བོད་ཡིག

e-texts based on the ACIP/ALL Input

@##/ /rgya gar skad du/ d+harmA shaM kha sa mA d+hi many+dzu shrI sA d+ha naM/ bod skad du/ chos kyi dung gi ting nge 'dzin 'jam dpal gyi sgrub thabs/ 'phags pa 'jam dpal la phyag 'tshal lo/ /de la 'dir chos kyi dung gi ting nge 'dzin ni chu'i dkyil 'khor zlum po dkar po'i steng du ge sar dang bcas pa'i pad+ma 'dab ma brgyad pa'i ze'u 'bru la 'chi ba 'joms shing chos thams cad gsal bar mdzad pa'i phyir maM yig gi sa bon las skyes pa'i sku mdog dkar po phyag gnyis pa rdo rje skyil mo krung gi steng na ting nge 'dzin gyi phyag rgya dang ldan pa/ gzhon nu rgyan dang ldan pa/ zur phud lnga dang ldan pa gsal zhing dri ma med pa'i ye shes kyi rang bzhin 'jam dpal gyi skur bdag nyid bsgom par bya'o/ /rang gi snying gar zla ba'i steng du pad+ma la baM yig las skyes pa'i dung / de'i dbus su oM badzra dzi hwa raM zhes pas lce rdo rje'i lce'i steng du rin po che dang pad+ma la ting nge 'dzin dang yang dag par ldan pa'i sangs rgyas 'od dpag med/ de'i steng du rkan la baM yig mgo thur du bstan pa bdud rtsi'i thig le 'bab bzhin pa'o/ /de bzhin du go rims bzhin du zla ba phyed dang / zla ba dang zla ba drug gis mthar thug pa bsgom par bya'o/ /dngos grub kyi mtshan ma mthong nas dkyil 'khor bri bar bya'o/ /de la phyi ru zur bzhi pa sgo bzhi pa sgo rkyang dang ldan pa'o/ /sgeg mo ma dang / phreng ba ma dang / glu ma dang / gar ma dang / me tog ma dang / bdug spos ma dang / mar me ma dang / dri chab ma rnams dkyil 'khor gyi phyir dgod par bya'o/ /de'i nang du sgo med pa'i re khA dkar po zlum po cig bri bar bya'o/ /de'i dbus su pad+ma dkar po de bzhin du bris nas smin drug dang / dbo dang sa ga la sogs pa'i zla ba gang ba la zhal zas la sogs pa'i mchod pa sngon du 'gro bas gtor ma phul nas/ ting nge 'dzin dang ldan pas dkyil 'khor gyi dbus su rdo rje skyil krung gis nye bar bzhugs pa'i 'jam dpal gyi sku la yongs su bskor ba'i 'od dpag med kyi sku'i bdag nyid chos kyi dbyings dang mtshungs pa'i 'od gsal ba bsgom par bya'o/ /de nas de bzhin gshegs pa thams cad kyi sku gsung thugs kyi phyag rgyas phyogs thams cad nas byon te rang gi lus ngag yid rnams la rab tu zhugs te brtan par gyur nas sems brtan par bya'o/ / rang gi snying gar zla ba dang pad+ma la gnas pa'i dung gsal po blta bar bya'o/ /de la yi ge'i rang bzhin thams cad kyis yongs su bskor zhing gnas pa'i ge sar gyi thig le las ngag gi rdul phra rab mgrin pa'i phyogs nas thob pa'i dbyangs kyi gzugs su 'gyur ro/ /dbyangs la sgra las yi ge'i gzugs nyid lce las byung zhing rdo rje'i rnam pas rim pa bzhin du nam mkha' ma lus pa gsal bar mdzad pas nam mkha' thams cad du 'phros pa'i sgrib pa dang bral ba'i dbyangs bcu drug gi rnam par blta bar bya zhing / dbyangs kyis nam mkha' gang ba'o/ /oM wA kyai daM na maHzhes pa'i sngags bzlas par bya'o/ /skyil mo krung ma bshig par mtshan mo ril po bzlas pas dngos grub kyi mtshan mar 'gyur te/ lce la 'od zer 'phro bar 'gyur ro/ /grub pa brgyad cu'i sgra yang thos par 'gyur ro/ /mchu dang so rnams las kyang sna tshogs pa'i 'od zer 'phro bar 'gyur ro/ /de nas de lta bu la sogs pa'i ji ltar sems pa'i tshig dang tshigs su bcad pa'i tshig dang / tshigs bcad dang / sngags dang / rig pa dang / snying po rnams dung las 'bad pa med par de bzhin du 'byung bar 'gyur ro/ /khong du ma chud pa'i bstan bcos rnams kyang khong du chud par 'gyur ro/ /thams cad mkhyen pa nyid dang yun mi ring bar lha nyid du 'gyur ro zhes so/ /chos kyi dung gi ting nge 'dzin 'jam dpal gyi sgrub thabs rdzogs so//[ ]@##/ /rgya gar skad du/ Ar+ya nA ma saM gI ti sA d+ha naM/ bod skad du/ 'phags pa mtshan yang dag par brjod pa'i sgrub thabs/ 'phags pa 'jam