བོད་ཡིག

e-texts based on the ACIP/ALL Input

lan gnyis lan gsum du bzlas/ ltung ba de dag la ltung bar mthong ngam/ kha cig la khums lags/ phyin chad shin tu legs par sdom mam/ chos ji lta ba dang 'dul ba ji lta ba dang ston pa'i bstan pa ji lta ba bzhin du legs par sdom lags kyis/ yang 'di ltar shes bzhin du phyin chad mi bgyid lags so zhes dang / thabs yin no/ /legs so/ /ltung ba bshags pa'i cho ga thams cad yod par smra ba'i paN+Di ta de ba shAn+tis mdzad pa rdzogs so// //rgya gar gyi mkhan po dI paM ka ra shrI dz+nyA na dang / bod kyi lo tsA ba dge slong tshul khrims rgyal bas bsgyur cing zhus te gtan la phab pa/ /[ @##/ /rgya gar skad du/ A pat+ti de sha nabi d+hi/ bod skad du/ ltung ba bshags pa'i cho ga /sangs rgyas la phyag 'tshal lo/ /bla ma rdo rje 'dzin pa chen po la sogs pa phyogs bcu na bzhugs pa'i sangs rgyas dang byang chub sems dpa' thams cad bdag la dgongs su gsol/ /btsun pa bdag la dgongs su gsol/ /bdag ming 'di zhes bgyi bas 'khor ba thog ma ma mchis pa nas tha ma da lta la thug gi bar du 'dod chags dang zhe sdang dang gti mug gi dbang gis lus dang ngag dang yid kyi sgo nas mi dge ba bcu bgyis pa dang / mtshams med pa lnga dang / de dang nye ba lnga dang / so sor thar pa'i sdom pa dang 'gal ba dang / byang chub sems dpa'i bslab pa dang 'gal ba dang / gsang sngags kyi dam tshig dang 'gal ba la sogs pa mdor na mtho ris dang thar pa'i gegs su gyur cing / 'khor ba dang ngan song gi rgyur gyur pa'i nyes ltung gi tshogs ci mchis pa de dag thams cad bla ma rdo rje 'dzin pa la sogs pa phyogs bcu na bzhugs pa'i sangs rgyas dang byang chub sems dpa' thams cad dang / btsun pa'i spyan sngar mtho lo bshags so/ /mi 'chab bo/ /mthol zhing bshags na bdag bde ba la reg par gnas par 'gyur gyi/ ma mthol ma bshags na de ltar mi 'gyur ba lags so zhes lan gsum brjod do/ /de nas mthong sdom dris la thabs yin no/ /legs so zhes brjod do/ /dang por sbyor ba'i cho ga ni/ bdag ming 'di zhes bgyi ba la 'khor ba thog ma med pa nas kyi nyon mongs pa mang ba'am/ bag med pa la sogs pa'i stobs kyis nyes ltung gi tshogs mang po bdog ste mchi bas/ de dag dge 'dun gyi spyan sngar bshags par 'tshal bas thugs kyis gzung 'tshal zhes pa dang mjug ltung ba las bslang ba shin tu bka' drin che lags zhes pa dang / chos bzhin du mdzad pa rjes su yi rang zhes brjod par bya'o/ /ltung ba bshags pa'i cho ga slob dpon dpal mar me mdzad ye shes kyis mdzad pa rdzogs so// //rgya gar gyi mkhan po de nyid dang / bod kyi lo tsA ba dge slong tshul khrims rgyal bas bsgyur cing zhus te gtan la phab pa // // @##/ /kha ton dang glegs bam klag pa'i sngon du bya ba'i cho ga /sangs rgyas dang byang chub sems dpa' thams cad la phyag 'tshal lo/ /dang po re zhig byang chub sems dpa' chos kha ton du bya bar 'dod pa dang glegs bam du bya ba klog par 'dod pas phyogs bcu'i 'jig rten gyi khams kyi sangs rgyas dang byang chub sems dpa' thams cad la gsol ba btab ste/ yid kyis kun du dmigs la/ byang chub sems dpa' sems dpa' chen po kun du bzang po'i spyod pa'i smon lam gyi cho gas / phyag 'tshal ba la sogs pa yan lag bdun gyi tshul du mchod pa rnams kyis yang dag par mchod do/ /de'i rjes la sems can thams cad la byams pa'i sems nye bar gzhag ste/ yang dag pa'i lhag pa'i bsam pas de ltar bsams pa'i rjes la/ tshig lan gsum brjod par bya ba ni/ bcom ldan 'das kyis gsungs pa'i chos kyi tshig gcig gi don gang yin pa de ni chos thams cad kyi yang yin na/ 'on kyang bdag ni rang gi las kyi nyes pas shes rab chung zhing blo zhen te / de lta yin du zin kyang / gang bcom ldan 'das kyi gsung rab bzung nas des bdag gi kha ton byas te/ chos kyi sgra de sems can gang gi rna lam du grag pa de/ de bzhin gshegs pa'i spobs pa thob par gyur cig /bcom ldan 'das kyis gsungs pa'i chos tshig gcig gi don gang yin pa de ni/ chos thams cad kyi yang yin na/ 'on kyang bdag ni rang gi las kyi nyes pas shes rab chung zhing blo zhen te / de ltar yin du zin kyang / gang bdag gis