བོད་ཡིག

e-texts based on the ACIP/ALL Input

rnam par bsgom bya ste/ /des ni mi shes ri bo 'joms pa dang / /ye shes dam pa rnyog pa med par byed/ /'og tu 'khor lo myur du 'khor bsams la/ /gti mug mun nag ma lus rnam par sel/ /rang lha'i sku ni mi 'gyur nyid bsam shing / /zla ba'i gzugs 'dra'i 'od zer dra ba che/ /zla 'dra'i 'od zer sprin ni rgya chen po/ /phyung nas phyogs bcur song zhing 'bar bsams la/ /bdag lus de bzhin sems can rnam brgyan te/ /'ongs nas snying ga'i zla ba'i gzugs la bzhugs/ /de nas sngags mchog a ra pa tsa na/ /sngags pa'i mchog gis legs par bzlas par bya/ /blo gros brtan pas man ngag ji bzhin du/ /bsgoms na myur du sa mchog rnams dang ni/ /dri med yid 'ong pha rol phyin kun dang / /blo ngan nyes bcom rgyal ba thob par 'gyur/ /bla ma dam pa dga' rab rdo rje ni/ /dam pa'i chos rnams mchog gi mdzod gyur pa'i/ / bde bar gshegs pa'i tshogs kyi spyan snga ru/ /gang zhig cho ga bzhin du dbang bskur ba/ /blo gros bzang po mi pham bshes gnyen gyis/ /skye bo rnams kyi blo gros dag bya'i phyir/ /a ra pa tsa na yi 'khor lo mchog /de yi gzhung du yang dag sbyar ba yin/ /'khor lo'i cho ga'i mchog ni legs sbyar bas/ /bdag gis bsod nams rgya chen thob 'dus pas/ /gang des 'gro kun sdig pa las rgyal zhing / /bde mtha' gcig tu 'jam dbyangs nyid gyur cig /a ra pa tsa na'i sgrub thabs slob dpon chen po mi pham bshes gnyen gyis mdzad pa rdzogs so/ /rgya gar gyi mkhan po ka ma la gup+ta dang / zhu chen gyi lo tsA ba dge slong rin chen bzang pos bsgyur cing zhus te gtan la phab pa'o/ /[ ]@## / /rgya gar skad du/ Ar+ya many+dzu shrI sA d+ha naM/ bod skad du/ 'phags pa 'jam dpal gyi sgrub thabs/ 'phags pa 'jam dpal la phyag 'tshal lo/ /rnam dag 'jam dpal sgrub pa'i thabs/ /shin tu gsal zhing mdor bsdus pa/ /mi shes rab rib 'joms par byed/ /dam pa rnams phyir legs brjod bya/ /stong pa nyid kyi rjes su de bzhin du snying gar yi ge muHser po yongs su gyur pa las/ 'jam dpal gzhon nur gyur pa zhal gsum phyag drug pa gur gum dmar po 'dra zhing sngon po dang / dkar po ni g.yas dang cig shos kyi zhal lo/ /sems dpa'i skyil mo krung dang ldan pa/ ral gri dang mda' dang mchog sbyin pa ni g.yas kyi phyag gsum na'o/ /shes rab kyi pha rol tu phyin pa'i glegs bam dang / ut+pal sngon po dang / gzhu ni g.yon pa'i phyag gsum na'o/ /sgeg pa dang bcas shing gzhon nu'i rgyan gyis brgyan pa/ kha dog sna tshogs kyi gos dang / me tog la sogs pas brgyan par byas shing lcang lo gsum gyis mdzes pa'o/ /de bzhin gshegs pa'i rdul phra rab las yongs su rdzogs pa'i bdag nyid bsgom par bya'o/ /oM muHzhes bya ba'i sngags bzlas par bya'o/ /'phags pa 'jam dpal gyi sgrub thabs rdzogs so/ /khams pa lo tsA ba ba ris bsgyur ba'o//[ ]@## / /rgya gar skad du/ many+dzu shrI badzra sA d+ha naM/ bod skad du/ 'jam dpal rdo rje'i sgrub thabs/ bcom ldan 'das dpal rdo rje sems dpa' la phyag 'tshal lo/ /rin chen pad+ma rA ga ltar/ /shes rab mchog ldan mdangs gsal ba/ /'jam pa'i rdo rje la btud nas/ /de yi sgrub thabs 'di brtsam bya/ /dang por mal nas langs te gdong la sogs pa dag par bya ste/ rang gi snying gar zla ba'i dkyil 'khor bsgom ste/ de las byung ba'i 'od zer gyis bgegs rnams phyogs bcur bskrad par bya ste/ gsang sngags ni 'di'o/ /oM a mr-i ta kuN+Da li hUM phaT/ de nas nam mkha' la gnas pa'i sangs rgyas dang / byang chub sems dpa' rnams gsal bar dmigs te/ yid kyis mchod pa byas te/ bcom ldan 'das 'jam pa'i rdo rje spyan drang bar bya'o/ /oM e h+ye hi b+ha ga bA na many+dzu badzra ma ma sha rI re ma tiSh+Tha naM ku ru swAhA/ de nas snying ga'i zla ba'i dkyil 'khor gyi steng du 'jam pa'i rdo rje sku mdog dmar po rgyan thams cad kyis brgyan pa/ phyag gnyis na rdo rje dang dril bu 'chang ba/ rma bya'i khri la rdo rje skyil mo krung du bzhugs shing / mo ha ku ma ri dang / rA ga ku ma ri dang / ir sha ku ma ri dang / ku la ku ma ri ste lha mo bzhi'o/ /dkyil 'khor gyis yongs su bskor bar bsam par bya'o/ /de dag kyang phyag gnyis ni rdo rje dang ral gri bsnams pa rma bya'i khri la rdo rje skyil mo krung gis