བོད་ཡིག

e-texts based on the ACIP/ALL Input

@##/ /rgya gar skad du/ nA ga ba liM bi b+hiH bod skad du/ klu gtor gyi cho ga /rje btsun ma 'phags ma sgrol ma la phyag 'tshal lo/ /rang nyid lha yi nga rgyal gyis/ /byams dang snying rje byang chub sems/ /yang dang yang du bsgoms byas la/ /mdun du paM las pad+ma ni/ /kha dog dmar po 'dab brgyad steng / /phuH brgyad las ni klu brgyad bskyed/ /de nas snying ga'i 'od zer dang / /oM phe phu zhes pas klu chen brgyad/ /'khor dang bcas pa bkug la bstim/ /dkar gsum mngar gsum bdud rtsir bcas/ /dam tshig ye shes klu rnams mchod/ / de nas gtor ma byin brlabs te/ /snod ni hi las rin po che/ /shin tu mdzes shing blta na sdug /yangs la rgya ni che bar bsam/ /rin chen snod mchog de nang du/ /dkar gsum mngar gsum bdud rtsir bcas/ /snod ni shin tu gang bar bsam/ /de yi steng du yi ge gsum/ /kha dog dri dang ro sbyangs nas/ /bdud rtsi'i ro mchog brgya dang ldan/ /g.yas pa mchog sbyin phyag rgya la/ /ha ho hri paM dag las ni/ /dpag bsam shing ni bsam byas la/ /lo ma yal ga thams cad la/ /rin chen bum pa bdud rtsis bkang / /dpag tu med pa bsams nas ni/ /b+h+rUM las bdud rtsi'i char bab pas/ /gtor mas yongs su gang bar bsam/ /oM AHzhes lan gsum brjod/ /mgron rnams thams cad lce las ni/ /hUM las rdo rje'i sbu gus rngub/ /oM a nan+ta ba liM i ngaM kha kha khA hi khA hi/ oM tak+Sha ka/ oM ku li ka /oM pA su ki /oM shaM kha pA la/ oM mahA pad+ma/ oM ba ru Na/ oM nan+da nA garA dzA ya/ oM pheM klu'i rgyal po sogs ma med/ /ba liM i daM kha kha khA hi khA hi/ mtha' yas dang ni 'jog po dang / /stobs kyi rgyu dang rigs ldan dang / /nor rgyas dang ni dung skyong dang / /pad+ma dang ni chu lha dang / /dga' bo dang ni nye dga' bo / /rgya mtsho dang ni rgya mtsho che/ /dpal gyi 'od dang 'od po che/ /gzugs chen sprul bzangs stobs po che/ /klu chen brgyad po 'khor dang bcas/ /'dir gshegs mchod sbyin gtor ma bzhes/ /mdzes pa'i dkar gsum gtor ma 'di/ /mngar gsum 'o ma'i rgya mtshor bcas/ /rin chen phreng ba'i them skas can/ /klu yi gnod pa skyob byed pa/ /mthun pa'i rdzas su 'di gyur cig /mchod sbyin gtor ma 'di snoms la/ /bdag cag 'khor dang bcas rnams la/ /klu las gyur pa'i nad rnams ni/ /mthong ba'i dug dang kha zas dug /bsams pa'i dug la sogs pa kun/ /de dag thams cad zhi gyur cig /bdag pas gces pa'i rdzas khyer la/ /bdag la gnod pa ma byed par/ /rtag tu byams pa'i sems dang ni/ /pha ma lta bu'i sems kyis ltos/ /gzhan yang las las skyes pa yi / /bka' dang dam las ma thogs pa'i/ /gdug pa can gyi klu tshogs kun/ /bka' yi pha 'bab 'di snoms la/ /so so rang rang gnas su dengs/ /de'i rjes la gtor ma gtang / bden pa bdar/ chos bshad bya'o/ / klu'i gtor chen sgrol ma'i zhabs kyi rdul la reg pa'i mkhas pa chen po dpal mar me mdzad ye shes kyis mdzad pa rdzogs so// //lo tsA ba rin chen bzang pos bsgyur pa'o//@//dkon mchog gsum gyi bkra shis kyi tshigs su bcad pa bzhugs so// // //