བོད་ཡིག

e-texts based on the ACIP/ALL Input

mdog 'dra zhal du phul bas mnyes mdzod la/ /nyid kyis bdag gi bsam mkhyen re ba myur du skongs/ /yi ge bcu pas byin brlabs me tog dang bcas pas/ /oM las 'od 'phros gdub bu rin chen spras pas brgyan/ /oM las byung ba'i bum pa bzang pos chu phul nas/ /bcom ldan mgon po ci phyir re ba mi bskong lags/ /'gro drug kun la re bskong nor gyi char pa dag /ci 'dod mang po 'bebs pa'i thugs rje grags lags na/ /bdag gis mos pas khyod kyi yon tan rtag tu brjod/ /thigs pa gcig kyang mi stsol skal ba med dam ci/ /nyi ma re re bzhin du rtag tu khyod 'bod na/ /bdag ni yi chad sgyid lugs gdong pa dag mod kyang / /khyod kyi sngon gyi dam bcas thugs rje gang du thal/ /gter chen skal ba med kyang log 'tsho med tsam byin/ /bdag gis snying nas smras kyang da dung ma gzigs na/ /sa gsum kun la snyoms par dam ni ma bcas sam/ /bdag la skal ba med kyang thugs rjes cis mi gzigs/ /sems can min nam dbul pa'i sdug bsngal bral bar mdzod/ /bdag gis bos pas khyod kyi thugs rje'i zhags pa yis/ /srid 'dir dbul ba sol ba bde chen gnas su drongs/ /'jigs la 'jigs par mi byed khyod kyis byin brlabs te/ /'di dang pha rol gnyis kar rtag tu bskyab par mdzod/ /rmugs 'dzin 'chol ba'i man ngag gi bstod pa bla ma d+ha byang chub sems dpas mdzad pa rdzogs so// //kha cig slob dpon nyi ma sbas pas mdzad do zhes kyang zer skad do/ /[ ]@##/ /rgya gar skad du/ de bI ba su d+ha rI sto tra/ bod skad du/ lha mo nor rgyun ma la bstod pa/ lha mo nor rgyun ma la phyag 'tshal lo/ /e ma bum pa rin chen gter ldan steng / /de steng skyon bral nyi ma'i dkyil 'khor la/ /gdod nas dag pas sku mdog gser lta bu/ /ma bcos rang bzhin byis pa'i gzugs 'dra ba/ /snyan mgur phyag zhabs rin chen phreng bas brgyan/ /zla rgyas ltar mdzes 'phags ma'i sku la 'dud/ /brtse ldan sbyin pa grub pa'i tshul mnga' ba/ /pad+ma'i zhabs mnga' 'gag med seng ge'i sgras/ /'gro ba'i sdug bsngal ma lus sel byed ma/ /dpal ldan lha mo khyod 'dra'i gsung la 'dud/ /tshogs gnyis mthar phyin sa bcu rim bgrod nas/ /thugs rje'i dbang gis sems can re 'dod skong / /spros pa'i mtha' bral bde ba chen po'i ngang / /yang dag don rtogs lha mo'i thugs la 'dud/ /phyag g.yas mchod sbyin bI dza pha la yis/ /'jigs pa brgyad skyob 'gro rnams dbang du sdud/ /dbul ba sel zhing log 'dren 'joms mdzad pa/ /g.yon pa thugs kar rin chen snye ma 'dzin/ /dgos 'dod re skong dpag bsam shing lta bu/ /yid bzhin nor 'dra khyod la phyag 'tshal 'dud/ /bdag gis khyod la rtag tu mchod byed cing / /gus dang bcas pa'i sems kyis rab bstod na/ /gdong la mchi mas rab tu gos gyur kyang / /dbul ba'i sdug bsngal skad cig ma 'dor na/ /sngon gyi thugs rje'i smon lam gang du thal/ /las kyi 'phro med sbyin shugs zad pa yis/ /phun sum tshogs pa'i skal ba med gyur kyang / /tshe 'dir phongs pas log 'tsho spong tsam gyi/ /thugs rje'i thigs pa 'ga' tsam cis mi sbyin/ /dus 'di nas bzung tshe rabs thams cad du/ /'phags ma nor rgyun ma la mchod byed cing / / theg chen gsang sngags chos la spyod pa dang / /bla ma rdo rje 'dzin pa'i bka' nyan cing / /dbyer med phyag rgya chen po'i don rtogs shog /rta dang glang po rin chen gos rnams dang / /khrus kyi rdzing bu rin chen bang mdzod dang / /'dod 'jo'i ba dang ma rmos 'khrungs rnams la/ /rtag tu chos dang ldan pa'i longs spyod shog / paN+Di ta dza mA ris lha mo nor rgyun ma la bstod pa rdzogs so/ /[ ]@##/ /rgya gar skad du/ shrI ba su d+hA rA de byA maN+Dal s+ya bi d+hiH/ bod skad du/ dpal lha mo nor rgyun ma'i dkyil 'khor gyi cho ga /oM bcom ldan 'das ma dpal ldan 'phags ma nor rgyun ma la phyag 'tshal lo/ /dang por re zhig kha la sogs pa dag par byas nas bcom ldan 'das ma 'phags ma nor rgyun ma'i brtul zhugs blangs te/ mgo bkrus shing gos gtsang ma bgos nas me tog dang bdug pa dang mar me dang dri dang zhal zas