བོད་ཡིག

e-texts based on the ACIP/ALL Input

sred med kyi bu la sogs pa bkug nas 'ongs te/ pho nyar gyur nas sgrub pa po'i 'dod pa rdzogs par byed do/ /de nas bzung ste skye ba dang / rgas pa dang / na ba dang / 'chi ba dang bral te 'jig rten gyi khams gzhan du song nas de bzhin gshegs pa rnams mthong ste/ sa dang gzungs la sogs pa thob par 'gyur ro/ /'phags ma sgrol ma'i rtog pa'i rim pa/ ku ru ku l+le'i sgrub thabs slob dpon 'phags pa klu sgrub kyis mdzad pa rdzogs so/ /paN+Di ta don yod rdo rje dang / khams pa lo tsA ba dge slong ba ris bsgyur ba'o// // @##/ /rgya gar skad du/ ku ru kul+le sA d+ha naM/ bod skad du/ lha mo rigs byed ma'i sgrub pa'i thabs/ 'phags ma rigs byed ma la phyag 'tshal lo/ /rang gi snying gar zla ba'i dkyil 'khor la hrIHyig las skyes pa'i ut+pa la dmar po'i dbus su hrIHsa mtshan par bsams la/ de yongs su gyur pa las 'phags ma rigs byed ma mdog dmar po zla ba'i gdan la 'od kyi dkyil 'khor dmar po'o/ /sna tshogs dmar po'i na bza'i stod g.yogs can ma/ 'od dpag med pas dbu brgyan cing / phyag bzhi pa/ rtsa ba'i phyag gnyis na ut+pa la dmar po'i mde'us rnam par mdzes pa dang ldan pa'i mda' rna ba'i bar du bkang ba'i me tog gi gzhu bsnams pa'o/ /g.yon pa na sdong bu dang bcas shing kha bye ba'i ut+pa la dmar po bsnams shing g.yas pa na mchog sbyin pa'o/ /sgeg pa'i ro chen po dang ldan par bltas la ye shes sems dpa' dang gcig tu byas la/ rang gi lus kyi 'od dmar po'i lcags kyus bkug pa'i lha dang lha ma yin dang / bya khyung dang / mi'am ci dang / lto 'phye chen po dang / gnod sbyin dang / skyes pa dang / bud med brgya stong la sogs pa'i tshogs shin tu gus pas lus btud cing mchog tu dbang du 'gyur bar phyogs bcur yang dag par blta bar bya'o/ /oM ku ru kul+le hrIHswA hA/ zhes bya ba'i sngags kyi bzlas pa 'bum phrag gcig nas brtsams te/ ji srid bcom ldan 'das ma mngon du gyur gyi bar du bya'o/ /gzhan yang kha cig tu dbang du byed par 'dod na ji skad gsungs pa'i rnal 'byor gyi cho gas 'bum phrag gcig byas la gus shing btud pa'i lha dang / lha ma yin la sogs pa'i dbus su gnas pa'i rang gi lus kyi 'od zer lcags kyus bsgrub bya bkug la mdun du yang dag par bzhag pa la rang gi snying gar ut+pa la dmar po 'dab ma bcu drug pa/ de'i snying gar rnam par bsams la/ 'phags pa yan lag med pa'i rdo rjes gsungs pa'i rim pas bung ba lcags kyu lta bur bsgoms la/ de'i ming gi yi ge rang gi snying ga'i sngags kyis dang por mnan nas de bzhin du mda' nyid kyis snying ga phug pas 'dod chags chen pos brgyal zhing yang sdong bus rkang pa gnyis bcings/ ut+pa la'i zhags pas kyang ske nas bcings te/ yang dag par bkug la rang gi rkang pa gnyis su lhung ba'o/ /gal te skyes pa yin na lcags kyus snying ga 'bugs pa'o/ /bud med yin na chos 'byung nas so/ /oM ku ru kul+le che ge mo'am/ che ge mo A kaR+Sha ya hrIHswA hA zhes bya ba'i sngags bzlas pa bya'o/ /bsgrub bya khugs nas sngags de nyid gtan du gnas pa'i ched du'o/ /ba sha ma na ya zhes bya ba dang / spel zhing bzlas pa bya'o/ /brgya bzlas pas thun mong gi skyes pa dang bud med kyi tshogs dang / rgyal po dang / blon po dbang du 'gyur ro/ /khri bzlas na 'jig rten tha mal pa rnams so/ /'bum phrag gis rgyal po'o/ /'bum phrag bdun gyis lha dang lha ma yin gyi bu mo'o/ /bye bas ni bya khyung dang glang po che la sogs pa'i bzang po'i phyugs dang thun mong gi phyugs rnams kyang ngo / /gus pas rgyun ma chad par dus ring por dpag tu med pa bzlas na sa gsum po dbang du byed do/ /lha mo rigs byed ma'i sgrub pa'i thabs rdzogs so/ /paN+Di ta don yod rdo rje dang / khams pa lo tsA ba dge slong ba ris bsgyur ba'o//[ ]@##/ /rgya gar skad du/ o Di yA na bi ni ra ga ta ku ru kul+le sA d+ha naM/ bod skad du/ o Di yA na nas byung ba'i rigs byed ma'i sgrub pa'i thabs/ 'phags ma rigs byed ma la phyag 'tshal lo/ /dang por re zhig bsgom pa'i dang por dri zhim po rnam pa lngas sa'i phyogs cig byugs la/ brtul zhugs dang ldan pas dga' ba'i sems kyis mnyam par bzhag pas 'jam pa'i gdan la nye bar gnas la/ de nas phyis ni rang gi snying gar raM yongs su gyur pa las nyi ma'i dkyil 'khor 'od 'bar ba'i