བོད་ཡིག

e-texts based on the ACIP/ALL Input

phyag g.yas na gri gug / g.yon na thod pa bsnams pa/ spyan gsum dmar zhing zlum pa/ phyag rgya lngas rnam par brgyan pa/ de'i mgo dang mgrin pa dang snying ga rnams su oM AHhUM zhes pa'i yi ge rnams so/ /snying gar zla ba la gri gug gi yu bar zla ba la aM yig bltas te sngags 'di bzlas par bya'o/ /oM a A i I u U r-i r-I l-i l-I e ai o au aM swA hA/ zhes so/ /bdag med ma rkyang pa'i sgrub thabs rdzogs so//[ ]@##/ /rgya gar skad du/ nai rAt+m+ya sA d+ha naM/ bod skad du/ bdag med ma'i sgrub thabs/ bcom ldan 'das ma bdag med ma la phyag 'tshal lo/ /dang por sems can thams cad gdon par 'dod pa'i tshul gyis snying rje bsgoms nas phyi dang nang du bcas pa stong pa nyid du dmigs te/ bar snang la aM yig las gri gug de'i yu bar zla ba la aM yig rnam par bsams te/ de nas rnal 'byor pas 'khor lo spro ba dang bsdu ba bsgoms nas de thams cad yongs su gyur pa las ro'i snying gar zla ba'i dkyil 'khor la bcom ldan 'das bdag med ma sku mdog nag mo gri gug dang thod pa dang kha T+wAM ga 'dzin pa/ phyag gnyis pa zhal gcig pa bsam par bya'o/ /dmar zhing zlum pa'i spyan gsum pa/ dbu skra dmar ser gyen du brdzes pa/ mgo bo dang mgrin pa dang snying ga rnams su oM AHhUM gi yi ge rnams so/ /snying gar zla ba la gri gug gi yu bar zla ba la aM yig bsams nas sngags bzlas par bya'o/ /oM a A i I u U r-i r-I l-i l-I e ai o au aM swA hA/ zhes sngags bzlas par bya'o/ /bdag med ma'i sgrub thabs rdzogs so/ /[ ]@##/ /rgya gar skad du/ shrI b+hU ta DA ma ra saM k+Ship+ta sA d+ha naM/ bod skad du/ dpal 'byung po 'dul byed kyi sgrub thabs mdor bsdus pa/ dpal 'byung po 'dul byed la phyag 'tshal lo/ /tshangs pa brgya byin lus ngan sogs/ /myos rnams 'joms par mkhas pa yi/ /dpal ldan 'byung 'dul phyag 'tshal nas/ /de yi sgrub thabs bri bar bya/ /mdor bsdus man ngag rnam dag pas/ /mdor bsdus 'dod phyir sbyar bar bya/ /gnod sbyin gnod sbyin mo sogs 'grub/ /bdag snying ya mtshan skyes nas bris/ /dang por re zhig sngags pas thugs kar zla ba la khams gsum rnam par gsal ba'i 'od zer yang dag par 'khrigs pa/ lus la raM yig dmar po'i sa bon rnam par bsam par bya'o/ /de nas dag pa'i lcags kyu'i rnam pas mdun du 'byung po 'dul byed gdan drangs nas bla na med pa'i mchod pa rnam pa bdun gyis mngon par mchod nas stong pa nyid bsgom par bya'o/ /de nas kun+da dang mtshungs dri med rnam rgyas mtshan mor byed pa yi/ /steng du dung 'dra hUM yig bkod pa'i gnas dbus zla ba'i dkyil/ /shin tu 'bar byed ma lus yongs gyur yang dag las/ /sna tshogs pa yi chu skyes 'dab ma 'jam po blta bar bya/ /de nas de yi dbus su aM yig yongs gyur sman gyi dbang po ste/ /hUM yig snying po hUM yig yongs gyur las/ /mthing nag 'bar ba'i rdo rje rnam par bsgom/ /de dag yongs gyur skad cig gis blta zhing / /mche gtsigs sku mdog mthing nag 'byung po rnams/ /skrag mdzad rang bzhin 'gro la nyer phan mdzad/ /khyab bya gcig chags rgyu yis 'phrog byed dang / /dbang phyug gzhon sogs bdud drag las gcig pa/ /zhal ni cung zad mche gtsigs shing / /khro bo 'bar zhing rnam par 'phro/ /dbu skra dmar ser gyen brdzes mthing / /na bza' sngon pos sku la brgyan/ /phyag g.yas na rdo rje bsnams pa/ g.yon na zhags pa dang bcas pa'i sdigs mdzub mdzad pa/ thod pa lnga'i dbu rgyan can/ phyag g.yon na thod pa dang rtse gsum bsnams pa/ g.yas na Da ma ru bsnams pa/ ral pa dmar ser gyis dbu brgyan pa/ spyan gsum pa/ stag gi pags pa'i na bza' bsnams pa/ 'byung po'i dbang po gzhan las rgyal ba/ zhabs g.yon brkyang gis bzhugs pa/ phyag gnyis dpal 'byung po 'dul byed kyi phyag rgya bcings pa bsgom par bya'o/ /de la phyag rgya 'di'o/ /ming med gnyis po bcing bya ste/ /mdzub mo gnyis po bskum par bya/ /mthe'u chung gung mo de bzhin du/ /mtheb chen gyis ni mnan par bya/ /klu brgyad kyis nye bar mdzes pa ste/ de la stobs kyi rgyu sngon pos dbu skra bcings pa/ 'jog po dmar pos mgul rgyan byas pa/ dga' bo dang nye dga' bos rna rgyan byas pa/ 'di dag ni ser por gcig pa'o/ /mtha' yas dkar pos tshangs skud