon dman med par mnyam du gnas shing sha brten pa dang / pags pa tsam la
 gnas pa la rma 'tshob pa'i sman gyi phye mas bskus na phan no/ /u dum w+wa ra a shwad tha/ /'dzam bus seng phrom kad pa la/ /ka ku seng phrom phye ma btab/ /pags pa myur du bskyed par byed/ /zhes bya ba la/ u dum wA ra nas ka ku ba dang seng phrom kyi bar gyi phye mas btab na pags pa myur
 du skyed par byed do/ /rgya skyegs ldong ros btsod dang ni/ /ba la dang ni ser po gnyis/ /sbrang rtsi mar sbyar lde gu yi/ /bskus na pags pa dag byed mchog /ces bya ba la/ rgya skyegs la sogs pa'i lde gus bskus pa ni pags pa dag par byed pa'i mchog yin no/ /skyer pa a mra'i rus
 pa dang / /nA ga ge sar pri yang ku/ /tsan+dan ser po dngul chu rnams/ /lde gu ba la lci khu dang / /sbyar ba bskus par gyur na ni/ /pags pa mdog 'drar byed mchog yin/ /zhes bya ba la/ skyer ba la sogs pa'i lde gu ba lang gi lci ba'i khu ba dang sbyar te bskus na yang pags pa'i
 mdog cha 'dra bar byed pa'i mchog yin no/ /ba so dud pa ma shor bsregs/ /skyer khaN+Da dang til mar sbyar/ /bskus na sbu ni skyed par byed/ /ces bya ba la/ glang po che'i so du ba ma shor bar bsregs pa dang skyar ba'i khaN+Da dang / /til mar sbyar ba'i lde gus bskus na rma las sbu skyed par byed
 pa'i mchog yin no/ /de bzhin rkang bzhi'i sen mo spu/ /rus pa pags pa rwa rmig bsregs/ /snag tsha til mar dang sbyar bas/ /bskus na spu ni skyed par byed/ /ces bya ba la/ srog chags rkang bzhi ba'i sen mo la sogs pa bsregs te/ til mar sbyar ba bskus na
 yang rma la spu skyed par byed do/ /smin ma la ni cha spyad kyi/ /las bshad phan dang gnod pa bsten/ /zhes bya ba la/ rma yod pa'i smin ma ni cha spyad kyi le'u las bshad pa'i rma la phan pa dang gnod pa'i zas dag kyang bsten par bya'o/ /rlung gyur rma la rtsa ba lnga/ /gnyis dang rlung 'joms
 sde tshan phan/ /zhes bya ba la/ rlung las gyur pa'i rma la ni rtsa ba bcu pa dang bi da ri la sogs pa sman gyi sde tshan phan no/ /mkhris gyur shug ba n+ya gro dang / /sde tshan gnyis dang mkhris 'joms gtang / /zhes bya ba la/ mkhris pa las gyur ba'i rma la ni shug pa la sogs pa'i sde tshan dang / /
 n+ya gro d+ha la sogs pa'i sde tshan dang / de bzhin du mkhris pa sel pa'i sman rnams phan no/ /bad kan las gyur dong ga'i sde/ /bad kan 'joms par byed pa gtang / /zhes bya ba la/ bad kan las gyur pa'i rma la ni dong ga la sogs pa'i sde tshan dang / bad kan 'joms par byed pa'i sman gzhan
 dag kyang bya'o/ /'dren ma las gyur 'dren mar byas/ /zhes bya ba la/ ldan pa dang 'dus pa las gyur pa'i rma la ni sman gyi sde tshan 'dren ma phan te/ bye'u rug pa la sogs pa dang gla sgang dang arka la sogs pa'i sde tshan 'dren ma phan no/ /'di dag gis bkru byug pa dang / /sman mar til
 mar sman khu dang / /phye ma ril bu bdun po ni/ /rma la ci rigs sbyar bar bya/ /zhes bya ba la/ bshad ma thag pa'i rlung dang mkhris pa dang bad kan la phan par bshad pa'i sde tshan dag gis bkru ba dang byug pa la sogs pa'i sbyor ba bdun po de dag ji ltar rigs pa bzhin du sbyar bar bya'o/ /dzA ti nim
 pa ba to la'i lo ma/ /skyer pa yung ba thal tres pu tse shel/ /spra tshil spangs ma shing mngar a ru ra/ /kar ny+dza yi sa bon btsod dang bcos/ /mar bskol 'dis ni rma kha chung ba dang / /gnad la brten cing rnag ni 'dzag pa dang / /rma yi phugs ring nad bcas phugs ring pa'i/ /rma ni dag cing
 'tshob par byed pa yin/ /zhes bya ba la/ dzA ti la sogs pa'i sman gyi lde gu dang bskol ba'i sman mar gyis ni rma kha chung ba la sogs pa'i rma de dag cing 'tshob par byed pa yin no/ /yang lag brgyad pa'i snying po'i rnam par 'grel pa tshig gi don gyi zla zer zhes bya ba slob dpon zla ba la dga' bas
 nges par sbyar ba las/ phyi ma'i gnas kyi le'u nyi shu rtsa lnga ba'i rnam par 'grel pa'o// //de nas 'phral du byung ba'i rma'i gso ba bshad par bya'o/ /rma gang snad pas 'phral du ni/ /byung gyur blo bur rma zhes bya/ /de ni mtha' yas kyang yan lag /gnas pa rnam pa brgyad du
 bshad/ /ces bya ba la/ rma gang zhig snad pa las 'phral du byung bar gyur pa de ni glo bur ba'i rma zhes bya'o/ /de ni mtha' yas pa yin du zin kyang yan lag la gnas pa'i dbang po dag gis rnam pa brgyad du bshad do/ /shus dang bcas dang rnam par bcad/ /rab tu 'phyang dang ltung ba
 dang / /phug dang gshags dang grugs pa'o/ /zhes bya ba la/ brgyad po de dag kyang shus pa la sogs pa'i dbye bas brgyad du bshad do/ /de la shus pa chu ser ram/ /khrag ni nyung zad 'byung 'gyur zhing / /pags pa tshos pas tsha 'gyur yin/ /zhes bya ba la/ de la de dag gi nad nas
 shus pa ni bdar cing pags pa shus pa'i dbang gis chu ser ram khrag nyung shas zhig 'byung bar 'gyur ba dang / /pags pa tshos bas tsha bar 'gyur ba yin no/ /de la tshos gyur bcad pa yin/ /zhes bya ba la/ shus pa de las kyang rma nang du zhugs shing pags pa shas cher tshos par gyur pa
 ni bcad pa zhes bya la/ de las kyang zab par gyur ba ni rnam par bcad pa zhes bya'o/ /rab 'phyang rus par lhag ma lus/ /ltung ba lus las bogs pa yin/ /zhes bya ba la/ rab tu 'phyang ba ni rus par lhag ma tsam lus shing de dang 'brel pa las bya la/ ltung ba ni gang yang lus
 las nying lag la sogs pa'i tshogs bogs shing sa la lhags pa la ltung ba zhes bya'o/ /zug rngu phra mo 'bigs pas phug/ /khong pa ma gtogs bsnun pa yin/ /zhes bya ba la/ mtshon rtse mos phug pa gang yin pa de ni phug pa zhes bya ste/ de yang khong pa ma gtogs pa gnas gzhan du
 bsnun pa la phan no/ /snga ma las gzhan gshags pa yin/ /zhes bya ba la/ sngar bshad pa las gzhan pa ste mtshon kha zheng che bas bsnun pa dang / khong par song ba la ni gshags pa zhes bya'o/ /khrag dang rkang ni 'dres gyur par/ /mtshon gyis drag tu bsnun pa yis/ /
 rus bcas rgya cher snad grugs pa/ /zhes bya ba la/ grugs pa ni mtshon gyis phog pa'i rgyu gang gis khrag dang rkang 'dres par gyur cing / rus pa dang bcas pa rgya cher snad par gyur pa ni grugs pa zhes bya'o/ /de nas 'phral du byung ba'i rma/ /zug gzer shin tu che ba la/ /shing mngar
 mar dang bskol ba'am/ /ba la'i til mar dro 'jam blugs/ /zhes bya ba la/ 'phral du rma byung ba mi bzad par na ba la ni shing mngar bskol ba'i mar dro 'jam tsam 'phral du blugs par bya'am/ yang na ba la til mar dro 'jam tsam gyis blugs par bya'o/ /snad pa'i tsha ba zhi bya'i phyir/ /
 bsku ba la sogs snum pa dang / /bsil dang mngar ba'i sman gyis ni/ /de yi mod la blugs par bya/ /zhes bya ba la/ snad cing rma 'byung ba las gyur pa'i tsha ba zhi bar bya ba'i phyir bsku ba la sogs pa bsil ba dang mngar ba'i sman dag gis bya'o/ /'phral gyi rma ni rgya che la/ /sbyar ba'i phyir ni sbrang rtsi dang / /
 mar gyis mchog tu bsku bya zhing / /mkhris 'joms bsil ba'i gso ba bya/ /zhes bya ba la/ 'phral du byung ba rma rgya cher gyur pa slar sbyar ba'i phyir ni sbrang rtsi dang mar sbyar bas bskus na mchog tu phan no/ de bzhin du mkhris pa sel ba'i gso ba sel ba ba dag gi bya ba yang phan
 no/ /nad kyi rtsom pa che ba la/ /steng dang 'og nas sbyang par bya/ /zhes bya ba la/ rma nad kyi rtsom pa che zhing shas cher zhugs pa la ni/ steng dang 'og nas skyug sman dang bkru sman gyis sbyang ba bya'o/ /smyung ba bya zhing 'bras chan sbyin/ /rgyun du gtar ga gtab par bya/ /zhes bya ba la/
 yang na nad tshabs cher g.yo ba'i rma la ni smyur ba bya zhing zas bcad pa dang / /'bras chan nyung zhing sbyin pa dang / /rgyun du gtar ga gdab cing khrag dbyung ba phan no/ /shus dang grugs pa 'di nyid de/ cho ga 'di ni lhag par sbyar/ /de gnyis khrag ni nyung shas 'dzag/ /smin pa'ang myur
 ba nyid du 'gyur/ /zhes bya ba la/ shus pa dang grugs pa dag la ni bshad ma thag pa'i cho ga 'di dag lhag par sbyar bar bya ste/ /de ci'i phyir zhe na/ shus pa dang grugs pa de gnyis ni khrag nyung shas 'dzag bar byed pas na rgyu de'i phyir de gnyis ni myur du smin par 'gyur pa yin no/ /phal
 cher rma ni shas ches rma ni shas cher 'byung / /gzhan las khrag ni 'byung gyur la/ /de yis khrag ni zad gyur bas/ /rlung 'khrugs nad ni bskyed pa las/ /rlung 'joms sman dang bskol ba yi/ /snum blugs pa dang sman chu blugs/ /dugs dang bsku dang dkri ba dang / /snum gyi 'jam rtsi rnams
 kyang bya/ /zhes bya ba la/ phal cher rma tshabs po che byung ba la byung rma las gzhan pa'i phyogs nas khrag 'byung bar gyur la/ rgyu des khrag zad par gyur cing / des rlung shing tu 'khrugs te nad mi bzad pa bskyed par gyur ba la ni rlung 'joms pa'i sman dang bskol ba'i snum blugs pa la sogs
 pa'i sbyor ba bya'o/ /de ltar zhag bdun par bshad pa'i/ /'phral gyi rma byung cho ga bshad/ /ces bya ba la/ de ltar bshad ma thag pa'i tshul gyis zhag bdun gyi bar du bya bar bshad pa'i 'phral du byung ba'i rma'i cho ga bshad pa yin no/ /zhag bdun nas ni shugs zad nas/ /
 sngar bshad pa yi cho gas spyad/ /ces bya ba la/ rma sar pa'i shugs zad par gyur cing zhag bdun 'das pa'i 'og tu ni sngar bshad pa'i rma gso ba'i cho ga ji skad smos pas sbyad par bya'o/ /'di ni phal char spyi'i cho ga /re re'i gso ba bshad bya ste/ /zhes bya ba la/ shus pa la sogs
 pa'i rma gsar pa la/ 'di dag ni spyi'i cho ga tsam du bshad pa yin zhing thun mong gi gso bar bstan pa yin la/ de rnams kyi re re'i gso ba ni da gzod bshad par bya'o/ /shus la na ba myur bsal phyir/ /rma la phan pa'i phye mas gdab/ bcad pa rma sel lde gus bsku/ /zhes bya ba la/ shus
 pa'i rma la ni nad de myur du bsal ba'i phyir/ rma la phan pa'i phye ma gdab par bya'o/ /bcad pa'i rma la ni rma la phan pa'i sman gyi lde gus bsku bar bya'o/ /rnam par bcad dang rab 'phyang la/ /cho ga bzhin du btsem pa dang / /bcing ba dang ni btsir bar bya/ /zhes bya ba la/ rnam par
 bcad pa dang rab tu 'phyang ba'i rma la ni sngar ji skad bshad pa bzhin du btsem par bya ba 'am/ de bzhin du bcing ba dang / btsir ba'i sbyor ba dag bya'o/ /mig bcar na ni gso mi rung / /zhes bya ba la/ mig gi 'bras bu bcar zhing nyams par gyur ba de gsor mi rung
 ngo / /ma zhar phyir ni 'phyang ba la/ /rang gi gnas su legs bzhag cing / /rtsa ma 'tshol bar byas nas ni/ /pad+ma'i 'dab mas g.yogs nas ni/ /lag pas dal gyis mnan par bya/ /zhes bya ba la/ mig gang zhar bar ma gyur la gnas las 'phags te phyir 'phyang bar gyur pa de ni rang
 gi gnas su legs par ma 'chug par bzhag ste rtsa ba 'tshol bar byas la/ sman pas snrel zhir ma gyur par gzhag la/ de'i 'og tu pad+ma'i 'dab mas g.yogs la/ de'i steng nas sman pa'i lag pas dal gyis mnan par bya'o/ /de nas shing mngar dzi ba ka /zangs rtsi ba
 dang ut+pa la/ /mar dang 'o ma bcas bskol ba'i/ /sman thigs blugs dang sna sman dang / /brta ba'i cho ga dag kyang bya / /mig nad thams cad sel mchog yin/ /zhes bya ba la/ de'i 'og tu mig de la shing mngar la sogs ba'i lde gu dang mar dang 'o mar bcas pa bskol
 ba'i sna sman la sogs pa bya ste/ gang gi phyir de ni mig snad pa thams cad sel bar byed pa'i mchog yin pa'i phyir ro/ /mig phugs zhugs la mgul pa bsdam/ /slon dang lud pa sbrid pa 'byung / /yang na dbugs 'byung dbugs brngub bsdam/ /rma byung mig gi gso ba bya/ /zhes
 bya ba la/ mig phugs su zhugs shing gting du bris pa la ni mgul pa bsdam par bya ba dang / slon zhing skyugs pa dang lud pa dang sbrid pa 'byung bar bya ba dang / yang na dbugs 'byung ba dang / brngub pa dang bsdam par bya ba dang / de bzhin du rma byung ba'i mig gi gso ba ji skad bshad pa dag
 bya'o/ /rna ba bogs pa btsems nas ni/ /bu ga til mar dag gis dgang / /zhes bya ba la/ rna ba gnas las bogs pa la ni de la legs par btsems la rna ba'i bu ga til mar gyis dgang bar bya'o/ /ltag pa'i sum mdo chod gyur te/ /rlung ni 'byung bar gyur pa la'ang / /mnyam
 du gzhag ste bar mtshams ni/ /med par btsems te bcing par bya/ /zhes bya ba la/ ltag pa'i sum mdo chod par gyur te rlung byung bar gyur na yang ltag pa de ltar mnyam por gzhag ste/ legs par btsems la de'i 'og tu ci rigs pa'i bcing bas bcing bar bya'o/ /de la ra yi mar
 sar gyis/ /blugs pa dag ni rab tu bsngags/ /zhes bya ba la/ de ltar bcings pa'i ltag pa de la ra'i mar sar blugs pa dag phan no/ /gan rkyal bzhag ste kha zas sbyin/ /legs par sbyod lam bsdams te nyal/ /zhes bya ba la/ ltag pa chod de bcings pa de ni kha zas kyang
 gan rkyal du bzhag ste zar gzhug pa dang / de bzhin du nyal ba na yang rma la ni gnod par nyal du gzhug par bya'o/ /yan lag thad dkar gnas pa yi/ /rma byung yan lag legs gzhag ste/ /btsems la dkri zhing bcing bya zhing / /gos ni mthug pos bcing bar bya/ /zhes bya ba
 la/ lag ngar dang byin pa dag tu thad kar gnas pa'i rma byung ba la ni yan lag legs par gzhag ste/ dam du btsems la/ de'i 'og tu chings mas dkri zhing gos mthug pos bcing bar bya'o/ /pags pa'i 'ur mthil bcing bas ni/ /phrag pa'i rma la bcing bya/ /zhes
 bya ba la/ phrag pa rma byung ba la ni/ pags pa las 'ur mthil lta bus bcing bar bya'o/ /rlig pa 'phyang la rkang par ni/ /sbu gus chu ni gtor nas kyang / /rlig pa bcug ste ras bal dang / /bcas pa'i khab kyi btsem par bya/ /'ur mthil bcing ba byas pa la/ /rked pa
 nas ni srad bus gdags/ /zhes bya ba la/ rlig pa 'phyang bar gyur pa la ni rkang pa chu'i nang du bcug cing mig chus gtor la/ rlig pa slar bcug ste ras bal gyi skud pa dang bcas pa'i khab kyis btsem par bya'o/ /de ltar btsems nas/ mdo'i gnas las smos pa'i 'ur mthil
 'dra ba'i bcing bas bcings la rked pa nas chings ma'i srad bus brtod par bya'o/ /der ni rma ni 'drul gyur bas/ /snum dang dugs kyis las mi bya/ /zhis bya ba la/ rlig pa 'phyang ba'i rma de la ni snum dang dugs kyi cho ga byar mi rung ste/ rma 'drul bar byed pa'i phyir ro/ /pri yang ku dang a
 ga ru/ /sug smel dz+wa ti bar ba ta/ /dan da ldong ros skyer ba dang / /sle tres dang ni sbangs ma dang / /til mar bskol bas rma 'tshob byed/ /ces bya ba la/ pri yang ku la sogs pa dang bskol ba'i til mar gyis ni rlig pa 'byung ba'i rma 'tshob par byed pa'i phyir
 ro/ pri yang ku ni ka ra nu par te/ la la ni 'dir pri yang ku ma yin gyi thal tres nag po kri sna sha ri bzhes bya ba yin zhes zer ro/ /yan lag ma lus chad pa la/ /til mar bskol bas bsregs nas ni/ /sgye'u bcing bas bcing bar bya/ /de nas rma ltar gso bar bya/ /zhes bya ba
 la/ lag ngar ma byin pa lhag ma ma lus par 'ur por chad pa la ni til mar bskol ba'i nang du bsregs la sngar bshad pa'i sgye'u bcing ba'i nang du bcings te/ de'i 'og tu rma gso ba'i tshogs gso bar bya'o/ /phug pa zug rngu dbyung bas gso/ /grugs dang chag grugs gso
 bar bya/ /zhes bya ba la/ phug pa'i rma ni zug rngu dbyung ba'i gso ba ji skad sngar mdo'i gnas su bshad pa bzhin gso bar bya'o/ /grugs pa ni chag grugs gso ba'i le'u las ji skad smos pa ltar gso bar bya'o/ /mgo bo'i zug rngu dbyung ba la/ /skra yi ye'u gzhug par bya/ /gzhan
 du glang rgyas 'dzag pa yis/ /rlung 'khrugs de ni gsod par 'gyur/ /zhes bya ba la/ mgo bo'i zug rngu dbyung ba la ni skra'i ye'u gzhug par bya'o/ /gzhan du de ltar ma byas na/ glad rgyas zhes bya ba 'dzag par 'gyur ba las rlung 'khrugs te nad pa de gsod par 'gyur ro/ /rma
 'tshob sa nas ni rim gyis ni/ /skra ni dal gyis dbyung bar bya/ /zhes bya ba la/ rma de 'tshobs nas ni skra de re re nas rim gyis dal gyis dbyung bar bya'o/ /glad rgyas 'dzag la srog chags ni/ /gzhan gyi glad pa sbyin par bya/ /zhes bya ba la/ glad rgyas 'dzag par gyur na srog chags
 gzhan dag gi glad pa dang / mgo bor bcas pa sbyin par bya'o/ /gzhan las zug rngu phyung nas ni/ /rma der ring bu snum can gzhag/ /ces bya ba la/ yan lag gzhan dag las zug rngu phyung nas ni rma de la reng bu ye'u snum can gzhug par bya'o/ /phugs ring kha ni chung ba dang / /rma
 gang rnag dang khrag 'dzag la/ /'khor los btsir ba'i til mar blugs/ /de ni sbu gu chung ngus gtang / /zhes bya ba la/ rma gang phugs ring zhig gting du zabs pa dang / rma kha chung zhing phra ba dang / rnag dang khrag 'dzag par gyur pa la 'khor los btsir ba'i til mar sar blugs shing
 de sbu gu chung ngu las nang du gtang bar bya'o/ /khong pa brtol te khrag gis gang / /brgyal zhing snying ga rtsib logs na/ /rims 'debs lus tsha lto sbos skom/ /zas la mngon par mi dga' zhing / /bshad pa gcin dang 'phyen 'gags la/ /mig dmar rngul 'byung dbugs mi bde/ /
 kha nang khrag gi dri bro zhing / /lus kyang dri mi zhim par 'gyur/ /zhes bya ba la/ khong pa'i nang grol brtol te/ khrag gis gang na ni khrag skyugs pa la sogs par 'gyur ro/ mi zhim pa'i bar du 'gyur ro/ /ma zhu'i gnas na gnas pa'i khrag /khrag tu yang ni skyug par byed/ /shin
 tu shas cher lto sbo zhing / /gzer nad kyis kyang gnod par byed/ /ces bya ba la/ khrag de ma zhu ba'i gnas na 'dug na ni khrag skyugs pa la sogs bar 'gyur ro/ /zhu ba'i gnas na gnas pa'i khrag /gzer bcas lus ni lci bar byed/ /lto ba man chad grang ba dang / /bu ga
 las ni khrag 'byung 'gyur/ /zhes bya ba la/ khrag de zhu ba'i gnas na 'dug na ni gzer ba dang bcas zhing lus lci ba la sogs por 'gyur ro/ /gnas ni zhig par ma gyur kyang / /khrag ni 'dzag par gyur ba yis/ /bu ga las ni 'gengs byed de/ /lgang pa'i ngos nas 'gengs
 dang 'dra/ /zhes bya ba la/ gnas zhes bya ba khong pa'i nang grol zhig par ma gyur kyang khrag 'dzag par gyur pas ngos kyi bu ga nas lto ba'i snod 'gengs par byed de/ dper na gcin 'dzag pa yang lgang pa'i ngos kyi bu ga ga nas zhugs pas nang du 'gengs par byed pa dang 'dra'o/ khrag
 nang yod pa de la ni/ /rkang lag kha dang dbugs grang zhing / /mig dmar gdong ni skya ba dang / /lto sbos ba ni sbang bar bya/ /zhes bya ba la/ de la nang grol rdol zhing nang na khrag yod pa de ni rkang pa dang lag pa dang kha dang dbugs grang ba dang / mig dmar ba la sogs pa yin te/ de ni
 gsor mi rung bas spang bar bya'o/ /ma zhur gnas la skyug sman gtang / /zhes bya ba la/ ma zhu ba'i gnas na khrag yod pa'i mi la ni skyug snan gtang bar bya'o/ /zhu ba'i gnas la gnas pa la/ /bkru sman dang ni ni ru ha/ /snum med dro bas sbyang bar bya/ /zhes
 bya ba la/ zhu ba'i gnas la khrag gnas pa la ni bkru sman dang ni ru ha snum med pa dang dro ba btang la sbyang bar bya'o/ /nas dang rgya shug rgya sran gyi/ /khu ba snum ni med pa dang / /nas thug kha zas za ba dang / /lce myang tsha dang ldan pa sbyin/ /zhes bya ba la/ de ltar sbyangs ba byas nas/ nas la
 sogs pa'i kha zas snum med pa dang / nas thug la sogs pa lce myang tsha dang ldan pa sbyin par bya'o/ /khrag ni mang du 'dzag pa dang / /khong pa snad la khrag blud bya/ /zhes bya ba la/ khrag mang du 'dzag cing 'khrugs pa la ni gzhan dag gi khrag blud par bya'o/ /rgyu ma
 'byar dang chad par nyan/ /khang pa snad pa gnyis su bshad/ /ces bya ba la/ khong pa snad cing rdol ba ni rgyu ma 'byar ba dang / rgyu ma chad pa'i dbye bas rnam pa gnyis su bshad do/ /dang por brgyal sogs chung ba yin/ /gnyis pa shas cher gnod par byed/ /ces bya ba la/
 dang po rgyu ma 'byar ba ni brgyal ba la sogs pa'i gnod pa chung ba yin la/ gnyis pa rgyu ma chad pa ni shin tu gnod pa skyed pa yin no/ /rgyu ma 'byar ba the tshom bcas/ /rgyu ma chad pa 'tsho mi 'gyur/ /zhes bya ba la/ rgyu ma rdol cing 'byar ba ni 'tsho 'am mi 'tsho the tshom dang bcas pa
 yin la/ rgyu ma chad pa ni nges par 'chi ba yin no/ /gang ni bshad dang gci dang 'phyen/ /rang gi lam nas byung gyur la/ /bla brnan med par rdol gyur kyang / /'tsho bar 'gyur bar the tshom med/ /ces bya ba la/ gang gi nang grol rdol yang bshad pa la sogs pa rang gi rgyu lam nas
 lugs bzhin du 'byung ba dang / bla brnan gyi nad med pa dag ni rdol ba yin du zin kyang nges par 'tsho bar 'gyur ro/ /ma rdol rgyu ma 'byung ba ni/ /gzhug par bya zhing gzhan du min/ /zhes bya ba la/ rgyu ma ma rdol zhing 'phral du byung ba ni slar bcug na 'tsho'i/ de las gzhan du chad par
 gyur pa ni slar bcug kyang mi 'tsho'o/ /grog ma'i mgo bo bcad nas ni/ /de yang gzhug ces la la smra/ /zhes bya ba la/ slob dpon la la dag ni rgyu ma rdol ba yin du zin kyang grog ma'i mgo bos kha bkab la slar gzhug par bya'o zhes zer ro/ /rdul dang khrag dang rtsa yis gos/ /
 'o mas legs par bkrus nas ni/ /sen mo bregs te mar gyis bskus/ /rim gyis legs par gzhug par bya/ /zhes bya ba la/ rgyu ma gsar du phyir byung ba de rdul dang khrag la sogs pas gos pa 'o mas bkru la/ mar gyis bskus te sen mo bregs pa'i lag pas rim gyis dal
 bus gzhug par bya'o/ skam po 'o mas sbangs nas ni/ /mar sar mang po bsku bar bya/ /zhes bya ba la/ rgyu ma skam po ni 'o mas sbangs la bkrus te mar sar pa mang pos bskus la gzhug par bya'o/ /sor mos mgul pa ma nye ba dang / /chu yis kyang ni gtor bar bya/ /de ltar rgyu ma
 nang zhugs nas/ /de yi tshe na btsir bar bya/ /zhes bya ba la/ rgyu ma byung bar gyur ba la ser mos mgul ba ma nyes pa dang / chus gtor nas sbangs par byas te/ de ltar rgyu ma de nang du gzhug par byas la de nas dus gzhan du rgyu ma de btsir bar bya'o/ /rma kha chung dang sbom pa yis/ /
 rgyu ma khong bar ma tshud na/ /de yi tshad [(]cam[,]tsam [)]lto ba ni/ /dbral te nang du gzhug par bya/ /zhes bya ba la/ rma kha shin tu chung ba'am/ rgyu ma sbom pa'i rgyus nang du ma tshud na/ rgyu ma'i tshad tsam lto ba dbral te rgyu ma nang du gzhug par bya'o/ gnas su legs par 'dug gyur nas/ /de rjes
 rgyu ma'i rma btsem bya/ /zhes bya ba la/ rgyu ma gnas su ma 'phyugs par tshud na ni de'i 'og tu rma legs par btsem par bya'o/ /gnas su legs par ma bzhag na/ /de ni 'khrugs pas 'chi bar 'gyur/ /zhes bya ba la/ rgyu ma de gnas las 'phyugs na ni skyis bu de 'chi bar
 'gyur ro/ /de rjes ras kyis dkris nas ni/ /mar gyis bsku zhing blugs par bya/ /zhes bya ba la/ de'i 'og tu rma de ras kyis dkris la/ mar bskus zhing blugs par bya'o/ /de nas dan da til mar dang / /sbyar ba'i 'o ma dro 'jam blud/ /des ni bshad pa snyi pa dang / /rlung ni bde bar
 'byung bar 'gyur/ /zhes bya ba la/ de'i 'og tu bshad pa 'jam par bya zhing rlung bde bar 'byur bar bya ba'i phyir dan da til mar dang sbyar ba'i 'o ma dro la 'jam tsam blud par bya'o/ /ji skad bshad pa'i spyod pa bsrung / /lo gcig bar du 'bad par bya/ /zhes bya ba la/ de
 ltar byas nas cha sbyad kyi lam nas bshad pa'i spyod pa lo gcig gi bar du bsrung bar bya'o/ /lto las tshil ni byung gyur na/ /thal ba 'am ni sa dag gam/ /ro bska ba yi rtsa ba dag /zhib tu btags pas btab nas ni/ /de nas srad bu dam du bcing / /sman pa mkhas bas gcad par bya/ /
 mtshon rnon me la bsregs pa yis/ /lan cig kho nar gcad par bya/ /zhes bya ba la/ tshil gyi dum bu lto las byung bar gyur na/ thal ba 'am sa 'am ro bska ba'i rtsa ba zhib tu btags pas btab la/ de'i 'og tu srad bu dam po kho nar bcings te/ sman pa mkhas pas gcad par bya la/ /
 de yang mtshon rnon po mes bsregs pas lan cig kho nar gcad par bya'o/ /gzhan du byas nas gcod pa'i tshe/ /na zhing sbo 'am 'chi bar 'gyur/ /zhes bya ba la/ rnam pa gzhan du byas nas gcod pa'i tshe na zhing sbo ba la sogs pa 'byung bar 'gyur ba 'am/ yang na 'chi bar 'gyur
 ro/ /sbrang rtsir bcas pas rma bcings la/ /kha zas zhu nas 'o ma mar/ /dan ti rgya skyegs gze ma dang / /shing mngar kha ra bskol ba blud/ /shing mngar bcas pa sngar gyi ni/ /cho gas na dang tsha ba sel/ /zhes bya ba la/ rma de sbrang rtsi dang bcas pa'i chings mas bcings
 la/ kha zas zhu bar gyur nas/ dan ti la sogs pa dang / shing mngar dang mar bskol ba 'am/ shing mngar dang 'o ma bskol ba blud par bya ste/ de gnyis kyang na ba dang tsha ba sel bar byed do/ /de'i 'og tu ni snga ma'i cho ga bshad par bya'o/ /tshil gyi rmen bur bshad pa yi/ /
 til mar bskus na 'ang phan pa yin/ /zhes bya ba la/ de la tshil byung ba'i rma la ni/ tshil gyi rmen bu'i nad gso ba'i skabs su bshad pa'i til mar bskus na yang phan pa yin no/ /bal bu'i lo ma shug pa dang / /spang spos ha re Nu ka dang / /a ka ru dang tsan+dan dang / /pad+ma'i
 sa bon ser po gnyis/ /u shi ra dang shing mngar bcas/ /bskol ba 'phral gyi rma la ni/ /'tsho bar byed pa'i dam par bshad/ /ces bya ba la/ bal bu'i 'o ma la sogs pa dang / til mar bskol ba yang 'phral du rma byung ba 'tsho bar byed pa yin no/ /mtshon gyis masnun pas mi
 mngon pa/ /g.yang sa mthon po nas lhung ba/ /rlung mkhris 'joms sman 'grangs pa dang / /mnye dang bsku dang sbyang ba bya/ /zhes bya ba la/ skyes bu mtshon gyis masnun pa'i rma mi mngon par gyur pa dang / de bzhin du g.yang sa mthon po nas lhung bar gyur pa la ni rlung dang mkhris pa
 'joms pa'i sbyor ba dang / 'grangs pa la sogs pa sbyang ba bya'o/ /lus tshigs bye dang mnyes pa dang / /gnad du bsnun pas nyen pa la/ /snod chen til mar gyis bkang bar/ /gzhug cing sha khu sbyin par bya/ /zhes bya ba la/ mi gang lus kyi tshigs bye bar gyur ba'am/ /
 mnyes zhing dkrugs pa 'am/ gnad du bsnun pas nyen pa la ni gzhong pa la sogs pa'i snod chen po til mar gyis bkang ba'i nang du lus spying zhing sha khu sbyin par bya'o/ /yan lag brgyad pa'i snying po'i rnam par 'grel ba tshig gi don gyi zla zer zhes bya ba/ slob dpon zla ba la dga' bas nges
 bar sbyar ba las/ phyi ma'i gnas kyi le'u nyi shu rtsa drug pa'i rnam par 'grel pa'o// //de nas chag grugs gso ba'i le'u bshad par bya'o/ /lhung dang snad sogs kyis rus tshigs/ /tshigs dang tshigs min chag gyur gnyis/ /zhes bya ba la/ rus pa chag pa'i
 dbye ba rnam pa gnyis te/ yang na lhung ba la sogs pa'i rgyu las tshigs byung zhing chag pa dang / tshigs ma yin par chags pa'o/ /tshigs byung gyur na brkyang dang bskum/ /nus pa med pa nyid du 'gyur/ /zhes bya ba la/ gang gi tshe tshigs byung bar gyur pa de'i tshe ni tshigs de'i
 phyogs su brkyang pa dang bskum pa mi nus par 'gyur ro/ /gzhan dag shin tu skrangs pa dang / /gnas skabs kun tu rab tu na/ /bskyod pa chung ngu 'ang mi nus shing / /btsir na sgra dang bcas pa yin/ /zhes bya ba la/ tshigs su chag pa ma yin pa dag ni shas cher skrangs pa
 gnas skabs thams cad du yang mi bzad par na ba dang / bsgul bskyod kyi rtsol ba chung du yang mi nus pa dang / btsir na 'khor zhing sgra dang bcas pa yin no/ /de ltar chag grugs mdor bsdus pa'i/ /mtshan nyid yin te/ zhes bya ba la/
 de ltar bshad ma thag pa'i tshul gyis na chags grugs kyi mtshan nyid mdor bsdus nas bshad pa yin no/ /de'i dbye ba/ chag pa'i dbye bas du mar 'gyur/ /zhes bya ba la/ de'i mtshan nyid kyi dbye ba ni chag pa'i tshul rnam pa du mar gyur ba yin no/ /de dag kun gyi gso ba ni/ /
 ji ltar 'tsham pa bzhin di ni/ /de bzhin de ni nye bar bstan/ /zhes bya ba la/ chag grugs de thams cad kyi gso ba gang la ji ltar 'tsham pa bzhin du bstan pa yin no/ /mang du phra mor chag pa dang / /reg na sgra ni 'khrol ba dang / /gang du rus pa chag pa yi/ /bar du rus pa phra mo
 zhugs/ /yang na snad pas chag pa las/ /cung zad lus bar gyur pa dang / /gang yang bteg pa'i tshe na ni/ /rma ltar rkang du nub pa dang / /nus zhan sbeg par gyur pa dang / /rlung can nyung zad sbang bar bya/ zhes bya ba la/ gang yang rus pa phra mor mang du chag cing grugs
 par gyur ba dang / reg na sgra 'byung ba dang / gang du rus pa gas shing chag pa'i nang ngam/ bar du rus pa phra mo zhugs par gyur pa dang / yang gang zhig snad nas chag pa las ma chag par cung zad lus par gyur pa dang / yang na gang zhig gyen du bteg cing drags pa'i tsha rma
 ltar rkang gi nang du rus pa nub par gyur ba ste/ lnga po de dag ni gso bar dka' ba yin no/ /de bzhin du nus pa zhan pa dang / sbeg par gyur ba dang / rlung nad kyi shas che ba dang / zas nyung shas shig za ba dag gi rus pa chag grugs su gyur pa gang yin pa de yang gso bar dka'
 ba yin no/ /dbyi yi rus mig chag pa dang / /gang yang tshigs bye ltung ba dang / /ro smad zhib tu grugs pa'am/ /chag par gyur pa gang yin dang / /thod pa'i mtshams ni ma 'byor pa 'am/ /de bzhin dpral ba phye mar gyur/ /gang yang mur 'gram chag pa dang / /
 ltag pa nu ma'i bar chag spang / /zhes bya ba la/ dpyi'i rus mig chag par gyur pa dang / gang tshigs las bye zhing 'phos te lhung bar gyur pa dang / /ro smad shin tu phye mar btags pa ltar grugs pa'am ma chag pa gang yin de sdang bar bya'o/ /de bzhin du thod pa'i mtshams
 'byor ba'am gyur ba'am/ de bzhin du de phye mar gyur pa gang pa gang yin pa 'am spang bar bya'o/ /yang mur 'gram chag par gyur pa dang / mgo bo'i ltag pa dang nu ma'i bar du chag cing grugs pa gang yin pa de yang gso mi rung bas spang bar bya'o/ /rus pa legs par chag gyur kyang / /
 bzhag nyes bcing ni nyes pa dang / /gang zhig bskyod pas gnod gyur pa/ /de yang spang bar bya ba yin/ /gdod nas rus pa'i tshigs dag ni/ /nyes par skyes gyur de yang spang / /zhes bya ba la/ rus pa chag pa gso bla ba yin yang bzhag nyes pa la sogs pa'i rgyus gnod par gyur
 cing ma rungs par gyur pa'i chag grugs de yang spang bar bya'o/ /gzhan yang rus pa gang dang po nyid nas skye ma legs shing nyes par skyes pa 'am/ yang na tshigs gang gdod ma nas nyes par skyes pa de yang spang bar bya'o/ rus pa gzhon nu gug pa dang / /sbubs can chag par gyur pa
 dang / /thod pa gyes par gyur pa dang / /gzhan yang mang du gas pa rnams/ /zhes bya ba la/ rus pa gzhon zhing snyi ba gug cing yon por gyur pa dang / yang sbubs can khong stong gi rus pa chag par gyur pa dang / gang yang thod pa lta bus rus pa kor kor por 'dug pa gyes shing
 dum bur gyur pa dang / gzhan yang rus pa gzhan dag kyang mang du gas shing zhigs par gyur pa gso bar bya'o/ /de nas dma' ba bstod par bya/ /mthon po mnan par bya ba yin/ /nang du nub pa drang bar bya/ /'og tu song ba steng du drang / /zhes bya ba la/ de nas rus pa dma'
 bar gyur pa la bstod cing 'degs par bya'o/ /'on te snga ma'i so las mthon por gyur pa ni mnan cing btsir bar bya'o/ /nang du nub pa ni phyir drang bar bya'o/ /'og tu song ba'i rus pa ni steng du drang bar bya'o/ /'degs dang mnan dang smad pa dang / /pags pa bsdus te bcing ba
 dang / /de ltar bzhag pa'i thabs kyis ni/ /lus su gtogs pa'i tshigs thams cad/ /g.yo ba 'am mi g.yo gang yang rung / /legs par bzhag ste mi 'gyur bya/ /ras ma mar ni mang bas dkri/ /u dum wA ra ka dam+pa/ /a rdzu na dang a shAt+tha/
 sa rdza dang ni pa la sha/ /'od ma las byung shun zheng che/ /'jam pa legs par 'jar ba dang / /rten dang bcas shing mi 'gyur ba'i/ /shun pa 'am dum bu dag dang ni/ /'jag mas legs par dkri bya zhing / /ras kyis sted du glan par bya/ /zhes bya ba la/ 'degs pa la sogs
 pa rus pa mnyam du 'jog pa'i thabs kyis lus su gtogs pa'i tshigs g.yo ba'am mi g.yo ba'i tshigs dang / chag grugs thams cad legs par bzhag ste mi 'gyur bar byas la/ de'i 'og tu ras mar mang po dang bcas pas dkris la/ de'i 'og tu u dum wA ra la sogs pa'am/
 'od ma las byung ba'i shing shun zheng che zhing 'jam pa legs par 'jam brten dang bcas pa mi 'gyur pa dag gis glan pa dang / 'jag ma ras mas dkris pa'i steng du dkri bar bya'o/ /bcing ba lhod par gyur pa yis/ /mtshams sbyor brtan por mi 'gyur ro/ /dam pos shin tu na zhing tsha/ /
 rnag dang skrang pa 'byung bar 'gyur/ /zhes bya ba la/ gang gi phyir bcing ba de lhod par gyur na ni rus pa'i mtshams 'byor ba brtan por mi 'gyur te/ shig shig por 'gyur ro/ /gal te bcing ba dang dam drags na ni na ba dang tsha ba la sogs pa 'byur bar 'gyur ro/ /so ga'i dus su zhag
 gsum gsum/ /dgun gyi dus su bdun nas dgrol/ /thun mong dus su zhag lnga nas/ /yang na chag pa'i dbang las dgrol/ /zhes bya ba la/ chag grugs bcings pa ni so ga tsha ba'i dus su zhag gsum gsum nas dgrol zhing bcos par bya'o/ /dgun stod dang dgun smad grang
 ba'i dus su ni zhag bdun bdun nas dgrol zhing bcos par bya'o/ /thun mong gi dus te dro grang gi dus ran pa ston dang dpyid kyi dus su zhag lnga lnga nas bcos par bya'o/ /yang na chag grugs sam nad tshabs che chung gi dbang du byas nas chings ma bkrol zhing bcos par bya'o/ /de nas n+ya
 gro ng+ha sogs pa'i/ /khu ba bsil pa'i chu blugs bya/ /zhes bya ba la/ de'i 'og tu tshigs chag par gyur de n+ya gro d+ha la sogs pa'i khu ba bsil ba'i sman chu blugs par bya'o/ /de ni nad bcas rtsa ba lnga/ /'o ma bskol ba blugs par bya/ /zhes bya ba la/ chag grugs bcings
 pas de nad dang bcas par gyur na ni rtsa ba lnga pa dang 'o ma bskol ba blugs par bya'o/ /mkhas pas til mar 'khor los btsir/ /rlung 'joms sman dang bcas pa ni/ /dro 'jam tsam ni bsku bar bya/ /dus dang yul gyi dbye bas bya/ /zhes bya ba la/ 'khor los btsir ba'i
 til mar dang / /rlung 'joms pa'i sman dang bcas pa bskol ba'i til mar dro 'jam tsam dag kyang dus la sogs pa'i dbye ba las dpags te sman pa mkhas pas gtang bar bya'o/ /khu ba shin tu grang mo ni/ /rgyun du blugs shing lde gus bsku/ /zhes bya ba la/ gzhan yang lde gus
 bsku ba dang / sman chu blugs pa dag kyang rgyun du bya'o/ /ba gsar 'o ma mar dang bcas/ /mngar ba'i sman dang bskol ba dag /rgya skyegs khu bar bcas pa ni/ /chag grugs can la nang re blud/ /ces bya ba la/ ba gsar ba ni lan cig be'u bcas pa'i ba ste/ de'i 'o ma dang /
 mar dang / /mngar ba'i sman dang bskol ba rgya skyegs kyi khu ba dang bcas pa grang mo dag chag grugs can gyi nad pa la nang re blud par bya'o/ /chag grugs rma dang bcas pa ni/ /rma la shing mngar mar shas che/ /lde gus bsku ba 'am yang na ni/ /lhag ma chag grugs lta bur gso/ /zhes
 bya ba la/ chag grugs rma byung ba dang bcas pa la ni/ rma sman gyi khu ba shing mngar dang mar gyi shas che ba'i lde gus bsku bar bya'o/ /gso ba gzhan dag ni chag grugs gso ba dang mthun par bya'o/ /rma yi sha ni 'phyang ba la/ /sbrang rtsi mar gyis bskus nas ni/ /sman pas rma ni
 kha sbyar nas/ /bcing ba dag kyang legs par bya/ /zhes bya ba la/ rma'i sha chad de 'phyang ba la ni sbrang rtsi dang mar sar sbyar bas bskus la/ de'i 'og tu sman pas kha legs par sbyar nas bcing ba ltar 'cham pa dag gis kyang legs par bcing bar bya'o/ /de ni mnyam zhing
 legs bzhag nas/ /pri yang ku dang kad pa la/ /[(]sang [,]seng [)]phrom bcod dang da ta ki'i/ /phye mas legs par gdab bya'am/ /zhes bya ba la/ rma de mnyam zhing legs par gnas par gyur par shes nas gan d+ha pri yang ku la sogs pa'i phye ma legs par
 gdab par bya'o/ /seng phrom da ta ki'i phye ma/ /btab na myur du 'tsho bar 'gyur/ /zhes bya ba la/ yang na da ta ki dang seng phrom gnyis kyi phye ma rma la gdab par bya ste/ sbyar ba de dag gis ni rma myur du 'tsho bar 'gyur ro/ /de ltar chags grugs gso ba yin/ /zhes bya ba la/ de
 ltar bshad ma thag pa'i rnam pas chag grugs gso zhing bcos par bya'o/ /lus zungs brtan la dgun gyi tshe/ sha chen nad gzhi chung ba'i rma/ /gso sla gzhan ni gso bar dka'/ /zhes bya ba la/ skyes bu lus zungs brtan pa la sogs pa'i rgyus ni rma gso bar sla ba yin
 la/ de las go bzlog pa ste/ lus zungs mi brtan zhing sbeg pa dang / so ga la sogs pa'i tshe dang / sha chung ba dang / nad gzhi shas che ba'i rma ni gso bar dka' ba yin no/ /na tshod dang po bar ma mtha'/ /zla gcig gnyis dang gsum rim gyis/ /cho ga ji skad
 bshad bsten na/ /rma 'byor brtan par gyur ba yin/ /zhes bya ba la/ na tshod dang po dang bar ma dang tha ma ste byis pa dang lang tsho la bab pa dang / rgan por gyur pa ni go rims bzhin du zla ba gcig dang zla ba gnyis dang / zla ba gsum gyis rma 'byor pa brtan par 'gyur te/ des
 na byis pa dag ni zla ba gcig gis so/ /dar la bab pa dag gis ni zla ba gnyis so/ /rgan po dag ni zla ba gsum gyis rma 'byor pa brtan par 'gyur te/ de yang ji skad bshad pa'i rma gso ba'i cho ga'i 'byor ba bsten na/ de ltar 'gyur gyi gzhan du ni ma yin no/ /rked pa rje ngar brla
 chag na/ /spang leb la ni nyal na phan/ /de bzhin bsdom phyir phur bu lnga/ /byas nas nya bar brtod bya ste/ /rje ngar ngos gnyis la gnyis gnyis/ /rkang mthil drang por gcig gzhag brtol/ /ces bya ba la/ rked pa la sogs pa chag pa la sbang leb ngos 'jam pa'i steng du nyal
 na phan la/ de bzhin du lus ma 'chol bar bsdam pa'i phyir phur ba lnga la brtod par bya ste/ de yang rje ngar gyi ngos gnyis la phur ba gnyis dang / rkang mthil gyi drang por phur pa gcig btsugs te brtod par bya'o/ /sta zur ram ni sgal tshigs sam/ /gdong dang de bzhin phrag pa rus/ /
 tshigs byung chag grugs byung gyur na/ /cho ga 'di bzhin sbyad par bya/ /zhes bya ba la/ sta zur la sogs pa'i tshigs byung zhing chag grugs su gyur pa la yang bshad ma thag pa'i cho ga 'di bzhin du sbyar bar bya ste/ de rnams la yang spang leb la nyal ba la sogs pa bya'o/ /tshigs
 ni byung nas yun ring la/ /snum bsku dugs kyis mnyen byas te/ /'di bshad thabs dang rang gi blos/ /rang gi gnas su legs par gzhug /ces bya ba la/ tshigs byung nas yun ring po lon pa la ni snum dang dugs la sogs pa'i snum gyis zhen cing mnyen par byas nas/ brtan
 par gyur nas 'degs pa dang mnan pa la sogs pa'i cho ga ji skad bshad pa'i thabs dang / rang gi blos kyang ci rigs par rjes su dpags te rang gi gnas su legs par gzhugs par bya'o/ /tshigs min chag ste 'drubs pa dang / /bcing nyes pa yis gsos pa la/ /brdungs te
 chag grugs bsrang bar bya/ /de nas chag grugs bzhin du gso/ /zhes bya ba la/ tshigs ma yin pa'i lus kyi phyogs su chag ste rma 'drubs par gyur pa dang / de bzhin du bcing ba ma legs par gsos par gyur nas sbyor ba nongs pa la ni brdungs te chag grugs de bsrang la/
 de'i 'og tu chag grugs kyi gso ba bzhin du gso bar bya'o/ /chag nas ci nas ma rnags pa/ /de ltar sman pas 'bad par bya/ /sha dang rtsa rgyus 'drul na ni/ /tshigs ni 'drubs par mi 'gyur ro/ /zhes bya ba la/ chag grugs su gyur pa la ni ci nas chag grugs de rnags par
 mi 'gyur ba de ltar 'bad par bya ste/ gang gi phyir sha la sogs pa rnags par gyur na ni 'drubs par mi 'gyur ba'i phyir ro/ /chag grugs can la rlung nad kyi/ /skabs bshad snum ni sbyar bar bya/ /stobs skyed sbyor ba bzhi po dang / /'jam rtsi'i las kyang bsten par bya/ /zhes bya ba la/
 rlung nad kyi skabs nas bshad pa'i snums ha tsa ra'i til mar la sogs pa dang / sbyor ba bzhi po skyed par byed pa gtang bar bya'o/ /de bzhin du 'jam rtsi'i las dag kyang bsten par bya'o/ /sA lu'i chan dang kha shu mar/ /'o ma rgyas byed bsil ba bsten/ /chag
 grugs can la rus pa'i mtshams/ /'byor byed tshad tsam sbyin par bya/ /zhes bya ba la/ sA lu'i 'bras chan la sogs pa lus rgyas shing rus pa 'byor par byed pa'i yon tan la sogs pa tshad tsam sbyin par bya'o/ /de ni mtshams sbyor byed pas na/ /rmya bar byed pa bsngags ma
 yin/ /zhes bya ba la/ chag grugs can de la lus rmya zhing zhum par byed par bsngags pa ma yin te/ rgyas par byas pas ni shin tu mtshams sbyor bar byed pa yin no/ /lan tshwa tshad dang thal sman dang / /snum dang nyal po nyi tshan dang / /rtsol ba bsten par mi bya zhing / /chag
 grugs zas rtsub bsten mi bya/ /zhes bya ba la/ chag grugs can gyi skyes bus lan tshwa nas kha zas rtsub pa'i bar du bsten par mi bya'o/ /til nag phub ma med pa ras sra'i nang du gtums/ /chu yi nang du zhag bdun nye bar sbangs gyur cing / /'di ni bteg ste nyin re legs par bskams
 nas ni/ /de bzhin 'o ma chu dang shing mngar nang du bskol/ /slar yang 'o mar snga ma bzhin du sbangs te bskam/ /phub ma med cing rdul med zhig tu btags nas ni/ /spang spos ba la ka dang btsod dang chu srin sen/ /shu ti ku tan na ta ru rta ba la gsum/ /tsan+dan gur gum dang ni thal
 tres a ga ru/ /sgron shing sra rtsi pog dang thad shing shug pa'i sde/ /de yi phye ma dri zhim 'o ma lhan cig btags/ /dri yi sman ni ma lus 'o mar bskol ba btsir/ /rdo dreg ra sna a shu ma ti dang / /ka she ru dang gan+d+ha pri yang ku/ /rgya spos gan d+ha b+ha dra seng phrom dang / pa ya s+ya dang
 mur ba 'o mar bcas/ /spang spos sogs dang til mar de bskol ba/ /dri yi til mar mchog 'dis rus pa dag /brtan zhing myur du zhi bar byed mchog yin/ /rlung dang mkhris pa las gyur nad kyis khyab/ /sbyor ba sna tshogs bsten pas sel pa yin/ /zhes bya ba la/
 til nag po phub ma med par byas shing bkrus par sa gtsang zhing sra ba'i nang du gtums la chu bo 'brubs pa'i chu'i nang du zhag bdun gyi par du sbangs la nyin re zhing chu las bteg ste bskam par bya'o/ /de bzhin du 'o ma'i nang du zhag bdun gyi bar du mtshan re sbangs shing nyin re bskam
 par bya'o/ /de bzhin du chu dang shing mngar bskol ba'i nang du zhag bdun nyin re skam zhing nub re spangs par bya'o/ /yang na til de 'o mar snga ma bzhin du spangs la skams te/ phub ma dang rdul med par byas la btags nas spang spos la sogs pa'i sman gyi phye ma dang sbyar te/ /de'i 'og tu 'o
 ma dang dri'i phye ma ma lus pa dang / /til btsos pa la btsir bar bya'o/ /spang spos la sogs pa dri'i sman ma lus ba de dag ni til gyi phye ma la ltos pa'i brgyad cha gzhug par bya'o zhes sman pa rgad po dag 'chad do/ /dri'i sman ma lus pa ni ba la la sogs pa'i sde tshan las bshad pa dang / de
 bzhin du ga phur la sogs pa'o/ /de ltar btsir ba'i til mar de rdo dreg la sogs pa'i lde gu dang yang bskol bar bya ste/ til mar gyi mchog 'dis ni rus pa brtan par byed pa dang / rlung dang mkhris pa la sogs pa'i nad kyis khyab par gyur pa la yang btung ba dang sna nas gtang
 ba la sogs pa'i sbyor ba sna tshogs dag byas pas sel cing 'joms par byed pa yin no/ /yan lag brgyad pa'i snying po'i rnam par 'grel ba tshig gi don gyi zla zer zhes bya ba/ slob dpon zla ba la dga' bas nges par sbyar ba las/ phyi ma'i gnas kyi le'u nyi shu rtsa bdun
 pa'i rnam par 'grel pa'o/ / //de nas mtshan par rdol gyi le'u bshad par bya'o/ /zhes bya ba la/ 'di brtsams pa'i 'grel pa ni 'di yin te/ mtshan bar rdol ba kha nang du bltas pas zhis sngar bshad pa de'i rang gi mtshan nyid bstan par bya ba'i phyir le'u 'di
 brtsams pa yin no/ /glang bo rta la zhon te 'gro/ /gnas dang mal gsar tsog pur 'dug /gzhang 'brum nad kyi rgyur bshad dang / /gzhan la 'ang brten par gyur ba dang / /mi dge smin par gyur ba dang / /'phral du dam pa la smad pas/ /phal cher 'brum phran dang
 por 'byung / /rkub kyi phyi 'am nang du ni/ /rma ni sor tshad gnyis sam gcig /sha khrag gnod par gyur las 'byung / /chu sor gcig gyi gnas nye bar/ /byung bas 'dzag pa'i rang bzhin can/ /de ni mtshan par rdol zhes bya/ /zhes bya ba la/
 mtshan par rdol gyi rgyu ni glang bo dang rta la sogs pa la zhon nas 'gro ba la sogs pa dang / /gzhan yang 'di skye bar byed pa'i rgyu la brten cing gnas par gyur pa dang / de bzhin du sdig pa mi dge ba'i las sngon chad byas pa'i 'bras bu smin par gyur pa dang / de bzhin du 'phral
 du tshe 'di nyid la mchod pa'i gnas dam pa smod pas phal cher 'brum phran dang por byung nas/ rkub kyi phyi 'am nang du rma'i tshad sor gcig tsam mam sor gnyis tsam sha dang khrag gi nad las 'byung bar 'gyur la/ chu so dang gcin gyi gnas lgang pa dang nye bar gyur pas 'dzag pa'i
 rang bzhin can yin te/ de'i ming ni mtshan par rdol zhes bya'o/ /kun kyang ma gsos 'drul byed cing / /mo mtshan chu so gzhang gi bar/ /shas cher 'jig par byed pa dang / /bshang gci 'phyen dang khu chu ni/ /bu ga'i nang nas rim gyis 'byung / /zhes bya ba la/ mtshan bar
 rdol gyi nad kun yang gso ba ma byas na 'drul zhing rnag par byed do/ /mo mtshan la sogs pa zhig cing nyams par byed de/ de dag nyams pas bu ga'i nang nas bshang ba la sogs pa rim gyis mang du 'byung bar 'gyur ro/ /nang gzhi re re ldan pa 'dus/ /glo bur ba dang
 brgyad du bshad/ /ces bya ba la/ mtshan par rdol gyi nad ni nad gzhi re re las gyur pa gsum dang / ldan pa las gyur pa gsum dang / 'dus pa las gyur pa gcig dang / glo bur gcig ste de ltar na brgyad yin no/ /ma smin 'brum du zhes byar bshad/ /smin pa mtshan
 bar rdol yin no/ /zhes bya ba la/ mtshan par rdol ba de ma smin pa la ni ming 'brum bu zhes bya bar bshad la/ smin cing rnags na ni mtshan bar brdol ba zhes bya'o/ /rtsa ba mi mngon nad tshabs che/ /shas cher g.yos shing rma 'khyims 'khrugs/ /mtshan bar rdol 'gyur shes
 bar bya/ /de las gzhan du de mi byed/ /ces bya ba la/ mtshan bar rdol gyi nad gang rtsa ba mi mngon pa la sogs pa'i mtshan nyid can dang / rma 'drubs nas kyang slar yang du rma red cing zhig par 'gyur ba ni mtshan bar rdol du 'gyur gyi/ de las gzhan pa dag ni mtshan par
 rdol du mi 'gyur ro/ /de la rlung gyur 'brum bu ni/ /dmar zhing gnag la na ba dang / /zug cing 'phar bar byed pa yin/ /zhes bya ba la/ de la rlung las gyur pa'i 'brum bu mdog dmar ba'am gnag pa dang / /na ba dang zug pa dang / 'phar bar byed pa yin no/ /mkhris gyur rnga
 mo'i mgrin ltar ring / /dmar zhing srab la shas cher tsha/ /thal mdog dud pa 'thul bcas yin/ /zhes bya ba la/ 'khris pa las gyur pa'i 'brum bu ni rnga mo'i mgrin pa ltar ring ba dang / dmar ba nas drod che zhing dud pa 'thul ba lta bu'i bar yin no/ /bad kan las gyur
 brtan zhing snum/ /rtsa ba che zhing mdog skya g.ya'/ /zhes bya ba la/ bad kan las gyur pa'i 'brum bu ni brtan pa la sogs pa'i mtshan nyid can yin no/ /rlung mkhris las gyur mdog gnag cing / /dmar zhing tsha la mi bzod na/ /zhes bya ba la/ rlung dang mkhris pa'i ldang ba
 las gyur pa'i 'brum bu ni mdog gnag pa la sogs pa yin no/ /bad rlung las gyur cung zad gnag /smin par dka' ba'i mtshan nyid can/ /zhes bya ba la/ bad kan dang rlung las gyur pa'i 'brum bu la ni kha dog cung zad gnag pa la sogs pa yin no/ /'dus gyur rkad pa'i mthe
 bo 'dra/ /nad ni sna tshogs 'byung 'gyur zhing / /gzer dang skom dad yi ga 'chus/ /rims dang slon sogs kyis gnod byed/ /ces bya ba la/ nad gzhi sum char gyur pa'i 'brum bu ni mthe bo 'dra ba la sogs pa'i mtshan nyid can yin no/ /yal bar bor la smin pa dang / /rma
 nyid du ni 'gyur pa yin/ /zhes bya ba la/ mtshan bar rdol du 'gyur pa'i 'brum bu de dag bag med pas yal bar bor te ma gsos na smin nas 'phral du rmar 'gyur ro/ /de la rlung gyur 'brum bu ni/ /kha phra mang pos khyab byed de/ /ko tshags bzhin du kha mang zhing / /rim 'phel
 chu ser sla ba dang / /lbu ba can ni rgyun du 'dzag /ko tshags kha brgya pa zhes bya/ /zhes bya ba la/ rlung las gyur pa'i 'brum bu ni kha shin tu phra zhing mngar bas khyab par byed de/ ko tshags kyi bu ga dang 'dra ba yin la/ rim gyis 'phel zhing chu ser sla ba
 la sogs pa 'dzag pa yin te/ de'i ming ni ko tshags kha brgya pa zhes bya'o/ /mkhris pa las gyur rnga mo'i mgrin/ /zhes bya ba la/ mkhris pa las gyur pa'i mtshan bar rdol ba ni ming rnga mo'i mgrin zhes bya'o/ /bad kan las gyur spyi bag ni/ /mang 'dzag yongs su
 'dzag ces bya/ /zhes bya ba la/ bad kan las gyur pa'i mtshan bar rdol ni spyi bag can gyi chu ser mang du 'dzag ste/ de ni yongs su 'dzag pa zhes bya'o/ /rlung mkhris las gyur ba shang sgor ni/ /yongs su mched pa kun khyab cing / /der ni ra ba'i 'obs kyis ni/ /bskor
 blta bu 'byung bar 'gyur/ /zhes bya ba la/ /rlung dang mkhris pa las gyur pa'i gzhang 'brum ni 'obs zhes bya ste/ des ni bshang sgo'i nye 'khor kun tu ra bas bskor ba lta bu 'byung ste/ ji ltar ra ba'i phyi rol 'obs kyis bskor ba dang 'dra'o/ /rlung dang bad kan las gyur
 dang / /gzhan du drang por song 'gas byed/ /ces bya ba la/ rlung dang bad kan las gyur pa'i mtshan bar rdol ni drang po zhes bya ste/ gzhang gi nang drang por song nas 'gas shing 'jig par byed pa yin no/ /bad mkhris las gyur sngar bshad ba'i/ /gzhang 'brum
 la brten de ldang zhing / /de las gzhang 'brum rtsa bar g.ya'/ /skrang dang tsha ba la sogs skyed/ /de ni myur smin rdol gyur na/ /gzhang 'brum rtsa ba rnag can yin/ /rgyun mi chad par 'dzag byed de/ /gzhang 'brum 'di ni mtshan bar rdol/ /zhes bya ba la/ gzhang 'brum
 sngar byung ba la brten nas bad kan dang mkhris pa 'khrugs par gyur ba dang / gzhang 'brum gyi rtsa ba g.ya' ba la sogs pa skyed de skrags pa des gzhang 'brum gyi rtsa ba rnag par byed de/ rnags shing brtol nas khrag rgyun mi 'chad par 'dzag par byed de/ 'di ni gzhang 'brum
 gyi mtshan bar rdol ba zhes bya'o zhes drang srong rnams kyis bshad do/ /'dus pa las gyur dung 'dra ba/ /dung ni 'khyil ba'i dbyibs dang 'dra/ /'di yis gzhang ni zhig byed cing / /mi bzad lam ni zhig par byed/ /ces bya ba la/ 'dus pa las gyur pa'i mtshan bar
 rdol ba'i nad ni dung 'dra ba zhes bya ste/ de ni dbyibs dung 'dra ba yin la/ mtshan bar rdol ba 'dis ni mi bzad par nad kyi shugs kyis de'i lam zhig cing 'drul bar byed pa yin no/ gang tshe sha la brkam pa yis/ /rus pa'i dum bu zos gyur pas/ /thad kar song bas lam
 log zhugs/ /rdol zhing snad par byed pa yin/ /de tshags pas rnags pa dang / /sha ni 'drul bar byed pa yin/ /der ni srin bu skye 'gyur zhing / /gzhang ni kun tu za bar byed/ /ring por mi thogs des 'jig byed/ /de ni lam log rma skyes yin/ /zhes bya ba la/
 sha la brkam zhing chags pa'i dbang gis gang gi tshe rus ba'i dum bu zos shing mid par gyur pa de'i tshe rus pa de lam log par zhugs te thad kar 'phred du song bas rdol zhing snad par byed la/ des na nang du gas shing rnags par gyur pa dang / sha rul zhing 'drul bar 'gyur la/
 des na gzhang gi phyogs der srin bu skye bar 'gyur zhing / srin bu des nad pa de'i gzhang kun tu za bar byed de/ des ni ring po mi thogs par gzhang 'jig par byed de/ mtshan bar rdol ba de ni lam log par zhugs pa dang / rma las skyes pa'i ming gnyis kyis bstan pa
 yin no/ /de las na tsha g.ya' la sogs/ /rma gso ba las shes par bya/ /zhes bya ba la/ mtshan bar rdol de thams cad las na ba dang / tsha ba la sogs pa'i mtshan ma ni rma gso ba'i le'u las ji lta ba bzhin du shes bar bya'o/ de las drug po gso dka' yin/
 'dus gyur rma skyes spang bar bya/ /sel ba'i gnyer mar phyin pa dang / /srubs mtshams la ni brten pa spang / /zhes bya ba la/ mtshan bar rdol de rnams kyi nang nas nad gzhi re re las gyur pa gsum dang ldan pa las gyur pa gsum ste/ drug ni gso dka' ba yin no/ /
 'dus pa las gyur pa dang / rma las skyes pa ni spang bar bya'o/ /de bzhin du phyir sel ba'i gnyer mar phyin pa yang spang bar bya la/ de bzhin du mdoms kyi srubs mtshams la brten pa yang spang bar bya'o/ /de nas 'brum bu'i tshe nyid ni/ /'di ni 'bad
 de gso bar bya/ /sbyang dang gtar ga chu blugs sogs/ /ci nas smin par mi 'gyur bar/ /'di ni 'bad de gso bar bya/ /zhes bya ba la/ de nas mtshan bar rdol 'di 'brum bu'i tshe nyid ni spad pa la sogs pas gso bar bya zhing ci nas kyang smin par mi 'gyur ba de ltar
 gso bar bya'o/ /smin nas slar yang snum chos dang / /dugs byas nas ni lus spying bya/ /gzhan 'brum lta bur bsdams nas ni/ /gting ring legs par brtan bya zhing / /rtsa ba 'am ni rtse mo 'am/ /phyi bltas nang du bltas ba brtag ces bya ba la/ yang nad pa
 de la snum chos la sogs pa byas la/ gzhang 'brum lta bur legs par bsdams nas sted du song ba'am 'og tu song ba'i rtsa ba dang rtse mo dang / de bzhin du kha phyi rol du bltas pa dang / nang du bltas pa legs par brtag cing shes par bya'o/ /de la nad bltas btsas nas
 ni/ /gtsags bus legs par gcad par bya/ /phyir bltas ma lus par bcad la/ /thal sman dag gis gso bar bya/ /zhes bya ba la/ de las mtshan par rdol ba nang du bltas pa ni legs par btsal cing brtags nas gtsags bus gcad cing dral bar
 bya'o/ /phyi rol du bltas pa ni mtshan bar rdol ba ma lus par bcad la/ de'i 'og tu thal sman gyis gso bar bya'o/ /de nas thal sman btab pa 'am/ /yang na sman pas me btsa' gdab/ /ces bya ba la/ de'i 'og tu mtshan bar rdol gnyi g.yang sman pas thal
 sman gyis gso ba'am/ me btsa' gdab par bya'o/ /rnga mo'i mgrin la thal sman bsku/ /zhes bya ba la/ rnga mo'i mgrin pa lta bu zhes bya ba'i mtshan bar rdol ni thal sman nyid kyis gso bar bya'o/ me btsas nim yin no/ /ko tshags kha brgya sbugs gcig pa/ /
 bcug nas legs par gcad bar bya/ /zhes bya ba la/ mtshan bar rdol ko tshags kha brgya pa ni/ sbu gu sbubs gcig pa'i nang na bar mtshams gcig pa'i nang du bar mtshams gcig yod pa bcug nas gcad par bya'o/ /de 'drubs nas ni lhag ma'ang bcad/ /gzhan
 du gzhang ni zhe gnas 'chi/ /zhes bya ba la/ rma de 'drubs par gyur na lhag ma gcad par bya ste/ gzhan du dus gcig tu bcad na ni gzhang zhig nas 'chi bar 'gyur ro/ /'obs ltar khyab pa'am de bzhin du/ /thal sman ba gcin sbu gus gso/ /zhes bya ba la/ de
 bzhin du 'o bas lta bus khyab pa zhes bya ba'i mtshan bar rdol la yang thal sman dang ba gcin dang / sbu gu'i sbyor bas gso bar bya'o/ /gzhang 'brum mtshan mar rdol la sngar/ /gzhang 'brum la ni sman phye gdab/ /rma skyes pa la re thag bcad/ /zug rngu dbyung ba'i cho ga bzhin/ /
 zug rngu phyung sde srin 'joms pa'i/ /bza' dang byug pa sbyar bar bya/ /zhes bya ba la/ gzhang 'brum las gyur pa'i mtshan bar rdol ba la ni dang por gzhang 'brum nyid gso bar bya'o/ /rma las skyes pa'i mtshan bar rdol la ni dang por re thag bcad la/ de'i 'og tu zug rngu
 dbyung ba'i cho ga bzhin du gso bar bya ste/ de'i 'og tu 'bu 'joms pa'i bza' btung dang bsku byug sbyar bar bya'o/ /glan dugs sbu gu can la sogs/ /snum chos legs sbyar nad la phan/ /zhes bya ba la/ mtshan bar rdol gyi nad na ba la ni glan pa'i dugs la
 sogs pas phan no/ /ko tshags 'dra dang thams cad la/ /ba lang rogs dang kun tu bzang / /gshol phyed pa dang gshol gyis bya/ /brtags te nye bar sbyar bar bya/ /zhes bya ba la/ ko tshags 'dra ba dang mtshan bar rdol ba thams cad la ba lang gi ngogs zhes bya ba
 la sogs pa spyad bzhi bo nges par brtags te sbyar bar bya'o/ /ngos su 'debs par byed pa'i mtshon/ /ba lang ngogs zhes bya bar bshad/ /ces bya ba la/ ngos su mtshon gang ngos su 'debs shing gcod par byed pa de ni ming ba lang gi ngogs zhes bya'o/ /kun tu
 gtong ba kun tu bzang / /zhes bya ba la/ thams cad gtong zhing spyod pa'i cha spyad ni kun tu bzang po zhes bya'o/ /ngos la gcod pa gshol phyed pa / /ngos gnyis su ni gshol gyis bcad/ /ces bya ba la/ ngos phan tshun gcig gcod par
 byed pa'i cha spyad ni gshol phyed pa zhes bya'o/ /ngos gnyis kar gcod par byed pa ni gshol zhes drang srong rnams kyis bshad do/ /'dzag pa'i lam ni ma lus pa/ /thams cad me yis bsreg par bya/ /slar yang 'di lta'i gnod mi skyed/ /ces bya ba la/ 'dzag par
 byed pa'i lam ma lus pa thams cad la yang mes bsregs par bya ste/ de ltar byas na mtshan bar rdol gyis slar gnod par mi byed do/ /sman pas de yi bar bar du/ /de lto sbyang la 'bad par bya/ /zhes bya ba la/ yang mtshan bar rdol dang ldan pa'i nad pa de la bar bar ram/
 skabs skabs su skyug sman la sogs pas sbyang bar bya'o/ /byi la'i rus pa 'bras bu gsum/ /khu ba lde gur byas pas bsku/ /zhes bya ba la/ mtshan bar rdol la byi la'i rus pa la sogs pa'i lde gus bskus na yang phan no/ /dzo ti smra ti ma la yu/ /sle sman ta ka bi sha l+ya/ /
 dur byid pa ti ba tra ka/ /ka ra bI ra sra rtsi phog /shu dag su d+hA k+Shi ra dang / /a rka'i lo ma til mar bskol/ /mtshan bar rdol la bskus na ni/ /'di ni phan byed mchog tu bshad/ /ces bya ba la/ dzo ti sman ti la sogs pa'i lde gu dang til mar bskol la/ til mar
 de mtshan bar rdol ba'i nad dang ldan pa la bskus na yang mchog tu phan pa yin no/ /dzo ti sma ti ni ka ka da na'o/ /ma la yu ni so ma ra dza' ma phal gu'o/ /sle sman ta ka ni se lu'o/ /bi sha l+ya ni lang ga li'o/ /dur byid ni tri byid do/ /shing mngar seng phrom pi pi ling / /sug
 smel ha re Nu ka dang / /ser po gnyis dang pri yang gu /rgyam tsha thal tes shug pa dang / pad+ma'i snying po da ta ki/ /spra tshil ru rta sra rtsi phog /kha lung 'o mar bcas pa dang / /til mar lhan cig bskol ba yis/ /bskus na 'brum bu mdze dang rma/ /gcin nad sbrang rtsi
 'dra pa 'joms/ /zhes bya ba la/ shing mngar la sogs pa'i sman lde gu byas pa dang / til mar lhan cig bskol bas bskus na 'brum bu la sogs pa'i nad sel bar byed do/ byi dang ga snying 'bras bu gsum/ /pi pi ling rtsa pi pi ling / /sbrang rtsi til mar sbyar ba yi/ /
 lde gu zos na srin bu'i nad/ /mtshan bar rdol dang mdze nad dang / /gcin snyi ba dang smas pa dang / /rma 'khyims 'tsho bar byed pa yin/ /zhes bya ba la/ byi dang ga'i snying po la sogs pa'i lde gu zos na srin bu'i nad la sogs pa sel bar byed do/ /sle tres sug
 smel byi dang ga / dug mo nyung dang ba ru ra/ /skyu ru ra dang a ru ra/ /gu gul rim gyis cha res bskyed/ /sbrang rtsir sbyar ba 'di zos na/ /'brum bu sbom dang mtshan bar rdol/ /nad ni sel bar byed pa yin/ /zhes bya ba la/ sle tres la sogs pa'i sman cha re res
 bskyed de sbyar ba'i lde gu zos na 'brum bu sngon po la sogs pa'i nad sel bar byed do/ /pi pi ling dang tsi tra ka/ /byi dang ga dang dug mo nyung / /cha snyoms phyed kyi 'bras bu gsum/ /kun dang cha mnyam gu gul dang / /sbrang rtsir sbyar ba'i lde gu yis/ /nad ni thams
 cad 'joms par byed/ /ces bya ba la/ pi pi ling la sogs pa srang re dang / 'bras bu gsum srang drug dang / gu gul sman de dag kun dang cha mnyam par byas pa dang / sbrang rtsir sbyar ba'i lde gu tshad dang ldan par zos na yang mtshan bar rdol ba'i nad thams
 cad 'joms pa yin no/ /gu gul srang lnga pi pi ling / /'bras bu gsum ni srang re dang / /shing tsha sug smel zho gnyis gnyis/ /sbrang rtsir sbyar ba'i lde gu ni/ /zos na mtshan bar rdol ba dang / /mdze nad skran nad 'joms par byed/ /ces bya ba la/ gu gul srang
 lda dang / pi pi ling 'bras bu gsum sman sna re zhing srang re/ shing tsha dang / sug smel sna re zhing zho gnyis gnyis sbrang rtsi dang sbyar ba'i lde gu zos na yang mtshan bar rdol ba la sogs pa'i nad sel bar byed do/ /de nyid dang ni bca' sga'i phye/ /legs par bsres
 par gyur pa dang / /rtsa ba bcu yi khu bar bsres/ /mchog tu rlung gi nad sel byed/ /ces bya ba la/ bshad ma thag pa'i sman de dag nyid bca' sga'i phye ma la sogs pa dang bsres pas kyang mchog tu rlung las gyur pa'i mtshan bar rdol ba sel
 bar byed do/ /seng ldeng snying po 'bras bu gsum gyi phye/ /a sa na bskol khu ba dang bsres dang / /cha mnyam gu gul sbrang rtsi lde gur byas/ /mdze 'brum gcin snyi mtshan bar rdol nad sel/ /zhes bya ba la/ seng ldeng gi snying bo la sogs pa dang / gu gul cha
 mnyam par a sa na bskol ba'i khu ba dang bsres te zos na 'dze la sogs pa'i nad sel to/ /'di ni mtshan bar rdol gso'i bye brag bshad/ /sman gyi mtshan nyid lhag pa gang yin pa/ /rma yi dbang byas yongs su bstan pa dang / /gso thabs dgos pa legs par
 brtags te sbyar/ /zhes bya ba la/ sngar bshad pa'i mtshan bar rdol gyi gso ba bye brag gam khyad par tsam smras pa yin gyi/ spyi'i bshad pa ni ma yin te/ sngon gyi mtshan nyid de la phan pa lhag pa gang yin pa ni rma'i dbang du byas pa yongs su brtags te bstan pa dang / /
 de dang 'tsham pa'i gso thabs gang yin pa dag gis gso bar bya'o/ /rta zhon stobs 'gyed shugs ni 'gegs pa dang / /chang 'thungs nyal po ma zhu ma goms dang / /drag shul las ni sna tshogs rma 'drubs nas/ /lo gcig bar ram de las lhag pa spang / /zhes
 bya ba la/ mtshan bar rdol gyi rma 'tshobs su zin kyang / /rta zhon pa la sogs pa lo gcig gam/ /de las lhag pa'i bar du yongs su spang bar bya'o/ /yan lag brgyad pa'i snying po'i rnam par 'grel pa tshig gi don gyi zla zer zhes bya ba/ slob dpon zla ba la dga'
 bas nges bar sbyar ba las/ phyi ma'i gnas kyi le'u nyi shu rtsa brgyad pa'i rnam par 'grel pa'o// //de nas rmen bu dang rkang bam dang 'bras kyi phreng ba'i nad dmigs shes pa bshad par bya'o/ /zhes bya ba la/ rma dang 'brum bu'i skabs kyi go
 rims kyis na le'u 'di nyid brtsams pa yin no/ /nad ni bad kan shas che ba/ /khrag dang sha dang tshil la brten/ /zlum zhing mtho bar skrangs ba de/ /mdud pa 'dra bas rmen bur bshad/ /ces bya ba la/ rlung la sogs pa'i nad bad kan gyi shas che ba gang yin pa
 sha dang khrag la brten cing gnas pa de las skrangs pa gang zlum zhing mtho bar gyur pa de rnag 'dzag pa'i rjes la mdud pa 'dra ba'i rmen bus khyab par 'gyur bas de la ming rmen bu zhes bya'o/ /de ni nad gzhi khrag sha tshil/ /rus rtsa rma las gyur pa dgu/ /zhes bya ba la/ rmen
 bu de ni nad gzhi so so las gyur pa gsum dang / khrag las gyur pa dang / sha dang tshil dang rus pa dang rtsa dang / rma las gyur pa dang dgu'o/ /de la rlung gyur rgya che zhing / /zug cing bye ba snyam sems na/ /gnas nas gnas gzhan dag tu 'pho/ /rgyu med par
 ni 'phel zhing 'bri/ /'jam zhing lgang pa lta bur rgyas/ /brtol na khrag ni sla bar 'dzag /ces bya ba la/ de la rmen bu de dag gi nang nas rlung las gyur pa'i rmen bu ni rgya che zhing lhun mthug pa dang / zug pa la sogs nas/ khrag sla ba 'dzag pa'i bar du yin no/ /
 mkhris gyur tsha zhing mdog ser la/ /dmar zhing myur du smin pa yin/ /brtol na khrag ni dron mo 'dzag /ces bya ba la/ mkhris pa las gyur pa'i rmen bu ni tsha ba dang bcas pa dang kha dog ser po yin la/ de bzhin dmar ba la sogs pa yin no/ /bad kan
 las gyur nad med sra/ /reg na grang zhing dka' la g.ya'/ /smin na rnag ni ska ba [(]'jag [,]'dzag[) ]/ces bya ba la/ bad kan las gyur pa'i rmen bu ni nad tshabs chung zhing reg na grang ba la sogs pa yin no/ /nad 'khrugs khrag las gyur rmen bu/ /srin bu dang ni bcas par 'gyur/ /
 sha dang rtsa la gnas pa yi/ /rmen bu tshor ba chung ba dang / /mkhris pa'i mtshan nyid 'dra ba yin/ /zhes bya ba la/ rlung la sogs pa'i nad 'khrugs pa'i khrag las rmen bur gyur pa ni khrag de srin bu skye ba la phyogs par 'gyur ba dang bcas pa dang / sha dang rtsa la gnas
 pa la sogs pa'i mtshan nyid dang ldan pa yin no/ /sha che'i gnod gyur sha las ni/ /sha skyed zas la rmen bu 'byung / /snum zhing che la sra ba dang / /rtsa yis khyab cing bad kan 'dra/ /zhes bya ba la/ sha skyed par byed pa'i kha zas kyis sha la
 gnod par gyur pa las byung ba'i rmen bu ni snum pa nas bad kan dang mtshan nyid 'dra ba'i bar yin no/ /tshil skyed pa yis tshil 'phel ba/ /sha 'am pags par phyin gyur pa/ /rlung gi rmen bu shin tu snum/ /'jam dang brtan par byed pa yin/ /bad kan dang ni
 mtshan nyid mtshungs/ /lus 'phel 'bri ba mtshungs pa yin/ /de brtol tshil mthug dmar ba dang / /dkar dang nag pa 'dzag par 'gyur/ /zhes bya ba la/ tshil skyed par byed pa'i kha zas kyis tshil 'phel bar 'gyur ba sha 'am pags pa phyin par gyur pa las rlung gi rmen bu
 shin tu snum pa la sogs pa'i mtshan nyid can lus 'phel zhing tshon ni 'phel bar 'gyur la/ sbeg na 'grib par 'gyur bar 'byung la/ de brtol na tshil mthug cing mdog dmar ba la sogs pa 'dzag par 'gyur ro/ /rus pa chag dang snad pa las/ /mtho dang dma'
 bar gyur pa de/ /rus pa'i rmen bu zhes bya'o/ /zhes bya ba la/ rus pa chag grugs su gyur pa las rus pa gang mtho ba'am dma' bar gyur pa de ni rus pa'i rmen bu zhes bya'o/ /rkang gis song ba'am drag shul gyis/ /dub par gyur nas chu brgal bas/ /rlung gis
 rtsa grang khrag bcas pa/ /rlung gis btsir te 'khrugs nas ni/ /yon por byas te skams pa dang / /mi 'phar nad byung rmen bu chags/ /de ni rtsa yi rmen bur bshad/ /ces bya ba la/ rkang gis lam du zhugs pa las 'phral du chu brgal bar gyur pa dang / yang na de
 bzhin du drag shul gyis dub par gyur pa las mod la chu brgal bar gyur pas/ rlung 'khrugs par gyur te/ rlung des rtsa la gnod par byas shing btsir te 'khums par byas shing skams pa las mi 'phar par nad byung ba'i rmen bu chags par 'gyur te de ni ming rtsa'i rmen bu
 zhes bya'o/ /rma ni ma 'drubs 'drubs ma thag /ro ni thams cad zos gyur pa'am/ /rlon pa dkris pa med pa 'am/ /yang na lus ni snad gyur pas/ /rlung ni nad khrag ma phyung pa/ /ma sbyangs rma ni bsrubs pa las/ /tsha zhing g.ya' dang bcas gyur pa/ /
 rma yi rmen bur de bshad do/ /zhes bya ba la/ rma sha ma 'drubs pa 'am/ 'drubs ma thag ro thams cad dang zas 'chol bar zos pa'am/ /yang na rma rlon pa dkris pa med par gzhag pa'am/ yang na lus snad par gyur pas rlung 'khrugs par gyur nas nad khrag ma
 phyung ba 'am ma sbyangs par gyur pa las rma bsrubs shing 'tshobs pa las ni tsha zhing g.ya' ba dang bcas pa'i rmen bur 'gyur te/ de ni rma'i rmen bu zhes drang srong dag gis bshad do/ /gsor rung nad gzhi khrag tshil gyur/ /zhes bya ba la/ rmen bu de dag las
 gsor rung ba ni rlung dang mkhris pa dang bad kan dang khrag dang tshil las gyur pa ste/ lnga po yin no/ /sra zhing 'gyur dang sbom pa dang / /gnad dang mgul pa ltor gnas yin/ /zhes bya ba la/ rmen bu gang sra bar 'gyur zhing g.ya' ba dang / sbom pa la sogs pa
 ni gsor mi rung ba yin no/ /mdud pa cher chags thor bu ste/ /rmen bu de yi mtshan nyid can/ /nad gzhi la sogs gyur drug yin/ /phal cher bad kan tshil rgyas yin/ /brtan pas smin par mi 'gyur ro/ /zhes bya ba la/ sngar bshad pa'i rmen bu las
 chen por gyur pa gang yin pa de ni thor bu zhes bya ste/ de yang rmen bu'i mtshan nyid dang ldan pa yin la/ de yang nad gzhi tha dad pa dang / /tshil las gyur pa'i bar rnam pa drug yod la/ de yang phal cher bad kan dang tshil rgyas pa yin pa'i phyir dang / brtan zhing sra
 bas smin par mi 'gyur ro/ /rtsa la gnas pa'i khrag nad kyis/ /'khums pa'i rjes la gnod 'gyur zhing / /smin pa de tshe rgyar par 'gyur/ /sha yi gong po bcas par 'gyur/ /sha yi myu gus khyab gyur zhing / /skyes pa de las nad khrag ni/ /rgyun mi chad
 par mang du 'dzag / de ni khrag gi thor bu yin/ /zhes bya ba la/ rtsa la gnas pa'i khrag ni nad khrag rlung la sogs pa'i nad kyis 'khums par gyur pa na khrag de rgyas par 'gyur la/ sha'i gong po ril po dang bcas par 'gyur ba dang / sha'i myu
 gus khyab cing de 'phel bar gyur pa las khrag gi rgyun mang po rgyun du 'dzag pa yin te/ /de ni khrag gi thor bu zhes bya'o/ /de las sha khrag las gyur spang / /bzhi bo gzhan dag gso bar bya/ /zhes bya ba la/ thor bu de dag gi nang nas khrag dang sha las gyur pa'i thor bu
 gnyis po ni spang bar bya la/ rlung las gyur pa la sogs pa bzhi po ni gso bar bya'o/ /dang por chu sor gnas pa'am/ /ro smad la brten bad kan rgyas/ /sha khrag nad kyis rkang par ni/ /dus su skrangs par byed 'gyur zhing / /rim gyis stug po nyed du 'gyur/ /de ni
 rkang bam zhes bya'o/ /zhes bya ba la/ bad kan gyi shas che ba'i nad dang por chu so 'am ro smad gang yang rung ba la gnas nas sha dang khrag la brten te/ de lta bu'i nad de rim gyis skrang zhing rkang pa'i bar du 'byer ba 'am/ rkang pa 'ba' zhig skrang par byed pa de ni rkang bam zhes
 bya'o/ /rlung gyur gas shing gnag pa dang / /rgyu med na zhing rtsub cing na/ /zhes bya ba la/ rlung las gyur pa'i rkang bam ni rkang pa gas par byed pa dang / mdog gnag pa la sogs pa yin no/ /mkhris pa las gyur ser ba dang / /tsha dang rims kyis 'debs pa
 yin/ /zhes bya ba la/ mkhris pa las gyur pa'i rkang bam ni tsha ba mdog ser ba la sogs pa yin no/ /bad kan snum lci nad tshabs chung / /sha yi 'dzer pa chen pos khyab/ /ces bya ba la/ bad kan las gyur pa'i rkang bam ni snum po dang lci ba la sogs pa yin no/ /
 de ni mang du 'dzag pa dang / /lo gcig 'das pa spang bar bya/ /zhes bya ba la/ rkang bam gyi nad de ni chu ser mang du 'dzag pa dang / lo gcig lon pa'i rnying ba sbang bar bya'o/ /kha cig lag pa sna dang mchu/ /rna ba rkang pa ltar 'byung gzer/ /rkang bam skyes
 par gyur pa de/ /rlan can gnas su mi bzad skye/ /zhes bya ba la/ drang song la la la ni lag pa gnyis dang sna dang mchu dang rna ba ba dang rkang pa dang 'dra bar rkang bam 'byung bar 'gyur ro zhes zer la/ rkang bam gyi nad de ni rlan gyi gnas su yang dang yang du shas cher skye bar 'gyur
 ro/ /nad ni tshil mgrin mjing ba mig /mchan khung chu sor gnas pa dag/ /mdog 'dra sra zhing snum pa dang / /bar ta skyu ru ra 'dra dang / /gting zug 'bras ni cher 'byung ba/ /ring zhig lon na smin par byed/ /ces bya ba la/ rlung la sogs pa'i nad tshil la
 gnas shing mgrin pa dang mjing pa la sogs par brten pa dag ni mdog 'dra zhing sra ba la sogs pa'i mtshan nyid dang ldan pa par ta ka 'am/ skyu ru ra 'dra ba gting zug cing nang du chud pa'i 'bras chen po 'byung zhing dus yun ring zhing lon na smin par byed pa yin no/ /de las kha
 cig nad med smin/ /kha cig 'dzag dang g.ya' ba yin/ /kha cig skam zhing kha cig skye/ /yun ring du ni gnas par byed/ /dUr ba bzhin du 'bri zhing 'phel/ /'brum chen 'bras phreng zhes bya'o/ /zhes bya ba la/ 'bras kyi nad de kha cig ni nad chen po med par smin
 par gyur la/ /kha cig ni g.ya' bar byed pa yin la/ kha cig ni skam zhing 'dzag /kha cig ni skye zhing 'byung bar byed de/ de dag kyang yun ring du gnas par byed pa dang / rtsa dUr ba dang 'dra bar 'phel zhing rgyas par byed de/ ji ltar dUr ba ni 'bri bar gyur nas slar 'phel
 bar 'gyur te/ 'bras kyi phreng pa yang de dang 'dra'o/ /de 'brum chen dang 'bras kyi phreng ba zhes bya ba ste/ ming gnyis thob par 'gyur ba yin no/ /de ni rims bcas skyugs pa dang / /cham lud rtsib logs zug pa spang / /zhes bya ba la/ 'bras kyi phreng ba de rims
 la sogs pa'i bla brnan dang bcas pa spang bar bya'o/ /rma la mi 'phrod bsten pa yis/ /skrang dang smin pa khyad par med/ /sha sogs nang du rnag zhugs 'gyur/ /ring du 'gro bar byed pa yin/ /de ni ring du 'gro bas 'gro/ /sbubs ltar 'dzag pa sbu gu yin/ /zhes bya ba la/ /
 smin pa dang ma smin pa khyad par rma la mi 'phrod pa bsten par gyur bas sha la sogs pa'i nang du rnag zhugs par gyur cing ring du phug cing 'gro bar byed pa yin/ de'i ring du 'gro bas na ming ba zhes bya la/ de bzhin du sbu gu ltar 'dzag pas na sbu gu
 zhes bya'o/ /drang po sbu gu gcig yin te/ /de nyid sna tshogs 'gro bas 'gro/ /zhes bya ba la/ slob dpon gzhan dag gi gzhung gis ni drang por 'dug pa la ni sbu gu gcig pa zhes bya ba la de nyed sna tshogs su 'gro zhes bya'o/ /de ni nad gzhi re re 'dus/ /zug rngu'i rgyus
 'byung lngar 'gyur ro/ /zhes bya ba la/ sbu gu 'dra ba de ni nad gzhi re re las gyur pa dang / 'dus pa las gyur pa dang / zug rngus zug par gyur pa ste/ rnam pa lngar 'gyur ro/ /rlung gyur nad bcas rma sgo sra/ /mdog mi sdug cing lbu ba 'dzag /nung mo lhag par 'dzag
 pa dang / /zhes bya ba la/ rlung las gyur pa'i sbu gu ni nad dang bcas ba la sogs pa yin no/ /mkhris gyur skom tsha rims gyis 'debs/ /ser dro rnag ni dri mnam 'dzag /nyin par lhag par 'dzag pa yin/ /zhes bya ba la/ mkhris pa las gyur ba ni skom nad che ba
 dang / tsha ba la sogs pa ldan pa yin no/ /bad kan ska zhing sbyi bag 'dzag /g.ya' zhing sra bar gyur pa dang / /mtshan mo lhag par 'dzag pa yin/ /zhes bya ba la/ /bad kan las gyur pa ni ska zhing spyi bag 'dzag pa la sogs pa'i mtshan nyid can yin no/ /'dus
 gyur mtshan ma kun ldan spang / /zhes bya ba la/ 'dus pa las gyur pa ni nad gzhi sum char gyi mtshan nyid dang ldan pa yin te/ de ni gsor mi rung bas spang bar bya ba yin no/ /nang na gnas pa'i zug rngu ma phyung zhing / /sbu gu skyed par byed pa gang yin de/ /lbu ba
 can la sla zhing dro ba dang / /khrag bcas rnag ni nad bcas rtag tu 'byung / /zhes bya ba la/ rma'i nang na gnas pa'i zug rngu ma phyung na rma'i sbu gu skyed par byed de/ sbu gu de ni nad pa de lbu can gyi rnag sla zhing dro ba dang khrag dang bcas pa dang / nad skyed par byed pa rtag tu 'byung
 ba yin no/ /yan lag brgyad pa'i snying po'i rnam par 'grel pa tshig gi don gyi zla zer zhes bya ba/ slob dpon zla ba la dga' bas nges par sbyar ba las/ phyi ma'i gnas kyi le'u nyi shu rtsa dgu pa'i rnam par 'grel pa'o// //de nas rmen bu la sogs pa'i
 nad gso ba bshad par bya'o/ /rmen bu ma smin pa la ni/ /rang rang skrag pa'i nad ltar gso/ /zhes bya ba la/ rmen bu ma smin zhing rnags par ma gyur pa la ni skrangs pa'i nad ji ltar gso ba de bzhin du gso bar bya'o/ /ka N+Da ka'i bri ha ti/ /tsi tra ka dang pi pi ling / /
 bskol ba'i mar gyis lus sbyang bar/ /'dod pa dag gis snum chos bya/ /sbyang byas sman rnon lde gus bsku/ /zhes bya ba la/ rmen bu'i nad sbyong bar byed par 'dod pas ni/ kaN+Da ka ri la sogs pa'i sman mar gyis snum chos byas la/ bkru sman dang skyug sman gyis
 sbyang bar byas te/ de'i 'og tu sman rnon po'i lde gus bsku bar bya'o/ /rmen bu lan mang dugs byas te/ /yang dang yang du mnye bar bya/ /zhes bya ba la/ yang rmen bu la dugs mang du byas te sor mo la sogs pas yang dang yang du mnye bar bya'o/ /'di ni mchog tu rlung
 la bya/ /zhes bya ba la/ bshad ma thag pa'i cho ga 'di dag ni mchog tu yang rlung las gyur pa la bya'o/ /khrag dang mkhris pa las gyur pa'ang / /gtar ga bsil ba'i sbyor kun bya/ /zhes bya ba la/ khrag las gyur pa dang mkhris pa las gyur pa'i rmen bu la ni gtar
 ga'i sbyor ba dang / bsil sman gyis bsku ba dang / /sman chu blugs pa la sogs pa'i sbyor ba bya'o/ /bad kan las gyur rlung ltar gso/ /zhes bya ba la/ bad kan las gyur pa'i rmen bu la ni rlung las gyur pa'i gso ba ji skad smos pa bya'o/ /'on kyang smin na de bcad
 de/ /khrag yod pa ni mes bsreg bya/ /zhes bya ba la/ de ltar gso ba byas su zin kyang / smin par gyur na rmen bu gcad cing gshags la khrag yod pa'i rjes su mes bsreg par bya'o/ /ma lus par bcad lus gyur na/ /slar yang 'phel bar byed par 'gyur/ /
 zhes bya ba la/ de bcad pa na ma lus par gcad par bya ste/ /lus na slar 'phel ba'i skyon yod pa'i phyir ro/ /sha yi rma las gyur rmen bu/ /de bzhin 'tsho ba tsam du bya/ /zhes bya ba la/ sha'i rmen bu ni gong du bshad pa bzhin du gsos
 la re zhig 'tsho ba tsam du bya'o/ /tshil las gyur pa'ang 'di nyid dang / /til dang 'o ma'i lde gus bsku/ /ras ni nyis rim dag gis dkri/ /tog lcags la sogs bsregs pas bsro/ /zhes bya ba la/ tshil las gyur pa'i rmen bu la ni tshil las gyur pa'i
 gso ba 'di nyid dang / til dang 'o ma'i lde gus bskus la ras nyis rim gyis dkris te tog lcags la sogs pa bsregs pas bsro bar bya'o/ /yang na mtshon gyis dbral nas ni/ /tshil phyung nas ni legs par bsreg /ces bya ba la/ yang na tshil las gyur
 ba'i rmen bu gtsags bus dbral la/ tshil phyung ste bsreg par bya'o/ /rtsa yi thor bu sar ba la/ /sa ha ra dza'i til mar blud/ /rlung 'joms sman gyis dkri dugs bya/ /'jam rtsi dang ni gtar ga bya/ /zhes bya ba la/ rtsa'i thor bu la ni sa ha ra dza dang
 bskol ba'i til mar blug par bya'o/ /yang na de la rlung sel ba'i sman gyis dkri ba'i dugs la sogs pa bya'o/ /thor bu rmen bu lta bur ni/ /rang gi ji bzhin byas rab phan/ /zhes bya ba la/ thor bu'i nad la ni rmen bu rlung las gyur pa la sogs pa ji ltar gso
 ba bzhin du thor bu yang de ltar gso bar bya'o/ /rkang bam rlung gyur 'phel ba la/ /snum zhing dugs bcas dkri ba dang / /long mo'i sor gnyis gong du ni/ /gtar ga gdab par bya ba dang / /eraN+Da'i mar 'o ma dang / /ba gcin sbyar bzla gcig blud/ /ces bya ba la/ /
 rlung las gyur pa'i rkang bam la ni snum chos la sogs pa byas te/ long mo'i gong du sor gnyis gzhal bar gtar ga gdab par bya zhing / e raN+Da'i mar la sogs pa sbyar la zla ba gcig gi bar du blud par bya'o/ /zhu nas 'bru rnying bca' sga dang / /'o ma dang sbyar kha zas
 sbyin/ /zhes bya ba la/ e raN+Da'i mar de zhu nas 'bras rnying pa'i [(]chan [,]dang[)] bca' sga dang 'o ma dang sbyar ba sbyin par bya'o/ /de bzhin dur byid 'o ma blud/ /ces bya ba la/ yang na rlung las gyur pa'i rkang bam la ni dur byid dang 'o ma bskol ba blud par bya'o/ /des ma zhi na mes
 bsreg bya/ /zhes bya ba la/ de ltar byas su zin kyang sos bar ma gyur na rkang bam de mes bsreg par bya'o/ /mkhris gyur long mo'i 'og du ni/ /khrag dbyung mkhris pa sel kun sbyar/ /zhes bya ba la/ mkhris pa las gyur pa'i rkang bam la ni long mo'i 'og tu gtar ga
 bya ba dang / de bzhin du mkhris pa sel ba'i zas dang sman la sogs pa thams cad sbyar bar bya'o/ /bad kan las gyur mthe bo las/ /khrag gtang nas kyi kha zas ni/ /sbrang rtsi bcas pa'i sman khu blud/ /'phel ba'i tshe na pi pi ling / /a ru ra ni bsten par bya/ /
 zhes bya ba la/ bad kan las gyur pa'i rkang bam la ni rkang pa'i mthe bo las khrag gtang ba dang / kha zas sbrang rtsi dang bza' zhing sman gyi khu ba blud pa dang / /'phel ba'i tshe na pi pi ling la sogs pa bza' bar bya'o/ /yungs kar bri ha ti gnyis kyi/ /rtsa ba'i lde gus
 byug par bya/ /zhes bya ba la/ yang bad kan las gyur pa'i rkang bam la yang yungs kar dang / /bri ha ti'i rtsa ba'i lde gus byug par bya'o/ /yang na 'u su'i lde gus byug /ces bya ba la/ yang na 'u su'i 'bras bu'i lde gus bsku bya'o/ /'bras kyi phreng ba steng
 'og nas/ /sbyang zhing dan da tra ba na ti/ /dur byid ko sha ta ki dang / /de ba ta la'i mar bskol blud/ /ces bya ba la/ 'bras kyi phreng ba zhes bya ba'i nad la ni bkru sman dang skyugs sman gtang ba dang / /dan da la sogs pa dang bskol ba'i mar blud par bya'o/ /bad kan
 tshil ni 'joms pa yi/ /dud pas mkhur bkang sna sman gtang / /zhes bya ba la/ yang na 'bras kyi phreng ba la sbyor ba 'di dag byas na yang phan no/ /gtar gas khrag ni dbyung ba dang / /skyer pa'i khaN+Da gcin yang blud/ /ces bya ba la/ yang na 'bras kyi phreng ba
 la gtar ga la sogs pa'i sbyor ba bya'o/ /rmen bu ma smin pa la ni/ /rgyam tsha bca' sga na ku li/ /bsku zhing sra bar rgyam tsha yi/ /thum bus dugs byas mnye bar bya/ /zhes bya ba la/ rmen bu ma smin pa la/ /rgyam tsha la sogs pa bsku bar bya'o/ /
 sra ba la ni rgyam tsha gtums pa'i thum bus mnye bar bya'o/ /sha mi la phug shi kru yi/ /sa bon nas dang yungs kar bcas/ /dar ba skyur po btags bskus na/ /rmen bu'i mdun pa zhi bar byed/ /ces bya ba la/ yang sha mi la sogs pa'i lde gus bskus na rmen bu'i 'dud
 pa chags pa zhi bar 'gyur ro/ /smin par 'khrigs na khrag 'byung zhing / /bad kan mkhris pa sel bas gso/ /zhes bya ba la/ rmen bu smin par bskyod pa la ni gtar ga gdab pa la sogs pa bya'o/ /ma smin pa ni phyung nas kyang / /thal sman me btsas gso bar bya/ /
 zhes bya ba la/ rmen bu ma smin pa ni rtsa nas phyung ste thal sman gdab pa dang / me btsa' gdab pas gso bar bya'o/ /dzo ti sh+ma ti lang+ga yi/ /shu ka na sa'i 'bras bu dang / /ka ka ti ga ta ka rko Ti/ /de ba ta la'i sa bon dang / /bi sha l+ya dang ni rgun thi/ /ko sha ta ki pa tha rnams/ /
 srang ni phyed phyed dug zho gnyis/ /ka rany+dza'i mar bre gang dang / /ni rgun thi yi khu ba ni/ /bre bzhi bskol bar gyur pa 'di'i/ /btung dang bsku byug snar btang na/ /'bras kyi phreng ba gsor mi rung / /yun ring lon zhing rnag 'dzag sel/ /zhes bya ba la/ dzo ti sh+ma ti ni ka ta na'o/ /
 lang ga li ni pi sha l+ya'o/ /shu ka nas ni na hi ka'o/ /ka ka tig ta ni u dum di ka'o/ /de ba ta la ni ji mu da ka'o/ /ko sha ta ki ni kri ta be da ne'o/ /sman de dag srang phyed phyed dang dug las zho gnyis dang sbyar la/ /ka rany+dza'i mar bre gang dang ni rgun thi'i khu ba bre bzhi bskol
 bar gyur pa'i mar 'di btung pa la sogs pa btang na 'bras kyi phreng ba la sogs pa sel bar 'gyur ro/ /lang+ga li yi sdong bu yi/ /lde gu til mar de bzhi 'gyur/ /ni rgun thi yi khu bar bskol/ /sna sman sogs btang 'bras phreng sel/ /zhes bya ba la/ lang+ga li'i sdong
 bu'i lde gu til mar gyi bzhi cha dang / ni rgun thi'i khu ba til mar gyi bzhi 'gyur dang bskol te sna sman la sogs par btang na 'bras kyi phreng ba sel bar byed do/ /tsan+dan thang shing na le sham/ /dur byed gla sgang ser po gnyis/ /srang re dug ni srang phyed dang / /ba gcin
 sbyar te zhib tu btags/ /bra m+hi'i khu ba a rka yi/ /lo ma ba lang lci khur bcas/ /yungs mar bre gang bcas bskol ba/ /btung ba la sogs par bsten na/ /mdze dang rma ni 'khyims pa dang / /'bras kyi phreng ba myur du sel/ /zhes bya ba la/ /tsan+dan dkar po
 la sogs pa ji skad smos pa'i sbyor ba bskol ba btung ba la sogs par bsten na yang mdze la sogs pa sel bar byed do/ /shu dag rgya skyegs a ru ra/ /pu tse shel dang tsan+dan dang / /til mar bskol ba blud na ni/ /'bras phreng rtsa bar bcas ba sel/ /zhes bya ba la/
 shu dag la sogs pa'i lde gu dang bskol ba'i til mar gyis kyang 'bras kyi phreng ba sel bar byed do/ /sha ra pung ka'i rtsa ba ni/ /'bras kyi chu dang btags gyur pa/ /sna sman bsku bas 'brum bu dang / /dug srin 'bras kyi phreng ba 'joms/ /zhes bya ba la/ sha ra pung
 ka'i rtsa ba la sogs pa sbyor ba ji skad smos pa bzhin du btang na yang dug la sogs pa sel bar byed do/ /u ta da ma ka ri'i rtsa ba dang / /pi lu'i lo ma seng phrom dang / /sa ha ra dza a ru ra/ /shing mngar shu ti tsi tra ka /thang shing til mar 'o ma mnyam/ /sna sman bsku
 byug byas pa'ang phan/ /zhes bya ba la/ u ta da ma ka ri'i rtsa ba la sogs pa'i lde gu dang til mar dang 'o ma cha mnyam du byas te/ bskol ba'i sbyor ba ni 'bras kyi phreng ba la phan pa yin no/ /ba lang ra lug rta rmig bsregs/ /yungs mar sbyar te bsku ba'am/ /zhes
 bya ba la/ /ba lang la sogs pa'i rmig pa bsregs pa'i snag tsha dang / yungs mar sbyar te bskus na phan no/ /sbrul nag bya rog rang nyid shi/ ing gu dang ni sbyar ba bsku/ /zhes bya ba la/ yang sbrul nag po rang nyid kyis shi ba 'am/ /bya rog rang nyid shi ba gang
 yang rung ba bsregs pa ing gu dang sbyar te bskus na yang phan no/ /de ltar ma zhi nad kyi ni/ /logs gzhan byin pa la gnas pa'i/ /chu so'i steng ngam 'og nas ni/ /tshil phyung nas ni mes bsreg bya/ /zhes bya ba la/ sbyor ba de dag gis ma zhi
 na nad kyi logs gzhan pa ste/ g.yon logs su nan g.yas logs su gnas po'i chu so'i steng ngam log nas nya'i sgo nga'i tshogs lta bu'i tshil phyung nas mes bsreg par bya'o/ /gyen du 'greng ba'i rkang pa gzhal/ /de yi tshad kyis rting ba ru/ /de las rmin
 bu dbyung bya zhes/ /drang srong mu khyud kyis bshad do/ /zhes bya ba la/ skyes bu gyen du 'greng ba'i rkang gzhal la de'i tshad kyis rting pa nas byin pa gzhal la de nas rmen bu dbyung bar bya'o zhes drang srong chen po mu khyud kyis bshad do/ /rting pa nas bzung sor ni bcu
 gnyis na/ /dbang po'i chu so yod spang nad kyi ni/ /g.yon du dbral te nya sgong 'dra dbus nas/ /dra ba drang zhes legs thos kyis bshad do/ /zhes bya ba la/ rting pa nas sor bcu gnyis dor ba dang de bzhin du dbang po'i chu so zhes bya ba byin snying yang dor la/ nad kyi
 logs cig shis su dgra la te/ nya'i sgong 'dra ba ris su 'dug pa dbus nas drang bar bya'o zhes drang srong legs thos kyis bshad do/ /mi yi long mo rna ba'i bar du gzhal/ /de yis brgyad pa rting pa'i cha bgos te/ /byin snying gnad kyi drang thad ma gtogs dbral/ /tshil
 ni dbyung bar bya zhes gzhan dag 'chad/ /ces bya ba la/ mi'i long mo nas rna ba'i rtse mo'i bar gzhal la de'i rting pa nas brgyad cha dor te byin snying gi gnad kyi drang thad ma gtogs pa/ de'i tshad gnyis tsam gtsags bus dbral la tshil dbyung bar bya'o zhes dang srong gzhan
 dag smra'o/ /rlung gyur sbu gur dugs byas la/ /dbral te a pa marga yi/ /sbu gu'i til dang rgyam tshar bcas/ /btags pa'i lde gus legs par bsku/ /zhes bya ba la/ rlung las gyur pa'i sbu gu'i rma la ni dugs byas la dbral te a pa marga la sogs pa'i lde gus
 bsku bar bya'o/ /mkhris pa las gyur til dang btsong / /nA ga dan+ti ser po gnyis/ /zhes bya ba la/ mkhris pa las gyur pa'i rma sbubs su gyur pa la ni tul la sogs pa'i lde gus bsku bar bya'o/ /bad kan las gyur rgyam tsha til/ /dan da nim pa lan tshwas bsku/ /
 zhes bya ba la/ bad kan las gyur pa la ni rgyam tsha la sogs pa'i sman btags pa'i lde gus bsku bar bya'o/ /zug rngu las byung dbral te dbyung / /til dang mar dang sbrang rtsis bsku/ /zhes bya ba la/ zug rngu las gyur pa'i rma 'khyims pa la ni dbral te zug rngu phyung la til
 dang mar dang sbrang rtsi'i lde gus bsku bar bya'o/ /mtshon dbral mi rung chu tshod kyis/ /legs par btsal te nang du dbug /thal sman la sbangs skud pa yis/ /rma tshol kha ni shas cher dral/ /zhes bya ba la/ mtshon gyis dbral du mi rung ba'i rma 'khyims pa la ni chu
 tshod kyis rma legs par btsal te nang nas phug la thal sman la sbangs pa'i skud pas rma tshol gyis btsal pa'i kha de shas char bskyed par bya'o/ /rma red kha ni dog pa dang / /phugs ring la yang sbyar bar bya/ /reng bu gang dang til mar gang / /de ni rma 'khyims la yang
 bsngags/ /zhes bya ba la/ rma rid cing kha phra ba la sogs pa la rma la phan par bshad pa'i til mar dang reng bu gang dag yin pa de 'khyims shing sbu gur chags pa la bsngags pa yin no/ /e raN+Da'i 'bras lde gus bsku/ /sbu gu'i rma sbyor byed mchog yin/ /zhes bya
 ba la/ eraN+Da'i 'bras bu chu thigs su byas pa'i lde gus bskus na yang sbu gu'i rma sbyor bar byed pa'i mchog yin no/ /rgya shug 'bras bu shun pa dang / /lan tshwa rgya skyegs bcas pa dang / /gla gor zho sha'i lo ma dang / /pri yang ku dang nu zho dang / /a rka snu ha'i 'o mar
 sbyar/ /reng bus rma 'khyims myur 'tshob byed/ /ces bya ba la/ rgya shug gi 'bras bu la sogs pa'i sman dang bud med kyi nu zho dang / /a rka dang / shing snu ha'i 'o ma dang sbyar ba'i reng bus kyang rma 'khyims shing sbu gur chags pa myur du 'tshob bar byed do/ /rgya mtsho'i tsha dang
 rtsabs ru tsha/ /lce myang tsha ni legs par bsregs/ /gla gor zho sha khyim dud pa/ a mra da ka seng ldeng gi /lo ma dzi na skyer ba gnyis/ /lde gus bsku ba sogs bsten na/ /skyabs med mi brtan skyes bu yi/ /'byor pa bzhin du 'grib par byed/ /
 ces bya ba la/ rgya mtsho'i lan tshwa dang rtsa bas ru tsha la sogs pa nas ser po rnam gnyis kyi bar lde gur byas te bskus na yang rma 'khyims pa'i sbubs sel bar byed de/ dper na skyes bu rang bzhin mi brtan zhing bag med par gyur pa de'i 'byor pa shin tu 'grib par byed pa dang
 mtshungs so/ /yan lag brgyad pa'i snying po'i rnam par 'grel ba tshig gi don gyi zla zer zhes bya ba slob dpon zla ba la dga' bas nges par sbyar ba las/ /phyi ma'i gnas kyi le'u sum cu pa'i rnam par 'grel pa'o// //de nas nad phra mo'i dmigs shes pa bshad
 par bya'o/ /bad rlung las gyur 'brum phran ni/ /snum zhing mdog 'dra drud pa can/ /nad med mung+ga 'dra ba ni/ /byis pa las skyes ra'i 'gram pa/ /zhes bya ba la/ bad kan dang rlung las gyur pa'i 'brum phran snum pa la sogs pa'i mtshan nyid can byis pa dag las gang
 zhig 'byung ba de ni ming ra'i 'gram pa zhes bya'o/ /de gnyis las byung shar gnas mthug /nas 'dra nas zhes bya ba yin/ /zhes bya ba la/ bad kan dang rlung de gnyis las byung pa'i 'brum phran la gnas pa mthug po nas 'dra ba ni ming yang nas 'dra ba'i 'brum phran
 zhes bya'o/ /'bras byer zlum po rtse mo med/ /rnag nyung rtag mtho 'bras byer yin/ /zhes bya ba la/ 'brum phran zlum po la sogs pa'i mtshan nyid dang ldan pa ni ming 'bras byer zhes bya'o/ /rmen bu lnga'am drug 'byung zhing / /rus sbal ltar mtho rus sbal
 yin/ /zhes bya ba la/ rmen bu'i 'brum phran lnga 'am drug 'byung zhing / dbyibs rus sbal ltar 'dug pa de ni ming rus sbal zhes bya'o/ /rna ba'i steng ngam kun tu ni/ /'brum phran sra zhing mi bzad na/ /ut+pal rtsa 'dra ba nas/ /zhes bya ba la 'brum phran gang rna ba'i steng ngam rna
 ba'i thog tu sra zhing shas che ra na pa dang / /ut+pa la'i rtsa ba lta bur skyes pa de mid pa nas zhes bya'o/ /skrang zhing cung zad na la brtan/ /'gram pa'i mtshams su de gnyis las/ /byung ba rdo yi bong bu yin/ /zhes bya ba la/ yang bad kan dang rlung gnyis las skrang zhing nad tshabs
 chung la brtan zhing sra ba 'gram pa'i mtshams su byung ba ni ming rdo'i bong bu zhes bya'o/ /sha lam li yi tsher ma 'dra/ /'brum phran nad bcas mthug po ni/ /nang na tshil yod lang tsho la/ /byung ba bzhin ni ma rungs byed/ /ces bya ba la/ yang bad kun dang rlung las byung pa'i
 'brum phran shing shal ma la'i tsher ma 'dra ba la sogs pa'i mtshan ma can lang tsho dang ldan pa la byung ba gang yin pa de ni bzhin ma rungs par byed pa zhes bya'o/ /bad kan rlung gyur pad+ma yi/ /tsher ma 'dra bas khyab gyur cing / /dka' zhing nad ni med pa dag /pad+ma'i tsher ma
 can zhes bya/ /zhes bya ba la/ yang bad kan dang rlung las gyur pa pad+ma'i tsher ma 'dra bas khyab par gyur ba de ni ming pad+ma'i tsher ma zhes bya ba ste/ ji ltar pad+ma'i tsher ma dkar po phra mos khyab pa lta bu'o/ /mkhris pa las gyur 'brum phran zlum/ /u dum wA ra'i 'bras
 smin 'dra/ /shas cher tsha zhing rims 'debs byed/ /gas pa kha bye zhes bya'o/ /zhes bya ba la/ 'brum phran gang mkhris pa las gyur pa u dum wA ra'i 'bras bu smin pa 'dra ba la sogs pa'i mtshan nyid can ni ming kha bye ba zhes bya'o/ /lus kyi nad dang gdong la ni/ /
 tsha zhing nad dang rims skyed cing / /sran chung tsam la de mdog can/ /'brum phran mthug po sran chung yin/ /zhes bya ba la/ lus kyi yan lag rnams dang / gdong la tsha ba la sogs pa'i mtshan nyid can gyi 'brum phran byung ba de ni ming sran chung zhes bya'o/ /de bas 'brum
 bu nad tshabs che/ /sdug bsngal byed pa 'brum bu yin/ /zhes bya ba la/ sran chung de bas kyang 'brum bu nad tshabs che ba la sogs pa'i mtshan nyid can ni ming 'brum bu zhes bya ba yin no/ /rlung mkhris las gyur 'brum bu'i nad/ /pad+ma'i snying po lta bu yi/ /'brum
 phran gyis ni phug pa yin/ /zhes bya ba la/ rlung dang mkhris pa las gyur pa'i pad+ma'i snying po'i dbyibs 'dra ba'i 'brum bu phra mos khyab pa ni ming phug pa zhes bya'o/ /de dag nyid skyed bong bu yin/ /zlum zhing rgya che mtho ba dang / /mdog dmar 'brum
 phran dag gis khyab/ /ces bya ba la/ rlung dang mkhris pa de gnyis las thor bu gang zlum zhing lhun che ba la sogs pa 'byung pa gang yin pa de ni ming bong bu zhes bya'o/ /phal cher rlung las mchan khung du/ /nye bar skyes pa mchan khung 'brum/ /zhes bya ba la/ 'brum phran gang
 phal cher rlung las gyur cing mchan khung gi phyogs su byung bar gyur pa de ni ming mchan khung zhes bya'o/ /mkhris pa las gyur 'brum phran ni/ /phra zhing mthug pa 'bras yos 'dra/ /zhes bya ba la/ mkhris pa las gyur pa'i 'brum phran gang phra zhing mthug la 'bras yos dang
 dbyibs 'dra ba ni ming 'bras yos zhes bya'o/ /de 'dra'i chen po gcig byung pa/ /dri can zhes ni grags pa yin/ /zhes bya ba la/ 'brum bu'i thor bu gang chen po gcig byung zhing 'bras yos dang dbyibs 'dra ba de ni ming dri can zhes bya'o/ /tsha ba'i rdul gyis lus gdungs
 la/ /'brum phran nad bcas stug po ni/ /dbyibs dang tshad mdog ske tshe 'dra/ /de ni ske tshe zhes bya'o/ /zhes bya ba la/ 'brum phran gang rdul dang tsha ba las byung ba nad dang bcas pa la sogs pa'i mtshan nyid can ni ming ske tshe zhes bya'o/ /mkhris pa shas che'i nad kyis ni/ /
 med pa la lta bur dal gyis mched/ /skrang zhing snum la sra bcing dmar/ /rim skyed dra ba'i bong bu yin/ /zhes bya ba la/ rlung la sogs pa'i nad mkhris pa'i shas che ba las med pa la lta bus rim gyis dal bu'i mched pa la sogs pa'i mtshan nyid can ni ming dra ba'i bong bu
 zhes bya'o/ /mkhris shas che ba'i 'brum bu ni/ /rim skyed shal gnod byed pa/ /mchan khung phyogs byung me'i mdog can/ /'dra ba de ni me skyed yin/ /zhag lnga'am ni zhag bdun nam/ /zla ba phyed nas srog 'phrog byed/ /ces bya ba la/ /nad gzhi gsum
 mkhris pa'i shas che ba la mchan khung gi phyogs su 'brum bu me'i mdog dang 'dra ba la sogs pa'i mtshan nyid can skyed pa gang yin pa de ni me skyed pa zhes bya ste/ des ni zhag lnga la sogs pa nas srog 'phrog par byed do/ /nad gzhi gsum skyes 'brum bu zlum/ /nam tshong yan chad
 skyes sa skor/ /zhes bya ba la/ nad gzhi 'dus pa las gyur pa'i 'brum bu gang zlum pa la sogs pa'i mtshan nyid can de ni ming sa skor zhes bya'o/ /mchan khung chu sor bi da ri'i/ /rtsa ba ltar sra bid ri/ /zhes bya ba la/ mchan khung dang chu sor bid ri'i rtsa ba ltar 'brum phran byung ba de'i ming ni bi
 da ri zhes bya'o/ /tshil dang bad rlung las gyur pa'i/ /rmen bu rtsa rgyus sha la gnas/ /brtol na mar zhag sbrang rtsi 'dra/ /'dzag gyur de la rlung shas che/ /sha skam rmen bur byas nas ni/ /gse gam lta bur skyed par byed/ /khrag ni dri mnam rnags pa dang / /kha dog sna tshogs 'byung ba yi/ /
 nad kyis de la khrag 'dzag pa/ /de ni 'brum bu gseg ma can/ /zhes bya ba la/ tshil la sogs pa las gyur pa'i rmen bu gang rtsa la sogs pa la gnas pa 'byung la/ de brtol na mar dang / zhag dang sbrang rtsi 'dra ba 'dzag par 'gyur la/ /de dag gi nang nas gal te rlung gi shas che na ni
 sha skam par byed pa nas sha'i rmen bu gseg ma lta bu skyed par byed cing / der dri ma la sogs pas khrag dri mnam pa la sogs pa'i mtshan nyid can de las 'dzeg par 'gyur ba'i nad de ni 'brum bu gseg ma can zhes bya'o/ /lag pa rkang mthil tshigs dang ni/ /nam tshong yan chad
 grog mo yi/ /mgo ltar rim gyis rmen bu ni/ /phra mo mang pos khyab byed la/ /na zhing tsha la g.ya' zhing 'drul/ /kun du skyes te grog mo'i mgo /zhes bya ba la/ lag pa dang rkang pa'i mthil la sogs par 'brum phran gyis khyab nas rim gyis rmen bur 'byung zhing de lta bu mang pos khyab par
 'gyur la na ba la sogs pa'i mtshan nyid can skyes pa gang yin de ni nad gzhi gsum las byung ba'i nad grog mo'i mgo bo zhes bya'o/ /rkang mthil gshags mas[(] thud [,]brud [)]pa'am/ /tsher ma sogs kyis snad pa yi/ /'brum bu phur ba ltar mtho ba/ /skyes te mdzer ba 'dra zhes bya/ /zhes bya ba la/
 tsher ma la sogs pas rkang pa brud pa'am/ snad pas phur pa lta bu'i thor bu skyes pa de'i mdzer pa 'dra ba zhes bya'o/ /shugs bkag pa yis rlung dag ni/ /gzhang dang rkang pa la gnas pa/ /phyi dang nang du rgyu byed pa/ /lam rgyu de las bshad pa ni/ /dka' bas 'byung bar
 byed pa'i nad / /gzhang 'gags pa zhes bya bar 'dod/ /ces bya ba la/ shugs bkag pa'i dbang gis gzhang gi phyi dang nang du 'khrugs pas/ bshang ba shin tu dka' bas 'byung bar byed pa ni gzhang 'gags pa zhes bya bar slob dpon rnams 'dod do/ /rlung mkhris kyis ni sen mo yi/ /
 nang gi sha smin nad skyed pa/ /ma snad nad dang tshim pa dang / /nye ba'i sen mo zhes bya'o/ /zhes bya ba la/ rlung dang mkhris pa 'khrugs pa las sen mo'i nang gi sha smin cing nad skyed pa ni ma snad pa'i nad dang / /tshim pa dang / nye ba'i sen mo zhes bya'o/ /snad pas gnad cing rtsub pa dang / sra
 ba sen mo ngan zhes bya/ /zhes bya ba la/ /sen mo gang snad pas gnag pa la sogs par gyur pa ni ming sen mo ngan pa zhes bya'o/ /'dam ni gnod byed la reg las/ /nad ni g.ya' zhing rnag bcas pa/ /sor mo'i 'bras 'byer zhes bya'o/ /zhes bya ba la/ sor mo'i 'dam gnod par byed pa la reg pas
 g.ya' ba la sogs pa'i mtshan nyid can 'byung pa gang yin pa de ni ming 'bras 'byer ba zhes bya'o/ /pags pa til 'dra gnag pa la/ /nad med byung gyur rme pa ste/ /de nyid 'bur ba mdzer pa yin/ /zhes bya ba la/ pags pa la gnas shing til 'dra ba la sogs pa'i mtshan nyid can de ni rme ba zhes bya'o/ /
 rme ba de nyid cher 'bur bar gyur pa ni 'dzer pa zhes bya'o/ /mdzer pa las kyang chen por gyur/ /dkar nag pags pa'i mdzer pa yin/ /zhes bya ba la/ mdzer pa las kyang shas cher mtho bar gyur cing mdog dkar nag tu gnas pa de'i ming pags pa'i mdzer ba chen po can zhes bya'o/ /de 'dra'i 'brum bu
 skyes pa ni/ /dmar po rgya skyegs nor bu yin/ /zhes bya ba la/ yang tshul mdzer pa sbom po 'dra ba 'brum bu chen po'i mdog dmar skyes pa'i ming ni rgya skyegs kyi nor bu zhes bya'o/ /dkar ba 'am gnag par lhan cig skyes/ /zlum pa 'am mtshan ma zhes bya'o/ /zhes bya ba la/ zlum po la mdog dkar pa'am
 gnag par gnas par skyes pa ni ming mtshan ma zhes bya'o/ /mya ngan khro dang rlung mkhris sogs/ /'khrugs te gdong ni srab 'gyur cing / /thig le nag po ngo shig can/ /zhes bya ba la/ mya ngan dang khro ba dang rlung mkhris pa la sogs pa las gdong la srab cing zlum pa byung ba gang yin pa de ni ming bo shig
 can zhes bya'o/ /gdong las gzhan byung khabs zhes bya/ /zhes bya ba la/ thig le tal til te gdong las gzhan du byung ba ni khabs zhes bya'o/ /rlung gyur ngo shig rtsub par snang / reg na rtsub cing gnag pa yin/ /zhes bya ba la/ rlung las gyur pa'i ngo shig ni rtsub par snang zhing reg na yang
 rtsub pa dang gnag pa yin no/ /mkhris gyur mtha' ma cung zad sngo/ /zhes bya ba la/ mkhris pa las gyur ba'i ngo shig ni mtha' ma dmar zhing cung zad sngo ba yin no/ /bad kan las gyur mtha' dkar g.ya'/ /zhes bya ba la/ bad kan las gyur pa'i ngo shig mtha' ma dkar zhing g.ya' ba yin no/ /
 khrag gyur mtha' ma zangs mdog can/ /skam zhing tsha ba tsag tsag byed/ /ces bya ba la/ khrag las gyur pa'i ngo shig ni mtha' dmar ba la sogs pa'i mtshan nyid can yin zhing yungs kar gyi lde gus bskus pa ltar tsha ba tsag tsag por byed pa yin no/ /rlung gis bad kan bslangs gyur pa/ /pags
 par phyin te skams gyur nas/ /de las pags pa skya 'gyur zhing / /rim gyis tshor ba med 'gyur la/ /g.ya' ba chung zhing 'drul ba med/ /bem po de ni tshor med yin/ /zhes bya ba la/ rlung gis bad kan bslangs shing skyed par gyur pa dang / de'i 'og tu pags par phyin nas skams par gyur pa
 dang / /pags pa skya bar 'gyur la rim gyis tshar ba med par 'gyur zhing / /'drul ba med pa de ni bem po lta bur 'dug pa'i phyir tshor ba med pa zhes bya'o/ /skyug sman nyes dang ma zhu dang / /bad mkhris lus la gnas bslangs bas/ /rab g.ya' zlum po gor gor po/ /dmar po mang du 'byung 'gyur
 zhing / rjes 'brel ldan pa zlum por bshad/ /ces bya ba la/ skyug sman gyi sbyor ba nyes pas ma zhu ba dang / /bad kan la sogs pa lus la gnas pa bslangs shing bskyod pas lus rab tu g.ya' zhing zlum po gor gor po mdog dmar ba mang du 'byung bar gyur pa de ni rjes su 'bral ba'i nad
 zlum po zhes bya bar drang srong dag gis bshad do/ /de ltar nad ni phra mo yi/ /dbye ba sum cu drug tu bstan/ /zhes bya ba la/ de ltar na nad phra mo'i dbye ba ni spyir sum cu rtsa drug yod do/ /zhes slob dpon gyis bshad cing bstan pa yin no/ /yan lag brgyad pa'i snying po'i rnam
 par 'grel pa tshig gi don gyi zla zer zhes bya ba slob dpon zla ba la dga' pas nges par sbyar ba las/ /phyi ma'i gnas kyi le'u sum cu rtsa gcig pa'i rnam par 'grel pa'o// //de nas nad phra mo'i gso ba bshad par bya'o/ /ra yi 'gram pa ma smin pa/ /srin bu pad pas khrag dbyung
 ngo / /zhes bya ba la/ ra yi 'gram pa zhes bya ba'i 'brum bu ma smin pa la ni/ /srin bu pad pa'i gtar gas khrag dbyung bar bya'o/ /nas 'dra dugs ni byas nas su/ thang shing ru rta ldong ros dang / /ba bla'i lde gu bskus te bzhu/ /zhes bya ba la/ nas 'dra ba zhes bya ba ni dang po dugs byas nas bzhu bar
 bya ba'i phyir thang shing la sogs pa'i lde gus bsku bar bya'o/ /rdo yi bong bu'ang de ltar gso/ /smin par 'gram rma ltar gso/ /zhes bya ba la/ rdo'i bong bu zhes bya ba ni bshad ma thag pa'i tshul du gso'o/ /ra'i 'gram pa zhes bya ba smin pa'i rma dang 'dra bar gso bar bya'o/ /bzhin gnod seng phrom
 'u su dang / /shu dag btags pa'i lde gu 'am/ /zhes bya ba la/ /bzhin la gnod pa'am ma rungs par byed pa zhes bya ba'i nad ni seng phrom la sogs pa'i lde gus bsku bar bya'o/ /n+ya gro d+ha yi 'o ma 'am/ /rgya star lo ma tsha sbyar bsku/ /zhes bya ba la/ yang na bzhin ma rungs par byed pa la n+ya gro d+ha la sogs pa'i lde
 gus bsku bar bya'o/ /des ma zhi na skyug sman dang / /sna sman dpral bar gtar ga gdab/ /ces bya ba la/ sbyor ba des kyang ma zhi na skyug sman la sogs pa'i sbyor ba bya'o/ /pad+ma'i tsher ma nim pa yi/ /khu ba 'am nim pa mar bskol bar/ /sbrang rtsi dang ni bcas pa blud/ /nim pa dong gar sbyar bas byug /ces bya ba la/ pad+ma'i
 tsher ma lta bu zhes bya ba la ni nim pa'i khu ba dang / nim pa dang mar bskol ba'i nang du sbrang rtsi dang bcas pa blud par bya ba 'am/ nim pa dang dog gar sbyar ba'i lde gus bsku bar bya'o/ /kha bye sogs nas dra bod par/ /sa skol bcas pa mkhris pa yi/ /me dpal lta bur gso bar bya/ /me skyed pa ni spang bar bya/ /zhes bya
 ba la/ kha bye ba nas sngo ba'i bong bu'i bar gyi 'brum phran sa skor dang bcas pa ni mkhris pa las gyur pa'i ming me dpal lta bur gso bar bya la/ me skyed pa zhes bya ba ni spang bar bya'o/ /dra ba'i bong bu smyung ba dang / /gtar ga gdab dang rtsub chos dang / /lus kyi sbyang ba skyu ru ra'i/ /sbyor ba'i bsil sman byug pas
 gso/ /bi da ri la khrag gtar zhing / /bad kan rmen bu lta bur gso/ /zhes bya ba la/ dra ba'i bong bu zhes bya ba ni rtag tu smyang ba byas pa dang / gtar ga gdab cing khrag dbyung ba dang / zas dang sman gyis rtsub chos bya ba dang / skyug sman la sogs pa'i sbyor ba la sogs pas gso bar bya'o/ /bi da ri la ni rngabs rwa la
 sogs pas khrag dbyung zhing bad kan gyi rmen bu ltar gso bar bya'o/ /gseg ma lta bu'i 'brum phran la/ /tshil gyi rmen du lta bur gso/ /zhes bya ba la/ gseg ma lta bu'i 'brum bu la ni tshil gyi rmen bu dang 'dra bar gso bar bya'o/ /grog ma'i mgo 'dra bu ga mang / /cher skyes skrang zhing gnad la gnas/ /
 rkang pa lag par byung ba spang / /zhes bya ba la/ grog ma'i mgo 'dra zhing phug mang ba la sogs pa ni spang bar bya'o/ /cig shos las ni khrag dbyung la/ /rgyam tshwa dong ga sle tres dang / /tsi tse rgya sran rtsa ba dang / /dan da til btags nas phyes bsku/ /zhes bya ba la/ /snga ma dang mi mthun par gnas pa'i
 grog ma lta bu'i 'brum phran ni gtar ga byas la rgyam tsha la sogs pas bsku par bya'o/ /smin pa la ni nad can/ /thams cad legs par sbyang bar bya/ /mtshon gyis bcad la de rjes la/ /thal sman yang na me yis bsreg /ces bya ba la/ grog ma 'dra ba'i smin pa la ni thams cad legs
 par sbyar ba la sogs pa bya'o/ /mdzer ba 'dra ba gtsags bu yis/ /ma lus bcad la snum gyis bsreg /ces bya ba la/ mdzer ba 'dra pa'i nad la ni gtsags bus kun bcad la/ de'i 'og tu mar bskol bas bsreg par bya'o/ /gzhang 'gags pa la nor bu ni/ /'gags pa lta bur
 gso bar bya/ /zhes bya ba la/ gzhang 'gags pa'i nad la ni nor bu 'gags pa ltar gso bar bya'o/ /nye ba'i sen mo sbyang ba yis/ /tsha pa bsal te mtshon gyis gso/ /zhes bya ba la/ nye ba'i sen mo zhes bya ba'i nad ni skyug sman la sogs par sbyang ba byas la/ /tsha ba bsal te/ mtshon gyis bcad
 pa'i las kyis gso bar bya'o/ /sen mo ngan la'ang de bzhin bya/ /zhes bya ba la/ /sen mo ngan pa zhes bya ba'i nad la yang bshad ma thag pa'i sbyor bas gso bar bya'o/ /rkang pa'i chu ser dag la yang / /'bras bu skyur bo nag tshur bcas/ /til dang gi'u wang nim pa yi/ /
 lo ma'i lde gus bsku bar bya/ /zhes bya ba la/ rkang pa'i chu ser gyi nad la ni 'bras bu skyur po kany+dzi zhes bya bas bkrus la nag tshur la sogs pas bsku bar bya'o/ /sme ba mdzer par bcas pa ni/ /me shel thal sman dag gis bsreg /yang na me btsa' gdab par bya/ /zhes bya ba
 la/ sme ba dang mdzer pa dag ni me shel lam/ thal sman nam me btsas bsreg par bya'o/ /de bzhin lpags mdzer rgya skyegs nor/ /mtshon gyis bcad de de bzhin gso/ /zhes bya ba la/ de bzhin du mdzer pa chen po dang rgya skyegs kyi nor bu zhes bya ba ni gtsags bus bcad
 de me shel la sogs pas bsreg par bya'o/ /mtshan ma can sogs gsum po la/ /nye ba'i phyogs la gtar ga gdab/ /ces bya ba la/ mtshan ma can dang khye ma yang 'dir bsdu/ ngo shig dang kha bas te gsum po ni nad gang na yod pa dang nye ba'i phyogs la gtar ga gdab bar
 bya'o/ /'o ma can shing myu gu shun/ /'o mar btags pas bsku bar bya/ /zhes bya ba la/ mtshan ma can la sogs pa gsum po la ni 'o ma can gyi shing gi myu gu dang shun pa 'o ma dang btags pas bsku bar bya'o/ /ngo shig a rdzu na'i shun pa'am/ /btsod dang sbrang rtsi sbyar ba yi/ /lde
 gu 'am rta dkar rmig pa ni/ /bsregs pa'i snag tsha mar sbyar bsku/ /zhes bya ba la/ ngo shig la ni a rdzu na'i shun pa'i lde gu la sogs pas bsku bar bya'o/ /tsan+dan dmar po btsod dang ni/ /ru rta seng phrom pri yang ku /sran chung n+ya gro d+ha'i myu gu/ /lde gus ngo shig sel byed cing / /bzhin
 mdangs gsal par byed pa yin/ /zhes bya ba la/ tsan+dan dmar po la sogs pa'i lde gus bskus na ngo shig la sogs pa sel bar byed do/ /zi ra gnyis dang til nag dang / yungs kar 'o ma bcas pa ni/ /btags pa'i lde gus gdong bskus na/ /ngo shig sel zhing zla 'drar byed/ /
 ces bya ba la/ za u0f72ra gnyis ni zi ra nag po dang dkar po'i dbyibs gnyis te/ /de la sogs pa'i lde gus bskus na ngo shig dang mtshan ma can gyi skyon med par byed de zla ba dang 'dra bar 'gyur ro/ /sran chung phub ma med pa brdos pa/ /'o ma sbrang rtsi mar btags bsku/ /zhes bya ba la/ yang na sran
 chung sbun pa med par byas te brngos pa 'o ma dang btags te sbrang rtsi dang mar dang sbyar bas bskus na yang gdong gi ngo shig la sogs pa'i skyon sel bar byed do/ /tsher ma rno ba'i shal ma li'i/ /'o mar btags pas bskus na'ang phan/ /zhes bya ba la/ yang na shal ma li'i tsher ma rnon po 'o ma dang
 btags la/ /gdong bskus nas yang ngo shig la sogs pa sel zhing bzhin zla ba dang 'dra bar byed do/ /rgya shug tshi gu bu ram bcas/ /sbrang rtsi ri bong khrag sbyar bsku/ /zhes bya ba la/ yang na rgya shug gi tshi gu la sogs pa'i lde gus bskus na yang yon tan snga ma dang 'dra'o/ /ru rta kha lung
 khu ba yi/ /nang sbangs sbrang rtsir bcas pa'am/ /zhes bya ba la/ yang na ru rta kha lung gi khu ba'i nang du zhag bdun sbangs pa'i lde gu dang sbrang rtsir sbyar ba bskus na yang yon tan dang 'dra'o/ /rkang mar rtsa ba ra'i 'o ma/ /sbrang rtsir bcas ba'i lde gu'ang phan/ /zhes bya ba la/ yang na rkang
 mar la sogs pa'i lde gus bskus na yang phan no/ /rkang mar rtsa ba ba lang rus/ /sbrang rtsi mar dang bcas pas bsku/ /zhes bya ba la/ yang na rkang mar gyi rtsa ba dang ba lang gi so lde gur byas la/ sbrang rtsi mar dang sbyar bas bskus na yang phan no/ /'dzam bu a mra'i lo ma dang / /ser
 po rnam gnyis zho ga chu/ /bu ram sa rab sbyar ba'am/ /tin du ka yi lo ma yi/ /khu bar btags pa'ang mdog gsal byed/ /ces bya ba la/ 'dzam bu dang a mra'i lo ma dang ser po rnam gnyis la sogs pa sbyar ba'i lde gu'am yang na tin du ka'i lo ma dang / shun pa rang gi
 khu ba dang bcas pa'i lde gus bskus na yang bzhin gyi kha dog gsal bar byed do/ /ut+lal sngo dang ru rta dang / /tsan+dan ser po bri yang ku/ /rgya shug tshig gu'i lde gu yis/ /gdong ni bskus zhing dril gyur na/ /pad+ma'i mdog dang 'dra bar byed/ /ces bya ba la/ ut+lal sngo po la
 sogs pa'i lde gus gdong bskus shing dri lan yang / /gdong pad+ma'i mdog dang 'dab ma 'dra bar 'gyur ro/ /tsan+dan ser po ni ka li yi ka ste/ /tsan+dan gsum pa'o/ /sman ni 'di dag btags pa dang / /shing mngar dang bcas bskol snum ni/ /nad gzhi ji bzhin ma lus la/ /
 btung dang bsku ba la sogs bya/ /zhes bya ba la/ lde gu'i don smos pa'i sman gong du smos pa 'di dag nyid dang / shing mngar dang bcas bar bskol ba'i snum nad gzhi dang dus la sogs pa ji lta ba bzhin du btung ba dang / bsku ba la sogs pa'i sbyor ba bya'o/ /nas dang seng phrom sra rtsi phog /
 sbra tshil sbrang rtsi pu shil tse/ /mar dang bu ram ba gcin ni/ /gzar bur chags kyi bar du bskol/ /de bskus pa yis sme pa dang / /ngo shig mdzer pa myur sel byed/ /gdong ni pad+ma 'drar byed cing / /rkang pa pad+ma'i 'dab 'drar byed/ /ces bya ba la/ nas la sogs pa nas ba gcin gyi
 par gzar bu la chags kyi bar gyi lde gus bskus na ngo shig sel bar byed pa la sogs pa'i yon tan skyed par byed do/ /gur gum shing mngar bu shel tse/ /tsan+dan ser dang rgya skyegs dang / /tsan+dan dkar dang n+ya gro d+ha'i/ /rkang pa gzhon nu shug pa dang / /de bzhin pad+ma ge sar dang / ut+pal
 sngon po btsod dang bcas/ /srang re chu bre bzhi nang du/ /bskol te bzhi cha lus pa ru/ /rgya skyegs btsod dang le brgan rtsi/ /shing mngar gur gum zho gnyis gnyis/ /phye ma til mar srang brgya dang / /de yi nyis 'gyur 'o ma bskol/ /de ni sna sman tshul bsten na/ /sme ba ngo shig skra dkar
 dang / /gnyer ma gdong gi dri ma sel/ /gdong gi sha rgyas mdog gsal byed/ /ces bya ba la/ /gur gum la sogs pa srang re ji skad smos pa bzhin du bsten na sme ba la sogs pa sel bar byed cing gdong gi sha rgyas pa dang / mdog gsal bar byed pa
 yin no/ /btsod dang seng phrom sha ba ri/ /rgya skyegs ldong ros du ba ri/ /gur gum ru rta ser po gnyis/ /gi'u wang tsan+dan rnam gnyis dang / /n+ya gro d+ha yi lo ma dang / /dngul chu rma shing tsan+dan ser/ /d+ha du ra yi shun pa yi/ /sa bon pad+ma ge sar dang / /sbra tshil spangs ma shug pa
 sogs/ /zhag dang 'o ma rkang dang mar/ /'o ma can shing 'o ma ni/ /bskol ba'i mar ni bskus gyur na/ /ngo shig gnyer ma sogs 'joms shing / /bzhin ni pad+ma'i mdangs 'drar 'gyur/ /zhes bya ba la/ sha ba ri ni ba ti ka ri 'dra'o/ /du pa ri ni a da ka'o/ /gzhan ni go bar zad de/
 btsod la sogs pa'i sman mar bskol ba'i tshul du bskol ba'i sman mar de btung ba dang / sna sman la sogs par bsten ngo shig dang khabs dang gnyer ma la sogs pa sel bar byed cing / bzhin ras zla ba'i mdangs dang ldan par byed do/ /bring ga ra dza'i khu bar ni/ /'o ma chu bskol sna sman
 bsngags/ /zhes bya ba la/ bring ga ra dza'i khu ba la sogs pa'i sna sman btang na yang phan no/ /pags pa tshor med la rlung gi /gso ba dang ni me btsa' bya/ /zhes bya ba la/ pags pa tshor ba med pa'i nad la ni rlung las gyur pa'i mdze nad kyi gso ba dang / me btsa' gdab par byas na phan no/ /lpags
 nad zlum por bad mkhris bshad/ /mdze nad sel ba thams cad phan/ /zhes bya ba la/ lpags nad zlum po kor kor por na ba la ni/ bad kan dang mkhris pa la phan pa'i sman thams cad dang / de bzhin du mdze nad la phan pa'i sman dang kha zas la sogs pa thams cad phan no/ /yan
 lag brgyad pa'i snying po'i rnam par 'grel pa tshig gi don gyi zla zer zhes bya ba slob dpon zla ba la dga' bas nges par sbyar ba las/ phyi ma'i gnas kyi le'u sum cu rtsa gnyis pa'i rnam par 'grel pa'o// //de nas gsang ba'i gnas kyi nad dmigs shes pa bshad par bya'o/ /
 bud med nyal po spangs pa las/ /mod la bsten par gyur pa'am/ /nad dang bcas shing dog pa la/ /dri ma can dang zla mtshan nam/ /skye gnas gzhan dang mi 'dod dang / /'grod min gsar du btsas pa dang / /dga' ba'i mthar ni dug can sogs/ /chus reg pa'am
 ma bkrus dang / /bskyed pa'i bsal bas sman rnon po'i/ /lde gu la sogs bskus pa dang / /khu tshur so dang sen mo dang / /gra ma dug can gyis reg dang / /shugs dag pa dang yun ring du/ /reg pa rtsub pas bdar pa'am/ /nad gzhi 'khrugs pas gsang bar zhugs/ /
 sos 'dzin lta bu la sogs nad/ /nyi shu rtsa gsum 'byung bar 'gyur/ /zhes bya ba la/ skyes pa bud med la 'khrig pa spyod pa'i nyal po spangs par gyur pa las mod la 'phral du bud med bsten cing spyod par gyur pa'am/ yang bud med nad dang bcas
 pa'am/ mtshan dog pa'am/ dri ma can zla mtshan 'dzag bzhin pa'am/ yang na skye gnas mi mthun par gyur pa gzhan dag gam/ bud med mi 'dod bzhin du nan gyis 'jug pa'am/ yang na bgrod par bya ba ma yin pa ste slob dpon kyi chung ma la sogs pa lta bu'am/ gsar du
 bu btsas par gyur pa dang / yang na dga' ba'i mtha' ste/ 'khrig pa spyad pa'i rjes la dug la sogs pa dang 'dres pa'i chus bkrus shing reg par gyur pa'am/ chus bkrus par ma gyur pa'am/ yang na pho mtshan bskyed par bya ba'i bsam pas sman rnon po'i lde gus pho mtshan la bskus
 pa dang / de bzhin du khu tshur ram so 'am sen mo dang gra ma dug can gyis reg par byas pa dang / de bzhin du bshad pa la sogs pa'i shugs dgag pa dang yang na yun ring du reg pa shin tu rtsub pas bdar bar gyur pa'am/ rlung la sogs pa'i gnad gzhi 'khrugs pas gsang ba zhes
 bya ba mtshan gyi nang du zhugs pa ste/ rgyu de dag gis sos 'dzin pa la sogs pa'i nad nyid shu rtsa gsum skyed par byed do/ /sos 'dzin lta bu 'dir lnga ste/ /nad gzhi re re khrag las gyur/ /'dus pa'i nad las gyur ba'o/ /zhes bya ba la/ 'dir de dag gi nang nas sos 'dzin pa'i
 nad rnam pa lnga ste/ rlung la sogs pa nad gzhi re re las gyur pa gsum dang / khrag las gyur pa dang / 'dus pa las gyur pa'o/ /de yang rlung gyur pho mtshan skrangs/ /nad mang rtag ldang lpags gas pa'o/ /zhes bya ba la/ de la sos 'dzin pa zhes bya ba rnam pa lnga las
 rlung las gyur pa'i sos 'dzin pa ni skrangs pa dang / /nad mang po sna tshogs kyis 'debs pa dang / rtag tu ldang ba dang / pags pa gas par 'gyur pa yin no/ /mkhris pa las gyur skrangs rims 'debs/ u dum+WA ra'i 'bras smin 'dra/ /zhes bya ba la/ mkhris pa las gyur
 pa'i sos 'dzin pa ni skrangs pa dang / rims kyis 'debs pa dang / skrangs pa'i mdog u dum+WA ra'i 'bras bu smin pa 'dra ba yin no/ /bad kan gyis mkhrang snum pa dang / /g.ya' zhing skrangs la lci ba yin/ /zhes bya ba la/ bad kan las gyur pa'i sos 'dzin pa ni pho mtshan nam mkhrang pa dang
 snum pa la sogs pa yin no/ /khrag gyur 'brum du nag po 'byung / /khrag 'dzag rims kyis 'debs par byed/ /ces bya ba la/ khrag las gyur pa'i sos 'dzin pa ni 'brum bu phra mo nag po 'byung bar 'gyur pa dang / de bzhin du khrag 'dzag pa la sogs pa yin no/ /
 'dus gyur mtshan nyid kun dang ldan/ /rlig 'bras gnyis kyang skrangs par byed/ /mi bzad na zhing ltung ba dang / /gas shing srin bu skye ba yin/ /zhes bya ba la/ nad gzhi gsum char 'dus pa las gyur pa'i sos 'dzin pa'i mtshan ma ni nad gzhi gsum char gyi mtshan nyid dang
 ldan pa dang / de bzhin du rlig pa'i 'bras bu gnyis kyang skrangs par byed pa dang / de bzhin brnag par dka' zhing mi bzad par na la ltung bar 'gur ba dang / srin bu rnams skye bar 'gyur ba yin no/ /de las khrag gyur 'tsho ba tsam/ /'dus pa las gyur 'chi bar byed/ /ces bya ba
 la/ lnga ba de dag la khrag las gyur pa'i sos 'dzin pa mi la btsam du re zhig 'tshor rung ba yin la/ 'dus pa las gyur pa ni gsor mi rung ba yin no/ /nang 'khrugs pa las pho mtshan gnas/ /sha khrag las ni pho mtshan gyi/ /phyi 'am yang na nang du ni/ /mdzer pa g.ya'
 bar byed pa 'byung / /khrag ni spyi bag 'dzag par byed/ /ces bya ba la/ rlung la sogs pa'i nad 'khrugs pa las pho mtshan gyi gnas su sha khrag la brten te/ de'i phyi rol bam nang du sha'i 'dzer pa g.ya' bar byed pa la sogs pa 'byung bar byed pa yin no/ /mo mtshan de
 'dra gdugs ltar 'dug / de ni 'brum nad/ /ces bya ba la/ de bzhin du mo mtshan du yang sha'i mdzer pa snga ma de dang 'dra bar 'dzer pa dang g.ya' bar byed pa la sogs pa la dbyibs gdugs ltar 'dug par 'gyur te/ mdzer pa'i nad de ni 'brum nad
 ces bya'o/ /ma gsos na/ pho mo'i khu khrag nyams byed gsod/ /ces bya ba la/ nad de dag gso bar ma byas na skyes pa'i pho mtshan nyams shing khu ba 'byung bar mi byed par gsod pa dang / /bud med kyi khrag nyams shing gsod par byed do/ /pho mtshan gyi
 ni phyi 'am nang / /bad kan khrag gyur 'brum phran ni/ /tshad dang dbyibs ni yungs kar 'dra/ /stug po'i yungs kar zhes byar bshad/ /ces bya ba la/ pho mtshan gyi phyi rol lam nang du bad+ma kan dang / khrag las gyur pa'i 'brum phran tshad dang dbyibs yungs kar 'dra ba stug por byung ba
 de ni/ yungs kar lta bu'i 'brum phran zhes bya'o zhes drang srong rnams kyis bshad do/ /bad kan khrag gyur 'brum bu ni/ /ring zhing mang por gyur pa la/ /dbus nas gas pa gang yin pa/ /de ni nges pa 'joms zhes bya/ /na zhing ba sbu brtse bar byed/ /ces bya ba la/ bad kan dang
 khrag 'khrugs par gyur pa las/ 'brum bu phra mo dbyibs ring zhing mang por 'byung bar 'gyur la/ des mtshan kyi dbus nas gas par gyur pa gang yin pa de ni ming nges par 'joms pa zhes bya ste/ de ni na ba dang ba spu brtse bar byed pa yin no/ /khrag mkhris las gyur 'dzam bu yi/ /
 rus pa ltar 'dug khong stong can/ /zhes bya ba la/ pho mtshan khrag dang mkhris pa las gyur pa'i 'brum bu 'dzam bu'i rus pa'am/ tshi gu 'dra ba myur du smin par byed pa 'byung ba gang yin pa de ni med khong stong can zhes bya'o/ /'bras byer gcin snyi 'dra shes bya/ /zhes bya ba la/ 'bras byer ba zhes bya
 ba'i mtshan nyid kyi nad ni rang bzhin gcin snyi ba dang 'dra bar shes par bya'o/ /khrag mkhris las gyur 'brum phran ni/ /ma sha mung+ga 'dra mchog yin/ /zhes bya ba la/ khrag dang mkhris pa las gyur pa'i 'brum phran mon sran rde'u'i dbyibs 'dra ba skyes pa gang yin pa de ni mchog ces bya ba yin par shes
 bar bya'o/ /pad+ma'i steng du ge sar bzhin/ /'brum bu 'brum phran gyis khyab pa/ /de ni pad+ma can zhes bya/ /zhes bya ba la/ /'brum bu gang mtshan gyi steng du pad+ma la ge sar byung ba lta bu'i 'brum phran gyis khyab pa gang yin pa de ni pad+ma can zhes bya'o/ /lag pa gnyis kyis rab mnyes pa/ /de ni mnyes
 pa'i 'brum bur 'gyur/ /zhes bya ba la/ mtshan lag pa gnyis kyis shin tu mnyes pa las 'brum bur gyur pa ni mnyes pa'i 'brum bu zhes bya'o/ /mtshan ni mnyes par gyur pa las/ /rlung 'khrugs gyur pa mnyes pa yin/ /zhes bya ba la/ mtshan ma lag pas yang dang yang
 du ma nyes nyes par gyur pa las rlung 'khrugs par gyur pa'i nad ni ming mnyes pa zhes bya'o/ /mi mnyam sra zhing yon por ni/ /rlung 'khrugs gyur pa gtun shing yin/ /zhes bya ba la/ rlung las gyur pa'i mtshan nad rang bzhin mi mnyam pa dang / sra ba dang yon por gyur pa ni drang srong
 rnams kyis gtun shing zhes bshad do/ /rlung gis mnyes pa la sogs pa'i/ /nad 'khrugs mtshan gyi pags pa ni/ /ldog cing tsha la nad bcas shing / /la lar shu ba dag tu 'gyur/ /'dus shing mdud pa chags pa ni/ /de yi nor bu thur du 'phyang / /pags pa ldog pa'i nad
 ces bya/ /zhes bya ba la/ rlung las mnyes pa la sogs pa'i nad 'khrugs par 'gyur pa dang / pho mtshan gyi pags pa phyir ldog cing nad dang bcas par gyur pa dang / la lar pags pa de shu ba byung bar gyur la/ de yang phyogs gcig tu 'dus shing mdud pa'am/ rmen bu
 chags pas mtshan de'i mgo bo nor bu zhes bya ba/ thur du 'phyang bar gyur pa de ni pags pa ldog pa'i nad ces bya'o zhes drang srong rnams kyis bshad do/ /bad kan bcas las g.ya' zhing sra/ /rma 'tshob dka' zhing pags pa gas/ /gas pa'i nad ces bya bar bshad/ /ces bya ba
 la/ pags pa de bad kan dang bcas pas g.ya' ba dang sra ba la sogs pa'i mtshan nyid dang ldan pa'i nad de ni gas pa zhes bya'o/ /rlung gis pags pa gnod 'gyur zhing / /nor bu 'byar zhing gcin 'gag 'gyur/ /de las rgyun phran nad med 'byung / /nor bu'i kha ni 'gags gyur
 pas/ /de ni nor bu'i nad ces bya/ /zhes bya ba la/ pho mtshan gyi pags pa la rlung gis gnod cing ma rung bar gyur pas/ nor bu'i phyogs su 'byar cing gcin gyi rgyun 'gags par gyur pa de nas gcin gyi rgyun phra zhing nad med par 'byung bar 'gyur la/ nor bu kha 'gags par
 gyur pa ni pho mtshan gyi rtse mo'i nor bu'i nad ces bya'o/ /bad kan las gyur mtshan gyi nang / /gra mas gang snyam mdud pa'i nad/ /ces bya ba la/ pho mtshan gyi nang gra mas gang ba snyam du sems pa'i nad de ni bad kan las gyur pa yin te/ de ni mdud pa can gyi nad
 ces bya'o/ /gra mas gnod pa'i khrag gi nad/ /tshor ba nyams pa de ming can/ /zhes bya ba la/ gra mas gang ba lta bu'i nad kyis khrag la gnod par gyur la/ des na tshor ba nyams par gyur pa de ni de'i ming can te tshor ba nyams pa zhes bya'o/ /rlung dang khrag mkhris las gyur
 pa/ /bu ga'i rtse mo phra ba yis/ /mtshan gyi nang ni kun tu khyab/ /de ni kha brgya pa zhes bya/ /zhes bya ba la/ mtshan gyi nang na bu ga phra mo dang ldan pas kun tu khyab par gyur pa'i nad rlung dang khrag dang mkhris pa las gyur pa de'i ming ni kha brgya ba zhes bya'o/ /khrag
 mkhris las gyur pags pa rnams/ /tsha zhing rims bcas pags pa smin/ /zhes bya ba la/ pho mtshan gyi pags par khrag dang mkhris pa las gyur pa'i nad rnags pa la sogs pa gang yin pa de ni pags pa smin pa zhes bya'o/ /'dus pa las gyur sha rnams
 ni/ /thams cad ngan pas smin pa yin/ /zhes bya ba la/ nad gzhi gsum 'dus pa las gyur pa'i nad pags pa rnags shing nad sna tshogs pa thams cad dang ldan pa ni ming sha smin pa zhes bya'o/ /'brum bu gnag cing dmar pa yi/ /'brum bu dag gis gnod gyur zhing / /pho
 mtshan shin tu na ba gang / /de ni khrag gi 'brum bu yin/ /zhes bya ba la/ mtshan gang la 'brum bu gnag pa la sogs pa dag gis gnod par gyur pa gang yin pa de ni ming khrag gi 'brum bu zhes bya'o/ /sha yi mdzer pa sngar bshad do/ /zhes bya ba la/ mtshan la sha yi mdzer
 pa skyes pa gang yin pa de ni sngar bshad pa yin no/ /khong 'bras nad gzhi gsum las skyes/ /zhes bya ba la/ mtshan la khong 'bras nad gzhi gsum las gyur pa 'byung ste/ /de yang sngar bshad pa yin no/ /'dus pas mtshan ni rnags gyur zhing / /sha ni
 nag por gyur pa dang / /kun nas zhig par byed pa gang / /de ni til nag ces brjod bshad/ /ces bya ba la/ 'dus pa'i nad 'khrugs pa las pho mtshan rnags pa la sogs par gyur pa gang yin pa de ni til nag ces bya'o/ /sha las gyur pa'i 'brum bu
 rnags/ /khong 'bras til nag ces bya'o/ /bzhi po 'di dag spang bar bya/ /lhag ma rnams ni myur du gso/ /zhes bya ba la/ mtshan gyi nad de rnams kyi nang nas sha'i 'brum bu la sogs pa bzhi bo dag ni yongs su spang bar bya'o/ /lhag pa nad bcu drug pa ni myur
 du gso bar bya'o/ /kha zas gnod pa zos pa dang / /mal stan mi bder nyal ba dang / /nyal po bsten ni drags pa dang / /nang na nad khrag sman gnod dang / /sa bon nyes pa rnam smin pas/ /mngal gyi nad ni nyi shur 'gyur/ /zhes bya ba la/ kha zas mi 'phrod pa la sogs pa'i rgyus mngal gyi nad nyi shu
 'byung bar 'gyur te/ kha zas gnod pa zos pa dang / mal stan mi bde ba la gnod pa dang bcas par nyal ba dang / 'khrig pa'i nyal po ha cang bsten drags pa dang / de bzhin du nad khrag can gyi zla mtshan 'dzag pa dang / gnod par byed pa'i sman bsten pa
 dang / sa bon nyes pa dang ldan pa dang / sngon gyi las ni mi dge ba byas pa'i rnam par smin pas nad du 'gyur ro/ /rlung gis mngal la gnod gyur bas/ /na zug yangs shing tshor ba med/ /grog mas khyab pa snyam du sems/ /sra zhing rtsub pa
 sgra dang bcas/ zla mtshan sla zhing lbu ba can/ /nyung zhing gnag pa 'dzag par byed/ /chu so rtsib logs lhod pa dang / /na zhing rim gyis skran bskyed la/ /rang ngan nyes pa de dang de/ /de ni rlung can yin zhes bshad/ /ces bya ba la/ /rlung
 gis nad 'khrugs par gyur pa las mo mtshan nam mang du na zhing zug par 'gyur pa dang / yangs shing kha 'bye ba dang / tshor ba med cing bem por 'dug pa dang / grog mas khyab cing rgyu ba snyam du sems pa dang / sra zhing rengs pa dang / rtsub pa
 dang / sgra dang bcas par byed pa dang / zla mtshan sla ba la sogs pa 'dzag pa dang / chu so la sogs pa lhod pa dang / lhang lhang por na ba dang / rim gyis gnas der skran skye bar 'gyur pa dang / de bzhin du rlung las gyur pa'i nad
 kyi nyes pa 'dir ma smos pas gzhan yang byed de/ nad de ni ming rlung can zhes bya'o/ /de nyid shas char spyad na skrang / /bcas pa nyal po drags zhes bya/ /zhes bya ba la/ rlung can gyi nad de nyid la shas cher nyal po spyad cing bsten drags na skrang ba dang bcas par
 'gyur te/ de ni nyal po drags pa'i nad ces bya'o/ /shin tu gzhon la 'khrig pa spyad/ /rgyab dang chu so byin par ni/ /na zhing mngal la gnod byed pa/ /de ni spyad sngas pa zhes bya/ /zhes bya ba la/ bud med shin tu gzhon pa la 'khrig pa spyad pas/ rgyab dang / chu so dang /
 byin pa na zhing / mngal lam mo mtshan la gnod par byed pa de ni spyad sngas pa'i nad ces bya'o/ /shugs 'khyil pa yi mngal du ni/ /rlung gis gnod par gyur pa las/ /zla mtshan lbu ba can 'byung ba/ /'khyil pa lta bur snang gyur pa/ /nad 'di 'khyil ba can zhes bya/ /zhes
 bya ba la/ gang gi tshe shugs bkag pa la sogs pa'i rgyus mngal du rlung gis gnod pa skyed par gyur pas zla mtshan lbu ba can 'byung bar 'gyur zhing / de yang dba' 'khyil ba ltar snang ba 'di ni 'khyil pa can zhes bya'o/ /gang tshe rlung ni rtsub pos bu/ /skye zhing skye zhing gsod
 byed pa/ /skyes nas gsod pa zhes byar bshad/ /ces bya ba la/ gang gi tshe rlung 'khrugs pa'i rtsub pa'i dbang gis mngal gyi nang du skye zhing skye zhing 'chi bar byed pa de ni skyes nas gsod pa zhes bya'o/ /'grangs drags mi mnyam gnas par ni/ /'dod pa spyad pas
 rlung 'khrugs shing / /gzhan gyis gnod par gyur pa las/ /mtshon gyi bu ga sha rus la/ /gnod gyur mngal ni yon por 'gyur/ /na gyur nang du kha bltas yin/ /zhes bya ba la/ bud med kha zas kyis 'grangs drags pa mi mnyam par gnas pa la 'dod pa sbyad pas
 rlung nad gzhan gyis bskyod cing gnod par gyur ba las/ mo mtshan gyi bu ga dang sha dang rus pas gnod par gyur pas yon por 'gyur te/ nad de'i ming ni nang du kha bltas pa zhes bya'o/ /kha zas rlung can bsten pa yis/ /zla mtshan rlung gis gnod gyur zhing / bud
 med mo mtshan zhum gyur bar/ /byed pa de ni khabs mig yin/ /zhes bya ba la/ kha zas rlung can bsten pa'i dbang gis rlung 'khrugs par 'gyur zhing / bud med kyi mo mtshan zhum par gyur pa de ni ming khabs mig can zhes bya'o/ /dus su shugs bkag rlung 'phel
 bas/ /bshang dang gci ba 'gag byed cing / /mo mtshan skam par byed pa dang / /shas cher na ba mngal skams yin/ /zhes bya ba la/ dga' bar sbyod pa'i dus su shugs bkag pas rlung 'khrugs te/ bshang ba dang gci ba 'gag par byed pa'i nad de ni mo mtshan
 skam zhing shin tu na bar byed pa yin pas na mngal skams pa zhes bya'o/ /zhag drug gam ni zhag 'dun nas/ /rlung gis mngal gnas khu ba 'byin/ /nad bcas pa 'am nad med pa/ /de ni khu ba slon zhes bya/ /zhes bya ba la/ bud med gang 'dod pa sbyad nas zhag drug
 gam bdun rlung gis mngal gyi gnas nas khu ba nad med pa 'am nad dang bcas pa 'byin par byed pa'i nad de ni khu ba slon pa zhes bya'o/ /bud med mngal dang sa bon gyi/ /nyes pa rlung gis gnod gyur zhing / /'khrig par mi dga' nu ma med/ /ma ning yin te gsor mi rung / /
 zhes bya ba la/ bud med kyi mngal du skyes pa'i sa bon gyi nyes par rlung gis nad skyed de 'khrig pa la mi dga' zhing skyes pa mi 'dod pa gyur pa dang / nu ma med par gyur pa ni ming ma ning zhes bya ste/ de ni gsor mi rung ba yin no/ /mngal gyi nang du rlung gis ni/ /gnod gyur mo mtshan
 khong khar gnas/ /bye ba'am lhod par gyur pa dang / /rlung can bzhin du na gyur pa/ /sha ni mtho bar gyur pa ste/ /mo mtshan che nad tshabs che bya/ /zhes bya ba la/ mngal gyi nang du rlung gis gnod pa byas nas/ mngal gyi kha dang khong bar gnas te mo mtshan bye ba'am/ /lhod
 lhod por gyur cing rlung can gyi nad ltar na ba dang / sha mthol mo mtshan che zhing rgyas par gyur pa ni/ mo mtshan che ba dang nad tshabs che ba zhes bya'o/ /mkhris pa mngal na gnas pa yi/ /nang gi nad gzhis gnod gyur pa/ /tsha ba'am rnags par byed 'gyur
 zhing / /dri mnam rims kyis 'debs pa dang / /shin tu tsha zhing ro ltar mnam/ zla mtshan sngo nag ser por 'dzag /nad de mkhris pa can zhes bya'o/ /zhes bya ba la/ mkhris pa rang gi gnod pa'i rgyus 'khrugs par gyur pa mngal na gnas pa de tsha ba la sogs zla mtshan 'dzag par 'gyur te/ /
 nad de ni mkhris pa can zhes bya'o/ /zla mtshan cher 'dzag khrag can yin/ /zhes bya ba la/ zla mtshan shas cher 'dzag pa ni ming khrag can zhes bya'o/ /bad kan skyed par byed pa yis/ /mo mtshan gnod gyur na ba med/ /grang zhing g.ya' la dkar ba dang / /spyi bag tu ni 'dzag par byed/ /nad de bad kan las
 gyur yin/ /zhes bya ba la/ bad kan skyed par byed pa'i kha zas la sogs pas bad kan 'khrugs te/ de'i dbang gis mo mtshan na ba med cing grang pa la sogs pa'i nad dang ldan pa ni bad kan can gyi mngal nad ces bya'o/ /rlung mkhris 'khrugs pas zla mtshan zad/ /tsha zhing lus skems mdog
 mi sdug / de ni khrag zad pa zhes bya/ /zhes bya ba la/ rlung dang mkhris pa 'khrugs pas zla mtshan zad pa la sogs pa khrag zad pa'i nad ces bya'o/ /mkhris pa shas che nyal po bsten/ /sbrid pa sgregs pa bkag pa las/ /mkhris par bcas pa'i rlung gis ni/ /mngal du gnod pa skyed
 par 'gyur/ /skrang zhing nyam thag reg mi bzod/ /zla mtshan sngo dang ser po 'byung / /pho ba'i lto ni lci ba dang / /'khru zhing yi ga 'chus par byed/ /chu so brlan ni zhing zug /rims skyed yongs rgyas nad ces bya/ /zhes bya ba la/ bud med mkhris pa shas che ba la nyal po bstan par 'gyur ba
 dang / sbrid pa sgregs pa bkag par gyur pa'i rgyu las mkhris pa dang rlung 'khrugs par gyur pas mngal du nad skyed par byed do/ /de ni skrangs pa la sogs pa'i mtshan nyid can gang yin pa de ni yongs su rgyas pa'i nad ces bya'o/ /rlung dang bad kan nad kyis khyab/ /mngal
 nas skya zhing sbyi bag 'dzag / nye bar 'dzag pa zhes bya'o/ /zhes bya ba la/ mngal du rlung dang bad kan gyi nad kyis khyab par gyur pa las skya ba la sogs pa 'dzag pa'i nad de ni nye bar 'dzag pa zhes bya'o/ /srin bu skyes zhing g.ya' bas 'dod pa
 la/ /rab gdungs de ni rnam par g.yeng zhes bya/ /zhes bya ba la/ mngal du srin bu skyes shing g.ya' ba la sogs pa'i mtshan nyid dang ldan pa de ni rnam par g.yeng ba zhes bya'o/ /dus min sbyod par gyur pas rlung / /bad kan khrag dang 'dres gyur te/ /zla
 mtshan lam ni 'gags byed de/ /mngal du lte ba skyed par byed/ /de ni pad+ma'i snying po yi/ /zhes bya ba la/ dus ma yin par spyad pa'i rgyus rlung 'khrugs shing bad kan dang khrag 'dres par gyur pa las mngal du zla mtshan 'gags par byas
 nas lte ba lta bur skyed par byed pa de ni pad+ma'i snying po can zhes bya'o/ /nad gzhi gsum ni mo mtshan gyi/ /mngal gnas rang rang gnod pa skyed/ /'dus pa las gyur nyes pa yin/ /zhes bya ba la/ rlung la sogs pa'i nad gzhi gsum [(]po [,]pho [)]mo mtshan dang mngal du
 gnas pa las rang rang gi gnod pa skyed cing nad 'byin pa ni 'dus pa las gyur pa zhes bya'o/ /de ltar bud med mngal nad kyis/ /khu ba 'dzin par mi byed de/ /des na mngal du bu mi chags/ /mi bzad nad kyang skye 'gyur zhing / /khrag 'byung gzhang 'brum skran la sogs/ /rlung sogs
 nad ni kun skyed byed/ /ces bya ba la/ tshul de ltar na mngal gyi nad rnam pa nyi shur bshad pa yin la/ des na bud med kyi mngal du sa bon 'dzin par mi byed de/ de'i phyir bu mi chags pa dang / mi bzad pa'i nad khrag 'byung ba dang / gzhang 'brum la sogs pa'i nad dang rlung las gyur pa'i
 nad thams cad skyed par byed do/ /yan lag brgyad pa'i snying po'i rnam par 'grel ba tshig gi don gyi zla zer zhes bya ba slob dpon zla ba la dga' bas nges par sbyar ba las/ phyi ma'i gnas kyi le'u sum cu rtsa gsum pa'i rnam par 'grel ba'o// //
 de nas gsang ba'i gnas kyi nad gso ba bshad par bya'o/ /sos 'dzin 'dra ba gsar byung la/ /pho mtshan dbus nas gtar ga gdab/ /bsil ba'i gso bas sbyang bar bya/ /khyad par du ni bkru sman gtang / /zhes bya ba la/ /sos 'dzin pa'i nang du skyes ma zug pa la ni
 rnags par mi 'gyur bar bya ba'i phyir/ /pho mtshan gyi dbus nas gtar ga gdab pa la sogs pa'i gso ba bya'o/ /smin na til gyi lde gu ni/ /sbrang rtsi mar dang bcas pa bsku/ /zhes bya ba la/ nad de gal te smin par gyur na gtsags bus brtol nas til gyi lde gu dang sbrang rtsi dang mar
 sbyar bas bsku bar bya'o/ /'dzam bu a mra klu shing dang / /nim pa kam po dza'i myu gu/ /rgya shug bil pas li ka/ /rgya skyegs ti ni sha shing shun/ /'o ma can gyi shing gi shun/ /'bras bu gsum ni chur bskol ba'i/ /khu ba de ni bkru ba dang / /de bskol til mar gyis rma 'tshob/ /
 ces bya ba la/ /gzhan yang 'dzam bu la sogs pa'i myu gu dang / rgya shug la sogs pa'i shun pa dang / 'o ma can gyi shing gi shun lpags dang / 'bras bu gsum sman khu ba bskol ba'i sbyor bas bskol la/ des sos 'dzin pa'i nad la bkru bar bya zhing / de dang bskol pa'i til mar
 gyis bsku bar bya'o/ /spangs ma seng phrom btsag yug snam/ /sug smel ldong ros ba bla dang / /nag tshur rgya tsha skyer khaN+Da/ /rgyam tsha ha re Nu ka yi/ /phye ma sbrang rtsi sbyar bas bsku/ /sos 'dzin lta bu'i rma 'tshob byed/ /ces bya ba la/ spangs ma la sogs pa'i sman ji skad smos
 pa'i sbyor bas lde gu byas pas bskus na yang nad de'i rma 'tshob par byed do/ /kham phor sbyar bar 'bras bu gsum/ /bsregs pa mar bcas rma 'tshob byed/ /ces bya ba la/ 'bras bu gsum kham phor kha sbyar gyi nang du bsregs pa'i phye ma mar dang bcas te bskus na yang rma 'tshob par byed
 do/ /'di ni spyi yi gso ba yin/ /re re skrang pa lta bur gso/ /zhes bya ba la/ gso ba 'di ni sos 'dzin pa lta bu'i spyi'i yin gyi/ /nad gzhi tha dad pa las gyur ba ni skrang pa'i nad ltar gso bar bya'o/ /sman pas ci nas rnags par ni/ /mi 'gyur de ltar 'bad par bya/ /rnags
 na rgyus pa rtsa dang sha / zhig pas pho mtshan ma rung 'gyur/ /zhes bya ba la/ sman pas sbyor ba thams cad kyis nad de rnags par mi 'gyur ba la 'bad par bya ste/ rnags na ni thams cad du ma rungs par 'gyur pa'i skyon yod do/ /'brum pa bcad dang bsregs pa yi/ /gso ba sos
 'dzin lta bur bya/ /zhes bya ba la/ mtshon gyis 'brum pa bcad pa dang / bsregs pa'i rma gso ba yang sos 'dzin pa dang 'dra bar bya'o/ /brud nas yungs kar bye zhib dang / /bskol sman phye mas gdab par bya/ /zhes bya ba la/ yang na de la dang por brud cing bzhar la/ yungs
 kar gyi phye ma zhib tu btags pa btab par bya ba dang / bskol sman snga ma'i phye mas gdab par bya'o/ /til mar de nyid kyis bsku zhing / /rma 'tshob pa yi gso ba bya/ /zhes bya ba la/ yang sman gyi phye ma de dang bskol pa'i til mar gyis bsku zhing rma gso bar bya'o/ /mnye gso
 ba ni 'di nyid bya/ /de dag gnyi gar gtar ga gdab/ /ces bya ba la/ yang sbyor ba 'di nyid ni mnye ba zhes bya ba mtshan gyi nad la yang bya la/ de bzhin du mnye ba yungs kar lta bu zhes bya ba gnyi ga la gtar gdab par bya'o/ /khong stong la ni gtar ga bya/ /rnags la rma ni dag
 par bya/ /tin tu ka dang 'bras bu gsum/ /seng phrom lde gu til mar bsku/ /zhes bya ba la/ khong stong zhes bya ba la ni dang por gtar ga gdab par bya la/ rnags pa la ni brtol te rma dag par byas nas/ tin tu ka la sogs pa'i lde gus bsku bar bya ba dang / yang na sman de nyid dang
 bskol ba'i til mar gyis bskus na rma 'tshob par byed do/ /'bras byer la ni gtar ga gdab/ /gso ba'i rim pa 'di nyid bya/ /zhes bya ba la/ /'bras byer ba la ni gtar ga gdab cing / /bshad ma thag pa'i gso ba 'di nyid bya'o/ /mchog ces bya ba'i 'brum bu ni/ /brtol te lcags
 kyus blangs te gcad/ /lde gu phye ma sman khu ni/ /sbrang rtsir bcas pas gso bar bya/ /zhes bya ba la/ mchog la ni gcad pa dang / /lde gus gso bar bya'o/ /mnye dang pad+ma can la ni/ /mkhris pa'i me dbal gso bar bya/ /zhes bya ba la/ mnye ba dang pad+ma can zhes bya ba la ni/ /
 mkhris pa las gyur pa'i me dbal gyi gso ba ji skad smos pa bya'o/ /pags smin tshor ba med pa la'ang / /pho mo'i gso ba 'di nyid bya/ /zhes bya ba la/ pags pa smin pa dang tshor ba med pa'i nad skyes pa dang / bud med gnyig la yang mkhris pa'i me dbal
 gso ba ji skad smos pa bya'o/ /mnye la dugs ni bya ba dang / /ba la'i sman mar dro 'jam blugs/ /mngar ba'i sman sbyar dkri dugs bya/ /zhes bya ba la/ mnye ba zhes bya ba'i mtshan gyi nad la ni dugs bya ba dang / ba la'i sman mar dro 'jam tsam blugs pa dang / mngar ba'i sman gyi sde tshan
 sbyar ba'i dkri ba'i dugs bya'o/ /gtun shing 'dra la gtar ga gdab/ /bad kan rmen bu lta bur gso/ /zhes bya ba la/ gtun shing 'dra ba la ni rngabs rwa la sogs pas khrag dbyung la/ de'i 'og tu bad kan las gyur pa'i rmen bu dang tshul mthun par gso ba bya'o/ /pags pa ldog la
 mar gyis bsku/ /sa lba la sogs snum gyur pas/ /zhag gsum mam ni zhag lnga ru/ /dkri ba'i dugs ni sbyad par bya/ /zhes bya ba la/ pags pa ldog pa'i mtshan gyi nad la ni mar gyis bskus la/ de'i 'og tu sa lba la sogs pa dugs kyi le'u las bshad pa bzhin du
 snum las zhag lnga'am zhag gsum gyi bar du dkri ba'i dugs bya'o/ /dugs bya de yi 'og tu ni/ /snum gyur pags pa drang bar bya/ /nor bu rim gyis btsir nas ni/ /chud nas nye bar dkri bar bya/ /nor bu yang yang snum tshes bya/ /kha zas snum can sbyin pa'ang phan/ /zhes bya ba
 la/ de'i 'og tu yang dugs byas la/ mar gyi snum chos byas te/ pags pa drangs la nor bu chud par bya'o/ /chud nas kyang yang dkri bar bya'o/ /yang na 'di la kha zas snum pa dang bcas pa yang sbyin par bya'o/ /gas pa la yang cho ga yi/ /rim pa ji bzhin byas pa'ang phan/ /zhes
 bya ba la/ bshad ma thag pa'i sbyor ba 'di ni gas pa zhes bya ba'i nad la yang sbyar bar bya'o/ /'gags pa sbu gu kha gnyis pa/ /rgya skyegs kyis ni dkris pa la/ /snum bskus bu gar bcug nas ni/ /rlung 'joms snum ni blugs par bya/ /zhes bya ba la/ nor bu 'gags par gyur
 ba la ni/ sbu gu kha gnyis pa rgya skyegs kyis bsgos pa la snum bskus pa bcug la/ rlung 'joms pa'i sman blugs par bya'o/ /sbu gu zhag ni gsum gsum nas/ /legs par skyed de spang bar bya/ /zhes bya ba la/ de'i 'og tu zhag gsum gsum nas sbu gu de bskyed de spang bar
 bya'o/ /sbu gu'i sbyor bas ma grub na/ /mkhas pas mdoms kyi srubs can ni/ /bor te mtshon gyis dral nas kyang / /de 'og rma gsar cho ga bya/ /zhes bya ba la/ de lta bu sbu gu'i sbyor ba ni gso bas grub cing / sos par ma gyur na/ sman pa mkhas pas srubs can ma gtogs par mtshon
 gyis dral la/ de'i 'og tu rma gsar pa gso ba'i cho ga ltar gso bar bya'o/ /rmen bur sbu gu'i dugs byas la/ /snum zhing dro bas dkri bar bya/ /zhes bya ba la/ rmen bu mdun pa can gyi mtshan gyi nad la ni sbu gu'i dugs kyis dugs byas la/ snum pa bro ba'i dugs kyis dkri bar bya'o/ /kha
 brgya ba ni bzhar nas kyang / /bska ba sbrang rtsir sbyar bas bsru/ /zhes bya ba la/ kha brgya pa zhes bya ba'i mtshan gyi nad la ni gtsags bus bzhar la sman ro bska ba dang sbrang rtsis bsku bar bya'o/ /khrag gi 'brum bu khrag gi ni/ /khong 'bras bzhin du gso bar bya/ /zhes bya ba la/ khrag gi
 'brum bu zhes bya ba'i nad la ni khrag las gyur pa'i khong 'bras dang 'dra bar gso'o/ /kun la rma yi gso ba ni/ /gnas skabs ji bzhin sbyar bar bya/ /zhes bya ba la/ mtshan gyi nad thams cad la yang gnas skabs dang sbyar te/ rma gso ba'i tshig sbyar ba dang / /lde gus bsku ba la
 sogs pa'i gso ba bya'o/ /mngal gyi nad la mang du ni/ /snum chos dugs dang mas gtong sogs/ /rlung 'joms pa yi gso ba bsngags/ /rlung las gyur la mchog tu sbyar/ /zhes bya ba la/ mngal gyi nad thams cad la ni phal cher snum chos dang / dugs la sogs pa'i rlung
 gso ba'i sbyor ba bya'o/ /de las kyang khyad par du rlung las gyur pa la ni lhag par bya'o/ /bud med kyi ni mngal gyi nad/ /rlung ma gtogs par 'byung mi 'gyur/ /de bas rlung ni bsal byas la/ /nad gzhan gyis ni gso sman bya/ /zhes bya ba la/ gang gi phyir nad de ni rlung ma yin pa gzhan
 las shas cher mi 'byung bas/ de'i phyir dang por de bsal la/ de'i 'og tu gzhag gso bar bya'o/ /ba la'i til mar blud bya zhing / /'dren ma skye de'i 'o ma blud/ /ces bya ba la/ yang bud med de la ba la'i til mar la sogs pa blud par bya'o/ /snum chos dugs
 byas te mngal/ /nyes par gnas pa mnyam du gzhag /yon po lag pas drang por bsrang / /zhum pa slar ni bskyed par bya/ /byung ba slar ni gzhug bya zhing / /gyes pa yongs su bzlog par bya/ /mngal ni gnas nas g.yos gyur pa/ /bud med zug rngur gyur par 'dod/ /
 ces bya ba la/ mngal nyes par gnas pa la snum chos la sogs pa bya ste/ de'i 'og tu lag pas mnyam du legs par gzhag pa dang / yon po ni drang bor bsrang bar bya ba dang / zhum pa bskyed pa la sogs pa bya ste/ gang gi phyir bud med kyi mngal rang gi gnas las
 g.yos bar gyur pa de ni zug rngu dang 'dra ba'i phyir ro/ /bud me la ni slon sman sogs/ /'jam pos yongs su sbyar bar bya/ /zhes bya ba la/ bud med mngal gyi skyon yod pa la ni slon sman la sogs pa'i las rnam pa lnga po 'jam pos gso bar bya'o/ /rnam pa kun tu dag gyur
 nas/ /'jam rtsi bsku byug sman bu blugs/ /byug dang ye'u gzhug pa sogs/ /gso ba'i las ni lhag ma sbyad/ /ces bya ba la/ bud med la rnam pa thams cad du sbyang ba byas nas/ de'i 'og tu 'jam rtsi la sogs pa'i gso ba lhag ma rnams bya'o/ /rgun 'brum
 tang ba la 'bras bu gsum/ /ka sa mar dang ser po gnyis/ /sle tres nye'u shing sher+ya ka /shu ka na ya ba spru ba/ /pa ru sha ka zho gnyis gnyis/ /mar ni bre gang bcas par bskol/ /de blud mngal gyi rlung nad dang / /bu skyed byed pa'i mchog yin no/ /zhes bya ba la/
 rgun 'brum la sogs pa'i sman gyi sbyor ba ji skad bshad pa'i sman mar blud na yang mngal gyi rlung nad sel ba la sogs pa'i yon tan dang ldan pa yin no/ /zi ra go snyid pi pi ling / /shu dag rgyam tsha ba sha ka/ /nas tshig 'khus thal ti mus/ /tsi tra ka dang kha rar bcas/ /btags te
 chang gi dngas mar sbyar/ /mar brngos de ni byin gyur na/ /mngal nad rtsib logs snying nad dang / /skrang dang gzhang 'brum sel bar byed/ /ces bya ba la/ zir la sogs pa'i sman gyi sbyor ba ji skad smos pa btang na yang mngal nad la sogs pa sel bar byed do/ /kha lung khu ba sha ka'i
 rtsab/ /zir nag po go snod dang / /sen rtsi rgyam tsha'i phye ma ni/ /chang dang sbyar te blud par bya/ /zhes bya ba la/ kha lung la sogs pa'i phye mchang dang sbyar te blud na yang phan no/ /ra sna gze ma ba sha ka /bskol ba gzer 'joms mchog yin no/ /zhes bya ba la/ yang na ra sna la
 sogs pa'i khu ba blud na yang phan no/ /sle tres dan da 'bras bu gsum/ /bskol ba'i khu ba 'ang blugs par bya/ /zhes bya ba la/ yang sle tres la sogs pa'i sman gyi khu ba bskol ba'i chu blugs na yang phan no/ /rgya spos kaN+Da ka ri dang / /ru rta rgyam tsha thang shing rnams/ /bskol
 ba'i khu ba til mar bskol/ /sbangs pa'i ye'us mngal nad sel/ /zhes bya ba la/ yang rgya spos la sogs pa'i sman dang / til mar bskol ba'i til mar la sbangs pa'i ye'u mngal gyi nang du bcug na yang phan no/ /mngal nad mkhris pa las gyur las/ /chu blugs bsku
 byug ye'u yi/ /gso ba bsil zhing mkhris 'joms pa/ /snum chos don du mar gyis bya/ /zhes bya ba la/ mkhris pa las gyur pa'i mngal gyi nad pa ni bsil zhing mkhris pa sel ba'i sman chu blugs pa la sogs pa bya ba dang / de bzhin du snum gyi cho ga yang zhun mar gyis bya'o/ /
 nye'u shing rtsa ba srang bzhi brgya/ /brdungs te btsir ba'i khu ba dang / /'o ma de mnyam mar bre ni/ /bzhi yin nang du bskol bar bya/ /'tsho byed sde tshan nye'u shing dang / /pa ru sha ka rgun 'brum dang / /bi la ya dang ba la gnyis/ /shing mngar zho ni gnyis gnyis phye/ /bskol te bsgrangs par
 sbrang rtsi dang / /pi pi ling ni srang brgyad brgyad/ /kha ra dkar po srang bcu gzhug/ /de las srang ni phyed byed sbyin/ /mngal khrag khu ba'i nad sel zhing / /ro tsa bu skyed byed mchog yin/ /glo rdol zad byed khrag mkhris dang / /lud pa dbugs mi bde ba dang / /mig ser rlung dang khrag dang
 ni/ /me dbal dang ni snying nad dang / /brjed byed kyis nyen da rgan dang / /myos byed skem byed 'joms par byed/ /ces bya ba la/ nye'u shing srang bzhi brgya'i khu ba dang / 'o ma de dang cha mnyam par bya ba dang / 'tsho byed kyi sde tshan dang / nye'u shing la sogs pa zho
 gnyis gnyis dang / mar bre bzhi bskol la bsgrungs pa'i nang du sbrang rtsi srang brgyad dang / pi pi ling srang brgyad dang / kha ra srang bcu bcug ste/ de las srang phyed phyed byin na mngal gyi khu bakhrag gi nad sel ba la sogs pa dang / smyo byed kyi bar gyi nad nges par 'joms par byed pa
 yin no/ /de bzhin 'o ma zhun mar dang / /'tsho byed sde tshan bskol ba ni/ /bu skyed mkhris las gyur pa'am/ /mngal nad sel ba'i dam pa yin/ /zhes bya ba la/ de bzhin du 'o ma dang zhun mar dang / 'tsho byed kyi sde tshan dang bskol ba'i sman mar byin na yang yon tan de dang 'dra zhing
 bu skyed ba dang mkhris pa'i mngal nad sel ba'i mchog yin no/ /ba la bre ni sum cu gnyis/ /bskol ba'i til mar mar bre bzhi/ /'o ma bzhi 'gyur pi pi ling / /ka ka na mi ka ra dkar/ dzi ban ti dang ram nye ba/ /s+thi ra nye'u shing zir gnyis/ /mon sran gre'u ba ya s+ya/ /
 ma sha ba r+Ni sra ba ni/ /pi lu'i lo ma lhan cig bskol/ /blud na rlung mkhris las gyur ba'i/ /mngal nad sel zhing bu skyed byed/ /ces bya ba la/ ba la bre sum cu rtsa gnyis la sogs pa ji skad bshad pa bzhin du bskol ba'i mar dang til mar de blud na rlung dang mkhris pa las gyur pa'i
 mngal nad sel bar byed cing bu skyed par byed pa yin no/ /khrag gi mngal nad khrag mdog las/ /rjes su 'brel ba brtags nas kyang / /nad gzhi bsags pa'i tshul las ni/ /khrag bcad pa yi sman gtang bya/ /zhes bya ba la/ khrag gi mngal nad la ni gtar ga'i cho ga las bshad
 pa'i tshul gyis nad gzhi'i mtshan nyid shes par byas la nad gzhi dang rjes su mthun pa'i khrag gcod pa'i sman gtang bar bya'o/ /shing mngar sbrang rtsi chu shing rtsa/ /ta la'i sa bon skyer pa'i rtsa/ /dri yang ku dang 'bras drus chu/ /sbyar ba blud na khrag 'dzag pa/ /mdog skya dmar po sel bar/ /
 byang / /ces bya ba la/ shing mngar la sogs pa sbyar ba'i chu blud na yang khrag 'dzag pa sel bar byed do/ /pa tha 'dzam bu a mra yi/ /tshi gu dang ni bra gzhun dang / /skyer pa'i khaN+Ta am baSh+Ta/ /btsod dang shal ma li'i thang chu/ /dug mo nyung gi shun lpags dang / /gur gum bil ba bong
 nga dkar/ /seng phrom gla sgang btsag yug snam/ /shing mngar tsan+dan dmar po dang / /kad pa la dang mA tsi ka/ /ka Tang+ka dang dug mi nyung / /byi tsher ba dang da ta ki/ /ma du ka dang stang zil ni/ /skar ma rgyal la bab pa la/ /btus shing btags te sbrang rtsi dang / /'bras kyi chur sbyar blud
 na ni/ /gzhang 'brum tsha dang par 'khru ba dang / /gang yang khrag tu 'khru ba dang / /gang yang srin bu'i nad rnams dang / /byis pa'i nad gang yin pa 'joms/ /mngal gyi nad dang zla mtshan nad/ /gnag cing dkar dang dmar ba sel/ /phye ma rgyal gyi rjes 'gro ba/ /phan zhes rgyun shes
 bu yis bshad/ /ces bya ba la/ 'dzam bu dang a mra'i tshi gu ni sha bor ba'i rus pa'o/ /a ma baSh+Ta ni ma yo ra sha kha'o/ /shal ma li'i thang chu ni mo tsa ras 'o/ /ka Tad+ka ni so na ka'o/ /gzhan dag gi go bar zad de/ ba ta la sogs pa'i sman de dag skar ma rgyal la bab pa'i tshe btus la
 btags te sbrang rtsi dang 'bras kyi chur sbyar te blud na ni gzhang 'brum la sogs pa'i nad sel par byed cing / /mngal gyi nad zla mtshan nag po 'dzag pa la sogs pa sel bar byed do/ /phye ma 'di ni rgyal gyi rjes su 'gro ba zhes bya ste/ /nad thams cad la phan pa yin no/ /bad kan las gyur mngal
 nad la/ /rtsub dang dro ba'i sman kun sbyar/ /zhes bya ba la/ bad kan las gyur pa'i mngal nad la ni zas dang skom dang sman dang spyod lam la sogs pa rtsub ba dang / /dro ba'i phyogs sbyar bar bya'o/ /skya ru'i lo ma da ta ki/ /shing mngar ut+pal lig bu mig/ /'dzam bu a mra'i tshi gu dang / /
 seng phrom sa nag kad pa la/ /se'u 'bru shing tsha tin+du ka /u dum lbAr bil ba gzhon/ /zho ni gnyis gnyis btags pa'i phyi/ /rag cin 'o ma nyis 'gyur dang / /til mar bre gang bskol bar bya/ /til mar bre gang bskol bar bya/ /de bsku ba dang 'jam rtsi dang / /ras bal ye'u gzhug par bya/ /skrang zhing phyir logs mtho
 zhing sra/ /de bzhin spyi bag 'dzag pa dang / /phyir 'bur nad du zhum pa dang / /'brum bu gzer dang bcas la phan/ /zhes bya ba la/ skyu ru ra'i lo ma la sogs pa'i sbyor ba ji skad smos pa'i tshul du bskol ba'i til mar bsku ba la sogs pa'i sbyor ba byas na mngal
 skrang ba la sogs pa'i nad la phan no/ /nas zan i ru sbyar chang dang / /bu ram chang dang til mar bsten/ /pi pi ling dang lcags phye dang / /a ru ra sbyar sbrang rtsi phan/ /zhes bya ba la/ /nas zan dang a ru ra sbyar ba'i chang bsten zhing / /bu ram chang la sogs pa bsten pa dang / /pi pi
 ling gi sbyor ba dang / /lcags phye'i sbyor ba dang / /a ru ra'i sbyor ba sbrang rtsi dang bcas pa btang na yang phan no/ /nag tshur rgyam tsha 'bras bu gsum/ /a mra 'dzam bu'i tshi gu bcas/ /data ka'i phye sbrang rtsir sbyar/ /sbyi bag 'dzag pa dag par byed/ /ces bya ba la/ nag tshur la sogs
 pa'i phye ma sbrang rtsi dang sbyar ba byin na yang mngal nas spyi bag 'dzag pa dag par byed do/ /rgya skyegs 'dzam bu da ta ki/ /mo tsa ra sa la mang gi/ /sra rtsi pog gi phye ma yis/ /dri mi zhim dang spyi bag 'dzag /rnags shing sra ba sel bar byed / /ces bya ba la/ rgya skyegs la sogs pa'i
 sbyor bas ni dri mi zhim ba la sogs pa'i sbyor ba sel bar byed do/ /dong ga la sogs sde tshan ni/ /bskol ba'i khu ba blugs par bya/ /zhes bya ba la/ yang dong ga la sogs pa'i sde tshan gyi khu ba blugs na dri mi zhim pa la sogs pa sel bar byed do/ /sra zhing rtsub par gyur pa la/ /mnyen pa'i
 cho ga bya ba dang / /sha brdungs pa yis glan pa dang / /kri sa ra dang 'o thug gzhug /ces bya ba la/ /mngal sra ba la sogs pa la ni sha brdungs te btsos shing spod btab ste glan pa dang / /de bzhin du til dang 'bras la sogs pa'i kri sa ra dang / /'o ma dang 'bras btsos pa'i 'o thug gzhug
 cing glan par bya'o/ /dri ngar til mar dri zhim pa'am/ /lde gu dri zhim bsku ba'am/ /dri bzangs kun gi phye ma'am/ /rul ba'i dri ni sel byed bzhug /ces bya ba la/ mngal dri mi zhim par gyur pa la ni dri zhim pa'i sman thams cad dang sbyang ba'i til mar ram lde gu'am phye mas bskus shing btang
 pas dri nga ba sel bar byed do/ /bad kan can la phal cher sman/ /tsha ba ba gcin mas gtong phan/ /zhes bya ba la/ mngal bad kan gyi nad shas che ba la ni sman tsha ba'i shas che ba ba gcin dang bcas shing sbyar ba mas gtong ba phan no/ /mkhris pa shing mngar 'o mar bcas/ /rlung gyur skyur
 bcas til mar phan/ /zhes bya ba la/ mkhris pa shas che ba'i mngal gyi nad la ni shing mngar dang 'o mar sbyar ba mas gtong ba phan no/ /rlung gi shas che ba'i nad la ni skyur ba'i bag dang lhan cig bskol ba'i til mar gyi mas gtong ba phan no/ /'dus pa las gyur nad la ni/ /thun mong gis
 ni gso ba phan/ /zhes bya ba la/ 'dus pa las gyur pa'i mngal nad la ni gso ba'i sbyor ba thun mong byas na phan no/ /de ltar mngal nad dag gyur na/ /sa bon skyon med tha mal bar/ /rnam par shes pa 'jug pas na/ /bud med la ni bu chags 'gyur/ /zhes bya ba la/ 'dus ba las
 gyur pa'i mngal dag pa dang ldan pa dang / sa bon zla mtshan nyes pa'i skyon med ba tha mal ba dang ldan pa la ni srid pa bar ma'i rnam par shes pa 'jug pas na/ /bud med gal te nad dang bcas pa yin na de lta bu la bu chags par 'gyur ro/ /skyes pa yi ni dbang po yang / /las rnam lnga yis
 dag bya zhing / /mdog las nad gzhi brtags nas ni/ /nad bcas de 'joms sman gyis gso/ /zhes bya ba la/ skyes ba'i dbang po yang las rnam pa lngas sbyang bar bya zhing / khu ba'i mdog las nad gzhi brtags la/ gal te nad dang bcas pa yin na ni/ nad rang rang sel zhing 'joms
 ba'i sman gyis gso bar bya'o/ /ru rta rgya spos shu dag btsod/ /'bras bu gsum dang kha ra dkar/ /shing mngar me da ser po gnyis/ /la la phud dang pu tse shel/ /shing mngar ram nye pa ya s+ya/ /a shwa gan+b+ha nye'u shing pa/ /zho ni gnyis gnyis btags pa'i phye/ /mar bre gang dang 'o ma ni/ /bzhi
 'gyur dang ni bcas pa bskol/ /blud na mngal dang khu ba yi/ /nyes pa thams cad sel byed cing / /tshe ring lus ni rgyas byed la/ /yid gzhungs pa dang bkra shis dang / /bu skyed par ni byed mchog yin/ /'bras bu'i sman mar zhes byar bshad/ /zla mtshan rgyu tshe 'thungs gyur na/ /bu ni
 'chi bar byed pa yang / /'tsho zhing sgrum ma rnams la bsngags/ /'di ni mchog tu byis pa yi/ /lus rgyas gdon 'joms byed pa yin/ /zhes bya ba la/ ru rta dang rgya spos la sogs pa'i sman sna re zho gnyis gnyis zhib tu btags pa'i phye ma mar bre gang dang 'o ma bre
 bzhi dang bskol te/ mar 'ba' zhig lus pa blud na mngal dang khu ba'i nyes pa thams cad sel bar byed cing tshe ring ba nas mngal du bu chags par byed pa'i mchog yin te/ 'di ni ming 'bras bu'i sman mar zhes bya bar bshad do/ 'di zla mtshan rgyu zhing mngal chags par byed pa'i dus su
 blud na bu 'chi bar byed na yang 'tsho zhing mngal chags par 'gyur ba 'am/ sbrum ma rnams la yang bsngags shing phan pa dang mar 'di khyad par du byis pa rnams kyi lus rgyas shing brtas pa dang / gdon 'joms par byed pa'i mchog yin no/ yan lag brgyad pa'i snying po'i rnam par 'grel
 pa'i tshig gi don gyi zla zer zhes bya ba/ slob dpon zla ba la dga' bas nges par sbyar ba las/ phyi ma'i gnas kyi le'u sum cu rtsa bzhi pa'i rnam par 'grel pa'o// //mtshon spyad kyis gso ba'i rgyud rdzogs so// //de nas dug nad gso ba bshad par bya'o/ /sngon ni lha dang lham
 yin/ /bdud rtsi 'dod pas bsrubs pa na/ /bdud rtsi 'byung ba'i sngon rol du/ /skyes bu shin tu 'jigs pa'i gzugs/ /mche ba bzhi pa gzi brjid 'bar/ /skra ser mig ni me 'bar ba/ /nge mthong 'gro ba sdug bsngal gyur/ /des na 'di ni dug ces bya/ /zhes bya ba la/ sngon
 thog mar lha dang lha ma yin bdud rtsi 'dod pa'i phyir 'o ma can gyi rgya mtsho bsrubs pa las/ /bdud rtsi 'byung ba'i sngon du skyes bu shin tu 'jigs pa'i gzugs can mche ba bzhi pa lus kyi gzi brjid che ba/ /skra ser zhing kham pa/ /mig me ltar 'bar ba zhig byung bar gyur la/ /de mthong bas 'gro
 ba rnams sdug bsngal bar gyur te/ des na 'di la ming du dug ces bya ba yin la/ de'i phyir de'i cha las byung ba sdug bsngal skyed par byed pa thams cad la yang dug ces bya ba yin no/ /tshangs pas hUM zhes brjod pa dang / /bslu ba'i bdag nyid can spongs te/ /gzugs de rgyu dang mi rgyu ba'i
 gzugs la de ni zhugs par gyur/ /zhes bya ba la/ de'i 'og tu tshangs pas hUM zhes brjod de tshar bcad pa dang / /sdug bsngal bar byed pa'i bslu ba'i bdag nyid can de rang gzugs sbangs te gnod par byed pa'i gzugs de rgyu ba dang mi rgyu ba'i gzugs la zhugs par gyur to/ /brtan dug
 nus pa mi bzad par/ /sdong bu la ni gnas pa gang / /ka la ku ta dbang po'i bu/ /btsan dug ha la ha la sogs/ /zhes bya ba la/ dug de sdong bu la sogs pa la gnas par gyur ba gang yin pa de ni nus pa mi bzad cing rang bzhin brtan par gyur pa ka la ku ta dang / /dbang po'i bu
 ste i n+d+ra bad tsha dang / /btsan dug ste sring gi dang / /ha la ha la la sogs pa'i dug tu gyur pa ni sems med cing brtan la mi g.yo ba'i gzugs la gnas pas na/ /brtan pa'i dug ce 'am mi rgyu ba'i dug ces bya'o/ /rgyu ba'i dug ni mi bzad gyur/ /sbrul dang phag dang mche ba can/ /
 zhes bya ba la/ dug mi bzad pa gang sbrul dang srog chags phag dang / /mche ba can la sogs pa la gnas pa'i dug de ni sems can la brten pa yin pas rgyu ba'i dug ces bya'o/ /rgyu ba dang ni mi rgyu ba'i/ /bcos ma ma yin dug tu bshad/ /ces bya ba la/ de ltar rgyu ba dang mi rgyu ba'i dug
 ni bcos ma ma yin pa'i dug ces bya ste/ rang bzhin gyi dug yin ba'i phyir ro/ /bcos ma sna tshogs sman la ni/ /sbyar ba sbyar ba'i dug ces bya/ /zhes bya ba la/ gang dug tu gyur ba'i sman sna tshogs pa la sogs ba sbyar ba ni bya ba'i las kyis bsgrubs pa yin pas na/ sbyar ba'i dug
 ces bya ste/ bcos ma'i dug kyang de nyid yin no/ /de ni sbyor ba'i dbang las ni/ /shin tu ring nas gsod pa'am/ /skrang dang skya rbab dmu rdzing dang / /smyo byed gzhang 'brum la sogs skyed/ /ces bya ba la/ sbyar ba'i dug de ni sbyor ba'i dbang gis dug yun ring zhig na gsod par byed pa'am
 skrang ba la sogs pa'i nad skyed par byed ba yin no/ /rno dro rtsub cing dang ba dang / /khyab cing myur gsod yang ba dang / /'dar zhing phra la ro mi gsal/ /'ju bar mi byed pa yin no/ /zhes bya ba la/ dug de ni rno ba la sogs pa'i mtshan nyid bcu po de dang ldan zhing 'ju bar mi byed pa yin no
 rno sogs yon tan dang ldan pas/ /de ni mdangs las go bzlog yin/ /mi ni rlung mkhris shas che ba/ /srog ni 'phral du 'phrog par byed/ /ces bya ba la/ dug de ni rno ba la sogs pa yon tan bcu dang ldan pas mdangs kyi yon tan las go bzlog par
 gyur pa yin la/ /de bzhin du mi rlung dang mkhris pa shas che ba dag ni srog mod la 'phrog par byed pa yin no/ /dug gis lus su phyin pa dang / /dang por khrag la gnod par byed/ /bad kan mkhris pa rlung rjes la/ /nad gzhi grogs dang lhan cig 'byung / /zhes bya ba la/ /gang gi
 phyir dug gis lus la phyin cing song ba na/ /dang por khrag la gnod par byed nas/ /de'i rjes la bad kan dang mkhris pa dang rlung la gnod par byed de/ /nad gzhi gsum cha mnyam pa la ni bad kan la sogs pa la gnod cing lhan cig 'byung bar byed do/ /de nas snying la gnas
 nas ni/ /lus la gnod pa byed par 'gyur/ /zhes bya ba la/ de nas dug de snying la gnas nas lus 'joms shing gnod par byed par 'gyur ro/ /mi rgyu'i dug ni btang gyur na/ /lce gnag lus ni rengs pa dang / /brgyal dang slon dang sdang dang ngal/ /gnas skabs dang
 por 'byur bar 'gyur/ /zhes bya ba la/ de nas dug de snying la gnas nas lus 'joms shing gnod par byed/ /'dug par gyur nas dug gi shugs dang po la lce gnag cing lus rengs pa la sogs par 'gyur ro/ /gnyis par 'dar zhing rngul ba dang / /tsho zhing lkog ma na ba
 dang / /dug gis ma zhu'i gnas phyin na/ /snying ni na bar byed par 'gyur/ /zhes bya ba la/ dug gi shugs gnyis pa la ni lus 'dar ba dang / /rngul la sogs pa 'byung zhing shugs de'i tshe dug gis ma zhu ba'i gnas su phyin pas lhag par yang snying na bar byed do/ /gsum par rkan
 ni skams pa dang / /ma zhu'i gnas su shin tu gzer/ /de'i mig nyam chung ser ba dang / /skrang ba nyid du 'gyur ba dang / /zhu ba'i gnas phyin zug pa dang / /skyigs bu lud pa rgyu ma 'khrugs/ /zhes bya ba la/ dug gi shugs gsum par ni rkan skams pa la sogs pa dang / /nad
 pa de'i mig nyam chung zhing ser ba la sogs par 'gyur ba yin no/ /dug gi shugs ni bzhi pa la/ /mgo bo lhag par lci bar 'gyur/ /zhes bya ba la/ dug gi shugs bzhi pa la ni mgo bo lhag par lci bar 'gyur ro/ /lnga par mchil snabs 'dzag pa dang / /lhu tshigs nab 'byung
 'gyur la/ /mdog mi sdug cing nad kun 'khrugs/ /zhu ba'i gnas kyi 'og tu na/ /zhes bya ba la/ dug gi shugs lnga par ni lhu tshigs na ba la sogs pa dang / /rlung la sogs pa'i nad kun 'khrugs pa dang / /zhu ba'i gnas kyi 'og tu lhag par na bar 'gyur ro/ /drug par
 'du shes nyams pa dang / /shin tu 'khrul bar byed par 'gyur/ /zhes bya ba la/ drug par ni 'du shes nyams pa la sogs par 'gyur ro/ /bdun par phrag gong rgal tshigs dang / /dpyi tshigs bye na 'chi 'gyur yin/ /zhes bya ba la/ dug gi shugs bdun pa la ni rgal
 tshigs na ba la sogs par 'gyur ro/ /dug gi shugs ni dang po la/ /slon zhing chu grang dag gis gtor/ /mar dang sbrang rtsir bcas pa yi/ /dug gi sman ni myur du blud/ /ces bya ba la/ dug gi shugs dang po la ni slon sman la sogs pa bya'o/ /gnyis par skyug sman
 bkru sman gtang / /snga ma bzhin du dug sman blud/ /ces bya ba la/ dug gi shugs gnyis pa la ni bkru sman dang skyug sman btang la snga ma bzhin du dug gi sman zhun mar dang / /sbrang rtsi dang sbyar ba sbyin par bya'o/ /gsum bar dug gi sman blud cing / /de bzhin mig sman sna sman gtang / /
 zhes bya ba la/ dug gi shugs gsum pa la ni dug sman blud pa la sogs pa bya'o/ /bzhi par snum dang bcas pa yi/ /dug gi sman ni btang na phan/ /zhes bya ba la/ bzhi pa la ni dug gi sman la sogs pa sbyin par bya'o/ /lnga par shing mngar khu ba dang / /sbrang rtsir sbyar ba blud na
 phan/ /zhes bya ba la/ dug gi shugs lnga pa la ni dug sman shing mngar la sogs pa blud par bya'o/ /drug par 'khru ba lta bur gso/ /zhes bya ba la/ dug gi shugs drug pa la ni 'khru ba'i gso ba ji skad smos pa ltar bya'o/ /bdun par sna sman dud pa dang / /sbyi bor rgya gram byas
 nas ni/ /sha 'am khrag ni gzhug bar bya/ /zhes bya ba la/ dug gi shugs bdun pa la ni sna sman gyi dud pa bdug pa dang / sbyi bor rgya gram byas te batral la sha dang khrag der gzhag par bya'o/ /ko sha ta ki lang ga li/ /pa tha lcam pa a ru ra/ /sA lu sle tres
 shi ri sha / gi ri kar ni yung ba dang / /a hA sbrang rtsi ba spru ba/ /bri ha ti gnyis tsha ba gsum/ /shi ri ba dang ba la ste/ /'di rnams bskol ba'i khu ba dang / /bskol ba'i nas thug bsgrangs par ni/ /sbrang rtsi mar dang bcas pa gzhug /gnas skabs gzhan la dug 'joms ba'i/ /sman
 dang gso pa thams cad bya/ /zhes bya ba la/ /ko sha ta ki la sogs pa bskol ba'i khu ba dang / /nas thug byas pa las bsgrangs te sbrang rtsi la sogs pa bcug nas/ /skabs gzhan du zhes bya ba nas skabs kyi bar du dug 'joms pa'i sman nas thug de dang / /skyug sman la
 sogs pa thams cad bya'o/ /shing mngar tsan+pan ma du ka /pad+ma ge sar de bzhin bya/ /zhes bya ba la/ de bzhin du shing mngar la sogs pa bskol ba'i khu ba dang nas thug byas te bsgrangs par sbrang rtsi dang / /mar bcug pa'i dug sman gnas skabs kyi bar du gtang bar bya'o/ /
 dngul rdo rgya spos ru rta dang / /ba bla ldong ros pri yang ku/ /tsha ba gsum dang 'bu su hang / /nA ga puSh+pa ge sar bcas/ /shing mngar spang spos ha re Nu/ /gi'u lbang mon sne'u rme ru dang / /shi ri beSh+Ta sra rtsi pog/ /shu ti gur gum ba la dang / /bal bu ta ma li'i lo ma/ /stag pa dang ni me
 shel lci/ /ser bo gnyis ni sbrang rtsir sbyar/ /bu mo khrus dang smyung ba byas/ /gos dkar bgos pa byas nas ni/ /dge sbyong bram ze mchod byas te/ /dug sman mchog ni sbyar bar bya/ /de tshe sman pas sngags 'dis ni/ /bdag nyid bsngags te brjod par bya/ /skyes bu seng ger
 phyag 'tshal lo/ /sred med bu la phyag 'tshal lo/ /ji ltar khyab 'jug g.yul ngor ni/ /gzhan gyis pham par ma mthong ste/ /bden pa'i tshig ni 'di yis kyang / /bdag la dug me grub par shog /na mo be+eDU r+ya ya ma de/ /hu T+ya hu T+ya rak+Sha mAM/ /sarba bi she b+h+yaHgo+o ri
 gan+ng+ha ri tsa N+Da li ma tang gi swA hA/ /'thag pa'i sngags gnyis pa ni/ ha ri ma ye swA hA/ /zhes bya ba la/ dngul rdo la sogs pa sman bu mo khrus dang gtsang sbrar bcas pa smyung bar gnas pa gos dkar po bgos pas dang po dge sbyong dang bram ze la mchod pa byas te/ skar ma rgyal la bab
 pa na/ dug sman gyi mchog 'di sbyar bar bya zhing sbrang rtsi dang bsre bar bya'o/ /de nas de'i sman pas sngags dang tshigs su bcad pa 'di dag gis bsngags te/ skyes bu seng ge zhes bya ba nas swAhA'i bar du brjod par bya'o/ /de bzhin du 'thag pa'i tshe yang sngags gnyis pa ba
 ha mA ye swA hA/ /zhes bya ba brjod par bya'o/ /ma lus dug dang ro langs dang / /gdon gyi las dang sdig pa dang / /gsod byed nad dang mu ge dang / /'thab par 'dod dang 'jigs pa la/ /sman btung sna sman mig sman bsku/ /gdu bu la sogs la sbyar bya/ /'di ni zla shar zhes
 bya ste/ /zhi dang bde legs byed mchog yin/ /zhes bya ba la/ dug sman 'di ni ming zla ba shar ba zhes bya ste/ ma lus pa'i dug dang ro langs la sogs pa zhi bar byed pa nas/ 'jigs ba'i bar la sna sman la sogs pas btang na/ zhi ba dang bde legs dam pa'i mchog
 yin no/ /dug rnying dug sel sman gyis zil mnan pa/ /nags me rlung dang nyi tshan gyis skams pa 'am/ /rang bzhin gyis ni yon tan mi ldan pas/ /nyams pa'i dug ces bya ba'i dug tu 'gyur/ /zhes bya ba la/ dug gang rnying par gyur pa 'am/ dug sel ba'i sman gyi
 zil gyis mnan pa'am/ yang na nags kyi me dang rlung la sogs pas skams pa'am/ yang na rang bzhin gyis rno ba la sogs pa'i yon tan dang mi ldan pa ni nyams pa'i dug ces bya bar 'gyur ba yin no/ /'di ni nus pa chung bas mi rtogs te/ /bad kan dang 'dres lo ni mang
 por gnas/ /zhes bya ba la/ nyams pa'i dug ces bya ba 'di ni nus pa chung ba'i phyir 'di ni 'phral du gsal bar mi rtogs te/ /gal te bad kan dang 'dres na ni lo mang po'i bar du yang gnas par 'gyur pa yin no/ /des nye na gyur pa mdog ngan 'khru bar byed/ /nad khrag skom dang
 yi ga 'chus pas nyen/ /brgyal zhing slon la rnam rmongs skad 'dzer dang / /dug gi dmu rdzing mtshan mas gnod par 'gyur/ /zhes bya ba la/ nyams pa'i dug des nyen par gyur pa'i skyes bu ni mdog ngan pa dang / bshang ba 'khru bar gyur pa dang / /
 nad khrag dang bcas pa dang / skom dad dang yi ga 'chus pa'i nad gnyis kyis nyen pa dang / brgyal zhing myos pa dang / slon zhing skyugs pa dang / sems rnam par rmongs zhing skad ngar ngar por 'dzer ba dang / dug las gyur pa'i dmu rdzing gi mtshan ma gang dag yin pa dag
 dang ldan par 'gyur ro/ /ma zhu'i gnas brten bad kan rlung nad skyed/ zhu ba'i gnas brten mkhris dang rlung nad skyed/ /mi yi yan lag zhig cing skra 'byi bas/ /ji ltar bya ni spu btogs pa lta bur byed/ /ces bya ba la/ nyams pa'i dug de ma zhu ba'i gnas la brten pa ni
 bad kan dang rlung gi nad skyed par byed la/ zhu ba'i gnas la brten na ni mkhris pa dang rlung gi nad skyed par byed pa dang / /mi'i yan lag zhig cing skra 'byi bas na/ ji ltar bya sgro gshog dang spu btogs pa lta bur byed pa yin no/ /dngas ma'am khrag la gnas par
 byed na ni/ /lus zungs las byung nad ni sna tshogs skyed/ /ces bya ba la/ yang na gnod pa'i dug de dngas ma la sogs pa la gnas na ni lus zungs la brten pa'i nad rnam pa tha dad pa skyed par byed do/ /mdun gyi rlung dang ma zhu grang / /yul dmus gnod zas nyil par
 nyal/ /lus zungs gnod par byas pa na/ /de bas gnod pa'i dug ces bshad/ /ces bya ba la/ mdun nas ldang ba'i rlung dang ma zhu ba dang / grang ba la sogs pas lus zungs la gnod pa na dug de lhag par gnod par byed pas na/ de'i phyir nyams pa'i dug la gnod
 pa'i dug ces kyang bya'o/ /gnod pa'i dug nyen dugs byas la/ /steng dang 'og nas sbyang bar bya/ /gnod pa'i dug ni sel ba'i sman/ /sbrang rtsi sbyar te lde gu sbyin/ /zhes bya ba la/ gnod pa'i dug gam nyams pa'i dug gis nyen pa'i mi ni dang por legs par dugs byas
 la/ skyug sman dang bkru sman gyis steng 'og sbyangs la/ gnod pa'i dug 'joms pa'i sman sbrang rtsi dang sbyar ba sbyin par bya'o/ /pi pi ling dang bya ma ka/ /sbang spos seng phrom sug smel dang / /ku tan na ta sa rdzi ka /ru rta shing mngar tsan+dan dang / /yug snam btsag dang
 bcas ba'i sman/ /gnod pa'i dug sel zhes bya ste/ /gzhan yang zlog par byed pa yin/ /zhes bya ba la/ pi pi ling la sogs pa'i dug sman ni gnod ba'i dug sel zhes bya ste/ des ni dug gzhan yang sel bar byed pa yin no/ /dug mdas phog par gyur pa
 dag/ yang dang yang du mun thibs byed/ /mdog ni mi sdug gyur pa dang / /myur du yid 'byung sdug bsngal 'thob/ /'dis ni srin bus khyab pa ltar/ /lus tsha tsag tsag por 'gyur ro/ /gdong mo rgyab dang phrag pa mgo/ /lhu tshigs rnams su na bar byed/ /khrag ni
 nad can gnag pa 'dzag / skom dad brgyal tsha rims kyis 'debs/ /mig ni gnag cing slon pa dang / /btud mar lud pa dbugs mi bde/ /rma dmar mtha' mar ser ba dang / /dbus na gnag cing shin tu na/ /'phral du skrangs shing rnags pa dang / /sha yang
 nag por gyur nas ni/ /gnag cing shin tu 'drul bar byed/ /sbyi bag can du 'dzag par byed/ /ces bya ba la/ skyes bu dug mdas phog pa ni yang dang yang du mun thibs zhes byed cing mun par zhugs pa snyam du sems pa dang / mdog mi sdug pa la sogs par 'gyur ba dang / /
 rma'i mtha' shin tu ser cing dbus na dug gi gnod pas gnag pa dang / 'phral du skrangs shing rnags pa la sogs pa'i mtshan nyid dang ldan pa yin no/ /gnad du phog par ma gyur ba/ /myur du snying la phan byed bya/ /zhes bya ba la/ gnad kyi steng du ma phog pa la ni myur du snying
 la phan par byed pa'i sbyor ba mar la sogs pa gang dag yin pa bya'o/ /zug rdu phyung la lcags bsregs pas/ /rma ni legs par bsreg par bya/ /zhes bya ba la/ lus la zug rdu phyung la/ de'i 'og tu lcags bsregs pas rma bsreg par bya'o/ /yang na mu ka ka dang ni/ /
 gi ri kar+Ni dkar po dang / /kad pa la yi shun pa dang / /btsod dang shir sha bya rgod sen/ /bsregs pa'i thal bas bsku bar bya/ /zhes bya ba la/ yang na rma de mu ka ka la sogs pa bsregs pa'i thal bas bsku bar bya'o/ /shu ka na sa bong nga dkar/ /kaN+Da
 ka ri'i rtsa bas bsku/ /zhes bya ba la/ yang na rma de shu ka na sa la sogs pa'i rtsa ba'i lde gus bsku bar bya'o/ /dug 'thung sos btab gso ba dag/ /ci rigs par ni de la bya/ /zhes bya ba la/ dug mdas phog pa de la dug 'thungs pa'i gso ba dang sbrul la sogs pas sos
 btab pa'i gso ba dag gis kyang ci rigs par gso par bya'o/ /rma yi sha ni rnags pa de/ /mkhris pa'i me dbal lta bur gso/ /zhes bya ba la/ rma'i sha rnags pa la sogs pa la ni mkhris pa'i me dbal dang 'dra bar gso bar bya'o/ /bde phyir khyo la bud med dang / /
 rgyal po la ni dgras bslabs te/ /zas dang sbyar ba'i dug bsres pa/ /nye 'khor skye bor ster bar 'gyur/ /zhes bya ba la/ rang gi bde ba bskyed pa'i phyir dgra bos bud med la bslabs te dug ster du 'jug pa dang / de bzhin du rgyal po la de'i dgra bos nye 'khor gyi skye bo la
 bslabs te kha zas dang sbyar ba'i dug bsres te ster bar byed par 'gyur ro/ /sna tshogs lus kyi dri mar bcas/ /mi mthun sman dang thal ba dang / /nus pa chung bar gyur pa'i dug /sbyar ba'i dug ni sbyar ma yin/ /zhes bya ba la/ srog chags sna tshogs pa'i lus kyi dri ma dang mi
 mthun zhing mi 'phrod pa'i sman dang thal ba dang / nus pa chung bar byed pa'i dug gcig tu bsres te sbyar ba ni dug sbyar ma zhes bya'o/ /des nyen mdog skya rid pa dang / /me drod nyams shing lud pa dang / /dbugs mi bde dang rims kyis nyen/ /rlung ni mi mthun rgyu ba dang / /gnyid
 che yid ni zhum par byed/ /gcin snyi lto ba mchin pa dang / /mcher pa na zhing skad gsang dma'/ /nyam chung sgyid ni zhan pa dang / /skrangs shing rtag tu sbo ba dang / /rkang pa lag pa skam zhing zad/ rmi lam du ni ce spyang dang / /byi la sbrul dang ne'u le dang / /spre'u mthong zhing
 phal cher ni/ /nags tshal mtsho ni skams par mthong / /bdag nyid nag por mthong 'gyur zhing / /ser po nag por mthong bar byed/ /mig sna rna ba med pa dang / /de yi dbang po nyams par mthong / /'di dang gzhan yang gnod pa yi/ /bla brnan mi bzad mang pos gces/ /
 zhes bya ba la/ /sbyar ba'i dug des gzir bar gyur pa'i mi ni mdog skya bo bseng bseng por gyur pa dang / /lus rid cing rjud pa la sogs pa dang / /sgyid zhan zhing las la spro ba chung ba la sogs pa dang / zad byed kyis btab pa dang / rmi lam du yang phal cher ce sbyang la sogs
 pa mthong ba dang / bdag nyid nag po la sogs pa mthong bar 'gyur ba dang / rna ba dang mig la sogs pa'i dbang po nyams par mthong ba dang / 'di dag dang gzhan yang gnod pa'i bla brnan mi bzad pa rnam pa mang pos gtses par 'gyur ba yin no/ /'ga' zhig 'phral du ma gsos
 na/ /sbyar dug gis nyen 'chi bar 'gyur/ /zhes bya ba la/ sbyar ba'i dug gis nyen pa las 'phral du gso ba ma byas na nges par 'chi bar 'gyur ro/ /dbyig dug slon byas kha zas ni/ /de la phan pa'i bza' btung sbyin/ /sbyangs nas gser ni bsten bya zhing / /mdo nas bstan
 pa bzhin du bya/ /zhes bya ba la/ dbyig dug gis zin pa la ni dang por skyug sman btang ste/ de la phan pa'i kha zas byin la khong pa sbyangs nas gser la sogs pa'i bsten pa'i cho ga mdo'i gnas las bstan pa bzhin du bya'o/ /gser dang zangs kyi phye ma ni/ /sbrang rtsi kha ra dkar por
 sbyar/ /lde gus dug ni mi bzad dang / /dbyig dug thams cad sel bar byed/ /ces bya ba la/ gser dang zangs ma'i phye ma sbrang rtsi dang kha rar sbyar te/ lde gu byas pa zos na yang mi bzod pa'i sbyar ba'i dug sel bar byed do/ /mur ba sle tres pi pi ling / /rgya spos dbyi mo pa to la/ /
 gla sgang shu dag tsi tra ka/ /byi dang ka ni dar ba dang / /chu dron zho ga chur sbyar ba/ /skyur khu dang sbyar blud na ni/ /dbyig dug gis bcom me drod sbyong / /zhes bya ba la/ dbyig dug gis me drod nyams bar gyur pa la ni mur ba la ni mur ba la sogs pa'i sman chu dron la sogs pa gang rung dang sbyar ba
 blud par bya'o/ /zur pa ma nu phug ron gyi/ /sha bskol khu ba bsgrangs pa ni/ /dbyig dug skom dang lud pa na/ /skyigs bu dbugs mi bde rims sel/ /zhes bya bal/ zur pa dang ma nu zhes bya ba puSh+kar mU la sha khu dang sbyar te bskol ba'i khu ba bsgrangs pa blud na yang
 dbyig dug las gyur pa'i skom dad la sogs pa sel bar byed do/ /dug gi rang bzhin dus dang zas/ /nad gzhi lus zungs tshogs 'dus pa/ /dug gi nyam nga zhes bshad do/ /zhes bya ba la/ dug gi rang bzhin mi bzad pa dang / de mthun rkyen du byad pa'i dus dang kha zas la
 sogs pa 'dus shing gcig tu phrad pa ni dug gi nyam nga ba zhes bya ste/ tshogs pa de dang ldan pa brgya las gcig cig 'tsho bar gyur ba yin no/ /bkres skom nyam ni chung ba dang / /khro dang mya ngan 'jigs ngal dang / /ma zhu ba dang 'khru ba dang / /mkhris pa rlung ni 'phel ba dang / /til
 gyi me tog 'bras bu snum/ /sa yi rlangs pa 'brug sgra dang / /gling bu pi lbang rol mo yi/ /sgra dang mdun gyi ser bu dang / /ut+pal dri dang myos pa yi/ /dug gi nyam nga 'phel bar byed/ /dbyar ni char gyi dus yin pas/ /bu ram lta bur rlan can 'gyur/ /lus la khyab byed dbyar
 'das nas/ /ri byi 'char bas de med byed/ /de bas sprin bral dus su ni/ /nus pa chung ba nyid du 'gyur/ /zhes bya ba la/ dug ni bkres skom la sogs pa 'phel bar byed cing sprin las byung ba yin pa'i phyir dbyar bur ma rlan can lta bur zhu zhing lus la khyab par byed la dbyar
 'das nas skar ma ri byi 'char ba de'i tshe ni nus pa de 'bri zhing med par byed do/ /de bas na sprin dang bral ba'i dus ston gyi tshe ni dug gi nus pa chung bar 'gyur ro/ /de ltar rang bzhin goms pa dang / /gnas dus shugs stobs che chung ba/ /brtags te mkhas pas shes byas
 la/ /de rjes gso ba'i las spyad bya/ /zhes bya ba la/ de ltar tshul 'dis ni rang bzhin dang goms pa dang gnas dang dus dang shugs dang stobs che ba dang / chung ba blos brtags te de la mkhas par byas nas/ de'i 'og tu gso ba'i las la 'jug par bya'o/ /bad kan can ni
 slon dang dro/ /rtsub dang rno ba'i sman bsku zhing / /bska dang kha dang tsha ba yi/ /zas kyi dug ni bsal bar bya/ /zhes bya ba la/ bad kan gyi dug ni slon pa la sogs pas bsal bar bya'o/ /mkhris can bkru sman sman chu blugs/ /shin tu bsil ba'i sman bsku zhing / /bska dang kha
 dang mngar ba dang / /mar bcas kha zas sbyin pas gso/ /zhes bya ba la/ mkhris pa can gyi dug ni bkru sman dang / /shin tu bsil pa'i sman gyi chu blugs pa la sogs pas bsal par bya'o/ /rlung gi bdag nyid can mngar dang / /skyur dang lan tshwa mar bcas pa'i/ /bza'
 ba mar bcas bsku byug dang / /de bzhin sha ni bza' bas gso/ /zhes bya ba la/ rlung gi bdag nyid can gyi dug ni kha zas mngar ba la sogs pa mar dang bcas pa dang / de bzhin du bsku byug dang bcas pas gso bar bya'o/ /bkru sman bsku byug kha zas sman/ /
 mar med bsngags pa ma yin no/ /zhes bya ba la/ dug gi nad la bkru sman la sogs pa'i sbyor ba gang yang rung ba la mar med pa ni bsngags pa ma yin te/ gzhan du ni de thams cad la mar dang bcas pa mchog tu phan pa yin no/ /dug kun gnas skabs thams cad du/ /dug
 'joms mar dang 'dra ba yi/ /sman ni gzhan dag yod min te/ /mchog tu rlung shas che la phan/ /zhes bya ba la/ dug thams cad la gnas skabs thams cad du dug 'joms par byed pa'i kha zas ni mar dang 'dra ba gzhan med la/ /khyad par du yang rlung gi shas che ba la mchog tu
 phan no/ /bad kan gnas zhugs gso bar sla/ /mkhris pa'i gnas brten 'bad pas gso/ /rlung gi gnas su zhugs pa'i dug /shin tu gso dka' gsor mi rung / /zhes bya ba la/ bad kan gyi gnas su zhugs pa'i dug ni gso bar sla ba yin pas na 'bad pa med
 pas 'tsho bar 'gyur ro/ /mkhris pa'i gnas la brten pa'i dug ni shin tu 'bad pas gso bar bya ba yin no/ /rlung gi gnas su zhugs pa'i dug ni shin tu gso dka' ba'am gsor mi rung ba yin no/ /yan lag brgyad pa'i snying po'i rnam par 'grel pa tshig gi don gyi zla zer
 zhes bya ba/ slob dpon zla ba la dga' bas nges par sbyar ba las/ phyi ma'i gnas kyi le'u sum cu rtsa lnga pa'i rnam par 'grel pa'o// //de nas sbrul gyis zin pa gso ba bshad par bya'o/ /mdor na sa yi steng na sbrul/ /gsum ste gdangs ka can
 lus bskyil/ /khra bo yin te/ /zhes bya ba la/ sa'i steng na sbrul gyi tshogs mdor bsdus na rnam pa gsum ste/ la la ni gdengs ka can gzar bu'i mgo lta bu yin no/ /la la ni lus bskyil ba yin no/ /la la ni khra bo yin no/ /de yi ni/ dbye ba mtha' yas gyur
 pa dag / skye gnas dbye bas rgyas par ni/ /dgos pa med phyir ma bshad do/ /zhes bya ba la/ gdengs ka can la sogs pa'i dbye bas phye ba'i sbrul de dag ni skye gnas kyi dbye bas rgyas par phye na dbye ba mtha' yas mod kyi/ de ni skabs 'dir dgos pa med pa'i phyir bdag gis
 'dir ma bshad do/ /mchog tu rtsub dang tsha ba dang / /skyur dro mngar bsil dag las ni/ /gdengs ka can la sogs pa'i dug /rim gyis rlung sogs 'khrug par byed/ /ces bya ba la/ gdengs ka can gyi dug ni mchog tu rtsub pa dang tsha ba yin pas rlung nad skyed par byed pa yin
 no/ /lus bskyil ba'i dug ni skyur ba dang dro ba yin pas mkhris pa skyed par byed pa yin no/ /sbrul khra bo'i dug ni khyad par du mngar ba dang bsil ba yin pas bad kan skyed par byed pa yin no/ /gzhon dang rgan po bar ma dang / /dbyar dang dgun dang sos kar ni/ /'di dag dug
 ni 'phel 'gyur zhing / /gzhan dag dus tshigs rnams su 'gyur/ /zhes bya ba la/ de ltar na gdengs ka can dang / lus 'khyil ba dang / khra bo ni rim gyis gzhon pa dang rgan po dang bar ma na tshod kyi rim pa dang / dbyar dang dgun dang sos ka'i dus dag tu 'phel
 zhing shas che ba yin te/ de yang gdengs ka can ni gzhon pa dang / dbyar gyi tshe ni dug gi shas che ba yin la/ lus 'khyil pa ni rgan pa dang / dgun stod dang / dgun smad kyi dus te/ dgun smad kyi tshe dug bdo ba yin la/ khra bon bar ma dang
 sos ka'i tshe dug bdo ba yin no/ /sbrul de dag las gzhan pa thams pa ni dus tshigs rnams la dug gi shas che ba yin no/ /'khor lo gshol dang g.yung drung gdugs/ /lcags kyu'i mtshan mar ldan pa yin/ /gdengs ka can ni myur 'gro ba dang / /thams cad gdengs ka can zhes
 bya/ /zhes bya ba la/ sbrul gdengs ka can ni 'khor lo dang gshol la sogs pa'i mtshan ma dang ldan zhing / mgo po'i gdengs ka can yod pa dang myur du 'gro bar byed pa yin no/ /lus 'khyil sna tshogs pa yi ni/ /zlum por 'dug pa lus 'khyil zhing / /ring zhing 'gros
 ni bul ba yin/ /zhes bya ba la/ lus 'khyil bzhes bya ba'i sbrul ni ri mo zlum po sna tshogs pas khyab pa dang / de bzhin du gzugs ring zhing 'gros bul ba yin no/ /ri mo sna tshogs ldan pa dang / /snum zhing kha dog sna tshogs pas/ /chu zheng bris 'gyur
 khra bo yin/ /zhes bya ba la/ sbrul khra bo ni ri mo sna tshogs dang ldan pa kha dog sna tshogs pas 'phred dang gyen du chu zheng du bris pa yin no/ /go d+ha'i bu ni go d+ha can/ /dug ni gdengs ka can mnyam la/ /rkang bzhi ba yi/ zhes bya ba la/ /go ng+ha'i bu ming go ng+ha can zhes bya ba'i
 sbrul gyi bye brag ste/ de ni gdengs ka can gyi dug dang mnyam par ldan pa'am/ yang na rkang bzhi pa yin no/ /sbrul gzhan ni/ 'di dag nyid ni 'dres pa las/ /'dren ma'i mtshan nyid can te des/ /'dus ba'i nad ni ldang bar byed/ /ces bya ba la/ gdengs ka can dang /
 lus bskyil ba dang / sbrul khra bo 'di dag gi mtshan nyid 'dren ma yin par shes par byed pa ste/ de dag gis ni 'dus ba'i nad skyed par byed ba yin no/ /zas kyi don dang 'jigs pa dang / /rkang pas reg las dug rab 'khrugs/ /rkang gi rgyu dang 'dres pa dang / /lha dang
 drang srong gshin rjes bskul/ /sbrul gyis zin par gang bshad pa/ /phyi ma bzhin du dug shas che/ /zhes bya ba la/ sbrul gyi rigs tha mal pa de dag ni zas kyi don dang rnam par 'jigs pa la sogs pa'i rgyus sam/ lha dang drang srong dang gshin rjes bskul zhing rbad pa'i
 dbang gis sbrul gyis 'dzin par byed la/ de yang phyi ma bzhin du dug gi shas che ba yin no/ /des na thams cad pas kyang gshin rje'am 'chi bdag gis bskul bas 'dzin par byed pa de'i dug mi bzad pa yin no/ /'jug ba'i rgyu ni shes byas nas/ /
 gso ba ji bzhin bya ba yin/ /zhes bya ba la/ sbrul rnams kyi 'jug pa'i rgyu shes par byas nas/ rang gi gso ba ji lta ba bzhin du bya'o/ /phal pa sdig can ngang tshul bas/ /lam bkag nas ni gnas pa yin/ /gang du kha chu gsher ba tsam/ /lus la snang bar byed
 'gyur zhing / /mche ba'i rma ni mi mngon gang / /de ni mchus gnod byed ces bya/ /zhes bya ba la/ sbrul phal pa ni rang bzhin ngan pa can yin pas lam bkag nas 'dug pa yin la/ lus kyi phyogs gang du kha chu'am gsher ba tsam snang bar 'gyur gyi/ mche bas zin pa'i
 rma mi mngon par gyur pa gang yin pa de ni mchus gnod par byed pa zhes bya'o/ /mche ba gcig las rjes gnyis mngon/ /khrag med gyur pa bldags zhes bya/ /zhes bya ba la/ sbrul gang gis zin pa na lus la mche ba gcig gi rjes las gnyis su mngon zhing de yang khrag med
 par gyur pa ni ming bldags pa zhes bya'o/ /mche ba'i rjes ni khrag bcas gnyis/ /rnam par gcad pa'o/ /zhes bya ba la/ lus la sbrul gyi mche ba'i rjes gnyis khrag dang bcas par snang ba ni rnam par gcad pa zhes bya'o/ /de gsum ni/ sha bcad shin tu phug pa
 dang / /khrag dbyung so yis zin zhes bya/ /zhes bya ba la/ mche bas zin pa gsum po de dag ni sha bcad pa las khrag rgyun du 'dzag pa ni sos 'dzin pa zhes bya'o/ /mche ba'i rjes ni bzhi snang ba/ /de bzhin sos 'dzin btsir bar bshad/ /ces bya ba la/ mche ba'i
 rjes gang la lus la rjes bzhi snang zhing / de bzhin du khrag rgyun mi chad par snang ba de ni sos 'dzin pa btsir ba zhes bya'o/ /de la dang po dug med gnyis/ /phyi ma gnyis po gsor mi rung / /zhes bya ba la/ sos btab pa de dag gi nang nas mchus gnod par byed pa dang
 bldags pa zhes bya ba gnyis ni dug med pa yin no/ /phyi ma sos 'dzin pa dang / sos 'dzin pa btsir ba zhes bya ba ni gsor mi rung ba yin no/ /sbrul gyi dug ni khrag dag la/ /ma brtan lus la gnod mi byed/ /ces bya ba la/ sbrul gyi dug ni khrag la ma brten par lus la
 gnod par mi byed kyi/ de la brten nas gnod par byed pa yin no/ /khrag ni chung zad la brten yang / /til mar thigs pa bzhin du mched/ /ces bya ba la/ dug ni khrag cung zad la brten yang til mar gyi thigs pa chu la blugs pa bzhin du mched par 'gyur ro/ /
 sdar ma sbrul gyis reg pa las/ /'jigs pas rlung ni 'khrug par byed/ /lan 'ga' skrang bar byed pa de/ /sbrul gyis lus ni bcom zhes bya/ /zhes bya ba la/ skyes bu sdar ma sbrul gyis reg ste sngangs pa las rlung 'khrug par 'gyur zhing / lan 'ga'
 skrang bar byed pa yang yin te/ de ni sbrul gyis lus bcom pa zhes bya'o/ /bgrod dka' mun par zug gyur ba/ /la la rtog pas zin pa dang / /dug gi shugs dang slon dang rims/ /brgyal ba'am tsha ba skye ba'am/ /na zhing rmongs bag 'khru bar 'gyur/ /de ni rtog pa'i dug
 ces bya/ /zhes bya ba la/ skyes bu la la lam bgrod dka' bar mun pa'i nad du rgyu ba las tsher ma la sogs pa 'ga' zhig gis zug par gyur pa dang / de sbrul gyis zin pa'i rtog pa skyes te/ de'i dbang gis dug gi shugs slon ba la sogs ba 'byung bar 'gyur te/ de lta
 bu de la ni rtog pa'i dug ces bya'o/ /dug bcas nad kyis zug pa dang / /skrang dang g.ya' dang rims bcas pa/ /la la tsha zhing rmen bur 'gyur/ /de las bzlog pa dug med yin/ /zhes bya ba la/ mche ba'i dug dang bcas pa ni shas cher zug pa dang sbangs pa la sogs
 pa dang ldan ba yin no/ /dug med pa ni zug pa la sogs pa'i mtshan ma med pa yin no/ /gdengs ka can shugs dang po la/ /nad khrag nag por 'dzag par 'gyur/ /mig dang gdong sogs gnag pa dang / /srin bu rgyu ba snyam du sems/ /zhes bya ba la/ gdengs ka can
 gyi shugs dang po la ni nad khrag nag por 'dzag par 'gyur ba dang / gdong gnag pa dang / lus la srin bu rgyu ba snyam du sems pa yin no/ /shugs gnyis par ni rmen bu skye/ /gsum bar mgo ni lci bar 'gyur/ /zhes bya ba la/ dug gi shugs
 gnyis pa la ni rmen bu skye bar 'gyur ba dang / shugs gsum par mgo bo lci bar 'gyur ba yin no/ /bzhi par mig 'byed dka' ba dang / /sos btab rnags shing mchil ma slon/ /zhes bya ba la/ gdengs ka can gyis zin pa'i shugs bzhi pa la ni mig 'byed par
 dka' ba la sogs ba yin no/ /lnga bar tshigs 'bye snyam sems dang / /rgyud gzhan tshigs ni 'jig pa dang / /lus tsha skyigs bu 'byung ba yin/ /zhes bya ba la/ de'i shugs lnga pa la ni lhu tshigs 'bye ba snyam du sems pa la sogs pa yin no/ /drug par snying na lus lce
 zhing / /brgyal zhing 'khru la zas mi 'ju/ /zhes bya ba la/ shugs drug pa la ni snying na ba la sogs pa yin no/ /bdun par khu ba'i gnas phyin nas/ /phrag gong rgyab dang rgal tshigs dang / /rked pa zhig pa snyam sems zhing / /spyod lam thams cad las
 nyams 'gyur/ /zhes bya ba la/ gdengs ka can gyi shugs bdun pa la ni khu ba'i gnas su dug de phyin par 'gyur te/ phrag gong na ba la sogs par 'gyur ro/ /de nas lus bskyil bas zin na/ /nad khrag ser por 'gyur ba dang / /de yi lus ser tsha ba
 skyed/ /ces bya ba la/ sbrul lus 'khyil pa zhes bya bas zin pa ni khrag ser por gyur pa la sogs pa yin no/ /gnyis par skrang bar 'gyur ba yin/ /zhes bya ba la/ lus bskyil ba'i shugs gnyis pa ni lus skrang bar 'gyur ro/ /gsum par sos btab rnags
 pa dang / /rdul dang skom dad skyo bar 'gyur/ /zhes bya ba la/ shugs gsum pa la ni sos btab ba'i rjes rnags pa la sogs par 'gyur ro/ /bzhi par khong tsha rims kyis 'debs/ /lnga par lus kun khyab par tsha/ /zhes bya ba la/ bzhi ba dang lnga pa'i dug gi shugs
 ni khong tsha ba la sogs par 'gyur ro/ /sbrul ni khra bos zin gyur na/ /khrag ni skya bor 'gyur ba dang / /des ni lus mdog skya bor 'gyur/ /zhes bya ba la/ sbrul khra bos zin par gyur na khrag gi tshogs skya bar 'gyur la/ rgyu des na lus kyang mdog skya bor 'gyur ro/ /gnyis
 par lus ni lci bar 'gyur/ /zhes bya ba la/ shugs gnyis pa la ni lus shin tu lci bar 'gyur ro/ /gsum par sos btab rnags pa dang / /mig dang kha sna las 'dzag 'gyur/ /zhes bya ba la/ shugs gsum ba la ni rnags pa la sogs par 'gyur ro/ /bzhi
 par mgo lci gnye'u rengs 'gyur/ /zhes bya ba la/ dug gi shugs bzhi pa la ni mgo bo lci ba la sogs par 'gyur ro/ /lnga par lus tshigs na ba dang / /grang ba'i rims kyis 'debs par byed/ /ces bya ba la/ shugs lnga pa la ni lus tshigs na ba la sogs par
 'gyur ro/ /lhag ma gnyis po snga mar mtshungs/ /zhes bya ba la/ shugs drug pa dang bdun pa la ni gdengs ka can gyi mtshan nyid dang ldan pa yin no/ /shugs ni lnga par gso ba dag/ /bya yis de las phan chad min/ /zhes bya ba la/ de dag gi shugs lnga pa'i bar
 gyis gso bar bya'i/ drug pa dang bdun pa la ni gso bar mi bya'o/ /chu yis g.yengs dang chags pa zad/ /skrag dang ne'u les 'phen pa dang / /grang lhags nyi tshan rlung dang nad/ /bkres skom ngal bas gzir ba dang / /phyogs gzhan nas ni ring par 'ong / /dug
 spangs lpags pa brjes pa dang / /'jag ma sman dang tsher ma can/ /nags na rgyu ba gang yin dang / /rig pa la sogs brten phyogs gnas/ /sbrul de dug ni chung bar 'dod/ /ces bya ba la/ sbrul gang chus g.yengs pa dang / chags pa spyod pa zad pa dang / skrag
 pa la sogs pa dang / yul phyogs gang rig sngags la sogs pa gang rigs brten zhing grub ba'i phyogs na gnas pa ste/ sbrul de dag ni dug chung ba yin no/ /dur khrod bsti gnas shing gcig sogs/ /tshes lnga dang ni dus tshigs dang / /tshes brgyad tshes dgu thun
 mtshams dang / /nam phyed dang ni nyi ma'i gung / /bra nyi smin drug mchu dang skag /sa ga chu stod khrums stod dang / /snubs dang bra nye yud tsam la/ /gnad du bzung ba sbang bar bya/ /zhes bya ba la/ dur khrod la sogs pa'i gnas su sprul gyis zin pa dang
 tshes lnga la sogs pa'i dus dang / bra nye la sogs pa'i skar ma la babs pa dang / de bzhin du yud tsam zhes bya ba'i dus la zin pa dang / gnad du bzung ba gang yin pa de ni gsor mi nus pas spang bar bya'o/ /zin pa'i mod la bzhin skya zhing / /skra ni 'byi bar byed pa dang / /
 lce 'khums yang dang yang du brgyal/ /dbugs grang gang yin de mi 'tsho/ /zhes bya ba la/ skyes bu gang sbrul gyis zin ma thag bzhin skya bor gyur pa dang / skra 'byi bar byed pa la sogs pa gang yin pa de mi 'tsho'o/ /skyigs bu dbugs mi bde zhing slon/ /lus
 can zin pa'i mod la ni/ /snying nas gzer bar 'gyur ba dang / /cig car 'byur ba de mi 'tsho/ /zhes bya ba la/ yang skyigs bu la sogs pas zin pa'i mod la dus gcig tu 'byung ba de yang mi 'cho'o/ /'du shes stor cing lbu bar skyugs/ /rkang pa lag pa bzhin gnag
 cing / /sna zhom yan lag zhig pa dang / /tshigs lhod bshang ba 'khru ba yi/ /dug 'thungs pa dang sbrul gyis zin/ /dug can mda' yis phog gyur pa/ /tshul ni 'di dag snang gyur na/ /srog zad par ni 'gyur ba yin/ /zhes bya ba la/ skyes bu gang sbrul gyis
 zin pa'am/ /dug mdas phog pa 'du shes stod cing lbu ba slon pa la sogs pa'i mtshan nyid dang ldan pa de ni nye bar 'chi bar 'gyur ro/ /sna sman rnon po mi tshor zhing / /rma nas khrag ni mi 'byung la/ /dbyig bas bsnun na rjes mi mngon/ /gshin rje'i thad du 'gro pa yin/ /
 zhes bya ba la/ sna sman rnon po btang yang tshor ba med pa la sogs pa de yang mi 'tsho'o/ /de las gzhan du sman pa yis/ /'bar ba'i khyim nas 'byung ba bzhin/ /lkog mar phyin pa'i srog bsrung zhing / /dug ni myur du bsal bar bya/ /zhes bya ba la/ /sngar bshad pa'i mtshan
 nyid dang mi ldan pa gzhan dag ni sman pas nges bar bsrung bar bya ste/ ji ltar 'bar ba'i khyim nas 'byung ba bzhin du lkog mar phyin zhing 'gags su nye ba'i srog de bsrung bar bya'o/ /lus can dug gis zin gyur pa/ /grangs brgya'i bar du gnas nas ni/ /lus zungs khrag sogs
 la gnod cing / /lus la khyab par byed pa yin/ /zhes bya ba la/ mi sbrul gyi dug gis zin par gyur na rma'i sgor grangs brgya bgrangs pa'i dus tshigs tsam du gnas nas/ de'i 'og tu khrag la sogs pa'i lus zungs la gnod par byed cing lus la khyab par byed do/ /dus 'di'i
 bar du gdug pa yi/ /mche bas zin pa bcad sogs las/ /bya zhing ci nas lus la ni/ /dug gi yal ga ma 'phros bya/ /zhes bya ba la/ grangs brgya rdzogs pa'i dus 'di'i bar du dug gis zin pa la/ bsregs pa la sogs pa bya zhing dug gi yal gas lus la khyab par
 mi 'gyur bar bya'o/ /zin pa'i mod la myur du ni/ /sbrul ni de nyid za pa'am/ /sa 'am bong pa gcod byed na/ /rings pa kho nar sman pa yi/ /mchil mas byug par bya ba'am/ /rna sbabs kyis ni so rjes bsku/ /zhes bya ba la/ /mi sbrul gyis zin ma thag sbrul de nyid myur du za bar
 byed pa'am/ sa 'am bong ba sos 'debs par gyur na sman pas rings pa kho nar mchil mas byug pa la sogs pa bya'o/ /mche bas btab pa'i gong du ni/ /sor bzhir ras ma las byas pa/ /gso ma'am 'od ma la sogs bcing / /sngags shes pa yis grub sngags bzla/ /
 zhes bya ba la/ sman pas sbrul gyi mche bas btab pa'i sor bzhi'i ltag tu ras ma las byas pa'am/ gso ma la sogs pa las byas pa'i chings mas bcing zhing / sngags zhes bya ba'i gsang sngags bzla bar bya'o/ /chu lon gyis ni chu ltab u0f74ra/ /bcings pas dug ni 'phros
 mi 'gyur/ /dug gi bcing sogs nyen pa yin/ /rtsa las rgyu bar mi 'gyur ro/ /zhes bya ba la/ dug bcings pa gang yin pa des bkag par gyur na chu lon gyis chu bzlog pa dang 'dra ba rtsa'i sgo las dug de rgyu bar mi 'gyur ro/ /btsir nas sos btab dbyung bya zhing / /tshigs dang gnad du
 ma chud de/ /sa bon nyams ba'i myu gu bzhin/ /dug shugs de ni 'byung mi 'gyur/ /zhes bya ba la/ sos btab pa de btsir zhing bsdams nas tshigs dang gnad du ma song bar de dbyung bar bya ste/ de ltar byas na sa bon nyams pa dang 'dra bar dug gi shugs 'byung bar
 mi 'gyur ro/ /lus 'khyil so rjes mkhris bskyed pas/ /de ma gtogs pa gzhan dag ni/ /lcags dang gser la sogs pas sam/ /mgal me yis ni myur du bsreg /me yis thal bar byed 'gyur na/ /ci phyir de ni 'byur bar 'gyur/ /zhes bya ba la/ lus 'khyil pa zhes bya
 pa'i so rjes ni mkhris ba skyed par byed pa yin pas/ de ma gtogs pa gdengs ka can dang khra ba ste gzhan dag gi dug ni lcags la sogs pa mer bsregs pa'am/ mgal me zhes bya ba shing phyed tshig pa'i mes bsreg par bya ste/ de lta bus ni myur bar thal ba nyid du byed par 'gyur
 gyi/ /mi byed pa ma yin no/ /sa dang lci ba sman sogs kyis/ /kha bkang nas ni gzhib par bya/ /zhes bya ba la/ yang na rma de la sa la sogs pa gang yang rung bas kha bkang dang gzhib par bya'o/ /chings ma'i nang du sha che'i phyogs/ /mchog tu zhal zhal bya ba dang / /yan
 lag mche bas zin bcas pa/ /dug sman gyis ni yang yang bsku/ /tsan+dan pu shel tse ldan pa'i/ /chu yis kyang ni blugs par bya/ /zhes bya ba la/ rma'i sor bzhi'i gong du bcings pa'i nang du sha che ba'i phyogs su zhal zhal byas la de dug sman bsku zhing tsan+dan la sogs
 pa'i sman gyi chu blugs par bya'o/ /dug gis khyab par gyur pa la/ /gtar ga gdab pa gso mchog ste/ /khrag ni phyung bar gyur pa na/ /ma lus dug ni 'byung bar 'gyur/ /zhes bya ba la/ dug gis lus la khyab pas gtar gas khrag gdon pa ni gso pa'i mchog yin te/ /
 khrag phyung bas dug 'byung ba'i phyir ro/ /dug bcas khrag ni dri mi zhim/ /mer bsregs sgra ni tseg tseg zer/ /zhes bya ba la/ dug dang bcas pa'i khrag ni dri mi zhim par 'gyur ba de bzhin du mer bsregs na sgra 'tshag cing tseg tseg zer ba 'byung par 'gyur ro/ /nad gzhi ji bzhin dag
 gyur pa/ /khrag ni snga ma bzhin shes bya/ /zhes bya ba la/ skyon med ba'i khrag ji lta bu yin pa yang sngar bshad pa'i tshul las shes par bya'o/ /rtsa ni snang bar ma gyur na/ /rngabs rwa srin bu pad bas gtar/ /zhes bya ba la/ gal te rtsa mi mngon na rngabs rwa la sogs pas khrag dbyung
 bar bya'o/ /khrag phyung ba yi lhag ma ni/ /dug gi drod kyis zhu gyur pa/ /shin tu bsil ba'i sman bsku dang / /blugs pa yis ni bsal bar bya/ /zhes bya ba la/ gtar gas khrags phyung ba'i lhag ma dug gi drod kyis lus la zhu zhing khyab par gyur pa ni bsil sman bsku ba la sogs
 pas bsal bar bya'o/ /dug gi shugs kyis ma zhu bas/ /brgyal dang myos dang snying 'dzag 'byung / /de ni bsil sman blugs pa dang / /rlung yab spu ldang byed pas bsal/ /zhes bya ba la/ gang gi phyir dug gi shugs kyis khrag ma zhu zhing 'thas par gyur na brgyal ba la
 sogs pa 'byung bar 'gyur te/ de las dang po ni bsil sman la sogs pas bsal bar bya'o/ /khrag ni sla bar gyur na dug /'phral du shugs ni zhi bar 'gyur/ /zhes bya ba la/ gal te dug ni sla zhing zag par gyur na/ mod la shugs zhi bar 'gyur ro/ /dug ni rno bas snying 'dar byed/ /
 de bsrung phyir ni zhun mar dang / /mar dang bcas ba'i sbrang rtsi 'am/ /dug sman mar dang sbrus pa blud/ /ces bya ba la/ dug ni shin tu rno ba yin ba'i phyir snying la gnod cing 'dar bar byed la/ de bas na snying de bsrung ba'i phyir zhun mar la sogs pa blud par bya'o/ /de yi snying ni 'gag
 byed pas/ /snying gar bad kan sogs par byed/ /ces bya ba la/ skyes bu de la snying gi gnas su nad kyis 'gag par byed cing / bad kan sogs par byed par 'gyur ro/ /lus lci nad ni bslangs pa dang / /snying 'phar de ni slon du gzhug /gsher rdzas skyur rtsabs rgya sran dang / /til
 dang chang sogs ma gtogs pa/ /dug sel ba yi slon sman gtang / /des ni lus la khyab mi 'gyur/ /zhes bya ba la/ de'i 'og tu lus lci ba la sogs pa 'byung bar 'gyur la/ des na skyur rtsa bas kan dzi la sogs pa ma gtogs pa dug sel ba'i sman gyi slon sman gtang bar bya ste/
 de ltar byas na dug des lus la khyab par mi 'gyur ro/ /sbrul dang nyes pa rang bzhin dang / /gnas dang shugs kyi khyad par ni/ /phra mo yan chad legs brtags la/ /gso ba khyad par can bya'o/ /zhes bya ba la/ sbrul gyi khyad par dang / nyes pa nas shugs kyi khyad
 par phra mo yan chad kyang legs par brtags la/ de dang 'tsham pa'i gso ba khyad par can bya'o/ /srin bu ba re'i rtsa ba dang / /gi ri kar Ni dkar po'i chu/ /btung ba gdengs ka can bzhin sbyar/ /sna sman ru rta sbrang rtsi gtang / /zhes bya ba la/ srin bu ba ri'i rtsa ba la sogs pa'i
 sman ni gdengs ka can gyis zin pa la blud par bya'o/ /de bzhin du ru rta'i sna sman yang gtang bar bya'o/ /sbrul nag gis ni zin pa la/ /khrag gtar nas ni bca' ba dang / /na go li ni sbyar ba bsku/ /zhes bya ba la/ mi sbrul nag pos zin pa la gtar ga
 gdab pa dang bca' ba la sogs pa'i lde gu dang / rtsa rno ba'i dug gis sos 'dzin pa gso bar bya'o/ /btung bar btsod dang sbrang rtsi dang / /khang pa'i dud pa mar sbyar blud/ /ces bya ba la/ sbrul nag pos zin pa la btsod la sogs pa blud na phan no/ /gdengs ka can dang ri mo can/ /
 mi bzad dug gis zin pa la/ /tan+du li ya tang pa la dang / /gi ri kar Ni rnam gnyis dang / /kha lung khaN+na se 'bru ni/ /btung dang sna sman mig sman bya/ /zhes bya ba la/ gdengs ka can dang ri mo can gyi dug mi bzad pa la tan+du li ya la sogs pa'i dug sman btung ba la sogs pa btang na phan no/ /
 a shwa gan+ng+ha rgun 'bru dang / /gi ri kar Ni sa nag dang / /ha ti pi pi ling dang ni/ /bye'u rug pa'i lo ma dang / /bil ba se'u 'bru ka pid+tha/ /cha ni phyed phyed sbrang rtsir sbyar/ /dug sman yin te khyad par du/ /lus 'khyil sbrul gyi dug la phan/ /zhes bya ba la/ a shwa gan+d+ha la sogs pa'i cha phyed phyed dang
 sbrang rtsi dang sbyar ba'i dug sman ni dug thams cad sel zhing mchog tu gdengs ka can gyi dug la phan no/ /lo ma lnga dang 'bras bu gsum/ /shing mngar nA ga puSh+pa dang / /e la ba lu dzi ba ka /zangs rtsi ba dang pu shel tse/ /khar shug pa utral/ /sbrang rtsi dang sbyar kha ba can/ /zhes
 bya lus 'khyil dug 'joms so/ /bskus na skrang dang shu ba mched/ /'brum bu rims dang lus lci sel/ /zhes bya ba la/ lo ma lnga ba la sogs pa'i dug sman du sbyar ba ni ming kha ba can zhes bya ste/ des ni lus 'khyil pa'i dug sel ba dang bskus na skrang ba la sogs pa sel bar
 byed do/ /tang pa la n+ya gro ng+ha'i myu gu/ /dzi ba ka dang zangs rtsi ba/ /ka ra dkar po shing mngar btsod/ /khu ba lus 'khyil dug la blud/ /ces bya ba la/ /lus 'khyil ba'i dug gis zin pa la ni tang bal la sogs pa'i sman chu dang sbyar ba blud par bya'o/ /'od ma'i shun pa sa bon dang / /
 bca' sga pa to la'i sa bon/ /shir sha'i sa bon bu tse shel/ /'bras kyi rtsa ba bong nga dkar/ /shu dag ba gcin bcas par btags/ yan lag brgyad pa zhes bya ste/ /go na sa yi dug 'joms so/ /zhes bya ba la/ 'od ma'i shun pa dang sa bon la sog pa sman gyi yan lag
 brgyad po ba gcin dang sbyar ba btags te byin na go na sa'i dug sel bar 'gyur ro/ /ru rta bong nga pu tse shel/ /ha ra u0f7aNu ka khyim dud pa/ /rgya spos sbrang rtsi tsha ba gsum/ /sbyar bas ri mo can dug sel/ /zhes bya ba la/ /ru rta la sogs pa'i dug sman gyis sbrul ri mo can gyi dug sel bar byed do/ /
 'dam bu khra bo 'dras zin na/ /sa brkos 'og tu thun gnyis gzhug /phyung ste bzhar la mar sar dang / /'bras dngas yi lde gus byug/ /ces bya ba la/ 'dam bu khra bo zhes bya ba'i dug gis zin pa la ni sa brkos pa'i 'og tu thun gnyis kyi bar rma de bcug la/ /de'i 'og tu phyung ste/ /
 gtsags bus bzhar la mar sar dang 'bras dang sa'i lde gus bsku bar bya'o/ /'bras bu gsum gyi bye btab pa'i/ /mar ni rnying pa blud par bya/ /zhes bya ba la/ yang na sbrul gyis zin pa la 'bras bu gsum la sogs pa'i mar blud par bya'o/ /zhu zhing bkrus nas nas zan ni/ /sran tshod
 dang ni bcas pa sbyin/ /zhes bya ba la/ mar de zhu nas bkru sman bya ste/ nas zan la sogs pa sbyin par bya'o/ /ka ra bI ra arka yi/ /me tog lang+ga li'i rtsa ba/ /pi pi ling dang na le sham/ /pa tha skyur rtsabs lde gur byas/ /'di ni sbrul gzhan gyis zin pa'i/ /sbrul gyi dug kun sel
 ba yin/ /zhes bya ba la/ ka ra bI ra la sogs pa skyur rtsabs dang lde gur byas te bskus pa'i sman 'di ni sbrul gzhan gyis zin ba thams cad kyi dug sman yin no/ /shri sha'i me tog khu ba dang / /na le sham dkar zhag bdun spangs/ /btung dang sna sman byas gyur
 na/ /sbrul gyi mche bas zin pa sel/ /zhes bya ba la/ na le sham dkar po zhes bya ba shi kru'i sa bon shiri sha'i me tog bskol ba'i khu ba'i nang du zhag bdun spangs te sbrul gyis zin pa la btung ba la sogs byin pas phan no/ /rgya spos ru rta srang gnyis gnyis/ /mar dang sbrang rtsi srang bzhi
 bzhi/ /'di blud 'jog bos zin pa yang / /bde ba skyed par byed pa yin/ /zhes bya ba la/ yang na rgya spos la sogs pa yang ji skad smos ba'i yon tan dang ldan pa yin no/ /de nas gdengs ka can gyi shugs/ /dang por khrag ni dbyung bar bya/ /dug sman sbrang rtsi zhun mar dang / /bcas pa myur du
 blud par bya/ /zhes bya ba la/ gdengs ka can gyis zin pa'i shugs dang po la ni khrag dbyung ba la sogs pa'i sbyor ba bya'o/ /gnyis par slon sman btang nas ni/ /de bzhin dug sman blud par bya/ /zhes bya ba la/ shugs gnyis pa la ni slon sman btang ba dang / gtar ga la sogs pa snga
 ma bzhin du bya'o/ /gsum par dug sman spyar bya zhing / /mig sman dang ni sna sman gtang / /zhes bya ba la/ gsum par ni dug sman gyi mig sman la sogs pa sbyar bar bya'o/ /bzhi par skyug sman btang nas na/ /sngar bshad pa yi nas thug blud/ /ces bya ba la/ shugs bzhi pa la ni dang por
 skyug sman btang nas gong du bshad pa'i nas thug blud par bya'o/ /lnga pa drug par bsil sman gyis/ /bsku zhing sman chu yang yang blugs/ /slon sman rnon po gtang bya zhing / /dug sel nas thug blud par bya/ /zhes bya ba la/ shugs lnga pa dang drug pa la ni de la bsil sman bsku ba la sogs
 pa'i sbyor ba rnams bya'o/ /bdun par dug sman rnog po yi/ /mig sman dang ni sna sman gtang / /zhes bya ba la/ shugs bdun par ni dug sman gyi sbyor ba la sogs pa bya'o/ /de nas sbyi bor rgya gram du/ /zab mo'i mtshon gyis batral nas ni/ /der ni sha 'am khrag gam ni/ /pags pa ngag ni
 gzhug par bya/ /zhes bya ba la/ de'i 'og tu mi de'i mgo bor rgya gram bya rog rjes 'dra bar batral la der sha 'am khrag gam pags pa gzhug par bya'o/ /lus bskyil shugs ni gsum pal/ /slon sman btang la nas thug blud/ /ces bya ba la/ lus bskyil ba'i dug gi shugs
 gsum pa la slon sman btang ba'i rjes la nas thug blud bar bya'o/ /drug par sman ni rtul po 'am/ /shug pa la sogs sde tshan blud/ /ces bya ba la/ lus bskyil ba'i shugs drug par sman rnon po ma yin pa 'am/ shug pa la sogs pa'i sde tshan bskol ba blud par bya'o/ /khra bo'i shugs ni dang po
 la/ /zhal zhal zab tu gdab bya zhing / /ku bas khrag ni bton nas ni/ /snga ma bzhin du dug sman blud/ /ces bya ba la/ sbrul khra bos zin ba'i shugs dang po la ni zhal zhal gting zab tu gdab la/ de'i 'og tu ku ba btab pas khrag dbyung ba'am snga ma bzhin du dug sman blud par bya'o/ /drug
 par mig sman rnon po dang / /sna sman phye ma bud pa gtang / /zhes bya ba la/ khra bos zin pa'i shugs drug pa la mig sman shin tu rnon po la sogs pa bya'o/ /ma smos pa yi shugs las ni/ /gdengs ka can skabs bshad ltar gso/ /zhes bya ba la/ ma smos pa'i shugs dang po dang
 gnyis pa dang bzhi pa la sogs pa la ni gdengs ka can gyi skabs su bshad pa ltar bya'o/ /sbrum ma byis pa rgan po la/ /gtar ga mi gdab 'jam pos gso/ /zhes bya ba la/ sbrum ma la sogs pa sbrul gyis zin pa la ni gtar ga mi gdab par gso pa 'jam pos bya'o/ /shing tsha
 ldong ros rgya spos yung / /ku sha'i khu ba chu srin sen/ /ta ma la yi ge sar dang / /'bras bu chu grang sbyar ba blud/ /'di yis dbang po'i rdo rjes ni/ /lha min lta bur dug 'joms byed/ /ces bya ba la/ shing tsha la sogs pa'i sman 'di dag 'bras bkrus pa'i chu dang sbyar te blud pa ni ming rdo
 rje zhes bya ste/ ji ltar brgya byin gyi rdo rjes lha ma yin 'joms pa ltar dug sel bar byed do/ /bil ba'i rtsa ba bye'u rug pa'i me tog /rgya spos thang shing ka rany+dza'i 'bras bu/ /ser po rnam gnyis 'bras bu gsum dang ni/ /tsha ba gsum po ra gcin zhib btags pa/ /btung dang sna sman mig sman
 sbyar ba yis/ /sbrul dang lu dbyi ba sdig pa sogs/ /dug dang dbyig dug ma zhu gsud dang rims/ /mi ni gdon gyis zin pa bde bar byed/ /ces bya ba la/ bil ba'i rtsa ba'i sman ra gcin dang zhib tu btags te btung ba la sogs par btang na sbrul la sogs pas zin pa dang / ma zhu
 ba dang / gdon gyis zin pa la sogs pa rnams bde bar byed do/ /sos btab bsku ba la sogs kyis/ /ma lus bton par gyur kyang ni/ /nyams pa'i dug ni ji bzhin dang / /slar yang shugs ni skye bar byed/ /ces bya ba la/ mche ba'i dug gis zin pa la bslu ba la sogs pas ma lus par bton
 par gyur kyang slar gnod pa'i shugs bskyed par gyur ba ni nyams pa'i dug gam dug tha mal pa la sogs pa dang 'dra bar byed pa yin no/ /dug dang bral nas rlung 'khrugs na/ /snum la sogs pas gso bya zhing / /til mar chang dang rgya sran chu/ /ma gtogs rlung ni sel ba sbyin/ /zhes bya ba la/
 dug gi shugs dang bral nas rlung gi nad 'khrugs par gyur na snum gyi mar la sogs pas sog bar bya'o/ /mkhris par mkhris pa'i rims sel ba'i/ /sman khu sman mar 'jam rtsis gso/ /zhes bya ba la/ gal te mkhris pa 'khrugs na ni mkhris pa sel bar byed pa dang / rims sel bar byed pa'i
 sman gyis sel bar byed do/ /bad kan sbrang rtsir bcas pa yi/ /dong ka la sogs sde yis gso/ /zhes bya ba la/ dug dang bral nas bad kan 'khrugs par gyur na dong ka la sogs pa'i sde tshan sbrang rtsi dang sbyar ba blud par bya'o/ /sbrul gyi rus pas gnod gyur dang / /de bzhin rtog pa'i dug
 gis nyen/ /ka ra rgun 'brum pa ya s+ya/ /shing mngar kha ra sbrang rtsir sbyar/ /sngags kyis btab pa'i chu dang bcas/ /gtor zhing spro bsrid dga' bar bya/ /zhes bya ba la/ sbrul gyi rus pas zug pa la sogs pa la ni ka ra dang / rgun 'brum la sogs pa'i sman la sogs pas gso bar bya'o/ /
 ke ke ru dang mu tig margad dang / /be+erUd+ya dang rdo rje mthon ka che/ /ras bal sa bon dug gis gnod ba'am/ /kha ba can gyi ri las skyes pa yi/ /so ma ra dza dang ni ba spru ba/ /de bzhin dro na ma hA dro na dang / /sbrul la yod pa'i nor bu ma na si/ /nus pa dang ni ldan par gyur pa yi/ /dug ni dug gzhom bya
 phyir bcang bar bya/ /zhes bya ba la/ ke ke ru dang mu tig la sogs pa'i rin po che dang / sman sbrul gyi dug sel ba'i nus pa dang ldan pa rkang pa dang lag pa dang / mgul dang mgo la gdags par bya'o/ /nub mo'i dus su rgyu tshe khyad par du/ /gdugs dang khar sil sgra dang bcas pa bcang / /de yi grib
 ma sgra yi skad phyung nas/ /sbrul gyi tshogs ni 'byer bar byed par 'gyur/ /zhes bya ba la/ mi nub mo'i dus su rgyu ba'i tshe gdugs dang khar ba sgra dang bcas pa bcang bar bya ste/ gdugs de'i grib ma dang khar sil de'i sgra skad kyis sbrul gyi tshogs 'byer zhing mthong ba'i yul las 'das par 'gyur ro/ /yan
 lag brgyad pa'i snying po'i rnam par 'grel pa tshig gi don gyi zla zer zhes bya ba slob dpon zla ba la dga' bas nges par sbyar ba las/ phyi ma'i gnas kyi le'u sum cu rtsa drug pa'i rnam par 'grel pa'o// //de nas srin bu'i dug gso ba bshad par bya'o/ /sprul nyid kyi ni bshang gci dang / /kha chu
 sgo nga lus rul skyes/ /nad ni re re 'dus pa dang / /ldan pa'i srin bu'i dug rnam bzhi/ /zhes bya ba la/ 'bu gang sbrul nyid kyi bshang gci la sogs pa rul pa las skyes par gyur cing / /de dag kyang nad sna re re dang 'dus pa las gyur pa'i srin bu'i dug rnam pa bzhi yin no/ /rlung gi srin bus zin
 gyur na/ /shas cher na zhing zug par byed/ /ces bya ba la/ rlung gi rang bzhin can gyi srin bus zin par gyur na/ tsha ba la sogs pas mtshan lhag par na ba dang zug par byed pa yin no/ /me yi srin bus 'dzag pa chung / /tsha zhing dmar la shu ba mchad/ /ba lu'i 'bras bu smin pa'am/ /'bra
 go'i 'bras bu smin pa 'dra/ /zhes bya ba la/ me'i rang bzhin can gyi srin bus zin pa na mchu'i rjes 'dzag pa chung ba dang / tsha ba la sogs pa'i mtshan nyid dang ldan pa yin no/ /bad kan shas ches nad tshabs chung / /u dum+WA ra smin pa 'dra/ /shas cher 'dzag pa'o/ /zhes bya ba la/ bad kan gyi rang bzhin
 can gyi 'bus zin par gyur na mchus btab pas nad tshabs chung ba la sogs pa yin no/ /'dus pa yi/ mtshan nyid thams cad ldan pa dang / /shugs ni sbrul dang 'dra ba dang / /skrang pa 'phel zhing khrag dri mnam/ /mgo dang mig lci brgyal mgo 'khor/ /dbugs mi bden spang bar bya
 zhes bya ba la/ 'dus pa'i rang bzhin can gyi 'bus zin pa ni mchu rjes mtshan nyid thams cad dang ldan pa dang / sbrul gyi shugs bdun dang ldan pa dang / skrang pa la sogs pa dang ldan pa yin te/ de ni gsor mi rung bas sbang bar bya'o/ /kun tu skrangs pa lte ba can
 tsha ba g.yo zhing yi ga 'chus/ /zhes bya ba la/ 'bu thams cad kyis zin pa ni dbus lte ba can du mtho bar skrangs pa dang / tsha ba la sogs pa dang ldan pa yin no/ /sdig pa'i dug ni rno ba ste/ /dang por me ltar sreg par byed/ /steng du myur du mched byed cing / /mche ba 'og tu 'dug pa yin/ /
 zhes bya ba la/ sdig pa zhes bya ba'i 'bus zin pa'i dug ni rang bzhin rno ba dang / dang por me ltar sreg par byed pa dang / sos btab pa'i steng du myur du mched cing 'phel ba dang / mche ba 'og tu 'dug pa yin no/ /zin ma thag ni rab tu gnag /gas pa snyam du sems shing zug /ces
 bya ba la/ sdig pa'i mche bas zin pa ni 'phral du shas cher na bar 'gyur ba dang / de bzhin du rab tu na zhing gnag pa dang / gas shing gyes pa snyam du sems pa yin no/ /de ni lci ba sogs rul dang / /dug gis phog sogs rul ba dang / /sbrul rul ba las skyes pa ni/ /dug tshabs
 chung dang 'bring dang che/ /zhes bya ba la/ sdig pa de dag gi lci ba la sogs pa rul ba las byung ba de ni dug gi tshabs chung ba yin no/ /dug gis phog pa'i sha rul ba la sogs pa las 'byung ba ni 'bring yin no/ /sbrul gyi sha rul pa las skyes pa ni dug gi tshabs che ba yin no/ /tshabs
 chung ser zhing dkar dang gnag / rtsub dang khra zhing gzig mdog can/ /spu dang tshigs ni dmar ba dang / /dmar zhing lto ba dkar ba lin/ /zhes bya ba la/ dug gi tshabs chung ba'i sdig pa ni ser ba la sogs pa'i mtshan nyid dang ldan pa yin no/ /bar ma lto ru tshigs gsum pa/ /rked
 pa ser skya dmar ba yin/ /zhes bya ba la/ sdig pa'i dug bar ma'i lto bar dud ka can la sogs pa yin no/ /dug che ser skya khra ba dang / /ri mo can la khrag 'dra zhing / me 'dra tshigs ni gnyis sam gcig /lto ba dkar zhing dmar ram gnag /ces bya ba la/ sdig pa che ba ni ser skya
 la sogs pa'i mtshan nyid can yin no/ /des zin lce ni skrangs pa dang / /lus rengs rims kyis nyen pa dang / /bu ga las ni khrag rnag slon/ /dbang po'i don ni mi shes shing / /rdul zhing brgyal la kha skom dang / /rmongs zhing nad kyis nyen pa dang / /sha ni zhig par byed pa ste/ /
 phal cher srog ni 'dor bar byed/ /ces bya ba la/ sdig pa des zin pa'i mtshan ma ni lce skrangs pa la sogs pa dang / de bzhin du dbang po'i don gyi yul mi shes shing rtogs par mi 'gyur pa dang / sha zhig pa'i bar yin te/ de lta bu'i nad kyis zin pa'i mi ni phal cher srog dang
 bral bar gyur ro/ /mchu sbom pas ni kha yis ni/ /'debs shing gsor rung sdig pa las/ /lhag par na byed lus rengs shing / /mtshan gyi sbubs ni ldang ba dang / /lus ni rngul bar byed 'gyur zhing / /sos 'debs chu grang snyam du sems/ /zhes bya ba la/ mchu sbom pa
 zhes bya ba'i 'bu ni mchus 'debs par byed la/ /de yang gsor rung ba'i sdig pa'i nad las lhag par na bar byed pa dang lus rengs pa la sogs par byed pa yin no/ /de nyid rnga mo'i dud ka dang / /mtshan mo rgyu bas mtshan mo can/ /zhes bya ba la/ de nyid ni rnga mo'i dud ka dang / mtshan
 mo rgyu ba dang mtshan mo can zhes slob dpon gyis ming du btags pa yin no/ /srin bu rlung mkhris shas che zhing / /rnga mo byi ba bad kan can/ /rnga mo'i dud pa zhes bya ba/ /phal cher rlung shas che ba yin/ /zhes bya ba la/ 'bu srin bu zhes bya ba ni phal cher rlung dang mkhris pa'i shas che ba yin la/ /
 rnga mo dang byi ba zhes bya ba ni phal cher bad kan gyi shas che ba yin la/ rnga mo'i dud pa zhes bya ba ni phal cher rlung gi shas che ba yin no/ /nad ni gang dang gang gi ni/ /mtshan ma shas che ba las brtag /de dang de las gso ba'i sman/ /yon tan mi mthun pa yis gso/ /zhes bya ba la/ /
 rlung la sogs pa'i nad gang dang gang gi shas che ba shes par byas la/ nad de dang de'i yon tan dang mi mthun pa'i sman gyis gso bar bya'o/ /snying gzer stod rlung gis rengs shing / /rtsa mi snang zhing rus tshigs na/ /mgo 'khor lus bcings snyam du sems/ /mdog gnag rlung las gyur/ /
 pa'i dug /ces bya ba la/ rlung gi shas che ba'i dug ni snying gzer ba la sogs pa'i mtshan nyid dang ldan pa yin no/ /dran nyams dbugs ni tsha bar byed/ /snying tsha kha ni kha bro la/ /sha 'gas skrang par byed pa dang / /khrag ser ba ni mkhris pa can/ /zhes bya ba la/ mkhris
 pa can gyi dug gis zin pa'i mtshan ma ni dran pa nyams pa dang / dbugs tsha ba la sogs pa yin no/ /slon zhing snying na yi ga 'chus/ /kha chu 'dzag cing cham pas 'debs/ /grang bcas kha ni mngar bar bro/ /bad kan shas che'i dug nad yin/ /zhes bya ba la/ bad kan gyi bdag
 nyid can gyi dug gis zin pa ni slon pa la sogs pa'i mtshan nyid dang ldan pa yin no/ /'ba' chas rma ni bsku ba dang / /rlung sel til mar gyis bsku dang / /sbu gu ma smin 'bru dugs dang / /brta bar bya ba'i cho gas phan/ /zhes bya ba la/ de dag gi gso ba ni rlung gi bdag nyid can gyi
 dug la ni til la sogs pa'i 'ba' chas bsku ba dang / til mar gyis bsku ba la sogs pa byas na phan no/ /mkhris pa can la sman chu blugs/ /shin tu grang ba'i lde gus bsku/ /zhes bya ba la/ mkhris pa can gyi dug la ni shin tu bsil ba'i sman gyi chu blugs pa dang ldi gus bsku
 par phan no/ /bad kan can la bzhar zhing bcad/ /dugs dang skyug sman btang bas gso/ /zhes bya ba la/ bad kan can gyi dugs ni bzhar ba la sogs par bsal bar bya'o/ /srin bu rnam pa gsum po la/ /gso ba rnam pa gsum pos phan/ /zhes bya ba la/ 'bu'i
 rigs gsum po la ni gso ba rnam pa gsum po byas na phan no/ /dugs dang bsku dang sman chu blugs/ /phal cher dro 'jam gtang bar bya/ /gzhan du brgyal dang mche ba yi/ /rnags dang 'drul bar byed ma gtogs/ /zhes bya ba la/ 'bu'i dug phal cher la dugs la sogs ba dro
 'jam tsam bya ba ste/ gzhan du na brgyal ba la sogs pa la ni de dag byar mi rung ngo / /mi skra yungs kar ser po dang / /bu ram rnying pa'i dud pas bdug /dug dang mche ba'i dug kun la/ /mchog tu phan par 'drob skyong 'chad/ /ces bya ba la/ dug gis zin pa thams cad la mi'i skra la
 sogs pa'i dud pas bdug pa phan par drang srong 'drob skyong gis bshad do/ /dug sel sman ni thams cad dang / /sbyang ba'i las kyang bya ba yin/ /zhes bya ba la/ mche ba dug can gyis zin pa thams cad la sbyor ba 'di dag byas na yang phan no/ /srin bu sdig pa mi bzad dug /'bus
 zin sbrul gyis zin ltar gso/ /zhes bya ba la/ srin bu rnams kyi dug la ni sbrul gyi dug ltar gsos na yang phan no/ /tan du li ya cha mnyam pa'i/ /dur byid dang ni zhun mang blud/ /'bu yi dug gis gangs can ltar/ /bskyod par nus pa ma yin no/ /zhes bya ba la/ skyes bus
 tan du li ya la sogs pa'i sman 'thungs na yang srin bu'i dug gis gangs can bskyod par mi nus pa dang 'dra bar bskyod mi nus bar byed do/ /'o ma can shun lde gus bsku/ /sbyangs byas srin bu'i dug sel byed/ /ces bya ba la/ mi sbyangs pa byas nas 'o ma can gyi shing gi shun pa'i
 lde gus bskus na yang srin bu'i dug sel bar byed do/ /mu tig lde gus bskus na yang / /skrang dang dug dang tsha ba sel/ /zhes bya ba la/ mu tig btab pa'i lde gus bskus na yang skrang ba dang / zug pa la sogs pa sel bar byed pa'i mchog yin no/ /shu dag shing kun byi dang ka /
 rgyam tsha ha ti pi pi ling / /pa tha bong nga tsha ba gsum/ /'dro ba skyong gis ni bshad pa yin/ /yan lag bcu pa'i dug sman ni/ /'dro ba skyong gis ni bshad pa dag /blud na srin bu'i dug kyang sel/ /zhes bya ba la/ shu dag la sogs pa'i dug sman yan lag bcu pa ni 'dro ba skyong
 gis bshad pa yin te/ des kyang srin bu'i dug thams cad sel bar byed do/ /sdig pa'i dug gis 'phral zin la/ /'khor los btsir ba'i til mar bsku/ /sa la par+Ni bskol ba yi/ /dro 'jam yang na gzhan dag blugs/ /zhes bya ba la/ /sdig pa'i mche ba'i dug gis zin ba la/ /
 'khor los btsir ba'i til mar sar pa dang / sa la par Ni dro 'jam tsam mam/ yang na til gzhan dag las byung ba'i til mar blugs par bya'o/ /rgyam tsha dang ni bcas pa yi/ /zhun mar yang dang yang du blugs/ /zhes bya ba la/ /yang na mar dang rgyam tsha sbyar ba blugs par bya'o/ /yang
 na skyur rtsabs dro 'jam mam/ /rgyam tsha 'o mar bcas pa blugs/ /zhes bya ba la/ gzhan du na sbyor ba 'di nyid byas na yang phan no/ /mar dang brngos pa'i go snyod dang / /rgyam tshar bcas pas dkri bar bya/ /zhes bya ba la/ yang go snyod dang rgyam tsho'i lde gu mar
 dang brngos pas dkris na phan no/ /mche bas zin pa dugs byas la/ /zhal zhal btab ste 'bras bu gsum/ /ser po gnyis dang tsha ba gsum/ shir sha'i me tog bsku bar bya/ /zhes bya ba la/ mche bas zin pa la ni dang por dugs byas la/ gtsags bus zhal zhal byas te
 'bras bu gsum po la sogs pa'i phye mas btab pa'am/ lde gus bsku bar bya'o/ /rgyam tsha kha lung ba gcin skyur/ /bye'u rug pa'i rtse mo btags/ /'ba' cha'am lci ba dro 'jom tsam/ /bskus na 'ang phan par 'gyur ba yin/ /zhes bya ba la/ yang na rgyam tsha la sogs pa'i
 lde gu 'am 'ba' cha'am/ ba'i lci ba dro 'jam tsam bskus na yang phan no/ /btung ba zhun mar sbrang rtsir bcas/ /yang na 'o mar kha ra btab/ /ces bya ba la/ yang na zhun mar la sogs pa'i btung ba byin na yang phan no/ /phug ron rtug pa a ru ra/ /rgya sngos bca' sga kha lung gi /
 khu ba dang sbyar blud pa ni/ /sdig pas zin pa'i sman mchog yin/ /zhes bya ba la/ yang phug ron gyi rtug pa la sogs pa yang mchog tu phan pa yin no/ /rnga mo'i so ni chu bal bcas/ /sdig pa'i dug ni 'joms par byed/ /ces bya ba la/ yang na rnga mo'i so la sogs pa yang phan no/ /shing
 kun ba la kha lung gi / khu ba dang sbyar lde gu dang / /mig sman ri lur byas na ni/ /sdig pa'i dug ni sel mchog yin/ /zhes bya ba la/ yang na shing kun la sogs pa'i sman gyi sbyor bas phan no/ /ka rany+dza dang ardzu na/ /gi ri kar+Ni se lu dang / /shir sha'i me tog dug mo yungs/ /zhog
 chu dang btags bskus na/ /sdig pa'i dug ni sel bar byed/ /ces bya ba la/ yang na kar ny+dza la sogs pa'i sbyor ba yang phan no/ /gang zhig rmugs shing rngam pa 'thon/ /bla zhing mi bzad na gyur pa/ /de la yung dang a ru ra/ /btsod dang bong nga pi pi ling / /bil ba gzhon nu na la sham/ /
 ta ka yi khu bar btags/ /lde gus byugs na phan pa yin/ /zhes bya ba la/ mi gang sems rmugs pa dang / rngam pa 'thon pa dang / bla zhing 'brel ba dang / 'brel pa'i tshig mang du smra ba dang / brnag par dka' ba na bar gyur pa gang yin pa de la yung ba la sogs pa'i lde gus
 bsku bar bya'o/ /sbrang ma gdug pa'i dug kun la/ /zho dang mar ni blud bya zhing / /gtar ga gdab cing sna sman dang / /mig sman gyi ni cho ga bya/ /dro zhing snum dang skyur ba dang / /rlung 'joms kha zas sbyin par bya/ /zhes bya ba la/ sbrang ma gdug pa'i dug gis zin pa la ni zho dang
 mar blud pa la sogs pa'i sbyor ba dang / kha zas dro ba la sogs pa rlung sel ba sbyin par bya'o/ /dong gra byi ba'i rtug pa dang / /kha lung khu ba ba bla dang / /rgyam tsha pu shel tse sbyar ba'i/ /lde gus sbrang ma'i dug myur 'joms/ /zhes bya ba la/ dong gral sogs pa'i lde gus bskus
 na sbrang ma gdug pa'i rigs thams cad kyi dug 'joms par byed do/ /sdig pas zin pa'i tha mar ni/ /dug gi shas cher langs gyur pa/ /zin pa'i rma la dug gis bsku/ /u ts+tshaTi ka'i gso ba'ang 'di/ /zhes bya ba la/ sdig pas zin pa'i mi la gso ba thams cad byas pa'i tha mar
 dug mi bzad pa langs par gyur na rma de la dug gis bsku bar bya'o/ /u ts+tshe Ta u0f72u0f7eka zhes bya ba'i 'bus zin pa yang cho ga 'di nyid bya'o/ /glang po che yi rtug pa'i steng / /ro he sha'i rtsa se 'u'i chu/ /lde gur byas btags bskus na ni/ /'di ni sbrang ma'i dug 'joms mchog /ces bya ba la
 / glang po che'i rtug pa'i steng du/ ro hi sha'i rtsa ba dang / se'u'i chu lde gur byas la bskus na sbrang ma'i dug thams cad 'joms pa'i mchog yin no/ /shir sha'i sa bon a rga yi/ /'o mas lan gsum bsgos pa ni/ /pi pi ling gi phye mar bsres/ /dug sman 'dis ni srin bu'i
 dug/ /sbrul dang lu ta byi ba yi/ /dug ni sel bar byed pa yin/ /zhes bya ba la/ shir sha'i sa bon pi pi ling gi phye ma dang bsres la/ arga'i 'o mas lan gsum bsgos te sbyar ba'i sman 'dis ni srin bu'i dug thams cad sel bar byed do/ /shir sha ka rany+dza yi sa bon dang / /gur gum
 ru rta ldong ros bcas pa yi/ /dug sman 'dis ni mtshan rgyu'i sdig pas zin/ /sel bar byed pa yin par rgyal bas gsungs/ /zhes bya ba la/ shir sha'i sa bon la sogs pa sbyar ba'i dug sman 'dis ni mtshan mo rgyu ba'i sdig pas zin pa sel bar byed pa'i dam pa yin par
 rgyal ba ste/ sangs rgyas bcom ldan 'das kyis gsungs so/ /srin bu las ni rab gdug pa/ /ba ni bcu drug yin par bshad/ /gzhan dag nyi shu rtsa brgyad 'dod/ /kha cig de bas mang bar 'dod/ /nyi ma'i 'od kyi rjes 'brang ba/ /stong phrag yod ces gzhan dag 'chad/ /
 ces bya ba la/ /srin bu rnams las rab tu gdug cing gso dka' ba ni srog chags ba zhes bya ba yin la/ de'i dbye ba yang bcu drug yod par slob dpon gyis bshad do/ /kha cig ni de nyi shu rtsa brgyad yod par 'dod do/ /drang srong gzhan dag ni de bas kyang mang bar 'dod do/ /
 drang srong kha cig ni nyi ma'i 'od kyi rjes su 'brang zhing skye ba stong phrag du ma yod par 'chad do/ /bla brnan gzugs ni mar gyur pa/ /dug can pa ni gcig pur 'dod/ /ces bya ba la/ srog chags ba ni bla brnan mang zhing gzugs mang ba'i dug can ni gcig pu kho nar 'dod do/ /
 de yi gzugs dang ming dag ni/ /shin tu 'dris pas shes par dka'/ /gnas kyi nges pa yod min pas/ /de phyir nad las bshad par bya/ /zhes bya ba la/ ba de'i gzugs la sogs pa ni shin tu shes par dka' zhing / /gnas kyi nges pa yang yod pa ma yin pas de'i rang bzhin ni nad kyi
 tshul las bshad par bya'o/ /nad gzhi so so'i gso ba dka'/ /'dus pa las gyur gsor mi rung / /zhes bya ba la/ bde ni nad gzhi tha dad pa las gyur pa ni gso dka' ba yin la/ 'dug pa las gyur ba ni gsor mi rung ba yin no/ /des zin mkhris gyur tsha ba dang / /skom dang chu bur
 rims kyis 'debs/ /rmongs bag ra ba tsha dmar ser mdog /rnags shing rgun 'bru'i 'bras bu 'dra/ /zhes bya ba la/ ba des zin pa'i mkhris pa las gyur pa'i mtshan ma ni tsha pa la sogs pa yin no/ /bad kan las gyur sra zhing skye/ /pa ru sha ka'i 'bras bu 'dra/ /gnyid che grang rims
 lud pa lu/ /shin tu g.ya' bar byed pa yin/ /zhes bya ba la/ bas zin pa'i bad kan can gyi mtshan nyid ni sra zhing mdog skya ba la sogs pa yin no/ /rlung gyur rtsub cing gnag pa dang / /tshigs na rims kyis 'debs par byed/ /ces bya ba la/ de la rlung las gyur pa ni/ /reg
 na rtsub cing kha dog gnag pa la sogs pa yin no/ /de yid bye ba nad kyi ni/ /rang gi mtshan nyid las shes bya/ /zhes bya ba la/ ba de'i dbye ba ni de ltar nad kyi rang gi mtshan nyid las shes par bya'o/ /gsor mi rung ba snying tsha zhing / /lud pa skyigs bu mgo nad dang / /'brum phran
 dkar dang ser dang gnag / dmar dang skya ba las 'byung 'gyur/ /'dar zhing skrangs la tsha ba dang / /skom dad lang zhing sna 'chus la/ /mchu gnag so ni g.yo ba dang / /rgyab dang mid pa bcom snyam sems/ /'dzom bu'i 'bras bu smin 'dra ba'i/ /khrag ni mchus bldags rma
 las 'dzag / ces bya ba la/ bas bldags pa gso bar mi rung ba ni/ snying tsha ba la sogs pa dang / 'brum phran mdog dkar ba la sogs pa 'byung bar 'gyur ba dang / 'dar ba la sogs pa'i mtshan nyid can nas mchus bldags pa las 'dzam bu smin pa'i 'bras bu 'dra ba'i
 khrag 'dzag par 'gyur ba'i bar yin no/ /'dus gyur mtshan nyid kun ldan zhing / /ming ni mang por gyur pa yin/ /zhes bya ba la/ ba thams cad kyang 'dus pa las gyur pa yin zhing / nad skyed par byed pa yin la/ de'i ming yang du mar gyur pa yin no/ /de'i dug rnon po bar ma dang / /
 dman pa'i dbye bas gsum du 'gyur/ /zhes bya ba la/ ba de ni dug rnon po la sogs pa'i dbye bas rnam pa gsum du 'gyur ro/ /ma bcos zhag bdun zhag bcu dang / /zla ba phyed kyi rims kyis gsod/ /ces bya ba la/ ba de'i dug ni ma bcos shing gso ba ma byas na dug rnon
 pos ni zhag bdun nas gsod do/ /dug bar mas ni zhag bcu nas gsod do/ /dug dman pas ni zla ba phyed kyis gsod do/ /ba dang mchu rings thams cad kyang / /glang shu kor kor por byed cing / /dkar dang gnag dang dmar dang ser/ /gnag pa'am 'jam zhing mtho ba
 dang / /dbus su gnag pa'am sngo ba la/ /mtha' ma dra ba lta bus khebs/ /mched cing skrang bar byed pa dang / /tsha zhing mang du na ba dang / /rims 'debs myur du rnags shing 'drul/ /rul zhing gas par byed pa dang / /rnag gis gang du reg gyur ba'i/ /
 phyogs der yang ni rma skyed byed/ /ces bya ba la/ ba dang sbrang bu mchu ring la sogs pa thams cad kyang glang shu zlum po kor kor po dang 'dra ba skyed par byed cing / mdog ni dkar po la sogs pa gang yang rung bar gyur la/ de bzhin du 'jam pa la sogs pa'i mtshan nyid dang
 ldan pa dang / shu ba mched pa la sogs pa dang / rims la sogs pa skyed par byed pa yin no/ /dbugs dang mche ba bshang gci dang / /khu chu kha chu sen mo khrag /brgyad po gnod byed khyad par du/ /dug ni kha la gnas pa yin/ /zhes bya ba la/ ba la sogs pa'i srin
 bu gdug pa 'di dag ni/ dbugs la sogs pa brgyad la dug yong pas gnod par byed la/ khyad par du ni dug de kha la gnas pa yin no/ /ba ni lte ba yan chad 'dzin/ /srin bu stod smad kun tu gnod/ /ces bya ba la/ ba ni lte ba yan chad du gnod cing dug 'debs par byed
 la/ srin bu ni lus kyi stod smad kun tu gnod par byed do/ /des gnod byas pa'i gos la sogs/ /lus la reg na nad skyed byed/ /ces bya ba la/ ba dang srin bu gdug pa des gnod cing gos par byas pa'i gos la sogs pas lus la reg na yang dug gi nad skyed par byed
 ngo / /ba dang srin bu las gyur dug /nyin phyed bar du tshor mi 'gyur/ /zhes bya ba la/ ba dang sbrang bu gdug pa la sogs pas zin pa'i dug ni nyi ma phyed kyi bar du tshor bar mi 'gyur ro/ /de nas dang po'i nyin zhag la/ /khab kyis gtsags pa snyam du sems/ /mdog mi gsal
 zhing gso ba dang / /cung zad g.ya' zhing nad dang ldan/ /zhes bya ba la/ de'i 'og tu srin bus zin pa de dang po'i nyin zhag la khab kyis gtsags pa snyam du sems pa la sogs par 'gyur ro/ /gnyis par mtha' ma shin tu mtho/ /'brum bu phra mos khyab pa 'dra/ /mdog
 gsal gyur nas dbus dma' zhing / /g.ya' zhing rmen bu lta bur snang / /zhes bya ba la/ sbrang bu gdug pas zin nas zhag gnyis pa'i mtha' ni shin tu mtho ba la sogs par 'gyur ro/ /gsum par rims bcas sbu ldang zhing / /'khor ling dmar por snang ba dang / /kham
 phor gzugs 'dra phal cher ni/ /ba spu'i bu ga 'dzag par 'gyur/ /zhes bya ba la/ zhag gsum par ni rims dang bcas pa la sogs par 'gyur zhing / ba spu'i bu ga nas chu ser la sogs pa 'dzag par 'gyur ro/ /nyin zhag bzhi par rab skrang zhing / /mgo 'khor lus tsha
 dbugs mi bde/ /zhes bya ba la/ de'i nyin zhag bzhi pa la ni de las gyur pa'i nad skrang ba la sogs par 'gyur ro/ /lnga par dug ldang las gyur pa'i/ /nad ni de dang de dag skyed/ /drug par gnad du khyab par byed/ /bdun par srog ni 'joms par byed/ /ces bya ba la/ gdug pa'i
 dug des drug pa la ni gnad rnams la khyab bar byed la/ zhal bdun pa la ni gsod par byed do/ /de ltar dug ni rnon po dang / /bar ma dman ba dbye bar bya/ /zhes bya ba la/ tshul de ltar na rnon po la sogs pa'i dug gi dbye ba stan pa yin no/ /de nas nyin zhag nyi shu ni/ /gcig na
 yong ye zhi bar 'gyur/ /zhes bya ba la/ de nas nyin zhag nyi shu rtsa gcig 'das nas ni rnam pa thams cad du zhi bar 'gyur ro/ /de nas ba yis zin pa ni/ /mtshon gyis rma ni gnod par bya/ /'dzam bu'i mchu la sogs pas bsreg /mkhris pa las gyur bsreg mi bya/ /zhes bya ba la/ /
 de'i 'og tu bas bldags pa'i rma mtshon gyis bcad de gnod pa dang /
 tshigs la sogs pa nas/ /zin nas kun tu khyab gyur pa/ /gcad par mi bya bsreg mi bya/ /zhes bya ba la/ rtsub pa la sogs pa'i mtshon gyis gcad du yang mi rung la mes bsreg tu yang mi rung ngo / /bsreg pa dug sman rgyam tsha dang / /sbrang rtsir sbyar bas bsku bar bya/ /zhes
 bya ba la/ mche bas zin pa bsreg pa la ni rgyam tsha dang sbrang rtsir sbyar pa'i dug sman bsku bar bya'o/ de rjes 'o ma can shing bskol/ /sman khu shin tu bsil mo blugs/ /zhes bya ba la/ 'bus zin pa'i rma bsregs pa de'i 'og tu sman gyi khu ba yang blugs par bya'o/ /rngabs rwa
 sogs sam gtar ga yis/ /thams cad la ni khrag dbyung bya/ /zhes bya ba la/ gdug pa'i srin bus zin pa thams cad la rngabs rwa la sogs pas khrag dbyung bar bya'o/ /de nas bsil sman bsku blugs bya/ /zhes bya ba la/ de nas de'i 'og tu bsil ba'i sman gyi lde gus bsku ba
 dang / shin tu bsil ba'i sman gyi chu blugs par bya'o/ /sle sman ta ka a shwad tha/ /ba ru ra dang pri yang ku/ /shug pa ser gnyis sbrang rtsir sbyar/ /ba dang srin bu la sogs pa'i/ /dug 'joms las ni thams cad byed/ /ces bya ba la/ sle sman ta ka la sogs pa sbrang rtsi dang sbyar
 ba'i lde gus bas bldags pa dang / srin bu gdug pas zin pa la sogs pa'i dug sel zhing las thams cad byed pa yin no/ /ser po rnam gnyis rma shing btsod/ /pad+ma ge ser rgya spos ni/ /sbrang rtsi mar sbyar tsam pa ka /snga ma bas kyang yon tan lhag /ces bya ba la/ ser po rnam
 gnyis la sogs pa spyar ba'i dug sman ni tsam pa ka zhes bya snye/ snga ma bas yon tan che ba yin no/ /lci khu btsir dang ka ra dkar/ /a pa marga ldong ros dang / /ba bla skyer pa bya ma ka /yug snam sbrang rtsi mar de bzhin/ /zhes bya ba la/ /lci khu btsir ba la sogs pa'i sman ni de bzhin te/ /
 ba la sogs pa'i dug 'joms shing las thams cad byed pa yin no/ /rgya spos na le sham sug smel/ /ru rta shing mngar sbrang rtsi mar/ /sbyar ba'i sman ni man da ra/ /zhes bya ba la/ rgya spes la sogs pa sbyar ba'i sman ni ming man da ra zhes bya ste/ de'i yon tan yang de dang 'dra'o/ /
 rgya spos seng phrom pu tse shel/ /shu dag pa tha sug smel dang / /gur gum spos ngad ldang de bzhin/ /zhes bya ba la/ gzhan yang rgya spos la sogs pa sbyar ba'i sman ni spos ngad ldang ba zhes bya ste/ yon tan yang snga ma dang 'dra ba yin no/ /nad gzhi mang la dug 'joms pa'i/ /sbyang ba byas
 pas gso bar bya/ /zhes bya ba la/ skyes bu nad gzhi mang ba la dug 'joms pa'i sman gyis dang por sbyang bar bya'o/ /shing mngar dang ni po son cha/ /ko sha ta ki ang ko la/ /sin du ba ra 'bras chur sbyar/ /'thungs na bad kan las gyur dug /myur du slon bar byed pa yin/ /zhes bya ba
 la/ bad kan gyi shas che ba la ni shing mngar la sogs pa'i sman 'bras kyi chu dang blud na/ dug myur du 'byin par byed do/ /shir sha'i lo ma me da dang / /rtsa ba 'bras bu ang ko la'i/ /rtsa bar bcas pa'ang de bzhin no/ /zhes bya ba la/ shi ri sha'i lo ma dang rtsa ba dang 'bras bu dang / ang
 ko la'i rtsa ba dang bcas pa 'bras kyi chu dang sbyar te 'thungs na yang bad kan las gyur ba'i srin bu'i dug de myur du slon par byed do/ /'bras bu gsum dang ni li ni/ /dur byid la sogs bkru sman gtang / /zhes bya ba la/ gal te bkru sman gyis gso bar 'os pa yin na ni/ 'bras bu gsum la
 sogs pa'i bkru sman gtang bar bya'o/ /skrang dang tsha sogs zhi gyur na/ /rma yi lte ba dpog par bya/ /zhes bya ba la/ gal te skrung pa la sogs pa zhi bar gyur na 'og nas bshad pa'i sman gyis rma'i lte ba dpog par bya'o/ /ba bla le brgan rtsa'i me tog/ /khron bu byi ba'i rtug pa dang / /dur byid dan
 da rgyam tshar sbyar/ /lte ba 'byin par byed pa yin/ /zhes bya ba la/ ba bla la sogs pa'i sman sbyar te bskus na yang lte ba 'byin par byed do/ /de bzhin u ta ma ka ri'i/ /rtsa ba smin pa'i shun bcas pa'i/ /zhes bya ba la/ de bzhin du u ta ma ka ri'i rtsa ba dang / smin pa'i shun pa gnyis kyis kyang lte ba
 'byin par byed do/ /rgyam tsha ru rta pu tse shel/ /dan da pa ya s+ya sbyar ba 'am/ /rAdza ko sha ta ki'i rtsar/ /dar ba'i tshigs ma sbyar bar bya/ /zhes bya ba la/ yang lte ba mtho ba de dbyung ba'i phyir rgyam tsha la sogs pa'i sbyor ba 'am/ rA dza ko sha ta ki'i rtsa ba dang / dar ba'i tshigs ma ska ba dang sbyar bas kyang bya'o/ /
 lte ba bcad pa'i dus su ni/ /dug sil ba yis brta bar bya/ /zhes bya ba la/ lte ba bcad pa'i dus su dug sel bar byed pa'i kha zas dang / /sman gyis brta bar bya'o/ /snum chos ma lus bya ba ni/ /zhun mar nyid kyis bya ba yin/ /zhes bya ba la/ /srin bu'i dug gi snum chos la ni kun kyang zhun mar
 gyis bya'o/ /til mar gyis ni rtsa sogs la/ /me mched lta bur dug 'phel byed/ /ces bya ba la/ gal te til mar gyis snum chos byas na ni/ rtswa sngon por me mched pa ltar dug de 'phel bar 'gyur ro/ /be koM ka ta ba li ka/ /thal
 tres gla sgang spri ka dang / /tsan+dan nya lcibs so na ka/ /ut+pal rgya sbos shing mngar dang / /shing tsha shug pa na gu li/ /po son cha'i rkang lhan cig sbyar/ /skyer pa gla sgang sar pa k+Shi/ /bca' sga pi pi ling rtsa ba/ /pi pi ling dang tsi tra ka /ba ru na dang a ga ru/ /
 bil ba nim pa ba ta li/ /ru rta nA ga ge sar dang / /se'u lu lhan cig sbyar ba dang / /bil ba tsan+dan ut+pa la/ /rgya spos bca' sga pi pi ling / /lcang ma nim pa ru rta dang / /chu srin sder mo dzi ban ti/ /ga bra'i rtsa ba pa ta li/ /dzi ban ti dang po son cha/ /
 shing tsha sbyar ba de dag ni/ /mig sman snar blugs byug pa dang / /sman chu blugs pa'i sbyor ba yis/ /mkhris pa bang kan rlung gyur pa'i/ /lu ta'i dug ni ji snyed pa/ /tshul khrims la gnas ngan 'gro bzhin/ /'di yis dug nad kun 'joms byed/ /
 ces bya ba la/ /be kang ka ta la sogs pa'i dug sman gyi mchog 'di ni sman gyi sde tshan gsum pos mkhris pa la sogs pa'i srin bu'i nad gsum po 'joms par byed do/ /ji ltar tshul khrims la gnas pa'i mis ngan 'gro'i tshogs zlog par byed pa dang 'dra'o/ /spri
 ka ni sha rtsi'o/ /nya lcibs ni chu bal lo/ /ku li ni gan+b+han ku li'o/ /se'u lu ni sle sman ta ka'o/ /gzhan ni go bar zad do/ /sbyor ba tshan gsum ni be koM ka ta nas po son cha'i rkang gi bar du sbyor ba gcig go/ /gnyis pa ni skyer pa nas se'u lu'i bar
 ro/ /gsum ba ni bil ba nas shing tsha'i bar ro/ /seng phrom shug pa pad+ma ge sar dang / /tsan+dan dmar ser phri yang ku'i me tog /pad+ma pu shel tse dang pa ya s+ya'i/ /sbyor ba kun gyis ba yi dug rnams 'joms/ /zhes bya ba la/ /seng phrom la
 sogs pa'i sman gyi sbyor ba ste/ btung ba dang / sna sman dang / mig sman dang / bsku ba dang / sman chu blugs pa'i sbyor bas sbyar na ni ba'i dug thams cad 'joms par byed do/ /yan lag brgyad pa'i snying po'i rnam par 'grel pa tshig gi don gyi zla zer zhes bya ba/ slob dpon
 zla ba la dga' bas nges par sbyar ba las/ phyi ma'i gnas kyi le'u sum cu rtsa bdun pa'i rnam par 'grel pa'o// //de nas byi ba dang a lang ga'i dug gso ba bshad par bya'o/ /kha chu can dang mi brtan bu/ /rgod dang sgra can pags pa dang / /rnying pa'i
 so dang khu byug dang / /ser skya dang ni nag po dang / /dmar ser khra bo dkar po dang / /thi ba skra dkar byi ba dang / /phus pa dang ni bra byi ste/ /byi ba'i dbye ba bco brgyad yin/ /zhes bya ba la/ byi ba'i dbye bas ni/ kha chu can la sogs pa'i dbye bas
 bstan pa grangs bco brgyad yin no/ /gang du 'di yi khu chus phog /khu bas phog dang reg pa ni/ /lus kyis lus la reg pa der/ /khrag la gnod cing mdog skya la/ /thor bu rmen bu dri mnam dang / /shu ba 'khor ling yi ga 'chus/ /mgo 'khor
 skrang rims rab tu na/ /nyam chung 'dar zhing lhu tshigs na/ /sbu ldang dran nyams khrag 'dzag dang / /yun ring du ni gnas bar byed/ /bad kan can gyi byi ba yi/ /phru gu mang reg skom slon 'gyur/ /zhes bya ba la/ byi ba 'di dag gi khu chus
 lus gang la phog pa dang / yang na khu bas phog pa'i lus dang rig par gyur na der mdog skya ba la sogs pa'i nad dang / yun ring du 'brel zhing gnas par byed pa'i bar du 'gyur la/ bad kan can gyi mi byi ba'i phru gu mang pos reg na skom dang che
 ba dang / slon par 'gyur ro/ /byi ba 'khrig spyod dug gso dka'/ /yang dang yang du ldang bar byed/ /ces bya ba la/ 'khrig pa spyod pa'i dug gis reg pa ni shin tu gso dka' zhing / de yang dang yang du ldang zhing 'khrug par byed pa yin no/ /yan
 lag kun skrangs mdog mi sdug / rnags shing 'on la rims kyis 'debs/ /mgo lci kha chu khrag 'byung zhing / /slon pa gso dka'i mtshan nyid yin/ /zhes bya ba la/ byi ba'i dug gsor mi rung bas zin pa'i mtshan ma ni
 yan lag kun skrangs pa nas/ slon pa'i bar yin par shes par bya'o/ /phus pas zin pa de dri bro/ /lgang pa skrangs shing chu mdog nyams/ /sbrang rtsi 'dra ba'i rmen bus khyab/ /ces bya ba la/ mi phus pa'i dug gis zin pa'i mtshan ma ni de'i
 dri bro ba nas rmen bus khyab pa'i bar yin te/ de ni gsor mi rung bas sbang bar bya'o/ /khyi'i dug bad kan shas cher 'khrugs/ /'du shes rgyu ba'i rtsa mang gnas/ /gnod cing 'khrug par byed pa dang / /lus zungs la ni mi bzad gnod/ /
 ces bya ba la/ khyi'i mche ba'i dug gis zin pa ni/ bad kan gyi nad shas cher ldang zhing 'khrugs pa dang / 'du shes rgyu ba'i rtsa mang po la gnas nas 'du shes stong cing brgyal bar byed pa dang / lus zungs rnams la lhag par gnod par
 byed pa yin no/ /kha chu 'dzag dang long dang 'on/ /kun tu rgyug par byed pa dang / /mjug ma 'gram pa phrag gong lhod/ /mgo na gdong ni dud pa yin/ /zhes bya ba la/ khyi kha chu 'dzag cing long ba dang 'on pa dang / phyogs kun tu rgyug par
 byed pa dang / mjug ma lhod cing rang gi gnas nas bskyod pa dang / 'gram pa dang / phrag pa yang lhod pa dang / mgo na zhing tsha ba dang / gdong dud par byed pa ni khyi gdug pa yin no/ /de yi so yis zin na rma/ /tshor ba chung zhing khrag nag
 'dzag / mgo snying na zhing rims 'debs rengs/ /de rjes skom dang brgyal bar 'gyur/ /zhes bya ba la/ de khyi'i sos zin par gyur pa'i mi ni rma'i tshor ba chung ba dang / de bzhin du khrag nag po 'dzag pa la sogs pa yin no/ /'di yis
 gdug cing mche ba can/ /ce sbyang dom dang dred dang gung / /stag dang spyang ki la sogs pa/ /gzhan dag kyang ni shes par bya/ /zhes bya ba la/ tshul 'dis ni gcan gzan gdug cing mche ba dang ldan pa'i mche ba can ce sbyang la sogs pa gzhan dag
 kyang shes par bya'o/ /g.ya' zhing zug la mdog mi sdug/ /tsher ba med gnas rims mgo 'khor/ /tsha zhing dmar la na zhing rnags/ /skrang zhing rmen bu skye zug 'khums/ /rma ni 'gags shing 'brum bu 'byung / /lte ba can du zlum por
 'gyur/ /kun tu dug bcas mtshan ma 'di/ /dug mid de las bzlog pa yin/ /zhes bya ba la/ thams cad du dug dang ldan pa ni/ g.ya' ba la sogs ba'i mtshan nyid dang ldan par shes par bya la/ dug med pa ni g.ya' ba la sogs pa'i
 mtshan nyid de dag med cing snga ma las go bzlog pa yin par shes par bya'o/ /gang gis bzung ba de'i sbyod tshul/ /sgra sgrogs rgyu med par de'i gzugs/ /chu dang me long sogs mthong 'chi/ /zhes bya ba la/ mi ce sbyang la sogs pa dag gis
 bzung bar gyur pa gang yin pa de mod la de'i spyod tshul de ce sbyod tshul de ce sbyang la sogs pa'i sbyod tshul byed cing / de ltar mthong ba'i rgyu med par chu la sogs par de'i gzugs mthong na 'chi bar 'gyur ba yin no/ /ma bzung bar yang sgra dang ni/ /mthong bas
 sngangs par byed pa ni/ /chu yis skrag ces bya ba ste/ /zin pa de yang spang par bya/ /zhes bya ba la/ mi gang srog chags de dag gis ma bzung du zin kyang sgra la sogs pas sngangs shing chus skrag par byed pa'i mi de ni chus skrag pa zhes bya ba'i nad
 kyis zin pa yin te/ de yang spang bar bya'o/ /byi ba'i dug gis zin ma thag /rma ni mde'u bsregs pas bsreg /yang na me long dag gis bya/ /gzhan du lte bar mi bzod na/ /zhes bya ba la/ byi bas zin ma thag pa'i mi'i rma la
 mde'u bsregs pa'am/ yang na me long bsregs pas de bsregs pas de bsreg par bya'o/ /gzhan du ma bsregs na rma'i lte ba mi bzod par na bar 'gyur ro/ /bsregs nas rma las khrag dbyung zhing / /zhal zhal byas la shir sha dang / /yung ba rgya spos
 gur gum dang / /sle tres kyi ni lde gus bsku/ /zhes bya ba la/ sos bzung ba bsregs pa'i rma la rngabs rwa la sogs pas khrag dbyung ba dang / zhal zhal byas la shi ri sha la sogs pa'i lde gus bsku bar bya'o/ /khyim gyi dug pa skyer pa dang / /rgyam tsha dang ni
 btsod dag gi / lde gus byi ba'i dug sel zhing / /lte ba 'bur ba'ang 'joms par byed/ /ces bya ba la/ khyim gyi dud pa la sogs pa'i sman gyi lde gus bskus na byi ba'i dug sel bar byed cing / de nyid kyis rma'i lte ba 'bur ba yang sel bar byed do/ /de
 nas skyur bas bkrus nas ni/ /gi ri kar Ni pa lin ti/ /bil ba'i rtsa ba sle tres dang / /chu dang btags pa'i lde gus bsku/ /zhes bya ba la/ de'i 'og tu kan dza dang dar ba la sogs pa khu ba skyur bas bkrus la/ de'i rjes la gi ri kar Ni la sogs pa chu
 dang btags pa'i lde gus bsku bar bya'o/ /dug dang skrang sel sman gzhan dang / /yang na gtar ga myur du gdab/ /ces bya ba la/ de bzhin du de la dug dang skrang pa sel ba'i sman gzhan dag gis kyang bsku ba dang / gtar ga gdab par yang bya'o/ /ni li ni
 bskol shi ri sha/ /ang ko la yi khu bas slon/ /zhes bya ba la/ byi ba'i dug de la ni li ni bskol ba'i khu ba blud pa'am/ shi ri sha dang ang ko la'i khu ba blud de slon par bya'o/ /ko sha ta ki shir sha dang / /dzi mu ta ka'i 'bras bu dang / /po son cha ni phye mar
 btags/ /zho sbyar blud la dug slon gzhug /ces bya ba la/ yang na ko sha ta ki la sogs pa'i sman bzhi'i phyi ma dang zhor sbyar te blud la byi ba'i dug slon du gzhug par bya'o/ /shu dag ru rta po son cha'am/ /dzi ban ti ni ba gcin btags/ /cho ga snga ma bzhin blud
 na/ /dug gi nad ni thams cad sel/ /zhes bya ba la/ shu dag la sogs pa'i sman ba gcin dang btags pa'i lde gu dang snga ma bzhin du zho dang sbyar te blud na yang byi ba'i dug gi nad thams cad sel bar byed do/ /dur byid ni li ni dang ni/ /'bras bu gsum gyi bkru sman bsngags/ /zhes bya ba la/ /
 yang nang dur byid la sogs pa'i bkru sman yang bsngags so/ /shi ra sha'i snying po'i 'bras bu yis/ /mgo bo'i bkru sman dag kyang phan/ /zhes bya ba la/ yang na shir sha'i nang gi snying po dang / de nyid kyi 'bras bu mgo bo'i bkru sman btang na yang phan no/ /ba lci'i khu ba tsha ba gsum/ /phye ma
 zhib btags lde gus phan/ /zhes bya ba la/ yang na ba'i lci ba la sogs pa'i mig sman yang phan no/ /ba lang lci ba ka pid ta'i/ /phye ma sbrang rtsi'i lde gu bza'/ /zhes bya ba la/ yang na ba lang gi lci ba la sogs pa'i lde gu zos na yang phan no/ /taN+Du li yi rtsa ba dang / /bskol ba'i
 mar ni blud na 'ang phan/ /zhes bya ba la/ yang na taN+Du li'i rtsa ba'i sman mar yang phan no/ /gi ri kar Ni ser po gnyis/ /shing mngar btsod dang sle tres phan/ /zhes bya ba la/ yang na gi ri kar+Ni la sogs pa'i mar blud na yang phan no/ /thal tres rtsa ba mar bskol ba/ /ka pid ta yi
 rnam lnga'ang phan/ /zhes bya ba la/ yang na thal tres zhes bya ba sha ri ba dang bskol ba'i sman mar ram/ yang na ka pid ta lnga pa zhes bya ba ka pid tha'i shun pa dang / lo ma dang rtsa ba la sogs pa dang bskol ba'i mar yang phan no/ /sin du ba ra rgya spos dang / /shi kru bil ba'i rtsa ba dang / /shu dag gze
 ma ba spru ba/ /dzi mu ta dang bcas pa ste/ /de rnams khu ba sbrang rtsir bcas/ /blud nas 'bras chan sA lu zho/ /byin na phyi ba'i dug nad sel/ /zhes bya ba la/ yang byi ba'i dug gis nyin pa la ni sin du ba ra la sogs pa'i khu ba sbrang rtsi dang bcas pa blud pa la sogs pa'i sbyor ba byas na yang phan no/ /
 shar pung ga'i phye ma ni/ /dar bar sbyar ba blud pa'ang phan/ /zhes bya ba la/ yang na sha ra pung ga'i sa bon btags pa'i phye ma dar ba dang sbyar te blud na yang phan no/ /ang ko la yi rtsa ba ni/ /ra thug gcin sbyar lde gus ni/ /btung dang bsku ba la sbyar na/ /byi ba'i dug kun sel bar byed/ /ces
 bya ba la/ yang na ang ko la'i rtsa ba ji skad smos pa bzhin du btang ba yang phan no/ /ka pid ta yi snying po dang / /ti la ka dang til dang ni/ /ang ko la yi rtsa ba ni/ /'a yi 'o ma'am gcin sbyar blud/ /ces bya ba la/ /yang na ka pid ta'i snying po la sogs pa gcin dang sbyar ba
 blud na yang phan no/ /ti la ka'i sdong yal ga ni/ /ba yi 'o ma sbyar ba blud/ /ces bya ba la/ yang na sbyor ba 'di byas na yang phan no/ /yang na sher+ya ka'i rtsa ba/ /sbrang rtsi 'bras bu sbyar ba blud/ /ces bya ba la/ yang na sher+ya ka zhes bya ba ha tsa ra'i rtsa ba dang / sbrang rtsi dang 'bras bkrus pa'i chu dang sbyar te blud na yang phan
 no/ /ku ba kha bo zhag gcig ni/ /chu la spangs pa'ang blud par bya'o/ /zhes bya ba la/ yang na ku ba kha bo zhag gcig chur sbangs pa'i khu ba blud par bya'o/ /sin du ba ra'i rtsa dang / /byi ba'i rus pa bong nga dkar/ /rgya spos chur btags sna sman sogs/ /sbyar bas byi ba'i dug sel byed/ /ces bya ba
 la/ /yang sin du ba ra'i rtsa ba la sogs pa'i sman sna sman la sogs pa byas na yang phan no/ /byi ba'i dug ni lhag lus pa/ /sprin mthong bas ni ldang byed pa'am/ /nad ni 'phel bar byed pa'i rgyu/ /ji lta bar ni 'phel bar byed/ /ces bya ba la/ byi ba'i dug lus la lhag par lus pa gnas na sprin
 mthong na ldang bar byed pa'am/ yang na 'phel bar byed pa'i dus dbyar la sogs pa'i tshe 'phel zhing ldang bar byed pa yin no/ /de la gnas skabs thams cad du/ /gso ba thams cad sbyar bya zhing / /rang gi gso bar gang bshad dang / /de bzhin nyams pa'i dug sel sbyor/ /zhes bya ba
 la/ de la rang gi 'phel bar byed pa'i gnas skabs su ldang bar byed na gnas skabs thams cad du ji skad du bstan pa'i gsob sbyar bar bya zhing / rang gi gso ba'i sman gang dag yin pa dang nyams pa'i dug sel ba'i sbyor ba dag bya'o/ /a lang ka yi so yis zin/ /mar bskol
 ba yis bsreg par bya/ /dug sman de dang de bsku zhing / /mar gyi snying po blud par bya/ /zhes bya ba la/ /a lang ka'i sos zin pa'i mi la ni mar bskol bas sos btab pa'i rjes bsreg par bya'o/ /'di la arka'i 'o mar bcas/ /bkru sman dag kyang myur du gtang / /zhes
 bya ba la/ a lang ka'i dug gis zin pa 'di la arga'i 'o ma dang sbyar ba'i sman gtang bar bya'o/ /ang ko la'i rtsa byang phyogs chu/ /srang gsum mar ni srang gcig blud/ /ces bya ba la/ ang ko la byang phyogs na gnas pa'i rtsa ba bskol ba'i chu srang gsum dang mar srang
 gcig bsres te blud na yang phan no/ /ng+ha du ra yi 'bras bu dang / /gi ri kar Ni ba sbru ba/ /bskol ba'i khu ba blud par bya/ /zhes bya ba la/ ng+ha du ra'i 'bras bu dang gi ri kar+Ni dkar po bskol te blud pa'am/ yang na ng+ha du ra'i 'bras bu dang / ba sbru ba dkar po bskol ta u0f7ablud par bya'o/ /
 til btags lde bu arka lcags/ /'o ma bu ram bsres byin na/ /sprin tshogs rlung gis gtor ba bzhin/ /a lang ka yi dug 'joms byed/ /ces bya ba la/ til btags pa'i lde gu la sogs pa'i sman gcig tu bsres te byin na yang ji skad smos pa'i yon tan skyed par byed
 do/ /sngags bcas sman dang rin chen bcas/ /zhi bar byed pa dag kyang sbyar/ /zhes bya ba la/ a lang kas zin pa de la sngags la sogs pa des zhi bar byed pa'i sbyor ba dag kyang bya'o/ /rkang bzhi pa dang rkang gnyis pa'i/ /so 'am sen mos snad gyur pa/ /skrang zhing
 rnags la mdog dmar zhing / /tsha na chu ser 'dzag pa la/ /zhes bya ba la/ rta dang glang po che la sogs pa rkang bzhi pa dang / rkang gnyis pa ste mi dang / rma bya dang khyim bya la sogs pa'i so'am sen mos snad par gyur nas skrangs pa dang rnags pa la sogs pa'i nad la ni 'og nas
 bshad ba'i sman gyi sbyor ba bya'o/ /a shwa kar Na kad pa la/ /ha na sa ti go dzi ha/ /yug snam ser po gnyis kyis bsku/ /so dang sen mo'i dug 'joms byed/ /ces bya ba la/ a shwa kar Na la sogs pa'i lde gus bskus na so la sogs pas snad pa'i dug sel bar byed
 do/ /yan lag brgyad pa'i snying po'i rnam par 'grel ba tshig gi don gyi zla zer zhes bya ba slob dpon zla ba la dga' bas nges par byar ba las/ phyi ma'i gnas kyi le'u sum cu rtsa brgyad pa'i rnam par 'grel pa'o// //dug gso ba'i rgyud rdzogs so//
 de nas bcud kyis len gyi le'u bshad par bya'o/ /de ltar re zhig nad kyis nyen pa dag gi sman gyi sbyor ba bshad na/ bde zhing nad med par gnas pa'i lus kyi stobs dang gzi byin skyed pa ston pa yin la de yang bcud kyis len dang ro tsa bar byed pa yin pa las
 bcud kyis len ni de dag las kyang mchog tu gyur pa yin pas de sngar bshad pa yin no/ /tshe ring dran dang yid gzhungs dang / /nad med gzhon dang lang tsho dang / /gzugs bzang mdog dang skad gsal dang / /lus dang dbang po'i stobs skyed cing / /tshig 'grub ro tsa mdangs ldan pa/ /
 bcud kyis len gyis 'thob par 'gyur/ /zhes bya ba la/ /bcud kyis len gyi cho ga yang dag par gyur pa'i skyes bus ni/ tshe ring ba la sogs pa 'thob par 'gyur ba yin no/ /dngas ma la sogs yon tan can/ /thob gnas yin phyir bcud kyis len/ /zhes bya ba la/
 dngas ma dang khrag dang sha la sogs pa yon tan dang ldan pa khyad par can thob cing rnyed par 'gyur ba'i rgyu yin pas na bcud kyis len ces bya'o/ /na tshod dang po'am bar ma'i tshe/ /dbang po thul bas de sbyar te/ /snum chos bya zhing gtar ga gdab/ /rnam pa kun tu sbyang byas gtang / /
 zhes bya ba la/ bcud kyis len de yang na tshod dang po'i tshe 'am/ na tshod bar ma'i tshe gtang bar byas la/ de yang skyes bu dbang po thul cing yul gyis sems ma phrogs pas de bsten cing sbyar bar bya la/ de yang snum chos byas shing gtar ga gdab pa dang / slon sman dang bkru sman la
 sogs pa las rnam pa ldas lus sbyangs nas gtang bar bya'o/ /ma sbyangs pa yi lus la ni/ /bcud gyis len dang ro tsa ba'i/ /sbyor byas dri ma can gyi ni/ /gos kyi tshon ltar don me 'gyur/ /zhes bya ba la/ gang gi phyir lus ma sbyangs shing dag par ma byas pa la/ bcud kyis
 len gyi sbyor ba'am/ ro tsa ba byas na de don med par 'gyur te/ dper na dri ma can gyi gos la tshon gyis kha bsgyur na de len du mi btub pa dang 'dra'o/ /bcud kyis len gyi sbyor ba ni/ /rnam pa gnyis su drang srong 'dod/ /spyil por 'dug pa gtso bo ste/ /rlung dang than pas nyen
 cig shos/ /zhes bya ba la/ bcud kyis len gyi sbyor ba ni drang srong rnams kyis rnam pa gnyis su bshad de/ spyil po'am khang par zhugs te bsgrub pa ni gtso bo yin la/ rlung dang than pas nyen pa'i sbyor ba ni cig shos te gtso bo ma yin pa'o/ /khang pa rlung med 'jigs pa med/ /
 chos ldan yo byad 'byor ba'i grong / /sa phyogs shis pa'i byang phyogs su/ /khang pa sum rim dkar khung chung / /dud pa nyi tshan sbrul dang rdul/ /bud med glen mas ma bgrod par/ /yo byad sman pa sta gon byas/ /khang pa legs par byi dor bya'o/ /zhes bya ba la/ sman bsten pa'i
 khang par rlung med pa dang / 'jigs shing bag tsha ba med pa dang / chos dang mi 'gal ba'i spyod pa dang ldan pa dang / sman la sogs pa'i yo byad 'byor pa dang grong gi byang shar gyi mtshams kyis phyogs shis par khang pa sum rim du brtsigs pa skar khung chung ngu dang ldan pa dang / dud bal sogs
 pas mnyen pa/ yo byad dang sman pa sta gon byas pa khang pa skyang nul la sogs pa byi dor bya'o/ /de nas tshes grangs bzang khrus byas/ /mchod 'os mchod nas 'jug par bya/ /zhes bya ba la/ de'i 'og tu bcud kyis len bsgrub par 'dod pa des zla ba yang ngo'i tshes grangs bzang por khus
 dang gtsang sbra byas te/ mchod par 'os pa lha dang bla ma la mchod pa byas te der 'jug par bya'o/ /der ni sbyang byas dag gyur nas/ /bde zhing stobs ni skyed pa dang / /tshangs par spyod dang brtan par ldan/ /dad par ldan zhing dbang po thul/ /sbyin dang tshul khrims bde ba dang / /
 brtul zhugs chos la mchog tu gzhol/ /lha ni rjes su dran par ldan/ /rigs pas gnyid log gnyid mi log /sman la dga' zhing tshig 'jam pas/ /bcud kyis len ni brtsam par bya/ /zhes bya ba la/ de nas khang par der bkru sman dang / skyug sman la sogs pas sbyang bar
 bya zhing / de bzhin du nyams brta ba la sogs pas stobs thob cing nus pa rnyed pa'i mi tshangs par spyod pa dang ldan zhing bud med la nyal po bya ba spang ba brtan zhing sran thub pa/ dad pa dang ldan zhing mos pa che ba/ dbang po thul zhing yul gyis sems mi phrogs pa sbyin pa dang tshul khrims la
 sogs pa'i yon tan gyi tshogs la mchog tu gzhol ba/ de bzhin du lha rjes su dran zhing yid la byed pa'i gtam dang ldan pa dang / de bzhin du rigs shing ran par gnyid log pa dang / ma log pa dang ldan pa dang / de bzhin du sman gyi sbyor ba la dga' zhing mos pa
 dang / tshig 'jam zhing des pa'i ngang tshul dang ldan pa de lta bus bcud kyis len gyi cho ga brtsam par bya zhing de la 'jug par bya'o/ /de nyid snum chos dugs byas nas/ /a ru ra dang skyu ru ra/ /rgyam tsha bca' sga pi pi ling / /shu dag yung ba byi dang ga /bu ram chu dron sbyar ba ni/ /blud na
 legs par 'khru bar 'gyur/ /zhes bya ba la/ skyes bu de dang po snum chos dang dugs byas nas/ a ru ra dang bu ram gyi bar du chu dron dang sbyar te blud na/ mi de legs shing bde bar 'khru bar 'gyur ro/ /de nas lus ni dag 'gyur zhing / /thug sogs rim par spyad nas kyang / zhag gsum
 mam ni zhag lnga'am/ /zhag bdun bar du zhun mar bcas/ /nas thug dag par gyur gyi bar/ /sbyin zhing bshang rnying dag par bya/ /zhes bya ba la/ de'i 'og tu lus kyi sbyang ba byas pa'i skyes bu des thug pa la sogs pa'i rim pa ji skad bshad pa spyad nas/ zhag gsum mam/ zhag
 lnga'am/ zhag bdun gyi bar du zhun mar dang bcas pa'i nas thug sbyin par bya ba'am/ yang na sngar gyi bshang ba rnying pa de dag par gyur gyi bar du nas thug sbyin par bya'o/ /de ltar lto ni sbyang byas nas/ /goms par shes pas gang zhig la/ /gang zhig 'tsham pa de kun brtags/ /bcud
 kyis len ni sbyin par bya/ /zhes bya ba la/ tshul de ltar lto sbyang ba byas pa'i skyes bu goms pa'i sbyor ba shes pa'i sman pas lus zungs nad gzhi la sogs pa'i tshul thams cad brtags te/ gang la ji ltar 'tsham pa'i bcud kyis len de sbyin par bya'o/ /a ru ra stong de'i sum 'gyur/ /
 skyu ru ra dang bcas pa dang / /rtsa ba lnga po lnga rnams ni/ /srang ni nyis brgya lnga bcu dag /chu ni bcu 'gyur nang du bskol/ /khu ba bcu cha lus pa ru/ /a ru rnam rgyal skyu ru ra/ /brdungs la rus pa phyug nas ni/ /khu ba de yi nang du ni/ /shing tsha sug smel pi pi ling / /gdur skyer
 pa a ru ra/ /tsan+dan ma du ka par ni/ /shang ka puSh+paka na ya/ /shu dag gla ba shing mngar dang / /byi dang ga ni phul re'i tshad/ /kha ra dkar srang stong chig brgya/ /zhun mar bre ni bcu gnyis dang / /til mar bre ni brgyad bcas pa/ /lde gur gyur gyi bar du bskol/ /phab la bsgrangs par sbrang
 rtsi ni/ /srang ni sum brgya nyi shu gzhug /de nas gzar bus dkrugs nas ni/ /mar gyi snod dug zhug par bya/ /gang zhig zas gcig la mi gnod/ /de ni 'di yi tshad du bshad/ /zhu ba'i tshe na drug cu pa/ /'o mar bcas pa'i kha zas sbyin/ /bcud kyas len 'di tshangs pas bshad/ /
 dge zhing dpal yon can yin zhing / /mkha' la gnas dang byis pa rtse/ /de bzhin dka' thub pas bsten byas/ /lus snyom ngal dang skra dkar dang / /gnyer ma'i skyon ni spang 'gyur zhing / /yid gzhungs dran dang stobs ldan zhing / /tshe ring par yang 'gyur ba yin/ /zhes bya ba
 la/ a ru ra rdog ma stong dang / de'i sum 'gyur gyi skyu ru ra dang bcas pa ste skyu ru ra sum stong dang / sman gyi sde tshan sna tshogs nas bshad pa'i rtsa ba lnga ngo lnga spyir srang nyis brgya lnga bcu ste/ 'di dag ni sman re re zhing bcu bcu gzhug par bya ste/ de dag thams cad bsdus pa srang gis bsdus
 te/ de'i bcu 'gyur gyi chu'i nang du bskol la de'i khu ba bcu cha lus pa dang / de'i 'og tu a ru ra rnam par rgyal ba dang / skyu ru ra brdungs la rus pa phyung ste/ khu ba de'i nang du shing tsha nas byi dang ga'i bar du sman sna re zhing phul re gzhug par bya'o/ /de bzhin du kha ra dka' bo srang stong chig
 brgya dang / de bzhin du zhun mar bre bcu gnyis dang / de bzhin du til mar bre brgyad de/ de dag thams cad gcig tu bsres la/ gzar bu la chags shing lde gur gyur gyi bar du bskol la thab las phab ste bsgrangs pa'i nang du sbrang rtsi srang sum brgya nyi shu gzhug par bya'o/ /de nas
 de'i 'og tu gzar bus legs par dkrugs la de mar gyi snod du bcug cing bzhag par bya la/ de las tshad ni ji tsam zhig zos bza' ba'i dus la mi gnod cing bde bar 'ju nus pa de tsam du bza' par bya'o/ /sman de zhu ba'i tshe
 na 'bras drug cu pa'i chan 'o ma dang bcas pa'i kha zas sbyin par bya'o/ /bcud kyis len pa 'di ni tshangs pas bshad pa yin te/ dge zhing dpal skyed pa la sogs pa'i yon tan dang ldan no/ /drang srong mkha' la gnas pa dang / byis pa dang rtse ba dang / de bzhin du dka'
 thub pa gzhan rnams kyis kyang bsten cing goms par byas pa yin la/ de dag kyang bcud kyis len 'di lus kyi snyim pa dang / ngal ba la sogs pa spang bar 'gyur ba dang / yid gzhungs pa dang / dran pa la sogs pa dang ldan pa nas tshe shin tu ring ba la sogs pa'i yon tan dang ldan par 'gyur
 ba yin no/ /skyon med a ru ra dang skyu ru ra/ /stong dang pi pi ling ni stong dang bcas/ /rgya skyegs shing gzhon thal ba'i chu sbyar ba/ /snod du bzhag ste legs par spangs nas ni/ /slar phyung grib mar skams te phye mar byas/ /kha ra dkar po bzhi cha mar dang ni/ /sbrang rtsi bzhi 'gyur bcas pa
 mar gyi ni/ /bum par bcug ste sa brkos par bzhag la/ /zla ba drug lon nas ni slar phyung ste/ /snga dro'i dus su me drod ji bzhin bza'/ /rtag tu mthun pa'i zas na lo brgya 'tsho/ /nad med pa dang skra dkar gnyer ma med/ /lus kyi stobs 'phel rgyas
 par 'gyur ba dang / /mchog tu dran gsal yid ni gzhungs par 'gyur/ /zhes bya ba la/ a ru ra dang skyu ru ra skyon med cing khu ba dang sman gyi nus pa la sogs pa rdzogs par gyur pa dang / de bzhin du pi pi ling stong dang bcas pa dang / de bzhin du rgya skyegs shing pa la sha zhes bya ba thal
 bar byas te chur gzags pa dang sbyar te/ snod du bzhag la spangs par gyur nas slar phyung ste grib ma'i nang du skams nas phye mar byas pa dang / kha ra dkar po phye ma'i bzhi cha las/ de bzhin du mar dang sbrang rtsi sman gyi bzhi 'gyur dang bcas pa de dag thams cad gcig tu bsdoms te mar gyi
 bum par bcug nas sa brkos pa'i nang du bzhag la/ zla ba drug lon pa dang / de'i 'og tu slar phyung ste snga dro'i dus su ji tsam du ran par zos la/ de zhu ba dang rjes su mthun pa'i kha zas sA lu'i chan la sogs pa bza' bar bya'o/ /de lta bu'i sbyor bas sman thams cad zos na/ lo brgya'i
 bar du 'tsho bar 'gyur zhing nad dang skra dkar dang gnyer ma med par 'gyur ba dang / lus kyi stobs 'phel ba la sogs par 'gyur ro/ /skyon med rgya skyegs shing rlon pa/ /thor to bcad la bzhog pa yi/ /sdod bu khru gnyis brkos pa'i nang / /skyu ru ra ni sar pas dgang / /rtsa ba'i
 bar du 'jag mas dkri/ /pad+ma skyes pa'i 'dam gyis bsku/ /de nas rlung med gnas su ni/ /lci ba sar pa gtsang mas btso/ /tshos shing skyu ru ra spangs nas/ /sbrang rtsi mar bcas mi yis bza'/ /de rjes 'o ma mar bcas pa/ /ci 'dod par ni btung bar bya/ /de nyid kyis ni zla gcig
 par/ /bsten zhing spang bar bya ba rnams/ /de ni 'bad de spang bar bya/ /chu ni grang mo lag pa yis/ /reg pa tsam yang mi bya'o/ /de ltar zhag ni bcu gcig 'das/ /skra so san mo lhags par 'gyur/ /de nas nyin zhag nyung zad nas/ /gzugs bzang bud med la phod cing / /stobs
 ni glang po dang 'drar 'gyur/ /mchog tu yid gzhungs snying stobs dang / /blo ldan lo stong 'tsho bar 'gyur/ /zhes bya ba la/ pa la sha rul pa la sogs pa'i skyon med pa rlon pa'i thor to bcad la bzhog pa'i nad gi sdong bu khru gnyis pa brkos la/ de'i nang du skyu ru ra sar pas bkang la/
 de'i 'og tu 'jag mas rtsa ba'i bar du dkri bar bya'o/ /de nas pad+ma skyes pa'i 'dam gyi bsku bar bya'o/ /de'i 'og tu rlung med pa'i gnas su dgon pa'i lci ba sar pa'i mes btsos la/ de nas skyu ru ra de sbrang rtsi dang mar dang bcas par bza' bar bya'o/ /de'i 'og tu skom du 'o ma ngoms par blud
 par bya zhing / 'o ma de nyid dang zla ba gcig gi bar du gnas par bya zhing / zas gzhan mi bza' bar bya ba dang / de'i bcud kyis len gyi sbang bar bya ba'i spyod lam ni/ 'bad de spang bar bya ba dang / chu grang mo ni tha na lag pas kyang mi reg par bya'o/ de lta bu'i tshul gyis zhag bcu gcig
 'das par gyur pa dang / skra dang so la sogs pa lhags par 'gyur ro/ /de nas nyin zhag gi dus nyung zad cig na gzugs bzang po 'byung bar 'gyur ba dang / bud med la phod pal sogs pa'i yon tan rnams 'byug bar 'gyur ro/ /rtsa ba bcu pa ba bla dang / /gla sgang thal tres dzi ba ka//
 ut+pa la dang pa r+Ni gnyis/ /kar ka ta sring pi pi ling / /med sug smel ta ma la/ /'tsho byed rgun 'brum a ga ru/ /ma nu zur ba sbru ba/ /ram nye ba gnyis sle tres dang / /ka ka nas a ru ra/ /ba sha ka'i rtsa bi da ri/ /srang re gcig tu bsres nas
 ni/ /skyu ru ra'i 'bru lnga brgya ni/ /chu bre bcu drug nang du bskol/ /de yi khu ba bzhi cha lus/ /skyu ru ra yi rus pa bsal/ /mar dang til mar srang bcu gnyis/ /nang du legs par brngos nas ni/ /kha ra dkar po srang lnga bcu/ /btags te lde gu'i tshul du bskol/ /snum phyed
 kyi ni sbrang rtsi gzhug / smig rkang srang ni bzhi dag dang / /pi pi ling ni srang gnyis dang / /dri bzangs bzhi ni srang gcig gzhug /de las tshad tsam bza' bya zhing / /khang par gnas shing 'phrod zas bsten/ /'di ni drang srong 'pho bas bsten/ /drang srong 'pho bas gang zos pas/ /
 rgas pas nyen par gyur pa yang / /bud med kyi ni mig tu sdug /cho ga bzhin du bsten gyur na/ /lud pa dbugs mi bde rims dang / /skems dang snying nad dreg nad dang / /gcin dang khu chu la gnas dang / /skad 'gags pa yang sel bar byed/ /byis pa rgan dang glo 'gram gcod/ /
 rid pa'i nyams stobs 'phel bar byed/ /yid gzhungs dran dang mdangs ldan dang / /nad med nyid dang tshe 'phel dang / /rlang ni bde bar rgyu byed cing / /bud med la phod stobs dang ni/ /dbang po gsal zhing me drod skyed/ /ces bya ba la/ rtsa ba bcu dang ba bla la sogs pa'i sman sna re zhing
 srang re gcig tu bsres pa dang / skyu ru ra'i rdog ma lnga brgya chu bre bcu drug gi nang du bskol la/ de'i khu ba bzhi cha lus pa dang / de las skyu ru ra btus te rus pa bsal la mar dang til mar srang bcu gnyis kyi nang du brngos la/ de'i 'og tu kha ra dkar po srang lnga bcu dang bcas pa de lde gu'i sbyor
 bas bskol la tshos nas bsgrangs la/ sbrang rtsi snum gyi phyed de srang drug la sogs pa bcug la/ lde gu de las tshad tsam bza' zhing / khang bar gnas te kha zas 'phrod pa bstan par bya'o/ /'di ni drang srong 'pho bas bsten zhing zos pa zhes bya ba'i bcud kyis len yin te/ bcud
 kyis len gang zhig zos pas de rgas 'khogs par gyur pa yang gzugs bzang zhing bud med kyi mig tu sdug par 'gyur ro/ /'di cho ga bzhin bsten par gyur na/ lud pa dang dbugs mi bde ba la sogs pa nas/ dbang po gsal zhing me drod skyed par byed pa'i par gyi yon tan dang ldan pa
 yin no/ /shing mngar smig rkang pi pi ling / /lce myang tsha dang bcas pa dang / /lcags ni sna re gser dang ni/ /shu dag sbrang rtsi zhun mar ram/ /kha ra dkar po 'bras bu gsum/ /lo gcig bsten na bcud len 'gyur/ /nad kun 'joms shing dran pa dang / /yid gzhungs
 blo ni skyid par byed/ /ces bya ba la/ shing mngar ram/ smig rkang ngam/ pi pi ling ngam/ lce myang tsha'am/ lcags lnga po re re'am/ so sor ram/ gser ram/ shu dag gam/ mar dang sbrang rtsi'am/ kha ra dkar po 'bras bu gsum dang bcas pa lo gcig tu bsten na/
 bcud kyis len du 'gyur zhing nad thams cad 'joms par byed pa yin no/ /ma du ka par+Na yi khu ba'am/ /shing mngar phye ma 'o mar bcas pa ni/ /lhan cig sbyar ba me drod ji bzhin sbyin/ /sle tres shang ka puSh+pa'i me tog bcas/ /lde gur sbyar ba me drod ji bzhin du/ /bsten na tshe ni
 sbyin par byed pa dang / /nad 'jig stobs skyed mdog ni gsal byed cing / /me drod skad gsal yid gzhungs skyed par byed/ /bcud kyis len gyi sbyor ba 'di dag las/ /shang ka puSh+pa'i sbyor 'di yi dag zhungs mchog /ces bya ba la/ ma du ka par+Ni zhes bya ba bskol ba'i khu ba
 'am/ shing mngar gyi phye ma 'am/ sle tres kyi phye ma 'am/ shang ka puSh+pa'i rtsa ba'i lde gu me drod ji lta ba bzhin du bsten na bcud kyis du 'gyur zhing / tshe sbyin par byed pa la sogs pa yin no/ /bcud kyis len gyi sbyor ba 'di dag las shang ka pushaSh+pa'i sbyor ba ni mchog tu yang yid
 gzhungs par byed pa yin no/ /spangs ma pu tse shel dang pa ya s+ya/ /shing mngar thal tres tsan+dan 'bras bu gsum/ /shu dag tsha ba gsum dang ser po gnyis/ /pa to li'i rtsa rgyam tsha zhib tu btags/ /mar dang 'om bre ni bcu drug dang / /shang ka baSh+pali bu bsum 'gyur bskol/ /
 blud na glen pa'ang tshig la dbang 'gyur zhing / /thos 'dzin spobs pa che zhing nad med 'gyur/ /zhes bya ba la/ spangs ma la sogs pa de dag zhib tu btags la mar dang 'o ma bre bcu drug dang / shang ka puSh+pa'i khu ba mar gyi sum 'gyur dang bskol te blud na skyes
 bu blun po dag kyang tshig gsal zhing dag la dbang ba dang / thos pa 'dzin pa dang / nad med pa nyid du 'gyur ro/ /pad+ma'i rtsa ba sdong bu dang / /ge sar nang gi sa bon rnams/ /gser bcas mar dang 'o ma ni/ /bre ni bcu drug nang du bskol/ /bang+ma lnga pa'i thig le zhes/ /sa steng dag du
 grags pa yin/ /tshul bzhin bsten na skyes bu ni/ /nyams stobs zad pa 'phel bar byed/ /ces bya ba la/ pad+ma'i rtsa ba la sogs pa tshul bzhin du bskol ba'i bcud kyis len ni ming pad+ma lnga pa zhes grags pa yin te/ de tshul bzhin du bsten na mchog tu skyes bu'i nyams stobs skyed
 par byed pa yin no/ /gang zhig ut+pal sdong bu lo/ /rtsa ba ge sar ldan bskol ba/ /ut+pal bzhi bar grags pa yin/ /gser dang bcas pa'i bcud len gyi/ /sbyor ba bsten na ba lang yang / /yid gzhungs 'gyur na mir ci smos/ /zhes bya ba la/ sman mar gang ud+pa la'i sdong bu dang lo ma
 dang rtsa ba dang ldan par bskol zhing gsar dang bcas pa sbyar ba'i bcud kyis len ni ut+pa la bzhi pa yin te/ de bsten na ba lang yang yid gzhungs shing blo dang ldan par 'gyur ba yin na/ mi skyes nas lta smos kyang ci dgos/ /pram+hi shu dag shang ka puSh+pa dang / /rgyam tsha mang tsha k+Shar bi shal/ /
 bram+hi so bar tsa la pi pi ling / /re re nas ni gsum gsum tsam gyi tshad/ /gser ni nas gnyis dug ni til 'bru tsam/ /zhun mar srang gcig 'di dag zhib tu sbyar/ /legs par btang ste zhu bar gyur nas ni/ /mar bcas kha zas lo gcig bar du bsten/ /dran dang yid gzhungs blo ni
 'phel 'gyur zhing / /na dang rgas pa dang gad las 'das pa dang / /snyom dang ngal dub sel byed lo brgyar 'tsho/ /dpal dang gzi brjid mdangs dang ldan par 'gyur/ /khyad par du ni mdze nad sha bkra skran/ /dug dang dbyig dug rims dang smyo byed dang / /sring skung rig byed sngags byas gshed
 byed dang / /rlung nad stobs chen 'dis ni zhi bar byed/ /ces bya ba la/ bra m+hi nas pi pi ling gi sman sna re re zhing nas gsum gyi tshad dang / gser ni gnyis kyi tshad dang / dug til 'bru gcig tsam dang / zhun mar srang gcig ste/ de dag thams cad gcig tu sbyar nas zos te/ de zhu bar gyur
 ba dang / kha zas mar dang sbrang rtsi mang po zos la tshul de ltar lo gcig gi bar du bsten na dran pa dang / /yid gzhungs pa rnam par 'phel bar 'gyur zhing / nad la sogs pa las 'das pa dang / lo brgya tshang ba'i bar du 'tsho zhing dpal la sogs pa dang ldan par 'gyur ba dang / khyad par
 du yang bcud kyis len 'dis mdze la sogs pa sel bar byed pa dang / de bzhin du srid srung gi rig byed las bshad pa'i cho gas gshed byed dang / gnod pa'i las kyi sbyor ba byas pa dang / rlung nad shin tu mi bzad pa dag kyang zhi bar byed pa yin no/ /nag pa la ston gyi tshe/ /skar ma rgyal
 la bab par btu/ /de yi rtsa ba zho gnyis tsam/ /phyer btags 'o ma sbyar te btung / /yang na mar dang sbrang rtsir sbyar/ /bldag cing zas med 'o mas 'tsho/ /de ltar lo gcig zos gyur na/ /lo brgyad 'tsho zhing stobs ldan 'gyur/ /zhes bya ba la/ nag bal zhes bya ba'i sman ston gyi dus
 la bab pa dang / skar ma rgyal dang gza' zla ba la babs pa'i dus su btus te/ de'i rtsa ba zho gnyis tsam gyi phye ma 'o ma dang sbyar te btung ba'am/ yang na mar dang sbrang rtsi sbyar te bldag cing 'o mas 'tsho bar byas te/ de ltar lo gcig gi nang du bsten na lo brgya'i bar du 'tsho ba dang / stobs
 shin tu che bar 'gyur ro/ /gze ma 'bras bu skyes pa rtsa bar bcas/ /grib mar skams te zhib tu btags nas ni/ /rang gi khu bar sbangs ba de las ni/ /che tshad khyor gang tsam du byas gyur gang / /de dang 'o ma sbyar nas bza' bya zhing / /zhu nas 'o ma srang ni nyis brgya zos/ /gzugs
 bzang skal ldan lo brgya thub pa dang / /'dod spyod khyu mchog ba lang tshogs gnas 'dra/ /zhes bya ba la/ gze ma 'bras bu skyes pa rtsa ba dang bcas pa grib mar skams te zhib tu btags pa'i phye ma rang gi khu ba'i nang du sbangs te/ gze ma de las che tshang rang gi khyor gang tsam ste srang
 gnyis kyi tshad tsam yang 'o ma dang sbyar te/ bza' zhing longs spyod la/ sman de khu bar gyur nas 'o ma nyid srang nyis brgya dang / 'bras chan bsres bzos bar gyur na gzugs bzang ba la sogs pa 'thob par 'gyur zhing / ji ltar ba lang gi tshogs kyi
 nang na khyu mchog 'dod pa spyod pa dang 'dra bar 'dod pa spyod nus par 'gyur ro/ /bar hi yi sdong bu rlon pa ni/ /'o mar sbyar bzos shing 'o ma btung / /zla gcig bar du kha zas 'o mas 'tsho/ /rgas pa'i tshogs las nges par rgyal 'gyur ro/ /zhes bya ba la/ sman bar hi'i sdong bu rlon pa 'o ma dang
 sbyar ba bsten cing zla ba gnyis pa la yang sdong bu de zas gzhan mi bza' bar 'o ma dang bcas par bsten na skyes bu de sbyor ba des rgas pa las nges par rgyal bar 'gyur ro/ /yang na de yi sdod bu'i phye zhib mo/ rang gi khu ba dang ni legs sbyar te/ /mar dang sbrang rtsir sbyar ba'i lde gu bza'/ /yang
 na de bskol mar ni btung bar bya/ /zhes bya ba la/ yang na de'i sdong bu phye ma zhib mor btags la rang nyid bskol ba'i khu ba dang sbyar te/ ji skad smos pa'i lde gu'am/ sman mar zos na yang yon tan snga ma dang 'dra'o/ /de bzhin a ti bal bi da ri/ /shing mngar dang ni mon sne'u dme ru dang / /
 dzi ban ti dang ra sna a ru ra/ /sa la par+Ni sle tres skyu ru ra/ /shang ka puSh+pa man du ka par+Ni/ /a shwa gan+t+ha dang ni nye'u shing rnams/ /sbyar ba btang na yid gzhungs blo dang ni/ /rgas sran tshod brtan zhing stobs skyed byed / /ces bya ba la/ de bzhin du a tib la la sogs pa yang bar ha'i sbyor ba
 dang 'dra bar sman sna dang yang rung ba re re btang bar gyur na yid gzhungs pa la sogs par 'gyur ro/ /s+thi ra ni sa la pa r+Ni'o/ /man du ka pa r+Ni man du ki'o/ /gzhan ni go bar zad do/ /tsi tra ka yi me tog ni/ /ser bo dkar nag las shes bya/ /cho ga bzhin du bcud len sbyar/ /go
 rims bzhin du yon tan che/ /zhes bya ba la/ tsi tra ka'i me te rnam pa gsum po ser po dang dkar po dang nag po ji lta ba bzhin du shes par byas la/ de bcud kyis len du sbyar na go rims ji lta na ba bzhin du yon tan che ba yin te/ me tog ser po can bas ni dkar po yon tan dang ldan la
 dkar po bas ni nag po yon tan che ba yin no/ /de yi rtsa ba grib mar skam/ /phye mar bcas pa sbrang rtsi mar/ /'o ma chu dang zla gcig bar/ /brtul zhugs can gyis bsten byas la/ /phan pa'i zas ni za byed na/ /lo brgyar 'tsho zhing nad med la/ /yid gzhungs stobs dang mdangs ldan zhing / /
 lus rgyas me drod 'bar bar 'gyur/ /zhes bya ba la/ tsi tra ka de'i rtsa ba'i phye ma mar dang sbrang rtsi gnyi ga'am/ 'o ma'am/ chu dang bcas par zla ba gcig gi bar du bsten nas 'phrod pa'i zas zos na lo brgyar 'tsho ba la sogs pa'i yon tan skyed par 'gyur ro/ /til mar lde gu zla gcig par/ /
 bsten na rlung nad gso dka' 'joms/ /gcin sbyar sha bkra mdze nad 'dzoms/ /dar bar sbyar bas gzhang 'brum sel/ /zhes bya ba la/ tsi tra ka de til mar dang bcas pa zla ba gcig gi bar du bsten na rlung nad mi bzad pa dag kyang sel bar byed la/ de gcin dang sbyar te zla ba gcig gi bar
 du bsten na ni mdze dang sha bkra 'joms bar byed do/ /tsi tra ka dang sbyar te zla gcig gi bar bsten na ni gzhang 'brum sel bar byed do/ /go bye legs par smin pa ni/ /'bras kyi phung po'i nang du gzhug /so ga'i tshe btus dgun tshe phyung / /mngar zhing snum dang bsil ba yi/ /sman sbyar de
 yi rdog ma brgyad/ /brgyad 'gyur chur ni bskol nas ni/ /khu ba de yi brgyad chu lus/ /'o ma sbyar ba grang mo btung / /de rjes nyi ma re res bskyed/ /nyi shu rtsa gcig bar du ni/ /gsum gsum gyis bskyed de phan chad/ /bzhi bcu'i bar bskyed de 'og tu/ /
 bskyed pa bzhin du dbri bar bya/ /bdun phrag bdun gyi bar du ni/ /stong gi bar du gtang bar bya/ /bdag nyid bsdams shing 'o ma mar/ /sA lu drug cu'i 'bras chan bza'/ /de bzhin dus ni sum 'gyur bya/ /de bzhin dus ni sum 'gyur bya/ /sbyong ba'i mtha' yang sbyad par bya/ /sngon gyi legs smon thob 'gyur zhing / /khyad
 bar du ni me drod skyed/ /gcin snyi srin bu gzhang 'brum mdze/ /tshil las gyur ba'i gzhang 'brum 'joms/ zhes bya ba la/ go bye zhes bya ba bse shing gi 'bras bu so ga'i dus su legs par smin zhing khu bcud yongs su rdzogs par gyur pa btus la 'bras kyi phung po'i nang du bcug ste/ /
 de dgun gyi dus su phyung la ro mngar ba dang rang bzhin snum zhing bsil ba'i sman dang legs par sbyar te/ de'i rdog pa brgyad chu brgyad 'gyur gyi nang du bskol la khu ba brgyad cha lus par byas te/ de 'o ma dang sbyar ba grang mo btung zhing go bye rdog ma brgyad po de dag zhag bdun gyi
 bar du rdog ma re res bskyed par bya'o/ /de'i 'og tu go bye las nyi ma re zhing gsum gsum gyis bskyed la bzhi bcu'i bar du bskyed bar bya'o/ /de'i 'og tu go bye de sngar bskyed ba'i tshul gyi grangs dang 'dra bar gsum gsum gyis dbri zhing bsten par bya'o/ /de'i 'og tu ni re res dbri bar bya'o/ /
 tshul de ltar zhag bdun phrag bdun gyi bar du gtang zhing / rdog ma stong gi bar du gtad bar bya'o/ /de'i tshe bdag nyid bsdams pa la sogs pa'i sbyod pa dang ldan par bya zhing sbyor ba'i mtha' yang spyod lam bsdams pa'i dus su ma 'gyur du byas la sngon gyi legs par smon pa tsi tra ka'i skabs su
 bshad pa'i nad med pa dang / yun ring du 'tsho ba la sogs pa 'thob par 'gyur la/ khyad par du ni me drod bskyed pa dang / gcin snyi ba la sogs pa'i nad 'joms pa yin no/ /go bye'i 'bras bu skyon med pa/ /brdungs shing zhi btu btags pa ni/ /bum par bcug ste sa nag
 bskus/ /sa brkos pa yi nang du gzhug /kun nas ba yi lci bas bskor/ /de sbyar me la btsos nas ni/ /de las 'dzag pa'i khu ba gang / /blangs pa nyin zhag gzhan la ni/ /de yi brgyad 'gyur sbrang rtsi dang / /nyis 'gyur mar dang sbyar ba ni/ /cho ga snga ma bzhin bsdams te/ /bsten na yon
 tan de nyid thob/ /ces bya ba la/ go bye'i 'bras bu skyon med par 'gyur ba la sogs pa'i sbyor ba byas la de tshul bzhin du btsos la/ de las khu ba gang zhig 'dzag pa de nyi ma gnyis pa la blangs la/ rang gi khu ba de'i brgyad 'gyur gyi sbrang rtsi dang nyis 'gyur gyi mar dang sbyar te/ cho ga snga ma bzhin
 du bsdams pa dang bcas pas bsten na yang skyes bu de sngar bshad pa'i yon tan de nyid 'thob par 'gyur ro/ /go bye'i 'bras bu smin te lhung gyur pa/ /bre bzhi'i tshad tsam dang ni so phag dang / /bdar ba'i phye ma dag dang chu dang mnye/ /bkrus te rlung la legs par bskams nas ni/ /brdungs te chu
 bre bcu drug nang du bskol/ /bzhi cha lus pa btsags te bsgrangs pa yi/ /khu ba de dang 'o ma bre bcu drug /bskol te bzhi cha lus par gyur ba dang / /de dang mnyam pa'i zhun mar bcas pa rab skol/ /de'i nang kha ra'i phye ma ci ran gzhug /de ni gzar bus dkrugs pas gcig tu gyur/ /
 'bras kyi phung bor zhag bdun legs par sba/ /bdud rtsi 'dra ba de bsten skyes bu gang / /chu 'am 'o ma sha khu 'thung gyur na/ /dran dang yid gzhungs blo gros stobs dang ldan/ /snying stobs dang ldan gser gyi mdog dang 'dra/ /tshe ring ba yang des ni 'thob bar 'gyur/ /zhes bya ba la/ /go bye
 smin par gyur nas/ /rang nyid lhung bar gyur pa bre bzhi tsam so phag bdar ba'i phye ma dang / chu dang bcas par mnyes la/ yang slar chur bkrus la rlung la skams pa gtun gyi nang du brdungs te/ ji skad smos pa bzhin du bskol la/ de'i nang du kha ra'i phye ma rang nyid ji tsam 'dod pa bcug ste/ /
 de dkrugs la zhag bdun gyi bar du 'bras kyi phung por sbas la/ skyes bu gang gis bdud rtsi bza' ba lta bu'i sman mar de bsten la de'i 'og tu chu la sogs pa gang yang rung ba 'thungs na/ de dran ba la sogs pa 'thob bar 'gyur ro/ chu bre bcu drug nang du go bye ni/ /sum brgya bskol te bzhi
 cha lus pa ru/ /til mar srang bzhi der ni bcu gnas kyang / /tig ta bong nga gnyis dang 'bras bu gsum/ /brag zhun skyer shun da lis phye ma gdab/ /bskol na mdze nad ma las 'joms par byed/ /ces bya ba la/ chu bre bcu drug gi nang du bser shing gi 'bras bu gsum brgya ji skad smos pa bzhin
 du bskol ba'i sman mar ni mdze nad thams cad 'joms par byed pa'i mchog yin no/ /go bye skyu ru ra 'am tsha'am ni/ /zho yi sbris ma til mar 'o ma'am/ /bu ram 'o thug mar ram sbrad rtsi'am/ /nas zan dag gam til btags lde gur byas/ /sran tshod dag dang lhan cig sbyar ba ni/ /lus rgyas yid
 gzhungs tshe ring byed mchog yin/ /zhes bya ba la/ go bye sgyu ru ra dang bcas pa tsha la sogs pa gang yang rung ba dang / lde gur byas la/ sran mung+ga 'i tshod ma dang bcas pa lhan cig sbyar te bsten pa yang lus rgyas par byed pa la sogs ba'i mchog yin no/ /go bye'i 'bras bu rnon po ni
 smin pa me dang 'drar gyur pa/ /cho ga bzhin du sbyar ba ni/ /bdud rtsi dang ni 'dra bar 'gyur/ /zhes bya ba la/ go bye'i 'bras bu rang bzhin gyis rno ba dang de bzhin du smin cing tshos pa me dang 'dra ba cho ga ji skad bshad pa bzhin du bsten cing sbyad par gyur na bdud rtsi dang 'dra bar
 yon tan che ba yin no/ /bse shing 'bras bu ma bcos pa'i/ /bad kan da dang nad rnying ni/ /'brel pa gang yin de med cing / /me yi drod kyang myur du skyed/ /ces bya ba la/ gang bse shing gi 'bras bu bsten na des ma bcos pa'i bad kan gyi nad dam nad rnying pa dang rjes su 'brel zhing yun ring du
 lon pa'i nad gang yang med cing me drod shin tu skyed pa yin no/ /rlung dang tsha bar 'dug pa ni/ /khyad par du ni spang bya zhing / /rgya sran zho dang tsha dang ni/ /til mar bsku dang me bsten spang / /zhes bya ba la/ bse shing gi 'bras bu bsten par byed pa na rlung dang nyi tshan la sogs pa spang bar bya zhing khyad par du
 rgya sran la sogs pa spang bar bya'o/ /du ba ra yi shing zhes bya/ /nub phyogs rgyam tsho'i ngos nas skye/ /chu rlabs g.yo bas bskyod pa dang / /rlung gis lo ma g.yengs pa yin/ /zhes bya ba la/ shing du ba ra zhes bya ba nub phyogs kyi rgyam tsho'i ngogs na skye ba yod de/ de ni chu rlabs g.yo bas
 bskyod bal sogs pa'i khyad par dang ldan pa yin no/ /de yi 'bras bu dbyar gyi tshe/ /legs par smin pa btu bar bya/ /zhes bya ba la/ du bar de'i 'bras bu shin tu legs par smin pa dbyar gyi tshe btu zhing blang bar bya'o/ /'bras bu de las rkang phyung nas/ /bskams te phye mang btags nas
 ni/ /til bzhin pa tsir bar bya ba'am/ /le brgan me tog bzhin du bskol/ /zhes bya ba la/ shing de'i 'bras bu las rkang phyung ste bskams la btags nas gtun la til bzhin du btsir bar bya ba'am le brgan rtsi bzhin du bskol la/ mar dbyung bar bya'o/ /de yi mar bsags gyur pa
 ni/ /chung zad pa yi bar du bskol/ /phab ste ba yi lci ba yi/ /nang du zla phyed tsam du gzhug /ces bya ba la/ de'i mar bsags par bya ba ni chung ngu'i bar du bskol bar bya'o/ /de'i 'og tu phab la ba'i lci ba'i nang du zla ba phyed kyi bar du gzhag par bya'o/ /de 'og de las phyung nas ni/ /
 snum zhing dugs byas dri ma bsal/ /zas kyi dus ni bzhi chod par/ /nang par zho gnyis tsam zhig btung / /mar de nyi ma shes pa la/ /sngags 'di yis ni dag par bya/ /rkang pa gnyis po brtson pa che/ /lus zungs thams cad skyod byed par/ /'khor lo dbyig pa dung thogs la/ /mi
 'pho bas ni khyod lab sgo/ /de gang 'di yi nad steng dang / /'og gi nad ni du ma sel/ /dgongs ka snum dang lan tshwar bcas/ /nas thag grang mo btung bar bya/ /zhes bya ba la/ de la de'i 'og tu phyung la dang por snum dang dugs byas la dri ma'i tshogs bsal te zas kyi dus bzhi bzhis chod pa'i
 dus su nang par gyi dus su zho gnyis gnyis kyi tshad tsam btung la/ btung ba de yang nyin zhag shis pa la/ rkang ba gnyis po brtson pa che/ /zhes bya ba'i sngags kyi tshigs bcad bzlas la btung bar bya'o/ /mar de sbyar bas skyes bu de'i nad steng dang 'og tu gtogs pa sal bar byed do/ /de
 ltar sman 'thungs nas dgongs ka'i snum dang lan tshwar bcas pa'i nas thug grang mo btung bar bya'o/ /mar de zhag lnga'i bar du btung / /spang bar bya ba thams cad spang / /zla phyed mud ga'i khu ba btung / /mdze nad kun las thar bar 'gyur/ /zhes bya ba la/ tshul de ltar mar de zhag lnga'i bar
 du btung bar bya zhing zas skom dang sbyod lam la sogs pa spang bar bya ba dang / zla ba phyed kyi bar du mon sran sde'u'i khu ba 'thung san mdze'i nad thams cad las thar bar 'gyur ro/ /de nyid seng ldeng khu ba ni/ /sum 'gyur dang ni legs par bskol/ /snga ma bzhin du zla
 phyed bzhag / legs par bsdams te zla gcig btung / /de yis lus ni bsku ba dang / /ji skad bshad pa'i zas zos pa'i/ /sbyor ba 'di yis myur du ni/ /mdze can mi ni gso bar bya/ /zhes bya ba la/ mar de nyid seng ldeng gi khu ba sum 'gyur dang legs par bskol ba ji skad smos
 pa bzhin du bzhag ste/ zla ba gcig gi bar du 'thungs na yang ji skad smos pa'i yon tan thob bar 'gyur zhing / khyad par du sbyor ba 'dis mdzes btab pa'i nad pa gso par bya'o/ /de nyid seng ldeng med par ni/ /zhun mar sbrang rtsi ldan par btung / /zla phyed bar du sha khu btung / /
 lo ni nyis brgyar 'tsho bar 'gyur/ /zhes bya ba la/ du ba ra'i mar de nyid seng ldeng gi khu ba med par zhun mar dang bskol te sbrang rtsi btab pas zla ba phyed kyi bar du bsten zhing sha khu 'thungs na de lo nyis brgya 'tsho bar 'gyur ro/ /de nyid zhag ni lnga bcu'i bar/ /sna sman du ni btang gyur
 na/ /lus rgyas thos pa 'dzin pa dang / /lo ni sum brgyar 'tsho bar 'gyur/ /zhes bya ba la/ sman mar de nyid zhag lnga bcu'i bar du sna sman btang na lus rgyas ba la sogs par 'gyur ro/ /pi pi ling ni pa la sha'o/ /thal chur spangs shing mar dang brngos/ /rdog ma gsum gsum snga dro dang / /
 zas kyi sngon du bza' bar bya/ /bcud len yon tan 'dod pa yis/ /sbyar rtsi dang ni sbyar te bza'/ /zhes bya ba la/ pi pi ling gi rdog ma lnga 'am brgyad dam bdun nang bcu mar dang sbrang rtsir sbyar ba bcud kyis len 'dod pas cho ga bzhin du lo gcig gi bar du spyad par bya'o/ /pi pi ling de
 nyid pa la sha zhes bya ba rgya skyegs shing king shu ka'i thal ba btsags pa'i chur spangs la mar dang brngos brdog ma gsum ni snga dro/ gsum ni zas zos pa'i sngon du sbrang rtsi dang bcas par bza' bar bya ste/ de ni bcud kyis len gyi yon tan du 'gyur ro/ /pi pi ling bcu nyin re bzhin/ /rom gyis
 bskyed par gyur pa dag / de bzhin 'o mar sbyar te bza'/ /de bzhin du ni dbri bar bya/ /sman zhu nas ni drug cu pa'i/ /'bras chan 'o ma mar bcas bza'/ /pi pi ling ni stong gi bar/ /btang na 'di ni bcud len 'gyur/ /stobs dang ldan la de btags sbyin/ /stobs dbri ba la
 bskol te blud/ /ces bya ba la/ nyin re zhing pi pi ling bcu bcus rim gyis bskyed de zhag bcu'i bar du 'o ma dang lhan cig bza' bar bya la/ de bzhin du zhag bcu'i bar du bcu bcus dbri zhing 'o ma dang bcas bar bsten par bya'o/ /des na 'di skad ston te/ de nas zhag dang po la ni pi pi
 ling bcu 'o ma dang sbyar te gtang bar bya'o/ /de bzhin du gnyis pa la ni nyi shu/ gsum pa la ni sum cu/ de nas zhag bcu ba la brgya'i bar du bskyed cing 'o ma dang bcas par bza' la/ de nas ni rim bzhin du dbri bar bya ste/ de nas zhag bcu gcig ba la dgu bcu/ zhag bcu gnyis
 pa la brgyad cu nas zhag bcu dgu pa la bcu'i bar bza' ste/ de ltar na stong tshang bar 'gyur ro/ /sbyor ba 'di la sman zhu nas 'o ma dang zhun mar dang drug cu pa'i 'bras chan dang bcas par bza' ste/ 'di ni pi pi ling stong gi bcud len zhes bya'o/ /pi pi ling de mi nyams stobs chen po
 dang ldan pa la ni btags pa'i phyi ma sbyin bar bya la/ stobs bar ma dag la ni bskol te blud par bya'o/ /de bzhin ra yi 'o ma dang / /nyis stong gi ni bar du gtang / /zhes bya ba la/ de bzhin du ra'i 'o ma dang pi pi ling du bcas par bskyed dbri snga ma bzhin du byas te nyis stong gi bar du
 yang gtang bar bya'o/ /pi pi ling gi sbyor ba 'dis/ /lud pa dbugs mi bde mgul nad/ /gcong chen gzhang 'brum pho ba'i nad/ /gcin snyi skya rbab mi bzad rims/ /'or nad slon dang sgyigs bu dang / /mdzer pa dreg nad 'joms par byed/ /ces bya ba la/ bshad ma
 thag pa'i pi pi ling gi sbyor ba 'dis ni lud pa dreg nad kyi bar du 'joms bar byed do/ /pi pi ling ni srang phyed lde gur byas/ /lcags kyi snod bskrus nas ni nub gcig bzhag /de dang chu ni snyim gang nang bar btung / /lo gcig bza' btung sbyod pa ci 'dod bsten/ /zhes bya ba la/ pi pi
 ling srang phyed lde gur byas pas lcags kyi snod bskus te mtshan mo bzhag la de nang par chu snyim pa gang dang bcas par 'thungs nas/ lo gcig gi bar du bsten zhing bza' btung ji ltar 'dod pa bzhin du spyad par bya'o/ /bca' sga sle tres shing mngar byi dang ga /ba la a ti ba la 'bras bu
 gsum/ /gla spang thang shing yung ba a ga ru/ /mu zi pad+pa ut+pal kru drug tres/ /da ta a shwa kar+Na a sa na/ /ba la'i lo ma'am snying bo de bzhin du/ /pi pi ling bzhin lcags snod bsku sogs bya/ /lo brgya 'tsho zhing rgas dang nad las thar/ /'o ma snyim gang gi ni bcud len sman/ /
 sbyar ba 'di yis lcags snod bskus bas ni/ /sngar bshad yon tan bas kyang lhag bskyed cing / /tshe yang de las nyis 'gyur skyed bar byed/ /ces bya ba la/ bca' sga la sogs pa pi pi ling gi cho ga bzhin du bsten par byas pas kyang lo brgyar 'cho ba la sogs pa dang / lcags kyi snod
 la pi pi ling bskus pa'i sbyor bas yon tan che zhing tshe yang de'i nyis 'gyur gyis 'phel bar byed do/ /a san dang seng ldeng gi /khu bar so ma ra dza sbangs/ /sbrang rtsi ru rta mar dang ni/ /a ru ra dang lcags phyer bcas/ /lde gu lo gcig bar zos na/ /rgas
 dang mi 'phrod zos pa las/ /nad ni yongs su 'dor bar byed/ /ces bya ba la/ a sa na dang seng ldeng bskol ba'i khu bar so ma ra dza spangs pa sbrang rtsi dang bcas lde gu mis lo gcig gi bar du bsten na rgas ba dang kha zas mi 'phrod bzos pa las nad du gyur pa yongs su 'dir bar
 byed do/ /mdze nad mi bzad pa yis ni/ /lus nyen gyur pa gang yin pas/ /so ma ra dza til nag gnyis/ /lo gcig bar du bsten na ni/ /de ni zla rgyas lta bur 'gyur/ /zhes bya ba la/ mdze nad mi bzad pas thebs par gyur pa gang yin pa des so ma ra dza dang til nag po gnyis
 lo gcig gi bar du bsten na de'i lus zla ba lta bur 'gyur ro/ /gang zhig so ma ra dza sbun pa med/ /btags pa 'o ma lhan cig zhor mnan pa'i/ /snying po phyung la sbrang rtsi'i lde gu bldags/ /de rjes de nyid kyi ni dar ba btung / /mdze yi nad kyis yan lag nyams pa dang / /sna
 chad sor mo 'brul ba la sogs pa/ /shing bcad rjes la ljon shing skye ba ltar/ /de ni nges par skye bar 'gyur ba yin/ /zhes bya ba la/ mi gang zhig so ma ra dza spun ba med pa la sogs pa'i sbyor bas de'i snying po mar sar phyung la sbrang rtsi dang sbyar ba ldags par gyur nas/
 de'i rjes la dar ba de nyid 'thungs na mdze nad kyis sna chad cing sor mo 'brul ba la sogs pa'i gnod pa dang ldan par gyur pa yang sna dang sen mo la sogs pa mdzes par skye ste/ dper na shing bcad pa las ljon shing skyes pa dang 'dra bar 'gyur ro/ /sgra gcan bdud rtsi brkus ba na/ /ske bcad
 pa las 'dzag gyur pa'i/ /bdud rtsi'i thigs pa sar ltung ba/ /sgog skya nyid du gyur ba yin/ /lha min lus las byung bas na/ /de phyir bram zes de mi bza'/ /zhes bya ba la/ sgra gcan 'dzin gyis bdud rtsi brkus par gyur nas khyab 'jug gis ske bcad par gyur pa na bdud rtsi'i
 thigs pa des la lhung pa na sgog skya nyid du gyur pa yin la/ de bas na sgog skya de ni lha ma yin gyi lus las byung ba yin pa'i phyir bram ze dag mi za'o/ /mngon du bdud rtsi las byung bas/ /de ni bcud kyis len mchog yin/ /zhes bya ba la/ sgog skya de ni bdud rtsi las mngon sum du byung
 ba yin pa'i phyir bcud kyis len thams cad kyi yang mchog yin no/ /grang ba'i dus na'ang sgog skya bsten/ /dpyid dus bad kan shas cher bza'/ /sos ka'i dus su'ang sbyad bya zhing / /dbyar ni rlung gis gzir tshe bza'/ /dgun ni snum zhing bsil ba dang / /mngar bas nye bar
 bsres ba dang / /de ni phreng ba rgyan dag dang / /'khor dang lhan cig bsten bar bya/ /zhes bya ba la/ mi lus snum zhing bsil ba dang mngar bar bsres la grang ba'i dus dgun stod dang / dgun sman na ni sgog skya bsten par bya la/ de bzhin du dpyid kyi tshe la sogs pa'i tshe na yang phreng
 ba la sogs pa'i longs sbyong thams cad du bsten par bya'o/ /de yi lde gu dpyid kyi tshe / /kha ba can gyi yul skyes pa/ /shun pa bshus nas mtshan mo ni/ /chang sogs la ni sbrang bar bya/ /de yi khu ba nang par ni/ /ras ni gtsang mas btsags nas kyang / /chang ni legs par langs
 gyur pa/ /cha gsum dang ni sbyar ba 'am/ /chang gzhan dag gam til mar ram/ /rang skyur ram zho ga chu/ /de tshe nyid sbyar nang bar ni/ /tshad dang ldan par sbyin bya zhing / /'o ma zhun mar zhag dang rkang / /skam sa'i sha khu so sor ni/ /bskol ba nad gzhi ji bzhin blud / /
 yang na sman khu 'ba' zhig blud/ /dang por mkhur gang tsam 'thungs na/ /mid pa'i spubs ni dag par byed/ /ces bya ba la/ sgog skya de'i lde gu dpyid kyi tshe ni ji skad smos pa bzhin du btsags pa'i khu ba chang ba gsum mam/ chang gzhan nam/ til mar la sogs pa gang yang
 rung ba'i cha gsum dang btung ba de nyi tshe sbyar la/ tshad dang ldan par byas te/ 'o ma la sogs pa gang yang rung ba dang / nad gzhi ji lta ba la blud bar bya ba 'am/ yang sgog skya'i khu ba 'ba' zhig blud pa la sogs pas kyang mid pa'i spubs dag par byed do/ rgyun du blugs pa'i dugs
 byas na/ /na zhing zug pa dag la phan/ /zhes bya ba la/ sgog skya rang gi khu ba rgyun du blugs pa'i dugs byas na na zhing zug pa la sogs pa'i nad sel bar byed do/ /skyug cing brgyal ba'i nad la ni/ /'phral du chu grang dag kyang blud/ /ces bya ba la/ /skyug pa la
 sogs pa la ni 'phral du chu grang la sogs pa blud par bya'o/ /ngal ba med cing lus kyi ni/ /gzi mdangs brtan pas lhag ma spyin/ /zhes bya ba la/ /ngal ba la sogs pa la ni sgog skya btsir ba'i lhag ma sbyin par bya'o/ /tsha ba bsal bar bya ba'i phyir/ /shin tu bsil bas bsku bya
 zhing / /mu tig ga bur phreng ba can/ /chu thigs phre'u bsten par bya/ /zhes bya ba la/ lus tsha ba bsal ba'i phyir ni sgog skya'i khu ba bsil sman la sogs pa'i chu dang bcas pa blud par bya'o/ /'di yi tshad che na phul gang ste/ /nyi tshe la ni de yi phyed/ /ces bya ba la/ /sgog skya 'di'i
 khu ba'i tshad chen po ni phul gang ste/ srang brgyad yin la/ sman gyi sbyor ba gzhan med pa ni srang bzhi ste bsten par bya'o/ /sgog skya srang gcig btags pa ni/ /zas dang bcas pa'ang bsten par bya/ /zhes bya ba la/ /sgog skya btags pa srang gcig zas dang bcas pa bsten par bya la/ /
 'ang zhes bya ba'i sgras ni zas med bar yang bsten ba'i don do/ /zhu nas sA lu rnying pa'i chan/ /dung dang kun da ltar dkar ba/ /yu sha 'o ma skam sa yi/ /sha khu dang ni lhan cig bza'/ /zhes bya ba la/ sman de zhu nas 'bras sA lu rnying pa'i chan la sogs pa bza' bar bya'o/ /skom
 par gyur na chang dang ni/ /chur sbyar ba ni blud par bya/ /chang mi btung na rang skyur ram/ /rgun 'bru'i chu ni blud bar bya/ /zhes bya ba la/ gal te gnas skabs der skom par gyur na/ chang chur sbyar ba btung bar bya la/ chang spangs pa yin na ni rgun 'bru'i chu 'am rang skyur blud
 par bya'o/ /de yi lde gu mar dar bcas/ /mar ni snod du gzar bus dkrug /zhag bcu gzhag gam de bzhin du/ /zhag dang mnyam sbyar sbyad par bya/ /zhes bya ba la/ sgog skya de'i lde gu mar dang bcas pa ji skad smos pa'i sbyor bas spyad par bya'o/ /sgog skya shun pa bshus
 ba'i snying po ni/ /sreg sha dag gam bza' ba sna tshogs sam/ /sha gtubs pa'am mar dang tshar bcas bza'/ /kha zas nyung ba ci 'dod sbyad par bya/ /zhes bya ba la/ /yang sgog skya shun pa bshus bde sreg sha la sogs pa gang yang rung ba dang lhan cig bza' zhing 'dod par
 logs sbyad par bya'o/ /khrag dang mkhris pa'i nad ni ma gtogs pa/ /nad gzhi ma lus ldan par 'gyur ba 'am/ /rlung nas nyi tshe dang ni ldan gyur la/ /sgog pa las lhag sman gzhan yod ma yin/ /zhes bya ba la/ khrag dang mkhris pa med pa'i rlung nad dam/ /yang na rlung
 nad 'ba' zhig la ni sman gyi mchog sgog skya 'ba' zhig yin no/ /chu dang bu ram 'o ma sred / /sha chang skyur la mi dga' zhing / /ma zhu ba ni spong mi nus/ /sgog skye nges par gnod ba skyed/ /ces bya ba la/ /mi chu dang bu ram la sred par gyur cing sha dang chang dang skyur la ni sred pa med par gyur ba
 dag ma zhu ba'i nad sel zhing sbong bar mi nus pa dag la ni sgog skya nges par gnod pa skyed par 'gyur ro/ /mkhris ba ldang ba'i 'jigs pa yi/ /tha mar bkru sman 'jam po gtang / /de ltar bcud len yon tan ni/ /yongs su rdzogs pa thob bar 'gyur/ /zhes bya ba la/ sgog
 skya bsten pa dag gis mkhris pa'i nad ldang bar dogs na/ sman btang ba'i tha mar bkru sman gtang bar bya ste/ des ni bcud kyis len gyi yon tan rdzogs pa kho nar 'gyur ro/ /so ga'i tsha bas gsungs drags las/ /rgya skyegs khu ba ltar 'dzag gang / /gser sogs 'byung
 khungs drug gi bcud/ /de ni brag zhun zhes byar bshad/ /ces bya ba la/ so ga'i dus su brag nyi ma tsha bas gdungs pa las gser la sogs pa 'byung khungs kyi khams drug gi bcud rgya skyegs kyi khu ba zhu ba ltar 'dzag par gyur pa gang yin pa de ni ming brag zhun zhes bya'o/ /de ni
 kun kyang kha zhing tsha/ /shas cher me drod zhu rjes tsha/ /gcod par byed de de la ni/ /lcags las byung ba rab tu bsngags/ /zhes bya ba la/ /brag zhun de thams cad kyang ro ni kha la nus pa ni shin tu bro ba ma yin la zhu rjes ni tsha ba dang gcod par byed pa yin te/ de dag la lcags kyi
 khams las byung ba ni shin tu yang bsngags pa yin no/ /ba gcin dri bro gnag pa dang / /gu gul 'dra zhing gseg ma med/ /sbyin bag snum zhing skyur ba dang / /bsku zhing 'jam la lci ba yi/ /brag zhan de ni mchog yin no/ /zhes bya ba la/ /brag
 zhun gang dri ni ba gcin dang 'dra la/ kha dog ni gnag pa mtshan nyid gu gul 'dra zhing rdo phye'i gseg ma med pa mnyes na sbyin bag tu 'dug cing snum pa ro skyur zhing bska ba rang bzhin 'jam zhing lci bas de ni brag zhun kyi dam pa yin no/ /nad dang nad pa rjes mthun par/ /sman dang brag
 zhun cha mnyam byas/ /lcags kyi snod du sbyar bar bya/ /zhes bya ba la/ brag zhun de nad pa dang nad pa'i goms pa'i tshul gang dag yin pa shes par byas la lcags kyi snod du sbyar bar bya'o/ /dang por chu ni nyi ches bkru/ /de 'og bskams la bskol dang bsre/ /zhes bya ba la/ /
 brag zhun de dang por ni chu 'ba' zhig gis bkrus la/ de'i 'og tu bskams te bskol ba dang bsre bar bya'o/ /brag zhun sman dang mnyam byas la/ /brgyad cha'i nang du bskol bar bya/ /zhes bya ba la/ bsres pa'i brag zhun gyi 'phrod kyi sman dang brag zhun cha mnyam par byas la chu de'i
 brgyad 'gyur gyi nang du bskol bar bya'o/ /de la gal te brag zhun srang gcig dang sbyar na de'i 'phrod kyi sman yang srang gcig la sbyar la de chu brgyad 'gyur dang bskol bar bya'o/ /khu ba brgyad cha lus btsags pa/ /dro 'jam nang du brag zhun gzhug /ces bya ba la/ khu ba
 bskol ba de brgyad cha lus pa dang btsags pa dro 'jam tsam gyi nang du brag zhun gzhug par bya'o/ /de dang 'dres gyur bskams nas ni/ /sman chu'i nang du slar yang gzhug /ces bya ba la/ brag zhun 'dres par gyur te de bskams nas slar yang gzhug par bya'o/ /de ltar rang rang
 sman 'phrod ni/ /bskol ba'i khu bar lan bdun spangs/ /zhes bya ba la/ tshul de ltar rang gi sman 'phrod pa'i khu ba dang lan bdun gyi bar du sbangs shing bsre bar bya'o/ /de nas tig ta'i sman mar gyis/ /snum chos byas nas sbyar byas te/ /'bras bu gsum gyi khu ba dang / /
 shing mngar pa to la'i khu ba/ /brag zhun dag ni re re yang / /zhag gsum bar du blud par bya/ /zhes bya ba la/ de nas de ltar snum chos byas pa'i mi de la tig ta'i sman mar zhag gsum gyi bar du sbyin par bya'o/ /de bzhin du brag zhun dang / 'bras bu gsum gyi khu ba
 dang / shing mngar gyi khu ba dang / pa to la'i khu ba zhag gsum gyi bar du blud par bya'o/ /de nas de la sbyor ba ni/ /dus dang sbyar te blud bar bya/ /zhes bya ba la/ de nas mi de la 'tshams shing 'os pa'i sbyor ba dus dang sbyar te sman pas blud par bya'o/ /de ltar brag zhun mi rnams
 la/ shin tu phan par byed pa yin/ /yon tan ma lus skyed byed cing / /'phral du gnod par mi bye 'do/ /zhes bya ba la/ tshul de ltar brag zhun bsten zhing goms par byed pa dag ni shin tu phan par byed pa yin la/ de bzhin du bcud kyis len gyi yon tan ma lus pa yang skyed
 par byed la/ 'phral du de'i mod la gnod pa yang skyed par mi byed pa yin no/ /zhag bdun phrag gcig phrag gsum dang / /phrag bdun zho gnyis srang phyed gcig /dman dang bar ma chen po yi/ /brag zhun go rims bzhin du sbyar/ /zhes bya ba la/ /brag zhun zhag bdun
 phrag gcig dang / tshad zho gnyis ni dman pa'i tshad yin no/ /zhag bdun phrag bdun dang srang gcig ni phyed tshad yin no/ /lus ni shin tu sbyangs byas la/ /brag zhun sbyangs la gtang bar bya/ /zangs dang lcags dang dngul dang gser/ /kun dang yang na re rer sbyar/ /'o ma dang
 ni lhan cig gtang / /bcud len 'bras bu myur du 'grub/ /ces bya ba la/ brag zhun ni lus shin tu sbyangs par gyur pa la brag zhun legs par sbyangs shing btul ba gtang bar bya la/ de bzhin du zangs la sogs par sna re'am/ kun dang yang sbyar bar bya zhing 'o ma dang lhan cig
 btang na bcud kyis len gyi 'bras bu gang dag yin 'grub par 'gyur ro/ /rgya sran mon sne'u dme ru dang / /phug ron sha ni rtag tu spang / /zhes bya ba la/ brag zhun gyi sbyor ba bsten ba'i dus su rgya sran la sogs pa rtag tu spang bar bya'o/ /gang zhig brag zhun gyis ni mngon sum du
 ma bsal nad ni sa steng yod ma yin/ /dus su cho ga bzhin du bsten gyur na/ /nad me nyams stobs rgya chen skyed par byed/ /ces bya ba la/ /mi yul sa steng 'di na brag zhun gyi sman gyis mngon du ma bcom pa'i nad ni yod pa ma yin la/ de bzhin
 du de'i cho ga bzhin du bsten na nad med pa la sogs pa'i yon tan skyed par byed do/ /khang par gnas pa'i khom ldan can/ /phun sum tshogs dang ldan la phan/ /de las gzhan du de rnams la/ /nyi ma rlung gi tshe na bsten/ /zhes bya ba la/ khang par gnas pa la sogs
 pa khom ldan yod cing 'khor dang yo byad phun sum tshogs pa dang ldan pa la ni phan par gyur pa yin la/ de las gzhan pa ste/ khang par gnas pa la sogs pa'i khom ldan med pa la ni nyi ma dang rlung la gnas pa'i tshul gyis bsten na phan par 'gyur ro/ /rlung dang nyi tshan bcas
 sbyor ba/ /bde ba'i longs sbyod med na yang / /gang zhig lus la mi gnod pa/ /mchog tu de ni bshad par bya/ /zhes bya ba la/ da ni rlung dang nyi tshan dang bcas par yang bsten du rung ba'i sbyor ba bde ba'i longs spyod las nyams su zin kyang lus la gnod par mi 'gyur ba'i
 sbyor ba'i mchog de bshad par bya'o/ /chu grang 'o ma sbrang rtsi dang / /mar ni re re gnyis gnyis dang / /gsum mam yang na thams cad dang / /zas sngar 'thungs na rgas sra byed/ /ces bya ba la/ chu grang la sogs pa re re 'am/ gnyis gnyis sam/ gsum mam/
 bzhi char kun zas kyi sngar 'thungs na yang rgas sra bar byed do/ /bu ram sbrang rtsi bca' sga dang / /pi pi ling ngam rgyam tsha dang / /a ru ra ni gnyis gnyis dag /rtag zos bde zhing lo brgyur 'tsho/ /zhes bya ba la/ bu ram la sogs pa gang yang rung ba dang / a ru ra gnyis
 gnyis rtag tu zos na yang mi de lo brgya'i bar du 'tsho bar 'gyur ro/ /a ru ra ni mar nang bsros/ /bza' zhing mar de 'thungs na ni/ /rgas sra lus ni yun ring gnas/ /stobs ni 'phel bar byed 'gyur te/ /ji ltar dam pa byas gzo ba/ /lan cig phan gdags ji lta
 bzhin/ /zhes bya ba la/ a ru ra mar gyi nang du bsros te bza' ba dang bsros pa'i mar de 'thungs par gyur na lus rgas sra ba la sogs par 'gyur ro/ /ji ltar byas pa gzo ba'i mi la phan btags na de'i mi brjed par sems la 'jog pa dang 'dra'o/ /skyu ru ra'i khu sbrang rtsi dang / /
 kha ra mar dang lde gur byas/ /bsten zhing 'phrod nga za ba'i mi/ /rga ba'i gnod pa 'jig 'gyur te/ /nyes bsrung bsten bcos rgya chen mtshungs/ /zhes bya ba la/ /skyu ru ra'i khu ba dang sbrang rtsi dang mar dang kha ra lde gur byas pa zas shing kha zas 'phrod pa la bsten pa'i mi rgas
 pa'i gnod pa gang yin par de 'jig par 'gyur te/ ji ltar bstan bcos rgya chen po legs par bzung nas brjed du mi rung bar 'gyur ba dang mtshungs so/ /skyu ru ra dang byi dang ga /a sa na yi snying po phye/ /lcags phye til mar sbrang rtsi yi/ /mar bcas lde gu bsten na ni/ /
 na tshod mdzes pa ma nyams 'gyur/ /zhes bya ba la/ skyu ru ra la sogs pa ji skad smos pa bzhin bsten yang na tshod mdzes pa la sogs par 'gyur ro/ /lcags phye byi dang ga yi bye ma dang / /mar dang sbrang rtsir bcas pa lo gcig tsam/ /a sa na yi za ma tog nang gzhug
 bsten na stobs ldan tshe ring skra gnag 'gyur/ /zhes bya ba la/ /lcags nag po'i phyi ma la sogs pa ji skad smos pa bzhin du bsten na yang tshe ring zhing skra gnag par 'gyur ro/ /byi dang ga dang go bye bca' sga rnams/ /mar dang sbrang rtsir bcas pa gang gis zos/ /rgas pa'i chu bo
 nad kyi rba rlabs can/ /na tshod ldan pa'i skyes bu de rgal 'gyur/ /zhes bya ba la/ mi gang byi dang ga la sogs pa'i lde gu zos ba de ni na tshod dar la bab pa dang ldan par 'gyur zhing / rgas pa'i chu bo'i rba rlabs las nges par rgal bar 'gyur ro/ /seng ldeng a sa na yi khu ba dang / /
 'bras bu gsum dang sbrang rtsi mar sbyar ba/ /cho ga bzhin du bsten pa'i mi rnams ni/ /tshe ring 'gyur ba 'di las ngo mtshar med/ /ces bya ba la/ seng ldeng la sogs pa'i lde gu bsten na yang nges par tshe ring bar 'gyur ba yin no/ /dzi ba ka yi khu ba sor mor chags/ /kha ra
 sbrang rtsi mar dang 'bras bu gsum/ /skyes bu dam pas bsten par gyur na ni/ /rgas dang nad ni nges par bzlog par 'gyur/ /zhes bya ba la/ dzi ba ka zhes bya ba a sa na'i khu ba la sogs pa'i lde gu bsten na yang rgas pa la sogs pa'i 'tshe ba med
 par 'gyur ro/ /ba sbru ba ni sar pa srad phyed dang / /'o mar btags pa zla phyed zla ba gnyis/ /zla drug lo gcig bar du 'thungs na ni/ /rgas shing rnying pa'ang slar ni gzhon par 'gyur/ /zhes bya ba la ba sbru ba zhes bya ba pu r+Na ba srang phyed btags pa zla ba phyad dam gnyis sam drug gam lo gcig gi bar du 'o ma dang
 sbyar te 'thungs na rgas shing 'khogs de slar gzhon pa nyid du 'gyur ro/ /mur ba ang shu ma ti pri ha ti/ /ba la pu shel tse dang pa ta dang / /a sa na dang thal tres a ka ru/ /pri yang ku dang tsan+dan re re yi/ /cho ga 'ang ba spru ba dang mtshungs pa yin/ /zhes bya ba la/ mur ba la
 sogs pa sman sna re re zhing yang ba sbru ba'i cho ga bzhin bsten na yon tan de dang mtshungs pa yin no/ /nye'u shing lde gu khu bar bskol ba dang / /zhun mar kha rar bcas pa za byed pa/ /de ni 'tsho ba'i lam du zhugs gyur tshe/ /nad kyi rkun pos choms par mi 'gyur ro/ /zhes bya ba la/
 nye'u shing gi lde gu dang khu ba bskol ba'i sman mar gyi nang du khu ra btab ste zos na mi 'tsho ba'i lam du zhugs par gyur pa'i tshe srog 'phrog par byed pa'i nad kyi rkun pos choms par mi 'gyur ro/ /a shwa gan+d+ha 'o mar bcas pa ni/ /mar ram til mar chu dron sbyar ba dang / /zla phyed
 bsten na nyam chung lus rgyas shing / /ji ltar lo tog gzhon la char bab mtshungs/ /zhes bya ba la/ a shwa gan+d+ha 'o ma 'am/ /mar ram/ /til mar ram/ chu dron dang sbyar te 'thungs na ni lus shin tu nyam chung ba yang rgyas shing 'phel bar 'gyur ro/ /ji ltar lo tog
 shin tu gzhon pa la char bab pa dang mtshungs so/ /nyid re til nag srang ni re re dag /zos pa'i rjes la chu grang 'thungs gyur na/ /lus ni shas cher rgyas pa nyid 'gyur zhing / /'chi ba'i bar du son ni brtan par 'gyur/ /zhes bya ba la/ til nag po nyin re srang re zos la
 de'i 'og tu chu grang 'thungs par gyur na mi'i lus shas cher rgyas par 'gyur zhing rtag tu sog brtan par 'gyur ro/ /gze ma sle tres skyu ru ra'i phye ma/ /mar dang sbrang rtsi cha mnyam lde gu zos/ /ro tsa lus brtan nad kyi sdug bsngal zhi/ /lo brgyar 'tsho zhing skra ni nag por 'gyur/ /zhes
 bya ba la/ /gze ma la sogs pa'i lde gu zos na yang ro tsa ba la sogs pa'i yon tan skyed do/ /til nag a ru ra dang skyu ru ra/ /ba ru ra dang bcas pa brdungs nas bsten/ /mi de rma bya lta bur med ngas ldan zhing / /yid du 'ong ba'i bde ba 'thob par 'gyur/ /brag zhun mar dang sbrang rtsi
 byi dang ga / a ru ra dang lcags phyed ngul chu dang / /ta bya ba sten na lus zungs rdzogs 'gyur te/ /yar ngo zla phyed rdzogs pa'i zla ba 'dra/ /zhes bya ba la/ /skyes bu gang til dang lhan cig tu skyu ru ra la sogs pa brdungs pa bcas te zos na yang mi de ji skad smos pa'i mdangs dang ldan par 'gyur
 la/ /de bzhin du brag zhun la sogs pa zos na yang lus zungs zla ba yar gyi ngo ltar rgyas par 'gyur ro/ /gang zhig bying ga ra dza'i khu ba zla ba gcig /nyin re rgyun du bsten par byed pa dang / /'o ma 'thungs ste stobs dang brtson 'grus ldan/ /lo brgyar 'tsho ba dag kyang thob par 'gyur/ /
 zhes bya ba la/ /skyes bu gang bring gar dza bskol ba'i khu ba nyin re zhing zla ba gcig gi bar du 'thung bar byed pa da 'o ma 'thungs pa de ni stobs la sogs pa 'thob par 'gyur ro/ /shu dag kyang ni zla ba gcig bsten zhing / /'o ma 'am mar ram til mar bcas pa bsten/ /gdon
 gyis mi tshugs pa yi lus 'gyur zhing / /yid gzhungs tshig ni shin tu gsal bar 'gyur/ /zhes bya ba la/ /mi gang zla ba gcig gi bar du shu dag 'o ma 'am mar dang til mar dang bcas par bsten na gdon gyis mi tshugs pa la sogs pa'i yon tan 'thob par 'gyur ro/ /man
 du ka pa r+Ni ni mar dang brngos/ /zla gcig bar du zas ma zos bar bsten/ /gzugs ni rgya cher 'tshe zhing spobs pa che/ /gzhon zhing mdangs ldan yon tan ldan par 'gyur/ /zhes bya ba la/ /man du ka par+Ni zhes bya ba sman mar dang brngos ba zla ba gcig gi bar du zos na yang yun ring
 du 'tsho zhing spobs pa che ba la sogs par 'gyur ro/ /'bras bu gsum dang tsang gi ri dang ni/ /lcags phye srang ni lnga bcu las bya shing / /ko sha da ki li khu ba'i nang du btags/ /ri lu sum brgya byas nas ri lu de/ /grib mar bskams te rim
 gyis ma lus par/ /bkru sman bya zhing thug sla'i rim pa dang / /thug ska gang po sha khu 'bras chen dang / /mar la bsten zhing zla gcig lus bsdams la/ /zla gcig 'das nas rang dga' nyid du spyad/ /'bad pas dus kun du ni ma zhu spang / /lo gcig bar du spyor ba 'di
 bsten na/ /gang zhig gsod ka'i nad kyis nyen pa yang / /shin tu stobs che skyes bu'i bya ba rdzogs/ /lus rgyas 'jam zhing mig dang rna ba gsal/ /gzhon pa nyid dang lo ni lnga brgyar 'tsho/ /zhes bya ba la/ /'bras bu gsum dang / /tsang gi ri dang / /lcags kyi phye ma tshad srang
 lnga bcu ko sha ta ka'i khu ba'i nang du btags pa las ril bur sbyar te grib mar bskams nas de ma lus par zos la/ /bkru sman dang brug pa'i rim pa lnga la sogs pa'i tshul gyis zla ba gcig 'das par byas nas de'i 'og tu spyod pa bsdams pa med pas gnas par bya ste/ /'dir ni
 rnam pa thams cad du ma zhu ba'i bag spang par bya'o/ /tshul de ltar sbyor ba 'dis lo gcig gi bar da bsten na gso dka' ba'i nang kyang sel ba la sogs pa'i yon tan dang ldan par 'gyur ro/ /seng ldeng shir sha ba dang a sa na/ /rma bya a ru ra dang skyu ru ra/ /go bye byi dang ga btags chu
 'gyur ni/ /bco brgyad nang bskol lcags kyi dum bu bcug /lcags kyi snod du zhag gsum nyi ma yi/ /'od kyis bsros la de rjes me la ni/ /lcags kyi phye ma zhib par byas te bskol/ /de btsags khu ba cha gcig 'o ma ni/ /cha gcig de bzhin gso ma'i khu ba gcig
 nye'u shing bskol ba'i khu ba cha gsum dang / /'dir ni mar sar cha ni bzhi dang sbyar/ /'di dag gcig tu lcags nag snod du bskol/ /kha ra rngul med de bzhin sbrang rtsi dang / /de bzhin mar dang bsres par gyur pa dang / /de bzhin mar dang bsres par gyur pa dang / /'phrod pa'i zas dang skom dang spyod lam bcas/ /srang re
 rtag tu bsten par gyur na ni/ /dpal dang ldan zhing nyis pa bsal ba dang / /nags kyi ma he lta bu'i stobs ldan zhing / /rta ltar mgyogs la lus ni brtan pa dang / /skra ni bung ba'i mdog ltar gnag pa dang / /kha ni dri zhim bud med mang bsten nus/ /tshig gsal yid
 gzhungs phun sum tshogs pa dang / /zla gcig bsten na me drod che ba yin/ /de ni mi yi seng ge 'am me'am ni/ /btso ma gser gyi mdog 'dra'i lus 'dzin gyur/ /mi yi seng ge'i sbyor ba 'di/ /zos na nad kyis mi nyen te/ /'khor lo 'bar ba'i lag pa yis/ /lha min
 tshogs ni 'jigs dang 'dra/ /zhes bya ba la/ /seng ldeng la sogs pa cha mnyam par byas te btags la/ /sman gyi bco brgyad 'gyur nang du bskol la lcags kyi dum bu bcug ste/ lcags kyi snod kyi nang du bzhag la nyi ma gsum du nyi ma'i 'od kyis bsros la/ /de'i
 rjes la me chung ngu la de bzhi cha lus kyi bar du bskol la/ /de btsags nas cha gcig tu byas pa dang / /'o ma'i cha yang de dang mnyam pa dang / /de bzhin du gso ma'i khu ba'i cha dang mnyam pa dang / /de bzhin du nyi'u shing gi khu ba cha gsum dang / /mar sar bzhi cha ste de thams cad gcig
 du bsdus la lcags kyi snod chen po'i nang du sman mar de bskol bar bya'o/ /der yang kha ra dkar po nag nog med pa dang / /sbrang rtsi la sogs pa bcug la de las srang re bsten na dpal dang ldan pa la sogs pa'i yon tan dang ldan zhing yid gzhungs pa phun sum tshogs pa'i bar du
 'gyur ro/ /sbyor bde zla ba gcig gi bar du bsten na me drod che ba la sogs pa'i yon tan thob par 'gyur te/ /'di ni mi'i seng ge zhes bya ba khyag 'jug gis bshad pa'i sbyor ba yin te/ /'di zos na nad kyi tshogs kyis nyen par mi 'gyur te/ /ji ltar khyab 'jug 'khor lo 'bar
 ba lag na thogs pas lha ma yin gyi tshogs 'jigs shing 'byer bar byed pa dang 'dra'o/ /bring gar dza myu gu'i chog 'dis/ /brngos shing mar bcas zos la bsngams dang bcas/ lto sbyangs pa la a sa na'i khu ba/ /'om 'thung zhing zas kyi bya ba byed/ /zla gcig bar du
 bsten par gyur na ni/ /bde zhing lo ni nyis brgya'i bar du 'tsho/ /lan cig smras pa'i tshig kyang zin gyur zhing / /dran dang dbang po nyams pa med par 'gyur/ /zhes bya ba la/ /bring gar dza'i myu gu mar dang brngos pa la sogs ba'i sbyor bas zla ba
 gcig gi bar du bsten na bde zhing lo nyis brgya'i bar du 'tsho ba la sogs pa 'thob par 'gyur ro/ /gang zhig sbyor ba 'di yis ni/ /til mar bsten par byed pa dag /de yis yon tan de thob cing / /lus ni nag po nyid du 'gyur/ /zhes bya ba la/ /sngar bshad pa'i sbyor
 ba 'di nyid kyis mar ji ltar bskol ba de bzhin du til mar bskol la bsten par bye pa de yang yon tan sngar ji skad smos pa nyid thob par 'gyur ro/ /'on kyang khyad par ni til mar gyi sbyor bas lus nag po nyid du 'gyur ro/ /bcud kyis len ni dus dang rjes mthun zhing / /bsten
 cus 'bras bur bcas pa bshad pa yin/ /gzhan dag phan yon bcas pa yod mod kyi/ /rnyed par dka' bas bdag gis ma bshad do/ /zhes bya ba la/ /bcud kyis len da ltar gyi dus dang rjes su mthun zhing / /bsten cing spyad bar nus pa 'bras bu dang bcas pa gang dag yin pa
 de bdag gis bshad pa yin gyi/ /bcud kyis len gyi sbyor ba gzhan dag phan yon dang bcas pa mang po drang srong rnams kyis bshad pa yod mod kyi/ /de ni rnyed pa dang bsgrub par dka' ba yin pas bdag gis 'dir ma bshad do/ /bcud kyis len gyi cho ga las/ /nyams pas
 gal te nad skye na/ /bcud kyis len de sprangs nas ni/ /de yi sman ni ji bzhin bya/ /zhes bya ba la/ /bcud kyis len gyi cho ga bstan pa las legs par ma spyad pa nyams par gyur te/ /gal te nad skyes na bcud kyis len gyi cho ga de spangs shing dor la nad ni de'i sman ji lta bu
 bzhin du bya'o/ /bden par smra zhing khro ba med/ /dbang po bsdams shing bdag nyid thul/ /zhi zhing dam pa'i spyod la dga'/ /rtag tu bcud len yin zhes bya/ /zhes bya ba la/ /mi rtag par bden par smra ba dang / de bzhin du khro ba med ba dang / /dbang po bsdams
 shing yul la mig yeng bar bdag nyid thul ba dang / /spyod lam zhi ba dang / /dam pa'i spyod lam la dga' ba rnams ni rtag tu bcud gyis len yin par shes bar bya'o/ /yon tan 'di dag ldan gyur pas/ /gang zhig bcud len bsten gyur pa/ /de ni dga' zhing tshe ring la/ /'jig
 rten 'di dang gzhan du bde/ /zhes bya ba la/ /bden par smra ba la sogs pa'i yon tan 'di dag dang ldan pas/ /mi gang zhig bcud kyis len bsten zhing spyod par byed pa de dag ni bde zhing dga' ba dang tshe ring ba dang / /'jig rten 'di dang 'jig rten gzhan dag tu bde ba
 phun sum tshogs pa dang ldan par 'gyur ro/ /spyod pa bstan bcos rjes 'jug cing / /gam na gnas pa'i sems dang mthun/ /don la blo ni mi 'khrugs la/ /bcud kyis len ni rdzogs pa yin/ /zhes bya ba la/ /mi gang gi spyod pa bsten bcos las ji skad
 ston pa'i rjes su 'jug par byed pa dang / /gang na nye 'khor du gnas pa'i grogs kyi sems dang rjes su mthun par 'jug pa dang / de bzhin du gzugs dang sgra la sogs pa'i don la blo ma 'khrugs par gyur pa gang yin pa de ni bcud kyis len yongs su rdzogs pa yin
 par shes par bya'o/ /yan lag brgyad pa'i snying po'i rnam par 'grel pa tshig gi don gyi zla zer zhes bya ba slob dpon zla ba la dga' bas nges par sbyar ba las/ /phyi ma'i gnas kyi le'u sum cu rtsa dgu pa'i rnam par 'grel pa'o/ /de nas ro tsa bar bya ba'i le'u bshad
 par bya'o/ /skyes bus rtag tu yul bsten pas/ /ro tsa bar ni 'dod bya ste/ /dga' dang brta dang bu rgyud ni/ /yon tan ldan pas de la gnas/ /zhes bya ba la/ /skyes bu rtag tu yul bsten par byed pas ro tsa bar bya ba'i sman 'dod par bya zhing de bstan par bya ste/ /gang gi phyir ro
 tsa bar bya ba'i cho ga de la ni dga' ba dang lus rgyas shing brta ba dang / /yon tan dang ldan pa'i bu rgyud 'phel bar bya ba dag de la gnas pa yin no/ /bu tsha'i rgyud ni skyed byed cing / /'phral du yang dag dga' byed gang / /gang gis rta ltar rab stobs ldan/ /bud med la ni thogs
 med 'gro/ /bud med la rab chags 'gyur ba/ /gang dang gang gis 'phel 'gyur ba/ /de ni ro tsa byed pa ste/ /lus kyi stobs kyang skyed pa'i mchog /ces bya ba la/ /bcud kyis len gang bu tsha'i rgyud ni skyed cing mi rabs gnas par byed pa dang /
 gang 'phral du yang dga' zhing bde bar byed pa dang / /dngos po gang zhig bsten pas bud med la 'jug par byed pa'i nus pa dang ldan te/ /ji ltar rta 'dod pa spyod pa la nus pa dang ldan pa lta bur 'gyur zhing / /gang zhig la gnas na bud med la rab tu chags par 'gyur ba de 'phel
 zhing rgyas par 'gyur ba gang yin pa de la ni ro tsa bar byed pa zhes bya ste/ /de ni lus kyi stobs dang bzi brjid skyed bar byed pa'i mchog yin no/ /chos dang grangs dang tshe ring dang / /'jig rten gnyis ka'i bcud len 'gyur/ /gcig tu skyon ni med pa yi/ /tshangs par
 spyod la bdag yi rang / /zhes bya ba la/ /gang zhig tshangs par spyod pa gcig tu skyon med pa la gnas pa ni chos dang grags par 'gyur ba dang / /tshe ring bar byed pa dang / /'jig rten 'di dang phyi mar bcud kyis len du gyur pa'i tshangs par spyod pa la gnas pa la bdag shin tu
 yi rang ngo / /snying stobs chung ba nyon mongs pas/ /gnod par gyur pa'i nad bu can/ /lus mi zad pa bsrung ba'i phyir/ /ro tsa'i cho ga brjod pa yin/ /zhes bya ba la/ /sems can snying stobs chung ba dang / /nyon mongs pa shas che bar gyur pa dang / /nad bu can gyi
 'dod pa spyad pas lus zad par 'gyur ba bsrung ba'i phyir ro tsa ba'i cho ga bshad pa yin no/ /nad med lang tsho ldan pa dang / /ro tsa ba ni bsten byed pa/ /dus tshigs kun la nyin re zhing / /nyal por bya ba dgag pa med/ /ces bya ba la/ /skyes bu nad med pa dang lang tsho dang ldan
 pa dag ro tsa ba'i cho ga la bsten par byed pa la ni/ /dus tshigs drug po kun la yang nyin re zhing nyal po bya zhing 'khrig pa spyod pa la dgag pa med do/ /de nas snum 'gyur sbyang byas pa/ /ni ru ha dang 'jam rtsir bcas/ /mar dang til mar sbrang rtsi dang / /sha khu 'o ma kha rar
 bcas/ /'o ma sha dang sha khu bza'/ /skyor ba shes pas dang por gtang / /de nas ro tsa byed sbyor ba/ /khu ba bu tsha 'phel byed bya/ /zhes bya ba la/ /de nas da'i 'og tu mi snum gyi cho ga byas shing skyug sman la sogs pa'i sbyang ba byas pa dang / /ni ru ha la sogs pa
 sbyor ba shes pa'i sman pas dang po gtang bar bya'o/ /de'i 'og tu ro tsa ba'i sbyor ba ji skad bshad pa dang bu tsha 'phel bar byed pa'i sbyor ba dag bya'o/ /me tog dri mnam grib ma med/ /'bras bu med par gyur pa'i shing / /yal ga gcig pa'i shing gcig bzhin/ /
 bud med med mi de dang 'dra/ /zhes bya ba la/ /ji ltar shing me tog dri mnam ba yod cing grib ma dang 'bras bu med pa'i shing gcig pu yod cing yal ga gcig yod kyi mang po med pa ji lta ba bzhin du bud med med pa'i mi yang de dang 'dra bar shes par bya'o/ /gom 'gros 'khyor zhing
 tshig mi gsal/ /rdul gyis yogs pa ltar snang zhing / /bzhin ras snabs kyis gos pa yang / snying ni dga' bar byed pa yin/ /reg pa dang ni mthong sogs la/ /bu mnyam bde ba yod min na/ /gang zhig chos dang grags par ldan/ /nga rgyal rigs 'phel smos ci
 dgos/ /zhes bya ba la/ /bu gang shin tu ngan cing gom 'gros 'khyor ba dang / tshig mi gsal ba la sogs pa'i rang bzhin can dag kyang snying dga' bar byed pa yin zhing de dang reg pa dang mthong ba la sogs pa de dang mnyam pa'i bde ba yod pa ma yin na/ /bu gang zhig
 chos dang grags pa la sogs pa 'phel bar byed pa de lta smos kyang ci dgos te/ /de la mnyam pa'i dpe gang zhig gzhal bar bya ste dpe med pa yin no/ /lus sbyang byas te ci nus par/ /ro tsa'i sbyor ba brtsam par bya/ /zhes bya ba la/ /mi'i lus skyug sman la sogs pas sbyang ba byas
 nas/ /de'i 'og tu nus pa dang lcogs pa ci yod pas ro tsa ba'i sbyor ba brtsam par bya'o/ /'dam bu gung shing 'jag ma sogs/ /pu shel tse dang bi da ri/ /kaN+Daka ri'i rtsa ba dang / /ba la 'tsho byed zangs rtsi ba/ /ram nye ba gnyis med gnyis/ /nye'u shing pa r+Na rnam gnyis dang / /
 a shwa gan+d+ha kha sral phre'u/ /a ti ba la ba spru ba/ /bi da ri ti pa ya s+ye/ /ra sna gze ma dzi ban ti/ /shing mngar sa la par+Ni rnams/ /re re'ang srang ni gsum gsum cha/ /mon sran gre'u bre bzhi dang / /chu bre sum cu gnyis nang bskol/ /khu ba bre
 bzhi lus pa ru/ /mar bre bzhi dang bi da ri/ /skyu ru ra dang bu ram shing / /bre ni bzhi bzhi gzhug par bye/ /'o ma mar gyi bzhi 'gyur dang / /pir kha sral ra mnye gnyis/ /shing mngar phal gu pi pi ling / /rgun 'brum 'bra go bi da ri/ /ma du ka dang nye'u shing pa/ /'di
 dag btags te bcug nas ni/ /de bskol btsags pa'i nang du ni/ /kha ra dkar po smig rkang ni/ /sman ni bre re gzhug pa dang / /pi pi ling ni srang bzhi dang / /na le sham ni srang gcig dang / /shing tsha sug smel ge sar rnams/ /re re srang ni phyed phyed phye/ /sbrang
 rtsi srang ni bcu drug sbyar/ /de las nyin re srang re bza'/ /'o ma dang ni sha khu 'thung / /des ni rta ltar spyod 'gyur zhing / /mchil pa lta bur 'dod pa spyod/ /ces bya ba la/ 'dam bu nas kaN+Daka ri'i bar gyi rtsa ba dang / /de bzhin du bal la sogs pa'i sman sna re zhing srang gsum
 gsum byas la/ /mon sran gre'u la sogs pa'i nang du bskol te/ /de'i khu ba bzhi cha lus par ma ral sogs pa'i khu ba bzhi po bre bzhi bzhi bcug la 'o ma bre bcu drug bcug ste/ /bi ra nas nyi'u shing gi bar du bskol ba'i cho ga bzhin du lde gur byas pa bcug nas mar de bskol
 la btsags pa'i nang du kha ra dang cu gang bre re bcug la/ /de bzhin du pi pi ling la sogs pa yang ji skad smos pa bzhin du bcug ste sbyar la/ /de nas nyin re srang re zes shing 'o ma dang sha khu 'thungs na ro tsa ba'i sbyor ba des rgod ma'i nang gi rta lta bu'am/ /bye'u mchil pa dang
 'dra bar 'dod pa spyod nus so/ /bi da ri dang pi pi ling / /sha li 'bras rtsa pi ya ling / /kha sral phye ma phul re dang / /de bzhin sbrang rtsi srang brgyad dang / /kha ra'i phye ma srang lnga bcu/ /mar sar srang ni bcu drug sbyar/ /de las zho ni gnyis gnyis bza'/ /bud med
 brgya la spyod par nus/ /zhes bya ba la/ /bi da ri la sogs pa'i phye ma phul re dang / /sbrang rtsi la sogs pa ji skad smos pa bzhin du sbyar ba'i ro tsa ba'i sbyor ba 'di bsten na bud med brgya la yang 'dod pa spyod nus par 'gyur ro/ /kha sral phre'u zho 'am ni/ /ma sha 'o mar bskol te bsgrangs/ /mar dang sbrang rtsir bcas pa
 dag / zos la ba sar 'o ma btung / /mtshan mo thog thag gnyid ma log /dub pa med par nyal po spyod/ /ces bya ba la/ /kha sral phre'u la sogs pa 'o mar bskol ba'am/ /ma sha 'o ma dang bskol ba bsgrangs pa'i nad du mar la sbra rtsi btab ste skyes bus zos la/ /de'i 'og tu ba sar pa be'u lan
 cig btsas pa'i 'o ma 'thungs na mtshan rangs bu med la nyal po spyod kyang ngal ba med par 'gyur ro/ /ra thug rlig pa 'o mar btsos/ /til dang lan mang bsres pa dang / /kha rar bcas zos gang yin de/ /bud med brgya la 'ang gsar snyam sems/ /zhes bya ba la/ /ra thug gi rlig pa 'o ma'i nang du btsos la
 til dang yang dang yang du lan mang por bsres la kha ra dang bcas pa zos na bud med brgya la spyod pa na yang sngon chad ma spyad pa'i sar pa snyam du sems par 'gyur ro/ /bi da ri yi phye ma ni/ /rang gi khu bar lan mang spangs/ /zhun mar sbrang rtsir bcas bldags na/ /dud med bcu la spyod bar nus/ /zhes bya ba la/ /
 bi da re'i phye ma bi da ri rang nyid bskol pa'i khu ba'i nang du spangs ba zhun mar dang sbrang rtsi dang lde gur byas te zos na yang nyin re zhing bud med bcu la spyod par nus so/ /pi ling skyu ru ra yi phye/ /rang gi khu bar legs spangs la/ /sha kha ra mar sbrang rtsir sbyar/ /zos rjes 'o ma 'thungs pa gang / /mi de brgyad cu lon na yang / /
 lang tshor gnas shing 'dod sbyod nus/ /zhes bya ba la/ /pi pi ling dang skyu ru ra'i phye ma ji skad smos pa bzhin du bsten na yang mi de lo brgyad cu lon yang da ral bab pa bzhin du bud med la 'dod pa spyod nus par 'gyur ro/ /sheng mngar phye ma zho gnyis dang / /mar dang sbrang rtsi de mnyam pa zos rjes 'o ma 'thungs gyur na/ /
 mi de rtag tu 'dod spyod nus/ /zhes bya ba la/ /skyes bu gang shing mngar btags pa'i phye ma zho gnyis mar dang sbrang rtsi de dang mnyam par sbyar ba zos la de'i 'og tu 'o ma 'thungs na yang rtag tu chags pa spyod nus par 'gyur ro/ /kar ka ta li sring gi phye/ /'o mar sbyar te 'thungs pa dang / /kha ra 'o ma mar bcas pa'i
 zas zos bud med la phod 'gyur/ /zhes bya ba la/ /yang mi gang kar ka ta sring gi phye ma ji skad smos pa ltar bsten na yang bud med la 'dod pa spyod pa khyu mchog ltar nus par 'gyur ro/ /pa yas s+ya dang 'o ma bskol/ /mar dang sbrang rtsi bcas za zhing / /ba ni
 yar ma'i 'o ma 'thungs/ /de yi sa bon zad mi shes/ /zhes bya ba la/ /yang mi gang pa ya s+ya dang 'o ma bskol ba mar dang sbrang rtsi dang za zhing / /de bzhin du ba yar ma ste be'u skyes nas lo gcig lon pa'i 'o ma 'thungs na de bud med spyod kyang sa bon zad mi shes par 'gyur ro/ /
 kha sral phre'u bu ram gyi/ /sa bon phye ma kha rar bcas/ /'o ma bzhos ma thag 'thungs na/ /lung bong lta bur spyod par nus/ /zhes bya ba la/ /kha sral phre'u dang bcas pa bu ram shing phra mo sa bon gyi phye ma kha ra dang bcas par zos la/ /'o ma bzhos ma thag 'thungs na bud med
 rnams la lung bong ltar 'dod chags spyod nus par 'gyur ro/ /uts+tsha Ta yi phye ma dang / /nye'u shing sbyar ba 'ang de bzhin no/ /zhes bya ba la/ /uts+tsha Ta'i phye ma kha ra dang bcas pa zos la 'o ma bzhos ma thag 'thungs pa 'am nye'u shing gi sbyor ba gong ma ltar byas na yang lung bong ltar
 spyod par 'gyur ro/ /zho spris zla ba ltar dkar ba/ /tshags kyis btsags pa zos nas ni/ /kha ra drug cu'i 'bras chan zos/ /rgan po'ang gzhon nu bzhin du spyod/ /ces bya ba la/ /zho'i sbris ma zla ba ltar rab tu dkar ba tshags kyis btsags pa dang / /'bras drug
 cu pa'i chan dang kha rar bcas pa zos na yang rgan po zhig yin yang dar la bab pa bzhin du 'dod pa spyod par nus so/ /gze ma ma sha a ru ra/ /kha sral sa bon nyi'u shing pa/ /'o ma bcas 'thungs rgan pa yang / /bud med brgya la spyod par nus/ /zhes bya ba la/ /gang
 zhig gze ma la sogs pa 'o ma dang bskol ba 'thungs na mi de rgas pa yin yang bud med brgya la spyod par 'gyur ro/ /gang yang snum zhing mngar ba dang / /stobs 'phel nyams ni rtas byed dang / /yid ni dga' bar byed pa gang / /de dag thams cad ro tsar bshad/ /
 de bas rdzas ni 'di lta bus/ /brtas byas bud med la 'jug bya/ /rang gi shugs kyis spyod pa dang / /bud med yon tan gyis dga' spyad/ /ces bya ba la/ /gang yang ro mngar ba dang snum pa dang / /nyams 'phel zhing rgyas bar byed pa dang / /yid dga' bar byed de/ /de
 thams cad kyang ro tsa zhing khu ba la 'phel bar byed par bshad do/ /de bas na mngar ba la sogs pa'i rdzas 'di lta bus mi brtas par byas nas bud med la 'jug pa dang / /de bzhin du rang gi dga' ba'i shugs ba do bas bskyod pa dang / /bud med kyi yon tan gyis dga' bar byed pa'i
 sems dang / /bud med la 'jug cing dga' bar 'dod pa spyod par bya'o/ /chos kyi dpag bsam shing myu gu/ /dbang po'i bde ba kun bsten bya/ /yul ni yid du 'ong ba lnga/ /'dod pa'i lha yi mda' yin no/ /zhes bya ba la/ /'dod pa'i chos kyi lha'i dpag bsam gyi myu gu
 lta bu yin zhing 'dod pa'i lha'i sder gyur pa gzugs la sogs pa'i yul lnga po gang dag yin pa dbang po'i bde ba skyed par byed pa de bsten par bya'o/ /yid 'ong yul ni re res kyang / /tshim zhing dga' byed mchog yin no/ /bud med lus la 'dus nas gang / /gnas pa de ni smos
 ci dgos/ /zhes bya ba la/ /yid du 'ong ba'i yul sgra la sogs pa yul re res kyang tshim pa dang dga' bar byed pa'i mchog yin na yul thams cad 'dus par gyur ba'i bud med lta smos kyang ci dgos/ /gang gi ming thos na yang snying dga' zhing / /mthong na ngoms par 'gyur ba
 med pa dang / /dbang po kun 'dren lcags kyur 'gyur ba yin/ /bud med khyo yi rjes 'jug 'phyon ma min/ /sgyu rtsal 'jo sgeg na tshod lus kyis brgyan/ /dga' ba'i phyir ni ngo tsha dben par sbyod/ /tshig snyan smra zhing mtshungs par mngon dga' bcas/ /bud med de ni ro tsa'i don mchog byed/ /
 ces bya ba la/ /bud med gang gi ming tsam thos na yang snying dga' zhing ro tsa bar byed pa dang / /bud med gang mthong na yid ngoms par 'gyur ba med pa dang / /gang dbang po thams cad 'gugs shing 'dren pa'i lcags kyur gyur pa dang / /bud med khyo'i rjes su 'jug cing gzhan la mi 'pho
 ba'i khyim thab kyi brtul zhugs can du gyur pa dang / /de bzhin du sgyu rtsal dang lus kyi 'jo sgeg dang / /na tshod gzhon pas brgyan par gyur pa dang / /de bzhin du phyi rol mang po 'dus pa'i nang du ngo tsha dang bcas pa dang / /dben par gcig pu gnas pa dang / /
 spyod ba'i bag yangs la mkhas pa dang / /tshig 'jam zhing snyan par smra ba dang / /'dod pa la mtshungs par dga' bar gyur pa'i bud med de ni ro tsa ba'i don gyi mchog grub par byed pa yin no/ /'dod pa'i bstan bcos las bshad skyon med pa'i/ /yul dang dus dang nyams
 stobs rjes mthun zhing / /sman dpyad bstan bcos sbyor dang mi 'gal ba/ /'dod pa'i spyod pa ma lus spyad par bya/ /zhes bya ba la/ /'dod pa'i bstan bcos b+ha tsa ya na la sogs pa las bshad pa'i nyes pa'i skyon med pa dang / /yul dang dus dang nyams stobs kyi rjes su
 mthun par spyod pa dang / /sman dpyad de bstan bcos las bshad pa'i sbyor ba dang mi 'gal ba'i 'dod pa spyod pa de lta bu dag gis 'dod pa spyod par bya'o/ /bsku byug lus dril sman chu blugs dang dril/ /me tog phreng ba sna tshogs rgyan dang ldan/ /glu dang snyan ngag la sogs gtam
 la mkhas/ /rang bzhin tshod mtshungs shing dbang gyur grogs/ /zhes bya ba la/ /grogs po 'dza' bshes kyang bsku byug la sogs pa dang ldan zhing glu la sogs pa la mkhas pa/ /rang bzhin dang na tshod mnyam pa dang rang gi dbang du gyur pa yang yid dang mthun zhing mgu bar
 byed pa yin pas ro tsa bar byed pa yin no zhes bya ba nas bshad pa dang sbyar ro/ /rang gi khang pa'i nye 'khor khrus rdzing bu/ /pad+ma'i ge sar sbrang rtsis myos pa yi/ /sbrang ma bya dang bcas par gyur pa ni/ /sngo zhing gzhi mnyam ri yi 'dab na ni/ /nags tshal khyim dang nye bar 'gyur ba dang / /
 zhes bya ba la/ /rang gi khang pa'i nye 'khor na khrus kyi rdzing bu yid du 'ong ba pad+ma'i ge sar gyi rdul las byung ba'i sbrang rtsis myos par gyur pa'i sbrang ma'i tshogs dang bcas pa yang yid du 'ong ba yin pas na ro tsa bar byed pa yin la/ /de bzhin du bya sna tshogs dang bcas pa'i nags tshal
 gzhi mnyam zhing yid du 'ong ba yang khyim gyi 'dab nye bar 'dug pa de yang nyams dga' bar byed pa yin pas na ro tsa bar byed pa yin no/ /mthong na dga' ba'i shing ni sna tshogs skyes/ /mnyan na bde ba'i khu byug sgra snyan sgrogs/ /lus bde bud med rgyan ldan dus dbang 'gyur/ /
 sems bde ma lus 'khor gyis bskor ba dang / /zhes bya ba la/ /skyed mos tshal mthong na nyams dga' zhing bde ba skyed pa sna tshogs pa mthong bas dga' ba skyed pa de yang ro tsa bar byed pa yin la/ /de bzhin du mnyan na bde ba'i sgra khu byug la sogs pa dag gi sgra yid du 'ong ba thos pa yang
 ro tsa bar byed pa yin no/ /bud med rgyan gyis brgyan zhing dus kyi bde ba'i dbang du gyur pa skyed par byed pa yang ro tsa ba bskyed pa yin la/ /de bzhin du sems bde bar byed pa'i 'khor gyi tshogs kyis bskor te/ /gnas pa yang ro tsa bar byed pa'i rgyu yin no/ /so rtsi dang ni chang dang
 chung ma ni/ /yid 'ong mtshan mo zla zer bcas par 'dug /yid ni dga' bar byed pa gang dang gang / /de dang de ne ro tsar byed pa yin/ /zhes bya ba la/ /so rtsi tam+bu la zhes bya ba bsten zhing bza' ba dang chang dngas ma 'thung ba dang / /chung ma yid du 'ong ba dang 'grogs shing
 mtshan mo zla zer dang bcas pa la 'dug pa yang ro tsa bar byed pa'i rgyu yin te/ /mdor na yid dga' bar byed pa gang dang gang yin pa de dag thams cad ro tsa bar byed pa yin no/ /chung ma'i kha ni u t+pa la ltar dri zhim/ /pi lbang snyan pa'i sgra ni nyan byed dang / /mal stan yid 'ong
 me tog gcal bkram pa/ /lcug ma me tog myu gus brgyan pa 'dra/ /zhes bya ba la/ /chung ma'i kha ut+pa la ltar shin tu dri zhim par byed pa dang / /pi wang snyan pa'i sgra nyan par byed pa dang / de bzhin du mal stan yid du 'ong zhing me tog dra zhim pa'i gcal bkram
 pa lcug ma rtse mo me tog dang myu gus brgyan pa ltar yid du 'ong ba yang 'dod pa'i don yongs su rdzogs par byed pa yin no/ /yul dang dus la gnod pa gang yang med/ /yul gyi yid la gnod pa chung du'ang med/ /ro tsa'i sbyor ba nye bar ldan gyur pa/ /'dod pa'i 'dod
 pa yongs su rdzogs par byed/ /ces bya ba la/ /gang na gnas pa'i yul na gnod pa'i 'tshe ba gang yang med pa dang / /de bzhin du lus la gnod pa'i 'tshe ba gang yang med pa dang / /de bzhin du gzugs la sogs pa'i yul gyi yid la gnod pa chung
 zad tsam yang med par gyur ba dang / /de bzhin du ro tsa ba'i sbyor ba ji skad la smos pa dang nye bar ldan pa ste/ /de dag thams cad de ni 'dod pa'i 'dod pa yongs su rdzogs par byed pa yin no/ /gla sgang par ba ta ni rims la phan/ /skom dang che la bor pa bsregs pa ni/ /chu yi nang du
 gsur ba'i dngas ma phan/ /slon la 'bras yos chu so'i nad brag zhun/ /gcin snyi skyu ru ra dang ser po gnyis/ /skya rbab nad la lcags kyi phye ma mchog /rlung dang bad kan la ni a ru ra/ /mcher pa'i nad la pi pi ling mchog yin/ /glo rdol ba la rgya skyegs khu ba bsngags/ /
 dug gi nad la sher sha rab bsngags te/ /tshil dang rlung nad la ni gu gul phan/ /khrag dang mkhris par ba sha ka rab bsngags/ /'khru ba'i nad la dug mo nyung phan zhing / /gzhang 'brum go byed byig dug la gser phan/ /tsho ches ra la skyer kha N+Da bsngags shing / /srin bu'i
 nang ni byi dang yis 'joms/ /gcong chen la chang ra sha 'am 'o ma phan/ /mig gi nad la 'bras bu gsum rab phan/ /dreg nas la ni sle tres rab bsngags shing / /pho ba'i nad la dar ba gsar pa mchog /mdze la ser ldeng snying po bsten pas mchog /nad kun la ni drag
 zhun rag tu bsngags/ /smyo byed nad la mar ni rnying pa phan/ /brjed byed nad la bri m+hi phan pa yin/ /mya ngan la ni chang ni blud pa phan/ /gnyid med pa yi nad ni 'o mas sel/ /cham pa zho ni sbyar ma thag gis sel/ /red ba'i nad la sha ni spyi bar bya/ /rlung gi nad la sgog skya rab tu bsngags
 yan lag rengs pa'i nad ni dugs kyis sel/ /phrag pa phrag gong lag ngar na ba la/ /thang chu kha po ra yi sna sman gtang / /klad pa'i nad la mar sar hwags kyis sel/ /dmu rjid rnga mo'i gcin dang 'o mas sel/ /mgo bo'i nad kun la ni sna sman bsngags/ /khong 'bras gsar du byung //
 la gtar ga gdab/ /kha yi nad rnams la ni mkhur bkang phan/ /mig nad sna sman mig sman brta bas sel/ /rgas pa la ni 'o ma zhun mar phan/ /brgyal la chu grang blugs dang grib ma phan/ /drod chung ngal dang sge'u gsher cha ran phan/ /dub la chang 'thungs lus ni khrus byas phan/ /sdug bsngal
 bzod dang brtan la rtsol ba phan/ /gcin sri ba la gze ma phan pa yin/ /lud pa lu la kaN+Da ka ri phan/ /rtsib logs gzer la puSh+kar mU la phan/ /rgas sra ba la skyu ru ra phan zhing / /rma la 'bras bu gsum dang gu gul phan/ /de ltar nad rnams kyi ni sman gyi mchog /bshad pas nad
 rnams zhi bar nus pa yin/ /de ni yul dang dus kyi stobs las ni/ /ci rigs par ni brtags te sbyar bar bya/ /zhes bya ba la/ /rims kyi nad la ni gla sgang dang par pa ta mchog yin no/ /skom dang che ba la ni so phag bsregs pa chu'i nang du gsur te bgrungs pa'i chu blud na mchog yin no/ /slon pa'i nad
 la ni 'bras yos mchog yin no/ /chu so'i nad la ni bag zhun gtang ba mchog yin no/ /gcin snyi ba'i nad la ni skyu ru ra dang yung ba dang skyer pa mchog yin no/ /skya rbab kyi nad la ni lcags kyi phye ma mchog yin no/ /rlung dang bad kan ldan pa'i nad la ni u ru ra mchog yin no/ /mcher
 pa'i nad la ni phi pi ling mchog tu phan no/ /glo rdol ba'i nad la ni rgya skyegs kyi khu ba blud pa mchog yin no/ /dug gi nad la ni shri sha zhes bya ba shu ka ta ru mchog yin no/ /tshil dang rlung las gyur pa'i nad la ni gu gul mchog yin no/ /khrag dang mkhris pa'i nad la ni ba sha ka mchog yin
 no/ /tshad pa rnying pa la sogs pa 'khru ba'i nad la ni dug mo nyung mchog yin no/ /gzhang 'brum la ni go bye zhes bya ba bse shing gi 'bras bu mchog yin no/ /dbyig dug la gser ba dar ba mchog yin no/ /tsho ches pa la skyer pa'i khaN+Da bsngags pa yin no/ /srin bu las gyur pa'i nad la ni byi dang ga
 mchog yin no/ /gcong chen po'i nad la ni chang dang ra sha 'am 'o ma byin pa mchog yin no/ /mig gi nad thams cad la ni 'bras bu gsum mchog yin no/ /dreg nad la ni sle tres kyi khu ba mchog yin no/ /pho ba'i nad la ni dar ba gsar ba mchog yin no/ /mdze'i nad thams cad la ni seng ldeng gi snying
 po bsten pa mchog yin no/ /nad thams cad la ni brag zhun bsten pa mchog yin no/ /smyo byed kyi nad la ni mar rnying pa lo mang po lon pa mchog yin no/ /brjed byed kyi nad la ni bra m+hi zhes bya ba mchog yin no/ /mya ngan la ni chang blud pa mchog yin no/ /gnyid med pa sel ba'i mchog
 ni 'o ma yin no/ /cham pa la ni zho sbyar ba zhes bya ba zho dkrugs pa'i nang du dri bzang bzhi dang pi pi ling dang khar btab pa mchog yin no/ /skyes bu rid cing nyam chung ba la ni sha sbyin pa mchog yin no/ /rlung gi nad la ni sgog skya mchog yin no/ /yan lag rengs ba'i nad sel ba'i mchog ni dugs yin no/ /
 phrag pa dang lag ngar dang bcas pa na ba la ni/ /thang chu kha por zhes bya ba dzi dzin na'i sman gtang ba mchog yin no/ /rlung gis klad pa'i gzhogs phyed na ba la ni mar sar hwags sbyar ba mchog yin no/ /dmu rdzing gi nad la ni rnga mo'i gcin dang 'o ma mchog yin no/ /nam tshong yan chad kyi mgo ba'i nad kun
 la ni sna sman gtang ba mchog yin no/ /khong 'bras dang po byung ba la ni gtar ga gdab cing khrag dbyung ba mchog yin no/ /kha'i nad thams cad la ni sman khus mkhur ba bkang zhing dbo ba mchog yin no/ /mig nad la ni sna sman dang mig sman dang mig brtab bya ba mchog yin no/ /rgas pa la ni 'o ma dang
 zhun mar bsten pa mchog yin no/ /brgyal ba sel ba'i mchog ni chu grang dang grib ma yin no/ /khong ba'i me drod chung ba sel ba'i mchog ni ngal ba dang sge'u gsher dang / /tsha ran pa bstan pa mchog yin no/ /lus dub pa la ni ching 'thungs pa dang / /lus khrus byas pa phan no/ /sdug bsngal bzod cing
 dka' ba bsten nus pa dang / /lus brtan par gyur pa la ni rtsol ba dang drag shul byas pa phan pa'i mchog yin no/ /gcin sri ba sel ba'i mchog ni gze ma yin no/ /lud pa lu ba la ni kaN+Da ka ri mchog yin no/ /rtsib logs su gzer ba la ni puSh+kar mU la zhes bya ba ma nu mchog yin no/ /rgas
 sra bar bya ba la ni skyu ru ra mchog yin no/ /rma sel ba'i mchog ni 'bras bu gsum dang gu gul yin te/ /de ltar bshad ma thag pa'i tshul gyis nad rnams sel ba'i sman gyi mchog bshad cing bstan pa de dag gis ni nad zhi zhing sel bar nus pa yin la/ /de la yul dang dus kyi stobs las sman gyi sbyor
 ba ci rigs par sbyar bar bya'o/ /de ltar rgyun shes bu las gzhung gi mdo/ /legs par bshad pa des ni ma ngoms pas/ /me bzhin 'jug sogs blo mthun dad pas 'dud/ /the tshom 'di ni me bzhin 'jug gis dris/ /zhes bya ba la/ /rnam pa de lta bu'i tshul gyis drang srong rgyun shes kyi bu
 las gzhung gi don gyi mdo thos pa dang legs par bshad cing tshad mas brtags pa'i rang gi don brtan pa rtogs sla zhing don che ba des me bzhin 'jug la sogs pa'i slob ma rnams ngoms shing tshim par ma gyur pas/ /de dag blo mthun par dad pas mgo bos btud nas drang srong lug ces bya ba la sogs
 bslob ma rnams kyi nang na bsngags la/ /me bzhin 'jug ces bya bas blo la nges rnyed pa'i the tshom 'di rgyun shes kyi bu la dris par gyur to/ /skal ldan kha cig bdag nyid mkhas/ /sman dang nad g.yog phun sum tshogs/ /sman pa rgan po'i lung gis ni/ /rjes su 'jug kyang nad bcas shing / /
 nad kyi srog ni zad pa snang / /gzhan dag de las go bzlog snang / /de phyir phan dang gnod pa yi/ /'bras bu nges pa ma mchis na/ /'dir ni bstan bcos kyis ci bstan/ /zhes bya ba la/ /'di dag ni dri ba'i tshig ste/ /kye skal ldan rgyun shes kyi bu kha cig bdag nyid mkhas shing rig pa yin zhing
 sman dang yo byad phun sum tshogs pa dang / /nad g.yog phun sum tshogs pa'i bdag po dang yang ldan la/ /sman pa rgan zhing mkhas pa'i gdams ngag gis rjes su 'jug par byed du zin kyang nad kyi srog zad par byed pa dag snang la/ /nad pa gzhan kha cig ni de las go bzlog pa ste/ /bdag nyid
 mi mkhas pa dang / /sman pa yo byad med pa dang / /nad g.yog med pa dang / /sman pa mi mkhas pa dag gis bcos su zin kyang srog zad par ma gyur par snang ngo / /de'i phyir phan par 'gyur ba dang / /gnod par 'gyur ba'i 'bras bu la ni nges pa yod pa ma yin te/ /phan pa'i sbyor ba byas kyang 'bras
 bu de nyid du zad pas de bas na srog bsrung ba'i gso ba'i mtshan nyid 'di ni gcig tu chad pa med cing nges pa med pa yin no/ /de ltar bya ba la nges pa med pa'i phyir gso ba'i bstan bcos kyis 'dir don gyi dngos po ci zhig bstan cing dgos pa ci zhig bya ste/ /yul de la ni 'bras bu nges pa
 med pa'i phyir bstan ba ci yang med de/ /des na sman bsten pa dang / /ma bsten pa dag tshul mnyam pa'i phyir bstan bcos 'di ni brtsam bar mi bya ba'i rigs so/ /de ltar me bzhin 'jug sogs slob ma'i tshogs/ /rtog pa skyes la rgyun shes bu yis ni/ /de nyid ma lus
 rnam par bshad gyur pa/ /gso byas ma byas mnyam por bya mi rigs/ /zhes bya ba la/ tshul de ltar me bzhin 'jug la sogs pa'i slob ma'i tshogs the tshom skyes shing rtog par gyur pa de las drang srong chen po rgyun shes kyi bus don gyi de kho na nyid phyin ci ma log pa ma lus pa thams cad rnam par bshad
 par gyur pa ni/ /kye me bzhin 'jug gso ba yan lag bzhi pa'i yon tan phun sum tshogs pa yon tan bcu drug gis nye bar brgyan par gyur ba dang / /gso ba ma byas pa ste/ /yan lag bzhi dang yan lag bcu drug gi tshogs pa dang mi ldan par gyur pa de mnyam zhing cha mtshungs par brtags pa ni
 rigs shing 'os pa ma yin no/ /ci'i phyir zhe na/ yan lag bcu drug ldan pa yi/ /gso byed bde 'gyur yod mod kyi/ /nad kyi 'dam du bying ba la/ /lag nas 'dren thabs sman yin no/ /zhes bya ba la/ gang gi phyir nad pa gang yang yan lag bcu drug dang ldan pa'i 'byor pa tshad du zin kyang nad med cing
 bde bar 'gyur ba yod mod kyi/ /'on kyang nad kyi 'dam du bying ba la ni lag nas 'dren zhing bslang ba'i thabs sman kho na yin par shes par bya'o zhes bya ba'i don to/ /de yang tsa ra ka las nad pa gang sman med par nad las thar zhing ldang ba yod kyang / /de ni sman gyi yan lag phun sum tshogs pas gsos pa la ra
 nad med pa yin te/ /dper na skyes bu ltung zhing 'gyel bar gyur pa la la zhig ldang bar nus pa cung zad yod du zin pa la yang / /skyes bu gzhan zhig gis lag nas drangs na de shin du myur bar nyam nga ba med pas ldang bar 'gyur ro/ /nad pa gso ba'i sman gyi sbyor ba yongs su rdzogs pa yang de dang 'dra'o
 zhes bya ba bshad pa lta bu'o/ /'tsho dang 'chi bar 'gyur ba la/ /kun la sman yod ma yin zhing / /thabs la ltos pa ma yin la/ /gzhan du thabs la ltos pa'i nad/ /thabs kyis bsgrubs na 'grub 'gyur bas/ /rgyu med par ni gtan tshigs min/ /zhes bya ba la/ nad pa 'chi bar
 'gyur ba thams cad ni sman gyis 'tsho bar 'gyur ba ma yin te/ /gang gi phyir nad thams cad gso ba'i thabs la rag las shing ltos pa ma yin gyi/ /gzhan thabs la ltos dgos pa'i nad ni gso ba'i thabs med par 'gyur ba ma yin no/ /de bas na khyed kyis bshad pa'i rgyu med par bshad pa de ni
 gtan tshigs su rung ba ma yin no/ /'di yang tsa ra ka las nad pa gang sman med pa 'ga' zhig gis 'chi bar 'gyur ba de ni sman gyi sbyor ba phun sum tshogs pa rdzogs pas sos par 'gyur ba yin te/ /gang gi phyir nad thams cad kyang gso ba'i thabs la ltos dgos pa dag kyang gso ba med par
 'gyur ba ma yin no zhes bshad pa yin no/ /gang yang khyed kyis phun tshogs ni/ /kun dang ldan pas gsos na yang / /'chi 'gyur zhes smra de ma yin/ /thabs ni thabs min 'gyur yod min/ /zhes bya ba la/ gang yang khyod kyi yan lag bcu drug gi phun sum tshogs pa thams cad dang ldan pas
 gsos su zin kyang 'chi bar 'gyur ba dag snang ngo zhes smra ba ma yin te/ /de ni mi rigs so zhes bya ba'i don to/ /ci'i phyir zhe na/ sman gyis gsor mi rung ba'i nad pa yang sman de dag gso ba'i thabs su 'gyur ba ma yin no/ /sman pa shin tu mkhas pa dag kyang nad pa la yongs su rtog cing gso ba'i sbyor ba 'jug
 tu zin yang gsor mi rung ba la 'tsho ba yod pa ma yin no/ /gal te de lta'i thabs ldan zhing / /blo ldan gso ba byas gyur kyang / /sngon las nyes pa ma grub pa/ /yan lag bcu drug ldan med yin/ /zhes bya ba la/ gal te nad pa gso ba'i thams yan lag bcu drug phun sum
 tshogs pa dang ldan zhing nad pa blo dang ldan pa la gso pa'i dpyad byas su zin kyang / /gso ba ma grub bar gyur ba 'di ni sngon gyi las kyi nyes pas tshe zad ba la sogs ba'i dbang gis ma grub pa yod na yang yan lag bcu drug dang ldan ba'i gso ba ni med pa ma yin no/ /me dang chu sogs dugs dang ni/ /rengs sogs
 mi 'grub su zhig zer/ /zhes bya ba la/ me dang chu la sogs pas dugs dang rengs pa la sogs pa'i las mi byed do/ /zhes su zhig zer te/ dugs kyi las ni mes byed pa yin la/ /rengs pa ni chus byed pa yin te/ /sogs pa'i sgras ni rlung gis ni dran pa rnyed pa'i lus byed pa yin par ni kun
 la grags pa de ltar su zhig mi 'dod/ /brta dang nyams smad 'o ma dang / /'bras ngan mi byed su zhig 'dod/ /ces bya ba la/ /skyes bu su zhig 'o mas lus brta ba dang / /'bras ngan pa be du zhes bya bas nyams smad par mi 'gyur bar su zhig mi 'dod de/ /de yang
 kun la grags pa yin no/ /ma sha kha sral la sogs la/ /ro tsa mi nus su zhig zer/ /zhes bya ba la/ gzhan yang mon sran sde'u ma sha dang / /kha sral phre'u ad ma ku ba ta zhes bya ba la sogs pas ro tsa par mi 'gyur ro zhes su zhig zer te kun la yang 'di grags pa yin no zhes bya pa'i bar du'o/ /
 bshang gci skyed dang mang bar ni/ /nad la the tshom su zhig za/ /zhes bya ba la/ bshang ba skyed par byed pa dang gci ba mang bar gyur ba ni nad yin par su zhig the tshom za ste/ /the tshom med pa yin no/ /sngags dang rgyud ni med pa ru/ /gang gis dug ni 'jug par 'gyur/ /zhes bya ba la/ /yang srog
 chags su zhig la dug sngags kyis ma btab cing / /gso ba'i rgyud kyi cho ga las bshad pa'i dug bsal ba'i thabs zas dang skom sman sna tshogs pa med par dug de sus 'ju bar 'gyur te/ /gang gis kyang 'ju bar mi 'gyur ro/ /zhes bya ba'i don to/ gag pa la sogs gso ba ni/ /med par gang
 zhig bde bar 'gyur/ /zhes bya ba la/ /skyes bu gang zhig gag pa dang gnye'u reng dang mur 'gram gyi nad la gso ba'i sbyor ba ma byas par/ /gang zhig bde bar 'gyur te su yang mi 'gyur ro zhes bya ba'i don to/ /'on kyang dus min 'chi la sogs/ /grub mtha' kun du nges par grags/ /'bad ba chen po
 dag gis ni/ /ji ltar gzhan gyis bzlog par nus/ /zhes bya ba la/ 'on kyang dus ma yin par 'chi ba la sogs pa'i bstan bcos kyi grub pa'i mtha' thams cad la grags pa yin pas na de sbyin pa dang / /sbyin sreg dang / dka' thub dang sdom pa la sogs pa 'bad pa chen po yin yang gso ba'i bstan
 bcos ltar ma byas na ji ltar bzlog par 'gyur te gang gis kyang bzlog par mi nus so/ /tsan+dan la sogs tsha sogs pa/ /lung las grags pa bzhin du sel/ /zhes bya ba la/ tsan+dan dang a ru ra la sogs pa'i sman tsha ba dang grang ba la sogs pa sel ba yin par ni bstan bcos kyi lung las
 grags pa yin na de yang de bzhin du 'gyur ba yin no/ /rims la smyung dang brta ba dag /bstan bcos nyid las grags pa yin/ /zhes bya ba la/ /rims la dang por smyung ba dang / /phyis brta ba byas pas phan pa ni gso ba'i bstan bcos las 'jig rten du grags pa yin no/ /yan lag
 bzhi pa'i yon tan 'byor/ /legs bar brtags nas sbyar bya zhing / /gzhan du nad kyi tshogs 'joms pa/ /gso ba the tshom bcas mi bya/ /zhes bya ba la/ /me bzhin 'jug nad sel ba'i gso ba ni yan lag bzhi po sman pa dang nad pa dang / /nad g.yog dang / /nad ba'i yon tan bzhi po las
 yon tan bzhi bzhir 'phros pa mkhas shing zhes bya ba la sogs pa bstan pa de dag 'byor zhing phun sum tshogs pa dang / /de bzhin du gnod pa dang / /gnod ba la sogs pa bcu gnyis legs par brtags nas nye bar sbyar bar bya zhing gzhan du na nad kyi tshogs 'joms par byed pa min par gso
 ba zhes bya ba de la the tshom dang bcas par mi bya'o/ /'di ni dus min 'chi zhags pa/ /brtan po bcom par byed pa yin/ /nad kyis skrag cing 'jigs pa la/ /sngags med pa yi srung skud yin/ /zhes bya ba la/ /bstan bcos 'di ni dus ma yin par 'chi ba'i
 zhags pa brtan po 'joms par byed pa yin te/ /ji ltar zhags pa 'di mtshon rnon pos gcod par byed mi nus te/ /gso ba'i thabs kyis gcod pa yin no/ /de bzhin du nad kyis skrag cing 'jigs pa'i skyes bu la bstan bcos 'di sngags med cing sngags kyis ma btab pa'i srung skud kyang yin no/ /
 'di ni 'gro ba'i sdug bsngal rnams/ /sel byed bdud rtsi mngon sum yin/ /snod ngan gnas na 'phral du ni/ /ha la ha lar 'gyur pa yin/ /zhes bya ba la/ /sman dpyad kyi gso ba'i rgyud 'di ni 'gro ba'i sdug bsngal rnams sel bar byed cing rgas pa dang / /na ba dang / /'chi ba'i sdug bsngal
 'joms par byed pa yin pas rtsi dang 'dra ba yin te/ /gang gi phyir bdud rtsi don du gnyer ba'i phyir lha dang lha ma yin gyis sdug bsngal gyi 'bad pa chen po byas nas/ /'thob par gyur pa yin te/ /'di la ni sdug bsngal 'ga' yang yod pa ma yin no/ /de ltar na yang snod ngan pa bstan bcos la
 thos pa med pa'i sman pa'i rgyud la gnas par gyur na/ /'phral du de'i mod la ha la ha la zhes bya ba'i dug chen por 'gyur ba yin no/ /bstan bcos nges pa mi shes shing / /tshig tsam la ni rjes gzhol ba'i/ /gshin rje'i zhags pa thogs pa bzhin/ /sman pa ngan pa ring
 du spang / /zhes bya ba la/ /sman pa gang gso ba'i bstan bcos kyi nges pa'i de kho na nyid legs par mi shes shing khong du chud par ma gyur la/ /tshig tsam gyi rjes su 'brang zhing gzhol bar byed ba'i sman pa ngan cing smad par bya ba de ni ring du spang bar bya ste/ /ji ltar gshin rje'i zhags pa dang kyang ring du spang
 bar bya ba yin pa dang 'dra'o/ /sman pa gzhung la legs mkhas shing / /lung la mkhas pa'i bzang po dang / /las la goms zhing dge ba ni/ /bzang po 'dod pa dam pa yin/ /zhes bya ba la/ /sman pa sman dpyad kyi lung gi gzhung lugs la shin tu mkhas shing byang ba dang / /de bzhin du las la goms
 shing rang bzhin dge ba'i bya ba la sogs pa dag dang / /de bzhin du bzang por 'dod cing bde ba dang dge ba la dga' ba dag ni dam par 'gyur ba yin no/ /de ltar rgyud kyi yon tan ldan/ /rgyud kyi skyon ni spang gyur pa/ /gso ba'i bstan bcos ma lus pa/ /khyab ste yongs su gnas pa yin/ /drang srong chen po'i gzhung
 rjes 'jug/ /rgya che'i dri ma med pa'i gnas/ /rgya mtsho chen po ltar zab cing / /bsdum don nye bar mtshon byed yin/ /zhes bya ba la/ /de ltar zhes bya ba'i don ni gang gi phyir zhes bya ba'i don te/ /gang gi phyir bstan bcos 'di ni don chen po dang ldan pa yin no zhes bya ba'i don to/ /yang na de ltar zhes bya
 ba'i sgra ni rdzogs pa'i don te/ /rgyud ni tshul 'di ltar rdzogs bar byas la/ /de ltar rdzogs par byas pa'i rgyud kyi yon tan thams cad ni ldan la/ /rgyud kyi skyon thams cad ni spangs ba yin no/ /de yang 'dis lus 'dzin cing sdud ba'i don gyis na rgyud de/ /rgyud de'i yon tan ni drang srong tsa ra kas bshad
 de/ /de 'dir brjod bar bya'o/ /grags pa chen po dang ldan pa'i skyes bu dam pas kun du brten pa/ /don shin tu mang ba nyams dang ldan pa'i skye bo rnams kyis bsngags pa/ /slob ma dam pa gsum gyi blo la phan pa/ /tshig zlos pa'i nyes pa dang bral ba/ /lung du gyur pa/ /mdo dang bshad pa dang / /bsdu ba'i rim pa legs
 par bshad pa/ /gzhi bzang ba/ /tshig zur chag pa med pa/ /mi go bar bya ba'i sgra med pa/ /ming yongs su rdzogs pa/ /brgyud pa'i rim pas rtogs pa'i don dang ldan pa/ /don gyi de kho na nyid nges pa/ /gtso bor gyur pa/ /don mthun pa dang ldan pa/ /don tshol zhing 'dres pa med pa/ /rab du byed ba ma 'dres
 pa/ /myur du 'jug cing rtogs par byed pa/ /mtshan nyid dang ldan zhing dpe dang bcas pa ste/ /bstan bcos 'di ni de lta bu yin par bya'o/ /de yang ji ltar nyi ma'i dkyil 'khor dri ma med pas mun pa'i tshogs thams cad gsal te/ /dngos po thams cad snang ba dang 'dra bar byas pa yin no/ /
 de la rgyud kyi skyon ni the tshom dang bcas pa dang / /don med pa dang //tshig zlos pa dang / /go rims 'chol ba dang / /cho ga dang mi ldan pa dang / /shin tu mangs ba dang / /'gal ba la sogs pa'o/ /rgyud de yang gso ba'i bstan bcos ma lus pa la kun nas khyab ste gnas pa yangs pa rgya che ba/ /dri ma
 med cing skyon med pa ste/ /gang 'di drang srong chen po rgyun shes kyi bu la sogs pa'i gzhung rgya che zhing dri ma med pa'i rjes su 'gro ba'i rgyud de ni rgya mtsho chen po ltar zab cing 'jug par byed cing / /rgyud de ni tshangs pas bshad pa'i bsdus pa zhes bya ba'i gzhung chen po 'di de'i don yang mtshon par byed pa
 yin te/ /rgyud 'dis bsdus pa'i don de yang mtshon zhing ston par byed pa yin no/ /sman dpyad yan lag brgyad pa'i rgya mtsho bsrubs pa las/ /yan lag brgyad bsdus bdud rtsi'i tshogs thob gang / /de las don chen rtsol ba zhen pa rnams/ /dga' bar bya phyir rgyud 'di logs shig
 byas/ /zhes bya ba la/ /sman dpyad gang la yan lag brgyad yod pa de ni sman dpyad yan lag brgyad pa ste/ /de nyid du ni rgya mtsho lta bu ste bdud rtsi 'byung ba chos dang mthun pa dang / /don zab par mthun pa'i phyir rgya mtsho zhes bya ste/ /de bsrubs shing rnam par glongs ba'i tshul gyis 'bad par
 bya ba'i rgyu de las yan lag brgyad pa bsdus pa'i bdud rtsi'i phung po chen po thob par 'gyur ba yin la/ /yan lag brgyad pa bsdus pa'i bdud rtsi'i tshogs thob pa de las don che zhing bgos pa chen po dang ldan pa 'di sman pa rtsol ba zhan zhing 'bad pa chung ngu dang ldan pa rnams kyi dga' ba
 bskyed par bya ba'i phyir yan lag brgyad pa'i snying po zhes bya ba'i rgyud 'di logs shin tu gud du byas pa yin no/ /'di ni lung chen las grags shing / /'bras bu mngon du ston byed pas/ /sngags dang 'dra bar legs sbyar gyi/ /log dpyod nam yang mi bya'o/ /zhes bya ba
 la/ /rgyud 'di ni sman dpyad kyi lung chen po las grags shing / /lung gi tshad ma dang ldan pa dang / /'bras bu 'phral du mngon sum du ston par byed ba'i phyir sngags dang 'dra bar yang dag par sbyar bar bya ste/ /ji ltar sngags kyi 'bras bu ni rgyu gang gis gnod pa sel bar dpyad par mi bya ba'i yid ches
 pa nyid kyis bsgrub par bya ba yin pa dang 'dra bar/ /'di'i sbyor ba la yang yid ches pa nyid kyis bsgrub kyi/ /log par rtog pa'i dpyod pa dag ni yang mi bya'o/ /'di bklags rtogs dang nyams blangs pas/ /tshe ring ba dang nad med dang / /chos dang nor dang bde dang grags/ /nges par 'thob
 par 'gyur ba yin/ /zhes bya ba la/ /yan lag brgyad pa'i snying po zhes bya ba'i sman dpyad kyi rgyud 'di bklags pa dang / /rtogs shing khong du chud pa dang / /sbyor ba ji skad smos pa dang nyams su blangs pa las tshe ring ba dang / /nad med pa dang / /chos dang nor dang bde bar 'gyur ba dang / /grags par 'gyur ba
 nges bar gdon mi za bar 'thob par 'gyur ro/ /'di ni bltas na bsdus don rtogs nus pas/ /rang gi goms las sman pas bskyod mi nus/ /rgya chen rgyud gzhan dag las goms gyur pas/ /mi bskyod gyur gang de ni ngo mtshar med/ /ces bya ba la/ /yan lag brgyad pa'i snying po zhes bya ba'i
 gzhung 'di bklags shing bltas na bsdus pa bzhes bya ba'i sman dpyad kyi bstan bcos kyi don rtogs shing shes bar nus pa dang / /de bzhin du rang gi goms pa'i las de yang dang yang du bstan zhing nyams su blangs par gyur pa'i las la sman pa 'di la ma brten pa gzhan dag gis bskyod bar mi nus shing / /
 the tshom gyis sun 'byin zhing rgol bas tsher bcad bar mi nus so zhes bya ba'i don yin la/ /gal te sman dpyad kyi rgyud rgya chen po gzhan dag las dka' ba chen pos bslabs te bya bar gyur nas/ /las la glags mi thod cing mi bskyod par gyur pa yod mod kyi/ /de lta bu gang yin de ni
 'bad pa chen po las byung ba yin pa'i 'bras bu yin pas ngo mtshar mi che'i/ /'di ni tshegs chung dus goms pa chen po thob pa yin pas ngo mtshar che'o/ /gal te tsa ra kas ni bslabs gyur des ni legs thos sogs/ /las bshad nad kyi ming tsam yang ni shes bar 'gyur ma yin/ /tsa ra ka
 la ma bslabs gso ba dag ni ma goms pa'i/ /nyon mongs des ni nad pa rnams kyi gso ba ji ltar bya/ /zhes bya ba la/ /gal te sman pa tsa ra ka 'ba' zhig bslabs shing byang bar byas par gyur pa des ni drang srong legs thos kyis byas pa la sogs pa'i gzhung las bshad pa'i nad kyi tshogs nad
 phran tshegs dang / /mgo ba'i nad dang / /mig gi 'bras bu dkar nag dang / /rab rib kyi nad dang / /rab rib kyi nad dang / /rna ba dang / /sna'i nad rnams kyi ming gi tha snyad tsam yang shes par 'gyur ba ma yin zhing / /de yang phyi rol du gyur pa ma yin no/ /yang zhes bya ba'i sgras ni de'i nad gzhi dang mtshan nyid dang gso ba dag mi
 shes pa dag smos kyang ci dgos so zhes ston pa yin no/ /gal te zhes bya ba la ni phyogs gnyis pa ston pa'i phyir smos pa yin te/ /gal te tsa ra ka zhes bya bas gzhung la ma bslabs shing shes par ma gyur gyi/ /legs thos kyis bshad pa la sogs pa'i gzhung 'ba' zhig tsam bslabs
 par gyur na ni/ /nad gzhi dang lus zungs la sogs pa gnod par bya ba dang / /yul dang / /dus dang / /lus dang / /kha zas dang / /snying stobs dang / /rang bzhin la sogs pa dang 'brel pa'i gso ba'i bya ba la ma goms shing mi shes pa yin pas/ /de'i phyir nyon mongs pa'i shes pa dang mi
 ldan pa'i sman pa ngan pa des nad kyis gzer ba'i nad rnams la gso ba ji ltar bya ste/ /de ltabus kyang nad bsal ba'i bya ba ci yang bya bar mi nus te/ /gso ba'i bya ba la ma bslabs pa'i phyir ro/ /yan lag brgyad pa'i snying po'i snying po 'dir ni de gnyis ka'i don ston pa yin pas 'di la
 bslabs pas ni nges par nad gso bar nus pa yin no/ /mngon par zhen pa'i dbang gis legs par bshad par gyur pa'ang / /shin tu rmongs pas mngon par spyad par mi byed gang yin de/ /de ni dang por sman dpyad bstan bcos skyon med bklags gyur zhing / /skyes bu'i tshe yis ji srid thub kyi
 bar du bslab par byed/ /ces bya ba la/ /rang gi blo'i stobs la sogs pa'i tshul gyis bsgrub par mi nus pa'i dngos po rang gi yul ma yin pa dag la phyogs 'dzin par byed pa ni mngon par zhen pa zhes bya ste/ /de'i dbang ni nus pa ste/ /mngon par zhan pa de lta bu'i
 dbang de las legs par bshad cing bstan pa'i sman dpyad kyi rgyud las shin tu rmongs shing yon tan dang / /skyon gyi bye brag mi shes pas mngon par mi brtson zhing klog pa dang rtogs par bya ba'i phyir brtson par mi byed pa de dag ni nges par rmongs par gyur pas dang po smon dpyad gyi bstan bcos
 tshangs pas bshad la/ /sh+lo ka 'bum yod pa'i gzhung la skyo ba med par bslab cing skyes bu'i tshe ji srid thub pa'i tshad lo brgya'i bar du bklags shing slob pas mngon par zhen pa mi 'dor ba de yang rmongs pa zhes bya'o/ /rlung dang mkhris pa bad kan zhi bya'i phyir/ /til mar mar sar sbrang
 rtsi rim bzhin bsten/ /de ltar tshangs pa'am tshangs pa'i bu yis bshad/ /tshig gi dbye bas bshad kyang khyad 'phags med/ /ston pa po yi dbang gis ni/ /sman gyi nus pa khyad 'phags yin/ /de bas phrag dog spangs nas ni/ /bar ma nyid la bsten bar bya/ /zhes bya ba la/ /
 gal te gzhan dag 'di skad ces smra ba po'i khyad par las rdzas kyi nus pa yang phul du byung bar 'gyur ro/ /zhes rgol na/ /de ni de ltar ma yin te/ /gang gi phyir rlung gi nad la ni til mar phan la/ /mkhris pa'i nad la ni mar sar phan zhing / /bad kan gyi nad la ni sbrang rtsi phan la/ /de ltar
 rim bzhin phan par 'gyur ro zhes bya ba de ltar tshangs pas bshad pa'am/ /tshangs ba'i bu sam ku mA ras bshad pa'am/ /'am zhes pa'i sgras ni kho bo cag la sogs pas bshad du zin kyang / /de ni de dag nying la gcig nas gcig tu lung brgyud pa yin gyi/ /sngags med par tshig gi
 sgras bstan ba'i khyad par nus pa'i khyad par du gyur pa yang ma yin te/ /smra ba po'i khyad par las sman gyi khyad par du 'phags pa ma yin pas/ /de'i phyir gnas pa ma yin pa la phrag dog byed pa de spangs shing bor nas phyogs su ma lhung pa'i lam bar ma nyid la blos bsten zhing gnas bar bya zhing
 rang nyid dus dang blo dang 'tsham pa'i bstan bcos gang yin pa yang shes par bya zhing / /'di ni dgos pa med pa yin no zhes brtags shing shes par bya'i/ /gnas ma yin pa la mngon par zhen par mi bya'o/ /drang srong gis bshad phyir dga' na/ /legs thos tsa ra kar ma zad/ /lug
 sogs kyis byas cis mi slob/ /de bas legs bshad gzung bar bya/ /zhes bya ba la/ /gal te khyod 'di skad du kho bo ni drang srong gis bshad pa'i sman dpyad kyi rgyud la dga' zhing dang bas de nyid la slob par byed kyi/ /khyod kyi rgyud 'di la slob bar mi byed do zhes zer na/ /de ltar ni tsa ra ka
 dang legs thos zhes bya ba'i gzhung de dag 'ba' zhig tu ma zad kyi/ /drang srong lug la sogs pas bshad pa'i lung gi gtsug lag rnams la khyod kyis ci'i phyir slob par mi byed/ /drang srong gis byas pa kun la slob par rigs na legs par bshad pa la dga' ba'i phyir sman pa thams cad
 kyang tsa ra ka dang legs thos la mang du slob par byed kyi/ /drang srong lug la sogs pas bshad pa'i lung gtsug lag yod du zin kyang slob par mi byed do/ /de bas legs par bshad pa'i tshig gi sdeb sbyor dang ldan pa la dga' na yang kho bos bshad pa 'di nyid gzung zhing bslab par bya'o
 zhes bya ba'i don to/ /'di ni tshe yi rig byed rgya mtsho yi/ /snying po las ni snying po blangs nas su/ /rnam par sbyar las dge ba gang thob pa/ /de yis 'gro bas de nyid mthong bar shog /ces bya ba la/ /tshig 'dis ni gzhung rtsom par byed pas de yan chad gso ba'i bstan bcos rdzogs par byas nas
 dge ba'i rtsa ba bsngo bar bya ba'i phyir smos pa yin te/ /yan lag brgyad pa'i snying po zhes bya ba'i rgyud 'di ni snying po dang 'dra ba yin la/ /gzhung gi don tshig tu rnam par sbyar ba'o/ /gang gis she na/ /tsho'i rig byed kyi tshig gi tshogs rgya mtsho ltar zab cing rgya che ba'i snying par gyur pa yin te/ /de yang snying
 po zhes bya ba ni ji ltar 'gro ba rnams kyi snying ni lus kyi phyogs gcig na gnas su zin kyang lus kyi tshogs thams cad la khyab par byed pa yin no/ /de bzhin du yan lag brgyad pa 'dis yan lag brgyad dang ldan pa'i tshe'i rig byed thams cad khyab par byed de/ /gnas pas snying po dang chos mthun
 pa'i phyir snying po zhes bya la/ /de lta bu'i snying bo zhes bya ba'i don gyi mdo blangs shing btus nas/ /gzhung gi don tshig tu rnam par sbyar zhing bsdebs pa de las dge ba'i rtsa ba de dam pa'i rgyur gyur pa gang zhig thob cing rnyed par gyur pa'i dge ba'i rtsa ba dam pa des 'gro ba lnga pos
 bsdus pa'i 'jig rten 'di dag thams cad bde ba thams cad bde ba thams cad kyi mchog tu gyur pa de kho na nyid kyi don mthong ba zhes bya ba'i bde ba'i dam pa dang ldan par gyur cig ces bya ba rjes su bsngos pa yin no/ /yan lag brgyad pa'i snying po'i rnam par 'grel pa tshig gi don gyi zla zer zhes bya ba/ /slob dpon
 zla ba la dga' bas nges bar sbyar ba las phyi ma'i gnas kyi le'u bzhi bcu pa'i rnam par 'grel pa'o/ /dpal ldan pha khol sman pa'i mchog /tshe yi rig byed pha rol phyin/ /dri med shes pa ldan gyur pa/ /de yi gzhung bshad bdag gis byas/ /'grel ba don mthun ming btags
 pa/ /gsal zhing mdor ni bsdus pa yi/ /tshig don zla zer zhes bya de/ /slob ma rtag tu dga' phyir dang / /gang 'dir cung zad smras pa 'am/ /legs bshad gang yin de dag kun/ /bdag gis rtogs nyes las gyur gyi/ /bdag gi bla mas nyes ma yin/ /
 bdag gi mes por gyur pa ni/ /dpal chen dga' ba zhes grags yin/ /deng sang na yang mkhas pa rnams/ /grags pa'i dri med sgrogs par byed/ /de yi bur gyur chags la dga'/ /de bu zla ba la dga' dag /slob dpon blo gros chen po ni/ /rgyun shes don
 ldan ming btags pa/ /don dam zhes bya sman pa'i mchog /kha che'i yul du skyes pa yin/ /rgyal po dpa' ldan tha gan/ /dpa' ba la sogs yon tan ldan/ /sa steng dgra las rgyal ba yi/ /sa bdag kun tu rgyal gyur cig /yan lag brgyad pa'i snying bo'i rnam par 'grel ba
 tshig gi don gyi zla zer zhes bya ba/ /chags pa la dga' ba'i bu slob dpon zla ba la dga' ba zhes bya ba tshe'i rig byed kyi bstan bcos mtha' dag la mkhas bas mdzad pa rdzogs so/ /rgya gar gyi mkhan po dza ran ng+ha ra dang / /zhu chen gyi lo tswa ba dge slong rin chen bzang bos bskyur cing zhus te gtan la phab ba'o//