བོད་ཡིག

e-texts based on the ACIP/ALL Input

gsum bsags pa'i dge ba ni/ /tshogs gnyis bdud rtsi lta bu 'dis/ /sku gsum 'bras bu grub gyur nas/ /gzhan don 'bad med 'byung bar shog /de ltar bya ba ma lus mthar phyin nas dkyil 'khor la 'jug pa'am/ dkyil 'khor gshegs su gsol bar bya'o/ /yi ge brgya pa ci nus pa bzlas par bya'o/ /phongs pa rnams mgu ba dang / gzhi bdag la gtor ma sbyin par bya'o/ /lha thams cad la mchod pa lha grangs dang mnyam par byas pas mchod pa'o/ /dkyil 'khor la 'jug dri med cho ga 'dis/ /'gro rnams mun pa bsal nas dkyil 'khor du/ /ma lus zhugs nas bde chen don rtogs te/ /bde ba can gyi zhing du myur bgrod shog/ /rje btsun ma 'phags ma sgrol ma'i dkyil 'khor du 'jug pa'i cho ga zhes bya ba/ dngos grub brnyes pa'i slob dpon chen po b+ha ba b+ha Tas mdzad pa rdzogs so// // ma hA paN+Di ta shrI bi ma la kIrti'i zhal snga nas dang / lo tsA ba shAkya'i dge slong rdo rje 'dzin pa zhang grub pa dpal bzang pos bal po'i grong khyer yam bu'i nub phyogs nyi ma'i gtsug lag khang du bsgyur cing zhus nas gtan la phab pa'o//[ ]@##/ /rgya gar skad du/ tsin+ta ma Ni tA rA sA d+ha na nA ma/ bod skad du/ sgrol ma yid bzhin nor bu zhes bya ba'i sgrub thabs/ rje btsun ma 'phags ma sgrol ma la phyag 'tshal lo/ /yid bzhin nor bu zhes bya bas/ /tshe dang longs spyod 'phel ba dang / /gzhan yang 'dod pa sgrub byed pa/ /sgrol ma la btud sgrub thabs bri/ / sngon du gsungs pa'i rim pas rang gi sems nyid tAM gser btso ma'i kha dog lta bur blta ste/ 'od zer spros bsdus nas yongs su gyur pa las rin po che tAM gis mtshan pa bsam/ de la yang spro bsdu byas te gyur pa las bdag nyid sgrol ma gser btso ma'i mdog lta bu la zhal gcig ma/ phyag gnyis ma pad+ma dang nyi ma la zhabs sgeg pa'i gar stabs kyis bzhugs pa/ rin po che sna tshogs kyi rgyan can phyag g.yas kyis rin po che brla'i thad kar bzung ba/ dpag bsam gyi shing la rgyab brten pa'i yal ga phyag g.yon gyis bzung ba/ de'i thugs kar rin po che hUM gis mtshan par bsams/ phyag mtshan dang sa bon las 'od 'phros pas sems can thams cad kyi dbul ba'i sdug bsngal bsal te tshur 'dus pas rang gi sku gsal btab cing slar thugs ka nas 'od 'phros pas ye shes pa gzhug pa dang / dbang bskur ba bya ste/ rin chen 'byung ldan gyis rgyas gdab po/ /snga ma ltar 'od spro zhing bsdu bas sku gsal btab cing mi bskyod pa'i bar du bsgom mo/ /skyo bar gyur na bzlas pa bya ste rang gi sa bon dang sngags las 'phros pa'i 'od kyis de bzhin gshegs pa thams cad kyi rgyud bskul te/ 'bru dang rin po che la sogs pa 'dod pa'i yon tan thams cad kyi char 'bab par bsam zhing ngag tu oM tA re tut+tA re tu re tsin+ta ma Ni d+har+b+h+ya bir+b+h+ya swA hA/ de las skyo na ye shes pa gshegs te dam tshig pa mi dmigs par bya'o/ /dge ba bsngo'o/ /sgrol ma yid bzhin nor bu'i sgrub thabs/ dngos grub brnyes pa'i slob dpon b+ha ba b+ha Tas mdzad pa rdzogs so/ /[ ]@##/ /rgya gar skad du/ tA rA To ba bi d+hiH/ bod skad du/ sgrol ma'i khrus kyi cho ga /rje btsun ma sgrol ma la phyag 'tshal lo/ /khrus kyi cho ga la gsum ste/ sbyor ba dang / dngos gzhi dang / rjes so/ /dang po ni gnas yid dang mthun par phyag dar la sogs pa byas te/ bum pa mtshan nyid dang ldan par rdzas gzhan dang mthun par bsags te/ shel med du mi rung mchod pa rnams sta gon bya'o/ /dngos gzhi ni sngon du gsungs pa'i rim pa stong pa'i ngang las sems nyid tAM dkar por blta'o/ /de las 'od 'phros bsdus nas bdag nyid sgrol ma mdog dkar mo pad+ma dang zla ba la rdo rje skyil krung gis bzhugs pa/ zhal gcig phyag gnyis mnyam gzhag gi steng na bdud rtsi'i bum pa bsnams pa/ rin po che sna tshogs kyi rgyan dang ldan pa 'od 'phro ba dang bcas pa'i sangs rgyas lnga'i dbu rgyan can du bskyed par bya'o/ /bum pa yang mi dmigs pa las phyi bum pa la nang rin po che'i gzhal yas khang bcud bdud rtsi'i rgya mtsho'i dbus su pad+ma'i pa dra'i sdong po la rang 'dra ba'i dam tshig sems dpa' bskyed/ de'i mdun na las kyi khro bo bdud rtsi 'khyil pa dmar ser bzhengs pa/