བོད་ཡིག

e-texts based on the ACIP/ALL Input

rdzob ji ltar snang ba yin/ /de yang gnyis su shes bya ste/ /log pa yi ni kun rdzob dang / /yang dag pa yi kun rdzob po/ /don byed nus pa'i dngos po ni/ /yang dag kun rdzob ces bya ste/ /snang yang don byed mi nus pa/ /log pa yi ni kun rdzob po/ /de yang gnyis su shes bya ste/ /rtog bcas dang ni rtog med gnyis/ /rtog bcas thag pa la sbrul 'dzin/ /rtog med zla ba gnyis 'dzin pa'o/ /des na thams cad bden gnyis su/ /'dus pa nyid du bstan par bya/ /de don nyams su blangs nas ni/ /phun sum tshogs pa thams cad 'thob/ /dbu ma yi ni don bsdus pa/ / de ltar bdag gis bshad pa yi/ /dge ba bdag gis bsags pa yi/ /dge ba gang des sems can gyi/ /bsam pa myur du 'grub gyur cig /dbu ma don bsdus pa slob dpon legs ldan byed kyis mdzad pa rdzogs so// //lo tsA ba tshul khrims rgyal bas bsgyur cing zhus te gtan la phab pa'o// // @##/ /rgya gar skad du/ ma d+h+ya ma pra tI t+yas mud pA da nA ma/ bod skad du/ dbu ma rten cing 'brel par 'byung ba zhes bya ba/ dkon mchog gsum la phyag 'tshal lo/ /rten cing 'brel par 'byung ba yi/ /don ni bdag gis bshad par bya/ /snang ba'i dngos po thams cad ni/ /ngo bo nyid kyis stong rig bya/ /rten cing 'brel par 'byung ba'i phyir/ /sgyu ma'i rta glang ji bzhin no/ /de phyir don dam skye ba med/ /skye med de ni sems la bzhag /snang ba rang bzhin med pa ru/ /mi rtog pa yi sems kyis bsgom/ /spang ba dang ni ye shes 'grub/ /mi mthun phyogs ni rnam pa drug / le lo dang ni dmigs pa brjed/ /bying ba dang ni rgod pa dang / /mi rtsol ba dang rtsol ba'o/ /de spong ba yi gnyen po brgyad/ /yang dang yang du bsgom par bya/ /rjes la pha rol phyin pa yi/ /spyod pa bzhin du gnas par bya/ /g.yeng ba thams cad spangs nas ni/ /dgon pa ru ni gnas par bya/ /nga rgyal thams cad spangs nas ni/ /dman pa'i sems dang ldan par bya/ /gzhan la mi mkho ba yi rdzas/ /bdag gi dgos pa'i don du bzung / /dbu ma rten cing 'brel bar 'byung ba zhes bya ba/ slob dpon nag po pas mdzad pa rdzogs so// //