<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
D3084: 'phags pa gzhan gyis mi thub pa gdugs dkar mo can gyi gtor ma'i cho ga zhes bya ba<br><table><tr><td>
<input type="button" onclick="location.href='tcompletep.php?id=D3084&coll=TD&volcur=0';" value="show page break" />
<td width=150><td>
<input type="button" onclick="location.href='tcompletel.php?id=D3084&coll=TD&volcur=0';" value="show line break" />

<td width=150><td>
<a href="tcompleteu.php?coll=TD&id=D3084&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">shes rab kyis bsgyur ba'o/ /[ ]@##/ /rgya gar skad du/ Ar+ya si tA ta pa tre a pa rA dzi ta ba bo ta bi bye nA ma/ bod skad du/ 'phags pa gzhan gyis mi thub pa gdugs dkar mo can gyi gtor ma'i cho ga zhes bya ba/ 'phags ma gdugs dkar mo can la
 phyag 'tshal lo/ /'phags ma thugs rje'i rang bzhin can/ /'byung po kun la mnga' mdzad ma'i/ /khro mo'i sku la phyag 'tshal nas/ /stong bzlog gtor ma bshad par bya/ /ba liM gzhal yas khang bsam bri/ /pho brang zlum por bya ba mchog /sna tshogs rdo rje rgya gram la/ /
 pad+ma 'dab ma brgyad kyis bskor/ /de bzhin 'khor lo rtsibs brgyad de/ /phyi rol dkyil 'khor sgo bzhir ldan/ /kha dog 'jig rten pa dang mthun/ /sgo rgyan la sogs de bzhin no/ /de nas lha rnams dgod par bya/ /dbus kyi pho brang zlum po dang / /yum chen gdugs dkar
 'khor lo dang / /tshangs pa lha yi gtso bo dang / /gsol kha'i pho nya las byed pa/ /sring mo ming por bcas pa'o/ /sna tshogs rdo rje'i ra bzhi la/ /rgyal chen bzhi po rim bzhin dgod/ /pad+ma 'dab ma brgyad po la/ /brgya byin gshin rje klu chen brgyad/ /gnod sbyin rnams ni
 rim pa bzhin/ /phyogs bzhi dag tu dgod par bya/ /me lha srin po rlung lha dang / /lha chen brgyad rnams mtshams bzhir dgod/ /de bzhin 'khor lo rtsibs brgyad la/ /'byung po dang ni gza' gdon dang / /sa bdag dang ni lha ma yin/ /rim pa bzhin du phyogs bzhir dgod/ /
 mi 'am ci dang mkha' 'gro ma/ /ma mo'i tshogs dang nam mkha' lding / /rim pa bzhin du mtshams bzhir dgod/ /lto 'phye dang ni rnal 'byor ma/ /klu yi gdon dang 'byung po'i tshogs/ /dkyil 'khor sgo bzhir dgod par bya'o/ /de nas g.yos kyi rnam pa ni/ /rak+ka dang ni bo
 de tse/ /lung thang dang ni lha yi mig /phreng ba za ba rnams la sbyin/ /'bras chang rgun chang la sogs pa/ /zas su sems 'phrog rnams la sbyin/ /'o ma zho dang kha ra ni/ /srog rnams 'phrog la sbyin par bya/ /shing thog rnam pa sna tshogs pa/ /'bras bu za ba rnams la sbyin/ /
 bong rtsi zas sgyugs za la'o/ /bdug pa za ba spos sna tshogs/ /mngar gsum sbyar ba mngal za la'o/ /btsos dang rjen pa sha sna tshogs/ /sha za ba la sbyin par bya'o/ /sbrang rtsi mchil ma 'thung ba la'o/ /khur ba rnam pa sna tshogs pa'o/ /gtor ma za ba rnams la sbyin/ /lag pa
 sbyin sreg za ba la'o/ /rkang dang rkang mar bcas pa ni/ /rkang za ba la rab tu sbyin/ /'bru ni rnam pa sna tshogs pa/ /lo thog za ba rnams la sbyin/ /thang skyes chu skyes me tog rnams/ /me tog za ba rnams la sbyin/ /la phug sgog btsang la sogs pa/ /mi
 gtsang za ba rnams la sbyin/ /tshil ni rul dang ma rul ba/ /tshil za ba la sbyin par bya/ /bya mo'i sgo nga 'byor thang pa/ /zas su snabs za ba la sbyin/ /sha rul yibs sums song ba rnams/ /rnag za ba la sbyin par bya/ /bya pho las byung sgo nga 'di/ /ngar snabs za ba rnams la sbyin/
 khrag rnag mang po ji snyed pa/ /zas su khrag 'thung rnams la sbyin/ /sha rnams btsos pa'i zhag rnams ni/ /zas su zhag za rnams la sbyin/ /bu ram shing kun sbyar ba ni/ /btsas pa za ba rnams la sbyin/ /ga pur gur kum la sogs pas/ /zas su dri za ba la sbyin/ /kun gyis lhag
 ma bsdus pas ni/ /lhag ma za ba rnams la sbyin/ /chu sna mang po bsdus pa ni/ /stor khung 'thung ba rnams la sbyin/ /sha dang khrag dang sgog btsang rnams/ /bgegs rigs 'khor du gyur la sbyin/ /de nas 'jam dpal gzhon nu yi/ /rgyud kyi gdams pas gtor ma sbyin/ /
 'di yis nye bar mtshon pa ni/ /kun la mkhas pas shes par bya/ /de la lag pa'i thal mo khong stong du sbyar la/ oM swa b+hA ba bi shud+d+hA/ sarba d+harmaHswa b+hA ba bi shung+d+hou0f85haM/ zhes pas phreng ba'i dri ma sbyang ngo / /lag pa'i thal mo khong stong du sbyar la sor mo rnams rtse sprad de/ tshigs zur
 can rin bo che'i sgrom bu ltar byas la/ na maHsarba ta thA ga to b+h+yo bi shwa mu khe b+h+yaHsarba ta da khaM ung+ga te sga ra na nyi saM ga ga na khaM swA hA/ phreng ba rgya chen por sprul la rnam pa mi 'gyur ba'i bdud rtsi'i zas phun sum tshogs par bsam mo/ /lag pa thal mo sbyar ba phyir bkyed de/ mthe bo
 gnyis bsnol te kha phye la/ oM a mr-i ta kuN+Da li ha na ha na hUM phaT kyis gang mos su bsgyur ro/ /lag pa g.yas pa khu tshur bcangs nas mdzub mo bsgreng ste/ na maHsarba ta thA ga ta a ba lo ki te/ saM b+hA ra saM b+hA ra hUM gis 'dod yon la sogs pa thams cad longs spyod nus par bsam
 mo/ /lag g.yas rdo rje khu tshur snying gar bstan la/ g.yon mchod sbyin gyis snod 'debs pa'i tshul du byas nas/ oM dz+nyA na a ba lo ki te/ na maHsa man+ta spa ra Na rasmi b+ha ba sa ma ya/ ma hA ma ni du ru du ru/ hr-i da ya dza la ni hUM zhes brjod pas mgron rnams kyis so sor thob cing /
 tshim par bsam mo/ /lag pa thal mo khong stong du sbyar la/ sor mo rnams nang bsnol te/ mthe bong gshibs nas brkyang la/ na maHsa man+ta bud+d+hA T+wAM/ gra he shwa ri dza la ni sa ma ya swA hA/ zang zing dang chos kyi sbyin pa'o/ /de nyid dbang du bsdu'o/ /bstod cing phrin las la sbyar
 ro/ /gtor ma thams cad de bzhin du shes par bya'o/ /de nas rang las kyi lha mo'i thugs ka'i oM gyi 'od kyis gtso 'khor rnams spyan drang bar bya ste/ hUM bcom ldan gdugs dkar 'khor bcas rnams/ /tshur gshegs 'dir ni bzhugs su gsol/ /mchod yon zhal bsil
 bzhes nas kyang / /pad+ma'i gdan la bzhugs su gsol/ /na maHsa man+ta bud+ha mAM/ ga ga na pra ba ra sang+ka ra~M` pad+ma le sa ma ya s+t+waM/ rgyal chen bzhi dang phyogs skyong bcu/ /'byung po gza' gdon sa bdag dang / /lha min mi'am mkha' 'gro ma/ /ma tshogs mkha' lding 'dir
 gshegs shig / lto 'phye che dang rnal 'byor ma/ /klu yi gdon dang 'byung po'i tshogs/ /spyan 'dren mchod 'bul snyan gsan 'bebs/ /thugs dam rgyud bskul gshegs su gsol/ /oM e bye hi lo ka pA la sa pa ri wA ra sa ma ya s+t+waM/ zhes pas dkyil 'khor gye dam
 tshig la bstim par bya'o/ /de nas gtso mo ri khrod ma legs ldan 'jig rten pa'i tshogs dang bcas pa la rnam pa lnga dang / 'dod yon lnga lha mo brgyad la sogs pas khyad par mchod la/ rgyud kyi bstod pa bya'o/ /de'i rjes la gtor ma thams cad kyi phud kyis gtso mo la mchod de/
 de nas tshangs pa la sogs pa'i 'jig rten pa rnams la tshig 'di rnams kyis sbyin par bya'o/ /hUM 'jig rten mes po tshangs pa dang / /de yi btsun mo tshangs ma dang / /tshangs pa'i rgyal mo gtsug phud dang / /dkar mo'i 'od dang mchog 'od dang / /rin chen 'od dang snang ba'i 'od/ /
 sprin gyi 'od dang kun du 'joms/ /tshangs pa srid pa 'dzin la sogs/ /tshangs pa 'khor dang bcas pa la/ /phyag 'tshal bstod de mchod pa 'bul/ /tshad ma mchis pa'i gtor ma 'di/ /zas su phreng ba za ba la/ /rak+ka bo de tse las ni/ /gzhi blangs
 pa yi gtor ma ni/ /'jig rten dkon pa'i sman rnams la/ /snying po la sogs sbyar ba 'di/ /tshangs pa'i rgyal po 'khor bcas la/ /bsngos shing tshim pas dgyes gyur cig /khyed la phrin las zhu ba ni/ /bdag cag 'khor bcas thams cad kyi/ /tshe srog 'phrog rnams
 bzlog tu gsol/ /nyes pa thams cad bzlog pa dang / /tshe srog bar chad bzlog tu gsol/ /sring mo bzhi dang ming po gsum/ /rnam par rgyal ba mi pham ma/ /gzhan gyis mi thub dril bu ma/ /rgyal bar byed dang sbrang rtsir byed/ /don kun grub dang rgyal byed ma/ /ming sring 'khor
 dang bcas pa la/ /phyag 'tshal bsnyen bkur mchod pa 'bul/ /tshad ma mchis pa'i gtor ma 'di/ /zas su gcin 'thung zhes bya la/ /'bras chang rgun chang la sogs pa/ /'bru dang bcud du sbyar ba 'di/ /sring mo ming po 'khor bcas kun/ /bsngos pas tshim zhing dgyes
 gyur cig / khyed la phrin las zhu ba ni/ /bdag cag 'khor bcas thams cad kyis/ /bza' nyes pa dang bri nyes pa/ /sgom nyes pa la sogs pa yi/ /nyes pa ma lus zhi ba dang / /tshe srog srung zhing rgyas par mdzod/ /rgyal po chen po yul 'khor srung 'khor dang bcas pa la
 bsngo ba ni/ shar phyogs rgyal po yul 'khor srung / /btsun mo rdo rje yangs byed ma/ /dri za pho mo shugs chen dang / /ut+pal dang ni tsan+dan sogs/ /zur phud lnga la sogs pa yi/ /dri za'i rgyal po 'khor bcas la/ /phyag 'tshal bsnyen bkur mchod pa 'bul/ /tshad ma
 mchis pa'i gtor ma 'di/ /zas su srog 'phrog ces bya la/ /'o ma zho dang kha ra dang / /sman dang bcud sbyar gtor ma 'di/ /dri za 'khor dang bcas pa la/ /bsngos pas tshim zhing dgyes gyur cig /khyed la phrin las zhu ba ni/ /bdag cag 'khor bcas thams cad kyi/ /
 dri za'i gdon tshogs bzlog pa dang / /tshe srog bar chod bzlog tu gsol/ /rgyal po chen po 'phags skyes po 'khor dang bcas pa la bsngo ba ni/ lho phyogs rgyal po 'phags skyes po/ /btsun mo rdo rje 'dul mkhas ma/ /'khor ni grul bum mgul mdzes dang / /mgul nges
 dang ni ma nges dang / /kun du lha dang mngon shes ldan/ /bum lho can dang 'dod pa mchog /grul bum rgyal po 'khor bcas la/ /phyag 'tshal bsnyen bkur mchod pa 'bul/ /tshad ma mchis pa'i gtor ma 'di/ /zas su 'bras bu za ba la/ /shing thog sna tshogs gzhi
 blangs pa'i/ /'bru dang sman du sbyar ba 'di/ /grul bum 'khor dang bcas pa la/ /bsngos pas tshim zhing dgyes gyur cig /khyed la phrin las zhu ba ni/ /bdag cag 'khor bcas thams cad kyi/ /grul bum gdon tshogs bzlog pa dang / /tshe srog bar chod bzlog tu gsol/ /
 rgyal po chen po mig mi bzang 'khor dang bcas pa la bsngo ba ni/ nub phyogs rgyal po mig mi bzang / /btsun mo rdo rje myos byed ma/ /klu yi rgyal po rnams lung dang / /pad+ma chen po rgya mtsho dang / /ma gros 'od zer rgyal ba dang / /glog chen 'byin dang rin chen 'od/ /sog ma
 med la sogs pa la/ /phyag 'tshal bsnyen bkur mchod pa 'bul/ /tshad ma mchis pa'i gtor ma 'di/ /zas su sgyugs pa za ba la/ /sbrang rtsi la ni sbyar ba yi/ /rtsi dang bcud du sbyar ba 'di/ /mig mi bzang ni 'khor bcas la/ /bsngos pas tshim zhing dgyes gyur cig /
 khyed la phrin las zhu ba ni/ /bdag cag 'khor bcas thams cad kyi/ /klu yi gdon tshogs zhi ba dang / /tshe srog bar chod bzlog tu gsol/ /rgyal po chen po rnam thos sras 'khor dang bcas pa la bsngo ba ni/ byang phyogs rgyal po rnam thos sras/ /btsun mo rig ma phreng ldan dang / /gnod
 sbyin 'dzin dga'i ring po dang / /mig mi bzang dang nyi seng ge/ /seng ge dal rdob ser skya dang / /gnod sbyin rgyal po la sogs pa/ /phyag 'tshal bsnyen bkur mchod pa 'bul/ /tshad ma mchis pa'i gtor ma 'di/ /zas su bdug pa za ba la /spos sogs dri dang spos sbyar
 'di/ /byang phyogs gnod sbyin 'khor bcas la/ /bsngos pas tshim zhing dgyes gyur cig /khyed la phrin las zhu ba ni/ /bdag cag 'khor bcas thams cad kyi/ /gnod sbyin gdon tshogs zhi ba dang / /nad dang sdug bsngal bzlog tu gsol/ /brgya byin
 'khor dang bcas pa la bsngo ba ni/ shar phyogs dbang ldan brgya byin dang / /dri za'i rgyal po tam+bu ra/ /yid 'ong yid dag 'od sbyangs dang / /'jam snyan dbyangs dang nyi zer dang / /yid 'phrog gtso bo la sogs pa/ /phyag 'tshal bsnyen bkur mchod pa 'bul/ /tshad ma mchis
 pa'i gtor ma 'di/ /zas su mngal za zhes bya la/ /mngar gsum rtsi sman sbyar ba 'di/ /phyogs skyong dri za 'khor bcas la/ /bsngos pas tshim zhing dgyes gyur cig /khyed la phrin las zhu ba ni/ /bdag cag 'khor bcas thams cad kyi/ /dri za'i gdon tshogs bzlog pa dang / /
 tshe yi bar chod bzlog tu gsol/ /gshin rje 'khor dang bcas pa la bsngo ba ni/ gshin rje long ba'i rgyal po dang / /ded dpon rje mo sring mo dang / /ma mo dang ni lha ma srin/ /dus mtshan dang ni sha za mo/ /gshin rje'i rigs kyi gdon rnams la/ /phyag 'tshal bsnyen bkur mchod pa 'bul/ /
 tshad ma mchis pa'i gtor ma ni/ /zas su sha za zhes bya la/ /btsos dang sha chen gtor ma 'di/ /gshin rje 'khor dang bcas pa la/ /bsngos pas tshim zhing dgyes gyur cig /khyed la phrin las zhu ba ni/ /bdag cag 'khor bcas thams cad kyi/ /gshin rje'i gdon tshogs
 bzlog pa dang / /pha rol rig sngags bzlog tu gsol/ /klu rgyal 'khor dang bcas pa la bsngo ba ni/ klu rgyal dga' bo nye dga' bo/ /mtha' yas 'jog po stobs kyi rgyu/ /rigs ldan dung skyong pad+ma dang / /chu lha nor rgyas la sogs la/ /phyag 'tshal bsnyen bkur mchod pa 'bul/ /
 tshad ma mchis pa'i gtor ma 'di/ /zas su mchil ma 'thung ba la/ /bong rtsi bcud du sbyar ba 'di/ /klu yi rgyal po 'khor bcas la/ /bsngos pas tshim zhing dgyes gyur cig /khyed la phrin las zhu ba ni/ /bdag cag 'khor bcas thams cad kyi/ /klu gdon thams cad zhi ba dang / /
 klu dug rig sngags bzlog tu gsol/ /gnod sbyin 'khor dang bcas pa la bsngo ba ni/ gnod sbyin rgyal po ku be ra/ /'brog gnas mched lnga gang ba bzang / /nor bu bzang dang lag brgya pa/ /lnga rtsen lnga brtsegs phyis la ser/ /gnod sbyin rgyal po la sogs pa/ /phyag
 'tshal bsnyen bkur mchod pa 'bul/ /tshad ma mchis pa'i gtor ma 'di/ /zas su gtor ma za ba la/ /khur ba sna tshogs bcud dang sbyar/ /spyan gzigs sna tshogs bcas pa 'di/ /gnod sbyin 'khor dang bcas pa la/ /bsngos pas tshim zhing dgyes gyur cig /khyed la
 phrin las zhu ba ni/ /bdag cag 'khor bcas thams cad kyi/ /gnod sbyin gdon tshogs bzlog pa dang / /rkyen ngan bar chod bzlog tu gsol/ /me lha 'khor dang bcas pa la bsngo ba ni/ drang srong me lha byin za dang / /gnas mchog gnas brtan a ko ta/ /gau ta ma thogs pa'i
 dpal/ /gar ldan dang ni phreng ba can/ /drang srong dpal sbyin la sogs pa/ /phyag 'tshal bsnyen bkur mchod pa 'bul/ /tshad ma mchis pa'i gtor ma 'di/ /bsreg bya za ba zhes bya ba/ /'bras kyi lag pan la sogs dang / /'bru dang bcud kyis sbyar ba 'di/ /me lha 'khor
 dang bcas pa la/ /bsngos pas tshim zhing dgyes gyur cig /khyed la phrin las zhu ba ni/ /bdag cag 'khor bcas thams cad kyi/ /drang srong gdon tshogs zhi ba dang / /dgra bgegs thams cad bzlog tu gsol/ /bden bral 'khor dang bcas pa la bsngo ba ni/ bden bral
 srin po bum rna dang / /gdong pa bcu la khros pa bzhin/ /mche ba zangs mdog drag po la/ /rab gtams dang ni 'jigs pa ltar/ /srin po drag byed la sogs pa/ /phyag 'tshal bsnyen bkur mchod pa 'bul/ /tshad ma mchis pa'i gtor ma 'di/ /zas su rkang za zhes bya
 la/ /rkang dang rus pa sna tshogs dang / /khur ba la sogs sbyar ba 'di/ /srin po 'khor dang bcas pa la/ /bsngos pas tshim zhing dgyes gyur cig /khyed la phrin las zhu ba ni/ /bdag cag 'khor bcas thams cad kyi/ /srin po'i tshogs rnams bzlog pa dang / /tshe srog bar
 chad bzlog tu gsol/ /rlung lha 'khor dang bcas pa la bsngo ba ni/ rlung lha bai dur ram pa dang / /phreng ba can dang 'jig rten sprin/ /rlung gi lha dang 'jigs byed dang / /tshangs chen dang ni kun du mgyogs/ /rlung lha rnam par 'thor byed dang / /rlung phyogs
 gdon la sogs pa la/ /phyag 'tshal bsnyen bkur mchod pa 'bul/ /tshad ma mchis pa'i gtor ma 'di/ /zas su lo tog za ba la/ /'bras dang nas dang snye ma dang / /gang du 'bru gtsang byas pa 'di/ /rlung lha 'khor dang bcas pa la/ /bsngos pas tshim zhing dgyes gyur
 cig / khyed la phrin las zhu ba ni/ /bdag cag 'khor bcas thams cad kyi/ /rlung lha'i gdon tshogs bzlog pa dang / /lo nyes la sogs gdon rnams bzlog /dbang phyug chen mo 'khor dang bcas pa la bsngo ba ni/ dbang phyug ma hA de ba dang / /btsun mo u ma de ba gnyis/ /
 dga' byed dbang phyug b+h+r-ij+gi ri/ /tshogs bdag gzhon nu smin drug dang / /pa tra ba la nAb+ti kar/ /ma hA kA la sha ri sogs/ /de la phyag 'tshal mchod pa 'bul/ /tshad ma mchis pa'i gtor ma 'di/ /zas su me tog za ba la/ /chu dang thang las skyes pa yi/ /me tog
 rtsi bcud sbyar ba 'di/ /lha chen brgyad po 'khor bcas la/ /bsngos pas tshim zhing dgyes gyur cig /khyed la phrin las zhu ba ni/ /bdag cag 'khor bcas thams cad kyi/ /lha yi gdon tshogs zhi ba dang / /rims nad thams cad bzlog tu gsol/ /'byung bo'i bdag po 'khor
 dang bcas pa la bsngo ba ni/ 'byung po'i bdag po dbang ldan dang / /log 'dren sna 'dren mdung thung dang / /gshol mda' can dang gtun shing dang / /'khrug byed snya drag yang dag 'gugs/ /'byung po 'khor bcas la sogs pas/ /de la phyag 'tshal mchod pa 'bul/ /
 tshad ma mchis pa'i gtor ma 'di/ /zas su mi gtsang za ba la/ /'byung po'i kha zas sgog tsong dang / /la phug 'bras la sogs pa la/ /rgyu dang rkyen du sbyar ba 'di/ /'byung po 'khor dang bcas pa la/ /bsngos pas tshim zhing dgyes gyur cig /khyed la phrin las zhu ba ni/ /bdag
 cag 'khor bcas thams cad kyi/ /'byung po'i gdon tshogs bzlog pa dang / /bgegs kyi bsam ngan bzlog tu gsol/ /gza'i rgyal bo 'khor dang bcas pa la bsngo ba ni/ gza' chen byi tri pa tra dang / /zla ba nyi ma gza' lag can/ /pa ba sangs dang phur bu dang / /spen pa dang
 ni mig dmar dang / /sgra gcan 'dzin la sogs pa la/ /de la phyag 'tshal mchod pa 'bul/ /tshad ma mchis pa'i gtor ma 'di/ /zas su tshil za zhes bya la/ /phyi tshil nang tshil la sogs pa/ /bcud dang len du sbyar ba 'di/ /gza' gdon 'khor dang bcas pa la/ /bsngos
 pas tshim zhing dgyes gyur cig / khyed la phrin las zhu ba ni/ /bdag cag 'khor bcas thams cad kyi/ /gza' yi gdon tshogs bzlog pa dang / /ltas ngan mtshan ngan bzlog tu gsol/ /sa bdag rgyal po 'khor dang bcas pa la bsngo ba ni/ sa bdag rgyal po phag mgo can/ /
 sa bdag hong phan the se dang / /be sna lag chen tsang ku dang / /rtsang kun 'khor dang pa rta li/ /sa bdag brtan ma la sogs la/ /phyag 'tshal bsten bkur mchod pa 'bul/ /tshad ma mchis pa'i gtor ma 'di/ /zas su snabs za zhes bya la/ /bya yi sgo nga la sogs pa'i/ /
 srid pa'i rgyu dang sbyar ba 'di/ /sa bdag 'khor bcas thams cad la/ /bsngos pas tshim zhing dgyes gyur cig /khyed la phrin las zhu ba ni/ /bdag cag 'khor bcas thams cad kyi/ /sa bdag gdon tshogs bzlog pa dang / /tshe dang dbang thang spel du gsol/ /lha ma yin
 gyi rgyal bo 'khor dang bcas pa la bsngo ba ni/ lha min rgyal bo thags bzangs ris/ /rab gsal dang ni zhi ba'i mchog /thag pa sri dang khra chen po/ /dus kyi 'khor dang dri med po/ /lha min rgyal bo thams cad la/ /phyag 'tshal bsnyen bkur mchod pa 'bul/ /tshad ma
 mchis pa'i gtor ma 'di/ /zas su rnag za zhes bya la/ /sha sums rul pa la sogs pa/ /rgyu dang rkyen du bsags pa 'di/ /lha min 'khor dang bcas pa la/ /bsngos pas tshim zhing dgyes gyur cig /khyed la phrin las zhu ba ni/ /bdag cag 'khor bcas thams cad
 kyi/ /lha min gdon tshogs zhi ba dang / /lo skeg zla skeg bdud skeg dang / /khram skeg la sogs bzlog tu gsol/ /mi'am ci'i rgyal po 'khor dang bcas pa la bsngo ba ni/ mi ci'i rgyal po ljon pa dang / /chos ldan chos skyong chos bzangs dang / /lha min
 phung byed la sogs pa/ /phyag 'tshal bsnyen bkur mchod pa 'bul/ /tshad ma mchis pa'i gtor ma 'di/ /zas su ngar snabs za ba la/ /de pho'i ngar sgong sbyar ba dang / /mi ci'i rgyal po 'khor bcas la/ /bsngos pas tshim zhing dgyes gyur cig /khyed la phrin las zhu ba ni/ /
 bdag cag 'khor bcas thams cad kyi/ /gzhan gyi sbyor ba ngan pa dang / /bsam ngan thams cad bzlog tu gsol/ /mkha' 'gro ma 'khor dang bcas pa la bsngo ba ni/ mkha' 'gro ma tshogs de bi ra/ /ha pad+ma dang su ka ri/ /bi hi bi dang bi ma ka /be bo ka dang karti ka /ba kar
 ta dang mu ha ka / mkha' 'gro chen mo thams cad la/ /phyag 'tshal bsnyen bkur mchod pa 'bul/ /tshad ma mchis pa'i gtor ma 'di/ /zas su khrag 'thung zhes bya la/ /khrag sna brgya yi gtor ma 'di/ /mkha' 'go chen mo 'khor bcas la/ /bsngos pas tshim zhing dgyes
 gyur cig / khyed la phrin las zhu ba ni/ /bdag cag 'khor bcas thams cad kyi/ /mkha' 'go'i gdon tshogs zhi ba dang / /mdangs 'phrog thams cad bzlog tu gsol/ /ma mo 'khor dang bcas pa rnams la bsngo ba ni/ ma mo 'dzin mo dzi ma ka /rdo rje gzhon nu lu gu rgyud/ /
 pad+ma'i mig dang rigs gser phreng / /rdo rje shugs ldan brgya ldan ma/ /rdo rje pad+mo'i 'od phreng ma/ /ma mo'i gdon tshogs thams cad la/ /phyag 'tshal bsnyen bkur mchod pa 'bul/ /tshad ma mchis pa'i gtor ma 'di/ /zas su zhag za zhes bya la/ /zhag dang bcud du sbyar
 ba 'di/ /ma mo 'khor dang bcas pa la/ /bsngos pas tshim zhing dgyes gyur cig /khyed la phrin las zhu ba ni/ /bdag cag 'khor bcas thams cad kyi/ /ma mo'i gdon tshogs zhi ba dang / /srog 'phrog sdug bsngal bzlog tu gsol/ /nam mkha' lding 'khor dang bcas pa
 la bsngo ba ni/ nam mkha' lding gi rgyal po la/ /gser mig can dang yan lag 'du/ /rna bdud dang ni 'jigs par 'gro/ /'dab brgyad dang ni gtsug phud can/ /shugs ldan bzang dang yan lag ldan/ /nam mkha' lding gi 'khor bcas la/ /phyag 'tshal bsnyen bkur
 mchod pa 'bul/ /tshad ma mchis pa'i gtor ma 'di/ /zas su btsas pa za ba la/ /bu ram shing kun la sogs pa'i/ /bcud dang bdud rtsi sbyar ba 'di/ /mkha' lding rgyal po 'khor bcas la/ /bsngos pas tshim zhing dgyes gyur cig /khyed la phrin las zhu ba ni/ /bdag
 cag 'khor bcas thams cad kyi/ /mkha' lding gdon tshogs bzlog pa dang / /tshe yi bar chad skyab tu gsol/ /lto 'phye'i rgyal po 'khor dang bcas pa la bsngo ba ni/ lto 'phye'i rgyal po chen po ni/ /mgyogs chen dang ni du ba can/ /la ba can dang hu ta ka /shu bar ka
 sna sna bzang dang / /dpung bzangs dang ni 'jigs chen dang / /lto 'phye'i rgyal po la sogs pa/ /phyag 'tshal bsnyen bkur mchod pa 'bul/ /tshad ma mchis pa'i gtor ma 'di/ /zas su dri za zhes bya la/ /ga pur gur kum sug smel dang / /li shi dzA ti la sogs pa'i/ /
 dri dang sman du sbyar ba 'di/ /lto 'phye 'khor dang bcas pa la/ /bsngos pas tshim zhing dgyes gyur cig /khyed la phrin las zhu ba ni/ /bdag cag 'khor bcas thams cad kyi/ /lho 'phye'i gdon tshogs zhi ba dang / /gdon gyi bar chad bzlog tu gsol/ /srin po 'khor dang
 bcas pa la bsngo ba ni/ rnal 'byor srin mo nag mo dang / /sbal mig mo dang rta nag mo/ /srin mo nag mo gnod sbyin mo/ /be con nag mo la sogs la/ /phyag 'tshal bsnyen bkur mchod pa 'bul/ /tshad ma mchis pa'i gtor ma 'di/ /zas su lhag ma za ba la/ /kun gyi
 lhag ma'i tshogs sbyar 'di/ /srin mo 'khor bcas thams cad la/ /bsngos pas tshim zhing dgyes gyur cig /khyed la phrin las zhu ba ni/ /bdag cag 'khor bcas thams cad kyi/ /ma mo srin mo'i gdon tshogs dang / /mi nad phyugs nad bzlog tu gsol/ /klu'i tshogs
 'khor dang bcas pa la bsngo ba ni/ gang+gA'i lha dang sin+d+ra'i lha/ /byams ldan lha dang dbyangs can lha/ /zla ba can dang ya mu ta/ /kun gyi lha dang mgyogs chen lha/ /mtsho steng lha la sogs pa la/ /phyag 'tshal bsnyen bkur mchod pa 'bul/ /tshad ma
 mchis pa'i gtor ma 'di/ /zas su gtor khung 'bab 'thung la/ /chu sna brgya rtsa brgyad dang ni/ /bcud dang rtsi ldan sbyar ba 'di/ /chu rlung sna tshogs 'khor bcas la/ /bsngos pas tshim zhing dgyes gyur cig /khyed la phrin las zhu ba ni/ /bdag cag 'khor bcas thams
 cad kyi/ /chu rlung gnas pa'i bgegs gdon dang / /tshe srog bar chod bzlog tu gsol/ /phyogs bzhi'i bgegs chen 'khor dang bcas pa la bsngo ba ni/ shar phyogs khams kyi bdag po dang / /lho phyogs sprin gyi sgron ma dang / /nub phyogs bgegs rgyal rdo rje dang / /byang
 phyogs pi nA ya ka la/ /phyag 'tshal bsnyen bkur mchod pa 'bul/ /tshad ma mchis pa'i gtor ma 'di/ /zas su mi gtsang za ba la/ /khrag dang sha sna sbyar ba 'di/ /bgegs chen bzhi po 'khor bcas la/ /bsngos pas tshim zhing dgyes gyur cig /khyed la phrin las zhu ba
 ni/ /bdag cag 'khor bcas thams cad kyi/ /phyogs bzhi'i bgegs tshogs zhi ba dang / /bsam spyor ngan pa bzlog tu gsal/ /'byung po ma lus khyed rnams kun/ /so sor gtor ma phul ba 'di/ /rab tu dgyes pa yis ni bzhes nas su/ /rang rang phyogs su legs par
 bzhugs nas kyang / /rang gi bu smad mdza' bshes gnyen 'dun dang / /nang mi dmag dang dpung bcas lhan cig tu/ /gtor ma me tog dri dang bdug par bcas/ /'di dag gsol zhing legs par bsnams nas kyang / /bdag gi las 'di'i 'bras bu mchis par mdzod/ /ces
 brjod par bya'o/ /de nas b+h+yo 'bag bzhi byas pa'i mdun du bskor bzhi drangs la/ de b+h+yo sngags kyis bsngags te phyogs bzhir bskyal lo/ /de nas bcom ldan 'das ma 'khor bcas la mchod pa dang / rgyud kyi bstod pa la sogs pas bstod nas bdag dang yon bdag 'khor bcas
 kyis me tog thogs la/ rgyal mtshan nam/ sku dang dkyil 'khor bcas pa la yang stod pa byed cing bskor ba bya/ nad gdon zhi ba'i gsol ba gdab/ bzod par gsol/ ye shes pa gshegs/ dam tshig pa bsdu/ gtor ma gnod byed kyi phyogs su btang la/ bkra
 shis brjod par bya'o/ /de ni mi nad dang / phyugs nad dang / rmi lam ngan pa dang / ltas ngan pa dang / byad ka dang / phur ka dang / pha rol gyi dmag tshogs la sogs pa thams cad zhi bar 'gyur ro/ /char chu yang dus su 'bab pa dang / rtsi bcud dang / lo tog la sogs
 pa'i 'bru thams cad rgyas pa dang / mi phyugs thams cad 'phel ba dang / mchog tu dge bar 'gyur ro/ /tsan+d+ra go mis 'phags pa yi/ /rjes gnang dngos su thob gyur nas/ /gtor chog bshad rgyud la brten brtsams/ /dge des 'gro kun bde thob shog /'phags
 ma gdugs dkar mo can gyi gtor ma'i cho ga / slob dpon tsan+d+ra go mis mdzad pa rdzogs so// //tho ling gi gtsug lag khang du dge slong rin chen bzang pos bsgyur ba'o/ /[ ]@##/ /rgya gar skad du/ Ar+ya ta thA ga toT+wA Sha si tA ta pa tre nA ma a pa