བོད་ཡིག

e-texts based on the ACIP/ALL Input

po snying rje chen pos mdzad pa rdzogs so/ /[ ]@##/ /rgya gar skad du/ tA rA a grA prAp+ti nA ma/ bod skad du/ sgrol ma mchog thob pa zhes bya ba/ rje btsun sgrol ma la phyag 'tshal lo/ /sngon du gsungs pa'i rim pas stong pa nyid kyi bar bsgoms te/ skad cig la rang sgrol mar bsgoms pa'i thugs kar tAM in+d+ra nI la'i mdog lta bu blta bar bya'o/ /lus skyil krung la tshigs drang por bsrang ste mnyam gzhag gi phyag rgya la sogs te lus gnad lnga dang ldan pas rlung rgyu ba spangs te lte ba las me rab tu sbar nas/ spyi gtsug nas thig le phab ste tAM la phog /tAM las byang chub kyi sems zhun tshul du lus thams cad la khyab pas bde ba chen po'i ting nge 'dzin skyes par bsam zhing srog rtsol la 'bad na zhag bdun gyis dngos su skye bar 'gyur te/ byang sems 'dzag na gdams ngag dran par bya/ de nas tAM las 'od 'phros te snod bcud thams cad rang la bsdus rang yang tAM las bsdus te tAM yang rim gyis mi dmigs par byas la yod pa dang med pa'i rtog pa spangs la/ stong pa nyid kyi bde ba la rgyas gdab po/ /rtog pa la shes pa 'phro na snga ma ltar bde ba bsgom/ bde ba shas che na phyi ma ltar stong pa bsgom/ rtog pa gzhan 'brel pa spang ste zla ba drug tu bsgoms na mchog thob par 'gyur ro/ /sgrol ma mchog sgrub pa zhes bya ba dngos grub brnyes pa'i slob dpon bsod snyoms pas mdzad pa rdzogs so// // @##/ /rgya gar skad du/ aSh+Ta b+ha ya tra NAstA rA sA d+ha naM/ bod skad du/ 'jigs pa brgyad las skyob pa'i sgrol ma'i sgrub thabs/ bcom ldan 'das sgrol ma la phyag 'tshal lo/ /dang po kho nar tshangs pa'i gnas bzhi bsgoms nas/ skyabs su 'gro ba dang / byang chub kyi sems bskyed pa dang / lam la gnas par khas 'che ba dang / yongs su bsngo ba ste bsod nams kyi tshogs bsag go/ /de nas chos thams cad bdag med par lhag par mos la/ oM swa b+hA wa shud+d+haHsarba d+harmAHswa b+hA wa shud+d+hou0f85haM dang / oM shu n+ya tA dz+nyA na badzra swa b+hA w a At+ma kou0f85haM zhes brjod pas stong pa nyid du bsgoms pas ye shes kyi tshogs bsag go/ /stong pa nyid kyi ngang las nam mkha'i dbyings de nyid du pad+ma dang zla ba'i dkyil 'khor gyi dbus su rang gi sems nyid tAM gi rnam pa yongs su gyur pa las byung ba'i sgrol ma sku mdog ljang gu zhal gcig ma phyag brgyad ma/ phyag g.yas pa rnams kyis bgrang phreng dang mchog sbyin dang / mi 'jigs pa sbyin pa dang / rin po che 'dzin pa/ g.yon pa rnams kyis ut+pa la dang / bum pa dang / skyabs sbyin pa'i phyag rgya dang / po ti 'dzin pa rab tu zhi zhing lang tsho rgyas pa'i lus shin tu mdzes pa/ rin po che'i rgyan thams cad kyis mngon par spras shing smad g.yogs kha dog sna tshogs can du bsgom par bya'o/ /de nas oM e h+ye hi b+ha ga ba tI prA sA d+haM ku ru pU dza gr-ih+Na a tra san+ni hi to b+ha wa zhes pa'i sngags kyis bcom ldan 'das ma spyan drangs pa mdun na gnas pa la mngon par mchod de/ oM b+ha ga wa tI sa ma ye shwa ri sarbA nud+d+harmA te tA re a d+hiSh+ThA naM me ku ru swA hA/ zhes bya ba'i sngags kyis gsol ba btab pas bdag nyid la nye bar zhugs pas snying gar bdag ci 'dra ba'i ye shes sems dpa' dang / de'i yang thugs kar tAM gi rnam pa'i ting nge 'dzin sems dpa' gnas par blta zhing de nyid kyi tshe 'jigs pa brgyad las skyob par byed pa'i sgrol ma rnams mngon par 'phros pa ni g.yas phyogs su seng ge'i 'jigs pa las skyob pa'i sgrol ma seng ge'i gdong pa can mche ba rnam par gtsigs shing / lce glog ltar 'khyug pa/ spyan ser mo/ phyag gnyis pa/ mdog dmar mo/ skra ser po/ thugs kar mi 'jigs pa sbyin pa'i phyag rgya mdzad pa/ rgyan thams cad kyis brgyan pa/ sems can rnams seng ge'i 'jigs pa las sgrol bar bsgom par bya'o/ /bcom ldan 'das ma'i g.yon phyogs su glang chen 'jigs pa las skyob pa'i sgrol ma glang po che'i gdong pa can zhal gcig phyag gnyis ma/ shangs mtho zhing mche ba gtsigs pa gsus pa 'phyang ba du ba'i mdog can/ mthe bong mngon