བོད་ཡིག

e-texts based on the ACIP/ALL Input

rdzogs so/ / //zangs dkar 'phags pa shes rab kyis bsgyur ba'o/ /[ ]@##/ /gtsug tor gdugs dkar mo la bstod pa/ /srid gsum ston pa lha yi lha/ /mtshungs med bde gshegs shAkya seng ge yi/ /mthon mthing g.yas su 'khyil ba'i spyi gtsug nas/ /ya mtshan rmad byung lha mo khro rgyal gtso/ /khams gsum dag na khyod 'dra'i mgon med de/ /thugs rje'i dbang phyug bkra shis mchog gi lha/ /sku mdog gangs ri'i rtse la nyi shar 'dra/ /zhal mang stong la spyan mang bye ba brgya/ /srid pa'i btson rar sems can nyam thag pa/ /dus gsum gzigs nas sems can grol mdzad de/ /zhal stong phyag stong spyan stong rnams kyis ni/ /kun la khyab mdzad khyod la phyag 'tshal bstod/ /bdud dang bgegs rigs phas kyi rgol ba rnams/ /spyan mang gzigs pas khro gnyar 'ga' ston pas/ /gnod pa'i rgyun rnams gtan nas 'joms mdzad pa/ /rgol ba tshar gcod khyod la phyag 'tshal bstod/ /ma rig nor bas bslus pa'i sems can rnams/ /rang gi las nyid rnam par smin pa yi/ /'du ba rnam bzhi'i ri mas nad mi bzad pa/ /zhi mdzad thugs rje can la phyag 'tshal bstod/ /ji ltar khyod kyis sems can mang po la/ /thugs rje mchog gis 'gro don nyer bzung nas/ /srid gsum 'jigs pa che las bsgral gyur cing / /sdug bsngal mang po'i nad las thar mdzad ltar/ /bdag kyang khyod bzhin 'gro ba'i mgon gyur te/ /sems can klu yi zhags pas zin pa dang / / nad kyi bskal pas nyen pa'i sems can la/ /sdug bsngal sel ba'i skyabs su da gyur cig /'phags pa gdugs dkar mo can la bstod pa rdzogs so//[ ]@##/ /rgya gar skad du/ Ar+ya ta thA ga toSh+NI Sha si tA ta pa tre nA ma a ba rA dzi ta u pa de sha /bod skad du/ 'phags pa de bzhin gshegs pa'i gtsug tor nas byung ba'i gdugs dkar mo can gzhan gyis mi thub pa zhes bya ba'i nye bar bshad pa/ bcom ldan 'das gdugs dkar mo can la phyag 'tshal lo/ /snying rje chen pos sems bskyed de/ maN+Dal legs par byugs te thig le dang me tog gi tshom bu bkram nas spyan drangs pa dang / mchod pa sngon du 'gro bas legs pa dang ldan pa la mchod pa dang gtor ma sbyin par bya'o/ /de nas maN+Dal la a las zla ba la oM bsams la/ 'od kyis spro ba dang / bsdu ba byas pa las bcom ldan 'das ma gdugs dkar mo zhal gsum ma/ zhal gsum la spyan gsum gsum yod pa'o/ /sngo ba dang dmar ba ni g.yon dang g.yas kyi zhal la'o/ /rgyan sna tshogs pas brgyan pa phyag brgyad pa/ g.yas kyi dang po na gdugs dkar po/ gnyis pa na 'khor lo/ gsum pa na lcags kyu/ bzhi pa na gzhu'o/ /g.yon dang po na rgyal mtshan 'dzin pa'o/ /gnyis pan rdo rje dkar po'o/ /gsum pa mda'o/ /bzhi pa na zhags pa dang bcas pa'i sdigs mdzub ni g.yon pa'o/ /khros pa'i stangs dang bcas pas ma rungs pa thams cad 'jigs par byed pa'o/ /'od zer lcags kyu dang 'dra bas ye shes kyi lha dgug pa dang gzhug pa dang bcing ba dang dbang du bya'o/ /dbang du bskur ba la bai ro tsa na'o/ /phyag dang mchod pa byas nas sngon du byas te dmigs pa bcu bzhis bklag par bya'o/ /legs pa dang ldan pa la gzungs kyis bstod pa bya'o/ /yang na mdun du dmigs te bstan pa ltar kun yid kyis bya ba yin no/ / dmigs pa bcu bzhi ni phyag gi dmigs pa dang / thams cad zlog pa dang / ri khrod lo ma can nyi shu rtsa gnyis dang / bdag bsrung ba dang / bcom ldan 'das ma'i che ba dang / 'jigs pa brgyad bzlog pa dang / gdon chen po nyi shu rtsa bzhi bzlog pa dang / rig sngags gcod pa dang / ma mo brgyad dang / dam tshig can bcu bzhi'i sngags dang / thams cad bzlog pa dang / nad thams cad bsrung ba dang / thams cad bzlog pa dang / lus la gdags pa dang / 'di dang phyi mar phun sum tshogs pa dang / bu sri dang g.yul zhi ba dang / khyad par du bdag bsrung ba dang / char dbab pa'o/ /gshegs pa dang bsdu ba byas te/ ji ltar bde bar gnas par bya'o/ /'phags pa de bzhin gshegs pa'i gtsug tor nas byung ba'i gdugs dkar mo can gzhan gyis mi thub pa zhes bya ba'i nye bar bshad pa bla ma rdo rje gad na pas mdzad pa rdzogs so// //paN+Di ta chen po de nyid dang /