བོད་ཡིག

e-texts based on the ACIP/ALL Input

@##/ /rgya gar skad du/ badzra dz+wA la a na lA rka sA d+ha aM/ bod skad du/ rdo rje me 'bar ba'i gzi brjid kyi sgrub thabs/ de kho na bzhin du stong pa nyid kyi rjes thogs la nyi ma la yi ge hUM thing nag yongs su gyur pa las rdo rje me 'bar ba'i gzi brjid sku mdog mthing nag/ 'bar ba'i phreng bas kun nas dkrigs pa'i 'od zer can/ zhal bzhi pa phyag brgyad pa ste/ skeg pa dang / dpa' ba dang / 'jigs su rung ba dang / thugs rje'i ro dang ldan pa'i zhal bzhi'o/ /g.yas pa'i phyag bzhis ni rdo rje dang ral gri dang 'khor lo dang mda' bsnams pa'o/ /g.yon pa'i phyag bzhi na ni dril bu dang / gzhu dang / zhags pa dang / kha T+wAM ga dang / bsgril nas rnam par bkra ba'i ba dan bsnams pa'o/ /dbu skra ser po'i thor tshugs kyi me dpung 'bar bar gyur pa/ shin tu 'jigs pa chen po dang ldan par gyur pa'i dpung rgyan dang / lag gdub dang / smad ka dang / do shal dang / rkang gdub dang / mgul rgyan dang / rna gdub dang / dbu rgyan rnams kyis brgyan pa/ sgyu ma chen po dang / 'khor lo ma dang / ra tsa na dang / tsa tu raM khyim thab dang bcas pa'i khyab 'jug g.yon bskum pa'i zhabs kyis mnan nas legs par gnas par bsgom par bya ba yin no/ / de nas ni phyag rgya bcing bar bya ste/ lag mthil rdo rje bcings la sor mo rnams 'bar ba'i snying por dbus su mthe bong gnyis mthor byas te/ sngags bzla bar bya ba'o/ /oM badzra dz+wA lA na lA rka hUM bya ba'o/ /rdo rje 'bar ba'i sgrub thabs so// //a b+ha ya las dge slong tshul khrims rgyal mtshan gyis bsgyur ba'o/ /[ ]@##/ /rgya gar skad du/ bar ma'i shwa sA d+ha naM/ bod skad du/ rta mchog gi sgrub thabs so/ de kho na bzhin du nyi ma dang yi ge hUM mthing nag las byung ba'i rta mchog dmar po zhal bzhi phyag brgyad pa/ zhabs bzhi pa ste/ zhal dang po ni khro bo'i sgeg bag dang ldan pa'i spyan gsum pa'o/ /g.yas pa ni drag dang ldan pa'o/ /g.yon pa ni tshangs pa'i zhal lo/ /spyi bo na ni 'gying bag dang ldan zhing so tshigs kyi ma ko bsdams pa'i rta'i zhal ljang gu'o/ /g.yas pa'i phyag gcig gis ni sna tshogs rdo rje dang bcas pas ba dan rtse gsum pa bsnams nas bslang ba'i stang stabs mdzad pa'o/ /g.yon pa'i phyag bsnyal ba gcig gis ni sna tshogs pad+ma bsnams par mdzad pa'o/ /yang g.yas pas ba dan rtse gsum pa'i rnam par bslang ba'i stang stabs mdzad pa'o/ /yang phyag g.yon pas 'khor lo bsnams pa'o/ / yang phyag g.yas pa gnyis kyis ni ral gri dang mda'o/ /g.yon pa'i phyag lhag ma gnyis kyis ni dbyug to dang gzhu bsnams pa'o/ /zhabs g.yas pa brkyang bskum du mdzad pa gcig gis ni dbang mo dang dpal mo mnan nas gnas pa'o/ /g.yas kyi zhabs gnyis pas ni dga' ma dang sdug ma'o/ /g.yon pa'i zhabs dang po gcig gis ni dbang po dang mngar byed kyang ngo / /g.yon pa'i zhabs gnyis pas ni rgyal byed dang gnas ldan yang ngo / /de ltar bdag nyid bsgom par bya ba yin no/ /phyag rgya ni sna tshogs rdo rje dang / ba dan rtse gsum pa slong ba ni rta mchog gi phyag rgya'o/ / sngags ni/ oM sum+b+ha ni sum+b+ha hUM/ zhes bya ba'o/ /rta mchog gi sgrub thabs so// //mkhas pa a b+hA ya las dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ AR+Ya rak+ta ya mA ri sA d+ha naM/ bod skad du/ 'phags pa gshin rje gshed dmar po'i sgrub thabs/ gshin rje'i mgor bzhugs pa la phyag 'tshal lo/ /dang por re zhig sngags pas bde ba'i stan la nye bar gnas te/ sgrub pa pos rang gi snying gar yi ge aM dmar po las nges par grub pa'i nyi ma'i dkyil 'khor rnam par bsgom par bya ba'o/ /de'i steng du yi ge hUM dmar po rnam par bkod pas gshin rje gshed dmar po dang / bla ma dang sangs rgyas dang byang chub sems dpa' rnams mdun du dmigs la/ me tog la sogs pas legs par mchod cing phyag kyang 'tshal zhing gsum la skyabs su 'gro ba la sogs pa byas la stong pa nyid bsgom par bya ste/ oM stong pa nyid kyi ye shes kyi rdo rje'i rang bzhin gyi bdag nyid ni nga yin no bar ro/ /de'i rjes la yi ge aM dmar po las skyes pa'i nyi ma'i dkyil 'khor gyi steng du yi ge hUM ngo / /de yongs su gyur pa las 'dzag pa dang ldan pa'i mgo bos mtshan pa'i