བོད་ཡིག

e-texts based on the ACIP/ALL Input

mtshan dang / rdo rje dang / rdo rje zhags pa dang / rdo rje lcags kyu dang / 'khor lo dang / rtse gsum dang / dung dang / rdo rje zhags pa dang / rin po che'i za ma tog gi mtshan ma shin tu gsal ba bri'o/ /dge ba 'dod pas mtshon cha thams cad rtse mo phyir bstan pa bri'o/ / ji ltar mthong ba bzhin du bris pa yin no/ /so sor 'brang ba'i bsrung ba'i 'khor lo bri ba'i thabs/ slob dpon rat+na A ka ra shAn+ti sa mdzad pa rdzogs so/ /@/ /so sor 'brang ma'i sgrub thabs bzhugs/ /[ ]@##/ /so sor 'brang ma chen mo la phyag 'tshal lo/ /sngar bstan pa'i cho gas stong pa nyid bsgoms pa'i rjes la/ a las skyes pa'i zla ba'i dkyil 'khor du yi ge praM ser po 'od zer sna tshogs las sems can gyi don byed pa ste/ de yongs su gyur pa las skad cig gis bcom ldan 'das ma chen mo so sor 'brang mar bdag nyid bskyed par bya'o/ /mdog ser mo zhal bzhi pa spyan gsum pa/ phyag brgyad pa ste/ zhal dang po ser po dang / g.yas pa dkar pa/ rgyab sngo ba/ g.yon dmar po/ g.yas kyi phyag rnams kyis ral gri dang / 'khor lo dang / rtse gsum dang / mda' rnams dang / g.yon gyi phyag rnams kyis gzhu dang / zhags pa dang / dgra sta dang / rdo rje rnams 'dzin pa'o/ /sna tshogs pad+ma zla ba'i dkyil 'khor gyi gdan la rol pas bzhugs pa/ 'od zer dmar po'i dkyil 'khor can/ rgyan thams cad kyis brgyan pa/ gos sna tshogs kyi na bza' bsnams pa/ shing nga dpung chad dang / rin po che sna tshogs kyi dbu rgyan can/ 'di ltar bsams la/ sku dang gsung dang thugs rnams kyi zla ba'i dkyil 'khor la/ oM AHhUM dkar po dang / dmar po dang / sngon po'i yi ge gsum bsam par bya'o/ /de nas nu ma'i dbus su zla ba la gnas pa'i yi ge praM bsams nas/ sna tshogs pa'i lha mo rnams kyis bdag nyid mchod par bsams te/ ji srid du ngal bar ma gyur pa de srid du spro bas bsgom par bya'o/ /ngal bar gyur na rang gi snying ga'i zla ba la sngags mu tig gi phreng ba'i tshul du bzlas par bya'o/ /oM na Ni d+ha ri badzri ma tA pra ti sA re hUM hUM phaT phaT swA hA/ zhes pa ni sngags so/ /so sor 'brang ma'i sgrub thabs rdzogs so//[ ]@##/ /rma bya chen mo'i sgrub thabs bzhugs/ /@#/ /de bzhin du sngar bstan pa'i cho gas stong pa nyid kyi rjes la sna tshogs pad+ma dang zla ba la/ maM yig ljang gu yongs su gyur pa las/ 'phags ma rma bya chen mo mdog ljang gu /zhal gsum pa/ phyag drug pa/ zhal so so la spyan gsum pa ste/ zhal g.yas dang g.yon sngon po dang dkar po'o/ /g.yas kyi phyag gsum la go rims bzhin du rma bya'i mjug sgro dang / mda' dang mchog sbyin pa'o/ / phyag g.yon pa gsum na rin po che'i snye ma dang / gzhu dang / phang par gnas pa'i bum pa'o/ /sna tshogs pa'i rgyan dang sham thabs can/ sgeg pa lang tsho la bab pa'i cha lugs can/ zla ba'i 'od dang ldan pa'i gdan can/ phyed kyi skyil krung can/ don yod grub pa'i dbu rgyan can du skad cig gis bskyed la/ de'i spyi bo dang / lkog ma dang / snying ga dang / lte ba rnams su zla ba la go rims ji lta bar/ oM AHmaM hUM zhes pa'i yi ge bsams te spro ba dang bsdu ba bya'o/ /de nas ngal na sngags bzlas par bya ste/ oM ma hA mA yU ri bid+yA rA dz+nyI hUM hUM phaT phaT swA hA/ zhes pa'o/ /'phags ma rma bya chen mo'i sgrub thabs rdzogs so//[ ]@##/ /stong chen mo rab tu 'joms ma'i sgrub thabs bzhugs/ @#/ /de bzhin thams cad sngar gyi cho gas stong pa nyid kyi rjes la/ stong chen mo rab tu 'joms ma dkar mo zhal gcig phyag drug pa ste/ g.yas kyi phyag gsum na go rims bzhin du ral gri dang / mda' dang mchog sbyin pa'o/ /g.yon gyi phyag gsum na gzhu dang / zhags pa dang sta re'o/ /sna tshogs pa'i cha byad can/ na bza' dang / rgyan dang dbu rgyan dang ldan pa/ gzugs dang lang tsho dang ldan pa/ sgeg pa la sogs pa'i yon tan dang ldan pa/ rnam par snang mdzad kyi dbu rgyan can/ sa bon bruM yig las byung ba'o/ /pad+ma dang zla ba'i 'od can mo/ /stong chen mo rab tu 'joms ma'i sgrub thabs rdzogs so//[ ]@##/ /gsang sngags rjes su 'dzin ma'i sgrub thabs bzhugs/ /@#/ /gsang sngags rjes