བོད་ཡིག

e-texts based on the ACIP/ALL Input

mtshan gyis bsgyur ba'o/ /[ ]@##/ /rgya gar skad du/ ka wo ka ta mA rI ts+yai sA d+ha naM/ bod skad du/ rtog pa las gsungs pa'i 'od zer can gyi sgrub thabs/ 'od zer can ma la phyag 'tshal lo/ /bla med bde ba la ni chags med par/ /shes rab pha rol gshegs pa'i bla ma la/ /legs par phyag 'tshal rtogs pa'i 'od zer can/ /sgrub thabs bzang rnams don du bri bar bya/ /de la dang por re zhig rnal 'byor pas skye dgu mtha' dag bsgral bar 'dod pa'i lhag pa'i bsam pas o phaT bya ba'i sngags 'dis snying ga dang / mgul pa dang / smin mtshams dang / spyi bo rnams su khro bo'i khu tshur bzhag la/ oM mA rA ts+yai bgegs tshar chod hUM phaT ces bya ba 'dis kyang bgegs nges par bcom ste/ rang gi snying gar yi ge oM yongs su gyur pa las nyi ma la yi ge maM ser po bsgom par bya ba'o/ /de las nges par byung ba'i 'od zer can gyi tshogs 'phros pas nam mkha' las yang dag par spyan drangs la bcom ldan 'das ma mdun du bzhugs su gsol bar bya ste/ ser mo zhal gsum spyan gsum ma la phyag brgyad ma/ g.yas kyi zhal ni dmar mo'i rnam par bsgyur ba'i mthing nag go/ /g.yon pa ni phag gi zhal lo/ /g.yas pa'i phyag bzhi ni rdo rje dang / lcags kyu dang mda' dang khab bsnams pa'o/ /g.yon pa'i phyag bzhis ni shing mya ngan med lo 'dab dang ldan pa dang / gzhu dang / skud pa dang sdigs mdzub bsnams pa'o/ /dbu rgyan la ni rnam par snang mdzad de/ sna tshogs pa'i rgyan dang ldan pa/ mchod rten gyi nang na bzhugs pa/ na bza' dmar po dang stod shag bsnams pa/ phag bdun gyi shing rta la g.yas bskum pa'i zhabs kyis bcibs pa ste/ yi ge yaM gis bskyed pa'i rlung gi dkyil 'khor la yi ge haM las byung ba'i gza' chen po sgra gcan 'dzin nyi ma dang / zla ba gnyis bzung ba/ kun nas gnas par gyur pa'i shing rta'i dbus na lha mo bzhis yongs su bskor ba'o/ /de la shar gyi phyogs su ni bet+ta lI ste dmar mo phag gi zhal zhi ma/ g.yas pa'i phyag gis ni khab dang lcags kyu bsnams pa/ g.yon gyi phyag gi sa ni zhags pa dang shing mya ngan med bsnams pa dang stod shag dmar po bsnams pa yin no/ /de bzhin du lhor ni ba dA li ste ser mo g.yon pa'i phyag na shing mya ngan med dang khab po/ /g.yas pa'i phyag na rdo rje dang zhags pa'o/ /gzhon nu ma'i gzugs su gyur pa lang tsho la bab pa dang rgyan rnams dang ldan pa'o/ /de bzhin du nub phyogs su ni ba rA li dkar mo g.yas pa'i phyag na rdo rje dang / khab dang zhags pa dang / shing mya ngan med ni g.yon pa'i phyag na bsnams pa dang / zhabs g.yas bskum pa dang gzugs legs pa yang yin no/ /de bzhin du byang phyogs kyi cha na phag gi gdong pa ste dmar mo spyan gsum ma phyag bzhi ma/ phyag g.yas pas ni rdo rje dang mda' dang ldan pa'o/ /phyag g.yon pas ni shing mya ngan med dang gzhu bsnams pa dang / lha rdzas kyi sku dang ldan par yang bsgom par bya ba'o/ /mchod pa dang phyag 'tshal ba dang / bstod pa dang / sdig pa bshags pa dang / bsod nams la rjes su yi rang ba dang / yongs su bsngo ba dang / gsol ba gdab pa dang / skyabs su 'gro ba dang / byang chub tu sems bskyed pa dang / lam la brten par bya ba la sogs pa rnams kyang byas shing tshangs pa'i gnas bzhi yang bsgoms la/ oM stong pa nyid kyi ye shes kyi rdo rje'i rang bzhin gyi bdag ni nga yin no zhes bya bas/ stong pa nyid kyi ting nge 'dzin la dmigs par bya ba'o/ /de nas nyi ma'i dkyil 'khor la yi ge oM gyis bskyed pa'i rnam par snang mdzad seng ge'i khri la bzhugs pa/ sku mdog dkar po ral pa dang dbu rgyan dang ldan pa/ byang chub mchog gi phyag rgya bcings pa zhi bar gyur pa/ rgyan rnams thams cad kyis brgyan pa'o/ /de'i thugs ka'i zla ba la yi ge nyi shu rtsa lngas yongs su bskor ba'i sa bon gyi yi ge maM yongs su rdzogs pa las shing mya ngan med lo 'dab dang ldan pa'o/ /de'i steng du zla ba la sa bon maM mo/ /de dag rnams thams cad yongs su gyur pa las ji skad du bshad pa'i sku mdog dang phyag la sogs pa'i mtshan nyid dang ldan pa'i 'od zer can gyi skur bdag nyid skad cig gis bsgom par bya ba'o/ /oM mA rI ts+yai bat+tA li ba dA li ba rA li ba rA hA mu khi A kaR+Sha ya dzaHswA hA/ zhes bya ba 'dis bat+tA li shar phyogs su dgod par bya ba'o/ /de bzhin du oM mA ri ts+nyai bat+tA li ba dA li ba rA li ba rA hA'i gdong ma rungs pa dang rab tu ma rungs pa rnams thams cad kyi kha chings chings hUM swA hA/ zhes bya ba 'dis lho phyogs su ba dA li'o/ /de bzhin du oM mA rI ts+yai bat+tA li ba dA li ba rA hA'i gdong ma rungs pa thams cad kyi kha rengs par baM swA hA/ zhes bya bas nub tu ba rA li'o/ /de bzhin du oM mA rI ts+yai bat+tA li ba dA le ba rA li ba rA hA phag gi gdong ma sems can thams cad dbang du 'gyur bar hoHswA hA/ zhes bya ba 'dis kyang byang du ni phag gdong ma yin no/ /oM mA rI ts+yai maM hAM hUM phaT phaT swA hA/ bya ba'i sngags 'di bsgoms pa'i rjes la bzlas par bya'o/ /de ltar thun tshod gsum du byin gyis brlabs la lha'i rnal 'byor gyis rgyu bar bya ba yin no/ /rtog pa nas gsungs pa'i 'od zer can gyi sgrub thabs so/ /paN+Di ta chen po a b+ha ya'i zhal snga nas dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ mA rI ts+yai sA d+ha naM/ bod skad du/ 'od zer can gyi sgrub thabs/ 'od zer can