བོད་ཡིག

e-texts based on the ACIP/ALL Input

mgo bo'i phreng ba dang / de'i rjes thogs la kaShaMdzraMkhaMlaMShakaMsaM gi sa bon rnams las legs par byung ba'i sa'i snying po dang / phyag na rdo rje dang / nam mkha'i snying po dang / 'jig rten dbang phyug dang / sgrib pa rnam sel dang / kun du bzang po zhes bya ba rnams mig gnyis dang / rna ba gnyis dang / sna dang / lce dang / nu ma gnyis dang / lte ba la bkod de/ 'khor lo dang / rdo rje dang / rin po che dang / pad+ma dang / mda' dang / rdo rje rnams ni g.yas pa'i phyag gis bsnams shing / g.yon pa'i phyag gis ni sdigs mdzub kyi phyag rgya mdzad cing dkar po dang / nag po dang / ser po dang / dmar po dang / ljang gu dang / skya bo zla ba la bzhugs pa dang / de'i rjes la mgo bo dang / mgul ba dang / snying gar zla ba'i dkyil 'khor la bzhugs pa'i sku dang / gsung dang / thugs gnas pa ste/ oM dang / AH dang / hUM las legs par byung ba'i kha dog dkar po dang dmar po dang nag po'i 'khor lo dang / pad+ma dang rdo rje rnams g.yas pas bsnams nas phyag g.yon pas sdigs mdzub kyi phyag rgya mdzad par bsgom par bya ba dang / de nas snying ga'i sa bon gyi 'od zer gyis ye shes sems dpa' spyan drangs la ro gcig tu gyur par bsam par bsgoms te/ mi bskyod pa cod pan la bzhugs par bdag nyid yun ring du bsgom par bya ba'o/ /ngal bar gyur na sngags bzlas par bya ba'o/ /de la sngags ni 'di yin te/ oM hrIH Sh+T+r-iH bi Ti tA na na hUM hUM phaT phaT swA hA/ de nas ni gshegs su gsol la langs par bya ba'o zhes bya ba ni gshin rje mthar byed kyi sgrub thabs so/ / //mkhas pa a b+ha ya las dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ bi g+h+nA n+ta ke sA d+ha naM/ bod skad du/ bgegs mthar byed kyi sgrub thabs/ dang por re zhig bde pa'i stan la nye bar gnas pa'i sgrub pa pos yi ge aM dmar po las des grub pa'i nyi ma'i dkyil 'khor rang gi snying gar rnam par bsgoms la/ de'i steng du yi ge hUM mthing nag rnam par bkod do/ /yi ge hUM gi 'od zer las byung ba'i bgegs kyi gshed dang / bla ma dang / sangs rgyas dang / byang chub sems dpa' rnams legs par dmigs la/ me tog la sogs pas yang dag par mchod cing / phyag btsal te/ gsum la skyabs su 'gro ba la sogs pa bya ste/ stong pa nyid bsgom par bya ba'o/ /oM stong pa nyid kyi ye shes kyi rdo rje'i bdag nyid kyi rang bzhin ni nga yin no/ / de'i rjes la yi ge aM dmar po las byung ba'i nyi ma'i dkyil 'khor gyi steng du yi ge hUM ngo / /de yongs su gyur pa las/ rdo rje yi ge hUM gis byin gyis brlabs pa rnam par bsgom par bya ba'o/ /yi ge hUM gi 'od zer gyis bskul ba'i de bzhin gshegs pa rnams thams cad legs par bzhugs pa sngon du 'gro ba'i de dag thams cad yongs su gyur pa las bgegs mthar byed du bdag nyid rnam par bsam par bya ste/ sku mdog mthing nag g.yas bskum pa'i zhabs kyis gnas pa'i zhal gcig phyag gnyis pa/ g.yon pa'i phyag ni sdigs mdzub dang bcas pa'i zhags pa g.yas pa'i phyag ni rdo rje gdeng pa dang / 'jigs su rung ba dang skra kham ser gyen du phyogs par ro/ /de nas bcom ldan 'das kyi thugs kar nyi ma'i dkyil 'khor la yi ge hUM yongs su gyur pa las yi ge hUM gis byin gyis brlabs pa'i rdo rje'o/ /de lta bur gyur pa'i bgegs rnams kyi gshed po sku spro ba dang bsdu ba dang ldan pa pad+ma 'dab ma sna tshogs pa'i steng na nyi ma la bzhugs pa/ dam tshig la sogs pa cho ga bzhin du sngon du 'gro bas bsgom par bya ba'o/ /de dag rnams thun tshod gnyis dang / gsum du bsgom par bya ba yin no/ /oM AH big+h+nAn+ta kr-ita hUM/ bgegs mthar byed kyi sgrub thabs so/ /paN+Di ta a b+ha ya las dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ ba liM bi d+hiH/ bod skad du/ gtor ma'i cho ga/ /dbang po la hrIH gshin rje la ShiT+raH chu lha la bi/ ku be ra la kr-i/ dbang ldan la ta/ me lha la a/ bden bral la na/ rlung lha la na/ zla ba la hUM/ nyi ma la hUM/ tshangs pa la phaT/ nor bdag la phaT/ sna tshogs bshes gnyen la swA/ 'byung po rnams la hA/ hi hI hUM hUM pheM pheM swA hA/ gtor ma'i sngags so/ /gang bza' ba de dag thams cad