བོད་ཡིག

e-texts based on the ACIP/ALL Input

dam tshig gsum gyi rgyal po'i rtog pa nas gsungs pa/ /rdo rje 'dzin pas legs par gsungs pa'i bstod pa'o/ /dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ stu ti a nu shaM sa/ bod skad du/ bstod pa'i phan yon/ /'di dag sangs rgyas thams cad kyi/ /yang dag yon tan rgya chen yin/ /de dag lan cig brjod pas kyang / /gang phyir sngags pas thams cad 'grub/ /bstod pa'i rgyal po 'di dag gis/ /de bzhin gshegs pa mnyes byed de/ / bskal par gnas dang lhag pa dang / /dngos grub rgya chen ster bar gsungs/ /blta bas chog mi shes pa yi/ /bdag nyid sku yang ston par mdzad/ /rnam par snang mdzad mgon po che/ /mi bskyod pa dang rin chen 'byung / /dag pa'i rgyal ba snang mtha' yas/ /don yod grub rgyal thams cad kyis/ /gser 'gyur dang ni bcud kyis len/ /de nyid mchog kyang rab tu sbyin/ /dngos grub dgar gyur rnams yangs shing / /ma lus don rnams phun tshogs pa/ /bsam pa kun yang rdzogs byed pa'i/ /yid la sems pa ster bar mdzad/ / shes rab che dang stobs shugs rnams/ /mchog tu dge ba snang bar mdzad/ /ces pa bstod pa'i phan yon dang bcas pa 'di nyid ni rnal 'byor chen po'i rgyud rdo rje'i dkyil 'khor gyi rgyan las gsungs pa yin no/ /dge slong tshul khrims rgyal mtshan gyis bsgyur ba'o// // @##/ /rgya gar skad du/ tri sa ma yaM sa ma ya sA d+ha naM/ bod skad du/ dam tshig gsum gyi dam tshig gi sgrub thabs/ sangs rgyas la phyag 'tshal lo/ /dam chos gshe bar mi bya zhing / /spang bar nam yang ma yin no/ /rdzogs sangs rgyas dang byang chub sems/ /de dag kun min bya ba min/ /bla ma dbang bya brnyas mi bya/ /lus can rnams ni brdeg mi bya/ /sngags dang phyag rgya rang mi bya/ /chud kyang nges par mi gsan no/ /ser sna dang ni chang btung bar/ /nam yang bya ba ma yin no/ /rdo rje'i gzugs ni mi 'gong zhing / /bza' bar bya ba nyid kyang min/ /nyal khri stan du mi bya zhing / /phyag rgya sogs la ma gus spang / /bla ma dag gam lha la yang / /byis pa'i chos nyid mi bya'o/ /rang bzhin bzang dang nyes byed la'ang / /mngon spyod bya ba ma yin no/ /nyon mongs bya min byed gzhug dang / /yid rang bar yang mi bya'o/ /mdor na bdag gzhan rjes mi mthun/ /gang yin de dag spang bar bya/ /dam tshig 'di ni rtog chen dpal/ /dam tshig gsum gsungs dam tshig yin/ /g.yo sgyu dang ni log 'tsho dang / /dri ma la dga' tshogs par 'du/ /yid gnyis za bar byed pa dang / /yo byad phal cher yongs su 'dzin/ /snyom las zhum pa'i sems nyid dang / /bdag bstod la sogs de bzhin te/ /bar chad byed par gyur pa'i chos/ /rtog pa'i rgyal po las 'di gsungs/ /skyon 'di rnams las nges grol zhing / /sngar bshad dam tshig la gnas na/ / 'du 'dzi kun spangs dang bar ldan/ /rdzogs pa'i byang chub la yid brtan/ /lus ngag yid kyi 'jug pa kun/ /skye dgu skyob phyir phan brtson pas/ /dngos grub dam tshig gsum gsungs pa/ /'dod pas cho ga bzhin du bsgrubs/ /paN+Di ta chen po rin chen 'byung gnas sbas pas mdzad pa'i dam tshig gi sgrub thabs rdzogs so/ / //dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ badzra A sa na sA d+ha na/ bod skad du/ rdo rje gdan gyi sgrub thabs/ sangs rgyas la phyag 'tshal lo/ /yon tan tshogs ldan gzhan don bla mar gyur pa'i de bzhin gshegs rnams thams cad la ni 'dud/ /dpal ldan rdo rje gdan zhes bya bas brgyan pa'i lus can 'khor ba'i skyon gyis bzung ba rnams/ /reg tu mi 'dod sangs rgyas mchog nyid dul ba bsdams pa dam pa'i sgrub thabs de nyid ni/ /de bzhin gshegs pa la sogs kha dog sna tshogs mdzes pa'i sku de dag ni legs par bri/ /de las mdun du 'chad par 'gyur ba'i tshul gyi mdog dang phyag la sogs pa dang ldan pa'i bcom ldan 'das legs par bsams la me tog