བོད་ཡིག

e-texts based on the ACIP/ALL Input

dam tshig ni bla ma mnyes par bya zhing gsang la sgrub ste/ gzhan la thabs 'di bstan par mi bya'o/ /gnod sbyin chen po gzhan gyis mi thub pa'i sgrub thabs kyi rgyud rdzogs so// //rgya gar gyi bla ma dzA mA ris bsgyur ba'o/ /[ ]@##/ /rgya gar skad du/ badzra ku la tan+t+ra karma maN+Dal sap+ta kra ma a tri sA d+ha naM nA ma/ bod skad du/ rdo rje bkod pa'i rgyud las dkyil 'khor bdun pa'i rim pa rnam par phye ba'i sgrub thabs zhes bya ba/ bcom ldan 'das dpal sgrol byed thugs rje'i rgyal po shin tu rnam par grol ba nyid la phyag 'tshal lo/ /hUM khro la khros pa'i rgyal po yis/ /khro ba nye bar zhi mdzad pa/ /de bzhin gshegs pa kun zhi mdzad/ /khro zhi che la phyag 'tshal te/ /dgongs pa 'dus pa'i rgyud dag las/ /dkyil 'khor bdun pa'i rim pa dag /sems can ye shes bskyed pa'i phyir/ /legs par bsdus te bstan par bya/ /slob dpon mnyes par ma byas pa'i/ /dbang rnams thob par ma byas na/ /nyan pa la sogs rtsom pa rnams/ /'bras bu med cing brlag par 'gyur/ /yi ge'i sgras btags ming tshogs las/ /brten pa'i tshig gis rab mtshon te/ /khong nas gab sbas don 'byin pa/ /ston pa rdo rje'i thugs la gnas/ /'di ni gsang chen nges pa yi/ /'bras bu lam du gyur pa yin/ /rgyal ba'i dkyil 'khor ma lus la/ /'di las gsang ba'i nges don med/ /kun gyi phyag rgya rdzogs chen mchog /snod ldan ngang tshul bzang la sbyin/ /gzhan du nams kyang sbyin mi bya/ /rmongs la 'phyar bas gzhan du min/ /dus min par ni srog zad nas/ /bsreg dang sgrib la yun ring gnas/ /'das pa'i dus na sngon byung ba/ /bdag nyid chen po rtag pa yi/ /de bzhin gshegs pa'i gsung rab la/ /'gro ba'i tshul du sngon byung ba/ /de tshe sems can thams cad ni/ /stong nyid ther zug 'gog pa dang / /khro gtum log lta brkam zhing 'jungs/ /le lo gti mug chags sogs pas/ /log lta dgu pos de myos 'gyur/ /de dag rnam par dgrol bya'i phyir/ /rgyal bas dkyil 'khor bdun du gsungs/ /de rtsom gang zag lngar 'dod de/ /bdun pa dang ni rigs chen byed/ /dbugs chen 'byin dang lung chen thob/ /rtsal chen rdzogs pa'i rnal 'byor pas/ /drag shul can zhes bya ba'i gnas/ /dgon pa chen po'i gnas chen ni/ /ye shes snying po can rnams kyi/ /theg chen gsang ba 'byung bas na/ /dam pa rnams kyis bsngags pa yin/ /de gnas nges don dgod pa ni/ /ji bzhin nyid kyi dkyil 'khor las/ /phyag rgya dngos grub dkyil 'khor dang / /byang chub sems kyi dkyil 'khor mchog /bsod nams tshogs kyi dkyil 'khor sprin/ /bka' stod pho nya'i dkyil 'khor drag/ /'brub khung las kyi dkyil 'khor che/ /gtad khram mnan pa'i dkyil 'khor ro/ /de ni dbye ba'i sgo nas gsungs/ /mi bskyod zhing khams mngon dga' na/ /dge slong thub dka' gzhon nu yis/ /khyim bdag kai shi ka'i bu/ /dge slong thar pa nag po dang / /g.yog po dan 'phags gnyis po la/ /ji bzhin nyid kyi dkyil 'khor gsungs/ /ji bzhin nyid de ma bcos na/ /dngos po bzhi la gnas spyad kyang / /nam mkha' la ni sprin bzhin du/ /'di ni rnal 'byor dam pa'i lam/ /ji bzhin nyid kyi dkyil 'khor ro/ /phyag rgya dngos grub dkyil 'khor ni/ /mi 'khrugs pa yi zhing khams na/ /sgyu 'phrul dra ba'i rgyud dag las/ /drag po rdo rje sems dpa' yis/ /mi 'khrugs rgyal po nyid la gsungs/ /gnas chen dam pa dag tu ni/ /tshul dang ldan pa'i rdzas bsogs nas/ maN+Dal la sogs mdzes byas la/ /khrus byas snying gar nyi dkyil hUM/ /'od kyi snang bas dkon mchog rnams/ /spyan drangs dkon mchog bskor phyag 'tshal/ /de nas mchod pa dbul ba ni/ /oM na maHsarba ta thA ga ta badzra he ru ka badzra da ri ma hA dz+nyA na maN+Dal badzra A ha ra pU dza hUM swA hA/ de bzhin du badzra d+hU pe puSh+pe A lo ke gan+d+he nai bi d+ye pU dza hUM swA hA/ /oM AHhUM swA hA/ zhes byin gyis brlab/ de nas rak+ta spreng zhing bdud rtsis tshogs mchod de rak+ta khA ti/ /ba liM ta khA ti/ /-i mra ta khA hi/ ko ro tsa na khA hi/ ba su ta khA hi/ tsit+ta khA ti zhes brjod de/ thugs ka nas byung lha mos mchod rjes la/ hUM bdag 'dra log pa'i stobs ldan pas/ /thog ma med pa'i dus mtha' nas/ /srid pa'i 'khor bar 'khyams par nges/ /skye ba mang por lus blangs par/ /sus kyang ma byas rang gi las/ /de tsam cha gcig don spyad na/ /da tsam don gyi sangs rgyas zin/ /rang lus gtong bar ma phod cing / /chags pa'i mtha' la mngon zhen pas/ /zug rngu'i nad kyis zin pa yin/ /srid pa'i btson rar chud pa 'di/ /mkha' la 'dud pas nyes par nges/ /'khor ba'i rlung sgor ltung ba 'di/ /las kyi rlung gis nyes par nges/ /dus gsum rgyal ba ma lus la/ /'di dag mi 'chab mthol lo bshags/ /rdo rje sems dpa'i dam tshig rjes su bsrung / /ye shes sems dpa' nye ba nyid du byon/ /rig pa'i rgyal po bdag la rtag par dgongs/ /gsang ba'i dbang phyug bdag la dgongs par gsol/ /rtogs pa mchog sbyin bdag la dgyes par dgongs/ /'dod pa kun byed bdag la chags par dgongs/ /dang po mnyam nyid sangs rgyas thugs rje can/ /las rnams kun byed bdag sems dge 'gyur ba/ /dus gsum dge bshes dag dang thams cad dang / /rdo rje can dang dam tshig sems dpar bsgrub/ /bdag kyang rdor sems gtan du mi gtong na/ /rdo rje sems dpas gtan du bdag ma gtong / /rjes su yi rang bskul dang skyabs 'gro dang / /lam brtan bsngo dang sems bskyed dang / /tshangs par gyur pa'i las rnams kyis/ /'gro rnams kun bral zhing du smon/ /ta ke ma ta ke ma phaT/ ha la ha la raM tig sna tig sna khaM/ kro ta kro ta yaM zhes dngos po thams cad stong par sbyangs/ e ma'o ngo mtshar rmad kyi chos/ /rdzogs pa'i sangs rgyas kun gyi gsang / /skye ba med las thams cad skyes/ /skyes pa nyid nas skye ba med/ /stong nyid rab tu gsal ba yi/ /snying rje yum ni bsgom par bya'o/ /nges pa las ni rdo rje gur/ /b+hUM bi sha bi shu d+d+he zhes bzlas/ /dur khrod chen po rab 'jigs pa'i/ /khrag gi rgya mtsho 'khrug cing 'khyil/ /keng rus chen po ri rab kyi/ /steng du 'bar ba'i klong dkyil na/ / ye shes 'bar ba'i gzhal yas khang / /phyogs bcur rgya yangs ma chad pa/ /phyi dang nang med kun du snang / /'bar ba'i 'khor lo rtsibs bzhi pa/ /gru chad bzhi yis rnam par brgyan/ /gru bzhi sgo khyud bzhi dang ldan/ /'bar ba'i bar khyams gnyis kyis mdzes/ /thod sbrul sna tshogs nyi mas brjid/ /'bar ba'i khro bo mang po 'khrug/ /khyu mchog ma he gzig dang stag /gtum po dom gyis sbar bas ni/ /dbang phyug lha chen la sogs gzung / /dbus kyi nyi ma'i snying po la/ /hUM las ri lu'i sgra grags pas/ /sems dpa'i sku ru gyur pa yi/ /rang gi ngang tshul de bzung la/ /lhun gyis grub par bya ba'i phyir/ /khro rgyal rnams la bskul bar bya/ /bdag 'dra sems can ma lus kun/ /mchog nyid sgrub par sbyor bas na/ /rgyal ba rgya mtsho kun 'dus pas/ /sku yi dbyig tu bdag skyed cig /de nas phyogs 'dus khro rgyal gyis/ /sems dpa' bdag la der dbang bskur/ / rim pa gsum gyis sku ru bskyed/ /de nas bcom ldan dgyes chen po/ /dbu dang phyag zhabs stong khams kyi/ /rdul snyed mtshon cha 'dzin pa ste/ /g.yas dkar g.yon dmar dbus mthing zhal/ /rdo rje kha T+wAM rde'u chung g.yas/ /g.yon dril dung dmar rgyu zhags 'dzin/ /'bar chen klong dkyil 'khor lo'i dkyil/ /dbang phyug che dang dur khrod kyi/ /steng na zhabs bzhi brkyang bskum bzhugs/ /dur khrod rgyan can gar gyis rol/ /bdag nyid sangs rgyas thams cad kyi/ /sku gsung thugs kyi rdo rje bdag /khro rgyal ye nas yin pa'i phyir/ /de bzhin nyid kyi dbyings las ni/ /khro mo dbang phyug mngon phyung ste/ /he hi dgyes pa'i gzi mdangs kyis/ /rin chen pad+ma rgyas mdzad de/ /hUM hUM rol pa'i 'od zer gyis/ /bde chen thugs mtshan byin brlabs nas/ /gnyis med dgyes pa 'khril bas thim/ /rdo rje lam byung yum gyi mkha'/ /chos sku byang chub sems su gnas/ /lha rnams so so'i snying po'i sgra/ /hUM dang he he phaT byung nas/ /gsung gi phyag rgya nyid rdzogs te/ /'od zer spro bsdu'i sbyor ba yis/ /thugs kyi phyag rgya rab tu 'bar/ /de las phra mo'i sku spros bsdus/ /phyag rgya chen po'i sku rdzogs nas/ /phyogs bcu'i rdul snyed 'thon par 'gyur/ / sems can rgyal ba'i sras byas nas/ /slar bsdus rang gi gnas 'khod pa/ /dpal ni khrag 'thung chen po dang / /rin po che dang pad+ma dang / /las su gyur te so sor bzhugs/ /de kun 'jigs byed chen po yi/ /cha lugs rngam pa'i nga ro yis/ /'bar ba'i klong na dbu gsum pa/ /phyag drug zhabs bzhis dri za dang / /gnod sbyin chu bdag gshin rje sogs/ /dregs pa khyo shug stan la bzhugs/ /btsun mo khrag 'thung chen mo rnams/ /so so'i sku la 'khril te 'khod/ /dkar mo'i tshogs dang rkun mo dang / /rmongs ma dang ni thal byed ma/ /sbos mo dang ni gtum mo dang / /sme sha can dang tsaN+Da lI/ /sgo yi khyams kyi nang du 'khod/ /seng ge gdong chen mo yi tshogs/ /stag dang tsa dang khyi dang bzhad/ /kang ka dur bya 'ug gdong che/ /'khor bar rngam pa'i mdangs dkyil 'khor/ /rdo rje srid 'gro ma tshogs dang / /gdong mi 'jig rten ro langs ma'i/ /sgo bzhir rngam pa'i gzugs kyis gnas/ /srin po smug nag la sogs pa'i/ /'jig rten ma mo nyi shu brgyad/ /gsang ba'i dkyil 'khor phyi rol na/ /bran gyi tshul du gnas shing 'khod/ /de ltar gsal bar dgod pa'i sngags/ /oM sarba ta thA ga ta ma hA shrI he ru ka ma hA tsaN+Da sa duSh+TAn ta ka ha na da ha pa tsa hUM hUM hUM phaT/ oM badzra shrI he ru ka ma hA tsaN+Da sarba duSh+TAn ta ka ha na da ha pa tsa hUM hUM hUM phaT/ oM rat+na ma hA shrI he ru ka ma hA tsaN+Da sarba duSh+TAn ta ka ha na da ha pa tsa hUM hUM hUM phaT/ oM pad+ma ma hA shrI he ru ka ma hA tsaN+Da sarba duSh+TAn ta ka ha na da ha pa tsa hUM hUM hUM phaT/ oM ka rma ma hA shI he ru ka ma hA tsaN+Disarba duSh+TAn ka ka ha na da ha patsa hUM hUM hUM phaT/ oM sarba ta thA ga ta ma hA kro ti shwa ri sarba duSh+TAn hUM/ oM badzra da ra ma hA kro shwa ri dzra la hUM phaT/ oM ma hA sU r+ya rat+na ma hA kro ti shwa ri pi da ma hUM/ oM d+hi shwa bi mu ka ma hA kro ti shwa ri kha'i hUM phaT/ oM sarba a mo ka ma hA kro ri shwa ri hUM phaT/ badzra kau ri ha/ badzra tsau ri ha/ badzra pra mo ha/ badzra be t+ta li ha/ badzra puk+ka si ha/ badzra g+ha sma riha/ badzra sma sha ni ha/ badzra tsaN+Da li ha/ badzra sid+ha mu kha he/ badzra bya g+h+r-i mi kha he/ badzra sr-i la mu kha he/ badzra sho na mu kha he/ badzra kri ta mu kha he/ badzra kang+ga mu kha he/ badzra kha kha mu kha he/ badzra hu lu mi kha he/ badzra ar+ya te dza te dza/ badzra a mu ka hUM/ badzra lo ka b-i/ badzra pa sma pa la ya ba de ho/ badzra ma nu ra g+sha si b+h+yo/ pra mo ni b+h+yo/ rau tri b+h+yo/ pe sna pi b+h+yo/ kau ma ri b+h+yo/ e na tra yo b+h+yo/ badzra ping laM b+h+yo/ -i mra taM b+h+yo/ sau me b+h+yo/ da na taM b+h+yo/ bag rag sha si b+h+yo/ ra ti badzra haM b+h+yo/ e ka dza raM b+h+yo/ si tika b+h+yo/ ba ya be b+h+yo/ mahA mar na b+h+yo/ ag+na ye b+h+yo/ pa ra hi b+h+yo/ tsa mu n+t+ri b+h+yo/ pu ta ni b+h+yo/ ba ra na b+h+yo/ badzra ma hA kA ha la b+h+yo/ badzra tsa ka suM sa ga ra na b+h+yo/ badzra laM po da ra b+h+yo/ de dag gis ni dkyil 'khor bskyed/ /dam tshig dkyil 'khor yongs su rdzogs/ /da ni ye shes 'khor lo ni/ /rang gi snying ga nas 'od 'phros/ /dbyangs dang ldan pa'i lha mo yis/ /phyogs bsdus dkyil 'khor bdag nyid che/ /mi dmigs thugs kyi dkyil 'khor nas/ /dkyil 'khor thams cad spyan drang ngo / /dmigs med mkha' ltar dag pas khyab pa'i sku/ /spyan drang gshegs su gsol bar mi dmigs kyang / /thugs rje'i ngang gis chos sku dag pa las/ /ye shes sgyu mar rol cing gshegs su gsol/ /ru lu ru lu hUM e h+ye hi badzra dza dza/ badzra kro ta sa ma ya hUM zhes brjod nas phyag byas te/ bdag med phyogs bral don dam thugs chud cing / /byams dang snying rje'i 'gran zur mi mnga' yang / /thugs rje chen pos gdug pa 'dul mdzad pa/ /'jigs byed he ru ka la phyag 'tshal lo/ /nam mkha'i lus can gar yang thogs med cing / /'dod dgur bsgyur ba'i gzugs can 'phrul mo che/ /ma sring byams pa'i tshul gyis grogs mdzad ma/ /phyi nang mkha' 'gro'i tshogs la phyag 'tshal lo/ /'jig rten 'khor los sgyur ba'i dbang phyug ma/ /ci bgyi bka' nyan yang sprul bsam mi khyab/ /bdud 'dul ye shes pho nya drug cu'i tshogs/ /'khor bcas rab 'bar kun la phyag 'tshal lo/ /a ti pu ho pra ti dza ho sarba thA ga ta b+han+d+ha naM ka ro mi/ i daM d+hU ba puSh+pa ba li praM tI ts+tsha ho/ shrI ba na yo gi na ho/ ta ki na ho zhes gus byas la/ hUM khro la khros pas zhi mdzad pa/ /thugs rjes khros pa rngam pa'i tshogs/ /'bar ba'i byin rlabs rmad po che/ /de nyid du ni bdag la stsol/ /badzra kro ta sa ma ya hUM/ badzra kro ta sa ma ya phaT/ badzra kro ta sa ma ya ho/ der bstim lus kyi dkyil 'khor rdzogs/ /sku gsung thugs kyi phyag rgyar ldan/ /so so rigs kyi 'bras bur gyur/ /snying gar mi bskyod rdo rjes mtshan/ /de las ma mo brgyad spros te/ /phyi rol mchod pa byin gyis brlab/ /dbyangs dang ldan pas dbul byas te/ /dang la thun mong rdzas lngas mchod/ /de nas khyad par rdzas kyis mchod/ /bdud rtsi sman gyis mchod rjes la/ /spreng zhing bstabs par bya ba ni/ / bla med mchog gi mchod pa dam pa sbyar ba 'di/ /ye shes lnga yi 'od zer rnam par 'phro/ /'dod pa'i yon tan lnga yis rab brgyan te/ /dam chos gsang ba'i mchod pa bzhes su gsol/ /he ru ka yi gnas bcu dang / /dur khrod chen po'i gnas brgyad nas/ /dpal chen 'khor bcas spyan drangs te/ /dur khrod mchog gi gnas chen 'dir/ /zhing chen g.yang gzhi sti rar bcas/ /dmar gyi ar+g+ha rgya mtshor 'khyil/ /mkha' 'gro 'bar ba'i tshogs bcas kyis/ /ma lus bzhes nas bsnams su gsol/ /hUM mnyam pa'i grub rdzas chen po 'di/ /bdag dang mnyam pa'i tshogs la 'bul/ /bza' dang bca' dang btung dang bgo /longs spyod lngar ldan mchod pa 'di/ /dkyil 'khor la ni dkyil 'khor thim/ /mchod pa dam pa bzhes su gsol/ /khA hi ma hA mAM sa khA ti/ ma hA rag+ta khA ti/ de nas 'khril te snyoms zhugs pas/ /dgyes mnyam mchog gi mchod par rol/ /mi dmigs thugs kyi mchod pa 'di/ /rdo rje sems dpa' nyid kyi ngang / /de nas phyi rol 'thon pa las/ /ma mo rnams kyi bstod pa ni/ /hUM gtum chen dus mtha'i me ltar 'bar/ /'od zer nyi ma 'bum gyi gzi/ /khro gnyer glog stong 'gyu ba bzhin/ / mche ba zang yag za byed che ho/ /hUM rngam pa'i nga ro 'brug stong di ri ri/ /thug chem ri rab 'bum snyil skad/ /ha ha ha la gad rgyangs che/ /dbyug pa 'khor lo g.yeng ba che ho/ /hUM khro bo shes rab 'od po che/ /ye shes dkyil 'khor kun la gsal/ /'bar ba'i ye shes kun la 'joms/ /sna tshogs ye shes thig le che ho/ /hUM khro bo rgyal po sprin chen po/ /khros pa'i dkyil 'khor char chen 'bebs/ /dkyil 'khor yid bzhin 'byung ba'i gter/ /sna tshogs khros pa'i thig le che ho/ /hUM bdud kun gyi ni bdud chen po/ /bdud kyi bdud de bdud rnams 'joms/ /'jigs pa'i tshogs kyang 'jigs par byed/ /'jigs byed chen po thig le che ho/ /hUM rdo rje brag chen sra ba che/ /rdo rje chu bo sdud chen po/ /rdo rje me ste kun 'bar che/ /rdo rje rlung 'thor g.yeng ba che ho/ /hUM sgeg pa dpa' ba 'jigs su rung ba dang / /rgod dang gshe dang 'jigs par byed pa dang / /snying rje rngam dang zhi ba la sogs pa/ /sku yi dngos po shin tu bsgyur ba yin/ /gar gyi phyag rgya 'bar ba'i dbang phyug gnon/ /hrI myos byed stong pas lhag par 'dod pa'i gzugs/ /gdul ba'i dbang gis gshin rje stong pas lhag par 'jigs tshul ston/ /zhi ba'i skur yang tshangs pa stong pas lhag par ston/ /thams cad dkyil 'khor gsum du snang bar mdzod/ /hrI rnam par 'dul ba'i ngo 'thon thabs kyis non pas gnon/ /ho ho ha ha ge he hi hi/ dgyes pa'i gad mo khong / dbang phyug thams cad rab bshig rab tu bshig /rab kyi rtsal gyis ngo mtshar rmad byung ba/ /rtog pa mang po rgyun gyi gdul bya ma lus pa/ /ye shes sgyu ma ma 'dres yongs su rdzogs par bstod/ /de rjes sngon gyi gnas su bzhugs thim nas/ /rang gi phyag rgya'i nga rgyal ni/ /sngon du gsungs pa'i khro bo'am/ /yang na spyan ras gzigs sprul pa'i/ /khro bo 'bar ba dbu dgu pa/ /phyag ni bco brgyad lta bu yi/ /snying gar drag po'i 'khor lo bsam/ /ru lu rtsa ba'i sngags dag ni/ /'bum mam bye ba'i bar du bzlas/ /phyag rgya dngos grub dkyil 'khor ro/ /thun mtshams mnyam par gzhag pa dang / /rang gi nor bu rin po che/ /yod par ma shes stor bar dran/ /tshol bar 'dod na 'di ltar bsam/ /byang chub sems kyi dkyil 'khor ni/ /chos 'dzin rigs kyi grub gnas su/ /thugs rjes sa la mngon sprul gshegs/ /byang chub sems kyi dkyil 'khor mchog /byams mgon dam pa zhig gis bstan/ /e ma khyed kyis ma shes sam/ /mthun yun kun du bde ba yin/ /sgron mes mun khung gser tshol ltar/ /gsang ba'i snying po mdzod brtol te/ /thig le gcig gis kun la khyab/ /thams cad lung chen nges par bstan/ /'jig rten g.yo rdul mi yi rang bzhin rnams/ /'bar ba lnga bcu'i khro bo ngang du snang / /mya ngan 'das dang 'khor ba'i rang bzhin rnams/ /btsal med ma bcos de nyid rnam dag nas/ /thig le nyungs kar tsam zhig gsal bar bsgom/ /de las 'od zer rdul snyed spros/ /mun gsal dngos po kun sbyangs te/ /thams cad ma bcos sku ru gsal/ /slar 'dus thig le la thim nas/ /'od du zhu nas rim gyis bsdus/ /rdo rje sems dpa'i snying gi nang / /a gzugs pad+ma 'dab bzhir gnas/ /de steng gsang ba nang gnas sa rlung dang / /snying ga nang gnas chu rlung gnyis/ /rnam par dge las zla ba ste/ /rdo rje rin chen gnyis rang bzhin/ /de steng rdo rje sems dpa' ni/ /thig le 'od zer lnga ldan pas/ /de steng mgrin gnas me rlung dag /mgo bo'i nang gnas rlung dkyil gnyis/ /dag pas nyi ma'i dkyil 'khor steng / /pad+ma'i rigs dang las rigs so/ /kha sbyar dbus su thig le bsam/ /yang dang yang du 'dris bsams pas/ /yar 'gro mar 'gro gnyis 'gog go/ /'gog pa bzhin du mtshan ma ste/ /laM skye 'gag med pa'i chos nyid kyi rnam par snang ba'i sgo'o/ /maM mi zad pa chos nyid rnam par snang ba'i sgo'o/ /paM gnyis skyon med pa chos nyid rnam par snang ba'i sgo'o/ /taM thogs pa med pa chos nyid rnam par snang ba'i sgo'o/ /muM brjod pa las 'das pa'i chos nyid rnam par snang ba'i sgo'o/ /hUM mi g.yo ba'i chos nyid yongs su snang ba'i sgo'o/ /oM cir yang snang ba'i chos nyid rnam par snang ba'i sgo'o/ /sa ni chu la thim pas ni/ /kun du mnyam bros zag med pa'i/ /las kyi ye shes dang por skye/ /chu ni me la thim pas na/ /sems la dbang thob du ba 'dra/ /me ni rlung la thim pas na/ /ting 'dzin 'ba' zhig ldan pa ste/ /rlung gi rnam pa lta bur mthong / /rlung ni rnam par rig pa la/ /thim pas 'dod pa rnams bral te/ /mar me lta bur mthong ba'o/ /rnam par rig pa'i 'od gsal la/ /thim pa thams cad snang ba ni/ /phyi nang mun pa thams cad sbyangs/ /nam mkha' lta bur mthong ba'o/ /e ma'o dngos po med pa las/ /smon dang snying rje'i dbang gis ni/ /ji ltar snang ba ma bkag pa'o/ /'dun pa'i dus na rigs kyi bu/ /yid la byed pa zhes thob ste/ /sems gsum bskyed cing mtha' bcu grol/ /brten pas gzhi yi sa par gnas/ /rigs chen 'byed pa'i rnal 'byor la/ /'phro 'du gcig pa'i ting 'dzin thob/ /sems bzhi rdzogs te mtha' bcu shes/ /bdag nyid yi ge'i phreng bar ni/ /snang ba'i ltas mthong bsod nams gter/ /dbugs chen 'byin pa'i rnal 'byor la/ /sems gcig rdzogs te mtha' chub nas/ /'jigs pa lnga yang khyad par sa/ /yongs su mi ldog ting 'dzin sa/ /'jig rten nor bu rin chen gyis/ /gang bar spyod pa'i ltas mthong 'gyur/ /sgyu ma sbyor ba'i skyes bu ste/ /'khor los sgyur ba'i cha byad du/ /rin chen bdun dang dpung tshogs kyis/ /dbang bsgyur thabs kyi theg pa ston/ /lung chen thob pa'i skabs su ni/ /seng ge dag la zhon nas ni/ /thams cad gnon pa'i ltas mthong 'gyur/ /sems bdun rdzogs pa'i sa par gnas/ /'bras bu nyid la lam shes pas/ /lam gyi yan lag bde rdzogs te/ /gzhan dag smin par bya ba'i phyir/ /ji ltar 'dod ltar thabs mchog sbyor/ /rtsal chen rdzogs pa'i skabs su ni/ / kun snang ting 'dzin nyid thob ste/ /des ni nyi zla'i cha bskor bas/ /thabs dang gsal bar byed ltas mthong / /sems gsum bskyed cing mtha' drug chub/ /gdeng du gyur pa'i ngo bo las/ /de nas rgyal mtshan skyes bu de/ /chos kyi rgyal po gang de yi/ /gdung 'tshob dga' ldan theg chen ston/ / mi gnas bcu dus cho 'phrul snang / /bshes gnyen dam pas bka' stsal pa/ /sa bcu pa la gnas pa yang / /chos nyid du 'jog spyod par byed/ /mi rtog ngang du mi gnas te/ /rdzogs pa'i sangs rgyas mi byed do/ /e ma skyes bu dam pa klong / /gang gis ngo bo ci phyir lags/ /skyes bu dam pas bka' stsal pa/ /gsang sngags dngos po brgyad kyis bcings/ /mnyam par ma bzhag bar du ni/ /sangs rgyas dgongs pa myong ma yin/ /skyes bu dam pa khyod ci gu/ /gang zhig mos pa su zhig gis/ /ji ltar grol 'gyur ngo bo ci/ /skyes bu dam pas bka' stsal pa/ /grol bar 'dod pas bla ma bsten/ /rigs pa rang byung rang bzhin ni/ /byang chub sems kyi dkyil 'khor ro/ /bsod nams tshogs kyi dkyil 'khor ni/ /zhing khams rin chen yod pa na/ /rgyal ba kun du bzang po yi/ /sras mchog 'jam dpal chen po la/ /ji ltar rim gyis brgyud pa bzhin/ /de bzhin 'byor pa'i yo byad la/ /rnam gsum tshul du nan tan bya/ /bsod nams tshogs kyi dkyil 'khor ro/ /bka' stod pho nya'i dkyil 'khor ni/ /sangs rgyas mi bskyod pa yi ni/ /zhing khams mngon par dga' ba na/ /rgyal tshab skyes bu kun gyis gsungs/ /de yi gdams ngag mdor bkod pa'o/ /rtags dang rten ni gzhung ltar bsham/ /dur khrod chen po rab 'jigs pa'i/ /mtsho ni rkong rkang thang dmar na/ /ri ni byin lag mchongs kyi rtse/ /steng na 'dab chags rgyal po gnas/ /keng rus thod pa mkhar du brtsigs/ /ru las tshogs bdag bskyed nas ni/ /nye gnas kro ti shwa ri ma/ /rang gi 'khor tshogs ldan pa bskyed/ /de nas dpa' bo chen po yi/ /ru lu hUM gi 'od zer spros/ /drag po'i gnas nas gdug pa dgug /zhal du rngubs te sna nas bton/ /gzhon nu sme brtsegs zhes gyur te/ /bskyed dang gnyis su med par byas/ /de la ming dang mtshan btags pa/ /gang gi rgyal po zhes kyang bya/ /lha chen legs ldan nag po ste/ /lha yi sde dpon ka ru na/ /tshogs bdag chen po bdud kyi rje/ /dge slong thar pa nag po yin/ /tshogs bdag chen po de gsol la/ /dpa' bo chen po gshegs su gsol/ /bdag cag skal ldan 'dus pa'i tshogs/ /sgo 'dir 'jug par 'tshal lags na/ /rgyal ba'i sras su gzung du gsol/ /dpa' bo chen pos bka' stsal pa/ /hUM hUM hUM bi shwa badzra kro ta badzra maN+Dal phaT/ ta keM ta keM phaT/ /ha la ha raM/ tig sna tig sna khaM/ kro ta kro ta yaM/ oM hUM muM/ skal ldan 'dus pa'i tshogs chen khyed/ /bde bar 'ongs so legs par 'ongs/ /grub pa'i rlung sgo gsang sgo 'dir/ /su dag 'ongs pa slar mi ldog /tshogs bdag chen pos yang gsol pa/ /bdag cag mtha' yas sems can rnams/ /don gyis sangs rgyas yin mod kyang / /rtog pa'i dbang gis 'khor ba la/ /byang chub mchog tu sems bskyed do/ /sems nyid sangs rgyas yin pa la/ /mun pas bsgribs pas de mi shes/ /byang chub sems kyi lam 'di nas/ /sangs rgyas sa la 'jug par bgyis/ /dpa' bo chen pos bka' stsal pa/ /rdo rje can gyi rnal 'byor khyod/ /rdo rje can du cig nges na/ /gsang ba gsum du mnyam pa nyid/ /mi phyed rdo rje dam tshig sbyin/ /mi phyed rdo rje'i dam tshig ni/ /gsang ba gsum gyi dbyings nas byung / /dkyil 'khor gsum gyi dam tshig ni/ /grub na 'jigs pa'i dus med do/ /nag po chen pos yang gsol pa/ /ye shes rin chen dbu rgyan mchog /gzi brjid phung po bla na med/ /sangs rgyas rin chen kun 'dus pa/ /rnam par rgyal la phyag 'tshal lo/ /dbyig gi ye shes gtso mchog nyid/ /rdo rje dam pa mchog 'dzin pa'i/ /khyod ni dam tshig gtso lags kyis/ /dbang phyug rgyal pos bdag dbang bskur/ /dpa' bo chen po des gnang bas/ /oM badzra a mr-i ta a hi ha sarba maN+Dal hUM/ a be she ka hri ta/ nag po chen pos yang gsol pa/ /bdag ni skyes bu khyod kyis dbang bskur bas/ /sangs rgyas kun gyis de nyid bdag dbang bskur/ /bcom ldan thams cad mchog nyid bdag lags te/ /mchog nyid bsgrub phyir dbang rnams blang bar bgyi/ /de yi rjes su 'khor rnams kyis/ /mos dang snyan pa'i tshig gsol te/ /seng ger sprul te gdan du phul/ /la las lus kyi rgyan du phul/ /la las sham thabs dag tu phul/ /la las thig ler phul byas shing / /la las byug pas mnyes byas nas/ /la las phreng bar mdzes pa'i rgyan/ /la las phyag mtshan phul te gnas/ /de nas ging gi rgyal po la/ /mnga' gsol mchod pa'i tshul du bstabs/ /nye bar spyod pa lnga yang bzhin/ /dam tshig dam rdzas bsngo ba ni/ /dka' thub chen po tshur gson cig /legs ldan nag po ma rungs pa/ /rang gi rgyal srid la gnas te/ khram la btab pa'i dgra bgegs rnams/ /rol cig dgongs shig dam tshig gtso/ /khyed kyi dam tshig dus la bab/ /bse byang khram la btab pa yi/ /ma dang sring mo bud med la/ /dpa' bo khyod kyis rol mdzod cig /dam tshig chen pos ma btang shig /zhe sdang can gyi bdag po rnams/ / sems can kun gyi srog 'phrog pa/ /bse byang khram la btab pa yis/ /sha dang khrag la longs spyod gyis/ /gnod sbyin chen po ma rungs rnams/ /bse byang khram la btab pa yi/ /gser sogs yul 'khor blangs nas ni/ /rang gi 'dod pas longs spyod gyis/ /rtog pa'i rgyal po rnams gson cig / bse byang khram la btab pa yi/ /mgo thod bcad nas rtag rten dang / /dge mtshan rnal 'byor ngas 'dod na/ /yid bzhin lta bu'i dngos grub gsol/ /rigs ngan sme sha can gyi tshogs/ /ba glang khyi sha rta sha dang / /mi sha glang chen sha sogs bzhes/ /srin mo khrag 'phrog ma lus la/ /bsad pa'i khrag ni dron mo dag /bzhes shig dgra bo'i khrag la rol/ /sprul pa'i phra men chen mo rnams/ /thod rus rkang dang 'bru mar khrag /chad dang a mr-i tar sbyar yang / /rdzu 'phrul sgrub pa'i dam rdzas bzhes/ /rigs ngan chen po ma rungs pa/ /sha chen bshang gci khu ba khrag/ /dam rdzas 'bar ba 'di bzhes la/ /bdag gi nad rnams bzlog tu gsol/ /dmigs bya 'di la rims nad thong / /srid pa'i bud med ma rungs khyed/ /bro gar glu tshig mchod bzhes/ /dmigs bya 'jo tshul stabs kyis phrogs/ /shor ba gzhon nu bdud mo'i rigs/ /rnal 'byor chen po'i bka' byung gis/ /sngags sgra rang gi mchod pa bzhes/ /dmigs bya'i phung po rdul du rlog /log 'dren can gyi gdon rnams nyon/ /yang dag nang du kun rig na/ /che chung las ni gang byas kyang / /gnyis kyi dbang du mi 'gyur gyi/ /rnal 'byor nga yi las 'di sgrubs/ /gsang tshig bsten pa'i tshogs rnams nyon/ /bshang gci khrag dang sol khu'i gos/ /brgya'am stong du gon nas ni/ /ling ka bcad na sangs rgyas 'jigs/ /dam rdzas mchod pa 'di bzhes la/ /bcol pa'i las rnams grub par gyis/ /mnga' bdag chen po ma rungs pa/ /rdo rje sems dpa'i sprul pa ste/ /khro bo'i rgyal po ging chen po/ /mnga' bdag bdud kyi rgyal po bzhengs/ /rnal 'byor chen po ngas bstod cing / /khyod kyi mthun pa'i rdzas phul bas/ /sngon gyi bskal pa bzang po la/ /khas blangs dam bcas mna' bor ba'i/ /sngon du rig 'dzin gong mas bsgrubs/ / da lta rnal 'byor bdag sgrub na/ /bam ri thod pa mkhar gyi rtser/ /ru mtshon nag po pu ru ru/ /mtshon cha nag po char du phab/ /bdud bya nag po lding zhing 'jums/ /dur khrod mang po'i rgyan rnams rdzogs/ /mche gtsigs rngam pa'i zhal gdangs nas/ /khro bo khro mo'i sprul pa 'khrigs/ / srin po srin mo rkan sgra rdeb/ /gnod sbyin pho mo 'brug ltar sgrogs/ /za byed pho mo glog ltar 'gyu/ /so so mos pa tha dad pa'i/ /yid bzhin nor bu dam tshig ni/ /yongs su rdzogs pas blang bar byos/ /de ltar mchod bstod byas rjes la/ /rang rgyud dam tshig gis gnas te/ /de dag rnams la mthun rdzas bsngo/ /de nas ging chen 'khor bcas kyis/ /'bangs su mchi'o bdag lus 'bul/ /'bangs la nan tan ma chung cig /de nas slan chad bka' bzhin du/ /bka' lung bzhin du rjes su bsgrub/ /gal te bka' bzhin ma bgyis na/ /dam pa'i lung las 'gal 'gyur bas/ /bdag cag rnams kyi mgo lus snying / /rul myags skams nas tshig par 'gyur/ /ma sring bu mo chung ma rnams/ /'bangs su dbul lo rtsis ma chung / /dbus su mchis skal mi ldan gyi/ /'bar ba'i dkyil 'khor mtha' la zhog /phud la 'tshal skal mi ldan gyi/ /lhag ma zhal chab blon la gsol/ /nye gnas gdung mo ma sring rnams/ /deng nas rgyal ba'i 'bangs yin gyi/ /khyed kyi ci bgyi las mkhan te/ /bka' yi las byung rtag par myur du bsgrub/ /ru lu ru lu b+h+yo zhes pas/ /rang gi srog la tshad du bzhag /dpa' bo chen pos bka' stsal pa/ /brtse bar byed na mar bya'o/ /gdung bar byed na sring mo ste/ /brtson par byed na bran du bya/ /byang chub dag ni bur bya'o/ /bdud bral med na slob mar bya'o/ /bskul ba mgyogs na pho nya bya'o/ /bka' bzhin byed na bka' la gdags/ /rdo rje ljags kyi 'od zer las/ /rag+sha shrI he ru ka /ru trA ma tra ha haM zhes bsdus te bzlas pa bya/ bsnyen pa bzlas pa 'bum byas la/ /don chen stsal ba zhes su bshad/ /thun mtshams kun du mchod pa yang / /bdud chen la sogs gtang bar bya/ /don chen rnyed par gyur nas ni/ /sna yi bu ga'i hUM ring las/ /khro bo ging gi rgyal po ste/ /las kyi rgyal po srog bdag ni/ /ljang sngon drag po gsal shing can/ /spros dang gnyis su med par bstim/ /rgyu zhags khar nag skud pa'am/ /mthing nag dar chen 'bar ba la/ /phye ma'i ri lu gsum sbrus te/ /rang gi lag pa g.yon par gzung / /gzungs thag blangs te sngags bzlas pa/ /nye ba'i bsnyen pa 'bum du bzlas/ /don chen bsnyen par gyur pa yi/ /de nas don la 'jug par bya/ /rang gi lag pa g.yon pa yis/ /thum po bar pa kha phye nas/ /mkhar gyi nang du pho nya bskul/ /'bum du sgrub pa dag ni bzlas/ /de nas tshogs kyi mchod pa ni/ /gsum du byas te dbul byas nas/ /gdeng du gyur pa'i gsang sngags mchod/ /sgrub pa chen po 'bum du bzlas/ /pho nya mngag gzhug bdag dkyil 'khor/ /'brub khung las kyi dkyil 'khor ni/ /stug po bkod pa'i zhing khams na/ /rnam dag lam gshegs rgyal ba rnams/ /rkong rkang thang mar rgya mtsho de/ /'brub khung drag shul can gyi gnas/ /rdo rje thabs kyis blta ba'i yul/ /dur khrod bdag po tshogs dang bcas/ /bdag ni bka' yi las mkhan te/ /bka' yi las kyi dus byung bas/ /sangs rgyas kun gyis gdul dka' ba/ /de dag ma lus bdag gis gdul/ /bka' las de dag mdor bkod pa'o/ /lho phyogs las kyi maN+Dal sum brtsegs la/ /dang po thod pa'i phreng bas brgyan/ /de 'og mtshon cha'i char gyis spras/ /de 'og me ri 'bar bas spras/ /nang du rgya sol nag pos byugs/ /de yi nang du ling+ga ni/ /ji lta ba yi tshul gyis gzhag /yan lag phyag rgya bzhi yis brgyangs/ /kha ran dang por phra men ma/ /bar ma la ni mgo brnyan te/ /tha ma la ni srin mo'i tshogs/ /gdug pa'i tsher ma'i phur bu la/ /mtshon par byas te rnam par bkod/ /mgul nas gdags shing rten la 'dud/ /der ni las la sbyar ba yi/ /gtor ma la sogs mchod pa rnams/ /mnyes shing mgu ba gzhung bzhin bya/ /ji srid mtshan ma rnyed kyi bar/ /las la sbyor ba drug pa'i sngags/ /rngam pa'i nga ros gdon par bya/ /mnyes la sogs pa gzu dpang gsol/ /de nas pho nya mngag par bya/ /'bar ba drag po mi bzad pa'i/ /rtog pa med pa'i rgyal po las/ /rdo rje ljags kyi 'od zer gyis/ /badzra kro ta sa ma ya/ /khro bo rgyal po sprin phung po/ /mngag gzhug pho nyar spro bar bya/ /rag+sha dz+wa la sa ma ya/ sngon po mngag pa'i drag sngags so/ /gnod sbyin rbad pa'i drag sngags so/ /tsit+ta dz+wa la sa ma ya/ /za byed bskul ba'i pho nya'o/ /sngags dang ming du spel nas ni/ /khros pas khrir ma 'bum du bzlas/ /dud chen btang la bskul ba ni/ /sngon tshe dpal chen nyid kyi bka'/ /de nas rnal 'byor rigs rgyud bka'/ /da lta rnal 'byor bdag sgrub kyis/ /khas blangs dam bcas brjed dam ci/ /dam bcas bzhin du phrin las mdzod/ /ji ltar ma byams bu la gdung ba bzhin/ /dam tshig can la dung dung gdung bar gyis/ /gang du sring byams ming la gdung ba bzhin/ /dam tshig can la ltang ltang brtse bar gyis/ /mdza' bo grogs la ji ltar gdung tshul bzhin/ /rnal 'byor can la kril kril brtse bar gyis/ /ji ltar g.yog byams dpon la snying brtse bzhin/ /dam pa rnams la mnyes par nye bar gyis/ /rgyal ba kun gyi chos sku pad+ma'i gdung / /chos rje 'od dpag med pa rdo rje chos/ /spyan ras gzigs sprul hrIHlas rngam tshul ston/ /ngag gi dbang phyug rta gdong zhabs kyis gnon/ /'jigs byed chen po 'bar ba la/ /sngo nag 'bar ba'i ral pa can/ /dbu dgu phyag ni bco brgyad pa/ /rdo rje gshog pas bar snang khebs/ /ba spu lcags kyu bsregs 'dra yis/ /sdom dang sdig dang rmigs pa sbrul/ /'jigs pa'i gzugs kyis sa gzhi khebs/ /thod skyogs sti ra rgyu zhags dang / /nyi zla khyung dang 'ug pa khra/ /rdo rje mdung rtse gsum pa dang / za ma tog dang rngul yab rnga/ /ri rab phyi skor stong gsum 'phen/ /klu dbang 'bum gyi rgyan gyis bklubs/ /dus mtha' bskal pa'i me ltar 'bar/ /khro gnyer sdang mig 'bar ba ni/ /nyi shu rtsa bdun spyan ras gzigs/ /zhabs kyis 'bar ba'i lha brgyad gnon/ /rdo rje srin po khro bor gyur/ /lha dang bdun las rnam par grags/ /che mchog thugs kyi sprul pa las/ /lha chen nag po mi bzad pa/ /mtsho ni rkong rkang thang dmar na/ /ri bo byan lag mchongs kyi rtse/ /ma la ya yi rtse la lhags/ /sku gsung thugs kyi rdo rje las/ /sprul pa'i sras mchog rdo rje 'dzin/ /gzhon nu bye ba sa yar mdzad/ /bam ri thod pa mkhar gyi rtser/ /mgon po thugs kyi sprul pa ni/ /bdud kyi spyod yul kun mdzad de/ /drag tu mngag cing bskul ba'i tshe/ /'jig rten khams kun phung bar byed/ /thams cad dbyar gyi sprin phung bzhin/ /nam mkha'i dbyings kyi mtha' klas par/ /bam ri thod pa'i rtse la lhags/ /mthun 'jug thabs kyi cha byad du/ /bam ri thod pa mkhar gyi rtsar/ /khrag dang bshang gci sha chen dang / /rkang dang klad pa klad rgyas dang / /rnag dang chu ser la sogs pa'i/ /'bu dang shin tu 'bu chen po/ /sbrang ma sbrang rgod bung ba dang / /sprul dang sdig pa sdom la sogs/ / ce spyang stag seng la sogs pa'i/ /gdug pa can gyi 'khor gyis bskor/ /lha yi sde dpon ka ru na'i/ /bu mo chung ma ma sring dang / /'jig rten dbang phyug lha chen gyi/ /ma sring bu mo chung ma rnams/ /phyogs nas dbang du byas pa rnams/ /slas dang byi mo bran mo'i tshogs/ /bcu gnyis dang ni brgyad la sogs/ /ma mo phra men gnod sbyin ma/ /srin mo sha za khrag 'phrog ma/ /bdud kyi ming 'dzin bla rkun ma/ /dam nyams 'di yi bla la ya/ /blon po sde dpon sde dpon mo/ /ru mtshon nag po phyar nas ni/ /ru dpon pho nya mngag par bcas/ /rang rang stan dang lag char chas/ /ci bgyi bka' nyan bka' stod 'khor/ /rbad dang rngam pas dgra snying khos/ /srid pa'i bu mo dri za brgyad/ /stag seng ce spyang bzhad sogs dang / /dur bya bya rog 'ug pa'i tshogs/ /bstod cing rngam pa'i tshul du 'khod/ /nyams pa 'di yi snying dkyil du/ /cho 'phrul sna tshogs chod la sregs/ /srin mo'i nye gnas chen mo brgyad/ /gau rI rtsau rI pra mo hA/ /be tA lI dang phu k+ka sI/ /g+hasma ri dang sma sha ni/ /tsaN+Da lI la sogs pa yis/ /srog la hur thum dus la bab/ /dur khrod sa yi sgo srung bzhi/ /brtson mo gdong mo gar log ma/ /de bzhin 'jug mo chen mo bzhi/ /gsang sgo 'dzin cing bka'i sgo srung / /rnal 'byor 'khor dang bcas pa la/ /bar chad bsrung ba'i dus la bab/ /dam nyams 'di yi yan lag chings/ /dur khrod bdag mo gru 'debs ma/ /rkam ma shin tu rkam ma dang / /ra ro ma dang khrag 'thung ma/ /chags pas myos pa'i mdangs kyis 'khod/ /dam nyams 'di yi dbugs long la/ /smyo 'bog gtong ba'i dus la bab/ /nyams su myong bar khros dus ni/ /sngon du bsnyen phul mnga' gsol ba'i/ /mtshon cha nag po thogs nas ni/ /skabs der thun gzer brdeg par bya/ /bde gshegs rgyal ba ma lus kyi/ /mar khu lta bu'i snying po'i gsung / /de 'dra'i bstan pa dam pa la/ /sgro skur rnal 'byor yongs la 'tshe/ /da lta rnal 'byor nga yi dgra/ /pho nya mngag gzhug ma lus kun/ /'di la dam tshig mi gnas kyi/ /drag po las kyi thun la bab/ /rdo rje gzhon nu sme ba brtsegs/ /mthing nag khro gnyer ral pa can/ /'bar ba chen po gar dgu mdzad/ /dur khrod bdag po ji bzhin du/ /dbu dang phyag zhabs der mdzad de/ sprul pa chen po'i dus la bab/ /rdo rje zla rtsal nyi ma'i mdangs can dang / /rdo rje seng ge nam mkha'i rdo rje dang / /rdo rje spyang ki rdo rje dus mtshams dang / /rdo rje phyogs 'dul rdo rje dur khrod bdag /rdo rje ro langs rdo rje ma rungs pa/ /legs ldan nag po bdud kyi rje/ /gsung gi nga ro drag po mi bzad pa/ /'ur 'ur chem chem drag po'i sgra dang ldan/ /rab tu gtsigs pa'i sku ni mi bzad pa/ /'gul ldeg rab g.yos dgra la thun/ /dpa' bo khyed kyi shes rab ma/ /bam ri thod pa brtsegs pa'i dbus/ /gnam lcags 'bar ba'i gzer chen gyis/ /brtan par btab pa'i nad bdag mo/ /nye gnas kro ti shwa ri ma/ /thod skyogs khrag gis bkang ba dang / /'bru mar rdzas lnga chang sbyar ba/ /rtag par rang gi longs spyod 'dzin/ /chags pas myos shing brkam pa nas/ /ched 'ga' drag tu bskul ba'i tshe/ /sngags sgra drag po mi bzad pas/ /rang la rang yang rtsig cing 'dum/ /srin po srin mo'i tshogs rnams kun/ /drag po rang sngags drag bzlas shing / /gdug pa'i lus can mtshon char bcas/ /glad pa'i dkyil du brgyab pa yis/ /rkang pa'i mthil du sa ma ya/ / a bi ra tsa'i gnag pa yin/ /mthun 'jug khrid pa'i sbyor thabs kyis/ /bdud rtsi lnga yi mdangs sbyor bas/ /gdung ba lnga ni bdud rtsir bsgyur/ /byas la mi btsog phrin las dang / /spyod la ma chags ye shes kyis/ /thams cad stong zhing rdo rjer sbyangs/ /sgyu ma'i phung po lhag ma la/ /khro bo khro mos rta bro brdung / /'dod chags zhe sdang gti mug gsum/ /mnan no mnan no 'og tu mnan/ /sha khrag rus spungs lhag ma rnams/ /za byed tshogs kyi zhal du bstabs/ /las rnams gzhan yang bstan bya'i phyir/ /drag po'i las rnams sgrub pa ni/ /nag po'i phyogs la sbyor goms pas/ /drag po yi ni sbyin sreg brgyad/ /rnal 'byor khros pa'i sems kyis bya/ /ling+ga bcad cing bsregs pa na/ /sangs rgyas nyid kyang 'jigs 'gyur na/ /gzhan lta smos kyang ci zhig dgos/ /'brub khung las kyi dkyil 'khor ro/ /gtad khram mnan pa'i dkyil 'khor ni/ /gdug gdul zhing khams chen po ni/ /ston pa gsang bdag nyid kyis gsungs/ /de yi gdams ngag brgyud pa ni/ /slob dpon hUM ka ra yi ste/ /de yi gdams ngag mdor bkod pa'o/ /gang du las la sbyor ba na/ /sa sna bdun gyi 'dag pa las/ /tshad ldan pa yi mkhar byas la/ /steng du bya khyung rgyal po bya/ /nang du mgon po nag po ste/ mche gtsigs zhabs ni bgrad pa'i 'og /sbyin sreg byas pa'i thal ba dang / /dri ma la sogs rjes rnams la/ /ling+ga ming byang bris te gzhag /a ra ma ru sha dang ni/ /kra sna sku ra bzhi chad yi/ /thod pa kha sbyar zhags pa gsum/ /ka ru na yi phyag rgya dang / /gnam lcags 'bar ba'i gzer chen gyis/ /blangs te dur khrod nag po'i tshal/ /mi mthun 'dus pa'i sar song la/ /gtor ma la sogs rngan pas mchod/ /gru gsum khru do brko byas la/ /gong gi mkhar chen bcug nas ni/ /g.yam pa nag pos kha bcad nas/ /rdo rje rgya gram gyis mnan bya/ /chu mig nag po ma rungs dang / /lha khang mgon po'i zhabs 'og tu/ /mnan pa byas kyang 'grub par gsungs/ /gtad khram mnan pa'i dkyil 'khor ro/ /de rting sgrub pa'i gnas phyin nas/ /'jig rten 'das dang 'jig rten pa'i/ /spyan drangs lha rnams ma lus pa/ / mchod bstod bshags pa bya ba dang / /gtang rag lhag ma'i gtor ma gtong / /de nas dbyings su ci bder gshegs/ /bskyed pa'i lha rnams lus la bsdu/ /mtshams dang phyag rgya la sogs la/ /ngo bo nyid kyis dgrol bar bya/ /smon lam gdab cing spyod lam la/ /sgyu ma'i tshul gyis ci bder spyad/ /grub dang lung bstan ma thob kyang / /bdag pas blo dman ched du ni/ /dkyil 'khor bdun pa'i sgrub thabs phye/ /tshad ma dang ldan mkhas pa rnams/ /bdag gi blo la mi dpya zhing / /mkhas pa rnams kyis bzod par bzhes/ /'di brtsams 'di la mos pa rnams/ /rdo rje sems dpa' nyid thob shog / slob dpon chen po stir ma tis dgongs pa las rdo rje bkod pa'i rgyud bstan pa bsrung ba rnal 'byor yongs kyi mgon po legs ldan nag po'i sgrub thabs dkyil 'khor bdun gyi rim pa rnam par phye ba slob dpon snang mdzad myu gus mdzad pa rdzogs so/ /[ ]@##// po ta lar 'gro ba'i lam yig bzhugs/